See in Reader
Job, Psalms, Prov, Ecc, Sng added
This commit is contained in:
Larry Versaw
parent
f95d34d687
commit
e77d537392
|
|
@ -0,0 +1,1003 @@
|
|||
\id JOB
|
||||
\ide UTF-8
|
||||
\rem two chapters: Cc 23,24 of JÒÒ, also, Cc 35-38 are in the Green book and digitaled but cannot locate the files
|
||||
\rem dat jan- jun1990
|
||||
\rem aut Ijeseberi
|
||||
\h JÒÒ
|
||||
\toc1 JÒÒ
|
||||
\toc2 JÒÒ
|
||||
\toc3 job
|
||||
\mt1 JÒÒ
|
||||
\c 1
|
||||
\p
|
||||
\v 1 Uza suki hãbuõ rahãwanymy raremyhỹ Jo heka inire. Tii heka awirare òbitimy nodu heka rare, kia Deuxulau ruberumyhỹre, kia heka tiu aõ ibinamy riwinykelau rexiijemyhỹre.
|
||||
\v 2 Jo heka debo-ò inatxi reurò-my iriòre hãbu sõe, kia inataõ-my hãwyy sõe.
|
||||
\v 3 Tii heka debo-ò inatxi mil-my ibudoeni sõe, inataõ mil-my camelo sõe, 1.500-my iburu sõe. Kia deòdu mahãdu sõere. Kia ribi tahe Jo hãbu ityhytyhy rare ibutumy-ribi, ka Oriente hãwa roire-ribi.
|
||||
\v 4 Jo riòre boho heka wiheto wiheto-ò roimyhỹrenyre, kia tahe rynana wideereny riwahinymyhỹrenyre, iny sohoji sohoji-ò. Kia hãwyy inataõ iseriòre boho ixyby ixybyle riteòarinymyhỹrenyre byrena-ò mona momo-my.
|
||||
\v 5 Kia rynana rurawona rexihumyhỹreu, Jo txu ijara iòhòmy rỹimyhỹre, kia tahe taaõwiwimy Deuxu-ò reàlàmy rexitòenymyhỹre, kia tariòre boho sohoji sohoji-my rarybemy rexitòenymyhỹre, kia inireny tyramy ratxirenykremy. Jo ixyby ixybyle tuu riwinymyhỹre, kiemy dori myy rõhõtinymyhỹre, txibo iriòreõ òraruna riwinykelau, txibo taraykyki Deuxumy radònyketxi.
|
||||
\v 6 Kia tahe txu-ò rehemynyre, iu Deuxu rybe-di aõmysỹdỹỹdu mahãdu dirahudenyde Deuxuko-ò rexideòsinyrenykremy, kia ityarenyki tahe Santanás nalede.
|
||||
\v 7 Deuxu ritỹỹraxinyre: — tiribibo kai tareri? Santanás rirawyònyre: — Kia su tyadi rariamy watxireri, kaki kuaki.
|
||||
\v 8 Tai Deuxu myy raeybere: — Kai aõbo waijoi Jo-di tetehete? Ibutumy hãwa hãwa roire-ribi moo awimy òbitimy ratxiõhyymyhỹre iwesemy. Tii walau roberumyhỹre, kia tahe tiu aõ ibinamy riwinykelau rexiijemyhỹre.
|
||||
\v 9 Santanás rirawyònyre: — Kia aõbo ixideewi-ribi aõkõo alu ruberumyhỹre?
|
||||
\v 10 kai aõbina ityre resekelau tetòenymyhỹte, kia iriòre boho tule, kia ibutumy aõbo tuu rỹimyhỹre. Kia arybewiwi ibutumy tewahinymyhỹte Jo aõ riwinymyhỹreki, ka hãwa nihikỹ roire-ribi tii heka sõemy broreni-di ratximyhỹre.
|
||||
\v 11 Kia ibutumy iaõnaõna iribi ratakeki tahe, kai idi betehekre tii urile aratxuhòkre aõmy aratyhynymy aõkõ.
|
||||
\v 12 Deuxu, Santana-ò rarybere: — Awire. Aõwaxina aõ ixideewimy aõbo Jo-my rỹimyhỹre biwinykre, kia uritre ta aõhe Jo isỹdỹỹõmykre. Tai tahe Santanás Deuxuko-ribi rare.
|
||||
\v 13 Tiu txuu, Jo riòre boho rynanaki roruumyhỹrenyu, taumydelareny hetoki.
|
||||
\v 14 Kia Jo heto-ò teòduõ rehemynyre, kia ta myy rarybere: — Diarỹ boho suu rearanymy watxirenyreri broreni-di, kia buru tahe wabirerenyki asimy riroximy ratximyhỹ.
|
||||
\v 15 Kia isitere-ribile tahe Sabeus mahãdu aõbinamy wadeereny reare, kia ta ibutumy aõnaõna riwyrenyre. Tii boho heka tõniri-di adeòdu mahãdu rirubunyrenyre, kia diarỹ sohoji rahenymy ijyy-di rareri.
|
||||
\v 16 Kia rarybemy rỹireri-wana wana, kia teòduõ rareri, kia ta myy rarybere: — Biudelaa biu-ribi resere, kia tahe ibutumy abudoenireny rirubunyrenyre, asi tule. Kia diarỹ sohoji rahenymy ijyy-di rareri.
|
||||
\v 17 Kia rarybemy rỹireri-wana wana, iinataõna rehemynyre, kia ta myy rarybere: — Inataõmy Caldeus mahãdu sõereny wadeereny aõbinamy rekoarenyre, kia ibutumy camelo ridyrenyre. Tii boho heka tõnori-di adeòdu mahãdu rirubunyrenyre, kia diarỹ sohoji rahenymy ijyy-di rareri.
|
||||
\v 18 Kia rarybemy rỹireri-wana wana, ixyby ijõõ rehemynyre, kia ta myy Jo-ò rarybere: — Ariore boho rynana tyaki roruumyhỹreny, taumydela hetorenyki.
|
||||
\v 19 Kia isitere-ribile bederahy-ribi yhydere nihikỹ rayhynymy reare heto mynamy, kia heto ariòre boho tyrehekỹle resere. Kia ibutumy tii boho rururenyra; kia diarỹ sohoji rahenymy ijyy-di rareri.
|
||||
\v 20 Tai tahe Jo rexilamadỹỹnyre, kia rabederyryreu tatyy ritxuatxuare, kia taratyy ribrasanyre. Irahudi tahe tatiòhumy su-ò taòsỹnymy resere, kia tahe Deuxumy rerinanyre.
|
||||
\v 21 Tai tahe myy rarybere: — Diarỹ wademy ruare, aõhoaõkõ, kia ta aõhomyaõkõ arurukre. Deuxu wadee riwahinyre, Deuxu waribi ritare; taniwiwihikỹmy.
|
||||
\v 22 Kawesemy tahe ibutumy aõhỹỹhỹỹmy rutỹỹnyre, Jo òraruna riwinyõre, kia Deuxu òraruki tuu rutỹỹnyramy rarybeke aõkõre.
|
||||
\c 2
|
||||
\p
|
||||
\v 1 Kia ixybyle txuu tamy remynyre, iu Deuxu rybe-di aõmysỹdỹỹdu mahãdu dirahudenyde Deuxuko-ki rexideòsinyrenykremy, kia Santanás ikyrenyki nalede.
|
||||
\v 2 Deuxu ritỹỹraxinyre: — Tiribibo tateri? Santanás rirawyònyre: — Kia su tyamy rariamy watxireri, kaki kuaki.
|
||||
\v 3 Deuxu tamy rarybere: — Kai aõbo waijoi Jo-my tabite? Kia hãwa hãwaki inyõ awimy òbitityhymy ratxiĩhyymyhỹre iwesemy. Tii heka walau ruberumyhỹre, kia tahe aõ ibinamy riwinykelau rexiijemyhỹre. Kia ribi tahe kai arybenahemy tiwaatyte, diarỹ Jo aõhỹỹmy rutỹỹnykremy rewahinyre, kia heka aõ iòraruõhyyre. Kia hãre tahe tii ixiyrybule awimy òbitimy ratximyhỹre ikiemy.
|
||||
\v 4 Santanás rirawyònyre: — Kia ideòle aderexi rỹikre aõhebo rutỹỹnykremyini. Iny mahãdureny heka ibutumy iaõnareny rexihurenykelau ruberurenyõhyymyhỹrenyre, kia heka tabededỹỹnanareny riywinymy ratximyhỹrenyre.
|
||||
\v 5 Ka tahe wiji, txibo wadebò aritetekre, kia tahe iumy ariwotõmonykre, kia idi betehekre, kia aõmy aratyhynymy aõkõ aratxuhokre.
|
||||
\v 6 Deuxu myy Santanás-ò rarybere: — Awire. Aõwaxina aõ ixideewimy Jo-ò biwinykre, kia uritreta irubudỹỹõmykre.
|
||||
\v 7 Tai Santanás Deuxuko-ribi rare, kia tahe Jo umy ibutumy yjybina nihikỹ-di rỹxire, kia iwaube-ribi iratiòhòkỹle raonananyre.
|
||||
\v 8 Jo bryby ratòòtyre runyre, kia tahe sauõ rimyre idi rexiysekremy.
|
||||
\v 9 Kia ihãwyy myy rarybere: — Kai anobo awihykylemy atxiteri? Deuxu bitxuhòke rurukemy
|
||||
\v 10 Jo rirawyònyre: — Kai heka aõnaõna binabinalemy tarybeteri! Iny boho heka Deuxu-ribi aõnaõnawiwi rimymyhỹrenyre, aõherekibo tahe aõnaõna binabinahãkỹ rikimyreõkre? Kawesemy tahe ibutumy aõhỹỹhỹỹmy rutỹỹnyre, Jo òraruna riwinyke aõkõre, kia rybe sohojiõmy Deuxu òludumy rarybeõhyyre.
|
||||
\v 11 Jo heka inataõmy ibiòwa ijõdire: Elifaz, Temã bede ludu; Bildade, Sua bede ludu; Zofar, Naama ludu. Tii boho heka Jo aõhỹỹhỹỹmy rutỹỹnyremy rieryrenyre, kia tahe bede widee riywinyrenyre tamy itxeremy roirenykremy, tamy raryberenykremy, timybo bede riryrymy ratxirerimy riixawidỹỹnyrenykremy.
|
||||
\v 12 Kia irehe-ribi tii boho Jo rieryrenyõhyyrenyre, irahudi tahe tiimy rieryrenyreu, tii boho rahinyrenyre katxiterehekỹmy. Kia tahe bederyry deòsinamy tatyyreny ritxuatxuarenyre, kia suỹnysi-di biutxi rehurenyre taratyyreny-ò.
|
||||
\v 13 Kia-ribi tahe sutyretxi runyrenyre Jo biretxi, kia tahe tai bede rierenyre debò inatximy txumy debò inatxi rumy; kia aõmy raryberenyõhyyrenyre, kiemy dori Jo aõhỹỹmy sõemy rutỹỹnyreri-di reteherenyreriki.
|
||||
\c 3
|
||||
\p
|
||||
\v 1-2 Ikonanau tahe Jo rybeõmy ratximyhỹre-ribi rexiixawidỹỹnyre, kia tahe tiu txuubo reare ritxuhore. Jo:
|
||||
\v 3 Aõherewekỹ txu binahãkỹu uladumy reare! Aõherewekỹ ru binahãkỹu myy raryberenyre: "Uladumy ruara! Hãbu heka rare!"
|
||||
\v 4 Kia kua txu bedelurumy rexirahorere! Kia Deuxu biuludu, idi aõmy rõhõtinyõhyykre, kia tiu ixyby loosona roosoõtyhy!
|
||||
\v 5 Kia bedeluru e as trevas rimyrenykre; kia biuwetyy ritybònymy riturinykre biu loosona.
|
||||
\v 6 Kia ruu ikiemy turumy roikre, kia tyyriti rirana-ribi riõkre.
|
||||
\v 7 Kia ixiyhylemy rabedewomy ruu roikre, kia tai tiu iny bedesa rajuana-ò iijohonaõna.
|
||||
\v 8 Kia hyri mahãdureny urile ritxuhòrenykre, kua boho ibedeeryreny irurureny ijõdimy ratximyhỹrenyre Monstro Levitã ratyremy.
|
||||
\v 9 Kia rudiu taina rỹimyhỹre rurunykre; kia heka tii loosona riraòmyhỹre, kia tahe loosona raõhyylere; kia bede rarawetyamy ramyhỹre rehemynyõhyyre.
|
||||
\v 10 Kiemy dori tii heka nadiwo-ribi areakremy riwawahinyre, kia heka aõhỹỹmydỹỹnana wadee ritidiõlere.
|
||||
\v 11 Aõherekibo warubumy ruaõre? Aõherekibo uladumy reareule raruõre?
|
||||
\v 12 Aõherekibo nadi tawyòtyreki riwamyre? Aõherekibo tahuỹ wadee riwahinymy riwahuỹtònyre?
|
||||
\v 13 Txibo diarỹ kua bedeule arurure-wana, ka wiji taini arõrõmy aroireri, arexielehynymy awityhytyhymy.
|
||||
\v 14 Kia Iòlò-wanaini aratxireri, kia wedurarie nihikỹ palácio ehetxina riwinyrenyrekiini.
|
||||
\v 15 Kia aõhe-wana Governadores mahãdureny-wana aratxireri, tii boho heka tahetoreny manarỹsỹrỹsỹ-di ritỹxinymyhỹrenyre.
|
||||
\v 16 txibo nadi weiõnomy reare-wana wasimy, diarỹ ire-wana tiuini watxiõhyyreini, kia iwese uladu tiu txu loosona robiõmyhỹre wesemyini aratxire.
|
||||
\v 17 Hãluuranaki heka iny itxỹte mahãdu lòrelòrena rexihumyhỹrenyre, kuaki heka iny reywesemyhỹrenyre raydònymyhỹrenyre.
|
||||
\v 18 Tai heka brejudu mahãdu ibutumy rexielehynymyhỹrenyre, kia tawedureny rajua-ò roholarenyõhyymyhỹrenyre.
|
||||
\v 19 kia heka iny aõnityhytyhymy tai rỹimyhỹrenyre, iny uritremy ijaradu tai rỹimyhỹrenyre, iny deòdumy rỹimyhỹrenyre, kia tai ixideewimy ratximyhỹrenyre tawedureny-ribi.
|
||||
\v 20 Aõherekibo tahe ibederyrymy rỹimyhỹrenyre mahãdu aloosonamy rbihyymy ratximyhỹrenyre? Aõherekibo tahe iny icora,cão txubereremy rỹimyhỹrenyre, irumy rỹirenykremy tewahinymyhỹte?
|
||||
\v 21 Tii boho heka rubu riraòmyhỹrenyre, kia tahe tamyreny naõhyymyhỹde, kia tii boho iny ityhymy rỹimyhỹrenyre ratyremy rexitòenymyhỹrenyre.
|
||||
\v 22 Tii boho heka sõemy reysamy rabedesamyhỹrenyre, kia tiu hãluurana konana-ò resemyhỹrenyreu.
|
||||
\v 23 Deuxu heka iny iruebetàmy rỹimyhỹrenyre mahãdu ririradỹỹnymyhỹrenyre, kia wiòwiòmy riuhuarinymyhỹrenyre.
|
||||
\v 24 Ariroxikemy watximyhỹreu diarỹ urile rahinymyhỹre, kia raohitxinymyhỹre heka be wesele rejujumyhỹre.
|
||||
\v 25 Kualau heka diarỹ raberumy raremyhỹ tuu aõhỹỹmy ratỹỹnyre, kia ilau raberumy raremyhỹ heka wadee rehemynymy riwamyre.
|
||||
\v 26 Ywimy aratxike heka wadee ihoõre, arexielehynyke ihoõre, ixi sohojimy aratxike ihoõre, bede jeijeile heka waki ijõdire.
|
||||
\c 4
|
||||
\p
|
||||
\v 1 Elifaz Tema ribi rybe:
|
||||
\v 2 Jo, kai aõbo dònamy beakre diarỹ ararybekreki? Mobo tahe rybeõmy ratxikre?
|
||||
\v 3 Kai heka sõemy iny mahãdu teixinanyte, kia aruru tewahinyte iny sõemy teywesemy bederyrymy rỹimyhỹrenyre-ò.
|
||||
\v 4 Kia tiu iny ratiyròmyhỹreu reywesemy iryryõmy, kia arybe tahe riteyrewedỹỹnymy ritamadỹỹnymyhỹrenyre.
|
||||
\v 5 Ka tahe abededỹỹnana-ò bede rehemynyre aaõhỹỹmydỹỹnana-ò, timybo tahe kai ywityhymy texiuaremy atximyhỹte teenodỹỹnyte?
|
||||
\v 6 Deuxu tetyhynymyhỹte adee tyhydỹỹna riwahinyõreri? Abededỹỹnanawiwi òbitimy atimyhỹte rarysòna-di rỹxiõreri?
|
||||
\v 7 Kai aõbo inyinybòmy rỹimyhỹretxi õhõti reaõre, kia aõhỹỹmydỹỹnanatxi reseretxi, aõhe-wana iny òtimy rỹimyhỹre rururetxi?
|
||||
\v 8 Diarỹ heka idi reerymy retehere, kia bederomy aõnaõna binabinale riaranymy rỹimyhỹrenyre, kia tahe alòbrònaty binabinale ribrònymyhỹrenyre, kia tahe aõnaõna binabinale iribi rihemyhỹrenyre.
|
||||
\v 9 Kia yhydebure wesele, Deuxu takyaramy rahumyhỹrenyre.
|
||||
\v 10 Tii boho heka hãlòe debure wesemy rawobrumyhỹrenyre, ka Deuxu tahe iwobrureny riixawidỹỹnymyhỹre, kia txureny riyròyròmyhỹrenyre.
|
||||
\v 11 kawesemy tahe iwese hãlòe mahãdu rariunyrenyõhyymyhỹrenyre, tii boho heka ramale rirubunymyhỹrenyre, kia iriòre boho rauberamyhỹrenyre.
|
||||
\v 12 Wadee rybe inytyhy nade, iwasimy kia tiu awityhymy tamy aijohoõna.
|
||||
\v 13 Kia rumy, iu iny mahãdureny rõrõtyhymyhỹrenyreu, diarỹ uni watyrereare, kia tahe bedejeijeimy riwasỹnyre.
|
||||
\v 14 Kia bede binabinanihikỹ riwamyre, kia waumy ibutumy ramytatare.
|
||||
\v 15 Yhy waòsỹnybymy reare, diarỹ ibutumy watyy raõrirehesinyre.
|
||||
\v 16 Inyõ heka kuaki ratximyhỹ, kia tahe retehewiwire, kia ta tuu rabiwityhyõhyyre. Kia bede rabynyre irahudi tahe rybewodỹỹ-ò myy raholare:
|
||||
\v 17 "Iny aõbo òbitityhymy Deuxukoki ratxike? Inyõ aõbo iximynatyhy taruetyhy-di tawidỹỹduruki ratxike?
|
||||
\v 18 Deuxu heka teòdu mahãdu dori rityhynyõhyymyhỹrenyre, kia ta anjoki dori aõ tai ibinamy rahãmyhỹre.
|
||||
\v 19 Tai tahe kai tahõtinyte iny rỹimyhỹre rityhynykemy, kia heka su-ribi relerenyre, kia sỹnode-ribi raumydỹỹrenyre, kia heka aõwaxina iròdusõmo wesemy iny rasurusurumyhỹrenyre.
|
||||
\v 20 Aõwaxina iny boho biurasòmy irumy rakatxirenykre, kia txioromy tahe ikiemy rukururenykre, kia tahe tiu inyõ idi rexinohõtinyõtyhy.
|
||||
\v 21 Iny boho heka rexihumyhỹrenyre, kia iwese heto riore rejujumyhỹre wesele, kia tahe iny boho bedeery rimyrenymy aõkõ rururenymyhỹrenyre."
|
||||
\c 5
|
||||
\p
|
||||
\v 1 Birajuake Jo; txibo inyõ ararawyònykemy. Tiwesena anjo obo tahe kai byrykre?
|
||||
\v 2 Kia ibinamy aumy rubrerenymy, kia heka itxỹtena rare, kia heka iny inytyhy sirana heka iny rubu-ò ridymyhỹre.
|
||||
\v 3 Sohoji ha~bu itxỹteõmy rabire, kia heka tabededỹỹnanadi raòwònymy rare, ka diarỹ tahe iriòrereny-wana rextuhòrenyre.
|
||||
\v 4 Iriòre boho heka imynydureny ihoõre; kia rybena-ò ròimyhỹrenyreu ibutumy rexihurenykremy ratximyhỹrenyre ibinatyhymy, kia iny iitxedureny ihoõre.
|
||||
\v 5 Ramasadu mahãdureny heka rikokròmyhỹrenyre raityhynyrenykederamy; kia ixybyle iaõwirenyredena tamyreny ròòsemyhỹre, kia mai bedeykyki ruhunymyhỹre dorile riòwynymyhỹre.
|
||||
\v 6 Aõhỹỹmydỹỹnana tiu s-ribi ròhònyõhyymyhỹre; bede binabina tiu bede-ribi ruaõhyymyhỹre:
|
||||
\v 7 Iny bohole heka aõhỹỹhỹỹmydỹỹnana ixideereny riòlòdỹỹnymyhỹrenyre, kia òbitimy iwese nawiisõmy biu-ò ruòmy rỹimyhỹrenyre wesemy.
|
||||
\v 8 Jo, txibo diarỹ kaikeki, kia Deuxuòle aròòseke, kia tahe waaõbinabina ibutumy tamy ariwahinyke.
|
||||
\v 9 Iny boho heka tiu ierysyrenyõna, kia aõnaõnawiwihikỹ tii riwinymyhỹre, kia ibedeòtidỹỹna ionana ihoõre.
|
||||
\v 10 Deuxu biulòra riwahinymyhỹre su-ò; tii bee riwinymyhỹre bederotyre resekremy.
|
||||
\v 11 Deuxu heka iny rybeõmy rỹimyhỹrenyre biu-ò ritidimyhỹrenyre, kia irynanareny rimywiwimy tamy risỹnymyhỹrenyre rahinymyhỹrenyreki.
|
||||
\v 12 Deuxu heka iny bedeery mahãdu bededỹỹnanareny riixawidỹỹnymyhỹre, kia ibedeywidỹỹnareny ribinabinanymyhỹrenyre.
|
||||
\v 13 Tii heka bedeery mahãdu ibedeeryrenydile rimymyhỹrenyre, kia tahe (intrigas) iribireny rahumyhỹrenyre.
|
||||
\v 14 Txumy heka tii boho bedeluruki ratximyhỹrenyre, kia txutyemy tahe inyruebetà mahãdu ririranymyhỹrenyre, Kia tahe ruwesemy (rapalpanymyhỹrenyre).
|
||||
\v 15 Deuxu heka iny iaõkõmy rỹimyhỹrenyre mahãdu rubu-ribi rihedỹỹnymyhỹrenyre; tii heka iny aõmy rekoamyhỹre mahãdu iwedureny-ribi ritamyhỹrenyre.
|
||||
\v 16 Deuxu heka iny iruruõmy rỹimyhỹrenyre-ò rarysòna riwahinymyhỹrenyre, kia tahe iny itxỹte mahãdurenyry urile ritòbònymyhỹre.
|
||||
\v 17 Kia awityhymy mobo Deuxu riywinymyhỹre! Iurenana heka tiu Deuxu rarytxyna idi rehuõtyhy.
|
||||
\v 18 Deuxu heka inyki rojymyhỹre, kia tahe tiiòbitile iny rituahinymyhỹre; tii iny riwotõmonymyhỹre, kia tebole iny riteytenymyhỹre.
|
||||
\v 19 Irahudi, Deuxu bedeòhãru-ribi arahedỹỹnykre, kia tahe tiu aõbinabina adee riwahinyõtyhy.
|
||||
\v 20 Kai rama reakreu Deuxu tiu burukremy arawahinyõtyhy, kia wounana bedeu tii tõniri-ribi arahedỹỹnykre.
|
||||
\v 21 Tii heka rybebinabina-ribi arawokre, kia tahe kai tiu buberuõtyhy tiu ixihuduna rỹikreu.
|
||||
\v 22 Kai urile butxuenykre tiu bede binabina rỹikreu, kia rỹsỹna rasiranykreu, kia tahe tiu iròdu iròdu deburelau buberuõtyhy.
|
||||
\v 23 Asyraroki mana rỹimyhỹre tiu aradu ribòhònyõhyymyhỹre, kia iròdu debure mahãdu tiu riròrenyõtyhy.
|
||||
\v 24 Ahetoki heka kai aõbinabinaõmy mahãwanykre, kia tiu aaõnaõnamy belyykreu, kia tiu aõ aki rasiranyõtyhy.
|
||||
\v 25 Kai sõemy mariòrenykre, kia ariorerio boho tahe rasõerenykre, kia asirade rỹimyhỹrenyre wesehekỹle.
|
||||
\v 26 Kai heka mamatuariny-di aruru ijõdimy burukre, kia maixõmo rabutudỹỹmy rahemyhỹre wesemy.
|
||||
\v 27 Jo, kawesemy heka bededỹỹnana iny boho riixinanymyhỹrenyre. Ka heka inatyhy òbiti rare; idiini mohõtinyke ixideewityhymy.
|
||||
\c 6
|
||||
\p
|
||||
\v 1-2 Jo rybe: Txibo waõhỹỹhỹỹ utxiedỹỹna-ò ralidikeki,
|
||||
\v 3 Kia òbitimy arautxienyke berònihikỹ ỹnyra rỹimyhỹre ratyremy. Iurenana heka adeburerybemy rarybere.
|
||||
\v 4 Deuxu bedeery nihikỹ wyhy debure waki nyimyhỹde, kia veneno tahe wauni-ò nalòmyhỹde. Deuxu heka taòhòte-di desenadi sõemy riwatỹxinyre.
|
||||
\v 5 Buru heka reysamyhỹre tiu asimy riroximyhỹreu, broreni tahe aõmy rarybeõhyymyhỹre asi ijõdi-wanaki.
|
||||
\v 6 Modeebo tahe awire rỹsỹna saõmy rỹimyhỹre? Aõbo tahe tai awimy rỹimyhỹre hãniesiuraki?
|
||||
\v 7 Kia heka arirỹsỹke wadee ihoõre, kia ibutumy rerỹsỹmyhỹreu aõhỹỹmy riwasỹnymyhỹre.
|
||||
\v 8 Txibo Deuxu-ò rexitòenyreri wadee kidiwahinykeki! Txibo Deuxu waixitòedỹỹna kidirawyònykeki!
|
||||
\v 9 Kia tahe tii wabededỹỹnana-ribi riwatake; tii riwahetenymy riwarubunyke!
|
||||
\v 10 Txibo diarỹ tuu bede arierykeki Deuxu tuu wadee riwinykeki, kia diarỹ wabedesamy arawayrytòke, kia aõdese inihikỹmy ratỹỹnyreri hãrele. Kiemy dori Deuxutyhy rare, kia diarỹ tiu iòludumy reaõhyymyhỹre, aõ riwinymyhỹreu.
|
||||
\v 11 Titxibo tahe waruru roire idi arexiijekremy? Aõherekibo tahe warumy ararekre, aõ reraòmy aõkõ watximyhỹre-ribi?
|
||||
\v 12 Diarỹ aõbo watyhyre mana wesemy? Waumy aõbo bronze wesena rare?
|
||||
\v 13 Diarỹ heka arexiwiòhenanyke ihoõre, kia inyõ ihoõre riwawiòhenanyke.
|
||||
\v 14 Iny rõhõtiyremy werymy reamyhỹre heka tiukekõna ibiòwareny idi rexiwobrunymyhỹrenyre, kia Deuxulau ruberuõmy rityhynyõmy rỹimyhỹre hãrele.
|
||||
\v 15 Ka diarỹ tahe aõmy adeereny warybeõna wabiòwareny, kia heka riwajurykròrenyre iwese ahu riòre wyrau ruỹmy ramyhỹre wesemy.
|
||||
\v 16 Komy heka tii tỹximy bejutàtàrara-di roimyhỹ, ranonoenymy,
|
||||
\v 17 Ka irahudi tahe bemy rexirahòrere, kia bederatòteemyhỹreu urile riõmy ramyhỹre, kia tahe iherina rarubumy raterenymyhỹre.
|
||||
\v 18 Kia karavana mahãdureny reòsamyhỹrenyre bee rierenymyhỹrenyreki; kia tahe bederahy-ki reburerenymy taile rurumyhỹrenyre.
|
||||
\v 19 Kia iny mahãdu Tema-ribi Sabá-ribi dirahumyhỹdenyde, kia ahu riòre riemyhỹrenyre, kia heka sõemyrarysònadi roimyhỹre,
|
||||
\v 20 Kia tahe ritehemynymyhỹrenyreu, kia ibutumy jurydeserenyrayròmyhỹrenyre, kia iraròsòreny tahe taile rexihumyhỹrenyre.
|
||||
\v 21 Kai boho heka ahu riòre wesena toite; kai boho heka waõhỹỹhỹỹ-ò tadòimyhỹtenyte, kia tahe urile taberumyhỹtenyte.
|
||||
\v 22 Diarỹ aõbo aõ wadee biwahinybenykremy adeereny aõbo rexitòenyre? Aõ aõtxi wadee biwahinybenykemy?
|
||||
\v 23 Diarỹ aõbo rexitòenyre waòludu-ribi biwahedỹỹnybenykemy, kia aõbo itxỹte mahãdu debowo-ribi biwatabenykemy aõbo adeereny rexitòenyre?
|
||||
\v 24 Biwaixinanybenyke, tai diarỹ rybeõmy aratxikre; aõbo ibinamy rewinyre wadee biteòsinybenykre.
|
||||
\v 25 Mobo `bitimy rarybemyhỹre irybe rahãỹnanymyhỹre, ka arybereny roimy tarybemyhỹtenyte tahe aõbo teòbitinyõhyymyhỹtenyte.
|
||||
\v 26 Kai boho aõbo diarỹ rarybereri bitxiỹnybenykemyreri, kai boho aõbo hãbu aõhỹỹmy werymy ratximyhỹre rybe tetxiõnytenyteri, kia yhy wesemy rỹimyhỹrenyremy aõbo?
|
||||
\v 27 Kai boho heka õhõtireny ijõdire, kia uladuõ tybyõmy rỹimyhỹre-di bohonybenykemy iny sõeykyki; kai boho abiòwareny-di dori tahonytenyte!
|
||||
\v 28 Warue-di betehewiwibenyke, manarybebedenyke txibo diarỹ raroirerimy.
|
||||
\v 29 Iribi bitabenyke aõmybo raryberenyramy; kia dori òbitityhyaõkõ rare. Uritre warubudỹỹrenyõmykre; diarỹ dori warybeònana ijõdimy rarybereri.
|
||||
\v 30 Kai boho heka wadi roilemy aõmy rarybemyhỹremy tahõtinymyhỹtenyte? Diarỹ aõbo reeryõre, aõ òbitimy aõ òbitimy aõkõ rỹimyhỹre?
|
||||
\c 7
|
||||
\p
|
||||
\v 1 Kabedeki bededỹỹnana iteremy roimyhỹre, sodadu mahãdu aõmysỹdỹỹnana wesemy; ibutumy heka iny sohoji sohoji raõmysỹdỹỹnymyhỹre iutxiemy,
|
||||
\v 2 iwese deodu (escravos) mahãdu bedeubròròmy... iwese aõmysỹdỹỹdu mahãdu taòwydỹỹnareny riraòmyhỹrenyre wesemy.
|
||||
\v 3 Ahãdu irahudi ahãdu-di heka diarỹ aõnaõna òbitimy rarybemyhỹre, kia ruu wadi rurunymyhỹre heka sõemy waõhỹỹmydỹỹnana ruu ririnymyhỹre.
|
||||
\v 4 Ka ruu heka irehemy raroorehenymyhỹre; diarỹ heka waumy reywesemyhỹre waherinaki raimyhỹre-wanaki txuijara iòhòmyhỹreu, kia tahe rỹỹraximyhỹre: "Ka aõbo lamanaòra-ò aõbo rehemynyra?"
|
||||
\v 5 Waumy heka aõixỹjydibo rahetynymy roireri, kia watyy raruterenymy roireri; Wade tahe ruamyhỹre iribi tahe wadeyysy reamyhỹre.
|
||||
\v 6 Watxu heka wytyhylemy rariamy ralòmy ramyhỹre, kia tyyretydyna ròretymyhỹre ratyremy, kia tahe roimyhỹrenyre raròsòna ririrenymy aõkõ.
|
||||
\v 7 Deuxu itxi aõbo õhõti reare, wabededỹỹnana yhy rabudỹỹmyhỹre wesenale rare; warue heka tiu aõnaõna bedesanamy tobixiõna.
|
||||
\v 8 Kai heka wiji wamy tabiteri, kia tahe tiu ixyby wamy obixiõna; kai watxi betehekre, kia tahe diarỹ wakõrawanahãkỹle.
|
||||
\v 9 Iwese biuwetyy reamy riõmyhỹre wesele, iwese iny rubu mahãdu bede-ò resemy ramyhỹre tiu ixyby ròòseõtyhy;
|
||||
\v 10 tii tiu ixyby taheto-ò iõkeseõna; tiu inyõ ixyby itxi tõhõti reaõtyhy.
|
||||
\v 11 Iurenana tahe tiu rybeõmy aratxiõtyhy. Diarỹ heka aõhỹỹhỹỹmy ratỹỹnyreri rarybereriki, diarỹ heka areburekemy watximyhỹre, kiemy dori wacora,cão sõemy aõnaõna binabina tỹximy roireri.
|
||||
\v 12 Diarỹ aõbo aõni bero nihikỹwomy rỹimyhỹre wesena aõbo rare, kia wadi reteherenymy ratxirenyreri?
|
||||
\v 13 Kia diarỹ herinanadi rahõtinyre ixielehynatxi rearemy, kia tỹhiki tahe waõdesedese rewetaridỹỹnymyhỹre,
|
||||
\v 14 tai tahe warasi riwabrebunymyhỹre, uni watyre reamyhỹre-wana wabrebu rityranymyhỹre.
|
||||
\v 15 Diarỹ heka estrangulado-my aratxike wadeewire; rubule heka awityhyre ka warumy waumy-di watximyhỹre-ribi.
|
||||
\v 16 Warumy aratxike heka riwaojinyre; kia ixyby warumy aratxikõkemy watximyhỹre. Biwarike aõbinabinaõmy, kiemy dori wabededỹỹnana aõki awiõhyyre.
|
||||
\v 17 Aõbo tahe iny boho roire, aõmybo tahe iny boho aõ aõtyhymy riwahinymyhỹrenyre, kia aõmybo iny-di texinõhõtiyrenymyhỹtenyte?
|
||||
\v 18 Aõherekibo tahe iny boho txuu iyhyõmy inydireny retehykymyhỹrenyre, kia ibutumy iny boho prova ratyre ròhònymyhỹrenyre?
|
||||
\v 19 Tiubo tahe wadi ijere-ribi ixawikre, kia diarỹ awityhymy ixisohojimy aratxikremy?
|
||||
\v 20 Txibo òraruna rewinyra-wana, aõbo tahe ibina adee rewinyra, kia iny mahãdu wadihyyle retehemyhỹrenyre? Aõherekibo tahe awyhy brebuna nihikỹ wadee tewinyta? Diarỹ aõbo aõnahyna nihikỹutxie rỹimyhỹre wesena aõbo rare?
|
||||
\v 21 Aõherekibo tahe waòrarumy urile teàlàõte, aõherekibo waõbinabina tesuõte? Kia heka iòhòtyhylemy hãluuroki aroikre; kai uritre biwaijekre, kia tahe diarỹ tiu ixyby aratxiõtyhy.
|
||||
\c 8
|
||||
\p
|
||||
\v 1 Bildade rybe:
|
||||
\v 2 Jo, tiubo tahe kai kawesemy marybekre? Tiubo tahe arybe yhydebure wesemy marybekre?
|
||||
\v 3 Kia Deuxu aõbo aõ òbitimy rỹimyhỹre rimoenykre aõbo? Kia aõbo ibutumy tabedeery-wana riwinykre aõ òbitimy rỹiõmyhỹre?
|
||||
\v 4 Kia aõhe-wana inatyhymy ariòre boho Deuxu deewiõmy òraruna riwinyrenyra, tai tahe tii rirarytxynyrenyre tuu rekoamyhỹrenyremy.
|
||||
\v 5 Ka tahe wiji Deuxu boosekre, kia tahe ibutumy ibedeery nihikỹ-ò bexitòenykre.
|
||||
\v 6 Txibo kai inatyhymy òbitimy atximyhỹte-wana, Deuxu aõtamaõkõ awiòhedỹỹmy kanakre, kia tahe ixybyle aõwiwihikỹ adee riwahinykre tuu tesỹnymyhỹtemy.
|
||||
\v 7 Kia aõnaõna ityhyna nihikỹ aribi riõre, kia heka aõ aõkõ rare, kia Deuxu adee irahudi kidiwahinykre-wana biurihinanykre.
|
||||
\v 8 Iny ehetxina mahãdureny-ò myyraxike; juhuluduna mahãdu bedeerynana bieryke.
|
||||
\v 9 Kia heka iny boho kau uladumy ruarenyre, kia aõ iny boho rieryrenyõhyyrenyre; iny txureny sumy rỹimyhỹre heka bedeubròrò wesele rariamy rexihumyhỹre.
|
||||
\v 10 Kia ixinamy iny ehetxina mahãdureny adee rarybemy araixinanykre. Tabedeeryreny bedeerydỹỹna-di heka tii myy raryberenykre:
|
||||
\v 11 "Kia aõbo taboa aõwaxina brejo webròki raumynykre, yda atehõ aõbo bee ihoõmy raumynykre?
|
||||
\v 12 Kia atehõ iru ibòreri hãrele, kia rakròrerimy aõkõ rarubumy ramyhỹre, ijõ iru kanakreko-ribi.
|
||||
\v 13 Kawesemy tahe iny aõhe rutỹỹnymyhỹre, kia iny Deuxu-ribi tõhõti rusamyhỹre; kawesemy tahe aõ iny itxỹte mahãdureny-ò rarysònareny-ò rehemynyõhyymyhỹrenyre.
|
||||
\v 14 Imynydureny heka ariteti wesena rare; ityhydỹỹnareny heka teia de aranha wesena rare.
|
||||
\v 15 Tii boho heka teia-ò rexiwiòhenanymyhỹrenyre, ka tii tahe riòludunyõhyymyhỹre; kia ariteti wesena-ò reximymyhỹrenyre, kia tahe lamamy rỹiõhyymyhỹrenyre."
|
||||
\v 16 Iny itxỹte mah~dureny raumynymyhỹrenyre, iwese bederade txu-ò alòbrònamy roberamyhỹre wesele.
|
||||
\v 17 Irarutireny heka urile manaki rỹtenymyhỹrenyre, kia urile manaurahãkỹki rahãletemyhỹrenyre,
|
||||
\v 18 Ka txibo inyõ ritakeki, tiu inyõ rieryõtyhy tai ratxirenyremy.
|
||||
\v 19 Kawesemy bedesana nihikỹ rawahimyhỹre iny itxỹte mahãdureny-ò; kia iny witxira rehemynymyhỹrenyre, kia tahe ihãwareny-di rahãỹnanymyhỹrenyre.
|
||||
\v 20 Kia heka inatyhymy òbitimy Deuxu iny òbitimy rỹimyhỹre tiu riatyõhyymyhỹre, kia tiu tebò riwahinyõhyymyhỹre iny itxỹte mahãdureny wiòhenadỹỹmy.
|
||||
\v 21 Tii heka ixybyle butxuenykremy arawinykre, kia tahe bedesa nihikỹmy birajuakre;
|
||||
\v 22 Ka aòludu mahãdureny tahe bedejeijeiykytxi rahãwanymy ratxirenykre, kia iny itxỹte mahãdureny heto tahe rejujurenykre.
|
||||
\c 9
|
||||
\p
|
||||
\v 1 Jo rybe:
|
||||
\v 2 Diarỹ heka sõemy reeryre aõnaõna kawesemy rỹimyhỹre. Timybo tahe iny Deuxu rityhynykre tii òbitimy ratxireri hãremy?
|
||||
\v 3 Mobo tahe Deuxu-wana rybebina riwinymyhỹre? Tii aõwaxima mil-my lỹỹraxi riwinykre, kia ta inyõ ibedeery ihoõre rirawyònykemy.
|
||||
\v 4 Ibedeery nihikỹ sỹymy rỹimyhỹre, ini heka inihikỹmy bedebedemy rỹimyhỹre; mobo tahe itxesuki iratyre ròhònykre?
|
||||
\v 5 Kia moõ riteòarinymy aõkõ tii hãwalò rihejimyhỹre, ka reburemyhỹreu tahe rihumyhỹre.
|
||||
\v 6 Deuxu heka suu ramytanykremy rarybemyhỹre, kia tahe suu ramytàtàmyhỹre; tii heka suweijàti suu rimymy roimyhỹre rimyawanymyhỹre.
|
||||
\v 7 Deuxu heka tarybe riwahinymyhỹre, kia tahe txuu ròhònyõhyymyhỹre, tii heka taina loosòna riturinymyhỹre.
|
||||
\v 8 Deuxu ixisohojile biuratyy riterenyre; tii bero nihikỹ bròtya tyreki rararynyre.
|
||||
\v 9 Deuxu heka taina ibutumy rỹikremy riwinyre: a Ursa Maior, hãti deòte, lòròbòtò, kia taina iraruludu riwinylere.
|
||||
\v 10 Deuxu heka aõanõna ninihikỹ riwinymyhỹre, kia ibedeòtiidỹỹnana heka ionana ihoõre.
|
||||
\v 11 Deuxu heka wabiredile ramyhỹre, diarỹ tahe tuu rabiõhyymyhỹre.
|
||||
\v 12 Txibo Deuxu aõmy reakeki, mobo tahe ialu ritòenykre? Txibo inyõ rỹỹraximyhỹre: "Aõwe riwinyreri?"
|
||||
\v 13 Deuxu tiu ixyby tatyrymy tebure-ò ròòseõhyymyhỹre; kia heka iwatireny Raabe-txile rejujumyhỹrenyre.
|
||||
\v 14 Mobo diarỹ rare, ka tahe Deuxu arirawyònykre? Tikibo tahe rybetxi areakre tii-wana widee rybebina ariwinykremy?
|
||||
\v 15 Txibo diarỹ warybeònawidu ijõdike hãrele diarỹ tiuwarawyòdỹỹõna. Tii heka wadinodu rare; kia wadi rexiwobrunyke sohijilemy tamy arexitòenykre.
|
||||
\v 16 Kai diarỹ tribuna-ò arakremy wadee rybe kanakre, kia tahe tii wadee rexideòsinykre, kia tahe diarỹ waõnaaònamy aroholakre arityhynyõhyykre.
|
||||
\v 17 Deuxu heka riwasurusurunymyhỹre tayhy debure nihikỹ-di, kia tahe aõ iòrarumy aõkõ wawotõmona ranihikỹ ramyhyỹre.
|
||||
\v 18 Tii heka araelenykelau riwatòenymyhỹre, kia tahe aõnaõna binabinadile wabededỹỹnana ritỹxinymyhỹre.
|
||||
\v 19 Waruru nihikỹ ariuhekre? Tii heka irurutere nihikỹ rare. Deuxu-ò aryrykre tribunal kanakremy? Mobo tahe kanakremy riteranykre?
|
||||
\v 20 Diarỹ heka wainybòmy òbitimy watximyhỹre, ka warybele tahe riwararytxynykre, kia tahe waòraruna riòbitiòbitinykre.
|
||||
\v 21 Diarỹ heka wainybore, kia ta tai rexilòrelòrenyõhyymyhỹre; diarỹ heka reywesemy watximyhỹre.
|
||||
\v 22 Wadee heka ibutumy wiesewesehyyre; tai heka Deuxu-ò myy rarybemyhỹre, kia inywiwi inybinabina-wana rexihurenykremy.
|
||||
\v 23 Kia txibo isitere-ribile aõbinabinahãkỹ iny inybò mahãdu rirubunykreki, kia Deuxu urile rutxuenykre.
|
||||
\v 24 Deuxu heka bede bede nihikỹ rỹimyhỹre iny itxỹte mahãdu debowo-ò riwahinyrenyre, kia inywedureny ruereny ritybònyrenyre aõdi ijohonadi. Kia txibo Deuxu aõkõ tuu riwinyre, mobo tahe tuu riwinyre?
|
||||
\v 25 watxu heka wytyhylemy reamyhỹre alòwededu mahãdureny raryremy; tii boho heka aõnaõna bedesanamy robiõlemy rexiwòmyhỹrenyre.
|
||||
\v 26 Wabededỹỹnana heka reamyhỹre, bera heòty wesele, kia nawiwihikỹ coelho-ò ixidi rehumyhỹre wesele reamyhỹre.
|
||||
\v 27 Diarỹ wadebure-ribi wanohõti rusakremy ixidi arisỹnykre, diarỹ aõwaxina wabederyry ixi-ribi ariatykre, kia ka wabedesamy ramyhỹ-ò aroosekre,
|
||||
\v 28 Kia ta aõtamaõkõ waõhỹỹmydỹỹnana wytyhylemy riwarikre, kia dori diarỹ reeryre, tiu Deuxu wainybòmy watximyhỹre ityhydỹỹõna.
|
||||
\v 29 Txibo tii diarỹ waòrarukile tureri-wana, kia aõmy ixi waruruõna.
|
||||
\v 30 Tyysuròna tiu waòraruna isuròõna; tyysuròna rurutere tiu aõbinabina rewinyre isuròõna.
|
||||
\v 31 Deuxu heka beususu-ò wadi rehumyhỹre, kia watyy dorile wamy raybimyhỹre.
|
||||
\v 32 Deuxu heka iny aõkõ rare, wawesena aõkõ rare, iurenana tahe tiu warawyòdỹỹõna, kia tiu iny bededỹỹnanareny tribunal-ò rikiywinyrenyõtyhy.
|
||||
\v 33 Iny inatxidee inywedureny ihoõre, kia Deuxu sohojile riwatamy riwahitxinykre.
|
||||
\v 34 Deuxu, wararytxudỹỹ-ribi ixawike! Uritre abrebuna binabinahãkỹ-di watỹxidỹỹõmyke!
|
||||
\v 35 Tai tahe diarỹ ararybekre, tiu aruberuõtyhy, kiemy dori warayky tiu araroiõtyhy.
|
||||
\c 10
|
||||
\p
|
||||
\v 1 Diarỹ heka reywesemy watxireri. Diarỹ bedebinabina-ribi arexiywinykre, kia tahe wacora, cãoki bedejubrere rỹirerimy ararybekre.
|
||||
\v 2 Deuxu, uritre hãluuro nihikỹtxi wadidehuõmykre! Wadee marybeke timybo raroimyhỹremy!
|
||||
\v 3 Kaile heka tiwawinyte. Timybo tahe ibinamy tiwaatymy, aõanõna binabina wadee tewinyteri?
|
||||
\v 4 Kai aõbo waruereny wesemy aruedi atximyhỹte? Kia aõbo aõnaõnamy tabimyhỹte, iwese diarỹ boho retehemyhỹrenyre wesemy?
|
||||
\v 5 Kia abedeedỹỹnana-di aõbo itxuumy atximyhỹte, waweserenymy? Kia aõbo urihimyole arumy atimyhỹte, iny rỹimyhỹrenyre-ribi?
|
||||
\v 6 Aõherekibo tahe ibutumy waòraru bierykemy tesỹnyteri? Aõherekibo tahe adee tuu rarybemyhỹre aõ ibinamy rewinyremy?
|
||||
\v 7 Kia heka teeryte diarỹ waòraruki aõkõ tuu ratỹỹnyreri, kia ta tiu inyõ ebowo-ribi riwataõtyhy.
|
||||
\v 8 Adebò heka riwawinyre, kia inymy riwawahinyre, ka wiji tahe tiiòbitile riwahureri.
|
||||
\v 9 Itxi aõbo õhõti reare su-ribi tiwawinytemy; kia aõbo ixybyle sonodemy biwarahorekre?
|
||||
\v 10 Kai, wahã nadi-wana riwawinykremy tewinyte, ka warumy bedeki ararekremy.
|
||||
\v 11 Kai waumy watidi wadelete-wana tewinyte, kia watityy wadedi tehetynyte.
|
||||
\v 12 Kai heka warumy arekremy tewahinyte, kia iny arerinamy ararekremy tewahinyte, kia iny-di arukimy atximyhỹte tahe warumy aratxikremy riwaijemyhỹre.
|
||||
\v 13 Kia heka diarỹ reeryre, acora,cãoki juhuhukỹle wasimy roimy raremyhỹ tuu biwinykremy:
|
||||
\v 14 Kia diarỹ òraruna ariwinymy betehekemy wadi tesỹnyte, kia irahudi wamy beàlàke deramy beakemy.
|
||||
\v 15 Txibo diarỹ ixi waòraruki tureri-wana, diarỹ heka wakõmy rare; txibo diarỹ wainybòreri-wana, diarỹ heka wawoki warati alilàmadỹỹnyke ihoõhyyreri, kiemy dori diarỹ urile raixỹrureri waõbinabinadi retehereriki.
|
||||
\v 16 Txibo diarỹ warati alilàmadỹỹnykeki, wabedeeryõtyhyhykỹ, kai leaõ wesemy wadi wahemy teamyhỹte; kia tahe aõbedeòtiidỹỹna tewinymyhỹte biwarubunykremy.
|
||||
\v 17 Kai heka ikiemy wadiitxeredu wadi teitxeredỹỹnymyhỹte wanimy aõmy rarybekremy; aehehe heka waòludumy ire raumynymy ranihikỹmy ramyhỹre, kai tahe wamy taòhòtemyhỹte texitxuhunymy aõkõ, exército wesemy.
|
||||
\v 18 Deuxu, aõherekibo uladumy aruakremy tiwawahinyte? Diarỹ heka inyõ wamy komy robiõdile raruõre.
|
||||
\v 19 Diarỹ heka nadiwo-ribile hãluuro-ò raõre, kia inymy aratxiõhyykemy ixidi rahõtinyre.
|
||||
\v 20 Wabededỹỹnana heka ionana-ò dehemynymy namyhỹde. Iurenana tahe ywityhylemy biwarike! Kia diarỹ urihimyòmy bedesanadi biwarike
|
||||
\v 21 kia bederehe iòkesenaõ-ò arakrekoki, kia hãwa nihikỹ bedeluruhukỹ-ò arakrekoki,
|
||||
\v 22 Kia hãwahãkỹ ubròròna-ò, hãwahãkỹ binabina-ò, tai loosona òbitile bedeluru wesemy roimyhỹre.
|
||||
\c 11
|
||||
\p
|
||||
\v 1 Zofar rybe:
|
||||
\v 2 Kia aõbo ibutumy kaa (palavróri) irawyòdỹỹõmy rỹikre? Kia aõbo mobo sõetyhymy rarybemyhỹre aõbo tairybena ijõdityhymy rỹimyhỹre?
|
||||
\v 3 Jo, kai aõbo irawyòdỹỹna ihoõrerimy tahõtinyteri? Kia aõhỹỹhỹỹmydỹỹnana iny rybereny ikokròkemy aõbo tahõtinyteri?
|
||||
\v 4 Kai heka tarybemyhỹte, kia timybo tahõtinymyhỹte òbitimy tuu tarybemyhỹte, kia ihãremy ainybòmy Deuxukoki atximyhỹte.
|
||||
\v 5 Diarỹ, Deuxu rarybekemy idi watxireri adee arybe rirawyònykemy!
|
||||
\v 6 Kia tii bedeery iwasimy rỹimyhỹremy araixinanykre, kia aõbo iwasimy rỹimyhỹre ibutumy adee riòbiti òbitinykre. Kiamy tahe Deuxu-di betehekre aõhỹỹhỹỹmy arasỹnyrerimy, kia heka iylamy tuu teamyhỹte.
|
||||
\v 7 Kai heka Deuxu bededỹỹnana bierykemy tahõtinymyhỹte, kia ibutumy ibedeery nihikỹ bierykemy tesỹnymyhỹte?
|
||||
\v 8 Biuwetyy heka Deuxu dee ikonana aõkõ rare, kai tahe aõmy tamy ehemysỹõna; Deuxu heka rubu mahãdu bededỹỹnanareny rierymyhỹre, kia kai tahe teeryõte.
|
||||
\v 9 Tii heka inihikỹ rare suratyre, kia beri nihikỹ ratyre ròhònymyhỹre.
|
||||
\v 10 Txibo Deuxu inyõ rimykeki, iribi tahe brejuna heto-ò ridyke riròtenykremy, mobo tahe rikokròkre?
|
||||
\v 11 Deuxu heka iny rierymyhỹre, kia iny aõki awiõhyymy rỹimyhỹre; kia tii aõnaõna binabina riwinymyhỹre-di retehehyymy ratximyhỹre.
|
||||
\v 12 Kia buru bederahyludu iinytyhymy ruarenykreu, kia iny mahãdu iitxỹtemy rỹimyhỹrenyre ibedeeryreny ijõdikre.
|
||||
\v 13 Jo, acoraçaõ Deuxu-ò birahòreke, kia tahe tamy bexitòenykre ebò tamy biterenymy.
|
||||
\v 14 Kia aòraru ebòmy rayjynymy rỹimyhỹre ixiribi biatykre, kia uritre aõbinabina ahetoki rasỹnykemy iwahidỹỹõkre.
|
||||
\v 15 Tai tahe kai aratidi òbitimy mariakre, iximynamy aõlau buberumy aõkõ.
|
||||
\v 16 kai tiu aaõhỹỹhỹỹmydỹỹnanatxi õhõti iijaraõna, kia iwese bee reamyhỹre wesemykre, iny boho iribi tõhõti rusamyhỹrenyre.
|
||||
\v 17 Abededỹỹnana heka txuemy txuu raòderanymyhỹre ratyremy rarỹsỹnykre (ou) raòderanykre, kia (ahora) turumy roimyhỹre-ribi kia itỹnymy roikre iwese txuu itỹnymy roimyhỹre wesemy.
|
||||
\v 18 Kai heka amynydu ijõdimy matxikre, kia sõemy aõ biraòmy mabekre; Deuxu heka araijemy adi rarekre, kai tahe ixiki bimykre awityhytyhymy.
|
||||
\v 19 Txibo tiu kai bexielehynymy matxikreu, kia tiu aõ abrebudỹỹõna; kia tahe sõemy iny mahãdu adee reamy rỹirakre ixiwiòhenadỹỹmy adee rexitòenymy.
|
||||
\v 20 Kiaremy tahe iny binabina mahãdu adee retehemy rỹirakre werymy rekoarenykre, kia tahe tiu bedeõtxi iijararenyõna tamy rexiwòrenykemy; tamyreny heka rubuna sohoji riraòmy ratximyhỹrenyre.
|
||||
\c 12
|
||||
\p
|
||||
\v 1 Jo rybe:
|
||||
\v 2 Kia heka timy iny aburarenyõna kai boho heka iny mahãdureny rubedu toite, kia tiuboho burubenykreu, kia tiu ixyby bedeery ijõdiõtyhy...
|
||||
\v 3 Ka diarỹ tahe aõnaõna reerylemyhỹre, kia diarỹ aòkirenyre aõkõre. Mobo tahe rieryõre tuu tarybetenyteri?
|
||||
\v 4 Diarỹ heka ajueòdehyna rare wabiòwa mahãdureny-ò — diarỹ heka òbitimy nodu rare, diarỹ heka wainybore; diarỹ Deuxu-ò rexitòenymy raremyhỹ, tii tahe riwarawyònymy raremyhỹre.
|
||||
\v 5 Kia aõ reximywiwimy rỹimyhỹre, kia ityre aõnaõna binabina rejujumyhỹre, kia tahe aõbo iriòwysy iòhòmy rỹimyhỹre, kia ire ritorunymyhỹrenyre rariòwykremy.
|
||||
\v 6 Iny itxỹte mahãdu heka aõwiwimy tahetorenyki rỹimyhỹrenyre, kia Deuxumy radònymyhỹre heka awityhytyhymy rỹimyhỹrenyre, kia tahe ideuxurenyle irururenymy ratximyhỹrenyre.
|
||||
\v 7 Zofar, nawii nawii iròdu iròdu mahãduòini bỹ~raxike, kia tahe tii boho araixinanykre.
|
||||
\v 8 Aõni aõni sumy rỹimyhỹrenyre-ò bexitòenyke, kia utura bero nihikỹmy rỹimyhỹrenyre-ò bexitòenyke, kia tahe tii boho adee tyyriti-di rirana riwahinyrenykre.
|
||||
\v 9 Kia heka ibutumy aõniaõni bede rierymy rỹimyhỹrenyre, Kia Deuxu tebòdi aõnaõna riwinyremy.
|
||||
\v 10 Aõnaõna irumy sumy beramy rỹimyhỹrenyre heka Deuxu debowokihyy rỹimyhỹrenyre; tii heka iny bededỹỹnana-di rimymy ratximyhỹre.
|
||||
\v 11 Wabiòwa mahãdureny, iwese kai boho rybe-ò ijohonadu mahãdu rybe tetxiõnymyhỹtenyte, kia dòròtò tahe rỹsỹna rierywityhymyhỹre, kawesemy tahe diarỹ raholamyhỹre, aõmybo tarybemyhỹtenyte-ò, kia tahe aõbo rybe òbitimy rỹimyhỹrele remymyhỹre.
|
||||
\v 12 Matuari mahãdureny heka bedeerymy rỹimyhỹrenyre, kiemy dori inywyra inydee aõwiwihikỹ riwymyhỹre.
|
||||
\v 13 Kiaremy tahe Deuxu heka ibedeery nihikỹ rare; tii heka ibedeerytyhy ijõdire, kia aõ rierymyhỹre.
|
||||
\v 14 Kia tiu inyõ ixyby aõ iwidỹỹõna Deuxu idi rehumyhỹre-di; kia txibo tii ritòenykeki, kia tiu inyõ iribi ritaõtyhy.
|
||||
\v 15 Kia Deuxu biulòra rimymyhỹreu, kia bede rarubumy ramyhỹre; kia bee riòlòdỹỹnymyhỹreu, kia bee iu rariamy bee rỹximy ramyhỹre.
|
||||
\v 16 Deuxu heka iruruteremy aõnaõna-ribi ròtamyhỹre; tii heka ibedeery nihikỹ ijõdimy ratximyhỹre, kia suki bòdỹỹdu ratximyhỹre ratyremy.
|
||||
\v 17 Tii heka iny rynana rarieki runymyhỹre-ribi ibedeery-wana iribi ritamyhỹre, kia tahe iijoi mahãdureny tabedeeryreny-ribi rexierymyhỹrenyre.
|
||||
\v 18 Deuxu heka Iòlò irynana-ribi ritamyhỹre, kia tahe brejuna heto-ò risỹnymyhỹre.
|
||||
\v 19 Deuxu heka sacerdote rihitxinymyhỹre (iofício-ribi); tii heka mobo ibedeerymy inidehemy ratximyhỹre-di rehumyhỹre.
|
||||
\v 20 Deuxu heka dohodỹỹdutyhy mahãdu rirybekokròmyhỹrenyre, kia matuari mahãdu bedeeryreny riixawidỹỹnymyhỹre.
|
||||
\v 21 Tii heka aõnaõna-di dehunana riteòsinymyhỹre aõdinodu nihikỹ mahãdureny-ò, kia tahe ibedeeryrenyruru rahumyhỹrenyre.
|
||||
\v 22 Deuxu heka aõ iwasimy bedelurumy rỹimyhỹre ritỹnynynymyhỹre, kia bedeluru yky-ribi bede ratỹnymy reamyhỹre.
|
||||
\v 23 Deuxu heka ibutumy iny hãwa hãwamy rỹimyhỹre riwahinymyhỹre tabedeery nihikỹ-wana, kia irahudi ixihudunana riwahinymyhỹre.
|
||||
\v 24 Tii heka iny mahãdu dinodureny (juízo-ribi) riixierynymyhỹrenyre, kia tahe bederahy-ò ridymyhỹrenyre iriranareny ihoõmy.
|
||||
\v 25 Tii boho heka bedeluru-di ririranymyhỹrenyre, kia iruebetà mahãdu rejujumyhỹrenyre, axaxa mahãdureny weserenyle.
|
||||
\c 13
|
||||
\p
|
||||
\v 1 Diarỹ heka ibutumy tuu rabire warue òbitidi; kia ibutumy wanohõtidi tamy raholare, kia tahe reeryre.
|
||||
\v 2 Wabiòreny, diarỹ heka aòkirenyle aratxile aõkõre: diarỹ heka reerylemyhỹre aõmybo arybemyhỹtenytemy.
|
||||
\v 3 Ka diarỹ tahe Deuxu bedeery nihikỹ-wana widee ararybekemyreri, iki-wana widee bede ariywinymy wabededỹỹnanamy.
|
||||
\v 4 Kai boho heka aõmy roilemy aõmy texiònanymyhỹtenyte; kia heka luahidỹỹdu weselemy heka atximyhỹtenyte, kia iny teteytenyõhyymyhỹtenyte.
|
||||
\v 5 Aõhere taheka! Txibo kai boho rybeõmy matxibenykeki, kia bedeery nihikỹmy belebenyke!
|
||||
\v 6 Waitxesedu-ò tahe boholabenykre, kia ywimy boholabenykre wabededỹỹnana-ò.
|
||||
\v 7 Kia aõbo Deuxu biitxebenykreki kai boho aõbo roimy aõmy marybebenykre? Kia aõbo bòdỹỹmy marybebenykre tai?
|
||||
\v 8 Kia aõbo kai boho iweribiki matxibenykre? Kia aõbo iaõbinabina dohodỹỹna heto-ki tai besukre?
|
||||
\v 9 Kia aõbo tai awike tamy betehiwiwibenykeki? Kai boho heka Deuxu bibònykemy tahõtinymyhỹtenyte, kia iwese iny tebònymyhỹtenyte wesemy?
|
||||
\v 10 Txibo kai boho òbitimy aõkõ matxibenykre-wana, aõmy wasimy matxibenykrehãrele, kia tii atxireny araeryrenymy aramyrenykre;
|
||||
\v 11 kia iaõninihikỹ brebunadi aratỹxinyrenykre, iaõbinabina nihikỹ tahe atyrereny reserenykre.
|
||||
\v 12 Kia tahe juhuluduna adeereny riòbitinyretxi õhõtireny reakre, kia heka bryby wesena rare, aõki awiõhyyre; kia aitxesedureny heka ityhyõre, suu tòrariemy rỹimyhỹre wesele.
|
||||
\v 13 Rybeõmy matxibenyke, diarỹ ararybekre-ò, kia heka bede tuu rutỹỹnykre.
|
||||
\v 14 Diarỹ heka rexihumy rare, wabededỹỹnanadi timybo ararekremy, kia heka rexihumy rare arurukremy.
|
||||
\v 15 Diarỹ heka wararòsòna ixyby ihoõhyymy watxireri, keimy dori Deuxu riwarubunykre; Ka ihãremy tahe waõbinabinaki aresumy ararekre ikoki.
|
||||
\v 16 Kia aõhe-wana wabrebuterena riwahedỹỹnykre, kia tiu iny itxỹte mahãdu tamy iko-ò inoõna.
|
||||
\v 17 Ywityhymy sõemy boholabenyke diarỹ rarybereri-ò; warybe òbitidỹỹna-ò boholabenyke.
|
||||
\v 18 Diarỹ heka rexihumy rare waõbinabinaki aresumy ararekremy, kia heka rexiemy watxireri òbitimy watxirerimy.
|
||||
\v 19 Ka txibo Deuxu myy rarybekeki: "Mobo tahe rybebinabinamy wadee rarybekemy ratxireri dohodỹỹna heto-ki?" tai tahe rybeõmy arurukre.
|
||||
\v 20 Deuxu, diarỹ inatxilemy aõmy adee arexitòenykre, kawesemy tahe diarỹ alau arexiwòõtyhy:
|
||||
\v 21 kia uritre ixyby aõhỹỹhỹỹmy wasỹdỹỹõmykre, kia uritre sõetyhymy raberumyhỹremy wasỹdỹỹõmykre.
|
||||
\v 22 Deuxu, dohodỹỹna heto-ò wadee manarybeke, kia diarỹ tahe ararawyònykre; ada diarỹ komy ararybekre, kai tahe bidiwarawyònykre.
|
||||
\v 23 Tiwesebo tahe waõre, aõòrarunabo tahe rewinyre? Aõbo tahe ibinamy rewinyre, aõòrarynabo tahe rewinyreki tuu wahãre?
|
||||
\v 24 Aõherekibo tahe kai walau tadexiwòmyhỹte? Aõherekibo tahe waòludu wesemy wadi ahãmyhỹte?
|
||||
\v 25 Diarỹ heka bederade iru yhy ridymyhỹre wesena rare: Aõhekibo tahe tadiwabrebunymyhỹte? Diarỹ heka horeru rubu wesena rare: aõherekibo tahe wahekihyy tadeamyhỹte?
|
||||
\v 26 Kai heka tyyryti iutxiemy teritinyte wamy waòludumy, kai heka diarỹ ariònykemy watxireri, kia weryrybou aõbinabina rewinymy raremyhỹ wahe.
|
||||
\v 27 Wawa rerutidi bitaake, kia ibutumy wariranadi betehekre, kia wary suti rerimyhỹredi betehewiwikre.
|
||||
\v 28 Kawesemy tahe diarỹ arexihumy arakre, òwòru rubu wesemy, kia iwese tyy iròdu sõmo tuu riroximyhỹre wesemy.
|
||||
\c 14
|
||||
\p
|
||||
\v 1 Ibutumy heka diarỹ boho watyhyõrenyre, kia uladumy ruarenyreuhyyle; wabededỹỹnanareny itxuutyhyre, kia sõemy bedejeijeidi rỹimyhỹre.
|
||||
\v 2 Iny heka noiròsò wesena rare, kia noiròsò rexiraynymy reamyhỹre, kia tahe aõtamaõkõ rarubumy reamyhỹre; kia heka bede ubròrò wesena rare, kia tii ròhònymy riõmyhỹre.
|
||||
\v 3 Diarỹ boho aõkõ roire; aõherekibo tahe wadeereny tarybemyhỹte? Mobo tahe diarỹ rare, aõmybo tahe dohodỹỹna heto-ò riwadykre?
|
||||
\v 4 Iny heka inytyhy aõkõ rare, kia tiu aõ awityhymy idi rỹiaõkõ rare.
|
||||
\v 5 Kai heka tiwese ahãdu txumy teywinymy idi atximyhỹte, iny sohoji sohoji-di irumy rỹikremy; kia heka rexihumy roimyhỹre, kia tahe tiu inyõ riwiurònyõtyhy.
|
||||
\v 6 Wadireny itxere-ribi ixawike, aõwiwimy biwaribenyke, kia watxurenyònana-ò rehemynykreuhukỹle, timybo tahe ionana-ò rehemynykre aõmysỹdỹỹdu txu-ò.
|
||||
\v 7 Bederade rỹimyhỹre-ò rarysòna ijõdire; txibo rakròkre-wana, kia ixyby rabròmy raumynykre.
|
||||
\v 8 Kia iraruti retybykehãrele, kia irarutiwo tahe suki rurukre.
|
||||
\v 9 Kia bee urihimyòmy tamy bitxiwike, kia tahe tii ruhunykre, kia txiru (ou) iiru raumynykre, aõwitỹmyra wesehekỹle.
|
||||
\v 10 Kia iny rurumyhỹreu iny rexihumyhỹre; kia irahudi tauni riwahinymyhỹre, iribi tahe tiobo ramyhỹre?
|
||||
\v 11 Kia ahu ruỹmyhỹre wesemy, kia iwese bero reaõmyhỹre wesemy,
|
||||
\v 12 kawese tahe biuwetyy ratxikre wana wana, kia ibutumy rukurenykre. Iny boho rubu tỹhimy rỹkõrõrenykre, kia tiu ixyby lamamy rỹkỹirenyõtyhy.
|
||||
\v 13 Aõhere taheka! Txibo kai rubu mahãdureny hãwayky-ò biwawahinyekeki, tai tahe diarỹ arexiwòmy aroikre, kia adebure ixawikemy, kia tahe bedeõ ixidee biywinyke watxi õhõti reakremy!
|
||||
\v 14 Kia inyõ aõbo ixyby irumy ratxikre rurukre sỹtybymy? Diarỹ tahe ariraòmy ararekre bedewiwimy, kia waijesu rexihukrexihykỹle.
|
||||
\v 15 Tai ta he wadee bydyrykre, kia diarỹ tahe ararawyònykre; kai waki beysakre, kia tahe biwaumydỹỹnykre.
|
||||
\v 16 Kia wadi arukimy mabekre aõ ibinamy ariwinyhenylau, kia tahe wadee raijòsinymy rỹimyhỹrenyre, kia òraruna ariwinymy wadi reteherenykemy.
|
||||
\v 17 Kia waòraru-ribi wanõhõti rusakre, kia aõbinabina rewinymy raremyhỹ arisukre.
|
||||
\v 18 Kia wesemy tahe hãwalò rejujumy ramyhỹre, kia manaura nihikỹ taherina-ribi rexihejimy ramyhỹre,
|
||||
\v 19 Kia iwese bee suu riamy ramyhỹre, kia tahe beesetere suu riwymyhỹre, kawesemy tahe kai iny mahãdureny rarysòna tehumyhỹte.
|
||||
\v 20 Kai heka teixierynymyhỹtenyte, tii tahe ikiemy ramyhỹre, kia tahe iaõnaõna rexiwitxiranymy ramyhỹre, tiu bede riteòarinymy ramyhỹreu.
|
||||
\v 21 Txibo ariòre boho bedesanawiwi tamyreny rawahimyhỹrenyreu, kia tii rieryõhyymyhỹre, kia txibo aõbinabinatxi resemyhỹreu, kia tii ibededỹỹnana rieryõhyymyhỹre.
|
||||
\v 22 Tii taumymytxitxina sohojilemy rarutaamyhỹre, kia tauni itxỹte itxỹtelemy rõhõtiyremyhỹre.
|
||||
\c 15
|
||||
\p
|
||||
\v 1 Elfin rybe:
|
||||
\v 2 — Jo, bedeeryõ tiu rybebinamy iny rirawyòny aõkõ rare, kia uritre taritariõmy, kia rybeureraru aõki awiõhyy rỹimyhỹre.
|
||||
\v 3 Bedeeryõ tiu rybesõmosõmomy irybeõna, kia tiu tarybe aõkõnadi aõmy ihỹỹnaõna.
|
||||
\v 4 Kai aõbo Deuxu rybetyhydỹỹnana biatykemy idi tesỹnyteri; txibo aribi raòrarunyreki, kia tiu inyõ Deuxu-ò iixitòedỹỹõna.
|
||||
\v 5 Kai heka kawesemy tarybemyhỹte aòraruna òrarukile, kia tahe iny witxira bibònykremy tesỹnymyhỹte arybedi.
|
||||
\v 6 Diarỹ heka inymy roimy ararybeke aõkõre, kia heka arybe òbitikile texiaõhỹỹmydỹỹnymyhỹte.
|
||||
\v 7 Kai heka tahõtinyteri komy iny uladumy ruaremy? Kai aõbo komy ka hãwa bede-ò tanate hãwalò hãwalòkomy?
|
||||
\v 8 Kai aõbo Deuxu bededỹỹnana wasimy rỹimyhỹre aõbo teerymyhỹte? Kia aõbo kai sohojile abedeerymy atximyhỹte?
|
||||
\v 9 Kia aõbo kai teeryte diaỹ boho aõ reeryrenykõreri, ada aõnaõna aõbo awityhymy waratyrereny teerymyhỹte?
|
||||
\v 10 Diarỹ boho heka aõ reerymyhỹrenyre, kia heka iny iumymy rỹimyhỹrenyre-ribi reerymyhỹrenyre, kia heka bu koki uladumy ruarenyre.
|
||||
\v 11 Aõherekibo tahe kai Deuxu ruxetòenaderamy teateri? Kia inimy heka diarỹ boho adee rarybemyhỹrenyre.
|
||||
\v 12 Aõherekibo tahe kai acora,cão tewahinyteri? Aõherekibo tahe kai adebure òsỹnymy teteheteri?
|
||||
\v 13 Aõherekibo tahe taeheheteri, Deuxu òludumy tebureteri? Aõherekibo tahe kai kawesemy texideburedỹỹnyteri?
|
||||
\v 14 Kia aõbo inyõ òbitityhymy ratximyhỹre? Kia aõbo inyõ òbitimy Deuxu koki ratximyhỹre?
|
||||
\v 15 Txibo Deuxu (anjos) rityhynyõhyymyhỹre, txibo biuwetyyle iximynamy roimyhỹre, kia tamy òbitimy irueki roimyhỹre,
|
||||
\v 16 Iny boho iny mahãdureny susu binabinahãkỹ-ò rykaryberenykre, kia òrarunamy iõmyhỹrenyre bee rỹimyhỹre wesele?
|
||||
\v 17 Jo, boholakre diarỹ ariòbitinykre; diarỹ arelyykre tuu rabiremy.
|
||||
\v 18 Iny bedeery mahãdureny heka òbitityhymy roixinadỹỹmyhỹrenyre, kia heka tybyreny-ribi rieryrenyre,
|
||||
\v 19 kia heka suuki rahãwanymy roimyhỹ, kia heka iny witxira mahãdureny-ribi aõ rieryrenyõhyyrenyre.
|
||||
\v 20 Kua ibinamy iitxỹtemy ratximyhỹre, kia heka iny witxirahelemy rariamy ratximyhỹre, kia bede iyhyõmy aõhỹỹmy rutỹỹnymy ratximyhỹre.
|
||||
\v 21 Aõnaõna binabina wodỹỹ heka õhõtiwo ritỹxinymyhỹre, kia awityhy reximymy ratximyhỹrenyreu, kia iny itxỹte mahãdu tuu raòhòtemyhỹrenyre.
|
||||
\v 22 Tii heka bedeluru rubuna-ribi rahenykemy ihòõhyyre, kia maydese heka rexihumy roimyhỹre rorubudỹỹkremy.
|
||||
\v 23 Kia rara boho heka riraòmy ratximyhỹrenyre, kia iumyde riròrenykremy; kia tii bederurunykre-ò iòhòmyhỹre rierymyhỹre.
|
||||
\v 24 Tii heka aõnaõna binabina rimykre, kia aõhỹỹmy rutỹỹnykre, kia iwese tiu Iòlò tàludu mahãdu òhòtena riraòmyhỹre wesemy.
|
||||
\v 25 Iny itxỹte mahãdureny heka tebòreny riterenymyhỹrenyre Deuxu òludumy, kia tahe Deuxu bedeery nihikỹreny-wana resumyhỹrenyre.
|
||||
\v 26 Tii heka iitỹte rare, kia tahe òhòte utxiedi rexiijemy ratximyhỹre, kia tahe idi Deuxu dee rehumyhỹre.
|
||||
\v 27 Kia inydi retehemyhỹreu heka urile rexityhytyhynymyhỹre, kia icora,cão heka ixi sohojile ratxikemy ixi rõhõtinymyhỹre.
|
||||
\v 28 Ka hãbu binahãkỹ heka hãwa ixidee rimymy idi ratximyhỹre, kia tahe heto ixiyhymy rỹimyhỹredi ratximyhỹre, ka hãwa-ò hetoreny-ò tahe aõnaõna binabinahãkỹ sõemy kanakre.
|
||||
\v 29 Tii heka tiu ihytyhymy iaõdimy bede irehemy inoõna, kia ibutumy iribi rexihukre. Kia iubròrò dorile su-ribi riõkre.
|
||||
\v 30 Hãbu bina heka tiu bedeluru-ribi rahenyõtyhy. Tii heka iwese bederade ruru roomyhỹre wesele roorenykre, kia tõiròsò yhy ridymyhỹre wesele ridyrenykre.
|
||||
\v 31 Kia heka ibedeery nohõtiwihikỹ ihoõre, kia rybe roilemy rỹimyhỹre rityhynymyhỹrenyre, kia roile heka tamy awityhymy rỹimyhỹre.
|
||||
\v 32 Tii heka rarubukre bedekokile, kia iwese bederade rarubumyhỹre wesele, kia tiu ixyby ruhunyõhyymyhỹre.
|
||||
\v 33 Tii heka (parreira) wesena rare, kia (uvas) iwebòdile rexihumyhỹre wesele, kia iwese (oliveira) tanoiròsò riatymyhỹre wesele.
|
||||
\v 34 Iny itxỹte mahãdureny heka tiu irioreriorereny ijõdiõtyhy, kia heòty iny binabina mahãdureny heto risõrenykre.
|
||||
\v 35 Tii boho heka aõnaõna binabinale widee bede riywinymyhỹrenyre, kia tahe aõ ibinamy tuaõkõ riwinymyhỹre, kia heka iny witxira bòdỹỹlemy rõhõtinymyhỹrenyre.
|
||||
\c 16
|
||||
\p
|
||||
\v 1 Jo rybe:
|
||||
\v 2 Diarỹ heka ibutumy tamy raholare juhuhukỹle; kai boho tiwaruxetònyõlemy, kia urile tiwaitxỹte itxỹtedỹỹnytenyte.
|
||||
\v 3 Kia aõbo ka rybetybyhykỹ ikonana ihoõre? Aõherekibo tahe kai boho waitxenadỹỹ-ribi ixawirenyõreri?
|
||||
\v 4 Txibo kai boho warynanaki atxibenykeki, kia diarỹ aweserenyle aõmybo tarybetenyterimy ararybeke. Diarỹ warati ariukỹukỹnyke, bedeery mahãdureny wesemy, kia tahe rybe sõemy arisurusurunyke.
|
||||
\v 5 Ada txibo rybewimy inyruxetòedỹỹmy ararybeke, kia iaõhỹỹhỹỹ raujakemy.
|
||||
\v 6 Ka txibo ararybekre waaõdesedese ruhuõhyyreri, kia tahe rybeõmy watximyhỹre, kia ta waõhỹỹhỹỹ rayjaõhyyreri.
|
||||
\v 7 Kai, Deuxu waruruhomyaõkõ tiwasỹnyte, kia ibutumy wariore boho waribi tehutenyte.
|
||||
\v 8 Kai heka brejuna heto-ò tiwasỹnyte, iurenana heka diarỹ umy rarybereri. Kia heka diarỹ wadehomyaõkõ wadimy rabire, iurenana heka iny witxira mahãdu wadi rõhõtinyrenyre, diarỹ ixi waòraruki turerimy.
|
||||
\v 9 Deuxu teburedi aõhỹỹ nihikỹmy riwasỹnyre; tii wamy radònymy wadi retehemyhỹre, kia iwese iròdu debure wahemy reamyhỹre wesemy warubudỹỹmy.
|
||||
\v 10 Ibutumy heka warubudỹỹmy reamyhỹre, kia tary riraynymyhỹre wadi risinykremy, kia wamy rybebinabinamy rarybemyhỹre riwaixỹrudỹỹnykremy.
|
||||
\v 11 Deuxu heka hãbu binahãkỹ-ò riwawahinyre; tii heka iny itxỹte debowotxi aresekremy riwawahinyre.
|
||||
\v 12 Diarỹ heka awityhymy aõbinabinaõmy raremyhỹ, ka tii tahe riwasurusurunyre; Deuxu heka wabòtòki riwamymy riwakròkròre. Tii heka tabrysi wesemy riwasỹnyre
|
||||
\v 13 kia ibutumy bede bede-ribi tawyhy wadee riterenyre; kia wyhy heka waweryridi ròhònyre, kia timy wadi rexibrunyõhyylemy, kia waweryriòte suòhòkỹle resere.
|
||||
\v 14 Kia sodadu wesemy tii wamy raòludure, kia heka tii riwaòròòròre sõemy wamy raohotere.
|
||||
\v 15 Kia bederyry deòsinamy tyyyxeyxedi rexityynyre, kia tahe bede reryrymy suỹnỹsityre ranyre.
|
||||
\v 16 Kia heka sõemy rahinyre, kia waòsỹny roore, kia heka waruedena raweluumy turumy roimyhỹ.
|
||||
\v 17 Kia ihãremy tahe tiu rebureõhyyre, kia waixitòedỹỹnana ikiemy òbitihyylemy ròhònymyhỹre.
|
||||
\v 18 Kia suu heka aõnaõna binabina walau riwòõhyylemyhỹre, aõbo waòludumy riwinyrenyre mahãdureny!
|
||||
\v 19 Diarỹ heka reerymyhỹre mobo biu bedeki riwaijemyhỹre; waitxesedu heka tai rahãwanymyhỹre.
|
||||
\v 20 Wabiòwa mahãdureny heka urile wadi risinymyhỹrenyre; diarỹ tahe Deuxu deele roosemyhỹre waruebetuudi.
|
||||
\v 21 Kawesemy inyõ tabiòwa riijemyhỹre, diarỹ heka mobo wii riijemyhỹre wesena reijemyhỹre Deuxu koki.
|
||||
\v 22 Wawyra bededỹỹnana heka raywiywinymy roimyhỹre, kia tahe diarỹ rydi arariamy arakre, ryy iòkesena ihoõdi.
|
||||
\c 17
|
||||
\p
|
||||
\v 1 Kia heka diarỹ urihimyole raelewesenanymyhỹre. Wabededỹỹnana heka dexihumy namyhỹde; aõbo wiji diwaraòmyhỹde, kia hãluu sohoji diwaraòmyhỹde.
|
||||
\v 2 Diarỹ heka wadi alisidu mahãdureny riwaurawonymy wadi nyimyhỹdenyde, kia tahe diarỹ tisireny ninihikỹ reitxemyhỹre.
|
||||
\v 3 Deuxu, kia kai sohojile bede wadee reytekemy biwahinyke; tibo tahe tiirenyre, diarỹ aõbo iwyhyjuryrenykre?
|
||||
\v 4 Kai heka wadilisidureny rati birarytxynykre, kia aõnaõna rieryrenykremy; kia uritre tamyreny arexiõkelau biwatòenykre.
|
||||
\v 5 Iwese rybe rỹimyhỹre: "Kia rana rahurenykre, kua mahãdure riòre tabiòwareny-ribi nieru ritamyhỹrenyre."
|
||||
\v 6 Iny mahãdureny heka kaa rybe wadee riuhemyhỹrenyre wamy òludumy, kia waòsỹny-ò rarybexinymyhỹrenyre.
|
||||
\v 7 Diarỹ heka waruebetàmy relereri aõhỹỹhỹỹmy ratỹỹnyreriki; ka waumy heka ubròròtỹỹnyla rare.
|
||||
\v 8 Wadee retehemyhỹrenyreu, kia hãbu mahãdureny ibinamy ratximyhỹrenyre, kia aõhỹỹmy riwasỹnymyhỹrenyre, iwese (ateu) rỹimyhỹre wesele.
|
||||
\v 9 Kaa hãbu mahãdu òbitimy rỹimyhỹrenyre, kia òbitityhymy rỹimyhỹrenyre taureraru riwahinyrenykrekoki, kia heka ire òbitityhymy ratximyhỹrenyre, tarybe riwahinymyhỹrenyreu.
|
||||
\v 10 Ka txibo kaò kòdòòsedenykeki, diarỹ tiu taireny ibedeeryrenymy walahãsaõna.
|
||||
\v 11 Wabededỹỹnana heka rariamy ramyhỹre; kia aõ ariwinykremy reywinymyhỹre heka urile rayjamy ramyhỹre, kia wacora,cõa riraòmy ratximyhỹre tahe rirahure.
|
||||
\v 12 Kia wabiòwa mahãdureny myy rarybemyhỹrenyre, ruu riki heka tamyreny txuu rare; kia bedelurureri hãrele, kia tii bede loosoma ityymy itỹnymy tamyreny rỹimyhỹremy tuu rarybemyhỹrenyre.
|
||||
\v 13 Waheto heka rubu mahãdureny heto ykyki rỹikre, tai aroimy arõrõkremy bedeluruhukỹki.
|
||||
\v 14 Kia hãluu heka wahã raremy tuu ararybekre, kia mohõ tahe nadi waseriòre raremy tuu ararybekre.
|
||||
\v 15 Txibo kawesereriki, titxibo tahe wararòsòna rare? Inyõ aõbo wararòsòna wadee riijekre?
|
||||
\v 16 Kia aõbo tii rubu mahãdureny hetowo-ò aõbo rubehekre, tamy ikiwana ibutumy surawoki arexielehynyrenykremy?
|
||||
\c 18
|
||||
\p
|
||||
\v 1 Bildade rybe:
|
||||
\v 2 Jòò, aõherekibo kai rybeõmy atxiõteri? Rybe-ribi heka ixawike, kia ta ywimy boholake, kia tahe iny widee rakaryberekre.
|
||||
\v 3 Aõherekibo tahe kai wadireny tahõtinymyhỹte wainytyhyreny ihoõmy, kia diarỹ boho iròdu wesemy wadi tahõtinymyhỹte?
|
||||
\v 4 Kia heka aehehedi kai òbiti sohojile texiwotõmonyteri. Kia aki aõbo reburereri, kia bede aõbo bijiumy aõbo rexirahorekre? Kia aõbo aiòraruki, hãwalò hãwalò tàmana-ribi rexihejikre?
|
||||
\v 5 Iny binabina mahãdureny bededỹỹnana heka rexihurenykre, kia iwese loosòna rurimyhỹre wesele, kia iwese heòtyrade rexihumyhỹre wesele.
|
||||
\v 6 Kia iheto loosòna tiu raòderyõhyykre; kia loosòna rỹikewihikỹle, kia urile bedelurule ijõdikre.
|
||||
\v 7 Iny binabina mahãdureny heka awityhytyhymy ririranymy ratximyhỹreny, ka tahe wiji urile nariòwymyhỹdenyde; kia tabededỹỹnanareny òbitikile rexiriòwysydỹỹnymyhỹrenyre.
|
||||
\v 8 Tii heka riytyre rỹimyhỹre, kia iwatireny tahe rararytxymy rỹimyhỹrenyre.
|
||||
\v 9 Kia ibòtòruureny iwararooki rimymyhỹrenyre, kia reruti tahe ritxynymyhỹrenyre.
|
||||
\v 10 Kia bòtòruu heka iwasimy suki roimyhỹ, kia tikibo tii rariakreko.
|
||||
\v 11 Kia tiribo tiribile aõbinabina tamyreny ròhònymyhỹre, kia tahe tii boho urile iworeny rahitxihitximyhỹrenyre; tii boho iriranareny iyhyõmy riijemyhỹrenyre.
|
||||
\v 12 Tii heka iaõdi rare, ka tahe wiji urile rama disamyhỹde; kia aõbinabina heka rexihumy roireri ityre resekremy.
|
||||
\v 13 Binana rubuna heka iumymy roberare, kia tahe iaxiò iruti risudỹỹnyreri.
|
||||
\v 14 Tii heka iheto-ribi risiherenyre, tai awityhymy reximywi raremyhỹ-ribi, kia tahe Iòlòòhòkỹle ritusinyrenyre, kia heka rubu rare.
|
||||
\v 15 Ka heto heka (enxofre-di) rasuhòsuhòkre, irahudi tahe inywitxira tai rasỹnykre.
|
||||
\v 16 Iny binabina mahãdureny heka bederade rubu wesenareny rare, kia iraruti-ribi ròrarunymy rarubumy ramyhỹre, kia tahe iruru biuluduòhòkỹle rehemynymyhỹre.
|
||||
\v 17 Tiu heka inyõ itxi tõhõti iijaraõna; kia ini heka rusakre tai rasỹnymy raremyhỹki.
|
||||
\v 18 Tii heka iny irumy rĩmyhỹrenyre-ribi rateòdỹỹkre, kia loosòna-ribi idi dehu rỹikre bedelurutxi.
|
||||
\v 19 Kia tariòre tarioreriore ririõhyykre; kia irioreriore ihoõhyykre ihetoki rasunykemy.
|
||||
\v 20 Kia ibutumy bedebede-ribi iny mahãdureny inina-ò ikonanamy roholarenykre, kia tahe urile brebumy ramytàtàrenykre.
|
||||
\v 21 Ka heka iny binabina mahãdureny konana rare, kua mahãdu Deuxu rieryõkemy rỹimyhỹrenyre.
|
||||
\c 19
|
||||
\p
|
||||
\v 1 Jò rybe:
|
||||
\v 2 Tiubo tahe kai boho aõhỹỹhỹỹmy biwasỹnybenykre, kia heka aryberenydi tadiwabinanymyhỹtenyte?
|
||||
\v 3 Kai boho heka tiwese weseaõkõ wadi tisinytenyte. Kia aõbo taixỹrutenyõhyymyyhỹtenyte aõbo wadi tadisinymyhỹtenyteki?
|
||||
\v 4 Kia txibo diarỹ ixi waòrarukikeki, kia aõbo diarỹ ikiemy arararytxymy aratxike?
|
||||
\v 5 Kai boho heka waratyre awityhymy atximyhỹtenytemy ixidireny tahõtinymyhỹtenyte, kia heka waaõhỹỹhỹỹ riwatỹnynyremy wadi tahõtinymyhỹtenyte ixi waòrarukiremy.
|
||||
\v 6 Kia heka idi bierymy boibekre Deuxu wadi awimy aõkõ ratxiremy; tii heka bòtòruu riterenyre riwamykremy.
|
||||
\v 7 Diarỹ heka rexitỹnynymy rarybereri adebure òludumy watxirerimy, kaa inyõ tahe wadee roholaõhyyreri; diarỹ ixiwiòhedỹỹmy rexitòenyreri, kia tahe aõ òbitimy rỹimyhỹre ihoõhyyre.
|
||||
\v 8 Deuxu heka wary ritxynyre adobowetidi, kia idi aròhònyõkremy; tii heka wary bedelurudi rihetynyre.
|
||||
\v 9 Deuxu heka ibutumy waõna waityhyna waribi ritare, kia wanidehedehedỹỹnana ibutumy wearibi rahure.
|
||||
\v 10 Tii heka tiribi tiribile riwahetenyre riwahukremy, kia wararuti-ribi reraòmy raremyhỹ waribi ritare.
|
||||
\v 11 Kia tebure heka waòludumy heòty wese roore; tii heka taòludu wesemy wadi ratxire.
|
||||
\v 12 Tii heka aõbinabinadi ritỹxinyre; tii boho heka sodadu wesemy tii boho hãluu taixiwòtenamy riarenyre, kia tahe wahetoweruramy rexideòtenyrenyre.
|
||||
\v 13 Deuxu heka waseriòre boho riwarirenykremy tuu riwinyre; kia waeryreny mahãdu wade ratximyhỹrenyre, kia inywitxira wesemy.
|
||||
\v 14 Wasỹreny mahãdu waribi rexilòhòrarienyrenyre; kia wabiòwa mahãdureny watxi tõhõtireny reaõhyymyhỹrenyre.
|
||||
\v 15 Kia waki hãwadureny mahãdu, kia riwaeryõwesemy wadi rỹimyhỹrenyre; kia wadeòdu mahãdureny, kia iwitxira suludu wesemy wadi ratximyhỹrenyre.
|
||||
\v 16 Kia wadeòduõ-ò rarymyhỹre, kia tahe tii riwarawyònyõhyymyhỹre, kia tiu diaỹ ywityhy aõmy rexitòenymyhỹre hãrele.
|
||||
\v 17 Wahãwyy heka waryworòmy ruruõhyymyhỹre; waseriòre wamy raybimyhỹrenyre.
|
||||
\v 18 Kia uladu sõmo dori wadi risinymyhỹrenyre; kia raimyhỹreu urile wadi risinymyhỹrenyre.
|
||||
\v 19 Kia ibutumy wabiòwatyhyreny mahãdu wamy raojinanymyhỹrenyre; kia iny mahãdu-wana awimytyhymy watximyhỹre dorile wamy ròludure.
|
||||
\v 20 Diarỹ wadesityymy watimy rabire; kia ibinamy raremyhỹ.
|
||||
\v 21 Wabiòwa mahãdureny wadi bexiwobrunybenyke, kia Deuxu debò dori riwawotõmõnyre.
|
||||
\v 22 Aõherekibo tahe kai boho waheki tekoatenyteri Deuxu wadi wadi reareri wesemy? Aõherekibo tahe waaõhỹỹhỹỹdỹỹ-ribi ixawirenyõrenyreri?
|
||||
\v 23 Timykibo warybe tyyritina rybemy raritidỹỹke!
|
||||
\v 24 Ada waomati juràwese aõbo, kia tii ikiemy rararemy roike, manatere-ò!
|
||||
\v 25 Kia heka wahedỹỹdu ratximyhỹre heka diarỹ reerymyhỹre; kia ikonanau tahe tii wadee kanakre waki suki resukremy.
|
||||
\v 26 Kia wadesityy binana riròreri hãrele, kia ka waumy raredile Diarỹ Deuxumy arobikre.
|
||||
\v 27 Diarỹ waruedi tuu arobikre; kia warue heka tuu robikre, tii tahe wadee inywitxira aõkõ wadee rare. Kia ixyby tuu reareri tuu ratỹỹnyremy!
|
||||
\v 28 Kai boho myy tarybemyhỹtenyte: "Timybo tahe iny boho aõhỹỹhỹỹmy risỹnyrenyre? Kia iòraruna aõbo taityhyle ratxireri."
|
||||
\v 29 Kia heka tõnorilau ruberumyhỹre, kia tõnori idi Deuxu iaõbinabina rirarytxymyhỹre wahe. Kia bierybenykre kia inyõ iny boho ritarenykre.
|
||||
\c 20
|
||||
\p
|
||||
\v 1 Zofar rybe:
|
||||
\v 2 Jò, kai heka tiwaixiranymy tiwarita, tai heka aõtamaõkõ rarawyònyreri.
|
||||
\v 3 Abededỹỹnana heka ibinatyhytyhyre, ka diarỹ tahe rarawyònyke òbitimy ijõdire.
|
||||
\v 4 Kai heka teerywiwite juhuu bededỹỹnana rỹiramyhỹuhỹỹle, iny mahãdu suki rahãwanymy rỹiramyhỹ, kia ikiemy tuhyyre:
|
||||
\v 5 Mobo bedesanadi ibinamy ratximyhỹre heka urihimyole rỹimyhỹre; kia iaõwiwi wytyhylemy riõmy reamyhỹre.
|
||||
\v 6 Tii aõwaxina irarieke biurarie wesehekỹle, kia iratyy biuwetyyòhỹkỹle rỹike,
|
||||
\v 7 ka tii tahe rexihukre ikiemy iwese bryby rexihumyhỹre wesele, kia ieryreny mahãdu rieryrenyõhyylerenykre aõhemy rutỹỹnyremy.
|
||||
\v 8 Tii heka rasi wesemy riõkre, kia iny rumy retehemyhỹre wesemy, kia tiu ixyby inyõ tuu robiõtyhy.
|
||||
\v 9 Kia iny mahãdu tii-wana rahãwanymy rỹiramyhỹ, kia tiu ixyby tuu robirenyõtyhy.
|
||||
\v 10 Kia iriòre boho heka iny iaõkõmy rỹiramyhỹ-ò rawahirenykre tii riwasinyre hewa, kia ibinatyhymy ixidee rimyre hewa.
|
||||
\v 11 Kia iumytỹra ruruterehekỹ, kia iòhòtyhylemy su nodemy relekre.
|
||||
\v 12 Mobo aõbinabinamy ratximyhỹre heka aõnaõna bina tamy ibreere. Tii tòròtòrawo-ò riwòmyhỹre
|
||||
\v 13 kia tahe tòròtòki idi ratximyhỹre, kia tỹnyremy ixityyki tuu rurukremy.
|
||||
\v 14 Kia irahudi tahe iwonawoki, kia aõhyrebinahãkỹlemy rexirahòremyhỹre.
|
||||
\v 15 Hãbu itxỹte heka taityhyna riwasinymyhỹredi urile rahylòimyhỹre; Deuxu heka iwonawo-ribi ritamyhỹre.
|
||||
\v 16 Tii heka hemylala aõhyrebina ijõdire, kia aõhyre iny rirubunymyhỹre.
|
||||
\v 17 Mobo ibinamy rỹimyhỹre tiu awityhymy broreni huysy bidi itòrenyõna, kia bero wesele rekoamyhỹrenyre.
|
||||
\v 18 Kia tii ibutumy aõbo taaõmysỹuludumy rimyre ririkre, kia tiu taõwidi taityhynadi awimy ratxiõhyykre.
|
||||
\v 19 Kia heka aõhekibo tukre, kiemy dori urile iny iaõkõ rỹimyhỹrenyredi aõhỹỹhỹỹmy risỹnymy ritusadỹỹnymyhỹrenyre, kia urile iny witxira riwasinymyhỹrenyre, kia tahetoreny riwinykewihikỹle wahe.
|
||||
\v 20 Tii heka tiu awityhymy ratxiõhyymyhỹre aõdi ratximyhỹredi; kia ire ixybyle aõmy reamyhỹre.
|
||||
\v 21 Kia ibutumy adeburelemy aõnaõna rimymyhỹre, ka iaõnaõna tahe rexihukre.
|
||||
\v 22 Kia aõ riwinymyhỹredi rexinidehedehenymyhỹre irariemy, kia tahe aõhỹỹmy rutỹỹnykre; kia ibutumy aõnaõna binabinahỹkỹ utxie ityre resekre.
|
||||
\v 23 Tii heka iwe ritỹxinymyhỹre! Deuxu heka tadebure ityre riatykre; Deuxu heka takyara nihikỹ ityre ritxiwikre.
|
||||
\v 24 Kia womati debòna-ribi rahenykre hãrele, wonati wyhymyjurà iwetuatxi rohorekre.
|
||||
\v 25 Kia wyhy tabrò-ribi ritarenykre, kia wyhyjurà iribi ròhònykre raòderanymy ihãluburenydi. Kia tahe brebuhyylemy ratxirenykre.
|
||||
\v 26 Kia ibutumy aõbo ributunyre, kia rexihukre; kia heòty heka iny debò aõkõ ritoonykre, kia rirubunykre ibutumy iriòre boho-wana.
|
||||
\v 27 Kia biu heka iòraru tamy rite`isinykre, kia suu tahe tamy lamamy rỹikre inimy rarybekre.
|
||||
\v 28 Kia tiu txu bedeu Deuxu debure ityrereny rejujukreu, kia ibutumy iaõnarenywiwihikỹ rexihurenykre.
|
||||
\v 29 Ka heka Deuxu riwinymyhỹre iny itxỹtemy rỹimyhỹrenyre-ò; ka bede binahãkỹ heka tii iny itxỹte mahãdureny-ò rirarenymyhỹrenyre.
|
||||
\c 21
|
||||
\p
|
||||
\v 1 Jò rybe:
|
||||
\v 2 Kia heka nihõtilusanawihikỹ wadee biwahinybenyke, kia ywimy warybe-ò boholabenyke.
|
||||
\v 3 Kia heka boholawityhymy matxibenyke diarỹ ararybemyhỹkeu; kia diarỹ ararybe sỹbytymy tahe aõwaxina wade bisinybenyke.
|
||||
\v 4 Kia inyõdi aõkõ heka wabinamy watxireri, iurenana heka diarỹ wajeijeimy watxireri.
|
||||
\v 5 Txibo kai boho wadee betehebenykreu, kia kai boho urile ebòreny aryrenydi bitybònybenykre buberubenymy.
|
||||
\v 6 Kia tiu aõhỹỹhỹỹmy ratỹỹnyredi rahõtinymyhỹreu, diarỹ urile rexilòrelòrenymyhỹre, kia waumy ibutumy ramytàtamyhỹre.
|
||||
\v 7 Kia iny bina mahãdureny aõbo ixybyle irumy ikiemy rỹirakre? Aõherekibo tahe tii boho iaõhyylemy ityhymy matuari-ò rehemynymyhỹrenyre?
|
||||
\v 8 Tii boho heka iriòre irioreriorereny ijõdire, kia tahe tureny raumynymy robimyhỹrenyre, iweruramy rariarenymy.
|
||||
\v 9 Kia tiu aõbinamy iny tamyreny reaõhyymyhỹre, kia ihetoreny iitxesedu ijõdimy ratximyhỹrenyre, kia Deuxu tahe aõhỹỹmy risỹnyõhyymyhỹre.
|
||||
\v 10 Kia ibrorenireny aõbinabinaõlemy tamyreny raumynymyhỹrenyre, kia ruamyhỹrenyre ijõ weiõnomy reaõhyylemy.
|
||||
\v 11 Kia iròre boho heka budoeni riòre wesemy raòrunymyhỹrenyre, kia rabedesamy rawayrytòmyhỹrenyre;
|
||||
\v 12 tii boho rawiunymyhỹrenyre, kia tahe wiuna wodỹỹna òtaòta-ò rexideysanymyhỹrenyre.
|
||||
\v 13 Iny binabina mahãdureny heka aõwiwi ijõdirenyhyylemy ratximyhỹrenyre, kia tahe awimy rurumyhỹrenyre, aõhỹỹhỹỹmy rutỹỹnyrenymy aõkõ.
|
||||
\v 14 Kia ribi tahe myy Deuxu-ò rarybemyhỹrenyre: "Kia ywimy aõnaõnabinaõmy biwaribenyke; diarỹ boho heka arybetòdỹỹna arieryrenyõkemy watxirenyreri.
|
||||
\v 15 Mobo tahe Deuxu Bedeerynihikỹmy ratximyhỹre tuu arerinanyrenykemy? Aõbo tahe wadeereny rawahikre tamy arexitòenymyhỹrenykeki?"
|
||||
\v 16 Iny binabina mahãdureny myy rarybemyhỹrenyre, tii boho taaõtereteremy tako-ò roimyhỹrenyremy, ka diarỹ tahe wadee awiõhyyre, tuu raraykynymyhỹrenyremy.
|
||||
\v 17 Tibedeubo iny itxỹte mahãdureny loosòna rurire? Tiwese sõemybo tahe tii boho aõbinabinatyre rejujurenyre? Kia Deuxu aõbo tibedeu aõbo tureny radònymy aõhỹ~hỹỹmy risỹnyrenyre aõbo?
|
||||
\v 18 Tibedeubo tahe tii horeru wesemy riuberanyre, ada ỹnysi wesemy yhyhykỹ ridyre?
|
||||
\v 19 Kai boho heka Deuxu uladu riratxynymyhỹremy tarybemyhỹtenyte, tyby òraryna òraruki. Ka uladu tyby heka rararytxymyhỹke, kia tyyritidi rira rierykemy.
|
||||
\v 20 Kia òrarudu tararytxyna rimymyhỹkemy, kia tii Deuxu debureutxie nihikỹdi rarutaakemy!
|
||||
\v 21 Ka tii tahe rurumy roimyhỹre, kia txibo iwitxira bedeki ratxireri, kia heka tii tariòre boho aõhỹỹmy risỹnyrenykemy aõbo ratximyhỹre?
|
||||
\v 22 Kia aõbo inyõ tyyriti-di rirana Deuxu bedeery nihikỹ-ò riwahinyke, kia iny cerealista mahãdu ritarenykemy?
|
||||
\v 23 Kia hãbu mahãdurenyõ heka awimy ratximyhỹrenyre tabededỹỹnanareny-di ibedesarenymy ywimy, kia tahe iaõdimy ityhymy rurumyhỹrenyre,
|
||||
\v 24 kia idewimy irurureny sõemy.
|
||||
\v 25 Ijõ mahãdureny tahe iribireny òtumy rỹimyhỹrenyre, kia tiu bedesanayre riòreõ riurihirenyõhyyrenyre, kia tahe tawonareny hyrehyrenadi sõemy rurumyhỹrenyre.
|
||||
\v 26 Kia ta ijõ aõtxile rexihumy rurumyhỹrenyre, kia su-ò ruumyhỹrenyre, kia mohõle ityrereny rỹimyhỹrenyre.
|
||||
\v 27 Diarỹ araykyreny rybe reerymyhỹre, kia heka reerymyhỹre wadi ibinamy tahõtinymyhỹtenytemy.
|
||||
\v 28 Kai boho tỹỹraximyhỹtenyte: "Tibedekibo wiji hãbu nihikỹ heto nyimyhỹde, kia òraruna bededỹỹnana-di raremyhỹ?
|
||||
\v 29 Kia aõbo kai boho iny tiõtxi ratỹhinymyhỹre-wana tarybetenyõtenyte aõbo? Kai boho aõbo iijyyreny-ò aõbo taholatenyõtenyte aõbo?
|
||||
\v 30 Kia iny mahãdureny myy rarybemyhỹrenyre, kia tiu Deuxu reburemyhỹreu iny rirarytxynymyhỹre, kia hãbu bina mahãdu tuhyy ikiemy rahenymyhỹrenyre.
|
||||
\v 31 Tiu heka inyõ winimy rarybeõhyymyhỹre, kia aõ ibina riwinymyhỹreki; kia heka tiu inyõ taõbinabina òwydỹỹmy riwisỹnyõhyymyhỹre.
|
||||
\v 32 Tii heka wabede-ò radymyhỹre, kia tahe hãluuro-ò rituunymyhỹre rirarenywiwimy.
|
||||
\v 33 Kia tiwese sõemy iny mahãdureny riheludunymyhỹrenyre irubu, kia suu idi rihetynymyhỹre dorile iwetarire.
|
||||
\v 34 Wabiòwareny boho aruxetòenadỹỹnareny heka iyhylemy roimyhỹrenyre; kia ibutumy kai boho aõmybo tarybetenyte, kia roihyylemy tarybetenyte.
|
||||
\c 22
|
||||
\p
|
||||
\v 1-2 Kia aõbo iny sohoji ibedeerymy Deuxu deewimy ratxike?
|
||||
\v 3 Kia aõbo Deuxu aki awimy rahãmyhỹre, kai awimy òbitimy atximyhỹteti? Aõbo tahe tii ritamyhỹre, kai òbitimy aõnaõnaki atximyhỹteki?
|
||||
\v 4 Txibo tii arararytxynykre, kia tahe adee rarariòwykre aaõnaõna biòbitinykremy, aõherekibo tahe kai tuu tetyhynymy terinanymyhỹte,
|
||||
\v 5 kohe, aõherekibo tahe òraruna nihikỹ tewinyte, kia aõbinabina heka iaõbinabina ihoõre.
|
||||
\v 6 Timybo tahe huòteriòre-di beximykre, kai heka abiòwareny tyydile texityynymy tatemyhỹ, kiaremy tahe tademy ityyrenyõmy tesỹnymyhỹte.
|
||||
\v 7 Kai heka bee tewahinyõhyymyhỹte iny mahãdu reywesemy ratximyhỹrenyre-ò, kia txi-ò rỹsỹna riòreõ biwahinyke aõkõre, kia iny mahãdu byremy rekoamyhỹrenyre-ò.
|
||||
\v 8 Kai heka arynana abedeery nihikỹ-wana teuhete, kia su dinodumy atxikemy.
|
||||
\v 9 Kai heka uladu tybyõmy rỹimyhỹrenyre tewasinytenyte, kia teywinymy aõkõ idireny atxitenyte, kia tiu wytese mahãdu tewiòhenanyõhyytenyte.
|
||||
\v 10 Iurenana heka kai wiji bede òhãrunadi tayrawomy atxiteri, kia isitereribile brebu adee rehemynymy adi ratxikre.
|
||||
\v 11 Bedeluru heka sõe rare, kia heka kai tuu tabiõhyymyhỹte, kia bedeluru tỹximy sõemy iny ridymyhỹre.
|
||||
\v 12 Deuxu heka biuwetyy rarienihikỹki ratxireri; tii bedetxi retehemy tainamy robimyhỹre, kia ihãre tii boho biu rariekile ratximyhỹrenyre.
|
||||
\v 13 Ka kai tahe myy tỹỹraximyhỹte:"Kia Deuxu aõtxile aõbo aõ rierymyhỹre? Biuwetyyluru heka iwotyaki roimyhỹre; timybo tahe tii iny boho rieryrenykre?"
|
||||
\v 14 Jò, kai aõbo biuwetyyyxe Deuxu ijerena riwòmyhỹremy aõbo idi tahõtinyõhyymyhỹte, kia txibo tiu tii biu bedemy rariamyhỹreu?
|
||||
\v 15 Kia aõbo kai iny itxỹte mahãdureny ry-di mariakemy tahõtinymyhỹte, kia tii boho juhuu bede ròrarunyreuhukỹle idi rirareny riranyrenyre-di?
|
||||
\v 16 Tii boho heka isitere-ribile rururenyre, kia beòrahãkỹ rariamyhỹre wesele riõrenyre.
|
||||
\v 17 Tii boho myy Deuxu-ò raryberenyre:"Aõbinaõmy biwaribenyke!" Kia myy rexirybenyrenyre:"Aõbo tahe Deuxu inydeerenywimy riwinykre?"
|
||||
\v 18 Kia Deuxu heka iny itxỹte mahãdureny heto aõnaõnawiwi-di ritỹxinyre, kia ribi tahe diarỹ iwesereny arõhõtinyke aõkõre.
|
||||
\v 19 Iny awityhymy rỹimyhỹrenyre heka rabedesamyhỹrenyre, kia òbitimy iny rỹimyhỹrenyre tahe rutxuenymyhỹrenyre,
|
||||
\v 20 Kia iny mahãdu iaõdimy rỹimyhỹrenyre aõnaõnawiwi rexihumyhỹre-di reketeherenyke, kia aõbròrò tahe heòty risõmyhỹre.
|
||||
\v 21 Jò, Deuxu dee bedesawihikỹ iki-wana biwinyke, kia aòludumy idi atximyhỹte-ribi bexiixawidỹỹnyke, kia wese tahe tii ibutumy aaõnawiwi adee riwahinykre.
|
||||
\v 22 Kia Deuxu araixinanykemy bexiwahinyke, kia irybe aumywoki birarenyke.
|
||||
\v 23 Txibo kai Deuxu-ò bòòsekeki; txibo bexiwahinykeki, txibo kai aõbinabina mahukeki ahetowo-ribi,
|
||||
\v 24 txibo manatererỹsỹ adee iaõtyhy ihoõkeki, kai txibo suỹnysi wesele idi mohõtinykre, ada (Ribeirinho-my) manateresõmo rỹimyhỹre wesele,
|
||||
\v 25 Tai tahe Deuxu amanatererỹsỹtyhymy relekre.
|
||||
\v 26 Tii heka abedesadỹỹdukre, kai tahe tamy betehekre bityhynymy.
|
||||
\v 27 Tii heka aixitòedỹỹna-ò roholakre, kia tahe kai tamy biwahinykre aõmy biwahinymy marybekre.
|
||||
\v 28 Kia ibutumy aõbiwinykre, kia awimy òbitimy ròhònykre, kia loosòna ary ritoosònykre.
|
||||
\v 29 Deuxu heka iny rexityhynymyhỹrenyre mahãdu riixawidỹỹnymyhỹrenyre, kai iny ywimy rỹimyhỹrenyre tahe rihedỹỹnymyhỹrenyre.
|
||||
\v 30 Tii arahedỹỹnykre txibo kai uladu wesemy bedeeryõmy atxikre-wana, txibo òbitimy atxikre-wana, kia ibutumy aõ adee riwinykre.
|
||||
\rem Where are cc 23,24[SC3]
|
||||
\rem We have these two books of JO in the Green book and digitated, but cannot Locate them
|
||||
\c 25
|
||||
\p
|
||||
\v 1 Bildade rybe:
|
||||
\v 2 Deuxu heka aõninihikỹ ratximyhỹre, kia brebuna nihikỹ ratximyhỹre; tii heka aõwiwihikỹ biuki rỹimyhỹre riwinymyhỹre.
|
||||
\v 3 Kia aõbo inyõ (ianjoreny-ò) tuu relyyre? Kia aõbo iny-ò, ityre runykre toosòna raòderanyõmyhỹre?
|
||||
\v 4 Kia aõbo inyõ òbitimy ratxikre Deuxukoki? Kia aõwaxina ruburiòre òrarumy ririkre?
|
||||
\v 5 Deuxu dee heka kia ahãdu dorile toosònaõre, kia tainaki aõ ibinamy tai rahãmyhỹre.
|
||||
\v 6 Kia iny-ribi aõbo aõ raonananymyhỹre? Aõbo tahe ixỹdòki awityhymy Deuxu tai rahãmyhỹre?
|
||||
\c 26
|
||||
\p
|
||||
\v 1-2 Bildade, diarỹ heka wabereberemy watxireri waruruõmy; timybo tahe kai biwawiòhenanymy biwaruxetòenykre!...
|
||||
\v 3 Aõhewe kai dohodỹỹduki awire, kia abedeery nihikỹ tehumyhỹte iny binaki diarỹ wawesenamy!
|
||||
\v 4 Mobo tahe arawiòhenanyre kawesena rybemy marybekremy? Mobo tahe tuu araerynananyre kawesemy marybekremy? Bildade rybe:
|
||||
\v 5 Kia rubu mahãdureny heka brebumy ramytàtàmyhỹrenyre beraki surawoki.
|
||||
\v 6 Deuxu dee heka rubu mahãdureny bede iraymy roimyhỹre; kia heka aõ rihetynymyaõkõ riwòõhyymyhỹre, aõbo kuaki rutỹỹnymyhỹre.
|
||||
\v 7 Deuxu heka biuwetyy rarie ritere bedeykytxi, kia tahe suu riukòmy rimyre aõtyreki aõkõ.
|
||||
\v 8 Tii heka bee biuwetyyuraki rimymyhỹre, kia tii tahe raykaõhyymyhỹre iutxiedi.
|
||||
\v 9 Tii heka ahãdudi taòsỹny riwòmyhỹre, kia heka ityredi biuwetyyura riterenymyhỹre.
|
||||
\v 10 Deuxu heka bedeloosòna bedeluru-ribi rihitxinyre, kia rurawo beranihikỹki (radesenhamy) roimyhỹre-di.
|
||||
\v 11 Kia tiu tii biurarietxi rimymy rỹimyhỹre-di risỹnymyhỹre riatykemy, kia tii boho ruberumyhỹrenyre, kia brebumy ramytàtàmyhỹrenyre.
|
||||
\v 12 Taaõni nihikỹ-di Deuxu bero nihikỹ rimyre; kia tabedeery nihikỹ-di Raabe aõnihikỹ rirubunyre.
|
||||
\v 13 Kia tary budỹỹnadi Deuxu biu rarie risuhòre, kia tadebòdi hemylalani rirubunyre.
|
||||
\v 14 Ka aõnaõna heka deòsidỹỹnale rare, kia rybe rauninymyhỹreõ iwasimy Deuxu-ribi, kia heka aõ riwinyke. Mobo tahe rierywike ibedeery nihikỹ òbitityhymy?
|
||||
\c 27
|
||||
\p
|
||||
\v 1 Jò rybe:
|
||||
\v 2 Inatyhymy diarỹ Deuxu-ò rarybereri ibutumy ibedeery nihikỹ-ò, kia diarỹ aõwiwimy òbitimy riwasỹnyõkremy, kia wawo aõhyrehyre-di ritỹxinykre,
|
||||
\v 3 kia inatyhymy, tii ruu wadee kidiwahinykre-wana araelewesenanykremy,
|
||||
\v 4 kia waryijeti tiu aõbinabinamy irybeõna, kia wadòròtò tiu roimy rarybeõtyhy.
|
||||
\v 5 Kia tiu diarỹ ararybeõtyhy, kai boho òbitimy wanimy tarybetenyterimy; kia diarỹ warumy watxireri-ribi, kia diarỹ idi arisỹnymy ararekre wainybò-di.
|
||||
\v 6 Diarỹ awimy òbitimy watxireri, kia diarỹ ixawiõtyhy iximy òbitimy rarybereri-ribi, kiemy dori warayky tiu ibinamy iximy rarybeõhyymyhỹre.
|
||||
\v 7 Kia ibutumy waribiòtumy ratximyhỹrenyre, kia waòludumy ratximyhỹrenyre, kia boho heka rararytxyrenykre iny itxỹte weserenyle.
|
||||
\v 8 Aõbo tahe (ateus) mahãdu riraòrenykre, tiubo Deuxu ibededỹỹnanareny-ribi ritarenykreu?
|
||||
\v 9 Kia tiu tii boho aõsirasiramy rekoarenykreu, kia tii irajuareny-ò roholaõtyhy,
|
||||
\v 10 Kiemy dori Deuxu ibedesanarenyaõkõ rare, kia tii boho tiu tamy ibedeery nihikỹ-ò rexitòenyrenyõhyymyhỹrenyre.
|
||||
\v 11 Diarỹ araixinanyrenykre timybo Deuxu ibedeery nihikỹmy ratximyhỹremy, kia adeereny ariòbitinykre timybo iaõmysỹsỹỹna bede riywinymy roimyhỹre.
|
||||
\v 12 Aõkõre, kia tuu ararybeõkre, kiemy dori kai boho ibutumy tuu tabitenyte. Aõherekibo tahe kiaki aõnaõnabinalemy tarybetenyteri? Zofar rybe:
|
||||
\v 13 Diarỹ Deuxu bedeery nihikỹ wesemy ararybekre, hãbu mahãdureny binabina debure mahãdureny birarytxynyke.
|
||||
\v 14 Kia ariòrereny ramamy rekoarenykre, kia ariòrereny sõerenykrehãrele, kia wouna rỹikreu rexihurenykre;
|
||||
\v 15 kia irumy ratxirenykre rubunamy rexihurenykre, kia iwytesereny irahireny roburenyõhyyrenykre.
|
||||
\v 16 Kia iny itxỹte mahãdureny aõwaxina manatererỹsỹ sõemy ributunyrenykre, kia aõwaxina ityyreny sõemy ijõdikre, kia ijõdityhymy,
|
||||
\v 17 kia tiutxuule iny òbitimy rỹimyhỹre mahãdu riuhekre, kia hãbu inytyhy tahe imanarỹsỹreny-di ratxikre.
|
||||
\v 18 Kia hãbu bina heto riwinyre heka urihimyole bede idi rỹimyhỹre, kia otxuruusirihĩkỹ (teia) wesele rỹimyhỹre ada oworu biramy nobò heto rỹimyhỹre wesele.
