# ضربات العشرة

![OBS Image](https://cdn.door43.org/obs/jpg/360px/obs-en-10-01.jpg)

الله حذر موسى  و هارون  بانو فرعون حيكون عنيد . لمن  مشوا  لفرعون ،   قالوا ، "ده القالوا اله  اسرائيل  ، خلي شعبي يمشوا!" لكن فرعون  ما سمع  ليهم . بدل ما هو يخلي  الاسرائيليين  يمشوا احرار ، هو اجبرهم يشتغلوا حتى الشغل الصعب !

![OBS Image](https://cdn.door43.org/obs/jpg/360px/obs-en-10-02.jpg)

فرعون استمر يرفض  بان يخلي الناس  يمشوا، عشان كده  الله رسل عشرة  ضربات  قوية  في  مصر . من خلال ضربات دى، الله  ورى فرعون  انو هو اقوى منه  و من  كل  الالهة  في  مصر .

![OBS Image](https://cdn.door43.org/obs/jpg/360px/obs-en-10-03.jpg)

الله غير موية  نهر النيل الى دم ، لكن فرعون لسه رافض يخلي شعب اسرائيل يمشوا.

![OBS Image](https://cdn.door43.org/obs/jpg/360px/obs-en-10-04.jpg)

الله رسل ضفادع في  كل حتة في مصر . فرعون طلب من موسى  يشيل الضفادع برا . لكن بعد ما كل  الضفادع ماتوا ، فرعون قسى قلبه و رفض للاسرائيليين يطلعوا من مصر .

![OBS Image](https://cdn.door43.org/obs/jpg/360px/obs-en-10-05.jpg)

عشان كده الله رسل ضربة البعوض  وبعدو  رسل ضربة الضبان . فرعون نادى موسى و هارون و قال ليهم انو لو وقفوا الضربة  ، الاسرائيليين حا يرحلوا من مصر . لمن موسى صلى ، الله شال كل الضبان من مصر .لكن  فرعون قسى قلبه و ما خلى الناس يمشوا احرار.

![OBS Image](https://cdn.door43.org/obs/jpg/360px/obs-en-10-06.jpg)

و بعد داك الله خلى كل  بهائم المصريين يمرضوا و يموتوا . لكن قلب فرعون كان قاسى  وما خلى  الاسرائيليين يمشوا .

![OBS Image](https://cdn.door43.org/obs/jpg/360px/obs-en-10-07.jpg)

بعد داك الله قال لموسى يرش رماد في الهواء قدام فرعون . لمن عمل كده  ظهر جروح بوجع شديد في جسم المصريين ، لكن ما  ظهر لاسرائيليين . الله قسى قلب فرعون   و فرعون  ما خلى  الاسرائيليين يمشوا احرار.

![OBS Image](https://cdn.door43.org/obs/jpg/360px/obs-en-10-08.jpg)

بعد داك ، الله رسل  حبات التلج  خرب محاصيل كتير  في مصر و قتل اي زول مشى برة . فرعون نادى موسى و هارون و قال ليهم  ، "انا اخطات . ممكن تمشوا". عشان كده موسى صلى و حبات التلج  وقف ينزل  من السماء .

![OBS Image](https://cdn.door43.org/obs/jpg/360px/obs-en-10-09.jpg)

لكن فرعون اخطا تاني وقسى  قلبه . ابى يخلي الاسرائيليين يمشوا احرار .

![OBS Image](https://cdn.door43.org/obs/jpg/360px/obs-en-10-10.jpg)

عشان  كده  الله  خلى  كمية  من الجراد يجي على مصر . الجراد  ديل اكلوا  كل المحاصيل   الكان  ما  خربه حبات التلج .

![OBS Image](https://cdn.door43.org/obs/jpg/360px/obs-en-10-11.jpg)

بعد داك الله رسل ظلام لمدة  ثلاثة ايام . و كان الظلام   شديد حتى  المصريين ما قدروا  يطلعوا من بيوتهم . لكن كان فى  ضوء في المكان الساكنين  فيه الاسرائيليين  .

![OBS Image](https://cdn.door43.org/obs/jpg/360px/obs-en-10-12.jpg)

حتى بعد الضربات  التسعة  ، فرعون  لسه رافض عشان يخلي  الاسرائيليين يمشوا احرار . ما دام فرعون ما داير يسمع ، الله  خطط يرسل اخر ضربة . ده البخلي فرعون يغير رايه .

_القصة  من الكتاب المقدس ماخوذة  من سفر الخروج الاصحاح ٥ - ١٠ ._