See in Reader
add ISA,JER,LAM,EZK,DAN
This commit is contained in:
Larry Versaw
parent
e77d537392
commit
b382f19f75
|
|
@ -0,0 +1,1593 @@
|
|||
\id ISA
|
||||
\ide UTF-8
|
||||
\h Isaiah
|
||||
\toc1 Isaiah
|
||||
\toc2 Isaiah
|
||||
\toc3 isa
|
||||
\mt1 Isaiah
|
||||
\c 1
|
||||
\p
|
||||
\v 1 Ka heka rybe wahidÿÿna rare Juda-my kia Jerusalë-my Deuxu Tyhyhykÿ rarybere, kia Ijaia tuu rarybere, Amoz riòre dee, kia riwedunymy rÿirenyramyhÿ bedeu Uzias, Jotaõ, Acaz kia Ezekias Juda bede-ki.
|
||||
\v 2 Tii rarybere: Ibutumy boholabedenyke. Kaheka Deuxu rarybere: “Uladu boho reumydÿÿnyrenyre kia idireny warukimy watxire, ka tii boho tahe waòludumy rekoarenyre.
|
||||
\v 3 Broreni rierymyhÿre tawedu kia buru tahe rierymyhÿre tikibo iwedu tarÿsÿna ritidimyhÿre, ka waijoi boho wasÿ mahãdu aõ rieryrenyõhyymyhÿrenyre, Israel iny mahãdu heka aõ rieryõhyymyhÿrenyre.”
|
||||
\v 4 Tai kaa iny mahãdu binabina, kaa iny mahãdu tÿximy òraruna-di ratxirenyre! Ibutumy heka ibinarenyre, ibutumy ibinatyhyrenyre. Tii boho riatyrenyre Deuxu Tyhyhykÿ, kia Israel Deuxu deramy rekoarenyre kia tabròrenylemy tamy ròòserenyre.
|
||||
\v 5 Aõherekibo kai boho òraruna tadiwinyhyy ahatenyte? Kia aõbo rarytxyna ixyby bimybenykemyreri? Aratireny heka raxiridònymy rÿireri, kia ibutumy teàràõmy atxitenyteri.
|
||||
\v 6 Kia arati-ribi awaòhòkÿle aumyreny rawotõmomy ratxireri, sõemy wotõmona-di kia iraymy, kia rahòrenyõhyyre ratÿtedÿÿke aõkõre tyyesi txirie-di, adÿÿ-di rahòke aõkõre..
|
||||
\v 7 Asureny rabinabinarenyre, ahãwareny heòty-di rexihurenyre. Kia arurenykike iwitxiraki hãwadu mahãdu asureny ribinabinanyrenyre, kia tahe ibinatyhymy roire. Kia iwitxira suki sÿdu mahãdu rahurenyre.
|
||||
\v 8 Kia Jerusalë sohojile rarire, iwese heto idi itxeredu ijõdire wesemy mona besò alòbrònaki, kia heto riòre wesemy alòbròna bedeki yda iwese hãwa rayrawomy rÿimyhÿre wesemy iòludureny-di.
|
||||
\v 9 Txibo Deuxu Tyhyhykÿ Tabedeeryhÿkÿ-di, iny boho irumy riwahinyõkeki, kia heka Sodoma hãwa wese katxirenyke, kia rykexihumy rykatxirenyke Gomorra wesemy.
|
||||
\rem aut Urania Karaja
|
||||
\v 10 Jerusale mahãdu wedu boholabenykre Deuxu Tyhyhykỹ rarybereri-ò. Hãwã ludu mahãdu boholabenyke Deuxu erydỹỹnamy.
|
||||
\v 11 Deuxu Tyhyhykỹ rarybemyhỹre: “xiwemy raruõreri” riwaõjinyre xiwehyyhyy! Brorenike aõkõ, watxinike aõkõ, iròduweke aõkõ xiwe wosike aõkõ, broreni hãbu tỹmyra hãlubuke aõkõ riwaixiranyre dori.
|
||||
\v 12 Mobohe rexitòenyre xiwemy ijirahyyle bodoikremy wadee wabedeu.
|
||||
\v 13 Iwydyõmyke xiwe wadee. Wadee ibinare riykyaranyre lỹnyrena wadee tewymahãtenyte. Wadee ibinatyhyre anarỹỹ ahãdu tỹmyrau, elehynatxu, ijõ anarỹỹ aòrarunareny ribinanymymyhỹre dori.
|
||||
\v 14 Anarỹỹ ahãdu tỹmyrau, ijõ anarỹỹ riwayjinyre dori riwaixiranyre tamy itxere.
|
||||
\v 15 Ebòreny biukobenykreu ixitòedỹỹmy adireny reteheõtyhy sõwemy beixitòenybenykreu ihỹre heka aroholaõtyhy, aòrarunareny arabinanyrenyõre dori.
|
||||
\v 16 Bexisuhòbenykre bexilyranybenykre! Abinarenymy arobiõkre! Ixãwibenykre aõbinabina widỹỹ ribi.
|
||||
\v 17 Aõwiwi widỹỹ bierybenykre. Òbitimy inymy bealàbenykre; aõhõkỹmydỹỹnana mahãdu-ò biwiòhenanybenykre, wyte mahãdu biwiòhenanybenykre, wytese mahãdu biwiòhenanybenykre.
|
||||
\rem aut Urania Karaja
|
||||
\rem aut Ijeseberi
|
||||
\v 18 Deuxu Tyhyhykỹ rarybere: — Ka-ò bodoike, ibutumy tuu rykaryberenykre kabededỹỹnanamy. Aòrarureny heka arasỹnyrenyre ysaysasòmy, ysaysa lurumy; ka diarỹ arihokre, kia kai boho tahe iuhãkỹmy belebenykre nonoe raranymyhỹre wesemy, iurahäkỹmy budoeni sityyura wesemy.
|
||||
\v 19 Txibo ywihyylemy atxibenykre-wana kia biwatyhynybenykre-wana, kai boho birỹsỹbenykre aõnaõna wiwihikỹ su-ribi ruhunymyhỹre.
|
||||
\v 20 Ka txibo aitxỹterenykremy kia warybe-ò boholabenyõhyykre-wana, kai boho burubenykre wounanaki.
|
||||
\s1 Hedỹỹna Kia Rarytxyna
|
||||
\v 21 Jerusale hãwa heka juhuu Deuxu rityhynymy raremyhỹ, ka tahe wiji wede wesele deamyhỹde. Kia sõemy iny mahãdu wiwi-di òbitimy rỹiramyhỹ, ka ahe wiji iny rubudỹỹdumy rexirahòrerenyre.
|
||||
\v 22 Jerusalẽ, kai heka juhu mana òtaòta wesenahãkỹ tate, kiaremy wiji aõki awiõhyyre; juhuu mona besò (vinho) wihikỹ wesena tate, kiaremy tahe wiji mona besò (vinho) be-wana uridỹỹmy telete.
|
||||
\v 23 Aõ wedu nihikỹ mahãdu kia iny mahãdu rawijeijeimy ratximyhỹrenyre kia wasidu boho-wana rexibiòwanymyhỹrenyre. Kia ixyby ixyby nieru rimymyhỹrenyre aõnaõna rimymyhỹrenyre aõ òbitimy rỹimyhỹre ribinabinanymyhỹrenyre. Kia tai awimy rahãõhyymyhỹrenyre wyte mahãdu-di kia rõhõtiyrerenyõhyymyhỹrenyre wyte mahãdu-di kia rõhõtiyrerenyõhyymyhỹrenyre wytese mahãdu-my.
|
||||
\v 24 Kiaremyta boholabenyke aõmybo Deuxu Tyhyhykỹ rarybere, Israel Deuxu Tyhyhykỹ. Tii rarybere tasỹreny-ò taijoireny-ò: — Diarỹ adeereny arexiòwynykre waòludureny; kia biwaòwynybenykre waijesu wyòreny.
|
||||
\v 25 Wakyara-di arararytxynyrenykre kia ixiwesetyhymy belebenykremy. Iwese tahe womati ixiwesetyhy relemyhỹre heòty tòtee-di.
|
||||
\v 26 Diarỹ adeereny ariwahinykre wedu ninihikỹ boho timybo juhu kai boho toitemyhỹ wesemy. Kiaremy tahe Jerusalẽ raninikre Hãwa Tyhyna kia Hãwa Tyhydỹỹdu!
|
||||
\v 27 Deuxu òbitimy nodu Siaõ rihedỹỹnykre, ibutumy tai hãwadu mahãdureny rihedỹỹnyrenykre ixideereny rexiraherenykre mahãdureny.
|
||||
\v 28 kia tahe ibutumy rahurenykre iny itxỹte mahãdu kia òrarudu mahãdu, kia ibutumy Deuxu Tyhyhykỹ rityhynymy ratximyhỹrenyre.
|
||||
\v 29 Kai boho heka bederade brebunaki maixỹrubenykre, kia sõemy tai awimy tahãmyhỹtenyte; kia bede biòtiinybenykre alòbròna brebuna-di kia adeereny awityhymy awirenyre.
|
||||
\v 30 Kai boho belebenykre bederade iru rubu wesemy, iwese alòbròna inyõ rituunyõhyymyhỹre wesemy.
|
||||
\v 31 Rexityhytyhynymy rỹimyhỹrenyre horeru wesemy ratxirenykre, kiahuji looso wesemy: tii heòty-di rexihurenykre, kia inyõ ihoõkre rihedỹỹnyrenykemy.
|
||||
\c 2
|
||||
\p
|
||||
\v 1 Ka heka rybe wahidỹỹna rare, Juda-my kia Jerusalẽ-my rarybereri kia Deuxu Tyhyhykỹ riwahinyre Isaía dee, Amoz riòre.
|
||||
\v 2 Ijõ wyra bedeu Deuxu Tyhyhykỹ rybe heto hãwalò kia ibutu-ribi irarietyhymy rarekre kia hãwalò hãwalò ratyre irariemy rỹikre. Ibutumy iny iny mahãdu tamy raòrunyrenykre
|
||||
\v 3 kia myỹ raryberenykre: — Rykaòwònyrenyke Deuxu Tyhyhykỹ hãwalò-ò, rykòirenykre Israel Deuxu rybena heto-ò. Tii iny boho ritohonyrenykre aõbo rikiwinymy rykoirekremy, kia iny boho tahe rykariarenykre iryreny-di. Kiemy dori Deuxu dohodỹỹnana Jerusalẽ-ribi namyhỹde kia Siaõ hãwalò-ribi tii rarybemyhỹre tasỹdeereny taijoideereny.
|
||||
\v 4 Deuxu heka bede bede hãwã hãwã wedu nihikümykre, sõemy iny mahãdu aõnaõnareny tii rierymy rarekre. Tii rirahorekre itõnorireny aranamy kia imayrenyta mayrabumy rirahòrerenykre. Tiu ixyby hãwã hãwã bede bede rawounyrenyõkre, kia woumy rexiywinyrenyke aõkõre.
|
||||
\v 5 Bòdòike, Ijaò rioreriore mahãdu, bede loosonaki rykariarenykremy Deuxu Tyhyhykÿ inydeereny riwahinyre.
|
||||
\s1 Deuxu Tyhyhykÿ Txu
|
||||
\v 6 Deuxu, kai heka teatyte asÿreny aijoireny, Ijaò rioreriore boho. Kia dori hãwahãkÿ sõemy tÿximy roire Filistia hàri-di kia urerarudu mahãdu-di Oriente-ribi dirahudenyde. Asÿreny aijoireny iwitxira hãwa hãwa bededÿÿnanale iherenyki diwinymyhÿdenyde.
|
||||
\v 7 Asu tãximy womati tỹrỹrỹ urahakỹ-di tasỹ womati tỹrỹrỹ burehekỹ-di aõwiwihikỹ aõ rokoakõ aõ idi riraõna. Asu awaru-di sõwemy atewe iònana ihõõre.
|
||||
\v 8 Asu sõwemy ritxoo-di. Iny boho rexibedenymyhỹrenyre taõmysỹdỹỹnareny-òle ebòreny riwinyre oki.
|
||||
\v 9 Tai iny rabederyrymyhỹre ibinatyhymy relera ityhydỹỹna ihõõre.
|
||||
\v 10 Make manayky-txi bexiwoke sutxi Deuxu yarana kanakre tòòsònahakỹ.
|
||||
\v 11 Ityhykemy ixidinodu rue rabinakre, aõdudumy tahe rarekre ibinatyhymy. Deuxuhyyle ibutu koki ratyremy.
|
||||
\v 12 Deuxu yaranatxu heka ibutu aõbina bina binadỹỹmy ibutu ixityhytyhydỹỹmy rỹira ribinanykremy.
|
||||
\v 13 Ibutu Libano hãwãmy òwòru irarietyhymy ibutumy Basã òwòru bodehekỹ riyrymy rỹimyhỹre.
|
||||
\v 14 Ibutumy hãwãlò rariehekỹ ibutumy hãwalò ratòò yla.
|
||||
\v 15 Ibutumy womati lyty rariehekỹ ibutumy hãwã riòkysu nihikỹmy rỹimyhỹre.
|
||||
\v 16 Ibutu hãwò nihiỹ ibutumy iruxeramy iny tuu robimyhỹre tarue-di.
|
||||
\v 17 Hãbu xiwede rabinakre Deuxuhyyle ibutu koki ratyremy .
|
||||
\v 18 Ritxoo mahãdu rexihukre.
|
||||
\v 19 Tai tahe hãbu mahãdu rexirutòkre mana wotxi hãloo wotxi Deuxu yarana koki tòòsònahakỹ koki tiubo Deuxu bede ribrebunanykre.
|
||||
\v 20 Kia txuu hãbu mahãdu laua-ò idi rehukre tasuritxooreny-di womati tỹrỹrỹ yrahakỹ iko ò rexibedenyrenyre riwinyrenyre-ki.
|
||||
\v 21 Rihenyrenykre mana haloo wotxi manadese lòwysy-txi rexiworenykre Deuxu yarana lau tòòsònahakỹ ribi suu ribrebunykreu.
|
||||
\v 22 Awike wahe hãbu tyhydỹỹ teàràdihyyle raelenymyhỹre-ki aõbo taheka tii rare aõke aõkõ.
|
||||
\c 3
|
||||
\s1 Rybetyhydỹỹduõdu.
|
||||
\p
|
||||
\v 1 Deuxu tyhyykỹ ibutu ratyre Juda Jerusalẽ wana rewesinykre rasỹna bee tule.
|
||||
\v 2 Aõdudu mahãdu tule ritakre iribireny aõbinadu mahãdu wahisidỹỹdu mahãdu aõrybemy rybedu, urerarudu mahãdu inyhakỹ mahãdu.
|
||||
\v 3 Soldado weduhukỹ mahãdu iny wedu mahãdu, dohodỹỹdu mahãdu, hàri mahãdu ibutu wana.
|
||||
\v 4 Deuxu tyhyhykỹ uladu mahãdu ritakre taijoi mahãdu riwedunykremy. Uladu mahãdu iumy riwedunykre.
|
||||
\v 5 Wimy raòludunykre, wii ribònymy rỹirakremy iny tỹmyra mahãdu matuari mahãdumy òludumy relekre. Hãbu aõwike aõkõ rare hãbu òbiti reatykre.
|
||||
\v 6 Tiutxumy hãbu iny rimykre taijoirenyõle tamy rarybekre: — Kai kany bohe. Iny ratyre atyy ijõdire. Hãdeã mana bohe! Wawedurenymy, heto mana àdò àdòhòkỹbo wedudỹỹkre!
|
||||
\v 7 Tahe ijõ kidirawyònykre: — Jiarỹ ariwiòhenadỹỹrenyõtyhy. Jiarỹ aõkõre warasana dori ihõõre. Tyyke dori waheto-ki ijõõre. Kai biwaõrahoreõtyhy iny ijoireny wedumy.
|
||||
\v 8 Jerusalẽ hãwãhe rabinamy roire Judasu radòdòmyhe roire tarybereny-dile tawidỹỹnareny-di. Deuxu ratximyhỹre riseõmyhỹrenyre dori.
|
||||
\v 9 Tii boho wii rityhynyõhyymyhỹrenyre wiwesemy teòsarenyre rexiòraruny myhỹrenyre itỹnylemy. Iweselemy kia Sodoma hãwã aõ lauhe rexiwòõhyy myhỹre taòraru. Herewe Làhà, bòbrekỹ, tii bohe tebòreny ribile òraruna ixidee riwinymyhỹre.
|
||||
\v 10 Ibedesamy iny òbiti ibutu aõ òbitihyylemy rimymyhỹre tii bedesamy ramyhỹre aõ ritamyhỹre taõmysỹdỹỹ òwy-di.
|
||||
\v 11 Herewe làhà bobrekỹ, ibutumy reamyhỹre aõbo ibina tamyrenyle. Aõbina widee riwinymyhỹrenyre tamyreny resere.
|
||||
\v 12 Uladu mahãdu iny riwedunymyhỹre waijoireny. Hawyy mahãdu ridinodunymyhỹre. Waijoireny, wedu mahãdu arabònymỹhỹrenyre kai boho. Adeereny riteòsinymyhỹrenyre ryy deòsahakỹle, ryy òbiti aõkõ.
|
||||
\v 13 Deuxu tyhyhykỹ rexideòsinykre wahisidỹỹdumy tii rexiywinymy rỹireri bede mahãdu-ò tibo inatyhyrerimy.
|
||||
\v 14 Iny wedu mahãdu-ò Deuxu aratysiraõnykre. Kai bohole Israeli mahãdu tehutenyte. Walòbròna uvaraty ahetoreny rỹximy aõna õna-di rỹireri tewytenyte-di hãwãdu ribi.
|
||||
\v 15 Timyre wexe, òbitimy bohe tesorusoruny mahãte, Waijoireny aõ òwy riòredỹỹ teòwyny mahãte hãwãdu mahãdu wahe. Deuxu tyhyhykỹle heka rarybemyhỹre.
|
||||
\rem dat 2006
|
||||
\rem aut José Mário Ixati Karaja
|
||||
\s1 Siaõ Riòre hawyy mahãdu aõhõkỹmydỹỹnana.
|
||||
\v 16 Deuxu Tyhyhykỹ raybereri: Siaõ riòre mahãdu òraru-ki hawyy boho xiwederenyre, tara ritaranymy aõ òta ruelemy rariamyhỹ irira wityytyymy iwararutỹtỹna-dimy.
|
||||
\v 17 Siaõ riòre hawyy mahãdu Deuxu rirasykre ira teremy. Raixỹrukemy Deuxu tuu riwinykre.
|
||||
\v 18 Kia txuu Deuxu ritakre ixiwisidỹỹnareny.
|
||||
\v 19 Nohõtisana rehehekỹ, deàràsany, òsana wotena ritakre Deuxu.
|
||||
\v 20 Rati xiwedena, wararutana, aõ itxena bedeòbynamy.
|
||||
\v 21 Debò, deàràsana,
|
||||
\v 22 Ixena tyy, axiòti hety, aõ hyna,
|
||||
\v 23 Itxerena, tyysi wihikỹ, rataana axiòti hety Deuxu ritakre.
|
||||
\v 24 Tỹnyre ijõdike ribi iròle ijõdikre isu. Wereysana deròwymy reryti wetyana, tareade risuhòrenyke deròwymy ratererehekỹle tyy wihikỹ deròwymy. Rexisihònyõmy rexiywinyõhyyle. Idewimy ratxike ide bey bey.
|
||||
\v 25 Hãbu mahãdu maurehe-di ituerenykre woudu mahãdu aõbina-ki rururenykre.8
|
||||
\v 26 Aheto ijò rahinykre, bederyry-di rarekre Siaõ ibedewomy bede tyre-ki runykre.
|
||||
\c 4
|
||||
\p
|
||||
\v 1 Kia txuu debò inatxi reurò hawyy hãbu rimyrenykre tai raryberenykre: jikarỹ bohole ixidireny karorenykre, warỹsanareny-di watykyreny-di, katahe wawanareny rakòdòrenykre, kai kanyhe waixãrureny biixãwidinykre.
|
||||
\s1 Iny Tỹmyra iòlòna.
|
||||
\v 2 Kia txuu iny tỹmyra Deuxu ribi ruxerahakỹmy rareke juxarana bede tỹnyna, su bede ratymy, deysana riwahinykre, Israel hena mahãdu xiwedena
|
||||
\v 3 Siaõ hãwã rarikre mahãdu Jerusalẽ-ki rarikre mahãdu òbitityhymy raninikre. Ibutumy Jesuisi tyyriti-ki roireri mahãdu irumy ratxike.
|
||||
\v 4 Iu kia txu Siaõ hawyy reòsamyhỹre mahãdu Deuxu risuhore Jerusalẽ óraruna ribi rityranykre iyky ribi Tyytybytyhy òbitina, Tyytybytyhy tyranatyhy tiiemy.
|
||||
\v 5 Hãwãlò ratòò ibutu ratyre butumy kiaki rexibutunymyhỹre mahãdu ityrereny biuwetyy txumy heòty worojuxahakỹ rumy Deuxu riwinykre.
|
||||
\v 6 Kia heka rarekre bede itờtee ubrorờnamy ixiwờtena iny reamyhỹre biu reburere lau.
|
||||
\rem dat 2006
|
||||
\rem aut José Mário Ixati
|
||||
\c 5
|
||||
\p
|
||||
\v 1 Wabiờwa-ò arawinykre iuvaratymy. Wabiòwa uvaratymy ijõdire suu bederatòò wihikỹ-ki.
|
||||
\v 2 Tii suu riare mana ritare uvaò sõwe wiwityhy ribrònyre heto rariehekỹ riwinyre iribi retehekremy idi itxeredu, haloo riare òwòru ubetya-ki ruỹdỹỹna. Uva wihikỹ ruhunyre sany roholare tahe uva txubererehekỹle raratynyre.
|
||||
\v 3 Juda mahãdu Jerusalẽ mahãdu mohõtinyke wadi wauvaò-di.
|
||||
\v 4 Timybo tahe ariwinykre ibutumy tamy rewinyre awimy rohonykremy. Aõherekibo raratynyre txubererehekỹlemy.
|
||||
\v 5 Tahe ararybekrehe aõbohe ariwinykre wauvade. Aritxiwikre òtity tai bederomy relekremy iòtity aritxiwikre aõ ityre rariakre.
|
||||
\v 6 Suu ixihyymy relekremy; tai heka riruru roòtyhy rolaxiureke aõkõ hede oky tai ruhunykre aõ dede tai ruhunykre tulehe ararybekre biu ityre roaõkremy.
|
||||
\v 7 Ãdeã bohe awire Deuxu uvaò heka Israel mahãdu rare, Juda hãbu mahãdu alòbròna rare iluure. Ywike sỹny roholare tahe aõkõ hãlubule rejuxunyre òbitina sỹny rohõtinyre tahe aõkõ ihiiràreny-òle roholare.
|
||||
\s1 Ibina mahãdu aõhõkỹmydỹỹnana.
|
||||
\v 8 Kobe làhà, kai boho aõmy ixideele rurumyhỹre suu sumy iribi ijõde ihõõkemy. Kai boho sohojile suki suki sỹdumy matxikemy.
|
||||
\v 9 Deuxu rarybere wadee: Inatyhytyhymy heto sõwemy iweduõlemy rỹikre hãwã tyby wesemy. Heto ninihikỹ dori iruxerahakỹ dori iweduõlemy rarikre.
|
||||
\v 10 Iribi tahe debòwiò suu urihixinalemy relekre uvaò sohoji butxilemy tasỹ sohoji hynalemy uvarutà rỹxikre.
|
||||
\v 11 Kobe làhà, rudi rỹimyhỹre rexirubunymyhỹre mahãdu mona idihyymy itòtee txioromy dori.
|
||||
\v 12 Violão òwòru wodỹkỹhe, wiuna wodỹỹna-di wodỹỹ wodỹỹna ixena-ki ijõdire tahe tiiehe Deuxu-txi tohõti reaõhyymahãre tasỹ aõ-ò reteheõhyymyhỹre aõbo Deuxu riwinymyhỹre-di.
|
||||
\v 13 Waijoireny rirahukre suu iwitxira-ò wetxumy ityhy nihikỹ mahãdu rama rahukre iny rabròhòkỹ mahãdu bede rahukre.
|
||||
\v 14 Tai dori haloohokỹ ranihikỹkre tai tahe sõwemy inymy riroxikre tary riraynytyhykre iwo-ò resekre hãwã ruxerana, hãwã tyhyna iwodỹỹna, idi bedesadu mahãdu
|
||||
\v 15 Tai dori hãbu rasỹ binamyhỹre bede mahãdu rexirabunymyhỹre irabede-ò xiwede mahãdu ròti rokre.
|
||||
\v 16 Tahe Deuxu Tyhyhykỹ taòbitina tyhy-di iratyre ratxikre Deuxu lyrahakỹ riteòsinykre taòbitina hakỹ mana.
|
||||
\v 17 Tai tahe budoini mahãdu taile riroxikre tabedero weselemy budoini riòre hãbu mahãdu riroxirenykre suu ityhy mahãdu ririre-ki.
|
||||
\v 18 Kobe Làhà ixideereny òbitinõna-di reryti wesemy òraruna didymyhỹdenyde.
|
||||
\v 19 Tii boho raryberenyre: Deuxu raele-ò rake aõbo riwinykemy iny tuu robikemy rieryrenykemy.
|
||||
\v 20 Kobe làhà riwinymyhỹrenyre ibina awilemy ibina awi ibinamy lòòsòna bede lurumy bede luru lòòsònamy. Ihỹre ibreemy ibree ihyremy.
|
||||
\v 21 Kobe làhà ixidi bedeerymy nodu mahãdu tiile tuu ixidi ratximyhỹre bedeerymy taurerarulemy.
|
||||
\v 22 Kobe làhà ityhyhykỹ mahãdu momõ-ki, ehehe raurikemy mona-di.
|
||||
\v 23 Kobe làhà aõwodydu aõòwymy hãbu bna rihedỹỹnyre tasỹ ritxiõny myhỹre òbitiwidỹỹdu hỹrele.
|
||||
\v 24 Tai dori iwese mobo heòty rahumyhỹre wesemy ranysina heòty rahumyhỹre wesele. Iwesele heka iraruxi rasunykre, noijasa brybrymy relekre yhy rebonykre riwykre iwesele heka teramy ijiradu mahãdu Deuxu rybe-ò deòbykõdu Deuxu rybe ribuarenyre dori.
|
||||
\v 25 Tai dori Deuxu iky reare tamahãdude tebò riukore riwotõmonyrenykremy. Hãwalò ramytatare iti lybyreny ranysi tyby wesemy ixỹyky-ki rỹimyhỹre. Ihãrele debò riterenymy biu-ò iijarana rexihuõlemy ratximyhỹre.
|
||||
\v 26 Tii tyy deòsina riteòsiny myhỹre tamy ryrymyhỹre ijõ bede mahãdu irehe ludu-ò taijosilemy irehe bede mahãdu-ò. Tai aõ tomõ aõkõ kodoikre.
|
||||
\v 27 Tasodado mahãdu ele risaõmyhỹre aõtxi reake aõkõ, timy ijõ õhõtibre riòreke aõkõ, roroke aõkõ. Timy ijõ iwereysana raykòkre aõkõ ijõ tawasana rilaweke aõkõ.
|
||||
\v 28 Iyhyreny rỹimyhỹre txuròdesemy riraòmy ibutumy tawaxi wahatede iawarureny waube iteremy mana wesemyItewereny worosỹ txirie wesemy.
|
||||
\v 29 Uri bede rawo rawonykre leão rebure wesemy aõ rimymyhỹreu rawo rawo rawonykre ritusinymyhỹre mõõ rihedỹỹnyõtyhy.
|
||||
\v 30 Tiu txumy rawo rawonykre Juda-ò iwese bero àbò rawodỹỹnymyhỹre wese. Inyõ retehekre wana Israel-ò tuu robikre bederyrymy sỹbinamy tule ihyy lòòsòna txu hõrõmy bede riturunykre biuwetyy.
|
||||
\rem dat 2006
|
||||
\rem aut José Mário Ixati
|
||||
\c 6
|
||||
\s1 Isaia Deuxu Ritare.
|
||||
\p
|
||||
\v 1 Usia iòlò rurure beòrau, jiarỹ tuu rabire, Deuxu Tyhyhykỹ bede rariehekỹ-ki runymyhỹre tarunana wihikỹ-ki. Ityy ijeti templowo ritxỹinymyhỹre.
|
||||
\v 2 Ỹjuwityhyhykỹ mahãdu iratyamy rỹimyhỹre sohoji sohoji teereny inataõmy inatxi deratyti-di iòritòbònymyhỹre inatxi deratyti tasỹ iwarihetynymy inatxi-di tasỹ ruòmyhỹre.
|
||||
\v 3 Tii boho widee rarybemyhỹrenyre: Deuxu! Deuxu! Deuxu! Deuxu Tyhyhykỹ suu tadi tỹximy lòòsòna wihikỹ-di.
|
||||
\v 4 Raryberenyreu bede ramytatare heto tasỹ wodà-di rỹyxire.
|
||||
\v 5 Jiarỹ rerajuare: Be! be! Titxibohe rare! reòsamy! Hãbu òbiti aõkõ rare! Waryijeti susuhukỹre rasỹyny wahỹre, inyyky-ki òbitimy aõkõ rỹira mahãdu ryijeti susuhukỹky-ki, warue tuu robire IòlòTyhyhykỹ!
|
||||
\v 6 Tai tahe ỹju sohoji wadee duwode diwyde heòty helòtyra irumy diwyde isena-di xiwena-ribi.
|
||||
\v 7 Heòty helòtyra-di wary-ò ridere idi tahe rarybere: Katahe ihelòtyra ary-ò ridere aòraruna ritare, aòraruna riixãwididỹỹnyre.
|
||||
\v 8 Imy rahudi raholare Deuxu rybe-ò rarybemyhỹre: Moobo ariteònykre; Mobohe inydireny rakremy. Tai tahe jiarỹ rarybere: Jiarỹ kaki watxireri biditeònykre wadee.
|
||||
\v 9 Tahe Tii rarybere: — Make, marybekremy iny mahãdude Taholamyhỹtenyte ihỹrele teeryõtenyte tasỹ tuu tabihyy mahãtenyte ihỹre tahe bitỹỹsabenyõtyhy!
|
||||
\v 10 Iworeny teremy rirahoremyhỹrenykre ratxunymyhỹre roholaõmyhỹrenyre tõhõti-di roholaõhyymyhỹrenyre rieryõke tabedesõ-ò rexirahorekre ritamy ratxikremy.
|
||||
\v 11 Tahe jiarỹ rarybere: Tiubo tahe Wanyrỹ Tuu tamy rohonykre. Tii rirawyònyre. Ihyy tah hãwã rabynykre, iribi tahe heto tuusỹduõhyy roikre, suu tahe rexihukre.
|
||||
\v 12 Hãbu mahãdu iribi irehemy Deuxu riteònykre suu tya-ki inihikỹmy ixihyymy roikre.
|
||||
\v 13 Ijõ sỹ rarikeki txiòkemy tulesỹ rexihukre. Iwese òwòrumy rehekỹ resemyhỹre tasỹ iraruti ere rỹimyhỹre iyrubule rarimyhỹre iòkre.
|
||||
\rem dat 2007
|
||||
\rem aut José Mário Ixati
|
||||
\c 7
|
||||
\s1 Akasi iòlò rybe.
|
||||
\p
|
||||
\v 1 Acaz tyby Jotaõ Usia riokore Juda mahãdu hãwã dinodu bededỹỹnanau Siria hãwã wedu Resim, ijõ tasỹ Peca inire Remalia riòre. Israel kia iòlò Jerusalĕ hãwã rawourenyre tahe bututyhy rahurenyõre risiranyrenyre.
|
||||
\v 2 Tiubo Akasi iòlò tuu bede rieryreu sírio boho wana bede widee riywinyre Israel mahãdu wana tai ta sõwemy ruberurenyre ityydereny ramytatare tikiele òwòrubò ramytatamyhỹre wese.
|
||||
\v 3 Deuxu tyhyky rarybere: Isaia make ariòre wana Seasubi Akasi iòlò witxi bekoakemy. Tii ratxirekre aõsòdỹỹdu mahãdu raõmysỹdỹỹnymyhỹre-ki ryki iòhòmy bede wory bee diwymyhỹde.
|
||||
\v 4 Marybeke iòlò-ò aõrieryhyymy ratxikremy, tahe aõmy aõmy masajuraõmy. Brebuõmy bederyryõmy Resim iòlò yarana òraruki iòhãru riòrerenyre inatxi heloo rawàdànymyhỹre wesemy.
|
||||
\v 5 Sirio mahãdu Peka iòlò, Israel mahãdu wana bede riywinyrenyre widee Akasi iòlò aõhõkỹmy risỹnyrenykremy. Widee raryberenyre myy:
|
||||
\v 6 Rakahurenykre Juda iòlò Juda mahãdu rikimyrenykre ijoi mahãdu tarurumy nohõtiõhõkỹlemy Tabeahyyle wedumy runykremy.
|
||||
\v 7 Tuu ararybetyhykre, Jiarỹ Deuxu Tyhyhykỹ tiu tuu rỹiõtyhy!
|
||||
\v 8 Siria heka Damasu hãwãhakỹ ratyre aõkõ rare. Damasu Resim iòlò ratyre aõkõ rare.
|
||||
\v 9 Israel bede Samaria hãwãhakỹ ratyre aõkõ rare. Samaria hãwã Peca iòlò ratyre aõkõ rare. Iribi tahe debòwiò sõwe debò sohoji reurò iryyremy bede rie-di hãwã heka rexihukre. Tai tahe rexirahaõrereny iny tyhymy aõkõ. — Kaiboho atyhydỹỹnareny nihiỹmy tiuhe bexirautetyhybenyõke.
|
||||
\s1 Emanueli: Deuxu iny wana ratximyhỹre.
|
||||
\v 10 Deuxu Tyhyhykỹ Akasi iòlò ixybysỹ ijõ rybe riwahinyre.
|
||||
\v 11 Bexitònyke Deuxu Tyhyhykỹ-ò, aDeuxu-ò, bedeeryna ijõdikemy. Kia bedeeryna ijõdikemy sỹy ribi aõbo ada biu ribi aõbo.
|
||||
\v 12 Tahe Akasi rirawyònyre: — Jiarỹhe arexitòenyõkre bedeeryna ihõõhyykremy Deuxu-ò urihixina tyhyhykỹ ararybeõkre.
|
||||
\v 13 Tahe Isaia rarybere: — Davi riokòre boholabenykre! Awike aõkõ aõbohe iny witxira ixiradỹỹmy. Kai bohosỹ tule waDeuxu biixiranyrenykre aõbo.
|
||||
\v 14 Kia kany Deuxu Tyhy bedeeryna kidiwahinykre: Ijadòma rabòtònykre. Iriòreni heka Emanueli rarekre. Kiani tahe irybe-ki kia rare: Deuxu iny wana ratxireri.
|
||||
\v 15 Tiubo tii rehemynykre ibeòra bede rierykremy awi aõbo ada ibina aõbo, tai ijoi mahãdu bidi ritòkre broreni hyỹsyra wana.
|
||||
\v 16 Tasỹ ikoki bededỹỹnana iòlò inatxi suu rare ixinalemyhe roikre kia iòlò boho heka arabrebunareny myhỹre dori.
|
||||
\v 17 Deuxu Tyhyhykỹ kidiwykre aõhõkỹmydỹỹnana adee, iòlòhòkỹ asỹ mahãdu, aijoireny wana. Tii tuu kidiwahinykre Assíria iòlò ribi. Aõhõkỹmydỹỹnana iòlò risỹnykre ixiratyremy rare. Israel wiribi rexihitxinyre Juda ribi juhu ratyre.
|
||||
\v 18 Tiubo itxu-ò rehemynykreu Deuxu raijòsinykre Egito mahãdu kidirahukremy òhò weselemy Nilo bero irehe ribi. Tule raijòsinykre asirio mahãdu-ò bidi wee wesemy kidirahukremy tasuureny ribi.
|
||||
\v 19 Kidirahureny bidi wee wesemy, taihe rejuxunyrenykre bede làty-txi mana jura-txi butu ede bede-txi butu bede bede broreni tai riõmyhỹ.
|
||||
\v 20 Itxuu Deuxu Tyhyhykỹ inyõ ritakre rasydumy rasymyhỹre Frati bero kanawe ribi-ò, kia heka rare Assíria iòlò. Tii kanakre ijòsiri resymy, rade, dee sira ibutumy.
|
||||
\v 21 Itxuu mobo broreni tỹmyra ijõdikre
|
||||
\v 22 inatxi watxini hawwyy ijõdikre
|
||||
\v 23 sõwemyhuỹsy sõwemy iramy dori rirasỹrenykre.
|
||||
\v 24 Itxuu mobo mil uva-ò ijõdikeki aõmamy tahe raòwynykre waò sohoji reuròmy weremy iutxie womati ura tỹrỹrỹhakỹmy iòwy rexirahorekre suu bederahymy edeokyhykỹmy bede hedeokyhykỹ relekre hãbu mahãdu tahe tuu rariunykre waxiwahate-di wyhy-di.
|
||||
\v 25 Ibutumy bede ratòò alòbròna tai ijõdire edeòkyhykỹmy roikre mõõ tamy rexiuareõtyhy tamy rakemy broreni sohojile budoini wana tai rabyrekre.
|
||||
\rem dat 2007
|
||||
\rem aut José Mário Ixati Karaja
|
||||
\c 8
|
||||
\s1 Isaia riòreni
|
||||
\p
|
||||
\v 1 Asiria mahãdu kanahukremy Israel mahãdu Deuxu Tyhyhykỹ wadee rarybere: — òwòru besedỹỹ ere bimyke borytikre irytina ninihikỹmy. Inyõ ijaramy rakre hỹre tuu robikre idi rariakremy: “Mae-Sala-Haba , Wasi wylemy wylemy rabuarekre.”
|
||||
\v 2 Tuu marunykre inatxi hãbu òbiti kia kanyhe Uria xiwena wahisidỹỹdu Sakaria Seberekia riòre wana idi itxeredumy.
|
||||
\v 3 Iribi bede rỹimy raremyhỹ wahawyy Deuxu rybedumy raremyhỹ iribi rabòtònyre reare weryrymy. Tai tahe Deuxu Tyhyhykỹ wadee rarybere: — Bininike Mae-Sala-Haba.
|
||||
\v 4 Ikoki uladu waha nadimy rarybekre Asiria iòlò riwykre ibutumy Damasu mahãdu ityhyna Samaria tyhyna wana.
|
||||
\v 5 Deuxu Tyhyhykỹ ixybyle wadee rarybere:
|
||||
\v 6 — Siloe bero riòre bee ruhumy roike wese ruruõhyy myhỹrenyre kaa mahãdu ityyde ramytatamy brebumy Peka iòlò lau Resi iòlò kia wana.
|
||||
\v 7 Tai dori Jiarỹ Deuxu Tyhyhykỹ adidykre asiria iòlò iratya webese bodudu aõkõ mahãdu wana kaa mahãdu rahukremy. Tii boho tamyreny reakre bee weselemy rỹximyhỹre bera ijòti ratyremy.
|
||||
\v 8 Juda suu tamyreny rasỹsònykre bee rỹimyhỹre ihyy loti-òhòkỹle roikre. Ihỹre Deuxu iny wana ratximyhỹre. Te-di tamahãdu riyrubunymyhỹre.
|
||||
\v 9 Bexiijoinybenyke bexibutunybenyke! Iny mahãdu! Buberubenyke! Boholabenykre bede bede mahãdu bexiywinybenyke wouna-ò tahe botabenyõtyhy! Kohe bexiywinybenyke wouna-ò tahe botabenyõtyhy!
|
||||
\v 10 Maraykynybenyke! Tahe tiu heka òbitiõtyhy Deuxu iny wana ratximyhỹre dori.
|
||||
\s1 Deuxu rybedu iheludu mahãdu wana Deuxu ribedeerynanyre.
|
||||
\v 11 Deuxu Tyhyhykỹ tebò ruruna waratya-ò ritidire riwabedeerynyre waheludu mahãdu wana roirenyõkemy ijoi mahãdu-di aroiõkemy. Tii wadeereny rarybere:
|
||||
\v 12 Tuu nohõtiõmyreny jei jei iny raninimyhỹre jei jei aõkõ rare. Brebuõmyreny ijoi ruburumyhỹre ilau ruberumyhỹre wese aõkõ.
|
||||
\v 13 Walaule dori buberubenykre walau amasaruake jiarỹ waruru nihikỹ rare Deuxu Tyhyhykỹ òbiti nodu.
|
||||
\v 14 Heto nihikỹmy ararekre ayrubudỹỹdurenymy, tasỹ wana nihiỹmy ararekre taile Israel mahãdu, Juda mahãdu wana itxi resekremy. Jiarỹ bòtò ruu wesena ararekre, reruti lòti mynana wesemy ararekre Jerusalĕ mahãdu rimykremy.
|
||||
\v 15 Sõwemy itxi reakre ta resekre, bedewo bederyrymy roirekre. Bòtò ruu wesena woki rakokròmy ratxikre.
|
||||
\v 16 Tahe waheludu mahãdu-ò rarybere. -- Rybe birarenybenykre õhõtireny reakre Deuxu Tyhyhykỹ erydỹỹna riwahinyre.
|
||||
\v 17 Tii rexiwore tamahãdu ribi ta ihỹrele retyhynywahỹre taile wararòsòna dire.
|
||||
\v 18 Kakile wahe watxirere tule roire wariòre Deuxu riwahinyre. Deuxu Tyhyhykỹ Siaõ bederatòòhòkỹki rasỹnymyhỹre riwateònyrenyre bede erynamy Israel mahãdu-ò ribrebunanykremy.
|
||||
\v 19 Inyõ adeereny rarybere ureradu mahãdu-ò myraxikremy hàri mahãdu wana, tii boho wasimy rarybemyhỹre: Iny boho ruruwahỹrenyre tyytyby mahãdu-ò araryberenykremy. Rubu mahãdu-ò araryberenykremy irumy rỹira mahãdu riwiòhenanykremy.
|
||||
\v 20 Tahe kai boho birawyònybenykemy myy: “Aõbohe rikiwinyrenykre Deuxu rybe myna, Deuxu erynadỹỹnamy arierenykre. Aõmybo hàri rarybemyhỹrenyre aõke aõkõ rare.
|
||||
\s1 Bede ryryhykỹ.
|
||||
\v 21 Ijoi rariakre bedehetilemy titxibo rirahukre rieryõlemy, rabederyrymy rama risamy ramamy rubu òraruki reburerenyre taiòlòde taDeuxu-ó biu-ò reteherenykre.
|
||||
\v 22 Iribi tasỹ bede-ò retehekre tuu robirenykre aõhõkỹmydỹỹnana bedeluruhukỹ, subinamy. Tahe tiu rahenyrenyõtyhy subinamy. Tahe tiu rahenyrenyõtyhy tahe aõkõhykymydўўdu mahãdu isỹbinareny rexihukre..
|
||||
\rem dat 2007
|
||||
\rem aut José Mário Ixati Karaja
|
||||
\c 9
|
||||
\s1 Ywina wedu
|
||||
\p
|
||||
\v 1 Juhu Israel mahãdu Deuxu rebederyrynyre. Jebulõ bede Natali bede tiubo kana-ò butu ribi awimy rarekre Iny kowasỹ mahãdu bede luruki rasỹnymyhỹre. Tahe tii boho loosònahakỹmy robirenyre. Bede lurusỹ mahãdu-ki tahe Deuxu loosòna ritoosònyre.
|
||||
\v 2 Kai Deuxu kaa mahãdu texiijuranyte deysana tamyreny tewahinyte. Tii boho reysarenyre awidỹỹna òraruki. Iwese aõbina rexihudi taòludu aõna onamy reymyhỹre wesemy.
|
||||
\v 3 Kai teoròta womati rerotihikỹ òwòrurerehe teòrote idi òhòte tureny reroximy raremyhỹ wahe.
|
||||
\v 4 Tehumahãte urile deradỹỹdu iwese midianita mahãdu tehute iratywa webese mahãdu waa wese rawodỹỹnymyhỹre ibutu ityy tyy hãlubumy rỹximyhỹre heòty-di rexihukre inatyhymyhỹ.
|
||||
\v 5 Uladu reara dori riòreõ riwahinyre iny iòlòreny rarekremy. My tahe raninikre: “Awityhymy, Dohodỹỹdumy, Deuxu Ruruterehekỹ, Umytuedeõna Tyby, ywina wedumy.”
|
||||
\v 6 (Ka Deuxu Tyhyle dori adeereny bede deòsinaõ riwahinkre: Kia iny tỹmyra bytòomy ratxireri kia rariòrenykre sohojimy kia rininikre Emanoeli-my.) Kia heka uladuõ reara, Deuxu diteònyde sohoji weryry kia heka iny Iòlòrenymykre. Tii raninikre “Dohodỹỹ dee Wihikỹmy, “Deuxu Bedeery Tyhymy”, “Waha Ikiemy wodumy”, “Iòlò Bede Ywidỹỹdumy”. Davi iny labiereny riokoremy rarekre iruru rexiòlònykre iòlò wesemy iòlònamy ywinamy ratxikre. Tii hãbu nihikỹmy rarekre. Iòlònamy òbitityhy ywinamy tyhyy hyymy rarekre. Deuxu taluunahakỹmy taruruterehekỹmy tuu riwinykre. Israel Mahãdu-ò Deuxu yarana.
|
||||
\v 7 Deuxu rarybere aõhõkỹmy risỹnykre Israel mahãdu-ò, Jakò riokòre boho-ò.
|
||||
\v 8 Ibutumy iny mahãdu kidierykre. Tai Samaria hãwã-kisỹdu mahãdu xiwedehekỹ, rieryrenykre raryberenykre:
|
||||
\v 9 — Suu heto resere katahe ijõ rikiwinyrenykre mana-di. Heto ratyti hele-ò raõrore katahe òluònihe iratytikre.
|
||||
\v 10 Tai dori Deuxuhe riteranymyhỹre iòludu mahãdu rihurenykremy iraru ribi tary rianykre riròrenykremy.
|
||||
\v 11 Siria mahãdu ibòò ribi Filitia iraru ribi tary rianykre rirorenykremy Isrel mahãdu-ò ihỹrele Deuxu yarana rexihuõtyhy. Tebò riterenymy rỹimyhỹre aõhõkỹmy risỹnykremy.
|
||||
\v 12 Deuxu Tyhyhykỹ iruru terehekỹ aõhõkỹmyhe risỹnyrenyre tii bohohe ixidee rexiraheõhyyrenyre Deuxu-ò rabuarerenyõhyyre.
|
||||
\v 13 Tai dori sohoji txulemy Deuxu Tyhyhykỹ Israel rati riorokre tõheraru tule iwesele iròdu-di iny rehumyhỹre weselemy waxiwahate-ò etehõ wana reatykre.
|
||||
\v 14 Matuari mahãdu ratyhydỹỹ mahãdu rati wese heka rare. Deuxu rybedu mahãdu ruimy rarybemyhỹre heka tõheraru rare.
|
||||
\v 15 Iny dinodu mahãdu dori bodỹỹdu rare tai dori iny mahãdu reòsamy rỹira.
|
||||
\v 16 Wiji tybie mahãdu heka Deuxu riwotòenyõtyhy tasỹ wytese mahãdu, wyte mahãdu rawotòeõtyhy Deuxu rityhynyõre dori. Ibutumy ibinarenyre rybe bina binahakỹlemy rarybemyhỹrenyre. Ihỹrele Deuxu yarana rexihuõtyhy. Tebò riterenymy rỹimyhỹre aõhõkỹmy risỹnykremy.
|
||||
\v 17 Iny mahãdu aõbina bina heòty wesemy roomyhỹre, bederahy riwòsinymyhỹre hedeòky bedeyxe wana. Bederahy wòò risònymyhỹre wàdàsi reare wesele. [Tebò riterenymy rỹimyhỹre aõhõkỹmy risỹnykremy.]
|
||||
\v 18 Deuxu Tyhyhykỹ reburemyhỹre tai tahe ibutu bede roora iny tasỹ rexihumyhỹre. Moo wii riwotòenyõtyhy.
|
||||
\v 19
|
||||
\v 20 Tariòre bohodemy riroximyhỹre wikoby ijiramy rasỹna rirasỹmyhỹre rasỹna-txi reareu. Ihỹrele tasỹ rihedyõhyymyhỹre.
|
||||
\v 21 Efraĩ mahãdu-ò Manase raõbinanyrenyre Manase mahãdu-ò Efraĩ raõbinanyrenyre. Ihỹrele Deuxu yarana rexihuõtyhy. Tebò riterenymy rỹimyhỹre aõhõkỹmy risỹnykremy.
|
||||
\rem dat 2007
|
||||
\rem aut José Mário Ixati Karaja
|
||||
\c 10
|
||||
\p
|
||||
\v 1 Kobe làhà tyyriti ritidỹỹdu bede ywina riwinymyhỹre wiribi ritamyhỹre.
|
||||
\v 2 Kai boho toiòhenanyõhyy mahãte hãwãdu mahãdu tuu rurumyhỹre mahãdu wana, wytese mahãdu wyte mahãdu tetamyhỹte iribireny
|
||||
\v 3 Aõbohe biwinybenykre aõhõkỹmyỹỹnana txuu. Moobo tahe biwobenykre atyhynareny aõwiwihikỹ.
|
||||
\v 4 Kai boho ròtena mahãdu wesemy aradyrenykre. Aõbinakile burubenykre Deuxu yarana rexihuõtyhy.
|
||||
\v 5 Deuxu Tyhyhykỹ rarybere: — Kobe làhà! Asiria Iòlò. Tii heka òwòru rehe wesemy rare tii reuhewahỹre aõhõkỹmy arisỹnykre tamy wayky reamyhỹre mahãdu-ò.
|
||||
\v 6 Jiarỹ reteranyreri tii Deuxu rityhynyõre mahãdu rahukremy. Inyõ mahãdu tamy way reare. Reteranyreri iaõna ona iribireny riwykremy. Ityre ririranyrenykre ybe subururu wesemy.
|
||||
\v 7 Tahe Asiria iòlò ixiratyrekemy tuu rurureri. Tii ixideeke rõhõtinymyhỹre sõwemy iny hãwã hãwã mahãdu rimykremy rahutyhykre ibutumy
|
||||
\v 8 Tii rarybemyhỹre: Ibutumy waderadỹỹdu iruruterehe rare.
|
||||
\v 9 Jiarỹhe sõwe hãwã hãwã remyra Kano Kakemi wana, Hamate Abade wana, tule remyra Samaria Damasu wana.
|
||||
\v 10 Tuuhe rebòdunyra sõwemy iòlòna tai suu ritxoomy reàlàmyhỹre mahãdu tahe sõwetyhyrehe Jerusalẽ Samaria hãwã ratyre suu ritxoo ijõdire.
|
||||
\v 11 Jiarỹ tahe rehura Samaria hãwã suu ritxoo wana tahe iwesetyhyle Jerusalẽ-ò ariwinykre ritxoo wanale.
|
||||
\v 12 Tiubo Deuxu rexihukre ibutumy aõwidỹỹ mobo rurumyhỹre Siaõ hãwãlò-ki Jerusalẽ suu-ò, tai tahe Asiria iòlò-ò aõhõkỹmy risỹnykre. Kia hãbu xiwedehekỹ aõduduhukỹ.
|
||||
\v 13 Tahe iòlò rarybere: — Ibutu rewinyra waruru-dile wahe wabedeery-dile wabedeeryhykỹ-dile wahe. Jiarỹhe suu resyna retare itydy iaõnatyhyhykỹ-di idi tahe rahõrõnyre broreni hãbu nihikỹ wesemy, ityre rariare tusỹdu mahãdu tyremy.
|
||||
\v 14 Jiarỹ rewyre ixihemy aõtyhy wiwihikỹ, iwese haniesi ixinaludu wesemy remywahãre moõhe teratyti rihete hetenyõre moõhyylere robuõhyylere.”
|
||||
\v 15 Tahe womahe raraykynymyhỹre hãbu iuredu ratyre. Òwòru resyna raraykynymyhỹre hãbu iuredu ratyremy. Tahe òwòru rehe, òwòruõ hãbu ritamadỹỹnyke aõbo.
|
||||
\v 16 Tai dori Deuxu Tyhyhykỹ iruruterehekỹ kiditeònykre asirio iratya webese ruruterehekỹ mahãdu-ò binana iruruõmy risỹnyrenykremy. Rubuna heòty wesemy iumyreny risõkremy.
|
||||
\v 17 Deuxu òbitihikỹ Israel loòsòna, heòtymy rarekre sohoji txulemy bedeyxe risõkre hedeòky wana.
|
||||
\v 18 Deuxu Tyhyhykỹ rahukre bijiu, alòbròna wana tadi wahe binana rubudỹỹdu iny rahumyhỹre wese.
|
||||
\v 19 Òwòru rauhenyre ibutemy uladu dori idi rariake.
|
||||
\v 20 Tiutxumybo ibutemy rauhenykre Israel mahãdu tiuhe Asiria mahãdu rityhynyõtyhy aõhõkỹmy risỹnyrenyre-ki. Tii boho rityhynyrenykre Israel Deuxu òbitinatyhy. Deuxu Tyhyhykỹ wahe.
|
||||
\v 21 Israel mahãduõ rabuarekre Deuxu ruruterehekỹ-ò.
|
||||
\v 22 Ihỹrele Israel mahãdu ỹnyra sõwe wese aõkõ rare, ijõ rabuarekre Deuxu-ò Deuxuhe rexihura! Tamahãdu rahukremy! Òbitina kanakre beòra wesemy.
|
||||
\v 23 Deuxu Tyhyhykỹ ruruterehekỹ! Rexihura, kaa suu rahukremy. Tii riwinykre tuu raryberemy.
|
||||
\v 24 Deuxu Tyhyhykv rurutetrehekỹ rarybereri Tamahãdu Siaõ hãwalò-ki rasỹnymyhỹre — Waijoireny brebuõmyreny Asiria lau aõhõkỹmy arasỹnykeu Egitu mahãdu riwinyre wesemy.
|
||||
\v 25 Wijityhyle aõhõkỹmy arasỹnyrmyhỹre iribi arexixãwidinykre arihukre Asiria mahãdu-ò wayarana-di wahe.
|
||||
\v 26 Jiarỹ Tyhyhykỹ ruruterehekỹ òwòru hetena-di Asiria mahãdu aõhõkỹmy arisỹnykre iwese midianita mahãdu rewinyra wese Orebe manahakỹ iribi iòhòmy. Jiarỹ aõhõkỹmy arisỹnykre iwese Egitu-ò aõhõkỹmy resỹnyra wese.
|
||||
\v 27 Iutxumy aratarenykre wetxu ribi aritakre aitxuureny iutxiehekỹ abrò ribi.
|
||||
\s1 Rimo ribi kidirahukre iòludureny.
|
||||
\v 28 Tahe ribodunyrenyrehe Ai hãwãMikõ hãwãmy rearikre mikma hãwã taõna onareny diridenyde.
|
||||
\v 29 Reuròrenyrehe bederatoò tòòhòkỹ irawo-di roirenyre. Ruumy Jeba hãwã-ò rõrõõkre. Hama mahãdu ramytatarenyre brebumy, Jibea mahãduõ, Sau iòlò hãwã mahãdu rahenyrenyre.
|
||||
\v 30 Byrybenykre Kalĩ mahãdu. Laisi hãwã mahãdu boholabenyke irà-ò. Birawyònybenyke Anatote mahãdu!
|
||||
\v 31 Madimena hãwã rahenyrenyre, tule Jebĩ hãwã ludu rihenyrenyre.
|
||||
\v 32 Wiji txulemy Nobi hãwã-ò iòludureny ritehemynykre kia ribile tamy Siaõ hãwãreny-ò reakre debòna-di, Jerusalẽ hãwã-ò tule.
|
||||
\v 33 Tai tahe Deuxu Tyhyhykỹ ruruterehekỹ suu idi rehukre riwexiridỹỹnykre Asirio mahãdu xiwedehek iwese òwòru ruru irarie ribi raròmyhỹre ada òwòruwo nihikỹ raatymyhỹre wese.
|
||||
\v 34 Tawoma-di riròmyhỹre bijiu òwòru tii resemyhỹre, iwese Libanu òwòru ruxerahakỹ wese.
|
||||
\rem dat 2007
|
||||
\rem aut José Mário Ixati Karaja
|
||||
\c 11
|
||||
\s1 Wyina iòlòna.
|
||||
\p
|
||||
\v 1 Jese riokòre Davi riòre riòre tòbò wesemy rarekre. Tòbò wesemy iratyti ribi ruhunykre.
|
||||
\v 2 Deuxu Tyhyhykỹ taihyy ratxikre Tyytyby Bedeeryhykỹ, Tyytyby Rierymyhỹre, Tyytyby Dohodỹỹna, Tyytyby Rurunatyhy, Tyytyby Teery mahãte, Tyytyby Deuxu Ratyhydỹỹ mahãre.
|
||||
\v 3 Ixidewi bedeysamy Inynyrỹ ratyhyke tuu robiõre hỹrele tuu rarybeke aõkõ tule binamy tai lahasaõmy.
|
||||
\v 4 Òbitityhymy rarybekre, iaõkõ mahãdu-ò wiwese wiwese ruaruake tarybe-dihyyle. Òwòrurehe wesemy suule aõhỹkỹmy risVnykre, \f +
|
||||
\fqa risinykre \f* ibudỹỹna-di hãbu bina rahukre.
|
||||
\v 5 Taòbitina-di taywina-di iny riwedunykre.
|
||||
\v 6 Ahula budoini riòre hãbu wana rasỹnykre. Hãlòe lyby watxini riòre wana rexielehynykremy wibire-kile. Broreni riòre halòehekỹ riòre wana butulemy riroxirenykre uladu yja yjale riwedunykre.
|
||||
\v 7 Broreni hawyy, urso hawyy wana asimy riroxirenykre iriòrereny herimy radònykre. Halòehekỹ broreni wesemy asimy riroxikre.
|
||||
\v 8 Uladu huỹtòdu risinykre hemalala lòu bire-kile tai ruruaõtyhy tebò rirytoke hỹrele.
|
||||
\v 9 Sinai hãwalò-ki aõbina rotỹỹnyõtyhy bede Deuxu rybemy rierykre iwese bee bero nihikỹ rỹximyhỹre wese.
|
||||
\s1 Israel mahãdu tasureny-ò rabuarerenykre.
|
||||
\v 10 Kia txubo heka Jesé rokòre Davi riòre riòre tyky deòsina wesemy bede mahãdu-ò rarekre. Deuxu loòsòna wihikỹ-di taireny roirekre.
|
||||
\v 11 Kia txubo Deuxu tebò rurutehekỹ-di kididykre Asiria ribi, Egitu ribi, Patu ribi, Etiopia ribi, Elaõ ribi, Babilonia ribi, Hamate ribi, berohokỹ bireludu rasỹnyre mahãdu, Bede bute rasỹnyre mahãdu tasuureny-ò kididykremy.
|
||||
\v 12 Tyky deòsina wesemy rỹikre bede ludu mahãdu-ò ributunykre Israel mahãdu raubàtỹnymy rỹira, Juda mahãdu raubàtỹnymy rỹira. Inaubiòwa bede ribi kididykre. Ibutu Israel mahãdu raubàtỹnymy rỹira tasuureny-ò.
|
||||
\v 13 Israel mahãdu riharuõtyhy Juda mahãdu-ò Juda mahãdu ribinanyõtyhy Israel mahãdu-ò.
|
||||
\v 14 Wiwana mahãdu Filitia mahãdu-ò rekoakre. Txu ròtena weribi mahãdu iaõna onareny riwyrenykre. Edõ mahãdu ribi rotarenykre, Amo mahãdu tule.
|
||||
\v 15 Bede hitxi Suesi Deuxu rarubukre. Yhyhykỹ kiditeònykre Efrate berò-ò tai rihitxi hitxinykre iryyre beromy tai heka tawaubelemy aõtxile inyõ reurokre.
|
||||
\v 16 Egitu ribi Israel rexitare wese ryy nade Asiria ribile ryy wihikỹ ijõdikre idile iny rariarenykre waijoireny tibo irulemy rỹikre mahãdu.
|
||||
\c 12
|
||||
\s1 Deàlàna Wiuna
|
||||
\p
|
||||
\v 1 Mawiunybenyke ijõ txu myy: — Deuxu Tyhyhykỹ ayarana wadee ijõdire iribi ayarana teixỹwidinyte idi tahe deysana wadee tewahinyta.
|
||||
\v 2 Deuxu watarasana rare, arityhynykre, aruberuõtyhy, deuxu dori warurudu heka rare, iruru terehekỹ, wahedỹỹna rare.
|
||||
\v 3 Kai boho deysana-di bee birybenyke beà hedỹỹna ribi.
|
||||
\v 4 Kia txu mawiunybenyke myy: — Deuxu-ò beàlàbenyke. Tamy marybebenykre aõbo tii riwinyremy bede mahãdu-ò. Ini heka tybyhykỹ rare.
|
||||
\v 5 Mawiunybenykre Deuxu-ò tii dori riwinyre aõwikõkõ. Tii ibutu bede mahãdu rierykre.
|
||||
\v 6 Siaõ mahãdu beysabenyke. Israel mahãdu Deuxu òbitinatyhyhykỹ taijoiyky-ki rare.
|
||||
\rem aut Maria Tereza Lawarita
|
||||
\rem dat 2008
|
||||
\c 13
|
||||
\s1 Babilõnia mahãdu aõhebo rotỹỹnykremy rybe deramy reare.
|
||||
\p
|
||||
\v 1 Babilõnia aõhebo rotỹỹnykremy rybe deramy rỹire Isaia-ò rasina-ki Amosi riòre wahe.
|
||||
\v 2 Bederatòò tyre-ki tyky base kiditerenyke jeijei hõrõnamy. Aòludureny-ò burubenyke. Ebò biterenyke ixinamy kidirònykremy hãwã wihikỹ kia ribi.
|
||||
\v 3 Deuxu tyhyhykỹ tasodadureny-ò ryryre. Kia hãbu teburehekỹ rexideysanyrenyre tarasanareny-ò Deuxu tamyreny ryryre kia hãbu-ò aõhõkỹmy rotỹỹnyrnykremy.
|
||||
\v 4 Bederatòò ryrymyhỹre alòredu mahãdu-ò rexiytánymyhỹrenyre tòrena-ò Deuxu tyhyhykỹ riwinymyhỹre alòredu mahãdu ròrenykremy.
|
||||
\v 5 Persia suu ribi alòredu mahãdu rehemynykre suu ribi irehe ribi bede ònana ribi nade. Deuxu kia mahãdu kidiuhekre Babilonia raruhenykremy.
|
||||
\v 6 Mahinybenyke, bobubenyke, birajuamyhỹbenyke. Deuxu Tyhyhykỹ deburena txu, kyarana txu heka rareri. Iòhòmy Deuxu Ruruduhukỹ bedemy kedexihukre.
|
||||
\v 7 Ibutumy iaxiò iruru ituekre brebu-di itelesõreny aõwesele ròtyròtynykre
|
||||
\v 8 Imyhudi brebutyhy sõwemy ruberurenykre aõhõkỹmy tamyreny rotỹỹnyrenykre iwesele hawyy ramytxitxi wese. Widee retehrenykre sõwemy ibrebureny urile rỹrenyhỹkỹre ixỹrumy.
|
||||
\v 9 Deuxu Tyhyhykỹ deburena txu kyarana txu rareri bede rexihukremy òrarade mahãdu ibutumy ituekre òrarudu mahãdu rurukre.
|
||||
\v 10 Ibutu tainá ròòsòna ituekre, txuu kedeakreu ròòsõõhyyre ahãdu tule turutyhymy ratxikre.
|
||||
\v 11 Deuxu rarybemyhỹre bede aõhõkỹmy arisỹnykre ibinareny òraruki. Iny itxỹte aõhõkỹmy arisỹnyke òrarunareny òraruki. Xiwede mahãdu ixewedenareny arexihukre debure mahãdu bede riòtiiny rỹikremy arisỹnykre.
|
||||
\v 12 Aõhõkỹmy arisỹnykre rahudi inyõ irulemy rỹimyhỹre womati tỹrỹrỹhỹkỹ weselemy Ibutelemy rỹikre
|
||||
\v 13 Aõ txumy heka Jiarỹ Deuxu Tyhyhykỹ waykarana ariteòsinyke tai bede ramytàtàkre, biu arihejikre.
|
||||
\v 14 Bede ludu mahãdu Babilonia hãwã-ki rasỹmy roiremyhỹ diòsedenyde tahãwãreny-ò tyde wese riherenykre rubudỹỹdu ribi budoini ixinaludu wesemy.
|
||||
\v 15 Inyõ rimykreki rururenykre rótena-ò ralokre maurehe-di rurukre.
|
||||
\v 16 Irureny-ki iriòrereny risorusoruny iaõna onareny ihetoreny-ki ihawyyreny aõhõkỹmy rotỹỹnyrenykre.
|
||||
\v 17 Medo-di arehurenykre Babilonia-ò tahe medo mahãdu aõ aõ tamyreny rare womati Tỹrỹrỹhỹkỹ
|
||||
\v 18 Weryrybò mahãdu tahawyy-di rirubunyrenyke uladu mahãdu tohouã mahãdu riwotòenyõhyykre rirubunyrenykre iruxetòe ihõõre.
|
||||
\v 19 Babilonia wowydyna rare awityhymy tamyreny rare ibutu hãwã ribi awityhy. Tahe tii Sodoma Komora jiarỹ rahura wese arahukre.
|
||||
\v 20 Babilonia sỹtybymy ratxikre tiú inyõ tai rỹiõtyhy. Ta heto riterenykre tai budoini itxeredu rimyõtyhy tabuidoini asi riroxikremy.
|
||||
\v 21 Bederahy iròdu hawahakỹ rasỹnykre ihetoreny abòtò idi rỹximy rỹikre ysehewe tai rasỹnykre, tyde rexiwatxi heto dejuxu-ki.
|
||||
\v 22 Heto rariehekỹ-ki, iòlò heto ahula wese rawolohamyhỹkre itxòrò wana. Babilonia-ò iòhòmy txu tai rỹikre.
|
||||
\rem dat 2008
|
||||
\rem aut Maria Tereza Lawarita
|
||||
\c 14
|
||||
\s1 Israel mahãdu tasureny diòsedenyde.
|
||||
\p
|
||||
\v 1 Ixybyle Deuxu Tyhyhykỹ Israel mahãdu-ò riwotònykre tamahãdumy ixybyle ritakre. Israel mahãdu tasuureny-ò diòsedenykremy iwitxira iny mahãdu. Tii boho wana rasỹnykremy doidenyde.
|
||||
\v 2 Iwitxira iwitxira suu ludu dirahudenyde Israel mahãdu wana rasỹnykremy, Deuxutyhyhykỹ su-ò taile wetxumy relerenykre. Israel mahãdu tawedureny iwetxurenymy ratxikre. Juhu tii ridinodunymy raremyhỹ idireny wiji tahe tii boho ridinodunyke. Babilonia iòlò rubu bedemy.
|
||||
\v 3 Israel mahãdu aõtxu Deuxu aratarenykre aõhõkỹmydỹỹnana ribi irehemy atxibekreu tiú maõmysỹdỹỹbenyõtyhy taõmysỹdỹỹnytenyte wese.
|
||||
\v 4 Kia txuu rehemynykreu bibuabenyke Kia wesemy: Betehe inyhe! Iòlò binahakỹmy iõmy reare! Betehe Inyhe! Aõwesele tebure ixãwimy reare.
|
||||
\v 5 Ibina bina mahãdu ruruna Deuxu riixãwididỹỹnyre. Tii wedu binahakỹ hoju riòrore.
|
||||
\v 6 Tii raijiranymy mahãreu aõhõkỹ iny mahãdu-ò risỹnymyhỹrenyre. Nihikỹmy, rayaranamy iny mahãdu-ò hewomy reamyhỹre.
|
||||
\v 7 Wiji heka bede mahãdu ibutumy ywinamy rỹimyhỹre. Ibutumy deysamy rawiunymyhỹrenyre.
|
||||
\v 8 Tule òwòru, òluòni reysarenyre Babilonia iòlò resere-ki tai ryberurenyre: Tii resereu tiu inyõ wadeereny naõhyylede riwatyrenykemy.
|
||||
\v 9 Rubu mahãdu reysamy rijere iòlò reòbykremy. Ubòròna juhu wedumy rỹiramyhỹ riixixanyrenyre taruruna ribireny rỹikremy.
|
||||
\v 10 Ibutumy raryberenyke: Kai boho aruru ituere wawesereny.
|
||||
\v 11 Titxibo tahe axiwedena. Titxibo ratxireri axiwedena wiji. Titxibo awiuna rare. Tii rare rubu yki woudò tyre-ki boikremy mohõ-di bexihetynykre.
|
||||
\v 12 Babilonia iòlò! Tainahakỹ wesemy rare biu ribi tesete. Kai bede mahãdu tedinodunyte bede-ò tesete.
|
||||
\v 13 Juhu heka myy taraykynyte Biu araòwònykre ta arunykre rynana tyre-ò. Deuxu Tainá tyre-ki. Aradinodunykre irehe-ò ibòò ribi tai Deuxu rexibynyrenyre.
|
||||
\v 14 Araòwònykre biwetyy tyre-di Deuxu wese aratxikre.
|
||||
\v 15 Tahe kai tesete rubu mahãduky-ò. Bede ratòò ribi sỹy-txi tesete.
|
||||
\v 16 Rubu mahãdu adee retehekre brebulemy tai rỹỹraxikre: Kai aõbo hãbu iny rimytàtàdỹỹnymyhỹre ratxireri ibutumy ilau ruberumyhỹre bede mahãdu.
|
||||
\v 17 Kia hãbu bede rahumy bede riwinyre rare. Hãwã ribudỹỹnyre rimyre mahãdu ixyby riòsedỹỹnyõhyyre.
|
||||
\v 18 Ibutu bede iòlò mahãdu sõwemy itxeredu rirahumyhỹre tawabedereny-ò.
|
||||
\v 19 Tahe kai tuuõte urile uladu tabo-txi resemyhỹre wese tuu tanyte aumy idi rehure urile iny adi rawararunyre. Soldado umy-di rỹximy roireri alòre rurure mahãdu tii boho haloo mana rỹxire rituunyre.
|
||||
\v 20 Kai tuuõhyyte iòlò mahãdu wese kai dori amahãdureny terubunyte asuu tebinanyte. Tahe ibutumy ariòkòre mahãdu ituekre. Iòlò binahakỹ.
|
||||
\v 21 Ilabiereny binahakỹ òraruki iriòrereny birubunybenykre. Tii boho tiú bede ridinodunyõtyhy bedem y idireny rỹxiõtyhy.
|
||||
\v 22 Deuxu Tyhyhykỹ rarybemyhỹre: Tahe arahukre Babilonia hãwã wahe. Ibutumy arihukre tyby iriòre wana, ilabie riokòre wana. Jiarỹ rare Deuxu tyhyhykỹ rarybemyhỹre.
|
||||
\v 23 Babilonia bede subururu wesemy relekremy ariwinykre. Otxuru tai rasỹnymyhỹre. Wawosyna-di ariwosynykre tii iõmy reare. Jiarỹ Deuxu Tyhyhykỹ rarybere Asíria bedemy arahukre.
|
||||
\v 24 Deuxu Tyhyhykỹ rarybetyhyre: Jiarỹ ariwinykre aõmybo raraykynyre timybo ariwinykre ariwinykre.
|
||||
\v 25 Asiria mahãdu arahukre Israel suu-ki rỹireri mahãdu. Hãwãlò mahãdu tyreki rỹireri arisorunykre. Wamahãdu aritakre aõhõkỹmydỹỹnana ribi. Womatirery ariorokre asirio ritisanyre-ki iutxie aritakre abroreny ribi.
|
||||
\v 26 Ibutu bede mahãdu-ò Kia wesemy raraykynymyhỹre. Wadebo reteosinymyhỹ bede mahãdu aõhõkỹmy rotỹỹnykremy.
|
||||
\v 27 Deuxu Tyhyhykỹ tuu riwinykremy iny aõbo ijõdire ribinanykemy. Tii tebò riterenyre aõhõkỹmy rotỹỹnykremy inyõ aõbo riwinyre tebò ribenykremy Filitia bedemy Deuxu rahukremy.
|
||||
\v 28 Akasi iòlò rurureu Deuxu narybede.
|
||||
\v 29 Filitia mahãdu deysarenyõmy Asíria riòròre-ki, huju idi aõhõkỹmy resỹnyre hemylala ramyhỹreu ijõ ibina bina dehemynyde, hemylalasi ribi aõni rebure dehemynyde.
|
||||
\v 30 Iwese budoini itxeredu tabudoini-di retehemyhỹre wese aõkõ jiarỹle retehemyhỹre awimy ratxirenykremy ariwinykre. Kai boho filisteu mahãdu rama arahurenykremy ariwinykre tiú irumy ratxiõrenyõtyhy.
|
||||
\v 31 Bobubenykre, mahinybenykre filisteu hãwareny. Ibutumy buberubenyke! Iòlò ribi yhy wery kanakre aõ lau ruberuõhyymahãre.
|
||||
\v 32 Aõbo Filitia rybedu rawyònamy rarybekre. Deuxu Tyhyhykỹ Siaõ ritoare taile hãwãdu mahãdu rexiwomyhỹre.
|
||||
\c 15
|
||||
\s1 Moabe Deuxu rahukre.
|
||||
\p
|
||||
\v 1 Kia rybe heka Moabe mahãdu deramy reamyhỹre. Ru sohojihyylemy Kia hãwã rahure tule kis hãwã rahure kiauhyylemy.
|
||||
\v 2 Jibõ mahãdu kia suu iòharutyhyre hawalò-ki kodobydenykre. Wiji tahe Moabe mahãdu roburenyre Nebo hãwã ituere-ki Medeba wana. Rabedeworeny ramyhỹrenyre-ki taradereny risyrenyre tadiosirireny risyrenyre.
|
||||
\v 3 Rariarenyre ixỹy-di tyy tyby-di rirajuamyhỹreny robumyhỹrenyre wotòenamy ryro-di heto ratyti tyreki.
|
||||
\v 4 Heboni mahãdu Elea mahãdu rirajuamyhỹrenyre tahe Jasa mahãdu roholamyhỹrenyre irajuamyhỹrenyre-ò. Moabe sodadu mahãdu ramytàtàmy ruberumyhỹrenyre tamy rehemynyrenyõhyylere.
|
||||
\v 5 Jiarỹ rahinyre Moabe mahãdu tòenamy. Zoar hãwã-ò ijõ robumy rahinymy rirahumyhỹre aõdesemy Luite hãwã-ò Horonai ribi rahenyrenyre.
|
||||
\v 6 Niri iworu ruỹre ibutumy asi rarubure otxirarade rarubure aõ isỹrumy riỹõhyyre irumy.
|
||||
\v 7 Moabe mahãdu rahenyreny kanaweribi-ò Jiura iworu-ò riwyrenyre ibutumy taõnareny.
|
||||
\v 8 Moabe hãwã iràreny roholareny Ekalai Bee Eli hãwã wana ibru-ò roholarenyre.
|
||||
\v 9 Jibõ kia iòhòmy bero rỹireri hãlybymy rỹire. Tahe Deuxu riwinyke Jibõ hãwã-ò iòhãrutyhyre ierenamy rỹikre. Moabe irumy rỹireri halòehekỹ riròkre.
|
||||
\rem dat 2008
|
||||
\rem aut Maria Tereza Lawarita
|
||||
\c 16
|
||||
\s1 Moabita woureny rahitxi hitxinyre.
|
||||
\p
|
||||
\v 1 Sinai hãwãlò wedu-ò budoini riòre Sela hãwã-ribi Moabe mahãdu diwahinyde.
|
||||
\v 2 Iwese nawii ruberumyhỹre wese tỹtỹ ribi moabita mahãdu rariamyhỹrenyre bera Ano ijàti-di.
|
||||
\v 3 Tii raryberenyre Juda mahãdu-ò: — Marybebenykre aõbo ariwinyrenykre bodoibedenyke wawiòhedỹỹ renymy biwaijebenykremy. Òwòru wesemy matxikre aubòròna òwòru txutuemy rauboronamy ramyhỹre wese ubòròna ruumy bedeluru wese.
|
||||
\v 4 Moabe ribi rahenyrenyre bodoibedenyke waijesedumy kia riwarubunyrenykreki ixinamy asỹreny-ki arasỹnyrenykremy. Yny waherenymy reamyhỹre rexihudi iny namyhỹde inyhewomy ijõ suu rakreu.
|
||||
\v 5 Davi rude jurana iòlòmy rexisỹnykre. Tii òbitimy ridinodunykre òbitityhymy ratxikemy inatyhymy rexityhynykremy òbitimy ratxikemy.
|
||||
\v 6 Juda mahãdu rarybemyhỹre moabita xiwede mahãdumy raholarenyre reeryrenyre xiwederenyre, teburetyhyre aõhõkỹmy rarybemyhỹre. Tahe rexityhynyke aõkõ.
|
||||
\v 7 Tai dori Moabe mahãdu kanahinydenyde ibutumy tii boho rirajuarenyrekre ryryrenykre bedewolemy rasỹna-txi tohõtireny reakre suu ritxoo-ò riwahinymyhỹrenyre Kihere hãwã-ki.
|
||||
\v 8 Hebõ uvaò ririrenyre ixinalemy bee jubereremy riômyhỹreny rurumyhỹrenyre. Hãwã wedureny rexideòrinymyhỹrenyre Sibna Hãwã-ki kia uvaò ratiranymyhỹre Jasé hãwã-ò ibrura-ò bederahy-ò bedebrò-ò rubu bero-ò.
|
||||
\v 9 Jase hãwã-di rahinywahỹre tule Sibna uvaò idi rahinywahãre rewotòenywahãre warube-di Ebõ hãwã Elea hãwã rexobawahãre môo roholaõhyyre iràreny-ò reysamyhỹremy aõ risihemyhỹrenyremy risihemyhỹremy.
|
||||
\v 10 Iõrenyre Kia hãwã wihikỹ ribi ibutu deysana. Uva ribrònymyhỹrenyreu wiuna ihõõre. Mõõ uva risorunyõhyyre vǐǐ relekemy. Iwyhy rarorenyre Deuxu riixãwididỹỹnyre.
|
||||
\v 11 Iwese wiuna ratoanyreu woudỹỹna reryti ramytàtàre bedewonamy Moabe wotòenamy, Kihere hãwã mahãdu tòenamy.
|
||||
\v 12 Moabe mahãdu deàlàna-ki rewyserenykre hãwãlò-ki suu ritxoo reàlàrenykremy tahe aõ aõkõ rarekre.
|
||||
\v 13 Kia tahe deuxu Tyhyhykỹ rarybere juhuu Moabe-ò.
|
||||
\v 14 Wiji Deuxu Tyhyhykỹ rarybere: — Inataõ beòra rỹide Moabe mahãdu sõwereny ibutumy irurureny ixãwikre. Irulemy rariarenykre mahãdu ibutelemy rỹikre, iruruõlemy ratxirenykre.
|
||||
\rem dat 2008
|
||||
\rem aut Maria Tereza Lawarita
|
||||
\c 17
|
||||
\s1 Israel Asiria wana Deuxu aõhõkỹmy rotỹỹnykre.
|
||||
\p
|
||||
\v 1 Asiria hãwã-ò rybe derare hawãmy aõkõ rarekre. Tii ibutumy aõ rabinakre rabohobohokre.
|
||||
\v 2 Siria hãwã mahãdu ibutumy ixinalemy rỹikre tiiehyyle. Iròdu mahãdu tamy roirenykre Moõ risounyõtyhy ribrebunyõtyhy tai ele rihunymy rỹirakre.
|
||||
\v 3 Israel òtity rejuxunykre. Siria hãwã ludu ruruõkre iaõkõtyhymy roirekre. Tii boho Israel mahãdu wese ratxirenykre aõhõkỹmy rotỹỹnyrenymy. Jiarỹ ibutu ruru ratyre tuu rarybereri.