|
||||
\v 19 Hãbu binahãkỹ heka iaõdimy ityhymy ramyhỹre herityre-ò, kia heka ikonamy tamy ramyhỹre, kia heka tiubo rexixamyhỹreu, kia iaõnaõnawiwihikỹ riõmy ramyhỹre.
|
||||
\v 20 Kia bedebinabinahãkỹ heka ityre rariamy ridykre, kia iwese beòranihikỹ rariamyhỹre wesele, kia rumy tahe yhydebure nihikỹ bede irehetxi idi rehukre.
|
||||
\v 21 Ibryra-ribi yhy debure nihikỹ kedebonykre heka iheto-di risihemy rehukre,
|
||||
\v 22 kia heka iribiòtumy kedebonykre idi rawobrumyaõkõ, iwana-wana tahe tii tahenana riwinymy ratxireri-wana.
|
||||
\v 23 Tii heka raijaranykre, kia yhy tahe raijòsinykre, kia werymy riijaradỹỹnykre tarubudỹỹna nihikỹ-di.
|
||||
\c 28
|
||||
\p
|
||||
\v 1 Minas heka iribi manarỹsỹura ratamyhỹre, kia tai heka manarỹsỹhỹkỹ rititxirienymyhỹre.
|
||||
\v 2 Kia womati heka su-ribi ratamyhỹre, kia (cobre) tahe manatere-ribi sõdenymy rejujumyhỹre.
|
||||
\v 3 Kia mineiro mahãdureny heka loosòna su hãluuwo-ò riwymyhỹrenyre; tii boho heka hãluuwo ritòatòamyhỹrenyre, tai tahe bedeluruki manarỹsỹhỹkỹ riemyhỹrenyre.
|
||||
\v 4 Kia hãwa-ribi iheremy tuu riwinymyhỹrenyre, kia tai inyõ rariõmyhỹrenyre bedeki, tii boho heka manarỹsỹki be hãluu riraynymyhỹrenyre. Kia heka ixi sohojile raõmysỹdỹỹnymyhỹrenyre, kia heka rexibererunymy rexiukỹukỹnyrenymy raõmysỹdỹỹnyrenyre wiribi rahitxi rahitximy.
|
||||
\v 5 Kia ityrerenyki heka suu sõemy maixõmoni-di roimyhỹre, kia iraworenyki tahe ibutumy raykaykamy rỹimyhỹre rasurusurumy.
|
||||
\v 6 Kia imanareny tỹremy rỹimyhỹre, kia ibrybynodeki tahe manatererỹsỹtxi rekoamyhỹrenyre.
|
||||
\v 7 Kia nawiihikỹ heka ry-ò naõhyymyhỹde, kia manatererỹsỹ-ò rubehemy ramyhỹre-ò, kia (falcões) tule rieryõhyylemyhỹre.
|
||||
\v 8 Kia leaõ mahãdu, kia iròdu iròdu witxira debure mahãdureny, kia tiu ryy-di ririranyrenyõhyymyhỹrenyre.
|
||||
\v 9 Hãbu mahãdureny heka manauraterehekỹ riamyhỹrenyre, kia tahe hãwalò riòròmyhỹrenyre bedeòhòkỹle.
|
||||
\v 10 Tii boho heka manaykytxi ryy ritòamyhỹrenyre, kia taruereny riraynymy, kia ibutumy aõmybo rekoamyhỹrenyremy.
|
||||
\v 11 Kia tii boho riamyhỹrenyre beraòhòkỹle riamyhỹrenyre, kia tahe bede loosòna-ò riwymyhỹrenyre, aõbo iwasimy roireri wahe.
|
||||
\v 12 Ka tikibo tahe bedeery nihikỹtxi lahãna rỹikre? Tibedekibo tahe bedetyhytyhykỹ rỹimyhỹre?
|
||||
\v 13 Kia iny mahãdureny heka bedeery timybo awityhymy rỹimyhỹre rieryrenyõhyymyhỹrenyre, kia heka ka hãwa bedeki aõkõ itxi lahãsa rỹimyhỹre.
|
||||
\v 14 Oceano riòbitinyre:"Kaki aõhoaõkò rare", kia Bero nihikỹ rarybere:"Kaki tule aõkõre."
|
||||
\v 15 Tii heka manatererỹsỹ-di raõbradỹỹõhyymyhỹre, kia manatereura-di ratroaõhyymyhỹre.
|
||||
\v 16 Kia bedeery nihikỹ tiu raõbraõhyymyhỹre manatererỹsỹtyhy-di, kia mana ruxera-di tule (safira) wesemy ada (agata) wesemy.
|
||||
\v 17 Tii heka manatererỹsỹ ratyremy rỹimyhỹre; kia manatere lòysana-di ratròaõhyymyhỹre.
|
||||
\v 18 Kia (coral-my) (cristal-my) uritre rybeõmyke; kia bedeery nihikỹ heka (peròlas) ratyremy ròtamyhỹre.
|
||||
\v 19 Kia (topázio Etiópia) ludu-wana widee raurihinanyõhyymyhỹre; tii manarỹsỹtyhy-wana widee raurihike aõkõre.
|
||||
\v 20 Tiribibo tahe bedeery namyhỹde? Tibedekibo tahe bedeerywiwihikỹ roimyhỹre?
|
||||
\v 21 Kia inyõ tuu robiõhyymyhỹre, kia nawii dorile biumy ruòmyhỹrenyre tuu robirenyke aõkõre.
|
||||
\v 22 Kia Bedehudunarenyle Rubunarenydorile raryberenyre:"Diarỹ boho uritỹỹna tamy raholarenyre."
|
||||
\v 23 Kia Deuxu sohojile iry rierymyhỹre; kia tii sohojile rierymyhỹre tikibo bedewihikỹ ratximyhỹre
|
||||
\v 24 kiemy dori iitxerena bede irehe-ò retehemyhỹre bedebede hãwaki ibutumy; tii ibutumy aõbo ka suki ròhònymyhỹre rierymyhỹre.
|
||||
\v 25 Kia tiubo Deuxu yhy ruru riyjanyre, kia ta bero nihikỹ herinana riurihinanyre;
|
||||
\v 26 kia tiubo rexiywinyreu titxibo biube rejujukremy, kia titxibo yhy debure reamy rarekremy;
|
||||
\v 27 kia iu heka tii bedery nihikỹmy robire, kia riurihimy tai òbitimy ròhònyre.
|
||||
\v 28 Kia tahe tii iny mahãdureny-ò rarybere:"Kia iny bedeerymy ratxikemy, kia heka iny Deuxu lau ruberumy rityhynykre; kia aõ rierykemy, kia heka iny inytxỹte mahãdureny-ribi rexilòhòrarienykre."
|
||||
\c 29
|
||||
\p
|
||||
\v 1 Jò rybe:
|
||||
\v 2 Aõherewe! Txibo diarỹ aròòsekeki juhu bedemy ahãdu rỹimyhỹ bedeu, kia txuu iu Deuxu riwawòmy wadi ramyhỹ-ò!
|
||||
\v 3 Kia bedeu heka Deuxu wary ritxuxaranymy raremyhỹ, kia toosòna-di diarỹ aõwaxina bedeluruhukỹdi rariamyhỹre.
|
||||
\v 4 Kia bede txuu heka diarỹ awimy wabededỹỹnana-di raremyhỹ, kia Deuxu-wana rabiòwanymy raremyhỹ heka waheto itxesedu rare.
|
||||
\v 5 Kia ibutumy iaõninihĩkỹ waki raremyhỹ, kia wariòre boho heka wawesiwesimy roiremyhỹ.
|
||||
\v 6 Kia wahetoki heka ixyby ixyby broreni huysy rỹimyhỹ ixideewimy, kia (azeite) tule, kia (oliveiras-ribi) rihemyhỹrenyre, kia heka manaykyki rebrònymy rỹimyhỹre.
|
||||
\v 7 Kia tiu diarỹ rybe butuna hetoki rỹimyhỹre-ò ramyhỹreu, kia heka diarỹ (juízes) mahãdureny ykyki ranymyhỹre,
|
||||
\v 8 kia weryrybò wamy robimyhỹrenyreu, kia ryy warymy riraynymyhỹrenyre, kia matuari mahãdureny tahe lamamy ritàmanymyhỹrenyre.
|
||||
\v 9 Kia iny mahãdu tyhynihikỹreny rybe-ribi ixawimyhỹrenyre, kia tahe rybeõmy rỹimyhỹrenyre.
|
||||
\v 10 Kia inyrarieninihikỹreny mahãdu rybeõmy rỹimyhỹrenyre; kia aõmy raryberenyõhyymyhỹrenyre.
|
||||
\v 11 Mobo warybe-ò roholamyhỹrenyre, kia wamy reàla`myhỹrenyre; kia iny mahãdureny wamy rarybemyhỹrenyre awimy òbitimy,
|
||||
\v 12 kiemy dori diarỹ iny aõkõ mahãdureny rewiòhenanymy raremyhỹ ixiwiòhedỹỹmy rexitòenymyhỹrenyre-ò, kia uladu wytemy rỹimyhỹrenyre-di reywinywiwimy idireny raremyhỹ, kiemy dori inyõ ihoõre idireny tarukimy ratxirenykemy.
|
||||
\v 13 Kia iny mahãdureny bedebinabinaki ratximyhỹrenyre, kia wamy reàlàmyhỹrenyre, kia wytese mahãdureny rabedesamyhỹrenyre tamy wiòhedỹỹnana rewahinymyhỹreu tamyreny.
|
||||
\v 14 Kia wainytyhy waòbitinana heka waribi raòrarunymyhỹre; kia heka watyy wesemy idi raremyhỹ, kia txuu iyhyõmy reuhemyhỹre.
|
||||
\v 15 Diarỹ heka juhuu warue iruebetàmy rỹimyhỹrenyre rue rare, kia wawa tahe itikremy rỹimyhỹrenyre wa rare.
|
||||
\v 16 Diarỹ heka juhuu iny iaõkõmy rỹimyhỹrenyre tybyreny heka rare, kia iwitxira hãwaludu mahãdurenyki rybedu rare.
|
||||
\v 17 Diarỹ heka iny aõhỹỹmy risỹnymyhỹrenyre rurunihikỹ rehumyhỹre, kia tahe retamyhỹrenyre rubureny-ribi.
|
||||
\v 18 Diarỹ myy rahõtinymy raremyhỹ;"Diarỹ heka irehetyhymy warumy ararekre, kia tahe wahetowoki arurukre, kia ibutumy waõnawiwidi.
|
||||
\v 19 Diarỹ heka iwese bederade raruti bera-ò rehemynymyhỹre wesemy arehemynykre, kia bederade ruu iyhyõmy nonoe rituumyhỹre.
|
||||
\v 20 Kia ibutumy wasohojilemy raryberenykre wamy awityhymy, kia tahe diarỹ ikiemy wanidehemy watyhymy ararekre."
|
||||
\v 21 Kia ibutumy iny mahãdureny wadee raraybirenyre, kia tahe tii boho rybeõmy wadohodỹỹna-ò roholarenyre.
|
||||
\v 22 Kia warybe rehumyhỹreu, kia inyõ warybeki ibinamy rahãõhyymyhỹre. Kia warybe heka iratirenywo-ò ralòmyhỹre, kia iwese berutàtuu ỹnyraki rỹimyhỹre wesemy.
|
||||
\v 23 Kia heka ibutumy riwaraòmyhỹrenyre aõ tamyreny ariwinykremy, kia iwese iny biulòra riraòmyhỹre wesemy, bede ratòteemyhỹre bedeu.
|
||||
\v 24 Diarỹ heka ratxuenymyhỹre, kia iny mahãdu aõrarysòna ihoõmy ròraòmyhỹrenyreki; kia waòsỹny bedesa ire rexiuaremyhỹre.
|
||||
\v 25 Diarỹ heka juhu ixỹ dinodu wesena rare, kia aõ reywinymyhỹre, kia tii boho riwinykremy, diarỹ heka idireny rariamy raremyhỹ, kia iwese Iòlò tasodadu koki ramyhỹre wesemy, kia heka rebedesadỹỹnymyhỹrenyre, kia aõhỹỹmy rutỹỹnymyhỹrenyre bedeu.
|
||||
\c 30
|
||||
\p
|
||||
\v 1 Ka tahe wiji hãbu mahãdureny wauladule wadi disinymyhỹdenyde. kia tybyreny heka aõki awirenyõhyyrenyre; diarỹ heka tiu ka iny mahãdureny tiu ijòròsa-wana arilidirenyõtyhy wabudoeni-di itxeredurenymy.
|
||||
\v 2 Aõkibo tahe wadee awikre iaxiòreny rurutere? Kia heka hãbu mahãdureny ideõdeõrenyre,
|
||||
\v 3 kia ibereberemy ratximyhỹrenyre sõemy ramamy rekoamyhỹrenyre, aõnaõnabinabinamy. Kia rumy bederahy ykyki ratximyhỹrenyre, kia tahe tii boho òwòruraruti rubu-di rahylòimyhỹrenyre.
|
||||
\v 4 Kia bederade òwòrutyy-wana rimymyhỹrenyre, kia tahe òwòrurarutimy riroximyhỹrenyre, kia heka òwòruraruti rỹsỹnaki awi aõkõ rare.
|
||||
\v 5 Kia heka tii boho urile rateòdỹỹmyhỹrenyre iny mahãdureny yky-ribi, kiemy dori urile iny ribrebunymyhỹrenyre rirajuamyhỹrenyreu, kia wasidu wesemy.
|
||||
\v 6 Kia heka (medonhos-ki) rasỹnymyhỹrenyre, manaura ninihikỹ rawoki.
|
||||
\v 7 Kia (uivam) (moitas) ykyki, kia tahe bederade rawoki rexibutunymyhỹrenyre.
|
||||
\v 8 Kia heka iny (inútil) roire, iny mahãdureny inirenyõre, kia heka (enxotados) hãwanihikỹki.
|
||||
\v 9 Ka tahe wiji iny mahãdureny wadee dòimyhỹdenyde, kia tahe wadi disinymyhỹdenyde; kia tamyreny diarỹ rybe lisinamy ararybeke aõkõre.
|
||||
\v 10 Kia heka tii boho wamy raybimy rexilòhòrarienymyhỹrenyre, kia tahe wadee ritehemynymyhỹrenyre waòsỹny-ò rarybexinymyhỹrenyre.
|
||||
\v 11 Deuxu heka waruru rahure, kia tahe wamy raòjinanyre, iurenana heka iny debure mahãdureny waòludumy rekoarenyre.
|
||||
\v 12 Kia iny mahãdureny binabinahãkỹ wamy raòhòterenyre, kia riwaijaradỹỹnymyhỹrenyre, kia riwahukemy riwaijemyhỹrenyre.
|
||||
\v 13 Tii boho heka arexiwòkelau riwatòenymyhỹrenyre, kia ta riwarubunyrenykemy riwaijemyhỹrenyre, kia inyõ ixawikemy rarybeõhyymyhỹre.
|
||||
\v 14 Kia tahe adobo ijytitxi ralòmyhỹre, kia iwotyareny binabina-ribi tahe wadee rahunanymyhỹrenyre waòludumy.
|
||||
\v 15 Diarỹ heka werymy reamyhỹre. Wawowydyna nihikỹ heka, kia iwese bede rawysydỹỹmyhỹre wesemy yhydebona heki; kia wararòsònawihikỹ reare, kia iwese biuwetyyura reamyhỹre wesele.
|
||||
\v 16 Ka tahe wiji warumy aratxikemy ixidi aratxikemy rahõtinyõhyymyhỹre; kia bedejeijei riwamywiwimy wadi ihãre.
|
||||
\v 17 Kia rumy heka wati ramytxitximyhỹre sõemy; kia watimytxitxi diwarati werywerynymyhỹde heka duhuõhyymyhỹde.
|
||||
\v 18 Deuxu heka wabytòki riwamyre tadebure nihikỹ-di, kia watyy ribinabinanyre.
|
||||
\v 19 Tii beubetuu-ò wadi rehure; diarỹ sunode ratyremy aratxike aõkõre, kia bryby ratyremy aratxike aõkõre.
|
||||
\v 20 Deuxu diarỹ heka nanahinymy adee nadexitòenymyhỹde biwawiòhenanykemy, kia tahe tadiwarawyònyõhyymyhỹte; diarỹ heka adee rexitòenymyhỹre, kia tahe aõmy kai tadiwarawyònyõhyymyhỹte.
|
||||
\v 21 Kai heka ibinatyhymy wadi atximyhỹte, kia wahekihyyle ibutumy abedeery nihikỹ-di tiwaheludunymyhỹte.
|
||||
\v 22 Kia yhy riwadykremy tewinymyhỹte, kia yhy debure nihikỹtxi wadi tehumyhỹte tiribi-tiribile.
|
||||
\v 23 Kia heka rexierymyhỹre rubu bede su-ò biwadykremy atximyhỹte, kia heka tai raywimy roimyhỹre, iny irumy rỹimyhỹrenyre tai witxi rekoarenykremy.
|
||||
\v 24 Aõherekibo tahe hãbu itxỹte tehetenymyhỹte, kia heka aõ riwinyõhyylemyhỹre, aõhebo tahe rexiruxetòenymy rexitòenykeki?
|
||||
\v 25 Kia aõbo diarỹ rahinyõre iny mahãdureny aõhỹỹmy rutỹỹnyrenyre-wana? Kia iny aõkõ mahãreny-di aõbo rawobruõhyyre aõbo?
|
||||
\v 26 Diarỹ heka bedesawihikỹ reraòmy raremyhỹ, kia tahe bede binabinahãkỹle wadee nade; diarỹ heka bede loosòna reraòmy raremyhỹ, kia tahe bedeluruhỹkỹle rehemyhỹnyre.
|
||||
\v 27 Wawo heka sõemy naukỹukỹmyhỹde, kia heka dexielehynyõhyymyhỹde; kia aõhỹỹhỹỹlemy txumy dutỹỹnymyhỹde.
|
||||
\v 28 Kia bede ryryle heka nadiwymyhỹde, kia txuijara txuu ihoõmy roimyhỹre wesemy; diarỹ heka ibutukorenyki lamamy raimyhỹre, kia tahe ixiwiòhenadỹỹmy rexitòenymyhỹre.
|
||||
\v 29 Kia warybe wodỹỹ heka ibederyrymy raohitxinymyhỹre, kia iwese ahula rirajuamyhỹre wesemy, kia iwese usehewe robumyhỹre wesemy.
|
||||
\v 30 Kia wadesityy heka ilybymy relereri, kia waumy tahe rubunadi ratòteemy rasõreri.
|
||||
\v 31 Diarỹ heka wiuna bedesana-ò raholamy raremyhỹ, ka tahe wiji iny mahãdureny rahinymyhỹreòle nadoholamyhỹde.
|
||||
\c 31
|
||||
\p
|
||||
\v 1 Diarỹ heka inatyhymy iximy rarybere tiu warue-di ijadòòma tyhy-di areteheõtyhy.
|
||||
\v 2 Txibo diarỹ arayròyròkeki warybetyre-di, aõbo tahe Deuxu wadee riwahinykre, timybo tahe kuaki biu bedeki ibutumy taõninihikỹreny-wana tarybewiwihikỹ wadee riwahinyrenykre?
|
||||
\v 3 Kia heka Deuxu bede binabinahãkỹ riwahinymyhỹre, aõhỹỹhỹỹ riwahinymyhỹre, kia iny mahãdureny aõnaõna binabinahãkỹ riwinymyhỹrenyre-ò.
|
||||
\v 4 Deuxu heka ibutumy riwaerymyhỹre aõbo rewinymyhỹre; tii heka wamy robimyhỹre tibede-ò rariamyhỹreu.
|
||||
\v 5 Kia heka diarỹ inatyhymy iximy rarybereri aõ ibinamy rewinyõremy, kia tiu iny witxira bòdỹỹmy rahõtinyõhyyre.
|
||||
\v 6 Kia Deuxu heka utxienatyhy-ò riwasỹnymyhỹre wautxie rierykremy, tii heka inatyhymy diarỹ wainyboreny riwaerykre.
|
||||
\v 7 Kia txibo diarỹ ry òbitina-ribi arexitiòreanykeki, kia txibo warue iny witxira-di aretehekemy riwadykeki, txibo òraruna rewinyre-wana, kia iny witxira aõnadi arataxikeki,
|
||||
\v 8 kia tahe iny witxirale rirỹsỹkre diarỹ rebrònyrele wahe, ada walòbrònaõbo rexihuke.
|
||||
\v 9 Txibo wawo tiu bedeu aõmy rõhõtinyre waribeludu hãwyy-ò, txibo diarỹ rexiwòmy raimyhỹ-wana raijòsinymy iheto ijòwebròki,
|
||||
\v 10 kia tahe wahãwyy txibo iny witxira deòdulemy rexirahòreke, kia iny witxira iki-wana rõrõmyhỹke.
|
||||
\v 11 Kia txibo diarỹ rubudỹỹmy binahãkỹmy areakeki, kia sodadu mahãdu wedureny riwabrejunyke.
|
||||
\v 12 Kia òraruna heka heòty loosòna binahãkỹ wesemy releke, kia ibutumy rihuke aõbo wamy ibitumy rỹimyhỹre.
|
||||
\v 13 Kia tiu aõmysỹdỹỹdu wamy rexiramy rarybemyhỹreu waòludumy, diarỹ heka rybe reywinymy rewinymyhỹre òbitimy.
|
||||
\v 14 Kia txibo diarỹ tuu rybe ariwinyõkeki, aõbo tahe ariwinyke tiu Deuxu riwatỹỹraxinykeu? Timybo tahe arirawyònykre, kia tiu tii waõnaaõnamy rarybekeu?
|
||||
\v 15 Kiemy dori Deuxule riwaumydỹỹnyre, kia wadeòdureny riumydỹỹnyrenylere; tii heka wadee bede awimy riwahinyre, kia tamyreny tule bede awimy riwahinyre.
|
||||
\v 16 Kia tiu iny iaõkõmy rỹimyhỹrenyre iwihedỹỹrenyõmy reriõhyymyhỹrenyre, kia wytese mahãdureny wojewojimy roburenykelau rewahinyõhyymyhỹre.
|
||||
\v 17 Kia tiu ixi sohojimy warỹsỹna rerỹsỹõhyymyhỹre, kia heka ixyby ixybyle warỹsỹna uladu tybyõmy rỹimyhỹrenyre-wana rewirareamyhỹrenyre.
|
||||
\v 18 Diarỹ heka idireny reywinywiwimy raremyhỹ tybyreny wesemy, kia ikiemy wytese mahãdureny reijemy reòhãrunymy idireny raremyhỹ.
|
||||
\v 19 Kia tiu diarỹ inymy rabimyhỹre-wana yhy rirubunymy ratximyhỹre-wana ityy ihoõ-wanaki, ada kia reerymyhỹre iny iaõkõmy rỹimyhỹre aõdi iixihetydỹỹõna,
|
||||
\v 20 diarỹ heka tamy tyytòtee rewahinymyhỹre, kia heka tyytòee wabudoeni tyyle heka tuu rewinyre, kia tahe tii tawoki wamy reàlàmyhỹre.
|
||||
\v 21 Kia txibo tibedeu diarỹ reburere wyte mahãdyreny-ò, kia diarỹ rexierymy juizes mahãdu riwawiòhenanyrerimy,
|
||||
\v 22 tai tahe wadera rayròkre, kia waaxiò-ribi rasihekre.
|
||||
\v 23 Diarỹ tiu kia wesena ariwinyõtyhy, kiemy dori diarỹ sõemy ibinamy Deuxu rarytxydỹỹnaki rahãmyhỹre, kia tai tiu ibededỹỹnanawiwihikỹ-ò wadehemysỹõna.
|
||||
\v 24 Kia diarỹ juhuu manarỹsỹhỹkỹ retyhynyre; tii tiu wararòsòna òrarunamy roiõhyyre.
|
||||
\v 25 Kia tiu diarỹ iximy rawowydyõhyyre waaõnadimy waityhymy aratxikemy, kia sõemy nieru aritakemy tule.
|
||||
\v 26 Diarỹ heka txumy rabire rarỹsỹnymyhỹremy, kia ahãdu ibutumy ibedewihikỹmy rariamyhỹremy,
|
||||
\v 27 kiaremy heka tiu tuu rerinanyõhyyre, kia ibededỹỹnana wasimy roimyhỹremy arerinanyke aõkõre, diarỹ wadebòdi arirytòkemy tamy reaõhyyre.
|
||||
\v 28 Kia txibo òraruna binahãkỹ ariwinykeki, kia diarỹ Deuxu aritxiõnymy areake, kia biuki ratxirerimy, kia sodadu mahãdureny wedu riwabrejunyke.
|
||||
\v 29 Kia tiu arabedesaõtyhy wabiòwareny aõhỹỹmydỹỹnanareny-di, kia tiu wabedesamy aratxiõtyhy txibo aõhỹỹmy rutỹỹnyrenykre-wana.
|
||||
\v 30 Kia tiu Deuxu-ò rexitòenyõhyyre, kia ijõrenyõ rururenykemy.
|
||||
\v 31 Kia wadeòdureny wadee raõmysỹdỹỹnymyhỹrenyre, kia heka rierymyhỹrenyre iny mahãdureny reteòarinymyhỹrenyre waheto-ò, tii boho heka ixideewimy riroximyhỹrenyre, kia heka awityhy rirỹsỹmyhỹrenyre.
|
||||
\v 32 Kia tiu iwitxira hãwa ludu rytyaki rõrõkemy rewahinyõhyymyhỹre; kia tỹhinamy rirahumyhỹrenyre mahãdu ixyby ixybyle wahetoki rõrõmyhỹrenyre.
|
||||
\v 33 Kia tiu waõnaaõna rewoõhyymyhỹre, kia iwese inyõ riwinymyhỹre wesemy, kia tiu wawoki rewòõhyymyhỹre waòraru.
|
||||
\v 34 Kia tiu ilau raberuõhyymyhỹre, kia iny witxira tuu rarybemyhỹre lau; kia diarỹ hetowoki watxiõhyyre, rybeõmy, kia wadireny risinyrenyekelau raberuõhyyre.
|
||||
\v 35 Timykibo tahe inyõ warybe-ò roholake! Kaki rehura, kia tahe waitxedu reriritinyre; kia taaõni bedeery nihikỹ-wana riwarawyònymyhỹre! Kia waòludu heka wamy roilemy ròritidỹỹmyhỹre,
|
||||
\v 36 kia tuu arawowydymy, diarỹ waaxiòti tyreki idi aretyykre, kia tahe irati-ò aritidikre, kia Iòlò rataana wesemy.
|
||||
\v 37 Kia Deuxu dee ibutumy aõnaõna rewinyre ariwahinykre, kia ta ikoki tahe warati `bitimy aritidikre.
|
||||
\v 38 Kia wasyreny tiu rahinyrenyõhyyrenyre, kia biu-ò rirajuarenyke aõkõre waòludumy.
|
||||
\v 39 Keimy dori txibo iraty arirỹsỹkeki, kia ikiemy aõmysỹdỹỹdu mahãdureny reòwynymy raremyhỹ, tuu raòwydỹỹmyhỹremy, kia tiu ramasamy rururenykelau aritòenyrenyke.
|
||||
\v 40 Txibo diarỹ òbitiao~kõ rarybereri-wana, iurenana heka wasuki bedeledelede raumynyke maixõmoni-ribi, bederahyle raumynyke alòbròna-ribi. Kaki heka Jò rybe rexihura.
|
||||
\c 32
|
||||
\s1 Eliu rybe
|
||||
\p
|
||||
\v 1 Jò heka tainybò-ribi iwo rexierymy ratximyhỹ, iurenana heka inataõ ibiòwareny iribi ixawirenyre widee rybereny-ribi.
|
||||
\v 2 Kia tahe tai hãbuõ ratximyhỹ Eliú riki inire, Baraquel riòre, Bruz rioreriore hewa, kia heka Rão sỹreny boho heka rare. Eliú heka sõemy radònyre Jò-my, kiemy dori riki tii ibedeeryõmy uladu wesemy iximy rarybere, kia Deuxu deele bede riratere.
|
||||
\v 3 Kia Jò biòwa inataõrenymy radònylere, kiemy dori tii boho Jò rirawyònyrenyõlerenyre, kiamy heka taraykyreny rybe riwahinyrenyre Deuxu òbitimy aõkõ riwinyremy.
|
||||
\v 4 Eliú heka rybeõlemy riraòrenymy rỹimyhỹ ikonanau rarybekremy, kia ijõreny heka iiumyreny rare.
|
||||
\v 5 Kia iu tureny robireu, kia tii boho timybo rirawyònyrenykemy rieryrenyõre Jò-ò, Eliú reburere
|
||||
\v 6 kia tahe tarybe riòrarunyre.
|
||||
\s1 Eliú rybe òraru Diarỹ heka uladu rare, kai boho tahe iumy tòite. Iurenana heka diarỹ aõmy warayky rybe rewahinyõhyyre.
|
||||
\v 7 Kawese rahõtinyre: "Kia heka taeryna rybe-di rarybereri, kia heka tiwese wyra wyramy aõkõ tabedeery nihikỹ riteòsinymyhỹre!"
|
||||
\v 8 Kia-ribi tahe iny woki aõtybytyy ratximyhỹre, kia tarubudỹỹna ibutumy aõnihikỹmy bedeery riwahinymyhỹre.
|
||||
\v 9 Iny boho heka bedeery nihikỹmy aõkõ ratxirenyre iumynadi, kia ikiemy iumy mahãdu rieryõhyymyhỹre, aõbo òbitimy rỹimyhỹremy.
|
||||
\v 10 Iurenana tahe boholabenykre ararybekre-ò, kiemy dori diarỹ warayky rybe ariwahinylekre.
|
||||
\v 11 Diarỹ araraòrenyre marybebenykremy, kia raholare òbitimy. Iwana-wana kai boho rybewiwihikỹ tetamyhỹteny,
|
||||
\v 12 diarỹ heka ywimy rybeõmy raholamyhỹ. Kia-ribi tahe ijõreny kai bohoõ Jòò tewoywinyõhyytenyte, kia alỹỹraxinareny rirawyònyõhyyre.
|
||||
\v 13 Timybo tahe kai boho marybebenykre bedeerytxi tekoatenytemy? Kia heka Deuxu rare, kia aõ iny aõkõ, mobo tahe Jò dee rybe rirawyònykre.
|
||||
\v 14 Diarỹ tiu aweserenymy arirawyònyõtyhy; kia Jò heka iki boho-wana widee tarybetenyteri wa-wana aõkõ.
|
||||
\v 15 Jò kia heka inataõmy ratxirenyreri heka rabòdurenyre, kia irybereny ihoõre iki boho-wana widee marybebenykemy.
|
||||
\v 16 Tii boho heka ruhurenyra; kia ixyby raryberenyõhyyrenyreri. Kia aõbo diarỹ ariraòrenykre rybeõmy ratxirenyreri wana-wana?
|
||||
\v 17 Kõre; diarỹ wijityhy arirawyònykre, kia tahe ararybekre timybo rybe-di rahõtinymhỹremy.
|
||||
\v 18 Diarỹ heka sõemy warybe ijõdireri, kia rybeõmy aroholake heka wadee ihoõhyyreri.
|
||||
\v 19 Txibo diarỹ ararybeõkreki, kia heka diarỹ urile arawebòhòke (odre) wesele, kia monabesò tỹmyra-di tỹximy rỹimyhỹre.
|
||||
\v 20 Diarỹ heka reòludunyõhyyreri; kia urile (arexidesabafarnykre), diarỹ heka warayky rybe ariwahinykemyreri.
|
||||
\v 21 Diarỹ rybenana ariwedunyõkre, kia inyõ aridularnyõkre.
|
||||
\v 22 Diarỹ heka bajulari rewinyõhyymyhỹre; kia txibo bajulari ariwinykeki, Bededinodu nihikỹ riwararytxynykre.
|
||||
\c 33
|
||||
\p
|
||||
\v 1 Iurenana heka Jò warybe-ò boholakre, kia boholawiwikre ibutumy ararybekre-ò.
|
||||
\v 2 Diarỹ heka rexihumy rare warybe ariòrarunykremy, diarỹ waraykymy rybe-di ararybekre.
|
||||
\v 3 Kia warayky rybe inatyhymy òbitimy ariwahinykre; kia warybe heka òbitityhy rare, kia heka wawo-ribi namyhỹde.
|
||||
\v 4 Kia Deuxu deòdu heka tuu riwawinyre, kia tarybudỹỹna-di ibutumy tabedeery nihikỹ-di wadee wabededỹỹnana riwahinyre.
|
||||
\v 5 Kia bidiwarawyònykre, txibo arayky ijõdikre-wana; kia bexiywiywinykre widee rykarybekremy.
|
||||
\v 6 Deuxu dee heka kai diarỹ-wana iny heka wiwesewesele rare; diarỹ heka su-ribile inymy relere.
|
||||
\v 7 Iurenana heka diarỹ ixilau raberuõhyymyhỹre; wanohõti heka arasurusurunykemy aõkõ rahõtinyreri.
|
||||
\v 8 Kia heka diarỹ aratyhynymy raholare, kai myy tarybeteki:
|
||||
\v 9 "Diarỹ ixi waòraruki aõkõ; diarỹ aõ ibinamy rewinyõhyyre. Diarỹ wainybòmy watxireri; kia òrarunaõ rewinyõhyyre.
|
||||
\v 10 Kia Deuxu heka tuu ritxienyre riwarubunykremy; tii heka wadi ratximyhỹre taòludu wesemy.
|
||||
\v 11 Tii heka wawa womati rerutidi ritaare, kia heka ibutumy wadi retehemy ratximyhỹre aõbo rewinymyhỹremy."
|
||||
\v 12 Ka diarỹ tahe adee ararybekre kai òbitimy aõkõ atxiterimy, kia heka Deuxu ibutu ratyremy inihikỹmy ratximyhỹre iny sõmy sõmy rỹimyhỹrenyre-ribi.
|
||||
\v 13 Aõherekibo tahe kai Deuxumy tarybeteri, kia tii inydeburerenyki inydeereny raraybiõmyhỹremy?
|
||||
\v 14 Deuxu heka sõemy inydeereny rarybemyhỹre, kiaremy tahe iny boho irybe-ò roholaõhyymyhỹrenyre.
|
||||
\v 15 Kia rumy herinanaki, kia tiu rõrõtyhymyhỹrenyreu, kia tii inyrasireny-ribi iny boho retehemyhỹrenyre tii inydeereny rarybemyhỹremy.
|
||||
\v 16 Deuxu heka iny nohõtireny-ò rarybemyhỹre, kia teòaridỹỹna heka iny brebunadi ritỹxinymyhỹrenyre.
|
||||
\v 17 Tii heka inydeereny rarybemyhỹre iny òrarunareny rikirirenykemy, kia iny boho rekexityhytyhynymy rakatxirenyõkemy.
|
||||
\v 18 Kawesemy heka tii iny boho rubu-ribi rihedỹỹnymyhỹre, kia heka iny boho hãluurotxi rekeserenykelau iny boho ritòenymyhỹrenyre.
|
||||
\v 19 Kia ixybyle Deuxu ròrarytxydỹỹmyhỹre, kia aõdese inihikỹmy tiu ruhuõhyymyhỹre.
|
||||
\v 20 Webinadu heka iny byrenana riõnodỹỹnymyhỹre, kia rỹsỹnawihikỹ robikemy ratximyhỹre.
|
||||
\v 21 Kia tii radeõmy ramyhỹre, kia rexihumy ramyhỹre, ikonanau tahe idesityyle itimy rexirahòremyhỹre.
|
||||
\v 22 Tii heka rubuna ijòki ratximyhỹre; kia iòhòtyhylemy hãluuro-ò radykremy ratximyhỹre.
|
||||
\v 23 Kia txibo aõhe-wana anjo rihedỹỹnyke, kia sõemy Deuxu anjoõ, tii heka iny boho riixinanymyhỹrenyre aõ òbitimy rikiwinymyhỹrenykemy.
|
||||
\v 24 Kia anjo heka idi rawobrukre, kia tahe Deuxu dee rexitòenykre: "Biatyke! Tii rubu mahãdureny hãwa-ò reseke aõkõre. Kaki tewedỹỹna òwydỹỹna roire."
|
||||
\v 25 Kia tahe tii ixybyle awimy ibinaõmy relekre, kia iumy inihikỹmy relekre iwese juhuu itỹmyramy raremyhỹ wesemy.
|
||||
\v 26 Kia tiu rexitòenykreu Deuxu rirawyònykre. Tii heka bedesamy tuu rerinanykre, kia Deuxu ixybyle tamy reobykre hãbu òbitimy nodu wesemy.
|
||||
\v 27 Tii iny dee ibutumy rarybekre: "Diarỹ òraruna rewinyre, kia bedebinabinahãkỹ rewinyre, ka Deuxu tahe riwararytxynyõhyyre.
|
||||
\v 28 Tii heka rubu-ribi riwahedỹỹnyre; diarỹ bede loosònamy arobilekre."
|
||||
\v 29 Deuxu heka ibutumy iny mahãdudeereny tuu riwinymyhỹre, kia sõemy tuu riwinymyhỹre.
|
||||
\v 30 Tii heka iny boho rukururenykelau iny boho ritòenymyhỹrenyre, kawesemy tahe iny boho ikiemy ratximyhỹrenyre bede loosòna iny ritoosònyrenymy.
|
||||
\v 31 Ka tahe wiji Jò boholawiwikre; rybeõmykre, diarỹ ararybekre.
|
||||
\v 32 Txibo kai aõmy arybe ijõdireri-wana biwarawyònykre, kiemy dori diarỹ aki òbitimy rahãrerimy adee ararybekemyreri.
|
||||
\v 33 Txibo ihoõkeki tahe rybeõmy boholakre, kia diarỹ aratohodỹỹnykre timybo bedeery nihikỹmy atxikremy.
|
||||
\c 34
|
||||
\p
|
||||
\v 1 Eliu rybe:
|
||||
\v 2 — Kai boho bedeerymy atximyhỹtenyte, boholabenykre ararybekre-ò.
|
||||
\v 3 Kawesemy tahe ijohonadu mahãdureny rieryrenykemy ratximyhỹrenyre rybewihikỹ-di, kia dòròtòube tahe rỹsỹna rierywityhymyhỹre,
|
||||
\v 4 kia wesemy tahe iny boho rikieryrenykre bededỹỹnana, kia tahe rikiywinyrenykre tai awimy ròhònykremy.
|
||||
\v 5 Jò heka iximy rarybereri iinybòrerimy, kia Deuxu riki aõ òbitimy tamy riwinyõhyyreri.
|
||||
\v 6 Kia ta rỹỹraxire: "Timybo tahe diarỹ araroikre, diarỹ òbitimy aõkõ watxirerimy? Kia binana deytesira-di aõhỹỹmy ratỹỹnyreri, kia heka òrarunaõ rewinyõhyyre."
|
||||
\v 7 Ka hãwa bedeki heka inyõ Jò wesemy ratxiõhyymyhỹre, kia inyõ dee heka irutaõre Deuxu-di risinymy rỹimyhỹre, kia iwese bedeò sohojimy bemy iny riõmyhỹre wesemy.
|
||||
\v 8 Tii heka hãbu mahãdureny binabina-wana rariamyhỹrenyre, kia tahe rexibutunymyhỹrenyre iny mahãdureny-wana aõki heka awirenyõhyyrenyre.
|
||||
\v 9 Kia tahe myy rarybemyhỹrenyre: "Kia iny Deuxu dee aõ riwahinymyhỹre heka iny aõ ritaõhyymyhỹre."
|
||||
\v 10 Ka tahe wiji kai boho ainytyhy ijõdimy atximyhỹtenyte wadee boholabenykre. Kia Deuxu aõbo aõ ikõnamy riwinymyhỹre aõbo? Kia aõbo ibutumy taõnihikỹ-wana aõ ibinamy aõbo riwinymyhỹre aõbo?
|
||||
\v 11 Tii heka iny boho rimymyhỹrenyre, kia aõ iny boho riwinymyhỹrenyre-di, kia tahe sohoji sohoji aõ riwahinymyhỹre tuu rekoamyhỹrenyremy.
|
||||
\v 12 Kia inatyhymy Deuxu taõnihikỹ-wana aõ bedebina riwinyõhyymyhỹre, kia inyõ-di ibinamy ratxiõhyymyhỹre.
|
||||
\v 13 Mobo tahe ibedeery nihikỹmy rarekremy tamy riwahinyre? Mobo tahe bede bede hãwa nihikỹ wedu riwinyre"?
|
||||
\v 14 Txibo Deuxu tuu riwinykeki, kia ixybyle riòkesedỹỹnyke (folego), iny mahãdu elewesedỹỹnana;
|
||||
\v 15 kia tahe iurenana ibutumy iny mahãdureny rururenyke, iutyhyle, kia ixybyle sunode-ò ròòserenyke.
|
||||
\v 16 Ka wiji Jò, txibo abedeeryre-wana, boholawiwikre ararybekre-ò.
|
||||
\v 17 Txibo Deuxu bedeòbitinamy radònykeki, kia tiu bede bede hãwa nihikỹ riwedunyõtyhy. Kia aõbo kai birarytxynykemy idi atxiteri kua iny òbitimy inidehemy rỹimyhỹre-di?
|
||||
\v 18 Deuxu heka Iòlò mahãdureny aõwedureny ninihikỹreny-wana rirarytxynymyhỹrenyre, kia tiu ibinamy aõ riwinymyhỹrenyreu, kia tiu aõki awiõmy ratximyhỹrenyreu.
|
||||
\v 19 Tii heka inydeereny rexideòsinyrenyõhyymyhỹrenyre rynana rarieki runymy ratximyhỹremy, kia iaõnadimy ityhymy rỹimyhỹrenyre bedebinabinale iny aõkõ mahãreny-ò riwahinymyhỹrenyreki ibinamy rahãõhyymyhỹre, kia heka ibutumy iribirenylehekỹ raumynyrenyre.
|
||||
\v 20 Kia heka rubuna isitere-ribile kanakre ruwetya-ribi. Iny heka irubuna ijõdimy rỹimyhỹre, kia tahe rurumyhỹre. Deuxu ixiwiòhedỹỹdumy reaõhyymyhỹre, kia iny ninihikỹ mahãdureny rirubunykemy.
|
||||
\v 21 Kiemy dori tii ibutumy rierymyhỹre aõbo iny boho riwinymyhỹre, kia ibutumy iny riranarenymy robimyhỹre.
|
||||
\v 22 Kia heka tibedeki bede ihoõhyyre bedeluru ratyremy, titxibo tahe òrarudu mahãdu Deuxulau rexiwokre.
|
||||
\v 23 Deuxu heka txuu riywinykemy reaõhyymyhỹre, kia iny ikonanau rierykemy.
|
||||
\v 24 Tii heka iny nihikỹ mahãdureny riurihinanykemy reaõhyymyhỹre, kia rihurenykemy, kia tahe iny witxira-ò irynanatyby riwahinykre.
|
||||
\v 25 Kia heka Deuxu rierymyhỹre aõbo tii boho riwinymyhỹre; rumy heka tii boho ròatymy risurusurunymyhỹrenyre.
|
||||
\v 26 Kia iny mahãdureny ykyki ibuturuki, Deuxu rirarytxynyrenykre, kia rubudỹỹdureny weserenyle,
|
||||
\v 27 kiemy dori tii boho iribi rexilòhòrarienyrenyre, kia irybe wahidỹỹna tyhydỹỹderalemy rekoarenyre.
|
||||
\v 28 Tii boho heka iny iaõkõmy rỹimyhỹrenyre ihidỹỹnareny iaõhỹỹmydỹỹnanaremy Deuxuòhòkỹle riòwòdỹỹnyrenyre, tai tahe tii tamy roholare.
|
||||
\v 29 Kia txibo Deuxu rarybeõkeki tiu inyõ rirarytxynyrenyõtyhy. Txibo tii taòsỹny riwòkeki, kia iny mahãdu hãwa hãwa mahãdureny iitxedurenyõmy rekoarenykre,
|
||||
\v 30 kia tahe tiu aõ iwidỹỹrenyõna, kia hãbu bina mahãdureny riwedunyrenykemy aõhỹỹmy risỹnyrenylelau rexiijenykemy.
|
||||
\v 31 Jò, kia aõbo kai texieryte Deuxu koki, kia kai aõhỹỹmy tatỹỹnyte aòraruna òraruki, kia iximy tarybete tiu ixyby biwinyõkremy?
|
||||
\v 32 Kia aõbo Deuxu dee texitòenyte aõmy ixihewo-ò terite adee riteòsinykremy, kia aõbo texiixawidỹỹnyte aõnaõna binabina ixyby biwinyõkremy?
|
||||
\v 33 Txibo kai Deuxu aõ riwinymyhỹre deramy teamyhỹteki, timybo tahe kai teraòmyhỹte aõmybo teamyhỹte tii adee riwinykemy? Kia kai heka birawyònykre, diarỹ aõkõ; manarybeke wadeereny aõmybo tahõtinytenyterimy.
|
||||
\v 34 Iny bedeery mahãdureny iny ywimy iinytyhymy rỹimyhỹrenyre heka warybe-ò roholamyhỹrenyre, kia tahe òbitityhymy myy raryberenykre:
|
||||
\v 35 Jò heka aõmybo rarybereri rieryõhyyreri; kia tii aõmybo rarybereri heka aõ rybemy rarybeõhyyreri.
|
||||
\v 36 Kia heka urile tarybe rierywiwikre, kia tahe diarỹ boho arirawyònyrenykre iny itxỹtereny wesemy.
|
||||
\v 37 Jò heka òrarudu rare, òrarudu binanihikỹ rare. Kia diarỹ boho watximyhỹrenyrekoki Deuxu-my aõnaõnamy binamy rarybemyhỹre, kia heka Deuxu òludumy rybe-ribi ixawiõhyymyhỹre".
|
||||
\rem MISS. cc35-c38[SC4]
|
||||
\c 39
|
||||
\p
|
||||
\v 1 Kai aõbo teeryte tiubo watxini bederahu ludu ruamyhỹre ada budoe ruaremy aõbo tabite bederoki ruaremy?
|
||||
\v 2 Kai aõbo teeryte tiwesemybo bòtòmy ahãdu idi bede riemyhỹre, ada timybo rỹimyhỹre ruamyhỹreu?
|
||||
\v 3 Kai aõbo teeryte tiu tii boho su-ò rexibedenymyhỹrenyreu reakremy, kia tariòre boho kahãwabede-ò didymyhỹdenydeu?
|
||||
\v 4 Kia iriòre boho idedimy ityhymy bederoki raumynymyhỹrenyre; irahudi tahe roimyhỹrenyre kia ixyby dòòsedenyõhyymyhỹrenyre.
|
||||
\v 5 Mobo tahe bedeki awimy ratxirenykremy buru bederahymyhỹrenyre-ò riwahinyre? Mobo tahe ixinamy ixideewimy ririranyrenykremy riwahinyrenyre?
|
||||
\v 6 Diarỹ heka bederahy tamyreny rewahinyre ihetorenymy, kia su jubrereki rahãwanyrenykremy rewahinyrenyre.
|
||||
\v 7 Tii boho heka hãwa wodỹỹ rieryrenykemy aõkõ ratximyhỹrenyre; kia heka tiu (domado-my) ratxiõtyhy, tiu inyõ tamy irybeõna iaõnautxie-di retyykemy.
|
||||
\v 8 Tii boho heka hãwalò asimy riroximy ratximyhỹrenyre, kia tai aõtxile asilỹremy rarunymyhỹrenyre rirỹsỹrenykemy.
|
||||
\v 9 Kia aõbo broreni bederahyludu adee aõmysỹdỹỹmy reakre? Kia aõbo tii auhuariwoki rumy aõbo tai bede riijekre?
|
||||
\v 10 Kia aõbo kai reruti-di bitaakre, kia suu adee riaranykemy ada adee idi rarurunymy?
|
||||
\v 11 Kia aõbo kai iruru nihikỹ bityhynykre ijõdimy ratximyhỹre, kia tamy aõmysỹdỹỹ utxie nihikỹ birikre adee riwinykremy?
|
||||
\v 12 Kia kai biraokre tii adee maixõmini idiwykremy, kai bihekremy, kia su-ò bitxiwikremy?
|
||||
\v 13 Kia iwese useheweni teratyti rihetenymyh`yre wesemy! Kia heka tiu useheweni ruòõhyymyhỹre (cegonha) wesemy.
|
||||
\v 14 Useheweni heka tasi su-ò riydònymyhỹre, kia ỹnyra tòtee ritxuakremy.
|
||||
\v 15 Tii heka rõhõtinyõhyymyhỹre inyõ ityre rariakemy, ada iròdu debure risurusurunykemy rõhõtinyõhyymyhỹre.
|
||||
\v 16 Tii heka rexideysanymy rexiukỹukỹnymy reamyhỹre, kia isi ihoõreri wesemy, kia heka taõmysỹdỹỹnamy awimy rahãõhyymyhỹre.
|
||||
\v 17 Kia heka diarỹ kawesemy rewinyre, iinytyhy ihoõmy, kia tamy bedeery rewahinyõre.
|
||||
\v 18 Iurenana heka tii tiu reamyhỹre tarurumy, kia urile awaru-di awaru-di riradu mahãdureny-di risinymyhỹre.
|
||||
\v 19 Jò, kiaremy kai aõbo awaru ityhytyhymy tewinyte? Kia kai aõbo ibòtò teixiwidỹỹnanyte irade-di?
|
||||
\v 20 Jò, kiaremy kai aõbo tewayrytòdỹỹnymyhỹte sei wesemy, kia iny mahãdureny ribrebunymyhỹrenyre tarajuareny-di?
|
||||
\v 21 Kia ywimy aõkõ tii boho tawareny-di sumy ririranymyhỹrenyre, kia tahe aõbina bededỹỹnana-ò raòrunymyhỹrenyre tarururenymy.
|
||||
\v 22 Tii boho ibrebureny ihõre. Kia aõlau ruberurenyke aõkõre, kia tõnori.
|
||||
\v 23 Kia iratyareny-di wyhy rurònymy reamyhỹre, kia tõnori tahe urile raòderanymy reamyhỹre.
|
||||
\v 24 Kia ywimy aõkõ ramytàtàmyhỹrenyre, kia tii boho rawayrytòmy ròhònymyhỹrenyre, kia tiu ajuròna rawodỹỹnymyhỹreu, kia ywimy ruhurenyõhyymyhỹrenyre.
|
||||
\v 25 Kia tii boho tarajuareny-di ajuròna wodỹỹna rirawyònymyhỹrenyre; kia ireheribihikỹle aõbina silỹnymy rurumyhỹrenyre, kia iiryreny-ò roholamyhỹrenyre, iwedureny tamyreny rarybemyhỹrenyre-ò.
|
||||
\v 26 Kai aõbo nawiihikỹ ruokremy teixinanymyhỹte, kia tee teraynymyhỹte ruokremy iraru bede-ò?
|
||||
\v 27 Kia nawiihikỹ lyby aõbo tamy marybeke aõbo riraòmyhỹre, kia biu rarie-ò rasinykemy?
|
||||
\v 28 Tii heka mana rarie nihikỹki rasỹnymyhỹre, kia manaura nihikỹki tahe tasinana rimywiwimy riwinymyhỹre.
|
||||
\v 29 Kia iribi tahe iròdumy robimyhỹre tii rirubunykremy, kia iruereny heka ireheòhỹkỹle aõmy robimyhỹrenyre.
|
||||
\v 30 Kia tibedeki iròdu rubumy robimyhỹrenyre, tai tahe nawiihikỹ lyby rexibutunymyhỹrenyre, kia iriòre boho ihãlubu ritòmyh`yrenyre.
|
||||
\c 40
|
||||
\p
|
||||
\v 1 Wanyry rarybera:
|
||||
\v 2 —Jò, kai wawana ijesumy teate, Deuxu ibutumy tabedeery nihikỹ-di. Kia bexiixawidỹỹnyke ada bidiwarawyòkremy aõbo?
|
||||
\s1 Jò rybe:
|
||||
\p
|
||||
\v 3-4 Deuxu bedery nihikỹ, diarỹ tiu aõki aõdemy areaõtyhy; ararywyòdỹỹderamy? Diarỹ rybeõlemy atxike wadeewire.
|
||||
\v 5 Kia sõetyhymy rarybere, ka tahe wiji aõ ihoõre ararybekemy.
|
||||
\s1 Inatxina Deuxu ròrawyòdỹỹre
|
||||
\p
|
||||
\v 6 Tai tahe yhydere yky-ribi Deuxu Jòò kawesemy rirawyònyre:
|
||||
\v 7 Kia eburemy atximyhỹtemy wiji bexideòsinykre, kia tahe bidiwarawyònykre adee lỹỹraxi ariwinykre-ò.
|
||||
\v 8 Kia aõbo kai diarỹ òbitimy aõkõ watximyhỹremy biwaerykemy wadi tahõtinyteri, kia diarỹ waòraruki tuu tatỹỹnytemy, kia kai ainybòmy iximy tarybeteki?
|
||||
\v 9 Kia aõbo arurutere warurutere wesemy teurihinanyteri? Kia aõbo kai aõwaxina warybe wodỹỹ wesemy marybeke, kia iwese diarỹ tarurumy rarybemyhỹre wesemy?
|
||||
\v 10 Txibo kai aõwaxina tuu biwinykeki, tai tyyura nihikỹ-di bexityynykre, inyninihikỹ wesemy bexiywidỹỹnanykre.
|
||||
\v 11 Kia ibutumy iny rexityhytyhynymyhỹrenyre mahãdureny-di betehekre; kia ebure-di bihubenykemy tuu biwinyke iòludurenymy, kia aòhỹỹmy bisỹnybenykre.
|
||||
\v 12 Kohe, kia tamyreny betehekre, kia tahe aõhỹỹmy bisỹnybenykre; kia iny itxỹte mahãdu bisurusurunykre tikibo ratxirenyreriki.
|
||||
\v 13 Kia ibutumy su hãluu-ò bituunybenykre; kia rubu mahãdureny bedeki bitaabenykre.
|
||||
\v 14 Txibo kai tuu biwinykreki, diarỹ komy umy arerinanymy umy arawowydykre, kia tahe kai bexierykre ararurutere òbitidile ibuturatyre tahònytemy.
|
||||
\v 15 Kia Beemote iròdu debure-di betehekre, kia Diarỹ reumydỹỹnyre, kia iwese kai araumydỹỹnyre wesemy. Tii heka asi rirỹsỹmyhỹre broreni wesele,
|
||||
\v 16 kia tahe idi betehekre tiwesebo irurutere ijõdiremy, kia heka iwese arurutere inihikỹtyhyre!
|
||||
\v 17 Kia tõheraru heka imyremy lamamy rỹimyhỹre, kia teri-ò rade rỹimyhỹre wesele, kia irutiki sõemy iruru inihikỹmy roimyhỹre.
|
||||
\v 18 Kia iti heka ityhymy iruruterere, kia manatere txiriedese rỹimyhỹre wesele, kia iruti tahe womatijieti wesemy roimyhỹre.
|
||||
\v 19 Tii heka brebudỹỹdutyhymy ratximyhỹre wawidỹỹna wahe. Diarỹ sohojile Iwidỹỹdure, diarỹ heka wabedeery ijõdire tuu arahãynanykemy.
|
||||
\v 20 Kia asimy riroximyhỹre heka hãwalòmy ruhunymy rỹimyhỹre, kia tai iròdu debure mahãdu risinymy rỹimyhỹrenyre bedeki.
|
||||
\v 21 Tii heka (espinheiros) rawoki roimyhỹrenyre, kia bijiuykyki rexiwòmyhỹrenyre, wyhyhykỹ bedeykyrawoki.
|
||||
\v 22 Kia espinheiros bede rade tamy bedeubròrò riwahinymyhỹre; kia ribeiraõ sadỹỹdu mahãdureny iweijàtimy rekoamyhỹrenyre.
|
||||
\v 23 Kia beòra nihikỹ bede-ò bede rehemynymyhỹreu, kia tii ruberuõhyymyhỹre; kia tii awityhyhyylemy ratximyhỹre, kia Jordaõ bero tamy raòwònymyhỹre hãrele ihetowo-ò.
|
||||
\v 24 Mobo tahe iratyremy ratxike riruebetànymy rimyke, ada iixiwòtena-wana aõbo ribrejunyke brejuna heto-ò.
|
||||
\c 41
|
||||
\p
|
||||
\v 1 Kia ribi tahe Levitã iròdu debure, kia aõbo kai waxidi biwaxinyke aõbo, ada tòròtò aõbo reruti-di bitaake aõbo?
|
||||
\v 2 Kai aõbo teasỹwo-ribi reruti aõbo biòlòdỹỹnyke, ada txuraru aõbo waxinihikỹ-di bitòake aõbo?
|
||||
\v 3 Kia aõbo tii adee rexitòenykre biatykemy, ada idi bexiwobrunykemy aõbo adee rexitòenyke?
|
||||
\v 4 Kia aõbo tii iki-wana aõbo widee bede biuwinykre, kia ikiemy adee raõmysỹdỹỹnymy rarekremy?
|
||||
\v 5 Kia aõbo kai iki-wana bisinykre aõbo, kia idi nawii wesemy? Kai aõbo bitaakre aõbo, kia alisina wesemy rarekremy, kia adeòdu mahãdureny idi risinymy roirekremy?
|
||||
\v 6 Kia aõbo idi bohonykre waxidu mahãdu ijoireny-ò? Kia tai aõbo ide riòheòherenykre aõbo?
|
||||
\v 7 Kia aõbo kai tõnori bituunykre ityy-di, ada deòreru waxina wesemy aõbo irati rỹikre?
|
||||
\v 8 Tamyini ebò-di biurihimy tamy berike, kia sohojihyyle tamy berikre, kiaremy kai tiu ijesu-ribi õhõti rusaõhyymy mabekre.
|
||||
\v 9 Kia iny Levitã iròdu debure-di retehemyhỹrekile heka iny mahãdu ibutumy taixiuaresena riinodỹỹnymyhỹre, kia tahe brebulemy iny rõhõtibremyhỹre.
|
||||
\v 10 Txibo iny riitxenanymyhỹreki, kia tii teburehekỹmy relemyhỹre. Mobo tahe tamy ixidi rohonyke iki-wana resukemy?
|
||||
\v 11 Mobo tahe riijeke iribi iwotõmoõmy ròhònykemy? Kiehyyle, hãwa hãwamy bede bedemy rỹimyhỹrenyre.
|
||||
\v 12 Ka tahe wiji Levitã rutimy ararybekre, kia tiwesebo inihikỹmy, kia iruruteremy wiribi lahitxi lahitximy.
|
||||
\v 13 Mobo tahe idesityy rihetynymyhỹre iribi ritake, ada idesityywibrowibro ritòake?
|
||||
\v 14 Mobo tahe ityhymy txuraru riraynyke, kia txu desedese-di reòtemy rỹimyhỹre?
|
||||
\v 15 Kia ibròki heka sõemy ibròjuràdese reòtemy rỹimyhỹre, kia heka widee widee ruràrurànymy rỹimyhỹre, kia imyremy rỹimyhỹre manatere wesemy.
|
||||
\v 16 Kia heka widee rahãletemy rỹimyhỹre, kia tiu yhy rebonymyhỹre idi ròhònyõtyhy.
|
||||
\v 17 Kia heka widee ròròtyhyhykỹlemy rỹimyhỹre, kia inatyhymy tiu inyõ wiribi itarasaõna.
|
||||
\v 18 Kia tiu Levitã raelewesenanymyhỹreu, kia roosòroosòmy ròhònymyhỹre; kia irue heka raòderanymyhỹre, kia iwese txuu rudi ròhònymyhỹre wesele.
|
||||
\v 19 Kia irywo heka heòty rade-di rehumyhỹre, kia iribi tahe heòtyloosò ròhònymyhỹre.
|
||||
\v 20 Kia teàrà-ribi wydysi ròhònymyhỹre, kia iwese bederadejiru herana rawoki roomyhỹre wesemy.
|
||||
\v 21 Kia irybudỹỹna heka heòty riworonymyhỹre, kia irywo-ribi tahe heòtyrade ròhònymyhỹre.
|
||||
\v 22 Kia irurutere heka ibòtòki roimyhỹre, kia irati tahe ibutumy iny mahãdu ribrebunymyhỹre.
|
||||
\v 23 Kia ibròsityyki heka tai ibreymy roike heka ihoõre; tii heka awityhymy imyremy roimyhỹre womati wesemy.
|
||||
\v 24 Kia icoraçaõ binahãkỹ ibrebu ihoõre; kia imyrewimy roimyhỹre, kia mana may judỹỹna wesemy.
|
||||
\v 25 Kia tiu tii lamamy rỹimyhỹreu, kia inihikỹtyhymy rỹimyhỹre werymy reburemy reamyhỹre; kia ilau brebule heka iny aõbo rexiuaremyhỹre rikokròmyhỹre.
|
||||
\v 26 Kia tiu tõnoriõ riwotõmonyõtyhy, tõnori webese, kia wyhy tiu iwotõmodỹỹõna.
|
||||
\v 27 Kia tamy womati horeru wesenale rare, kia manateredeòsa òwòru rubu wesenale rare.
|
||||
\v 28 Kia tiu wyhylau rexiwòõhyymyhỹre. Kia iny tamy mana-di rehumyhỹre, kia heka iny asi-di rehumyhỹre wesenale rare.
|
||||
\v 29 Kia iny òhòte-di rihetenyke, kia heka iwese iny horeru moe-di rihetenymyhỹre wesenale rare; tii heka urile risinymyhỹre, kia hãbu mahãdureny tõnori jurà webese-di tamy rehumyhỹrenyreki.
|
||||
\v 30 Kia iwe heka (cacos-di pontudos)-di rahetynymy roimyhỹre, kia subururumy rirahòremyhỹre, kia womati ijòtòbòna wesemy.
|
||||
\v 31 Tii heka bee riybòdỹỹnymyhỹre, kia tahe bee iwese heranaki rabòrònymyhỹre wesemy risỹnymyhỹre, kia iwese aõòlỹre herananihikỹki rabòrònymyhỹre wesemy.
|
||||
\v 32 Tii heka beranihikỹki tarytyby raòderanymy ririmyhỹre, kia iwese beranihikỹki radeeresydu ura ijõdimyhỹre wesemy.
|
||||
\v 33 Kia aõ heka kaki hãwanihikỹki roireki tamy riurihinanyõhyylemyhỹre, kia heka tuu rawidỹỹre iny ilau ruberukemy aõkõ.
|
||||
\v 34 Kia Leviata heka ibutumy aõnaõna-di retehemyhỹre, kia idireny rehurenykremy, kia ibutumy iròdu iròdu rexityhytyhynymyhỹrenyre, kia tahe tii Iiòlòreny rare, idinodureny wesena wahe.
|
||||
\c 42
|
||||
\s1 Kia ikonamy Jòò ròrawyòdỹỹre
|
||||
\p
|
||||
\v 1 Tai tahe Jòò myy rirawyònyre:
|
||||
\v 2 Diarỹ heka ixyby reeryre Deuxu tyhyhykỹ, kiemy dori adee aõ isiraõhyyre, kia abededỹỹnana teywinymy rỹimyhỹre, kia tiu aõ rikokròmy ribinanyõhyymyhỹre.
|
||||
\v 3 Kai tiwatỹỹraxinyte timybo aõnaõnabinamy raryberemy, kia abedeery nihikỹ retxiõnymyhỹremy, kia heka diarỹ aõki rexirarexiralemy watximyhỹre. Kia heka rarybere aõnaõnamy, diarỹ aõnaõna reeryõmy, kiabo heka aõnaõna wityhyhykỹbo heka rare wadee, kia diarỹ timy waerysyõna.
|
||||
\v 4 Kai wadee tarybete aroholakremy aõmybo tarybeteri-ò, kia alỹỹraxidỹỹna arirawyònykremy.
|
||||
\v 5 Juhuu heka diarỹ araeryre, kia urile adee raholamy raremyhỹ, ka tahe wiji warue òbiti-di umy nadobimyhỹde.
|
||||
\v 6 Iurenana heka diarỹ raixỹrumy watxireri, kia ibutumy aõnaõnamy rarybereki, diarỹ heka ixidee rexirahemy watxireri, kia sutyrekile rarynyreri, kia bryby sõetyreki.
|
||||
\s1 Bededỹỹnana onana
|
||||
\p
|
||||
\v 7 Kia Jò-wana widee rybe ixawireu, Deuxu tyhyhykỹ Elifaz-ò rarybere: — Diarỹ heka sõemy waky adee reareri, kia inatxi abiòwareny dee tule, kiemy dori kai boho òbitimy aõkõ wamy tarybetenyte, kia iwese Jòò waijoi rarybere wesemy.
|
||||
\v 8 Ka tahe wiji debo-ò inatximy broreni hãbu bimykre, kia debo-ò inatximy budoeni sõemy bimykre, kia tahe Jò-ò biwykre, idi xiwena wesemy riwinykremy, kia adeerenytòemy. Kia Jòò waijoi umyreny rexitòenykre, kia tahe diarỹ iixitòedỹỹna-ò areobykre, kia diarỹ arararytxynyrenyõkre, kia iwese tuu tekoamyhỹtenytemy, kia heka kai boho wamy tarybetenyõhyytenyte, kia Jòò rarybere wesemy.
|
||||
\v 9 Tai tahe Elifaz, Bildade, Zofar boho roirenyre, kia tahe tuu riwinyrenyre, Deuxu tuu tamyreny raryberemynamy, kia tahe tii Jò ixitòedỹỹna-ò reobyre.
|
||||
\v 10 Kia irahudi Jòò taixitòedỹỹna-ribi rexihureu tabiòreny inataõrenymy, kia Deuxu tyhyhykỹ ixybyle iaõdimy ityhymy risỹnyre, kia iratyre ibutumy sõemy tamy iaõnaõna riwahinyre, aõbo juhuu tai rỹiramyhỹ.
|
||||
\v 11 Kia ibutumy iseriòre boho, kia ibutumy ibiòwareny boho tamy itxeremy roirenyre, kia iribi irynana deòteõ riwyrenyre iheto ludu. Kia raryberenyre timybo ibederyrymy raremyhỹu, kia juhuu tuu rutỹỹnyreu, kia ibutumy riruxetòedỹỹnyrenyre, kia aõnaõna binahãkỹ Deuxu ityre riatyreu. Kia tahe iny sohoji sohoji nieru tamy riwahinyre, kia manatererỹsỹ debò tamy riwahinyre.
|
||||
\v 12 Deuxu tyhyhykỹ tarybewihikỹ Jò bededỹỹnana konana-ò riwahinyre, kia ibededỹỹnana kodele-ribi. Kia tii waò inaubiòwamy reurò mil-my ibudoeni sõe, kia debo-ò inatxi reuro mil-my icamelo sõe, kia inatxi mil-my ibroreni sõe, kia mil-my iburu hãwyy sõe.
|
||||
\v 13 Kia tule debo-ò inatximy iriòre hãbu sõe, kia inataõmy iriòre hãwyy sõe.
|
||||
\v 14 Kia iadelareny Jemima inire; kia ihelỹỹna ta Quezia inire; kia iinataõna ta Querém-Hapuque inire.
|
||||
\v 15 Kia heka bede bedew hãwa hãwa rỹimyhỹrenyre iruxerarenyõrenyre, kia Jò riòrereny ruxera wesemy. Kia tybyreny iaõnareny-di itxeredumy rimyrenyre, kia hãbu iseriòre bohoreny-wana.
|
||||
\v 16 Kia irahudi tahe Jòò irumy raremyhỹ, kia 140 wyra-di urure, kia sõemy tariòreriòrerenymy robire.
|
||||
\v 17 Kia tahe matuarityhy-di rurure.
|
||||
|
|
@ -0,0 +1,2842 @@
|
|||
\id PSA
|
||||
\ide UTF-8
|
||||
\rem Missing 113:7-9
|
||||
\rem aut Ijeseberi
|
||||
\h Salmos
|
||||
\toc1 Salmos
|
||||
\toc2 Salmos
|
||||
\toc3 psa
|
||||
\mt1 Salmos
|
||||
\c 1
|
||||
\p
|
||||
\v 1 Deysanawimy kua teramy reare iny binabina mahãdu dohodỹỹna deramy, kia òrarudu mahãdu wese reaõmyhỹre kia rariaõmyhỹre Deuxu-di risinymyhỹrenyre mahãdu-wana.
|
||||
\v 2 Kia iribiòtumy, iaõwiwi heka Deuxu Tyhyhykỹ rybe ritinaki roimyhỹre, kia rybe ritina-di tahe tii rõhõtinymy ratximyhỹre txu-my ru-my.
|
||||
\v 3 Kaa iny heka bederade wesena rare kia raumynymy rare bero weijàti-ki; tii raratynymyhỹre bede òbitimy, kia txirurade rarubuõhyymyhỹre.Kia ibutumy aõbo kaa iny riwinyra òbitimy rimymyhỹre.
|
||||
\v 4 Iny binabina mahãdu kaweserenyre aõkõ; kia heka horeru yhy riwymyhỹrenye wesena roire.
|
||||
\v 5 Iurenana òrarudu mahãdureny Deuxu rirarytxynyrenykre kia rahitxirenymy roirenyrekre iny òbitimy rỹimyhỹrenyre-ribi.
|
||||
\v 6 Kiemy dori Deuxu Tyhyhykỹ retehemy kia tarybewihikỹ riwahinymyhỹre kaa iny mahãdu deereny, kiaremyta iny itxỹteitxỹte mahãdu tahe reòsamy ratximyhỹrenyre.
|
||||
\c 2
|
||||
\s1 Iòlò Deuxu tuu ritare
|
||||
\p
|
||||
\v 1 Aõherekibo hãwa hãwa Deuxu tyhydỹỹõ mahãdu bede riywinymyhỹrenyre aõbinabina widỹỹmy? Aõherekibo aõwiwi riwinyõmyhỹrenyre kia aõbinabinalemy rõhõtinymyhỹrenyre?
|
||||
\v 2 Iòlò mahãdureny aõbinabinamy rexinohõtinymyhỹrenyre, kia hãwa wedu wedu rexibutunymyhỹrenyre Deuxu Tyhyhykỹ òludumy kia iòlò tii ritare.
|
||||
\v 3 Tii boho raryberenyre: “Rykexitarenyke iny boho dimymyhỹde-ribi; iny boho rahurenyre ibedeeryhỹkỹ tii boho inydireny roiremyhỹ.”
|
||||
\v 4 Tarynanaki biu-ribi Deuxu rutxuenymy kia idireny risinymyhỹre.
|
||||
\v 5 Kiata, sõemy takyaramy tamyreny rarybemyhỹre kia ribrebudỹỹnymyhỹrenyre teburehekỹ-di.
|
||||
\v 6 Deuxu rarybere: “Kia retidira waiòlò rynana-ò kua Siaõ bedeki, wahãlò tyhyhykỹ-ki.”
|
||||
\v 7 Iòlò rarybere: “Tuu ararybekre aõmybo Deuxu Tyhyhykỹ raryberemy. Deuxu Tyhyhykỹ wadee rarybere: Kai wariòre tate; wiji diarỹ bumy watxireri.
|
||||
\v 8 Bedexitòenyke, kia diarỹ adee ariwahinykre ibutumy hãwa hãwa, ibitumy suu ahõrõmykre.
|
||||
\v 9 Kia womati eredi kai bikrokrokre kiata biyreyrenykre kia butxi wesele.”
|
||||
\v 10 Ka tahe wiji boholabenykre iòlò boho; boholawityhybenykre aõ wedu wedu boho!
|
||||
\v 11 Deuxu Tyhyhykỹmy berinanybenyke buberubenymy! Mamytàtà kia atiòhumy besebenyke ikoki;
|
||||
\v 12 tuõkita, tii iòhòtyhylemy reburekre kia kai boho tahe burubenykre. Kia deysanawihikỹmy kua mahãdu riòrymyhỹrenyre Deuxu ixiwòtena!
|
||||
\c 3
|
||||
\s1 Ixitòedỹỹnana Deuxu Dee Ixiwiòhedỹỹmy
|
||||
\p
|
||||
\v 1 Deuxu Tyhyhykỹ, sõemy heka waòludu ijõdire! Kia sõemy waòlumy rexirahòremyhỹrenyre!
|
||||
\v 2 Tii boho rarybemyhỹrenyre wabededỹỹnanamy kia rarybemyhỹrenyre: “Deuxu riwiòhenanyõkre!”
|
||||
\v 3 Ka kai, Deuxu Tyhyhykỹ, tiwawòmyhỹte aõhãruna-ribi. Kai wadee tewahinymyhỹte aròtakremy kiata waixiuaresena tetỹmyranymyhỹte.
|
||||
\v 4 Diarỹ rarymyhỹre Deuxu riwawiòhenanykremy, kia kua tahãwalò tyhyhykỹ-ribi tii riwarawyònymyhỹre.
|
||||
\v 5 Diarỹ herimy raimyhỹre kiata awimy rarõmyhỹre kia ixybyle rexixamyhỹre kiemy dori Deuxu riwaijemyhỹre.
|
||||
\v 6 Raberuõhyymyhỹre mili-my waòludu sõerenylau kia warubudỹỹmy ratximyhỹrenyre tiribi tiribile.
|
||||
\v 7 Manake, Deuxu Tyhyhykỹ! Biwahedỹỹnyke waDeuxu! Kai tehumyhỹte waòludu mahãdu kiata rabòdumy webòhònamy rekoamyhỹrenyre.
|
||||
\v 8 Mobo tarasana riwahinyre kia Deuxu Tyhyhykỹ rare. Deuxu, arybewihikỹ biwahinyke aijoi asỹreny mahãdu-ò.
|
||||
\c 4
|
||||
\s1 Wiòhedỹỹmy ixitòedỹỹna rumy
|
||||
\p
|
||||
\v 1 Deuxu, waweribi rurudu, biwarawyònyke tiu diarỹ adee aryrykeu! Diarỹ bede wadee isiramy watximyhỹ, ka kai tahe tiwawiòhenanyte. Wadi bexiwobrunyke kia waixitòedỹỹna-ò boholamyhỹke!
|
||||
\v 2 Hãbu rubudu mahãdu, tiu bedeubo tahe kai boho arybereny-di biwarubunykre? Tiubo tahe kai boho, abedeeryrenymy atximyhỹtenyte, biwybenykre wani berabe susu-ò kia marybebenykre aõbinabinamy maroibenymy wamy?
|
||||
\v 3 Õhõti itxi rearenyke kia Deuxu Tyhyhykỹ ywimy riòhãrunymy ratximyhỹre kua mahãdu-my rerinanymyhỹrenyremy; tii warybe-ò roholamyhỹre tiu diarỹ tamy raryra-wana.
|
||||
\v 4 Mamytàtàbenyke brebumy kiata òrarunawidỹỹ-ribi ixawirenyke. Betehebenykeini araykyreny òbitireny-di, ixi sohojimy kia wiyrybenymy aherinarenyworeny-ki.
|
||||
\v 5 Xiwena biwahinybenyke tuu Deuxu reamyhỹremy kiata Deuxu Tyhyhykỹ bityhynybrenyke.
|
||||
\v 6 Kia sõemy iny mahãdu rarybemyhỹrenyre: “Wadeereny roarybewiwihikỹ bidiwahinyke, Deuxu Tyhyhykỹ, kiata wadireny betehebenyke awityhytyhymy!”
|
||||
\v 7 Kia bedesana wadee tewahinyte heka inihikỹtyhyre kua mahãdu irỹsỹnadimy rỹimyhỹrenyre ixideewimy.
|
||||
\v 8 Tiu herimy raimyhỹreu, awityhytyhymy rarõmyhỹre, kiemy dori kai sohoji, Deuxu Tyhyhykỹ, awimy tiwasỹnymyhỹte rexirarudemy.
|
||||
\c 5
|
||||
\s1 Deuxu-ò ixiwòtenamy ixitòedỹỹ
|
||||
\p
|
||||
\v 1 Deuxu Tyhyhykỹ, boholake warybe rabrò-ò kiata boholake waohitxina-ò rexitòenymyhỹre.
|
||||
\v 3 Rudi warybe wodỹỹ-ò taholamyhỹte; txuu reamyhỹreu, diarỹ waixitòedỹỹna rewinymyhỹre kiata biwarawyònyde reraòmyhỹre.
|
||||
\v 4 Kai heka Deuxu aõnaõna binabina adeewi aõkõ rare kia tamy teòbyõhyymyhỹte aõtxi aõnaõna bina arutxi rỹikemy.
|
||||
\v 5 Kai awimy atxiõhyymyhỹte iny ixityhytyhydỹỹdu mahãdu rỹirerenyra-wanaki kiata arakyaranymyhỹre aõbinabina riwinymyhỹrenyre.
|
||||
\v 6 Tehumyhỹte roidu mahãdu kiata teatymyhỹte bòdỹỹna kia aõbinaluu.
|
||||
\v 7 Ka ainymy derinana òraruki, diarỹ aheto-ò araloke. Kia aõwaxina adohodỹỹna heto-ki arerinanyke kia watiòhumy arunymy aratyhynymy akoki.
|
||||
\v 8 Deuxu Tyhyhykỹ, biwawiòhenanyke adeewi ariwinykemy kiata wadi beteheke arirana ryki. Kia waòludu mahãdu reteherenykre wawana atxiterimy.
|
||||
\v 9 Inyõ rityhynyrenyke aõkõre aõmybo raryberenyreri, kiemy dori inyhudulemy raryberenyre. Raroimyhỹrenyre kia ròbòdỹỹhyymyhỹrenyre kiata iny rubudỹỹhyymy iny riuaremyhỹrenyre.
|
||||
\v 10 Bimybenymy kia birarytxynybenyke Deuxu; kia ibedeywidỹỹnareny òbitile aõhỹỹmy risỹnyrenykre. Ixi-ribi biteònybenyke kiemy dori tii boho sõemy òraruna riwinynyrenyre kiata aòludumy rarybemyhỹrenyre.
|
||||
\v 11 Ka aratyhynymyhỹrenyre rexibedesanyrenykre kia ikiemy bedesamy rawiunyrenykre kiemy dori kai teijemyhỹtenyte. Kohe, umy rerinanymyhỹrenyre ibedesarenyre.
|
||||
\v 12 Kiaremy kai, Deuxu Tyhyhykỹ, arybewiwi biwahinymy iny òbitimy nodu mahãdu-ò; aõwiwi riijemyhỹrenyre wyhy itxena wesemy.
|
||||
\c 6
|
||||
\s1 Ixitòedỹỹna Bede Jeijeimy Rỹimyhỹre
|
||||
\p
|
||||
\v 1 Deuxu Tyhyhykỹ, uritre wadee rybeõmy tiu akyaramy atximyhỹkreu! Uritre waryrytxydỹỹõmy aehehe-di!
|
||||
\v 2 Wadi bexiwobrunyke, kiemy dori waruruõmy watxireri. Biwateytenyke, kiemy dori waumy rasurusurura,
|
||||
\v 3 kia watyytyby sõemy rajeijeireri. Deuxu, tiubo tahe wahedỹỹmy manakre?
|
||||
\v 4 Manake biwatakemy, Deuxu Tyyhykỹ. Kai wamy terinanymyhỹte; iurenanata rubu-ribi biwahedỹỹnyke.
|
||||
\v 5 Kiemy dori, rubu bededỹỹnanaki watxi nohõti reake aõkõre, kua-ki inyõ umy rarybeke aõkõre.
|
||||
\v 6 Diarỹ rii riwateywesenyra. Ruu iyhyõmy waherina rỹximy roimyhỹre warube tuu-di, kia wahinana tahe warahyna rituunyre.
|
||||
\v 7 Waòludu mahãdureny òraruki warue ratarinyre sõemy rahinyreki, kia aretehewike aõkõre.
|
||||
\v 8 Waribi bexilòhòrarienybenyke, kai boho aõbinabina tewinymyhỹtenyte! Deuxu Tyhyhykỹ wahi-ò roholamyhỹre rahinymyhỹreu.
|
||||
\v 9 Tii wadee roholamyhỹre, tiu tamy rexitòenymyhỹreu, kia rimymyhỹre waixitòedỹỹna.
|
||||
\v 10 Waòludu mahãdu raixỹrurenykre kia werymy rekoarenykre. Tii boho rexiwòrenykre isitere-ribile, kia bedejeijeihyylemy.
|
||||
\c 7
|
||||
\p
|
||||
\v 1 Deuxu Tyhyhykỹ waDeuxu, aki heka rarudenatxi reare. Biwahedỹỹnyke, biwatake ibutumy wahemy rekoamy rỹirenyreri-ribi
|
||||
\v 2 kia tii boho hãlòe wesemy, riwamyrenyõrenykemy kia riwayreyrenyke lau, kia timy dori inyõ riwahedỹỹõna.
|
||||
\v 3 Deuxu Tyhyhykỹ waDeuxu, txibo diarỹ rewinyre-wana kawesenaõ: txibo inyõ rerubunyre,
|
||||
\v 4 txibo aõbinabina-di reòwynyre kua riwawiòhenanyre, txibo rerarytxynyõre kua aõ iòkõmy aõhỹỹmy riwasỹnyre,
|
||||
\v 5 taita waòludu mahãdu wahemy rekoarenyre kia riwamyrenyre. Kia tii boho riwarubunyrenyre suki kia wadi rehurenymy warumy aõkõ su ỹnysi-ò!
|
||||
\v 6 Deuxu Tyhyhykỹ, mynyike beburemy. Waòludu mahãdu debure biijeke! Mynyike kiata biwawiòhenanyke kiemy dori kai aõ òbitimy relekemy atximyhỹte.
|
||||
\v 7 Ibutumy iny mahãdu bibutunybenyke ixideereny biyrawonymy kia biu-ribi biwedunybenykre.
|
||||
\v 8 Deuxu Tyhyhykỹ, kai heka ibutu wedu nihikỹ tate. Waweribi tarurunymy tarybemyhỹte kiemy dori diarỹ wabedeeryõre kia òbitimy watximyhỹre.
|
||||
\v 9 Iny mahãdu aõbinabina mahuke! Diarỹ adee arexitòenyke aõwiwi biwahinyke iny òbitimy rỹimyhỹrenyre dee. Kiemy dori kai Deuxu òbitityhy tate kia waraykyreny kia aõmy rekoamyhỹrenyre teerymy idi atximyhỹte.
|
||||
\v 10 Waitxesedu heka Deuxu rare; tii heka rihedỹỹnymyhỹre iny mahãdu òbitityhymy rỹimyhỹrenyre.
|
||||
\v 11 Deuxu heka wedu òbitityhy rare; txuu iyhyõmy tii rirarytxynymyhỹre iny itxỹte
|
||||
\v 12 Txibo tii boho ixidee rexiraherenyõkreki, Deuxu tatõnori-di tai rojykre. Tii tawaxiahãte riuterenyre wyhy-di rehukremy.
|
||||
\v 13 Tadebòna rubuna rimyre kiata tawyhy heòty-di rehure.
|
||||
\v 14 Betehebenyini timybo itxỹte mahãdu aõbinabina riwinymyhỹrenyre. Tii bedejeijei riywinymyhỹrenyre kiata roimy rekoamyhỹrenyre.
|
||||
\v 15 Hãluu riamyhỹrenyre sỹymy suki kia rariòwymyhỹre tii riare òbititxile.taehehe òbitikile.
|
||||
\v 17 Diara, kiaremy, areàlàkre Deuxu-my iaõ òbitinawidỹỹmy kia arawiunykre arawiwydymy Deuxu Rarie nihikỹ dee.
|
||||
\rem dat 2006
|
||||
\c 8
|
||||
\s1 Deuxu ninihikỹ kia iny bededỹỹnana
|
||||
\p
|
||||
\v 1 Deuxu Tyhyhykỹ Iny tybyreny rare, timywe awityhytyhyre ini ibutumy su-ki! Iaõninihikỹ biurawetyyòhòkỹle rehemynymyhỹre
|
||||
\v 2 kiata uladu mahãdu tuu rawiunymyhỹrenyre, kohe, uladu sõmo mahãdu. Kai tewinyte bede rurutere aòludu mahãdu-ribi bexiwokremy, kia mahukremy ibutumy a wana resumy rỹimyhỹrenyre.
|
||||
\v 3 Tiu retehemyhỹre biurawety-ò, kia kai tewinyte, kia ahãdu-ò taina boho-ò, kia telidite iherinareny-ò
|
||||
\v 4 kia iny mahãdu idireny rõhõtinyrenykremy?
|
||||
\v 5 Kiaremyta tewinyta iny ixirawoki sohojilemy kia tamy tewahinyte bedesa kia iòlòmy runykremy.
|
||||
\v 6 Kai tamy tewahinyte bedeery ibutumy aõnaõna tewinyte kia ibutumy rimyrenykremy tewahinyte:
|
||||
\v 7 budoeni boho kia broreni kia tule iròdu debure debure;
|
||||
\v 8 nawii nawii kia utura utura kia ibutumy aõnaõna bero nihikỹmy rỹimyhỹrenyre.
|
||||
\v 9 Deuxu Tyhyhykỹ Iny tybyreny rare, timywe awityhytyhyre ini ibutumy su bede bedemy!
|
||||
\c 9
|
||||
\rem dat 2006
|
||||
\s1 Deuxu aõwiwihikỹmy wiu rỹire
|
||||
\p
|
||||
\v 1 Deuxu Tyhyhykỹ, diarỹ umy arawowykykre ibutumy wacoraçaõ-wana kia
|
||||
\v 2 Aiòraruki, diarỹ arabedesamy kia wadeysamy aratxikre. Umy arerinanymy arawiunykre, Deuxu Rariehekỹ!
|
||||
\v 3 Tiu rexitỹnynymyhỹreu, waòludu mahãdu rexiwòmyhỹrenyre; tii boho rariòwymy kia rurumyhỹrenyre.
|
||||
\v 4 Kai heka wedu òbitimy nodu tate, arynanaki tanymyhỹte, òbitimy aõ tewinymyhỹte, waweribi tarybemyhỹte.
|
||||
\v 5 Kai tetxynymyhỹte atyhydỹỹkõ mahãdu kia tehumyhỹte iny binabina; tii boho tiu ixyby itxireny nohõti reaõhyymy rarekre.
|
||||
\v 6 Hãwa hãwa biditusinyke iny òludureny lau; tii boho heka ikiehyymy rexihurenyre kia rusarenyhyymy ratxirenyre.
|
||||
\v 7 Ka Deuxu Tyhyhykỹ tahe ikiemy Iòlòhyy rare. Tarynaki runymyhỹre, kia tii tarybe riwahinymyhỹre.
|
||||
\v 8 Deuxu heka bede bede hãwa hãwa riwedynymyhỹre òbitityhymy kia iny mahãdu ritamyhỹre òbiti weribi.
|
||||
\v 9 Deuxu Tyhyhykỹ heka tule ixiwòtena rare kia iherenymy ijara rỹimyhỹrenyre deereny; tii heka riijemyhỹrenyre bede sirasirau.
|
||||
\v 10 Deuxu Tyhyhykỹ, kua boho araerymyhỹrenyre aratyhynymyhỹrenyre, kiemy dori arariõhyymyhỹrenyre kia awiòhedỹỹ riemyhỹrenyre.
|
||||
\v 11 Mawiunybenyke mawowydybenymy Deuxu Tyhyhykỹ dee, Jerusalë-ki ròwedumyhỹre! Hãwa hãwa dee tuu belyybenyke aõbo tii riwinyremy!
|
||||
\v 12 Kiemy dori Deuxu tõhõti itxi reamyhỹre aõhỹỹmy rutỹỹnymyhỹrenyre-txi; tii tõhõti rusaõhyymyhỹre iohitxireny-di kia rirarytxynymyhỹre kua mahãdu ihewomy rekoamyhỹrenyre.
|
||||
\v 13 Deuxu Tyhyhykỹ, wadi bexiwobrunyke! Wadi tetehemyhỹte aõhỹỹmy riwasỹnymyhỹre-di kia wamydòdu mahãdu! Kai rubu-ribi tiwahedỹỹnyte,
|
||||
\v 14 kia diarỹ arỹikremy Jerusalë iny mahãdu koreny-ki kia ararybemy iurarumy kiemy dori umy reàlàmy rawiunymyhỹre kia areysakre kiemy dori tiwahedỹỹnyte.
|
||||
\v 15 Ityhydỹỹdukõ mahãdu rariòwyrenyre hãluu tii boho riwinyrenyre òbititxile; kia tureny òhòte riroxirenyre tii boho òbitile riwinyrenyrekile.
|
||||
\v 16 Deuxu Tyhyhykỹ heka ixyby raerywityhyre taõ òbitityhymy widỹỹ òraruki. Iny itxỹte itxỹte boho rariòwymyhỹrenyre taõbinabinareny òbititxile.
|
||||
\v 17 Iny binabina mahãdu kia ibutumy Deuxu deramy rekoamyhỹrenyre kia rubu mahãdu bedereny-ò rirahurenykre.
|
||||
\v 18 Iny iaõkõmy rỹimyhỹre mahãdu ikiemy iribireny nohõti rusaõrenykre, kia wyte mahãdu ikiemy aõkõ ixawirenykre irarysònareny.
|
||||
\v 19 Mynyike Deuxu Tyhyhykỹ, kia uritre iny mahãdu iwahidỹỹõmy awana resurenykemy! Kia iny mahãdu atyhydỹỹdukõreny bisỹnybenyke akoki kiata bihitxinybenyke.
|
||||
\v 20 Deuxu Tyhyhykỹ, bibrebudỹỹnybenyke kia rieryrenykremy iny mahãdu kia aõke aõkõhyyre.
|
||||
\c 10
|
||||
\s1 Ixihedỹỹmy ixitòedỹỹ
|
||||
\p
|
||||
\v 1 Deuxu Tyhyhykỹ, aõherekibo kiaki iheremy taiteri? Aõherekibo texiwòteri bede ixiramy rỹireri bedeu?
|
||||
\v 2 Iny binabina heka ixityhytyhydỹỹluurenyre kiata iny iaõkõmy rỹimyhỹre hemy rekoamyhỹrenyre. Kia tii boho taõbinabinarenytxile rariòwymyhỹrenyre!
|
||||
\v 3 Kiemy dori iny itxỹte mahãdu rexityhytyhynymy rarybemyhỹrenyre taõbinabinarenymy. Hãbu rexibònymy Deuxu Tyhyhykỹ deramy reamyhỹre kia aõnaõna binamy iòludumy rarybemyhỹre.
|
||||
\v 4 Taixityhytyhydỹỹ òraruki, hãbu itxỹte Deuxu notxi ririõhyymyhỹre; tamy heka Deuxu ihoõhyyre.
|
||||
\v 5 Ibutumy aõ hãbu itxỹte riwinyre òbitimy rimyre. Tii heka rieryke aõkõre Deuxu bededỹỹnana kia taòludu mahãdu-di risinymyhỹre.
|
||||
\v 6 Tii myỹ rõhõtinyre: Tiu waruru ritueõtyhy; tiu aõsirasiramy wanoõna.”
|
||||
\v 7 Irywo heka tỹximy roimyhỹre aõnaõna binabina-di, roi-di kia ehehe-di. Tii aõbinabibalemy kia bedejeijeilemy sohojilemy rarybemyhỹre.
|
||||
\v 8 Tii rexiwòmyhỹre iny mahãdu birekile; kuakile ròsemy runymyhỹre kia iny bedeeryõ mahãdu rirubunymyhỹre.
|
||||
\v 9 Iwese hãlòeõ, tòsenaki rexiwòmy runymyhỹre wese, kiata retehemyhỹrenyre tibo rexiijekõrenykre. Kia rexiwòmy ratximyhỹre, riraòmy rirubunykremy. Taita teery rimymyhỹre tòsenaki kia iribita idi retyymy ramyhỹre kua-ribi.
|
||||
\v 10 Tii heka ityre làma rỹimy kia rariòwymyhỹre, ruru nihikỹ ribòdunymy.
|
||||
\v 11 Iny binabina myỹ rõhõtinymyhỹre: “Deuxu tõtxi ririõhyyre; tii tarue ribrenyra kia aõmy robiõhyyreri!”
|
||||
\v 12 Bexilàmadỹỹnyke Deuxu Tyhyhykỹ, kia birarytxy kaa iny itxỹte itxỹte! Uritre nohõti lusaõmy iaõkõ mahãdureny-ribi!
|
||||
\v 13 Timybo tahe iny binabina Deuxu deramy reakre kia rõhõtinymy Deuxu rirarytxynyõkremy?
|
||||
\v 14 Ka kai Deuxu, tetehemy teerymyhỹte aõhỹỹmydỹỹna kia bederyryna-di kia ikiemy texihuhyymy atximyhỹte bowiòhedỹỹkremy. Irurutereõ mahãdu aratyhynymyhỹrenyre; kai ikiemy tewiòhenanyhyymy iny aõkõ mahãdu-di atximyhỹte.
|
||||
\v 15 WaDeuxu, iny binabina bededỹỹnana mahuke kia iny itxỹte itxỹte mahuke. Birarytxyny benyke iaõbinabinareny òrarukile; kia uritre ijõ ihedỹỹõmy.
|
||||
\v 16 Deuxu Tyhyhykỹ heka ikiemy Iòlò rare; ityhydỹỹdukõ mahãdu rateòdỹỹrenykre isu-ribi.
|
||||
\v 17 Deuxu Tyhyhykỹ, kai boholakre iny tỹkỹkõmy rexilàhàlàhànymy rỹimyhỹrenyre ixitòedỹỹna-ò kiata tamyreny brebuterena ixiuaresena biwahinykre.
|
||||
\v 18 Kai boholakre iny aõhỹỹhỹỹmy kia wyte mahãdu rirajuarenykre-ò kiata iweribireny marybekre kia iny mahãdu, rubudumy ratximyhỹrenyre, tiu ixyby riuberanyrenyõtyhy bede brebuna.
|
||||
\c 11
|
||||
\s1 Deuxu ratyhydỹỹmyhỹre
|
||||
\p
|
||||
\v 1 Deuxu Tyhyhykỹ-wana reximywiwimy watxire. Uritre wadee ryberenyõmy: “Bexiwòke nawii wesemy hãwalò hãwalò-ò
|
||||
\v 2 kiemy dori iny binabina mahãdu tawaxiahãtereny riuterenyrenyra kia taixiwòtena-ribi tawyhy riterenyrenyreri hãbu òbitimy rỹimyhỹrenyre riwerenykremy.
|
||||
\v 3 Aõbo tahe relekre iny òbiti tiu aõ ikõnamy riwinykeki ibutu bede bedemy?”
|
||||
\v 4 Deuxu Tyhyhykỹ tahetotyhy-ki ratxireri; irynana heka biuki rỹire. Tii ibutumy iny mahãdu-di retehemy ratximyhỹre kia rierymyhỹre aõbo riwinymyhỹrenyre.
|
||||
\v 5 Deuxu Tyhyhykỹ retehemy rierymyhỹre inywiwi mahãdu kia iny binabina mahãdu; tii ibinamy rahãmyhỹre ibutumy tacoraçaõ-wana, kia aõnaõna binabina riwinymy ratximyhỹrenyre.
|
||||
\v 6 Deuxu ririòwysydỹỹnymyhỹre heòty loosò iny binabina mahãdu tyrereny; tii rirarytxynymyhỹre yhytòehekỹ-di.
|
||||
\v 7 Deuxu Tyhyhykỹ òbitihyymy nodu rare kia aõ òbitimy rỹimyhỹremy rerinanymyhỹre; kia iny mahãdu òbitimy nodu ratxirenykre ikoki.
|
||||
\c 12
|
||||
\s1 Deuxu Wiòhenadỹỹmy Ixitòedỹỹ
|
||||
\p
|
||||
\v 1 Biwahedỹỹnyke, Deuxu Tyhyhykỹ! Kiemy dori iny òbitimy nodu mahãdu ihoõrenyre, kia iny mahãdu ratyhydỹỹmy rỹirenyre su-ribi riõrenyre.
|
||||
\v 2 Ibutumy roilehekỹmy rarybemyhỹrenyre widee wideereny, kia sohoji ijõ ribònymyhỹre aõ iribi riwykrelemy.
|
||||
\v 3 Deuxu Tyhyhykỹ, kaa iny bòdỹỹdu mahãdu birytybònyke; birarytxynyke kaa iny mahãdu binahãkỹ!
|
||||
\v 4 Tii boho rarybemyhỹre: “Iny rybereny-di rykòtarenykre; inyõ inyryreny ritybònyke aõkõre. Mobo tahe iny boho riwedunymyhỹrenyre?”
|
||||
\v 5 Ka Deuxu Tyhyhykỹ tahe rarybere: “Katahe wiji arexilàmadỹỹnykre kiemy dori iny iaõkõ mahãdu aõhỹỹhỹỹmy rutỹỹnyrenyreri, kia brebumy rakòrunymyhỹrenyre aõdesemy raohitxinyrenyreri. Diarỹ tamyreny ariwahinykre ixiwòtena rexiwòrenykremy kia sõemy riraòmyhỹrenyre.”
|
||||
\v 6 Deuxu Tyhyhykỹ aõbo riwinykremy rarybere ratyhydỹỹmyhỹre; kia womati sỹrỹhỹkỹtyhy wesena rare, kia debò inatxi sõemy ratidimyhỹre heòty-ò tikityhymy relekremy.
|
||||
\v 7 Deuxu Tyhyhykỹ, biwararenybenyke ikiemy biwamywiwibenymy kiata biwatabenyke iny binabinareny-ribi.
|
||||
\v 8 Tii boho ririranymyhỹrenyre ibutu bede bedemy, kia ibutumy iny mahãdu awimy tai rahãmyhỹrenyre kua aõnaõna bina-ò.
|
||||
\c 13
|
||||
\s1 Deuxu wiòhedỹỹmy ixitòedỹỹ
|
||||
\p
|
||||
\v 1 Deuxu Tyhyhykỹ, tiubo tahe waribi õhõti rusakre? Kia ikiemy aõbo? Tiwese bedemybo tahe aòsỹny walau biwokre?
|
||||
\v 2 Tiwese bedeubo tahe kaa aõhỹỹhỹỹ ariòludunykre? Tiwese bedeubo tahe wacoraçaõ rexitỹxinykre txumy rumy bederyry-di? Tiwese bedeubo tahe waòludu mahãdu wamy rahãỹnanyrenykre?
|
||||
\v 3 WaDeuxu Tyhyhykỹ, wadi wiji bedeteheke kiata bidiwarawyònyke. Wadee ixyby ruru tỹmyra bidiwahinyke kia diarỹ aruruõkemy.
|
||||
\v 4 Kawesemy tahe waòludu mahãdu rabedesarenyõkre waruru ixihuduna-ki kia raryberenyõkre: “Iny boho ròtarenyra!”
|
||||
\v 5 Ka diarỹ tahe retyhynymyhỹre ainymy derinana-di. Wacoraçaõ reysakre, kiemy dori kai biwahedỹỹnykre.
|
||||
\v 6 Wiuna wiu-di arawiunykre Deuxu Tyhyhykỹ dee kiemy dori wadee awityhytyhyre.
|
||||
\c 14
|
||||
\s1 Iny aõna binabina
|
||||
\p
|
||||
\v 1 Iny itxỹte mahãdu myỹ rõhõtinymyhỹrenyre: “Deuxu ihoõre.” Ibutumy iaõòtaòtamy rexirahòrerenyre kia aõnaõna bina riwinymyhỹrenyre; kia iny sohojiõ aõ awi riwinyõre.
|
||||
\v 2 Kua biu-ribi Deuxu Tyhyhykỹ retehemyhỹre ibutumy iny iny-di, kia rierykremy txibo inyõ irayky ijõdiremy, txibo iny ijõdiremy tuu rerinanymyhỹremy.
|
||||
\v 3 Kia ibutumy rexitiòrearenyre rubu òbitina-ribi kia wiweserenylehekỹ itxỹterenyre. Inyõ ihoõhyyre aõ òbiti riwinykemy, inyõ ihoõtyhyhykỹre.
|
||||
\v 4 Deuxu Tyhyhykỹ rỹỹraxire: “Kia aõbo ibutumy iny mahãdu aõ rieryõhyyrenyre? Kia aõbo ibutumy ibedeeryõrenyre? Kiemy dori tii boho waijoirenymy wasỹrenymy rarỹỹnymyhỹrenyre, kia aõ tai ibinaõhyy wesemy. Kia ihãremy wadee rexitòenyrenyõhyymyhỹrenyre.”
|
||||
\v 5 Ka tii boho tahe brebumy ramytàtàrenykre kiemy dori Deuxu kua mahãdu òbitimy nodureny weribi-ki ratxireri.
|
||||
\v 6 Iny binabina mahãdu risinymyhỹrenyre iny iaõkõmy rỹimyhỹrenyre rarysònareny-di, Ka tii boho tahe rekoamyhỹrenyre ixiwòtena-txi Deuxu Tyhyhykỹ-ki.
|
||||
\v 7 Deuxu heka risỹnymyhỹre Jerusalë-ribi hedỹỹna kanakremy Israel iny mahãdureny-ò! Kia heka rabedesarenykre reysarenykre Ijaò rioreriore bohoreny tiu Deuxu Tyhyhykỹ ixyby riraòrenykremy!
|
||||
\c 15
|
||||
\s1 Deuxu Heto-ki Ratxire
|
||||
\p
|
||||
\v 1 Deuxu Tyhyhykỹ, mobo tahe ahetowo-ki ratxityhykemy ijõdire? Mobo tahe aõwaxina ahãwalò tyhyhykỹ-ki?
|
||||
\v 2 Ka sohojile tai ratxikre ijõdire kua òbitihyy ratximyhỹrele kia òbitimy aõ riwinymyhỹre inatyhymy òbitimy aõmy rarybemyhỹre.
|
||||
\v 3 Tii inymy aõbinaibinamy rarybeõmyhỹre, kia tabiòwa mahãdu aõhỹỹmy risỹnyrenyõmyhỹre kia raujumoõmyhỹre taheto bireludurenymy.
|
||||
\v 4 Tii idi rehumyhỹre kua Deuxu dee bina, kiata rityhynymy ratximyhỹre Deuxu Tyhyhykỹ rybe-my reòbymyhỹrenyre-di. Tuu riwinyre aõmybo raryberemy, kia aõhỹỹmy rutỹỹnyreri hãrele.
|
||||
\v 5 Huòtemy ròwahimyhỹre iratyre ròtakemy aõkõ kia nieru dee reòbyõmyhỹre idi itxeredumy iny bedeerykõ mahãdu òludumy. Kua kawesemy riwinymyhỹre ikiemy reximywihyymy ratximyhỹre.
|
||||
\c 16
|
||||
\p
|
||||
\v 1 Biwararenyke Deuxu, kia dori aixiwòtena reijereri.
|
||||
\v 2 Diarỹ rarybere Deuxu Tyhyhykỹ dee: “Kai heka wahã tate; ibutumy aõnaõnawi waki ijõdire aribihyy nade.”
|
||||
\v 3 Timywe bedeòtiinare iny mahãdu òbitimy rityhynymy Deuxu-di rỹira! Tai awityhytyhymy aratximyreri heka irehenykihyy arareke.
|
||||
\v 4 Kua mahãdu iwitxira ỹnyxiwe ritamyhỹrenyre kia sõemy ixideereny aõhỹỹmydỹỹnana riwymyhỹrenyre. Diarỹ ixiwenareny hãlubu-ò areòbyõtyhy kia iỹnyxiwerenymy arerinanyke aõkõre.
|
||||
\v 5 Kai Deuxu Tyhyhykỹ, ibutumy wadi ijõdire kiata wadee tewahinymyhỹte aõmybo reamyhỹre. Wabededỹỹnana ebowo-ki ratximyhỹre.
|
||||
\v 6 Timybosòhe awityhyre rybewiwi wadee tewahinyte! Kohe, timybosòhe awityhytyhyre!
|
||||
\v 7 Diarỹ rawiunymyhỹre Deuxu Tyhyhykỹ dee, kiemy dori tii wadohodỹỹdu rare, kia rumy waraykymy raraykynymyhỹrele riwateòarinymyhỹre.
|
||||
\v 8 Diarỹ òbitimy watxireri kia Deuxu Tyhyhykỹ ikiemy wawanahyy ratxireri; tii waweribi-ki ratxireri, kia aõ riwawojeijeinyke aõkõre.
|
||||
\v 9 Kiaremyta, wacoraçaõ rabedesamy teysamy ratxire, kia ranywiwimy ixiki rahãreri.
|
||||
\v 10 Deuxu, kai biwawahinyõkre kia diarỹ aratuukemy, uritre iatyhysyõmy adeòdu wetxu rubu mahãdu bede-ki.
|
||||
\v 11 Kai wadee teteòsinyte suu bedewihikỹ-di iny ramyhỹre. Kia bedesa-di rỹximy watximyhỹre kai atxita-wanaki kiata wadee bedesana ikiemy tatiwymyhỹte.
|
||||
\c 17
|
||||
\s1 Hãbu bedeeryõ rexitòenyre bede ròbitikemy
|
||||
\p
|
||||
\v 1 Deuxu Tyhyhykỹ, wadee beòbyke bede ròbitikemy ixi tòedỹỹna-ò! Boholake waixitòedỹỹna wiòhedỹỹna-ò! Boholake waixitòedỹỹna òbitihikỹ-ò, kia dori warybe roimy aõkõ rarybemyhỹre.
|
||||
\v 2 kai waweribi marurunymy marybekre kiemy dori teeryte aõbo òbitireri.
|
||||
\v 3 Kai teeryte wacoraçaõ kia rumyta wadee tetehemyhỹte. Kohe, wadee tetehewityhyte kia waki teaõhyyte aõnaõna binamy areakemy. Kia rarybeõmyhỹre aõnaõnamy ararunohõtinymy,
|
||||
\v 4 iwese ijõ mahãdu riwinyhỹrenyre wesemy. Arybe ritina retyhynyhyymy ikiemy watxire kia reeryre tibedeòbo aõnaõna binabina raonananymyhỹre.
|
||||
\v 5 Ikiemy arydihyy rariamyhỹre kia tiu iribi rexiwiurònyõhyyre. Kiaremyta, wadee boholake, kia warybe-ò boholake.
|
||||
\v 7 Biteòsinyke aõderina wiwihikỹ Hedỹỹdu! Aweribiki awityhytyhymy watximyhỹrenyre waòludureny-ribi.
|
||||
\v 8 Biwaijewiwimy wadi atxike kia diarỹ txibo arue wesemy kia aderatyti ubròrò-ki biwawò-my
|
||||
\v 9 -iny itxỹte mahãdu òhòtereny lau. Sõemy wamy radònyrenymy, waòludu mahãdu riwayrawonymyhỹrenyre kiata riwahetenymyhỹrenyre.
|
||||
\v 10 Tii boho iny-di rexiwobrunyrenyke aõkõre kia rexityhynymy rarybemyhỹrenyre.
|
||||
\v 11 Tii boho watyymy wahemy rekoamyhỹrenyre, ka tahe wiji riwayrawonyrenyra, kia wadi rehurenykremy riwaraòrenyreri.
|
||||
\v 12 Kia heka hãlòe mahãdu rexiwòmy rỹimyhỹrenyre wesena roire, riwaraòmyhỹrenyre, rexihurenymy riwaykaykarenykremy.
|
||||
\v 13 Mynyike Deuxu Tyhyhykỹ, waòludu mahãdu-wana maõbinanyke kiata mahubenyke! Atõnori-di biwahedỹỹnyke iny binabinareny-ribi.
|
||||
\v 14 Deuxu Tyhyhykỹ abedeeryhykỹ-di, iribireny biwahedỹỹnyke; kohe, biwahedỹỹnyke kua mahãdu ibutumy iaõnareny ijõdirenyre boho-ribi. Birarytxynybenyke kaa iny mahãdu aõhỹỹmydỹỹnana-di kia tamyreny terarenymy roimyhỹre-di. Kia sõemy ijõdikre rarytxyna iriòrereny boho dee kia ihãremy rauhenykre irioreriore boho dee.
|
||||
\v 15 Ka diarỹ tahe umy arobikre, kiemy dori òbitihyymy watximyhỹre, kia adexixakreu, umy lobixina bedesana-di riwatỹxinykre.
|
||||
\c 18
|
||||
\s1 Dawi ròtare wiu
|
||||
\p
|
||||
\v 1 Deuxu Tyhyhykỹ, timywe diarỹ umy rerinanyre! Kai heka waruruterena tate.
|
||||
\v 2 Deuxu Tyhyhykỹ Wahedỹỹdu rare kia waruruteredỹỹdu. WaDeuxu heka manaura nihikỹ wesena rare kia riwaijemyhỹre, kia tii-wana reximywimy watximyhỹre. Tii riwaijemyhỹre wyhy itxedu wesemy; Deuxu waki resumyhỹre kiata riwahedỹỹnymyhỹre.
|
||||
\v 3 Diarỹ rarymyhỹre Deuxu dee, wiòhedỹỹnamy rexitòenymy, kia tii riwahedỹỹnyre waòludu mahãdureny-ribi. Deuxu Tyhyhykỹmy marybebenyke!
|
||||
\v 4 Rubu bòtòtaana riwararytxynyre, kia ybò rubuna wamy rỹterỹtenyre.
|
||||
\v 5 Rubuna riwataare tareruti-di, kia hãluu rexiywinyre riwamykremy.
|
||||
\v 6 Wawo werymy reare bedeu diarỹ Deuxu Tyhyhykỹ dee raryre kia tamy rexitòenyre riwawiòhenanykremy. Taheto biurawetyy-ki tii roholare warybe wodỹỹ-ò kia roholare riwawiòhenanykemy tamy raryre-ò.
|
||||
\v 7 Taita suu ramytàtàre kia raukỹukỹre, kia bede ratòò rawo raukỹukỹrenyre kia ramytàtàrenyre kiemy dori Deuxu terubemy ratximyhỹ.
|
||||
\v 8 Teasỹ-ribi wàdàsi ròhònyre, kia irywo-ribi heòty worotxò ròhònyre kia heòty butu hududu.
|
||||
\v 9 Tii biurawetyy ribedenymy kia resere kia biuwetyy luru-di tawarawo-ki.
|
||||
\v 10 Ruore nawiihikỹ tyreki kia wytyhylemy rare yhy deratyti-ki.
|
||||
\v 11 Tii bedeluduhukỹ-di rexihetynyre; biuwetyy yxe-di, sõemy be-di, iweruramy rỹimyhỹ.
|
||||
\v 12 Heòty lootxòhokỹ kia mana biulòra ròhònyre biudelaa-ribi kia ikoki rỹimyhỹ kiata biuwetyy lurutxi ròhòrerenyre.
|
||||
\v 13 Taita Deuxu Tyhyhykỹ biurawetyy-ribi raumytxire, kia Biuluduhukỹ rybe wodỹỹ-ò ijohona rỹire. riixiwòtedỹỹnyrenyre.
|
||||
\v 15 Tiu kai Deuxu Tyhyhykỹ, bimybenykreu aòludureny kia maumytxinykre iòludurenymy eburehekỹ-di, beronihikỹ sỹyhykỹ rykyre, kia su rimymy roimyhỹre ratỹnymy roimyhỹre.
|
||||
\v 16 Biurawetyy-ribi Deuxu tebò riterenymy kia riwamyre; tii diwatade bero nihikỹ sỹy-ribi.
|
||||
\v 17 Deuxu riwatare waòludu mahãdu-ribi, kua boho wamy radònymyhỹrenyre. Kia tii boho tahe ibutumy iniinihikỹrenyre waratyre.
|
||||
\v 18 Diarỹ aõsirasiramy watximyhỹu, tii boho wamy raòhòterenyre; kiaremy tahe Deuxu Tyhyhykỹ riwaijere,
|
||||
\v 19 bedeòhãru-ribi riwatare kia riwahedỹỹnyre kiemy dori wamy rerinanyre.
|
||||
\v 20 Deuxu Tyhyhykỹ wadi retehewimyhỹre kiemy dori diarỹ òbitimy nodu rare; tii tarybewihikỹ wadee riwahinymyhỹre kiemy dori wabedeeryõre. rarybeõhyymyhỹre.
|
||||
\v 22 Diarỹ ibutumy rewinymyhỹre irybe ritidỹỹna kia tiu tetyhynyõmy watxiõhyymyhỹre irybe tòedỹỹnana.
|
||||
\v 23 Deuxu riwaeryre aõnaki rariõhyyre kia irehehyy bede binabina-ribi watximyhỹre.
|
||||
\v 24 Iurenana tii wadi retehewimyhỹre kiemy dori òbitimy watximyhỹre kia kiemy dori riwaeryre wabedeeryõremy.
|
||||
\v 25 Kai Deuxu Tyhyhykỹ, iny rityhynymyhỹre mobo rityhynymyhỹrenyre dee kia òbitimy ratxire kua mahãdu òbitimy ratximyhỹrenyre dee.
|
||||
\v 26 Kai heka tiityhy tate, mobo tiityhytyhymy rỹimyhỹrenyre dee, kia tahe aõbinabina riwinymyhỹrenyre òludu tate.
|
||||
\v 27 Kai tehedỹỹnymyhỹte iny ywimy tỹkỹõmy rỹimyhỹrenyre, ka ixityhytyhydỹỹdu mahãdu tahe aõhỹỹmy teruijòtinymyhỹtenyte.
|
||||
\v 28 Kai Deuxu, tiwaloosonymyhỹte; kai waDeuxu, wabedeluru tehumyhỹte.
|
||||
\v 29 Kai wadee ruru tewahinymyhỹte waòludureny arihetenyrenykremy kia iribireny aròtarenykremy.
|
||||
\v 30 Kaa Deuxu ibitumy awihyylemy riwinymyhỹre kiata aõmybo rarybere relekremy tuu riwinymyhỹre. Tii heka wyhy itxedu wesena rare kia mobo iixiwòtena riijemyhỹre deereny.
|
||||
\v 31 Deuxu heka tii sohojihyy Deuxu rare; Deuxu sohojile iny ruruterenarenyre.
|
||||
\v 32 Tii heka Deuxu ruru wadee riwahinyhỹre kia wadi retehemy riwaijemy ratximyhỹre tibedeõtxi ramyhỹre-wana.
|
||||
\v 33 Tii arariòwykelau riwatòenymyhỹre kia riwahedỹỹnymy hãwalò ratyy-ò riwasỹnymyhỹre.
|
||||
\v 34 Tii riwaerynanymyhỹre wounamy kia diarỹ ariuhekremy waxiahãte rurutere.
|
||||
\v 35 Kai Deuxu, wyhy itxedu tate kia tiwaijemyhỹte. Awiòhedỹỹna wabedeerytyhymy riwasỹnyre, kia abedeerytyhyhykỹ riwamymy wadi ratximyhỹre.
|
||||
\v 36 Kai tiwawahinyõte diarỹ arabrejukelau, kia diarỹ rariòwyõhyyre tiu bedeu.
|
||||
\v 37 Waòludu mahãdu herenymy reamy kia remymyhỹrenyre; kia ixawiõhyymy ihyyta rahãỹnanymyhỹre.
|
||||
\v 38 Diarỹ wawa-di resurusurunymyhỹre, kia tii boho tahe rexilàmadỹỹnyrenyke aõkõre; tii boho rabòdumyhỹrenyre wawaole.
|
||||
\v 39 Kai wadee ruruterena tewahinyte idi arawounykremy kiata ròtamyhỹre waòludu mahãdureny-ribi.
|
||||
\v 40 Kai waribi rexiwokremy tewinymyhỹte; kia diarỹ tahe rehumyhỹrenyre wamydòdureny mahãdu.
|
||||
\v 41 Tii boho rirajuamyhỹrenyre ixihedỹỹrenymy, ka inyõ tahe rihedỹỹnyrenyke aõkõre. Deuxu Tyhyhykỹ-ò ryrymyhỹrenyre, ka tii tahe rirawyònyõmyhỹre.
|
||||
\v 42 Diarỹ resurusurunymyhỹre wawadi, kia tii boho tahe ỹnysimy rexirahòremyhỹrenyre, ỹnysi yhy riwymyhỹre. Diarỹ ityrereny làmamy raimyhỹre kia bedesusu ry-my rỹimyhỹre weserenyle.
|
||||
\v 43 Kai tewahinyõte bede binabina rỹikelau waijoi mahãdureny yky-ki tiwasỹnyte hãwa hãwa wedumy. Iny mahãdu kia diarỹ reeõmy raremyhỹ katahe wiji wawetxumy natximyhỹdenyde.
|
||||
\v 44 Iwitxira hãwa ludu mahãdu taratireny ribedenymyhỹrenyre wakoki kiata riwatyhynymyhỹrenyre tiu warybe rewahinymyhỹreu.
|
||||
\v 45 Tii boho iixiuaresenareny ixawimyhỹrenyre kia ramytàtamy ròhònymyhỹrenyre tahetoreny-ribi.
|
||||
\v 46 Iruhyy Deuxu Tyhyhykỹ! Mawiunybenyke waitxesedumy! Deuxu heka wahedỹỹdu rare; iaõninihikỹmy marybebenyke!
|
||||
\v 47 Tii wadee aròtakremy riwahinymyhỹre waòludu mahãdureny-ribi, kia ritidimyhỹre iny mahãdu warybe wahidỹỹna rawoki
|
||||
\v 48 kiata riwatamyhỹre waòludu mahãdureny-ribi. Kai Deuxu, tewinymyhỹte diarỹ arahãỹnanykremy waòludu mahãdureny-ribi kiata tiwawòmyhỹte hãbu mahãbu deburehekỹ-ribi.
|
||||
\v 49 Iurenana Deuxu Tyhyhykỹ, diarỹ umy ararybewiwikre hãwa hãwa bedemy kia arawiunykre umy arawowydymy.
|
||||
\v 50 Kai Deuxu, tewahinymyhỹte aiòlò ròtakremy kia teteòsinymyhỹte ainymy derinana mobo tetamyhỹte-ò –kia Davi dee kia irioreriore boho deere, kia ikiemy.
|
||||
\c 19
|
||||
\s1 Deuxu aõwiwi riwinyre
|
||||
\p
|
||||
\v 1 Biurawetyy rarybemyhỹre Deuxu aõwiwmy kia tuu rarybemyhỹrenyre aõbo tii riwinyremy!
|
||||
\v 2 Txuu kaa aõwiwimy rarybere ijõ tumy, kia reu tahe ixybyle rarybere ijõ ru-my.
