shr-x-kigweshe_reg/42-MRK.usfm

\id MRK
\ide UTF-8
\h Marko
\toc1 Marko
\toc2 Marko
\toc3 mrk
\mt Marko
\c 1
\cl Cigabi  1
\p
\v 1 Ogu gwo murhondeero gw'Emyanzi y'omurhuula edesireogwa Yezu Kristu, Mwene Nyamuzinda.
\v 2 Omu citaabuch'omuronzi wa Nyamuzinda Isaya biyandisirwe mpu: “Nyamuzinda adesire erhi: Ntumire entumwa yaani emalanga gaawe, Ekoloole enjira yaawe.
\q
\v 3 Liri izu lya muntu Oli wayakuuliza omu mpinga erhi: Rheganyi enjira ya Nnahamwiirhu kwanyanyi emianda yaage!”
\p
\v 4 Ntyo kwo Yohana ayiishaga abatiza omu mpinga, akaaderha erhi: “Gokooli mubatizibwa, na Nyamuzindaamubabalira ebyaha biinyu!”
\v 5 Abantu booshi bakaaja emunda aali; bakaaderhera emalanga g'abantu ebyaaha byabo na Yohana akaababatiriza omu lwiishi lw'e Yorodani.
\v 6 Yohana akaag'iyambala omushangi gw'oluhu ecibunu. Akaag'irya enzigen'obuuchi bw'empoko.
\v 7 Abwiira abantu erhi: “Omuntu wa'iisha nyuma lyaani ye mukulu kundusha. Ntakwanini okuyuunama n'okushwekuula omugozi gw'ebiraato byaage.
\v 8 Niehe namubatizize n'amiishi, cikone yeehe amubatiza na Muuka gwa Nyamuzinda.”
\p
\v 9 Ago mango, Yezu arhenga e Nazareti y'e Galilaya, Yohana amubatiza omu lwiishi lw'e Yorodani.
\v 10 Erhi Yezu arhenga omu lwiishi, abona enyanya e mwa Nyamuzinda yalalangula Muuka gwa Nyamuzinda amuyandagalira kwo nka nguuku.
\v 11 Ayumva izu lyarhenga enyanya emwa Mungu erhi: “Oli Mugala waani muzigirwa, kusiimiisa onsiimiisa.”
\v 12 Ho n'aho, Muuka gwa Nyamuzinda amuheeka omu mpinga.
\v 13 Ashinzire mwo nsiku makumi anni, anarhabgulwa na Shetani. Alama aha ensimba z'erubala ziba, na bamalaika bakaamurhabaala.
\p
\v 14 Erhi Yohana aba amaahirwa omu mugozi, ago mango Yezu aja omu Galilaya; ayigriza Emyanzi y'Omurhuula erhenzire emwa Nyamuzinda.
\v 15 Akaaderha erhi: “Amango gahisire, bulya Obwaami bwa Nyamuzinda bukola buli hoofi! Gokooli muyemeere Emyanzi y'Omurhuula!”
\p
\v 16 Amango Yezu abaaga akola agera eburhambi bw'enyanjay'e Galilaya, abona babirhi, Simo n'mulumuna Andreya; bakaag'iduba, erhi bali bakweeba orhweeshe omu miishi.
\v 17 Yezu ababwiira erhi: “Yiishi, munshimbuulire, nabajira badubi b'abantu.”
\v 18 Ho n'aho, baleka orhweeshe rhwaabo, bamushimbuulira.
\v 19 Erhi aja kuli hisungunu, abona Yakobo n'omulumuna Yohana, bene Zebedayo. Baali omu bwaarho, erhi bali balunguula orhweeshe rhwaabo.
\v 20 Ho n'aho, Yezu abahamagala; basiga ishe Zebedayo omu bwaarho haguma n'abalimya, bamushimbulira.
\p
\v 21 Yezu n'abigirizibwa baage bahika omu cishagala c'e Kapernaumu, n'omu luzira lw'Abayahudi baja omu ishengero ly'Abayahudi, ayigiriza.
\v 22 Abantu bakaag'imuymva, basoomerwa bweneene n'okuyigiiza gwaage, bulya akaag'ibayigiriza nka muntu ogweerhe obuhashe, arhaali ak'abalimu b'amarhegeko.
\v 23 Kuhika kwa go mango go na nneene, omuntu wali kwo muzimu mubi aja omu ishengero ly'Abyahudi. Ayakuz erhi:
\v 24 “Bici warhulonza kwo, ewe Yezu w'e Nazareti? K'Oyishire mpu orhuherereze? Mmenyire we nndi: Oli mucesibwa wa Nyamuzinda ye onakurhumire!”
\p
\v 25 Yezu amukankamira erhi: “Hulika, murhenge kwo!”
\v 26 Oyo muzimu mubi ahugunya oyo mumntu bweneene, ayaakuuza n'izu linene, amurhenga kwo.
\p
\v 27 Abantu booshi basoomerwa bweneene, badoosanya mpu: “Kwo kurhi oku? Ziri nyigirizo mpyaahya nyigirize n'obuhashe! Bulya oyu muntu anarhegeka ciru n'abazimu babi banamuknge!”
\v 28 Ho n'aho, Irenge lya yezu lyalumira hooshi omu chihugo chooshi c'e Galilaya.
\p
\v 29 Barhenga omu ishengero ly'Abayahudi, ho n'aho Yezu na Yakobo, na Yohana baja omu mwa Simo bo n'Andre.
\v 30 Nnazaala wa simo aali agwishiire erhi ishushira lirhuma; erhi Yezu ahika, bamubwiira oku oyo mukazi alwaazire.
\v 31 Aja ahaali, amugwaarhira oku kuboko, amuzuusa, ishuushira lyamurhenga mwo, arhondeera abakolera.
\p
\v 32 Erhi biba bijingo izuuba lyamaazika, bamuleerhera abalwaala booshi n'abaali kwo abazimu babi.
\v 33 Ab'omu cishagala booshi bashimaanana aha luso lw'enyumpa.
\v 34 Yezu afumya balwaala banji balumagwa n'endwaala za mbero nyinji. Anakaga bazimu banji, cikone arhalekaga abazimu mpu baderhe, bulya baali bamumanyire.
\p
\v 35 Erhibuca seezi muceeraceera, ago mango erhi burhaci-humanuka, Yezu azuuka, ahuluka. Aja enyuma ly'ecishagala, aja haage haage; arhondera ashenga.
\v 36 Simo n'abali booshi naye bakanya, baja bamulonza.
\v 37 Erhi bamu bona bamubwiira mpu: “Abantu booshi bali bakulonza.”
\p
\v 38 Cikoone Yezu ababwiira erhi: “Rhuje muzinda ngo za hoofi eyo munda nayo nyigirize yo, bulya kwo kwarhumaga nayiiisha.”
\v 39 Ntyo ajayigiriza omu mashengero g'Abayahudi, omu cihugo c'e Galilaya cooshi, anakaga abazimu.
\p
\v 40 Muntu muguma w'olushomyo (wa bibenzi) aja aha Yezu aali, amufumukamira, amuhuuna mpu amurhabaale. Aderha erhi: “Nk'olonzize wanahasha okunfumya.”
\p
\v 41 Yezu amubeera obwonjo, alambuula okuboko, amuhuma ko. Amubwira erhi: “Nnozize, fuma.”
\v 42 Ho n'aho olushomyo lwafuma anaba mucese.
\v 43 Enyuma ly'aho, Yezu amurhegeka
\v 44 buzibu buzibu. Ana musengeruka ho n'aho. Aderha erhi: “Yumvagya, omenye orhabwiiraga nndi, cikone ogend'iciyeereka omujinji wa Nyamuzinda, ohaane erya nderekeero yecintu cidwa muko, yo Msa arhegekaga. Eyo eyeereke abantu oku wafumiire.”
\v 45 Cikone oyo muntu agenda, arhondera okuja arhondeereza oku anafumaga. Okwo kwarhuma Yezu arhacihasha okuciyeerekana omu cishagala n'obwaalagale, cikone abeera enyuma haage haage, n'abantu baja barhenga ngasi hooshi, baka-muyiishira.
\c 2
\cl Cigabi 2
\p
\v 1 Enyuma lya nsiku nsungunu, Yezu ashub'ija omu cishagala c'e Kaperenaumu, bayumva oku ali aha ka.
\v 2 Bantu banji bashimaana omu nyumpa aali, ciru barhacibonaga aha babeera ciru n'embuga, embere ly'olumvi. Yezu ayigiriza.
\v 3 Ago mango bantu baguma bayiisha, bamuleerhera omuntu wali ohozire ebirumbu, aali abarhwiirhe na bantu banni.
\v 4 Chikwoone barhahashaga okumuyeereka Yezu erhi bunji bwa bantu burhuma. Ago mango barhula oburhungiri aha Yezu aali. Muli ogwo murhule bajiraga, bayandagaza mwo oyo muntu w'ebirumbu bihozire erhi ali oku lumvi lwaage.
\v 5 Erhi Yezu abona obwemeere bw'abo bantu, abwiira oyo wali ohozire ebirumbu erhi: “Mwaana waani, ebyaaha byaawe byamaababalirwa.”
\p
\v 6 Aho haali abalimu b'amarhegeko, bagereereza mpu:
\v 7 “Kurhi oyu muntu ankachiishomya okuderhera Mungu kubi ntyo? Nndi wankababalira ebyaaha? Mungu yeene wankahasha okwo!”
\p
\v 8 Hon'aho, Yezu amanya oku bagereeriize, ababwiira erhi: “Bichi birhumire mwagereereza ntyo?
\v 9 Kuhi kulembu kulusha, k'okubwiira owali w'ebirumbu bihozire erhi: Ebyaaha byaawe byababaliirwe kandi erhi okuderha mpu: Zuuka, rhoola olumvi lwaawe ogende?
\v 10 Cikwone nnonzize mumenye oku nie Mwene-Nyamzinda ngweerhe obuhashe bw'okubwababaliraebyaaha en'igulu.” Ago mango bwiira oyo wali ohozire ebirumbu erhi:
\v 11 “Inkubwiizire nti oyimuke, rhoola olumvi lwaawe oshubire n'emwaawe!”
\p
\v 12 Ho n'aho, erhi n'abantu booshi bali bamulola kwo, oyo muntu ayimuka, arhoola olumvi lwaage, agenda. Booshi basoomerwa bweneene; bakaacitakiira Nyamuzinda, bakaaderha mpu: “Rhurhasaag'ibona kwa mweene oku!”
\p
\v 13 Yezu ashubira oku nyanja y'e Galilaya. Bantu banji bamuyiishira, arhondeera okuyigiriza.
\v 14 Erhi akola agera, abona Lawi, mwene Alufayo. Aali atamiire omu biro by'okuvurhiikiza ikooli. Yezu amubwiira erhi: “Nshimbuulira.” Lawi ayimuka, amushimbuulira.
\p
\v 15 Enyuma ly'aho, Yezu aliira omu mwa Lawi. Bavurhiisa banji b'ikooli n'abanyabyaaha baali bajiire balya booshi naye n'abigirizibwa baage, bulya banji muli abo bantu ba mweene abo baali bamushimbuuliire.
\v 16 N'abalimu b'amarhegeko, abaali b'omu bafarisayo, babona oku YEzu ali aliira haguma n'abanyabyaha n'abavurhiisa b'ikooli; babwiira abigirizibwa baage mpu: “Bichi birhumire aliira haguma n'abavurhiisa b'ikooli n'abanyabyaaha?”
\p
\v 17 Yezu ayumva oku baderha, ababwiira erhi: Abarhali balwaala barhalonza munganga, abalwaala bo bamulonza. Ntayiishiraga kuhamagala abashinganyanya, chikwoone banyabyaaha.”
\p
\v 18 Lusiku luguma abigirizibwa ba Yohana Mubatiza n'Abafarisayo baali bachiishalisize. Ago mango abantu bayiisha, badoosa Yezu mpu: “Bichi birhuma abigirizibwa ba Yohana Mubatiza n'abigirizibwa b'Abafarisayo bachiishalisa erhi idiini lirhuma, chikwoone abaawe barhachiishalisa?”
\p
\v 19 Ago mango yezu abashuza erhi: “Ka mugereeriize oku abahamagiirwe oku buhya banahasha okulahira okulya amango omuhya mulume ali booshi nabo? Nanga la. Ngasi mango nka bachiri haguma, barhankahasha okulahira okulya.
\v 20 Chikwoone amango gayiisha, go arhenzibwa muli bo; amango olwo lusiku lwahika, ago mango lyo bachiishalisa.
\p
\v 21 “Nta muntu ohangira echiraga chikuluukulu oku mushangi muhyaahya; nka bankajira ntyo, echiraga chihyaahya chanabera oku mushangi mukuluukulu, obubere bushub'iluga.
\v 22 Na nta muntu ohongolera idivayi lihyaahya omu chichuma ch'oluhu chikuluukulu; nka bankajira ntyo, idivayi lyanabera echichuma, n'idivayi n'echichuma byanashereera. Chikwoone kukwanana bahire idivayi lihyaahya omu bichuma bihyaahya.”
\p
\v 23 Lusiku luguma luzira lw'Abayahudi, Yezu atwiikanya omu mashwa g'engano. Abigirizibwa baage barhondeera bavuna emihuli y'engano oku njira.
\v 24 Ago mango abafarisayo babwiira Yezu mpu: “K'obwiine, bichi birhumire abigirizibwa baawe bawe bajira oku amarhegeko giirhu gahanzize okujira omu luzira lw'Abayahudi?
\p
\v 25 Yezu abashuza erhi: 'Ka murhasaag'isoma oku Daudi ajiraga lusiku luguma erhi ashalisire? Galya mango aali ashalisire bo n'abantu baage!
\v 26 Aja omu mwa Nyamuzinda, alya mwo emigati Nyamuzinda aali arhuuzirwe. Abiatari ye wali mujinji mukulu ago mango. Amarhegeko giirhu gadesire mpu abajinji boone bankalya eyo migati, cikwone ayirhoola, ayiha kwo n'abantu baage.”
\v 27 Yezu ashub'ibabwiira erhi: “Oluzira lwajiragwa erhi bantu barhuma; abantu barhajiragwa erhi luzira lurhuma.
\v 28 Cho chirhumire nie Mwene-Muntu ndi mukulu w'oluzira nalwo.”
\c 3
\cl Cigabi 3
\p
\v 1 Enyuma ly'aho, Yezu ashubira omu ishengero ly'Abayahudi. Mwaali omuntu w'okuboko kuyuumire.
\v 2 Abaali aho, bakaaloleereza Yezu mpu balole erhi afumya oyo muntu omu luzira lw'Abayahudi, bulya baali balonzire okumusidaaka mpu ajijire kubi.
