See in Reader
converted Hosea - Malachi
This commit is contained in:
Larry Versaw
parent
b382f19f75
commit
ee916ce545
|
|
@ -0,0 +1,264 @@
|
|||
\id HOS
|
||||
\ide UTF-8
|
||||
\rem dat 2003
|
||||
\rem K Hoseia11.03 check these vv below
|
||||
\h Hoseia
|
||||
\toc1 Hoseia
|
||||
\toc2 Hoseia
|
||||
\toc3 hos
|
||||
\mt1 Hoseia
|
||||
\mt3 HOSIA
|
||||
\mt2 OSEA
|
||||
|
||||
\c 1
|
||||
\p
|
||||
\v 1 Ka heka Deuxu Tyhyhykỹ rybe riwahinyrenyre Hoseia dee, Beeri riòre, ibedeu Uzia, Jotaõ, Acas kia Ezequia rowedudỹỹmy roirenyremyhỹ, Juda su-ki kia Jeroboaõ su-ki, Joas riòre wahe, Israel su-ki.
|
||||
\s1 Hoseia Hãwyy Kia Iriòre Boho
|
||||
\v 2 Deuxu Tyhyhykỹ kodelemy rarybereu Hoseia dee Israel iny mahãdureny-ò, tii myỹ rarybere Hoseia dee: boho ruarenykre heka wedena riòrerenymykre. Kiemy dori Israel iny mahãdu wedena wesemy rekoarenyra: tii boho riwatyhynymy aõkõ kia riwaatyrenymy riwarirenyre.
|
||||
\v 3 Taita Hoseia rare kia '-wana hãwyy-my rexilidire, Diblaim riòre. Kia kodelemy iriòre ruareu,
|
||||
\v 4 Deuxu Tyhyhykỹ rarybere Hoseia dee: — Weryry Jezreel-my bininikre kiemy dori iòhòtyhylemy Israel Iòlò arirarytxynykre, kia rubudỹỹmy rekoarenyreki ihỹỹnareny Jeu riwinyre Jezreel-ki. Arihukre Israel wedu boho
|
||||
\v 5 kia Jezreel iworyki arihukre Israel sodadu mahãdu deburereny.
|
||||
\v 6 Irahudita Gomer hirari-my rariòrenyre, kia Deuxu Tyhyhykỹ rarybere Hoseia dee: — Hirari bininikre Derinaõnanamy kiemy dori diarỹ Israel iny mahãdu ixyby arerinanyõkre kia timy ariruxetònyõtyhy.
|
||||
\v 7 Ka Juda mahãdu myta arerinanyhyy-my ararekre. Diarỹ òbitile iDeuxureny Tyhyhykỹmy arihedỹỹnyrenykre. Kiaremyta wou-my ariwinykre; waxiahãte kia wyhy, tõnori dorile, awaru wouna ariuheõkre.
|
||||
\v 8 Iriòre hirari huỹtò-ribi ixawrireu, Gomer ixyby rabòtònyre kiata weryry-my.
|
||||
\v 9 Deuxu Tyhyhykỹ rarybere Hoseia dee: — Weryry bininikre Wasỹ Waijoi Aõkõ rare, kiemy dori Israel iny mahãdu ixyby waijoi-my idireny arareõkre, kia diarỹ iDeuxurenymy aõkõ rare.
|
||||
\s1 Israel Wiwihikỹ Relekre
|
||||
\v 10 Tiu txuu Israel iny mahãdu Bero Nihikỹ ỹnyra rutà wese-my rỹirenykre; kia sõemy rỹirenykre timy idireny rira rỹike aõkõre kia rauhidỹỹrenyke aõkõre. Kiata ibedekile Deuxu rarybere: Kai boho waijoi aõkõ toite”, kuaki tii rarybere: “kai boho heka Deuxu irumy ratximyhỹre riòre toite”.
|
||||
\v 11 Juda iny mahãdu kia Israel iny mahãdureny-wana rexibutunyrenykre kia ibutumy tahe sohojihyy weduõ ritarenykre. Kia ixyby iny mahãdu sohojihyy rỹirenykre ibedeerymy kia iaõdirenymy. Kia inihikỹmy kabedeu txuu rỹikre, Jezreel txu!
|
||||
\c 2
|
||||
\p
|
||||
\v 1 Kiaremyta bilidike aseriòre boho-ò israelita mahãdu, Deuxu ijoi ni mahãdu kia Deuxu tureny rerinanymyhỹre.
|
||||
\v 2 Deuxu Tyhyhykỹ rarybere iny mahãdu dee:— Adimy aõnaõmy marybeke, iòludumy marybeke, kiemy dori tii wahãwyy aõkõ-my rare ixyby, diarỹ ihãbu-my aõkõre. Tamy marybebekenyke hãbu-my ijara-ribi ixawikemy kiata ibirenareny biteònybenyke.
|
||||
\v 3 Kia tii tuu riwinyõkre-my, diarỹ ityy ibutumy iribi aritakre kiata tade-my ratxikre iwese uladu-my ruare wesemy. Diarỹ tamy ariwinykre bedero tyahãkỹ rỹimyhỹre wesemy relekre, suu irubu-my itere-my roimyhỹre wese, kia tahe tii bemomohure-my rurukre.
|
||||
\v 4 Kia iriòrereny-di arexibrunyõtyhy, kiemy dori wedena riòre boho roire.
|
||||
\v 5 Tii wedenalemy rarekre-my rexiwahinyre kiata ixỹru ibutumy iribi ixawiremy rexideòsinyremy iu rarybere: “wabirena mahãdu karikorykre, kiemy dokuri tiki boho wadeke riwahinyrenykre rỹsỹna, mona, tyky budoenisityky, kia anokòlỹre kia mona besò”.
|
||||
\v 6 –Kiaremy iwerura-ò aritidikre bedelelede kiata ryy-ò adobo weti ariwimykre, tii ry-txi reaõkremy.
|
||||
\v 7 Tii tabirena mahãdu hewo-my reake, kia tahe rimyrenyõhyykre; rakre iitxeserenymy kiata itxireny reaõhyykre. Taita rarybekre: “wahãbu-kò krakokesekre kiemy dokuri tiki-wana raremyhỹku arityhytyhy-my raremyhỹ”.
|
||||
\v 8 Tii rieryöhyyre kia diarỹ heka tamy mainodeni rewahinyre, mona besò, aõòlỹre; diarỹ heka tamy sõemy aõnaõna mana rỹsỹtyhy, mana rỹsỹ òtaòta, kiale tahe Bali (Baal): ynyxiwe-ò idi raxiwere.
|
||||
\v 9 Kiaremyta, aõwiredena-ò bede rehemynykreu, diarỹ ariwykre kaa hãwyy-ribi wamaixõmoni wamona besò kia iribi budoenisityy kia tyyesilytyhykỹ idi rexityynykremy tamy rewahinyre.
|
||||
\v 10 Ka tahe wiji tadetyhymy arisỹnykre iribirena mahãdurureny-ò, kia inyõ ritaõhyykre wabedeery debowo-ribi.
|
||||
\v 11 Ibedesa ibutumy iribi arihukre: kia ixyby ihoõkre ixenana wyra-di rỹimyhỹre kia ixenana ahãdu-di rỹimyhỹre kia ixenana rỹimyhỹre sabaduu tule ixawikre kia aõtxile iwitxira ixenana.
|
||||
\v 12 Diarỹ arihukre imona besò (uva) alòbrònana kia iaõbrònana kia tii riki rarybere taòwydỹỹnamy tabirena mahãdu-ribi rimyremy. Bijiutyhyle tuu rỹikre, kia iròdu iròdu deburele ibutumy tuu riroxikre.
|
||||
\v 13 Tii riwaatyre, Bali ỹnyxiwe-my rerinanyre kia tamy heòty riworony xiwena-my. Tii tule rexixiwedenyre debò-di kia aõnaõna-di kiata raijaranyre tabirena mahãdu hewo-my. Kia ibutumy iaõnaõna òraruki, diarỹ arirarytxynykre. Diarỹ, Deuxu Tyhyhykỹ, rarybera.
|
||||
\s1 Deuxu tasỹ-my taijoi mahãdu-my rerinanyre
|
||||
\v 14 Deuxu rarybere Israel iny mahãdureny-ò: — Waderina ixidee adidykre ixybyle bedero-ò aridykre, tai tamy ararybekre tuu arerinanykremy.
|
||||
\v 15 Tai diarỹ ixyby ariwahinykre tamy imona besò (uva) alòbròna kiata arirahòkre Bede binabina iwory ijò rarysòna-my. Taita tii wadee kanarybekre timybo juhuu ijadòòmau riwinymy raremyhỹmy, kia Ejitu-ribi dòhònydeu.
|
||||
\v 16 Ixyby tii riwaninikre “Tahãbu-my”, kia “Bali-my” riwaninike-ribi.
|
||||
\v 17 Tiu ariwahinyõtyhy kia tii Bali-my riwaninikemy; tiu ixyby rarybeõtyhy kaa ỹnyxiwemy. Diarỹ kaa, Deuxu Tyhyhykỹ, kaa tuu rarybereri.
|
||||
\v 18 — Kuatxuu diarỹ ariwinykre bededỹỹnana rybena iròdu iròdu debure mahãdu-ò, nawii nawii mahãdu-ò, kia hemylala mahãdu-ò, kia tamy iròrenymy ijararenyõmyrenykre waderina-ò. Wounana debòna arikrokre, waxiahãte mahãdu kia tõnori mahãdu; ixyby wouna rỹiõhyykre, kia waijoi wasỹ mahãdu aõbinaõmy reximywiwi-my roirekre.
|
||||
\v 19 — Israel, diarỹ awana hãwyy-my aroikre, kia ikiemy kai wahawyytyhy-my mabekre. Diarỹ arerina-my umy ararekre araywiywinymy
|
||||
\v 20 kia tahe ahãbutyhyhykỹ wesemy ararekre. Taita kai bexideòsinykre bexawaninymy wadee, Deuxu Tyhyhykỹ.
|
||||
\v 21 Kua txuu diarỹ Deuxu adeereny reòbymyhỹre rare: biuixitòedỹỹnana arirawyònykre; biu wetyy boho tahe suu ixitòedỹỹnana rirawyònykre, biulòra tamy riwahinykre;
|
||||
\v 22 Kia suu tahe rirawyònykre maixõmoni ruhunykre, mona besò (uva) kia azeitona.Kawesemy tahe diarỹ tamy areòbykre Israel iny mahãdu ixitòedỹỹna-ò.
|
||||
\v 23 Waijoi wasỹ mahãdu aribrònyrenykre Suu Rawahikremy Roimyhỹre-ò. Kia tii boho walòbrònareny òbitikremy. Kia Diarỹ tahe arerinanykre kua raninire wahe Tuu Rerinaõre; kua boho raninirenyre Wasỹ waijoi Aõkõ Rare diarỹ ararybekre: “Kai wasỹ waijoi tate”, kia tii rirawyònykre: kai heka waDeuxureny tate.
|
||||
\c 3
|
||||
\s1 Osea Kia Hãwyy Wijira
|
||||
\p
|
||||
\v 1 Deuxu Tyhyhykỹ ixybyle wadee kia-my rarybere: — Make kiata hãwyy wijira-my berinanykre, hãwyyõ ibirena ijõdire. Tuu berinanyke iwese diarỹ Israel iny mahãdu-my rerinanyre wesemy, kia tii boho iwitxira ỹnyxiwe-my rerinanyrenyre hãre kia tamy hina-di (bolo) raxiwemyhỹrenyre.
|
||||
\v 2 Rare kia reõbranyre hãwyy 170 grama-my mana rysỹ òtaòta utxie kia 150 utxie-my ajiuranode.
|
||||
\v 3 Diarỹ rarybere: — Bede irehemy kai biwaraõkre. Kawese bedeu uritre wedena-my ixidi noõmykre kia uritre abirena mahãdu-ò ixiwahidỹỹõmy. Ka diarỹ tule araraõlekre.
|
||||
\v 4 Kawesemy tahe israelita mahãdu bede sõemy irehemy rierenykre iiòlòrenyõmy yda aõtxile iwitxira iwedurenyõmy, ixiwenarenyõmy yda inyxiwerenyõmy ihetoludureny.
|
||||
\v 5 Kia tahe bede rỹikre kia Israel iny mahãdu ròòserenykre Deuxu Tyhyhykỹ-my rerinanyrenykre, taDeuxurenymy, kia tii boho tahe iwedurenymy runykre Davi iòlò rioreriorerenyõ. Kua bedeu tii boho rerinanyrenykre Deuxu Tyhyhykỹmy ruberurenymy kia tahe tii boho sõemy rybe wiwihikỹ iribi rimyrenykre.
|
||||
\c 4
|
||||
\s1 Deuxu Israel-my Rarybere Aõnaõnamy
|
||||
\p
|
||||
\v 1 Deuxu Tyhyhykỹ irybe ijõdire iny mahãdu ka-my su-my w rahãwanymyhỹrenyre òludumy. Boholabenyke israelita iny mahãdu, aõmybo Deuxu rarybereri-ò: — Bede òbitimy roike aõkõre, aõwiwi ijõdike aõkõre, kia inyõ ka suu-my rỹimyhỹrenyre Deuxu-my bede rieryrenyke aõkõre.
|
||||
\v 2 Òbitimy aõkõ aõmy rarybemyhỹrenyre, raroimyhỹrenyre, ròrubudỹỹmyhỹrenyre, rawasinymyhỹrenyre kia aõòtamy rekoamyhỹrenyre. Rubudỹỹ kia rubudỹỹdu nasõemyhỹde.
|
||||
\v 3 Iurenana heka suu rarubukre, kia ibutumy aõbo tuu rỹimyhỹre rurukre. Iròdu iròdu rurukre, nawii nawii rurukre kia utura dorile rururenykre.
|
||||
\s1 Deuxu Tarybe-Di Ijohodu-my Rarybere Aõnaõnamy
|
||||
\v 4 Deuxu Tyhyhykỹ rarybere: — Uritre roimy iixỹrudỹỹrenyõmy wasỹ wajoi mahãdu. Warybe heka aòludurenymy aõnaõna binaninamy, warybe-di ijohodureny boho.
|
||||
\v 5 Txumy kia rumy kai boho tanariamyhỹtenyte aryreny ihoõmy, kia Profeta mahãdu ayryburenytyhyle diwinymyhỹdenyde. Kia Israel arihukre asereny yda adireny.
|
||||
\v 6 Wasỹ waijoi wadi ratxike aõkõhyyre iurenana heka rexihumy rareri. Kia kai boho tule Warybe-di Ijohodu mahãdu biwaerybenyke aõkõre kia warybe wahidỹỹna-ribi õhõti rusarenyre; kiaremyta diarỹ adeereny areòbyõkre ixyby Warybe-di Ijohodumy, kia ariòre boho dee areòbyõkre warybe-di ijohodu-my.
|
||||
\v 7 Warybe-di Ijohodu rasõemyhỹre wana-wana, kia tule aõnaõna òtaòta nasõemyhỹde; iurenana iaõwiwireny aõnaõna binabinahãkỹmy arirahorekre.
|
||||
\v 8 Tii boho idi dòtamyhỹdenyde iru-my ratxirenykremy iny mahãdu òrarunareny-di, iurenana heka iny mahãdu òraruna riwinyrenykemy risỹnymyhỹrenyre.
|
||||
\v 9 Iurenana, Warybe-di Ijohodu mahãdu aõhỹỹhỹỹmy rutỹỹnyrenylekre kia waijoi wasỹ mahãdu dee ariwinykre yrybutyhyle. Arirarytxynyrenykre, kia tii boho tahe riòwynyrenykre aõnaõnabinabina riwinyrenyre òwymy.
|
||||
\v 10 Warybe-di Ijohodu mahãdu riwaatyrenyre kia iwitxira ỹnyxiwele-my derinanymyhỹdenyde. Iurenana riròrenykre iny mahãdu xiwena wadee riwahinymyhỹrenyre, kiata awityhytyhymy ratxirenyõhyyrenykre; ỹnyxiwe uladu tamyreny rawahinymyhỹremy rerinanyrenykre, kia tahe iriòrereny ijõõrenykre.
|
||||
\v 11 Deuxu rarybere: — Waijoireny wasỹreny iraykyreny riõrenyreri kia sõemy mona besò-my diõ-my diriranymyhỹdenyde.
|
||||
\v 12 Òwòrukre-ò rexitòenymyhỹrenyre kia tamyreny riòbitinyrenykremy aõbo rieryrenykremy ijõbede wyrau, kiata òwòrukrehe-ò rỹỹraximyhỹrenyre. Tii boho riwaatymy riwarirenyre. Iwese hãwyy wedenamy rexirahòremyhỹre wesemy, tii boho riwaatyrenyre kiata rexiwahinyrenyre ỹnyxiwe òtaòta-ò.
|
||||
\v 13 Roxiwemyhỹrenyre ỹnyxiwe òtaòta xiwena-ò hãwalò ratyy rariehekỹki ibedekita ritoonyrenyre heòty bederade witxira witxira rawoki sõemy bederade, tai sõemy bedeubròrò wihikỹ rỹimyhỹ. — Kia wesemy tahe hãwyy iriòre boho tuu robirenyre wedena rabrò-my, kia irioreriore boho tahe hãbu witxiramy rekoamyhỹrenyre.
|
||||
\v 14 Kiaremyta ihãremy iòraruki diarỹ arirarytxynyke aõkõre; kiaremy kai boho hãbu boho, wedena boho-wana witxi tekoatenyte ỹnyxiwe òtaòta heto dohod: yỹna-ki, kia tii boho-wana tòimyhỹtenyte xiwena biwahinybenykremy ỹnyxiwe òtaòta-ò. Kia-my tahe iny mahãdu raykyõ wymy ririranymy ròimyhỹrenyre rexihurenykremy!
|
||||
\v 15 –Israel iny mahãdu ròtyhydỹỹmy aõkõ ratxirenyreri wadi, kia uritre Juda iny derinarenyõmykre, kia uritre tai iwidỹỹrenyõmy aõmybo rekoarenyreri riwinyrenykremy Deuxu Tyhyhykỹni-my ikiemy ratximyhỹremy.
|
||||
\v 16 Israel iny mahãdu heka tõhõtiõrenyre broreni hãwyy debure wesemy. Timyhe waijoi wasỹreny-di warukiõna iwese budoeni wedu tarukimy ratximyhỹre wesemy asiyky nihikỹ-ki.
|
||||
\v 17 Wasỹreny waijoireny heka rexiwahinyrenyre ỹnyxiwe òtaòta-my rerinanyrenykremy, timyhe aõ tai wawidỹỹõna kua weseki.
|
||||
\v 18 Tii boho raòdewyrimyhỹrenyre kiata aõòtaòta-ò rexiwahinymyhỹrenyre, kawesemy tahe ratximyhỹrenyre aõbinabinamy.
|
||||
\v 19 Yhy heka ridyrenykre irehe-ò, kiata raixỹrurenykre taaõòtaòreny tyhydỹỹnareny-di.
|
||||
\rem dat 2011
|
||||
\c 5
|
||||
\p
|
||||
\v 1 Boholabenykeini, Warybe-di Ijohodu mahãdu! Boholabenyke israelita mahãdu! Boholabenyke iòlò sỹ ijoi mahãdureny! Kai boho aõhỹỹmy butỹỹnybenykre, kiemy dori Mispa-ki kai boho rubudỹỹdu ròsemyhỹre wesemy atxitenyte, Tabor hãwalò-ki ta lòysana wesenamy atxitenyte
|
||||
\v 2 Akasia iworykita hãluu s ỹyhỹỹmy atxitenyte. Iurenana heka diarỹ arararytxynyrenykre.
|
||||
\v 3 Diarỹ reerywire aõbo israelita mahãdu riwinyrenyre: tii boho rerinanyrenyre ỹnyxiwe òtaòtamy kia iurenana heka ybinamy atximyhỹtenyte.
|
||||
\s1 Oseia Rirarytxynyrenyre Iny Mahãdu Aõòtaòta Tyhydỹỹnanareny
|
||||
\v 4 Aõnaõna aõòtaòta òraruki Israel iny mahãdu riwahinyõmyhỹrenyre tii boho taDeuxureny-ò ròòserenykemy.
|
||||
\rem dat 2011
|
||||
\v 5 Iixityhytyhydỹỹnareny heka riteòsinymyhỹrenyre itỹnymy taòrarurenyki tuu ratximyhỹrenyremy. Taòrarureny òraruki tii boho ratikròmy rariòwymyhỹrenyre, kia Juda iny mahãdu ihekile rariòwymyhỹrenyre.
|
||||
\v 6 Tabudoenireny tabroreni riòrereny ridymymyhỹrenyre xiwenamy idi rekoarenykremy Deuxu Tyhyhykỹ dee, kia tahe aõke aõkõtyhyyre. Tii boho itxi rekoarenyke aõkõre, kiemy dori tii iribireny rexilòhòrarienyre.
|
||||
\v 7 Tii boho Deuxu Tyhyhykỹ rityhynyrenyõre, kia iriòrerenytyhy aõkõ roire. Kiaremyta iòhòtyhylemy tii boho tasureny-wana rexihurenykre.
|
||||
\s1 Wouna Rỹire Israel Kia Juda-Ki
|
||||
\v 8 Ajuròna biwòdỹỹnyke Gibea-ki kia Hama-ki! Deòarinamy birajuabenyke Bete-Awe-ki! Bexiijemy matxibenykre Bejami iny mahãdureny!
|
||||
\v 9 Diarỹ tuu rarybere Israel iny mahãdureny-ò aõhebo inatyhymy bede rutỹỹnykremy: kia rareri rarytxyna txu, kia Israel tahe rexihukre.
|
||||
\v 10 Deuxu Tyhyhykỹ rarybere: — Juda wedu mahãdu Israel su ritybòtyònyrenyre kiata isureny-my rahãỹnanyrenyre. Iurenana wakyaramy watxireri kia arirarytxynykre tarurumy.
|
||||
\v 11 Israel iny mahãdu anarỹỹnamy rekoarenyreri, kia aõ òbitimy idi rỹirenyre ratyhydỹỹõhyyreri kiemy dori tii boho rõhõtiõrenyre ỹnyxiwe òtaòta rityhynyrenyre.
|
||||
\v 12 Kiaremyta iraça wesemy diarỹ Israel arihukre kia binana teytenaõmy rỹimyhỹre weemy arihukre Juda.
|
||||
\v 13 – Israel rexieryre iwebinadumy ratximyhỹmy kia Juda rexierylere rawotõmõmy ratximyhỹmy, Israel rare ixiwiòhedỹỹmy Assiria iòlò dee; kaa tii tahe timy teytedỹỹõna kia iwotõmona riteytenyke aõkõre.
|
||||
\v 14 Hãlòe wesele diarỹ Israel iny mahãdu arihukre kia Juda iny mahãdu tule. Diarỹ ariyreyrenykre irahudita arakre ixihemy ariwymy. Kia inyõ rihedỹỹnyrenyke aõkõre.
|
||||
\v 15 – Tai tahe wasỹ-ò aroosekre kia tai ararekre ihyy tahe tii boho taòrareny rieryrenykre, kia taõhỹỹhỹỹmy dỹỹnanareny-di tahe waitxesemy ydòidenykre.
|
||||
\c 6
|
||||
\s1 Roihikỹlemy Ixidee Rexiraherenyre
|
||||
\p
|
||||
\v 1 Israel iny mahãdu raryberenyre: — Bòdòike, ibutumy iny boho Deuxu Tyhyhykỹ-ò ròòserenyra. Tii riwawotõmonyrenyra, ka òbitityhymy tii riwateytenyrenykre; tii riwararytxynyrenyre ka òbitityhymy tahe tii ixyby wadeereny reòbykre.
|
||||
\v 2 Ka txu inatxi-di aõbo yda txuu inataõ-di aõbo, tii wadeereny ruru tỹmyra idiwahinykre, kia lamamy riwatamadỹỹnyrenykre ka diarỹ boho tahe tamydeewihyy ariwinyrenymy aroirenyrekre.
|
||||
\v 3 Diarỹ boho Deuxu Tyhyhykỹ-dihyy aroirenyrekre kia òbitimy iwese txuu ròhònymyhỹre wesemy, tii kanakre wawiòhedỹỹrenymy; kia òbitityhymy kanakre iwese noiròsò biulòra ròamyhỹre wesemy suu rituunymyhỹre.
|
||||
\v 4 Ka Deuxu Tyhyhykỹ rirawyònyre: — Aõbohe Israel adee ariwinykre? Kai tule Juda aõbohe adee ariwinykre? Inymy terinanymyhỹtenyte heka iny tibede-ò ramyhỹre wesena rare, kia txuu reamyhỹre wesemy; kia beõrahasa ru-di ruỹmyhỹre wesemy.
|
||||
\v 5 Iurenana heka reteònyre warybe-di ijohodu mahãdu tuu raryberenykremy diarỹ arararytxynyrenykremy kia arahurenykremy. Kia heka akireny reijemyhỹrenyre itỹnymy txuu ròhònymyhỹre wesemy.
|
||||
\v 6 Diarỹ heka kai boho wamy berinanybenykemy adireny resỹnymyhỹre kia xiwena wadee biwahinybenykemy aõkõ kia xiwena rasõmyhỹre wadee biwybenyke-ribi, diarỹ heka wasỹreny waijoireny riwatyhynyke sohojilemy reamyhỹre.
|
||||
\v 7 –Ka Adã hãwaki wasỹreny waijoireny warybe wahidỹỹna rikròrenyre kia tamy rewinyre kuaki kia tahe riwatyhynyõhyyrenyre.
|
||||
\v 8 Gileade heka hãwã sõemy aõbinabina-di roimyhỹre sõemy aleerydu mahãdu-di.
|
||||
\v 9 Deuxu rybe-di Ijohodu mahãdu heka wasiduhona roire kia wasimy rorurumyhỹrenyre iny witxira riwasinyrenykremy. Sikem-ò ryy ramyhỹre-ki tii boho reerynymyhỹrenyre kia iwitxiramy aõbina riwinymyhỹrenyre.
|
||||
\v 10 Diarỹ tuu rabire aõnaõna binahãkỹmy Israel su-ki wasỹreny waijoireny iwitxira ỹnyxiwe-my rerinanymyhỹrenyre iurenana heka isuisumy ratximyhỹrenyre.
|
||||
\v 11 –Kia itxureny reywinyre ibedeu Juda iny mahãdu arirarytxynyrenylekre.
|
||||
\c 7
|
||||
\p
|
||||
\v 1 –Kia teytedỹỹmy idireny resỹnymyhỹu Israel iny mahãdureny-di kia idireny resỹnymyhỹre ixyby ityhymy iaõdirenymy ratxirenykemy, kia heka iòrarureny sohojihyylemy rabimyhỹre kia iaõbinabinareny-di. Kia heka iroirenyre,iwasiròrenyre kia hetowo-ò wasimy rirònymyhỹrenyre kia iny mahãdu ry-di ririranymy ratximyhỹrenyre-ò iwasidỹỹmy rekoamyhỹrenyre.
|
||||
\v 2 Tii boho heka rõhõtinymyhỹrenyre kia diarỹ wanohõti rusamyhỹrenyremy ibutumy iòrarureny-ribi. Tii boho rauhuarimy ratximyhỹrenyre taõbinabinareny-di, kia tiu idireny itxeremy aratxiõtyhy.
|
||||
\s1 Roi, Kyara, Bòdỹỹna
|
||||
\v 3 Deuxu Tyhyhykỹ rarybere: — Wasỹreny waijoireny heka iaõòtaòtarenyre, taroireny-di heka tii boho ribònymyhỹrenyre Iòlò kia hãwã wedu mahãdureny.
|
||||
\v 4 Ibutumy heka tii boho bòdỹỹdulehekỹreny roire. Kyara heka tii boho risõmyhỹrenyre heòty tòtee wese, paõ hina widỹỹdu heka heòty riworonyõhyymyhỹrenyre paõ hina ratarinymyhỹre hãrele kia tahe rexihumy rỹimyhỹrenyre heòty-ò ratidirenykremy.
|
||||
\v 5 Iòlò ixena rỹire bedeu tii boho sõemy tamyreny mona besò (vinho) riwahinyre kia hãwã wedu mahãdureny-ò tule kia tii boho iòde sõemy rawàrinyrenyre, kia iòlò sõemy aõòtaòta riwinyre.
|
||||
\v 6 Kyara ixyby rexinoranyre iworeny risõrenymy, kia iwana-wana tahe tii boho aõnaõna binabina riywinymy roiremyhỹ, iòlò òludumy. Ruu iyhyõmy ikyara rabuturenyre, ka rudiu tahe risõre heòty wesemy.
|
||||
\v 7 Rasõrenymy rakyaranymyhỹreny, tii boho tadinodu boho rirubunyrenyre; ibutumy iiòlòreny rururenyre wihewowihewolemy, ka inyõ tahe wadee rexitòenyõhyyre.
|
||||
\s1 Israel Kia Iwitxira Iny Mahãdu
|
||||
\v 8 Deuxu Tyhyhykỹ rarybere:— Israel iny mahãdu-wana rybe widee biywinybenyke iwitxira iny mahãdu-wana ka tahe wiji mare (paõ) iywidỹỹmy aõkõ rasõre wesemy rỹire.
|
||||
\v 9 Iny mahãdu heka bede rieryrenyõhyyrenyreri hãwa hãwa taruru tabedeery riixawidỹỹnymy rexihurerimy kaa iny mahãdu witxira-wana wideereny bede riywinyrenyreri òraruki. Hãwa hãwa heka iruru rexihumy ratxireri matuari raura wesemy, ka iny mahãdu tahe tuu bede rieryõhyymy ratxirenyreri.
|
||||
\v 10 Iny rexityhytyhynymy rỹimyhỹrenyre heka tii òbitile ixidireny itxeredumy ratximyhỹrenyre ixiòludurenymy. Ibutumy heka kaa aõnaõna tuu rutỹỹnyre, ka ihãrele tahe tii boho wadee ròòserenyõhyymyhỹrenyre kia Deuxu Tyhyhykỹ wiòhedỹỹna rierenyõhyymyhỹrenyre, taDeuxureny.
|
||||
\v 11 Israel heka bòtòe itxỹte wesena rare: kodelemy heka Egito wiòhedỹỹna riemyhỹrenyre irahudi tahe Assiria-ò ixihedỹỹmy rexitòenymyhỹrenyre.
|
||||
\v 12 Ka diarỹ tahe arimyrenykre, iwese inyõ nawii sõmo rimymyhỹre wesemy ryresi-di. Diarỹ arirarytxynyrenykre kia tuu roholarenyre mynamy tarybereny butuna-ki.
|
||||
\v 13 –Tii boho reòsamy natximyhỹdenyde kia tahe rexihurenykre, kiemy dori rexiwòrenyre kia waòludumy rekoarenyre. Diarỹ arihedỹỹnyrenykemy idireny resỹnyre, kia tii boho tahe roihyylemy wamy rarybemyhỹrenyre.
|
||||
\v 14 Kia wadee rexitòenymyhỹrenyre heka òbitimy aõkõ tuu riwinymyhỹrenyre; tii boho su-ò ixi-di rehumyhỹrenyre, ỹnyxiwe òtaòta tyhydỹỹdureny wesemy rirajuamyhỹrenyre. Tiu rexitòenymyhỹrenyreu maixõmoni-my kia mona besò-my, tii boho rexikòhekòhemyhỹrenyre, iwese iwitxira mahãdu riwinymyhỹrenyre wesemy. Ibutumy waòludumy rekoarenyre.
|
||||
\v 15 Diarỹ heka reerynanyrenymy retohonyrenyre kia tamyreny ruruterehekỹ rewahinyre, kia tii boho tahe aõnaõna binabinale riwinyrenykremy bede riywinymyhỹrenyre waòludulemy.
|
||||
\v 16 Iwese wyhy-di adehu rỹimyhỹre waxiahãte bina-di kia tahe riweõhyymyhỹre aõ obo rehure, kawesemy tahe tule wasỹreny waijoireny waribiòtu waõnamy rekoarenyre kia tahe ỹnyxiwe òtaòtalemy rerinanyrenyre. Iwedureny mahãdu rexityhytyhynymy rarybemyhỹrenyre iurenana heka tõnori-di rururenykre. Kia tahe Egito iny mahãdu idireny risinyrenykre.
|
||||
\s1 Deuxu Rihure Iny Mahãdu Aõòtaòta Tyhydỹỹnanareny
|
||||
\c 8
|
||||
\p
|
||||
\v 1 Deuxu Tyhyhykỹ rarybere: — Biwodỹỹnybenyke ajuròna! Aòludureny dori rihureri wasu nawiihikỹ wesemy kiemy dori wasỹreny waijoireny rikròkrenyre warybe ywidỹỹna tii boho-wana rewinyrenyre kia dityhynydenyõhyymyhỹdenyde warybe ritidỹỹnana.
|
||||
\v 2 Tii boho wadee rexitòenymyhỹrenyre tarureny ribrenymy, myỹ raryberenymy: “Kai heka waDeuxureny tate, diarỹ boho tahe adeehyy ymyhyy rarybemyhỹrenyre.”
|
||||
\v 3 Ka tii boho tahe aõnaõna wiwi deralemy rekoarenyre kia iurenana tahe iòludu mahãdu iherenymy iheworenymy reamy rarekre.
|
||||
\v 4 – Waijoi mahãdu ritarenyre iòlò mahãdu riwateòarinyrenymy aõkõ kia hãwahãkỹ wedu ritarenyre tai awimy rahare-ribi aõkõ. Tamanareny òtaòta-di tamana rỹsỹreny-di riwinyrenyre tuu rerinanyrenykremy kia iurenana rexihurenykre.
|
||||
\v 5 Diarỹ riwakyaranyre broreni riòre mana rỹsỹhỹkỹ kia Samaria iny mahãdu tuu rerinanymyhỹrenyre kia tahe idireny wakyaramy watxireri. Tiwese bedeubo tahe tii boho broreni riòre mana rỹsỹhỹkỹ-di rerinanymy roirenyrekre?
|
||||
\v 6 Kia israelitaõ broreni riòre riwinyre; kaa mana rỹsỹ broreni riòre heka Deuxu aõkõ rare kia tahe rabòhòbòhòkre iyreyremy.
|
||||
\v 7 Tii boho yhy ribrònyrenyre kiata yhydebure riherenyre.Maixõmoni raratynyõhyykre; ka txibo iraty ijõdikreki, kia iwitxira hãwa hãwa mahãdu rihurenykre.
|
||||
\v 8 Israel heka reòsamy riõmy ratximyhỹre! Ijõ mahãdu hãwa hãwareny Israel-di retehemyhỹrenyre aõna tyhyhykỹmy aõkõ.
|
||||
\v 9 Israelita mahãdu heka awaru jumetu debure wesena rare kia rõhõtiõmyhỹre ixi sohohi rariakemy. Tii boho ròirenyre ixitòedỹỹmy Assiria riwiòhenanyrenykremy kia ijõ mahãdu deereny tasỹ rexitòenyrenyre riijerenymy riworenykremy.
|
||||
\v 10 Ka diarỹ tahe arimymy arirarytxynykre, kia tiwese bede irehe riòremy tii boho aõhỹỹmy rutỹỹnyrenykre Assiria wedu debure ruruterehekỹ rawoki.
|
||||
\v 11 – Israel iny mahãdu sõemy xiwena dena riwinyrenyre kia taòrarureny risuhòsuhòmy ixawirenykemy, kaa xiwena dena sõe tahe aõmakile awire iny mahãdu ixyby òraruna riwinyrenykremy.
|
||||
\v 12 Kia sõemy mili-my tyyriti reritinyre warybe wahidỹỹnawihikỹ iny mahãdu deereny, ka tii boho tahe teralemy rekoarenyre kia txibo aõtyhyhykỹ aõkõ wesele.
|
||||
\v 13 Tii boho wadee xiwenamy tuu raubenymyhỹrenyre kiata xiwena rỹsỹna tamyreny arwire. Ka Diarỹ, Deuxu Tyhyhykỹ, wabedesamy aõkõ idireny watxireri. Diarỹ wanohõti reare iòrarurenytxi kiata arirarytxynykre. Kia ixybyle ariteònyrenykre Egito-ò,
|
||||
\v 14 kiemy dori Israel iny mahãdu tõhõtireny rusarenyre Tajuradỹỹdu-ribi. Israel iny mahãdu riwinyrenyre aõmysỹdỹỹna hetoreny, kia Juda mahãdu hãwa hãwa riwinyrenyre adobo-di riwetinyrenymy; ka diarỹ tahe heòty aditeònykre kia hãwa hãwa ritoonykre kia irurureny rahurenykre.
|
||||
\c 9
|
||||
\s1 Oséia Rarybere Israel Rarytxynamy
|
||||
\p
|
||||
\v 1 Israel iny mahãdu, ixi bedesadỹỹreny-ribi ixiwirenyke, ixenawidỹỹ-ribi ixawirenyke iwese ijõ iny mahãdu riwinymyhỹrenyre wese-ribi. Kai boho heka Deuxu teritenyte kia mana rỹsỹ brorenimy tarerinanytenyte. Kia ibutumy su-my maixõmoni rahãte hãtere, kai boho idi tahònytenyte wedena wesemy Bali (Baal) ỹnyxiwe dee kia tahe tai awimy tahãtenyte iòwydỹỹna iribi temytenyte.
|
||||
\v 2 Kia iòhòtyhylemy maixõmoni ihoõkre, aõòlỹre tule, kiata mona besò (vinho) ihoõkre.
|
||||
\v 3 Israel iny mahãdu ratxirenyõkre Deuxu Tyhyhykỹ su-ki, kia tahe Egitu-ò ròòserenykre kia Assiria bedeki tahe rỹsỹna binabina rirỹsỹrenykre.
|
||||
\v 4 Kua hãwahãkỹ bede-ki tii boho riwinyrenyke aõkõre mona besò (vinho) Deuxu Tyhyhykỹ dee kia xiwena riwahinyrenyke aõkõre tuu reòarimy ratximyhỹrenyre. Kia rỹsỹna rirỹsỹrenykre heka rubu dee relemyhỹre wesena rare, kia ibutumy rirỹsỹrenykre ibinabina iybinaybinamy ratxirenykre. Kia rỹsỹna xiwena riwahinyrenyke aõkõre Deuxu Tyhyhykỹ rybe dohodỹỹna heto-ki; kia urile aõwaxina riroxirenykre.
|
||||
\v 5 Aõbo tahe tii boho riwinyrenykre tiu txuu ixena bede-ò rehemynykreu Deuxu Tyhyhykỹmy rybenana rỹikreu?
|
||||
\v 6 Kia rexiwòrenykre rexihurenyreke lau, ka egipcio mahãdu tahe rimyrenykre kia rituunyrenyre Mênfins hãwaki. Ka iaõnaõnareny mana rỹsỹ òtaòta wiwihikỹ tahe bedeyky ledelede-di rahetydỹỹmy roikre, kia tahe bedeyxemy ihetoreny rỹikre.
|
||||
\v 7 Kia dehemynymy namyhỹde rarytxyna txu, itxuu Deuxu taijoireny tasỹreny rirarytxynykre. Kia Israel iny mahãdu tuu riemy ratxirenyrekre! Ka kai boho tarybemyhỹtenyte: “Kaa profeta heka raitxỹtereri! Tarybemyhỹtenyte rayky rybele raremy, kiahe itxỹte rare!” Kai boho myỹ tarybemyhỹtenyte aõherekibo sõemy tỹximy aõnaõna binabina-di kia kyara-di bede nyimyhỹde.
|
||||
\v 8 Deuxu heka diwateònyde profeta-my iijoireny isỹreny mahãdu ariteòarinykremy, kia ibutu bede bedemy tii boho bede riywinyrenyre riwamyrenykremy.Kia Deuxu rybe dohodỹỹna heto-ki dorile tii boho wahemy rekoamyhỹrenyre!
|
||||
\v 9 Tii boho heka òrarunareny-di rexisỹydỹỹnyrenyre kia iny mahãdu Gibea-ki rỹimyhỹrenyre wesemy. Deuxu heka tõhõti itxi reakre iòrarurenytxi kia tahe rirarytxynyrenykre.
|
||||
\rem dat 2005
|
||||
\s1 Israel Òraru Aõnaõna Bededỹỹnana
|
||||
\v 10 Deuxu Tyhyhykỹ rarybere: — Kia Israeltxi reareu kodelemy, kia rabedesare iwese inyỹ mona besò ratytxi reamyhỹre wesemy bederoki, kia ahỹỹnareny mahãdumy rabireki, kia rabedesare iwese inyỹ bederaty rasònymy roimyhỹre wesemy. Ka tii boho Peor hãwalò-ò ritemynyrenyreu, tai tahe urile Bali ỹnyxiwemy rerinanyrenyre kiata ibinatyhymy rexirahòrerenyre kia tatyhydỹỹnarenymy tii boho rerinanyrenyre.
