Mon Apr 05 2021 11:46:35 GMT-0400 (Eastern Daylight Time)

01/01.txt

@@ -0,0 +1 @@
+\v 1 Раббийнинг қули Мусонинг ўлимидан сўнг, Раббий Мусонинг хизматкори Нўн ўғли Йешуага деди: \v 2 “Менинг қулим Мусо вафот этди. Шундай қилиб, ўрнингдан тур, сен ва ушбу бутун халқ Йордан дарёсидан ўтиб, Мен Исроил ўғилларига бераётган ерга боринглар. \v 3 Мен Мусога айтганимдек, оёқларингизнинг кафти теккан ҳар қандай жойни сизларга бераман.

01/04.txt

@@ -0,0 +1 @@
+\v 4 Саҳродан ва ушбу Лебанондан то буюк дарё ― Фурот дарёсигача, хетликларнинг бутун ери ҳамда қуёш ботиш томонидаги буюк денгизгача сизларнинг ҳудудингиз бўлади. \v 5 Сенинг ҳаётингнинг барча кунларида ҳеч ким сенга қарши тура олмайди. Мен Мусо билан бўлганим каби сен билан бирга бўламан, сендан чекинмайман ва сени тарк этмайман.

01/06.txt

@@ -0,0 +1 @@
+\v 6 Мустаҳкам ва жасур бўл, чунки сен ушбу халққа Мен уларнинг оталарига беришга қасам ичган ерни эгаликка топширасан. \v 7 Фақатгина мустаҳкам ва жуда ҳам жасур бўлгин. Менинг қулим Мусо сенга васият қилган бутун Қонунга амал қилиб, уни бажаргин. Ундан ўнгга ҳам, чапга ҳам бурилма, токи барча ишларингда доно ҳаракат қилгин.

01/08.txt

@@ -0,0 +1 @@
+\v 8 Ушбу Қонун китоби оғзингдан тушмасин, аммо уни туну кун ўргангин, токи унда ёзилганларни аниқ бажаргин. Шунда ўз йўлларингда муваффақиятли бўласан ва доно ҳаракат қиласан. \v 9 Мана, Мен сенга буюраман: мустаҳкам ва жасур бўл, қўрқма ва даҳшатга тушма, чунки сенинг Раббий Худойинг сен қаерга борсанг сен билан биргадир”.

01/10.txt

@@ -0,0 +1 @@
+\v 10 Йешуа халқнинг назоратчиларига буюриб деди: \v 11 “Қароргоҳ бўйлаб юринглар ва халққа буюриб: Йўл учун ўзларингга озиқ тайёрланглар, чунки уч кундан сўнг оталарингизнинг Раббий Худоси сизларга мерос қилиб бераётган ерни эгаликка олишга бориш учун ушбу Йордандан ўтасизлар, деб айтинглар”.

01/12.txt

@@ -0,0 +1 @@
+\v 12 Рубен ва Гад қабилалари ҳамда Манашеҳ ярим қабиласига эса Йешуа деди: \v 13 “Раббийнинг қули Мусо сизларга буюриб айтган сўзини ёдга олинглар: Сизларнинг Раббий Худойингиз сизларга ором берди ва сизларга ушбу ерни топширди.

01/14.txt

@@ -0,0 +1 @@
+\v 14 Сизларнинг хотинларингиз, болаларингиз, чорваларингиз Мусо сизларга Йорданнинг бу томонида берган ерда қолсинлар. Сизлар, жанг қилишга қодир бўлганларнинг барчаси эса қуролланиб, биродарларингизнинг олдида боринглар ва уларга ёрдам беринглар, \v 15 Раббий сизларга ором бергани каби, биродарларингизга ҳам ором бермагунича ва сизларнинг Раббий Худойингиз уларга бераётган ерни эгаликка олмагунларича уларга ёрдам беринглар. Сўнгра, ўз меросларингга қайтинглар ва Раббийнинг қули Мусо сизларга Йорданнинг бу томонида, қуёш чиқар томонда берган ерни эгаликка олинглар”.

01/16.txt

@@ -0,0 +1 @@
+\v 16 Улар Йешуага жавоб бериб дедилар: “Бизга нимани буюрсанг, ҳаммасини бажарамиз ва бизни қаерга юборсанг борамиз. \v 17 Мусога қандай қулоқ солган бўлсак, сенга ҳам шундай қулоқ соламиз. Фақатгина сенинг Раббий Худойинг Мусо билан бирга бўлгани каби, сен билан бирга бўлсин. \v 18 Сенинг амрингга қарши исён қиладиган ва сен унга буюрадиган барча сўзларингга қулоқ солмайдиган ҳар қандай киши ўлимга топширилади. Фақатгина мустаҳкам ва жасур бўлгин!”

02/01.txt

@@ -0,0 +1 @@
+\v 1 Нўн ўғли Йешуа Шиттимдан икки нафар кишини айғоқчиликка яширинча юбориб: “Бориб, ерни ва Йерихони кўздан кечиринглар,”- деди. Улар кетишди ва Раҳаб исмли фоҳишанинг уйига келиб, ўша ерда қолишди. \v 2 Йерихо подшоҳига: “Мана, Исроил ўғилларидан қандайдир одамлар ерни кўздан кечириш учун бу оқшом шу ерга келдилар,”- деб етказдилар. \v 3 Йерихо подшоҳи Раҳабнинг олдига одам юбориб: “Сенинг олдингга келиб, сенинг уйингга кирган одамларни чиқар, чунки улар бутун ерни кўздан кечиришга келганлар,”- деди.

02/04.txt

@@ -0,0 +1 @@
+\v 4 Бироқ аёл ўша икки кишини олиб, уларни яширди ва деди: “Ҳақиқатан ҳам, менинг олдимга одамлар келган эдилар, лекин мен уларнинг қаердан эканликларини билмаган эдим. \v 5 Қош қорайган пайтда, дарвозани ёпиш вақти келганида, улар кетдилар. Улар қаерга кетганларини билмайман. Тезроқ уларнинг ортидан қувинглар, уларга етиб оласизлар”.

02/06.txt

@@ -0,0 +1 @@
+\v 6 Ўзи эса уларни уйнинг томига олиб чиқиб, томида тахлаб қўйилган зиғир пояларининг ичига уларни яшириб қўйди. \v 7 Юборилган одамлар Йорданга борадиган йўлдан кечув жойигача уларнинг ортидан таъқиб қилдилар. Уларнинг ортидан таъқиб қилаётганлар чиқиб кетган заҳоти дарвозани ёпдилар.

02/08.txt

@@ -0,0 +1 @@
+\v 8 Улар ухлашга ётишларидан аввал, у уларнинг олдига томга чиқиб, \v 9 уларга деди: “Ушбу ерни Раббий сизларга берганини мен биламан, чунки сизлар бизни ваҳимага солдинглар ва бу ернинг бутун аҳолиси сизлардан даҳшатга тушдилар.

