cor_2020_cua_clt_rom_book/rom/3.json

{
  "1": "Nưq yôôych manih Jo-Thaiq e ưưu thêq kajoq? di ka'leq ji e ich ku varơuq goch kađuh?",
  "2": "E ich truh 'ngưưng panưh. Vii, adroyq dik, oot nhonq jah varơuq kahnoq ăm ku Kơy Plêêk.",
  "3": "Bơh atoh muuyq xôôq manih Jo-Thaiq leh e <strong>xuum tuuôq</strong> yôôych aleq? Xuum <strong>leh tuuôq</strong> ku oot leh khienq ka varơuq <strong>thanh tinq </strong> ku Kơy Plêêk yuuôl vlôh hưư hlơơp be?",
  "4": "Leh dong leq. Tađôôi vii nưq, apôôy akơyq kung hloq Kơy Plêêk ji thanh tinq, long dêq manih kung ji adro đnooy pa ôôh. Đaji e valơk:\" Apôôy Kadraq jah kahnoq vlôh ji hyioh jăk đom apok Kadraq đnooy xanoh, di Kadraq jah đăk thănq tuôôy Kadraq đnooy xadrah.\"",
  "5": "Bơh atoh varơuq leh hyioh jăk ku haay kahnoq vlôh varơuq hyioh jăk ku Kơy Plêêk, yôôych haay hnoq ik đnooy kajoq ik? Kơy Plêêk leh hyioh jăk tuôôy Kadraq kahrii tôq jaraq be?( Gô đnooy tyauq trôôch tajauq athêêk ku koot manih.)",
  "6": "Leh dong leq e varơuq nưq! Nưq, Kơy Plêêk hnoq đnooy xadrah dêh araak dang đaleq?",
  "7": "bơh, atoh hyioh jăk Kơy Plêêk ji varơuq đnooy pa ôôh ku gô đơu jah tađnaah tađnaak kôt glơh, nưq aleq gô măn biq xưư xadrah đa ji adro e kadrôp?",
  "8": "nưq, đa leq haay leh dơơp varơuq xơk ji jah varơuq kaxaay, đa ji adro heq đnooy pa ôôh ji heq kajưk apok đa neq haay heq pato varơuq nưq?... varơuq hnoot dook khơl nưq ji hyioh jăk. ",
  "9": "đa leq! Di haay lưưp e varơuq ka joq glơh iaq be? Ji haay heq ka hnoq vlôh đaneq manih Giu-đa ji manih Gơơ-rek dêq oot măn pi ‘lălq qwuyên kadrôp maroh.",
  "10": "đa ji e vlơk đaneq: Be e muuyq dro hyioh jăk leq dêq, di muuyq dro kung be e.",
  "11": "be e muuyq dro leq hlolh xet,Be e muuyq dro leq akhiêêm axek Kơy Plêêk.",
  "12": "dêq hloay oot ka’lăk trôôk KaDraq, oot ji ma muuyq vlôh leh e ich ka joq:Be e muuyq dro dơơp varơuq kaxaay, muuyq dro kung be e.  ",
  "13": "ranoong di oot đa ji pahaap xanưưng hah vlôh:Xok kapiek ni xôq pa ôôh laoq; Pi’lălq kapiek oot e đôk vool tuur. ",
  "14": "huuy oot glaay kaluh apok paleek axaap ji heet pahlăk. ",
  "15": "di oot e jôôk ahyơơl tơơp xôq dơơp ăm vlôh pahaap.",
  "16": "tol trôôk hooy ku oot paraay kaluh varơuq hưư hlơơp ji jiq jiêh.",
  "17": "di oot be xet trôôk hrook hroor. ",
  "18": "be e varơuq dêq xuum yôq Kơy Plêêk măn kangưưr mot oot. ",
  "19": "nưq, di haay xet đa neq kaluh varơuq gơnuun đnooy, ji đnooy ka adro măn pa’lăl gơnuun, ji xôq ka huuy leq kung hnoq kôôm hlê, dêq hloay koot manih nhonq kadrôp kangưưr Kơy Plêêk;",
  "20": "ji leh e muuyq dro leq di varơuq dơơp tyauq gơnuun đơu jah đnooy hyioh jăk kangưưr mot KaDraq, di gơnuun ăm ka oot xet kadrôp maroh.  ",
  "21": "bơh juu neq, varơuq hyioh jăk ku Kơy Plêêk, đơu gơnuun ji khơl Kơy Hlit heq dơơp xanưk nưq, heq kahnoq vlôh pi gôk gơnuun:",
  "22": "‘ngưq ji varơuq hyioh jăk ku Kơy Plêêk, nhơơ varơuq tuuôq truh Kơy Jê-xu Christ, ăm dêq ka khơl leq tuuôq. Be ‘yo dêh ka joq dêq,",
  "23": "di dêq hloay koot manih heq dơơp kadrôp, thiêuq hlơơp varơuq tađnaah tađnaak ku Kơy PLêêk,",
  "24": "ji oot nhơơ ân điển KaDraq jah xưng hyioh jăk đa ji hloh, bơh ji varơuq wơt kadrôp heq dơơp yôôych đom Kơy Jê-xu Christ,",
  "25": "ji Kơy Plêêk heq xanưk dơơp ku lêêh wơt kadrôp, nhơơ xuum tuuôq đom pahaay KaDraq nưq, KaDraq heq kahnoq varơuq hyioh jăk KaDraq đa nưq, ji heq ka’lăk dêq kaluh kadrôp adroyq hơq,",
  "26": "đom tuuôy KaDraq nhinq nhuk; đa nưq ji KaDraq heq kahnoq varơuq hyioh jăk KaDraq đom tuuôy ju neq, kahnoq vlôh KaDraq ji hyioh jăk ji xưng hyioh jăk ka adro leq tuuôq truh Kơy Jê-xu.",
  "27": "nưq varơuq akweo xak măn ka leq? Heq biq ka’lăk vlôh yôôych. Nhơơ gơnuun leq? Gơnuun ku varơuq dơơp be? Lưưp aalq, bơh nhơơ gơnuun ku xuum tuuôq;",
  "28": "di haay đnooy dik đa neq khơl drơy jah xưưng hyioh jăk nhơơ xuum tuuôq, be aalq nhơơ varơuq dơơp tyauq gơnuun.",
  "29": "long đaneq, Kơy Plêêk ji Kơy Plêêk ku manih Giu-đa heq? Be aalq kung ji Kơy Plêêk ku manih tamooi kadrơy ih? Jơq, KaDraq kung ji ku manih tamooi kadrơy đnnoyq;",
  "30": "bơh vơơ e muuyq Kơy Plêêk heq, ji Plêêk dơơp ka khơl chiuq pheep goch kađuh jah xưưng hyioh jăk nhơơ xuum tuuôq, kung dơơp ka khơl adro leh chiuq dơơp pheep goch kađuh jah xưưng hyioh jăk nhơơ xuum tuuôq đnoyq. ",
  "31": "Nưq, di haay gơmưh xuum tuuôq đơu ka’lăk gơnuun long aleq? Leh e đanưq! Lôôlq hlê, di haay dơơp kajưưk gơnuun."
}