cor_2020_cua_clt_rom_book/rom/11.json

{
  "1": "Nưq ăm gô vôôch: E jơq Kơy Plêêk heq ka'lăk vlôh tamooi Kadraq be? Leh dong leq e varơuq nưq. Vii gô kung laa muuyq dro I-sơ-ra-el, koot xaau Aap-ra-haam, adrơơk ku Bêên-ja-miin.",
  "2": "Kơy Plêêk leh ka'lăk vlôh tamooi Kadraq, laa tamooi Kadraq heq xet adroyq. Long oh ay leh xet Rahlaap Vah đnooy kajoq truh Ê-lii tuôôy kơy kienq kadrôp manih I-sơ-ra-el dii Kơy Plêêk?",
  "3": "“Kuh Lôôk, oot heq păk kaxêêt khơl kơy hlit Kadraq, oot heq pahyaak ka'lăk paraa hơu Kadraq, vơơ măn soot hlê muuyq dro koot, bơh oot kung đong axek trôôk păk kaxêêt koot.”\n\n\\ts\\*",
  "4": "Bơh Kơy Plêêk heq tơơl apok kơy đa leq? “Gô heq xôq jeng ka Gô pơơh ravơu khơl kanơu koq hmưưq kuul takuul kangưưr Ba-aanh.”",
  "5": "Dang anưq, hngơy neen kung măn muuyq phoon soot hlê jah rơơlh xok bơyh vanoong kaxaay.\n\n\\ts\\*",
  "6": "Bơh atoh 'ngưq laa bơyh vanoong kaxaay, yôôych be aalq bơyh varơuq dơơp đnoyq. Atoh leh, vanoong kaxaay hnoq paq măn laa vanoong kaxaay. \\f +\\ft Muuyq xôôq rahlaap hnu athêêp: \\fqa Bơh atoh 'ngưq laa bơyh varơuq dơơp, yôôych paq măn laa vanoong kaxaay đnoyq; atoh leh, varơuq dơơp paq măn laa varơuq dơơp \\fqa*. \\f*",
  "7": "Nưq laa đaleq? Varơuq đơu manih I-sơ-ra-el axek akhiim yôôych oot leh jah ik, bơh khơl manih jah rơơlh yôôych jah ik, đom tuôôy khơl măn hlê jêêk vlôh khăk xuum.",
  "8": "Jơq đaji apok heq vlơk, đaneq: “Kơy Plêêk heq kahniq ka oot xuum phool kamưưng jaluk, mot be hloq, tôôr be tameen, ăm truh hngơy neen.”\n\n\\ts\\*",
  "9": "Măn Đa-vik yôôych đnooy: \\q  “Apôôy paraa ku oot yuuôl jêêk lươyq, rayuulh, \\q yuuôl kuk phơu xatôôl jôôk, ji varơuq hmoot dook jeen ka oot.\n\\q",
  "10": "Apôôy mot oot bi apuul jaluk xôq be hloq, \n\\q\nji karok oot kưq biq gwoon hloay.”\n\n\\ts\\*\n\\p",
  "11": "Nưq, ăm gô vôôch: “E jơq oot xatôôl jôôk xôq yôôych talaalh gưưlh be?” Leh dong leq e varơuq nưq. Tađôôi vii anưq, bơyh varơuq lôôp kadrôp ku oot, varơuq jah wơt heq truh dii tamooi kadrơơy, xôq ahluuk ka oot \ntagliêh yarơơ.",
  "12": "Atoh varơuq lôôp kadrôp ku oot dơơp karoh ka dêh araak, ji atoh varơuq tayuuh ku oot dơơp karoh ka tamooi kadrơơy, yôôych varơuq oot jah xok amuut đuu kasôôq hnoq toolh kaxaay iaq xet dong leq đnoyq?\n\n\\ts\\*",
  "13": "Juneq, ăm gô đnooy dii oh ay laa tamooi kadrơơy. Gô hlaah xuum truh varơuq dơơp gô tuôôy jah dơơp khơl jah rơơlh ka tamooi kadrơơy.",
  "14": "Leh kheoq gô hnoq khienq tamooi gô tagliêh yarơơ. Ji gô hnoq wơt jah toq leq dro đom khơl oot.\n\n\\ts\\*",
  "15": "Vii atoh varơuq oot biq ka'lăk vlôh khienq dêh araak jah paq huq, yôôych varơuq oot jah 'yo nhonq hnoq đaleq atoh leh aalq laa varơuq riilh hlê xing aduq kaxêêt?",
  "16": "Atoh raak plaay adroyq dik laa hlăng vah, yôôych hloay đônq bôôt kung đanưq. Atoh rayah laa hlăng vah, yôôych kaluh đook kung đanưq.\n\n\\ts\\*",
  "17": "Bơh atoh muuyq kasôôq đook biq gôh hlơơp, atoh oh ay, laa đook ô-liiu gôk, jah tabôôk muut aduq nưq, ji atoh oh ay jah kung jah rơơy jool riilh đom rayah ku ưưk ô-liiu,",