|
||||
\v 4 “Txuu rehemynykre Israel mahãdu iruruna ituekre. Ibutu ityhynareny ituekre.
|
||||
\v 5 Aõtxumy suu ixinalemy roikre bederahymy. Trigu risyrenykre myhudi. Hãbu rariere raninimyhỹre suu tai trigu rasihere wese rarikre
|
||||
\v 6 Tahe ibutelemy iny rỹikre Israel suu-ki olive raty rihemyhỹre wesemy rỹikre. Iribi oliveira-ò riohowire iruru biu-ki inataõ iraty roire ada iryyre inaubiòwa iruru bede-ki roire. Jiarỹ Deuxu Tyhyhykỹ rarybere”
|
||||
\v 7 Kiatxuu aõwidỹỹdu-ò reteherenykremy: Ibutumy Israel òbitityhy Deuxu-ò Rabuarerenykre.
|
||||
\v 8 Rityhynyrenyõtyhy xiwena-ò tii bohole riwinyrenyre-ki, suu ritxoo riwinyrenyre-ki rityhynyrenyõtyhy aderòna ranyrena wodàna xiwena-di rityhynyrenyõtyhy.
|
||||
\v 9 Tiutxumobo ixinalemy hãwãreny roikre iwese heveu amoheu wana ririrenyre Israel mahãdu risokunyreu ibutumy rahukremy.
|
||||
\v 10 Israel mahãdu adeuxureny ribi ôhõtireny rusare atarasadureny ohõtireny rusare arurudureny awiòhedỹỹdureny ribi. Kai boho tebrònymyhỹtenyte asuu ritxooreny-ò.
|
||||
\v 11 Alòbròna kia txu ruhunyõtyhy kia txule aõ riheõtyhy, aõhõkỹmydỹỹnana txu rehemynykreu tesemy rỹikre tiu reyteõtyhy.
|
||||
\v 12 Boholabenyke bede mahãdu wodỹỹ ele risarenyre, iwoxi roburenyre. Bee wodỹỹ wese abò rebure wesemy.
|
||||
\v 13 Bede mahãdu berohòkỹ wesemy rawodỹỹrenykre. Tahe Deuxu tamyreny rarybetyhykre tii boho rahenyrenykre. Iwese mobo wyhy ridymyhỹre wese hãwò ribi ada brubuxi yhy riuberanyre wese.
|
||||
\v 14 Bede ratxioronyreu ribrebudỹỹnymyhỹre. Tahe txu deadeu iõrenyre. Kia wese tahe rotỹỹnykre my inyòludureny-ò ibutu iny aõnaõnareny rahumyhỹrenyre.
|
||||
\rem dat 2008
|
||||
\rem aut Maria Tereza Lawarita
|
||||
\c 18
|
||||
\s1 Etiopia Deuxu aõhõkỹmydỹỹnana risỹnykre.
|
||||
\p
|
||||
\v 1 Aõherewe aõhõkỹ rotỹỹnyrenykre Etiopia bera ijòti hãwã-di iròdu somo iràdile suu-ki rohomyhỹre.
|
||||
\v 2 Kia hãwã rybe wahidỹỹdu ahetoreny-ò amahãdureny boosebenyke irurutere mahãdu-ò, irariehekỹ mahãdu ide tyryryhỹkỹ; Kia ibutu bede bede mahãdu ilaureny ruberure, suu bero wiere riatyrenyre.
|
||||
\v 3 Boholabenykreibutu bede mahãdu ibutusỹdu mahãdu betehebenykre tyy riterenyre riukorenyke hãwãlò-ki riteòsinykre txuròna wodỹỹna boholabenyke.
|
||||
\v 4 Deuxu Tyhyhykỹ wadee rarybere: Wasỹ ribi ywilemy aretehekre iwese txuu ratỹnynyre wese wyra tỹmyra wesemy. Iwese nonoe rejuxunymyhỹre wese aõlobrna tyre-ki.
|
||||
\v 5 Uva-ò noijasa rejuxunyre bedeu uva rasònymyhỹreu, iny risihemyhỹre koki Deuxu irurule riorokre idi rehukre.
|
||||
\v 6 Soldadu rubu ixinalemy roikre, wyra bedeu rara tai rirokre beòra bedeu iròdu debure tai rirokre ibrebuterehekỹ.
|
||||
\v 7 Kiatxu iny xiwena kidiwahinykre Deuxu Tyhyhykỹ-ò, iruruterehekỹmy. Kia ibutu bede bede mahãdu ilaureny ruberure, suu bero wiere riatyrenyre. Tii boho riteòsinykre taxiwenareny Siaõ hãwãlò-ò Deuxu Tyhyhykỹ heto-ki iny reàlàmyhỹre.
|
||||
\rem dat 2008
|
||||
\rem aut Maria Tereza Lawarita
|
||||
\c 19
|
||||
\s1 Ejitu Deuxu aõhõkỹmydỹỹnana risỹnykre.
|
||||
\p
|
||||
\v 1 Kaa rybe Egitu mahãdu rybe binamy rare heka Deuxu Tyhyhykỹ biwetyy tyre-ki Ejitu-ò wylemy rakre. Suu ritxoo urile ramytatare Deuxu koki ibutu suu ritxoo ruberurenykre.
|
||||
\v 2 Deuxu Tyhyhykỹ rarybemyhỹre Ejitu mahãdu wiwana rorenyrenykremy ariwinykre. Seriòre wiwana rorenyrenykre wiweraludu mahãdu raõbinanyrenykre, hãwã mahãdu wiwana rorenyrenykre, bedeludu mahãdu wiwana rorenykre.
|
||||
\v 3 Ejitu mahãdu ruberurenykre ariwinykre ibutu aõ rimyõkemy tsi Dori tii boho rudeòsadỹỹdu dỹỹraxidỹỹ rirahukre. Suu ritxoo dỹỹraxidỹỹmy rirajukre, hàri dỹỹraxidỹỹmy rirahukre.
|
||||
\v 4 Tahe Ejitu mahãdu iòlò binahakỹ debò-ò ariwahinykre. Tii ibinabinalemy idireny ratxikre. Jiarỹ Deuxu Tyhyhykỹ ibutu ruruteremy ratyre rarybere.
|
||||
\v 5 Nilo bero ruỹkre bero ibutumy ruỹkre.
|
||||
\v 6 Ibutumy iwòru ruỹkre rarònykre. Bera ijàti-di òwòru rarubukre etehõ wese rarubukre.
|
||||
\v 7 Ibutu òwòru rurukre, bera ijàti-di òwòru rỹimyhỹre tule rarubukre. Ibutumy ribronyrenyre yhy riwykre iõrenykre.
|
||||
\v 8 Waxidu mahãdu iworeny rexieryrenykre rahinyrenykre iwaxireny iriàreny aõ rimyõhyyre.
|
||||
\v 9 Tyy riwinymyhỹre mahãdu nohõtiyremy reakre.
|
||||
\v 10 Tyy riwinyre mahãdu aõ riti riwinyre mahãdu sõwemy aõhõkỹmy rotỹỹnyrenykre.
|
||||
\v 11 Soã hãwã wedureny irayky ijõõre. Iòlò dohodỹỹdu mahãdu rybe binamy rarybere. Timybo marybekre iòlòde: — Bedeery roire jiarỹ boho roire walabiereny iòlò heka rare.
|
||||
\v 12 Ejitu iòlò titxibo heka rare abedeery mahãdu. Tii boho raryberenykre aõbo Deuxu Tyhyhykỹ Ejitu-ò aõ bina relekremy
|
||||
\v 13 Soã wedu boho iraykyreny raitxỹtere Mefi hãwã ritxinanymy rỹire. Hãwã uja wedu Egitu ludu mahãdu reòsakemy riwinyre.
|
||||
\v 14 Ityytyby bina Deuxu ritádire taireny rỹikemy. Ritohonyrenyreu Ejitu mahãdu riteòsatyhyrenyre tiiboho tahylòina tyrele ràtànyrenyre ohã mahãdu wesele.
|
||||
\v 15 Iny tyhyke iaõkõ mahãduke aõkõ tyhyke moô riwiòhenanyõhyyre. Ejitu Asiria Deuxu Tyhyhykỹ-ò rooserenyre.
|
||||
\v 16 Kiatxu Ejitu mahãdu hawyy wesemy rexideòsinykre. Ibutumy ramytàtàrenykre brebumy Deuxu debò riwokre aõhõkỹmy risỹnyrenykremy.
|
||||
\v 17 Juda bede mahãdu ilau ruberurenykre, tyhyy roholamyhỹrenykreki Deuxu tamyreny riwinykremy rarybere ruberurenykre.
|
||||
\v 18 Kiatxu Ejitu hãwã-ki iruyre hãwã ebaraiko ryberenykre. Tyhyy raryberenykre Deuxu Tyhyhykỹ riobynykremy. Kia hãwãõ txu hãwãmy raninikre.
|
||||
\v 19 Kiatxu Deuxu Tyhyhykỹ-ò xiwena ijõdikre Ejitu hãwã-ki. Iweribijàna-ò riukokre aõ itxerenamy Deuxu deàlànamy Deuxu-ò.
|
||||
\v 20 Kia riwinykre itxerenamy Deuxu inykyrenyke ratxikremy Ejitu hãwã-ki. Ejitu mahãdu aõhõkỹmy rotỹỹnykreki tiiboho rexitòenyrenykre Deuxu Tyhyhykỹ-ò tarasadu tamyreny kiditeònykre wiòhedỹỹdu iòlòdureny ribi rihedỹỹnykremy.
|
||||
\v 21 Tai Deuxu riteòsinykre Ejitu mahãdu-ò timybo tii rare, tai rieryrenykre. Xiwena tamy riwahinyrenykre, tai reàlàrenykre. Riwinyrenykre Deuxude rityhynyrenykremy ritàdirenykre.
|
||||
\v 22 Deuxu Tyhyhykỹ Ejitu mahãdu aõhõkỹmy risỹnykre idi riteytenyrenykre. Tii boho rexirahirenykre Deuxu-ò rooserenykre Tii tamyreny rirawyònyrenykre riteytenyrenykre.
|
||||
\v 23 Kiatxu ryy widee roamyhỹre Ejitu ribi Asiria-ò roirenykre Asiria mahãdu Ejitu-ò roirenykre. Wiwanale reàlàrenykre Deuxumy.
|
||||
\v 24 kia txu inatão mahãdu Israel Asiria Ejitu awimy wiwana rarekremy bede mahãdu ibutumy.
|
||||
\v 25 Deuxu Tyhyhykỹ deysana kidiwahinykre Jiarỹ Ejitu-ò Jiarỹ iwidỹỹdureny rare Israel wamahãdu ritare.
|
||||
\rem dat 2008
|
||||
\rem aut Maria Tereza Lawarita
|
||||
\c 20
|
||||
\s1 Ejitu Etiopia Asiria ridinodunykre
|
||||
\p
|
||||
\v 1 Asiria wedu Sakaõ taijoi riteònyre wedu idi ridinodunyre Adode hãwã rahukremy tai ridinodunyre.
|
||||
\v 2 Inataõ beòra koki Amosi riòre Isaia-ò Deuxu Tyhyhykỹ rarybere: — Sau tyku uxehekỹ bitakre aumy ribi awaubehety tule bitakre. Isaia Kia rybe riòbynyre ruere-dile rariamyhỹre tademy tyhymy aõkõ tawa ubehyylemy rariamyhỹre.
|
||||
\v 3 Adode ridinodunyre rahudi Deuxu Tyhyhykỹ rarybere. Inataõ beòra-di Isaia wadeódu tawaubehyylemy rariamyrarehỹ tadehyylemy aõkõ-di rariare. Urile itxerenalemy tuu rariare Ejitu Etiopia rieryrenykremy aõhebo rotỹỹnykremy tamyreny.
|
||||
\v 4 Asiria wedu Ejitu ròtenaludu mahãdu wana riwykre matuari mahãdu tule. Tii boho tadehyylemy aõkõ tawaubehyylemy roirenykre, ihetxi tỹnyhakỹlemy ixỹruna Ejitu riwahinyre.
|
||||
\v 5 Etiopia rityhynyre mahãdu, Ejitulemy awimy rarybemyhỹre iwoxirenyre.
|
||||
\v 6 Meditehanio berohokỹ bero ijati-ki-di rasỹnymyhỹre mahãdu. Raryberenyrenykre: Betehebenyke aõhebo rotỹỹnyke tamyreny. Tamy rexitòenyreri riwawiòhenanyrenykremy. Tahe timybo arihenyrenykre.
|
||||
\c 21
|
||||
\p
|
||||
\v 1 Babilonia rybe deramy nade. “Bederahyy bero” Iwese yhy nihikỹtyhyre weru weru reburemyhỹre wesemy iraru-ò riwosynyre wese bederahy ribi kanake hududu.
|
||||
\v 2 Wasi itxerena Deuxu riteòsinyre wadee ibinatyhyre. Ujomodu! Bede tuededỹỹna ibutu hãwã hãwã ijõdire! Elaõ ijoi mahãdu beake! Media ijoi mahãdu beàki hãwã hãwã birurawonybenykre Babilonia tuu riwinyre aõhõkỹmy rotỹỹnykremy. Kia Deuxu kidiixãwikre.
|
||||
\v 3 Kia wasimy itxerena Deuxu wadee ritànynyre riwabedewonyre riwabrebunyre iwese hawyy ramytxitxire wesemy aõhõkỹmy rotỹỹnyre. Raholaõtyhyõwahỹre txuberere sõwere-ki. Raborotyhyõwahỹre waruruõre-ki, warayky raweruwerunymyhỹre ramytatamy brebumy. Ruu reraòwahỹre arexielehynykremy tahe brebunale diwahinyde.
|
||||
\v 4 Warayky raweruwerunymyhỹre ramytatamy brebumy. Ruu reraòwahỹre arexielehynykremy tahe brebunale diwahinyde.
|
||||
\v 5 Wasi itxerena-ki rasỹnamy rabire Babilonia-ki rynana tai roire tai rynykremy Tii boho riroximy roiremyhỹ riõrenymyroiremyhỹ aõwesele inyõ rarybere: wedu mahãdu myibenykre.
|
||||
\v 6 Deuxu riwateònyre: — Itxeredumy bisỹnykre tai Tii ibutumy robikre relyykremy.
|
||||
\v 7 Itxeredu òbitimy beteheke awaru mahãdumy robikreu inatxi wiwana rariakremy hãbu awaru tyre-ki runykre, camelo tyre-ki jumeto tyre-ki.
|
||||
\v 8 Itxeredu ryryre:— Deuxu Inynyrỹ txumy ruumy warynanahyy ranywahỹre.
|
||||
\v 9 Boholabenykre: Hãbu awaru dinodu mahãdu kanakre inatxi retehemy kanakre”. Iribi itxeredu rarybere. — Resere, Babilonia resere wahe. Ibutumy suu ritxoo Babilonia mahãdu reàlàmy roiremyhỹ bede-ki ribòhòbòhònymy roire.
|
||||
\v 10 Kai boho wamahãdumy toite aõhõkỹmy rotỹỹnymy roiremyhỹ iwese trigo risorusorunymyhỹre suu-ki. Tahe Jiarỹ ararybemyhỹre rybemy. Deuxu Tyhyhykỹ wadee riwahinyre ibutu ruru ratyre Israel Deuxumy.
|
||||
\s1 Edõ rybe deramy.
|
||||
\v 11 Kia rybe dera Edõ-ò rare: Inyõ wadee ryrymyhỹre Edõ suu ribi rarybemyhỹre: — Iny itxeredu tiwesebo ruu-ò rasiranyre. Tiwesebo heka ruu rexihukremy rasiranyreri.
|
||||
\v 12 Iny itxeredu rirawyònyre: — Biurasòmy kedehemynykre tahe ixybyle ruumy Kodoosekre. Tahe ixyby bỹỹraxikeki ixinamy bodoosekre.
|
||||
\s1 Arabia rybe deramy.
|
||||
\v 13 Kia rybe heka Arabia deramy rare. Dedã hedu mahãdu bederahyy-kihyy rasỹnymyhỹrenyre iwedureny risynymyhỹre-ki.
|
||||
\v 14 Temá suludu mahãdu Dedã mahãdu biwiòhenanybenyke bee biwahinybenykre rasỹna tule.
|
||||
\v 15 Tii boho rihenyrenyre aõbina bina ribi. Taòludureny ribi rihenyrenykremy ratxirenyreri. Kidirubunyrenykre laumaurehe-di tawyhyreny-di.
|
||||
\v 16 Deuxu rarybere: Beòra sohoji rahudi keda mahãdu ruxetòena ituekre.
|
||||
\v 17 Wyhy dehudu-di mahãdu keda ludu iõmy reakre ibute wyhy-di dehudu mahãdu irumy rarikre. Jiarỹ Deuxu Tyhyhykỹ rarybere Israel Deuxu.
|
||||
\rem dat 2008
|
||||
\rem aut Maria Tereza Lawarita
|
||||
\c 22
|
||||
\s1 Jerusale mahãdu rybe derare.
|
||||
\p
|
||||
\v 1 Hãwalò rawetyky heka itxerenamy rỹire rybe rare. Aõherekibo heto rati tyre-ki tỹite.
|
||||
\v 2 Ryrymyhỹre Deysalemy atximahãtenyte. Aõherekibo hãwã deysatyhymy roimyhỹre rỹireri. Jerusale sodadu mahãdu ituerenyre kia jeijei-ki jeijei óraru-ki aõkõ rururenyre.
|
||||
\v 3 Sodado wedu Ibutumy rahenyrenyre ròtena ralokõlemy tahe yhy ritaõlemy ròtenamy raloõlerenyre. Kia irehemy rahenyrenyre tule ralòrenyre ròtenamy.
|
||||
\v 4 Tahe jiarỹ rarybere: — Boibenyke ixinamy boibenyke jiarỹ ixisohojile arahinamy aratxirekre. Moõ riwawelòròõhyymyhỹre wamahãdu binahakỹ òraruki.”
|
||||
\v 5 kia txu Deuxu Tyhyhykỹ riwateònyreri. Brebuna nihiỹ txumy rare, kia jeijei txu rare, kia txu tarasana aõkõ rare hãwalò rawetyy itxerena bede-ki. Hãwã bede ratòòhòkỹ riatyrenyre, tai sỹdu mahãdu sõwemy rirajuarenyre tai hawalò-ki roholarenyre.
|
||||
\v 6 Elaõ sodado riwateònyrenykremy dirahu-di, taawarureny-di, takahureny-di, tawyhyreny-di. Kir sodado tule dirahudenyde tawomati bese-di.
|
||||
\v 7 Juda hawalò rawetyy jeijeina kahu sõwere tai; Jerusale ijòtòbòna kia mana rexilamadỹỹnyrenyre iòludu mahãdu tawarureny ridere.
|
||||
\v 8 Juda mahãdu tiu rexitaõtyhy. Kia txumy kai boho ebònareny teòrytenyte hetowo nihiỹ-ki roimyhỹre, bederahy heto nihiỹ nii rare.
|
||||
\v 9 Hãwalò werawo-di ikurihiximy toitenyte iruremy bobibenykemy bee tetxiwimyhỹtenyte hãwalò ahu raxikemy.
|
||||
\v 10 Heto ijobinymyhỹrenyre tai heto ibutemy ritxiwirenyre mana rimyrenykremy hãwãlò werawo-di ixybyle riwinyrenykremy.
|
||||
\v 11 Òtity rawetyky-di berohõnamy tewinytenyte bee reamyhỹre ahu ludu reamyhỹre òtity ludu kia rejuxunykremy. Tahe kai boho Deuxu-ò taholatenyõte, juhuu tii aõ ibutumy idi rohõtinyre. Juhuule tuu riwinyre idi rohõtinyre tetyhynytenyõte.
|
||||
\v 12 Kia heka Deuxu tuu riwinyre bedewona, araty brasamy marasykremy, matyykremy tyy bina-di bedewona tyydỹỹna rare.
|
||||
\v 13 Kia heka mabedewobenykremy urile teysatenyte iròdu terubunytenyte, broreni, budoini terubunytenyte aixenarenydòmy, teroxitenyte teõtenyte viimy ixidewimy. Tahe tarybemahãtenyte: “Rikiroxirenykre, rikiõrenyke rukururenykre dori biurasòmy.”
|
||||
\v 14 Deuxu Tyhyhykỹ wadee rexitanynyre tai rarybere: Tiu arixãwidiõtyhy Kia riwinyrenyre, ibutumy rururenykre tiu aritaõtyhy. Jiarỹ, Deuxu Tyhyhykỹ rarybere.
|
||||
\s1 Sebena rybe dera rare.
|
||||
\v 15 Deuxu Tyhyhykỹ riwateònyre Sebenade rybemy arakremy. Tii iòlò deòdumy rare. Tamy ararybekremy riwateònyre:
|
||||
\v 16 — Aõbo tewinyteri. Mowe adee rarybere ahaloo biakremy mana tere-ki hãwãlò ratyy-ki.
|
||||
\v 17 Kai arurutere tate ihỹre Deuxu aramykre adi irehemy rehukre.
|
||||
\v 18 Tii aramykre iwese boladi rehumyhỹre wese adi irehemy arehukre bede irehe-ò. Tai aalore karru biretxi burukre axiwedena-ki. Kai heka awedu ixỹrunamy tate.
|
||||
\v 19 Deuxu Tyhyhykỹ Sebena-ò rarybere: — Jiarỹ aratakre kia rynana aribi bede-ò arasỹnykre.
|
||||
\v 20 Tai Hilkia riòremy Eliaki arisỹnykre.
|
||||
\v 21 Tai arityynykre iòlò deòdu tyy-di awetyyna ariwahinykre tamy ibutumy ariwahinykre aõnaõna idi tatemyhỹ. Eliaki tahe ibutu tybymy rare Jerusale mahãdu wahe, Juda mahãdu tule.
|
||||
\v 22 Ibutu hãbu ratyre chave ariwahinykre iòlò deòdumy tii rare. Tii riratobonymyhỹre moõ riraynyõtyhy tiile riraynamyhỹre. Tii riraynymyhỹre moõ riratobònyõtyhy.
|
||||
\v 23 Jiarỹ aridekrehyy rỹikre iwese òwòru rỹimyhỹre wese bede-ki. Ibutumy imahãdu awimy ixi-ki raharenyrenykre iòraru-ki.
|
||||
\v 24 Tahe imahãreny ibutumy ityhy mahãdu, urimonodu mahãdu tahe iutxiemy rỹirenykre tamy tiiboho tiihyyle riòwemy rarekre. Tii boho iwese butxi biu-ki òwòru tyre-ki raykòmy rỹyimyhỹre wese rare, bedeò biu-ki òwòru tyre-ki raykòmy rỹyimyhỹre wese rare.
|
||||
\v 25 Aõutxi-di òwòru raòrònymyhỹre wese rare, Eliaki tarynana ribi resekre. Ibutumy imahãdu urimonodumy relerenykre. Jiarỹ Deuxu Tyhyhykỹ tuu rarybere.
|
||||
\rem dat 2008
|
||||
\rem aut Maria Tereza Lawarita
|
||||
\c 23
|
||||
\s1 Tiro sidõ wana rybe deramy rare
|
||||
\p
|
||||
\v 1 Mahinybenyke hãwò mahãdu bera-ki rỹimyhỹrenyre kia tahe rybe deramy rare Tiro hãwã-ò. Kia hãwã rahurenyre. Kia rahurenyre hetoreny tule ibeàreny ritàtànyrenyre. Kia rybe teerytenyte Sibre hãwã ribi.
|
||||
\v 2 Maõhitxinybenyke bedewona-ki beà bira-di rasỹnymyhỹre mahãdu, kai boho Sidõ hãwã ijohonadu mahãdu! Ariradureny mahãdu reuròmyhỹrenyre berohokỹ-ò.
|
||||
\v 3 Berohokỹ-di roimyhỹrenyre. Nilo bero-di Egitu ribi aõna õna-di rohonymyhỹrenyre Kia ibutu bede bede ludu-ò idi tahonytenyta Kia-di tahe sõwemy iubeweri tetatenyta.
|
||||
\v 4 Maixỹrubenyke Sidõ hãwã, kai tule Tiru hãwã mabedewobenyke berohokỹ bireki roimyhỹre hãwã irurutere rare.Tiu iny iribi rotaõtyhy. Berohokỹ rarybere: “ Tiu uladu ijarana waki ijõõre! Uladu waribi reaõre! Tiu uladu retybienyõre”.
|
||||
\v 5 Egitu mahãdu ruberurenykre rieryrenyreu Tiru hãwã ribi
|
||||
\v 6 Fenisia hãwã ludu mahãdu tese-di mahinykre! Sipanha hãwã-ò mahenybenykre!
|
||||
\v 7 Kia aõbo tii rare hãwã tiru deysahakỹ Kia hãwã juhuu roare. Tii boho aõbo tariòre riteònyrenyre irehe-ò iwitxira hãwã roakremy.
|
||||
\v 8 Tiru hãwã heka awi rare. Aijohonadu mahãdu iòlò rare. Aijohonadu mahãdu ibutumy rityhynymy rỹira myhỹ. Mobo Tiru hãwã-ò tuu riwinyre.
|
||||
\v 9 Deuxu Tyhyhykỹ tuu riwinyre xiwede mahãdu riitxenanykremy. Bede mahãdu rurudu mahãdu-di rehukremy.
|
||||
\v 10 Kiasỹdu mahãdu Sipanha rasỹnymyhỹre alòbrodu mahãdu hãwã witxiraki robròmyhỹrenyre iwese Nilo bero bire-ki ribronyrenyre wese.
|
||||
\v 11 Deuxu Tyhyhykỹ tebò riterenyre berohokỹ-ò aõhõkỹmy risỹnykremy. Tii iòlòna riatyre ruru riwahinyre senisia ruruna ituekremy
|
||||
\v 12 Tii sidõ rarybere: “ Hãwãdu hãwã iny ihewo reamyhỹre, ixãwike deysana! Sibre hãwã-ò amahãdu rahenykre ihỹre rexitaõtyhy!
|
||||
\v 13 Betehe inyhe! Hãwã ituere! Kia Babilonia mhãdu tuu riwinyre Asirio mahãdu aõkõ bede ritàtànyre riwerunyre rahukremy. Ibutumy reatyre aõ môo tamy reriõkremy.
|
||||
\v 14 Hãwò mahãdu mahinybenykre bera-ki rỹimyhỹrenyre! Tiru hãwã ituere tai beà awikremy ijõõre.
|
||||
\v 15 Kia wiji rehemynyre Tiru hãwã stenta beòramy nohõti rusakremy. Kia heka bede rijekremy iny iòlò bededỹỹnana setenta beòramy. Iribi setenta beòra rije-di tiru wiuna uriurimy wesemy rarekre:
|
||||
\v 16 “Aderana, iny aribi tohõti rusare hãwã-di maweruwerunykre, botoanykre wiuna wihikỹ mawiunykre ibutu mahãdu roholakremy adi tohoti reakremy ixyby.”
|
||||
\v 17 Setenta beòra rije-di Deuxu Tyhyhykỹ Tiru-txi ixybyle tohõti reakremy, tai ixybyle Kia hãwã aderanamy relekre tai rexiwahinykremy ibutu hãwã hãwã-ò`nieru òwymy.
|
||||
\v 18 Taheka iubeweri tii rotakreu heka Deuxu-ò kidiwahinykre. Tii Kia iubeweri-di ratxiõtyhy. Tii tiú iubeweri rariõtyhy. kia Deuxumy ràlàmyhỹre idi rarikre iubeweri-di rasỹna riõbradỹỹmy tyy tule.
|
||||
\rem dat 2008
|
||||
\rem aut Maria Tereza Lawarita
|
||||
\c 24
|
||||
\s1 Deuxu aõhõkỹmy bede mahãdu-ò risỹnykre
|
||||
\p
|
||||
\v 1 Boholabenyke Deuxu Tyhyhykỹ bede mahãdu rahukre sumy ritxienykre bede ribinakre riuberanykre sỹdu mahãdu.
|
||||
\v 2 Iwesele heka rohònykre ibutu inyde: Urimonodu mahãdu, xiwena wahidỹỹdu mahãdu, aõmysỹdỹỹdu hawyy hãbu wana, wedu mahãdu hawyy hãbu wana, ijohonadu mahãdu, iwydydu mahãdu, huòtedu mahãdu.
|
||||
\v 3 Ibutumy rahukre bede mahãdu, Deuxu Tyhyhykỹ tuu riwinykremy rarybere.
|
||||
\v 4 Bede rarubumyhỹre sỹytxi ralomyhỹre ibutu bede bede ituereri.
|
||||
\v 5 Suu òraruna-di sõwemy rỹimyhỹre òrarudu mahãdu òraruki tai rasỹnymyhỹre-ki. Rybe ratyre rekoarenyre-ki. Deuxu rybe mana rityhynyõrenyre. Rybe rexijerenyre tyhyy idi ratxikemy.
|
||||
\v 6 Tai Dori Deuxu bede ribinanyre, tu isỹdu mahãdu tai riòwynymyhỹrenyre heòty idi riworonyrenyre.
|
||||
\v 7 Uvaò rarubumyhỹrenyre tai heka vii ihõõre Dori. Ibutumy reysarenyre wiji tahe raòhitxinyrenyre bedewona-ki.
|
||||
\v 8 Kõrehe tuu rahõtinyõre lòty lòtyna-ki reeryrenyre, tule rotoarenyõre, ixena riwinymyhỹrenyre, rawiunymyhỹrenyre rybeõlemy rorukumyhỹrenyre.
|
||||
\v 9 Tuu riõrenyõre vii ixena-ki mona ihyreri wiji.
|
||||
\v 10 Hãwã jeijeihyy roimyhỹre rahumy reare tusỹdu tahetoreny ijòtòbònarenyre moô ralòõhyyre.
|
||||
\v 11 Vii òraruki ibutu iny rirajuamyhỹre. Ibutu deysana ituere bede ribi riteònyrenyre.
|
||||
\v 12 Hãwã ibutumy ituere ijòtòbòna iere eremy roire.
|
||||
\v 13 Iwese bederaty ibutemy rỹimyhỹre wese ibute uva idi risihemyhỹre ribi iwese iny irulemy bede bedemy rỹimyhỹre ibutelemy rarikre.
|
||||
\v 14 Kia irumy rỹikre sõwemy rawiunykre reysana-di kanawebrijà-ò sỹdu mahãdu Deuxu Tyhyhykỹmy rarybekre.
|
||||
\v 15 Kanawe brijà-di rasỹnymyhỹre mahãdu Deuxu Tyhyhykỹmy reàlàkre. Bede biralemy rasỹnymyhỹre mahãdu Deuxu Tyhyhykỹmy reàlàkre, Israel Deuxu wahe.
|
||||
\v 16 Bede irehe ludu ribi raholarenyre wiu wihikỹmy Deuxu-ò. Tahe tuu rarybere: “ Aõherewe làhà aõ binahakỹmy rotỹỹnyre. Ariòludunyõtyhy! Aõ binadỹỹdu aõbinamy tyhyy riwinymyhỹre, ibutu bede bedemy itxenadỹỹdu ijõdire.”
|
||||
\v 17 Ibutumy boholabenykre! Iwese riudu mahãdu araijerenykre iròdu wesemy. Hãloo araraõkre, debònadu mahãdu araraõkre.
|
||||
\v 18 Hãloo-txi reserenykre. Mobo hãloo ribi rexitakre inyõ rimykre. Biu ijòtòbòna riraynykre bede ramytatakre.
|
||||
\v 19 Bede ramytatakre rabohobohokre.
|
||||
\v 20 Bede asasa mahãdu wese rariamy rarekre, riukỹukỹnyre iwese tyy heto wese riukỹukỹnyre wyhy. Òraruna suu riwymyhỹre iutxiemy tai resemyhỹre tiú rỹiõhyymyhỹre
|
||||
\v 21 Kia txu Deuxu aõhõkỹymy risỹnykre biu rurudu mahãdu-ò tule iòlò mahãdu bede-ki rỹimyhỹre.
|
||||
\v 22 Tii idi ributunykremy idi rehukre hãloo-ò. Tai ròtenawoki sõwemy bede rijekre idi aõhõkỹmy rotỹỹnykre.
|
||||
\v 23 Ahãdu ratỹnynyõtyhy ixỹrumy, txuu ratỹnynyõtyhy ruberureri Deuxu Tyhyhykỹ dori Siaõ hãwalò-ki ibutumy iólómy runykre Jerusale wahe. Tahe ibutu ru-ki rexideòsinykre tawowydyna-di.
|
||||
\c 25
|
||||
\s1 Wiuna Deuxu-ò
|
||||
\p
|
||||
\v 1 Deuxu Tyhyhykỹ WaDeuxuTyhy, jiarỹ arawowydynykre animy areàlànykre; kai tewinyte aõna ona wihikỹtyhymy; kia òbitimy tarybete tewinyte kia sõwe bede rijemy tarybete tewinyte ibutumy aõmybo tarybete tewinyte dori.
|
||||
\v 2 Òludu mahãdu hãwã tehute òtity hãwã tehute. Heto nihikỹ tehute tiu ixyby riwinyõtyhy.
|
||||
\v 3 Tai dori irurutere mahãdu umy reàlàkre. Hãwã binahakỹ mahãdu aratyhynykre.
|
||||
\v 4 Kai WaDeuxu hãwãdu mahãdu wiòhedỹỹdumy tate. Aõ rurumyhỹre mahãdu tewiòhenanyte, yhy teburehekỹ henamy tate uburòna bede tòtee-ki. Bee rariamyhỹre wese heka hãbu mahãdu reburetyhy rare.
|
||||
\v 5 Iwese bederahy itòtee wesemy.Tahe kai suu witxira ryy rirarutxinymyhỹre. Iwese biuwetyy bede itòtee ribi rirarutxinymyhỹre wese. Iwese heka kai terarutxinyte hãbu deburehekỹ ryymy.
|
||||
\v 6 Siaõ hãwalò-ki Deuxu rasỹna wihikỹ sõwe iny mahãdu-ò lkidiwahinykre. Rasỹna wiwihikỹmy tai roikre. Vii wihikỹmy tai roikre.
|
||||
\v 7 Kia heka rahukre biwetyy bedewona ribi ibru ihi rahukre ibutu bede mahãdu ribi.
|
||||
\v 8 Deuxu Tyhyhykỹ rubu-di rahutyhykre. Ibutu iny rue ribi rube rirubunykre tule ibutu riodỹỹnykre ixỹruna iny mahãdu ribi. Deuxu tyhyhykỹ tuu rarybere.
|
||||
\v 9 Kia txuu heka ibutumy raryberenykre:— Tii heka WaDeuxureny rare, wararòsònareny rare tai riwatarenyre. Tii Deuxu Tyhyhykỹ rare, Tii retyhynyrenyre. Rakawiunyrenykre Tii riwawiòhenanyre Dori. Moabe Deuxu aõhõkỹmy risỹnykre.
|
||||
\v 10 Siaõ hãwalò Deuxu riyrybynykre tahe Moabe hãwã sõwemy rasyrysynynykre iwese nobõ rasyrysyrynymyhỹre wese.
|
||||
\v 11 Moabe mahãdu heka terá risony alòbu wese riwinyrenyre ixityhydỹỹdu mahãdu Deuxu ribinanyrenyre.
|
||||
\v 12 Tii Moabe òtity rariehekỹ reatykre ririkre riatymy.
|
||||
\rem dat 2008
|
||||
\rem aut Maria Tereza Lawarita
|
||||
\c 26
|
||||
\s1 Tarasana Wiuna
|
||||
\p
|
||||
\v 1 Kia txuu Juda mahãdu tuu rawinyrenykre: —31Wahãwãreny awihikỹ rare Deuxu riwadinodunymyhỹrenyre suòtity-di.
|
||||
\v 2 Biraynykre hãwã ijòtòbòna iny Deuxu rityhynymyhỹre mahãdu ralokremy òbitimy riwinymyhỹre mahãdu.
|
||||
\v 3 Kai Deuxu Tyhyhykỹ ywina tewahinymahãte iny rityhynytyhymyhỹre-ò sõwemy bededỹỹnana awimy ratxikremy.
|
||||
\v 4 Deuxumy bityhynybenyhyykre, tii heka iny wedu yrybunatyhy tyhyy rare.
|
||||
\v 5 Tii xiwede mahãdu bede-ò risỹnyre tii ribinanyre hãwã ixityhytyhydỹỹdu mahãdu. Tii ritxiwire ihãwãrenyre idi rahure.
|
||||
\v 6 Wiji tahe iny hãwãdu mahãdu idi rariamyhỹrenyre tahãwareny-di.
|
||||
\v 7 Hãbu òbiti mahãdu ryy rutaõmy rare. Kai Deuxu òbitityhy iryyreny tetàtànymahãte idi rariarenykemy.
|
||||
\v 8 DeuxuTyhyhykỹ arybe mana-di jiarỹ boho roirenyre. Aumy-ò wararòsònareny retadimyhỹrenyre. Wawo ribi wumy raruwahãreny arierykemy adi arohõtinykremy.
|
||||
\v 9 Wawo-ki ruumy adi aratxikremy; wawo -ki araijemyhỹre adewimy arierykremy. Bede-ò tetadite wahisidỹỹna aõhõkỹmydỹỹnana tai sỹdu mahãdu rieryrenyre aõbo òbitina rare.
|
||||
\v 10 Kai ruxetòena ijõdire iny bina mahãdu dee ihỹre ta tii boho aõ awimy riwinyõhyymyhỹrenyre. Kaa hãwã-ki heka iny òbiti ijõdire ihỹre ibinamy riwinymãhãrenyre aõ aõkõ tamyreny rare Deuxu Tyhyhykỹ.
|
||||
\v 11 Deuxu Tyhyhykỹ ebò teterenyte aõhõkỹmy bisỹnykremy aóludu mahãdu tahe ihỹrele tii boho rieryrenyõre. Tii boho sõwemy raixỹrurenykre robirenykre-ki aluunamy amahãdu-ò tewahinyte. Heòty arayarana idireny rahurenykre!
|
||||
\v 12 Deuxu Tyhyhykỹ tewinymahãte awimy aratxirenykemy; Ibutumy aõna õna rewinymyhỹrenyre aòraru-ki!
|
||||
\v 13 Deuxu Tyhyhykỹ iny witxira riwadinodunyrenyre ideuxureny ribi tahe ihỹrele raryberemyhỹnyre kaihyyle Deuxu Tate!
|
||||
\v 14 Kia mahãdu rurenyre ròòserenyõtyhy irumy ratxirenykremy; urile urubòròna wesemy roimyhỹre ixyby rexixaõtyhy. Kai aõhõkỹmy tesỹnyte idi tehute moõ tohõti itxi reaõhyyre.
|
||||
\v 15 Deuxu Tyhyhykỹ wamahãdu teixijuradỹỹnyte wasureny tenihikỹdỹỹnyte tai wowydyna ixidee tewyta.
|
||||
\v 16 Deuxu Tyhyhykỹ amahãdu aõhõkỹmy dỹỹnana tesỹnyta wabede òtina-di atxi wanõhõti reamyhỹre.
|
||||
\v 17 Hawyy ramytxitximyhỹre wese heka watxiwahỹrenyre aòraru-ki waha Deuxu.
|
||||
\v 18 Uladu matxitxi wese ramytxitxirenyre tahe reaõre. Tahe aõ retaõhyyre wahãwãreny-ò tahe môo rexijuaõhyyre wahãwareny-ki.
|
||||
\v 19 Wamahãdureny rubu kodóosedenykre irumy ratxirenykremy iumyreny rexixarenykre. Kia rubu hãwã-ki roimyhỹrenyre rexixarenykre sõwemy reysarenykre rawiunyrenykre. Iwese nonoe tewahinymahãte wese bede rexixakremy iwesele rubu mahãdu rohònyrenykre irulemy.
|
||||
\s1 Aõhõkỹmydỹỹnana tarasana wana.
|
||||
\v 20 Wamahãdureny boibenykre asỹreny-ò ahetoreny bijòtòbòrenykremy bexiwobenyke sõwemy bede rijemy Deuxu ykarana ituekremy.
|
||||
\v 21 Deuxu Tyhyhykỹ tasỹ ribi kanakre, biu ribi Dori òrarudu mahãdu aõhõkỹmy risỹnykremy. Suu dori riwoõtyhy rurure mahãdu ritỹnynykre hãlubuhyylemy aõbina riwinyrenyre-ki.
|
||||
\c 27
|
||||
\p
|
||||
\v 1 Kia txuu Deuxu mayrehe rimykre tamayrehe iutxiehekỹ aõni leviatã riwotõmonykre, hemalala rexirahore rahoremyhỹre rexiwerywerynymyhỹre. Deuxu Tyhyhykỹ aõni heòty beramy rasỹnymyhỹre rirubunykre.
|
||||
\v 2 Kia Deuxu Tyhyhykỹ rarybekre: Wauva-ò wowydynamy mawinyke!
|
||||
\v 3 Idi raõmysỹdỹỹmyhỹre resobenywahỹre. Jiarỹ reijewahỹre txumy rumy môo ribinanyõkemy.
|
||||
\v 4 Tureny radònyõhyyre hede rayaranykeki bedeyxe tule rayaranykeki arahukre.
|
||||
\v 5 Waòludu mahãdu warybunamy rururenykeki tahe wabiòwamy kanatxidenykre, kohe wabiòwamy kanatxidenykre.
|
||||
\v 6 Aõtxu Israel mahãdu atxirenykre òwòru wihikỹ wesemy; rararuxinyrenykre ruhunyrenykre, roijasanyrenykre iribita raratynyrenykre tai bede idi raxikre.
|
||||
\v 7 Deuxu Tyhyhykỹ aõhokỹtyhy risỹnyrenyõre Israel mahãdu-ò iwese taòludu aõhõkỹmy risỹnyre wese. Israel mahãdu Deuxu ibutelemy rirubunyre tahe irubudỹỹdu mahãdu sõwetyhymy rirubunyre.
|
||||
\v 8 Tii aõhõkỹmy risỹnyre tamahãdu iwitxira su-ò ròtena mahãdu wesemy riteònyre. Tii idireny rehure ribunyre-ki iyhy ruruteretyhyre iraru yhy namyhỹde wese.
|
||||
\v 9 Tahe iòrarunareny heka Deuxu risuhokre iaõbinabinareny ituekre. Kia dori rotỹỹnykre xiwena ribohòbohònykreu suu ritxoo mahãdu hõrõ Kia mana xiwenanõdemy riwinyrenykre suburu ura wese ibutumy suritxoo rahurenykre ibutumy suritxoo lỹrena rahurenykreu.
|
||||
\v 10 Hãwã òtity riyrubunymyhỹre aõ ihõõre; môo tai rasỹnyõhyyre bederahy wesemy. Broreni roxinamy relera tai iròdu riroximyhỹre ririranymyhỹrenyre tule rexielehynymyhỹrenyre.
|
||||
\v 11 Ówóru ruru rarubure raõromyhỹre hawyy mahãdu riwymyhỹrenyre ritoonyrenykremy heòtymy. Kia mahãdu aõ rieryõre, tai dori Deuxu iwidỹỹdureny idireny rawobruõkre.
|
||||
\v 12 Kia txuu Deuxu Tyhyhykỹ tamhãdu ritakre kia mahãduy ribi Efrte ribi Ejitu-ò. Iwese Triku ritotynyrenykre bede-ò iraty rexiwatxinymyhỹre taruxityy ribi iwese heka Israeli mahãdu rexirareakre iribi tahe rexibutunykre sohoji sohojimy.
|
||||
\v 13 Kia txuu txuròna rotòakreu tai Israel mahãdu reòsamy ratximyhỹre Asíria su-ki Ejitu ròtenamy ridyrenyre mahãdu wana tasureny-ò rooserenykre Deuxu Tyhyhykỹmy reàlàrenykremy Jerusale bederatòò-ki
|
||||
\rem dat 2008
|
||||
\rem aut Maria Tereza Lawarita
|
||||
\c 28
|
||||
\s1 Rybe ibòò ribi Israel-ò
|
||||
\p
|
||||
\v 1 Herewelàhà Samaria mahãdu ohã mahãdule iluurerenyre. Herewelàhà Samaria hãwã ruxera suu wihikỹ tyre-ki roimyhỹre. Tusỹdu mahãdu sõwemy rurumyhỹre ohãmy tahe hãwã ituere iwese noijasa rarubumyhỹre wese.
|
||||
\v 2 Deuxu Tyhyhykỹ kiditeònykre hãbu teburetyhy. Tii kanakre biumyta wese manarutà wese yhy derebure wese biu sõwemy roare wese. Ibutumy tii rahukre.
|
||||
\v 3 Herewelàhà Samaria mahãdu ohã mahãdule iluurerenyre inyõ idi rawararunymyhỹre.
|
||||
\v 4 Hãwã ruxeramy suu wihikỹ ratya-ki roimyhỹre iruxerana ituemyhỹre iwese noijasa rarubumyhỹre wese. Wyra bederaty wese kawesele rasónymyhỹre iny ritòmyhỹre.
|
||||
\v 5 Kia txuu Deuxu Tyhyhykỹ noijasa ruxerahakỹ ratana-di rỹikre kia irumy rỹimyhỹre-ò.
|
||||
\v 6 Wahisidỹỹdu mahãdu ixidewilemy òbitinamy riwinykre. Kia rijemyhỹre hãwã ruruna tamy rawahinymyhỹre.
|
||||
\s1 Rybe ibòò ribi Juda-ò
|
||||
\v 7 Ijõ mahãdu tule ióderawariny rariamyhỹre sõwe dori riõrenyre tai dori ramamy rỹiõhyyreri mona bina òraruki tii boho wahisidỹỹdu mahãdu heka iòderaworiny rỹimyhỹre rybedumy mahãdu heka iòderaworiny rỹimyhỹre. Rybedu mahãdu Deuxu rybemy roholamyhỹrenyre rasina wese kiau urile rurumy ratxirenyre wahisidỹỹdu mahãdu tule wahe.
|
||||
\v 8 Òwòru besedỹỹ heka rihetynyre hylòi-dihyyle tii tyramy ihõõre.
|
||||
\v 9 Tii boho ibinamy wamy raryberenyre tule rỹỹraxirenyre: “Moobo kia wahisidỹỹdu rierynanykemy riwisỹnyreri. Tii aõbo inydereny rarybekemy ixidi rohõtinyreri. Iny boho tohouỹmy wijile reamy ratxirerimy rohõtinymyhỹre.
|
||||
\v 10 Tii rohõtinyreri uladumy inydireny rohhõtinyreri a b c d iny rierynanykemy idi rohõtinyreri.”
|
||||
\v 11 Kai boho ixidi tahõtinyteri aõmybo ararybeke boholabenyõkemy tahe Deuxu Tyhyhykỹle adeereny rarybekre suu witxira mahãdu ribi rybe witxira mahãdu ribi.
|
||||
\v 12 Juhuhyyle adeereny rarybere: “ Deuxu elehyna adeereny riwahinykremyra aramykremy riwahinykrereri kaki heka amanydureny ijõdimy toite” Tahe kai boho tamy taholaõhyytenyte.
|
||||
\v 13 Tai dori Deuxu Tyhyhykỹ araerynanykre a b c d iwese uladu rierynanymyhỹre wese. Tahe kai boho mariabenykemy ixdi tohõtinytenyte urile tesetenyte abròmy, mawotomonybenyke, bejuxunybenyke debòna-txi idita ròtenamy malobenykre.
|
||||
\s1 Bexiijekre amynydureny-ò kia dori awityhyõre
|
||||
\v 14 Jerusale wedu mahãdu hãbu xiwede mahãdu kia iny mahãdu riweduny myhỹre boholabenyke Deuxu Tyhyhykỹ rybe-ò.
|
||||
\v 15 Kai boho tarybetenyte: “bede reywinyrenyre rubu wana ibutu bedebede rubu mahãdu tetyhyny mahãtenyte tahe iny tyhy aratarenykemy tahõtinytenyte.
|
||||
\v 16 Deuxu Tyhyhykỹ rarybemyhỹre: Man heto tiramy iwidỹỹ wese retàdire. Tii aõwiwihikỹtyhy wade rare. Kia iny rityhyny myhỹkeki, tiu raixỹruõtyhy bede òtidỹỹ ribedewonyõtyhy.
|
||||
\v 17 Urihixina wesele heka rare òbitina waurihixina rare. Ahenamy idi tahõtiny mahãte heka òbiti aõkõ rare. Kia heka rahukre manarutà biu-di bee sõwe-di rahukre.
|
||||
\v 18 Kia heka rubu wana bede widee teywinytenyte rahukre, kia rubu bedewana teywinyenyte ribinanykre. Aõbina bina rehemynykreu tii aratysinyrenykre berira wesemy.
|
||||
\v 19 Tyhyy rehemyny myhỹkre tii iwesele ritysiny myhỹkre. Ruumy txumy Rehemyny myhỹkre. Deuxu Rybe tyhyy riwahiny myhỹkre sõwemy brebuna kidiwahinykre.
|
||||
\v 20 Kai boho hãbumy matxibenykre iwese rybe wese: “Herina dori iujare herina dori boiõtyhy, hety dori iujatyhyre idi bexihetynyõtyhy.”
|
||||
\v 21 Deuxu Tyhyhykỹ dori rexideòsinykre iwese Berasi bederatòò lamamy wese. Tii heka sõwemy rayarananykre iwese Xibeã bede tya-ki rayarananyre wese. Tii iwese raraykynyre wese riwinykre, taõmysỹdỹỹna riwinykre wasilemy.
|
||||
\v 22 Ixãwike bexixawidinyke irà irà ribi, aõma dori womati ararutxinyrenytyhykre. Jiarỹ raholare dori Deuxu Tyhyhykỹ riteònykremy ibutu hãwã rahukremy.
|
||||
\s1 Deuxu bedeery
|
||||
\v 23 Boholabenykre aõmybo ararybekre! Warybe-ò boholatyhybenykre!
|
||||
\v 24 Hãbu sohoji heka rexiywinyreri triu robrokremy idihyylemy raõmysỹdỹỹõtyhy bede rijemy.
|
||||
\v 25 Suu riywinymy rahudi aõtyty ribrònyre triu wana òbiti-ki tobròna.
|
||||
\v 26 Tii òbitimy riwinyre Deuxu rierynanyre-ki.
|
||||
\v 27 Alòbrona ruureu tii risihemyhỹre hoju txiriedi-le aõ iutxiehekỹ-di aõkõ debòna-di aõkõ.
|
||||
\v 28 Tii heka risihemyhỹre iraty tarurumy aõkõ rikròkremy aõkõ telahu. Tii rieryre ityre rariare aõ rikrokremy aõkõ.
|
||||
\v 29 Kia hãbu rieryre tule Deuxu Tyhyhykỹ iruruduhukỹy bedeeryna ribi nade. Ibutu Deuxu riwinyre tuu raraykynyre awityhy heka rare! Ibutu aõ riwinyre tii rierytyhyre.
|
||||
\c 29
|
||||
\s1 Rybe teramy reare Jerusale mahãdu-ò
|
||||
\p
|
||||
\v 1 Herewelàhà Jerusale Deuxu xiwenamy, kia hãwãDavi taheto ridere. Ixinamy bede rijere tixena bededỹỹnana-di.
|
||||
\v 2 Tai dori hãwã Deuxu rahukre Deuxu xiwenamy wahe. Tusỹdu mahãdu roburenykre sõwemy rahinyrenykre. Hãwã xiwena wesemy hãlubu-di rỹxikre.
|
||||
\v 3 Deuxu tai dori kiditeònykre kia hãwã rahukremy; sodado ijesedu mahãdu rirurawonykre hãwã rexiywinyrenykre rahukremy hãwã.
|
||||
\v 4 Hãwã rahukre tusỹdu mahãdu resekre bede-ò rubumy, raryberenykre tauni tyby ribi, uni wesemy rarybrerenykre wasirelemy
|
||||
\v 5-6 Tahe isitere ribile Deuxu òludu mahãdu rahukre sõwe iwitxira mahãdu-ò reakre yhy debure, biumyta, suramytatare, heòty kiadi heka rahukre. Tii riwinykre òludu mahãdu sunõde wesemy relekremy. Tii boho dori roirekre nobò wesemy yhy ridymyhỹre wesemy
|
||||
\v 7 Ibutumy òludu mahãdu rahurenyreri heka hãwã rirurawonyrenyre Deuxu xiwena iòludu mahãdu heka rasiweselemy rahurenykre.
|
||||
\v 8 Ibutu hãbu kia Siaõ bederatòò hãwã rahukre keka hãbu byrenihikỹ wesemy rare riroximy rare wesemy tii heka riroxiõtyhy tii heka bemy riõõtyhy byrena dori tamy ihõõre bee tule.
|
||||
\s1 Bibedeerynybenyke Jerusale mahãdu iny-ò
|
||||
\v 9 Ixinamy bedeeryõlemy matxibenyke, aruetàlemy matxibenykre. Mona binamy teõtenyõte hỹrele tarumahãtenyte odewàrilemy mariabenykre.
|
||||
\v 10 Deuxu Tyhyhykỹ aratỹhidỹỹnyrenyre tii arahetynyrenyre arue ritobònyrenyre. Arue arati heka Deuxu rybedu wese heka rare kia rybedu Deuxu wasi wese riteòsinyre ihỹre robiõhyyre.
|
||||
\v 11 Wiji heka adeereny ibutu rasina wese heka tyyriti raratòbòmy wese rare. Biwybenykeki tyyriti tahe iny idi rariakremy rarybekre: “ Kõre idi arariaõtyhy! Tyyriti heka raratobòmy roireri.”
|
||||
\v 12 Tahe marybekeki iny idi rariakemy iny tyyriti rieryõre tahe rarybekre :” Kõre idi rira reeryõre.”
|
||||
\v 13 Deuxu Tyhyhykỹ rarybekre: “ Iny mahãdu taru-dile wadee rexitòeny myhỹre, taruijeti-dile wadi reàlàmyhỹre tahe tawo ribi wamy reàlàõmyhỹrenyre irehemy ratxirenyreri dori.” Iàlànareny iwowydynareny rybelemy rarybemyhỹrenyre hãbubede ludule rierynanymyhỹre urile tii boho rieryrenyre tarayky ribile.
|
||||
\v 14 Tai dori tii boho aribrebunyrenykre ixybyle ariwinykre aõbinahakỹtyhy iwotyareny-txi Tiu moõ rieryõtyhy iny bedeeryhykỹtyhy tiu ritỹnynyõtyhy. Ibedeeryhykỹ heka aõ riwinyõtyhy tabedeeryna ribi.
|
||||
\v 15 Herewelàhà inyõ mahãdu rexiwomyhỹre Deuxu ribi aõbina bina riwinyrenyre mahãdu. Tahe bedeluru-di raryberenyre: “ Moo wamyreny robiõtyhy. Moõ rieryõre aõbo rewinyrenyreri.”
|
||||
\v 16 Bede terahoretenyte suu awihikỹmy rỹikre tawidỹỹdu ribi . Tiu butxi tawidỹỹdu rarybeõtyhy Kai wade tewinyõte” Hyna rarybeõtyhy tawidỹỹdu-ò Kai teeryõte aõbo tewinyteri.”
|
||||
\s1 Tarasana Rybe
|
||||
\v 17 Iòòlemy heka bederahyy noijasamy relekre. Noijasamy heka bederahymy relekre.
|
||||
\v 18 Kia txu nohõtità mahãdu roholakre kia rybe tyyriti woki raratòbòmy roireri wahe. Iruetà mahãdu tõhõtità mahãdu bedeluru ribi rexitarenykre.
|
||||
\v 19 Deuxu Tyhyhykỹ deysana riwahinykre urimynodu mahãdude. Israeli mahãdu Deuxu òbitinatyhy heka hãwadu mahãdu-ò deysana riwahinykre.
|
||||
\v 20 Deuxu rahukre iny aõhõkỹmy risỹnyre mahãdu wahe. Deuxu ritxiõny myhỹre mahãdu Deuxu rahukre. Inyõ aõmybo raraykynyre mahãdu aõhõkỹmy risỹnyre Deuxu rahukre.
|
||||
\v 21 Deuxu rahukre iny aõwiòkõmy wimy rarybere mahãdu Deuxu rahukre. Katahe wahisidỹỹdu riitxenanykemy riwisỹnyre rahukre. Kia heka iny ruimy rarybere mahãdu ruimy riitxenanyre iny awimy rỹireri rarybere tule aõhõkỹmy rotỹỹnykre.
|
||||
\v 22 Tahe Deuxu Tyhyhykỹy Abraaõ rihedỹỹnyre aõhõkỹ ribi Israeli mahãdumy rarybemyhỹyre: “ Wamahãdu tiu ixinamy rỹiõtyhy ixyby tiu raixỹrurenyõtyhy
|
||||
\v 23 Tahe tuu robirenykre aõbo ariwinykremy iyreny-ki Tahe iximy rarybekre wani heka awityhy rare, tii boho rieryrenykre Jiarỹ Israeli mahãdu Wedutyhymy rare tai riwatyhyrenytyhykre.
|
||||
\v 24 Tai tahe reosarenyre mahãdu ixybyle ibederymy relerenykre tahe waderamy rearenyre mahãdu waerynamy roholarenykre reòbyrenykre.”
|
||||
\rem dat 2008
|
||||
\rem aut Maria Tereza Lawarita
|
||||
\c 30
|
||||
\s1 Ujitu mahãdu wana widee raryberenyrenyõkemy widee raryberenyre.
|
||||
\p
|
||||
\v 1 Deuxu Tyhyhykỹ rarybemyhỹre: “Herewelàhà wariòre mahãdu waderamy rekoarenyre. Tiiboho aõ riwinyrenyre rieryrenyõre Deuxu tamy reòbykemy aõbo ada aõkõre aõbo. Tii boho òraruna ixidee ributunyrenyre.
|
||||
\v 2 Moo wade rarybeõhyylereri tii boho roirenyre Juda wedu Ejitu iòlòmy wiòhedỹỹmy ixidewilemy roirenyre tii boho rexieryrenyre Ejitu iòlò wiòhedỹỹmy iòlòrenyre rityhynyrenyre-ki.
|
||||
\v 3 Riwiòhenanyrenykremy ixidi rohõtinyrenyre tahe riwiòhenarenyõhyyre riwiòhenanyrenykremy rohõtinyre tahe ibina binamyle rotỹỹnykre.
|
||||
\v 4 Juda deòsidỹỹna Ejitu-ò rehemynyre Soã hãwã-ò Hanes hãwã-ò.
|
||||
\v 5 Urile raixỹrurenykre Ejitu mahãdu aõ tamy riwahinyõre tahe urile raixỹrurenykre rybe binalemy rololarenykre.”
|
||||
\v 6 Katahe Deuxu Rybemy heka rare ibòò aõnimy. “Deòsidỹỹdu reuròrenyre bede bute brebunahakỹ tai heka halòehekỹ, hemalala, aõni hemylalasò boho tai ratximyhỹrenyre. Jumetu hãtỹti tyre-ki camelu tòti tyre-ki rynyrenyreri tatyhyna-di aõwiwihikỹ riwymyhỹrenyre iny tiu riwiòhenanyõmyhỹre mahãdu-ò.
|
||||
\v 7 Ejitu wiòhedỹỹna aõaõkõ rare. Tai dori iniòtana aritadikre Ejitu-ò aõni hemylalasò inytyhy.”
|
||||
\v 8 Rybe ritina biwinykre òwòru besedỹỹ-ò biritiny tyhyy roikremy rybe deramy.
|
||||
\v 9 Iny itxỹte itxỹte mahãdu, ruidu mahãdu Deuxu Tyhyhykỹ rybe mana roholarenyõkemy.
|
||||
\v 10 Rydeòsadỹỹdu mahãdu-ò rexitòenyrenyre rasina wesemy robiõrenyõkemy rybedu mahãdu rarybemyhỹrenyre: “ inatyhynamy rarybeõkemy. Wadewirenylemy raryberenykemy.”
|
||||
\v 11 Boibenyke wahe! Ixãwibenykewa waixiradỹỹreny ribi! Ryberenyõmy ixỹwibenykewa! Israeli Deuxu òbitityhy wahe!
|
||||
\v 12 Tai dori Israeli Deuxu òbitityhy rarybemyhỹre iny mahãdu-ò: “ Kai boho warybe deramy tekoatenyte tahe aõbina luu mahãdu-ò tetyhynymyhỹteny ruidu mahãdu tetyhynymyhỹteny.
|
||||
\v 13 Tabohe òraruna kidiwykre aõbinahakỹ adeereny iwese òtity tyhyy ruamyhỹre wese heka tii rarekre tai isitere ribile òtity rejuxunyre .
|
||||
\v 14 Kai boho atuerenykre iwese butxi rabòbòhòmyhỹre wese. Timy iure rauhenyõhyyre bee idi rirykemy.”
|
||||
\v 15 Deuxu Tyhyhykỹ “ Kai wade bòòsebenykeki ywimynodum matxibenykeki aratarenykre tahe yyrymy matxibenyke biwatyhynybenyke tai heka tarasana adeereny ariwahinykre. Tahe kai boho tamy teòbynytenyte warybe-ò.
|
||||
\v 16 Tahe imyna aõkõ tewinytenyte: Kõre jiarỹ boho awaru ijiratere arunyrenykre kaa wese tahe arihenyrenykre wawòludureny ribi. Tahe ixinamy mahenybenykre aòludureny awaru tahe ijirateretyhyre.
|
||||
\v 17 Mil iny sõwe òludu sohoji ribi rahenykre. Iryyre aòludureny ribi ibutumy iny rahenykre. Tahe iny ibutemy rarikre mahãdu òwòru ritamadỹỹnyre wesemy rexideòsinykre.
|
||||
\s1 Deuxu tamahãdu-ò deysana riwahinykre.
|
||||
\v 18 Tahe ihỹre Deuxu Tyhyhykỹ riraòmyhỹrenyre Tii awityhy rare-ki ruxetòena ijõdire- ki araraòhyymyhỹrenyre Tii heka Deuxu òbitityhy rare-ki. Deysamy rarekre rityhynymyhỹre mahãdu wahe.
|
||||
\v 19 Jerusale iny mahãdu Siaõ mahãdu kai boho bobubenyõtyhy mainybenyõtyhy. Làhàmy birajuabenykreu Deuxu araruxetòenykre roholakre tai riwahinykre.
|
||||
\v 20 Aõhõkỹmydỹỹnana adeereny riwahinykre tahe alaureny rexiwòõtyhy. Tii awedureny rare itxi bekoabenykre tuu buru mahãbenykreu.
|
||||
\v 21 kai boho bekoabenykre ryy ònamy ruru weribi hywe weribi aõbo tahe irybe-ò boholabenykre aheworeny-ò: “Katahe ryy òbiti heka kakireri”
|
||||
\v 22 Kai boho suu ritxoo womati wihikỹy-di behubenykre iwesele aõna aõsusu rare wese. Tahe kai marybeke: Boibenykre kaa ribi.
|
||||
\v 23 Kai boho brobobenykreu Deuxu biu kadiwahinykre tahe awimy bihebenykre. Tahe sõwe roxina ijõdikre broreni-ò.
|
||||
\v 24 Tahe broreni idi taõmysỹdỹỹny mahãte jumento idi taõmysỹdỹỹny mahãte byrena awityhy rirasỹrenykre.
|
||||
\v 25 Kia òludu rurukre txu rehemynykreu aòludureny hãwã òtity ibutu rejuxunykre. Ibutu Bero-ki ijõdikre òludu rubu ,bederatòò-ki òludu rubu ijõdikre hãwãlò-ki tule.
|
||||
\v 26 Deuxu tamahãdu yjy riteytenyre txuu, tii riwotõmonyre riteytenykre ahãdu txuu wese ritỹnynykre txu sõwe ratỹnynykre sõwe sõwe debò sohoji reurò txu sõwe wesemy.
|
||||
\s1 Asiria mahãdu Deuxu aõhõkỹmy risỹnykre.
|
||||
\v 27 Boholabenyke! Deuxu Tyhyhykỹ irehe ribi kanakre: Tiihyyke kanakre! Tii teburemy nade, wàdà-y-di kankre. Yarana lahi-di kanakre rarybemyhỹre; irybe heka heòty wese rare.
|
||||
\v 28 Deuxu tary ribunymyhỹre heka bee rira wese rare iny tòti-txi ritàdire. Deuxu Tyhyhykỹ riuitxore bede mahãdu triu riuitxomyhỹre wese idi rehumyhỹre nobò wese. Tii rirarytxinyre iryreny tai ryy òbiti aõkõ wese ridymyhỹrenyre.
|
||||
\v 29 Tahe kai boho mawiunybenykre deysalemy iwese ruumy tawiunytenyte wese tahe beysabenykre ajuròranreny-di bederatòhòkỹ mawonybenykre Israeli Deuxu ruruteremy beàlàrenykremy.
|
||||
\v 30 Deuxu Tyhyhykỹ rybe wihikỹ ibutu iny roholakre tahe tii rideòsinykre tayarana. Tahe heòty bee sõwemy rejuxunykre manarutàbiu wahe tahe tii taaxiò riterenykre iny aõhõkỹmy risỹnykremy.
|
||||
\v 31 Asiria mahãdu brebutyhymy ratxikre Deuxu irà-ò roholakreu aõhõkỹmy rotỹỹnykre iutxiereu.
|
||||
\v 32 Tebò-di ritòtynymyhỹre wodỹỹ juròna wodỹỹ-di Asirio mahãdu Deuxu idi rihetenykre hoju-di; Deuxule idireny resykre.
|
||||
\v 33 Heòty juhule ritòonyre Asiria mahãdu-ò Deuxule ritoonymyhỹre. Heòty syy-ki rooreri iwebesere hee sõwe rookremy. Helòtyra bero wesemy Deuxu helòtyra ribunykre tai rookremy.
|
||||
\rem dat 2008
|
||||
\rem aut Maria Tereza Lawarita
|
||||
\c 31
|
||||
\s1 Ejitu hãbu heka rare Deuxu aõkõ rare.
|
||||
\p
|
||||
\v 1 Herewelàhà Ejitu hãwã-ki aõhõkỹmydỹỹnana rexitakremy rarybere. Awarule rityhynymyhỹrenyre. Karro rityhynymyhỹrenyre sõwe rare. Iny awaru tyre ludu rurutere sõwe rare-ki. Tahe Deuxu òbitinatyhy idi rohõtinyõre, tamy rexitòenyõrenyre.
|
||||
\v 2 Tahe Deuxu bedeeryTyhy rare tii ibinamy riwinymyhỹyre tiu tarybe ritaõhyymyhỹre; Tii itxi reakre aõbina mahãdu heto-txi. Tule riwiòhenanyõtyhy aõbina mahãdu-ò.
|
||||
\v 3 Ejitu mahãdu hãbu rare Deuxu aõkõ rare. Iawarureny dee rare tyytyby aõkõ rare. Deuxu tebò riterenyreu tii boho rejuxunyrenykre bede-ò. Wiòhedỹỹdu tule ijõ riwiòhenanykremy iwana rahukre.
|
||||
\v 4 Kia wese Deuxu wadee rarybere: Iwese halòehekỹ rawobrunymyhỹre tadòtyre-ki budoini di itxeredu tamyreny riteònykeki ihỹre heka risonyõtyhy iràreny-ò ruberuõtyhy, iny sõwehekỹ ruberuõtyhy kia wese heka Deuxu Tyhyhykỹ Siaõ bederatòò-ò rubehekre idireny ròrenykemy.
|
||||
\v 5 Iwese nawii raybòdònyre wese Deuxu Tyhyhykỹ Jerusalẽ mahãdu riwiòhenynykre: Riyrubynykremyra, ritarenykremyra, idi riruxetòenykremyra, riwiòhenanykremyra.
|
||||
\v 6 Bòòsebenykre, Israeli mahãdu, aDeuxude iribi texirareatenyte-ki.
|
||||
\v 7 Kiatxu heka kai boho hyyle idi behubenykre suu ritxoo òrarunamy tewinytenyte wahe.
|
||||
\v 8 Tahe Asíria mayrehe ribi resekre aõ hãbu debò ribi aõkõ aõhãbu mayrehe ãokõ rahukre; mayrehe ribi rahenykre, jyre mahãdu raõmysỹdỹỹ tyhyõtyhy.
|
||||
\v 9 Mana brebuna-di rohõtinỹõhyyre; iòlòreny riòre mahãdu ruberurenytyhykre tamahãdureny ludu ratxiõkremy, heòty Siaõ hãwãlò -ki rỹire Deuxu tuu rarybere suuheòty Jerusale-ki rỹire Deuxu.
|
||||
\rem dat 2008
|
||||
\rem aut Maria Tereza Lawarita
|
||||
\c 32
|
||||
\s1 Òbitina iòlò
|
||||
\p
|
||||
\v 1 Aõtiutxubo iòlòõ kanakre òbitina iòlònamy rarekremy wedu mahãdu ridinydunykre taòbitina-di.
|
||||
\v 2 Ibutumy tii boho riyrybunyrenykre biu ribi yhy debure ribi rijerenykre. Tii boho bee
|
||||
\v 3 wesemy roirekre surubu-ki rỹimyhỹre wese. Ubròròna manahakỹ ribi nade wese.
|
||||
\v 4 Tai Dori itỹnylemy ibutumy tyhyy tyhyy roholarenykre irutaõlemy. Taheka hãbu irayky-dihyy ratximyhỹrenyre, aõ rieryrenykremy itỹnylemy tuu raryberenykre.
|
||||
\v 5 Moõ tuu rarybeõtyhy ixỹruterehekỹ tii heka rare inytyhy riki heka rare. Tule iny itxỹte riwowydynyke ijõõre.
|
||||
\v 6 Ixỹruõhyy raruire, tyhyy raraykynymyhỹre aõbina bina riwinykremy. Deuxu Tyhyhykỹmy rarybemyhỹre ruihyylemy; tii riwinymyhỹre Deuxu ibinamy tai rahamyhỹre; bee rasỹna wana ritòenymyhỹre iny mahãdu lau.
|
||||
\v 7 Iny itxỹte mahãdu riitxenanymyhỹre raruimyhỹrenyre hãwãdu mahãdu bededỹỹnanamy, tii boho òbitimy ratxirenyre hỹre.
|
||||
\v 8 Tahe òbiti mahãdu òbitimy riwinymyhỹre, ibutumy aõ riwinymyhỹre òbitihyy riwinyre.
|
||||
\s1 Rybe Jerusale mahãdu-ò.
|
||||
\v 9 Hãwyy mahãdu adeereny ararybekre aõ tewinyõmahỹte-ki wahe. Boholabenyke aõdi tahõtinynyõ mahãte-ki.
|
||||
\v 10 Beòra sohoji rijemy aõhokỹmy botỹỹnybenykre. Tahe uva bihebenyõtyhy.
|
||||
\v 11 Kai boho arumy atxi mahãtenyte aõdi tahõtinytenyõhyylemy. Wiji tahe mamytàtàbenykre mohõtiyrebenykre. Tahe atyyreny bitabenykre esõde tyy-di matyynybenykre.
|
||||
\v 12 Abreti bihetenybenykre Kia heka bedewona bededỹỹnana rare; Bobubenyke suu wihikỹ rabinare uvaò sõwemy rahure Dori.
|
||||
\v 13 Hedeò bedeyxe sõwemy ruhunykre wasureny-ki; mahinybenyke, bobubenyke hãwã deysahakỹ òraruki, heto deysa mahãdu-di rỹximy rỹire-ki.
|
||||
\v 14 Iòlò heto rarikre, hãwã rahyykre, hãwã òtity raòdònymyhyy rỹikre. Taile jumeto deburehekỹ mahãdu idi rariakre budoini mahãdu riroxirenykre. Aõtxu bedewihikỹ rỹikre.
|
||||
\v 15 Tahe Deuxu Tatyytyby kiditeònykre. Kia bederahy suuwihikỹ bederaty sõwemy relekre. Tai sõwemy raratynykre.
|
||||
\v 16 Tai suu òbitina-dihyymy rarekre. Ibutumy òbitimy riwinyrenyrekre.
|
||||
\v 17 Òbitina ribi ywina kanakre awimy iny rarekre, iny mynydu kanakre tuuhyy rarekremy.
|
||||
\v 18 Wamahãdu rasỹnymy rỹirakre suu mynydu ijõdimy. Ibutumy tahetorenyki imynydu ijõdimy rỹikre.
|
||||
\v 19 Biu manarutà bederahymy rahukremyra hãwã rahukremyra.
|
||||
\v 20 Kai boho ibutumy awilemy matxibenykre besõwe-di.
|
||||
\c 33
|
||||
\s1 Aõhõkỹmy Rotỹỹnyre õkỹmy Rotỹỹnyre
|
||||
\p
|
||||
\v 1 Herewelàhà òludu iny bede bede tuededỹỹdu tiu aõhõkỹmy tatỹỹnyõhyyte! Herewelàhà tyhedỹỹdu inyõ aratyhenyõhyyre. Iny mahukreu tule kai atuekre; iny bityhenyteu kai tule matyhekre.
|
||||
\v 2 Deuxu Tyhyhykỹ maruxetòenykre wadeereny! Araraòrenyreri biwawiòhenanykremy. Biwayrybunybenykre txuõtxuõlemy, aõhõkỹmydỹỹnanaki watarasadumy matxikre.
|
||||
\v 3 Bede mahãdu airà roholamyhỹrenyreu rahenymahỹrenyre, aõ tewiny mahãteu bede mahãdu rexitamyhỹrenyre.
|
||||
\v 4 Iòludu mahãdureny raybỹtàmahỹrenyre tysibrori wese. Ibutumy ilòbròlareny riròmyhỹre tysibrori.
|
||||
\v 5 Deuxu tyhyhykỹ awihikỹtyhy biu-ki rasỹnymyhỹre. Tii Siaõ òbitinahyy-di rỹxikre hãbuywi-di.
|
||||
\v 6 Tamahãdu manydumy ratxikremy, tarasana-dihyymy, bedeeryna-di wahe. Deuxu iny rityhyny mahãdu ibutu ratyre ityhymy ratximyhỹre.
|
||||
\v 7 Soldado deburehekỹ rahinymyhỹrenyre ixỹy-di. Ywimynodu mahãdu tule rahiny mahỹrenyre sõwemy.
|
||||
\v 8 Ryy moo idi rariaõhyy mahãre. Aõ wii ritobinyre mahãdu wiribi ixãwirenyre, moõ rityhynyõhyyre.
|
||||
\v 9 Suu ituemyhỹre, bederatòò òwòru rarubumyhỹrenyre, iworu bymy reare kamelu bederatòò Basa suu-ki otxirarade rejuxunyre.
|
||||
\s1 Òludu mahãdude Rybe.
|
||||
\v 10 Deuxu Tyhyhykỹ rarybemyhỹyre bede mahãdu-ò: Katahe wiji arexideòsinykre nihikỹ jiarỹ rare.
|
||||
\v 11 Aõbo tewiny mahãte ixiretawo-di tewinymãtenyte nõbo wesemy rare. Aõbo tahõtiny mahãtenyte bede susu wesele rare. Warybuna heòty wese arahurenykre.
|
||||
\v 12 Kai boho brybrymy belebenykre iwese hede heòty-txi resemyhỹre wese.
|
||||
\v 13 Kai boho irehemy atxitenyteri iòhòmy atxitenyteri boholabenykre aõbo rewinyre warurumy bierybenykre.”
|
||||
\v 14 Siaõ òrarudu mahãdu ramytàtàrenyre brebulemy rỹỹraxirenyre: “Heòty hàdudu iòhòmy mobo tai ratxikre.”
|
||||
\v 15 Òbitimy noduhyyle tai ratxikre; òbitimy rarybemyhỹre mahãdu; tiu ratyhyõtyhy hawãdu mahãdu ribi, tule nieru reòbyõre iwitxiramy relekremy rybe.
|
||||
\v 16 Moo iwesele riwinymyhỹre imynydu-di ratxikre. Manaòtity-ò rexiwokre tii rasỹna ijõdihyykre bee tiu rasiranyõtyhy.
|
||||
\s1 Deuxu mahãdu-ò raròsòna.
|
||||
\v 17 Ixybyle iòlòõ tawowydynamy robirenykre suu ridinodunykremy.
|
||||
\v 18 Kai boho mohõtinybenykre brebunamy juhu taberutyhytenyte tai rỹỹraxirenykre: “Titxibo ratxireri kia iny riòwynykremy idi riwisỹnymy raremyhỹ. Titxibo òtity tyreludumy rỹira mahãdu.”
|
||||
\v 19 Tiu ixyby tuu bobibenyõtyhy kia xiwede mahãdu, kia rybe witxiramy rarybemyhỹre, kia rybe isirare rarybemyhỹre moo rieryõhyymyhỹre.
|
||||
\v 20 Betehebenyke Siaõ waixena hãwã! Jerusale hãwã mynydumy rarekre iwesele tyy heto tiu tena ribi rawiuròõtyhy tiu tena ribi sohoji rataõtyhy, ireryti tiu ritaõtyhy.
|
||||
\v 21 Taile wawanareny ratxikre deux Tyhyhykỹ. Bero nihikỹ Jerusale hãwã-ki roimyhỹre tai ribile iòludu mahãdu idi raberoõhyymyhỹre hãwò nihikỹ yhy rebonyre idi reaõhyymyhỹre.
|
||||
\v 22-23 Hãwò reryti rawyòwyore, òwòru iyrymy rỹiõhyyre. Tai òludu mahãdu ribi ityhynareny ibutumy arimyrenykre. Ityhynareny sõwemy rarekre itiere mahãdu tule rimyrenykre ixiwe ribi ribi. Deuxu Tyhyhykỹ wahisidỹỹdureny rare, riwadinodunyrenyre; Deuxu Tyhyhykỹ wa iòlòreny rare; Tii riwatarenykre.
|
||||
\v 24 Jerusale mahãdu moo rawebinadunyõtyhy; iòrarunareny ibutumy riixãwididỹỹnykre.
|
||||
\rem dat 2008
|
||||
\rem aut Maria Tereza Lawarita
|
||||
\c 34
|
||||
\s1 Deuxu aõhõkỹmy Rotỹỹnykremyra.
|
||||
\p
|
||||
\v 1 Boholabenykre bede mahãdu iyrymy matxibenykre. Ibutu su roholakre suludu mahãdu.
|
||||
\v 2 Deuxu Tyhyhykỹ rakyarananyre ibutu bede bede ludu ibutu tasodadu mahãdu-ò inatyhymy ibinamy tyhyy risỹnyre.
|
||||
\v 3 Rubu mahãdu titxibo resere taihyy roirekre iro ibutumy bede bedemy reakre, bee hãlubu kanakre bederatòòhakỹ ribi.
|
||||
\v 4 Txuu, ahãdu, Tainá ibutumy rahukre, biuwetyy rarasekre tyriti wese. Ibutumy Tainá resekre biu ribi iwese uva-ò òrarade resemyhỹre.
|
||||
\v 5 Deuxu Tyhyhykỹ Maurehe rexihumy rỹimyhỹre biu-ki. Deuxu Tyhyhykỹ Edõ mahãdu-ò aõbina ritidire tamaurehe-di rirubunykre Edõ mahãdu-ò.
|
||||
\v 6 Maurehe hãlubu idi rỹxikre iwe-di tule iwesele rỹximyhỹre budoini hãlubu-di budoini we-di xiwenamy riwahinymyhỹreu. Edõ mahãdu Deuxu Tyhyhykỹ rirubunykre tai xiwenamy riwahinykre Bossa Hãwã-ki.
|
||||
\v 7 Tii boho wana rururenykre bederahy broreni, broreni riòre, broreni hãbu , suu hãlubu- di rỹxikre, suu iwe-di rỹyxikre.
|
||||
\v 8 Kia txu heka Deuxu Tyhyhykỹ riòwynykre. Tii riòwynykre Siaõ mahãdu-ò.
|
||||
\v 10 Edõ bero tòbò tere wesemy relekre, suu tari terehekỹ wesemy relekre, suu ibutumy rookre tòbó tere wese.
|
||||
\v 11 Heòtyhy tiú itueõtyhy, wàdà raw`dànyhyy rỹikre. Tyhyy suu rabinakre tiu mõõ idi rariaõtyhy.
