\v 17 Kulu al ajial min Ibrahim le Daud kan arbatasiar ajial, min Daud le shilu umon fi Babylon arbatasar ajial, wa min wodi umon le Babylon le arbatasiar alial le Al Mesih.
\v 18 Weleda bita Yesua Al Mesih hasal be teriga de. Uma tou Mariam endu alaka ta zuwaj ma Yusif, Lakin gubal umon ma ja sawa, ligo hiya hamlan be Roho Al Kudus.
\v 19 Rajil tou Yusif kan rojul adil, wa huwo madeir ashan aba hiya gidam nas. huwo fekiru ashan bi gata alaka be siri.
\v 20 Ze huwo bi fekir an hajat del, Malaika ta Rabana zahar le huwo fi hilim, kelimu," Yusif, weled bita Daud, mata kafu ashan bi shilu Mariam ze mara taki, le-anu hiya hamilan be wasat Roho Al Kudus.
\v 21 Hiya bi weledu jena, wa inta bi seme Yesua, fa huwo bi kalisu nas tou min Khatiya tomon."
\v 22 Kulu del hasil ashan bi kamilu kalam al wonusu be Rabuna be wasat anbiya, kelimu,
\v 23 Asma, Azra bi hamil wa bi weledu jena, wa umon bi nadi isim Immanuel"- mana bitou "Allah ma nina."
\v 24 Yusif gam fok min al num wa amulu ze malaika ta Rabuna wasi huwo wa huwo shalu mara bitou.
\v 25 Lakin huwo ma amulu alaka jinsia ma hiya lahadi hiya weledu jena. bad dak huwo seme isim bitou Yesua.
\c 2
\cl As-hah 2
\p
\v 1 Baad Yesua weledu fi Bethlaham ta Yahudiya fi ayam ta Herodos al Melik, nas ulama min sherik wosulu Urselim kelimu, "
\v 2 Wenu huwo al weledu Melik ta Yahud? Nina sufu nijima tou fi sherik wa nina ja ashan bi abidu huwo."
\v 3 Zaman Herodos al melik asma kalam de, huwo ma Urselim kulu kan zalanin,
\v 4 Herodos limu kulu ruasa ta khahana wa baad min nas, wa huwo asalu umon, "Bi weledu Al Mesih wen?"
\v 5 Umon kelimu le huwo, "Fi Bethlaham ta Yahudiya, fa da yau al kan anbiya katibu,
\v 7 Baad dak Herodos nadi rijal al uluma de wa asalu umon be dapt yatu zaman nijima de kan zahir.
\v 8 Uwo rasulu umon le Bethlaham, kelimu, "Ruwa wa fetisu jena al suker de be teriga kwes. Kan intum ligo huwo, jibu kabar de le ana, ashan ana kaman bija wa abidu huwo."
\v 9 Baad umon asma kalam ta melik, umon ruwa, wa nijima al umon kan sufu fi sherik mashi gidam tomon lahadi ja wogifu fi mahal al jena de fogo.
\v 10 Zaman umon aiynu nijima de, umon farhanin be fara azim.
\v 11 Umon ruwa fi bet wa aiynu Jena Al suker ma uma tou Mariam. Umon dengiru tehet wa abidu Huwo. Umon fata santat tomon wa gedimu hadaya tomon dahab, Luban, wa Bohur.
\v 12 Allah anziru umon fi hilim ma kede raja le Herodos, wa umon raja le beled tomon be sika tani.
\v 13 Baad umon ruwa, malaika ta Rabuna zahir le Yusif fi hilim wa kelimu, "gum fok, shilu jena al suker de ma uma tou, wa jere takum le Masir. geni takum hinak lahadi ana bi wori le intum. Fa Herodos bi fetis jena al suker de ashan bi Katulu.
\v 14 fi bilel dak Yusif gam wa shilu jena al suker de wa uma tou wa jere le Masir.
\v 15 Huwo geni hinak lahadi mutu ta Herodos. De kamilu kalam al Rabuna kelimu be wasat anbiya," min Masir ana nadi jena tai."
\v 16 Baad dak Herodos, Zaman huwo aiynu be inu uluma del kabasu huwo, huwo biga zalan kalis. Huwo rasulu wa katulu kulu iyal sukerin al awulad al kan fi Bethlaham wa fi kulu akalim al iyal indu itnin sena wa tehet itnin sena, be asab zaman al rujal ulama kelim be dabt.
\v 17 Baad dak kalam al kan Nebi Jeremiah wonusu hagag nefsu,
\v 19 zaman Herodos maat, malaika ta Rabuna zahar fi hilim le Yusif fi Masir wa kelimu,
\v 20 "Gum fok wa shilu jena ma uma tou wa ruwa le beled ta Israel, del al kan deir katulu jena de mutu."
\v 21 Yusif gam, shilu jena wa uma tou wa ja fi ardi ta Israel.
\v 22 Lakin zaman huwo asma be-inu Archelaus bi hakimu Yahudiya fi mahal ta abu Herodos, huwo kan kafu ashan bi ruwa hinak. baad Allah anziru huwo fi hilim, Huwo ruwa le iklim ta Galileya
\v 23 wa ruwa ashan geni fi medina isim tou Nazaretha. De kamilu kalam al kan wonusu be wasat al anbiya, ashan bi nadu huwo Nazarene.
\c 3
\cl As-hah 3
\p
\v 1 Fi ayam dak Yohana Moamadan ja fi beriya ta Yahudiya bi gul,
\v 2 "Tubu, ashan molokut ta samawat biga gerib."
\v 3 Fa da huwo al kan wonusu be wasat nabi Isaiah, gali, "De sot ta wahid bi nadi bara fi beriya, Jahizu sika le Rabuna, salau sika tou adil."
\v 4 Yohana kan bi libisu gumas min sar ta jemel wa gas jilid hawil sulba tou. Akil tou kan asharat wa asel.
\v 5 baad dak Urselim, Yahudiya kulu, wa akalim kulu al hawil bahar Ordon ruwa le huwo.
\v 6 Yohana amidu umon fi bahar Ordon, bad umon tubu min katayat tomon.
\v 7 Lakin zaman huwo sufu Farisein kutar wa sadducein ja le huwo ashan bi amidu, huwo kelim le umon, "Intum iyal ta dabaib al indu siim, munu anziru intum ashan bi jere bara min hukum al jai?
\v 8 Antiju samar al bi istehik tuba.
\v 9 Mata kum fekiru ashan bi kelim bein takum, ' Nina endina Ibrahim ashan abu ta nina.' Fa ana bi kelimu le intum be inu Allah bi agder bi goumu iyal le Ibraham hata kan min hujar del.
\v 10 Kalas fas kutu jambu irik ta shejerat. Ashan kulu shejer al ma bi antij samar kwes bi gatau tehet wa jadau fi nar.
\v 11 Ana bi amidu intum be moya le tuuba. Lakin huwo al bi ja baad ana kebir mini ana, wa ana ma bi istehik ashan bi ahmil jizam tou. Huwo bi amidu intakum be Roho Al Kudus wa be nar.
\v 12 menjel bitou fi fii yedu wa bi gata geme tou wa bi kutu fi Makhzan lakin huwo bi aragu wasak be nar al ma bi batul."
\v 5 Baad dak sitan shilu huwo le Medina Al mukudas wa kutu huwo fi akir mahal ta ras Kenisa,
\v 6 wa kelim le huwo, "Kan inta sei Jena ta Allah, Jadau nefsak tehet, fa huwo moktub, ' Huwo bi amiru malaikat tou bi shilu musulia taki,' wa, 'Umon bi alagu inta be idan tomon. ashan inta ma bi dugu kura taki fi hajer."
\v 17 Min zaman dak Yesua bada beshiru wa kelimu, "Tuub, ashan molokut ta sama biga ja Gerib."
\v 18 Ze ma huwo masi gerib ma bahar Galileya, huwo aiynu itnin akwan, Samaan al bi nadi butrus, wa Andraus aku tou, bi jada sabaka fi bahar, umon kan sayadin ta gobudu samak.
\v 19 Yesua kelim le umon, "Talu, warai, wa ana bi kutu intakum ashan bi gobudu nas."
\v 20 Tawali umon sibu sabaka wa ruwa warau.
\v 21 Ze ma Yesua bi ruwa min hinak huwo aiynu itnin akwan al tanin, Yakub weled ta Zebedayo, wa Aku Yuhana. umon kan fi murkap ma abu tomon bi salau shabakat. Huwo nadi umon,
\v 22 wa umon sibu murkab wa abu tomon wa ruwa wara tou.
\v 23 Yesua ruwa fi kulu makan ta Galileya, bi derisu fi biyut ta salawat, bi bashiru an injil ta molokut, wa bi aliju amrat wa ayanat bein al nas.
\v 24 Kabar an huwo kan ruwa fi kulu Syria, wa nas jabu le huwo del al kan ayanin ma ayanat mukhtelif wa waja gisim, nas al kan moskunin be aruwa sherir. wa al indum marad sarrah wa shalal. Yesua aliju umon kulu.
\v 25 Adad kebir min nas ruwa wara huwo min Galileya, Decapolis, Urselim, wa Judeya, wa aksa Ordon.
\c 5
\cl As-hah 5
\p
\v 1 Zaman Yesua aiynu nas al limu, huwo ruwa fok jebel. Zaman huwo geni tehet, talamis tou ja le huwo.
\v 13 Intum mile ta Alam. Lakin mile kan biga ma indu ta-am, kef bi reja ashan bikun mile tani? huwo ma kwes tani le ai haja ile bes bi kubu bara wa nas bi douru fi ras tou.
\v 14 Intum nur ta dunia. Ma bi dusu Medina al abinu fi ras jebel.
\v 15 Nas mabi walau lamba wa kutu tehet gufa, lakin fi ras terbeza, wa bi wala le nas kulu fi juwa bet.
\v 16 Keli nur taki wala gidam nas ashan umon bi aiynu amail taki al kwes wa bi sabihu Abu taki al fi samah.
\v 17 Matakun fekir be inu ana ja ashan kasuru ganun wele kalam ta anbiya. Ana ma ja ashan bi kasuru umon, lakin ashan bi kamilu.
\v 18 Hagiga ana bi kelimu le intum be inu lahadi samah wa al ard bi futu, mafi kilma wele unuwan be ai teriga bi futu bara min ganun, lahadi hajat kulu bi hasil.
\v 19 Ashan kida kulu zol al bi kasuru wahid min wasayat wa deris nas ashan bi amul nefsu kalam ma bikun mohim kalis fi molokut ta samah. Lakin le kulu zol al bi hafisu kalam del wa derisu le umon bi kun nas kubar fi molokut ta samah.
\v 20 Lakin ana bi kelim le inta be-inu ile kan sokol hagiga taki bi futu hagaig tak kataba wa farisiin. inta be ai teriga ma bi dakalu fi molokut ta samah.
\v 21 Intum kan asma be inu kelimu le umon fi zaman gedim, 'mata katulu,' wa,' kulu zol al bi katulu bikun fi katar zaman gadiya.'
\v 22 Lakin ana bi kelimu le intum be-inu kulu wahid al bi bikun zalan ma aku tou bikun fi katar zaman gadiya.' wa ai zol al bi kelim le aku tou, ' inta ma nafi!' bikun fi katar gidam mejles,' wa ai zol kelim, inta belid' bi kun fi katar be nar ta Johanam.
\v 23 Kan inta bi wodi hadaya taki fi masba wa inta zekiru be-inu aku taki indu muskila ma inta,
\v 24 sibu hadaya taki fi gidam masba, wa ruwa. Awelan amulu musalaha ma aku taki, wa taal gedimu hadaya taki.
\v 25 Tafik be zol al tahamu inta be sura ze ma intum bi ruwa le mahkama, wele zol al tahamu inta bi selimu inta le gadi, wa gadi bi selimu inta le dabit, wa bi kutu inta fi sijin.
\v 26 Hagiga Ana bi kelim le inta, inta ma bi tala min hinak lahadi inta bi dafa akir gurus al inta kan shilu.
\v 28 Lakin ana bi kelim le inta be-inu ai zol al bi aiynu wara mara be uyun ta zina huwo kalas amulu zina ma hiya fi geliba tou.
\v 29 Kan ena taki ta yemin sibu inta waga, talau bara wa jadau beit min inta. huwo bikun kwes le inta kan wahid min juzu ta jisim taki mat bidal jisim taki kulu bi jadau fi nar.
\v 30 kan ida taki ta yemin sibu inta waga, gatau bara wa jadau beit min inta. Huwo bikun kwes le inta kan wahid min juzu ta gisim taki mat bidal jisim taki kulu bi jadau fi nar
\v 31 Kaman kan kelimu, 'Ai zol al turudu mara tou, keli huwo wodi le hiya waraga talak.
\v 32 Lakin ana bi kelimu le inta be-inu ai zol al talagu mara tou, ile be sabab ta zina, bi keli hiya ashan bikun ta Zina. Ai zol al zouju hiya baad kan talagu amulu zina.
\v 43 Intum asma kan kelimu, 'lazim keli inta hibu jiran taki wa akra adu taki.'