\v 3 Yezu abwiira oyo muntu w'okuboko kuyuumire erhi: “Yiimuka aho emalanga g'abantu booshi.”
\v 4 Enyuma ly'aho, adoosa abakaag'imulola erhi: “Kurhi amarhegeko giirhu gadesire? Ka kuchiza omuntu erhi kumuyiira? Chikwoone barhalonzagya okumushuza.
\v 5 Yezu abalola kwo booshi erhi amaanakunira. Aba burhe bweneene erhi bugamba bwaabo burhuma. Ago mango abwiira oyo muntu erhi: “Lambuula okuboko kwaawe.” Akulambuulan'okuboko kwaage kwaba kugumaguma.
\v 6 Abafarisayo barhenga omu ishengero. Ho n'aho, bashimaanana haguma booshi n'Abayahudi mpu balagaanane oku bayiirha mwo Yezu.
\p
\v 7 Yuzu booshi n'abigirizibwa baage baharhenga, baja oku nyanja y'e Galilaya na bantu banji babashiimbuulira. Abo bantu barhengaga e Galilaya n'e Buyahudi,
\v 8 n'e Yerusalemi, n'omu chihugo ch'Idumaya, n'ishiriza ly'olwiishi lw'e Yorodani, n'omu bihugo bizonzire echishagala ch'e Tiro n'ech'e Sidoni. Abo bantu banji banji baja aha Yezu aali, bulya baali bamaayumva ebyo ajijire byooshi.
\v 9 Ago mango Yezu abwiira abigirizibwa baage mpu bamurheganyize obwaarho busungunu, mpu lyo abantu barhang'imufundeeza.
\v 10 Bulya afumize balwaala banji, abaali balibusire n'endwaala booshi, balibirhira emunda ali mpu bamuhume kwo.
\v 11 Erhi abazimu babi bakaamubona, bakaahirima aha magulu gaage, banakaayakuuza mpu: “We Mwene Mungu!”
\v 12 Chikwoone Yezu akaabarhegeka mpu barhamumanyiise oku bantu.
\p
\v 13 Enyuma ly'aho, Yezu ayinamukira oku irango; ahamagala abantu aali alonzize, bamuja yo.
\v 14 Achiishoga ikumi na babiri muli bo. Abajira ntumwa. Achiishogaga bo mpu babeere booshi naye, abarhume okuja ayigiriza,
\v 15 anabahe obuhashe bw'okukaga abazimu babi.
\v 16 Amaziino g'ikumi na babiri achiishogaga aga: Simo (ye Yezu ahaaga iziino lya Petro),
\v 17 Yakobo n'omulumuna Yohana, bene Zebedayo (Yezu abaha iziino lya Boanerge, kwo kuderha mpu bantu bakali nka mulazo),
\v 18 n'Andre, na Filipo, na Bartolomayo, na Mateyo, na Toma, na Yakobo mwene Alufayo, na Tadeyo, na Simo, (muntu orhaasiimaga ab'emwaabo barhambulwe n'ab'emahanga),
\v 19 na Yuda Iskarioti, ye wamuhaanaga omu maboko g'abashombanyi.
\p
\v 20 Enyuma ly'aho, Yezu ashubira omu nyumpa, bantu banji bashub'ishimaanana chiru Yezu n'abigirizibwa baage babula amango g'okulya.
\v 21 Erhi bene waabo bamanya ntyo, bagenda mpu bayiish'imugwaarha, bulya bakaaderha mpu: “Asirahire.”
\p
\v 22 Abalimu b'amarhegeko barhenga e Yerusalemi kuhika aho, baderha mpu: “Ali kwo omuzimu oderhwa Lyangombe (Belzebuli).” Abandi baderha mpu: “Ali kwo omukulu w'abazimu, ye onamuha obuhashe bw'okubakaga!”
\p
\v 23 Agomango Yezu abahamagala, ababwiira omu migani erhi: “Kurhi Lyangombe ankachiikaga?
\v 24 Nk'abantu b'omu bwaami boone na nnene bankalwa, obwo bwaami burhankachiba bwaami.
\v 25 N'erhi abantu b'omu nyumpa nguma boone na nnene bankalwa, eyo nyumpa erhankachihaba.
\v 26 Nk'abantu b'omu bwaami bwa Lyangombe bankalwaaga boone na nnene, omu bwaami bwaage erhi muli ishaabaabe, obuhashe bwaage burhankachigendeerera okuhaba, chikwoone bwanahwa.
\v 27 “Nta muntu wankaja omu nyumpa y'ow'emisi, n'okumunyaga ebyaage nk'arharhanzir'imushweeka bweneene; nk'amayuusa amushweeka, anahasha okunyaga ngasibiri omu mwaage
\v 28 “Kwo binali, mmubwiizire nti abantu banaababalirwe ebyaaha byaabo byooshi n'ebinwa bibi badesire byooshi.
\v 29 Chikwoone omuntu waderhera Muuka gwa Mungu kubi, arhankababalirwa ebyaaha chiru n'ehitya, bulya erhi ajijire echaaha ch'ensiku n'amango.”
\p
\v 30 Yezu ababwiiraga ntyo bulya bakaag'iderha n'obwalagale mpu: “Ali kwo omuzimu mubi.”
\p
\v 31 Ago mango nnina na balumuna ba Yezu bahika, bayimanga aha mbuga, bamurhumira muntu muguma mpu amuhamagale.
\v 32 Endeeko y'abantu yal'imuzungulusire. Bamubwiira mpu: “Yumva oku nyoko na balumuna baawe baliaha mbuga, bali bakulonza.”
\p
\v 33 Yezu ashuza erhi: “Nndi nyaama na balumuna baani bo bahi?”
\v 34 Enyuma ly'ho, alola oku bantu baali batamiire banamuzungulusire. Ababwiira erhi: “Loli nyaama na balumuna baani, baba bali muno.
\v 35 Bulya owajira oku Mungu alonzize, ye mulumuna waani, niisi erhi nyaama.”
\c 4
\cl Cigabi 4
\p
\v 1 Yezu ashub'irhondeera okuyigiriza oku nyanja y'e Galilaya. Endeeko nnene y'abantu bashimaanana, yamuzunguluka kuhika ashonera omu bwaarho, atamala mwo. Obwaarho bwaali oku miishi n'endeeko yooshi yali ebulambo.
\v 2 Akaaderha omu migani mpu lyo abayigiriza binji. Omu nyigirizo zaage aderha erhi:
\v 3 “Yumvi! Muntu muguma ayikuka, aj'imiira emburho.
\v 4 Amango ajaaga alumiiza emburho omu kwaage, mburho nguma zarhogera omu njira: orhunyunyi rhwayiisha, rhwazirhoologola.
\v 5 Ezindi zarhogera omu lukalabuye. Ho n'aho, emburho zamera bulya harhaali budaka bunji.
\v 6 Enri izuuba liyimanga, lyababula zirya mburho nto, nazo zayuuma bulya zirhaali zigweerhe mizi miri.
\v 7 Ezindi mburho zarhogera omu mahwa. Gakula, gahunya emburho nyinja, chiru zirharholekaga bichi.
\v 8 Chikwoone ezindi mouth zarhogera omu budaka bwinja; zamera, zakula, zarholeka: nguma zarholeka makumi asharhu, ezindi makumi gali ndarhu n'ezindi igana.”
\v 9 Yezu aderha erhi: “Akaba mugweerhe amarhwiiri g'okuyumva, muyumverheze bwinja!”
\p
\v 10 Erhi Yezu aba akola ali kuli n'abo bantu banji banji, abaali bamuyimanzire ho, n'abigirizibwa ikumi na babiri bamuhuuna mpu abahuguulire erya migani.
\v 11 Abashuza erhi: “Mwe bandi mwahiirwe okumanya ebirhaali bimanyikiine by'ogw'obwaami bwa Mungu; chikwoone abandi banakaayumva byooshi omu migani,
\v 12 lyo Bahasha okulola bwinja, chikwoone buzira okubona chiru n'ehitya, Bahashe okuyumverheza, chikwoone buzira okuyumva bwinja, Nka birhaali ntyo, bankahindukiire Mungu, naye anankababaliire ebyaaha byaabo!”
\p
\v 13 Enyuma ly'aho, Yezu ababwiira erhi: “Ka murhayumviirhi bwinja ogwo mugani? Kurhigi mwayumva mwo bwinja eyindi migani yooshi?
\v 14 Oyo mumiizi anamiire akanwa ka Mungu.
\v 15 Bantu baguma baguma bashushire omu njira ah'akanwa karhogiire: kurhenga amango bakayumvagya, Shetani ayiisha, akuula akanwa kaali kamiizirwe muli bo.
\v 16 Kwo n'okwo, abandi banayankirire emburho omu lukalabuye: ho n'aho, banayumve akanwa, banakayemeere n'obusiime.
\v 17 Chikwoone barhakaleka kabagwaarhe mwo emizi, banakaseeze hisanzi hisungunu. Amango ako kanwa karhuma obuhane erhi kushimbululwa biyiisha, ho n'aho, banaleke okuyemeera bayeemeeraga.
\v 18 Abandi banayankirire emburho omu mahwa: Bayumviire akanwa,
\v 19 chikwoone okukaarhanya eby'obulamu bwa muli gano mango, n'obusiime bw'oburhebanyi bw'ebirugu, n'irala ly'orhutya rhutya libaja mwo, bihunye ako kanwa kuhika karharholeke.
\v 20 Abandi bantu bayankiriraga emburho omu budaka bwinja: banayumve akanwa banakayemeere, barholeke, baguma makumi asharhu, abandi makumi gali ndarhu n'abandi igana
\v 21 Enyuma ly'aho, Yezu ababwiira erhi: “Ka hali oleerha itara mpu aliyuubikire kwo enyungu, erhi alihire idako ly'enchingo? K'arhali kumanikwa itara lileerherwa?
\v 22 Ngasi chifulisirwe chayeerekanwa, ngasi ihwe lyamanyikana n'obwalagale.
\v 23 Yumverhezi bwinja akaba mugweerhe amarhwiiri g'okuyumva!
\p
\v 24 Yezu ashub'ibabwiira erhi: “muchiilange oku myanzi muyumva! Mungu amugerera oluhembo. Agera n'olugero mugera mo nunyu mweene.
\v 25 Bulya ogweerhe akantu, ahaabwa akandi; kokasanzi orhagweerhi kantu n'akagweerhi bamunyaga ko!”
\p
\v 26 Yezu ashub'iderha erhi: “lolagi ebi Obwaami bwa Nyamuzinda bushusha: Muntu muguma alumiiza emburho omu kwaage.
\v 27 Enyuma ly'aho, akaagwiishira anazuuka buca buyiira, na muli ago mango emburho yamera, yanakula arhanamanyiri kurhi.
\v 28 Idaho lyoone lyarhenga mwo ebilyo: burhanzi ebyaasi, bwa kabirhi emihuli, lero engano yayeera oku muhuli.
\v 29 Kurhenga amango eyo mburho yayeeraga, oyo muntu arhondeera okurhema, bulya amango g'okurhema gamaahika.”
\p
\v 30 Yezu ashub'idrha: “Bici rhwankahasha oku derha Obwaami bwa Nyamuzinda bushusha? Mugani muci rhwanka buderha mwo?
\v 31 Bushusha emmogomogo y'omurhi gw'eharadali. Erhi bayiimira omu idaho eba nsungunu kulusha ezindi mburho zooshi. Z'en'igulu.
\v 32 Cikwoone amango yamaamiirwa, enakule, ebe murhi muli bweneene kulusha ezindi mburho zooshi. Emere kw'amashami mali bweneene chiru orhunyunyi rhwanahasha okuyaalikira omu mashami gaagwo.”
\p
\v 33 Ntyo kwo Yezu ayigirizagya mwo omu migani ya mweene eyi; ayigiriza nka kulya abantu bankanahash'iriyumva bwinja.
\v 34 Arhabadesagya buzira okuderha emigani; chikwoone erhi akola aali yeene bo n'abigirizibwa baage, abahuguulira byooshi.
\p
\v 35 Bijingo by'owo lusiku lwo na nneene, Yezu abwiira abigirizibwa baage erhi: “Rhuyikirire ishiriza ly'enyanja.”
\v 36 Ago mango basiga endeeko y'abantu; abigirizibwa baage baheeka Yezu omu bwaarho aali mwo. Agandi maarho gaali hoofi naye.
\v 37 Muli ago mango empuusi ndaarhi yarhondeera yahuusa, omulaba gwakaachiikweeba omu bwaarho, chirukuhika bwalinz'iyunjula miishi.
\v 38 Yezu aali enyuma muli obwo bwaarho, erhi ali iro, ashegemire iguse. Ago mango abigirizibwa baage bamutula, ba mubwiira mpu: “Mwalimu, rhukola rhwafa: k'orhababiiri?”
\p
\v 39 Yezu azuuka, akankamira elya mpuusi. Abwiira amiishi g'enyanja erhi: “Hulika! Rhuuza!” Ago mango eyo mpuusi yaleka n'akahwenyenye kaaba.
\v 40 Enyuma ly'aho, Yezu abwiira abigirizibwa bage erhi: “Bici birhumire mwa yoboha? Kamurha sag'iba n'obwemere?”
\p
\v 41 Cikwone bâli bayohobire bwenene, bakadosanya mpu: “Aligi ndi oyu muntu ciru n'empusi n'amishi g'enyanja biribya mukenga?”
\c 5
\cl Cigabi 5
\p
\v 1 Enyuma ly'aho, bahika ishiriza ly'enyanja y'e Galilaya, omu chihugo c'Abagerese.
\v 2 Erhi Yezu arhenga omu bwaarho, ho n'aho, omuntu arhenga omu byuusho (nshinda), ayiisha ahimaana.
\v 3 Oyo muntu aali kwo omuzimu mubi, akaag'ibeera omu byuusho. Nta muntu wankahashire okumushweeka ciru n'emigozi y'obudagule;
\v 4 bulya kanji-kanji bakaag'mushweeka amagulu n'emigozi y'ebyuuma, n'amaboko bakaag'ishweeka n'emugozi y'obudagule (bunjogolo); cikwoone akaatwa obudagule ashub'ikaatwa n'emigozi y'ebyuuma. Nta muntu wali muzibu bweneene w'oku mulembya.
\v 5 Ensiku zooshi, muushi na budufu, ajaaga abandira enduulu omu byuusho n'oku marango. Anakaachiitwa n'mabuye.
\v 6 Amango alaangiraga Yezu, ayiisha alibisire, amufukamira emalanga.
