\v 1 kutar hawiel ashan bi katibu an hajat al timu fi nus tanina,
\v 2 bes ze ma humon kan selimu humon le nina, humon al min bedaya kan shuhudin wa kudam ta kelima.
\v 3 Ashan keda le ana huwo bi beinu kwes - bi digkha hagigu sabab ta kulu hajat del min bedaya - ashan bi katibu le inta bi nezam, Theophilus al aziz.
\v 4 De ashan intum bi arufu al hagiga an hajat derisu le intum.
\v 5 Fi ayam ta melek, Herodus ta Yahudiya, kan fi kahiin (Abuna) tani isim tuo Zechariah, min firikha ta Abijah. Mara tuo min banat ta haroon wa kan isim ta heya Elizabeth.
\v 6 Humon kan kulu nedifiin fi gedam ta Allah, humon ihteramu kulu wosia wa gawaniin ta Rabuna.
\v 7 Lakin humon kan ma indu jena, la anu Elizabeth kan ma bi weledu, humon kan kulu biga kubar fi umuur fi zaman dak.
\v 8 Fi zaman al Zechariah kan fi gedam ta Allah, bi amulu shokol ta kahiin bi nizam ta firikha tuo.
\v 9 Hasab teriga ta adaat ta kahnuut ta azilu yatu kahiin yau bi kadimu azilu huwo ma nas ketir ahan bi dakalu fi haikal ta Rabuna ashan bi haragu bakuur.
\v 10 Kulu nas al limu kan bi seli bara fi zaman al kan bi haragu bakuur.
\v 11 Hasa zahir le huwo malayika ta Rabuna wa wogif fi tija yemiin ta mazbah ta bakuur.
\v 12 Zaman Zechariah ayinu huwo, huwo kan kala wa kafu waga fogo huwo.
\v 13 Lakin malayika kelim le huwo, "ma ta kafu, Zechariah, la anu salawat taki asumau. Mara taki Elizabeth bi weledu le inta jena. Inta bi nadi isim tuo Yuhana.
\v 14 Inta bi indu farah wa mokosuut, wa ketir bi afrah bi welada tuo.
\v 15 La anu huwo bi kun kebir fi ena ta Rabuna. Huwo ma bi ashirab merisa aw shiraab al gowi, wa huwo bi mala ma Roho al kuduus min batna ta uma tuo.
\v 16 Ketir min nas ta Israel bi rija le Rabuna Allah tomon.
\v 17 Huwo bi ruwa gedam ta wosa ta Rabuna fi Roho wa gowa ta Elijah. Huwo bi amulu de ashan bi rija guluub ta abuhaat le iyal, ashan nas al ma bi ihteramu bi dowuro fi hikma ta adalla - ashan bi jahizu le Rabuna nas al jahizu le huwo."
\v 18 Zechariah kelimu le malaika, "kef ana bi agder arufu de? Ana rajil kebir wa mara tai kebiir shedid."
\v 19 malaika juwabu wa kelim le huwo, "ana Jibiriel, al wogif fi gedam ta Allah. Rasulu ana ashan bi wonusu le inta, bi jibu le inta kabar al kwes de.
\v 20 inta ma bi wonusu, lahadi hajat de bi hasil. De ashan inta ma amin fi kelimat tai, al bi kamilu fi zaman al sah."
\v 21 Hasa nas bi istena Zechariah. Humon kan mustagarabiin huwo bi shilu zaman ketir fi haikaal.
\v 22 Lakin zaman huwo tala bara, huwo ma bi agder wonusu le humon. Humon la hizu bi inu huwo ayinu ruya fi zaman huwo kan fi haikaal. Huwo geni amulu ishara le humon wa huwo fadulu ma bi wonusu.
\v 23 Wa ja fi zaman al ayam ta kidma tuo kalasu, huwo ruwa le bet tuo.
\v 35 Al malaika juwabu wa kelimu le heya, "Al Roho al kuduus bi ja le inti, wa gowa min fok bi ja le inti. Biga al kuduus al bi weledu bi nadi Jena ta Allah.
\v 36 Ayinu, nesiba taki Elizabeth kaman hamil ma jena fi umur al kebir. De yau shar nimira sita le heya, al kan bi kelimu gali ma bi weledo.
\v 76 aye, wa intum, iyal bi nadi nebi ta Allah al fok, le anu inta bi ruwa gidam wusa ta Rabuna ashan bi jahizu sikat tuo, ashan bi jahizu nas le ja tuo,
\v 80 Hasa Jena de raba wa biga guwi fi roho, huwo kan geni fi sahara la hadi yom al huwo ja zahir le Israel.
\c 2
\cl As-hah 2
\p
\v 1 Fi zaman dak, Kaesar Augastas rasulu juwa fogo talimat beino kede edu kulu nas al kan be geni fi alam.
\v 2 De kan awel barnamij ta edu nas wa kan hasil fi zaman Kereniyos hakim ta Suriya.
\v 3 Kan kulu zol rua le medena tuo ashan be sejilu.
\v 4 Yusif kaman kan ruwa min Jalil, min medina ta Nasir, le Yahudiya, le medina ta Dawud isim tuo Betlehem, leano huwo kan min beat wa usura ta Dawud.
\v 5 Huwo kan rua ashan be sejilo ma mara ta tuo Marriam, al kan huwo katibu wa heya kan hamilan.
\v 6 Wakit humon kan hinak, zaman kan timu ashan heya be weledo jena.
\v 7 Heya kan weledu weled, awel jena le heya, wa heya lifu jena de ma gumash wa kutu huwo fi Mizuwad, ashan mahal kan maliyan wa mafi oda le humon.
\v 15 Zaman malikat futu min humun le sama, rowaa del kan wonosu le badun tumon, "kede anina ruwa le Betlehem, wa ayinu hajat deal al hasil, al Rabuna weri le nina."
\v 16 Huwomon jere hinak wa ligu Marriam wa Yusif, wa ligo jena de num fi sunduk
\v 17 Baad humon ayino huwo, humon kan weri kalam al kan kelimo le humon ann jena de.
\v 18 Del al kan asuma kan istagarab be kalam al kan wonusu be ruwaa.
\v 19 Laken Maryam kan geni fekeri ann hajat al wonusu, wa hafizu fi gelib ta heya.
\v 20 Rowaa del kan rija, mejidu wa abidu Allah ashan kulu hajat al humon asuma wa ayino, ze ma kan wonusu le humon.
\v 22 Zaman adad ta ayam al be hasibu Maryam nediffutu, hasab ganun ta Musa, Yosif wa Maryam jebu huwo le haikel fi Oruselim ashan be gedemu huwo le Rabuna.
\v 23 Ze ma ktibu fi ganunta Rabana," kulu rajil bekir al yau fata rihim be kasisu le Rabuna."
\v 24 ashan keda humon kan gedemu zabeha ze ma ka kelim fi ganun ta Rabana,"
\v 25 Kan fi zol fi Urshelim, isim tuo Samaan, wa huwo kan nedef wa bi kafu Rabuna. Huwo kan gi isteno.. intezer taezeya ta Israel, wa Roho al Kudus kan fuggo huwo.
\v 26 Kan wori le huwo bewasat ta Roho al Kudus gali huwo ma be ayino mutu gabel ma huwo be ayino Masih al Rab.
\v 27 Huwo kan ja fi haikel, bewasat ta Roho al Kudus. Fi zaman Mariam wa Yusif jebu jena Yesua, ashan be gedemu ann jena de hasab ganun ta Musa,
\v 28 huwo kan shelu jena de fi iden tuo wa mejedu Allah wa kelim,
\v 33 Abu wa uma ta jena de kan istagrab min hajat al kan wonuso an huwo.
\v 34 Samaan kan bariko humon wa kelim le Mariam uma tuo," Aynu, jena de kutu ashan nas ketir be waga wa be gum fi Israel wa ze alama al abau -
\v 35 wa huzun taki be waja ze safe al bi dakalu fi gelba taki- ashan afkar ta golub ketir bi zahir
\v 36 Wa nebi isim tuo Hnna kan jaa kaman henak, Heya kan jena ta Fanuel min gebela ta Asher. Heya kan kebir shedid fi umur, heya kan geni ma rajel ta tuo saba sena baad ma kan heya azra...,
\v 37 wa kan armala le fatra ta tameniya wa arbaen sena. Heya ma sibu haikel wa heya kan be seli wa sum, belel wa nahar.
\v 38 Fi zaman dak heya gum ja gereb min humon wa bada wede shokuran le Allah wa heya kan kelim an jena Yesua le del al kan bi istena khalas ta Urshelim.
\v 39 Zaman humon kalasu kulu hajat al asalu humon ashan be amulu ze ganun ta Rabuna kelimu, humon reja le Jelel, le medina tomon Nasira.
\v 41 Abu tuo kan be ruwa le Urshelim kulu sena ashan haderu eid Paska,
\v 42 Wokit hwuo bega itnasher sena, humon kan rua le Urshelim fi zaman ta eid.
\v 43 Bad ma humon geni wa timu ayamat at ihtefala ta eid, humon bada reja le bead. Laken Yesua kan akir wara fi Urshelim bedo marafa ta abu wa umma ta tuo.
\v 44 Humon fekir gali huwo ma dufaat ta tuo al kan be safir ma humon, humon kan daoru fatra ta yom wahed. Bad daak humon bada fetisu huwo fi nus ta ahal wa asdeka.
\v 45 Zaman humon ma ligo huwo, humon reja le Urshelim ashan be fetisu huwo henak.
\v 46 Bad talata yom, humon lego huwo fi haikel, ge geni fi nus ta mualimen, huwo kan ge asuma le humon wa ge asalu humon.
\v 47 Del kulu al asuma le huwo kan istagarab min marafa wa juwab al huwo indu.
\v 48 Zaman humon ayno huwo, humon kan istagarb. Uma tuo kan kelimo le huwo, "Welede, malo ita amulu enna zede? Asuma, abu taki wa ana taban min fetesu ita."
\v 49 Huwo kelimo le humon, "Malu intum be fetisu ana? Intum ma arufu gali ana lazem be kun fi bet ta Abu tai?"
\v 50 Lakin humon kan ma fahim huwo gased shunu ma kelimat de.
\v 51 Huwo kan reja beat sawa ma humon le Nasera wa kan huwo be asuma kalam ta tuomon. Uma ta tuo kan be hafizu gi hafizu hajat de fi geliba ta heya.
\v 52 Laken Yesua kan ge raba fi hikma wa jesem, wa zidu fi neima fi Allah wa nas
\c 3
\cl Ash-h 3
\p
\v 1 Fi sena kamistashar min hukum ta tibarius keisar kan Pilatus al Bunti wali ta yahudia, wa heroduus kan rais ta Jeileil, aku Philipos kan rais ta Ituraea wa Trachonitis, wa Lysanias kan rais ta Abalia,
\v 2 fi ayam ta kahana Hanan wa giyafa - kalam ta Allah ja le Yuhana jena ta Zechariah fi gaba.
\v 3 Huwo ruwa fi kulu baled al gariib ma urodon, ge bashiru ma mamudia ta tuoba le afi kataya.
\v 4 Ze ma huwo maktub fi kitab ta kelimat ta Ishaya al nebi, "sout ta wahid al bi kore fi gaba, 'jahizu terik ta Rabuna, sala sika tuo adeel.
\v 5 Kulu mahal al nazila kede malau, wa kulu jebel wa mahalat al fok kede nezilu tihit, wa sikaat al ma adeel kede salawo adeel, wa mahalat al sawsaw kede abinu sikaat,
\v 7 Ashan keda Yuhana kelim le jumhuur al ja ashan bi amiduu ma huwo, "Intum iyal ta dabayib! munu kelim intum bi jere bara min zalan al jayii
\v 8 Ashan keda tala simaar ta tuoba, wa ma takum bada kelim fi nefsa takum, gali 'anina indu Abraham abu tanina,' ana bi kelm le intum Allah bi agder guwumu iyal le Abraham min hujar deel.
\v 9 Hasa al fas kutu ded fi iirik ta ashjaar. kulu shjara al ma bi tala samar al kwes bi gatawo wa bi jadawo fi nar."
\v 14 Juzo min asakir kaman asalo huwo, kelimu, "sunu an anina? Sunu al anina bi amulo?" huwo kelimu le humon, '" Matakum shilo gurush min aye zol be guwa, wa matakum ishteke aye zol be galaat. mahia takum kefaya.
\v 15 Hasa ze ma kan nas bi intezir ja ta al Masiah, kulu wahid kan mustagarab fi gulu tomon ann Yuhana, hal huwo yua al Massiah.