\v 44 Lakin ana bi kelimu le intum hibu adu takum wa seli le del al bi taabu intum,
\v 45 ashan intum bikun awulad ta Abu takum al fi samah. Huwo bi sibu shamis tou ashan wala le zol sherir wa zol al kwes, wa bi rasulu matar le del al adilin wa al ma adilin.
\v 46 Kan intum bi hibu del al bi hibu itakum, ajur yatu al inta bi ligo? Nas ta daraib ma bi amul nefsu hajat?.
\v 47 Iza inta bi selim akwana taki bes, Inta bi amulu sunu aktar min nas tanin? nas al ma Yahudiin ma bi amulu nefsu kalam?
\v 48 Ashan kida inta lazim keli kun tahir, ze ma Abu takum fi samah Tahir
\c 6
\cl As-hah 6
\p
\v 1 Keli intum kun harisin ashan bi wori amail takum al kwes gidam nas ashan umon bi aiynu, wele intum ma bi ligo makafa min abu takum al fi samah.
\v 2 iza inta bi wodi haja le meskin, mata afuku buruju gidamak ze ma nas al bi mesilu fi biyut ta salawat wa fi shawari. ashan umon bi ligo tesji min nas. Hagiga ana bi kelim le intum, umon kalas istelim makafa tomon.
\v 3 Lakin iza inta bi wodi haja le meskin, keli ida taki ta samal ma arufu ida taki al yemin bi amulu sunu.
\v 4 Ashan hadaya taki bi wodi be siri. Wa Abu taki al bi aiynu be siri bi wodi le inta makafa.
\v 5 Kan inta bi seli, mata kun ze nas al mumesilin, Umon bi hibu ashan bi wogif wa seli fi biyut ta salah wa fi rukun ta shawari, ashan nas bi aiynu umon. Hagiga Ana bi kelim le intum, umon kalas istelim makafa tomon.
\v 6 Lakin inta, kan inta bi seli, dakalu fi mahal kas. gofulu bab, wa seli le Abu taki al fi mahal siri. Wa Abu taki al bi aiynu inta fi siri bi wodi le inta makafa.
\v 7 Kan inta bi seli, mata keriru kalamat al manafi ze ma nas geir yahudiyin bi amulu, Umon bi fekir be-inu bi asmau umon ashan kalamat tomon al ketir.
\v 8 Ashan kida, mata kun ze umon, Abu taki arufu hajat yatu inta deiru gubal inta ma asalu.
\v 16 Kan inta bi sum, keli inta ma zahiru wusa taki al hazin ze ma nas mumesilin bi amulu, fa umon ma bi kasulu wusa wele touru shar tomon ashan umon bi zahir le nas be-inu umon saimin. Hagiga an bi kelim le inta, umon istelim makafa tomon.
\v 17 Lakin inta, kan inta saim, masa zed fi ras taki wa kasulu wusa taki,
\v 18 Ashan ma bi zahir le nas tanin be-inu inta saim, Lakin bes le Abu taki al huwo fi mahal siri; wa Abu taki al bi aiynu fi siri, be wodi le inta makafa.
\v 19 Mata kazinu le nesfak mali fi ardi ali sus wa hajat al bi segeru bi demiru, wa haramiya bi dakalu juwa wa bi seregu.
\v 20 Lakin, Kazinu le inta mali fi samah, al wele sus au hajat al gi segeru bi demiru, wa Haramiya ma bi dakalu juwa wa bi seregu.
\v 21 Fa fi mahal al mali taki fogo, hinak fikra taki bikun fogo kaman.
\v 22 Ena huwo yau lamba le jisim. ashan kida, kan ena taki kwes, Jisim kulu bikun malyan be nur.
\v 23 Lakin kan ena taki batal, Jisim taki kulu bikun malyan be duluma. ashan kida, kan nur al fi juwa inta hagiga duluma, duluma de bikun kebir, Duluma de bikun kebir shedid godur sunu!
\v 24 Mafi zol bi kadimu itniin seid, Au huwo bi karahu wahid wa bi hibu al tani, wele huwo bi wodi nefsu le wahid wa bi aba al tani. Inta mabi khadimu Allah wa mali.
\v 25 Ashan kida Ana bi gul le inta, Mata fekir an haya taki, inta bi akulu sunu wele inta bi asrubu sunu- wele an jisim taki, inta bi libisu sunu. Haya ma afdal min akil, wa jisim ma afdal min gumasat?
\v 26 Suf le tiyur al fi jou. Umon ma bi azra wele bi hasidu wele limu fi gugu, lakin Abu takum al fi samah bi akilu umon. Hal intum ma mohimin min umon?
\v 27 Munu min intm bi fekir ashan bi zidu sinin le haya tou?
\v 28 Le intum bi fekir an libsa? Zekir an zuhur al fi mazra, Kef umon bi raba. Umon ma bi istakal, wa ma bi salahu malabis.
\v 29 Lisa Ana bi gul le intum, hata Suliman fi kulu mejid ma libisu ze wahid min zuhur del.
\v 30 Kan Allah libisu zuhur al fi mazra, al bi zahir alela wa bukra bi jadau fi nar, godur sunu huwo bi libisu intum, intum al iman takum suker?
\v 31 Ashan kida mata fekir wa gul, ' Nina bi akulu sunu?' 'wele nina bi asrubu sunu?' wele nina bi libisu sunu?'
\v 32 Fa nas al geir Yahudiyin bi fetis hajat del, wa Abu tak al samawi arufu be-inu inta deir umon.
\v 33 Lakin fetis Molokut ta Allah awel wa biir tou wa kulu hajat del bi wodi le inta.
\v 34 Ashan kida mata fekir le bukra, fa yom ta bukra bi fekir an nefsu. Ai yom indu masakil tou.
\c 7
\cl As-hah 7
\p
\v 1 Mata hakimu, wa ma bi hakimu inta.
\v 2 Fi teriga al inta bi hukumu, bi hakimu inta, wa be wozin al inta wozinu, bi wozinu le inta.
\v 3 Lee inta bi aiynu wasaka al fi ena ta aku taki, lakin inta ma zekiru wasaka al fi ena taki?
\v 4 Kef inta bi gul le aku taki, 'keli ana tala wasaka al fi ena taki,' lisa wasaka fi fii juwa ena taki?
\v 5 Intum al mumesilin! tala awel wasaka bara min ena taki, wa biga inta bi aiynu kwes ashan talau al fi ena ta aku taki.
\v 6 Mata wodi haja al mukadas le kilab, wa mata jadau hajat jemil gidam khodrukat. umon bi dusu be kurayin tomon, wa bi aglib wa sheretu inta le gita gita.
\v 7 Asadu, bi wodi le inta. fetisu, inta bi ligo. Dugu bab, wa bi fatau le inta.
\v 8 Fa le kulu zol al asadu, bi ligo; kulu zol al fetisu, bi ligo; wa le zol al bi dugu bab, bi fatau le huwo.
\v 9 Wele munu min intum, kan weled tou asadu esh, bi wodi le huwo hajer?
\v 10 Wele kan huwo asadu samak, bi wodi le huwo debiba?
\v 11 Ashan kida, kan intum al sheririn aruf kef bi wodi hadayat kwes le iyal takum, godur sunu Abu takum al fi samah bi wodi hajat kwes le nas al asalu huwo?
\v 12 Ashan kida, kulu hajat al inta deir nas bi amulu le inta, inta kaman keli amulu le umon, fa de yau gawanin al Musa wa anbiya katabu.
\v 15 Keli intum kun harisin min anbiya al kazabin, al bija le intum be jilid ta korufan lakin umon morfoinat al hagiga.
\v 16 Be semar tomon intum bi aruf umon. Hal nas bi limu inab min kasabin ta shok wele jemeza min alig?
\v 17 Fi nefsu teriga, kulu shejer al kwes bi antij semar al kwes, lakin shejer al batal bi antij semar al batal
\v 18 Shejera al kwes ma bi antij semar al batal wele shejera al batal bi antij semar al kwes.
\v 19 Ai shejera al ma bi antij semar al kwes bi gatau wa bi jadau fi nar.
\v 20 Ashan badin intum bi arufu umon be semar tomon.
\v 21 Ma ai wahid al bi kelimu le ana, 'Rabi, Rabi,' bi dakulu fi molokut ta samah, lakin ile del al bi amulu meshia ta Abu tai al fi samah.
\v 22 Nas kutar bi kelimu le ana fi yom dak, "Rabi, Rabi, nina kan ma nabau fi isim taki, fi isim taki nina turudu sitan, wa fi isim taki nina amulu hajat ketir?'
\v 23 Wa Ana bi kelim le umon, 'Ana ma bi arufu intum! ruwa beid min ana, intum al bi amul amail sherir.
\v 3 Yesua medu ida tou wa lemesu huwo, gal, Indi niyah. kun nedif." Nefsu zaman aliju huwo min ayan ta juzam.
\v 4 Yesua kelimu le huwo, "keli inta ma wori le ai zol. Ruwa sika taki, wa wori nefsa taki le khahana wa gedimu hadaya al Musa kan wasi, bi kun shuhudah le umon."
\v 8 Kaid de juwabu wa kelimu, "Rabi, Ana ma istehik ashan inta bi dakalu fi bet tai, bes kelimu kalam wa kadam tai bi ligo ilaj.
\v 9 Fa Ana kaman zol al tehet sulta ta zol tani, wa Ana indi jesh tehet ana. Ana bi kelim le wahid, 'Ruwa,' wa huwo bi ruwa, wa le wahid tani, 'ta-al,' wa huwo bi ja, wa le kadam tai, 'amul de,' wa huwo bi amul."
\v 10 Zaman Yesua asuma kalam de, gelbu kasuru wa kelimu le nas al kan bi ja warau, hagiga Ana bi kelim le intum, Ana ma ligo ai zol be iman de fi Israel.
\v 11 Ana bi kelim le intum, Kutar bi ja min sherik wa gharib, wa umon bi num jambu terbeza ma Ibrahim, Ishak, wa Yaghub, fi molokut ta samah.
\v 12 Lakin iyal ta molokut bi jadau bara fi duluma, Fi mahal al fogo kore wa adi sunun."
\v 13 Yesua kelimu le kaid de, "Ruwa! ze inta amin, bi amulu le inta." wa kadam de aliju nefsu saa.
\v 14 Zaman Yesua ja fi bet ta Butrus, Huwo aiynu uma ta mara ta Butrus naim ayan be huma.
\v 15 Yesua lemesu ida ta hiya, wa huma sibu hiya. Hiya gam wa kadimu huwo.
\v 16 Zaman biga misa, nas jabu le Yesua nas kutar al muskunin ma roho ta sherir. Huwo amiru arua keli tala bara be kilma wa aliju kulu nas al kan ayanin.
\v 17 Fi teriga de kamilu kalam al kan kelimu be Nebi Isaiah, gal "huwo be nefsu shalu ayan ta nina wa amrad ta nina."
\v 28 Zaman Yesua ja fi tija tani bita bahar wa le doula ta Gadarenes, itnin nas moskunin be arua sherira gabilu huwo. Umon ja bara min mugabir wa umon kan takiyanin, ashan zol musafir ma bi futu be sika dak.
\v 29 Wa umon kore wa gali, inta deir sunu min nina, Ibin Allah? Hal inta ja hina ashan azibu nina gubal zaman?"
\v 32 Yesua kelimu le umon, "ruwa!" Arua sherira del tala bara wa dakalu le kodrukat; wa biga kodurukat del jere min mahal al nazil de le bahar wa umon matu fi moya.
\v 33 Nas al kan bi haresu kodrukat del jere wa ruwa le medina wa wodi taharir kamil, Kasatan haja al hasal le nas al kan moskunin be aruwah.
\v 34 Nas al kan fi medina ja ashan gabilu huwo. Zaman umon aiynu huwo, umon asalu huwo ashan bi sibu iklim tomon.
\c 9
\cl As-hah 9
\p
\v 1 Yesua dakal fi murkab, gata bahar, wa ja le medina tou.
\v 2 Nas jabu le huwo zol moslul naim fi biris. Huwo aiynu iman tomon, Yesua kelimu le zol al moshulul de, "Ibni, keli inta kun farhan. Afi katiya taki."
\v 3 Kataba tanin wonusu fi nefsa tomon, "Zol de bi mesil."
\v 4 Yesua arufu al fi fii fikra tomon wa kelimu, "Le intum bi fekir kalam sherir fi gulub takum?
\v 5 Kalam yatu al sahil ashan bi gulu, 'Katiya takum afi.' wele bi kelimu, 'Gum fok wa douru'?
\v 6 Ashan intum bi arufu be-inu Ibin al insan indu sulta fi ard ashan bi afi katiya, ... "huwo bi gul le zol moshul, "Gum fok, shilu feris taki, wa ruwa bet."
\v 7 Bad dak zol de gam fok wa ruwa le bet tou.
\v 8 Zaman nas al limu aiynu zede, umon istagrab wa bada sabihu Allah, al wodi sikil sulta de le nas.