|
||||
\v 11 Israel ninihikỹ rare, ruòmy nawii wesemy. Ixyby uladu mahãdu ruarenyõre: hãwyy mahãdu rabòtònyrenyõkre kia uladu iribreny reake aõkõre.
|
||||
\v 12 Kia ihãremy iriòrere retibiedỹỹnymyhỹre, diarỹ aridyrenykre; kia sohojimy aririke aõkõre. Kiata ka mahãdu iny-ribi arexilòhòrarienykreu!
|
||||
\v 13 Diarỹ Israel-my rabire Tiro hãwa wesemy, bedewihikỹ rabròmy rỹiremy; ka Israel tahe tariòrereny ridyrenykre rururenykremy.
|
||||
\v 14 Deuxu Tyhyhykỹ, aõbohe biwinykre kaa iny mahãdu deereny? Kia hãwyy mahãdu iriòrereny ihoõkremy tesỹnytenyte! Kia txibo ijõdikeki tahe ihuỹsy rarubunymy rỹike, kia tariòre rihuỹtònyõkremy!
|
||||
\s1 Deuxu Tasỹ Taijoi Rihurenyre
|
||||
\v 15 Deuxu Tyhyhykỹ rarybere: — Ibutumy Israel aõnaõna binabina ròrarunyre Gilgal hãwaki, kia tai heka tamy kyara reòrarunyre. Kia iòrarureny òraruki heka diarỹ ariteònykre wasu-ribi. Ka wiji bede rỹire-ribi tiu ixyby tureny arerinaõhyyrenykre. Ibutumy idinodureny waòludumy rekoarenyre.
|
||||
\v 16 Israel heka rawotõmomy ratxireri; kia iwese bederade raratynyõmyhỹre wesemy kiemy dori irarureny raruburenyra. Kia uladu mahãdu ruarenykrehãrele, diarỹ arirubunykre kaa riòrereny derinana.
|
||||
\v 17 WaDeuxu tasỹreny taijoireny derarenymy reakre kiemy dori tii boho rityhynyrenyhyyrenyre. Kia tii boho rariarenykre iryreny ihoõmy kia iwitxira hãwa hãwa mahãdureny-wana.
|
||||
\c 10
|
||||
\s1 ỹnyxiwe òtaòta xiwena denareny-di adehu rỹire israel-ki
|
||||
\p
|
||||
\v 1 Israel iny mahãdu heka mona besò rade wesena rare sõemy tỹximy mona besò-ki roimyhỹre (uva). Kia iaõdirenymy ityhymy ratxirenyre, kia ixyby xiwena dena riwinyrenyre; kia iijoireny takò-ò raòwònymy ròirenyre, kia iryreny brebuna ire biutxi lamamy rỹirenyre.
|
||||
\v 2 Tii boho heka Deuxu rityhynyrenyõhyymyhỹrenyre ka tahe wiji tii boho riòwynyrenykre taòrarureny. Deuxu Tyhyhykỹ rikrokrokre ixiwe denareny kiata iryreny brebuna riatyrenykre.
|
||||
\v 3 Tii boho raryberenykre: “Iòlò inykireny ihoõre kiemy dori Deuxu lau iny boho ruberuõhyymyhỹrenyre. Kia txibo sohoji iòlò inykireny ijõdikeki, aõbo tahe tii inydeereny riwinyke?”
|
||||
\v 4 Tii boho roilemy rarybemyhỹrenyre; ibutumy roihikỹlemy rarybemyhỹrenyre kia rybe riywinymyhỹrenyre kia tahe tuu riwinyrenyõhyymyhỹrenyre. Kia rininimyhỹrenyre òbitihikỹmy kia heka iòhãrutyhy rare òteti hyrehekỹ ruhunymy raumynymyhỹre wesemy bede syraroki.
|
||||
\v 5 Iny mahãdu Samaria-ki rasỹnymyhỹrenyre ruberurenykre kiata rahinyrenykre roburenykre kia broreni riòre mana rỹsỹhỹkỹ Bete-Avem-ki rỹimyhỹre radykreu. Kia ỹnyxiwe òtaòta rybe-di ijohodu mahãdu rawohitxihitxirenykre kaa ityhydỹỹnareny iribireny rawyrenykreki kia ihõrõrenytyhyhykỹ rareki,
|
||||
\v 6 kia heka Assiria-ò rawykre kia iny aõ widee riwahinymyhỹre wesemy iwedureny nihikỹ dee. Israel iny mahãdu raixỹrurenykre dohodỹỹnaheki ratxirenyreki.
|
||||
\v 7 Israel iòlò radykre, kia iwese helòtyra node esetere ridymyhỹre wese.
|
||||
\v 8 Avem hãwalòmy xiwena dena rabrò rỹimyhỹre, tai iny mahãdu tatyhydỹỹnareny my rerinanymyhỹrenyre, kia rexihukre kiata bedeyxe ledelede-di rahetymy roikre. Iny mahãdu raryberenykre hãwalò rariehe deere: “Biwaheybenyke!” kia hãwalò deereny raryberenyre: “Biwawòbenyke!”
|
||||
\s1 Deuxu Tarybe Riwahinyre Israel Òludumy
|
||||
\v 9 Deuxu Tyhyhykỹ rarybere: — Kia Gibea bedeki òraruna riwinyrenyrehyy, Israel iny mahãdu ixawirenyõhyyrenyre òrarunareny-ribi. Iurenana heka wounana rimyrenykre kaa iny mahãdu binahãkỹreny.
|
||||
\v 10 Diarỹ heka tureny aròhòtemy arirarytxynyrenykre. Hãwãhãwa mahãdu rexibutunyrenykre iòludurenymy kia diarỹ arirarytxynykreu iòrarureny òraru sõehekỹ-ki.
|
||||
\v 11 –Israel heka broreni riòre iinyerymy rỹimyhỹre wese rare, kia maixõmoni tyre lamaluure isityy ritakremy. Òwòru rurawo tòti-ò relidire tii suu arana-di ritusinymy rariakremy. Diarỹ ariuherenykre Juda kia Israel òwòru alòbròna-ki raõmysỹdỹỹnyrenykremy.
|
||||
\v 12 Diarỹ tamyreny rarybere: Bede biywinybenyke aworu alòbrònamy, aõwiwihikỹ òbitimy rỹimyhỹre bibrònybenykre kiata bihebenykre aõwiwihikỹ kia inymy derinana tuu riwinykre. Kia dorihe bede rimyre kai boho wadee bedexiòkesedỹỹnyrenykremy, Deuxu Tyhyhykỹ, kia diarỹ biulòra atyrereny aritxiwikre biulòra hedỹỹna wahe.”
|
||||
\v 13 Kia tuu biwinybenykewihikỹ, kai boho aõnaõna binabina tebrònytenyte, kia aõnaõna òbitityhy aõkõ tehetenyte kiata tetòhetenyte roi bederatyhyyle. — Kai boho tetyhynytenyte awounareny ityti heòty kia sõemy asodadureny sõehekỹ,
|
||||
\v 14 iurenana heka adeerenyhyy edehemynykre kia arurutereny rexihurenykre. Adeereny rutỹỹnykre iwese rutỹỹnyre wese tiubo Salmã iòlò rawounyre Bete-Arbel òludumy: tii ihãwareny rahurenyre kia ihãwyyreny rahurenyre kia urile ihãwyyreny rikròkròrenyre kia iriòrereny urile rikròkròrenyre.
|
||||
\v 15 Kawesemy heka rutỹỹnyrenykre Israel iny mahãdu kia taõbinareny òraru nihikỹ òrarurenyki. Kia txuu edeamy kanakreu, Israel iòlò rurukre.
|
||||
\c 11
|
||||
\s1 Deuxu Rerinanyre Tasỹ Taijoi Nohõtiõhyyrenymy
|
||||
\p
|
||||
\v 1 Israel iny mahãdu bededỹỹnanamy Deuxu Tyhyhykỹ rarybere: “Israel uladumy raremyhỹuhukỹle , diarỹ tuu rerinanymy raremyhỹ, kia Egitu bedeki roiremyhỹu wariòre-my tamy raryre.
|
||||
\v 2 Kiaremyta, diarỹ tamy ixyby ixyby rarymyhỹre-wana, kia ire tii waribi rexilòhòrarienymyhỹre. Wasỹ waijoi xiwena riwahinyrenyre Bali (Baal) ỹnyxiwe dee kiata owoji riõrenyre tatyhydỹỹnareny dee.
|
||||
\v 3 Ka riarỹ heka wasỹ waijoi reixinanyrenyre rariarenykremy; diarỹ waaxiòtiki remymy idireny raremyhỹ, kiaremy tahe tii boho reiryrenyõhyyrenyre kia diarỹ idireny warukimy raremyhỹmy.
|
||||
\v 4 Loysana derinahỹkỹ-di reywiywinymy diarỹ nadidydenyde ixityy-ò; kia diarỹ iaxiòrenyki remyrenyre iwese uladu tawyòki rimymyrenyre wesemy. Diarỹ rebedenymy kia tamyreny rỹsỹna rewahinyre.”
|
||||
\v 5 –Tii boho wadee òkese deralemy rekoarenyreri kia iurenana heka ixyby Egitu-ò ròirenykre kia tahe Assiria rimyrenymy idireny rarekre.
|
||||
\v 6 Kia wounana kanakre, kia iòludu mahãdu hãwa hãwa ijòtòbòna ribòhòbòhònyrenykre kiata arahurenykre. Wasỹreny waijoireny rururenykre kiemy dori dohodỹỹna binabinahãkỹ-di ratxirenyreki.
|
||||
\v 7 Wasỹreny waijoireny heka rõhõtiõrenyre kiata waòludumy rekoarenyre; iurenana heka tii boho brejudureny wesemy iòludureny ridyrenykre, kia inyõ rihedỹỹnyrenyke heka ihoõre.
|
||||
\v 8 “Israel, timybohe diarỹ araatykre? Timybohe awiòhedỹỹõmy ararikre? Kia aõbo diarỹ arahukre, iwese Admá rehure wese? Yda adee aõbo ariwinykre Zeboim dee rewinyre wesemy? Kõre; tuu adee ariwinyõkre, kiemy dori wawo raukỹykỹreri, Kia sõemy diarỹ adi rexiwobruny nihikỹre.
|
||||
\v 9 Kia wajyaramy aõ adee ariwinyõkre, ixyby wasỹ waijoi arihurenyõkre. Kiemy dori diarỹ Deuxu rare kia iny su ludu aõkõ; Diarỹ, Deuxu Tyhyhykỹ, wasỹreny waijoireny ykyki watxireri kia ixyby arihurenyõkre.”
|
||||
\v 10 –Kia diarỹ rawobrumyhỹreu halòehekỹ wese waòludu mahãdureny òldudumy, kia tahe wasỹ waijoi wahewomy rariarenykre. Wasỹreny waijoireny ynaijaranykre txuòlòna weribi-ribi;
|
||||
\v 11 kia nawii wesemy tii boho wytyhylemy Egitu-ribi ydòidenykre kia bòtòe wesemy Assiria-ribi ydòidenykre. Diarỹ tuu ariwinykre ixybyle tasurenyki rahãwanyrenykremy. Diarỹ, Deuxu Tyhyhykỹ, rarybera.
|
||||
\s1 Israel Kia Juda Rarytxynareny
|
||||
\v 12 Deuxu Tyhyhykỹ rarybere: — Israel iny mahãdu riwayhyarinyrenyre roidihyyle kia bòdỹỹnadihyyle, kia Juda iny mahãdu waòludumy rekoarenyre, Deuxu Tyhy rare, kia ikiemy òbitihyylemy watximyhỹre.
|
||||
\c 12
|
||||
\p
|
||||
\v 1 Israel iny mahãdu aõnaõna binabinale riwinymy ratximyhỹrenyre kia txuu idireny ralòmyhỹre aõnaõna tyhy aõkõ riwinyrenymy. Roi bededỹỹnana rubu bededỹỹnana ire rasõemy namyhỹde. Israel heka rybe widee riwinyrenyre Assiria-wana kia aõòlỹre riwahinyre Egitu dee.
|
||||
\v 2 Deuxu Tyhyhykỹ irybe ijõdireri Juda iny mahãdureny òludumy kiata Israel iny mahãdu rirarytxynykre iòrarureny òraruki.
|
||||
\v 3 Ijaò (Jacó) ihỹỹnareny resure taseriòre Esau-wana kia tii boho tadiwewoki ratximyhỹrenyu, Kia hãbu raumynyre Ijaò resure Deuxu-wana;
|
||||
\v 4 tii ỹju-wana resure kiata iribi ròtare. Taita rahinyre kia ỹju-ò rexitòenyre tarybewihikỹ tamy riwahinykemy. Deuxu itxi reare Betel-ki kiata tai tamy rarybere.
|
||||
\v 5 Deuxu Tyhyhykỹ, Deuxu Ibutumy abedeeryre: kaa heka ani rare!
|
||||
\v 6 Kiaremyta Israel iny mahãdu, ixybyle bòdòòsedenyke aDeuxureny dee, aõnaõna wiwi kia òbitimy biwinybenyke kiata tiihyy bityhynybenyke ikiemy.
|
||||
\v 7 Deuxu Tyhyhykỹ rarybere: — Israelita mahãdu heka kananeu mahãdu wesena roire: òbitimy nodu aõkõ roire kia utxiena roihikỹlemy riuhemyhỹrenyre iny witxira ribònyrenykremy.
|
||||
\v 8 Tii boho rarybemyhỹrenyre: “Inatyhymy iny boho iaõdirenymy ityhyreny roire, kia aõnaõna sõemy iny boho ributunymyhỹrenyre iny roireny-di.”
|
||||
\v 9 Kiaremy diarỹ, Deuxu Tyhyhykỹ heka aDeuxureny rare kia Egitu-ribi anatadenydeuhukỹle; diarỹ arasỹnyrenykre kai boho heto riòre-ki ixyby masỹnybenykre, iwese tuu tasỹnymy toitemyhỹ kia diarỹ atxireny reare bedeu bedero tyahãhãkỹ-ki.
|
||||
\v 10 –Diarỹ rarybere profeta mahãdu-ò kia sõemy riitxeredỹỹnyrenyre iruereny ritxuamy; kia urihina rybe reurihire kia rarybereu iny mahãdudeereny profeta mahãdu yhyra-ribi.
|
||||
\v 11 Gileade iny mahãdu tatyhydỹỹnanarenymy rerinanymyhỹrenyre iurenana heka rururenykre. Gilgal-ki broreni hãbu mahãdu aròti xiwena denatyre rurumy roimyhỹre; iurenana heka xiwena denareny mana sõehekỹ ratòòmy rexirahorekre suu raaramy roimyhỹre bedeki.
|
||||
\v 12 Iny hỹỹnareny Ijaò ixiwòtemy rare Mesopotamia bede-ò kiata budoeni-di tarurikidumy raõmysỹdỹỹnyre, hãwyy-my roikre òwymy.
|
||||
\v 13 Deuxu rybe-di Ijohodu yhyramy, Deuxu Tyhyhykỹ Israel iny mahãdu ditadenyde Egitu-ribi kiata idireny taruki raremyhỹ.
|
||||
\v 14 Kia taòrarureny-di Israel iny mahãdu riitxenanymy rikyaradỹỹnyre Deuxu Tyhyhykỹ; iurenana tii riwinykre riòwynyrenykremy kia rubudỹỹ riwinyrenyreki kia rirarytxynyrenykre iaõnaõna binabinareny òrarurenyki.
|
||||
\s1 Israel Ixihuduna
|
||||
\c 13
|
||||
\p
|
||||
\v 1 Juhu bedeu, tiu iny mahãdu rarybemy rỹiramyhỹ Efraĩ ijoi mahãdumy, kia iny witxira ijoi mahãdu ilaureny ruberumyhỹrenyre, kiemy ibutumy eframita mahãdu rityhynyrenymy rỹirenyramyhỹ. Ka tii boho tahe rexiòrarunyrenymy Bali (Baal) ỹnyxiwemy rerinanyrenymyhỹ iurenana heka rururenykre.
|
||||
\v 2 Kia òraruna ixyby riwinymyhỹrenyre, kia womati ritxoo riwinymyhỹrenyre tuu rerinanyrenykremy; kaa mana rỹsỹ òtaòta heka iny widỹỹna rare, kia heka hãbu mahãdu riwinyrenyre, kiaremy tii boho rarybemyhỹrenyre: “Tamy xiwena biwahinybenyke!” Kia tahe iryò dori ruòmyhỹrenyre kaa broreni riòre womati-ò!
|
||||
\v 3 Iurenana heka kaa iny mahãdu riõrenykre biu bede luru txuu ròhònymyhỹre wesemy, yda nonoe wylemy rarubumyhỹre wesemy rudiu, yda horeru wese kia yhy ridymyhỹre wese, yda wàdàsi wese heranawo-ribi ròhònymyhỹre wesemy.
|
||||
\v 4 Deuxu Tyhyhykỹ rarybere: — Diarỹ, Deuxu Tyhyhykỹ, aDeuxureny rare kia Egitu-ribi anatadenydeuhukỹle; diarỹ heka Deuxu sohojihyy rare kai boho teerymyhỹtenyte, kia Deuxu sohojihyy arahedỹỹnyrenyre.
|
||||
\v 5 Diarỹ adireny warukimy raremyhỹ kia bedero tyahãkỹ-ki toitemyhỹ bedeu, kua suu ibe ijõdike aõkõre.
|
||||
\v 6 Kia su wihikỹ-ò terònytenyteu, kai boho arỹsỹnareny rohenymy teitemyhỹ kia awimy atxitenyte; tai tahe aworeny rỹxirenyre ixityhytyhydỹỹnareny-di, kia kai boho tahe waribi õhõtireny rusarenyre.
|
||||
\v 7 Kiaremyta, arahurenykre hãlòe wesemy; kia hãluu ijò-ki aratxirekre ahula wesemy.
|
||||
\v 8 Kia ursa wesemy kia iriòrereny tewasinytenyte, diarỹ aòludurenymy aratxikre kiata awitxitireny arikrokre. Kia hãlòe wese, diarỹ araròrenykre kuakityhyle; kia iròdu deburehekỹ wesemy aradeykaykarenykre.
|
||||
\v 9 Israel iny mahãdu, diarỹ heka arahurenykre; mobo tahe arahedỹỹnyrenykre?
|
||||
\v 10 Kai boho wadee texitòenytenyte adeereny iòlòõ ariwahinykremy kia tule awedurenymy ibutumy hãwa hãwa wedu wedurenymy. Ka timybo tahe tii boho rahenyrenykre?
|
||||
\v 11 Wakyaramy adireny rare iurenana heka adeereny iòlò boho rewahinyrenyre; kia wakyarahyymy adireny watxire, kiata diarỹ aribireny retare.
|
||||
\v 12 –Israel òrarunareny heka raritidỹỹmy roire, iaõna binabinareny tyyriti-ò relemy roire.
|
||||
\v 13 –Kiahe tamy bede rehemynyra Israel ixyby irumy roirekremy, ka Israel tahe teralemy reareri kiemy dori tõhõti roholaõhyyreri; kia iwese uladu iijara iòhòmy roimyhỹre wesemy kiata òlò deramy reamyhỹre wesemy.
|
||||
\v 14 Taita diarỹ aõbohe wasỹreny waijoireny rubu-ribi arihedỹỹnyrenykre? Kia aõbo aritarenykre rubu bedehekỹ-ribi? Rubu heka taõhỹỹhỹỹ-ribi namyhỹde, kia tararytxyna-di namyhỹde! Diarỹ heka idireny waiwobrudỹỹ ihoõkre kaa iny mahãdu-di!
|
||||
\v 15 Kia Israel raumynyke hãre viçosa bederade wesemy Deuxu Tyhyhykỹ iditeònykre iòludureny txuròtena weribi-ribi, kia yhytòtee bedero tyahãkỹ-ribi ramyhỹre wesemy, kia ibutumy raruburenykre bee òlòna mynamyna. Ibutumy hãwakỹ aõnaõna tyhytyhyhyhykỹ rawyrenykre.
|
||||
\v 16 Samaria iny mahãdu rararytxyrenykre kiemy dori Deuxu òludumy rekoarenyre. Hãbu mahãdu rururenykre wounanakre, ulada mahãdu tahe rayreyrerenykre. kia hãwyy mahãdu botomy ryimyhỹrenyre iwereny ratxuatxuarenykre. Hãbu mahãdu rururenykre wounanaki, uladu mahãdu tahe rayreyrerenykre, kia hãwyy mahãdu bòtòmy rỹimyhỹrerenyre iwereny ratxuatxuarenykre.
|
||||
\rem (HOSEA needs to ck words that should be ò not o like ydoosekremy tamy ryre rỹireri. sub title before c14
|
||||
\c 14
|
||||
\s1 Israel Deuxu dee ydòòsekremy tamy ryre rỹireri.
|
||||
\p
|
||||
\v 1 Israel iny mahãdu, Deuxu tyhyhyky-ò bodòòsedenyke, aDeuxureny dee! Kai tariòwyte òraruna tewinyteki.
|
||||
\v 2 Deuxu-ò bodòòsedenyke kiata myỹ maòranymy bexitòenybenykre: Ibutumy waòrarureny biixawidỹỹnymy wadeereny beòbyke, waixitòedỹỹnareny-ò boholake, kia wawiunanareny waxiwenarenymykre kia adee rewahinyrenyreri.
|
||||
\v 3 Assiria heka riwahedỹỹnyrenyke aõkõre, kia iawarureny timy riwaijerenyke aõkõre. Tiu ixyby ararybenyõtyhy aõòtaòta tyhydỹỹnareny-ò, wawidỹỹnareny dee, kia tiiboho heka wadeuxureny rare. Kai, Deuxu, aruxetòena nihikỹdire kiata arukimy atximyhỹte iny mahãdu iaõkõmy rỹimyhỹrenyre mahãdureny-di.
|
||||
\s1 Bede tỹmyra Israel dee.
|
||||
\v 4 Deuxu tyhyhykỹ rarybere: — Wasỹreny waijoireny ariteytenyrenykre ityhy iraykyreny nohõtinareny ribi kiata tureny arerinanykre ibutumy wawo ribi, kiemy dori ixyby wakyaramy aõkõ direny watxireri.
|
||||
\v 5 Kia biulòra wesemykre Israel dee, kia tii tahe rõiròsònykre, noiròsò wesemy. Irarutireny heka sỹymy rỹirenykre Libano bederade wesemy.
|
||||
\v 6 Irade rurureny rateremy rateterenykre. Iruxerare òwòru rarie nihikỹ wesemy kia tỹnyrere Libano òwòru wesemy.
|
||||
\v 7 Kia ixyby Israel ratxikre wawòtena rawoki; tiiboho raumynyrenykre maixõmoni wesemy, kia raratynyrenykre mona besò raty wesemy kia tahe inidehedeherenykre Libano mona besò wesemy.
|
||||
\v 8 Israel iny mahãdu raryberenykre: Mana rỹsỹhỹkỹ, womati ritxoo heka aõke aõkõre. Jiarỹ heka Deuxu tyhyhykỹ rare kia tamy reòbymyhỹre wasỹ waijoi mahãdureny ixitòedỹỹnanare-ò; jiarỹ heka idireny warukimy watximyhỹre. Kia bederade lỹre wesemy, jiarỹ tamyreny iixiwòtenarenymy ariwahinykre, kia waribi tahe tiiboho ibutumy warybe wiwihikỹ rimyrenykre.
|
||||
\s1 Ibutudỹỹna.
|
||||
\v 9 Iny mahãdu bedeeryreny kia iraykydirenyre rierymyhỹrenyre ta tyyriti ijyy kiata idi rõhõtinymyhỹrenyre. Deuxu tyhyhykỹ ryy sõe heka òbitihyymy nodu rare; iny wiwi mahãdu heka idi rariarenykre, ka òrarudu widỹỹdu mahãdu tahe tatiowomy kia rariòwyrenykre.
|
||||
|
|
@ -0,0 +1,92 @@
|
|||
\id JOL
|
||||
\ide UTF-8
|
||||
\rem dat 2004
|
||||
\rem aut Ijeseberi
|
||||
\h JOELI
|
||||
\toc1 JOELI
|
||||
\toc2 JOELI
|
||||
\toc3 jol
|
||||
\mt1 JOELI
|
||||
\c 1
|
||||
\p
|
||||
\v 1 Ka heka rybe wahidỹỹna Deuxu Tyhyhykỹ riwahinyre Joeli dee, Petuel riòre.
|
||||
\s1 Sei Rabròhòkỹ Kia Bede Ruru Binahãkỹ
|
||||
\v 2 Boholabenyke, matuari mahãdu! Juda iny mahãdu boholabenyke! Tuu aõbo rutỹỹnyre aõnaõna binabinahãkỹ Kawesemy , iny txureny bedeu yda iny Hỹỹnareny bedeu?
|
||||
\v 3 Marybebenyke ariòrereny bohodeereny aõherekibo bede rutỹỹnyremy. kia tii boho teriòrereny-ko relyyrenykremy, kia ka boho raryberenykre tuu tariòreriòrereny bohodeereny myỹ.
|
||||
\v 4 Biuwetyyura dirahude kia ixyby sei mahãdu biuwetyyura dirahudenyde, Kia ibutumy alòbròna sõehekỹ riròrenyre.
|
||||
\v 5 Bexixabenyke axaxa mahãdu mahãdureny! Bexixabenyke kiata mahinybenykre Kai boho mona besò-my (vinho) teòarimy atximyhỹtenyte, Kiaremy mona besò raty rexihurenyra, kia mona besò tỹmyra ihoõkre tuu biõbenykemy.
|
||||
\v 6 Sai rabrò dirahudenyde, kia sodadu nihikỹ wesemy kia teburemy, kiata wahãwa su ribyribydỹỹnyrenyre. Txureny heka Halòehekỹ hãwyy wesena rare Kia txuràdesemy Halòehekỹ-hãwyy txu wesemy.
|
||||
\v 7 Wamona besòreny (vinho) òkyreny rahurenyre kia wabederatyreny rahurenyre òwòru mahãdu tyyreny ritarenyre, kia bederade mahãdu iurahyylemy risỹnyrenyre.
|
||||
\v 8 Mahinybenyke iwese ijadòòma rexityynymyhỹre wesemy tarubu-ò, kia ròbumyhỹre tabirena rahi.
|
||||
\v 9 Deuxu rybe-di ijohodu mahãdu, Deuxu deòdu mahãdu, rahinymyhỹrenyre Deuxu Tyhyhykỹ rybena hetoki kiemy doei ixyby ihoõre xiwenamy rawahike byrena kia mona besò (vinho).
|
||||
\v 10 Bede yky rabrò rexihumy ratxirenyreri, suu rubu-ò rahinymyhỹremy ratxireri, kia dori rỹsỹna alòbròna rexihurenyre, kia mona besò òkyreny kia aõòlỹrena boho raruburenyre.
|
||||
\v 11 Mohõti werywerybenyke, kai boho oworu bedeki taaõmysỹdỹỹnymyhỹtenyte; mahinybenyke kai boho mona besò òyky-di tarukimy atximyhỹtenyte; kia dori maini ihoõre kia ajiura node ijõdike aõkõre. Ibutumy alòbròna mahãdu rexihurenyre.
|
||||
\v 12 Mona besò òyky kia bederaty boo raruburenyre; kia rarubumy rỹirenyreri roma bederaty boho, horeni mahãdu, maçã mahãdu kia ibutumy ijõ mahãdu bederade iratydimy rỹimyhỹre mahãdu! Iny mahãdu ibutumy bede riryrymy rỹirenyreri.
|
||||
\v 13 Deuxu rybe-di ijohodu mahãdu, kai boho tewahinymyhỹtenyte xiwena dena tyre-ò, bexityynybenyke tyy yxeyxereny-di kiata mahinybenykre. Deuxu deòdu mahãdu, bòdòidenyke Deuxu rybena heto ube-ò kiata ruu iyhyõmy mahinybenykre. Kiemy dori iny Deuxureny hetoki ixyby rỹsỹnaõ rỹiõhyyreri kia mona besò rỹike aõkõ.
|
||||
\v 14 Deuxu rybena hetoki rybe ibutumy rỹikemy marybeke kiata sohoji txu-my inarehe rỹikremy marybekre. Bibutunyke wedu ninihikỹ mahãdu kia ibutumy juda iny mahãdureny Deuxu rybena heto-ki, iny Deuxureny.
|
||||
\v 15 Aõhere taheka! Rehemynymy rareri Deuxu Tyhyhykỹ txu, kia heka Irurutere Nihikỹ bede ixihiduna kidiwykre. Kia aõhe-wana sohoji txuuhyyle bede binahãkỹ relekre!
|
||||
\v 16 Iny boho aõ riwinyrenyõhyyrenyreri, iny boho robirenyre iny alòbrònareny rexihuremy. Iny Deuxureny rybena hetoki bedesana ihoõhyyre kia ixena ijõdike aõkõre.
|
||||
\v 17 Bede yky irubumy rỹimyhỹre alòbrònaty ruhunyõhyymyhỹre; kia maini raheke aõkõre, kia alòbròna aõwi hynareny rejujumy rỹireri rayreyremy.
|
||||
\v 18 Iròdu robumy rỹireri ramadesemy, broreni mahãdu rõhõti werywerymy rariamy rỹireri tiweribi weribi-my, kiemy dori asi ihoõreki. Budoeni boho tule rururenylereri.
|
||||
\v 19 Diarỹ adee raryreri rahinyreri, Deuxu Tyhyhykỹ! Bederade mahãdu kia asi mahãdu rarubumy rỹirenyreri, iwese heòtyõ riworonymyhỹre wese ibutumy.
|
||||
\v 20 Kia iròdu iròdu mahãdu deburereny dori adee rexitòenyrenyreri ixihedỹỹmy, kiemy dori bero mahãdu ruỹrenyra, kia ibutu bede bedemy bede rubu asi rahurenyre.
|
||||
\c 2
|
||||
\s1 Seimahãdu Kia Deuxu Tyhyhykỹ Txu
|
||||
\p
|
||||
\v 1 Ajuròna sõe-di burònybenyke Siaõ bede ratòòki, Deuxu bede ratòòki mawodỹỹbenymy birajuabenyke! Brebumy mamytàtàbenyke, Juda iny mahãdu, kia dori rehemynymy rareri Deuxu Tyhyhykỹ txu.
|
||||
\v 2 Kia heka sohoji txu ru-my kia bedeluruhukỹmy rỹikre, sohoji txu-my biurawetyyura turumy rỹikre. Sei mahãdu adeburemy rekoamyhỹrenyre iwese sodadu ruru ninihikỹ rekoamyhỹrenyre wesemy, iwese biuwetyyura luru hãwalò hãwalò rihetynymyhỹre wesemy. Tiu bede txuu tuu rutỹỹnyõhyyre kawesemy juhu bedeu kia tiu tuu rutỹỹnyõtyhy ijõ wyra wyra bedemy.
|
||||
\v 3 Tii boho ibutumy rirònymyhỹrenyre, heòty wesemy, iwese heòty ratoodỹỹmyhỹre kiata rihumyhỹre. Komy kiditehemynydenykre koki, suu biuluruhuhỹkỹmy roimyhỹre; ka irahudi ditehemynydenydeu tahe, tii bedelyty wesemy relere. Sei mahãdu ibutumy aõnaõna rahurenyre.
|
||||
\v 4 Tii boho heka awaru wesena roire kiata raijaranymyhỹrenyre awaru mahãdu woumy rekoamyhỹrenyre wesemy.
|
||||
\v 5 Rawayrytòmy dòimyhỹdenyde hãwalò hãwalò rariehekỹ-di rawodỹỹnyrenymy iwese ityti heòty rabrò woumy rirahumyhỹre wesemy, iwese heòty bederade ruru riworonymy ramyhỹre wesemy. Kia iwese sodadu sõehekỹ rateòdỹỹmyhỹre wesemy wimynamy aõbinamy rekoarenykremy.
|
||||
\v 6 Tii boho raaõbinanymy roimyhỹrenyre, kiata ibutumy iny mahãdu brebumy ramytàtàmyhỹrenyre, ibutumy iòtireny rỹrenyrenymyhỹre brebumy.
|
||||
\v 7 Tii boho aõbinamy rekoamyhỹrenyre iwese sodadu mahãdu deburehekỹreny wesemy; raijaranymyhỹrenyre, adobo uhuari weti-di raòwònymyhỹrenyre kia tuhyy ikiemy raaõbinanymyhỹrenyre. Ririranymy roimyhỹrenyre ryy òbiti-di
|
||||
\v 8 kia wii ritorutorunyöhyymyhỹrenyre, kia dori iny sohoji sohoji tary mynamyna-di ramyhỹre. Ikiemy takoòhyy ririranymy ròimyhỹrenyre, kia aõ tebònareny-di ribrebunymy ritxuhudỹỹnyrenyke aõkõre.
|
||||
\v 9 Tii boho hãwa hãwa-ò aõbinamy rekoamyhỹrenyre, kia heto heto weti-di raòwònymyhỹrenyre kia heto rurerure-di rirònymyhỹrenyre wasidu mahãdu wesemy.
|
||||
\v 10 Kia rexitxuhunyrenymy aõkõ rekoamyhỹrenyre, kiata suu ramytàtàmyhỹrenyre, biuwetyy ramytàtàmyhỹre, txuu kia ahãdu rexilurunymyhỹrenyre, kia taina mahãdu rarỹsỹnymyhỹrenyre-ribi ixawirenyre.
|
||||
\v 11 Tasodadureny koki, Deuxu Tyhyhykỹ katxiterehekỹmy tarybe riwahinymyhỹrenyre. Exércitu heka inihikỹrenyre, kia isodadureny tahe teburerenyre! Kiahe ibinatyhy rare Deuxu Tyhyhykỹ txu! Mobo tahe riijekre!
|
||||
\s1 Deuxu Tasỹmy Taijoimy Rerinanyre
|
||||
\v 12 Deuxu Tyhyhykỹ rarybere: “Ka tahe wiji wadee bòdòòsebedenykre ibutumy aworeny-wana, benarehebenymy mahinybenymy bobubenymy arubereny bitxiwibenymy.
|
||||
\v 13 Ixideereny texirahetenyte deòsinamy, uritre atyyreny yrayrarenyõmyreny, kiaaworeny tahe aõwaxina tukre.” Deuxu Tyhyhykỹ-ò bòdòòsedenyke iny Deuxureny, kiemy dori tii awihikỹre kia inydee tòedu nihikỹ rare; kia ywimy nodu rare kia sõemy inymy rerinanymyhỹre kia ikiehyy rexihumy ratximyhỹre tarati riwiurònykremy kia rarytxydỹỹmy aõkõ.
|
||||
\v 14 Aõhe-wana Deuxu Tyhyhykỹ, iny Deuxureny, tarati riwiurònyre kia tarybe wihikỹ riwahinyre tasỹ taijoideereny, tamyreny riwahinyrenyremy alòbròna redena wihikỹ. Tai tahe kai boho aõwaxina Deuxu dee biteòsinybenykre xiwena rỹsỹna kia mona besò (vinho).
|
||||
\v 15 Tambu biwodỹỹnybenyke Siaõ bede ratòò-ki! Tuu marybebenyke sohoji txuu inarehena tyhyna rỹiremy kiata iny mahãdu-di biwisỹbenyke Deuxu rybena heto-ki rexibutunyrenykemy!
|
||||
\v 16 Ibutumy iny mahãdu bibutunybenyke kiata tamyreny marybebenye tii boho rexisuhòsuhòrenykemy. Kia ibutumy ydòidenykre, matuari mahãdu senadu mahãdu kia uladu mahãdu kia uladu sõmo huỹtòdu mahãdu dorile. Kia hãwyy-my hãbu-my heridu tỹmyra mahãdu tahetoreny-ribi ydòhònydenymy Deuxu rybena heto-ò ydòidenykremy.
|
||||
\v 17 Kai boho Deuxu rybe-di ijohodu boho, Deuxu rybena heto ube-ki Deuxu Tyhyhykỹ dee maaõmysỹdỹỹnybenykre, mahinybenykre bobubenykre kiata kawesemy bexitòenybenykre: “Deuxu, uritre asỹreny aijoireny rarytxydỹỹrenyõmykre! Uritre wamynarỹỹrenyõmy iny witxira mahãdu rurenyki Kia tii boho wadireny risinyrenykelau kia myỹ rỹỹraxirenykre: ‘Titxibo tahe rare aDeuxureny?’ “
|
||||
\s1 Deuxu Ixybyle Su Dee Tarybewihikỹ Riwahinyre
|
||||
\v 18 Taita Deuxu Tyhyhykỹ riteòsinyre taaõmy derinana nihikỹ tasudee kiata tasỹ-di taijoi-di rexiwobrunyre.
|
||||
\v 19 Kia rirawyònyre: “Ka tahe wiji adee ariwahinykre alòbròna, mona besò (vinho) rỹsỹna adỹỹ; kawesemy tahe kai boho biroxibenykre kiata awityhymy matxibenykre. Tiu ixyby arawahinyrenyötyhy iny witxira mahãdu adireny risinyrenykemy.
|
||||
\v 20 Irehemy aribireny ariteònyrenykre sei rabrò binahãkỹ ibràra-ribi dirahudenyde kiata bedero tyahãkỹ-txi idireny arehukre. Sei rabrò komy kanakre kia ididehureny Bero Rubuhukỹ-ò rỹirenykre, kia ihewomy ydòidenykre mediterrâneo Bero-txi rejujurenykre. Sei rabrò rubu boho, sõemy rasunyrenykre, kiata sõemy rarònyrenykre. Diarỹ aõnaõna ninihikỹ ariwinykre!
|
||||
\v 21 Beysabenyke bijiu mahãdu, kia uritre breburenyömy, kiemy dori Diarỹ Deuxu Tyhyhykỹ, aõnaõna ninihikỹ rewinyre!
|
||||
\v 22 Iròdu iròdu bederahy ludu uritre breburenyõmy, kia dori asi rỹrenykre, bederade mahãdu raratynyrenykre, kia sõemy mona besò raty ijõdikre (vinho).
|
||||
\v 23 Beysabenyke, Jerusalë-ki hãwadu mahãdu, kiemy dori Diarỹ Deuxu Tyhyhykỹ aDeuxureny, inihikỹmy aõnaõna rewinyre. Diarỹ adeereny rewahinyre biulòra tiweseubo ròamyhỹre mynamy òbitimy, wyra kia noiròsò bedeu sõemy biu ròare, ijõ wyra ixawire wesemy.
|
||||
\v 24 Maini alòbròna heka awimy rahekre, kia sõemy mona besò raty (vinho) ijõdikre kia sõemy rỹsỹna adỹỹ ijõdikre.
|
||||
\v 25 Ariwahinykre ibutumy adeereny aõbo aribireny riõrenyre tiubo diarỹ adeereny reteònyre inihikỹmy biuwetyyura sei rabrò, kia sodadeu mahãdu wesemy, kia rihurenyre alòbrònareny.
|
||||
\v 26 Kai boho arỹsỹnareny ijõdirenykre ihyyta urile irỹsỹreny araõjinyrenykre kiata Deuxu Tyhyhykỹmy aDeuxurenymy berinanybenykre, kia sõemy atyrereny tarybewihikỹ ritxiwire. Kia wasỹreny waijoireny tiu ixyby anarỹỹnamy rekoarenyõtyhy.
|
||||
\v 27 Kai boho bede bierybenykre kia diarỹ awanareny watxirerimy; bede bierybenykre diarỹ Deuxu Tyhyhykỹ, diarỹ heka aDeuxureny raremy kia ixyby Deuxu witxiraõ ratxiõhyyre. Kia wasỹreny waijoireny tiu ixyby webòhònamy anarỹỹnamy ratxirenyõtyhy.”
|
||||
\s1 Deuxu Tyhyhykỹ Txu
|
||||
\v 28 Deuxu Tyhyhykỹ rarybere tasỹ taijoi dee: “Irahudita diarỹ atyrereny watyytybytyhy ibutumy atyrereny aritxiwikre: Ariòrereny weryry mahãdu kia hirari mahãdu relyyrenykre warybe bededỹỹnanamy; matuari mahãdu rarasinyrenykre, kia weryrybò mahãdu tahe iruereny ruarenykre reteherenymy.