\v 16 Yuhana juwabu kelim le humon kulu, "Ze le ana, ana bi amidu intum ma moyo, lakin wahid tani huwo jayii huwo guwi ketiir min Ana, wa ana ma bi agder hata bi robutu habil ta gezma tuo. huwo bi amidu intum ma Roho al kuduus wa ma nar.
\v 17 Al huwo indo mangel fi edentuo bi nedefu wasaka bara min hasad wa bi limu geme fi magzan. Lakin huwo bi haragu al wasaka ma nar al ma biagder bi batulu."
\v 18 Ma hajat tanin ketir Yuhana, kaman bashiru kabar al kwes le nas.
\v 19 Zama Herodus rais ta robu al kore kore mahuwo bi sabab ta zawaj tuo min mara ta Philipos aku tuo, wa le kulu dad min hajat al shirir Herodus amulu,
\v 20 huwo zedu de le humon kulu, inu huwo gufulu Yuhana fi sigen.
\v 9 Bad dak shetaan shilu Yesua le Uruselim wa kutu huwo fi nugta al fok shedid ta haikal, wa kelimu le huwo, "Kan inta jena ta Allah, jada nefsa taki tihit min hina.
\v 10 La anu maktuub, 'Huwo bi wodi awamir le malayikat an inta, ashan bi hafizu inta,
\v 18 Roho ta Rabuna fi le ana, la anu huwo masah ana ashan bi wori akbar le masakin. Huwo rasulu ana ashan bi alinu huria le nas al be gulub maksur, wa shifa le amiyaniin, ashan bi hariru del al asuru,
\v 22 Kulu zol inak wonusu an kwes tuo wa humon kan mustakrabiin min kelimat ta neima al bi tala min kasma tuo, wa humon asalu, "De ma yau jena ta Yousif?"
\v 23 Huwo kelim, "Intaum bi kelim misaal de le ana, 'Tabib, aliju nefsa taki. Hajat anina asuma it amulu fi Capernahum, amulu kaman fi beled taki.'"
\v 24 Laki huwo kelim, "Hagiga ana kelim le inta, mafi Nebi gabilu fi beled tuo.
\v 25 Lakin fi hagiga ana kelim le inta inu kan fi aramil ketir fi Israel fi zaman ta Elia, wokit samawat kan gufulu le talata sena wa sita shahar, wa jaan kebir ja fi kulu wata.
\v 26 Lakin Elia kan ma rasulu le wahid min humon ile le mara al armala fi Sarfa wa Saida, le armala al bi geni hinak.
\v 27 Kan fi nas al indu gengeli ketir fi Israel fi zaman ta Elia al nebi, lakin min humon mafi al aliju ile Naaman."
\v 28 Kulu nas fi kenisa kan mala ma zalan wokit humon asuma hajat del.
\v 29 Humon gum fok, talau huwo bara min medina, wa jibu huwo le taraf ta Jebel al abinu medina tomon fogo, ashan humon bi ja da huwo bara min fogo.
\v 30 Lakin huwo tala min nus tomon wa huwo rowa le mahal tani
\v 35 Yesua intehir roho al shirir, kelim, "Ma ta kelimu wa tala min huwo!" Zaman roho al shirir jada rajiil de tihit fi nus tomom, huwo tala bara min huwo, wa ma awogu huwo.
\v 36 Kulu nas kan mustgarabiin, wa humon geni wonusu le bad tomon an kalam de. humon kwlimu, "De yatu shikil ta kelimat yau ze de? Huwo bi amiro roho al ma nedif ma sultaan wa ma guwa wa humon bi tala bara."
\v 37 Akbar an huwo bada shetetu fi kulu juzo al hawil beled.
\v 40 Wokit shemish kan bi wodoro, nas jibu le Yesua kulu nas al humon ayaniin ma ashkal ta ayanaat. Huwo kutu eden le kulu wahid min humon wa aliju humon.
\v 41 Shayteen kaman tala min humon, bi kore wa bi kelim, "Inta jena ta Allah!" Yesua intehir al shayateen wa ma sibu humon wonusu, la anu humon afrufu inu huwo kan al Masih.
\v 42 Zaman nahar ja, huwo rowa bara le mahal al gaba. Nas ketir kan bi fetisu huwo wa humon ja fi mahal al kan huwo fogo. Humon hawil ashan bi sibu huwo ma rowa beit min humon.
\v 43 Lakin huwo kelimu le humon, '" Ana lazim bi bashiru al akbar al kwes an malakuut ta Allah le mudun tanina, la anu de yau saba rasulu ana in ni."
\v 44 Yala huwo istemir bashiru fi kanais wa Yahudia
\c 5
\cl As-hah 5
\p
\v 1 Hasa hasil, wokit nas kan limu ketir hawli Yesua wa bi asuma le kalam ta Allah, huwo kan wogif jambu bahar ta Jinasarat. Huwo
\v 2 ayenu etnin murkab wogif jumbu bahar. Sayadiin tala wa humon kan bi kasulu shabakat.
\v 3 Yesua dakalu fi wahid min murkab, al kan ta Botrus, wa asalu ahsan bi kutu fi moyo masafa guser min turab. Bad da huwo geni tihit wa alimu nas al bara min murkab.
\v 4 Zaman huwo kalasu wonusa, huwo kelimu le Botrus, "ahilu murkab fi juwa moyo wa jada shabaka taki le gobudu."
\v 5 Botrus juwabu wa kelimu, "Saeed, anina ishtakal belel kulu, wa anian ma gobudu haja, lakin ashan kalam ta, Ana bi jada shabaka."
\v 6 Zaman humon amulu ze de, humon limu adad kebir min samaga, wa shabakat kan bi kasuru.
\v 7 Humon nadi nas al fi murkab ashan bi ja saidu humon. Humon ja wa mala etnin murkab, hata humon ba katis.
\v 8 Lakin Samaan Botrus, wokit huwo ayenu, waga tihit rukuba ta Yesua, kelimu, "Rowa min ana la anu ana zol kati, Rabuna.
\v 9 Huwo kan bi ga istagarab wa kulu nas al kan ma huwo, fi gobudu samaga al humon shilu.
\v 10 de kan dumu Yakub wa Yuhana, iyal ta Zebedee, al humon kan sabisabi ma Samaan. Yesua kelimu le Samaan, "ma ta kafo, la anu min hasa le gidam inta bi gobudu nas."
\v 11 Wokit humon jibu murkab bara, humon sibu aye haja wa humon ruwa wara huwo.
\v 12 Ja hasil wokit huwo kan fi wahid min medina, zol maliyan jengeli kan fi inak. wokit huwo ayenu Yesua, huwo denger wosa tuo wa asalu huwo, kelim, "Rabuna kan inta deiru, inta sala ana nedif."
\v 14 Huwo kelim le huwo kede ma wori le aye zol, lakin ruwa fi sika taki wa wori nefsa taki le kahin wa gedimu zebiha le nadafa taki, hasab awamir ta Musa, le shihada le humon."
\v 15 Lakin al tegrir an huwo shetetu beit, wa nas kutar ja sawa ashan bi asuma le derasa tuo wa ashan bi aliju min ayanaat tomon.
\v 16 Lakin bad marat huwo bi ruwa seli fi mahal al mafi fogo nas.
\v 17 Wa kan hasil fi wahid yom huwo kan bi derisu, wa kan fi inak ferisieen wa mo alimeen ta ganuun geni inak humon kan ja min karia al baroa brao fi belad ta Jeiliel wa Yahudia, wa kaman min medina ta Urushelim. Guwa ta Rabuna kan fi ma huwo le aliju.
\v 18 Hasa rujal tanin ja humon arufao zol al kan shelel fi birish, wa humon ayenu sika ashan bi dukalu huwo juwa fi gedam ta Yesua.
\v 19 Humon ma ligo sika ashan bi dakalu huwo juwa la anu nas ketir, humon ruwa fok fi raas juwa wa nezil zol de tihit min telgim fi birish, fi nus ta nas, fi gidam ta Yesua.
\v 20 Wokit Yesua ayenu iman tomon kelim, Insaan katiya taki afi.
\v 22 Lakin Yesua arufo afkar tomon sunu humon bi fekiru, huwo juwabu wa kelimu, "Lei intakum bi asalu kalam de fi guluub takum?
\v 23 Yatu yau sahil ashn bi kelimu, 'Kataya taki afi wala bi kelimu gum fok wa amshi?'
\v 24 Lakin de ashan intum bi arufu inu jena ta Insaan indu sultaan fi ard ashan bi afi kataya, Ana kelim le intum, 'Gum fok shilu firish wa ruwa le beit."
\v 25 Nefsu wokit huwo gum fok fi gidam tomon wa shilu firish al huwo bi num fogo. Wa huwo ruwa le beit, bi mejido Allah.
\v 27 Bad hajat del hsil, Yesua ruwa bara min inak wa ayenu zol al ta limu darayib isim tuo Lawi geni fi rakuba ta limu darayib. Huwo kelimu le huwo, "tal wara tai.
\v 28 Lawi gum fok wa ruwa wara tuo, sibu aye haja wara.
\v 29 Wa Lawi amulu fi bet tou azuma kebir le Yesua nsa ketir ta limu darayib fi beit tuo azuma kebir le Yesua. kan fi inak nas ta limu darayib wa nas tanin al kan bi akulu fi tarbeza ma umon.
\v 30 Lakin Firiseen wa kataba kana bi neg neg le talamiz, kelimu " Lei ita bi akulu wa ashrab ma nas ta darayib wa nas tanin katieen?
\v 33 Humon kelimu le huwo, "Talamiz ta Yuhana dayiman bi suum wa bi sel, wa talamiz ta firiseen bi amulu ze kaman. Lakin talamiz taki bi akulu wa bi asharab."
\v 34 Yesua kelimu le humon, "Hal zol tani bi agder kutu nas fi maha iris sum wa aris lisa fi ma humon?
\v 35 Lakin fi yom bi ja wokit aris bi shilu min humon, bad dak fi ayamat del humon bi sum.'
\v 36 Wa Yesua kaman wonusu misaal le humon. "Mafi zol bi seretu gita gumash min jalabia al jedid wa bi rugaa ma gumash al gedim. Iza huwo amulu keda, huwo bi seretu jalabia al jedid, wa gita gumash min jalabia al jedid ma bi timu fi jalabia al gedim.
\v 37 Ma zol bi kutu khamur al jedid fi boksa al gedim. iza huwo amulu ze de, khamur al jedid bi faga boksa wa bi dufugo wa boksa de bi karabu.
\v 38 Lakin khamur al jedid lazim bi kutu fi boksa al jedid.
\v 39 Mafi zol bad ma huwo ashirab khamur gedim der khamur jedid, la anu huwo kelim, 'Al gedim huwo kwes.'"
\c 6
\cl As-hah 6
\p
\v 1 Hasil fi Sabit Yesua kan mashi min mahal zira wa talamiz tuo kan bi gata ras ta sanabil, bein edenat tomon wa humon bi akulu sanabil.
\v 2 Lakin bad min Firiseen kelimu, "lei intkum bi amulu haja al ma ganuuni fi yom Sabit?"
\v 3 Yesua juwabu humon, kelimu, "Hal intum kulu kulu ma agara haja al Daud amulu wokit huwo kan zalan, huwo wa rijal al kan ma huwo?
\v 4 Huwo ruwa le beit ta Allah, wa shilu al raigif ta tegdima wa akulu juzu wa kaman wodi juzu le rijal al ma huwo ashan bi akulu, hata lo kan huwo ganuuni le kahan ashan bi akulu.
\v 5 "huwo kelimu le humon, "Jena ta Insaan huwo Rabuna ta Sabit
\v 6 Hasil fi yom Sebit tani huwo ruwa le kenisa wa derisu nas inak. Kan fi rajil inak eden tuo al yemiin yabis.
\v 7 Al kataba wa Firiseen kan bi ragebu huwo ashan bi ayenu hal huwo bi aliju fi yom Sabit, ashan humon bi ligo sabab le ishteki huwo.
\v 8 Lakin huwo arufo sunu humo bi fekir wa huwo kelim le rajil al eden tuo yabis, "Gum fok, wa wogif ini fi nus ta kulu nas. "Fa rajil gum fok wa wogif inak.
\v 9 Yesua kelimu le humon, "Ana asalu intum hal huwo ganuuni fi Sabit ashan bi amulu kwes wala batal, wala bi alagu haya wala bi demiru?" Fa
\v 10 huwo ayenu le humon kulu wa kelimu le rajil, "Midu eden taki huwo midu, wa eden tuo kan tala tamum.