\v 9 Zema Yesua ruwa be hinak, huwo aiynu zol ismu Mateyo, al kan gaid fi keima ta limu daraib. Huwo kelimu le huwo, "Taal warai." Huwo gam fok wa ruwa warau.
\v 15 Yesua kelim le umon, "Hal keli nas al ja shahidu iris yekun haznanin wa aris lisa gaid ma umon? Lakin yom bija al aris bi shilu min umon, wa baad dak umon bi sum.
\v 16 Mafi zol bi kutu gita ta gumas jedid fi jalabia al gedim, gita de bi sheretu bara min jalabia de, wa mahal al sheretu de bikun batal kalis.
\v 17 Wele nas bi kutu Khamur jedid fi buksa gedim. umon kan kutu, buksa de bi faga, khamur de bi kubu, wa buksa de bi karabu. Lakin, keli umon kutu khamur jedid fi buksa jedid, wa kulu itnin bikun kwes."
\v 18 Zaman Yesua bi kelim kalam del le umon, wahid min muozif ja wa dengir gidam tou. Huwo gal, "Biniya tai gabul suya mat, lakin taali wa kutu iden taki le hiya, wa hiya bi ish."
\v 19 Baad dak Yesua gam wa ruwa warau, wa talamiz tou ruwa warau.
\v 28 Zaman Yesua ja fi dakil al bet, Rujal amiyanin del ja le huwo. Yesua kelim le umon, "Hal intum amin be-inu ana bi amul kalam de?" Umon kelimu le huwo, "Nam, Rabi'.'
\v 35 Yesua ruwa fi kulu mudun wa bilad. huwo istemir derisu fi mahalat ta salawat, bi besiru injil ta molokut, wa aliju kulu sikil ta ayanat wa kulu shikil ta amrad.
\v 36 Zaman huwo aiynu nas al limu, huwo indu hinia le umon, leanu umon indum mashakil wa niya tomon gofulu. Umon biga ze korufan al ma indum zol al bi aiynu wara umon.
\v 37 Huwo kelimu le talamiz tou, "Al hasat ketir, lakin nas ta sokol besitin.
\v 38 Ashan kida seli le Rabuna ta hasat, ashan huwo bi rasulu nas ta sokol le hasat tou."
\c 10
\cl As-hah 10
\p
\v 1 Yesua nadi itnasar talamiz tou sawa wa wodi le umon sulta fok aruwah al nijis, ashan bi turudu umon bara, wa ashan aliju kulu anua ta amrad wa kulu anua ta ayanat.
\v 2 Hasa asma ta talamiz al itnasar yau del. Al awel, Samaan (al bi nadi Butrus), wa Andraus wa aku tou Yakub ibin Zebedayo, wa Yuhana aku tou;
\v 3 Philipus, wa Bartolmeyos; Thomas, wa Matta al bi limu daraib; Yakub ibin Alpheyos, wa Thadeyos;
\v 4 Samaan al Gayur, wa Yahuza al Iskarioti, al bi ja biyu Yesua.
\v 5 Del al itnasar Yesua rasulu bara. Huwo wori le umon wa gal, "Matakum ruwa le ai mahal al yahudiyin gi aishin fogo, wa mata dakalu fi ai medina ta Samariyin.
\v 6 ruwa le Korufan al woduru ta bet ta Israiliyin, wa zema intum bi ruwa, beshiru wa gul,
\v 7 'Molokut ta samawat biga ja gerib.'
\v 8 Aliju ayanin, goumu al meitin, tahiru nas al indu marad juzam, wa atrudu aruwah sherir. Intum ligo majani, wodi majani.
\v 9 Mata shilu ai dahab, fida, nihas fi santa takum.
\v 10 Mata shilu santa kan inta bi safir, wele Gemiz idafi, wele gizam, wele hasaya, zol al sakal bi istehik Akil.
\v 11 Fi ai medina wele beled al intum bi dakalu fogo, fetisu zol al bi istehik, wa geni takum hinak lahadi intum bi tala.
\v 12 Zema intum bi dakalu fi bet, selimu umon.
\v 13 Kan bet de bi istehik, Keli salam takum ja le umon. Lakin kan ma bi istehik, keli salam takum raja le intum.
\v 14 Le del al mabi rahibu intum wele bi asuma le kalam takum, wa kan intum bi rahalu bara min bet dak wele medina, nofudu gubar al fi kurein takum.
\v 15 Hagiga Ana bi kelim le intum, taab de bi kun besit kalis le ardi ta Sodoma wa Gomorah fi yom ta gediya min medina dak.
\v 16 Shuf, Ana bi rasulu intum zema korufan fi nus merfeinat, ashan kida keli intum kun negitin ze debiba wa ze hamama al ma bi awugu.
\v 17 Keli intum kun harisin min nas! Umon bi selimu intum le majalis, wa umon bi jeledu intum fi mahalat ta sallah.
\v 18 Basd dak bi jibu intum gidam hukam wa muluk ashan ana, ze shuhuda le umon wa le nas al geir Yahudiyin.
\v 19 Kan umon selimu intum, Mata fekir kef wele intum be wonusu sunu, kalam al intum bi gulu bi wodi le intum fi zaman dak.
\v 20 Fa intum yau mabi wonusu, lakin Roho ta Abu takum bi wonusu fi intum.
\v 21 Aku bi selimu aku to le mutu, wa abu bi selimu jena tou. Iyal bi gum did abuhat tomon wa bi kun sabab le umon ashan bi mutu.
\v 22 Ai zol bi karahu intum ashan isim tai. Lakin le kulu zol al bi istahmal le akir, zol dak bi kalisu.
\v 23 Izakan umon bi amulu le intum itahadad fi medina de, jere le medina tani, hagiga ana bi kelim le intum, Intum ma bi ruwa le mudun ta Israel gubal Ibin al insan bi ja
\v 24 Telmiz ma kebir min ustaz tou, wele kadam fok seid tou.
\v 25 Huwo kifaya le telmiz ashan bikun ze ustaz tou, wa kadam ze seid tou. Kan umon nadi sidi al bet Beelzebul, asma al umon bi nadi be nas ta bet tou bikun batal kalis!
\v 26 Ashan kida mata kafu umon, mafi haja mokful al ma bi zahir, wa mafi haja dusu al ma bi arufu.
\v 27 kalam al Ana wori le inta fi duluma, wori be nahar, wa kalam al inta asuma be sot tehet be adana taki, wori be sot fok le nas ashan bi asuma.
\v 28 Mata kafu del al bi katulu jisim lakin ma bi katulu roho. Lakin, kafu huwo al bi agder demiru roho wa jisim fi johanam.
\v 29 Itnin tiyur suhar ma bi isteru be shiling? Lisa mafi wahid min umon waga tehet bidun ilim min Abu takum.
\v 30 Lakin hata shar ta ras taki adad tou arufu.
\v 31 Mata kafu. inta mohim shedid min tiyur ketir al suhar.
\v 32 Ashan kida ai wahid al be sahidu ana gidam nas, Ana bi sahidu gidam Abui al fi samah.
\v 33 Lakin Zol al ankuru ana gidam nas, Ana kaman bi ankuru huwo gidam abui al fi samah
\v 37 Zol al bi hibu abu wele umu aktar min ana ma bi istehik ashan bikun telmiz tai: wa zol al bi hibu weled wele biniya tou aktar min ana ma bi istehik ashan bikun telmiz tai.
\v 38 Zol al ma bi arfa selib tou wa ja wara tai ma bi istehik ashan bikun tai.
\v 39 Zol al ligo haya tou bi woduru haya de. Lakin zol al bi woduru haya tou ashan ana bi ligo haya al hagiga.
\v 40 Ai zol al rahibu intum rahibu ana, ai zol al rahibu ana kaman rahibu huwo al rasulu ana.
\v 41 Ai zol al rahibu nebi leanu huwo nebi bi akudu makafa ta nebi, wa ai zol al rahibu rojul al saleh leanu huwo rojul saleh bi akudu makafa ta rojul saleh.
\v 42 Ai zol al wodi le wahid min suhar del, hata kan kubaya ta moya barid asham bi asurub, leanu huwo telmiz, hagiga Ana bi kelim le intum, Huwo be ai teriga ma bi agder fagit makafa tou."
\c 11
\cl As-hah 11
\p
\v 1 Ja fi zaman baad Yesua wajihu talamiz al itnasar, Huwo tala min hinak ashan bi derisu wa beshiru fi mudun tomon.
\v 2 Hasa zaman Yuhana asuma fi juwa sijin an amail ta al Mesih, huwo rasulu risala be talamiz tou
\v 3 wa kelimu le huwo, "Hal inta yau al bi ja, wele nina bi aiynu le tani?"
\v 4 Yesua juwabu wa kelimu le umon, "Ruwa wa kelimu le Yohana hajat al intum aiynu wa asuma.
\v 5 Nas amiyanin bi aiynu, nas al mukasirin bi douru, nas al indu marad juzam ligo ilaj, nas al ateresin bi asuma tani, nas al meitin goumu tani le haya, wa nas al muhtjin wori le umon kabara al kwes.
\v 6 Baraka le ai zol al ma ligo kalam batal min ana."
\v 7 Zema nas del ruwa, Yesua bada kelim le nas al limu an Yuhana, "Intum ruwa le sahara ashan aiynu sunu- shejer bi hizu be hawa?
\v 8 Lakin intum ruwa ashan aiynu sunu- zol labis gumas naim? Bel hagiga, del al bi libisu gumasat naim aishin fi biyut ta muluk.
\v 9 Lakin intum ruwa ashan aiynu sunu- nebi? Nam, Ana bi kelimu le intum, Ana mohim kalis mi nebi.
\v 10 De yau huwo al katabu anu, 'aiynu, Ana bi rasulu murasil tai gidam intum, al bi jahizu terik gidam intum.'
\v 11 Ana bi kelim le intum hagiga, bein del al weledu be nusuwan mafi wahid kebir min Yuhana Moamadan. Lisa Akir zol al mohim fi molokut ta samah kebir min huwo.
\v 12 Min ayam ta Yuhana lahadi hasa, Molokut ta samah taaban be unf, wa nas ta unf bi shilu be guwa.
\v 13 Fa kulu anbiya wa ganun kan bi itnaba lahadi zaman ta Yuhana;
\v 14 wa kan endakum niya ashan bi gabilu, Huwo Elia al bi ja.
\v 15 Zol al indu adana ashan bi asuma, keli huwo asuma.
\v 16 Le haja yatu ashan Ana bi karinu be jil del? Huwo ze iyal bi alabu fi suk, al bi geni wa bi nadi be baad
\v 17 wa bi gul, 'nina bi alabu wud le intum, wa intum ma bi alabu. Nina bikun aznanin, wa intum ma bi kore.'
\v 18 Fa Yuhana ja ma bi akul esh wele bi asurubu khamur, wa umon bi gul, 'huwo indu roho sherir.'
\v 19 Ibin al insan ja bi akulu wa bi asurubu wa umon bi gul, 'aiynu, huwo zol akal wa sukuruji, sabi ta nas daraib wa katiyin! Lakin amail tou bi wori be inu huwo indu hikma.'
\v 20 Baad dak Yesua bada wobiku mudun al amail tou al azim amulu fogo, leanu umon ma tuubu."
\v 21 Wo le intum, Chorazin! wo le intum Bethsaida! Kan amail al azim de amulu fi Tyre wa Sidon al amulu le intum, umon kan tuubu min zaman dak be malabis min sual wa rumat.
\v 22 Lakin ma bi kun taab kalis le Tyre wa Sidon fi zaman ta hukum min al bi hasil le intum.
\v 23 Inta, Capernaum, hal inta fekir bi arfau inta fi samah? La, bi jibu inta tehet le nar. Kan fi Sodoma amulu amail al azim al amulu fi inta, huwo lisa bi fadul lahadi hasa.
\v 24 Lakin Ana bi gul le inta huwo bi kun besit le ardi ta Sodom fi yom ta hukum min al bi hasil le inta.
\v 25 Fi zaman dak Yesua gal, "Ana bi sabihu inta, Abui, Rabuna ta samah wa al ard, Leanu Inta ma sibu kalam de arufu ma nas al negitin wa nas al fahimin, wa inta zahiru umon le iyal suhar.
\v 26 Nam, Abui, fa de kan kwes fi uyun taki.
\v 27 Kulu hajat istelimu le Ana min Abui; wa mafi zol arfu al Ibin ile bes Abui wa Mafi ai wahid arufu Abui ile bes al Ibin, Wa le ai zol al Ibin azilu ashan bi zahiru le huwo.
\v 28 Taalu takum le ana intum kulu al indu tegila, wa Ana bi wodi le intum Raha.
\v 29 Shilu niir tai le intum wa alimu min ana, Ana hanin wa mutuwade fi gelib, wa intum bi ligo raha le nufuskum.
\v 30 Ashan niir tai sahil wa tegila al ana bi wodi le inta kafif.'
\c 12
\cl As-hah 12
\p
\v 1 Fi zaman Yesua ruwa yom sebit abri zira-at ta dura. Talamiz tou biga jiyanin wa bada amurugu dura wa bi akulu.
