2020-12-29 06:32:04 +00:00
{
2021-06-24 06:32:46 +00:00
"1" : "Nưq yôôych manih Jo-Thaiq e ưưu thêq kajoq? ji ka'leq laa e ich ku varơuq goch kađuh?" ,
2021-05-17 08:53:05 +00:00
"2" : "E ich truh 'ngưưng panưh. Vii, adroyq dik, oot nhonq jah varơuq kahnoq ăm ku Kơy Plêêk." ,
2021-05-17 09:11:59 +00:00
"3" : "Bơh atoh muuyq xôôq manih Jo-Thaiq leh e <strong>xuum tuuôq</strong> yôôych aleq? Xuum <strong>leh tuuôq</strong> ku oot leh khienq ka varơuq <strong>thanh tinq </strong> ku Kơy Plêêk yuuôl vlôh hưư hlơơp be?" ,
2021-06-24 06:34:47 +00:00
"4" : "Leh dong leq. Tađôôi vii nưq, apôôy akơyq kung hloq Kơy Plêêk laa thanh tinq, long dêq manih kung laa adro đnooy pa ôôh. Đaji e valơk:\" Apôôy Kadraq jah kahnoq vlôh laa hyioh jăk đom apok Kadraq đnooy xanoh, ji Kadraq jah đăk thănq tuôôy Kadraq đnooy xadrah.\"" ,
2021-05-17 09:38:06 +00:00
"5" : "Bơh atoh varơuq leh hyioh jăk ku haay kahnoq vlôh varơuq hyioh jăk ku Kơy Plêêk, yôôych haay hnoq ik đnooy kajoq ik? Kơy Plêêk leh hyioh jăk tuôôy Kadraq kahrii tôq jaraq be?( Gô đnooy tyauq trôôch tajauq athêêk ku koot manih.)" ,
2021-05-17 09:45:00 +00:00
"6" : "Leh dong leq e varơuq nưq! Nưq, Kơy Plêêk hnoq đnooy xadrah dêh araak dang đaleq?" ,
2021-05-17 09:51:14 +00:00
"7" : "Vii atoh hyioh jăk ku Kơy Plêêk xing varơuq đnooy pa ôôh ku gô khienq Kadraq jah tađnaah tađnaak glơh 'ngưưnq, yôôych aleq gô wuyh biq xưư xadrah đaji muuyq adro e kadrôp?" ,
2021-06-24 06:39:23 +00:00
"8" : "Aleq haay wuyh leh đnooy:\" Dayh dơơp varơuq xơơk xôq jah varơuq kaxaay,\" đaji muuyq xôôq dro kienq xơơk 'wot ji kajưk apok 'wot đnooy đanưq? Varơuq hmoot dook xôq ka oot laa hyioh jăk." ,
2021-06-24 06:40:02 +00:00
"9" : "Nưq iq laa aleq? Haay lưưp e kajoq glơơh iaq be? Dêq hloay leh e. Vii 'wot heq kienq đaneq dêq manih Jo-Thaiq aluq manih Hy-Laap 'ngưq dêq khơl manih - tameen tyauq măn pa'lălq qwuyen kadrôp maroh." ,
2021-06-24 06:40:57 +00:00
"10" : "Đaji e vlơk:\" Be e manih leq hyioh jăk, leh muuyq dro." ,
2021-06-24 06:41:29 +00:00
"11" : "Leh e kơyq hlolh xet. Leh e kơyq akhiim axek Kơy Plêêk." ,
2021-05-18 07:14:00 +00:00
"12" : "Dêq hloay oot wuyh akoq hooy. Oot dêq hloay kung mamuuyq vlôh leh raa kajoq. Be muuyq dro dơơp varơuq kaxaay, long muuyq dro kung be e. " ,
2021-06-24 06:44:08 +00:00
"13" : "Ranoong oot laa noon xanưưng luh. Kapiek oot pa ôôh laoq. 'Lălq veel oot laa nôôk voolh." ,
2021-06-24 06:44:38 +00:00
"14" : "Huuy oot glaay kaluh varơuq paleek axaap ji heet pahlăk. " ,
2021-05-18 02:37:01 +00:00
"15" : "Plaa jôôk oot talang hooy tagaay kahrôôq vahaap." ,
2021-06-24 06:54:48 +00:00
"16" : "Tol trôôk oot hooy dalơh laa varơuq hưư hlơơp ji jiq jiêh." ,