\v 11 Lakin humon kan zalan wa humon wonusu le bad tomon an sunu humon bi amulu le Yesua.
\v 12 Hasil fi ayamat tanin huwo ruwa le jebel ashan seli. Huwo istemir belel kulu fi sala le Allah.
\v 13 Wokit kan nahar huwo nadi talamiz le huwo, wa huwo iktar etnashar min humon semi humon rusul.
\v 14 Asma ta rusul kan Samaan (al huwo kaman Butros) wa aku tuo Andarauos, Yakub, Yuhana, Filipos, Bartilimaus,
\v 15 Matta, Toma, Yakub jena ta halfi, Samaan al kan nadi gayur,
\v 16 Yahuza jena ta Yakub, wa Yahuza al Iscarioti, al ja selim Yesua.
\v 17 Yesua nezil ma humon min jebel wa wogif fogo mahal al sawa sawa ma talamiz tuo al ketir wa ma adad keir ta nas min Yahudia wa Uruselim wa min Suur wa Seida.
\v 18 Humon ja asuma le huwo wa ashan bi aliju humon min ayanat. Nas al kan indu roho shirir kaman kan aliju.
\v 19 Kulu nas al fi zahma hawil lemesu huwo la anu guwa le ilaj kan bi tala min huwo, wa huwo aliju humon kulu.
\v 27 Lakin ana kelim le intum del al bi asuma, hibu adu takum wa amulu kwes le del al bi akrah intum.
\v 28 Bariko del al lanu intum wa seli le del al amulu intum batal.
\v 29 Le de al nowuru inta fi yemin wodi le huwo tijs tani kaman. Iza zol shilu gamis, taki wodi le huwo bantalon kaman.
\v 30 Wodi le kulu zol al asalu inta. Iza zol shilu haja taki, mata asalu huwo ashan bi rija le inta.
\v 31 Ze ma intum der nas kede amulu le intum umalu takum kaman le humon.
\v 32 Kan intum hibu bes nas al bi hibu intum, yatu faida yau le intum? La anu katein bi hibu del al bi hibu humon.
\v 33 Kan intum amulu kwes bes le nas al amulu kwes le intum, yatu faida yau le intum? La anu hata katein bi amulu kaman.
\v 34 Kan intum bes deyinu nas al intum bi itwaka humon bi dafa le intum, yatu faida le intum? hata katein bi deyinu le katein, ashan bi ligo nefsu gurush.
\v 35 Lakin hibu adu takum wa amulu kwes le humon. Deyinu ma itwaka haja bi rijao wa ujura takum bi kun kebir wa intum bi kun iyal ta Allah al fok, la anu huwo nefsu ameen le nas al bi shokuru wa nas al batalin.
\v 36 Kun rehim, ze ma abu taki huwo rehim.
\v 37 Ma takum gata gadia, wa ma bi gatao gadia takum. Ma takum hukumu, wa bi hukumu itakum. Afi nas tanin, wa bi afi intakum.
\v 38 Wodi wa bi wodi le intum. Al ketir bi asuru tihit, bi hizu ma bad wa ma bi dofugu fi guaa aki. La anu godoor al inta wodi bi wodi le inta, "
\v 39 Wa huwo wori le humon misaal. "Hal zol amiyan bi agder gedimu zol amiyan? Kan huwo amulu, humon kulu ma bi waga fi hufura?
\v 40 Tilmiz ma kebir min mualim, Lakin kulu zol kan timu tedrib bikun ze mualim tuo.
\v 41 Le inta bi ayenu le gesh al fi ena ta aku taki lakin inta ma lahizu le kashab al fi ena taki?
\v 42 Kefe inta bi kelim le aku taki, 'Aku, kede ana shilu gesh al fi ena taki, ' wa inta bi nefsak ma ayenu kashab al fi ena taki? Intakum al marai awel tala kashab bara min ena taki, wa inta bi ayenu kwes ashan bi tala gesh min ena ta aku taki.
\v 43 La anu mafi shejera al kwes bi tala samar al batal, wa la fi shejera batal bi tala samar al kwes.
\v 44 La anu aye shejera bi arufu ma shikil ta samar al bi tala. La anu ns ma bi limu Teen min shok, wa la humon bi limu enab min gaba.
\v 45 Al insan al kwes min gelba tuo bi tala haja al kwes, wa insan al shirir min gelba al shirir bi tala haja al shirir. La anu al mala fi gelba yau kasam bi wonusu.
\v 46 Le intum bi nadi ana, 'Rabuna, Rabuna,' wa intum ma bi ihteramu hajat al ana kelim?
\v 47 Kulu zol al ja le ana wa asuma kelimat tai wa ihteramu, Ana bi wori le inta huwo ze sunu.
\v 48 Huwo ze zol abinu beit, hafura tihit wata wa abinu asas fi hajer, wokit moyo ja, mala tija ta beit, lakin ma hizu, la anu kan abinu tamum.
\v 49 Lakin zol al bi asuma kelimat tai wa ma bi ihteramu, huwo ze zol abinu beit fi wata bidon asas. Wokit moyo mala tija beit, tawali waga, wa kan waga tuo azim."
\c 7
\cl As-hah 7
\p
\v 1 Bad Yesua kulasu hajat kulu huwo kan kelimu fi adana ta nas, huwo dakalu fi Capernahum.
\v 6 Fa Yesua istemir fi sika tuo ma humon. Lakin huwo kan ma beid min bet, al rais ta kahana rasulu sabihat ashan bi kelim le humon, "Rabuna, ma ta tabu nefsa, la anu ana ma timu ashan inta bi ja tihit dul
\v 7 . Le sabab de ana ana ma hasibu nefsa tai timu ashan bi ja le inta, Lakin bes kelimu kelima wa kadam tai bi aliju.
\v 8 La anu ana zol al tihit sulta, ma asakir tihit ana. Ana bi kelim le de, 'ruwa,' wa huwo bi ruwa, wa le tani, 'taal,' wa huwo bi ja wa le kadam tai, 'amulu de wa huwo b alumu."
\v 9 Wokit Yesua asuma keda, huwo kan isagarab le huwo, wa agelibu le jumhuur al bi ja wara tuo kelimu, "Ana bi kelim le intakum hata fi Israel ana ma ligo shikil imman de."
\v 10 Wokit del al kan rasulu rija le bet, humon ligo al kadam kan biga kwes
\v 11 Bad dak, Yesua ruwa le medina al ismu Nain, ma talamiz tou wa nas ketir ruwa ma huwo.
\v 12 Ze ma hwo ja gerib le bab a medina, rajil al kan mutu talawu bara, jena al wahid le uma tou( al kan heya armala), wa nas ketir min media kan ma heya,
\v 13 Wokit Rabuna ayenu heya, huwo kan biga ma heniya le heya wa huwo kelim le heya, "mata kore."
\v 14 wa huwo ruwa wa lemesu taraf ta serir al fogo gesim, wa del al bi arufa wogif. Huwo kelim, "Ya shab, Ana kelim le inta gum.
\v 15 "Zol al meit geni wa bada wonusu, wa Yesua wodi huwo le uma tuo.
\v 20 Wokit humon ja gerib le Yesua, al rajil da kelimu, "Yuhana al mamdan rasulu anina ashan bi kelimu le inta, 'Hal inta yua wahid al jayi, wala kede anina intezir tani?'"
\v 21 Fi zaman dak huwo aliju nas min ayanaat wa waja wa aruwah al sherir, wa huwo wodi le nas al amiyanin ashan bi ayenu.
\v 22 Yesua juwabu wa kelimu le humon, "Bad ma intakum ruwa fi sika takum, wori takum le Yuhana haja al intum ayenu wa intum asuma. Amiyanin bi ayenu, abu keringe bi dowuru, jengeli bi ga nedif, atarasa bi asuma, nas al mutu gowumu tani le haya, wa nas al muhtajin wori le humon kabar al kwes.
\v 23 Zol la ma wogif amin fogo ana ashan amayiel tai huwo mubarak."
\v 24 Bad marasulat ta Yuhana ruwa, Yesua bada kelim le jumhuur an Yuhana, "Sunu al intum ruwa ayenu fi sahara? boos bi hariko ma hawa?
\v 25 Lakin sunu intum ruwa ayenu? Insan libisu gumash nayim? Ayenu, del al libisu gumash al gali wa bi geni fi beit ta melek.
\v 26 Lakin sunu intakum ruwa ayenu? Nebi? Nam, Ana kelimu le inta, wa aktar min nabi
\v 27 De yau al katibu an huwo, 'Ayenu, Ana rasulu marasla gidam wusa tai fi nus ta del al weledu min mara, al bi sala sika gidam taki.
\v 28 Ana kelim le inta, fi nus ta del al moludin min mara mafi al kebir min Yuhana. Lakin al suker fi malakuut ta Allah huwo kebir min huwo."
\v 29 (Wokit kulu nas asuma keda, ma zol ta limu darayib, humon alinu inu Allah huwo adeel, la anu humon amido ma mamudia ta Yuhana.
\v 30 Lakin al feriseen wa Yahudin ta ganuun aba kalam ta Allah le nufus tuomon, la anu humon ma amidu humon biwasat Yuhana.)
\v 31 "Bi sunu ana bi karinu nas ta jiel de? Humon bi beinu kef?
\v 32 Humon ze iyal al bi alabu fi mahal suk, bi nadi bad tomon wa kelim, 'Anina afuku le intum sufara intum, ma argus Anina guna guna ta bika, intum ma kore,'
\v 33 La anu Yuhana al mamadan mabi akulu regif wa ma bi asurubu khamur, wa intum kelim, Huwo indu shetan,'
\v 34 Jena ta insan ja akulu wa asurubu, wa intum kelim, 'Ayenu, huwo akal wa zol sugurugy, sabi ta nas ta limu darayib wa katieen!
\v 36 Wahid min al feriseen rahibu Yesua ashan bi akulu ma huwo. bad Yesua dakulu fi bet ta ferisee, geni fi tarabeza le akil.
\v 37 Kan fi inak mara fi medina heya kan kati. Wokit heya arufu inu heya kan fi tarabeza fi bet ta ferisee, heya jibu gizaza ta riha.
\v 38 Ze ma heya wogif wara tuo gerib le koren tuo, bi kore, heya bada nedifu koren tuo ma dumu, wa heya masa humon ma shar ta ras wa heya bosu koren tuo wa masa ma riha.
\v 39 Wokit Feriseen al rahibu Yesua ayenu kida, huwo fekir fi nefsu, kelim, "Kan zol de kan nebi, huwo bi arufo munu wa yatu shikil ta mara al huwo bi lemesu, al heya kati.
\v 43 Samaan juwabu wa kelim, "al afi ketir." Yesua kelim le huwo, "Inta hukumu sah."
\v 44 Yesua gelibu le mara wa kelimu le Samaan, "Inta ayenu mara de. Ana dakalu fi beit taki. Inta ma wodi le ana moyo le koren tai, Lakin heya kasulu koren tai ma moyo ena tuo wa masa ma shar tuo.
\v 45 Intum ma wodi le ana gubla, lakin min zaman al ana ja heya ma wogif gubla le koren tai.
\v 46 Intum ma masa koren tai ma zeit, lakin heya masa koren tai ma riha.
\v 47 Ashan keda Ana kelimu le intum, kataya ta heya al ketir, afi_ la anu heya hibu ketir. Lakin al afi soker, huwo hibu soker."
\v 50 Fa Yesua kelim le mara, "Iman taki kalisu inta ruwa fi salam,"
\c 8
\cl As-hah 8
\p
\v 1 Hasil seri bad dak Yesua bada safir hawli mudun al barawu barawu wa belad, bi beshiru wa alinu al kabar kwes an malakuut ta Allah. Al etnashar kan ma huwo,
\v 2 wa kaman mara al aliju min aruwa al shirir wa ayanaat: Mariam al bi nadi Majdeliya, al saba shayatiin turuju bara min heya,
\v 3 Yuna, mara ta Kozi, wokil ta Herodus; wa Susanna; wa tanin ketir al humon, bi akdim ihteyajat min amuwal, tomon.
\v 4 Wokit nas ketir kan limu, wa nas kan jayiin le humon min medina, huwo wori misaal: "
\v 5 Al muzari ruwa le zara zira tuo. Ze ma huwo zara, tanin waga taraf sika wa kan dusu ma kura, wa tiuur ta sama akulu.