02/10.txt

@@ -0,0 +1 @@
+\v 10 Чунки Мисрдан чиққанларингизда, Раббий сизларнинг қаршингизда Қизил денгизнинг сувини қандай қуритганини ва сизлар Йорданнинг нариги томонидаги амўрликларнинг икки подшоҳи: Сихон ва Огни нима қилганингизни, уларни тўлиқ қириб ташлаганингизни биз эшитдик. \v 11 Биз бу ҳақида эшитганимизда, юракларимиз бўшашиб қолди ва бизнинг ҳеч биримизда сизларга қарши дадиллик руҳи қолмади, чунки сизларнинг Раббий Худойингиз ― юқорида самода ва пастда ердаги Худодир.

02/12.txt

@@ -0,0 +1 @@
+\v 12 Шундай қилиб, менга Раббий номи билан қасам ичинглар, мен сизларга шафқат қилганим каби, сизлар ҳам менинг отамнинг хонадонига шафқат қилинглар ҳамда \v 13 менинг ота-онамни, биродарлару опа-сингилларимни, уларнинг барча яқинларини тирик қолдиришингиз ҳамда бизнинг ҳаётимизни ўлимдан қутқаришингиз ҳақида менга ишончли аломат беринглар”.

02/14.txt

@@ -0,0 +1 @@
+\v 14 Бу одамлар унга: “Агар сен бизнинг ушбу ишимизни маълум қилмасанг, бизнинг ҳаётимиз сизларнинг ўрнингизга ўлимга топширилсин. Раббий бизга ерни берганида, биз сенга шафқат ва ҳақиқат бўйича муносабатда бўламиз,”- дедилар.

02/15.txt

@@ -0,0 +1 @@
+\v 15 Сўнг Раҳаб уларни деразадан арқон билан пастга туширди, чунки унинг уйи шаҳар деворида эди, у деворда яшар эди. \v 16 У уларга деди: “Таъқиб қилувчилар сизларни учратиб қолмасликлари учун тоққа кетинглар ва таъқиб қилувчилар қайтиб келмагунларича, ўша ерда уч кун яширининглар, кейин эса ўз йўлингиздан кетаверинглар”. \v 17 Ўша одамлар унга дедилар: “Агар қуйидагича қилмасанг, сен бизга ичирган сенинг қасамингдан озод бўламиз:

02/18.txt

@@ -0,0 +1 @@
+\v 18 Мана, биз ушбу ерга келганимизда, бизни тушириб юборган деразага қизил арқон боғла, сенинг ота-онангни, биродарларингни, отангнинг бутун оиласини ўз уйингга йиққин. \v 19 Агар сенинг уйингнинг эшикларидан кимдир ташқарига чиқса, унинг қони ўзининг бошида бўлади, биз эса айбдор бўлмаймиз. Лекин уйда сен билан бирга бўлганга кимнингдир қўли тегса, унинг қони бизнинг бошимизда бўлади.

02/20.txt

@@ -0,0 +1 @@
+\v 20 Агар сен бизнинг ушбу ишимизни маълум қилсанг, унда биз ҳам сен бизга ичирган қасамингдан озод бўламиз”. \v 21 У: “Сизларнинг сўзларингизга кўра бўлсин!”- деди. У уларни қўйиб юборди ва улар жўнаб кетдилар, ўзи эса деразага қизил арқон боғлаб қўйди.

02/22.txt

@@ -0,0 +1 @@
+\v 22 Улар кетиб, тоққа келдилар ва уларни таъқиб қилаётганлар қайтмагунларича, ўша ерда уч кун қолдилар. Таъқиб қилаётганлар уларни бутун йўл бўйлаб изладилар, бироқ топа олмадилар.

02/23.txt

@@ -0,0 +1 @@
+\v 23 Шундай қилиб, ушбу икки одам қайтиб кетдилар, тоғдан тушиб, Йордандан ўтдилар. Нўн ўғли Йешуанинг олдига келиб, улар билан содир бўлган ҳамма нарсани унга сўзлаб бердилар. \v 24 Улар Йешуага: “Раббий бутун ушбу ерни қўлларимизга топширган ва мамлакатнинг бутун аҳолиси биздан даҳшатга тушган,”- дедилар.

03/01.txt

@@ -0,0 +1 @@
+\v 1 Йешуа эрта тонгда турди, кейин улар Шиттимдан қўзғалиб, Йорданга келдилар. Йешуа ва Исроилнинг барча ўғиллари уни кечиб ўтмасдан, ўша ерда тунадилар.

03/02.txt

@@ -0,0 +1 @@
+\v 2 Уч кундан сўнг назоратчилар қароргоҳ бўйлаб юрдилар \v 3 ва халққа буюриб дедилар: “Раббий Худойингизнинг Аҳд Киботини, руҳонийларни ҳамда  Киботни кўтариб келаётган левитларни кўрганингизда, сизлар ҳам ўз ўрнингиздан қўзғалиб, унинг ортидан боринглар. \v 4 Бироқ сизлар билан уларнинг орасидаги масофа икки минг тирсак ўлчамда бўлиши керак. Кетаётган йўлни билиш учун унга яқин келманглар: чунки сизлар бу йўлдан илгари ҳеч қачон юрмагансизлар”.

03/05.txt

@@ -0,0 +1 @@
+\v 5 Йешуа халққа: “Ўзларингни покланглар, чунки эртага Раббий сизларнинг орангизда мўъжизалар яратади,”- деди. \v 6 Руҳонийларга эса Йешуа: “Аҳд Киботини олинглар ва халқнинг олдида боринглар,”- деди. Руҳонийлар Аҳд Киботини олиб, халқнинг олдида кетдилар.

03/07.txt

@@ -0,0 +1 @@
+\v 7 Шунда Раббий Йешуага деди: “Мана шу кундан Мен сени бутун Исроил нигоҳида улуғлашни бошлайман, токи Мен Мусо билан қандай бирга бўлган бўлсам, сен билан ҳам худди шундай бирга бўлишимни улар билсинлар. \v 8 Сен эса, Аҳд Киботини кўтариб бораётган руҳонийларга буюриб: Йордан сувининг қирғоғига келганингиз заҳоти Йорданда тўхтанглар, деб айтгин”.

03/09.txt

@@ -0,0 +1 @@
+\v 9 Йешуа Исроил ўғилларига: “Бу ерга келинглар ва сизларнинг Раббий Худойингизнинг сўзларини тингланглар,”- деди. \v 10 Сўнг Йешуа деди: “Сизларнинг олдингиздан канъанликларни, хетликларни, ҳивликларни, перизликларни, гиргошликларни, амўрликлар ва ябусликларни қувиб юборадиган тирик Худо сизларнинг орангизда эканлигини мана шундан билиб оласизлар: \v 11 Мана, бутун ер Раббийсининг Аҳд Киботи сизлардан олдин Йордандан ўтади.