|
||||
\v 3 Inyõ widee rarybekre ihoõre rybe ijõdikre aõkõkre, kia aõwodyy-ò ijohona ryike Aõkõre.
|
||||
\v 4 Kia remyta burawetyy rybe wodyy reberamyhỹre bede bede hãwa hãwa ibumy, kia irube ibutumy sudee rehemynyhyre. Deuxu ridere biurawetyy-ki breò riòre txu dee.
|
||||
\v 5 Txuu taheto-ribi ròhònyre ibedesatyhymy iwese hãdu tabirena ribi ramyhỹre wesemy, iese adehudu wymy riòrarunykemy ijora.
|
||||
\v 6 Txuu ròhònymyhỹre biurawetyysi rure-di kia ta ijo weribi ohòkule ramyhỹre: kia rexiwòke aõkõre ibedetoee-ribi.
|
||||
\s1 Deuxu rybe ritina
|
||||
\v 7 Deuxu tyhyhyky rybe ritina awihyyre kia inydeereny ruru tymyra riwahinymyhỹre. Tyhodyyna heka ratyhydyymyhỹre kia bedeeryhyky riwahinymyhỹre iny ywi mahãdu-ò
|
||||
\v 8 Deuxu tyhyhyky erydyynana òbitityhyre kia icoracãoreny rabedesamyhỹrenyre. Kia ierydyynana heka itynytyhyre kiata iny deerany bederynana riwahinymyhỹre.
|
||||
\v 9 Deuxu iny rityhynymyhỹre awire kia ikiemy ryimyhỹre. Kia inymy òbitimyhỹy rarybemyhỹre kia ikiemy inatyhymy rorarunymy ramyhỹre.
|
||||
\v 10 kia ierydyynana heka awityhyre manarysytyhy-ribi, kia manarysytyhy brey-ribile. Kia ibreetyhyre bidi-ribi, kohe, ibreetyhyre bidityhyhyky-ribi.
|
||||
\v 11 Deuxu, aerydyynana heka bedeery wade riwahinymyre adeòdu awetxu kia diarỹ awityhymy watximyhỹre tiu aratyhynymyhỹreu.
|
||||
\v 12 Mobo tahe retehekre taõnabina òbiti-di retehekre? Biwaywinymy biwasuhòke wa Deuxu aõ tu aõkõ rewinyre-ribi kia diarỹ timy waritidyyõna.
|
||||
\v 13 Biwataleke òraruna-ribi kia ixideewi-ribi rewinymyhyre;suritre iwahidyyrenyõmy tii boho riwamyrenykre. Kawesemy tahe ararekre iny òbitimy nodumy kia irehemy ararekre òraruna binahãky widyy-ribi.
|
||||
\v 14 Beòbyke warybena-ò kia waraykyna-ò, Deuxu tyhyhyky, waixiwòtena waitxesedu!
|
||||
\c 20
|
||||
\s1 Tarasa-my Ixitòedyyna
|
||||
\p
|
||||
\v 1 Iòlò Deuxu tyhyhyky rirawyònyke aixitòedyyna aõhyymy butyynykre bedeu! Kia Ijaò Deuxu araijekre!
|
||||
\v 2 kia taheto-ribi, Deuxu ahedyyna kiditòmykre;kia siaõ hãwalò-ribi, tii ariawiòhenanykre!
|
||||
\v 3 kia Deuxu tõhõti reakre ibutumy axiwena-txi kia awityhy reòbykre axiwena biobiunykre ijàrena-ò.
|
||||
\v 4 Iòlò, Deuxu aaõmy ijarana adee riywinykre kia riwahinykre inutumy abededyynana òbitimy ròhònykremy.
|
||||
\v 5 Taita aryryrentykre bededesamy atarasana-di. Aritamadyynyrenykre irariehekymy hãwa tyyesi tarasana kia arerinanyrenykre Deuxu-my. Iòlò, Deuxu ibutumy aixitòedyyna rimykre!
|
||||
\v 6 Katahe wiji bede reeryre Deuxu tyhyhyky tarasana riwahinyre iòlò dee tii ritare. Tabedetyhyky biu-ribi, tii arawyònyre Kia tabedeery nihiky-di, tii tarasadu-my arasynymyhyre.
|
||||
\v 7 Ijõ mahãdu heka rityhynymyhyre tawounareny ityti heòty, kia ijõ mahãdu tahe taawarureny rityhynymyhyrenyre, ka diarỹ boho tahe retyhynymyhyrenyre waDeuxureny bedeery nihiky!
|
||||
\v 8 Iny mahãdurenyõ ratiwewemy kia rariòwyrenykre kia diarỹ boho tahe làmamy aryirenykre kiata awihyymy aratxirenykre!
|
||||
\v 9 Deuxu tyhyhyky tarasana biwahinyre iòlòdee! Biwa rawyònybenyke tiu rexitòenymyhyrenyre awiòhedyynamy
|
||||
\c 21
|
||||
\s1 Tarasa-my Iòwysõmy
|
||||
\p
|
||||
\v 1 Deuxu tyhyhyky, iòlò sõemy rabedesatyhymy ratxireri kiemy dori tamy rarutere tiwahinytaki; kia sõemytyhymy ibedesamy ratxireri kiemy dori ixybyle rotaranaki.
|
||||
\v 2 kai tewinyle tuu reamyhyre kia tamy tewahinyte aõmybo tii reare.
|
||||
\v 3 kai tamy teobyte arybewiwihiky-di kiata manarysyhyky ira tiò telidite.
|
||||
\v 4 Iòlò irumy rarekemy adee rexitòenyre, kaita tamy tewahinyte irehemy irumy rarekremy, ionana ihoõ-my.
|
||||
\v 5 Iòlò bededyynana heka inihikyre kiemy dori kai tewiòhenanyte. Tamy kai tewahinyte wedu nihikymy kia inidehedehemy.
|
||||
\v 6 Arybewiwihiky taihyy ryimyhyre ikiemy, kia tii-wahahyy atximyhyte sõemy bedesa tamy tewahinyhyte.
|
||||
\v 7 Iòlò rityhynymyhyre Deuxu,kia terinana rarieheky araru-ki tii ikiemy iòlò-my rarekre.
|
||||
\v 8 Kai Deuxu, bimykre iòludureny kiata bibrejunykre ibutumy iòlò-my radònymyhyrenyre.
|
||||
\v 9 Iwese heòty aõròdu rihikre iòludu mahãdu tiu inireny rahitxienykreu. Beburekre kai mahubenykre, kia aheòty tahe tii boho rihurenykre.
|
||||
\v 10 Kai birubynykre iriore boho kia mahykre irioreriore boho.
|
||||
\v 11 Iòludu mahãdureny bedebinabina riywinymyhyrenyre kia arabònykremy, kiaremyta tuu riwinyrenyõhyyrenykre.
|
||||
\v 13 Deuxu tyhyhyky, manake obedeery nihiky-ki! Taita arawiunyrenykre kia arawowydyrenykre aruruterehekymy!
|
||||
\rem dat 2006
|
||||
\c 22
|
||||
\p
|
||||
\v 1 WaDeuxu, waDeuxu, aõherekiwe tiwaatyte? Aõherekibo taholaõte tiu rerajuamyhyreu rexitòenymy biwahedyynykemy?
|
||||
\v 2 WaDeuxu, txumy heka adee rarymyhyre, ka kai tahe tiwarawyònyõhyymyhyte. Diarỹ rumy adee rarymyhyre, Kia tahe awityhytyhymy watxiõhyymyhyre.
|
||||
\v 3 Kai kiaremy òbitimy niduhyy tate kia arynana tyre tanymyhyte, kia Israel iny mahãdu-ribi rybe wowydyna ixiki temymyhyte.
|
||||
\v 4 Wahyyna mahãdureny adee ritidere taaõnaõna tyhydyynareny; tii boho heka oratyhyny hyhyrenyre, kia kai tahe tehedyynytenyte.
|
||||
\v 5 Tii boho adee rexitòenyrenyre biwiòhenanybenykemy kia tahe aõnaõna òhãdu-ribi rihenyrenyre; kia aratyhynyrenyre kia timy iraykyreny rawerywerynyreny hyyrenyre.
|
||||
\v 6 Diarỹ heka ixydò rare kia hãbu aõbo; ibutumy wadi rysinymyhyrenyre kia urile waderamy wadi rehumyhyrenyre.
|
||||
\v 7 Ibutumy wadee dira humyhydenyde urile wadi rawaojunymyhyrenyre, tòròtò riteòsinyrenymy kia taratireny riweriwemyhyrenyre.
|
||||
\v 8 Kia rarybemyhyrenyre; kai, Deuxu tyhyhyky tetyhynyte; aõherekibo tahe tii rahenyõmy ratximyhyre? Kia tii umy reòarire-wana, aõherekibo tahe arawiòhenanyõmyhyre?
|
||||
\v 9 Kiaremyta, Deuxu, kai tahe tadiwadyte ka hãwa bede-ò iu tohouamy reareu, kia diarỹ uladumy raremyhy,kai tiwararenymy wadi tatemyhy.
|
||||
\v 10 Diarỹ adee wawahisidyy ryire wadi arykimy matxikremy tohouamy ruareu hykyle;kia ruarehykyre, kai tatehyymy tate waDeuxumy.
|
||||
\v 11 Urikre waribi ixilòhòrariedyyõmyke, kia dori aõhyymydynana iòhòreri, kia inyõ ihoõre riwawiòhenanykemy.
|
||||
\v 12 Sõemy waòludu mahãdureny riwayrawonymyhyrenyre broreny hãdu wesemy; kia broreni hãdu tyhyhyky Basãsumy ryimyhyre wesemy.
|
||||
\v 13 Kia ixyby waruru ihoõre; dary heka iwese bee su-ò rejujumyhyre wese rare. Ibutumy watirubro wiõnaõnalemy ruimyhyre; wacoracão heka tybòra rõderõnymyhyre wesena rare.
|
||||
\v 14 Wabytò rarubure kia sunode wesemy, kia wadòrytò tahe reàrenyre biurarie rywoki; kai tiwarite iwese rubu suki rarimyhyre wesemy.
|
||||
\v 15 Wabytò rarubure kia sunode wesemy, kia wadòrytò tahe reàrenyre biurarie rywoki;kai tiwarite iwese rubu suki rarimyhyre wesemy.
|
||||
\v 16 Wasidu itxyte mahãdu riwayrawonyrenyteri;wade aõbinamy rekoamyhyre ijòròsa wesemy kia wadebò wawa riykaykamyhyrenyre.
|
||||
\v 17 Ibutumuwati mahãdu aõwaxina idi rariarenyke tiwesebo sõeremy, waòludu mahãdu reteherenymy kia riwaroodunymyhyre.
|
||||
\v 18 Tii boho watyy wimy ritxuatxuamyhyrenyre kia idi risinymyhyrenyre mobo watyyreheheky ixiki rimykremy.
|
||||
\v 19 Deuxu tyhyhyky, urikre waribi ixihòhòrariedyyõmyke? Wylemy biwahedyynyke, wahedyydu!
|
||||
\v 20 Biwahedyynyke tõnori-ribi; uritre wawahidyyõmyke kaa ijòsòra boho riwarubunyrenykelau.
|
||||
\v 21 Biwatake teaõ mahãdu-ribi; kiemy dori timy waixiixeseõna kaa broreni hãbu debureheky-ribi;
|
||||
\v 22 Taita arelyykre wasy waijoi mahãdureny dee aõbo tewinytemy; diarỹ adee rawiunyre umy rawowydymy kia iny rybenaki rabutumy ryimyhyreny-ò rarybere;
|
||||
\v 23 mawiunybenyke berinanybenymy Deuxu tyhyhyky dee kia ibutumy aõnaõnailau ruberumyhyre! Ijaò rioreriore mahãdureny,boholabenykeiny Deuxu dee wiunana wowydyna ryirei-ò! Israel iny mahãdu, Deuxu tyhyhykymy berinanybenyke!
|
||||
\v 24 Tii heka iny iaõkõmy ryimyhyre mahãdu ixinamy ririõhtyykymy, kia iaõhyyhyyreny-ribi tõhõti rusaõyhyymyhyre. Kia ilaureny rexiwòõhyymyhyre, kiata rirawyònymyhyyrenyre tiu rahenyrenykemy ryrymyhyrenyreu.
|
||||
\v 25 Deuxu tyhyhyky,rybe butumy ròhònymyhyrenyre-ò,diarỹ adee wiuwihikymy arawiunykremy aõbo aõwi kaki tewinytemy.
|
||||
\v 26 Iny iaõkõmy ryira mahãdu riroxirenykre xiwena brorenidemy kia tahe awityhytyhymy raburenykre; kua mahãdu Deuxu tyhyhyky rityhynymyhyre rawiunyrenykre deusamy, kia ikiemy awimy roikre ibedesanihikymy!
|
||||
\v 27 Ibutumy hãwa hãwa bede bede mahãdu Deuxu tyhyhyky-ki tõhõtireny rekoarenykre, ibutumy iny mahãdu su-my ryimyhyre tamy ròkyserenykre, kia ibutumy ixyju witxira witxira tuu rerinanyrenykre.
|
||||
\v 28 Kiemy dori Deuxu tyhyhyky Iòlò rare kia ibutumy ridinodunymyhyre iny hãwa hawamy bede bedemy ryira.
|
||||
\v 29 Ibutumy ixityhytyhydyydy mahãdu tarati tamy ribedenyrenyrekre; ibutumy rubu mahãdu tuu rityhynymy rerinanyrenykre, kohe, ibumy tiu txuu rururenykre.
|
||||
\v 30 Iny mahãdu ibutumy tiu bede mahãdu tamyreny awirenykre kia raryberenykre tariorereny dee Deuxu tyhyhyky bededyynanamy.
|
||||
\v 31 Kia tohouamy ruamyhyrenyre roholarenykre aõbo tii riwinyremy; tii rihedyynyre tainyreny!
|
||||
\c 23
|
||||
\p
|
||||
\v 1 Deuxu tyhyhyky heka wewedu rare;aõwadee rasiranyõmyhyre.
|
||||
\v 2 Tii heka riwadymymyhyre bera-ò awityhyhymy.
|
||||
\v 3 Deuxu wade ruru tymyra bidiwahinyke kia biwariradyynyke ryy òbitidi, timybo tii òbitile tuu raryberemy.
|
||||
\v 4 Kia ihõremy diarỹ rariamyhyre iwory luruhuyky-di rubu wesemy,aõlau aruberuõtyhy.kiemy dori kai Deuxu tyhyhyky, wawana atxite; kai tiwaijemy kia wadi arukimy tariamyhyte.
|
||||
\v 5 Wadee biywinybenyke rynana rioreõ, tiribibo waòludu mahãdu aõwaxina wamy robirenykre. Kai aõbo wade biòbyke iwese iny wii riteòrinymy awityhy wesemy kia wabedeò bityxinyke txiòòtyhy.
|
||||
\v 6 Diarỹ heka reeryre aaõwiwi kia aõmy inymy terinanymyhyte waki ratxikre kia diarỹ waru hyylemy aratxikre-wana. Kia ibutumy txuu iyhykõmy wabededyynanamy ahetoki arasynymy ararekre, kai Deuxu tyhyhyky wahe.
|
||||
\c 24
|
||||
\p
|
||||
\v 1 Deuxu tyhyhyky dee bede ibutu hãwa ihõrõhyy rare kia ibutumy aõbo aõnaõna tiu ryimyhyre; suu kia ibutumy aõbo tuu ryimyhyre irumy kia ihõrõleheky rare.
|
||||
\v 2 Deuxu heka suu riwinyre bero nihiky tyre kia ritidire suu irawomynydumy berahãky syywoki.
|
||||
\v 3 Mobo tahe òbitimy raòwònykemy ijõdire Deuxu tyhyhyky hãwalò-di? Mobo tahe aõwaxina tai ratxike ibede wityhyhykyki?
|
||||
\v 4 Kia iny òbitimy aõki remyhyrele kia aõmy rõhõtinymyhyre sojile; kua iny, su ritxoo-my rerinanyõmyhyre kia roimy aõ riwalunykremy rarybeõmyhyre.
|
||||
\v 5 Deuxu tyhyhyky tarybewihiky adee riwahinykre, kia brejuna bededyynana rybe adi ròhònykreu kia kia ahedyydu aweriki resumy ararekre.
|
||||
\v 6 Kawesemy iny mahãdu Deuxu-my rerinanymyhyrenyre, kia ijaò Deuxu rybena heto-ò ijohonamy rironymy hyrenyre.
|
||||
\v 7 Ijòtòbòna butumy biraynytyhybebenyke ijòtòbòna ehetxina sõe biraynybenyke, kia Iòlò aõwiwihiky ralokre!
|
||||
\v 8 Mowe kaa Iòlò aowiwihikyre? Kia Deuxu tyhyhyky irurutereheky kia inidehedehe, Deuxu inidehedeheky wouki.
|
||||
\v 9 Ijòtòbò butumy biraynybenykre,kia Iòlò aõwiwihiky ralokre!
|
||||
\v 10 Mowe kaa Iòlò aowiwihikyre? Kia Deuxu Butumy inidehedehe;tii heka aowiwihiky Iòlò rare!
|
||||
\c 25
|
||||
\p
|
||||
\v 1 Deuxu tyhyhyky, adee reraytemyhyre waixitòedyyna,
|
||||
\v 2 WaDeuxu, diarỹ heka aratyhymymy adi watximyhyre.Biwahedyynyke ixyryna-ribi kia rexiòwynyõhyylemy watximyhyreki; uritre iwahidyyõmy waòludu mahãdu waõbinabina-ki rabedesarenykelau!
|
||||
\v 3 Kia aratyhynymy adi ratximyhyre mahãdu aõhyymy rutyynyrenyõkre, ka tahe inatyhy rare, kia aõ iòraru ihoõmy rexideburedyynymy aòludumy.
|
||||
\v 4 Deuxu tyhyhyky biwaerynykeini arywihikymy; biwanike kia diarỹ arirerywityhykemy.
|
||||
\v 5 Biwaerynanyke awimy ararekremy kia òbitimy inatyhymy atximyhyte mynamynamy, kiemy dori kai waDeuxu tate, wahedyydu. Diarỹ ikiemy aratyhynymy adi watximyhyre.
|
||||
\v 6 Deuxu tyhyhyky,ixibi õhõti reke aõwiwitxi kia inymy terinanymyhyte-txi, kia ikiemy wadeereny teteòsinymyhyte.
|
||||
\v 7 Õhõti rusake òraruna-ribi kia weryrybò-my aõ òbitimy aõkõ rewinymy raremyhy-ribi. Inymy terinanymyhyte òraruki kia aaõwiwiki; watxi ini õhõti reake, WaDeuxu tyhyhyke.
|
||||
\v 8 Deuxu heka òbiti awi,rare. Kia iurenana heka teteòsinyhyte òrarudu mahãdu-ò ryy idi rariamyhyrenykemy.
|
||||
\v 9 Deuxu heka retehemyhỹre iny tỹkỹkõmy rỹimyhỹre mahãdu-di kia ry òbiti-di ririradỹỹnymyhỹrenyre kia rierynanymyhỹre ixideewimy.
|
||||
\v 10 Tii heka òbitityhymynodu rare kia ? riridỹỹnymyhỹrenyre tuu rerinamy, ibutumy aõbo riwinymyhỹre tuu juhu rarybemyhỹre mynamy elemyhỹre kia irybetòedỹỹna rityhynymyhỹre.
|
||||
\v 11 Deuxu tybyhykỹ, òbitimy biwinyke tuu biwinykremy tarybete kiata waòrau bisuhòsuhòke, kia inihikỹke hãrele.
|
||||
\v 12 Kua mahãdu ruberumyhỹenyre Deuxulau kia ikiwana rieryrenykre ryy òbiti-diririranymy roiremyhỹkremy.
|
||||
\v 13 Tii boho ikiemy awihyy hyymy roikre, kia suu rawahikremy roimyhỹre iriòre boholemy hõrõmykre.
|
||||
\v 14 Deuxu tuhyhykỹheka kua mahãdu ruberumyhỹrenyre biòwareny heka rare kia rierynanymyhỹre timybò irybe òbitimy mynamy namy.
|
||||
\v 15 Diarỹ ikiemy ixyby ixybyle Deuxu-ò retehemyhỹre, kiemy dori stii òhãru-ribi riwatamyhỹre kiemyre.
|
||||
\v 16 Deuxu, wade retehemyhỹre kia wadi rawobromyhỹre kiemy dori ixisohojimy watxireri aõhỹỹmy ratỹỹnymy.
|
||||
\v 17 Watedesy bihedỹỹnyke ibutumy aõhỹỹhỹ-ỹribi kia biwatake aõnaõna sirasira-ribi ibutumy.
|
||||
\v 18 Kia wabederyrymy waõhỹỹhỹỹmy robimy hỹre kia ibutumy waòraru risuhosuhore.
|
||||
\v 19 Beteheini tiwesebo waòlodu sõe kia relehemyhỹre timybo sõemy inihikỹmy wamy radonymyhỹrenyre waòludumy!
|
||||
\v 20 Biwaijemy kia biwahedỹỹnymy wadi ratximyhỹre:biwatake ixỹruna-ribi rotaõhyymyhỹre-ribi, kiemy dori adee waixiwòtona reòrumyhỹre.
|
||||
\v 21 Kia òbitimy watximyhỹre kia ywihylemy watximyh:yre heka riwaijemyhỹre aõnaõna binabina ribi kiemy dori aratyhỹnymy adi watximhỹre.
|
||||
\v 22 Deuxu heka Israel rihedỹỹnyre tainy boh wahe, kia ibutu-ribi iaõhỹỹhỹymydyỹnanareny-ribi.
|
||||
\c 26
|
||||
\p
|
||||
\v 1 Deuxu Tyhyhykỹ, wamy marybeke diarỹ uladu wesena rare wabederỹõ, kia dori aõ òbitimy rewiny re kia ikiemy aratuhynymy adi watximyhỹre.
|
||||
\v 2 Wadi ini beteheke kia biwaurihike ini, Deuxu tyhyhykỹ; aõmybo ramyhỹre wadeebieke kia waraykỹ tule.
|
||||
\v 3 Kia dori erinana wadi retehemy ratximyhỹre, kia arayky òtibim atximyhỹte ikiemy rewatohonyhyymyhỹre.
|
||||
\v 4 Diarỹ arariaõmyhỹre iny mahãdu deòsa deòsa-wana kia rybe roimy watxiõmyhỹre.
|
||||
\v 5 Kia iny binabina mahãdu deòsa deòsa –wana rexibutunyõmyhyyre kia iny itxỹte mahãdu –wana rariõhyymyhyre.
|
||||
\v 6 Deuxu tyhyhykỹ, wadebò rehàmyhỹre arexideòsinykremy kia diarỹiny inybò raremy. Rariamyhỹre axiwena obiutòna weruramy butumy motuhytyhybo umy rerinanymyhỹrenyrewana.
|
||||
\v 7 Rawiunyrenymy wiuna-di kia rarubemyhỹrenyre aõmysỹdỹỹna wiwihikỹmy!
|
||||
\v 8 Deuxu tyhyhyky, diarỹ rerinanymyhỹre heto-my tai watximyhỹre kia tibedekibo aõwiwihikỹ rỹimyhỹre-my rerinanymyhỹre.
|
||||
\v 9 Uritre wahyduõmykre òrarudu mahãdu-wana butumy; rarytxynaribi biwahedỹynake kia rubudỹỹdu mahãdu rimymyhỹrenyre.
|
||||
\v 10 Kua mahãdu ikiemy aõnaõna bina riwinymyhỹre kia nieru rimymyhỹrenyre aõ òbitimy rỹimyhỹre ribinabinanyrenykremy.
|
||||
\v 11 Diarỹ, kiarem rewinymyhỹre aõ òbitimy. Wadi anarutxetòkremy kia biwahedỹỹnyke
|
||||
\v 12 Kia awityhymy rare ibutumy aõnaõna òhãru-ribi; butuma rỹimyhỹre Deuxu rubena hetoki, diarỹ ararybeke arawowydymy Deuxu tyhyhykỹ dee.
|
||||
\rem dat 2011
|
||||
\c 27
|
||||
\p
|
||||
\v 1 Deuxu tyhykỹ heka waloosona rare kia wahenana heka rare; mo laubo aruberõkre? Deuxu heka riwawòmyhỹre ibutumy bede òhãru-ribi; inyõ lau aruberõtyhy.
|
||||
\v 2 Tiu iny bina mahãdu, waòludu mahãdu wade rekoamyhỹrenyreu kia warubudỹỹmy riwaijemyre, kia heka tii bohole ratiyòmy rariòwymyhỹrenyre.
|
||||
\v 3 Ihãremy sodadu tabutunamy iwayrawonymyhỹre, aruberuõtyhy;ihãremy kia waòludu mahãdu wade aõbinamy rekoake hãrele, kiemy Deuxu arityhynymy ararekre.
|
||||
\v 4 Deuxu tyhykỹ dee aõ sohojilemy arexitòenykre;kia tii riwawahinykre iheto-ki arasỹnymy ararekremy ibutumy txuõtxuõlemy wabeedỹỹnana, kia iaõwiwimy ixiki arimykremy kia tamy arexitòenykre riwatohonykremy.
|
||||
\v 5 Kia bede isirasiramy bede rỹikre bedeu, tii riwawokre taixiwòtena-ò.tii riwararenykre tabewihikỹ-ki kia riwatidikre riwamywiwimy manaura-ò.
|
||||
\v 6 Kawesemy tahe aròtakre waòludu mahãdureny-ribi. Bedesamy aryrykrem kia xiwena ariwahinykre arybe heonaki; Diarỹ araiunykre, kohe, ibededỹ;ynanawiwimy ararybekre Deuxu tyhyhykỹ dee.
|
||||
\v 7 Deuxu, warybe-ò boholake tiu adee aryrykreu! Wadi bexiwobrunymy bidiwarayònyke!
|
||||
\v 8 Kia tarybemyhỹte; mynake wabire-ò. Diarỹ ararawyònyre; arakre atyy-ò, Deuxu tyhyhykỹ;
|
||||
\v 9 Uritre walau ixiwòteõmykre! Uritre wade aky ijaraõmykre; Uritre arybedi ijohodu deòdỹỹõmykre. Kai dori tiwawiòhenanyte; uritre warisiõmy, uritre waderamy ijaraõmy, Deuxum wahedỹỹdu!
|
||||
\v 10 Ihãremy kia waha nadi waderamy rekoarenyre Deuxu tyhyhykỹ wadi tarukikre.
|
||||
\v 11 Deuxu tyhykỹ, biwaerynanykeini arierykemy, adeewiwimy aõ ariwimymyhỹkemy kia wadi beteheke ryy riwamywiwimy idi arariakemy, kiemy dori sõere waòludu mahãdu.
|
||||
\v 12 Uritre wawahidyỹõmy waòludu mahãdu deboworenyò, kia rarybemyhỹrenyre roilemy waòludumy kia warubudỹỹmy rekoamyhỹrenyre teburerenymy.
|
||||
\v 13 Diarỹ òbitimy rare kia ihãremy Keuxu thyhykỹmy arobikre riteòsinymy taõ wiwihikỹ tasỹ taijoi mahãdu òraruki.
|
||||
\v 14 Bitybynyke Deuxu tyyhykỹ! Bexityhynyke kia bexibrebuterenymy! Deuxu tyhyhykỹ bityhynyke!
|
||||
\c 28
|
||||
\p
|
||||
\v 1 Deuxu tyhyhykỹ, wawòtedỹ;ydum diarỹ adee rarymyhỹre. Boholake wairà-ò! Aõkõkekita bidiwarawyònyke, diarỹ aratxikre kua mahãdu yky-ki rubu bed-ò rejujumyhỹrenyre heki;
|
||||
\v 2 Wadee boholake tiu diarỹ arirajuõkre arexitòenymy biwawiòhenanykemy wadebò biu-ò ahetowihikỹ-ò!
|
||||
\v 3 Uritre wararytxudỹỹõmykre iny itxỹte mahãdu wana butumy kia iny mahãdu aõnaõna bina riwinymyhỹre mahãdu-wana. Tii boho heka urile raroimyhỹre nyre iny biòwamy ratximyhỹrenyremyre, kia iworeny tahe sõemy aõnaõna binabina-di rỹimyhỹrenyre.
|
||||
\v 4 Birerytxyke kaa iny mahãdu aõnaõnabina riwinyrenyre òraru-ki, Biwahinyke iny bina mahãdu-ò tuu rekoamyhỹre!
|
||||
\v 5 Tii boho rieryrenyke aõkõre aõbo Deuxu tyhykỹ riwinyre; iurenana heka tii rirarytxynyrenykre kia rihurenykre ikiemy.
|
||||
\v 6 Warybewiwihikỹ rawahire Deuxu tyhyhykỹdee? Tii roholare wairà-ò rexitòenyre riwawiòhenanykemy.
|
||||
\v 7 Deuxu tyhyhykỹ riwaijemyhỹre kia waki resumyhỹre; ibutum wawo-wana retyhynymyhỹre. Deuxu tyhyhykỹ riwawiòhenanyre, iurenana wabedesamy watxireri kia wiuna wihikỹ-di rawiunyre tamy!
|
||||
\v 8 Deuxu tyhyhykỹ heka wasỹ waijoi mahãdu rurureny rare. Deuxu heka riijemyhỹre kia rihedỹỹnymyhỹre Iòlò kia tii ritare wahe.
|
||||
\v 9 Deuxu heka tasỹ taijoi mahãdu rehedỹỹnyre kia tarybewiwi riwahinyre kua mahãdu tahõrõreny-ò kia heka tii iwedureny rare kia riywiyiwynymy idireny ratximyhỹre ikiemy!
|
||||
\c 29
|
||||
\p
|
||||
\v 1 Anjos, awimy manybeke Deuxu tyhyhykỹ dee; iaõwiwihikỹmy mawowydike kia inidehedehehekỹmy.
|
||||
\v 2 Mawowydyke iaõwiwihikỹmy inimy kiata aratxi bibedenykre Deuxu tyhyhykỹ koki ki tiu tii rexitỹnynykreu.
|
||||
\v 3 Deuxu rybe wodỹỹ heka iny tamy roholamyhỹre bera tyre-ò; Deuxu wihik;y raumytxinymyhỹre, kia bero nihikỹ tyre-ò iny roholamyhỹre irybe wodỹỹ-ò.
|
||||
\v 4 Deuxu rybe wodỹỹ heka sõere tỹximy aõnidehodehemy!
|
||||
\v 5 Deuxu tyhyhykỹ rybe wodỹỹ heke riyròmyhỹre òwòru bijiuludu, kia libano òwòru mahãdu dori riyròmyhỹre.
|
||||
\v 6 Tii riwinymyhỹre sibamy hãwalò ramytatamtyhỹre, kia riwinymy riatymyhỹre brareni riòre wesemy; Hermon hãwalò resemyhỹre broreni hãbu tỹmyra wese.
|
||||
\v 7 Deuxu tyhyhykỹ rybe wodỹỹ biudelaa ritxuxaranymyhỹre.
|
||||
\v 8 Irybe wodỹỹ heka bederahy rimytatedỹỹnymyhỹre; tii Cades bijiu riukỹukỹnymyhỹre.
|
||||
\v 9 Deuxu tyhyhykỹ rybe wodỹỹ riukỹukỹnymyhỹre bederade kia bederade irurisihemyhỹre. Iwana-wana ihetorenyki ibutumy ryrymyhỹrenyre; Deuxu wihikỹ!
|
||||
\v 10 Deuxu heka, riwedunymyhỹre bera sỹỹhỹkỹki tyre; Iòlò wesemy tii riwedunymyhỹre ikiemy.
|
||||
\v 11 Deuxu tyhyhykỹruruterena riwahinymyhỹre tasỹ taijoi mahãdu-ò kiata tarybewihikỹ riwahinymyhỹre bedesamy riwahinymyhỹre ywimy.
|
||||
\c 30
|
||||
\p
|
||||
\v 1 Deuxu tyhyhykỹ, diarỹ adee warybe wiwi rewahinymyhỹre kiemy dori tiwatate kia uritre iwahidỹỹõmykre waòludu mahãdu wadi risinyrenyke lau.
|
||||
\v 2 WaDeuxu tyhyhykỹ, diarỹ rerajuare rexitòenymy biwawiòhenanykemy kiata kai tiwateytenyte.
|
||||
\v 3 Kai tiwahedỹỹnyte rubu-ribi; Diarỹ watximyhỹ kua mahãdu-wana, kakai tahe ixyby ararekremy tiwawinyte.
|
||||
\v 4 Mawiunybenyke mabedesabenymy Deuxu tyhyhykỹdee, kai boho, aijoireny òbitimy nodureny-wana!
|
||||
\v 5 Kia ikuara heka urihimyòtyhyle rasiranymyhỹre, ka iaõwiwi tahe ikiemy ibutu dee rỹimyhỹre. Hii aõwaxina ruu iyhyõmy rỹke, ka rudiu tahe wiu bedesena kynake.
|
||||
\v 6 Diarỹ ixiki reximyiwi-my rahãre kia rahõtinyre; tiu arabòduõtyhy.
|
||||
\v 7 Deuxu tyhyhykỹ, kai heka wade awi tate kia tiwaijemy wadi tatemyhỹ hãwalò rurutere wesemy. Kiaremy tahe, tiu waribi bedeu, kiarỹ werymy reare.
|
||||
\v 8 Deuxu tyhyhykỹ, diarỹ adee ranyre kia rexitòenyre biwawiohenanykemy.
|
||||
\v 9 Txibo kiarỹ arurukeki, aõbo tahe tai aritake? Kia aõbo rubu mahãdu aõwaxina aõbo adee tarybewiwi riwahinyke? Kia aõbo aõwaxina raryberenyke aõbo tii òtimy nodu roiremy?
|
||||
\v 10 Deuxu, wade bololake kia wadi bexiwobrunyke! Biwawiòhenanyke waDeuxu tyhyhykỹ!
|
||||
\v 11 Kai tadiwahinyte wahinana ixwna bedesanamy; warubo-ò rahinymyhỹre tyy waribi tetate kia tiwatyynyte ixina tyy-di.
|
||||
\v 12 Iurenana rybeõmy aratxiõkre,kiata arawinykre umy ararybewiwi-my. Deuxu, kai heka waDeuxu tate; diarỹ adee iiemy arawiunymy ararekre!
|
||||
\c 31
|
||||
\p
|
||||
\v 1 Deuxu tyhyhykỹ, adee waixiwòtena reòrymyhỹre. Biwatake ixỹry-ribi rotaõmyhỹreki. Kai heka òbitimy nodu tate; diarỹ adee rexitòenyreri biwawiòhenanykemy!
|
||||
\v 2 Wadee boholake kia biwahedỹỹnyke wiji! Rexitòenyreri ixiwòtenamy tamy arexiwokremy kia waitxedu idi araxihedỹỹnykrmy.
|
||||
\v 3 Kai heka waixiwòtena tatekia wahedỹỹdu; wadi beeheke kia biwatohonymy tuu tarybete mynymy.
|
||||
\v 4 Biwatake uhuariwo-ribi kia waitxenamy riterenyrenyre, kia dori kai wawòtedu tate.
|
||||
\v 5 Adebowo-òwabedỹỹnana rewahinymyhỹre. Dexu, kai heka biwahedỹỹnykrem kiemy dori kai Deuxu obitityhy tate.
|
||||
\v 6 Kai arakyaranymyhỹre kia suritxoo ỹnyxiwe-my rerinanymyhỹre, kia aõnaõna aõ riwahinyõhyymyhỹre; diarỹ kiaremy, aratyhynymyhỹre.
|
||||
\v 7 Wabedesama aratxikre kiata arexideysanykre aõwiei drina òraruki; Kai tetheteri aõhỹỹmy ratỹỹnyreri kia waõhỹỹmydỹỹnana teeryte.
|
||||
\v 8 Uritre iwahidỹỹõmy waòudu mahãdu riwamyk lau, kiaremy biwasỹnyke bedeyhyki awityhymy aratxikemy.
|
||||
\v 9 Deuxu tyhyhykỹ, wadibexiwobrunyke, kiemy dori aõhỹỹhỹỹmy ratỹỹnyreri. Warue sõemy reywesereri rahinyreriki diarỹ raxihumy rareri waumy kia watyytyby-wana.
|
||||
\v 10 Bederyry wabededỹỹnana ritxuudỹỹnyre; arube tuu wabededỹỹnana riyjadỹỹnyreri. Diarỹ waruruõmy watxireri waõhỹỹmydỹỹna òraruki; ka wait mahãdu rexihulerenyreri!
|
||||
\v 11 Waòludu mahãdu wadi risinymyhỹrenyr; kia waheto bireludu mahãdu tuu riwenylemy hỹrenyre.
|
||||
\v 12 Ibutumy waribi tõhõti rusarenyre, txibo diarỹ rarure wesemy. Diarỹ heka aõna iwese ahãna-ò idi dehu rỹimyhỹre wesena rare.
|
||||
\v 13 Sõemy raholamyhỹrewaòludu mahãdu rarybewasimyhỹrenyremy. Iny mahãdu warubudỹỹmy ibutu bede bede-ribi risỹnymyhỹrenyre. Tii boho bede riywinymyhỹre waòludu-my riemyhỹrenyre timybo riwarubunyrenykemy.
|
||||
\v 14 Kiaremy, watyhydỹỹna aki roimhỹre Deuxu; kai heka waDeuxu tate.
|
||||
\v 15 kai ikiemy wadi arukimy atxiteri. Biwahedỹỹnyke walòludu mahãdu-ribi kia wahmy rekoamyhyrenyre-ribi.
|
||||
\v 16 Beteheke wadi awityhymy wasi, adeòdu-di; Biwahedỹỹnyke aõmy inymy terinanymyhỹte òraruki!
|
||||
\v 17 Deuxu tyhyhykỹ, diarỹ adee rarymyhỹre! Biwatake ixỹru-ribi rotaõmyhỹreki! Kia waòludu mahãdu aõhỹỹmy rutỹỹnyrenykre ixỹrumy kia rubehemyhỹrenyre bedejyyjamy aõkõ rubu bede hãwa-ò.
|
||||
\v 18 Kia rybeõmy ratximyhỹrenyre kua roiluu bohoreny, kia rarybemyhỹrenyre rexityhytyhynymy iny rihitxihitxinymy rarybemyhỹrenyre iny òbitimy rỹimhỹrenyre oludumy.
|
||||
\v 19 Timywe inihikỹre aaõwiwi kia rirarenymyhỹre kua mahãdu alau ruberumyhỹrenyre-ò! Ibutumy umy robirenyke keu anityhy atximyhỹtemy kia timybo tewòmyhỹte iny mahãdu aratyhynymyhỹrenyre.
|
||||
\v 20 Awòtena-di iximynamy, kai tetamyhỹte iny itxỹte mahãdu bedeywidỹỹnana-ribi. Ixiwòtena tyhy-ki kai tewomyhỹte aòludu mahãdu aõbinabina-tibi.
|
||||
\v 21 Deuxu tyhyhykỹ dee arybewiwi biwahinybenyke! Iu waòudu mahãdu riwayrawonyrenyreu kia wade aõbinamy rekoarenyre, tii riteòsinyre awityhytyhymy Riteòsinyre wamy rerinanymyhỹre
|
||||
\v 22 Kia raberure kia rahõtinyre tii riwateònyre sỹny ixidee raholare ixi-ribi. Ka tii tahe toholare mairà-ò, tiu raryreurexitòenymy riwawiohenanykemy.
|
||||
\v 23 Berinanyke Deuxu tyhyhykỹmy ibutumy asỹ aijoi mahãduo obiti mahãdu-wana! Tii heka riwomyhỹre iny mahãdu òbitimy rỹimyhỹre, kiaremy rirarutxunymyhỹre inyrexityhytyhynymy rỹimyhỹre mahãdu tuu rekoanyremy.
|
||||
\v 24 Kia aruruterenymy kia bexiuramy atxibenyke,ibutumy kai boho Deuxutyhyhykỹ teraòmy atximyhỹtenyte.
|
||||
\c 32
|
||||
\p
|
||||
\v 1 Deysana kua òraru riwinyre Deuxu risuhõre kia ixiki ibinamy rahãre kia tahe tii rihõre.
|
||||
\v 2 Deysana kua mahãdu Deuxu tyhyhykỹ aõnaõna binabina riwinyõkemy idi risỹnymyhỹre kia aõ riwinymyhỹre roimy aõkõ.
|
||||
\v 3 Kia waòrumy rarybeõmyhỹ-wana, diarỹ rahinymyhỹ txu iyhyõmy ihyyta reywesemyhỹre.
|
||||
\v 4 Txu-my kia rumy riwararytxynymyhỹre deuxo, kia warurureny rexihurenyre iwese nonoe rarubumyhỹre wese wyra tòteeu.
|
||||
\v 5 Taita diarỹ adee rarybere waòrarumy kia rewòõhyyre waõbinabina. Rahõtinyre ibutumy ako iximy arelyykremy, kia kai ibutumy tehòte waõbinabina rewinyre.
|
||||
\v 6 Kawesemy ibutumy kua mahãdu umy rerinanymyhỹre adee rexitòenymyhỹrenyke aõnaõna bina binamy rutỹỹnymyhỹrenykeu. Tiu ybò nihikỹ aõhỹỹmydỹỹnana ynakeki, kia tiu tamyreny tehemynyõna.
|
||||
\v 7 Kai heka waixiwòtena tate kia aõbinabina-ribi tiwatamyhỹte. Diarỹ rawiunymyhỹre katxiterehekỹmy ahedỹỹnanamy kiemy dori kai tiwaijemyhỹte urenana.
|
||||
\v 8 Deuxu wadee rarybere: “Diarỹ araixinanykre rymy tidibo kai mariamyhỹkemy; adi aretehekre kia aratohonykre.
|
||||
\v 9 Uritre bedeeryõmy noõmykre awaru, buru wesemy, kia ruetybònadi ririranymyhỹrenyre kia rityhynyrenykremy.”
|
||||
\v 10 Iny itxỹte mahãdu sõemy aohỹỹmy rutỹỹnymyhỹrenyre, ka mõbo Deuxu Tyhyhykỹ rityhynymyhỹre tahe iitxedudimy ratximyhỹrenyre Deuxu derinana-di.
|
||||
\v 11 Ibutumy kai boho òbitimy atximyhỹtenyte, mabedesabenyke kia deysamy matxibenyke kia Deuxu Tyhykỹ riwinyredi. Mawiunybenyke bedesamy; ibutumy kai boho òbitimy atximyhỹtenyte!
|
||||
\c 33
|
||||
\p
|
||||
\v 1 Ibutumy iny mahãdu òbitimy atximyhỹtenyte, mabedesabenyke, kia Deuxu Tyhyhykỹ aõnaõna riwinyredi. Deuxu-my mawowydy benyke ibutumy iny mahãdu òbitimy rỹimyhỹrenyre.
|
||||
\v 2 Biwodỹỹnybenyke wiuna wodỹỹna Deuxu-my mawowydybenyke, mawiunybenyke mawowydybenyke reruti wodỹỹnadi.
|
||||
\v 3 Mawiunybenyke Deuxu dee wiuna tỹmyra-di biwodỹỹnybenyke wiuna wodỹỹna kia mawiunybenyke katxiteremy!
|
||||
\v 4 Deuxu tyhykỹ rybe heka òbitihyy rare; ibutumy aõ tii riwinymyhỹre ratyhydỹỹmyhỹke.
|
||||
\v 5 Deuxu Tyhyhykỹ heka rerinanymyhỹre aõ awimy òbiti tyhymy rỹimyhỹre; suu heka tỹximy terinanadi roimyhyre.
|
||||
\v 6 Tarybeweere-ribi Deuxu Tyhyhykỹ biu rawetyy riwinyre kia irybewahidỹỹnaki riwinyre txuu, ahadu kia taina sõe.
|
||||
\v 7 Deuxu rarybere tuu rỹikremy bera nihikỹ sohoji bedekihikỹ rỹikremy kia bee rirarenyre sỹymy ihyna.
|
||||
\v 8 Kia ibutumy suu ruberumyhỹre Deuxu Tyhyhykỹ lau! Kia ibutumy hãwadu hãwadu mahãdu ruberumyhỹrenyre!
|
||||
\v 9 Kia dori tii rarybere, kia bede bede riwinyre tii rarybere kia aõtamaõkõ ibutumy ratỹnyre.
|
||||
\v 10 Deuxu Tyhyhykỹ rihumyhỹre hãwa hãwa bedeywidỹỹnana kia riwahinyõhyymyhỹre tii boho riwinyrenykemy.
|
||||
\v 11 Ka aõ Tyhyhykỹ riywinymyhỹre ikiemy rỹimyhỹre, kia tii aõ relekremy rarybemyhỹre ikiemy rỹimyhyre.
|
||||
\v 12 Bedesawihikỹ hãwa hãwa mahãdu ijõdirenyre Deuxu Tyhyhykỹ wesemy! Bedesawihikỹ inymahãdu Deuxu ritarenyre tahõrõkremy!
|
||||
\v 13 Deuxu Tyhyhykỹ beteheke biurawetyy-ribi kia ibutumy iny mahãdumy bobikre.
|
||||
\v 14 Tikibo rahãwanymyhỹre-ribi, tii retehemyhỹre ibutumy sumy rahãwanymy rỹimyhỹredi.
|
||||
\v 15 Kia Deuxu heka riwinymyhỹre iraykyreny kia rierymyhỹre ibutumy aõ riwinymyhỹrenyre.
|
||||
\v 16 Tiu Iòlòõ rotaõmyhỹre tasodadu tyhy-di, kia sodadu dori ròtarenyõhyymyhỹre òraruna-ribi.
|
||||
\v 17 Kia awaru mahãdu wouna aõkõ heka ròtamyhỹre aõbinaki; irurutere nihikỹ heka inyõ aõwaxina rihedỹỹnyõtyhy.
|
||||
\v 18 Kia Deuxu Tyhyhykỹ heka riwomyhỹre kua mahãdu ruberumyhỹrenyre kia rirarenymyhỹre kua mahãdu terinana rityhynymyhỹrenyre.
|
||||
\v 19 Tii rihedỹỹnymyhỹrenyre rubu-ribi kia rirarenymyhỹrenyre irurenymy ramasabedeu.
|
||||
\v 20 Diarỹ boho retyhynymyhỹrenyre Deuxu Tyhyhykỹ; kia tii heka iny boho riwiòhenanymy riwomyhỹre.
|
||||
\v 21 Watedesu reny rabedesarenyre Deuxu Tyhyhykỹ òraruki; diarỹ boho retyhynymyhỹrenyre iniwihikỹmy.
|
||||
\v 22 Deuxu Tyhyhykỹ, ainymy derinana heka waherenyki ratximyhỹre, kiemy dori diarỹ boho aratyhynymyhỹrenyre.
|
||||
\c 34
|
||||
\p
|
||||
\v 1 Diarỹ ikiemy arawowydymy ararekre Deuxu Tyhyhykỹ dee; kia ibutu bedeu hyyle tu wowydyna waryijetidi kihyyle rarekre.
|
||||
\v 2 Diarỹ ararybemy ararekre arityhytyhynymy kia aõnaõnaki tii riwinyre; kia iny mahãdu tỹkỹõmy rỹimyhỹrenyre roholarenykre kiata rexibedesamyrenykre!
|
||||
\v 3 Marybebenykre wawana Deuxu Tyhyhykỹ ninihikỹmy; ibutumy inimy rykaryberenykre.
|
||||
\v 4 Diarỹ rexitòenyre Deuxu wiòhedỹỹnamy kiata tii diwarawyònyde; tii riwatare ibutu brebuna-ribi.
|
||||
\v 5 Iny tỹkỹõmy rỹimyhỹre mahãdu tamy retehemy hỹrenyre kiata resibedesanymyrenyre; ixyby uritre aratireny ibededỹỹrenyõmykre, uritre boõrenymy.
|
||||
\v 6 Diarỹ waaõkõ aõhỹỹmydỹỹdu, raryre Deuxu Tyhyhykỹ dee; tii wadee roholare kia riwatare waõhỹỹmydỹỹnana-ribi.
|
||||
\v 7 Deuxu Tyhyhykỹ Anju ratximyhỹre kua mahãdu ruberu myhỹrenyre weruraki kiata ritamyhỹrenyre aõnaõna òhãru-ribi.
|
||||
\v 8 Biijeke bierykemy ixi òbitilemy timybo Deuxu awiremy! Bedesa kua ixiwotenaki rahãre Deuxu-ki!
|
||||
\v 9 Ibutumy Deuxu ijoi mahãdu ruberure, kia kua mahãdu ruberurenyre aõmy rekoarenyõmyhỹrenyre.
|
||||
\v 10 Kia leaõ mahãdu dorile irỹsỹnareny ihoõmy rama risamyhỹrenyre, kiaremy aõ rasiranyõhyyre iny mahãdu Deuxu tuhyhykỹ wiò hedỹỹna riemyhỹrenyre.
|
||||
\v 11 Bydòike, wajyre mahãdu wabiòwareny, kiata boholabenyke, kia diarỹ araerynanyrenykre Deuxu tyhyhykỹ lau buberubenykremy.
|
||||
\v 12 Kai boho aõbo abededỹỹnanareny awimy boibenykre? Kia sõemy boibenykre kia abedesarenytyhytyhymy?
|
||||
\v 13 Iurenana bexiijemy beibenybekre ryberenyõmy aõnaõna binabinamy kia uritre roimy ijyyõmy boibenybekre.
|
||||
\v 14 Bexilòhòrarienybenyke aõbinabina-ribi kiata aõwiwi biwinybenykre; ywimy matxibenykemy biijemy boibenybeke kiata biwinybenyke ibutumy tamy behemynybenykemy.
|
||||
\v 15 Deuxu heka retehemyhyre uwimy iny mahãdu òbitimy rỹimyhyre-di kia ikemy roholamyhỹre iixitòedỹỹnareny-ò.
|
||||
\v 16 Kai tii tahe iny mahãdu aõnaõna binabina widỹỹdu òludu rare. Kia riwinyrenykremy tiiemy rusaremykremy.
|
||||
\v 17 Tiu iny òbiti mahãdu Deuxu tyhyhykỹ dee ryrymyhỹrenyreu, tii tamyreny roholamyhỹre kiata ritamyhỹrenyre ibutumy iaõhỹỹmydỹỹnanareny-ribi.
|
||||
\v 18 Tii heka iny ibedeuramy rỹimyhỹhyre tyyki ratximyhỹre kia rihedỹỹnymyhỹre iny tararòsòna riinodỹỹnymyhỹre.
|
||||
\v 19 Iny wi mahãdu rekoamyhỹrenyre sõemy bede sirasira, ka Deuxu tahe ritamyhỹrenyre ibutumy.
|
||||
\v 20 Tii heka ritamyhỹrenyre ibutumy; kia tiu itirenyõ rayròõtyhy.
|
||||
\v 21 Iny bina mahãdu rururenykre taõbinabinareny òbitikile; kua boho radònymyhỹrenyre iny òbitimy rỹimyhỹrenyremy kia rararytxyrenykre.
|
||||
\v 22 Deuxu tyhyhykỹ heka rihedỹỹnymyhỹre taijoi mahãdu bededỹỹnana; kua boho rierymyhỹrenyre taixiwòtena tamy kia rararytxyrenyõkre.
|
||||
\c 35
|
||||
\p
|
||||
\v 1 Deuxu tyhyhykỹ, bihetenyke kia iny mahãdu riwahetenymyhỹrenyre kia mahuke iny mahãdu riwahumyhỹrenyre!
|
||||
\v 2 Bimyke awyky itxedu kia adebòna henemykremy kiata manake biwaawiòhenanykremy.
|
||||
\v 3 Bimyke atõnori kia awoma wouna kiata besuke iny mahãdu wahewoludumy rỹimyhỹre òludumy. Ixidee rarybere kai wahedỹỹdu tate!
|
||||
\v 4 Kia rabòdurenykre wobrunamy rekoarenykre kua mahãdu warubudỹỹ risỹnymyhỹrenyre! Kia rexiworenykre raixỹrurenymy kia iny mahãdu bede riywinymyhỹrenyre waòludumy!
|
||||
\v 5 Kia ratxirenykre iwese horeru yhy ridymyhỹre wesemy tiu Deuxu tyhyhykỹ Anju rihurenykreu!
|
||||
\v 6 Kia iryreny turumy roikre kia rytynymy tiu Deuxu tyhyhykỹ Anju iherenymy reakreu!
|
||||
\v 7 Kiemy dori, aõ waòraruõmy uhuari riderenyre riterenymy wadee kia hãluu sỹymy riarenyre riwamyrenykremy.
|
||||
\v 8 Kiaremy, tiu riwaraòrenykreu, kanakre bede huduna. Kia òhòte tai rỹirenykre tauhuari reny òbitidile tai rariòwyrenykre kia rexihurenykre.
|
||||
\v 9 Taita diarỹ arexibedesanykre Deuxu riwinyre òraruki; wabedesamy aratxikre kiemy dori tii riwahedỹỹnyre.
|
||||
\v 10 Ibutumy wawo wana diarỹ tamy rarybere: “Deuxu tyhyhykỹ moõ aweseõhyy! Kai teijemyhỹte iny ruruõ mahãdu tiu irurudi mahãdu tureny raòhòtemyhỹreu kia iny aõkõ mahãdu kia aõmy rekoamyhỹre mahãdu tetamyhỹtenyte iny ityhymy iaõdimy rỹimyhỹrenyre debowo reny-ribi”
|
||||
\v 11 Hãbu binabina mahãdu waòludumy rarybemyhỹrenyre kia wamy rarybemyhỹrenyre rubudỹỹdumy kia tiu rewinyõmyhỹre
|
||||
\v 12 Tii boho riwamymyhỹrenyre aõbina bina-di kia aõwi rewinymyhỹre, kia urenana diarỹ tỹximy bede jeijei-di watxireri.
|
||||
\v 13 Ka tiu wabinamy watximyhỹu, rubu dee hinana tyydi rexityynyre kia byre ribi ixawire. Warati rebedenyre kia ta tamyreny rexitòenyre.
|
||||
\v 14 Kohe, rexitòenyre iwese txibo wabiòwa wesemy ada waseriòreõ wesemy. Diarỹ ckr riamyhỹ rexiworabunymy, rubu dee hinana tyy-di, iwese inỹõ rahinymyhỹre wesemy tado òbiti-ò!
|
||||
\v 15 Kiaremy, tiu diarỹ aõhỹỹ ratỹỹnymywatximyhỹu, tii boho rabedesamyhỹreny kia wawerumy ratximyhỹreny, wadi risỹnymy. Iny mahãdu ieryõnareny riwahetenyrenyre kia riwawotõmonyrenyre tiwese sõemy aõkõ.
|
||||
\v 16 Tii boho aõhỹỹmy riwasỹnyrenyre, wadi risinymyhỹreny kia wadi reteherenyre wakyasemy
|
||||
\v 17 Wa-Deuxu, tiubo tahe bedetehekre? Biwatake iòhòte donareny-ribi; wabededỹỹnana bihedỹỹnyke kaa leaõ mahãdu-ribi.
|
||||
\v 18 Taita diarỹ umy areàlàkre butu ruki kia umy arawowydykre aijoi rybe butunaki
|
||||
\v 19 Uritre iwahidỹỹõmy kia waòludu mahãdu, kua mahãdu roidu mahãdu, rexibedesanyrenykemy waõbinabina-di! Uritre iwahidỹỹõmy kia wamy radònyrenykemy aõ iraruõmy kia wadi retehemyhỹrenyre aõ òtaòtamy widee widee, rutxuenymy wabederyryna-di!
|
||||
\v 20 Tii boho biòwa wesemy aõkõ rarybemyhỹrenyre; iribiòtumy, ritxienymyhỹrenyre ibutumy roi òtaòtamy iny aõwimy bedewiwimy rerinanymyhyre.
|
||||
\v 21 Tii boho wamy raroirenymy kia rirajuamyhỹrenyre: “Diarỹ boho umy rabirenyre aõbo kai tewinytemy!”
|
||||
\v 22 Ka kai tahe Deuxu tyhyhykỹ, tuu tabite. Taita uritre rybeõmy noõmykre kia uritre waribi ixilòhò rarie dỹỹõmykre!
|
||||
\v 23 Bexixake Deuxu awityhymy biwawinykremy! Mynyike waDeuxu kia waõbinabina-di besuke!
|
||||
\v 24 Deuxu Tyhyhykỹ kai heka òbityhymy modu tate; iurenana tarybete diarỹ wainybò raremy. WaDeuxu, uritre iwahidỹỹõmy kia waòludu mahãdu rexibedesanykemy waòraruki!
|
||||
\v 25 Uritre iwahidỹỹrenyõmy myy raryberenykemy: “Diarỹ boho tii rehurenyra. Kia my heka resỹnymy roiremyhỹ.”
|
||||
\v 26 Kia ibutumy rabòdurenykre kia raixỹrurenykre kua mahãdu rexibedesanymyhỹrenyre waõhỹỹmydỹỹnana-di. Kia sõemy ixỹrunadi aõbinabinadi ratxirenykre kia iny mahãdu rarybemyhỹrenyre waribi awityhymy ratximy hỹrenyremy.
|
||||
\v 27 Kiaremy kia ryrymyhỹrenyre bedesamy kia rarybemyhỹrenyre kia diarỹ raryberemy wainybò raremy. Kia rarybemyhyre ikiemy: “Deuxu Tyhyhykỹ heka inihikỹ rare kia bedesamy ratximyhỹre kiemy dori ibutumy awihylemy ryimyhỹre iijoi mahãdu.”
|
||||
\v 28 Taita ararybekre aõ òbitidỹỹnamy kia txuu iyhyõmy umy arawowydykre.
|
||||
\c 36
|
||||
\p
|
||||
\v 1 Òraruna heka rarybemyhỹre itxỹte-ò kuaki iwoki: Itxỹte heka rieryõhyymyhỹre Deuxu lau brebu.
|
||||
\v 2 Tii iximy rarybemyhỹre sõemy buturatyre ratximyhỹremy kia rõhõtinymyhỹre Deuxu iòrarutxi reaõkremy kia rirarytxynyõkremy.
|
||||
\v 3 Irybe heka ibinabina rare kia tỹximy roidi ratximyhỹre; tii iraykywike aõkõre kia aowiwi widỹỹ deralemy reamyhỹre.
|
||||
\v 4 Herimy roimy taherina tyreki, tii aõnaona binabina riywinymy roimyhỹre.
|
||||
\v 5 Deuxu tyhyhykỹ aaõmy(adõmy) derinana heka biurawetyy-òhòkỹle rehemynymyhỹre, ainytyhy heka biwetyyura-ò rehemynymyhỹre.
|
||||
\v 6 Aõ òbiti òbiti heka awityhymy rỹimyhỹre hãwalò mahãdu ninihikỹ wesemy; kia iny-di behukre heka sỹymy rỹimyhỹre bera nihikỹ wesemy. Deuxu Tyhyhykỹ kai heka arukimy atximyhỹte iny mahãdu-di kia iròdu iròdu-di.
|
||||
\v 7 Timywe awityhyre aaõmy ainymy derinana! Aderatyti ubròròki ixiwotenatxi rekoarenyre.
|
||||
\v 8 Kia awityhytyhymy watxirenyre rỹsỹna wadeereny tewahinyte tawe-di; kai tiwawahinymyhỹtenyte ariõrenykremy bero-ribi aaõwiwi.
|
||||
\v 9 Kai heka iny òlòdỹỹdu òraruna tate, kia aloosonaki; diarỹ boho txuu wadeereny ijõdirenyre.
|
||||
\v 10 Deuxu ikiemy berinanymy mabeke kia iny mahãdu araerymyhỹrenyremy kia tamy awi biwinyke kia iny mahãdu inatyhymy òbitityhymy rỹimyhỹrenyre mahãdu.
|
||||
\v 11 Uritre wawa hidỹỹõmy kia iny ixityhytyhydỹỹdu mahãdu watyre rariakelau kia uritre wawahidỹy
|
||||
\v 12 Ma kua dòideri, rariòwymy; kia idireny adehu rỹirenyre kia lamamy rỹirenyke ihoõre.
|
||||
\c 37
|
||||
\p
|
||||
\v 1 Uritre ixiwojeijeidỹỹõmyke iny itxỹte mahãdu òraruki kia uritre ixiwobinadỹỹõmy aõnaõnabina riwinymyhỹrenyreki.
|
||||
\v 2 kia dori tii boho riõrenykre aõtamaõkõ iwese bederade rarubumyhỹre wesele; rururenykre iwese alòbròna rarubumyhỹre wesele.
|
||||
\v 3 Bityhynyke Deuxu Tyhyhykỹ kiata òbitimy biwinyke; masỹnyke ibutumy bexirarudewiwimy suu rawahikremy roimyhỹreki.
|
||||
\v 4 Kia awodeusana Deuxu-ki ratxikre; tii adee riwahinykre aõmybo awo ramyhỹre.
|
||||
\v 5 Bilidike abededỹỹnana Deuxu Tyhyhykỹ debowo-ò bityhynyke, kia tii arawiòhenanykre.
|
||||
\v 6 Tii riwinykre kia ainytyhy ratxikremy loosona wesemy kia aòraruna rubena tahe rarỹsỹnykre txutye wesemy.
|
||||
\v 7 Uritre ixilòrelòredỹỹõmy kia iny mahãdu tabededyỹnana-di awimy rỹimyhỹrenyre òraruki kia ixiwobinadỹỹõmy kia iny mahãdu riwinymy rỹimyhyrenyre taõna binabinareny. Ywimy atximyhỹ, kia Deuxu Tyhyhykỹ idi tarukikre.
|
||||
\v 8 Uritre adebureõmy, uritre akyaramy moõmy! Uritre ixilòrelòredỹỹõmy, kia dori adee ibinatyhymy ydòhònykre.
|
||||
\v 9 Kua mahãdu rityhynymyhỹrenyre Deuxu Tyhyhykỹ kia ratxirenykre reximywityhytyhyrenymy suu rawahikremy roimyhỹreki, kia remy iny binabina mahãdu rexihurenykre.
|
||||
\v 10 Kia urihimyõ-ò wokile iny binbina mahãdu rexihurenykre; kai biekre, kiaremy itxi beaõtyhy.
|
||||
\v 11 Ka iny tỹkỹõmy rỹimyhỹrenyre mahãdu ratxirenyre reximywiwirenymy suu rawahikremy roimyhỹreki kia tai rabedesarenykre, awityhymy roirenyrekre.
|
||||
\v 12 Iny binabina mahãdu bede riywinymyhỹrenyre inywiwi mahãdu òludumy kiata retehemyhỹrenyre adeburemy tamyreny.
|
||||
\v 13 WaDeuxu kai butxuenykre iny binabina mahãdu-ki kiemy dori teeryteri itxureny-ò bede dehemynymynamyhỹde.
|
||||
\v 14 Iny binabina mahãdu ritamyhỹrenyre tõnori kia tawaxiahãte riterenymyhỹrenyre kia rirubunykremy iny iaõkõ mahãdu kia aõmy rekoamyhỹrenyre, kia rirubunykremy iny mahãdu aõwiwi riwinymyhỹrenyre.
|
||||
\v 15 Ka tii boho tahe rururenykre tatõnorireny òbitidile, kia iwaxiahatèreny rakròrenykre.
|
||||
\v 16 Kia heka awityhyre urihimyòmy inywi mahãdu ijõdire kia, inyityhymy iaõdimy rỹimyhỹre sõemy ibinatyhymy.
|
||||
\v 17 Kiemy dori iny bina mahãdu rurureny rexihukre ka Deuxu Tyhyhykỹ tahe riijerenykre inywi mahãdu
|
||||
\v 18 Txuu iyhyõmy Deuxu tarukimy ratximyhỹre inywi mahãdu-di; kia suu rawahikremy roimyhỹre kia ihõrõrenymykre kiemy
|
||||
\v 19 Tiu bedeu bede isiramy rỹikreu, tii boho aõhỹỹmy rutỹỹnyrenyõkre kia irỹsỹnareny ijõdikre rasama bede reakreu.
|
||||
\v 20 Kiaremy Inybina mahãdu rururenykre; Deuxu Tyhyhykỹ mahãdu òludureny riõrenykre timybo bedero nõirasò wesele, riõrenykre wàdàsi wesele.
|
||||
\v 21 Inybina mahãdu rexitòenymyhỹrenyre huòtemy kia riòwynyreõhyymyhỹrenyre; ka inywi mahãdu tahe taworenywi-di rowahimyhỹenyre.
|
||||
\v 22 Kua mahãdu Deuxu rybewiwi-di ratximyhỹnyre awimy roirenyrekre imynydudi renywiwimy suu rawahikremy roimyhỹreki, ka inybina mahãdu ritxuhòmyhỹrenyre tahe rexihurenykre.
|
||||
\v 23 Deuxu heka idireny retehemyhyrenyre rimyrenywiwimy, kia tiwesena rydibo ririranyrenykremy, iny mahãdu tii rierynanymyhỹre òbitimy.
|
||||
\v 24 Txibo rariòwyrenykeki, tiu rariòwyrenyõtyhy kiemy dori Deuxu Tyhyhykỹ riwiòhenanyrenykre ritama dỹỹnyrenykremy.
|
||||
\v 25 Kia weryrybòmy raremyhỹ ka tahe wiji ramatuarinymy rare, ka tiu rabiõhyymyhỹre habuwiõ-my Deuxu tõtxi ririõmy kia tiu rabiõhyyre iriòre boho krotxu-my (paõ-my) rexitoenymy.
|
||||
\v 26 Tii kiemy tawowi-ribi, riwahinymyhỹre huòtemy, kia iriòre boho tahe Deuxu rybewiwi wahidỹỹnana roire.
|
||||
\v 27 Bexilòhòrarienyke aõbinabina-ribi kiata aõwi biwinyke, kai mabekre awihyylemy ikiemy.
|
||||
\v 28 Kiemy dori Deuxu Tyhyhykỹ rerinanymyhỹre aõwiwimy aõ òbiti òbitimy kia taijoi mahãdu tyhy ririõhyymyhỹre. Tii ikiemy riijemyhỹre taijoi mahãdu, ka inybinabina mahãdu rioreriore tahe rexihurenykre.
|
||||
\v 29 Iny mahãdu òbitimy rỹimyhỹrenyre ratxirenykre suu rawahikremy roimyhỹreki kia tai rahãwanyrenykre ikiemy.
|
||||
\v 30 Tii boho rarybemyhỹrenyre, aõnaõna bedeerymy kia ikiemy rarybemyhỹrenyre aõ òbitimy.
|
||||
\v 31 Rirarenymyhỹrenyre tawoki ta Deuxu reny rybewahidỹỹna kia tiu iribi rexilòhòrarienyõhyymyhỹrenyre.
|
||||
\v 32 Iny binabina mahãdu heka wasimy riijemyhỹrenyre inywi mahãdu kia irubudỹỹmy riemyhỹrenyre.
|
||||
\v 33 Kiaremy Deuxu Tyhyhykỹ ririrenyõtyhy inywi mahãdu iòludureny deboworeny-ò; kia tiubo bedekonana-ò rehemynykreu, kia riwahinyrenyõtyhy rexihurenykemy.
|
||||
\v 34 Deuxu Tyhyhykỹ bityhynybenyke kia ta irybewahidỹỹna mynamynamy atximyhỹbenyke. Tii adeereny suurawahikremy roimyhỹre riwahinykre, kia wesemy tahe kai boho inytyhymy boibenybekre. Kia kai boho bobibenykre iny bina mahãdu rexihurenykremy.
|
||||
\v 35 Rabire hãbu sohojiõmy ibinare iitxỹtetyhyre, kia ibutumy aõnaõna tii rimymyhỹre bederade wesemy.
|
||||
\v 36 Tiu txuu rariare kua weribi kia tii riõrewanahãkỹle. Diarỹ reijere, kiaremy itxi reaõhyyre.
|
||||
\v 37 Betehewiwibenyke inywi mahãdu-di kia iinytyhyreny-di bede biòtiinybenyke kia betehebenykre iny mahãdu rerinanymy rỹimyhỹrenyre bedewiwimy kia tarioreriorereny ririmyhỹrenyre.
|
||||
\v 38 Ka iny mahãdu rityhynyõmyhỹrenyre Deuxu rybewahidỹỹna kia ibutumy rexihurenykre,kia irioreriorereny riõrenykre.
|
||||
\v 39 Deuxu Tyhyhykỹ bihedỹỹnyke iny òbiti mahãdu kia birarenybenykre iaõhỹỹdỹynana-ribi.
|
||||
\v 40 Deuxu Tyhyhykỹ heka rowiohedỹỹmyhỹre kia iny ritamyhỹre. Tii boho riemyhỹrenyre, taixiwòtenareny, kia iusenana tii rihedỹỹnymyhỹrenyre iny binabina mahãdureny-ribi.
|
||||
\c 38
|
||||
\p
|
||||
\v 1 Deuxu Tyhyhykỹ uritre wade rybeõmy tiu wadeburemy aratximyhỹkeu! Uritre wararytxydỹỹõmy akyaradi!
|
||||
\v 2 Awyhy rabrò mytxitxi waki rỹire; diarỹ ebò utxie rarytxynamy resere.
|
||||
\v 3 Akyara òraruki, sõemy wabinamy watxireri. Waumy ibutumy ibinareri waõbina bina oraruki.
|
||||
\v 4 Diarỹ rexisỹyytxinyreri waòraru òrarunamy; tii boho heka wadee aõ utxiehekỹ roire.
|
||||
\v 5 Wanohõtitxy òraruki, wawotõmona rarònymy kia rasunyreri.
|
||||
\v 6 Diarỹ sõemy wadeywesereri kia rarabunymy watxireri kia txuu iyhykõmy rahinymyhỹre.
|
||||
\v 7 Diarỹ sõemy wabinareri, rubunadi rarureri.
|
||||
\v 8 Ixidi rahõtinyreri sỹymy wadeywese kia wadeòrareri; wawo aõhỹỹmy rytỹỹnyreri, kia diarỹ raohitxinyreri aõ desemy!
|
||||
\v 9 Deuxu, kai teerymyhỹte diarỹ aõmybo reamyhỹremy, kiemy dori taholate ibutumy waohitxi-ò.
|
||||
\v 10 Wawo detilemy resemyhỹre, diarỹ waruruõmy watxireri kia warue-di sỹymy watxireri.
|
||||
\v 11 Wawotõmona òraruki, wabiòwa mahãdu watyy-ò rehemynyrenyõhyymyhỹrenyre. Kia wasỹ mahãdu dorile waribi rexilòhò rarienymyhỹrenyre.
|
||||
\v 12 Kia warubudỹỹmy wadi risỹnymyhỹrenyre uhuariti ridemyhỹrenyre riwamyrenykremy;kia wawotõmodỹỹmy rirỹnymyhỹrenyre wadee aõbinamy rekoamyhỹrenyre kia tahe ixawirenyõhyymyhỹrenyre aõbina widỹỹribi waòludumy.
|
||||
\v 13 Kiaremy diarỹ rexiòtaòtanymyhỹre raholaõmyhỹremy; diarỹ rybedumy aõkõ rexisỹnymy rarybeõ hyymyỹre.
|
||||
\v 14 Kohe, diarỹ heka inyõ ròrawyòdỹỹõmyhỹre wesena rare kiemy dori aõmy waijohonaõna
|
||||
\v 15 Kia ribi tahe diarỹ aratyhynymyhỹre Deuxu; kai heka wa Deuxu tate, bidiwarawyònykre.
|
||||
\v 16 Uritre iwahidỹỹrenyõmy kia waòludu mahãdu rexibedesanyrenyke lau wabederyryna-di; kia uritre wahidỹỹrenyõmy kia reusarenykemy wadeywesenadi.
|
||||
\v 17 Kia dori wariòwysy iòhòreri. Kia waõhỹỹmydỹỹnana rexihuõhyyreri.
|
||||
\v 18 Diarỹ òbitimy rarybemyhỹre waòrarumy, kiemy dori sõemy riwabederyry dỹỹnymyhỹre.
|
||||
\v 19 Kiamy tahe waòludu mahãdu iruruteremy kia idewimy ratximyhỹrenyre, kia sõemy iny mahãdu wamy radònymyhỹrenyre aõ iòraruõmy.
|
||||
\v 20 Kua mahãdu riòwynymyhỹrenyre aõwiwi kia aõbinabina-di kia boho heka waòludurenyre kiemy dori reijemyhỹre aõ awimy ariwinykremy.
|
||||
\v 21 Deuxu tyhyhykỹ, uritre warisiõmykre! Uritre waribi ixilòhò rariedỹỹõmy, wa Deuxu!
|
||||
\v 22 Bidiwawiòhenanykre wiji wahedỹỹdu!
|
||||
\c 39
|
||||
\p
|
||||
\v 1 Diarỹ rarybere: “Ixidi warukimy ararekre timybo aratximuhỹkemy kia wadòròtò riwaòrarunanyõkemy. Kia iny binabina mahãdu rỹimyhỹrenykre wanawana waweruramy, kia waru ariraynyõtyhy. ”
|
||||
\v 2 Rybeõmy watxire, rarybeõhyyre aõmy kia aõwiwi rybe rarybeõlere! Ka waõhỹỹmydỹỹnana ire rabinabinare ixyby.
|
||||
\v 3 Kia wawo sõemy aõhỹỹmy rutỹỹnyre. Kia diarỹ rahõtinymyhỹ wanawana, ire aõhỹỹmy ratỹỹnymyhỹ. Taita reòrarunyre lỹỹraxi:
|
||||
\v 4 “Deuxu tyhyhykỹ, tiwese bedeubo ixyby warumy ararekre? Diarỹ rexieryre rubudu raremy tiubo tahe arurukre?”
|
||||
\v 5 Timybo itxuure wabededỹỹnana wadee tewahinyte! Akoki wabededỹỹnanararoorehenymyhỹre aõ aõkõ rare. Obitiki iny heka yhy debonaõle rare.
|
||||
\v 6 Tii rariamyhỹ kua kuamy ubròrò wesele. Aõ heke aõkõre tii ixidi rarurunyke; ityhyhynana ributunymyhỹre, kiata rieryõmyhỹre mobo idi ratxikre.
|
||||
\v 7 Ka tahe wiji, Deuxu, aõbotahe ariraòkre?wararòsòna heka aki roimyhỹre!
|
||||
\v 8 Biwatake ibutumy waòraru òraru-ribi kia uritre iwahidỹỹrenyõmykre iny itxỹte mahãdu wadi risinyrenykelau.
|
||||
\v 9 Rarybeõre, aõmy rarybeõhyyre kiemy dori kai tuu tiwawinyte aõhỹỹmy arutỹỹnykremy kawesemy.
|
||||
\v 10 Deuxu ixawike wararytxydỹỹ-ribi kiemy dori warubu waòhòreri aòhòtedona-di!
|
||||
\v 11 Kai tiwatxynymyhỹtenyte kia wesemy tahe tiwararytxynymyhỹtenyte waòrunanareny òraruki. Kai tehumyhỹte iròdusõmo wesemy, kua tuu rerinany tyhymyhỹrenyre. Obitiki iny yhy debona rare!
|
||||
\v 12 Deuxu tyhyhykỹ waixitòedỹỹna-ò boholake! Boholake warybe-ò uritre arybedyỹõmy tiu rahinymyhỹreu. Iwese ibutumy wahãỹna mahãdu ahetowo ludu rareurihimyolemy.
|
||||
\v 13 Waribi òtumy beteheke, kia diarỹ urihimyòmy arexibedesanykemy, komy diarỹ arakre kotyremy kia ixyby aratxiõhyykre.
|
||||
\c 40
|
||||
\p
|
||||
\v 1 Reraore aõ òhòkõmy Deuxu tyhyhykỹ wiohedỹỹna.Tiiwarybeò roholare waixitoeòdỹỹna-ò roholare.
|
||||
\v 2 Riwatare hãluu ijò òhãru-ribi, kia behãluu besusu-ribi.Tiiriwasỹnyre bedewityhy-ò manaura tyre-ò kia warirana rimywiwire.
|
||||
\v 3 Tii riwaixinanyre wiutỹmyra-di, kia wiuna wowydyna iny deuxureny-ò. Tiu tuu robirenykreu, ibutumy ruberurenykre Deuxu tyhyhykỹ lau kiata rieryrenykre rityhynyrenykre.
|
||||
\v 4 Bedesawihikỹ rawahire iny Deuxu tyhyhykỹ dee tatyhydỹỹna riwahinymyhỹre, kia su ritxoo deuse hemy raõmyhỹre kia rexibutunyõmyhyre iny mahãdu suritxoo deuse rityhynymyhỹre mahãdu-wana.
|
||||
\v 5 Wa Deuxu tyhyhykỹ, kai inihikỹmy tewinyte aõnaõna wadeereny. Inyõ tiu awyseho aõkõ! Kiasõemy tewinyte aõmysỹdỹỹwihikỹ wadeerenywimy. Diarỹ tuu areakehãre, tiu tureny butumy warybekõna, kiemy dori sõerenyre, tiu idireny arariaõtyhy.
|
||||
\v 6 Kai iròdu iròdumy teaõte xiwenamy kia rỹsỹnamy teaõlete, kia iròdu iròdumy texitòenyõte xiwenamy raobiukemy kia xiwena teijeõte òraruna ratakemy. Kia iribiòtumy kai wadee tewahinyte nohõti aroholakremy.
|
||||
\v 7 Kia iurenana ararawyònyre: “kaa rare; adohodỹỹnana wadee tyyriti ritinaki roire.
|
||||
\v 8 Diarỹ awimy rare aõwiwi ariwinykremy, wa Deuxu! Rerareny arybewiwi wawoki.”
|
||||
\v 9 Deuxu Tyhyhykỹ, aijoi rybe butunaki diarỹ relyyre dohodỹỹnawiwimy kia kai tiwatamyhỹtenytemy. Kia tiwaerymyhỹte tiu arexixawinyõtyhy ijyy-ribi.
|
||||
\v 10 Kia ixide sohoji aõkõ arirarenykre arybe hedỹỹnana. Ikiemy rarybemyhỹreaõwiwimy kia abedeery hedỹỹnanamy. Ibutumy aijoi mahãdu rybe butunaki, kia rybeõmy watxiõhyyre aõwiwihikỹ, inymy terinanymyhỹtemy.
|
||||
\v 11 Deuxu Tyhyhykỹ, diarỹ reeryre tiu, biwariõtyhy awihyymy wade mabekre! Inymy terinanymyhỹte kia aõwiwi ikiemy riwararenymyhỹre.
|
||||
\v 12 Diarỹ rakyrawomy rare sõemy aõnaõna rirasira-di, kia sõemy tiu idi arariõtyhy. Kia waòraru òbitidile òhòte waki rỹire kia aõheweini areteheõhyyre. Kia sõemy waòraru ijõdire waradeti-ribi kia iurenana sõemy waòra rarubureri.
|
||||
\v 13 Deuxu Tyhyhykỹ biwahedỹỹnyke! Biwawiòhenanyke wiji!
|
||||
\v 14 Kia ibutumy rexihurenykre wobrunamy kua mahãdu warubudỹỹmy risỹnyrenyreri! Kia rexiwòrenykre waõhỹỹmydỹỹnana-di!
|
||||
\v 15 Kia rariòwyrenykre aõhỹỹhỹỹmy kia sõemy aõnaõna binabina-di ratxirenykre kia iny mahãdu wadi risinymyhỹrenyre!
|
||||
\v 16 Kia reysamy rabesesarenykre ibutumy taixiwòtena adee riemyhỹrenyre!
|
||||
\v 17 Diarỹ ityhy aõkõ rare kia aõnaonamy ijaradu rare, ka kai tahe wadi aruki atximyhỹte. Kai tiwawiòhenanymyhỹte kia wahedỹỹdu tate; uritre irehemy kõnoõmykre wa Deuxu!
|
||||
\c 41
|
||||
\p
|
||||
\v 1 Awityhyre kua mahãdu iny iaõkõmy rỹimyhỹrenyre riwiòhenanymyhỹrenyre, kia dori Deuxu Tyhyhykỹ riwiòhenanyrenykre tiu airasiramy ratxirenykrebedeu.
|
||||
\v 2 Deuxu idireny tarukikre, kia ibededỹỹnanareny rirarenykre kia tamyreny, bedesana wihikỹ suki.Tii tiu riatyõtyhy iòludu mahãdu debowoki.
|
||||
\v 3 Tiu webinadumy reserenykreu herinaki Deuxu riwiòhenanyrenykre kia tamyreny dewihikỹ ixybyle riwahinykre.
|
||||
\v 4 Diarỹ rarybere:’ Deuxu tyhyhykỹ, òraruna rewinyre aòludumy. Wadi bexiwobrunymy maruxetòeke kia biwateytenyke!”
|
||||
\v 5 Waòludu mahãdureny wamy rarybemyhỹrenyre wabinamy; Tii boho rarybemyhỹrenyre: ’tiubo heka tii rurukre kia rusakremy?”
|
||||
\v 6 Txibo ijõrenyõ kanaka wade itxeremy, kia rybe òbitimy aõkõ kynarybeke kia ihãremy rybe binabina ributunymy wamy rarybekre, kia ròhònykremy wamy relyymy iny witxira witxirako.
|
||||
\v 7 Ibutumy wamy radonymyhỹrenyre, wamy rarybemyhỹrenyre rybewasimy, kia rõhõtinymyhỹrenyre aõbinahãkỹlemy arutỹỹnykremy.
|
||||
\v 8 Myy rarybemyhỹrenyre: ‘ tii sõemy ibinatyhyreri kia ixyby lamamy rỹiõtyhy.”
|
||||
\v 9 Kia wabiòwawityhy, kia diarỹ retyhynymyhỹrehekỹ, kua wahetoki riroximyhỹre, kia tii dorile waòludumy rexirahorere!
|
||||
\v 10 Deuxu Tyhyhykỹ, wadi bexiwobrunyke kia wadee denihikỹ ixyby bidiwahinyke kia diarỹ ariwahinykremy waoludu mahãdu-ò aõmybo riwisỹnymyhỹrenyremy!
|
||||
\v 11 Tii boho wamy rahaỹnanyrenyõkre, kia kawesemy arierykre kia kai inatyhymy tewinytemy.
|
||||
\v 12 Kai biwawiòhenanykre, kia dori rewinyre aõ òbitimy, kia ikiemy biwasỹnykre akihyyle aratxikremy.
|
||||
\v 13 Rybewihikỹ Deuxu dee, Israel Deuxu! Rybewihikỹ wiji kia ikiemy! Kohe kohe!
|
||||
\c 42
|
||||
\p
|
||||
\v 1 Iwese budoè reamyhỹre iwory be-my, iwesemy tule diarỹ reamyhỹre wakihyyle atxikemy, wa Deuxu!
|
||||
\v 2 Diarỹ sõemy awehityy riwasamyhỹre, Deuxu aruhukỹ tate! Tiubo tahe arakre atyyki umy arerinanykremy!
|
||||
\v 3 Rahinymyhỹre txu-my rumy, kia warubetuu heka warỹsỹnare. Waòludu mahãdu ixyby ixyby riwatỹỹraxinymyhỹrenyre:’titxibo adeuxu rare? ”
|
||||
\v 4 Tiu juhuludunamy rahõtinymyhỹre, kia wawo ramytxitximyhỹre. Diarỹ wanohõti reare tiu iny sõemy mahãdu ramyhỹretxi Deuxu heto-ò, diarỹ iny mahãdu-di waruki ramyhỹre, kia ibutumy roimyhỹrenyre rariamy ibutumy rabedesamy, rawiunyrenymy kia Deuxumy rawiunyrenymy.
|
||||
\v 5 Aõherekibo wabederyrymy aõwidỹỹmyõmy watxireri? Diarỹ arilidikre wararòsòna Deuxu-ò kia ihãremy tamy arawiunykre. Tii heka wahedỹỹdu rare kia wa Deuxu.
|
||||
\v 6-7 Wa sỹymy reywesere kia iurenana diarỹ Deuxu-di rahõtinyreri. Iwese bero nihikỹ aybònymy rawodỹỹnymyhỹre, kia iwese bee rejujumyhỹre hermom kia mizar hãwalo-ribi kia tarurumy reamyhỹre Jordão bero-ò, kawesemy heka bewodỹỹ bederyry kia deuxu wadee diteònyde
|
||||
\v 8 Kia tii wadee riteòsinyre, txuu iyhyõmy inymy reòarimy rerinanymy. Rumy heka diarỹ rawiunymyhỹre reàlàmy kia rexitòenymyhỹre Deuxu dee wadeebedewihikỹ riwahinykremy.
|
||||
\v 9 Rỹỹraxire Deuxu dee, waitxesedu: “Aõherekibo kai waribi õhõti rusare? aõherekibo aõhỹỹmy nanatximyhỹde kia waòludu mahãdu aõbinabina òraruki aõkõ”?
|
||||
\v 10 Kia wati dori ramytxitximyhỹre tiu waòludu mahãdu wamy rakyaranymyhỹrenyreu, rỹỹraximyhỹrenyre txuu iyhy-my: “ titxibo a deuxo rare?
|
||||
\v 11 Aõherekibo wabederyrymy aõwidỹỹõmy watxireri? Diarỹ arilidikre wararòsona Deuxu-ò kia iharemy tamy mawiunykre. Tii tahe wahedỹỹdu rare kia wadeuxu.
|
||||
\c 43
|
||||
\p
|
||||
\v 1 Deuxu, marybeke kia diarỹ bedeerỹõ raremy kia wabededỹỹnana birarenyke kia iny mahãdu dudumy kia iny-di rexiwobrunyrenykre aõkõre! Biwahedỹỹnyke roiluumahahureny-ribi kia iny binabina mahãdu-ribi!
|
||||
\v 2 Kai heka waitxesedu wawòtedu tate; aõherekibo twaatyte? Aõherekibo aõhỹỹmy nadutỹỹnymyhyde waòludu mahãdu aõbinabina òraruki aõbo?
|
||||
\v 3 Biditeònyke aloosona kia arybetyhydỹỹna kia tii riwatohonykemy rudi arariakemy kia riwadykemy ixyby Siaõ-ò, ahãwalò tyhy-ò kia aheto-ò tai atximyhỹte.
|
||||
\v 4 Taita Deuxu, diarỹ arakre asỹ-ò kiemy dori kai sõemy wade bedesa tewahinyte wawiuna wodỹỹna ariwodỹỹnykre kia arawiunykre umy arawowydymy, Deuxu, wa Deuxo!
|
||||
\v 5 Aõherekibo wabederyrymy aõwidỹỹõmy watxireri? Diarỹ arilidikre wararosòna Deuxu-ò kia iharemy tamy arawiunykre. Tii heka wahedỹỹdu rare kia waDeuxu.
|
||||
\c 44
|
||||
\p
|
||||
\v 1 Deuxu, diarỹ boho raholarenyre wanohõtireny òbitidi kua wahedỹỹnareny wakoreny relyyrenyre. Diarỹ boho raholarenyre aonaona nihikỹ tewinytemy ibededỹỹnanarenyu juhu bedeu.
|
||||
\v 2 Tii boho relyyrenyre timybo teteònytenyte iny mahãdu ityhydỹỹõ mahãdu kia ijoi mahãdu tehãwadỹỹnytenytemy isurenyki relyyrenyre timybo terarytxynytemy iwitxira hãwa hãwa mahãdu kia ijoi mahãdu tewinytemy takoreny-ò roirenyremy.
|
||||
\v 3 Kia tõnori-di aõkõ tii boho kua suu ixideereny rimyrenyre; teburereny òbitidi aõkõ tiiboho rotarenyre. Tii boho ròtarenyre abedeery nihikỹ-di kia aruru-di, aòderana rỹsỹ-di. Kawesemy kai teteòsinyte kai debona tatemy!
|
||||
\v 4 Kai heka wa Iòlò tate kia wa Deuxu. Kai tewahinymyhỹte tarasana aijoi mahãdu-ò
|
||||
\v 5 Abedeery nihikỹ-di rahaỹnanymyhỹrenyre waòludu mahãdureny-ribi, kia wakireny aatximyhỹte-ribi, waòludureny-ribi ròtamyhỹrenyre.
|
||||
\v 6 Kia wawaxiahãte-di aõkõ rexityhynymyhỹre, kia watõnori-di aõkõ rahaỹnanymyhỹre.
|
||||
\v 7 Kia dori kai tiwahedỹỹnymyhỹte waòludu mahãdu-ribi kia ròtamyhỹre kua mahãdu wamy radònymyhỹrenyre-ribi.
|
||||
\v 8 Diarỹ umy arawowydyrenykre txuu iyhyõmy; diarỹ boho umy areàlàrenykre ikiemy.
|
||||
\v 9 Ka wiji tahe, Deuxu, kai tiwaatytenyte kia tiwawahinytenyte arejujurenykremy. Kia teteònyõhyyte wasodadureny rawounykremy.
|
||||
\v 10 Kai tiwawinytenyte waòludureny-ribi arexiworenykremy; tii boho riwymy ròirenyre ibutumy waõnaonareny.
|
||||
\v 11 Kai wadireny atxite iwese budoeni tarubunaò ramyhỹre wesemy kia tiwauberanymyhỹtenyte hãwahãwa witxira witxiramy.
|
||||
\v 12 Iòwyriòremy tahonymyhỹte aijoi obitidile, iwese txibo tii iòwy yja wesele
|
||||
\v 13 Iny mahãdu wabirerenyludu, retehemyhỹrenyre aõbo wadeereny tewinymyhỹte-di, kia wadireny risinymy ratximyhỹrenyre.
|
||||
\v 14 Kai tiwasỹnytenyte wadireny iwitxira hãwadu risinyrenykremy; iwitxira iny mahãdu wakireny rutxuenymyhỹre.
|
||||
\v 15 Diarỹ ikiemy ixitòedỹỹduki watxireri kia ixỹrudi sõemy rexihetynymy.
|
||||
\v 16 Raholamy ixidi alisina-ò kia wamy raryberenyreri kia rõhõtinyrenyreri wadee rexiowynyrenykremy.
|
||||
\v 17 Kia ibutumy tuu ratỹỹnyrenyre, kiaremy diarỹ boho aribi wanõhõtireny rusarenyõhyyre kia warybereny ratyre rahònyrenyõre, kia aijoireny-ò tewinyte.
|
||||
\v 18 Diarỹ boho arybe ratyre ibina ariwinyrenyke aõkõre adee kia arybe wahidỹỹna aritxiõnyrenyke aõkõre.
|
||||
\v 19 Kiaremy kai tiwaatytenyte iròdu iròdu debure ykytxi kia tiwaritenyte bedeluru sỹytxi.
|
||||
\v 20 Txibo diarỹ boho aririrenykeki wa Deuxu renymy derina kia arexitòenyrenymy iwitxira deuse dee.
|
||||
\v 21 Kia ibutumy òbitimy kai biwaerybenyke kiemy dori teeryte iny sohoji sohoji wasimy rõhõtinymyhỹrenyre.
|
||||
\v 22 Kia txuu iyhyõmy diarỹ boho rarurenyreri aiòraruki, diarỹ boho watxirenyreri iwese budoeni tarubunareny-ò roimyhỹrenyre wese.
|
||||
\v 23 Bexixake Deuxu! Aõherekibo tarõteri? Mynyike! Uritre waatysyrenyõmyke ikiemy!
|
||||
\v 24 Aõherekibo walaureny texiwoteri? Aõherekibo õhõti rusara waõhỹỹmydỹỹnanareny-ribi!
|
||||
\v 25 Diarỹ boho reyweserenyre, su-ò areserenykremy, diarỹ boho rejujurenyre, suỹnysi-ò rejujurenyre.
|
||||
\v 26 Mynyike kia biwawiòhenanybenyke! Biwahedỹỹnybenyke inymy terinanymyhỹte orarumy!
|
||||
\c 45
|
||||
\p
|
||||
\v 1 Rybe ruxera wa tedesu ritỹxinyre iwyna-wyna kaa wiu ariritinykre iòlò dee. Wa dorotò heka tyyritidu wi wesena rare.
|
||||
\v 2 Iòlò heka iruxeratyhyre ibutu hãbumahãdu-ribi kia rybe ruxera widỹỹ rieryre. Deuxu ikiemy tarybewiwihikỹ tamy riwahinyre
|
||||
\v 3 Tõnõri tarexiàti-ò ritidire, iòlò inidehedehere, inihikỹre kia awityhyre!
|
||||
\v 4 Bedewiwi-di rexihetynyre, tii reamyhỹre ròtakremy, kia òbitimy tyhymy aõ riijemyhỹre. Iruru heka rimykre inihikỹmy ròtakre.
|
||||
\v 5 Iwyhy heka txuràdese kia ralòmyhỹre iòludureny tedesu-txi; kia hãwadu mahãdu rariòwymyhỹrenyre iòrawo-ò.
|
||||
\v 6 - Deuxu bededỹỹnana adee rawahire kaa ikiemy rarekre. Iòlò taijoi riwedunykre obitityhymy.
|
||||
\v 7 Tii rerinanyre aõwimy kia rikyaranyre aõbina. Iurenana Deuxu, a Deuxu ritare kia ityre ritxiwire awityhytyhy iwitxira Iòlò-ribi.
|
||||
\v 8 Ityy heka tỹnyrewityhyre aderòna ribi. Wiudu mahãdu heka tamy rowodỹỹmyhỹre kia iaõmysỹdỹỹna heto marfim-di riixi ywidỹỹnanyre.
|
||||
\v 9 Kia ijadòòma ykyki, iryna ruruweribi weduhukỹ riore runyre kia ihyyre weribiki hawyky weduhukỹ runyre, kia manarỹsỹtyhy riuhemy.
|
||||
\v 10 Iòlò rana boholakre aõmybo ararybekre-ò: “ Aijoi-ribi õhõti rusake kia asỹreny-ribi õhõti rusakre.”
|
||||
\v 11 Kai aruxerare, kia iurenana iòlò arauhekre. Tii heka rare kia kai irybe bityhynykre.
|
||||
\v 12 Iny mahãdu Tiro hawa ludu adee idiwydenykre aõnaõna adee; sõemy iny ityy mahãdu aõnaõna adee; riwahinykre.
|
||||
\v 13 weduhukỹ riore heka weduhukỹ aõmysỹdỹỹna hetoki ratxireri timywe tii iruxerare! Ityy heka mana rỹsỹ esidi rauridỹỹre.
|
||||
\v 14 Ityy iyriyrimy kia iheludu iheki, kia weduhukỹ riore radyre weduhukỹ-ò.
|
||||
\v 15 Kia awimy ibedesamy tii boho rehemynyrenyre kia ralòrenyre Iòlò heto-ò.
|
||||
\v 16 Wamy, waiòlò, sõemy arióre ijõdikre, kia ahãỹnareny benykre ibutumy suu.
|
||||
\v 17 Wa wiunaarawinykre ani ikiemy itxi nõhõti reamy rarekre, kia ibutumy rawiunykre ikiemy.
|
||||
\c 46
|
||||
\p
|
||||
\v 1 Deuxu heka waixiwòtenareny rare kia warurureny hedỹỹna wakireny rasiranyõhyymyhỹre aõhỹỹmy ratỹỹnymyhỹrenyre-wana.
|
||||
\v 2 Iurenana wabrebureny ihoõre, kia suu ibrebunadi-my roimyhỹre hãre, kia hawalò mahãdu rejujumyhỹrenyre bero nihikỹ sỹywotxi;
|
||||
\v 3 Wabrebureny ihoõre, kia ihãremy bero nihikỹ mahãdu raybònymy rỹireri kia rawodỹỹnymy, kia hawalò mahãdu ramytàtàrenyreri inihikỹnymy.
|
||||
\v 4 Beroõ ribedesadỹỹnyrenyre Deuxu hãwã, Deuxu heto tyhydỹỹna rerienihikỹ.
|
||||
\v 5 Deuxu heka ka hawaki ratximyhỹre, kia tiu tii rexihuõtyhy; biurasò rudiu Deuxu riwiohenanyke.
|
||||
\v 6 Hãwadu mahãdu werymy rekoamyhỹrenyre, kia iòlòreny rawohitxi hitximyhỹrenyre. Deuxu rabiumytanymyhỹre, kia suu tahe ribinanymyhỹre.
|
||||
\v 7 Deuxu ibutumy tanidehe-wana iny weribirenyki ratxireri; Ijaò Deuxu iny ixiwòtenareny rare.
|
||||
\v 8 Bodoidenyke, betehebenyini aõbo Deuxu Tyhyhykỹ riwinyre-di! Betehebenyini aõnaõna brenahãkỹ Deuxu riwinyre suki.
|
||||
\v 9 Tii rahure woudu mahãdu ibutumy hãwa hãwamy rỹimyhỹre; iwaxiahãtereny rikorore, itõnõrireny riyreyrenyre kia; heòtyreny ixiwòtena rihurenyre.
|
||||
\v 10 Tii raybere: “Ixawirenyke ijesu-ribi kia bede bierybenyke kia diarỹ Deuxu raremy; diarỹ hãwa hãwa Iòlò rare; kia ibutumy suu remymyhỹre.”
|
||||
\v 11 Deuxu ibutumy tanidehe-wana iny weribireny-ki ratxireri; Ijaò Deuxu iny ixiwòtenareny rare.
|
||||
\c 47
|
||||
\p
|
||||
\v 1 Eboreny bihetehetenybenyke bedesamy, ibutumy iny mahãdureny!mawiunybenyke mawowydybenymy Deuxu dee abytoreny binihikỹdỹỹnyrenymy!
|
||||
\v 2 Kia dori Deuxu tyhyhykỹ irariehekỹ aõhewana berebuna; tii heka Iòlò nihikỹ rare kia ibutumy hãwa hawã bede bede riwedunymyhỹre.
|
||||
\v 3 Deuxu riwawinyrenyre iwitxi iny mahãdu-ribi ròtarenyre; tii riwasỹrenyre hãwa hãwa bedebede ariwedunyrenykremy.
|
||||
\v 4 Tii suu wadeereny riwahiny tai wahamyhỹrenyreki, suu heka taijoirenymy rawowydyre, momybo tii rerinanymyhỹre.
|
||||
\v 5 Deuxu raòwònymy rare tarynana-ò.Tii raòwònyre wanawana, rabedesamy ryrymy rỹimyhỹ kia wiuna wodỹỹna rawod;yỹnymyhỹ.
|
||||
\v 6 Mawiunybenyke mawowydybenymy Deuxu dee! Mawiunybenyke mawowydybenymy imy Iòlòreny-ò!
|
||||
\v 7 Mawowydybenyke Deuxu dee wiuna-di, kia dori tii ibutu hãwa hãwa Iòlò rare!
|
||||
\v 8 Deuxu rỹmy runyreri tarynana wihikỹki; tii riwedunymyhỹre ibutumy hãwa hãwa.
|
||||
\v 9 Kia riwedunymyhỹre iny mãhadu ributunymyhỹre Abraõ Deuxu iny mahãdu wana, kia dori sunidehedehe Deuxu hõrõ rare.Tii rimymyhỹre ibutumy.
|
||||
\c 48
|
||||
\p
|
||||
\v 1 Deuxu tyhyhykỹ inihikỹre kia tahãwaki tuu wowydyna rỹimyhyre Siaõ-ki, ta hãwalò wihikỹki
|
||||
\v 2 Deuxu hãwalò irariere kia iruxerare; Iòlò nihikỹ hãwa heka bedesanahãkỹ rare ibutumy hãwa hãwa.
|
||||
\v 3 Deuxu riteòsinyre kia tii iny mahãdu dee raresena riwahinyremy, kia hãwa ruruterewoki.
|
||||
\v 4 Iòlò mahãdu rexibutunyrenyre kia butumy doidenyde Siaõ hãwalò rihurenykremy.
|
||||
\v 5 Kia hãwamy robirenyreu, bede riòtiinyrenyre kia wylemy rexiwòrenyre brebumy.
|
||||
\v 6 Tii boho aõhỹỹmy werymy rekoarenyre iwese hãwyyuladu ribi reakre kotyre ramytxitximyhỹre wesemy.
|
||||
\v 7 Iwese bera heòty juraludu mahãdu yhy debure remyhỹre wesemy.
|
||||
\v 8 Diarỹ boho raholarenyre Deuxu Tyhyhykỹ riwinyremy ka wiji tahe iny boho robirenyra aõbo rutỹỹnyramy iny Deuxureny hãwaki. Ibutumy inidehedehemy. Tii rirarenykre hãwa rimywiwimy ikiemy.
|
||||
\v 9 Abedeki Deuxu, diarỹ boho rahõtinymyhỹreny aaõnamy derinanamy.
|
||||
\v 10 Kia heka ibutumy iny mahãdu umy rawowydymyhỹre, kia animy ijyy wiwi ibutumy sumy roberare. Kai tewedunymyhỹte òbitihikỹmy.
|
||||
\v 11 Beysabenyke Jerusalem iny mahãdu! Deuxu, iny sohoji sohoji òbitimy ritakre! Kia-di mabedesabenykre Juda hãwa hãwa!
|
||||
\v 12 Deuxu iny mahãdu, mariabenykeJerusalemweruramy kiata itòreny-di mariabenyke.
|
||||
\v 13 Ibutumy betehebenyke ywimy adobo-di iweruramy rỹireri kiata biebenyke irurureny. Kawesemy tahe kai boho marybebenykre arioreriore mahãdureny-ò.
|
||||
\v 14 Kaa Deuxu wadeuxu reny rare ikiemy tii inydireny retehemy rarekre tiiemy.
|
||||
\c 49
|
||||
\p
|
||||
\v 1 Iny mahãdu, tamy boholawibenyke! Boholabenyke,ibutumy hãwaki hãwadu mahãdu,
|
||||
\v 2 iny mahãdu rexityhynymyhỹrenyre kia iny mahãdu tỹkỹkõmy irybeõmy rỹimyhỹre mahãdu kia iny mahãdu iaõdimy ityhymy rỹimyhỹre kia iny mahãdu iaõkõmy rỹimyhỹre mãhadu.
|
||||
\v 3 Wanohõtinana heka sỹymy rỹire; bedeerymy ararybekre.
|
||||
\v 4 Kia sõemy arõhõtinykre proverbio-di kiata ariòbitinykre wiuna ariwodỹỹnymy.
|
||||
\v 5 Kia bede wadee iòharumyhỹre bedeu, tiu waòludu mahãdu binahãkỹ riwakyrawonymyhỹrenyreu, kia raberuõhyymyhỹre.
|
||||
\v 6 Tii boho taityhynareny-ò rexityhynymyhỹrenyre kiata tatyhynareny sõedi rexityhynymyhỹrenyre,
|
||||
\v 7 ka tiu inyõ rexihedỹỹnyõtyhy kia Deuxu riòwynykemy tahenana.
|
||||
\v 8 Kiemy dori nieru ihoõre iny henana riòwynykemy. Kia sõemy nieru iny ijõdike harele,
|
||||
\v 9 Kia tiu iny bededỹỹnana riwahinyõtyhy ruruõkemy kia tiu ikiemy rareõtyhy.
|
||||
\v 10 Ibutumy iny mahãdu retehemyhỹre, kia iny bedeery mahãdu dorile rurumyhỹrenyre, kia iny itxỹte mahãdu inyki ixiradu mahãdu rurule myhỹrenyre. Kia ibutumy taityhynareny ririmyhỹrenyre iny witxira-ò.
|
||||
\v 11 Kia iwabedereny heka ihetoreny rare, kia tai tahe tii boho ikiemy ratximyhỹrenyre, kia ihãremy sõemy sudi ratximyhỹrenyre.
|
||||
\v 12 Kia iny txibo ibutu tyhydỹỹnamy ratxikehãrele, tiu ikiemy ratxiõtyhy; iwese iròdu iròdu wesele tii rurumyhỹre.
|
||||
\v 13 Betehebenyini aõhebo rutỹỹnymyhỹrenyredi kia iny mahãdu ixiòbitimy rexityhynymyhỹre-di; betehebenyini kua mahãdu konanareny-di awimy rỹimyhỹrenyredi taityhynareny-di.
|
||||
\v 14 Iwedureny rubu ridyrenyre kia raywidỹỹrenyre rururenykremy iwese budoeni rurumyhỹre wesemy. Rudiu iny òbitimy rỹimyhỹrenyre ròtarenykre kia iumyreny rasurasunyrenykre rubu mahãdu bedeki, irehemy tahetorenyribi.
|
||||
\v 15 Kiaremy Deuxu riwatakre rubu debowo-ribi, kiemy dori tii ixidee riwamykre.
|
||||
\v 16 Uritre nõhõtiyrerenyõmy tiu inyõ ityhymy runymyhỹreu, kia iaõnaõna ranihikỹmy ramyhỹre.
|
||||
\v 17 Kia tiu tii rurukreu, kia aõ riwyõtyhy; kia iityhyna ihemy raõtyhy ihãluu-ò.
|
||||
\v 18 Kia ihãremy ratximyhỹre reysamy tabededỹỹnana-di kia rybe awimy tamy ròhònymyhỹre,
|
||||
\v 19 Kia rubu bedeki rakre rexibutunykremy tahãỹna mahãdureny-wana. Tai bedeluru ikiemy rỹirakre.
|
||||
\v 20 Iny ibutu tyhydỹỹnamy ratxike hãrele rubu ribi rahenyõtyhy; iwese iròdu iròdu tii tule ruruke.
|
||||
\c 50
|
||||
\p
|
||||
\v 1 Deuxu, Deuxu Tyhyhykỹ marybekre ibutumy hãwa hãwamy bedebedemy sỹdu mahãdu-ò ijõwebro-ò.
|
||||
\v 2 Deuxu heka rarỹsỹ nymyhỹre Jerusalem-ribi, hãwa wihikỹ ruxera.
|
||||
\v 3 Iny Deuxu reny rehemynyreri, kiaremy ywimy tehemysỹõna. Heòtyõ iny huduhudu ikomy rakre, kia iweruramy yhy debure nihikỹ rakre.
|
||||
\v 4 Tii ryrykre biu wetyy-ò kia su-ò kia iwese itxeredumy kia retehekremy motyhytyhy taijoimy ritakre-ò itxeremy.
|
||||
\v 5 Tii rarybere: “Bibutuny kua mahãdu wade rybewiwi riwinyrenyre, kia iwese teòsinamy xiwena wadee riwahinyrenyre”
|
||||
\v 6 Biuwetyy rarybere kia Deuxu òbitimy nodutyhy rare kia tii òbitile rierykre mobo ritakremy taijoimy.
|
||||
\v 7 “Boholabenyke, waijoireny aõmybo ararybekre-ò. Diarỹ adireny itxeredumykre aòludurenymy, Israel iny mahãdu. Diarỹ Deuxu rare.”
|
||||
\v 8 Kia ixyby arirarutxynyõkre xiwena òraru kia aõnaõnawiwi kai boho ikiemy wadee tewymyhỹtenyte.
|
||||
\v 9 Kiaremy diary reaõre broreni hãbu aoworurenyludumy kia abudoeni renymy reaõlere.
|
||||
\v 10 Kia dori iròdu iròdu bederahymy rỹimyhỹre wanõhõ rare kia tule sõemy broreni roberamy rỹimyhyre hãwalò-my.
|
||||
\v 11 Kia ibutumy wanõhõ rare nawii nawii kia ibutumy syraromy rỹimyhyre.
|
||||
\v 12 Txibo diary rama riwasakeki; kia adeereny aõmy arexitòenyõtyhy, kia dori bede bedewahõrõ rare kia ibutumy aõ tuu rỹimyhyre.
|
||||
\v 13 Kiaremy aõ brorenide ròmy da budoeni hãlubu momomy aõbo reamyhỹre?
|
||||
\v 14 Kia aõwimy kai boho tewinymyhỹtenyte xiwena Deuxu dee, kia kai boho tewahinymyhỹtenyte Deuxu rariehekỹ dee ibutumy kua-my rarybere.
|
||||
\v 15 Txibo wadee byrybenykeki aõsirasira txu bedeu, diarỹ aratarenykre, kia kai boho tahe wamy mawowydybenykre:”
|
||||
\v 16 Kiaremy Deuxu rarybere iny itxỹte mahãdu-ò “kia timybo kai boho òbitimy warybe wahidỹỹnamy marybebenyke kia warybe widỹỹnamy marybebenyke?
|
||||
\v 17 Kai boho wadohodỹỹna dreamy tekoamyhỹtenyte kia warybe wahidỹỹna dera-my teamyhytenyte.
|
||||
\v 18 Txibo wasidu-txi bekoabenykeki kai boho ibiowamy belebenyke; kia biriranybenyke iny hãbumy hãwyymy tekoamyhyrenyre-wana
|
||||
\v 19 Kai boho ikiemy texiywinymy atximyhỹtenyte inywitxira aõnaõnamy marybebenykremy kia tule iny bibòny benykremy.
|
||||
\v 20 Kia ikiemy tarybemyhỹtenyte aseriòrereny òludumy kia tarybemyhỹtenyte roilemy tureny.
|
||||
\v 21 Kai boho tewinytenyte kaa aõnaõna, kia diary tahe rybeõlemy watxire; iurenana tahõtinytenyte kia, diary awewereny raremy. Kiaremy wiji arararytxynyrenykre; adeereny ariteòsinykre aõbo ibinamy tewinytenyte”
|
||||
\v 22 Kai boho kia waribi õhõtireny rusara, kadi mohõtinywibenyke kia diary arihuõkremy. Kia inyõ aõwaxina arahedỹỹnyrenyõtyhy.
|
||||
\v 23 Kua wadee xiwena diwymyhỹde, kaa wamy rerinanymyhỹre. Kia diarỹ arihedỹỹnykre ibutumy kia rariamyhỹrenyrewarymy.
|
||||
\c 51
|
||||
\p
|
||||
\v 1 Deuxu wadi bexiwobrunyke ainymy derinana òrarumy! Waha bisuhòke ibutumy aõnaõna binabina kia waribi waòraru bisuhòke.
|
||||
\v 2 Ibutumy bisuhòsuhòke waòrarunana kia biixawidỹỹnyke waòraru.
|
||||
\v 3 Kia dori diarỹ reerywiwi aõbo òbitimy aõkõ rewinyre, kia waòraru sõe ikiemy wakokihyky rỹire
|
||||
\v 4 Oraruna rewinyra aòludumy-aòludu sohojilemy kia, rewinyre aõbo riwaojinyre. Diarỹ reeryre atarasana bededỹỹnanaki wabededỹỹnanamy òbitimy biwinykre kia dori reeryre òbitimy biwinykre biwararytxynykre.
|
||||
\v 5 Inatyhymy wabinahyyre uladu ruareuhyyle; kia uladumy reauhyyle orarudumy rare.
|
||||
\v 6 Aõmybo teateri kia atedesu òbitimy teateri; watedesu bitỹxinyke abedeerydi.
|
||||
\v 7 Waribi waòraru bitake, kia ta walyramy aratxikre; biwasuhòke, kia waurahãkỹmy ararekremy biuwetyyura ratyre waura.
|
||||
\v 8 Biwawinyke ixyby aroholakemy deysana wodỹỹ-ò kia awityhymy; kai watyre rariarenyre riwakrorenyre hare, diary wadeysa ixyby aratxikre.
|
||||
\v 9 Bitxynyke iruereny kia waòrarudi reteherenyõkremy kia ibutumy waaõbinabina bihuke.
|
||||
\v 10 Deuxu, waki biumydỹỹnyke tedesu sohojiõ ixisohoji tyhymy kia wade biwahiny tyytyby tỹmyra wihikỹ.
|
||||
\v 11 Uritre ixiribi wateòdỹỹõmyke uritre waribi itarasaõmy atyytyby.
|
||||
\v 12 Wadee ixyby bidiwahinyke abedesana tarasana kiata bisỹnyke watyytyby òbitimy ratxikemy.
|
||||
\v 13 Taita aritohonyrenykre òrarudu mahãdu arybedi ijohona, kiata tii boho adee rooserenyke.
|
||||
\v 14 Deuxu, wahedỹỹdu, rubu-ribi biwatake, kia bedesamy diary ararybekre aaõwiwi òbitimy.
|
||||
\v 15 Wnyrỹ bilidike rybe òbiti warywo-ò, kia diary umy arawowydykre.
|
||||
\v 16 Kai leaõle kia diary xiwena adee ariwahinykemy; kai awimy tahaõte xiwena raobiumyhỹre umyderinamy.
|
||||
\v 17 Deuxu, waxiwena heka tyytyby inytyhy rare; kai teramy beaker tedesu inytyhy òbitina.
|
||||
\v 18 Deuxu aaõwiwihw-ribi Jerusalem tewiohenanyte kia ixybyle tewinyte iweti.
|
||||
\v 19 Taita tamy beobykre xiwena arybe mynamyna rawahidỹỹkre.Tule tamy beòbylekre ibutumy xiwena raobiukre umy derinamy, kia broreni tỹmyra rawahikre aobiutonaki.
|
||||
\c 52
|
||||
\p
|
||||
\v 1 Hãbu nidehedehe, aõ hereribo kai texityhyde aõbinabina? Deuxu derinana heka ikiemy rỹire.
|
||||
\v 2 Kai heka bede teywinymyhỹte iny witxira mahãdu mahukremy; adoroto heka tyyrurena wese txuràdese kia ikiemy roilemy aõmy rarybemyhỹre
|
||||
\v 3 Kai heka aõnaõna wiwi-ribi roimy rybe adeewire kia òbitimy marybe-ribi.
|
||||
\v 4 Roilukuhukỹ, kai heka teòarite iny witxira wotõmydỹỹmy arybedi?
|
||||
\v 5 Iurenana Deuxu arasurusurunykre ikiemy; tii aramykre ki adi rehukre aheto-ribi ahãna-ò. Deuxu aratakre suu irumy rỹire-ribi.
|
||||
\v 6 Iny òbitimy nodu mahãdu umy robirenykre kia ruberurenykre; kia aki rutxuenyrenykre, raryberenymy:
|
||||
\v 7 “Betehebenyini hãbuõ rityhynyõmy raremyhỹ Deuxu ixiwòtena. Iribiòtumy tii tatyhydỹỹna rityhynymy raremyhỹ kia ixiitxesena riemy raemyhỹ taaõbinabina òbitiòle!”
|
||||
\v 8 Kiaremy diarỹ heka Oliveira lỹre wesena rare kia raumynymy ramyhỹre Deuxu heto bireki; diarỹ ikiemy retyhynymyhỹre iaõna aõnamy derinamy.
|
||||
\v 9 Deuxu, diarỹ ikiemy umy rawowydymy watximyhỹre aõnaõna tewinyte òraruki. Aijoi mahãdu ruki ararybekre kai inywihikỹtatemy.
|
||||
\rem dat 2008
|
||||
\c 53
|
||||
\p
|
||||
\v 1 Iny itxỹte mahãdu myỹ rõhõtinymyhỹrenyre; Deuxu ihõre. Ibutumy aõòtaòtamy rexirahòrerenyre kia aõnaõna bina riwinyõhyymyhỹre.
|
||||
\v 2 Kua biu-ribi Deuxu retehemyhỹre ibutumy iny iny-idi kia rierykremy txibo mobo iinytyhy ijõdiremy, txibo ijõdiremy inyõ txuu rerinanymy.
|
||||
\v 3 Ka ibutumy rexiwirareanyre ry òbiti-ribi kia wiweselehekỹrenyre iitxỹtereny.
|
||||
\v 4 Deuxu rỹỹraxire; kia aõbo ibutumy kaa iny mahãdu aõ aõbo rieryõrenyre? Kia inyõ òbitimy aõbo ibedeeryõrenyre? Kia ibutumy dori tii boho urile waijoi mahãdu-my rarỹỹmyhỹre, kia iwese txibo aõbinamy rỹimyhỹre wesemy.
|
||||
\v 5 Ka tii boho tahe brebumy ramytatarenykre kia tiu aõ ihoõkrehãrele. Kiemy dori Deuxu riuberanykre ioludu mahãdutireny; kia riwinykre itrereny resekremy aõhỹỹmydỹỹnana kiemy dori rieryrenyõkemyreri.
|
||||
\v 6 Dexu weribi-ò Jeruselem-ribi bedỹỹna kanakre Israel iny mahãdu-ò! Timybo rabedesarenyire kia rexiwoydesanyrenykre Ijaò rioreriore boho tiu Deuxu riwinykre ixyby riraòrenykremy!
|
||||
\c 54
|
||||
\p
|
||||
\v 1 Deuxu, biwahedỹỹnyke anidehedeheni-my; biwatake aruruterehekỹ-di!
|
||||
\v 2 Boholake, Deuxu waixitòedỹỹna-ò kia boholake waryberabro-ò!
|
||||
\v 3 kia iny rexityhytyhynymyhỹre mahãdu dori rehemynyrenyreri wahudumy kia iny debure mahãdu dori warubudỹỹmy wi risỹnyrenyreri; kaa iny mahãdu hrka Deuxu-di rõhõtinyreõmyhỹre.
|
||||
\v 4 Diarỹ reryre kia Deuxu riwawiòhenanyre; kia reeryre tii riwaijemyhỹre.
|
||||
\v 5 Deuxu riwinykre kia waòludu mahãdu aõnaõna binabina iòludureny òbitilemy kanakre.Deuxu heka òbitimy nodurare kia iurenana rahurenykre.
|
||||
\v 6 Deuxu tyhyhykỹ, ixidewimy diarỹxiwena adee ariwahinykre; diarỹ umy ararybewiwikre kiemy dori awire.
|
||||
\v 7 Kai tiwatate ibutumy waõhỹỹmydỹỹnana-ribi, kia diarỹ rabire waòludu mahãdu rabòdurenyremy.
|
||||
\c 55
|
||||
\p
|
||||
\v 1 Deuxu, boholake waixitòedỹỹna-ò!Uritre waixitòena risiõmyke!
|
||||
\v 2 Boholake wade kia biwarawyònyke! Wabederyry riwawahinyõre arexielehynykemy.
|
||||
\v 3 Diarỹ wawojeijeimy rare reburerenyreri, kiainy itxỹte mahãdu wahewomy rekoarenyreri.Tii boho renihikỹdỹỹnyrenyrewaõhỹỹ; wamy radònyrenyreri kia wamy raoinanyrenyre.
|
||||
\v 4 Wadedesỹ sõemy rỹximy roireri brebu-di, kia rubu brebu watyre resereri.