\v 6 Tanin waga fok hajer, wa ze ma huwo raba fok, huwo nashif bara, ashan huwo ma indu rutuba.
\v 7 Tanin waga nus shok, wa shok raba fok sawa ma bizira kangu huwo.
\v 8 Lakin tanin waga fi turab al kwes wa tala samar al kan aktar min mia." Bad Yesua kelim hajat del, huwo nadi, "Al indu etnin adana kede huwo asuma."
\v 9 Talamiz tuo asalu huwo mana ta misaal de sunu.
\v 10 Huwo kelim, "marafa ta sir ta malakuut ta Alllah wodi le intum, lakin le tanin Ana bi wonsu ma misaal, ashan hata humon bi ayenu ze ma bi ayenu, hata humon bi asuma ze humon ma bi fahim.'
\v 11 Hasa de yau mana ta misaal: Al bizira huwo kelimu ta Allah.
\v 12 Wahid al waga fi sika humon al asuma, lakin shitan ja wa shilu bara al kelima min gelba tomon ashan humon ma bi amin wa bi kalis.
\v 13 Wahid al waga fi hajer humon yau al wokit asuma kelima, humon gabilu ma fara. Lakin humon ma indu irig; humon bi amin le fatra besid, wa fi zaman ta tajarib humon bi waga.
\v 14 Al bizira al waga fi nus ta shok de yau nas al asuma kelima, lakin humon ruwa fi sika tomon, kangu humon ma humum ta haya gena tuo wa hajat ta dunia ta haya, wa smar tomon ma nigitu.
\v 15 Lakin al bizira al waga fi turab al kwes, del al asuma kelima ma gelba al nedif wa ma gelba kwes, wa bi tala samar ma subur.
\v 22 Hasa wahid yom huwo dakalu fi murkab ma talamiz wa huwo kelimu le humon, "Kede anina ruwa le tija tani ta bahar. "Humon bada ruwa.
\v 23 Lakin ze ma humon bi ruwa huwo nuum. hawa shedid ja fi bahar, wa murkab tomon kan maliyan ma moyo, wa humon kan fi katar.
\v 24 Bad dak talamiz ta Yesua ja le huwo wa goumu huwo fok, kelim "Saeed! Saeed! Anina bi mutu!" Huwo gum wa intehir al hawa wa moyo, wa humon wogif, wa kan fi hudu.
\v 25 Bad dak huwo kelimu le humon "Wenu imaan takum?" Lakin humon kan kafo wa mustagarabin, wa humon asalu badon tomon, "De biga munu ze de, al huwo bi ameru hawa wa moyo, wa humon bi ihtaram?"
\v 26 Humon ruwa le beled ta Caisaria, al mugabil Jeilel.
\v 27 Zaman Yesua wogif fi ard, huwo kan gabil ma rajil tani min medina huwo indu shayateen. le zaman towel huwo ma lebisu gumsh, wa huwo ma bi geni fi juwa lakin fi nus ta turubat.
\v 28 Zaman huwo ayenu Yesua, huwo kore wa waga tihit gedam huwo wa huwo kelimu ma sout fok, "Inta malu ma ana, Yesua, jena ta Allah al fok? Ana bi asalu inta, ma ta azibu ana."
\v 29 La anu Yesua amiru roho al ma nedif ashan bi tala bara min rajil. La anu zman ketir huwo kan shilu mosuliya ta huwo, wa sala huwo kan robutu ma genzir wa hubal wa tihit herasa, huwo kan bi gata genzir wa bi sugu ma roho al shierir le sahara.
\v 30 Bad dak Yesua asalu huwo, "Isim taki munu?" Huwo juabu, "Legion," la anu shayateen ketir kan dakalu fogo huwo.
\v 31 Humon istemir asalu huwo kede ma rasulu humon le hawiya.
\v 32 Wa kan inak kodoroof ketir bi akulu fogo Jebel. Al shayateen asalu huwo ashan bi sibu humon ruwa fogo, wa huwo rudu le humon.
\v 33 Fa shayateen tala bara min al rajil wa ruwa le kodoroof, wa humon tala seri le bahar wa kangu humon.
\v 34 Wokit del al bi harisu kodoroof ayenu al hasil, humon jere wa wori fi medina wa beled.
\v 35 Nas ruwa ashan bi ayenu al hasil, w a humon ja le Yesua wa ligo zol al shayateen tala min huwo. huwo kan geni fi kura ta Yesua, libisu wa huwo kwes fi muuk tuo; wa humon kan bi kafu.
\v 36 Bad dak del al ayenu wori le humon kef rajil al idu shayateen aliju.
\v 37 Yala kulu nas ta beled ta Jederein asalu Yesua ashan bi ruwa min humon, la anu kof kebir kan amsuku humon, Fa huwo dakalu fi murkab ashan humon bi rija wara.
\v 38 Zol al shayateen tala min huwo asalu huwo ashan bi sibu ruwa ma humon, lakin Yesua rasulu huwo, kelimu,
\v 39 Rija le beled taki wa gedimu hisab kamil an haja al Allah amulu le inta, "Al rajil ruwa fi sika tuo, alinu fi medina kulu sunuYesua amulu le huwo.
\v 46 Lakin Yesua kelimu, "Zol tani lemesu ana, La anu ana arufu inu guwa tala min ana."
\v 47 Zaman mara de ayenu inu heya ma bi agder dusu nefsa, heya ja ma kafu wa waga tihit gedam huwo. fi gedam ta kulu nas heya alinu sabab al heya lemesu huwo wa kef heya tawali ligo ilaj.
\v 48 Bad dak huwo kelimu le heya, "Biniya, iman taki kutu inta kwes. Ruwa ma salam."
\v 10 Zaman rusul rija, humon kelimu le huwo kulu hajat humon amulu. Yala huwo shilu humon ma huwo, wa humon ruwa beid le medina isim tuo Bethsaida.
\v 11 Lakin zaman jumhuur asuma keda humon ruwa wara tuo. Huwo rahibu humon wa wonusu le humon an malakuut ta Allah, wa huwo aliju del al muhtaj ilaj.
\v 12 Hasa yom kan ja biga le nihya, wa al etnashar ja le huwo wa kelimu, "Rasulu al jumhuur del kede ruwa le hawile beled ashan bi ligo mahal nuum wa akil, la anu mahal de gaba,
\v 13 "Lakin huwo kelimu le humon, "Intum wodi takum le humon haja ashan humon bi akulu. "Humon kelimu, "Anina ma endu aktar min kamsa reqif wa etnin samaga__wa illa anina bi ruwa wa ishteri akil le nas del kulu."
\v 14 (Fi inak kamsa alf rajil.) Huwo kelim le talamiz tuo, "Kede humon geni tihit fi mujmu kamsiin kamsiin."
\v 15 Fa humon amulu de, wa kutu nas geni tihit.
\v 16 Shilu kamsa reqif wa etnin samaga, huwo ayenu fok le sama, huwo bariko humon wa kasuru suker suker, wa huwo wodi le talamiz ashan gesimu le jumhuur.
\v 17 Humon kulu akulu wa shabanin, wa kan al fadolo limu fok etnashar gufa al kasuru sukeriin.
\v 21 Lakin huwo anziru humon shidid ashan ma bi wori le aye zol,
\v 22 gali "jena ta insan bi tabu ma hajat ketir wa bi abawu ma shiyuuk wa rais ta abunat al mosul wa kataba wa huwo bi katulu wa fi yom nimira talata bi gum."
\v 23 Bad dak hwo kelimu le humon kulu, "Aye zol der ja le wara ana, huwo lazm bi anguru nefsa tuo wa arfa selib tuo kulu yom wa ja wara ana.
\v 24 Al bi hafizu haya tuo huwo bi fagidu, lakin al bi fagidu haya tuo ashan ana bi hafizu.
\v 25 Sunu yau kwes le zol kan rebehu dunia kulu, wa fagidu haya tuo?
\v 26 Aye zol al indu fadia le ana wa le kelimat tai, Ibni al insan bi indu fadia wokit huwo ja fi mejid tuo wa mejid al ta abu wa al malaykat al kudusiin.
\v 27 Lakin ana kelim le intum al hagiga, fi juzu tanin wagifin ini humon ma bi jeribu mutu gubaal humon ayenu malakuut ta Allah."
\v 28 Hasa biga tamania yom bad Yesua kelimu kelimat del, huwo shilu ma huwo Butruos wa Youhana wa Yakub wa ruwa fok le jebel le sala.
\v 29 Ze ma kan bi seli, wosa tuo kan geiru, wa gumash tuo tala abiyat.
\v 30 etnin rijal kan bi wonusu ma huwo, Musa wa Elia,
\v 31 humon zahir fi mejid, wonus ma huwo an ruwa tuo, al huwo kan der kalasu fi Uruselim.
\v 32 Hasa Butruos wa del al kan ma huwo humon kan bi num, lakin zaman humon gum, humon ayenu mejid tuo wa etnin rijal al kan wogif ma huwo.
\v 33 Ze ma humon bi ruwa min Yesua, Butruos kelimu le huwo, "Saeed, huwo kwes le anina ashan bi kun ini. Kede anina sala talata rakuba, wahid le inta, wahid le Musa, wa wahid le Elia."(Huwo ma arufo sunu kan huwo bi kelim.)
\v 34 Ze huwo kan bi wonusu, sihab ja wa kati humon, wa humon kan kafo ze humon dakalu fi sihab.
\v 35 Sout tala bara min al sihab, kelim, "De yau jen tai, al wahid al iktaru; asuma, le huwo."
\v 36 Zaman sout wonusu, Yesua kan bi ga barwo. Humon askut wa ma kelimu del al inak aye haja al humon aynu.
\v 37 Fi yom tani, zaman humon nezil min jebel, nas ketir limu ma huwo.
\v 38 rajil min al jumhuur kore, kelimu, "Moalim, Ana bi asalu inta ayenu le jena tai la anu huwo jena tai al wahid.
\v 39 Inta ayenu roho shilu masulia tuo wa huwo bi kore bes faja; bi juru juru huwo biga buzak bi tala min kasma tuo. huwo ma bi sibu huwo wa bi jarhu huwo batal.
\v 40 Ana asalu talamiz taki ashan bi turuju bara, lakin humon ma agder."
\v 41 Yesua juabu wa kelim, "Intum al ger mominin wa jiel al meilu, zaman godoor sunu ana bi kun ma intum wa ana bi tabe ma intum? Jibu jena taki ini.
\v 42 "Zaman weled kan jayi, al shitan jada huwo tihit wa hizu huwo ma juru juru. Lakin Yesua intehir roho al waskan wa aliju al weled, wa rija huwo wara ta abu tuo.
\v 43 Bad dak humon kulu kan istagarab min kebir ta Allah. Zaman humon kulu kan mustagarabin min hajat kulu al kan huwo bi amulu, huwo kelim le talamiz,
\v 44 "Kede kelimat dakalu fi juwa adana takum: Al ibni al insan bi kabasu fi eden ta rijal."
\v 45 Lakin humon ma fahimu asuma wonusa de. huwo kan dusu min humon, ashan humon ma bi arufo mana tuo, wa hata alan humon kan kayifiin ashan bi asalu wonusa de,
\v 46 Fa munakashat bada fi bein tumon ann yatu min humon bikun kebir.
\v 47 Lakin Yesus, arufo, fikira ta gelba tomon, huwo shilu jena soker wa kutu fi jambu tauo
\v 48 wa kelm le humon, "Al bi rahibu jena fi isim tai, huwo rahibo ana; wa al bi rahibo ana rahibo al rasulu ana, La anu al soker fi nus takum kulu huwo yau kebir."
\v 49 Yuhana juabu, "Mo alim, anina ayenu zol tani bi turuju aruwa shirir ma guwa fi isim taki wa anina abusu huwo, la anu humon tabe le nina. Yesua juwabu
\v 50 ma takum abusu huwo, "la anu al ma ded intum huwo ma intum."
\v 62 Yesua juwabu le huwo, "Mafi bi kutu eda tuo fi molodo wa ayenu wara bi amfa fi malakuut ta Allah."
\c 10
\cl As-hah 10
\p
\v 1 Hasa bad hajat del, Rabuna azilu sabein tanin, wa rasulu humon bara etnin etnin gidam tuo le kulu medina wa mahal al huwo bi nefsa tuo kan bi ruwa fogo.
\v 2 Huwo kelimu le humon, "Al hasad ketir, lakin nas ta shokol besid. Ashan keda asalu Rabuna ta hasad ashan bi rasulu nas ta shokol le hasad.