\v 7 Anayakuuza n'izu linene erhi: “Bici wannonza kwo, Yezu Mwene Nyamuzinda, w'enyanya bweneene? Maaashi, we laarha we nyaama, oku iziino lya Nyamuzinda orhampane!”
\v 8 (Aderhaga ntyo bulya Yezu akaag'imubwiira erhi: “Rhenga kuli oyu muntu, we muzimu mubi!”)
\p
\v 9 Ago mango Yezu adoosa oyo muntu erhi: “We nndi?” Nayi amushuza erhi: “Iziino lyaani nie Ngabo, bulya rhuli bani.”
\v 10 Bamuyinginga bweneene erhi: “maashi orharhume aba bazimu enyuma ly'echihugo!”
\v 11 Aho haali obuso bw'engulube zaali ziyabuliire hoofi n'irango.
\v 12 Ago mango abo bazimu babi bashenga Yezu baderha mpu: “Orhurhume kuli zira ngulube, rhuzije m.”
\v 13 Yezu abayemeerera. Ago mango abo bazimu babi barhenga kw'oyo muntu, bja muli ezo ngulube. Obwo buso bwaali buhisire nka ngulube bihumbi bibiri, zashumuukira omu nyanja, zazika, zafiira mwo.
\p
\v 14 Abangere baali bayabwiire ezo ngulube, balibirha, balumiiza eyo myanzi omu cishagala n'omu mashwa. Erhi lero abantu bayiisha bal'ilola ebyabiire.
\v 15 Baja aha yezu aali, babona oyo muntu wali kwo engabo y'abazimu babi: aali atamiire, erhi ayambiirhe anakola ashub'irigwaarha obwenge bwinja, bayooboha.
\v 16 Ababonaga okwo kwooshibarhondeereza ogw'oyo muntu wali kwo engabo y'abzimu babi n'ogw'ezo ngulube.
\v 17 Ago mango barhoondera okushenga Yezu mpu abarhengere muchihugo cabo.
\p
\v 18 Amango Yezu ajaaga omu bwaarho, olya muntu wali kwo abazimu babi amuhuuna mpu abeere bo naye.
\p
\v 19 Yezu amulahilira, cikwoone amubwiira erhi: “Shubira emwaawe, emw'abantu baawe, obabwire ebi Nyamuzinda anajiriire omu bwonjo bwaage kuli we.
\v 20 Ago mango oyo muntu agenda, arhondeera okuganiirira omu chihogo chiderhwa Bishagala Ikumi ebi Yezu anamujiriire byooshi. Abamuyumvagya booshi basoomerwa bweneene.
\p
\v 21 Yezu ashubira omu bwaarho. Aja ishiriza ly'enyanja. Ago mango bantu banji bamuzunguluka erhi ayimanzire oku burhambi bw'amiishi.
\v 22 Ago mango muntu muguma w'omu bakulu b'ishengero ly'Abayahudi ayiisha, izino lyaage ye Yairo. Amango abonaga Yezu, achiirhimba aha magulu gaage,
\v 23 amuhuuna bweneene mpu amurhabaale, aderha erhi: “Mwaali waani murho ali bufa. Nkushenzire oyiishe omuhire kwo amaboko lyo afuma, arhacife.”
\v 24 Yezu agenda bo naye. Balya bantu banji banji bamushimbuulira, baja bamu fundeza enyunda zooshi.
\p
\v 25 Aho haali omukazi wali omu mugongo myaaka ikumimi n'ibirhi.
\v 26 Erhi alibuziibwe bweneene emwa babuka banji yo ana hezize eburugu byaage binji byooshi. Cikwoone arhafumaga: endwaala yaage yayushuka okuba mbi.
\v 27 Ayumva baderha ogwa Yezu; ago mango ayiisha omu bantu, enyuma lyaage. Amuhuma oku chirondo.
\v 28 Bulya akaag'idera omu mrhima erhi: “Ciru nkahuma oku chirondo caage coone, nanafuma.
\v 29 Ho n'aho, oku shulula omuko kwaage kwaleka, ayami yumva oku anafuma galya malumwa.
\p
\v 30 Muli ago mango go na nneene, Yezu amanya oku emisi yamaamurhenga mwo. Ahindukira abantu, aderha erhi: “Ndi wahumire oku cirondo caani?”
\p
\v 31 Abigirizibwa baage bamushuza mpu: “Obwiine oku abantu bakufundeezize enyunda zooshi, obul'ishub'idoosa mpu nndi okuhumire kwo.”
\v 32 Ci kwoone Yezu alola enyunda zooshi mpu alole nndi wajiraga ntyo.
\p
\v 33 Oyo mukazi agera mwo omusisi erhi bwooba burhuma, bulya aali amaamanya ebyaali byamaamuhikira; ago mango achiirhimba aha magulu gaage, amubwiira oku byanali kwooshi.
\v 34 Yezu amubwiira erhi: mwaana waani, obwemeere bwaawe bwamaakufumya. Genda n'omurhuula, ofume amalumwa gaawe nago.”
\p
\v 35 Omu mango Yezu akaag'iderha ntyo, entumwa zayiisha erhi zarhenga emwa yairo, muntu mukulu. Zamubwiira mpu: “Mwaali waawe amaafa. Bici birhumire ochiri walibuza Mwalimu?”
\p
\v 36 Ci kwoone Yezu arhahuliirizagya emyanzi yaabo chiru n'ehitya, abwiira Yairo erhi: “Orhayoobohe, yemeera kwoone.”
\v 37 Ago mango nta muntu ayemeeriire mpu amuluse kuleka Petro yene, na Yakobo n'omulumuna Yohana.
\v 38 Bahika aha mw'omukulu w'ishengero ly'Abayahudi, Yezu abona oku aho hali ishaabaabe n'abantu bakaag'ilaka banakaabanda endulu bweneene.
\v 39 Aja omu nyumpa, ababwiira erhi; “Ishaabaabe lya bici eri na bichi birhumire muli mwalaka? Omwana arhafiiri, chikwoone ali iro.”
\v 40 Bamushekera. Ago mango abahulusa booshi, arhoola ishe w'olya mwaana na nnina na bigirizibwa baage basharhu, aja omu nyumpa olya mwaana aali.
\v 41 Agwarhira oyo mwaana okukuboko, amubwiira erhi: “Talita kumi, kwo kuderha mpu: We munyere, zuuka, kwo nkubwiizire!”
\v 42 Ho naho, oyo munyere azuuka, arhondeera agenda (aali akola wa myaaka ikumi n'ibiri). Amango babonaga ebyo, basoomerwa bweneene.
\v 43 Cikwoone Yezu abarhegeka bweneene mpu barhabwiiraga nndi; enyuma ly'aho, ababwiira erhi: “Mumuhe ebi alya.”
\c 6
\cl Cigabi 6
\p
\v 1 Yezu arhenga eyo munda akuliraga; abigirizibwa baage bamulusa.
\v 2 Omu lusiku luzira lw'Abayahudi, arhondeera ayigiriza omu ishengero ly'abo Bayahudi. Balya bantu banji banji bamuyumvagya, basoomerwa bweneene. Bakaaderha mpu: “Ngahi ebi byooshi biri byamuyiishira? Bukengukwe buchi oyu ahiirwe? Birhangaaza bichi ali ajira?
\v 3 K'arhali olya mubinji w'empahu oyu, mugala wa Mariya, ye na mukulu wa Yakobo, na Yose na Yuda, na simo? Na baali babo k'arhali eno mwiirhu bali muli rhwe?” Ebyo byarhuma bamulahira.
\p
\v 4 Ago mango yezu ababwiira erhi: “Ntaaho omurhonzi wa nyamuzinda arhakengwa, nkaba emwabo na muli bene waabo n'omu mwaage.”
\p
\v 5 Arhahashaga chiru okujira echirhangaaza eyo, nkaba kulya kuhira amaboko gaage oku balwaala banyi banyi, bafuma.
\v 6 Asoomerwa erhi kurhaayemeera kwaabo kurhuma. Enyuma ly'aho, Yezu agenda, aja ayigiriza omu ngo zooshi zaali eburhambi bw'aho.
\p
\v 7 Ahamagala balya bigirizibwa baage ikumi na babiri, arhondeera abarhuma babiri babiri. Abaha obuhashe bw'okurhegeka abazimu babi,
\v 8 abarhegeka erhi: “Omu lugenzi lwiinyu murhaheekaga bici, akarhali karhi koone, murhahekaga kalyo, ciru n'ehisunzu, ciru n'afaranga om nshoho.
\v 9 Muyambale ebiraato, ci kwoone murha yambalaga nsamiisi ibiri.”
\v 10 Ashub'ibabwiira erhi: “Amango mwamaahika omu chishagala, murhahaandulaga omu nyumpa bamuhandiisa gya mwo kuhika amango mwarhenga omu echo chishagala.
\v 11 Nka hali emunda abantu balahiire oku mu yegeereza, erhi okumuyumverheza, muna rhenge eyo, mugkumule akatulokamuli oku magulu: kwo kwaba kubarhonda.”
\v 12 Abigiribwa banagendaga, baja bayigiriza abantu mpu kukwaniine bagokoole.
\v 13 Bakaakaga abazimu banji babi, banafumya balwaala banji omu kubashiiga amavurha.
\p
\v 14 Ako kasanzi ko mwaami Herodi ayumva ogwa Yezu, bulya irenge lyaage lyaali lilumiire hooshi hooshi. Bantu baguma bakaderha mpu: Yohana Mubatiza anafuusire! Cochirhumire agwerhe obuhashe bw'okujira ebirhangaaza.”
\v 15 Abandi bakaderha mpu: “Eliya oyo!” N'abandi bakaderha mpu: “K'arhali murhoonzi wa Nyamuzinda oyo! Ashushire balya bamiira.”
\p
\v 16 Erhi Herodi ayumva ebyo, aderha erhi: “Olya Yohana Mubatiza natwiirisagya irhwe oyo, cikwoone anafuusire!”
\p
\v 17 Bulya Herodi yeene warhegekaga mpu bagwaarhe Yohana, bashweeke banamuhire omu mpamiko. Herodiadi ye warhumaga Herodi ajira ntyo, bulya aali amuherwiire n'obwo Herodiadi aali muka omulumuna Filipo.
\v 18 Bulya Yohana aal'bwiizire Herodi erhi: “Omuntu arhayanka muka omulumuna!”
\v 19 Herodiadi akunirira Yohana, akaalonza okumu yiirha, cikwoone arhahashaga erhi Herodi orhuma.
\v 20 Herodi ayoobohaga Yohana, bulya aali amanyire oku Yohana aali wa murhima mwinja anali muntu wa Nyamuzinda; lero akaamulanga. Erhi amuyumva bweneene; Cikwoone asiimaga okumuyumva.
\p
\v 21 Agomango olusiku lwaali lukwaniine lwahika, lusiku lw'idinye ly'okuburhwa kwa Herodi. Ago mango baalya idinye booshi n'abakulu b'emburamatali yaage, n'abakulu b'abasoda, n'abandi bakulub'e Galilaya.
\v 22 Mwaali wa Herodiadi ja omunyumpa y'idinye, asaama; asiimiisa herodin'abo bandi bantu baali balaalisirwe. Ago mango mwaami abwira oyo munyere erhi: “Ompuune ngasi eci olonzize, nakuha cho.”
\v 23 Ago mango aciigashira ye, aderha: “Nchiigashire oku ngasi kantu wampuuna, nakajira, ciru chankaba chihimbi ch'obwaami bwaani.”
\p
\v 24 Lero oyo munyere ahuluka, aj'idoosa nnina erhi: Nyaama, bichi nahuuna?” Naye amushuuza erhi: “Irhwe lya Yohana Mubatiza.”
\p
\v 25 Oyo munyere agaluka, akanyize emunda mwaami aali, ahuuna erhi: “Nnonzize bwo na buno ompebere irhwe lya Yohana Mubatiza oku nsahaani!”
\v 26 Mwaami agaya bweneene, ci kwoone okuchi gasha achiigashiiraga emalaanga g'abantu aali alaalisire oku idinye, kwarhuma arhalonza okumulahirira.
\v 27 Lero arhuma muguma w'omu basoda baage bamulangaga, amubwiira mpu aleerhe irhwe lya Yohana Mubatiza. Oyo musoda agenda, aja omu mugozi, atwa irhwe lya Yohana.
\v 28 Alileerha oku nsahaani, aliha oyo munyere, n'oyo munyere aliha nnina.
\v 29 Erhi abigirizibwa ba Yohana bayumva ntyo, bayiishi rhola omu rhumba gwaage bagubisha.
\p
\v 30 Entumwa zagaluka zashubiri aho Yezuaali, amurhondeereza ebi zajijire byoshi n'ebi zayigirizize.
\v 31 Abantu bakaag'iyiisha banagenda, bali baanji, ciru Yezu n'abigirizibwa baage babula akasanzi k'okulya. Co charhumaga ababwira erhi: “Nshimbuliiri omu mpinga, murhamuuke hisungunu.”
\v 32 Bana gendaga boone boone baja omu bwaarho, habo habo.
\v 33 Cikwoone bantu baanji babwiine erhi bagenda, banabamanya; ago mango balibirha kurhenga omu bishagala byooshi bahika aho n'amagulu, baharhanga Yezu n'abigirizibwa baage.
\v 34 Erhi Yezu arhenga omu bwaarho, abona abo bantu banji banji; ababeera bwonjo bweneene, bulya baali nka bibuzi birhagwerhe mungere. Arhondera okubayigiria bintu binji.
\p
\v 35 Erhi hagera kasanzi karhali kanyi, abigirizibwa ba Yezu bamuja ho, bamubwiira mpu: “Akasnzi kamagere, nahano rhudamire rhuli omumpinga.
\v 36 Sengeruka aba bantu baje ebugisha n'omu ngo ziri hoofi, bagule ebiryo.”
\p
\v 37 Yezu abashuza erhi; “Mweene mubahe ebi balya!” Cikwoone bamudoosa mpu: “K'olonzize rhugend'igula emigati ya madinari magana abirhi, rhubahe balye?”
\p
\v 38 Hona ho Yezu abadoosa erhi: “Migati inga mugweerhe? Gendi mulole.” Baji lola, bagaluka bamubwiira mpu: “Rhugweerhe migati irhaanu na nsamaki ibiri.”
\v 39 Anacirhegeka mpu babwarhaze abantu booshi rhudeko rhudeko oku lubala,
\v 40 banacibwarhala birundo, birundo aha igana igana, aha makumi arhanu arhanu.
\v 41 Okubundi arhoola erya migati oku eri irhanu na riryanfi zombi, agalamira emalunga, abigisha, abega erya migati, ayihereza abaganda baage mpu bagabire abantu; na zirya nfi nazo azigabirabo.