03/12.txt

@@ -0,0 +1 @@
+\v 12 Исроил қабилаларидан ўн икки нафар одам, яъни ҳар бир қабиладан бир нафардан одам олинглар. \v 13 Бутун ернинг Эгаси бўлмиш Раббийнинг Аҳд Киботини кўтариб бораётган руҳонийлар оёқларининг кафти Йордан сувига теккан заҳоти Йорданнинг суви қурийди, юқоридан оқаётган сув эса девор бўлиб туриб қолади”.

03/14.txt

@@ -0,0 +1 @@
+\v 14 Шундай қилиб, халқ Йордандан ўтиш учун ўз чодирларидан қўзғалганида ва руҳонийлар халқнинг олдида Аҳд Киботини кўтариб борганларида, \v 15 Аҳд Киботини кўтариб бораётганлар Йорданга киргани заҳоти ва Киботни кўтариб бораётган руҳонийларнинг оёқлари Йорданнинг сувига ботгани заҳоти, (Йордан эса буғдой йиғим-терими вақтида барча қирғоқларидан тошади) \v 16 юқоридан оқаётган сув тўхтади ва жуда катта масофада, Заретан ёнидаги Адам шаҳригача девор бўлиб кўтарилди. Саҳро текислиги денгизга, яъни Туз денгизига қуйилаётган сув эса тугади ва қуриб қолди.

03/17.txt

@@ -0,0 +1 @@
+\v 17 Шунда халқ Йерихонинг қаршисидан ўтди. Раббийнинг Аҳд Киботини кўтариб бораётган руҳонийлар эса, Йорданнинг ўртасидаги қуруқликда мустаҳкам турдилар. Бутун халқ Йордандан ўтиб бўлмагунича, барча исролликлар қуруқ ердан ўтдилар.

04/01.txt

@@ -0,0 +1 @@
+\v 1 Бутун халқ Йордандан ўтиб бўлганидан сўнг, Раббий Йешуага деди: \v 2 “Халқдан ўн икки нафар одам, яъни ҳар бир қабиладан бир нафардан одам ол. \v 3 Уларга буюриб, шундай дегин: Шу жойдан, руҳонийларнинг оёқлари мустаҳкам турган Йорданнинг ўртасидан ўн иккита тош олинглар, уларни ўзларинг билан бирга олиб ўтинглар ва бу кеча тунайдиган қўноқларингга қўйинглар”.

04/04.txt

@@ -0,0 +1 @@
+\v 4 Йешуа Исроил ўғилларидан ўн икки нафар одамни, ҳар бир қабиладан биттадан одамни чақирди ва уларни шу ишга тайинлаб, \v 5 уларга деди: “Раббий Худойингизнинг Киботи олдидан Йорданнинг ўртасига боринглар ва у ердан тошлар олиб, ҳар бирингиз Исроил ўғиллари қабилаларининг сони бўйича ўз елкангизга биттадан тошни қўйинглар,

04/06.txt

@@ -0,0 +1 @@
+\v 6 токи улар сизларнинг орангизда аломат бўлсин. Кейинги кунларда сизларнинг ўғилларингиз сизлардан сўраб: Сизлардаги бу тошлар нима учун?- десалар, \v 7 сизлар уларга: Бу ― Раббийнинг Аҳд Киботи қаршисида Йорданнинг суви иккига бўлинганининг хотираси учундир. У Йордандан ўтаётганида, Йорданнинг суви иккига бўлинди, деб айтасизлар. Шу тарзда, ушбу тошлар Исроил ўғиллари учун абадий хотира бўлади”.

04/08.txt

@@ -0,0 +1 @@
+\v 8 Исроил ўғиллари Йешуа буюрганидек қилдилар. Раббий Йешуага буюрганидек, Исроил ўғиллари қабилаларининг сони бўйича, Йорданнинг ўртасидан ўн иккита тошни олиб, уларни ўзлари билан қўноққа кўтариб келдилар ва ўша ерга қўйдилар. \v 9 Йешуа бошқа ўн иккита тошни Аҳд Киботини кўтариб юрган руҳонийларнинг оёқлари турган жойга, Йорданнинг ўртасига қўйди. Улар ҳозирги кунгача ўша ердадир.

04/10.txt

@@ -0,0 +1 @@
+\v 10 Мусо Йешуага буюрганидек, Раббий Йешуага халққа айтишни буюрган барча нарса тугамагунича Киботни кўтариб юрган руҳонийлар Йорданнинг ўртасида турдилар, халқ эса шошиб ўтиб олди. \v 11 Бутун халқ Йордандан ўтиб бўлганидан сўнг, Раббийнинг Аҳд Киботи ҳам, халқнинг олдидаги руҳонийлар ҳам ўтдилар.

04/12.txt

@@ -0,0 +1 @@
+\v 12 Рубен ўғиллари, Гад ўғиллари ва Манашеҳ қабиласининг ярми Мусо уларга айтганидек, Исроил ўғилларидан олдинда қуролланган ҳолда ўтдилар. \v 13 Қирқ мингга яқин жангга қуролланганлар жанг қилиш учун Раббийнинг олдида Йерихо текисликларига ўтдилар. \v 14 Ўша куни Раббий Йешуани бутун Исроилнинг нигоҳи қаршисида улуғлади ва улар Мусодан қўрққанларидек, унинг ҳаётининг барча кунларида ундан қўрқдилар.

04/15.txt

@@ -0,0 +1 @@
+\v 15 Раббий Йешуага сўзлаб деди: \v 16 “Ваҳий Киботини кўтариб юрган руҳонийларга Йордандан чиқишни буюргин”.

04/17.txt

@@ -0,0 +1 @@
+\v 17 Йешуа руҳонийларга буюриб: “Йордандан чиқинглар,”- деди. \v 18 Раббийнинг Аҳд Киботини кўтариб юрган руҳонийлар Йордандан чиққанларида, уларнинг оёқ кафтлари қуруқликка теккан заҳоти Йорданнинг суви ўз жойига ёпирилди ва олдинги кунлардагидек, ўзининг барча қирғоқларидан тошиб оқди.

04/19.txt

@@ -0,0 +1 @@
+\v 19 Биринчи ойнинг ўнинчи кунида халқ Йордандан чиқди ва Йерихонинг шарқий чегарасидаги Гилгалда қароргоҳ қурди. \v 20 Улар Йордандан олган ўн иккита тошни Йешуа Гилгалга қўйиб, \v 21 Исроил ўғилларига деди: “Кейинги кунларда сизларнинг ўғилларингиз оталаридан: Бу тошлар нимани англатади? деб сўрасалар,

04/22.txt

@@ -0,0 +1 @@
+\v 22 ўғилларингизга шундай деб айтинглар: Исроил ушбу Йордан остидаги қуруқ ердан  ўтди. \v 23 Чунки сизларнинг Раббий Худойингиз биз Қизил денгиздан ўтиб бўлмагунимизча, Қизил денгизни нима қилган бўлса, яъни уни бизнинг қаршимизда қандай қуритган бўлса, худди шундай, сизларнинг Раббий Худойингиз сизлар Йордандан ўтиб бўлмагунингизгача, сизлар учун Йорданнинг сувини  қуритди, \v 24 токи ернинг барча халқлари Раббийнинг қўли кучли эканлигини билиб олсинлар ва сизлар барча кунларда Раббий Худойингиздан қўрқинглар”.