|
||||
\v 5 Brebu binahãkỹmy watxireri kia ramytatareri kia brebu wamy rahỹỹnanyreri;
|
||||
\v 6 Taita diarỹ rarybere; ah, txibo diarỹ waderatyti ijõdi keki bytòe wesemy, kia aruake tibedeõtxi arexielehynykemy!
|
||||
\v 7 Arexiwoke irehetyhy-òkia bederoki arahãwanyke.
|
||||
\v 8 Kia wyemy arieke bedewityhy arexiwòkemy yhy-ribi kia yhydebure-ribi.
|
||||
\v 9 WaDeuxu, mahuke kaa iny mahãdu bededỹỹnana kia binabinanyke irybereny, kiemy dori rabire bedejeije-my kia aõnaõna binabina cidade hãwaki.
|
||||
\v 10 Txumy kia rumy tii boho ririranymyhỹrenyre hetoweijàtimy, cidade hãwa weruramy; tii sõemy tỹximy rubuna-di kia aõnaõnabina-di ratxire.
|
||||
\v 11 Kia ibutumy bede bede ixihuduna rỹire, kia aõnaaõna ijohona heto mahãdu tỹximy bedebinabina-di rỹire kia òtimy aõkõ.
|
||||
\v 12 Kia waòludu aõkõ wadi risinymyhỹ; txibo tiikeki, diarỹ ariòludunyke; kia waijesuwy-ò aõkõ waderamy reamyhỹre, kia dori diarỹ ilau arexiwoke.
|
||||
\v 13 Kiaremy kai hyhy tate, wabiòwa, waliina kia wabiòwa tyhy!
|
||||
\v 14 Iny butumy ramyhỹre rykerinanyrenykremy iny mahãdu-wana Deuxu rybena heto-ò kia iny widee rarybemyhỹreny ibutumy awityhytyhymy.
|
||||
\v 15 Kia rubu ramyhỹre isitereribile waòludureny tyrereny; kia tii boho reserenyre irurenymy rubu bedereny-ò! Kiemy dori aõnaõna bina ihetorenyki ratxirenyre kia itedesỹrenywoki.
|
||||
\v 16 Ka diarỹ tahe rahinyre Deuxu tyhyhykỹ dee wiòhedỹỹnamy rexitòenymy, kia tii riwahedỹỹnyre.
|
||||
\v 17 Rudi txutyemy kia rumy, diarỹ rahinyre kia rexisamyhỹre, kia tii wade rohore.
|
||||
\v 18 Tii ixybyle diwadymyhỹde wouna-ribi kiata rahenymyhỹre, kia waòludu mahãdu sõehãrele.
|
||||
\v 19 Deuxu heka wedu nihikỹ kia rare tuhyy ratximyhỹre wade roholamyhỹre kia ròbòdudỹỹmyhỹre.Kia doritii boho tabededỹỹnaremy riwitxiranyõkemy ratximyhỹrenyre kia ruberuõ hyymyhỹre Deuxu lau.
|
||||
\v 20 Wabiòwa ehetxina rihure tabiòwareny òbitimy kia rirere tuu riwinykremy rarybere tamyreny.
|
||||
\v 21 Irybereny heka iixityhyre manteiga ratyremy, ka itedesyrenyki tahe ehekyaranaroimyhỹre. Irybereny tỹnyrewityhyre azeite ratyre, kiata rikròmyhỹrenyre tõnori juràdese wesemy.
|
||||
\v 22 Biwanyke aaõna binabina Deuxu tyhyhykỹ dee, kia tii tahe arawiòhenanykre; tii tiu ririõtyhy inyõ òbitimy rỹira reywesekemy.
|
||||
\v 23 Ka kai Deuxu, behukre haluuroro sỹy-txi kua mahãdu aleerudu kia roidu mahãdu; tii boho rhemynyrenyõkre tabededỹỹnanareny wetya-ò. Diarỹ, kiaremy aratyhynykre.
|
||||
\c 56
|
||||
\p
|
||||
\v 1 Wadi maruxetòeke, Deuxu, kiemy dori diarỹ wamy òhòte riroxireri! Waòludu mahãdu ikiemy wahemy ririranyrenyreri;
|
||||
\v 2 Txuu iyhyõmy tii boho wamy raohòtemyhỹrenyre; kia sõenyre kia waòludumy resumyhỹrenyre;
|
||||
\v 3 Tiu raberumyhyõmy tii boho wamy kai aratyhynymyhỹre.
|
||||
\v 4 Deuxu retyhynymhỹre kia tuu reryberemy rawowydymyhỹre; retyhynymyhỹre.Aõbo tahe aõwaxina riwainyke ijoreny?
|
||||
\v 5 Waòludu mahãdu aõhỹỹhỹỹ-my riwasỹnymyhỹrenyre txuu iyhyõmy; kia rohõtinymyhỹrenyre waõhỹỹmydỹỹnanalemy.
|
||||
\v 6 Tii boho rexibutunymyhỹrenyre bede wesiki, kia retehemyhỹrenyre aõbo rewinyreri-ridi kia riwaraòmyhỹrenyre riwarubunyrenykremy.
|
||||
\v 7 Deuxu, birarytxynyke kaa iny mahãdu iaõnaõna-renybina òrarumy! Beruke kaa iny mahãdu-di adeburehekỹ-di!
|
||||
\v 8 Kai teeryte timybo aõhỹỹhỹỹmy raremy, kia dori rariare ibutumy warube tyy-di. Kia aõbo warube raritimy roiõmyhỹre atyyritiki?
|
||||
\v 9 Tii diarỹ arexitòenykreu awiòhedỹỹnamy,waòludu mahãdu rexiworenykre. Aõ sohoji diarỹ reeryre. Deuxu wawana ratxire.
|
||||
\v 10 Diarỹ rawydymyhỹre aõbo relekremy Deuxu tyhyhykỹ raryberemy.
|
||||
\v 11 Retyhynymyhỹre kia aõ lau raberuõmyhỹre. Aõbo tahe aõwaxina riwawinyke ijõreny.
|
||||
\v 12 Deuxu, diarỹ adee ariwahinykre aõmybo adee rarybere; diarỹ adee ariwahinykre waxiwena wowydyna.
|
||||
\v 13 Kiemy dori tiwahedỹỹnyte rubu-ribi kia wouna-ribi riwahedỹỹnyre. Kawesemy tahe diarỹ ikiemy retyhynymyhỹre Deuxu kia rariamyhỹre bededỹỹnana loosona-di
|
||||
\c 57
|
||||
\p
|
||||
\v 1 Wadi maruxetòeke Deuxu, kiemy dori adee reijemyhỹre areximykremy. Diarỹ aderatyti ubròrawoki ixiwòtenaki reamyhỹre, kia ihyyta aõbrebuna ixawimyhỹre.
|
||||
\v 2 Diarỹ rahinymyhỹre Deuxu rarienihikỹ-dee riwaijekemy rexitòenymyhỹre; diarỹ Deuxu dee rarymyhỹre, kia riwawiòhenamyhỹre aõki ibutumy.
|
||||
\v 3 Biu-ribi tii adiwarawyònykre kiata riwahedỹỹnykre; tii rihukre kua mahãdu wahetedỹỹdureny. Deuxu wadee riteòsinykre tainymy derina kia tainytyhy.
|
||||
\v 4 Diarỹ rayrawomy rare waòludu mahãdu-di; leaõ wesemy tii boho riwaròrenykemyreri; kia txureny heka tõnori kia wyhy weserenyre, kia tòrò tòreny tahe tõnori juràdese wesemy.
|
||||
\v 5 Deuxu heka riteòsinymyhỹre taõ nihikỹ biuki kia tainytyhy ibutumy sumy!
|
||||
\v 6 Waòludu mahãdu riderenyre mynyna tamy riwamyrenykremy, kia diary sõemy raberure.Hãluu riwinyrenre waryki, kia tii boho òbitityhyle itxi rejujurenyre.
|
||||
\v 7 Diarỹ awimy rare Deuxu, awityhymy rare. Diary rexihumy rare arawiunykremy kia umy arawowydykremy!
|
||||
\v 8 Bexixake, watyytyby! Wawiu wodỹỹnana bexixake! Diarỹ arixixanykre txuu.
|
||||
\v 9 WaDeuxu, diarỹ umy arawowydykre hãwahãwa mahãdumy ykyki. Diary umy arawowydukre iny mahãdu ijõreny-wana.
|
||||
\v 10 Aderinawihikỹ heka biuòhòkỹle rehemynymyhỹre, kia atyhydỹỹna tahe biu wetyy-ò rehemynymyhỹre.
|
||||
\v 11 Deuxu heka tabedeery nihikỹ biu-ò riteòsinymyhỹre, kia taaõwiwi nidehe tahe su mahãdu-ò ibutumy riteòsinymyhỹre.
|
||||
\c 58
|
||||
\p
|
||||
\v 1 Kai boho aõbo wedu ninihikỹ mahãdu, obitimy aõbo aõmy tarybemy hỹtenyte ! Kia aõbo ibutumy obitityhymy tarybemyhỹtenyte!
|
||||
\v 2 Kia heka itỹnymy aõkõre! Kai boho heka aõnaõna binabina widỹỹlemy tahõtinymyhytenyte kia aõ ibinahakỹmy tewinymyhỹtenyte hãwahakỹ-ki.
|
||||
\v 3 Iny bina mahãdu heka ratximyhỹre aõnaõna binale riwinymy; kia uladumy ruare bede txuu hukỹle roihyylemy relyymyhỹre.
|
||||
\v 4 kia heka tỹximy ratximyhỹrenyre rubuna ohãrudi hemylala mahãdu wesemy; tõhõtireny ritybonymyhỹrenyre hemylala nõhõtita wesemy,
|
||||
\v 5 kia roholaõmyhỹre lei wiudu byto wodỹỹ-o
|
||||
\v 6 Deuxu, iny binahãkỹ mahãdu ju rikyromyhỹre; kia kaa leão debure mahãdu ju ritamyhỹre!
|
||||
\v 7 Kia tii boho riõmyhỹrenyre iwese bee su-txi rejujumyhỹre wesemy kia rasurusurukremy asi rymy rỹimyhỹre wesemy.
|
||||
\v 8 Kia riõmyhỹrenyre loreysi wesemy biubesu-o. Kia tiu robi õhyyre txu loosonamy!
|
||||
\v 9 Kia juhuu iny binahäkỹ mahãdu rieryrenykelau aõhebo bede rutỹỹnyreri, kia rakromyhỹrenyre bederahy wesemy. Kia rubuõlemy ratxirenykre-wana Deuxu tebure nihikỹdi riteonyrenykre tarybudỹỹ weselemy.
|
||||
\v 10 Iny wi mahãdu rebedesamy ratxirenykre kia robirenykreu orarubu mahãdu rararytxykre-di; tii boho tawareny rihorenykre iny binahãkỹ mahãdu hãlubureny-di.
|
||||
\v 11 Ibutumy raryberenykre: —obitityhy-ki iny ywimy rỹimyhỹrenyre mahãdu awityhymy aywidỹỹrenyre! Inatyhymy ijõdire Deuxu bede bede rierykre!
|
||||
\c 59
|
||||
\p
|
||||
\v 1 Wa Deuxu, biwatake waòludu mahãdu -ribi; biwawòke kua mahãdu wamy raòhòmyhỹrenyre-ribi.
|
||||
\v 2 Biwahedỹỹnyke habu mahãdu binahakỹ-ribi!
|
||||
\v 3 Deuxu tyhyhykỹ, beteheke! tii boho riwaraòrenyreri riwarubuny renykremy habu binabina mahãdu rexibutenyrenyreri waòludumy! kia heka aõtxi òraruna òraruki reri aõkõ yda aõnaõna bina diarỹ rewinyreki aõkõ,
|
||||
\v 4 Kia aõ rasiranyre òraruki aõkõ, kia tii boho wylemy warubudỹỹmy risỹnyrenyreri:
|
||||
\v 5 Deuxu tyhyhykỹ butumy tanidehedehe-wana, mynyike kia manake wawiòhedỹỹmy! Kai òbitile manake, Israel Deuxu! Bexixake kia birarytxynyke hawahakỹ ityhydỹỹduõmy rỹimyhỹrenyre; uritre tureny ruxetòeõmykre kia roidu mahãdu binahakỹ!
|
||||
\v 6 Ruu ririnymyhỹreu, tii boho roosemyhỹrenyre kia hawa hawa riurawonymyhỹrenyre, ijòròsa wesemy rawolohamyhỹrenyre.
|
||||
\v 7 Tòròtòreny heka tõnori wesere; tii boho ryrymyhỹrenyre reburerenymy kia rõhõtinymyhỹrenyre inyõ roholaõhyy myhỹremy.
|
||||
\v 8 Deuxu tyhyhykỹ, kai taireny butxuenykre; kai tisinymyhỹte ibutumy hawahakỹ mahãdu atyhydỹỹdu rỹiõmyhỹrenyre-di.
|
||||
\v 9 Deuxu, diarỹ heka anidehedehe-ò rexirarudemyhỹre! Kai heka waixiwòtena tate!
|
||||
\v 10 WaDeuxu heka kanakre watxi reakremy taaõwiwihikỹdi; kia tii aretehekremy riwawinykre, kia waòludu mahãdureny aririrenykremy.
|
||||
\v 11 Deuxu, uritre aõlemy wa`oludu mahãu huduõmykre, kia waijoi mahãdu iribi tõhõti lusaõmykremy. Deuxu, waixiw`otedỹỹna, kia biuberanyke, rarirenykremy!
|
||||
\v 12 Kia ibutumy wa`oludu mahãdu rybereny, kia sõemy òrarunadi rỹimyhỹre; kia tii boho `obitile taixityhytyhydỹỹ `orarukile `oh`ote taireny rỹikre! Kia tii urile rotxuh`omyhỹrenyre roilemy;
|
||||
\v 13 iurenana heka adee rexit`oenymyhỹre, kia ibutumy rexihurenykre, kohe, kia inatyhymy rexihurrenykre. Kia tahe ibutumy rieryrenykre, Deuxu Israel ributunymyhỹremy, kia heka ibutumy Israel sutyremy ritidimy roimyhỹre, teb`odi!
|
||||
\v 14 Rumy heka wa`oludu mahãdu d`o`osemyhỹdenyde, kia cidade hãwa riyrawonymyhỹrenyre, kia ij`or`osa wesemy rawolohamyhỹrenyre.
|
||||
\v 15 Kia ij`or`osa wesemy ririranymyhỹrenyre, aõ rirỹsỹrenykemy riemyhỹrenyre, kia teasỹreny rỹsỹnalỹỹnyre rierymyhỹrenyre, kia tahe tamy roimyhỹrenyre.
|
||||
\v 16 Tai tahe diarỹ arawiunykre, abedeery nihikỹmy arawiunykre; rudiu umy arawowydykre katxiteremy, aõwiwihikỹmy. Kia ixiw`otena watxu wabederyrynau.
|
||||
\v 17 Diarỹ heka umy arawowydykre, Deuxu heka waitxedu rare. Kai heka waixiw`otena tate, kohe, Deuxu kai wamy terinanymyhỹte.
|
||||
\c 60
|
||||
\p
|
||||
\v 1 Deuxu, kai heka waderarenymy temyhỹte kia wamyreny tarỹỹnymyhỹte; wamyreny tadònymy atximyhỹte, ka tahe wiji wadeereny ruru ixybyle bidiwahinykre!
|
||||
\v 2 Tewinyte suu ramytàtàkremy kia rexiraynykremy; ka tahe aijò biraynykre, kiemy dori tii rexihumy rareri:
|
||||
\v 3 Tewinyte aijoi mahãdu kia wadeereny uva besò wamonarenymy tewahinyte araodewarinykremy.
|
||||
\v 4 Biwahinyke wouna bandera iny mahãdu alau ruberumyhỹrenyre mahãdu-ò, ka tii boho tahe rexihedỹỹnyrenyre kia rexiwòrenyre taòludu-ribi.
|
||||
\v 5 Biwahedỹỹnybenyke aruru abedeery nihikỹ-di; waixitòedỹỹnareny birawyònyke kia iny mahãdu kai tureny terinanymyhỹte rahenyrenykremy.
|
||||
\v 6 Tabededỹỹnana bedeu Deuxu rarybere myy: “tiubo botebenykreu, diarỹ ariwirareakre Siquem hãwa kia aritxuatxuakre Sucote bedero waijoi mahãdumy.
|
||||
\v 7 Gileade heka wahõrõ rare, kia manasses tule; Efraim heka waratyy hety rare, kia Juda tahe waityhydỹỹna rare.
|
||||
\v 8 Moabe tahe wabacia surònamykre, kia diarỹ arehukre wawa-di Edom tyre, kia deòsinamy kaa hawahakỹ wahõrõreny. Diarỹ arawiunykre watarasana-di Filisteu mahãdu tyremy”
|
||||
\v 9 Deuxu, mobo tahe riwadykre cidade hãwawo-ò raijemy roimyhỹre heto wetidi?
|
||||
\v 10 Kia inatyhymy aõbo tiwaatytenyte? Kia raiaõkre aõbo wasodadureny-wana?
|
||||
\v 11 Biwawiòhenanybenyke arihurenykemy waòludureny, kiemy dori iny mahãdu wiòhedỹỹ aõki awiõhyyre.
|
||||
\v 12 Deuxu inybirerenyki kotarenykre, tii inyòludureny rahukre.
|
||||
\c 61
|
||||
\p
|
||||
\v 1 Deuxu, boholake waõhỹỹmydỹ;ynana ira-ò; boholake waixitòedỹỹna-ò!
|
||||
\v 2 Waaõhỹỹmydỹỹnana-ribi, irehemy waheto-ribi, diary adee rarymyhỹre rexitòenymy biwawiòhenanykemy. Biwadyke ixiwòtenawiõ-ò,
|
||||
\v 3 Kiemy dori kai waitxesedu tate, waitxesedu nihikỹ waòludu mahãdu òludumy.
|
||||
\v 4 Biwawahinyke ararekemy abededỹỹnanaki ibutumy wabededỹỹnana-wana, kia diarỹ waitxeseduwiwimy ararekemy aderatytiwoki.
|
||||
\v 5 Deuxu, kai taholate waõmy rybenana ariwinykremy raryberemy kia wadee bidiwahinykre kia arybewiwi rỹimyhỹre alau brebudu mahãdureny-ò.
|
||||
\v 6 Biwahinyke bedewihikỹ irehetyhymy idò dee; kia tii irumy sõemy wyramy!
|
||||
\v 7 Deuxu, tii heka arawedunymyhỹre ikiemy tarybewiwi-di birarenyke ainymy derina kia ainytyhy-di birarenyke.
|
||||
\v 8 Kaweseki tahe diarỹ ikiemy adee arawiunykre umy areàlàmy kia txuu iyhyõmy adee ariwahinykre aõmybo adee rarybere.
|
||||
\c 62
|
||||
\s1 awityhyre kua mahãdu kai tetate, kua mahãdu tedymyhỹte arybena hetoki
|
||||
\p
|
||||
\v 1 Watedesu rexielehynymyhỹre Deuxu-ki sohojile; iribi heka namyhỹde wahedỹỹnana.
|
||||
\v 2 Tii sohojile riwaijemyhỹre kia riwa hedỹỹnymyhỹre. Tii heka wawòtedu rare, kia diary tiu araboduõtyhy.
|
||||
\v 3 Tibedeubo tahe ibutumy kai boho maõbinanybenykre hãbu sohoji-ò kia heka iruruõmy ratximyhỹre uhuariti rubu resemy roimyhỹre ratyre?
|
||||
\v 4 Kai boho wii tesỹnytenyteri ibedewihikỹ-ribi bitabenykremy. Kai boho heka roi adeerenywire
|
||||
\v 5 Watedesu Deuxu ki sohoji rexielehynymyhỹre, kia tamy heka waõ raresena retidimyhỹre.
|
||||
\v 6 Tii sohojile riwaijemy kia riwahedỹỹnymyhỹre; tii heka waitxesedu rare, kia diary tiu riwahedỹỹnymyhỹre; tii heka waitxesedu rare, kia diarỹ tiu arabòduõtyhy.
|
||||
\v 7 Wahedỹỹnana waaõwiwi heka Deuxu rierymyhỹre; tii heka waitxesedu Tyhyhykỹ rare kia waixiwòtena.
|
||||
\v 8 Wasỹ waijoi, rityhynymyhỹre ikiemy Deuxu! Belyyke iko ibutumy aõhỹỹhỹỹmy, kiemy dori tii iny ixiwòtenareny rare.
|
||||
\v 9 Iny mahãdu rỹimyhỹre, iaõkõ mahãdu iaõdi mahãdu, kia heka yhy rabudỹỹmyhỹre wesele rỹimyhỹre. Txibo utxiena-ò ratidirenykeki, aõmy iutxierenyõna; kia heka iwetarityhyrenyre yhy budỹỹ ratyre.
|
||||
\v 10 Uritre aõbina tyhydỹỹõmy, kia uritre aõrarysòõmy wasimy bimykemy. Kia aõnatyhyna ranihikỹkemy, uritre ityhydỹỹõmykre.
|
||||
\v 11 Kia sohojimy, Deuxu-my raholare, kia inidehedehe heka ihõrõ rare.
|
||||
\v 12 Kia iaõmy derinana tule. Tii heka iny sohoji sohoji-ò aõwiwi aõmy iny risỹnymyhỹre kia iny aõ riwinymyhỹre mynamyna.
|
||||
\c 63
|
||||
\p
|
||||
\v 1 Deuxu, kia heka waDeuxu tate; araijemyhỹre ywimy akihyyle aratxikemy. Ibutumy waumy-wana waõnaõna aki ratxikemy reamyhỹre, kia watyytyby sõemy awehityy risamyhỹre iwese su deyrewese rubu kia beõmy.
|
||||
\v 2 Umy arobikemyreri abededỹỹnanaki; umy arobikemyreri timybo anidehekỹmy aurahãkỹmy.
|
||||
\v 3 Ainymy derinana heka awityhyre kamy iny rỹimyhỹre ratyre-ribi; kia urenana darỹ umy rawowydymyhỹre.
|
||||
\v 4 Warumy aratxikre wanawana, ararybekre aõwiwihikỹmy kia wadebò ariterenykre arexitòenymyhỹkreu.
|
||||
\v 5 Arybe wahidỹỹwiwi heka rỹsỹna wihikỹ wesere tii heka awityhymy riwasỹnymyhỹre, kia iurenana heka rawiunymyhỹre bedesamy umy deàlàna wiunadi adee.
|
||||
\v 6 Kia herimy raimyhỹreu, umy rahõtinymyhỹre umy rahõtinymyhỹre ruu iyhyõmy.
|
||||
\v 7 Kiemy dori ikiemy tiwawiòhenanymyhỹte aderatyti ubròròki, diarỹ bedesamy rawiunymyhỹre.
|
||||
\v 8 Adebò ruruweribi ludu riwamywimyhỹre awityhymy, kia diarỹ tahe reximywiwimyhỹre aki.
|
||||
\v 9 Kiaremy kua mahãdu warubudỹỹmy risỹnymyhỹrenyre kia ròirenykre rubu mahãdu hãwa-ò.
|
||||
\v 10 Tii boho rururenykre wounaki, kia irubureny umy tahe ahula tuu riroxirenykre.
|
||||
\v 11 Ka iòlò tahe rexideysanykre kiemy dori Deuxu tamy tarasana riwahinyre. Kia Deuxunimy iny aõ riwinymyhỹre mahãdu rexibedesanyrenykre, ka roidu mahãdu rywotahe raratybokre.
|
||||
\c 64
|
||||
\p
|
||||
\v 1 Deuxu, boholakre waixitòedỹỹna-ò, kiemy dori waõsirasiramy watxireri wabededỹỹnana bihedỹỹnykre, kiemy dori raberureri waòludu mahãdu lau.
|
||||
\v 2 Biwaijemy wadi atximyhỹ iny binabina bedeywidỹỹnana riwinymyhỹrenyre waòludumy; biwatake hãbu mahãdu binabinahãkỹ-ribi.
|
||||
\v 3 Tii boho tòròtòreny rijyràdesenymyhỹre tõnõri wesemy kiata wyhy wesemy ritxurànymyhỹre tarybereseny binahãkỹ.
|
||||
\v 4 Kia rexihumy ratximyhỹrenyre kia taroireny ixỹrunahãkỹ riuberanyrenykremy kia rahumyhỹrenyre aõwiwi taõbinabinahãkỹ-di.
|
||||
\v 5 Tii boho wii ribedesanymyhỹrenyre aõnaõna binabina riwinyrenykremy; kia rarybemyhỹrenyre tibedekibo taroodunareny riwinyrenykremy; kia rõhõtinyrenyre inyõ tuu robiõmyhỹremy.
|
||||
\v 6 Sõemy bedebinabina riywinymyhỹrenyre kia myy rarybemyhỹrenyre: “ Inyboho bede riywinyrenyra rubudỹỹ wihikỹmy.” Iny mahãdu tedesu kia iny rayky heka ieryna aõkõ rare.
|
||||
\v 7 Kiaremy Deuxu tawyhy-di tamyreny rehukre iòludureny, kia tahe lisitere-ribi rawotõmorenykre.
|
||||
\v 8 Deuxu heka rihurenykre irybereny òrarukile; kua mahãdu tureny robirenykreu tarati riukỹukỹnykre, idireny risinymy.
|
||||
\v 9 Ibutu tii boho ruberurenykre; rõhõtinyrenykre aõtyhytyhybo Deuxu riwinyremy kiata raryberenykre ibededỹỹnana.
|
||||
\v 10 Iny mahãdu òbitimy rỹimyhỹre bedesa heka Deuxu tyhyhykỹ-ribi namyhỹde, kia tai heka tii boho iximynynarenytxi rekoamyhỹrenyre ibutumy inymahãdu umy reàlàrenykre.
|
||||
\c 65
|
||||
\p
|
||||
\v 1 Deuxu, kia iny mahãdu umy reàlàrenyre Siaõ hawalò-ki kia adee riwahinyre aõmybo raryberemy.
|
||||
\v 2 Kai heka iny ixitòedỹỹnana terawyònymyhỹte, kia iurenana ibutumy adeehyyle ramyhỹrenyre.
|
||||
\v 3 Waòrarureny heka iutxietyhyre, kia rewyrenyõhyymyhỹre, ka kai tahe waòraru reny bisuhosuhokre.
|
||||
\v 4 Timybo ibedesratxirenykremy, kia arybewiwihikỹ arybe heto ludu!
|
||||
\v 5 Deuxu, wahedỹỹdureny, kai tiwarawyònymyhỹte kiata tiwahedỹỹnymyhỹtenyte, tewinymy aõnaõna wiwihikỹ!ibutumy iny mahãdu hãwa hãwa, kia bero nihikỹ irehemy rỹimyhỹre, kia ibutumy aratyhynymyhỹrenyre!
|
||||
\v 6 Abedeery nihikỹ-di arurutere nihikỹ-di, telidimyhỹte hãwalò tymana-ò kawesemy tahe teteòsinymyhỹte arurutere nidehedehe.
|
||||
\v 7 Kai teywidỹỹnymyhỹte bero nihikỹ wodỹỹ kia ybò nihikỹ resemyhỹre; kai teywidỹỹnymyhỹte iny mahãdu rirajuamyhỹrenyre.
|
||||
\v 8 Aõnaõna ninihikỹ tewinyte òraruki ibutumy hãwahãwa bede bede ruberumy ratxirenyre. Aõwiwihik:Aõwiwihikỹ òraruki, airà bedesahãkỹ su weribi ijõ-ò.
|
||||
\v 9 Tewinymyhỹte biu ròakremy, teteòsinymyhỹte su-di aruki atximyhỹtemy kia awimy iaõdimy tewinymyhỹte kai Deuxu, bero tetỹxinymyhỹte bedi,kia abedeywina mynamy suu rỹsỹna rỹimyhỹre.
|
||||
\v 10 Tetòradỹỹnymyhỹte bede syraro tyre kia be-di teexidỹỹnymyhỹte. Kia biulòra suu riwinymyhỹre raixinytyhykremy; kia iurenana alòbrona aõwi raumynymyhỹre.
|
||||
\v 11 Timywe inihikỹre aõwiwi aribi namyhỹde! Tiribibo ròhònymyhỹre, aõwihikỹ.
|
||||
\v 12 Kia bederade asilỹre heka budoenidile rahetynymy roimyhỹre; hãwalò sõe rexisõenymyhỹre bedesa-di.
|
||||
\v 13 Kia bedero heka rahetymy roireri budoeni-di, kia bede iwory bijiu tahe tỹximy maixomoni-di roireri.Tii boho rirajuamyhỹrenyre kia rawiunymyhỹrenyre bedesamy.
|
||||
\c 66
|
||||
\p
|
||||
\v 1 Kia ibutumy iny mahãdu Deuxumy reàlàmyhỹrenyre bedesamy rirajuamyhỹrenyre!
|
||||
\v 2 Wiuna-di mawiunybenyke beàlàbenyke anirenymy; tamy idi bekoabenyke beàlàbenymy awityhymy!
|
||||
\v 3 –Marybebenyke myy Deuxu dee: “timywe awityhytyhyre aõnaõna wiwihikỹ riwinyre!ibedeery nihikỹ irurutere heka inihikỹtyhyre, kia iòludu mahãdu rexirabedenymyhỹrenyre ikoki.
|
||||
\v 4 Ibutumy bedebede hãwahãwa umy rerinanymyhỹre kia rawiunymyhỹrenyre reàlàrenymy adee; ibutumy rawiunymyhỹrenyre reàlàmy animy”.
|
||||
\v 5 Bydoike kia betehebenyke aõbo Deuxu riwinyremy, betehebenyini aõnaõna wiwihikỹ tii riwinyre iny mahãdu-ò.
|
||||
\v 6 Tii riwitxiranyre bero nihikỹ su rubumy; wahỹỹna mahãdureny bero-di reuròrenyre tatimy. Tai diarỹ boho reusarenyre tii tuu riwinyreki.
|
||||
\v 7 Tabedeery wihikỹ-di tii rowidỹỹre ikiemy, kia iruereny tahe retehemyhỹrenyre hãwa hãwa-di. Kia iny-õ rexiwoxibrunyõhyymyhỹre Deuxu òludumy!
|
||||
\v 8 Kia ibutumy hãwa hãwa reàlàmyhỹrenyre Deuxumy; kia wiuna-di rawiunymyhỹrenyre reàlàmyhỹrenyre katxiterehekỹmy.
|
||||
\v 9 Tii inydireny ratximyhỹre irumy kia iny boho riwahinyrenyõre rykariòwyrenykemy.
|
||||
\v 10 Deuxu, kai heka tiwaurihitenyte inatyhymy aõbo aratyhynymyhỹrenyremy; iwese mana rỹsỹòta raurihimyhỹre wesemy heòty-ò, kawesemy tahe tiwaurihitenyte.
|
||||
\v 11 Kai heka tiwawahinytenyte hãluu-txi areserenykremy kia telidimyhỹte itxyy utxie wabroreny-ò.
|
||||
\v 12 Tiwawahinytenyte kia waòludu mahãdu watyrereny rariarenykremy; reriranymyhỹrenyre heòtytyre kia bera tyre, ka wiji tahe tiwadytenyteri bede wihikỹ-ò.
|
||||
\v 13 Ariwykre aheto-ò xiwena ki9a ikietyhylemy rookremy; diarỹ adee ariwahinykre aõmybo adee raryberemy ariwinykremy.
|
||||
\v 14 Kuamy adee rarybere, diarỹ aõhỹỹhỹỹmy ratỹỹnymyhỹ-u tii tyhyle adee ariwahinykre.
|
||||
\v 15 Ariwykre budoeni mahãdu kia obiuna-ki rookremy; ariwahinykre aròti kia budoeni riòre xiwenamy, kia tahe wàdàsi raòwonykre biurawetyy-ò.
|
||||
\v 16 Ibutumy kai boho taberumyhỹtenyte Deuxu lau, bydòike kia boholabenyke, kia diarỹ arelyykre aõbo tii wadee riwinyremy.
|
||||
\v 17 Diarỹ rerajuare, rexitòenymy iwiòhedỹỹnamy; tai tahe tuu reàlàre wiumy.
|
||||
\v 18 Ka,txibo diarỹ ijõdimy arirarenykeki aõnaõna binabina wawoki, kia Deuxuroholaõhyyke warybe-ò.
|
||||
\v 19 Kiaremy Deuxu inatyhymy warybe-ò roholara kia rirawyònyre.
|
||||
\v 20 Diarỹ reàlàmyhỹ Deuxumy kiemy dori tii waixitoenaderamy reaõhyymyhỹre kia tiu taõmy derinana walau ritòenyõhyymyhyre.
|
||||
\c 67
|
||||
\p
|
||||
\v 1 Deuxu heka wadireny rexiwoxibrunyre kia tarybewihikỹ wadeereny riwahinyre; retehemyhỹre wadeereny awityhytyhymy.
|
||||
\v 2 Kawesemy tahe ibutumy hãwa hãwa rieryrenykre aõmybo teamyhỹte, kia ahedỹỹnana ibutumy iny mahãdu tuu robirenykre.
|
||||
\v 3 Kia iny mahãdu umy reàlàmyhỹre Deuxu, kia ibutumy iny mahãdu umy reàlàmyhỹrenyre!
|
||||
\v 4 Kia ibutumy rexibedesanymyhỹrenyre kia rawiunymyhỹrenyre rabedesarenymy kiemy dori ritamy rihitxinymyhỹre òbitimy kia ibutumy hãwa hãwa-di retehemyhỹre.
|
||||
\v 5 Kia iny mahãdu umy reàlàmyhỹre Deuxu, kia ibutumy iny mahãdu umy reàlàmyhỹrenyre!
|
||||
\v 6 Suu riwahinyre alòbròna aõwi raumynykremy; Deuxu, wadeuxureny, diarỹ boho rybewiwihikỹ ijõdimy watximyhỹrenyre.
|
||||
\v 7 Tii tarybewiwi wadeereny riwahinyre; kia ibutumy iny mahãdu hãwa hãwa-my rỹimyhỹrenyre ruberumyhỹrenyre!
|
||||
\c 68
|
||||
\p
|
||||
\v 1 Deuxu rexilamadỹỹnymy kia riuberanymyhỹre taòludu mahãdu; kia tuu tadònymyhỹte rexiwòmyhỹrenyre atyy –ribi.
|
||||
\v 2 Tii riuberanymyhỹrenyre iwese wàdàsi yhyki riõmyhyre wesemy. Iny itxỹte itxỹte mahãdu rexihumyhỹrenyre Deuxu tyyki iwese tobòra rasunymyhỹre wese heòty tyy-ki.
|
||||
\v 3 Ka iny mahãdu òbitimy rỹimyhỹre rabedesarenyre kia reysarenyre ityyki kia rawiunyrenyre tỹximy bedesadi.
|
||||
\v 4 Mawiunybenyke beàlàbenymy Deuxumy; beàlàbenykeinimy wiunanaki: biywinyke kua kia rareri raòwònymy biuwetyyura tyre.Ani heka Deuxu tyhyhykỹ rare mabedesabenyke ityyki!
|
||||
\v 5 Deuxu, atximyhỹte ahetowihikỹki, wyte mahãdu-di arukimy atximyhỹke kia wytese mahãdu-di biijemy atximy hỹke.
|
||||
\v 6 Tii riwahinymyhỹre iny ixinamy rỹimyhỹre mahãdu-ò heto tai rarekremy kiata riòlòdỹỹnymyhỹre iny brejumy rỹimyhỹre mahãdu kia ratxirenykremy awimy bedesamy. Ka mobo rexiwoxibrunymyhỹre iòludumy kia tahe rahãwanyrenykre suteretxi.
|
||||
\v 7 Deuxu, tiubo tahe aijoi-di bòhònykre, tiubo tahe mariakre bedetyahakỹ-di,
|
||||
\v 8 Suu ramytytare, biuwetyy bee ritxiwire, kia Sinai Deuxu kanakre oraruki, Israel Deuxu.
|
||||
\v 9 Kai tewinyte sõemy biu roakremy kia tetỹmyradỹỹnyte asu reywesemy roimyhỹre.
|
||||
\v 10 Aijoi heka riwinyrenyre ka su-ki a heto; ainytyhydi arukimy atximyhỹte iny iaõkõ mahãdu-di
|
||||
\v 11 Kai tewahinyte arybe sohojiõ, kia sõemy hãwyy mahãdu riwyrenyre arybe:
|
||||
\v 12 “Iòlò mahãdu kia tasodado boho-wana rexiworenyreri!”kia hetowo-ki hãwyy mahãdu riywinyrenyre aõbo ritarenyre taòludu mahãdu reny-ribi:
|
||||
\v 13 Tii boho bytòe wese ratximyhỹrenyre mana rỹsỹòta-di rahetynyrenymy, kia teratytireny rarỹsỹnymyhỹ mana rỹsỹtyhyhykỹ wesemy.Aõherekibo tahe sodado mahãduõ budoeni uhuari kile ratxirenyre?
|
||||
\v 14 Tiu Deuxu ibutu tabedeeryhykỹ-di riubỹtỹnyre iòlò mahãdu rariowyre biu nonoe ura kuaki Salmom hãwalo-ki.
|
||||
\v 15 Timywe Basã hãwalò irariere, hãwalò sõemy rỹimyhỹ irariere, hãwalò sõemy rỹimyhỹ irarierariemy!
|
||||
\v 16 Aõherekibo kai boho, biu ribi ka hãwalò hãwalò-ribi tetehemyhỹtenyte akyararenydi Deuxu hãwalò ritare tamy rahãwanykremy? Deuxu tyhyhykỹ heka kuaki ikiemy rahãwanymy rarekre.
|
||||
\v 17 Kia taityhy heòty sõe sõe-di Deuxu, nade Sinai hãwalò-ribi tahãwa wihikỹ-ò.
|
||||
\v 18 Tii raòwònyre biu rarie-ò, ridymy sõemy brejudu mahãdu; aõnaõna rimyre kia hãbu bina mahãdu-ribi dori: Deuxu tyhyhykỹ rarekre tai.
|
||||
\v 19 Reàlàmy umy, kia txuõtxuõ-my waitxyyreny tewymyhỹte! Deuxu heka wahedỹỹdureny rare.
|
||||
\v 20 Iny Deuxureny heka Deuxu rohedỹỹmyhỹre rar; tii heka tii tyhyhykỹ rare, iny hõrõ reny, kia rubu-ribi inyboho ritamyhỹrenyre.
|
||||
\v 21 Ka tii tahe taòludu mahãdu rati-ribi riòrarunykre kua mahãdu rõhõtiõmyhỹrenyre ratxirenykemy taòraru renyki.
|
||||
\v 22 Deuxu, kia wadeereny tarybete: “Diarỹ ariwinykre kia aòludu mahãdu reny ròòserenykremy Basã hãwalò-ribi: Diarỹ ariwinykre waijoi ydòòsedenykremy bero nihikỹ sỹy-ribi
|
||||
\v 23 kia kai boho idi bexisebenybenykremy ihãlubureny-di; kia ijòròsa mahãdu tahe ritòrenykre ihãlubureny ixideewimy.”
|
||||
\v 24 Wadeuxu wa Iòlò, ibutumy arirana rotahyyle namyhỹde tiu abededỹỹnana-ò talòmyhỹteu.
|
||||
\v 25 Wiudu mahãdu akomy rirahure, ka wiuna wodỹỹdu mahãdu tahe ahewomykre; kia ityarenyki tahe ijadòòma mahãdu rirahukre tambu riwodỹỹnymy.
|
||||
\v 26 Beàlàbenyke deuxumy aijoireny rybe butuna rỹimyhỹreu, beàlàbenyke Deuxu tyhyhykỹmy, ibutumy Israel rioreriorereny!
|
||||
\v 27 Komy Benjamim nade irooreny, irahudita Juda deodu boho dirahude taijoireny-di kia ihemyta Zebulom kia Naftali deodu mahãdu dirahude.
|
||||
\v 28 Aruru abedeery nihikỹ biteòsinyke Deuxu, abedeeryhykỹ teuhemyhỹte waweribirenyki.
|
||||
\v 29 Abededỹỹnana Jerusalem-ki, tai iòlò mahãdu xiwena adee idiwydenykre,
|
||||
\v 30 Egito hudumy rarybekre, kia canaviais debure debure hudumyrarybere. Deuxu tahe hãwa hãwa hudumy rarybere, kua aròti mahãdu tariòre boho wana, kia ihyy tahe ibutumy tatiòhumy rejujurenykre kia tahe tamana rỹsỹreny òta-di adee rekoarenykre! Biuberanykre iny mahãdu wou widỹỹ tamy wirenyre.
|
||||
\v 31 Ydoidenykre Egito deòdu ninihikỹ mahãdu, kia Etiopes mahãdu tahe tebòreny ritymadỹỹnymy idirahukre, adee rexitòenyrenykre, Deuxu.
|
||||
\v 32 Mawiunybenyke wiuna-di Deuxu dee, butu dinodu; wiuna biwodỹỹnybenyke beàlàbenyke deuxumy.
|
||||
\v 33 Beàlàbenyke tuu biu awaru mahãdu ijaradu, biu ehetxina!
|
||||
\v 34 Marybebenyke Deuxu ruru bedeeryhykỹmy; iaõwiwihikỹ heka Israel tyre taryhymyhỹre, kia irurutere tahe biuki roimyhỹre.
|
||||
\v 35 Timywe Deuxu awityhytyhyre tabedewiki! Israel Deuxu taruru riwahinymyhỹre kia tabedeery nihikỹ taijoi-ò riwahinymyhỹre. Beàlàbenyke Deuxumy!
|
||||
\c 69
|
||||
\p
|
||||
\v 1 Deuxu, biwahedỹỹke aõherekibo arexirubunykemyreri!
|
||||
\v 2 Diarỹ reàrenyreri subururu sỹyki. Diarỹ wakõmy rareri bera sỹyki, kia lysetere tahe riwadyreri.
|
||||
\v 3 Diarỹ wabytò riõriõmy rare sõemy rerajuamyhỹreki, kia wabytò rarybura. Warue reywesereri sõemy nadetehemyhỹdeki wadeuxu-ò, reraòreri iwiòhedỹỹna.
|
||||
\v 4 Kua mahãdu, wamy radonymyhỹrenyre, aõ iòraruõmy tii boho sõetyhyrenyre waradeti ratyre. Waòludu mahãdu relyymyhỹrenyre roilemy wamy; kia heka inihikỹrenyre kia warubudỹỹmy wii risỹnymyhỹrenyre.Tii boho wadi rarurunymyhỹrenyre ariwahinykremy aõna rewoõre wahe.
|
||||
\v 5 Deuxu, waòraru heka alau rawòmy aõkõ rỹimyhyre; kai teeryte timybo diary raitxỹteremy!
|
||||
\v 6 Kai Deuxu Tyhyhykỹ kia ibutumy inidehedehe uritre kua mahãdu iwahisidỹỹrenyõmy umy aratyhynyrenykemy kia maixỹrumy atxike waòraruki! Israel Deuxu, uritre wawahidỹỹõmy kia ariwykemy aõnaõna binahãkỹ kua mahãduumy rerinanymyhỹrenyre-ò!
|
||||
\v 7 Kia dori aiòraruki diarỹ aõnaõna binahãkỹmy ratỹỹnymy raremyhỹ kia sõemy raixỹrumy raremyhỹ.
|
||||
\v 8 Diarỹ heka iny erynaõ aõkõ rare waseriòre boho-ò kia waerydu ihoõre nadi boho-ò wariòre boho-ò.
|
||||
\v 9 Waderina heka aheto bededỹỹnana-ki wawoki roomyhỹre heòty wese; kua mahãdu rybe binabinahãkỹ umy aõbinabinamy rarybemyhỹre watyre rariowyre.
|
||||
\v 10 Diarỹ renarehemyhỹre kiata ixidi rexiwobrunymyhỹre, kiaremyta tii boho wadi risinymyhỹrenyre.
|
||||
\v 11 Diarỹ rexityynyre rubu sỹtyby-di rexityynyre, kia tii boho waki rutxuenymyhỹrenyre.
|
||||
\v 12 Wamy marybebenyke butuna bedeki, kia axaxa mahãdu rarybere itxỹte itxỹtemyhỹre wamy.
|
||||
\v 13 Kiaremy diarỹ, Deuxu Tyhyhykỹ, waixitòedỹỹna rewinymyhỹre adee. Deuxu bidiwarawyònyke tuu reamyhỹre òbitiu, kiemy dori sõemy wamy terinanymyhỹte. Biwahedỹỹnyke tuu tarybetemy!
|
||||
\v 14 Uritre wawahidỹỹõmy subururu sỹy-ò areakelau! Biwatake waòludu mahãdu-ribi kia bero sỹyhykỹ rubuna-ribi!
|
||||
\v 15 Uritre iwahidỹỹõmy iybò riwadyke lau! Uritre wawahidỹỹõmy hãluu riwarỹsỹkemy.
|
||||
\v 16 Deuxu Tyhyhykỹ, bidiwarawyònyke kiemy dori awityhyre kia ywimy inymy terinanymyhỹte; biwawiòhenanyke, kiemy dori inihikỹre ainy-di wobruna.
|
||||
\v 17 Uritre ixiwòteõmy arybedi ijohodu lau; wijile bidiwarawyònyke, kiemy sõemy aõhỹỹmy ratỹỹnyreri.
|
||||
\v 18 Mynake kia biwahedỹỹnyke; biwatake waòludu mahãdu ribi!
|
||||
\v 19 Kai tuu tabimyhỹte kaa waòludu mahãdumy kai teerymyhỹte timybo wadi risinymyhỹrenyremy kia teeryte ixỹruna kia wobrunamy reamy watxirerimy wahare.
|
||||
\v 20 Waõhỹỹmydỹỹnana heka wawo-ribi ròrarunyre, kia diarỹ wawo rahitxihitximy watxireri. Ròraore inyõ wadi rexiwobrunykesỹny, kia inyõ ijõhyyre; ròraore inyõ riwanohõtitybònykemy, kiaremy inyõ rehemynyõhyyre.
|
||||
\v 21 Tiu ryma riwasamy watximyhỹu, tii boho wadee riwahinyrenyre veneno; tiu bemomo riwasamy hỹu, vinagredile wadee rekoarenyre.
|
||||
\v 22 Kia iixenareny rabinabinakre, kia aõdi txuu bede biòwawana riwinymyhỹrenyre kia ibinatyhymy relekre!
|
||||
\v 23 Bisỹnybenyke tii boho raruebetàrenykemy kia tahe irurureny rexihukre ibutumy!
|
||||
\v 24 Bitxiwike ityrereny akyarahakỹ, kia adeburehekỹ tamyrenyhỹkỹ rehemynykre.
|
||||
\v 25 Kia isodadureny heto dena syraromy relekre, kia aõtyreki aõkõ ibreòreny rỹikre!
|
||||
\v 26 Tii boho heka rekoamyhỹrenyre kua mahãdu terarytxynymyhỹtenyte hewomy kia tahe idi risinymyhỹre iaõhỹỹmydỹỹnana-di kua mahãdu kai tewotõmonyte wahe.
|
||||
\v 27 Tamyreny biwahinyke rarytxynamy rekoamyhỹrenyremy; uritre tamyreny iwahidỹỹõmy ahedỹỹnana ixideereny rimyrenykemy.
|
||||
\v 28 Kia inireny rasuhokre tyyriti bededỹỹnana-ribi kia inireny ratidirenyõkre iny mahãdu òbitimy rỹimyhỹre yky-ki.
|
||||
\v 29 Kiaremy diarỹ wawo rasurusurumy watxireri kia waaõhỹỹhỹỹ-my Deuxu, biwalamadỹỹnyke!
|
||||
\v 30 Areàlàkre Deuxumy wiuna-di; ararybemy ararekre iòwyõlemy abededỹỹnana nihikỹmy.
|
||||
\v 31 Kia heka awityhytyhyre Deuxu Tyhyhykỹ dee kia xiwena rawahimyhỹre ratyre aròti ibinanaõ.
|
||||
\v 32 Tiu aõhỹỹhỹỹmydỹỹdu mahãdu tuu robirenykre, kia rabedesarenykre, kia deuxumy rerinanymyhỹrenyre reysarenykre.
|
||||
\v 33 Kiemy dori Deuxu Tyhyhykỹ roholamyhỹre iny mahãdu aõmy rekoamyhỹrenyre-ò kia taijoi ririõhyymyhỹre brejunamy rỹimyhỹrenyre.
|
||||
\v 34 Beàlàbenyke deuxumy, biuwetyymy kia su-my berinihikỹmy kia ibutumy aõnaõna iròdu tuu rỹiramy!
|
||||
\v 35 Tii heka rihedỹỹnyke Jerusalem kia ixybyle riwinykre Juda hãwa tỹmyra. Kia ijoi heka tai rahãwanymy rỹirakre kia tahe suu rawahikremy roimyhỹreki rỹirakre.
|
||||
\v 36 Deuxu rybe-di ijohodu mahãdu rioreriore kaa suu riwedunyrenykre kia kua mahãdu tuu rerinanymyhỹrenyre tai rahãwanyrenykre.
|
||||
\c 70
|
||||
\p
|
||||
\v 1 Deuxu Tyhyhykỹ, biwahedỹỹnyke ! wijile biwawiòhenanyke!
|
||||
\v 2 Kia ibutumy rabòdurenykre wobrunamy rekoarenykre kua mahãdu wadi warubudỹỹmy wii disỹnymyhỹdenyde! Kia rexiwòre nykre raixỹurenymy, kua mahãdu rexibedesanymyhỹrenyre waõhỹỹhỹỹmydỹỹnana-di!
|
||||
\v 3 Kia rariòwyrenykre aõhỹỹhỹỹmydỹỹnanatxi kia ratxirenykre sõemy rati deòsadeòsa-di wadi risinymyhỹrenyre mahãdu!
|
||||
\v 4 Kia reysamy rabedesamy ratxirenykre ibutumy iny mahãdu adee taixiwòtenareny riemyhỹrenyre! Kia iny mahãdu ahedỹỹnanamy rerinanymyhỹrenyre myy ikiemy rarybemyhỹrenyre: “ timywe Deuxu inihikỹre?”
|
||||
\v 5 Diarỹ heka waaõkõ rare kia aõmy reamyhỹre rare; ka kai tahe Deuxu, wadi arukimyatximyhỹte. Kai tiwawiòhenanymyhỹte kia heka wahedỹỹdu tate, uritre rooreheõmykre, Deuxu Tyhyhykỹ!
|
||||
\c 71
|
||||
\p
|
||||
\v 1 Deuxu Tyhyhykỹ, kai heka wamynydu tyhy tate, tiu riwawahinyõhyymyhỹre diarỹ aõhỹỹmy araixỹrukemy wou bededỹỹnanaki!
|
||||
\v 2 Biwawiòhenanyke kia biwalake kiemy dori kai òbitimy nodu tate; warybe-ò boholake kiata biwahedỹỹnykre.
|
||||
\v 3 Deuxu waixiwòtena awityhyre kia ruruterehekỹ riwaijekremy kai tahe waitxesedu tahe kia wawòtedu.
|
||||
\v 4 Wa Deuxu, biwatake aõnaõna binabina-ribi kia hãbu mahãdu deburerenybinahãkỹ deboworeny-ribi.
|
||||
\v 5 Deuxu Tyhyhykỹ, adee retidimyhỹre wararysòna kia uladumy raremyhỹuhukỹle aratyhynyhyky raremyhỹ
|
||||
\v 6 Ibutumy wabededỹỹnana adeehyyle rexirarudemy watximyhỹr; kai tiwaijemy tatemyhỹ tohouamy reareuhuküle. Diarỹ ikiemy umy reàlàmy ararekre.
|
||||
\v 7 Ibutumy rõhõtinyrenyre kia riwiwoxinanyrenyremy, ka kai tahe atximyhỹte waitxesedu nihikỹmy.
|
||||
\v 8 Txuõ txuõlemy diarỹ umy reàlàmyhỹre kia aõnaõna ninihikỹmy rarybemyhỹre.
|
||||
\v 9 Uritre waderamy ijaraõmykre wiji ramatuarinymy rare; uritre warisiõmykre wiji dori waruruõmy rare
|
||||
\v 10 Waòludu mahãdu warubudỹỹmy reri; tii boho waòludumy rarybemyhỹrenyre kiata arurukremy bede riywinymyhỹrenyre.
|
||||
\v 11 Tii boho rarybemyhỹrenyre: “Deuxu riatyra; ihewomy rykekoarenykre kiata rikibrejunyrenykre, kia dori inyõ ihoõre rihedỹỹnykemy!”
|
||||
\v 12 Deuxu uritre waribi ixilòhòsòrariedỹỹõmykre; wadeuxu, bidiwawiohenanyke wiji!
|
||||
\v 13 Kia rabòdumy rexihurenykre kua mahãdu warubudỹỹmy
|
||||
\v 14 Diarỹ ikiemy arilidimy ararekre wararòsòna adee kia umy areàlàmy ararekre ixyby ixybyle.
|
||||
\v 15 Umy ararybemy ararekre kai hãbu òbitityhy tatemy; txuu iyhyõmy ararybemy ararekre ahedỹỹnanamy kia ribi tahe ibedeeryreny òsỹny ihoõre rieryrenykemy.
|
||||
\v 16 Aruru abedeery nihikỹ areàlàkre, Deuxu Tyhyhykỹ; ararybekre ararybekre aaõwiwihikỹmy,aaõwiwi sohojimy.
|
||||
\v 17 Kai tiwaxinanymy tatemyhỹ watỹmyramy raremyhỹuhukỹle, kia diary watximyhỹre rarybemy aõnaõnawiwihikỹtewinymyhỹtenytemy.
|
||||
\v 18 Deuxu uritre warisiõmykre wiji ramatuarinymy rare kia waradeti rauranymy wawana atxike iwana-wana ararybemy ararekre abedeeryhykỹmy kia aruruteremy kaa iny mahãdu-ò kia iriòreriòrereny.
|
||||
\v 19 Aaõ obitina heka Deuxu, biuòhòkỹle rehemynymyhỹre.kai tewinyte inihikỹmy aõnaõna, kia inyõ awesemy ratxiõhyymyhỹre!
|
||||
\v 20 kai tiwasỹnyte aõhỹỹhỹỹmy ratỹỹnymy raremyhỹre, ka tahe wade ruru biwahinykre ixybyle kia biwatakre hãluu-ribi.
|
||||
\v 21 kai biwasỹnymy makre ixyby wanihikỹmy kia ikiemy biwanohõti tybònymy mabekre.
|
||||
\v 22 tuu dee ariwinykre areàlàmy ararekre wiuna wodỹỹna-di. Wadeuxu diary umy areàlàkre kiemy dori kai òbitimy nodu tate! Israel Deuxu.
|
||||
\v 23 arawiunykre bedesamy tiu ariwodỹỹnykre wiuna adee kohe, arawiunykre ibutumy warurumy kiemy dori tiwahedỹỹnyte
|
||||
\v 24 txuu iyhyõmy ararybekre aaõ obitinamy, kia wabinabinadỹỹmy wadi risỹnyrenyre mahãdu rabodurenyre kia ibinatyhymy rutỹỹnyrenyre.
|
||||
\c 72
|
||||
\p
|
||||
\v 1 Deuxu, biixinanyke iòlò ywimy iny ritamyhỹkemy kia aõ òbitinatyhy wesemy tamy biwehinyke ainytyhy.
|
||||
\v 2 Kia òbitimy iny mahãdu ritamy rarekremy kia iny iaõkõmy rỹimyhỹrenyre òbitimy riwedunyrenykremy.
|
||||
\v 3 Kia ijõdikre aõ awi raraòmy rỹikre hawahakỹki, kia iny mahãdu awityhytyhymy rỹirakre obitityhymy.
|
||||
\v 4 Kia iòlò ywimy riterenykre iny iaõkõ mahãdu òbitimy, kia tii riwiòhenanyrekre iny aõmy rekoamyhỹrenyre mahãdu kia rabodukre iny mahãdumy rarỹỹnymyhỹrenyre.
|
||||
\v 5 kia iòlò irumy rarekre txuu kia ahadu rỹimy rarekrewana-wana, kia irioreriorereny ikonanaõmy.
|
||||
\v 6 Kia iòlò biulòra wesenamykre kia resemyhỹre syrarotyre, iwese suxobadỹỹdu mahãdu suu rituunymyhỹre wese.
|
||||
\v 7 Kia aõ òbitidỹỹnana ranoirasanykre arumymy mabekreu kia aõnaõna raraòmy rỹirakre kia ahadu raranymy rỹirakre wana-wana.
|
||||
\v 8 Kia arybe wahidỹỹnana rakre bera nihikỹ ribi ijõ-ò kia Eufrade bero-ribi kia sukonanaò hòkyle.
|
||||
\v 9 Iny mahãdu bedeburemy rỹimyhỹrenyre tatiòhumy reserenykre ikoki, kia iòludu mahãdureny rexilàhàlàhànyrenykre iwareny-ò.
|
||||
\v 10 Espanha iòlò mahãdu kia hawalò iòlò mahãdu tamy aõnaõna riwahinyrenykre, kia wesemy tule Arábia iòlò mahãdu tule riwahinyrenylekre.
|
||||
\v 11 Ibutumy iòlò mahãdu tatiòhumy tamy reserenykre ikoki, kia ibutumy hawa hawa rityhynyrenykre.
|
||||
\v 12 Iòlò riwiòhenanymyhỹre iny iaõkõmy rỹimyhỹrenyre kia tamy ixiwiòhenadỹỹmy rexitòenymyhỹrenyre.
|
||||
\v 13 Tii raruxetòenanymyhỹre iny ruruõ mahãdu-di kia iny aõmy rekoamyhỹrenyre mahãdu-di kia rihedỹỹnymyhyre iny iaõkõmyt rỹimyhỹrenyre bededỹỹnana.
|
||||
\v 14 Tii heka ritamyhỹre deòduna-ribi kia aõbinabina-ribi; kia ibededỹỹnanareny heka awityhytyhyre tamy.
|
||||
\v 15 Bàkytxàxe iòlò! Kia tii rimymyhỹre mana rỹsỹ Arábia-ribi kia txuu iyhykõmy ixitòedỹỹnana rỹimyhỹre tamy, kia Deuxu ikiemy tarybewiwi tamy riwahinymyhỹre.
|
||||
\v 16 Kia suki sõemy rỹsỹna òtaòta rỹikre, kia hawalò sõe rahetynymy rỹikre aõwi alòbrona-di kia sõemy aõwi-di roikre Líbanos hawalò sõe wesemy, kia cidade hawa sõe tỹximy inydi roikre iwese asi syraro rihetynymy roimyhỹre wesemy.
|
||||
\v 17 Kia iòlò-ni tiu rusaõtyhy rarekre, kia inidehedehe rarekre tuu rarekre wana-wana, kia ibutumy iny mahãdu rexitòenykre kia Deuxu tarybewihikỹ tamyreny riwahinykremy kia wesemy tii tarybe wihikỹ riwahinyre iòlò dee.
|
||||
\v 18 Deuxumy beàlàmyhỹbeny, Israel Deuxu, kiemy tii dori diwinymyhỹde kaa aõnaõna wiwihikỹ!
|
||||
\v 19 Beàlàbenyke ikiemy inimy inihikỹmy, kia ibededỹỹnana ninihikỹ ibutumy suu ritỹxinykre! Kawesemy ! Kawesemy!
|
||||
\v 20 Kaki rexihura Davi ixitòedỹỹnana Jesse riòre.
|
||||
\c 73
|
||||
\p
|
||||
\v 1 Óbiti Deuxu heka aõni awi rare Israel ijoi mahãdu-ò, kia heka awi rare kua mahãdu taworeny-di ratximyhỹrenyre òbitityhymy.
|
||||
\v 2-3 Ka diarỹ tahe wawobinabina ijõdire iny bina mahãdu kia iny rexityhytyhynymyhyre mahãdu tiu tureny rabimyhỹreu kia ibutumy awimy tamyreny ramyhỹre. Iurenana wawa rytynyre, kia wahyini diarỹ arariowyre.
|
||||
\v 4 Iny itxỹte mahãdu heka töhötiyrereny ihoõrenyre; kia inihikỹrenyre sõemy iyrydewirenyre.
|
||||
\v 5 Tii boho aõhỹỹmy rutỹỹnymyõmyhỹre iwese ijõmahãdu aõhỹỹmy rutỹỹnymyhỹre wesemy, kia ijõ mahãdu ijõdirenyre wesena.
|
||||
\v 6 Iurenana riuhemyhỹrenyre rexityhytyhynymy txibo aõhaletena wesemy kia aõbina tyy biu itxena wesemy
|
||||
\v 7 Kia iwonareny tỹximy aõnaõna bina-di rỹimyhỹrenyre kia iraykyreny aõnaõna binahakỹle bede riywinymyhỹrenyre.
|
||||
\v 8 Tii boho tamywireny iny-di risinyrenykremy kia rarybemyhỹrenyre aõnaõna binabina-lemy, kia rexityhytyhynymyhỹrenyre kia bede riywinymyhỹrenyre iny witxira aõhỹỹdỹỹnanamy.
|
||||
\v 9 Rarybemyhỹrenyre Deuxu bededỹỹnana binamy, kia biuki ratximyhỹremy, kia rexityhytyhynyrenymy tarybe riwahinymyhỹrenyre iny mahãdureny-ò, suki.
|
||||
\v 10 Kawesemy tahe Deuxu ijoi mahãdu rirahumyhỹre iheworenymy kia rityhytyhynyrenymy aõmy tii rarybemyhỹreki.
|
||||
\v 11 Tii rarybemyhỹrenyre:“Deuxu heka rieryõkre; ibutumy tanihikỹ-di kia aõtxi reaõhyyykre!”
|
||||
\v 12 Iny binabina mahãdu heka myrenyre: tii boho heka sõemy ijõdirenyre kia rỹimyhỹrenyre hyy ixyby raityhynymyhyrenyre.
|
||||
\v 13 Kia aõbo timy aõmy watxiõhyyre diarỹ awityhy ywimy ixidi watximyhỹre kia wadebo tyramy òrarudi
|
||||
\v 14 Deuxu, kai aõhỹỹmy arytỹỹnykremy tiwasỹnyte txuu iyhyõmy, kia ibutumy rudiu rararutxymy watximyhỹre.
|
||||
\v 15 Txibo diarỹ ararybekeki iny binabina mahãdu wesemy, kia aijoi mahãdu-ò araroike.
|
||||
\v 16 Taita diarỹ ixidi rarurunyre kia arierykremy kaa aõnaõna,ka kia heka isiratyhyre wadee.
|
||||
\v 17 Kiaremy tiu raloreu arybe heto-ò, kia reeryre aõhebo rutỹỹnyrenykre ikonanau iny binabina mahãdu.
|
||||
\v 18 Kai tesỹnymyhỹtenyte iribi tii boho rytynyrenykremy kia tahe biwinybenykre rariòwyrenykremy rexihurenykremy.
|
||||
\v 19 Iny binabina mahãdu aõtxile rexihurenykre kia ijõdirenyre ikonanareny ibinahãkỹrenymy.
|
||||
\v 20 Waha, kai heka iribireny õhõti rusamyhỹre wese rasi-ribi tiu tiu rexixamyhỹrenyreu rudiu.
|
||||
\v 21 Wawo heka sõemy ibinamy idi watximyhỹ, kia diarỹ sõemy wawoxi roburobure.
|
||||
\v 22 Diarỹ timy araeryõhyyre; kia irodu wesemy ierynaõmy
|
||||
\v 23 Kiaremy diarỹ ikiemy awanahyy watxireri kia kai wadebo temymyhỹte!
|
||||
\v 24 Kai wadi tetehemyhỹte arybe dohodỹỹna-di kia ikonanau tahe awityhytyhymy biwamykre.
|
||||
\v 25 Biurawetyyki diarỹ adee sohoji ijõdire kia txibo diarỹ adee sohoji aratxikeki, aõmy areaõtyhy kaa suki.
|
||||
\v 26 Kia warayky waumy iruruõmy relere wanawana, Deuxu heka warurumykre, kia waweduhyymy rarekre.
|
||||
\v 27 Kia aribi rexilòhòrarienyrenykre òbitimy rururenykre, kia kai mahukre iny mahãdu òbitimy aõkõ adi rỹimyhỹrenyre.
|
||||
\v 28 Ka, waki tahe timywe awityhytyhyre atyykihyy aratxike, wadeuxu! Deuxu tyhyhykỹ-ki ixiwotenatxi reamyhyre, kia rarybemyhỹre ibutumy aõbo tii riwinyremy.
|
||||
\c 74
|
||||
\p
|
||||
\v 1 Deuxo, aõherekibo tiwaatytenyte ikiemy; Aõherekibo teburemy atxiteri abudoeni mahãdu-di;
|
||||
\v 2 Õhõti reake asỹ aijoi mahãdu -txi, kia tiu bedeu aõkõ tetatenyte ahõrõkremy kia bihedỹỹbenykre ainyreny òbitimy. Siaõ hawalo-txi õhõti rea, tai tahawanyte wahe.
|
||||
\v 3 Mynake kiata mynariake aõnaõna binabina tyre ikonanaõ, waòludu mahãdureny ibutumy rihurenyre aõnaõna arybe hetowoki rỹimyhỹre!
|
||||
\v 4 Aòludu mahãdureny rirajuarenyre bedesamy arybe heto bedeỹỹnanaki kia taita ritidirenyre ta banderareny deòsina wesemy rahaỹnanyrenyre.
|
||||
\v 5 Tii boho heka heitxedu wesemy ratxirenyre bederade riyròmyhỹrenyre tawomareny-di.
|
||||
\v 6 Tawomareny-di kia tamatelu reny-di rihurenyre ibutumy òwòru ixiywidỹỹna.
|
||||
\v 7 Heòty risỹnyrenyre arybe heto-ò, risurisunyrenyre ibedeki umy rerinanymyhỹrenyre kia ibutumy rihurenyre.
|
||||
\v 8 Tii boho riywinyrenyre ibutumy riwasurusurunyrenykremy; risõrenyre ibutumy Israel sytyhytyhykỹ bede bede.
|
||||
\v 9 Diarỹ boho ihoõrenyre ao timy iwitxiramy relekemy kia reaõmyhỹrenyre; kia ihoõre Deuxu rybedi ijohodu nihikỹ, kia inyõ rieryõhyyre tiwesebo kawesemy bede riijere.
|
||||
\v 10 Deuxu, tiwese bedeubo tahe waòludureny risinyrenymy roirenyrekre; kia aõbo ikiemy adi risinymy roirenyrekre;
|
||||
\v 11 Aõherekibo wawiòhedỹỹderarenymy teateri; Aõherekibo erowomy terimy taiteri;
|
||||
\v 12 Kai Deuxu, wa Iòlòreny tate juhuuhukỹle kia suki tahaỹnanyte.
|
||||
\v 13 Aruru abedeery nihikỹ-di, tewirareate bero nihikỹ kia tesurusurunyte bera aõni mahãdu ratireny.
|
||||
\v 14 Tesurusurunyte Levita aõniaõni ratirenykia tewahinyte irubu iròdu mahãdu bedero-my rỹimyhỹrenyre riròrenykremy.
|
||||
\v 15 Kai teraynyte ahube òlòna kiata teturỹdỹỹnyte bero nihikỹ.
|
||||
\v 16 Tewinyte txuu kia ruu, telidite txuu ihonahona biumy rỹimyhỹre tymana mynamynamy.
|
||||
\v 17 Teywinyte tikibo suu raonananykremy kia tewinyte wyramy bede rỹikremy kia beòramy bede rỹikre tewinylete.
|
||||
\v 18 Deuxu tyhyhykỹ, õhõti reake kia aóludu mahãdu risinymyhỹrenyre adi; õhõti reake kia atyhydỹỹdukõdu mahãdu kia reburemyhỹrenyre animy.
|
||||
\v 19 Uritre iwahidỹỹ renyõmykre aijoi mahãdu iòludu mahãdureny binabinahakỹ-ò. Uritre ikiehekỹmy iribireny nõhõtilusaõmy aijoi mahãdu iherenymy ijara rỹimyhỹrenyre!
|
||||
\v 20 Õhõti reake arybe tewinytetxi, kiemy dori sõemy aõbinabina rỹimyhỹre hawahakỹ bedehitxi hitxi lurumy.
|
||||
\v 21 Uritre iwahidỹỹrenyõmy iheworenymy iheworenymy ijara rỹimyhỹrenyre wobrunamy rearenykelau, ka tamyrenyta biwahinyke kia iny iaõkõmy rỹimyhỹrenyre kia iny aõnaõnamy rekoamyhỹrenyre umy reàlàmyhỹrenykemy.
|
||||
\v 22 Bexilymadỹỹnyke Deuxu, kia aõnaõna biijeke! Õhõti reakre kia ityhydỹỹdukõ mahãdu urile adi risinymyhỹrenyre txuu iyhyõmy.
|
||||
\v 23 Uritre nohõtilusaõmy aòludu mahãdu iràreny-ribi kia aõwodỹỹwodỹỹ-ribi kia ikiemy diwinymyhỹdenyde
|
||||
\c 75
|
||||
\p
|
||||
\v 1 Diarỹ boho umy reàlàmyhỹrenyre Deuxu, diarỹ boho umy reàlàmuhỹrenyre. Rarybemyhỹrenyre aaõ ninihikỹmy kia relyymyhỹrenyre aõnaõna wiwihikỹmy tewinymyhỹtenytemy.
|
||||
\v 2 Deuxu rarybere; ‘Diarỹ reritinyre retidire bede òbitimy kia tarasana rỹikremy kiata òbitityhymy anirenykre.
|
||||
\v 3 Ihare suu kia ibutumy aõtuu rỹimyhỹre ramytàtarenykre, diarỹ tahe arimytyhymy ariekre irawoludu.
|
||||
\v 4 Rarybere iny binabina mahãdu-ò kia tuijyyrenyõkremy aõnaõna ninihikỹmy, kia rexityhytyhynyrenyõkremy;
|
||||
\v 5 Rarybere kia rexitxuhuny renykremy ixityhytyhydỹỹreny-ribi tarybereny-ribi kia aõbinabina rarybemyhỹrenyre-ribi.
|
||||
\v 6 Kia dori tarasana ibràra-ribi aõkõ namyhỹde, beàra-ribi, iboo-ribi kia iraru-ribi aõkõ namyhỹde.
|
||||
\v 7 Kia Deuxu heka iny ritamy rihitxinymyhỹre, kia tii heka iny rierymy riixyrudỹỹnymyhỹre kia ijõ ritymadỹỹnymyhyre.
|
||||
\v 8 Deuxu heka tebòki ijõdimy ratximyhỹre bede-ò di tỹximy uva besò yxe-di takyara-di. Tii heka riwahinymyhỹre uva besò, kia ibutumy iny binabina mahãdu riõrenykre riõrenykre kia tahe ibetuu konanamy riõrenykre.
|
||||
\v 9 Kiaremy diarỹ ararybehyymy ararekre Ijaò Deuxu bededỹỹnanamy kia tamy arawiunykre areàlàmy.
|
||||
\v 10 Tii riyroyrokre iny binamahãdu rurureny, ka iny òbiti mahãdu rurureny bedeeryreny tahe raumynyrenykre.
|
||||
\c 76
|
||||
\p
|
||||
\v 1 Deuxu heka raerywityhymy ratximuhỹre Judá-ki; ini heka ixyby ixyby nadenymyhỹde Israel-ki.
|
||||
\v 2 Iheto heka Jerusalém-ki rỹimyhỹre;````````kỹ mahãdu risỹnymyhỹrenyre rawohitxihitxirenykremy.
|
||||
\c 77
|
||||
\p
|
||||
\v 1 Diarỹ katxiterehekỹmy tarurumy rarymyhỹre Deuxu-ò rarymyhỹre kiata tii wairà-ò roholamyhỹre.
|
||||
\v 2 Aõhỹỹmy ratỹỹnymyhỹreu, diary adee rexitoenymyhỹre; rumy wadebo lymamy retamadỹỹnymyhỹrerexitòenymyhỹreu, kiaremy wanõhõti tybonatxi reaõhyymyhỹre.
|
||||
\v 3 Deuxu-di raraykynymyhỹre kiata rawexiruràmyhỹre warayky reòrarunymyhỹre kiata waòra rarubumy ramyhỹre.
|
||||
\v 4 Deuxu riwawahinyõmyhỹre arõrõkemy, diary sõemy rahõtiyremy watxireri, kia timy warybeõna.
|
||||
\v 5 Rahõtinymyhỹre txuu ralòmyhỹre mahãdu-di kia wyra bededỹỹnana-di kia tiu aõkõ rexihurenyre.
|
||||
\v 6 Kkia sõemy rubedeu rahõtinymyhỹre sõetyhymy, kia sõemy raraykynymy raimyhỹre kiata òbitile lỹỹraxi rewinymyhỹre.
|
||||
\v 7 ‘Kia Deuxu aõbo iny derarenymy reakre aõbo ikiemy; kia aõbo tii ixyby ratxiõkre ibedesamy inydireny;
|
||||
\v 8 Kia aõbo iny boho ririrenyra inymyreny derina-ribi; kia iaõmy rybena aõbo ityhynaõreaõbo;
|
||||
\v 9 Kia Deuxu aõbo ixi-ribi tõhõti rusara iny ruxetòedu-ribi; kia adebure aõbo tuu rahaỹnanyra iny-di rexiwobrunymyhỹre deròwymy.
|
||||
\v 10 Taita diarỹ myy rarybere: ‘uriki ibutumy kia rahõtinyre Deuxu rarienihikỹ iny boho riwiòhenanykõkemyreri’
|
||||
\v 11 Deuxu tyhyhykỹ, diarỹ wanõhõti reakre aaõnawiwihikỹtxi!wanohõti reamy rarekre aõnaõnawiwihikỹ tewinymy tatemyhỹtxi
|
||||
\v 12 Arõhõtinykre ibutumy aõtyhytyhybo tewinyte-di, araraykynykre ibutumy aõmysỹdỹỹna-di.
|
||||
\v 13 Ibutumy aõnaõna tewinymyhỹte, Deuxu tyhyhyky! Kia su ritxoo deuse inihikỹtyhy aõkõ rare iny Deuxu reny wesemy.
|
||||
\v 14 Kai heka Deuxu tewinymyhỹteaõxiratybydỹỹnana; kia teteòsinyte aruru abedeery nihikỹ hawahawa mahãdu dee.
|
||||
\v 15 Aruru nihikỹ-di tehedỹỹnytenyte asỹ aijoi mahãdu, kia Ijaò rioreriore Jyje rioreriore.
|
||||
\v 16 Deuxu, tiu bee umy robirenyreu kia ruberurenyre, bee sỹytyhymy rỹimyhỹre bero nihikỹmy kia ramytàtarenyre.
|
||||
\v 17 Biuwetyyura ritxiwirenyre biulòra, kia biumyta rawodỹỹnymyhỹ biuki, kia biudelaa roosòmyhỹ ibutu bede noranoramy.
|
||||
\v 18 Kia biumyta wodỹỹ raubỹtỹre ibutumy bede bedemy; biudelaa tahe ritoosònyrenyre hawahawa bede bede butumy, kia suu tahe raòhòwimy ramuhỹre.
|
||||
\v 19 Kai tariate beronihikỹ tyadi, tahorete bero nihikỹ sỹytyhy-di, ka tiu inyõ robiõhyyre awarydenamy.
|
||||
\v 20 Iwese Deuxu rybedi ijohodu rariamyhỹre wese taijoi-di Moiseisi debò-di kia Arão debòdi.
|
||||
\c 78
|
||||
\p
|
||||
\v 1 waijoireny wasỹreny, boholabeny waixinadỹỹna-ò kia boholawiwibenyke aõmybo rarybereri-ò,
|
||||
\v 2 Kia adeereny ararybekre rybe urihina wòtena tya-ribi kia ariòbitinykre aõnaõna raeryõmy rỹimyhỹre juhuluduna.
|
||||
\v 3 Iny boho roholarenyre kia iny boho rieryrenyre kaa aõnaõna kia inyhỹỹnareny inykoreny relyyre.
|
||||
\v 4 Rikiwòrenyõkre iny riòrereny lau, ka rykaryberenykre iny rioreriore riorereny-ò Deuxu Tyhyhykỹ bedeery nidehedehehekỹmy, kia aõnaõna nidehedehe riwinyremy kia aõnaõna wiwihikỹ riwinyremy.
|
||||
\v 5 Tii riwahinyre tarybe wahidỹỹna Israel iny mahãdu-ò kia tuu relemy rarekremy Ijaò rioreriorereny-ò. Riwahinyre inyhỹỹnarenydee kia riixixanyrenykremy kaa rybe wahidỹỹna tariòrereny-ò
|
||||
\v 6 kia irioreriorereny rieryrenykremy, kia tii boho ixideewimy riixinanyrenykremy tariòrereny.
|
||||
\v 7 Kawesemy tii boho tule ritidirenykre tatyhydỹỹnareny Deuxu-ò; kia tõhõtireny tusaõna aõbo tii riwinyre-ribi kia rityhynyhyymy roirenyrekre ikiemy ibutumy aõ riwinymy roirenyrekremy.
|
||||
\v 8 Tii boho tahỹỹnareny weserenyõmykre iny binarenymy kia tõhõtiõrenyõmy, kia tiu ikiemy tatyhydỹỹnareny iwahidỹỹrenyõna kia òbitimy ratxirenyõhỹỹrenyre tamy.
|
||||
\v 9 Ebrai hãbu mahãdu, tebònadimy ratxirenyre waxiahãte-di wyhy-wana, rexiwòrenyre wouna txuu.
|
||||
\v 10 Israelita mahãdu riwinyrenyõre tuu rybe Deuxu tamyreny riwinyre kia Irybe wahidỹỹna tyhydỹỹderalemy rekoamhỹreny.
|
||||
\v 11 Tõhõtireny rusarenyre bedeòtiidỹỹna-ribi kia riwinymy raremyhỹ irurenyki.
|
||||
\v 12 Ihỹỹnareny ruki, Deuxu bedeòtiidỹỹna riwinyre Soã bederoki, Egito suki.
|
||||
\v 13 Tii bero nihikỹ riwirareare kia Israelita mahãdu riòhòresedỹỹnyre bero tya-di; riwinyre bee ritàmadỹỹnyre adobo weti wesemy.
|
||||
\v 14 Txumy heka tii idireny retehemy ramyhỹre biuwetyyuradi kia rumy tahe idireny ramyhỹre heòtyloosò-di.
|
||||
\v 15 Tii ritxuare manaurahãkỹ bederahyki kia riwahinyre iny mahãdu dee sõemy bee hãluu-ribi riõrenykremy.
|
||||
\v 16 Kia riòlòdỹỹnyre beòraru manaurahãkỹ-ribi kia ritxiwire bee bero wesemy.
|
||||
\v 17 Ka wahỹỹnareny ire òraruna riwinyrenyre Deuxu òludumy kia ikyreny rearenyre bederahyki Deuxu Rariehekỹ òludumy.
|
||||
\v 18 Tutyhymy Deuxu tamyreny riwinyre rieryrenykremy, rexitòenymyhỹreny rỹsỹnamy rekoamyhỹreny.
|
||||
\v 19 Raryberenyre iòludumy myy: “Kia Deuxu aõbo inydeereny rỹsỹna ydiwahinyke bederahyki?
|
||||
\v 20 Kia inatyhymy tii manauhãkỹ ritxuare, kia bee taijara riòrarunyre bero wesemy. Kia aõbo inydeereny tii paõ idiwahinyke? Kia aõbo iròdude ydiwahinyke taijoi-ò?”
|
||||
\v 21 Deuxu Tyhyhykỹ kamy roholareu, sõemy reburere. Tii taijoi rahyre heòty-di, kia ikyara iòludurenymy ranihikỹre
|
||||
\v 22 kiemy dori rityhynyõrenyreki kia rityhynyrenyõre kia rihedỹỹnyrenykemy.
|
||||
\v 23 Kiaremy Deuxu tarybe riwahinyre biu-ò kia rarybere biu ijò rexiraynykremy.
|
||||
\v 24 Tii riwahinyre iny mahãdu-ò biu paõ, kia riwinyre alòbrònaty ritxiwire hina manamy ninawesena rirỹsỹrenykremy,
|
||||
\v 25 kia kawesemy tahe rirỹsỹrenyre Ãnju mahãdu hina. Deuxu tamyreny rỹsỹna riwahinyre sõetyhymy.
|
||||
\v 26 Taita riwinyre biu ribunyre yhy ibryra weribi kia tabedeery nihikỹmyta riyhydỹỹnyre iraru weribi.
|
||||
\v 27 Iny mahãdu tyre ririòwydỹỹnyre sõemy nawii, kia bede nonoe ura wesemy rỹire yda ỹnyra rutàura wesemy rỹire.
|
||||
\v 28 Nawii rejujumy rỹimyhỹ ibreòreny tyamy, ibreòreny weruramy.
|
||||
\v 29 Taita Israelita mahãdu rirỹsỹrenyre kia awityhytyhymy ratxirenyre, kiemy dori Deuxu tamyreny riwahinyre ibutumy aõmybo rekoarenyremy.
|
||||
\v 30 Kia riroximyhỹreny-wanawana, kia rihydyrenykre kotyre,
|
||||
\v 31 Deuxu reburere tamyreny kia rirubunyre hãbu mahãdu ityhy mahãdu, Israel jyre mahãdu tyhytyhy.
|
||||
\v 32 Ihãremy kaa bedeòtiidỹỹna sỹtybymy, iny mahãdu òraruna riwinymyhỹreny kia Deuxu tyhydỹỹderalemy rekoamyhỹreny.
|
||||
\v 33 Kawesemy tahe tii rihurenyre timybo ibededỹỹnanareny ryy rabudỹỹmyhỹre wese, timybo bedebura isitere-ribile rỹimyhỹre wesemy.
|
||||
\v 34 Kiaremy, tiu Deuxu inyõ rirubunymyhỹu, ijõ mahãdu ròòsemy rỹimyhỹ tamy; tii boho ixikireny ibinatyhymy rahãrenyre kia rexitòenymy rỹimyhỹreny rexityhynyrenymy Deuxu dee.
|
||||
\v 35 Taita tõhõtireny rekoamyhỹreny Deuxu-txi iitxedureny raremy kia Irariehekỹ ihedỹỹdurenyremy.
|
||||
\v 36 Ka ibutumy irybereny heka roihyyle rare, kia ibutumy rarybemyhỹrenyre kia bòdỹỹlemy rarybemyhỹrenyre.
|
||||
\v 37 Kiemy dori iworeny òbiti aõkõ rare Deuxu dee, kia òbitimy aõkõ ratxirenyre irybe wahidỹỹna dee kia Deuxu riwinyre tii boho-wana.
|
||||
\v 38 Kiaremy Deuxu rexiwobrunyre taijoi mahãdu-di. Tii rihurenyõre, kia iòrarurenymy urile reàlàre. Sõemy tebure riixawidỹỹnyre kia takyara rahure.
|
||||
\v 39 Tõhõti reare kia rubudu roiremy, yhy reamyhỹre kia ixyby ròòseõhyymyhỹre.
|
||||
\v 40 Tiwese sõemybo tahe Deuxu òludumy reburerenyre bederahyki! Tiwese sõemybo tahe bederyrymy risỹnyrenyre!
|
||||
\v 41 Kia sõemy inatyhymy tamyreny òbiti riwinyre rieryrenykemy kia Israel Deuxu riteburedỹỹnymyhỹre.
|
||||
\v 42 Tii boho tõhõti rusarenyre ibedeery nihikỹ-ribi kia tiu txuu rihedỹỹnyrenyre-ribi iòludureny-ribi.
|
||||
\v 43 Tii boho tõhõti rusarenyre aõnaõnawiwihikỹ-ribi kia bedeòtiidỹỹna tii riwinyre-ribi Soã bederoki, Egito suki.
|
||||
\v 44 Tii riwinyre bero hãlubumy rirahorere, kiawesemy tahe egípcio mahãdu ibeõmy rekoarenyre ibemomonarenyõmy.
|
||||
\v 45 Riteònyre hòrati rabrò riòhỹtỹnyrenykremy kia yròwete ribinanyrenyre iubereny.
|
||||
\v 46 Kia riteònylere sei rabrò ioworureny riròrenykremy kia tòbrònareny rihurenykremy.
|
||||
\v 47 Rihure lòbrònareny biulòra mana-di kia iaõwireny biu nonoe-di.
|
||||
\v 48 Ibrorenireny kia ibudoenireny rurulerenyre biu lòra mana biudelaa òraruki.
|
||||
\v 49 Tii rihurenyre tadebure-di kia takyara-di, kia dòidenyde rubu wahi-di ijyydu wesemy.
|
||||
\v 50 Tii tadebure riyjanyõre kia irumy roirekemy riwahinyõre, kia rirubunyre iròdu sõmosõmo-di.
|
||||
\v 51 Iny heto sohoji sohojimy Egito suki, Deuxu rirubunyre uladu adela.
|
||||
\v 52 Irahudi budoeni-di itxedredu wesemy, Israel iny mahãdu-di rare Egito-ribi kia idireny retehemy ramyhỹre bederahyki.
|
||||
\v 53 Tii idireny rare rimywiwirenymy, kia tii boho ruberurenyõhyyrenyre; ka iòludu mahãdureny tahe bera-ò reasỹbròròrenyre.
|
||||
\v 54 Deuxu ridyre iny mahãdu tasỹtyhyhykỹ-ò, kia hãwalò tii òbitile rimyre.
|
||||
\v 55 Tii riteònyrenyre kua suki hãwadu mahãdu iwyna-wyna iijoireny rahãỹnanymyhỹreny. Kia riwirareare suu Israel ijoi ijoi mahãdumy kia riwahinyre Israelita mahãdu rasỹnyrenykremy tahỹỹnareny hãwarenyki.
|
||||
\v 56 Ka Israelita mahãduta reburerenyre Deuxu Rariehekỹ òludumy kia aõ inatyhymy riwinykremy tamy riwinyrenyre. Kia rityhynyrenyõre irybe wahidỹỹna
|
||||
\v 57 Kia ibinatyhymy tybyreny wesemy, roidureny wesemy iwese wyhy-di adehu rỹimyhỹre waxiahate bina-di.
|
||||
\v 58 Tii boho riwoxibrunyrenyre taxiwenareny obiutòna binahãkỹ-di kia tadeuse suritxoo-di kia ihãrumy risỹnyrenyre.
|
||||
\v 59 Deuxu tuu robireu reburere kia taijoireny ixiribi ibutumy rihitxinyrenyre.
|
||||
\v 60 Tii ririre “Taheto Rybewahidỹỹna”, Silo-ki rỹimy raremyhỹ, heto tai rasỹnymy raremyhỹ iny mahãdu-wana.
|
||||
\v 61 Riwahinyre kia iòludureny riwyrenykremy “Heto Rybewidỹỹna”, kia ibedeery nihikỹ deòsidỹỹnana.
|
||||
\v 62 Tii reburere tasỹ taijoi mahãdu òbitiòle kia riwahinyre tii boho iòludu mahãdu rirubunyrenykremy.
|
||||
\v 63 Iny tỹmyra mahãdu wounaki rururenyre, kia ijadòòma mahãdu inyõ-wana roirenyke ihoõrenyre.
|
||||
\v 64 Ityhytyhy mahãdu rexihurenyre tõnori-di, kia iwytesereny ratòerenyre irahireny roburenykelau.
|
||||
\v 65 Taita Deuxu, kai texixate tỹhiwesena-ribi; iwese hãbu debureõ ryrymyhỹre wese mona besò tuu risỹnymyhỹre.
|
||||
\v 66 Tii risỹnyre taòludu mahãdu rexiwòrenykremy rabòdurenymy kia ikiemy raixỹrumy roirenyrekremy.
|
||||
\v 67 Tii ixi-ribi rihitxinyre Jyje rioreriore kia Ebrai iny mahãdu ritaõre.
|
||||
\v 68 Iribiòtumy ixidee ritare Juda ijoi mahãdu, Sião hãwalò, kia tii sõemy tuu rerinanymyhỹre.
|
||||
\v 69 Tii riwinyre tahetowihikỹ biu bede rarieki kia su wesemy ridere, kia rimywiwimy roimyhỹre ikiemy.
|
||||
\v 70 Taita Deuxu ritare tadeòdu Davi; tii ritare budoeni uhuari-ribi
|
||||
\v 71 iu budoeni-di itxereduki raremyhỹu. Tii risỹnyre Israel Iòlò-my kia Deuxu ijoireny-di itxeredumy.
|
||||
\v 72 Davi idireny tarukimy raremyhỹ riywiywinyrenymy kia idireny raremyhỹ sõemy ibedeery.
|
||||
\c 79
|
||||
\p
|
||||
\v 1 Deuxu, atyhydỹỹdu mahãdu roberarenyre asumy, rikròkròmy ribinanyrenyre heto Arybe-di Ijohona kia Jerusalem ririrenyre ibinatyhymy.
|
||||
\v 2 Riatyrenyre aijoireny asỹreny umreny kia nawii nawii tuu riroxirenykremy kia riwahinyrenyre arybedi ijohodu mahãdu rubureny iròdu deburereny-ò.
|
||||
\v 3 Ritxiwirenyre aijoireny hãlubu kia bewesele. Hãlubu reare bera wesele ibutumy Jerusalem bede bede-my, kia inyõ rasiranyõhyyre rubu mahãdu rituunykemy.
|
||||
\v 4 Iwitxira hãwadu mahãdu watyyrenymy rỹimyhỹrenyre wadireny risinyrenyre rutxuenyrenyre kia wadireny rarỹỹnyrenyre.
|
||||
\v 5 Deuxu Tyhyhykỹ tiwese bedemybohe wadireny adeburemy mabekre? Kia adebure aõbo ikiemy rarekre heòtyloo wese?
|
||||
\v 6 Deuxu, bebureke hãwa hãwa umy rerinanyõmyhỹrenyremy, kia mahãdu arahitxinymyhỹrenyremy!
|
||||
\v 7 Kiemy dori tii boho rirubunyrenyre wasỹreny waijoireny kia wasurenymy rahãỹnanyrenyre.
|
||||
\v 8 Uritre wararytxydỹỹrenyõmy wahỹỹnareny òraruna riwinyrenyre òraruki, ka urileta wadireny wiji bexiwobrunykre.
|
||||
\v 9 Biwawiòhenanybenyke, Deuxu Wahedỹỹdureny; aaõwiwi ainytyhy òrarumy biwahedỹỹnybenyke kia õhõti rusake waòrarureny-ribi.
|
||||
\v 10 Aõherekibo tewahinymyhỹte iwitxira hãwa hãwa rỹỹraximyhỹre: ”Titxibo Adeuxureny rare?” Deuxu, biwawahinybenyke arobirenykemy rarytxyna biwahinykremy. Kia dori aijoireny hãlubu rejujure.
|
||||
\v 11 Boholake brejudu mahãdu ohitxireny-ò kia abedeery nihikỹ-di bitabenyke kia rururenykremy ratxirenyreri.
|
||||
\v 12 Kai, terarytxynyte iwitxira hãwa hãwa mahãdu debò inatxi sõemy kia umy radònymyhỹrenyre òraruki.
|
||||
\v 13 Kia diarỹ boho, asỹreny aijoireny, airòdureny, diarỹ boho kia wahỹỹnareny-wana umy reàlàmyhỹrenyre ikiemy kia rawiunymyhỹrenyre wiuna-di umy rawowydyrenymy.
|
||||
\c 80
|
||||
\p
|
||||
\v 1 Boholake wadeereny, Israel rybe-di Ijohodu! Boholake wadeereny, kai dori airòdureny-di arukimy atximyhỹte! Kai dori tanymyhỹte arynana tyreki, kia nawii iròdu wesena tyreki rỹimyhỹre,
|
||||
\v 2 biteòsinyke ainymy derina kia Ebrai, Bejami Manase-my terinanymyhỹte! Biteòsinyke wadeereny abedeery nihikỹ; manake kia biwahedỹỹnybenyke!
|
||||
\v 3 Deuxu, biwawinybenyke ixyby araraòrenykremy wadeedreny biteòsinyke ainymy derina, tai arahenyrenykre!
|
||||
\v 4 Tiwese bedeubo tahe, Deuxu Tyhyhykỹ kia Butumy Ibedeery nihikỹ, adeburemy mabekre aijoireny ixitòenareny-di?
|
||||
\v 5 Kai wadeereny tewahinyte paõ rube arirỹsỹrenykremy kia bede-ò sohoji tỹximy rubedi ariõrenykremy.
|
||||
\v 6 Tewahinyte hãwa hãwa watyyrenymy rỹimyhỹrenyre raõbinanyrenykremy wasureny òraruki kia waòludureny wadireny risinymyhỹrenyre.
|
||||
\v 7 Deuxu, biwawinybenyke ixyby araraòrenykremy, wadeereny biteòsinyke ainymy derina, tai arahenyrenykre!
|
||||
\v 8 Tadiwyte Egito-ribi alòbròna, Israel iny mahãdu; teteònyte iwitxira iny mahãdu kia tebrònyte kaa alòbròna isurenyki.
|
||||
\v 9 Teywinyte suu tamy; irarutireny ralòrenyre su-txi, kia tii rexiubỹtỹnyrenyre ibutu bede bedemy.
|
||||
\v 10 Tehetynyte hãwalò hãwalò aubròrò-di, kia ibederadereny raumynyrenyre ywaò nihikỹ ratyremy.
|
||||
\v 11 Tii tarururade riterenyre Mediterrâneo bero nihikỹòhòkỹle kia Eufrates beroòhòkỹle.
|
||||
\v 12 Aõherekibo teatyte uhuari iweruramy rỹimyhỹre? Ka tahe mobo rydi rariamy rakre kia Uva bederaty riwahinykre.
|
||||
\v 13 Ixỹ hàlà risurusurunyre tawareny-di, kia butumy riòdu iròdu debure riròrenyre.
|
||||
\v 14 Bòdòòseke wadeedreny, Deuxu Butumy Tabedeery nihikỹ! Biu-ribi tetehemyhỹte wadireny; mynake kia bihedỹỹnykremy alòbròna.
|
||||
\v 15 Mynake kia bihedỹỹnykremy kaa alòbròna kai òbitile tebrònyte, kaa alòbròna ruru tỹmyra tewinyte inihikỹmy raumynykremy!
|
||||
\v 16 Waòludunyrenyre rikykròre kia riworonyrenyre. Akyara-di tetehete tamyreny kia tehute kaa iny mahãdu!
|
||||
\v 17 Teijemy terarenyte iny mahãdu tetate, kia hãwa hãwa tewinyte inihikỹmy raumynykremy!
|
||||
\v 18 Diarỹ boho ixyby arexihitxinyrenyõtyhy aribi; wabededỹỹnanareny bimywiwimy mabekre, kia diarỹ boho umy arawowydyrenykre.
|
||||
\v 19 Deuxu Tyhyhykỹ kia Butumy Abedeery nihikỹ-wana! Biwawinybenyke ixyby araraòrenykremy! Wadeereny biteòsinyke ainymy derinana, kia tai arahenyrenykre!
|
||||
\c 81
|
||||
\p
|
||||
\v 1 Mawiunybenyke beysabenymy Deuxu dee, iny itxedurenydee; mawiunybenyke beàlàbenymy Ijaò Deuxu dee!
|
||||
\v 2 Wiu biòrarunybenyke kia wiuna biwodỹỹnybenyke bedesamy.
|
||||
\v 3 Wiuna biwodỹỹnybenyke ixenana-ò kia ahãdu tỹmyra-ò rehemynykre kia ahãdu jyry-ò rehemynykreu.
|
||||
\v 4 Kia heka rybetyhydỹỹna rare Israel dee, kia Ijaò Deuxu tarybe tuu riwahinyre.
|
||||
\v 5 Tii heka riwahinyre kaa tarybetyhydỹỹna Israel iny mahãdu-ò iu Egito su òludumy rariarenyreu. Raholare rybe wodỹỹ-ò, kia diarỹ reeryõre myy:
|
||||
\v 6 Diarỹ retare abròreny-ribi itxyyna utxie, rewinyre kai boho ixiyhymy matxibenykremy itxyyna utxie-di tetyymy toitemyhỹdi.
|
||||
\v 7 Tiu aõhỹỹmy tatỹỹnymyhỹtenyu, kai boho wadee tarytenyte, kia diarỹ arahedỹỹnyrenyre. Kua tiribibo diarỹ rexiwòmy yhydebure bedeki, diarỹ ararawyònyrenyre kia inatyhymy watximyhỹremy rewinyre Meribá òrarunaki.
|
||||
\v 8 Wasỹreny waijoireny, boholabenyke wadohodỹỹna-ò! Israel, timybo diarỹ waweribi-ò kai warybe-ò boholakemyreri!
|
||||
\v 9 Uritre ixyby ityhydỹỹrenyõmy suritxoo deuxu uritre inyõmy derinarenyõmy, diarỹle tahe wamy berinanybenykre!
|
||||
\v 10 Diarỹ heka Ikiemy Rarehyy rare, aDeuxu, kua aratarenyre Egito su-ribi. Arywo biraynyke, kia diarỹta ariòenykre.
|
||||
\v 11 “Ka wasỹreny waijoireny warybe-ò ijohonaderalemy rekoarenyre; Israel riwatyhynyõlere.
|
||||
\v 12 Kiaremyta, diarỹ rewahinyrenyre tariranareny nohõtiõna-di rariarenykremy kia rewahinyre aõ ixideewimy riwinyrenykremy.
|
||||
\v 13 Timykibo tahe wasỹ waijoi wadee roholake, kia Israel iny riwatyhynyke!
|
||||
\v 14 Diarỹ aõtamaõkõ iòlududrenymy arahỹỹnanyke kia ibutumy teburewyòdu mahãdu arimyrenyke.
|
||||
\v 15 Kua mahãdu wamy radònymyhỹrenyre wakoki rexibedenyrenyke riwatyhynymy; irarytxynareny ikiemy rareke.
|
||||
\v 16 Ka adeereny tahe diarỹ mai wityhy ariwahinyke kia biroxibenyke bederahy bidi-di, kia ihyyta awityhymy atxibenyke.”
|
||||
\c 82
|
||||
\p
|
||||
\v 1 Deuxu rimyre dtarynana suritxoo deuxu mahãdu rybe butunaki kia ityarenykita riwahinyre tarybe:
|
||||
\v 2 “Kai boho ixawirenykewi atxitenyteri inymy aõmy rybereny-ribi kia aõbinabina weribiki atxitenyteri!
|
||||
\v 3 Besumyhỹbenyke iny iaõkõmy kia uladu iseõmy tybyõmy rỹimyhỹrenyre weribiki; kia òbitimy atxibenyke aõhỹỹmydỹỹdu aõnaõnamy ijaradu mahãdu dee.
|
||||
\v 4 Biwiòhenanymy bihedỹỹnybenyke inytyhykõ. Iny iaõkõ mahãdu kia bitabenyke iny bina mahãdu deboworeny-ribi.
|
||||
\v 5 “Kai boho aõki ixilòrelòredỹỹdu, aõ teeryõhyymyhỹtenyte kia bedeluruki atximyhỹtenyte. Su-ki rybe wahidỹỹna òraru kia relekremy roimyhỹre bedejeijeimy roimyhỹre.
|
||||
\v 6 Diarỹ rarybere: “Kai boho suritxoo deuxu; ibutumy kai boho Deuxu Rariehekỹ riòre toite.
|
||||
\v 7 Kiaremy burubenykre iwese hãbu mahãdu rurumyhỹre wesele; abededỹỹnanareny rexihurenykre iwese iòlòõ wesele.”
|
||||
\v 8 Mynake Deuxu, hãwa hãwa biwedunyke, kiemy dori bede bede ahõrõlehekỹ rỹira.
|
||||
\c 83
|
||||
\p
|
||||
\v 1 Deuxu, uritre ywimy wodỹỹõmy noõmyke! Uritre ary rabredỹỹõmy kia biyrymy noõmyke!
|
||||
\v 2 Beteheini! Aòludu mahãdu reyjayjanymy rỹireri kua mahãdu umy radònymyhỹrenyre reburemy ratxirenyreri.
|
||||
\v 3 Tii boho bede riywinyrenyreri asỹ aijoi òludumy; kia rexiywinymy rỹirenyreri kua mahãdu kai teijemyhỹtenyte òludumy.
|
||||
\v 4 Tii boho raryberenyre: "Bydòike! Rykihurenyke Israel hãwa hãwadreny kia kaa inireny ikiemy rusarenykremy!"
|
||||
\v 5 Iòludureny rexibutunyrenyre kia bede riywinyrenyre; tii boho taworeny rirahorerenyre rybewi riwinyrenykemy aòludumy.
|
||||
\v 6 Iòludureny heka ka boho roire: Edona ijoi kia Ismaeli riòreriòre; Moabi ijoi kia Aarita ijoi;
|
||||
\v 7 Ijeba ijoi, Amo kia Amaleki ijoi mahãdu, Bilitea ijoi kia Tiro ijoi mahãdu.
|
||||
\v 8 Kia Assiri tule tii boho-wana rexibutunyrenylere, kia iwese iruruteremy Lòò rioreriore wesemy, iny òludureny.
|
||||
\v 9 Biwinyke tamyreny iwese riwinyrenyre wese Midianita mahãdu dee, kia riwinyre wese Sisera mahãdu dee kia Ijabi dee riwinyre wesemy Kisõ beroki;
|
||||
\v 10 Tii boho rabòdurenyre Idonahãwã bedeki, kia irubureny rasunyrenyre suki.
|
||||
\v 11 Biwinyke asodadu wedureny-wana kia riwinyre wesemy Orebe kia Zeebe-wana; bibòdunyke ibutumy iwedureny deòdu iwese riwinyre wesemy Zeba kia Salmuna-wana.
|
||||
\v 12 Kia dori raryberenyre: “Israel su-di rykatxirenykre, suu Deuxu riwedurenyre”.
|
||||
\v 13 WaDeuxu, biuberanyke kaa iny mahãdu su ỹnysi wesemy, iwese yhy ohotxi aõkõ horeru ritebonymyhỹre wese.
|
||||
\v 14 Kawesemy heòty bijiu risõmyhỹre, kia wòrade hãwalò riworonymyhỹre wese, hãwãlò hãwãlòmy.
|
||||
\v 15 Kawesemy tahe iherenymy beake ayhydeburedi kia bisỹnybenyke alaureny ruberurenykemy.
|
||||
\v 16 Deuxu Tyhyhykỹ, bisỹnybenyke taòsỹnyreny-di raixỹrurenykemy, kia wesemy tahe tii boho aijoirenymy ratxirenykemy rekoamyhỹrenyre.
|
||||
\v 17 Kia rabòdurenykre kia raixỹrurenykre ikiemy; kia rururenykre ibutumy iòwyrenyõlemy!
|
||||
\v 18 Kia rieryrenykremy kai sohojihyyle Deuxu Tyhyhykỹmy atximyhỹtemy, kai heka Ararie nihikỹ tate ibutumy suu tewedunymyỹte!
|
||||
\c 84
|
||||
\p
|
||||
\v 1 Timywe diarỹ rerinanyre arybe-di ijohona hetomy, Deuxu Butumy Bedeery Nihikỹ!
|
||||
\v 2 Timywe diarỹ tamywityhyre kuakihyy aratxikemy! Deuxu Tyhyhykỹ Rybe Heto ube wehityhyymy sõemy rarumyhỹre. Ibutumy waijoire-wana bedesamy rawiunymyhỹre Deuxu iruhyymy ratximyhỹre dee.
|
||||
\v 3 Ibutumy tabedeery-wana, waIòlò heka waDeuxu rare! Ixiwena obiutòna bireki nawii nawii riwinyrenyre tasinanareny, txu nohõ riwinyrenyre tahetoreny, tai tariòrereny-di tarukimy ratximyhỹre.
|
||||
\v 4 Kia heka awityhytyhymy ratximyhỹrenyre Irybena Hetoki rasỹnymyhỹrenyre, ikiemy rawiunymyhỹrenyre umy reàlàmy!
|
||||
\v 5 Kia heka awityhytyhyre kua mahãdu aribi ruruterena rimymyhỹrenyre kia risỹnymyhỹrenyre ròirenykemy Deuxu-my rerinanyrenykemy Siaõ hãwalòki.
|
||||
\v 6 Tiu tii boho rariamyhỹrendyreu bede rubutxi, kia rỹximy reamyhỹre beòlòna-d; kia komy biu ròamyhỹre, sõemy behãluu reamyhỹre.
|
||||
\v 7 kia ròimyhỹrenyre-wanawana, irurureny raumynymyhỹrenyre; tii boho robirenykre suritxoo deuxu Deuxumy Jerusalem-ki.
|
||||
\v 8 Boholake waixitòedỹỹna-ò Deuxu Tyhyhykỹ kia Ibutumy Tabedeery Nihikỹ-wana! Boholake wadee, Ijaò Deuxu!
|
||||
\v 9 Deuxu, arybewihikỹ tamy biwahinyke waitxesedureny-ò, iòlò kai tetate!
|
||||
\v 10 Kia heka awityhyre aõtxumy ratxikemy Arybe-di Ijohona Heto-ki kia sõemy txuu riemyhỹre-ribi iwitxira bedeki. Diarỹ aratxikemy watximyhỹre waDeuxu heto ijo ròtenaki aratxikemy kia iny bina mahãdureny hetoki aratxike-ribi.
|
||||
\v 11 Deuxu Tyhyhykỹ heka waloosonareny rare kia waitxesedureny. Tii rerinamy kia rawodỹỹnymyhỹre aõ òbitimy rewinymyhỹrenyremy kia riwahinymyhỹdre ibutumy aõ awimy relemyhỹre-ò.
|
||||
\v 12 Deuxu Ibutumy Bedeery Nihikỹ timywe bedesatyhymy ratxidrenyre kua mahãdu umy rerinamy aratyhynymyhỹrenyre.
|
||||
\c 85
|
||||
\p
|
||||
\v 1 Deuxu Tyhyhykỹ, kai awimy atxite asu-ò; tewinyte Israel ixyby adee roosekremy.
|
||||
\v 2 Ararytxyna teixawidỹỹnyte ibutumy aijoi mahãdu-ribi kia teteheõte aõbinabinamy.
|
||||
\v 3 Kia adeburemy ikiemy atxiõte tamyreny kia ixinamy terite akyara nihikỹ.
|
||||
\v 4 Tiwawinytenyte ixyby adee aròòserenykremy, Deuxu, Wahedỹỹdureny, kia awoxibrumy atxiõte aijoi mahãdu-di!
|
||||
\v 5 Kia ikiemy aõbo mabekre kyaramy waòludurenymy? Kia tiu aõbo iixihuduõna akyara?
|
||||
\v 6 Wadeereny ixybyle ruruterena bidiwahinyke kia wesemy tahe aijoireny bedesamy bisỹnybenykre.
|
||||
\v 7 Wadeereny biteòsinyke, Deuxu Tyhyhykỹ, ainymy derinana kia wadeedreny biwahinyke ahedỹỹnana.
|
||||
\v 8 Diarỹ aroholakre Deuxu Tyhyhykỹ rarybekre-ò. Tii riwinykremy iny aõbinaõmy rỹirakremy, kia ixỹ ijoireny, kia rykòoserenyõkre-wana iny ryreny binahãkỹ-ò.
|
||||
\v 9 Inatyhymy Deuxu rexihumy ratximyhỹre rihedỹỹnykremy motyhytyhybo ilau ruberumyhỹre, kia ihedỹỹnana iny surenyki ratxikre.
|
||||
\v 10 Iny wimy rerinanyre kia òbitimy rỹire witxi rekoarenykre; ywimy rỹire kia aõbinaõmy rỹire wii rimyrenykre.
|
||||
\v 11 Òbitimy rỹimyhỹre mahãdu su-ribi rexitxuarenykre kia òbitimy rỹimyhỹreta biu-ribi kydetehekre.
|
||||
\v 12 Deuxu wadeereny idiwahinykre aõ awimy rỹimyhỹre, kia iny sureny alòbròna aõwi-di roikre.
|
||||
\v 13 Òbitimy rỹimyhỹre rakre Deuxu koki kia riywiywinykre ryy tamy.
|
||||
\c 86
|
||||
\p
|
||||
\v 1 Deuxu Tyhyhykỹ, wadee boholake kia biwarawyònyke, kiemy dori diarỹ waruruõmy rare kia aõnaõnamy reareri.
|
||||
\v 2 Rubu-ribi biwahedỹỹnyke kiemy dori diarỹ aratyhynymy adi watximyhỹre; kohe, biwahedỹỹnyke kiemy dori diarỹ arybe-di ijohodu rare kia aratyhynymyhỹre.
|
||||
\v 3 Kai heka waDeuxu tate. WaDeuxu wadi bexiwobrunyke, kiemy dori diarỹ rexitòenymyhỹre txuõtxuõlemy.
|
||||
\v 4 Deuxu, bibedesadỹỹnyke aijoi woreny, kiemy dori waraykyna adeehekỹle raòwònymyhỹre.
|
||||
\v 5 Deuxu, kai heka iny-di ixiwobrudỹỹdu tate kia ainymy derinana ijõdire ibutumy kia iny mahãdu adee rexitòenymyhỹrenyre-di.
|
||||
\v 6 Boholake Deuxu Tyhyhykỹ, waixitòedỹỹna-ò kia boholake biwahedỹỹnykemy rerajuamyhỹre-ò.
|
||||
\v 7 Aõsirasiramy ratỹỹnymyhỹre bedeu, diarỹ adee rarymyhỹre, kai tahe tiwarawyònymyhỹte.
|
||||
\v 8 Suritxoo deuxu ihoõhyyre Awesemy; inyõ riwinyõtyhy kai tewinymyhỹte.
|
||||
\v 9 Ibutumy iny mahãdu tewinyte idirahudenykre kia rexirabedednyrenykre akoki. Tii reàlàrenykre aõwiwi nihikỹmy
|
||||
\v 10 Kiemy dori kai anihikỹmy kia abedeery nihikỹre. Kai sohojile Deuxu tate.
|
||||
\v 11 Deuxu Tyhyhykỹ, biwaedrynany aõ ariwinykemy, kia diarỹ aratyhynykre òbitityhymy; biwaerynanyke arybe-di ijohodumy aratxikemy ibutumy waumy-di.
|
||||
\v 12 Waha waDeuxu, diarỹ umy areàlàmy ararekre ibutumy wawo-wana kia ararybemy ararekre aõninihikỹmy ikiemy.
|
||||
\v 13 Timywe inihikỹre wamy terinanymyhỹte! Kai tiwahedỹỹnyte hãluu sỹy-ribi.
|
||||
\v 14 Deuxu, diarỹ aõhỹỹmy ratỹỹnyreri iny mahãdu rexityhytyhynymy rỹimyhỹrenyre-ribi, iny mahãdu adi rõhõtinyrenyõmyhrenyre. Hãbu mahãdu rabrò binahãkỹ warubudỹỹmy risỹnyrenyreri.
|
||||
\v 15 Kai tahe Deuxu tate ainy-di ruxetòena ijõdire kia sõemy ainymy dedrina; kia aõ teraòmyhỹte kia awityhymy òbitimy atximyhỹte.
|
||||
\v 16 Ixybyle wadi bedeteheke kia wadi bexiwobrunyke; wadee adruru bidiwahinyke kiata biwahedỹỹnyke, kiemy dori diarỹ arybe-di ijohodu rare, iwese tule nadi arybe-di rohonymy raremyhỹ.
|
||||
\v 17 Deuxu Tyhyhykỹ, wadee biwahinyke bitỹnynynymy aõwiwi. Taita wamy radònymyhỹrenyre robirenykre kai tiwawiòhenanytemy tiwanohõti tybònymy kiata raixỹrurenykre.
|
||||
\c 87
|
||||
\p
|
||||
\v 1 Deuxu Tyhyhykỹ riwinyre tahãwa hãwalò tyhydỹỹna tyre;
|
||||
\v 2 tii rerinanyre Jerusalem hãwa kia aõtxile Israel bede bede ratyremy.
|
||||
\v 3 Deuxu hãwa, boholake kaa aõnaõna wihikỹmy tii rarybere umy:
|
||||
\v 4 “Tiu ariwinykreu hãwa hãwa mahãdunireny kia riwatyhynymyhỹrenyre, kia arilidikre Egitoni kia Babiloniani; kiata ariywinyrenykre Bilitea mahãdu, Tiro mahãdu, kia Etiopia mahãdu kia Jerusalem-ki ruarenyre wesemy.”
|
||||
\v 5 Jerusalem-my iny mahãdu raryberenykre kia ibutumy iny mahãdu kualududrenyrehyylemy kia Deuxu Rarienihikỹ ixyby riwinykre hãwa ruruterehekỹmy.
|
||||
\v 6 Deuxu Tyhyhykỹ, riritinykre iny mahãdunireny, tai tahe ibutumy Jerusalemlududrenyhyymykre.
|
||||
\v 7 Kuaki rasỹnymyhỹrenyre myy reserenymy rauwiunyrenykre myy: “Iny bedesareny òraruna heka Jerusalem-ki roimyhỹre.”
|
||||
\c 88
|
||||
\p
|
||||
\v 1 Deuxu Tyhyhykỹ waDeuxu kia Wadedỹỹdu, diarỹ rerajuamyhỹre biwahedỹỹnykemy txuõtxuõlemy kia rumy tahe atyyki aratxikehyylemy araijemyhỹre.
|
||||
\v 2 Boholake waixitòedỹỹna-ò boholake arahenykemy rarymyhỹre-~ò!
|
||||
\v 3 Kia aõhỹỹhỹỹ sõetyhymy watyre rejujura, kia warubu iòhòmy rare.
|
||||
\v 4 Diarỹ heka rare, iwese ibutumy rururenykre wesemy; waribi riõre ibutumy waruru.
|
||||
\v 5 Diarỹ rarimy rare rubu mahãdu yky-ki; diarỹ heka iwese rubu mahãdu tawabedeki herimy roimyhỹrenyre wesenare: kai õhõti iribireny rusawiwire, kia tii boho ixyby ihoõrenyre teijemyhỹte.
|
||||
\v 6 Kai wadi tehute hãluu sỹy-ò, hãluu ijòluru sỹy-ò.
|
||||
\v 7 Akyarana watyre rautxienyre, kia aybò tahe riwasurusurunyre.
|
||||
\v 8 Kai tewinyte wabiòreny riwaatykremy kia wadi reteherenykremy wamy raybirenymy.
|
||||
\v 9 Diarỹ sõemy aõhỹỹmy ratỹỹnyre, kia retehewiõhyyreri. Deuxu Tyhyhykỹ, txu sỹtybymy diarỹ adee rahinymyhỹ kia wadebò rebiutxinymy rexitòenyre.
|
||||
\v 10 Kia aõbo biwinykre bedeòtiidỹỹna lrubu mahãdu deewimy? Kia aõbo tii boho ritynanyrenykre kia umy reàlàrenykremy?
|
||||
\v 11 Kia aõbo tii boho hãluuwoki aõmy derinamy raryberenykre aõbo? Kia aõbo wabedeki ainytyhy òbitimy aõbo raryberenykre?
|
||||
\v 12 Kia bedeluruki aõbo abedeòtiidỹỹnamyt aõbo robirenykre yda robirenykre aõbo aõwiwityhynamy suu rusamy roimyhỹre bedeki?
|
||||
\v 13 Deuxu Tyhyhykỹ, diarỹ adee rarymyhỹre rexitòenymy biwawiòhenanykemy; ibutumy rudiu diarỹ adee rexitòenymyhỹre.
|
||||
\v 14 Aõhedrekibo tiwahitxinyte? Aõherekibo walau texiwote?
|
||||
\v 15 Watỹmyrauhukỹle aõhỹỹmy ratỹỹnymy raremyhỹ kiata rubu tyyki rare; reywesemy rariamyỹre araytxyna utxiedi.
|
||||
\v 16 Akyara nihikỹ watyre rejujure; aòhòte binahãkỹ riwahumyhỹre.
|
||||
\v 17 Txu iyhyõmy riwayrawonymyhỹrenyre beòrahãkỹ-di; tii boho riwayrawonymyhỹrenyre ibutu bede bede-ribi.
|
||||
\v 18 Kai tewinyte wabiòwa mahãdu kia wahetobireludu mahãdu riwaatyrenykremy, ka tahe wiji bedelurule wadee rohenyra.
|
||||
\c 89
|
||||
\p
|
||||
\v 1 Deuxu Tyhyhykỹ, diarỹ ikiemy arawiunymy ararekre aõmy ainymy derinanamy kia arelyymy ararekre òbitityhymy atximyhỹtemy.
|
||||
\v 2 Kia diarỹ reeryre aaõmy ainymy derinana ikiemy rỹimy rarekre kia ainytyhy òbitimy ikiemy rarekre biuraretyy wesemy.
|
||||
\v 3 Kai tarybete: “Diarỹ retare waijoi wabiòwa Davi, rewinyre iki-wana rybe timybo tii-wana ararekre kia tamy ariwahinykremy rarybere myy:
|
||||
\v 4 Arioreriorerenyõ ikiemy wedumy rarekre, kia diarỹ idi warukimy ararekre iiòlònadi ikiemy.”
|
||||
\v 5 Deuxu Tyhyhykỹ, biurawetyy heka rawiunymyhỹre aõnaõnawiwihikỹmy tewinytemy, kia ỹju mahãdu tahe rexibutunymy rawiunymyhỹrenyre ainytyhy òbitimy rỹimyhỹremy.
|
||||
\v 6 Inyõ ihoõhyyre biurawetyyki awesemy! Inyõ ihoõhyyre biurawetyy mahãdu yky-ribi awesemy!
|
||||
\v 7 Kai heka tyhydỹỹna tate ỹju mahãdu rybe butuna riwinymyhỹrenyreu kia alau ruberumyhỹrenyre ibutumy kia atyymy awebròmy rỹimyhỹrenyre.
|
||||
\v 8 Deuxu Tyhyhykỹ kia Ibutumy Ibedeery Nihikỹ, inyõ ihoõhyyre kia sõemy abedeery nihikỹ awesemy; kia ibutumy aõnaõna dee kai òbitimy tetyhynyhyymy atximyhỹte Deuxu.