\v 42 Balya booshi, bayigurha.
\v 43 Banacirhola ebi basizagya, bayunjuza rhushabulo ikumi na rhubiri rhw'bisigaliza by'erya migati nazirya nfi.
\v 44 Nabo abalyaga bali balume bihumbi birhanu.
\p
\v 45 Ho n'aho aseeza abaganda bage mpu baje omu bwarho, babe bashokola banayikirir'e Betisayida, oku naye acidwirhe asezera abantu.
\v 46 Erhi ayus'ibalika, arheremera oku ntondo mpu aj'ishenga.
\v 47 Erhi biba bijingo, obwarho erhi bwahika omu karhi k'enyanja, naye erhi ali yeneneebulambo.
\v 48 Erhi acibona bagukubira n'okuvukama, bulya empusi yahubukaga embere -, sezi muceracera ayish'alambagira omu nyanja, alonz'ibarhaluka.
\v 49 Nabo erhi bamubona, aj'alambagira oku mishi, bamanya mpu muzimu, babanda orhuhababo.
\v 50 Boshi bali bamu bwine, n'ebihamba byali bibagwere. Ci ho n'aho ayirukira abaderheza, anababwira erhi: “Muhire omurhima omu nda nie nnene, murhayobohaga!”
\v 51 Okubundi aja omu bwarho haguma nabo, impusi yatwika. Basomerwa, barhangala;
\v 52 bulya barhahugukiragwa ciru n'ehitya ecisomerine c'erya migati, omurhima gwabo gwaciyorhera muzibu.
\p
\v 53 Erhi bayus'iyikira, bahika e Jenezareti, basiika obwarho.
\v 54 Oku banayomoka omu bwarho ntya, abantu bayirukira bamumanyirira.
\v 55 Banacigeragera omu cihugo coshi, barhondera okushubuza ngasi boshi baali bababire n'endwala n'okubarhulira emunda ali.
\v 56 Ngasi hoshi ageraga, akaba omu lugo, akaba omu bishagala, akaba omu ndimiro, bakahira abalwala oku njira, banaka musengera mpu abaleke ciru bahume okucikwi c'omwambalo gwage; na ngasi bamuhumirekwo, banacifuma.
\c 7
\cl Cigabi 7
\p
\v 1 Abafarisayo, na bashamuka b'ianobaguma barhengag'e Yerusalemi, bashubuzanya, bamujaho.
\v 2 N'erhi babona baguma omu baganda bage badwirhe balya n'enfune zizinzire, kwo kuderha ezirhali nkalabe, babagaya.
\v 3 Bulya Abafarizeyi n'Abayahudi boshi barhankalya barhanarhanzir'ikalaba amaboko kuhika aha ngafula; yo yali ngeso ya bashakuluza babo.
\v 4 Na nka barhenga ekarubanda, barhankalya barhanashahulizibwi amishi. Hali n'ezindi ngeso nyinji bakomera okushimba: nka okushuka orhuhe (makopo), orhubindi n'enambi z'amarhale (n'ebirhi byoku dahalira akasanzi ko kulya.)
\p
\v 5 Obwo Abafarizeyi n'abashamuka b'ihano banacimudosa, mpu: “Cirhuma abaganda bawe barhashimba engeso za bashakuluza; ci boohe banakalya n'enfune zirhali nkalabe?”
\p
\v 6 Abashuza, erhi: “Izaya acilebire kwinja kuli mwe, ezi ndyalya, nka okubiyandisirwe, erhi:
\v 7 Olu lubaga ludwirhe lwankenga n'akanwa kwonene, ci emirhima yabo eri kuli. Obukenge bankenga buba bunywesi, enyigirizo bayigiriza gaba marhegeko garhenga emw'abantu.
\p
\v 8 Mwalesire irhegeko lya Nyamuzinda, mwakulikira engeso z'abantu”
\v 9 Abbwira, erhi: “Munavune irhegeko lya Nyamuzinda mpu lyo mukulikira engeso zinyu.
\v 10 Bulya Musa adesire, mpu: “Okenge sho na nyoko, na owaheherera ishe na nnina, afe.
\v 11 Ci mwehe munakaz'iderha, mpu “Owabwira ishe erhi nnina, erhi: “Erhi nankakurhabiremwo hiri korbani, kwo kuderha nterekero",
\v 12 murhanacimuleka ajirire ishe erhi nnina akandi kantu,
\v 13 na ntyo mwazazize akanwa ka Nnaamahanga erhi ngeso zinyu mweene mwajiraga zirhuma. Nabinji bya bene ebyo mujira.”
\p
\v 14 Erhi aba amashub'iyus'ihamagala olubaga, anacilubwira, erhi: “Murhege amarhwiri mweshi munayumve kwinja!
\v 15 Ntaco cirhenga embuga cankazinza omuntu camamujamwo; ci ehirhenga omu muntu hyo himuzinza.
\v 16 Akaba hali ogwerhe amarhwiri g'okuyumva, ayumve!”
\p
\v 17 Erhi acija omu nyumpa, aciyegwire n'olubaga, abaganda bage bamudosa ogwo mugani.
\v 18 Naye ababwira, erhi: “Aye! Kuziga ninyu nta bukengere mugwerhe kuhika ene! Ka murhayumvirhi oku ehirhenga embuga, hikaja omu muntu, hirhakamuzinza;
\v 19 bulya hirhamuja omu murhima, ci omu nda hirhogera, na kandi hije aharhankaderhwa.” Ntyo ayerekana oku ebiryo byoshi biri bicese.
\v 20 Ashub'iderha, erhi: “Ebirhenga omu muntu, byo bizinza omuntu.
\v 21 Bulya omu muntu, omu murhima gwage mwo murhenga enkengero mbi: obugonyi, obushambo, okuyirha,
\v 22 okuhusha, obujinisi, obubi, obulyalya, obumaguza, obuyagalya, okushobekana busha, okucibona, obunganyi.
\v 23 Ebyo bibi byoshi omu muntu birhenga, byo binazinza omuntu.”
\p
\v 24 Erhi barhenga eyo munda, acijira omu mpande z'e Tiro n'eze Sidoni. Aja omu nyumpa, arhalonzagya omuntu amenye ahali, ci abula oku ankacifulika.
\v 25 Bulya haali omukazi, erhi omwali agwerhwe n'omuzimu mubi; erhi ayumva emyanzi yage, akanya, aj'ifukama aha magulu gage.
\v 26 Oyo mukazi aali mupagani, Mufenisi w'e Siriya. Anacimusengera mpu amukuliire shetani omu mwali
\v 27 Naye amubwira, erhi: “Orheng'ileka abana bayigurhe, bulya kurhali kwinja okuyanka entanda z'abana n'okuzikweba orhubwa.”
\p
\v 28 Olya mukazi anacimushuza, anamubwira, erhi: “Kwo binali ntyo, Muhanyi! Ci kurharhuma ebibwana birharhologola enshangukiza aha abana balira!”
\p
\v 29 Anacimubwira erhi: “Kuli olwo luderho, ogendage, shetani arhenzire mwo mwli wawe.”
\v 30 Erhi ahika aha mwage, ashimana omwli agweshire okuncingo, erhi shetani amlisire.
\p
\v 31 Anacirheng'e Tiro aj'e Sidoni, ebwa nyanja y'e Galilaya, omu cihugo c'e Dekapoli.
\v 32 Bamulerhera ecihuli cakaduma, bamuhuuna mpu acihire kwo amaboko.
\v 33 Anaciciyeguula omu lubaga, acihira haco haco, acihire eminwe omu marhwiri, ajabika omunwe n'amarhi, acihuma oku lulimi.
\v 34 Okubundi agalamira emalunga, ayisa bwenene, acibwira, erhi: “Efeta", kwo kuderha: “yiguka”
\v 35 Ho na halya amarhwiri gage gayiguka n'olulimi lwage lwashwekuuka; arhondera aderha bwinjinja.
\p
\v 36 Abahanza mpu barhabwiraga ndi; ci oku asezagya okubahanza, kwo nabo basezize okulumiza ogwo mwanzi hoshi.
\v 37 Barhangala bwenene, banakaderha, mpu: “Ajizire byoshi bwinja! Ebihuli adwirhe abiyumvisa, n'orhuduma adwirhe arhuderhesa!”
\c 8
\cl Cigabi 8
\p
\v 1 Mw'ezo nsiku, Bali kandi olubaga lunji lw'abantu, lurhanagwerhe biryo. Anacihamagala abagnda bage, ababwira, erhi:
\v 2 “Mbabalire eyi ngabo, bulya ene lukola lwa niku isharhu bankulikira burhalya.
\v 3 Nkabalika bashalisire, akangwe kanabayankira omu njira, bulya bali mwo aba kuli.”
\p
\v 4 Abaganda bage bamushuza, mpu: “Ndi wankabona emigati yayigusa aba boshi mno irungu?”
\p
\v 5 Naye anacibadosa, erhi: “Migati inga mugwerhe?” Nabo, mpu: “Nda.”
\p
\v 6 Okubundi anacirhegeka mpu abantu babwarhale oku idaho. Ayanka erya migati oku eri nda, avuga omunkwa, ayibega, ayiha abaganda bage mpu bayigabire olubaga, nabo banacibaherezayo.
\v 7 Bâli bagwerhe na nfi nsungunu. Nazo erhi aba amazigisha, aderha mpu bazigabe.
\v 8 Abantu balya, bayigurha. Bashubuuza amasigaliza gayunjuza birhiri nda.
\v 9 Abalyaga bâli nka bihumbi bini. Anacibazezera,
\v 10 Ho n'aho anacija omu bwarho bo n'abaganda bage: kwo na kuhika omu mpande z'e Dalamanuta.
\p
\v 11 Abafarisayo banaciyisha, barhondera oku mujisa kadali. Bamuhûna ecimanyiso c'emalunga mpu lyo bamurhega.
\v 12 Ashishimukwa, aderha, erhi: “Cici cirhumire eri iburha lyalonza ecimenyiso? Okuli, mmubwire, eri iburha lirhahâbwe cimenyiso.”
\v 13 Anacisereza, ashub'irhulirwa omu bwarho, ayikirira erindi ishiriza.
\v 14 Abaganda bage bayibagira okuciyikira emigati; erhi mugati muguma gwonene baciyikire omu bwarho.
\v 15 Erhi Yezu acibabwira, erhi: “Mumanye munacilange oku ngeso y'abafarisayo n'eya Herodi,
\v 16 bajanamwo bone na nnene, mpu: “Rhurhadwiri lwiko.”
\p
\v 17 Naye erhi amanya, ababwira, erhi: “Cirhumire mudwirhe mwagerereza mpu murhadwirhi lwiko? Aye! Kuziga murhasag'iyumva murhanasag'imanya! Ka emirhima yinyu eciri mizibu?”
\v 18 Mugwerhe amasu, murhana bona; mugwerhe amarhwiri, murhana yumva!
\v 19 Kamurhacikengiri, bulya nzid'ibega erya migati irhanu oku bantu bihumbi birhanu, birhiri binga biyunjwire masigaliza mwayansire?” Nabo, mpu: “Ikumi na bibiri.”
\p
\v 20 “Na bulya kandi nabegeraga bantu bihumbi bini migati nda, birhiri binga biyunjwire masigaliza mwayansire?” nabo mpu: “nda.'
\v 21 Anacibabwira, erhi: “Ka murhac'iyumva?”
\p
\v 22 Erhi bahika e Betisayida, bamulerhera omuhurha, bamusengera mpu aguhumekwo.
\v 23 Anacigwarhira gulya muhurha oku kuboko, aguheka eburhambi bw'olugo, agutwira amarhi oku masu, agulambûlirakwo amaboko, agudosa, erhi: “ka muli eci obwine?”
\p
\v 24 Olya anacilambûla amasu, aderha, erhi: “Ndwirhe nabona abantu bali nka mirhi yalambagira.”
\v 25 Obwo Yezu ashub'imulambûlira amaboko oku masu, arhondeza okubona bwinja, ashuba mugumaguma, anakabona byoshi n'obwalagale, ciru n'ebiri kuli.
\p
\v 26 Okubundi amubwira mpu aj'emwage, erhi: “Ciru orhajaga omu cishagala
\v 27 Yezu akanya bo n'abaganda bage, aja omu bishagala by'e Sezareya, cihugo ca Filipo. Erhi bahika omunjira, adosa abganda bage, erhi: “Abantu kurhi baderha mpu nie ndi?”
\v 28 Banacimu shuza, mpu: Yohane Mubatiza; abandi mpu Eliya; abandi mpu muguma omu balebi.”
\p
\v 29 Ababwira, erhi: “ninyu mwe, ndi muderha mpu ndi?” Petro anacishuza, aderha, erhi: “we kristu.”
\p
\v 30 Obwo anacibakomereza mpu barhabwiraga ndi.
\p
\v 31 Okubundi arhondera okubayigiriza oku Mwene-omuntu akwanine ababazibwe bwenene n'okunenwa n'abagula b'olubaga, abajinji b'abadahwa n'abashamuka b'ihano, ayirwe, n'enyuma lya nsiku isharhu afûke.
\v 32 Ebyo binwa abiderhera embere za boshi. Lero Petro amuheka mahwe, arhondera amukalihira.
\v 33 Erhi acikabagana n'erhi abona abaganda bage, akankamira Petro, anamubwira, erhi: “Ntengaho, Shetani! Bulya enkengero zawe zirhali nkengero za Nyamuzinda, ci ziri za bantu.”
\p
\v 34 Anacihamagala olubaga n'abaganda bage, ababwira, erhi: “Owalonz'inshimba, acilahire yenene, abarhule omusalaba gwage, ankulikire.
\v 35 Bulya owalonze okuciza obuzine bwage, ye wabuheze; ci owaheze obuzine bwage erhi nie ntuma n'Emyanzi y'Akalembe, ye wabuciza.
\v 36 Bici kwankakwanana omuntu okuba mwami w'igulu lyoshi, erhi ankaheza omûka gwage?
\v 37 Nisi erhi bici omuntu ankahâna ngulo y'omûka gwage?
\v 38 Ngasi yeshi wabe nshonyi nie ntuma n'ebinwa byani birhumire mw'eri iburha ly'obungonyi n'erya ebyaha, naye mwene-omuntu ayish'imubera nshonyi amango ayisha omu irenge ly'Ishe haguma na bamalahika batagatifu.”
\c 9
\cl Cigabi 9
\p
\v 1 Ababwira, erhi: “Mmubwizire, okuli, hali baguma muli aba abyimanzire hano barhakabona olufu, kuhika babone Obwami bwa Nyamuzinda buyishire omu bukuze bunji.”