05/01.txt

@@ -0,0 +1 @@
+\v 1 Шарқда, Йорданнинг бу томонида яшаган барча амўрлик подшоҳлар ва денгиз бўйидаги барча канъанлик подшоҳлар эса Исроил ўғиллари ўтиб бўлмагунларича, Раббий уларнинг қаршисида Йорданнинг сувини қуритганини эшитганларида, уларнинг юраклари сустлашди ва уларда Исроил ўғилларига қарши дадиллик руҳи қолмади.

05/02.txt

@@ -0,0 +1 @@
+\v 2 Раббий ўша пайтда Йешуага деди: “Ўзингга ўткир пичоқлар яса ва Исроил ўғилларини иккинчи маротаба хатна қил”. \v 3 Йешуа ўзига ўткир пичоқлар ясади ва “Хатна тепалиги”, деб номланган жойда Исроил ўғилларини хатна қилди.

05/04.txt

@@ -0,0 +1 @@
+\v 4 Йешуа Исроил ўғилларини хатна қилганининг сабаби шунда эдики, Мисрдан чиққан бутун халқ, барча жангга лаёқатли эркак зоти Мисрдан чиққанларидан сўнг саҳрода, йўлда ўлган эдилар. \v 5 Мисрдан чиққан бутун халқ хатна қилинган эди. Бироқ Мисрдан чиққанларидан сўнг йўлда, саҳрода туғилган бутун халқ хатна қилинмаган эди.

05/06.txt

@@ -0,0 +1 @@
+\v 6 Чунки Мисрдан чиққан, жангга лаёқатли бутун халқ қирилиб кетмагунича, Исроил ўғиллари қирқ йил саҳрода юрдилар, чунки улар Раббийнинг овозига қулоқ солмадилар. Раббий бизга бериши ҳақида уларнинг оталарига қасам ичган ерни, сут ва асал оқадиган ерни улар кўрмасликларига Раббий қасам ичди. \v 7 Уларнинг ўрнига эса уларнинг ўғилларини кўтарди. Йешуа шуларни хатна қилди, зеро улар хатна қилинмаган эдилар, чунки уларни йўлда хатна қилмаган эдилар.

05/08.txt

@@ -0,0 +1 @@
+\v 8 Бутун халқ хатна қилинди ва улар шифоланмагунларича ўзларининг жойларида қароргоҳда қолдилар. \v 9 Раббий Йешуага деди: “Бугун Мен сизлардан Мисрнинг шармандалигини олиб ташладим”. Шу сабабли, бу жой ҳатто ҳозирги кунгача “Гилгал”, деб аталади.

05/10.txt

@@ -0,0 +1 @@
+\v 10 Исроил ўғиллари Гилгалда қароргоҳ қурдилар ва ойнинг ўн тўртинчи кунида Йерихо текисликларида Песаҳни амалга оширдилар. \v 11 Песаҳдан кейинги кунда ўша ернинг ҳосилларидан, ўша куннинг ўзида ачитқисиз нон ва қуритилган донлар едилар.

05/12.txt

@@ -0,0 +1 @@
+\v 12 Улар ернинг ҳосилларидан ейишни бошлаганларидан сўнг, иккинчи кунидаёқ манна тушишдан тўхтади ва Исроил ўғилларида бошқа манна бўлмади, бироқ улар ўша йили Канъан ерининг ҳосилларидан едилар.

05/13.txt

@@ -0,0 +1 @@
+\v 13 Йешуа Йерихонинг яқинида турганида, нигоҳларини кўтариб қаради. Мана, унинг қаршисида қўлида яланғочланган қилич билан бир киши турар эди. Йешуа унга яқинлашиб: “Сен бизларданмисан ёки бизнинг душманларимизданмисан?”- деди.

05/14.txt

@@ -0,0 +1 @@
+\v 14 У: “Йўқ, мен Раббий қўшинининг бош қўмондониман. Энди бу ерга келдим,”- деди. Йешуа ерга юз тубан йиқилди ва таъзим қилиб унга: “Менинг ҳазратим ўз қулига нима дейди?”- деди. \v 15 Раббий қўшинининг бош қўмондони Йешуага: “Оёғингдан пойафзалингни еч, чунки сен турган ер муқаддасдир,”- деди. Йешуа шундай қилди. \v 16 Йерихо дарвозаларини қулфлаб қўйди ва Исроил ўғилларидан қўрққанидан қулфланиб олди. Ундан ҳеч ким чиқмас ва унга ҳеч ким кирмас эди.

06/01.txt

@@ -0,0 +1 @@
+\v 1 Раббий Йешуага деди: “Мана, Мен сенинг қўлларингга Йерихони, унинг подшоҳи ва ундаги кучли одамларни топшираман. \v 2 Барча жангга лаёқатли бўлган одамлар шаҳарнинг атрофидан юрсинлар ва бир кунда бир маротаба шаҳарни айланиб чиқинглар. Олти кун шундай қил.

06/03.txt

@@ -0,0 +1 @@
+\v 3 Етти нафар руҳоний қўчқорнинг шохидан қилинган еттита бурғуни Аҳд Киботининг олди томонида кўтариб юрсинлар. Еттинчи куни эса, шаҳарнинг атрофини етти маротаба айланиб чиқинглар ва руҳонийлар бурғу чалсинлар. \v 4 Қўчқор шохи узоқ чалинганида, сизлар бурғунинг овозини эшитганингизда, бутун халқ баланд овозда ҳайқирсин ва шаҳарнинг девори пойдеворигача қулайди ҳамда бутун халқдан ҳар бир киши ўзининг томонидан шаҳарга киради”.

06/05.txt

@@ -0,0 +1 @@
+\v 5 Нўн ўғли Йешуа руҳонийларни чақириб, уларга деди: “Аҳд Киботини кўтаринглар, етти нафар руҳоний эса, қўчқорнинг шохидан қилинган еттита бурғуни Раббий Киботининг олди томонида кўтариб юрсинлар”.

06/06.txt

@@ -0,0 +1 @@
+\v 6 У халққа деди: “Бориб, шаҳарнинг атрофини айланинглар, қуролланганлар эса Раббий Киботининг олди томонида юрсинлар”. \v 7 Йешуа халққа буни айтгани заҳоти, Раббийнинг қаршисида еттита бурғуни кўтариб юрган руҳонийлар ўтиб бурғу чалдилар, Раббийнинг Аҳд Киботи эса уларнинг ортидан борар эди.

06/08.txt

@@ -0,0 +1 @@
+\v 8 Қуролланганлар бурғу чалаётган руҳонийлардан олдинда юрдилар, орқада келаётганлар эса, юрган йўлларида бурғу чалиб бораётган ҳолда Аҳд Киботининг ортидан эргашдилар. \v 9 Йешуа халққа буюриб деди: “Мен сизларга: Ҳайқиринглар!- демагунимча, ҳайқирманглар, сизларнинг овозингиз эшитилмасин ва оғзингиздан ҳеч қандай сўз чиқмасин. Ҳайқиринглар,- деганимда, сизлар ҳайқирасизлар”.