|
||||
\v 12 Otxyryy nawii lyby suu wedumy roirekre taTỹreny riwinyrenykre ibutu bedemy. Deuxu Tyhyhykỹ tule riwinykre bede dinodu ijõokremy iru ijõokre iwese bede òraruna wesemy.
|
||||
\v 13 Edõ iòlòmy tai ratxiõkre wedu mahãdu tai ratxiõhyykre.
|
||||
\v 14 Hede raumynykre heto rirurawonykre bedeyxe ridinodunykre bedewihikỹ. Edõ hãwã heka ysehewe ijòrò wana tai rasỹnykremy.
|
||||
\v 15 Hãlòeni bederahy ludu tai rasỹnykre ijõ iròdu wana; tyytyby bina widee ryryreny tyytyby bina tai ele rihynykre.
|
||||
\v 16 Taile otxyryy tỹtỹ riwinykre, rasinykre tai renarehekre, terawo-ki tariòre riwokre, tai heka rara tabiòwa wana rexibutunykre.
|
||||
\v 17 Biijebenykre Deuxu Tyhyhykỹ tyyriti-ki mariabenykre tyyriti-di: Kia iròdu mahãdu rasiranyõtyhy biutumy tai ratxirenykre tabiòwa wana. Deuxu Tyhyhykỹ kaa wese riwinyre ityytyby idi ributunykre. Deuxu Tyhyhykỹ rihitxinykre Edõsu iròdu-. Taile irehemy rỹirenykre tyhyy tyhyy rỹirakre.
|
||||
\rem dat 2008
|
||||
\rem aut Maria Tereza Lawarita
|
||||
\c 35
|
||||
\s1 Jerusale mahãdu riteysanykre
|
||||
\p
|
||||
\v 1 Bederahy reysakre noijasa ruhunykre suu tyre-ki.
|
||||
\v 2 Bederahy noijasa sõwe-di rawiunykremy. Deuxu iruxeradỹỹnykre iwese bederatòò Libano rỹire wese Sarõ iworu wese. Deuxu Tyhyhykỹ wowydynamy ibutumy robirenykre.
|
||||
\v 3 Kai bedewokeki, aumy-di, arayky-di iruruõra, ihãrele tahe birurudỹỹmy bimyke. Ati tule iruruõre ihãrele tahe, myikre òbitimy.
|
||||
\v 4 Iora rubu mahãdu marybeke reysakremy: “Brebuõmyke Deuxu kakile ratxireri. Tii kanakre iny tarasanareny iny òludureny aõhõkỹmy risỹnykremy.
|
||||
\v 5 Aõma iruetàhàkỹ heka awimy robikremy nohõtity roholakremy
|
||||
\v 6 Itiere tasỹ rexidyrenykre reserenykre hãbu rybeõ deysana-dile rawiunykremy. Bederahy teà ribi bee rerenykre. Suu teremy bee reakremy dori.
|
||||
\v 7 ỹnyra tòtee bederahy-ki bemy relekre. Suu tere-ki sõwe teàmy relekre bederahy-ki iròdu rasỹnymyhỹre relekre etehõhomy relekre etehõh`ludumy relekre.
|
||||
\v 8 Ryy òbitina ryymy raninikre. Tai heka òrarudu mahãdu rariaõtyhy Deuxu mahãdu hõrõhyyle rare. Ibedeeryõ mahãdu idi rariakre tiu reòsaõtyhy.
|
||||
\v 9 Halòehekỹ tai ihõõre bederahy iròdu rebure tai riroxiõtyhy kiamy rariake ityhydỹỹdu mahãdu.
|
||||
\v 10 Kia boho heka Deuxu Tyhyhykỹ ritarenyre mahãdu tasỹ-ò kodoosedenykre Jerusale-ò rawiunymy kodoosedenykre taile deysana-dihyymy roirekre.
|
||||
\c 36
|
||||
\s1 Jerusalẽ Asírio Mahãdu rarybere urenanymyhỹre.
|
||||
\p
|
||||
\v 1 Debòwiò inaubiòwa bede rijemy iòlòmy Esekieli rynymy rỹimyhỹre Juda Hãwã-ki. Tai Senakeribe Iòlò rasỹbinanyre ibutu hãwã òtitywoki rỹire mahãdu-ò reare.
|
||||
\v 2 Iribi riteònyre sodadu wedu Laki hãwã ribi Jerusale hãwã-ò soldado sõwe wana Esekia iòlò rybemy roirenyre rexiwahinykemy. Sodadu wedu ryki rỹire ta mahãdu wana. Aõmysỹdỹỹdu mahãdu ribinanyre tyys`dỹỹdu mahãdu biube rahunymy rỹimyhỹre iòhòmy.
|
||||
\v 3 Inataõ Juda wedu itxireny realremy doidenyde. Iòlò heto idi itxeredu Eliaki Hilkia riòre ritiỹỹdu Sebna, iòlò dohodỹỹdu Joa Asafe riòre sodadu wedu.
|
||||
\v 4 Asírio mahãdu rarybere: Esekia-ò iòlò tyhyhykỹ rybemy marybbeke: Moobo tetyhynyteri
|
||||
\v 5 Rybe aõbo biwesenanyke sodadu aõmysỹdỹỹna wesemy? Sodadu ruruna wesemy? Mobo arawiòhenanykre Asíri-ò itxi beakreu.
|
||||
\v 6 Ejitu wiòhena aõbo tetyhynyteri? Maiti aõbo ariranamy bimykre Kia heka rare raõrokre tai ebò rojikre. Faraò heka Kia wese rare tatyhydỹỹdu mahãdu-ò.
|
||||
\v 7 Tahe kai òsỹnỹ wadee manarybebenykre aDeuxu Tyhyhykỹ-ò tetyhynytenyte. Xiwena sõwe aõkõ aõbo Esekia ritxiwire tai Israel xiwena sohojile tuu reàlàkremy Deuxu-ò.
|
||||
\v 8 Tahe awana aritobinyke iòlònimy. Dois milimy awaru sõwe ariwahinykre adee tahe kai hãbu sõwe-txi beakre awaru tyre rynykremy.
|
||||
\v 9 Kai tiú botaõtyhy Asírio sodadu ibutele ibedeery ribi timybo Ejitu mahãdu awaru tewe adee kiditeònykremy teraõteri.
|
||||
\v 10 Kai aõbo tahõtinyteri amahãdureny ahãwã ludu Deuxu riwiòhedỹỹduõmy rehurerimy. Deuxule riwateònyre arahukremy.
|
||||
\v 11 Tai Eliaki Sebna Joa wana raryberenyre. Wanyrỹ Lahàmy araimaiko-ò marybekre reeryrenyre Dori. Tahe ebraiko rybemy rybeõmy òtity-ki rỹireri mahãdu roholamy rynyreri.
|
||||
\v 12 Kai boho-ò sohojile aõbo ararybekremy iòlò rarybere aõbo aiòlòdee sohojile aõbo. Kõre òtity-ki rỹireri mahãdu-ò rarybemyhỹre tii boho taijanyle ritorenyre tule tysynalemy riõkre kaiboho tule tuu biwinyke.
|
||||
\v 13 tai tahe sodadu wedu lamymy rỹire tai ryryre: Boholabenykre aõbo Asíria wedu adeereny rarybemyhỹre.
|
||||
\v 14 Tii tarybe riwahinyre Esekia ariitxenanyrenyõkremy tiihyyle aratarenykre.
|
||||
\v 15 Esekia arybe-ò deòbyrenyõkre Deuxu bityhynybenykemy Deuxu aratarenykremy tuu idi mohõtinyõtyhy ahãwãwana ribi rotaõkremy Asíria idi nohõtiõmyke.
|
||||
\v 16 Esekia rybele rohõtiõmy iòlò kai boho ahãwã ribi boibenykremy tamy bexiwahinybenykre. Tahe hỹrele auvareny raty bitobenykremy afigureny raty bitobenykremy ahaloobereny belemy biõbenykre.
|
||||
\v 17 Iòlò aradyrenykre ahãwãreny wesetyhy-òle tai uva-ò, ijõdire vii relekremy.
|
||||
\v 18 Esekia araitxenanyrenyõkemy Deuxu aratarenykemy mohõtirenyõmyke. Ijõ hãwãreny aõbo ideuxureny Asíria iòlò ribi aõbo ritare.
|
||||
\v 19 Titxibohe ratxireri Hamate Apate deuxureny titxibohe Sepai deuxureny. Tii boho heka Samaria waruru ribi ritarenyre.
|
||||
\v 20 Tiubo ibutu hãwã hãwã deuxureny waiòlòreny ribi ritare aõmybo tahõtinytenyte Deuxu Tyhy Jerusale ritakremyra.
|
||||
\v 21 Tahe iwese esekia Israel mahãdu rarybere raryberenyõrenyre.
|
||||
\v 22 Tai Eliaki Sebina Joa wana tatyyreny riykarenyre rabedewore-ki tai iòlò-ò relyyrenyre Asírio wedu rybemy.
|
||||
\c 37
|
||||
\s1 Isaía dohodỹỹmy iòlò rexitòenymyhỹre.
|
||||
\p
|
||||
\v 1 Esekia kia rybemy roholamyhỹre-ki tatyy rijuajuare rabedewore-ki. Saydi rexityynyre idita rare Deuxu xiwena heto-ò.
|
||||
\v 2 Eliaki iòlò heto itxeredu Sebina tyyritidỹỹdu xiwena wahisidỹỹdu mahãdu matuari tyhy mahãdu Isaia Deuxu rybedu-ò raryberenykremy tii Amosi riòre rare. Tii boho tule say-di rexityynyrenyre.
|
||||
\v 3 Kia rybe iòlò diwahinyde Isaia-ò rare. “Wiji tahe aõhõkỹmy dỹỹnana rare. Iny boho aõhõkỹmy rotỹỹnymyhỹrenyre tahe raixỹrurenyre. Iwesele hãwyy ramytxitximyhỹre wese tahe iruru ijõõre.
|
||||
\v 4 “Asiria iòlò Deuxu Tyhyhykỹ rybe binamy rarybekre riteònyre. Deuxu kiamy roholakre aõhõkỹmy tuu risỹnykremy. Tahe Deuxu-ò bexitòenykre iny mahãdu-ò irumy rỹireri mahãdu-ò.”
|
||||
\v 5 Isaia Kia rybemy roholare
|
||||
\v 6 Tai kiamy rirautònyre: “Deuxu Tyhyhykỹ rarybere asirio mahãdu ribrebunyrenyõkremy Deuxu aratarenyõkemy.
|
||||
\v 7 Deuxu riwinykre iòlò roholakremy rybe tahãwã-ò kodoosekremy tai rurukremy Deuxu tuu riwinykre. Ixybyle asirio mahãdu rarybeurenana mahỹre.
|
||||
\v 8 Asiria sodado wedu roholare Asiria iòlò Laki hãwã ribòhònymy roire. Tai tamy rare rarybekremy.
|
||||
\v 9 Tai iòlò roholare Tiraka iòlò Ejitu mahãdu ridinodunyre Etiopia hãwã ribi itxeremy reakremyra. Tai tyyriti diteònyde Juda Ezekia iòlò.
|
||||
\v 10 Tyyriti myy rarybere: Adeuxu tetyhyny mahãte rarybere Jerusale mahãdu reseõtyhy wadebòwo-ò tiú riitxenanyõtyhy.
|
||||
\v 11 Kai boho teholatenyte iòlò rahumy hãwã mahenykemy tahõtinyte.
|
||||
\v 12 Wylabie mahãdu kosã hãwã Harã Hãwã Asefe Hãwã rahurenyre Ede sỹdu mahãdu Telasa sỹdu mahãdu rirubunyrenyre isuu ritxooreny timy ijõreny ritaõtyhy.
|
||||
\v 13 Hanate hãwã, sebavi hãwã Hena Hãwã, Iva hãwã suu ritxoo titxibo ratxirenyreri.
|
||||
\v 14 Esekia rimyre rybedu mahãdu tyyriti ribi idi tahe rariare iribi heka Deuxu heto-ò rare taile heka Deuxu Tyhyhykỹ-ò
|
||||
\v 15 rexitòenyre myy:
|
||||
\v 16 Israel Deuxu Tyhyhykỹ ibutu ratyre biu-ki runymyhỹre tarynana-ki biu-ki ibutu ratyre ratyre-ki ỹju wedu dori. Kai sohojihyy Deuxu tate ibutu iòlò bede dinodu tate. Biu bede tewinyte.
|
||||
\v 17 Deuxu Tyhyhykỹ wahe retehemyhỹre aõhebo iny rotỹỹnymyhỹre-di. Senakeribe-ò beteke tii rarybemyhỹre-ò boholake rybe binamy rarybere kai Deuxu Irutyhymy tate!
|
||||
\v 18 Iny boho ibutumy rierymyhỹrenyre Asiria iòlòreny heka sõwemy bede mahãdu rahure suureny ribina binanyrenyre
|
||||
\v 19 suu ritxooreny risõrenyre deuxu tyhy aõkõ rare òwòru ritxoo mana ritxoo debò-di iwidỹỹ roire wahe.
|
||||
\v 20 Wiji heka waDeuxu Tyhyhykỹ biwahedỹỹnybenyke Asirio mahãdu ribi ibutu bede mahãdu rieryrenykemy Kai sohojihyy Deuxu Tyhyhykỹ tatemy.
|
||||
\v 21 Isaia rybe riwahinyre Esekia-ò tai rarybemyhỹre.
|
||||
\v 22 Deuxu Tyhyhykỹ kiamy rarybere: Jerusale hãwã aki rutxunymyhỹre ribuamyhỹre, Senakeribe.
|
||||
\v 23 Mobo tebinanytemy tahõtinyte. Kia ibutumy tewinyte waderamy. Deuxu Israel òbitihikỹ.
|
||||
\v 24 Kai wedu mahãdu kai teteònyte raxiwedenykremy aawaru kahu awi rare. Libano hãwãlò ribi totate. Òwòru rariehekỹ teorote xiwedemy tarybete òwòru wihikỹtyhymy teorote xiwedemy tarybete. Suu wihikỹ rehemynyre raxiwedenymy iximy rarybere.
|
||||
\v 25 Hãloobe teate suu iwitxira ribi asodadu iwareny-di Nilo bero riturydỹỹnyre xiwedemy tarybete.
|
||||
\v 26 Kai aõbo teeryõte jiarỹ tuu rewinyre juhutyhyle tuu rahõtinyre tahe wijile rewinyra. Tahe wijile rewinyra. Tahe ruru adee rewahinyre òtity biatykremy hãwã raòdònykremy.
|
||||
\v 27 Tai dori tuu sỹdu ele risamy rỹirenyre ixỹrumy ratxirenyreri ruberumy rỹirenyre. Asi bederahy wesemy relerenyre otxirarade ratirany myhỹre heto ratyy-ò tahe rarubumyhỹre yhy rebonymyhỹreu.
|
||||
\v 28 Tahe jiarỹ araerytyhyre titxibo makre reerywahỹre aõbo tewinyte reerywahỹre.
|
||||
\v 29 Jiarỹ reeryre ayarana axiwede rybe katahe aritidikre eàrà-ò womati rabu aryy-ò tule aritidikre tahe boosekre ryy tanyte-ò.
|
||||
\v 30 Tahe Isaía Esekia-ò rarybere. Kia heka itxerena rare tuu rotỹỹnykre. Kia heka biroxibenykre ixinamy ruhunyrele. Tahe ijõ beòrau bobrobenykre mai.
|
||||
\v 31 Tahe iny ruruõre mahãdu raumynykre noijasa wese suu txi ralore.
|
||||
\v 32 Tahe Jerusale hãwã-ki iny rỹikre Dori. Siaõ hãwã Deuxu Tyhyhykỹ tuu riwinyre.
|
||||
\v 33 Isaia rarybere: Tahe Deuxu Tyhyhykỹ rarybere Asiria iòlò ribi: “ Tii tamy raloõtyhy yhyõ ritaõtyhy. Sodadu yhy itxena-di rehemynyõtyhy. Tahe aõ riwinyõtyhy iweradi.
|
||||
\v 34 Asiria iòlò kodoosekre iribi nade-ò tahe hãwã-ò raõtyhy.
|
||||
\v 35 Tahe jiarỹ redinodunyra kaa hãwã remyreri idi retehereri ixidewimy remyreri Davi-ò juhule rarybere, tahe Jiarỹ Tyhyhykỹ rarybere.”
|
||||
\v 36 Tahe Deuxu Tyhyhykỹ ỹju tỹhina-ò rare tai heka : cento oitenta e cinco sodadu milmy sõwe rirubunyre. Ruudimy txu reare irumy rỹireri tuu robirenyre rubumy.
|
||||
\v 37 Tai Senakeribe roosera Asiria iòlò Ninive hãwã-ò tai runyre.
|
||||
\v 38 Tahe imy txumy txu rỹire tadeuxumy reàlàmy ratximyhỹ- ò Nihode heto-ki tai iriòre boho rirubunyrenyre tamaurehereny-di Atarameleki sarese wana. Idi heka rahenyrenyre Ararate suu-ò. Tai Esa Adõ teròwymy runyre.
|
||||
\c 38
|
||||
\s1 Ezekia Reytera
|
||||
\p
|
||||
\v 1 Kia bedeu iòlò webinadumy resere wahy iny rurure. Deuxu Rybedu Isaia tamy rare itxeremy tai rarybere: — My heka Deuxu rarybere: “Aõna ona biywinykre tiu dori beyteõtyhy. Bexiywinykre rubu-ò.”
|
||||
\v 2 Tahe Esekia hetowe-ò raòsanynyre tahe rexitòenyre myy:
|
||||
\v 3 Deuxu Tyhyhykỹ ohõti watxi reakre watxi adee raõmysỹdỹỹnyre òbitimy wawo ribi rewinyre ibutumy adee awimy. Tai rahinyre sõwemy.
|
||||
\v 4 Tai Deuxu rarybere Isaia-ò
|
||||
\v 5 ixyby kodoosekremy tamy rybemy: — Jiarỹ Deuxu Tyhyhykỹ alibie Davi Deuxu arybe-ò raholare arubemy rabire. Tabohe ararikre ixinamy waiyre bede bijemy matxikremy.
|
||||
\v 6 Asiria wedu ribi aratakre kai Jerusale hãwã wana.
|
||||
\v 7 Tahe Isaia rirawyònyre Deuxu itxerena kidiwahinykremyra tii òbitimy rare.
|
||||
\v 8 Acasi òwòna riwinyre-ò ixinamy makre tai tahe Deuxu ubròrona kidiòkesekre tahewo-ò debowiò riranamy. Tai heka ubròrona tahewomy riòsedỹỹnyre debowiò riranamy.
|
||||
\v 9 Iribi tahe iòlò Esekia reytere deàlàna wiuna rirytinyre:
|
||||
\v 10 “Jiarỹ raraykynyre arurukremy watỹmyra-txile, Kia bedeuhe arasỹnykremy rubu hãwã-ki.
|
||||
\v 11 Raraykynyre tiú arobiõkremy Deuxu Tyhyhykỹmy, iwitxira inymy tule arobiõkremy.
|
||||
\v 12 Waruna heka raõrore ixãwire iwese tyy hetoti ributunymyhỹre wese riwyre irehe-ò iwitxira hãwã-ò iwese tyy retydu rioromyhỹre wese. Txumy rararykynymyhỹre ruumy tule Deuxu riwahukemy.
|
||||
\v 13 Ruu reherehe rahinywahỹre txubereremy iwese leão wati rioròmyhỹre rahõtinyre. Txumy rararykynymyhỹre ruumy tule Deuxu riwahukemy.
|
||||
\v 14 Jiarỹ wasilemy raõhitxinymyhỹre ramatxie wesemy raõhitxinyre bòtòe weselemy. Warue reywesere biuwetyy-ò itxereki. Waha Deuxu aõhõkỹmy ratỹỹnyre biwatakre!
|
||||
\v 15 Tahe timybo ararybekre Deuxu Tyhyle tuu riwasỹnyreri hỹyrehỹkỹ! Sõwemy raòhotỹhotỹmyhỹre rarõõhyymyhỹre.
|
||||
\v 16 Waha Deuxu aõwidỹỹna òraruki jiarỹ boho warumy watxiwahỹrenyre jiarỹ tule warumy watxiwahỹre iòraruki. Waha Deuxu awimy wadee bidiwahinykre awimy aratxikremy.
|
||||
\v 17 Jiarỹ aõhõkỹmy ratỹỹnyre raòhotỹòhotỹnyre kia heka wadee awimy rohònyre. Kai tiwata mahãte rubu ribi waòraruna ibutumy texãwidinyte.
|
||||
\v 18 Rubu bede-ki mõõ umy reàlàõhyy myhỹre, môo ani reàlàõhyyre taile ratximyhỹre mahãdu aratyhynyõre òbitityhymy tate-ki.
|
||||
\v 19 Iru mahãdu umy reàlàmyhỹre iwese jiarỹ umy realamyhỹre wiji. Tyby mahãdu tariòre boho-ò rarybemyhỹre ibutumy umy reàlàmyhỹkemy.
|
||||
\v 20 Kai tiwatate, Waha Deuxutyhyhykỹ tai Dori arawinykre aratoakre umy reàlànyrenykremy tyhyy umy areàlàrenykre dohodỹỹna heto-ki.
|
||||
\v 21 Tai heka Isaia rarybere: Figu bederaty bisorusorunymy bitidikre iòlò yjy tyre-ki, tai tii reytekre.
|
||||
\v 22 Tai Esekia rỹỹraxire: Timybohe itxerena arierymy idi arakre Deuxu heto-ò.”
|
||||
\rem dat 2008
|
||||
\rem aut Maria Tereza Lawarita
|
||||
\c 39
|
||||
\s1 Babilonia mahãdu wahidỹỹdu.
|
||||
\p
|
||||
\v 1 Kia bedeu Babilonia iòlò, Merodaque-Baladã, Baladã riòre, Esekia webinadumy roire-ki rieryre, tahe wiji awimy rare. Tai Dori tyyriti aõõ riwahinyre tamy.
|
||||
\v 2 Esekia rybe wahidỹỹdu mahãdu awimy idi rare taõnaõnawiwihikỹ itxerenamy riteòsinyre tamyreny womati urahakỹ, womati tỹrỹrỹhỹkỹ wana aõwihikỹ wana. Aderona, ibutumy tebona riteosinyre. Ibutumy aõna ona tamyreny riteòsinyre. Aõ ona ijõ riteòsinymy reriõre.
|
||||
\v 3 Tai Isaia tamy rybemy rare: — Tiludubo kaa Kia hãbu roire, timybo raryberenyre. Esekia rirawyònyre: Tii boho suu ireheludu ratxirenyreri. Babilonia ribi.
|
||||
\v 4 Aõmybo aheto-ki tiiboho robirenyre. Isaía rỹỹraxire. Ibutmy robirenyre. Ibutumy tuu robirenyre. Aõ ona ijõ riteòsinymy reriõre.
|
||||
\v 5 Tai Isaia rarybere: Deuxu Tyhyhykỹ rarybemyhỹre:
|
||||
\v 6 Kia bede kedehemynykre ibutumy aõ ijõdire ahetowo-ki, ibutumy alibie boho ributunyrenyre tai riwyrenykre Babilonia-ò. Aõ rariõhyykre.
|
||||
\v 7 Ariòreõ ridyrenykre ròtena-ò tamyhyy raõmysỹdỹỹkremy Babilonia iòlò heto.
|
||||
\v 8 Esekia rierytyhyre tabededỹỹnana-ki awityhylemy ratxikremy. Tai Dori rarybere: -- Kaa rybe Deuxu Rybe ribi wadee tarybete awi rare.
|
||||
\rem dat 2009
|
||||
\rem aut José Mário Ixati
|
||||
\c 40
|
||||
\s1 Rybe Bedesana
|
||||
\p
|
||||
\v 1 Deuxu Tyhyhykỹ rarybemyhỹre: “Bibedesanybenyke Bibedesanybenyke.
|
||||
\v 2 Waijoireny bilàhàlàhànybenymy Jerusalemy hãwãdumy ixãwira heka wetxu ribi òraruna heka ixãwira waribi heka sõwemy aõhõkỹmydỹỹnana rimyrenyre ixiratyremy riwinyrenyre”
|
||||
\v 3 Inyõ ryryreri: “Biywinybenymy bederahy ryy òbitimy Deuxu Tyhyhykỹ idi rakremy.
|
||||
\v 4 Iratòòke-ki, wimyna biijiranybenyke!
|
||||
\v 5 Ibutumy iny heka Deuxu biu-ò henamy robirenykre.
|
||||
\v 6 Inyõ rarybereri: “ Marybebenykre ! Aõmybo ararybekre! — Jiarỹhe arỹỹraxike. Marybeke butumy iny mahãdu iwesele noijasa ramorõmyhỹre wese. Ibutumy irurureny noijasa ramorõmyhỹre weselemy.
|
||||
\v 7 Asi ramoeny myhỹreu tõijesa rejuxunymyhỹre. Deuxu ribunymyhỹreu iny mahãdu heka noijasa wese rare.
|
||||
\v 8 Asi ramoenymyhỹreu toijesa rejuxunymyhỹre. Deuxu Rybe tahe aõu aõuhyy rỹira. Rexihuõtyhy rỹira”
|
||||
\v 9 Kai Jerusale-ò rybe wihikỹ dinodu hãwãlò rariehekỹ-ò maòwònyke. Kai Siaõ rybe dinodu biwahinky arybe tarurumy arybe birarienymy brebumy marybeke Juda hãwã mahãdu-ò marybeke. Irariemy: Adeuxu heka rehemynyreri!
|
||||
\v 10 Deuxu Tyhyhykỹ tii rareri taruru-di sõwemy ; taaxiò ruru-di rotare. Tii ixihemy didydenyke rihedỹỹ rihedỹỹnymyhỹre mahãdu.
|
||||
\v 11 Iwese budoini itxeredu tabudoini mahãdu-di retehemyhỹre wesele tahe Deuxu Tyhyhykỹ tamahãdu-di taru-ki ratximyhỹre. Tii budoini riòre hãbu mahãdu ributunymyhỹre taaxiòti-ki ridykremy budoini riòre hawyy ywimy ridinodunyke ruỹtòdu.
|
||||
\v 12 Mobohe riurihirinanyre beronihikỹbe tebòwo-di. Tahe mobohe tebò-di biuwetyy riurihinanyre. Mobo hyna-di suu-ò raurerarure bede ibutumy. Mobohe riutxienyre bederatòò hãwãlò riutxienyre aõiutxena-di.
|
||||
\v 13 Mobohe Deuxu Tyhyhykỹ rayky rieryke. Mobohe aratohonyke.
|
||||
\v 14 Mobohe erydỹỹna tamy riwahinyre. Mobohe òbitinamy rierynanyre. Mobohe tuu rurure tii aõ sõwetyhymy riwinykemy. Mobohe riere tii ibedeerytyhymy ratxikemy.
|
||||
\v 15 Deuxu Tyhyhykỹ-ò ibutu bede bede mahãdu berutà hyna roki rỹimyhỹre wesele rare. Iwesemy brybryxi bede bute irehemy roire tii riwymyhỹre iwese ỹnyra ruxõmo sohoji rare wese.
|
||||
\v 16 Ibutumy Libano bede-ki iròdu sõwetyhymy ihõõre Deuxu-ò xiwenamy òwòru risõre tule ihõõre.
|
||||
\v 17 Deuxude bede mahãdu aõ aõkõ rare tamy ikoki tii boho aõ aõkõ rare.
|
||||
\v 18 Moobohe rakawesenadỹỹke Deuxu. Aõwebo Tii rare.
|
||||
\v 19 Tii heka hãbu debò-di riwinymyhỹre aõkõ rare. Womati tyrỹrỹỹhỹkỹ aõkõ rare.
|
||||
\v 20 Mobo womati tyrỹrỹỹhỹkỹ wowydyna riòbynyõre iwydyna ihõõre-ki tahe òwòrule riwyke. Tahe hãbu debò-di relekemy rijeke alòresedutyhy. Tai suu ritxoo riwinykemy tamy ridekemy tetxikihyymy.
|
||||
\v 21 Kai boho aõbo teeryõtenyte tiu aõbo tuu aõbo taholaõ mahãtenyte. Tiu aõbo akoreny inyõ relyyõmyhỹre aõbo timybo bede relere.
|
||||
\v 22 Bede widỹỹdu heka tarynana-ki heka biu-ki runymyhỹre. Tii bede ribi irehemy ratximyhỹre iny riki tamy òlobure wesele rare. Tii heka ritàtere biwetyy tasỹmy tai rasỹnykemy.
|
||||
\v 23 Tii heka iòlò ruruterehekỹ heka ribedetxinymyhỹre. Tii heka iny wedutyhyhykỹ ritamyhỹre irunana ribi.
|
||||
\v 24 Tii boho heka alòbròna ruhunymyhỹre iòhòtyhylemy iraryti ihõõke ribile. Deuxu tamyreny rirubunymyhỹreu tii boho ramoenymyhỹre nobo weselemy.
|
||||
\v 25 Mowesebo heka kai boho mawesenanybenyke Deuxu òbitinamy. Mobohe iwesere.
|
||||
\v 26 Biu-ò betehebenyke. Taina ruderamy betehebenyke. Mobo tahe iwidỹỹdurenyre. Deuxu rare. Taina riòlòdỹỹnymyhỹre wihe-ki wihe-kimy. Tii heka rierymyhỹre tiwesebo sõwe rare. Tahe rininimyhỹre sohoji ini inimy. Taruru ribile ibutumy taina ijõ rasiranyõtyhy.
|
||||
\v 27 Israel mahãdu aõherekibo bede wadee terateteri. Tarybe mahãte: Deuxu Tyhyhykỹ inyboho notxi ririõhyymyhỹre, waDeuxureny inymyreny ruruõhyymyhỹre.
|
||||
\v 28 Kai boho aõbo teeryõtenyte. Tiu aõbo tuu aõbo taholaõmahãtenyte. Tiu aõbo akoreny inyõ relyyõmyhỹre aõbo timybo bede relere. Deuxu Tyhyhykỹ bede ibutu riwinyre. Ibutu bede tyhyy bede riwedunymyhỹre. Tii ele risaõtyhymyhỹre tiuhyy. Moo riurihinanyõtyhy ibedeeryna.
|
||||
\v 29 Tahe ele risamyhỹre mahãdu heka iruru rexiòlònyke. Iaõkõ mahãdu tahe iruru heka rexijuake.
|
||||
\v 30 Teeryõte heka iny tỹmyra mahãdu ele risamyhỹre. Wijina bòdu mahãdu tahe iwa aõtxi reamyhỹre-ki ta resemyhỹre.
|
||||
\v 31 My Tahe Deuxu Tyhyhykỹ rityhynyre mahãdu-ò iruru tamyreny rexijuahyyhyymyhỹre. Tii boho yrarehekỹ biu-ki ruòmyhỹre wese heka rare. Rityhynyre mahãdu raijiranymyhỹreu iruru rexihuõtyhy rariamyhỹrenyre ele risarenyõtyhy. Kia aõbo teeryõte. Taholaõte aõbo.
|
||||
\rem dat 2009
|
||||
\rem aut José Mário Ixati
|
||||
\c 41
|
||||
\s1 Israel mahãdu Deuxu ritakremy rarybere
|
||||
\p
|
||||
\v 1 Deuxu Tyhyhykỹ rarybere: “Iny mahãdu irehemy atximahãteny ryberenyõmyke boholabenyke: Aruru biixiòlòdỹỹnyke bodoibenykre bexiywinybenymy
|
||||
\v 2 arahedỹỹnyrenykremy. Rekexibutunyrenyke mobohe òbitimy bedeòraru rerimy.
|
||||
\v 3 Mobohe ridyreri biura ribi wahe kia iòlò tuhyy rotamy rarekre. Mobohe tuu riwinyre tii bede mahãdumy rahaỹnanykremy tule iòlò mahãdu tiihyyle tuu rahaỹnanykremy. Tii tamaure besedỹỹdi tawyhy-di iny riwinyke tõde ruxõmomy tai rahenyrenykremy nobòsi wesemy yhy riwymyhỹre wesemy.
|
||||
\v 4 Tiihe ramyhỹre iheworenymy inatyhykỹmy tii rariamyhỹre ele elemy iwa suu-txi reaõke ribile.
|
||||
\v 5 Mobohe tuu raraykynyre mobohe Kia wesemy rotỹỹnykremy. Mobohe tuu raraykynyre bede ròrarunyrehyyle rotỹỹnykremy. “Jiarỹ Deuxu Tyhyhykỹ tai wahãmyhỹ bede ròrarunyreuhyyle ihỹre tasỹ taihyyle aratxirekre butu rexihukreu.”
|
||||
\v 6 Bede mahãdu tuu robirenyre ta ramytatarenyre brebumy. Tai rexibutunyrenyre idi doidenyde.
|
||||
\v 7 Suu ritxoo widỹỹdu mahãdu wii riwiòhenanymyhỹke iny sohoji sohoji rarunykremy tabiòwa ribedesanykemy.
|
||||
\v 8 Òwòru woryworydỹỹdu ribedesanymyhỹre womati tỹrỹrỹhỹkỹ-ò lòtylòty dỹỹdu. Tamartelu-di lòtylòtydỹỹdu rarybemyhỹre: “ Hebe! Aõherewe aõmysỹdỹỹnawi heka rare.” Tai pregu-di rimymyhỹre reseheke lau.
|
||||
\v 9 “Kaihe wadeòdumy atximahãte, iny mahãdu retare; kai boho heka Abraaõ wabiòwa rude juranamy atximahãtenyte.
|
||||
\v 10 Jiarỹ bede rehe konana ribi aradyrenyre suu rehe rehe ribi aradyrenyre adeereny Jiarỹ rarybere: “ Kai boho wadeòdureny toite.” Jiarỹ aratarenyre tiu arahitxinyrenyõhyylere.”
|
||||
\v 11 Breburenyõmy awanareny watxireri. Masalòtylòtyõmyke Jiarỹ heka aDeuxule heka rare. Jiarỹ heka arurureny adeereny rewahinywahãre; Jiarỹ arawiòhenanywahãrenyre; araijewahãrenyre wadebò ruru-di.
|
||||
\v 12 Ibutumy aòludu mahãdu heka rotaõtyhy raixỹrurenykre ibutumy adeerenywiõ rexihurenykre rubumy.
|
||||
\v 13 Aòludureny bijebenykeki tiu itxireny bekoabenyõtyhy ibutumy rabynyrenykre.
|
||||
\v 14 Jiarỹ Tuhyhytuhyhy Jiarỹ rare aDeuxureny jiarỹ wadebò-di aramyreny adeereny rarybe wahãre: “Breburenyõmy ahãbenyke arawiòhenawahãrenyre dori.”
|
||||
\v 15 Deuxu Tyhyhykỹ tamahãdu-ò rarybemyhỹre:” Você heka ayja tate tasỹ aruruõre Dori ihỹrele brebuõmyke, Jiarỹ heka Israeli-ki òbitityhymy nodu rare Jiarỹ heka atarasadu rare aijesedu rare.
|
||||
\v 16 Jiarỹ arawinykre aõwomati txudi txudimy rỹimyhỹre wesemy maiderysydỹỹdu kai mariakre bederatòò tyreki tai tahe rode ruxõmokre hãwãlò nobòmy rexirahorekre.
|
||||
\v 17 Kai idi behukre biu-ò yhy riwykre, yhyhykỹ riubỹtỹnykre. Tai tahe kai Deuxu-ki beysamy matxikre Israeli Deuxumy beàlàmahãke.
|
||||
\v 18 “Wamahãdu aõmy rurureri wana aõihõõmy bee rieke itxi rekoarenyõkeki iryreny ramorõkre Jiarỹ, Inynyrỹreny ariwahinykre Jiarỹ Israeli Deuxu aririrenyõtyhy.
|
||||
\v 19 Bede iworu ribi bee roakre bee reakremy hãwãlò-ò òrarade tai ijõõre, bede morõhỹkỹ-ki ahumy relekre bede morõhỹkỹ-ki haloobe ijõdikremy.
|
||||
\v 20 Bede morõhỹkỹ-ki òrarade rabrokre; òlyòni, akasia, murta, oliveira. (Pau dòleo òwòru hàri) òwòru rade rariehekỹ raratybienykremy ariwinykre simbro siprete wana. Ibutumy tuu robikre aõbo rotỹỹnyre tai bieryrenykre Jiarỹ raremy Deuxu Tyhyhykỹ heka rare tuu rewinyre. Ibutumy raraykynywirenyre rieryrenykre ibutumy aõbõ relere Deuxu òbitimy nodu rare Israeli Deuxu.” Deuxu Tyhyhykỹ riseõnymyhỹre suu ritxoo mahãdu.
|
||||
\v 22 Deuxu Tyhyhykỹ, Israeli Deuxu, rarybemyhỹre: “Suu ritxoo bede mahãdu deuxureny manabenyke manarybebeny tainyhe! Bexihedỹỹnybeny tainyhe!
|
||||
\v 23 Boidoibeny tainyhe! Aõbohe kỹnyikremy manarybedenykre, bitỹnynyke aõbohe tarybemahãtenyte juhuu tewinymy toitemahãte tai iny rieryrenykremy rotỹỹnyre aõbo Ada aõkõre aõbo. Tahe manarybedenyke aõhebohedỹỹ kỹnyikremy tai arieryrenykre tuu rotỹỹnykremy ròbykre aõbo.
|
||||
\v 24 Marybenykre aõhebohe rotỹỹnykre wiji karibi wahe tai tahe arieryrenykre inatyhymy aõbohe deuxumy atximahãtenyte. Biwinybenyke aõwaxina aõibina ada awi aõbo tai aruberurenykremy riwamasajuarenykremy.
|
||||
\v 25 Tahe kai boho aõ aõkõ toite! Tiu heka aõbiwinybenyõtyhy! Jiarỹ heka wayreamyhỹre mobo iny mahãdu arawowydynymyhỹre mahãdu!
|
||||
\v 26 Jiarỹ heka biura ludu hãbu-ò raryre tii riwatyhynymyhỹre Iraru ribi heka namyhỹde aòludureny rahukemy. Tii iòlò mahãdu tyre rariamyhỹre subrururu weselemy. Iwese suudewidỹỹdu tawa-di risorunyre wese idireny ratximyhỹre.
|
||||
\v 27 Kai bohoõ aõbo tarybetenyte tuu aõbo rotỹỹnykremy arieryrenykremy. Aõdeuxuõ aõbo tuu rarybere juhuu araryberenykremy: “ Inatyhymy tii rarybere” Tiu ijõ rarybeõhyyre , moõ rarybeõtyhy sohoji rybeke aõkõ. Tahe jiarỹhe juhuuhyyhe tuu rarybere Siaõ-ò Jiarỹ reteònyre rybedu rybe wihikỹmy rybedu Jerusale-ò roberakremy.
|
||||
\v 28 Jiarỹ deuxu boho reijewahãrenyre tahe ijõrenyhe rexitỹnynyõmyhỹre; tiu ijõreny aõrybe rarybeõtyhy Ada alỹỹraxi aõbo rirawyònyõtyhy.
|
||||
\v 29 Tii boho aõaõkõ roire! Tii boho aõ riwinyrenyõtyhy! Suu ritxoo iruna ihõõre aõ aõkõ heka
|
||||
\rem dat 2009
|
||||
\rem aut José Mário Ixati
|
||||
\c 42
|
||||
\s1 Deuxutyhyhykỹ deòdu.
|
||||
\p
|
||||
\v 1 Deuxutyhyhykỹ rarybemyhỹre: “Kaa heka wadeòdu rare tiihyyle arirurudỹỹnykre, jiarỹle heka retahyyrele riwabedesanymyhỹre tamy retidire watyytybytyhy tii rarybekre ibutu bede mahãsu-ò tuu raruwahãmy.
|
||||
\v 2 Irà iràhỹkỹõmy aõmakesỹ aõkõre, ixirybedỹỹõmy ixỹy-di ryberehekỹõmy
|
||||
\v 3 iruru hãlàte raròõtyhy loosòna tasỹ riturinyõtyhy. Awityhymy wadewimy relyykre.
|
||||
\v 4 Tiu deyweseõmy woxierysyõmy tuhyy reximymy ihyy tahe ibutumy wadewimy reòbyrenykemy. Bederehe mahãdu riraòmyhỹrenyre bedeeryna wahe.”
|
||||
\v 5 DeuxuTyhyhykỹ biuwetyy ritàtere bede riwinyre ibutumy tuu rỹira wahe iruna riwahinymyhỹre ele wesena ibutu hãwã mahãdu. Tahe wiji DeuxuTyhyhykỹ tadeòdu-ò rarybere:
|
||||
\v 6 adee raryre ebò-ki aramyre aõmakremy ijõdikremy tarasana aribile Jiarỹ arawinyre arateònyre judeu mahãdu widee rikiywinykemy warybemynamy reòbykemy. Loosòna hedỹỹdu judeuõdu mahãdu-ò ariwahinykremy.
|
||||
\v 7 Ruetà mahãdu rue riraynykremy, ròtenareny mahãdu riòlòdỹỹnykemy bedeluru-ki rotena ribi aritakemy
|
||||
\v 8 Jiarỹ DeuxuTyhyhykỹ heka wani rare tahe jiarỹ wadeewiõre suu ritxoo tiihyyle-ò deàlàna ijõdike jiarỹ sohojile wadeehyyle ijõdikemy.
|
||||
\v 9 Deuxu tamahãdu-ò rarybemyhỹre: “Aõmybo juhuu rarybere tuuhe rewinyre, wijihe adeereny aõtỹmyramy ararybekre, bierybenykre aõbo kỹnyikremy juhuhukỹlemy wahe.
|
||||
\s1 Hena winamy.
|
||||
\v 10 Mawinybenykre DeuxuTyhyhykỹ-ò wii tỹmyra. Tiihe dealànamy ratximyhỹre bede bede butumy: beronihikỹ-ki ratximyhỹre mahãdu, beronihikỹmy rỹimyhỹre mahãdu ibutu hãwã hãwã bede rehe mahãdu wahe.
|
||||
\v 11 Bederahy morõhõkỹmy rỹimyhỹre mahãdu, keda hãwã mahãdu Deuxu-ò reàlàke. Selá hãwã mahãdu beysabenyke bederatòò tyre-ki mawinybenyke wahe.
|
||||
\v 12 Beàlàbenyke DeuxuTyhyhykỹ-ò wowydynamy marybebenykre bede bede mahãdu-ò ibutumy.
|
||||
\v 13 Deuxu Tyhyhykỹ rexiywinyreri raõbinanykremy rexiywinymy ròhònyre resykremy, sodado ehehe wesemy. Taruru nihiỹ-dile ryrymyhỹre taruru wana-dile òludu mahãdu ribi ròtamyhỹre.
|
||||
\v 14 DeuxuTyhyhykỹ rarybere: “Sõwemyhe bede reijere aõmy rarybeõhyylemy rybeõhyylemy ròrawyòdỹỹõhyylemy tahe wijihe aryrykre wese hawyy ramytxitxi myhỹre wesemy arahinykrehe arexirybenykre.
|
||||
\v 15 Bederatòo tule hãwalòhe aritejuxunykre tahe bede arimõrõnykre alòbròna òwòru wana rarubukre. Bee ruỹkremy ariwinykre bede moro wesemy beehãloo heka ruỹkremy.
|
||||
\v 16 Iruetà mahãdu aridinodunykre ryy-di rieryõmyhỹrenyre-di ryy-di tiu idi roiõmyhỹrenyre-di. Bedeluruhukỹ loosònamy ariwinykre bede tòòtòò wiimynamy ariwinykre. Katahe warybe rare tahe tuu ariwinykre rasiranyõtyhy ijõ.
|
||||
\v 17 Tahe roõdỹỹkre rabedewokre suu ritxoo rityhynymyhỹredu ibutumy suu ritxoo-ò rarybemyhỹre mahãdu myy: ‘Kai boho wadeuxureny toite’.”
|
||||
\s1 Israeli mahãdu rybe bybyre.
|
||||
\v 18 Deuxu tyhyhykỹ rarybe mahỹre: “Betehewiwike ohõtitxyrenyre mahãdu!
|
||||
\v 19 Moo heka awesereny ohõtitxyreny weseõre Israeli mahãdu wadeòdureny wese. Ada nohõti bina mahãdu iwese kaa reteònyre mahãdu wese wahe, inyõ ihõõre iruetà wesemy wadeòdu tulesỹ nohõtitàsỹ Deuxu Tyhyhykỹ deòdu wese.
|
||||
\v 20 Israeli mahãdu, kai aõna õnamy tabitenyte tahe ijõreny teeryõtenyte kai sõwemy taholamy tate mahã aõna õna-ò tahe aõhe teeryõhyyte.”
|
||||
\v 21 Tyhyhykỹ heka Deuxu rare tamahãdu rihedỹỹnymỹhỹre tai tahe tuuhe rurure tiiboho rieryrenykemy tasỹ ròtyhydỹỹrenykemy irybe manamy.
|
||||
\v 22 Tahe tamyreny reare wasidu mahãdu iribireny riwyre iaõna õna, ròtenamy ridyrenyre iòludu mahãdu tai riratòbònyrenyre, ròtena mahãdu wesemy ridyrenyre tiu inyõ rihedỹỹnyrenyõtyhy ixinamy ratxirenykemy.
|
||||
\v 23 Adeã warybeò boholabenykeki aõmybo rarybereri-ò kawiji tako-ò inyõ ywimy roholakeki wahe!
|
||||
\v 24 Mobo tahe Israeli mahãdu riwahinyre iòludu mahãdu-ò wahe. Mobo heka riwahinyre ixinamy iribireny rawasinykremy. Deuxu Tyhyhykỹhyyle heka tuu riwinyre tamy òraru iny boho riwinyrenyre-ki wahe. Iny boho iryyro-di rariarenyõre dori tule irybe-ò reòbyõmyhỹrenyre.
|
||||
\v 25 Tai dori tii tayarana-di iny tyreny-ò ritxiwire aõbinahakỹ-di aõhõkỹmydỹỹnana riwahinyre inydeereny. Iyarana heòty weselemy roore iny werurarenymy; tahe ihỹrele heka iny bohoõ tõtxi ririõre, tahe iny bohoõ aõ rieryrenyõhyyre.
|
||||
\rem dat 2009
|
||||
\rem aut José Mário Ixati
|
||||
\c 43
|
||||
\s1 Deuxu Tyhyhykỹ rarybemyhỹre riwinymyhỹre imynale.
|
||||
\p
|
||||
\v 1 Katahe Israel Deuxu awidỹỹdu rarybemyhỹre: “Breburenyõmy, reeryre timybo arahedỹỹnykre raryre animy adee kai heka wahõrõ tate.
|
||||
\v 2 Tiubo beeheỹ-di beuròkreu aratxirekre aweribi-kile, kai tiú maelehuduõtyhy. Tiubo heòtyky-txi mariakre heòty rooroohokỹkre tiú arasõõtyhy.
|
||||
\v 3 Jiarỹ heka Deuxu Tyhyhykỹ rare aDeuxu, Israel Deuxu òbitihikỹ, ahedỹỹdu heka rare. Etiopia suu Seba suu wana Ejitu-ò rewahinyra tai kai wahõrõmy matxikremy.
|
||||
\v 4 Arakremy heka sõwemy bede mahãdu rewahinyra ixyby kididykre òwy wesemy wadee heka aõhõkỹ tate sõwemy. Kai heka waluuna mahãdu tate sõwemy umyreny reàlàke.
|
||||
\v 5 Brebuõmy awana Dori watxireri. “Txuòlòna ribi txuròtena ribi aridykre wamahãdu tasuureny-ò.
|
||||
\v 6 Iraru-ò ixinamy tii boho rirahukremy ibòò-ò ararybekre imynyrenyõkremy. Bede irehe ribi ludu ixinamyhe wariòre boho rooserenykre tasuureny-ò.
|
||||
\v 7 Tii boho wamahãdurenyle Jiarỹ awidỹỹdureny rare runa tamyreny rewahinyre tii boho riwateòsinyrenykremy wanihikỹmy watxiwahỹremy. Deuxu Tyhyhykỹ sohojihyylere.
|
||||
\v 8 Deuxu Tyhyhykỹ rarybemyhỹre: — Bididybedenyke wamahãdureny rahitximy rawahikemy. Tii boho iruereny ijõdire, tahe robiõhyymyhỹrenyre, Tii boho tohõtireny ijõdire, tahe roholaõhyymyhỹrenyre.
|
||||
\v 9 Bibutunybenyke bede bede mahãdu ibutumy aõdudu mahãdu wahisina heto-ò bibutunybenyke ibutumy bede mahãdu. Asuuritxooreny òraruki rarybere aõbo kudutỹỹnykre. Ijõreny rarybere aõhebo bede dutỹỹnymyhỹdemy. Ixinamy bididybenyke itxeredu mahãdu raerykremy inatyhy aõbohe raremy tai iny rarybeke: ‘Inatyhy wahe rare!’
|
||||
\v 10 Deuxu Tyhyhykỹ rarybemyhỹre: — Israel mahãdu kai heka waitxeredu toite; kai heka wadeòdumy heka tate, aratare biwaerykremy, biwatyhynykremy, bierykremy Deuxu sohojihyyle watxiwahỹre. Wakoki inyõ ihõõhyylere Deuxu witxirake aõkõ tahe ijõsỹ ihõõre wahewo ribi tiusỹ ijõ ihõõre.
|
||||
\v 11 Jiarỹ, Sohoji Watxireri, Deuxu Tyhyhykỹ jiarỹ sohojihyyle arahedỹỹnyrenyke.
|
||||
\v 12 Jiarỹ heka tuu rarybere arahedỹỹnyrenykremy tuu rewinyre inatyhymy. Kai boho teerytenyte deuxu witxira aõkõ heka tuu riwinyre.
|
||||
\v 13 Jiarỹ Deuxu heka rare tuhyy Watxiwahỹre. Moo heka rahenyõtyhy waruruna ribi wahe. Moo aõbo rewinymyhỹre riixãwidinyõtyhy. Babilonia mahãdu rotaõre.
|
||||
\v 14 Deuxu Tyhyhykỹ, Israeli Deuxu òbitihikỹ, hedỹỹdumy ratxi myhỹre-ki tii heka rarybere: “Aõòrarukibo waluuna ijõdire-ki Babilonia mahãdu-ò ariteònykre iny òludumy tii heka hãwã ixidee ritakremy bedesa irà heka rexirahorekre sỹbinamy.
|
||||
\v 15 Jiarỹ heka Tyhyhykỹ jiarỹ rare, òbitihikỹ aDeuxureny rare, Israeli widỹỹdu iòlòreny rare.”
|
||||
\v 16 Juhuhukỹlemy Deuxu Tyhyhykỹ beronihikỹ kotxi ryy riwinyre, ryy riraynyre bee iòhãru-ki.
|
||||
\v 17 Tii sodadu sõwe ribi heka rotare, sodadu kahu, awaru kahu. Tii boho rejuxunyrenyre tiu ixyby rotamynyrenyõtyhy rexihurenyre loòsònadò rurimyhỹre weselemy.
|
||||
\v 18 Kawiji tahe Deuxu Tyhyhykỹ tamahãdu-ò rarybemyhỹre. “Aõmyrenyõmy aõtxi nohõti ijirarenyõmy juhuu aõbo rotỹỹnymyhỹremy idi raykyrenyõmyhyymy juhu bedeu aõbo rỹire-di.
|
||||
\v 19 Katahe ararybekre aõtỹmyramy, aõweselemy ritỹỹnykremy aõtõmo aõkõ tuu bobibenykre: Ariwinykre ryy bedemorõhõkỹ-txi wahe bede rubu-txi tule.
|
||||
\v 20 Bederahy iròdu wamy reàlàmyhỹkre ahula usehewehekỹ wahe. Bedemorõhõkỹ -txi bee sõwemy rejuxunykre tasỹ bero raaseternykre itity rubu-ò wamahãdu rehitxinymyhỹre riõrenykremy.
|
||||
\v 21 Katahe wamahãdu rewinyra wahõrõmy ratxikremy wanimy reàlàrenykremy.” Israeli mahãdu tohõti itxi reaõhyy myhỹre.
|
||||
\v 22 Deuxu Tyhyhykỹ tamahãdudee rarybere: “Kai boho heka tiwaterinytenyta wamy teàlàmyhỹtenyte ribi ixãwitenyta.
|
||||
\v 23 Kai boho heka budoini hãbu-di wadee tekoaõtenyta xiwena-ò rawosikremy tasỹ aõxiwena witxira-di teàlàõta. Jiarỹ tuu arateranyõra aõhina wahisidỹỹmy tasỹ iximy hỹỹnaõmy òwòru rawosinyke tỹnyre reakremy.
|
||||
\v 24 Kai boho heka moo arateranyrenyõra òwòru tỹnyrehekỹ rawosikremy wadee tasỹ tule iròduwe-di tekoaõhyyta wadeewimy.Iribi òtuhukỹlemy, kai boho heka tiwaxiranytenyta aòrarureny-dihyy tiwabederyrydỹỹnytenyta aehehereny-dihyylemy.
|
||||
\v 25 Jiarỹhyyle tahe aDeuxureny rare tai dori aòrarureny reixãwidinyra aòrarureny ribi wanohõti rusamyhỹre.
|
||||
\v 26 Wamahãdu titxibo aõbo waki ibinamy mahakeki rekake aõdudu mahãdu bexiòbitinykemy.
|
||||
\v 27 Alabie rexiòrarunyre tule arybedurenyhakỹ mahãdu rexiòorarunyrenyre.
|
||||
\v 28 Aweduhukỹreny waheto ribinanyre. Tai dori ixinamy Israeli mahãdu rexihuke, wamahãdu rewahinyra aõhõkỹmy dỹỹnana-ò rabedewokremy.
|
||||
\c 44
|
||||
\p
|
||||
\v 1-3 Deuxu Tyhyhykỹ rarybereri Israeli mahãdu boholake: Kai wadeòdu tate wamahãdumy retare. Jiarỹ Deuxu tyhyhykỹ rare awidỹỹdu tasỹ arawiòhenanyrenyre juhu teateuhukỹle. Israeli, wadeòdu breburenyõmyke tasỹ Jiarỹ luuna-di aratare wahõrõkremy. Bedemorõhokỹ biu aritoradỹỹnykre tahe suumorõ-di bero relekre. Kia wesemy aritxiwikre watyytybytyhy ariokòre riòre mahãdu-ò wadeysana tamyreny ariwahinykre. Tiiboho rejuarenykre asi isòbedỹỹ wesemy bederade beraijàmy rỹira wesemy.
|
||||
\v 4 Sõwemy rexibutunyrenyre Deuxu ijoi mahãdu-ò: Sohoji rarybekre kiamy: “Jiarỹ Deuxu Tyhyhykỹ hõrõ rare’; ijõ rarybekre: wani heka Jaò rare. Ijõ tebò-ò rirytinykre: Jiarỹ iludu rare, ijõ tahe Israelimy ini òrysynamy raninikre.”
|
||||
\v 5 Israeli Deuxu Tyhyhykỹ, Israeli iòlò, Israeli tarasadu, Deuxu Tyhyhykỹ rarybereri: “Jiarỹ koludu rare ikonana rare” Waratyrehe deuxuõ ihõõre.
|
||||
\v 6 Ijõdikre aõbo ijõ wawesemy ratxike. Mynahe wadee wako-ò mynyikre irybe bitàdikemy inatyhytyhymy. Mobo juhuu rarybere aõhebo rotỹỹnykemy. Taholatenyte aõbo inyõ-ò juhule tuhyy relyykre aõbo kỹnyikremy.
|
||||
\v 7 Breburenyõmyhỹbenykre wamahãdu brebu hàrihàriõmyreny. Inatyhyhe òbiti juhule iòraruule jiarỹ tuhyy rarybere adeereny aõbõ kỹnyikremy. Kai boho teerytenyte inatyhy heka rare. Ijõdire aõbohe ijõ deuxu waribi. Aõkõre, aõkõre ihõõre iny ijesedu jiarỹ reeryõre ijõ sohoji.”
|
||||
\s1 Suu ritxoo deàlàna bina rare.
|
||||
\v 8 Ibutumy suu ritxoo widỹỹdu mahãdu aõ aõkõ rare. Iwidỹỹna tii reàlàrenyre tule aõkiwike aõkõ. Suu ritxoo reàlàmyhỹre mahãdu ibedeeryõre iruetàrenyre tai tahe bedewomy ratxirenykre.
|
||||
\v 9 Kia heka uritere aõmydỹỹ rare suu ritxoo widỹỹ iny realake deuxu wesekemy.
|
||||
\v 10 Ibutumy deàlànadu rabederyrymy rỹirakre. Suu ritxoo widỹỹdu mahãdu inyle rare, aõke aõkõ. Tii boho rexibutunykre wahisidỹỹna-ò tai brebu hàrihàrimy bederyrymy ratxirenykre.
|
||||
\v 11 Womati widỹỹdu womati iuremy rimymyhỹre tamy ròtynymyhỹre ihyy tahe rilàdimyhỹre helòtyra-ò idi tahe tarurumy ròtynymyhỹre tamy womati òlòtyna-di ihyyta riwinymyhỹre suu ritxoomy. Tii raõmysỹdỹỹmyhỹre sõwemy ta riroxiõhyymyhỹre bemy riõke aõkõ tarurule rahumyhỹre dori.
|
||||
\v 12 Òwòru-di aõmysỹdỹỹdu riurihixinanymyhỹre òwòruere idita riritinymyhỹre imyna-di riwinykremy ritxoo wesekremy iditahe riwinymyhỹre ritàtànymyyhỹre hãbu ruxera wesetyhymy relera deàlà heto-ò riwykremy.
|
||||
\v 13 Bederahy-ò òwòru-di aõmysỹdỹỹdu rare òwòru riorokremy òlyòni ijõ wese ritamyhỹre. Òwòru ibudenihikỹle tii rioromyhỹre ada ribronykre ta riraòke biu riumydỹỹnykre.
|
||||
\v 14 Hãbuõ òwòruere heòty idi riworonymyhỹre tii idi tahina riwosinymyhỹre tai rahetòmyhỹre tai tahe ijõ òwòruere-di suu ritxoo riwinymyhỹre. Kia hãbu tatiòwotimy resemyhỹre reàlàmyhỹre tuu.
|
||||
\v 15 Kia wesemy tahe òwòruerexe heòty riworonyre tahe iròdude riwosinyre idi riròmyhỹre, rihydymyhỹre. Tule rahetònymyhỹre idita rarybere: “Aõherewexe heòtywi! Awimyhe rahetòra!
|
||||
\v 16 Òwòruere ijõ idi suu ritxoo hãbu riwinymyhỹre tadeuxumy. Idi tahe tatiowomy resemyhỹre tuu reàlàmy. Tai tahe rexitòenyre myy: “Kai wadeuxu tate, biwatake!”
|
||||
\v 17 Kaa heka inyõ iraykyõre tii bohotarue ribrenyrenyre, ta aõmy robiõtyhy tarayky iris ritusanyre aõ rieryõhyymyhỹre.
|
||||
\v 18 Hãbu suu ritxoo riwinymyhỹre aõ rieryõhyylemyhỹre. Kia hãbu iraykyõre aõmymy iximy rarybeke. Timyrewe jiarỹ heka iere-di kaa òwòru jiarỹ heoty reworonyre resõre idi hina, tasỹ iròdude resõrehe tahe ijõre-di rewinyre suu ritxoo ybinahakỹ kawiji heka jiarỹ tuu reàlàreri òwòru werehekỹlemy.
|
||||
\v 19 Suu ritxoomy deàlàna aõkõ rare
|
||||
\v 20 Iwitxira tyytyby tyhydỹỹdu heka aõ aõkõ rare; Kia bryby (rarysỹmyhỹre wesele heka rare. Hãbu kia rityhynymyhỹre mahãdu tyytyby iwitxira aõmy raraykynoohyymyhỹre awimy, kia òweòwelemy ratximyhỹre. Tii tiu rexihedỹỹnoõtyhy, aõmy tiu rarybeõtyhy: Kia wadebòki rare tiu dori deuxu iwitxira ijõõre.
|
||||
\v 21 Deuxu rarybere: Israeli mahãdu, ohõtireny reake ohõtireny lusaõmy kaiboho dori warybemy rybedu toite. Jiarỹ (aratibienyrenyre) wadeehyy boibekemy tiu wanohõti rusaõtyhy aribireny.
|
||||
\v 22 Araixawedenyre aõbo ibina ribi tule aòraruna ribi tiiboho riõrenyre iwese suburehekỹ riõmyhỹre wesele. Bodoosekre wadee, jiarỹ dori ataradadu rare.
|
||||
\v 23 Biu-ki, rirajuarenykre deysamy. Kia wadee riwinyre òraruki wahe Deuxu ruruterehekỹ wahe. Rawinyrenykre deàlànadi, bede awityhyhykỹki wahe! Hãwalò tule bedeyxe taòwòru-ò wana wahe mawinybenykre ibutumy deysamy. Tii heka Deuxu, ritarenyre israeli mahãdu wahe kawesemy heka riteòsinyre taruruterehekỹ.
|
||||
\v 24 Deuxu, israeli mahãdu tarasadu, rarybere wamahãdureny-ò, jiarỹ heka awidỹỹdureny rare teaõ koki hikỹle wahe, jiarỹ arawinyre. Ixisohoji hyy aõnaõna rewinyre ibutumy reukore biuwetyy tule remyre suu moõ riwawiòhenanyõ hyy.
|
||||
\v 25 Jiarỹ tiu areòbyõtyhy kia bitynykemy. Kia rybe, deuxu rybedu ruihikỹ ariwinykre. Kia rybe erysydu mahãdu taraykymy tiiboho bedeeryõmy roire ariwinykre heka bedeeryhykỹ itxenadỹỹdukỹ mahãdu-ò ibutumy arirahorekre abedeeryna ibinamy.
|
||||
\rem Isavv26-28 below have been translated by Mawysi. To ck
|
||||
\v 26 [Diarȳxe ariwinyke mobo wawerbi-my rȳira rybe tai òbitimy, inatyhymy relekemy rareke. Kaa Jerusale hãwã roire tai ixyby iny rahãwãnykre tule Juda hãwã ixyby relekre. Awinykre kia tiiboho rȳikremy, ratakre ibinabina-hkȳ-ribi.
|
||||
\v 27 kia anarybekeki bero kudȳȳke, bero ibekõmy kdoike.
|
||||
\v 28 Diarȳ rarybere Ciro-ò: —Kai biwedunykre wanidi tule biwinykre wadeewi mynamy. Kai tuu marybekre kia Jerusale ixyby relekremy tai Deuxu heto tymyra roikremy.]
|
||||
\rem dat 2009
|
||||
\rem aut José Mário Irate
|
||||
\c 45
|
||||
\s1 Deuxu Rurunatyhy
|
||||
\p
|
||||
\v 1 Butxi raõbinanyõhyymyhỹre tawidỹỹdu-ò. Suu rỹỹraxiõhyymyhỹre aõbo tewinyterimy. Tule rarybeõhyymyhỹre: “Kai teeryõte aõmysỹdỹỹ!”
|
||||
\v 10 Iriòre raryberybeõhyymyhỹre tyby-ó: —Aõherekibo kai boho aruakemy tarutenyte.
|
||||
\v 11 Israel Deuxu Tyhyhykỹ òbitihyy rare rarybere: —Awidỹỹdu rarybere: Inatyhykõ aõboka kai boho bexirybenybenykre jiarỹ aritỹnynykre timybo wariòreboho-di ròrenywahỹre? —Kai boho aõbo tuu tarutenyteri biwaerynanybenykremy aõ widỹỹmy?
|
||||
\v 12 Jiarỹle heka bede rewinyre bede mahãdu rewinyra tuu rasỹnykremy. Wadebòtyhy-dile biuwetyy retàtere. Tahe raryberehe txuuta ahãdu Taina rexitỹnynykremy.
|
||||
\v 13 Jiarỹhyyle Siro-ò rarybere aõ riwinykremy tarasana ariwahinykremy. Jiarỹ widemana ariwinykre ryy tidibo tii rakremy. Tii ixybyle Jerusale hãwã riwinykre wahãwã wahe, tahe wamahãdu deòdumy roire ritakre ixihyymy rỹikremy. Tii aõ rexitòenyõkre aõmy aõ òwydỹỹnamy. Jiarỹ Deuxu Tyhyhykỹ ruruterehekỹ heka rarybereri.”
|
||||
\v 14 Israeli mahãdu-ò Deuxu Tyhyhykỹ rarybereri: “Kai boho heka idi boibekre iny idi ratyhymyhỹre-di tyhyna-di Ejitu aõ tyhyna-di, Etiopia aõ tyhyna-di, Seba mahãdu tyhyna-di. Kua iny rariehekỹ. Kai boho botabenyke tii boho eòdurenymy roirekre. Womati mynana-di aherenymy roikre. Tii boho tatiòwomy rejuxunyrenykre akotxireny rybe wihikỹ raryberenykre. Deuxu awanareny ratxireri iribi ijõ Deuxu ijõõre.
|
||||
\v 15 Israeli Deuxu Tyhyhykỹ tamahãdu rihedỹỹnymyhỹre, tii heka Deuxu Tyhyhykỹ rarem tahe awi riwinymyhỹre ierykõnalemy.
|
||||
\v 16 Suu ritxoo widỹỹdu heka rabedeworenykre ibutumy raixỹrurenykre.
|
||||
\v 17 Tahe Israeli mahãdu heka Deuxu Tyhyhykỹ rihedỹỹnyrenyre tuhyy rarekremy tiu rabedeworenyõtyhy raixỹrurenyõtyhy.
|
||||
\v 18 Deuxu Tyhyhykỹ biuwetyy riwinyre Tiihyyle bede riwinyre ritàdire taherina-ò timybo rarekremy. Tii riwinyre uri ixihyyhykỹlemy roikemy aõkõ tahe bede mahãdu tuu rasỹnykemy. Deuxu Tyhyhykỹ rarybereri: “Jiarỹ Tyhyhykỹ rare ijõhe ihõõre.
|
||||
\v 21 Jiarỹ tuu rarybeõre wasimy tuu raybeõre bedeluru-ki wahe tule Israeli wamahãdu-ò rarybeõre riwaijekemy bederahy morõhõkỹmy. Jiarỹ Deuxu Tyhyhykỹ inatyhyna-di rarybewahỹre tiihyylehe rare tyhydỹỹna. Deuxu Tyhyhykỹ tasỹ suu ritxoo wana.
|
||||
\v 22 Deuxu Tyhyhykỹ rarybereri: “Bodoike ta ibutumy iny mahãdu rahenyrenyre tarunareny-di bexibutunybenyke besideòsinybenykre wahisidỹỹna-ò. Aõ rieryõhyy mỹhỹrenyre rexitòeny mỹhỹre suu ritxoo-ò tiu rihedỹỹnyrenyõtyhy iny mahãdu òwòru ritxoo-di retyymyhỹrenyre wihewomy.
|
||||
\v 23 Marybebenykre wijityhyle abededỹỹnanarenymy marybebenyke, wimy wimy marybebenykre ixidee wikeki kanyhỹ! Mobohe juhutyhy rarybere aõhebo bede rotỹỹnykremy. Jiarỹ aõkõ aõbo Deuxu Tyhyhykỹ? Tahe ijõ Deuxu ihõõre dori waribi! Jiarỹ sohoji Deuxuhyy rare. Deuxu Tyhyhykỹ aõdudu aõkõ heka Jiarỹ rare wamahãdu rehedỹỹnymyhỹre.
|
||||
\v 24 “Bede mahãdu ibutumy bodoosebenyke wadee tahe arahedỹỹrenykremy taheJiarỹ dori aDeuxureny rare, ijõ ihõõre witxiramy.
|
||||
\v 25 Jiarỹ wanimy warybehe retàdira tuhyy. Tuu rarybewahỹre òbitihyylemy tuu rotỹỹnykre inatyhymy. Inatyhy tyhymy ibutumy tatiwowomy akotxi reserenykre raryberenykre òbitimy ratxirenykremy wadee.
|
||||
\v 26 Tii boho raryberenykre Jiarỹ sohojile Deuxu Tyhyhykỹ iny retarasadỹỹnymyhỹre. Ibutumy tera mahãdu bedewomy rỹikre tule raixỹrurenykre wakotxi.
|
||||
\v 27 Tahe Jiarỹ Deuxu Tyhyhykỹ rare, wamahãdu rotakemy ariwahinyke tii boho wadee realarenykre.”
|
||||
\c 46
|
||||
\p
|
||||
\v 1 “Beu suu ritxoo, Nebo suu ritxoo rexirabynymyhỹre ta resemyhỹre sutxi. Kia suu ritxoo iròdu tyre-ki idi riwymyhỹre iutxie nihiỹ heka rare iròdudee riteysenymyhỹre.
|
||||
\v 2 suu ritxoo rexirabynymyhỹre ta resemyhỹre tii boho heka timy rexihedỹỹnyrenyõtyhy òludu mahãdu riwymyhỹrenyre.
|
||||
\v 3 “Israeli mahãdu boholabenykre, Jaò riòre mahãdu irulemy ratximyhỹrenyre boholabenykre. Tekoatenyteuhyyle aradyrenyre, tuhyy arayrybuny wahỹrenyre.
|
||||
\v 4 Tiubo mamatuarinybenykreu heka Jiarỹ Deuxutuhyyle ararekre, aradereny raurauranykre arayrubunyrenykre Jiarỹa arawinyrenyre adireny aretyykre, Jiarỹ arawiòhenanyrenykre ta arahedỹỹnyrenykre.”
|
||||
\v 5 “Mowanabohe widee biwaõibenykre? Mobohe wawesere?
|
||||
\v 6 Inyõ aõwomati tarỹrỹ womati tarỹrỹ ura rimymyhỹre suu ritxoo widỹỹdu-ò riwahinyre tasuu ritxoo riwinykremy imyhudi tahe suu ritxo-ò tatiòwomy ikotxi rejuxunyrenyre.
|
||||
\v 7 Tai tahe tabro-ki suu ritxoo riwymyhỹre taherina-ò taile ririmyhỹyre. Tahe suu ritxoo-ò rexitòenykeki tii rirawyònyõtyhy tii rihedỹỹnyõtyhy aõhõkỹmydỹỹnana ribi.
|
||||
\v 8 Òrarudu mahãdu õhõtireny reake itxi maraykynybenyke awimy raykywimy matxibenyke!
|
||||
\v 9 Ohõtireny beaker aõbo juhuu rỹire-txi tahe bityhynybenyke Jiarỹ sohojile Deuxu raremy tahe wawese ijõõre waribi.
|
||||
\v 10 Bede onanau ribile rarybere aõbo kỹnyikremy juhuutyhyle rarybere aõbo kỹnyikremy. Rarybere tuhyyle tuu rỹikremy ibutumy ariwinykremy idi rahõtinyra tuu rỹikremy.
|
||||
\v 11 Habuõ oriente ribi reteònyre suu irehe ribi wylemy hulele wese kanake. Wadeewimy riwinykremy. Iwesemy rarybere wesemy ariwinykre. Aõ rahõtinyre ariwinykre.
|
||||
\v 12 Iny nohõtitxy mahãdu boholake! Ahedỹỹnareny raroorehenykremy tahõtinytenyte.
|
||||
\v 13 Tahe Jiarỹ ariwinykre kadehemynyòralekremy atarasanareny adeereny rarybere wahe. Tii heka raroorehenyõtyhy heka! Elelemy Jiarỹ arotakre! Siaõ-ki sỹdu mahãdu aratakre tai aritxuakre Israeli mahãdu-ò waixiòlòdỹỹna wahe.”
|
||||
\rem dat 2009
|
||||
\rem aut José Mário Ixati
|
||||
\c 47
|
||||
\s1 Babilonia Hãwã iribi ròtara.
|
||||
\p
|
||||
\v 1 Deuxu Tyhyhykỹ rarybere: “ Bubeheke arynana ribi idi tahe bunyke suu tyre-ò. Kai heka ijadòmatyhy ruxera wese juhuu tate ywimynodu tuu teòwarimyhỹte tahe tiuhe tuuõtyhy Kia wese.
|
||||
\v 2 Wijihe kai deòdumy tate bimyke aõruxõmodỹỹdu ta ỹnyde ruxõmodỹỹ biòrarunyke. Aòsanahety bitake atyy birasenyke ati itỹnylemy beurokre bero kotxi.
|
||||
\v 3 Ibutumy umy robikre adehekỹlemy, tadehekỹlemy. Jiarỹhe araòwynykre tahe mõohe riwaõkròõtyhy”.
|
||||
\v 4 Iny hedỹỹdureny Deuxu ruruterehekỹ Israeli òbitina Deuxu.
|
||||
\v 5 Tii rarybere Babilonia-ò: “ Bunyke tarybeõmykre; makehewa bedeluru bede-ò tahe tiu kai bede wedu hãwyymy maniniõtyhy.
|
||||
\v 6 Jiarỹhe wamahãdu wahe waky reare wamahãdu rehitxinyre tai dori aõhõkỹmy resỹnyre tahe rewahinyre ebòreny-ò tahe kaihe awiõre tamyreny iribi awimy aõkõhe matuari mahãdu tewotõmony binahakỹte.
|
||||
\v 7 Kai wedu hawyymy tiehyymy atxikemy taraykynyte tahe tõtxi ririõhyyre timy rõhõtinyõhyyre ibutumy rexihukre.
|
||||
\v 8 Kai òtaluure aõhe botỹỹnyõke sỹny tahõtinymahãte aõbo iòhãru. Kai marybeke kiamy: “Moo ihõõre awihikỹ wawesemy! Moo ihõõre wawese wahe! Tiu wytesemy kratxikõtyhy waritxòre bohonõ waribi rurukõtyhy” Tahe wiji boholake aõmybo adee ararybeke:
|
||||
\v 9 Jiarỹ reeryre kai òwòru-di aõmysỹdỹỹdu tate aòwòru heka irurutere rare tahe kia ibutumy aõhe rotỹỹnyõtyhy. Isitere ribile heka tatxulemy kai mawytesenykre ariòrereny aribi ituekre.
|
||||
\v 10 Aõbina dile heka awimy tahõtinyte wahe taraykyny mahãte moõhe rieryõhyymyhỹre aõ tewinyteri wahe. Abedeeryna aõ teery mahãte arabonymyhỹre dori. Kai tahõtiny mahãte kiamy: “ Moõ heka ijõõre awihikỹtyhymy wawese wahe!”
|
||||
\v 11 Tai dori aõbina atyre resekre aòwòru widỹỹna aõmy rotỹỹnyõtyhy. Aõhuduna heka rehemynyreri tiu iribi mahenyõtyhy. Aõbina kanakre heka tiu idi taraykynyõmahãte isitere ribi teraòõhyymahãte.
|
||||
\v 12 Ixinamyhe idi mabeke aòwòru widỹỹna-di tewiny mahãte-di atỹmyramy tatemahãule. Idi arawiòhenake òsỹny aòludu mahãdu ribi. Idi aòludureny ribrebunyke.
|
||||
\v 13 Atohodỹỹdu mahãdu sõwe hỹre mahenyõtyhy. Biu erysydu mahãdu adee kanake arawiohenanykremy. Tii boho biu-di ratyyritiny myhỹrenyre taina sõwe idi retehemyhỹrenyre tai ahãdu ahãdumy raryberenykremy aõhebo rotỹỹnykre adee.
|
||||
\v 14 Tii boho heka nobò wesemy roire heòty idi rahurenykre tiu rahenyrenyõtyhy. Tii boho heka ìhõõre heòty riòreõny idi rahetorenykemy rymy ibire-txile.
|
||||
\v 15 Aurerarudu mahãdu-ò kia wese heka rotỹỹnykre idireny juhuu atxi mahãte. Ibutumy tii boho roirenykre taryy sohoji sohoji-di tii boho arahedỹỹnyrenyõtyhy”.
|
||||
\c 48
|
||||
\s1 Aõhebo Rotỹỹnykre Deuxu Tyhyhykỹ rarybere.
|
||||
\p
|
||||
\v 1 Israeli mahãdu boholabenyke! Juda riòre riòre mahãdu boholake! Deuxu Tyhyhykỹni-di tarybe mahãtenyte. Israeli mahãdu Deuxumy reàlàkemy tahe kiamy òbitityhy aõkõ toite inatyhy aõkõ.
|
||||
\v 2 Kai boho tarybe mahãtenyte hãwã òbitisỹdumy atximahãtenytemy tahe Israeli Deuxu tetyhynymahãtenyte Deuxu Tyhyhykỹ Iruruterehekỹ tetyhynyte tarybe mahãtenyte.
|
||||
\v 3 Deuxu Tyhyhykỹ rarybere adeereny: “ Juhu bedeu Jiarỹ rarybere aõhebo rotỹỹnykre itỹnyhỹkỹlemy rarybere aõhebo kodotỹỹnykre. Aõweselehe rewinyra tai ibutumy relere itmybo tuu rarybere weselemy.
|
||||
\v 4 Jiarỹhe reeryre kai boho heka õhõtitxurenyre aterehe toite womati weselemy womati bure wese.
|
||||
\v 5 Tai juhuule kiamy rarybere aõhebo rotỹỹnykremy ikokile wahe adeereny rarybere dori. Tai tiu marybeõtyhy asuu ritxoorenyle kiamy relere dori.
|
||||
\v 6 Ibutumy rotỹỹnyre iwese Jiarỹ rarybere wese kai boho kia idi bityhynybenyke Jiarỹle heka kiamy inatyhynamy rarybere-ki . Tahe wijihe aõ tỹmyramy ararybekre aõwasimy ararybekre kai boho teeryõteny idi.
|
||||
\v 7 Wijihe aõ rotỹỹnykemy ariwinyke kai boho tiu tuu taholaõhyy mahãtenyte tuu rybe-ò tai marybebenyõtyhy teerytenyte-ò.
|
||||
\v 8 Jiarỹhe araeryrahe aratyhynyrenyõkemy reeryrahe kai boho dori rybedỹỹsa erykõ nohõtitxuhykỹhyymy toite! Tai dori kiamy taholaõhyy mahãtenyte aõ-ò aõ teeryõhyy teeryõhyymytenyte aõbo rotỹỹnykre.
|
||||
\v 9 “Jiarỹhe waykarana atyrereny aritxiwikremy arahurenytyhykremy tahe kiamy deàlànahe wade ihõõre wanimy. Tai dori wotòena-di watxiwahỹre Jiarỹ dori Deuxu rare inyõ wadee reàlàkemy.
|
||||
\v 10 Jiarỹhe rewinyre aaõhõkỹmy dỹỹnana aòrarunareny ribi rexirahebenykemy iwesele womati tarỹrỹ urahakỹ wese heòtyru-ò rasõmyhỹre wesekemy.
|
||||
\v 11 Wani òraru-dihe ariwinyke; Wanihe inyõ rabinaõtyhy. Ijõ wani-di heka inyõ tuu reàlàõtyhy kia deàlàna wade sohojilehe rare.”
|
||||
\rem dat 2009
|
||||
\rem aut José Mário Ixati
|
||||
\s1 Deuxu Tyhyhykỹ tamahãdu ritakre.
|
||||
\v 12 Deuxu Tyhyhykỹ rarybereri: “ Israeli mahãdu boholabenyke, wamahãdumy retare dori. Jiarỹ sohojile Deuxu rare. koludu ta ikonana rare.
|
||||
\v 13 Wadebò-dile suu retadire taherina-ò retàtàre biuwetyy wahe. Warybe rewahinyre idile relere.
|
||||
\v 14 “Bexibutunybenyke ibutumy! Boholabenykemy! Suu ritxoõ rarybeõlere tuu rotỹỹnykremy: Hãbu Jiarỹ Deuxu Tyhyhykỹ iluure wadeewimy riwinykre tahe waruruna-di Babilonia-ò bekoabenyke.
|
||||
\v 15 Jiarỹle tamy ryryre, tamy rarybere idi tii nade. Tii riwinyke òbitimy ratxikremy ariwinykre.
|
||||
\v 16 Wiji tahe mynake kaò boholake aõmybo rarybereri-ò. Bede ròrarunyrenyreu tiu rarybeõmyhỹre wasilemy idi rewedunywahỹre ibutu aõna õna juhule riòrarunyre.” Wiji Deuxu Tyhyhykỹ tatyytyby wade riwahinyre riwateònyre.”
