\v 1 Paulo, motutiani mo Yesu kilisito la mwano mo Mwengei, atie wasatu wango wadjei la Epeso alidji la wango wamogemei Yesu kilisito.
\v 2 Magba masungu la logoo e Mwengei wawa osu alidji e likumu Yesu kilisito edjeni la ino.
\p
\v 3 Mwengei pe Wawa o likumu lasu Yesu kilisito apambwame, laate atopamboi iso la opamboi kpaa e elimo la wibete e likolo la liboliani mongindji la kilisito;
\v 4 La inde Mwengei atowoni liwoso la lipotele e moki, laate todje wasatu alidji wango wati la owungi lihoso la nde ndondo e libalano.
\v 5 Iso towononi ndondo e libalano e nde odjei wana wande la mboka e Yesu kilisito; ndenge ebalali inde la olamu wonde.
\v 6 Laate wamogane la magba masunu mande e otwa enge atoeneseleli la magba pendja la mboka e mana onde.
\p
\v 7 La inde, tosombani la mboka e lisango e makila mande, la olimbisi masumu masu, la otutei ogumake e magba masungu mande,
\v 8 Mwengei atohali iso eho ngbii, la oyewi kpaa alidji la lokenge kpaa.
\v 9 Atoenesali sekele mosatu e mwano monde, eho e ookani la sambo djinge aemelali okeli la obilei mwano monde,
\v 10 la otomo e sombesake sambo e gboo e wiengele winge wibatana, epoti oasi, obolei alidji wiho kpaa eholo kikima sese e okumu wo Kilisito, wiho winge widjei la mbume, sese e okumu wonde.
\v 11 Ongo la liboliani mongindji la inde tobatani pe watoti wa lisango, la ndenge eyanali iwo eho liwoso la loyi esu la obilei mwano e moto ongo okokelaka sambo kpaa ndenge mwano monde moinyei.
\v 12 Laate todje kole e osangoli pe e omohi otwa, iso wango todjei wato wa poo, wango wamodhendelali kilisito.
\v 13 Kasi ino pe obatalini mwanmo atie inde mbuse e ooki liloba wo meemene, mboli ndamu enge edhendji mokalo monu. La mboka e inde, mbuse e ogemei, obatamalini eleme e elimo satu enge ewunamali.
\v 14 Ehele edjei ndanga e lisango lasu enge ehami libela la libela, la osombani la mboka e lisango ema e Mwengei inde amene, la osangoli kombo e inde.
\p
\v 15 Eho lenge mbai mpe, tee e ookali mbai mboli e ogemei enge edjei ino la eho la Likumu Yesu pe atie wasutu kpaa,
\v 16 Itidheeke kine owongosi dombwa la loi enu. Idjei ndji ikootolokoni ino la oyakongi wo mbai.
\v 17 Laate Mwengei o Likumu lasu Yesu kilisito, Wawa o otwa, aohini ino elimo e lomungo pe la oyewi womeemene e omoyewi inde;
\v 18 Alidji akoduhola maiso ma motema manu, laate oyeweni nde edjei mwano mungo inde aowelelalini, ogumake wo otwa wungo eyisi inde laate edje lisango e wasatu.
\v 19 Alidji osungu e okulu wonde enge eyeti kpaa atie iso wagemei. Eho eeneni la otomo e okulu wonde osungu,
\v 20 Atomali okulu woho atie kilisito, ango e mosusolali inde tee ongo la wagwi pe amobatali la ewo ende e lilome ndondo e wiholo wiyeti likolo,
\v 21 lihele oyeti makumu kpa pe okumu kpaa pe okulu kpaa pe woeloko kpaa pe la kombo kpaa enge ehani, te ndji la ehele engele, kasi pe le engele enge egeleli.
\v 22 Abati kpa sese e makolo mande, alidji amowumesali inde likumu e wiho kpaa winge widhendji lingomba;
\v 23 enge edjei wenge wande, enge etumi la mboka e moto ongo okotumesaka wiho kpaa ndondo e kpaa.
\v 1 Enge e odhendjini ino, ogwalini la mawungi manu pe masumu manu;
\v 2 enge gala wodjaali osombi la eho, la otutei sambo dja mu mokii, la otutei likumu e okulu e ehoho, elimo enge edjei sikalandjo okeli otomo ndondo e wana wango wadjangi etemeya.
\v 3 Iso kpaa koto todjakali ndondo e motango mowu, todjakali oyasombesi la obilei wihoha wa wenge wasu, todjakali okeli sambo djinge wenge pe mamungo madjakali obali, pe todjakali wana waendji nda wadji wato.
\p
\v 4 Ase Mwengei, ongo otumi mpedja la motema mo magba, la libalano lande esungu enge atobalali iso,
\v 5 Ango todjaliyo wagwi ndondo e sambo mbe, atowongolali iso la moki ebete kikima la kilisito, la magba masungu wokaliani,
\v 6 pe atosusolali iso ebete kikima mpe atobati iso ebete kikima la wibete e likolo, la weesi mongindji la Yesu kilisito;
\v 7 la ebili ate la sambo e engele ehele ekodja ogumake enge e magba masungu mande enge eyeti kpaa eenge oyahinyei ndondo e motema molamu monde atie iso la liboliani mongindji la Yesu kilisito.
\p
\v 8 La magba masungu maho nde wokaliani la mboka e ogemei mpe okali woho elongoiti atie ino, edjei likao e Mwengei.