2021-05-18 02:43:45 +00:00
"17" : "Oot be xet trôôk paq huq mamuuyq. " ,
2021-05-18 02:47:58 +00:00
"18" : "Kangưưr mot oot be e varơuq 'yo yôq Kơy Plêêk.\"" ,
2021-06-24 06:57:06 +00:00
"19" : "Haay xet kaluh kajoq gơnuun pato laa pato ka manih măn ka’ lălq gơnuun. 'Ngưq laa xôq huuy akơyq kung hnoq hôôp hlê, ji dêq hloay manih araak hnoq chiuq varơuq xưh xadrah kangưưr Kơy Plêêk." ,
2021-06-24 06:58:45 +00:00
"20" : "Jo đanưq laa vii, kangưưr Kơy Plêêk, be manih leq jah 'yo hyioh jăk xing varơuq dơơp tyauq gơnuun. Vii gơmưh gơnuun đơu khơl drơơy xet kadrôp. " ,
2021-06-24 06:59:34 +00:00
"21" : "Bơh juu neq, varơuq hyioh jăk ku Kơy Plêêk, 'miêh jah dơơp xanưk gơmưh gơnuun ji khơl Kơy hlit, heq jah kahnoq vlôh pi gôk gơnuun," ,
2021-05-18 03:29:09 +00:00
"22" : "‘ ngưq ji varơuq hyioh jăk ku Kơy Plêêk, gơmưh xuum tuuôq aduq Lôôk Wơt Dêh Jê-xu, jeng ka khơl manih tuuôq. Be e varơuq 'yo đêh leq dêq." ,
2021-05-18 03:34:46 +00:00
"23" : "Vii dêq hloay koot manih heq dơơp kadrôp di thuch hlơơp tađnaah tađnaak ku Kơy Plêêk," ,
2021-05-18 03:40:09 +00:00
"24" : "di oot jah 'yo ji hyioh jăk gơmưh âân điênh Kadraq đơu leh huq phayh blaa jêêt, gơmưh varơuq wơt chuuôk đom Lôôk Wơt Dêh Jê-xu." ,
2021-05-18 03:48:25 +00:00
"25" : "Vii Kơy Plêêk heq kahniq ăm Lôôk Wơt Dêh Jê-xu dơơp kuah lêêh chuuôk kadrôp gơmưh xuum tuuôq aduq vahaap Kadraq. Kadraq kahniq Lôôk Wơt Dêh dơơp xanưk kơq truh varơuq hyioh jăk ku Kadraq, vii Kadraq heq ka’ lăk dêq kadrôp maroh tuôôy adroyq," ,
2021-05-18 03:58:03 +00:00
"26" : "Jo xuum nhinq nhuk Kadraq. 'Ngưq ji xôq kahnoq vlôôh varơuq hyioh jăk ku Kadraq đom tuuôy juneq, Kadraq ji hyioh jăk, di xưng hyioh jăk manih e xuum tuuôq aduq Lôôk Jê-xu." ,
2021-05-18 06:45:22 +00:00
"27" : "Nưq, varơuq akweo leq yôôych? Heq biq ka'lăk vlôôh. Tol kahneel talaat leq? Ku varơuq dơơp be? Leh aalq, đơu ji tol kahneel talaat xuum tuuôq." ,
2021-05-18 06:51:25 +00:00
"28" : "Nưq, haay ruut hlê đaneq khơl drơy jah xưng hyioh jăk gơmưh xuum tuuôq đơu leh duh truh varơuq dơơp tyauq gơnuun." ,
2021-05-18 06:56:27 +00:00
"29" : "Long jơq be Kơy Plêêk vơơ ji Kơy Plêêk ku manih Jo-Thaiq heq? Be aalq Kadraq kung ji Kơy Plêêk ku manih tamooi kadrơy ih? Jơq, ku dêq manih tamooi kadrơy đnoyq." ,
2021-05-18 07:03:58 +00:00
"30" : "Dik, atoh vơơ e muuyq Kơy Plêêk, yôôych Kadraq hnoq xưng hyioh jăk manih chiuq goch kađuh gơmưh xuum tuuôq, di hloay manih leh goch kađuh kung gơmưh xuum tuuôq." ,
2021-05-18 07:12:39 +00:00
"31" : "Nưq, jơq be haay gơmưh xuum tuuôq đơu ka’ lăk gơnuun? Leh dong leq e varơuq nưq. Lôôlq hlê, haay jah kajưưk gơnuun."
2021-01-22 01:39:56 +00:00
}