|
||||
\v 17 Deuxu Tyhyhykỹ Israeli òbitihikỹ, tarasadureny tamahãdu-ò rarybere: “Jiarỹ Deuxu Tyhyhykỹ araerynanymyhỹre adeewimy araijewahỹre ryy-di mariabenykemy.
|
||||
\v 18 Aõherewexe! Kai boho warybe many biwinybenykeki! Awimyhe bexiòlònybenyke bee rariare wesemy. Tuhyylemy botabenyke tuhyymy bero nihkỹ àbò wese.
|
||||
\v 19 Arude juradỹỹna mahãdu rasõwerenykre roirekre ỹnyra manarutà sõwemy berohokỹ nihikỹ ludu wesemy tiu iribi wanohõti rusaõtyhy tii tuhyyle roirekre wakoki.”
|
||||
\v 20 Babilonia ribi mahenybenykre irà wesemy bedesa iràmy! Kaa rybewimy marybebenyke ibutu bede bede-ò. “Deuxu Tyhyhykỹ tadeòdu ritare, Israeli mahãdu wahe.”
|
||||
\v 21 Bederahy ribi tamahãdu Deuxu ridyreu heka môo bee risaõhyylere. manayky ribi bee kedeakemy tii riwinyre, tii ribòhònyre mana bee iribi reare.
|
||||
\v 22 Tahe Deuxu Tyhyhykỹ rarybere inyõ aõbinamy reòarimyhỹre mahãdu-ò. “Adeereny ihõõre amynydureny wahe!”
|
||||
\c 49
|
||||
\s1 Deuxu Deòdu: Loòsòna bede mahãdu-ò.
|
||||
\p
|
||||
\v 1 Bede mahãdu irehe ludu mahãdu boholabenyke warybe Deuxu deòdu rarybereri-ò wahe, boholawibenykre ibutu bede mahãdu. Jiarỹ nadiwo-ki watxilewahỹreu Deuxu Tyhyhykỹ riwatare ta reaõule wahe Tii wanimy dyryde.
|
||||
\v 2 Tii warybe heka resynamy riwinyre mayrehe txuree wesemy tahe tebò-di riwaijere. Wyhy txurà dese wesemy Tii riwawinyre debòna riyrubunymyhỹre tiubo riuhekremy wahe.
|
||||
\v 3 Tii wadee rarybere: “Israeli kai wadeòdu tate aribihe ariteòsinykre waruruna nihiỹ wahe.”
|
||||
\v 4 Tahe jiarỹ raryykynyre: “Ibutumy waõmysỹdỹỹna heka aõmy aõkõhykylere. Ibutumy waruruna urihyyle rare ihỹre jiarỹhe reeryre Deuxu Tyhyhykỹ riwahedỹỹnykre waõna õna ribi wadee aõ riwahinykre.”
|
||||
\v 5 Jiarỹ reaõule Deuxu Tyhyhykỹ riwatare tamy teòdumy tamahãdumy ributunykemy kididykemy ixybyle kodoòsekemy tamy. Jiarỹ Deuxu Tyhyhykỹ waluutyhyre. waDeuxu heka waruru rare.
|
||||
\v 6 Tahe Deuxu Tyhyhykỹ wadee rarybere: Kai wadeòdu sohojile aõkõmy atxibekre Israeli mahãdu irulemy rỹimyhỹre ixybyle kididykremy. Ixybylesỹ ritxuarenykre Israeli mahãdu wahe. Tule arawinykre kai loòsònamy mabekremy ijõ mahãdu-ò watarasana biwykremy bede bede mahãdu-ò.”
|
||||
\v 7 Deuxu Tyhyhykỹ Israeli òbitihikỹ Tarasadu tadeòdu-ò rarybereri Kia ixinaludumy rare yaranamy roire bede mahãdu-ò. Iòlò mahãdu-ò aõkõdu wese. Deuxu Tyhyhykỹ tadeòdu-ò rarybereri: “ Iòlò mahãdu, bede mahãdu arurunamy robirenykre tii boho kidirahukre tawotimy adee ràlàrenykre awa-òle aratyhynykre. Jiarỹ tahe Deuxu Tyhyhykỹ rare warybe mynamy rewinywahãre tuu. Jiarỹ Israeli òbitihikỹ, Deuxu aratare kai wadeòdumy mabekre.”
|
||||
\rem dat 2009
|
||||
\rem aut José Mário Ixati
|
||||
\s1 Ixybyle Jerusale riwinykre
|
||||
\v 8 “Deuxu Tyhyhykỹ tamahãdu-ò rarybereri: “Tiubo rehemynykre bedeu ariteòsinykre wainytyhyna tai heka aixitòedỹỹna arirawyònykre; jiarỹ arawiòhenanyrenykre. Jiarỹ arayrubunyrenykre awanarenyhe bede ariywinykre bede mahãdu wana ariwinykre bede ywina awanareny bede mahãdu; ixyby relekre asureny tahe ixybyle adee ariwahinykre kia wijilehe rare bede rabynyra.
|
||||
\v 9 Ròtena mahãdu-ò ararybekre: “ biòlònybenyke ròtena ribi!” Bedelurumy rỹimyhỹre mahãdu ararybekre: ‘Kai boho ixinamyhe toite!’ Iwese budoini ryijàti-ki asimy riroximyhỹre wese tii boho roirekre ihyy hãwãlò aõjuhuõhõkỹ-txi bekoakre taihyy boibekre.
|
||||
\v 10 Ihõõkre ramamy rubu tasỹ bemõmõmy rubu tule. Txu itòtee ribinanyrenyõtyhy tasỹ yhy tòteehekỹ tulekre bede mõrõhõkỹ ludu riòhytỹnyõtyhy. Jiarỹhe idi rawotòere, jiarỹ aridinodunyrenykre titxibo bee reareri-ò.
|
||||
\v 11 Hãwãlòtxi ryy aritoakre ryy widemyna tidibo wamahãdu roikremy.
|
||||
\v 12 Tii boho kanabuaredenykre bede rehe ribi iraru ribi,ta txu ròtena ribi Asua bede ribi ibòò wahe.”
|
||||
\v 13 Biumy mawinybenyke ta bexideysanymy suu! Hãwãlò rawyhyrarònymy Deuxu Tyhyhykỹ tamahãdu-ò ribedesanymyhỹ; Tiihe riruxetòenyre aõhõkỹmy rotỹỹnymyhỹre mahãdu.
|
||||
\v 14 Tahe Siaõ mahãdu rarybemyhỹre: “Deuxu Tyhyhykỹ riwaatyrenyre; Deuxu waribireny tohõti rusare.”
|
||||
\v 15 Deuxu Tyhyhykỹhe rirawyònyre: “ Hawyyõ aõbohe tariòre ribi tõhõti rusake aõbo huỹtòdu ribi wahe, riruxetòenyõkre aõbo tawoludu hỹrele. Tii tariòretyhy ribi tohõti rusakeki jiarỹ tiu heka aribi wanohõti rusaõtyhy.
|
||||
\v 16 Jerusale ani heka wadebòube-ki roire asuòtity ribi Jiarỹ tiu wanohõti rusaõtyhy.
|
||||
\v 17 Jerusale widỹỹdu mahãdu ele elelemy diradumyhỹdenyde kia ritxiwire mahãdu rihenymy rỹireri tii boho tarahurenyre taixỹtybylemy roire.
|
||||
\v 18 Betehebenyke tiòtiòmy; tabetehebenykre aõhebo rotỹỹnymy roireri-ò! Tai hãwãdu mahãdu rooserenyreri ritehemynyrenyrerihe! Inatyhymyhe ararybekre warynamy ibutumy tii bohohe nohõ weselemy roirekre ijadòma hãbumy roikre tõhõ-di ratximyhỹre weselemy.
|
||||
\v 19 Asuurenyhe rabynyrahe ixinaludulemyhe relera tahe wiji raylakre tamy sỹmy kodoikre mahãdu-ò. Arabinanyra mahãduhe aõ irehe-òhe aradyrenykre.
|
||||
\v 20 Wetxu bedeu reare mahãdu heka taròosere mahãdu rasỹnykremy aki tai aõ txumy rarybekre: “Kaa he suu iulatyhyhe! Tahe tuuhe rarurenyreri suu ibỹỹmy arasỹnyrenykremy.”
|
||||
\v 21 Tai tahe kawesemy maraykynyke: Timybohe raritxòrenyre waritxòrehe ihakukõre jikarỹ hawyky ixinaludu rare, deramy ijira wahe wetxu mahãdu wahe. Mobohe ritibienyrenyre wadeke. Jikarỹ heka ixisohojilemy watxiwahỹre! Tiribibohe doidenyde ibutumy wahe”?
|
||||
\v 22 Deuxu Tyhyhykỹ rarybere: Bede mahãdu-ò wadebòhe ariterenykre rieryrenykremy Jerusale kididykremy ixybyle ariòre boho idi retyymy tawyò-ki taaxiòti-ki.
|
||||
\v 23 Iòlò mahãdu ariòrereny-di retehemy rarekre, iòlò hãbu mahãdu iòlò hawyy mahãdu tatiòwomy akorenytxi reserenykre, bede-ò taòsana-di rekoakre; awa brybryxireny ritorenykre. Tahe kai boho bierybenykre Jiarỹ Dori Deuxu Tyhyhykỹ rare wahe inyõ riwatyhynykeki tahe tiu bodỹỹnamy ratxirenyõtyhy.”
|
||||
\v 24 Inyõ aõbohe riwyke debòna iny ehehe ribi? Rotena mahãdu aõbo rahenyke wedu mahãdu ribi?
|
||||
\v 25 Deuxu Tyhyhykỹ kohemy rarybereri: Hãbu ehehe debòna iribi riwyke. Ròtena mahãdu ròtena ribi ritakre. Jiarỹhe aresykre aòludu mahãdu wana, Jiarỹle ariòrereny aritakre.
|
||||
\v 26 Aòludureny tadereny òbitilemy riroxikre iribi riõrenykre tahãlubureny òbitilemy vii weselemy. Tai tahe ibutumy rieryrenykre Jiarỹ Deuxu Tyhyhykỹ rare Tarasadu wahe. Israel Ruruterehỹ òraru ribi atarasadureny.
|
||||
\c 50
|
||||
\p
|
||||
\v 1 Kai boho teerytenyte iwese hãbu tahawyy riteònymyhỹre wese aõbo arateònyrenyre. Timybo tahe arierykre wii riatyrenyre. Kai boho teerytenyte aõbo adireny rahonyrenyre wetxu wesemy wadevena òwymy. Kõre. Kai boho ròtena mahãdu toitenyte aòraruna òwymy. Arateònyrenyre ayaranareny òraru-ki.
|
||||
\v 2 Aõkibo inyõ watxi reaõre aratarenyreu. Aõherekibo inyõ rirawyòrenyõre raryreu. Timyreribo tahe waruruna ituere aõbo? Kõre. Urile ararybekeki bero ruỹkre. Tahe bero bederahyymy relekre òtura bede momo rahukre rarònykre dori.
|
||||
\v 3 Tahe biuwetyy arihetynykre bedeluru-di. Aõwesele ruumy ariwinykre bedeluru-di.
|
||||
\s1 Deuxu deòdu iaõhõkỹmydỹỹnana ityhyna.
|
||||
\v 4 Deuxu Tyhyhykỹ riwaerynanymyhỹyre timybo ararybekremy dewyse mahãdu riteysanykremy. Txuõtxuõlemy rudimy òbitimy aroholakremy Tii riwinymyhỹre. rarybemyhỹre-ò
|
||||
\v 5 Demux Tyhyhykỹ bedeery wade riwahinyre tahe jiarỹ rebureõhyyre ilau rexiòõre.
|
||||
\v 6 Wabrò rewahinyre ohòte-ò waòsana rewahinyre kia wajuhutesiri risymyhỹre-ò. Rexiwòõhyylere riwalahinymyhỹre-ò tule waòsana-ò rarybexinyre-ò.
|
||||
\v 7 Tahe araixỹruõtyhy Deuxu Tyhyhykỹ riwawiòhenany wahỹre dori. Tai mana tere wese watxiwahỹre rexieryre dori jiarỹ inyõ wadee riwaixỹruõtyhy.
|
||||
\v 8 Wamynydu dori ioholemy ratxireri. Moõ aõbo aõbinamy wanimy rarybekre. Dehe ikoirenykre wahisidỹỹ heto-ò. Inyõ aõbo wamy rarybekre. Manabohe wamy marybekremy.
|
||||
\v 9 Deuxu Tyhyhykỹ wawiòhedỹỹdu tai dori inyõ tiu aõhõkỹmy riwasỹnyõtyhy. Ibutumy waòludu mahãdu rexihurenykre iwese txudòera tyky rahumyhỹre wese.
|
||||
\v 10 Boholabenykre kaiboho Deuxu Tyhyhykỹ tetyhynymyhỹtenyte teòdu rybemy teòbyny mahãtenyte: Ryy tariamahãtenyte bedelurumy Deuxule bityhynybenykre, bitàdibenykre araròsònareny Deuxu-ò.
|
||||
\v 11 Kaiboho heòty tetoonymyhỹtenyte ebònareny teywinytenyte wyhy heòty-di tahe awyhyrenydi-le bexirubunybenykre. Deuxu Tyhyhykỹ kia rare kidiwahinykre aõhõkỹmydỹỹnana tabohe sõwemy botỹỹnykremy araraòmyhỹrenyre dori.
|
||||
\c 51
|
||||
\p
|
||||
\v 1 Deuxu Tyhyhykỹ rarybemyhỹre: “Boholabenykre tarasanamy riraòmyhỹrenyre wawiòhenamy rexitòenyre mahãdu-ò.
|
||||
\v 2 Ohõtireny itxi reakre mana ribohònyre-txi. Manahakỹ ribi aratarenyre dori. Abraaõ Sara-di mohõtinybenyke moriokorebo toitenyte. Abraaõ iriòre ijõõre tamy raryreu tahe tamy sõwe riokore rewahinyre.
|
||||
\v 3 Jiarỹ, Deuxu Tyhyhykỹ, Jerusaledi raruxetòenykre ibutu heto itueredi. Bede moro heka ariwinykre bede awimy iwese Eden hãwã wese wahe. Taihe deysanatyhymy ijõdikre wiu awimy rỹikre, tahe wiuna wadee rỹikre.
|
||||
\v 4 Boholabenykre waijoi mahãdu warybe-ò: Wabedeywina ariwahinykre bede mahãdu-ò. Warybe myna aritàdikre loosòna wesemy ibutu bede mahãdu-ò.
|
||||
\v 5 Irehe bede ludu mahãdu riwaraòmyhỹrenyre tahe riwatyhynymyhỹre ariwiòhenanykremy.
|
||||
\v 6 Betebenykre biu-txi iribi betehebenykre bede-ò. Biuwetyy aõwesele rexihukre wàdàdi. Bede tahe tyky tyby wese rexihukre, tabohe sỹdu mahãdu òhò wesemy rururenykre. Tahe ròtarenykre waruruna heka tuhyy roikre.
|
||||
\v 7 Boholabenykre kai boho teerytenyte òbitityhy rare abede ywina awoki ratxireri. Breburenyõmy matxibenykre inyõ ibinamy umyreny rarybekeu. Adeburenyõmyke inyõ arabuarenykeu adebureõmy arabuarenyreu .
|
||||
\v 8 Tii boho dori budoiniwona bodoinisira txudòera riròra wese rexihurenykre. Tahe ròtarenykre waruruna heka tuhyy roikre.
|
||||
\v 9 Bexixake! Bexixake! Deuxu Tyhyhykỹ arurunatyhy-di biwatabenyke, juhuu tewinyte wese. Kai Raabe teorote aõni terubunyte berohokỹ ludu.
|
||||
\v 10 Kai bero teturỹnyte; beheỹ teturỹnyte bero tya-ki ryy tewinyte Kia iny mahãdu tetate idi rakemy.
|
||||
\v 11 Deuxu ritare mahãdu rooserenykre tasỹ-ò Jerusale-ò rawiunymy rooserenykre tai reysamy tuhyy roirenykre. Deysana awityhy roirenykre bedewona ihõõkre ibru tule.
|
||||
\v 12 Deuxu Tyhyhykỹ rarybemyhỹre: “Jiarỹ ruruna rewahiny wahỹre. Tahe aõherekibo iny rurumyhỹre lau taberytenyte nobo wesemy ituemyhỹre.
|
||||
\v 13 Aõherekibo teixãwididỹỹnytenyte Deuxu Tyhyhykỹ awidỹỹdureny ribi. Biwetyy ritàtere bede riyrylemy roire. Aõherekibo aòludureny ibinahakỹmy tuhyy taberumahãtenyte. Idihyy aheworeny reamyhỹre arahurenykremy. Timybo tahe ikyaranareny adeereny relekre.
|
||||
\v 14 Rótena mahãdu aõwesele ròhònyrenykre. Tii boho ruruõrenyre rama risaõrenykre.
|
||||
\v 15 Jiarỹ berohokỹ abo reixedỹỹnymyhỹre tahe abo rawodỹỹny myhỹre.
|
||||
\v 16 Jiarỹ adeereny waerydỹỹna rewahiny wahỹre wadebo remywahỹre biwetyy retàtere bede riyrylemy ratxikemy rewinyra tai Jerusale sỹ mahãdu-ò rarybewahỹre: “ Kai boho wamahãdu toite.”
|
||||
\s1 Jerusale aõhõkỹmy ratxihyykre
|
||||
\v 17 Bexixake, Jerusale mahãdu mỹike, Deuxu Tyhyykỹ riwinyre bee deburenarenylemy teõte. Kai ibutumy teõte idi tarumahỹte.
|
||||
\v 18 Ibutumy ariòre tetybienyte ribi tahe sohoji ihõõre tebò-ki bimykemy biwiòhenanyke rariakemy.
|
||||
\v 19 Kai inatxi aõhokỹmy tatỹỹnyte aõbinahakỹmy: Asu rexihure, aòludu rahure dori, ijõta rama rahurenyre amahãdureny. Mobo tahe adi raruxetòekre. Mobo aramykre.
|
||||
\v 20 Ijoi mahãdu ahãwã ludu nohõti bremy ramamy rubumy resemyhỹreny iraruwetya-ki iwese budòe hawyy ruidu mahãdu rirubunyre rimymyre wese.Tii boho reserenyre Deuxu Tyhyhykỹ yarana òraruki wahe.
|
||||
\v 21 Herewelàhà Jerusale mahãdu tarumahãtenyte mona bina-di wese.
|
||||
\v 22 Boholabenyke Deuxu Tyhyhykỹ-ò amahãdu-di rimykre-ki. Wiji aribireny tahe retare wadeburena bedeò-di kia heka ararubudỹỹnyra. Tahe tiu idi buruõtyhy.
|
||||
\v 23 Kia tahe bedeò ariwiwahinykre aòludureny-ò tii boho raryberenyre boibenykre bede-ò atyrereny arariarenykre. Kai tỹite atyre rariarenyre suu wesemy atyre rariarenyre.
|
||||
\c 52
|
||||
\rem dat 2004
|
||||
\s1 Deuxu Rihedỹỹkre Jerusalẽ
|
||||
\p
|
||||
\v 1 Bexixake Jerusalë, bexixake wiji kia ixyby aruru bitỹmyrenybenyke. Hãwãòbiti tyhy, bexityynyke atyy owyhykỹ-di, kia dori ityhydỹỹduõ mahãdu, kua iny mahãdu susuhukỹre, tiu ixyby awanareny ihãwarenyõna.
|
||||
\v 2 Siaõ hãwãruxera, tabrejumy sutyre-ki tanyteri, bexitake areruti womati-ribi, bexilàmadỹỹnyke, atyy-ribi suỹnysi bitòtytòtynyke kiata arynanatxi bunyke.
|
||||
\v 3 Deuxu Tyhyhykỹ rarybere tasỹreny taijoireny dee: — Tiubo kai boho tadytenyteu wetxu wetxu wesemy iwitxira hãwahãkỹ-ò, inyõ araòwynyrenyõhyyrenyre; iwese tahe diarỹ tule araòwynyrenyõkre wetxu-ribi bòhònybenykre-ribi.
|
||||
\v 4 Deuxu Tyhyhykỹ rarybere: — Kodelemy wasỹreny mahãdu roire Ejitu-ò tai rahãwanyrenykremy; kia tii boho ròirenyre kiemy ixideewimy. Irahudi tahe Assiria ridyrenyre wetxu wesemy kiata aõmy riòwynyrenyõhyyrenyre.
|
||||
\v 5 Aõmybo tahe wiji rabireri? Babilonia iyrybutyhyle riwinyre: wasỹreny waijoireny wetxu wesemy ridyrenyre kia aõmy tamyreny riòwynyrenyõhyyrenymy.Kua mahãdu iny rimymy ratximyhỹrenyre ròtarenymy rirajuamyhỹrenyre kiata wamy ibinahyymy rarybemyhỹrenyre rexijuhunyrenymy aõkõ.
|
||||
\v 6 Kia tahe txuu kanakre kia wasỹreny waijoire wani rieryrenykre diarỹ raremy, tuu rarybere: “Diarỹ kaki watxireri!”
|
||||
\v 7 Timybohe iruxerare rybe wahi-di nodu raijaranymy rareri hãwalò hãwalò-di, ywimy iny rỹimyhỹkemy ijyy-di rareri, hedỹỹna ijyywihikỹ-! Tii rarybere Siaõ dee: “ADeuxu heka Iòlò rare!
|
||||
\v 8 Boholabenyke itxeredu mahãdu rirajuarenyreri-ò! Tii boho rabedesamy rirajuarenyreri, ibutumy, kiemy dori taruetyhyreny-di tuu robirenyreri Deuxu Tyhyhykỹmy Siaõ dee ròòsererimy.
|
||||
\v 9 Jerusalë rabinabinare, beysamy mawiunyke, kiemy dori Deuxu Tyhyhykỹ aijoireny-di asỹreny-di rawobrure kiata Jerusalë rihedỹỹnykre.
|
||||
\v 10 Kia hãwãhãwãbede bede mahãdureny ruki Deuxu Tyhyhykỹ tabedeery tyhyhykỹ riteòsinykre. Bede bede hãwãhãwãibutumy tuu robirenykre kia iny Deuxureny iny boho rihedỹỹnyrenyremy.
|
||||
\v 11 Wasỹreny waijoireny, Babilonia-ribi bòhònybenyke! Ibutumy bòhònybenyke kia uritre derexirenyõmy aõnaõna susuhukỹ-ò. Bexisuhòbenyke kia Deuxu rybena heto aõnaõna-di brebuna-di tetyytenyteri.
|
||||
\v 12 Ka wiji tahe kai boho elelemy aõkõ biòlònybenykre, bexiwòbenyke aõkõre, kiemy dori Deuxu Tyhyhykỹ adireny itxeredumy rakre. Israel Deuxu araijerenymy rakre ibutumy bede bedemy.
|
||||
\s1 Deuxu Deòdu Aõhỹỹmydỹỹnanana Kia Itarasanahãkỹ
|
||||
\v 13 Deuxu Tyhyhykỹ rarybere: “Ibutumy aõ wadeòdu riwinykre òbitihyymy ròhònykre; tii heka awityhymy turybe rỹikre kiata söemy ixidee rybena wiwihikỹ rimykre.
|
||||
\v 14 Ibutumy s:oemy iny mahãdu ilau ruberurenyre, kia tu robirenyreu, kiemy dori tii ixiwesemy aõkõ ratximyhỹ, kia iny wesemy aõkõ ratximyhỹ.
|
||||
\v 15 Ka tahe wiji söemy iny mahãdu bede riòtiinyrenykre tuu robirenykreu, kia sõemy iòlò mahãdu rieryrenyõhyyrenykre aõmy raryberenykre. Kiemy dori robirenykre aõnaõnamy kia inyõ tuu rarybeõhyyre, kia rieryrenykre tiu Tamy roholarenyõre.”
|
||||
\c 53
|
||||
\p
|
||||
\v 1 Iny mahãdu rarybere: “Mobo tahe rityhynykre kia iny boho tamy roholarenyra? Mobo tahe tuu rarybere Deuxu Tyhyhykỹ reamyhỹmy?
|
||||
\v 2 Kiemy dori Deuxu Tyhyhykỹ deòdu ratỹnykemy risỹnymyhỹ alòbròna ruhunymyhỹre wesemy kia suu irubu-ki raumynymy ramyhỹre. Tii heka iruxerake aõkõre kia ityywike aõkõre, kia aõ tai awike heka aõkõhyyre tamy reketeherenykemy yda iny boho tuu rekeàlàrenykemy.
|
||||
\v 3 Tii heka hitxi hitxinalemy reare kia ibutumy iny mahãdu teramy rekoarenyre; tii aõdesedese riere kia aõhỹỹmydỹỹnana ionanaõmy. Kia heka iwese inyõmy rokobirenyõke wesemy; iny boho dorile idi reteheõhyymyhỹreny idi kia urile idi itxere deramy rekoamyhỹreny.
|
||||
\v 4 “Kiaremy tahe iny aõhỹỹmydỹỹnanareny rare tii idi retyymy ratximyhỹ, kia kia aõdesedesereny-di kia tii riemy ratximyhỹ. Kia iny boho tahe idi rõhõtinyrenyre kia ixiòraruki tuu riwinymyhỹmy kia Deuxu rirarytxynymyhỹ, kia Deuxu aõwimy aõkõ idi ratximyhỹ kia riwotõmonymy.
|
||||
\v 5 Kiaremy tii aõhỹỹmy rutỹỹnymyhỹ iny òrarunareny òraruki, kia rararytxymy ratximyhỹ iny aõnaõnareny binahãkỹ òraruki. Iny boho heka reytemy ratximyhỹrenyre tii rarytxynamy aõhỹỹhỹỹmy rutỹỹnyre, iny boho reyterenyre kia tii rawotömore-ki.
|
||||
\v 6 Ibutumy heka iny boho budoeni boho riõmy ratxirenyre wesemy roiremyhỹ; iny boho sohoji sohoji taryreny òbitidile ririranymy roiremyhỹ. Ka Deuxu Tyhyhykỹ tahe tadeòdu rirarytxynyre; kia tii rirarytxydỹỹnyre iny boho tuu rekoamyhỹrenyre wahe.
|
||||
\v 7 “Tii ibinabinahãkỹ idi ratxirenyre, kia tahe riere ywihyylemy kia aõ rybemy rarybeõhyylere. Kia rybeõlemy ratxire iwese iròduõ rurukremy ratximyhỹ wesemy, kia iwese budoeni isityyy rakròmyhỹre wesemy.
|
||||
\v 8 Kia rabrejure, kia radyre rurukremy, kia inyõ tuu rõhõtiyreõhyyre aõhebo tii rutỹỹnykremy ratximyhỹmy. Tii rateòdỹỹre iny mahãdu irumy rỹimyhỹrenyre-ribi, kia rurure iny ijoireny iny sỹreny òrarunareny òraruki.
|
||||
\v 9 Kia ratuudỹỹnyre rubudỹỹdu mahãdu weribiki, kia ratuudỹỹre iny iaõdimy rỹimyhỹrenyre-wana, kia tahe tiu inyõ rirubunyõhyyre kia roi rybe rarybeke aõkõre.”
|
||||
\v 10 Deuxu Tyhyhykỹ rarybere: “Diarỹ aõnaibinamy arasỹnyre, aõhỹỹmy arasỹnyre. Tii heka taumy riwahinyre xiwena wesemy òraru òraruna ritakremy iurenana tahe iherehehekỹmy rarekre kiata tarioreriore bohomy robikre. Tii riwinykre wabededỹỹ òbitimy ròhònykremy.
|
||||
\v 11 Kia sõemy aõhỹỹmy rutỹỹnyre òraruki tii ibedesatyhymy rarekre; kia tuu rexiwahinyre òraruki tii awihyymy ibutmy rarekre. Wadeòdu heka iòraru ihoõre, ka tii tahe aõhỹỹmy rarytxynamy rutỹỹnykre kia sõemy iny mahãdu tuu rekoamyhỹrenyre, kia wesemy tahe iòrarureny raixawidỹỹkre.
|
||||
\v 12 Iurenana diarỹ tamy bedewihikỹ ariwahinykre; tii rimykre aõwiwi ibutumy inihikỹ-wana kia iruruterehekỹ ibedeeryhykỹ-wana. Kiemy dori tii taumy òbiti riwahinyre kia rubudỹỹdu wesemy idi ratxirenyre. Tii sõemy òrarudu mahãdureny òraruki riwyre kiata Deuxu dee rexitòenyre kia tii boho iòrarureny raixawidỹỹkemy.”
|
||||
\rem dat 2009
|
||||
\rem aut Maria Tereza Lawarita.
|
||||
\c 54
|
||||
\p
|
||||
\v 1 Jerusale kai tiu tariòrenyõte tiu uladu dese teijeõte, tahe wiji mawiunyke beysakre deysalemy tahe Deuxu Tyhyhykỹ rarybere: “ Hawyy ixinamy rỹireri heka sõwemy iriòre ijõdikre hawyy tahãbu wana rỹireri ribi.”
|
||||
\v 2 Tahe ỹnyra heto-ki relemyhỹre heka bihinikỹdỹỹnykre tasỹ heka binihikỹnykre iyjamy iwidỹỹõmykre. Bitõranykre ahetoti imyremy bidekre.
|
||||
\v 3 Kai aheto biterenykre ibutu bede bede -di amahãdu tasu rimyrenykre aòludu rimyre ixidee. Hãwã iny ijõõre tai sõwemy iny rỹxikre.
|
||||
\v 4 Brebuõmykre tahe tiu dori maixỹruõtyhy. Uritre mysajuraõmy mõõ dori arabuaõtyhy. Kai õhõti rusakre atỹmyrau sõwemy arabuarenyre kai ohõti rusakre aõhõkỹmydỹỹnana awytesena-txi.
|
||||
\v 5 Deuxu Tyhyhykỹ Iny Widỹỹdu Deuxu Rurutyhy dori ahãbumy rarekre; Israel Deuxu Òbitihikỹ ibutu bede bede Deuxu rare, aratakre.
|
||||
\v 6 Kai heka hawyy ixinamy ihãbu ririmyhỹre wese tate. Tahe Deuxu Tyhyhykỹ ixyby adee ryryreri boosekremy. ADeuxu heka rarybemyhỹre: “Moo aõbo riteònyke hawyy mowanabo roimyhỹre itỹmyrau.
|
||||
\v 7 Jiarỹ heka rerire ixinalemy urihimyòlemy tahe wiji heka adee reòbyra.
|
||||
\v 8 Wayarana-di wadeburena-di ibutemy aribi rexiwore; tahe waluunatyhy-di arawotòenykre adee.” Kiamy rarybereri Deuxu Tyhyhykỹ aTarasadu.
|
||||
\v 9 Deuxu Tyhyhykỹ rarybereri: “Noe bedeu heka Jiarỹ rarybetyhyre tiu bedi bede rahuõtyhy kiawese heka wiji tiu adee arayarananyõtyhy. Tiu aõhõkỹmy arasỹnyõtyhy.
|
||||
\v 10 Hãwãlò heka ixinamy rexihukre, bederatòò ixinamy rejuxunykre tahe waluuna tiu rexihuõtyhy adee; tahe rybe luuna retidire heka tiu ixãwiõtyhy. Kiamy Deuxu Tyhyhykỹ rarybereri aluure-ki.
|
||||
\v 11 Jerusalẽ aõhõkỹmydỹỹnana sõwemy raraykyny myhỹrenyre bede bina-di mõõ aramyõrenyre. Jiarỹ arawinykre mana tỹrỹrỹhỹkỹ-di heto manana heka safira-di rarekre
|
||||
\v 12 Aòwòna-ribi manasó-di rarekre ijòtòbòna berilo tỹrỹrỹhỹkỹ-di rarekre.
|
||||
\v 13 Jiarỹle sỹdu mahãdu arierynanykre tii boho imynydu ijõdire ywina ijõdire taile roirekre.
|
||||
\v 14 Kai òbitina ijõdikre amynydu tai dori awityhymy matxikre tiú aõhõkỹmy botỹỹnyõtyhy tuhyy.
|
||||
\v 15 Inyõ adee reakreki waòrarumy aõkõ. Ibutu awana resukre iribi botakre ibutu aõbinamy adee kidirahukre ibutu ribi rotakre.
|
||||
\v 16 Jiarỹ womati aõmysỹdỹỹdu widỹỹdu rare helòtyra ribunyre debòna riwinykremy aõbina-ò. Sodado widỹỹdu rare debòna-di bede rahukremy.
|
||||
\v 17 Tahe aõdebòna ararubunyõtyhy, tahe inyõ wahisidỹỹnamy rakeki tiu aõhõkỹmy arasỹnyõtyhy. Tahe wadeòdu boho-ò kiamy rare tarasana rewahinymyhỹre. Deuxu tyhyhykỹ rarybere.
|
||||
\c 55
|
||||
\p
|
||||
\v 1 Boholabenyke bee risare mahãdu: Bodoibenyke bemomomy! Bodoibenyke nieruõ mahãdu rỹsỹna biwybenyke biroxibenyke! Biwybenyke vii broreni huỹsy-wana iòwyõlemy.
|
||||
\v 2 Aõherekibo nieru tehumahãtenyte rasỹna aõkõ rare hỹrele. Aõherekibo aubewerireny-di tehumahãteny-di ramamy rubureny rahurenyre hỹrele. Warybe boholabenykeki, biwinybenykeki rãsỹna wihikỹ birasỹbenykre rỹsỹna wihikỹtyhy.
|
||||
\v 3 Boholabenyke wadee bodoike boholatyhykre abededỹỹnana itỹmyra mahabenykre. Awanareny aritidikre tuhyymy Davi-ò deysana rewahinyre adeereny ariwahinykre.
|
||||
\v 4 Jiarỹ Davi bede mahãdu wedumy resỹnyre iribi heka warurunamy rieryrenyre.
|
||||
\v 5 Wiji heka kai boho bede mahãdu witxira-ò rybe bitidibenykre umy matxikre, bede mahãdu teeryõtenyte tii boho kanaijaranydenykre araòbynyrenykremy. Tuu kanyikre Jiarỹ Deuxu Tyhyhykỹ ADeuxureny Israeli Deuxu òbitina adeereny rewahinyre ruruna deàlàna.
|
||||
\v 6 Biijebenykre Deuxu wiòhedỹỹna arumy atximahãtenyte-ki Deuxu Tyhyhykỹ-ò bexitòenybenyke iòhò-kile ratxireri-ki.
|
||||
\v 7 Iny bina bina mahãdu ibededỹỹnana awi-ò rexirahaõremyre tararayky bina riixãwididỹỹnykre. WaDeuxu Tyhyhykỹ-ò bòòsebenykre Tii heka wotòena ijõdire tahe riixãwididỹỹnytyhyre dori.
|
||||
\v 8 Deuxu Tyhyhykỹ rarybemyhỹre: Warayky arayky wese aõkõ rare. Jiarỹ rewinyõmyhỹre kai boho tewinymahãte-wese.
|
||||
\v 9 Iwese biuwetyy bede ribi irehemy roireri wese warayky heka iratyretyhy arayky ribi rare.
|
||||
\v 10 Biu ribi bee rejuxunymyhỹre nonoe rejuxunymyhỹre biu-ò rooseõmyhỹre bederixobanykre koki. Alòbròna ruhunykremy raumynykremy raratynykremy ity rayrubukremy ribrònykremy ry sỹna rawahikremy iny-ò.
|
||||
\v 11 Kia wese tule warybe ritidire tiu roòseõtyhy aõ riwinyõre ribi tii riwinyre ibutu aõmybo rarybere wahe.
|
||||
\v 12 “Kai boho beysamy boibenykre Babilonia-ò ywinamy boikre asureny-ò. Hãwãlò heka bederatòò heka deysamy rawiunyrenykre. Ibutu òwòru Tebò ritòtynykre.
|
||||
\v 13 Tikibo hede ijõdire òwòru wihikỹle ruhunykre tikibo bede rahyy òwòru wihikỹ ruhunykre. Kia heka adeereny itxerena rare kia riwinyre-wahe itxerena heka tiu ixãwiõtyhy.”
|
||||
\rem dat 2010
|
||||
\rem aut Maria Tereza Lawarita
|
||||
\c 56
|
||||
\s1 Bede witxira ludu
|
||||
\p
|
||||
\v 1 Deuxu Tyhyhykỹ rarybemyhỹre tamahãdu-ò: “ òbitina-dihyy matxibenykre òbitimy biwinybenykre, iribi aratarenykre ariteòsinykre waruruna tarasadu wahe.
|
||||
\v 2 Deysamy roire ibutumy sabadu txu riyrubuny mahãre mahãdu. Deysamy roire ibutumy ibina riwinyõre mahãdu.
|
||||
\v 3 Bede witxira ludu mahãdu Deuxu reàlàmyhỹre tiu rarybeõtyhy: “Deuxu Tyhyhykỹ wadi rehuõtyhy tamahãdu ribi. Weryrybò taumy wedumy ramyhỹ tiu rarybeõtyhy kia wesemy. Jiarỹ tiu arariòrenyõtyhy tai dori Deuxu mahãdumy aratxiõtyhy.
|
||||
\v 4 Deuxu Tyhyhykỹ tahe kia weryrybò mahãdu-ò rarybemyhỹre: “ Sabadu txu biyrubunybenykre wadewimy biwinybenykre warybe biòbynybenykre.
|
||||
\v 5 Kia weryrybò hãwyyõdu mahãdu kiamy riòbynymyhỹrenykre wana ariwahinykre ariòre ratyremy. Ini heka templo-ò arirytinykre. Wamahãdumy rarehyykre. Ini heka tiú rusaõtyhy.
|
||||
\v 6 Iny witxira mahãdu heka Deuxu Tyhyhykỹmy reàlàmyhỹreny, Deuxu Tyhyhykỹ luu renyre, idihyy raõmysỹdỹỹmyhỹrenyre. Deuxu rarybere: Sabadu txu biyrubunybenykre wadewimy biwinybenykre warybe biòbynybenykre.
|
||||
\v 7 Aradyrenykre bederatòò Siaõ-ò waheto — ó deysamy matxibenykre waixitòedỹỹna-ki. Tai xiwereny areòbykre wadee biwahinybenykre xiwena-ki. Waheto heka ixitòedỹỹna hetomy raninikre.
|
||||
\v 8 Ijõ mahãdu heka Israeli suu-ò aradykremy watxireri wamahãdu aributunykre wamahãdu adiòkesedỹỹnyde dori. Kiamy heka Deuxu Tyhyhykỹ rarybere diòkesedỹỹnyde tamahãdu Israeli hãwã-ò iwitxira mahãdu suu ribi.
|
||||
\s1 Israeli wedu heka Deuxu wahisidỹỹnamy
|
||||
\v 9 Deuxu Tyhyhykỹ rarybereri: “ Bodoibedenykre iròdu bedeyxe ludu birobenykre iròdu mahãdu”
|
||||
\v 10 Wamahãdu itxeredu heka iruetàrenyre aõ robiõrenyre. Tii boho ibutumy ijòròsa rybeõ wese rare; herihyymy roire rõrõmy roirehyy roire deàruxeremy; tỹhi luumy, rasi luumy.
|
||||
\v 11 Kia ijòròsa byrehekỹ rare rỹsỹnahyy rurumyhỹrenyre. Wabudoini itxeredu mahãdu heka aõ rieryõre; ibutumy taryyrenyhyy roimyhỹrenyre ixidewimy riwinyrenyre.
|
||||
\v 12 Tii boho rarybemyhỹrenyre widee: vii rikijerenykre vii tyhyhykỹ rikiõrenykre. Biurasòmy tule rikiõrenykre iratyretyhymy
|
||||
\rem dat 2010
|
||||
\rem aut Maria Tereza Lawarita.
|
||||
\c 57
|
||||
\p
|
||||
\v 1 Iny òbiti mahãdu rurumyhỹre tahe môo tõtxi ririõhyymyhỹre. Inywi mahãdu iõmy reare mõo tuu robiõhyyre. Ruruna binale ridyrenyre.
|
||||
\v 2 Tahe iny òbitimy nodu awilemy bede rijemyhỹre òbitimy ratximyhỹre mahãdu heka ywinamy raharenyre, rurureu elerihynyrenyre ywina-ki. Deuxu wahisidỹỹna riwahinyre suu ritxoomy reàlàmyhỹre mahãdu-ò.
|
||||
\v 3 Deuxu Tyhyhykỹ rarybere: Bodoibedenykre hàri riòre wahisidỹỹna-ò arawahinyrenykre woxi, òtadu mahãdu aderana mahãdu arawahinyrenykre woxi wahisidỹỹna-ò!
|
||||
\v 4 Mobo tebuatenyte. Modibo tàsinytenyte. Kai boho òrarudu mahãdu toite, ruidu mahãdu toite.
|
||||
\v 5 Suu ritxoo mahãdu bityhynybenykremy òwòru rawo-ò toimahãtenyte òta òtawidỹỹmy Mana hãloo-ò bee bire-ki rỹimyhỹre Kai boho ariòreny tewahiny mahãtenyte suu ritxoo mahãdu-ò.
|
||||
\v 6 Kai boho mana làtyhykỹ bera-ki temymahãtenyte asuu ritxoorenykremy tuu beàlàbenykremy xiwena tamyreny biwahinybenykremy vii, hina biwahinybenykremy. Kai boho aõbo tahõtiny mahãtenyte kia awimy wadee tewinytenyterimy.
|
||||
\v 7 Kai boho hãwãlò-ò toimahãtenyte òta òtamy biwinybenykremy suu ritxoo-ò xiwenamy tewahiny mahãtenyte.
|
||||
\v 8 Kai boho asuu ritxoo òta òtamy làsina rare aheto ijòreny webrò-ò tesỹny mahãtenyte. Waribi õhõtireny rusarenyre. Atykyreny tetamahãtenyte abirenareny wana boibenykremy herimy iòwy-dimy ratxikremy. Tai dori ixidewimy òta òta tewiny mahãtenyte.
|
||||
\v 9 Kai boho adỹỹ aderona wana temytenyte Moloki-ò beàlàbenykremy. Ibutu bede bedemy rybedu teuberanytenyte suu ritxoo witxiramy rijekremy tai tahe kia rybedu rubusỹ-òhỹkỹle roirenyre.
|
||||
\v 10 Kai boho teoruxeretenyte ihỹrele toitenyte. Asuu ritxooreny binahakỹ ararurudỹỹnyrenyre, tai dori ixãtenyõte.
|
||||
\v 11 Kai boho sõwemy taberumahãtenyte kia suu ritxoo lau. Mobo heka tii boho ratxirenyreri ruimy wako bedelyykremy õhõtireny rusarenyhyykre waribi. Jiarỹ aõbo rybeõhyy ranyre-ki aõbo walau taberuõtenyte, tiwatyhynytenyõte dori.
|
||||
\v 12 Ariteòsinykre ibutumy adeereny aõbo tewiny mahãtenyte. Òbitimy adeewimy tahamahãtenyte-ki tahe kia aõ aõkõ rare.
|
||||
\v 13 Tiubo byrybenykreu ixiwiòhenadỹỹmy sõwemy suu ritxoo mahãdu arawiòhenanyrenyõtyhy. Yhy irehemy riwykre kia suu ritxoo mahãdu. Sohoji ribynykrehyy riõnodỹỹnykre. Tahe mobo riwatyhynykre arisỹdỹỹnykre suu wihikỹ-ò; wahãwalò ratòò òbitina heka tamyreny rarekre.
|
||||
\s1 Deuxu ruxetòenamy
|
||||
\v 14 Deuxu Tyhyhykỹ rarybereri: “Ryy bibrasanykre, iribi bitàtànykre wamahãdu kodoosekremy wadee.
|
||||
\v 15 Deuxutyhyhykỹ, ibutu ratyre, tuhyy ratximyhỹre rarybereri: Jiarỹ bede ratòòhòkỹ-ki rasỹnymyhỹre bedewihikỹ-ki, tule rasỹnymyhỹre iny ywimynodu bire-ki ratxireri, aõhõkỹmy rotỹỹnyreri mahãdu weribi-ò. Ywimynodu mahãdu raròsòna ariwahinykremy, aõhõkỹmy rotỹỹnyreri mahãdu-ò ruru itỹmyramy ariwahinykremy.
|
||||
\v 16 Tuhyy aõkõ wamahãdu-ò ararybekre arayaranamy aratxiõtyhy tii boho rururenyheny lau iny mahãdu rewinyre-ki.
|
||||
\v 17 Irarunareny òraruki tamyreny waky reare, iaõmydỹỹna òraruki tai dori aõhõkỹmy dỹỹnana resỹnyre. Wayarana òraruki iribireny rexitare irehemy rexiijere ihỹrele raijàmatererenyre taryyreny-dile roirenyre. Tuu rabirenyre timybo riwinyrenyre; ihỹre heka ariteytenyrenykre aridinodunyrenykre; ariwiòhenanyrenykre. Robumahỹre mahãdu ryy-ò heka
|
||||
\v 19 Rybe àlànamy ariwahinykre. Ibutu-ò ywina rewahinymyhỹre, iòhò mahãdu-ò ywina rewahinymyhỹre irehe mahãdu-ò tule. Jiarỹ arateytenyrenykremy.
|
||||
\v 20 Taheka ibina mahãdu heka berohokỹ-ki àbò rese wese rare. Iàbò resehyymyhỹre suu-ò diwymyhỹde subruru ixu wana.
|
||||
\v 21 Kia iny òrarudu mahãdu-ò hena ijõõre. WaDeuxu tuu rarybere.
|
||||
\c 58
|
||||
\s1 Inarehetyhy
|
||||
\p
|
||||
\v 1 Deuxu Tyhyhykỹ rarybereri: Byrykre tuhyy arurumy!” Juròna wesemy byrykre! Wamahãdu-ò Jakò riòre mahãdu-ò marybebenykre iòrarunarenymy iaõbinabededỹỹnanarenymy.
|
||||
\v 2 Txuõtxuõlemy heka wamy realamyhỹrenyre tii boho wadeewimy rieryrenykremy rarybemyhỹrenyre iwese òbitina mahãdu rariamyhỹrenyre wesemy warybe riòbynymyhỹre wese mahãdu. Wadee rexitòenymyhỹrenyre rybe òbitinamy rariamyhỹrenykremy.”
|
||||
\v 3 Iny mahãdu Deuxumy rỹỹraxire: “Aõmybo heka iny boho renarehemyhỹrenyre Deuxu wamyreny tabiõhyymyhỹte hãrele!” Aõherekibo ramariwasa myhỹrenyre aõ aõkõ adee rare hỹre? Deuxu Tyhyhykỹ rirawyònyre: Kia heka aõmysỹdỹỹnareny rare waõmysỹdỹỹna aõkõ rare adeòdureny sõwemy aõmysydỹỹnareny tewahinytenyteri dori.
|
||||
\v 4 Inarehetxu heka urile tajeijei mahãtenyte tarybe rybe mahãtenyte wii teheny mahãtenyte. Kia wesemy aõbo tahõtiny mahãtenyte inarehe-di kia wesemy aõbo aroholakre aixitòedỹỹna.
|
||||
\v 5 Aõbo adeereny rexitòenyre inarehetxu biwinybenykremy. Kai boho rama arasarenykremy aõbo umyreny raruwahỹre. Iwese aõbo yhyhykỹ rarabynymy resemyhỹre iwese aõbo umyreny raruwahỹre. Sau yxe tyky yxe aõbo besityynykemy aõbo raruwahỹre, brybry tyre-ki boikremy aõbo umy raruwahỹre. Kia aõbo tenini mahãtenyte inarehemy. Kia aõbo wade awire.
|
||||
\v 6 Kia aõkõ inarehe wade awire. Kai boho biòlòdỹỹnyrenykre kia ròtena mahãdu teròtenytenyte aõ iòrarunaõ-di ityrereny iutxie iribi bitabenykremy iaõhõkỹmy dỹỹnana tesỹnytenyte-ki. Ixinamy roirenykre kia aõhõkỹmy rotỹỹnymyhỹre mahãdu. Wetxu mahãdu bixãwididỹỹnybenykre.
|
||||
\v 7 Inarehe kaa wade awi rare iny rama risamyhỹre mahãdu-ò arỹsỹnareny bitxuabenykre heto ijõõre mahãdu heka asỹreny-ò ixideereny bidybenykre, tyky ijõõre mahãdu-ò tyky tamyreny biwahinybenykre tule amahãdureny ixinamy irisirenyõmykre.
|
||||
\v 8 Tai tahe wahena loosòna txuu wesemy roosokre idi heka ibutumy beytebenykre. Atarasadureny aradinodunyrenykre Deuxu Tyhyhykỹ adirenyhyy ratxikre ibutu weribi-ò.
|
||||
\v 9 Aixitòedỹỹnareny byrybenykreu areòbykre. Bexitòebenykre ixiwiòhedỹỹmy tai ararybekre: “Jiarỹ kakile watxireri.” Ibutu urimynodu aõmysỹdỹỹnareny bixãwididỹỹnykeki ibutu rybe bina bina bixãwididỹỹnykeki
|
||||
\v 10 Ramamy rubu mahãdu rỹsỹna biwahinybenykeki, aõ rurumyhỹre mahãdu, hena loosòna roosokre adeereny bedeluru-ki atximahãtenyte heka txutye wesemy rỹikre.
|
||||
\v 11 Jiarỹ Deuxu Tyhyhykỹ heka aradinodunyrenykre tuhyy bederahy-ki hãrele rỹsỹna ariweahinykre arateytenyrenykre ararurudỹỹnyrenykre wahe Kai boho heka suu wihikỹtyhy wesemy matxibenykre asi bee jàtàta reamyhỹre wesemy matxibenykre.
|
||||
\v 12 Heto dena tyby-ki aheto biwinybenykre ahãwãreny relekremy Kia hãwã rexihure wesemy wahe. Kai boho heka inymy araeryrenykre òtity rejuxunyre tyby ixyby teòtitynytenytemy, ixyby heka heto riwinyre rejuxunyre wahe.
|
||||
\s1 Sabadu txu heka bityhynyke
|
||||
\v 13 Deuxu Tyhyhykỹ rarybereri: Sabadu txu ywina rybemy bityhynybenykre. Aõmydỹỹnana iwidỹỹõmykre watxu wahe. Kia txuu heka waelehyna txumy rỹimyhỹre. Sabadu txu heka anarỹỹ txu heka rare. Deuxu Tyhyhykỹ sabadu txu heka rityhynykre. Biyrubunykre sabadu txu aõmysỹdỹỹõmykre. Aõna õnaõmykre uritre rybe rybeõmykre.
|
||||
\v 14 Biwaòbynybenykeki adeysanareny wahisidỹỹdumy ararekre ibutu aõna õna-ki botabenykre. Bede-ki heka deysatyhymy matxibenykre kia bede-ki alabie Jakò-ò rewahinyre-ki. Jiarỹ Deuxu Tyhyhykỹ heka rarybere.
|
||||
\c 59
|
||||
\s1 Iny òrarunareny-ò Deuxu wahisidỹỹna riwahinymyhỹre.
|
||||
\p
|
||||
\v 1 Deuxu Tyhyhykỹ aõbo taruruna-di iny ritaõkremy idi tahõtiny mahãtenyte taruruna rahure aõbo. Tõhõti tare aõbo iny roholaõkemy aõbo tahõtinytenyte.
|
||||
\v 2 Aõkõre aòrarunarenyle dori arahitxinyreny aDeuxureny ribi. Aõbina binareny lau Deuxu rexiwore tai aixitòedỹỹnareny roholaõre.
|
||||
\v 3 Ebòreny hãlubu-di ixumy rỹire, rubudỹỹdurenyre-ki ebòreny ixumy rỹire kai boho ruilemy telyy mahãtenyte tahe rybe bina binalemy tarubemyhỹhyytenyte.
|
||||
\v 4 Wahisidỹỹdu-ò òbiti aõkõ toitenyte moõ òbitimy rarybeõhyymyhỹrenyre tamy. Ibutumy rityhynymyhỹrenyre ruile iòbiti aõkõ rityhynymyhỹrenyre ibinamy rarybemyhỹrenyre ruilemy rubudỹỹmy.
|
||||
\v 5 Araykyreny wydyna binahakỹ hemylalasi binahakỹ wese rare; mobo isi rirasỹmyhỹre rurumyhỹre; ijõ rabòhòmyhỹre hemylala iòhãrutyhyre ròhòmyhỹre. Arawyky wydyna heka aõ aõkõ rare; otxurukusiri làtỹ wese rare.
|
||||
\v 6 Tykymy releõtyhy inyõ idi rexitynyõtyhy. Ibutumy aõbo tewiny mahãtenyte ibinamy ibutu awidỹỹnareny rubudỹỹna rare.
|
||||
\v 7 Kai boho taijiranytenyte aõbina biwinykremy wylemy teamahãte iny aõ riwinyõre rubudỹỹmy; Kai boho tarawyky mahãtenyte ibinamy biwinybenykrelemy. Tidibibo toimahãtenyte ibinahyky terimahãtenyte.
|
||||
\v 8 Ywina ryy teeryõtenyte ibutu awidỹỹnareny awi aõkõ rare. Kaiboho ryy òbitidi aõkõ toimahãtenyte tai amynodureny ijõõre.
|
||||
\s1 Iny mahãdu taòrarunareny raryberenyre.
|
||||
\v 9 Deuxu riwatarenyõre waòrarunareny ijõdire tai dori riwawiòhenanyrenyõhyymyhỹrenyre. Loosòna reijerenyre tahe bedelurule-ki raharenyre. Bedetỹny reijerenyre tahe bedelurule-ki rariahyymyhỹrenyre.
|
||||
\v 10 Hetowe-di rerirerimy rariamyhỹrenyre iruetà wesemy waruereny ijõõ wesemy; txutuemy wawareny ratynymy reare ruu wesemy noijaka itỹmyra wesemy watxiwahỹrenyre ihỹrele rubu wesemy wahỹrenyre.
|
||||
\v 11 Hãlòwe rawolohemy wesemy watxiwahỹrenyre; bòtòwe ibru wesemy raòhitxinywahãrenyre; watarasanareny reraòmyhỹrenyre tahe irehe-ki roimyhỹre; wawiòhenareny raruwahỹrenyre tahe irehe-ki roimyhỹre.
|
||||
\v 12 Deuxu eramy sõwemy òraruna rewinyrenyre, tahe waòrarunareny riwamymyhỹrenyre wanohõtireny itxi rearenyre. Tiu wanõhõtireny rusaõtyhy aõbina bina ribi. Rexierytyhyrenyre òrarudumy roirenyre-ki.
|
||||
\v 13 Òbitimy ratxirenyõre adee tuu raruõwahỹrenyre eramy rekoarenyre aribi irehemy watxiwahỹrenyre waDeuxu. Rubudỹỹlemy rarybemy wahỹrenyre jeijeilemy rarybemy wahỹrenyre itxenadỹỹlemy rarybemy wahỹrenyre tai tahe irehemy watxiwahỹrenyre aribi.
|
||||
\v 14 Òbitina ixinalemy rerirenyre iny òbitina ixinalemy rerirenyre inatyhyna heka ryty rytynymy rearenyre wahisidỹỹna-ò.
|
||||
\v 15 Inatyhyna heka iõre, tahe òbitina-ki rariamyhỹre mahãdu heka iny iheworenymy reamyhỹrenyre.
|
||||
\s1 Deuxu tamahãdu ritakre Deuxu Tyhyhykỹ heka ibinamy tai rahare aõbina binahyy riwinymyhỹrenyre-ki.
|
||||
\v 16 Tii bede riòtiinyre moõ imahãdu ritaõre-ki. Tai dori taruruna-dile ritare Deuxu òbitinahakỹ rare-ki rotare.
|
||||
\v 17 Deuxu Tyhyhykỹ òbitina-di tabreti rihetynyre tarasana-di tarati rihetynyre, òwydỹỹna tyhyymy relere taykarana ibròhetymy rare.
|
||||
\v 18 Tii iny sohoji sohoji-ò òraruna òraru-ki riwahinykre. Tayarana-di taòludu mahãdu rahukre iny ireheludu mahãdu tule rehemynykre tamyreny.
|
||||
\v 19 Ibutu ibrura weribi ludu mahãdu, txu ròtena ludu mahãdu ribi Deuxu rityhynyrenykre Deuxu ruruna ribi rityhynyrenykre. Yhy debure wesetere riwymyhỹre wese Tii kanakre.
|
||||
\v 20 Deuxu Tyhyhykỹ heka rarybere: “Jiarỹ Siaõ-ò anakre tarasadumy wamahãdu rexirahekre mahãdu-ò.”
|
||||
\v 21 Deuxu Tyhyhykỹ tamahãdu-ò heka rarybere: Kaa wese heka widee ritidikre: watyytybytyhy adeereny rewahinyre, waeryna adeereny rewahinyre awanarenyhyymy rarekre. Kai boho ariòrereny-di tuhyy bierynanybenykre. Jiarỹ Deuxu Tyhyhykỹ rarybere wahe.
|
||||
\c 60
|
||||
\s1 Jerusale hãwã tỹmyra ruxeramy
|
||||
\p
|
||||
\v 1 Mynyike Jerusale! Aòsana ratarỹrỹnymyhỹkre deysanalemy, tahe aloosòna rehemynyreri dori. Deuxu Tyhyhykỹ wowydyna ritỹnynyreri adee.
|
||||
\v 2 Bede heka bedeluru-di rỹximy rỹireri bede mahãdu bede luru-ki rỹireri tahe Deuxu Tyhyhykỹ loosòna atxi roosore Deuxu wowydyna adee rare.
|
||||
\v 3 Jerusale aloosòna-dile bede mahãdu doidenyde; atxu tỹmyra loosòna-di iòlò mahãdu kedehemynykre adee.
|
||||
\v 4 Jerusale beteheke ixiweribi-ò aõhebo rotỹỹnyreri-ò. Aririòre rooserenyreri-ò rehemynyrenyreri-ò! Irehe ribi ariòre boho doidenyde, tadireny axiòti-ki doidenyde!
|
||||
\v 5 Kiamy boibikreu heka sõwemy beysatyhykre; sõwemy amasa ròty ròtynykre deysalemy. Berohokỹ weribi rasỹnymyhỹre mahãdu heka kodoidenykre ibutu aõna wiwihikỹ-di kidiwymy kanakre adee.
|
||||
\v 6 Midiã, Efa mahãdu heka tacamelu sõwe-di kidirahukre, Sabá mahãdu heka lỹnyrena, womati tỹrỹtỹrỹhỹkỹ-di kidiwymy kidirahudenykre. Ibutumy relyyrenykre aõ wiwihikỹ Deuxu Tyhyhykỹ riwinyremy.
|
||||
\v 7 Keda suu ribi Nebaite suu ribi Deuxu xiwenamy tamy budoini kanakremy reòbykremy. Deuxu Tyhyhykỹ tatemplo awihikỹmy rỹyikremy riwinykre dori.
|
||||
\v 8 Aõ hãwòbo biuwetyy wesemy bera-ki rarerimy, iwese bòtòwe roosemyhỹre taheto-ò aõbo.
|
||||
\v 9 Kia heka hãwò nihikỹ irehe ribi iny-di rareri isu-ò Deuxu mahãdureny wahe. Diwydenyde tule womati tỹrỹrỹhỹkỹ Israeli mahãdu Deuxu Tyhyhykỹ-ò riwahinykremy.
|
||||
\v 10 Deuxu Tyhyhykỹ Jerusale-ò rarybereri: “Witxira iny mahãdu òtity riwinykre iòlòreny adee raõmysỹdỹỹkre.” Jiarỹ wakyreatyhyre tai tahe aõhõkỹmy resỹnyre ihỹre aluure araruxetòenyre dori.
|
||||
\v 11 Aijòtòbòna irayhykyle rare txumy ruumy irayhykylemy rỹikre bede mahãdu iòlòreny tanonawiwihikỹ-di adee kanakremy wahe.
|
||||
\v 12 Bede mahãdu aratyhynyõre-ki heka rahukremy rahutyhykre.
|
||||
\v 13 “òwòru Sipereste, òwòru pieru, òwòru siburu wana òwòru wihikỹtyhy Libano suu ribi kanakre adee tai Dori watemplo raruxetyhykremy wawa denamy wahe.
|
||||
\v 14 Juhuu iòlò aõhõkỹmy arasỹnyrenyre riòre kodoidenykre tatiòhymy resserenykre ako-ò ibutu ararirenyre kanabuarekre adee bede-ò rejuxunyrenykre taòsana-di. “Deuxu Tyhyhykỹ hãwãmy” adee kidirykre. Israeli Deuxu Tyhyhykỹ Siaõ araninirenykre wahe.
|
||||
\v 15 Tiu arayaranaõtyhy ixyby, tiu sỹdu mahãdu ararirenyõtyhy, Jiarỹ araruradỹỹnykre ararurudỹỹnykre tuhyy heka atxikre hãwã deysalemy ariwinykre.
|
||||
\v 16 Iny witxira mahãdu, bede mahãdu witxira heka araywinyrenykre tadi wesemy, tariòre ritònymyhỹre wesemy. Tai Dori bierykre Jiarỹ Deuxu Tyhyhykỹ rare atarasaduhe rare, Israeli Deuxu ruruterehekỹ atarasadu rare.
|
||||
\v 17 “Womati tỹrỹrỹ wesena adiwyõkre womati tỹrỹrỹtyhy adiwykre, womatityhy adiwyõkre womati iura adiwykre; òwòru adiwyõkre mana adiwyõkre womatityhy womati tỹrỹrỹle adiwykre. Ywina aòlòreny rarekremy ariwinykre òbitina adinodumy rarekre.
|
||||
\v 18 Tiu ixyby aõbina bina ihõõkre asuu-ki ixyby arahyõtyhy aòtity bininikre ‘tarasadumy’ aijòt`bòna ‘Deuxu wowydynamy’ bininikre.
|
||||
\v 19 Tiu txuu aratoosònyõtyhy, ahãdu ruumy arajuxanyõtyhy tahe Jiarỹ Tyhyhykỹ heka aloosònatyhymy ararekremy watxireri wawydyna atyre kỹnyikremy.
|
||||
\v 20 Jiarỹ atxumy ararekre aahãdumy ararekremy watxireri tiu araixãwidinyõtyhy oosònatyhymy ararekremy watxireri. Waloosònatuhyy atxi roosòmy rarekre arubu bededỹỹnana ituekre.
|
||||
\v 21 Amahãdureny òbitihyymy riwinyrenykre iweduhyy ratxikre kia hãwãdeux rarybere. Tii boho walòbrònatyhy rare wadebò-di rebronyrenyre jiarỹ tuu rewinyre rieryrenykremy wawowydynamy.
|
||||
\v 22 Kia iny ibutemy rasõwerenykre kia mahãdu iyjarenyre heka ibutu ratyre iruruteremy roire. Jiarỹ Deuxu Tyhyhykỹ heka rare aõwesele tuu rotỹỹnykre wahe.”
|
||||
\rem dat 2010
|
||||
\rem aut Maria Tereza Lawarita
|
||||
\c 61
|
||||
\s1 Israeli tarasanamy
|
||||
\p
|
||||
\v 1 Deuxu Tyhyhykỹ tatyytyby wadee riwahinyre, tii riwatare rybe wihikỹ iny urimynydu-ò ararybekremy. Tii wateònyre iny ibedewo mahãdu-ò arateysanykremy, wetxu mahãdu-ò tarasanamy ararybekre ròtena mahãdu-ó ròhonyrenykremy ararybekremy.
|
||||
\v 2 Tii riwateònyre ararybekremy Deuxu Tyhyhykỹ tamahãdu ritakremy bededỹỹnana-ò rehemynyreri, Deuxutxu-ò rehemynyreri taòludu mahãdu ribi ròtakremy. Tii riwateònyre hidu ibrudu mahãdu-ò ararybekremy.
|
||||
\v 3 Siaõ hãwã ibrudu mahãdu-ò ratximyhỹre ratana deysana tamyreny ariwahinykremy bedewona deròwymy, aderòna deysanalemy rube deròwymy, rarỹỹna tyky rubu tyky deròwymy. Tii boho òbitinamy riwinyrenykre òwòru Deuxu lòbròna wesemy ratxirenykre ibutu-ò riteòsinykremy Deuxu wowydynamy.
|
||||
\v 4 Ibutu tasỹreny riderenykre ixyby hãwã rexihure ixyby ritamadỹỹnyrenykre sõwemy bede rijere rejuxunymy.
|
||||
\v 5 Wamahãdureny, iwitxira hãwã ludu abudoinireny-di ròrenyrenykre, alòbrònareny-di raõmysỹdỹỹkre, auvaò-di tule ròrenyrenykre. ibrudu mahãdu-ò.
|
||||
\v 6 Kai boho tahe Deuxu Tyhyhykỹ xiwe wahisidỹỹdumy araninirenykre, Deuxu deòdumy araeryrenykre. Bede mahãdu witxira iaõna tyhytyhyhykỹ adeereny rarekre. Kai boho heka maxiwedebenykre iaõnareny-di.
|
||||
\v 7 Aixỹrurenytyhy asỹbinarenytyhy abedewonarenytyhy tahe adeereny nihiỹtyhyre dori. Tahe wiji heka asuureny-ò masỹnybenykre aõna õnatyhy ratyremy rarekre beysatyhyhyymy boibekre.
|
||||
\v 8 Deuxu Tyhyhykỹ rarybere: “Jiarỹ òbitina luure tahe wasi rubudỹỹ riwaykaranyre. Òbitityhymy ariwahinykre wamahãdu-ò tuhyy tamyreny ararybekre.
|
||||
\v 9 Arudejurana ibutu bede mahãdu-ò ityhymy rarekre; ibutumy tuu robirenykre rieryrenykre kia wamahãdu deysana tamy rewahinyre wahe.
|
||||
\s1 Jerusale sỹdu mahãdu wina
|
||||
\v 10 Deuxu Tyhyhykỹ-ò aõ riwinyre-ki jiarỹ boho areysarenykre arawiunyrenykre wowydyna wiunamy. Tii riwatyynyre tarasana tyky-di. Tarasana-di rihetynyre. Iwese weryrybò raheto tarati ritidimyhỹre wese iny boho roire ijadòma xiwidỹỹna ritidimyhỹre wese rare.
|
||||
\v 11 Iwese suu-ki òwòru ruhunymyhỹre wese, lòbròna ruhunymyhỹre wese Deuxu Tyhyhykỹ tarasanamy riwahinykre. Ibutu bede mahãdu tamy rawiunykre wowydynamy.
|
||||
\c 62
|
||||
\s1 Jerusale, Deuxu Tyhyhykỹ hawyy
|
||||
\p
|
||||
\v 1 Siaõ luure tahe tiu rybeõmy arunyõtyhy; tiu ele arihynyõtyhy itarasana txuu ratỹnyre wesemy heka rarekre tule heòty wesemy rarekre.
|
||||
\v 2 Jerusale ibutu bede mahãdu atarasanamy robikre, ibutu iòlò mahãdu aruxera-di bede riòtiinykre. Kai ani itỹmyra ijõdikremy Deuxu Tyhyhykỹ ani tỹmyra riwahinykre.
|
||||
\v 3 Kai Deuxu raheto wesemy matxikre Deuxu Tyhyhykỹ raheto ruxera wese, aDeuxu wahe.
|
||||
\v 4 Tiu ixyby “ixinaludumy” araniniõtyhy. Asuu tiu raniniõtyhy “hãwã tybymy” Kia heka waderinamy araninikremy asuu wahawyymy araninikre. Deuxu Tyhyhykỹ heka awimy adi ratxireri asuu iwahawyymy raninikre.
|
||||
\v 5 Kia wese weryrybò hawyymy roimyhỹre wese tule arawinyre umy rexihawyynykre, iwese weryrybò ijadòma wana deysamy roire wese tule Deuxu awimy aki rahakre.
|
||||
\v 6 Jerusale òtity tyre-ki itxeredu mahãdu Deuxu risỹnyre txumy riimy rybemy rarybekremy. Kai boho, itxeredu mahãdu Deuxu tarybe-txi aranohõtiijiranyrenyre ele bihynyõtyhy
|
||||
\v 7 Tii tule ele rihunyõtyhy Jerusale riwinykre rahudi ibutu bede mahãdu tuu rarybekremy awimy Jerusalemy.
|
||||
\v 8 Deuxu ruru weribi ribi terá riterenymy rỹire Deuxu Tyhyhykỹ tamahãdu-ò kia rybemy rarybere: “Tiu heka amaixõmoni aòludureny riyõtyhy tule arariõtyhy auvarenybe temoenytenyte-ki sõwemy taõmysỹdỹỹnytenyte-ki iny witxira mahãdu tuu riõõtyhy.
|
||||
\v 9 Kai bohohyyle bioròbenykre amaixõmoni ahinareny biybenykre wamy beàlàbenykre Deuxu Tyhyhykỹ, kai bohole auvareny bisibenykre aviireny watemplo ube-kile biõbenykre”
|
||||
\v 10 Jerusalesỹdu mahãdu bòhònybenykre kia hãwã ribi ryy biwinybenykre amahãdureny okesena-ò. Bitytynytyhykre, mana bitabenyke tykyitxerena bitamadỹỹnykre ibutmy bede mahãdu rieryrenykremy aõhebo rotỹỹnyrerimy.
|
||||
\v 11 Ibutu bede bede ribi Deuxu Tyhyhykỹ rarybere kiamy: “ Jerusale mahãdu-ò marybekre ataradureny rehemynyreri, Tii ridyreri ritare mahãdu.”
|
||||
\v 12 Kai boho “òbiti mahãdumy” araninirenykre Deuxu Tyhyhykỹ “ritare mahãdu” Jerusale “Deuxu luure” raninirenykre “Kia hãwã Deuxu ririõre wahe”
|
||||
\rem dat 2010
|
||||
\rem aut Maria Tereza Lawarita
|
||||
\c 63
|
||||
\s1 Deuxu tamahãdu òludu aõhõkỹmy risỹdỹỹnyre
|
||||
\p
|
||||
\v 1 “Mobo Bosira, Edom hãwã ribi, mobo tykywihikỹsò-di ruruduhukỹ ele elemy nade” “Jiarỹ rare - Deuxu Tyhyhykỹ rarybere - Tarasanamy rarybere jiarỹ tarasadutyhy rare.”
|
||||
\v 2 Aõherekibo atyky isòmy rare. Aõherekibo uva risumyhỹre wese atyky ixureri vii riwinyreu wese.”
|
||||
\v 3 Deuxu Tyhyhykỹ heka rirawyònyre: “ Jiarỹle heka bede mahãdu resure iwese uva risumyhỹre wese. Inyõ riwawiòhenanyõre tahe jiarỹ bede mahãdu resurusurunyre rehure ixisohojile ihãlubureny watyymy rỹxire tai tahe isòmy roire.
|
||||
\v 4 Tuu raraykynyre waòludu mahãdu ariòwynykremy wamahãdu txu heka bededỹỹnanamy rehemynyra.
|
||||
\v 5 Retere tahe inyõ ihõõre, bede reòtiinyre iny ihõõre- ki. Tahe warurunadi ròtare, wayarana riwarurudỹỹnytyhyre.
|
||||
\v 6 Wayarana-di bede mahãdu resurusurunyre wayaranatyhydi rehetenyre tai ihãlubu rejuxunyre suu-ò.”
|
||||
\s1 Israeli Deuxu ruxetòena
|
||||
\v 7 Deuxu luunamy ararybekre tamy wowydynamy ariwahinykre ibutu Tii riwinyre-ki Deuxu Tyhyhykỹ deysanatyhy wadee riwinyremy, taluunatyhy òraruki tawotòenatyhyna òraruki.
|
||||
\v 8 Deuxu Tyhyhykỹ rarybere: “ Tii boho wamahãdutyhy rare wariòre boho riwatyhenyõtyhy.” Tai tahe ritarenyre
|
||||
\v 9 Ibutu aõna õnadỹỹnana ribi. Mobo ritarenyre tiile ritarenyre ỹju aõkõ, ijõ iny aõkõ, rybedu aõkõ. Taruxetòenadile taluunadile ritare. Txuõtxuõlemy ibutu beòra beòra-dile tawyò-ki ridyre.
|
||||
\v 10 Tahe tii boho Deuxu deramy rekoareny Deuxu Tyytybytyhy-ò teramy rearenyre tai dori Deuxu iòludurenymy ratxire tai riòrarunyre idireny resukremy.
|
||||
\v 11 Tai tii boho tõhõtireny itxireny reare Moisesi Deuxu deòdu-txi tõhõtireny reare tai rỹỹraxirenyre:“Titxibo rare Deuxu Tyhyhykỹ, ritare tamahãdu beroniỹhỹkỹ ribi tõhõ ritare iitxeredureny Moisesi. Titxibo tatyytyby Moisesi-ò ritidire.
|
||||
\v 12 Irurunatyhytyhyy idi ratxikremyhỹre. Irybedihyyle ratxikremy Deuxu Tyhyhykỹ bero rirareare tamahãdu koki
|
||||
\v 13 Beheỹtyre-di imahãdu rariakremy riwinyre tii boho brebuõlemy roirenyre iwese bederahy awaru rariamyhỹre wese reseseõre
|
||||
\v 14 broreni resemyhỹre wese suulàty-ò. Deuxu tyytybytyhy ridyrenyre elehyna bede-ò.” Kia wese Deuxu Tyhyhykỹ amahãdureny tedinodunyte kaihyyle aniwihikỹtyhy ixidee tewinyta.
|
||||
\s1 Deuxu wiòhena ixitòedỹỹna
|
||||
\v 15 WaDeuxu wadireny beteheke biu ribi abedewihikỹtyhy ribi! Titxibo ayrubuna aruruna wadeereny! Aluuna aruxetòena waribireny itarasaõmy!
|
||||
\v 16 Kai wahareny dori Tate! Walabiereny heka Abraaõ, Isai, Jaò wamyreny ruruõmyhỹre. Tahe kai Deuxu Tyhyhykỹ waha tyhy Tate juhuuhyy heka watarasadurenymy aranimyroiremyhỹ.
|
||||
\v 17 WaDeuxu aõherekibo ixiribi tiwarareatenyte aryy ribi waworeny heka iteremy tewinyte aratyhynyrenyõkremy! Bodoòsekre wadeereny waDeuxu adeòdureny dori roire amahãdu kai tetate.
|
||||
\v 18 Ibute bedemy jiarỹ boho amahãdureny atemplo wedumy roire tahe wiji heka waòludureny risusurunyrenyre ityre.
|
||||
\v 19 Kai heka wiji wadireny tate iwese wadinodurenyõmy matxiõkeki wese amahãdureny wese aõkõ wadireny tate. Biuwetyy biykakeki budubehekeki bede ramytatanyke hãwãlò tule rimytatanykre ako-ki. Awimy heka rareke.
|
||||
\c 64
|
||||
\p
|
||||
\v 1 Iwese bee heòty tyre-ki ratòteenymyhỹre wese rare tii boho roire. Aòludu mahãdu heka araeryrenykremyra tule ramytatarenykremyra ako-txi.
|
||||
\v 2 Aõwiwihikỹ tewinyteu jiarỹ boho reraòõwahỹrenyre heka biu kai ribi tesete sõwemy hãwàlò ramytatare.
|
||||
\v 3 Moõ tuu robiõre moõ tuu roholaõre Deuxu aratyremy sohojihyyle Deuxu rare aõ riwinymyhỹre iny rityhynyre mahãdu-ò.
|
||||
\v 4 Kai teòby mahãte deysalemy aõ òbitimy riwinyre mahãdu deysalemy atxi tõhõti rearemyhỹre mahãdu adewina riwinymyhỹre iwese tarybete-ki.
|
||||
\v 5 Kai wadeereny tayaranyny mahãte òraruduhyy watxiwahỹrenyre-ki tahe watarasanareny ijõdikre wadeereny ryy ihetxina-di arariarenykeki.
|
||||
\v 6 Ibutumy waxuwaxurenyre iwese tyky ixumy rỹire iwese wawidỹỹnareny aõbo rewinyrenyre tyky ixumy rỹire wese. Jiarỹ boho otxirarade iru rubu wese roire waòrarunareny yhy debure irehemy riwadymyhỹrenyre wese rare.
|
||||
\v 7 Moõ adee rexitòenyõhyymyhỹre, moõ araijeõhyyre umy ruruõhyyre. Waòrarunareny òraruki walaureny texiwote ixinalemy tiwaritenyte.
|
||||
\v 8 Tahe kai Deuxu Tyhyhykỹ Waha tate, suu wese iny boho roire, kai tahe suuwidỹỹdu tate ibutu iny tewinyte.
|
||||
\v 9 Uritre yaranaõhyymyke wadeereny tule waòrarunareny ribi õhõti rusakre. Amahãdureny dori jiarỹ boho roire õhõti rusãõmyke.
|
||||
\v 10 Ahãwãrenywihikỹ heka bederahyymy relere dori. Jerusale heka rexihure, Siaõ hãwãlò heka ixinaludumy roire.
|
||||
\v 11 Watemploreny heka tai walabiereny reàlàmyraremyhỹ heòty risõre. Ibutumy aõluurenyre jiarỹ boho rabohobohore.
|
||||
\v 12 Kiamy tabiteri aõ biwinyõhyykre Deuxu Tyhyhykỹ! Rybeõlemy aõbo myikre ixybyle aõbo aõhõkỹmy biwasỹnybenykre.
|
||||
\c 65
|
||||
\s1 Deuxu dera mahãdu heka tii rahukre
|
||||
\p
|
||||
\v 1 Deuxu Tyhyhykỹ rarybere: “Jiarỹ wamahãdu ariwiòhenanykremyraheka, tii boho wadee rexitòenyrenyõre ixiòhenadỹỹmy; itxireakremy iximy rarure tahe riwaijerenyõre. Tahe inyõ mahãdu wamy ruruõre heka jiarỹ rarybere: Kakile watxireri! Kakile watxireri!
|
||||
\v 2 Txu sohoji-di wadebò reterenyre kia mahãdu aõderahakỹtyhy tamy reòbykremy, kia mahãdu ryy bina-di rariamyhỹreny-ò tuhyy ixidewilemy rariamyhỹrenyre.
|
||||
\v 3 Kia iny mahãdu itỹnylemy umy rarybemyhỹrenyre xiwena riwahinymyhỹrenyre aderona lỹnyrehekỹ risõmyhỹrenyre rityhynyõre mahãdu xiwena-ò.
|
||||
\v 4 Wabede-ò rirarurenyre rubu mahãdu-ò rarybekre bederahyy-ki ruumy runymyhỹrenyre aõ rasina wesemy robirenykremy. Ixỹnide riroximyhỹrenyre rasỹna sõwemy rihunymyhỹrenyre rasỹna bina-di.
|
||||
\v 5 Tahe rarybemyhỹrenyre ijõ iny-ò: Koireke! wadee derexiõmyke! Jiarỹ boho heka òbitityhy aribireny dori rare. Kia mahãdu wadi riykaranyre wayarana heka heòty wese rare heòty ryriõmyhỹre wese.
|
||||
\v 6 Ibutu tii boho riwinymyhỹrenyre watyyriti-ki rarytimy roire, tahe arexielehynyõtyhy aõhõkỹmy arisỹnykremy. Ariwinykre tuu riwinyrenykremy òrarunareny òwymy.
|
||||
\v 7 Tule talabiereny òrarunareny òraruki. Tii boho lỹnyrena risõmyroiremyhỹ ityhydỹỹõdureny xiwena tyre-ki. Hãwãlò-ki riwaykaranyrenyre kia lỹnyrena-di. Tai dori ariwinykre taòrarunare riòwynyrenykremy ibutu iòrarunareny sohoji sohijlemy riòwynykremy. Deuxu Tyhyhykỹ rarybere.
|
||||
\v 8 Deuxu Tyhyhykỹ rarybemyhỹre: “ Inyõ uvaõ rihereu rarybere: “Idi dehuõmyke kia uva-di iny vii riwinykre heka iny deysanamy rarekre. Kia wese heka rare wadeòdu luuna òraruki kia mahãdu arihuõtyhy”
|
||||
\v 9 Jaò riòre riòre mahãdu heka sõwemy rariòrenykremy ariwinykre. Juda riòre mahãdu heka sõwemy rariòrenykremy ariwinykre tahe wasuu wedumy rarekre. Wamahãdu retare heka wasuu wedumy tamyreny rarybere taihyy rarekremy ariwinykre.