\v 3 Ruwa fi sika taki. Ayenu, Ana rasulu intum ze koruf fi nus ta zi ab.
\v 4 Ma ta kum shilu shenta ta gurush, aw shenta ta safar, wa gizmat, wa ma takum selimu aye zol fi sika.
\v 5 Aye bet intum dakalu, awel kelim,'Salam kede kun fi bet de!'
\v 6 Kan zol ta salam fi inak, salam taki bi kun fogo huwo, lakin kan ma fi huwo bi rija le inta.
\v 7 Geni fi nefsu bet de, akulu wa asurubu haja al humon wodi, la anu al amil bi istahik ujura. Ma takum doworu min bet le bet.
\v 8 Aye medina al intum dakalu, wa humon rahibo intum, akulu haja humon jahizu gidam taki
\v 9 wa aliju al ayan al fi inak. huwo kelimu le humon, Malakuut ta Allah ja gerib le intum.'
\v 10 Aye zaman intum dakalu medina wa humon ma rahibu intum, ruwa bara le sika wa kelimu,
\v 11 'Hata gubar ta medina takum al amusuku fi kura tanina anina nedifo ded intum! Lakin arufu kede: Al malakuut ta Allah biga ja grib.
\v 12 Ana kelim inu fi yom ta hukum huwo bi kun kwes le Sodom min al bi kun le medina dak.
\v 13 Bi kun kab le inta, ya Corizin Bi kun kab le inta, ya beit Seida! Lo guwa al kan amulu le intum kan amulu fi Sur wa Seida, humon kan tub min zaman, gayidin fi keys wa rumaat.
\v 14 Lakin huwo bikun ahsen ihtimal le Sura wa Seida fi wokit ta hukum aktar min al le inta.
\v 15 inta Capernahum, inta bi fekir inta bi arufau le sama? La, inta bi jibu tihit le gubuur.
\v 16 Al wahid al bi asuma le itakum bi asuma le ana, wa wahid al aba itakum aba ana, wa al wahid al aba ana aba al wahid rasulu ana."
\v 21 Fi nefsu zaman huwo afrah ketir fi roho, wa kelim, "Ana mejido inta, Rabana abu ta sama wa ard, la anu inta dusu hajat del min fihim ta hakim wa zahir le del al humon beliteen, ze iyal sokeriin. Nam, Abu, la nu huwo kan farah fi gidam taki.
\v 22 Kulu hajat selimu le ana min abu tai, wa ma fi zol bi arufo al Ibin illa Abu, wa mafi zol bi arufo Abu illa al Ibin wa del al huwo iktaru ashan bi zahiru le humon."
\v 23 Bad dak huwo gelibu le talamiz wa kelimu le humon barwo, "Baraka le del al humon ayenu hajat al intum ayenu.
\v 24 Ana kelim le intum, anbia ketir wa muluk indu nia ashan bi ayenu hajat del, al intum ayenu wa humon ma ayenu, wa ashan bi asuma hajat del al intum bi asuma, wa humon ma asuma."
\v 27 Huwo juabu wa huwo kelimu, "Inta bi hibu, Rabuna Allah taki ma kulu gelba taki, ma kulu nefsa taki, ma kulu guwa taki, wa ma kulu fekira taki, wa jeraan taki ze nefsa taki,
\v 30 Yesua juabu huwo wa kelimu, "Zol tani kan bi ruwa min Uruselim le Ariha. Huwo waga fi nus ta haramiya, agella min huwo hajat tuo kulu, wa dugu huwo, wa sibu huwo bein haya wa mutu.
\v 31 Bi sutfa abuna tani kan mashi bi sika dak, wa zaman huwo ayenu huwo, huwo ruwa bi sika tani.
\v 32 Lawi kaman, zaman ja le mahal wa ayenu huwo, ruwa bi sika tani.
\v 33 Lakin Samiri, musafir, ja le mahal. Zaman huwo ayenu huwo, huwo kan hariik ma hiniya.
\v 34 Huwo ja le huwo wa masa jarah tuo, kubo zeit wa merisa fogo. Huwo arfa huwo fi himar tuo, wa jibu huwo fi mushtesfa, wa ayenu wara tuo.
\v 35 Yom al tani huwo shilo etnin denar, wa dafa le sidu mahal, wa kelim, 'Ayenu wara tuo, wa aye haja al ita amulu ziyada, kan ana rija, ana bi dafa le ita.
\v 36 Yatu min talata ita bi fekir kan jeraan le huwo al waga fi nus ta haramiya?"
\v 38 HasaZe ma humon kan musafiriin, huwo dakalu fi beled tani, wa mara tani isimu Martha rahibo huwo fi juwa ta heya.
\v 39 Heya indu ukut isimu Mariam, al geni fi kura ta Rabuna ashan bi asuma kelimat tuo.
\v 40 Lakin Martha kan moshkul ma jahizu akil. Heya ja le Yesua wa kelim, "Rabuna, inta ma bi fekir ukut tai sibu ana barwo fi shokul? Ashan keda wori le heya ashan bi saadu ana."
\v 41 Lakin Rabuna juwabu wa kelim le heya, "Martha, Martha, inta bi kafu wa zalan min hajat ketir,
\v 42 lakin bes wahid haja yau mohim. Mariam azilu haja al kwes, al ma bi shilu min heya."
\c 11
\cl As-hah 11
\p
\v 1 Hasil fi wahid yom inu Yesua kan bi seli fi mahal tani. Wokit huwo kan kalasu, wahid min talamiz tuo kelim le huwo, "Rabuna, derisu anina salawat ze ma Yuhana derisu talamiz tuo."
\v 5 Yesua kelim le humon, "Munu min intum indu sabi wa bi ruwa le huwo fi nus belel, wa kelim le huwo, "Sabi, deinu le ana talata rigif,
\v 6 sabi tai ja bes min sika, wa ana ma indu haja ashan bi wodi gidam tuo'?
\v 7 Bad dak al fi juwa huwo juwabu huwo kelim, 'Ma ta tabu ana. Bab kalas gofulu, wa iyal tai, ma ana, fi serir. ana ma bi agder gum fok wa wodi rigif le inta.'
\v 8 Ana kelim le inta, hata huwo kan ma gum fok wa wodi le inta rigif ashan inta sabi tuo, lakin ashan inta istemir asalu, huwo bi gum fok wa bi wodi le inta rigif ketir ze inta der.
\v 9 Ana kaman kelim le intum, asalu bi wodi le intum; fetisu, wa ita bi ligo; dugu, wa bi fatauo le intum.
\v 10 La anu kulu zol al bi asalu bishilu; wa al bi fetisu bi ligo; wa al bi dugu, bi fatau le huwo.
\v 11 Yatu abu fi nus takum, kan jena tuo asalu samaga, bi wodi le huwo debeba bidal samaga?
\v 12 aw kan huwo asalu beida, bi wodi le huwo agarab?
\v 13 Ashan keda iza kan intum al ashrar arufu wodi hadia kwes le iyal takum, godoor sunu Abu al min sama bi wodi Roho al Kuduus le del al asalu huwo?"
\v 17 Lakin Yesua arufu afkar tomon wa kelim le humon, "Kulu mumlaka gasimu fi nefsa tuo bi demiru, wa beit al gasimu fi nefsa tuo bi waga.
\v 18 Iza shetan gasimu fi nefsa tuo kef malakuut tuo bi wogif? La anu intum kelim Ana turuju shitan bara bi wasat Beelzebul.
\v 19 Iza ana turuju shayateen bi wasat Beezebul bi wasat, munu nas al takum bi turuju humon bara? La anu ashan de humon bikun guda takum.
\v 20 Lakin iza ana turuju shayateen bi iden ta Allah, fa malakuut ta Allah ja le intum.
\v 21 Zaman zol gowi al huwo musalah bi harisu beit tuo, buda tuo bi kun ameen,
\v 22 Lakin kan zol gowi gilibu huwo, zol al gowi bi shilu daraga al zol indu sigah wa nahabu hajat ta zol de.
\v 23 Al ma ma ana huwo deed ana, wa al ma limu ma ana bi ferigu.
\v 24 Zaman roho al shirir tala bara min insaan, huwo bi ruwa min mahal al mafi fogo moyo wa bi fetisu raha. wokit huwo ma ligo, huwo bi kelim, 'Ana bi rija le beit tai al ana ja min fogo,
\v 25 'Wokit huwo rija, huwo ligi beit nedifu wa nezimu.
\v 26 Bad dak huwo ruwa wa jibu ma huwo saba aruwa tanin shirir aktar min huwo wa humon kulu ja geni inak. Bad keda nihaya ta insaan de bi kun bataal min al awel."
\v 27 Hasil ze ma huwo kelim hajat del, mara tani arufa sout tuo fok min nas wa kelimu le huwo, "Baraka le batana al hamilu inta wa baraka le suduur al inta rada."
\v 29 Ze ma jumhuur kan bi zidu, Yesua bada kelim, "jeil de huwo jeil al shirir. bi fetisu alama, hata ma bi wodi le huwo bes alama ta Yonan.
\v 30 La anu ze ma Yonan biga alama le Ninawe, ze de kaman Jena ta isaan bi kun alama le jeil de.
\v 31 Maleka ta Junub bi gum fok fi hukum ma rijal ta jeil de wa bi hukumu humon, la anu heya ja min akir ta ard ashan bi asuma hikma ta Suleiman, wa aye, zol kebir min Suleiman al fi hini.
\v 32 Rijal ta Ninawe bi wogif fok fi hukum ma jeil ta nas de wa bi hukumu huwo, la anu humon tub ma bushara ta Yonan, wa ayenu, zol kebir min Yonan huwo hini.
\v 42 "Lakin bi kun kab le intum Firiseen, la anu intum limu nana wa waja wa bagi gesh ta jinena, lakin intum sibu adala wa muhaba ta Allah. Huwo muhim ashan itakum bi amulu adala wa hibu Allah, bidun waga fi amulu hajat tanin kaman.
\v 43 Woe le intum Firiseen, la anu intum hibu karasi al gidam al fi kenisa wa salam al ma ihteram fi mahal suk.
\v 44 Bi kun kab le intum, la anu intum ze turubat al dusu al nas bi doworu min ras tuo humon ma arufo huwo."
\v 45 Wahid min nas ta ganuun kelimu le huwo, "Mo alim, haja al ita kelimu de shitima le anina."
\v 46 Yesua kelimu, "Woe le itakum, mo alimin ta ganuun! La anu itakum kutu nas tiglla al sab ashan bi shilu, lakin itakum ma bi lemesu tiglla ma wahid min dufur takum.
\v 47 Bi kun kab le intum, la anu intum abinu turubat le anbia, wa kan de judud takum yau katulu humon.
\v 48 Fa itakum shuhudin wa itakum rudu shokul ta judud takum, la anu sei katulu humo wa intum abinu turubat tomon.
\v 49 L e sabab de kaman, hikmma ta Allah kelim, 'Ana bi rasulu le humon anbia wa rusul, wa humon bi azibu wa katulu tanin,'
\v 50 Jeil de, bi kun mosul le dom ta anbia al kubo min zaman alam bada,
\v 51 min dom ta Habil le dom ta Zechariah, al katulu bein mazbah wa bet. Num, Ana kelim le intum, Jeil de bi kun mosul.
\v 52 Bi kun kab le intum nas ta ganuun, la nau intum shilu bara muftah ta marifa; intum ma dakalu bi nfsa takum wa intum abosu del al bi dakalu."
\v 53 Bad Yesua ruwa min inak, al kataba wa Firiseen aridu huwo wa nagish ma huwo an hajat ketir,
\v 54 hawel ashan bi amsuku huwo fi kelimat tuo.
\c 12
\cl As-hah 12
\p
\v 1 FI zaman dak, wokit alaf min al nas kan limu sawa ketir humon bi dusu nufus tomon, huwo bada kelmu le Talamiz tuo awelan amulu takum hisab min kamira ta Firiseen, al huwo yau kabasu.
\v 2 Lakin ma fi haja al dusu ma bi zahir, wa ma fi haja al kati al ma bi arufu.
\v 3 Ashan keda aye haja ita kelimu fi duluma bi asumao fi nor, wa haja al ita wonusu fi adana dakil juwa bi alinu fogo ras juwa.
\v 4 Ana kelim le inta, sabi tai, ma ta kafo min del al bi katalu gesim, wa bad dak humon ma indu al ketir al humon bi amulu.
\v 5 Lakin Ana bi anziru intum an del al itakum bi kafo. Kafo min al bad kan katulu, indu sulta ashan bi jada intum fi jahanum. Num ana kelim le intum, kafu huwo.