\p
\v 2 Erhi kugera nsiku ndarhu, Yezu ayanka Petro, Yakobo na Yohane, abagendana bône oku ntondo ndiri. Anacihinduka obusu embere zabo.
\v 3 Emyambalo yage yanacilangashana, yaba myerumyeru nka lubula, kulya ntaye en'igulu oshuka wankayiyeruhya ntyo.
\v 4 Eliya bo na Musa banacibabonekera, bakaz'ishambala na Yezu.
\v 5 Obwo Petro anacibwira Yezu, erhi: “Yagirwa, kuli kwinja rhubere hano; rhuyubake ho rhuyumpa rhusharhu: higuma hyawe, ehindi yha Musa n'ehindi hya Eliya.”
\v 6 Erhi arhacimenyiri kurhi aderhage, bulya bali barhnzirwe n'obwoba bunji.
\p
\v 7 Okubundi olwikungu lwayisha, lwababwika, n'izu lyanacirhengamwo lulya lwikungu, erhi: “Oyu ye Mugala wani muzigirwa, mumuyumve.”
\v 8 Ho na halya mpu bacilole eyi n'eyi, barhcibonaga ndi orhali Yezu yenene haguma nabo.
\p
\v 9 Erhi bakola bayandagala oku ntondo, abakomereza mpu barhabwiraga ndi ebi babwine, kuhika Mwene-omuntu afûke omu bafu.
\v 10 Bagwarha ako kanwa emurhima, ci bacidosa kwo kuderha kurhi: kuhika afûke omu bafu.
\p
\v 11 Banacimudosa, mpu: “Cirhuma Abafarisayo n'abashamuka b'ihano bakaz'iderha mpu kukwanine Eliya arhang'iyisha?”
\p
\v 12 Naye ababwira, erhi: “Neci ayish'iyisha, ayish'ikombeza byoshi! Ci kurhi mwene-omuntu ayandikirwe? Oku ayish'ibabala bwenene n'okugayaguzwa.
\v 13 Lekagi mmubwire! Eliya mira ayishiga; nabo bamujira oku balonzagya kwoshi, nk'oku anayandikirwe.”
\p
\v 14 Erhi bagaluka aha abaganda bage bâli, bashimana lubaga lunji lw'abantu lubazonzire, n'abashamuka b'ihano bali kadali boshi.
\v 15 Erhi eyo ngabo y'abantu ebona Yezu, yarhangala, yayisha elibisire, yaj'imulamusa.
\v 16 Anacibadosa, erhi: “Kadali kaci ako muli?”
\p
\v 17 Muntu muguma omu lubaga amushuza, erhi: “Nyamwagirwa, nakudwirhire mugala wani olimwo shetani w'akaduma.
\v 18 Ngasi kumugwarha, anamurhimba oku idaho, omwana anarhumba kafula, anakugurha amino anagangabale. Nabwizire abaganda bawe nti bamukulemwoye, barhanahashire.”
\p
\v 19 Anaci mushuza, amubwira, erhi: “Eri iburha libula-buyemere, kuhika mangaci nayorha ninyu? Kuhika mangaci na mmulembere? Nderheragiye.”
\v 20 Bamulerha. Olya shetani erhi abonaYezu, azunguza bwenene omwana, amurhimba oku idaho. Omwan agayagaya anarhumba lufula.
\v 21 Yezu anacidosa ishe, erhi: “Kurhenga mangaci agwarhagwa?” Naye ashuza, erhi: kurhenga eborho.
\v 22 Na kanji kanji anamukwebe eciko n'erwishi, kulonz'imuyirha. Ci akaba ogwerhe okuwangahasha, orhurhabale, orhufe olukogo.”
\p
\v 23 Yezu ashuza, erhi: “Mpu akaba ogwerhe okuwankahasha! Byoshi byanahashikana oku ogwerhe obuyemere.”
\p
\v 24 Ho na halya olya ishe w'omwana aderhan'izu linene, erhi: “Nyemire, Yagirwa! Ontabale nie mubula buyemere!”
\p
\v 25 Yezu erhi abona olubaga lulundumana, akankamira olya muzimu mubi, anamubwira, erhi: “Wemuzimu kaduma na cihuli, nkurhegesire omurhengemwo, orhanacihira okumushubiramwo.”
\p
\v 26 Anaci yama amuhindaganya bwenen, amurhengamwo. Olya mwanaayorha nka mufu, ciru banji baderha mpu afire.
\v 27 Ci erhi Yezu acimugwarha okuboko, amûzusa, ayimanga.
\p
\v 28 Erhi aba amaja omu nyumpa, abaganda bage bamudosa bufunda, mpu: “Carhumaga rhweki rhurhahash'imuhulusa bulya?”
\p
\v 29 Anacibashuza, erhi: “Shetani wa bene oyo arhalibirhwakwo n'ezirhali nsengero n'okucishalisa.
\p
\v 30 Erhi barhenga aho, baja bagera omu Galilaya, ci arhalonzagya abantu bamanye.
\v 31 Bulya akag'iyigiriza abaganda bage anakag'ibabwira oku Mwene-omuntu ayish'ihânwa omu maboko g'abantu, oku bayish'imuyinrha, n'oku hano aba amayirhwa, enyuma lya nsiku isharhuayish'ifûka.
\v 32 Ci bôhe barhamvagya ako kanwa, banarhinya okumudosa.
\p
\v 33 Banacihuka e Kafarnaumu. Erhi baba bakola bali omu nyumpa, abadosa, erhi: “Kadali baci kalya mwagwerheomu njira?”
\v 34 Bacihulikira, bulya bayishaga baja kadali bone na nnene mpu ndi mukulu muli bo.
\v 35 Okubundi atamala, ahamagala balya ikumina babiri, ababwira, erhi: “Owalonz'iba waburhanzi, acijire wa buzinda na murhumisi w'abandi boshi.”
\v 36 Anaciyanka omwana w'ecirhaba, amuyimanza e karhi kabo; n'erhi aba amamubagalira, ababwira, erhi:
\v 37 “Ngasi wayankirire mwana muguma wa bene oyu nie ntumire, erhi nie ayankirire; na owanyankirira, erhi arhali nie ayankirire, ci olya wantumaga”
\v 38 Yohana ancimubwira, erhi: Yagirwa, rhwabonaga omuntu alibirhakwo abashetani oku Izino lyawe; rhwâli rhwamuhanza, bulya oyo muntu arharhukulikira.”
\p
\v 39 Naye Yezu anaci shuza, erhi “Murhamuhanzagya, bulya ntaye wankajira ecisomerine oku Izino lyani, akanashub'inderrhera kubi.”
\v 40 Bulya orhali mushombanyi wirhu, erhi mwira wirhu.”
\v 41 Ngasi yeshi wammuhe akahe k'amishi, bulya muli bantu ba Kristu, mmubwire okuli, oluhembo lwage lurhakamuhera.”
\p
\v 42 “Ci owasarhaze muguma muli aba banyemire, akwanine okushwekerwa olusho omu igosi n'okukwebwa omu nyanja.
\v 43 Akaba okuboko kwawe kunarhume wa hirima omu caha, onakutwe:
\v 44 kuli kwinja kulusha okuja omu Buzine oli kabokwe, ahali h'okuheka maboko gabiri omu cina c'omuliro gurhazima
\v 45 N'akaba okugulu kwawe kunarhume wahirima omu caha, okutwe:
\v 46 kuli kwinja kulusha okuja omu buzine oli kagulu, ahali h'okuheka amagulu gombi omu nyenga y'omuliro.
\v 47 N'isu lyawe likarhuma wahirima omu caha, oliyomole: bulya kuli kwinja kulusha okuja omu Bwami bwa Nyamuzinda n'isu liguma, ahali h'okukwebwa n'amasu gombi omu nyenga y'omuliro
\v 48 omuvunyugwabyo gurhafa n'omuliro gurhazima.
\p
\v 49 Bulya ngasi muntu analungwe n'omuliro na ngasi nterekero enalungwe n'omunyu
\v 50 Omunyu ciri cintu cinja; ci kwonene omunyu gukarhengamwo obununu, cici mwankacigulungamwo? Mubêmwo omunyu, munabe n'omurhûla mwêne.”
\c 10
\cl Cigabi 10
\p
\v 1 Yezu erhi arhenga eyo munda, aja omu lya Yuda, ishiriza lya Yordani. Engabo y'abantu yashub'imulundukira; abayigiriza nk'oku anayorhera.
\v 2 Abafarisayo banacimujaho; bamudosa kwa kumurhangula, mpu: “Ka kuyemerirwe omuntu ahuluse mukage?”
\p
\v 3 Naye erhi ashuza, ababwira, erhi: “Kurhi Musa ammurhegesire?”
\p
\v 4 Nabo, mpu: “Musa ayemire okuyandika ecerhe c'okuvuna obuhya n'okumuhulusa.”
\p
\v 5 Yezu abashuza, erhi: “buzibu bwa mirhima yinyu bwarhumire Musa ammujirira eryo irhegeko.
\v 6 Ci erhi Nyamuzinda arhondera okulema, ajizire omulume n'omukazi.”
\v 7 “Co carhuma omuntu aleka ishe na nnina, acishwekerekwo mukage,
\v 8 banabe babiri omu mubiri muguma. Nantyo barhaciri babiri, ci gukola mubiri muguma.
\v 9 Mâshi! Arhali omuntu ye wahumanula eci Nyamuzinda ahumanyagya.”
\p
\v 10 Erhi bahika omu nyumpa, abaganda bage bashub'imudosa kuli ako kanwa.
\v 11 Ababwira, erhi: “Ngasi yeshi wahuluse mukage akanayanka owundi, erhi kuhusha ahushire;
\v 12 N'omukazi waleka iba, agend'iyankwa n'owundi, erhi naye kuhusha ahushire.”
\p
\v 13 Banaci mulerhera abana mpu abahumekwo; ci abaganda bage bakalihira abâli babadwirhe.
\v 14 Erhi Yezu abona, agaya, anababwira, erhi: “Leki abana baje ahandi; murhabahanzagya, bulya ababashusha, Obwami bwa Nyamuzinda buli bwabo.
\v 15 Mmubwire okuli: ngasi yeshi orhaynkiriri Obwami bwa Nyamuzinda nka mwana murho, arhakabulabarhamwo.”
\v 16 Obwo anacibabagalira, abahirakwo amaboko, abagisha.
\p
\v 17 Erhi aba amalikûla, akol'ali omu njira, muntu muguma ayish'alibisire, amufukamira, amudosa, erhi: “Waliha Mwigiriza mwinja, kurhi njirage lyo mbona obuzine burhahwa?”
\p
\v 18 Yezu amubwira, erhi: “Cirhumire onderha mwinja? Ntaye oba mwinja aha nyuma lya Nyamuzinda yenene.
\v 19 Oyishi amarhegeko: Orhahira okanigana, orhahira okahusha, orhahira okazimba, orhahira okahamiriza obunywesi, orhahira oka lya ebya bene, okaz'ikenga sho na nyoko.”
\p
\v 20 Olya naye amushuza, erhi: “Yagirwa, ebyo byoshi mbikulikira kurhenga eburho bwani.”
\p
\v 21 Obwo Yezu anacimusinza, amuzigira, anamubwira, erhi: “Ciguma cône cicikusigalire: ogende, oj'iguza ebi ogwerhe byoshi, ohe abakenyi, ly'oyish'ibona obuhirhi omu mpingu; oku bundi oyishe, onshimbulire.”
\v 22 Erhi ayumva ako kanwa, oburhe bwamuheka, bulya ali agwerhebirugu binji.
\v 23 Yezu anacilola eyi n'eyi, abwira abganda bage, erhi: “Kuli kudarhi okuhika kw'abagale omu Bwami bwa Nyamuzinda!”
\v 24 Abaganda bage basomerwa n'enderho zage. Ci Yezu ashubirira, ababwira, erhi: “Bana bani, kuli kudarhi okuhika omu bwami bwa Nyamuzinda!
\v 25 Okugeza engamiya omu murhule gw'enshindani kuli kulembu kulusha okuhisa omu gale omu Bwami bwa Nyamuzinda!”
\p
\v 26 Nabo bazanwa bwenene-bwenene, bakadosanya bone na nnempu: “Ndi wacungukage obwo?”
\p
\v 27 Yezu abageza mwo amasu, ababwira, erhi: Emwa abantu okwo kurhankahashikana, ci arhali emwa Nyamuzinda: bulya ntaco cankayabira Nyamuzinda!”
\p
\v 28 Petro anacimubwira, erhi: “Obu rhuli aha, rhwalesire byoshi, rhwakushimba!”
\p
\v 29 Naye Yezu ashuza, erhi: “Okuli, mmubwire, ntaye waleke enyumpa yage, bene wabo, bali babo, ishe, nnina, abana erhimashwa gage nie ntuma n'Emyanzi y'Akalembe erhuma,
\v 30 abule kuhâbwa kali igana, buno, en'igulu: enympa, bene wabo, bali babo, ba-nnina, abana n'amashwa, haguma n'amalibuko n'omu mango gaciyisha, akalamo karhahwa.
\v 31 Na banji bali barhanzi bayish'iba bazinda, n'bazinda babe barhanzi
\v 32 Erhi baliomu njira, bayinamukira e Yerusalemi. Yezu erhi abashokolire; nabo bazanwa, n'abali babakulijkire bayoboha. Ashub'iyanka balya ikumi na babiri, arhondera okubabwiraoku ayish'iba, erhi:
\v 33 “Rhw'ono rhwarheremera e Yerusalemi: Mwene- omuntu ahânwa omumaboko g'abajinji b'abadahwa n'abashamuka b'ihano. Bayish'imutwira okufa, banamuhâne emw'abapagani.
\v 34 Nabo bamushekere, bamumesherekwo, bamushurhe emikoba banamuyirhe, na hano hagera nsiku isharhu, afuke.
\p
\v 35 Bene-Zebedayo, Yakobo na Yohane, banacimujaho, bamubwira mpu: “Waliha, rhulonzize ngasi kwoshi rhwakuhuna orhujirirekwo.”
\p
\v 36 Naye abashuza, erhi: “Cici mwalonza mmujirire?”
\p
\v 37 Nabo, Mpu: “Orhujirirhubwarhale, muguma ekulyo, owundi ekumosho kwawe omu irenge lyawe.”
\p
\v 38 Yezu anacibashuza erhi: “Murhamanyirieci muhunyire. Ka mwankahash'inywa akabehe nayish'inywa, erhi mubatizibwe obubatizo nayish'ibatizibwa?”