|
||||
\v 10 Tahe wamahãdu wadewimy riwinykeki Sarõ suu làty ibudoinireny tai rỹirenykre tule ibrorenireny aõbina suu-ki rỹirenykre.
|
||||
\v 11 “Tahe inyõ waribi irehemy ratximyhỹre wahãwalò wiwihikỹ heka ixinalemy ririre tule vii rasỹna xiwena-ò riwahinymyhỹre Kade-ò, Meni-ò bedeòby suu ritxoo, bededỹỹnana suu ritxoo.
|
||||
\v 12 Taheka asuu ritxoo bededỹỹnana heka rare maurehedi burubenykremy. Bede-ò atiòwotimy besekremy burubenykremy ariwinykre. Adeereny raryre tahe terawyònytenyõte. Rarybere dori tahe taholaõtenyte. Wadee binarele tewinytenyte aõ tetatenyte wadee binarele wahe.”
|
||||
\v 13 Tai tahe Deuxu Tyhyhykỹ rarybemyhỹre: Riwatyhynymyhỹre mahãdu wadeòdu mahãdu byrena rirỹsỹkre, mona riõkre.Tahe kai boho rama rahurenykre bemomõ arasarenykre tahe tii boho heka awihyyle roirekre.
|
||||
\v 14 Tii boho reysamyhỹrenykre deysalemy, tahe kai boho maõhitxinybenykre bedewonamy, bobubenykre bedewotyhylemy.
|
||||
\v 15 Ararubunyrenykre Jiarỹ Deuxu Tyhyhykỹ. Tahe wadeòdu mahãdu wamahãdu retare heka anireny-di ratxirenykre rybe bina binamy raryberenykremy. Tahe wadeòdu mahãdu-ò ini tỹmyra ariwahinykre.
|
||||
\v 16 Suu adereny rarybere ariwahinykremy heka kia suu-ki heka inyõ deysana rexitòenyrenykeki Deuxu Tyhyhykỹ-ò rexitòenykre. Tai heka aõbo rarybetyhykre heka Deuxunimy rarybekre.”
|
||||
\s1 Biuwetyy tỹmyra suu tỹmyra wana Deuxu Tyhyhykỹ tamahãdureny-ò rarybemyhỹre: “ Kai boho õhõti rusarenykre aõhõkỹmy dỹỹnanareny ribi Jiarỹ tule kiamy wanõhõti itxi reaõkre.
|
||||
\v 17 Tahe Jiarỹ suu tỹmyramy bede tỹmyramy rewinymyhỹre bededỹỹnana hetxina heka ixãwimy moõ tõhõti itxi reaõkre.
|
||||
\v 18 Beysabenykre awihyymy matxibenykre aõ ariwinykremy; Jerusale hãwã deysanamy aritỹxinykre dori kia mahãdu sõwemy ariteysanykre.
|
||||
\v 19 Tahe Jerusale-ki awimy arahakre, wamahãdu deysadi riwateysanykre. Tiu ixyby Jerusale-ki ibru ihi roholaõtyhy, kohitxi tai ijõõre.
|
||||
\v 20 Tiu tohouỹ wiji tyhy ijira ruruõtyhy tule ruruõtyhy ramatuarinykre koki. Sem beòra-di rurukremy heka itỹmyramy rarekre tai sem beòra-di reòbynyõkeki ibina heka rarekre.
|
||||
\v 21 Kai boho heto biwinybenykre tai masỹnybenykremyra. Uvaò bibrònybenykremy aviireny biõbenykremy.
|
||||
\v 22 Heto biwinybenyõkremy ijõ tai rasỹnyrenyõkremy. Tule uva bibrònybenyõkre ijõ iny tuu riõheny. Wamahãdu heka irehemy tai rasỹnyrenykre òwòru wesemy ibutumy heka tahõrõreny-dile aõbo riwinyrenyle heka idi ratxirenykre.
|
||||
\v 23 Ibutumy aõmysỹdỹỹna òbitihyylemy rare tule ariòrereny aõhõkỹmy rotỹỹnyrenyõtyhy. Tii boho heka tariòkoreny heka deysana-dihyy roirekre.
|
||||
\v 24 Juhutyhyle wadee ryryrenykre arirawyònykre; raryberenyreule heka arirawyònykre.
|
||||
\v 25 Ahula budoini riòre wana heka wiwanalemy riroxirenykre, halòehekỹ asi rirasỹkre broreni wesemy, hemylala heka moõ riròõtyhy. Wahãwãlòwihikỹtyhy heka aõbina bina aõ rotỹỹnyõtyhy.” Deuxu Tyhyhykỹ heka rarybere.
|
||||
\rem dat 2011
|
||||
\rem aut Maria Tereza Lawarita
|
||||
\c 66
|
||||
\s1 Ityhydỹỹduõdu rawowydynanymyhỹre Deuxu-ò aõkõ rare
|
||||
\p
|
||||
\v 1 Deuxu Tyhyhykỹ rarybere: “ Biuwetyy warynana rare, suu wawa dena rare wawa elehyna heka rare. Aõheto heka wadee biwinybenykre? Mobõ heka heto wadee biwinybenykremy taile arasỹnykremy.
|
||||
\v 2 Jiarỹle biuwetyy suu wana rewinyre ibutu aõnaõna wawidỹỹna rare. Tahe jiarỹ irumynodu mahãdu reyrubunymyhỹre rexirahere mahãdu reyrubunymyhỹre watyhydỹỹdu mahãdu, warybe mana rityhynyre mahãdu reyrubunymyhỹre.
|
||||
\v 3 Tahe ihỹre heka broreni hãbu rirubunymyhỹrenyre xiwena-ò riwahinykremy tule hãbu rirubunymyhỹrenyre; budoini rirubunymyhỹrenyre xiwena-ò riwahinykremy tule ijòròsa rirubunymyhỹrenyre; ijõ iny wadee riwahinymyhỹre hina xiwemy ihỹre ixỹni hãlubu xiwemy wadee riwahinymyhỹre ijõ iny lỹnyrena risõmyhỹre wadee ihỹre suu ritxoo-ò reàlàmyhỹrenyre. Kia mahãdu tamyrenywimy riwinyrenyre awimy tai raharenyre ibinamy riwinymyhỹrenyre-ki.
|
||||
\v 4 Tai aõhõkỹmy resỹnymyhỹre dori ityrereny heka aõhõkỹmydỹỹnana retxiwire ilau tii boho ruberurenyre-ki. Tahe jiarỹ raryre ihỹre rirawyònyrenyõre raryberehe ihỹyre moõ riwarayònyõhyyre. Ihỹre heka wadee binale riwinyrenyre wadee ibinare ritarenyre tawowydynarenymy”.
|
||||
\s1 Òrarunahena-wana
|
||||
\v 5 Ibutu rityhynyre mahãdu Deuxu Tyhyhykỹ rybe rityhynymyhỹrenyre mahãdu heka irybe-ò boholabenykre: Deuxu Tyhyhykỹ ibutumy adeereny rarybemyhỹre: “ Asuuludureny mahãdu heka ykaranamy adireny rare ibinamy akireny raharenyre inatyhy tiwatyhynytenyte-ki. Tii boho adeereny rarybemyhỹrenyre ‘ Deuxu Tyhyhykỹle arahedỹỹnykremy teysamy matxibenykemy arobirenykremy! Kia iny mahãdu raixỹrurenyke.
|
||||
\v 6 Wodỹỹ boholabenyke ahãwã-ki! Templo-ki wodỹỹ! Deuxu Tyhyhykỹ taòludu mahãdu rahureri wodỹỹmy!
|
||||
\v 7 “Hawyy aõbo uladu reakre ramytxitxi koki? Tii ramytxitxiõlemy aõbo uladu iribi kedeakre.
|
||||
\v 8 Moõ aõbo tuu roholare. Mobo tuu robire. Suu aõbo sohoji txuu-di aõbo relekre. Aõwesele aõbo suu relekre. Kia tahe Siaõ-ò tuu rotỹỹnyre. Kia wese Siaõ-ò rare ramytxitxire aõwesele reare riòre.
|
||||
\v 9 Jiarỹle mytxitxi rewahinymyhỹre uladu kedeakremy uladu reaõkremy aõbo teramy areakre aõbo. Jiarỹ Deuxu Tyhyhykỹ aDeuxu heka rarybemyhỹre.
|
||||
\v 10 “Jerusale wana beysabenykre wowydyna wimy mawinybenykre ibutu iluure mahãdu tii wana roburenyre mahãdu beysabenykre.
|
||||
\v 11 Tii heka see wese rare tahyỹsu riwahinymyhỹre wese adeereny aõwiwihikỹ riwahinykre tai kai boho awityhymy matxibenykre.
|
||||
\v 12 Jiarỹ Deuxu Tyhyhykỹ tahe rarybetyhyre Jerusale-ò ibutumy awimy relekre-ò aõna ona. Aõna ona wihikỹ kanakremy bero wese berira wesemy. Tai tahe Jerusale see wesemy ratxikre aradyrenykre taaxiò-kile awyko-ki ywilemy aramyrenykre ywilemy arataataarenykre.
|
||||
\v 13 Iwese uladuse tariòre ibru ribi rixãwididỹỹnymyhỹre wese Jerusale hãwã araixãwididỹỹnymyhỹkre abedewonareny ribi.
|
||||
\v 14 Kiamy bobibenykreu beysabenykre arurunarenytyhy tỹmytyhymy kanakre iwese lòbrona wihikỹmy ruhunymyhỹre wese beysabenykre. Kai boho bierybenykre Jiarỹ Tyhyhykỹ, heka wadeòdu mahãdu reyrubunymyhỹre wahe. Tahe waòludu mahãdu riwaykaranyrenyreu tii boho aõhõkỹmy resỹnymyhỹre.”
|
||||
\v 15 Deuxu Tyhyhykỹ heòty ky-ki kanakre, yhy debure wesemy iityti heòty heka rare. Tii heka taòludu mahãdu tyre-ki taykarana ritxiwikre, iheòty ykaranamy ritxiwikre.
|
||||
\v 16 Heòty-di, mayrehe-di Deuxu Tyhyhykỹ ibutu bede mahãdu-ò aõhõkỹmy risỹnykre tahe sỹdu mahãdu rirubunykre.
|
||||
\v 17 Deuxu Tyhyhykỹ rarybemyhỹre: — Inyõ ijõdire rexilyranymyhỹre ritxoo suu-ò ralokremy xiwena wahidỹỹdu wana rariare suu ritxoosỹ-ò. Tule Kia mahãdu ixỹnide, laua, ijõ iròdu bina rirasỹmyhỹrenyre. Tii boho rurunykre.
|
||||
\v 18 Jiarỹ Dori reeryre aõbo riwinyrenyre, aõbo rõhõtinymyhỹrenyre. Jiarỹ anakre ibutu bede mahãdu ributunykremy, bede bede mahãdu aributunykremy. Tii boho wajuxarana tỹrỹrỹnamy robirenykre wawowydynamy robirenykre.
|
||||
\v 19 Jiarỹ waruruna itxerena iyreny-ki aridekre. Waykarana rahudi ruruõre mahãdu-ò inyõ ariteònykre iwitxira suu-ò irehe-ò tiu wanimy roholaõre-ò waruruna-ò roholaõre-ò. Ariteònyrenykre Sibãnia suu-ò, Lidia suu-ò Libia suu-ò kia bede yhy-di dehudu mahãdu-ò; Tubau suu-ò Kresia suu-ò roirenykre tule. Ibutu kia bede-ò warurunamy raryberenykre.
|
||||
\v 20 Tii boho tamahãdureny Jerusalẽ-ò kidydydenykre wahãwalòtyhy-ò wadee xiwena wesemy. Tii boho kodoidenykre tamahãdureny roosemy kidydydenykremy awaru tyre-ki jumetu tyre-ki kamelu tyre-ki ityti tewe-di ridyrenykremy. Israeli mahãdu xiwena ridyrenyre hinamy wesemy Templo-ò. Tii boho wadee riwahinyrenykre. Jiarỹ aritakre ijõreny xiwena wahidỹỹdumy, ijõ Templo aõmysỹdỹỹdumy.
|
||||
\v 22 Deuxu Tyhyhykỹ rarybemyhỹre. Iwese biu tỹmyra suu tỹmyra ariwinykre wesemy tiiehyky rỹikremy waruruna-di iwese anireny tule tiiehyky rỹikre ariòkorereny reakre tuhyy ratxirenykre.
|
||||
\v 23 Ibutu ahãdu tỹmyra anarỹỹ ijõdikre ibutu elehyna txu heka ibutu bede bede mahãdu heka waTemplo-ò kanakremy riwawowydynykremy.
|
||||
\v 24 Iribi tahe hãwã ribi ròhònyrenykre robirenykre ibutu rurure mahãdu tii boho heka waderamy rekoarenyre. Woudò tai riròmyhỹre tiu ruruõtyhy tule heòty tai risõmyhỹrenyre tiu ryriõtyhy, ibutu iny tuureny raybire. Jiarỹ heka aDeuxu Tyhyhykỹ rare — Adeereny rarybere.
|
||||
|
|
@ -0,0 +1,601 @@
|
|||
\id JER
|
||||
\ide UTF-8
|
||||
\rem aut -being translated by Macauba K. Translators with Hilda supervising
|
||||
\rem dat Terça-feira, outubro de 2017 a Dezembro de 2017
|
||||
\rem Ela não sabe ler nem escrever.
|
||||
\rem aut Tradução Borobe Karaja – Reside em Macaúba (Feminino)
|
||||
\h JEREMIA TYYRITI
|
||||
\toc1 JEREMIA TYYRITI
|
||||
\toc2 JEREMIA TYYRITI
|
||||
\toc3 jer
|
||||
\mt1 JEREMIA TYYRITI
|
||||
\c 1
|
||||
\s1 Jeremia Deuxu ritare
|
||||
\p
|
||||
\v 1 Bejami mahãdusu-ki Anatotxi hãwã-ki xiwena wahisidỹỹduõ Iukia riòre heka Jeremia rare. Ka tyyriti iijyymy relyymyhỹre.
|
||||
\v 2 Waó inatxi beòra-di Amo riòre Iukia tii Israeli mahãdu iòlòmy roireu Judásu-ki iu heka Deuxu Tyhyhykỹ tamy rarybere Jeremia rybe ribi.
|
||||
\v 3 Ixityre Josia riòre iòlòmy rareu Jeoaki-ò Deuxu tamy rarybere. Jerusale mahãdu iòludu mahãdu ridyrenyre-ò Jeremia sõwemy Deuxu idihyymy riuhere, ióludu mahãdu tasureny irehemy idi ridyrenyre. Zedekia iòlòmy rareu heka tuu rotỹỹnyre waò sohoji beòrau txibo iruyre ahãdu-di iòludu mahãdu ridyrenyre tasureny irehe-ò.
|
||||
\v 4 My Deuxu Tyhyhykỹ Jeremia-ò rarybere:
|
||||
\v 5 Ãdiwoki juhu tỹiteu aratare bede mahãdu Deuxumy rybedumy aratare dori.
|
||||
\v 6 Tai Jiarỹ Jeremia rarybere Deuxu-ò: Waha! Deuxu Tyhyhykỹ atximyhỹte! Jiarỹhe uladu jiarỹ rare! Rybe reeryõre jiarỹ.
|
||||
\v 7 Deuxu dirawyònyde: — Uladumy atximahãte rybeõmy! Jiarỹ arateònykre-ò makre ibutumy arateònykremy marybekremy marybeke.
|
||||
\v 8 Brebuõmyke! Awana ararekre arayrubunykremy. Jiarỹ heka Deuxu Tyhyhykỹ Jiarỹ rare. Jiarỹle adee rarybereri Jiarỹle dori!
|
||||
\v 9 Tai tahe wary-ò Deuxu tebó ritidire idi rarybere: — Boholake! Rybe adee retidireri idi marybekremy.
|
||||
\v 10 Wiji heka ruruna adee rewahinyreri bede mahãdu ibutumy ikorenyhe arisỹnyreri, bede iòlò mahãdu ribi idireny beatykemy, idireny relekemy, idireny biwitxikremy, idireny beatykremy, idireny bidekremy. Myta risỹnyre.
|
||||
\v 11 Tai Deuxu Tyhyhykỹ wadee rarybere: Aõbo tabiteri? Jiarỹ rirawyònyre: — Aõbo wiji tabiteri? Ówóru ruru heka Amedaó ruru heka rabireri
|
||||
\v 12 Tahe Deuxu rarybere: — Obitihe tarybeteri Jeremia; jiarỹ tule warybe wesemy ariwinykremy.
|
||||
\v 13 Deuxu Tyhyhykỹ ixybyle wadee rarybere: — Ijõ aõbo tabiteri? Jiarỹ rirawyònyre: — Herana rabòròbòrònyre ibóó-ò doosenanymy rabireri tahe rasỹna iworibi kaò rejujureri.
|
||||
\v 14 Tai Deuxu Tyhyhykỹ rarybere: — Kohe. Ibòò ribi aõbina kanakre, tai ibutu kasu ibòòsỹdu mahãdu tyre-ò ritxiwikre.
|
||||
\v 15 Ibutu ibòò mahãdu ka-ò ariteònykre kidirahurenykremy ibutu taiòlò sohojisohoji tarynana riderenykre hãwã ijòtòbóna txi riderenykre Jerusale ijòtòbòna txi. Jerusale uhukari-txi taiòlòreny idi raweruwerunykre tarunanareny riderenykre, Judá hãwã hãwã-ò taiòlòreny idi tarunanareny riderenykre.
|
||||
\v 16 Taisỹdu mahãdu aõhõkỹmy arisỹnykre iòrarunareny òraruki, pbpna binareny òraruki. Riwarirernyreki surioko-ò xiwena riwahinyrenyre, reàlàrenyre, tatiwotimy reserenyre suritxoo-ò.
|
||||
\v 17 Jeremia bexiywinyke, myike! Tahe warybe wesemy ibutumy adee ararybekre marybekremy. Aworexieryõmy ikoreny. Jiarỹ arawiòhenanykre brebuõmy matxikemy ikoreny-ki!
|
||||
\v 18 Boholake, warybe! Kasỹdu mahãdu ibutumy teramy adee reakre, iòlò mahãdu, xiwena wahisidỹỹdu mahãdu, wedu mahãdu, ibutu ibutumy teramy reareakre. Katahe wiji ruruna-di ararurudỹỹnamyhỹre kia ibutu mahãdu ribi botakremy.
|
||||
\v 19 Kai hãwã uhukari terehekỹ wesemy iribireny matxikremy. Tola womati terehekỹ wesemy matxikremy arasỹnyreri. Uhukari womati tere wesemy arasỹnyreri iribireny. Tiiboho aribi rotarenyõtyhy Jiarỹ awanahyymy ararekre arayrybynykremy dori. Jiarỹ Deuxu Tyhyhykỹ, rarybetyhyre dori.
|
||||
\rem dat Terça-feira, 3 de outubro de 2017 12.55 – 13.48h.
|
||||
\rem aut Jeremia Tyyriti - Tradução Borobe Karaja – Reside em Macaúba (Feminino)
|
||||
\c 2
|
||||
\s1 Israeli mahãdu óbiti aõkõ rare.
|
||||
\p
|
||||
\v 1 Deuxu Rybemy wadee nade:
|
||||
\v 2 — Make Israeli mahãdu nõhõti-ò marybeke: “Wamahãdu, atỹmyrau araeryre òbitidumy tateu. Weryrybò hawyy wana rariamy bederahy-ò iwesemy tariamy wamy teàlàmyhỹte.
|
||||
\v 3 Israeli mahãdu wahõrõ sohojile toimyhỹte lòbròna tỹmyra iwedele wesemy wadee toite. Ibutu arabinara mahãdu-ò aõhõkỹmy resỹnyre aõ binabina ityrereny reteònyre Jiarỹ. Jiarỹ Deuxu Tyhyhykỹ, rarybetyhyre dori.”
|
||||
\s1 Israeli mahãdu labiereny òrarunamy.
|
||||
\v 4 Boholabenyke! Jakò riokore mahãdu, Israeli mahãdu, Deuxu Tyhyhykỹ Rybemy boholabenyke
|
||||
\v 5 Tii rarybereri: Aõherewe! Aõbo alabiereny wabina-ki raharenyre riwarirenykremy! Surioko-ò reàlàre tai surioko wesemy aõaõkõ rexidelerenyre dori!
|
||||
\v 6 Tii boho riwabuarenyre dori! Ihỹre heka Ejitusu ribi Jiarỹle adidydenyde. Bederahy ribi inyõ tai rariaõmy hãwãlò ribi idireny rare.
|
||||
\v 7 Suwihikỹ-ò redyrenyre lòbrònawihikỹ-di rirasỹrenyre ihỹrele heka tii boho suribinanyrenyre taòrarunarenydi.
|
||||
\v 8 Wahisidỹỹdu mahãdu, Warybedu mahãdu tahe riwaijeõtyhy” Titxibohe Deuxu rare!” My rarybeõtyhy. Bede ywina kerydu mahãdu watxi tõhõti reaõre dori. Iwedu mahãdu riwabuarenyre. Baali suriokonimy irybedu mahãdu ridinodunyrenyre, surioko reálárenyre dori ihỹre heka isuriokoreny riwiòhenanyõtyhy.
|
||||
\s1 Deuxumy Israeli mahãdu ibinamy rahare
|
||||
\v 9 Deuxu Tyhyhykỹ rarybere: — “xybyle wamahãdu-ò ararybekre aribuakre alabiereny riwarirenyre dori. Jiarỹ Deuxu Tyhyhykỹle rarybereri.
|
||||
\v 10 Xibere hãwã-ò boibenykre, keda hãwã-ò inyõ biteònyke tahe boholabenyke tiu aõ iwese rahõrõnyõhyyre iwese rahõrõnymyhỹre wese.
|
||||
\v 11 Bede mahãdu tasurioko riwiurònyõtyhy iwitxira surioko-ò, surioko ruidu-ò idi rawiurònyõtyhy iwese wamyhãdu riwawiurònyre surioko-ò. Surioko idi riwiòhenanyrenyõre-ó riwawiurónyre.
|
||||
\v 12 Biuwetyy ariramytatanykemy sõwemy aribrebunykremy Jiarỹ Deuxutyhyhykỹ wahe.
|
||||
\v 13 Wamahãdu heka inatxi òraruna riwinyrenyre: Riwarirenyre ibesòròròreny wesemy tahe iwitxira-ò reuròrenyre suterehekỹ riakemy ihỹre heka ihãlooreny biu roakreu beereareakre dori.
|
||||
\s1 Israeli mahãdu iòrarunareny òraruki.
|
||||
\v 14 Deuxu Tyhyhykỹ rarybemyhỹre: — “Israeli mahãdu heka wetxumy aõkõ rare, wetxu rióre aõkõ rare. Tahe aõherekibo iòludureny iwedurenymy relera.
|
||||
\v 15 Iòludureny Israeli mahãdu-ò hãlòe wesemy rawolohenymyhỹre riijiradỹỹnyrenyre tarurumy. Israeli mahãdusu heka sỹtybymy relera, ihãwãreny heka bóhónamy rỹyre tai inyIsraaeli inyõ rasỹnyõtyhy.
|
||||
\v 16 Israeli mahãdurati risure iòludureny Mevi mahãdu, Tavine mahãdu Israeli mahãdu rati rade rahumy risyre iraxirihikỹ risyre.
|
||||
\v 17 Aòrarureny òraruki Israeli mahãdu tuu rotỹỹnyre adeereny, aòrarureny òraruki dori. Adeuxu Tyhyhykỹ terite . Bedebrasaki awanareny rariamymyhỹreu awanareny redinodunyreu heka tewaritenyte.
|
||||
\v 18 Beteheinyhe wiji! Aõbijeke Ejitu su-ò makre-ò. Nilo bero bemy biõkre aõbo. Aõbiòryke Asiriasu-ò. Eufarate bero bemy biõkre aõbo.
|
||||
\v 19 Abinabinadilemy bexiwotõmonykemy; Tiwarite-ki binabinamy matxike. ADeuxumy terite, tetyhynyõte tai ixidewile heka abededỹỹnana ihyremy ratxikre. Jiarỹ Deuxutyhyhykỹ rarybereri.”
|
||||
\s1 Israeli mahãdu Deuxu Tyhyhykỹmy reàlànyõtyhy.
|
||||
\v 20 Deuxu rarybereri: “Israeli mahãdu, irehemy bede riere warybemy tewabuateri, warybemy tetyhynyõteri. Ihỹre hãwãlò tyre-ò surioko-ò xiwena tewahinymyhỹte. Òwóru ubòròna woki heka òtaòta tewinymyhỹte tasurioko-ò tuu tewinyte.
|
||||
\v 21 Jiarỹ òwòruwihikỹ wesemy arawinyre, òwòruwihikỹ wesemy tahe wijihe òwòru binabina wesemy telete, aõ aõkõmy tate.
|
||||
\v 22 Sabaõ-di sõwe sõwemy bexisuhokeki ihỹre heka aisuisumy itỹnyhỹkỹlemy rỹikre aixuixumy arobikre itỹnyhỹkỹlemy. Jiarỹle Deuxutyhyhykỹ rarybereri.
|
||||
\v 23 Timybohe texixunyõtemy tarybemyhỹte. Timybo suriokomy teàlànyõtemy tarybemyhỹte. Beteheinyhe tewinyte bederahy-ò iwese heka kamelu hawyy tahãbu idi riwisỹnymyhỹre wesemy toite,
|
||||
\v 24 Urile weru werumy tariamahãte tiu arahydynyõtyhy. Isiraõmy heka inyõ atxi rahakemy.
|
||||
\v 25 Israeli mahãdu bexihãrubenyke awa kanaròheny rira sõwe sõwereki surioko òraruki. Bexihãrubenyke abòtò anarubuheny! Ihỹre heka tarybete inatyhy: — Aõkõre! Ixinamy! Waixidewimy surioko heki arariakemy, dori! wadee awire surioko!
|
||||
\s1 Israeli òraruna òraruki aõhõkỹmydỹỹna
|
||||
\v 26 Deuxutyhyhykỹ rarybereri: — Wasidu heka inyõ itxi reareu riixãrudỹỹnyre iwese heka aiòlòreny mahãdu, arybedu mahãdu, axiwena wahisidỹỹ mahãdu, awedureny mahãdu
|
||||
\v 27 Tulesỹ surioko deàlàna mahãdu kanaixãrunykre, ibutumy òwòru-ò rarybemyhỹre myy: “Kai waha tate!” Mana-ò rarybemyhỹre myy:” Kai nadi tate” Kai boho tabromy ròkàsere taòsanamy wadee aõkõ. Aõhõkỹmy botỹỹnybenykreu tahe wadee kanarybebenykre arawiòhenanykremy aratarenykremy aõhõkỹmydỹỹnana ribile.
|
||||
\v 28 Titxibohe asuriokoreny adeerenywimy tewinymytoite! Tii boho aõhõkỹmydỹỹnanareny ribi aratarenykre dori inatyhy! Ada irurureny ihõore aõbo aratarenykremy! Judá mahãdu asuriokoreny sõwere asõwerenyre wese!
|
||||
\v 29 Adeereny adỹỹraxikre myy: Aõbo wabinamy waki tahamyhỹtenyte! Aõherekibo waderamy delemy teatemyhỹtenyte.
|
||||
\v 30 Aõhõkỹmy resỹnyre tahe aõke aõkõ adeerenymy roire ixiweselemy toimyhỹte. Hãloe rebure wesemy toimỹhỹtenyte arybedu mahãdule terubunymyhỹtenyte.
|
||||
\v 31 Boholabenykewa! Warybe-ò! Israeli mahãdu ibutumy! Jiarỹ heka subinabinamy wesemy adeereny aõbo rare! Tahe aõherekibo adewirenylemy biwinybenymyhỹkemy tarybemyhỹtenyte ixiby wadee booseõkemy tarybemyhỹtenyte, aõherabo!
|
||||
\v 32 Ijadòma hãbumy roikremy tõhõ aõbo rusare! Tahe wamahãdu heka waribi rusare irehe rehe txudi.
|
||||
\v 33 Ihỹre heka aderany mahãdu heki tariamyhỹtenyte uri wahe! Iny itxỹte mahãdu kiamy aheki kidierykre dori.
|
||||
\v 34 Atykyreny heka hãwãdu mahãdu hãlubumy atykyreny-ki rỹire. Tiiboho heka asỹreny tiu ribinanyõtyhy. Ihỹrele heka wamahãdu rarybemyhỹre:
|
||||
\v 35 “Jiarỹ aõ rewinyõra, Deuxu wadee rebureõre dori.” Katahe wiji jiarỹ Deuxu Tyhyhykỹ aõhõkỹmy ariteònykre kai ruimy tarybete inatyhy!
|
||||
\v 36 Aõherekibo Israeli mahãdu ibinabinamy taohorete inyhe! Mytahe! iwese heka asiriá mahãdu arabinara iwese heka Ejitu arabinanykremy mytabo
|
||||
\v 37 Lòtiròmy, ixỹrunadi arati-ki tebó roikremy Ejitu ribi idi bohònykremy. Kia mahãdu tetyhynymahỹte jiarỹ Deuxu Tyhyhykỹ taireny rebuare dori tiu Ejitu mahãdu wana awityhymy matxiõtyhy bohe.
|
||||
\c 3
|
||||
\s1 Israeli mahãdu òrarunamy
|
||||
\p
|
||||
\v 1 Deuxu rarybemyhỹre: — Hawyy tahãbu ririkre ijó hãbu-ò. Ihãbu tyby tii wanabixyby roiõtyhy. Kiakeki Israeli mahãdu tabededỹỹnanareny rixunykre. Taheka wamyhãdu atỹῖbiòwa sõwere hỹrele wadee bodoosekremy tewisỹnymyhỹtenyte dori!
|
||||
\v 2 Beteheinyhe! Hãwãlò idi betehebenyke! Anosubotxi tabiranyõtenyte bohe! Derana wesemy òtataòtamy toite! Araeryrahe! Ryy-kile heka atximahãte wasidu wesemy inyõ riramyhỹre itxi beakremy. Kiawese heka Israelisu-ki texuxunyte, aõbinabina-di, aòtaòta-di aòraruna òraruki.
|
||||
\v 3 Kia òraruki heka biu roaõmyhỹre. Beteheinyhe! Aderany wesemy tate! Ihỹrele heka aixỹruna ihõõtyhy aõhe inatyhy!
|
||||
\v 4 Ihỹrele heka “wahamy” wadee tarybemahãte! Wahamy kai atxiteri! Uladu ribile waluu tate!
|
||||
\v 5 Wahamy tateki tahe bedebureõtyhy wadee. Aõherewe! Israeli mahãdu wahamy tewaninimyhỹte ihỹrele heka aõbinabinahakỹ, òrarunahakỹmy idihyymy toite.
|
||||
\s1 Aòraruna ribi bexiraohorekremy.
|
||||
\v 6 Jeremia rarybere: Aõma Josia iòlò bedeu heka, Deuxu wadee narybede myy: — Kai aõbo tabimahãte aõbo Israeli mahãdu wadee riwinyre. Hawyy binabina wesemy tabròmy roosere wadee. Aderana wesemy heka hãwãlò hãwãlòmy idi raòwonyre, òwòru òworu-ò webrò-ò aderana wesemy rare.
|
||||
\v 7 Taheka idi rahõtinyre Jiarỹ, “Kia rahudi heka tii wadee roosekremy tahe aõkõhyyre, rooseõtyhy.”
|
||||
\v 8 Judámy iseriòreri tuu robire, Judá heka ibinabina rare wahe. Tii kiamy robire heka tai rieryre. Israeli Jiarỹ iribi reatyre tii heka aderana wesemy roire-ki wahe, tai iribi reatyre. Kiamy heka Judá rieryre Israeli reteònyra ki ihỹre heka
|
||||
\v 9 Judá iseriòre binabina ruberuõtyhy raixỹruõtyhy tii tule aderanamy relera dori. Ibutu aõ reàlàmyroire, nanamy reàlàre, õworumy reàlàre my! Tii heka tasureny rixuxunyre heka
|
||||
\v 10 Judá iseriòre Israeli binabinahãkỹ iratyre Judá heka urile ribonyre wadee roosekremy tahe ityhyõre. Jiarỹle, Deuxu Tyhyhykỹ rarybera dori.
|
||||
\v 11 Idi tahe Deuxu Tyhyhykỹ wadee rarybere: — Israeli wadi reatyre ihỹre heka Israeli Judá iratyre.
|
||||
\v 12 Tai jiarỹ arakremy riwateònyre ibòò-ò tamyreny rybemy myy: — Israeli bina bina mahãdu bodoosekre wadee. Jiarỹ heka Deuxu Tyhyhykỹle rarybemyhỹre! Jiarỹ awi rare, tai adeereny heka adebureõmy aratxikre, wayaranadi irehemy areaõkre ãdeereny. Jiarỹle, Deuxu tyhyhykỹmy rarybereri.
|
||||
\v 13 Mytahe wiji manarybeke wadee myy: — Jiarỹ heka òraruna rewinyra, adee teramy reare dori ibutu aõ reàlàrenymy; òwòru webrò-ò, suriokomyle manarybekre wadee tewatyhynyõte dori ixinamy wadee iximy belyyke. Jiarỹ heka Deuxu Tyhyhykỹle rarybera dori.
|
||||
\s1 Rexiharῖrenykremy Deuxu rarybemyhỹre.
|
||||
\v 14 Deuxu Tyhyhykỹle heka rarybemyhỹre: — Bodoosebedenyke! Wamahãdu itxỹtehekỹ! Bodoosekre wadee! Wahõrõ toite dori! Jiarỹ heka iny sohoji sohoji hãwã ribi arimykre. Inatxi inatxi sohoji mahãdu ribi arimykre tai aradyrenykre ixyby Siaõ hãwã-ò.
|
||||
\v 15 Taile inywedureny warybe deòbymy adeereny arisỹnykre, ywimy wedumy bedeery aradinodunyrenykremy.
|
||||
\v 16 Asuureny-ki asõwerenyreu heka taile òwòrudỹỹ Deuxu tykyhetowo-ki rỹimyraremyhỹ bederahy-ki Deuxu-ò deàlànamy kia òwòrudỹỹ itxi õhõtireny beaõtyhy idi aõ matxiõtyhy ijõ biwinyõtyhy.
|
||||
\v 17 Iribi tahe bededỹỹnana rehemynykreu Jerusale hãwã Deuxu Tyhyhykỹ runanahakỹ taile rỹikre, bede bede mahãdu heka tamy kidirahukre wanimy ributunyrenykremy. Iworeny bina bina ribi iraykyreny binabinareny ribi aõkõ riwinyrenykremy.
|
||||
\v 18 Israeli mahãdu Judá mahãdu wana rexibutunyrenykre Ibòò-ò idi tahe wiwanamy rirahurenykre suu-ò talabièreny-o rewahinyra jiarỹ.
|
||||
\s1 Surioko deàlànamy ixãwikemy
|
||||
\v 19 Deuxu Tyhyhykỹ rarybemyhỹre: “Israeli mahãdu, wariòre wesemy areòbykremyra suwihikỹ ariwahinyrenykremyra. Wahamy biwaninikremy sỹny rahõtinyre tiu riwariõtyhy.
|
||||
\v 20 Tahe hawyy ta hãbu rityhenyre wese heka tiwatyhynyte. Jiarỹ Tyhyhykỹlemy rarybererimy.”
|
||||
\v 21 Hawãlo tyre ribi ibrumy roholamyhỹre. Israeli mahãdu rahinyrenyre taòrarunamy relyymyhỹre riixãwidinykremy, tahe ibinabinamy ryy òrarunamy idi roiremyhỹ, Deuxu txi tõhõti ririõmyhỹre.
|
||||
\v 22 Bodoosebedenyke ibutumy, Deuxu Tyhyhykỹ teritenyte dori tii tahe abinanareny reytykre. kai boho tarybetenymãhãte: — Kohe! Deuxu-ò Tyhyhykỹ-ò roosemyhỹrenyre Tiile heka waDeuxureny raremy
|
||||
\v 23 Jiarỹboho hãwãlò ratya-ki suriokoreny reàlàrenyre tahe tii boho aõ wadereny diwahinyõde. Inywidỹỹduhukỹ Deuxu sohojile heka raremy.
|
||||
\v 24 Aõwihikỹ inytybyreny wadeereny ririra heka tahe wiji ituemyramyhỹre Baali Surioko ixỹrunahakỹle reàlàrenyre-ki tai tahe sõwe aõna onawihikỹ uladu ribile heka ijõdiremy rahurenyre dori mytahe; budoini, broreni, awaru, amelu,iròdu iròdu, ibutumy heka ituere, wariòrereny tule.
|
||||
\v 25 Rekexirahirenykre heka waòrarunareny ribi, rakaixỹrurenymyhỹkremy. Ejitusu ribi Deuxu riwadyrenyre ribi heka, jiarỹ boho rexiòrarunymyhỹrenymyhỹmy, inytybyreny tule. Deuxu Tyhyhykỹmy rexiòbynyrenyõmahỹrenymy.
|
||||
\c 4
|
||||
\s1 Deuxu-ò roosekremy
|
||||
\p
|
||||
\v 1 Deuxu Tyhyhyhỹ rarybereri: — Israeli mahãdu wadee bodosekre. Surioko ibinare wamyxiburare surioko ribi ixãwike wamy sohojile beàlàkemy.
|
||||
\v 2 Tai dori wanimy marybekeki òbitimy matxikre. Ibutu bede mahãdu wamy reixitòenyrenykreu heka deysanamy ariwahinykremy tai wamy reàlàrenykre.
|
||||
\v 3 Judá hãbu mahãdu Jerusalẽ hãbu mahãdu-ò Deuxu rarybereri: — Su lòbrònamy rexiywinyõre heka biabenyke hede-txi lòbròna itxiwixiõmy.
|
||||
\v 4 Judá mahãdu Jerusalẽ mahãdu juhule wauwana tetobinyte wesemy òbitimy matxike Deuxu Tyhyhykỹ-ò awotyhy ribile wahe. Kiaõkeki tahe wayarana heòty wesemy riworonykremy. Aõbina bina òraruki heka wayarana heòty wesemy rookremy tiu iny rityrinyõtyhy.
|
||||
\s1 Iny itxi reakremyra
|
||||
\v 5 Juròna bujurònybenyke iteremy, byrybenykre itỹnỹlemy: Judá mahãdu Jerusalẽ mahãdu-ò hãwã òtity-di roimyhỹre-ò ijirany raòrunyrenykre.
|
||||
\v 6 Siaõ ryy-ò biteòsinybenyke bexiijebenyke wylemy ibòò ribi dori Deuxu kidetehemykre aõbina binamy iny rahukremy.
|
||||
\v 7 Hãlòe rebure wesemy bede mahãdu hududumy rarerimy. Judá hãwã hãwã mahãdu rahukre tusỹdu mahãdu rabynykre.
|
||||
\v 8 Wijihe tyybina bina idi bexityynybenykre tyky bedewona wahe bexityynybenykre mahenybenykremy, bobubenykremy wahe Deuxu yarana dori judà-ò kanakre.
|
||||
\v 9 Deuxu tyhyhykỹ rarybere: — Iu heka judá wedu mahãdu iòlò mahãdu heka irurunareny ituerenykre xiwena wahisidỹỹdu bohoruberurenykre rybedu mahãdu bederiòtinyrerenykre.
|
||||
\v 10 Tai jiarỹ he rarybere: — DeuxuTyhyhykỹ Jerusalẽ mahãdu heka teitxenanyte! Kai tarybete ywinamy bedemy kanyikre tahe aõkõrehe mayrehe iny bòtò-ki rỹimyhỹre wahe.
|
||||
\v 11 Jerusalẽ mahãdu-ò kanarybekremy, iu bederahy ribi yhy tòtèèhe Deuxu mahãdu-ò kanakremy ratxireri tai heka yhy reburele alòbròna idi rihitxinykremy asibinaty ribi aõbo.
|
||||
\v 12 Kia yhy rebure Deuxule riteònykre heka rebure sõwe sõwemy rarekre. Wijihe Deuxule tamahãdu-ò tarybe ritadireri judá mahãdu-ò itxi reakre.
|
||||
\s1 Judá-ò itxi reakremy
|
||||
\v 13 Beteheinyhe biuwetyy wesemy aõbina òludu mahãdumy tahe roireri rebure wesemy doidenyde rebure wesemy roire. Hire ijira ratyre iawarureny, aõherewe iny rahukre! aõherewe iny rabynykremy ratxireri!
|
||||
\v 14 Jerusalẽ mahãdu aõbina bina ribi aworeny bisuhoke aõbohe! Tarasamy matxikemy. Arayky-ki aõbina bina aõbo ratxikre.
|
||||
\v 15 Dã hãwã mahãdu Efraim hãwãlò mahãdu iny itxi reakemy irybe urena dehemyny aõbina binamy.
|
||||
\v 16 Tiiboho irybe urena rearearenyre iny òludureny Jerusalẽ-ò raryberenymy roire heka òludu mahãdu heka irehe ribi kàdirahukremy rawyhyrarònymyhỹkre. Kaò hãwã-ò itxi rearenykremy rarybemyhỹrenyre dori,
|
||||
\v 17 Lòbròna iny idi rirurawonykre runymyhyre wese heka tii boho Jerusalẽ idi rirurawonykremy iny mahãdu heka Deuxu Tyhyhykỹ rerirenyre dori.
|
||||
\v 18 Judá mahãdu kaile kaa bina binamy ixidewimy tewyta dori Jerusalẽ mahãdu bina bina òraruki bedewona ixidee riwahinyre.
|
||||
\v 19 Aki! ramytxitxi nihiyre dori tuu ariòbynyõtyhy wawoki ramytxitxi nihiỹre dori! Wawohe ramytatare sõwemy! òludu mahãdu juròna rawyhyraròmy raholareri tahe rybeõmy aõkõ aratxikremy!
|
||||
\v 20 Aõbina binahakỹ aõweselemy rehemynyreri! Tahaka kasu rahuke! aõhere aõwesele iny tyy heto rahukremy ratxireri iny tykyreny iere eremy riykaykamyhỹ.
|
||||
\v 21 Tiwese sõwemy iny òludureny deòsinamy arobikremy watxireri. Tiwese sõwe heka inyòludu jurònamy aroholakremy watxireri.
|
||||
\v 22 Deuxu rarybemyhỹre: wamahãdu itxỹtehe rare riwaeryõre dori. Waladu bedeõre weselemy roire aõbina binamy rierymyhỹre hỹre òbitimy riwinyõre,
|
||||
\s1 Bede hudunamy rỹikre
|
||||
\v 23 Idi tahe bede-ò retehereri taile òbitina ihõõre, iruna ihõõre biu-ò lòòsòna ihõõre tai.
|
||||
\v 24 hãwãlò ramytatamy roimyhỹre bederatòò heka idi rawori worinymyhỹre kua-o kakò.
|
||||
\v 25 Inyõ bede-ki roikõre nawii rihenyrenyre dori tule
|
||||
\v 26 bede wihikỹmy rabire suu-ki aõ ijõõmy roire hãwã hãwã heka ituerenyre dori Deuxu idi bede rirahoremy rewinyre tayarana òraruki.
|
||||
\v 27 Deuxu rarybere su bybymy relekremy ratxikre ibutumy itueõkre tahe
|
||||
\v 28 bede kodubukremy biu wetyy heka rurunykre Deuxule rarybere dori raraohoreõtyhy irayky.
|
||||
\v 29 Wyhydu mahãdu wodỹỹ boholabenykeu iawaru ijiranamy roholarenykeu inyõ mahãdu bederahy-ò reareakre. Hãwãlò-ò raowònyrenykre mana manahakỹ-ò. Hãwã hãwã iny tai rasỹ nyõkre dori.
|
||||
\v 30 Aõherekibo Jerusalẽ mahãdu tiukekõna atykysòbina binamy texityynyte dori tykysò-di texityynyte, arue teyrinyte, arysòna, aõna õna wihikỹ-di texiywinyte? Tahe aõkõre heka ruxeramy aõkõmy matxikre! Aruxera aõkõmy tate! Abirena mahãdu heka aribuarenyre ararubunykremy riwisỹnyrenyre dori.
|
||||
\v 31 Tahe raholare hawyy ramytxitxire wese ibru-ò raholare. Iriòre dela rimytxitxidỹỹnyre wese ibru raholare. Tahe Jerusalẽ mahãdu raelenymy roire tebò relerenymy roiremyhỹ rarybemyhỹre: — Arurukre! Riwarubunykre dirahudenude!
|
||||
\c 5
|
||||
\s1 Jerusalẽ òrarunamy
|
||||
\p
|
||||
\v 1 Jerusalẽ mahãdu ryy-ò bijekebenyke! Ibutumy bede bedemy bijebenyke! Aruerenydile bijebenyke! Iny òbitityhymy mahabeny kemy. Inytyhymy biòryke. Itxi mahabenykeki tahe Jerusalẽ òrarunamy Deuxu riixãwidinyke.
|
||||
\v 2 Deuxunimy tarybete hỹre òbitimy tawo-ribi aõkõ tate!
|
||||
\v 3 Tikiemy bityhynykremy Deuxu tuu riwisỹnymyhỹre aõhõkỹmy arasỹnyrenyre ihỹre heka adeereny aõke aõkõ. Deuxu arasurusurunyrenyre ihỹre heka teòbitiõtenyte itxỹterenymy toite Deuxu-ò tooseõhyytenyte.
|
||||
\v 4 Tai jiarỹ rahõtinyre: “bedeeryõ mahãdule toimahãtenyte Deuxudewimy riwinykremy teeryõmahãtemy, tule Deuxu dewinamy teeryõtenyte.
|
||||
\v 5 Hãbu bedeery mahãdu òbityhy-ò arijekre tamyreny ararybekre tiiboho Deuxumy rieryrenyre, timybo Deuxudewimy riwinykremy rieryrenykre òsỹny.” Tahe aõkõre, ibutumy Deuxu ribuarenyre rityhynyõtyhy.
|
||||
\v 6 Tai haloe bederahu ribi kidirubunyrenykre iere ereny rioroororenykre ahula rexiwomy hãwã hãwã itxi reakremy hãwã ribi rohonykeki iere eremy rurukre iròdudòmy aòrarunareny sõwere dori Deuxu-ò teritenyte.
|
||||
\v 7 Aõherekibo aòrarunareny araixãwididỹỹnykre, wamahãdu dori riwarirenyre suriokomy raryberenyre kia Deuxu aõ aõkõ rare, Wamahãduhe reòwenyre tii boho rihydyrenyre Jiarỹ.My tahe òta òtamy riwinyrenyre, aderana wana ratxirenyre.
|
||||
\v 8 Awaru rihydymyhỹre wesemy roirenyre tawidỹỹnarenymy. Isỹweraludu hawyy hemy roirenyre.
|
||||
\v 9 Tahe aõhõkymy arisyỹõkre aõbõ? kiamy riwinyrenyre dori ariòwynyõkre aõbõ? Bede mahãdu-ò kiamy riwinyre òrariki ariòwynyõkre aõbõ?
|
||||
\v 10 Iòludu mahãdu-ò ararybekre ilòbrònareny idi rahukremy. Mytahe ibutu idi rehukre aõkõ uvaò irurule idi risiherenykre. Kia uvaò dori wahõrõmy aõkõ rare.
|
||||
\v 11 Israeli mahãdu, judá mahãdu itỹnylemy riwatyherenyre Jiarỹ Deuxu Tyhyhykỹmy rarybereri Israeli mahãdu heka Deuxu ribuare.
|
||||
\v 12 Israeli mahãdu rexiryberenyre myy: — Aõ rotỹỹnyõke Deuxu Tyhyhykỹ tuu riwinyõkre, alòremy ihõõke, rama riwarubunyke aõkõ.
|
||||
\v 13 Wyhy wesele heka rybedu mahãdu rybemy rare irybereny aõ aõkõ heka rare. Deuxu Rybemy aõkõhe rare.
|
||||
\v 14 Deuxu Tyhyhykỹ wadee narybede: — Jeremia, Jiarỹ adee ararybekre aõhebo rotỹỹnykre kiamy rarybemyhỹre mahãdu-ò. Mytahe, ary ribile heka warybe heòty wesemy reare reakremy j Jiarỹ ariwinykre warybe heòty wesemy ary-ò arisỹnykre. Israeli mahãdu hee wesemy rookremy.
|
||||
\v 15 Israel mahãdu Deuxu Tyhyhykỹ rybe-ò boholake! — Jiarỹ Tyhyhykỹ heka su witxira ribi rurudu mahãdu adiwyke atxireny reakremy, irybereny iwitxiramy raryberenykre kai boho irybereny teeryõte.
|
||||
\v 16 Kia mahãdu heka isodadureny teburere, aõwesele tawyhyrenydi iny rirubunymyhỹre aõwesele,
|
||||
\v 17 Tiiboho heka alòbrònareny rahurenykre ariòrereny kidirubunyrenykre abrorenireny õhõreny kidirubunyrenykre auvaòreny rahurenykremy ahãwãreny òtity isodadureny ribòhòbòhònykre aòtityreny iruruteremy idi tahõtinymãhãtenyte heka reatykre dori.
|
||||
\v 18 Ihỹre heka Israel mahãdu ibutu aõkõ arahukre Jiarỹ Deuxu Tyhyhykỹ raybereri.
|
||||
\v 19 Iu Israeli mahãdu, Jeremia, adee rỹỹraxikreu, aõherekibo Deuxu kiamy rewinyre. Kai Jeremia tamyreny marybekre: — asureny-kile surioko teàlàtenyte, Deuxu teritenyte tai dori wijihe suu iwitxira-ò suriokomy beàlàbenyke.
|
||||
\s1 Deuxu tamahãdu-ò ribedeerynanymyhỹre.
|
||||
\v 20 Deuxu rarybemyhỹre: — Jaò riokore mahãdu-ò, Juda-ò marybekre:
|
||||
\v 21 — Boholabenyke itxỹtereny mahãdu, kaiboho heka, aruerenydi hỹre heka tabiõmãhãtenyte õhõtireny-di ihỹre heka taholaõmahãtenyte.
|
||||
\v 22 Jiarỹ Deuxu Tyhyhykỹ rare aõherekibo warybemy tetyhynyõmahãtenyte? Aõherekibo walau taberuõmahãtenyte. Jiarỹle ỹnyramy, berohòkỹ-ki rewinyra, bera rariaõlemy ỹnyramy resỹnyra berohòkỹ-ò, abònihiỹ idi rariaõtyhy. Jiarỹle tuu rewinyre dori!
|
||||
\v 23 Ihỹre heka Israel mahãdu itxỹtemy toite waderamy rare wadi teramy teatenyte.
|
||||
\v 24 Kaiboho aworeny ribi tarybeõmahãtenyte: — Deuxu Tyhyhykỹ-ò rikityhynyrenyke tii heka bede hetximy, bede riramy riwinyre dori. Deuxu-ò rekeàlàrenykre iòrarukile òwòru ruhunyre dori beòra beòramy.
|
||||
\v 25 Ta aõkõ ihỹre aòrarurenydile heka abinabinarenydi aribireny aõwiwihỹ aribireny rihitxinyrenyre dori.
|
||||
\v 26 Iny binabina wamahãdureny yki bòtòwe heto wese roimyhỹrehe nawii rimykrremy, tahe inyle tiiboho rimyrenykremy riwisỹnymyhỹre.
|
||||
\v 27 Iwese bòtòwe heto nawii roimyhỹre iwese heka kia hãbu mahãdu ihetoreny-ki aõna õna wasimy sõwere tai. Tiiboho heka ruruduhukỹmy, hãbu ityhymy roire iaõnaõnareny wasi-di ratyhynyrenyre dori.
|
||||
\v 28 Tiiboho heka idenihiỹmy roire, rama rihydyrenyre, tiibohohe hãwãdu mahadu riwiòhenanyõtyhy.
|
||||
\v 29 Tahe kia òraruki heka tamyreny aõhõkỹmy arisỹnyke, sraeli mahãduhe ariòwynykre. Jiarỹhe Deuxu Tyhyhykỹmy rarybemyhỹre.
|
||||
\v 30 Aõbina binahakỹmy bede-ki rỹire:
|
||||
\v 31 Deuxu rybedu mahãdu inatyhyna rybemy rarybeõmyhỹrenyre, hãbu binabinareny idireny ridinodunyrenyre. Idinodureny wesemy rarybemyhỹrenyre tahe Israeli mahãdu awimy tai rahamahare dori! Tahe aõbohe riwinyrenykre ionana txuu, aõhebo kodotỹỹnykre.
|
||||
\c 6
|
||||
\s1 Jerusalẽ hãwã òludu mahãdu rirurawonyre.
|
||||
\p
|
||||
\v 1 Benjami mahãdu hena-ò bihenybenyke Tekoa hãwã txuròna bijurobenyke bibedeerynanybenyke Bete Ara Hãwã-ki aõbina binahakỹ dori kedeakre ibòò ribi.
|
||||
\v 2 Jerusalẽ hãwã wikikỹtyhyre iòhòlemy iby tõmore.
|
||||
\v 3 Iòlò mahãdu tasodadureny hãwã idi rirurawonyrenykre tasodadureny tai tawelòreny ridekre ixidewimy.
|
||||
\v 4 Tiiboho raryberenykre: — Roikoreny hãwã-ò itxi reakremy bexiywinybenyke txutue-ò rekearenykre.
|
||||
\v 5 Iu tahe raryberenykre: — Kõrehe wiji bede tururenymy hỹre tahe bexiywinybenyke wiji ruumy heka tamyreny rekekoarenyke Jerusalẽ hãwã-o.
|
||||
\v 6 Deuxu Tyhyhykỹ dori iòlò mahãdu-ò rarybere òwòru biorobenykre òwòna biwinykre Jerusalẽ hãwã beabenykremy. Jiarỹ kia hãwã aõhõkỹmy arisỹnykre inybinahakỹ sõwe ijõdire tai.
|
||||
\v 7 Jerusalẽ hãwã iwese haloobemy bee iribi reare iwese heka Jerusalẽ ribi òraruna rexijuare. Aõbina binamy rarybehyymy binana sõwemy wotõmona sõwere tai.
|
||||
\v 8 Jerusalẽ mahãdu, boholabenykewa! Arabedeerynanymyhỹre dori! Bierybenykre! Ararirenykre heny ka hãwã bymy reakremy dori! Ariwinykrehe, taile moõ rasỹnyõkre òraruna oraruki.
|
||||
\s1 Òraruna òraruki aõhõkỹmy rotỹỹnyke.
|
||||
\v 9 Deuxu Tyhyhykỹ, wadee rarybere: — Israeli mahãdu iny hãwã: ribi rabynykre: iwese òwòru inatxi risihere wese idi iratyõmy rỹire iwesemy hãwã ratxikre. Lòbròdỹỹdu tauva risiherisihe wesemy kahãwãsỹdu mahãdu kai bitake.
|
||||
\v 10 Tai jiarỹ rarybere moobo ararybekre? Ararybekeki inyõ warybe-ò roholaõtyhy. Tiiboho boho tõhõtireny ritòbònyrenyre roholaõkemy. Arybe-o roholaõmy arybemy ribuarenyre dori.
|
||||
\v 11 Deuxu Tyhyhykỹ aykarana wawo idi rỹxire wawo-ki iutxiemy aykarana-di rỹxire wawoki. Reysemy rỹire jiaỹ ayarana di rỹireri dori. Tai Deuxu rarybere: — Ixinamy uladu mahãdu tyre-ò idi behyke wayarana-di ixinamy weryrybò mahãdu tyre idi behuke. Hãbu tule hawyy wana ròtena-ò ridyrenykre, matuari mahãdu tule hekỹ.
|
||||
\v 12 Hetoreny rarikre inyõ tai rasỹnykremy, isureny, ihawyreny inyõ tai rarikre. Kahãwã-ò aõhõkỹmy arisynykre dori. Jiarỹ deuxu Tyhyhykỹlemy rarybemyhỹre.
|
||||
\v 13 Ka ibutu ityhy mahãdu òbitimy aõkõ nierumy rimyreri dori xiwena wahisidỹỹdu rybedu mahãdu wana inyõ riitxenanymyhỹre.
|
||||
\v 14 Iny wotõmona aõke aõkõ rare awire riki raryberenyre tahe awi aõkõ rare ibinamy roire.
|
||||
\v 15 Tiiboho heka ibina binarenydi aõbõ riixãrydỹỹrenyre aõbõ? Wadee ibinatyhyre. Tiiboho kiamy idi rixãrynyrenyre aõbõ? Ixãruna rieryõrenyre tai resekre dori, iwese inyõ mahãdu resemyhỹrenyre, iu aõhõkỹmy aresỹnykreu heka bedewotyhy roikre dori. Jiarỹ heka Deuxu Tyhyhykỹ, rarybere,
|
||||
\s1 Deuxury Israeli mahãdu ribuamyhỹre.
|
||||
\v 16 Deuxu Tyhyhykỹ tamahãdu-ò rarybere: — Boibenykre ry òweòwe-ò tai matxibenykre idi betehebenyke idi ryy òbitile idi mariabenykre tai ywinamy mahabenykre. Tahe tiiboho raryberenyre: — Kõre kia rydi aõkõ aroirenykre.
|
||||
\v 17 Tulesỹ, itxeredu mahãdu Deuxu risỹnyre jurona wodỹỹ rieryrenykremy ihỹre heka itxeredu mahãdu raryberenyre: — Aõkõrehe, aroholaõtyhy.
|
||||
\v 18 Tai Deuxu rarybere: — Bede mahãdu boholabenyke aõbõ rotỹỹnykre wamahãdu-ò.
|
||||
\v 19 Aõbina binahakỹ arisỹnykre warybe-ò riòbynyõre dori. Tai kia bina binamy ariteònykre warybe òby aõkõmy toite warybe ribuare dori.
|
||||
\v 20 Tahe wadee lỹrena Sabá hãwã irehe ribi dirahudenyde heka awiõre wadee. Ixiwenareny riwateysaõtyhy dori.
|
||||
\v 21 Jiarỹ heka Deuxu Tyhyhykỹ iwareny rotynykremy ariwinykre dori. Tiiboho tai reserenykremy ariwinykre heka. Tyby boho, iriòrereny, rururenykre, ibiòwareny isỹwera ludu mahadu tule.
|
||||
\s1 Òludu mahãdu ibòò ribi dirahumyhỹde.
|
||||
\v 22 Inyõ mahãdu irehe ribi kidirahukremy rurudu hukỹ rexiywinymy roireri kaò lòrenymy kanakremy.
|
||||
\v 23 Tiiboho xiwahate-di wyhy-di maurehe-di tebònarenymy roire. Tiiboho ibinatyhyre iawarureny wodỹỹ reareri, rexiywinyrenyre Jerusalẽ mahãdu rirubunykremy.
|
||||
\v 24 Kia rybemy reareri heka Jerusalê rarybemyhỹre tai Israeli mahãdu tebòreny iruru ituere, brebule rimyrenyre, hawyy ramytxitxi brebu wesemy ranywahãrenyrehe.
|
||||
\v 25 Jiarỹ boho bederahy-ò ryy ribile aroirenyõtyhy ruberure riki. Iny oludureny heka rexiywinymy rỹireriiny rahukremy riki bede bedemy brebu ijõdire riki raryberenyre.
|
||||
\v 26 Deuxu rarybemyhỹre tamahãdu-ò: Bobubenykrewa, ariòre delareny rurure wese heka mahinybenykewa, tyky bina binamy bexitykynybenyke. Bryby tyre-ki boike aõwesele heka hududumy reakre hiwa!
|
||||
\v 27 Jeremia, wamahãdumy biurihikre iwese womati raweseru serunyre wese heka Jerusalê mahãdu biurihikre idi betehewiwikre timybo roimyhỹre.
|
||||
\v 28 Tiiboho rybe dera mahãdu itxỹterenyre dori rybe rui idile riubỹtỹnyrenyre. Ibutumy womati tỹrỹhỹkỹ heòty raweseru serunyre wese heka wamahãdu tiu rityranỹõtyhy.
|
||||
\v 29 Heòty itòtèètyhy womati urahakỹ idi raweseru serunyre wese heka wamahãdu tiu rityranỹõtyhy. Iwese taòraruna ribi rexitaõtyhy inybina bina ribi iny òbiti rexitaõtyhy.
|
||||
\v 30 Iny bina mahãdu womati tỹrỹhỹkỹhakỹ ibinatyhymy raninikre Jiarỹ Tyhyhykỹ dori idireny ribuare.
|
||||
\c 7
|
||||
\s1 Xiwena heto-ki Jeremia runymyhỹre.
|
||||
\p
|
||||
\v 1-3 Xiwena ijòtòbòna heto-ò Deuxu riwateònyre taile Deuxu rybe-ò ararybekremy Judà mahãdu rirahu rirahumy deàlànamy. Tai aratxikremy riwateònyre rybe-di myy: — Abededỹỹnanareny myy rybemy roire: — Maohorebenyke! Tai kasu-ki ixinamy masỹnybeny kemy.
|
||||
\v 4 Tahe rybe ruimy ityhydỹỹõ mãhãbenyke. Tahe tiiboho myy rexiryberenyreri: kaa heka Deuxu Tyhyhykỹ xiwena heto-ki inyboho rỹireri. Tahe aõhe rotỹỹnyõtyhy inydereny! Awilemy kaki Ixỹ rỹire. Kaa heka Deuxu xiwena hetohe rare! Kaa heka Deuxu xiwena hetohe rare! Kaa heka Deuxu xiwena hetohe rare!
|
||||
\v 5-6 Abededỹỹnanareny maohorebenyke! Iwitxira biwinybenyke! Òbitimy wiwanalemy matxibenyke mahãmy! Aõ aõkõ mahãdu ibinamy idi matxiõbenyke, wyte mahãdu, wytese mahãdumy awimy biwinybenyke! Kasudi riradu mahãdu-ò awimy matxibenyke! Inyõ irubudỹỹõmyke! Suriokode deàlàna abinamy heka ixawike! Atuereny heny!
|
||||
\v 7 Araykyreny birahaorebenykeki tahe ixinamy awilemy kaki masỹnybenyke alabiereny kasu rewahinyra heka kakile masỹnybenykemy.
|
||||
\v 8 Beteheinyhe! Rybe ruile tetyhynymy mahãtenyte dori kia rybe aõ aõkõ heka rare tetyhyny mahãtenyte.
|
||||
\v 9 Kakile heka inyõ terubenymãhãtenyte, inyõ tewasinymãhãtenyte, òta òtamy tewinymãhãtenyte, taruimãhãtenyte awidỹỹna òraruki, awidỹỹnarenymy wasimyreny tarybemãhãtenyte, Baali surioko xiwenamy tewahinymãhãtenyte. Surioko juhu teeryõtenyte heka wiji dori teàlàmãhãtenyte dori!
|
||||
\v 10 Tyky bina binamy tewinymãhãtenyte atyky bina-di waxiwena heto wako-ò tanymãhãtenyte idi tarybemãhãtenyte: “ Aõ inydereny rotỹỹnyõtyhy inydereny, awilemy ixỹ rỹireri!”
|
||||
\v 11 Waheto heka wasidu mahãdu heto aõbo rare tahõtinymahãtenyte aõbo? Aõbo tewinỹmãhãte Jiarỹ rabiwahỹre, Deuxu Tyhyhykỹmy Jiarỹhe rarybereri.
|
||||
\v 12 Silò hãwã heka juhule Jiarỹ retare tai xiwenamy wadee biwahinykremy, myta itxeremy boibenykre! Aõbo rewinyre tai wamahãdu òraruna òraru-ki wahe!
|
||||
\v 13 Sõwe heka óraruna tewinymahãtenyte, kiamyadeereny rarybere jiarỹ. Sõwemy idi arabederynanyrenre tahe warybemy taholaõmãhãtenyte. Adeereny rarybere uritrele taholaõmãhãtenyte. Jiarỹ heka Deuxu Tyhyhykỹ heka rarybereri.
|
||||
\v 14 Tai heka iwesele Silò hãwã rewinyre heka ka xiwena heto texityhynymãhãtenyte-ki iwesele ariwinykre Silò hãwã wesehekỹ ariwinykre ka heto-ò ariwinykremy watxireri. Ka heto Jiarỹle alabiereny-ò rewahinyre dori.
|
||||
\v 15 Katahe wiji arateònyrenykre waribi. Amahãdureny arateònyre ibòò mahãdu wesemynarateònyrenykre waribi.
|
||||
\s1 Deuxu rybemy riòbynyõmỹhỹre
|
||||
\v 16 Deuxu rarybere: — Jeremia ka mahãdu-ò idi ixitèdỹỹõmy. Wadi ixitòedỹỹõmy aixitòedỹỹnanamy aroholaõtyhy.
|
||||
\v 17 Kai aõbo tabiõmãhãte Jerusalẽ hãwã-kiJuda hãwã-ki aõbo tiiboho rwinymyhỹrenyre tabiõmahãte aõbo.
|
||||
\v 18 Uladu mahãdu heitxemy rirahumyhỹrenyre. Hãbu mahãdu heka heòty rioronymyhỹrenyre surioko-ò. Hawyy mahãdu bolu raheranymyhỹrenyre surioko-ò hawyymy “Biu wedumy” raninirenyremy. Tulesỹ ijõ isuriokoreny tamonareny ritxiwitxiwimyhỹrenyre ixiwenamy idi riwaixiranymyhỹre.
|
||||
\v 19 Tiiboho wadi aõbo ribinamyhỹrenyre? Kõrehe. Tiiboho rexibinanymyhỹrenyredori tule kiamyhe rarybereri rexixãrumyhỹrenykmy rarybererire dori.
|
||||
\v 20 Katahe wiji Jiarỹ heka Inynyrỹ Tyhyhykỹ heka wakyaranamy aritxiwikremy watxireri dorihe! Ibutu tyre-ò, nawii-ò, iròdu-ò, òwòru-ò, lòbròna-ò. Wijihe wadeburenamy aritrònykre dori. Wayarana heòty wesemy rookremy tiu inyõ rityrinyõtyhy.
|
||||
\v 21 Xiwena risõtyhyre wadee rare. Tahe wadee kia aõ aõkõ heka rare. Ibutmy kia xiwenamy ibutumy biroxibenykremy, kaibohole warybe wesemy tewinyõtenyte dorihe.
|
||||
\v 22 Ejitu ribi aradyrenyreu heka adeereny rarybeõre aõbo aõ xiwenamy risõtyhyrenykremy. Tahe wadee tuu aõkõ tewinymahãtenyte dori. Xiwenamy timybo risõkemy retadire Jiarỹ, aratohonyre juhuu.
|
||||
\v 23 Warybe òby tamyreny rarybera Jiarỹ iwedurenymy rarekremy, riwatyhynyrenyke-ki tahe awimy ratximyhỹrenykremy.
|
||||
\v 24 Tamy awilemy rewinyre awityhymy ratxikemy tahe warybe wesemy riwinyõrenyre. Awimy aõkõriwinyrenyre ierena ibinamy riwinyrenyre.
|
||||
\v 25 Juhule heka adeereny rarybere Ejitu ribi alabiereny idireny rare rarybere tahe warybemy trityhynyõrenyre dori. Warybedu mahãdu reteònymyhỹre.
|
||||
\v 26 Ihỹrele roholaõhyy taraykyreny wesemy iworeny teremy raoimyhỹrenyre tahe wiji kai boho alabiereny warybe-ò roholaõre rityhynyrenyõre heka kaiboho tahe wiji umyreny ararybekre aòrarunareny ditxỹxinydenyde alabiereny ratyre.
|
||||
\v 27 Tai Jeremia arybe-ò roholaõmyhỹrenykre, kai tamyreny byrykremy tahe arybe-ò rirawyònyõhyyrenykre.
|
||||
\v 28 Kai tamyreny marybeke tiiboho warybemy roholaõhyymyhỹrenyre iDeuxu Tyhyhykỹ. Tiiboho rybemy deòby aõkõ raremy tamyreny marybekre.
|
||||
\s1 Suritxoo deàlàna òraruna òraruki.
|
||||
\v 29 Ijõ heka deuxu rarybere: — Bobubenykre, mahinybenykre Jerusalẽ mahãdu, aradereny bisubenykre idi behukre. Hãwãlò tya-ò bedewona wiunamy mawiunybenykremy. Jiarỹ Tyhyhykỹ wayarana òraruki wamahãdu ararirenyre dori.
|
||||
\v 30 Judá mahãdu ibina riwinyre waxiwena heto-ki isuriokoreny tai risỹnyre idi waheto-ki rixunyrenyre dori, surioko ibinabinamy wadee rare. Jiarỹ Deuxu Tyhyhykỹle rarybemyhỹyre.
|
||||
\v 31 Tobete su-ò tiiboho xiwena riwinyrenyre tai tariòrereny rirubunymyhỹrenyre surioko-ò risõmyhỹrenyre. Kia warybe aõkõ heka rare. Tuu retidiõre Jiarỹ.
|
||||
\v 32 Tiu txumy heka kia Tobetesu aõkõmy raninikre dori tahe rubunasumyle raninirenykre tai. Bede roimy rarekre heka tiu Tobetesu iny rieryõkremy ihỹre tai inyõ rituunykremy itxi rahaõrenyke titxibo rituunykemy.
|
||||
\v 33 Tai heka nawiidò sumy relekre iròdudòmy tule.
|
||||
\v 34 Bede rabynykremy ratxikre. Iu heka deysana, wyhyrarònamy ituekremy ibutu aõ deysanamy rahukremy, rybewimy, ajuwe ibutu ibutu deysanamy rahukremy ariwinykre dorihe.
|
||||
\c 8
|
||||
\p
|
||||
\v 1 Kia bedeu heka Jerusalẽ wabede-ò riakre iòlò mahãdu heka ititybyreny ritakre, xiwena wahisidỹỹdu ititybyreny ritakre, tulesỹ Judá wedu mahãdu, rybedu mahãdu, isỹdu mahãdu ititybyreny ritakre. Jiarỹ Deuxu Tyhyhykỹle rarybemyhỹre dori.
|
||||
\v 2 Ititybyreny heka raybỹtynyrenykre txu itòtèè-ò, ahãdura-ò, taina-ò kia iluurenyre dori, reàlàrenyre dori, tamyreny ritỹỹraxirenyre dori. Kia ititybyreny tiu idi riariõtyhy, rituunyõtyhy taile heka sukile ituerenykre riuriurikremy.
|
||||
\v 3 Iriokorereny heka bededemy Jiarỹ idireny raybỹtỹnyrenykremy tiiboho rururenykremy idi riwisỹnyrenykre. Jiarỹ, Tyhyhykỹ, Ruruduhukỹ, rarybereri.
|
||||
\s1 Aõhõkỹmydỹỹnana òraruna òraruki.
|
||||
\v 4 Deuxu Tyhyhykỹ tamãhãdureny-ò ararybekremy wadee rarybere: — Inyõ resemyhỹreu heka ixyby rỹiõmy aõbo? Inyõ Ryy reòsareu ròoseõre rexiobitinykremy?
|
||||
\v 5 Aõherekibo wamahãdu tabròmy wadee rỹira? Aõherewe waribi irehemy tariamyhỹtenyta? Aòrarunareny-di teximymytenyte tahe wadee dòoseõhyytenyte dori.
|
||||
\v 6 Ywimy adireny raholare tahe ihỹre heka inatynamy tarybeõhyytenyte dori. Abinabinareny-di tabedewoõmyhỹtenyte. Moõ rarybeõra:”aõibinamy rewinyra? Iny tarayky hekile heka riijiranyrenyre awaru alòre-ò riijiranymyhỹre wesemy.
|
||||
\v 7 Bòtòè, wyrarè, nawii tasu-ò ròosekremy roerymyhỹre. Tahe wamahãdu heka warybemy riòbynyõmyhỹre.
|
||||
\v 8 Ihỹre heka bedeerymy ixidi tahõtinytenyte:” Jiarỹ boho heka Deuxu Rybemy reeryrenyre bedeywinamy reeryrenyre.” Tarybetenyte. Ihỹre heka warybe ery mahãdu òbitimy aõkõ bedeywinamy rirytinymyhỹreu òbitimy aõkõ riwinymyhỹrenyrehe.
|
||||
\v 9 Ihỹre warybe ery mahãdu bedeerymy ixidi rõhõtinyrenyre reòsareòsamy ratxikremy warybemy ribuarenyre-ki. Aõhe inatyhy ibedeeryna aõ aõkõ heka rare.
|
||||
\v 10 Tai dori ihawyyreny ijõ hãbu-ò areurorenykre tule isurenyijõ wedureny-ò reurokremy. Òbitimy aõkõ riwinymyhỹre-ki, òbitimy aõkõ nieru ritamyhỹrenyre-ki. Xiwena wahisidỹỹdu rybedu mahãdu tule òbitimy aõkõ riwinymyhỹrenyre.
|
||||
\v 11 Tiiboho inyõ tõmona heka aõ aõkõ tamyreny rare. Wamahãdu-di awimy aõkõmy ratximyhỹrenyre ãdohotalemy idireny roire. Ibinamy roiremyhỹ ihỹrele awile roimyhỹremy rarybemyhỹrenyre dori.
|
||||
\v 12 Tiiboho kia ibinabinamy riwinyrenyre-di riixârurenyre aõbo? Anõkõre! Kõrehe! Riixãrurenyõrehe. Tiiboho ixãruna rieryõrenyre dori. Tai inyõ resekreu heka ihereny reserenykremy tule. Aõhõkỹmy tamyreny arisỹnykreu heka sõwemy rabedeworenykremy. Jiarỹ heka Deuxu Tyhyhykỹlemy rarybemyhỹre.
|
||||
\v 13 Iwese alòbròdu aõlòbròna risihemyhỹre idi ributunymyhỹre wese heka Jiarỹ Deuxu Tyhyhykỹ wamahãdu idi aributunykremy raruwahỹre. Tahe tiiboho uvaò iratyõ wesemy roimyhỹre wese. Tiiboho òwòru rubu wesemy heka roire dori. Tai ixinamy suwitxira mahãdu heka isureny rimyrenykremy ariwahinyre Jiarỹ.
|
||||
\v 14 Tiiboho raryberenykre: — Aõhebo ixỹ tetxikilemy roimyhỹremy! Suiwitxira-ò hãwã òtity-ò rokoirenykre taile ixinamy arururenykremy. Deuxu rubu-ò inydeereny riwahinyre. Be veneni-di iny riõkremy riwahinyre Deuxu, iny tamy rexiòrarunyrenyre-ki wahe.
|
||||
\v 15 Bedewihikỹmy ratxikremy raruwahỹrenyre tahe aõbinabinahakỹle ijõdire.
|
||||
\v 16 Iny òludureny Dã hãwã-ò rirònyrenyre iawarureny raholamyhỹrenyre. Iawarureny tawareny-di risorusorunyreu heka bede ramytatamyroimyhỹre. Iny òludu heka suituekremy doidenyde ibutu kasu ijõdikre rahukremy doimyhỹdenyde.
|
||||
\v 17 Boholabenyke! DeuxuTyhyhykỹ rarybemyhỹre: — Hemylala teburehekỹ arateònymyhỹre ararubunyrenykremy.
|
||||
\s1 Judeu mahãdu wotòenamy Jeremia rabedewomyhỹre.
|
||||
\v 18 Wabedewonaheka itueõkre, wawokiramytxitxire.
|
||||
\v 19 Boholabenykre! Iny irà-ò raholareri myy: — “Deuxu Tyhyhykỹ aõbo kaki ratxiõre? Siaõ hãwã tai ijõõre aõbohe! Tai Deuxu Tyhyhykỹ tamyreny rirawyònymyhỹre: — ” Aõhereriwe asuriokoreny-di tiwayaranyte? Aõheririwe iwitxira bede mahãdu isuriokoreny-di tiwayaranyte? Kia suriokoreny heka aõke aõkõ heka rare! Deuxu rirawyònyre dori.
|
||||
\v 20 Tai Israeli mahãdu rirajuarenyre:” Wyra beòramy rexihure, bedratysòna ribi ituemyhỹre tahe aõbina bina ribi inyboho rexitaõre dori.”
|
||||
\v 21 Jeremia bedewomy taworibi rarybemyhỹre: Wawo ramytxitxire wamahãdu òrarunamy resere-ki tai wawo rexieryre, rahinyre dori.
|
||||
\v 22 Xileade hãwã aõbo mona ihõõre tai? Ohotibedu tai ihõõre aõbo? Aõherekibo wamahãdu reyteõra?
|
||||
\v 23 Jiarỹ heka hãlobe wese aratxikeki tahe waube sõwemy rexijuajuakremy tai txumy rumy arahinykremy dori, rurure mahãdu tòenamy arahinykremy dori.
|
||||
\rem aut Ajudante Borobe Karaja (feminino) não sabe ler nem escrever
|
||||
\rem dat Aldeia macaúba, Janeiro de 2018 a abril de 2018
|
||||
\c 9
|
||||
\p
|
||||
\v 1 Wamahãdu itxỹtere irehemy iribireny aratxikremyra tii boho heka hawyy luureny hãbu luurenyre dori òbitidu aõkõmy roire.
|
||||
\v 2 Ruiduhykymy roire òbitina iworeny-ki tai ihõõre Deuxu Tyhyhykỹ heka rarybemyhỹre. Wamahãdu aõbina bina ierena riwinymyhỹre waderarenyre.
|
||||
\v 3 Wii seriòre ribi rexiijemyhỹre tabiòwa ribi rexiijemyhỹre taseriòrenymy rityhynyõmyhyrenyrele iseriòrereny iòbitinareny ihõõrenyre Jaò ilabiereny bodỹỹ wesemy roimyhỹrenyre. Ibutu taseriòrerenymy rajeijeimyhỹre raujõmomyhỹreny.
|
||||
\v 4 Ibutumy taeryna mahãdu ribonymyhỹrenyre òbitina taireny ihõõre. Raruimyhỹrenyre ihỹre taòrarunarenyribi rexirahirenyõmyhỹre.
|
||||
\v 5 Aõbina bina ierena rexijuamyhỹrerenyre ribònymyhỹrenyre ierena ribonymyhỹrenyre. Deuxu tahe rarybemyhỹre kia mahãdu uladee teramy reamyhỹre.
|
||||
\v 6 Wamahãdu-ò aohõkỹmy arisynykremy dori iwese womati heòty di resuhòmyhỹre iwesele heka wamahãdu ariurihikremy Timybo ariwinykre tamy wamahãdu heka aòbina bina riwinyre dori.
|
||||
\v 7 Idòròtòreny heka wyhy asi rubuna roire wesemyidòròtòreny heka ruimy rarybemyhỹrenyre tai urie ribonmhỹre, uritre rybe awimy taseriòre-ò rarybemyhỹre tahe aõkõ urile ribonymyhỹrenyre taseriòrereny-ò.
|
||||
\v 8 Tai dori aõhõkymy tamyreny arisỹnyke aõkõ aõbo aõbina bina òraruki aõhõkỹmy tamyreny ariteonyõkreaõbo. Ariòwnyrenkre Jiarỹ Deuxu heka rare rarybereri.
|
||||
\v 9 TaheJiarỹ Jeremia rarybere arahinykre hawalò tòenamy bederahy-ki heka biu roaõmyhỹre, broreni mahãdu heka tai ranaõmyhỹrenyre iroxinareny. rexihura dori nawii boho, iròdu boho haku aõkomy roirèri by! Ramyra myhỹrenyre dori rihenyrenyra dori!
|
||||
\v 10 Tahe Deuxu rarybere: Jerusalẽ hãwã heka rejujukre! Jiarỹle tuu ariwiny kre ahula mahãdule tai rasỹnykre ahula tai rasỹnykremy!Judá hãwã heka sỹtybymy relekremy ariwinykrehe!
|
||||
\v 11 Tai jiarỹ Deuxu-ò rỹỹraxire: Waha Deuxu aõherekibo inysureny rexihumyrỹireri inysureny bederahy wesemy rỹireri aõherekibo. Inysureny-ki heka iny rariaõmyhỹre suu rarubuhukỹmy rỹireri. Mobo rieryreri aõherekibo tuure. Inyõ aõbo rieryreri inyõ-ò anobo tetỹnynyte mobo rieryreri ijõ-ò rierykremy.