\v 6 Hal kamsa tiyuur ma ge ishteru ma etnin jine? wa sala wahid min humon ma bi nesitu fi ena ta Allah.
\v 7 Lakin hata al shar ta ras takum kulu edu. Ma ta kafu. Intum ahsen bi ketir min tiyuu
\v 8 Ana kelim le itakm, kulu wahid al iterif ma ana gidam nas, jena ta insan kaman bi iterif ma huwo gidam ta malaykat ta Allah,
\v 9 lakin le de al anguru ana gidam ta nas bi anguru gidam ta malaykat ta Allah.
\v 10 Kulu wahid al wonusu kelima deed jena ta insan, bi affi huwo, lakin le del al bi wonusu deed Roho al Kuduus, ma bi affi humon.
\v 11 wokit kan humon jibu intum gidam ta majama, al hukam wa sultatat, matakum kafu an kef intum bi kelim le difa ta nefsa takum, aw sunu al intum bi kelim,
\v 12 la anu al Roho al Kuduus bi derisu intum fi zaman dak an sunu intum bi kelim.
\v 14 Yesua kelim le huwo, Ya rajil, munu kutu ana ghadi aw wasit le itakum?"
\v 15 Huwo kelim le humon, "Ayenu hafizu nefsa min kulu niyaat ta tamma, la anu haya ta zol ma bi kun min hajat al huwo indu."
\v 16 Fa Yesua wori le humon misaal, kelimu, "Mahal zara ta zol al ghani niqitu ketir,
\v 17 wa huwo fekiri fi nefsa tuo, gali, 'Sunu ana bi amulu, la anu ana ma indu mahal ashan bi kutu fogo simar?'
\v 18 Huwo kelim, ' de yua al ana bi amulu. Ana bi kasuru tihit gugu tai wa bi abinu wahid al kebir, wa inak Ana bi khazinu kulu dura wa kheirat tanin.
\v 19 Ana bi kelim le nefsa tai, "Nefsi, inta indu kheirat ketir kutu fok le senewat ketir. Akudu raha, akulu, ashrab, kun farhan.'"
\v 20 Lakin Allah kelim, 'Ya zol al beled, alela azu nefsa taki, wa hajat al ita jahizu, bi kun le munu?'
\v 21 De yau ze zol khazinu hajat le nefsa tuo wa huwo ma ghani le Allah."
\v 22 Yesua kelim le talamiz tuo, "Ashan keda ana kelim le intum, ma takum kafu an haya takum, sunu intum bi akulu; aw an gesim takum, sunu itakum bi libisu.
\v 23 La anu haya afdal min akil, wa al gesim huwo afdal min gumash.
\v 24 Ayenu takum le guraab, humon ma bi zara aw bi agila. Humon ma indu magzan aw gugu, lakin Allah bi akilu humon. Godoor sunu intum ahsen min tiyuur!
\v 25 Munu min intum kan bi hafizu nefsa tuo bi agder zidu tul tuo mitir wahid?
\v 26 Fa kan intum ma bi agder amulu hajat del sukar, lei itakum bi kafu an bagi del?
\v 27 Ayenu le zuhuur__kef humon bi raba. Humon ma bi istakal wa humon ma bi taban Ana bi kelim le intum hata Suleiman fi mejid tuo ma libisu ze wahid min humon.
\v 28 Kan libisu gesh al fi mahal zara, al bi kun fi alela, wa bukura bi jadao fi nar, godoor sunu huwo bi libisu intum Oh intum ta iman besit!
\v 29 Ma ta ayenu le sunu ita bi auku wa sunu ita bi asorubu, wa ma ta kun ma kafu.
\v 30 La anu kulu nas fi alam bi ayenu hajat del, wa Abu takum arufu inu ita muhtaj le humon.
\v 31 Lakin fetisu malakuut, tuowa hajat del bi zidu le inta.
\v 32 Ma takum kafu, karufan al sokerin la anu Abu takum murta shidid ashan bi wodi le intum malakuut.
\v 33 Beau hajat taki wa wodi le al meskin. Sala le nefsa taki keys al ma bi gidu __hajat al gali fi samawat al ma bi intaha, harami ma bi ja gerib, hasharat ma bi demiru.
\v 34 La anu mahal al hajat taki fogo gelba taki kaman bi kun inak.
\v 35 Libisu gumash taki jahiz ma gash, wa kede lamba taki istemir wala,
\v 36 wa kun ze nas al bi ayenu an saeed tumon kan huwo rija min iris, fa huwo kan ja huwo bi dugu, humon tuwali bi fatah al bab le huwo.
\v 37 Baraka le kudam del al saeed bi ja ligo humon bi ayenu. Hagiga ana kelim le intum, huwo bi libisu gumash tuo al tuwil wa bi kutu homon tihit fi tarabeza, wa huwo bi ja agdim humon.
\v 38 Kan saeed ja fi saa etnin aw saa talata belel, wa ligo humon jahiz, baraka le kudamin del.
\v 39 Lakin afham de, inu iza saeed ta beit arufu saa al harami bi ja, huwo ma bi sibu juwa de bi karabu.
\v 40 Kun jahiz kaman, la anu ita ma arufu saa miteen jena insaan bi ja."
\v 42 Rabunua kelim, "Kan keda munu yau amin wa mudir al negit al Rabuna tuo bi kutu huwo le kudam tanin ashan bi wodi le humon akil fi zaman al saa?
\v 43 Baraka le khadim de al rabuna kan ja bi ligo huwo bi amulu dak.
\v 44 Hagiga Ana kelim le inta inu huwo bi kutu fok le hajat tuo.
\v 45 Lakin kan kadam kelim fi gelba tuo, 'Saeed tai bi akir wa bada dugu kudam tuo al rujal wa nuswan wa bi akulu wa asorubu wa bi tala sakaran,
\v 46 rabuna ta kadim bi ja bi nahar huwo ma mutwaga wa fi zaman huwo ma arufu wa bi gata huwo geta geta wa bi wodi gesma tuo ma ger aminiin
\v 47 Kadim dak, arufu irada ta rabuna tuo wa jahizu aw amulu hasab irada tuo, bi dugu ketir.
\v 48 Lakin zol al ma arufu wa amulu haja al bi istehik sout, huwo bi dugu ma besit. Lakin aye zol al wodi ketir, min humon bi asalu ketir, wa zol wodi le huwo ketir, al ketir bi asalu min huwo.
\v 54 Yesua kan bi kelim le jumhuur kaman, "Zaman kan ita ayenu sihaab gum fi garb, tuwale intum bi kelim muturo jayi; fa bi hasil.
\v 55 Zaman hawa kan afogu min junub, intum bi kelim, 'bi kun sakana,' wa bi hasil.
\v 56 Ya kazabiin, itakum arufu ferigo manzar tasamawat wa ard, lakin kef intum ma arufu terjimu zaman ta hasa.
\v 57 Ma lo intum ma bi hukumu le nufus takum bi hagiga?
\v 58 La anu ita kan ruwa ma adu taki gidam ghadi, fi sika hilu mashakil; ma huwo ashan huwo ma bi sugu inta le ghadi, wa ashan ghadi ma bi wodi inta le dabit, wa ashan dabit ma bi jada inta fi sigen.
\v 59 Ana kelm le inta, inta ma bi tala bara min inak lahadi inta dafa aker gurush."
\c 13
\cl As-hah 13
\p
\v 1 Fi wokit dak, juzu min nas inak wori le huwo an Jelilieen al Pilatus lakbat dom tumon ma zebeha.
\v 2 Yesua juabu wa kelimu le humon, "Itakum bi fekir inu jelileen del katiyin aktar min Jelileen tanin la anu humon tab fi sika?
\v 3 La, Ana bi wori le itakum. Lakin iza intum ma tub, intum kulu bi mutu fi nefsu sika.
\v 4 Wala del al tamantashar nas al fi Siloam al buruj waga fogo humon, intum bi fekir humon batalin min nas al fi Uruselim?
\v 5 La, Ana kelim, Lakin iza intum ma tub, intum kulu bi mutu kaman."
\v 6 Yesua wori misaal de, "Zol tani indu sejera Tina zarao fi zira tuo wa huwo ja ayenu le samar al fogo lakin huwo ma ligo.
\v 7 Al rajil kelim le jinena, 'Ayenu, Talata senawat Ana ja hawel ligo samar fi sejera tina wa ma ligo wale wahid. Gata huwo tihit. Lei bi sibu huwo karabu turab?'
\v 14 Lakin rais ta majmma kan zalan la anu Yesua aliju fi yom Sabbit. Fa rais juwabu wa kelim le jumhuur, "Inak fi sita ayam al huwo dururi le shokul. Tal wa aliju, maa fi yom Sabbit."
\v 15 Rabuna juwabu huwo wa kelim, "Nas al kadabin! Hal mafi wahid minakum bi fiku thor tuo aw himar min habil wa bi sugu ashan bi asorubu moyo fi Sabbit?
\v 16 Fa nefsu biniya ta Abraham, Ibilis robutu le muda tamantashar senawat, ma bi fiku fi yom Sabbit
\v 17 Ze ma huwo kelimu hajat del, kulu del al aridu hueo kan bi fadiya, lakin al jumhuur kulu kan bi afra le kulu hajat al mumejid huwo amulu.
\v 22 Yala yesua safir min medina wa beled derisu wa bi sala sika tuo le Uruselim.
\v 23 zol tani kelim le huwo, "Rabuna, nas besit bes yau bi kalisu?" Fa huwo kelimu le humon,
\v 24 "Nadil ashan ita bi dakalu min bab al deyiik, la anu, Ana kelim le inta, ketir der dakalu, lakin ma bi agder dakalu.
\v 25 Kan beit gum fok wa gufulu bab, yala inta bi wogif bara wa dugu bab wa kelim, 'Rabuna, Rabuna, kede anina dakalu.' Huwo bi juabu wa kelim le inta, 'Ana ma arufu inat aw inta ja min wen.'
\v 32 Yesua kelim, "Ruwa wa wori le saalab de, 'Ayenu, Ana turuju bara shayateen wa bi amulu ilaj alela wa bukora, wa yom nimira talata Ana bi wosulu le hadaf tai.
\v 33 Fi aye hala, huwo muhim le ana ashan bi istemir alela, bukora, wa yom al tani ze ma huwo ma kwes ashan bi katulu nebi bara min Uruselim.
\v 34 Uruselim, Uruselim, munu katulu anbia wa rejimu del al rasulu le intum. Kef dayiman Ana indu niya ashan bi limu iyal takum fi teriga al gidada bi limu beida tihit jina tou, lakin ita ma indu niya de.
\v 35 Ayenu, beit taki sibu karabu. Ana kelim le ita, ita ma bi ayenu ana lahadi ita bi kelim, 'Baraka le huwo al ja fi isim ta Rabuna"
\c 14
\cl As-hah 14
\p
\v 1 Hasil fi wahid min al Sabbit, wokit huwo ruwa fibet ta wahid min musolin ta Firiseen ashan bi akulu raigif humon kan bi ayenu le huwo min gerib.
\v 2 inak fi gidam tuo kan fi rajil bi taab min warma fi gesin tuo.
\v 3 Yesua asalu nas ta ganuun ta yahuud wa al Firiseen, "Hal huwo ganuuni ashan bi aliju fi Sabbit wala la?"
\v 4 Lakin huwomon asokut sakit. Fa Yesua amsuku wa aliju huwo, wa rasulu bara.
\v 5 Huwo kelim le humon, "Munu min nakum indu jena aw thor waga fi bir fi yom Sabbath ma bi tala huwo bara?"
\v 7 Zaman Yesua arufu kef del kan azimu humon azilu karasi al awel, huwo wonusu le humon misal, kelim le humon,
\v 8 Zaman al kan azimu inta ma zol tani le iris, ma ta geni tihit fi karasi al bi gidam, la anu bi kun fi zol tani al muhtaram aktar min inta azimu.
\v 9 Kan zol al azimu intum kulu etnin ja, huwo bi kelim le inta, Sibu mahal taki de le zol de,' wa bi ga ma fadia inta bi gum ruwa shilu mahal al aker.
\v 10 Lakin kan azimu inta, ruwa wa geni tihit fi mahal al aker, ashan kan zol al azimu inta ja, huwo i kelimu le inta, 'Sabi, ruwa fok.' Yala inta bi ihtaramu inta fi gidam ta kulu del al geni fi tarbeza ma inta.
\v 11 La anu aye zol al bi arufa nefsa tuo bi nezilu, wa huwo al bi nezilu nefsa bi arufau."