|
||||
\v 29 Kiata hãwyy mahãdu wetxumy hãbu mahãdu wetxumy rỹimyhỹrenyre dori tyre diarỹ watyytybytyhy aritxiwikrfe kua bede txuu!
|
||||
\v 30 Ariwinykre ròhònykremy aõnaõna brebuna biuwetyyki kia su-ki: Ijõdikre hãlubu kia heòty kia biuwetyy wàdàsi.
|
||||
\v 31 Txuu rurunykre, kia ahãdu tahe hãlubu wesemy relekre, kia komy edehemynykrekoki bede binabina nihikỹ Deuxu Tyhyhykỹ txu.”
|
||||
\v 32 Taita ibutumy rexitòenyre mahãdu Deuxu Tyhyhykỹ wiòhedỹỹnamy kia mahãdu rahenyrenykre. Kiemy dori Deuxu Tyhyhykỹ tuu rarybere ibutumy kia rexihurenyõre mahãdu kia Siaõ bede ratòò-ki ratxirenykre, Jerusalë bede-ki. Kua mahãdu Deuxu Tyhyhykỹ ritare kia rahenyrenykre.
|
||||
\s1 Deuxu Hãwa Hãwa-marybekre
|
||||
\c 3
|
||||
\p
|
||||
\v 1 Deuxu Tyhyhykỹ rarybere: — Kua bedeu ariwinykre kia Jerusalë mahãdu Juda mahãdu ixybyle ròraòrenykre.
|
||||
\v 2 Taita iny mahãdu hãwahãwamy ibutumy rỹimyhỹrenyre aributunyrenykre kiata Josafa iwory bede-ò aridyrenykre ibedeki tahe tamyreny ararybekre mobo òbitimy rỹimyhỹre mobo òbitimy aõkõ rỹimyhỹrenyre. Diarỹ kawesemy tamyreny ariwinykre iaõòtaòtareny òraruki, kia riwinyrenyre Israel iny mahãdu òludurenymy, kia iny mahãdu ixidee ritarenyre: riubỹtỹnyrenyre israelita mahãdu hãwa hãwa bede bedemy kia wahãwa wilemy ritxuatxuarenyre.
|
||||
\v 3 Nii ritamyhỹrenyre mobo ratxikremy waijoi mahãdureny brejudu-di ratxirenykremy; rohonyrenyre weryry mahãdu-di hirari mahãdu-di wetxu wesemy kia nieru rahurenyre wedena mahãdu-kia mona besò-ki. (vinho).
|
||||
\v 4 — Tiro iny mahãdu kia Sidõ iny mahãdu kia ibutumy Filístia iny mahãdu, aõmybohe wadi atxitenyteri? Wadee aõbo bexiòwynybenykemyrenyreri aõbo? Txibo tuu tesỹnytenyteri-wana, taita diarỹ tule rexihumy watxireri adeereny arexiòwynyrenykremy!
|
||||
\v 5 Kiemy dori kai boho tewòtenyte wamana rỹsỹ òtaòta wamana rỹsỹhỹkỹ kiata ibutumy kaa waityhyna teliditenyte aaõmysỹdỹỹna hetowo-ò.
|
||||
\v 6 Kai boho tedytenyte Juda iny mahãdu kia Jerusalë-ki hãwadu mahãdu irehemy isureny-ribi kiata idireny tahonytenyte wetxu wesemy Grego mahãdu dee.
|
||||
\v 7 Diarỹ adidydenykre wasỹ waijoi mahãdu ixybyle kua bede rehehekỹ-ribi kiata adeereny ariwinykre iwese tamyreny tewinytenyte wesetyhyle.
|
||||
\v 8 -Kia ariwinykre ariòrereny weryry ariòrereny hirari idireny ijoho rỹirenykre wetxu wesemy Juda iny mahãdu-ò, kia tii boho tahe idireny rohonykre Sabuseu mahãdu-ò, iny mahãdu isureny irehemy karibi rỹimyhỹrenyre. Diarỹ Deuxu Tyhyhykỹ tuu rarybereri.
|
||||
\v 9 –Tuu marybebenyke iny mahãdureny-ò, sodadu-ò byrybenyke kia ibutumy tii boho rexideòsinyrenykremy, kia rexiywinyrenykremy wouna-ò.
|
||||
\v 10 Asureny aradureny birahòrebenyke tõnorimy kia amayrabureny tasỹ mayremy biwinybenykre. Kia ityhyõmy irurutereõmy rỹimyhỹrenyre deereny marybebenykre teburerenymy ratxirenykremy!
|
||||
\v 11 Wylemy bòdòibedenyke, ibutumy hãwa hãwa birerenymy atximyhỹtenyte kiata iworyki bexibutunybenykre! Kia iinytyhymy ywimy rỹimyhỹrenyre dori sodadu-my rexirahòrerenykre!
|
||||
\v 12 Bexiywinybenyke, ibutumy iny mahãdu hãwa hãwamy rỹimyhỹrenyre boho, kiata Josafa iwory-ò bòdòidenykre, kiemy dori tai diarỹ Deuxu Tyhyhykỹ arahitxihitxinyrenymy aratarenykre ibutumy iny mahãdu hãwa hãwamy rỹimyhỹrenyre ibirerenymy rasỹnymy rỹimyhỹrenyre.
|
||||
\v 13 Kia hãwa hãwa mahãdu òrarunareny heka sõetyhyrenyre, kia tii boho rakròkròrenykre mairu luru wesemy rahemyhỹre bedeu; kia ityrereny làma rỹirenykre iwese mona besò (vinho) raty tyre làma rỹimyhỹre wesemy hynaro-ò rejujumyhỹre wese, ihyy tahe mona besò (vinho) rejujumyhỹre.”
|
||||
\v 14 Iny mahãdu sõereny ixyby iny mahãdu sõereny ritỹxinyrenykre Josafa iwory; kia iòhòmy namyhỹde Deuxu Tyhyhykỹ txu, Josafa iwory bedeki rỹikreki.
|
||||
\v 15 Txuu kia ahãdu rurunyrenykre, ka taina mahãdu tahe rarỹsỹnyrenyõrenykre.
|
||||
\s1 Deuxu Tasỹ Taijoi Dee Tarybe Wihikỹ Riwahinykre
|
||||
\v 16 Siaõ bede ratòò-ribi Deuxu Tyhyhykỹ katxiterehekỹmy rarybere, irybe wodỹỹ heka biumyta wesena rare. Jerusalë-ribi roholarenyre Deuxu rybe wodỹỹ nihikỹ-ò, kia biuwetyy boho su boho-wana ramytàtàrenyre! Ka tii tahe riekre kia riwokre Israel iny mahãdu.
|
||||
\v 17 Deuxu rarybere tasỹ-ò taijoi-ò: “Kawesemyhe kai boho biwaerybenykre diarỹ Tiiemy nodu tyhyhykỹmy raremy, aDeuxurenymy. Diarỹ Siaõ-ki rahãwanymyhỹre, waha bede ratòòhòkỹki, Jerusalë heka hãwa tyhyhykỹmykre, kia iwitxira hãwadu mahãdu tiu rimyrenyõtyhy.
|
||||
\v 18 Kua bedeu hãwalò mahãdu rahetymy
|
||||
|
|
@ -0,0 +1,186 @@
|
|||
\id AMO AMOS (Haeli ? =Isaeli - c1:v1a,1c, v11; c 4 /hd)
|
||||
\ide UTF-8
|
||||
\rem C4:1-6 (DAVID’S DRAFT), (9:5 to trans)
|
||||
\h Amos
|
||||
\toc1 Amos
|
||||
\toc2 Amos
|
||||
\toc3 amo
|
||||
\mt1 Amos
|
||||
\c 1
|
||||
\p
|
||||
\v 1 Ka heka rybe Haeli mahãdu bededyynana rare Deuxu Amos dee riwahinyre, budoeni-di loredumy Tekoa hãwãludu. Kiahe tuu rutyynyre inatxi wyramy suu ramytatare koki, Uzia Juda Iòlòmy raremyhy bedeu, Jeroboaõ Joas riore tahe Haeli Iòlòmy aremyhy.
|
||||
\v 2 Amos rarybere: — “Siaõ hawalo Jerusalẽ-ki, Deuxu tarurumy narybemyhyde irybe wodyy biumyta wesemy. Bederoasi raytenymyhyre, ihare ibutumy rarubumyhyre Karmelo Hawalo bedeki”.
|
||||
\v 3 Deuxu weduhuky rarybere: — Damasy (Damasco) mahadu, sõemy oraruna riwinymyhyrenyre, sõetyhymy, taiki aõhykymy arisynyrenykre. Tiiboho Gileade mahadumy raryynyrenyre ityrereny aririradyynykre rurawona womatimy jurá
|
||||
\v 4 Taiki tahe ariworonykre heotydi Hazael Iòlò heto, kaa iwo lê risõkre tule ijõ heto Benhadade Iòlò horõ.
|
||||
\v 5 Arotynykre Damasy hawarotena tobona-ò ibutumy arahukre Biqueate-Avem tule Bete-Eden, riwedumy ryimyhyre mahadu. Siria mahãdu aritaataamy aridyrenykre Quir suo. Diary wedutyhy rarybereri.
|
||||
\v 6 Deuxu weduhuky rarybere: — Gasa mahãdu sõemy oraruna riwinyrenyre, taiki kynyhe aõhykymy arisynyrenykre. Tiiboho ridyrenyre taataanamy ihawaludu mahãdu ridyrenyre tule idi rohonyrenyre Edom mahãdu wetxumy.
|
||||
\v 7 Tai tahe heotydi ariwosinykre Gasa wotena, rahukre ihawaludu mahãdu tyhyna.
|
||||
\v 8 Arikõdyynykre Asdoke Iòlò boho Ecrom hãwãarahukre ijõ filisteu mahãdu tule arihukre Diary weduhuky rarybereri:
|
||||
\v 9 Deuxu weduhuky rarybere: -Tiro mahãdu sõemy oraruna riwinyrenyre sõereki kynyhe aõhykymy arisynyrenykre ridyrenyre taataamy Edom bede-ò hãwãwitxira mahãdu tiiboho wana widee biowamy roirekremy raryberenyre harele.
|
||||
\v 10 Taiki Tirohãwãwotena aritokonykre tii heotyle ihãwãtyhyna ritoonykre.
|
||||
\v 11 Deuxu weduhuky rarybere: — Edom hawaludu mahãdu oraruna riwinyrenyre sõemy, sõetyhyreki tahe diary aõhykymy arisynyrenykre. Taseriore boho deehekyle woumy rekoarenyre, Haeli mahãdu taiki tamyreny ratoenyõtyhy. Edonita mahãdu debure ixawiõhykyre, kiemy roludumy roiremyhy
|
||||
\v 12 Taitahe Temy hãwãheotydi ariwosinykre, kaa iheotyle Bosra ruruterena riwosinykre
|
||||
\v 13 Deuxu weduhuky rarybere: — Amon hãwãludu mahãdu oraruna sõemy riwinyrenyre,sõetyhyreki, diary aõhykymy arisynyrenykre. Wou rohonykre bedeu timahadubo Gileade hãwãtahawamy rimyrenykremy, ibedeu tahe tiiboho hawyy botomy ryimyhy mahady weryri ritxuarenyre.
|
||||
\v 14 Tai tahe, Raba hãwãrotena heotydi arisõkre iheotyle iahãwãruruterena riwosinykre. Sõemy wou rohonykre, habu ryrymy raaõbinanyrenykre.
|
||||
\v 15 Iòlò wedu mahãdu wana taataamy rirahukre. Diary wedutyhy rarybereri.
|
||||
\c 2
|
||||
\p
|
||||
\v 1 Deuxu weduhuky rarybere: — Moabi mahãdu soemy oraruna riwinyrenyre soetyhyreki Diary aõhykymy arisynyrenykre. Edom Iòlò umy di risinyrenyre, riwosinyrenyre tuhyky helotyramy relere.
|
||||
\v 2 taiki tahe Moabi hãwã ariworonykre, iheotyle Queriote tyhyna risokre rahukre. Wou ioharumy rohonykre, soldadu mahãdu rirajuarenykre wiuna ruronykre, tahe ijoi rexihukre.
|
||||
\v 3 Moabi Iòlò tule wedu mahãdu iludu arihukre. Diary wedu rarybereri.
|
||||
\v 4 Deuxu weduhuky rarybere: — Juda hãwã mahãdu oraruna riwinyrenyre, soetyhyreki diary aõhykymy arisynyrenykre. Tiiboho wa*Lei deramy rekoarenyre tule warybe konamy rekoarenyre.deuxu deosa riwowydynymyhyrenyre tahyynareny mahãdu wesemy
|
||||
\v 5 Taiki tahe Juda hawaariworonykre, iheotyle Jerusalẽ tyhyna risokre.
|
||||
\v 6 Deuxu weduhuky rarybere: Israel hãwãmahãdu oraruna riwinyrenyre soetyhyreki diary aõhykymy aresynyrenykre. Iny obiti wetxu rohonymyhyrenyre tumy tewe riowyke ihokore iny iaõkodi. Tule, tawa wyo riowynyke ihokore.
|
||||
\v 7 Iherenymy reamyhyre riobinany myhyrenyre, iaõko mahãdu tule ribony myhyrenyre iny ityhynaihoko. Tyby tariore wana hawyy wedena dee otaõtamy reamyhyre rejana woki, tai tahe ixyruna riwahiny myhyrenyre wanimy.
|
||||
\v 8 Aõtxile xiwena obitio bireki tiiboho roruku myhyrenyre tyy owymy rawahimyhyre tyre, Deuxu witxira xiwena rawahi myhyre rirysy myhyrenyre.mona riwyrenykremy nieru wasina ribi rimymyhyrenyre-di riwymy hyrenyre.
|
||||
\v 9 Kai boho ohotireny aõborusare amoheu mahadu-ò rewinyre ribi? irurutere diary rehure habu mahãdu rarierarie oworu wesena kie tyhylemy rehurenyre.
|
||||
\v 10 Diary heka anatadenyde egito ribi, quarenta wyramy adireny ratarukire bedebure tyaki suu ahawarenymy rewahinyre .amoheu mahãdu horo.
|
||||
\v 11 Ariorerenyo retare rybedi ijohodu rarekremy ijo tasy nazireu my. Kiawesemy aõbokynyhe rewinyre.
|
||||
\v 12 Kai boho mona nazireu mahadu-ò biwahiny benykre rybedi ijohodu lau warybemy rybe bitoenybenykre.
|
||||
\v 13 Kiaremyhe! Atyrereny soemy oraru aritidikre, ureny bimytanybenykre, mainidi itxyyna wesemy rawoodyynykre.
|
||||
\v 14 Mobo tarurumy reamyhyre tiu rahenyotyhy, irurutere mahadu, iruru rexihukre, ibrebutere rohedyyotyhy.
|
||||
\v 15 Habu xiwahate wyhymy debonadu tiu rotarenoytyhy, tiu irurenyotyhy, tule mobo tatimy hedumahadu, awaru tyre ludu mahadu.
|
||||
\v 16 Itxuu soldado tebure mahãdu dorile tamyawadi rehurenykre tasy rihenykre. Diary weduky rarybereri.
|
||||
\c 3
|
||||
\p
|
||||
\v 1 Israel mahãdu bydoholabeny Deuxu eweduky rarydere abededyynana renymy tii Egito ribi ditadenyde.
|
||||
\v 2 Ibutumy hãwãribi kaiboho aratarenyre wahoromy. Taiki ijodi aõhokymy butyynybenyke. Ibutumy oraruna, tewinytenyki.
|
||||
\v 3 Iny aõbowiwona titxi ramyhy wii riteoarinyodi juhumy?
|
||||
\v 4 Bedebure haloe aõborawolohamyhyo bedekyki tadotxi rahaõdi. Bede bure haloe aõbotxuu rimytanyke haluuwooki iroduo rimyohykykeki.
|
||||
\v 5 Nawiio aõbobotoruki releoribi tuu reake? Irodu rubuna aõboreleke iroduo rimyko hykykoki.
|
||||
\v 6 Jurona ruronyke deoarinamy, ixymahãdu aõboilau rubeotyhy. Ierykonamy aõbinaõ hãwãtyre resemyhyre. Deuxu weduhuky tuu riywinyrekodi?
|
||||
\v 7 Deuxu weduhuky aõbotarybedi johodu riteoarinyodi aõ riwinymyhyre tamyreny?
|
||||
\v 8 Bedebure haloe rawolohamyhyreu mobohe ruberuo myhyre Deuxu weduhuky rarybemyhyreu, mobo irybemy rarybeomyhyre.
|
||||
\v 9 Asdode hetoki tule Egito. Biteoarinybeny kiawesemy. Bexibutunybeny mana hawalo Samaria wesimy ryimyhyre tahe beteheny aõ obitiomy ihawaki relemyhyre tai wii rirubunymy hyrenyre.”
|
||||
\rem v 10-15 Mawysi translated below to be ck
|
||||
\s1 Iny rexirahekre bdedȳȳnana
|
||||
\v 10 d kiamy Deuxu rarybere: —Samaria ijoi mahãdu aõ widȳȳ rieryõre òbitimy, kia ihetoreny sõwemy wasinadi rȳimyhyre ibinabina bròrbi.
|
||||
\v 11 Taiki ihãwareny iòludu mahãdu idireny rirurawonyre, ritxiwire butumy tule riwyrenyre butuny iaõnareny kai heto-rbi.
|
||||
\v 12 Deuxu rarybere: —kia leão rimywna budoeni, taita iwedu aõhewna iwainatxile rihedȳȳnymyhȳre kiakõmyaõbo sohojile. Iwysetyhyle tahe rahenykre aõtxi-aõtxi-my kia hãwadu mahadu, wiji tahe bexielehynymy kia herinawiky-ki.
|
||||
\v 13 Boholabeny kaa warybeò tule kaa ibinamy ararybekre wasyò, kia Jaco riokoreboho-my Deuxu ruruterehikȳ rarybere.
|
||||
\v 14 Tiubo diarȳ ibina awinykreu Isrel mahadudee kia ibina riwinyrenyre òraruki, aritxiwikre Betel xiwena heto. Butumy inaubiowa werbi kia rȳira tai tahe sotxi kia resekre.
|
||||
\v 15 Aritxiwikre kaa beòra, wyra hetona; hetowihky rȳira, kaa iwertidi rȳira marfim heto, butumy rejujukre. Diarȳ, aõni, Deuxu tuu rarybereri.]
|
||||
\rem DRAFT DLF: 11:26 19/4/2003 — 06:05 21/4/2004
|
||||
\rem Has to be checked by an Iny translator - XEROXED TRIAL PUB.: HARD cOPY
|
||||
\rem c 4 Haeli mahãdu ribedeeryõmyhỹra-Israels Failure to Learn
|
||||
\rem Missing Verses 4:1-6
|
||||
\rem Iny rexirahekre bdedȳȳnana
|
||||
\rem v7-13 Mawysi translated below to be ck
|
||||
\c 4
|
||||
\p
|
||||
\v 7 Biu ròakemy rewahinyõre inaõtaõ ahadumy kia alòbròna rahekrekoki, rewinyre biu ròakremy hãwãtxi ijotxi tahe aõkõre, ròare alòbròna tyre ijotxi tahe aõkõre tai ruȳre.
|
||||
\v 8 kia iny mahãdu sõwemy bee riemy rariare hãwãhãwã-my tai tahe itxi rekoakõre sõwemy tule ibutemyke aõkõ kia bemomo hynamy. Iharele ta kaiboho wadee tòòsetenykõte. Diarȳ, Aõni, kiahe raryberei.
|
||||
\v 9 Diarȳ he yhy tòteedi rehure tule kia iròdu sõmydi alòbròna kia kytxi; iròdusõmo rahure alòbróna rȳira. Tule iharele waki atxikõte.
|
||||
\v 10 retxiwire atyrereny iròdu sõmo kia reteonyre Egito dee. Rewinyre jyre mahãdu rurukremy kia wouna bdereheki tule rewinyre aòludureny riwykremy awaru wouna-rbi oty. Tule rewinyre bderò robtykre butumy hãwãmy. Iharele wawe-rki atxikõtenyte. Diarȳ Deuxu tuu rarybereri.
|
||||
\v 11 - Diarȳ rehure kia hãwã, Sodoma Gomorra wsemy; kaiboho tehenyte bderade wsemy kia burubenyke rybileiny. Iharele wawe-rbi atxikõte.
|
||||
\v 12 kiawyseki Israel mahãduò ibina rewinyre. Kaa ibina awinykreki, bexiynybeny Deuxu wna witxi beakrémy. Diarȳ, wedunihikȳ tuu rarybereri.
|
||||
\v 13 Deuxu hãwãlo rȳira riwinyre tule riwinyre wyhy.
|
||||
\q Tii riteòsinymyhȳre tabdedȳȳnana iny mahãduò.
|
||||
\q Tii riwinymyhȳre txuu rumy tule rariamyhȳre hãwãlo tyredi.
|
||||
\q Kia iny rare: Deuxu, aõni ruruterehȳkȳ.]
|
||||
\c 5
|
||||
\p
|
||||
\v 1 Israel ijoi, bdoholake diarȳ wiù bdèrȳȳ reryryreriò umurèny tule umyrèny arybereri:
|
||||
\v 2 Israel, iruxera tule tyra Ijodoma wse, rariòwy tule tiu rȳiõkre! Rariòwymy roi tasudiòbiti, iny riwiohenanyõtyhy!
|
||||
\v 3 Deuxu rarybere: - kia hawaõ habu mahãdu woùmy ritèònykre-wna, cem lemy irumy kdoosèkre; kaa cem my habu rakrewna dèbò ituwèmy kdoosèkre.
|
||||
\v 4 Deuxu Israel mahãduò tuu rarybere: -wadèè bdòòsè umudi atxikrèmy.
|
||||
\v 5 urile tahe waitxesekõmykre Betel-ki, tule Gilgal-ki, tulesȳ Berseb-ki, Gilgal mahãdu radykre rotènamy tahawa-rbi irèhèmy, taita Betel hawa ibinamy roikre.
|
||||
\v 6 Bòòsèbènykè Deuxu-ò tai kaiboho matxibènykre sõwèmy. Kaa bòòsébènyõkrè-wna, tii heòty wsèmy resekre ihukrèmy Israel kia hawa, kia Betel-ki tiu mõõ heòty riturinyõtyhy.
|
||||
\v 7 Aõwiwi rèlèkolèmy urile ãobinabina tewinytèny tule iny tètyhynykotè.
|
||||
\v 8 Deuxu riwinyre butumy taina,
|
||||
\q Sete-Cabrinha
|
||||
\q Tii ruu txumy riraòrèmyhȳre
|
||||
\q Txuu ruu-my riraòrèmyhȳre
|
||||
\q Tii berohkȳbè-ò ryrymy kia ritxiwimyhȳre sutyrè.
|
||||
\q Anihe Deuxu rare.
|
||||
\v 9 Tii irurusõwè mahãdu rahumyhȳre tule kia iaõwiwirèny.
|
||||
\v 10 kaibooho tuu tadonymyhȳtènyte òbitimy rybèna mahãdumy tule ityhydȳȳdumy;
|
||||
\v 11 kiaboho urile ityhykõ-pobri dèbònyhytènyte bdèraty iòwyhkȳmy tamyrèny teijemyhȳte. Taiki kaiboho tiu irèhèmy matxibènykõtyhy ahètòrènywihykȳki tule tiu biõbènyõtyhy kia monaso wihikȳmy parreira lòbròna.
|
||||
\v 12 Diarȳ sõwèmy rèèry ibinabina tèwinytènytè iharèmy iùtxietyhyre aòranarèny. Kaiboho urile idi tèsinytènyte iny òbiti rȳiradi, inieruó urdèòbymy urile aõ ibina idi tewinytèny tule iny inierukõmy rȳira tètyhynytènyõtè.
|
||||
\v 13 Tuu rawowydykõmyhȳre mobo irakydimy rȳira bdèsiraù rarybèkõmyhȳre!
|
||||
\v 14 Biwinybènyhymy ãobo òbiti aõ ibina aõkõ, taiki matxibènykre. Taiki òbitimy marybèbènykre kaa heka Deuxu aõni awnarèny ratxirèri.
|
||||
\v 15 Aõbo ibina rȳiramy madònyhybèny tule bèrinanymy aõbo awi rȳiramy tule biwinymy awi inymahãdùò taiki ratyhykre kia rybèki. Aõhewna Deuxu rurutere tijoiò itòè ijodire rubu-rbi ihènyre mahãdudèè.
|
||||
\v 16 kai Deuxu rurutere hyky rarybere: - kia ryikre irà aõdèsèmy butumy hawahawamy, ubèmy sõwèmy iny robumy rȳikre. Tule oworudu rahinykre ihèrènyki.
|
||||
\v 17 Tule ahinykre butumy kia alòbròna rȳirèri Uva. Kaa tuu rutyynykre diarȳ rèwinyrèrki. Diarȳ, Aõni raryberei.
|
||||
\s1 Deuxu txumy
|
||||
\v 18 Mobo ruurèri Deuxu txu knakèmy! Aõmybo tahe idi tèsytènyteri kaa txudi? Tkièmy txuu rurunykre.
|
||||
\v 19 Iwyse hãbu rahènymyhȳre halòè rbi kia tahe Urso txile sȳ rèamyhȳre; yda kõmy aõbo kiamy iny heto-ò ralòkre tai tahe tèbò hèmylala txile reakre kia tahe rirokre.
|
||||
\v 20 Deuxu txu tahe txumy aõkõkre; iu bdèlurumy butumy kia bdè roikre.
|
||||
\s1 Òbiti, xiwe aõkõ
|
||||
\v 21 Deuxu rarybere taijoiò: - Diarȳ wadèè awiõre aworanabdèhèsirèny tule awiõre wadèè arityhynyke ibdèdȳȳnana;
|
||||
\v 22 Tamy arèòbyõtyhy iròdu xiwèmy rykomyhyrèò, tule cerea xiwè, tule iròdu idèdimy rȳira tewahinymytenyte xiwèmy.
|
||||
\v 23 Buhubenyke wiu rbi diarȳ tamy harpa wiuò ijohona riwaojinyreri.
|
||||
\v 24 kiakõlemy aõ òbiti relemyhyke kia bèòlòna-wysemy aõ òbtimy rȳira iwse bèè ijara tiu ruhukõmyhre.
|
||||
\v 25 Israel ijoi mahadu, kaiboho aõbo-ryki teteòsite cerea-xiwè inaubiòwa wyra hewomy bdè tya-tya-ki atxitetyte bdèu.
|
||||
\v 26 Wiji tahe kaiboho idi bètyybénykre Sicute Deuxu -ki tule kia Quium, tkiemy kaiboho tewinytenyte tamy bitynymy boibèkremy. Kaiboho idi betyybènykre kia ityytyby-di
|
||||
\v 27 Aridykreu rotèna mahadu Damsco-ò. Diarȳ, Deuxu rurutere tuu rarybereri. Israel aõbina rutȳȳnyre
|
||||
\c 6
|
||||
\p
|
||||
\v 1 kaiboho awimy atxitenyteri Israel hawa-ki! Kaibohoso awimy atxitenyteri Samaria hawa-ki, kaiboho Isarel hawa wedunihkȳmy atxitenyteri, kaiboho adèèrèny tahe ijoi ixiwiòhenadȳȳmy rexitòènykre!
|
||||
\v 2 kaiboho marybèbènykre ijoi mahaduò: ‘betehebenykre Calné hawadi, irahudi boikre Hamare hawaò, irbi boikre Gate hawaò filiseu kia suò. Kua hawa-mahadu, aõbo ityhyrènyreri inyratyrèreny ȳda isurèni aõbo inihkyreri?
|
||||
\v 3 kaiboho tahe bityhybènyõkre iòholèmy rare aõbinahkȳò, kia tewinytènytèri bièlènybènykre bdèbina koki.
|
||||
\v 4 Kia banquete adèèrèny awireny, tai boimy kia rynana wihkyki tai tule borony budoeni-dè!
|
||||
\v 5 kaiboho wiu tewinymyhytenyte rei Davi wsemy tii tai awimy rahamyhȳre harpa wna rirawyònyhyre.
|
||||
\v 6 Biõbeny kia monaso-hkȳmy, biuhebeny kia delȳnyre òwy-hkȳ, uritrè kia hawaò workekõmy.
|
||||
\v 7 kaiki tahe kaiboho komy madybènykre ròtena hetoò hawa-rbi irehemy, tai ixyby ihoõkre banquete bdèsa.
|
||||
\v 8 Deuxu rurutere-hkȳ tuu rarybere: -Diarȳ Samara hawa ariwahinykre iòdurèny mahaduò, tai tahe butumy riwykre kia itxi reakre. Diarȳ tahe wadònare Israel mahadu rexityhynymyhȳre-ki, ridónanymyhȳre ihètorèny.
|
||||
\v 9 Tai tahe kiamy rutyynykre, dèbò ituèmy rȳikre-wna heto-ki , rurukre butumy.
|
||||
\v 10 kaa inyõ rakre itrasamy heto-rbi, kia rȳȳraxikre inyõ aõbo ratxireri irumy: inyõ ratxiõ? Ijo rirawyònykre: ‘ kore, ratxiõre.’ tai tahe rarybekre komy: ‘ rybeõmyke! Deuxu nimy karyberenyõke!’
|
||||
\v 11 Tkièmy Deuxu rarybekre, butumy heto inihkȳ rȳira, tule iyja, butumy rykokre.
|
||||
\v 12 Ixinamy aõbo awaru rariake mynatyredi? Ȳda boi aõbo ritusinyke arado maò? Tiu tukeho aõkõ! Urile tahe kaiboho aõbo òbiti terahòrèmyhytenyte ibinabinaò.
|
||||
\v 13 kaiboho iximy tawowydymyhȳtènytè Lobebar tehuteki kia iximy taxiwenymyhȳte tarybete: ‘iny rururèny òbiti Carnaim rbi ijoi ròtare.
|
||||
\v 14 Deuxu ruruterehkȳ, rarybere: -Israel ijoi mahadu, kia ijoi aritèónykre ritybynykremy kia ahawa, butumy kaiboho kia rbi kdòrarukre Hamate bdè rbi, ibòò rbi roireri, kia Arabá bdèo hkȳlè, iraruki kia roireri.
|
||||
\c 7
|
||||
\s1 Sei-my rarasinyre.
|
||||
\p
|
||||
\v 1 Deuxu rasimy wadee riteòsinyre: Deuxumy rabire sõemy sei riwinyre. Iòlò talòbròna rihere rahure tahe tuu relere asi umy-di.
|
||||
\v 2 Sei tahe alòbròna rihumy rirore rahudi jiarỹ rarybere Deuxu-ò: --Adee tahe arexitòenykre, Deuxu txiolyhyinihe wadeereny mawòtòeke aijoi heka iaõkõre; timybohe aroirekre?
|
||||
\v 3 Taraky tahe tiki rahorerere, my tahe rirawyònyre: — Kai aõmybo robina tuu releõkre. Heòty-my rarasinyre.
|
||||
\v 4 Deuxu rasimy wadee riteòsinyre iwitxiramy: tuu rabire heòty-di taijoi rahukre-my. Heòty tahe berohokỹ riteredỹỹnyre suu wesemy tule alòbròna rahure.
|
||||
\v 5 Tai tahe jiarỹ rexitòenyre Deuxu dee: — Deuxu ixãwikelyhy! Aijoi heka iaõkõre; timybohe aroirekre?
|
||||
\v 6 Taraky tahe tiki rirahorere my tahe rirawyònyre: — Kiahe tule releõkre. Debòna-my rarasinyre.
|
||||
\v 7 Deuxu rasimy wadee riteòsinyre kawesemy: tiki tahe kokresyna relemyhỹre bire-ki rỹimyhỹ ruruwe ribi-ki, tebònadimy rỹimyhỹ tebò-ki.
|
||||
\v 8 Wadee tahe rỹỹraxire: — Amò aõmybohe tabiteri? — Debònamy! — rerawyònyre. Tii tahe wadee rarybere: — Wijihe ariteòsinykre waijoi dorihe òbitimy aõkõ rariamyhỹre: kokresyna ikòekòe relemyhỹre wesemyhe rỹimyhỹre. Waijoi dee tiu ixyby arawotòeõtyhy.
|
||||
\v 9 Butumy tahe rexihukre ixitòedỹỹna heto Israel su bedemy rỹira, wedu Jeroboaõ iriòre riòreboho butumy arihurenykre. Amò Amazia wana.
|
||||
\v 10 Amazia, matuari Betel ludu, Israel wedu-ò rybe riwahinyre Jeroboaõ-ò: — Amò heka bede umy riywinyreri kaa ijoiky ribi aòludumy. Irybe heka iòhãrureri iny hãwareny-ò.
|
||||
\v 11 Myheka narybemyhỹde: “Jeroboaõ heka rurukre aõbina-ki, Israel mahãdu ròtenamy ralokre iwitxira hãwa-ki”.
|
||||
\v 12 Iribi tahe Amazia rarybere Amò-ò: — Karibi bohonykre, ityhydỹỹdu! Boosekre ahãwa-ò Judà taira rybe-di bohonymy mabekre.
|
||||
\v 13 Betel hãwa-ki rybe-di ijoho ixãwikre, kaki dori wedu raxiwemyhỹre, ibutumyt hãwa hãwa tamy wii rotymyhỹre.
|
||||
\v 14 Amò rirawyònyre. — Jiarỹ iòwykõlemy rybe-di rahonymyhỹre; Aõ iòwydi ròtarerimy aõkõ. Jiarỹ tahe budoeni alòbròna wedu rare.
|
||||
\v 15 Deuxu tahe riwawahinyre ixinamy arakremy ararybekremy irybemy Israel mahãdu-ko.
|
||||
\v 16 Tai tahe, bodoholakre Deuxu rybe-ò. Kai, Amazia wadee tarybeta kaki arotohodỹỹkõrekremy Israel mahãdu dee.
|
||||
\v 17 Deuxu wanyrỹ tahe adee rarybekre: —“Ahãwyy heka uriurimy rexirahorekre kaa hãwa-ki, ariòreboho hãbu hãwyy heka aõbina-ki butumy rexihurenykre. Ahãwa heka wirareamy resekre hãwa hãwa wana. Kai tahe pagã su-ki burukre. Israel mahãdu tahe ròtenamy rirahukre iwitxira su-ò”.
|
||||
\c 8
|
||||
\p
|
||||
\v 1 Weriri bede ratymy rarasinyre. Deuxu rasimy wadee riteòsinyre aõnaõna: weriri roki tahe bederatysò rỹimyhỹ.
|
||||
\v 2 Wadee tahe rỹỹraxire: — Amò aõmybohe tabiteri? — Sõemy bederatysòmy weriri roki! — Myhe rerawyònyre. Tahe wadee rarybere: — Bede heka rexihura Israel mahãdu-ò, rarosonyra heka, bederaty rasònymyhỹre wesemy heka rỹireri. Tiu heka waraky arirahoreõtyhy ixyby tamyreny.
|
||||
\v 3 Tiu txuuboho tahe wiule rỹike hàre ibru sõemy rỹikre hetohokỹ-di rubu sõemy rỹikre, rubu ityhynaõlemy reakre aõtxile idi dehurỹikre. — Bodoholakre! Jiarỹ iòlò wedu nihikỹ tuu rarybereri. Israel mahãdu rexiòrarure.
|
||||
\v 4 Kaiboho tahe bodolabenykre sõemy iaõkõ mahãdu-di tesinymyhỹtenyte kaa bede-ki.
|
||||
\v 5 Myhe aryberenyre: Ahãdu tỹmyra deysana rexihukeki awityhyke ijoi maixõmo-di rohonykemy! Sàbado (sebòò inatxi txuu) rexihukeki awityhyke! Ixybyle orotxu node-di (trigo) ijoi rohonykeny, iòwynihikỹmy raòwykre, rabòdỹỹrenykre.
|
||||
\v 6 Ijoho rohonykre orotxu nõde binadile tamyreny. Iaõkõ mahãdu tahe tiu hãrele waa sohoji dori tiu riwyõtyhy. Tawyxiery-di tahe ixidi rowynyrenykre.
|
||||
\v 7 Tai tahe, iòlò wedu nihikỹ Israel mahãdu wiuna, rybe tyhymy rarybekre. — Tiu heka wanohõti rusaõtyhy waijoi tuu riwinyreki.
|
||||
\v 8 Iòraru-ki tahe suu ramytatakre, tuu hãwadu mahãdu tahe sõemy rasỹbinakre bederyrymy. Suu heka raòwynykre tasỹ rabedekre Nilo bero wesemy.
|
||||
\v 9 Kia txuu tahe, ariwinykre txutyeule heka txuu ralokre, txulemy taheka bede rurunykre. Jiarỹ iòlò, wedu nihikỹ tuu rarybereri.
|
||||
\v 10 Deysana tahe rubunamy arirahorekre; Wiu wesemy heka sỹbina rohonykre. Bedewomy, kaiboho heka tyky sinihikỹdi bexityybenykre bexi raterenybenykre. Hãbu tariòre rubu-di rahinymyhỹre wesemy masỹbinabenykre. Tesehyky tahe rexihukre.
|
||||
\v 11 Ioholemy tahe rareri rama arijaradỹỹnykre-ò hãwa hãwa butumy. Butumy rama reakre, rỹsỹna rexihura-ki aõkõ, bee, bee rexihura-ki aõkõ. Butumy tahe bedese wesemy Deuxu rybe raijekre.
|
||||
\v 12 Tahe rekoakre Rubu aho-ò (Mar Morto) Rubu aho-ò (Mar Mediterrâneo), tasỹ rirahukre iraruwe ribi-di (ibnanawe) ribi-di, Deuxu rybe riijemy, tiu tahe itxi rekõaõtyhy.
|
||||
\v 13 Txiutxuubo tahe, weryrybo ijadòmatyhy bedesemy (rohõtibrekre).
|
||||
\v 14 Samaria ritxoo tyhydỹỹdu mahãdu, ijõ mahãdu: — Dã deuxu tyhydỹỹdu” ỹda “Berseba tyhydỹỹdu”. Kia mahãdu heka taixi butumy rahukre tiu ixyby rỹiõtyhy. Jiarỹ, iòlò wedu nihikỹ tuu rarybereri.
|
||||
\c 9
|
||||
\s1 Betel heto rejujuremy rarasinyre
|
||||
\p
|
||||
\v 1 Deuxumy rabire xiwena bire-ki. Tii rarybere: — Hetoti bihetenykre butumy heto raukỹkremy. Ixinamy mobo iwomy rỹireri tai tyre rejuxunykre. Mobo rahenykre tahe aõbinamy rakreu arirubunykre; inyõ heka rahenyõtyhy, moõ iruõtyhy.
|
||||
\v 2 Suu wowo-txi rexirutàke hãrele rubu mahãdu hãwa-txi, iribile aritakre; biu-ò raòwynykre, iribile ariatàkre.
|
||||
\v 3 Iòludu mahãdu ròtenamy ridàrenykre wana, tuureny bede raywikre, butumy rexihurenykre. Idireny aretehekre, arimykremy aõkõ, arihurenykremy.
|
||||
\v 4 Iòlò wedu nihikỹ butu ratyre, suu-ò terita, ramytatara, butumy tuhãwadu mahãdu rasỹbinare rabedewomy. Nilo bero wese heka suu biu-txi rare bede-txi.
|
||||
\v 5
|
||||
\v 6 Deuxu aheto biu-ki, rỹimyhỹre suu tahe biu rawetykynawo-ki roimyhỹre. Berohokỹ-ò tahe tanymyhỹte Tahe sutyre rejuxunymyhỹre . Iòlòhe kai awire!
|
||||
\v 7 Iòlò tahe rarybere: Israel mahãdu. Etiòpia mahãduy heka aweserenyle rerinanymyhỹre. Egito ribi atararenyre wesemy. Iwese tahe filisteu mahãdu retare uha kreta-ribi arameu mahãdu. Kir-ribi retare.
|
||||
\v 8 Israel mahãdu-di tahe retehereri, aõkõre ihãwa bina, suu tyre ribi tahe arihurenykre; Butuhukỹmy aõkõ tahe israelita mahãdu arahukre. Jiarỹ iòlò, tuu rarybereri.
|
||||
\v 9 Tuu relekre arihitxinykre Israel mahãdu kyribi awi ibina mahãdu, iwese (trigo) rauatymyhỹre wesemy, ijõ rabinake deramy.
|
||||
\v 10 Butumy rexihukre tibo waijoi iaõtaòta sõe aõbina-ki, tii mahãdu narybemy nỹimyhỹde: “Deuxu deewimy tahe tiu aõbina ijoi dee releõtyhy”. Sõemy deysana takotxi Israel mahãdu dee.