\v 2 Lakin zaman pharisiyi aiynu, Umon kelimu le Yesua, 'Aiynu, Talamiz taki bi amulu kalam al ma ganuni al afrut ma bi amulu fi yom Sebit."
\v 9 Baad dak Yesua sibu mahal dak wa ruwa le bet ta salawat.
\v 10 Kan fi zol al ida tou shalal. Al Pharisiiyin asalu Yesua, gal, "hal huwo ganuni ashan bi aliju fi yom Sebit?" ashan umon bi tahamu be-inu huwo amulu katiya.
\v 11 Yesua kelimu le umon, "zol yatu yau bikun fi wasat takum, bi kun munu, Kan huwo indu wahid koruf fakat, wa kan koruf de waga fi hufra towil fi yom Sebit, yau ma bi gobudu wa bi juru bara?
\v 12 Keima tou godur sunu, ta insan min ta koruf! Ashan kida huwo ganuni ashan bi amulu haja kwes fi yom Sebit."
\v 13 Baad dak Yesua kelim le zol de, "midu ida taki dukri." Huwo midu dukri, wa ligo ilaj, ze ta ida tani de.
\v 14 Lakin Pharisiiyin ruwa bara wa khatit did huwo. Umon kan bi fetisu teriga al umon bi katulu huwo.
\v 22 Baad dak zol tani amiyan wa tamtam, moskun be aruwah sherir, jabu le Yesua. Huwo aliju zol de, be netija de zol al tamtam de bi wonusu wa bi shuf.
\v 23 Kulu nas al limu kan mustagrabin wa gal, "hal zol de bikun ibin Daud?'
\v 25 Lakin Yesua arufu afkar tomon wa kelimu le umon, "Ai molokut mugasm did nefsu ma bi kun sabit, wa ai medina au bet mugasam did nefsu ma bi wogif.
\v 26 Iza kan Sitan bi turudu Sitan bara, huwo gesimu did nefsu. Momlaka de biga bi wogif kef?
\v 27 Wa iza ana bi turudu bara aruwah sherir be Beelzebul, iyal takum bi turudu umon bara be isim munu? Fa le sabab de umon bikun guda takum.
\v 28 Lakin iza ana bi turudu aruwah sherir bara be Roho ta Allah, molokut ta Allah biga nezil le intum.
\v 29 Ai zol bi dakalu kef fi bet ta zol al indu guwa wa bi seregu hajat tou bidun huwo ma robutu zol al indu guwa de awel? Baad dak huwo bi seregu hajat min bet tou.
\v 30 Zol al ma ma ana huwo did ana, wa zol al ma bi limu ma ana bi shetet.
\v 31 Ashan kida Ana bi kelim le intum, Kulu katiya wa kulu kalamat shar bi afi, lakin kalamat shar did Roho ma bi afi.
\v 32 AI zol bi kelim kalam batal did Ibin al insan, bi afi. Lakin ai zol al kelim batal did Roho Al kudus, ma bi afi huwo. wele fi ardi de, wele fi dak al bi ja.
\v 33 Amulu shejer kwes wa shamar tou kwes, au amul shejer batal wa shamar tou batal, Shejer bi arufu be shamar tou.
\v 34 Intum iyal ta dabaib, intum sheririn, intum bi kelim kalam kwes kef? kalam al batal al fi dakil gelib yau kasuma bi gul.
\v 35 Zol al kwes min hajat kwes al fi geliba tou bi kelim hajat al kwes, wa zol al sherir min hajat al sherir al fi geliba tou bi kelim hajat sherir.
\v 36 Ana bi kelim le intum be-inu fi zaman ta hukum nas bi wori kulu kilma al batal al umon kelimu.
\v 37 Fa be kilmat taki inta bikun beri, wa be kilmat taki bi hakimu inta."
\v 39 Lakin Yesua juwabu wa kelimu le umon, "sherir wa jil ta zina bi fetis alama. Lakin mafi alama bi wodi le huwo ile alama ta nebi Yonah.
\v 40 Yonah kan indu talata ayam nahar wa bilel fi batun ta samak kebir, Ibin al Insan kaman bi indu talata ayam nahar wa bilel fi gelib ta ard.
\v 41 Muatinin ta Niniweh bi wogif fok fi zaman ta hukum be jil ta hasa wa bi hakimu. umon tuubu fi bushara ta Yonah, wa suf, zol tani akbar min Yonah fi hina.
\v 42 Melka ta Junub bi gum fok fi zaman ta hukum ma nas ta jil de wa bi hakimu. hiya ja min akir duniya ashan bi asuma hikma ta Solomon, wa suf, Zol al akbar min suliman fi hina.
\v 43 Izakan roho al nijis tala bara min insan, huwo bi yemsi fi tija al ma indu moya wa bi fetis mahal ta raha, lakin ma bi ligo.
\v 44 Huwo bi kelim, ' Ana bi rija le bet tai al ana ja min fogo.' Bat huwo raja, huwo bi ligo bet dak nedifu bara wa kutu fi nizam.
\v 45 Wa huwo bi ruwa ashan bi shilu ma huwo sabah arua tanin aktar minu, wa umon kulu bi ja ashan bi ish hinak. Wa hala al akir ta zol dak bikun batal min al awel. Huwo bikun bes ze dak ma jil al sherir de."
\v 11 Yesua juwabu wa kelimu le umon, Wodi le intum fursa ashan fahimu ashrar an molokut ta samawat, lakin le umon ma wodi.
\v 12 ashan ai zol al indu, hata al ketir bi wodi le huwo. Lakin ai zol al ma indu, hata kan huwo indu bi shilu minu.
\v 13 De yau sabab al ana bi kelim le umon be amsila: hata kan umon bi aiynu, umon ma bi aiynu; wa hata kan umon bi asuma, umon ma bi asuma, au bi fahim.
\v 14 Le umon nubuwa ta Isaiah kamilu, al bi gul, ze bi asuma umon bi asuma, lakin mafi teriga umon bi fahim; ze bi aiynu umon bi aiynu, lakin mafi teriga umon bi fahimu.
\v 15 Gulub ta nas de tala batalin, wa umon tala gowi ashan asuma, wa umon gafulu uyun tomon, asan umon ma bi suf ma uyun tomon, au asuma be adana tomon, wele fahimu be gulub tomon, umon bi aglib tani, wa A ana bi aliju umon.
\v 16 Lakin baraka le uyun taki; leanu bi aiynu; wa adana takum, ashan bi asuma.
\v 17 Hagiga Ana bi kelim le intum be-inu anbiya kutar wa nas hagigiyin indum niya ashan bi aiynu hajat al intum bi aiynu. wa ma aiynu umon. Indum niya ashan bi asuma hajat al intum asuma, wa ma asuma umon.
\v 18 Asuma bad kida le amsal ta muzari al bi zara tirab tou.
\v 19 Kan ai zol al asuma kalam ta molokut lakin ma fahim, sitan bi ja wa bi shilu bara haja al zarau fi gelbu. De yau tirab al zarau fi tarab share.
\v 20 Tirab al zarau fi ardi fogo hujar yau zol al bi asuma kilma wa bi akudu be farah,
\v 21 lisa ma indu iriik fi nefsu wa huwo bi istahmal fi zaman guseir. Kan masakil wele itihadad zahar ashan kilma, huwo seri bi waga.
\v 22 Tirab al zarau fi wasat shok, de yau zol al asuma kilma, lakin hajat ta duniya wa sokol gani bi kanagu kilma, wa huwo biga ma bi undu shimar.
\v 23 Tirab al zarau fi turab al kwes, de yau zol al asuma kilma wa bi fahim. Huwo bi antij shimar, bi tala miya marat wa aktar zema zarau, tanin sitin, wa tanin teletin marat wa aktar."
\v 29 Zol al mosul de kelim, 'La. Le-anu kan intum amurugu ges de bara, intum bi amurugu geme de ma umon.
\v 30 Keli umon raba sawa lahadi fi zaman ta hasad. Fi zaman ta hasad Ana bi kelim le nas al bi gatau, "Awel amurugu ges wa robutu umon fi komat ashan bi aragu, Lakin limu al geme fi gugu.'"'
\v 31 Baad dak Yesua kaman wori le umon amsal tani. huwo gal, "Molokut ta samah ze bizra al saker ali zol bi shilu wa zarau fi zira tou.
\v 32 Bizra de huwo saker kalis min buzur al tanin. Lakin kan raba, huwo bikun akbar min buzur al tanin. Huwo bikun shejera, ashan tiyur al fi jou bi ja wa abinu biyut tomon fogo."
\v 33 Yesua kaman wori le umon amsal tani. "Molukut ta samah ze kemira al mara bi shilu wa lakbatu ma talata wozin ta degig lahadi hajin kulu bi furu.
\v 34 Yesua wori kulu hajat del le jamahir be. amsal; wa huwo ma kelim haja le umon bidun amsal
\v 35 De yau bi amur al kan nebi wanisu bi jaa hagiga, zema ma huwo wanusu, "Ana bi fata kasuma tai be amsal Ana bi kelim hajat al dusu min asas ta duniya."
\v 47 tanimara, molokut ta samah ze sabaka al kutu fi bahar, wa limu kulu mokholugat ta ai nou.
\v 48 Zaman biga malyan, Sayadin de juru fi taraf bahar Baad dak umon geni tehet wa limu hajat al kwesin fi makhazin Lakin hajat al ma kwesin jadau bara.
\v 49 Huwo bikun zede fi zaman al akir. Malaikat bi ja wa ferigu al deifin min wasat ta nas al kwesin. Bi jadau
\v 50 umon fi hufra ta nar, hinak fi bikun kore wa adi sunun.
\v 52 Baad dak Yesua kelim le umon, Ashan kida ai katib ta sheriya al biga telmiz ta molokut ta samah huwo ze zol al mosul fi al bet, al bi tala hajat al gedim wa al jedid min kazina tou.
\v 53 baad dak zaman al Yesua kalasu amsal del, huwo futu bara min makan dak.
\v 54 Baad dak Yesua dakal iklim tou wa derisu nas fi biyut ta salah. Netija kan umon tala mostgrabin wa gal, Zol de ligo hikma tou de wen wa mujizat al?
\v 55 Zol de ma yau weled ta najar? Akwan tou ma yau Yakub, Yusif, Samaan, wa yahuza?
\v 56 Ikiwat tou ma yau kulu ma nina? Huwo ligo hajat del kulu wen?"
\v 57 Umon aba huwo. Lakin Yesua kelim le umon, "Nebi ma bi ihteramu fi doula wa fi usra tou.'
\v 58 Huwo ma amulu hajaib ketir hinak l-anu adam Iman tomon.
\c 14
\cl As-hah 14
\p
\v 1 Fi ayam dak, Herodos Antipas asuma kabar an Yesua.
\v 2 Huwo kelim le kudam tou, "De yau Yuhana moamadan; huwo gam min al mut. Ashan kida huwo sahal be guwa de."
\v 13 Hasa zaman Yesua asuma kalam de, huwo tala min hinak be murkab le mahal al ma bi aiynu huwo. Zaman asuma kalam de, umon ruwa wara tou min kulu medina.
\v 14 Baad dak Yesua ja gidam umon wa aiynu nas al limu. Huwo hin le umon wa aliju nas tomon al kan ayanin.
\v 15 Zaman ta misa, talamiz ja le huwo wa gali, mahal sahara, yom de intaha. nas al limu de keli ruwa, ashan umon bi ruwa le beled ashan isteri le umon akil
\v 19 Baad dak Yesua wori le nas al limu de keli geni tehet fi ras ges. Huwo shilu kamsa esh wa itnin samak. huwo aiynu fok le samah, huwo bariku wa kasuru esh de wa wodi le talamiz wa talamiz wodi le nas al limu.
\v 20 Umon kulu akulu wa tala sabanin. Baad dak umon limu itnasar gufa min akil al fadulu.
\v 21 Del al akalu kan ze kamsa alf rujal, bara min nasawin wa iyal.
\v 22 Tawali huwo kelim le talamiz keli dakal fi murkab wa ruwa gidamu le tija a tani ta bahar, wa huwo bi wori le nas allimu kede ruwa fi mahalat tomon.
\v 23 Baad huwo wori le nas al limu de kede ruwa, huwo ruwa fi ras jebel be nefsu ashan bi seli. Zaman ta misah, huwo kan hinak barau.
\v 24 Lakin murkab kan biga beid, hawa kan bi hizu shedid, hawa kan bi hizu murkab shedid.
\v 25 Fi saat al araba gerib sabah Yesua ja le umon, bi douru fi ras bahar.
\v 26 Zaman talamiz aiynu huwo fi ras bahar, umon kafu wa gal, "de roho ta zol meit," umon kafu wa kore shidid.
\v 29 Yesua sibu mahal dak wa masha gerib ma bahar ta Galileya. Bad dak huwo masha fi ras jebel wa geni hinak.
\v 30 Jamahir be adad kebir ja le huwo. umon jabu ma umon nas abu mukasirin, amiyanin, tamtam, wa ali bi douru be rukuba, wa nas kutar al ayanin. Umon jabu fi kura ta Yesua, wa huwo aliju umon.