|
||||
\v 12 Tai Deuxu rarybere: — Warybemy iny mahãdu ririra tai dori tuu rotỹỹnyre. Warybe riòbynyreõre-ki.
|
||||
\v 13 Uritere Baali-ò surioko realarenyre xiwena riwahinyrenyre tamy itxỹterenyle tybyreny hekile riwiny renyre dori.
|
||||
\v 14 Tahe Wijiile bieryke aõbõ ariwinykreny lòbròna hỹrele bevenena-di ariwahinykremy wamãhãdureny-ò rirasỹkremy bevenena-di riõrenykremy ariwahinykre.
|
||||
\v 15 Wamahãdu ariybỹtỹrenykre bede mahãdu witxiray-ki. Iwitxira mahãdu y-ki heka raubỹtỹrenykre tii boho kidieryõtyhy mõmahãdubo tai rare rieryõtyhy ierynamahãdu aõkõmy roire. Sodadu mahãdu itxireny-ò reakremy ariteònykre wamahãdu-ò idireny rabyrenykremy.
|
||||
\s1 Jerusalẽ mahãdu Deuxu-ò ryrykre
|
||||
\v 16 Deuxu Tyhyhykỹle rarybere: ibru mahãdu-ò biòrybenykre robureny kremy ibrumy ratxikremy.
|
||||
\v 17 Iny mahãdu rarybemyhỹre: — Wiji wylemy bodoikre bobubenykremy! waubereny resekremy arahinyrenyre dori sõwemy!
|
||||
\v 18 Boholabenykewa! Siaõ mahatu robunymyhỹre rahinymyhyre kiamy: “Iny boho rexihumy ratxireri! Riwaixãrumyhỹrenyre wasureny sỹtyby wesemy roimyhỹre dori! Wasureny aririrenykre dori! Wasureny rexihura herewelàhà! Iny mahãdu sỹtybymy su riki roimyhỹre dori! Bee! Beteebenyke iny sureny rexihura Bee! Hããããã! Iny ituemyhỹre!
|
||||
\v 19 Jiarỹ rarybere: — Hawyy mahãdu boholabenyke Deuxu Tyhyhykỹ rarybereri irybemy beòbybenyke. Ariòre boho idi ibrumy bierynanybenyke asỹwera ludu mahãdu ibrumy bierynanybenyke!
|
||||
\v 20 Rubu iny hetoreny-ò ralora. Uladu mahãdu ryy-kile rahumy, weryrybò mahãdu rira ixãwire, weryrybò mahãdu rahymy reare.
|
||||
\v 21 Iumyreny sukile reserenykremy raubỹtỹnyrenykre maki rubu raubỹtỹnymyhỹre iwesemy iumyreny suki roikremy. Kiamy Deuxu raryberedori.
|
||||
\v 22 Deuxu rarybere ijõ Bedeery mahãdu heka tabedeerynamy aõkõ raxiwedekremy dori, irurutere mahãdu tarurudi ãokõo raxiwedekremy. Ityhy taaõnaõna wihikỹdi raxiwedeõkremy ratxireri.
|
||||
\v 23 Iny raxiwedekeki, riwaerykemy rurumyhỹkremy, riwaerykemy idi riwisỹnymyhỹre , wamy ierysymy rurukremy. Jiarỹ heka Deuxu luuna Jiarỹ rare, aõ ibutumy òbitityhyle rewinywahỹre, kialeheka wadee awityhyremy.Kia Jiarỹle Deuxu Tyhyhykỹ rarybemyhỹre dori.
|
||||
\v 24 Deuxu rarybere ijõ: My tahe: Ejitu mahãdu, Judá mahãdu, Edom mahãdu, Amõ mahãdu, Moabe mahãdu heka taradereny risymyhỹreny itxuulemy. Tii boho heka urile notyky resyna-di ibutumy roiremyhỹre ihỹre heka òbitimy aõkõ roimyhỹrenyre. Israeli mahãdu tule òbitimy aõkõ roire notyky resyna-dimy ihỹre rybe wawana ritobinyrenyre rybe wesemy aõkõ rityhynyõre dori.
|
||||
\c 10
|
||||
\s1 Deuxu deàlànamy òbitire suurioko deàlànake aõkõ.
|
||||
\p
|
||||
\v 1 Israel mahãdu Deuxu rybemy boholahenyke.
|
||||
\v 2 Tii rarybereri: “bede mahãdu bededyynana wesemy aõkõmy matxibenyke. Tiiboho imasareny ruarenykre biwuetyy-ki aõhebo rotỹỹnykremy kaiboho tahe masajurarenyõmykemy.
|
||||
\v 3 Bede mahãdu heka aõke aõkõ rityhynymyhỹrenyre dori. Òworule rimymyhỹrenyre idi tahe tasuriokorenytamyreny riwinymyhỹrenyre. Brekudilemy imanymy ridereny myhỹre brekudile risỹnyrenyre tasuriokoreny isuriokowa, rati, iaxiò heka brekudilemy ritamadỹỹnymyhỹre dori.
|
||||
\v 4 Brekudilemy isuriokoreny womati tỹrỹrỹhỹdi rihetynyrenyre, tule brekudilemy imanymy ridemyhỹre isurioko rejuxunyke lau.
|
||||
\v 5 Isuriokoreny heka rybeõmy runymyhỹre. Urile ritisanymyhỹre iitxe ranarenymy. Tasuriokorenyle idi raixỹnymyhỹre, isuriokoreny rira rieryõtyhy rariaõtyhy ixidewimy. Isuriokoreny lau breburenyõmy surioko aõbina dori riwinyõmyhỹre inyde, aõnawi tule riwinyõtyhy inyde.
|
||||
\v 6 Tai heka Jeremia rarybere:“Waha Deuxu Tyhyhykỹ. Awesele heka ijoõtyhy. Awityhy wihikỹ !Ruruduhukỹ!Ani heka ibutu ratyre.
|
||||
\v 7 Bede mahãdu Deuxutyhyhykỹ atxiteri! Mobo animy deàlanà riwahinyõkre. Bede-ki wedu mahãdu Iòlòmy Tate! Ibutu wedu mahãdu ratyre kai Tate! Mobo aratyhynyõkre!Awese ihõõre dori!Mobo aratyhynyõkre Bede mahãdu iòlomy! Bedeery mahãduyki heka awese ihõõre dori!
|
||||
\v 8 Bedeery mahãdu aribi heka ibedeeryõrenyre. Surioko òwòru aõ araerynanyke riwinyleke aõbo?
|
||||
\v 9 Surioko widỹỹ mahãdu heka womati tyrỹhỹkỹ idi riuhemyhỹre surioko rihetynykremy Xibãiásu womati tỹrỹhỹkỹ-di relerenyre, Ubasisu womati tỹrỹhỹkỹ diwymyhỹde surioko rihetynykemy, ibutu heka surioko mahãdu eryle tuu riwinymyhỹre. Surioko tyky tule idymy, isõmy ritxitanymy riwinymyhỹre tasurioko tykymy.
|
||||
\v 10 Tahe Deuxu Tuuhykỹle inatyhytyhymy Deuxule inatyhynale rare. Iòlò tyhyhykỹ heka rare. Deuxu tayaranamy reareu heka bede ramytatamy bede mahãdu tiu rióludunyõtyhy.
|
||||
\v 11 Bede mahãdu-ò ibutu mahãdu-ò marybeke: Isurioko mahãdulehekỹ bede widỹỹdumy aõkõ rare tii boho ituerenykre dori! Bede biuwetyy widỹỹdu aõkõmy roire rahurenykre dori! Bede ribile bymy iõmy reakre surioko.
|
||||
\s1 Deuxu-ò Wiunamy rare.
|
||||
\v 12 Tarurunadile Deuxu Tyhyhykỹ bede riwinyre taerynadile biuwetyy riterenyre hety wesemy.
|
||||
\v 13 Deuxudewimy heka biuwetyy-ki bee rawodỹỹnyre irehe ribile biuwetyy riteònymyhỹre. Biu rebureu biu ramytxi riteònymyhỹre yhy riteònymyhỹ rakremy.
|
||||
\v 14 Deuxu koki heka ibutu bede mahãdu ibedeeryõmy rỹire suu rioko widỹỹdu mahãdu heka rixãrudỹỹnyre isuriokoreny heka iruru ijõõre iru tule ijõõre dori.
|
||||
\v 15 Surioko aõke aõkõ rare, bodỹỹmy rỹire rahurenykre dori Deuxu kanakreu.
|
||||
\v 16 Jaò Deuxu Tyhyhykỹ kia wese aõkõ rare; ibutu aõna ona Tii riwinyre Israeli mahãdu tamahãdumy ritare Deuxu. Tii heka Deuxu Tyhyhykỹ Tuhyy ratximyhỹre, Ruruduhukỹ heka ini rare.
|
||||
\s1 Bede mahãdu tasureny ribi riteònykre.
|
||||
\v 17 Jerusalẽ mahãdu ahawãreny òludureny riwokrore aõna onareny bimybenyke!
|
||||
\v 18 Deuxu arateònyrenykre asureny ribi idi óbitimy matxibenykemy dori. Jiarỹ Deuxu Tyhyhykỹle hekararybemyhỹre.
|
||||
\v 19 Israel mahãdu ryrymyhỹre: — Jiarỹ boho rawotõmomy rỹireri! wawotõmona reytẽõtyhy! Arawinyleke sỹny rohõtinyrenyre!
|
||||
\v 20 Wawelòreny rexihumy rỹireri òtity imynana rejujure. Wariòre boho ramyramyhỹrenyre! Hetowidỹỹ ihõõre dori!
|
||||
\v 21 Jiarỹhe rarybere: Iny wedu mahãdu bedeeryõmy rỹire Deuxu tamyreny ridinodunykemy idi rexitoenyõmy rỹire. Tai dori ribinanyre iny mahãdu raubỹtỹnyrenyre dori.
|
||||
\v 22 Boholabenyke! Irybe urena rehemynyre. Iboo-ki sõweny ijõdire sodado jei jei mahãdu kidirahukre judásu-ò rabynykremy, taile ahula rasỹny kremy isỹtybymy. Rybe nina dehemynyde rybe urena dehemynyde Jeremias tamahãdu-di Deuxu-ò reixitòenyre.
|
||||
\v 23 Waha Deuxu reeryrahe bede mahãdu heka aõhebo rotỹỹnykremy rieryõ tyhy. Iny tabededỹỹnana ridinodunyõtyhy.
|
||||
\v 24 Deuxu adee arexitòenykre. Wamahãdurenymyidi biòbitinyke adebureke aõkõ, urihimyòmy Deuxu. Adeburetyhydi heka iny rahuke yarana-di.
|
||||
\v 25 Su witxira mahãdu-òle yarana-txi beake, kia adera mahãdu-òle. Tii boho Jaò riokore mahãdu-ò rirubunyrenyre inysureny ribinanyrenyre dori.Tamyreny yarana-txi beakre.
|
||||
\c 11
|
||||
\s1 Jeremia wana Deuxu ritobinyre.
|
||||
\p
|
||||
\v 1 Deuxu Tyhyhykỹ rarybere wadee.
|
||||
\v 2 Boholake! Israel wana rybe widee raryberenyre õhõtilusaõmyke! Judá sỹdu mahãdu Jerusalẽsỹdu mahãdu warybemy biwahinykre.
|
||||
\v 3 Aritxuhotyhykre kia rybe rityhynyõre mahãdu labiereny kia rybe rewinyre.
|
||||
\v 4 Kia rybe heka iwese ywina rybe juhu alabrireny riwahinyre Ejitu ribi retareu bederahy ribi idireny redinodunyreu. Tamyreny rarybere: Wary bemy beobybenykeki tahe ibutu biwinykeki wamahãdumy matxibenyke a Deuxurenymy aratxikre.
|
||||
\v 5 Tai heka warybe weselemy ariwinykre alabiereny-ò. Suwihikỹ adeereny rewahinyra tai jiarỹ rarybere: Inatyhymy heka rare. Waha Deuxu.
|
||||
\v 6 Tai Deuxu wadee rarybere: Judá hãwã-ò Jerusalẽ hãwã-ò make warybe-di tii boho warybemy reòbyrenyke marybeke tamyreny warybe wesemy riwi nyrenykemy.
|
||||
\v 7 Ejitu ribi ilabiereny redyreu tamyreny inatyhymy rebedeerynyre warybemy reòbykemy juhu bedeu ribi wiji hỹre.
|
||||
\v 8 Tahe tiiboho warybemy roholaõrenyre uritere rarybewahỹre tamyremy nõhõtitxyrenyre bina binamy roimyhỹrenyre wiji-ò retxuhorenyre-ki aõhõkỹmy rotỹỹnyrenyre warybe weselemy rarybere wese.
|
||||
\v 9 Deuxu Tyhyhykỹ wadee rarybere rayaramyhỹrenyre Judá Jerusalẽ hãwã myhỹ. Rybe bina binamy wadee rarybemyhỹre.
|
||||
\v 10 Tiibohota labiereny òrarunamy riwinymyroiremyhỹ tamyreny rarybere tahe riòbynyõre surioko reàlàrenyre. Warybe wesemy riwinyõre.
|
||||
\v 11 Tai dori aribedeerynanyrenykre Deuxu TyhyhyKỹ rarybere aõhõkỹmy arisỹnykremy watxireri mõõ rihenyõtyhy. Tii boho wadee ryryrenykreu aritaõtyhy.
|
||||
\v 12 Judá mahãdu surioko-ò ryryrenykre tahe aõhõkỹmy arisỹnykreu heka isuriokorereny ritarenyõtyhy.
|
||||
\v 13 Judá mahãdu ihãwãreny sõwe isuriokoreny sõwe wesemy. Tahe xiwena bina Baali tasuriokoreny riwahinymyhỹrenye. Jerusalẽ-ò hãwã sõwe xiwena riwinyrenyre ihawãreny sõwe wese.
|
||||
\v 14 Jeremia Deuxu Tyhyhykỹ rarybere wadee idireny ixitòedỹỹõmy tiiboho aõhõkỹmy rotỹỹny arisnykreu heka aroholaõtyhy.
|
||||
\v 15 Deuxu Tyhyhykỹ rarybere: Kia mahãdu jiarỹ waluure aõbina bina ri winymyhỹrenyre timykibo heka xiwena wadee riwahinykremy doidenyde. Taxiwenarenydi aõhõkỹmy riixawidỹỹnykemy idi rohõtinyre renykreny aõbõ. Kiadi riteysarenyke aõbõ!
|
||||
\v 16 Deuxu Tyhyhykỹ: Juhule heka Judá Jerusalẽ reninire olivera bederaty ratỹnyre sõwe. Wiji tahe bw delya-dile aritoonykre.
|
||||
\v 17 Jiary Deuxu Tyhyhykỹ Ruruduhukỹ Israeli Judá rebiònyreihyre wiji aohokỹmy arisỹnykre. Tii boho ixityre reny aobina reserenykre dori. Baali surioko-ò deàlàna riwahinyre-ki.
|
||||
\s1 Aõtxu heka Jeremia rirubunyrenykremy idi rohõtinyrenyre
|
||||
\v 18 Iu heka Deuxu Tyhyhykỹ wadee ritỹnynyre waòludu mahãdu riwarubunykremy idi riwisỹnyre-ki.
|
||||
\v 19 Wabedeeryõmy rỹiredori. Tiiboho riwarubunykremy rohõtinymyroire my rarybemyroire: Wylemy Jeremia rikerubunyrenykre wii retobinymy roiremyhỹ iny iribi tohõti rusakremy.
|
||||
\v 20 Tai Jiarỹ Deuxu Tyhyhykỹ rarybere: Waha Deuxu iruruterehekỹ, wahisidỹỹdu wihikỹ. Iny rayky wydyna òbiti tate iny woreny teerymy hỹte. Ixinamy iny òludureny aõhõkỹmy bisỹnykre adeele jiarỹ rexiwahinyre dori.
|
||||
\v 21 Anatote mahãdu wamy rabemyhỹre arybe òraruki riwaruburenykremy idi riwisỹnyrenyre. Myy rarybere.
|
||||
\v 22 Tai Deuxu Tyhyhykỹ rirawyònyre wadee: — Jiarỹ aõhõkỹ arisỹnykre tamyreny imahãdurenyò alòremy roimyhỹkreu iweryrybòreny, iròrereny alòre-kile rururenykre ramamy rirubunykre.
|
||||
\v 23 Anatote iny howa akõ tai ratxikremy wadebò ribile kiamy ariwinykreu.
|
||||
\c 12
|
||||
\s1 Jeremia Deuxu-ò rỹỹraxire.
|
||||
\p
|
||||
\v 1 Tai Jeremia Deuxu-ò rỹỹraxire: — Waha Deuxu timybohe rare. Kaihyyle òbitimy tate, kaihyylemy ixiki tanymahãte. Adee arỹỹraxikre timybohe rare, kai iny wedu atxiteri, aõherekibo binabina mahãdu ratyhyra? Aõherekibo itxỹteitxỹte mahãdu rotamyhỹre?
|
||||
\v 2 Kai òwòru wesemy idi tebrònymyhỹte sukile iraruteremy imyremyrỹimyhỹre riumydỹỹrenyre òwòru wesemy raratynymyhỹre tii boho. Ahyy rarybemyhỹre hỹre adi rohõtinyõmyhỹre urile amy rarybemyhỹrenyre.
|
||||
\v 3 Waha Deuxu Tyhyhykỹ! Kai tiwaeryte; aõ jiarỹ rewinymyhỹre Kai tabimahãte, jiarỹ aluuremy kai teeryte. WaDeuxu idireny bitusinyke! Broreni wesemy idireny bitysinykerubu-ò! Idireny bihitxinyke rubu txu-ò!
|
||||
\v 4 Tiwese bohe asi rubumy ratxikremy inysureny-ki? Tiwesebo bede rijekremy asi rubu rubumy idi rỹimyhỹkremy ibutu hãwã hãwã-ki? Subede mahãdu aõbinabinamy riwinymyhỹrenyre iòraruki heka iròdu iròdu, nawii nawii, broreni broreni rurumyrỹirenyre dori. Kia ibina mahãdu urile rarybemyhỹrenyremy:”Tiu Deuxu robiõtyhy wawidỹỹnareny, rieryõre dori!”
|
||||
\v 5 Tai Jeremia-ò Deuxu rirawyònyre: — Jeremia. Kai hãbu mahãdu wana ijira-ki ele arasamyhỹre, timybo tahe awaru mahãdu ribi botakremy ijira-ki beakreu? Bededỹỹnamy ywinamy rỹimyhỹre adee isirare tahe timybo matxikremy Jordão bederahy-ki
|
||||
\v 6 Aseriòrereny heka ityhedỹỹdureny heka rỹireri, tiiboho heka itxenadỹỹdure. Akõna-kilemy umy ibinamy rarybemyrỹimyhỹre. Irybereny bityhynyõkre adee awimy raryberenykre hỹre ityhydỹỹõmy.
|
||||
\s1 Deuxu rabedewore tamahãdu-ò
|
||||
\v 7 Deuxu Tyhyhykỹ rarybere: “Wamahãdu heka rerira! Israel mahãduhe jiarỹ retare wamahãdumy. Taòludureny-ò jiarỹ rewahinyre dori!
|
||||
\v 8 Tii boho heka waribi rexirahaorere bederahy-ki leaõ rexirahaoremyhỹre wesemy, tiiboho waderamy ryryrenyre riwayaranynyre.
|
||||
\v 9 Wamahãdu heka iwese nawii brebumy reamyhỹre idi rekoamyreny hire mahãdu sõwe itxi rearenyre lau. Myy heka rarybemyhỹre:“Bodoibedenykewa! Rarỹỹ-ò bodoibedenyke! Bederahy iròdu!
|
||||
\v 10 Suiwitxira wedu mahãdu heka wauvaò heka ribinanyrenyre, wasureny risorusorunyre tai wasuwihikỹ bederahymy relera.
|
||||
\v 11 Tai wakoki wasu ibinamy rỹimyhỹre suiwitxira bede wedu mahãdu wasumy ribinanyrenyre dori. Bedebrasahakỹ ixihyyle rỹire moõ heka aõ rotỹỹnyõhyyre!
|
||||
\v 12 iny binahakỹ hãwãlò hãwãlò ribi rubehemy iny itxi rearenyre. Jiarỹle alòremy reteònyre sumy rahukemy; ywinamy ixãwikemy!
|
||||
\v 13 wamahãdu heka tiriku ribrònyre hỹre heka edele ruhunyre dori! Sõwemy raõmysỹdỹỹre tahe aõ risiheõtyhy. Wayarana heòty wese heka iòraruki ilòbrònareny ruhunyõtyhy.
|
||||
\s1 Israeli sỹweraludu mahãdu.
|
||||
\v 14 Deuxu Tyhyhykỹ rarybere: Wiji tahe Israeli sỹweraludu mahãdumy ararybekremy watxireri. Tiiboho Israeli mahãdusule ribinanyrenyre. Israeli mahãdu iribi sỹyweraludu mahãdu heka irehemy idi arehukremy iwese lobróna ritamyhỹre wese idireny arehuke. Judá mahãduyribi arehuke.
|
||||
\v 15 Irehemy aridyrenykre iribi tahe idireny ariwotòenykremy ixyby adidydenyde sohoji sohoji tasureny-ò ixyby adidydenyde tahawã hãwãmy.
|
||||
\v 16 Tiiboho juhu Baali surioko deàlànamy Israeli mahãdu-ò rierynanyre heka. Tai iweselemy Israeli mahãdu hekile riwatyhynyrenykre, Deuxu Tyhyhykỹmy reàlàrenykremy. Riwatyhynykeki tahe wamahãdumy relekremy Israeli mahãdu wesemy idi awimy roikremy.
|
||||
\v 17 Mytahe aõ bede mahãdu riwatyhynyõkre wana. Deuxu Tyhyhykỹle rarybere heka òwòru raruti ribile wesemy aritakre.
|
||||
\c 13
|
||||
\s1 Tyky binabinamy
|
||||
\p
|
||||
\v 1 Deuxu Tyhyhykỹ wadee rarybere rueremy ariwykremy tahe idi aratxikremy arisuhoõkremy.
|
||||
\v 2 Iwese Deuxu rarybere rewinyra rueremy remyra idiwatxire rexityynyre.
|
||||
\v 3 Ixyby tii wadee rarybere: — make Euvarate bera-ò taile manarurewotxi rueremy biràtyke biwokemy.
|
||||
\v 4 Euvarate bero-ò jiarỹ rare iwese Deuxu rarybere rewinyra manawotxi rewora watyky.
|
||||
\v 5 Iwese Deuxu rarybera rewinyra.
|
||||
\v 6 Juhu wadee rarybere, iribi tahe roimy rare, iribi tahe ixyby wadee narybere; Ixyby aroosekremy tai tyky rewora-ò riòrykemy Deuxu rarybere.
|
||||
\v 7 Ixyby roosere manawoki tyy rewora-ò tahe tyy ratybyra dori.
|
||||
\v 8 Tai Deuxu Tyhyhykỹixybyle wadee rarybere:
|
||||
\v 9 — Kia wese heka Jerusalẽ mahãdu ixiwedenareny Judá mahãdu ixiwedena reny arixãwidinykre.
|
||||
\v 10 Tii boho heka warybe-ò roholaõmyhỹrenyre tõhõtitxyhyky dori. Tii boho suriokole reàlàmyhỹrenyre tai dori kia tykyratybyre wesemy ratxirenykremy.
|
||||
\v 11 Iwese ruere weretysana-ki rarutxinymyhỹre wese heka Israeli mahãdu Judá mahãduwawanahyy rỹikemy tiiboho wamahãdumy ratxikremy wani-di reàlànykremy tahe warybemy rityhynyõre dori.
|
||||
\s1 vii behyna wesenamy
|
||||
\v 12 Deuxu Tyhyhykỹ rarybere: — Jeremia Israeli mahãdu-ò marybekre: Jiarỹ adee rarybere: — Ibutu vii behyna tỹximy rỹikre tai tii boho adee raryberenykre, reeryrenyrehe viihyna tỹxihikỹlemy rỹikre.
|
||||
\v 13 Tai heka tamyreny marybekre. Iwese heka deuxu Tyhyhykỹ kasusỹ mahãduhe vii-di sõwemy aritỹxinykremy ibutumy rururenykremy; Davi riokore mahãdu, Deuxu rybedu mahãdu, xiwena wahisidỹỹdu mahãdu, Jerusalȇ mahãdu ibutumy.
|
||||
\v 14 Matuari mahãdu, wijina mahãdu aribohòbohònykre iwese viihyna widee ribohònyre wese idi arahurenykreny ariwotòenyõtyhy.
|
||||
\s1 Ixiwedena, Iaõhõkỹmydỹỹnanamy
|
||||
\v 15 Israeli mahãdu deuxu heka rarybemyhỹre adeereny. Ixiwederenyõmy mahãbenyke, boholabenyke.
|
||||
\v 16 Aòrarunarenymy belyybenykre aDeuxu-ò wylemy belyyke bede riturunyke lau tai awa suu tòò tòò riweke lau. Bede tynỹlemy adeereny awi, tahe bede tany iribi bedelurumy relekre, bedeturuhukỹ.
|
||||
\v 17 Boholaõbenykeki axiwedenareny òraruki Jiarỹ aribireny arexiwokre arahinykremy, boholaõbenykeki aòludureny wetxumy aradyrenykre dori tai ihĩ teremy aratxikremy.
|
||||
\v 18 Ijõhe Deuxu Tyhyhykỹ wadee rarybere: Iòlò-ò Iòlòse-ò marybekre: tarunanareny-ò budubehekremy, iratireny iribi iratuanareny wihikỹ resere dori.
|
||||
\v 19 Iraru mahãdu heka ihãwãreny iòludureny rirurawonymyhỹrenyre moõtamy rehemynyõtyhy. Judá mahãdu wetxumy ridyrenyre tasureny ribi ireheny.
|
||||
\v 20 Jerusalȇ mahãdu, boholabenyke ibòò ribi aòludureny dirahudenyde. Titxibo kia iny mahãdu itxeredumy tesỹnytenyte? Titxibo kia mahãdumy roire. Kia mahãdu ohõreny wesemy roire, titxirabo?
|
||||
\v 21 Abiòwareny mahãdu sỹny tahõtinytenyte awedurenymy rexisỹnykemy.Timybo matxibenykremy? Iwese hawyy ramytxitximyhỹre uladu ijiranamy wesemy matxibenykre,
|
||||
\v 22 Jerusalẽ mahãdu iximy marybebenykre: Timybo heka tuu rotyynỹre wadee? Watyky ritarenyre aõmybo? aõherekibo heka iny riwabinanyre? Tai bierybenykre aòraruna sõwere-ki tuu rotỹỹnyre dori.
|
||||
\v 23 Halõe iraryti rexiwitxiranykreaõbo? Hãbu lyby tatyky rawitxiranykre aõbo? Idi rawitxiranyke wana tahe kaiboho aõbinabina teeryte tahe aõwihikỹ biwinykemy aõhe aõbo?
|
||||
\v 24 Noboere yhy ritusòdỹỹnyre wese heka kaibohole ariubatỹnyrenykre.
|
||||
\v 25 Deuxu Tyhyhykỹ umyrenymy rarybere. Deuxu ribi tohõtireny rusare-ki tai kiamy riòwynykre suriokomy tetyhynytenyte-ki.
|
||||
\v 26 Deuxule atyyreny ritakre aixỹrunareny-di matxikremy.
|
||||
\v 27 Aõbinabina tewinymahãtenyte Deuxu umyrenymy robimyhỹre. Asỹweraludu ihawyy hekitariamyhỹre wesemy, awaru tahawyy heki reamyhỹre wesemy toimahãtenyte. Kia wesele heka surioko heki tariamyhãtenyte hawalo-ò bederahy-ò. Kia iòwy dire tiubo kia rib bexilyranymahãbenykre?
|
||||
\c 14
|
||||
\s1 Bee rahumy reare
|
||||
\p
|
||||
\v 1 Deuxu wadee rarybere bee rahumyreu.
|
||||
\v 2 Judá mahãdu rasỹbinarenyre ubru ihi tai yodire. Bedetxile hãwã hãwã reserenyre rexijuarenyre Deuxu-ò bee rahureri-ki. Jerusalẽ hawã mahãdu rurymyhỹrenyre idi riwiòhenanykremy. Bedewomy roire.
|
||||
\v 3 Ityhy mahãdu tadeòdu mahãdu-ò riteonymyhỹre be òrysymy. Haloobe-ò be rahumy reare, bee ijõõre dori ibutxireny-ki bee ijõõre tai tii boho iratireny rihetynyrenyre rabedeworenyre.
|
||||
\v 4 Lòbrònadỹỹdu mahãdu tule taratireny idi rihetynyrenyre biu ijõõre dori bede raruburubumyhỹ.
|
||||
\v 5 Bederahy-ki watxi mahãdu heka tariòrereny ririmyhỹre asi ijõõre dori.
|
||||
\v 6 Jumentu hãwãlò-ki herimy roimyhỹ ele risamyhỹre asi ijõõre dori. Tiiboho ahula wesemy raelewysenanymyhỹre. Bederahy-ki heka asi rarubuhukỹmy rỹire tai ibinamy retehemyhỹre ahula mahãdu wesemy.
|
||||
\v 7 Wamahãdu rarybere: “Waòrarunareny òraruki heka ibinabinamy ixỹ roireri mytabo adee reixitòenymyhỹre biwawiòhenanykre arybemy tarybete wesemy. Aribi irehemy ratximyhỹrenyre sõwemy umy raòrarunyrenyre dori.
|
||||
\v 8 Wararòsònamy sohojile tate Israeli mahãdu raròsònamy tate aõbina bina-kiratxiwahỹrenyreu heka watarasadurenymy tate. Aõhe wasubede-ki urihimyò wakireny atxiteri, riradu mahãdu wesemy ruumy sohojilemy bede wakireny rijemyhỹre.
|
||||
\v 9 Hãbu iny aõweselemy itxi reare wesemy tate, sodadu iruruõre wesemy iny riwiòhenanyõre iwesemy tate. Waha Deuxutyhyhykỹ, inyyreny-ki atximahãte, jiarỹ boho amahãdureny jiarỹ boho rare. Wadireny beriõkre!
|
||||
\v 10 Kia mahãdumy Deuxu Tyhyhykỹ rarybereri: -Tiiboho rirarenymy roimyhỹre reximymyõtyhy. Tai dori idireny wadeysamy ratxiõtyhy iaõbinabinareny ribi wanõhõti itxi areakremy iòrarunareny ariòwynykre.
|
||||
\v 11 Ijõsỹ Deuxu Tyhyhykỹ rarybere: Idi arawiòhenanyrenykremy ixitòedyyõmy wadee.
|
||||
\v 12 Tiiboho naroorehenyrenykeki reixitòenyrenykekihỹre arohola renyõtyhy; xiwenamy wadee iròdu riwahinykeki aõtxile bede raty xiwenamy wadee kidiwyrenykeki ariobynyõtyhy. Mytahe ariwinyke, alòre-kile arirubunyrenykre, ramamy arirubunyrenykre, webinadumy arirubunyrenykre.
|
||||
\v 13 Tai jiarỹ, Jeremia rarybere: — Waha Deuxu, rybedu mahãdu heka ruimy rarybemyhỹ rearemyhỹ teeryteri tiiboho rarybemyhỹre heka alòre dori ijõõremy, rama dori, iny rahuõtyhy. Ywinalemy inysyreny ijõdikremy rarybemyhỹrenyre.
|
||||
\v 14 Tai Deuxu rirawyonyre myy: kia rybedu mahãdu wanimy ruimy rarybemyhỹrenyre. Tamyreny rarybeõre dori. Tiiboho reteònyõre, irasinareny rui rare, irudeòsanareny rui rare aõ aõkõ rare, araitxenanyrenyre dori.
|
||||
\v 15 Jiarỹ Deuxu Tyhyhykỹ heka adee ararybekre aõbo ariwinykreny tamyreny wanimy rarybemymyhỹre tahe tii boho raruirenyre jiarỹ reteònyõre. Rama rahuõkremy raryberenyre urile raruirenyre tiiboho alòre-ki arirubunyrenyre, ramamy arirubunyrenyre;
|
||||
\v 16 Ibutu rybedu mahãdu rybemy roholare tule alòre-ki rururenykre, rama rirubunyrenykre iumyreny sutxile idi rehumy rỹikre Jerusalẽ hãwã-ki moõ ritunỹõkremy. Kia rotỹỹnykre tariòre boho-ò tahawyy boho-ò iòrarunareny òraruki tuukre.
|
||||
\v 17 Tai Deuxu rarybere wadee wabedewonamy iny-ò arelyykremy: “Warue ube rejujukremy watxireri txumy ruumy tuhyy arahinykremy watxireri wamahãdu rawotõmonymy rỹireri webinaduhyy rỹire.”
|
||||
\v 18 Bederahu-ò ramyhỹreu tuu rabimyhỹre unyumyreny alòreki rururenyreu. Hãwã-ò ralowahỹreu heka iny rama rahumy rabimyhỹre. Kia rybedu mahãdu, xiwena wahisidỹỹdu mahãdu heka taõmysỹdỹỹrenydilemy rỹimyhỹrenyre tahe rieryõrenyre timybo riwinyrenyre.
|
||||
\s1 Taòrarunareny relyymyhỹrenyre.
|
||||
\v 19 Deuxu Tyhyhykỹ kai Judá mahãdu tebuamyhyyte aõbo. Sião mahãdu amyxiburare aobo? Aõherekibo tiwaotõmõnyte tai wadeytena ihõõre dori. Ywinamy reraòrenyre tahe ònõsõnahe rehemynyõre dori wadeytenamy idi rahõtinyrenyre tahe aõbinabinanihiỹle iny-txi reare.
|
||||
\v 20 Deuxu Tyhyhykỹ waòrarunareny atxi relyyymyhỹnyre iny labiereny òrarunareny relyymyhỹreny tule inatyhy heka adee raòrarunyrenyre.
|
||||
\v 21 Arybetyhy-txi ohõti beake tahe wadireny ibuaõdỹỹõmy. Jerusalẽ rabedewobinamy aõkõmy ratxikremy idi maotòenykre. Deuxu Jerusalẽ hãwã heka arynanawihikỹ heka rare, Deuxu amahãdu wana tetobinyte heka ohõti rusaõmyke wadireny!
|
||||
\v 22 Bede mahãdu suriokoreny aõ aõ heka rare, biu roakremy ruru tai ijõõreny, biuwetyy heka tiiboho riteònyõtyhy biu roakremy. kaile warasòsònany tate, wa Deuxu Tyhyhykỹ atximahãte. Kaile ibutu aõwihikỹle tewinymyhỹte.”
|
||||
\c 15
|
||||
\s1 Judá mahãdu aõhõkỹmydỹỹnana
|
||||
\p
|
||||
\v 1 Deuxu Tyhyhykỹ rarybere: moisesi Samuel kaki roimyhỹre wana wadee adireny reixitòenykeki tiu kaa mahãdu idi arewotòenyõtyhy dori. kia mahãduhe biòlududỹỹnyke waribi!
|
||||
\v 2 Adee rỹỹraxirenykeu titxibo roirenykremy tahe marybeke myy jiarỹ rarybera: “kai boho heka binana dilemy burubenykremy ijõ alòrekile burubenykre. Kia wesemy kodotỹỹnykre. Ijõ ramamy rirubunykre, ijõ ròtena-ò ridyrenykre. Kia wesemy kodotỹỹnykre.”
|
||||
\v 3 Jiaryhe Deuxu Tyhyhykỹ heka resỹnyre inaubiòwa adeereny rotỹỹnykremy aõbinabinamy: alòre-ki rururenykre iumyreny-di ijòròsa sudile rirurehemy idi rare nawii tai rirokre iumyreny uhe tahe iròdu bederahy kidirokre.
|
||||
\v 4 Ibutu bede mahãdu ibinabinatyhymy iribireny rieryke. Esekia riòre Manasesi òraruki heka tuu kodotỹỹnykre Jerusalẽ iolòmy rareu ibina bina riwinyre òraruki.
|
||||
\v 5 Deuxu rarymyhỹre: “Mobo adireny raruxetòenyke Jerusalẽ sỹdu mahãdu? Mobo umyreny nohõtiurere? Mobo adeereny rỹỹraxikre timybo atximahãtenyte.
|
||||
\v 6 Tewabuatenyte dori! Tabroreny-di toosetenyte dori! Tai jiarỹ wadebò reukore idi arasorusonyre, araixãwididỹỹnyre heka wawo rexieryre dori. Jiarỹ hka Deuxu Tyhyhykỹ rarybemyhỹreri.
|
||||
\v 7 Yhy-ò idi rehure kaa hãwã mahãdu iwese tiriku tatyy ribi rihitxinymyhỹ re wese, tahe arahurenyre ariòrereny rerubunyra dori ary binabina dori teriõmyhỹtenyte.
|
||||
\v 8 Tulesỹ ỹnyra ruxõmomy ratyre wese heka ayreny-ki wytese hawyymy roire, jiarỹ tuu rewinyre, ariòrereny tymỹra rerubunyre; isereny ribedewonyre, aõwesele heka ityrereny aõbinabina rehemynyre.
|
||||
\v 9 Ise debó inatxi reurò iriòre sõwere tai aõwesele ibutumy rurure idi ise tõhõtibrera. tuu rewinyre jiarỹ; tii rabedewotyhymy roire sõwemy rirajuamyhỹ. Irulemy rỹire mahãdu heka ixinamy óludu mahãdu ararubunyrenykre. Jiarỹ Deuxu Tyhyhykỹ rarybere.
|
||||
\v 10 Wabededỹỹnana heka isiratyhyrewa! Aõherewe jiarỹ nadi ribi reare! Boreka! Jiarỹ ibutu ka mahadu-ò arejeijeinykre inyõ ribi nieru remyõra nieru tule huòtemy iribi remyra aõkõ rewahinyre, ihỹre heka ibina binamy jiarỹ tamyremy ratximyhỹre riwabuarenyre dori!
|
||||
\v 11 Waha Deuxu òbitimy aõkõ adee rewinyra ãobo waòludu mahãdu idireny adee rexitoenyõre ixinamy ibinabinamy tiiboho ratxirenykremy.
|
||||
\v 12 Womati ibòò ribi heka iny riòròõtyhy idi wiuriurimy rỹire ijõ brõse womati wana riuriurimyhỹ kia riòròõtyhy.
|
||||
\v 13 Deuxu Tyhyhykỹ wadee rarybere: Jeremia, aõnaõna wihikỹ heka àoludureny riwyrenykre aòrarunareny òraru ki arisỹnynykre.
|
||||
\v 14 Tulesỹ aòludureny wetxumy suiwitxiramy teryõheki matxibenyke wayrana òraruki heòty wese heka rare rooryymyrỹimyhỹ.
|
||||
\v 15 Tai jiarỹ Deuxu-ó rerawonyre: — Deuxu Tyhyhykỹ kaile teeryte. Watxi õhõti beake biwawiòhenanyke. Waòludu mahãdu waheki ratximynhỹre biòwynyke. Idireny ihehemy matxikre riwarubunyke lau. Aòraru-kile riwabuare, riwalahire dori.
|
||||
\v 16 Kai wadee tarybete tahe arybe sohoji sohojimy raholare. Deuxu Tyhyhykỹ! Ahõrõ jiarỹhe rare! tai dori arybemy wawo-ò awimy rybewimy ditỹxinade, wadeysare sõwemy.
|
||||
\v 17 Ajuwemy awihikỹmy aõkõmy rỹiwahỹre iny mahãdu wana reysamy aõkõ ranywahỹre wabededỹỹnanamy aõmysỹdỹỹ sõwemy wadee tewahiny iòraruki tahe ixisohojimy jiarỹ rare tai iehehemy ranywahãre.
|
||||
\v 18 Aõherekibo jiarỹ aõhõkỹmy ratỹỹnywahỹre? Waxiridòreny heka rubererehyymy rỹimyhỹre. Aõherekibo riteytenyõmy rỹire? Idi hyymy aratyhynykre aõbo? Besòròrò aõweselemy rarubumyhỹ weselemy kai aõbo tate?
|
||||
\v 19 Deuxu Tyhyhykỹ wadee rirawyònyre: — Wadee bodoosekeki araòbykremy ixyby, wadeòdumy matxikremy, rybe òbitimy marybekeki tahe warybedỹỹdumy matxikre. Iny mahãdu heka adee rakre tahe kai tamyremy booseõtyhy.
|
||||
\v 20 Womati òtity wesemy arasỹnyke kaa mahãdureny-ò adee araòbinanykemy tahe adee raõbinanyrenykre ihỹre rotaõtyhy awanamy ararekre arayrybynykremy, arawióhenanykremy aratakremy.
|
||||
\v 21 Iny mahãdu binabina tebòreny ribi irurunareny ribi aratakremy. Jiarỹ Tyhyhykỹ rarybere.
|
||||
\c 16
|
||||
\s1 Jeremia bededỹỹnana deòsinamy rare
|
||||
\p
|
||||
\v 1 Ixybyle heka Deuxu Tyhyhykỹ narybere wadee:
|
||||
\v 2 Hawyy wana boiõtyhy kaa suuki, tule kaki mariòreõtyhy.
|
||||
\v 3 Tahe adee ararybekre kaki aõhebo rotỹỹnykremy inyriòreny-ò inysereny-ò iny tybyreny-ò.
|
||||
\v 4 Aõbinana binabinahakỹmy rururenykre. Moõ idireny robuõtyhy tule idi rituunyrenyõtyhy. Raybytỹnymy iumyreny su-ki roikre. Alòre-ki rururenykre ada rama rirubunyrenykre, iumyreny nawii nawii kidiròkre, iròdu iròdu kidiròkre.
|
||||
\v 5 Heto ibru ijõdire wana tai maloõkre. Idiremy mahinyõkre mabedewoõkre iny òraruki. Waywina-di aratxiõtyhy idireny arewotòenyõtyhy idireny aluuõtyhy. Jiarỹhe Tyhyhykỹ rarybereri.
|
||||
\v 6 Kasuki heka ityhy mahãdu hawãdu mahãdu rururenykre ihỹre mõõ rituunyrenyõtyhy moõ rahinyõtyhy robuõtyhy.Moõ tadereny risureny õkre ibedewonareny òraruki.
|
||||
\v 7 Rubu ijõdireu moô iny wana riroxiõtyhy idireny rawotòeõtyhy tule idi awi rybe-di rarybeõkre. Tyby ada tadi rurure hỹre awimy rarybeõkre.
|
||||
\v 8 Tule heto-ki worona bedehesi ijõdikre tai rynamy rynyõkre tiiboho wana riroxiõkre
|
||||
\v 9 Boholake Deuxu Tyhyhykỹ ruruduhukỹ Israeli Deuxumy rarybereri. Iwyhy raròsònareny arixãwidinykre hawyy hãbu wana herimy deysana wodỹỹreny arixãwidinykre. Kaiboho ibutumy kiamy bobibenykre kasukilemy kodotỹỹnykremy.
|
||||
\v 10 Kia rybemy tamyreny belyykreu adee rỹỹraxirenykre aõhe aõhõkỹmy resynyre jiarỹ. Tii boho kàdỹỹraxirenykre: “aõbo rewinyremy aõòranamy waDeuxu Tyhyhykỹ-ò rewinyra dori.”
|
||||
\v 11 Tai kai marybekre Deuxu Tyhyhykỹ irawyònamy heka rare: “Alabiereny dori riki riwarirenyra surioko-òle riki reàlàmy roiremyhỹ. Riwarirenyre warybemy reòbynyõtyhy riki.
|
||||
\v 12 Tahe kaiboho riki iratyre tewinytenyte. Itxỹtemãhãtenyte ibutumy ibina binamy tewinymahãtenyte warybemy teòbynyõmahãtenyte riki.
|
||||
\v 13 Tai doi kasu ribi arateònyrenykre suiwitxira-ò aradyrenykre dori kia su teeryteõtenyteri, riki alabiereny tule rieryõrenyre. Taile riki heka surioko beãlabenykre tahe arawotòenyrenyõtyhy riki.”
|
||||
\s1 Tasureny roosenamy.
|
||||
\v 14 Deuxu Tyhyhykỹ rarybemyhỹre. Tiu bedeubo bede rijeke ijõbedeu kiditehemynykre inyõ wanimy Deuxu iruhykỹmy rarybeõtyhy. Ejitusu ribi Israeli mahãdu jiarỹle rihedỹỹnyre dori.
|
||||
\v 15 Tahe wanimy rarybekre ibòò ribi iwitxirasu iwitxirasu ribi Israeli Deuxu Tyhyhykỹ raubatỹnyre idi ixyby didydenyre tasureny-ò talabièreny-ò rewahinyre juhuu. Jiarỹhe Deuxu Tyhyhykỹ rarybere.
|
||||
\s1 Surioko deàlàna òraruki aõhõkỹmy kàdàtỹỹnyre.
|
||||
\v 16 Deuxu Tyhyhykỹ rarybemyhỹre: — Waxidu mahãdu kia mahãdu idi rawaxinykremy ariteònykremy. Riudu mahãdu ariteònykre idireny rariunykremy ibutu hãwãlò-ki ibutu mana hãwãlòwoki idireny rariunykremy, Deuxu Tyhyhykỹlemy rarybemyhỹre.
|
||||
\v 17 Jiarỹhe ibutu tiiboho riwinymyhỹrenyre rabimỹhỹre dori. Waribi wote ijõõre iòrarunareny warue ribi wote ijõõre dori.
|
||||
\v 18 Inatxi sõwe heka ariòwynykre iòrarunareny òraruki ibinabinareny òraruki. Wasureny heka ribinanyrenyre suriokoreny deàlànamy surioko heka rubudu rubu wesemy roire; wasureny heka ritỹxinyre tasuriokorereny aõ aõkõmy rare-ki
|
||||
\s1 Bede mahãdu witxira witxira Deuxu-ò kodoosekremy.
|
||||
\v 19 Jiarỹ rarybere. — Deuxu Tyhyhykỹ kai tewayrybynymyhỹte tewaruru dỹỹnymyhỹte waõhõkỹmy dỹỹnanahe tiwawiòhenanymyhỹte. Bede mahãdu witxira witxira irehe iribi adee kàdoidenykre tai raryberenykre: “inylabièrenymy heka isuriokoreny aõ aõkõmy roiremyhỹ isuriokoreny ruimy roiremyhỹre.
|
||||
\v 20 Bede mahãdu aõbõ tasuriokoreny riwinykre aõbõ tadeuxureny. Kõre. Tiiboho riwinyke wana heka Deuxu tyhyhykỹ tiu aõkõmy roirekremyra inatyhynamy aõkõmy suriokomy roikremyra.”
|
||||
\v 21 Deuxu Tyhyhykỹ rarybere: — Tiiboho warurunamy rieryrenykremy warurutyhymy rieryrenykremy tuhyymy. Tai rieryrenykre Deuxu Tyhyhykỹ wanityhy heka rare.
|
||||
\c 17
|
||||
\s1 Judà iòrarunamy iãõhõkỹmydỹỹnanamy
|
||||
\p
|
||||
\v 1 Deuxu Tyhyhykỹ rarybemyhỹre: Judá mahãdu aòrarunareny womati dese-ki rorytinymy rỹire, mana wihikỹ dese-ki awoki rorytinymy rỹire, axiwenareny mana desse-ki rorytinymy rỹire.
|
||||
\v 2 Ariòreny aserá surioko-ò xiwena riwahinyrenyremy tõhõtireny itxi reamyhỹrenyre hãwãlò ratya-ki riderenyre surioko-ò tòò.
|
||||
\v 3 Tai riderenyre tõhõtireny itxi reamyhỹrenyre. Aòludu mahãdu aõna õna reny wiwihikỹ riwyrenykremy aòrarunareny oraruki.
|
||||
\v 4 Su adeereny rewahinyre heka tai maubenykre. Wetxumy matxibenyke my ariwinykre. Aoludureny wetxumy belekremy su teeruõ tenyte ki tai aradyreny kremy. Wayarana heòty wese heka roohyymyhỹre dori.
|
||||
\s1 Bedeeryna rybemy
|
||||
\v 5 Deuxu Tyhyhykỹ rarybemyhyre “Inyõ waribi rexirareamyhỹre aribuakremy, inyõ hãbu rurunamy rityhynyre-ki, iny ixiki rityhynyre tawo ki.
|
||||
\v 6 Bederahy bede bina-ki aõ ruhunyõtyhy wese kia iny taruruna-di Tabedeeryna-di rexityhynykeki aõwihikỹ tamy aõkõ nade.
|
||||
\v 7 Inyõ riwatyhynykeki tahe Deysanamy ariwahinykre tii wadi Deuxu Tyhyhykỹ riwatyhynytyhy kia iny-ò deysanamy ariwahinykre.
|
||||
\v 8 Hãbu heka bederade ryimyhỹre wesena rare kia bero riòre ijàki rỹimyhỹre wesena; kia iratynareny òbitimy raratynymyhỹrenyre tairaruti bera-ò idi raybytỹnyre. Kia hãbu ruberuõre bede itòtèè nadeu iradereny heka awihikỹ rỹire, kia hãbu biu roareu heka nohõtiureõmy rỹire raratynymyhỹre dori.
|
||||
\v 9 Mobo tawo-ki rierymyhỹre, inywo heka iny riitxenanymyhỹre. Inywo heka webinadu wesemy rỹire tiu riteyteõtyhy.
|
||||
\v 10 Jiarỹ heka Deuxu Tyhyhykỹ iny raykywydynanymyhỹre. Iny sohoji sohoji heka tabededỹỹnana tawidỹỹna wesemy rewahinymyhỹre.
|
||||
\v 11 Taheka hãbu obitiõmy ratyhynyre heka nawiisi witxiramy renarehe myhỹre wese kia hãbu rare. Tabededỹỹnana heka iaõna õna rianonykremyra ramatuarinyreu heka bedeeryõre mahãdu wesemy relere.
|
||||
\v 12 Taheka iny deàlàna heto biukihikỹlemy rỹire ihetxiu ribile wahe.
|
||||
\v 13 Deuxu Tyhyhykỹ Iny mahãdu raròsònamy tate. Ararire mahãdu heka rabedewotyhymy ratxikre, inireny heka ỹnyra rorytinyre wese heka tiiboho rabynyrenykremy, aribi reatyrenyre mahãdu heka besòròrò wihikỹle ribuare kia iwesele Deuxu Tyhyhykỹ inydereny tate.
|
||||
\s1 Deuxu-ò Jeremia reixitòenymyhỹre riwiòhenanykremy
|
||||
\v 14 Waha Deuxu Tyhyhykỹ biwateytenykre tai arateytenykre; biwatake tai aratamy aratxikre, adee arawiunymyhỹkremy dori.
|
||||
\v 15 Inyõ wadee rarybemyhỹre. Tikibo Deuxu rybemy kodotỹỹkremy? Ixinamy wijihe kanake irybe wesemy!
|
||||
\v 16 Tahe jiarỹ waDeuxu! Adee reixitòenyõre aõbina bina ityrereny resekremy, adee reixitòenyõre dori aõhõkỹmy tamyreny reixitòenyõre adee. Waha Deuxu warybemy teeryte dori!
|
||||
\v 17 Wabrebudyyõmy waDeuxu wahedỹỹdu wihikỹ tate!
|
||||
\v 18 Waòludu mahãdule heka ixinamy rabedeworenykre dori, jiarỹ tahe aõkõre. Tiibohole bibrebunykre tahe jiarỹ aõkõ. Ityrereny ixinamy aõbinabinahakỹmy biwahinyke; idireny mahukre.
|
||||
\s1 Sábado txumy
|
||||
\v 19 Deuxu wadee rarybere: Jeremia hãwã ijòtòbòna-ò makre taile iòlò mahãdu iribi ralòmyhỹre idi rohònymyhỹre iribi. Ijõ hãwã rirurawo ijòtòbònamy tule idi makre.
|
||||
\v 20 Ijotobona-ki matxikreu tahe ibutu raloreri mahadu-ò warybemy marybekre, ibutu Judá mahãdu-ò warybemy marybekre Jerusalẽ mahãdu-ò ijòtòbòna ribi ralòmyhỹre-ò warybemy marybeke.
|
||||
\v 21 Tamyreny marybekre uritre sábado txumy aõdi raixỹnyõtyhy tai irumy matxibenyke; sábado txu heka Jerusalẽ hãwã-ò aõ bidiwyõtyhy.
|
||||
\v 22 Asỹreny ribi aõ idi ixenaõmyhỹbenyke. Sabado txu heka idi maõmysydỹỹõmyhỹbenyke; sábado txu heka txu wihikỹmy rarekre Deuxu-ò iwese alabièreny-ò rarybere Jiarỹ.
|
||||
\v 23 Tahe warybe-ò roholaõmyhỹrenyre wirile warybemyreòbynyrenyõre rityhynyrenyõre tõhõtitxurenyre dori.
|
||||
\v 24 Tamyreny marybeke: Biwatyhynybenykemy taworeny ribi. Sábado txu heka aõitxutaka hawa-ò idi raixỹnyõtyhy sabadu txu heka awihikỹ tyhy Deuxu-ò. Sabado txuu aõwidỹỹõmymahãbenyke, tamyreny marybeke.
|
||||
\v 25 Tai ixiery iòlo mahãdu Jerusalẽ ijòtòbòna ribile heka rironyrenykre, Davi alabièreny Davi iòlò ityhy wesemy rarekre tai karru-di rariarenykre awaru-di Judá mahãdu wana Jerusalẽ mahãdu wana rariarenykre dori Jesusalẽ hãwã sỹdu mahãdu tuhyymy rỹikremy.
|
||||
\v 26 Tiiboho Judá hãwã ribi, Jesuralẽ hãwã ribi, Benjami suulutu ribi, iraru mahãdu kia mahãdu xiwenamy heka kidirahukremy rawosikremy bederaty xiwenamy, xiwena deàlànamy kidiwydenyde xiwena heto-ò.
|
||||
\v 27 Ihỹre tahe sábado txuu heka rityhynyõkeki aõitxutaa raixỹnykeki, hãwã-ò ijòtòbòna ribi riwykeki tahe aritoonykre hãwã ijòtòbònamy. Tai heòty inyõ rityrinyõtyhy Jerusalẽ hãwã ituekre dori.
|
||||
\c 18
|
||||
\s1 Butximy Deuxu riwesenanyre.
|
||||
\p
|
||||
\v 1 Deuxu Tyhyhykỹ wadee rarybere:
|
||||
\v 2 Bubeheke butxi widỹỹdu heto-ò tai adee ararybekre.
|
||||
\v 3 Rare butxi widỹỹdu heto-ò heka tai tii butximy relemyrỹireri su òwòru tyre-ò roiremyhỹre.
|
||||
\v 4 Butxi iu widỹỹdu tebò-ki butxi ribinanymyhỹreu heka iwitxira suu tii rimymyhỹre ta ijõ delemy riwinymyrare ixidewimy.
|
||||
\v 5 Tai Deuxu Tyhyhykỹ wadee rarybere:
|
||||
\v 6 Israeli mahãdu iwese aõbo adireny ariwinyõkremy aõbo? Iwese butxi widỹỹdu butxi riwinymyhỹre Israeli mahãdu wese ariwinyõkre aõbo. Iwese butxi tawidỹỹdu tebòki rỹireri iwese heka wadebò-txi tỹimahãtenyte. Deuxu Tyhyhykỹle rarybemyhỹre.
|
||||
\v 7 Aõwesele wadewimy bede mahãdu aritakremy watxireri iòlònamy arahukremy wadewikeki.
|
||||
\v 8 Ka mahãdu heka taõbina binareny ririkeki tai jiarỹ ariwinyõkre aõmybo rarybere, arisynyõtyhy atyrereny.
|
||||
\v 9 Tulesỹ ararybekeki kasu hãwãmy ariwinykremy tai iny mahãdu iòlònareny ijõdi kremy, ararybekeki
|
||||
\v 10 tahe kia mahãdu aõbina binamy riwinyrenykeki, warybemy riobynyõkeki tahe ariixãwidinykre warybemy ariwinyõtyhy warybe wesemy.
|
||||
\v 11 Taheka wijihe Jeremia marybeke Judá mahãdu-ò Jerusalẽ mahãdu-ò aohokỹmy dỹỹnanamy tamyreny arisỹnykremy rahõtinymyhỹre. Tamyreny bibedeerynanykre tiiboho-ò iaõbina bina ribi ixãwikemy rexiòbitinyrenykremy.
|
||||
\v 12 Tiiboho adee raryberenykre: aõkorẽ wadewimyle ariwinyrenykremy idi rahõtinyrenyre iwese ariwimyrenykremy dori, wawobina bina iwesemy ariwinyrenykre waitxỹtenareny weselemy ixinamy aratxirenykremy, waworeny weselemy aratxirenykremy.
|
||||
\s1 Deuxu iny mahãdu ribuamyhỹre.
|
||||
\v 13 Tahe Deuxu Tyhyhykỹ rarybemyhỹre: “Ibutu bede bede mahãdu-ò bỹỹraxikre Israeli mahãdu aõbinahakỹ bede riòtiinyre aõbo? Israeli mahãdu heka aõbina binahakỹ riwinyre aõbo?
|
||||
\v 14 Boholabenyke Libanosu aõbo hãwãlò-ki gelo wese aõbo rabynyra? Hãwãlò ribi bee ituere aõbo.
|
||||
\v 15 Ihỹre heka wamahãdu waribi tõhõti rusare surioko-ò xiwena lỹnyre ritoonyre tamyreny. Ryy òbitidi rariakremy iwareny rytynymyhỹre. Ihetxiu ryy aõkõmy roirenyrehe tahe iwitxira ryy idi ikotxidi roirenyre kia ryy heka iwaryreny ijõõre dori.
|
||||
\v 16 Kaa suu-di ribinabinatyhymy, tii boho tai dori kasu heka ibinatyhymy relekre. Kaasu heka inyõ iribi rariarenykreu heka ibinamy kasuki raharenykremy.
|
||||
\v 17 Jiarỹ wamahãdu-di ariubỹtỹnyrenykre iòlòdureny-ytxi iwese yhy ribonymyhỹre iwese idireny ariybỹtỹnykre. Wabròmy tamyreny aròosekre arawiòhenanyrenyõtyhy aõbina binahakỹ rehemynykreu ariwiòhenanyrenyõtyhy!”
|
||||
\s1 Jeremia rirubunyrenykremy rõhõtinymyhỹrenyre.
|
||||
\v 18 Inyõ mahãdu raryberenyre Jeremia-ò: — Timybo ariwinyrenykre! Inyboho heka Deuxu rybedu mahãdu tuhyy ijõdire inykireny, rybedu bedeery heka ijõdire Deuxu rybemy wadeereny rarybekremy. Jeremia-ò ibinabinamy araryberenykre irybe-ò rokoholarenyõtyhy.
|
||||
\v 19 Tai jiarỹ Jeremia Deuxu-ò rexitòenyre myy: — WaDeuxu Tyhyhykỹ waòludu mahãdu wamy rarybereri boholake.
|
||||
\v 20 Aõwihikỹ aõbinabina-di aõbo iny riòwynymyhỹkre aõbo. Tiiboho heka hãloo riarenyre jiarỹ tai resekremy. Waha Deuxu ohõti itxi beakre idireny adee reixitòenyre ayarana-di tamyreny idi mahuõkemy.
|
||||
\v 21 Wiji tahe ixinamy iriòrereny rama rirubunyrenykremy alòre-ki ixinamy rururenykremy. Ihawyy mahãdureny wytesemy relerenykremy, iriòrereny rururenykremy, binana ihãbureny rirubunyrenykremy, iriòrereny weryrybõ alòreki rururenykremy.
|
||||
\v 22 Ixinamy aõbina mahãdule wasilemy ihetoreny itxi rearenykremy, tai heto wedureny heka rirajuarenykremy brebu-di, tiiboho hãloo heka wadee riarenyre dori riwamykremy.
|
||||
\v 23 Deuxu Tyhyhykỹ kai tahe teeryte ibutu aõbina bina tii boho riwinyrenyre riwarubunyrenykremy iòrarunareny heka bisuhõõkre, bede-ò idireny behukre. Ayarana dilemy tuu biwinykre.
|
||||
\c 19
|
||||
\s1 Butxi webòhònamy
|
||||
\p
|
||||
\v 1 Deuxu Tyhyhykỹ wadee rarybere butximy ariòrykremy. Iny matuari boho wana arakremy tule xiwena wahisidudỹỹdu wawanamy aridykremy.
|
||||
\v 2 Behimõ su-ò ijòtòbòna-txile nihiỹmy taile irybemy ararybekremy rybe teremy.
|
||||
\v 3 Tahe Deuxu wadee rarybere: — Judá iòlò mahãdu, Jerusalẽ mahãdu bohalabenyke Deuxu Tyhyhykỹ rybe-ò, kasu-ò aõbina binahakỹ ariteònykremy ibutu aõbina bina ariteònykremy iu heka inyõ mahãdu ibutumy ruberurenykre, rohola mahãdu tule kuduberurenykremy.
|
||||
\v 4 Kiamy ariwinykre heka Israeli mahãdu riwarira, kasu ribinanyrenyre-ki suriokoreny-ò xiwena risõre-ki. Kia suriokoreny heka iny mahãdu ilabiereny Judá iòloreny kia suriokoreny aõ rieryõrenyre dori. Inyõ mahãdu hãlubu-di ritỹxinyre kasu-ki.
|
||||
\v 5 Baali surioko-ò tariòrereny xiwenamy rirubunyreny. Kiamy aõkõ Jiarỹ reixitòenyre, tuu retidiõre, rarybeõre.
|
||||
\v 6 Tai dori Jiarỹ Deuxu Tyhyhykỹ rarybewahỹre tiutxubo kaa Tobete hãwã aõkõ raninikremy Behino aõkõmy raninikremy rubusumy raninikre.
|
||||
\v 7 Kasu-ki heka Judá mahãdu Jerusalẽ mahãdu iòludureny ixinamy rirubunyren kre tai nawii nawii-ò iumyreny rirokremy bederahu iròdu tule.
|
||||
\v 8 Tai tahe kaa hãwã arahukremy watxireri riradu mahãdu kaa ribi rariakreu heka ibinamy tai rahakre aõbina binahakỹmy robirenykreu.
|
||||
\v 9 òludu mahãdu heka hãwã riruraworenykre idi sỹdu mahãdu rirubunyrenykremy. Ibina binatyhytyhykre tai dori tariòrereny umy riròrenykre dori, tasỹ weraludu mahãdu umy riròrenykre tule ibinatyhytyhymy heka rarekre.
|
||||
\v 10 Tai heka wawana rare mahãdu butxi aribòhònykremy Deuxu riwateònyre.
|
||||
\v 11 Tai Deuxu wadee rarybere ararybekremy myy: Butxi ribòhònyre tiu iyreyrereny-di ixyby releõtyhy, iwese ka mahãdu ka hãwã idi arehukre. Tobete ka hãwã-kile rurukre mahãdu kaki rituunyrenykre ijõsu-ò itxi rahaõkre dori.
|
||||
\v 12 Ka hãwã Tobete wese arisỹnykremy. Jiarỹ Deuxu Tyhyhykỹ rarybemyhỹre.
|
||||
\v 13 Tobete wese heka Jerusalẽ hetoreny ixu wesemy ratxikremy, iòlò hetoreny heka Tobete ixu wesemy relekre.Kia heka ibutu surioko-ò xiwena lỹnyrena risõkeki tai ixumy ratxikre, ibutu heto heto taina-ò deàlànamy, titxibo mona xiwenamy tewahinytenyte-ki wahe.
|
||||
\v 14 Tobete ribi jiarỹ rabuareri tai Deuxu rarybere irybemy ararybekremy. Tai jiarỹ xiwena heto-ò rare lamamy rỹire ibutu taile mahãdu rỹire-ò relyyre.
|
||||
\v 15 Deuxu Tyhyhykỹ rarybere: Kaiboho õhõtitxurenyre warybe-ò boholaõtyhy tai kaa hãwã, isỹweraludu ibutu aõbina binahakỹmy rarybere-ki adiwisỹnyde dori.
|
||||
\c 20
|
||||
\s1 Pasu, Jeremia wana
|
||||
\p
|
||||
\v 1 Xiwena heto Ime riòre Pasu xiwena wahidỹỹdu heka warybe-ò roholare heka.
|
||||
\v 2 Tai riwahetenykremy riteònyre wadera-ki womati-di riwatyakemy Bejami ijòtòbòna-ki riwawokrore templo iòhòmy.
|
||||
\v 3 Ijõ ibiurasòmy tahe Pasu womati ribi riwatare iribi heka jiarỹ rarybere: — Pasu, Deuxu ani rawitxiranyre Pasumy aõkõ araraninikre tahe ibutu mahãdu alau kuduberukre.
|
||||
\v 4 Ani heka rarekre ibutu aõ aõ ribi brebunamy kanakemy abiòwa mahãdu adee tule. Abiòwa mahãdu heka aòludureny maurehereny-dilemy rururenykremy tuu bobikre. Tai heka Judá mahãdu heka Babilonia iòlò ridykre. Ijõ mahãdu Babilonia-ò ridyrenykre wetxumy, ijõ heka rirubunykre.
|
||||
\v 5 Kaa hawã heka aõna õna wihikỹ ixinamy òludu mahãdu ridykre. Ibutu iòlò aõna õnawiwihikỹ Babilonia-ò ridykre.
|
||||
\v 6 Kai Pasu tule amahãdu wana rotena-ò ralokre. Abiòwa mahãdu wana aratuunyrenykre, tai Babilonia-ò abiòwareny-ò ruimy tarybete tii wanareny buburkre tai.
|
||||
\s1 Jeremia aõbina binamy rexirubenymyhỹ.
|
||||
\v 7 Waha Deuxu tiwaitxenanyte-ki tai itxenadỹỹnamy rỹireri. Waribi ratyre tiwabòdunyta. Iny ibutumy riwalahirenyre ruudimy bederatxioronyre-ò.
|
||||
\v 8 Tuhyymy iteremy rarybemyhỹre myy: — “Òhòtemy kanỹikremy! arahurenykre!” Deuxu Tyhyhykỹ iny mahãdu riwabuarenyre dori! Riwalahirenyre arybemy rarybemyhỹreu.
|
||||
\v 9 Tahe jiarỹ aribi wanõhõti rusakemy idi rahõtinymyhỹreu heka animy tule ararybeõkremy tai wawo-ki arybemy reyremy ryimyhỹre wawo-ki heòty wesemy roomyrỹire, arybemy wawokihyy reyrybunyre wadeehe iutxiere dori.
|
||||
\v 10 Iny sõwe sõwe wasimy raryberybemy rỹimyhỹre “aobina binamy ibutu aõ ribi kanake Jeremia òraruki.” Tahe rarybemyhỹrenyre. Wabiòwatyhy heka aresekremy reraòmyhỹrenyre. Tiiboho ritobinymyhỹrenyre timybo riwamykremy reraòrenyre riwaòwynykremy.
|
||||
\v 11 Ihỹre Deuxu wawana atximahãte ruruduhykỹ atxiteri. Waijedu mahãdu iwareny sutoò iwa riwekre, tahe sõwemy raixỹrurunykre bede-ò reserenykreu tai ibededỹỹnanareny ibinatyhyre tiu rexiuõtyhy.
|
||||
\v 12 Waha Deuxu Tyhyhykỹ aòbitina-di tewaurihimyhỹte warayky wydynamy teeryte wawo-ki teerymyhỹte ixinamy waòludu mahãdu aõhõkymỹdỹỹnany bisỹnykreu heka arobikremy. Jiarỹ dori wabededỹỹnana heka ebòkile retadire wahe.
|
||||
\v 13 Deuxu-ò Tyhyhykỹ beàlàbenykre aõbina mahãdu ribi hawãdu mahãdu tetamyhỹte.
|
||||
\v 14 Waijirana txu heka ibinatyhyrare! Nadi ribi reare txu heka õhõti rusakre!
|
||||
\v 15 Inyõ waha-ò rarybere heka, ariòre weryry reare, kia hãbu ibinamy rỹikre.
|
||||
\v 16 Sõwe hãwã Deuxu rahuremy iwesemy kia hãbu rarekre. Alòre-ki iny raohitxinymyhỹre wesemy roholakremy, aõma rudile ribi ijesu txuberere wesemy roholakre txutue-ò.
|
||||
\v 17 Aõherikibo wajirana txuu tewarubunyõte tahaka! Nadiwo arurukremy awire wadee tai nadiwo-ki rarura wana wabede wesemy hãloo wesemy riatuunykremyra iny! Tai jiarỹ tiu reaõkremyra dorihe!
|
||||
\v 18 Aõherekibo nadi ribi reare jiarỹ? Bedewona-ò sohojilemy aõbo? Rybererelemy aõbo wabededỹỹnana ibinatyhymy ratxikremyra aõbo jiarỹ reare?
|
||||
\rem Missing Chapters 21-52
|
||||
|
|
@ -0,0 +1,173 @@
|
|||
\id LAM
|
||||
\ide UTF-8
|
||||
\rem dat 2016
|
||||
\rem aut Larewana
|
||||
\h Lamentations
|
||||
\toc1 Lamentations
|
||||
\toc2 Lamentations
|
||||
\toc3 lam
|
||||
\mt1 Lamentations
|
||||
\c 1
|
||||
\p
|
||||
\v 1 Aõhewe Jerusale rarimy roimyhyre, juhu-u hãwãsoemy iny-di roimy raremyhy! butumy iny bdebde-my rityhynymy ryiramyhy, wiji tahe wytese wse-my ihyre, wedu-my raremyhy, wiji wetxu wsele ihyre.
|
||||
\v 2 Ruu iyhyomy dobumyhyde, irube iosyny-di dytynymyhyde. Ibowa mahadu-o rariohyyre iibru ixawidyymy. Butumy ribonyrenyre wiji ioldu-my relemy ihyrenyre.
|
||||
\v 3 Judeo mahãdu tasureny ribi irehe-o ridyrenyra tai tahe wetxu wsemy aõhykymy dutyynymyhyde, aõ utxieheky-di naaõmysydyymyhyde. Iwitxira hawa-ki nasynymyhydenyde, tahe tai iixielehydyyna ihoore. Iherenymy ijradu idireny rirurawonymy idireny nyimyhyde, tiu rahenyrenyotyhy.
|
||||
\v 4 Rymahãdu siaõ-o iny-di roimyhyre ibderyrymyhydenyde, kiemy tiu iny-o idi naõhyymyhyde bde deysa ryimyhyre-o. Ijadoma mahãdu Deuxu heto-ki rawiunymyhyrenyre brebumy ihydenyde, xaxedote mahãdu naõhitxinymyhydenyde. Hawahaky aõhykymy dutyynymyhyde iny tai ihoore ube-my rexibutunyke.
|
||||
\v 5 Ioldu mahãdu tuu nahyynanymyhyde, tamyreny aõ awihyy namyhyde. Deoxo wedunihiky, Jerusalem aõhykymy disynymyhyde, tai sydu mahadu, oraruna nihiky oraru-ki. Ioldu mahãdu iriorereny rimyrenyra tahe iwitxira hawa-o ridyrenyra.
|
||||
\v 6 Jesusalem ruxera heka juhu bdeuludu rare, iwedu mahãdu brore wese relera iruru ihoomy rama risareri oraru-ki, tariudyydu lau reareri iruru ihoomy.
|
||||
\v 7 Wiji txumy tabderyry oraru-ki tawojeijei-di, Jerusalem tatyhynatxi tohoti reara, juhu bdeu iny-o iwiohedyymy naõhyyde-txi tohoti reare, taõldu mahãdu debowotxi resereu, urile idi rsinyrenyre iixenarenydi.
|
||||
\v 8 Tatyhydyyna riodyynyra tademy ratxireri, butumy idi rsinyrenyreri. Raõhitxinyhyy ihyde, taõsny urile diwomyhyde, raixyrumy. Jerusalem isumy relemy ihyde, õorarunanihiky riwinyreki.
|
||||
\v 9 Itnyhykylemy, oraruna tai rbynymy doimyhyde. Jerusalem aõhebo rutyynykre-di rohotinyohyyre. Inihikymy rariowymy ihyde moo riwoywinyke ihoore. Ioldureny irbi rotamy ihyrenyre tai tahe Deoxo dee rexitoenyrenyreri ixwiohedyymy.
|
||||
\v 10 Iòldureny butumy iaõnareny riwyra, Deuxu heto-ò rirònyrenyre, Deuxu tamyròte ritòenymyhỹre-ò.
|
||||
\v 11 Jerusale-ki hãwadu mahãdu, raõhitxinymy nariamyhỹde aõtxi tarsỹnamy reakemy, taõtyhynareny rsỹna-di riwiurònyra, irumy roirekremy. Kiamy hãwãmahãdu rarybera: “ waDeuxuwatxi ini bdeteheke, waaõhõkỹmy dỹỹnatxi!”
|
||||
\v 12 Iny ramyhỹre-ò Jerusalẽ ryrymyhỹre: “Watxi ini bdeteheke! Waaõdesewse aõbohe ijõdire? WaDeuxu reburereu kawsemy aõhõkỹmy riwasnỹre.
|
||||
\v 13 “ biurbi Deuxuheòty diteònyde tii wawo disõmyhỹde. Tii eresyna wade riwinyre tahe wadi sutxi rehure. Irahudi tahe aõhỹkỹmy dỹỹnanakytxi riwarire.
|
||||
\v 14 Tii waòraru rimyre, ributunymy walòti-ò ritaare tahe iutxie waruru rihure. Wa Deuxu waòldu-ò riwawahinyre tahe tuu rahỹỹnanyõre.
|
||||
\v 15 WaDeuxuwaxodadu ibutewsele riwinyre, waòldu mahãdu diteònyde, wajyre mahãdu rihukremy tahe waijoi riwexyxynyre iwse uva rawesysymyhỹre wse.
|
||||
\v 16 Tai sõemy riwahidỹỹnymyhỹre warube sõemy rejujumyhỹre. Iny-õ wahi riixawdike ihoõre, riwabdesanyke. Waòldu mahãdu wamy rahỹỹnanyre tahe waijoi hãwãdejuxu yki rỹireri.
|
||||
\v 17 Uritre wadebò naditerenyyhỹde tahe wawiòhedỹỹdu ihoõre. WaDeuxutirbi tirbile waòldu mahãdu diteònymyhỹde tai tahe tii boho aõ ibina wsele wadireny ihỹenyde.
|
||||
\v 18 WaDeuxuobiti rare aõhỹkỹmy riwasnyre, kiemy tohodỹỹna rbiòtile reare. Butumy hãwãhãwãbdoholabenyke, beteheini wadese dese! Waijadòma mahãdu, waweryrybò mahãdu, butumy wetxumy ridyrenyra bde irehetxi.
|
||||
\v 19 Waijoi mahãdu-ò ixiwiòhedỹỹmy reare tahe tii boho riwabònyre, xaxerdòtxi mahãdu, wedu mahãdu ubelemy rururenyre, byremy rekoamyhỹrenydi.
|
||||
\v 20 WaDeuxuwatxi ini bdeteheke waaõhỹkỹmy dỹỹnanatxi, sõemy aõhỹkỹmy ratỹỹnyreri! Aõdese watedesõ ritxynyreri, arybeõnamy rearetxi wanohõti reawna. Sõemy hure ubemy rỹireri, tule hetowodorimy rbu rỹireri.
|
||||
\v 21 Wadeoxo, waõhitxi-ò boholake, iny-õ watxi reteheõra wawiòhedỹỹmy. Butumy waòldu mahãdu, waaõhỹkỹmy dỹỹnana-ò roholare tai tahe sõemy reysarenyre kiemy kai aõhỹkỹmy tiwasnyta. Tuu tabete txu-ò rehemnyke wylemy, waòldu mahãdu tule aõhỹkỹmy rutỹỹnykemy, wawsemy.
|
||||
\v 22 Aõhỹkỹmy bisnyke iaõbina bina òraruki, iwse ratỹỹnyrewsemy, waòraru òraruki. Waòhitxi ixawiõhyy wahãde, watedesõ rawebinadunymy doimyhỹde.
|
||||
\c 2
|
||||
\p
|
||||
\v 1 Tiubo waDeuxureburereu, bdeluru-di Jerusalẽ ritbònyre. Jerusalẽ hãwãheto dejuxu hãwalò-my rirahòrere, juhu-u biu wsemy roiramyhỹ, Israel mahãdu xiwedenamy roiramyhỹ. Deuxureburereu, hãwãririre, taheto dori ririre.
|
||||
\v 2 Tamy ratòenymy aõkõ Deoxo, Juda hãwãrihure butumy hãwãninihikỹ rihure. Sulemy Juda hãwa-di rehure, tule iwedurenydi.
|
||||
\v 3 Tebure tòtee-di Deuxuaõwsele Israel ruru rahure. Waòldu reny rehemnyreu tii riwawiòhenanyrenyõre, ihãre waòldu renymy ixidi rehure, heòty aõ butumy rahumyhỹre wsemy.
|
||||
\v 4 Waòldurenywsemy, Deuxutawyhy wadeereny riterenyre tahe tarurudi iny derinamy rỹira mahãdu rirbunyre. Tebure, heòty wsemy, Jerusalẽ-ki sỹdu mahãdu tyre ritxiwire.
|
||||
\v 5 Deoxohe waòldu wse rare. Israel butumy rahure, ihãwareny ninihikỹ rahure, iwedurenyheto ribinanyre, bderyrynihikỹ taiki diwyde tai tahe ionanaõmy nanahinymyhỹde Juda mahãdu-di.
|
||||
\v 6 Deuxutaheto butumy ribinanyre, oworu rabinamyhỹre wsemy, tai tuu reàlàmyhỹrenyre butumy ribinanyre. Tamy deysa relemyhỹre-rbi wanohõtireny ritusanyre tule sabadu txu-rbi. Tebure tòtee-rbi Iòlò mahãdu-rbi tõhõti rusare tule xaxerdote mhãdu.
|
||||
\v 7 WaDeuxutaxiwena deramy relere, taheto ririre, waòldureny ixinamy heto ritxiwire. Tai tii boho rabdesarenyre, iwse diarỹ boho woranabdehesi-u rabdesamyhỹrenyrewse.
|
||||
\v 8 WaDeuxu Jerusalem òtity dejuxumy rõhõtinyre, bde rihukremy rõhõtinyre, rexielehynoõhyy, tuhyy rihure. Mna òtity ruare ihyy bde-ò resere.
|
||||
\v 9 Hãwãijòtbòna resemy roireri heto dejuxu rawoki, iweryna raòrò òròra. Iòlò wedu mahãdu wna roberamy rỹira, iny witxira hãwa-my. Deuxubdeywidỹỹnamy dohodỹỹ ixãwira, profeta mahãdu Deuxubdedỹỹnanamy rasi ixawira.
|
||||
\v 10 Jerusalẽ-ki hãwadu hetxina mahãdu, sutyreki runyrenyreri, rybeõmy. Bde riryrymy su-di tarati rijera, tky iyxeheỹ-di rexityynyra. Ijadòma mahãdu tatiòhumy rỹireri, tarati su-ò ridemy.
|
||||
\v 11 Warue reesirara sõemy rahinyraki, wabdeòtkihikỹmy watxireri. Bderyry riwarbunyra, waijoi rexihura òraruki, tule uladu, tohouã rituereri rmamy, hãwãube-my.
|
||||
\v 12 Uladu mahãdu kiamy rarybera: Nadi, rma riwasareri! Nadi, be momo riwasareri! Ubelemy nariòwymyhỹde, iny rawotmo wsemy, tahe ywimy durumyhỹde tadi axiòti-ki.
|
||||
\v 13 Jerusalẽ waderina, aõmy wexe adee ararybekre? Timybohe ahi ariixawdinykre? Tiuhe kawsemy iny aõhỹỹmy rutỹỹnyõmyhỹre; aõhỹkỹmy dỹỹnanahe inihiỹỹre, beronihiỹ wsemy. Mobohe adee xiwowsena riõkre?
|
||||
\v 14 Aprofeta mahãdu rasi, roi rare, bòdỹỹna. Aòraru renymy ibinamy raryberewna ini, iwitxiramy ini ròhònyre, awimy ini adeereny. Urile aprofetareny roidile arabònyrenyre.