|
||||
\v 11 Iòlòwedu nihikỹ rarybere: — Tiu txumybo tahe, ixybyle ariwinykre Davi ryna tyby, heto tyby wesemy rejuxunyre heto weti tahe ariywinykre arilamadỹỹnykre ibinamy roire ribi, juhu roire wesemy roikre.
|
||||
\v 12 Waijoi tahe Edõ sumy aõbo rỹira butumy ritakre ihãre hãwa hãwamy rỹira ribi tule. Tuu heka ariwonyrenykre relekremy. Jiarỹ, iòlò, wedu nihikỹ tuu rarybereri.
|
||||
\v 13 Itxu tahe ioholemy rareri kiau tahe (trigo) aõwesele raymynykre aõwesele rahekre, uva tahe sõemy reotekre aõwesele rasonykre rahekre raruỹdỹỹkre. Sõemy tahe reotekre uva-ò, iruỹ tahe ixidee wilemy reakre, bero wesemy.
|
||||
\v 14 Waijoi tahe ròtena ribi aritaka tasureny-ò ariwebuaresedỹỹnykre. Tii mahãdu tahe ixyby hãwa riywinyrenykre ibinamy noimy rare ribi tai rahãwanyrenykremy. Uva tahe rioworunyrenykre ibemy riõmy roirekremy; iraty riherenykre tatòbòrenymy.
|
||||
\v 15 Waijoi retòbrònyre tamyreny suu rewahinyreki, tiu tahe tii mahãdu iribi rohonyõtyhy. Jiarỹ, iòlò awedureny, tuu rarybereri.
|
||||
|
|
@ -0,0 +1,34 @@
|
|||
\id OBA OBADIA 1c
|
||||
\ide UTF-8
|
||||
\h OBADIA
|
||||
\toc1 OBADIA
|
||||
\toc2 OBADIA
|
||||
\toc3 oba
|
||||
\mt1 OBADIA
|
||||
\c 1
|
||||
\p
|
||||
\v 1 Ka heka rybe Deuxu Tyhyhykỹ riwahinyre rare Obadia dee, Edõ hãwahaãkỹ bededỹỹnanamy.
|
||||
\s1 Deuxu Edõ Rirarytxynykre Deuxu Tyhyhykỹ riteònyre rybe wahidỹỹduõ ibutumy hãwa hãwa adeereny, kia diarỹ boho tahe irybe-ò raholarenyre: “Bexiywynybenyke! Edõ òludumy rekesurenykre!”
|
||||
\v 2 Deuxu Tyhyhykỹ rarybere Edõ dee: “Diarỹ arawinykre hãwa hãwa tyhyõmy, kia inyõ aratyhynyõhyykre.
|
||||
\v 3 Aixityhytyhydỹỹnana arabònyre. Kai mona urahãkỹwoki tahãwanymy atximyhỹte, hãwalò rariehekỹ-ki, iurenana tahe myỹ tahõtinyte: “inyõ heka timy riwaatyõtyhy karibi.”
|
||||
\v 4 Kia ihãremy kai irariemy tuòmyhỹte nawiihikỹ wesemy kiata asi tewinymyhỹte taina mahãdu ykyki, kia diarỹ kua iribi adiatykre.
|
||||
\v 5 Tiu wasidu mahãdu rehemynymyhỹreu ru-my, kia riwymyhỹre aõbo tamywityhyle. Tiu inyõ mona besò raty (vinho) ritòhemyhỹreu, kia ikiemy ijõ ririhyymyhỹre iraty iòki. Ka aòludu mahãdu tahe arahurenyre ibutuhyymy!
|
||||
\v 6 Edõ iny mahãdu , ibutumy aaõnareny wasinamy rekoarenyre; ibutumy atyhydỹỹnareny riwymy ròirenyre.
|
||||
\v 7 Aijoireny abiòwarenyle arabònymy arasỹnyrenyre kia arateònyrenyre ahãwareny òbiti-ribile. Iny mahãdu-wana kai bede teywinyte aõbinabinaõmy atxibenykremy kia tahe asureny ixideereny rimyrenyre. Abiòreny tyhyhykỹmy ratximyhỹrenyrele heka bede riywinyrenyre aòludumy. Tii boho raryberenyre: “Edomita mahãdu heka iitxỹtereny roire!”
|
||||
\v 8 Deuxu Tyhyhykỹ rarybere: “Tiu txubo diarỹ Edõ arirarytxynykre ibutumy ibedeery mahãdu arihukre; kia inyõ ibedeerymy ratxiõhyykre ihãwarenyki.
|
||||
\v 9 Temã sodadu mahãdu brebumy ramytàtarenykre; ibutumy Edõ woudu mahãdu rururenykre.”
|
||||
\s1 Edõ Bede Òraru
|
||||
\v 10 Deuxu Tyhyhykỹ rarybere Edõ iny mahãdu dee: “Kai boho aõhỹỹhỹỹmy tesỹnytenymy terubunytenyte aseriòrereny, Ijaò rioreriore boho. Iurenana heka kai boho bexihubenykre, kia aõnaõna binahãkỹ ikiemy aherenykihyyle rarekre.
|
||||
\v 11 Kia aòludu Jerusalë ijòtòbònareny-di rehureu, kia hãwa-ò ralore ibutumy aõnaõna tyhyhykỹ ritare, kai boho tahe tuu aõmy tahõtiyreõhyytenyte. Ibedeu iwitxira mahãdu nii ritarenyre bedeu kia mobo iaõnareny tyhyna-di ratxikremy, kai boho iyrybutyhyle tewinytenyte.
|
||||
\v 12 Kai boho heka taireny mabedesabenyke aõkõ toite, aseriòrereny Juda aõhỹỹmydỹỹnana-di; kia awityhymy idireny itxererenyõmy kia tii boho rexihurenyre bedeu; uritre idireny bisinybenyke aõkõ kia tii boho aõhỹỹhỹỹmy rutỹỹnyrenymyhỹ bedeu.
|
||||
\v 13 Kia waijoi mahãdu wasỹ mahãdu rabòdurenyreu, kai boho Jerusalë-ò birònybenyõkewihikỹle, kia mabedesabenyõke wihikỹle iaõhỹỹhỹỹmydỹỹnanareny-di. Kia tii boho aõhỹỹhỹỹmy rutỹỹnymy rabòdurenyre bedeu, kai boho heka iaõnaõnareny biwòbenyõke wihikỹle;
|
||||
\v 14 Kia biroodunybenyõke wihikỹle irubudỹỹrenymy kia taixiwòtenareny riemyhỹreny bedeu, kia tureny belyybenyõke wihikỹle iòludu mahãdu deereny, kia irumy rihenyrenyre mahãdu.”
|
||||
\s1 Hãwa Hãwa Mahãdu Aõhỹỹmydỹỹnanareny
|
||||
\v 15 Deuxu Tyhyhykỹ rarybere: “Kahe rehemynyreri txuu itxuu diarỹ ibutumy hãwa hãwa mahãdu aõhỹỹhỹỹmy arisỹnyrenykre. Kai boho tahe Edomita mahãdu biòwynybenykre aaõnaõnareny binahãkỹreny-di; kai boho tuu tewinytenyte iny witxira deereny kia iyrybutyhyle adeereny relekre.
|
||||
\v 16 Wainy mahãdureny heka inihikỹmy aõhỹỹhỹỹmy rutỹỹnyrenyre rarytxyna-di wabde ratòòtyhyhykỹ-ki. Ibutumy hãwa hãwa ibirerenymy rỹimyhỹrenyre aõhỹỹhỹỹmy rutỹỹnyrenykre rarytxy ahỹỹmy ihãremy tesemy; kia rararytxyrenykre kiata riõrenykre.”
|
||||
\s1 Israel Ròtare
|
||||
\v 17 Deuxu Tyhyhykỹ rarybere: “Ka Siaõ bede ratòò-ki, hãwa tyhyhykỹ-ki, iny mahãduõ rahenyrenykre. Israel iny mahãdu ixybyle isureny ijõdikre kia diarỹ tamyreny rewahinyre.
|
||||
\v 18 Juda iny mahãdu Israel iny mahãdu kia heka heòty rade wesemy ratxirenykre. Tii boho rahurenykre Esau rioreriore bohoreny, iwese heòty riròmyhỹre wesemy horaru; Edomita mahãduõ rahenyrenyõtyhykre. Diarỹ Deuxu Tyhyhykỹ tuu rarybere.”
|
||||
\v 19 Israelita mahãdu Juda iraru ludu rimyrenykre Edõ hãwahãkỹ, ka Juda tya bedeki rasỹnymyhỹrenyre tahe fitisteu hãwa rimyrenykre. Israelita mahãdu rimyrenykre Efraĩ hãwa kia Samaria hãwa, kia Benjami iny mahãdu rimyrenykre Gileade bede.
|
||||
\v 20 Ka brejumy radyrenyre mahãdu Israel hãwa-ribi iwitxira bede-ò kiata ydòòsedenykre rimyrenykre Fenícia bede bede kia Sareta hãwaòhòkỹle, ibràra weribi-ò, kia Jerusalë-ribi radyrenyre kia Sefarade-ki natximyhỹdenyde rimyrenykre Juda iraru weribi ludu bede.
|
||||
\v 21 Deuxu iny mahãdu, ròtarenymy raòwònyrenykre Siaõ bede ratòò-di kua-ribi tahe riwedunykre Edõ iny mahãdu. Kia Deuxu Tyhyhykỹ tahe iIòlòrenymykre.
|
||||
|
|
@ -0,0 +1,64 @@
|
|||
\id JON JONASI (4cc)
|
||||
\ide UTF-8
|
||||
\h JONASI
|
||||
\toc1 JONASI
|
||||
\toc2 JONASI
|
||||
\toc3 jon
|
||||
\mt1 JONASI
|
||||
\c 1
|
||||
\s1 mahãdu; tii boho dori ibutuhyylemy rexihurenyre.
|
||||
\p
|
||||
\v 1 Kia Deuxu rybe nade Jonasi-ò Amitai riòre wahe myy:
|
||||
\v 2 Bexiywinykre Ninive hãwahãkỹ-ò makremy, Kia tahe irahireny mahinykre, kiemy Dori iaõòtaòtareny wadeehekỹle raòwònyra.
|
||||
\v 3 Jonasi rexiywinyre, Kia tahe Deuxu-ribi rexiwokremy Társi hãwa-ò; kia tahe Jòpe-ò rare, kia ta Bera Heòty-txi reare Társi-ò rakremy roimyhỹ-ò; kia tanonana riòwynymy tamy runyre Társi hãwa-ò rakremy, Deuxu-ribi irehetyhytyhymy.
|
||||
\v 4 Ka Deuxu tahe bero nihikỹ wetyakile yhy debure nihikỹ-di rimyre, kia tahe yhy debure inihikỹmy reare bero wetyaki, kia Bera Heòty ruaruakremy iòhòtyhylemy roimyhỹre.
|
||||
\v 5 Tai tahe Bera Heòty jura ludu mahãdu sõemy ruberumỹhỹreny, kia iny sohoji sohoji tadeuxureny-ò rahinymyhỹreny, kia aõnaõnahyna Bera Heòtyromy rỹimỹhyre-di bera-ò rehumyhỹreny Bera Heòty rawetarikemy. Jonasi tahe Bera Heòtylòru-ò resemy tai roimyhỹ; kia tahe tai rõrõtyhyhykỹlemy roimyhỹre.
|
||||
\v 6 Bera Heòty wedu rare Jonasi-ò rarybekremy, tamy rarybere: “Aõhewe tatỹỹnyteri?”, kia adeburemy tamy rarybere, “timykiwe kai urile tarõmy taiteri, kawese bedeu? Mynyike aDeuxu-ò marybeke txibo tii inydireny rexiwobrunymy iny rihedỹỹnyrenykemy!”
|
||||
\v 7 Iwana wana tahe Bera Heòty juraludu mahãdu tabedeòrarudỹỹdureny rieryrenykremy rexiywinyrenyre, momybo iDeuxureny radònyrerimy rieryrenykremy, tai dori yhydebure nihikỹ reareri. Jonasi-txi heka rekoarenyke!
|
||||
\v 8 “Aõwe kai tewinyta?”, ritỹỹraxinyrenyre, “tai yhydebure nihikỹ inyhudurenymy risỹnyreri? Mobo tate? Aõbo aaõmysỹdỹỹnare? Tibederibibo tateri? Tibo asure, aõbo aixỹjunare?.”
|
||||
\v 9 Jonasi rirawyònyre: “Diarỹ Judeu rare; Deuxu-my rerinanymyhỹre, Deuxu biuludumy, tii heka suu bero-wana riwinyre.” Tai tahe Jonasi Bera Heòty juraludu mahãdurenyko relyyre Deuxulau rexiwòrerimy.
|
||||
\v 10 Kia heka Bera Heòty juraludu mahãdu roholarenyreu werymy rekoarenyre. “Aõherekibo tahe kia wesena tewinyte?” rirajuarenyre.
|
||||
\v 11 “Aõhebo tahe arasỹnyrenykre yhy debure ixawikremy?” Bero nihikỹ tahe ire raybònymyhỹ.
|
||||
\v 12 “Bero nihikỹ-txi wadi behubenyke”, Jonasi rarybere, “kia tahe ixybyle ixawikre. Diarỹ dori rexieryreri waiòraruki yhy debure nihikỹ reareri.”
|
||||
\v 13 Kia wana-wana tahe Bera Heòty jura ludu mahãdu ranarihinyrenyre ibutumy tarurureny-wana, beàti-ò ròròrenykemy, kia tahe ròròrenyõhyyre. Kia heka aõni isira rare yhy debure-wana ijesu!
|
||||
\v 14 Tai tahe Deuxu-ò rexitòenyrenyre, Jonasi Deuxu-ò. “Deuxu uritre warubudỹỹrenyõmykre hãbu òraruna òraruki, uritre wamynyrenyõmykre irubudỹỹna-di, kiemy dori diarỹ boho waòrarureny ihoõre, aõherekibo iny debure nihikỹ ityre resera, kai teeryteri.”
|
||||
\v 15 Irahu-di tahe Jonasi rimyrenymy idi rehurenyre Bero nihikỹ tya-ò, kiemy dori inihikỹmy yhy rebonymyhỹ, kia tahe yhy debure ruhure!
|
||||
\v 16 Bera Heòty juraludu mahãdu ruberurenyre, Deuxu aõhe risỹnyrenykelau. Kia tii boho tuu rerinanyrenyre, kia inatyhymy raryberenymy rewahinyrenyre.
|
||||
\v 17 Ka Deuxu tahe tiu aõkõ riwyre tai utura nihikỹ ratximyhỹre-ò Jonasi rirỹsỹkremy. Kia inataõ txumy inataõ rumy Jonasi uturawo-ki bede riere.
|
||||
\c 2
|
||||
\p
|
||||
\v 1 Tai tahe uturawo-ki Jonasi Deuxu-ò rexitòenyre taDeuxu-ò:
|
||||
\v 2 “Bedeòhỹtỹna binahãkỹ-ki Deuxu-ò raryre riwawiòhenanykemy rexitòenyre, kia tii rirawyònyre. Kia diarỹ rubuna ijò-ki watximyhỹu raryre, kia waDeuxu wairy-ò roholare!
|
||||
\v 3 Deuxu wadi rehure Bero nihikỹ sỹy-txi; kia tahe sỹy-txi reare, kia tahe Bero nihikỹ ybòle riwahetynyre.
|
||||
\v 4 Tai diarỹ myy rarybere: Deuxu riwahitxinymy riwateònyre. Kia aõbo tiu bedeu adòòselekre aõbo ibede wiwihikỹ-ò?”
|
||||
\v 5 Ybò nihikỹ rawo-txi sỹymy reare, kia rubu aõhewe ini riwamyre. Kia bee watyre raratobore. Oteti berawomy rỹimyhỹre waratimy rỹterỹtenyre.
|
||||
\v 6 Kia hãwalò rawoòhòkỹle rehemynyre, Bero nihikỹ sỹy-ò. Diarỹ Deuxu riwahitxinyre iny irumy rỹimyhỹre-ribi, kia tahe brejuna heto-ki raremyhỹ rubu mahãdusu-ki. Tai waDeuxu, rubu mahãdusu-ribi riwatare!
|
||||
\v 7 Kia diarỹ wararòsòna ibutumy reenodỹỹnyre, kia tahe ixyby Deuxu-txi wanohõti reare, waixitòedỹỹna òbitinatyhy-ò tii roholare tabedewihikỹ-ki.
|
||||
\v 8 Kia iny deuxutyhy aõkõ rityhynymyhỹre, kia urile rexibònymyhỹre, aõtxi Deuxu aõnaõnawiwi riwahinymyhỹre rimykewihikỹle ririmyhỹre!
|
||||
\v 9 Kia tiu ixyby iwitxira deuxu watyhydỹỹõna, ka Deuxu òbitile tahe arityhynymy ararekre! Timybo tahe Deuxumy areàlàkre aõnaõna wadee riwinyreki? Kia heka ibutumy arityhynykre aõnaõna riwahinyre diarỹ rewinyre, kiemy dori Deuxu sohojile ibedeerymy wahedỹỹdure.”
|
||||
\v 10 Tai tahe Deuxu utura-ò rarybere ỹnyra ubetya-ò Jonasi-di rahyloikremy, kawesemy tahe tuu rutỹỹnyre.
|
||||
\c 3
|
||||
\p
|
||||
\v 1 Irahudi tahe Deuxu ixyby Jonasi-ò rarybere myy:
|
||||
\v 2 “Makre Ninive hãwahãkỹ-ò, kia tahe tai hãwadu mahãdureny-ò biteòarinybenykre, rarytxyna aõhỹỹmydỹỹna iòludurenymy kanakremy, iwese diarỹ adee rarybere wesemy.”
|
||||
\v 3 Kia tahe Jonasi rityhynymy rare Ninive hãwahãkỹ-ò. Ninive heka kia iny inataõ txumy bede rieke iny ibutumy iwerura-di rariakeki.
|
||||
\v 4 Kia komy ralore rahudi hãwa-ò, kia Deuxu rybe-di ijohona riòrarunymy idi rohonymyhỹ, kia hãwaki hãwadu mahãdu aõhỹỹmy rutỹỹnyrenyre. Jonasi iny mahãdureny-ò rirajuamyhỹ tamy rotyrenyreu: “40 txumy bede rimykreu Ninive hãwa rexihukre.”
|
||||
\v 5 Iny mahãdureny Jonasi rybe rityhynyrenyre, kia tahe renareherenykremy rexiywinyrenyre. Ibutumy iny mahãdu, kia Iòlò, kia iny iaõkõmy rỹimyhỹrenyre dorile ỹnyde sau tyby-di rexityynyrenyre , tyy iyxemy rỹimyhỹre-di, kia heka aõmau iny riuhemyhỹre bederyry nihikỹ rỹimyhỹreu.
|
||||
\v 6 Kiemy dori Ninive Iòlò roholareu Jonasi rarybemyhỹu, kia tarynana-ribi resere, kia tatyytyhy riwiurònyre, ỹnyde sau tyytyby-di, kia tahe brybytyrele runyre.
|
||||
\v 7 Iòlò taijoi mahãdureny-wana myy rybe riwahinyrenyre ibutumy hãwa-ki hãwadu mahãdureny-ò: Ino-õ, iròdu iròdu dorile riroxike aõkõre, kia bemy tule riõke aõkõre.
|
||||
\v 8 Ibutumy ỹnyde sau tyby tyy-di rekexihetynyrenykre, kia tahe rikirajuarenykre Deuxukoki, kia tary binahãkỹ, tadebure riixawidỹỹnykremy.
|
||||
\v 9 Kawese-ki mobo tahe rieryke txibo Deuxu inyboho riwahinyrenyke ixyby rakatxirenykemy, kia aõhe-wana ikyaratyhymy inoõna inyhudurenymy.
|
||||
\v 10 Kia Deuxu tuu robireu, ixiweribi-ò ririre tuu riwinykremy ratximyhỹ-ribi, kia tabededỹỹnana riixawidỹỹnyre, Ninive hãwa-ki hãwadu mahãdu hudumy rexiywinyre-ribi, kia tahe tuu riwinyõre.
|
||||
\c 4
|
||||
\p
|
||||
\v 1 Deuxu tabedỹỹnana riixawidỹỹnyreki heka Jonasi sõemy iwoxi roburobure.
|
||||
\v 2 Tii Deuxu-ò rarybere iòraru-ki: Kia heka tuhyy rahõtinyre tuu biwinykremy, waDeuxu, diarỹ wasu-ki raremyhỹu, kai wadee tarybete kotyhymy , ka-ò anakremy. Tai heka Társi hãwa-ò nanahenyde. Diarỹ heka araeryre Deuxu wihikỹ atximyhỹte, inymy teàlàmyhỹte, kia irehemy iny teraòmyhỹte, kia sõemy inymy terinanymy atximyhỹte. Diarỹ heka reeryre abededỹỹnana huduna, kia iny mahãdu tai irutaõmy rexiwitxiranymyhỹrenyre.
|
||||
\v 3 Aõkerỹbo Deuxu biwarubunyke. Diarỹ heka arurukemy watximyhỹre, warumy watximyhỹre-ribi, kiemy dori aõ wawidỹỹõna aõhe bede rutỹỹnykeki.
|
||||
\v 4 Tai tahe Deuxu Jonasi-ò rỹỹraxikre: Tai aõbo adee awimy mabekre kia wese-ki?
|
||||
\v 5 Jonasi cidade-ribi ròhònyre, kia tahe rirawyònyre kia Ninive txuòlònaweribi-ò runyre. Tai tii taixiwòtenamy heto ixidee riwinyre bederade iru-di, kia ta ihãremy ròraòmy ratximyhỹ aõhebo hãwa rutỹỹnykemy rariòmyhỹ.
|
||||
\v 6 Kia iheto iixiwòtena bederade iru bedetòtee rirubudỹỹnyreu, Deuxu alòbròna tamy wymy riumydỹỹnyre, kia alòbròna iru ubròrò-ki Jonasi tai ratxikremy. Kia tamy tuu riwinyre tai ibedesatyhymy ratxikremy.
|
||||
\v 7 Ka Deuxu tahe tamy ijare riteònylere! Biurasòtyhymy tahe ijare alòbròna raruti-ki rahylòirenyre, kia rarubumy rarehyy tahe rurure.
|
||||
\v 8 Tai ta txuu ratòteereu, Deuxu yhy tòtee nihikỹ riteònyre, kia heka bijiu-ribi nade; kia txu tòtee nihikỹ Jonasi rati rihetenyre, kia rõhõtibremy roimyhỹ, rurukremy rexitòenyre! Tii rarybere, “Rubu heka awityhyre kawese-ribi.”
|
||||
\v 9 Deuxu Jonasi-ò rỹỹraxire: Kai heka òbitimy awoxi roburobureri, alòbròna rururakile aõbo? Kohe, Jonasi rirawyònyre, “diarỹ òbitimy wawoxi roburobureri, kiemy dori arurukemy watximyhỹre!”
|
||||
\v 10 Taita Deuxu rarybere: “Kai heka ixi-di sohojile tawobrumyhỹte, aõherekibo tahe ahãwaludu mahãdu rexihurenyre, kia raaõmysỹdỹỹnyõhyyre aõ ixidee rimyrenykemy, tii tahe tiu alòbròna-ribi iòlòõna iòhòtyhylemy rarubumyhỹke!
|
||||
\v 11 Aõherekibo tahe kai hãwa nihikỹ-di arawobruõkremy tarybete, Ninive hãwa wesena, 120000-my iny sõe bedeluru-ki rỹirenykremy, ibutumy tairòdureny-wana.
|
||||
|
|
@ -0,0 +1,128 @@
|
|||
\id MIC Micah Miquéias (7cc)
|
||||
\ide UTF-8
|
||||
\rem aut Mabulewe
|
||||
\rem dat 2016
|
||||
\h Miquéias
|
||||
\toc1 Miquéias
|
||||
\toc2 Miquéias
|
||||
\toc3 mic
|
||||
\mt1 Miquéias
|
||||
\c 1
|
||||
\p
|
||||
\v 1 Kaa heka Deuxu tarybe wihikỹ riwahinyre Mikeia-ò, kia Moresete hãwãhãkỹludu-ò. Mikeia heka retehemy raremyhỹ Xamaria hãwã tyhynadi tule Jerusale tiubo Jotaõ bedewehikỹle, Akai e Ejeki, Juda hãwã-ki.
|
||||
\v 2 Boholabenykeỹ, ibutumy, ywimy ibutumy kaki sỹdu mahãdu! Tii heka rarurunykre aweribireny aõkõ taheto-ki biu-ki, tule raryberakre.
|
||||
\v 3 Tii rubehekre titxibo rasỹnymyhỹre ribi tahe rariakre hãwãlò tyredi.
|
||||
\v 4 Awa rawo-di, hãwãlò riõkre iwese iny heòty-di tebora rahumyhỹre wesele. Tahe bede raraykre, kia beora wesemy tahe riokre ityatxi.
|
||||
\v 5 Kia heka inatyhymy rỹikre aõherekibo Israeli mahãdu rexiòrarunyrenyreki tule Deuxu ribi rexihitxinyrenyreki. Mobo tahe iòrarure ixyby Israeli mahadu; Tule Xamaria mahãdu! Mobo tahe ierysydutymy ratxikre suritxoo òwodỹỹdumy Juda òraru-ki Jerusale mahãdu.
|
||||
\v 6 Tai tahe, Deuxu rarybere. — Jiarỹ ariwinykre aõtxile aõdibo Xamaria hãwã sõwemy ibinahãkỹmy ratximyhỹrenyre itynyhỹkỹlemy; ariwinykre kia bederaty uva làbrona wesemy. Ariwinykre kia mana ritynykre hãwã ribi hãwãlò rawotxi tule ihetoreny wararu Xamaria wararu riõkre.
|
||||
\v 7 Ibutumy aõbo riteòsinymyhỹre ituekre, iaõnareny kia tai wiwana aõ ibinamy riwinymyhỹrenyre heto ariworonykre, ibutumy itxõnaõna mahãdu rirahukre hãwãlò binahãky-ò. Ibutumy tibo iubeweri-di riwyrenyre hãwyy uriurimy rỹira mahãdu owydỹỹna ijõ. Tahe heto luruhukỹ-ò resekre.
|
||||
\v 8 Tai tahe, jiarỹ arahinykre, arirajuakre txuberemy tahe bidiwona kedesekre tahe arariakre waubehetyõmy tule wademy, araõtxinymy ijoro wesemy tule tarurutyhymy arirajuakre txubreremy nawiie wesemy.
|
||||
\v 9 Ihãre tahe tiu Xamaria mahãdu wotamonareny tiu reytenyõtyhy, riwinyre, rahure Juda tii Jerusale hãwã ribi iòhòmy, tai wasỹ mahãdu rasỹnymyhỹre.
|
||||
\v 10 Tuu ijyyomy iny onodỹỹrenymy jate-ò, irutere ahireny orarudỹỹmy. Bete-Lifra mahãdu sulemy rexirahoremy bededỹỹnana ibinatyhy deosina oraru-ki.
|
||||
\v 11 Xafimy sỹdu mahãdu, roirenykre tademy ixỹrumy tai ijõ mahãdu rỹimyhỹreò! Mobo Jaanỹ rasỹnymyhỹre mahãdu tahe uritere òlòõmy, tiubo bohobenykre Beti-Ejeò mahãdu ibru-ò, tahe bierybenykre tiiboho wiòdỹỹna riwahinyrenyõkre.
|
||||
\v 12 Mobo Marotximy rasỹnymyhỹre mahãdu tahe sõwemy iny tamyreny rakemy rururenykre, iribi tahe Deuxu ibina riwinyre Jerusale iòhòmy.
|
||||
\v 13 Leakimy rasỹnymyhỹre mahãdu taawarureny riywinyrenyre ityti heòty hewomy rinykremy! Kaiboho Israeli mahãdu wesetyhyle tewinyta , tai tahe Jerusale mahãdu bedebinahãkỹ-ò ridyrenyre.
|
||||
\v 14 Taita tahe heka Juda mahãdu, tureny rarybere aõherewe Morejete-Jati mahãdu. Mobo Akiibe mahãdu aõbohe debònamy roirekre Israeli wedu-ò.
|
||||
\v 15 Deuxuhe rarybere: Ariwahinykre Marexamy rasỹnymyhỹre mahãdu iòludureny debò, tahe Israeli mahãdu hãbu mahãdu rurutereheky (wedu) rexiworenykre hãluukỹ-ò kia iòhòmy Adulỹhãwã ribi.
|
||||
\v 16 Juda mahãdu aradereny biorobenykre tule rawelyramy marasybenykre kia bedewona kanakrekoki; iribi tahe ariorereny aluunadutyhyreny ridyrenykre wetxumy irehety-ò asyrenyribi.
|
||||
\c 2
|
||||
\p
|
||||
\v 1 Kia rỹirenykrekoki rudi-u tahe juhule riywinyrenyre rahurenykremy tule riywinyrenyõkre ijõ mahãdu. Kia tahe tiiboho rutamanyrenyre aõbo riwinyrenykre hyy iraykyrenyre tiiboho heka iruruterenyre.
|
||||
\v 2 Tiubo aõbo riwyrenykremy rõtõtinymyhỹrenyre suu aõbo da heto aõbo kia inatyhykỹlemy riwymyhỹrerenyre. Iny riywinyõhyymyhỹrenyre ijõ iny witxira tule rityhynyõhymyhỹrenyre aõtxile iny suu wedu aõbo aõtxile.
|
||||
\v 3 Tai heka Deuxu rarybere: Ariwinykre jiarỹ aditeonykre aõbinahãkỹ atyrereny resekremy, tiu iribi bihenybenyõtyhy. Tii aõbohe bededỹỹna aõhõkỹmydỹỹna kaiboho tiu maxiwedenybenymy biròranyõtyhybeny.
|
||||
\v 4 Tiubo itxuu rehemynykreu ijõ ritxienykre rybe erysyna tyhyhykỹ adeereny rawinykremy bedewomy. Inyboho heka ibinatyhymy roire! Deuxu heka ritara inysureny inyribireny Tii ritare aõ inyhõrõreny riwahinyre aõ ritarenyre mahãdu-ò.
|
||||
\v 5 Tai tahe tiubo inydeereny suu riwahinykreu rikitxuatxuarenykre Deuxu ritynymyhỹre mahãdu-ò, tiu heka kaiboho ijõ bitabenyõtyhy.
|
||||
\v 6 Tii boho mahãdu raryberenyre: Txioiny biyryke Deuxu rybedu mahãdu! Tuu ryberenyõmy! Tii dori inatyhymy rare Kia Deuxu riwinyke aõhõkỹmydỹỹnana inytyrerehy reseke.
|
||||
\v 7 Kia aõbo Israeli mahãdu-ò raykarananyre? Tii aõbo tamyreny radònykre? Kawese heka tii iky reakre? Deuxu rarybere: Kaa heka warybe wihikỹ rewahinywãhãre iny mahãdu wihikỹ-ò.
|
||||
\v 8 Kaiboho wahe,kia òludu wesemy, tamyreny tekoatenyte. Tahe hãbu mahãdu aõbina ribi riòaserenyre, biu-ò henadihyy rõhõtinyrenyre, tahe kaiboho tawasinytenyte atyyreny-di.
|
||||
\v 9 Kaiboho biteònybenykre ixiribireny aluunadutyhyreny hãwyyboho asỹrenyludu tule ariòrereny dela tiu aõwihikỹtyhy riaõtyhy kia tuu rarybere.
|
||||
\v 10 Karibi rahònyrenyre! Tahe ròirenyre! Kia suu tamy boibenykre-ò aõki tai bexielehynybenykre aõ ihoõki awihikỹmy. Kaki tahe sõwemy iny ijõdikre iny òbiti-õ tule iixỹrutere. Kia sõwemy aõnaõna ludu kynyikre sõwemy.
|
||||
\v 11 Deuxu rybemy rybedutyhy tuu riywinyre inydeereny tahe kia inydeereny Deuxu rybemy òbitimy aõkõ rarybemyhỹre ruilemy, mona besòhòkỹmy ibexibeximy rikiõmyhỹrenykemy rarybemyhỹrenyre inydeereny.
|
||||
\v 12 Deuxu rarybere Israeli mahãdu-ò. Jiarỹ ibutumy arabutunyrenykre aõbo akireny rasiranyreri tule anadydenykre kia suu adeereny tuu rarybere-ò, kia Deuxumy rybedu mahãdu budòeni rihimy ramyhỹre ibyrena-ò da iòtilyreny-ò. Kia tahe ixyby hãwãkỹ rexiorykre sõwemy iny-di tỹxihikỹlemy roikre.
|
||||
\v 13 Deuxu kidiraynykre inydeereny ryy tiiboho riòlònyrenykre aõ tamyreny ròhònyõhyy bedebina tiiboho heka hãwãhãkỹ ijòtòbònadile riòlònykre. Wedu Deuxu heka ikoreny rakre ehekile tiiboho roikre.
|
||||
\c 3
|
||||
\p
|
||||
\v 1 Boholabenyke ijoi mahãdu tule hãbu tyhyhykỹ Israeli ijoi. Kaiboho bierybenyke tyhyna.
|
||||
\v 2 Kia tahe rayranymyhỹrenyre iny weò tahe hãbu bina luurenyre.
|
||||
\v 3 Kaiboho biròbenyke waijoreny, waijoi detyy tule bisihebenyke iderenytyy biròbenybenyke iti tule ide bitxuatxuabenyke - txurasòmosòmomy, tahe heramy bidebenykre idereny.
|
||||
\v 4 Anakre tiubo kaiboho wamy beàlàbenykreu Deuxumy, tahe tiu aratyhynyrenyõtyhy; Kaiboho tewinymyhãtenyte aõbo ibina, tai tahe tiu aexitoedỹỹnareny-ò aroholaõtyhy
|
||||
\v 5 Deuxu rybedu riitxenanymyhỹre ijoi. Kia tamy riòwynymyhỹrenykemy tahe ritidemyhỹre aõ awihikỹ-di ratxirenykemy, tahe tamyreny riwahinymyhỹre aõbinaki ròtarenyõke ritidemyhỹre. Tahe Deuxu rarybere Kia Deuxu rybemy rarybemyhỹre mahãdu-ò.
|
||||
\v 6 Aõhe wana aruereny turumy kaiboho betebenyke, aõhe wana tule ityytyby tule turumy adeereny relekre. Kia txuu loosona riõkre aribireny, kia bedeluruhukỹ atyrereny resekre.
|
||||
\v 7 Aurerarumy tainyhe marybeke aõbo rỹikremy kia itomora mahãdu timybo ryirakre ixỹrumy aõbo. Aõkõre tiiboho kiditadenykre irawyona Deuxu ribi tai tahe tiiboho roirekre ityhynarenyõhy.
|
||||
\v 8 Kia jiarỹ watxireri ule, Deuxu tyytybytyhy wadee ruruna riwahinyra, luuna rurunahãkỹtule rurutere iny aritamyhỹkemy iòraru ribi iaõnaõna binabina ribi Israeli mahãdu.
|
||||
\v 9 Boholabenyke, ijoi koludu mahãdu tule hãbutyhyhykỹ Israeli ijoi. Kaiboho akyreny tamyreny reamyhỹre aõbo awi tewymahãtenyte bedewihikỹ-ò.
|
||||
\v 10 Kaiboho tewinytenytere Jerusale hãwã wihikỹmy, kia heto ityre-ki relemyhỹre ijòòmy ityhynyõmy kia bedebina hãlubu-di.
|
||||
\v 11 Hãbu mahãdu tyhyhykỹ Jerusale mahãdu reòbyrenyre iubeweri-ò kia riywinykre bededỹỹnanaywina, kia xiwewahidỹỹdu mahãdu ributunymyhỹrenyre rybe tuu roimyhỹremyna ròerydỹỹnymyhỹrekemy. Kia Deuxu rybe rybedu mahãdu riwinyrenyre òwydỹỹ rybe erysydu mahãdu biu-ò.
|
||||
\v 12 Tahe ihãrele tiiboho reòbyrenyre Deuxu rybe wiòdỹỹna ritarenyre. Tiiboho raryberenyre; tiu inyõ aõbina rỹiõtyhy aõrekibo kia Deuxu inyweribireny ratxireri. Tai tahe , aõrarurenyki, Jerusale rexirahokre mana sõwe hekymy, Xiaõ hãwãlò su rirahorekre bedero su wesemy tai ryimyhỹre Deuxu rybena heto rexirahorekre bedeyxemy.
|
||||
\c 4
|
||||
\p
|
||||
\v 1 Kia biu-ò tahe Deuxu rybena heto irarie tyhymy butu ribi rỹikre, kia rỹikre ibutumy hãwãlò ribi. Ibutumy hãwãhãkỹ ribi tamy reakre.
|
||||
\v 2 Tahe tiiboho kanarybedenykre rkaõwonyrenyke Deuxu hãwãlo-ò rikoirenyke Israeli Deuxu rybena hetoo tii inyboho rierynanykre aõbo rikiwinyrenykremy, inyboho rikiriranyrenykremy irydi. Tai tahe Deuxu dohodỹỹna kanakre Jerusale tule Xiaõ hãwãlomy inydee kanarybekre.
|
||||
\v 3 Tii heka itxeredu tyhy ratxikre ibutumy inydeereny tii tuu ritidikre ibutu irehemy rỹira mahãdu tuu rarybekremy. Tiiboho rexirahorerenykre tebonareny mabese rarahoremy etõriorireny irarubumy. Tiu heka bedebede mahãdu aõbina riwinyõtyhyreny tule tiu rexiywinyrenyõtyhy ixyby aõbinamy.
|
||||
\v 4 Tiiboho heka awimy ratxirenykre iny sohoji sohoji rexielehynykre ywimy alobrona oworu oraò da tawidỹỹbededỹỹnana bire-ki aõbo. Kia heka irybe rare. Deuxu ruruterehekỹwahe.
|
||||
\v 5 Iwitxira bedebidi mahãdu reàlàmyhỹrenyre rityhynymyhỹrenyre tadeuxureny tahe, inyboho Deuxu ruruterehekỹrityhynymyhỹrenyre tuu inyboho reàlànymyhỹrenyre irybe rikeobymyhỹreny tuu raktximyhỹreny.
|
||||
\v 6 Deuxu rarybere: Tahe kanakre bedetyhy iu tahe jiarỹtamyreny anarybekre tibo aõhõkỹmy rutỹỹnymyhỹmahãdu-ò kia jiarỹaõhõkỹmy resenyrenyre mahãdu-ò, tiubo ritare iaõmydỹỹna ribi.
|
||||
\v 7 Anadykre ixyby abede ribi irehe ribi ibutumy aõbo irumy tahe ariwinykre ijõ sỹdumy iruruterehekỹmy. JiarỹDeuxu bede ariywinykre Xiaõ hãwãlo-ki, tahe kia wamy reobykre wana tuhyy rarekre awimy, tule tiiboho wahõmy roirekre ixybyle.
|
||||
\v 8 Ei Jerusale, tiludubo jiarỹrare, budoeni-di itxeredu idireny retehewãhãrereywinywãhãre wamahãdu adoosekr e hãwahãkỹtyhy-ò bede webro ribi, hãwahãkỹwihikỹ-ò Israeli hãwa.
|
||||
\v 9 Jerusale, aõherekibo kai tabuteri tii hãwyyreri wana uladu desemy robureri? Aõrekibo kai aõbo ahãwa wedu ihoõre da rybeywisidỹỹdu aõbo ituerenyre?
|
||||
\v 10 Jerusale, bidiwiyke txubrere tule rajua tii hãwyy ratxireri loosona riwahinyreri, tahe kaki sỹdu mahãdu rohonykre bedero su-ò rasỹnykremy iribi tahe roirenykre babilonia hãwa-ò. Kia tahe Deuxu kiditadenykre, ritakre ioludu ruruterehekỹribi.
|
||||
\v 11 Sõwemy bedebede mahãdu rexibutunyrenyre kia Jerusale hãwa hudumy. Kia rarybere: “Jerusale ijoi rahukre aõ tai rariõhyykre”.
|
||||
\v 12 Tahe tii rieryõrenyre tii Deuxu bede riywinyremy timybo rõhõtinyremy. Rieryõrenyre tii rexibutunyrenyre ihudurenymy, kia mai ru wesele aõhebo iny ributunymy risykremy tule kia todeura tyy iny ributunymyhỹre wese.