\v 31 Jamahir istkarabu zaman umon ainu nas al kan abu tamtam bi wonusu, al bi douru be rukuba tala kwesin, abu mukasirin bi douru, wa amiyanin bi sufu. Umon sabihu Allah bita Israel.
\v 32 Yesua nadi talamiz tou le huwo wa gal. "Ana bi hin le jamahir del le anu umon geni ma ana le fetra ta talata yom wa ma indum haja ashan bi akulu. Ana ma deiru ashan bi sibu umon bi yemsi bidun ma akulu, wele umon bi tala tabanin fi sika."
\v 34 Yesua kelimu le umon, "Intum i indakum esh kam? Umon kelimu "Saba, wa samak suhar besit."
\v 35 Bad dak Yesua kelimu le nas al limu del kede geni tehet fi turab.
\v 36 Huwo shilu saba esh de wa asmak de, wa bad huwo wodi sukur, huwo kasuru esh de wa wodi le talamiz. Talamiz wodi le jamahir.
\v 37 Nas del akulu wa tala sabanin. Bad dak umon limu saba gufat malyan min fadalat.
\v 38 Del al kan akulu arba alf rijal bidun nasawin wa iyal.
\v 39 Bad dak Yesua rasulu jamahir del wa rikib murkab wa masah le iklim bita Magadan.
\c 16
\cl As-hah 16
\p
\v 1 Pharisyiin wa sadduciyiin ja wa jeribu huwo asalu huwo keli zahiru le umon alama min al fadah.
\v 2 Lakin huwo juwabu wa kelimu le umon. "Izakan zaman biga misah, intum bi gul, 'huwo bikun jou kwes, fa al fadah ahmar.'
\v 3 zaman kan sabah, intum bi gul, huwo bikun sihab, fa al fadah huwo ahmar wa sihab.' Intum bi arufu ashan bi terjimu sikil ta al fadah, lakin intum ma bi arufu terjimu alamat bita zaman.
\v 4 Jil al batal wa bita zina bi fetis alama, lakin mafi alama bi wori le umon ile bes alama bita Yonah." Bad dak Yesua sibu umon wa huwo ruwa.
\v 8 Yesua arufu kalam de wa gal, "intum al iman saheir Lie intum bi fekir fi nufuskum wa gal kalam hasal ashan nina ma shilu esh?
\v 9 Intum ma zekiru kamsa ezhat le kamsa alf, wa kam gufat intum limu?
\v 10 Wele saba ezhat le arba alf, wa kam gufat intum?
\v 11 Kef intum ma bi asma be inu Ana ma bi wonusu le inta an ezh? Keli intum kun suja wa haris min kemira bita Pharisiyin wa Saduciyin."
\v 12 Bad dak umon fahim be inu huwo ma bi wori le umon ashan yekun harisin min kemira al fi esh, lakin yekun harisin min dirasa bita Pharisiyin wa Sadduciyin.
\v 17 Yesua Juwabu wa kelim le huwo, "Baraka le inta, Samaan Bar Yonah, Laham wa dom ma zahiru de le inta, lakin Abu bitai al fi samah.
\v 18 Ana kaman le inta be-inu inta Butrus, wa fi ras hajer de Ana bi abinu kenisa tai. Buaba bita mutu ma bi wogif didu.
\v 19 Ana bi wodi le inta mafati ta molokut ta samah. ai haja al intum bi robutu fi al ard bi robutu fi samah, wa ai haja al intum bi fiku fi al ard bi fiku fi samah."
\v 20 Baad dak Yesua wodi wosiya le talamiz ashan umon ma bi wori le ai zol be-inu huwo al Mesih.
\v 21 Min zaman dak Yesua bada wori le talamiz tou be -inu huwo lazim bi ruwa le Urselim, bi taabu be hajat ketir fi idan ta siyuk wa khahana wa kataba ta sheria, bi katulu, wa bi goumu huwo le haya fi yom a talit.
\v 23 Lakin Yesua galab wa kelim le Butrus, "Ruwa beid min ana, Sitan! Inta hajiz le ana, Inta ma mosul ana hajat ta Allah, lakin min hajat ta nas."
\v 24 Baad dak Yesua kelim le talamiz tou, "Kan ai zol der ashan bi ja wara ana, huwo lazim bi aba nefsu, shilu slib tou, wa ja wara ana.
\v 25 Ai zol al der ankizu haya tou bi woduru, wa ai zol bi woduru haya tou ashan ana bi ligo.
\v 26 Zol bi estefit sunu izakan huwo rebe kulu duniya lakin bi woduru haya tou? Zol bi wodi sunu bedil le haya tou?
\v 27 Ibin al insan bi ja fi mejid ta Abu tou ma malaikat tou. Baad dak huwo bi dafa makafa le ai zol hasab haja al huwo amulu.
\v 28 Ana bi kelim le intum hagiga, fi nas tanin minakun al bi wogifu hina ma bi jerib mutu lahadi umon bi aiynu Ibin al Insan jai le molokut tou."
\c 17
\cl As-hah 17
\p
\v 1 Baad sita ayam Yesua shilu ma huwo Butrus, Yakub, wa aku Yuhana, wa jabu umon fi jebel fok be nufusum.
\v 2 Wusa tou geiru gidam umon. Wusa tou bi lama ze shemis, wa gumas tou abiyat ze nur.
\v 3 Fi mahal dak, Musa wa Elia zahiru wa bi wonusu ma huwo.
\v 4 Butrus juwabu wa kelim le Yesua, "Rabuna, Huwo bikun kwes ashan nina nakun hina. Kan inta deir, Ana bi abinu talata rokuba wahid le inta, wa wahid le Musa, wa wahid le Elia."
\v 5 Fi zaman huwo bi wonusu, sihaf lama khati umon, baad dak fii shot bi kelim fi sihaf, "De weled tai al Ana bi hibu, ashan huwo Ana moksut. asuma le huwo."
\v 11 Yesua juwabu wa gal, "Hagiga Elia bi ja wa kutu haja be nizam.
\v 12 Lakin Ana bi wori le intum, Elia ja kalas, lakin umon ma bi agder zekiru huwo. Lakin, umon amulu ai haja al umon deiru le huwo. Be nefsu teriga, Ibin al insan kaman bi ligo taab fi idan tomon.
\v 13 Baad dak talamiz fahim be-inu huwo bi wonusu le umon an Yuhana Moamadan.
\v 17 Yesua juwabu wa gal, jil al ma amin wa ta fasat, Ana bi kun ma intum lahadi miten? Ana bi istahmal ma intum lahadi mtin? Jibu takum le ana. hina."
\v 18 Yesua wobiku roho sherir de, wa roho sherir tala minu, wa weled de ligo ilaj min nefsu sah.
\v 20 Yesua kelimu le umon, "Le-anu ashan iman takum al saker. Ana bi kelim le intum hagiga, Izakan intum indakum iman hata kan suker ze bizra al suker, Intum bi kelim le jebel de, 'Harik min hina le hinak,' wa huwo bi harik, wa mafi ai
\v 25 Huwo gal "nam," Zaman Butrus ja fi bet, Yesua kelimu le huwo gal, "Inta bi fekir sunu, Samaan? Muluk ta ard bi limu daraib min munu? Min iyal tomon au nas tanin?"
\v 26 "min nas tanin." Butrus juwabu. Baad dak iyal hur,' Yesua gal.
\v 27 Ashan kida nina ma bi kutu nas ta daraib keli ma amulu katiya, Amsi fi bahar, jadau jabada, wa amsuku awel samak al bital fok. Baad inta kan fata kasuma tou, inta bi ligo gurus min fida. Shilu wa dafa le nas daraib tai wa taki."
\c 18
\cl As-hah 18
\p
\v 1 Fi nefsu zaman talamiz ja le Yesua wa gal, Munu yau kebir fi molokut ta samah?"
\v 3 wa gal, "Ana bi kelim le intum hagiga, Ile kan inta aglib ze jena saker, be ai teriga intum ma bi dakalu fi molokut ta samah.
\v 4 Ashan kida, ai zol al bi nezilu nefsu ze jena suker de kebir fi molokut ta samah.
\v 5 Ai zol al bi rahibu jena suker de fi isim tai bi rahibu ana.
\v 6 Lakin ai zol al bi kutu iyal al amin fi ana del amulu katiya, huwo bi kun kwes le huwo ashan bi aligu hajer ta tahuna fi ragabta tou, wa bi jadau huwo fi bahar.
\v 7 Woe le duniya al bi sibu nas ashan amulu katiya! fi aslan hajat al bi sibu nas ashan bi amulu katiya, lakin woe le zol al bi sibu zol tani ashan amulu katiya!
\v 8 Iza kan idan taki sibu inta amulu katiya, gatau bara wa jadau beid. huwo bi kun kwes le inta ashan bi dakalu fi haya al abadiya bidun idan bidal bi jadau inta fi nar al abadiya indak itnin idan au itnin kura.
\v 9 Iza kan ena taki sibu inta amulu katiya, talau bara wa jada beid min inta. Huwo bikun kwes ashan inta bi dakalu fi haya abadiya bidal inta bi dakalu fi nar abadiya indak kulu uyun.
\v 10 Keli intum kun harisin ashan intum ma alisu iyal del. ana bi kelim le intum be-inu fi samah malaikat tomon daiman bi aiynu le wusa ta Abu tai al fi samah.
\v 11 ..
\v 12 Inta bi fekir sunu? Iza kan ai wahid indu miya korfan, wa wahid min umon woduru, hal huwo ma bi sibu al tisa wa tisein fi jebel wa ruwa ashan bi fetisu wahid al woduru dak?
\v 13 Iza kan huwo ligo, Ana bi kelim le intum hagiga, huwo bikun farhan kalis ashan wahid de bidal tisa wa tisein al ma woduru.
\v 14 Fi nesfu teriga, huwo ma irada ta Abu taki al fi samah ashan wahid min iyal del bi mutu.
\v 15 Iza kan aku taki al mumin amulu le inta batal, amshi wa wori galat tou, bein inta ma huwo bes. Iza kan huwo asuma inta, inta amulu alaka tani ma aku taki.
\v 16 Lakin iza kan ma asuma le inta, shilu wahid zol au itnin nas tanin ma inta ashan kalam ta itnin wele talata nas bikun hagiga
\v 17 Wa iza kan huwo aba ashan asuma le umon, wori kalam de le kenisa. Iza kan aba asuma le kenisa, keli huwo kun ze zol al gheir yahudi wa zol ta daraib.
\v 18 Ana bi kelim le intum hagiga, ai haja al intum robutu fi ard bi robutu fi sama, wa ai haja al intum fiku fi ard bi fiku fi samah.
\v 19 Ana bi kelimu tanimara, iza kan itnin minakum rudu fi ard ai haja al umon asalu, bi amulu le umon be Abu tai al fi samah.
\v 20 Iza kan itnin au talata nas limu be isim tai, Ana bi kun fi nus tomon."
\v 22 Yesua kelimu le huwo, "Ana ma kelim le inta saba marat, lakin sebein fi saba.
\v 23 Ashan kida molokut ta samah bes ze melik tani al deir ashan amulu hisab ma kadam tou.
\v 24 Zema umon bi amulu hisabad, jibu wahid kadam tani al kan shalu min huwo alaf min gurus.
\v 25 Lakin ze huwo ma indu teriga ashan bi dafa, zol tou al mosul wodi wosia ashan bi biyu huwo ma mara wa iyal tou wa ai hajat al huwo indu, wa ashan bi dafa hajat al huwo kan shilu.
\v 26 Baad dak kadam de waga tehet, dengir gidam huwo, wa gal, 'Ya seid, asbur lei, Ana bi dafa le inta.'ai haja.'
\v 27 Baad dak zol al mosul le kadam de, ze kalam de lemesu huwo, huwo fiku wa afi kadam de ma kulu dein al kan huwo shilu.
\v 28 Lakin kadam dak ruwa wa ligo wahid min kadamin tou, al shilu min huwo miya dinar. Huwo gobudu huwo, amsuku ragaba tou, wa gal, 'dafa le ana haja al kan inta shilu.'
\v 8 "ashan gulub takum al gowi, Musa sedeku le intum ashan bi talagu nusuwan takum, lakin fi bidaya kan ma be teriga dak.
\v 9 Ana kelimu le intum, ai zol al bi talagu mara tou, ile bes be kalam zina, wa zowuju mara tani, huwo amulu zina; wa rajil al zowuju mara al talagu huwo amulu zina."
\v 11 Lakin Yesua kelimu le umon, "Maa ai zol bi rudu dirasa de, lakin ile del al bi sedeku le umon ashan bi rudu.
\v 12 fi nas al ma indu Kisia min fi batna ta umahat tomon, wa fi nas al talau kisia tomon be nas tanin, wa fi nas al fekir ashan ma bi zowuju bi sabab ta molokut ta samah. Ai zol al bi gabil dirasa de, keli huwo gabilu."
\v 21 Yesua kelimu le huwo, "Iza kan inta deir ashan bikun sale, ruwa biyu hajat al inta indak, wa wodi le masakin, wa inta bi indu kazina fi samah; wa tal, wara ana."