|
||||
\v 9 Bero nihikỹ nidehedehe temymyhỹte; kia tetxujudỹỹnymyhỹte iybò debure nihikỹ.
|
||||
\v 10 Raabi aõni tesurusurunyte kia terubunyte; arurutere nihikỹ-di debòdunymyhỹte aòludureny.
|
||||
\v 11 Suu ahõrõ rare kia biurawetyy tule; kai bede bede tewinyte kia ibutumy aõnaõna tuu rỹimyhỹre.
|
||||
\v 12 Kai tewinyte ibòò kia iraru. Tabò hãwãlò kia Emo hãwalò umy reàlàmymyhỹrenyre rabedesarenymy.
|
||||
\v 13 Timykiwe abedeery nihikỹre! Timywe inihikỹre aruru!
|
||||
\v 14 Aõ òbitityhymy kia awityhymy rỹimyhỹre heka aiòlòna òrarureny rare. Kai òbitimy nodu tate kia ibutumy aõ tewinymyhỹtemy terinanymyhỹte.
|
||||
\v 15 Bedesamy rỹire iny mahãdu umy rerinanymyhỹrenyre rawiunyrenymy kia ratximyhỹrenyre loosona aruki.
|
||||
\v 16 Aiòraruki tii boho rabedesamy ratximyhỹrenyre txuu iyhykõmy; tii boho umy rawowydymyhỹrenyre kiemy dori tehedỹỹnytenyteki.
|
||||
\v 17 Kai wadeereny bedesa nihikỹ tewahinymyhỹte aròtarenykremy; ainytyhymy tiwasỹnytenyte waòludureny-ribi aròtarenykremy
|
||||
\v 18 kiemy dori tetate wadi itxeredureny. Kai tuu Israel Deuxu tyhy, wadeereny tewahinyte waiòlòdureny.
|
||||
\s1 Deuxu Riwahinykremy Rarybere Davi-ò
|
||||
\v 19 Juhuu ayky-ribi tetehemy kai tarybete arybe-di ijohodu mahãdu òbitireny-ò “Diarỹ ariwiòhenanykre sodadu nideheõ, tamy rawahinyre wedu nihikỹmy rarekremy hãbuõ aritakre iny mahãdu yky-ribi.
|
||||
\v 20 Retare heka wadeòdu Davi rare, diarỹ resỹnyre aiòlòrenymy.
|
||||
\v 21 Waruru heka tii-wanahyy rarekre ikiemy, kia wabedeery nihikỹ iruruteremy roosekre.
|
||||
\v 22 Iòludureny tiu ityrasarenyõna, kia iny binahãkỹ mahãdudreny ityrasarenyõna.
|
||||
\v 23 Diarỹ iòludurenytyrereny arariakre kia arirubunykre ibutumy tureny dòdureny.
|
||||
\v 24 ikiemy òbitimy arityhynymy ararekre Davi-my kia tuu arerinanykre, kia wabedeery nihikỹ òraruki, tii inidehedehemy relekre.
|
||||
\v 25 Aritytekre iiòlòna kia Bedetya ahohokỹ-ribi kia Ebrate beroòhòkỹle.
|
||||
\v 26 Taita tii wadee rarybere: “Kai heka waha tate kia waDeuxu tate; kai heka waitxesedu kia wahedỹỹdu tate.”
|
||||
\v 27 Diarỹ adriywinymy idi ararekre iwese tii txibo wariòre dela wesemy kia arisỹnykre tii ratxikremy ibutu iòlò mahãdu ratyremy.
|
||||
\v 28 Diarỹ ikiemy arerinanymy ararekre, kia warybe tamy reywinyre ikiemy tai rarekre.
|
||||
\v 29 Tii ikiemy ijõdikre irioreriore, kia iiòlòna ikiemy rarekre biurawetyy wesehekỹle.
|
||||
\v 30 “Ka txibo irioreriorereny warybe wahidỹỹna rityhynyõrenykre-wana, txibo roirenyõdrenykre-wana wadohodỹỹna õnaõnamy,
|
||||
\v 31 txibo warybe rewahinyre riatyrenykre-wana, kia warybe rewahinyre rirarenyõrenykre-wana,
|
||||
\v 32 Taita diarỹ arirarytxynyrenykre iòrarunarenyki kia arisỹnyrenykre aõhỹỹmy rutỹỹnyrenykre aõnaõna òbitimy aõkõ riwinyrenyre òraruki.
|
||||
\v 33 Kiaremyta Davi-my rerinanyre-ribi ixawike aõkõre, ka ariwinykre tamy tuu raryberemy.
|
||||
\v 34 Ariixawidỹỹnyõkre warybe iki-wana rewinyre kia timy ariwitxiranyke aõkõre tuu tamy rarybere.
|
||||
\v 35 “Ibutumy sohojihyyle, ariwinykremy rarybere wainytyhykyni-ribi kaa aõnaõna ariwinykremy. Diarỹ tiu waroiõna Davi dee!
|
||||
\v 36 Tii ikiemy ijõdimy rarekre irioreriore, kia txuu resenymy rarekre-wana-wana, diarỹ idi warukimy ararekre iiòlòna-di.
|
||||
\v 37 Kaa iiòlòna ikiemy rarekre ahãdu wesemy, kaa òbitityhymy itxeredu ratximyhỹre biurawetyyki.”
|
||||
\s1 Iòlò Rabòdure
|
||||
\v 38 Kia kai tahe aky reamy atxiteri iòlò tetate; kaiteatymy texihitxinyte.
|
||||
\v 39 Teixawidỹỹnyte rybe tewinyte adeòdu-wana kia arataana-di tehute su-ò.
|
||||
\v 40 Idi tehute ihãwa wetireny-di kia irurureny tehute.
|
||||
\v 41 Kia rariamyhỹrenyre rawasinymyhỹrenyre iaõnareny-di, kia iheto bireludu mahãdu idi risinymyhỹrenyre.
|
||||
\v 42 Kia tewahinyte iòludureny mahãdureny-ò ròtarenykre-my. Kkia tesỹnytenyte ibedesamy ratxirenykremy.
|
||||
\v 43 Kai tewinyte ibinatyhymy iòlò tebònareny kia tewahinyte tii rabodukremy wounaki.
|
||||
\v 44 Tetate iòlò tyhydỹỹnana kia irynana-di teatyte.
|
||||
\v 45 Kai tematuaridỹỹnyte aõtamaõkõ kia tesỹnyte ibededỹỹnana ixỹrunamy.
|
||||
\s1 Tarasanamy Ixitòena
|
||||
\v 46 Tiwese bedemybo tahe bexiwòhyymy mabekre Deuxu Tyhyhykỹ? Kia ikiemy aõbo? Tiubo tahe akyara rookre heòty wesemy?
|
||||
\v 47 Itxi ini õhõti rea timybo wabedeỹỹnana itxuure; Itxi ini õhõti rea kia ibutumy iny mahãdu tewinyte txu sohojiule rururenykre!
|
||||
\v 48 Mobo tahe aõwaxina irumy rarekre kia tiu irubuõna?Mobo tahe aõwaxina rubu hãluu-ribi rahenykre?
|
||||
\v 49 Deuxu, titxibo tahe juhuluduna ainymy derina teteòsinyte rare? Titxibo tahe tuu biwinykremy tarybete rare Davi-ò?
|
||||
\v 50 Itxi ini õhõti rea, diarỹ adeòdu wadi urile alisi rỹireri kia ilbutumy atyhydỹỹdukõ mahãdu wamy radònyreri reijereri.
|
||||
\v 51 Deuxu Tyhyhykỹ, timybo aòludu mahãdu rarybemy rỹire ibinamy iòlò kai tetate! Titxi ramyhỹre, kia tii boho idi risinymyhỹrenyre.
|
||||
\v 52 Reàlàmyhỹrendyre Deuxu Tyhyhykỹ dee ikiemy! Kohe txiòtòetuke! Txiòtòetuke!
|
||||
\c 90
|
||||
\s1 Inaubiòwana Tyyriti
|
||||
\p
|
||||
\v 1 Deuxu, kai ikiemy atximyhỹte wawòtedurenymy.
|
||||
\v 2 Kia hãwalò hãwalò rỹikõuhyy, kia domy bede bede ròrarunykõyhyy, kai heka Deuxu ikiemy nodu tate, iòraruna ihoõ kia ionana ihoõ.
|
||||
\v 3 Kai tarybete iny mahãdu tewinyte-ò kia ixybyle ròòserenykremy iribi dòidenyde-ò; kai biwinybenykre ixybyle suỹnysimy rexirahòrerenykremy.
|
||||
\v 4 Akoki heka mil wyra sohoji txu wesenale rare, iwese kau-my bede rỹimyhỹ; kia iwese rumy bede reamyhỹre wese wylemy.
|
||||
\v 5 Kai tetusinymyhỹte iny mahãdu beroõ rỹimyhỹre wesele; tii boho rasiranyrenyõhyymyhỹrenyre rase wesemy. Kia heka bederade rabròmyhỹre wesele biurasòmy,
|
||||
\v 6 kia raumynymyhỹre kia roirysònymyhỹre kia txiorou tahe rarubumy rurumyhỹre.
|
||||
\v 7 Diarỹ boho heka rexihurenyre akyara-di, adeburehekỹ riwanohõti werywerynymyhỹrenyre.
|
||||
\v 8 Kai telidimyhỹte waõbinabinareny ixikoki, kia aloosona-di tahe waòrarureny wasinadi tetehemyhỹte.
|
||||
\v 9 Watxureny aõtamaõkõ akyara-di tekròmyhỹte; wabededỹỹnanareny rexihumyhỹre yhy rebonymyhỹdre wese.
|
||||
\v 10 Kia 70 beòdra bedeõlemy warumy watximyhỹdrenyre, kia ityhytyhy mahãdu rehemynymyhỹrenyre 80 beòra-ò; kaa beòra tahe deywesenale kia aõhỹỹmydỹỹnanale diwymyhỹde. Wabededỹỹnanareny aõtamaõkõ reamyhỹre, kia diarỹ boho tahe wakõmyhỹrenyre.
|
||||
\v 11 Mobo tahe rieryre akyara bedeery nihikỹ? Mobo tahe rieryre brebu adeburehekỹ risỹnymyhỹre?
|
||||
\v 12 Biwaerynanybenyke txuu ariuherenykemy wabededỹỹnanareny-di kia wabedeeryrenymy arelerenykemy.
|
||||
\v 13 Wadeereny ixybyle bedeteheke, Deuxu Tyhyhykỹ! Tiwese bedeubo tahe akyara ixawikre? Adeòdureny-di bexiwobrunyke!
|
||||
\v 14 Biwaòenybenyke rudiu ainymy derinana-di, kia awityhytyhymy aratxirenykremy, kia arawiunyrenykremy kia arabedesarenykremy bede iyhyõmy.
|
||||
\v 15 Wadeereny wiji bidiwahinyke sõemy deysana iwese wadeereny tewahinyte wese sõemy bederyry juhuu, kua wyra bedeu aõhỹỹhỹỹmy ratỹỹnyrenyre.
|
||||
\v 16 Kia aijoi mahãdu sõemy aõnaõna ninihikỹmy robirenyre tewinytemy, kia wawijinabòdureny robirenyre Abedeery Nihikỹmy.
|
||||
\v 17 Waha, WaDeuxureny, kia arybewiwihikỹ heka aijoirenymy rỹimyhỹre. Wabedeereny biwahiny rewinymyhỹrenyreki.
|
||||
\c 91
|
||||
\s1 Deuxu, Waitxesedureny
|
||||
\p
|
||||
\v 1 Kua riemyhỹre Deuxu Rariehekỹ mynyna kia rexiwòmyhỹre Ibutumy Ibedeeryhykỹ ubròrò rawoki
|
||||
\v 2 aõwaxina marybekre Deuxu Tyhyhykỹ dee: “Kai heka waitxesedu tate kia diarỹ adee rexirarudemyhỹre.”
|
||||
\v 3 Deuxu aratakre bedeòharu wasina-ribi kia webinadu rubuna-ribi.
|
||||
\v 4 Tii arahetynykre taderatyti-di kia irawokita kai arararenywimy matxikre. Deuxu inymy derinana arawomy araijekre.
|
||||
\v 5 Kai buberuõkre rubedeluru òhãrulau kia wasidu mahãdulau buberuõlekre txumy rỹimyhỹrenyre.
|
||||
\v 6 Kia buberuke aõkõre iny binahãkỹ bedelurumy roberamyhỹrenyrelau kia buberuõlekre rubudỹỹdu mahãdu txutyemy ròrubudỹỹmyhỹrenyrelau.
|
||||
\v 7 Kia ihãremy mil-my iny sõe rurukre aweribiki, kia 10 mil-my aweruramy rurukre, kai aõhỹỹmy butỹỹnyõhyykre.
|
||||
\v 8 Kai betehemy bobikre timybo iny bina mahãdu rararytxymyhỹrenyremy.
|
||||
\v 9 Kai inymy telete Deuxu aitxesedu kia amynydu Rariehekỹ-ribi;
|
||||
\v 10 iurenana tiu bede bedebura arawotõmonyõtyhy, kia aõnaõna binaõ tiu rehemynyõtyhy ahetobire-ò.
|
||||
\v 11 Deuxu kiditeònykre taỹju (taanjo) adi tarukikremy kia araijemy adi rarekremy ibutumy abedeedỹỹnana-di.
|
||||
\v 12 Tii boho aramyrenykre tebòreny-di, kia awadreny myna lriwotõmonyrenyhenylau.
|
||||
\v 13 Awa-di kai bisurusurunykre hãlòe kia hemylala, hãlòe deburehekỹ kia hemylala rubudỹỹdu.
|
||||
\v 14 Deuxu rarybere: “Arihedỹỹnykre kua mahãdu wamy rarinanymyhỹrenyre kia idireny warukimy ararekre kua mahãdu riwaerymyhỹrenyre Deuxu Tyhyhykỹ-my.
|
||||
\v 15 Tiu tii boho wadee ryrymyhỹrenyreu, diarỹ rerawyònymyhỹrenyre. Kia tii boho-wana watximyhỹrenyre aõhỹỹmy rutỹỹnymyhỹrenyreu.
|
||||
\v 16 Bedesana wesemy diarỹ tamyreny rewahinyre bededỹỹnana irehemy kia reteòsinyre diarỹ Ihedỹỹdureny raremy.”
|
||||
\c 92
|
||||
\p
|
||||
\v 1 Deuxu Tyhyhykỹ, timykibo awire umy deàlàna kia wiuna-di wiuna umy bedesa Rarienihikỹ!
|
||||
\v 2 Timywe awire rudiu ainymy aaõmy derinanamy ijyy kia rumy tahe aòbitinamy ijyy,
|
||||
\v 3 kia wiuna reruti-di kia wiuna wodỹỹna-di!
|
||||
\v 4 Deuxu Tyhyhykỹ, abededỹỹnana wihikỹ riwateysanymyhỹre, kia diarỹ rawiunyre bedesamy aõnaõnawiwi tewimyhỹteki!
|
||||
\v 5 Deuxu, kia heka inihikỹmy aõnaõna tewinyte! Timywe isirare arayky raerykemy!
|
||||
\v 6 Kai roire aõnaõna iny itxỹte mahãdu rieryrenyõre, kia iny debure mahãdu rieryrenyke aõkõre:
|
||||
\v 7 iny bina mahãdu heka bederade raumynymy ramyhỹre, kia iny itxỹte mahãdu tahe riraòmyhỹrenyre, kiaremyta tii boho rexihurenykre ibutumy.
|
||||
\v 8 Kai, Deuxu Tyhyhykỹ, Arariehekỹre ikiemy.
|
||||
\v 9 Diarỹ boho reeryrenyre kia aòludureny rururenykre kia ibutumy iny binahãkỹ mahãdu rabòdurenykre.
|
||||
\v 10 Kai tiwasỹnyte waruruteremy aròti wesemy kiata arybeeihikỹ bedesatyhymy wadee tewahinyte.
|
||||
\v 11 Diarỹ rabire waòludu mahãdu rabòdurenyremy kia raholare iny binabina mahãdu irãreny-ò.
|
||||
\v 12 Iny òbitimy rỹimyhỹrenyre rõirysònyrenykre horeni-ò wesemy kia raumynyrenykre Libanohãwã teriò wesemy.
|
||||
\v 13 Tii boho heka iwese bederade rabròmyhỹre Deuxu Tyhyhykỹ hetoki, kia rõirysònyrenykre iny Deuxureny hetoki.
|
||||
\v 14 Raumynyrenykreu kaa iny mahãdu ihãremy raratynyrenykre; kia ikiemy irurudihyymy roirekre kia sõemy tabededỹỹnanareny-di,
|
||||
\v 15 kia tamyrenywimy raryberenykremy kia Deuxu òbitityhy rare. Deuxu heka waitxesedu rare. Kia tii tiu ibinamy ratxiõre.
|
||||
\rem Ck this last 2 sentence
|
||||
\c 93
|
||||
\s1 Deuxu Heka Iòlò Rare
|
||||
\p
|
||||
\v 1 Deuxu Tyhyhykỹ heka iòlò rare! Tii heka rexityynymy runyre kia tabedeery nihikỹ-di rexityhynymy. Tii rimywimy rilidire tymana-ò, kia tii timy raukỹke aõkõre.
|
||||
\v 2 Deuxu arynana heka radewiwimy rỹimyhỹre komy radereuhỹkỹ; kai ikiemy atximyhỹte.
|
||||
\v 3 Deuxu Tyhyhykỹ, bero nihikỹ sỹy tarybewodỹỹ ritymadỹỹnyre, bero nihikỹ tarybe ritymadỹỹnymy kia rawodỹỹnyre.
|
||||
\v 4 Deuxu Tyhyhykỹ biurawetyy riwedunyre tabedeery nihikỹ-di. Iruru heka bero nihikỹ ysetere ratyre irurutere kia aõnityhy bero nihikỹ ybò ratyre.
|
||||
\v 5 Deuxu, arybe wahidỹỹna heka ratyhydỹỹkemy ratximyhỹre, kia Arybe heto butuna heka òbitityhyre ikiemy.
|
||||
\c 94
|
||||
\rem dat 1996
|
||||
\p
|
||||
\v 1 Deuxu, kai heka tòrarytxymyhỹte; akyara teteòsinymyhỹte!
|
||||
\v 2 Kai heka ibutu iny wedu nihikỹ tate; mynyike kiata biwahinykre iny rexityhytyhynymy rỹimyhỹrenyre kia tii boho tuu rekoamyhỹrenyremy!
|
||||
\v 3 Tibedeubo tahe iny bina mahãdu rexibedesanyrenykre? Tibedeubo Deuxu Tyhyhykỹ?
|
||||
\v 4 Tibedeubo tahe rexityhytyhynymy ratxirenykre? Kia rexihurenykre taleeryreny-di?
|
||||
\v 5 Deuxu Tyhyhykỹ, tii boho rariamyhỹrenyre aijoireny tyre kia iaõnaõnareny iribi riwymyhỹrenyre.
|
||||
\v 6 Rirubunymyhỹrenyre wytese mahãdu kia wyte mahãdu kia rirubunymyhỹrenyre iwitxira suludu mahãdu rahãwanymyhỹrenyre iny surenyki.
|
||||
\v 7 Tii boho rarybemyhyỹrenyre: “Deuxu robiõhyyreri; Israel Deuxu tuu bede rieryõhyykre.”
|
||||
\v 8 Bieke bierykemy, iny itxỹte mahãdu! Tibedeubo tahe kai boho araykyreny bitxuabenykre?
|
||||
\v 9 Kia Deuxu Tyhyhykỹ heka riwinyre iny nohõtireny — kia boholabenyke aõbo ihoõre?
|
||||
\v 10 Deuxu heka bede bede hãwa hãwa-di tarukimy ratximyhỹre — kia aõbo rirarytxynyõkre aõbo? Deuxu ròerydỹỹmyhỹre ibutumy iny mahãdu — kia aõbo tii ibedeery aõbo ihoõre?
|
||||
\v 11 Deuxu heka rieryre iny raykyreny kia rieryre tii boho aõki awirenyõhyyrendyre.
|
||||
\v 12 Deuxu Tyhyhykỹ, deysanawi kua mahãdu teixinanymyhỹte, kua mahãdu teixinanyte arybe wahidỹỹna-di.
|
||||
\v 13 Kawesemyta tii boho iixielehydỹỹnareny ijõdikre aõhỹỹmydỹỹnanau; ka iny binahãkỹ mahãdu-ò tahe iraymy roikre rubu hãluu.
|
||||
\v 14 Kiemy Deuxu Tyhyhykỹ riatyrenyõkre taijoireny; tii ixiribi ririrenyke ihoõre kua boho ihõrõrenyre.
|
||||
\v 15 Ixybyle bededỹỹnanawihikỹ ijõdikre butunaki, kia ibutumy òbitimy nodu mahãdu tamyrenywimy roirekre.
|
||||
\v 16 Mobo tahe rexilàmadỹỹnyre warahimy iny binahãkỹ òludumy? Mobo tahe rỹire wawe-ribi iny mahãdu aõnaõna binabina riwinymyhỹrenyre òludumy?
|
||||
\v 17 Txibo Deuxu riwawiòhenanyõre-wana, diarỹ tiu aõkõ arareini suu ibymy rỹire-ò.
|
||||
\v 18 Deuxu Tyhyhykỹ, kia aresekremy ixidi rahõtinyreu, ainymy derinana riwamyre.
|
||||
\v 19 Tiu aõhỹỹmy ratỹỹnymy kia wawi rabrebremy watximyhỹreu, kai tiwanohõtitybònymy kia tiwateysanymyhỹte.
|
||||
\v 20 Kai heka tuu teaõhyymyhỹte aõbina ywidỹỹdumy rỹimyhỹrenyre kiemy òbitimy aõkõ raõmysỹdỹỹnymyhỹre, kiemy dori tii boho òbitimy aõkõ aõbina bededỹỹnana riwinymyhỹrenyre,
|
||||
\v 21 rexibutunymyhỹrenyre aõhỹỹmy iny òbiti mahãdu risỹnyrenykrelemy kia iny bedeeryõ rururenykremy rarybemyhỹrenyre.
|
||||
\v 22 Ka waDeuxu tahe mynaura wesena rare: tii riwaijemy riwawòmyhỹre.
|
||||
\v 23 Tii rirarytxynykre kaa aõbina-di aõmysỹdỹỹdu mahãdu kia iaõbinabinareny òraruki; Deuxu heka waDeuxureny rare, kia rihuerenykre.
|
||||
\c 95
|
||||
\p
|
||||
\v 1 Ibutumy bydòike, kiata rykeàlàrenykre Deuxu Tyhyhykỹmy! Rykawiunyrenykre bedesamy iny mynaurareny-ò, waitxesedureny kia wahedỹỹdureny!
|
||||
\v 2 Rykexitỹnynynyrenykre ikomy tuu rykeàlàrenymy, wiuna-di rykawiunyrenymy rykeàlàrenymy!
|
||||
\v 3 Kiemy dori Deuxu Ibedeery Nihikỹ rare; kia Iòlò bedeery Nihikỹ rare ibutumy suritxoo deuxu ratyremy.
|
||||
\v 4 Tii heka ibutumy riwedunymyhỹre, kia myna hãluu sỹy-ribi kia hãwalò rarieòhòkỹle.
|
||||
\v 5 Bero Nihikỹ riwedunymyhỹre, kia tii riwinyre, kia suu riwedunylemyhỹre, kia tii òbitile riwinyre.
|
||||
\v 6 Bydòidenyke, tatiòhumy rykeserenyke kia Deuxu-my rykerinanyrenykre! Inytiòhurenymy rykeserenyke inywidỹỹdureny koki!
|
||||
\v 7 Tii heka inyDeuxureny rare; iny boho heka tii inydireny tarukimy ratximyhỹre, iny boho heka iiròdureny rare kia tii inydireny ròrenymyhỹrenyre.
|
||||
\v 8 Uritre nohõtiõmy norenyõrenykre, iwese ahỹỹnareny roirenyre wese Meribáhãwã-ki kia Masáhãwã-ki roirenymyhỹu bederahyki.
|
||||
\v 9 Kuaki tii boho riwatxiõnymy riwaurihirenyre kia waòludumy resurenyre, kia tuu robirenyre hãrele kia diarỹ tamyreny rewinyre.
|
||||
\v 10 Kia 40 wyramy kua iny mahãdu riwaitxenanyrenyre, taita diarỹ rarybere: “Aõhewe iny mahãdu coraçaõ binahãkỹ! Tii boho rityhynyrenyke aõkõre warybe wahidỹỹnana!”
|
||||
\v 11 Kia waky reare kia tamyreny rarybere: “Kai boho tiu aròterenyõna Suu Rawahimy roimyhỹre-ò wa-wana bexielehynybbenykemy.”
|
||||
\c 96
|
||||
\rem dat 1996
|
||||
\p
|
||||
\v 1 Mawiunybenyke wiuna tỹmyraõ-di Deuxu Tyhyhykỹ dee! Mawiunybenyke Deuxu dee, ibutumy iny mahãdu suludu!
|
||||
\v 2 Mawiunybenyke Deuxu dee, inimy beàlàbenyke! Belyymyhỹbenyke ibutumy txuu iyhyõmy kia tii iny rihedỹỹnyrenyremy!
|
||||
\v 3 Marybebenyke ibededỹỹnana nihikỹmy hãwa hãwa dee; belyybenyke ibutumy iny mahãdukoreny aõnaõna wiwihikỹ tii riwinyremy.
|
||||
\v 4 Deuxu Tyhyhykỹ heka inihikỹre kia reamyhỹre iny boho ibutumy tuu rykeàlàrenykemy; tii heka brebuna rare ibutumy su ritxoo deuxu ratyre.
|
||||
\v 5 Kiemy dori iwitxira hãwa hãwa deuxureny heka suritxoohokỹle rare, ka Deuxu Tyhyhykỹ tahe biurawetyy riwinyre.
|
||||
\v 6 Tii heka rakyrawomy runyre tatyyura wihikỹ-di tabedeery Nihikỹ-di kia aõnaõnawihikỹ tahe iheto ritỹxinyre.
|
||||
\v 7 Deuxumy beàlàbenyke, ibutumy iny mahãdu suludu! Ityyura Nihik~my beàlàbenyke kia bedeery nihikỹmy!
|
||||
\v 8 Beàlàbenyke iniwiwihikỹ, bidiwydenyde aõnaõna kiata malòbenykre irybedi ijohona heto-ò.
|
||||
\v 9 Bexirabedenybenyke Deuxu Tyhyhykỹ koki, tiu kydexitỹnynykreu; urile mamytàtàkre ikoki, kia ibutumy suu ramytàtàkre.
|
||||
\v 10 Marybebenyke ibutumy hãwa hãwa dee; “Deuxu Tyhyhykỹ heka Iòlò rare! Tii rimywiwire suu taherina-ò, kia heka raukỹukỹke aõkõre; tii riarirenyrekre taijoi mahãdu òbitimy.”
|
||||
\v 11 Beysake suu, kia biurawetyyta rabedesakre! Bero Nihikỹ raybònyke kia ibutumy utura utura tuu rỹimyhỹrenyre!
|
||||
\v 12 Mabedesabenyke syraro kia ibutumy aõnaõna tuu rỹire! Taita bederade rirajuarenykre bedesamy Deuxu Tyhyhykỹ koki
|
||||
\v 13 kiemy dori tii kynakre suu rihitxinymy riarikremy. Òbitityhymy kia Tatyhydỹỹnamy tii ibutumy iny mahãdu bede bedemy rỹire riarirenykre.
|
||||
\c 97
|
||||
\p
|
||||
\v 1 Deuxu Tyhyhykỹ heka Iòlò rare! Beysake suu! Mabedesabenyke bedebute beromy rỹimyhỹrenyre!
|
||||
\v 2 Kia iweruramy rỹire biuwe kia bedeluru; aiòlòna òraru heka òbitityhy ywimy rỹire.
|
||||
\v 3 Ikomy heka heòtyõ rare kia iòludu mahãdu risõmyhỹre iweruramy rỹimyhỹrenyre.
|
||||
\v 4 Biudelaa heka ritoosonymyhỹre bede bede; suu tuu robimy kia ramytàtàmyhỹre.
|
||||
\v 5 Hãwalò mahãdu rasurarunymyhỹrendyre tybòra wesemy Deuxu Tyhyhykỹ koki, kia ibutumy suu.
|
||||
\v 6 Biurawetyy heka rarybemyhỹre iaõna òbitityhymy, kia ibutumy iny mahãdu dirahumyhỹde ibededỹỹnana deysana-ò.
|
||||
\v 7 Kua mahãdu suritxoomy rerinanymyhỹrenyre raixỹrurenyre; kia raixỹrurenyre tadeuxumy rerinanymyhỹrenyre. Ibutumy suritxoo deuxu mahãdu rexirabedenyrenyre Deuxu Tyhyhykỹ koki.
|
||||
\v 8 Jerusalem iny mahãdu reysarenyreri; Juda cidade hãwa mahãdu rexideysanyrenyreri Deuxu Tyhyhykỹ tarasana òraruki!
|
||||
\v 9 Deuxu Tyhyhykỹ kia Ibutumy Tabedeery Nihikỹ-wana, Kai tewedunymyhỹte ibutumy hãwa hãwa, kai atximyhỹte ibutumy suritxoo deuxu ratyremy.
|
||||
\v 10 Deuxu rerinanymyhỹre iny mahãdu radònymyhỹrenyre iny iny itxỹterenymy; tii heka riijemy riywinymy ratximyhỹre tasỹreny taijoireny-di kia ritamyhỹrendyre itxỹte mahãdu deboworeny-ribi.
|
||||
\v 11 Loosona heka ritoosònymyhỹre iny òbitimy mahãdu bededỹỹnana, kia bedesa tahe ritxuxaranymyhỹre inywi mahãdu ryreny.
|
||||
\v 12 Kia Deuxu Tyhyhykỹ-ò adeysanareny òbitityhyrenyre, kia iniòbitityhymy reàlàrenykre!
|
||||
\c 98
|
||||
\p
|
||||
\v 1 Mawiunybenyke wiuna tỹmyra-di Deuxu Tyhyhykỹ dee, kiemy dori tii riwinyreki aõnaõnawiwihikỹ!
|
||||
\v 2 Deuxu rarybere tabedeeryhykỹ tarasanamy; tii riwinyre hãwa hãwa rieryrenykremy ibedeery Nihikỹ Hedỹỹdu.
|
||||
\v 3 Taõmy derinana-di tainytyhymy tii risỹnyre riwahinykremy Israel iny mahãdu-ò. Kia irehetyhymy ru-ribi, ibutumy robirenyre iny Deuxureny ròtamyhỹremy.
|
||||
\v 4 Mawiunybenyke Deuxu Tyhyhykỹ dee mabydesabenymy, ibutumy iny mahãdu suludu!
|
||||
\v 5 Mawiunybenyke beàlàbenymy Deuxu Tyhyhykỹ dee wiuna wodỹỹna-di biheludunybenymy! Wiuna wodỹỹna-ò biwodỹỹnybenyke wiuna!
|
||||
\v 6 Biwodỹỹnybenymy wiunaòtaòta, adeysanareny biteòsinybenymy Deuxu Tyhyhykỹ Iòlò koki!
|
||||
\v 7 Bero Nihikỹ raybònyke kia ibutumy utura utura tuu rỹimyhỹrenyre! Mawiunyke suu kia ibutumy aki rahãwanyrenyre-wana!
|
||||
\v 8 Kia heka bero mahãdu. Iny ibutuma tebò-di rehetenymyhyre wese bedesamy rỹimyhyrenyre. Hãwàlò Hãwàlò-ki tahe rawiunyrenyre bedesamy Deuxuko-ki.
|
||||
\v 9 Tiubo Inytybyreny kanakre kiemy dori ibutumy iny òbitimy riwitxiranyrenyre iny sohoji sohoji ritỹỹraxinykre aobo riwinyre. Tii wiwesewesele òbitimy ibutumy riòwynyrenykre aõnaõna riwinyrenyre òwymy.
|
||||
\rem aut Ijeseberi
|
||||
\rem dat 2006
|
||||
\c 99
|
||||
\s1 Iòlò Bedeery Nihiky
|
||||
\p
|
||||
\v 1 Deuxu Tyhyhykỹ heka Iòlò rare: iny mahãdu ruberumyhyrenyre. Tii runymyhyre tarynanaki; kia nawii iny wesena ritxoo tyreki ryimyhyre: suu ramytatamyhyre.
|
||||
\v 2 Deuxu heka Ibedeery Nihikyre Jerusalem-ki; tii riwedunymyhyre ibutumy hãwa hãwa bede bede.
|
||||
\v 3 Ibutumy reàlàrenykre ini nihiky brebunamy. Deuxu Tyhyhykỹ heka òbitimy nodu rare.
|
||||
\v 4 Iòlò Bedeery Nihiky, kai terinanyte aõwiwimy kia tadidyte Israel dee; tewinyte ijõdikremy tarasana ywimy òbitityhymy.
|
||||
\v 5 Beàlàbenyke, iny Deuxurenymy! Atiòhumy besebenyke irynana koki kiemy dori tii òbitimy nodu rare.
|
||||
\v 6 Moiseisi kia Araõ boho heka Deuxu deòdumy roiremyhy, kia Samuel-my tahe rerinanyre; tii boho rahinymyhyrenyre Deuxu Tyhyhykỹ dee, kia tii ta rirawyònymyhyre.
|
||||
\v 7 Biuwetyyura-ribi tii rarybemyhy Israelita mahãdu-ò; tii rityhynyrenyre irybe wahidỹỹna tyhyna kia tii riwahinyre tamyreny.
|
||||
\v 8 Deuxu waDeuxureny, kai terawyònyte aijoireny; kai texideòsinyte kia Deuxu inymy teàlàmyhytemy, kia tule terarytxynymyhyte iny mahãdu iòrarureny òraruki.
|
||||
\v 9 Beàla`benyke iny Deuxurenymy, kia berinanybenyke ihãwalò tyhyhykymy! Kiemy dori iny Deuxudreny, òbitityhymy nodu rare!
|
||||
\c 100
|
||||
\s1 Adeàlànamy Wiuna
|
||||
\p
|
||||
\v 1 Mawiunybenyke Deuxu Tyhyhykỹ dee, ibutumy sumy tahãwanymyhytenyte!
|
||||
\v 2 Berinanybenyke Deuxumy mabedesabenymy kia bydòibydenyke mawiunybenymy ityy-ò!
|
||||
\v 3 Õhõtireny itxi bekoabenyke tii Deuxu raremy! Tii inyboho riwinyrenyre, kia inyboho heka ihõrõ roire; inyboho heka iijoireny rare, kia iiròdureny.
|
||||
\v 4 Birònybenyke Irybe Heto ijòtybòna-di beàlàbenymy, birònybenyke iubereny-ò mawowydybenymy! Deuxumy mawowydybenyke kiata tuu beàlàbenykre!
|
||||
\v 5 Kiemy dori Deuxu awi rare; iaõmy derinana ikiemy ryimyhyre, kia iaõwiwi ionana ihoõre.
|
||||
\c 101
|
||||
\s1 Iòlò Riwahinykremy Rarybere
|
||||
\p
|
||||
\v 1 Diarỹ rawiunyre inymy rerinamy kia aõ òbitimy ryiremy; rawiunyre wiuna-di adee, Deuxu Tyhyhykỹ.
|
||||
\v 2 Arariakre rywihiky-di. Tiubo tahe wadee kynakre? Ararekre wabededyynana-di òbitimy wahetoki
|
||||
\v 3 Kia iny itxyte mahãdu-di aratxiõkre. Diarỹ riwakyaranyre aõnaõna kua mahãdu rexilhòrarienyrenyre Deuxu-ribi kia arimyõtyhy iòrarurenyõ.
|
||||
\v 4 Aõnaõna binabina waribi ròhòrariekre kia iny roihikymy arareõkre.
|
||||
\v 5 Kua mahãdu arihurenykre ibinamy iny witxiramy rarybemyhyrenyre wihewodreny-ribi kia areteheõkre iny rexityhytyhynymyhyrenyre mahãdu-di.
|
||||
\v 6 Arityhynymy aritakre motyhytyhybo Deuxu dee òbitimy ryimyhyrenyre kia ariwahinykre rururenykremy taõmyTyhyhykỹdỹỹnareny hetoki. Kua mahãdu òbitimy ratximyhyrenyre wadeòdumy ratxirenykre.
|
||||
\v 7 Roiluku waõmysỹdỹỹna hetoki ratxike aõkõre; kia iny itxyte waruki ratxike ihoõre.
|
||||
\v 8 Txu sohoji sohojimy arihurenykre iny binabina mahãdu wasureny-ribi kia ariteònyrenykre Deuxu Tyhyhykỹ hãwa-ribi ibutumy aõnaõna binabina riwinymyhyrenyre.
|
||||
\c 102
|
||||
\s1 Hãbu Aõhyymydỹỹnana Ixitòedỹỹna
|
||||
\p
|
||||
\v 1 Deuxu Tyhyhykỹ, boholake waixitòedỹỹna-ò kia boholake wairà-ò biwahedỹỹnykemy rexitòenyreri-ò!
|
||||
\v 2 Uritre walau ixiwòteõmy tiu aõhyymy arutyynymy aratxikreu! Wadee boholake, tiu diarỹ arahinymyhykeu, kia wylemy bidiwarawyònyke!
|
||||
\v 3 Wabededỹỹnana riõmy rareri wàdàsi wesemy, kia waumy rooreri kia heòtyki rooreri wesemy.
|
||||
\v 4 Diarỹ heka iwese asi rakròmy ityre rira ryimyhyre wesena rare; renodỹỹnyre ibutumy waruru kia wade byre rawike aõkõre.
|
||||
\v 5 Diarỹ katxiterehekymy raohitxinyre; diarỹ heka wadetyy wati-wanale rare.
|
||||
\v 6 Diarỹ heka nawii bederahymy ryire wesena rare, maoloolo hetotybyki runyre wesena.
|
||||
\v 7 Rarõõhyymyhyre; diarỹ heka iwese nawii sohoji heto ratyyki runyre wesena rare.
|
||||
\v 8 Waòludu mahãdu wadi risinymyhyrenyre txuu iyhyõmy; kua mahãdu wadi risinymyhyrenddyre wani riuhemyhyrenyre iròdu sõmo rihurenykremy.
|
||||
\v 9-10 Akyara òraruki kia ebureheky òraruki, bryby warysỹnare, kia warubetuu rexiurinyre wamona-wana, kia dori tiwamymy wadi irehemy tehute.
|
||||
\v 11 Wabededỹỹnana heka ru ubròrò wesena rare; diarỹ heka asi rarubumy ramyhyre wesena rare.
|
||||
\v 12 Ka, kai tahe Deuxu Tyhyhykỹ, Iòlò tate ikiemy; iny mahãdu ibutumy tiu bedeu ryiramyhy atxi tõhõtireny reakre.
|
||||
\v 13 Kai bexilymadỹỹnykre kiata Jerusalem-di bexiwobrunykre, kia tamy rehemynyra idi wobruna-ò; ibededỹỹnana òbiti-ò rehemynyra.
|
||||
\v 14 Kia tii rexihure hãre, aijoi tuu rerinanyrenyre; tii boho idi rexiwobrunyre, kia aõhyymy rutyynyrenydre hãdremy.
|
||||
\v 15 Hãwa hãwa ibutumy ramytàtàrenykre Deuxu Tyhyhykỹ dee; ibutumy iòlò mahãdu ruberurenyre ibedeery Nihiky lau.
|
||||
\v 16 Tiu Deuxu roosekreu Jerusalem riwinykremy, tii riteòsinykre tabedeery nihiky.
|
||||
\v 17 Tii roholakre taijoi rarimy ratximyhyrenyre-ò kia roholakre iixitòedỹỹnareny-ò.
|
||||
\v 18 Kia raritimy roikre iny rioreriorereny rieryrenykremy aõbo Deuxu Tyhyhykỹ riwinyremy kia reàlàrenykremy kua mahãdu uladu ruarenykre.
|
||||
\v 19 Tabede Tyhyhykỹ-ribi, biu rarie-ribi Deuxu detehede: biurawetyy-ribi tii retehere su-ò,
|
||||
\v 20 kia roholakremy brejudu mahãdu ohitxina-ò kia rihedỹỹnykremy motyhytyhybo rurukremy raywirenyre.
|
||||
\v 21 Iurenana heka Deuxumy adeàlàna ryikre Jerusalem-ki, kia ini tahe kuaki tu rybe ryikre
|
||||
\v 22 tiu hãwa hãwa kia taiòlòreny-wana rexibutunyrenykre tuu rerinanyrenykremy.
|
||||
\v 23 Kia watymyramy rarehãre, ka Deuxu tahe waruru waribi ritare kia wabededỹỹnana ritxuunyre.
|
||||
\v 24 WaDeuxu, uritre wadyõmykre wiji, wabededỹỹnana wetyamy! Waha, kai heka ikiemy arumy atximyhyte.
|
||||
\v 25 Kodelemy suu tewinyte kia ebò òbiti-di tewinyte biurawetyy.
|
||||
\v 26 Suu kia biurawetyy rexihurenykre, ka kai ikiemy arumy mabekre. Suu kia biurawetyy rexihurenykre tyy wesemy. Kia tyy drexihumyhyre wese idi behukre kia tii boho riõrenykre.
|
||||
\v 27 Ka kai tahe ikiehyymy tate, kia abededỹỹnana heka ikonana ihoõre.
|
||||
\v 28 Iny riòrereny raytxirenykre imynydudirenymy, kia irioreriorereny ikiemy iixiwotenareny ijõdirenykre.
|
||||
\c 103
|
||||
\s1 Deuxu Derinana
|
||||
\p
|
||||
\v 1 Watyytyby Deuxu Tyhyhykỹmy beàlàke! Ibutumy wahõrõ reàlànyre inityhyhykymy!
|
||||
\v 2 Watyytyby Deuxu Tyhyhykỹmy reàlàmyhyre kia tõhõti rusaõhyyre tii awityhyre-ribi.
|
||||
\v 3 Deuxu ibinamy rahãõre ibutumy waòrarunaki kia ibutumy riteytenyre wawebinadu;
|
||||
\v 4 tii riwahedỹỹnyre rubu-ribi kia tarybewihiky derinana wadee riwahinyre kia awityhytyhymy.
|
||||
\v 5 Tii riwadeysanyre sõemy aõnaõnawiwihiky-di, kia wesemy tahe diarỹ rare watymyramy waruruteremy nawiihiky wese.
|
||||
\v 6 Deuxu Tyhyhykỹ ritare uladu tybyõmy iseõmy ryimyhyrenyre deewimy kia iaõnareny tamyreny rimymyhyre.
|
||||
\v 7 Tii ritynynynyre Moiseisi aõmysỹdỹỹna kia riwahinyre Israel iny mahãdu robirenykremy ibedeeryna riwinyremy.
|
||||
\v 8 Deuxu Tyhyhykỹ heka awityhyre kia iny ruxetòedỹỹdure; kia ywityhymy ratxire kia sõemy inymy rerinanymyhyre.
|
||||
\v 9 Tii inydireny rirarytxynymy ratxiõmyhyre, kia ikyara ikiemy ryiõmyhyre.
|
||||
\v 10 Deuxu heka iny rirarytxynyrenyõmyhyre tuu iny boho rekoamyhyrenyremy kia riòwynyõmyhyre iny òrarunareny kia aõbinabinareny wesemy.
|
||||
\v 11 Iwese tahe biurawetyy inihikymy su ratyaki roimyhyre, kia wesemy tahe inihikyre iinymy derinana kua mahãdu ilau ruberumyhyrenyre.
|
||||
\v 12 Iwese txuolona irehemy roimyhyre wese, kawesemy tahe tii ritòhòrarienymyhyre iny-ribireny iny òrarunareny.
|
||||
\v 13 Iwese tyby tariòre-di riywinymy ratximyhyre wese, iwese tahe Deuxu awityhyre kua mahãdu ilau ruberumyhyrenyre.
|
||||
\v 14 Kia tii rieryre timybo iny boho relerenyremy; õhõtireny reake kia iny boho su node-ribi relerenyremy.
|
||||
\v 15 Iny bededỹỹnanareny heka asi wesena rare; raumynymy kia roirysònymyhyre kia syraro noirysò wesemy.
|
||||
\v 16 Kiata yhy rebonymyhyre, noirysò rikõmyhyre, kia tiu ixyby inyõ tuu robiõtyhy.
|
||||
\v 17 Ka Deuxu Tyhyhykỹ derinana tahe kua mahãdu rityhynymyhyrenyre ikiemy ryimyhyre. Iaõwiwihiky ryimyhyre, rawahimy tyby-ribi iriòre boho-ò,
|
||||
\v 18 kua mahãdu-ò rirarenymyhyrenyre iki boho-wana widee bede riywinyrenyre kia òbitityhymy rityhynymyhyrenyre irybe wahidỹỹnana.
|
||||
\v 19 Deuxu Tyhyhykỹ ritidire tarynana rimywiwimy biurawetyy-ò; tii heka Iòlò rare kia ibutumy rimymyhyre.
|
||||
\v 20 Beàlàbenyke Deuxu Tyhyhykỹ dee, iruruteremy kia yju bedeeryhyky, kia roholare aõmybo rarybere-ò kia rityhynyre irybe wahidỹỹnana!
|
||||
\v 21 Beàlàbenyke Deuxu Tyhyhykỹ dee, ibutumy biurawetyy yju mahãdu, kia tuu rerinanymyhyrenyre kia tamy deewimy riwinymyhyreyre!
|
||||
\v 22 Deuxumy beàlàbenyke, kia ibutumy aõnaõna tuu ryirenyre, ibutumy tai riwedunymyhyre! Watyytyby, beàlàke Deuxu Tyhyhykỹmy!
|
||||
\c 104
|
||||
\p
|
||||
\v 1 Watyytyby, beàlàke Deuxu Tyhyhykỹmy! Deuxu, waDeuxu, timywe tanytyhyte atyyurahaky-di
|
||||
\v 2 kia roosona-di texihetynymyhyte. Tetytemyhyte biurawetyy kia breò wesele
|
||||
\v 3 kia tewinyte aheto beratyre kua biu-ribi, biuwetyyura teuhete ityti heòty wouna wesemy kiata tuòmyhyte yhyderatyti wesemy.
|
||||
\v 4 Yhy tewinyte arybedi ijyradumy kia biudelaa-di aõmysỹdỹỹdu wesemy.
|
||||
\v 5 Kai telidite suu tedewiwimy tenatyre, kia wesemy tahe tii tiu raukyõtyhy.
|
||||
\v 6 Suu tehetynyte beronihiky wesemy, kia tii baraca biu itxena wesemy, kia bee dtahe ryirenyre hãwalò rarie ratyre.
|
||||
\v 7 Kiaremy, tiu bee temyteu, tii boho rexiwòrenyre; kia roholarenyreu airà òraruna-ò, ròhònyrenyre ijyramy.
|
||||
\v 8 Bee rekoarenyre hãwalò hãwalò-di kiata reserenyre iwory-di, kia ròirenyre tamy rexibutunyrenykremy teywinyte-ò.
|
||||
\v 9 Kai telidite tiòbo bee raonananykremy kia ixyby ritymyõkremy suu.
|
||||
\v 10 Kai tewinyte ròhònykremy bee iworyiworymy kia tewinyte bero be reakremy hãwalò hãwalò-my.
|
||||
\v 11 Kabemy heka ibutumy iròdu iròdu bederahyludu riõmyhyrenyre, kia tuu heka Jumetu bederahyludu tabemomo rihydỹỹnymyhyre.
|
||||
\v 12 Berò weijàtimy nawii nawii tyty riwinymyhyrenyre kiata rawiunymyhyrenyre bederade rurumy.
|
||||
\v 13 Biurawetyy-ribi tadeteònymyhyte biulòra hãwalò hãwalò-ò, kia suutyximy ryimyhyre aaõwiwi-di.
|
||||
\v 14 Asi teumydỹỹnymyhyte broreni dee kia bederade rysỹna òtaòta iny mahãdu-ò; kawesemy tahe tii boho suu-ribi ritamyhyrenyre tarysỹnaremy.
|
||||
\v 15 Kia suu tewinyte mona besò-di ryikremy, kia iny mahãdu ibedesamy tesỹnymyhyte; kia adỹỹ rysỹnauri heka ribedesadỹỹnymyhyre; kia paõ tahe ruruterena riwahinymyhyre.
|
||||
\v 16 Sõemy heka biuòra rejujumyhyre Deuxu Tyhyhykỹ bederadetyremy, kia Libano teriò tyre, kia tii ribrònyre.
|
||||
\v 17 Tai heka nawii nawii tỹtỹ riwinymyhyrenyre, kia cegonhas tahetoreny riwinymyhyrenyre bedeykymy.
|
||||
\v 18 Budoeni debure mahãdu rỹimyhyrenyre hãwalò rarieheky-ki, kia lebres mahãdu tahe rexiwomyhyrenyre mynarawoki.
|
||||
\v 19 Kai ahãdu tewinyte alisina ixena rierykremy; txuu tahe rieryre rexilikremy.
|
||||
\v 20 Ruu riwinyre, kia ibutumy iròdu iròdu debure ròhònyrenyre bede rurunyreu.
|
||||
\v 21 Hãlòe riòre rawobrumyhyre rariunymyhyre-wanawana, rysỹna rierenymy Deuxu riwahinyre.
|
||||
\v 22 Kiaremy, txuu ròhònymyhyreu, tii boho ròòserenyre roirenykremy tahãluurenywo-ò.
|
||||
\v 23 Kiata iny mahãdu ròhònymyhyrenyre raõmysỹdỹỹnyrenykremy kia raõmysỹdỹỹnymyhyrenyre txioromyta ixawimyhyre.
|
||||
\v 24 Deuxu Tyhyhykỹ, kai heka tewinyte sõemy aõnaõna kia heka abedeeryhykymy tuu tewinyte. Suu heka ryximy roimyhyre aaõnaõna tewinyte-di.
|
||||
\v 25 Kua doide bero nihiky, tai utura nihiky utura sõmosõmo tuu ryimyhyre, sõetyhymy timy iny isõereny-di iriraõna.
|
||||
\v 26 Bero nihiky tyre bera heòty reamyhyrenyre, kia tuu Leviatã risinymyhyre, bera aõni kai tewinyte wahe.
|
||||
\v 27 Ibutumy kaa iròdu iròdu riraòmyhyrenyre kia tamyreny rysỹna biwahinykremy ibededỹỹnana òbitimy.
|
||||
\v 28 Kai tewahinyte rysỹna, kia tii boho rirysỹmy rihydymy ratximyhyrenyre.
|
||||
\v 29 Kia aòsỹny tewòmyhyteu ruberurenyre; kia ielewysenadreny tekròmyhyteu kai tamyreny tewahinyte, tii boho rururenyre kia sunode-ò ròòserenyre iribi dòhònydenyde-ò.
|
||||
\v 30 Kiaremy, tiu ielewysenareny tebunymyhyteu rexixamyhyrenyre, tii ruamyhyrenyre; kia wesemy tahe bededỹỹnana tewahinymyhyte sutymyra-ò.
|
||||
\v 31 Kia Deuxu Tyhyhykỹ aõnaõnawiwi ikiemy ryirakre! Tii rexibedesanyre taõmysỹdỹỹna riwinyre-di!
|
||||
\v 32 Deuxu retehemyhyre su-ò, kiata tii ramytàtàmyhyre; hãwalò hãwalò riukynymyhyre, kia tii boho tahe rawàdàsinymyhyrenyre.
|
||||
\v 33 Arawiunymy areàlàmy ararekre Deuxu Tyhyhykỹ dee warumy ararekre wana-wana; arawiunykre waDeuxu dee ibutumy wabededỹỹnana-di.
|
||||
\v 34 Kia tii reysamy ratxire wawiuna-di, kia dori wadeysana namyhyde Deuxu Tyhyhykỹ-ribi.
|
||||
\v 35 Kia iny binabina mahãdu ratarenykre su-ribi, kia òrarudu mahãdu ixidireny ratxirenykemy risỹnyrenyõkre. Watyytyby, beàlàke Deuxumy! Beàlàbenyke Deuxu Tyhyhykỹmy!
|
||||
\c 105
|
||||
\s1 Deuxu Kia Taijoi-wana
|
||||
\p
|
||||
\v 1 Beàlàbenyke Deuxu Tyhyhykỹmy, marybebenyke iaõna ninihikymy kia belyybenyke hãwa hãwadu-ò aõnaõna tii riwinyremy.
|
||||
\v 2 Mawiunybenyke Deuxu dee, mawiunybenyke beàlàbenymy tuu; marybebenyke aõnaõnawiwihiky tii riwinyremy.
|
||||
\v 3 Ini wityhymy awityhymy idi matxibenyke; kia ibutumy Deuxumy rerinanymyhyrenyre teysamy ratximyhyrenyre.
|
||||
\v 4 Biijebenyke Deuxu wiòhedỹỹnana; atxibenyke ikiemy ikokihyyle.
|
||||
\v 5-6 Kai boho, Abraaõ rioreriorereny, Deuxu deòdu, kai boho Ijaò rioreriorereny, Deuxu aratarenyre, õhõtireny rekoarenyke ibutumy bedeòtiidỹỹna wihiky kia taijoi ritamy riwinyrenyre-di.
|
||||
\v 7 Tii heka iny Deuxureny rare; kia irybe wahidỹỹnana heka ibutumy hãwa hãwa dee rare.
|
||||
\v 8 Tii ikiemy tõhõti reamy rarekre tarybe riwinyretxi, kia sõetyhymy beòra wyra ryidi, riwinykre tuu raryberemy.
|
||||
\v 9 Riwinykre tarybe Abraaõ-wana widee riywinyre kia tarybe riwinykremy rarybere Isaque dee.
|
||||
\v 10 Deuxu riwinyre tarybe ywidỹỹna Israel-wana ikiemy; tii riwinyre tarybe wahidỹỹ ikiemy.
|
||||
\v 11 Ibedeuta Deuxu rarybere: “Diarỹ adee ariwahinykre Canaã su, kia ikiemy asumy rarekre.”
|
||||
\v 12 Deuxu ijoi juhuu ibutere kia iwitxira suludumy ratxirenyre Suu Rawahikremy roimyhyreki.
|
||||
\v 13 Rariamy roiremyhy Hãwa hãwamy, iòlò iòlònamy.
|
||||
\v 14 ka deuxu tahe riwahinyõre inoõ aõhyymy risỹnyrenykremy kia rieryrenykremy, rirarytxynyre iòlò mahãdu.
|
||||
\v 15 tii rarybere: “uritre derexirenyõmykre wadeòdureny-ò kia dori diarỹ retare; uritre aõhyymy isỹdỹỹrenyõmykre warybedi ijohodurenydi!”
|
||||
\v 16 deuxu riwinyre ryma reakremy suu rawahimy roimyhyreki kia taijoireny risỹnyrenyre irysynarenyõmy.
|
||||
\v 17 taita riteònyre ikorenymy hãbuõ jyje inire, kia idi ijoho ryire wetxu wesemy.
|
||||
\v 18 iwareny rataarenyre womati rerutidi, kia tòtireny-ò womati ixiura ritidirenyre.
|
||||
\v 19 jyje brejuki bede riijere kia aõmybo òbitimy rarybere xiery ròhònyre. Deuxu tyhyhyky rybe òbitimy rieryre kia jyje òbitimy ratximyhymy.
|
||||
\v 20 taita egito iòlò breju-ribi riòlòdỹỹnyre; hãwa hãwa iòlò ahãnaki ratxikremy risynyre.
|
||||
\v 21 tii risynyre wedumy kua su-ki, riwedunykremy ibutumy hãwa hãwa.
|
||||
\v 22 jyje rimyre tyhydỹỹna tarybe riwahinykre tadeòdureny-ò kia bedeery nihiky taòmysydỹỹdureny-di tarukikremy.
|
||||
\v 23 irahudi ijaò rare egito-ò kia tai rahãwanymy raremyhy.
|
||||
\v 24 deuxu tyhyhyky riwinyre iijoireny sõemy rariòrenyrenykremy kia iruruteretyhymy risynyrenyre iòludureny-ribi.
|
||||
\v 25 tii riwinyre egipcio mahãdu radònyrenykremy iijoirenymy, kia riwinyre israelita mahãdu rabòrenykremy, deuxu deòdureny.
|
||||
\v 26 taita deuxu diteònyde moiseisi teòdu kia araõ tule, mobo ritare taijoimy.
|
||||
\v 27 tii boho riwinyrenyre bedeòtiidỹỹna egito-ki kuaki aõnaõnawiwihiky riwinyrenyre.
|
||||
\v 28 deuxu riteònyre bedeluruhuky sutyre, ka egipcio mahãdu tahe rityhynyrenyõre irybe wahidỹỹna.
|
||||
\v 29 tii rirahorere bero hãlubumy kia ibutumy utura rirubunyre.
|
||||
\v 30 Egito su tyximy yròwyteseura-di ryire; kia iòlò aõmysydỹỹna heto rahenyõre.
|
||||
\v 31 deuxu tarybe riwahinyre, òhòrati rabrò tubru rabrò rityxinyre ibutumy hãwa hãwa.
|
||||
\v 32 biu bededỹỹnana, tii diteònyde biulòra myna-di kia biudelaa sutyre.
|
||||
\v 33 rihure uva aòbròna kia maixõmo tule kia ibutumy bederade ririòwydỹỹnyre.
|
||||
\v 34 tii tarybe riwahinyre, kia dirahude sei rabrò, sõemy kia timy idi riraõna.
|
||||
\v 35 Sei rabrò rirònyre ibutumy alòbròna, kia ibutumy Egito aõwi.
|
||||
\v 36 Tii rirubunyre uladu adela ibutumy Egipcio mahãdu riòrereny.
|
||||
\v 37 Taita Deuxu ritare Israelita mahãdu Egipcio-ribi, kia tii boho riwyrenyre myna rysy kia myna rysy òtaòta. Ibutumy ityhyrenyre kia sõemy idewirenymy.
|
||||
\v 38 Egipcio mahãdu reysarenyre iu israelita mahãdu ròirenyreu kiemy dori ilaureny ruberumyhyreny.
|
||||
\v 39 Deuxu ritidire biuwetyyura taijoi ratyareny-ò kia heòty idireny rariakremy rumy.
|
||||
\v 40 Tii boho rexitòenyrenyre, kia Deuxu tahe diteònyde nawii nawii kia biurawetyy-ribi tamyreny didwahinyde paõ sõemy iràmareny rihydỹỹnyrenykremy.
|
||||
\v 41 Mynaurahãdu ritxuare, kia bee riòlòdỹỹnyre, kia reare bederodi bero wesemy.
|
||||
\v 42 Kiemy dori tii tõhõti ixitxi reare tainytyhymy riwinykremy rarybere-di Abraaõ dee tadeòdu.
|
||||
\v 43 Kawesemy tahe Deuxu ritare Egito-ribi taijoi ixidee ritare hewa, kia tii boho kua-ribi dòhònydenyde rawiunyrenymy rabedesarenymy.
|
||||
\v 44 Deuxu tamyreny riwahinyre suu iwitxira iny mahãdusu kia riwahinyre ibijiureny iribi riwyrenykremy,
|
||||
\v 45 kia rityhynyrenykremy irybe wahidỹỹna kia rirarenyrenykremy irybe rityhynyrenymy. Beàlàbenyke Deuxu Tyhyhykỹ dee!
|
||||
\c 106
|
||||
\s1 Deuxu Aõwiwi
|
||||
\p
|
||||
\v 1 Deuxu Tyhyhykỹmy beàlàbenyke! Deuxumy beàlàbenyke kiemy dori tii awi iinytyhyre, kiemy dori iaõmy derinana ikiemy ryimyhyre.
|
||||
\v 2 Mobo tahe aõwaxina iaõnawiwihikymy riritinykre tii riwinyremy? Mobo tahe aõwaxina tuu reàlàkre tuu tii reamyhyremy?
|
||||
\v 3 Bedesa wahire kua mahãdu rityhynymyhyrenyre irybe wahidỹỹnana, kua mahãdu ikiemy aõ òbitimy riwinymyhyrenyre!
|
||||
\v 4 Watxi ini õhõti reake, Deuxu Tyhyhykỹ, tiu arybewiwihiky tewahinyteu aijoi mahãdu-ò; kia tehedỹỹnytenyteu, kia biwahedỹỹnyleke.
|
||||
\v 5 Biwawahinyke kia diarỹ arobikemy aijoi tako-ò ròirenykremy kia diarỹ wabedesamy aratxilekemy aijoirenyheki, kua mahãdu bedesa adee ratximyhyrenyre.
|
||||
\v 6 Diarỹ boho òraruna rewinyrenyre iwese wahyynareny òraruna riwinyrenyre wesemy; diarỹ boho ibinatyhymy rewinyrenyre.
|
||||
\v 7 Egito-ki wahyynareny rieryrenyõlerenyre Deuxu aõnaõnawiwihiky riwinyre. Tõhõti rusarenyre sõemy tii riteòsinyre tainymy derinana tamyreny, kia Bero Nihiky Sò-ki, tii boho Deuxu Bedeery Nihikymy ròludurenyre.
|
||||
\v 8 Ka, riteòsinykremy tabedeery nihiky, tii rihedỹỹnyrenyre, timybo tuu rarybemy.
|
||||
\v 9 Deuxu Tyhyhykỹ tarybe riwahinyre, kia Bero Nihikysò ruỹre; tii taijoi mahãdu riòhòresedỹỹnyre txibo iwese suu irubumy roimyhyre wesemy.
|
||||
\v 10 Tii ritarenyre kua mahãdu debowo-ribi tureny dòdureny-ribi, kia rihedỹỹnyrenyre iòludureny-ribi.
|
||||
\v 11 Bee rihumy ribrònyrenyre iòludu mahãdu; ijõreny rahenyrenyõhyyre.
|
||||
\v 12 Taita iijoireny rityhynyre Deuxu riwinykremy raryberemy kia rawiunyre reàlàmy tuu.
|
||||
\v 13 Kia aõtamaõkõ tõhõti rusarenyre aõbo Deuxu riwinyre-ribi kia rekoarenyre tohodỹỹna riraòrenyõlemy.
|
||||
\v 14 Bederahyki tii boho ririrenyre taõmy ijaranareny kia Deuxu rieryrenywikemy risynyrenyre.
|
||||
\v 15 Taita tii riwahinyre aõmybo rexitòenyrenyremy, kiata diteònylede binana binahãky.
|
||||
\v 16 Kuaki, tabreòdenarenyki, tii boho Moiseisi dee rexiwobinanyrenyre kia Araõ dee tule, Deuxu Tyhyhykỹ deòdureny.
|
||||
\v 17 Taita suu rexiraynymy rirỹsỹre Datã; Abiraõ tahãwyy tariòre boho-wana tule rirỹsỹrenyre.
|
||||
\v 18 Heòty desede iheworenymy ijyradu tyrereny kia risõrenyre kua iny binahãky.
|
||||
\v 19 Kia Horebe—ki Israelita mahãdu riwinyrenyre broreni riòre myna rỹsỹ kiata rerinanyrenyre kaa myna rỹsỹ deuse binahãkymy.
|
||||
\v 20 Riwiurònyrenyre Deuxu tuu urahãky kia iròdu asiròdu umy-di.
|
||||
\v 21 Tii boho tõhõti rusarenyre Deuxu-ribi kia tahedỹỹdureny-ribi, kia aõnaõnawiwihiky riwinyre Egito-ki.
|
||||
\v 22 Kia bedeòtiidỹỹna riwinyre tii riwinyre! Kia bede brebuna riwinyre Bero Nihikysò-ki!
|
||||
\v 23 Irahudi Deuxu rarybere kia Israelita mahãdu rahukremy; kiaremy Moiseisi, teòdumy ritare Deuxu-wana riòludunyre kia riwahinyõre ikyarana rihurenykemy.
|
||||
\v 24 Irahudi tii boho ririrenyre Suu Rawahimy roimyhyre, awityhytyhymy, kiemy dori rityhyrenyõre Deuxu riwinykremy rarybere.
|
||||
\v 25 Tii boho tabreòrenyki ratxirenyre kiata rexibedejeijeinyrenyre kia Deuxu Tyhyhykỹ rybe-ò ijohonaderalemy rekoarenyre.
|
||||
\v 26 Taita Deuxu riteòarinyrenyre:: tii rirubunyrenykremy bederahyki,
|
||||
\v 27 Kia riuberanykremy irioreriorereny kia ityhydỹỹkõ mahãdu ykytxi kia riwahinyre rururenykremy iwitxirasurenyki.
|
||||
\v 28 Irahudi Deuxu ijoi mahãdu rexibutunyrenyre Peor-ki kia rerinanyrenykremy Bali (Baal) suritxoo deuse-my ibededỹỹnana ihoõre.
|
||||
\v 29 Taõnaõnareny-di, tii boho risynyrenyre Deuxu rikyaradỹỹnyrenyre. Taita rexihurenyre binana binahãky-di.
|
||||
\v 30 Ka Fineias iòrarudu mahãdu rirarytxynyre, kia binana òtaòta tahe rahurenyre.
|
||||
\v 31 Kia heka itxi nohõti reare Finéias dee tòemy kiata nohõti itxi ibutumy reamy rarekre ikiemy.
|
||||
\v 32 Irahudi, Meribabe òlònaki iny mahãdu Deuxu riteburedỹỹnyrenyre, kia mobo Moiseisi iiòraruki aõhyymy rutỹỹnyre.
|
||||
\v 33 Tii boho risynyrenyre Moiseisi riwohitxihitxinyrenyre, kia tii rarybere aõnaõnamy rybenake aõkõ.
|
||||
\v 34 Tii boho rirubunyrenyõre ityhydỹỹdukõ mahãdu kia Deuxu Tyhyhykỹ tarybe riwahinyre wese,
|
||||
\v 35 kia rexiuriurinyrenyre kia tii boho-wana raydònyrenyre kua mahãdu-wana kia ibededỹỹnanareny wesemy riwinymy roiremyhy.
|
||||
\v 36 Deuxu ijoi mahãdu rerinanyrenyre suritxoo deuse-my kia iòraruki ituerenyre.
|
||||
\v 37 Tii boho riwahinyrenyre tariòrereny òbitile weryry hirari xiwena wesemy ityhydỹỹkõ mahãdu suritxoo deuse-ò.
|
||||
\v 38 Rirubunyrenyre kaa uladu bedeeryõreny, tariòrereny òbiti weryry hirari, xiwena wesemy Canaã su ritxoo deuse dee.
|
||||
\v 39 Kawesemy riwinyrenyre aõnaõna, tii boho rexibinanyrenyre kia ibinatyhymy riwinyrenyre Deuxu dee.
|
||||
\v 40 Taita Deuxu Tyhyhykỹ iky reare taijoireny dee, kia sõemy iwoxi roburobure tamyreny.
|
||||
\v 41 Tii riatyrenyre ityhydỹỹkõ mahãdu debowoki kia tii boho tahe rimyrenyre.
|
||||
\v 42 Kõhỹỹhỹỹmy rutỹỹnyrenyre taòludureny debowoki kiata irybe wahdỹỹnareny rawoki ratxirenyre.
|
||||
\v 43 Deuxu ritarenyre taijoireny tiwese bedemy sõemy, ka tii boho tahe Deuxu òludumy ratxirenyke tamywirenyre kia òraruna-di ixyby rasỹytxirenykemy.
|
||||
\v 44 Kiaremy, tiu rahinyrenyreu, Deuxu roholare kiata tamyreny roosere iu aõhỹỹ rutỹỹnymy ratximyhyrenyu.
|
||||
\v 45 Iòrarurenyki Deuxu ixitxi tõhõti reare tarybe riwahinyretxi, kia tainymy derinan òrarumy, tii tõhõti riwiurònyre.
|
||||
\v 46 Deuxu riwinyre kua mahãdu brejumy ridyrenyre-di rexiwobrunyrenykremy.
|
||||
\v 47 Deuxu, waDeuxureny, biwahedỹỹnybenyke! Biwatabenyke atyhydỹỹdukõ ykyreny-ribi kia ixybyle biwadybenyke wasure-ò. Kawesemy tahe diarỹ boho umy areàlàrenykre kia ixideewirenymy anityhyhykymy arawowydyrenykre.
|
||||
\v 48 Reàlàrenyre Israel Deuxu! Reãlãrenyre Deuxumy wiji kia ikiemy! Kia ibutumy iny sumy ryimyhyrenyre raryberenyre: “Txiòtòetuke!” Beàlàbenyke Deuxu Tyhyhykỹmy!
|
||||
\c 107
|
||||
\s1 Iruyrena Tyyriti
|
||||
\p
|
||||
\v 1 Beàlàbenyke Deuxu Tyhyhykỹmy kiemy dori tii awire, kia iaõmy derinana ikiemy ryimyhyre!
|
||||
\v 2 Beàlàbenyke Deuxumy ibutumy mahãdu tii arahedỹỹnyrenyre. Tii aratarenyre aòludureny deboworeny-ribi.
|
||||
\v 3 Kia araòkysedỹỹnyrenyre hãwa hãwa witxira-ribi, iboo-ribi, iraru-ribi, beàra-ribi kia ibràra-ribi.
|
||||
\v 4 Iny mahãduõ rariarenyre reòsamy bederahyki kia rahãrenyõhyyrenyre cidade hãwatxi rasynyrenykemy.
|
||||
\v 5 Ryma kia bemomo risamy ratximyhyreny kia aõ riraòmyhyreny ibutumy iribireny riõre.
|
||||
\v 6 Taõhỹỹhỹỹ rahinyrenyre rahenyrenykemy, kia Deuxu Tyhyhykỹ ritarenyre iaõhỹỹhỹỹmydỹỹnanareny-ribi.
|
||||
\v 7 Tii ridyrenyre ry òbitidi, cidade hãwaõ-ò tai rahãwanyrenykremy.
|
||||
\v 8 Kia tii boho reàlàrenyre Deuxumy iaõmy derinana kia aõnaõnawiwihiky riwinyremy tamyreny!
|
||||
\v 9 Kiemy dori tii riwahinyre bee mobo bemomo risamyhyreny-ò kia aõnaõnawiwi riwahinyre mobo ràma risamyhyreny-ò.
|
||||
\v 10 Iny mahãduõ ratximyhyreny bedeluru rubunaki, aõhyymy kia rabrejumy womati rerutidi,
|
||||
\v 11 Kiemy dori rexiòludunyrenyre Deuxu Rarieheky rybekõnamy kia tohodỹỹnana riatyre.
|
||||
\v 12 Tii boho rexideywyserenyre aõmysydỹỹ utxie-di; rariòwyrenymyhy, kia inyõ riwiòhenanyrenyõre.
|
||||
\v 13 Taõhỹỹhỹỹmy rahinyrenyre rahenyrenykemy, kia Deuxu Tyhyhykỹ ritarenyre iaõhỹỹhỹỹmydỹỹnanareny-ribi.
|
||||
\v 14 Tii ritarenyre bedeluruhuky rubuna-ribi kia rikyrore wiyrewiyremy womati reruti.
|
||||
\v 15 Kia tii boho reàlàrenyre Deuxumy iaõmy derinamy kia aõnaõnawiwihiky riwinyremy tamyreny!
|
||||
\v 16 Kiemy dori tii riatyre womati ijòtybòna kia riyreyrenyre womati webese.
|
||||
\v 17 Ijõrenyõ webinadumy reserenyre taòrarureny òraruki kia aõhỹỹmy rutỹỹnyrenyre taõbinabinareny òbitikile;
|
||||
\v 18 iworeny rabinarenyre rỹsỹna koki kia aõheweini rururenyre.
|
||||
\v 19 Taõhỹỹhỹỹmy rahinyrenyre rahenyrenykemy, kia Deuxu Tyhyhykỹ ritarenyre iaõhỹỹhỹỹmydỹỹnanareny-ribi.
|
||||
\v 20 Tarybe-di, tii riteytenyrenyre kia rihedỹỹnyrenyre rubu-ribi.
|
||||
\v 21 Kia tii boho reàlàrenyre Deuxu Tyhyhykỹmy kia iaõmy derinanamy kia aõnaõnawiwihiky tamyreny riwinyremy!
|
||||
\v 22 Kia reàlàrenyre Deuxumy xiwena-di kia wiuna deysana-di, kia relyyrenyre ibutumy tii aõbo riwinyremy.
|
||||
\v 23 Iny mahãduõ roimyhyrenyre bera heòty bero-di, kia ròtamyhyrenyre bera-di aõmysydỹỹki;
|
||||
\v 24 tii robirenyre aõbo Deuxu riwinyremy, aõnaõnawiwihiky riwinymyhyremy bera nihiky-ki.
|
||||
\v 25 Tii tarybe riwahinymyhyre, kiata yhy debure rebonymyhyre kia ybò riixedỹỹnymyhyre.
|
||||
\v 26 Kiata bera heòty nihiky raòwònymyhyre irarietyhymy irahudita sỹyhykỹ-ò reamyhyre. Ibede òhãruki hãbu mahãdu werymy rekoarenyre.
|
||||
\v 27 Rariòwymyhyreny kia ratiwewemy rariamyhyreny òha mahãdu wesemy; kia ibutumy hojudumy rieryrenyre aõmy awiõhyyre.
|
||||
\v 28 Taõhỹỹhỹỹmy rahinyrenyre rahenyrenykemy, kia Deuxu Tyhyhykỹ ritarenyre iaõhỹỹhỹỹmydỹỹnanareny-ribi.
|
||||
\v 29 Tii ritxuhunyre yhydebure kia ybò ruhure.
|
||||
\v 30 Tii boho rexideysanyrenyre kiemy dori bero nihiky ruhureki, kia wesemyta Deuxu ridymyhyrenyre idireny tarukimy tibeàobo roirenykre.
|
||||
\v 31 Kia tii boho reàlàrenyre Deuxu Tyhyhykỹmy iaõmy derinanamy kia aõnaõnawiwihiky riwinyremy tamyreny!
|
||||
\v 32 Belyybenyke iaõninihikymy tiu iny mahãdu rexibutunymyhyrenykeu; beàlàbenyke Deuxumy wedu mahãdu butunaki.
|
||||
\v 33 Deuxu riwinyre bero mahãdu bederahymy rexirahorekremy kia beòlòna suteremy rexirahorekremy.
|
||||
\v 34 Tii riwinyre suuwi rexirahorekremy suhyremy kia taireny hãwadu aõnaõna binahãdu òrarurenyki.
|
||||
\v 35 Tii riwinyre bederahy ahu ahumy rexirahorekremy kia sutere beòlònamy rexirahorekremy.
|
||||
\v 36 Kia riwahinyre iny mahãdu ràmasadureny rasynykremy tai; tii boho riwinyrenyre cidade hãwa kia tai rasynyrenddyre.
|
||||
\v 37 Ròbròrenyre bijiumy, uva ritòbrònyrenyre, kia tii tahe inihiky raratynyre.
|
||||
\v 38 Deuxu tarybewihiky riwahinyre taijoireny-ò, kia tii boho sõemy rariorenyrenyre. Deuxu riwahinyõre iròdu iròdu rabutekemy.
|
||||
\v 39 Deuxu ijoireny rabòdumy wobrunamy rekoarenyre kia iaõhỹỹmydỹỹnana utxie rieryre kia ibederyrynareny.
|
||||
\v 40 Taita Deuxu riteòsinyre iòlò mahãdu riatyrenyre aõhỹỹhỹỹmy risỹnymyhyreny òraruki kia ririradỹỹnyrenyre iryrenyõmy bederahyki ixi sohojirenymy.
|
||||
\v 41 Kia ritarenyre iny iaõkõmy ryimyhyrenyre aõhỹỹ-ribi kia riwinyrenyre iriòrereny ihãwyyreny rasõerenykremy budoeni wesemy.
|
||||
\v 42 Iny òbitimy ryimyhyre mahãdu kamy robimyhyrenyre kiata reysamy ratximyhyrenyre, ka ibutumyta iny binahãky mahãdu taryworeny ribrenyrenykre.
|
||||
\v 43 Txibo kai bede teeryte, idi mohõtinyke aõnaõna-di kiata biijeke bierykemy Deuxu Tyhyhykỹ derinana.
|
||||
\c 108
|
||||
\s1 Tarasanamy Ixitòedỹỹnana
|
||||
\p
|
||||
\v 1 Reximywimy rare Deuxu, reximywityhymy; kia rexihumy rare arawiunykremy kia umy areàlàkremy! Bexixake Watyytyby!
|
||||
\v 2 Wawiu wodỹỹna bexixabenyke! Diarỹ ariixixanykre txuu.
|
||||
\v 3 Deuxu Tyhyhykỹ, diarỹ umy arawowydykre hãwa hãwa tyarenyki; diarỹ arawowydykre iny mahãdu witxira-wana.
|
||||
\v 4 Aõmy derinana biurawetyy tyreki rỹimyhỹre, kia ainytyhy òbiti biuwetyyura-ò rehemynyre.
|
||||
\v 5 Deuxu, biteòsinyke aõninihikỹ biurawetyyki kia aõwiwihikỹ ibutumy sumy!
|
||||
\v 6 Biwahedỹỹnybenyke abedeery nihikỹ-di; birawyònyke waixitòedỹỹnana kia inymy terinanymyhỹte rahenyrenykremy.
|
||||
\v 7 Tarybe hetoki Deuxu rarybere myy: “Tiu aròtakreu, diarỹ ariwirareakre Siquém cidade kia aritxuatxuakre Sucote iwory waijoirenymy.
|
||||
\v 8 Gileade wahõrõ rare, kia Manasés tule; Efraim waraheto rare, kia Juda tahe wawyhy itxedu rare.
|
||||
\v 9 Moabe wabacia suròranamykre, kia diarỹ arehukre wawaubehety-di Edrom tyre, kia deòsina wesemy kia Hãwahãkỹ wahõrõ raremy. Diarỹ arawiunykre watarasanamy Filisteu mahãdu tyrereny.”
|
||||
\v 10 Deuxu, mobo tahe riwadykre cidade hãwawo-ò heòty wetidi tarukimy roimyhỹre-ò? Mobo tahe wadi rakre Edo Mòhòkỹle?
|
||||
\v 11 Kia inatyhymy aõbo tiwahitxinytenyte? Kia aõbo mariaõkre aõbo wasodadureny-wana?
|
||||
\v 12 Biwawiòhenanybenyke waòludureny arihurenykremy, kia dori hãbu mahãdu wiòhedỹỹna aõki awiõhỹỹre.
|
||||
\v 13 Deuxu-wana waweribirenyki tahe aròtarenykre; tii ribòdunykre waòludureny.
|
||||
\c 109
|
||||
\p
|
||||
\v 1 Diarỹ umy reàlàre Deuxu. Uritre ywimy rybeõmy noõmykre!
|
||||
\v 2 Iny itxyte mahãdu iny roiluu mahãdu riwahetenyrenyre, kia roilemy waòludumy rỹimyhỹrenyre.
|
||||
\v 3 Tii boho raryberenyre aõnaõna binabinahãkỹ wamy kiata riwahetenymyhỹrenyre aõ iòkõòhòkỹle.
|
||||
\v 4 Wabiòwamy idireny watximyhỹre heka tii boho waòludulemy riòwynymyhỹrenyre; diarỹ tahe tureny rexitòenyre.
|
||||
\v 5 Aõwiwi riòwynyrenyre aõbinabinamy kia aõmy derina tahe ehehmy riòwynyrenyre.
|
||||
\v 6 Deuxu, bitake hãbu binahãkỹõ kia waòludu riekremy, kia iòludurenyõ tahe turybedurenymykre.
|
||||
\v 7 Tiu turybe rỹikreu, kiemy inihe tii brejuna-ò rarotekre; kia iixitòedỹỹna ratyhydỹỹkre òraruna wesemy!
|
||||
\v 8 Kia waòludu wylemy ruruke, kia iny witxira teròwymy runykre!
|
||||
\v 9 Kia iriòrereny tybyõmy ratxidrenyke, kia ihãwyy wytesemy ratxike
|
||||
\v 10 kia iriòre boho ihetorenyõmy rekoarenyke kia heto heto ixitòedỹỹdumy ratxirenyke; kia rateòdỹỹrenyke heto hetoreny-ribi ibinatyhymy tai rahãwarenyrenyre-ribi.
|
||||
\v 11 Kia ibutumy waòludureny ijõdirenyre kia iribireny rawyrenykre tewedỹỹnareny òwydỹỹna wesemy; kia iwitxira suludu mahãdu ixidee rimyrenykre aõbo taõmysỹdỹỹteremy rimyrenyre.
|
||||
\v 12 Kia inyõ tamy awirenyõhyykre kia inyõ iwytereny-di tarukiõkre.
|
||||
\v 13 Kia ibutumy irioreriorereny wylemy rururenykre, kia ini iòhòtyhylemy rusakre.
|
||||
\v 14 Kia Deuxu Tyhyhykỹ tiu tõhõti rusaõtyhy ise òraruna-ribi kia ikiemy tõhõti reamy rarekre ihỹỹnareny aõnaõnabina-txi.
|
||||
\v 15 Kia Deuxu tõhõti reare iòrarurenytxi, kiaremy tii boho òbitile ikiemy rexilusanyrenyke!
|
||||
\v 16 Kia dori kaa hãbu tiu rõhõtinyõhyyre aõwiwi riwinykemy, kia reamy rirubunyre iny iaõkõ, aõnamy reamyhỹre.
|
||||
\v 17 Tii iny txuhòdỹỹluure; kia iaõbinabina ityrele rariowyre! Tii tarybewi riwahinyke aõkõre; kia inyõ-ò tarybewi riwahinyõhyyre!
|
||||
\v 18 Tamy heka irutaõtyhyle rare iny ritxuhòmyhỹre rexityynymyhỹre wesele. Kia iaõbinabina tamyle ralore be wesele kia rituunyre iti adỹỹ wesele!
|
||||
\v 19 Kia iaõbinabina heka tamy tyy-di rexityynymyhỹre wesena rare kia iwese weretysana riuhemyhỹre wese.
|
||||
\v 20 Deuxu Tyhyhykỹ, biònyke kawesemy waòludureny-ò kia wamy ibinamy rarybemyhỹrenyre dee!
|
||||
\v 21 Ka wamy tahe Deuxu Tyhyhykỹ, biwawiòhenanyke tuu tarybetemy kiata biwatake kiemy kai awityhyre ainymy derinana.
|
||||
\v 22 Diarỹ heka waaõkõ rare kia sõemy aõnaõnamy reamyhỹre; dirỹ rawotõmo rare wawo sỹyki.
|
||||
\v 23 Diarỹ rexihumy rare bedeluru ubròrò rurunymy ramyhỹre wese; diarỹ yhy riwadyre sei wesele.
|
||||
\v 24 Sõetyhymy renarehere, kia watiòhu ramytàtàre, kia waumy riõmy rare radeõdeõmy.
|
||||
\v 25 Tiu iny witxira mahãdu wamy robirenyreu, wadi risinyrenymy taratireny riukỹukỹnyre.
|
||||
\v 26 Biwawiòhenanyke, waDeuxu! Biwahedỹỹnyke ainymy derina wadee tewinyte òrarumy.
|
||||
\v 27 Kia waòludu mahãdu rieryrenykremy kia kai tiwahedỹỹnytemy.
|
||||
\v 28 Tii boho aõwaxina riwatxuhòrenykre, ka kai tai arybewihikỹ wadee biwahinykre. Kia wahemy rekoamyhỹrenyre rabòdurenykre, kia diarỹ, adeòdu wabedesamy aratxikre.
|
||||
\v 29 Kia waòludu mahãdureny tyre rariowykre aõnaõna binahãkỹ, kia ixỹruna tyy wesemy rihetynyrenykre.
|
||||
\v 30-31 Warybe katxiterehekỹmy arawowydykre Deuxu Tyhyhykỹmy. Diarỹ areàlàkre iny mahãdu rirarenyre rihedỹỹnyrenykremy kua mahãdu rubumy riywinymyhỹrenyre.
|
||||
\c 110
|
||||
\s1 Iòlò Deuxu Ritare
|
||||
\p
|
||||
\v 1 Deuxu Tyhyhykỹ arybere wanyrỹ iòlò-ò: bunyke waruruna weribiki, kiata ihyymy diarỹ arisỹnykre aòludureny awarawoki.”
|
||||
\v 2 Deuxu kiditerenykre Jerusalem-ribi tabedeery nihikỹ kai ijõdire iòlò wesemy. “Bimybenyke aòludureny” rarybere tii.
|
||||
\v 3 Kia itxuu kai Iòlò mahukreu, aijoiireny rexitỹnynynyrenykre iòwyrenyõ weselemy. Kia bede nonoe wese ruwetyamy, iny tỹmyra mahãdu awana witxi rearenykre hãwalò brebunaki.
|
||||
\v 4 Deuxu Tyhyhykỹ kaa riwinykremy rarybere kia tahewo-ò rooseõtyhy: “Kia warybedi ijohodumykre ikiemy, kia Melquisedeque wadeòdu rare mynamynamy.”
|
||||
\v 5 Iòlò, Deuxu heka aruruna weribiki ratxireri kiata iòlò mahãdu rahurenykre tiutxuu kyaramy ratxikreu.
|
||||
\v 6 Tii riarimy ritakre hãwa hãwa mahãdu, wounana ube rihetynykremy rubu-di, kia ibutumy iòlò sumy rỹimyhỹrenyre rabòdunyrenykre.
|
||||
\v 7 Ryki iòlò syraro bemy riõkre kiata rexilàmadỹỹnykre rotawityhytyhymy.
|
||||
\c 111
|
||||
\p
|
||||
\v 1 Beàlàbenyke Deuxu Tyhyhykỹmy! Ibutumy wacoraçaõ-wana diarỹ areàlàmy ararekre Deuxumy, butumy iny òbitimy rỹimyhỹrenyre-wana rybe butuna bedeki.
|
||||
\v 2 Timybo awityhytyhyre aõnaõna tii riwinyre! Ibutumy iny mahãdu rexibedesanymyhỹrenyre iaõwiwi òrarunaki kia rieryrenykemy risỹnymyhỹrenyre.
|
||||
\v 3 Ibutumy aõnaõna riwinymyhỹre, kia awityhymy inihikỹmy riwinyre; taaõwiwi ikiemy.
|
||||
\v 4 Deuxu Tyhyhykỹ heka iny boho riwahinyrenyõmyhỹre kia iny nohõtireny rusarenykelau aõwidỹỹnawiwihikỹ-ribi; tii heka awi rare kia tỹximy inydi wobrunadi ratximyhỹre.
|
||||
\v 5 Tii rỹsỹna riwahinymyhỹre motyhytyhybo ilau ruberumyhỹrenyre-ò kia tiu tõhõti rusaõhyky ratximyhỹre tarybe riwinyre-ribi.
|
||||
\v 6 Riteòsinyre tabedeery nihikỹ Israel iny mahãdu-ò iu tamyreny riwahinyreu iny witxira mahãdu sureny.
|
||||
\v 7 Tii heka òbitityhymy awimy ratximyhỹre ibutumy aõnaõna riwinyreki; ibutumy irybe wahidỹỹna ratyhydỹỹkemy ratximyhỹre.
|
||||
\v 8 Tii boho ikiemy rỹimyhỹrenyre, kiemy dori òbitimy ròrarunymyhỹre inatyhymy.
|
||||
\v 9 Deuxu diteònyde tahe dỹỹnana taijoireny-ò kia tii boho-wana rybewihikỹ riwinyrenyre ikiemy. Tii heka òbitimy nodutyhy rare kia ibedeery nihikỹ.
|
||||
\v 10 Kia iny bedeerymy ratxikemy, kia heka komy Deuxu Tyhyhykỹ lau ruberuke. Tii tarybe wahidỹỹnana riwahinykre rityhynykremy. Kia Deuxu Tyhyhykỹmy adeàlà rỹikre ikiemy!
|
||||
\c 112
|
||||
\s1 Wodeusana Mobo Rityhynytyhymy Ratxire Deuxu
|
||||
\p
|
||||
\v 1 Beàlàbenyke Deuxu Tyhyhykỹ! Bedesawihikỹ kua ruberumyhỹre Deuxu lau kia ixideewimy rityhynymyhỹre irybe wahidỹỹna òbitimy.
|
||||
\v 2 Hãbu wihikỹ riòre boho ibedeery nihikỹmy ratxirenykre suki, kia irioreriorereny rybewihikỹ tamyreny rawahirenykre.
|
||||
\v 3 Ihetoki ròraòmy rarekre ityhyna, kia tii ikiemy iinytyhyre.
|
||||
\v 4 Loosona heka ruxaranymyhỹre bedeluruki kua mahãdu òbitimy rỹimyhỹrenyre, kua mahãdu awityhymy rỹimyhỹrenyre-ò, inydi wobruduhykymy òbitityhymy.
|
||||
\v 5 Awityhyrenyre kua inywitxira mahãdu-di rexiwobrunymyhỹmy rohuòtemyhỹre kia taõmysỹdỹỹnadi òbitimy ratximyhỹre.
|
||||
\v 6 Mobo òbitimy rỹire tiu reyweseõtyhy kia ikiemy itxi nohõti reamy rarekre.
|
||||
\v 7 Mobo òbitimy ixidi ratximyhỹre ruberuõhyylemyhỹre aõnaõna rybebina ijohona-ò; ityhydỹỹna hea iruruterere, kiemy dori tii rityhynytyhymy ratximyhỹre Deuxu Tyhyhykỹ.
|
||||
\v 8 Tii rõhõtiyreõhyymyhỹre kia ruberuke aõkõre; kia rierytyhyre iòludu mahãdu rabòdurenykremy.
|
||||
\v 9 Tii riwahinyre ixideewi iny iaõkõ mahãdu-ò, kia iinytyhy ikiemy rỹire. Tii ibedeerytyhy rare kia ratyhydỹỹmyhỹre.
|
||||
\v 10 Iny itxỹte mahãdu kamy robimyhỹrenyre kiata reburemyhỹrenyre; kia ikyreny reamy retehemyhỹrenyre kiata rexihumyhỹrenyre. Iny itxỹte mahãdu rarysò heka aõmy rỹiõhyyre.
|
||||
\c 113
|
||||
\s1 Deuxu Deàlàna Iaõwiwimy
|
||||
\p
|
||||
\v 1 Beàlàbenyke Deuxu Tyhyhykỹmy! Deuxu Rybedi Ijohodu, beàlàbenyke inimy!
|
||||
\v 2 Deuxunimy heka adeàlàna rỹikre wiji kia ikiemy!
|
||||
\v 3 Kia ròhònykreu kia txuu ralokrexiery, kia Deuxumy adeàlàna rỹikre!
|
||||
\v 4 Deuxu Tyhyhykỹ riwedunymyhỹre ibutumy hãwa bede bede; iaõwiwihikỹ biurawetyytyreki roimyhỹre!
|
||||
\v 5 Inyõ ihoõhyyre iny Deuxureny wesemy, kia irynana ijõdire biurariehekỹki,
|
||||
\v 6 ka txibo riweijàsenykeki tamy retehekemy aõbo biurawetyymy kia sumy rỹire.
|
||||
\rem Missing 113:7-9
|
||||
\c 114
|
||||
\s1 Egito-ribi Òlòna
|
||||
\p
|
||||
\v 1 Iu Ijaò rioreriorereny, Israel iny mahãdu, ròhònyrenyreu Egito-ribi, kua suwitxira-ribi,
|
||||
\v 2 tii boho rexisỹnyrenyre Deuxu ijoirenytyhyhykỹmy; Israel ratxirenyre tai hãwadutyhyrenymy.
|
||||
\v 3 Bero Nihikỹsò retehere kiata rexiwore; Jordaõ bero ijyra ruhure.
|
||||
\v 4 Hãwalò rarie mahãdu rawayrytòrenyre budoeni wesemy, kia hãwalò riòre mahãdu tahe raatyrenyre budoeni riòre wesemy.
|
||||
\v 5 Aõhebo rutỹỹnyre Bero Nihikỹ-ò, kawesemy alau rexiwore? Kai tahe Jordaõ bero, aõherekibo abe ijyra-ribi ruhure?
|
||||
\v 6 Hãwalò rarie mahãdu, aõherekibo kai boho tawayrytòtenyte budoeni wesemy? Hãwalò riòre boho, aõherekibo kai boho taatytenyte budoeni riòre wesemy?
|
||||
\v 7 Suu ramytàtàre Deuxu nononau, kia Ijaò Deuxu ruki,
|
||||
\v 8 Kia dori tii riwinyre mynaurahãkỹ be òlònamy kia myna myna rirahorere behãlububemy.
|
||||
\c 115
|
||||
\p
|
||||
\v 1 Adee sohoji Deuxu Tyhyhykỹ, kia wadeereny aõkõ, aõwiwi rawahire kia aõmy derinana òraruki kia ainytyhy òraruki rawahire.
|
||||
\v 2 Aõherekibo iwitxira hãwa hãwa rỹỹraxirenyre: “Titxibo iDeuxureny rare?”
|
||||
\v 3 WaDkeuxureny biurawityyki ratcxire; tii ibutumy riwinyre aõ ixideewimy.
|
||||
\v 4 Iwitxira hãwa hãwa deusu mahãdu myna rỹsỹ òtaòta kia myna rỹsỹhỹkỹ rare kia heka hãbu mahãdu tebò-di riwinyrenyre.
|
||||
\v 5 Tii boho iry ijõdire, kiata raryberenyõre; iruereny ijõdiremy, kiata reteherenyõre.
|
||||
\v 6 Tõhõti ijõdirenyre, kiata roholarenyõre; teasỹ ijõdirenyre, kiata aõsilỹnymy rururenyõre.
|
||||
\v 7 Tebòreny ijõdirenyre, kiata aõ rimyrenyke aõkõre, iwareny ijõdire, kiata rariarenyke aõkõre; kia ibytòreny-ribi aõwodỹỹ rohonyõhyymyhỹre.
|
||||
\v 8 Kia heka iwedsetyhylerenyre kaa suritxoo deuse wese; kua mahãdu riwinyrenyre kia tamyreny rexirademyhỹrenyre.
|
||||
\v 9 Israelita mahãdu, Deuxu Tyhyhykỹmy rexiraderenyre! Tii riwiòhenanymy kia rirarenyrenyre.
|
||||
\v 10 Deuxu Rybe-di ijohodu mahãdu, Deuxu Tyhyhykỹmy rexiraruderenyre! Tii riwiòhenanymy kia rirarenyrenyre.
|
||||
\v 11 Deuxu Tyhyhykỹmy bexirarudebenyke, ibutumy motyhytyhybo ilau ruberurenyre! Tii riwiòhenanymy kia rirarenyrenyre.
|
||||
\v 12 Deuxu watxireny tõhõti reamy kia tarybewihikỹ wadeereny riwahinykre, tii tarybewihikỹ riwahinykre Israel mahãdu-ò kia ibutumy Deuxu rybedi ijohodu mahãdu.
|
||||
\v 13 Tii tarybewihikỹ riwahinykre ibutumy ibutumy motyhytyhybo ilau ruberumyhỹre-ò, kia ratyhydỹỹmy ratximyhỹrenyre iwese wobru rekoamyhỹrenyre.
|
||||
\v 14 Kia Deuxu Tyhyhykỹ adeereny uladu sõe riwahinykre adeereny kia ariorerioredreny dee.
|
||||
\v 15 Kai boho rybewihikỹ bimybenykre Deuxu-ribi, kia biurawetyy suu-wana riwinyre wahe.
|
||||
\v 16 Biurawetyy heka Deuxu Tyhyhykỹ-ò sohojile rare, ka suu tahe tii riwahinyre iny mahãdu dee.
|
||||
\v 17 Rubu mahãdu resemyhỹrenyre subydeby-ò, kia Deuxumy reàlàrenyõmyhỹrenyre.
|
||||
\v 18 Ka diarỹ boho tahe, warumy watximyhỹrenyre, reàlàmyhỹrenyre Deuxumy wiji kia ikiemy. Beàlàbenyke Deuxu Tyhyhykỹmy!
|
||||
\c 116
|
||||
\s1 Deuxu Rubu-ribi Ròhedỹỹre
|
||||
\p
|
||||
\v 1 Diarỹ rerinanyre Deuxu Tyhyhykỹmy kiemy dori tii wadee roholare kia waixitòedỹỹna-ò roholare.
|
||||
\v 2 Tii wadee roholare ikiemy diarỹ rihinymyhỹre arahenykemy rexitòenymyhỹre.
|
||||
\v 3 Rubu bytòtaana riwatxynyreri rubu hãluu binahãkỹ riwamymy wadi ratxirenyre, kia diarỹ werymy reare aõhỹỹmy ratỹỹnyre.
|
||||
\v 4 Taita rahinyre Deuxu dee rexitòenymy: “Aõkerỹbo biwahedỹỹnyke, Deuxu Tyhyhykỹ!”
|
||||
\v 5 Deuxu heka iinytyhy òbiti rare, iny Deuxureny inydireny rexiwonymyhỹre.
|
||||
\v 6 Deuxu rirarenymyhỹre iny aõmy rekoamyhỹrenyre. Tiu diarỹ waohãrumy watximyhỹu, tii riwahedỹỹnyre.
|
||||
\v 7 Watyytyby, Deuxu Tyhyhykỹ bityhynyke, kiemy dori tii awimy wadee rare.
|
||||
\v 8 Deuxu riwatare rubu-ribi, kia warube rirubudỹỹnyre kia wadeysa wese-ribi riwahedỹỹnyre.
|
||||
\v 9 Kia wesemy tahe bedebedemy rariamyhỹre irumy ratximyhỹrenyre-ribi kia ikiemy Deuxu Tyhyhykỹ deewihyy rewinymyhỹre.
|
||||
\v 10 Diarỹ rarybere: “Diarỹ rarurusuruhukumy rare,” kiata ihãrele retyhynymy rare.
|
||||
\v 11 Raberumy watximyhỹ kiata rarybere: “Inyõ arityhynyõhyykre,” kia ihãremyta watyhydỹỹna waribi riõõhyyre.
|
||||
\v 12 Aõhebo tahe diarỹ ariwahinykre xiwenamy Deuxu Tyhyhykỹ dee ibutumy tii wadee riwahinyre òraruki?
|
||||
\v 13 Ariwykre Deuxu-ò (vinho) monabesò xiwena wesemy, tuu areàlàkremy kiemy dori tii riwahedỹỹnyre.
|
||||
\v 14 Ibutumy iny mahãdu rybe butunaki, diarỹ tamy ariwahinykre tuu tamy raryberemy.
|
||||
\v 15 Deuxu Tyhyhykỹ sõemy rabyderyrymyhỹre tiu iijoirenyõ rurumyhỹreu.
|
||||
\v 16 Deuxu, diarỹ arybedi ijohodu rare. Diarỹ adeewi rewinyre, iwese nadi adeewi riwinymy raremyhỹ wese. Kai tiwahedỹỹnyte.
|
||||
\v 17 Diarỹ adee ariwahinykre xiwenawihikỹ kiata adee arexitòenykre.
|
||||
\v 18-19 Aijoi mahãdu rybe butuna-ò Arybe Heto ube-ò, Jerusalem-ki, diarỹ adee ariwahinykre tuu raryberemy. Beàlàbenyke Deuxu Tyhyhykỹ!
|
||||
\c 117
|
||||
\s1 Ibutumy Iny Mahãdu Reàlàrenyre Deuxu Tyhyhykỹmy
|
||||
\p
|
||||
\v 1 beàlàbenyke deuxu tyhyhykỹmy ibutumy hãwa hãwa! Ibutumy iny mahãdu beàlàbenyke!
|
||||
\v 2 inymyreny rerinanyre heka iruruteretyhyre, iaõtyhytyhy heka ikiemy rỹire.beàlàbenyke deuxu tyhyhykỹ!
|
||||
\c 118
|
||||
\p
|
||||
\v 1 Beàlàbenyke Deuxu Tyhyhykỹ kiemy dori tii awire, kiemy dori iaõmy derinana ikiemy rỹire.
|
||||
\v 2 Kia Israel iny mahãdu rarybere: “Iaõmy derinana ikiemy rỹire.”
|
||||
\v 3 Kia Deuxu deòdu mahãdu raryberenyre: “Iaõmy derinana ikiemy rỹire.”
|
||||
\v 4 Kia ibutumy rityhynyrenyre raryberenyre: “Iaõmy derinana ikiemy rỹire.”
|
||||
\v 5 Waõhỹỹmydỹỹnanau diarỹ rahinyre Deuxu Tyhyhykỹ dee; tii riwarawyònyre kia riwatare.
|
||||
\v 6 Deuxu Tyhyhykỹ wawana ratxire, kia diarỹ aõ wabrebu ihoõre; aõbinabo tahe inyõ wadee riwinykre?
|
||||
\v 7 Deuxu wawana ratxire; kia tii heka riwawiòhenanyre. Iurenana heka rabire waòludu mahãdu rabòdurenyremy.
|
||||
\v 8 Kia heka aõni awi rare Deuxu Tyhyhykỹ ratyhydỹỹre, kia iny-di rahelỹỹnanymy rỹire-ribi.
|
||||
\v 9 Kia heka aõni awi rare Deuxu Tyhyhykỹ raty hydỹỹre, kia iny aõwedu ninihikỹ-di rahelỹỹnanymy rỹire-ribi.
|
||||
\v 10 Waòludu mahãdu waweruramy rỹirenyre heka sõerenyre, ka Deuxu Tyhyhykỹ bedeery Nihikỹ-di tahe diarỹ rehurenyre.
|
||||
\v 11 Tii boho riwayrawonyrenyre ibutumy tiwe-ribi weribi, ka Deuxu Tyhyhykỹ bedeery Nihikỹ-di tahe diarỹ rehurenyre.
|
||||
\v 12 Tii boho rexibutunyrenyre, bidiy wesemy waweruramy, kiaremy roorenyre heòty-ò òwòru rubu wesemy; Deuxu Tyhyhykỹ Bedeery Nihikỹ-di tahe diarỹ rehurenyre.
|
||||
\v 13 Tii boho tarurumy wadee raõbinanyrenyre riwabòdunykemy, kiaremyta Deuxu riwawiòhenanyre.
|
||||
\v 14 Deuxu Tyhyhykỹ waruruteremy wabedeerymy riwasỹnyre; tii riwahedỹỹnyre.
|
||||
\v 15 Boholabenyke Deuxu ijoi mahãdu bedesa tarasana-ò. Tabede tỹhinanarenyki tii boho ryryrenyre myy: “Deuxu Tyhyhykỹ, tabedeery Nihikỹ-di riwinyre aõnaõna nihikỹ!
|
||||
\v 16 Ibedeery Nihikỹ wadeereny tarasana riwahinyre: tabedeery nihikỹ—di, tii riwinyre aõnaõna ninihikỹ!”
|
||||
\v 17 Aruruõkre; iribiòtumy warumy ararekre kia ararybemy ararekre Deuxu Tyhyhykỹ widỹỹnamy.
|
||||
\v 18 Tii sõemy riwararytxynyre, kiata riwawhinyõre arurukemy.
|
||||
\v 19 Wadee ijòtybònahãkỹ Rybena Heto biraynybenyke; diarỹ aralokre kia areàLàkre Deuxu Tyhyhykỹmy!
|
||||
\v 20 Kaa Ijòtybònahãkỹ heka Deuxu Tyhyhykỹ hõrõ rare; kia iny òbitimy rỹimyhỹrenyre sohojile aõwaxina idi ralòrenykre.
|
||||
\v 21 Deuxu, diarỹ umy reàLàmyhỹre kiemy dori wadee taholate kia wadee tarasana riwahinyre!
|
||||
\v 22 Myna rahitxinyrenyre, Hetowidỹỹdu mahãdu kia heka nade ibutu-ribi ratyhydỹỹmy.
|
||||
\v 23 Kia heka Deuxu Tyhyhykỹ tuu riwinyre kia aõnawiwihikỹ!
|
||||
\v 24 Ka heka txuu Deuxu Tyhyhykỹ tarasana rare; kia inydeereny txu sohoji wodeybina bedesana!
|
||||
\v 25 Biwahedỹỹnybenyke, Deuxu, biwahedỹỹnybenyke! Aõrarysòna wadeereny biwahinyke Deuxu!
|
||||
\v 26 Awityhyre kua mahãdu dòidenyde Deuxu Tyhyhykỹnimy! Karibi Deuxu Bededỹỹnana bedeu, diarỹ boho warybewihikỹ ibutumy adeereny rewahinyrenyre!
|
||||
\v 27 Deuxu heka Deuxuhyy rare; waloosodureny. Tebo juhu-ribi heka ròrarunymyhỹre ixenana kia rariamyhỹrenyre Xiwena weruramy.
|
||||
\v 28 Kai heka waDeuxu tate-diarỹ umy areàlàkre; kai heka waDeuxu tate-diarỹ ararybemy ararekre aõninihikỹmy.
|
||||
\v 29 beàlàbenyke Deuxu Tyhyhykỹ kiemy dori tii awire, kia kiemy dori iaõmy derinana ikiemy rỹimyhỹre.
|
||||
\rem dat 1997
|
||||
\c 119
|
||||
\p
|
||||
\v 1 Deysanamy iny mahãdu rỹimyhỹrenyre òbitimy, kia rariamyhỹrenyre Deuxu Tyhyhykỹ tarybe tuu riwahinyre mynamynamy.
|
||||
\v 2 Deysamy heka rỹirenyre iny mahãdu Deuxu rybe mynamynamy rỹimyhỹrenyre-kia rityhynymyhỹrenyre ibutumy tacoraçaõreny-wana.
|
||||
\v 3 Deysawihikỹmy rỹire iny mahãdu aõnaõnabina riwinyõmyhỹrenyre, kiata rariamyhỹrenyre Deuxu ry-di.
|
||||
\v 4 Kai wadeereny tewahinyte arybe wahidỹỹna kia arybe tewahinyte tuu òbitimy ariwinymy aroirenyrekremy.
|
||||
\v 5 Diarỹ reamyhỹre arityhynykremy arybe mynamyna; kia òbitityhymy arityhynymy idi ararekremy.
|
||||
\v 6 Txibo diarỹ arityhynykreki ibutumy arybe mynamynamy, tiu wainybòmy wanoõna.
|
||||
\v 7 Tiu arierukreu adohodỹỹna òbitityhy, diarỹ umy areàlàmy ararekre wacoraçaõ-di òbitimy.
|
||||
\v 8 Arityhynykre arybe wahidỹỹna; tiu ariatyõtyhy.
|
||||
\s1 Arybe Rerarenyre Wawoki
|
||||
\v 9 Timybo tahe aõwaxina iny tỹmyraõ rirarenywike òbitityhymy tabededỹỹnana? Kia urile rityhynyhyymy rareke arybe mynamynamy.
|
||||
\v 10 Diarỹ araijemyhỹre adee araõmysỹdỹỹnykemy ibutumy wacoraçaõ-wana; uritre wawahidỹỹõmykre kia diarỹ arexitiòreakelau arybe wahidỹỹna-ribi.
|
||||
\v 11 Rerarenyre arybe wawoki kia òraruna ariwinyhenylau aòludumy.
|
||||
\v 12 Diarỹ umy reàlàmyhỹre, Deuxu Tyhyhykỹ! Biwaixinanyke arybe òbitihikỹmy!
|
||||
\v 13 Reòarire ixyby ixyby katxiterehekỹmy ibutumy arybe tewahinyte mynamyna.
|
||||
\v 14 Ire reysamyhỹre arybe mynamynaheki watximyhỹreki kia sõemy waõnadimy watyhymy arunyke-ribi.
|
||||
\v 15 Arybe wahidỹỹna-di ratyyritinyre kiata reerymyhỹre adohodỹỹnana.
|
||||
\v 16 Arybe wahidỹỹnana heka wadeewihikỹ rare; wanohõti rusaõmyhỹre arybe-ribi.
|
||||
\s1 Arierykemyreri Tuu Tarumyỹte
|
||||
\v 17 Deuxu, diarỹ arybe-di ijohodu rare; awityhymy wadi atxike kia diarỹ ararekemy arityhynymy arybe.
|
||||
\v 18 Warue biraynyke kia diarỹ aretehekemy aõnaõna wityhytyhy rybe-di.
|
||||
\v 19 Urihimyòmy warumy ararekre ka suki; uritre walau iwòteõmy arybe wahidỹỹna.
|
||||
\v 20 Wawo heka sõemy aõhỹỹmy rutỹỹnyre, kiemy, ibutuhyymy arierykemy watximyhỹre tuu teamyhỹtemy biwinykemy.
|
||||
\v 21 Kai tetxynymyhỹte iny rexityhytyhynyrenyre; kia heka ibinatyhymy kua mahãdu rexitirareamyhỹrenyre arybe mynamyna-ribi.
|
||||
\v 22 Biwatake roimy nodureny-ribi kia wadi risinymyhỹrenyre-ribi, kiemy dori retyhynymy watximyhỹre adohodỹỹnana.
|
||||
\v 23 Kia aõweduwedu rariehekỹ mahãdu rexibutunymyhỹrenyre hãrele kia bede riywinymyhỹrenyre waòludumy, diarỹ, arybe-di ijohodu, raraykynymyhỹre arybe wahidỹỹnana-di.
|
||||
\v 24 Kia adohodỹỹnana-di rayky wadeewire; tii boho heka watohodỹỹdu roire.
|
||||
\s1 Biwaerynanyke Arybe Wahidỹỹnamy
|
||||
\v 25 Diarỹ rabòdumy rare kia sutxi resemy; waruru ixyby bitỹmyranyke arybe tuu tewahinyte mynamy.
|
||||
\v 26 Ibutumy tuu relyyre aõbo rewinyremy, kia kai tiwarawyònyte; biwaerynanyke arybe wahidỹỹ mynamynamy.
|
||||
\v 27 Wadee biteòsinyke timybo arityhynymy ararekemy arybe wahidỹỹnana, kia diarỹ tahe araraykynymy ararekre adohodỹỹnana wiwihikỹmy.
|
||||
\v 28 Diarỹ rexihumy rare sõemy bederyrynana-di; wadee rurutere bidiwahinyke, tuu tarybete mynamy.
|
||||
\v 29 Uritre wawahidỹỹõmyke rybinabina-di riralau; ainytyhyhykỹ-di biwaerynanyke arybe wahidỹỹnamy.
|
||||
\v 30 Diarỹ retare ryy inatyhymy òbitimy rỹire; kia retyhynymy watximyhỹre arybe tewahinyte mynamynamy.
|
||||
\v 31 Deuxu Tyhyhykỹ, diarỹ rariamy watximyhỹre adohodỹỹnana-di; uritre wawahidỹỹõmy aõhỹỹ aõhỹỹmydỹỹnana ixỹrunamy.
|
||||
\v 32 Arariamy ararekre arrybe wahidỹỹna mynamyna-di kiemy dori kawesemy kai wadee biwahinyke ixyby bedeerynahãkỹ.
|
||||
\s1 Arybe Wahidỹỹna Ariwinymy Ararekre Wacoracaõ wana
|
||||
\v 33 Deuxu Tyhyhykỹ, biwaerynanyke arierykemy arybe wahidỹỹnana, kia diarỹ ta idi arariamy ararekre ikiemy.
|
||||
\v 34 Wadee biwahinyke bede arierykemy, kia arirarenykre arybe wahidỹỹnana, kia ariwinymy ararekre ibutumy wacoraçaõ-wana.
|
||||
\v 35 Biwariradỹỹnyke arybe wahidỹỹnana mynamy, kiemy dori tai wodeysanawihikỹtxi reamyhỹre.
|
||||
\v 36 Biwasỹnyke kia diarỹ arityhynykemy adohodỹỹnana, kia ityhymy aratxike-ribi.
|
||||
\v 37 Uritre wawahidỹỹõmy arõhõtinymy aratxikelau aõnaõna sõmo sõmomy; txibo wadee awityhyre-wana, tuu tarybetemyna.
|
||||
\v 38 Diarỹ heka adeòdu rare; rewinymy watximyhỹre tuu wadee tarybete biwinykremy, tuu tarybete biwinykremy alau brebudu mahãdu-ò.
|
||||
\v 39 Roi mahãdu-ribi biwatake, kia riwabrebunymyhỹrenyre; kia iny tearimy atximyhỹte heka aõni awi rare.
|
||||
\v 40 Diarỹ heka sõemy arityhynykemy watximyhỹre arybe wahidỹỹnana. Waruru ixyby bitỹmyradỹỹnyke, kiemy dori tii òbitimy nodu rare.
|
||||
\s1 Arybe Wahidỹỹnana Heka Wadee Deysana Riwymyhỹre
|
||||
\v 41 Deuxu Tyhyhykỹ, wadee biteòsinyke tiwesetyhymybo wamy terinanymyhỹtemy kiata biwahedỹỹnyke tuu tarybete mynamy.
|
||||
\v 42 Taita arierykre arirawyònykremy iny mahãdu wadi risinymyhỹrenyre, kiemy dori diarỹ retyhynymy watximyhỹre arybe.
|
||||
\v 43 Biwawiòhenanyke ikiemy òbitityhy ararybemy ararekremy, kiemy dori diarỹ reraòmy watximyhỹre atarasana.
|
||||
\v 44 Txuu iyhyõmy arityhynykre arybe wahidỹỹna; diarỹ ariwinymy ararekre ikiemy.
|
||||
\v 45 Aratximy ararekre awityhytyhymy kiemy dori reijemy watximyhỹre adohodỹỹnana.
|
||||
\v 46 Arelyymy ararekre ararekre iòlò mahãdu dee arybe tewahinytemy kia araixỹrumy aratxiõtyhy.
|
||||
\v 47 Arybe wahidỹỹnana heka wadee bedesana riwymyhỹre, kiemy dori diarỹ umy rerinanyre.
|
||||
\v 48 Retyhynymy rerinanyre arybe wahidỹỹnanamy kia raraykynymy watximyhỹre arybe tòedỹỹnanamy.
|
||||
\v 49 Diarỹ adeòdu rare; õhõti reake wadee biwinykremy tarybetetxi, tuu tarybete heka diarỹ reraòmy watximyhỹre.
|
||||
\v 50 Aõhỹỹmydỹỹnanau diarỹ ranohõtitybore kiemy dori biwahinykremy tarybete wadee rurutỹmyra riwahinyre.
|
||||
\v 51 Iny ixityhytyhydỹỹdu mahãdu ikiemy wadi risinymyhỹrenyre, ka diarỹ tahe arybe tòedỹỹnana-ribi rexilòhòrarienyõhyyre.
|
||||
\v 52 Diarỹ wanohõti reare, Deuxu Tyhyhykỹ atarasana juhuluduna, kia tii boho riwaywinyrenyre.
|
||||
\v 53 Kia reburemy watximyhỹre tiu rabimyhỹreu iny itxỹte mahãdu arybe tòedỹỹnana rikròmyhỹrenyreu.
|
||||
\v 54 Wabededỹỹnana itxuumy watximyhỹre ka suki, wiunana rewinymyhỹre arybe wahidỹỹnana mynamynamy.
|
||||
\v 55 Rumy diarỹ adi rahõtinymyhỹre, Deuxu Tyhyhykỹ, kia retyhynyre Arybe Tòedỹỹnana.
|
||||
\v 56 Wawodeysana heka kaa rare arityhynykre arybe wahidỹỹna mynamyna.
|
||||
\s1 Arybe Tòedỹỹnana Arityhynykremy Rarybere
|
||||
\v 57 Kai Deuxu Tyhyhykỹ, ibutumy aõnaõna waki ijõdire; rarybere arybe tòedỹỹnana arityhynykremy.
|
||||
\v 58 Ibutumy wacoraçaõ-wana, diarỹ adee arexitòenykre: wadi bexiwobrunyke, tuu biwinykremy tarybetemy.
|
||||
\v 59 Rahõtinymy watxire tuu rewinymymyhỹremy kiata adohoỹỹna-di arariamy aratxikremy rexiywinyre.
|
||||
\v 60 Ibutumy wylemy roorehemy aõkõ, reijere arityhynykremy arybe wahidỹỹnana mynamynamy.
|
||||
\v 61 Iny itxỹte mahãdu wabrejudỹỹmy risỹnymyhỹrenyre taõbinabinareny-di, ka diarỹ ttahe wanohõ rusaõhyymyhỹre Arybe Tòedỹỹna wahidỹỹna-ribi.
|
||||
\v 62 Aixinawityhyhykỹ òraruki, diarỹ raire ruwetyau umy areàlàkremy.
|
||||
\v 63 Diarỹ ibutu biòwareny rare kua mahãdu alau ruberumyhỹrenyre, kia ibutumy iny mahãdu Arybe Wahidỹỹna rityhynymyhỹrenyremy.
|
||||
\v 64 Deuxu Tyhyhykỹ, suu heka tỹximy roimyhỹre aõmy derinana-di; biwaixinanyke arybe wahidỹỹna mynamynamy.
|
||||
\s1 Retyhynyre Arybe Wahidỹỹnana
|
||||
\v 65 Deuxu Tyhyhykỹ, kai òbitimy tewinyte tuu tarybete mynamy kia wadee awity tate, kiemy dori diarỹ arybedi ijohodu rare.
|
||||
\v 66 Wadee biwahiny bedeerynana arierykemy, kiemy dori retyhynyre arybe wahidỹỹnana.
|
||||
\v 67 Juhu biwararytxynykrekoki; diarỹ òbitimy aõkõ rariamy raremyhỹ, ka tahe wiji retyhynyre arybe.
|
||||
\v 68 Deuxu, kai heka awityhy tate kia aõwi awi tewinyte; biwaixinanyke arybe wahidỹỹnanamy.
|
||||
\v 69 Iny rexityhytyhynymyhỹre mahãdu heka rarybemyhỹrenyre waòludumy, ka ibutumy wacoraçaõ-wana, diarỹ retyhynyre arybe wahidỹỹnana.
|
||||
\v 70 Kaa hãbu boho heka iteretererenyre wiribi iwitxirarenyre, kiaremy diarỹ awityhymy rahãre Arybe wahidỹỹnanaki.
|
||||
\v 71 Kia heka awire txibo diarỹ arararytxyre-wana, kiemy dori kawesemy reeryre arybe wahidỹỹnana.
|
||||
\v 72 Kai Rybe tewahinyte heka sõetyhymy wadee awire kia ibutumy ityhynana-ribi.