|
||||
\v 13 Tahe Deuxu rarybere: Jerusale hãwa mahãdu, bitamanybenyke biorybenyke aõludureny. Jiarỹadeereny ruru ariwahinykre broreni hãbu iodi woma wesuru terehekỹtule hãwo lyby. Kaiboho mahubenykre sõwemy iny wade bidiwahibedeny, ibutu bedebede Deuxu rare, tatyhynareny tiiboho ritarenyre tarurutererenymy.
|
||||
\c 5
|
||||
\p
|
||||
\v 1 Jerusale mahãdu bexiywinybenyke kaiboho bexihedỹỹnybenykemy kia aòludureny ahãwãreny rirurawonymy ratxirenyreri tiiboho Israeli wedu iòlò rubudỹỹmy ratxirenyreri.
|
||||
\v 2 Tahe Deuxu rarybere: Bele-Efrata kai hãwã iyja- ò tate Juda hãwã-ki. Tahe ariwinykre ahãwãrenyyribi heka ijõ ròhònykre Israeli wedu iòlòmy ratxikremy. Tii heka juhuu rybena heto riòrunyre riokore-le rarekre juhuu ihetxiutyhy mahãdu irehetyhyludu.
|
||||
\v 3 Deuxu riwahinykre Israeli mahãdu iòludureny debò wo-ò tuhyy tureny rasaõsaõmy roirekre tiu hãwyy riòre reakreu hukỹle tahe tii tamyreny loosahãkỹ riwahinykre. Tai tahe Israeli mahãdu heka rotena-ki iny rỹimyhỹre wesemy roiremyhỹ iribi tahe kidexibutunydenykre kia Su Wihikỹtamyreny ritidire-ò.
|
||||
\v 4 Kia wedu iòlò kdobikre kia aõbohe deuxumy rybedu wamahãdule rare, riwedunymy tarurumy tahe Deuxu tahe tamy rawihinyre tanimy, tabedeywinatyhy Deuxu riwahinyre. Aijoi tahe rasỹnyrenykre iijesedudimy kia heka tamy rehemynykre tarurumy irehetyhytyhymy bedebina ribi.
|
||||
\v 5 Tahe kidiwykre aõwityhyhykỹ. Tiubo axiria mahãdu iny hãwãreny rihurenyre ròtarenyre iny rurureyribi, inyboho tahe rikiteonyrenykre hãbu ruruterehekỹ tiiboho wana resurenykremy.
|
||||
\v 6 Tiiboho Neroji mahãdu hãwa-ò rirònyrenyre, kia heka rare, axiria, tahe rotarenykre. Kiamyre heka, tiubo axiria mahãdu inydeereny raaõbinamy renykreu inyhãwãreny-ò tahe inywedureny inyboho kidihedỹỹnykre.
|
||||
\v 7 Israeli mahãdu tahe iruhyy roirekre kia iny iwira mahãdu- ò tamyreny nonoe kiditeònykre isureny ò Deuxu riwahinykre, aõhebo biu alòbrònatyre resemyhỹre wese. Tiiboho rawinyrenykre Deuxu riwiòhenanyrenyraki aõ inymy aõkõ rawowydyrenyre.
|
||||
\v 8 Israeli mahãdu heka iruuhyy roirekre tuhyy iny mahãdu yki aõhebo iròdu deburehekỹ bederahy ludu wesemy, aõhebo iròdu debure itomora budoeni mynymy reamyhỹre tahe rimymyhỹre tahe riyreyrenymyhỹre tiu iny iribi rihedỹỹnyõtyhy.
|
||||
\v 9 Kia wesemy heka Israeli mahãdu ròtamy ròrubydỹỹnymy roirekre ibutumy taòludureny rahumy roirekre.
|
||||
\v 10 Tahe Deuxu rarybere Israli mahãdu-ò. — Kia txuu, tahe arirubunykre aawarureny adibinanykre aaõbinareny ityti heòty.
|
||||
\v 11 Adirikre ahãwãreny ibinatyhymy adehukre arurunareny-di.
|
||||
\v 12 Adihukre ãhàrireny tule aaõresydurenyõlemy beòbenykre.
|
||||
\v 13 Adihukre kia iòtaòta rityhymyhỹre tule adeuxureny Baa-ò , tiu heka tuu beàlàbenyõtyhy awidỹỹnarenymy.
|
||||
\v 14 Adihukre ibutumy adeuxureny deòsena asera-ki tule adihukre ahãwãreny.
|
||||
\v 15 Wanonanamy, wahõrõtyhymy, jiarỹ adiòwynytyhykre ibutumy bedebede warybe rityhyõrenyre-ki wahe.
|
||||
\c 6
|
||||
\p
|
||||
\v 1 Boholabenyke ariwinykre-ò kia Deuxu riwinykre-ò aweribireny aõkõ rarurunykre. Myike, Deuxu dori adee riwahinykre rybewi aõkõ hãwalò hãwalò tule hãwalò rariehekỹ roholakre irybe-ò.
|
||||
\v 2 Hãwalò dori bede wararu rare, bohobenyke kia ibinahãkỹ kanakre-ò Israeli mahãdu òludumy tahe tii aõbo ijõdire riwinykremy tii heka ibinahãkỹ riwahinykre Israeli mahãdu-ò.
|
||||
\v 3 Deuxu rarybere: Waijoi, aõbohe jiarỹ rewinyre òbitimy aõkõ? Sõwemy aõbo rewinywãhãre umyrehy? Bidirawyònybenyke!
|
||||
\v 4 Jiarỹ anatadenykre Ejito hãwã ribi anahedỹỹdenykre uri taaõmysỹnymahãtenyte ribi, reteònyra Moseisi, Araõ tule Miriỹ-di riyrubunymy rakremy aõ tai ijõõhõdi.
|
||||
\v 5 Waijoireny õhõtireny itxi reake kia Balake, wedu Moabi riwinyre aõludurenymy kia Balaõ, kia Beti riòre wahe adee riwahinyre, ibutumy õhõtireny itxi reake aõ ròhònyremy kia tai tatxitenyte ribi ròhònyre Akaxia-ò tahe tule rehemynyre Giogaõ ò hãwãhãkỹ. õhõtireny lusaõmy tiu dori Deuxu tõhõti rusaõtyhy aõbo riwahire tarasana.
|
||||
\v 6 Aõbo tahe jiarỹ adisuhokre tiubo deuxumy areàlàkre-u? Aõbo adiwahinykre Deuxu biuludu tyhy-ò? Tamy aõbo adite òsinykre broreni riòre hãbu Deuxu-ò sohoji beòra tamy kedookremy.
|
||||
\v 7 Kia aõbo Deuxu kedeysakre tamy budoeni sõwetyhy-di da bee awihikỹsõwetyhy-di aõ kedeysakre? Kia aõbo tamy wariore dela adiwahinykre xiwenamy reakremy waaõna binabina òwydỹỹnamy tule waòraru owydỹỹnamy?
|
||||
\v 8 Tahe Deuxu riteòsinyre aõbo awi, tii rarybere kia widỹỹna inyribireny. Aõmybo ruruke inyboho rikiwinyrenyke aõbo òbiti inohõrõrenytyhy, kia wiiluumy sõwe tyhymy rikatxirenyke tule awimy ywimy òbitimy rikarenyke iny tybyreny-ò. Deuxu-ò wahe.
|
||||
\v 9 Deuxu rarybereri Jerusale hãwã mahãdu-ò, moõbo ibedeerymy ratxireri roholake tyhyna-di Deuxu tuu rarybereri. Tii rarybereri: Iny Juda mahãdu tule Jerusalemy sỹdu mahãdu boholabenyke.
|
||||
\v 10 Iny bina mahãdu heto kia ityhy mahãdu rexibutunyrenyre iny òeòe mahãdu. Tiiboho riuherenyre urihixina òbiti aõkõ, ibinamy tai rahare.
|
||||
\v 11 Timy tahe jiarỹ iòraru arisuhòõtyhy tii dori ibinatyhymy riwinyre tule iutxietyhymy sõwemy ibinabina-di rare?
|
||||
\v 12 Jerusale-ki hãbu iaõdi tyhy mahãdu sõwemy aõhõkỹmy risỹnyre, ibutumy tai sỹdu mahãdu ruihikỹ tule iaõnaõna mahãdu.
|
||||
\v 13 Tai tahe, jiarỹ reeryre aõhõkỹmy arasanynyrenykremy, aòrarunareny òraru-ki wahe, arahurenykre kaiboho.
|
||||
\v 14 Kaiboho tiu byrena-di awihikỹ-di matxibenyõtyhy kiamy boibekre rama arasahyymy. Biijebenykre bibutunybenykre atyhynareny ihãreleta aõ akireny ijõõkre ijõõkre; kia aõbo biyrubunybenykre wana adihukre iwese aõbina-ki rehuwãhãrewesele.
|
||||
\v 15 Bòbròbenyke ihãreta aõ birasỹbenyõtyhy; bisurusunybenykre ihãreta uweruny tahe tiu tamy bitehemynybenyõtyhy kia tiu biuhebenyõtyhy bewitxira bederatysõ tyre biriranybenykre, tahe tiu ibemy aworenyõna.
|
||||
\v 16 Kia heka ibutumy kynyikre aõhekibo kaiboho dori aõ ibinahãkỹ teryrymahãtenyte ibinatyhy kia wedu iòlò õri tule iriòre, wedu iòlò Akabe, itõhõdỹỹna heki tatximahãtenyteki wahe. Tai tahe, arihukre Jerusale ibutumy heka rexihukre tai sỹdu mahãdu wahe. Kaiboho heka ibutumy aõ akireny rariõtyhy.
|
||||
\c 7
|
||||
\p
|
||||
\v 1 Kia waribi! Jiarỹhãbu byretyhy rare tahe uritere tuu bederatymy rarunyre ibutumy lobrona figomy tule bederaty somy tomy tahe aõkõ ijõtxi reaõhyyre aõrekibo isona bedemy rỹimyhỹreu dori ibutumy risihimyhỹre.
|
||||
\v 2 Ibutumy bedebedemy hãbu ibiti ijoõkre, tule deuxu rybe kidityhynoõkre. Ibutumy iwitxira rubu dỹỹle kanarunydenykre iny sohoji sohoji tarotenalemy rỹikre rotenawoki.
|
||||
\v 3 Ibutumy rexiywinymy aõbo ibina widỹỹmy. Hãbu ruruterehekỹtahe iubewerile riwahinykemy, bede erydu tahe kiale tamy rehemynymyhỹre bedeywinale kia iruterehekỹmahãdu tahe timybo tamyremy riwahinykremy rõhõtinymyhỹrenyre. Ibutumynkia riywinyrenyre riwinyrenykremy ibinahakỹ.
|
||||
\v 4 Iwese tyhyle hãbu wihikỹmahãdu, kia hãbu obiti mahãdu, aõmy ratxiõhyymyhỹrenyre kia edeho wesemy. Tiubo Deuxu kedehemynykreu tahe aõhõkỹmydỹỹnana ityrerimy riatykre kia idireny dori retehemyhỹre obitimy, kia heka Deuxu rybedu mahãdu tuu rarybere. Iu tahe, kynyikre aõna aõna binabina ibutumy bedeki.
|
||||
\v 5 Retyhynyõre wabireludu, tule wabiowa retyhynyõwãhãre. Iny sohoji sohoji bexiõhãruny mahãbeny tule ahãwyy manamanareny-ò marybemahãbeny.
|
||||
\v 6 Wiji bedemy uladu mahãdu tyby rityhynyõhyymyhỹre tule tariolahi wana raaõbinanymyhỹre, tahe ibinatyhymy oludumy ratxikre seriore woludu tyhyle wana wahe.
|
||||
\v 7 Jiarỹ, kia retidiwãhãre wararosona Deuxu-ò, tii heka retyhyny wãhãre inatyhytyhymy tii dori kidiwatakre. Wadeuxu dori kidiwawiohenanykre.
|
||||
\v 8 Waõludureny, uritere wadireny nohõtiõmy! Inatyhymy rejuxunyrenyre, tahe ixybylemy retamynyrenyre lamamy, katahe, wiji watxirenyreri bedeluru-ki, tahe Deuxu iny loosonarenymy rare.
|
||||
\v 9 Inyboho rexiora runyrenyre Deuxu ribi tahe wiji inyboho rkexiywinyke tamy rokoikremy. Tii dori iny riywinyrenykre inyorarurenyki inydeereny ywina riwahinykre. Tii inyboho ridykre loosonahãkỹ-ò, tahe inyboho ritakre.
|
||||
\v 10 Tiubo inyoludureny inymyreny robirenykreu tahe raixyrurenykre, arieryrenykre arotarenykre; tiiboho heka ityrereny arariakre iwese subruru hãwakỹeryesy-di reamyhỹre wese.
|
||||
\v 11 Jerusale mahãdu rehemynyreri wahe otity relekre txu-ò itamoramy hãwaki tahe rexirahorekre irehetyhymy kia iwitxira bedebede ribi.
|
||||
\v 12 Kia txuule, inywedutyhyreny kodoosekre Jerusale-ò. Tiiboho robirenykre Axiaramy, tule Ejitumy tule Eufratxi mahãdu beraludu ijoimy; tule robirenykre beronihikỹmahãdumy tule hãwalo rariehekỹirehemy.
|
||||
\v 13 Kia tahe ibutumy bedebede rexirahorekre aõ tai ijõõhõkỹmy kia oraruna oraruki wahe tu sỹdu mahãdu ibutumy.
|
||||
\v 14 Deuxu, inydireny itxeredu, iny ywisidỹỹdu inyboho ihõrõ roire ibroreni. Inyboho irehemy ratximyhỹrenyre iribi bedeyxeke suu wihikỹotity woki tule su wihikỹtyhy-ki.
|
||||
\v 15 Ariwinykre aõwihikỹtyhy inylahanarenyki, iwese adiwinykre tiubo aritarenykre-u Ejitu ribi.
|
||||
\v 16 Bedebede ruruterehekỹtuu robirenykre, kia ibutumy tarururiny ribi tiiboho raixỹrurenykre. Ijõ mahãdu tahe urile ruberurenykre, taryreny rarutxinykre kedexihetenydenykre tõhõtireny-ò.
|
||||
\v 17 Tii bededi rexirureherenykre brybymy, tiiboho roirenykre taruruterena ribi, tỹxihikỹle ibinahãkỹdi, riòòserenykre inytybyreny-ò inydeuxureny-ò wahe.
|
||||
\v 18 Deuxu heka ijõõre iwitxira Deuxu iwese, tahe riixare imahãdu ribi irumy ratxirenykremy. Kai uritere tuhyy nõmy, tahe kiamy inydeereny aluuna biteosinykre.
|
||||
\v 19 Itamora rayky inydireny kanaruxetoe denykre, kanahudenykre iny aõbinabinareny-di kedehukre iny orarureny-di ahu bero nihikỹ-txi.
|
||||
\v 20 Timybo adeereny retidire juhuu inykorenymy roiremyhỹ-ò mahãdu-ò, kai òbitityhymy mabekre tule biteòsinykre aluna wadeereny, Abraõ, Ijaò (Jacó) riòre riòre wahe.
|
||||
|
|
@ -0,0 +1,64 @@
|
|||
\id NAM 34. Nahum (3cc)
|
||||
\ide UTF-8
|
||||
\rem dat 2014
|
||||
\h NAUM
|
||||
\toc1 NAUM
|
||||
\toc2 NAUM
|
||||
\toc3 nam
|
||||
\mt1 NAUM
|
||||
\c 1
|
||||
\p
|
||||
\v 1 Kaa heka Ninive bededỹỹnamy rarybere, kia Deuxu tuu ritòbexidỹỹnyre Naum dee riwahinyre, tii heka Elcos hãwaludu rare.
|
||||
\s1 Deuxu Kyarahakỹ Ninive Òludumy
|
||||
\v 2 Deuxu heka iwitxira ỹnyxiwe òtaòta riraòõhyymyhỹre Deuxu heka ikyanadire kia taòludu mahãdu dee rexiòwynymyhỹre. Deuxu taòludu mahãdu ixiòwydỹỹna ritamyhỹre. Kia rakyaranymyhỹreu tahe rirarytxynymyhỹrenyre.
|
||||
\v 3 Deuxu Tyhyhykỹ heka ywimy nodu rare, urile tahe iruruterehekỹre, kia iòrarurenydimy ratximyhỹrenyre rirarytxynyhyymyhỹre. Tii rariamy ratximyhỹre yhydebure ykymy kia yhy deburetyhy ykymy; biuwetyyura node heka iwati riukòmyhỹre.
|
||||
\v 4 Deuxu heka berohokỹ rimymy ritxuhunymyhỹre, kia tii ruỹmyhỹre; Deuxu bero mahãdu riturỹdỹỹnymyhỹre. Basã asireny kia carmelo bera ratòò rirubudỹỹnymyhỹre, Libano bede ratòò boho noiròsòreny rirubudỹỹnymyhỹre.
|
||||
\v 5 Hãwalò hãwalò ikoki ramytàtàmyhỹrenyre, kia bede ratòò mahãdu tahe rexitxiwimyhỹrenyre. Tiu tii rexitynynynymyhỹreu, suu kia ibutumy tai hãwadu mahãdu rexihumyhỹrenyre.
|
||||
\v 6 Tiu Deuxu Tyhyhykỹ iky reamy ratximyhỹreu, mobo tahe làmamy rỹike? Mobo tahe riemy rỹikre ikyarana? Kia teburehỹ rejujumyhỹre bero heòty wesemy; ikoki heka mana rabrò rõderõdenymyhỹre.
|
||||
\v 7 Deuxu Tyhyhykỹ heka awire rare. Kia bede isirasiramy rỹimyhỹre bedeu tii tasỹ taijoi rihedỹỹnymyhỹre kiata tarukimy ratximyhỹre iny mahãdu iixiwotena riemyhỹrenyre.
|
||||
\v 8 Kia beòrahakỹ wesemy tii taòludureny rahumyhỹrenyre; tii riteònymyhỹre taòludureny rubu mahãdu ykyreny-ò.
|
||||
\v 9 Aõbo heka kai boho bede teywinytenyteri Deuxu Tyhyhykỹ òludumy? Tii heka ibutuhyylemy arahurenykre. Deuxu òludumy inyõ rexilàmadỹỹnyke aõkõre inatxi ixybymy?
|
||||
\v 10 Kia bede ratòò ledelede wesemy, horeru rubu wesemy, kai boho ibutuhyylemy bexihubenykre!
|
||||
\v 11 Ninive hãwa-ribi hãbu nade ibinabinamy rõhõtinymy, kia aõnaõna ibinamy riywinyre Deuxu Tyhyhykỹ òludumy.
|
||||
\v 12 Kiaremyta, Deuxu rarybere Israel iny mahãdu-ò: “Assírio mahãdu rexihurenykre kia riõrenykre, kia iruruterenyre hãre kia sõerenyre hãre. Diarỹ arawahinyrenyre kai boho aõhỹỹmy butỹỹnybenykremy, kia tahe ixyby tuu ariwinyõtyhy.
|
||||
\v 13 Diarỹ araheddỹỹmyrenykre assírio mahãdu deburehekỹ-ribi; diarỹ aratarenykre wetxumy atximyhỹtenyte-ribi”.
|
||||
\v 14 Assírio iòlò bededỹỹnanamy Deuxu Tyhyhykỹ rarybere mỹỹ: “Tii iriòrereny ihoõkre, kia kawesemy tahe ini riõkre. Diarỹ arihurenykre iinyxiwereny kia ihetoworenymy rỹimyhỹrenyre iritxoo dỹnyxireny. Kia arituunykre, kiemy dori tii aõkõ awiõhyyre”.
|
||||
\v 15 Betehebeny ini. Hãwalò hãwalò-di rubewahidỹỹduõ namyhỹde ijyywiwi-di, ijyy ywimy rỹimy rarekremy. Juda iny mahãdu, abedesanareny aixenareny biwinybenyke kiata Deuxu-ò tuu maubenybenykre tuu kai tarybete mynamy. Ahãwahãkỹreny tiu ixyby iwitxira hãwa mahãdu tamy inorenyõna iny binabina mahãdu; tii boho dori ibutuhyylemy rexihurenyre.
|
||||
\c 2
|
||||
\s1 Ninive Su-ò Rariòwyre
|
||||
\p
|
||||
\v 1 Iny hududu Ninive hãwa tamy aõbinamy reakre. Bisỹnybenyke iny mahãdu atenatirenyti-di itxeredumy. Sodadu mahãdu-ò byrybenyke kiata ijesemy rexiywinyrenykre.
|
||||
\v 2 Deuxu Tyhyhykỹ ixyby kidiòkesedỹỹnykre Israel iny mahãdu aõwiwihikỹ; kia ixyby iny mahãdu hãwa hãwa komy juhu ratxirenyre wese kia iòludu mahãdu ibutemy iaõnaõnareny riwymyhỹrenyre kiata ihãwahãkỹreny ririmyhỹrenyre iwese bedederade iruru sõmosõmo ihoõmy rỹimyhỹre wesemy.
|
||||
\v 3 Sodadu mahãdu iòludureny retyymyhỹrenyre wyhy itxena sòhòkỹreny-di, kia ityyreny tule isòlerenyre. Tii boho rexiywiywinyrenyre Ninive-ò aõbinamy rekoarenykremy. Iitytireny heòty heka rarỹsỹnymyhỹre heòty wesemy, kia awaru mahãdu tahe ywimy ratxiõhyymyhỹrenyre.
|
||||
\v 4 Wouna ityti heòty mahãdu iijarateremy raòrunymyhỹrenyre ryòreaòrea-di. Kia heka heòtyloo wesemy reamyhỹre, kiata biudelaa wesemy rekoamyhỹrenyre.
|
||||
\v 5 Sodadu mahãdu wedu òludu tarybe riwahinyre taõdadureny-ò; tii boho raòrunymyhỹrenyre hãwa adohou huariòhòkỹle kia rekoamyhỹrenyreu urile wii ritorutorunymyhỹrenyre. Tii boho adohou huari ridemyhỹrenyre tamy rexiwòrenykremy.
|
||||
\v 6 Biraynybenyke bero ijò ijò kia iaõmysỹdỹỹreny heto-ki aõnaõna binahakỹ ratximyhỹre.
|
||||
\v 7 Iỹnyxiwereny ritxoo heka riwyrenyra, kia ityhydỹỹdu mahãdureny tahe iherenymy robumy roirenyre; tii boho rawesiruràmyhỹreny bòtòehekỹ wesemy kiata tabretireny ritehenymyhỹre bede riryryrenymy.
|
||||
\v 8 Ninive iny mahãdu rexiwòrenyre iwese bee iwory-ribi rahenymyhỹre wesemy. “Bexitxuhunybenyke! Bexitxuhunybenyke!” Inyõ rirajuare, ka inyõ tahe ixiwòtelau rexitxyhunyõhyyre.
|
||||
\v 9 Mana rỹsỹ òtaòta bimybenyke! Mana rỹsỹhỹkỹ biwybenyke! Hãwa heka sõemy tỹximy roireri aõnaõna tyhyna-di, kia sõemy aõnaõna wiwihikỹ-di rỹirenyreri.
|
||||
\v 10 Ninive: rexihure, bederomyrelere, inyhomy aõkõ! Itelesoreny sõemy brebureny-di; Itiòhureny ramytàtàrenymy, iòsỹnyre rỹrenyrenymy; ibutumy irururenyhomy aõkõ rekoarenyre.
|
||||
\v 11 Aõbo tahe hãwa rutỹỹnyre kia leaõ hãluu ijõwesemy roimyhỹre? Tai heka leão riòre boho rỹsỹna rirỹsỹnyhỹrenyre; leão boho tariòre boho-wana rexirarudewiwimy ratximyhỹrenyre, kia inyõ ribrebunyrenyõ hyymyhỹrenyre.
|
||||
\v 12 Leão aõtxile iròdu rirubunymyhỹre kiata tahãwyy-wana tariòre boho-wana wimy, riwirareamyhỹre; ihãluu ijòreny tỹximy roimyhỹre iròdu iròdu rubu-di.
|
||||
\v 13 Deuxu Tyhyhykỹ, ibutumy taruruteredi, rarybere mỹỹ Ninive iny mahãdu-ò: — Diarỹ aòludurenymy watxireri. Arisõkre aitytireny heòty wouna, kia asodadureny wouna-ki rururenykre. Ariwykre ibutumy aõbo kai boho tewòtenyte iny witxirareny-ribi, kia tiu ixyby ahãwareny iòlò deòdu raõtyhy iwitxira hãwa hãwa bede bede-ò.
|
||||
\c 3
|
||||
\s1 Ninive Dee Hii Ibru Rỹire
|
||||
\p
|
||||
\v 1 Ninive-di, hãwa birahakỹ, sõemy roidu kia aõbinabina-di roimyhỹre, tai rubudỹỹ rỹihyymyhỹre.
|
||||
\v 2 Boholabenyke òhòte wodỹỹ-ò kia wareny wodỹỹ-ò! Kia rirahureri awaru mahãdu rawayrytòrenymy; Ityti heòty wouna heka rekoamyrirahurenyreri!
|
||||
\v 3 Awaru dinodu mahãdu heka tõnori rỹsỹhỹkỹ-di turemy rojymyhỹrenyre. Rururenyre ibutu bede bedemy, sõetyhymy rubu ydò rỹire; sodadu mahãdu rariòwyrenyre rubu mahãdu ykytxi.
|
||||
\v 4 Ninive, wedena, kia rararytxymy ratxireri! Iruxera kia iny dee rarybewiwimyhỹre, tahàri bedeerymy tii iny mahãdu rimyrenymy raremyhỹ kiata tabirenamy iny idee rimymyhỹrenyre.
|
||||
\v 5 Deuxu Tyhyhykỹ, ibutumy tabedeery nihikỹ-di rarybere: Ninive, diarỹ aòludumy watxireri. Diarỹ atyy aritakre kiata ademy arasỹnykre kia ibutumy iny mahãdu kawesemy umy robikremy, kia aaõbinahãkỹmy robirenykremy.
|
||||
\v 6 Kia aõbinabinamy adi aratxikre kia bede susu-di arahetynykre; ibutumy adi reteherenykre ibinahyylemy.
|
||||
\v 7 Ibutumy iny mahãdu umy robirenykre rexiwòrenykre, myỹ raryberenymy: Ninive heka rabinatyhymy ratxireri! Mobo tahe adi rexiwobrunykre? Tikibo tahe itxi areakre mobo aranohõti tòbònykremy?
|
||||
\v 8 Ninive, kai aõbo awityhymy atxite Teba-ribi, Egito hãwaty aludu? Tii heka tule bero iitxedurenyre: Nilo bero kia adoho uhuari wesemy riijemyhỹrenyre.
|
||||
\v 9 Teba heka rahãỹnanymy raremyhỹ. Egitu-my kia Etiòpia-my; tii heka hãwa ruruterehekỹmy raremyhỹ bede bede-ribi, kia Libia hãwahãkỹheka ibiòware.
|
||||
\v 10 Kia tahe ihãrele Teba iny mahãdu brejumy rekoarenyre; tii boho radyrenyre tahãwareny-ribi irehemy, uladu mahãdu taòmy su-ò rejujurenyre ryy rỹimy rỹimyhỹrenyrekile, kia iòludureny mahãdu (sorte) ritarenyre riterenyre kia mono ratxikremy iny mahãdu tyhyhykỹreny-di kia irahudita ridyrenyre womati reruti-di ribrejumymy ridyrenyre.
|
||||
\v 11 Ninive, kai tule axaxamy biõlekre kiata matiwewetiwewemy mariamy makre, uritre aòludu mahãduribi bexiwòkemy bisỹnykre.
|
||||
\v 12 Ibutumy heka aruruterehỹkỹ bederade ruru sõmosõmo wesere sõemy iraty rasònymy rỹimyhỹrenyre. Kia urile iruru raukỹukỹkremy, kia tahe iraty resekre inyõ rywotxi ixideewimy inyõ rirỹsỹkremy.
|
||||
\v 13 Isodadureny heka irurutereõrenyre hãwyy mahãdureny wesemy, kia hãwa ijòtòbona sõe iraymy rỹirenyreri. Iòrudureny ixideewimy rirònyrenykre, kiemy dori heòty rihurenyre ijòwerynareny.
|
||||
\v 14 Bee ihynarenywo-ò birarenybenyke, kia ihoõkre lau tiu sodadu iòludureny hãwa riyrawonykeu, kiata ixyby bexiruruterenybenyke. Suu bidewidewinybenykre kia adobo-my biwinybenykremy.
|
||||
\v 15 Kia wese hãrele kai boho burubenykre heòty-di yda wouna-ki; aòludureny arahurenykre iwese sei rabrò oworu aõwi rahure wesele. Sõetyhymy bexirahòrebenyke sei rabròhòkỹ wesemy!
|
||||
\v 16 Aykyrenyki heka aõnaõna-di ijohodu mahãdu ijõdirenyre kia taina biurawetyymy rỹimyhỹrenyre-ribi. Ka tahe wiji tii boho ròirenyre, iwese sabròhòky taderatyti ritehenymyhỹrenyre wesemy ruòmy ròhònyrenyre.
|
||||
\v 17 Iwedureny ranehekỹ bohoreny kia iaõmysỹdỹỹdureny kia heka sei rabròhòkỹ wesena roire kia heto wetityre rurymyhỹrenyre bede rutàtàra-wana; ka txuu raòderanymy namyhỹdeu, tii boho ruòmy ròhònymyhỹrenyre, kia inyõ rieryrenyõhyymyhỹre tibedeobo ròirenyramy.
|
||||
\v 18 Assíria iòlò kia ihãwa hãwareny mahãdureny rurumy ratxireri, kia isodadu wedureny tule rururenyre. Iijoireny imahãdureny hãwa hãwalò-my roberamy rỹirenyreri, kia tahe inyõ ihoõkre ixyby ributunyrekemy.
|
||||
\v 19 Lauhi ihoõre iwotõmonareny lauhi; kia teytena ihoõrenyre. Ibutumy iny mahãdu iaõbinabinareny-ò roholamyhỹrenyreu kia urile rabedesamy teboube rihetehetenymyhỹrenyre. Kia dori inyõ rahenyrenyhyyrenyre aõhỹỹhỹỹmydỹỹnana-ribi kia tiu rexibuõtyhy.
|
||||
|
|
@ -0,0 +1,78 @@
|
|||
\id HAB 35. HAB (3cc)
|
||||
\ide UTF-8
|
||||
\rem dat 2004
|
||||
\h Habakuki
|
||||
\toc1 Habakuki
|
||||
\toc2 Habakuki
|
||||
\toc3 hab
|
||||
\mt1 Habakuki
|
||||
\s1 Habakuki Deuxu-ò Rexitòenyre
|
||||
|
||||
\c 1
|
||||
\p
|
||||
\v 1 Kaa rybe Deuxu, riitxeredỹỹnymy Habakuki dee riwahinyre.
|
||||
\s1 Habakuki Rexiramy Raybere
|
||||
\v 2 Deuxu Tyhyhykỹ, tiubo tahe ararybekre ixiwiòhedỹỹmy arexitòenymy, kia kai tahe waderalemy teate? Tiu bedeubo tahe arirajuakre: “Aõbinabinahãkỹ!” Kia kai tahe biwahedỹỹnybenyõkre?
|
||||
\v 3 Aõherekibo aõnaõna binabinahãkỹmy tiwatobixidỹỹnymyhỹte? Aõherekibo teraòmyhỹte aõnaõna òbitimy aõkõ rỹimyhỹre? Diarỹ heka bede ixihuduna-di kia aõnabinabina-di rayrawomy watxireri; Aõbinbina kia ijesu ibutu bede bedemy rỹireri.
|
||||
\v 4 Iurenana heka inyõ arybe wahidỹỹnana rityhynyõhyymyhỹre, kia òbitimy aõnaõna rỹimyhỹre tahe tiu ròtamy ròhònyõhyymyhỹre. Iny binabina mahãdu ròtamy riòlònymyhỹrenyre iny òbitimy rỹimyhỹrenyre-ribi, kia rybe òbitihikỹ tahe urile ramoemoemyhỹre.
|
||||
\s1 Deuxu Rirawyònyre
|
||||
\v 5 Deuxu Tyhyhykỹ rarybere tasỹreny dee taijoireny dee: “Betehebenyini, hãwa hãwa bedebede awerurarenymy rỹirenyreri-di kia tahe bede riòtiinyrenymy kia ruberumy rỹirenyreri. Kiemy dori diarỹ wiji ariwinykre kia heka kai boho bityhynyõhyybenykre, kia inyõ akoreny relyyrenyke hãrele.
|
||||
\v 6 Diarỹ arehukremy watxireri Babilonia boho-di, kua iny mahãdu binaibnahãkỹ aõbinaluuhukỹ boho, kia ikiemy rexihuhukỹlemy ratximyhỹrenyre rariarenykremy bede bedemy hãwa hãwamy, kia iwitxira mahãdu sureny ixidee rimyrenykemy.
|
||||
\v 7 “Tii boho riuberanymyhỹre brebuna binabinahỹ kia tahe tarybereny wahidỹỹnarenyle rityhynymy riwinymyhỹrenyre.
|
||||
\v 8 Iawarureny heka tetityhyrenyre hãlòe riti mahãdureny-ribi, kia heka teburetyhyrenyre ahula mahãdu bederahymy rỹirenyra-ribi; tii boho irehe-ribi naòrunymy dòimyhỹdenyde, wytyhylemy nawiihikỹ wesemy kia tiu ixidi rehumyhỹrenyreu iròdutyre kia tii ririunymyhỹre.
|
||||
\v 9 Sodadu mahãdu rimymyhỹrenyre, kia rytyhylemy rimyrenykemy risỹnymyhỹrenyre; kia rahãỹnanymyhỹre-wana roberamyhỹrenyre iaõbinareny nihikỹ. Kia iny mahãdu ribrejunymyhỹrenyre heka sõerenyre; kia heka sõetyhyrenyre ỹnyra rutà sõereny ratyre.
|
||||
\v 10 Sodadu mahãdu Babilônio risinymyhỹrenyre iòlò mahãdu-di kia hãwa wedu mahãdu urile riitxenanymyhỹrenyre. Kia urile irurureny nihikỹ-di rutxuenymyhỹrenyre; kia rexideòtenyrenymy tawounarenymy kiata ihyy tuu rahãỹnanymyhỹrenyre.
|
||||
\v 11 Irahudi tahe komy ròimyhỹrenyre, iwse yhy reamyhỹre wesemy; tii boho rerinanyrenyõmyhỹrenyre iwitxira ỹnyxiwemy kia tarurureny sohojile rityhynymyhỹrenyre.
|
||||
\s1 Habakuki Ixybyle Rexiramy Rarybere
|
||||
\v 12 Kai ikiehyymy tatxihyymy tatemyhỹ, Deuxu Tyhyhyỹ. WaDeuxu Tyhyhykỹ, kai heka arubu-di aõkõ tate. Kai heka wawòtedureny waitxesedureny tate. Deuxu Tyhyhykỹ, kai heka babilônio boo tetate kiata tamyreny ruruterena tewahinyte riwararytxynyrenykremy.
|
||||
\v 13 Ka timybo tahe adeòby rỹikre, kaa inybòdỹỹluu mahãdu, kaa iny mahãdu binabinahäkỹ? Iruereny heka inatyhyhykỹmy retehemyhỹrenyre aõnaõna binabina-di; kai heka timy tai ibinamy tahãmy aõkõ idireny tetehemyhỹte iny mahãdu aõnaõna binabinareny-di. Timybo tahe rybeõmy atximyhỹte tiu kaa iny mahãdu binahãkỹ reerynymyhỹrenyreu kia tii boho aõbo iratyrereny awityhyrenyre?
|
||||
\v 14 Aõherekibo tahe iny mahãdu-di kawesemy atximyhỹte utura wesemy, kia iwese iròdu iròdu iwedureny ihoõmy ratximyhỹrenyre wesemy?
|
||||
\v 15 Kiemy dori babilônio boho iny mahãdu witxira rimymyhỹrenyre iwese waxidu mahãdu utura utura rimymyhỹre wesemy. Tawaxitireny-di kia tadeòrerureny-di iny mahãdu rimymyhỹrenyre kiata su-ò idi retyymyhỹrenyre. Taita rexibedesanymy kia reysamyhỹrenyre.
|
||||
\v 16 Xiwena riwahinymyhỹrenyre deòreru deereny kiata waxiti dee raxiwemyhỹrenyre, kiemy dori iòrarurenyki waxidu mahãdu iaõdirenymy ityhymy runymyhỹrenyre kia sõemy irỹsỹnareny ijõdire rirỹsỹrenykremy.
|
||||
\v 17 Kia aõbo babilônio boho tiu aõbo iijesureny ixawiõna kia iny mahãdureny-di iixiwobrudỹỹreny ihoõhyylemy aõbo rirubunymy roirenyrekre?
|
||||
\c 2
|
||||
\s1 Deuxu Ixybyle Habakuki Rirawònyre
|
||||
\p
|
||||
\v 1 Ariòwòdỹỹnykre waatena itxesedu kiata ariraòkre ywihikỹmy aõmybo Deuxu kanarybekre kia timy waixira rybe kidirawyònykre.
|
||||
\v 2 kia Deuxu tyhyhykỹ rarybere: “Taba-ò biritinyke kaa tuu arue-di bobikre, biritinykre itỹnytyhymy aõbo adee ariteòsinykre, kia rira irutaõlemy rỹikremy.
|
||||
\v 3 Kia tamy bede rehemynyõlemy ratxireri tiu bedeu òbitimy rỹikre-ò kia tuu tabite rỹikremy; kiaremyta tii tikiemy tuu bede rutỹỹnykre. Bede òbitihyylemy ioholemy edehemynykre; kiaremyta biraõkre, aõhe-wana Urihimyòmy raroorehenykre, kia tuu tabite tanonana òbitiu kanakre.
|
||||
\v 4 Kaa heka rybe wahina rare: Iny binabina mahãdu heka imynydureny ihoõrenykre, ka iny mahãdu òbitimy rỹimyhỹrenyrele tahe ratxirenykre Deuxu rityhynymy rỹimyhỹrenyre-ki.”
|
||||
\rem dat 2017
|
||||
\s1 Babilonia Boho Rararytxyrenykre
|
||||
\v 5 Uriki inatyhymy iny ityhymy iaõdimy rỹimyhỹre ròbòdỹỹmyhỹre, iny mahãdu ixityhytyhydỹỹluurenyre tiu awimy ywimy ratxirenyke ihoõre. Ibòdỹỹnareny heka ikonanaõhyyrenyre. Tii boho awityhymy ratxirenyõhyymyhỹrenyre: “rubu bedereny wesemy, ikiemy ixyby tuu rekoamyhỹrenyre.
|
||||
\v 6 -Ka iny mahãdu ramymy ratximyhỹrenyre tahe babilônio boho deramy rekoamyhỹrenyre kia idireny risinymyhỹrenyre myy raryberenymy: “Uri kai boho aaõnadirenymy aityhyrenymy atxitenyte kia aaõnaõnareny aõkõ temymyhỹtenyte! Tiubo tahe maityhynybenykre kia adewedỹỹdureny-di tesỹnymyhỹtenyte araòwynyrenykremy ?”
|
||||
\v 7 Timykibo kai bohole, babilônio boho dewed:yỹdumy manatxidenyke; taita tedewenymyhỹtenyte mahãdu adireny rarurunyrenykre adewedỹỹnareny biòwynybenykremy ixiratyrerenymy. Tii boho ymyreny raòhòterenykre, kai boho tahe ilaureny buberubenykre; tii boho ibutumy riwyrenykre aõbo ahõrõrenyrereny-di.
|
||||
\v 8 Kai boho tewasinytenyte iwitxira hãwa hãwa tyhynareny sõemy, ka tahe wiji tii boho iyrybutyhyle adeereny riwinykre. Kai boho teerenytenyte biòwynybenykre kia aõbinabina tewinytenyte iny mahãdu hãwa hãwamy rỹimyhỹrenyre òludurenymy kia tai hãwadureny òludumy.
|
||||
\v 9 Uri kai babilônio binahãkỹ, kia aheto tetỹxinyte kia iny witxirareny-ribi tewasinytenyte! Idi heka kai bexiwomy bexiijekremyre aõnaõna òhãruna-ribi kia aòludureny mahãdu-ribi mahenybenykemy.
|
||||
\v 10 Ka abededỹỹnanareny heka ixyrumy adeereny tiwyde ahãwyy boho dee ariòrereny boho deereny, kia sõemy iny mahãdu tehutenyte òraruki, kai òbitile heka aumy iòhãrumy tesỹnyte.