\v 12 Yesua kaman kelim le zol al azimu huwo, Iza kan inta amulu gada aw asha, ma ta azimu sabihat taki aw ahal taki aw jiranat al ganiyanin, ze ma humon kaman bi azimu inta, wa inta bi dafa.
\v 13 Lakin kan inta amulu hafla, azimu al meskin, abu keringe, mushululin, wa al amiyanin,
\v 14 wa inta bi mubarak, la anu humon ma bi dafa rija dafa. La anu inta bi dafao fi giyama ta nas al kwesiin."
\v 15 Zaman wahid min huwomon al geni fi tarbeza ma Yesua asuma hajat del, huwo kelimu le huwo, "Baraka le huwo al bi akulu rigif fi malakuut ta Allah!"
\v 21 "Al kadam ja wa wori le saeed tuo hajat del. Bad dak saeed ta bet tala zalan wa kelim le kadam tuo, 'Ruwa bara seri fi sika wa zugagat tuo wa jibu ini al meskin, nas al shilel, al amiyan, wa al abukeringe,'
\v 25 Hasa jumhuur kebir kan bi ruwa ma huwo, wa huwo agelibu wa kelimu le humon,
\v 26 Iza aye zol ja le ana wa ma bi akraa Abu, Uma, Mara, Iyal, Akuwana wa Ukuwat, wa hata haya tuo, ma bi kun tilmiz tai.
\v 27 Al ma bi arfa selib tuo wa ja wara tai ma bi kun tilmiz tai.
\v 28 La anu munu min intum indu niya ashan bi abini amara ma bi geni awel tihit wa hasibu teklifa kan huwo indu haja al bi kalasu?
\v 29 Wa illa, kan huwo amulu asas wa huwo ma agder kalasu, kulu nas al bi ayenu bi bada alisu huwo,
\v 30 kelim, 'Zol de bada abini wa huwo ma agder kalasu.'
\v 31 Aw yatu malek, al ruwa shakila ma malek tani ma bi geni tihit awel ashan bi ligo irshadad an hal huwo gadir ma ashara alf rijal ashan shakila malek al ja ded huwo ma ishiriin alf rajil?
\v 32 Iza kan ma zede, wokit jesh tanin lisa beid, huwo bi rasulu nas wa bi asalu an salam.
\v 33 Ashan keda, aye wahid min itakum al ma bi amulu ze de ma bi kun tilmiz tai.
\v 34 Mileh kwes, lakin kan mileh taam tuo ma fi, kef huwo bi kun mileh tani?
\v 35 Huwo bi kun ma indu shokul le turab aw le samad. Huwo bi jadao bara. Huwo al indu adna le asuma, kede huwo asuma."
\c 15
\cl As-hah 15
\p
\v 1 Hasa kulu nas ta limu darayib wa tanin al katieen ja le Yesua ashan bi asuma le huwo.
\v 2 Firiseen wa kataba huwo neng neng fi bad tuomon, kelimu, "Rajil de rahbu katieen, wa hata akulu ma humon."
\v 8 Aw mara al indu ashara gurush min feeda, kan hiya kan wodoro wahid, hal hiya ma bi wala lamba, nedifo bet, wa fitisu bi jedia lahadi hiya bi ligo?
\v 9 Kan hiya ligo, hiya bi nadi sabihat wa jeranat tuo, kelim, 'Afra takum ma ana, la anu ana ligo gurush al wodoro.'
\v 10 Kaman keda, Ana kelim le intum, inak fi fara fi gidam ta malaykat ta Allah le wahid katti al tub."
\v 11 Fa Yesua kelim, Insan tani indu etnin awulad,
\v 12 weled al soker min humon kelim le abu tuo, 'Baba, wodi le ana nisba tai min mali tai. 'Fa huwo gesimu mali fi bein tomon.
\v 13 Bad ayam ma ketir kalis, jena al soker limu kulu hajat tuo wa safir le beled beiit, wa inak huwo karabo mali tuo kulu ma haya al sambala.
\v 14 Bad huwo kalasu hajat kulu, ja an shidid ja fi beled dak, wa huwo bi ga muhtaj.
\v 15 Huwo ruwa ishtakal ma wahid al min beled dak, al rasulu huwo le mahal zara tuo ashan bi akilu kodorof.
\v 16 huwo bi ga indu niya ashan akulu min akil ta kodorof la anu ma fi zol bi wodi le huwo aye haja.
\v 17 Lakin zaman weled al soker fekir rija fi nefsa tuo, huwo kelim, 'Kadamiin al bi ishtakal fi bet ta abu tai indu akil kifaya, wa ana bi ini, bi mutu min ja an!
\v 18 Ana bi sibu mahal de wa ruwa le bet ta abu tai, wa ana bi kelim le huwo, "Baba, ana amulu katiya ded sama wa ded inta.
\v 19 Ana ma bi istehik ashan bi nadi jena taki; sibu ana kun wahid min kadamiin taki.'"
\v 20 Fa weled soker ja le abu tuo. wokit huwo lisa beiit, abu tuo ayenu huwo wa kan hin, wa huwo jere wa gubodu huwo fi ragabta wa selimu huwo ma gubala. Al jena
\v 21 kelim le abu, 'Baba, Ana amulu katiya ded sama wa ded inta. Ana tani ma istehik bi nadi jena taki.'
\v 28 "Jena al kebir bi ga zalan wa ma ruwa juwa, wa abu tuo ja bara wa asalu huwo.
\v 29 Lakin jena al kebir juabu wa kelimu le abu tuo, 'Ayenu, senawat ketir, Ana akdim le inta, wa ana kulu kulu ma kasuru ganuun ta ki, wa inta ma wodi le ana galamaya soker al bi afra ma sabihat tai,
\v 30 lakin zaman jena taki ja, al akulu maisha taki ma sharamit, inta katulu le huwo bagara al semin.'
\v 31 "Abu kelim le huwo, 'Jena, inta dayiman ma ana, wa kulu al le ana de taki.
\v 32 Lakin huwo lazim le anina ashan bi afra, la anu aku taki de kan mutu, wa huwo hasa hai; huwo kan wodoro, wa hasa ligo.'"
\c 16
\cl As-hah 16
\p
\v 1 Yesua kaman kelim le talamiz, "inak kan fi zol ghani huwo indu wokil, wa kan wori le huwo inu wokil de bi karabu hajat tuo.
\v 2 Fa rajil al ghani nadi huwo aw kelimu le huwo, 'De sunu yau al ana bi asuma an inta? Wodi hisab ta shokul wokil, la anu inta tani ma bikun wokil.'
\v 3 "Al wokil kelim le nefsa tuo, 'Ana bi amulu sunu, ze ma saeed tai bi shilu min ana shokul wokil? Ana ma indu guwa le zira, wa indu fadia fi asalu.
\v 4 Ana arufu sunu al ana bi amulu, ashan kan shilu ana bara min shokul, nas bi rahibu ana fi beaut tomon.'
\v 7 "Yala wokil kelim le tani, 'Kam al saeed tai der min inta?' "Huwo kelim, mia kilo ta geme.' Huwo kelim le huwo, 'Shilu waraga taki, wa katibu tamanin.'
\v 13 Ma fi kadam bi ishtakal le etnin saeed, la anu aw huwo bi akra tani wa bi hibu al tani, aw huwo bi ruwa ma tani wa bi sibu tani. Intum ma bi agder istakal le Allah wa mali."
\v 19 Inak kan fi zol ghani kan libisu gumash al gali wa kan murta kulu yom ma amli tuo.
\v 20 Meskin tani isim tuo Lazarus kan fi bab tuo, gesim tuo maliyan ma juruh,
\v 21 wa bi fitisu ashan bi akulu haja al bi waga min tarbeza ta al ghani. Hata kelaab ja wa bi alasu juruh tou.
\v 22 Al meskin mutu wa malayka kan shilu fi jambo ta Abraham. Al rajil al ghani mutu kaman wa dofunu,
\v 23 wa fi turuba, fi azab, huwo arufa fok uyuun tuo wa huwo ayenu Abraham beiit wa Lazarus fi jambo tuo.
\v 24 Fa huwo kore wa kelim, 'Baba Abraham, amulu maruuf le ana wa rasulu Lazarus, ashan bi bilu tarf ta dufur fi moyo wa baridu lisan tai, la anu Ana fi waja shidid fi nar de.'
\v 25 " Lakin Abraham kelim, 'Jena zekir zaman haya taki inta shilu hajat al kwes, wa Lazarus fi tab. Lakin hasa huwo ligo teshji ini, wa inta fi azab.
\v 26 Fogo de kulu fi bein tanina hufura kebir, ashan inu al der gata le min ini le inta ma bi agder, wa ma fi zol bi gata min inak le anina.'
\v 6 Rabuna kelim, "Kan intakum indu iman ze haba ta kardal, inta bi kelim le shejera, ' Agela, wa kun fi bahar; wa huwo bi asuma le inta.
\v 7 Lakin munu min itakum, al indu kadam bi zara wa bi ayenu korufan, bi kelimu le huwo kan huwo ja min mahal zara, 'Bi ja tawale wa bi geni tihit ashan bi akulu'?
\v 8 Hal huwo ma bi kelim, jahizu haja tani le ana ta akulu, wa kutu hizam hawuli gumash wa kadimu ana lahadi Ana kalasu akulu wa asorubu. Bad dak inta bi akulu wa asorubu'?
\v 9 Huwo ma shokuru kadam la anu huwo amu lu haja al kan wori le humon, hal sei?
\v 10 itakum kaman, zaman itakum amulu hajat kulu al wori le intum, kelim takum anina kadamin batalin. anina amulu haja al talabu min anina ashan bi amulu.'"
\v 9 Yala huwo kaman wonusu misal de le tanin al humon kan indu sigha fi nufus tomon inu humon nedifin min nas tanin wa bi alisu nas tanin,
\v 10 " Etnin nas ruwa fi kenisa ashan bi seli__wahid kan firisi wa tani kan ta limu darayib.
\v 11 Al Firisi wogif wa seli ze de an nefsa tuo, 'Allah, Ana shokuru inta inu ana ma ze nas tanin__ al haramia, nas ta zulum zina__aw hata ma ze zol ta limu darayib de,
\v 12 Ana bi sum etnin marrat fi osbu. Ana bi wodi ashara fi mia min kulu hajat al ana indu.
\v 13 Lakin zol ta limu darayib, wogif beid, ma arufa ena tuo le sama, lakin huwo dugu duus tuo, kelim, Allah, amulu maruf le ana, al katti.
\v 14 Ana kelim le itakum, rajil rija wara le bet tuo nedif min tani de, la anu kulu zol al bi arufa nefsa bi nezilu, lakin kulu zol bi nezilu nefsa bi arufao."
\v 22 Zaman Yesua asuma, huwo kelim le huwo, "Inta lisa nages haja wahid. Ita bi beau kulu hajat al ita indu wa wodi le mesakin, wa inta bi kun indu hajat gali fi sama__wa tal, wara tai."
\v 29 Yesua bad dak kelim le humon, "Hagiga, Ana bi kelim le intum inu ma fi zol al sibu bet, aw mara, aw akuwana, aw abu, aw iyal, ashan malakuut ta Allah,
\v 30 munu al ma bi ligo ketir fi alam de, aw fi alam al bi ja, haya al abadiya,"
\v 31 Bad huwo limu al etnshar le nefsa tuo, huwo kelim le humon, "Ayenu, anina mashiin la hadi fi Uruselim, wa kulu hajat al katibu ma anbia an ibni al insan bi hasil.
\v 32 La anu huwo bi selim le yahudin, wa bi alisu, wa bi amulu fadiya wa bi tufu le huwo buzak.
\v 33 bad jeledo huwo, wa humon bi katulu huwo, wa fi talata yom huwo bi gum tani."
\v 34 Humon ma fahimu eyin haja min hajat del, wa kelima de dusu min humon, wa humon ma fahimu haja al kan kelim.
\v 42 Yesua kelim le huwo, "Ayenu. iman taki aliju inta.
\v 43 tuwali huwo ayenu wa ruwa wara tuo, bi mejido Allah. Kulu nas, wokit ayenu kede, humon wodi mejid le Allah.
\c 19
\cl As-hah 19
\p
\v 1 Yesua dakaulu wa kan bi ruwa min Ariha.
\v 2 Kan fi rajil inak isimu Zakayo. Huwo kan rais ta daayib wa kan ghani.
\v 3 Huwo kan hawil ashan ayenu Yesua, lakin huwo ma agder min jumhuur al ketir la anu huwo kan gaser fi tul.