|
||||
\s1 Wadee Awire Arybemy Nohõtina
|
||||
\v 73 Deuxu, kai heka tiwaumydỹỹnyte kia wadi itxeredu tewahinyte; wadee tewahinyte bede arierykremy arybe wahidỹỹnana.
|
||||
\v 74 Kua mahãdu alau ruberumyhỹrenyre rexibedesanymyhỹrenyre wamy robimyhỹrenyreu kiemy dori wararysòna arybeki roimyhỹre.
|
||||
\v 75 Deuxu Tyhyhykỹ, diarỹ reeryre atarasana heka òbitityhy rare, kia riwararytxynymyhỹre kiemy dori òbitimy nodu rare.
|
||||
\v 76 Kia ainymy derinana heka riwanohõtitybònyre, tuu wadee tarybete mynamy, aijoi.
|
||||
\v 77 Wadi maruxetòeke, kia diarỹ tahe ararekre, kiemy dori tuu reòarire Arybe Wahidỹỹna-di nohõtimy.
|
||||
\v 78 Kia iny ixityhytyhydỹỹdu mahãdu raixỹrurenyre, kiemy dori roilemy wamy rarybemyhỹrenyre; ka diarỹ tahe araraykynymy aratxikre adohodỹỹnanamy.
|
||||
\v 79 Kia ydòidenykre waweribi-ò alau ruberumyhỹrenyre mahãdu kia rierymyhỹrenyre arybe wahidỹỹnana.
|
||||
\v 80 Kia diarỹ ibutumy retyhynyre arybe wahidỹỹnana kia aõhỹỹmy ratỹỹnyõhyymyhỹre raixỹrumy.
|
||||
\s1 Arybe Wahidỹỹnana Heka Ratyhydỹỹkemy Ratxire
|
||||
\v 81 Deuxu, diarỹ heka reywesemy rare araraòmy watxireki kia tahe kai tiwahedỹỹnyte; diarỹ retyhynyre arybe.
|
||||
\v 82 Warue heka reywesemy rare sõemy retehemyhỹreki, reraòmy aõbo biwahinykremy tarybete, kia diarỹ rỹỹraxire: “Tiubo tahe wanohõti tybòdỹỹmy mynakre?”
|
||||
\v 83 Diarỹ heka aõki wawiõhyyre (vinho) besò hynatyby wesemy, kiaremy wanohõti rusaõmyhỹre arybe wahidỹỹnana-ribi.
|
||||
\v 84 Tiwese bedeu bo tahe ariraòmy ararekre? Tiubo tahe birarytxynybenykre kia wahemy rekoamyhỹrenyre?
|
||||
\v 85 Iny rexityhytyhynymyhỹrenyre, kia arybe wahidỹỹna rityhynyõmyhỹrenyre, hãluu riarenyre riwamyrenykremy.
|
||||
\v 86 Ibutumy arybe wahidỹỹna ratyhydỹỹkemy rỹire. Biwawiòhenanyke, kiemy dori roiluku mahãdu wahemy rekoarenyreri.
|
||||
\v 87 Aõheweini riwarubunyrenyre, kiaremy diarỹ reatyõre aixinadỹỹnana.
|
||||
\v 88 Ainymy derinana òrarumy, ixyby biwaruruterenyke kia diarỹ arityhynykemy arybe wahidỹỹnana.
|
||||
\s1 Arybe Heka Ikiemy Rỹire
|
||||
\v 89 Deuxu Tyhyhykỹ, arybe heka ikiemy rỹire; tii heka rỹiwiwimy rỹire biurawetyy wesemy.
|
||||
\v 90 Aõwiwi aõwidỹỹna ikiemy tikiehyky rỹimyhỹre; suu telidite tymanaki, kia tii taihyy rỹire.
|
||||
\v 91 Ibutumy aõnaõna rỹimy rỹihyymyhỹre wijihãrele tuu arybe tewahinyte mynamy kiemy dori ibutumy aratyhynyre.
|
||||
\v 92 Txibo Arybe wahidỹỹna wadeysanaõkeki, kia tiu aõkõ ini diarỹ arurure sõemy aõhỹỹmydỹỹnana-di.
|
||||
\v 93 Tiu wanohõti rusaõtyhy aixinadỹỹnana-ribi, kiemy dori idixiery wabededỹỹnana-di awimy watximyhỹre.
|
||||
\v 94 Biwahedỹỹnyke, kiemy dori diarỹ ahõrõ rare kia reijemy watximyhỹre arityhynykremy arybe wahidỹỹnana.
|
||||
\v 95 Iny itxỹte mahãdu riwaraòmyhỹrenyre tiwese bedeule riwarubunyrenykemy, ka diarỹ tahe raraykynymy watximyhỹre arybe wahidỹỹnana-di.
|
||||
\v 96 Diarỹ rabire kia ibutumy aõnana ionanadilemy rỹiremy, ka arybe wahidỹỹnana ibutumy rawahidỹỹmyhỹre.
|
||||
\s1 Timybo Diarỹ Rerinanyre Arybe Wahidỹỹnamy
|
||||
\v 97 Timybo diarỹ rerinanyre arybe wahidỹỹnamy! Rahõtinymy idi raimyhỹre txuu iyhyõmy.
|
||||
\v 98 Arybe wahidỹỹnana heka ikiemy wamyhyy rỹire kia riwabedeerynymyhỹre ixyby kia waòludureny-ribi.
|
||||
\v 99 Diarỹ reerywityhyre ibutumy wadohodỹỹdu ratyremy kiemy dori rahõtinymyhỹre arybe wahidỹỹna-di.
|
||||
\v 100 Diarỹ wabedeery ijõdire ixybymy matuari mahãdu-ribi kiemy dori retyhynyre arybe wahidỹỹnana.
|
||||
\v 101 Aõbinabina rewinyõre, kiemy dori arybe wahidỹỹnana arityhynykemy watximyhỹre.
|
||||
\v 102 Reijemy watximyhỹre ikiemy arybe tewahinyte kiemy dori kai tiwaixinanymyhỹte.
|
||||
\v 103 Timybo ibreere arybe sõe! Kia heka ibreetyhyre bidi bree-ribi.
|
||||
\v 104 Arybe wahidỹỹnana yky-ribi, bede reeryre kiawesemy tahe riwaojinyre ibutumy aõ òbitimy aõkõ rỹire.
|
||||
\s1 Arybe Heka Juxarana Rare
|
||||
\v 105 Arybe heka Loosòna rare wary-ò kia juxarana wadi rariakremy.
|
||||
\v 106 Ariwinymy idi ararekre tuu rarybere-di kiata arityhynymy idi ararekre aixinadỹỹna òbitihikỹ.
|
||||
\v 107 Deuxu Tyhyhykỹ, waõhỹỹmydỹỹnana heka ibinahãkỹre; biywinymy waruru-di atximyhỹke, tuu tarybetemy.
|
||||
\v 108 Deuxu, beòbyke waixitòedỹỹna umy reàlàmyhỹremy kiata wanohõti rusaõhyyre Arybe Wahidỹỹna-di.
|
||||
\v 109 Wabededỹỹnana ikiemy iòharuhyymy idi rare; kiaremyta wanohõti rusaõhyyre Arybe Wahidỹỹna-di.
|
||||
\v 110 Iny itxỹte mahãdu ritidirenyre rarytxyna riwamyrenykremy, ka diarỹ dtahe retyhynyõmy watxiõre arybe wahidỹỹnana.
|
||||
\v 111 Aixinadỹỹnana heka wahõrõhyy rare ikiemy; tii boho ribedenymyhỹre wacoraçaõ.
|
||||
\v 112 Diarỹ rexiywinyre arityhynykremy arybe tewahinyte kia wabededỹỹnana onanaòhòkỹle.
|
||||
\s1 Diarỹ Rerinanyre Aixinadỹỹnamy
|
||||
\v 113 Diarỹ riwaojinyre aõnaõna binabina òbitimy aõkõ adee rỹire, kiata rerinanyre Arybe Wahidỹỹnamy.
|
||||
\v 114 Kai heka wawòtedu waitxesedu tate; diarỹ adee relidimyhỹre wararysòna tuu wadee tarybetemy biwinykremy.
|
||||
\v 115 Waribi bexilòhòrarienybenyke, kai boho aõnaõna bina tewinymyhỹte mahãdu, kia diarỹ arityhynykre waDeuxu rybe wahidỹỹnana.
|
||||
\v 116 Wadee ruruterena biwahinyke, tuu tarybetemy, kia diarỹ warumy ararekre; uritre iwahidỹỹõmy wararysòna raatykelau.
|
||||
\v 117 Biwawiòhenanyke, kia wamynyduwimy ararekemy; kia ikiemy arityhynymy ararekre arybe tewahinyte.
|
||||
\v 118 Kai teatyte ibutumy iny mahãdu arybe wahidỹỹna rityhynyõmyhỹrenyre, kiemy dori ibededỹỹnana roimy riòrarunymyhỹrenyre.
|
||||
\v 119 Kai atximyhỹte ibutumy iny mahãdu-di rỹnysityby wesemy, kia iurenana diarỹ rerinanyre aixinadỹỹnanamy.
|
||||
\v 120 Diarỹ ramytàtàre akoki kia raberure atarasana kỹnyikreu.
|
||||
\s1 Diarỹ Rariare Aixinadỹỹnana-di
|
||||
\v 121 Diarỹ rewinyre aõ òbitimy awimy rỹimyhỹre; uritre wawahidỹỹõmy waòludu mahãdu deboreny-ò.
|
||||
\v 122 Diarỹ heka adeòdu rare; marybeke biwawiòhenanykremy. Uritre wawahidỹỹõmy iny rexityhytyhynymyhỹrenyre aõhỹỹmy riwasỹnykelau.
|
||||
\v 123 Warue heka reywesemy idi watxireri sõemy retehemyỹreki, reraòmy ahedỹỹnana, biwahedỹỹnykremy tarybete.
|
||||
\v 124 Biwaywinymy wadi atxike tuu inymy terinanymyhỹtemy kiata biwaixinanyke arybe wahidỹỹnana-di.
|
||||
\v 125 Diarỹ heka adeòdu rare rare; iurenana wadee bedeerynana tewahinyte kia diarỹ arierykremy aixinadỹỹnana.
|
||||
\v 126 Deuxu Tyhyhykỹ, kia heka bede rỹire besukemy, kiemy dori Arybe Wahidỹỹna ratyhydỹỹõlemy rỹimyhỹre.
|
||||
\v 127 Diarỹ rerinanyre arybe wahidỹỹnanamy myna rỹsỹ ratyre, kia myna rỹsỹhỹkỹ ratyremy.
|
||||
\v 128 Iurenana watximyhỹre aixinadỹỹna-di kia riwaojinyre ibutumy roidu mahãdu ryreny.
|
||||
\s1 Arybe Òbitidỹỹnana Diwyde Loosona
|
||||
\v 129 Arybe wahidỹỹnana heka awityhytyhyre, kia iurenana rewinymy idi watximyhỹre ibutumy wacoraçaõ-wana.
|
||||
\v 130 Arybe òbitidỹỹnana diwyde loosona kia bedeerynana riwahinyre iny ywimy rỹimyhỹrenyre-ò.
|
||||
\v 131 Wary reanymy raelenyre, kiemy dori aeityhymy rare arybe wahidỹỹna mynamyna-di.
|
||||
\v 132 Ixyby wadi bydeteheke kiata wadi bexiwobrunyke, tuu tewinymyhỹtemy iny mahãdu umy rerinanymyhỹrenyre.
|
||||
\v 133 Biwaywinynywimy wadi atximyhỹke, tuu tarybete mynamynamy; uritre wawahidỹỹõmy kia diarỹ iny itxỹte mahãdu riwamykelau.
|
||||
\v 134 Biwatake kua mahãdu-ribi wamy narỹỹreny-ribi kia diarỹ arityhynykremy arybe wahidỹỹnana.
|
||||
\v 135 Arybewihikỹ wadee biwahinyke iximynamy kiata biwaixinanyke arybe wahidỹỹnawiwimy.
|
||||
\v 136 Warube tuu heka reare bero wesemy kiemy dori ijõ mahãdu Arybe wahidỹỹnana rityhynyõrenyre.
|
||||
\s1 Timywe Rỹiwire Arybe Biwinykremy Tarybete!
|
||||
\v 137 Kai òbitimy nodu tate Deuxu Tyhyhykỹ; Arybe wahidỹỹnana heka òbitihyymy rỹira.
|
||||
\v 138 Ixinadỹỹnana tewahinyte heka ibutumy òbitihyymy rỹire.
|
||||
\v 139 Kia ratòteemy reburemyhỹre kiemy dori waòludu mahãdu riatyrenyreki arybe.
|
||||
\v 140 Timywe rỹiwityhyre arybe biwahinykremy tarybete! Kia timybo adeòdu umy rerinanyre!
|
||||
\v 141 Diarỹ heka wadỹỹkõre kia wadi adehu rỹire, kiaremy wanohõti rusaõre aixinadỹỹna-ribi.
|
||||
\v 142 Aaõwiwihikỹ heka ikiemy rỹire, kia Arybe Wahidỹỹnana ratyhydỹỹkemy ratximyhỹre.
|
||||
\v 143 Sõemy wabederyrymy waõhỹỹhỹỹmy rare, ka arybe wahidỹỹnana heka riwabedesanyre.
|
||||
\v 144 Aixinadỹỹnana heka ikiehyymy òbitimy rỹire; wadee riwahinyre bedeerynana, kia warumy aratxikre.
|
||||
\s1 Wararysòna Heka Arybeki Roimyhỹre
|
||||
\v 145 Ibutumy wawo-wana, diarỹ adee rahinymyhỹre; bidiwarawyònyke Deuxu Tyhyhykỹ, kia arityhynykremy arybe wahidỹỹnana.
|
||||
\v 146 Diarỹ rahinymyhỹre rexitòenymy biwahedỹỹnykemy; biwahedỹỹnyke kia arariamy ararekre arybe wahidỹỹna mynamynamy.
|
||||
\v 147 Txuu ròhònykre kotyre, diarỹ rahinyre wiòheỹỹnamy rexitòenyre. Kiemy dori wararysòna arybe biwahinykreki roimyhỹre.
|
||||
\v 148 Diarỹ waruhyymy watximyhỹre ruu iyhyõmy kia araraykynykremy arybedi.
|
||||
\v 149 Boholake wadee Deuxu Tyhyhykỹ, ainymy derinana òrarumy! Wadee bidiwahinyke ruru tỹmyra, ixideewimy!
|
||||
\v 150 Wahemy ijyradureny binahãkỹ watyy-ò rehemynyrenyreri; kia iny mahãdu tiu Arybe Wahidỹỹna rityhynyrenyõre.
|
||||
\v 151 Ka kai tahe Deuxu, watyyki atximyhỹte, kia ibutumy arybe wahidỹỹnana inatyhymy òbitilehekỹ rare.
|
||||
\v 152 Kia tiwese bedeu aõkõ diarỹ reeryre aixinadỹỹnanareny kai tewahinyte kia ikiemy rỹimy rarekremy.
|
||||
\s1 Arybe Kia Ibutumy Tii Òbitityhyrenyre
|
||||
\v 153 Deuxu, waõhỹỹmydỹỹnana-ò bedeteheke kiata biwahedỹỹnyke, kiemy dori arybe wahidỹỹnana reatyõlere.
|
||||
\v 154 Waõbinabina biijemy biwatake; wabededỹỹnana-di biywinymy matxike, tuu tarybete mynamynamy.
|
||||
\v 155 Iny itxỹte mahãdu rahenyrenyõkre kiemy dori tii boho timy arybe wahidỹỹna rityhynyrenyõhyyrenyre.
|
||||
\v 156 Timywe inihikỹre aõdi wobruna Deuxu Tyhyhykỹ! Biwahedỹỹnyke ixideewimy.
|
||||
\v 157 Sõemy waòludu mahãdu kia wahemy ijaradu mahãdu ijõdirenyre, kiaremy tiu reatyõhyymyhỹre arityhynyõkremy arybe wahidỹỹnana.
|
||||
\v 158 Tiu retehemyhỹreu kua mahãdu roidureny-ò, kia urile tureny raybire kiemy dori tii boho rityhynyrenyõre Arybe Wahidỹỹnana.
|
||||
\v 159 Beteheini timybo rerinanyre aixinadỹỹnamy Deuxu! Biwahedỹỹnyke ainymy derinana òraruki.
|
||||
\v 160 Arybe heka kia ibutumy tii òbitityhyre; arybe wahidỹỹnana heka awirenyre kia ikiemy rỹimyhỹrenyre.
|
||||
\s1 Diarỹ Retyhynyre Arybe Wahidỹỹynana
|
||||
\v 161 Iny rexityhynyrenyre mahãdu riwahetenyrenyre aõ iòkõlemy, ka diarỹ tahe retyhynymy watximyhỹre arybe wahidỹỹnana.
|
||||
\v 162 Timywe diarỹ wawodeysare tuu tarybete òraruki! Kia ibedesawire iwese inyõ bedeeryna nihikỹtxi reare wese!
|
||||
\v 163 Riwayaranymy radònyre roiluumy, ka arybe wahidỹỹnanamy tahe rerinanyre.
|
||||
\v 164 Debò inatxi sõemy diarỹ reàlàmyhỹre txu sohojimy kia atarasana òbitihikỹ òrarumy.
|
||||
\v 165 Kua mahãdu rerinanymyhỹrenyre Arybe wahidỹỹnanamy kia sõemy iximynyna-di ratximyhỹrenyre.
|
||||
\v 166 Biwahedỹỹnykemy araraore Deuxu Tyhyhykỹ! Kiemy dori rewinymy idi watximyhỹre arybe wahidỹỹnana-di.
|
||||
\v 167 Retyhynyre arybe wahidỹỹnana; diarỹ rerinanymyhỹre ibutumy wacoraçaõ-wana.
|
||||
\v 168 Rewinyre òbitimy arybe wahidỹỹnana tuu relekremy tarybete, kia tabite ibutumy aõ rewinyremy.
|
||||
\s1 Arybe Wahidỹỹnaki Reare Bedesanam
|
||||
\v 169 Kia wairà arahenykemy rexitòenyre rehemynyre adee Deuxu Tyhyhykỹ! Wadee biwahinyke bedeerynana tuu tarybetemynamy.
|
||||
\v 170 Kia waixitòedỹỹna akomy ade rehemynyre; biwahedỹỹke tuu tarybete mynamynamy.
|
||||
\v 171 Ikiemy umy areàlàmy ararekre, kiemy dori tiwaixinanyte arybe wahidỹỹnanamy.
|
||||
\v 172 Arawiunykre Arybe wahidỹỹnanamy, kiemy dori arybe tewahinyte awihyymy rỹire.
|
||||
\v 173 Deuxu, mynake biwahedỹỹnykemy, kiemy dori rariamy watximyhỹre arybe wahidỹỹnana-di.
|
||||
\v 174 Deuxu Tyhyhykỹ, timywe reamyhỹre biwawiòhenanykemy! Arybe Wahidỹỹnanaki reamy watximyhỹre bedesanatxi.
|
||||
\v 175 Wadee rurutỹmyra biwahinyke Deuxu, kia umy areàlàkremy Kia aixinadỹỹnana riwawiòhenanyre.
|
||||
\v 176 Iwyse budoeni riõmyhỹre wese rariamy watxire waryõmy. Deuxu Tyhyhykỹ, bydiòryke kaa adeòdu, kiemy dori wanahõti rusaõhyymy watximyhỹre arybe wahidỹỹnana-ribi!
|
||||
\rem dat 2011
|
||||
\c 120
|
||||
\s1 Ixitòedỹỹna Wiòhenamy
|
||||
\p
|
||||
\v 1 Tiu aõhỹỹmy ratỹỹnymyhỹreu, rahinyre Deuxu Tyhyhykỹ dee, kia tii riwawyònyre.
|
||||
\v 2 Deuxu, biwatake roidu mahãdu binabina-ribi!
|
||||
\v 3 Roiluku mahãdu, aõbo tahe Deuxu adeereny riwinykre? Timybo tahe arararytxynyrenykre?
|
||||
\v 4 Tii heka arararytxynyrenykre sodadu wyhysarawo juràdese-di kia heòty bure-di!
|
||||
\v 5 Waaõnakõmy rahãwanymy watximyhỹre iwitxira suludu wesemy Meseque-ki kia rasỹnymy watximyhỹre Quedar mahãdu ykyki.
|
||||
\v 6 Kia tiwese bedeu aõkõ rasỹnymy watxire kua iny mahãdu riojinymy ratximyhỹrenyre ywimy ratxirenyke!
|
||||
\v 7 Tiu rarybemyhỹreu aõbinaõmy bede rỹikemy, tii boho rarybemyhỹrenyre wounanahakỹlemy.
|
||||
\c 121
|
||||
\s1 Deuxu, Inywòtedureny
|
||||
\p
|
||||
\v 1 Retehere hãwalò mahãdu-ò kia rỹỹraxire: “Tiribibo kynakre wahenana?”
|
||||
\v 2 Wahenana Deuxu Tyhyhykỹ-ribi nade, kia biurawetyy suu-wana riwinyre.
|
||||
\v 3 Tii arawahinyõkre kai mariòwykremy, kiemy dori adi tarukidu ikiemy arateõarinyhyymy ratxire.
|
||||
\v 4 Israel iny mahãdu wòtedu tiu rõrõmy rõrõõhyyre.
|
||||
\v 5 Deuxu Tyhyhykỹ arararenykre; tii ratximyhỹre ikeimy aweribikihyy arawòmy.
|
||||
\v 6 Txuu ibinamy araijõkre txu-my kia ahãdu tule rumy.
|
||||
\v 7 Deuxu arararenykre ibutumy aõnaõna òhãru-ribi; tii abededỹỹnana-di tarukimy rarekre.
|
||||
\v 8 Tii arararenymy adi ratxikre tiu kai makreu kia tiu bydoosekreu, wiji kia ikiemy.
|
||||
\c 122
|
||||
\s1 Jerusale-my Wowydyna
|
||||
\p
|
||||
\v 1 Kia rabedesare tiu wadee myy raryberenyreu: “Rykòireny Deuxu Tyhyhykỹ heto-ò”.
|
||||
\v 2 Kia tahe wiji iny boho kai roire, Jerusalem woki!
|
||||
\v 3 Jerusalem heka cidade hãwa ixybyle rawidỹỹmy roimyhỹre, tai iny mahãdu rexibutunyrenyre.
|
||||
\v 4 Tamy raòwònyrendyre iny wedu wedu mahãdu, Israel Iny wedu mahãdu, kia reàlàrenykremy Deuxu Tyhyhykỹmy, tuu tii raryberemy.
|
||||
\v 5 Kuaki heka rỹire rybe òbitimy rybenana, tai iòlò riarimyhỹre taijoireny.
|
||||
\v 6 Bexitòenymyhỹbenyke kia bede awimy Jerusalem-ki rỹikremy! “Jerusalem heka riraòmy ratximyhỹre kua mahãdu umy rerinanyrenyre!
|
||||
\v 7 Kia ijõdikre ywimy nonana hãwa raijemy roimyhỹre heòtyweti-di; kia idi itxeredu ijõdikre riijemy iaõmysỹdỹỹna heto!”
|
||||
\v 8 Kiemy dori rerinanyre wabiòwadreny kia waijoirenymy, kia rarybere myy Jerusalem dee: “Kia ywimy aõbinakõmy boibenybekre!”
|
||||
\v 9 Kiemy dori rerinanyre Deuxu rybe hetonamy, waDeuxureny, diarỹ rexitòenymyhỹre Jerusalem iwodeysamy roikemy.
|
||||
\c 123
|
||||
\rem dat 1997
|
||||
\s1 Wobrunamy Ixitòedỹỹnana
|
||||
\p
|
||||
\v 1 Deuxu Tyhyhykỹ, lymamy raire adee retehere, kia arynana ijõdire biurawetyy-ki.
|
||||
\v 2 Wetxu hãbu wesemy tadinodu rybe mynamy kia wetxu hãwyy wesemy tadinodu rybe mynamy, iwesemy tahe adee retehemyhỹrenyre Deuxu waDeuxureny, araraòmy watximyhỹrenyre wadireny bexiwobrunykemy.
|
||||
\v 3 Wadireny bexiwobrunyke Deuxu! Wadireny bexiwobrunyke, kiemy dori wadireny urile adehu rỹimyhỹrenyre!
|
||||
\v 4 Diarỹ boho ikiemy ityhy mahãdu wadireny rehumy ratxirenyre, kia iny rexityhytyhynymyhỹrenyre wadireny risinymyhỹrenyre.
|
||||
\c 124
|
||||
\s1 Dexu Taijoi Hedỹỹdu Rare
|
||||
\p
|
||||
\v 1 Timybo taini rukutỹỹnyrenyre txibo Deuxu Tyhyhykỹ iny weribirenyki ratxiõre-wana? Birawyònybenyke Israel iny mahãdu!
|
||||
\v 2 Iny mahãdu rirawyònyrenyre: “Txibo Deuxu iny weribirenyki ratxiõre-wanaini iu iny òludureny inydeereny aõbinamy rearenyreule,
|
||||
\v 3 kia tii boho iny irurenydile ini iny boho rirỹsỹrenyre, kiemy dori kyaradu mhãdu, iny òludurenymy raeheherenyre.
|
||||
\v 4 Iny boho irehemy ini be nihikỹ iny ridyrenyre, beòrahãkỹini iny rihetynyrenyre,
|
||||
\v 5 kia rukururenyre ini berahatxi huremy ysetereki.”
|
||||
\v 6 Deuxumy reàlàrenyre, kia riwawahinyrenyõre waòludureny riwahurenykremy.
|
||||
\v 7 Nawiixõmo wesemy, diarỹ boho rahenyrenyre riudu itxena-ribi. Riuna rakyrore kiata bedetyamy watxirenyre!
|
||||
\v 8 Wahenanareny heka Deuxu Tyhyhykỹ-ribi namyhỹde, kia biurawetyy suu-wana riwinyre wahe.
|
||||
\c 125
|
||||
\s1 Deuxu Iny Mahãdy Mynynana
|
||||
\p
|
||||
\v 1 Kua mahãdu Deuxu Tyhyhykỹ rityhynymyhỹrenyre kia boho heka Siaõ hãwalò wesena roire, kia raukỹrenyõhyymyhỹre, kia ikiemy awihyylemy ratximyhỹrenyre.
|
||||
\v 2 Iwese hãwalò hãwalò Jerulalem weruramy rỹimyhỹre wese, iwese tahe Deuxu Tyhyhykỹ taijoireny ruramy ratximyhỹre, wiji kia ikiemy.
|
||||
\v 3 Iny intxỹte mahãdu riwedunyrenyõkre ikiemy Deuxu ijoi mahãdu sureny; txibo tii boho riwedunyrenykeki, kia tahe iny inytyhy mahãdule aõnaõna binabina widỹỹ riòrarunyrenyke.
|
||||
\v 4 Deuxu Tyhyhykỹ, awityhymy iinytyhyre kua mahãdu òbitimy rỹimyhỹrenyre dee,, kia kua mahãdu irybe wahidỹỹna rityhynymyhỹrenyre!
|
||||
\v 5 Kiaremy, tiu iny itxỹte mahãdu rirarytxynykreu, kia rirarytxynylekre kua mahãdu irybe wahidỹỹna riatyrenyre. Kia bede awimy aõbinaõmy rỹikre Israel iny mahãdu-di!
|
||||
\c 126
|
||||
\s1 Tarasanamy Ixtòedỹỹnana
|
||||
\p
|
||||
\v 1 Deuxu Tyhyhykỹ iny didydenydeu ixyby Jerusalem-ò, kia iny boho rarasinyrenykehowihikỹ.
|
||||
\v 2 Timybo ratxuenyrenyre kia rawiunyrenyre bedesamy! Taita iwitxira hãwadu mahãdu raryberenyre: “Deuxu Tyhyhykỹ aõna inihikỹkỹmy tamyreny riwinyre!”
|
||||
\v 3 Kohe, Deuxu inydeereny aõna nihikỹ riwinyre, kia iurenana wabedesamy watxirenyreri.
|
||||
\v 4 Deuxu, biwadybenyke ixybyle wasureny-ò, iwese abiube bee riwymyhỹre wese iwory rubu-ò.
|
||||
\v 5 Kua mahãdu rahinymy ròbròrenyre kia bedesamy ròherenykre.
|
||||
\v 6 Kua mahãdu ròhònyrenyre rahinymy, alòbròna riwymy ròbròrenykremy, kia kydòòsedenykre sõemy bedesana-di, kia riwinyrenymy maixõmo lòti terareny-ò ritaamy.
|
||||
\c 127
|
||||
\s1 Deuxu Aõwiwi Tyhydỹỹnana
|
||||
\p
|
||||
\v 1 Txibo Deuxu Tyhyhykỹ heto riwinyõkeki, kia tiu aõmysỹdỹỹ awimy rỹiõtyhy. Txibo Deuxu cidade hãwa idi tarukiõkeki, aõmy tai rỹiõtyhy idi tarukimy.
|
||||
\v 2 Uritre sõemy aõmysỹdỹỹõmykre kia paõ bimykremy, kia rukimy taimyhỹte kia rumy taimyhỹde, kohe Deuxu heka riwahinymyhỹ iny-di tarukikremy momybo rerinanymyhỹremy, kia tiii rõrõmyhỹre hãrele.
|
||||
\v 3 Uladu riore boho heka Deuxu Tyhyhykỹ õnona rare; kia heka tii boho inatyhymy rybewihikỹ deòsina rare.
|
||||
\v 4 Riore boho heka hãbu idi rỹimyhỹrenyre weryrybò mahãdumy kia heka wyhy sarawo wesena rare sodadu tebowoõki rỹimyhỹrenyre.
|
||||
\v 5 Deysamy rỹire hãbu sõemy ijõdire kawesena wyhy sarawo! Tii rabòduõtyhy tiu taòludu mahãdu-wana raõbinanykreu rybe heto butunaki.
|
||||
\c 128
|
||||
\p
|
||||
\v 1 Bedesawihikỹ rawahire kua Deuxu Tyhyhykỹ lau ruberumyhỹre kia ratximyhỹre tamydeewi mynamynamy.
|
||||
\v 2 Txibo kai kawesekeki bimymy mabekre arumy, kia abedesawihikỹmy, kia adee òbitimy ròhònykre.
|
||||
\v 3 Ahetoki ahãwyy “parreira” wesemykre kia sõemy uva bede raty riwahinykre; kia (mesa) weramyta ariore boho “oliveira” tỹmyra wesemykre.
|
||||
\v 4 Mobo ruberumyhỹre Deuxu Tyhyhykỹlau òbitityhymy kawesemy rybewihikỹ tamy rawahikre.
|
||||
\v 5 Kia Siaõ hãwalò-ribi, Deuxu tarybewihikỹ riwahinyre! Kia ibutumy txuu iyhyõmy abededỹỹnana-di kai betehekre Jerusalem tako-ò rariamy rakremy!
|
||||
\v 6 Kia kai arumy mabekre ariorerioremy bobikremy! Kia bede awimy aõbinaõmy rỹirakre Israel iny mahãdu-!
|
||||
\c 129
|
||||
\s1 Iherenymy Ijyra Rỹire, Kiata Rabòdurenyõre
|
||||
\p
|
||||
\v 1 Israel iny mahãdu, belyybenyke timybo aòludu mahãdu aherenymy rekoamy roiremyhỹrenymy kia atỹmyramy toitemyhỹu.
|
||||
\v 2 Iny mahãdu raryberenyre: Watỹmyramy raremyhỹuhukỹle, waòludu mahãdu wahewomy rekoarenymy roiremyhỹ teburerenymy, kiaremyta riwabòdunyrenyõre.
|
||||
\v 3 Tii boho riwawotõmonyrenyre sỹymy wabròki, iwese aradu riwinymyhỹre wese suki.
|
||||
\v 4 Kiaremy Deuxu Tyhyhykỹ òbitimy nodu, riwatare wetxumy raremyhỹ-ribi.”
|
||||
\v 5 Kia rabòdumy rexiwòrenyre ibutumy Jerusalemmy dòdu mahãdu!
|
||||
\v 6 Kia ibutumy òteti wesemykre kia heto ratyymy raumynymyhỹrenyre kia rarubumyhỹre rasihekrekoki,
|
||||
\v 7 òteti inyõ ributunyõhyyre kia tiu ributunymy riwyõtyhy.
|
||||
\v 8 Kia tule ròimyhỹrenyre rarybeõlerenyre: “Kia Deuxu Tyhyhykỹ tarybewihikỹ riwinyre! Diarỹ boho warybewihikỹ rewahinyrenyre Deuxu Tyhyhykỹnimy
|
||||
\c 130
|
||||
\s1 Deuxu-ò Ixiwiòhedỹỹmy Ixitòedỹỹna
|
||||
\p
|
||||
\v 1 Deuxu Tyhyhykỹ werymy reamy watximyhỹu diarỹ adee ranyre.
|
||||
\v 2 Boholake wairà-ò Deuxu! Boholake wahedỹỹnamy ixitòedỹỹna-ò!
|
||||
\v 3 Txibo waòrarurenymy araryberenykeki, mobo tahe rahenykre rarytxyna-ribi?
|
||||
\v 4 Ka kai tahe tiwaruxetòenytenyte kia iurenana diarỹ boho alau raberurenyre.
|
||||
\v 5 Ibutumy wacoraçaõ-wana, reraore Deuxu Tyhyhykỹ wiòhedỹỹna kia retyhynyre irybe.
|
||||
\v 6 Diarỹ araraore sodadu mahãdu txuijara riraòmyhỹrenyre ratyremy, kia sodadu mahãdu txuu ròhònykemy riraòmyhỹrenyre ratyremy.
|
||||
\v 7 Israel iny mahãdu, Deuxu Tyhyhykỹ bityhynybenyke kiemy dori iaõmy derinana òbitimy nodu rare, kia tii ikiemy iny rihedỹỹnykemy risỹnymyhỹre.
|
||||
\v 8 Tii Israel rihedỹỹnykre taijoi kia ibutumy iòrarureny-ribi.
|
||||
\c 131
|
||||
\p
|
||||
\v 1 Deuxu Tyhyhykỹ, wacoraçaõ ixityhytyhydỹỹdu aõkõ rare; inymy rahỹỹhỹỹmy raremyhỹ-ribi rexiixawidỹỹnyre. Aõnaõna ninihikỹ hewomy araõkre kia wamyna aõki rỹire.
|
||||
\v 2 Iribiòtumy, rybeõmy awiumy ywimy watxireri. Kia iwese uladu rỹimyhỹre wese ywimy tadidera tyreki, kawesemy tahe wacoracaõ ywimy roireri wawoki.
|
||||
\v 3 Israel iny mahãdu, Deuxu Tyhyhykỹ bityhybenyke, wiji kia ikiemy!
|
||||
\c 132
|
||||
\s1 Deuxu Riwinykremy Rarybere Davi Dee
|
||||
\p
|
||||
\v 1 Deuxu Tyhyhykỹ, õhõti reake Dawi-txi kia ibutumy iaõhỹỹmydỹỹnanatxi.
|
||||
\v 2 Õhõti itxi reake aõmybo adee raryberemy, õhõti itxi reake kaa adee riwinykremy rarybereretxi, Ijaco Deuxu bedeery nihikỹ:
|
||||
\v 3 “Diarỹ waheto-ò araõkre kia arexielehynyke aõkõre;
|
||||
\v 4 herimy aroiõkre kia arõrõke aõkõre
|
||||
\v 5 kia hãwa bedeõtxi areaõkre-wana Deuxu dee, heto sohojiõ Ijaco Deuxu Bedeery nihikỹ dee.”
|
||||
\v 6 Bele-ki raholarenyre òwòru heto rybewidỹỹnamy kia diarỹboho itxi rekoarenyre Jaar syranaki.
|
||||
\v 7 Taita raryberenyre: rykoirenyke Deuxu tyhyhykỹ heto-ò; rykoirenyke tuu rykerynanyrenykremy irynana koki!
|
||||
\v 8 Deuxu tyhyhykỹ, mynake abede hawa-ò ixielehydỹỹmy, òwòru heto arybewidỹỹna heka abedeery nihikỹriteòsinymyhỹre.
|
||||
\v 9 Kia arybedi ijohodu mahãdu riwinymyhỹrenyre aõnaõna ikemy òbitimy; kia adeòdumy mahãdu tyhy ryrymyhỹrenyre bedesamy!
|
||||
\v 10 Deuxu tyhyhykỹ tewinyte aõ biwinykremy adeòdu Davi dee; kiaremy uritre ihitxi dỹỹõmykre kia iòlò tetate.
|
||||
\v 11 Biwinykremy tarybete Davi dee kia uritre ixihewo-ò okyseõmykre, kai biwinykremy tarybete:‘Arisỹnykre arioreõ iòlò-my, kia tii iòlòmy runykre asỹtybymy.
|
||||
\v 12 Txibo ariore boho òbitityhymy ratxirenykre-wana warybe rewahiny mynamy kia warybe dohodỹỹna adee rewahinyre, kia tule iriòre boho ikiemy iòlòmy runyrenykre’
|
||||
\v 13 Deuxu tyhyhykỹ ritare Siaõ hawalò; tii iheto kuaki relekemy risỹnyre kia raybere:
|
||||
\v 14 Kaki arahawanykre ikiemy; kaki heka diarỹ ariwedunymy ararekre.
|
||||
\v 15 Ariwahinykre inbutumy aõnaõna tawe-di Jerusalém dee, ariwahinykre sõemy rỹsỹna iinyreny aõkõ mahãdu-ò.
|
||||
\v 16 Warybe wihikỹ ariwahinykre ibutumy irybereny-di ijohodureny-ò aõ riwinyrenykre-ó kia iiny mahãdureny tahe rirajuarenykre bedesamy.
|
||||
\v 17 Kaki ariwinykre Davi riorerioreõ iòlò bedeery nihikỹ-my runykremy kia ariwinymy ararekre ikiemy iòlòrenymy irioreriorereny kai iòlòmy retare rioreriore wahe
|
||||
\v 18 Ariwinykre kia iòludu mahãdu raixỹrurenykremy; kiaremy iòlò iwedureny tako-ó roirenykre kia rõirysònyrenykre.’ Wikuna Itymyra
|
||||
\c 133
|
||||
\s1 Ywimy Kia Widee Butuna
|
||||
\p
|
||||
\v 1 Timywe awire kia wimy realamy Deuxu ijoi mahãdu ryirenyre dedee rexibutunyremy kia eriore wesemy!
|
||||
\v 2 Kia iwesemy adyy Iynyre reyire wese Araõ ratiki, kia rytymy ramyhyre isuusirityre kia ityy Ioti tyre!
|
||||
\v 3 Kia Hermom hawalo radynymy roimyhyre wese rauranymy kia rariowynymyhyre Siao hawalo tyre Kiemy dori Siao-ki Deuxu Tyhyhyky tarybewihiky rewahinyre, bededỹỹna ikiemy Wikuna Itymyra
|
||||
\c 134
|
||||
\s1 Deuxumy deàlàna
|
||||
\p
|
||||
\v 1 Bydiòike kia Deuxu Tyhykỹmy beàlàbenykremy ibutumy ireybede ijohodu mahãdu, kai ibutumy rumy tamy texitòenymyhỹtenyte irybe butuna hetoki
|
||||
\v 2 Ebòremy bitymadỹỹnybenyke tamy texitòenymyhỹtenyteu irybe heto butunaki kiata tuu beàlàmy Berinanybenykre!
|
||||
\v 3 kia Jerusalem-ribi Tyhyhykỹ, kia biurawetyy su-wana riwinyre tarybewihikỹ adeereny riwahinymyhỹre! Wikuna Itymyra
|
||||
\c 135
|
||||
\s1 Wiu Adeàlàna
|
||||
\p
|
||||
\v 1 Deuxu Tyhyhykỹmy beàlàmy berinanybenyke! Inimy mawowydybenyke Deuxu Tyhyhykỹ rybe-di ijodu mahãdu,
|
||||
\v 2 kia iheto atxirenyteri iny Deuxureny rybe hetoki
|
||||
\v 3 Deuxumy beàlàbeny kiemy dori tii awityhyre; mawiunybenyke beàlàbenymy inimy kiemy dori tii awityhytyhyre
|
||||
\v 4 kiadori Deuxu ritare ijaco iijoikremy,kia ritare isarael iny mahãdu-ribi irybedi ijohodumy runykremy
|
||||
\v 5 Diarỹ reeryre kia Deuxu inihikỹremy;iny Deuxureny ibutumy suritxoo deusi òtaòta ratyreki ratximyhỹre
|
||||
\v 6 Deuxu riwiymyhỹre aõ ixideewimy,biurawetyyki kia suki, bera nihikỹki kia hãluu nihikỹ-ki
|
||||
\v 7 Su konana-ribitii diwynymhỹde biuwetyyura, riywiywinymyhỹre biudelaa yhydebure-ò kia riwinymyhỹre yhy tahynawo-ribi ydòhònykremy
|
||||
\v 8 kia tii eka Egito-ki rirubunyre ibutumy uladu adela mahãdu,hãdu mahãdu,riòre, iròdu iriòdu mahãdu tule
|
||||
\v 9 Ibedeki bedeòtiidỹỹnana wiwihiky riwinyre idò rirarytxynykremy kia kia ibutumy teòdu mahãdu-wana
|
||||
\v 10 Deuxu Tyhyhykỹ rahure sõemy hãwa haãwa witxira mahãdu kia rirubunyre iòlò debure mahãdu
|
||||
\v 11 Tii rirubunyre Seõ,amorreus iòlò, Ojue, Bsã iòlò kia ibutumy Canaã iòlòmahãdu
|
||||
\v 12 Iòlò mahãdu sureny tii riwahinyre ibrysirenymy Israel dee,taijoireny dee
|
||||
\v 13 Deuxu,ibutumy ikiemy araeryrenykre kai Deuxu tatemy kia ibutu bede bedemy atxi tõhõtitireny reamy rarekre
|
||||
\v 14 Deuxu ritare riijemy Israel iny mahãdu;tii rewiwobrunykre tadeodu mahãdu-di
|
||||
\v 15 Iny witxira hãwa hãwa suritxoo deusirenny heka myna rỹsỹ myna rỹsỹ òtaòtahykỹle are kia heka hãdu mahãdu debòreny-ribi rawidỹỹrerenyre
|
||||
\v 16 Tii woho irywo ijõdirenyre kiata raryberenyõre;irue ijõdirenyre, kiata reteherenyõre
|
||||
\v 17 Tõhõti ijõdirenyre, kiata roholarenyõre;kia timy ielewesenarenyõna
|
||||
\v 18 Kia wiwesenahakỹlerenyre ityhydỹỹnareny kua boho riwinymyhỹrenyre kia rityhynymyhỹrenyre
|
||||
\v 19 Deuxu Tyhyhykỹmy beàlàbenyke Israel iny mahãdu!Deuxu rybe-di ijohodu mahãdu, beàlàbenyke Deuxumy!
|
||||
\v 20 Levitas beàlàbenyke Deuxumy!Ibutumy taberumyhỹtenyte beàlàbenyke Deuxumy!
|
||||
\v 21 Beàlàbenyke Deuxumy Siaõ-ki,Jerusalem-ki, tai rasỹnymyhỹreki!Beàlàbenyke Deuxu Tyhyhykỹmy!
|
||||
\rem WIKUNA TYMYRA 136 (1997- iaõmy derinana heka ikiemy; ou ’1985-1989- kia ibededỹỹnanawiwi ikiemy rỹimyhỹre.) o seu amor dura para sempe. - repetida -26 vezes}
|
||||
\c 136
|
||||
\p
|
||||
\v 1 Beàlàbenyke Deuxu Tyhyhukỹmy kiemy tii inywi rare; iaõmy derinana ikiemy rỹimyhỹre
|
||||
\v 2 Beàlàbenyke ibutumy suritxoo deuxu mahãdu ratyre ibedeerymy ratximyhỹremy beàlàbenyke; iaõmy derinana heka ikiemy rỹimyhỹre
|
||||
\v 3 Beàlàbenyke ibutumy hãbu ratyhydỹỹmyhỹrenyre ratyremy beàlàbenyke iaõmy derinana heka ikiemy rỹimyhỹre
|
||||
\v 4 Tii sohojihyyle riwinyre bedeòtiidỹỹnana nihikỹ; iaõmy derinana heka ikiemy rỹimyhỹre.
|
||||
\v 5 Tabeery nihikỹmy tii riwinyre biurawetyy; iaõmy derinana heka ikiemy rỹimyhỹre.
|
||||
\v 6 Deuxu ritidire suu sỹyhykỹtyre derinana heka ikiemy rỹimyhỹre; iaõmy derinana heka ikiemy rỹimyhỹre
|
||||
\v 7 Tii riwinyre txuu kia ahãdu; iaõmy derinana heka ikiemy rỹimyhỹre
|
||||
\v 8 Riwinyre txuu bede txumy; iaõmy derinana heka ikiemy rỹimyhỹre
|
||||
\v 9 Riwinyre ahãdu kia taina ruu riwedunykremy; iaõmy derinana heka ikiemy rỹimyhỹfre
|
||||
\v 10 Egipcio mahãdu heto sohoji sohojimy, Deuxu rirubunyre uladu adela; iaõmy derinana heka ikiemy rỹimyhỹre
|
||||
\v 11 Tii ritare Egito-ribi Israel iny mahãdu iaõmy derinana heka ikiemy rỹimyhỹre
|
||||
\v 12 Tii ritarenyre tadebò rurutere-di kia taaxiòi rurutere-di; iaõmy derinana heka ikiemy rỹimyhỹre
|
||||
\v 13 Tii riwirareare Bero Nihikỹsò inatxi;juramy; iaõmy derinana heka ikiemy rỹimyhỹre
|
||||
\v 14 Riwinyre Israel iny mahãdu ròhòrerenykremy Bero tya-di; iaõmy derinana heka ikiemy rỹimyhỹre
|
||||
\v 15 Tai Bera Niikỹsò-ki Egito Iòlò tasodadureny-wana reasỹbroròròrenyre; iaõmy derinana heka ikiemy rỹimyhỹre
|
||||
\v 16 Deuxu taijoi-di tarukimy rare bedeyky-di; iaõmy derinana heka ikiemy rỹimyhỹre
|
||||
\v 17 Rirubunyre iòlò debure mahãdu; iaõmy derinana heka ikiemy rỹimyhỹre
|
||||
\v 18 Rirubure yre iòlò nidehedehe mahãdu; iaõmy derinana heka ikiemy rỹimyhỹre
|
||||
\v 19 Rirubure Seõ, amooreus iòlò; iaõmy derinana heka ikiemy rỹimyhỹre
|
||||
\rem Malua 8 de Jan. 2009 (23 de Jan editing in many corrections.)needs to put in more corrections.
|
||||
\rem Mans de Ije de Wiuna/Wikuna
|
||||
\rem Missing 136:20-26
|
||||
\rem dat 2009
|
||||
\c 137
|
||||
\p
|
||||
\v 1 Babilonia bero weijàtiki rỹmy roruurenymyhỹ, rahinymyhỹreny Jeruselem-txi wanohöti rekoamyhỹrenyreu.
|
||||
\v 2 Rebererutinyrenyre wawiunarenyti kua bederade-ki
|
||||
\v 3 Kua mahãdu breju wesemy riwadyrenyre riwateranyrenyre arawiunyrenykremy. Tii boho raryberenyre: “Mawiunybenyke wadeereny Sião wiuna-di.
|
||||
\v 4 Ka, subede witxira-ki, timybo tahe wiunadi arawiunyrenyke Deuxu Tyhyhykỹ dee?
|
||||
\v 5 Kia tiu ixyby diarỹ ariwodỹỹnyötyhy txibo aribi wanoköti rusakeki, Jerusalem.
|
||||
\v 6 Kia tiu ixyby diarỹ arawiunyötyhy txibo wanohöti atxi reaökeki txibo umy araraykynyökeki, timybo tahe bede nihikỹmy aratxike.
|
||||
\v 7 Deuxu Tyhyhykỹ, öhöti itxi reake kia Edomita mahãdu riwinyrenyreretxi txuu Jerusalem rihurenyre bedeu. Ohöti itxi reake timybo raryberenyretxi : Bihubenyke Jerusalem suòhòkỹle
|
||||
\v 8 Babilonia, kai bexihukre! Bedesamy kua mahãdu aö adeereny riwinykre aöbo wadeereny tewinyte wesemy
|
||||
\v 9 Kua rimykre auladu sömoreny kia mynaterehekỹ-ó risurusurunykre! Wawo-wana —coraçao; biuraraiehekỹki;
|
||||
\c 138
|
||||
\s1 Ixitoedỹỹmy Adeàlànana
|
||||
\p
|
||||
\v 1 Deuxu Tyhyhykỹ, diarỹ umy reàlàmyhỹre ibutumy wawo-wana kia suritxoo deusi ck mahãdu ko ck-ribi.
|
||||
\v 2 Aömy derinana òraruki òbitimy atximyhỹte òraruki diarỹ watiohumy resemyhỹre arybedi ijohona heto koki kiata reàlàmyhỹre animy.
|
||||
\v 3 Tiu diarỹ adee raryreu, kai tiwarawyònyte, kia adeery nihikỹ-di teumydỹỹnyte waruru.
|
||||
\v 4 Deuxu Tyhyhykỹ, ibutumy iòlò sumy rỹimyhỹrenyre umy reàlàmy rawowydynyrekre tiu roholarenykreu biwinykremy tarybetemy.
|
||||
\v 5 Rawiunyrenykre aönaönawiwimy kai Deuxu tewinytemy, kia dori inihikỹ rare abededỹỹnana.
|
||||
\v 6 Kai kua biuraraiehekỹki atxiteri, kia ihãreleta my dỹkỹõ mahãdu adi risỹnymyhỹre, kia my rexityhytyhynymy rỹimyhỹre mahãdu aribi rexiwòrenyõtyhy.
|
||||
\v 7 Tiu waòhãrumy watximyhỹre- wana, kai wadee waitxesedu tewahinymyhỹte Arurutere heka riwawòmyhỹre waòludu mahãdu dòna-ribi; kai tiwahedỹỹmyhỹte abedeery nihikỹ-di.
|
||||
\v 8 Ibutumy biwinykre aõmybo wadee tarybetemy. Deuxu Tyhykỹ, aömy derinana heka ikiemy rỹimyhỹre. Uritere iatysyömy aõmysỹdỹỹ teorarunyte!
|
||||
\c 139
|
||||
\s1 Deuxu inytyyki ratxire
|
||||
\p
|
||||
\v 1 Deuxu Tyhyhykỹ, kai wadi tetehete kiata tiwaeryte
|
||||
\v 2 Ibutumy teeryte aöbo diarỹ rewinyre, irehe-nibi teerymyhte ibutumy warayky.
|
||||
\v 3 Kai wamy tabimyhỹte tiu raomysỹdỹỹ nymyhỹreu yda kai teerymyhỹte waaönaöna.
|
||||
\v 4 Komy diarỹ ararybeke kotyre, kai teerymyhỹte aömy bo ararybekre.
|
||||
\v 5 Atximyhỹte waweruramy kai ibutumy wawenibi, kia tiwaij emyhỹte abedeery nihikỹ-di.
|
||||
\v 6 Diarỹ reeryohyymyhỹre timybo kai tiwaerywimyhte abedeeryna heka söemy ijödire kia diarỹ reeiyohyymyhỹre
|
||||
\v 7 Titxibo arakre atyy tyby —ribi arahenykemy? tibedeòbo tahe arexiwokre atyy-ribi?
|
||||
\v 8 Txibo diarỹ araòwònykeki biurawetyy-ò kai tai atxiteri txibo diarỹ arubehekeki rubu mahãdu hãwa-ò kai tai atxiteri.
|
||||
\v 9 Txibo diarỹ aruòkeki ibryra bede-ò yda arahãwanyke ki irehetyhymy beara weribiki.
|
||||
\v 10 Iharemy kuaki adebo wadee biterenyke iaharemy kuaki kai biwawiohenanyke.
|
||||
\v 11 Diarỹ aõwaxina adee arexitoenyke bedeluru riwawoke my kia wawerunamy atena loosona rumy rexirahoreke
|
||||
\v 12 Ka heka adee aõtyhy aõkõ rare kiemy dori adee bedeluruhukỹ bedeluru aõkõ rare kia ruu heka itynyhykyle rare txu wesehekyle. Kai heka adee iwitxira aökö rare loosòna bedeluru-wana.
|
||||
\v 13 Kai tewinyte waumy aönaöna, kai tiwawinyte nadiwo-ò.
|
||||
\v 14 Diarỹ umy reàlàre kiemy dori brebuna tate. Ibutumy aönaöna tewinyte awityhyhykỹre kia diarỹ reeryre ibutumy wawo-wana.
|
||||
\v 15 Kai tabite iu wati relemyhỹu iu diarỹ relemy watximyhỹu nadiwonaki raumynymy rara kuaki wasimy.
|
||||
\v 16 Kai wamy tabite diarỹ uladumy areakre koki. Kia txuu wadee rawidỹỹ re ibutumy raritidỹỹre atyy ritiki kia tiu rỹiõhyymy rareule
|
||||
\v 17 Deuxu timywe isirare arayky erysy! Kia sõetyhyre!
|
||||
\v 18 Txibo diarỹ idi arariakeki, kia heka ỹnyra rytà ratyreke; idi arariake kia tiu ikonana-ò arehemynyõtyhy.
|
||||
\v 19 Deuxu, diarỹ heka rahõtinymyhỹre timybo arihukemy iny itxỹte mahãdu! Rareykynymyhỹre hãbu mahãdu debure aõbinaõmy riwarikemy.
|
||||
\v 20 Tii boho ibinamy umy rarybemyhỹrenyre aönaöna binabinamy rarybemyhỹrenyre ani òludumy.
|
||||
\v 21 Deuxu Tyhyhykỹ, timywe radònymyhỹre kia umy dòdu mahãdumy! Timybo reatymyhỹre kia umy òludu mahãdumy.
|
||||
\v 22 Diarỹ tureny radònymyhỹre söemy tureny radònytyhymyhỹre tii boho heka waòludureny rare.
|
||||
\v 23 Deuxu, wadee beteheke kiata bieryke wawo; biwaurihike kia bierykre wanohöti.
|
||||
\v 24 Beteheke txibo waki waöòtamy roike ihỹre kia wadi arukimy atxiteri Deuxu ry-di.
|
||||
\rem dat 2009
|
||||
\c 140
|
||||
\rem Wikuna/wiuna
|
||||
\s1 Deuxu-ò ixiwòtenamy ixitòedỹỹ ò
|
||||
\p
|
||||
\v 1 Deuxu Tyhyhykỹ biwahedỹỹnyke itxỹte mahãdu- ribi; biwatake hãbu mahãdu deburereny-ribi.
|
||||
\v 2 Tii boho ratximyhỹrenyre aönaöna bina riywinyrenymy. Kia ikiemy aöbina widỹỹmy ratximyhỹrenyre.
|
||||
\v 3 Kia tòròtòreny hemylala debure dòròtò weserenyre, kia irybereny tahe hemylala nihikỹ debure weserenyre.
|
||||
\v 4 Deuxu Tyhyhykỹ biwaijebenyke iny itỹte mahãdu debowo-ribi biwatake hãbu mahãdu deburereny-ribi, kua mahãdu bede riywinymyhỹrenyre riwaatykremy.
|
||||
\v 5 Hãbu rexityhytyhynymyhỹre mahãdu riderenyre ahu-ari ck kiata riterenyrenyre rià òna wary-txi; tii boho riderenyre ahu ari ck riwamyrenykremy.
|
||||
\v 6 Diarỹ rarybere Deuxu dee: “Kai heka waDeuxu tate,” Deuxu, boholake waixitòedỹỹna biwawiòhenanykemy!
|
||||
\v 7 WaDeuxu Wahedỹỹdu bedeery nihikỹ, kai tiwaijete Wouna-ki.
|
||||
\v 8 Deuxu uritere iwahidỹỹõmykremy iny bina mahãdu-ó aömy tii boho rekoamyhỹrenyremy; uritere iwahidỹỹömy ibedeywidỹỹnareny binahãkỹ inatyhymy relekemy.
|
||||
\v 9 Uritere iwahidỹỹömy kia waòludureny ròtarenykemy; biwinyke wadee raöbinanymyke ityrereny òbitile biatykemy.
|
||||
\v 10 Kia heòty rade ityrereny resekemy; kia idireny adehu rỹire behãluu rotxi kia tiu iribi iòlò renyöna.
|
||||
\v 11 Kia bòdỹỹdu mahãdu tako-ò ròirenyörekre kia aönaöna binabina iherenymy reakre kiata rahurenykre hãbu debure mahãdu.
|
||||
\v 12 Deuxu Tyhyhyhỹ, diarỹ heka reerymyhỹre kai idireny arukimy atximyhỹte iny aökö mahãdu-di kia aönamy rekoamyhỹre mahãdu.
|
||||
\v 13 Iny mahãdu ywimy iinytyhymy rimyhỹre mahãdu òbitimy umy reàlàrenykre kiata atyyki ratxirenykre.
|
||||
\rem dat 2009
|
||||
\c 141
|
||||
\s1 Txiòro ixitòedỹỹna Wiuna
|
||||
\p
|
||||
\v 1 Deuxu Tyhyhykỹ diarỹ adee ronyre wylemy mynake wawiò hedỹỹmy wadee boholake tiu adee rahinymyhỹreu.
|
||||
\v 2 Bimyke waixitòedỹỹna heòty loo ck wesemy, kia wadebò aribiutxinykre kia txioro xiwena wesekre.
|
||||
\v 3 Deuxu warywo biywinymy atxike kia uritre wawahidỹỹ ömy aömy marybekeTau.
|
||||
\v 4 Urihe iwahidỹỹömy kia wacoracão aöbinabina riwinykelau kia uritre diarỹ arariakelau biwatòenymy iny itxỹte mahãdu wana yda iaöbinabinareny ariöke lau biwateònymy kia tiu diarỹ ibedesanareny heki aratxike aököre!
|
||||
\v 5 Diarỹ heka tamy reodyre iny òbitimy rỹire riwatohonymy yda rirareny txynymy, kia dori iny biòwamy rỹire tuu riwinymyhỹre. ka ikiemy rexitòenymyhỹre aönaöna bina òludumy.
|
||||
\v 6 Tiu iwedureny myawa-di rawerenykreu mana nihikỹ rarietyreki, taita iny mahãdu rieryrenykre kia diarỹ òbitimy raryberemy.
|
||||
\v 7 Tiwese hee ratxuamyck rakyròkyròmyhỹre wese wikrekremy, kawesemy tahe itòreny \f + \ft ck \f* raberarenykre wabede hãluu weijàtimy.
|
||||
\v 8 Ka diarỹ tahe Deuxu, anatyhynymy ikiemy adi ararekre kua arirymy aixiwotena. uritre warubudỹỹömykre.
|
||||
\v 9 Biwatake iriàrenyribi kia tii boho riterenyreny riwamyrenykremy kia uhuari riwinyrenyre aöbinabina widỹỹ my.
|
||||
\v 10 Kia my itxỹte mahãdu ariòwyrenykre tauhuarireny widỹỹna òbititxile iwana-wana diarỹ arahenykre tiutack (kiate) warumy aratxikre.
|
||||
\c 142
|
||||
\p
|
||||
\v 1 Diarỹ rahinymyhỹre Deuxu Tyhyhyhỹ dee, rexitòenymy rahenykemy.
|
||||
\v 2 Rewymyhỹre tamy ibutumy wadeburena kia tamy ibutumy relyymyhỹre wabededỹỹ nana binabinamy.
|
||||
\v 3 Tiu wadỹỹömy watximyhỹreu, tii rierymyhỹre aöbo ariwinykre. Waòludu mahãdu uhuarick riderenyre rydibo rariamyhjỹreki.
|
||||
\v 4 Retehemyh re ruruweribi-ò kia inymy rabiöhyyre kia riwaerymy rarybeke. Inyöhyyre waitxesedumy kia wadi terudikemy ihoöhyylere.
|
||||
\v 5 Deuxu, diarỹ ranyre rexitòenymy biwawiòhenanykemy. Deuxu, kai heka wadi tarukidu tate; kia ibutumy aönaönamy kabedeki reamyhỹremy.
|
||||
\v 6 Boholake wairà ixitòedỹỹna arahenykemy kiemy, dori wawo rahitxi hitximy watxireri, biwahedỹỹnyke waòludu mahãdu ribi, kiemy dori tii boho waratyre nihikỹrenyre.
|
||||
\v 7 Biwatake aöhỹỹmydỹỹnana-ribi, kia diarỹ umy arawowydykre aijoi mahãdu rybe butuna-ki kiemy dori kai awityhy tate.
|
||||
\c 143
|
||||
\p
|
||||
\v 1 Deuxu tyhyhykỹ boholake warybe ixitòedỹỹna-ò! Biwawiòhenanyke kiemy dori ainytyhy òbiti tate.
|
||||
\v 2 Diarỹ rybedi ijohodu rare; uritre wawahidỹỹömy kia diarỹ wamy rybe ròhònykemy kiemy dori inyö ibedeerykõ robiomyhỹreck(ratxiõmyhỹre) akoki.
|
||||
\v 3 Waòludu waheki reamy rare kia riwabòdunytyhyre, tii riwatidire brejuna luru-ò, kia diarỹ kua mahãdu juhuu rurure wesenareny rare.
|
||||
\v 4 Iuronana ibutumy rabedewore, kia wacoracão werymy reareri.
|
||||
\v 5 Diarỹ wanohöti reare juhu luduna-di. Raraykynyre ibutumy aönaöna widỹỹna-ribi aõnaõna tewinyte-dick kia wanohõti rusaõhyyre \f + \ft k aredỹỹna-ribi????aõnaõna \f* aredỹỹma-ribi.
|
||||
\v 6 Adee rehemadỹỹnyre wadee ixitòedỹỹnau surubu wese, watyytyby awehityy risamyhỹre.
|
||||
\v 7 Deuxu Tyhyhykỹ, bidiwarawyònyke wylemy, kia dori reenodỹỹra ibutumy wararysòna. Uritre ixiwòteömy walau, kia uriõck diarỹ kua mahãdu resemyhỹrenyre rubu mahãdu wesehenylau.
|
||||
\v 8 Diarỹ aratyhynymy adi watximyhỹre; kia rudiu diarỹ raholamyhỹre aömy derinanamy. Waixitòedỹỹnana adee ròtuòmyhỹre; wadee biteòsinyke aöbo ariwinykemy.
|
||||
\v 9 Deuxu Tyhyhykỹ biwatake waòludu mahãdu-ribi, kiemy dori aki heka ixiwòtenaki rahãmy watximyhỹre.
|
||||
\v 10 Kai heka waDeuxu tate; biwaerynanyke ariwinykemy adeewi. Kia aTyytyby awimy wadi ratxikre kia retehemy rakre rywityhy-di.
|
||||
\v 11 Wabededỹỹnana-di biywinymy mabeke, Deuxu Tyhyhykỹ timybo tuu biwinykremy tarybetemy; kiemy dori ainytyhy òbiti tate, biwatake waöbinabina-ribi.
|
||||
\v 12 Birubunyke waòludu mahãdu, kiemy dori urimyck teriranyte bihuke, ibutumy wahemy rekoamyhỹrenyre, kiemy dori diarỹ arybe-di ijohodu rare.
|
||||
\c 144
|
||||
\p
|
||||
\v 1 Beàlàbenyke Deuxu Tyhyhykỹmy, waitxesedu, tii riwaywinyre araõbinanykremy kia riwaerynanyre woumiack.
|
||||
\v 2 Tii heka wabiòwa waixiwòtena rare, wawòtedu kia wahedỹỹdu diarỹ retyhynymyhre aixiwòtena tii ritidire hãwa-hãwa waruru rawo-ò.
|
||||
\v 3 Deuxu timybo inymy idi tahõtinymyhỹte kia rubudumy aõbo tuu tahõtiymyhỹte kia rubudumy aõbo tuu tahõtiyremyhỹtenyte.
|
||||
\v 4 Iny heka yhy debona wesena rare, ibedednana heka ubròròck reamyhỹre wesena rare.
|
||||
\v 5 Deuxu biurawetyy bibedenymy bedeseke hãwalo hãwalò-ò berike kiata tii rawydysinyrenykreck.
|
||||
\v 6 Biditenyke biudelaa kiata biuberanykre waOludu mahãdu awyhydi bedehuke kia tii boho rexiuonykremy.
|
||||
\v 7 Kua biu-ribi adebò tadikrenymyhỹte biwatake besỹywo-ribi kiata biwihedkre atyhydkO mahãdu debowò-ribi.
|
||||
\v 8 Kia dori tii boho tiu òbitimy raryberenyõhyyre kia ramimyhỹreny ibinahãkỹmy.
|
||||
\v 9 Adee Deuxu diarỹ arawiunykre wiutỹmyra-di; wiuna adee ariwodỹỹnykre kia arawiunykre umy areàlàmy.
|
||||
\v 10 Kai tewahinyte rotarenykremy iòlò mahãdu dee kia tehedỹỹnyte arybe-di ijohodu Davi.
|
||||
\v 11 Biwahedỹỹnyke waòludu mahãdu binahãkỹ-ribi, biwatake atyhydỹỹdukõ mahãdu debo-ribi, kiemy dori tii boho tiu òbitimy raryberenyõhỹỹmyhỹrenyre kia raroimyhỹrenyre òbitimy aõkõ aõ riwinykremy rarybemyhỹrenyre.
|
||||
\v 12 Kia itỹmyrareny bedeu iny riòrereny ckvicosa alòbròna wesemyre kia iny riòrereny hãwyy iwory wesemy riixiwidỹỹmyhỹre aõmysỹdỹỹna heto koki.
|
||||
\v 13 Kia iny aõnarenyhyna sõemy cktỹximy rỹimyhỹre rỹsỹna òtaòta-di, kia my bodeõemy budoeni sõemy rariòre jurajuranymyhỹre.
|
||||
\v 14 Broreni rexiriòre jurananymyhỹre, kia broreni hãwyy tariòreõ riõnodyỹnyõhyymyhỹre. Kia iny aõhỹỹmy rirajuake aõkõre waryrenyki.
|
||||
\v 15 Bedesawihikỹ hãwa-hãwa ibutumy kawesena ijõdirenyre. Bedesawihikỹmy iny mahãdu iDeuxureny Deuxumy.
|
||||
\c 145
|
||||
\p
|
||||
\v 1 Wa Deuxu wa iòlò, diarỹ arelyykre aõmydỹỹna ninihikỹmy kia ikemy adee araõmysỹdỹỹnymy ararekre.
|
||||
\v 2 Ibubutmy txuu iyhyõmy umy areàlàmy ararekre kia umy arawowydymy ararekre.
|
||||
\v 3 Deuxu tyhyykỹ heka inihikỹ rare kia tuu kiemy wowydynamy ratximyhỹre; diarỹ boho timy arieryrenyke aõkõre aaõ ninihikỹ.
|
||||
\v 4 Kia uladu mahãdu tybyreny koki umy **arawawykre ** `rawowydykre aõnaõna tewinytemy, kia ibutumy relyyrenykre aõmydỹỹnana brebuna ninihikỹmy.
|
||||
\v 5 Kia raryberenykre aõninihikỹ kia diarỹ tahe idi araraykynykre aõnaõna wiwihikỹ tewinyte-di.
|
||||
\v 6 Raryberenykre aõwiwihikỹ bedeòtiidỹỹnana-di kia diarỹ tahe arelyymy ararekre aõninihikỹmy.
|
||||
\v 7 Raryberenykre aõwiwi nihikỹmy kia rawiunyrenykre rabedesarenymy ainytyhymy òbitimy anonanamy.
|
||||
\v 8 Deuxu tyhyhykỹ heka aõni awi rare kia sõemy ruxetòena-di ratximyhỹre; tii raroorehenymyhỹre reburekemy kia ikiemy inymy derina-di ratximyhỹre.
|
||||
\v 9 Deuxu heka iinytyhy rare ibutu dee kia riywinymy idireny tarukimy ratximyhỹre ibutumy tawidỹỹna-di.
|
||||
\v 10 Deuxu tyhyhykỹ, ibutumy awidỹỹnareny umy reàlàrenykre kia aijoi mahãdu adeewiwimy roirekre.
|
||||
\v 11 Ibutumy raryberenykre aõmysỹdỹỹ wiwihikỹ kiata abedeery nihikỹmy rawiunyrenykre,
|
||||
\v 12 Kia ibutumy iny mahãdu rieryrenykremy aõmydỹỹ bedeery nihikỹ kia aõmysỹdỹỹna wiwihikỹ.
|
||||
\v 13 Abededỹỹnana heka ikiemy rỹimyhỹre, kai heka Iòlò ikiemy nodu tate! Deuxu tyhyhykỹ heka ikiemy riwinymy ratximyhỹre aõmybo rarybere-di; tii heka rerinanymyhỹre ibutumy aõriwinyremy.
|
||||
\v 14 Tii riwiòhenanymyhỹre aõsirasiramy ratximyhỹrenyre kia ritymadỹỹnymyhỹre rariòwymyhỹrenyre.
|
||||
\v 15 Ibutumy irumy rỹimyhỹrenyre reteherenyre tamy roraòrenymy, kiata tii rỹsỹna riwahinymyhỹre ibutu dee ibededỹỹnana òbitiu.
|
||||
\v 16 Tii teho riraynyre kia ixideewimyta riòenymyỹrenyre ibutumy aõnaõna iròdu iròdu iny iny.
|
||||
\v 17 Deuxu tyhyhykỹ heka iny òbiti nodu rare ibutumy aõriwinymyhỹreki kia iinytyhyre ibutumy tabededỹỹnanaki.
|
||||
\v 18 Tii ratximyhỹre ibutumy iwiòhedỹỹnamy rexitòenymyhỹrenyre bireki.
|
||||
\v 19 Ibutumy ruberumyhỹrenyre Deuxu lau kia tamyreny riwahinyre aõmy rekoarenywanaki tii roholare iiràreny ixitòedỹỹnana-ò kiata rihedỹỹnyrenyre.
|
||||
\v 20 Deuxu tyhyhykỹ rirarenymyhỹre inymy rerinanymyhỹrenyremy kiata rahukre ibutumy iny binabina mahãdu.
|
||||
\v 21 Diarỹ kiemy rawowydyre Deuxumy; kia ibutumy arumy atximyhỹtenyte mawowydymy beàlàbenyke iniwihikỹmy ikiemy.
|
||||
\rem dat 2009
|
||||
\rem WIKUNA WIUNA
|
||||
\c 146
|
||||
\p
|
||||
\v 1 Beàlàbenyke Deuxu Tyhyhykỹmy! Watyytyby beàlàke Deuxumy.
|
||||
\v 2 Diarỹ areàlàmy ararekre wabededỹỹnana-di tiiemy arawiunykre areàlàmy waDeuxu dee diarỹ warumy ararekre-wana wana.
|
||||
\v 3 Urihe itidisirenyõmy atyhydỹỹnareny iny mahãdu aõwedu ninihikỹmy rỹimyhỹmy mahãdumy urihe iny tyhydỹỹrenyõmy, kia dori rubu reireck kie inyõ rihedỹỹnyke ck kie inyõ aõkõre.
|
||||
\v 4 Tiu tii boho rurumyhỹrenyreu, su-ò ròòosemyhỹrenyre, kia itxuutyhyle ck, ibutumy ibeywidỹỹnareny rexihumyhỹrenyre.
|
||||
\v 5 Bedesanamy kua iny Ijacò Deuxu wiòhedỹỹna rimymyhỹre, kua iny ritidimyhỹre tararysòna Deuxu, dee taDeuxu dee.
|
||||
\v 6 Biurawetyy widỹỹdu, suu widỹỹdu kia bero nihikỹ widỹỹdu kia ibutumy aõnaõna tuu rỹimyhỹre. Deuxu ikiemy(ikòmy? riwinymy ratximyhỹre aõmybo rarybere.
|
||||
\v 7 Tii rarybemyỹre iny mahãdu narỹỹnamy rekoamyhỹre weribiki rarybemyhỹre, risỹnymyhỹrenyre ahãnaki ratxirenykremy brejudu mahãdu.
|
||||
\v 8 Kiata iruebetà mahãdu riitxeredỹỹnymyhỹrenyre. Deuxu bitymadỹỹnyke ibutumy iny tỹkỹkõmy rỹimyhỹre mahãdu kiata berinanykreck iny mahãdumy.
|
||||
\v 9 Deuxu terukimy ratximyhỹre iwitxira hãwaludu mahãdu iny surenyki rahãwanymyhỹrenyre-ki; tii riwiòhenanyre wytese kia wyteck mahãdu, kiata riurinymyhỹre ixawikemy iny binabina mahãdu bedeywidỹỹnana-di.
|
||||
\v 10 Deuxu heka Iòlòhyymy rarekre! Deuxu Jerusalem riwedunymy rakre ikiemy! Beàlàmy mywydybenke Deuxu ?ckhihykỹmy.
|
||||
\c 147
|
||||
\p
|
||||
\v 1 Beàlàbenyke Deuxu Tyhyhykỹmy! Kia heka aõni awi rare Rykeàlàmyhỹrenyke iny Deuxureny-ò kia tai awityhy kia òbitimy iny reàlàmy rawowydymyhỹrenyre.
|
||||
\v 2 Deuxu Tyhyhykỹ ixybyle Jerusalem riwinyreri, tii ixybyle taijoi ridyreri, kia iwitxira sumy roberamy rỹire-ribi.
|
||||
\v 3 Tii riteytenyre tỹkỹkõmy rỹire mahãdu kia riòhutibenyre iwotõmonareny.
|
||||
\v 4 Kia tii keka tiuck(tuu) rõhõtinyre tiwese sõemy taina rỹikremy kiata ini sohoji sohojimy tamy ryryre.
|
||||
\v 5 Deuxu heka wahareny rare kia inihikỹ ibedeerytyhy rare; ibedeery timy raurihinanyke aõkõre.
|
||||
\v 6 Deuxu Tyhyhykỹ ritymadỹỹnyre iny bederyry mahãdu, kiata rehumyhỹre iny itxỹte mahãdu-di suòle.
|
||||
\v 7 Mawiunybenyke mawowydybenymy Deuxu dee; biwo- Dỹỹnyke wiu wodỹỹna beàlàmy iny Deuxureny-ò.
|
||||
\v 8 Tii ritybònymyhỹre biurawetyy biuwetyy uradi, riteònymyhỹre biu roakremy sutyre kia asi riumydỹỹnymyhỹre hãwalò tyre.
|
||||
\v 9 Tii rỹsỹna riwahinyre iròdu-iròdu-ò kia riòenyre nawii riòre tiu rexitòenyrenyreu.
|
||||
\v 10 Aõbo Deuxu ribedesadỹỹnyre awaru ityhy aõkõ kia sodadu ibrebutere aõkõ.
|
||||
\v 11 Kohe kia iny Deuxu lau ruberumy rỹimyhỹre kia rityhynymyck rỹire iaõmy derinana.
|
||||
\v 12 Jerusalem beàlàke Deuxumy! Lião beàlàke aDeuxumy!.
|
||||
\v 13 Kia tii riruruteredỹỹnyre hãwa ijòtobòna kia tarybehikỹ riwahinyre taijoireny-ò tai rahãwanyrenyre.
|
||||
\v 14 Tii risỹnyre aõbinaòmy ynaweribrijà wyònaki kia riòenyre iny mahãdu mainode(maini) wihikỹmy.
|
||||
\v 15 Deuxu tarybe riwahinyre, kia tii rehemynyre wytyhylemy ibutumy bede-bede-ò.
|
||||
\v 16 Tii ririòwysỹdỹỹnyre nonoe iyremy budoeni sira wese kia tii biunonoe riberanyre suruxõmy wesemy.
|
||||
\v 17 Kia biulora mona diteònyde kia bee ratere iyreyremy –inyõ aõmy rarybeõhyyre bedejutàtà tii diteònyde-wana.
|
||||
\v 18 Taita tii tarybe riwahinymyhỹre, kia beratere rasurasunymyhỹre, kia yhy ritebodỹỹnymyhỹre kiata bee reamyhỹre.
|
||||
\v 19 Deuxu tabededỹỹnanamy rarybere ck?iteadee kia tarybe wahidỹ-ỹ riwahinyre kia Israel mahãdu tarybe riwahinyre.
|
||||
\v 20 Tii tuu riwinyre iwitxi mahãdu hãwa-hãwamy; kia rieryrenyõre irybewahidỹỹnana
|
||||
\c 148
|
||||
\p
|
||||
\v 1 Beàlàbenyke Deuxu Tyhyhykỹ! Ibutumy biurawetyyki rỹimyhỹrenyre reàlàmy rerinanymyhỹrenyre Deuxumy biurariehekỹ-ki!
|
||||
\v 2 Beàlàbenyke Deuxumy ibutumy anju mahãdu, kia ibutumy tasodadureny biuludu mahãdu!
|
||||
\v 3 Txuu kia ahãdu beàlàbenyke, Deuxumy! Ibutumy taina rỹsỹrỹsỹ beàlàke Deuxumy.
|
||||
\v 4 Kia biurawetyy rarietyhy reàlàre Deuxumy, kia tule bera mahãdu biurawetyy ratyaki rỹimyhỹrenyre!
|
||||
\v 5 Kia ibutumy tii boho reàlàrenyre Deuxu tyhyhykỹnimy! Kia dori tii tarybe riwahinyre, kiata releronyre.
|
||||
\v 6 Tii tuu tarybe riwahinyre, kiata ikiemy tymanaki rỹire- myre tii boho irybetyhydỹỹ deramy rekoake aõkõre
|
||||
\v 7 Beàlàbenyke Deuxumy, kia ibutumy suki atximyhỹtenyte. Bera v nihikỹ aõni kia ibutumy berohokỹ sỹyludu mahãdu.
|
||||
\v 8 Beàlàbenyke Deuxumy biudelaa kia biulòra mana, bede nonoe biuwetyy ura yhydebure rityhynymyhỹre.
|
||||
\v 9 Beàlàbenyke Deuxumy hãwalò bijiuck biju? rarie kia bederade Raratynymyhỹre?
|
||||
\v 10 Beàlàbenyke Deuxumy, ibutumy iròdu-iròdu inytyhy kia tebure mahãdu! Beàlàbenyke Deuxumy, ibutumy nawii-nawii sõmõ kia iròdu iròdu sõmy rexirurehemy ckrariamyhỹre.
|
||||
\v 11 Beàlàbenyke Deuxu Tyhyhykỹmy, iòlòreny kia ibutumy iny mahãdu, kia iny mahãdu aõweduwedu nihikỹmy rỹimyhỹrenyre.
|
||||
\v 12 Beàlàbenyke Deuxumy weryrybò mahãdu kia ijadòòma mahãdu matuari mahãdu kia uladu mahãdu.
|
||||
\v 13 Kia ibutumy reàlàrenyre Deuxu Tyhyhykỹnimy kiemy dori ini inihikỹtyhyre ibutu retyremy; ibedeeny nihikỹ sutyreki kia biu ratyreki roimyhỹre.
|
||||
\v 14 Tii riwinyre tahãwareny iruruteretyhymy kia ibutumy-isỹreny iijoireny cktuu reàlàrenykremy, Israel iny mahãdu wahe, Tii tiu rerinanymyhỹre wahe! Beàlàbenyke Deuxu Tyhyhykỹmy!
|
||||
\c 149
|
||||
\p
|
||||
\v 1 Beàlàbenyke Deuxu Tyhyhykỹmy! Mawiunybenyke Deuxu dee wiu tỹmyra-di! Beàlàbenyke Deuxumy rybe butuna-ki òbitimy terinanymyhỹtenyteki!
|
||||
\v 2 Beysabenyke, Israel iny mahãdu, kia awidỹỹdureny òrarumy! Mabydesamy atxibenyke Jerusale iny mahãdu, òlòreny òrarumy.
|
||||
\v 3 Beàlàbenyke inimy besebenymy! Kia beàlàbenykreu biwodỹỹbenyke wiu wodỹỹna!
|
||||
\v 4 Kia dori Deuxu rabydesamy ratxire tainy mahãdu-di, tii riwahinyre iny tỹkỹkõmy rỹire mahãdu-ò aõnau ckari tarasana.
|
||||
\v 5 Kia Deuxu iny mahãdu rexibedesanyre tatarasanareny-di kia rawiunyrenyre bedesahakỹmy taixenarenyki.
|
||||
\v 6 Kia tii boho reàlàrenyre deuxumy, katxiteremy rirajuare-nyre riwyrenymy teborenyki tõnori.
|
||||
\v 7 Kia hãwa-hãwa ribòdunyrenykremy kia iny mahãdu rirarytxynyrenykremy.
|
||||
\v 8 Idi reruti ritxynykremy, iòlò mahãdu kia womati rerutidi iijoi mahãdu wana ibutumy.
|
||||
\v 9 Kia rirarytxynykremy hãwa-hãwa tuu Deuxu rarybere mynamy. Kaheka Deuxu iny mahãdu tarasanareny wihikỹ rare. Beàlàbeny Deuxu Tyhyhykỹmy!
|
||||
\rem dat 2009
|
||||
\c 150
|
||||
\p
|
||||
\v 1 Beàlàbenyke Deuxu Tyhyhykỹmy! Beàlàbenyke Deuxumy rybe butuna-ki! Beàlàbenyke ibedeery nihikỹmy, kia tuu robimyhỹre biu rarawetyyki!
|
||||
\v 2 Beàlàbenyke Deuxumy kia aõnaõna ninihikỹ riwinyreny! Beàlàbenyke iaõninihikỹmy!
|
||||
\v 3 Beàlàbenyke Deuxumy wiuna wodỹỹ-di beàlàbenyke! Wiuna wodỹỹna-di.
|
||||
\v 4 Beàlàbenyke wiuna wodỹỹna-di besebenymy! Beàlàbenyke wiuna wodỹỹna tirehe-di !
|
||||
\v 5 Beàlàbenyke Deuxumy bratu wina-di. Beàlàbenyke katxitere rariemy bratu wiuna wodỹỹ-di
|
||||
\v 6 Ibutumy iny mahãdu iròdu iròdu utura utura bederade bederade beàlàbenyke Deuxumy. Beàlàbenyke Deuxu tyhyhy-kỹmy.
|
||||
|
|
@ -0,0 +1,784 @@
|
|||
\id PRO
|
||||
\ide UTF-8
|
||||
\rem Bedeery
|
||||
\rem aut Ijeseberi
|
||||
\rem dat 1985-1990
|
||||
\h PROVERBIOS
|
||||
\toc1 PROVERBIOS
|
||||
\toc2 PROVERBIOS
|
||||
\toc3 pro
|
||||
\mt1 PROVERBIOS
|
||||
\c 1
|
||||
\p
|
||||
\v 1 Kaheka rybe bedeeryna rare. Salumaõ rybe heka rare. Israel. Iòlò heka rare, Davi riòre wahe.
|
||||
\v 2 Tii heka rybe riritinyre taijoi mahãdu ribedeerydỹỹnyrenykremy bede rierymy rỹikremy, kia sõmy aõnaõna sirasira-di rorenymyhỹre òbitimy rỹikemy.
|
||||
\v 3 Kia taijoi mahãdu-ò rarybemyhỹre. Tai heka iny awimy bede riemy rỹimyhỹre òbitimy ibedeerymy.
|
||||
\v 4 Diarỹ inywo arirahorekemyreri iraymy roikemy òbitimy bede rierymy! Myheka tii rarybera: - Kia jyre mahãdu-ò artiteòsinykre timybo iny ixidi ròrenymyhỹre timybo iny aõnaõnabina ixi-ribi ritòhòrarienymyhỹremy wahe.
|
||||
\v 5-6 Hãbu bedeery txibo sõemy rybe-ò roholakreki rexiurihimy rỹira. Kia aõ widỹỹ rierykre. Kia tule aõnaõna sirasira riywinykre.
|
||||
\v 7 Timykibo tahe hãbu ixyby bede rierymy ròòsemyhỹre? Komy heka, ròtyhydỹỹmyhỹre. Deuxu rityhynymyhỹ. Iny itxỹte mahãdu sohojile heka rityhynyõmyhỹre kia tahe urile raixinadỹỹkre bedeery mahãu idi retehekre.
|
||||
\v 8 Tai heka wijina mahãdu boholabenyke bureny dohodỹỹna bityhynybenyke. Uritre ixiribi rybewi-di adehurenyõmy aõbo adireny-ribi teerytenta wahe.
|
||||
\v 9 Kia rybewi heka adeereny inihikỹmy aõwiwi riwahinykre aõwihikỹmy.
|
||||
\v 10 Wariòre, txibo tiu òrarudu mahãdu abòdỹỹdu rururkreki, roimy uritre ibònahemy ixeõmykre tuu adee rutỹỹnykreu.
|
||||
\v 11 Txibo deòaridỹỹ riwinykreu wadeereny: manake waweribireny-ò inybedeeryõ iny inybò rehumyhỹrenyre wasilemy redymyhỹrenyre tahe rerubunymyhỹrenyre: Aõkõmy marybe!
|
||||
\v 12 Tiiboho myy rarybemyhỹrenyre: iny bedeerykõ mahãdu rikihurenykre. Ibutumy rexihurenykre. Iwese hãluu radu mahãdu hãbu rirỹsỹmyhỹre wesele wahe.
|
||||
\v 13 Kia tahe ityhy nihikỹmy rakatxirenykre. Ibutumy aõnaõna sõmosõmo-di ityhymy rokoirekre òbitimy!
|
||||
\v 14 Manake waweribi-txi manalòke. Txibo aõ rikiwymyhỹrenykreu, kia wiweselemy rikitxuamyhỹrenykre.
|
||||
\v 15 Wariòre, uritre kia wesena iwidỹỹõmy! Kia wesena mahãdu-ribi irehemy matximyhỹke. Uritre iryreny-di riraõmy. Idi tiiboho rariamyhỹrenyredi.
|
||||
\v 16 Kia iny tuu ikiemy ratximyhỹre kia heka iny ibinamy tuu riwinymyhỹre. Kiemy rubudỹỹ sohojilemy rõhõtinymyhỹre iny hudulemy.
|
||||
\v 17 Tiu nawii riudumy robimyhỹreu ire biu-txi runymyhỹre. Kia tahe aõtamaõkõ rexiwomyhỹre.
|
||||
\v 18 Kia wesena iny riribiòtu iny rỹimyhỹre!
|
||||
\v 19 Kaheka ibutu nonana heka rare kiemy aõ-di risinymyhỹre ityhymy ratxikemy ixidi risỹnymyhỹre. Kamy iny ixidi rỹimyhỹre buturatyre ratxikemy. Kia tii òbitile rexihumyhỹre.
|
||||
\v 20 Bedeery nihikỹ rytyalemy ixielehynatyalemy rariamyhỹre ryrymy iny mahãdu iiryò roholakremy.
|
||||
\v 21 Iny mahãdu-ò rytya-ò marybeke, hãwã dinodu nihĩkỹ hãwã sõmo sõmo riteòarinykremy ibutumy.
|
||||
\v 22 Iny aõkõmy rỹira aõ riteòsanymy kia wese aõbo matxibenykemy ixidi atximahãte? Kaiboho aõbina-di urile tesinymyhỹtenyte. Kia ta urihimyòle aõ wadeewi tewinymyhỹtenyte, tiubo tahe kia aõwihyyle biwinymy mabekre tiubo tahe arasireny ixihereny biryrybenykre inatyhyhykỹmy?
|
||||
\v 23 Boholabenyke warybe-ò aõmy rarybemyhỹreò. Diarỹ dori aõbinabinareny ariywinykemy watximahãre! Waworỹsỹ atyrereny aritxiwikre irahudi tahe wabededỹỹna wihikỹ adeereny ariteòsinykre.
|
||||
\v 24 Diarỹ tiwesewese aõkõ adeereny rarymyhỹre kia ta kiaboho waderalemy takoamyhỹtenyte! Wadebò retetemy retidimyhỹre adeereny, tiu inyõ wadee aõwi riwinyho aõkõ.
|
||||
\v 25 Kaiboho aõwityhy tewahinyõtenyte wadohodỹỹna rewahinyrehãrele wahe. Kia warybe wihikỹ deralemy tekoatenyre.
|
||||
\v 26 Tai heka tiubo aõhỹkỹmydỹỹnanareny txumy bede rỹikeu abrebunareny txumy abederyryna txumy bede rỹikreu, diarỹ urile arutxuenykre ibinamy akireny arahãkre.
|
||||
\v 27 Txibo tiu aõbina nihikỹ atyrereny resekreu yhydeburemy, txibo tiu kaiboho aõhỹkỹ nihikỹmy butỹỹnybenykre sõemy.
|
||||
\v 28 Tai tahe kaiboho wadohodỹỹ biebenykre wawiòhedỹỹnana wahe. Diarỹ tahe tiu warawyòdỹỹõna. Watxi lahãsamy bekoabenykre. Kia tahe aõtama aõkõ bòibenykre.
|
||||
\v 29 Teeryteny aõbo aõherekibo tuu rutỹỹnykre? Kiemy kaiboho teerymyhỹtenyte aõ òbitimyhỹre hãrele aõderamy tekoamyhỹtenyre. Urile heka sõwemy bityhynybenyke inytybyreny.
|
||||
\v 30 Kaiboho aõwiwityhy tewahinytenyõte wadehodỹỹna adeeryeny rewahinyre hãrele wahe. Kia wadohodỹỹna-txi teritenyõhyymyhỹtenyte.
|
||||
\v 31 Tai heka kiaboho bedraty hyrele bitòbenykre aitxỹtereny òrarumy wahe. Kia alòbrònareny raywimy rỹira yhyle heka alòbrònarenyre. Tai heka kaiboho yhynihikỹle bihebenykre.
|
||||
\v 32 Iny ixiyhyboho! Kaiboho bexihubenykre. Kiemy dori kaiboho urile waribi texilòhòrariemyhỹtenyte. Itxỹte boho, awityhylemy atixmyhỹtenytemy ixidireny tahõtinymhỹtenyte. Kia ywiywimy arubunareny-ò tariamyhỹtenyte. Itxỹte boho!
|
||||
\v 33 Betehebenyini txibo wiribi iwitxiraremy! Mobo warybe-ò roholamyhỹre riwatyhynymyhỹre. kia mahãdu ywimy rỹimyhỹre reximywiwimy, aõbrebunalau ruberuõhyymyhỹre.
|
||||
\c 2
|
||||
\p
|
||||
\v 1 Uladu, txibo kai warybe-ó boholakeu warybewiwi ixiwo-ki birarenykreki,
|
||||
\v 2 tai rybe-ò bieryhỹkỹlemy boholamyhỹkre òbitimy, kia acoracaõ rexihumy roimyhỹkre aõrybe òbitilemy rimymyhỹkre.
|
||||
\v 3 txibo kai Deuxu dee bedeeryna nihikỹmy, txibo bedeery nihikỹõ biijekre iwese òsi eresyna riõmyhỹre wesemy,
|
||||
\v 4 iwese nieru nihikỹ riõmyhỹre wesemy,
|
||||
\v 5 kai inatyhymy itxi beakre. Kia ikonanatxi tahe bierykre timybo Deuxu ratyhydỹỹ myhỹre timybo irybe-ò iny roholamyhỹre wahe.
|
||||
\v 6 Wahareny mobo tahe adee bedeery nihikỹ riwahinyre. Ary ribi heka arybewihikỹ òbitimy ròhònymyhỹre.
|
||||
\v 7 Kia ibutumy riwahinymyhỹre mobo iweribi-ki rityhynymy ixidi ratximyhỹreò. Tii heka wyhy itxena wesena rare mobo Deuxu tacoracaõ-wana rityhynymyhỹre wahe.
|
||||
\v 8 Tii dori ryy riwirareare bedeery mahãdu-ò, kia iny rỹimyhỹre mahãdu ò tule; tii òbitile riywinymy rirarenymyhỹre iny wi mahãdu idi rariakremy.
|
||||
\v 9 Deuxu iny wityhymy arawinykre ywimy mabekremy, aõnaõna òbitimy biywinymyhỹkremy.
|
||||
\v 10 Kiemy dori bedeery nihikỹ abededỹỹnana tya-ki ratxikre, tai heka kai sõemy beysakre aõnaõna wiwi bierykreki wahe.
|
||||
\v 11 Umy wityhy bedeery nihikỹ sõemy araywinykre aõnaõna bina-ribi.
|
||||
\v 12 Tii boho rybina-di mariakrelau aratòenykre, kia hãbu-wana matxikelau tule aratòenykre hãbu dori urile aõnaõnalemy aõmy wimy relyymyhỹre.
|
||||
\v 13 Tii boho hãbu mahãdu-ribi aratòhòrarienykre hãbu mahãdu dori òrarudu mahãdu rydi mariakelemy arateranymyhỹrenyre, kia aõtxikile hãbu wi mahãdu ydi tariamyhỹte.
|
||||
\v 14 Kia ibedesamy rỹira wana-ki kiemy aõnaõna bina rierymyhỹre urenana tuu rỹimyhỹre, kia ta ijõle rubudỹỹmy rarybemyhỹre aõnaõna bina riwinykre-my.
|
||||
\v 15 Tii boho tiu aõ awi riwinyõhyymyhỹrenyre, kia dori iryreny ikòekòemy ikiemy tuu ramyhỹre, tiiemy urile dori aõnaõna òbiti-ribi rexilòhòrarienymyhỹre.
|
||||
\v 16 Iny tybyreny rybe bedeeryna roiluu-ribi aratarenykre hãwyy roiluu-ribi tule,
|
||||
\v 17 Kia hãwyy urile tahãbu ririmyhỹre, tahãbu-my herina-ribi tõhõti rusamyhỹre, kiemy iny roimyhỹreu heka Deuxu iny rierymyhỹre.
|
||||
\v 18 Mobo hãwyy-wana rasỹnymy rỹimyhỹre, kia tii òbitile bede sira nihikỹ ixidee riwahinymyhỹre; mobo tii-wana ratximyhỹre kia òbitihyylemy rubuna rydi rariamyhỹrenyre.
|
||||
\v 19 Hãbu mahãdu wedena mahãdu-wana widi rỹimyhỹ renyre, kia rybina-txi rirònymyhỹrenyre, tiu ixyby ròòserenykemy aõkõ wahe; tiu taòrarureny ixiribireny risuhòrenyõtyhy, kiemy dori tii boho òbitile aõnaõna bina ixideereny riwinymyhỹ renyre.
|
||||
\v 20 Bedeery mahãdu, araisinanyrenykre ry òbiti-di mariabenykremy, iny òbiti mahãdu ry-di.
|
||||
\v 21 Iny wi mahãdu heka ibutumy aõnaõna wiwi rimymyhỹ renyre, kiemy dori bede wiwihikỹ iny dee riwahinymyhỹre urenana; mobo suki rahãwãnykre, kia mobo Deuxu tacoracaõ-wana rityhymyhỹrele tai rahãwãnykre.
|
||||
\v 22 Hãbu itxỹte mahãdu hãbu roiluu mahãdu ibutumy taaõnaõnareny-ribi rexihurenykre ikonanau tahe suu rexihukre.
|
||||
\rem Missing chapter 3
|
||||
\c 4
|
||||
\p
|
||||
\v 1 Jyre mahãdu wadohodỹỹna-ò boholabenyke! Sõemy boholabenyke kiata bede òbitimy rỹira bierybenykre.
|
||||
\v 2 Waisinadỹỹna heka awirare òbitimy iny tai rỹimyhỹre uritre iribi ixitarasaõmy!
|
||||
\v 3 Diarỹ tule juhuu uladu rare; diarỹ sohoji uladumy ruare nadi riòremy, kiata waha ijoi mahãdu tule riwamymy wadi rỹimyhỹre.
|
||||
\v 4 Tii waisinadỹỹmy reòarire myy wadee rarybemyhỹre: Arati-ò warybe birarenymyhỹke. Kia ikiemy wadohodỹỹna bityhynykreki bede bedesamy matxikre.
|
||||
\v 5 Bieryke bedeerymy atxikemy! Kia heka bieryke aõòbiti aõ ibinamy relemyhỹre wahe! Uritreta araisinanyre-ribi nohõti lusaõmy; uritre warybe-ribi ixilòhòrariedỹ ỹ õmy!
|
||||
\v 6 Uritre bedeery mahãdu ixiweribi-ò irisiõmy, tii dori aõnaõna bina lau aratòenykre; bedeery mahãdu-di awimy atximyhỹke tii sõemy adi taruki-my rỹikre.
|
||||
\v 7 Kia komy iny bedeerumy ixidi risỹnymyhỹre, kia inatyhymy aõnaõna binabina lau rexitòenymyhỹre aõtxile aõriòre lau.
|
||||
\v 8 Tamy biwahinyke aõnaõna-ki tedewenymyhỹte wahe, irahudi tahe bimykre tii dori tatyhydỹỹna-di arahetynykre.
|
||||
\v 9 Tii rati hetyna adee riwahinykre ikiemy idi matxikremy, idi bede biòtiinybenykremy bityhynybenykremy.
|
||||
\v 10 Wariòre, boholake ywiywimy wadohodỹỹna bimykremy; Tai kai bede sõemy irehemy abedesamy atxikre.
|
||||
\v 11 Diarỹ dori adee reteòsinyre timybo bedeery mahãdu rydi mariakremy; wary adee reteòsinyre ryòbiti-di mariakremy.
|
||||
\v 12 Tii boho-wana mariabenykre, ixideewimy elemy aõbo da ywimy aõbo, tai kai tiu aõbina-txi beòsaõtyhy.
|
||||
\v 13 Waisinadỹỹna-ò malòmyhỹke tai ta tiu bedebinabinamy matxiõtyhy! Tii, ywimy matxikre-my adee riwahinykre, kiemy òbitimy bede biekremy.
|
||||
\v 14 Uritre iny itxỹte mahãdu -ki ibinamy lahãsaõmy, uritre iny bina mahãdu rymy aõmy tuu rybeõmy.
|
||||
\v 15 òrarudu mahãdu -ribi urile bexiwòke; uritre ibire-di riraõmy!
|
||||
\v 16 Iny kia wesena mahãdu tiu rõrõõhyymyhỹre, kia aõ riwinyra-wana kia iny witxirale òraruna-txi riatymyhỹre.
|
||||
\v 17 Aõbinabina heka tamyreny rỹsỹna rare, rubudỹỹ tahe tamyreny imonarenyrare.
|
||||
\v 18 Hãbu òbiti mahãdu ry heka ywiywi-my ratỹnymy ramyhỹre tii rariawanaki; iwese txuu reamyhỹre wesemy kia bede ywiywimy ratỹnymy ramyhỹre, iwesele heka hãbu wi mahãdu ry rỹimyhỹre.
|
||||
\v 19 òrarudu mahãdu ry iny widi lisiluu mahãdu ry tahe iribi iwitxirare, turumy roimyhỹre iwese ruu turumy roimyhỹre wesele wahe. Tii rexieryõhyymyhỹre aõtxi resemyhỹre hãrele!
|
||||
\v 20 Wariòre wadohodỹỹna-ò sõemy boholake! Bexiywinyhyylemy matximahãke boholakremy warybewi bimykremy.
|
||||
\v 21 Tii aõhe-wana ikiemy aratiwokihyy ratxireri, ikiemy acoracaõ wokile ratxireri.
|
||||
\v 22 Kiemy dori iribi iny aõòbitimy ramyhỹre, tai iny aõ ibinanamy aõkõ iny rỹimyhỹre awimy.
|
||||
\v 23 Kia iribi ibutumy wariòre, kia sõemy bexiijekre arybe-di tii dori sõemy arabònykemy adi risỹnykre.
|
||||
\v 24 Roi lau bexiijemy, aõòtaòtalau bexiijemy; urile iribi bexiwokre;
|
||||
\v 25 Ikiemy ixiko-ò hyyle betehemy matxikre, uritre ixiweribi-ò ijere ijereõmy.
|
||||
\v 26 Komy mohõtinykre riramy aõtxi bòhònykreki tai ikiemy rywi-di mariamy makre awityhylemy.
|
||||
\v 27 Uritre ixiòkeseõmy aruruna weribi-ò kia ahywena weribi-ò! Uritre iny itxỹte mahãdu ry-di riraõmy!
|
||||
\c 5
|
||||
\p
|
||||
\v 1 Wariòre, boholake wadohodỹỹna-ò bedeery-ò! Sõemy ywimy boholake rybe-di ijohodu rybe-ò!
|
||||
\v 2 Tai dori kai ikiemy aõwiwirybe arati-ò birarenymyhỹkre, kia òbitilemy arybe rohonykre ibutumy aõtxile marybekre-ki.
|
||||
\v 3 Teeryteny aõbo wedena mahãdu tarybe bree riuhemyhỹre, kia adireny retehemyhỹre ixityre araatyrenykremy.
|
||||
\v 4 Irahudi tahe ixỹruna nihikỹmy adeereny rarootinymyhỹre, inihikỹmy iutxiemy iwese iny tõnoridi wiki rojymyhỹre wese wahe.
|
||||
\v 5 Mobõ wedena mahãdu hewo-my rariamyhỹre, kia òbitimy rubuna rydi rariamy ramyhỹre.
|
||||
\v 6 Kia heka bededỹỹnana hyy rare, kiemy dori tii rieryõhyymyhỹre tibo ryy òbiti ramyhỹre, kiemy rykòekòe-dile rariamy ramyhỹre aõ rierymy aõkõ.
|
||||
\v 7 Wariòre tai heka warybe-ò sõemy boholake uritre wadohodỹỹna-di alisiõ-my!
|
||||
\v 8 Urile wedena-ribi bexiwòke! Uritre iheto bire-ò dehemysỹ õmy!
|
||||
\v 9 Tai kai tiu aaõnawiwi aribi rexihuõtyhy kia tiu abededỹỹnanawiwi ixiribi mahuõtyhy, kia dori aruru aumywi tewahinyteri inywi mahãdu-ò acoracaõ kõmy tesisỹnymy.
|
||||
\v 10 Tai dori kai tiu anieru biwahinyõtyhy, aaõnawiwi iny witxira-ò; kia tiu abederaty ruru aribi rexihuõtyhy, aõmysỹdỹỹnawi-ribi.
|
||||
\v 11 Tai tiu matuari-õ rehemynykreu, aumy aumywiwi tiu rabinaõtyhy webinadu-my txibo mawotõmõkeki tule,
|
||||
\v 12 Uritre kai myy rybeõmy: "Be, aõherewe diarỹ urile waha dohodỹỹna-di risinyre", kia wahadohodỹỹna retyhynyõhyymyhỹre!
|
||||
\v 13 Aõherekibo aõ awityhy inihikỹmy rewahinyõre wadee rarybere hãrele waisinadỹỹdu-ò wadohodỹỹdu-ò?
|
||||
\v 14 Wiji tainihe sõemy aõhỹỹmy arutỹ ỹnykre ibutumy, waisỹru waribi ròhònykremy iny mahãdu ibutumy wamy robikremy!
|
||||
\v 15 Wariòre, abemy biõke ahãluurobemy kia dori awimy adeereny rỹire ahãwyy-wana!
|
||||
\v 16 Txibo tahe awimy ròhònyke uladu kia hãwyy hãbu-di rityhynyõmy rỹira rytyamy rỹira mahãdu ?
|
||||
\v 17 Aõbo tahe uladu-õ ratxikre ariòre kõreri hãre, kia tahe inywitxirale idi ròrenykre kia urihimyòmy teeryterimy aõkõ wahe?
|
||||
\v 18 Kia rybewile biuheke adee riwahinyre wahe. Bimyke kia irutaõmy tii adee rexiwahinykre umy reòarireri heribile wahe ahãwyy wesemy.
|
||||
\v 19 Tii heka aõhe-wana adee ahãwyy wirare irybeluu mahãduõ! Ahãwyy aramymyhỹre araywinymy kia heka adeewi riwinymyhỹre!
|
||||
\v 20 Aõmybo tahe hãwyy wedena mahãdu aõwiwi biekre, aõnawiwi aõbo iny witxira-ò biwahinykre kia teeryõteri hãrele aõbo?
|
||||
\v 21 kia-ki heka Iny tybyreny adi araywinymy ariranadi retehemyhỹre ywimy. Tii dori ibutumy arayyrybe rierymyhỹre aõmybo tahõtinymyhỹte rybe rierymyhỹre!
|
||||
\v 22 Iny itxỹte mahãdu òraruna kia ixidee òbitile aõhyymydỹỹnana riwahinymyhỹre; reruti heka òrarudu mahãdu ritaataamy rimymyhỹre.
|
||||
\v 23 tii rurukre, kiemy dori dohodỹỹna rybe mynamy ratxiõhyymyhỹre. Alisi alisimy, kia aõ rityhynyõmy rỹira heka òrarudu mahãdu rubu ry mahãdu ryòhòkỹle ridymyhỹre.
|
||||
\c 6
|
||||
\p
|
||||
\v 1-2 Wariòre, txibo kai adewedỹỹna biòwynykremy tarybete-wana abiòwa wijina dee da iny witxira-ò aõbo tuu tarybeta, ka tahe wiji ròtena-ò malokre ixi arybe òrarulemy; kia uhuari òhãru-txi teseta.
|
||||
\v 3 Aõtxile aõrutaõ biwinykre iribi wylemy bòhònykremy, kiemy dori kai ròtewo-ki atxiteri, abiòwa-ò tarybete-ki biòwynykremy. Abiòwa biekre sõemy idi bisỹnykre, kiamy tamy bexitòenykre, aõnaõna riwinyrenyra-ribi teòrehemy ratxikremy. Uritre iny ixiradỹỹ õmy uritre tuu ixinihõtidỹỹõmy kia dori ixỹruna iny widee riwahinymyhỹre.
|
||||
\v 4 Uritre txuu iròtedỹỹõmy kia biwinykexieryle ralòmyhỹkre; uritre tỹhiõmy komy heka bede òhãru-ribi bexitake.
|
||||
\v 5 Txibo kai iribi bexitakreki kia bexihedỹỹnykre, iwese bròre riòre riudu mahãdu-ribi rahenymyhỹre wesele wahe, iwese nawii hãinaje-ribi rexiwòmyhỹre wesele wahe.
|
||||
\v 6 Iny deywese mahãdu, ywimy òlòburedi betehemyhỹbenyke iribireny tahe aõmysỹdỹỹ bierybenykre tii boho-wana.
|
||||
\v 7 Tii boho heka idinodureny ihoõre tamyreny bede riywike
|
||||
\v 8 Ihãrele tahe bede jutàtà bedeu raõmysỹdỹỹnymyhỹrenyre, kia tahe rỹsỹna ributunymyhỹrenyre idi bede tòtee rierenykremy.
|
||||
\v 9 Kai tahe tỹhile sohojile aerynare! Tiweseu botahe kai kia wesemy bede biekre?
|
||||
\v 10 "Txioini urihimyòmy arexielehynyke!" Kohe, uhimyòmy bexielehynykre,
|
||||
\v 11 Kia aõkõna iòhòtyhylemy adee rehemynykre, wasidu wesele. Kia iòhòtyhylemy aõnaõna bina atyre resekre tiutxulemy, iwese wasidu tebònadimy ralòmyhỹre wesele.
|
||||
\v 12 Adeereny arityyritinykre hãbu aõkõ teòsa hãbu aõki awikõmyhỹre.
|
||||
\v 13 Ihãre tahe tii taõwiwiriteòsinymyhỹre tebòdile aõ riwinymyhỹre, tawadile rexiukỹnymyhỹre irahudi ta taruedile aõ riteòsinymyhỹre.
|
||||
\v 14 Acoracaõ sõemy rỹsimy aõbinabina-di rỹimyhỹre; tii urile bede irehemy aõwidỹỹõmy ratximyhỹre, kiemy urile rõhõtinymy ratximyhỹre, iwitxiramy itỹmyramy aõibina riwinykremy irahudi iny witxiralemy taehehe riuberanymyhỹre.
|
||||
\v 15 Tai kiehe tii tiulebo aõhỹỹmy rutỹỹnykre; kiemy rexirubunykre kia tamy tuahi ihokõre.
|
||||
\v 16 kiemy dori tii debo-ò sohoji-my reurõmy aõnaòna bina riwinyra, iny tybyreny tai ibinamy rahãre kiemy inatyhymy tuu radònyre; kaki tii boho rỹire.
|
||||
\v 17-19 Widi iny retehemyhỹre kai wiratyremy rỹimyhỹremy tacoracaõ-ki ixidi ratximyhỹre, kia urile raroimyhỹre, wasidu, rubudỹỹdu, kia iratireny aõ ibina riwinykrelemy raraykynymyhỹrenyre, Roidu mahãdu aõ ibina riwinymyhỹrenyre iny witxira binadỹỹlemy, irahudi tahe taehehe taseriòre boholemy riuberanymyhỹre, tabiòwa boholemy riuberanymyhỹre.
|
||||
\v 20 Jyre mahãdu ikiemy bureny bityhynybenyke; uritre adireny dohodỹỹna ribiòtu titxi noõmy.
|
||||
\v 21 Bureny òbiti acoracaõ wo-ò birarenyke; kiemy dori ahekile ratximyhỹre.
|
||||
\v 22 Tii dori ary adee riywinykre; tii adee tỹhiwi riwahinykre awimy kia txuu tỹmyre-my ròhònymyhỹkre adee ixinadỹỹdumy ratxikre, aõ òbitimy rỹikre riteòsinykre.
|
||||
\v 23 Buu aratohonymyhỹre adi tule aratohonymyhỹre kia heka jusarana rare ary adee ritxusaranymyhỹre awimy bede biekremy. Txibo tiu buboho aõnaõna lau aratòenymyhỹreu, kia heka òbitimy matxikemy adi risỹnymyhỹre bede bedesamy matxikemy.
|
||||
\v 24 Kiemy dori araòhãrunymyhỹrenyre, hãwyy deòsa arabònyke lau tii boho dori tarybe breemy taroimy jyre mahãdu ribònymyhỹreki.
|
||||
\v 25 Uritre aõ wityhy kia wesena hãwyy-ò ixiwahidỹỹõmy, uritre tamy ijereõmy kia dori aitxenadỹỹmy tarue adee riyrenykre.
|
||||
\v 26 Hãwyy tahãbu ririmyhỹre kia heka wedena mahãdu ratyremy rỹimyhỹre! Hãwyy wedena kia nieru riòre ritamyhỹre, ka hãwyy tahãbu ririmyhỹre tahe jyre mahãdu bede rihumyhỹre.
|
||||
\v 27 Kia aõbo irutaõki iny-õ `rina lyby-di araaxiòtinyke-ki abreti risỹ õreribihikỹle?
|
||||
\v 28 Kia aõbo irutaõki inyõ helootyre rariakeki iwa rooõhylemy?
|
||||
\v 29 Iyrybyle tahe iny isiramy wihãwyy-di rawasinymyhỹre, kia tiu taòrarumy aõhỹỹ rutỹỹnyõkre!
|
||||
\v 30 Hãbu, wasidu mahãdu-di rityhyõmy idi rỹimyhỹre, iyrybyle tahe tiu rawasinymyhỹre taramasa ixiribi rahukremy.
|
||||
\v 31 Tai heka inyõ iwasinaòle rimykre, kia tahedebo-ò inatximy reuròmy riòwynykre aòwiwihikỹ riwasinyre òwymy wahe, ihãre tahe iaõna-di ijoho rỹikre ibutumy aõ tai rỹikre-di.
|
||||
\v 32 Itxỹte sohojile heka irayky ijõdimy hãbu witxira hãwyy-di riwasinymyhỹre! Iny òbitile heka iny wijira-ò ixirubudỹ ỹmy rexitòenymyhỹre aõnaõnamy!
|
||||
\v 33 Anonana heka aleerylemy, wotõmolemy ixỹrunuhukỹmy matxikre,
|
||||
\v 34 kiemy dori hãbu ihãwyy ririra-ki reburemyhỹre, tahãwyy rihãrumyhỹre òrarumy kia tahe aõtxile aõ riwinykre reerynykremy.
|
||||
\v 35 Tii tiu aõtxile òwydỹỹna-ò reòbyõtyhy, tiu aõruxera rimyõtyhy; kia mobo ihãwyy-de rawasinyrale rimykemy idi risỹnykre.
|
||||
\c 7
|
||||
\p
|
||||
\v 1 Wariòre heka, wadohodỹỹna rityhynymyhỹre, tahe tule taratiò rirarenymyhỹre wadohodỹỹna.
|
||||
\v 2 Wadohodỹỹna bityhynyke tai heka eysamy matxikre; wabededỹỹnana ywidỹỹna yrybule iyrybutyhyle heka arue-ò tewahinymyhỹte.
|
||||
\v 3 Idi mohõtinyke tiu aõ biwinykeki ebòdi; birarenyke òbitimy aray-ò.
|
||||
\v 4 Bedeerytyhy bimyke ixidee abirena wesemy; bedeerytyhy bimyke ixidee asỹ mahãdu wesemy.
|
||||
\v 5 Iwese tahe tii tiu abòdỹỹõna wedena wesemy, iwese heka weryrybò ribònymyhỹre tarybewimy taroimy.
|
||||
\v 6 Diarỹ txu-my retehemyhỹ waheto ijanela-ribi,
|
||||
\v 7 tahe weryrybò nade kia tahe iitxỹtere ijõ weryrybò nade tahe tule kia òbitimy nodu aõkõ rare.
|
||||
\v 8-9 Kia hãwyy mahãdu heto bire-dile rare, ihyy bede rurunyre.
|
||||
\v 10 Kia tahe tamy ròhònyre weryrybò-wana witxi reakremy; tii heka aõni ixỹrutere rare, kia urile weryrybò mahãdu tatyy tỹmyra-di riijenanymyhỹre.
|
||||
\v 11 Tii heka iwesena rare, iitxỹte hãwyy tiu taheto-ki runyõhyymyhỹre.
|
||||
\v 12 Kia rirariralemy ratximyhỹre kia rytyalemy rariamyhỹre ixielehynalemy runyrunymyhỹre, hãbu heka tuu riijemy ratximyhỹre ixidee rimyke-my tabiòwa-my ikiwana ratxikemy.
|
||||
\v 13 Tahe tii tamy rehemynyre weryrybò-ò tahe rirytore, tamy sõemy rybebi-nabina-my tamy rarybere:
|
||||
\v 14 — Rỹsỹna rekywinyra rikirỹsỹkremy brorenide juhuku rewinyre.
|
||||
\v 15 Dikarỹ rare aitxese-my rare waheto-kukò makre-my, tamy kole tahe tehemynyte!
|
||||
\v 16 Waherina wahãna wihikỹ-di roimyhỹ, Egito riijemyhỹ.
|
||||
\v 17 Watỹhina tahe tỹnyremy roimyhỹre aderona-di tarina-di tule.
|
||||
\v 18 Manake, rakakre kua-ki mona-my rikiõkre kia tahe ixawikre txuu kanakòkunydihikỹle!
|
||||
\v 19 Wahãbu heka tasỹki anokõ ratxireri, kia irehekò tỹhina-my rare.
|
||||
\v 20 Kia sõemy nieru riwyre idi bede irehemy txuu riekremy.
|
||||
\v 21 Myheka, tii weryrybò ribònymyhỹre tarybewi-my, tarybe sõemy taroimy.
|
||||
\v 22 Tii heka ijadòòma rihelydunyre, iwese broreni tawedu hewo-my ramyhỹre wesemy wahe, iwese iny hãluurotxi resemyhỹre wesemy.
|
||||
\v 23 Kia tahe rubule riraòmyhỹre, tiu riudu itxi reamy rirubunymyhỹre myawa-di, iwese nawii botoruu-ò ralòmyhỹre wesele, tii rieryõhyymyhỹre tiu irumy botoruu-ribi ròhònyõtyhy.
|
||||
\v 24 Tai heka wijina mahãdu wadohodỹỹna-ò boholabenyke tahe bityhynybenyke.
|
||||
\v 25 Uritre rywi-ribi òlòrenyõmy, uritre hãwyy hewo-my òlòrenyõmy uritre idi nohõtirenyõmy, uritre tamy dehemysỹrenyõmy tii ratxiwana-ki.
|
||||
\v 26 Tii dori sõemy rexibinabinanyre weryrybò mahãdu-ò; sõemy rexiõnodỹ ỹnyre tabededỹỹnana hãwyy òraru-ki.
|
||||
\v 27 Heto-ki tii tai ratximyhỹre tamy-ò heka hãbu mahãdu ridymyhỹre tai heka ryy tamy itxuure.
|
||||
\c 8
|
||||
\p
|
||||
\v 1-3 Boholake, kai taholaõleteri? Uritre ijohona renyõmy kia hãwalò ratyy-ribi adeereny ryryrenykre, kia rytya-ribi tule adeereny ryryrenykre, ixielehyna-ribi tule adeereny ryrykre, iny heto ijò sohoji sohoji-di? Boholawibenykre aõmybo rarybekre-ò:
|
||||
\v 4 Hãbu mahãdu boholawibenykre diarỹ ararybekre!
|
||||
\v 5 Kai boho araykyreny ihoõre abededỹỹnanareny-di, diarỹ ariwahinykre inatyhymy warati lydu. Diarỹ rybewi adeereny ariwahinykre.
|
||||
\v 6 Boholabenyke wadohodỹỹna-ò, wadohodỹỹna heka aõnityhymy birarenybenyke. Ibutumy heka òbitimy rarybere.
|
||||
\v 7 Kohe, diarỹ ararybekre òbitimy diarỹ heka reburemyhỹre roimy rybe-ki òraru-ki tule.
|
||||
\v 8 Kohe, ibutumy wadohodỹỹna bedeeryna rare ibinake aõkõre.
|
||||
\v 9 Aõtxile iny urihimyòle ibedeery aõwaxina warybe rierykre, tahe tule idi retehekre tii inatyhymy òbitimy ratxireri.
|
||||
\v 10 Wadohodỹỹna heka sõetyhymy raerymyhỹre prata ratyremy; iny-õ riwaerymyhỹre iraky sõemy rarytyhydỹỹ myhỹre prata-ribi tii isỹrutyhymy.
|
||||
\v 11 Kohe, bedeerytyhy heka sõetyhy mynawi-ribi ratyhydỹỹmyhỹre; kai mohõtinykre aõtxile ityhy mahãdu-di, kia heka rawitxiraõhyymyhỹre bedeery mahãdu wana.