|
||||
\v 11 -Kia heto weti mana sõe dorile kia hetoti òwòru dorile rirajuarenyre aòludurenymy!
|
||||
\v 12 Uri kai, kia ahãwa tewinyte rubudỹỹ su mahãdu tyre kia aõbinabina-di!
|
||||
\v 13 -Ibutumy aõmysỹdỹỹ rurutere iny mahãdu riwinyrenyre kia kai temyte aõmy adee aõki awiõhyykre, kia tii boho riwinyrenyre kia heòty ritoonykre. Kia Deuxu Tyhyhykỹ, Ibutumy Tabedeery rurutere-di kia tuu riwinyre.
|
||||
\v 14 -Kia suu tahe sõemy tỹximy roikre Deuxu wihikỹ erydỹỹnana-di, iwese bee ritỹxinymyhỹre wese bero nihikỹ sa-my bero.
|
||||
\v 15 Uri kai, kia tewahinymyhỹte abiòwa dee mona besò (vinho) itxỹtena rati-di teurinymy! Tii raõdewàrimyhỹre, tatyy ritamyhỹre, kia ibutumy tuu robimyhỹrenyre tademy.
|
||||
\v 16 -Kia kai heka biinodỹỹnykre atyhydỹỹnana kia maixỹru niihikỹmy matxikre. Kiemy dori Deuxu Tyhyhykỹ aramonykre takyaranahãkỹ bedeò-di, kiata kai tule aòde rawàrinylekre. Kia kai aõwiwihikỹ bimykewihikỹ, kai urile umy dòò rỹikre.
|
||||
\v 17 -Kai tehute Libano hãwalò bederaderade; ka tahe wiji rexihukre,; kai iròdu iròdu terubunyte kia ka tahe wiji kai ilaureny buberukre. Kia heka tuu adee rutỹỹnykre aleeryna òraruki kia aõbinabina kai tewinyte òraruki iny mahãdu òludumy kia ihãwa hãwareny òludumy.
|
||||
\v 18 Aõbo tahe tai ityhydỹỹnare ỹnyxiwe òtaòta su ritxoo? ỹnyxiwe heka hãbu su ritxoo òwòru ritxoo riwinymyhỹre ratyre aõkõ rare kia heka iny mahãdu bòdỹỹdukile awire. Su ritxoo, òwòru ritxoo heka raryberenyke aõkõre; timybo tahe inyõ rityhynyke su ritxoo kia tii òbitile riwinyreny-ò?
|
||||
\v 19 -Uri kai, tarybete òwòru ritxoo tyhydỹỹna raremy: “Bexieke!” aõmybo tahe rarybere mana ritxoo tyhydỹỹnana: “Làmamy myide!” Mana ritxoo tyhydỹỹnana aõbo aõ rybe riwahinyke? Kõre, aõkõhyyre. Tii heka rahetymy roireri mana r:ysỹhỹkỹ-ki kia mana rỹsỹ òtaòta-di, kia tahe aõ rubukrehekỹle rare.
|
||||
\v 20 Deuxu Tyhyhykỹ taheto tyhyhyk:y-ki ratxireri, kia ibutumy rybeõmy ratximyhỹrenyre iruki.
|
||||
\c 3
|
||||
\p
|
||||
\v 1 Kaa heka Deuxu rybe-di ijohodu ixitòed:yỹna rare, Habakuki.
|
||||
\v 2 Deuxu Tyhyhykỹ, diarỹ raholare aõnaõna tewinytemy kia diarỹ sõemy tỹximy raberureri. Wiji biwinyke, wahãmyhỹrenyre bedeu, aõnaõna wiwihikỹmy tewinyte juhu bedeu, Kia diarỹ boho tule ruu arobirenykemy. Kia akyarahãkỹmy atximyhỹte hãre, wadireny bexiwobrunyke!
|
||||
\v 3 Deuxu rareri Edõ su-ribi, Deuxu Tyhyhykỹ rareri Parã hãwalò-ribi. Aaõwiwihikỹ biurawetyy ribòhònyre, kia suki tahe ibutumy tuu rerinanymy Rỹirenyreri.
|
||||
\v 4 Tii rarỹsỹnymy reamyhỹre atesina loosò wesemy, biudelaa tahe tebò-ribi ròhònymyhỹre, ibedeki rexiwomyhỹre ibedee nihikỹ.
|
||||
\v 5 Ikomy heka aõnaõna binabinahãkỹ ramyhỹre, kia ihewomy tahe webinadu rubuna ramyhỹre.
|
||||
\v 6 Tii rihumyhỹre, kia suu taeh ramytàtàmyhỹre; tii iny mahãdu hãwa hãwa-di retehemyhỹre, kia tii boho tahe ruberumyhỹrenyre. Bede ratòò mahãdu juhuluduna raukỹukỹmyhỹrenyre, kia rariòwymyhỹrenyre hãwalò hãwalò ehetxina, kia titxibo tii rariamy raremyhỹ ikiehyylemy.
|
||||
\v 7 Kia rabire cuchã iny mahãdu rawohitxihitximy ratxirenyreri kia Midiã-ki hãwadu mahãdu ruberumy ratxirenyreri.
|
||||
\v 8 Kia aõbo takyaranyteri bero mahãdu òludumy, Deuxu tyhyhykỹ? Kia aõbo adeburemy atxiteri bero ninihikỹ mahãdurenymy? Kai heka tanate aawaru boho tyre tanymy, kia tahãỹnanymy tòtamy tanate awouna Ityti heòty-di.
|
||||
\v 9 Awaxiahãte bimyke kiata bexiywinyke awyhy-di behukremy. Kai heka suu teamyhỹte beòrahãkỹ-di.
|
||||
\v 10 Hãwalò hãwalò umy robirenyre kiata ramytàtàrenyre; biube sõehekỹ biu-ribi rariowyre. Bee su rawo-my rỹimyhỹrenyre rawodỹỹnyrenyre; kia iybòreny nihikỹ rexilàmadỹỹnyrenyre.
|
||||
\v 11 Txuu kia ahãdu juxarareny ixawirenyre kia robirenyreu awyhy rabrò rỹsỹhỹkỹmy kia atõnori rỹsỹhỹkỹ juxaramy robirenyreu.
|
||||
\v 12 Akyarahãkỹmy atximyhỹteu tariamyhỹte suu-di ibutumy, kia adeburemy atximyhỹteu tariamyhỹte hãwa hãwa mahãdu tyrereny.
|
||||
\v 13 Tahònymyhỹte bihedỹỹnykremy asỹreny aijoireny, kia bihedỹỹnykremy iòlò kai tetate. Tewotõmonymyhỹte iny binabina mahãdu wedu kiata ibutumy tehumyhỹte isodadureny.
|
||||
\v 14 Awyhy rabrò-di terubunymyhỹte sodadu mahãdu wedu kia wadeereny aõbinamy rekoamyhỹrenyreu yhy debure wesemy riwahurenykremy; tii boho dòimyhỹdenyde rexityhytyhynyrenymy, riwahurenykremy, kia iwese inyõ rirubunymyhỹre wese hãbu iaõkõ wasityhymy.
|
||||
\v 15 Taawarureny tyre runymy rariamy ramyhỹre bero nihikỹ sa-my bero-ki, kia bero nihikỹ ybò debureyky-txi.
|
||||
\v 16 Kia tuu ibutumy raholareu, kia raberure, waryijeti brebumy ramytàtàre. Ibutumy waruru waribi riõre kia làmamy arỹike aõkõre. Kiaremyta, ariraõkre ywihyylemy, i /f + /ft I IJE left out the phrase. “until the invaders come to be destroyed” /f*
|
||||
\v 17 Ihãremy bederade rade raratynyõlemy rỹirenyreri, kia mona besò (vinho) bederaderaratynyõlemy rỹirenyreri; kia azeitona ihoõlemy rỹireri ariarikemy kia mainodeni ihoõ arihekemy; kia budoeni boho ixyby ihoõrenyreri bede syraromy kia broreni uhuarimy rỹike aõkõre,
|
||||
\v 18 kia hãrele diarỹ Deuxu Tyhyhykỹmy areàlàkre kia Deuxumy arerinanykre, wahedỹỹdu.
|
||||
\v 19 Deuxu Tyhyhykỹ heka waruruterena nihikỹ rare. Tii ixyby warirana awityhymy riwinymyhỹre kia budoeni bederahy ludu wesemy, kia hãwalò hãwalò dee riwadymyhỹre, ibedeki areximywimy aratxikremy.
|
||||
|
|
@ -0,0 +1,75 @@
|
|||
\id ZEP 36. SOFONIAS/ZEPHANIAH (3cc)
|
||||
\ide UTF-8
|
||||
\rem To check last verse and also ch. 3 has back trans in Port for some verses.
|
||||
\h SOFONIAS
|
||||
\toc1 SOFONIAS
|
||||
\toc2 SOFONIAS
|
||||
\toc3 zep
|
||||
\mt1 SOFONIAS
|
||||
\c 1
|
||||
\p
|
||||
\v 1 Ka heka rybe Deuxu Tyhyhykỹ riwahinyre Sofonia dee, ibedeu Josia, Amõ riòre Juda iòlò-my raremyhỹ bedeu. Sofonia heka cusi riòre rare, Gedalia rioreriore, Amaria ta tyby labiere kia Ezekia iòlò tahe tyby labie tybyre.
|
||||
\s1 Deuxu Rybena Txu
|
||||
\v 2 Deuxu Tyhyhykỹ rarybere: — Ibutumy arahukre aõtyhytyhybo su-my rỹira,
|
||||
\v 3 kaa wahe iny mahãdu, iròdu iròdu, nawii nawii kia utura utura. Diarỹ arirarytxcynykre ibinabina mahãdu. Arahukre ibutumy iny mahãdu rỹirenyra mahãdu.
|
||||
\v 4 –Arirarytxynykre iny mahãdu Juda su-my rỹimyhỹrenyre kia Jerusalë-my rasỹnymyhỹre dorile. Jerusalë-ribi ariixawidỹỹnykre aõtyhytyhybo rohenymy rỹimyhỹre Bali-my derinana kia ibutumy tõhõti rusarenykre ỹnỹxiwe rybe-di ijohodu rotohodỹỹmy rỹiramyhỹ taỹnyxiwereny dee.
|
||||
\v 5 Ibutumy arahukre su-di raòwònymy rỹimyhỹrenyre, ihetoreny ratyymy, kia ibedeki tahe txuu-my, ahãdu-my, taina-my rerinanymyhỹrenyre. Kia arihulekre aõtxile inyõ wamy rerinanykre, Deuxu Tyhyhykỹ, inatyhymy tuu rarybereri wani-my, ka tuu ararybelekre inatyhymy Moloki ỹnyxiweni-my.
|
||||
\v 6 Arihukre ibutumy waribi rexilòhòrarienyrenyre, kia wawiòhedỹỹna rierenyõhyymyhỹrenyre kia warybe wahidỹỹna rityhynyrenyke aõkõre.
|
||||
\v 7 Txuuhe dehemynymy namyhỹde iu iny tybyhỹkỹreny, Deuxu Tyhyhykỹ taijoireny tasỹreny aõhỹỹmy risỹnyrenykre. Kiaremyta, boholabenyke ibutumy edehemynykre-ò! Tiihe taijoi mahãdu tasỹ mahãdu riwahinykre xiwena wesemy kiata iòludu mahãdureny-ò rarariowykre riwiòhenanymy tuu riwinykremy.
|
||||
\v 8 Deuxu Tyhyhykỹ rarybere: — Kua txuu diarỹ arirarytxynykre aõ dinodu dinodu mahãdureny, iòlò riòre boho kia ibutumy motyhytyhybo iwitxira tyhydỹỹdu aõnaõna riuhemyhỹrenyre.
|
||||
\v 9 Tule arirarytxynykre ibutumy wamy rerinanyrenymy ratximyhỹrenyre iwitxira tyhydỹỹdu wesemy tatyhydỹỹnareny rityhynymyhỹrenyre kia kua mahãdu taỹnyxiwe heto ritỹxinymyhỹrenyre aõnaõna ributunymyhỹrenyre tawasinareny uludumy taaõbinareny uludumy.
|
||||
\v 10 — Kua txuu aõnaõna desedese rajua ijõdikre utura mahãdu ijò tyyki, Jerusalë hãwaki. Iny mahãdu rirajuarenykre ixihedỹỹrenymy hãwa tỹmyra bedeki, kia hãwalò hãwalò bedeki roholarenykre aõhỹỹmydỹỹnana rajuana-ò.
|
||||
\v 11 Mahinybenyleke bobulebenybeke, kai boho tasỹnymyhỹtenyte hãwa ibedeki, kiemy dori ibutumy aõnaõna-di ijohodu mahãdu rururenykre!
|
||||
\v 12 –Kua txuu diarỹ atesina arimykre kiata aretehekre Jerusalë hãwa-ò. Arirarytxynykre ibutumy ywimy ratximyhỹrenyre kia ywityhymy ratximyhỹrenyre, kia myỹ rõhõtinymyhỹrenyre mahãdu: “Deuxu Tyhyhykỹ aõ riwinyõhyykre; ròhedỹỹke aõkõ kia ròrarytxydỹỹke aõkõre.”
|
||||
\v 13 Iurenana heka iaõnaõnareny wasinamy reakre, kia ihetoreny tahe rexihurenykre. Tii boho iwitxira riwinyrenykre kia tahe tai rasỹnyrenyõkre; mona besò alòbròna ribrònyrenykre kia tahe tuu riõrenyõhyyrenykre.
|
||||
\v 14 Deuxu Tyhyhykỹ txu nihikỹ iòhòmy namyhỹde kia wylemy dehemynymy namyhỹde! Kia heka txu binahãkỹmykre, kia heka sodadu mahãdu teburehekỹmy rỹimyhỹrenyrele brebumy rirajuarenykre.
|
||||
\v 15 Kia heka txu kyarana txu-my rỹikre, kia aõhỹỹmydỹỹnana txu-my bede rỹikre, ibinahãkỹmy kia ixihuduna rubuna txu-my rỹikre bedeluruhukỹmy; kia heka biuwetyy bedeluru txumy rỹikre kia iutxietyhymy.
|
||||
\v 16 Kia heka txuu ibedeu rỹikre ajuròna rawodỹỹnykre kia sodadu mahãdu rirajuarenykre rawounyrenykremy rihurenykremy hãwa hãwa rayrawomy roireri adobo uhuari-di kia tahe iitxesedureny tò rariehekỹ rỹireri.
|
||||
\v 17 Deuxu Tyhyhykỹ rarybere: — Ariwinykre ityrereny aõnaõna binahãkỹ rariowykremy iny mahãdu tyrereny, kia tii boho rariarenyklre tiòtiòle iwese iruebetà mahãdu rariamyhỹrenyre wesele. Kaa inymahãdu heka waòludumy òraruna riwinyrenyre, iurenana heka ihãlubureny rejujurenykre bee rejujumyhỹre wesemy, kia irubureny-di tahe adehu rỹikre iwese rỹnysityby-di adehu rỹimyhỹre wesemy.
|
||||
\v 18 Kua txuu mana rỹsỹ òtaòta kia mana rỹsỹtyhyhykỹ rihedỹỹnyke aõkõre Deuxu Tyhyhykỹ kyara. Ikyara deburehekỹ heòty heka rahukre ibutumy hãwa hãwa bede bede. Inyõ rahenyõhyykre, kiemy dori Deuxu rahukre sohoji bedehyylemy ibutumy su-my hãwadu hãwadu mahãdu.
|
||||
\s1 Adeòarixina Ixidee Ixirahenana
|
||||
\c 2
|
||||
\p
|
||||
\v 1 Mohõtinywibeny kia araykyreny bitxuamy, iny mahãdu iixỹruterehekỹ boho,
|
||||
\v 2 komy kai boho madybenykederamy horeru wesemy kia txu sohojidile riõmy reamyhỹre; komy Deuxu Tyhyhykỹ kyara deburehekỹ atyrereny reserenykelau; komy Deuxu Tyhyhykỹ kyara deburehekỹ txu rehemynykederamy.
|
||||
\v 3 Deuxu dee bòdòòsedenyde ibutumy iny mahãdu iywimy rỹimyhỹrenyre ka hãwahãkỹ ludu, ibutumy tetyhynymyhỹtenyte Deuxu rybe wahidỹỹnana. Aõ òbitimy rỹimyhỹre biwinymyhỹbenyke kia tahe ywihyy atximyhỹbenyke. Aõhewana kawesexiery kai boho mahenybenyke rarytxyna-ribi kia Deuxu Tyhyhykỹ kyarana rỹikreu.
|
||||
\s1 Hãwa Hãwa Bede Bede Rarytxyna
|
||||
\v 4 Gasa hãwa bede syrarohyylemy roikre, kia Askilõ tahe raatymy roikre. Asdode-ki hãwadu mahãdu rateòdỹỹrenykre sohoji txu rimyõdile, kia Ekrõ-ki hãwadu mahãdu tahe radyrenykre iwese breju mahãdu radymyhỹrenyre wesemy.
|
||||
\v 5 Kai boho tahe Filisteu boho, kia mediteerrâneo bero nihikỹ weijàtiki tasỹnymyhỹtenyte! Deuxu Tyhyhykỹ kaa rybe riwahinyre aòludurenymy; “Kanaỹ arihukre isureny; ibutumy tai hãwadu mahãdureny rexihurenykre.
|
||||
\v 6 Ihãwahãkỹreny bero weijàtimy rỹimyhỹre, kia asiykymy rexirahorekre, ibedeki budoeni-di aõmysỹdỹỹdu mahãdu tabreò riderenymy rỹirenyrakre kia uhuari iròdu iròdu uhuarirenymy.”
|
||||
\v 7 Juda bedeki iny mahãdu ruruõrenyre mahãdu kia suu bero weijàtimy rỹimyhỹrenyre-di ratxirenykre. Ibedeki tahe tii boho tairòdureny-di tarukimy roirenyrekre kia Askilõ hetorenyki rõrõrenymy roirenyrekre. Kiemy dori Deuxu Tyhyhykỹ tõhõti reakre tasỹ mahãdu taijoi mahãdurenytxi kia tahe ixybyle ixidee rimyrenykre.
|
||||
\v 8 Deuxu Tyhyhykỹ, ibutumy tabedeeryhỹkỹ-di rarybere: — Raholare moabita mahãdu kia amonita mahãdu risinyrenymy rỹimyhỹreny wasỹreny-di waijoireny-di kia tureny rahỹỹhỹỹmyhỹreny. Tii boho rexibònyrenymyhỹreny kia isureny ixideereny rimyrenykremy.
|
||||
\v 9 Kiaremyta diarỹ, Israel Deuxu, wabededỹỹnanamy kia Moabe kia Amõ hãwahãkỹreny rexihurenykre iwese Sodoma kia Komora hãwa weserenymy rexihurenykre. Isureny heka bede syraro wesemy roikre ikiemy; kia bede ledelede-di raõkynymy roikre, kia Saa behãluu sõemy tai ijõdikre tiòtiòlemy. Aõbo wasỹreny waijoireny mahãdureny-ribi rohenyrenykre kia ibutumy riwyrenykre aõtyhytyhybo moabita mahãdu kia amonita mahãdurenymy rỹimyhỹrenyre, kia tahe isureny-di rahãỹnanyrenykre.
|
||||
\v 10 Kawesemy heka tii boho rararytxyrenykre. Kiemy dori rexityhytyhynymy ratxirenyre, aõhỹỹhỹỹmy Deuxu Tyhyhykỹ ijoi mahãdu risỹnyrenyre, kia rexibònyrenyre tureny rahãỹnanyrenyremy.
|
||||
\v 11 Deuxu Tyhyhykỹ rihurenykre bede binahỹỹmy; tii ibutumy iwitxira ỹnyxiwe mahãdu hãwa hãwamy rỹimyhỹrenyre rahukre. Tai tahe ibutumy iny mahãdu, tahãwa tahãwa-wana Deuxu-my rerinanyrenykre.
|
||||
\v 12 Etiopia iny mahãdu rexihurenylekre Deuxu Tyhyhykỹ tõnori-di.
|
||||
\v 13 Deuxu tebò riterenyre Assíria òludumy, iraru weribitxi. Tii rihukre kua hãwahãkỹ, kia Ninive hãwa rihukre kia tai hãwadurenyõhyymy ririkre, iwese txibo bederahy bee tai ihoõmy rỹimyhỹre wesemy.
|
||||
\v 14 Budoeni mahãdu kia ibutumy iròdu iròdu debure ihãwarenyki rexielehynyrenykre. Maõloolo rururenykre heto heto binahãkỹrenyki kia heto rurerure tyre raòwò òwònyrenykre, kia waarere boho tahe roburenykre ijò ijò-my. Ibutumy heto heto-my òwòru rỹimyhỹre rasihesihekre.
|
||||
\v 15 Ibutumy heka tuu rutỹỹnykre Ninive-ki, hãwa rexityhytyhynymy ratximyhỹre rexibònymy tarurutere-di, myỹ: “Iwitxira hãwa hãwa irurutere ihoõmy rỹimyhỹre wawesemy!” Kia tii tahe bedero-my rexirahorekre, tai iròdu iròdu rahãwanyrenykre. Mobo ibire-di rakre kia urile ruberukre kia bede riòtiinykre hãwa ixihuduna-di retehekreu.
|
||||
\s1 Rarytxyna Kia Jerusalë Hedỹỹna
|
||||
\c 3
|
||||
\p
|
||||
\v 1 Kia Jerusale ludu, hãwa binahãkỹ kia sõemy rawasinymyhỹrenyre, tasỹ ludu mahãduhelemy rekoamyhỹrenyre! \f +
|
||||
\fqa O povo de Jerusale, a cidade ruim, eles roubam muitas, e correm atrás do próprio povo da cidade dele! \f*
|
||||
\v 2 Jerusalë roholaõhyymyhỹre aõmybo Deuxu Tyhyhykỹ rarybereri-ò kia tii ritohonyre-ò reòbyõhyyre. Ta Deuxu rityhynyõhyymyhỹre kia iwiòhedỹỹnana riijeke aõkõre. \f +
|
||||
\fqa O povo de Jerusalë não escutam o que Deus Eterno falando, o que ele aconselhou não quis aceitar. Não respeita o seu Deus e nem procura ajuda dele. \f*
|
||||
\v 3 Kia idinodureny ninihikỹreny Halòe wesemy rawobrumyhỹrenyre, kia aleerydu-di aõmysỹdỹỹdu mahãdu tahe ijòrò debure weserenyre kia riròmyhỹrenyre sohoji bedehyylemy, kia aõ ririõhymyhỹre ijõ txu biòwamy riròkemy. \f +
|
||||
\fqa E os chefes grande deles \f*
|
||||
\v 4 Deuxu rybe-di ijohodu mahãdu heka iixityhytyhydỹỹluurenyre kia bòdỹỹluurenyre. Deuxu deòdu mahãdureny risurisunyrenyre Deuxu rybena heto kia Deuxu rybe wahidỹỹnana rityhynyrenyõhyymyhỹrenyre.
|
||||
\v 5 Ka Deuxu Tyhyhykỹ tahe hãwakile ratxireri ikiemy aõ òbitimy riwinymyhỹre kia aõ ibina riwinyõhyymyhỹre. Ibutumy rudihyy tiiehyylemy tii rarybemyhỹre relekremy aõ òbitikremy; ka aõbo ibinabinamy rỹireri ixi wesehyy rỹire kiata iximyreny raixỹruõhyymyhỹrenyre.
|
||||
\v 6 Deuxu Tyhyhykỹ rarybere: — Diarỹ rehure hãwa hãwa bede bede, hãwa mahãdu rehure kia ibinatyhymy rewinyre atenati kia ryy idi rirana rỹimyhỹre. Hãwa hãwa bederolehekỹmy rỹireri; inyõ tai rahãwanyõhyyrenyreri.
|
||||
\v 7 Myỹ rahõtinyre: “Ka tahe wasỹreny waijoireny walau ruberurenykre. Tii boho rexiwahinyrenykre kia diarỹ aritohonyrenykremy kiata tõhõtireny rusaõhyyrenyre kia sõemy tiwese aõkõ diarỹ rerarytxynyrenyre.” Ka tii boho tahe rexiruruterenyrenyre ibutumy aõnaõna binabina-ò.
|
||||
\v 8 Kiaremyta Deuxu Tyhyhykỹ rarybere: — Biraòbenykre ibede txuu diarỹ arexilàmadỹỹnykre kia hãwa hãwa bede bedemy ararybekremy, tai tahe ibutumy hãwa hãwa bede bede rebutunyrenyre, ibutumy iiòlòreny-wana, kia arirarytxynyrenykremy. Tii boho rieryrenykre wakyara, kiemy dori wadeburehekỹ ityrereny aritxiwikre, kia ibutumy bede bede rexihurenykre wakyara heòty-di.
|
||||
\v 9 –Taita ariwinykre iny mahãdu ixawirenykremy iwitxira ỹnyxiwe òtaòtamy rerinanymyhỹrenyre-ribi, kia wamy sohojile rerinanymy roirenyrekremy, Deuxu Tyhyhykỹmy, kia tule ariwinylerenykre ibutumy riwatyhynyrenykremy wiyrybutyhyle.
|
||||
\v 10 Kia wasỹreny waijoireny rauberamy ratxirenyreri hãwa hãwa-my kiata wadee xiwena-my raubenymy riwahinyrenykre; tii boho idirahudenykre Etiopia irehemy rỹimyhỹrenyre-ribi.
|
||||
\v 11 Kua bedeu kai boho, wasỹreny waijoireny, maixỹrubenyõhyybenykre kia sõemy waòludumy tekoatenyte òraruki. Kiemy dori diarỹ ariwinykre ariinodỹỹnyrenykre aykyreny-ribi ibutumy iityhytyhydỹỹdu mahãdureny kia ixiwederenymy rỹimyhỹrenyre. Tiu ixyby kai boho aixityhytyhydỹỹmy matxibenyõtyhybeny wahãwalò bedewihikỹ-ki.
|
||||
\v 12 Aririkre Jerusalë-ki iny mahãdu ywimy rỹimyhỹrenyre kia iraykydimy rỹimyhỹrenyre, kia riwatyhynymyhỹrenyre.
|
||||
\v 13 Kia rohenyrenyre Israel iny mahãdu-ribi tiu ixyby riwinyrenyõtyhy aõnaõna binabina, raroirenyke aõkõre kia iny ribònyrenykemy rekoarenyke aõkõre. Irỹsỹnareny ixideewimy ijõdirenykre, kia awityhytyhymy ratxirenykre kia inyõ lau ruberurenyke aõkõre.
|
||||
\s1 Deuxu Derina Wiuna
|
||||
\v 14 Israel iny mahãdu, mawiunybenyke Deuxumy berinanybenymy! Mabedesabenyke, Jurusalë-ki hãwadu mahãdu, kia Deuxumy berinanybenyke aworeny-ribi!
|
||||
\v 15 Deuxu Tyhyhykỹ riixawidỹỹnyre riwinykremy ratxireri aòludurenymy kia bbbritòhòrarienyre ibutumy iòludureny mahãdu taijoireny mahãdu-ribi. Deuxu Tyhyhykỹ, Israel Iòlò awanareny raxireri, kai boho tahe ixyby breburenyõmyrenykre aõnaõna binabinahãkỹ-ribi.
|
||||
\v 16 Txuu tamy rehemynykre Jerusalë dee rybe rỹikremy: “Uritre brebuõmy, Siaõ iny mahãdu, uritre woxierysyõmy kia bexibrebuterenymy.
|
||||
\v 17 Kiemy dori Deuxu Tyhyhykỹ aDeuxu, awanareny ratxireri; tii heka iruruterehekỹre kiata arahedỹỹnyrenykre. Deuxu teysamy ratxikre awanareny kia inymy derina òraruki adeereny umy tỹmyra riwahinykre.
|
||||
\v 18 Tii rawiunykre kiata rexibedesanykre, iwese txu sohojimy ixena relemyhỹre wesemy.” Deuxu Tyhyhykỹ rarybere: “Diarỹ aritòhòrarienykre aõbinabina atyrerenyki roireri kiata aratarenykre aõhỹỹmydỹỹnana-ribi.
|
||||
\v 19 Tiu kua txu edehemynykreu, arirarytxynykre kua boho aheworenymy rekoamyhỹrenyre. Arihedỹỹnykre itikre mahãdu kiata ixybyle adiòkesedỹỹnykre iny mahãdu roberarenyre. Kai boho ibutumy bede bedemy taixỹrutenyte, ka irahudi tahe derinanahãkỹ bedesahãkỹ ijõdikre.
|
||||
\v 20 Kia kua txu edehemynykreu, diarỹ aributunyrenykre kiata ixybyle adidydenykre tahãwa hãwahãkỹreny-ò. Ariwinykre ixybyle rexibutunymy ratxirenyre; kai boho heka anidehedehemy matxibenykre bede bede hãwa hãwamy,kia ibutumy iny mahãdu aratyhyyrenykre.” Diarỹ Deuxu Tyhyhykỹ, tuu raryb
|
||||
|
|
@ -0,0 +1,22 @@
|
|||
\id HAG 37. AGEU (Haggai) 2cc
|
||||
\ide UTF-8
|
||||
\rem aut Ijeseberi
|
||||
\rem reg Raphael Weheria. c1:10-15; c2:1-23
|
||||
\h AGEU
|
||||
\toc1 AGEU
|
||||
\toc2 AGEU
|
||||
\toc3 hag
|
||||
\mt1 AGEU
|
||||
\c 1
|
||||
\s1 Deuxu Tuu Rarybere Irybena Heto Ixyby Relekremy
|
||||
\p
|
||||
\v 1 Inatxina wyramy Dario riwedunymy raremyhỹ, Pérsia iòlò, komy sohoji txuu kia debò sohoji ahãdumy, Deuxu Tyhyhykỹ tarybe riwahinyre, tarybe-di ijohodu dee Ageu. Kaa rybe heka Juda hãwa dinodu-ò, Zorobabe, Salatieli riòre, kia Deuxu rybe-di ijohodu nihikỹ dee Josue, Jozadaque riòre.
|
||||
\v 2 Deuxu Tyhyhykỹ ibutumy tabedeery nihikỹ-di myỹ rarybere: — Iny mahãdu raryberenyreri kia rehemynyõlemy ratxireri tibedeubo warybena heto ixyby relekremy ratxireri.
|
||||
\v 3 Iurenana heka Deuxu ibutumy tabedeery nihikỹ kawesemy rarybere irybe-di ijohodu Ageu umywoki:
|
||||
\v 4 Juda iny mahãdu, kia aõbo kai boho awimy tai masỹnymy boibenybekre heto heto wiwihikỹ-ki iwyna-wyna tahe warybe-di tahe warybe-di ijohona heto rejujumu rỹikre?
|
||||
\v 5 Mohõtinywibenyke aõbo adeereny rutỹỹnyrenyre-di.
|
||||
\v 6 Kai boho sõemy alòbrònaty tebrònytenyte, kia tahe ibutelemy tehetenyte; rỹsỹna ijõdire, kiata ibutetyhylere ramasa rihydỹỹnykemy aõkõ mona besòluriho ijõdire, kia ta iny riòdewàninyõtyhy; tyy ijõdire, kiata bedeju taita idi rieryõtyhy; kia taòwydỹỹnareny aõmysỹdỹỹdu mahãdu rimymyhỹrenyre kia idi ratxirenyõtyhy.
|
||||
\v 7 Iurenana Deuxu ibutumy tabedeery-di rarybere: — Mohõtinywibenyke aõbo adeereny rutỹỹnyrenydi.
|
||||
\v 8 Wiji boibenyke hãwalò hãwalò-ò hokỹle, kiata òwòna bidiwybedenykre kia ixybyle biwinybenykre warybe-di ijohonana heto. Diarỹ sõemy areysakre kaa warybe ijohona heto-di. Kia ibedeki tahe wamy derina rỹikre kia wamy awihyymy rybe ròhònymy rarekre.
|
||||
\v 9 Kai boho heka teraòmy toitemyhỹ inihikỹmy òwòru rukukremy, kiaremy tahe iyjanalemy òwòru rukure. Kia ahetoreny-ò tewymy idi atximyhỹtenyu aõwi urihimy-ò-di, diarỹ wary-di rebunyre ibutumy irehe bede-txi. Aõherekibo tahe diarỹ. Deuxu ibutumy wabedery-di, tuu rewinyre? Kiemy dori kai boho ahetoreny-dile tarukimy toitenytemyhỹ, kia tahe waheto-di mohõtinybenyke aõkõre, kia rejujumy rỹireri-di.
|
||||
\rem Missing Chapter 2
|
||||
|
|
@ -0,0 +1,236 @@
|
|||
\id ZEC 38. Zacaria
|
||||
\ide UTF-8
|
||||
\rem has many remarks to be corrected
|
||||
\rem aut Mabulewe
|
||||
\h Zacaria
|
||||
\toc1 Zacaria
|
||||
\toc2 Zacaria
|
||||
\toc3 zec
|
||||
\mt1 Zacaria
|
||||
\c 1
|
||||
\p
|
||||
\v 1 Debò inataõ reurò ahãdu-u iinatxi beòra-u iritidỹỹna kia wedu iòlò kia Pérsia wesemy, tahe Deuxu tamy rarybere Zacaria-ò Deuxu-my rybedu-ò Barakia riòre rare tii ludu riòkòre rare. Deuxu heka iruruteretyhyre, diteònyde tamyreny rarybekemy.
|
||||
\v 2 Jiarỹ, Deuxu watxireri tureny sõemy radòwarire kia juu akorenymy riòhònyrenyre mahãdu.
|
||||
\v 3 Tai tahe, wiji rarybereri adeereny. Bodòòsebenyke bòynydỹỹnybenymy. Wadee, jiarỹ ka adeuxureny rare ruruterehekỹ, adòòsekre adeereny.
|
||||
\v 4 Kia juhuu akorenymy roiremyhỹ wesemy aõkõ tiiboho dori tiu ywimy deuxu rybedu juhunaludu rybe-ò roholarenyõre irybe wihikỹ-ò. Deuxu ruruterehekỹ kaiboho araywinyrenyre ywimyn aõbinabina biribenykemy ixinamy aõbinabinareny.
|
||||
\v 5 Wiji tahe titxibo ratxirenyreri-ò ihetxina mahãdu? Kia aõbohe deuxu rybedutyhy mahãdu irulemy rỹira?
|
||||
\v 6 Kia warybemy rybedu mahãdu yki, jiarỹ rewahinyre warybe riteòwarinyrenyre ihetxina mahãdu kaiboho. Tahe tiiboho roholarenyõre tai heka aõhõkỹ resanyrenyre. Tai tahe tiiboho ixidee rexiraherenyre raryberenyre. Deuxu ruruterehekỹ aõbo biwinyke tuu tetiditemyna biwinykre waòrarureny òraruki. Aõbo riwinyre wadeerenywimy.
|
||||
\v 7 Waa wiò inaubiowa txuu kia sohoji sohoji ahãdu-u, Sebate inire kia iinatxina ahãdu beòra wedu iòlò tyyriti, jiarỹ, Zacaria Deuxu-my rybedu, Barakia riòre wahe ludu riòkòre wahe wadee rehemynyre Deuxu rybe.
|
||||
\v 8 Kia ruu tahe warue ijõdire aretehekremy tahe rabire sohoji ỹju-my awaru sòhòkỹ tyreki. ỹju heka riyrymy tai rare, kia bedeyxe tyaki, ihewoki tasỹ ijõ tule awaru tyreki ratximyhỹ ijõ awaru sõemy isolehekỹmy, ijõ tahe awaru nihikỹhỹmy, ijõ tahe awaru iuralehekỹmy.
|
||||
\v 9 Rỹỹraxire ỹju dee wawana aõbo rarybemyhỹremy. — Wadeuxu, mobo kia rỹireri awarutyreki. Tii rirawyònyre.— Adee ararybekre.
|
||||
\v 10 Tahe kia ỹju bedeyxe-ki ratxireri rirawyònyre. — Tiiboho heka ỹju ratxirenyreri Deuxu deòdỹỹna ibutumy hãwãhãwã-di ririranykremy.
|
||||
\v 11 Tai tahe tiiboho ỹjuboho raryberenyre kia bedeyxe-ki ratxireri-ò. Rexihuranyra ibutumy hãwãhãwã-di rira tahe rabirenyra ibutumy ywimy ratxirenyreri awityhymy.
|
||||
\v 12 Deuxu ỹju tahe rarybere: — Deuxu hãbu ruruterehekỹ, … iny umy debo inatxi reurò beòra-my reijare Jerusalẽ-di retehemy tule Juda hãwã-di. Tiwesebo tahe biijekre tawy ruxetòena biwahinyhyy tamy?
|
||||
\v 13 Deuxu rirawyònyre tarybe wihikỹ-di ỹju-ò tii wawana rarybereri tu rarybera bedehyymy.
|
||||
\v 14 Kia ỹju wawana rarybemy raremyhỹ diwahinyde tuu ararybekremy iteretyhymy. — Kaa Deuxu ruruterehekỹ rybe wahidỹỹna: Jiarỹ Jerusale sõemy tuutyhyre, wahãwãmy wahe.
|
||||
\v 15 Jiarỹ sõemyhe idireny retehewãhãre kia awimy ratximyhỹrenyre-ò. Tahe, tiubo jiarỹ iribireny ibutemy waò ariwykre-u waijoi ribi, sõemy aõhõkỹmy rutỹỹnyrenykre.
|
||||
\v 16 Tai heka, sõemy ruxetòena ijõdikre, roosere Jerusalẽ hãwã-ò. Jiarỹ, Deuxu ruruterehekỹmy, adeereny aritidikre kia Deuxu rybena heto tule ahãwãreny ixyby kanatomoradỹỹnykre.
|
||||
\v 17 ỹju tule wade rarybera:— Marybeke kia Deuxu rurutererehekỹ rarybere ihãwãreny ixyby ratomorakremy tai sõemy ityhy ròhònykre. Tii heka Jerusalẽ hãwã riwiòhenanykre, kadoosekre ihãwãreny tarasanamy ratxikre.
|
||||
\v 18 Kia iwitxira itxerenamy rabire inaubiowa broreni òdimy rabire.
|
||||
\v 19 Aõbo tahe kia rare ỹju dee rỹỹraxire? Tii wana widee rarybewãhãre. — Kia iòmy rarybereri? Tii rirawyònyre: — Tii hã~wãhãwã rikewesenanyreri bedebedemy roberarenyre Juda-ki rasỹnymy roiremyhỹ mahãdu, tule Israel mahãdu tule Jerusalẽ mahãdu.
|
||||
\v 20 Tahe Deuxu wadee riteòsinyre inaubiowa mana aresyterehekỹ.
|
||||
\v 21 Jiarỹ rỹỹraxire: — Aõbo tahe tiiboho riwinyrenykre? Tii rirawyònyre. — Iòreny heka bedebede-my ròbtỹrenyre rikeitxenanyre hãwãhãwã-my Juda-my sỹdu rỹira, tahe inyõ timyhe aõmy rarybeõhyyre tarati biu-ò riijaranyke ihoõre. Wiji tahe kaa mynyna aresyterehekỹ rikewesenanyreri tiiboho kodoidenykremy ibrebudỹỹmy tule iòreny aresyaresy-my kia heka, tiiboho hãwãhãwã-my roberarenyre ritarenyre Juda su-ribi tule roberarenyre iijoireny mahãdu wahe.
|
||||
\c 2
|
||||
\p
|
||||
\v 1 Ijõdire iwitxira itxerena-my wahe. Hãbu-my rabire kia urihixina rimymyhȳ-my.
|
||||
\v 2 Tamy rȳraxire: — Titxibo kai makre? Tii rirawyònyre. — Jiarȳ Jerusalẽ hãwã rehe ariurihikre tule (obs: iwebse) ariurihikre.
|
||||
\v 3 Tahe rabire kia ȳju wawana rarybereri-my tii wana rahonyramy. Kia tahe ijõ ȳju nade tii wana witxi reakre-my.
|
||||
\v 4 Kia ȳju juhuludu rarybere: — Beake wylemy tamy marybeke weryrybo-ò kia urihixina-di ratxireri-my; Jerusalẽ hãwã-my sȳdu mahãdu ixyby rasȳnykre, tule sõwe-my iny tai rasȳnykre tule sõwe-my iròiròdu tai rasȳnykre tii heka tiu raroorehenyõtyhy iòtity widȳȳhãwã werura-di.
|
||||
\v 5 Deuxu heka tuu ritidyre tule heka hãwã rurawona-my rexitidikre heòty west-my Jerusalẽ hãwã werura-di taile rasȳnykre tai tahe ariteòsinykre itxerena tyhy.