06/10.txt

@@ -0,0 +1 @@
+\v 10 Шундай қилиб, Раббийнинг Аҳд Киботи шаҳарнинг атрофида юриб, бир марта айланиб чиқди. Сўнг қароргоҳга келиб, қароргоҳда тунадилар. \v 11 Кейинги кун Йешуа эрта тонгда турди ва руҳонийлар Раббийнинг Аҳд Киботини кўтардилар.

06/12.txt

@@ -0,0 +1 @@
+\v 12 Раббийнинг Аҳд Киботи олдидан қўчқорнинг шохидан қилинган еттита бурғуни кўтариб юрувчи етти нафар руҳоний юриб бурғу чалдилар, қуролланганлар эса улардан олдинда юрдилар. Орқадан келаётганлар Раббийнинг Аҳд Киботи ортидан эргашдилар ва юриб бурғу чалдилар. \v 13 Шу тарзда, улар иккинчи куни ҳам шаҳар атрофини бир маротаба айланиб чиқдилар ва қароргоҳга қайтиб келдилар. Улар олти кун шундай қилдилар. \v 14 Еттинчи куни эрталаб, тонг отиши билан турдилар ва худди шу тарзда шаҳар атрофини етти маротаба айланиб чиқдилар. Улар фақатгина шу куни шаҳар атрофини етти маротаба айланиб чиқдилар.

06/15.txt

@@ -0,0 +1 @@
+\v 15 Еттинчи маротабада руҳонийлар бурғу чалаётганларида, Йешуа халққа деди: ”Ҳайқиринглар, чунки Раббий шаҳарни сизларга берди! \v 16 Шаҳар лаънат остида бўлади ва ундаги ҳамма нарса Раббийгадир. Фақатгина фоҳиша Раҳаб, у ва унинг уйида бўлганларнинг барчаси тирик қолсин, чунки у биз юборган хабарчиларни яширди.

06/17.txt

@@ -0,0 +1 @@
+\v 17 Бироқ лаънатланган нарсалардан бирор нима олиб ўзингиз лаънат остида қолмаслигингиз учун ҳамда Исроил ўғилларининг қароргоҳига лаънат олиб келмаслик ва унинг бошига кулфат солмаслик учун ўзингизни лаънатланган нарсалардан асранг. \v 18 Барча кумуш ва олтин, мис ва темир идишлар Раббийга бағишланган муқаддасворлик бўлсин ва Раббийнинг хазинасига кирсин”. \v 19 Халқ ҳайқирди ва бурғу чалдилар. Халқ бурғуларнинг овозини эшитгани заҳоти, халқ баланд овозда ҳайқирди ва шаҳар девори пойдеворигача қулади. Халқ, уларнинг ҳар бири ўз томонидан шаҳарга кириб, шаҳарни қўлга олдилар.

06/20.txt

@@ -0,0 +1 @@
+\v 20 Улар шаҳарда бўлган барча нарсаларни: эркак ва аёлларни, ёш ва қариларни, ҳўкиз ва қўйларни ҳамда эшакларни қиличнинг тиғи билан бутунлай қириб ташладилар. \v 21 Ерни кўздан кечириб келган икки нафар ўсмирга Йешуа деди: “Ўша фоҳишанинг уйига бориб, унга қасам ичганингиздек, уни ва унинг уйида бўлганларнинг барчасини у ердан олиб чиқинглар”.

06/22.txt

@@ -0,0 +1 @@
+\v 22 Ерни кўздан кечириб келган ўсмирлар шаҳарга, аёлнинг уйига келдилар ва Раҳабни, унинг ота-онасини, биродарларини, унинг уйида  бўлганларнинг барчасини ва унинг барча қариндошларини ташқарига олиб чиқиб, уларни Исроил қароргоҳининг ташқарисига қўйдилар.

06/23.txt

@@ -0,0 +1 @@
+\v 23 Шаҳарга ҳамда унда бўлган ҳамма нарсага эса ўт қўйдилар. Фақат кумуш, олтин, мис ва темир идишларни Раббий уйининг хазинасига топширдилар. \v 24 Фоҳиша Раҳабни, унинг отасининг хонадонини, унинг уйида бўлганларнинг барчасини Йешуа тирик қолдирди ва у ҳозирги кунгача Исроилнинг орасида яшамоқда, чунки у Йешуа Йерихони кўздан кечириб келиш учун юборган хабарчиларни яширди.

06/25.txt

@@ -0,0 +1 @@
+\v 25 Ўша вақтда Йешуа қасам ичиб деди: “Ушбу Йерихо шаҳрини қайта тиклайдиган ва қурадиган одам Раббийнинг қаршисида лаънатидир. У ўзининг тўнғич фарзандида унинг пойдеворини қўяди ва ўзининг кенжа ўғлида унинг дарвозаларини ўрнатади”.

06/26.txt

@@ -0,0 +1 @@
+\v 26 Раббий Йешуа билан бирга эди. Унинг шуҳрати бутун ер юзи бўйлаб тарқалар эди.

07/01.txt

@@ -0,0 +1 @@
+\v 1 Бироқ Исроил ўғиллари хиёнат қилдилар ва лаънатланган нарсадан олдилар. Яҳудо қабиласидан Зераҳ ўғли, Забди ўғли, Кармининг ўғли Ахан лаънатланган нарсадан олди ва Раббийнинг ғазаби Исроил ўғилларига қарши алангаланди.

07/02.txt

@@ -0,0 +1 @@
+\v 2 Йешуа Йериходан Бейт-Элнинг шарқий томонидаги Бейт-Авен ёнидаги Ғайга одамларни юбориб, уларга: “Бориб, ерни кўздан кечириб келинглар,”- деди. Улар бориб, Ғайни кўздан кечириб келишди. \v 3 Улар Йешуанинг олдига келиб, унга: “Бутун халқ бормасин, балки икки ёки уч мингга яқин одам бориб, Ғайни яксон қилсин. Бутун халқни уринтириб ўтирма, чунки уларнинг сони оз,”- дедилар.

07/04.txt

@@ -0,0 +1 @@
+\v 4 Шундай қилиб, халқдан уч мингга яқин одам у ерга кетди, бироқ улар Ғайнинг аҳолисидан қочиб келдилар. \v 5 Ғайнинг одамлари улардан ўттиз олти нафаргача одамни ўлдирдилар ва уларни дарвозанинг олдидан Шебаримгача таъқиб қилдилар ҳамда уларни тоғдан тушиш жойида қирғин қилдилар. Шу сабабдан, халқнинг юраги бўшашиб, сув каби бўлиб қолди.