\v 22 Lakin zaman shab de asuma kalam al Yesua kelimu, Huwo ruwa hazin, le-anu huwo indu mumutalakat ketir.
\v 28 Yesua kelimu le umon, Ana bi kelim le intum hagiga, Fi zaman al jedid Izakan ibin al insan geni fi kursi tou, Intum al kan douru wara ana bi geni kaman fi itnasar karasi, bi hakimu itnasar gebila ta Israel.
\v 29 Ai zol al sibu biyut, Akwanu, ikiwatu, abu, umu, iyal, au watan ashan ana bi akhudu miya marat wa kifaya wa bi ligo haya al abadiya.
\v 30 Lakin kutar al kan awel bikun akhir, wa al akhir bikun awel.
\c 20
\cl As-hah 20
\p
\v 1 Molokut ta samah huwo ze zol mosul ta bet al ruwa saba bediri ashan bi ajiru nas ta sokol le jinena tou.
\v 2 Baad huwo tafik ma nas ta sokol de be wahid dinar yomiyan, huwo rasulu umon le jinena tou.
\v 3 Huwo ruwa tanimara baad talata sahat wa aiynu nas tanin ta sokol wagifin sakit fi suk.
\v 4 Huwo kelimu le umon, 'Intum kaman, amshi fi jinena, wa ana bi wodi le intum ai haja al kwes.' Baad de umon ruwa le sokol.
\v 5 Huwo ruwa tanimara baad sita sahat wa tanimara baad tisa sahat, wa amulu nefsu kalam.
\v 6 Huwo ruwa tanimara baad idasar sahat wa ligo tanin bi wogif sakit. Huwo kelimu le umon, Malu intum wagifin sakit nahar de kulu?'
\v 17 Zema Yesua ruwa lahadi Urselim, huwo shilu talamiz al intnasar beid, wa fi sika huwo kelimu le umon,
\v 18 "Aiynu, nina bi ruwa lahadi Urselim, wa Ibin al Insan be estelimu le kebir ta khahana wa kataba ta sheria. Umon bi wonusu batal didu le mut
\v 19 wa bi istelimu huwo le nas al geir Yahudiyiin bi ataku ma huwo, bi dugu huwo be shot, wa bi selibu huwo. Lakin fi yom a talit bi goumu min al mut."
\v 21 Yesua kelimu le hiya, inta deir sunu?" Hiya kelimu le huwo, "Wodi wosiya le awaulad tai del keli geni, wahid fi yemin taki wa wahid fi shamal taki, fi molokut tak."
\v 22 Lakin Yesua juwabu wa gal, "Inta ma bi arufu haja al inta bi asalu. Hal inta bi agder asurubu Kubaya al ana bi ja asurubu de?"Umon kelimu le huwo, "Nina bi agder.
\v 23 Huwo kelimu le umon, "Hagiga kubaya tai intum bi asurubu. Lakin ashan inta bi geni fi yemin tai wa shamal tai ma ana yau bi wodi, lakin huwo le del al Abu tai jahizu le umon."
\v 24 Fi zaman talamiz al ashara tanin del asuma kalam de, umon tala zalanin be akwana itnin de.
\v 25 Lakin Yesua nadi umon wa gal, Intum arufu be-inu hukam ta nas al geir Yahud bi hakimu umon be guwa, wa nas tomon al mohimin bi marisu sulta fi ras tomon.
\v 26 Lakin keli ma kun be teriga de fi nus takum. Afrud ai zol al tala kebir min nus takum lazim bikun kadam,
\v 27 wa ai zol al deir bi kun awel fi nus takun lazim bi kun kadam takum,
\v 28 Bes ze Ibin al Insan ma ja ashan bi kadimu le huwo, lakin ashan bi kun kadam, wa ashan bi wodi haya tou bidal nas kutar."
\v 29 Zema umon tala min Jericho, adad kebir ta nas al limu ruwa wara huwo.
\v 30 Fi kan itnin nas amiyanin bi geni fi taraf sika. Fi zaman umon asuma be-inu Yesua kan bi ruwa gerib ma umon, umon korek bi shot aali, "Rabuna, Ibin Daud, arhamna."
\v 31 nas al limu wobiku umon, kelimu le umon keli askut, lakin umon korek biga shedid, "Rabuna, Ibin Daud arhamna."
\v 33 Umon kelimu le huwo, "Rabuna, ashan uyun ta nina bi fata."
\v 34 Baad dak Yesua, indu hinia, lemesu uyun tomon. Tawali umon biga bi shuf wa ruwa wara huwo.
\c 21
\cl As-hah 21
\p
\v 1 Zema Yesua ma talamiz tou gerib be Urselim wa ja le Bethphage, fi Jebel Zetun, baad dak Yesua rasulu itnin talamiz,
\v 2 kelimu le umon, "Ruwau fi beled al tani de, wa intum tawali bi ligo himar robutu hinak, wa himar abu ragil ma himar al antaya. Fiku umon wa jibu umon le ana.
\v 3 Izakan zol tani kelimu le intum ai kalam an himar itnin del, intum bi kelimu, ' Rabuna deir umon,' wa zol dak tawali bi rasulu umon ma-ak."
\v 6 Baad dak talamiz ruwa amulu nefsu kalam zema Yesua kelimu le umon.
\v 7 Umon jibu himar al antaya wa suker al rajil de wa umon kutu gumasat tomon fi ras hamir del, wa Yesua geni fi ras gumasat del.
\v 8 nas al limu tanin wazau gumasat tomon fi sika, tanin gata furu ta shejera wazau fi sika.
\v 9 Baad dak jamahir al ruwa gidam Yesua wa del al ruwa wara huwo kan bi wonusu be shot fok, "Hosana le ibin Daud! Baraka le de al bi ja fi isim ta Rabuna! hosana fi al aahli!"
\v 12 Baad dak Yesua dakal fi haikal. Huwo turudu kulu nas al bi esteri wa bi biyu hajat fi haikal, wa galabu terbezat ta nas al bi geiru gurus wa kursiyat ta nas al kan bi biyu hamam.
\v 13 Huwo kelimu le umon, Huwo moktub, ' Bet tai bi nadi bet ta salawat,' lakin intum amulu mahal ta haramiah."
\v 14 Baad dak nas al amiyanin wa nas abukerenagt ja le huwo fi haikal, wa huwo aliju umon.
\v 15 Lakin fi zaman ruasa ta kuhana ainu hajat al ajib al huwo amulu, wa fi zaman umon asuma iyal bi kelim be asuat fok fi haikal wa gal, Hosana le Ibin Daud," umon tala zalanin.
\v 18 Fi sabah zema huwo raja le medina, huwo biga jiyan.
\v 19 Huwo aiynu shejera tin fi taraf sika, huwo ruwa le shejera de wa ma ligo ai haja ile ursal. Huwo kelim le shejera, Keli ma yekun ai samar min inta tanimara," wa shejera tin de abiz.
\v 21 Yesua juwabu wa kelim le umon, Ana bi kelim le intum hagiga, Iza kan indakum iman wa mafi shukuk, intum ma bi amulu haja al hasal le shejera tin de bes, lakin intum bi kelim hata kan le jebel de, 'Gum wa jadau nefsak fi bahar,' wa bi hasil.
\v 22 Ai haja al intum bi asalu be salawat, be iman, intum bi ligo."
\v 23 Fi zaman Yesua ja fi haikal, ruasa ta khahana wa siyuk al kan mosulin min nas ja le huwo zema huwo kan bi derisu wa gal, "Be yatu sulta al inta bi amulu hajat del, wa munu yau wodi le inta sulta de?"
\v 24 Yesua juwabu wa kelimu le umon, "Ana kaman bi asalu intum wahid suhal. Iza kan intum wori le ana, Ana bi wori le intum be yatu sulta Ana bi amulu hajat del.
\v 25 ta Yuhana ja min wen? Min samah wele min al ard?" Umon nakisu be nufusum, gal, "Iza kan nina kelimu 'Min samah,' huwo bi kelimu le nina, 'Le intum Lee intum ma amin?'
\v 26 Lakin iza kan nina kelimu, 'Min nas,' nina bi kafu nas al limu, le-anu kulu umon amin be-inu Yuhana nebi."
\v 27 Baad dak umon juwabu Yesua wa gal, "Nina ma arufu." Huwo kelimu le umon, "Ana kaman ma bi wori le intum be sulta yatu Ana bi amulu hajat del.
\v 28 Lakin intum bi fekir sunu? Zol tani indu itnin awulad. Huwo ruwa le weled al awel wa gal, Weledi, ruwa istakal alela fi mazra.'
\v 30 "Baad dak zol de ruwa le weled al tani de wa kelimu nefsu kalam. Huwo juwabu wa gal, 'Ana bi ruwa, ya seid,' lakin huwo ma ruwa
\v 31 Yatu min iyal al itnin amulu irada ta abu tou?" Umon gal, "weled al awel." Yesua kelimu le umon, "Ana bi kelimu le intum hagiga, nas ta limu daraib wa ta zina bi dakalu fi molokut ta Allah gidam intum.
\v 32 Yuhana ja le intum fi sika al hagiga lakin intum ma sedeku. Lakin intum, hata kan intum aiynu de, intum ma tubu wa sedeku.
\v 33 Asuma le amsal tani. Fi kan zol, mosul fi watan, Huwo indu jinena inab, huwo abinu hoz haulu, huwo afuta hufra dakil karam al bi asuru inab ashan bi tala kamur. huwo abinu buruj, wa ajiru le muzariyin ta inab. Baad dak huwo ruwa fi doula tani.
\v 34 Wokit zaman ta hasat wosulu, huwo rasulu khudam tou le muzariyin ashan bi jibu samar tou.
\v 35 Lakin muzariyin del gobudu khudam tou, umon dugu wahid, katulu tani, wa darubu tani.
\v 36 Zol al mosul de tanimara rasulu khudam tanin, aktar min al awel, lakin muzariyin del amulu nefsu kalam le umon.
\v 37 Baad dak Zol al mosul de rasulu weled tou le umon, gal, Umon bi ehterimu weled tai.'
\v 38 Lakin fi zaman muzariyin del aiynu weled de, umon kelimu le nufusum, 'de zol al bi warisu hajat del. Tali takum, keli nina katulu huwo wa estelemu al miraz.'
\v 39 Baad dak umon shilu huwo, jadau huwo bara min jinena inab wa umon katulu huwo.
\v 40 Fi zaman mosul ta jinena inab de ja, huwo bi amulu sunu le muzariyin ta inab del?"
\v 41 Umon kelimu le huwo, "Huwo bi demiru muzariyin del be teriga al kaab, wa bad dak huwo bi ajiru jinena inab de le muzariyin tanin, ya nas munu yau bi wodi khuta ta samar tou le huwo fi wokit ta hasad."
\v 42 Yesua kelimu le umon, Intum ma agara min kitab al mukadas, 'Hajer al binayin rafadu kutu biga hajer al zawiya. De kan min Rabuna, wa biga zahar 'haja kwes fi uyun ta nina?
\v 43 Ashan kida Ana bi kelimu le intum, Molokut ta Allah bi shilu bara min intum wa bi wodi le doula al bi antij samar tou.
\v 44 Ai zol al waga fi ras hajer de bi kasuru heta heta. Lakin ai wahid al hajer waga fi ras tou bi kasuru zol de."
\v 45 Fi zaman ruasa ta khahana wa pharisiyn del asuma amsal tou, umon fahimu be-inu huwo bi wonusu an umon.
\v 46 Umon bi fetisu ashan gobudu huwo, umon kaifin min nas al limu, le anu nas del amin huwo nebi
\c 22
\cl As-hah 22
\p
\v 1 Yesua wonusu be amsal tanimara le umon, gal,
\v 2 "Molokut ta samah ze melik tani al jahizu ihtifal ta iris le weled tou.
\v 3 Huwo rasulu khudam tou ashan bi nadi nas al kan nadi ashan bi ja le iris, lakin umon ma ja.
\v 4 Melik de tanimara rasulu khudam tanin, gali, 'Wori le del al nadi, "Aiynu, Ana jahizu asha tai. Dabau teiran wa abugar tai al sumanin, wa jahizu hajat kulu taalu le ihtifal ta iris.'"
\v 5 Lakin umon ma kutu bal tomon wa umon ruwa, Wahid le mazra, wa tani le tijara tou.
\v 6 Nas tanin del gobudu khudam ta Melik, umon amulu amalia batal le khudam, wa katulu umon.
\v 7 Melik tala zalan, wa huwo rasulu jesh tou wa katulu del al kan mukatilin wa haragu medina tomon.
\v 8 Baad dak huwo kelimu le khudam tou, 'Iris de jahis, lakin del al kan rahibu le iris ma kwesin.
\v 9 Baad de rua takun fi tagatu ta sikat kubar wa nadi nas kutar ali intum ligo ashan ja hadir iris.'
\v 10 Khudam del ruwa le sikat kubar wa umon limu nas kulu ali umon ligo, nas al batalin wa al kwesin. Mahal al kan ta iris de biga malyan be diyuf.
