الله حذر موسى و هارون بانو فرعون حيكون عنيد . لمن مشوا لفرعون ، قالوا ، "ده القالوا اله اسرائيل ، خلي شعبي يمشوا!" لكن فرعون ما سمع ليهم . بدل ما هو يخلي الاسرائيليين يمشوا احرار ، هو اجبرهم يشتغلوا حتى الشغل الصعب !
فرعون استمر يرفض بان يخلي الناس يمشوا، عشان كده الله رسل عشرة ضربات قوية في مصر . من خلال ضربات دى، الله ورى فرعون انو هو اقوى منه و من كل الالهة في مصر .
عشان كده الله رسل ضربة البعوض وبعدو رسل ضربة الضبان . فرعون نادى موسى و هارون و قال ليهم انو لو وقفوا الضربة ، الاسرائيليين حا يرحلوا من مصر . لمن موسى صلى ، الله شال كل الضبان من مصر .لكن فرعون قسى قلبه و ما خلى الناس يمشوا احرار.
بعد داك الله قال لموسى يرش رماد في الهواء قدام فرعون . لمن عمل كده ظهر جروح بوجع شديد في جسم المصريين ، لكن ما ظهر لاسرائيليين . الله قسى قلب فرعون و فرعون ما خلى الاسرائيليين يمشوا احرار.
بعد داك ، الله رسل حبات التلج خرب محاصيل كتير في مصر و قتل اي زول مشى برة . فرعون نادى موسى و هارون و قال ليهم ، "انا اخطات . ممكن تمشوا". عشان كده موسى صلى و حبات التلج وقف ينزل من السماء .
بعد داك الله رسل ظلام لمدة ثلاثة ايام . و كان الظلام شديد حتى المصريين ما قدروا يطلعوا من بيوتهم . لكن كان فى ضوء في المكان الساكنين فيه الاسرائيليين .
حتى بعد الضربات التسعة ، فرعون لسه رافض عشان يخلي الاسرائيليين يمشوا احرار . ما دام فرعون ما داير يسمع ، الله خطط يرسل اخر ضربة . ده البخلي فرعون يغير رايه .
See in Reader