|
||||
\v 6-7 Deuxu tahe rarybere tasȳdu mahãdu-ò: — Ywimy! Ywimy! Kaiboho heka wetxy-my toitemyhȳ Babilonia-ki bihebenyke. Bihenybenyke kia ibedewebrò hãwã ribi! Jiarȳ tahe ariuberanykre bedebede-my, tahe rehemynyra itxu-ò kaiboho bokesebenykre-my Jerusalẽ-ò.
|
||||
\v 8 Taruru-my, tii Deuxu Rurutehekȳ diwateònyde adeereny ariwahinykre-my rybe kia bedebede mahãdu riwyrenyre atyhynareny ibutu-my. — Mobo tahe waijoire-ò ryrykre moõbo hirari riurityyhekre.
|
||||
\v 9 Tai tahe, jiarȳ adesukre aòludureny-my. Ibutu-my atyhyreny riwyrenykre tiiboho heka juhuu awetxireny roire. Tiiboho kia rȳikreu, tiiboho rieryrenykre Deuxu Ruruterehekȳ diteònyde.
|
||||
\v 10 Deuxu rarybere: — Jerusalẽ-ki sȳdu mahãdu, mawinybenyke deysa-my, iribi tahe jiarȳawanareny arakre sȳ-my.
|
||||
\v 11 Kia txuu tahe, inyõ wehekȳrexibutunykre Deuxu-ò, tahe Deuxu heka iijoireny-my rarekre, tii akireny rasȳnykre. Tai tahe Israeli mahãdu rieryrenykre kia Deuxu Ruruteherekȳ wadee diwahinyde adeereny ararybekre-my.
|
||||
\v 12 Ixyby kia Juda su heka awityhy-my ratxikre Deuxu sȳtyhyhymy awihikȳ-my, tule Jerusalẽ hãwã ixyby (obs: itmoranykre) ixidee wimy ritakre.
|
||||
\v 13 Ibutu-my boholabenykre Deuxu ratxihyymyre-ò, tii heka namyhȳde titxibo ratxireri-my ihȳre ribs namyhȳde tasȳawihikȳribi awanareny rasȳnykre-my.
|
||||
\c 3
|
||||
\p
|
||||
\v 1 Ijõ itxerena, Deuxu wadee riteòsinyre Deuxu deòdu Josue ruruna weribi ratximyhȳrexiywinymy aõ riwinykre-my ibinabina.
|
||||
\v 2 Josue tyy-di rexityynymy irule ityy isure, (obs:lmahyy) ratximyhȳratximyhȳ ȳju kotxi.
|
||||
\v 3 Deuxu ȳju tahe rarybere ȳnyxiwe-ò: — Deuxu heka ararutakre, ȳnyxiwe! Jiarȳ Deuxu heka retare Jerusalẽ, tahe ararutakre! Kaa hãbu heka riwinykre tii nade heòty ribi.
|
||||
\v 4 Tahe ȳju rarybere tawiòdȳȳdu-ò bitake Josue tyy iribi tahe ararykre. — Kiawese-ki aritakre aòraruna aribi wiji tahe arexityynykre ixena tyydi.
|
||||
\v 5 Ire-my tahe, ȳju diteònyde tawiòhedȳȳdu mahãdu-ò awikeki Josue rati rataana tawy ritidike-my awihikȳ-my. Tahe ritidirenyre rataana irati-ò tahe rityynyrenyre ixena tyydi; kia tahe Deuxu ȳju (obs:lmahyy) rȳi-my raremyhȳ.
|
||||
\v 6 Tii rarybere Josue-ò.
|
||||
\v 7 — Deuxu ruruterehekȳkawese rarybereri; Kai aõbo bitynykre wana warybe òraru tule biwatyhynykre wana ahõrõ ariwinykre araywinykre, kai heka wedu-my matxikre Deuxu wedu-my. Ibutu-my idi betekre aõbo awihikȳ-di tule ibutu-my heto wityretyre-di, kia wahe ȳju kaki ratxirenyreri wahe, kai iwestyhyle atyhyna ratxikre ibutudee.
|
||||
\v 8 Tai tahe boholakre, kia Josue hãbunihikȳ Deuxu xiwena-my rybedu, boholabenyke tule kaiboho xiwe wahidȳȳdu kia awanareny ratxireri. Kaiboho ibutu-my erysyna wese-my toite kia adeereny ariteònykre waijoireny tule warybe-my rybedu kia heka inire (obs: “hamo itmora.”)
|
||||
\v 9 Retidire akorenytxi “Josue kotxi sohoji mana tai deboinatxi reurò wiribiribi. Jiarȳ Deuxu ruruterehekȳ, ariyriburunykre ini tamy tahe sohoji sohoji iòraru aritakre kia bedebede ribi.”
|
||||
\v 10 Kia txuu iny sohoji sohoji riteòwarinykre tabire ludu kodoidenykre ixideewi-my kia alòbròna (obs:lterehe) rawo-txi. Jiarȳheka Deuxu ruruterehekȳ, rarybereri.
|
||||
\c 4
|
||||
\p
|
||||
\v 1 ȳju wadee rarybere juhuu ròòsereri tii riwaixixanyre wese tȳhi ribi.
|
||||
\v 2 Tii wadee rȳȳraxire. — Aõmybo kai tabiteri? Rerarywyònyre. — Rabireri sohoji womati (obs:trȳrȳhȳ-my) hynaroki ityreki tahe rȳireri azeitxi be, deboinatxi reurò-my txuerysyna-ki tule deboinatxi hyna-my tamy azeitxi lòòsona-ò rehemynyke-my.
|
||||
\v 3 Ahãdu-di riranaki iòhò-my, rabireri inatxi lòbrònamy olivera inire sohoji sohoji wiwyòna-my.
|
||||
\v 4 Tai tahe rȳȳraxire ȳju dee: — Wadeuxu, aõbohe kia rare?
|
||||
\v 5 — Kai teeryõte aõbo? — Tii rȳȳraxire. — Aõkõre Deuxu — rerawyònyre.
|
||||
\v 6 Iribi tahe, ȳju diteònyde tamy ariwahinykre-my Jò Zorobabeo-ò kia Deuxu rybe wahe. — Aõ inykireny aõkõ dinodu ruruterehekȳtule arurutere-my tatxiteri tiu biwinyõtyhy tahe ariwinykre watyhyna òraru-ki. Jiarȳ heka rare Deuxu ruruterehekȳ, moõbo rarybereri.
|
||||
\v 7 Zorobabeo kotxi, hãwãlo rarietyhyre robikre bedero ijena wese-my. Tiu tahe kidiwykre mana awityhy Deuxu heto ribi, kia tahe iny mahãdu kidirajuakre aõherewe sòe! Aõherewe sòe!
|
||||
\v 8 Ixyby Deuxu wadee rarybera.
|
||||
\v 9 Tii rarybera: — Zorobabeo heka Deuxu rybena hetotira tule rahukre. Tiubo kia rȳikreu tiibohe rieryrenykre tahe Deuxu ruruteherekȳriteònyreri adeereny tuu tamyreny marybebenykre-my.
|
||||
\v 10 Kia heka tamyreny aõaõkõ rare tahe iòraruu tiiboho teusa-my lai raharenykre tiubo Zorobabeo-my robirenyreri kia Deuxu dohodȳȳna heto widȳȳrahumy. — Deboinatxi reurò-my lòòsona heka rikewesenanyre Deuxu rue deboinatxi reurò-my kia heka ibutu-di retehekre rakre bedebede-di ibutu-my.
|
||||
\v 11 Tai tahe jiarȳ rȳȳraxire. — Aõbo tahe tiiboho raryberenyre kia inatxi beleraty-my, sohoji sohoji-my wiwyõna-my hynaro-ki?
|
||||
\v 12 Tule rȳȳraxire. — Aõbo tahe tiiboho raryberenyre kia inatxi lòbròna òteti tahe inatxi hyna ribi iòhò-my rȳire kia womati (obs:trȳrȳhykȳ) kia azeitxi be idi reamyhȳre-ki?
|
||||
\v 13 Kai teeryõte? — Tii rȳȳraxire. — Aõkõ, Deuxu! — rerawyònyre.
|
||||
\v 14 Tahe tii (obs:ritnynyre). — Kia heka inatxi hãbu rikewesenanyre tiiboho roirenykre tarasa-my tule ibutu dee awi-my Deuxu ruruterehekȳ-ò tule ibutu-my bedebede-ò.
|
||||
\c 5
|
||||
\p
|
||||
\v 1 Ijõ ijõdire iwitxira itxerena. Jiarȳrabire kia tyyriti weraserase ruòmyhȳmy.
|
||||
\v 2 Tahe wadee rȳȳraxire. — Aõmybo kai tabiteri? Jiarȳ rerawyònyre. — Jiarȳ rabireri sohoji weraserase ruòreri-my, tii debo inaubiowa reurò-my urihixina-my irehe (obs:iwbese) tahe inaubiowa weàre-my.
|
||||
\v 3 Tahe ȳju (obs:ritnynyre). — Kaa weraserase, tuu ritina roire aõbinabina heka roberakre ibutu-my bedebede-my. Ijõ weraserase tahe (obs:ewyòna-my) tahe ewyòna-my iritina kia rarybere ibutu-my heka ritakre hãwã ribi kia ibutu-my rawasinymyhȳre mahãdu wahe; ijõ weribi tahe iritina roimyhȳtule kia ritakre kia ibinahãkȳriwinymyhȳrenyreki Deuxu-nimy.
|
||||
\v 4 Deuxu heka iruruteretyhyre aõbo kia ritidire ibinahakȳkanakre-my, tii ralokre wasidu mahãdu hetoheto-my tule tibo ibinahakȳ Deuxu-ò riwinymyhȳre mahãdu. Tai tii ratxikre heto-ki tiubo ihetoreny ibutu-my rexihukrehekȳle-my, aõ tai rohenyõhyykre tule mana.
|
||||
\v 5 ȳju tahe rarybere wadee juhule doosede tahe rarybere. — Beteheke aõbo rareri-my wiji.
|
||||
\v 6 Aõbo kia rare? — Jiarȳ rȳȳraxire. Tii rirawyònyre. — Kia sohoji weriri, tii heka kaa mahãdu ijoi òraru-na rikewesenanyreri.
|
||||
\v 7 Weriri (obs:ratbona), iwoki tahe hãwyyhykȳle runymyhȳrȳmy.
|
||||
\v 8 Tahe ȳju riòbitinyre: — Kaa hãwyy heka aõbinabinahãkȳrikewesenanyre. Tai tahe tii ritorunyre weriri hetxi-ò tamy tahe riratobonyre.
|
||||
\v 9 Tahe retehere rabire inatxi hãwyy-my tiiboho tereny ijõdire Xekõia de wesemy. Tahe hãwyyboho ruòrenyre, yhy ridyrenyre. Tahe tiiboho ritehemynyre, rimyrenyre weriri ixybyle ruòrenyre.
|
||||
\v 10 Rȳȳraxire ȳju-ò. — Tiubo tiiboho weriri riwerenyra?
|
||||
\v 11 Tii rirawyònyre: — Babilonia-ò. Tai heka tiiboho Deuxu rybena heto riwinyrenykre titxibo tahe tiiboho weriri ritidirenykre.
|
||||
\c 6
|
||||
\p
|
||||
\v 1 Ijõ ixyby itxere ijõdire rabire inatxi hãwãlo-my kia womati lubu-di riwinyre-my, kia itya ribile tahe inaubiowa ityti heòty ròhònyre aõbina ityti heòty wahe.
|
||||
\v 2 Kia juhuludu ityti heòty heka awaru sòhòkȳidi retȳhimy, ihewo-my tahe, awaru lubuhykȳ.
|
||||
\v 3 Iinataõna-my tahe awaru urahakȳ; iinaubiowa; aularu nihiy; iinaubiowa; aularu nihiȳhȳkȳ.
|
||||
\v 4 Rȳȳraxire ȳju-ò. — Wadeuxu; aõbohe kia rare aõbina ityti heòty?
|
||||
\v 5 Tii rirawyònyre. — Tii inaubiowa yhy rare, kia rohonyreri Deuxu ribi tyhy ibutu-my bedebede-ò.
|
||||
\v 6 Kia ityti heòty awaru lyby idi retȳhireri tahe Babilonia-ò rakre, kia bede webròhòkȳ-ò wahe, kia ityti heòty awaru urahakȳtahe rakre kia txuròtena weribihikȳ-ò; kia ityti heòty awaru nihiȳhȳkȳrohonyrenyre, ixideewi-my turubumy bedebede-di rekoa-my roirekre. Tahe ȳju tamyreny ritidimyhȳre. — Boibenyke biòrunybenyke bedebede-di ibutu-my! Tahe tiiboho riwinyrenyre kia.
|
||||
\v 8 Tahe ȳju wadee ryryre tahe rarybere: — Kia awaruboho bede webrò-ò roirenyre tahe riwinyrenykre riyryrenykre kia doi deuxu tiiboho wana roikre bedebede weribi aõkõ rarunyrenykre.
|
||||
\v 9 Deuxu wadee rarybere. Tii rarybere:
|
||||
\v 10 — Bitakre uri kia Heòdai riwinyre ribi tule, Tobia ijõ Jedaia, tiiboho diòàsedenyde otity hyna Babilonia hãwã ribi. Iribi tahe makre wyle-my Josia hetoo wahe, kia Sõfonia riòre wahe.
|
||||
\v 11 Kia womati ura (obs:trȳȳrȳkȳ) tule womati (obs:trȳrȳrsȳryȳhȳkȳ) kai kia (obs:tetato) wana biwikre rataana-my. Tahe bitididykre aratiò kia Deuxu-my rybedu Josue-ò kia Josadake riòre-ò wahe.
|
||||
\v 12 Tamyreny rarybe kia Deuxu ruruteherehekȳadeereny riywinyre kiamy. Hãbu Hamo tymyra-my ninadu kynyikre aribireny tahe riwinykre Deuxu rybena heto tahe tii ritakre tule tai awi-my ratxikre bededinodu-my wahe. Tii runykre bededinodu rynana-ò ixy, ijoi-di retekre-my. Sohoji hãbu xiwena wahidȳȳdu tule runykre tarynana tyhy-ò tahe sõwe-my kynyikre aõwiwi kia Hamo tymyra kaa kynyheka xiwena wahidȳȳdu rare.
|
||||
\v 13
|
||||
\v 14 Iribi tahe ration ritidikre Deuxu rybena heto-ò kia Heòdai raykymyna tule Tobia ijõ Jedai ijõ Josia Sõfonia riòre wahe.
|
||||
\v 15 Iny mahãdu irehe-my rasȳnymyhȳre mahãdu Jerusalẽ ribi kia robirenykre ixyby wiòdȳȳna-my Deuxud dohodȳȳ-my heto-my ixyby (obs: ratmorakre-my) tai kaiboho bierybenykre Deuxu ruruterehekȳwadee diwahinyde tule adeereny. Ibutu-my kia kynyikre kia rexitòbinyrenyre mahãdu tule tatedesõ ribi rexiwahinyre mahãdu Deuxu widȳȳna hãkȳ-ò, tii heka adeuxureny rare.
|
||||
\c 7
|
||||
\p
|
||||
\v 1 Kia inaubiowa txu deboinaubiowa ahãdu, erysyna txuu, kia inire Kisleu, kia inaubiowa beòra-my tyyriti-di rare, Deuxu wadee riwahinyre rybe sohoji.
|
||||
\v 2 Kia rȳire tiubo Beteò mahãdu riwahinyre Sareze tule Hege-Meleke taijoireny boho wana Deuxu dohodȳȳna heto Deuxu ruruterehekȳ-ò rexitòenyrenykre-my riwiòrenanyrenykre-my.
|
||||
\v 3 Kia tule riwinyrenyke awire xiwena wahidȳȳdu Deuxu rybena heto tule Deuxu-my rybedu mahãdu dȳȳraxi. –Beòra sõwe-my waribireny riijere jiarȳbohe rahinyhyy renareherenyre kia iruyre ahãdu, kia ãhadu Deuxu dohodȳȳna heto hudunamy. (obs:Rikiwinyrenyke) kiawese tuhyy.
|
||||
\v 4 Tahe Deuxu ruruteherekȳrarybere wadee.
|
||||
\v 5 Diteònyde jiarȳtuu ararybekeki tahe kia xiwewahidȳȳdu mahãdu-ò. –Kia heka riwinyre iny umy deboinatxi beòra-my kaiboho tahinyhyy tule tenarehehyy kia iruyre ahãdu-my tule deboinatxi reurò-ò. Tahe kia he aõ wadee wimy aõkõ, kaiboho kia tewinymyhȳtenyte tuu.
|
||||
\v 6 Tiubo biroxibenykre-u tule biõbenykre-u, kaibohole ixiki awi-my mahabenykre tewinyte-my.
|
||||
\v 7 Kaa rybe wahidȳȳna kia Deuxu ruruterehekȳdiwahinyde wesetyhyle rare juhuu kia deuxu-my rybedu juhu mahãdu yribi; tiubo Jerusalẽ-ki watxiwahã awi-my tai sõwe-my sȳdu mahãdu ijõdire. Kia tai rȳire wesetyhyle hãwã wera-di tule ijõ bederanorahãkȳhãwã-ki ijõ Juda hãwãlo hãwãlo-ki.
|
||||
\v 8 Deuxu tahe rarybere Sakaria-ò kia-my.
|
||||
\v 9 Jiarȳ, Deuxu ruruterehekȳrare, retidire tamyreny; òbiti-my ratxirenyke-my tule òweòwe-my aõkõ tule wii biynybenymy awityhymy tule làhàna-di.
|
||||
\v 10 Wytese mahãdu aõhokȳmy isȳdȳȳõ-my, tule ijõ mahãdu, tule iwitxira bedebrò mahãdu kia awanareny rasȳnymyhȳrenyre, tule hãwãdu mahãdu. Aõbo biwinykre-my nootiõmy aõbina-ò awihikȳ
|
||||
\v 11 Tai e tiiboho tah kodoosedenykre tahe tiu roholarenyõtyhy. Rexirahòrerenyre wawe ribi tule tohõtireny-ò (obs:rexihtenyrenyre) tamy roholarenykelau warybe ywisidȳȳna-ò.
|
||||
\v 12 Ixyby itelesõreny itere-my relere kia (obs:mnatrȳrȳhȳkȳ) wese-my tahe tiu heka rityhynyõtyhy tybe òraru tahe rybe rewahinyre. Jiarȳwatyytyby tyaribi, rewahinyre kia Deuxu-my rybedu mahãdu ihetxina-ò. Tai tahe jiarȳsõwe-my waki tamyreny reare.
|
||||
\v 13 Kawese heka tiiboho roholarenyõkrehyy ijõdire tiu aroholaõtyhy iixitòedȳȳnareny-ò aõmybo rurumyhȳrenyre-my. JiarȳDeuxu ruruterehekȳkaa rarybereri.
|
||||
\v 14 Kia hãluukȳrurutere wese jiarȳreuberanyre ibutu-my bedebede-my iwitxira tori bedewòbrò mahãdu, titxibo kia suu ribi ròhònyrenyre tule taruhukȳmy, tuu inyõ tai ratxiõtyhy. Su awityhyre tule tyhyna sõwere tahe rexirahorere aõ tai ijõõhokȳ-my.
|
||||
\c 8
|
||||
\p
|
||||
\v 1 Deuxu ruruteherekȳwadee rarybere kia-my.
|
||||
\v 2 Jiarȳheka ijõre luunahakȳJerusalẽ-ò, sohoji luuna tahe wadee riwahinymyhȳre weribireny aõkõ.
|
||||
\v 3 Jiarȳaroosekre Jerusalẽhãwã-ò, tai tahe arasȳnykre, tai tahe Jerusalẽhãwã raninikre òbiti hãwã-my tahe tule kia hãwãlo Deuxu ruruterehekȳninikre hãwãlo aõ tai rȳimyhȳre-my òbitihikȳ-my.
|
||||
\v 4 Ixyby kia matuari mahãdu tyhy tule senadu mahãdu tariranareny òwòrurehe tebo-ki idi ratxirenyreri tiiboho rorukurenyre kia Jerusalẽmahãdu butunareny-ki.
|
||||
\v 5 Kia uri tawywii ributumyhȳrenyre tahe sõwe-my weryry tule hirari (obs:rsinyrenykre-ki).
|
||||
\v 6 Kia heka tai kȳnyikre tiiboho (obs:kdioosedenykreu) kia Babilonia (obs:yrbynaribi) tahe, wadee heka awesetyhyle kȳnyikre Deuxu ruruterehekȳwahe.
|
||||
\v 7 Jiarȳaritarenykre waijoi mahãdu, jiarȳaritarenykre kia txuu òlòna weribiribi tule txuròtena weribi-ribi titxibo kia idydureny ridyrenyreribi.
|
||||
\v 8 Kia adiòkesedȳȳnydenykre ixyby Jerusalẽhãwã-ò, tai rasȳnyrenykre-my. Tiiboho heka waijoireny roirekre jiarȳtahe adeuxureny aratxikre tule awedurenytyhymy abedeywisidȳȳdurenymy òbitihikȳ-my.
|
||||
\v 9 Deuxu ruruterehekȳrarybere. –Tahe, oruruterereny ijõdire, tiiboho tamy roholarenyre-ò wijityhyle tahe Deuxu rybedu raryberenyre tiubo kia Deuxu dohodȳȳna heto ixyby relekre tahe tamy ritidikre heto woraru.
|
||||
\v 10 Kia bedeu tahe iubeweri ijõõkre aõmysȳdȳȳmahãdu òwydȳȳna, kia aõnanaõ-di itxyyduboho iròdu iròduboho tiu tawedure-ò iubeweri risõedȳȳnyrenyõtyhy tawedu-ò. Sõwe-my iòludureny ijõdikre, tiu inyõ awi-my ratxiõtyhy, jiarȳrewinyre kia iny wi-my roludunyke-my aõtxiaõtxile.
|
||||
\v 11 Tahe jiarȳDeuxu ruruterehekȳtuu ararybekre wiji tiu heka ariywinyõtyhy tibo rauhenykre wiji iny iwese juhuu rewinyre wese.
|
||||
\v 12 Tiiboho ròbròrenyre tasurenymy awi-my bederasò awi-my riwahinykre, suu tamyreny riwahinykre kia aõnaõna lòbròna iribi ritakre-my, kedesekre biu biu ribi. Adiwahinykre kia ibutu-my tibo rohenykre-ò.
|
||||
\v 13 Juda-ki sȳdu mahãdu tule Israeli mahãdu kia-my raryberenyre ijõ mahãdu-ò kawese-my. Deuxu tiiboho aõhõkȳ-my (obs:risnyrenykre) kia Juda ijoi tule Israeli mahãdu aõhõkȳ-my (obs:risnyrenyreny) wesele. Tahe jiarȳaratarenykre kia (obs:atmoranarenymy) tahe tiibohole roirekre widee riwahinymy riorekre iny sohoji sohoji wahe. Tahe Deuxu riywinykre kia Juda mahãdu riywiny wese tule Israeli mahãdu. Brebu-di morenyõmy! Arurureny biixiòhòdȳȳnybenyke.
|
||||
\v 14 Deuxu ruruterehekȳrarybere iny mahãdu-ò: –Tiubo aijoireny ehetxina mahãdu wadee riwinyrekre ibina, jiarȳaõhõkȳ-my (obs:adisnydenykre), timy jiarȳreywinyre wese juhu-u. Warayky (obs:wdyna) rarahòreõre.
|
||||
\v 15 Wiji tahe jiarȳreywinyra aritarenykre-my Jerusalẽhãwã mahãdu tule Juda mahãdu tiu heka warayky ariwiranyõtyhy. Tai tahe breburenyõmy.
|
||||
\v 16 Kia heka kaiboho biwinybenyke, widi òbitihikȳ-my boibekre iny sohoji sohoji widi kia tahe bexiywinybenyke òbiti ywisidȳȳna-ò tibo aõbina tai riywinybenyke òbiti ywisidȳȳna-ò tibo aõbibina tai riywinymyhȳre tahe kia-my matxikre awi-my.
|
||||
\v 17 Tai tahe jiarȳariwinyõtyhy tuu kia aõ ibina wide biwinybeõtyhy tule inatyhy-my aõ òbitiaõkõ wadee jiarȳDeuxu, tai raykaranywãhãre kia ibutu-my.
|
||||
\v 18 Deuxu ruruterehekȳrarybere wadee kia-my.
|
||||
\v 19 Kia inarehena inaubiowa, iruyre, debo inatxi reurò tule debowiò ahãdu-di rirana sohoji beòra kia kanakre deysana txu, bededeysana txu kia kanakre Juda sȳmahãdu-ò. Tahe tuure òbitityhy-my awityhymy.
|
||||
\v 20 Deuxu ruruterehekȳrarybere: — Kedehemynykre txuu tahe sõwe-my tai sȳdu mahãdu kia iwitxira witxira hãwã-my hãwã-du mahãdu tuu robirenykre Jerusalẽ-my.
|
||||
\v 21 Tai sȳdu mahãdu tuu robirenykre kia iwitxira Hãwã Hãwã. Inyboho (obs:rkeàlàrenykre) kia Deuxu ruruterehekȳ-my tamy (obs:rkexitòenyrenykre) inyboho ritarenykre-my. Kia tahe ijõ mahãdu (obs:kdirawyonydenykre), inyboho rokoirenykre tiiboho wana!
|
||||
\v 22 Iny sõwe-my mahãdu kia bedebede-ludu ruruterehekȳmahãdu kodobidenykre Jerusalẽmahãdu Deuxu-my reàlàrenykre-my.
|
||||
\v 23 Kia txuu tahe debowiò-my iny bedewebròrò-my mahãdu ritaataarenykre sohoji judeu tahe tamy rarybekre. Jiarȳboho tuu rarurenyreri deuxu rybena heki aratxirenyke-my, tamy dori raholarenyreri Deuxu wana kaiboho atxitenyteri-my.
|
||||
\c 9
|
||||
\p
|
||||
\v 1 Kaa Deuxu rybe wahidȳȳna, Deuxu tii heka tuu rarybere kia adrake mahãdu-ò tule Damasku mahãdu-ò kia aõhõkȳmy (obs:kdsȳnydenykre-my). Tule Siria hãwã tule ixȳju mahãdu Israel mahãdu deuxu ijoi.
|
||||
\v 2 Hamatxi hãwã tahe kia iòhòmy roire hãwã ribi kia Deuxu hõrõ roire, kia Txiro hãwã tule Sidõ kia taaõmydȳȳna tyhy roire mahãdu tule ihõrõ rare.
|
||||
\v 3 Txiro mahãdu riwinyre awihikȳmy idi rexiiherenykre-my wityretyre riadònyrenyre sõe-my womati ura (obs:trȳrȳhȳkȳ) aõ node wesemy kia womati (obs:trȳrȳhȳkȳ) subruru wese-my.
|
||||
\v 4 Tahe Deuxu riwykre rakreu tii idi rehukre Txiro mahãdu tyhydi beronihikȳ-ò ihãwãreny tahe rahurenykre heòty-di.
|
||||
\v 5 Tiubo kia Askilõ-my sȳdu mahãdu rieryrenykreu sõwe-my ruberurenykre. Gasa mahaãdu tule aõhõkȳmy rutȳȳnyrenykre kia Ekrõ mahãdu tahe tararòsònareny ibutumy rahurenykre. Kia Gasa hãwã wedu tahe ituerenykre, Askilõ hãwã-ki tahe moõ rasȳnoõhyykre.
|
||||
\v 6 Wimyuri mahãdu tahe Asdoki-ki rasȳnyrenykre. Deuxu rarybere: Jiarȳarexixiwedenykre kia ixiwederenymy ratxirenykre filisteu mahãdu.
|
||||
\v 7 Tamyreny aritidikre iròdu de uritere iròrenyõkre-my kia ihãlubu-dimy ijõ aõtxile byrena aõwaõkõ kia rohenyrenykre tahe kia he wahõrõ-my roirekre tule Juda mahãdu ijoi-my relerenykre. Ekrõ-my rasȳnymyhȳre mahãdu tahe waijoirenymy relerenykre, kia Jebuseu-ki aõ rȳirewese-my.
|
||||
\v 8 Jiarȳararybekre aritakre wamahãdu iòludureny ribi tiu heka inyõhokȳ (obs:rsymyhȳre) mahãdu ihãwãreny-ò rirònyotyhy ihudurenymy. Tiu heka iwedureny binahãkȳ-my tiu ratxiõtyhy tikile ihãwãrenymy rasaõsaõmy ratxike-my, jiarȳdori ijõdire timybo tiiboho aõhõkȳ-my rutȳȳnyrenyre-my.
|
||||
\v 9 Sõwe-my hãwã mahãdu, mawinybenyke deysamy awedureny tyhy dori kedehemynykre. Tii kanakre tarasana-di sõwe-my ywimy, awaru yja riòre tyre-ki, awaru yja riòre wahe.
|
||||
\v 10 Tii kanahukre aõbina Israeli mahãdu ityti heòty. Tule Jerusalẽmahãdu awaru Xiwahate, wyhy wana kedexihukre. Tii ratxikre kia hãwa õwana awimy ratxikre Tahe ahunihikȳ-ki hekarexiywinykre tule iny ijõ mahãdu wana. Kia bero Eufratxi ribihikȳle wahe kia titxibo suonana-ò hòkȳle wahe.
|
||||
\v 11 Deuxu rarybere: Jerusalẽ-ki sȳdu mahãdu. Jiarȳrewinyre sohoji debo awanareny hãlubu-di heka rewinyre. Tai kynyhe, jiarȳaritarenykre kia yrybryna ribi kia hãluu be tai ijõõhõkȳribi.
|
||||
\v 12 Deòdu mahãdu, bidiòkesebenyke aruterenahãkȳreny-ò Bidiòsebenyke adee inatxi ratyre-my ruxetòenahakȳ. Kia aõhõkȳmy dȳȳna kaiboho tetatenyte ribi.
|
||||
\v 13 Jiarȳariuhekre Juda kia aõbina xiwahate wese-my tahe Israeli mahãdu tahe wyhy-my ratxirenykre Jerusalẽhãbu mahãdu tahe wamay (obs:wbese) wese-my ratxirenykre idi tahe aõbina ariwinykre Grecia mahãdu wana.
|
||||
\v 14 Deuxu tahe (obs:kdexitnynykre) amahãdureny-ò aditakre awyhyreny Kia biudelaa wese-my Deuxu tahe ajuròna-di rurònykre Tahe ritorunytyhykre yhydebure yki kia bedeònana hãkȳ-ki.
|
||||
\v 15 Kai Deuxu ruruterehekȳadireny tarukikre amahãdureny-di. Tiiboho (obs:kdòtadenykre) kia inymynydu mahãdu òludureny ribi. Kanahudenykre ebònareny taòludureny hãlubu (obs:kdiòdenykre) kia bisòhòkȳwese-my tule tȳxihikȳle-my aõbo beso bedeò wese-my. Tiubo xiwena tyre iny ritximyhȳre wese-my.
|
||||
\v 16 Kia txuu tahe Deuxu (obs:kditadenykre) ta mahãdu. Kia Deuxu-my rybedu mahãdu tabueni ritamyhȳre wese. Tiiboho sõwe-my inireny rohonykre awihikȳ-my ihãwãrenyki. Kia manawihikȳwese-my tula rataana wese-my
|
||||
\v 17
|
||||
\c 10
|
||||
\p
|
||||
\v 1 Deuxu-ò rexitòeny wãhãre, Deuxu-ò biu wyra (obs:kditeònyke-my) moõbo tahe nonoe (obs:kditeònykre) tule biu kia suu riynykre-my aõ tai (obs:rkitarenykre-my) ibutu-my inydeereny.
|
||||
\v 2 Aõke aõkõ kaiboho biujebenyok~ke \f + \fr ck \f* kia itxȳte mahãdu tule kia mediõ mahãdu tiiboho dori aõbinabinale-my rarybemyhȳre tule ruile-my. Kia rasi (obs:ritnymyhȳre) òbiti aõkõ kia irybereny rybena ibina wiòhedȳȳna aõkõ rare. Tai tahe (obs:ibinawy) tiibohoo ratxirenyreri iriranareny ijõõmy, iwese budeoni iitxeduõmy rȳimyhȳre wese.
|
||||
\v 3 Deuxu rarybere: — Tuu radònyrenyre kia iwitxira webrò wedu kia iwedurenymy ratximyhȳrenyreki ahãwãrenyki tai he aõhõkȳmy (obs:arisnyrenykre) tuhyy. JiarȳDeuxu ruruterehekȳjiarȳarimykre wairòduboho Juda mahãdu wahe tule jiarȳariwinykre tiiboho he kiamy aõhebo awaruruterehekȳmy aõbina awaru-my.
|
||||
\v 4 Iribireny tahe ibutu-my wedu-my tahãwã wedu-my.
|
||||
\v 5 Ibutu-my heka tiiboho ròtarenykre kia inyrutàsàdu mahãdu wese-my kia taòludurenyboho tyre ririranymyhȳrenyre kia lama hãwa~hãwã yresyna-ki. Resurenykre aõherekibo jiarȳ, Deuxu wana watxirenyreri tule aròtarenykre kia taawarureny tyre-my rȳirerihãrele waòludureny ribi.
|
||||
\v 6 Deuxu kiamy rarybere. Ariwahinykre ruru Juda mahãdu-ò arihedȳȳnyrenykre Israeli mahãdu ruruxetòenywãhãrerenyre tiiboho aditadenykre kia tai òtity wesena woribi. Jiarȳaõbo tiu areywinyõtyhy Tahe jiarȳ heka Deuxu rre, ideuxureny iixidòedȳȳreny òraru-ki aõ rewahinywãhãre.
|
||||
\v 7 Israeli mahãdu hãbu irurutererenykre aõhebo inyrutàsàdu mahãdu wese-my tiiboho deysamy ratxirenykre aõhebo kia monabesòhòkȳmy (obs:momodu) mahãdu wesemy Aseriòreriòre roholarenyre kia rybe-ò. Tahe tiiboho deysa-my tule teyrenytyhy ratxirenykre waòraruki wahe jiarȳ Deuxu reki.
|
||||
\v 8 Adyrykre waijoi mahãdu-ò aributunyrenykre-my tahe jiarȳixyby adiòòsedȳȳnydenykre tasureny-ò kia tahe ixyby sõwereny rexioryrenykre juhuu tiiboho roiremyhȳwese-my.
|
||||
\v 9 Jiarȳ tiiboho ariuberanyrenykre kia bedebede irehetyhy-ò Kia tahe ihãrele tiiboho tõhõtireny waribi rusarenyõhyyre tiiboho tariòreboho wana irumy roirekre kodoidenykre ixyby taitãwãreny-ò.
|
||||
\v 10 Jiarȳariwinykre kia-my tiiboho Egitu ribi tule Asiria adiòòsedȳȳnydenykre tahe tamy aridyrenykre isureny-ò. Gileadi tule Libano hãwã ribi kia aõbo ijõõhyykre sȳna ibutu-ò.
|
||||
\v 11 Reuròrenykre ahuberonihikȳbesòhòkȳ-di jiarȳ tahe Deuxu arihetenykre àbò ariturȳnykre Nilo bero adihukre Asiria xiwedena tule Egitu mahãdu ruru adihukre.
|
||||
\v 12 Adiwahinykre ruru waijoirenyboho-ò waruruhukȳ-di tule tiiboho robirenykre jia
|
||||
\c 11
|
||||
\p
|
||||
\v 1 Libano iijòtobònareny biraybenyke kia heòty-di aòwòrureny arihukre.
|
||||
\v 2 Mahinybenykre alòbròboho kia dori òwòru ibutu-my rejuxuna kua òrarude wihikȳibutu-my rexihura mahinybenyke Basȳhõrõ ijoi kia dori bedeyxe tyhykȳkia reàrora.
|
||||
\v 3 Deuxu rybedu mahãdu rawesiruranyrenyre tule rahinyrenyre kia bedero wihikȳrexihure ribi halòehekỹ tahe raõhitxinyreri Jordaõ bedeyxe bero dori rihurenyre-ki.
|
||||
\v 4 — Deuxu, Wadeuxu wadee rarybere: — Deuxu rybedu-my matxike kia budoeni bimyke tiiboho doi rururenykre.
|
||||
\v 5 Kia budoeni ridymyhȳre tahe aõhe rutȳȳnyke ihoõre tiubo rururenykeu tahe budoeni dedi ijobo rȳike-my rarybereri. Aõherewe Wadeuxu! Inyboho ratyhynyrenyra. Tii tyhyle kia budoeni-di itxeredu tyhyle ijõdire ruxetòena tamy.
|
||||
\v 6 Tule jiarȳijoõre ruxetòena Israeli mahãdu-ò jiarȳariwahinykre ibutumy kia awdureny-ò tule ahãwãreny Iòlò. Kaa heka riwykre abede-ò, jiarȳtahe maõ aditaõkre irurureny ribi jiarȳDeuxu tuu rarybereri.
|
||||
\v 7 Tai tahe, jiarȳtuu ralore budoeni dydumy tule idi ijohodu-my kia ariywinymyhȳke-my kia irubuna koki. Inatxi tahe remyre bordaõ ijõ reninire “Awihikȳmy” ijotahe kia-my reninire “Butuhukȳmy” tahe ranyre budoeni-di itxeredu tyhymy.
|
||||
\v 8 Sohoji ahãdudile tahe inataõ txu-dile budoeni-di itxedu rehure, waki tahe aõ ariywinykre ijoõre ibinahãkȳmy wadee roire.
|
||||
\v 9 Tahe jiarȳrarybere tamyreny. — Jiarȳhe adireny itxeredu-my aõkõ watxikre burubenykre kia bituebenykre! Awi-my bituebenykre ibutu-my bexihubenykre.
|
||||
\v 10 Iribi tahe remyre kia heka inire Bastaõ awihikȳreàròre aõhebo kia Deuxu reàròre bedeyryna wese tahe tule kia riwinyre aliȳsa ibutu dee.
|
||||
\v 11 Tai tahe aliȳsa kiau tyhyle releõhyyre taihe budoenini-di aõmysȳdȳȳdu tyhy wadile retehe-my rȳimyhȳ, rieryrenyre timybo Deuxu rarybereri iyrenyribile kia rewinywãhãremy.
|
||||
\v 12 Tahe tamy rarybere: — Tiiboho awi-my ratxirenyreri wana iny, riwaõwynyre waaõsȳdȳȳòwy da aõkõre aõbo riwaòwynyõkre aõbo.
|
||||
\v 13 Deuxu wadee rarybere: Biyrubunyke kia iubeweri Deuxu dohodȳȳna heto-ò remyre iubeweri-òwydȳȳna awityhyre tiiboho tai awimy raharenyre kia wamy reàlàrenyre tahe Deuxu dohodȳȳna heto-ò reyrubunyre.
|
||||
\v 14 Iribi rebòhònyre iinatxina bastaõ, iny heka “uniaõ” rare kia bedeeryna rexihu-my aõkõ roire wese heka releõhyyre ibutuhukȳseriòre mahãdu tai rȳire kia Juda tule Israeli mahãdu.
|
||||
\v 15 Ixyby tyhyle, Deuxu rarybere wadee: — Wiji tahe ariwinykre deuxu rybedu tyyriti kia ijõ awiõre.
|
||||
\v 16 Ijõ (obs:arisnykre) sohoji budoeni-di itxeredu-my wabudoeni-di retekre-my tii tahe nohõtire-my aõkõ budoeni-di retehekre tiiboho iòhãrutyhy ratxirenyreri, riijeõkre ijõ riõkre wana tule riynyke tamy ihoõre ijõ rasakeki, tule ijõ titxibo ele risakeki riywinyke iohoõre iribirenyòty, tii tahe heka idereny rirokre tibo idenihikȳtyhy tii timy ririõtyhy hyna wese.
|
||||
\v 17 Budoeni-di itxedu binahãkȳtotxi ririõhykymyhȳre ixina-my ririmyhȳre! Iaxiò aõbo ibina-my da irue aõbo rutȳȳnyra irue-ki aõbo (obs:rawotmora) maydese webese-di aõbo (obs:rawotmora)! Tebo raratyõhykyreri tule irue ratàra.
|
||||
\c 12
|
||||
\p
|
||||
\v 1 Kaa Deuxu rybe wahidȳȳrare Deuxu ibutu-my bedebede mahãdu rityhynymyhȳre kia Israeli mahãdu wahe! Deuxu heka ritidire biuwetyy, rimyre suu tahe umy riwahinyre ibutudee, rarybere.