\v 11 Lakin fi zaman melik de ja le diyuf, huwo aiynu zol al ma libisu gumas ta iris.
\v 12 Melik de kelimu le huwo, ' Sabi, inta ja kef hina bidun gumas ta iris?' Lakin zol de kan ma agder wonusu.
\v 13 Baad dak melik de kelimu le khudam. 'Robutu kura wa idan ta zol de, wa jadau huwo fi duluma, fi mahal al bikun fi kore wa adi sunun.'
\v 14 Nas kutar bi nadi, lakin besitin yau bi azilu."
\v 15 Baad dak Pharisiyin masha wa katitu kef umon bi sherigu Yesua fi kalam al huwo wonusu.
\v 16 Baad dak umon rasulu le huwo talamiz tomon, ma nas al min hizib ta Herodos. Umon kelimu le Yesua, "Mualim, nina arufu inta sah, wa inta bi derisu sika ta Allah be haigiga. Inta ma bi kutu bal taki le raya ta zol tani, wa inta ma bi ferigu nas.
\v 17 Baad kida wori le nina, inta bi fekir kef? Hal ganuni bi asuma le nina ashan bi dafa deriba le Ceisar?"
\v 44 Rabuna kelimu le Rabuna tai, geni fi yemin tai, lahadi Ana bi kutu adu taki fi tehet kura taki'"?
\v 45 Izakan Daud bi nadi Al Mesih 'Rabana,' Huwo bi kun weled ta Daud kef?"
\v 46 Mafi zol al bi agder juwabu huwo, min yom dak le gidam mafi zol tani al deir asalu huwo ai sual tanimara..
\c 23
\cl As-hah 23
\p
\v 1 Baad dak Yesua wonusu le nas al limu wa le talamiz tou.
\v 2 Huwo gal, "mulamin ta ganun wa Pharisiyin gaidin fi kursi ta Musa.
\v 3 Ashan kida ai haja al umon asuru intum ashan bi amulu, amulu hajat del wa nadi umon. Lakin mata kun amulu hajat al umon bi amulu, umon bi kelimu hajat baad dak umon ma bi amulu.
\v 4 Nam, umon robutu hajat tegil al saab ashan bi arfau, wa baad dak umon kutu hajat del fi kitfa ta nas. Lakin umon be nufusum ma bi hariku idan ashan bi arfau.
\v 5 Umon bi amulu amail tomon ashan nas bi aiynu. Umon bi amulu hijabat kubar, wa umon bi kebiru atraf t gumasat tomon.
\v 6 Umon bi hibu mahalat ta salatin wa karasi ta salatin al fi biyut ta salawat,
\v 7 wa salamat kas fi asuak, wa nas bi nadi umon 'Ilahana'.
\v 8 Lakin intum keli ma nadi umon Ilahana,' ashan intum indakum wahid mualim,
\v 9 Wa intum akwan. wa keli intum ma nadi ai zol fi ard abu takum, Ashan intum indakum wahid abu bes, wa huwo fi samah.
\v 10 Keli ma nadi intum mualim' le anu indakum wahid mualim bes, al huwo Al mesih.
\v 11 Lakin zol al agbar min intum bikun khadam takum. Zol al bi arfa nefsu bi nezilu,
\v 13 Lakin Woe le inta, kataba ta ganun wa Pharisiyin, Mumesilin! Intum gofulu molokut ta samah min nas. intum be nufuskum ma dakalu, wa intum abusu nas al dier dakalu.
\v 15 Woe le inta Mualimin wa Pharisiyin, mumesilin! intum be safir beid ashan bi geiru nas, wa fi zaman huwo geiru le diin takum, intum geiru huwo maraten wa aktar ashan bikun jena ta johanam.
\v 16 Woe le ita, intum al amiyanin, intum al bi gul, 'Ai zol ali bi alifu be haikal, mafi muskila. Lakin ai zol ali bi alifu be dahab ta haikal, bi robutu huwo be alifa tou.'
\v 17 Intum al amiyanin! Sunu yau kebir dahab wele haikal al bi amulu dahab ashan bi kun kudus?
\v 18 Wa 'Ai zol ali bi alifu be masba, mafi muskila. Lakin ai zol al bi alifu be hadaya al fi masba, bi robutu huwo be alifu tou.'
\v 19 Intum al amiyanin Sunu yau kebir, hadaya wele masba al bi amulu hadaya ashan bi kun kudus
\v 20 Ashan kida, zol ali bi alifu be mambar bi alifu be mambar wa ai haja al fi mambar.
\v 21 Zol ali bi alifu be haikal bi alifu be haikal wa be zol al aizh fogo.
\v 22 Wa zol ali bi alifu be samah bi alifu be kursi ta Allah wa be zol al bi geni fogo.
\v 23 Woe le inta, kataba ta ganun wa Pharisiyin, mumesilin! Intum bi gedimu ushur nana samar agdar wa komun, lakin intum sibu hajat al mohim ta ganun-adala wa rahma wa iman. Lakin del yau afrud intum bi gedimu wa intum afrud ma bi sibu hajat tanin.
\v 24 Intum nas al amiyanin, intum bi safau asharat bara min moyo lakin intum bi abula jemel!
\v 27 Woe le intum kataba ta ganun wa Pharisiyin, mumesilin! Intum ze turba al dugu be buhya abiad, ali bi zahir be bara giyafa, lakin min jua malyan be udam ta nas meitin wa ai haja nijis.
\v 28 Be nefsu teriga, min bara intum bi zahir nas al kwesin, lakin min jua intum malyan be temsiliya wa nas al ma bi hafisu ganun.
\v 29 Woe le intum kataba ta ganun, Pharisiyin, mumesilin! intum abinu turubat bita anbiya wa lounu gubur ta nas al kwesin.
\v 30 Intum bi gul Izakan nina kan aishin fi zaman ta abuhat ta nina, nina kan ma bi shariku ma umon fi dofugu dom ta anbiya.'
\v 31 Ashan kida intum sahidu be nufuskum be inu intum iyal ta nas al kan katulu anbiya.
\v 32 Intum kaman malau makan bita abuhat takum.
\v 33 Intum dabaib, iyal ta dabaib al endum sim, intum kef bi jere min hukum ta johanam?
\v 34 Ashan kida, aiynu Ana bi rasulu le intum anbiya wa nas al hukama wa kataba ta ganun. Intum bi katulu wa bi selibu tanin, wa intum bi jeledu tanin fi mahalat ta salawat wa bi turudu umon bara min medina le medina.
\v 35 Netija tou dom al saleh bi tala min intum al kan dofugu fi ard, dom min Abel al saleh, le dom ta Zecharaih jena ta Barachiah, Ali intum katulu beinu haikal wa mazba.
\v 36 Ana bi kelim le intum hagiga, hajat del kulu bi ja fi ras jil de.
\v 37 Urselim, Urselim, intum al katulu anbiya wa durubu del al rasulu le intum! Ana bi limu iyal takum sawa daiman kef, ze gidada bi limu iyal tou fi tehet jena tou, lakin intum ma rudu
\v 38 Aiynu bet takum sibu fadi.
\v 39 Ana bi kelimu le intum, Min hasa Intum ma bi aiynu ana lahadi intum bi gul, Baraka le de al bi ja be isim ta Rabana.'"
\c 24
\cl As-hah 24
\p
\v 1 Yesua tala bara min haikal wa ruwa. Talamiz tou ja le huwo ashan bi wori le huwo mabna ta haikal.
\v 2 Lakin huwo juwabu wa kelimu le umon, "Intum ma aiynu hajat de kulu? Ana bi kelimu le intum hagiga, mafi hajer hata wahid bi sibu fi ras tani al ma bi talau bara."
\v 3 Ze huwo bi geni fi jebel zetun, talamiz ja le huwo be siri wa gal, "Wori le nina, hajat del bi hasil miten? Alama ta ruju taki bikun sunu wa ta akir zaman?"
\v 29 Lakin baad azaab ta ayam dak tawali shemis bikun duluma, gamar ma bi wala, nujum bi waga min fok, wa guwa al fi samah bi hizu.
\v 30 Baad dak alama ta Ibin al Insan bi zahir fi jou, wa kulu gabail fi ardi bikun fi huzun. Umon bi aiynu Ibin al Insan fi sihaf be guwa wa mejid azim.
\v 31 Huwo bi rasulu malaikat tou be sot azim ta turumbeta, wa umon bi limu nas al zilu min kulu arba arkan ta duniya fi mahal wahid, min kulu tija ila tija tani
\v 32 Akudu dirasa min shejer al tin. zema fere tala gowi wa bi jada ursal, Intum bi arufu be inu kharif biga gerib.
\v 33 Wa kaman fi zaman intum sufu hajat del, keli intum arufu be inu huwo biga gerib, fi bab hoz.
\v 34 Ana bi kelimu le intum hagiga, jil de ma mutu lahadi hajat del kulu hasal.
\v 35 Samah wa al ard bi futu, lakin kalam tai ma bi futu.
\v 36 Lakin yom wa sah dak mafi zol bi arufu, hata malaikat ta samah, wele al Ibin, lakin ile abu.
\v 37 Ruju ta Ibin al Insan, bikun ze fi ayam ta Noah.
\v 38 Fi ayam dak gubal toufan nas kan bi akulu wa bi asrubu, bi zowuju wa bi wodi banat le zuwaj lahadi fi ayam Noah dakal babur,
\v 39 wa umon ma arufu haja lahadi toufan ja wa katulu umon kulu- ruju ta Ibin al Insan bi kun zede.
\v 40 Baad dak itnin rujal bikun fi zira- bi shilu wahid, wa bi sibu wahid.
\v 41 Itnin nusuwan bi atanu fi murkaka- bi shilu wahid, wa bi sibu wahid.
\v 42 Ashan kida keli intum kun harisin, le-anu intum ma arufu yom al Rabana takum bi rija.
\v 43 Lakin keli intum arufu kalam de, lo kan sidi bet arufu yatu zaman fi lel ali harami bi ja, huwo kan bi gafiru wa ma bi sibu harami ashan bi dakalu fi bet tou ashan seregu hajat.
\v 44 Ashan kida keli intum kun jahizin, Ibin al Insan bija fi zaman ali intum ma arufu
\v 14 Fa huwo bikun ze zol al deir safir le beled tani. Huwo nadi kadamin tou wa wodi le umon amuwal tou.
\v 15 Le wahid min umon huwo wodi kamsa kis ta dahab, le tani de huwo wadi itnin, wa le akir de huwo wodi wahid kis ta dahab, kulu wahid akudu hisab tou hasab gudura tou, wa zol de safir.
\v 16 Wahid al akudu kamsa kis de huwo ruwa amulu be tijara wa huwo ligo faida ta kamsa kis tani.
\v 17 Kaman wahid al akudu itnin kis de huwo ligo faida ta itnin tani.
\v 18 Lakin kadam al akudu wahid kis de huwo ruwa, hafura hufura fi wata, wa dusu gurus ta seid to.
\v 19 Biga baad zaman towil Seid ta kadamin de huwo rija wa bada hasibu umon.
\v 20 Kadam al akudu kamsa kis de ja wa jibu kamsa kis tani. Huwo kelim, 'Seid, inta wodi le ana kamsa kis. Sof, ana amulu kamsa kis ziada'
\v 21 "Seid tou kelim le huwo,' Neima le inta ya kadam al kwes wa amin! Inta kan amin fi hajat al besit. Ana bi kutu inta fi hajat al ketir. Dakalu fi farah ta Seid.'
\v 23 Seid tou kelim le huwo, Neima le inta ya kadam al kwes wa amin! Inta kan amin fi hajat besit ana bi kutu inta fi hajat al ketir. Dakalu fi farah ta Seid taki.'
\v 24 Kaman kadam al akudu wahid kis de ja wa kelim, "Seid, ana aruf gali inta zal al batal. Inta bi silu hajat al inta ma zara, inta bi limu min al inta ma taban fogo.
\v 25 Ana kafu, yau ruwa dusu kis taki de fi tehet wata. Aiynu inta indu hini al kan fi le inta de.
\v 26 Lakin Seid tou juwabu wa kelim le huwo, Inta kadam al batal wa kasilan, inta arufu gali ana bi silu min al ana ma zara wa ana bi limu min al ana ma taban fogo.
\v 27 Inta kan bi wodi gurus tai de fi benki, wa kan ana rija ana bi silu gurus tai de ma faida ziada.
\v 28 Ashan kida shilu takum min huwo wozin de wa wodi le kadam al endu ashara wazinat de.
\v 29 Le anu kulu zol al endu, bi wodi le huwo ketir - kaman bi zidu. Lakin le ai zol al huwo ma endu ai haja hata al fi le huwo de bi shilu min huwo.
\v 30 Kadam al batal de jada takum huwo fi duluma bara, hinak bi kun fi kore wa adi sunun.
\v 31 Zaman ibin al insan bi ja fi mejed tou wa kulu malaikat bi ja ma huwo, biga huwo bi geni fi kursi ta mejid tou.