07/06.txt

@@ -0,0 +1 @@
+\v 6 Йешуа кийимларини йиртиб, Раббийнинг Аҳд Киботи олдида юз тубан йиқилди ва кечгача ётди. У ва Исроилнинг оқсоқоллари шундай қилдилар ҳамда ўз бошларига тупроқ сепдилар. \v 7 Йешуа деди: “Ё, Раббий Худо! Нима учун сен ушбу халқни Йордандан олиб ўтдинг? Бизни амўрликларнинг қўлига топшириш ва бизни қириб ташлаш учунми? Қани эди, биз Йорданнинг у томонида қолиб яшасак эди!

07/08.txt

@@ -0,0 +1 @@
+\v 8 Ё, Раббий, Исроил ўз душманларига орқасини ўгирганидан сўнг мен нима дейман? \v 9 Чунки канъанликлар ва ернинг бутун аҳолиси буни эшитиб, бизни қуршаб оладилар ва бизнинг номимизни ер юзидан ўчириб ташлайдилар. Ўшанда Сен Ўзингнинг буюк номинг учун нима қиласан?”

07/10.txt

@@ -0,0 +1 @@
+\v 10 Раббий Йешуага деди: “Ўрнингдан тур, нима учун сен юз тубан йиқилдинг? \v 11 Исроил гуноҳ қилди ва улар Мен уларга буюрган Аҳдимни бузди, чунки улар лаънатланган нарсалардан олдилар, ўғирлаб, яширдилар ва ўзларининг нарсаларининг орасига қўйдилар. \v 12 Шунинг учун Исроил ўғиллари ўз душманларининг қаршисида тура олмадилар ва ўз душманларига орқаларини ўгирдилар, чунки улар лаънат остида қолдилар. Агар сизлар ўз орангиздан лаънатланганни йўқ қилмасангизлар, Мен бошқа сизлар билан бирга бўлмайман.

07/13.txt

@@ -0,0 +1 @@
+\v 13 Тур ва халқни муқаддаслаб, уларга айтгин: Тонгда покланинглар, чунки Исроилнинг Худоси Раббий шундай демоқда: Эй, Исроил, лаънатланган нарса сенинг орангдадир, шунинг учун сен ўз орангдан лаънатланганни чиқариб ташламагунингча, ўз душманларингнинг қаршисида тура олмайсан.

07/14.txt

@@ -0,0 +1 @@
+\v 14 Эртага эса сизлар ўз қабилаларингиз бўйича келинглар. Раббий кўрсатадиган қабила авлодлари бўйича келсин. Раббий кўрсатадиган авлод оилалари бўйича келсин. Раббий кўрсатадиган оила бир кишидан келсин. \v 15 Лаънатланган нарсани ўғирлашда фош қилинган кишини, уни ва унда бор бўлган ҳамма нарсани у Раббийнинг Аҳдини бузгани ва Исроилда қонунбузарлик қилгани учун оловда ёндирсинлар”.

07/16.txt

@@ -0,0 +1 @@
+\v 16 Шундай қилиб, Йешуа эрта тонгда туриб, Исроилга қабилалари бўйича бирин-кетин келишни буюрди ва Яҳудо қабиласи кўрсатилди. \v 17 У Яҳудо қабиласига яқинлашишни буюрди ва Зераҳнинг авлоди кўрсатилди. У Зераҳнинг авлодига бирин-кетин яқинлашишни буюрди ва Забди оиласи кўрсатилди. \v 18 Унинг оиласидан ҳар бир кишига бирма-бир яқинлашишини буюрди ва Яҳудо қабиласидан Зераҳ ўғли, Забди ўғли, Кармининг ўғли Ахан кўрсатилди.

07/19.txt

@@ -0,0 +1 @@
+\v 19 Шунда Йешуа Аханга: “Ўғлим, Исроилнинг Худоси Раббийни шарафла ва Унинг олдида гуноҳингни эътироф этиб, менга нима қилганингни айтиб бер. Мендан яширма,”- деди. \v 20 Ахан Йешуага жавоб бериб деди: “Аниқ, мен Исроилнинг Раббий Худосига қарши гуноҳ қилдим ва мана шундай қилдим: \v 21 Мен ўлжаларнинг орасида бир ажойиб Шинар кийимини, икки юз шеқел кумуш ва эллик шеқел оғирликдаги қуйма олтинни кўрганимда, мен уларни жуда ҳам хоҳладим ва олдим. Мана, у менинг чодиримнинг ичидаги ерда яширилган ва кумуш унинг тагида турибди”.

07/22.txt

@@ -0,0 +1 @@
+\v 22 Йешуа одамларни юборди ва улар чодирга югуриб келдилар. Мана, бунинг ҳаммаси унинг чодирида яшириб қўйилган бўлиб, кумуш унинг тагида эди. \v 23 Улар буни чодирдан олиб, Йешуа ва Исроилнинг барча ўғилларининг олдига келтирдилар ҳамда Раббийнинг қаршисига қўйдилар.

07/24.txt

@@ -0,0 +1 @@
+\v 24 Йешуа ва барча исроилликлар Зераҳнинг ўғли Аханни, кумуш ва кийимни, қуйма олтинни, унинг ўғил ва қизларини, ҳўкизларини, эшакларини, қўйларини, чодири ва унда бор бўлган барча нарсаларни олиб, уларни Ахор водийсига олиб бордилар.

07/25.txt

@@ -0,0 +1 @@
+\v 25 Йешуа: “Сен бизнинг бошимизга кулфат солганинг учун Раббий шу кунда сенинг бошингга кулфат солади,”- деди. Бутун Исроил уни тошбўрон қилиб, уларни оловда ёндирдилар ва уларга тошлар отдилар. \v 26 Унинг устига тошлар уюмини уйдилар, у ҳозирги кунгача сақланиб қолган. Шундан сўнг, Раббий ғазабининг қаҳри сўнди. Шу сабабли, ўша жой ҳаттоки ҳозирги кунгача Ахор (“Фалокат”) водийси, деб аталади.

08/01.txt

@@ -0,0 +1 @@
+\v 1 Раббий Йешуага деди: “Қўрқма ва даҳшатга тушма. Жангга лаёқатли барча одамларни ўзинг билан ол ва туриб, Ғайга бор. Мана, Мен сенинг қўлингга Ғайнинг подшоҳини, унинг халқини, шаҳри ва ерини бераман. \v 2 Йерихо ва унинг подшоҳини нима қилган бўлсанг, Ғай ва унинг подшоҳини ҳам худди шундай қил, фақатгина унинг ўлжаси ва чорвасини ўзларингга бўлиб олинглар. Шаҳарнинг орқасига пистирма қўй”.

08/03.txt

@@ -0,0 +1 @@
+\v 3 Йешуа ва жангга лаёқатли барча одамлар Ғайга бориш учун турдилар. Йешуа ўттиз минг нафар мард одамни танлаб, уларни тунда юборди. \v 4 У уларга буюриб деди: “Қаранглар, сизлар шаҳарда, яъни шаҳарнинг орқасида пистирмада ётасизлар. Шаҳардан узоққа кетманглар ва ҳаммангиз тайёр туринглар.