\p
\v 39 Nabo, mpu: “Rhwanahasha.” Yezu ababwira erhi: “Akabehe nayish'inywa, kôhe mwakanywa, n'obubatizo nayish'ibatizibwa, mwabubatizibwa.
\v 40 Ci okubwarhala ekulyo erhi ekumosho kwani, arhali nie nammuhekwo, ci kuli kwa balya bakurheganyizibwe.”
\p
\v 41 Erhi balya bandi ikumi bayumva ntyo, barhondera okududumira Yakobo na Yohane.
\v 42 Okubundi Yezu anacibahamagala hofi naye, ababwira, erhi: “Murhahabiri oku emwa abapagani, abarhegesi kwo barhegeka nka banyakasane, n'abakulu banabayereke obukulu bwabo.
\v 43 Arhali kwo byaba ntyo muli mwe: mwehe owalonz'iba mukulu muli mwe, acijire murhumisi winyu;
\v 44 na ngasi walonz'iba wa burhanzi muli mwe, acijire muja wa boshi.
\v 45 Ntyo Mwene-omuntu arhyishga mpu arhumikirwe, ci mpu arhumikireabandi, anahâne obuzine bwage lyo acungula banji.”
\p
\v 46 Banacihika e Yeriko. Erhi acirhenga e Yeriko bo n'abaganda bage na ngabo nyinji y'abantu, barhimana Bartimeyo, mwene-Timeyo. Gwali muhurha; erhi gubwarhire oku njira, gudwirhe gwahûnira obuligo.
\v 47 Erhi ayumva oku Yezu w'e Nazareti wagera, arhondera okuyakuza, erhi: “Mâshi Yezu, Mwene-Daudi, ombêre obonjonani!”
\v 48 Banji banacimukankamira mpu ahulike; ci yehe anaciyama, alushisa, erhi: “Mâshi Mwene-Daudi, ombêre obonjo nani!”
\p
\v 49 Obwo Yezu ayimanga, arhegeka mpu bamulerhe. Bahamagala olya muhurha, bamubwire, mpu: “Simika! Oyimuke, akuhamagire.”
\v 50 Anacikweba ecirondo cage, ahama, aja emunda Yezu âli.
\p
\v 51 Yezu amudosa, erhi: “Cici walonza nkujirire?” Naye olya muhurha, erhi: “Yagirwa, nti nani mbone!”
\p
\v 52 Yezu amubwira, erhi: “Gendaga, obuyemere bwawe bwakufumize.” Na ho na halya ayirukir'abona; anacimukulira.
\c 11
\cl Cigabi 11
\p
\v 1 Erhi bakola bahika e Yerusalemi, hofi n'e Betifaje n'e betaniya, ah'idako ly'entondo y'Emizetuni, yezu arhuma babiri omu baganda bage,
\v 2 Ababwira, erhi: “Jimwo cira cishagala cimmuyerekire; hano muhikamwo, mwashimana omucukà gw'endogomi guli mushweke, gusag'igendwakwo na muntu. Mugushwekûlemunagunderhere.
\v 3 Hakajira owakammubwira, mpu: “Kurhi oku? “Munamushuze oku Nyakasane agulonza; ho n'ahoanaguehuma eno.”
\p
\v 4 Balikûla, bashimana omucukà gw'endogomi guli mushweker'emuhanda, omu mashanganizo; bagushwekûla.
\v 5 Baguma omu bâli bayimanzire aho bababwira, mpu: “Kurhi okwo mwashwekûla ogwo mucukà gw'endogomi?”
\v 6 Bamushuza nka kulya Yezu anababwiraga; barhacibayalulaga.
\p
\v 7 Banacilerhera Yezu gulya mucukà gw'endogomi, babambakwo ebishuli byabo omu njira; bandi batwa amashami g'emirhi omu mushwa, bagabamba omu njira.
\v 9 Abàli bashokwire n'abâli enyuma, bayisha babanda orhuhababo, mpu: “Hozana! Agishwe oyu oyishire oku izino lya Nyakasane!
\v 10 Bugishwe OBwami buyishire bwa larha DAudi! Hozanna omu mbingu enyanya!
\p
\v 11 Erhi ahika omu Yerusalemi, aja omu ka-Nyamuzinda; n'erhi amahenguza enyunda zoshi, bulya ecajingwe câli camaba, ahuluka aj'e Betaniya bo na ablya ikumi na babiri.
\p
\v 12 Erhi buca, bakola barhenga e Betaniya, ishali lyamugwarha.
\v 13 Alangira omurhi gw'amalehe guyasize, agujaho mpu alole erhi abonakwo irehe. Erhi aguhika ho, ntaco abwine kwo, agarhali mâsi gwonene, bulya garhâli mango ga malehe.
\v 14 Anacibwira gulya mulehe, erhi: “Mâshi irhondo orhacifâga walibirwekwo irehe!” Abaganda bage nabo bayumva.
\p
\v 15 Banacihika e Yerusalemi. Erhi aja omu ka-Nyamuzinda, arhondera ahulusa abakag'ikaguliza omu ka-Nyamuzinda; akulumbya oburhalule bw'abakag'ikâba, anahirimya entebe z'abarhunzi b'engûku.
\v 16 Arhayemeraga omuntu ageze akantu omu ka-Nyamuzinda
\v 17 rhi akola abayigiriza, ababwira, erhi: “Ka kurhayandisirwi ntya: Enyumpa yani yaderhwe Nyumpa ya nsengero oku mashanga goshi? Ci mwehe mwamayijiraga lukunda lwa bishambo!”
\v 18 Erhi bajinji b'abadahwa n'abashamuka b'ihanobayumva eyo myanzi, balonza kurhi bamuyirha; ci bamuyoboha, bulya olubaga lwoshi lwakag'isomerwa n'enyigirizo zage.
\v 19 Erhi kuba bijingo, arhenga omu cishagala.
\p
\v 20 Erhi kuba sezi, bakoa bashub'igera, basimana gulya murhi gw'amalehe gwayumire kuhika omu cisinasina.
\v 21 Petro akengera, amubwira, erhi: “Waliha, k'obwine! Gulya mulehe waahehereraga ogu gwayumire!”
\p
\v 22 Yezu anacishuza, ababwira, erhi: “muyemere Nyamuzinda.
\v 23 Okuli mmubwizire, ngasi yeshi wabwire eyi ntondo, erhi: “Yimuka, ocikwebe omu nyanja", nka arharhindiri emurhima gwage, ci akaba ayemire oku kulya anadesire kwaba, kwanaba.
\v 24 Co cirhumire mmubwira: ngasi eci mwahûne nka mwashenga, mulangalire oku mira mwacishobolaga, mwanacihâbwa.
\v 25 Na nka muyimanzire, mudwirhe mwa shenga, akaba hali oyu mubikire akarhinda emurhima, mumubabalire, lyo Sho w'empingu naye ammubabalira amabi ginyu.”
\v 26 Ci nka murha nka babalira, Sho winyu oli mpingu arhank babalira coli n'ehitya.
\p
\v 27 Bashub'ija e Yeruzalemi. Erhi aba adwirhe alambagira omu ka-Nyamuzinda, abakulu b'abadahwa, abashamuka b'ihano n'abagula b'olubaga bamujaho.
\v 28 Bacimubwira, mpu: “Buhashe buhi ojiramwo ebi byoshi? Na ndiwakuhâga obwo buhashe bw'okubijira?”
\p
\v 29 Naye Yezu abashuza, ababwira, erhi: “Nani nammudosa kanwa kaguma. Munshuze, nani nammubwira obuhashe njira-mwo ebi.
\v 30 Obubatizo bwa Yowane, k'empingu bwarhengaga erhi emwa abantu? Munshuze.”
\p
\v 31 Obwo bacijamwo, bakaderha, mpu: “Rhukaderha nti empingu, akola arhudosa, erhi: “Carhumaga murhacimuyemera?”
\v 32 Na rhukaderha nti emwa abantu, abantu barhuyirha, bulya boshi kwo bakag'ilola Yowane nka mulebi w'okuli.”
\v 33 Banacishuza yezu mpu: “Rhurhamanyiri la.” Naye yezu ababwira, erhi: “Nani ntacimmubwire buhashe buci njiramwo ebi.”
\c 12
\cl Cigabi 12
\p
\v 1 Obwo arhondera okubabwirira omu migani: “Muntu muguma anacihinga olukoma lw'emizebibu, aluyubakira olugurhu, ahebamwo omukenzi, agwikamwo omutungo; okubundi alusigira abahinzi, acibalamira.
\v 2 Erhi amango gahika, arhuma omwambali mpu abahinzi bamuhe eyage mizabibu.
\v 3 Bohe, banacimugwarha, bamushurha, bamulika maboko mumu.
\v 4 Ashub'ibarhumira owundi mwambali; oyo bamubera oluguma banamujacira kubi.
\v 5 Ashub'irhuma owundi; yehe bamuniga. N'abandi mwandu; baguma bashurhwa, abandi banigwa.
\v 6 Obwo erhi acigwerhe mugala wage muguma, murhonyi bwenene. Buzindi naye abarhumiraye, aderha erhi: “Bakenga mugala wani yehe!”
\v 7 Ci abahinzi babwirana mpu: “Oyu, yo nfula yayîme: yishi, rhuyinige, rhuyish'iba rhwe rhuciyimira muli byoshi!”
\v 8 Banacimurhuluba, bamuyirha, bamukweba emuhûlo gw'olukoma.
\v 9 Kurhi nn'olukoma ayish'ijira obwo? Ayisha, ahombya balya bahinzi, n'olukoma aluhe abandi.
\v 10 Ka murhag'isoma ntya omu Mandiko: Ibuye abûbasi bagayagusagya, lyayish'iba kaboko ka Nyumpa;
\v 11 nyakasane yêne wakolaga ebyo, byanaba bisomerine omu masu girhu.”
\p
\v 12 Balonza oku bamugwarha, ci bayoboha olubaga; bulya bâli bayumvirhe oku ogwo mugani bo guyerekire. Banacimuleka bagenda.
\p
\v 13 Banacimurhumira baguma omu bafarizeyi n'omu Baherodi mpu bamurhege omu nderho.
\v 14 Banaciyisha, bamubwira, mpu: “Waliha Muyigiriza, rhuyishi oku oderha okulin'oku orhajira kabolo kuli ndi, bulya orhalola ola ye ndi omu bantu, ci enjira ya Nyamuzinda onayiyigirize nk'oku enali. Ka kukwanine rhukavurhira Sezari erhi nanga?”
\p
\v 15 Naye bulya âli amanyire obulyalya bwabo, ababwira, erhi: “Cirhumire mwantega? Nderheri olusaranga ndole.”
\v 16 Balulerha. Anacibadosa, erhi: “Ya ndi eyi nshusho n'aga mandiko?” Bashuza mpu: “Bya Sezari.”
\p
\v 17 Yezu anacibabwira, erhi: “Ahoo! Ebya Sezari bigaluliragi Sezari, n'ebya Nyamuzinda mubihe Nyamuzinda.” Banacisomerwa bwenene.
\p
\v 18 Abasaduceyi, balya bakaderha mpu nta bufûke bw'afîre, banacijaho, bamudosa, mpu:
\v 19 “Muyigiriza, Musa arhurhegesira mpu irhondo mwene wabo omuntu akafa nka asizire omukazi orhagwerhi bana, mwene wabo anayinjire mukage, ahe mwene wabo iburha. Kasharhu naye kwo n'okwo.
\v 20 Hâli ba-nda-nguma nda. Omurhanzi ayanga omukazi, afa arhanasiziri mwana.
\v 21 Owa kabiri ayinjira mukage, naye afa buzira mwana. Ow
\v 22 Ntaye muli bo oku bali nda wasizire mwana. Enyuma ya boshi, lero nyamukazi naye anacifa.
\v 23 Ewe, aha kufûka kw'abafu, ayish'iba muka ndi muli bo? Bulya oku bali nda bâli bamuyansire.
\p
\v 24 Yezu erhi abashuza, ababwira erhi: “Ka murhahabusiri obwo, erhi ku rhamanya Amandiko n'obuhashe bwa Nyamuzinda kurhuma?
\v 25 Bulya aha kufûka, kw'abafu, ntaye washebe na natye washebwe, ci bacibêra nka bamalaika omu mpingu.
\v 26 N'oku bufûke bw'abafu, ka murhasag'isoma omu citabu ca Musa, halya baganîre olw'Ishaka lyagulumira, aka kanwa Nyamuzinda amubwiraga, erhi aderha, erhi: nie Nyamuzinda wa Yakobo?
\v 27 Arhali Nyamuzinda wa mifu, ci wa bagumaguma. Mâshi mugwerhe mwacirheba bwenene!
\p
\v 28 Muguma omu bashamuka b'ihano âli yumvirhe badalika. Erhi abona oku abashuzize bwinja, anacimudosa, erhi: “Irhegeko lihi liri lirhanzi omu marhegeko goshi?”
\p
\v 29 Yezu amushuza, erhi: “Irhegeko lirhanzi lyo eli: Yumva, Israheli Nyakasane Nyamuzinda wirhu yenene Nyamuzinda;
\v 30 wakazigira Nyakasane Nyamuzinda wawe n'omurhima gwawe goshi, n'omu rhima gwawe gwoshi, n'obukengere bwawe boshi, n'emisi yawe yoshi.
\v 31 Elya kabiri lyo élu: wakazigira owinyu nk'oku ocizigira wenene. Nta lindi irhegeko lilushire ago.”
\p
\v 32 Olya mushamuka w'ihano amubwira, erhi: “Neci, Mwigiriza odesire okuli: Nyamuzinda ali muguma yenenen'oku nta wundi enyuma lyage.
\v 33 Oku muzigira n'omurhima gwoshi, n'obukengere boshi, n'emisi yoshi, n'okuzigira owinyu nk'oku ocizigira wenene, kulushire enterekero zoshi n'entûlo zoshi.
\p
\v 34 Yezu erhi abona oku ashimbulire bwinja, amubwira, erhi: “Obwami bwa Nyamuzinda barhali kuli kuli.” Na ntaye wacikag'ihaliza mpu amudosa.
\p
\v 35 Erhi aba adwirhe ayigiriza omu ka-Nyamuzinda, Yezu anaciderha, erhi: “Kurhi abashamuka b'ihano baderha: mpu Kristu aba mwene Daudi?
\v 36 Nobwo Daudi yenene adesire oku buhase bwa Mûka Mutakatifu, erhi: “Nyakasane abwizire Nnâhamwirhu: Bwarhala ebwa kulyo kwani, kuhika abanzi bawe mbayandaze idako ly'amagulu gawe”
\v 37 Daudi yêneamudesire mpu ye Nnawabo; kurhi aligi mugala?” Olubaga lwakamuyumviriza lunasimire.