|
||||
\v 15 Iny-õ abirerenydi rawna, urile adireny rsinymyhỹre. Tara adireny riòhòwimyhỹre, akireny rutxuenymyhỹre kiamy rỹỹraximyhỹre: “kaawe hãwawenonamy raninimy raremyhỹ aõbo rare? Kaa bohe butu bde bde xiwedena rare?”
|
||||
\v 16 Butumy aòldu mahãdu umy raybemyhỹre, adi rsinymyhỹre. Takyaradi rarybemyhỹrenyre: “ Iny boho Jerusalẽ rihurenyre! Txuu iny boho riraòmy roiremyhỹ-ò rehemnyre! Butumy aõbo rutỹỹnyremy iny boho robirenyre!”
|
||||
\v 17 WaDeuxuaõbo riwinyre myna rutỹỹnyre; juhu-u tuu riuarere myna bde rytỹỹnyre. Timy wadeereny rotòenymy aõkõ riwahurenyre, waòldu reny warbireny ritrasadỹỹnyre, riteysadỹỹnyrenyre wahdunarenydi.
|
||||
\v 18 Amna òtity, Jerusalẽ, Deoxo-ò rexitòenyke ixiwiòhedỹỹmy! Arube txuu, ruu iyhyõmy deamyhỹde bero wsehekỹle! Ixielehydỹỹõmy, tiiemy mahinyke!
|
||||
\v 19 Rumy iyhyõmy myimyhỹke, Deoxo-ò bexitòenykemy, ixiwiòhedỹỹmy. Atedesõ bitxiwimy tamy, ariòre bohomy tamy bexitòenymy, rma nahumyhỹdenydemy ube-my wesi wesi-my.
|
||||
\v 20 Bdeteheini waha Deoxo, idi mohõtinykre: Tiu txumy aõbohe kawsemy iny-õ aõhỹkỹmy tesnyte? Ixinamy aõbohe hãwyy mahãdu tariòe riròmyhỹrenykre, tariòre terinahãkỹ? Profeta mahãdu ta xaxerdote mahãdu aõbohe ixinamy ahetowoki rurumyhỹrenykre?
|
||||
\v 21 Aõkõre rbu, jyre mahãdu, matuari mahãdu ubelemy irbu reny rỹireri; waweryryboreny, waijadòmareny, mayrehe-di rexihurenyre. Kai tebureteu Deoxo, tatòenymy aõkõ tiwahutenyte.
|
||||
\v 22 Tirbi tirbi waòldureny tadidyte, adee deysa rewinymyhỹre-ò ròimyhỹre wsemy dirahude sõemy. wadeuxu tebureteu moõ rahenyõhyyre, moõ irumy rariõhyyre, waòldureny butumy wariòrereny rahure waderinamy reumydỹỹnyrbi.
|
||||
\c 3
|
||||
\p
|
||||
\v 1 Diarỹ Kia rare, timybo iny Deuxudebure-ki aõhỹkỹmy iny rutỹỹnymyhỹre erysydu rare.
|
||||
\v 2 Tii bdeluru-ò riwadyre, ryy toosònaõdi riwariradỹỹnyre.
|
||||
\v 3 Tebòdi tiwse aõkõ riwahtenyre, txuu iyhykõmy.
|
||||
\v 4 Deuxuwade, wadetyy, ritbydỹỹnyre, tule wati riòròre.
|
||||
\v 5 Waweruradi, aõhỹkỹmy dỹỹnana, aõ jubrere òtity-di, riwaòtitynyre.
|
||||
\v 6 Bdeluru-ki riwasỹdỹỹnyre, juhuhukỹle rarumy raimyhỹre wsemy.
|
||||
\v 7 Deuxuwomati rerytihidi riwataare; ròtena-ki wahãde, timy arahenykemy aõkõ.
|
||||
\v 8 Rarymyhỹre riwawiòhenanykemy tahe tii waixitòedỹỹna-ò roholaõhyymyhỹre.
|
||||
\v 9 Timy takoò araõtyhy, kiemy mna ninihikỹdi wary ritbònymy doimyhỹde.
|
||||
\v 10 Deuxuheka hãlòe wsemy wadee ihỹde, wary-ki diwaijemyhỹde, uxu wsemy wadee reakremy dexiywinymyhỹde.
|
||||
\v 11 Tii ryrbi riwaòlòdỹỹnyre, tahe riwaòrò òròre, irahudi tahe riwarire.
|
||||
\v 12 Tii tawaxiwahate riterenyre, tawyhy-di dohotiranamy riwawinyre.
|
||||
\v 13 Deuxuwyhy-di rehumyhỹre wadey-txi sỹymy ralòmyhỹre.
|
||||
\v 14 Txuu iyhyõmy iny mahãdu waki rutxuenymyhỹrenyre; wadi rsinymyhỹrenyre tawiunaki.
|
||||
\v 15 Deuxursỹna hyre-di riwatỹxinyre.
|
||||
\v 16 Tii waòsny su-my riòkaòkare, waju mna-ò riorore.
|
||||
\v 17 Timybo iny ywimy rỹimyhỹrerbi wanohõti rusare, aõbo deysa rare, wanohõti rusare.
|
||||
\v 18 Waumy ixihdu iòhòlemy namyhỹde, Deuxureraòmyhỹrerbi wawo rexieryra.
|
||||
\v 19 Wabderyry-txi wanohõti remyhỹre wasohojina-txi, waaõhỹkỹmy dỹỹnanatxi.
|
||||
\v 20 Idi rahõtinyhyymyhỹre tai riwabderyydỹnymyhỹre.
|
||||
\v 21 Tahe xiwowsena dòòsemyhỹde katxi wanohõti reawna:
|
||||
\v 22 WaDeuxuderina tiú rexihuõmyhỹre, iinytyhyna ionana ihoõre.
|
||||
\v 23 Kaa terina, iinytyhy itỹmyramy rexirahoremyhỹre rudi-u, WaDeuxuòbiti-my ratximyhỹre inihiỹre!
|
||||
\v 24 Deuxuheka butu rare wadee; taiki retyhynymyhỹre.
|
||||
\v 25 WaDeuxuheka awi rare, butumy mobo rityhynymyhỹre-ò.
|
||||
\v 26 Iny ròraòmyhỹrehe awi rare, Deuxuwiòhedỹỹna rybeõmy riraòmyhỹre.
|
||||
\v 27 Tahe awihe rare, iny aõhỹkỹmy rutyỹnymyhỹre, iwoõmy riijemyhỹre, uladutxile tuu iny rierymyhỹre.
|
||||
\v 28 Deuxuiny aõhỹkỹmy risnywna, ixisohojimy rkatximyhỹreny, ywimy ta rybeõmy.
|
||||
\v 29 Tamy tatiòhumy rkesemyhỹreny, ywimy kiemy rarsòna ijõdileke.
|
||||
\v 30 iny-õ iny rilahi-wna uritre ixiòwydỹỹõmy, urile rkiemyhỹreny ixilahjina.
|
||||
\v 31 Deuxutiu tiiehyy iny ririõmyhỹre.
|
||||
\v 32 Tii iny aõhỹỹmy risnymyhỹre tasỹ tule iny-di rawotòemyhyre kiemy terina inihiỹre.
|
||||
\v 33 Tamy awirerimy aõkõ iny aõhỹkỹmy risnymyhỹre, aõdese-my risnymyhỹre.
|
||||
\v 34 Deuxubutumy rierymyhỹre, timybo kaa hãwa-ki wetxu mahãdu rituemyhỹre, tamy tòe õhyylemy rurumyhỹre.
|
||||
\v 35 Deuxubiuldu nihikỹ, butumy rierymyhỹre, timybo irybe ratyhyõmyhỹre iny bdedỹỹnana-my rybena, tii iny deereny riwahinyre dohodỹỹna.
|
||||
\v 36 Kohe, Deuxutiubo iny irybe rirahòremyhỹre rierymyhỹre.
|
||||
\v 37 Iny tiu aõ riwinyõtyhy Deuxuteramy reaki.
|
||||
\v 38 Aõtxile aõ awi aõ ibina, Deuxurube xiery relemyhỹre.
|
||||
\v 39 Aõherekibo iny reburemyhỹre, taòraruna òraru-ki iny aõhe rutỹỹnywna?
|
||||
\v 40 Delemy ixidi rketemyhỹreny aõbo iny riwinywna irahudi tahe Deoxo-ò rkiòksemyhỹreny.
|
||||
\v 41 Deuxubiu-ki ratximyhỹre-ò, iny tedesõ reny rkiraynyrenymyhỹ, tahe kawsemy tamy rkexitòenymyhỹreny:
|
||||
\v 42 Deuxudiarỹ boho òraruna-txi reserenyra, arybe resiranyrenyra tahe waòrarureny tehòõte.
|
||||
\v 43 Wadeereny aky reara, waherenymy teate, wamyreny taòhòtete timy wadireny texiwobrunoõhyy.
|
||||
\v 44 Kai biu wetyydi texiwote, waixitòedỹỹnareny adee rehemnykelau.
|
||||
\v 45 Iwitxira hãwãmahãdu wadireny teitxeredỹỹnyte, hàtà hãwalò wsele wadireny retehere.
|
||||
\v 46 Butumy waòldureny mahãdu aõbina binamy wamyreny narybemyhỹde.
|
||||
\v 47 Brebu kyki watximyhỹrenyre, iòhãrumy, jeijeiyki, bdebinayki.
|
||||
\v 48 Waruerbi warube bero wsemy reamyhỹre, waijoi mahãdu rexihure òraru-ki.
|
||||
\v 49 Warube rihyõhyy warue-rbi rejujukre.
|
||||
\v 50 Tiubohe WaDeuxubiu-rbi kdetehekre tahe wamyreny robikre.
|
||||
\v 51 Watedesõ sõemy aõhỹkỹmy dutỹỹnymyhỹde, hãwyy mahãdu-di rahõtiny-wna aõhebo rutỹỹnyrekredi, wahã ldurenydi.
|
||||
\v 52 Waòldu mahãdu aõki wamy radònyrenyke ihoõre, tahe nawii iny riijemyhỹre wsemy, diwaijemyhỹdenyde.
|
||||
\v 53 Hãluu-txi wadi rehurenyre, irahudi tahe mna-di hãluu ijo ritbònyre.
|
||||
\v 54 Bee tai wadi rỹxire, wasỹ rituhedỹỹnyre, tahe rahõtinyre, “rarurahe!”
|
||||
\v 55 Hãluuwo-rbi raryre, Deoxo-ò ixiwiòhedỹỹmy.
|
||||
\v 56 Tamy rexitòenyre wairà-ò roholakemy, tahe kai wairà-ò taholate.
|
||||
\v 57 Adee raryreu, wabire-ò tehemnyte, kiamy trybete: “uritre brebuõmy!”
|
||||
\v 58 Wadeoxo, kai wahedỹỹmy tanate, tahe waumy tehedỹỹnyte.
|
||||
\v 59 Wawerbi marybekre, Wadeoxo, kiemy teeryteri aõhỹkỹmy ratỹỹnyre aõ iòkõmy.
|
||||
\v 60 Kai teeryte, waòldu mahãduhe ixiòmy nohõtire, tule timybo rõhõtinymyhỹrenyre butumy teerymhỹte.
|
||||
\v 61 WaDeuxukai taholate, timybo umy ibinamy rarybemhỹrenyre, butumy ibdedỹỹnanareny teerymyhỹte.
|
||||
\v 62 Kai teerymyhỹte, txuu iyhyõmy wamy aõbina binahãkỹmy, wamy rarybemyhỹrenyre, waaõhỹkỹdỹỹmy wamy rarybemyhỹrenyre.
|
||||
\v 63 Kai tetehemyhỹte, bde iyhyõmy wadi rsinymyhỹrenyre.
|
||||
\v 64 WaDeuxutuu reamyhỹrenyreinihe tamyreny biõke, aõhỹkỹmyinihe bisnybenyke.
|
||||
\v 65 Biaõhỹkỹmydỹỹnybenyke, brebuytxi idireny behuke.
|
||||
\v 66 Ebure-di iherenymy beake, WaDeuxubihubenyke kabderbi!
|
||||
\c 4
|
||||
\p
|
||||
\v 1 Orohe turumy rexirahòrera, timykibo orotyhy, tarxỹna riõdỹỹnyra! Deuxuheto mna, ubelemy roberamy rỹireri.
|
||||
\v 2 Jerusalẽ weryrybò mahãdu heka, oro wihikỹ wse wadeerenyrare, wiji tahe su bòti wsele, iny mahãdu idireny detehemyhỹde.
|
||||
\v 3 Ahula dori tariòre-ò tahùỹ riwahinymyhỹre, ritònykremy, waijoireny tahe usehewehekỹ wse rare, tariòre aõhỹkỹlemy risnymyhỹre.
|
||||
\v 4 Jerusalẽ mahãdu tohouã, be momo nahumyhỹde, uladu mahãdu rsỹnamy dexitòenymyhỹde tahe iny-õ aõ tamyreny diõõhyymyhỹde.
|
||||
\v 5 Juhuu aõwiwihikỹ rirsỹmy roiremyhỹ, wiji tahe rmale ubemy nahumyhỹdenyde, tyy iòwyhykỹ-di rexityynymy roiremyhỹ, wiji tahe hàtà hãwalò tyrekile ihỹrenyde.
|
||||
\v 6 Waijoihe aõnityhymy aõhỹkỹmy dutỹỹnymyhỹde, Sodoma-ki hãwãdu mahãdu-rbi, Deuxurahure bdeu, tebò-di.
|
||||
\v 7 Wa-wedureny riòre mahãdu heka broreni hùỹ sy wse tyra rare, aõ ilbyna tai ihoõre, (neve) wsemy; iruruteremy roiremyhỹ teyrewemy, iruereny itnymy roiremyhỹ, tule idewirenymy.
|
||||
\v 8 Wiji tahe helòtyra wsemy iòsnyreny doimyhỹde, ube-di rariareny-wna iny mahãdu rieryõhyymyhỹre. Idee tyyreny òwòrù wsemy rarbura itireny-ò rahãltenyra.
|
||||
\v 9 Mobo wou-ki rurure mahãdu teysamy rituerenyre wiji mahãdu-rbi, kiemy ywimy rituemy roire, kiemy aõ risrỹrenyke ihoõre.
|
||||
\v 10 Jerusalẽ rexihureu, hãwyy mahãdu tariòre-my rerinanymy roiremyhỹ, irahudi tariòrerenyle riheranymy, riròrenyre.
|
||||
\v 11 Deuxutawoxibru tai rahure, tebure ritxiwire, Jerusalẽ tyre heòty ritxiwire bde-ò butumy ritxiwire.
|
||||
\v 12 Moo kabdeki rityhynyõhyyre, iòlò mahãdu dori, tiu txumybo Jerusalẽ òldu-õ ijòdi tamy ralòke.
|
||||
\v 13 Òraruna òraruki tuu kawse rutỹỹnyrenyre, tule profeta mahãdu xaxedòte mahãdu sõemy aõbinabina riwinyrenyre, aõ iòkõmy iny rihumy roiremyhỹ.
|
||||
\v 14 Xaxedòte ta profeta mahãdu iruety wsemy rariamy roiremyhỹ ube-di, ityy reny hãlbu rỹximy, moõ ityyreny-ò reriõmyhỹre.
|
||||
\v 15 Kiamy iny mahãdu ryrymyhỹre: “biòlònyke karbi! Kai boho axutenyteri! Uritre wadeereny derexiõmykre!” Tiubo rihenyrenyreu hãwãhãwa-di rariamy roiremyhỹu, ityhydỹỹduõ mahãdu dorile kiamy rayberenyre: “kaa hãbu mahãdu kaki rasỹnyõrenykre.”
|
||||
\v 16 WaDeuxutõtxireny ixby ririõhyyre, Deuxuòbiti, riuberanyrenyre, tii iny xaxedòtereny mahãdu rityhynyõhyyre, iny wedureny-di rexiwobrunyke tule ihoõre.
|
||||
\v 17 Irehemy retemy raimyhỹreny tuhyy reywserenyre, wiòhedỹỹ kdehemnykesna tahe rehemnyõhyyre. Iwitxira hãwãldu wiòhedỹỹ reraòrenyre, timy rowiòhedỹỹke ihoõre.
|
||||
\v 18 Waòldureny wadireny retemyhỹ, tai òraru-ki timy ube-my ararirenyke ihoõre, watxureny ixihdu iòhò namyhỹde, arexihurenykre iòhòmy rare.
|
||||
\v 19 Waherenymmy ijradu, nawiihikỹ biu-my rỹira ratyre raijraterere, hãwalò-di waherenymy rekoarenyre tule bderahy-ki itỹỹeresylemy wadeereny raaõbinanyrenyre.
|
||||
\v 20 Tii boho waumyreny wedu rimyrenyre, waiòlòreny rimyrenyre, Deuxuwadeereny ritare wawedurenymy, idihe rahõtinymyhỹrenyre, waòldureny-ò riwaijerenykremy.
|
||||
\v 21 Kai boho Edõ mahãdu tule Uu mahãdu, ixinamy butxueny benyke; bexideysanybenyke bde ijõdirerisamy adeereny, kiemy aõhỹkỹmydỹỹnanareny tule dehemnymy namyhỹde. Kai boho maòdewàribenykre tule aderu-my bekoabenykre.
|
||||
\v 22 Jerusalẽ taaõhỹkỹmydỹỹnana rimymy ihỹde, òraruna òraru-ki. WaDeuxu tiu taijoi ubtỹmy hãwãhãwa-my ririõtyhy. Kai boho tahe Edõ mahãdu, Deuxu aõhỹkỹmy arasnyrenykre, butumy aòrarurenymy araerynanyrenykre.
|
||||
\c 5
|
||||
\p
|
||||
\v 1 Wadeuxu, aõhebo ratỹỹnyrenyretxi õhõti reakre, watxireny bdetehekre tahe tuu bobikre, waaõhỹkỹmydỹỹnanareny.
|
||||
\v 2 Wasureny inywitxira debòwo-ki doimyhỹde tule iny witxira wahetoreny-ki nasỹnymyhỹde.
|
||||
\v 3 Wytemy wahãdenyde, wahareny ihoõmy, nadireny wytesemy ihỹdenyde.
|
||||
\v 4 Õbra-my waberenyhỹkỹle rewymyhỹrenyre wamonarenymy; wahereny dorile õbramy ixideereny rewymyhỹrenyre.
|
||||
\v 5 Waòldureny ibinamy wadireny ratximyhỹre; reywsemy wahãrenyre tahe ixielehydỹỹ-ò riwaijemyhỹrenyre.
|
||||
\v 6 byremy rekoawna, ixitòedỹỹmy rekoamyhỹrenyre, wadebòreny reterenymyhỹrenyre, exitu mahãdu-ò tahe axiriu mahãdu-ò ijõra.
|
||||
\v 7 Wàlabienareny òraruna-txi reserenyre tahe ratxiõmyhỹrenyre, diarỹ boho tahe iiòrarurenyki aõhỹkỹna dutỹỹnymyhỹdenyde.
|
||||
\v 8 Wetxu mahãduhukỹle wiji diwawedunymyhỹdenyde, tahe moõ tebòrenyrbi riwatarenyke ihoõre.
|
||||
\v 9 Iòhãrumy rsỹna-txi rekoamyhỹrenyre, kiemy wasidu mahãdu iwotòemy aõkõ, bderahy-ki wadeereny rekoamyhỹrenyre.
|
||||
\v 10 Rma dese rbumy riwarbunymyhỹrenyre, wadereny heòty wsemy ratòteenymyhỹre.
|
||||
\v 11 Jerusalẽ-ki ta juda-ki, hãwyy mahãdu, ijadòma mahãdu sõemy raaõhỹkỹmydỹỹnananyrenyre.
|
||||
\v 12 Waòldureny mahãdu, wawedureny mahãdu, btòtaamy rirbunyrenyre, tule matuari mahãdu rityhynyrenyõhyyre.
|
||||
\v 13 Waweryrybòreny hỹỹnahakỹlemy aõutxie utxiedi diaõmysỹdỹỹnymyhỹdi, weryry mahãdu heutxiedi nariòwymyhỹde.
|
||||
\v 14 Matuari mahãdu iwse rexibutunymyhỹre wsemy deibutunyõmyhỹde ube tyamy, weryrybò iwiureny ixawimy ihỹdenyde.
|
||||
\v 15 Deysa waworenyrbi rahenymy ihỹre; wixereny deròwymy, bderyryle rarimy ihỹde.
|
||||
\v 16 Aõ rariõhyyre waxiwedenare ulduõ, òraruna-txi rejujurenyre tai tahe tiuõnamy18 arexihurenykremy wahãdenyde.
|
||||
\v 17 Watedesõreny iwebinadureri, tahe warubereny, waruereny riturunyreri.
|
||||
\v 18 Kiemy xiaõ hãwalò raatymy doimyhỹde, ijòròle tuu nariamy nyimyhỹde bde dejuxumy ykymy.
|
||||
\v 19 Kai tahe Wadeoxo, tiiemy bde tewedumyhỹte, butumy iny mahãdu tewedumyhỹte, iwitxira bdeu ldu mahãdu.
|
||||
\v 20 Aõherekibo irehemy tiwatenymy tamyhỹte? Watxireny aõbohe õhõti ixby reakremy ihỹre.
|
||||
\v 21 Wadeoxo, ixidee biwaòksedỹỹnybenyke, kohe, ixby ixidee biwadybenyke! Juhuu roiremyhỹ wsemy ixby biwarahòrebenyke.
|
||||
\v 22 Daa kõmy aõbo tiiemy tiwaatytenymy ahãte? Tiiemy aõbohe wadeereny ayky remy rarekre?
|
||||
|
|
@ -0,0 +1,114 @@
|
|||
\id EZK
|
||||
\ide UTF-8
|
||||
\rem cc6-48 (he was going to finish in the tribe and send to me in 2015??)
|
||||
\rem aut Lariwana
|
||||
\rem dat 2015
|
||||
\h Ezekiel
|
||||
\toc1 Ezekiel
|
||||
\toc2 Ezekiel
|
||||
\toc3 ezk
|
||||
\mt1 Ezekiel
|
||||
\c 1
|
||||
\p
|
||||
\v 1 Iruyre txu-my bde rỹireu, inaubiòwa ahãdu-u, wyra inataõnihikỹ bedeu, diarỹ, xaxedòte Ezekieò, Buzi riòre, Babilõnia-ki rahãwanymy raremyhỹ, keba bero ijà-ki, judeo mahãdu, wetxu-my rirahure simahãdu-wna. Biuwetyy rarayre, tahe Deuxu-my rabire rasiwsemy.
|
||||
\v 2 Tuu rutỹỹnyre bedeu, (exilio) Iòlò Joaquim iruyre wyramy ròtena-kibde riwymy roimy raremyhỹ.
|
||||
\v 3 Tai Babilõnia-ki, keba bero ijà-ki , diarỹ Deuxu wadee rybe-ò raholare tahe irurunihikỹ ixiki reeryre.
|
||||
\v 4 Retehere, tahe yhydebure-my rabire iraru-rbi rarerimy. Biudelaa ròhònymyhỹ biuwetyynihikỹ-rbi. Biuwetyy werura, heòtyhykỹlemy roimyhỹ, heòty wotya-ki tahe aõbo, brõze wesemy tai ruxaranymyhỹ.
|
||||
\v 5 Yhydeburekyki tahe, inaubiòwa iròdu wemy rabire. Iny wesemy idi retehere,
|
||||
\v 6 uriletahe tahe sohoji sohoji rỹimyhỹ, inaubiòwa-my iòsny sõe tule iaubiòwa-my tereny.
|
||||
\v 7 Itireny òbitire, iwareny tahe broreni wsemy idi retehere, tahe brõzi wsemy ruxaranymyhỹ.
|
||||
\v 8 Iòsny, tee inaubiòrehãre, sohoji sohoji, inaubiòwa-my tebòreny sõe, iny debò wsemy, terawoki rỹire.
|
||||
\v 9 Inatxi tereny iraymy idi rỹimyhỹreny, tenorareny widee rỹimy. Tahe inaubiòwa-my rexiwinyrenyre, tahe butumy rariamyhỹreny, rexirahòreõhyy.
|
||||
\v 10 Iròdu sohoji sohoji, iòsnyreny wirbi iwitxira witxiralehekỹre: tako-ò iny òsny wsere, ruruwerbi-ò hãlòe òsny wsere, hywe werbi-ò broreni òsny wsere, ihowo-ò tahe nawiihikỹ òsny wsere.
|
||||
\v 11 Inatxi iròdu de raraymyhỹ biu-ò, tahe sihoji sohoji de tabireldu-ò tee ritòròmyhỹ; ijõ tee inatxi tahe, taumy idi rihetynymyhỹ.
|
||||
\v 12 Iròdu sohoji sohoji, inaubiòwa-my tiòtiò retehemyhỹ, tai tahe aõtxile tiò ròimyhỹrenyre, ixiwerydỹỹsiramy aõkõ.
|
||||
\v 13 iròdu mahãdu yki hãte loosò wse aõbo rỹimyhỹ, tiòtiò reamy rỹimyhỹ, heòty ire ranihiỹmyhỹ, tahe heòty-rbi biudelaa ròhònymyhỹ.
|
||||
\v 14 Tahe iròdu mahãdu tiòtiò raòrunymyhỹreny biudeelaa wsemy.
|
||||
\v 15 Inaubiòwa iròdu-di retehemyhỹu, ianaubiò tewe-my rabire, sohoji sohoji, iwareny bireki.
|
||||
\v 16 Tewe inaubiòwa wiwselehekỹre, mna wihikỹ wsemy rasrỹnymyhỹ. Tewe mahãdu wo-ki, ixby tewe-õ roimyhỹ, werehedimy,
|
||||
\v 17 tai tahe tewe, ixiwerydỹỹxiramy aõkõ tiò tiò rariamyhỹ.
|
||||
\v 18 Tewe ti heka rue-di rỹximy roimyhỹ.
|
||||
\v 19 Iròdu mahãdu rariamyhỹu, tewe mahãdu ibirerenydi rariamyhỹ; iròdu mahãdu su-rbi rexiukòmyhỹu, tewe mahãdu tule iherenyki su-rbi ruòmyhỹ.
|
||||
\v 20 Iròdu mahãdu ixideewimy titxi ròimyhỹ tahe tewe mahãdu iròdu hekile titxi ròimyhỹ, kiemy iròdu boho riwedunymyhỹreny.
|
||||
\v 21 Kiamy tahe, iròdu rariamyhỹreu da kõmy aõbo ruhumyhỹreu da biutxi ruòmyhỹreu, tewe boho iwserenyle riwinymyhỹre.
|
||||
\v 22 Iròdu boho ratyaki tahe, aõbo waxiwahate wsemy rirahetynymy roimyhỹ, mnarultyrxỹ-di riwinymy.
|
||||
\v 23 Irahety rawoki tahe, iròdu boho tereny inatxi inatxi-my riraynymyhỹ tahe tabireldu de-ò tereny riterenymyhỹ, ijõ inatxi-di tahe taumy rihetynymyhỹ.
|
||||
\v 24 Diarỹ tewodỹỹ-ò raholamyhỹ, ruòmyhỹu. Beronihikỹ wodỹỹ wsemy rawodỹỹnymyhỹ, woudu mahãdu wodỹỹwse rawodỹỹnymyhỹ, Deuxururuterenihikỹ rybe wsemy rawodỹỹnymyhỹ. Tuòsò ixawimyhỹu tee rirasenymyhỹ.
|
||||
\v 25 Tahe, ihãrele bde wodỹỹ-ò raholamyhỹ, irahety roimyhỹrbi bde wodỹỹ reamyhỹ.
|
||||
\v 26 Heto wsemy irabumy roimyhỹ ratya-ki, aõbo rynana wsemy rỹimyhỹ, safira-di relemyhỹre wsemy. Tai tahe iny-õ runymyhỹ, hãbu wsemy,
|
||||
\v 27 tahe tii roosòmyhỹ, brõzi heòty kyki roimyhỹre wsemy. Butumy tii roosòmyhỹ heòty juxara wsemy.
|
||||
\v 28 Toosòna tahe uajina lỹre wse rare, biuwetyy-ki roimyhỹre wsemy. Kahe loosòna juxarahakỹ rare, Deuxururuterenihikỹ tuu riteòsinyre.
|
||||
\c 2
|
||||
\p
|
||||
\v 1 Tuu rabireu, rariowyre tahe waò su-ò redere. Kia tahe rybe-ò raholare, kiamy rarybemyhỹ: — Hãburiòre, lmamy myike. Adee ararybekemyreri.
|
||||
\v 2 Wadee rarybemyhỹ wnaletahe, Deuxutyytby wadee ralore tahe tii lmamy riwatmadỹỹnyre. Tahe rybe raholare, kiamy rarybemyhỹ.
|
||||
\v 3 Hãburiòre, diarỹ arateònyreri Israel mahãdu-ò, warybe rbiòtu rekoare, waòldu-my relerenyre. Wiji dore warybe siradỹỹmy ihỹrenyre, iwse ilabiereny rybesiradỹỹ-my roiremyhỹ wsele.
|
||||
\v 4 Tõhõtiõrenyre tule riwatyhynyrenyõmyhỹre. Tahe tamyreny rybemy arateònykre, diarỹ Deoxo, timybo tamyreny ararubekredi marybekre tamyreny.
|
||||
\v 5 Arybe-ò roholarenykre-wna, tule arybe-ò roholaõrenykre-wna, profeta taireny ratxiramy rieryrenykre.
|
||||
\v 6 Kai tahe, hãburiòre, uritre ilaureny brebuõmykre, tule aõmybo adee raryberenykreki. Tii boho adee rexiurirenykre tule ibinamy adi ratxirenykre; iykyrenyki matxikrehe aõma wsemy matxikre, itytibòrò kyki matxike wsemy. Ihãrele tahe, brebuõmykre rybesiradỹỹdu mahãdu lau, aõmy adee raryberenykreki tule.
|
||||
\v 7 butumy aõmybo adee ararybekre-my marybekre, rohorenymy aõbo da roholaõrenymy aõbo. Teery aõbo irybesiradỹỹrenyre.
|
||||
\v 8 Hãburiòre, boholakre aõmybo rarybereri. Rybesidỹỹmy uritre noõmy iwsereny. Ary biraynykre tahe birsỹkre aõbo adee ariwahinykre.
|
||||
\v 9 Tai tahe debò-my rabire, wadee riterenyreri-ò, tyyrti rase rase-di tebòki.
|
||||
\v 10 Tii wadee rirawere, kia tahe rybe tai rirtinymy roimyhỹ, iwebrò-ki tule. Irtine tahe kia roimyhỹ, aõdese-my lorari tai roire, sỹbina ta ohitxi ijõra.
|
||||
\c 3
|
||||
\p
|
||||
\v 1 Kiamy Deuxurarybere: — Hãburiòre, kaa tyyrti rase birsỹkre, irahudi tahe makre Israel mhãdu-ò rybemy.
|
||||
\v 2 Tai tahe wary reraynyre tahe tii tyyrti rase wadee riwahinyre ariròkremy.
|
||||
\v 3 kiamy rarybere: — Hãburiòre, kaa tyyrti rase adee rewahinyreri birokre; idi aweryri bitỹxinykre. Tahe reròre, bdiwsemy ibree.
|
||||
\v 4 Tahe kiamy Deuxurarybere: — Hãburiòre, makre, tahe aõmybo ararybekremy Israel mahãdu-ò marybekre.
|
||||
\v 5 Iwitxira mahãdu, irybesiramy rỹimyhỹre-ò aõkõ arateònyreri, Israel mahãdu-ò.
|
||||
\v 6 Iwitxira hãwahãkỹ-ò, irybe isaramy rỹimyhỹre-ò arateònykeki, tule irybereny bierykõmy, my mahãdu-ò makeki, arybe-ò ywimy roholarenyke.
|
||||
\v 7 Kiaõmy tahe Israel mahãdu tiu arybe-ò roholarenyõtyhy, kiemy warybe-ò ijohonaderarenyre. Butumy tiiboho tõhõtiõrenyre tule irybesiradỹỹrenyre.
|
||||
\v 8 Wiji tahe kai iwsereny araijenykre, õhõtiõmy tule ateremy, iwserenyle.
|
||||
\v 9 Ateremy arawinykre, mnatere wsemy tule jiamytxitere wsemy. Taiki tahe, uritre brebuõmy, ilaureny uritre brebuõkre.
|
||||
\v 10 Deuxurarybemyhỹ: — Hãburiòre, boholawikre, itxi õhõti reakre warybetxi.
|
||||
\v 11 Irahudi tahe aijoireny-ò rybemy makre, wetxu-my rirahuremahãdu-ò. Diarỹ DeuxuAõmybo rarybererimy tamyreny marybekre, roholarenykre-wna tule roholarenyõkre-wna, ihãrele tamyreny marybekre.
|
||||
\v 12 Tahe Deuxutyytby biu-txi riwadyre, tahe wahewo-ò rybe-ò raholare, biu ramytxinymyhỹre wsemy. Kiamy irà-ò raholamyhỹ: — Biu rariemy, Deuxururumy beàlàke!
|
||||
\v 13 Iròdu mahãdu dewodỹỹ-ò raholamyhỹ tee rihtenymyhỹ-ò, tule tewe wodỹỹ-ò raholamyhỹ, iwodỹỹnihikỹmy raholamyhỹ, biumytxi wsemy.
|
||||
\v 14 Tai tahe Deuxururu wamy rahỹỹnanyre, ityytby irbi riwadyre; tai tahe diarỹ reburere sõemy wawo-ki reburere.
|
||||
\v 15 Tahe Teò-Abibe-ò rare, Keba bero ijàti-ki roimyhỹre, tai judeo mahãdu rasỹnymy rỹiramyhỹ, wetxumy ridyrenyreu. Debò inatxi txu-my tai bde reijere, raberumy, aõmybo rabireki tule tamy raholareki.
|
||||
\v 16 Debò inatxi txu sỹtbymy, Deuxukiamy wadee rarybere:
|
||||
\v 17 — Hãburiòre, diarỹ Israel mahãdu-di itxeredu arasnyra. Kai biteòarinybenykre, timybo deòrxina adee ariwahinykremy.
|
||||
\v 18 Kaa diarỹ hãbu bina rurukremy adee ararybekreki, tahe kai biteòarinyõkreki, aõbina bina widỹỹ ixãwikemy, taumy rihedỹỹnykemy, tai tahe òrarunaki tii rurukre, taiki kaile irbu bdeòrarukre.
|
||||
\v 19 Kai hãbu bina biteòarinykreki, tahe tii aõbina bina ririõkreki, tiiemy òraruna-ki rurukre, kai tahe taiki buruõkre.
|
||||
\v 20 -- Hãbu òbiti-õ aõbina bina riwinykreki, tahe diarỹ aõ iòhãtxi ariijranykre, tai rurukre, kai biteòarinyõkreki. Tahe diarỹ aõwiwi riwinyretxi wanohõti reaõtyhy. Tahe kai irbu bdeòrarukre.
|
||||
\v 21 Kai hãbu òbitimy nodu biteòarinykre-wna, òraruna widỹỹõmykremy, tahe tii arybe-ò roholakre-wna, òraruna widỹỹ-rbi ixawikre, taiki tahe tii ruruõkre, kai tule buruõkre.
|
||||
\v 22 WaDeuxururuterenihikỹ, wabireki ratximyhỹ, tahe kiamy wadee rarybere-ò raholare: -- Myike, hãwalò bde-ò makre, tai tahe adee ararybekre.
|
||||
\v 23 Tai tahe hãwalò bde-ò rare, tai Deuxururuterenihikỹmy rabire, keba bero ijà-ki tuu rabire wsemy. Suu-txi waò-my resere,
|
||||
\v 24 tahe Deuxutyytby wawo-txi ralòre, tii riwatmadỹỹnyre. Deuxuwadee rarybere: --Make aheto-ò tai tahe ijo ixidi biwerynykre.
|
||||
\v 25 Kai hãburiòre, reruti-di mataataakre, bohonyke ihoõre.
|
||||
\v 26 Adòrtò ariteredỹỹnykre, tai tahe iny mahãdu rybesidỹỹ biteòarinyõkre.
|
||||
\v 27 Irahudi, ixby adee ararybekreu, ararybedỹỹnykre, iu tahe tamyreny marybekre, diarỹ Deuxutuu raryberamy. Ijõ iny-õ arybe-ò roholakre, ijõ taxe aõkõre, kiemyhe tii boho irybesiradỹỹrenyre.
|
||||
\c 4
|
||||
\p
|
||||
\v 1 Deuxukiamy rarybere: — Hãburiòre, txijolu-õ bimyke, irahudi tahe akotxi bitdikre, ityreki tahe Jerusalẽ bidexeãnkre.
|
||||
\v 2 Kaa dexeã-ki iòldu riyrawonymy biwinykre, iòtursòna, iòwòna ijõdimy, itỹhinareny ijõdimy tule imakinareny ijõdimy, mnaòtity dejuxuna.
|
||||
\v 3 Myjina wotimy ije bimykre, irahudi òtity wsemy bitdikre, kai, hãwa-wna awotyarenytxi. Hãwãwerbitxi betehekre. eresyna robymy roireri, kai tahe teyrawonymy idi atxiteri, kaa heka Israel mahãdu deòrxinakre.
|
||||
\v 4-5 Hywe werbitxi boike, atyre Israel mahãdu òraru ariutxienykre. Kai kuaki herimy boibekre, iòrarureny utxiedi betyymy, trezento noventa txu-my, kiemy diarỹ tiiemy retxuhòrenyra aõbina bina-my rutỹỹnyrenykremy, sohoji txu-my wyra-di.
|
||||
\v 6 Kaa tiubo mahukreu, ruruwerbi-ò bexirahorekre, tai tahe Juda òraruna utxiedi betyykre, kuarenta txu-my, kia wsemy, sohoji txu-my, wyra-di aõhõkỹmy rutỹỹnymyhỹrenykre.
|
||||
\v 7 -- Òbitimy betehekre Jerusalẽ-di iòldureny riyrawonymy idireny rỹireri. Tahe õredera birasenymy hãwahãkỹ-my marybekre timybo rutỹỹnykremy.
|
||||
\v 8 Arataataakre, taki tahe timy aixirahoreseõna, tuhyy tahe iòldureny hãwahãkỹ riyrawonykre.
|
||||
\v 9 -- Katahe trigo bimykre, xevada, ervila, letxila, trigo smo ta aveia ijõra. Butumy wimy biurinykre idi pão biwinykre. Tii heka birsỹmy mabekre, trezento noventa txu bdeu, ruru werbi-ò bexirahorekreu bdeu.
|
||||
\v 10 Kai inaubiòwalemy pão smo biymyhỹkre txu sohoji-di, ywimy biymyhỹkre.
|
||||
\v 11 Bee biõmyhỹkre, tule iurihixina ijõdikre: inatxi bedeò-my biõmyhỹkre txu sohoji-di, tule ywimy biõmyhỹkre.
|
||||
\v 12 Iny ijny werbu wetby-di heòty, biworonymyhỹkre, paõ iburesò-di bisõmyhỹkre tahe pão biymyhỹkre, butu iny mahãdu ruki.
|
||||
\v 13 Deuxutule rarybere: — Tiubo Israel mahãdu bdebde-my ariubtỹnykreu, kawsemy rabyremy roirkre, rsỹna ibinamy ratòemyhỹre rirsỹrenykre.
|
||||
\v 14 Kiamy rerawyònyre: — Wadeoxo, wawedu, kiahe aõkõre! Diarỹhe tiú rsỹna ibinamy rỹiradi tiú rexisunyõmyhỹre. Uladu tuhyy raumynyre, tiu iròdu xinamy rurumyhỹre reròõhyymyhỹre da kõmy aõbo iròdu debure riròmyhỹre uhe.
|
||||
\v 15 Tai tahe WaDeuxu rarybere: — Heboxe. Broreni ijnylebohe ixinamy biuhekre, idi heòty biworonykremy; ityre-ò apaõ bisõbekre.
|
||||
\v 16 Ixby rarybere: — Hãburiòre, paõ aritòenykre, Jerusalẽ hãwa-ò rehemnyke. Tai tahe iny mahãdu, rsỹna ta bee riwòrenykre.
|
||||
\v 17 Tii boho irsỹnareny ihoõmy rekoakre tule bee ihoõmy rekoakre. Sõemy rõhõtiweryweryrenykre, ihyy tahe rituerenykre, taòrarureny òraru-ki.
|
||||
\c 5
|
||||
\p
|
||||
\v 1 Deuxu rarybere: — Hãburiòre, mayrehe jureeõ bimyke, idi tahe aòsiri ta arade biòròkre. Irahudi tahe arade biutxienykre, aòsiri tule, utxiena ersyna-di, irahudi inataõmy biwirareakre.
|
||||
\v 2 Tiubo iòldureny hãwahãkỹ weryràdỹỹ ririkreu, hãwãtya-ò makre, tai tahe arade sohoji inataõ urihixinarbi bisõkre tule aòsiri.irahudi tahe hãwahãkỹ werura-di mariakre tai tahe mayrehe-di arade uhe biruxmonykre, ijõ uhe tahe biu-txi idi behukre, tahe yhy ridykre. Tai tahe diarỹ wamayrehe-di tamy areakre.
|
||||
\v 3 Radeti-õ birarenykre tahe atyy ijeti-ò bitdikre.
|
||||
\v 4 Irahudi tahe radeti-õ bitakre, idi heòty-ò behukre ixinamy tai rookre. Heòty irbi ròhònykre, butumy Israel hãwãhãwa-my roberakre.
|
||||
\v 5 WaDeuxu rarybere: — Jerusalẽ hãwa-di ini beteheke. Butu bde bde tyamy resnyre tule iwitxira hãwãhãwãiweruramy reteòtenyre.
|
||||
\v 6 Kia tahe Jerusalẽ warybederamy rekoare, tai tahe hãwãhãwãwitxira rỹira ratyrehe, irybe siradỹỹmy relere, iny mahãdu iwerurarenymy rỹira ratyre warybesiradỹỹmy relenyre. Jerusalẽ warybe deramy rekoare, wabdeywidỹỹna rarsedỹỹderamy rekoare.
|
||||
\v 7 Wiji tahe Jerusalẽ mahãdu, boholawibenykre warybe-ò, diarỹ Deuxu rarybereri-ò. Wabededỹỹnana-ò teòbytenyõte tule aõmybo adeereny rarybere terarenytenyõte, taiki heka sõemy jei jei ixideereny tewahinyte, hãwãhãwãwitxira witxira ryira ratyre aweryrarenymy. Iwitxira iny rỹira bdedỹỹnana hakỹle tewinytenyte.
|
||||
\v 8 Taikita heka diarỹ Deuxu, umyreny rahitxireri. Diarỹ butu iny ruki aõbina bina renymy adeereny ararybekre.
|
||||
\v 9 Aõbina binahãkỹ tewinytenyte òraruki, Jerusalẽ, aõhỹkỹmy arasnyrenykre, tiu tuu rewinyõre tule tiu ixby tuu tamy ariwinyõtyhy.
|
||||
\v 10 Iiòrari-ki, Jerusalẽ-ki tby mahãdu tariòle riròrenykre, iriòre mahãdu tbyle riròrenykre. Diarỹ tuu aõhỹkỹmy arasnyrenykre, mobo irumy rarikre tahe bde bde-my ariubtỹnykre.
|
||||
\v 11 Taiki tahe, kaahe Deuxurybere: kaiboho waheto tebinanytenyte, aõbina binahãkỹ-di tule aõxuxu-di texunytenyte, taiki tahe kiamy rexirybenyre, arahurerekre adeereny aratòenymy aõkõ, adireny arawobruke ihoõre.
|
||||
\v 12 Inataõ butuna rbi, sohoji butuna rituekre, rbuna-di ta rmadesemy ijõra, hãwãwokile, ijõ sohoji butuna urihixina tasỹ, mayrehe-di rituekre, ahãwareny webròmy, ijõ inataõ urihixina tasỹ, yhyòle ariuberanykre tai tahe mayrehe-di iherenymy areakre.
|
||||
\v 13 -- Kai boho waruru ixiki bierybenykre, wadebure waehehe bierybenykre, wawo rihykrexiery ixãwikre. Kaa butumy rutỹỹnykreu, kaiboho biwatyhynybenykre, diarỹ kamy butumy adeereny raryberemy, kiemy sõemy tiwateburenytenyte, arybesiradỹỹrenydi.
|
||||
|
|
@ -0,0 +1,412 @@
|
|||
\id DAN
|
||||
\ide UTF-8
|
||||
\rem aut Ijeseberi
|
||||
\rem dat 2004
|
||||
\h Daniel
|
||||
\toc1 Daniel
|
||||
\toc2 Daniel
|
||||
\toc3 dan
|
||||
\mt1 Daniel
|
||||
\c 1
|
||||
\p
|
||||
\v 1 Inataõna wyramy Joaki Juda iòlò-my bede idi rỹire, Iòlò Nabuodonosoru Babilônio ludu, Jerusalë hãwamy raòhòterenyre, kia isodadureny riyrawonyrenyre ihãwareny.
|
||||
\v 2 Deuxu Tyhyhykỹ riwahinyre Nabuodonosoru rimykrelemy Jerusalë hãwãkia tule iaõnaõnareny tyhyhykỹreny Deuxu rybe-di ijohona heto-ki rỹimyhỹremy. Nabuodonosoru riwyre kaa aõnaõna Babilonia dee kia tuu rarybere iinỹxiwereny hetowo-ò rỹikremy.
|
||||
\v 3 Iòlò Nabuodonosoru rarybere Aspenaz dee, heto aõmysỹdỹỹdu wedu kia ritarenykremy israelita mahãdu brejumy dòidenyde kia aõtxi iòlò sỹreny jyre mahãdu kia tule iny ninihikỹ mahãdu sỹreny jyre mahãdu.
|
||||
\v 4 Kia ibutumy tii boho awihyylemy kia aõ taireny ibinanarenyõhyyrenymy; kia ibedeeryrenykre, kia ratohodỹỹrenykre kia ibedeerymy raõmysỹdỹỹnykremy iòlò heto aõmysỹdỹỹnaki. Kiata iwitxira rybe rieryrenykre kia ratyyritinyrenykre babilônio tyyriti-di.
|
||||
\v 5 Iòlò tule tarybe riwahinylere jyre mahãdu txuu iyhyõmy rirỹsỹrenykremy tii rirỹsỹrenyreõtyhyle riõmyhỹrenyreõtyhyle riõrenykremy. Irahudi tahe inataõ wyra rimyreny sỹtybymy, kaa jyre mahãdu taaõmysỹdỹỹreny iòlò aõmysỹdỹỹna heto riòrarunyrenykre taaõmysỹdỹỹreny.
|
||||
\v 6 Kia ikyrenyki ratamy ratximyhỹreny Danieli, Anania, Misael kia Azaria ibutumy Juda iny mahãdureny.
|
||||
\v 7 Aspenaz tamyreny iwitxiramy nii riwahinyre, kaa wahe, Beltezasar, Sadrai, Mesai kia Abede-Nego.
|
||||
\v 8 Danieli ixiki rahãre isuisumy rareõkremy kia rỹsỹna rỹsỹ-ki mona momoki kia iòlò riwahinymy raremyhỹ; iurenana tahe rare Aspenaz-ò ixitòedỹỹmy riwiòhenanykremy tuu riwinykremy timybo rexiywinykremy.
|
||||
\v 9 Deuxu tuu riwinyre Aspenaz awityhymy ratxikremy Danieli dee kia awihyymy tamy ratxikremy.
|
||||
\v 10 Kiata Aspenaz ruberumyhỹ iòlò lau iurenana Danieli dee rarybere: Kia iòlò heka wawedu tuu rarybere: — aõbo kai boho birỹsỹbenykremy biõbenykremy. Kia txibo rierykreki kai boho adeõdeõmy awebinadurenymy adireny retehekre kia iwitxira jyre mahãdureny-ribi, taita tii riwarubunykre, kia tahe kai boho waòrarurenydỹỹrenydukre.
|
||||
\v 11 Tai Danieli rare rybemy ixidireny itxeredu dee sodadu kia Aspenaz-ò rarybere idireny tarukimy ratxirenyre dee Anania, Misael kia Azaria. Danieli rarybere tamy:
|
||||
\v 12 — Adee arexitòenykre kai urihixina wadeereny biwinykremy. Debòitue txumy wadeereny rỹsỹna wityhyle biwahinykre kia bee wamonarenymy.
|
||||
\v 13 Debòitue txu ixihudu iòhò-di wadireny betehekre kia jyre mahãdu iòlò rỹsỹna rirỹsỹrenyre mahãdureny-wana. Taita timybo aratxirenykre-ki, kai aõwaxina aõhebo ixideewimy biwasỹnybenykre.
|
||||
\v 14 Sodadu idi itxeredureny tamy reobyre kiata debòitue txu-my urihixina tamyreny riwinyre.
|
||||
\v 15 Debòitue txu rexihureu inaubiòwa israelita jyre mahãdu idewidewimy kia iruruterenytyhymy ratxirenyre kia jyre mahãdu iòlò rỹsỹna rirỹsỹmyhỹrenyre-ribi.
|
||||
\v 16 Taita sodadu idi itxeredureny iribireny rỹsỹna kia mona besò ritarenyre kia riwahinymy raremyhỹ inaubiòwa jyre mahãdu-ò kiata rỹsỹnawityhyle tamyreny riwahinymy raremyhỹ.
|
||||
\v 17 Deuxu riwahinyre inaubiòwa jyre mahãdu-ò bedeeryhykỹ sõetyhymy ityyritireny kia babilônio bededỹỹnana, ka Danieli dee tule riwahinylere rasina itxerena riòbitinymy rarekremy.
|
||||
\v 18 Inataõ wyra konanamy raixinadỹỹmy ratxirenyre kia iòlò Nabuodonosoru tuu riywinyre, Aspenaz ridyre ibutumy jyre mahãdu iòlò itxerenamy.
|
||||
\v 19 Kiata tamyreny rarybere, kia ibutumy inyõ ihoõhyyrenyre mobo raurihirenykemy Danieli-wana, Misael-wana kia Azari-wana. Iurenana iòlò aõmysỹdỹỹna hetowo-ki raõmysỹdỹỹnyrenyre.
|
||||
\v 20 Kia ibutumy iòlò alỹỹraxi riwinymyhỹre aõtxile aõ ijyy bedeeryhykỹ yda aõnaõna erynana. Kia rierymy idi rekoamyhỹrenyre iny inaubiòwa boho, debòituemy ixyby ibedeeryreny kia ibutumy ibedeeryrenyre jure mahãdureny-ribi kia ibutumy babilonia urerarudu mahãdureny-ribi.
|
||||
\v 21 Kia Danieli ratxire iòlò aõmysỹdỹỹna hetotyhyki kia iòlò ciro riòrarunyre bedeuhukỹle Babilonia riwedunyre.
|
||||
\c 2
|
||||
\s1 Nabuodonosoru Rarasinyre
|
||||
\p
|
||||
\v 1 Inatxina wyramy bede Nabuodonosoru Babilonia iòlòmy ratximyhỹ, tii rarasinyre kia tahe inihikỹmy ritõhõtiyrenyre, kia rõrõõhyyre.
|
||||
\v 2 Taita rarariowyre bedeery mahãdu deereny, urerarudu mahãdu deereny, hàri mahãdu deereny kia biu bede-di erydỹỹdu mahãdu deereny, kia tii boho riòbitinyrenykremy irasi. Ritehemynyrenyreu kia iòlò dee rexideòsinyreny.
|
||||
\v 3 Kia tii tamyreny rarybere: — Rarasinyre kia sõemy riwanohõtiyrenyre kiata tiu ywimy aratxiõtyhy kia arierykõmy aõmybo rarybereri.
|
||||
\v 4 Tii boho raryberenyre iòlò dee aramaico rybemy: — Kia iòlò ikiehyymy ratximyhỹre! Rexitòenyrenyreri adee wakoreny belyykremy arasimy irahudi tahe diarỹ boho arelyyrenykre ako aõmybo tarasinytemy.
|
||||
\v 5 Ka iòlòta rirawyònyre: — Diarỹ tuu reywinyra kai boho wako belyybenykremy kia tule biòbitinybenykre aõmybo rarybereri. Txibo tuu wako belyybenyõbenykre-wana, kai boho mayreyremy makròkròbenykre, kia ahetoreny rexihurenykre.
|
||||
\v 6 Ka txibo wako beleyybenykeki warasimy kia biòbitinybenyke aõmybo rarybereri, diarỹ ariwahinyke aõnaõna wiwihikỹ sõemy. Kiaremyta, tuu wadee manarybedenyke aõmybo rarasinyra kia aõmybo warasi rarybereri.
|
||||
\v 7 Kia ibutumy bedeery mahãdu ixyby raryberenyre: — Bedelyyke arasimy, kia tahe diarỹ boho adee tuu araryberenykre aõmybo arasi rarybererimy.
|
||||
\v 8 Ka iòlò tahe rõhõtiõre: — Diarỹ araeryrenyreri aõbo tewinytenyterimy. Kia bede raroorehenykemy tesỹnytenyteri kiemy dori bede teerytenyte aõbo ariwinykremy watxireri,
|
||||
\v 9 kia txibo kai boho wako beleyyõbenykreki warasimy, kia ibutumy adeereny rarytxyna wiwesetyhyle ariwahinykre. Kai boho bede widee teywinytenyta biwabònybenykremy roi bòdỹỹna òtaòta-di, kia bededỹỹnana raixawidỹỹkemy. Wako warasimy bedelyydenyke, taita diarỹ arierykre kia tule ariòbitinykre aõmybo rarybere.
|
||||
\v 10 Bedeery mahãdu rirawyònyrenyre iòlò myỹ: — Tiu inyõ bede bede-my ratxire ibedeerymy riwinyõtyhy aõmybo teateri. Tiu iòlòõ tuõhyyre, iruruteretyhymy ibedeerytyhymy ratxire, tuu rexitòenyke aõkõre kawese bededỹỹnanamy tabedeeryrenydee, taurerarudurenydee yda biu-di aõmysỹdỹỹdurenydeereny.
|
||||
\v 11 Aõmybo kai teateri heka isiratyhyre. Kia inyõ ihoõre mobo aixitòedỹỹna riòbitinykemy, aõhebo tahe ỹnyxiwe, urile tahe wawanareny rasỹnyõmyhỹre kaki su-ki.
|
||||
\v 12 Iòlò sõetyhymy reburere, kia ibutumy bedeery mahãdu Babilonia ludu rirubunyrenykremy rarybere.
|
||||
\v 13 Rybe tuu ibutumy raritidỹỹmy relere, taita ròirenyre Danieli òrysymy kia iijoireny òrysymy kia tii boho rururenylekremy.
|
||||
\s1 Deuxu Ritỹnynynyre Danieli Dee Aõmybo Rasi Raryberemy
|
||||
\v 14 Danieli rare Arioque itxesemy, iòlò sodadu wedu, kia rybe rimyre dee bedeery mahãdu Babilonia ludu ibutumy rururenykremy. Rexiòhãrunymy ywimy
|
||||
\v 15 -Danieli rỹỹraxire Arioque dee: — Aõherekibo iòlò tarybe iutxietyhymy kawesemy riwahinyra? Arioque riòbitinyre aõhebo rutỹỹnyremy.
|
||||
\v 16 Taita Danieli rare iòlò dee rybemy, kia tahe tamy reobyre riraõkremy, kia Danieli riòbitinykemy irasi.
|
||||
\v 17 Irahudita Danieli rare taheto-ò kia relyyre ibutumy tabiòwareny-ko Ananias, Misael kia Azarias.
|
||||
\v 18 Danieli rarybere kia rexitòenyrenykremy Deuxu biu ludu-ò, idireny rawobrurenykremy kia tamyreny ritỹnynynykremy aõmybo kua rasi ieryõnahãkỹ rarybereri, tai Danieli tabiòwareny boho-wana rururenyõrenykremy ibutumy Babilonia bedeery mahãdureny-wana.
|
||||
\v 19 Kua ruu Danieli rarasinymy retehemyhỹ taita Deuxu tamy riteòsinyre aõmybo rasi raremy. Taita Danieli Deuxumy reàlàre
|
||||
\v 20 myỹ rarybemy: “Kia Deuxuni-my ikiemy turybewihikỹ rỹimy rarekre, kiemy dori tai bedeeryhykỹ kia ruruterehekỹ ijõdire.
|
||||
\v 21 Kia tii heka riwiuròwiurònymyhỹre bede aõnaõna; kia tii heka iòlò mahãdu dee ruruterehekỹ ritidimyhỹre kia tii ririòwydỹỹnymyhỹre; kia tii heka aõeryna riwahinymyhỹre aõerydu mahãdureny-ò kia bedeery bedeeryrenydureny-ò.
|
||||
\v 22 Tii riòbitinymyhỹre aõ iwasimy itỹnyõmy rỹimyhỹre kia rierymyhỹre aõbo iwasimy roimyhỹre bedeluruki, kiemy dori tii-wana bede loosona rasỹnymyhỹre.
|
||||
\v 23 Wahỹỹnareny Deuxu, diarỹ umy reàlàre kia umy awihikỹmy rarybereri, kiemy dori wadee tewahinyte bedeery kia ruruterehekỹ. Kai terawyònyte waixitòedỹỹnareny, wadeereny teteòsinymy aõbo iòlò rierykemyreri.”
|
||||
\s1 Danieli Rasi Riòbitinyre Iòlò Dee
|
||||
\v 24 Tai Danieli rare Arioque itxesemy, iòlò deòdu rybe rimyre iòlò-ribi Babilonia bedeery mahãdu rururenykremy. Danieli rarybere: — Arioque, uritre bedeery mahãdu rubudỹỹõmykre. Biwadyke iòlò dee ararybekremy, kia diarỹ tamy ariòbitinykre tii rarasinyremy.
|
||||
\v 25 Arioque wytyhylemy Danieli ridyre tibedekibo iòlò ratximyhỹ-ò kia tamy rarybere: — Kaa wawana ratxireri judeu mahãduõ iny boho brejumy didydenyde, kia tii adee riòbitinykre rasimy tarasinyte.
|
||||
\v 26 Iòlò rỹỹraxire Danieli dee, kia tule Beltezasar-my raninilere: — Kai aõbo wako belyykre warasimy kia biòbitinykre aõmybo tii rarybereri?
|
||||
\v 27 Danieli rirawyònyre: — Bedeery mahãdu ihoõre, urerarudu mahãdu, hàri mahãdu kia biu bededỹỹnana-di aõmysỹdỹỹdu ihoõrenyre adee riòbitinyrenyke tuu kai teaterimy.
|
||||
\v 28 Ka Deuxu biuki ratximyhỹre tahe aõnaõna iwasimy rỹimyhỹre riòbitinymyhỹre. Kia rasi-ribi tii araerynanyre aõhebo bede rutỹỹnykre ijõ wyra wyra bede bedemy. Ka tahe Iòlò, diarỹ ariòbitinykre arasi kia tuu tabitemy tarõmyhỹ wana-wana.
|
||||
\v 29 –Kai aherinatyreki taimyhỹ kia tahe taraykynymy aõbo ijõ wyra bede bedemy rỹikremy. Kia kua aõwasi wasi riòbitinymyhỹre adee riteòsinyre aõhebo bede rutỹỹnykremy ijõ wyra bedeu.
|
||||
\v 30 Kia diarỹ reeryre iwasimy rỹimyhỹre ariòbitinykremy, kia diarỹ wabedeerytyhyrerimy aõkõ ibutumy hãbu mahãdureny-ribi, ka kai bierykremy aõmybo tarasinyte kia aõmybo taraykynymy taimyhỹ Iòlò.
|
||||
\v 31 Kai aõmamy tabite ritxoo nihikỹ làmamy rỹimyhỹmy, kia akoki rỹimyhỹ. Ritxoo rarỹsỹnymy rỹimyhỹ, kiata ilau taberute.
|
||||
\v 32 Irati heka mana rỹsỹhỹkỹtyhy re, ibreti tera tahe mana rỹsỹ òtaòta rare, iwe irooti tahe iwitxira mana rỹsỹ òtaòtaõle rare,
|
||||
\v 33 iti tahe womati rare, kia iwa tahe iweeremy womati rare, kia ijõ weere tahe suu rare.
|
||||
\v 34 Kia kai idi tetehemyhỹ wana-wana, manaõ nariòwymy nade hãwalò rarie-ribi, kia inyõ ritorunyrerimy aõkõ. Mana rariowyre ritxoo làmamy rỹireri watyre kiata riyreyrenyre.
|
||||
\v 35 Kia aõtamaõkõ womati, suu, mana rỹsỹtyhyhykỹ suỹnysi wesemy relerenyre, kia iwese suỹnysimy tabimyhỹtenyte wesemy maini tehãtemyhỹtenyte wesemy iti-ribi rahitxidỹỹmyhỹre wesemy. Yhy ibutumy ridyrenyre, kia tai aõ rariõhyymy. Ka mana tahe ranihikỹre kia tahe hãwalò nihikỹmy relere, kia ibutumy bede bede ratyremy ròhònyre.
|
||||
\v 36 Kaa heka arasi rare, ka tahe wiji adee ariòbitinykre.
|
||||
\v 37 Iòlò kai heka abedeerymy aruruteretyhymy tahònyte iòlò mahãdu ratyre-ribi, kia Deuxu biuludu heka iòlòmy arasỹnyre; tii adee riwahinyre bedeery nihikỹ, wedu nihikỹ tyhydỹỹnamy mabekremy.
|
||||
\v 38 Tii adee riwahinyre ibutumy bimykremy iny mahãdu, iròdu iròdu, kia nawii nawii. Kai heka arati mana rỹsỹhỹkỹ-di telemy atximyhỹte.
|
||||
\v 39 Iòlòmy atximyhỹte-ribi ixyby iòlòõ ijõdikre kia iruruteretyhyke tahe aõkõre awesemy; kia ka iòlò hewomy ixyby iòlòõ ijõdikre, iwitxira mana rỹsỹ òtaòta iòlò kia ibutumy bede bede rimykre.
|
||||
\v 40 Irahudita inaubiòwana iòlò kanakre, kia tii tahe iruruteretyhykre womati wesemy, kia rikròmy ibutumy riyreyrenymy, kaa iòlò heka ibutumy iwitxira iòlò mahãdu bede bedemy rỹimyhỹrenyre rahurenykre.
|
||||
\v 41 Ritxoomy tabite, iwamy iwajuhumy iweeremy womatimy ijõdire, ijõ weere su-my. Kia heka kaa iòlò boho rawirarearenykre tuu rikeitxenyre, kia tahe ijõdikre womati ruruyreõ; kia tuu tabitemy, womati raurimy roimyhỹ su-wana.
|
||||
\v 42 Kia iwa juhu weere womati ijõdire, ijõ weribi iruruterekre, ijõ weribi iruru iyjakre.
|
||||
\v 43 Kai Iòlò tabite, womati raurimy roimyhỹ su-wana, kia heka tuu rikeitxenyre, iòlò mahãdu ributunyrenykemyreri hãwyy-my heri-ribi. Ka womati tahe widee rabutuõmyhỹre su-wana, iwese tahe iòlò mahãdu widee rabuturenyõkre.
|
||||
\v 44 Ka mahãdu iòlò bedeu Deuxu biuludu kiditỹnynynykre iòlòõ kia tiu rexihuõtyhy kia tiu ijõ iòlò rimyõtyhy. Kia iribiòtumy, kaa iòlò rahukre ibutumy iwitxira mahãdu iòlòreny kiata ikiemy rarekre.
|
||||
\v 45 Kia heka tuu rikeitxenyre iòlò mana-my tabite hãwalò rarie-ribi nariowyde inyõ ritorunyrerimy aõkõ, kia ribòhòbòhònyre ritxoo womati-di relere, iwitxira mana rỹsỹ òtaòta-di relere su-di relere kia mana rỹsỹhỹkỹ-di relere. Deuxu Nihikỹ adee ritỹnynynyreri aõhebo bede rutỹỹnykre ijõ wyra bedeu. Kamy heka tarasinyte, kaa heka iòbitidỹỹna òbitityhy rare.
|
||||
\s1 Danieli Runyre Iòlò Deòdutyhymy
|
||||
\v 46 Taita iòlò Nabuodonosoru tatiòhumy resere Danieli koki kiata taòsỹny su-ò ritidire, irahudita rarybere Danieli dee xiwena relekremy.
|
||||
\v 47 Kia tii rarybere Danieli dee: — Deuxu-my kai boho terinanymyhỹtenyte inatyhymy ibedeerytyhyre ibutumy ỹnyxiwe mahãdu-ribi, kia tii heka ibutumy iòlò mahãdu tyhydỹỹna rare. Diarỹ reeryre tii riòbitinymyhỹremy aõ iwasimy rỹimyhỹre, kia kai wadee teòbitinyte kaa rasi ieryõnana.
|
||||
\v 48 Ilemyta iòlò risỹnyre Danieli wedu rarie nihikỹmy kia tule sõemy tamy aõnaõna òwyhykỹ riwahinyre. Tii risỹnyre Danieli Babilonia wedumy kia risỹnyre ibutumy bedeery mahãdu hãwãhãwamy rỹimyhỹrenyre wedurenymy.
|
||||
\v 49 Danieli ixitòedỹỹna-ki, iòlò risỹnyrenyre Sadrai, Mesai kia Abede-Nego Babilonia aõmysỹdỹỹdu wedurenymy; Danieli tahe iratyrerenyki irariemy runyre iaõmysỹdỹỹna.
|
||||
\s1 Mana Rỹsỹhỹkỹ Ritxoo
|
||||
\c 3
|
||||
\p
|
||||
\v 1 Iòlò Nabuodonosoru tuu rarybere relekremy mana rỹsỹhỹkỹ ritxoo, kia 27 metro-my irarie, inataõ metro-my iwebese, kia tuu rarybere Durá bedeki rỹikremy Babilonia hãwaki.
|
||||
\v 2 Irahudita rarybere ibutumy Hãwãwedu wedu, hãwãsõmo sõmo wedu, nieru-di aõmysỹdỹỹdu mahãdu, dohodỹỹdu mahãdu deereny kia deereny ibutumy wedu wedu mahãdu ydòidenykremy mana rỹsỹ ritxoo relera-ò itxeremy.
|
||||
\v 3 Ibutumy tii boho dòidenyde kia làmamy ritàmanyrenyre mana rỹsỹhỹkỹ koki.
|
||||
\v 4 Kiata turybedu iòrarudỹỹdu rarybere katxiterehekỹmy: — Ibutumy iny mahãdu hãwãhãwa, iwitxira mahãdu, irybereny witxira mahãdu!
|
||||
\v 5 Kia boholabenykreu wiu wodỹỹna-ò, ajuròna wodỹỹ-ò, kia wodỹỹna òtaòta-ò, ibutumy atiòhumy bejujubenykre kiata berinanybenykre mana rỹsỹhỹkỹ ritxoo-my kia iòlò Nabuodonosoru relekremy rarybere.
|
||||
\v 6 Mobo tatiòhumy reseõkre kia mana rỹrỹhỹkỹ ritxoo-my rerinanyõkre kia idi dehu rỹikre iutyhyle ijyrena loosona-ò.
|
||||
\v 7 Kawesemy wiuna wiu wodỹỹna-ò, ajuròna wodỹỹ-ò, kia wodỹỹna òtaòta-ò, sitara wodỹỹna rawodỹỹnyreu, kia ibutumy iny mahãdu tai rỹimyhỹreny tatiòhumy reserenyre kia mana rỹsỹhỹkỹmy rerinanyrenyre.
|
||||
\s1 Danieli Biòwa Boho Rybemy Reòbyrenyõre
|
||||
\v 8 Kawese bedeu biu-di aõmysỹdỹỹdu mahãdurenyõ tai irutaõmy rahãrenyre judeu boho-my raryberenykremy.
|
||||
\v 9 Tii boho raryberenyre iòlò Nabuodonosoru dee: — Kia iòlò ikiemy ratximyhỹre!
|
||||
\v 10 -Kai arybe tewahinyte myỹ: “Kia wiu wodỹỹna-ò roholarenykreu, wiu wodỹỹna-ò, ajuròna wodỹỹ-ò, kia wodỹỹna òtaòta-ò, sitara ibutumy tatiòhumy reserenykremy kia mana rỹsỹhỹkỹ RITXOO-MY RARINANYRENYKREMY.
|
||||
\v 11 mobo kaa rybe rityhynyõkre idi dehu rỹikre ijàrena loosona-ò”.
|
||||
\v 12 kai heka tesỹnytenyte judeu mahãdurenyõ Babilonia aõmysỹdỹỹdureny wedurenymy. kaa judeu mahãdu Sadrai, Mesai kia Abede-neko aratyhynyrenyõhyyre, rityhynyrenyõhyyrenyreri aỹnyxiwe my kia rerinanyrenyõhyyrenyreri mana rỹsỹhỹkỹ ritxoo-my kai relekremy tuu tarybete.
|
||||
\v 13 kamy roholareu nabuodonosoro reburere kia rarariowyre Sadrai dee Mesai dee kia abede-nego dee. tii boho radyrenyre tikibo iòlò ratximyhỹ-ò,
|
||||
\v 14 kia tii tamyreny rarybere: — Inatyhy weriki kai boho waỹnyxiwe tetyhynyõhyytenyte kia terinanyõhyytenyte mana rỹsỹhỹkỹ ritxoo diarỹ relekremy tuu rarybere?
|
||||
\v 15 -Kiahe awire, ka tahe kai boho texiywinymy toite wiu wodỹỹna-ò, ajuròna wodỹỹ-ò, kia wodỹỹna òtaòta-ò, sitara. atiòhumy besebenykremy kia berinanybenykremy mana rỹsỹhỹkỹ-my, kia wiuna wodỹỹna rawodỹỹnykreu? Tuu biwinybenyõkreki kai boho adireny dehu rerỹikre iutyhyle ijàrena loosona-ò. Tiwesena ỹnyxiwebo tahe arahedỹỹnyrenykre?
|
||||
\v 16 Sadrai, Mesai kia Abede-Nego kawesemy rirawyònyrenyre: — Iòlò, diarỹ boho arexiijerenyke aõkõre.
|
||||
\v 17 Kia txibo waDeuxureny, tuu rerinanymyhỹrenyre tamywikeki, tii riwahedỹỹnyrenykre ijàrena loosona-ribi, kia arurutere-ribi riwahedỹỹnyrenykre Iòlò.
|
||||
\v 18 Kia waDeuxureny riwahedỹỹnyrenyõkre hãrele, kai bede bierykre diarỹ boho arityhynyrenyõkre aỹnyxiwe kia arerinanyrenyõkre mana rỹsỹhỹkỹ ritxoo-my, kai relekremy tuu tarybete.
|
||||
\s1 Inataõ Weryrybò Boho Heòty Looso Woki
|
||||
\v 19 Kawesemy roholareu, Nabuodonosoro inihikỹmy iky reare inataõ jyre mahãdu dee, kia urile reburemy ratxònyhỹkỹre, kia rarybere ixyby debòinatxi sõemy ratoteekremy ijàrena dena.
|
||||
\v 20 Irahudi rarybere tasodadureny iruruteretyhy ritaarenykremy Sadrai, Mesai kia Abede-Nego kia idireny dehu rỹikremy ijàrena loosona-ò.
|
||||
\v 21 Jyre mahãdu inataõ, ibutumy tatyyreny-di rexityynyrenymy tayhyitxenareny-di kia tatyyreny òtaòta-di, rataataarenyre kia idi dehureny rỹire ijàrena loosona-ò.
|
||||
\v 22 Iòlò rybe heka ratyhydỹỹre, ijàrena looso tahe itòteetyhymy roimyhỹ; iurenana heka heòty rade sodadu mahãdu rirubunyrenyre kia rehurenyre jyre mahãdu inataõ-di iro-ò.
|
||||
\v 23 Kiata rataataarenymy Sadrai, Mesai kia Abede-Nego ijàrena loosoro-ò rejujurenyre.
|
||||
\v 24 Isitere-ribile Nabucodonosor rexilàmadỹỹnymy, kia sõemy ruberumy rỹỹraxire tadohodỹỹdureny mahãdureny-ò: — Inataõ aõkõ aõbo hãbu mahãdu retaataarenymy inyboho ijàrena loosona-ò idi rehurenyre? — Kohe, tuu— Tii boho rirawyònyrenyre.
|
||||
\v 25 –Timybo tahe diarỹ inaubiòwamy hãbu sõemy rabireri rariarenymy ijàrena loosoroki? — iòlò rỹỹraxire. — Tii boho rariarenyreri kua woki, aõhỹỹmy rutỹỹnyrenymy aõkõ. Inaubiòwa hãbu aõhe-wana ãju rare.
|
||||
\v 26 Taita iòlò rehemynyre ijàrena loosona ijo bire-ò kia ryryre: — Sadrai, Mesai kia Abede-Nego, Deuxu Rariehekỹ deòdu, bòdòhònydenyke ka-ò bòdòike! Iny inataõ ijàrena loosona-ribi dòhònydenyde,
|
||||
\v 27 kia ibutumy wedu ninihikỹ mahãdureny ityyreny-ò ritehemynyrenyre kia robirenyre heòty aõhỹỹmy risỹnyrenyõhyylerenyre. Heòty rade iradetireny riwosinyõhyyrenyre, ityyreny roomy aõkõ idi ratximyhỹreny, kia tii boho wàdà silỹny-di aõkõ ratximyhỹreny.
|
||||
\v 28 Iòlò ryryre: — Kia Sadrai Deuxu, Mesai kia Abede-Nego tuu rỹihyymy rarekre! Tii tatyytyby ãju diteònymy rihedỹỹnyrenyre tadeòdureny, kia tii boho rityhynymyhỹrenyre. Tii boho warybe wahidỹỹnana-ò reòbyrenyõhyyrenyre; kia iribiòtumy, rubu-ò rexiwahinyrenyre kia tatiòhurenymy reserenyke-ribi kia ỹnyxiwemy rarerinanyrenyke-ribi kia heka iỹnyxiwereny aõkõ rare.
|
||||
\v 29 Iurenana warybe rewahinyreri aõtxile inyõ, iwitxira hãwãhãwãludu ibinabinamy rarybekre Sadrai Deuxu-my, Mesai kia Abede-Nego Deuxurenymy, kia rayreryremy rakròkròrenykre kia ihetoreny ibutumy rejujurenykre. Kiemy dori iwitxira Deuxu ihoõre kawesemy rihedỹỹnyrenyke.
|
||||
\v 30 Taita iòlò Nabuodonosoru jyre mahãdu inataõ risỹnyrenyre iõmysỹdỹỹnareny ixyby ratyhydỹỹrenykremy Babilonia hãwãbedeki.
|
||||
\c 4
|
||||
\s1 Nabuodonosoru Iwitxiramy Rarasinyre
|
||||
\p
|
||||
\v 1 Iòlò Nabuodonosoru riwahinyre iny mahãdu dee ibutumy hãwãhãwãbede bede-ò, myỹ rarybemy: — Bedesawihikỹ kia bedeywihikỹ ibutudeereny!
|
||||
\v 2 Kia bierybenykre ibutumy aõnaõna wiwihikỹ bedeòtiidỹỹna Deuxu Rariehekỹ riwinyre wadee waweribi-ò.
|
||||
\v 3 Inihikỹre ibedeòtiidỹỹnana, kia aõnaõna tii riwinyre heka brebunahãkỹ rare! Kiemy dori tii Iòlò ikiemy nodu rare kia ikiemy wedumy rarekre.
|
||||
\v 4 Kia tarybe ritõranyre: — Diarỹ Nabuodonosoru, awityhytyhymy waõmysỹdỹỹnaki watximyhỹ, kia ibutumy awihyymy raremyhỹ.
|
||||
\v 5 Kia rumy rarasinyre kiata riwanohõtiyrenyre. Rarõmyhỹ-wana, raykymy aõnaõna binabinahãkỹmy rabimy waumy ritòbònyre.
|
||||
\v 6 Iurenana rarariowyre ibutumy Babilonia bedeery mahãdu-ò, kia tii boho wadee warasi riòbitinyrenykremy.
|
||||
\v 7 Taita bedeery mahãdu dòidenyde, urerarudu Mahãdu, biu bede-di aõmysỹdỹỹdu mahãdu kia hàri mahãdu, kia diarỹ ikoreny warasimy relyyre, kia ijõrenyõ wadee riòbitinyõhyyrenyre.
|
||||
\v 8 Ikonanau tahe Danieli dehemynyde kia raerylemyhỹre Beltessazar-my, kia nii tamy rewahinyre waỹnyxiwe deewihikỹmy. ỹnyxiwe tyytyby tai ratximyhỹre, kia iurenana diarỹ warasimy iko relyyre. Diarỹ rarybere:
|
||||
\v 9 Beltessazar, urerarudu mahãdu wedu, diarỹ araeryre ỹnyxiwe tyytyby aki ratximyhỹre kia aõ iwasiõhyyre kai tuu biòbitinykre. Iurenana ako arelyykre warasimy kia wadee biòbitinykre aõmybo rarybereri.
|
||||
\v 10 Diarỹ herinaki herimy raimyhỹ kiata isitere-ribile aõnaõnamy rabire. Tai bederade rarie nihikỹmy rabire, rabròmy rỹimyhỹ bedetyahãkỹ-ki.
|
||||
\v 11 Bederade ranihikỹmy rare kia ranihikỹre biuwetyyòhòkỹ rỹire kia heka inihikỹtyhyre, kia aõtxile bede bede-ribi tu robixi rỹire.
|
||||
\v 12 Txiru rade heka iruxerare, kia tii sõemy raratynyre, kia ibutumy iny mahãdu iribile riroxirenyre. Iròdu iròdu debure mahãdu rexielehynymy rỹimyhỹreny iubròrò rawoki, nawii nawii iruru sõmo sõmo-my rasinymy rỹimyhỹreny, kia ibutumy iròdu iròdu, nawii nawii, iny mahãdu iratymy riroximy rỹimyhỹreny.
|
||||
\v 13 Diarỹ rarasinymyhỹ wana-wana, kia isitere-ribile rabire Deuxu tyytyby anju-my kia biu-ribi desedeu
|
||||
\v 14 kia rarybemy katxiterehekỹmy: “Bederade-di behuke, irurururu biyròke, Txiru rade bihebenyke kia iraty-di ahãna-ò behuke. Iròdu iròdu bisonybenyke kia iubròrò-my rexielehynymy rỹirenyreri kia nawii Nawii iruru-my rỹirenyreri.
|
||||
\v 15 Ka iòkre tahe biribenykre kia iraruti biribenylekre kiata bitaabenykre Womati reruti-di kia womati reruti witxira-di, kia bedeyky debure yky Bederahyki. Kawesemy tahe nonoe tuu ityre resemy rarekre kaa iòkre-txi, — kaa hãbu— Kia tii rirỹsỹnymy rarekre asi iròdu iròdu wesemy.
|
||||
\v 16 Tii irayky rusakre kia tahe iròdu wesemy raraykynymy rarekre; debò inatxi wyra sõemy kawesemy bede riekre.
|
||||
\v 17 Kaa heka Deuxu tyytyby tuu rarybere, Anju biuludu itxeredu, kia iny Mahãdu ibutumy rieryrenykremy Deuxu Rariehekỹ ibutumy bede bede hãwãHãwãrimymy ratxiremy. Tii wahinymyhỹre kaa iòlòna inydee ixideewimy, Kia iny iityhymy ratxire ibutumy hãbu mahãdu-ribi.”
|
||||
\v 18 Kia Nabuodonosoru tarybe rahure myỹ: — Kamy heka diarỹ rarasinyre, kia wabedeerydu mahãduõ wadee riòbitinyõhyyreri aõmybo rarybereri. Ka kai tahe Beltesaazar, wadee bidiòbitinykre kiemy dori ỹnyxiwe tyytyby aki ratximyhỹre. Kiaremyta, bidiòbitinykre warasi aõmybo rarybereri.
|
||||
\s1 Danieli Rasi Riòbitinyre
|
||||
\v 19 -Tamy roholareu Danieli, tule raerylemyhỹre Beltessazar-my, kia ruberure iurenana aõmy rõhõtinyõhyyre. Iòlò tamy rarybere: — Beltessazar, uritre nohõtiyreõmy rasimy kia aõmybo raryberemy. Ka Danieli rirawyònyre: — Iòlò, mobo tahe ryrybere rasi aõmybo rarybere abededỹỹnanamy aõkõ, kia tahe aòludu mahãdu bededỹỹnanamy rarybere!