08/05.txt

@@ -0,0 +1 @@
+\v 5 Мен ва мен билан бирга бўлган бутун халқ эса шаҳарга яқинлашамиз. Ғайнинг аҳолиси аввалгидек бизга қарши кўтарилганида, биз улардан қочиб кетамиз. \v 6 Улар бизнинг ортимиздан кетади ва биз уларни шаҳардан олиб кетамиз. Чунки улар: “Улар биздан худди аввалгидек, қочмоқда,”- дейдилар. Биз улардан қочиб кетганимизда, \v 7 сизлар пистирмадан туриб бориб, шаҳарни қўлга олинглар, чунки сизларнинг Раббий Худойингиз уни қўлларингизга топширади.

08/08.txt

@@ -0,0 +1 @@
+\v 8 Шаҳарни қўлга киритганларингизда, шаҳарга ўт қўйинглар, Раббийнинг сўзига кўра буни бажаринглар. Қаранглар, мен сизларга буюрмоқдаман”. \v 9 Шундай қилиб, Йешуа уларни юборди. Улар пистирмада ётиш учун кетиб, Ғайнинг ғарб томонида, Бейт-Эл ва Ғай орасида ўрнашдилар. Йешуа эса ўша тунда халқнинг орасида тунади.

08/10.txt

@@ -0,0 +1 @@
+\v 10 Йешуа эрта тонгда туриб, халқни кўздан кечирди, сўнг у ва Исроилнинг оқсоқоллари халқнинг олдидан Ғайга кетдилар. \v 11 У билан бирга бўлган, жангга лаёқатли барча одамлар кетдилар ва яқинлашиб, шаҳарнинг олдига келдилар. \v 12 Улар Ғайнинг шимолий томонида қароргоҳ ўрнатдилар, улар билан Ғайнинг орасида водий бор эди. Сўнгра, у беш мингга яқин одамни олиб, шаҳарнинг ғарбий томонида, Бейт-Эл билан Ғайнинг ўртасида пистирмага жойлаштирди.

08/13.txt

@@ -0,0 +1 @@
+\v 13 Улар шаҳарнинг шимолий томонида бўлган бутун қўшинни шундай жойлаштирдиларки, уларнинг орқадаги қисми шаҳарнинг ғарб томонида қолди. Йешуа ўша тунда водийнинг ўртасига келди. \v 14 Ғай подшоҳи буни кўрганида, улар шошилиб шаҳарнинг аҳолиси билан биргаликда эрта туриб Исроилга қарши жангга чиқди. У ва унинг бутун халқи текислик олдидаги белгиланган жойга келишди. Бироқ у шаҳарнинг орқасида унинг учун пистирма борлигини билмас эди.

08/15.txt

@@ -0,0 +1 @@
+\v 15 Йешуа ва бутун Исроил худди уларга енгилгандек, саҳро йўли билан қочдилар. \v 16 Улар эса, шаҳарда бўлган бутун халқни Исроилни таъқиб қилишга чорлаб ҳайқирдилар ва Йешуанинг ортидан таъқиб қилиб шаҳардан узоқлашдилар. \v 17 Ғай ва Бейт-Элда Исроилнинг ортидан қувмаган ҳеч бир одам қолмади. Улар Исроилни таъқиб қилиб, шаҳарни очиқ қолдирдилар.

08/18.txt

@@ -0,0 +1 @@
+\v 18 Шунда Раббий Йешуага: “Қўлингдаги найзани Ғайга қарата кўтар, чунки Мен уни сенинг қўлингга топшираман,”- деди. Йешуа қўлидаги найзани шаҳарга қарата кўтарди. \v 19 Пистирмада ўтирганлар ўша заҳоти ўринларидан турдилар ва у қўлини кўтарган заҳоти югуриб, шаҳарга кирдилар. Улар уни эгалладилар ва ўша заҳоти шаҳарга ўт қўйдилар.

08/20.txt

@@ -0,0 +1 @@
+\v 20 Ғайнинг аҳолиси орқага қараб, шаҳардан осмонга тутун кўтарилаётганини кўрдилар. Улар учун у ерга ҳам, бу ерга ҳам қочишга жой йўқ эди, чунки саҳрога қочган одамлар таъқиб қилувчиларга айландилар. \v 21 Йешуа ва бутун Исроил эса пистирмада ўтирганлар шаҳарни эгаллаганларини ҳамда шаҳардан тутун осмонга кўтарилаётганини кўриб, орқага қайтдилар ва Ғайнинг одамларини ўлдира бошладилар.

08/22.txt

@@ -0,0 +1 @@
+\v 22 Шаҳардагилар эса уларнинг рўпарасидан чиқдилар. Шундай қилиб, уларнинг бири бир томондан, бошқаси иккинчи томондан бўлган исроилликларнинг ўртасида қолдилар. Исроилликлар уларни шундай қириб ташладиларки, улардан бирор кишини тирик қолдирмадилар ва қочириб юбормадилар. \v 23 Ғайнинг подшоҳини эса тириклайин тутиб, Йешуанинг олдига олиб келдилар.

08/24.txt

@@ -0,0 +1 @@
+\v 24 Исроилликлар Ғайнинг барча одамларини, улар исроилликларни қувиб борган саҳрода, далада ўлдириб бўлганларидан сўнг ва уларнинг барчаси охиргисигача қиличнинг тиғидан қулаганидан сўнг, барча исроилликлар Ғайга қайтиб бордилар ва уни қиличнинг тиғи билан қириб ташладилар. \v 25 Ўша куни қулаган эркак ва аёллар, Ғайнинг барча аҳолиси ўн икки минг киши эди. \v 26 Ғайнинг бутун аҳолисини бутунлай қириб ташламагунича, Йешуа найзани баланд кўтарган қўлини туширмади.

08/27.txt

@@ -0,0 +1 @@
+\v 27 Фақатгина ушбу шаҳарнинг чорваси ва ўлжасини Раббий Йешуага айтган Раббийнинг сўзига биноан Исроил ўғиллари ўзаро бўлишиб олдилар. \v 28 Йешуа Ғайга ўт қўйди ва уни шу кунгача абадий харобазорга, саҳрога айлантирди.

08/29.txt

@@ -0,0 +1 @@
+\v 29 Ғайнинг подшоҳини эса кечгача дарахтга осиб қўйди. Қуёш ботганидан сўнг, Йешуа унинг жасадини дарахтдан ечиб олишларини буюрди. Уни шаҳар дарвозасининг олдига ташладилар ва унинг устига улкан тош уюмини уйдилар, бу шу кунларгача турибди.

08/30.txt

@@ -0,0 +1 @@
+\v 30 Шунда Йешуа Исроилнинг Раббий Худосига Эйбал тоғида қурбонгоҳ қурди. \v 31 Раббийнинг қули Мусо Исроил ўғилларига буюрганидек, Мусонинг қонун китобида ёзилганидек, ҳеч қандай темир асбоб ишлатилмаган бутун тошлардан қурбонгоҳ қурди. Унда Раббийга тамоман ёндириш қурбонликлари ва тинчлик қурбонликлари  келтирдилар. \v 32 Йешуа Мусонинг қонунининг нусхасини ўша ерда тошларнинг устига ёзди, у уларни Исроил ўғилларининг олдида ёзди.