\p
\v 38 Ababwira omu nyigirizo zage, erhi: “Mucilange oku bashamuka b'ihano, abasima okulambagira bayambirhe ebishuli biriri n'okulamusibwa oku irango,
\v 39 n'okubwarhala oku ntebe ntanzi omu masinagogi, n'ebibwarhalo birhanzi oku cîbo.
\v 40 Abakâja balya ebya abakana banaderha amasala malimali. Abo bayish'ibona olubanja ludarhi kurhaluka.”
\p
\v 41 Yezu anacibwarhala aha bwa mucimba gw'ecibikiro, akalola oku abantu bahira ensaranga omu mucimba gw'ecibikiro. Bahirhi banji bahiramwo nyinji.
\v 42 Lero hayisha mukana muguma wa buligo, ahiramwo bujuma bubiri, bwo bulink'ikuta.
\v 43 Anac'ikema abaganda bage ababwira, erhi: “Mmubwizire, okuli, oyu mukana mukenyi ahânyire kulusha boshi abahiraga omu cibikiro.
\v 44 Bulya boshi bahiziremwo oku basigala oku bunguke bw'ebirugu byabo; ci yehe omu bukenyi bwage ahizire ehi anali agwerhe hyoshi, ehyankamubisire hyoshi.”
\c 13
\cl Cigabi 13
\p
\v 1 Erhi aba akola ahuluka omu ka Nyamuzinda, muguma omu baganda bage amubwira, erhi: “Waliha, lola aga mabuye n'obu bubake!”
\v 2 Naye Yezu erhi ashuza, amubwira, erhi: “K'obwine obwo bubake? Nta ibuye lyayorhe oku lindi: byoshi byayish'ishâbwa.”
\p
\v 3 Erhi aba akola abwarhire oku ntondo y'Emizetuni, ayerekîre ebwa ka-Nyamuzinda, Petro bo na Yakobo na Yowane n'Andreya bamudosa bufunda, funda mpu:
\v 4 “Orhubwire mangaci okwo kwabe n'ecabe cimenyeso oku ebyo byoshi biri hofi.”
\p
\v 5 Okubundi Yezu arhondera ababwira erhi: “Mumanye ntaye wabarhebaga.
\v 6 Bulya bali banji bayishe oku izino lyani, baderhe, mpu: 'Nie (kristu),' banarhebe bantu banji.
\v 7 Amango mwayumve baderha entamabala n'emihigo y'entambala, murhayohobaga; bulya ku kwanine ebyo birhang'iyisha, ci obuzinda erhi burhacihika.
\v 8 Ishanja lyarhêre elindi ishanja, n'obwami obundi bwami. Omusisi gw'idaho gwayish'iba hanji, hâbe n'ecizombo. Ebyo gwo murhondero gw'amalibuko nkizimi lyatula omukazi.
\p
\v 9 Ninyu mucimanye: mwayish'ihânwa omu rhugombe, munashurhirwe omu masinagogi; mwahekwe embere z'abarhegesi n'abami nie ntumire, oku kuba bahamirizi embere zabo.
\v 10 Cikwone Emyanzi y'Akalembe yarhang'iyish'iyigirizibwa omu mashanga goshi.
\v 11 N'amango bammugwarhe mpu bamuhâne, murharhanyagya mpu cici mwaderha; ci oluderho lwammuyishire muli ago mango gonêne, lwo muderhage: bulya arhali mwe mwaderhe, ci Mûka Mutakatifu.
\v 12 Obwo omuntu ayish'ihâna mwene wabo mpu bamuyirhe, n'ishe w'omwana ahâne omugala; nabo abana bayish'irhabalira ababusi, banayirhe.
\v 13 Mway'ishombwa n'abantu boshi hanyanya ly'izino lyani; ci murhayohobaga buly owaciseze kuhika olusiku luzinda, oyo ye wacunguke.”
\p
\v 14 “Amango mukabona ebibibibi biri ahantu birhakwanine okuba, (Hatakatifu), owasoma ayumve, obwo abaliomu cihugo c'e Yudeya bayakire oku ntondo;
\v 15 oli oku burhungiri bw'enyumpa arhaciyandagiraga omu nyumpa mpu arhôle akantu kalimwo.
\v 16 N'oli omu ishwa arhashubiraga eka mpu arhôle ecishuli cage.
\v 17 Abakazi bali mazimi n'abayonkesa ago mango, basomerwa!
\v 18 Mushenge okwo kurhabaga omu kasanzi k'enkuba!
\v 19 Bulya ezo nsiku zaba za malibuko garhasag'iboneka kurhenga Nyamuzinda alema igulu kuhika buno, garhanaciboneke bundi.
\v 20 N'acibaga Nnâmahanga arhahihagya ezo nsiku, nta muntu ciru omuguma wankacizire; ci ezo nsiku azinyihize hanyanya lya bishogwa bage.
\v 21 Ago mango erhi mwankabwirwa n'omuntu, mpu: “Lola, Kristu oyu oli hano, nisi erhi hala", murhemeraga.
\v 22 Bulya hayish'iyisha ba-kristu b'obwihambi n'abalebi b'obunywesi banji, banayish'ijira ebimanyiso n'birhangazo mpu barhebe ciru n'aishogwe aciba kwankahashikana.
\v 23 Ninyu mumanyage: mmulêbîre byoshi embere lya kasanzi.
\p
\v 24 “Ci muli ezo nsiku, enyuma y'ago malibuko, izuba lyaba mwizizi n'omwezi gurhacibashe,
\v 25 enyenyezi zamanuka oku nkuba n'ebya oku nkuba byageramwo musisi.
\v 26 Go mango babone Mwen-omuntu ayishire omu bitu n'obuhashe n'irenge linji.
\v 27 Obwo anarhuma bamalaika bage bashubûze abishogwe bage embande ini z'igulu, kurhenga aha igulu lihekîre kuhika emalunga bwenene.
\p
\v 28 “Mulole olwiganyo oku mulehe. Amashami gagwo erhi gashabuka n'erhi ebibabi bikumera, munamanye oku ecanda ciri hofi.
\v 29 Ninyu ntyo, amango mwabone ebyo, mumanye oku ali hofi, oku ahika aha luso.
\v 30 Mmubwire okuli, eri iburha lirhagere n'ebyo byoshi birhaba.
\v 31 Irunga n'igulu byagere, ci enderho zani zirhakagera.
\v 32 Ci olwo lusiku n'ko kasanzi, ntaye obimanyire, ciru na bamalaika b'empingu, ciru n'Omugala, nta wundi aha nyuma ly'Ishe yenene.”
\v 33 “Mumanye, mube masu, bulya murhamanyiri amango okwo kwâbe.
\v 34 Nka kulya omuntu wabalamaga: Aleka enyumpa, aha abambali obuhashe ngasi muguma omu mulimo gwage, akomereza omulanzi mpu abe masu.
\v 35 Kuziga mube masu, bulya murhamanyiri mangaci nn'enyumpa ayisha: erhi bijingo, erhi aha kagarhi k'obudufu, erhi oluhazi lubika, erhi sezi;
\v 36 Lyo akayish'immurhibukira, alek'immushimana muli iro.
\v 37 N'okwo mmubwizire mwe, boshi nkubwizire: mube masu!”
\c 14
\cl Cigabi 14
\p
\v 1 Hâli hacisigire nsiku ibiri embere z'olwa-Basaka n'olw'emigati erhalimwo lwango. Abajinji n'abashamuka b'ihano bakag'ilonza oku bankamugwarha n'obwenge n'oku bankamuyirha.
\v 2 Ci bakadeha mpu: “Arhalioku lusiku lukulu, akadugundu kalek'izûka omu lubaga”
\v 3 Erhi Yezu aba ali e Betaniya, omu mwa Simoni mushomyo, abwarhire adwirhe alya, hayisha mukazi muguma, wali odwirhe enjebe y'amafurha g'omugavu gw'engulo ndarhi. Anacibera erya njebe, amudubulira gulya mugavu oku irhwe.
\v 4 Baguma omu bahali bagwarhwa n'omutula, banadeha, mpu: “Crhumire ashereza ogu mugavu?
\v 5 Gwa nkanaguzirwe dinari magana asharhu, zihabwe abana “Babulira oyo mukazi.
\p
\v 6 Ci Yezu ababwira erhi: “Mumuleke, carhuma mwamulibuza ntya? Cijiro cinja anjirire.
\v 7 Bulya abakenyi, ensiku zoshi muli haguma nabo, n'amango mwalonza mwanabajirira aminja; ci niehe arhali ensiku zoshi mwambona.
\v 8 Ajizire nka oku ayanali ahashire. Ene ashîga omubiri gwani, abire agurheganya okubishwa.
\v 9 Okuli, mmubwizire, ngasi aha Emyanzi y'Akalembe yayigirizibwe omu igulu lyoshi, eci cijiro c'oyu mukazi caganirwe oku mukengera.”
\p
\v 10 Yuda w'e Keriyoti, mugma muli balya ikumi na babiri, anacija ema abajinji b'abadahwa mpu amuhâne omu maboko gabo.
\v 11 Nabo erhi bayumva ntyo, bacishinga bwenene, banamulaganya ensaranga. Obwo akalonza kurhi abona aha amuhânira.
\p
\v 12 Omu lusiku lurhanzi lw'emigati erhalimwo lwango, lwo lusiku babagira Basaka, abaganda bage bamwira, mpu: “Ngahi olonzize rhukurheganyize okulya Basaka?”
\p
\v 13 Anacirhuma babiri omu baganda bage, ababwira, erhi: “Muje omu cishagala; mwashimana omuntu abarhwire akabindi k'amishi, mumukulikire;
\v 14 ngasi ahankaja, mubwire nn'enyumpa, mpu: “omwigiriza adesire ntya: “Ngahi enyumpa yani eri, ndiremwo Basaka haguma n'abaganda bani?”
\v 15 Amuyereka enyumpa nnene enyanya, ebambirwe bwinja enali nteganye; mwo mwomurhurheganyiza.”
\v 16 Balya baganda balikûla, baja omu lugo, bashimana kulya anababwiraga, barheganya Basaka.
\v 17 Erhi biba bijingo, ayisha bo na balya ikumi na ababiri.
\p
\v 18 Erhi baciba bali oku cîbo, badwirhe balya, Yezu ababwira, erhi: “Okuli mmubwizire, muguma muli mwe, rhudwirhe rhwalya haguma ampâna.”
\p
\v 19 Omutula gwanacibagwarha, bakamudosa muguma muguma, erhi: “Waliha, ka nie?”
\p
\v 20 Naye anacibashuza, erhi: “Ali muguma omu ikumi-na babiri, ohebire okuboko omu nambinguma rhwe naye.
\v 21 Neci, Mwene-omuntu acikolera nka oku ayandikirwe, ci kwonene bahanyabw'oyu muntu, ahânwa naye! Kwankabire kukulu kuli oyo muntu arhaburhwe!”
\p
\v 22 Erhi bababadwirhe balya, ayanka omugati, n'erhi aba amagugisha, anacigubega, abaha anaderha, erhi: Yanki, eci guli mubiri gwani.”
\v 23 Ashub'iyanka akahe, avuga omunkwa, abaha, banywakwo boshi.
\v 24 Ababwira, erhi: “Eci guli muko gwani gw'amalaganyo mahyahya, gubulazirwe enyanya za banji.
\v 25 Okuli, mmubwizire, ntakacishub'inywa kuli eyi mburho y'omuzabibu, kuhika olusiku nayayinywe mpyahya omu Bwmi bwa Nyamuzinda.”
\v 26 Erhi bayus'iyimba, bahuluka, baja oku ntondo y'Emizetuni.
\p
\v 27 Yezu anacibabwira, erhi: Obudufu bw'ene mweshi mwasarhala erhi nie ntuma; balya kuyandiirwe: Nashurha lungere ebibuzi bishandabane.
\v 28 Ci hano nyus'ifûka, nammushokolera e Galilaya.”
\p
\v 29 Petro amubwira, erhi: “Ciru boshi bankasarhala erhi we rhuma, niehe nanga!”
\p
\v 30 Yezu amushuza, erhi: “Okuli, nkubwizire: ene, muli obu budufu, oluhazi lurhabike kabiri orhana mpakana kasharhu.”
\p
\v 31 Ci yehe anacigagala, aderha, erhi: “Ciru kwankaba kufa haguma nawe, ntankakuhakana!
\p
\v 32 Banacihika omu ishwa liderhwa Jetesemani. Abwira abaganda bage, erhi: “mubwarhale aha oku naj'ishenga.”
\v 33 Anaciyanka Petro bo na Yowane na Yakobo, arhondera okuyumva oburhe n'amaganya.
\v 34 Ababwira, erhi: “Omurhima gwani guyunjwire birhe bw'okulonz'ifa; mubêre aha, mubemasu.”
\v 35 Erhi ashegûka hitya, acirhimba oku idaho, ahûna mpu kukahashikana, ako kasanzi kamugere kuli.
\v 36 Aderha, erhi: “Abba, Larha, byoshi bihashikana emwawe: Onkulekwo aka kahe; ci arhali nka oku nalonza, ci nka oku walonza wenene!”
\v 37 Anacishubira aha baganda bage, ashimana bahunzire; abwira Petro, erhi: “Simoni, k'oli iro? Ka ciru orhahashire okuyiza nsâ nguma yône?
\v 38 Mube masu, munashenge, mulik'ishumikwa; bulya omurhima guba mwangu, ci omubiri guba muzamba.”
\v 39 Ashub'igenda, ashenga, aderha nka kulya aderhaga burhanzi.
\v 40 Erhi agaluka, ashimana kandi bali iro, bulya amasu gabo gâli mazirho; bahaba kurhi bamushuza.
\v 41 Ashub'iyisha obwa kasharhu, ababwira erhi: “Lero mugwishirage munarhamuke. Hoshi aho; amango gahisire: Mwene-omuntu akol'ihânwa omu maboko g'ab'ebyaha.
\v 42 Zûki, rhugende! Owampâna oyu oyirika.”
\p
\v 43 Oku acidwirhe aderha, Yuda w'e Keriyoti, muguma muli balya ikumi na babiri, y'ono y'ono, adwirhe ngabo nyinji efumbasire engorho n'amahiri, erhumirwe n'abajinji b'abadahwa n'abashamuka b'ihano n'abagula b'olubaga.
\v 44 Owamulenganyagya erhiabahire ecimanyiso, erhi: “Oyu nankanunugurha, erhi ye, mumugwarhe, mumuheke buholo-buholo.”
\v 45 Oku anayisha ntya, ayirukira ayegera Yezu, amubwira, erhi: “Rabbi", Anacimununugurha.