|
||||
\v 12 Diarỹ heka bedeery rare, waijoi mahãdu heka awilehekỹrenyrare; sõemy heka wadohodỹỹna ijõdire, ryòbiti aõnityhymy hãbu-ò.
|
||||
\v 13 Iwesemy, iny bityhynybenyke irybe birarenyke Deuxu sõemy reburemyhỹre aõnaõna bina-ki: Tai heka diarỹ bedeery sõemy reburemyhỹre ibinamy rỹimyhỹre, iny aõta òtamy rỹimyhỹre ibutumy aõtxi iny raroimyhỹre.
|
||||
\v 14 Inywi heka inatyhymy awire wadee wire. Diarỹ òbitimy ruruna ariwahinykre.
|
||||
\v 15 Waòararu-ki heka Iòlò hãwa ridinodunymyhỹre, kia tule aõwedu nihikỹ raaõmysỹdỹ ỹnymyhỹre òbitimy wahe.
|
||||
\v 16 Diarỹ aõwedu mahãdu-di aretehekre hãwa nihikỹ-di raõmysỹdỹỹnykremy ibutumy sudi.
|
||||
\v 17 Diarỹ ibutumy inydee raruxetòemyhỹre, iny wadee raruxetòemyhỹre-ò.
|
||||
\v 18 Diarỹ wadee awire iny raityhynymyhỹre, iny witxira rityhynymyhỹre aõ iõnaõnamy aõkõ riuberanykre hãbu mahãdu-ò.
|
||||
\v 19 Diarỹ aõ rewahinymyhỹre sõetyhymy ramymyhỹre mynarỹsỹribi. Iny-õ bedeerymy ratximyhỹre kia òsieresyna-di nihikỹ-di ratximyhỹre prata txirie ratyremy.
|
||||
\v 20 Wary heka awire rytyahyy heka rare,
|
||||
\v 21 mobo wadi awimy ratximyhỹre, kia sõemy aõwiwihikỹmy ratxikre. Diarỹ inieru hyna aritỹxinykre mobo waki rahãmyhỹre-ò.
|
||||
\v 22 Diarỹ awynahyy raremyhỹ, tiubo tii biu bede riwinyreu. Tii juhuhykỹle ratxire aõnaõna relekõhykỹle.
|
||||
\v 23 Diarỹ juhu bedeuhukỹle raremyhỹ suu relekõuhyyle.
|
||||
\v 24 Diarỹ watxihyyre bero nihikỹ relekõuhyyle iwory relekõuhyyle.
|
||||
\v 25 Hãwalò nihikỹ, juhu bedeu ihoõhyyre, diarỹ watxihyyre.
|
||||
\v 26 Kai heka suu releremy tabiõhyyte, syraro-my suuramy tule diarỹ tahe watxihyyre.
|
||||
\v 27 Diarỹ tii-wana butulemy watximyhỹ, tii warukile biu bede riwinymyhỹ,tahe warukile esõti riterenymyhỹ.
|
||||
\v 28 Tii wakile biuwetyy riwinymyhỹ biu ròakremy, bero heka bero heka bero nihikỹ rirỹsỹmyhỹre.
|
||||
\v 29 Tii iwory riwinymyhỹ bero-ò, tiwese bero-bo tahe ròhònyõhyymyhỹre. Diarỹ heka ibutumu aõnaõna lòrana-di retehere warukile riwinyre.
|
||||
\v 30 Diarỹ tii-wana butulemy watximyhỹ, diarỹ heka awidỹ ũdure! Diarỹ boho heka juhuu wabedesa-my roiremyhỹ iny dee.
|
||||
\v 31 Diarỹ heka iny-ki awimy rahãre bede nihikỹ relere-ki, iny mahàdu tuu rahãwanymy rỹire-ki.
|
||||
\v 32 Tai heka jyre mahãdu boholabenyke wadohodỹỹna-ò, mobo wadohodỹỹna-ò roholakre tahe rityhynykre tii awimy teysamy ratxikre.
|
||||
\v 33 Kia tahe tule ibedeerymy ratxikre! Wadohodỹỹna-ò boholabenyke uritre tuu rybeõmy aõmy!
|
||||
\v 34 Iny-õ warybe-ò roholamyhỹre rityhynymyhỹre, tii heka wawe-ribikihyy ratxikre kia tahe ibedesamy ratxikre!
|
||||
\v 35 Iny-õ waki rahãkre, kia bede wihikỹ-txi reakre Deuxu rybe rierykre.
|
||||
\v 36 Mobo waderakre tahe tamy bedebina inihikỹ ariwahinykre iwesele. Ka mobo wadee ibinakre rubu tamy ariwahinykre bede wihikỹ ratyremy.
|
||||
\c 9
|
||||
\p
|
||||
\v 1 Bedeery mahãdu heka aheto riwinyre, debo-ò inatxi reurò-my itisõe.
|
||||
\v 2 Kia tahe ixenanihikỹ heto riwinyre sõemy brorenide sõemy mona òtaòta.
|
||||
\v 3 Rybe riwinyre irybe-my, kia tahe hãwa tya-di rariamyhỹre deòarina-di tebo-ki:
|
||||
\v 4 Mynake waheto-ò coracaõ-di iraymy atximyhỹtenyte mahãdu aõòtaòtaõ-my!
|
||||
\v 5 Mynake waheto-ò kaki biroxikre warỹsỹnawihikỹmy, wamonawihikỹmy biõkre wamona besò-my.
|
||||
\v 6 Abiòwa mahãdu biatyke, kia abiòwa mahãdu iitxỹre tai ta urile birike; tai tahe kai awi-my atxikre òbitimy. Idi tahe maria-my makre ryòbiti-di maria-my makre.
|
||||
\v 7 Txibo kai iny aõòtaòta ixãwidỹỹmy mohõtinykeki, iny debure ixỹrutere-di urile idi awoki ibinamy idi betehekre. Txibo kai idi betehekreki kia tahe tii òbitile ixiki ibinamy rahãkre, ihyy tahe aõòtaòta-ribi rexiixãwidỹỹnykre.
|
||||
\v 8 Tai heka iny kia wesena mahãdu urile birimyhỹke, uritre tamy ixiwelòròsòõ-my!
|
||||
\v 9 Idi beteheke tahe biixinanyke òbitimy ratxikremy, tai tahe tii awimy ratxikre bede riery-my. Sõemy biixinanyke tahe tii iny wimy ratxikre iny òbitimy.
|
||||
\v 10 Bedeery mahãdu rawoki òbitidỹỹna rỹimyhỹre tawedu rityhynymyhỹre. Mobo Deuxu deòdu rierymyhỹre tii heka awimy ixidireny ratximyhỹre.
|
||||
\v 11 Diarỹ bedeery wihikỹ adee ariwahinykre idi irehemy bede biekremy.
|
||||
\v 12 Itxi aõbo õhõti teata bedeery mahãdu heka aõmysỹdỹỹna riwymyhỹre; kai sohojile iribi bitake. Txibo kai iwitxira weribi-ò wadi bisinykreki sõemy aõhỹỹ-my butỹỹnykre ixisohojile.
|
||||
\v 13 Iny itxỹte heka iwitxirare, hãwyy aderana wesemy heòty-di ixiwo-ki rỹimyhỹre tanohõtinamy, aõ heka rieryõhyymyhỹre aõmybo rexitòenykre.
|
||||
\v 14 Heto ijò-ki heka runymyhỹre tiwyna tahe hãwa ryweijyti-ki runymyhỹre.
|
||||
\v 15 Hãbu dee rybeòta riwinymyhỹre hãbu mahãdu ibire-di rariamyhỹre mahãdu-ò.
|
||||
\v 16 Myheka rarybemyhỹre rexiijeõhyymyhỹre tabededỹỹnana-di: "Manake wahetoku-kò waruramy"!
|
||||
\v 17 Mona heka wasimy rewymhỹre anoni heka ibrekewire! Paõ wasimy rewasinymyhỹre tai tahe awimy rekymyhỹre!
|
||||
\v 18 Sõemy heka hãwyy hewo-my rariamyhỹrenyre, tahe rieryõhyymyhỹrenyre rydi rariamyhỹre rubu rydi, sõemy heka itxỹte mahãdu rỹira wiji tahe sỹywomy rỹire hãluuromy.
|
||||
\c 10
|
||||
\p
|
||||
\v 1 Aõni heka ibedesa rare hãbu riòre inytyhymy itxỹteõmy rỹimyhỹre; hãwyy riòre itxỹtemy iaõnaõna rỹimyhỹre tahe sõemy ise aõhyymy rutỹ ỹnymyhỹre.
|
||||
\v 2 Iny ityhymy inierudi-my rỹimyhỹre heka sõemy ròtamyhỹre iny aõkõ mahãdu-ò aõ riwahiõhyymyhỹre deysanabedeõ; bedewihikỹ òbitimy rỹira tahe sõemy aõnawiwi inydee riwymyhỹre taworỹsỹ-ribi.
|
||||
\v 3 Wahareny uritre hãbu rubu-ò iwahisidỹỹõmy ramadese-my rurukelau, kia ijõ mahãdu tahe sõemy rexitòenymyhỹre xieryle rỹsỹnaõ ixidee riwymyhỹre.
|
||||
\v 4 Mobo taõmysỹdỹỹnana-ki teywesemy ratximyhỹre kia aõtamaõkõle iaõnaõna wylemy rexihumy ramyhỹre; ka mobo inatyhyhykỹmy raõmysỹdỹỹnymyhỹre tahe kia wylemy iaõnaõna raòwònymy ramyhỹre.
|
||||
\v 5 Jyre mahãdu ibedeerymy rỹimyhỹre kia urile bededỹỹnana wiwi rimymyhỹre, ka jyre mahãdu bededỹỹnana wiwi-di urile risinymyhỹre tahe kia urile sõemy tyby mahãdu-ò ixỹru nihikỹ riwahinymyhỹrenyre.
|
||||
\v 6 Hãbu wi inytyhymy rỹira kia ixihetyrele rybewiwi rimymyhỹre, ka hãhu itxỹte tahe urile tabedeòbynaribi-ò tule iribi irehemy rỹimyhỹre.
|
||||
\v 7 Ibutumy hãbu wi-txi õhõtireny reamyhỹre ibedesamy kia rubu-my rỹimyhỹre hãrele; ka hãbu itxỹteni mahãdu tahe urile idi risinymyhỹre rubu mahãdu òle idi rehumyhỹre.
|
||||
\v 8 Hãbu bedeery heka teysamy bedewiwi rirarenymyhỹre, ka mobo myy rarybemyhỹre "kia diarỹ reeryre!" kia heka tii òbitile tabededỹỹnana ixiribi rahumyhỹre.
|
||||
\v 9 Mobo bedewiwihikỹ riwymyhỹre kia tiu aõhe rutỹ ỹnyõhyymyhỹre, ka rybina-di rariamyhỹre tahe tii òbitile aõhyymy rexisỹnymyhỹre.
|
||||
\v 10 Hãbu deòsa tii òbitile tabededỹỹnana ritỹxinymyhỹre bedebinana-di, iny ijõ rybedu tule tabededỹỹnanawiwi ixi-ribi rahumyhỹre.
|
||||
\v 11 Hãbu rybewityhy iny witxira riwiòhenamyhỹre, hãbu bina tahe inydee deburele rieryre.
|
||||
\v 12 Eheheluu roiluu kia heka aõbinale bedelòrelòrele riwahinymyhỹre; ka bedesa tahe iny-ribi ehehe riinodỹỹnymyhỹre tahe widee rybewi iny riwahinymyhỹre ibutu dee.
|
||||
\v 13 Hãbu bedeery mahãdu nihikỹ heka awimy ritohodỹ ỹ myhỹre, ka mobo bedeeryõmy rỹira tahe rarytxy wihikỹ rimymyhỹre ihyy tahe raratxymyhỹre.
|
||||
\v 14 Hãbu tyhy-my uritre wymy taryyrybe rybeòraõ-my, hãbu bina tahe aõtxile rarybemyhỹre aõmy rõhõtiõhyymyhỹre, iurenana tahe sõemy aõnaõna-my ròhònymyhỹre bederyry tule riòlòdỹ ỹnymyhỹre.
|
||||
\v 15 Hãbu ityhy heka taityhy-di rõhõtinymyhỹre aõwaxina aõna aõnawi riwahinykre òbitimy.
|
||||
\v 16 Aõmysỹdỹỹdu heka taõmysỹdỹỹòwy-my ròtamyhỹre, kia tahe iny witxira mahãdu riwiòhenanymyhỹre, awimy ratxikre-my hãbu bina mahãdu tahe urile tanieru rinodỹỹnymyhỹre itxỹtekile aõbinabinakile.
|
||||
\v 17 Mobo dohodỹỹna rityhynykre aõnaõna bina riwinyõkre-my, tii mahãdu heka rywihikỹ bede-di rariamyhỹre, ka mobo urile aõnaõna rityhynyõ-my risinymyhỹre, kia mahãdu heka rubu wese-my rỹimyhỹre riõmy.
|
||||
\v 18 Coracaõ isu-my rỹimyhỹre kia sõemy iny tawòki roidi rỹimyhỹre; ka hãbu ywimy rỹikõmyhỹre kia heka hãbu rybeluu-my rexirahòremyhỹre kia tahe tule rarajiỹ-di ijohodu-my rexirahòremyhỹre.
|
||||
\v 19 Mobo sõemy ixybyxyby rarybemyhỹre kia heka aõmy rõhõtinyõhyymyhỹre; ka hãbu bedeery ywimy rỹimyhỹre kia tahe tarybe riywinymyhỹre.
|
||||
\v 20 Tiu tii rarybe-wana, kia irybe awimy ròhònymyhỹre kiainy tamy roholamyhỹre; ijõwe-ribi mahãdu rybe tahe aõmy irybe tiu awimy ròhònyõhyymyhỹre kiemy itxỹte rybereki.
|
||||
\v 21 Hãbu bedeery mahãdu dohodỹỹna heka awirare, kia iny riwiòhenanymyhỹre, ka itxỹte mahãdu dohodỹỹna tahe kia urile iny rihumyhỹre kiemy dori awimy aõkõ rarybemyhỹre.
|
||||
\v 22 Arybewihikỹ iny dee tewahinymyhỹte kia heka òbitimy tewahinymyhỹte, kiemy dori tiu bederyry nohõtiyrena tewahinyõhyymyhỹte.
|
||||
\v 23 Hãbu itxỹte mahãdu kia urile aõnaõna binabinalemy rexiixinanymyhỹrenyre, ka hãbu bedeery mahãdu tahe urile rabedesamyhỹrenyre ixyby bedeery-my ratxirenykre-my.
|
||||
\v 24 Hãbu bina mahãdu aõhyymydỹỹnana-txi rekoarenykre kia aõbo inatyhymy brebunamy rỹimyhỹre wahe, ka hãbu wi mahãdu tahe ibutumy aõnaõna wiwi-my robikre inatyhy-my òbitimy tamy rehemynykre.
|
||||
\v 25 Iny itxỹte mahãdu wylemy rexihurenykre iwese biu dele ròamyhỹre wesele kiata wylemy rawinymyhỹre, ka iny inytyhy mahãdu tahe tahãwareny awimy riwinyrenyre.
|
||||
\v 26 Iny deòdu-ki rỹimyhỹre deywesemy kia heka urile tadinodu-di risinymyhỹre, kia ratidesemy rexiònanymyhỹre kia heka ibinamy tadinodu-ò riwahinymyhỹre.
|
||||
\v 27 Hãbu Deuxu rityhynymyhỹre kia heka ire tabedewi riumydỹỹnymyhỹre, ka hãbu Deuxu bededỹỹnana-di risinymyhỹre tahe kia iyjalemy bede riekre ibinamy ratxikre.
|
||||
\v 28 Iny inytyhy mahãdu raròsòna kia bedesamy inatyhymy rexirahòremyhỹre, ka itxỹte mahãdu rarasinymyhỹre tahe tiu inatyhymy tamyreny ròòseõtyhy.
|
||||
\v 29 Arybe bededỹỹnana wihikỹ kia tarurumy iny rimymyhỹre mobo aratyhynymyhỹre-ò, kia dori iòwykõ-my aõkõ tewahinymyhỹte txibo mobo Deuxu òludumy ratxireri.
|
||||
\v 30 Kia tiu inywi mahãdu rexihuõtyhy, ka iny itxỹte mahãdu tahe suyle rexihurenykre.
|
||||
\v 31 Hãbu wi mahãdu tadohodỹỹwihikỹ riwahinymyhỹre urihinamy, ka hãbu itxỹte mahãdu ureraru tahe ikiemy awimy aõkõ rarybemyhỹre.
|
||||
\v 32 Hãbu wi mahãdu kia awimy iny rirawyònymyhỹre kia inymy reàlàmyhỹre ka hãbu bina tahe tarayy rybele binalemy iny rirawyònymyhỹre.
|
||||
\c 11
|
||||
\p
|
||||
\v 1 Kai heka ibinamy iny itxỹte mahãdu-di tetehemyhỹte, ka inywi mahãdu-my tahe sõemy tureny teàlàmyhỹte.
|
||||
\v 2 Txibo tiu hãbu tii òbitile rexityhytyhynymyhỹre kia tii òbitile ixỹru nihikỹ my rexirubunymyhỹre, txibo tiu tii awimy ratximyhỹreu tahe kia ywiywi-my bedeery-my ròòse-my ramyhỹre.
|
||||
\v 3 Hãbu inytyhy mahãdu heka rahitxidỹỹ-my rỹimyhỹre òbitimy rỹimyhỹreki, ka itxỹte mahãdu aõnaõna bina tahe rubuna riwymyhỹre.
|
||||
\v 4 Txibo tiu bededỹỹnana wihikỹ-ò bede rehemynykreu, iny ityhymy inierudi-my rỹimyhỹre mahãdu tiu inyõ rahenyõtyhy! kia iny wi mahãdu sohojile rahenykre aõhyymydỹỹnana-ribi.
|
||||
\v 5 Iny inytyhy mahãdu tii òbitile taaõnaõna riywinymyhỹre, ka iny itxỹte mahãdu tahe tii òbitile rexiatymyhỹre ixi taòrarule-my.
|
||||
\v 6 Inywi mahãdu heka rexihedỹ ỹnymy rỹimyhỹre ywimy rỹimyhỹreki, ka itxỹte mahãdu aõnaõna bina tahe rayrawomy roimyhỹre itxi rejujurenykre-my.
|
||||
\v 7 Rubu heka itxỹte mahãdu rihumyhỹre aõjuhu bina rihumyhỹre taòrarumy, Deuxu òludu wahe.
|
||||
\v 8 Deuxu inywi mahãdu ritakre aõhỹkỹ-my rutỹ ỹnymyhỹre-ribi, iny iny itxỹte mahãdu-ò tahe rarytxyna nihikỹ riwahinykre.
|
||||
\v 9 Hãbu bina mahãdu heka tarybe riuhemyhỹre hãbu wi ribinanykre-my, kiemy hãbu wile heka iribi awi-my ròhònymyhỹre, kiemy dori tii mahãdu inywi roire, iny aõòtaòta aõkõ roire.
|
||||
\v 10 Hãwã ibutumy heka hãbu bedewi wihikỹ riryrymyhỹre kia rabedesamyhỹre, rurumyhỹreki tahe hãbu bina wesele reamyhỹre.
|
||||
\v 11 Hãbu òbiti mahãdu heka tii òbitile tahãwãreny ritòamyhỹre rexiywinykre-my. Hãbu bina mahãdu tahe tii òbitile tahãwãreny ribinabinanymyhỹrenyre.
|
||||
\v 12 Mobo taheto bire ludu-wana widee rybebina riwinymyhỹre kia heka taaõna binabinareny riteòsinymyhỹrenyre, ka iny bedeery tahe rybeõlemy ratximyhỹre ihyy tahe ixãwimyhỹre.
|
||||
\v 13 Mobo rybe binabinalemy raybemy ratximyh~re inydee kai heka urile rexiuberanymyhỹre, ka iny wi mahãdu tahe urile iny witxira rybe riwòmyhỹre kiemy aõnityhyreki.
|
||||
\v 14 Hãbu bedeery rasiranymyhỹreki kia urile hãwã ywiwywi-my rexihumy rejuju-my ramyhỹre, ka hãbu wi-õ hãwã dinodu-my rỹimyhỹre-wana hãwã-di rimywi-my ratximyhỹre rimywi-my.
|
||||
\v 15 Mobo iny witxira dewedỹỹna riòwynykr-my rexiywinymyhỹre kia iòwyhykỹ-my iny witxira-ò riòwynymyhỹre. Txibo kai aõkõ-my besekreki tahe anieru ixi òbiti-my idi matxikre ani-my.
|
||||
\v 16 Hãwyy wi òbitimy rỹimyhỹre kia aõnawiwi rimymyhỹre iwese hãbu ityhy-my inieudi-my rỹimyhỹre wesele, kia taityhy riuhemyhỹre ixyby awityhy-my ratxikre-my.
|
||||
\v 17 Txibo kai tiu aõwi biwinykreu kia iny witxira iyrybule aõwi adee riwinykre; txibo kai aõ ibina biwinykreu kia iny witxira urile biwotõmonykre.
|
||||
\v 18 Iny itxỹte mahãdu aõwiwi rimymyhỹre kiata urihimyòle idi rỹimyhỹre irahudi iribi wyle-my iribi rexihumyhỹre, ka mobo ywi-my ratxikre-my rexiixinanymy ratximyhỹre tahe bede irehe-my riekre.
|
||||
\v 19 Inatxi-my aõnaõna kia òbiti-my rỹimyhỹre: mobo rexiurihimy ratximyhỹre kia rywidi òbitimy rariamyhỹre, ka mobo aõnaõna binadile rexiurihimy ratximyhỹre tahe kia òbitimy rubuna rydi ramyhỹre.
|
||||
\v 20 Wahareny kai heka iny itxỹte iny bina mahãdu-di aky reamy idireny tetehemyhỹte, ka iny òbitimy ywimy rỹimyhỹre mahãdu-di tahe awo reysa-my idireny tetehemyhỹte.
|
||||
\v 21 Kia inatyhymy iny itxỹte mahãdu tiu Deuxu rarytxynawo-ribi rahenyrenyõtyhy. kia ribi tahe Deuxu hãbu rityhynymyhỹre riòle rimykre.
|
||||
\v 22 Hãwyy ruxera kia aõki ixiki ibinamy rahãõhyymyhỹre, iwese manarỹsỹ rỹimyhỹre wesemy idi rexiywidỹ ũnymy rỹimyhỹre.
|
||||
\v 23 Aõwi-my iny wi rexitòenymyhỹre kia aõtamaõkõ tamy rehemynymyhỹre. ka iny bina raròsòna tahe Deuxu rarytxynalemy rexirahòremyhỹre.
|
||||
\v 24 Mobo taaõna wiwi iny witxira-wana riwirareamyhỹre kia ywiywi-my raityhynymy ròòsemy ramyhỹre; ka mobo urile tanieru ihudu lau ritòenymyhỹre kia tahe ywiyw-my inieru rexihumy ramyhỹre.
|
||||
\v 25 Kohe iny awimy rỹimyhỹre kia ikemy awityhytyhy-my rỹikre; tii dori ixybyle tamy ròòsekre aõbo iny witxira-ò riwahinyre wahe.
|
||||
\v 26 Iny mahãdu heka sõemy aõnadi ijohodu mahãdu-my radònymyhỹre kiemy dori urile aõnaõna riwòmyhỹre, irahudi tahe riteòsinymyhỹre iòwy raòwònymyhỹreu; ka ijohodu rỹsỹna-di iòwyriòremy ròhònymyhỹre tahe kia iny mahãdu tai awimy rahãmyhỹre.
|
||||
\v 27 Txibo kai ikiemy awi inydee bie-my matxikreki tai kai Deuxu tarybwi adee riwahikre, ka txibo kai aõbinabinale ikiemy tuu matxikreki tai ikiemy rybe binabinale adee ròhònykre
|
||||
\v 28 Txibo kai anieru-ò bexityhynykre-wana adee bede rayjakre! Deuxu ta bityhyny kia adee bede awimy relekre, ywimy iwese berade raumynymy ramynymyhỹre wese wahe.
|
||||
\v 29 Mobo tyby-di òlydymy rỹimyhỹre kia urile tasỹreny riixiranymyhỹre, tai tahe kai aaõnakõlemy bexiijaranykre abedeyhymy matxikre. Ainytyhy heka ywiywi-my rexihumy rakre, hãbu w-my atximahãte-ribi.
|
||||
\v 30 Hãbu wi heka bederade raratynymyhỹre wesemy raxiheji-my ramyhỹre awimy tiu aõ ribinanyõtyhy. Mobo bedeery tahe iwitxiramy Deuxu-wana ibutumy rỹimyhỹrenyre.
|
||||
\v 31 Ka inywi mahãdu dorile heka rarytxyna wotxi ralòkre taòraru ehetxinalemy, iny itxỹte mahãdu-di tainihe betehebenykre aõhỹkỹ-my dỹỹnana tamyreny inihikỹ-my ròhònykre.
|
||||
\c 12
|
||||
\p
|
||||
\v 1 Txibo kai awò-ribi Deuxu bityhynykre-wana adee umywihikỹ-txi beakre, kia tahe dohodỹỹna bityhynykre rybewihikỹ tule. Mobo rybe òbiti ritxiỹnymyhỹre tahe kia iny itxỹte tuu rỹira.
|
||||
\v 2 Kai heka hãbu-my teàlàmyhỹte kiemy dori aõ awi rierymyhỹre; ka hãbu tabinanymyhỹte-wana tahe hãbu ibinamy ratximyhỹre.
|
||||
\v 3 Bede binabina heka tiu bedewi-my bedesamy aõ riwahinyõhyymyhỹre, ka bede wihikỹ tahe aõwiwi sõemy awimy hãu-ò riwahinymyhỹre idi awimy bede riekre-my.
|
||||
\v 4 Hãwyytyhy iriraõmy rỹira kia heka òbitimy rỹimyhỹre aõtxile hãbu-ò, ka hãwyy itxỹte tahe aõtxile webinadu wesele rỹira kia tahe tahãbu-ribi aõwiwi ritamyhỹre.
|
||||
\v 5 Hãbu òbitimy rỹira kia sõemy aõwiwi-di taratiwomy rỹira, ka iny itxỹte mahãdu tahe aõnaõna binabinalemy rarakynymy rỹira kia urile raroimyhỹre.
|
||||
\v 6 Iny itxỹte mahãdu heka roilemy aõ ritxienymyhỹrenyre iny witxira ribinanykrelemy, iny wi mahãdu tahe iny riwiòhenamyhỹrenyre kia òbitimy rarybemyhỹre.
|
||||
\v 7 Deuxu heka iny itxỹte mahãdu ibutumy rahurenykre, iny wi mahãdu-di tahe ixitykyki idireny ratxikre.
|
||||
\v 8 Ibutumy awimy hãbu -ki iny boho rahãmyỹrenyre kiemy dori aõwiwilemy ratximyhỹre, ka hãbu itxỹte itxỹte-my ratximyhỹre kia dori sõemy aõnaõna binabina-di ratximyhỹre aõbinalemy raraykynymyhỹre.
|
||||
\v 9 Kia heka aõni awire iny òbitimy rỹira kia awimy aõmysỹdỹ ỹ utxie bimykre tai dori ixidee òbiti aõ bimykre ihyy tahe ixidee bede biteytenykre.
|
||||
\v 10 Hãbu taaõnadi awimy rỹira kia aõwiwi-ò tairòdu riòhãrunyõhyymyhỹre, ka hãbu bina mahãdu tahe tacoraçaõ aõnaõna binale rihynymyhỹre.
|
||||
\v 11 Mobo sõetyhymy raaõmysỹdỹ ỹnymyhỹre, kia mahàdu heka alòbròmy aõwimy rexielehynymyhỹre, kia tahe sõemy rỹsỹna-di ratximyhỹre tariòre boho-ò; ka mobo taaõmysỹdỹỹna ribiòtule rõrõmyhỹre tahe tiu aõ rimyõhyymyhỹre kiemy teàwesereki.
|
||||
\v 12 Iny itxỹte heka inydee roilemy aõmy iny ribònymyhỹre aõbinabinalemy inydee rarybemyhỹre, iny wi tahe sõemy iny riemyhỹre iny wiòhedỹỹmy tarybewihikỹ-di.
|
||||
\v 13 Hãbu bina heka sõemy raroimyhỹre tarybe òbitikile rexilòrelòrenymyhỹre, iny wi tahe sõemy rexihedỹ ỹnymyhỹre aõnaõna sira sira-ribi kiemy tii òbitile rarybemyhỹre.
|
||||
\v 14 Mobo ixybyixyby òbitimy rarybemyhỹre kia heka sõemy aõwiwi rimymyhỹre òbitimy rarybemyhỹreki; mobo tebò-di iny witxira riwiòhenanymyhỹre kia ikiemy iòwymy awimy rarekre.
|
||||
\v 15 Iny itxỹte heka ixybyixyby rarakynymyhỹre kia tahe sohojityhy aõwi-txi reamyhỹre, bedeery tahe dohodỹỹna-ò rybeõ-my roholamyhỹre.
|
||||
\v 16 Iny itxỹte heka aõtxile aõ ritòamyhỹre teburele-my, ka hãbu bedeery tahe tiu tarati riitxỹtedỹ ỹnyõhyymyhỹre aõ ibinamyhỹre hãrele.
|
||||
\v 17 Mobo òbitimy rarybemyhỹre kia heka aõwityhy riwiòhenanymyhỹre sõemy, ka rybe-ò ijohonadu mahãdu tahe roilemy aõmy relyymyhỹre, kia urile aõnaõna binana riòlòdỹ ỹnymyhỹre bòdỹỹna tule.
|
||||
\v 18 Iny òbiti ijõ kia tòròtò txurydese-my tõnori wesemy relekre riwiòhenanymyhỹre ywimy.
|
||||
\v 19 Aõ òbiti heka bede irehemy bede riijemyhỹre, ka roidu mahãdu tahe iõhõtyhylemy raerymyhỹre.
|
||||
\v 20 Mobo tawoki aõòtaòtamy raraykynymy rỹimyhỹre kia sõemy bòdỹỹnadi aõna~na binadi rỹimyhỹre, ka mobo bede riywinykre-my tarybe riuhekre kia tahe sõemy teusamy tawoki idi ratximyhỹre.
|
||||
\v 21 Iny tiu heka aõhỹkỹ-my rutỹ ũnyõhyymyhỹre, kia tahe aõwi ibutemy riwyõhyymyhỹre, ka iny bina tahe sõemy aõnaõnamy sõemy kiemy itxỹte-my ratximyhỹreki.
|
||||
\v 22 Kai heka sõemy iny roi mahãdu-my tadònymyhỹte, iny òbiti mahãdu-ò tahe sõemy rybewi tewahinymyhỹte òbitimy.
|
||||
\v 23 Hãbu òbiti heka tiu xiwede-my ratxiõhyymyhỹre aõ rierymyhỹredi, hãbu itxỹte tahe sõemy taitxỹte riteòsinymyhỹre ibutumy.
|
||||
\v 24 Mobo sõetyhymy ixidi aõmysỹdỹỹ-my ratximyhỹre kia heka aõdinodu-my runykre; ka mobo txiòribile teywesena-ribi aõmysỹdỹỹ-my risỹnymyhỹre kia heka tiu aõmysỹdỹỹ-txi iijaraõna.
|
||||
\v 25 Hãbu uwiõ-my rỹira heka urile tabiòwa ribinanymyhỹre, ka hãbu wi tahe tarybewi tabiòwa-ò riwahinymyhỹre riwiòhenanykre-my. Tahe tabiòwa-ò ywimy rỹira awimy.
|
||||
\v 26 Inywi heka tabiòwa riwiòhenanymyhỹre bede awimy riekre-my, iny bina tahe urile iny ribinanymyhỹre, iny-di risinymyhỹre.
|
||||
\v 27 Iny deywese mahãdu heka raaõmysỹdỹỹnyõhyymyhỹre iròdule ririunymyhỹre, ka hãbu aõmysỹdỹỹdu tahe sõemy riwahinymyhỹre aõtxile aõ-wana witxi reamyhỹre.
|
||||
\v 28 Mbo rywihikỹ-di rariamy ramyhỹre kia heka bede wihikỹ rydi reakre, tiu heka rubulau brebuna ijaraõna.
|
||||
\c 13
|
||||
\p
|
||||
\v 1 Wijina mahãdu bedeery heka tyby dohodỹỹna rybe mynamynamy ratximyhỹre; wijina mahãdu itxỹte tahe urile raitxỹtemyhỹre, urihimyòle aõòbiti riwinymyhỹre tyby-ò.
|
||||
\v 2 Inywi heka sõemy aõwiwi-txi reamyhỹre, kiemy dori òbitimy aõmy rarybemyhỹre, ka iny bina tahe tarybe-my rarybemyhỹre, icoraçaõ sõemy aõnaõna òtaòta-di retyymy ramyhỹre.
|
||||
\v 3 Mobo tarybe riòhãrunymyhỹre kia heka rimymyhỹre, ka mobo ryberybe-my ratximyhỹre aomy rõhõtinymyhỹre, kia heka ibina-my rexihu-my ramyhỹre ixidee òbitile.
|
||||
\v 4 Iny deywese mahãdu heka sõemy rarasinymyhỹre kia tahe tiu aõtxi reaõhyymyhỹre; ijõ weribi-ò tahe iny mahãdu inatyhy-my aõmy reamyhỹre kia aõmysỹdỹỹdu inatyhymy tarasi riòbitinymyhỹre.
|
||||
\v 5 Hãbu wi mahãdu heka inyroi-ki ibinamy rahãmyhỹre; hãbu bina tahe ixybyixybyle raoimyhỹre, kia tahe ixỹmy rexirubunymyhỹre.
|
||||
\v 6 Inytyhy heka hãbu rimymyhỹre aõnaõnawi tahe tamy riemyhỹre, òrarudu tahe tii òbitile rexiatymyhỹre taòraru-ki.
|
||||
\v 7 Sõemy heka iny raityhynyke-my ixi-di risỹnymyhỹre aõ riwinyõmyhỹre-ribi, ijõ weribi-ò iny sõemy ityhy mahãdu raõkõke-my risỹnymyhỹre.
|
||||
\v 8 Ityhy mahãdu heka sõemy wasidu mahãdu lau reamyhỹre inieru iribi riwyhenylau. iny aõkõ mahãdu tahe tiu brebu-my reaõhyymyhỹre.
|
||||
\v 9 Inywi mahãdu bede heka sõemy loosonadi rỹimyhỹre raràsonadi tule, iny bina mahãdu ry tahe turuhỹkỹle-my ramyhỹre bede luru wesele roimyhỹre.
|
||||
\v 10 Aõbina rybeluu kia heka urile iny ribinanymyhỹre; ka iny òbitimy rỹira tahe rybe-ò roholamyhỹre, kia tahe bede rierymy ròòsemyhỹre.
|
||||
\v 11 Nieru irutaõ-my inydee ramyhỹre kia heka aõtamaõkõ iny-ribi ramyhỹre tahe iny-ki sõemy aõ rỹimyhỹre-ribi rexihumyhỹre.
|
||||
\v 12 Rasi heka tiu inydee inatyhy-my raaõkõ rare, urile heka bederyry-di iny coraçaõ ritỹsinymy rexihumy ramyhỹre, tiu iny aõmysỹdỹỹnareny awi reamyhỹreu inydeereny inihikỹ-my bedesa riwahinymyhỹre.
|
||||
\v 13 Deuxu rybe-di alisiõmyke tai heka sõemy aõhykỹ-my rarytxyna nihikỹ-ki matxikre, tii tuu rarybere wahe; Deuxu rybe heka bityhynyke kia tahe aõnaõna wiwi-txi sõemy beakre tii tuu rarybemyhỹre wahe.
|
||||
\v 14 Iny bedeery dohodỹỹna kia heka iny rihedỹ ỹnymyhỹre mobo irybe-ò roholamyhỹre, kia tule aõòhaãru-ribi rihedỹ ỹnymyhỹre tii aõ-wana witxi reamyhỹre-ribi.
|
||||
\v 15 Hãbu òbtimy rỹira kia heka sõemy tabiòw-txi reamyhỹre, ka iny itxỹte mahãdu tahe iryreny isirara kia dori sõemy aõnaõna òhãru tuu rỹimyhỹre.
|
||||
\v 16 Hãbu òbitimy rỹira kia heka iny riwiòhenanymyhỹre tabedeery-di, ka mobo Deuxu urile ritxiõnymyhỹre tai heka iny itxỹte riteòsinymyhỹre kia iaõnaõna wiwi ihoõre.
|
||||
\v 17 Rybe wahidỹỹdu heka tiu inydee rybewi riwahiõhyymyhỹre kia urile iny-di risinymyhỹre iny awi aõkõ riemyhỹre, ka rybe wahidỹỹdutyhy tahe awimy rỹimyhỹre iny witxira riwiòhenanymyhỹre awimy ratxikre-my.
|
||||
\v 18 Iny dohodỹỹna-ribi ribiòtu-my rỹimyhỹre kia heka dohodỹỹna ywiywiwi-my raisỹru-my rexihumy ramyhỹre; ka mobo inatyhy-my dohodỹỹna rityhynymyhỹre, kia heka rybe wihikỹ rimymyhỹre.
|
||||
\v 19 Aõ inatyhy-my relemyhỹre kia heka bede deysa nihikỹ iny wo-ò riwymyhỹre. Iurenana heka tiu itxỹte mahãdu taõbinaibnareny ixiworeny-ribi risuhòõtyhy.
|
||||
\v 20 Iny bedeery mahãdu heka bieke tai kai bede biery-my boosekre iwesele; txibo kai iny bina mahãdu-wana bexibutumy matxikreki tahe ibina-my bexihumy makre iweserenyle.
|
||||
\v 21 Beryry heka òrarudu mahãdu wanale rỹimyhỹre, inywi mahãdu tahe ikiemy aõwi-txi reamyhỹre bedesa-my ratximyhỹre.
|
||||
\v 22 Tiu hãbu inatyhy-my rurumyhỹreu kia taõnawiwi tariòreriòre boho-ò taõnawiwi ririmyhỹre; ka òrarudu nihikỹ ruru-wana tahe iaõna wiwi iny inytyhy mahãdu-ò rararemyhỹre.
|
||||
\v 23 Iny iaõkõ-my rỹira mahãdu aõwasina bederaty sõemy ribrònykre, ka tahe rityhynyrenyõkre-wana tiu tii boho bede wihikỹ-txi tahãsarenyõna.
|
||||
\v 24 Uladu tyby tariòre tiu aõhykỹ-my risỹnyõtyhy kia heka idi awimy aõkõ ratximyhỹre riteòsinymyhỹre. Ka uladu tyby tariòredi awimy ratximyhỹre kia tahe uladu-my ratximyhỹreule aõnaõnalau ritòenymyhỹre.
|
||||
\v 25 Inywi heka ikiemy rỹsỹna tamy ijõdire rama-my reahenylau; iny bina tahe ramasa-my rexihumyhỹre aõmybo inatyhy-my reamyhỹre.
|
||||
\c 14
|
||||
\p
|
||||
\v 1 Hãwyy bedeery heka taõwiwi ixidee riwinymyhỹre, ka hãwyy itxỹte tahe ixi sohojile rỹira kia tahe taseriòre boho aõnaõna urile ribinanymyhỹre.
|
||||
\v 2 Inyõ rexiurihi-my ratximyhỹre kia heka ywimy rỹimyhỹre, kia heka iny awimy adi ratximyhỹre aratyhynymyhỹre riteòsinymyhỹre; ka mobo aõòtaòata mahãdu rydi rariamy ratximyhỹre, kia tahe iny aratxiõnymyhỹre tuu riteòsinymyhỹre.
|
||||
\v 3 Hãbu rybe bina òbitityhy kia Deuxu tamyreny ihoõre tai heka rarytxynale tamyreny riwahinymyhỹre tuu rekoamyhỹrenyre wahe, ka hãbu òbitimy rỹimyhỹre kia tahe tanireny rirarenymyhỹrenyre.
|
||||
\v 4 Uhuari broreniõ-my roimyhỹre, kia heka tiu aõmysỹdỹỹ riwahinyõhyymyhỹre kia tahe tyrahykyle-my roimyhỹre.
|
||||
\v 5 Iny aõmy robimyhỹre kia òbitimy tuu relyymyhỹre, ka iny aõmy roilemy robimyhỹre tahe kia tuu relyymyhỹre.
|
||||
\v 6 Hãbu inatyhy-my itxỹte-my rexirahòremyhỹre, kia heka tiu bedeery-my ròòseõtyhy, ka hãbu òbitimy rỹira tahe aõwesele bede wihikỹ-txi reamyhỹre òbitimy.
|
||||
\v 7 Txibo tiu kai dohodỹỹnarahi beakreu, uritre iny Deuxudi risinymyhỹre kia mahãdu iijeseõ-my; kia mahãdu dohodỹỹna kia tiu aõ-my rũiõhyymyhỹre.
|
||||
\v 8 Hãbu awimy rỹira aõ rierymyhỹre òbitimy aõnaõna relemyhỹre rỹira; iny itxỹte roi tahe sõemy aõbinabina-di rỹira kia tahe tiile rexibònymy rexirubunymyhỹre tii òbitile.
|
||||
\v 9 Iny Deuxu ribiòtu ratximyhỹre aõwasina Deuxu-my rarybemyhỹkre, kia tahe tiu Deuxu tuureny reàlàõtyhy; ka mobo Deuxu rityhynymyhỹre kia tahe Deuxu tarybewi tamy riwahinymyhỹkre.
|
||||
\v 10 Inywo bederyry-my rỹimyhỹre ti-wana bedesa-my rỹimyhỹre, kia mobo tuu ratximyhỹrele rierymyhỹre; tiu iny-õ tuu robiõtyhy tiu iny witxira rieryõtyhy aõmybo rutỹ ỹnyreri.
|
||||
\v 11 Hãbu Deuxu-my radònymyhỹre kia tii òbitile rexirubunykre ixideewi-my; ka mobo Deuxu rityhynymyhỹre tahe kia ikiemy irehemy bede riekre.
|
||||
\v 12 Ry òbiti heka awimy itỹnymy ramyhỹre, ka mobo rybina-di ramyhỹre tahe rexihukre rubunatxile reakre.
|
||||
\v 13 Tiu heka iny ajue-my tawo bederyry iwòteõna; txibo tiu bedesa ròhònykreu kia tahe iwo-ki bederyry ijõdireri.
|
||||
\v 14 Mobo deuxudi risinymyhỹre kia heka bederaty ihyre-my rihemyhỹre ixi taòraruki; ka mobo Deuxidi òbitimy ratximyhỹre tahe bederaty ibree-my rihekre kia sõemy bedesa tamy riwahinymyhỹre.
|
||||
\v 15 Kia inatyhy-my iny itxỹte sõemy aõ rityhynymyhỹre aõriòre itxi rityhynymyhỹ. Ka iny bedeery tahe komy urile aõ-ò roholamyhỹre aõ ròhònyra-wana.
|
||||
\v 16 Mobo inytyhy-my rỹira kia sõemy rexiijemyhỹre aõ sirasira-txi reahenylau, ka iny itxỹte tahe aõlau rexiòhãrunymy aõkõ rỹimyhỹre komy r~hõtiny-di aõkõ aõmy reamyhỹre.
|
||||
\v 17 Mobo aõtaõkõ reburemyhỹre kia heka aõ ibina tuu riwinymyhỹre, ka iny bedee tahe tahe irehe-my bede riijemyhỹre ywimy.
|
||||
\v 18 Mobo aõ riywinyKõmyhỹre aõwi-ò kia heka itxỹele-my rexihu-my ròòsemy ramyhỹre, ka hãbu bedeery tahe ixyby bedeerymy rỹimyhỹre txuu rariamyhỹre wanale.
|
||||
\v 19 Tiu txumy inywi mahãdu awimy rỹikre, iny bina mahãdu tahe ihetorenywo-ò ròte-my risỹnymyhỹre uritre ijò rihetenykre.
|
||||
\v 20 Iny aõkõ mahãdu heka taheto bireludu yhyralemy rỹimyhỹre; ka iny ityhymy rỹira tahe kia heka sõemy ibiòwa rỹira tuu reamyhỹre wahe.
|
||||
\v 21 Mobo iny iaõkõ-my ryĩra-di risinymyhỹre kia heka òraruna riwinymyhỹre, Deuxu heka uny-my reàlàmyhỹre mobo sõemy rỹsỹna riwahinymyhỹre-ò.
|
||||
\v 22 Mobo aõ ibina riwinymyhỹre iny witxira heka òraruna ry-di rariamyhỹre, Deuxu heka inydee tarybe wihikỹ riwahimyhỹre mobo awimy aõnaõna riwinymyhỹre iny witxira-ò.
|
||||
\v 23 Aõtxile aõmysỹdỹ ỹ kia rỹimyhỹre sõemy ixiratyre inydee ròhònymyhỹre; ka mobo urile ijyylemy ratximyhỹre kia tahe iaõnakõ-my rexihu-my ramyhỹre.
|
||||
\v 24 Bedeery mahãdu aõna kia heka iny ityhy-my rỹira mahãdu le rimymyhỹre; ka itxỹte mahãdu tahe ikiemy itxỹteitxỹte-my rỹikre, ityhy-my rỹikre hãrele.
|
||||
\v 25 Iny-my inatyhy-my robimyhỹre kia heka iny rihedỹ ỹnymyhỹre, ka iny roile-my wimy robimyhỹre kia tahe urile iny bedeerykõ mahãdu rihumyhỹre.
|
||||
\v 26 Mobo arybe rityhynymyhỹre aratyhynymyhỹre, kia iruru sõemy aõni-my ijõdire, kia biwiòhenanykre isiramy; iriòre mahãdu tahe arybe wihikỹ tamyreny biwahinykre kia tahe kai idireny betehekre.
|
||||
\v 27 Iny aratyhynykre òbitimy kia itỹmyra-my aruru tamy biwanykre, awimy ixidi ratxikre-my òhãru-ribi rubu-ribi rexihedỹ ũnukre-my.
|
||||
\v 28 Hãwã-õ relemyhỹre iny ijõdi-my rỹimyhỹre; hãwã-õ relemyhỹre kia ta urile rayja-my ramyhỹre kiemy idinodureny ibinareki.
|
||||
\v 29 Iny ywimy rỹira kia heka bede riery-my ròòse-my ramyhỹre; mobo awimy ratximyhỹre-ribi rexibinanymyhỹre kia urile tii òbitile rexitòamyhỹre tiu tako-ò raõtyhy.
|
||||
\v 30 Iny heludu inytyhy awimy iny irehe-my rỹimyhỹre, ka iny rybe luu tahe hãbu aõwiwi iribi rahumyhỹre.
|
||||
\v 31 Mobo iny iaõkõ mahãdu awimy aõkõ idireny rỹimyhỹre, kia heka Deuxu-ò ibinare; ka mobo iny iaõkõ-my rỹira riwiòhenanymyhỹre tarỹsỹnadi kia tahe Deuxu sõemy riwiòhenanymyhỹre taruru nihikỹ-di.
|
||||
\v 32 Itxỹte mahãdu heka taòraru òbitikile rexirubunymyhỹre. ka inytyhy mahãdu tahe awimy tabede wihikỹ riraòmyhỹre, rubu nihikỹ rỹikre sỹtybymy.
|
||||
\v 33 Bedeery nihikỹ heka hãbu bedee woki rexirarenywi-my roimyhỹre, ka hãbu itxỹte mahãdu woki tahe aõnaõna binabinale tuu rỹimyhỹre.
|
||||
\v 34 Iny òbitimy rỹimyhỹre mahãdu heka Deuxu hãwã nihikỹ-my riòkesedỹ ỹnymyhỹre, ka òrarudu mahãdu tahe ixỹruna nihikỹle riwahinymyhỹre tahãwãreny-ò.
|
||||
\v 35 Iny aõdinodu-my rỹira kia heka aõmysỹdỹ ỹdu-di retehemyhỹre awimy, ka aõmysỹdỹ ỹ bina tahe ikiemy tadinodu heto-ribi wasilemy ramyhỹre.
|
||||
\c 15
|
||||
\p
|
||||
\v 1 Tabiòwa iny rirawyònymyhỹre ywimy kia heka ehehe riixawidỹ ỹnymyhỹre, ka mobo ehehelemy wii rirawyònymyhỹre kia tahe urile wii riteburedỹ ỹnymyhỹre, kia aõbinale tai ròhònymyhỹre bede lòrelòrele.
|
||||
\v 2 Mobo bedeery-my rỹira aõnihikỹ awwimy òbitimy iny riixinanymyhỹre itỹnymy; mobo itxỹte-my rỹira tahe aõ ibina-my rỹiralemy iny riixinanymyhỹre.
|
||||
\v 3 Kai heka ibutumy aõnaõnadi tetehemyhỹte aõ relemyhỹredi; tii heka aõnaõnadi rierymy retehemyhỹre aõbo awi aõbo ibina-di.
|
||||
\v 4 Iny irybeõ-my wiòhedỹ ỹ-my rỹira kia heka iny witxira riwiòhenanymyhỹre aõ awimy riixinanymyhỹre; mobo alisi alisi-my ròbinadỹ ỹ myhỹre kia heka aõtxile iny riaõkõdỹ ỹnymyhỹre.
|
||||
\v 5 Wijina mahãdu tyby dohodỹỹna-di urile risinymyhỹre kia heka hãbu aõkõ-my roosekre itxỹtemy; ka mobo tyby dohodỹỹna rityhynymyhỹre òbitimy kia tahe bede riery-my roosekre.
|
||||
\v 6 Hãbu òbiti mahãdu hetowo-ki kia sõemy aõnaõnawi tuu rỹimyhỹre, ka itxỹte mahãdu aõ ritelòlònymyhỹre tahe kia isiramy riwymyhỹre.
|
||||
\v 7 Tiry-di bedeery ramyhỹre kia heka bedeeryna riuberanymyhỹre, ka hãbu ibedeeryõ-my rỹira tahe taitxỹte ririmyhỹre ibutu bedetxi.
|
||||
\v 8 Adee aõwi mobo rityhynyõmyhỹre tii ikiemy òrarudu-my rỹikre; hãbu koracaõ òbitimy rỹira kia tahe iòraru-my deuxu dee teysamy ròhònykre.
|
||||
\v 9 Kia heka iny bina mahãdu tetyhynyõmyhỹte, ka mobo awimy aõwiwi-my rexiuhimy ratximyhỹre kia-ò tahe adee rỹira.
|
||||
\v 10 Mobo rydi awimy rỹira-di risinymyhỹre kia heka ròtenawo-ko rỹikre; txibo tii rywi-ò òkesederakre-wana tahe inatyhy-my rubu-ò rawahikre.
|
||||
\v 11 Kai heka sõemy teerymyhỹte aõbo sỹywo-my ròhònymyhỹre, kia rubu rỹimyhỹre tule teeerymyhỹte. Idiini mohõtinyke timybo tii iny coraçaõreny rierywiwimyhỹre.
|
||||
\v 12 Mobo bedeery mahãdu ribiòtu rỹira kia tiu urihimyò-my awimy ratxiõtyhy, ka mobo rotohodỹ ỹ-my rariamyhỹre kia heka tiu tabiòwa bedeery iitxeseõna.
|
||||
\v 13 Iny coraçaõ bedesa heka inyòsỹny ixyby riruxeradỹ ỹ myhỹre, ka iny coraçaõ bederyry tahe iny deysa iny-ribi ritamyhỹre, kia tahe uritre iny ixidi rarurunymyhỹre aqimy ratxike-my.
|
||||
\v 14 Hãbu bedeery heka rymamy reamyhỹre inatyhy-my, ka hãbu itxỹte tahe tarubu-ribile riroximyhỹre inatyhy-my rỹnysityby-ribi.
|
||||
\v 15 Tiu hãbu coraçaõ iutxie-my ratxi-wana txumy ixybyle rurunymyhỹre ibrybymy, ka tiu hãbu coraçaõ ibedesamy ratxi-wana tahe txuu bedesanamy ròhònymyhỹre.
|
||||
\v 16 Iny aõkõ-my rỹiki heka awire Deuxu iny rityhynymyhỹre, ka iny iaõdimy ityhymy rỹira tahe sõemy aõna~nawiwi-ò \f + \ft Ck \f* rõhõtiyremyhỹre sõemy aõnaõnadi taratiki ratximyhỹre.
|
||||
\v 17 Iny sohoji bratumy awimy aõwi rirỹsỹ myhỹre, tai dori awimy iny tariòre-wana rirỹsỹ myhỹre rỹsỹnawityhy-ribi, ibutumy rỹsỹnawiwi sõemy aõbinabina-di rỹira.
|
||||
\v 18 Hãbu iehehemy rỹira heka ikiemy aõbinatxi reamyhỹre, ka hãbu ywimy rỹira tahe kia ikiemy aõbina riixawidỹ `ynymyhỹre aõbina riemyhỹre.
|
||||
\v 19 Iny deywese mahãdu-ò bede ikiemy sõemy aõnaõna bina ròhònymyhỹre, ka hãbu wi mahãdu-ò tahe ikemy ryy awimy iko-my rỹimyhỹre.
|
||||
\v 20 Uladu bedeery bedesa tyby-ò riwahinymyhỹre; ka uladu itxỹte alisiluu kia tahe urile tyby ribederyrydỹ ỹnymyhỹre iwoki.
|
||||
\v 21 Hãbu-õ rexibedesanymyhỹre aõdi a~binadi kia itxỹte riteòsinymyhỹre, bedeery mahãdu dori taaõwiwi-di rexiurihimy rexibedesanymyhỹre.
|
||||
\v 22 Mobo aõwasina resekremy rõhõtinymyhỹre kia heka isisohojile rexiatykre aõlemy; ka mobo tawiòhenadỹ ỹdumy rarunymyhỹre tohodỹ ỹdumy rarunymyhỹre kia heka awimy ixidi rỹira.
|
||||
\v 23 Ibutumy heka tamywirenyre dohodỹỹna riwahinymyhỹre kia òbitimy aõmy rarybemyhỹrenyre txu òbitimy.
|
||||
\v 24 Hãbu òbiti mahãdu ry kia ikiemy raòwònymy ramyhỹre, kia irehemy hãluu-ribi ramyhỹre.
|
||||
\v 25 Kai ityhy mahãdu bihukre ikiemy, ka wytese mahãdu-ò tahe bedewi tewahinymyhỹte.
|
||||
\v 26 Kai heka ibinamy itxỹte mahãdy bedeywidỹỹna-di tetehemyhỹte, ka inywi biòwa rybe-ò tahe awimy taholamyhỹte.
|
||||
\v 27 Hãbu aõnaõna bina riwinymyhỹre ityhymy ratxikemy, kia bede bina tariòre boho-ò riwinymyhỹre; mobo òbitimy nieru deramy reamyhỹre kia D uxu tarybewi tamy riwahinymyhỹre.
|
||||
\v 28 Hãbu òbiti komy rõhõtinydi iny rirawyònymyhỹre, hãbu itxỹte tahe aõmy rõhõtinykõdile iny rirawyõnymyhỹre kia aõtaòtalemy inydee rarybemyhỹre.
|
||||
\v 29 Kai irehemy atximyhỹte iny adilisidỹ ỹdu-ribi, sõemy ta boholake mobo ixitòedỹỹna-ò rityhynymyhỹre.
|
||||
\v 30 Abiòwa-di beteheke kia tahe awo reysakre, kia awimy rybe riwahinykre idi awimy bede biekremy.
|
||||
\v 31 Mobo dohodỹỹnawi-ò roholamyhỹre kia bede riery-my roosekre.
|
||||
\v 32 Mobo rybe òbiti-di ritxiõnymyhỹre kia urihimyòle ixidee aõnaõna riwahinykre, ka mobo dohodỹỹna-ò reòbymyhỹre kia tahe ixiyrybyle bedeerymy roosemyhỹre.
|
||||
\v 33 Iny bedeery ixiurihina kia heka awimy òbitimy adee awire. Mobo awimy ratxikre kia ryòbiti-di rakre awimy rityhynymy.
|
||||
\rem Missing Chapter 16-20
|
||||
\c 21
|
||||
\p
|
||||
\v 1 Kai heka iòlò coraçaõ-di teywinymy idi tetehemyhỹte, arayky awimy isideewimy atximahãte, iyrybule tahe aõmysỹdỹ ỹdu bee rirymyhỹre bero-ribi beijaranatiwo-di iny oworusebenamy.
|
||||
\v 2 Tiiemy aõriòre riwinymyhỹrenyre. Aõtxile aõ rewinymyhỹrenyre ixideereny. Kai tahe warayyreny teerymyhỹte, wabededỹỹnanareny.
|
||||
\v 3 Deuxudee heka sõemy aõnityhyre. Iny ibededỹỹnana rityhynymyhỹreki, tai dori iny ywimy rỹimyhỹre, kia umy tuedỹỹnana aõnaõna riwinykremy tamy. Kiemy dore ixidile rõhõtinymyhỹre.
|
||||
\v 4 Iny widi retehemyhỹre wii titxiõnymy. Kia inywo reyrewemyhỹre. Kia itxỹte mahãdu tuu rierymy rỹimyhỹre. Deuxu dee kia oraruna nihikỹ rare.
|
||||
\v 5 Mõbo taaõna riywinymyhỹre ywimy raaõmysỹdỹỹnymyhỹre. Kia raityhynykre. Mõbo aõwesele ityhymy ratxikemy ixidi rỹimyhỹre. Kia aõwesele rexihumy ramyhỹre aõbo tai rỹira.
|
||||
\v 6 Iny roi riuhemyhỹre itxỹte itxỹte ityhymy runykeki kia ywiywimy hãbu bededỹỹnana rexihumy ramyhỹre.
|
||||
\v 7 òludu hãbu itxỹte kia aõhỹỹmy rutỹ ỹnykre. tii boho dori taaõbinabinareny rieryrenykre ibutumy aõnaõna bina.
|
||||
\v 8 Hãbu taraykywi-di iòrarudu ikiemy rybina-di rariamyhỹre rityhynyõmy. Hãbu iinytyhy ywimy rỹimyhỹre. Kia mahãdu uritre brebuõmy ihãremyta awimy rỹimyhỹre itxỹte-ribi teòrehe-my.
|
||||
\v 9 Iny ixisohojimy hetoriòrewo-ki rahãwãnymyhỹre heka awire. Kia dori hãwyyõ iehehemy rỹira taheto ruxera-ki rỹimyhỹre. Tai heka hãbu urile rabedeerymyhỹre.
|
||||
\v 10 Itxỹte mahãdu roiluu kia aõbinabina riwinykrelemy rarayynymyhỹre. Tii heka tiu aõwi riwinyõmyhỹre inydee tabireludu mahãdu-ò tule.
|
||||
\v 11 Tiu itxỹteõ ròtena-ò ralòra wana, iny wimahãdu iaõhyymydỹỹnana-di retehekre. Irahudi tahe bede rierymy ratxirenykre. Tiu bedeery riijerenykreu kia ixyby bedeerymy ratxirenykre.
|
||||
\v 12 Deuxu heka aõni awirare itxỹte mahãdu aõnaõna-di kawesetyhyle iòhòtyhylemy idireny retehemyhỹre. Irahudi tahe tamyreny aõhyymydỹỹnana riwahinykre.
|
||||
\v 13 Mobo nohõtità mahãdu riwinymyhỹre. Ka iny aõkõ mahãdu riwiòhenanyõkremy. Tiiboho heka ixiwiòhenadỹ ỹmy rekoamyhỹrenyre. Kia tule ibinamy rỹira tiu aõmy rekoarenykeki.
|
||||
\v 14 Tibo tiu inyõ adeburemy adi ratxikre. Kia urile aõtamy biwahinyke. Kai bierykre timybo iehehe bederyry wylemy ixãwimyhỹre.
|
||||
\v 15 Kia iny wimahãdu rabedesamyhỹre tule Deuxu rityhynymyhỹre kaòrarudu mahãdu-ò itxỹte mahãdu kia ibinatyhy rare.
|
||||
\v 16 Mobo inywi mahãdu ry rierymyhỹre. Kia tahe iòhòtyhylemy rybina mahãdu ry-di rariamyhỹre. Kia ixiòbitile rexirubunykre.
|
||||
\v 17 Mobo byre-my rỹimyhỹre, kia ywiywi-my iaõna resihumy rakre; ka mobo aõnaõna bina riijemyhỹre, monahyrewi riemyhỹre kia tule ywiywi-my riaõkõdỹ ỹnymy ramyhỹre.
|
||||
\v 18 Inywi mahãdu heka Deuxu rarytxyna-ribi rahenykre, ka iny itxỹte mahãdu tahe rararytxykre ròtena-ò ralokre; rarytxyna tiu tiu inywi mahãdu rimyõtyhy, ka itxỹte mahãdu iny deòsa mahãdu -txi tahe resekre.
|
||||
\v 19 Iny surubuki bijiuyky-ki rahãwanymyhỹre kia heka awityhytyhyre, kia iny heto wiki hãwyy iehehe-wana rỹimyhỹre ratyre, awire.
|
||||
\v 20 Hãbu inytyhy hãbu òbiti urihimyòle tanieru rahumyhỹre, kia tahe ikiemy sõemy r~sỹna nieru iheto-ki rỹimyhỹre; iny itxỹte iny deòsa mahãdu tahe ibutumy tanieru rihumyhỹre, kia rimymyhỹre itxi rahumyhỹ.
|
||||
\v 21 Mobo inatyhy-my isidi rarurunymyhỹre Deuxu rityhynyke-my tuu reòarike-my, kia iòhòtyhylemy bede wihikỹ bedesa-my ratxikre, kia Deuxu rityhynykre hãbu tule rityhynykre.
|
||||
\v 22 Ijesuna bedeu, bedeery mahãdu isihetyre ratyhydỹỹmyhỹre kiemy dori sõemy rarurunymyhỹre aõwityhytxi reake-my.
|
||||
\v 23 Kai aõbo ikiemy aõna~na-ribi \f + \ft Ck \f* aõhykỹmy dỹỹnana-ribi teòrehelemy atxikemy tesỹnymyhyyte? Ibutemy marybeke irutaõ-my kia tahe ikiemy besiòhãrunykre arybe-di.
|
||||
\v 24 Kai aõbo bierykemy atxiteri? Hãbu mahãdu wo rarahòre rahòre-my rỹire, ibutumy heka hãbu tuu rỹira iehehemy, teburemy, iaõluu-my, iny-di lisiluu-my.
|
||||
\v 25 Iny deywese mahãdu sõemy ràma rahumyhỹrenyre, ta tiu heka aõmysỹdỹ ỹmy rekorenyõhyymyhỹre.
|
||||
\v 26 Inatyhy-my iny aõmy reamyhỹre kia aõ ratỹnymyhỹre, itxi isideele rierymyhỹre, ka mobo Deuxu-my reòarimyhỹre kia tamy rybewi riwahinymyhỹre awimy iny witxira-wana aõ riwirareamyhỹre.
|
||||
\v 27 Deuxu ibinamy òrarudu mahãdu aõ riwahinymyhỹre, ihãrele tahe tii rõhõtinymyhỹre Deuxu deewi-txi reakemy.
|
||||
\v 28 Iny aõmy roilemy relyymyhỹre kia Deuxu ròtena-ò ralokre, ka iny aõmy inatyhy-my relyymyhỹre brebumy aõkõ rarybemyhỹre isỹrunamy reakremy aõkõ.
|
||||
\v 29 òrarudu itxỹte aõsasa kia urile tarybina ririmyhỹre; iny òbiti tahe komy urile tabede rierymyhỹre kia ta resiwiurònymyhỹre aõbo awimy rỹira-ò.
|
||||
\v 30 Tiu iny-õ taraykywi-di tabedeery-di arawoijàranymy arabònyõtyhy kiehykyle.
|
||||
\v 31 Iòlò aõwasina tadeòdu riywiywinykre raaõbinanykremy, kai heka mobo ròtakre mobo rabodukre kia Deuxule rierykre.
|
||||
\c 22
|
||||
\p
|
||||
\v 1 Kiale heka awire ityhy mahãdu ratyre ratyhydỹỹmyhỹke; kiale heka awire aõdinodu ratyre orowomati ratyremy heka ratyhydỹỹmyhỹke.
|
||||
\v 2 Iny ityhy iny iaõkõ-my rỹira kia ibutumy wiweselerenyre Deuxu dee, kiemy dori tii hãbu mahãdu riwinyre.
|
||||
\v 3 Hãbu wi mahãdu aõòhãru iko-ki rỹi-wana iribi resilòhòrarienymyhỹre, kiemy resiemyhỹre; iny bedeeryõ mahãdu iny ruety mahãdu urile ribrebunymyhỹre aõhỹkỹmy risỹnymyhỹre.
|
||||
\v 4 Ka iny ityhy-txi reakremy, hãbu mahãdu tyhydỹỹna. Kia heka bedewi bedesa rare, kai heka ywimy òbitimy Deuxu dee atxikre.
|
||||
\v 5 Hãbu Deuxu-di risinymyhỹre kia rydi rariamyhỹre sõemy aõtidese tuu rỹira hãluu-my tule; mobo isidee òbitimy isidi ratximyhỹre kia isi-ribi ryy teòrehemy riijàranymyhỹre.
|
||||
\v 6 Ariòre biwiòhenanyke aõdinodu nihikỹ-my runyke-my awimy uladu-my raresamy. Tai tii tiu rywi-di tisiõna, kia raumunykreu tule.
|
||||
\v 7 Iwese iny iaõkõ mahãdu iny ityhymy rỹira iratyremy rỹira, mobo nieru huòtemy reamyhỹre kia deòdu wesemy ròòsemyhỹre iny-ribi rihuòtera-ribi.
|
||||
\v 8 Mobo yhy wesemy aõ ribrònymyhỹre, kia yhy debure wesele rihemyhỹre; ka mobo aõbina ribrònymyhỹre, kia ta aõbina bianale rimymyhỹre, kia ibutumy taaõna wityhy isi-ribi riõnodỹ ỹnymyhỹre.
|
||||
\v 9 Hãbu inytyhy kia awityhymy ratxikre, kiemy taaõwiwi iny aõkõ mahãdu-wana riwirareamyhỹre.
|
||||
\v 10 Txibo aõbina sõeki rỹikre, kia urile biteònyke iny isihetyretyrele roisiradỹ ỹ myhỹre; kia aõbina bede òtaòta wylemy resihukremy.
|
||||
\v 11 Hãbu òbitimy tawo-di rỹira ywimy kia iòlò biòwamy relekre.
|
||||
\v 12 Kai iny teijemyhỹte awimy temymyhỹte mobo arybe rityhynymyhỹre, ka aõmysỹdỹỹna witainihe biwinyke itxỹte mahãdu resiywinykremy.
|
||||
\v 13 Iny deywese mahãdu tahe urile aõmy resiònanymyhỹre aõmysỹdỹ ỹmy rakõkrelemy. "Diarỹ waheto-ribi aròhònyõkre uriõ-ribi hãlòe-wana witxi areaheny hãwãyky-ki rariamy ratxike-ki kia tii riwarubunyke!", mỹ ỹ tii rarybere.
|
||||
\v 14 Hãwyy aderana kia behãluu wesemy rỹira sỹy-my; kia Deuxu hãbu ritxuhore kia tahe ibireòle rehemynykre, kia tahe irotxile resekre.
|
||||
\v 15 Kia ibutumy uladu itxỹte iny-di lisiluu mahãdu kia ibutumy resihukre rarytxuna nihikỹmy, woki ratxirenykre.
|
||||
\v 16 Mob iny iaõkõ mahãdu-di urile riuberanymyhỹre iribireny raityhynyke-my, kia tii òbitile ywiywi-my iaõna resihumy rakre; kia iyrubule mobo ityhy mahãdu riwiòhenanymyhỹre awimy raòwònymy rakrem.
|
||||
\v 17 Ywimy boholabenyke bedeery rybe-ò, boholawibenyke wadohodỹỹna wihikỹ-ò,
|
||||
\v 18 kiemy dori awire ibutumy raerykre iyri `bitimy isidee biwahinykre.
|
||||
\v 19 Kawesemy diarỹ araisinanykemy Deuxu sohojile bityhynykkre!
|
||||
\v 20-21 Itxi aõbo õhõti reara wadohodỹỹna adee rewahire-di ehetxina bedeuhỹkỹle, itxi aõbo õhõti reara diarỹ òbitimy araisinanyre, ka iny witxira biwiòhenanykremy.
|
||||
\v 22 Uritre iny iaõkõ-my rỹira-di alisiõ-my, tiu dori tii resiijeõtyhy! Taaõna aõna ibinamy aõkõ riywinymyhỹre iny awimy rỹira mahãdu.
|
||||
\v 23 Deuxule heka iny iaõkõ-my iny awimy rỹira mahãdu òraruki resukre, kia tahe rubumy riòwynykre mobo iny aõkõ mahãdu-di risinymyhỹre mahãdu-di.
|
||||
\v 24 Uritre hãbu aõbina luu-wana isibiòwadỹỹõ-my,
|
||||
\v 25 urikõ-ribi iwese beleheny, kia ta iyrybule ròtena-ò malokre.
|
||||
\v 26 Uritre hãbu mahãdu yky-txi ròte~-my kia tabiòwa dewedỹỹna riòwynykremy rarybemyhỹre.
|
||||
\v 27 Aõmy dori abede wihikỹ abinadỹỹõna? Kai dori aheto biwahinykre ewedỹỹna biòwynykremy iny witxira-ò.
|
||||
\v 28 Uritre auhuari-di inihikỹdỹỹ-my wisỹdỹỹõ-my. Kia dori wasina tyhy rare.
|
||||
\v 29 Kai aõbo teeryte inyõ aõmysỹdỹỹna riwinymyhỹre idi taruki-my? Kai tahe iòhãrutyhylemy aõwiwi rierykre, tii tahe tamy rybe rỹikre Iòlò-ò raaõmysỹdỹỹnykremy.
|
||||
\c 23
|
||||
\p
|
||||
\v 1 Tiu kai makreu byremy, iny ityhy arateòarinykreki, inatyhyhykỹ-my besiòhãrunykre!
|
||||
\v 2 Uritre isihetyretyre-my rỹsỹna irỹsỹ õ-my, arỹsỹna urile biuhenyke!
|
||||
\v 3 Sõemy besiòhãrunyke, kai dori aõhe-wana araykywi-di aribi iwydymy risỹnyreri tarỹsỹna wihikỹ-di ritròanykemy.
|
||||
\v 4 Ityhy heka awi aõkõ rare bededỹỹnana nihikỹ-ò; tai heka uritre abede iuhekõmy araykywiwi nieru tarasamy.
|
||||
\v 5 Aõmybo sõemy ityhymy atxikre? Kia tii aõtàmaõkõle riõ-my reakre, iwese nawii bedereheò ruòmyhỹre wesele.
|
||||
\v 6 Uritre hãbu aõ adee riwahinykre iribi imynyõ-my, kia dori ityhynalemy raraykynymyhỹre! Uritre rỹsỹnamy isitòedỹỹõ-my, tii rỹsỹna wihikỹ rirỹsỹmyhỹre-ò,
|
||||
\v 7 Tai dori tiu iny riteòarinymyhỹreu inydee awityhy riwymyhỹre, tii arayky-di rõhõtinyreri:"Timykibo heka diarỹ kua aõwiwi iribi aritake?"
|
||||
\v 8 Kai aribi rỹsỹna wiwi hylòilemy resihukre, kia tahe aõwi biòwynykre, tii dori tiu aõyja rimyõtyhy "txiòtòe tuke".
|
||||
\v 9 Uritre abedeery rybe ihuduõ-my adohodỹỹna iny itxỹte mahãdu ki; tiu dori tii adee aõwityhy iwahidỹỹõna tamy tarybetemy.
|
||||
\v 10 Uritre inywi raykyõ iwasidỹỹõ-my, urile ta asuurisina behejike
|
||||
\v 11 Deuxu dori inywi mahãdu-di retehemyhỹre kia tule riòhãrunymyhỹre, ta tii ròtena nihikỹ adee riwahinykre iutxiemy inihikỹ-my.
|
||||
\v 12 Boholabenyke ywimy dohodỹỹnaò rybe kia rimykreò, urihinaõ biwinyke bierykemy aõbo awiremy.
|
||||
\v 13 Uritre iwahidỹỹõ-my ariòreò rierykelau; ròtena heka awimy rawahikre tiu uladu ribinaõtyhy.
|
||||
\v 14 Ròtena aõdese ariòre rihedỹỹnykre bede wesi bina-ribi.
|
||||
\v 15 Wariòre teysamy ratxikre kai hãbu wityhymy boosekreki.
|
||||
\v 16 Wawo teysamy ratxikre aryky-ò abedeery-ò roholakre awimy.
|
||||
\v 17 Uritre òrarudu mahãdu rybewiwi-wana rybeõ-my; Deuxule tahe bityhynyke ibutumy iaõnaõna wiwi.
|
||||
\v 18 Tii dori bede tỹmyra adee riwahinykre sõemy aõwiwi. Kai tiu bederyrymy atxiõtyhy kiemy Deuxule bityhynykre!
|
||||
\v 19 Wariòre, wadohodỹỹnaò boholake kia ta ywimy atxikre; ikiemy Deuxu ry-di mariamy atxikre.
|
||||
\v 20 Uritre iny ykytxi ròteõ-my kia iny byrelemy mona hyrelemy raraykynymyhỹre.
|
||||
\v 21 Urile tii boho tanieru-di risinymyhỹrenyre, isenaki tule kia ta iaõko~lemy; sõemy riõmyhỹrenyre, kia sulemy tỹhilemy resemyhỹrenyre, tiu raõmysỹ dỹ ỹnyrenyõhyymyhỹre.
|
||||
\v 22 Boholabenyke bureny dohodỹỹnaò, adireny senadu bedeery rybe bimywibenyke.
|
||||
\v 23 Tai dori ibutumy aõ rutaõ hãbu bede rierymy ròòsemyhỹre; uritre abedeery ihuduõ-my.
|
||||
\v 24 Tai tahe buu adi-wana reysarenykre tahe tii boho awimy aki rahãrenylre.
|
||||
\v 25 Tai tii boho ibedesamy uladuõ riwinyrenykre awesemy òbitimy raumynykremy awimy.
|
||||
\v 26 Wariòre, wadohodỹỹna rimymyhỹre tawo-wana ibutumy!
|
||||
\v 27 Irehemy wedena mahãdu-ribi ratximyhỹre! Tii boho heka rutya nihikỹ-di rỹimyhỹre.
|
||||
\v 28 Tii boho heka itxỹte wesemy rỹimyhỹre aõnaõna wiwi rahumyhỹrenyre; tii boho hãbu itxỹte-my deuxu-ò ridymyhỹrenyre ihãwyy-wanale.
|
||||
\v 29 Mobo iwo sõemy aõhỹkỹmydỹỹnana-di aõdese-di rỹire? Mobo aõbinakỹ-txi irehekỹle isidi ralòmyhỹre? Mobo isihetyretyrele rawotõmoreri? Mobo isihetyreytrele irue ratarinyreri?
|
||||
\v 30 Kia hãbu isihetyrele mona-di ijohona raki ratximyhỹre riõmy, mona witxira-di riurinymyhỹre.
|
||||
\v 31 Uritre bòdỹỹna-ò isiwahidỹ ỹ õ-my aõ yri ruseraò, aõ tỹny-ò aõ breke-ò wityhy-ò.
|
||||
\v 32 Txibo mona momo-ribi besihukreu kia aõdesemy sõemy atxikre inihikỹmy, hemylala jurutana wesemy tese nihikỹmy.
|
||||
\v 33 Kai aõnaõna witxira-di betehekre, aõnaõna binalemy.
|
||||
\v 34 Kai arati raitxỹtekre iwese bera heòty juralàdu rỹimyhỹre wese bera nihikỹ rarie-di, kia bedeyky-ki yhydebureky-ki beòsakre tai kai mariowykre inyõ arawiòhenanyõtyhy.
|
||||
\v 35 Irahudi tahe kai isitxi õhõti reakre òhòte aki rỹira rahudihikỹle wahe, kia ta myy marybekre:"Inyõ aõbo wamy raòhòtera, diarỹ òhòtedese reeryõhykyra" (...) Ihãra (ihãre?) tahe mohõtinykre: "Tiubo diarỹ arỹikre? Isyby urihimyò-my monamy ariõkemyreri."
|
||||
\c 24
|
||||
\p
|
||||
\v 1 Hãbu itxỹte mahãdu irybereny ihoõre! Diarỹ dori itxỹte mahãdu yky-ò aralòõkre Deuxu òlàdumy.
|
||||
\v 2 tii boho dori bede ibutumy riywinymyhỹrenyre itỹmyramy aõbinabina relekremy, iny witxira bodỹỹnamy.
|
||||
\v 3 Ityhyna òbiti iny tabedeerymy ywimy ityhymy runymyhỹre;
|
||||
\v 4 bierykremy bededỹỹnana awityhymy sõemy ityhyna biwinykre kia ta asỹmahãdu-ò biwahinykre ibutumy rỹsỹnamy rekoamyhỹrenyre.
|
||||
\v 5 Awimy iny isidi ratxikre kia bedeery sõemy aõ ruru ratyremy inihikỹmy ratyhydỹ ỹ myhỹre, awimy iny rỹira iny debure ratyre ratyhydỹ ỹ myhỹre.
|
||||
\v 6 Tiu diarỹ aõbina binaky-txi raõhykymyhỹre, komy diarỹ hãbu bedeery mahãdu-ò resitòenymyhỹre; dohodỹỹna wityhy dori ikiemy iny riwiòhenamyhỹre awimy.
|
||||
\v 7 Hãbu òlàdumy isidi ratximyhỹre tiu heka bedeerymy ròòseõtyhy; tai heka tiu tohodỹỹna-di rõhõtinyõhyymyhỹre.
|
||||
\v 8 Hãbu aõnaõna bina riwinymyhỹre iny witxira dee, kia raerykre ibutumy iny tuu radònykre.
|
||||
\v 9 Aõnaõna bina itxỹte mahãdu widỹỹna kia òraruna rare, mobo aõbinamy ratximyhỹre, kia ibutumy aõwedu nihikỹ mahãdu tuu radònykre.
|
||||
\v 10 Txibo kai urile birikre tiu aõmy beakreu aõnaõna wiwi-my kai dori aaõna ihoõre arusetòere.
|
||||
\v 11 Iny mahãdu bitake kia dori rurukremy rariamy reòsa reòsamy rỹira, tibedekibo rururenykremy.
|
||||
\v 12 Uritre iny aõ rimymyhỹre-ribi isiwòteõ-my, kia aõ rierykõ-my tuu tarybemyhỹte. Deuxu heka aryky awimy rierymyhỹre; tii ibutumy awimy rierymyhỹre aõbo awimy rỹimyhỹre, kia tahe hãbu sohoji sohoji-ò aõwiwi riwahinykre aõmybo iny tawoki rõhõtinymyhỹre wahe.
|
||||
\v 13 Wariòre, kai bidi teeryte awityhytyhyre kia ta awimy aumy-ò riwahinymyhỹre.
|
||||
\v 14 Teery aõbo bedeery mahãdu heka rubumy rỹimyhỹre, kia bidi tahe iny umy-ò awire; txibo kai bedeerymy boosekreki, kia wijina-my itỹmyra-my jusarana wihikỹ-di matxikre, kia tahe ibutumy aõmybo tarasinymyhỹte ibutumy biòbitinykre.
|
||||
\v 15 Kai heka hãbu itxỹte tate, uritre inywi mahãdu-di ibinadỹ ỹmy nohõtiõmykre! Uritre heto jiwisimy nohõtiõmykre inywi mahãdu riòre-di nohõtiõmykre,
|
||||
\v 16 tii dori tiwese wese aõkõ resemyhỹre, kia ikiemy iruru ijõdire isybyle tabede riòrarunymyhỹre. Kai heka Deuxu ròtena-ò malòkre kia tahe ikiemy tai besemy mabekre.
|
||||
\v 17 Kai, hãbu wi tate uritre bedesaõ-my tiu itxỹte Deuxu ròtana-ò riròtenykreu.
|
||||
\v 18 Kia Deuxu kai ròtena-ò araròtenykre iòrarukile wahe!
|
||||
\v 19 Uritre rubudỹ ỹdu mahãdu deysana-ò nohõtiyreõ-my rybeõ-my itxỹte mahãdu aõwiwi-ò,
|
||||
\v 20 tamyreny doti bedetỹmyra làby rare kia aõ riraòrenyõhyymyhỹre.
|
||||
\v 21 Wariòre, Deuxu bityhynyke kia tule aõdinodu mahãdu bityhynyke; uritre iny sõe mahãdu kytxi ròteõ-my kia hãwã nihikỹ dinodu-di dehumy risỹnymyhỹre,
|
||||
\v 22 kia iny kia wesena rỹira iòh`tyhylemy resihukre, Deuxu ròtena-ò ralokre taaĩdinodu-wanale! Kaki rybebedeeryna-õ rỹire, bedeery dori riràtinyre.
|
||||
\v 23 Kia heka ibina rare, wiribi aõwityhy riwinymyhỹre, tiu iny aõdinodu-my runykreu, diarỹ iny iaõkõmy rỹira ariwiòhenanykre, diarỹ iny ityhymy rỹira ariwiòhenanykre.
|
||||
\v 24 Mobo rubudỹ ỹdu mahãdu-ò rarybemyhỹre,"kai boho awimy atxitenyteri, kiemy dori kai boho bedeeryõ toite!", kia mahãdu ratxuhokre kia tule sõemy iny idireny risinykre sõemy.
|
||||
\v 25 Ka iny-di òbitimy raaõmysỹdỹ ỹnymyhỹre, kia rubudỹ ỹdu mahãdu ròtena-ò rirutàkre, ka iny òbitimy rỹira mahãdu rybeki, kia iny dee awimy Deuxu tule tuu reàlàkre.
|
||||
\v 26 Kai aõbo biteòsinyke awimy bityhynykemy iny dee? Birawyònyke òbitimy ikiemy ywimy.
|
||||
\v 27 Komy aõmysỹdỹ ũnadi arukike, abededỹỹnana anieru biòbitinyke irahudi tahe aheto widỹ ỹ biòrarunyke irahudi tahe ahãwyy-wana besibutunykre mariòrenybenykre.
|
||||
\v 28 Uritre iny abirelàdu binadỹ ỹ õ-my uritrenaòle, uritre roimy tuu rybeõ-my.
|
||||
\v 29 Uritre isidi nohõtiõ-my:"wiji diarỹ aresiònykre ibutumy tii aõna~na bina riwinyre".
|
||||
\v 30-31 Hãbu deywese oworubere-di rahonyre, kia ta bedeykyle tuu sõemy rỹimyhỹ, sõemy asi desedes. Aõwi rabire ibutumy oworyykymy, kia ta iuhuari ibutumy sulemy resemy rỹimyhỹ.
|
||||
\v 32 Ibutumy tuu rabire, ibutemy raraykynyre kia ta tyyryti-di rira reeryre:
|
||||
\v 33 "Mobo isihetyretyrele urihimyò-my rõrõmyhỹre, mobo isihetyretyre tarasi isiribi ritakremy, mobo isielehydỹ ỹmy rõhõtinymyhỹre urile ratxikremy.
|
||||
\v 34 Aõkõna heka wylemy rehemynykre, wasidu wesele, ràmasa tahe wasilemy raòhòtekre, itxỹte wesele.
|
||||
\c 25
|
||||
\p
|
||||
\v 1 Kai heka Salumaõ rybe dohodỹỹna heka rare, Ezequias Iòlò deòdu mahãdy heka riritinyre Juda hãwã ludu wahe.
|
||||
\v 2 Diarỹ boho heka Deuxu retyhynymyhỹrenyre aõnaõna bina iny laureny riwòmyhỹreki; kia ta tule aõwedu nihikỹ mahãdu retyhynymyhỹrenyre kiemy dori awimy aõ iny deereny riòbitinymyhỹreki.
|
||||
\v 3 Tiu heka iny-õ biu rarie tieryõtyhy, su urihina tule; iyrybyle tahe iny-õ tiu rieryõtyhy aõmybo Iòlò rarakynymyhỹre.
|
||||
\v 4 su mana womati bisuhòke kia tii wanale butulemy rymy roimyhỹre, kia tahe awimy aõhynamy relekre.
|
||||
\v 5 Wiòhedỹ ỹdu mahãdu bitake itxỹte mahãdu roimy rybedu mahãdu aõmysỹdỹỹna-ribi, iu tahe hãwã nihikỹ aõtaõki tai raumynykre.
|
||||
\v 6 Uritre isi sohoji-my nohõtiõ-my iwese iny wityhy tawãwi riijeõhyymyhỹre Iòlò-wana butumy.
|
||||
\v 7 Kiale heka awire tiu deòaridỹỹna adee ijõdikreu kia tahe awimy tai bòhònykre kia inywi mahãdu-txi beakre kia awimy adee raaõmysỹ-dỹ ỹnykre kai ryna witxi bunykre; mohõtinyini kai urile maisỹrumy bunykre.
|
||||
\v 8 Uritre aõmy wylemy ijaraõ-my, kia dori aratohonyreri aõbo teeryõmyhỹte kia òbitimy bierykremy. A~bo tahe relekre tiu abireludu umy robikreu aõbo ibinamy tewinyterimy?
|
||||
\v 9 Tai heka ywimy iny aõbin birarenyke, uritre ierysymy idi wisỹrỹ ỹ õ-my iny aõòtaòta-di.
|
||||
\v 10 Kiasõemy bede binabina-txi beakre kia ta roidumy maninikre, kia ibutumy iny araerykre bede hewo-ò itxỹtemy rybedu-ò.
|
||||
\v 11 Dohodỹỹnawi heka txutyemy rawahidỹ ỹ myhỹre òbitimy, awimy heka rỹimyhỹre iwese bede-ò hyna rawymyhỹre wese byrena dena-ò bederaty-wana.
|
||||
\v 12 Txibo iny-õ awimy rierymy roholareri riuhikre rierykremy, kia rybe luu òbitimy awimy iwese mana rỹsỹ isi sohoji-my rỹimyhỹre weselw wahe.
|
||||
\v 13 Iny aõmysỹdỹ ỹdu wityhy kia tadinodu ribedesadỹ ỹnymyhỹre; tii heka iwese bede jutàtà tya-ki rỹimyhỹre wese.
|
||||
\v 14 Hãbu aõnaõnawi-my relyymy rỹimyhỹre tiu riurihiõhyymyhỹre, iwese biuwetyy bijiu ratyadi ramyhỹre wese tiu biu ruty-õ reseõhyymyhỹre.
|
||||
\v 15 Webinadu aõdinodu heka umy robikre kai inatyhymy òbitimy atxite; sõemy marybeke isybyle ywimy tai dori kai aõsirasiratxi beakre bierymy.
|
||||
\v 16 kai aõbi bidi tetòte? Urihimyò-my birỹsỹke aõu aõu, tai dori kai urile araojinykre kia ta aribi hylòilemy aribi resihukre.
|
||||
\v 17 Uritre isyby isyby aheto biredu-ò noõ-my, tai dori tii tiu ibedesamy awimy aki rahãõtyhy.
|
||||
\v 18 Iny witxiramy roilemy iny ko telyymyhỹte kia heka ibinamy telyymyhỹte, tii arahãtenykreki woma-di kia aumy riwotõmonykre tõnori-di txibo wyhy-di aõbo.
|
||||
\v 19 Hãbu bityhynyke tii dori òbitimy ratximyhỹre, iwese iny txu-di wii riròmyhỹre wese tahe ijõ iwese iny wikokinamy reamyhỹre wesemy taruru-my aõwasina rakrokremy.
|
||||
\v 20 Mobo wiu bedesamy riryrymyhỹre iny bederyryko iny deyweseko, kia tamy ibinatyhytyhyre, iwese iny-õ tayhyijena-di isi-ribi ritamyhỹre wese yhynihikỹ koribi, tahe ijõra iwese monahyre-di wiwotõmona rutxi idi rehumyhỹre wesele.
|
||||
\v 21 Txibi aòludu rama risamy ratxikreu rỹsỹna tamy biwahinyke; txibo bemomo risakeki bee urihimyò-my tamy biwahinyke.
|
||||
\v 22 Tai tahe tii aribi isawikre aõbo adee riwahinykre aõhe butỹ ỹnyhenylau.
|
||||
\v 23 Iwese yhy debure biu-my ròamyhỹre wesemy, iny rybebinamy wii rirawyònymyhỹre kia heka ikiemy iny wii riteburedỹ ỹnymyhỹre.
|
||||
\v 24 Kiale heka awire iny isi sohoji-my taherinawo-ki roimyhỹrele, kia iny heto rusera-ki tahãwyy eheheluku-wana rỹimyhỹre ratyremy wahe.
|
||||
\v 25 Rybe wihikỹ iwitxira hãwã hãwãhãky-ribi rehemynyre awityhytyhy, iwese bejutàtà bedeò-ki rỹimyhỹre wesemy mobo bemomomy risareriò.
|
||||
\v 26 Hãbu inytyhy aõ ibina relekreò reòbymyhỹre iny itxỹte mahãdu -wana butumy, iwese beijarana òraru su wesemy tahe ijõra iwese behãluu sõemy beubesudi rỹimyhỹre wesemy.
|
||||
\v 27 Sõemy bidi ratòmyhỹre iny umyò ribinanymyhỹre; rekesityhynyreny iny witxira-ò rikisideòsinyrenykremy, iny boho aõnityhymy ratximyhỹrenyre aõbo ibinamy iny umyrenyò riwahinymyhỹremy.
|
||||
\v 28 Hãbu taõbinabina ywidỹ ỹ erykõmy ratximyhỹre, kia itxỹtemy ratxikele tamywire iwese hãwã nihikỹ iitxeduõ-my rỹimyhỹre wesemy.
|
||||
\c 26
|
||||
\p
|
||||
\v 1 Bede wiwi aõwiwi heka tiu hãbu itxỹte-wana widee awiõhyyre, iyrybyle tahe biu wetyy bedetòtee-wana widee awiõhyyre, iyrybyle tahe biu nihikỹ aõwi redena-wana widee awiõhyyre.
|
||||
\v 2 Iròdu sõmo sõmo webinadu riwahinymyhỹre aõhererimy aõkõ kia tiu raeryõtyhy; sõemy aõnaõna bina riwinykre, iwese nawii yja ruòmyhỹre wese, ramatxie biu wetyy-di ruòmy ramyhỹre wese.
|
||||
\v 3 Awaru raisinakremy òhòtemy marunykre; buru raisinakremy txuhunamy marunkre; hãbu aõòtaòta raisinakremy òhòtewi-my marunykre aõu aõu idi rahetenykremy.
|
||||
\v 4 Uritre rybe bina binamy rybemy wisỹdỹ ỹ-my wisỹdỹ ỹ õ-my itxỹte-ò; kai dori ywiywi-my besihumy makre uritre besitỹmyranykre itxỹte wesele besihukre!
|
||||
\v 5 Itxỹte-ò biteòsinyke tii dori tiu itxỹte-ribi isitarasaõna, tii dori rybe binalemy ròrawyòdỹ ỹ myhỹre, tii rotỹ ỹrasiradỹ ỹ-ki; kiale heka tamywire.
|
||||
\v 6 Itxỹte-ò rybewi biwahinyke tii iny dee riwahinykemy kia ibinamy ròhònyke tii tati riòròkeki.
|
||||
\v 7 Sohoji rybewi rarybemyhỹre itxỹteõ-ò tiu ibededỹỹnana awimy rỹiõhyymyhỹre; iwese inytikre mahãdu rỹimyhỹre wesemy.
|
||||
\v 8 Dohodỹỹna iny itxỹte mahãdu-ò biwahinyke; iwese manawiwi sõe rỹnysityby-ò resemyhỹre wesele wahe.
|
||||
\v 9 Sohoji rybewi rarybemyhỹre itxỹteõ-ò; iwese òwòru ruru-õ asasa mahãdu debowo-ki roimyhỹre wesele wahe; aõtidese sõemy rowotõmodỹ ỹ myhỹre kia dori tii noiròsò lỹnyre-di resilỹnyrenyõmyhỹre.
|
||||
\v 10 Hãbu aõsỹdỹ ỹ hãbu itxỹte-ò riwahinymyhỹre kia rubudỹ ỹdu ibutumy iaõmysỹdỹỹna ribinanymyhỹre.
|
||||
\v 11 Itxỹte mahãdu ikiemy isyby isybyle taitxỹte ritỹmyranymyhỹre, iwese ijòròsa isybyle tahylòina rirỹsỹ myhỹre wesele wahe.
|
||||
\v 12 Kai aõbo iny-õ teeryte bedeery mahãdu iny sõemy rityhynymyhỹre iny taratiki bedeery-di rỹira? Iny itxỹte mahãdu heka sõetyhymy ròraò-my rỹira resihukremy inywi mahãdu -ribi.
|
||||
\v 13 Iny deywese mahãdu heka urile aõlemy resiònanymyhỹre adeywese heribile aõmysỹdỹ ỹmy raõkrelemy;"txibo hãlòe aõwasina rama risamy rytua-di rariakre", myheka tii rarybere.
|
||||
\v 14 Tai heka tii urile herina tuaki resirahòre rahòremy roikre; iwese ijòtòbòna isybyle raraymyhỹre isybyle raratòbòmyhỹre tiu riyrymy roiõhyymyhỹre.
|
||||
\v 15 Tii ikiemy teywesemy ratxikre kia tule urile byrederamy reakre teywese heribile.
|
||||
\v 16 Txibo tii isi-ribi rahukreki; tii hãbu bedeerytyhy rityhynyke hãbu taratikile aõ rierymyhỹre wahe ibutu hãwã nihikỹ-ribi.
|
||||
\v 17 Aureraru biwahinyke iny witxira mahãdu aõnaõna-my rỹira-ò tii dori aõmy resitòenyõmyhỹre, kia heka itxỹte iny tuu rỹira; iwese iny ijòròsa debure nohõti ritusinymyhỹre wesele wahe.
|
||||
\v 18-19 Hãbu tabiòwa-ò raroimyhỹre irahudi tahe rarybemyhỹre, "uritre tuu rybeõkremy! kia dori alisi rybele rare!", kia heka iòhãru rare txibo tiu itxỹte myawa riòre-di isiki idi ratxikeki idile iskobylemy idi riweke.
|
||||
\v 20 Heòty rurimyhỹre kia hee resihuki rurimyhỹre; iyrybyle tahe aõbina resihumyhỹre kia aõbinadu usybyle aõbinamy reamyhỹre, kia tahe urile taijoi-ribi resihitxinymyhỹre.
|
||||
\v 21 Hãbu aõbinaluu kia urile iny ribinanymyhỹre rybe binabina iwese huji heòty riworinymyhỹre wesele wahe.
|
||||
\v 22 Aõnaõna isirana "aõòtaòta" kia lo`sena ibutu deewi heka rare sõemy iny tuu reamyhỹre. Ijõ iny mahãdu tuu urihimyò-my reamyhỹre, kiemy dori ràma risamy rỹimyhỹre!
|
||||
\v 23 Iwese aõyrina hynaroki rỹimyhỹre wesele aõwasina noiràsò hyna-di raratàbokre suu tuu relemyhỹre wahe, rybe biòwa mahãdu aõwasina rarybekre kia heka roile rare, iwo sõemy aõnaõna bina-di kia rỹira.
|
||||
\v 24-26 Hãbu-ò besiòhãrunyke kia ywimy raybemyhỹre, kia sõemy aõnaõna wiwi-my rarybemyhỹre riwahinykremy! Kia aumy woki kai ibinamy tai tahãteri irahudi tahe kai aaõnaõna binabina biteòsinykre, kia aroiwihikỹ heka bite`sinykre.
|
||||
\v 27 Mobo taana riywinymy rỹimyhỹre iny witxira dee, kia kai tamyle besekre. Mobo màna utxie ritorunymyhỹre widee, kia tii òbitile màna-di resiwotõmonykre.
|
||||
\v 28 Mobo wimy radònymyhỹre tamy raroiraki, mobo wimy rirubunykremy rarybemyhỹre tii rybewimy rarybemyhỹre urile tamy raroimyhỹre.
|
||||
\c 27
|
||||
\p
|
||||
\v 1 Uritre awityhymy noõmy kia aõnaõna irahudi aki rỹikreki, kia dori kai teeryõhyyteri aõhebo biusasòmy butỹ ỹnykre wahe.
|
||||
\v 2 Uritre aõwi iwahidỹ ỹ õ-my; kia urile birike iny witxira riòwaynykremy.
|
||||
\v 3 Iny itxỹte mahãdu dee aõnaõna bina bòdỹ ỹny kia heka sõemy rautxienymyhỹre!
|
||||
\v 4 Iny aõmy wiko relyymyhỹre kia heka aõni iòhãru rare iny ibina widee riwinymyhỹre, iny wimy radònymyhỹre wesele wahe,
|
||||
\v 5 Iny aõmy rarybemyhỹre aõ ribuamy kai heka iny wasimy aõmy rõhõtinymyhỹre ratyre heka rỹimyhỹre.
|
||||
\v 6 Kia heka awire inyõ-my iny boho reòarimy ratximyhỹremyre tiile inydeereny rarutxuna riwahinykre, kia iny widee rytò riwahinymyhỹre wii rieryõ-my.
|
||||
\v 7 Mobo tawonadi tỹsimy ratxireri, bidi breetyhymy rỹira kia heka aõ inydee awityhymy riwahinyõhyymyhỹre, ka ràma risamy rariamy ratximyhỹre kia aõtxile bederade ubroroki bederaty roimyhỹre kia awihikỹlemy ritòmyhỹre.
|
||||
\v 8 Hãbu irehemy aribi ratximyhỹre aõwiwi-ribi, iwese nawii reòsamy ruòmy tasina-ribi irehemy.
|
||||
\v 9 Dohodỹỹnawi iny tabiòwa-ò riwahinymyhỹre tawo-ribi kia heka awirare, iwese delỹnyrenawi rỹimyhỹre wesele wahe.
|
||||
\v 10 Uritre abiòwa mahãdu-di aõmy alisiõ-my kia bu biòwa-di tule alisiõ-my. Kia dori iny biòwa-my widi rỹira wii riwiòhenanymyhỹre tiu bedeu aõ isira-wana; txibo kai abiòwa ijõdireri-wana aheto bireki, kai tiu asỹreny-ribi irehemy aribi rỹira awimy anoõna.
|
||||
\v 11 Wariòre, txibo kai hãbu bedeerymy matxikreki diarỹ sõemy arabedesakre, kia diarỹ awimy umy arasiwedekre iòraru ijõdi-my aõsỹdỹ ỹdu mahãdu-ò.
|
||||
\v 12 Hãbu awimy rỹira kia aõòhãru rierymyhỹre ikomy rỹimyhỹre kia tii òbitile resiemyhỹre; ka iny deòsa tahe urile iny ruebety mahãdu ribrebunymyhỹre aõnaõna-my risỹnymyhỹre aõhỹkỹmy.
|
||||
\v 13 Iny nieru rihuòtemyhỹre taerykõ-ò hãwyy mahãdu-ò heka rahuòtetyhymyhỹre, kia heka aõni iòhãru rare kia dori aõnaõna bina riwahinymyhỹrenyre.
|
||||
\v 14 Txi kai birajuakreki sõemy aheto birelàdu-ò, kia biurasòmy iny adi rõhõtinykre txibo kai ixihedỹ ỹmy terajuateri kia õmy aõbo txibo kai aheto birelàdu-ki kai ibinamy tahãteri.
|
||||
\v 15 Kia isityretyrele rarutànymyhỹre kia biu yrybyle ròamyhỹre, kai hãwyy aõbina luu kia tuhykỹle ratximyhỹre tai heka wiwesenare.
|
||||
\v 16 Tai utritre isawidỹ ỹmy idi resỹnymyhỹre kia ihãrele aõnaõna-ki resiremyhỹre; iwese iny rimymyhỹre wese, kia tule iny debòki òlỹrena rỹimyhỹre wese uritre iny rimymyhỹre kia ihãrele rejujumyhỹre.
|
||||
\v 17 Womati suusiri synamy rỹimyhỹre, kia inatxi-my txuree-my kia tiu itxuu-my roi-wanaki tiò tiòle wiwana ròlàdu-my roimyhỹre, iwese iny tabiòwa-wana taaõnaki widee rarybemyhỹre inatyhymy kia isyby ibòwa-my relemyhỹre turumy relemyhỹre juhulàdu ratyre-my.
|
||||
\v 18 Mobo aõjuhu-di taruki-my retehemy ratximyhỹre kia òbitimy awimy iraty-õ rirỹsỹkre tiu iny-õ aõmy tamy irybeõna bederade dori isyby raratynymyhỹre. Mobo tadinodu-di taruki-my ratximyhỹ myhỹre kia ikiemy awimy ròtamy ratxikre.
|
||||
\v 19 Isidee ijerena-di iny boho isidi retehemyhỹre txibo tahe inykywolàdureny; iny raykyreny iny rierymyhỹre timybo iworeny rỹimyhỹre wahe.
|
||||
\v 20 Txibo aõtxi iny wii ribinanymyhỹre kia heka rubuna-wana wiwesere kiemy dori tiu awimy rỹiõhyymyhỹre.
|
||||
\v 21 Kia prata oro-wana iòwywityhyre ihãre tahe heòtyòle resekre; Habu wityhy aõwi-my rotohodỹ ỹ myhỹre kia ikiemy aõnawiwi rimymyhỹre.
|
||||
\v 22 Kai aõwasina itxỹte mahãdu urile birike ibtumu biòtudunykre sõemy birarytxynykre, tai tahe tii tiu aitxỹte ibinadỹ ỹ õna.
|
||||
\v 23-24 Ityhyna heka tiu ikiemy rỹiaõkõ rare. Iòlò rataana heka tiu awiõre REAL riòre boho-ò. Tai heka aõmysỹdỹỹna-di biemy atximyhỹke, kia biekre timybo abudoeni rariamyhỹre kia heka bieryke, aõdibo tahe abudoeni sõemy awimy rỹimyhỹre.
|
||||
\v 25 Tiu aaõwi rede bihukreu owiru-ribi, kia inytỹmyra resisõenymy-wana,
|
||||
\v 26 budoeni heka tadetyy tamyreny riwahinymyhỹre, buboeni hãwyy tahe tdetyy riwahinymyhỹre.
|
||||
\v 27 Tahuỹsy tahe iriòre boho-ò riwahinymyhỹre, kia ijõ-my teòdu boho-ò riwahinymyhỹre, kiehe.
|
||||
\c 28
|
||||
\p
|
||||
\v 1 Itxỹte mahãdu isi taòrarukile rerubunymyhỹre moõ dee wiki aõkõ. Inytyhy mahãdu bede rierỹ õ-my, kia ihãrele aõnaõna brebuna-ribi awimy ròhònymyhỹre tabrebuteremy wahe.
|
||||
\v 2 Ijoi mahãdu òrarudu-my rỹira kia urile hãwã nihikỹ ribinanymyhỹre; ka Iòlò wityhy tahe òbtimy rỹira kia awimy hãwã nihikỹ ryòbi-ò ritidimyhỹre.
|
||||
\v 3 Hãbu aõkõ wii ribinanymyhỹre iwese biu ywimy ròamyhỹre wesemy ibutemy aõ rihumyhỹre kia heka hãbu aõkõ riemyhỹre wahe.
|
||||
\v 4 Mobo Deuxu rybewi-di risinymyhỹre kia òrarufule itxỹte mahãdu le riwiòhenanymyhỹre; ka mobo Deuxu rybewi rityhynymyhỹre kia urile òrarudu mahãdu itxỹte mahãdu-di risinymyhỹre.
|
||||
\v 5 Iny deòsa mahãdu Deuxu aõnawiwi rieryõhyymyhỹre; ka mobo Deuxu aõnawiwi rierymyhỹre tahe awimy rierymy ramyhỹre kia ta awimy aõmy reaõhyymyhỹre awimy ratximyhỹre.
|
||||
\v 6 Iny iaõkõ-my rỹimyhỹre heka awire Deuxu rityhynymyhỹre ibutumy tawo-wana, ityhy mahãdu ratyremy tii boho heka irehemy Deuxu-ribi rasỹnymyhỹrenyre itxỹte wesemy wahe.
|
||||
\v 7 Iny tỹmyrawi mahãdu rybewiwi rityhynymyhỹre; ka iny tỹmyra irele itxỹte mahãdu kytxi ralòmyhỹre kia isỹrunihikỹ tasỹreny-ò riwahinymyhỹre.
|
||||
\v 8 Mobo ityhymy ròòsemyhỹre urile iaõkõ mahãdu-di risinymyhỹre kia hãre tahe isihetyre riwibrònymy taòwy tamy riijemyhỹre, kia heka taõwiwi ributunymyhỹre, hãbu wi mahãdu tahe urile iny iaõkõ-my rỹira riwiòhenanymyhỹre.
|
||||
\v 9 Deuxu iny isitòedỹỹna-di ibinamy iny-di retehemyhỹre, mobo irybeki ibinamy rahãmyhỹre wesele wahe.
|
||||
\v 10 Mobo inywi mahãdu rybina-ò ridymyhỹre kia tii òbtile resirubunykre taaõòtaòta-ki, ka mobo Deuxu rityhynymyhỹre ibutumy tawo-wana kia mahãdu heka soẽmy aõnaõna wiwi rimymyhỹre.
|
||||
\v 11 Hãbu ityhymy rỹira kia iny bedeery ratyre-my rautxienymyhỹre ityhyrekile wahe. Ka hãbu òbitityhy bedeerymy rỹira kia aõwasina iaõkõ-my rỹikre hãrele ityhy mahãdu wo rierymyhỹre.
|
||||
\v 12 Tiu hãbu awimy ratxira-wana kia awityhymy ratxira-wana kia ibutumy reysamyhỹrenyre; tiu itxỹte mahãdu aõwedu nihikỹmy runyra-wana kia ibutumy iny mahãdu urile ramytàtàmyhỹre brebumy wahe.
|
||||
\v 13 Mobo urile taòraru iny lau riwòmyhỹre kia ikiemy ywiywi-my rawebinadunymy resekre. Ka mobo taõòtaòta riywinymyhỹre ririmyhỹre kia Deuxu tuu reàlàmyhỹre.
|
||||
\v 14 Mobo isyby isyby Deuxu rityhynymy ratximyhỹre kia ikiemy ibedesamy ratxikre; ka mobo isideewi-my aõ riwinymy ratximyhỹre ka mahãdu ikiemy uhuari woki rỹikre isi taòraru-ki.
|
||||
\v 15 Hãbu itxỹte iny a~ko~ mahãdu riweduny-wana kia aõni iòhãru rare iwese hãlòe ràma risamy rỹimyhỹre wesele wahe.
|
||||
\v 16 Hãwãhãkỹ dinodu aõna~na òwy rihejimyhỹre txuõtxuõlemy kia heka ibina rare! Hãwãhãkỹ dinodu heka iny awimy rỹikre tamy ibinare, iny òwydỹ ỹnyreny heka rỹsỹna-ki iny boho rahumyhỹrenyre tiwese wyra-my aõkõ sõemy.
|
||||
\v 17 Aleerydu itxỹte heka taleery-my resiruerubunykre kia tiu txulemy rurukre; tiu heka iny-õ tamy resitòenyõtyhy.
|
||||
\v 18 Mobo Deuxu rityhynymyhỹre ibutumy tawo-wana kia aõsirasira-ribi resitakre, ka mobo Deuxu ry-ribi resilòhòrarienymyhỹre kia tii òbitile resiatykre taaõòtaòta-ki.
|
||||
\v 19 Mobo ywimy raaõmysỹdỹ ỹnymyhỹre kia ikiemy irỹsỹna ijõdire, ka mobo urile iny bina mahãdu ributunymyhỹre tahe urile ràma rirubunymyhỹre.
|
||||
\v 20 Hãbu òbiti irybeõ-my rỹira sõemy Deuxu rybewi rimykre, ka mobo ityhymy ratxikremy isi ratximyhỹre taitxỹte-ribi kia Deuxu òrarudu mahãdu ròtana-ò ralokre òbitimy.
|
||||
\v 21 Iny ityhymy rỹira-di sõemy awimy ròrenymyhỹre iny aõkõ mahãdu-ribi, kia heka ibina rare.
|
||||
\v 22 Iny rybe luu mahãdu heka ityhymy ratxikemy reamyhỹre, kia tahe aõnaõnalemy resihumyhỹre.
|
||||
\v 23 Mobo hãbu-my aõnaõna-my rarybemyhỹre kia sohoji-my tabiòwa-txi reamyhỹre, ka mobo aõnaõna riwinymyhỹre roimy kia tahe ratyhydỹ ỹ õkre.
|
||||
\v 24 Mobo tyby-ribi rawasinymyhỹre irahu-di tahe rarybemyhỹre, "Aõ ibinamy rewinyõhyyra", kia heka itxỹte tuu rũira rubudỹ ỹdu wesemy.
|
||||
\v 25 Mobo ityhymy ratxike-my resitòenymyhỹre kia aõòwy aõtxile riisiranymyhỹre tai tahe aõbinabina ròhònymyhỹre, ka mobo Deuxu rityhynymyhỹre kia ywiwi-my raityhynymy ramyhỹre.
|
||||
\v 26 Mobo isi òbitile resityhynymyhỹre kia heka itxỹte rare! Bedeerymy rỹira iny Deuxu rityhynyrele tuu rỹira; kia heka rahenykre ibutumy aõnaõna sirasira-ribi.
|
||||
\v 27 Mobo taaõnawi riwirarekre iny aõkõ mahãdu -wana kia heka tiu tyy-my rỹsỹnamy reaõtyhy; ka mobo urile ròbòdỹ ỹ myhỹre aõnaõnamy kia tiu aõnaõnawi-my tobisiõna deuxu urile riròtenykre ròtewoòle.
|
||||
\v 28 Txibo tiu itxỹte-õ aõwedumy roosekreu inytyhy mahãdu irue ribi riõkre, txibo itxỹte mahãdu resihukreu inywi mahãdu resityhynykre, kia aõtxi aõtxile rỹikre.
|
||||
\c 29
|
||||
\p
|
||||
\v 1 Hãbu aõnaõna-ribi resiije-my rỹira sõemy kia tiu taaõna binabina-ribi resihitxinyõhyymyhỹre, kia ywiywi-my isitere-ribile resekre, kia tiu isyby awimy ratxiõtyhy.
|
||||
\v 2 Txibo tiu hãwã dinodu hãbu wi inytyhy tuu runyra-wana iny mahãdu teysamy rỹimyhỹre, txibo tiu itxỹte-õ hãwã dinodu-my runykreu kia iny mahãdu brebumy urile resihurenykre bederyry nihikỹmy.
|
||||
\v 3 Iny tỹmyra-õ wijina inytyhy kia tyby reysamyhỹre tuu rawowydymyhỹre, ka weryrybò wedena hewomy reamyhỹre kia ini-di beubetxile rehumyhỹre isỹ mahãdu aõwiwi-di tule.
|
||||
\v 4 Iòlò inytyhy òbiti kia heka ahãwã riwiòhenanykre kia tule riumydỹ ỹnykre kia awimy roikremy aõbina ihoõkre; txibo Iòlò iny brò-ribi raityhynyke-my isi risỹnymyhỹre kia urile hãwã ribinanykre.
|
||||
\v 5 Mobo aõ ibina riwinymyhỹre tabiòwa-ò kia tamy hãluu riamyhỹre.
|
||||
\v 6 Hãbu òraru ibina kia aõjuhu hãluu wesemy sỹy-my rỹimyhỹre hãbu witxira riranaki, ka mobo Deuxury-di rariamyhỹre kia resimywi-my rariamyhỹre kia bedesahe-ribile rawiunymyhỹre.
|
||||
\v 7 Hãbu inytyhy mahãdu heka rõhõtiyremyhỹre iny iaõkõ-my rỹira aõnaõna-my rỹimyhỹre-di, ka itxỹte mahãdu tahe kia aõnaõna-my rõhõtinyõhyymyhỹrenyre.
|
||||
\v 8 Iny itxỹte mahãdu aõnaõna bina riywinymy rỹimyhỹre ibutumy bede bedemy, ka inywi mahãdu tahe iny wiòhedỹ ỹdumy rarunymyhỹre awimy rỹikre-my aõbina binaõ-my.
|
||||
\v 9 Iny itxỹte-wana widee marybekreki kia aõ iribi bieryõtyhy! Kia rybe isiyrybyhykyle rỹikre: aõhe-wana tii aõbinamy adee risỹnykre txibo aratyremy isimy adee rarybekre.
|
||||
\v 10 Hãbu mahãdu iaõkõkõ-my ywimy rỹira kia hãbu wi mahãdu-my radònymyhỹre, ka hãbu wi mahãdu tahe urile hãbu itxỹte mahãdu riwiòhenanyke-my rỹimyhỹre kia heka tamy iurihina rare.
|
||||
\v 11 Itxỹte heka rajua rajua riisiranymyhỹre kia tiu ehehemy ratxira-wana; hãbu inytyhymy isidi rỹira kia tebure taehehe riywinymyhỹre.
|
||||
\v 12 Tiu Iòlò-õ hãbu roiluu rityhynymyhỹeu kia ibutumy teòdu mahãdu iijedu mahãdu tadinodu heki raroimyhỹrenyre Iòlò-my reàlàkremy hãwã dinodu-my raòwònykremy.
|
||||
\v 13 Aõnaõna heka wiwese wiwesenare ityhy, aõkõ-wana myheka wiwese wiwesenare; loosona bede ritoosònymyhỹre kia heka Deuxu riwahinymyhỹre.
|
||||
\v 14 Iòlò iny aõkõ mahãdu-di tiu risinyõmyhỹre kiata ityhy mahãdu-ò riwahinykre irybewiwireny, kia tahe Iòlò irehe-my bede riijekre awimy.
|
||||
\v 15 Uladu raijemy rỹimyhỹre aõnaõna binana lau sõemy raòhãrudỹ ỹmy kia dori isiijese rieryõkre òbitimy. Uladu isyby isyby aõnaõna bina bina isideewi-my riwinymyhỹre kia urile tybydee isỹru nihikỹ riwahinymyhỹre ibutumy iny mahãdu rierymyhỹre.
|
||||
\v 16 Tiu aõdinodu mahãdu roiluukreki itxỹtekreki kia ijoi mahãdu iyrybyle iheki roiluu-my itxỹtemy rỹikre.
|
||||
\v 17 Ariòre bimukre bitòenykr aõnaõna lau tai kai ikiemy awimy atxikre abedesamy.
|
||||
\v 18 Txibo Deuxu rybewiwi-my ijoi mahãdu-ò belyyõkre-wana, kia ijoi mahãdu ywiywi-my rabinamy raitxỹtemy rỹikre; Txibo ijoi mahãdu Deuxu rybewiwi rityhynykreki tahe hãwã nihikỹ awimy resiywinymy roikre rabedesamy rỹikre.
|
||||
\v 19 Iny itỹte biywinykreki, kai aõnaõnawi-my beakre rybewiwi-my tule beakre, tii dori iwydyõna kai aõmybo tarybeta òbitimy.
|
||||
\v 20 Sõemy iny itxỹte mahãdu aõnaõna bina riraò-my rỹimyhỹre iyrybyleta hãbu aõmy rõhõtinydi aõkõ aõmy rarybemyhỹre.
|
||||
\v 21 Txibo kai sõemy aõnawiwi arybewiwi tewahinymyhỹte-wana adeòdu-ò, tiu bedeu tii iwese uladu raywidỹ ỹ myhỹre wesele ratxike-my isi risỹnykre òbitimy.
|
||||
\v 22 Hãbu aõbinaluu kia urile raisiradỹỹ myhỹre aõtxi aõtxile raõbinanymyhỹre, kia urile òrarudu mahãdu rarybemyhỹre iny òbitimy mahãdu-my tule.
|
||||
\v 23 Hãbu taõwiwi kile resiatykre; kia riàòwònyke-my isi risỹnykreki,iny ywimy ratxikre aõnaõnakõ-my.
|
||||
\v 24 Hãbu wasidu mahãdu riwòmyhỹre aõwedu nihikỹ lau kia isidee òbitile bedebina riwahinyhỹre, kia wasidu wesele isidee rarytxyna nihikỹ isidee riwahinykre!
|
||||
\v 25 Mobo hãbu mahãdu aõmysỹdỹ ỹwi lau ruberumyhỹre, kia roina rybe-di mohõtinyke iribi besihedỹ ỹnykre-my; mobo Deuxu rityhynymyhỹre kia awimy rỹimyhỹre kia tahe resierymyh`yre awimy resimywi-my ratximyhỹre.
|
||||
\v 26 Kai aõbo isiwiòhedỹ ỹmy inatyhymy taruteri? Urile aõdinodu mahãdu-ò aõmy isitòedỹ ũõ-my! Deuxu oleta besitòenyke tii dori arawiòhenanykre awimy atxikremy.
|
||||
\v 27 Inywi mahãdu heka iny itxỹte mahãdu-my sõemy radònymyhỹre. Iny itxỹte mahãdu inywi mahãdu aõmysỹdỹỹnamy urile radõnymyhỹre.
|
||||
\c 30
|
||||
\p
|
||||
\v 1 Kaheka Agur rybe rare Jaque riòre heka rar, Massà suki heka raremyhỹ. Diarỹ reywesereri, Deuxu diarỹ reywesereri arierykre-my mobo kai tatemy!
|
||||
\v 2 Diarỹ heka iny itxỹte rare! Diarỹ òsỹny heka waraykykõre ibutumy hãbu mahãdu -ribi.
|
||||
\v 3 Diarỹ bede reeryõhyyre timybo rỹimyhỹre, kiemy reerykõmyhỹre timykibo Deuxu bedeery nihikỹmy ratximyhỹre-ki!
|
||||
\v 4 Kiale heka reeryre: tiu iny-õ Deuxu wesemy su-ò ibereseõna tahe tiu isyby biu-ò ròòseõtyhy! Tiu heka iny-õ Deuxu wesemy yhy tebò-ki rimyõtyhy, tiu heka biu biuwetyy-ki rimyõtyhy! Kai aõbo Deuxu teeryte, ariòre aõbo teeryte?