08/33.txt

@@ -0,0 +1 @@
+\v 33 Бутун Исроил, унинг оқсоқоллари, назоратчилари, қозилари, мусофирлар ҳам, маҳаллий аҳоли ҳам Раббийнинг Аҳд Киботини кўтариб юрадиган руҳонийлар ва левитларнинг қаршисида Киботнинг у ва бу томонида турдилар. Илгари Раббийнинг қули Мусо Исроил халқини қандай дуо қилишни буюрганига кўра – уларнинг ярми Геризим тоғининг қаршисида, қолган ярми Эйбал тоғининг қаршисида турдилар.

08/34.txt

@@ -0,0 +1 @@
+\v 34 Сўнгра Йешуа қонуннинг барча сўзларини, қонун китобида ёзилганига кўра дуо ва лаънатни ўқиди. \v 35 Йешуа Исроилнинг бутун йиғини, аёллару болалари ҳамда уларнинг орасида бўлган мусофирларнинг қаршисида Мусо Йешуага амр берган сўзлардан ўқиб бермаган бирорта ҳам сўз қолмади.

09/01.txt

@@ -0,0 +1 @@
+\v 1 Йорданнинг бу томонидаги: тоғлардаги, водийлардаги ва Лебанон олдидаги буюк денгизнинг барча қирғоқларидаги барча подшоҳлар, хетликлар, амўрликлар, канъанликлар, перизликлар, ҳивликлар ва ябусликлар буни эшитиб, \v 2 биргаликда Йешуа ва Исроил билан жанг қилиш учун бирга тўпландилар.

09/03.txt

@@ -0,0 +1 @@
+\v 3 Лекин Гибъўн аҳолиси Йешуанинг Йерихо ва Ғайни нима қилганини эшитиб, \v 4 ҳийла ишлатдилар. Улар бориб, йўлга нон ғамладилар ва эшакларига эскирган қопларни ҳамда эскирган, йиртилган, ямоқ солинган шароб мешларини ортдилар. \v 5 Уларнинг оёқларидаги оёқ кийимлари эскирган, ямоқ солинган ва устиларидаги кийимлари эскирган эди. Уларнинг йўлда ейиладиган нонлари ҳам қотиб қолган ва моғорлаган эди.

09/06.txt

@@ -0,0 +1 @@
+\v 6 Улар Йешуанинг олдига, Гилгалдаги қароргоҳга келиб, унга ва бутун Исроилга: “Биз жуда ҳам узоқ мамлакатдан келдик. Шунинг учун энди биз билан иттифоқ тузинглар,”- дедилар. \v 7 Исроилликлар эса ҳивликларга: “Балки сизлар бизга яқин жойда яшарсизлар? Қандай қилиб биз сизлар билан иттифоқ тузамиз?”- дедилар. \v 8 Улар Йешуага дедилар: “Биз сенинг қулларингмиз”. Йешуа уларга: “Сизлар кимсизлар ва қаердан келдингизлар?”- деди.

09/09.txt

@@ -0,0 +1 @@
+\v 9 Улар унга шундай дейишди: “Сенинг қулларинг жуда ҳам узоқ мамлакатдан сенинг Раббий Худойингнинг номи ҳақи келдилар. Чунки биз Унинг шуҳратини, Мисрда қилган ҳамма ишларини эшитдик. \v 10 Шунингдек, Йорданнинг нариги томонидаги амўрликларнинг иккита подшоҳи: Ҳешбон подшоҳи Сихонни ҳамда Аштаротда яшаган Башандаги подшоҳ Огни нима қилганининг ҳаммасини эшитдик.

09/11.txt

@@ -0,0 +1 @@
+\v 11 Буларни эшитиб, бизнинг оқсоқолларимиз ва еримизнинг барча аҳолиси бизга шундай дедилар: Сафар учун ўзларингиз билан озуқа олиб, уларга пешвоз чиқинглар ва уларга: Биз сизларнинг қулларингизмиз. Шунинг учун энди биз билан иттифоқ тузинглар,- деб айтинглар. \v 12 Биз сизларнинг олдингизга келаётган кунимизда бу нонимизни уйимиздан иссиқ ҳолда олган эдик, энди эса, мана, у қотиб ва моғорлаб қолди. \v 13 Биз янги қуйган ушбу шароб солинган мешлар ҳам, мана, йиртилиб кетди. Бизнинг бу кийиму пойафзалимиз йўлнинг жуда узоқлигидан эскириб кетди”.

09/14.txt

@@ -0,0 +1 @@
+\v 14 Исроилликлар уларнинг нонларини олдилар, бироқ Раббийдан сўрамадилар. \v 15 Йешуа улар билан тинчлик битимини тузди ва у уларнинг ҳаётини сақлаб қолиши ҳақида улар билан иттифоқ тузди. Жамоанинг бошлиқлари уларга қасам ичдилар.

09/16.txt

@@ -0,0 +1 @@
+\v 16 Улар билан иттифоқ тузганларидан кейин уч кундан сўнг, улар исроилликларнинг қўшниси эканлигини ҳамда уларга яқин жойда яшашларини улар эшитдилар. \v 17 Чунки Исроил ўғиллари йўлга тушиб, учинчи куни уларнинг шаҳарларига келдилар. Уларнинг шаҳарлари Гибъўн, Қефираҳ, Бейерот ва Қиръат-Йеарим эди.

09/18.txt

@@ -0,0 +1 @@
+\v 18 Исроил ўғиллари уларни ўлдирмадилар, чунки жамоа бошлиқлари Исроилнинг Раббий Худоси номи билан уларга қасам ичган эдилар. Шу сабабли, бутун жамоа бошлиқлардан нолиди. \v 19 Барча бошлиқлар эса бутун жамоага дедилар: “Биз уларга Исроилнинг Раббий Худоси номи билан қасам ичганмиз, шу сабабли, биз уларга тега олмаймиз.

09/20.txt

@@ -0,0 +1 @@
+\v 20 Биз улар билан шундай йўл тутамиз: биз уларга ичган қасам туфайли бизнинг бошимизга ғазаб тушмаслиги учун биз уларни тирик қолдирамиз”. \v 21 Бошлиқлар халққа яна дедилар: “Улар тирик қолсинлар, лекин бутун жамоа учун ўтин ёрадилар ва сув тортадилар”. Бутун жамоа бошлиқлар уларга айтганидек қилди.

09/22.txt

@@ -0,0 +1 @@
+\v 22 Йешуа уларни чақириб деди: “Сизлар бизга яқин жойда яшаётган экансиз-ку, унда нима учун сизлар: Биз сизлардан жуда ҳам узоқдамиз,- деб бизни алдадингизлар? \v 23 Шу сабабли, энди сизлар лаънати бўлдингизлар! Сизларнинг ҳаммангиз қул бўласизлар, Менинг Худойимнинг уйига ўтин ёрасизлар ва сув тортасизлар!”