  "18": "yôôych oh ay tee akwoe liq haay glơơh iaq kaluh đook nưq. Măn atoh oh ay akwoe yôôych dayh biit đaneq leh aalq oh ay vach rayah ưưk, đơu laa rayah ưưk vach oh ay.\n\n\\ts\\*",
  "19": "Oh ay wiih đnooy: “Kaluh đook nưq heq biq gôh ka'lăk, xôq gô jah tabôôk muut.”",
  "20": "Jơq anưq! Oot biq gôh ka'lăk vii xuum be tuuôq, măn oh ay yôôych dưk kajưk gamưh xuum tuuôq. Tee biit kôt liq truh haay, đơu pheq xet yôq.",
  "21": "Vii atoh Kơy Plêêk heq be alaay kaluh đook e 'miêh hơq, Kadraq kung hnoq leh alaay oh ay leq.\n\n\\ts\\*",
  "22": "Kưq 'yo muut varơuq dơơp wêêt xuum aluq varơuq ngiêêm khăk ku Kơy Plêêk: ngiêêm khăk dii adro gưưlh talaalh, bơh wêêt xuum dii oh ay, atoh oh ay kưq măn đom varơuq wêêt xuum Kadraq. Atoh leh, oh ay kung hnoq biq goch ka'lăk.\n\n\\ts\\*",
  "23": "Măn phoon oot, atoh oot leh ratuut miek đom varơuq leh tuuôq, kung hnoq jah tabôôk muut hlêê. Vii Kơy Plêêk hnoq ik tabôôk oot hlê.",
  "24": "Atoh oh ay heq biq triek xing ưưk đơu ku adreek laa ưưk ô-liiu gôk, ji jah tabôôk muut ưưk ô-liiu toolh muuyq trôôk đêh e kadih, yôôych khơl adro 'miêh laa kaluh đook e kadik hơq wiih kơn xưnq jah tabôôk wiit hlê muut laa ưưk ô-liiu ku oot xet dong leq?\n\n\\ts\\*\n\\p",
  "25": "Wơơy oh ay, gô be trôôch oh ay leh xet truh varơuq hwuyên nhiêêm neq, xôq oh ay leh huq khôôt kheoq tyauq trôôk xuum biit đêh ku xak. Varơuq mââu nhiêêm 'ngưq laa muuyq phoon manih I-sơ-ra-el heq khăk xuum, dong truh tuôôy kasôôq tamooi kadrơơy nhôôp muut đuu dêq.\n\n\\ts\\*",
  "26": "Đanưq, dêq I-sơ-ra-el hnoq jah wơt, đaji e vlơk đaneq: \\q  “Plêêk wơt xok hnoq truh xing Si-ôôn; \n\\q \nKadraq hnoq ka'lăk vlôh varơuq xơơk aak klơlh Ja-kôôp.\n\\q",
  "27": "Ji 'ngeq hnoq laa taveek ku Gô dii oot, \n\\q \ntuôôy Gô hnoq sagook hooy dêq kadrôp maroh ku oot.”\n\n\\ts\\*\n\\m\n\n",
  "28": "Ta jinq truh pahêêl kaxaay, yôôych oot laa adro tachơơl vii kơq oh ay. Bơh truh varơuq rơơlh xok ku Kơy Plêêk, yôôych oot jah xung xiaq vii kơq khơl mo kơy oot.",
  "29": "Vii kaluh varơuq kahniq ăm ji taayh tawooy ku Kơy Plêêk leh ik tađôôi.\n\n\\ts\\*",
  "30": "Vii đaji adroyq hơq oh ay heq leh tameen Kơy Plêêk, đơu juneq wiih jah biit angơuq bơyh varơuq leh tameen ku oot,",
  "31": "yôôych, khơl manih Jo-Thaiq neq juneq kung leh tameen. ruut hlê laa juneq oot kung hnoq ik jah biit angơuq gơmưh varơuq biit angơuq heq kahnoq vlôh ka oh ay.",
  "32": "Vii Kơy Plêêk heq karuk khơl manih đom varơuq leh tameen, xôq Kadraq hnoq ik kahnoq xuum biit angơuq dêq hloay.\n\n\\ts\\*\n\\p",
  "33": "Dik, varơuq khôôk kheoq ji hlolh xet ku Kơy Plêêk jaruq hliip, phong phuq xet dong leq! Varơuq xưư xadrah ku Kadraq leh akơyq hloq ik, trôôk daak Kadraq leh akơyq xet ik!\n\\q",
  "34": "“Vii akơyq hmưq xet xuum biit ku Lôôk? \n\\q\nLong akơyq heq tajauq athêêk ka Kadraq?\n\n\\ts\\*\n\\q",
  "35": "Long akơyq heq tơk tưp kajoq ka Kơy Plêêk adrooyq, \\q\nxôq jah Kadraq blaa ăm hlê?”\n\\p",
  "36": "Vii dêq hloay kung laa xing Kadraq, bơyh Kadraq, ji awuyh kơn Kadraq. Apôôy Kadraq jah tađnaah tađnaak hloay hloay. A-meen.\n\n\\ts\\*"
}