cor_2020_cua_clt_rev_book/rev/19.json

24 lines
4.5 KiB
JSON
Raw Normal View History

2020-12-29 06:31:51 +00:00
{
"1": "Atêq kaluh varơuq nưq, gô tameen hnưưm dang đaji hnưưm đnooy kôt ku muuyq biing manih thier karôp tol plêêk, đaneq: \\q “Ha-lê-lu-ja! \n\\q \nVarơuq wơơt, tađnah tađnaak ji taay yaak thuôk xuq Kơy Plêêk haay,\n\\q2",
"2": "Vii varơuq xưh xadrah ku Kadraq laa dong dik ji hyioh jăk, \n\\q\nvii Kadraq heq xưh xadrah mo xakoah kôt\n\\q2\n'ngưq laa dro dơơp hưư va-ih vari bơơn katiik apuq atrap ku ni. \n\\q\nKadraq heq blaa hlê ka vahaap ku khơl xapok Kadraq\n\\q2\nxing ti ni.”\n\n\\ts\\*\n\\m",
"3": "Yôôch oot đnooy yưk thưq vaar, đaneq: \\q \n“Ha-lê-lu-ja! \n\\q\n'Nhuuy xing aduq ni kưq pool tok dong truh đơơy đơơy, miek miek.”\n\\m",
"4": "Vaar kưl poot khơl draq ji poot poop ôôq kuu xăk pôôt ji kuh kuul Kơy Plêêk, Kơy đong 'ngôôy tol ngaai, đaneq: \\q \n“A-meen. Ha-lê-lu-ja!”\n\n\\ts\\*\n\\m",
"5": "Muuyq apok đnooy xing ngaai ahlôôk vlôh, đaneq: \\q \n“Dayh kacheeu ayuuôt Kơy Plêêk haay, \n\\q2 \ndêq hloay khơl xapok Kadraq lơơy,\n\\q\nji khơl adro kuh 'yôq Kadraq, \n\\q2\nkhơl de long khơl kôt!”\n\n\\ts\\*\n\\m",
"6": "Yôôch gô tek hnưưm đnooy đaji hnưưm ku biing manih thier karôp,dang hnưưm ku 'ngưưng alook daak, ji dang đaji hnưưm kơy kata kalh, đaneq: \\q “Ha-lê-lu-ja! \n\\q\nVii Lôôk laa Kơy Plêêk ku haay, 'ngưq laa Kơy Taay Yaak, jư xakaq.\n\n\\ts\\*\n\\q",
"7": "Haay dayh hlah hlaak, luh laak, \n\\q2 \nji tơơk tưp tađnah tađnaak tok Kadraq \n\\q\nvii lêêh pajêêt ku Trưưu Koot heq truh, \n\\q2\nji amưưy ku Kadraq heq ralauq xăk xôq 'miêh,\n\\q",
"8": "varơuq jah kahniq ka amưưy nưq laa amưưy jah hlưưp auu bơơn vaayh laanh miim\n\\q2\ntađnah klưưng xarêh xaraat\" \\p (vii vaayh laanh miim laa kaluh varơuq hyioh jăk ku khơl vah).\n\n\\ts\\*\n\\p",
"9": "Yôôch kơy yaak nưq đnooy dii gô: \"Dayh vlơk: Vanong ka khơl adro jah mơơy truh waal pajêêt Trưưu Koot.\" Kơy nưq kungh đnooy dii gô: \"Neq laa kaluh apok dong dik ku Kơy Plêêk.\"",
"10": "Gô kuu pôôt aduq jôôk kơy yaak nưq xôq kuh kuul kơy, đơu kơy đnooy dii gô: \"Te dơơp anưq! Gô laa adro kung dơơp xapok đaji ay ji khơl oh ay ku ay, laa khơl adro e apok xanưk ku Lôôk Jê-xu. Dayh kuh kuul Kơy Plêêk, vii apok xanưk ku Lôôk Jê-xu laa phool hiel ku apok hlit.\"\n\n\\ts\\*\n\\p",
"11": "Yôôch gô hloq plêêk luh vlôh, ji 'yo hơơq, muuyq ôôq ahleh koo, ji Kơy achoo tol ni jah taayh laa jưư apok ji dong dik, Kadraq xưh xadrah ji tahmot tyauq trôôk hyioh jăk.",
"12": "Mot Kadraq đaji gooy ôôlh, 'ngưưng đoat tađnah tol akoq Kadraq, e muuyq yal jah vlơk đơu be akơyq xet ik vơơ e jơq Kadraq .",
"13": "Kadraq hlưưp muuyq auu kot keet trăăp đom vahaap, ji yal Kadraq jah tayh laa Apok Ku Kơy Plêêk.\n\n\\ts\\*",
"14": "Kaluh biing kuun tol plêêk chruuy kaluh ôôq ahleh koo hooy tyauq Kadraq, oot hlưưp vayh gaai miim koo ji xarêh.",
"15": "Xing huuy Kadraq lier vlôh poop xieh thier xưưl xôq Kadraq hnoq ik xok ni hmơơt kaluh daak dêh, ji Kadraq hnoq xakaq oot bơơn gaay katôôlh maan. Kadraq joaq thung ranieq lok tađnưưk đơơt tôq jaraq rahưưk rahưưk ku Kơy Plêêk, Kơy Taay Yaay.",
"16": "Kadraq e muuyq yal jah vlơk tol auu kot keet ji tol kataalh Kadraq: \"Vuua ku khơl vuua ji Lôôk ku khơl lôôk.\"\n\n\\ts\\*\n\\p",
"17": "Yôôch gô hloq muuyq kơy yaak dưk đom mot hngơy, ji kơy nưq taayh tok dii muuyq apok kôt, đnooy kung dêq hloay kaluh proh xêêp đong pool tol plêêk, đaneq: \"Dayh truh đneen, dayh anguk hlê ka waal xa kôt ku Kơy Plêêk,",
"18": "xôq xa hleek kaluh vuua, hleek khơl padrok tươnq, hleek adro kaalh praat, hleek ôôq ahleh ji kuun achoo ôôq ahleh, kung dii hleek ku khơl manih, hloay kôôch hnhư ji xapok, khơl de ji kôt.\"\n\n\\ts\\*\n\\p",
"19": "Yôôych gô hloq ôôq ji kaluh vuua tol vari kung biing kuun ku oot. oot anguuk tagumq hlê xôq tadơơp dii Kơy chruuy ôôq ahleh ji biing kuun ku Kadraq.",
"20": "Yôôych ôôq biq rôôp, kung dii ni e hnhư hlit pa ôôh, adro dưk dơơp kaluh dơuq akêh kangưưl ni, gơmưh đnư ni pa ôôh aluut ik khơl adro heq nhonq dơuq ôôq ji kuh kwaay vangưưl ni. Dêq baar măn riilh đơu biq week muut hlôôk ôôlh jaq dii lưưu hwiinh.\n\n\\ts\\*",
"21": "Sôôq măn hlê đom oot yôôych biq păk kaxêêt bơyh xieh ku Plêêk chruuy ôôq ahleh, 'ngưq laa xieh vlôh xing huuy Kadraq. Dêq hloay kaluh xêêpq xa hleek ku ni phiq phơh.\n\n\\ts\\*"
}