\v 46 Banacihirakwo amaboko, bamugwarha.
\v 47 Obwo muguma muli balya bâhali ayomola engorho yage, ayirhimba mwambali w'omudahwa mukulu, amushishimbula okurhwiri.
\p
\v 48 Yezu anacibabwira, erhi: “Ewe, kurhi muyishire nka bantu bashimbire ecishungu, muherhe engorho n'amahiri mul'ingwarha?
\v 49 Ngasi lusiku nali haguma ninyu nayigiriza omu ka-Nyamuzinda, murhanangwarhaga. Ci okwo kwoshi mpu lyo Amandiko gahikirira.”
\p
\v 50 Obwo abaganda bage banacimuleka, bayaka boshi.
\v 51 Mwana muguma wa musole amukulikira, erhi ntaco ayambirhe ecirhali cirondo cage conene; bamugwarha.
\v 52 Ci yehe abalekera cirya cirondo, acilibirhira bushunzi.
\p
\v 53 Banacihêka Yezu emwa Omudahwa mukulu; nabo abajinji b'abadahwa, abagula b'olubaga n'abashamuka b'ihano bayishubukira boshi.
\v 54 Naye Petro erhi amugumire omu cirali kuhika omu cogo c'Omudahwa mukulu; abwarhala oku cîko haguma n'abalalizi, akakaluka
\v 55 Abajinji b'abadahwa n'ihano lyoshi bakalonza obuhamirizi kuli Yezu, mpu lyo bamuyirha, ci babubula.
\v 56 Nobwo abahamirizi b'obunywesi bâli bayishire banji, ci amahamirizi gabo garhâli go maguma.
\v 57 Hanaciyimanga baguma, bamunywerhera, mpu:
\v 58 “Rhwamuyumvirhe aderha, mpu: “Nashâba aka ka-Nyamuzinda kayubakagwa n'amaboko g'abantu, n'omu nsiku isharhu nyunjuze akandi karhayubasirwi n'amaboko g'abantu.”
\v 59 Ciru na muli okwo obuhamirize bwabo burhayumvanyagya.
\p
\v 60 Okubundi Omudahwa mukulu anaciyimanga ekagarhi, adosa Yezu, erhi: “Ci orhashuza? Kurhi okwo aba bantu badwirhe bakuderhera?”
\v 61 Yehe acihulira, arhashagalaga kanwa. Omudahwa mukulu ashub'imudosa anamubwira, erhi: “Ka we Kristu, Mugala w'Omugishe?”
\p
\v 62 Yezu anacimushuza, erhi: “Neci, ndi ye; mwanacibona Mwene-omuntu abwarhire ekulyo kw'Ogala-byoshi anayishire omu bitu by'emalunga.”
\p
\v 63 Aho Omudahwa mukulu asharhula emyambalo yage, anaderha, erhi: “bici rhwacilongeza abahamirizi?
\v 64 Mwayumvirhe oku alogorha; kurhi mubwine?” Boshi bamutwira oku akwanine okufa.
\p
\v 65 Okubundi, baguma banacirhondera okumumesherakwo, n'erhi baba bamamubwika obusu, bakamurhimba ebifundo banaderha, mpu: “Lebaga!” N'abalalizi bakamushurha empi.
\p
\v 66 Erhi Petro aba akola ali omu cogo idako, hayisha muja-nyere muguma w"Omudahwa mukulu.
\v 67 Erhi abona Petro adwirhe akaluka, amu sinza anamubwira, erhi: “Nawe wali haguma na Yezu w'e Nazareti.”
\p
\v 68 Naye anacihakana, aderha, erhi: “Ntishi, ciru ntumvirhi ebi odesire.” Anacihulika, aja ebwa lumvi; (oluhazi lwabika).
\p
\v 69 Erhi olya muja-nyere amubona, ashub'irhondera abwira abahali, rhi: “Oyo ali wa muli bo!”
\p
\v 70 Ci yehe ashub'ilahira. Erhi kugera kasanzi, abâli halya babwira Petro, mpu: “Mâshi oli wa muli bo, bulya oli Mugalileya.”
\p
\v 71 Okuhandi arhondera alahira analahiriza, erhi: “Mâshi oyo muntu mwaderha, ntamuyishi.”
\p
\v 72 Obwo oluhazi lwabika obwa kabiri. Aho Petro akengera kalya kanwa Yezu amubwiraga: “Embere oluhazi lubike kabiri, wampakana kasharhu.” Anacirhondera okuvugumula emirenge.
\c 15
\cl Cigabi 15
\p
\v 1 Erhi bunaca ntya, abajinji b'abadahwa baja (ihînzi) ihano haguama n'abagula b'olubaga n'abayigiriza n'ihano lyoshi; n'erhi baba bamashweka Yezu, bamuheka emwa Bilato, bamuhaye.
\v 2 Bilato amudosa, erhi: “ka we mwami w'Abayahudi?” Yezu amushuza, erhi: “Wekudesire.”
\v 3 Nabo abajinji b'abadahwa bamushobeka binji
\v 4 Bilato ashub'imudosa, erhi: “Ka nta kanwa washuza? K'obwine ebi bakushobesire.”
\v 5 Ci Yezu arhashuzagya cici, kuhika Bilato asomerwa.
\p
\v 6 Ngasi lusiku lukulu, akag'ibalikira mushwekwa muguma, oyu banacishozire.
\v 7 Obwo erhi hali mushwekwa muguma, ye wali Baraba. Ali ashwesirwe haguma n'abandi bagomi bâli banizire omuntu omu bugomi.
\v 8 Erhi olubaga lurherema, lwarhondera lwahûna okujirirwa nka kulya lunayorha lujirirwa.
\v 9 Bilato abashuza; erhi: “Ka mwalonza mmulikire omwami w'Abayahudi?”
\v 10 Erhi anamanyire obwo oku bwagalwa abajinji b'abadahwa bamuhâniraga.
\v 11 Ci abajinji b'abadahwa bashumika olubaga mpu bahûne alike Barab erhi ye.
\v 12 Bilato ashub'ibabwira, erhi: “Kurhi najiraga omwami w'Abayahudi?”
\p
\v 13 Ci bône bashub'iyama, mpu: “Omubambe oku musalaba!
\p
\v 14 Bilato, erhi: “Bubi buci ajizire?” Nabo bashub'iyama, balushisa, mpu: “Omubambe oku musalaba!”
\v 15 Okubundi Bilato alonza okusimisa olubaga, abalikira Baraba, n'erhi aba amashurha Yezu emikoba, abahaye mpu abambwe oku musalaba.
\p
\v 16 Abasirika banacimuheka omu cogo, bamujana omu lurhamba, bamuhirakwo olubamba lw'abasirika lwoshi.
\v 17 Bamuyambika ecishuli cidukula, n'erhi baba bamaluka ecimane c'emishugi, bamuhiraco omu irhwe.
\v 18 Barhondera bamulamusa, mpu: “Asinge, Mwami w'Abayahudi!”
\v 19 Bamushurha irhwe n'olusheke, bamukayirakwo, banamufukamira, baharâmya.
\v 20 Okubundi, erhi bayus'imucinaguza, bamuhogola cirya ci shuli cidukula, bamuyambika emymbalo yage, bamuhulikana mpu baj'imubamba oku musalaba.
\p
\v 21 Bagwarha muntu muguma wafulukaga, Simoni w'e Sirene, ishe w'Alexandro na Rufo, mpu arhwaze Yezu okubarhula omusalaba.
\v 22 Bamuheka ahantu haderhwa Goligota, kwo kuderha mpu hantu h'e (Mpanga).
\v 23 Banacimuha erivayi lirimwo endulwe mpu anywe, ci arhalinywagakwo.
\v 24 Banaci mubamab oku musalaba, bagabana emishangi yage, bayiyeshera ecigole mpu bamanya cici ngasi muntu aheka.
\p
\v 25 Zâli nsâ isharu erhi bamubamba.
\v 26 Igwarhirho ly'olufu lwage lyayandikwa ntya “Mwami w'Abayahudi.”
\v 27 Banacibamba haguma naye bishumusi bibiri, ciguma ekulyo, ecindi ekumosho kwage.
\v 28 Lwayunju Olwandiko lwaderhaga, erhi: “Aganjirwe omu babi.”
\v 29 Abakag'igera, bakamujacira banadunda irhwe, mpu: “We shaba aka-Nyamuzinda, onashub'ikayunjuza omu nsiku isharhu,
\v 30 cirikizagye aholalira, ohonekwo ogu musalaba!”
\p
\v 31 Nabo abajinji b'abadahwa n'abagula b'ihano bakag'imushekera banaderha, mpu: “Acizize abandi arhankanahash'iciciza yenene!
\v 32 Kristo mwami w'Israheli amnukage kuli ogu musalaba, nirhu rhubone, rhunamuyemere!” Ciru na balya bâli babambirwe oku musalaba haguma naye bakag'imujacira.
\p
\v 33 Erhi izuba liyimanga, omwizîzî gwabwika ecihugo coshi kuhika amafuluko.
\v 34 Erhi kuba mafuluko Yezu ayama n'izu linene, erhi: “Eloyi, Eloyi, lama sabaktani?” kwo kuderha: “Nyamuzinda wani, Nyamuzinda wani, carhumire wandeka?”
\p
\v 35 Baguma muli balya bàhali, erhi bayumva, baderha Mpu: “Amayakuza Eliya!”
\p
\v 36 Muguma alibirha, avumvuliza ecihôrholo omu nkalishi, acishwekera oku lushekesheke, amuha mpu anywe, erhi: “Muleke rhulole erhi Eliya ayish'imumanula!”
\v 37 Obwo Yezu anaciyama n'izu linene, arhengamw'omûka.
\v 38 Okubundi, omwenda gwâli mumanike, aha karhi k'aka-Nyamuzinda gwalalamuka mpande ibiri kurhenga enyanya kuhika ahanshi.
\p
\v 39 Omukulu w'abasirika wali oyimanzire amuyerekire, erhi abona kurhi ahola, aderha, erhi: “Neci, kwo binali, oyu muntu ânali Mugala wa Nyamuzinda!”
\v 40 Hâli n'abakazi bakag'ilabira kuli. Muli bo mwâli Mariya Magadalena, Mariya nnina wayakobo murho na Yusufu, na Salome.
\v 41 Bo bakag'imukulikira n'okumukolera amango âli e galileya. Nabandi banji bâli barheremire naye e Yerusalemi.
\p
\v 42 Bulya byâli bikola bijingo, na bulya lwâli lusiku lwa marheganyo, lwo lusiku lw'amalaliro ga Sabato,
\v 43 Yusufu w'e Arimatiya, mushamuka mukengwa w'ihano, owakag'ilinga naye Obwami bwa Nyamuzinda, aja emwa Bilato n'burhwali, amuhûna obiri gwa Yezu.
\v 44 Bilato asomerwa oku anafîre duba ntyo. Anaci hamagala olya mukulu w'abasirika, amudosa erhi anafîre.
\v 45 Erhi oyoy mukulu w'abasirika amumanyisa, anaciha Yusufu omubiri gwa Yezu.
\v 46 Okubundi Yusufu anacigula omwenda mweru, arhenza yezu oku musalaba, amubohamwo gulya mwenda, amubisha omu nshinda yali mpumbe omu lwala; anacihirika ibuye linene omu luso lw'enshinda.
\v 47 Obwo erhi Mariya Magadelena na Mariya nnina wa Yusufu badwirh balolekeza aha bamuhira.
\c 16
\cl Cigabi 16
\p
\v 1 Erhi olw-sabato lugera, Mariya magadalena na Mariya nnina wa yakobo na Salome bagula omugavu mpu bagend'ishîga omubir gwa Yezu.
\v 2 Sezi muceracera, olusiku lurhanzi lw'omugobe, baja ebwa cusho erhi izuba lishoshôka.
\v 3 Bakadosanya bone na nnene, mpu: “Ndi warhuhirikira ibuye lirhenge omu luso lw'ecusho?”
\v 4 Erhi bacilola, babona ibuye mira lyahirikagwa: nobwo lyâli linene bwenene.
\p
\v 5 Erhi baja omu cusho, babona omusole gubwarhire ekulya, guyambirhe omwambalo mweru: bayoboha.
\v 6 Nago gwababwira, erhi: “Murhayobohaga. Mwalonzia Yezu w'e nazareti ozind'ibambwa oku musalaba: anafûsire, arhali muno. Loli aha bâli bamuhizire.
\v 7 Ci mugendage, mubwire abaganda bage, ci bwenene Petro, oku ammushokolire e Galileya: yo mwamubonera nka kulya anammubwiraga.”
\v 8 Erhi barhenga ebwacusho, bakûla omulindi, bulya bâli bayobohire n'okugeramwo omusisi. Na ntaye babwizire kanwa erhibwoba burhuma.
\p
\v 9 Yezu erhi afûka sezi, olusiku lurhanzi lw'omugobe, arhang'ibonekera mariya Magadalena, olya ahulusagyamwo bashetani nda.
\v 10 Naye akanya, aj'ibwira abagnda bage, erhi bali omu mirenge n'mishîbo.
\v 11 Erhi bayumva aderha mpu azine ananamubonekire, barhayemeraga.
\v 12 Enyuma ly'okwo, abonekera omu yindi nshusho babiri muli bo, erhi bali omu njira baja ebwa biralo.
\v 13 Abo bagaluk'ibwira ababo; ci nabo barhabayemeraga.
\v 14 Buzinda abonekera balya ikumi na muguma, erhi badwirhe balya. Abakalihira erhi kubula buyemere kwabo kurhuma n'oku buzibu bw'emirhima yabo bw'okurhayemera balya bamubwine afûsire omubafû.
\p
\v 15 Anacibabwira, erhi: “Mugende omu igulu lyoshi, muyigirize ngasi ciremwa Emyanzi y'Akalembe.
\v 16 Owayemere akanabatizibwa, ayish'icunguka; ci owabe arhayemiri, ayish'ikagwa.
\v 17 N'ebisomerine byakulikire abayemera by'ebi: oku izino lyani ba yish'ikahulusa bashetani; bayish'ikaderha endimi mpyahya;
\v 18 bayagwarhe enjoka; n'erhi bakanywa obwogi, burhakabajira kurhi; balambulire amaboko oku balwala, nabo bafume.”
\p
\v 19 Erhi Mwami Yezuayus'ibabwira ntyo, anacihêkwa emalunga, abwarhala ekulyo kwa nyamuzinda.
\v 20 Nabo balikûla, baj'iyigiriza hhoshi hoshi; Nyakasane erhi aja akola haguma nabo anakomeza Oluderho n'ebisomerine byakag'ilukulikira