cor_2020_cua_clt_rom_book/rom/4.json

{
  "1": "Anưq, haay hnoq đnooy Ap-ra-haam, mo kơy kua haay tyauq trôôk xăk xơmơk, heq 'yo hloq kajoq?",
  "2": "Vii atoh Aap-ra-haam ik taayh hyioh jăk bơơyh varơuq dơơp, kơy e kơq xôq akwoe, bơh leh aalq ji kangưưr Kơy Plêêk.",
  "3": "Vii Rahlăăp Vah đnooy kajoq? \"Aap-ra-haam tuuôq gamưh Kơy Plêêk, ji varơuq nưq ik ‘yo ji hyioh jăk ka kơy.\"",
  "4": "Mot kadrưy đôôiq dii kơyq dơơp varơuq,  jêêt hngơy dơơp leh ik 'yo đaji vanong, bơh ji đaji lôôkq.",
  "5": "Măn đôôiq dii kơyq leh dơơp varơuq, đơơu tuôq aduq Kơy khienq adro leh tuôq vlôh hyioh jăk,  xuum tuôq ku adro nưq ik 'yo ji hyioh jăk.",
  "6": "Tabơh đaji Đa-vik kung đnooy truh vanong kaxaay kua adro đơơu Kơy Plêêk ‘yo ji hyioh jăk leh aalq varơuq dơơp:",
  "7": "Vanong ka dro leq đơơu kaluh varơuq xơk tauq ni heq ik ka'lăăk, ji  kaluh lôôp kadrôp ni heq ik katuh glôôp.",
  "8": "Vanong ka adro đơơu Lôôk chăk chănq heq leh jauq truh lôôp kadrôp  ku ni.\"",
  "9": "Anưq thii, vanong kaxaay neq jeng ka adro chiuq gưch kađuh, long kung jeng ka adro leh gưch kađuh? Bơơyh haay đong đnooy:\" Xuum tuôq nưq ik 'yo ji hyioh jăk ka Aap-ra-haam.\"",
  "10": "Anưq, xuum tuôq nưq heq ik ‘yo đaji luleq? Ji đom tuôy heq gưch kađuh long đom tuôy koq lưp gưch kađuh? Leh aalq đom tuôy heq gưch kađuh, bơh ji  đom tuôy koq gưch kađuh.",
  "11": "Kơy heq nhonq hlêêl gưch kađuh đaji hlêêl xanưk kua varơuq hyioh jăk gơmưh xuum tuôq, nưq ji  xuum tuôq đom katuôy koq gưch kađuh, xôq ka kơy ji mo kơy ku dêq hloay khơl dro e xuum tuôq long koq gưch kađuh, jarooy truh varơuq hyioh jăk ik taboon ka khơl adro nưq;",
  "12": "kung  ji mo kơy ku adro chiuq gưch kađuh đôôiq dii khơl leq leh vơq vlôh xing pheep gưch kađuh, đơơu măn ji khơl adro dơơp tyauq hlêêl jôôk xuum tuôq ku Aap-ra-haam, mo kơy haay, đom tuôy koq gưch kađuh.",
  "13": "Vii apok tavek jeng ka Aap-raa-haam long jeng ka koot xaau ku kơy, nưq ji xôq ka adro ji adro dưk hlê dêh araak, leh aalq gamưh ganuun bơh ji gamưh varơuq hyioh jăk ku xuum tuôq.",
  "14": "Vii atoh khơl adro dưk hlê vlôh xing ganuun <strong> </strong>, yôôych xuum tuuôq biq paq ik xung liq, ji apok taveek biq ka'lăăk.",
  "15": "Vii ganuun tawaay hlê đơơt tôq dayq, bơh aduq leq leh e ganuun yôôych kung leh e varơuq lôôp kadrôp.",
  "16": "Vii kakơq nưq, lunưq khơl adro dưk hlê laa vlôh xing xuum tuuôq, xôq ka tyauq trôôk varơuq ku vanong kaxaay, xôq apok taveek laa kajưk dik ka tôôy koot xaau - leh ka adro vơơ vlôh xing ganuun đơu heq, bơh laa ka adro kung vlôh xing xuum tuuôq ku Aap-ra-haam, đơu kơy laa mo kơy ku dêq hloay haay,",
  "17": "đaji heq jah vlơk đaneq:\" Gô heq panưk koot dơơp vaq ku 'ngưưng tamooi,\" măn kangưưl Kơy đơu kơy tuuôq gamưh, nưq laa Kơy Plêêk, Kơy khienq ka adro kaxêêt e varơuq riilh ji tayh kaluh varơuq leh e đaji đong e;",
  "18": "đơu kơy laa adro heq <strong>tuuôq gamưh,</strong> tol xuum takôô gamưh <strong> glơh iaq ka varơuq takôô gamưh, </strong> xôq ka kơy jah vlôh jêêk vaq ku 'ngưưng tamooi, tyauq đaji varơuq heq jah xanoh:\" Koot xaau ku koot hnoq laa đaji anưq.\"",
  "19": "ji long leh e hraap pôôt đom xuum tuuôq, kơy heq 'yo hloq xăk xamơơk kadih ni đaji biq kaxêêt yôôych ( vii jah đom kơh muuyq hreek xanưm), kung đom varơuq kateh yauq aduq klaak koot ku Sa-raa.",
  "20": "Bơh awih truh apok taveek ku Kơy Plêêk, kơy heq be biq biit ravơq muut varơuq be tuuôq, wih hlê, kơy heq jah kaalh praat đom xuum tuuôq, tuôôy tưp tađnah tađnaak tok Kơy Plêêk,",
  "21": "ji heq xaleep jah tuuôq kajưk đaneq varơuq kajoq Kadraq heq taveek, yôôych Kadraq kung e taay yaak xôq dưk dơơp.",
  "22": "Lunưq \" xuum tuuôq nưq jah 'yo laa hyioh jăk ka kơy\".",
  "23": "Mot kadrơơy, apok heq jah vlơk đaneq\" xuum tuuôq nưq jah 'yo laa hyioh jăk ka kơy\", be aalq vơơ vii kơy,",
  "24": "đơu măn vii haay, laa ka khơl adro đơu xuum tuuôq nưq hnoq jah 'yo laa hyioh jăk, nưq laa ka khơl leq tuuôq aduq Kơy heq khienq Lôôk Jê-xu, Lôôk haay, riilh hlê xing aduq kaxêêt,",
  "25": "đơu Kadraq heq biq noop vii varơuq lôôp kadrôp ku haay ji heq jah dơơp ăm riilh hlê vii varơuq xưng hyioh jăk ku haay."
}