\v 32 Kulu nas bi ja fi gidam tou, wa huwo bi ferigu nas min bad tomon ze rai bi ferigu korufan min ganamayat.
\v 33 huwo bi kutu kurufan fi ida ta yemin to lakin ganamayat fi shamal to.
\v 34 Biga melik de bi kelim le del al fi ida ta yemin to de, taal takum al bariku min abu tai. worisu molokut al jahizu le intum min bidaya tasis ta duniya.
\v 35 Le anu ana kan jiyan intum wodi le ana akil; ana atsan intum wodi le ana moyo; ana kan garib intum shilu ana fi juwa.
\v 36 ana kan ariyan wa intum libusu ana; ana kan ayan wa intum zuru ana; ana kan fi sijin wa intum ja le ana;
\v 37 Biga nas al adilin de bi juwabu wa bi kelim, ' Rabuna, miten nina aiynu inta jiyan wa nina wodi le inta akil? au atsan au nina wodi le inta moyo?
\v 38 miten nina aiynu inta garib wa nina shilu inta juwa? au aryan wa nina libusu inta?
\v 39 miten nina aiynu inta ayan au fi sijin wa nina ja le inta?'
\v 40 Biga Melik de bi juwabu wa bi kelim le umon, hagiga ana bi kelim le intum, ze ma intum amulu le agala wahid akwana al sukerin de, intum amulu de le ana.'
\v 41 Kaman huwo bi kelim le del al fi shamal tou, wasa takum min ana intum muluon, le nar al abadia al jahisu le sitan wa malaikat tou.
\v 42 leanu ana kan jiyan, lakin intum ma wodi le ana akil; ana kan atsan, lakin intum ma wodi le ana moyo;
\v 43 ana kan garib, lakin intum ma shilu ana juwa; aryan, lakin intum ma libisu ana; ayan wa fi sijin, lakin intum ma aiynu ana.'
\v 6 wa zaman Yesua kan fi Bethany fi bet ta Samaan al indu juddam,
\v 7 wa ze ma huwo kan bi geni wa bi akudu raha, jambu tarbiza, fi mara ja le huwo ma jak ta dehan al gali shedid, wa heya kubu dehan de fi ras ta Yesua,
\v 8 Lakin zaman talamiz aiynu kalam de umon ta zalaniin wa umon kelimu, de kasara ta shunu zede?
\v 9 De kan bi beyu ma gurush al ketir wa bi wodi le masakin
\v 18 huwo kelimu, ruwa takum fi medina le zol tani wa kelimu takum le huwo, mualim kelimu, zaman tai gerib, ana bi akulu id paska fi bet taki ma talamiz tai '"'
\v 19 al talamiz amulu ze ma Yesua kelimu le umon, wa humon jahizu akil ta paska.
\v 26 Wa ze ma umon bi akulu, Yesua shilu esh wa baraku, kasuru, huwo wodi le talamiz wa gal, shilu takum, akulu takum, de jesim tai.
\v 27 Wa huwo shilu kubaya, wa reja shukuran, wa wodi le umon, wa huwo gal, asurub takum, intum kulu,
\v 28 leanu de yau dom tai al ta tifagiya al jedid al kubu ashan nas ketir al huwo le afii ta katiya.
\v 29 lakin ana bi gul le intum, ana ma bi asrubu tani mara min asiir ta karma de, lahadi yom dak ana bi asrubu al jedid ma intum fi molokut ta abu tai.
\v 36 Baad dak Yesua ruwa ma umon fi mahal al isim tou Gethsemane wa huwo kelimu le talamiz tou, geni takum hini Ana lisa bi ruwa seli hinak.
\v 37 Huwo shilu Buturus wa itnin iyal ta Zebedi ma Huwo, yala biga huwo bada tala wa bi fekiru shedid.
\v 38 Biga huwo bada kelimu le umon Roho tai haznan shedid, le dereja ta mutu. Geni takum hini wa sahir takum ma Ana.
\v 39 Huwo ruwa shuweya gidam, wa huwo dengiri usa tou tehet, wa seli huwo kelimu, Ya Abui, iza mumkin shilu kas de min ana, lakin ma hasab irada tai. lakin hasab irada taki
\v 40 Huwo ja le talamiz wa huwo ligo umon bi num wa huwo kelimu le Buturus, lee intum ma bi agder ashan bi sahir ma Ana wahid saa?
\v 41 Sahir takum wa seli takum ashan intum ma bi waga fi tejiriba fi hagiga Roho deiru, lakin jisim deiif.
\v 42 Huwo ruwa tani mara ashan bi seli, Huwo kelimu, "Ya Abui kan Inta ma bi agder ashan bi shilu kas de min Ana ile kan ana ashrubu, kede irada taki timu.
\v 43 Huwo ja tani mara wa ligo umon bi num, wa umon kan Nasanin.
\v 44 Huwo sibu umon tani mara, de biga nimira talata al Huwo ruwa ashan bi seli, Huwo kelimu nefsa kelimat.
\v 45 Baad dak Yesua ja le talamiz wa kelim le umon, Sei intum lisa bi num wa bi akudu raha? Aiynu takum, zaman kalas ja gerib wa ibin insan bi selimu fi idan ta nas al ta katiya.
\v 46 Gum takum, kede nina ruwa, aiynu takum, zol al bi ruwa selimu Ana de biga gerib."
\v 47 Zaman huwo lisa bi wonusu, Yahuza, al wahid min talamiz al itnashar, Ja. Nas ketir ja ma huwo min mahal ta reis ta al khahana wa sheyuk ta shab. Umon ja bi seyuf wa asayat.
\v 48 Biga zol al bi ruwa selimu Yesua de wori le umon alama, gal, "Zol al ana bi amulu le huwo gubla de yau huwo. Gubudu huwo.
\v 49 Huwo ja be sura le Yesua wa kelimu, "Salamat, Rabbi!" wa huwo amulu gubla le Yesua.
\v 50 Yesua kelimu le huwo, "Ya Sabi, amulu haja al inta ja ashan bi amulu." Biga umon ja, wa kutu iden tomon le Yesua, wa gubudu Huwo.
\v 51 Biga, wahid min nas al kan ma Yesua medu iden tou, wa tala sef ta tou wa dugu kadam ta reis ta al khahana, wa gata adana tou.
\v 52 Biga Yesua kelimu le huwo, "Kutu sef taki de wara fi mahal tou, le nas kulu al bi shilu sef umon bi mutu bi sef.
\v 53 Hal intum bi fekir inu ana ma bi agdeir nadi Abu tai wa huwo bi rasulu le ana aktar min itnashar jesh min malaikat?
\v 54 Lakin biga kef hajat al muktub de bi kamilu, inu lazim de bi hasil?"
\v 55 Fi zaman dak Yesua kelimu le nas, "Hal intum ja ma seyuf wa asayat ashan bi gubudu ana ze harami? Kulu yom ana gi geni wa gi derisu fi Haikal, wa intum ma gubudu ana.
\v 56 Lakin de kulu gi hasil ashan bi kelimu kutub ta al anbiya." Wa fi zaman dak talamiz kulu sebu Huwo wa umon jeri.
\v 57 Nas al gubudu Yesua de umon jibu Yesua le Caiaphas reis al khahana, Fi mahal al kataa wa sheyuk limu fogo ma baad.
\v 58 Lakin Buturus bi ja fi wara tou min beyit lahadi fi beit ta reis ta al khahana. huwo dakalu juwa wa geni tehet ma huras ashan bi aiynu nehaya ta haja al bi hasil.
\v 59 Biga ruwasa al khahana wa al mejelis kulu kan bi fetisu shuhud al ta kezib did Yesua ashan umon bi katulu huwo.
\v 60 Be rakam Shuhudiin ta kezib ja gidam ketir, ila umon ma ligo ayi galat le Yesua. Lakin fi akir fi itniin shuhudiin tala gidam.
\v 61 Wa umon kelimu, "Zol de kelimu gal, 'Ana bi demiru Haikal ta Allah, wa Ana bi abinu fi talata ayam.'"
\v 62 Reis al Khahana gum fok wa kelimu le huwo, hal inta ma indu juwab? De shunu yau umon bi shahidu did inta?
\v 63 Lakin Yesua kan askut. Reis al Khahana Kelimu le huwo, ana bi alifu le inta bi isim ta Allah al hai, wori le nina, hal inta al Mesih ibin Allah".
\v 64 Yesua juwabu le huwo, inta kelimu be nefsa taki, lakin ana bi kelimu le intum, min hasa intum bi aiynu ibin al insan bi geni fi ida yemin ta guwa, wa bi ja fi sehaf min samah.
\v 65 Biga reis al khahana seretu gumas tou wa kelimu," Kalam al huwo kelimu de tejdif! Wa nina lesa deiru shuhudiin ashan shunu? Aiynu takum hasa intum asuma tejdif."
\v 66 Itakum gi fekeru shunu? Umon juwabu wa kelimu," huwo bi istahig mutu."
\v 67 Baad dak umon tufu buzak fi wusa ta tou wa dugu huwo, wa darabu huwo be asayat al kan fi iden tomon,
\v 68 wa umon kelimu," Naba le nina, inu inta al mesih, de munu yau darabu inta?"
\v 73 Yala baad suwiya keda, nas al kan gi wogifu hinak ja wa kelimu le Butrus, "be kulu takid inta kaman wahid min umon, ashan gi beinu min teriga ta wonusa taki."
\v 19 Ligo huwo bi geni fi kuris ta hukum, mara tou rasulu le huwo kabara wa kelim, "Mata amulu ai haja le zol al beri de. Leanu ana taban be hilim an huwo.'
\v 24 Zaman Bilatus aiynu huwo ma bi agider amulu ayi haja, lakin muzahara der bada, huwo shilu moyo, wa kasulu eden tou gidam ta nas kulu, wa wonusu, "Ana beri min dom ta zol de. Kede itakum aiynu be nefsa takum."
\v 27 Baad kida jesh ta wali shilu Yesua le raasa ta hokuma wa limu kulu jesh al fi hinak.
\v 28 Umon agila gumas tou wa dugu huwo wa libisu le huwo gumas gurmuzi.
\v 29 Umon amulu taj min shok wa kutu fi ras tou, wa wodi le huwo asaya fi eden tou al yemin. Umon dengir gidam tou alisu huwo, kelim, "Salam, ya Melik ta Yahud!"
\v 30 Umon tufu buzak le huwo, wa shilu asaya wa dugu huwo fi ras tani wa tani.
\v 31 Baad ma umon alisu huwo, umon shilu gumas min huwo wa libisu le huwo gumas tou, wa shilu le selib.
\v 41 Be nefsu teriga reis ta khahana sawa ma kataba ma shiyuk kan bi alisu huwo, wa bi gul,
\v 42 "Huwo kalisu nas tanin, lakin ma bi agider kalisu nefsa tou. Huwo yau Melik ta Israel. Kede huwo nezil min selib, yala nina bi amin fogo huwo.
\v 43 Huwo kutu shigha tou fi Allah, kede Allah kalisu Huwo hasa, kan Allah bi fekir ashan bi hariru huwo. Lianu huwo zatu kelim, 'Ana Jena ta Allah.'"
\v 44 Be nefsa teriga haramiyat al selibu ma huwo bardu bi sitimu huwo.
\v 62 Fi yom nimra itnin, al huwo yom ta tejhiz, reis ta khahana wa Frisiin limu sawa ma Bilatus.
\v 63 Umon wonusu, "Ya said, nina zekiru zaman zol al kadab de lisa hai, huwo kelimu, 'Baad talata yom huwo bi gum tani.'
\v 64 Ashan kida kede inta wodi awamir ashan bi harisu turuba de lahadi yom nimra talata, mumkin talamiz tou bi ja seregu huwo wa bi wori le nas, 'Huwo gum min mutu,' wa kidib al akir de bikun kaab min al awel."
\v 65 Bilatus kelim le umon, "Shilu takum huras. Ruwa takum harisu kwes ze itakum bi ageder."
\v 66 Umon biga ruwa wa kutu huras fi turuba, wa gofulu hajer de gowi.
\c 28
\cl As-hah 28
\p
\v 1 Hasa biga mutahakir fi yom Sebit, zema, biga saba bediri ta yom al awel fi usbu,
\v 2 Mariam Magdalene wa Mariam tani de jaa aiynu turuba. Umon kala, hinak kan zalzal shedid, Malaika ta Rabuna nazil min samah ja wa lizu hajir bara wa geni fogo.
\v 3 Huwo zahir ze nur ta sakga, wa gumas tou abiyat ze telij.
\v 4 Gufara kafu wa tala ze rujal al mutu.
\v 5 Malaika khatibu nusuwan wa kelimu le umon,
\v 6 "Matakum kafu, ana aruf intum bi fetisu Yesua, al kan selibu. Huwo mafi hini, lakin huwo gam, ze ma huwo kelimu. taalu sufu mahal al kan Rabuna naim fogo.
\v 7 Ruwa takun seri wa worii le talamiz tou, Huwo gam min mutu. Aiynu, huwo masi fi gidam takun le Galileya. Intum bi sufu huwo hinak, Aiynu, Ana wori le intum."