\v 4 Fa huwo jere gidam ta nas wa nutu fi shejera jemeza ashan bi ayenu huwo, lakin Yesua kan bi ga der ruwa.
\v 5 Zaman Yesua ja le mahal, huwo ayenu fok wa kelim le huwo, "Zakayo, nezil tihit sere, la anu alela Ana der ruwa fi bet taki.
\v 6 "Fa huwo sere nezil tihit wa rahibu huwo ma fara.
\v 7 Zaman kulu zol ayenu kede, humon kulu neng neng, kelim, "Huwo ruwa ziyara le zol al huwo katti."
\v 8 Zakayo wogif wa kelim le Rabuna, "Ayenu, Rabuna, nus ta hajat tai Ana bi wodi le meskin, wa iza ana zulumu aye zol fi aye haja, Ana bi rija arba marat."
\v 11 Ze ma humon asuma hajat del, huwo istemir onusu wa wori misal, la anu huwo kan gerib ma Uruselim, wa humon fekeri inu malakuut ta Allah kan bi beinu tuwali.
\v 12 Ashan kede huwo kelim, "Zol tani muhim ruwa le mahal beid ashan bi shilu le nefsa tuo malakuut wa bi rija.
\v 13 Huwo nadi ashara min kadamin tuo wa wodi le humon, ashara amanat ishtakal lahadi kan ana rija wara.
\v 14 Lakin moatinin akra huwo wa rasulu mojomu ta nas wara huwo, kelim, 'Anina ma der rajil de bi hukumu anina,
\v 15 huwo hasil wokit huwo rija wara tani, bad ma huwo shilu malakuut, huwo amiru al kadamin al huwo wodi gurush le humon ashan bi nadi le huwo, inu huwo bi arufu yatu maksab humon ligo ma amulu tijara.
\v 22 Zol al mohim kelim le huwo, Ma kelimat taki Ana bi hukumu inta, inta kadim al sherir. Inta arufu ana zol al der, bi shilu haja al ana ma kutu wa gata haja al ana ma zara
\v 23 Yala lei inta ma kutu gurush tai fi benki, ashan kan ana rija ana bi limu humon ma ribeh?'
\v 24 Zol al mohim kelimu le humon al wogif, Shilu bara min huwo al amana, wa wodi le huwo al indu ashara.
\v 37 Ze ma huwo bi wosulu le mahal al jebel al zeitun, nas ketir min talamiz bada afra wa mejdo Allah ma sout kebir le amayiel al kebir al humon ayenu.
\v 42 kelim. "Kan ita kan arufu yom de, hata inta, al hajat jibu salam le inta! Lakin humon dusu min ena taki.
\v 43 La anu al ayam bi ja fogo inta wokit adu bi abinu hosh hawoli inta wa humon bi asuru inta min kulu tija.
\v 44 Humon bi kasuru inta tihit fi hufura, wa iyal taki, Humon ma bi sibu hajer fi ras hajer la anu inta ma arufu zaman al kan Allah bi hawil kalisu inta."
\v 9 Huwo wori le nas misal de, "Zol zara jinena, ujuro bara ashan kharma, wa ruwa le beled tani le zaman tuwil.
\v 10 fi zaman dak huwo rasulu kadam le siyadum karma ashan huwo bi wodi le huwo min samar ta karma. Lakin siyadum kharma dugu huwo, wa rasulu huwo edan-fadi.
\v 11 Wa huwo rasulu kadam tani wa humon kaman dugu huwo, amulu huwo batal, wa rasulu huwo idan fadi.
\v 12 Huwo kaman rasulu nimra talata wa humon kaman awogu huwo, wa jada huwo bara.
\v 13 Fa Rabuna ta jenena kelim, Ana bi amulu sunu? Ana bi rasulu jena tai al mahbub. mumkin humon bi ihteramu huwo.
\v 19 Fa kataba wa rais ta kahna kan der amsuku huwo fi zaman dak, la anu humon arufu huwo wonusu misal del ded humon. Lakin humon kan kafu min nas.
\v 20 Fa humon kan bi ragibu huwo wa rasulu jawsis al bi mesil humon nedifin ashan bi amsuku huwo ma kelima, hata bi agder selimu huwo le hakim wa sultat ta wali.
\v 21 humon asalu huwo, gal, "Mo alim, anina arufu inu inta kelim wa bi derisu adel, wa ma bi asir ma wozifa ta aye zol, lakin inta bi derisu hagiga an sika ta Allah.
\v 22 Hal huwo ganuuni le anina ashan bi dafa darayib le Caesar, wale la?"
\v 27 Zaman bad min al Saduqiyun ja le huwo, del bi kelim ma fi giyama,
\v 28 humon asalu huwo, gal, "Mo alim, Musa katibu le anina inu zi zol al aku tuo mutu, indu mara, wa ma indu iyal, rajil bi shilu mara ta aku tuo, wa weledo ma hiya le aku tuo.
\v 29 Inak fi saba akuwana wa al awel shilu mara, wa mutu bidun iyal,
\v 30 wa nimira etnin kaman zi de kede.
\v 31 Al nimira talata shilu hiya, wa kaman al saba ma sibu iyal, wa mutu.
\v 32 Bad dak mara mutu kaman.
\v 33 Fi giyama, mara de bi kun ta munu? La anu al saba hiya kan mara le saba."
\v 10 Bad dak huwo kelimu le humon, "Beled bi gum ded beled, wa mamlaka ded mamlaka.
\v 11 Zalzal kebir bi hasil, wa fi mahalat kulu ja an wa ayanat. Inak bi kun fi kafu wa alamat kebir min sama.
\v 12 Lakin gabili hajat del, humon bi kutu edan fogo intum wa bi azibu intum, bi sugu intum le majma wa sujun, bi jibu intum gidam ta muluk wa hukam ashan isim tai.
\v 13 Huwo bi kun fursa le shuada takum.
\v 14 Ashan keda ma takum kutu fi gelba takum ashan bi jazhizu difa gebli zaman,
\v 15 La anu ana bi wodi kelimat wa hikma al adu takum ma bi agder kaumu aw aridu.
\v 16 Lakin bi selimu itakum kaman ma abuhat, akuwana, ahal, wa sabihat, wa humon kutu tanin min intum bi mutu.
\v 34 Lakin kutu balak le nufus takum, ashan gelba takum ma bi kun tegel ma gumar, shirab wa sakar wa humon kafu ta f haya, wa yom dak ma bi gufulu fogo inta faja. h
\v 35 La anu huwo bi ja fogo aye zol al bi ish fogo wosa ta kulu ard.
\v 36 Lakin be haris fi kulu zaman, seli ashan ita bi kun guwi ashan bi jere min kulu hajat del al bi hasil, wa ashan bi wogif gidam ta ibni al insan."
\v 15 Yala huwo kelimu le humon, "Ana indu nia azim ashan bi akulu feas de ma itakum gubal lis Ana ma taab.
\v 16 La anu Ana kelimu le itakum, Ana ma bi akulu tani lahadi bi kamilu fi malakuut Allah"
\v 17 Bad dak Yesua shilu al kubaya, wa zaman huwo wodi shokur, huwo kelim, "Shilu de, wa gesimu fi bein takum.
\v 18 La anu Ana kelimu le intum. Ana ma bi asurubo min samar ta kharma lahadi malakuut Allah bi ja."
\v 19 Yala huwo shilu rigif, wa zaman huwo wodi shokur, huwo kasuru wa wodi le humon, kelim, "de yau gesim tai al wodi le intum, Amulu ze de ashan bi zekir ana."
\v 20 Huwo shilu kubaya bi nefsu tariga bad asha, kelim, "Kubaya de huwo ahad al jedid fi dom tai, al kubo ashan intum.
\v 21 Lakin al bi selimu ana fi ma ana fi tarabeza.
\v 22 La anu ibn al insan bi ruwa ze ma katibu. Lakin bi kun kab le zol al yau bi selimu!"
\v 23 Humon bada wonusu fi nus tomon munu fi nus tomon al bi amulu ze de.
\v 36 Yala huwo kelim humon, Lakin hasa, zol al indu keys, kede huwo shilu, wa kaman keys ta akil Zol al ma indu sekin kede beau keys tuo bara wa ishteri wahahid.
\v 37 La anu ana kelim, haja al katibu an ana lazim bi kamil, Hasibu huwo ma nas al tala bara min ganuun. La anu haja al nabao an ana bi ga kamilu,"
\v 51 Yesua kelim, "De kefaya!" Huwo lemesu adna tuo wa aliju huwo
\v 52 Yesua kelimu le rais ta khahna, wa le dabit ta Hayikal, wa le shoyuuk al bi ga ded huwo, "itakum bi ja le ana bi sef wa asaya ka anu ana mujirim?
\v 53 Zaman ana kulu yom ma iakum fi al haikal, itakum ma kutu edan le ana Lakin de zaman takum, wa guwa ta duluma."
\v 60 Lakin Butrous kelimu, Ya rajil Ana ma arufu haja al inta bi wonus fogo." Tuwali zaman huwo kan bi wonusu, dig kore.
\v 61 Rabuna gilibu wa ayenu le Butrus, wa Butrus zikir kelim ta Rabuna, wokit huwo kelim le huwo, "Gabili dig bi kore wa inta bi anguru ana talata marat."
\v 8 Zaman Hirodus ayenu Yesua, huwo kan murta shidid, la anu huwo kan der ayenu huwo min zaman tuwil. Huwo asuma an huwo wa huwo der ayenu mojiza al bi amulu ma huwo.
\v 9 Hirodus asalu Yesua ma kelimat ketir, lakin Yesua ma juabu huwo.
\v 10 Rais ta khahna wa kataba wogif, bi zalan ishteki huwo.
\v 11 Hirodus ma jesh tuo shitimu Yesua wa humon alisu huwo. Yala huwo libisu huwo gumash giyafa wa rija huwo wara le Pilatus.
\v 12 La anu Hirodus tala sabi ma kulu zol fi nefsu zaman dak, la anu gebli de humon adu ma bad.
\v 13 Pilatus bad dak nadi rais ta khahna wa hukam wa jumhur ta nas
\v 14 wa kelim le humon, "Intum jibu le ana rajil de ze zol al bi karabu nas wa ana asalu huwo gidam takum ana ma ligo galat fi rajil an hajat al intum kelim le huwo.
\v 15 La wele Hirodus, la anu huwo rija huwo wara le anina, wa ayenu ma fi haja al huwo amulu bi istehik ma mutu. Ashan keda
\v 16 ana bi adibu huwo wa bi figu
\v 17 huwo."
\v 18 Lakin humon kore kulu sawa, kelim, "Shilu zol de, wa figu le anina Barabbas!"
\v 19 Barabbas kan zol al kutu fi segen bi sabab fitna hasil fi medina wa katulu.
\v 20 Pilatus wonusu le humon tani, bi nia ta figu Yesua.
\v 21 Lakin humon kore, gali, "Selibu huwo, selibu huwo."
\v 22 Huwo kelim le humon le mara nimta talata, "Yatu shar rajil amulu? Ana ma ligo haja bi istehik mutu tuo. Ashan keda bad tadib le huwo, Ana bi fiku huwo."
\v 23 Lakin humon asuru bi sout ali, humon der keda selibu. Sout agnna Pilatus.
\v 24 Fa Pilatus wodi le humon talab tomon,
\v 25 Huwo figu al humon asalu de al kan kutu fi segen bi sabab ta fitna katulu. Lakin huwo selim Yesua le irada tomon.
\v 19 Yesua kelim le humon, "Yatu hajat?" Humon juabu huwo, "Al hajat an Yesua ta Nasira, al kan nabi, al guwi fi amal wa kelima gidam Allah wa kulu nas,
\v 44 Huwo kelim le humon, "Zaman ana kan ma iakum, Ana wori le itakum inu kulu hajat katibu fi ganuun ta Musa wa anbia wa al fi Mazamir lazim bi kamilu.
\v 45 Bad dak huwo fatah mock tomon, ashan humon bi fahim al kotub.
\v 46 Huwo kelim le humon, "Huwo moktub, inu al Mesih bi tab wa bi gum tani min mutu fi yom al talet.
\v 47 Tuwba wa affi lazim bi beshiru fi isim tuo le kulu nas, bidaya min Uruselim.
\v 48 Intum shohudin ta hajat del.
\v 49 Ayenu, Ana bi rasulu intum haja al abu tai wadu. Lakin geni takum fi medina lahadi intum bi libisu guwa min fok."