|
||||
\v 2 Jiarȳariwinykre kaa Jerusalẽaõhebo sohoji bede-ò monabesòhòkȳibutu-my iny mahãdu wibireludu mahãdu-ò, tiiboho tahe tuu riõrenyre tahe iòdereny rawàrinyrenyre. Tiubo tiiboho Jerusalẽmahãdu-ò rekoarenyre tule ijõ Juda hãwã rahurenyke-my tule rekoarenyre.
|
||||
\v 3 Kia txuu tahe jiarȳrewinyre Jerusalẽaõhebo mana sohoji utxiehekȳibutu-my iny mahãdu-ò, mõbo lamamy (obs:riwsnykre) juhutyhy (obs:rawotmokre) sõwehekȳmy aõkõ.
|
||||
\v 12-14 Kai he, Davi riokore riokore, tule Natȳriokore riokore tule Levi riokore riokore tule Simei riokore riokore. Iny sojohi sohoji heka rahinykre ixisohojile-my, hãbu mahãdu rahinykre tabuhuna-ki, hãwyy mahãdu hitxi-my.
|
||||
\c 13
|
||||
\p
|
||||
\v 1 Kia txuu tahe bede sõwe-my (obs:rdejuxunykre) bee Davi riokore riokore tyre ijõ kia sȳdu Jerusalẽmahãdu kȳnyikre òraruna suròna tule tibo òbiti-my rȳiora mahãdu.
|
||||
\v 2 Itxuu-le tahe jiarȳDeuxu ruruterehekȳwaõkre Israeli mahãdu ribi kia itȳte mahãdu ribi, tiu inyõ tõhõti itxi reaõtyhy. Tule aritakre kia deuxu òbiti-my rarybemyhȳre aõkõ aritarikre bedebede-ribi adehukre ixideewimy tiiboho dori suritxoo-my reàlàmyhȳrenyreki.
|
||||
\v 3 Tiubo inyõ kia Deuxu-my rybedu-my aõ riwinykeki, tybytyhy aõwesele rirawyònykre. Kai burukre, kai dori tuu tarybeteri kia aruina dori arybe wahidȳȳDeuxu ribi nade. Tyby heka tariòre (obs:kdirbunykre) maywe bese-di ratxikeki deuxu-my rybedu-my rarykeki.
|
||||
\v 4 Kiatxuu-le tahe inyõ aõtxile deuxu-my rarybekeki kia ixȳruna tai rȳikre irueò inyõ heka tiu iròdu tyydi rexityynyõtyhy kia tii Deuxu-my rybedu rare-my.
|
||||
\v 5 Iribi òty-my iny sohoji sohoji tuu rarybekre jiarȳDeuxu-my rybedu aõkõ rare. Jiarȳoworu widȳȳdu. Uladuhukȳle heka oworu-ki raaõmysȳdȳȳny wãhãre.
|
||||
\v 6 Inyõ wadee ryyraxikeki, kiawe aõ (obs:arawotmonyre) abreti-ki? Tii rirawyõnykre kaa (obs:wawotmona) heka wabiowa heto-ki tuu ratȳȳnyre.
|
||||
\v 7 Deuxu ruruterehekȳtuu rarybere. Biukòke maywe bese tahe Wadeuxu-my rybedu-ò beakre. Tule beaker wawiòhedȳȳdu-ò. Burubunykre Deuxu-my rybedu, tahe budoeni ibutu-my roberakre, kiawesetyhyle jiarȳbydoenixomo-ò araaõbinanykre.
|
||||
\v 8 Israeli-my rasȳnymyhȳre mahãdu Inatxi inataõ weàre-my rururenykre. Sohoji inataõ weàre tahe rohenykre umy-di.
|
||||
\v 9 Kia rohenyrenykre tahe jiarȳheòty-ò ariteònykre Jiarȳariwinykre womati ura (obs: trȳrȳ) wese-my Arixomoxomonykre iruxomomy kia ijõ wese-my Tai tahe tiiboho wadee kedexitòedenykre wadee Tahe jiarȳadirawyònykre Ariwahinykre, kaiboho dori waijoi toite Tiiboho rirawyònyrenykre Kai Wadeuxureny tate.
|
||||
\c 14
|
||||
\p
|
||||
\v 1 Kaa tamy txuu rehemynykreu Deuxu tamy ritidikre iaõnaõreny wahe ibutu-my bedebede-ò. Tai tahe Jerusalẽhãwã tahe (obs:kdioòtakre) iòludu mahãdureny tahe rexihitxinyrenykre aõvo tai itxi rekoarenykre-my.
|
||||
\v 2 Deuxu tahe ibutu-my riwiòhenyrekre Jerusalẽhãwã rahurenykre-my. Hãwãhãkȳheka rotakre aõbo ihetoreny-ki ijõdikre ibutu-my wydyna-my reakre, hãwyy mahãdu tahe aõtyhymy rutȳȳnyrenykre txura-my tahe tai sȳdu mahãdu rirahukre kia mynyna heto-ò. Ijõ tahe Jerusalẽ-kile ratxirenykre.
|
||||
\v 3 Iribi tahe, Deuxu ròhònykre tiiboho wana resurenykre-my ibutu-my bedebede mahãdu wana iwese juhuu resurenyre wese.
|
||||
\v 4 Kiatxuule tii (lma-my) ratxikre olivera hãwã-ki Jerusalẽtxuòlòna weribi-ki. Tahe kia taruru-my he rare, tahe tai kȳnyikre txuòlòna weribi-ki tule txuròtena weribi-ki, wiribi olivera hãwãlo inatxi-my (obs:kdihitxinykre). Txura-my heka hãwãlo resekre kia bedebro-ò, ijõ tahe bederamorahãkȳ-ò resekre.
|
||||
\v 5 Kaiboho tahe bihenybenykre kia-di wahe kia Azal òhòkȳle wahe. Bihenybenykre iwese juhuunaludu mahãdu rihenyrenyre aribireny rihenyrenyre kia Deuxu dohodȳȳheto ramy tatareu wahe kia Uzia tai rarybe-my raremyhȳu, Juda wedu wahe. Tai tahe Deuxu, tai Deuxu ibutu-my ta ȳju-my robikre.
|
||||
\v 6 Kiatxuu tyhyle ikoki, bede jutàtà ijõõkre, tule txutàdàhãkȳijõõkre.
|
||||
\v 7 Tai bede ruhukȳijõõkre, txule tahe tai ijõdikre, txuu tahe bede ritoosonyhyy-my roikre bedeluru wana tuhyy. Tahe Deuxule heka kia rieryre tiubo tehemynyna.
|
||||
\v 8 Kiatxuu tahe, Jerusalẽ-ki kȳnyikre be jutàtà (kdejuxunykre-my), txura-my tahe rakre beronihikȳ-ki heka rubu rare, ijõ tahe rakre Meditehȳneo berohokȳ-ò. Bee heka reahyy roikre tuhyy, kia wyra-my tule beòra-my.
|
||||
\v 9 Deuxu heka Butu wedu tyhy-my ratxikre ibutu-my bedebede-ki. Tiihyy heka sohoji Deuxu-my rarekre, ibutu-my iny tamy ryrymy rȳirakre Deuxu-ò.
|
||||
\v 10 Tahe Ibutu-my kia hãwãlo weribi weribi-my robirenykre ibutumy bedebede ribi, Geba –u hukȳle, kia bede webròkihikȳle Rimõ-ki hikȳle, Jerusalẽbede onana-ki hikȳle. Jerusalẽheka butu ribi irarietyhy-my roikre bedebede ribi, tai iny mahãdu rasȳnykre, kia Bejami ijòtòbona-ki tule kia hãwãweryna ijòtòbona-ki, kia heka ihetxiu ijòtòbona rare, kia wamotui wityretyrehekȳrariehekȳHananeo kia mona besòhòkȳhynanikȳriwinyre-ki hãwã wedu wahe.
|
||||
\v 11 Tiu tahe kia hãwã rexihuõtyhy, tai heka tusȳdu mahãdu awi-my rȳikre.
|
||||
\v 12 Deuxu heka (obs:kdihukre) ibutu-my kia Jerusalẽhãwã hudu òraru-ki. Tii (obs:kditeònykre) aõ ibinahãkȳidereny-ò, idereny-ò heka ibutu-my rasunykre, ihãrele tahe iru-my roirekre iribi tahe iruereny, tòròtereny rasunykre.
|
||||
\v 13 Kia txuu tahe, Deuxu riwinykre tamyreny aõ rieryõhyyrenykre-my tule brebu-my, iny sohoji sohoji rimykre ixibireludu tahe tamy reakre.
|
||||
\v 14 Juda mahãdu hãbu taha resurenykre ityhyrenareny iòhòmy rȳireri bedebede mahãdu wahe, kia he womati (obs:trȳrȳhȳkȳ) sõwe-my, tule womati ura (trȳrȳrȳhȳkȳ) tule tyy wana.
|
||||
\v 15 Kia wesetyhyle tahe Deuxu aõbinahãkȳ(obs:kditeònykre) tamyreny tiiboho dori iribireny òtu rarurunyrenykreki kia tule iòludureny iròdu iròdu hudu-my, kia heka rare, awaru, awaru hãwyy, awaru (htȳti) tòòhokȳtule ijõi awaru yjayja.
|
||||
\v 16 Iribi tahe ibutu-my bedebede-ki rohenyrenykre resurenykre Jerusalẽòludu-my roimyhȳrenykre sohoji beòra-di tamyreny kia Deuxu ruruterehekȳreàlàmyhȳrenyke-my bededi nodu-my rareki wahe kia hetonihikȳ-di reysarenykemy.
|
||||
\v 17 Kia timy bedebede bededinodu-my reàlàrenyõkeki Deuxu ruruterehekȳ, tiu biu ròaõtyhy ibedereny-ki.
|
||||
\v 18 Kia egicio mahãdu Jerusalẽhãwã-ò deysana widȳȳmy roirenyõkeki kia hetonikȳdeysana tai riwinyrenyke-my tahe Deuxu aõhõkȳmy tiiboho (obs:rsinyrenyke) kia aõnaõna binabinahãkȳtule ritònykre ijõ bedebede-ò.
|
||||
\v 19 Kaa heka Deuxu aõhõmydȳȳna (obs:kditeònykre) Egitu hãwã tyre-ò tule ijõ hãwãhãwã-ò kia Jerusale-ki hetonikȳ-ò deysana riwahinyrenyõreki wahe.
|
||||
\v 20 Kiatxuu tahe awaru rynana bire-ki tyhyle iritina roikre. Deuxu-ò rexihitxinyre tahe kia herana Deuxu dohodȳȳna heto-ki tuu reàlàkre awihikȳmy tule kia hyna ikoki rȳikre hynamy.
|
||||
\v 21 Jerusale-ki tule Juda-ki ibutu-my herana rahitxihitxinykre Deuxu ruruterehekȳ-ò. Tiubo inyõ Deuxu dohodȳȳna heto-ò xiwena wahidȳȳmy rakreu Deuxu-ò, kia iny tahe taherana riuhekre kia aõde idi riheranykre riwahinykre-my. Kia txuu tahe tiu ijohodu rohonyõtyhy Deuxu dohodȳȳna heto-ki wahe.
|
||||
|
|
@ -0,0 +1,70 @@
|
|||
\id MAL 39. MALAQUIAS
|
||||
\ide UTF-8
|
||||
\h MALAQUIAS
|
||||
\toc1 MALAQUIAS
|
||||
\toc2 MALAQUIAS
|
||||
\toc3 mal
|
||||
\mt1 MALAQUIAS
|
||||
\c 1
|
||||
\p
|
||||
\v 1 Ka heka rybe Deuxu Tyhyhykỹ riwahinyre Malakia dee riwahinykremy Israel iny mahãdudeereny.
|
||||
\v 2 Deuxu Tyhyhykỹ rarybere tasỹrenydeereny taijoideereny: — Diarỹ tikiehyymy umyreny rerinanymyhỹre. Kaa tii boho rỹỹraxirenyre: — Timybo tahe arieryrenykre kai wamyreny terinanymyhỹtemy? Deuxu rirawyònyre: — Esau kia Ijaó seriòre roire, kiaremyta diarỹ Ijaó-my rerinanyre kia irioreriorerenymy,
|
||||
\v 3 Kaa Esau tahe riwakyaranyre kia irioreriorereny. Diarỹ rewinyre Esau hãwalò bede ibijiuömy rexirahorekremy, ka tahe wiji isu iròdu iròdu debure tai rahãwanyrekrekile awire.
|
||||
\v 4 Txibo Esau rioreriore bohoreny, ka boho, edomita boho raryberenyrenykreki: “Iny hãwareny heka ibinamy doimyhỹde, ka iny boho tahe ixybyle rikitỹmyranyrenykre”, kia Deuxu Tabedeery Nihikỹ-di rirawyònykre: “Txibo tii boho riwinyrenykre-wana , diarỹ aritxiwitxiwikre. Isureny heka raninimy rarekre Aõbinabina mahãdu su kia ihãwahãwareny-di Deuxu Tyhyhykỹ ikyaramy ratximyhỹre ikiemy.”
|
||||
\v 5 Israel iny mahãdu tuu robirenykre kiata ibutumy raryberenykre: — Deuxu Tyhyhykỹ heka ihikỹre, kia ibedeery nihikỹ ramyhỹre Israel su konana bedeòhòkỹle!
|
||||
\v 6 Deuxu Tabedeery Nihikỹ-di rarybere Deuxu Rybe-di Ijohodu mahãdureny-ò: — Uladu tyby rityhynymyhỹre, kia wetxu tawedu rityhynymyhỹre. Kia diarỹ tahe bureny rare, aõherekibo tahe kai boho tiwatyhynyõmyhỹtenyte? Kia diarỹ awedureny rare, aõherekibo tahe walau taberuõmyhỹtenyte? Kai boho tiwaatymyhỹtenyte, kia ihãremy tahe tỹỹraximyhỹtenyte: — Timybo tahe araatymyhỹrenyre?
|
||||
\v 7 Kia rỹsỹna binahãkỹ-ki kia kai boho wadee taxiwetenyte. Kia ihãremy kai tỹỹraxomyhỹtenyte: — Timybo tahe diarỹ boho umy rahitxirenyreri? Kia kai boho wamy tahitximyhỹtenyte tiu kai boho tai tahãmyhỹtenyteu waxiwenadena bisubisunybenykremy.
|
||||
\v 8 Kia wamy tahitxilemyhỹtenyte kiemy dori tahõtinymyhỹtenyte wadee ibinaõremy wadee xiwena tewymyhỹtenyte iròdu ruebetà, itikre yda iwebinadu. Kia biebeny aõboini biwahinybenykremy kawesena iròduõ Hãwa wedu dee! Kia aõbo riki idi tahõtinytenyteri tii tamy awityhymy reobykremy kia aixitòedỹỹnareny? Diarỹ, Deuxu Ibutu Wabedeery-di rarybere.
|
||||
\v 9 Ka tahe wiji, Deuxu rybe-di ijohodu, bexitòenybenyke Deuxu dee kia tamy bexitòenybenykre tii iny boho tarybewiwihikỹ inydeereny riwahinykremy. Ka kia aõbo riki adee reòbyrenykre tiu kai boho tamy tewahinymyhỹtenyte xiwena kawemy?
|
||||
\v 10 Deuxu Ibutumy Tabedeery nihikỹ-di rarybere Deuxu rybe-di ijohodu mahãdureny-ò: — Kai bohoõ warybena heto ijò bitobonybenykre. Kawesemy tahe kai boho heòty itoodỹỹrenyõmykre aõmy waxiwena dena-ki. Diarỹ awimy aõkõ adireny watxireri, tamy areòbyõkre axiwenareny-ò.
|
||||
\v 11 Diarỹ heka wamy derina rỹimyhỹre ibutumy hãwa hãwa bede bedemy, kia ibutumy bede bedemy heòty ritoonymyhỹrenyre wamy derinanamy kia tahe wadee riwahinymyhỹrenyre xiwena wityhy. Ibutumy wamy rexieletynymyhỹrenyre.
|
||||
\v 12 Ka kai boho tiwahitxinymyhỹtenyte tiu tahõtinymyhỹtenyteu kia òbitimy rikihe waxiwena dena texutexunymyhỹtenyte kia xiwena tewahinymyhỹtenyte aõki awiõhyyre.
|
||||
\v 13 Kai boho tarybemyhỹtenyte: — Diarỹ boho heka reywesemy watxirenyreri ibutumy ka bede-ribi! kiata waki tatxuenymyhỹtenyte kia ixi-ribi tiwatamyhỹtenyte. Kia ihãremy wadee xiwena tewahinymyhỹtenyte iròdu wasinahãkỹle yda iròdu itikre, iwebinadu.Kai boho tahõtinymyhỹtenyte kia Diarỹ, Deuxu Tyhyhykỹ, tamy areòbykremy?
|
||||
\v 14 Bede binahãkỹ roidu mahãdudeereny kia rarybemyhỹrenyre tairòdu wihikỹõ wadee riwahinyrenykremy, ka xiwena bedeu tahe iròdu binahãkỹle riwahinymyhỹrenyre! Diarỹ Iòlò Bedeery nihikỹ, kia ibutumy hãwa hãwa bede bede wamy rerinanymyhỹre. Diarỹ, Deuxu Ibutumy wabedeery nihikỹ, rarybere.
|
||||
\c 2
|
||||
\p
|
||||
\v 1 Deuxu Ibutumy Tabedeery nihikỹ-di rarybere: — Warybe-di ijohodu mahãdu, diarỹ adeereny rarybereri.
|
||||
\v 2 Txibo warybe wahidỹỹna bitynyõbenykreki kia txibo wamy berinanybenyõrenykreki, tai tahe diarỹ atyrereny ariatykre aõnaõna binabina aratxuhòrenykre ibutumy kai boho aõ temymyhỹtenyte aõmysỹdỹỹbrò-ribi. Kia aratxuhòrenyre kiemy dori kai boho texiywinytenyõte wamy berinanybenykremy.
|
||||
\v 3 Kia arirarytxynyrenykre ariorereny kia aòsynyrenymy ariòkaòkarenykre iròdu iròdu rỹny xiwenamy tewahinymyhỹtenyte. Kia ihãremy kai boho madybenykre tibedekibo ijỹny adehuna rỹimyhỹre-ò.
|
||||
\v 4 Kawesemy tahe bierybenykre kia diarỹ tuu warybe rewahinyreri kia warybe-di ijohodu mahãdu-wana, Levi rioreriorereny rakròkròõkremy. Diarỹ, Deuxu Ibutumy Tabedeery nihikỹmy tuu rarybereri.
|
||||
\v 5 –Warybe tamyreny rewinyre, diarỹ tamyreny rarybere ariwahinykremy umytuedỹỹna kia bede ywihikỹ. Kia rewinyre aõmybo rarybere, tii boho riwatyhynyrenykremy; kia inatyhymy tii boho riwatyhynyrenyre kia walau ruberurenyre.
|
||||
\v 6 Kia ikiemy rotohodỹỹmy roiremyhỹ òbitihyylemy kia tiu roimy iõnamy rotohodỹỹõhyyrenyre. Kia awihyylemy wawana roirenyremyhỹ, aõ òbitimy riwinymy roiremyhỹ kia sõemy riwiòhenanyrenyre rybinabina riatyrenykremy.
|
||||
\v 7 Warybe-di ijohodu mahãdu heka òbitityhymy wabededỹỹnanamy rotohodỹỹmyhỹrenyke, kia ibutumy tamy rexitòenymyhỹrenyke dohodỹỹnamy tamyre kia rieryrenykremy aõbo òbitiremy, kiemy dori warybe-di ijohodu mahãdu warybe-di ijaradu roirenyre.
|
||||
\v 8 –Ka tahe wiji kai boho , Deuxu rybe-di ijohodu mahãdu, ry òbitina-ribi tahònymy atxitenyteri, kia adohodỹỹnanareny sõemy iny mahãdu òrarunamy riatyrenyre. Kai boho tekròtenyteri rybewi rewinyre Deuxu rybe-di ijohodu mahãdu dee.
|
||||
\v 9 Iurenana diarỹ ariwinykre kia iny mahãdu adi rehukre arahitxinyrenykre, kiemy dori kai boho tiwatyhynyõletenyte, tiu aõmy òbitimy rarybemyhỹreu, kia òbitityhymy aõkõ iny mahãdu-di atximyhỹtenyte. Diarỹ, Deuxu Ibutumy Wabedeerymy, rarybere.
|
||||
\v 10 Òbiti kỹny rare ibutumy iny boho tybyreny sohojihyy rare? Iny boho kỹny Deuxu riwinyrenyre? Aõherekibo tahe iny boho inyiny wii ribònymyhỹrenyre, kawesemy ribinabinanymyhỹrenyre rybewihikỹ Deuxu riwinyre iny hỹỹnarenydeereny?
|
||||
\v 11 Juda iny mahãdu Deuxu dee òbiti aõkõ roire, kia Israel iny mahãdu Jerusalẽ-ki hãwadu mahãdu aõnaõna binabinahãkỹ riwinyrenyre. Juda iny mahãdu rixurixunyrenyre Deuxu Tyhyhykỹ tuu terinanymyhỹtemy?rybena hetomy, kia hãbu mahãdu hãwyymy raydònymyhỹrenyre iwitxira deusi rityhymyhỹrenyre-wanahãkỹle.
|
||||
\v 12 Kia Deuxu Tyhyhykỹ riteònyrenykre iny bedereny-ribi iny mahãdu tuu riwinymyhỹrenyre, aõtxile mobo tuu riwinyre, kia xiwena riwahinykrehãrele Deuxu Tyhyhykỹ dee!
|
||||
\v 13 Ixyby ijõdire aõnaõna kai boho tewinymyhỹtenyte: mawesiruràmy kia mahinybenyke bobubenyke, arubereny-di bihetynybenykre Deuxu xiwena dena kiemy dori tii axiwenareny-ò reòbyõhyyreri tamy tewahinymyhỹtenyte.
|
||||
\v 14 Kai boho sohoji sohoji tỹỹraximyhỹtenyte: “Aõherekibo?” Kiemy dori Deuxu araeryre ahãwyy dee òbitimy aõkõ atximyhỹtemy, kia hãwyy-wana herimy taite weryrybòu. Tii heka juhu arawyò rare. Ka kai tahe tebinabinanyte tuu biwinykremy tarybete Deuxu ruki kia òbitimy tamy mabekremy.
|
||||
\v 15 Inatyhymy kỹny Deuxu sohojihyy iny riwinyre, kia inyde-ribi tyytyby-ribi relere? Aõbo tahe Deuxu tamywireri? Kia iriòrereny ijõdikre Deuxu dee rawahikre. Kiaremyta, bexiebenykre kai bohoõ ibinabina ahãwyyreny-di norenyõmy.
|
||||
\v 16 Kiemy dori, Israel Deuxu Ibutumy Tabedeery nihikỹ-di, rarybere: — Diarỹ riwayaranyre hãbu hãwyy-wana wii riatymyhỹrenyre; diarỹ riwayaranyre hãbu kawesemy ibinahỹkỹmy riwinymyhỹre.Kiaremyta bexiemy atximyhỹbeny, kia inyõ dori òbitityhymy ratxiõhyymyhỹre tahãwyy di.
|
||||
\v 17 Kai boho sõemy tarybemyhỹtenyte, kia Deuxu Tyhyhykỹ reywesemy ratxireri ibutumy arybereny-ki. Kia ihãremy kai boho tỹỹraximyhỹtenyte: “Timybo tahe Deuxu reteywedỹỹnyrenyra?” Kia myỹ raryberenyreki aõbo: “Deuxu Tyhykỹ rõhõtinymyhỹre kia aõnaõna bina riwinymyhỹrenyre awirenyre, uriki tahe Deuxu tii boho tamyrenywire.” Yda kai boho tỹỹraximyhỹtenyte: “Tikibo Deuxu òbitihikỹ ratxireri?”
|
||||
\c 3
|
||||
\p
|
||||
\v 1 Deuxu Ibutumy Tabedeery nihikỹ-di rarybere: — Diarỹ ariteònykre warybe-di ijaradu wary wadee riywiywinykremy. Kia bureny kai boho tadiijemyhỹtenyte isitere-ribile rehemynymy reakre Deuxu rybena heto-ò. Kia rehemynymy rareri Deuxu rybe-di ijaradu kai boho tadiraòmyhỹtenyte, kua kidiwykre rybe ywidỹỹ kia adeereny ariwinykre.
|
||||
\v 2 Ka mobo tahe riekre tii kanakre txuu? Mobo tahe awimy reximymy rỹikre tiu tii kanakreu? Kiemy dori tii heòty wesemykre, iny boho risuhosuhorenykremy, kia heka sabaõ wesemykre iny boho rihòrenykremy.
|
||||
\v 3 Tii rexisỹnykre Deuxu rybe-di ijohodu mahãdu risuhosuhokremy, Levi rioreriore bohoreny, kia iwese inyõ mana rỹsỹ òtaòta mana rỹsỹtyhyhykỹ rityratyradỹỹmyhỹre Kawese heòty-ò. Kawesemy tahe tii boho aõwaxina xiwena riwahinyrenykre Deuxu dee tii tuu reamyhỹremy.
|
||||
\v 4 Taita tahe xiwena kanawykre Juda iny mahãdu kidiwydenykre kia Jerusalẽ-ki hãwadu mahãdu kidiwydenykre Deuxu dee tai awityhytyhymy rahãkre, iwesemy juhuu hỹỹna bedeu tuu rutỹỹnymy rỹiramyhỹ wesemy.
|
||||
\v 5 Deuxu Ibutumy Tabedeery nihikỹ-di rarybere tasỹ dee taijoi dee: — Diarỹ anakre aradyrenykremy araatyrenykremy. Kia raroorehenymy aõkõ ararykre ibutumy inymahãdu riwatyhynyõmyhỹrenyre òludumy, kia heka, hàri mahãdu, tahãbureny ririmyhỹrenyre, tahãwyy ririmyhỹrenyre, kia òbitimy aõkõ rarybemyhỹrenyre, kia aõmysỹdỹỹdu mahãdumy rarỹỹnymyhỹrenyre kia teramy rekoamyhỹrenyre wytese weribi, wyte mahãdureny-ribi kia hãwa witxira mahãdu akyreny-ki rahãwanymyhỹrenyre.
|
||||
\v 6 Deuxu Tyhyhykỹ rarybere: — Diarỹ heka Tikiehyymy nodu rare kia nohõtibetà aõkõ. Iurenana heka kai boho Ijaò rioreriore boho, texihutenyõtenyte.
|
||||
\v 7 Kai boho heka ahỹỹnareny wesena toitenyte: warybe wahidỹỹna teatytenyte kia iwesemy tewinytenyõhyymyhỹtenyte. Wadee bòdòòse bedenyke kia diarỹ tahe adeereny aroosekre. Kia kai boho tỹỹraximyhỹtenyte: “Timybo tahe aròòserenykre?”
|
||||
\v 8 Diarỹ rỹỹraxira: “Inyõ aõbo Deuxu riwasinyke?” Kai boho tahe tiwawasinytenyte kia ihãremy tiwatỹỹraxinymyhỹtenyte: “Timybo tahe arawasinyrenyreri?” Kai boho tiwawasinymhỹtenyte ofeta-ki kia dizimo-ki.
|
||||
\v 9 Ibutumy kai boho tiwawasinytenyteri, kia iurenana diarỹ retxuhòre ibutumy hãwa hãwa bede bede.
|
||||
\v 10 Diarỹ Deuxu Ibutumy wabedeery-di, rarybere ibutumy bidiwybedenykre adizimoreny Deuxu rybena hetowo-ò, kia sõemy tai rỹsỹna ijõdikremy wahetoki. Wadeeini atyydỹỹnareny bilidibeny kiata bobibenykre kia diarỹ ariraynykre biuwetyy ijaniela kia atyrereny aritxiwikre sõehekỹmy warybewiwihikỹ.
|
||||
\v 11 Kia ariwahinyõtyhy sei rabròhòkỹ rihurenykemy alòbrònareny, kia mona besò raty alòbrònareny sõemy rỹikre.
|
||||
\v 12 Ibutumy iny mahãdu raryberenykre kia kai boho iny mahãdu bedesahãkỹ deysahãkỹ toitenytemy umyreny raryberenykre, kiemy dori kai boho tahãwanymy atximyhỹtenyte su wihikỹ-ki suu iaõdityhy-ki. Diarỹ, Deuxu Ibutumy Wabedeery nihilỹ-di rarybere.
|
||||
\v 13 Deuxu Tyhyhykỹ rarybere: — Kai boho wamy ibinabinamy tarybetenyte kia ihãremy tỹỹraximyhỹtenyte: “Aõmybo tahe raryberenyre aribiòtumy?”
|
||||
\v 14 Kai boho tarybetenyte: “Aõki heka awiõhyyre Deuxumy rybena. Kia aõke heka aõkõre iny boho rikiwinyrenyke aõmybo Deuxu Ibutumy Tabedeery nihikỹ-di rarybere yda rykexityynyrenykremy rubu-ò tyyna-di kia tamy rykexideòsinyrenykremy iny boho ixideereny rexiraherenyremy.
|
||||
\v 15 Kia heka irutaõre iny mahãdu rexityhytyhynymy ratximyhỹrenyre ibedesahãkỹmy rỹimyhỹrenyre, kia diarỹ boho ibutumy retehemyhỹrenyre òbitimy rimykremy iny binabina mahãdureny-ò; tiu Deuxu Tyhyhykỹ ritidimyhỹrenyreu, tii boho rararytxyrenyõhyymyhỹrenyre.”
|
||||
\v 16 Taita Deuxu Tyhyhykỹ lau ruberumy ratximyhỹrenyre raryberenyre widee wideereny, kia tii tahe roholawityhyre aõmybo wideereny rarybemyhỹrenymy. Kia irurenyki tyyriti-ò raritidỹỹrenyre ni mahãdu motyhytyhybo Deuxu rityhynymyhỹrenyreni kia tuu rerinanymyhỹrenyreni.
|
||||
\v 17 Deuxu Ibutumy tabedeery nihikỹ-di rarybere: — Tii boho wasỹrenymy waijoirenymykre. Kia txuu rehemynykreu reywinymy idi watxireri, tii boho wasỹreny waijoirenytyhymyrenykre. Diarỹ idireny arexiwobrunykre iwese uladu tyby tariòre-di rawobrumyhỹre kia rityhynymymyhỹre.
|
||||
\v 18 Kia ixyby wasỹreny waijoireny robirenykre iwitxirarenymy, aõhebo rutỹỹnymyhỹrenyre inywi mahãdudeereny kia iny binabina mahãdudeereny, kia wamy awimy rarybemyhỹrenyre kia riwatyhynyõrenymyhỹrenyre-wana.
|
||||
\c 4
|
||||
\p
|
||||
\v 1 Deuxu Ibutumy Tabedeery nihikỹ-di rarybere: — Kia txuu rehemynymy rareri ibutumy iny rexityhytyhynymyhỹrenyre mahãdu kia ibutumy iny bina mahãdureny roorenykre horeru wesemy heòty-ò. Kua txuu tii boho roorenykre kia tahe ibutumy rexihurenykre.
|
||||
\v 2 Ka kai boho tahe walau taberumyhỹtenyte, wahedỹỹnana rarỹsỹnyhỹkỹkre txu wesemy, umytuedỹỹna tarahetoti-ki kidiwykre. Kai boho mawayrytòbenykre bedesamy uhuariki.
|
||||
\v 3 Kua txuu diarỹ reywinyreri, kai boho biriranybenykre iny binbina mahãdu tyrereny kia tii boho ry ỹnysi weselemy.
|
||||
\v 4 —Õhõtireny rea wadeòdu Moiseisi rybe wahidỹỹna, kia ibutumy warybe wahidỹỹna kia wadohodỹỹna kia diarỹ tamy rewahinyre Sinai hãwalò-ki ibutumy Israel iny mahãdu rityhynyrenykremy.
|
||||
\v 5 Ka, komy kua txu binahäkỹ kedehemynykre koki, diarỹ Deuxu Tyhyhykỹ, adeereny aditeònykre warybedỹỹdu Elia.
|
||||
\v 6 Tii riwinykre tyby mahãdu kia iriòre mahãdu widee rawoixirenykremy kia diarỹ arirarytxynyõkremy bede hãwa hãwa kia arihumy ibututyhymy.
|
||||
|
|
@ -1,5 +1,6 @@
|
|||
# Karajá Bible
|
||||
|
||||
Converted from Word files with translations from 1999-present.
|
||||
As of 28 June 2022, 35 OT books are available.
|
||||
|
||||
Issues and questions remain. See *issues.txt* and *notes and questions.txt*.
|
||||
|
|
|
|||
|
|
@ -0,0 +1,13 @@
|
|||
Issues generated 2022-06-27 from C:\DCS\Karajá\kpj_reg
|
||||
------------
|
||||
No non-English book title for ISA
|
||||
Possible untagged footnote at square bracket at ISA 9:17
|
||||
Empty verse: ISA 9:19
|
||||
Missing verse between: ISA 34:8 and ISA 34:10
|
||||
Missing verse between: ISA 41:20 and ISA 41:22
|
||||
Possible untagged footnote at square bracket at ISA 44:26
|
||||
Missing verses between: ISA 45:1 and ISA 45:10
|
||||
Missing verses between: ISA 45:18 and ISA 45:21
|
||||
Chapter should have 25 verses: ISA 45:27
|
||||
Missing verse between: ISA 57:17 and ISA 57:19
|
||||
Missing verse between: ISA 66:20 and ISA 66:22
|
||||
37
issues.txt
37
issues.txt
|
|
@ -71,3 +71,40 @@ Missing chapter(s) between: PRO 2:22 and PRO 4
|
|||
Missing chapters before: PRO 21
|
||||
Empty verse: ECC 3:9
|
||||
Upper case book title in SNG header/intro
|
||||
No non-English book title for ISA
|
||||
Possible untagged footnote at square bracket at ISA 9:17
|
||||
Empty verse: ISA 9:19
|
||||
Missing verse between: ISA 34:8 and ISA 34:10
|
||||
Missing verse between: ISA 41:20 and ISA 41:22
|
||||
Possible untagged footnote at square bracket at ISA 44:26
|
||||
Missing verses between: ISA 45:1 and ISA 45:10
|
||||
Missing verses between: ISA 45:18 and ISA 45:21
|
||||
Chapter should have 25 verses: ISA 45:27
|
||||
Missing verse between: ISA 57:17 and ISA 57:19
|
||||
Missing verse between: ISA 66:20 and ISA 66:22
|
||||
Upper case book title in JER header/intro
|
||||
Chapter should have 22 verses: JER 8:23
|
||||
Chapter should have 26 verses: JER 9:24
|
||||
JER should have 52 chapters but 20 chapters are found.
|
||||
No non-English book title for LAM
|
||||
No non-English book title for EZK
|
||||
Chapter should have 17 verses: EZK 5:13
|
||||
EZK should have 48 chapters but 5 chapters are found.
|
||||
No non-English book title for DAN
|
||||
Upper case book title in JOL header/intro
|
||||
Chapter should have 21 verses: JOL 3:18
|
||||
No non-English book title for AMO
|
||||
Missing verses between: AMO 4 and AMO 4:7
|
||||
Empty verse: AMO 9:5
|
||||
Upper case book title in OBA header/intro
|
||||
Upper case book title in JON header/intro
|
||||
Upper case book title in NAM header/intro
|
||||
Upper case book title in ZEP header/intro
|
||||
Upper case book title in HAG header/intro
|
||||
Chapter should have 15 verses: HAG 1:9
|
||||
HAG should have 2 chapters but 1 chapters are found.
|
||||
Missing verse between: ZEC 6:6 and ZEC 6:8
|
||||
Empty verse: ZEC 6:13
|
||||
Empty verse: ZEC 9:17
|
||||
Missing verses between: ZEC 12:3 and ZEC 12:12
|
||||
Upper case book title in MAL header/intro
|
||||
|
|
|
|||
|
|
@ -24,8 +24,8 @@ dublin_core:
|
|||
creator: 'Unknown'
|
||||
relation: []
|
||||
publisher: 'Wycliffe Associates'
|
||||
issued: '2022-06-27'
|
||||
modified: '2022-06-27'
|
||||
issued: '2022-06-28'
|
||||
modified: '2022-06-28'
|
||||
version: '1.1'
|
||||
checking:
|
||||
checking_entity:
|
||||
|
|
@ -194,3 +194,87 @@ projects:
|
|||
sort: 27
|
||||
path: './27-DAN.usfm'
|
||||
categories: [ 'bible-ot' ]
|
||||
-
|
||||
title: 'Hoseia'
|
||||
versification: 'ufw'
|
||||
identifier: 'hos'
|
||||
sort: 28
|
||||
path: './28-HOS.usfm'
|
||||
categories: [ 'bible-ot' ]
|
||||
-
|
||||
title: 'JOELI'
|
||||
versification: 'ufw'
|
||||
identifier: 'jol'
|
||||
sort: 29
|
||||
path: './29-JOL.usfm'
|
||||
categories: [ 'bible-ot' ]
|
||||
-
|
||||
title: 'Amos'
|
||||
versification: 'ufw'
|
||||
identifier: 'amo'
|
||||
sort: 30
|
||||
path: './30-AMO.usfm'
|
||||
categories: [ 'bible-ot' ]
|
||||
-
|
||||
title: 'OBADIA'
|
||||
versification: 'ufw'
|
||||
identifier: 'oba'
|
||||
sort: 31
|
||||
path: './31-OBA.usfm'
|
||||
categories: [ 'bible-ot' ]
|
||||
-
|
||||
title: 'JONASI'
|
||||
versification: 'ufw'
|
||||
identifier: 'jon'
|
||||
sort: 32
|
||||
path: './32-JON.usfm'
|
||||
categories: [ 'bible-ot' ]
|
||||
-
|
||||
title: 'Miquéias'
|
||||
versification: 'ufw'
|
||||
identifier: 'mic'
|
||||
sort: 33
|
||||
path: './33-MIC.usfm'
|
||||
categories: [ 'bible-ot' ]
|
||||
-
|
||||
title: 'NAUM'
|
||||
versification: 'ufw'
|
||||
identifier: 'nam'
|
||||
sort: 34
|
||||
path: './34-NAM.usfm'
|
||||
categories: [ 'bible-ot' ]
|
||||
-
|
||||
title: 'Habakuki'
|
||||
versification: 'ufw'
|
||||
identifier: 'hab'
|
||||
sort: 35
|
||||
path: './35-HAB.usfm'
|
||||
categories: [ 'bible-ot' ]
|
||||
-
|
||||
title: 'SOFONIAS'
|
||||
versification: 'ufw'
|
||||
identifier: 'zep'
|
||||
sort: 36
|
||||
path: './36-ZEP.usfm'
|
||||
categories: [ 'bible-ot' ]
|
||||
-
|
||||
title: 'AGEU'
|
||||
versification: 'ufw'
|
||||
identifier: 'hag'
|
||||
sort: 37
|
||||
path: './37-HAG.usfm'
|
||||
categories: [ 'bible-ot' ]
|
||||
-
|
||||
title: 'Zacaria'
|
||||
versification: 'ufw'
|
||||
identifier: 'zec'
|
||||
sort: 38
|
||||
path: './38-ZEC.usfm'
|
||||
categories: [ 'bible-ot' ]
|
||||
-
|
||||
title: 'MALAQUIAS'
|
||||
versification: 'ufw'
|
||||
identifier: 'mal'
|
||||
sort: 39
|
||||
path: './39-MAL.usfm'
|
||||
categories: [ 'bible-ot' ]
|
||||
|
|
|
|||
|
|
@ -7,6 +7,7 @@
|
|||
* changed \hd to \s or \s1
|
||||
* changed \aut fields to \rem aut ...
|
||||
* changed \rem dat fields to \rem dat ...
|
||||
* Not all issues are listed in this file. See also issues.txt.
|
||||
|
||||
## Genesis
|
||||
|
||||
|
|
@ -176,3 +177,12 @@
|
|||
## Daniel
|
||||
|
||||
* Missing book title
|
||||
|
||||
## Haggai
|
||||
|
||||
* Translation ends at HAG 1:9. HAG 1:10-15 and chapter 2 are missing.
|
||||
|
||||
## Zechariah
|
||||
|
||||
* Has many parenthetical insertions that start with obs:. For example: (obs:ritnynyre). Not sure what there are so I left them in line in the text.
|
||||
* Missing verses: ZEC 6:7, ZEC 6:13, ZEC 9:17, ZEC 12:4-11
|
||||
|
|
|
|||
Loading…
Reference in New Issue