|
||||
\v 5 Deuxu rybe sohoji sohoji òbitimy rarybere. Tii ikiemy iny riijemyhỹre aõnaõna brebunalau ibutumy mobo rityhynymyhỹre wahe.
|
||||
\v 6 Uritre dohodỹỹna rybe òbiti awo-ribi iwidỹ ỹ õ-my Deuxu rybemy, uriõ-ribi tii taròtena-ò araròtenyhemy, ibutumy iny mahãdu-ò arateòsinykre aõbo ibutumy roimy tuu tarybetemy.
|
||||
\v 7 Deuxu diarỹ adee aresitòenykre inatxi-my wadee bedewi biwahinykre-my:
|
||||
\v 8 Uritre roi lau biwatòenykre! kia heka komy waisitòedỹỹna rare. Kia-ribi tasỹ uritre inihikỹmy aõkõtyhy-my aratxike lau biwatòenykre! Kiale wadee biwahinymyhỹ aõmybo inatyhymy reamyhỹrele.
|
||||
\v 9 Diarỹ ao~mysỹdỹ ỹdu-my aratxiõtyhy, ityhy mahãdu le arityhynykre kia ta isiweribiòle ararikre kai ta wadee ibinare, tule diarỹ iny aõkõ mahãdu idi arisinyõtyhy txibo rybe-õ itxỹte-õ riwaitxỹtenykreki, ka txibo ani risuhokre kia iwitxira-my animy rarybekre.
|
||||
\v 10 Tiu deòdu mahãdu roimy tadinodumy rarybeõmyhỹre txibo rarybekeki tahe tii iròdu sõmo-di adee rehukre aòraru òrarukile wahe.
|
||||
\v 11 Kia iny mahãdu urile tyby-di, tadi-di risinymyhỹre kia urile iròdu sõmo-di rehumyhỹre tuòlàdu-my.
|
||||
\v 12 Iny mahãdu awimy ròtyhydỹ ỹ myhỹre kia tiu tõhõtireny tyramy rỹiõhyymyhỹrenyre kiemy isuhykỹlemy idi rỹimyhỹrenyre isi taòrarukile wahe!
|
||||
\v 13 Timybo iny mahãdu iaõna làkurenyre! Timybo aõnaõna-di tỹsimy rỹimyhỹre!
|
||||
\v 14 Iny mahãdu webinadumy iaõkõ-my rỹira mahãdu-my raòhòtemyhỹre, iwese hãlòe ràma risamyhỹre wesemy, txuu txurydesemy rỹimyhỹre.
|
||||
\v 15 Inaubiòwa-my aõnaõna tiu awimy rỹiõtyhy, iwese hãlàbu tiu iny umy-ribi teòrehemy rỹiaõkõ rare.
|
||||
\v 16 Bede wesilàdu kia ikiemy isyby ràbumy risỹnymyhỹre, hãwyy iriòreõ-my rỹira, bederahhy suràbuki, kia ikiemy isyby aõ worodỹ ỹmy risỹnymyhỹre.
|
||||
\v 17 Mobo tyby rirawyònymyhỹre mobo tadi rirawyònymyhỹre kia urile irue ratàkre; Kia iny mahãdu rue nawii òsitàmaru ritakre, irahu-di tahe rara iumymy rirosikre.
|
||||
\v 18 Inaubiòwa-my aõnaõna tiu raeryõhyymyhỹre kiemy dori isirare timy iny idi iijereõna:
|
||||
\v 19 Nawiihikỹ biu wetyy-di ruò-my ramyhỹre tiu iny rieryõhyymyhỹre, iwese hemylala mànatyre-di ramyhỹre wese mo iryrorieryõhyymyhỹre, iwese bera heòty beri nihikỹ-di ramyhỹre wese, katahe ikonana rara ijadòòma aõna tỹmyra hãbu-ò rawahimyhỹre.
|
||||
\v 20 Ka wesemy heka hãwyy tahãbu ribònymyny ririmyhỹre hãbu witxira-ò; òrarudu-ò marybeke, irahu-di ta bitỹ ỹrasinyke, iòsỹny bedeeryõ-my irutaõ-my, "Aõwe diarỹ ibinamy rewira?"
|
||||
\v 21 Inaubiòwa-my aõnaõna suu rimytàtàdỹ ỹnymyhỹre:
|
||||
\v 22 Deòdu-õ txibo Iòlò-my runykeki, iny raityhynykeki.
|
||||
\v 23 Kia hãwyy isiòhyy-my ikonanamy roimyhỹre, kai hãwyy deòdu-my rỹira tiu wytetyby-wana roimyhỹre tadinodu ehetxi-wana.
|
||||
\v 24 Inaubiòwa-my iròdu yja roisinadỹ ỹ myhỹre hãbu sõemy bedeery-di rỹimyhỹre-ò;
|
||||
\v 25 òlòbure yjayja iaõkõ bede rierymy tarỹsỹna rirarenymyhỹre bede jutàtà-ò;
|
||||
\v 26 Iròdu yja iaõkõ kia ihãrele hãluu mànaykyki riwinymyhỹre tai resierenykre-my;
|
||||
\v 27 Sei boho idinodureny ihoõre, ihãrele tahe ibutumy ruòmyhỹrenyre sõemy;
|
||||
\v 28 Ijare iny tebòkile riràbunymyhỹre, kia tahe ijõ iòlò heto rarieki rỹimyhỹ myhỹre.
|
||||
\v 29 Kia inaubiòwa-my aõnaõna widỹỹdu rỹira rariamy ywimy òbitimy:
|
||||
\v 30 Hãlòe, Iòlò iròdu, kia tiu aõ-ò iwahisidỹỹ õna aõmybo rearerimy.
|
||||
\v 31 Rararesa rasiwedemy rỹira tasira txòtxò-my, watxi òbiti òbitimy rariamyhỹre, kia tiu aõtyre rariaõtyhy, Iòlò taòlàdu mahãdu-ribi ehehe-ribi isawira.
|
||||
\v 32 Txibo kai aõnaõna bòd`yỹnatxi besekreu iheribi, kia teeryta aõnaõna bina widỹ ỹ iny witxira-ò, isiki maisỹrikre kia tahe iribi isawikre!
|
||||
\v 33 Kai dori aõnaõna òbiti ijõdire: Txibo kai broreni huỹsy sõemy bihetenykreki kia urile sõemy adee radenykre manteiga-my; txibo òhòte deasỹki rỹira-wana kia sõemy hãlàbu reamyh`yre: txibo kai sõemy aehehe bibutunykre iny witxira dee, kia sõemy tii-wana maaõbinanykre txibo wii birubunybenykre.
|
||||
\c 31
|
||||
\p
|
||||
\v 1 Kaheka bedeery rybe heka Rei Lemuel, kia heka rirawihikỹ rare, ise riki heka tuu riisinanyre, tii uladu-my raremyhỹu.
|
||||
\v 2 Wariòre waderina, wariòre diarỹ heka arawinyre Dexu-ò, kaheka wadododỹỹna rare:
|
||||
\v 3 Uritre ixidi ahãnatxi adehuõ-my hãwyy mahãdu-ò; tii boho dori Iòlò rahurenyre.
|
||||
\v 4 Iòlò mahãdu Lemuel dee monahyre heka iòhãru rare isyruna, txibo monahyre wimy biõkeki.
|
||||
\v 5 Iòlò txibo sõemy riõmyhỹre kia taaõmysỹdỹỹna-ribi tõhõti rusamyhỹre, kia bededỹỹnana-ribi tõhõti ruõamyhỹre, tiu òbitimy aõmy rarybeõhyymyhỹre kia urile tahãwã nihikỹ riaõkõdỹỹnymyhỹre.
|
||||
\v 6 Monahyre heka webinadu mahãduyki awire, kiemy dori ràbu ryki rỹimyhỹre; monahyre heka iny aõnaõna binabina-my rỹimyhỹre biòwa heka rare.
|
||||
\v 7 Tii boho dori taaõkõ-ribi tõhõtireny rusake-my monahyre-my riõmyhỹrenyre, kia bede binamy ratximyhỹrenyre.
|
||||
\v 8 Arybereny biuhebenyke iny witxira biwiòhenanykre-my, iny aõkõ mahãdu tiityhyre, tii boho dori tiu rexiijerenyõtyhy.
|
||||
\v 9 Aõdinodu biuhekre aõ awi biwinykre-my iny aõkò mahãdu biwiòhenanykre-my rỹsỹna-ki.
|
||||
\v 10 Txibo kai hãwyy-txi beakeki òbitimy, òòreõyna-txi beakre oro ratyremy awimy idi atxikre.
|
||||
\v 11 Hãwyy hãbu òbiti kia ikiemy awimy ratxikre, tii tiu tamy aõ isiraõna.
|
||||
\v 12 Tii ikiemy tahãbu wiòhedỹỹ-my rarynykre; ikiemy aõnawiwi riekre tai ta ihãbu rabedesakre.
|
||||
\v 13 Tii tyyesi riõbranykre, kia tiile tyy riwinykre tariòre boho-ò.
|
||||
\v 14 Tiu reyweseõtyhy, rỹsỹnawi riemy rariamyhỹre tariòre boho-ò, rỹsỹna òwyriòre riemyhỹre.
|
||||
\v 15 Txuu ròhònykreko-ki tii rỹira-wanale komy rỹsỹna riywinymyhỹre tariòre boho-ò, irahudi tahe tadeòdu aõmysỹdỹỹna riywinymyhỹre.
|
||||
\v 16 Tii dori aõmysỹdỹỹ rieryre! Su riòre riõbranymyhỹre tamy-ò tahe aõwi ribrònymyhỹre nieru taaõmysỹdỹỹòwy-di rimymyhỹre wahe.
|
||||
\v 17 Tii ikiemy iny witxira-wana widee rarybedesemyhỹre, kia tiu taaõmysỹdỹỹna utxie-ribi rewòõhyymyhỹre.
|
||||
\v 18 Tii taaõmysỹdỹỹ rierymyhỹre idi xiery tariòre boho-di ròrenymyhỹre, iurenana tahe ruwetya riòre-di taaõmysỹdỹỹ-ribi rehemynymyhỹre.
|
||||
\v 19-20 Tyyrurena-di arite-di tii tyy riwinymyhỹre irahudi tahe iny iaõkõ-my rỹira mahãdu-ò riwahinymyỹre.
|
||||
\v 21 Txibi tiu bede txutàtà-ò rehemynymyhỹreu tii aõmy rõhõtiyreõhyymyỹre, tiiemy tii tyky tariòre boho-ò riwiny rahumy rỹimyhỹre.
|
||||
\v 22 Tii òbiti herina hety mesa hety heto ijò hety riwinymyhỹre. Ityky kia tawidỹỹnadile ratximyhỹre, arite wityhy-di riwinymyhỹre.
|
||||
\v 23 Hãwyy hãbu wityhy iinytyhy kia ibutumy iny rierymyhỹre kia iny rityhynykre hãwãyky-ribi; kia aõwedu nihikỹmy runykre taijoi mahãduyky-ribi.
|
||||
\v 24 Uòhi, tyy, weretysana tiile riwinymyhỹre kia ta aõna-di ijohodu-ò idi rohonymyhỹre.
|
||||
\v 25 Tii matuari mahãdu lau ruberuõhyymyhỹre.
|
||||
\v 26 Tiu tariòre boho riisinanymyhỹreu tii bedeerytyhy riteòsiinymyhỹre, kia awimy roisinadỹỹmyhỹre roijemy òbitimy.
|
||||
\v 27 Tii ibutmy rierymyhỹre aõbo iheto-ki ròhònymyhỹre, idi tiu taaõmysỹdỹỹna-ki reywesemy ratxiõhyymyhỹre.
|
||||
\v 28 Iriòre boho myy tabiòwa mahãdu-ò rarybemyhỹrenyre: “Nadi heka brebudỹỹdu nihikỹ rare! Ibutu se mahãdu-ribi heka awire!" Ihãbu myy tamy raybera, kai sõemy texiijemyhỹte:
|
||||
\v 29 "Kia aõwaõina hãwyywi rỹikre hãwãyky-ki, diarỹ heka inatyhymy reerymyỹre tiu ijõ awese ratxiõtyhy".
|
||||
\v 30 Hãwyy aõwiwi kia txibo rasinanale rare aõwityhy dori tiu ikiemy rỹiaõkõ rare. Ka aõwi òbiti tahe hãwyy umy reòarikre aratyhynykre.
|
||||
\v 31 Hãwyy tuu riwinykeki komy aõnaõna-ribi ibutumy ixawike; kia iny-ribi rybewiwi rimykre ibutu-ribi kia hãwã riòre raaõmysỹdỹỹ-my rỹira-ribi.
|
||||
|
|
@ -0,0 +1,294 @@
|
|||
\id ECC
|
||||
\ide UTF-8
|
||||
\rem Silas Report:
|
||||
\rem Missing Verse: c 3 v 9 (could be possible that is on the v 8
|
||||
\rem Weird Symbol: c 1 v 1 *
|
||||
\rem c 7 v 21 and v 22
|
||||
\rem c 8 v 3
|
||||
\rem c 9: v 1; 2; 3; 7; 9; 10; 11; 12 and 14
|
||||
\rem c 10: v 3; 4; 6; 7; 8; 9; 10; 11 and 19
|
||||
\rem c 11: v 1; 2; 4; 5; 6; 8 and 9
|
||||
\rem c 12 v 1 and v 2
|
||||
\rem aut Ijeseberi
|
||||
\rem dat 1989
|
||||
\h Bedeery Nihikỹ Iurihidỹỹnana
|
||||
\toc1 Bedeery Nihikỹ Iurihidỹỹnana
|
||||
\toc2 Bedeery Nihikỹ Iurihidỹỹnana
|
||||
\toc3 ecc
|
||||
\mt1 Bedeery Nihikỹ Iurihidỹỹnana
|
||||
\mt2 Eclesiastes do Sabio
|
||||
\mt3 Eclesiaste
|
||||
\rem mt ECLESIASTES
|
||||
\s1 Eclesiastes do Sabio
|
||||
|
||||
\c 1
|
||||
\p
|
||||
\v 1 Kaheka bedeery nihikỹ rybe rare. Davi riòre heka rare iwidỹỹdu. Tii Jerusale Iòlòmy raremyhỹ.
|
||||
\v 2 Bòdỹỹna, bòdỹỹna heka rare. Kamy Bedeery rarybere. Kia heka ibutumy bòdỹỹnale hekỹ rare.
|
||||
\v 3 Iny mahãdu heka tabededỹỹnana aõmysỹdỹỹmy rahumyhỹre, rexiaõtamyhỹre. Kia tahe ionana rehemynymyhỹreu inyboho ròtamyhỹrenyre?
|
||||
\v 4 Iny mahãdureny rexijuamyhỹrenyre. Iny mahãdureny rurumyhỹrenyre kabede-ki hãwã nihikỹ.
|
||||
\v 5 Txuu ixiyrybuhukỹle ròhònymyhỹre, kia tahe ixybyle talamana-ò ròòsemy rỹimyhỹre, ixybyle rohònymy rariakremy.
|
||||
\v 6 Yhy heka iraru-ò rebonymyhỹre, iraru-di tahe ibòò-ò rebonymyhỹre, kia tahe ixybyle tatytyby-di ròòsemyhỹre ixihetyretyle.
|
||||
\v 7 kia tahe tabutunakile rexihumyhỹre, kia heka ibutumy bero mahãdu bero nihikỹ roimyhỹre-ò rekoamyhỹrenyre, kia ribi tahe bero nihikỹ rỹxiõhyymyhỹre. Kia bee ixybyle ròòsemyhỹre tiribibo bero ròrarunymyhỹre-ò, kia ta ixyby tuu rekoamyhỹrenyre.
|
||||
\v 8 Kia heka ibutumy aõnaõna inyboho deyurese nikikỹmy risỹnymyhỹrenyre deywese inihikỹmy, kia tiu inyboho idi butumy rikirarenyõtyhy. Iny ruereny heka reyweserenyõhyymyhỹre aõnaõna-di itxere-di, kia iny nohõtireny tule reyweseõhyymyhỹre aõnaõnamy ijohona-ò.
|
||||
\v 9 Aõbo komy rutỹỹnyre, kia ixybyle tuu rutỹỹnyre. Aõbo komy rotỹỹnyre, kia ixybyle relekre.
|
||||
\v 10 Kia aõbo ijõdire iny aõmy rarybekemy: “Beteheni, kia heka tiu kaki bebe-ki tuu rutỹỹnyõhyyre? Kõre kia ibutumy tuu rutỹỹnyre inykoreny-ki, kia iny boho ruarenyõule tuu rutỹỹnyre.
|
||||
\v 11 Iny-õ heka itxi tõhõti reaõhyymyhỹre aõbo juhuu rutỹỹnyre-di; mobo irahudi kamakre, kia aõnaõna rõkõnykre tuu bedeu, kia ihãre itxi tõhõti reaõhyyre.
|
||||
\v 12 Diarỹ wabedeeryre, diarỹ heka Israel Iòlòmy raremyhỹ Jerusalem bedeki:
|
||||
\v 13 Diarỹ rexiywinyre aõbo kaki hãwa nihikỹ roimyhỹre arienykemy idi aratyritinykremy. Kia heka Deuxu aõmysỹdỹỹ inihikỹmy wadeereny riwahinyre, kia inihikỹmy reywesemyhỹrenyre.
|
||||
\v 14 Diarỹ heka ibutumy aõbo kaki hãwa nihikỹ-ki roiremy rabimyhỹre, kia take myy rarybere: kia heka ibutumy raihyyle rare. Kia heka ibutumy iwese yhy kewo-my reomyhỹre wesele.
|
||||
\v 15 Kia tiu iny-õ riõbitinyõtyhy aõ ikòemy raimyhỹre-ribi, kia tiu idi rariaõtyhy tiu ijõ rasiranymyhỹre-wana,
|
||||
\v 16 Kia take myy rahõtinyre: "Diarỹ heka ixyby kãbu nihikỹ-my relere, ixyby wabedeery nihikỹmy, kia Jerusalem hãwa ridinodunyrenyre ratyre-my rỹimybỹre, aõbo rareymy rỹimyhỹre."
|
||||
\v 17 Kawese-my take reijere timybo itxi areakemy arierymy bedeerynana, aõbo ibinamy rỹimyhỹre, kia heka inyle ixidi aõeli rãhõtinyõmyhỹre. Diarỹ heka itxi reamy ramyhỹre, kia heka iwese yhy wihewamy reamyhỹre wesele idi retehemyhỹre.
|
||||
\v 18 Kia bede rierywiwimyhỹre-wana, kia heka ixyby iny-my reletyhymyhỹre, ka inywoxi robu robumyhỹre tahe ijodihyyre; Kia bede inihikymy rierymyhỹre-wana, kia aõtxi aõhyymy rutỹỹnylemyhỹre.
|
||||
\c 2
|
||||
\p
|
||||
\v 1 Tai tahe areysakremy rexiywinyre, waki bedeki aõnaõwiwihikỹ-ò arexideysanykremy rexiywinyre. Kia ta itxi rearemy reeryre, kia heka bõdỹỹnaõle rare.
|
||||
\v 2 Kia heka rebutunyre, iny widee rutxue mymyhỹre, kia ibina rare, kia iny widi rexiruburubunymyhỹre, kia aõmy inydee awiõhỹỹre.
|
||||
\v 3 Kia fa ixybu timykibo ijõ-txi areakemy reijene, kia tahe (vinho) tori mona-di rexideysanyre. Idi rahotinyre tii aõnaõna-ribi awityhy resỹny raholare, iny ide rexideysanymy fabecledyynana riore-di kaki su-ki.
|
||||
\v 4 Aõnaõna ninihikỹ heka rewinyre. Heto ixidee rewinyre, kia tahe Uva ixidee rebrònyre.
|
||||
\v 5 Kia oworu riòre rebrònyre, kia ibutumy bederade òtaòta tuu rebrònyre.
|
||||
\v 6 Kia suwory rewinyre idi bee alòbròna-ò reamyhỹkremy.
|
||||
\v 7 Kia sõemy iny aõmysỹdỹỹdu mahãdu reõbranyre, kia ihãremy ta ijõ waki rỹira, kia wahetoki ruarenyre. Diarỹ sõemy broreni waki ijõdire, kia sõemy budoeni waki ijõdire, kia iny mahãdu wakoki Jerusalem-ki rahãwanyrenyre ratyremy wanohõ ijõdire.
|
||||
\v 8 Kia manatere rỹsỹ womati rỹsỹ-wana ixidee rebutunyre, Iòlò hõrõ wahe, kia suuki redinodunyreki wahe. Hãbu mahãdu hãwyy mahãdu-wana wadireny rawiunyrenyre rexideybinymy, Kia ibutumy hãwyy mahãdu rỹire, hãbu mahãdu-ribi aõwaxina ijõmy bexitòenyke.
|
||||
\v 9 Kohe, diarỹ heka ityhy nihikỹmy raremyhỹ. Diarỹ heka ityhy nihikỹmy raremyhỹ, kia ibutmy Jerusalem-ò hãwamy dirahude wakoki, kia iratyrerenymy ityhymy raremyhỹ, kia tahe tiu bedeery waki rasiranyõhyyre.
|
||||
\v 10 Kia ibutumy aõmybo reamy raremyhỹ-txi ixidee remyre. Kia ixidee aõmy raroiõhyymyhỹre, aõnaõna wiwiki. Diarỹ heka awimy ixiki rahãmyhỹre waõmysỹdỹỹnaki, ka heka juhuu waõmysỹdỹỹ reeryre.
|
||||
\v 11 Kia ta, ibutumy aõnaõna-di reledi rahõtinyre, kia waõmysỹdỹỹnaki rewinyredi tule, kia tahe reeryre, kia heka ibutumy bòdỹỹnale rare, kia iny aõ idi ritaõhyymyhỹre. Kia heka iwese iny yhy hewomy reamyhỹre wesenale rare.
|
||||
\v 12 Tai tahe, ixyby rahõtinyre bedeery nihikỹdi, kia iny itxỹte mahãdudi tule. Beteheini iurihina:Kiaõbo Iòlò aõwaxina aõ riwinyke itỹmyramy? Kõre. Kia aõwaxina Iòlò mahãdu riwinyrenyretybyle riwinyke, kia Iòlò mahãdu ikoki ridinodunyrenyre wahe.
|
||||
\v 13 Kia ikonana-ò rehemynymy reeryre, kia bedeery nihikỹ heka iny itxỹte mahãdu-ribi awire, iwese tahe loosona bedeluru-ribi awire.
|
||||
\v 14 Kia tahe diarỹ reerymyhỹre, kia aõhebo bedeery nihikỹ rutỹỹnymyhỹrenyre, kia iwesele iny itxỹte mahãdu aõhe rutỹỹnymyhỹrenyre.
|
||||
\v 15 Tai diarỹ myy rahõtinyre: “Aõhebo iny itxỹte mahãdu rutỹỹnymyhỹrenyre, kia iweserenyle aõhebo arutỹỹnykre. Taita, aõbo tahe tai retare bedeery nihikỹmy wahãreki?” Kia ta rerawyònyre: “Aõ retaõhyyre!”
|
||||
\v 16 Tiu heka iny-õ ixitxi ikiemy tõhõti ijaraõna bedeery nihikỹmy, kia iyrybule tiu inyõ iny itxỹte mahãdutxi tõhõti reaõtyhy kiehyyle. Kia bedekonanau ibutumy iny boho rukusarenykre. Ibutumy rukururenykre, bedeery nihikỹ mahãdu iny itxỹte mahãdureny-wana.
|
||||
\v 17 Iurenana heka bededỹỹnana raòrarunyre, kia aõki wadee awiõhyyre: Kia heka bedejeijeile wadee diwyde. Kia ibutumy bòdỹỹnale heka rare:diarỹ yhy hewotỹkỹna reamy raremyhỹ.
|
||||
\v 18 Kia ibutumy diarỹ ijõdire, waõmysỹdỹỹnabrò-ribi ixidee rewyre, kia aõki wadee awiõhyyre. Kia reeryre ibutumy aririkre Iòlò-ò warynatyby-ò runykremy.
|
||||
\v 19 Tii tahe txibo aõwaxina bedeery nihikỹ aõbo, yda txibo iny itxỹte aõbo —mobo tahe rierykre? Tai tahe tii ibutumy aõnaõna riwedunykre, ka diarỹ waõmysỹuludumy remyre wahe, kia tahe ibutumy riwedunykre, aõbo wabedeery nihikỹ wadee riwahinyre ka hãwaki. Kia heka ibutumy bòdỹỹnale rare.
|
||||
\v 20 Tai tahe diarỹ ixidee rexirahere sõemy raõmysỹdỹỹnyreki, kia sõemy wanohõti rawerywerynyre iòraruki.
|
||||
\v 21 Kia iny raõmysỹdỹỹnymyhỹre, tabedeerydi, taerynadi, taraywidi, kia aõ ixidee ritakremy, irahudi tahe ibutumy ixihewo-ò ririmyhỹre iny witxiradee, kia aõ riwinyõmyhỹredeele. Kia heka bòdỹỹnale rare, kia òbiti aõkõ rare!
|
||||
\v 22 Iny boho heka raõmysỹdỹỹnymyhỹrenyre, iny boho rõhõtiyremyhỹrenyre bededi ibutumy, aõbo tahe iny boho idi ritamyhỹrenyre?
|
||||
\v 23 Kia ibutumy aõbo iny boho riwinymyhỹrenyre, kia aõ inydeereny riwahinyõhyymyhỹre, kia heka nohõtiyrenale aõbinabinale inydeerene riwymyhỹre. Iny boho rekexielehynyrenyke ihoõre, rumy tule ihoõre. Kia heka ibutumy bòdỹỹnale rare.
|
||||
\v 24 Aõbo iny awityhymy riwinyke, iny riroxike, iny monamy riõke, kia tahe rexideysanyke tanieru-di ritare wahe. Kia tahe reeryre, kia aõnaõna rỹimyhỹre, kia Deuxu-ribi namyhỹde.
|
||||
\v 25 Deuxu ihoõkeki, timybo tahe aõbo rikirỹsỹrenyke, aõdibo tahe rikexideysanyrenykre?
|
||||
\v 26 Tii heka bedeery nihikỹ, aõerydỹỹna, bede deysana inydee riwahinymyhỹre, momybo reòarimyhỹre-ò. Deuxu heka iny itxỹte mahãdu riaõmysỹdỹỹnymyhỹre, tanieryreny ributunymyhỹrenyre, kia iaõnarenytyhydỹỹna, kia iny witxira-ò rawahikremy, momybo sõetyhymy reòarimyhỹre-ò. Kia ibutumy bòdỹỹnale rare. Kia heka ibutumy iwese yhyhewomy reamyhỹre wesele.
|
||||
\c 3
|
||||
\p
|
||||
\v 1 Kia heka ibutumy abededỹỹnana ikonanadi lehekỹ rỹire, kia heka biu bederawo-ò rawahimy roimyhỹre:
|
||||
\v 2 Kia uladumy adiwo-ribi beakre, bobrokre, kia aõbo tebrònyte bisihekre;
|
||||
\v 3 Kia beerynykre, kia beytekre; kia iny behukre, kia heto binykre;
|
||||
\v 4 Kia bede biryrykre, kia tahe mabedesakre; kia mahinykre, kia tahe ta besekre ixenadi.
|
||||
\v 5 Kia mana biuberanykre, kia mana widee bibutunykre; kia iny bimykre, kia iny-ribi bexilòhòrarienykre;
|
||||
\v 6 Kia aõ biòrykre, aõ-ribi bexirykre; Kia aõ birarenykre, kia ahãna-ki boikre;
|
||||
\v 7 Kia aõ biykakre, kia aõ biretykre; kia rybeõmy matxikre, kia marybekre;
|
||||
\v 8 Kia inymy berinanykre, kia awoxiroburobukre, kia mawounykre, kia awimy wouõmy matxikre.
|
||||
\rem ck last of v8. v 9 (FALTANDO)
|
||||
\v 9
|
||||
\v 10 Deuxu aõmysỹdỹỹnamy rabire, hãbu riòre mahãdu-ò riwahinyre tii boho-wana aõhỹỹhỹỹmy rutỹỹnyrenykremy.
|
||||
\v 11 Deuxu ibutumy aõnaõnawiwi riwinyre ka hãwa bedeki raremyhỹu; kia hãbu coraçaõ-ò hedỹỹna riwahinylere, kia hãbu Deuxu aõmysỹdỹỹna rieryõhyymyhỹre, kia iòraru-ribi riòrarunyre ikonanaòhòkỹle.
|
||||
\v 12 Tai tahe ibutumy bede reeryre kaki, aõbo iny riwinykre, kia heka timykibo awimy ibedesamy ratxikemy ixidi risỹnyke.
|
||||
\v 13 Ibutumy heka iny boho rikiroximyhỹrenyke bemy rikiõmyhỹrenyke, awimy aõwi iny boho taõmysỹdỹỹna brò-ribi riwymyhỹrenyre. Kia heka Deuxu inydeereny riwahinymyhỹre.
|
||||
\v 14 Kia heka ibutumy reeryre, Deuxu riwinyre ikiemy rỹikre; kia tiu inyõ rihejiõtyhy, kia tiu inyõ itarasaõna; kia heka Deuxu tuu riwinyre hãbu mahãdu ilau ruberurenykremy.
|
||||
\v 15 Aõbo rare heka rare, kia aõmybo rarekemy raremyhỹ tule rare; Deuxu heka aõnaõna rexihure ixybyle riywinymy ritỹmyranykre.
|
||||
\v 16 Kia ta ihãremy rabire txu rawo-ki, kia iny òbitimy rỹimyhỹre rynana-ki iny itxỹte riwedunymyhỹmy, kia tasỹ ijõ rynana-ki iny itxỹtele tai runyremy.
|
||||
\v 17 Tai tahe ixidee rarybere: Deuxu iny inytyhy iny itxỹte mahãdu-wana ributunymy idireny rehukre; kia dori bededỹỹnana tuu roimyhỹre, ibutumy aõmysỹdỹỹna-ò tule.
|
||||
\v 18 Kia ihãremy ixideele rarybere: Kia heka hãbu mahãdu riòre òraru-ki, Deuxu inatyhymy riteòsinykemy, kia tii boho ixidirenyle retehenykre iròdu iròdu wesemy.
|
||||
\v 19 Aõherekibo aõbohe iwitxirare hãbu mahãdu riòre iròdu iròdu-ribi; kia heka ijõ rurumyhỹre, iwesele tahe ijõ rurumyhỹre, kia heka ibutumy wiweseweselemy rỹimyhỹrenyre, kia heka aõki hãbu riòre iròdu iròdu ratyre ròhònyhyymyhỹre; kiemy dori ibutumy irybe-ò ijohonareny rieryõre.
|
||||
\v 20 Kia heka ibutumy wibedeõlehekỹ roirenykre; kia ibutumy sunode-ribi ròrarunyrenyre, kia tahe sunode-ò ròòserenykre.
|
||||
\v 21 Mobo hãbu mahãdu riòre bededỹỹnana rierymyhỹre, kia biu-ò ixidireny ramyhỹremy, kia iròdu iròdu mahãdu tahe bede-ò, su-ò aõbo?
|
||||
\v 22 Kia aõnaõwimy rabire heka ijõ wiribi awiõhyyre, hãbu ribedesanykemy iaõmysỹdỹỹna-ribi, kiemy kia tamy awire; mobo tahe ixyby kidiòkesedỹỹnyrenykre aõbo isỹtybyrenymy rỹikreu?
|
||||
\c 4
|
||||
\p
|
||||
\v 1 Kia ihãremy ibutumy aõnaõna binabinamy rabire hãwa bede-ki. Kia uladu tybykõmy rỹimyhỹrenyre rubemy rabire, kia iny-õ riruxetòenyõhyylemy; kia aõhyymy rutỹỹnymyhỹrenyre deboki ehehenamy tuu rabire, kia moõ riruxetòenanyõhyylemy.
|
||||
\v 2 Kia idi sõemy watximyhỹre, kia rexihurenyre, kia irumy rỹimyhỹrenyre ratyremy;
|
||||
\v 3 Kia ihãremy wabedesamy idi watximyhỹre ijõ mahãdureny-ribi, kia uladumy ruaõmyhỹrenyre boho, kia dori aõmysỹdỹỹ binabinamy robiõlemy ratximyhỹrenyre, kia txu rawomy riwinymyhỹrenyre.
|
||||
\v 4 Tai tahe ibutumy aõmysỹdỹỹmy rabire, aõmysỹdỹỹ utxiemy, ka heka hãbu mahãdu widee rexiwobinanymyhỹre. Kia heka xiwedele rare, yhy hewomy reamyhỹre.
|
||||
\v 5 Iny itxỹte mahãdu heka aõ riwinyõlemy rỹimyhỹre, urile terowomy rerimy, kia taderenyle riròmyhỹrenyre, myy rarybemyhỹrenyre:
|
||||
\v 6 Debole heka awire ixielehydỹỹna-ki, kia iny mahãdu debo sõemy aõmysỹdỹỹdi rỹimyhỹre, kia yhy hewomy reamyhỹrenyre.
|
||||
\v 7 Kia ixyby ka hãwa bededỹỹnana-ki rahãre, kia awi aõkõ rare.
|
||||
\v 8 Kia hãbu ixi sohojimy rỹimyhỹre, ibiòwaõmy, iriòreõmy, iseriòreõmy, kia ixyby ixybyle raõmysỹdỹỹnymyhỹre, kia tiu ixi-ki awimy rõhõtiõhyymyhỹre taityhynadi. Aõmybohe sõetyhymy naõmysỹdỹỹnymyhỹde, taõwiwi diatymy naõmysỹdỹỹnymyhỹde? Kia heka bòdỹỹnale rare, kia bede riryrymy ratximyhỹre.
|
||||
\v 9 Kia iny inatxi-ki heka awire iny sohoji-ribi, kia iny inatxi wiwana raaõmysỹdỹỹnymyhỹre, kia tahe inihikỹmy ròtamyhỹrenyre.
|
||||
\v 10 Txibo ijõ rariòwykeki, kia ibiòwa riwiòhenanyke rỹikremy. Kia txibo iny ixi sohoji ratxikeki tahe rariòwyke, kia tahe ibinamy tabededỹỹnanadi ratxikre, kiemy dori iny ihòõre riwiòhenanymy ritamadỹỹnykemy.
|
||||
\v 11 Kia bede rutàtàkeu, kia tii boho aõwaxina wiwana rõrõrenyke, kia tahe ratòteerenyke; ka iny sohoji-ki tahe timybo rexitòteenyke?
|
||||
\v 12 Iny inatxi hãbu tiu ibòdurenyõna, kia ijõ aõbina-ribi ròtake. Reruti sohoji inataõ reruti-wana kia isiramy rayròmyhỹre.
|
||||
\v 13 Kia weryrybò iaõkõmy rỹimyhỹre, kia Iòlò matuari ribi ibedeerymy ratximyhỹre, kia itxỹtemy rube-ò roholaõhyymyhỹre.
|
||||
\v 14 Kia hãbu-õ brejuna woribi kòdòhònyke hãrele hãwa nihikỹ wedumy runyke, kia iaõkõ ruake hãrele.
|
||||
\v 15 Diarỹ ibutumy iny ka hãwamy rỹimyhỹredi rahõtinymyhỹre, kia tahe rahõtinyre kia heka hãwa bedeõ-ribi weryrybò ijõdire Iòlò ryrynadi rahỹỹnanykre.
|
||||
\v 16 Kia heka sõemy iny rỹimyhỹre, kia tahe iny sohojile hãwa nihikỹ riwedunymyhỹre; kia tahe tiubo tahe Iòlò-ribi rexiixawidinykre, tiu heka iny-õ tawidỹỹnamy reàlàõhyymyhỹre. Kia heka bòdỹỹnale rỹire, kia yhyhemy reamyhỹre wesele.
|
||||
\c 5
|
||||
\p
|
||||
\v 1 Ixidi arukimy atximyhỹke tibede-ò tamyhỹteu. Kiauritre aõsirasira iwahidỹỹõmy, iwese iny itxỹte mahãdu taõsirasira riwahinymyhỹre wese, kia tii boho rieryrenyke aõkõ, kia òbitimy aõkõ riwinyrenyreri. Bexihumy bexiywinymy mamyhỹke Deuxu rybe-ò bityhynykremy.
|
||||
\v 2 Kia komy mohõtinykre marybekrekotyremy, kiauritre Deuxu aõ adee wylemy riurenykelau turybeõmykre. Deuxu heka biu-ki ratxireri, kai tahe suki atxiteri; iurenana tahe urihimyòmy mareke.
|
||||
\v 3 Kia kai mohõtiuretyhykre-wana, kia ire uni atỹhimy araijekre; kia kai marybesõekre-wana, kia iny itxỹte mahãdu raryberenykre.
|
||||
\v 4 Iwese tahe kai Deuxu dee arybe biwahinykre, kia wiylemy arybemy inatyhymy marybekre. Tii heka iny itxỹte mahãdu luuõre; iurenana ta aõmybo riwahinykremy rarybere biwinyke.
|
||||
\v 5 Kialehe awireuritre aõ biwinykremy rubeõmyke, aõ biwinykre kotyremy, kia tahe tuu tarybeta hãrele teralemy beakre.
|
||||
\v 6 Kiauritre arybetyhy òrarunamy rarybekelau iwahidỹỹõmy. Tai tahe kai timy aijoi mahãdureny-ò arybeõna, aõmybo kai marykemyra, kia aõbo raremy. Aõmybo tahe Deuxu umy radònykremy bisỹnykre? Aõherekibo tahe kai Deuxu aõnaõna aaõmysỹdỹỹuludumy ixidee tearite rihukremy biwahinykre?
|
||||
\v 7 Kiemy dori iwese iny ibutumy rarasinymyhỹrenyre iximyreny, kia iwesele tahe irybereny sõere; iurenana tahe kai Deuxulau buberukre.
|
||||
\v 8 uritre bede òtiidỹỹõmy, kia tiu kai tihãwa bede-ki hãwa dinodu aõnaõnabina riwinykreu, kia iny iaõkõmy rỹira mahãdudile tarukimy rexiemyhỹre, kia urile aõ ihõrõreny ilau ritòenymyhỹrenyre. Kia iny aõwedumy rỹimyhỹrenyre sohoji sohoji, kia heka tibo iratyreki ratximyhỹre wii riijemyhỹrenyre.
|
||||
\v 9 Tii boho myy rarybemyhỹrenyre: “Ibutumy heka iny su-ribi aõnaõnawiwi ritamyhỹrenyre brò-ribi awimy ratximyhỹre.”
|
||||
\v 10 Mobo nierumy rerinamyhỹre, kia tiu awimytyhymy ratxiõhyymyhỹre; mobo ityhymy ratxikemy ixidi rõhõtinymyhỹre, kia tiu ibutumy aõbo reamyhỹre rimyõtyhy. Kia heka tule bòdỹỹnale rare.
|
||||
\v 11 Kia iny iaõdimy ityhymy rỹimyhỹre, kia iry tahe ijõdire riroxikremy. Aõbo tahe tai tii ritamyhỹre, kia iaõdimy ityhymy raeryke sohojikile awire.
|
||||
\v 12 Aõmysỹdỹỹdu mahãdu aõwaxina taireny urihimyòmy txibo sõemy aõbo ijõdike irỹsỹnareny, kia heka tai awiriòre rumy rõrõmyhỹrenyre. Kia iaõdimy ityhymy rỹimyhỹrenyre, kia sõemy rõhõtiyremyhỹrenyre aõnaõnamy rõhõtinymyhỹrenyre, kia rumy rõrõrenywirenyõhyymyhỹrenyre.
|
||||
\v 13 Diarỹ heka ka hãwaki aõnaõna bederyrynamy rabire: Iny mahãdureny-ò heka nieru ributunymyhỹre, kia tahe ihãrele idi aõhyymy rutỹỹnymyhỹrenyre.
|
||||
\v 14 Kia heka ibutumy rihumyhỹre aõmysỹdỹỹna binaki, kia tahe aõ tariòre boho-ò ririõhyymyhỹrenyre.
|
||||
\v 15 Timykibo tahe iny boho ka hãwa-ò rirònyrenyre, kia tahe iyrybyle iny riòlònymyhỹrenyre, aõnaõnahomy aõkõ. Kia iny boho iny aõmysỹdỹỹna brò-ribi aõ rikiwyrenyke ihoõre.
|
||||
\v 16 Kia heka bederyry nihikỹõle rare! Iny boho heka ka hãwa-ribi rykòirenykre, iwese iny boho dòidenyde wesele. Sõemy iny boho raõmyhỹdỹỹnymyhỹrenyre, yhy rikimyrenykemy iny risỹnymyhỹrenyre, aõbo tahe iny boho tai ritamyhỹrenyre?
|
||||
\v 17 Kia bederuluki bederyrymy rytxirenykrele iny boho ritamyhỹrenyre, rykõhõtiyrerenymy webinadu rykatximyhỹrenyle iny boho ritamyhỹrenyre.
|
||||
\v 18 Tai tahe reerymy rebutunyre: Kiale heka awire iny-õ riroximy rỹimyhỹre, aõbo ritamyhỹre taõmysỹdỹỹna brò-ribi. Ka heka iny sohoji sohoji riònymyhỹre.
|
||||
\v 19 Txibo Deuxu aõwi riwahinyre maityhynykremy, kia tahe aõdimy atximyhỹte biatyke, kia mabydesakre aõbo tetate aõmysỹdỹỹuludumy. Kia heka Deuxu adee riwahinyrerare.
|
||||
\v 20 Kai tahe bede rexihumy ramyhỹre bieryõhyykre, kiemy dori Deuxu acoração bedesana-di ritỹxinykre.
|
||||
\c 6
|
||||
\p
|
||||
\v 1 Kia ta ixybyle ijõmy rabire ka hãwaki bederyry nihikỹmy:
|
||||
\v 2 Deuxu heka aõ ibutumy riwahinymyhỹre, iny aõmybo reamyhỹre wahe. Iny iaõdimy ityhymy runykremy, suu riwahinymyhỹre, ibutumy aõwiwi. Iribi tahe tamyreny riwahinyõhyymyhỹre idi elelemy ratxirenykemy. Kia aõ iwitxira tahe idi elelemy riuhemyhỹre, tii aõkõ. Kia tasỹ bònadỹỹnalerare, kia aõ òbiti aõkõ rare.
|
||||
\v 3 Aõmybo tahe hãbu-ò sõemy bede beòra riemyhỹre, cem-my iriòre, kia aõnawiwidi riuhemy ratxireri wesehekỹ, kia awimy aõbo rityhynymy aõbo rituunyrenyre? Diarỹ rarybemyhỹre, uladu tarubulemy tadiwo-ribi reamyhỹre, kia heka tii iratyremy bede riòbynymy tuu reamyhỹre.
|
||||
\v 4 Kia heka isirarare uladu nonana; tii heka bedelurutxi riõmyhỹre, tai rusamyhỹre.
|
||||
\v 5 Kia bede loosonamy dee rehemynyõhyymyhỹre, kia timybo bede kaki roimyhỹre rieryõhyymyhỹre. Ka ixielehyna nihikỹtxi tahe reare, hãbu ratyremy.
|
||||
\v 6 Kia ta inatxi wyramy bede rieke, kia kai hãwaki aõnaõna elelemy riuhemy aõkõ. Kia ikonanau tahe iny boho wihãwa weseòtyhy rykòirenytyhy?
|
||||
\v 7 Kia ibutumy tarurumy raõmysỹdỹỹnymyhỹrenyre riroxirenykremy, kia ta tiu awityhymy ratxirenyõhyymyhỹrenyre.
|
||||
\v 8 Aõbo tahe bedeery mahãdu itxỹte mahãdu ratyre-ribi ròtamyhỹrenyre? Aõbo tahe iny iaõkõmy rỹimyhỹrenyre mahãdu ijõdire bede rierymy ròtarenykremy, awimy ratxurenytykemy?
|
||||
\v 9 Kiasỹ bòdỹỹnaõlere, iwese yhy reamyhỹre wesele. Kiale heka awityhyre, iny aõdibo ixiki idi rỹimyhỹre, kia ixyby iny aõdi risỹnymyhỹre ratyre.
|
||||
\v 10 Kia ibutumy aõnaõna ròhònyre ka hãwa bedeki, kia tiwesebeu aõkõ riywinymy roimyhỹre. Kia iny uladu reakrekotyreuhykyle, kia raywimy roimyhỹre aõhebo rutỹỹnykre. Iny boho heka rierymy ratximyhỹrenyre, mobo iny ratyrerenymy inihikỹmy ratximyhỹre-wana tamy rybebina rikiwinyõrenykremy.
|
||||
\v 11 Aõ sohoji heka òbiti rare: iny boho sõemy rarybemyhỹrenyre-wana, kia ire rybebinamy iny boho rarybemyhỹrenyre; kia tahe iny boho aõ idi ritarenyõhyymyhỹrenyre.
|
||||
\v 12 Uriki inatyhymy, timybo tahe awityhymy rikieryrenykre, ubròrò reamyhỹre wesemy? Timybo tahe rikieryrenykre aõbo suki iny rykorenyki ròhònykre iny rubu sỹtybyrenymy?
|
||||
\c 7
|
||||
\p
|
||||
\v 1 Inyni lyra heka deròna òwy nihikỹ ratyre-ribi awityhymy rỹimyhỹre; rubu txumy bede rỹimyhỹre heka uladu tadiwo-ribi reamyhỹre ratyre-ribi awityhymy rỹimyhỹre.
|
||||
\v 2 Kia ijesuna heto-ò iny ramyhỹre heka awire, kia ixenaki heto rỹimyhỹre-ribi, kiemy dori ijesutxi iny nohõtireny reakre, kiemy dori tiu txuu tule rukururenykre. kia iny irumy rỹimyhỹrenyre mahãdu tahe tiu iribi tõhõtireny rusaõtyhy itxi.
|
||||
\v 3 Bederyry heka awityhyre ajue-ribi; kia heka bederyry iny òsỹny rihumyhỹre, kia tahe icoracaõ rexiywinymyhỹre.
|
||||
\v 4 Mobo kia alisidihyyle rõhõtinymyhỹre, kia heka iny itxỹte rare; mobo bedeery ratximyhỹre, kia rubudi rõhõtinylemyhỹre.
|
||||
\v 5 Kia iny bedeery rybe-ò ijohonale heka awire, iny itxỹte wiu-ò ijohona-ribi.
|
||||
\v 6 Iny itxỹte mahãdu jue heka iwese aõti heòty-ò roomyhỹre wesele rare — kia aõkehe aõkõre.
|
||||
\v 7 Kia tiu bedeery raehehemyhỹreu, kia heka iny itxỹte wesemy relemyhỹre. Mobo aõdinodu nihikỹ dee rexiwahinymyhỹre, kia taumy ribinanymyhỹre.
|
||||
\v 8 Kia aõkonana heka aõ òraruna ratyre-ribi awimy ròhònymyhỹre. Iny webinadumy rỹimyhỹre heka iny rexityhytyhynymy rỹimyhỹre raty awire.
|
||||
\v 9 Kia ixidi bexiywinymy ikemy atxike; kia iny itxỹte mahãdu adebure yarale rirỹsỹmyhỹre.
|
||||
\v 10 Uritre lỹỹraxiõmyke: “Aõherekibo juhu bedeu aõbo bede awimy rỹiramyhỹ?” Ka lỹỹraxi heka bedeery lỹỹraxi aõkõ rare.
|
||||
\v 11 Kaki heka bedeerylehekỹ ijõdike. Bedeery ijõdimy, kia tahe iny aõwedu nihikỹmy runyke.
|
||||
\v 12 Bedeery heka nieru-ribi awityhyre. Bedeery tarasana heka iny mahãdureny hãwaki rỹimyhỹrenyre riijemyhỹrenyre.
|
||||
\v 13 Mohõtinyini aõbo Deuxu riwinyremy. Mobo tahe ritiòbitinykre, tii itiòemy riwinyre-ribi?
|
||||
\v 14 Kia tiu aõnaõna awimy reakreu mabedesakre; kia tiu aõnaõna sirasira rehemynykreu kadi mohõtinykre: Deuxu heka bedesana riwahinymyhỹre, iwesele ta aõnaõna sirasira riwahinymyhỹre, ka iny boho aõ rieryrenyõhyymyhỹrenyre, aõbo biurasòmy rỹtỹỹnykre.
|
||||
\v 15 Wabededỹỹnanaki heka bòdỹỹna ijõdilere, tai tahe diarỹ tuu ibutumy rabire. Iny awimy rỹimyhỹre rurumyhỹre, ka iny itxỹte tabededỹỹnana binadi irumy ratximyhỹre.
|
||||
\v 16 Tai heka awityhyre aõkõ, kia bedetyhy tule; aõherekibo tahe kai bexirubunykre?
|
||||
\v 17 Kia uritre itxỹtetyhyõmykre; urikõ-ribi bededỹỹnana wetyatxi buruheny?
|
||||
\v 18 Kia aõnaõna-ribi bexilòhòrarienykre ijõ wesele. Txibo kai Deuxulau buberukre-wana, kia ibutumy bexidehedehenykre.
|
||||
\v 19 Bedeery heka iny sohojile sõemy riwinyke, deboitue hãwa riòre dinodu-ribi.
|
||||
\v 20 Kaki hãwa roireki heka iny ihoõhyyre aõ ikiemy òbitimy riwinyke, kia tiu aõki reòsaõmy iximy rarybeke ihoõre.
|
||||
\v 21 Kia uritre ibutumy ijohonaõmyke, kia aõmy iny witxira mahãdu rarybereri-ò, kia aõmysỹdỹỹdule roholake, aõbinabinamy rybena-ò.
|
||||
\v 22 Kai tahe teerylete, kia sõemy kai iny witxiramy aõnaõna binabinamy tarybemyhỹte.
|
||||
\v 23 Diarỹ heka bedeery reuhere ibutumy arierytyhykremy. Diarỹ heka rexiywinyre bedeery nihikỹmy ararekremy, kia tahe bedeery nihikỹ ratyre reaõhyyre.
|
||||
\v 24 Timybo tahe iny-õ bede binabinatxi rierymy reake? Kia heka inydeereny sỹytyhymy rỹimyhỹre, kia heka timybo raeryke isiratyhyre.
|
||||
\v 25 Ka diarỹ tahe rexiywinyre idi aratyyritinykremy, aõnaõna arierykremy. Diarỹ heka rexihumy watximyhỹ bedeery nihikỹtxi areakremy, kia walỹỹraxina rawyòdỹỹnatxi areakremy watximyhỹ; kia arierykemy watximyhỹre, aõherekibo iny binabina mahãdu itxỹterenymy rỹira.
|
||||
\v 26 Diarỹ aõnabinaõtxi reare, kia heka tii rubu ratyre txubererere iny hãwyy wesena. Kia heka hãwyy wesemy iki-wana wimy berinanykemy rexiwahinymyhỹre, kia heka brejuna heto-ò malòkemy adee rexiwahinymyhỹre, kia utura riy wesemy adi risỹnymyhỹre aramykemy; Kia iaxiò heka reruti rare idi aramykremy. Hãbu Deuxu-my reàlàmyhỹre heka iribi rexiwòmyhỹre, ka òrarudu mahãdu tahe aõkõre.
|
||||
\v 27 Diarỹ heka itxi reare iòhò iòhòlemy, kia iu walỹỹraxina rawyòdỹỹna reijemy watximyhỹu.
|
||||
\v 28 Kia iwitxira irawyòdỹỹna reijere, kia ta ijõtxi reaõhyyre. Kia Mil-my hãbu sõekyki sohoji hãbuõtxi reare, kia tii sohojile arityhynykre, ka hãwyy ykyki ta ijõtxi reaõhyyre.
|
||||
\v 29 Kia ibutumy aõ reeryre widee rebunyre: Deuxu heka iny boho riwinyrenyre irutaõmy òbitimy, ka iny bohole tahe ibutumy risirarisiranymyhỹrenyre.
|
||||
\c 8
|
||||
\p
|
||||
\v 1 Kia iny bedeery sohojile aõnaõna riòbitinymyhỹre. Kia iny bedeery òsỹny rarỹsỹnymyhỹre, kia iruxeramy relemyhỹre iboxieryreri hãrele
|
||||
\v 2 Iòlò rybetyhydỹỹna bityhynyke, kiemy dori kai Deuxu koki iny òbiti tatemy iximy tarybete tamy
|
||||
\v 3 Iòlò heka aõwaxina ao ixideewimy riwinyke. Kia uritre wylemy iko-ribi òlòmy wisỹdỹỹõmykre, kia uritre aõnaõna binabina widỹỹmy nohõtiõmykre.
|
||||
\v 4 Iòlò heka tabedeery nihikỹdi rexirarexiramyhỹre, kia iny-õ aõmy tamy rybeõmy aõ riwinyra-wanaki.
|
||||
\v 5 Kia kai irybetyhydỹỹna bityhynyberi-wana, tiu aõnaõnabinamy aõhe butỹỹnyõtyhy. Kia iny ibedeery ijõdimy rỹimyhỹre rierymyhỹre timybo, tiubo rexirarexirakre.
|
||||
\v 6 Kia heka bede òbitimy iu aõ rỹikre ijõdire, kia aõ itỹmyramy relekre ijõdire aõnaõna sohoji sohoji-ò.
|
||||
\v 7 Ka iny bededỹỹnanareny binabina nihikỹ tahe iny boho rieryrenyõhyymyhỹrenyre, aõhebo biurasòmy rukutỹỹnyrenykre, kia mobo dori inykoreny ijyyõna.
|
||||
\v 8 Tiu iny-õ yhy ributumy rimyõtyhy. Iwese tahe tiu iny-õ rubulau rexieõtyhy, kia tiu iwitxira txu-ò riwahinyõtyhy. Iny boho heka ijesu rikierenykre, kia heka iny iribi rahenykre ihoõre.
|
||||
\v 9 Diarỹ heka ibutumy tuu rabire, kia aõnaõnadi rahõtinyreu, ka hãwaki aõnaõna ròhònymyhỹremy. Kia juhu bedeu iny bedeery ruru nihikỹmy rỹiramyhỹ, ijõ mahãdu tahe aõhỹỹmy rutỹỹnyrenyre, iny bedeery ruru nihikỹ dori rimyrenyre.
|
||||
\v 10 Diarỹ heka iny itxỹte rubu ỹnymy rabire. Kia wabede weruramy tuu rawowydymy rỹimyhỹre, kia heka ihãwakilere tai iny itxỹte mahãdu aõnaõnabina riwinymy rỹirakile. Kia heka bòdỹỹnaõle rare.
|
||||
\v 11 Aõherekibo tahe iny mahãdu irutaõlemy rubumy wiko relyymy rỹimyhỹrenyre? Aõherekibo tahe rubudỹỹdu mahãdu wylemy brejuna hetowo-ò ralòrenyõmyhỹrenyre.
|
||||
\v 12 Kia rubudỹỹdu-õ aõwaxina cem-my rubudỹỹmy rarybeke, kia ixybyle irymy rareke. Kohe, diarỹ reeryre; “Txibo kai Deuxulau buberukre-wana, kia ibutumy awimy atxikre.
|
||||
\v 13 Ka iny itxỹte mahãdureny-ò tahe awimy aõkõ roirekre. Ibededỹỹnanareny heka iwese bedeubròrò rỹimyhỹre wesele rekoamyhỹrenyre: Kia jyre mahãdu rururenykre, kiemy dori Deuxulau ruberurenyõre.”
|
||||
\v 14 Kia heka timy turybena ihoõre. Beteheini aõbo ka hãwa bedeki ròhònymyhỹre: Kia tiwese aõkõ inywi mahãdu brejuna heto-ò rirònymyhỹrenyre, iny itxỹte mahãdu aõkõle reamy; iny itxỹte mahãdu aõwiwi ritamyhỹrenyre, inywi mahãdu aõkõlemy reamy. Aõmybo rarybemyhỹre: Kia heka bòdỹỹnale rỹimyhỹre.
|
||||
\v 15 Iurenana heka diarỹ reerymyhỹre, iny boho rikexideysanyrenyke, kiemy dori tii sohojile inydeereny awityhyre, rikiroximyhỹrenyke, monamy rikiõrenymy rikexideysanymyhỹrenyke. Tii tỹỹna heka rikiwinymyhỹrenyke, kia iny boho rakaõmysyỹdỹỹnyrenyke, Deuxu inydeereny ka hãwaki bededỹỹnana riwahinyre wahe.
|
||||
\v 16 Kia heka sõemy ixidi resỹnyre bedeery nihikỹmy ararekemy, kia aõnaõna ka hãwaki ròhònymyhỹre arierykemy, kia tahe reeryre iny aõwaxina irumy bede riekre txumy rumy.
|
||||
\v 17 Kia hãrele tahe tiu aõ rieryõtyhy, aõbo Deuxu riwinymyhỹre. Kia iny mahãdu ixidi rarurunymyhỹre, kia tiu aõ rieryõhyymyhỹrenyre. Iny bedeery nihikỹ mahãdu aõwaxina raryberenykre aõnaõna rierymyhỹrenyremy, kia inatyhymy tii boho aõ rieryrenyõhyymyhỹrenyre.
|
||||
\c 9
|
||||
\p
|
||||
\v 1 Diarỹ sõemy rahõtinyre, kia sõemy ixidi rarurunyre arierykremy ibutumy, kia tahe ikonana-ò rehemynyre, Deuxu heka iny bedeery mahãdu, iny òbitimy rỹimyhỹrenyre-di riywinymy ratximyhỹre, kia aõmy rerinanykre, kia aõkibo tuu radònykre rierymyhỹre. Iny-õ rieryõhyymyhỹre aõhebo biurasòmy rutỹỹnykre, kia tahe aõ tai iwitxirake ihoõre.
|
||||
\v 2 Kia heka wiwesele aõhe rutỹỹnymyhỹrenyre, inywi iny itxỹte-wana, aõ awi aõ ibina, Deuxu tyhydỹỹdu mahãdu, iny Deuxu tyhydỹỹduõ-wana. Wiwesewesele heka aõhe rutỹỹnymyhỹrenyre, mobo inytyhy, mobo òrarudumy iny ratximyhỹre, kia iny rexiwahinymy iximy rarybemyhỹre, iny rexiwahinyõmy iximy rarybemyhỹre.
|
||||
\v 3 Kia heka wiwesele iny ibutumy aõhe rutỹỹnymyhỹrenyre; kia heka ibinatyhy rare ibutu-ribi hãwaki rutỹỹnymyhỹre. Iny mahãdureny coraçãoreny heka sõemy rỹximy aõnaõnabina-di itxỹte-di roimyhỹre; kia tahe isitere-ribile tii boho rurumyhỹrenyre.
|
||||
\v 4 Kia irumy kabede-ki ratximyhỹre, kia tahe aõ riraòmy ratximyhỹre; kia dori ijòròsa wesemy irumy ratxike dori awire, hãloè rubu-ribi.
|
||||
\v 5 Kohe, iny irumy rỹimyhỹrenyre mahãdu rexierymy rỹimyhỹrenyre rururenykremy, ka rubu mahãdu tahe aõ rieryrenyõhyymyhỹrenyre. Tii boho aõ ritarenyõhyyrenykre, kia heka rexihumy rusarenyre.
|
||||
\v 6 Kia terinareny, kia ikyarareny, kia ibutumy tii boho-wana rururenyre. Kia tiu ka hãwa-ki aõnaõna ròhònymyhỹre riwinyrenyõtyhy kiehykyle.
|
||||
\v 7 Tai tahe, ako-ò mariake. Bexikyhykyhynymy arỹsỹna birỹsỹke, vinho-my bexideysanymy biõke, kiemy dori Deuxu adee awityhymy reòbyra aõbo tewinymyhỹte-ò.
|
||||
\v 8 Kia ikiemy bedesamy awityhymy bexiemy mabekre.
|
||||
\v 9 Kia tahe kai kahãwa bòdỹỹna-ki mabekre, kia hãwyymy teòarimy atximyhỹte-wana bexiywiywinymy tii-wana atximyhỹke. Kia heka ibutumy kai aõmysỹdỹỹnabrò-ribi bitakre, kia ka bededỹỹnana utxie Deuxu adee riwahinyre.
|
||||
\v 10 Kia ibutumy aõ ki relekemy rỹimyhỹre, kia biwinyke awimy relekedohotamy, kia dori rubu mahãdu hãwareny-ki aõ releõhyymyhỹre, taireny heka nohõtina ihoõre, aõerynana ihoõre, kia bedeerynana tule ihoõre. Kia heka tamy kai makre.
|
||||
\v 11 Diarỹ ixyby aõnaõ-txi reare kahãwaki: Kia tuhyyhyy aõkõ, ityti heòty-di ijaradu mahãdu ròtamyhỹrenyre ijarana-ki; kia tuhyyhyy aõkõ sodadu deburetyhy mahãdu ròtamyhỹrenyre woubededỹỹnana-ki. Kia iny bedeery nihikỹ mahãdu tuhyyhyy irỹsỹnareny rỹimyhỹrenyre aõkõ roire, kia irakywityhymy rỹimyhỹrenyre ibutumy aõkõ iaõdimy ityhymy rỹimyhỹrenyre. Kia iny aõ rierymy rỹimyhỹrenyre mahãdu ibutumy aõkõ rynana rarie-ò raòwònymyhỹrenyre. Kia heka ibutumy bedeòbylemy aõmy rỹimyhỹrenyre, kia aõ irutaõmy rỹimyhỹre xieryle, iny aõtxi reamyhỹre.
|
||||
\v 12 Kia heka moo rieryryõhyymyhỹre, tiubo tiwese bedeubo aõnaõna binabina kedehemynykre. Iwese nawii isitere-ribile bòtòruuwo-txi resemyhỹre wesele,iwese utura rià-ribi raarimyhỹre wesele, iwesele tahe iny boho bede binabina-txi tiubo rekeserenykre.
|
||||
\v 13 Kia ixyby aõmy rabire, kia heka deòsinawi heka rare, kia kaki hãwa roimyhỹre, kia bedeery nihikỹ-ò aõ awityhymy riwahinyõhyymyhỹre.
|
||||
\v 14 Kia hawã riòre-ki iny ibutumy rahãwanymy rỹiramyhỹ. Iòlò debure sodadu-wana cidade rahurenyre, kia bede ratòò riòre riwinyrenyre iribi rawounyrenykremy, iwebrò-ribi tahe rexiywinymy rỹimyhỹ, hetowerura uhuari ritxiwitxiwirenykremy.
|
||||
\v 15 Tahe habuõ iaõkõ rahãwanymy raremyhỹ, kia tahe aõni ibedeery nihikỹ irakywihikỹ rare; kia heka inatyhymy ibedeery nihikỹ rare, tii heka hãwa rihedỹỹnykenawile rare. Kia tahe iny-õ tõhõti itxi reaõhyyre.
|
||||
\v 16 Diarỹ heka ikiemy bedeery nihikỹ retyhynymyhỹre iny ruu ratyremy; ka iny-õ tahe rityhyõhyymyhỹre, iny iaõkõ rỹimyhỹre ibedeerymy rỹimyhỹre, kia iny-õ idi reteheõhyymyhỹre aõmybo tii rarybera-wana.
|
||||
\v 17 Bedeery mahãdu rybeywi-ò ijohona heka awire, iny itxỹte dinodu rirajuamy rarybemyhỹre-ribi awityhyre.
|
||||
\v 18 Bedeery nihikỹ awityhymy rỹimyhỹre, woudu mahãdu debòna-ribi, ka iny aõmy ibinamy rexihumy rarybemyhỹre tahe bededỹỹnanawiwi ribinanyke.
|
||||
\c 10
|
||||
\p
|
||||
\v 1 Iwesemy tahe òhòrati rubu, aderòna hyna ixidi ribinanymyhỹre wesele, iyrybyle tasỹ iny itxỹte mahãdureny-ò, iny bedeery nihikỹ iratyre ròhònyke.
|
||||
\v 2 Mobo bedeerymy ratximyhỹre, kia heka òbitimy inatyhymy aõ riwinymyhỹre, ka iny itxỹte mahãdu tahe aõ òbitimy inatyhymy aõ ibinamy riwinymyhỹre.
|
||||
\v 3 Ibutumy iny mahãdu rierymyhỹrenyre, tii itxỹtemy ratximyhỹremy; kia iny mahãdu rieryõmy rỹimyhỹre, kia tahe iinytyhy ta ihoõmy rierymyhỹrenyre.
|
||||
\v 4 Txibo awedureny nihikỹ adee reburekre-wana, kiauritre aõmysỹdỹỹ-ribi òlòmy ixitòedỹỹõmykre \f +
|
||||
\fqa ixiwahidỹỹõmykre \f* ; aõ inatyhymy reòsamyhỹre, aõwaxina iny tuu reàlàke, txibo kai ywimy atximyhỹte-ribi ixawiõkre-wana.
|
||||
\v 5 Diarỹ heka ka hãwaki aõnaõnabinabinamy rabire, kia heka hãwa wedu mahãdule tuu rarybere:
|
||||
\v 6 Tii boho iny itxỹte mahãdule aõmysỹdỹỹ nihikỹ rarie-ò risỹnyrenyre, kia iny òbitityhy \f +
|
||||
\fqa a MY òbitityhymy \f* rỹimyhỹre ixihewo-ò ririrenyre.
|
||||
\v 7 Diarỹ iny mahãdu deòdumy rỹimyhỹrenyremy rabire ararutureki \f +
|
||||
\fqa awarutyreki \f* ririranyrenyrerimy, Iòlò tahe atimy \f +
|
||||
\fqa tatimy \f* rariamyhỹ, iwese iny deòdu ririranymyhỹrenyre wesele.
|
||||
\v 8 Mobo hãluu riamyhỹre, kia heka taile resekre; mobo heto uhuari ritximyhỹre, \f +
|
||||
\fqa ritxiwimyhỹre \f* kia heka \f +
|
||||
\fqa oboheka \f* hemylaladòmy reakre.
|
||||
\v 9 Mobo mana ritamyhỹre, kia heka tiile rihãlubudỹỹnykre ; mobo hee ritxuamyhỹre, kia heka tiile riwotõmynykre. \f +
|
||||
\fqa riwotõmõnykre \f*
|
||||
\v 10 Txibo kai woma txuree bihukre-wana, kai sõetyhymy maõmysỹdỹỹnykre. Kia heka bedeerytyhymy bexiywiywinykre komy biuhekrekoki.
|
||||
\v 11 Kia heka aõki adee awiõhyyre, txibo kai hemylalarywo-ò \f +
|
||||
\fqa hemylalarywò-õ \f* bitybònymy birikre-wana.
|
||||
\v 12 Mobo bedeery nihikỹmy ratximyhỹre heka rybewowydyna ixiki rimymyhỹre, ka iny itxỹte mahãdu tarybereny òbitikile rexihurenykre.
|
||||
\v 13 Tii heka komy aõnaõnabina tarybe riòrarunymyhỹre, kia tahe aõnaõna binabina itxỹte tarybe rihumyhỹre.
|
||||
\v 14 Iny itxỹte mahãdu heka tiu rybe-ribi ixawirenyõhyymyhỹrenyre. Iny-õ heka rieryõhyymyhỹre aõbo biurasòmy rutỹỹnykre, kia timy iny-õ turybeõna aõhebo rutỹỹnyrenykre iruburenysỹtybymy.
|
||||
\v 15 Hãbu itxỹte sohojityhyle, kia tahetorytxi reaõhyymyhỹre, kia urile resemyhỹre sõemy raõmysỹdỹỹnymyhỹreki.
|
||||
\v 16 Hãwa nihikỹ heka ibinamy ramyhỹre, kia hãwa dinodu iny witxira raykyrybe rityhynymyhỹreki, kia ta aõwedu ninihikỹ mahãdu iòrarudile risinymyhỹrenyre.
|
||||
\v 17 Ka hãwa nihikỹ awimy ramyhỹre, kia mobo hãwa nihikỹ dinodu tarybe sohojile riuhemyhỹre, kia aõwedu ninihikỹ mahãdureny tahe ixidi aõmysỹdỹỹ rierymyhỹrenyre, kia òbitimy riroximyhỹrenyre, kia sõemy aõko monamy riõmyhỹrenyre.
|
||||
\v 18 Txibo kai iny deywese aheto ratyti riywinykremy temyte, kia aheto akesedile sõemy rỹxikre, kia aheto tahe rariowykre.
|
||||
\v 19 Ixena heka iny riwiòhenanymyhỹre aõ iny-ribi tõhõti rusakremy, vinho tahe iny riwiòhenanymyhỹre iny rabedesakremy; ka nieru ihoõki tahe tiu aõ inyki ijõdiuõtyhy aõkyre riòre-õ.
|
||||
\v 20 Kiauritre hãwa nihikỹ dinodumy aõmy turybeõmykre araykyki, kia hãbu iaõdimy ityhymy rỹimyhỹremy turybeõmykre aherinawoki, kia dori nawii-õ tuu ikoreny relyyke aõmybo tarybetamy.
|
||||
\c 11
|
||||
\p
|
||||
\v 1 Anieru aõmysỹdỹỹnawiõtxi birarenyke, \f +
|
||||
\fqa birarenykre \f* kia tahe bedereherenymy \f +
|
||||
\fqa bedereherehemy \f* raumynymy rakre.
|
||||
\v 2 Anieru aõmysỹdỹỹna witxira witxiratxi birarenyke, kiemy dori kai tereryõmyhỹte \f +
|
||||
\fqa teeryõmyhỹte \f* aõhebo biurasòmy butỹỹnykre.
|
||||
\v 3 Kia tiu biuwetyy sõemy rỹimyhỹre-wana, kia biu ròamyhỹre. Kia bederade aõtxile tibedetxi resemyhỹre, kia titxibo resemyhỹrekihyyle tahe roimyhỹre.
|
||||
\v 4 Mobo yhy iribi \f +
|
||||
\fqa bede \f* ritakemy \f +
|
||||
\fqa riywinykemy \f* riraòmyhỹre, bede awimy roikemy, kia tiu tai ròbròõtyhy kia tiu aõ iribi riheõtyhy kiehyyle.
|
||||
\v 5 Deuxu heka ibutumy aõnaõna riwinymyhỹre. Timybo \f +
|
||||
\fqa Timykibo \f* tahe kai bieryõkre, timybo tahe iny itỹmyramy ratxikre hãwyywewoki rỹimyhỹre, iwese tahe tiu aõ aerysyõna aõ Deuxu riwinymyhỹre.
|
||||
\v 6 Diarỹ rudiu robrore txioromy tule, aõherekibo tahe kai teeryõte txibo alòbrona \f +
|
||||
\fqa alòbròna \f* ibutumy raumynykre, kia tiu ijõ awityhymy wiratyre iumyõna.
|
||||
\v 7 Timykiwe iny txu juxaramy reàlàmyhỹre, timykiwe iny txu-di awimy retehemyhỹre!
|
||||
\v 8 Mabedesake bede hãwaki atximyhỹtesamy. Kia arymy \f +
|
||||
\fqa arumy \f* tiwese wyramy aõkõ atximyhỹte hãrele, itxi ini õhõti reakre, kia rubu mahãdu sõemy bede rierenykre. Kia heka ibutumy aõnaõna ròhònymyhỹre heka bòdỹỹnalehekỹ rỹira.
|
||||
\v 9 Jyre mahãdu, awimy atỹmyramy ahãtenytesamy awimy atximybenyke \f +
|
||||
\fqa atximyhỹbenyke \f* . Aõ ixidewimy \f +
|
||||
\fqa ixideewimy \f* aõ biwinymyhỹbenyke, acoraçãorenyheki aõ biwinymyhỹbenyke. Ka aõtxi tainihe õhõtireny reakre: Deuxu heka ibutumy riwirarereakre \f +
|
||||
\fqa riwirareakre \f* aõbo tewinyte wahe.
|
||||
\v 10 Kia aõ nohõtiyrenamy ririõhyykre, kia aõhỹỹmydỹỹnana tule, kiemy dori jyre mahãdu bededỹỹnanareny urihimyòle rỹimyhỹrenyre.
|
||||
\c 12
|
||||
\p
|
||||
\v 1 Aumydỹdutxi \f +
|
||||
\fqa Aumydỹỹdutxi \f* iny õhõti reake, kai jyremy tatesamy, kia txuu ibinamy kanakrekotyremy, kia tahe wyrabede-ò rehemynykreu tahe kai marybekre: “Aõ heka wade awityhymy ihoõre.”
|
||||
\v 2 Komy idi mohõtinykre, tiu bede-ò behemynykreu, tai tahe kai txuu loosonaki beaker \f +
|
||||
\fqa beakre \f* , ahãdu taina-wana txuxareny \f +
|
||||
\fqa txurarareny \f* rexihurenyre, ka biuwetyylòra \f +
|
||||
\fqa biuwetyy ròamyhỹre \f* tahe rirahuõtyhy \f +
|
||||
\fqa rexi \f* .
|
||||
\v 3 Kia tahe axiòrenydi ikiemy texietenyte, kia tahe mamytata benykre, kia atireny inihikỹre, kia tahe atireny urile reyweserenykre. Ka ureny rariòwyrenykre, kia tahe urihimyòle rasiranykre, kai tiu arỹsỹna bidewidewinyõtyhy. Kia arue urile ibinalemy idi betehekre, kia tiu kai aõdi itỹnytyhymy aijereõmy.
|
||||
\v 4 Kai õhõtitamy belekre, kia tiu rymy bewodỹỹwodỹỹ-ò boholaõtyhy. Kai aõhe-wana tiu moena ramoemyhỹre wodỹỹ-ò aijohoõna, kia wiuna rawodỹỹnymyhỹre-ò tule. Kia tahe rudihikỹ myikre, kia nawii roburenykreule.
|
||||
\v 5 Tai tahe kai bede rarielau buberukre, kia mariakrehãrele iòhãrukre. Kia iradereny iuramylemy relekre, kai tahe aõnaõnaki awimy tahãmyhỹte aribi ixawikre. Iny boho heka iny ixielyhynareny konana-ò diriranymy doimyhỹdenyde; kia tiubo tuu rutỹỹnykreu, kia iny mahãdu iny bede riranareny òraruki roburenykre.
|
||||
\v 6 Bede heka rexihukremy roimyhỹre, iwese atesina mana resemyhỹre wesele, kia isana rayròmyhỹreu, iwese butxi rabòhòmyhỹre wesele, tiu be hãluu sana wiwietyatxi rayròmyhỹre wesele.
|
||||
\v 7 Tai tahe umyreny ixybyle su node-ò roosekre tiribibo iny boho doide-ò, ka inytyytybyreny tahe Deuxu-ò roosekre.
|
||||
\v 8 Kia heka bòdỹỹnale rare, myy bedeery rarybere. Kia heka ibutumy bòdỹỹnale heka rare.
|
||||
\v 9 Bedeery nihikỹ heka tabedeery nihikỹ riuhemyhỹre, kia ixyby ixybyle iny mahãdu riixinanymyhỹrenyre aõ rierymyhỹremy. Tii heka ratyyritinyre, kia tahe riywinymy wiwesewesemy rybe ritidire.
|
||||
\v 10 Kia heka rybe wimy reàlàmyhỹre riuhemy ritidire, kia ibutumy tyyriti-ò riritinyre, kia heka inatyhymy òbitimy tuu rarybere.
|
||||
\v 11 Iny bedeery mahãdureny rybe heka iwese wonatidese òwòru-ò rarutàmyhỹre wesemy rỹimyhỹre ralòwiwimy; Kia iwese rubedi ijohodi mahãdu hojurehedi rỹimyhỹre wese budoeni-di rariakremy rỹimyhỹre wesemy. Ka rybe heka Deuxu tuu tarybe riwahinyre, tii sohoji heka rybedi ijohodu nihikỹmy iny-ribireny ratximyhỹre.
|
||||
\v 12 Wariòre, aõmamy adeereny ararybekemy watxireri: Tyyriti rirana heka ikiemy raritidỹỹmy rỹirakre; iny sõetyhymy rarytyyritinymyhỹre, kia heka inyrayky urile riteywesedỹỹnymyhỹre.
|
||||
\v 13 Kia ibutumy tuu rarybere, kia heka kaa rare: Deuxulau buberubenyke, kia tahe irybetyhydỹỹna bityhynybenyke kiemy tamy dori iny boho ruamy iny boho raumynyrenyre.
|
||||
\v 14 Iny boho heka ibutumy Deuxu dee iximyreny rekelyyrenykre, ibutumy aõbo iny boho riwinyrenyre wasimy, aõ awi aõ ibinamy.
|
||||
|
|
@ -0,0 +1,206 @@
|
|||
\id SNG
|
||||
\ide UTF-8
|
||||
\rem Added here 1set12 Revisão: 17 de setembro de 1997 — Arq: CANTICOG.DOC
|
||||
\h SALOMO WIUNA
|
||||
\toc1 SALOMO WIUNA
|
||||
\toc2 SALOMO WIUNA
|
||||
\toc3 sng
|
||||
\mt1 SALOMO WIUNA
|
||||
\mt2 Cântico dos Cânticos
|
||||
|
||||
\c 1
|
||||
\s1 Ijyydurybe:
|
||||
\p
|
||||
\v 1 Ka heka wiudu wiuna rare, tii heka Salomaõ wiuna ratyre iruxeratyhyre. Hãwyy Rybe:
|
||||
\v 2 Iryijeti waryijeti ritybònymyhỹre! Terinana heka vinho ratyre awityhyre.
|
||||
\v 3 Teròna heka wadeke tỹnyrewire; ini tahe wadeke iwese aderòna rejujumyhỹre wesena rare. Tiku heka hãwykyno tuu rerinanykõmy ririkõtyhy.
|
||||
\s1 CORO
|
||||
\p
|
||||
\v 4 Ixihemy biwadyke! Wylemy rakake! Kia heka waikòlòkumyke, kia tahe aherinawoku-kò riwadyke. Ikòlò, dikarỹ boho heka wadekysarenymy krabedesarenykre aikòraruki, kia tahe anonanonamy terinanymyhỹtemy krawikunyrenykre, tiki dokuri tai adekàlànawire mona besò-ribi.
|
||||
\s1 Hãwyy Rybe:
|
||||
\p
|
||||
\v 5 Jerusalë hãwyky mahãdureny, dikarỹ heka watykysore, ihãremy tahe dikarỹ waruxerare. Dikarỹ heka watykysò lybyre, iwese heto bre-kò bederahymy rỹimyhỹre wesemy, kia iwese Salomaõ itxòhety wesemy.
|
||||
\v 6 Kia uritere kawesemy wadi itxerekõmy watykysò kòraruki, kia dokuri txuu riwasõre. Waseritxòre mahãdu wamy radònyrenyreri, kia tahe tiki boho riwalanomysỹdỹkỹnyrenyre uva bròdỹkỹduki. Tai heka ixidi karexiemyhỹke ihãkukõre.
|
||||
\v 7 Waderina wadee manarybeke:Tibedekòwe abudoeni tadidymyhỹte asimy rirakuxikremy? Tikibo tiki boho txutykeku dexielehynymyhỹdenyde? Manarybeke, taita tiku aitxesemy warirakõna iny witxira mahãdureny budoenirenymy kykyrenymy.
|
||||
\s1 Hãbu Rybe
|
||||
\p
|
||||
\v 8 Txibo kai hãwyy mahãdu ratyre aruxerareri, kia tahe tikibo rỹireri teeryõhyyteri, kia iny witxira mahãdu budoeni-dile arukike, tai tahe asitxi beakre abudoenireny-ò, kia budoeni-di aõmysỹdỹỹdureny bireki.
|
||||
\v 9 Kai heka aruxeratyhyre waderina wabirena, iwese Faraò mahãdu iròdu wesemy.
|
||||
\v 10 Aõsỹny heka iruxerare, inatxi wotyaki; timybohe alòy lòysana-di teaõnanyte!
|
||||
\v 11 Diarỹ boho mana rỹsỹ alòysanamy ariwinyrenykre, kia ibutumy mana rỹsỹ òtaòta-di ariaõnanyrenykre.
|
||||
\s1 Hãwyy Rybe:
|
||||
\p
|
||||
\v 12 Kia tiku waikòlòku tarynana tyreki runymyhỹreku, dikarỹ kia waderòna lỹnyrewihikỹmy rurumyhỹre. riwanohõtijaranymyhỹre.
|
||||
\v 13 Waderina wahãbu heka tỹnyrewityhyre noiròsò wesemy, tiku wahukỹtyre rexielehynymyhỹreku
|
||||
\v 14 Waderina wahãbu heka syrarakumy noiròsò rỹimyhỹre wesena rare, kia mona besò alòbròna rỹimyhỹre, Gedi kòlòkuna bireki.
|
||||
\s1 Hãwyy Rybe
|
||||
\p
|
||||
\v 15 Timykiwe kai aruxerare waderina! Timykiwe awire waderina! Kia arue raòderanytyhymy reamyhỹre birena ruemy!
|
||||
\s1 Hãwyy Rybe:
|
||||
\p
|
||||
\v 16 Timykiwe kai aruxerare waderina wahãbu! Timykiwe iny terutakõnymyhỹte! Asilỹre heka iny herinamykre;
|
||||
\v 17 Terikò tahe iny hetokutirenykre; nobò tahe iny heto ratytirenykre.
|
||||
\c 2
|
||||
\s1 Hãwyy Rybe
|
||||
\p
|
||||
\v 1 Dikarỹ heka Sarõ syrarakumy noiròsò rỹimyhỹre rare; dikarỹ heka bederakumy noiròsò rõiròsònymyhỹre rare.
|
||||
\s1 Hãbu Rybe:
|
||||
\p
|
||||
\v 2 Iwese noirysòõ rỹimyhỹre wese hede yky-my, kawesemy tahe warana waderina ratximyhỹre iwitxira hãwyy mahãdu yky-my.
|
||||
\s1 Hãwyy Rybe:
|
||||
\p
|
||||
\v 3 Iwese maçã oky rỹimyhỹre iwitxira bijikukykymy, iwese tahe waderina ratximyhỹre hãbu witxirakykymy. Dikarỹ heka ixiki awimy rahãmyhỹre iaxikòtiki raimyhỹreki, kia itykylisina heka wadeke ibreketyhyre.
|
||||
\v 4 Tiki ixena hetowoku-kò riwadyre, tai tahe dikarỹ boho wimy karerinanyrenykremy rexiwahinyrenyre.
|
||||
\v 5 Wadeke bidiwydenyke dikarỹ waruru karimykremy, kia maçã tahe riwajutàtànykremy, kiemy dokuri dikarỹ wanohõti rabrereri wimy rerinanyrenyreriki.
|
||||
\v 6 Tebò hywewe-ribi ludu warati rawokuki roireri, kia ruruwe-ribi ludu tahe riwamyreri.
|
||||
\v 7 Jerusalë hãwyky mahãdu, marybebenyke kia inatyhymy biwinyrenykremy, kia budòe bederahykymy rỹimyhỹrenyre kia bròre watxi-wana iijarateremy rỹimyhỹrenyre-kò, kia kai boho biwabinabinanybenykõkremy wimy karerinanyrenykre-kò.
|
||||
\s1 Inatxina Wiuna
|
||||
\s1 Hãwyy Rybe:
|
||||
\p
|
||||
\v 8 Dikarỹ waralwykò waderina rybe wokudỹkỹkò rahokujareri. Tiki wytyhylemy rubehemy rareri, hãwalò hãwalò-ribi rubehemy rareri, raijranymy hãwalò sõmosõmo-di.
|
||||
\v 9 Warawykò waderina heka bròre bederahykymy rỹimyhỹre wesena rare; kia heka budoeni ritxòre bederahykymy rỹimyhỹre wesena rare. Warawykò waderina heka kuaki naderi, wahetokureny webròki. Tiki heka hetokuwoku-kò retehereri, hetoku sirure-ribi, wadi retehereri womati ryresi rure-ribi.
|
||||
\v 10 Warawykò waderina heka wawana rarybereri.
|
||||
\s1 Hãbu Rybe:
|
||||
\p Wylemybo myna, warana waderina; wawana mynake
|
||||
\v 11 Beòra bedeỹỹnana rexihure, kia biulòra ixawire,
|
||||
\v 12 kia noiràsò sõe rexijuarenyre syraromy. Kia heka wiuna bededỹỹnana-ò rehemynyre; boholake ini syraromy bytòerurà robumy rỹireri.
|
||||
\v 13 Bederaty mahãdu rasònyrenyreri, kia aõwaxina noiràsò lỹnyremy beàrànykre. Mynabo wylemy, warana waderina. Waheki mynake warana waderina.
|
||||
\v 14 Kai heka iwasimy tanyteri bytòehekỹ wesemy mynaurahãkỹ rurewoki. Biditeòsinyke aòsỹny; aroholake ini arybe wodỹỹ-ò; kia dori arybe wodỹỹ dori iwetarire, kia aòsỹny tahe iruxerare.
|
||||
\v 15 Bimybenyke ijòrò kia iriòre mahãdu tule bimyke, kia ribinanyrenylau kia inylòbròna mona besò kia rõiròsonymy rỹireri.
|
||||
\s1 Hãwyy Rybe
|
||||
\p
|
||||
\v 16 Warawykò waderina heka wahõrõ rare, kia dikarỹ ihõrõ rare. Tiki tabudoeni mahãdu ridymyhỹre noiròsò kykymy rirakuxurenykremy.
|
||||
\v 17 Kia txuu txutàtàreri-wana-wana kia bedeluru tahe ikõmy rareri. Warawykò waderina, wylemy manakòkyseke, manaijranymy budoeni wesemy, iwese budoeni ritxòre bederahykyludu Beter hãwalò sõmosõmomy rỹimyhỹrenyre wesemy.
|
||||
\c 3
|
||||
\s1 Hãwyy Rybe:
|
||||
\p
|
||||
\v 1 Kia rukumy rukumy, waherinaki raimyhỹ, dikarỹ warawykò waderina reijere; dikarỹ reijere, kia tahe itxi reakakõhykyre.
|
||||
\v 2 Tai tahe dikarỹ lamamy raire, kia tahe cidade cidade-my ibutumy raritxare, rudi raritxare. Dikarỹ warawykò waderina reijere; kia reijere, kia tahe itxi reakakõhykyre.
|
||||
\v 3 Sodadu mahãdu rukumy raritxamyhỹrenyre watxi reakare, kia tahe dikarỹ tamyreny rỹkỹraxire:"Kai boho anobo warawykò waderinamy tabitenyte?"
|
||||
\v 4 Kia tahe anotama anokõ ibirereny-ribi rakòkunymy reakare, kia tahe dikarỹ itxi reakare. Dikarỹ warawykò waderina remyre, kia tahe rakemy rewahinykõhykyre, kia tiki-wana rare nadi hetokukò, tai hetokuwoki wadeke juxarana riwahinyre.
|
||||
\v 5 Jerusalë hãwyy mahãdu, bexiwahinyke inatyhymy, kia bròre watxi-wana iijarateremy rỹimyhỹrenyre-ò, kia dori kai boho tiu wimy rerinanymyhỹrenyre abinadỹỹrenyõna.
|
||||
\s1 Hãwyy Rybe
|
||||
\p
|
||||
\v 6 Anokobo bederahyky-ribi rakòwònymy rareri? Kia heka aderòna wàdàsi wesemy rareri, kia sõemy aderòna biku wetyky kòtakòta ijohokuna hetokumy idi ijohoku rỹimyhỹre.
|
||||
\v 7 Kia heka rynana ihetydimy rỹimyhỹre Ikòlò salumaõ rynana wahe; kia sodadu sessentamy sõereny, kia heka tiki boho Israel-ki awityhyrenyre, kia heka tiki bohole isodadurenymy rexiijemyhỹrenyre.
|
||||
\v 8 Ibutumy heka tiki boho tõnori rikuherenykre rikerymyhỹrenyre, kia heka rexikurihimyhỹrenyre woku reakamyhỹre kokumy. Iny sohoji sohoji heka tõnori-di rebònanymy ratximyhỹrenyre, bedeluru kòhãru kòraruki.
|
||||
\v 9 Rynana ihetydimy rỹimyhỹre heka Ikòlòku Salumaõ tuu rarybere relekremy, tiki heka awityhyre kòwòru rynana.
|
||||
\v 10 Iweitxàti heka mana rỹsỹ kòtakòta-di rihetynyre, ka ikubehety tahe mana rỹsỹ rikubehetynyre. Ikyxekyxena tahe tykysò breky-di rihetynyre, kia heka Jerusalë hãwyky mahãdu-kò rakywikywimy riwinyrenyre.
|
||||
\v 11 Siaõ hãwyky mahãdu boho, Ikòlòku deke itxeremy ikuni bòdòike! Ikòlòku Salumaõ heka taratàkana rikuhereri, kia tadi-ribi rimyre wahe, iku hãwykymy roire bedeku, kia bede heka sõemy bedesa nihikỹ rakòkunyre.
|
||||
\c 4
|
||||
\s1 Hãbu Rybe
|
||||
\p
|
||||
\v 1 Timykiwe kai aryxerare, warana waderina! Timykiwe kai awityhytyhyre! Timykiwe arue raòderanywihikỹmyhỹre birena ruemy rahety hewo-ribi! Arade heka budòenirade wesena rare. Kia budòeni Kiliade hawalò-ribi resemyhỹrenyre. kia heka budoeni rabrò wesemy rỹimyhỹre, kia Gileade hãwalò-ribi rubehemy ramyhỹre wesemy.
|
||||
\v 2 Txureny heka iurare, iwese budoeni sityy rayròmyhỹre wesemy, kia rexihumyhỹre rasuhõmyhỹreu. Kia ijõreny-õ rasiranyõhyyreri, kia ibutumy wiweselehekỹ rỹireri.
|
||||
\v 3 Iryijetireny heka iwese rerutisò rỹimyhỹre wesena rare, kia iryreny tahe iruxerare. Aòsỹnysò heka raòderanymyhỹre arahety hewo-ki.
|
||||
\v 4 Kai alòti yxiwihikỹre, iruxeramy Davi tò wesemy, tai heka mil-my wyhy itxedu ritaamy rỹimyhỹre, sodadu mahãdu debure debòna wahe.
|
||||
\v 5 Ihuỹreny heka watxi inatxi wesemy rekeitxenyreri; kia budoeni inatxi wihiju wesemy, kia tahe bedero noiròsòmy riroximyhỹrenyre.
|
||||
\v 6 Diarỹ heka noiròsò hãwalò-ò arakre, bede rudimy rỹireri yhyrasamy, kiemy dori txuu txutàtàreri-wana-wana kia bedeluru riõmy rareri.
|
||||
\v 7 Timykiwe kai aruxerare warana waderina! Timykiwe kai awityhyre!
|
||||
\v 8 Wawana bedeseke Líbano hãwa-ribi, warana! Hãwalò rarie-ribi bedeseke, Amana hãwalò-ribi, Senir hãwalò-ribi, Hermom hãwalò-ribi, tai hãlòe òtaòta, urso rahonymyhỹre-ribi. rahonymyhỹre-ribi.
|
||||
\v 9 Sohoji itxerenadile, warana waderina, kia sohoji manaura tõhõ rare, kai wawo tewasinyte.
|
||||
\v 10 Timykiwe awityhytyhyre wamy terinanymyhỹte, wabirena warana, warana! Wamy terinanymyhỹte heka monabesò ratyre awityhyre; aderòna heka awityhytyhyre deròna òtaòta rỹimyhỹre-ribi.
|
||||
\v 11 Aryijeti heka bidi bree wesemy ijõdire, waderina. Adòròtò heka wadee huỹsy wesemy bidi bree wesemy awire, ka atyy lỹnyre tahe Líbano hãwalò lỹnyre wesemy ijõdire.
|
||||
\v 12 Warana, waderina, kai heka iwese alòbròna rauhuarimy ratxydỹỹmy rỹimyhỹre wesena tate; kia heka aõ òlòna witxira tate.
|
||||
\v 13 Ka alòbrònaki heka awimy aõwi ruhunymyhỹre. Kia roma-ki aõwi raumynymyhỹre wesemy raumynymyhỹre, kia tahe iratywiwimy ruumyhỹre. Tai heka Hena Nardo-wana rỹimyhỹre; Hena heka bederade tõiròsò-di aderònamy rauhemyhỹre, walỹnyrenamy, debò lỹnyrenamy kia dexià lỹnyrenamy, Nardo tahe alòbròna iruru iruti ijõdire kia heka aderòna lỹnyrewimy iòwyhykỹmy relemyhỹre.
|
||||
\v 14 kia rỹimyhỹre Nardo alòbròna iruru iruti ijõdire kia heka aderòna lỹnyrewimy iòwyhykỹmy relemyhỹre, ajirani kia ijõ bederade biuwetyy lỹre wesena kia ibutumy bederade òtaòta lỹnyre.Kia bederade lỹnyre kia Alóes alòbròna-ribi iruỹbe ratamyhỹre, aderònamy rauhemyhỹre kia luahimy tule. Kia iwitxira alòbròna tỹnyremy rỹimyhỹre.
|
||||
\v 15 Kai heka waaõwi òlòna òraruna tate, kia be bree ijarana tate, kia beriòre reamyhỹre Líbano hãwalò-ribi reamyhỹre.
|
||||
\s1 Hãwyy Rybe:
|
||||
\v 16 Kyhy ibryra-ribi mynyike! Kyhy bekàra-ribi manake! Walanowi walòbròna biditebonyke, kia kyhy aderòna-di bitỹxinyke. Kia ixinamy warawykò waderina talanowikò kanakre, kia tahe tabederaty wihikỹ ritokre.
|
||||
\c 5
|
||||
\s1 Hãbu Rybe
|
||||
\p
|
||||
\v 1 Diarỹ waaõwiwo-ò ralore, warana waderina. Diarỹ bederadee ibru lỹnyre rehereri, kia bederade lỹnyre witxira witxira reherelereri; diarỹ wa bidi hyna tyby rerỹsỹreri, kia wamona besò-my wabròreni huỹsymy reõreri.
|
||||
\s1 Ibiòwaboho raryberenyre:
|
||||
\p Kai boho wimy terinanymyhỹtenyte, teroximy teõmyhỹtenyte, kia tahe taòdewyrimy wimy terinanymyhỹtenyte!
|
||||
\s1 Hãwyy Rybe:
|
||||
\s1 Wiuna
|
||||
\p
|
||||
\v 2 Dikarỹ heka rarõmyhỹre, ka wawo tahe iruhukỹlemy roimyhỹre. Tai tahe dikarỹ warawykò waderina ijò rihetenyre-kò rahokujare.
|
||||
\s1 Hãbu Rybe:
|
||||
\p Txioini araloke wabirena waderina, wabòtòeni aõibinanaõ. Warati heka bede nonoe rituunyreri, warade tahe wehedà rixobaxobanyreri.
|
||||
\s1 Hãwyy Rybe:
|
||||
\p
|
||||
\v 3 Dikarỹ watyky retakara; kia ixybyle anobo karexitykynykre? Wawa heka rehòra; anoherekibo tahe ixybyle karisunykre?
|
||||
\v 4 Warawykò waderina heka itxòtòbòna rakyna-kò tebò-di reakara, kia wawoku tahe ramytàtàre.
|
||||
\v 5 Dikarỹ rexihumy watximyhỹ waderina kadiròtenykremy. Wadebò heka sõemy kòwòru ibru aderòna lỹnarena-di reijere, kia wadebojuhu tule, kia dikarỹ tahe itxòrakyna remymyhỹ.
|
||||
\v 6 Tai tahe dikarỹ itxò waderina wabirenakò rerakynyre, kia timybo dikarỹ irybe-kò karohokujakemy! Tahe reijere kiaremy itxi reakakõhykyre, tahe rara-wanahãkỹle. Timybo tahe dikarỹ karirakòmy karohokujake! Dikarỹ araijere, kia tahe timy atxi walahãsakõna; dikarỹ tamy raryre, kia tiki tahe diwarawykònykõhykyde.
|
||||
\v 7 Kia sodadu mahãdu raritxamyhỹrenyre watxi reakarenyre; tiki boho tahe riwahãtenyrenyre, riwawokutõmonyrenyre; kia hetokuwetimy sodadu rỹimyhỹrenyre tahe watyky hety ritakarenyre.
|
||||
\v 8 Manarybebenyke inatyhymy Jerusalë hãwyky mahãdu: txibo kai boho warawykò waderinatxi beakabenykre-wana, tamy marybebenykre, dikarỹ sõemy iwehitykymy rarurerimy.
|
||||
\s1 Hãwyybiowaboho rarybera:
|
||||
\p
|
||||
\v 9 Kai heka hãwyky mahãdu-ribi aruxeratyhyre, kia aderina abirena anobo iny witxira-ribi awityhyre? Anobo tahe tai ijõdire awityhymy, ka dikarỹ boho inatyhymy kariwinyrenykre adeke?
|
||||
\s1 Hãwyy Rybe:
|
||||
\p
|
||||
\v 10-11 Kia debòitue mil-my hãbu sõe rỹimyhỹre-ribi warawykòwaderina iruxeratyhyre, kia ihãremy ityhyre. Ikòsỹnywihikỹ heka isòburehekỹre; kia irade heka irehere, ihãremyta ywimy roimyhỹre, kia ilybyre nawii lyby deratyti lyby wesemy.
|
||||
\v 12 Irue heka bòtòeni rue wese, ahuritxòreki rỹimyhỹre wesemy; bòtòeni kura heka hukỹsy wesenare, kia ysetere weribiki rõhõmyhỹre.
|
||||
\v 13 Ikòsỹny heka iruxerare, anowi alòbròna lỹnyre rỹimyhỹre wesemy. Kia iryijeti heka noiròsò wesenare, kia bederade ibru aderòna lỹnyre ruã riatymyhỹre.
|
||||
\v 14 Idebò heka awityhyre, kia debò mana rỹsỹ debò-di mana rỹsỹ kòtakòta-di riixikywidỹkỹnanymyhỹre. Isỹna heka aõti yresytere wesena rare, kia mana rỹsỹ lỹre-di rihetynymyhỹre.
|
||||
\v 15 Iti heka manaruxõmo kòtakòta-di ratinymyhỹre, kia tahe mana rỹsỹtyhy-di rikòrarunyre. Warawykò waderina heka Líbano hãwalò wesemy rekeitxenymyhỹre, kia heka iruxerare teriò wesemy.
|
||||
\v 16 Kia heka irywoku ibrekemy rerytòmyhỹre, kia ibutumy tuu rỹimyhỹre riwakywinymyhỹre. Ka iwesemyhe warawykò waderina, ka iwesemyhe warawykò, Jerusalëm hãwyky mahãdureny.
|
||||
\c 6
|
||||
\s1 Hãwyybiòwaboho rarybera:
|
||||
\p
|
||||
\v 1 Kai heka aruxeratyhyre hãwyky mahãdu-ribi birawykònyta: titxibo arawykò abirena rara? Tiwesena rydibo tiki rara? Dikarỹ boho krawikòhenanyrenykre itxi kareakarenykremy.
|
||||
\s1 Hãwyy Rybe:
|
||||
\p
|
||||
\v 2 Warawykò waderina talanowi-kò rubehera, talanowi lỹnyhekỹkò. Tiki heka tabudoeni rikòenyreri talanowi kia noiròsò rihereri.
|
||||
\v 3 Dikarỹ heka warawykò waderina hõrõ rare, waderina tahe wahõrõ rare. Tiki heka tabudoeni ridyre rikòenykremy noiròsò kykymy.
|
||||
\s1 Hãbu Rybe: Wiuna
|
||||
\v 4 Warana waderina kai heka aruxerare Jerusalë cidade wesemy, kia heka iny ixiheki tedymyhỹteTirza hãwa wesemy, kia heka iny witxiramy bede riòtiinymyhỹre ka cidade inatxi wesemy.
|
||||
\v 5 Waribi arue biòenyke, kiemy dori tii riwaixiranyreri. Arade werywery heka iwese budoeni rabrò rubehemy ramyhỹre wesemy Gileade hãwalò-ribi.
|
||||
\v 6 Txudeòte heka iurare, iwese budoeni tyy ratyydỹỹmyhỹre wesemy, kia rahòmyhỹrenyre tỹmyra wesemy. Kia ijõre-õ rasiranyõhyyreri, kia ibutumy wiweselehekỹ rỹireri.
|
||||
\v 7 Aòsỹny burena heka raòderanyreri aratihety hewo-ribi. hewoki.
|
||||
\v 8 Kia aõwaxina sesssenta hãwyy deridumy sõekre, kia oitenta-my wedena sõwekre, kia sõemy ijadòòma;
|
||||
\v 9 kia tahe diarỹ iny sohojilemy arerinanykre, kua awityhymy ratxireri bòtòeni wesemy. Tii heka tadi riòre sohojihyy rare, ise tuu rerinanymyhỹre. Ibutumy hãwyy mahãdu warana waderina-ò retehemyhỹrenyre, kia warana waderinamy awityhymy ibedesamy ratximyhỹremy tuu rarybemyhỹrenyre; iòlò hãwyy iòlò biraludu-wana waranamy waderinamy rawowydymyhỹrenyre, kia tahe myỹ raryberenyre:
|
||||
\v 10 "Mowe txuu rekakremy rỹimyhỹre wesemy ratxireri, kia heka iruxerare ahãdu wesele, kia sõemy rakòderanyreri txu wesehekỹle, kia heka iwitxiratyhyre ka inatxi txuu ahãdu weserenymy roosòmy rỹireri iwese biurawetyy taina-di sõemy roimyhỹre wesemy?"
|
||||
\v 11 Diarỹ heka walòbròna matyniho-ò rabehere, tamy alòbròna tỹmyra-ò aretehekremy, kia bedehitxi-ki roimyhỹre-ò, aretehekre mona besò lòbròna-ò txiru ruhunyrerimy aõbo, kia bede witxira rõiròsònyrerimy aõbo.
|
||||
\v 12 Diarỹ heka ramytàtàreri. Kai heka aõhỹỹ-my tiwasỹnyta umy arerinanykremy, kia heka aõhỹỹtyhymy tiwasỹnyta iwese ityti heòty-di woumy ralokre wesemy.
|
||||
\s1 Coro Hãbu Rybe
|
||||
\p
|
||||
\v 13 Bydòòseke, bòdòòseke Sulamita. Bydòòseke, bydòòseke; diarỹ boho aixemy arobirenykemyrenyreri.
|
||||
\s1 Hãwyy rarybera:
|
||||
\p Anoherekibo tahe kai boho waixenamy, warana ixenamy bobibenykemyrenyreri?
|
||||
\c 7
|
||||
\s1 Hãbu Rybe
|
||||
\p
|
||||
\v 1 Deridu riòre hãwyy, timykiwe iruxeratyhyre iwareny waubehety-di rexiwanymymyhỹrenyki! Iworeny rarabunymyhỹre heka monati wiwihikỹ wesenare, kia heka aõmysỹdỹỹdu nihikỹ widỹỹna rare.
|
||||
\v 2 Ibino heka bedeò bòhòtõpmo rare, tai mona besò rasiranyõhyymyhỹre. Irooti heka iwese maixõmy node rabutudỹỹmy rỹimyhỹre wese noiròsò-di riyrawonymyhỹre. rexibutunymy rỹimyhỹre wesena rare, kia norỹsò-di riyrawonymyhỹre.
|
||||
\v 3 Ihuỹ heka iwese budoeni riòre wihijumy ruamyhỹre wesena rare, kia bròre inatxi rỹimyhỹre wesena heka rare.
|
||||
\v 4 Ilòti heka tòò yresyteremy rỹimyhỹre wesena rare. Kia iru heka iwese behãluu sõe Hesbom cidade ijò weribi rỹimyhỹre wesena rare. Ideasỹ heka iruxerare, Líbano tò rarie wesemy, iribi heka iny Damascomy robimyhỹre.
|
||||
\v 5 Irati heka ritaranyhyylemy roimyhỹre, Carmelo hàwalò wesemy. Irade heka isòbure wesemy idi ratximyhỹre; kia Iòlò-õ dorile brejunawoki ratxike tarade werywerywoki.
|
||||
\v 6 Timykiwe warana waderina kai aruxeratyhyre! Timybo kai aõnaõnawiwi wadee tewahinymyhỹte! Timywe kai awityhy araijemyhỹre!
|
||||
\v 7 Kai heka adilisi awityhytyhyre horeni rỹimyhỹre wesemy; ahuỹ heka hery lòy wesere.
|
||||
\v 8 Diarỹ horeni-ò araòwònykre, iraty aritohekremy. Ahuã heka wadee mona besò lòy wesena rare. Aruwo-ribi heka (maçã) lỹnyre reamyhỹre,
|
||||
\v 9 Arytòna heka mona besò bree wesenare.
|
||||
\s1 Hãwyy Rybe
|
||||
\p Tai heka warawykò waderina awityhymy mona besò-my riõmyhỹre, kia iryijetidi, kia txudi rytynymy ramyhỹre.
|
||||
\v 10 Dikarỹ heka wahãbu hõrõ rare, tiki heka warahi ratximyhỹre.
|
||||
\v 11 Warawykò waderina manake, syrarakukò rakakre; iny mona besò koworokuki rõkõrõkremy.
|
||||
\v 12 Kia rukudihikỹ rỹkỹikre mona besò lòbròna-di reketehekremy, txibo taraty rikòrarunyrerimy anobo. Kia kareteherenykre noiròsò rexirakynyrerimy anobo, txibo (roma) ludu maçã rõiròsònyrerimy anobo. Tai heka dikarỹ kariwahinykre warawykò waderina umy karerinanykremy.
|
||||
\v 13 Anowaxina heka alòbròna luahi ritxòrena lỹnyremy rykeàrànyrenykre. Kia ibutumy heka bederaty tỹnyre ijõdimy rỹimyhỹre, kia heka iny itxòrenykile rỹimyhỹrenyre. Waderina, dikarỹ heka ibutumy bederaty kòtakòta adeke karirarenymy krarekre, bederaty sỹru bederaty rubu.
|
||||
\c 8
|
||||
\p
|
||||
\v 1 Anoherewe kai heka waseritxòreki awire, txibo nadi hukỹ bitòmy mabemyhỹ. Tai tahe, txibo dikarỹ atxi rywetykaki kareakare-wana, anowaxina krarytòkre, kia tahe tiku inono iny-my iruekõna.
|
||||
\v 2 Dikarỹ nadi hetoku-kò kradyke, kai tahe biwaixinanykre. Dikarỹ tahe mona besò lỹnyre adeke kariwahinyre, kia heka wamona besò roma ludu rare, adeke amonamy kariwahinyre.
|
||||
\v 3 Adebò hywewe-ribi ludu heka warati rawokuki roire, ka adebò ruruwe-ribi ludu tahe riwamymy.
|
||||
\v 4 Jerusalë hãwyy mahãdu, marybebenyke inatyhymy, kai boho dokuri tiku dikarỹ boho wimy karerinanyrenykre abinadỹkỹrenykõna.
|
||||
\s1 Hãwyy Rybe:
|
||||
\s1 Coro
|
||||
\p
|
||||
\v 5 Mobo tahe bederahy-ribi rakòwònymy rareri, taderina-wana widebòki wii rimymy? maçã-kò rawoku-ki dikarỹ araixixanyre, tai kuladu-my teakateki, tai adi kuladu-my aratxukareki.
|
||||
\v 6 Wani awoku-kò biwarenyke, kia adebò-ò tule adebòki roireri-kò. Iny wimy rerinanymyhỹre heka inidehetyhyre, kia rubu rỹimyhỹre wesemy; iny wimy rõhõtinymyhỹre heka ityhyre, iny wii rituunymyhỹre wesemy. Iny wimy rerinamyhỹre iny wimy rõhõtinymyhỹre-wana, kia heka urile wii ribinabinanymy rexihumyhỹrenyre, kia heòty debure wesemy roomyhỹre.
|
||||
\v 7 Kia tiu betuu riòre iny wimy rerinanymyhỹre riixawidinykõtyhy, kia tiu bero-no risỹkytxinykõtyhy. Txibo inyno ixidekewimy birenano rikòwynykeki kia iribi tahe ityhymy ilanodimy runyke kidiwahinyke, kia tahe ixi-ribi ritekònykele tamy rakòkunyke.
|
||||
\s1 Coro
|
||||
\p
|
||||
\v 8 Dikaraỹ boho heka waseritxore hirari ijõdire, kia tahe ihukỹ ikyjalemy ratximyhỹre. Anobo tahe kariwinyrenyke waseritxòrereny-kò, txibo wekyrybò-no tamy birenamy reakakre-wana?
|
||||
\v 9 Txibo tiki hetoku uhukariweti wesenakre-wana iny boho mana rỹsỹ òtaòta tò-di rikiijerenykre. Txibo tiki ijòtòbòna wesenakre-wana iny boho terikò-di rikiwikòhenanyrenykre.
|
||||
\s1 Hãwyy Rybe:
|
||||
\p
|
||||
\v 10 Dikarỹ heka hetoku uhukariweti rare, ka wahukỹ tahe tò rarie nihikỹ rare. Ikurenana heka waderina inatyhymy kòbitimy rarybereri, dikarỹ waitxedu ijõdimy watxireri wamynyduwiwimy.
|
||||
\v 11 Salumaõ heka mona besò lòbròna ijõdire, Bali-Hamom bedeki. Tii alòbrònaki aõmysỹdỹỹdu mahãdu ritare tòbròna-di tarukikremy; iny sohoji sohoji heka mil-my mana rỹsỹ kòtakòta-di rikòwynykremy.
|
||||
\v 12 Dikarỹ mona besò lòbròna waki ijõdilereri, kia ixidekewimy ano idi rewinymyhỹre. Salumaõ manake amil mana rỹỹ kòtakòta bimykremy. Alòbròdỹkỹdu mahãdu bòdòike 200-my mana rỹsỹ kòtakòta bimybenykremy alanomysỹdỹkỹkuludurenymy.
|
||||
\s1 Hãbu rarybera:
|
||||
\v 13 Warana waderina, wabiòwa bohoreny roholarenykemy rirỹsỹrenyreri. Diarỹ tule aroholalekemyreri oworureny-ki.
|
||||
\s1 Hãwyy Rybe
|
||||
\v 14 Wara wykò waderina wylemy manake ijaremy iwese bròre reakamyhỹre wesemy, budoeni ritxòre bederahyky ludu wesemy bedeakake, kia hãwalò lỹnyre ratyre-di reakamy ramyhỹre wesemy.
|
||||
41
issues.txt
41
issues.txt
|
|
@ -1,16 +1,9 @@
|
|||
Upper case book title in GEN header/intro
|
||||
Upper case book title in GEN header/intro
|
||||
Upper case book title in GEN header/intro
|
||||
Upper case book title in GEN header/intro
|
||||
Upper case book title in EXO header/intro
|
||||
Upper case book title in EXO header/intro
|
||||
Upper case book title in EXO header/intro
|
||||
Upper case book title in EXO header/intro
|
||||
Missing verse between: EXO 25:12 and EXO 25:14
|
||||
Missing verse between: EXO 26:24 and EXO 26:26
|
||||
Chapter should have 37 verses: EXO 26:26
|
||||
Missing verse between: EXO 39:37 and EXO 39:39
|
||||
Verse fragment: LEV 11:15
|
||||
Missing verse between: NUM 3:9 and NUM 3:11
|
||||
Empty verse: NUM 5:28
|
||||
Missing verse between: NUM 7:87 and NUM 7:89
|
||||
|
|
@ -27,15 +20,11 @@ No non-English book title for DEU
|
|||
Empty verse: DEU 4:41
|
||||
Empty verse: DEU 4:42
|
||||
Empty verse: DEU 4:48
|
||||
Verse fragment: DEU 5:19
|
||||
Verse fragment: DEU 14:14
|
||||
Missing verse between: DEU 16:17 and DEU 16:19
|
||||
Chapter should have 22 verses: DEU 18:9
|
||||
DEU should have 34 chapters but 18 chapters are found.
|
||||
Upper case book title in JOS header/intro
|
||||
Upper case book title in JOS header/intro
|
||||
Upper case book title in JOS header/intro
|
||||
Upper case book title in JOS header/intro
|
||||
Missing verse between: JOS 2:14 and JOS 2:16
|
||||
Missing verse between: JOS 7:6 and JOS 7:8
|
||||
Missing verse between: JOS 8:27 and JOS 8:29
|
||||
|
|
@ -48,9 +37,6 @@ Missing verses between: JDG 20:4 and JDG 20:7
|
|||
Missing verses between: JDG 20:24 and JDG 20:27
|
||||
Missing verse between: JDG 20:31 and JDG 20:33
|
||||
Upper case book title in RUT header/intro
|
||||
Upper case book title in RUT header/intro
|
||||
Upper case book title in RUT header/intro
|
||||
Upper case book title in RUT header/intro
|
||||
Chapter should have 22 verses: RUT 1:23
|
||||
Missing verse between: RUT 4:11 and RUT 4:13
|
||||
Missing verse between: 1SA 2:12 and 1SA 2:14
|
||||
|
|
@ -58,3 +44,30 @@ Missing verse between: 1SA 6:18 and 1SA 6:20
|
|||
Missing chapters before: 1SA 17
|
||||
Missing verses between: 1SA 17:13 and 1SA 17:39
|
||||
Missing verse between: 1SA 20:12 and 1SA 20:14
|
||||
Missing verse between: 2SA 3:31 and 2SA 3:33
|
||||
Missing verse between: 2SA 4:6 and 2SA 4:8
|
||||
Empty verse: 2SA 13:9
|
||||
Missing verse between: 2SA 16:19 and 2SA 16:21
|
||||
Missing verses between: 2SA 23:14 and 2SA 23:17
|
||||
Upper case book title in 1KI header/intro
|
||||
Chapter should have 46 verses: 1KI 2:32
|
||||
1KI should have 22 chapters but 2 chapters are found.
|
||||
Missing verses between: NEH 12:38 and NEH 12:43
|
||||
Upper case book title in EST header/intro
|
||||
Upper case book title in JOB header/intro
|
||||
Missing chapters before: JOB 25
|
||||
Missing chapters before: JOB 39
|
||||
Missing verse between: PSA 5:1 and PSA 5:3
|
||||
Missing verse between: PSA 7:15 and PSA 7:17
|
||||
Missing verse between: PSA 17:5 and PSA 17:7
|
||||
Missing verse between: PSA 18:13 and PSA 18:15
|
||||
Missing verse between: PSA 18:20 and PSA 18:22
|
||||
Missing verse between: PSA 21:11 and PSA 21:13
|
||||
Chapter should have 12 verses: PSA 76:2
|
||||
Chapter should have 9 verses: PSA 113:6
|
||||
Chapter should have 26 verses: PSA 136:19
|
||||
Upper case book title in PRO header/intro
|
||||
Missing chapter(s) between: PRO 2:22 and PRO 4
|
||||
Missing chapters before: PRO 21
|
||||
Empty verse: ECC 3:9
|
||||
Upper case book title in SNG header/intro
|
||||
|
|
|
|||
|
|
@ -24,8 +24,8 @@ dublin_core:
|
|||
creator: 'Unknown'
|
||||
relation: []
|
||||
publisher: 'Wycliffe Associates'
|
||||
issued: '2022-06-23'
|
||||
modified: '2022-06-23'
|
||||
issued: '2022-06-24'
|
||||
modified: '2022-06-24'
|
||||
version: '1.1'
|
||||
checking:
|
||||
checking_entity:
|
||||
|
|
@ -124,3 +124,38 @@ projects:
|
|||
sort: 17
|
||||
path: './17-EST.usfm'
|
||||
categories: [ 'bible-ot' ]
|
||||
-
|
||||
title: 'JÒÒ'
|
||||
versification: 'ufw'
|
||||
identifier: 'job'
|
||||
sort: 18
|
||||
path: './18-JOB.usfm'
|
||||
categories: [ 'bible-ot' ]
|
||||
-
|
||||
title: 'Salmos'
|
||||
versification: 'ufw'
|
||||
identifier: 'psa'
|
||||
sort: 19
|
||||
path: './19-PSA.usfm'
|
||||
categories: [ 'bible-ot' ]
|
||||
-
|
||||
title: 'PROVERBIOS'
|
||||
versification: 'ufw'
|
||||
identifier: 'pro'
|
||||
sort: 20
|
||||
path: './20-PRO.usfm'
|
||||
categories: [ 'bible-ot' ]
|
||||
-
|
||||
title: 'Bedeery Nihikỹ Iurihidỹỹnana'
|
||||
versification: 'ufw'
|
||||
identifier: 'ecc'
|
||||
sort: 21
|
||||
path: './21-ECC.usfm'
|
||||
categories: [ 'bible-ot' ]
|
||||
-
|
||||
title: 'SALOMO WIUNA'
|
||||
versification: 'ufw'
|
||||
identifier: 'sng'
|
||||
sort: 22
|
||||
path: './22-SNG.usfm'
|
||||
categories: [ 'bible-ot' ]
|
||||
|
|
|
|||
|
|
@ -120,4 +120,30 @@
|
|||
|
||||
## Esther
|
||||
|
||||
* no issues!
|
||||
* no issues!
|
||||
|
||||
## Job
|
||||
|
||||
* Several chapters are missing
|
||||
|
||||
## Psalms
|
||||
|
||||
* Missing verse between: PSA 5:1 and PSA 5:3
|
||||
* Missing verse between: PSA 7:15 and PSA 7:17
|
||||
* Missing verse between: PSA 17:5 and PSA 17:7
|
||||
* Missing verse between: PSA 18:13 and PSA 18:15
|
||||
* Missing verse between: PSA 18:20 and PSA 18:22
|
||||
* Missing verse between: PSA 21:11 and PSA 21:13
|
||||
* Chapter should have 12 verses: PSA 76:2
|
||||
* Chapter should have 9 verses: PSA 113:6
|
||||
* Chapter should have 26 verses: PSA 136:19
|
||||
|
||||
## Proverbs
|
||||
|
||||
* Chapter 3 is missing
|
||||
* Chapters 16-20 are missing
|
||||
|
||||
## Ecclesiastes
|
||||
|
||||
* There are two complete versions of Ecclesiastes. They are similar; maybe 10% of the verses differ, usually in small ways. I used the first version, and alternate titles from the second version, for conversion and upload to WACS.
|
||||
* Empty verse: ECC 3:9
|
||||
|
|
|
|||
Loading…
Reference in New Issue