|
||||
\v 20 Kai tabite bederade nihikỹmy rararienyre rararienyrehyy biuwetyyòhyy rỹire kia heka inihikỹtyhyre, kia tuu alobixi rỹire aõtxile bede bede-ribi hãwãhãwa-ribi.
|
||||
\v 21 Irade txiru heka iruxerarenyre, kia sõemy raratynyre, ibutumy bede bedemy iny rỹira iribi riroxirenymy. Iròdu iròdu debure rexielehynymy rỹimyhỹ iubròròmy, kia nawii nawii iruru-my tasina riwinyrenymy rỹimyhỹreny.
|
||||
\v 22 Kua bederade wahe, kia heka kai tate. Kiemy dori arurutere kai aruruteremy abedeery nihikỹmy texirahorete, kia aixỹdinodu sõemy ranihikỹre, kia biurawetyyòhòkỹle rehemynyre, kia hãwãhãwãibutumy temyte bede bede-my roberare.
|
||||
\v 23 Kai tabilete anju itxeredumy biurawetyy-ribi rubeheremy kia rarybemy: Biatyke bederade kia ibutumy iruru sõmosõmo biòròkre, kia iòkre tahe iraruti-wana biribenykre kiata womati reruti-di womati reruti witxira-di bitaataabenykre, kia ratxikremy asiyky debure tyaki, bedeykyki. Kawesemy nonoe rejujukre kaa hãbu tyre, kia tii tahe rirỹsỹkre iròdu iròdu rirỹsỹmyhỹrenyre. Debò inatxi wyra sõemy tii kawesemy bede riekre.”
|
||||
\v 24 Kia Danieli tarybe ritõranyre: — Ka tahe adee ariòbitinykre. Kaa rasi heka Deuxu Rariehekỹ tuu bede riywinyre aòludumy Iòlò.
|
||||
\v 25 Kai heka beokre iny mahãdu yky-ribi kia masỹnymy mabekre iròdu iròdu debure mahãdu-wana. Kai asi rade biròmy mabekre broreni mahãdu wesemy, bedetyaki morõmy mabekre kia nonoe aratuunymy rarekre. Kia heka debò inatxi wyra sõemy bede biekre, kia tahe ihyy kai bede ixyby bierykre Deuxu Rariehekỹ ibutumy iòlò bede bedemy rỹimyhỹre riwedunymyhỹremy, kia iòlò-my hãbu risỹnymyhỹre tii ixideewimy.
|
||||
\v 26 Anju tuu rarybere kia rarikremy bederade òkre tararuti-wana, kia kai ixybyle iòlò-my bunykre, kia heka tiubo kai marybekreu Deuxu ibutumy bede bede riwedunymyhỹremy.
|
||||
\v 27 Iòlò wadohodỹỹna-ò beòbyke. Òraruna widỹỹ-ribi ixawike kiata aõ òbitimy biwinyke; aaõbinabina mahuke kia iny iaõkõmy rỹimyhỹrenyre biwiòhenanyke. Kawesemy tahe aõhe-wana kai ywimy kia abedesamy matxikre.
|
||||
\v 28 Kia inatyhymy ibutumy tuu rutỹỹnyre iòlò Nabuodonosoru dee.
|
||||
\v 29 Waò inatxi wyra sỹtybymy, tii rariamy ratximyhỹ taõmysỹdỹỹna hetowoki Babilonia hãwaki.
|
||||
\v 30 kia rarybere: — Timywe inihikỹre Babilonia hãwa! Warurutere nihikỹ-di diarỹ rewinyre waiòlò aõmysỹdỹỹna hãwa-my, kia ariteòsinykremy ibutumy waõmysỹdỹỹ nihikỹ kia waaõwiwi.
|
||||
\v 31 Iòlò rarybemyhỹ wana-wana iu rybe wodỹỹ biurawetyy-ribi nade, kia rarybere: — Boholawike, iòlò Nabuodonosoru! Kaa hãwãtewedunymyhỹte ahõrõmy aõkõ wiji rare.
|
||||
\v 32 -Kai heka beokre iny mahãdu yky-ribi, kia iròdu iròdu debure mahãdu-wana masỹnykre, kia asimy biroximy mabekre broreni wesemy. Kia heka debò inatxi wyra sõemy bede tuu biekre, ihyy tahe kai ixyby bierykre Deuxu Rariehekỹ ibutumy iòlò mahãdu bede bedemy hãwãhãwãriwedunymyhỹremy, kia tii iòlò-my iny ixideewimy risỹnymyhỹre.
|
||||
\v 33 Kua bedeutyhyle tuu rutỹỹnyre Nabuodonosoru òludumy. Tii rateòdỹỹre iny mahãdu ykyreny-ribi, kia tahe asimy riroximy raremyhỹ broreni mahãdu weserenymy. Bedeykyki rõrõmyhỹre kiata nonoe rituunymy raremyhỹ. Irade irehehekỹmy relere nawiihikỹ wesemy, kia texià tahe inihikỹmy raumynyre, kia nawiihikỹ dexià wesemy relere.
|
||||
\s1 Iòlò Nabuodonosoru Rarybewihikỹre Deuxu Rariehekỹmy
|
||||
\v 34 Iòlò rarybere: — Debòinatxi wyra sõe rexihureu, diarỹ biurawetyy-txi retehere, kiata warayky ixyby doosede. Tai Deuxu Rariehekỹmy reàlàre kia tamy warybewhikỹ inihikỹmy rewahinyre kua ikiehyymy ratximyhỹre dee. Diarỹ rarybere: Deuxu Rariehekỹ rurutere heka ikiehyymy nodu rare; Wedu nihikỹmyhỹre heka ionana ihoõre.
|
||||
\v 35 Tamy heka iny mahãdu iaõtyhyke aõkõre; tii heka riwedunymyhỹre anju mahãdu biuki kia ibutumy su-my rahãwanymyhỹrenyre mahãdu.Tiu inyõ rikokròõtyhy aõ riwinykemyreri; tiu inyõ tarurumy tamy irybeõna aõ riwinyre riòbitinykemy.”
|
||||
\v 36 –Warayky ixyby doosedeu, Nabuodonosoru tarybe ritõranyre, diarỹ ixybyle wedu nihikỹmy ranyre, warynana wiwihikỹ waiòlònaki. Wadohodỹỹdureny kia wedu rarie nihikỹ waõmysỹdỹỹnaki ratximyhỹrenyre ixybyle wadee reòbyrenyre. Ixybyle iòlòmy ranyre, kia ixyby waruruteretyhymy juhutyhy-ribi.
|
||||
\v 37 Kiaremy, diarỹ iòlò Nabuodonosoru, reàlàre iòlò biu ludumy kia tuu ararybehyy ararekre inihikỹmy. Ibutumy Aõ riwinymyhỹre òbitimy awityhymy, kia tii aõtxile iny rexityhytyhynymy rỹimyhỹrenyre ribederyrynymy ribedetxinymyhỹre.
|
||||
\c 5
|
||||
\s1 Iòlò Belsazar Byrena Riwahinyre
|
||||
\p
|
||||
\v 1 Rumy iòlò Belsazar, Babilonia ludu, byrenana riwinyre, kia mili sõemy hãwãhãwãwedu ninihikỹ mahãdu riteòarinyrenyre ydòidenykremy, kia tahe mona besòmy (vinho) riõmyhỹreny tarariròwysyna mahãdureny-wana.
|
||||
\v 2 Kia sõetyhymy mona besòmy riõrenyreu, kia rarybere mana rỹsỹ bedeò idiwydenykremy kia mana rỹsỹ deòsa kanakremy kia Nabuodonosoru tyby, ditade Jerusalë Deuxu rybena hetowo-ribi. Belsazar bedeò-my reare tii kia taijoi mahãdurenytyhy-wana, kia tahãwyyreny-wana tabiraludureny-wana riuherenymy mona besòmy idi riõrenykremy.
|
||||
\v 3 Kia diwydenyde mana rỹsỹ bedeò sõe kia tahe ibutumy bedeò-di mona besò-di riõmy ratximyhỹreny
|
||||
\v 4 kiata mana rỹsỹ bedeò ỹnyxiwe-my raryberenymy ratximyhỹreny, mana rỹsỹ òtaòta, womati, òwòru kia mana ỹnyxiwemy.
|
||||
\v 5 Kia isitere-ribile hãbu debòõ ratỹnymy reare kiata ròritidỹỹmyhỹ byrena hetowo urahãkỹki, kia loosòna tỹnyhỹỹ-ki. Ka debòmy robireu iòlò
|
||||
\v 6 aõmybo rõhõtinykemy rieryõhyyre; kia tỹrehekỹmy relere brebumy kiata tarati-ribi ramytàtare tawaòhòkỹle.
|
||||
\v 7 Irahudi rirajuamy, rarybere rarariòwyrenykemy urerarudu mahãdureny dee, bedeery mahãdu dee kia biu-di aõmysỹdỹỹdu dee. Kia iòhòtyhyle tii ritehemynyrenyre, Belsazar rarybere: — Kua-di iny rariakre aõmy raritimy roireri heto weti-ki kia wadee riòbitinykre aõmybo rarybereri, kia heka tyywihikỹ-di ratyydỹỹkre, kia mana rỹsỹ reruti tòysanamy rawahikre, kia tahe inataõna wedutyhyhykỹmy rarekre waiòlòna bedeu.
|
||||
\v 8 Ibutumy bedeery mahãdu hetowo-ò rirònyrenyre, kiata ijõrenyõ idi rariarenyke aõkõre aõbo heto weti-ki raritimy roimyhỹ, kia iòlò dee riòbitinyrenyke aõkõre aõmybo rarybereri.
|
||||
\v 9 Iòlò ihãremy ixyby ruberure, kia iòsỹny ire rỹrenytyhymy relere. Kia wedu mahãdu rariehekỹ aõ rieryrenyke aõkõre aõ riwinyrenykemy.
|
||||
\v 10 Taita iòlò-se, roholare iòlò rirajuare-ò kia iijoireny mahãdu rirajuarenyre-ò, hetowo-ò ralore kiata iòlò dee rarybere: — Kia ikòlò ikiehykymy ratximyhỹre! Uritre brebukõmy kia wesemy amasajuramy,
|
||||
\v 11 kiemy dokuri kaki ikòlòkumy atximyhỹteki hãbuno ijõdire kỹnyxiwe tykytyby tai ratximyhỹre. Tikubo Nabuodonosoru buu, ikòlòkumy raremyhỹ bedeku, kaa hãbu rikerytyhyre irakykydimy, ibedekerytyhymy kỹnyxiwe wesemy. Kia Ikòlòku Nabuodonosoru kaa hãbu risỹnyre bedekery mahãdu wedumy, kurerarudu mahãdu wedumy, hàri mahãdu wedumy kia biku-di anomysỹdỹkỹdu mahãdu wedurenymy.
|
||||
\v 12 Kia Danieli, kaa hãbu ikòlòku nii tamy riwahinyre Beltessazar-my, rõhõtinymyhỹre itỹnytyhymy; tiki heka ibederytyhyhykỹre kia rasi kidikòbitinyke, ano iwasimy rỹimyhỹre rikòbitinymyhỹre kia rybe sirasira rikywinymyhỹre. Kiaremyta, mararitxòwyke Danieli-kò kia tikita rikòbitinykre anobo raritimy roireri hetoku wetiki.
|
||||
\s1 Danieli Riòbitinyre Rybe Sirasirahãkỹ
|
||||
\v 13 Danieli ridyrenyre iòlò ratximyhỹ-ò kia ritỹỹraxinyre: — Kai aõbo Danieli tyhy tate, judeu mahãduõ waha iòlò Nabuodonosoru, anadyde juda-ribi brejuna wesemy?
|
||||
\v 14 Wadee raryberenyre kia ỹnyxiwe tyytyby aki ratximyhỹremy kia kai itỹnytyhymy riki tahõtinymyhỹte kia sõemy abedeerytyhyhykỹmy.
|
||||
\v 15 Iòhòtyhylemy karibi ròirenyra bedeery mahãdu kia biu-di aõmysỹdỹỹdu mahãdu, kia diarỹ tamyreny rarariòwyra wadee rybe-di ririranyrenykremy heto weti-ki raritimy roireri, kia wadee riòbitinyrenykemy aõmybo raritimy roireri. Kiaremy tii boho wadee riòbitinyrenyõhyyrenyra.
|
||||
\v 16 Kiaremy inyõ wadee rarybere kai wadee biòbitinykremy rybe sirasira kia biywinykremy rybe sirahäkỹ. Kiaremyta, txibo kai idi mariakre-wana aõmybo raritimy roireri kia wadee biòbitinykre aõmybo rarybereri, kai matyykre tyyòwyhykỹ-di, mana rỹsỹ reruti-di bòysananykre kia inataõna wedutyhyhykỹmy matxikre waiòlòna bedeki.
|
||||
\v 17 Danieli rirawyònyre: — Aõwaxina atxikre aaõnaõna-di yda biwahiny aõbo iny witxira-ò. Kia ihãrele diarỹ idi arariakre rybe heto weti-ki raritimy roireri-di kia adee ariòbitinykre aõmybo tii rarybereri.
|
||||
\v 18 Iòlò, Deuxu Rariehekỹ iòlòmy runykremy bu-ò riwahinyre, iòlò Nabuodonosoru, kia tule riwahinylere iruruteremy rynana rarieki runymy rarekremy.
|
||||
\v 19 Deuxu ibedeery nihikỹtyhymy tamy riwahinyre, kia ibutumy iny mahãdu hãwãhãwamy bede bedemy rỹimyhỹrenyre ilau ramytàtamy ruberumyhỹrenyre tii ratxira-wana. Txibo tii iny rubudỹỹmy rarybe-wana, iny rirubunymyhỹre; yda txibo irumy ratxikemy rarybe-wana, irumy ratximyhỹre. Inyõ-di rityhynymy ratximyhỹre kia ijõ-di tahe urile risinymyhỹre.
|
||||
\v 20 Ka tii tahe ixiwedetyhymy relere, tõhõtiõtyhymy kia rexityhytyhynymy, tai tahe iòlòna wedu-ribi rariowyre kia ibutumy iaõwiwi iribi ixawire.
|
||||
\v 21 Rateòdỹỹre iny mahãdu yky-ribi, irayky rusare kia iròdu wesemy rariamy raremyhỹ. Rasỹnymy raremyhỹ jumentu debure mahãdu-wana, asimy riroximy raremyhỹ broreni mahãdu wesemy kia bederahyki rõrõmy raremyhỹ, kia nonoe rituunymy raremyhỹ, kia heka tuu rutỹỹnyre ihyy tahe tii ixyby rieryre Deuxu Rariehekỹ ibutumy iòlò mahãdu bede bedemy rỹimyhỹrenyre riwedunymyhỹrenyremy kia risỹnymyhỹre iòlòmy inyõ ixideewimy.
|
||||
\v 22 –Kai iòlò Belsazar, Nabuodonosoru riòre, ibutumy tuu teeryte, kia ihãremy tahe ywimy atxiõhyyte.
|
||||
\v 23 –Iribi òtumy tewinyte, kai heka Iòlò biu ludu-di tesinyte kia bedeò sõe kanakremy tarybete, kia irybena hetowo-ki rỹimyhỹrenyre, kia kai aijoi mahãdureny-wana, ihãwyyreny-wana kia iwedenareny-wana idi mona besòmy (vinho) biõbenykremy. Kia ihãremy, kai arybewihikỹreny tewahinytenyte mana rỹsỹ deòsa ỹnyxiwe-ò, mana rỹsỹhỹkỹ ỹnyxiwe-ò, womati ỹnyxiwe-ò, kia òwòru ỹnyxiwe-ò kia mana ỹnyxiwe-ò, kia reteherenyõre, roholarenyõre kia aõ rieryrenyõhyyrenyre. Ka kai tahe tarybeõhyyte Deuxu aõwiwihikỹmy, kua ibedeery ijõdire iny rirubunykremy yda iny irumy ratxikremy, kia ibutumy rihumyhỹre aõhe adee rutỹỹnykre.
|
||||
\v 24 Iurenana heka tii kaa debò riteòsinyre heto weti-ò kaa rybe riritinyre:
|
||||
\v 25 “Mene, Mene, Tekeo kia Parsim”.
|
||||
\v 26 — Ka tahe ariòbitinykre.Mene heka Deuxu aiòlòna txu-di rariare kiata riixawidỹỹnykre.
|
||||
\v 27 — Tekeo kia heka kai utxiena-ò talidite kiata urihimyole tautxienyte.
|
||||
\v 28 — Peres kia heka aiòlòuna rawirareakre kiata rawahinykre medos mahãdu-ò kia persas mahãdu-ò.
|
||||
\v 29 Tai iòlò Belsazar rarybere Danieli ratyydỹỹnykremy tyy òwyhyy-di, tamy ratidikremy mana rỹsỹ reruti tòysanamy, kia turybe rỹikremy wiji bedemy rỹire tii inataõna wedutyhyhykỹmy ratxiremy Babilonia iòlòna-ki.
|
||||
\v 30 Kua ruutyhyle Belsazar, Babilonia iòlò rurure,
|
||||
\v 31 kia Dario, Média iòlò, 62-my iwyra, tii teròwymy runyre.
|
||||
\c 6
|
||||
\s1 Danieli Liaõ Mahãdu Ijòrenyki
|
||||
\p
|
||||
\v 1 Iòlò Dario bede riywinyre riwirareakremy hãwãhãwahäkỹ 120-my suu riwirareare kiata 120 hãbu sõemy hãwãhãwãriwedunyrenykremy.
|
||||
\v 2 Kia awihyylemy rỹimy rarekremy, kia aõ ibinaõhyymy rarekremy, iòlò inataõmy hãbu risỹnyre ministru-my, kia 120 hãwãwedu mahãdu-di riywinymy idireny rarekremy. Ka ministuõ-my heka Danieli runyre,
|
||||
\v 3 kia tii aõtamaõkõ rexideòsinyre ibedeerytyhymy ijõ ministrureny-ribi kia hãwãhãwãwedureny-ribi. Tii heka sõetyhymy ibedeery ijõdire, kia iòlò rõhõtinyre risỹnykremy inihikỹtyhymy wedu nihikỹmy rarekremy.
|
||||
\v 4 Tai ijõ ministru mahãdu kia hãwãhãwãwedu mahãdu rarunyrenyre Danieli wedu binahãkỹ aõmysỹdỹỹdu raremy tuu raryberenykemy, kia tahe itxi tai rekoarenyõhyyrenyre. Danieli heka ywimy kia òbitimy nodu rare, kia inyõ aõmy tuu rarybeke aõkõre aõ iribiòtumy riwinyremy.
|
||||
\v 5 Taita tii boho widee widee raryberenyre: — Tiu rekekoarenyõtyhy aõmy rakaryberenyke Danieli-my, aõhebo tahe ityhydỹỹna rityhynymyhỹre.
|
||||
\v 6 Taita ibutumy ròirenyre iòlò dee rybemy kia raryberenyre: — Kia iòlò Dario ikiemy ratximyhỹre!
|
||||
\v 7 Ibutumy diarỹ boho wedu ninihikỹ-ki watximyhỹrenyre, ministru-my, hãwãhãwãwedurenymy, hãwãyjareny wedumy kia ijõ aõ wedu wedumy, diarỹ boho rexibutunyrenyre kiata tamy reobyrenyre adee arexitòenyrenykremy, kia rybe wahina biwahinykremy kia ratyhydỹỹõke heka aõkõre. Arybe biwahinyke 30-txumy ibutumy adee sohojile ixitòedỹỹ rỹimy rarekre. Txibo kawese bedeu ixitòdỹỹna riwiny-wana aõtxile ỹnyxiwe dee yda aõtxile hãbu witxira dee, kaa iny-di adehu rỹikre liaõ mahãdu hãluuwo-ò.
|
||||
\v 8 Kiaremyta Iòlò, arybe wahidỹỹna biwahinyke kiata ani tamy biwinykre kia tiu ixawiõkremy. Kia rybe tuu raywimy roimyhỹre medo mahãdu kia persa mahãdu bededỹỹnana wesemy, kaa
|
||||
\v 9 Iòlò tamy reobyre, tani riwinyre rybe wahidỹỹnana tuu bede bedemy rarybekremy rarybere.
|
||||
\v 10 Iu Danieli tuu bede rieryreu kia iòlò tarybe wahidỹỹna riwahinyremy, taheto-ò roosere. Itỹhina biuki ijõdire iweti rurena itxerena kia Jerusalë-ribi itỹnyhyylemy roimyhỹre. Danieli taijanela riraynyre, tatiòhymy resemy rexitòenyre, aõwiwihikỹmy ta Deuxu dee. Tii tuu riwinyhyymyhỹre inataõ sõemy txu sohoji-di.
|
||||
\v 11 Danieli òludu mahãdu rexibutunymy ròirenyre iheto-ò kiata itxi rekoarenyre taDeuxu-ò rexitòenymy ratximyhỹ-ò.
|
||||
\v 12 -Taita ròirenyre iòlò itxesemy tamy raryberenykremy rybe wahidỹỹnamy raryberemy. Tii boho raryberenyre: — Iòlò, kai ani tewinyte rybe wahidỹỹna tetòenymy kia 30-txumy txibo ixitòedỹỹna rỹikre yda aõtxi hãbu witxira dee, aõhebo tahe adee. Kia rybe wahidỹỹna rarybelere mobo rityhynyõkre idi dehu rỹikre liaõ mahãdu hãluuwo ijòreny-ò, inatyhy aõkõ aõbo rare? Iòlò rirawyònyre: — Inatyhy rare, rybe wahidỹỹnana ratyhydỹỹkre. Tuu rybe rauwimy relere medo mahãdu kia persa mahãdu bededỹỹnanamy, kia raixawidỹỹke aõkõre.
|
||||
\v 13 Tai tii boho raryberenyre iòlò dee: — Kia Danieli, brejumy dòidenydeõ Juda su-ribi, aratyhynyõhyyre kia arybe wahidỹỹna-di, kia tii rexitòenymyhỹre taDeuxu dee inataõ sõemy txu sohoji-di.
|
||||
\v 14 Kawesemy roholareu, iòlò sõemy bede riryryre kiata Danieli rihedỹỹnykremy bede riywinyre. Kia txioro bedeu itxuu tii ibutumy riwinyre timybo rihedỹỹnykemy.
|
||||
\v 15 Danieli òludu mahãdu ixybyle iòlò dee rybemy ròirenyre kia raryberenyre: — Kai heka teerywityhyte medo mahãdu kia persa mahãdu rybe wahidỹỹna bededỹỹnana kia iòlò tani riwinymyhỹre ixawiõkremy.
|
||||
\v 16 Taita iòlò tarybe riwahinyre Danieli kanakremy kia idi dehu rỹikremy liaõ mahãdu hãluu ijò-ò. Kia iòlò rarybere Danieli dee: Kia aDeuxu-ò arexiwowesekre, tamy sõetyhymy texitòenymyhỹte arahedỹỹnykremy.
|
||||
\v 17 Mana diwydenyde idita liaõ mahãdu hãluu ijò ritòbònyrenyre. Iòlò tadebò òbitidile riritinyre kia taiòlòna wedu nihikỹ-di, kia Danieli bededỹỹnana hãrele, rybe wahidỹỹna iòraru-ribi tuu relemy rarekremy.
|
||||
\v 18 Iòlò roosere taõmysỹdỹỹna-ò, kiata aõ rirỹsỹõhyyre kia timy rabedesamy ratxike aõkõre tuu ratximyhỹre wesemy. Kia kua ruu rõrõõhyyre.
|
||||
\v 19 Kia biurasò rudihikỹ tii rexilàmadỹỹnymy kia wytyhylemy rare, liaõ mahãdu hãluu ijò-ò.
|
||||
\v 20 Tai ibedewomy, tii rarybere: — Danieli, Deuxu irumy ratximyhỹre deòdu! Kia aDeuxu aõbohe tuu sõetyhymy terinanymyhỹte arahedỹỹnyra aõbo liaõ mahãdu-ribi?
|
||||
\v 21 Danieli rirawyònyre: — Kia iòlò ikiemy ratximyhỹre!
|
||||
\v 22 -WaDeuxu taỹju diteònyde, kia tiita liaõ rywo rirarytxynyra riwaròrenykelau. Kiemy dori Deuxu riwaeryre aõ iòludumy rewinyõremy. Kia tule reerynyõhyyre aòludumy.
|
||||
\v 23 Taita iòlò sõemy reysare, kia rarybere Danieli liaõ mahãdu hãluu ijowo-ribi kanatakremy. Kawesemy tahe tii natade, kia tuu robirenyre aõhe rutỹỹnyõhyyre, kiemy dori Deuxu rityhynytyhyre.
|
||||
\v 24 -Kia ilemyta Iòlò rarybere kydòidenykremy hãbu mahãdu raryberenyre Danieli-my. Ibutumy tii boho, tahãwyyreny-wana kia tariòre bohoreny-wana liaõ hãluu ijò-ò idireny dehu rỹikremy. Kia hãluuwotyhy-txi reserenyõdile, liaõ mahãdu riròrenyre kia riyreyrenyrenyre.
|
||||
\v 25 Taita iòlò Dario tyyriti riwinyre ibutumy iny mahãdu deereny, kia ibutumy rybe rauhemyhỹre bede bedemy. Tyyriti myỹ rarybemy: “Bedesawihikỹ kia ywimy rỹikre ibutu deereny!
|
||||
\v 26 -Diarỹ warybe rewahinyre kia ibutumy iny mahãdu rewedunymy rỹimyhỹrenyre rityhynyrenykre kia Deuxu-my rerinanyrenykre kia Danieli tuu rerinanymyhỹre. Kiemy dori tii Deuxu irumy ratximyhỹre rare, Kia ikiehyymy ratximyhỹre rare. Iiòlòna wedu heka tiu rexihuõtyhy.
|
||||
\v 27 Tii inyhewo-my reamy kia rihedỹỹnymyhỹre; Biuwetyy-ki su-ki tii bedeòtiina wihikỹ riwinymyhỹre. Kia tii heka Danieli rihedỹỹnyre, kia ritare liaõ mahãdu rimyrenyke-ribi.”
|
||||
\v 28 Kia Danieli ratxihyymy ratximyhỹ wedu rarienihikỹmy Dario iòlòna bedeu kia irahudi ciro iòlòna bedeu tule, Pérsia bedeki.
|
||||
\c 7
|
||||
\s1 Inaubiòwa Aõninihikỹmy Alobixi Rỹire Rasi-Ki
|
||||
\p
|
||||
\v 1 Rumy, wyra sohoji rimyreu Belsazar Babilonia iòlòmy, ibedeu Danieli herimy rexilidire taherina tyreki kiata rarasinyre kiata tarasiwoki aõnaõnamy robire. Kia rexixareu, tii rityyritinyre aõmybo rarasinyre.
|
||||
\v 2 -Kaa tii roire aõbo tii riritinyre: Kia rarasinyre kua rumy, diarỹ rabire yhy rebonymyhỹ ibutumy bede bede-ribi kiata bero nihikỹ riybòybònymy.
|
||||
\v 3 -Kia isitere-ribile ròhònyrenymy rekoarenyre, inaubiòwamy aõninihikỹ bero nihikỹwo-ribi, kia wiribi wiribi iwitxirarenymy.
|
||||
\v 4 -Komy ròhònyre liaõ wesemy, kia tahe tee ijõdire nawiihikỹ wesemy. Diarỹ retehemyhỹ wana-wana, tee rasihesiherenyre. Kiata tii làmamy ratàmadỹỹre, kia hãbu wesemy rariakremy. Kiata tamy rawahire iny rayky.
|
||||
\v 5 Kia ihewo ludu tahe urso wesemyre. Tii rexitàmadỹỹnyre iwa hewotxi kiata taryki inataõmy iròdu witxi-di rimymy rỹimyhỹ. Kia rybe wodỹỹ rarybemy: “Make kiata sõemy iròdude birokre.”
|
||||
\v 6 Irahudita inataõna aõnimy rabire, kia tahe hãlòe wesemy tuu rabire. Tii inaubiòwamy irati ijõdire kia ibròkita inaubiòwamy teratyti ijõdire, nawii deratyti wesemy. Kaa iròdu dee wedu nihikỹmy riwedunykremy tamy rawahire.
|
||||
\v 7 Inaubiòwana aõnimy rabire kia heka aõnityhyre, ibrebunahãkỹmy kia irurutere nihikỹmy. Kia womatimy txu ninihikỹ kia idi tahe riyreyrenymy kia riròmyhỹ teery; Teery rohenymyhỹre tawa-di tai rararunymyhỹre. Kaa aõni heka iwitxirare inataõ mahãdu-ribi kia debòituemy iòdese sõe.
|
||||
\v 8 -Diarỹ retehemy watximyhỹ ywimy iòdesedese-di kia reerywire iòdese iyja, kia wiribi wiribile ruhunyre.Inataõ iòdese rasihere kia iòdese yja tamy rỹikremy, kia heka irue ijõdire, iny rue wesemy, kiata tary-di rarybemyhỹ sõemy rexityhytyhynymy.
|
||||
\s1 Deuxu-my Lobixi
|
||||
\v 9 Kia retehehyymy watximyhỹ kia rabire rynana bede-ò rasỹnyrenyremy. Ijõ heka rasỹdỹỹre kua ikiehyymy ratximyhỹre-ò. Ityy heka iurahyyre bede nonoe urahãkỹ wese, kia iradereny tahe iurahyyrenyre budoeni sira wese. Irynana kia idi rirana tahe heòty looso rade wesemyre,
|
||||
\v 10 kia ikoki irynana rỹimyhỹre bedeki ròhònymyhỹ bero heòty. Kia kuaki mil-my iny mahãdu sõe rerinanymy rỹimyhỹreny kua rỹmy runymyhỹmy, kia milhaõ-my sõe làmamy rỹimyhỹre ikoki. Kiata rybe ròrarunyre mobo rahenykremy, mobo hãluu-txi idi dehu rỹikremy, kiata tyyriti rarayrenyre.
|
||||
\v 11 Retehelemy watximyhỹ, kia iròdu òdese yja rarybehyymy ratximyhỹ rexityhytyhynymy. Kia rabire tiubo inaubiòwa aõni rururemy; kia iumy rayreyremy heòtyru-txi idi dehu rỹire.
|
||||
\v 12 Kia ijõ mahãdu aõniaõni tahe irurutereny iribireny ratarenyre, kiata rururenyõhyyrenyre; kia ixyby urihimyòmy irumy ratxirenykremy tamyreny bede rawahire.
|
||||
\v 13 Rarasinymyhỹule rabire, aõnimy hãbu wesemy, kia biuwetyyura-ribi rade. Tii rare kua ikiemy ratximyhỹre bede-ò kiata tamy rateòsidỹỹre.
|
||||
\v 14 Tamy bedeery nihikỹ riwahinyrenyre, wowydyna kia iòlò wedu rariehekỹmy ratxikremy, kia ibutumy iny mahãdu hãwãhãwãbede bede-di ròrenykremy. Ibedeeryhykỹ heka ikiehyymy ijõdire, kia iiòlòna wedu tahe ikonana ijõõre.
|
||||
\s1 Rasina Òbitidỹỹna
|
||||
\v 15 Warasi riwabrebunyre, kia diarỹ rahõtiyrere aõmybo rabire.
|
||||
\v 16 Kia ityy-ò rehemynyre kuaki rỹimyhỹrenyõ dee kia tamy rexitòenyre wadee riòbitinykemy aõbomy diarỹ rabiremy. Taita tii riòbitinyre kawesemy:
|
||||
\v 17 Inaubiòwa aõni ninihikỹ heka inaubiòwa iòlò sõe rare kia bede bede riwedunyrenykre.
|
||||
\v 18 Ka iòlò riwedunyrenyre tahe rawahikre Deuxu Rariehekỹ iny mahãdu deereny, kaa iny mahãdu tahe ikiemy riwedunyrenykre.
|
||||
\v 19 Diarỹ arierykelemyreri inaubiòwa aõniaõni òbitidỹỹna, kia iwitxirare inataõ-ribi, kia heka aõnityhyre kia txuu womatimy jure kia texià tahe womati deòsa rare, kia riyreyrenymy teery riròmyhỹre, kia teery rohenymyhỹre tawa-di risurusurunymyhỹre.
|
||||
\v 20 Kia rexitòenylere wadee riòbitinykemy debòituemy iròduò sõe kia iròdu rati-ki ijõdire kia ijõ òdese raumynyre ririòwydỹỹnyre inataõ òdese; kaa iròdu òdese heka iruruteretyhyre iwitxira mahãdu-ribi, irue ijõdire kia iry rarybemyhỹ sõemy rexityhytyhynymy.
|
||||
\v 21 Diarỹ retehemyhỹ wana-wana, kaa iròdu òdese resure Deuxu iny mahãdu òludumy kiata rahãỹnanymy ratximyhỹreny,
|
||||
\v 22 ihyyta dehemynyde kua ikiehyymy ratximyhỹre. Tii resure Deuxu Rariehekỹ iny mahãdu weribireny, kiemy dori tamy bede rehemynyre kaa iny mahãdu riwedunyrenykremy.
|
||||
\v 23 Kaa heka iòbitidỹỹna reeryre: — Inaubiòwana aõni heka sohoji iòlò rare, iiòlòna wedu tahe iwitxiratyhyre ijõ mahãdu-ribi. Tii ibutumy bede bede rimykre, rihukre ibutumy hãwãhãwãkia ribinabinanyrenykre.
|
||||
\v 24 Debòitue iròdu òdese heka debòitue iòlò sõe rare kaa bede bede riwedunyrenykre. Irahudi tahe ijõdikre iòlòõ kia tahe iwitxirakre kodele mahãdu-ribi; tii ribòdunykre inataõ iòlò.
|
||||
\v 25 Tii rarybekre Deuxu òludumy kiata Deuxu Rariehekỹ ijoi mahãdu hewomy reakre. Kia Deuxu rybe wahidỹỹna riwiurònykemy risỹnykre kia tiubo Deuxu alisina rỹimyhỹre bede. Deuxu ijoi mahãdu debowoki ratxirenykre inataõ wyra weeremy.
|
||||
\v 26 Kia irahudita wedu nihikỹ brejuna-ò riròtenykre, kawesemy tahe tii iiòlòuna iribi ixawikre, kia iruruterehekỹ ikiemy ixawikre.
|
||||
\v 27 Ka wedu wedu iruruteremy iaõwihikỹ rawahikre Deuxu Rariehekỹ ijoireny deereny, kia tii boho bede bede ibutumy riwedunymyrenymy roirenyrekre ikiemy; kia ibutumy iwitxira iny mahãdu tamy raõmysỹỹnymy roirekre, kia ibutumy rityhynymy roirenyrekre.
|
||||
\v 28 Kaki rexihura iòbitid:yỹna. Diarỹ sõemy rahõtiyremy watxire warayky-di, waòsỹny rỹrenymy resere. Ka diarỹ tahe inyõ dee aõmy rarybeõhyyre.
|
||||
\c 8
|
||||
\s1 Budoeni-my Bodi-my Rasi Rỹire
|
||||
\p
|
||||
\v 1 Inataõ wyramy Belsazar iòlò-my bede riere bedeu, diarỹ iwitxiramy rarasinyre.
|
||||
\v 2 Diarỹ Ulai bero weijàti-ki wesehe watximyhỹ, Susã-ki, kia hãwãrauhuarimy roimyhỹre adobo-di raweti-my, kia Elaõ bedeki roimyhỹre.
|
||||
\v 3 Isitere-ribile rabire bero bireki budoeni sohoji-my, kia iòdese inatximy itirehehekỹmy. Ijõ heka duhunymy nade ijõ hewo-my, kia tii tahe itirehetyhyre.
|
||||
\v 4 Budoeni heka taò-di alojymy reamyhỹ ibràra weribi-ò, iraru weribi-ò kia ibòò weribi-ò, kia iròduõ yda inyõ rỹike aõkõhyyre yda rahenyke aõkõre iò lojyna-ribi. Tii ixideewimy aõ riwinymyhỹ kiata ihyy ixyby iruruterehekỹmy ratxire.
|
||||
\v 5 Diarỹ idi rahõtinymy watximyhỹ kia rabireu bodi sohoji-my ibràra-ribi nade-my, tarurumyhe deamy nade, kia iwaube su-ò rỹiõhyylemy deamy nade. Tii heka iò sohojihyyre inihikỹmy, iòru tyaki rỹimyhỹre.
|
||||
\v 6 Kia reamy nade tikibo budoeni ratximyhỹ bede-ò, kia diarỹ tuu rabire bero bireki kiata tamy aõbinamy reare ibutumy tarurutere-di.
|
||||
\v 7 Diarỹ rabire bodi-my, teburetyhymy ratximyhỹ, budoeni dee aõbinamy reare kia iò inatxi rikrore, kiemy dori budoeni iruru ihoõre timy rexiijekemy. Bodi rehure budoeni-di su-ò kiata tawa-di ityre rariamyhỹ, kia inyõ heka rihedỹỹnyke aõkõre budoeni bodi debure kyarahãkỹ-ribi.
|
||||
\v 8 Tii ihãremy iruruterehekỹmy ratxire, kia iruruterehekỹ ikonana-ò rehemynyreu, iòdese rakrore, kia teròwymy ruhunyrenyre inaubiòwa iòdese sõe itirehetirehehekỹmy, kia ratirehenymy rare iraru weribi-ò, ibòò weribi-ò, beàra weribi-ò kia ibràra weribi-ò.
|
||||
\v 9 Kaa iòdese tireheõ-ribi sohoji iòdeseõ ruhunymy rare iyjamy, kia raumynymy rare kia ibòò weribi bede, txuòlòna weribi bede kia Suu Rawahikemy roimyhỹre bedeòhòkỹle ranihikỹmy rare.
|
||||
\v 10 Inihikỹmy raumynyre, kiata biu-my sodadu mahãdu rỹimyhỹrenyre deehekỹ rehemynyre, taina mahãdu; kia ijõ mahãduõ-di su-ò dehude kiata ityre tawa-di rariamyhỹ.
|
||||
\v 11 Kia tahe ka mahãdu sodadu wedu òludumy resure. Kia rahure xiwena ixyby ixyby txu-my rawahimyhỹre kaa sodadu wedureny dee, kia heto Deuxu rybe-ò ijohona ribinabinanyre.
|
||||
\v 12 Xiwena ixyby ixyby txu-my relemyhỹre-ribi, kia xiwena binahãkỹle rawahire. Tii heka rahure tyhydỹỹna tyhytyhykỹ, kia ibutumy aõbo riwinyre òbitihyymy ròhònyre.
|
||||
\v 13 Irahudi raholare inatxi anju boho rarybemyhỹreny, ijõ rỹỹraxire tabiòwa dee: — Tiwese bedeubo tahe tuu bede riekre kuamy rabire? Tiwese bedeubo tahe xiwena binahãkỹ rawahimy rarekre kia xiwena ixyby ixyby txuu iyhyõmy rỹimyhỹre deròwymy? Tiwese bedeubo tahe Deuxu rybe-ò ijohona heto ibinamy rỹimy rarekre kia rabòdurenymy biu ludu mahãdu sodadu?
|
||||
\v 14 Kiata raholare irawyòna-ò: — Kia rexihukre mili 150 txu sỹtybymy, kawese bedeu rawahiõhyykre xiwena txioromy kia rudiu rawahimyhỹre. Irahudi tahe Deuxu rybena-ò ijohona heto rexiywinykre tyratyramy.
|
||||
\s1 Anju Gabrieli Rasi Itxerena Riòbitinyre
|
||||
\v 15 Diarỹ arierykemy watximyhỹ aõmybo rabire, kia wako-ribi rỹimy deade inyõ hãbu wesemy.
|
||||
\v 16 Kiata iny rybe-ò raholare Ulai bero bede-ribi rarybemy kia rirajuare myỹ: — Gabrieli, biòbitinyke rasi rybe kaa hãbu dee.
|
||||
\v 17 Tai Gabrieli waribetyhy-ò rehemynyre, kia tahe sõemy riwabrebunyre. Diarỹ watiòhumy resere kiata su-ò waòsỹny retidire. Kia tii wadee rarybere: — Kai hãbu rubudu, bierykemy atxiteri rasimy tarasinyte, kia tii heka bededỹỹnana konanamy rarybere.
|
||||
\v 18 Tii wadee rarybemy rỹimyhỹ iu wanohõrti rabrere kiata wawomy resere su-ò. Ka tii tahe riwamyre, kia làmamy riwatàmadỹỹnyre
|
||||
\v 19 kia rarybere: — Diarỹ ako arelyykre aõhebo bede rutỹỹnykre tiubo Deuxu kyarahãkỹ rỹikre bedeu, kia kamy tarasinymy tabite heka tuu raywimy roimyhỹre bede konana rỹikremy.
|
||||
\v 20 Budoeni-my inatxi iòdesemy kai tabite, kia heka tuu rikeitxenyre iòlò Média kia iòlò Persia.
|
||||
\v 21 Bodi tahe iòlò Grécia rare, kia iòdese nihikỹ heka komy iòlò runykre rare kaa hãwahãkỹ-ki.
|
||||
\v 22 Inaubiòwa-my sõe bodi òdese ruhunyre kia iòdese kodelemy rakrore-ribi, kia heka inaubiòwa iòlò iòlò rawirareakre, ka iòlò iòlò boho tahe irurutererenyõrenykre kodelemy iòlò runyre wesemy.
|
||||
\v 23 Kia kaa iòlò mahãdu ikonanareny iòhòrenykreu, kia iaõbinabinareny ikonana-ò rehemynyre, kia iòlò binahãkỹõ runykre kia bòdỹỹdutyhytyhykỹ.
|
||||
\v 24 Tii ixyby iruruteretyhymy ratxikre, kia tahe taruru òbitidi aõkõ tuu ratxikre. Bede ixihuduna binahãkỹ riwinykre, iny mahãdu ibedeery rurutere mahãdu rihurenykre kia Deuxu ijoi mahãdu tule.Kia ixideewimy aõbo riwinykre ikiemy rarekremy.
|
||||
\v 25 Kia taumy-di rariamy ratximyhỹre-di ibutumy iny mahãdu ribònykre; kia rexityhytyhynyhyymy ratxikre kia sõemy iny rirubunykre ribònyrenymy. Ikonanau tahe tii Deuxu-wana resukre, Iòlò mahãdu wedu, ka tii tahe rurukre iny rurutere tamy rauhemy aõkõ.
|
||||
\v 26 Kia Gabrieli rihure myỹ: — Kai taholate òbitityhymy xiwena txioromy kia xiwena rudimy rỹimyhỹre òbitina-ò. Ka uritreta inyõ dee tu rybeõmykre rasimy tarasinytemy, kiemy dori sõemy irehetyhymy raroorehenykre tuu rutỹỹnykre.
|
||||
\v 27 Diarỹ Danieli, sõemy txuu bede reijere rabereberemy wawebinadumy. Irahudita awimy relere kiata waõmysỹdỹỹna-di raõmysỹỹnyre. Kia ihãremy sõemy rahõtiyremy raremyhỹ warasimy, kiemy dori reeryõhyymy idi raremyhỹ.
|
||||
\c 9
|
||||
\s1 Danieli Rexitòenyre Deuxu Dee Taijoi Dee Tòemy
|
||||
\p
|
||||
\v 1 Dario, Assueru riòre, Média hãwãludu, Babilonia iòlò rare.
|
||||
\v 2 Kodelemy wyra Jerusalë rabinabinamy roikre-di, tuu Deuxu Tyhyhykỹ rarybere mynamy Deuxu rybe-di ijohodu Jeremia dee.
|
||||
\v 3 Bederyry deòsinamy, diarỹ rexityynyre sau tyy yxehekỹ-di, kia bryby tyre rexisỹnyre, byre-ribi ixawire kiata inatyhyhykỹmy sõetyhymy itòteemy rexitòenyre Deuxu dee, kia ixitòedỹỹnana rewinymy kia rahõtiõtyhymy.
|
||||
\v 4 Rexitòenyre waDeuxu Tyhyhykỹ dee, kia myỹ inatyhymy rarybere: — Deuxu, kai heka anihikỹ tate aruruterehekỹmy! Kai heka rybe widee raywimy rỹimyhỹre terarenymyhỹte, kia tewinymyhỹte mobo umy rarinanymyhỹre mahãdu-ò kia rityhynymyhỹrenyre arybe wahidỹỹnana kia ikiehyymy òbitimy riwahinymyhỹrenyre umy derinanareny.
|
||||
\v 5 Diarỹ boho òrarunahãkỹ rewinyrenyre kia aõnaõna binabinahãkỹ; aõnaõna binabina rewinyrenyre kia diarỹ boho aòludumy rekoarenyre; arybe wahidỹỹnana retyhynyrenyõmy kia arybe tòedỹỹna.
|
||||
\v 6 Kia arybe-di ijohodu rybe notxi rerirenyõhyyrenyre, profeta mahãdu, kia raryberenyre animy waiòlò deereny, teòdu mahãdu deereny, wahỹỹnareny deereny, kohe, kia ibutumy Israel ijoi mahãdu deereny.
|
||||
\v 7 Kai wahãreny, ikiehyymy òbitimy noduhyy tate; ka tahe wiji raixỹrumy watxirenyreri, diarỹ boho, aijoireny, kia Judeia-ki Jerusalë-ki rahãwanymy watximyhỹrenyre, kia timybo kai teuberanyte hãwãhãwãiòhòmy hãwãhãwãirehemy. Kai tuu tewinyte kiemy dori tii boho aòludumy rekoarenyre.
|
||||
\v 8 Waiòlòreny boho, teòdureny boho, wahỹỹnareny boho, ibutumy diarỹ òraruna rewinyrenyre aòludumy, kia iurenana heka raixỹrumy watxirenyreri.
|
||||
\v 9 Ka kai tahe iny-di wobrudu nihikỹdu tate kia tiwaraòrenyhyymy atximyhỹte waòrarureny biixawidỹỹnykemy, kia diarỹ boho aòludumy rekoarenyre hãrele.
|
||||
\v 10 Arybe wahidỹỹna retyhynyrenyõre, Deuxu Tyhyhykỹ, kiata arybe wahidỹỹna-di watxirenyõhyyrenyre kia tewahinyte arybe-di ijohodu dee, profeta boho.
|
||||
\v 11 Ibutumy Israel iny mahãdu rikrore arybe wahidỹỹna kia rityhynyrenyõre arybe tòedỹỹnana. Aòludumy òraruna rewinyrenyre, kia iurenana watyrereny teriòwysydỹỹnyte aõnaõna binabina raritidỹỹmy roire Moisesi Tyyritina-ki, Deuxu deòdu.
|
||||
\v 12 Kai tuu tewinyte aõhỹỹmy waòludurenymy wawedureny deòdureny òludumy kia tesehekỹtyhymy tiwararytxynytenyte. Tiu, tibedeki tuu rutỹỹnyõhyyre aõhỹỹmydỹỹnana inihikỹtyhymy kia Jerusalë tyre resere wesemy,
|
||||
\v 13 kia heka tuu raritimy roire Moisesi tyyriti-ki. Kia ihãrele tahe diarỹ boho waòrarureny-ribi ixawirenyõlerenyre, kia ixidi rarurunyrenyõlerenyre òbitityhymy aratxirenykemy; kia aõ rewinyrenyõhyyrenyre Deuxu Tyhyhykỹ wakireny awimy rahãkemy.
|
||||
\v 14 Kairemyta kai Deuxu, rarytxyna teywinyte kiata watyrereny teatyte. Kai heka waDeuxureny Tyhyhykỹ tate; kai heka ibutumy aõnaõna-ki awihyy tate, kia diarỹ boho tahe arybe tòedỹỹna-ò raholarenyõhyyrenyre.
|
||||
\v 15 — Waha, waDeuxureny, kai heka abedeery arurutere nihikỹ teteòsinyte tiubo aijoi tetanyteu Ejitu-ribi, kia anidehedehemy tai atximyhỹte wiji bede yrybule. Ka diarỹ boho tahe òraruna rewinyrenyre kia ibinamy rewinyrenyre.
|
||||
\v 16 Waha kai heka ainydee tòedu nihikỹ tate, kiaremyta, uritre akyaramy aehehemy noõmyke Jerusalë-di, kia heka ahãwãrare ahãwalòtyhyhykỹ rare. Waòrarureny òraruki kia wahỹỹnareny òrarunareny òraruki, kia iny mahãdu ibutumy hãwãhãwamy rỹimyhỹrenyre wabirerenymy urile risinymyhỹrenyre Jerusalë-di kia iijoireny-di.
|
||||
\v 17 WaDeuxureny boholake waixitòedỹỹna-ò, tamy beòbyke wanohõtiõna dee adeòdu. Kia ibutumy rieryrenykremy kai waDeuxureny tatemy, arybe wihikỹ biditxiwike arybena heto ijohona dee, ka wiji naatymy doimyhỹde.
|
||||
\v 18 Boholake waDeuxu, kiata waixitòedỹỹna-ò beòbykre. Arue biraynyke, waõ binabinareny-di bedeteheke kia ahãwãdee bedeteheke. Waixitòedỹỹna rewinyrenyre ainy-di ruxetòehekỹ òraruki kia diarỹ boho awimy watxirenyreki aõkõ òbitityhymy.
|
||||
\v 19 Boholake waha! Waòrarureny biixawidỹỹnyke, Waha! Warybereny dee beòbyke Waha, kiata manake wawiòhedỹỹrenymy. Kia ibutumy iny mahãdu araeryrenykremy kai Deuxu nihikỹ tatemy, uritre rooreheõmy biwahedỹỹnybenykemy waDeuxu, kiemy dori diarỹ boho aijoireny roire, kia Jerusalë tahe ahãwatyhy rare.
|
||||
\s1 Gabrieli Riòbitinyre Aõhebo Bede Rutỹỹnykre
|
||||
\v 20 Diarỹ rexitòenyhyymy watximyhỹ kia òbitimy rarybemy waòrarumy kia tule waijoireny òrarunamy kia rarybemy waDeuxu dee, rahõtiõtyhymy ihãwalò tyhyhykỹ weribi.
|
||||
\v 21 Kia rexitòenylemy watximyhỹ iu Gabrieli, kia anju-my rabirele diarỹ rarasinyre bedeu, nade wytyhylemy duòmy kiata wabiretxi rexitxuhunyre. Kia inataõ hora bedeu, iu xiwena txioromy rawahimyhỹreu.
|
||||
\v 22 Tii rarybere; — Danieli, diarỹ rareri ariòbitinykremy aõmybo tarasinymy tabite.
|
||||
\v 23 Kai aixitòedỹỹna teòrarunyteu, Deuxu reobyre aixitòedyỹna-ò. Deuxu sõemy umy rerinanymyhỹre kia iurenana diwateònyde ariòbitinykremy aõmybo arasi-ki tabite. Kiaremyta, boholawiwikre kiata bierywityhykre aõmybo ararybekre.
|
||||
\v 24 — Danieli, aijoireny rarytxynareny kia ihãwarenytyhyhykỹ rarytxyna 70 wyra ixyby debò inatximy raroorehenykre, ihyyta iyara rexihukre, kia òraruna rexihukre. Taita aijoi rimyrenykre taòrarureny riixawidỹỹnykremy, kia Deuxu aõ òbitihikỹ relekre. Arasi-ki tuu tabite kia aõ relekremy kia tuu rutỹỹnykre, kia Deuxu rybe-ò ijohona heto ixybyle rawidỹỹkre.
|
||||
\v 25 Boholawityhyke Danieli, kiata bieryke. Irahudi rawahikreu rybe wahidỹỹna Jerusalỹ ixyby relekremy, debò inatxi wyra sõemy ixyby debò inatximy bede rỹikre, kia tahe weduõ kedehemynyke Deuxu tuu ritare. Jerusalë rirana tỹmyra kia iuhuari adobo tỹmyra bede riemy rarekre 62 wyra sõe ixyby debò inatximy, kia tahe bede sõemy aõhỹỹmydỹỹnana-di rỹikre.
|
||||
\v 26 ka bede konanau tahe Deuxu wedumy ritare rurukre aõ iòrarudimy aõkõ. Kedehemynykre iòlòõ tasodadu-di kiata hãwãrahukre Deuxu rybe-ò ijohona heto rihulekre. Bede konana heka kanakre beòrahãkỹ wesemy, wouna kidiwykre kia bede rexihukre Deuxu tuu riywinyre.
|
||||
\v 27 Kaa iòlò heka riwinykre sõemy iny mahãdu-wana kia rybe bede widee riywinykre kia debò inatxi wyra sõemy bede riekre; ka tiubo iwyra weere bede rimykreu, tii rahukre xiwena iròdu iròdu kia alòbròna xiwena Deuxu rybena heto-my rỹimyhỹre. “Bede bina nihikỹ” kia rasỹdỹỹkre Deuxu rybena heto rarietyhy-txi, tai bede riekre ihyy kua tuu riwinyre kia rihukre, tuu Deuxu bede riywinyremy.
|
||||
\c 10
|
||||
\s1 Danieli Robire Tigre Bero Weijàtiki
|
||||
\p
|
||||
\v 1 Inataõ wyramy bede riere ciro Persia iòlò-my, diarỹ Danieli, Beltessazar-my raninilere, Deuxu rybe remyre. Kia rybe heka inatyhymyre, urile heka sõemy isirare arierykemy; diarỹ iòbitidỹỹna reeryre warasimy tuu rabiremy.
|
||||
\v 2 Kua bedeu aõ rewinyõhyy raremyhỹ inataõ semanamy bede reijere.
|
||||
\v 3 Kua bedeu rỹsỹna wihikỹõ rerỹsỹõhyyre iròdude ariròke aõkõre, mona besò-my (vinho) ariõke aõkõre kia warade resihònyõhyyre.
|
||||
\v 4 Kia 24 txuu kodelemy ahãdu rỹimyhỹreu wyramy, diarỹ watximyhỹ Tigre bero weijàtiki,
|
||||
\v 5 kia isitere-ribile anju-my rabimy reare tyyesi-di rexityynymy kia weretysana mana rỹsỹhỹkỹ riuhemy.
|
||||
\v 6 Iumy raòderanymyhỹ mana rỹsỹ wesemy, iòsỹny biudelaa wesere, irue tahe heòty loosò wesere, iaxiò iti rarỹsỹnymyhỹ mana òtaòta rỹsỹ wesemy, irybe wodỹỹ tahe iny sõehekỹ rybe wodỹỹ wesere.
|
||||
\v 7 Diarỹ sohoji kamy rabire. Waijoi mahãdu aõmy robiõhyrenyre, kia brebumy rahenyrenyre kia rexiwòrenyre.
|
||||
\v 8 Diarỹ kuaki ixi sohojimy watximyhỹ iwana-wanata itxerena wihikỹmy rabire. Walỹrehekỹmy relere brebumy kia waruru waribi ixawire.
|
||||
\v 9 Kia anju rybe-ò raholareu, rahõtibrere kia wawomy su-ò resere.
|
||||
\v 10 Tai iny deboõ riwalàmadỹỹnyre, kia diarỹ watiòhumy ranyre, reximymy wadebò-di
|
||||
\v 11 Kia anju wadee rarybere: — Danieli, Deuxu heka sõemy umy rerinanymyhỹre kia diwateònyde adee ararybekremy. Làmamy mynyike kiata boholawikre aõmybo ararybekre-ò.
|
||||
\v 12 — Uritre brebuõmy Danieli, kiemy dori Deuxu aixitòedỹỹna-ò roholara komy kai texihỹkehỹkenymy tatemyhỹu ikoki kia bederytyhy bimykremy. Diarỹ rareri aixitòedỹỹna rawyòdỹỹmy.
|
||||
\v 13 Anju itxesedu Persia iòlò waòludumy resure txumy. Ka Mieli (Miguel) tahe anju mahãdu wedu, nade wawiòhedỹỹmy, kiemy dori diarỹ ixi sohojile resumy watximyhỹ, Persia iòlò mahãdu òludumy.
|
||||
\v 14 Ka tahe wiji rareri adee ariòbitinykremy, aõhebo bede rutỹỹnykre aijoi mahãdu-ò, kamy tabite heka ijõ wyra bede bedeu rutỹỹnykre rare.
|
||||
\v 15 Tii wadee rarybemyhỹ wana-wana, diarỹ rybeõmy raire, su-ò retehemy.
|
||||
\v 16 Isitere-ribile iny hãbu wesena waryijeti riukỹnyre; iu tahe rarybere kia anju dee rarybere wakoki rỹimyhỹ-ò: — Wanyrỹ, kamy rabire heka riwawojeijeinyreri, kia waruruõmy ixiki rahãreri.
|
||||
\v 17 Timybo tahe diarỹ awidỹỹna, awana ararybekre? Diarỹ waruruhomy aõkõ watxireri kia elewesenaki dori rexisiranyreri.
|
||||
\v 18 Taita tii ixybyle wadee deride, iu tahe waruru wadee ròòsemy idi rahõtinyre.
|
||||
\v 19 Tii rarybere: — Deuxu umy rerinanyre. Kiaremyta, uritre brebuõmy. Kia Deuxu bedewihikỹ aki ijõdire. Bexideyrewenyke! Bexi brebuterenyke! Taita diarỹ waruruteretyhymy ixiki rahãre kia rerawyònyre: — Marybeke, kiemy dori kai wadee ruru tỹmyra wadee tewahinyta.
|
||||
\v 20-21 Tii rarybere: — Teeryte aõbo aõherekibo diarỹ adee rybemy nanade? Kia adee ararybekremy Tyyriti Òbitihikỹ-ki raritidỹỹmy roimyhỹremy. Ka tahe diarỹ arakre aresukremy Persia anju itxeredu-wana aresukremy. Kia ijesu rexihukreu, kanakre Grecia anju itxesedu. Ka nadesumyhỹde tii boho-wana kia inyõ ihoõhyymyhỹre riwawiòhenanykemy, aõhebo tahe Mieli (Miguel), Israel itxesedu.
|
||||
\c 11
|
||||
\s1 Egito iòlònareny kia Siria Iòlònareny
|
||||
\p
|
||||
\v 1 Tii heka riwawiòhenanymy riwaijeke ijõdire. Diarỹ lamamy
|
||||
\v 2 Kia anju tarybe ritõranymy rarybere: — Aõmybo adee ararybekre òbitityhymy. Pérsia ixyby inataõmy iiòlò ijõdikre; irahudita isỹtybyreny inaubiòwana iòlò ijõdikre, tii tahe iaõdimy ityhytyhymy runykre ibutu ratyremy. Taaõna tyhytyhyna-di tii sõemy rexityhytyhynymy rarekre; ibutumy tasodadu mahãdu ributunyrenyrekre kiata rihurenykre Grécia iòlòna.
|
||||
\v 3 Irahudita isỹtybymy ratxikre ijõ iòlòõ, sõetyhytyhymy tebure. Iiòlòna heka inihikỹkre, kia tii aõ riwinymy rarekre ixideewimy.
|
||||
\v 4 Ka txibo irurutere ikonana-ò rehemynykreu, iiòlòuna ixawikre kiata inaubiòwamy rawirareakre. Iòlòmy sỹtybyki ratxirenykre heka irioreriorereny aõkõ tuu runykre, kia tahe irurutere weseõkre juhu tii ratxire wesemy.
|
||||
\v 5 Egito iòlò rexityhytyhynymy rarekre, ka isodadureny weduõ tahe ihãremy iixityhytyhydỹỹluukre kiata ihãwãnihikỹõ riwedunykre.
|
||||
\v 6 Kia tiu bede wyraubo tahe, Egito iòlò kia Siria iòlò rybe wooxina widee riwinyrenykre, Egito iòlò tariòre ijadòòma riwahinykre hãbu-my roikremy Siria iòlò dee, kia ywihyymy ratxirenykremy inatxi hãwãhãwa mahãdureny. Kiaremyta ibededỹỹnanareny rexihumy rakre, kiemy dori tii, ihãbu, iriòre kia deòbureny mahãdu ibutumy rururenykre.
|
||||
\v 7 Kiata iòhòtyhylemy hãwyy sỹõ iòlòmy runykre, kiata ririranyrenykre tasodadureny-wana kia Siria iòlò sodadu òludumy, kia ralòrenykre Siria ruruterereny dee kiata tuu rahãỹnanyrenykre.
|
||||
\v 8 Tii riwyrenykre Egito dee Siria ỹnyxiwe kia iaõtyhytyhynareny mana rỹsỹhỹkỹ-di riwinyrenyre kia mana rỹsỹ òtaòta-di. Kia ywimy bede wyra rierenykre inatxi hãwãhãwãwitxira,
|
||||
\v 9 ka irahudita Siria iòlò riekre Egito dee reakremy. Kiaremyta tii rabodukre kia tasỹ-ò roosekre.
|
||||
\v 10 Siria iòlò riòre boho rexiywinyrenykre rawounyrenykremy kia sodadu mahãdu rurutereny riywiywinyrenykre. Ijõ mahãdu ròirenykre tasodadureny-wana Egito-my rahãỹnanyrenykremy, kia rihurenykre ibutumy beòrahãkỹ rỹximyhỹre wesemy. Egito dee aõbinamy rekoarenykre kia iòlò rurutere rihurenykre.
|
||||
\v 11 Egito iòlò reburetyhymy ratxikre, kia ròhònykre tasodadureny-wana kiata Sírio dee aõbinamy rekoarenykre, kia rexiwahinyrenykre egipcio mahãdu-ò.
|
||||
\v 12 Egito iòlò rexityhytyhynymy ratxikre kia Siria ijoi mahãdu rihurenyreki kia rirubunyrenyreki sõemy isodadureny. Ka iruterenareny tahe urihimyòlemy bede idi rỹikre.
|
||||
\v 13 Irahudita Siria iòlò ributunykre tasodadu debònareny ijõdimy Egito dee woumy rekoarenykremy.
|
||||
\v 14 Tai sõemy iny mahãdu reburerenykre Egito iòlò òludumy. Ikyrenyki hãbu debure mahãdureny ijõdikre Israel su-ki; tii boho rexiwojeijeirenykre, rasimy tuu robirenyre rityhynyrenykre, kia tahe rabòdurenykre.
|
||||
\v 15 Siria iòlò kanakre tasodadureny sõe-di, kiata riwinyrenykre ryy idi rawounyrenykremy kia hãwãrawòmy roimyhỹre adobo uhuari weruramy, kia tahe tuu rahãỹnanyrenykre. Kia egipcio sodadu mahãdu tyhytyhyreny rikokrorenyke aõkõre Siria sodadu mahãdu wounareny.
|
||||
\v 16 Iòludu mahãdureny ibutumy riwinyrenykre aõnaõnamy ixideewirenymy egipcio sodadureny-di, kia inyõ ihoõhyyrenykre riemy ratxirenykemy. Tii rariare Suu Rawahikremy roimyhỹre kiata ibutumy ixideereny rimyrenykre.
|
||||
\v 17 Taita Siria iòlò ritidikre ibutumy tasodadureny làmamy rawounyrenykremy resurenymy Egito òludumy. Kia ribòdunyrenykremy taòludureny, kia tii riwinykre rybe ywidỹỹna wooxina Egito iòlò-wana kia tamy riwahinykre tariòre iki-wana hãwyymy roikremy. Kia tahe awimy aõkõ ratxirenykre.
|
||||
\v 18 Tai tii aõbinamy reakre hãwãhãwãBero nihikỹ Mediterrâne weijàtimy rỹimyhỹrenyre kiata ijõ mahãduõ ixidee rimyrenykre. Ka hãwãwitxira sodadu wedu tahe rihukre iixityhytyhydỹỹna-di kiata riixỹrudỹỹnykre.
|
||||
\v 19 Siria iòlo roosekre tahãwareny òbiti ruruterehekỹ rihukremy, kia tahe iruru rexihumy kia rurukre; kia tiu ixyby ini dee roholaõtyhy.
|
||||
\v 20 Kia isỹtybymy iwitxira iòlò riwedunykre, kia teòdu mahãdu sodadu riteònykre suu òwy riemy riarikremy iiòlòna raityhynykremy. Kia iòhòtyhylemy irahudi kaa iòlò rurukre, kia tahe wounaki aõkõ tuu rutỹỹnykre.
|
||||
\v 21 Siria iòlò heka hãbu ibinahãkỹ tuu ratxikre, kia iòlò-my ratxikemy aõkõhyyre; ka tii tahe tarayky binahãkỹ-di riwahinymy rarekre kiata bòdỹỹmy ruruterehekỹ ixidee rimymy rarekre.
|
||||
\v 22 Tii rahãỹnanykre ibutumy taòludu mahãdu sodadu kiata rirubunykre Deuxu Rybe-di Ijohodu Nihikỹ.
|
||||
\v 23 Ribònyrenykre tii-wana rybe widee riywinyrenyre kia tasodadu ibutekre hãrele tii ixyby iruruterehekỹmy rexisỹnykre.
|
||||
\v 24 kia itỹỹkresylemy hãwahãkỹ iaõdimy ityhymy ratxire rihukre tai tahe aõnaõna binabinahãkỹ riwinykre, kia ihỹỹnareny tiu tuu riwinyrenyõre. Tasodadureny-wana riwirarearenykre aõnatyhynareny, aõnaõna kia aõnaõna iòwyhykỹmy rỹimyhỹre debowo-ò reserenykre. Kia urihimyòtyhylemy tii bede riywinykre hãwahãkỹ ruruterehekỹ rihukremy.
|
||||
\v 25 Taruruterehekỹmy rexityhynymy kia tabrebuteremy, tii rariamy rakre tasodadureny sõehekỹ-di Egito iòlò òludumy. Kaa tii ròhònykre woumy tasodadu sõehekỹ-di kia taruruterehekỹ-di, kia tahe ròtaõhyykre, kiemy dori rabòdỹỹre
|
||||
\v 26 itohodỹỹdureny òbitile bede binabina-ò ridyrenykre. Kia isodadureny rabòdurenykre, kia sõemy isodadureny rururenykre.
|
||||
\v 27 Taita iny inatxi iòlò boho witxi rekoarenykre kiata wikoreny roilemy relyyrenykre, iny sohoji sohoji wii riatyrenykemy widi risỹnyrenykre. Ka iny inatxi boho tahe aõ tai ritarenyõhyyrenykre, kiemy dori tamy bede raòbitimy rỹire-ò rehemynyõre.
|
||||
\v 28 Irahudita Siria iòlò roosekre tahãwa-ò, ibutumy riwymy taityhynana kia wouna bede-ki rimyre wahe. Kia bede riywinykre rahukremy Israel iny mahãdu Deuxu tyhydỹỹnareny-di, kiata iòludurenymy aõ ixideewimy riwinykre. Irahudita roosekre tahãwa-ò.
|
||||
\v 29 Kia bede tuu raywimy roimyhỹre-ò bede rehemynykreu, tii ixybyle rariakre tasodadureny-wana Egito òludumy, ka bedeu tahe ròtaõhyykre, iwese komy ròtare wesemy.
|
||||
\v 30 Romano mahãdu sodadu bera heòty nihikỹ-di ydòidenykre kiata tamy aõbinamy rekoarenykre. Tõhõti rawerywerynymy, tii ijesu-ribi ixawikre kiata sõemy reburerenymy ixybyle Israel iny mahãdu-ò aõbinamy reakre, kia ixideewimy aõbo tamyreny riwinykre. Kawese bedeu tahe tii judeu mahãdu dohodỹỹna heki ratxikre kia riatyrenyre iDeuxu tyhydỹỹnanareny.
|
||||
\v 31 Isodadureny risurisunyrenykre iDeuxureny heto rybe-ò ijohona, kia xiwena txuu iyhyõmy rỹimyhỹre rihurenykre kia Deuxu rybena heto-ò ritidirenykre “bede binahãkỹ”.
|
||||
\v 32 Kia bòdỹỹmy, iòlò wiòhenadỹỹ rimyre judeu mahãdu-ribi kia taDeuxu tyhydỹỹnareny riatyrenyre; ka kua boho Deuxu-my rerinanymyhỹrenyre ixi wesehyy òbitimy ratxirenykre kiata iòlò riatyrenykre.
|
||||
\v 33 rururenykre yda heòty-di, yda rateòdỹỹrenykre hãwahãkỹ-ribi irehemy brejudureny wesemy, yda ibutumy iaõnaõnareny rexihurenykre.
|
||||
\v 34 Ka aõhỹỹmy rutỹỹnymy ratxirenymy roirekre bedeu Deuxu iny mahãdu rimyrenykre iny witxira mahãdureny wiòhenadỹỹ; ka sõemy riwiòhenanyrenykre ixideewirenytyhy ribirenyle.
|
||||
\v 35 Dohodỹỹdu bedeery mahãdurenyõ rururenykre, kia heka Deuxu ijoi mahãdu tai rexisusunyrenykremy awityhymy ratxirenykremy. Kia heka tuu bede rỹikre ihyy ionana-ò bede rehemynykre, Deuxu tuu bede riywinyre-ò.
|
||||
\v 36 Siria iòlò riwinykre aõ ixideewimy. Tii heka ixiwedetyhymy ratxikre, kia rõhõtinykre ibutumy ỹnyxiwe mahãdureny ratyre ratxiremy kia rarybekre aõnaõna binabinahãkỹmy Deuxu ỹnyxiwe mahãdu wedureny òludumy. Tii tuu ibutumy riwinykre ihyyta Deuxu rirarytxynykre; kiemy dori Deuxu rirarytxynykre, tuu bede riywinyre wesemy.
|
||||
\v 37 Kaa iòlò rarinanyõkre ỹnyxiwe mahãdumy kia ihỹỹnareny tuu rerinanymy roirenyremyhỹ, kia ỹnyxiwe boho hãwyy mahãdu tuu rekoamyhỹrenyre, kia iwitxira ỹnyxiwe mahãdu rityhynyke aõkõre, kiemy dori tii rityhynykre ỹnyxiwe boho ratyrerenykre ratximyhỹre rityhynykre.
|
||||
\v 38 Ka tii tahe reriananykre ruruterena itxesedu ỹnyxiwe. Kaa ỹnyxiwe, ihỹỹnareny mahãdu rieryrenyõrenyre, kaa iòlò tuu raubenymy riwahinykre mana rỹsỹhỹkỹ, mana rỹrỹ òtaòta, mana wiwihikỹ kia aõnaõna witxira iòwyhykỹmy rỹimyhỹre.
|
||||
\v 39 Kia iny mahãdu wiòhedỹỹna-di kia rityhynymyhỹrenyre iwitxira suludu mahãdu ỹnyxiwe, tii riijewikre taruruterehỹ. Kia ibutumy tamy reòbyrenyre iòlò-my kia tuu rawowydyrenykre, wedu rariehekỹmy runyrenykre kia suu rimyrenykre.
|
||||
\v 40 Kia bede konana bede-ò rehemynykreu, Egito iòlò aõbinamy reakre Siria iòlò dee, kia tii tahe ròhònykre tii-wana witxi reakremy ibutumy tebòna ruruterena-di, kiahe, ityti heòty wouna, awaru-di wounareny kia sõemy bera heòty nihikỹ. Kia iwese beòra tỹxi ramyhỹre wesemy, isodadureny tamy rekoarenykre Egito dee.
|
||||
\v 41 Tii aõbinamy realekre Suu Rawahikremy roimyhỹre dee kiata rahukre milhares milhares iny sõemy; ka Edom ijoi mahãdu tahe rahenyrenykre kia Moabe ijoi rahenyrenykre kia Amom ijoi mahãdu sõehekỹmy rahenyrenykre.
|
||||
\v 42 Isodadureny sõemy hãwã hãwã bede bedemy roberarenykre; kia Egito rahenykre hãrele.
|
||||
\v 43 Egito-ribi riwyrenykre mana rỹsỹhỹkỹ kia mana rỹsỹ òtaòta kia aõnaõna iòwyhykỹmy rỹimyhỹre. Kia rimylekre Libia kia Etiopia.
|
||||
\v 44 Kia tahe ijyy edehemynykre txuòlòna weribi kia iraru weribi, kia sõemy brebu-di ritỹxinykre. Kia tii teburehekỹmy ròhònykre tasodadureny-wana, rexiywinyrenymy sõemy iny rirubunyrenykremy.
|
||||
\v 45 Tabreòreny riderenykre Mediterrâneo Bero nihikỹ bede-ki kia hãwalò ruxerahãkỹ, Kia tahe rurukre kia inyõ rihedỹỹnyke ihoõre.
|
||||
\c 12
|
||||
\s1 Bede Ixihuduna
|
||||
\p
|
||||
\v 1 Anju tarybe ritõranyre rarybemyhỹ: — Kawese bedeu kedehemynykre anju Mieli (Miguel), Deuxu ijoi-di Tarukidu. Kia heka bede isirasirahãkỹmy rỹikre, kia tiu tuu rutỹỹnyõhyyre kodelemy ròrarunyre bedeu. Kawese bedeu tahe ibutumy rahenyrenykre Deuxu ijoi mahãdu kia inireny ijõdirenyre Deuxu tyyritiwo-ki.
|
||||
\v 2 Sõemy rururenyre mahãdu ixybyle irumy ratxirenykre: ijõ mahãdureny ikiehyymy irumy rỹirenyrakre, kia ijõ mahãdu tahe rarytxynahãkỹ aõhỹỹmy rutỹỹnyrenykre kia bede binabinahyymy ikiemy.
|
||||
\v 3 Dohodỹỹdu bedeery mahãdu , kua mahãdu iny mahãdu sõemy riixinanymy roirenyremyhỹ kia aõnaõna òbitimy riwinyrenykemy, kia rarỹsỹnyrenykre taina mahãdu biuludu wesemy, kia tiu iixihuduõna riòderareny.
|
||||
\v 4 Kai Danieli, uritre inyõ dee tuu ijyyõmykre. Tyyriti hãletena-di biratàbònyke kia irarytxymy roikremy ihyyta bede konana idi rimykre. Sõemy rekoarenykre ka-ribi kua-ò, kia ibedeeryrenytyhymy ratxirenykemy.
|
||||
\v 5 Taita diarỹ rabire inatxi anju-my làmamy ritàmanyrenymy bero weijàti-ki, sohoji kaweribi-ribi, ijõ tahe kua weribi-ribi.
|
||||
\v 6 Ijõõ rỹỹraxire anju tyyesi lytyhykỹ-di rexityynymy ratximyhỹ dee, kia bero ratyaki ratximyhỹ: — Tiubo tahe kaa aõnaõnawiwihikỹ tuu rutỹỹnykre?
|
||||
\v 7 Anju tebò biurawetyy-txi ritàmadỹỹnyre kia Deuxuni-my, ikiehyymy ratximyhỹremy, kia rarybere: — Diarỹ tuu ararybekre kia tuu rutỹỹnykre ka inataõ wyra weere-di kia rexihukreu Deuxu ijoi mahãdu herenymy ijara rexihukreu.
|
||||
\v 8 Ka diarỹ tahe reerywiõhyyre iurenana rỹỹraxire: — Aõkerỹbo, tuu wadee manarybeke timybohe ibutumy kia rexihukre.
|
||||
\v 9 Kia tii rirawyònyre: — Ka tahe Danieli, kai aõwaxina wiji makre, kiemy dori ibutumy kia iwasihyymy roikre ikonanauhukỹle.
|
||||
\v 10 -Sõemy iny mahãdu tamy rexideòsinyrenykre kia idi tahe rexisuhosuhorenymy rexiywiywinyrenykre. Iny bina bina mahãdu ibinarenyhyylemy ratxirenykre, kia ijõreny rieryrenyõhyyrenykre aõhebo bede rỹtỹỹnyreri, ka bedeery mahãdu tahe rieryrenykre.
|
||||
\v 11 Kia xiwena txuu iyhyõmy rawahimyhỹre raixawidỹỹkreu, kia “bede bina nihikỹ” ratidikre Deuxu rybena hetowo-ò, kia tai bede riekre 1290 txumy.
|
||||
\v 12 Bede deysawihikỹ kua mahãdu rityhynyhyymy Deuxu-di ratximyhỹrenyre 1335 txumy!
|
||||
\v 13 Kai Danieli, awihyymy mabekre ionanaòhòkỹle. Kai burukre, kia ikonanau the bedexixakre aõwiwihikỹ bedewiwihikỹ bimykremy.
|
||||
|
|
@ -24,8 +24,8 @@ dublin_core:
|
|||
creator: 'Unknown'
|
||||
relation: []
|
||||
publisher: 'Wycliffe Associates'
|
||||
issued: '2022-06-24'
|
||||
modified: '2022-06-24'
|
||||
issued: '2022-06-27'
|
||||
modified: '2022-06-27'
|
||||
version: '1.1'
|
||||
checking:
|
||||
checking_entity:
|
||||
|
|
@ -159,3 +159,38 @@ projects:
|
|||
sort: 22
|
||||
path: './22-SNG.usfm'
|
||||
categories: [ 'bible-ot' ]
|
||||
-
|
||||
title: 'Isaiah'
|
||||
versification: 'ufw'
|
||||
identifier: 'isa'
|
||||
sort: 23
|
||||
path: './23-ISA.usfm'
|
||||
categories: [ 'bible-ot' ]
|
||||
-
|
||||
title: 'JEREMIA TYYRITI'
|
||||
versification: 'ufw'
|
||||
identifier: 'jer'
|
||||
sort: 24
|
||||
path: './24-JER.usfm'
|
||||
categories: [ 'bible-ot' ]
|
||||
-
|
||||
title: 'Lamentations'
|
||||
versification: 'ufw'
|
||||
identifier: 'lam'
|
||||
sort: 25
|
||||
path: './25-LAM.usfm'
|
||||
categories: [ 'bible-ot' ]
|
||||
-
|
||||
title: 'Ezekiel'
|
||||
versification: 'ufw'
|
||||
identifier: 'ezk'
|
||||
sort: 26
|
||||
path: './26-EZK.usfm'
|
||||
categories: [ 'bible-ot' ]
|
||||
-
|
||||
title: 'Daniel'
|
||||
versification: 'ufw'
|
||||
identifier: 'dan'
|
||||
sort: 27
|
||||
path: './27-DAN.usfm'
|
||||
categories: [ 'bible-ot' ]
|
||||
|
|
|
|||
|
|
@ -6,7 +6,7 @@
|
|||
* Corrected invalid usfm markers, missing spaces after verse numbers, and other USFM syntax issues.
|
||||
* changed \hd to \s or \s1
|
||||
* changed \aut fields to \rem aut ...
|
||||
* changed \dat fields to \rem dat ...
|
||||
* changed \rem dat fields to \rem dat ...
|
||||
|
||||
## Genesis
|
||||
|
||||
|
|
@ -147,3 +147,32 @@
|
|||
|
||||
* There are two complete versions of Ecclesiastes. They are similar; maybe 10% of the verses differ, usually in small ways. I used the first version, and alternate titles from the second version, for conversion and upload to WACS.
|
||||
* Empty verse: ECC 3:9
|
||||
|
||||
## Isaiah
|
||||
|
||||
* I don't see a book title for Isaiah.
|
||||
* Bracketed sentence in ISA 9:17
|
||||
* ISA 44:26-28 is bracketed.
|
||||
* Silas' note: Missing Isa 6:19, 45:2-9
|
||||
* Silas' note: Have Mawy trans 3vv 44:26-28 to add)
|
||||
* Empty verse: ISA 9:19
|
||||
* Missing verse between: ISA 34:8 and ISA 34:10
|
||||
* Missing verse between: ISA 41:20 and ISA 41:22
|
||||
* Missing verses between: ISA 45:1 and ISA 45:10
|
||||
* Missing verses between: ISA 45:18 and ISA 45:21
|
||||
* Chapter should have 25 verses: ISA 45:27
|
||||
* Missing verse between: ISA 57:17 and ISA 57:19
|
||||
* Missing verse between: ISA 66:20 and ISA 66:22
|
||||
|
||||
## Lamentations
|
||||
|
||||
* Missing book title
|
||||
|
||||
## Ezekiel
|
||||
|
||||
* Missing book title
|
||||
* Translation ends at EZK 5:13. EZK 5:14-17, and chapters 6-48 are missing.
|
||||
|
||||
## Daniel
|
||||
|
||||
* Missing book title
|
||||
|
|
|
|||
Loading…
Reference in New Issue