\v 9 Edjiti la tomo laate moto tueti atitote kole e oyagani
\v 10 laate iso todjei pukapuka e otomo wonde mpe tokelamali la liboliani mongindji la Yesu kilisito la loyi e tomo ndamu; enge Mwengei awongeleli liwoso laate iso tosombe la ehoo.
\p
\v 11 Eho lenge, otiwosaneni ate gala odjaakalini wato wa miki la moini, owelamalini wato wango watenaniti kombeni atie wato wango wakoyaselaka ate watenani kombeni, enge ekelani la mawo la ndondo e moini
\v 12 ate la engele eho otidjaalini la Kilisito, wato wango waumbi la iwo lihele la mokii mo Yisalayele mpe odjaalini wadjidji e ogemeyani wo gala, pe otidjaakalini la mwano pe otidjaakalini la Mwengei la moki.
\v 13 Ase sikalandjo, la liboliani mongindji la Yesu Kilisito, ino wa wato odjaakalini gala lihele, owumiani ahue la ligamesi e makila ma Kilisito.
\p
\v 14 Laate inde adjei logoo esu, inde moto okelali ate winge mambutu miale miume esi, mpe abukali etutu e ndondo enge edjaali okawoli eho.
\v 15 La ligamesi e wenge wande e moini, alongwesali likewe, pui djinge idjaakali la tiesami djaho pe la wisombeli waho, laate aenge okelesi miki maho miaale, laate eume moto mwesi oholi, la liboliani mongindji la inde; mpe eenge obatisi logoo;
\v 16 pe aenge obalenesi miki kpaa maho miale eume wenge ndji esi, la loyi e Mwengei la mboka e ekulusu, laate awolali likewe, la ligamesi e inde amene.
\v 18 laate ligamesi lande, iso miki maho miale tototia mboka e oyagoli ahue e Wawa la elimo ndji esi.
\p
\v 19 La ehoo, meemene otini kine wadjidji mpe wato wango wayabati la odjidji, kasi odjeini nde wana wa mokii ebete ekikima la wasantu mpe odjeini wato wa monguta mo Mwengei.
\v 20 Mpe omaanini likolo e moboko e watutiani mpe watiesakoli, kaikwase Yesu kilisito inde amene adjei libukeli mpe likule e monguta.
\v 21 La liboliani mongindji la inde, monguta moho kpaa, nda eboleani liwoke liikima la ookani amene, ekotelaka laate eume tepelo mosantu e Likumu.
\v 22 La liboliani mongindji la inde, ino mpe okomaanakani mongindji la odjei ebete enge Mwengei aengi oyabati la elimo.
\v 1 La loyi laho nde mbai Polo moto o woyogo la loyi e Yesu Kilisito la kole enu wato wa mikii
\v 2 inga ookini mboli edhengi otomo enge ehi iwo mbai e kapita e womoto osungu e Mwengei la loyi lonu.
\v 3 Ate la mboka e eeneseli eesi nde waaselali mbai liiseli mosatu ndji ndenge idhingali eho liwoso la okwee;
\v 4 la loyi laho nde ino, ango ekotanga ino eho, okoeneni ate iyewi amene liiseli mosatu e Kilisito
\v 5 la meeti maliye, liiseli laho etiyewisanali atie wana wa wato ndenge eenenya sikala atie watutiani wande wasatu pe iwo watiesakoli eho la ligamesi e elimo.
\v 6 Epoti oasi ate, wato wa mokii, waengi odjei watoti wa lisango ndenge kikima la iso mpe wisuki dja wenge ndenge kikima la iso mpe wato wango wakotota liwuna ndenge kikima la iso mpe ndondo e oboliani ebete kikima la Kilisito Yesu la mboka e mboli ndamu;
\v 7 Iumali mokeleli moho la odhendji likao e pamba e magba masungu ma Mwengei enge eenisami atie mbai la ookani la ndenge enge okulu wonde wokokelaka.
\v 9 pe ihinye wato ndenge liiseli mosatu eho ekosombisamaka, li liiseli tee engele e gala eyisamakate ndondo e Mwengei ongo okeli wiho kpaa.
\v 10 Edjaakali ndjongo laate silalandjo la mboka e lingomba lokenge wo Mwengei enge edjei ndenge la ndenge, eyewane atie okumu kpaa pe la makumu ma wibete e likolo.
\v 11 La otuteyi mwano mo libela enge ewongelali inde la loyi lungo edhendji Yesu Kilisito Likumu lasu.
\v 12 Ongo la ligamesi lande, tokoasaka la hoho mpe la omeemene mpe tokoyandongbaka ahue odjangi owangi la ebili ate tomogemei inde.
\v 13 Eho lenge, ikoongoko la ino ate otilembeni, la loyi e odjidji wungo ekoeneke mbai la kole enu, laate eho edjei otwa atie ino.
\p
\v 14 La loyi laho nde, ikomaaka mauli liwoso la Wawa,
\v 15 ongo la loyi londe liwota kpaa la likolo mpe la mbume etoti kombo,
\v 16 la ebili ate, la obilei ogumake e kombo e inde akoohekeleni ino nano e oumi otetelake e womoto wonu wo ndondo, mongindji la okulu mpe ligamesi e elimo ende.
\v 17 Laate la mboka e ogemei wonu, omobateseni Kilisito la mitema manu la libalano, laate ino omayeni mindili mpe oamaleni la otetelake likolo la moboko,
\v 18 laaate ino oengeni oyewi la mamungwene mongindji la wasatu kpaa osungu, mpe oyingi, oluani mpe olindji,
\v 19 pe oyewi libalano e Kilisito, enge eyeti oyewi laate otumeni la wiho kpaa enge Mwengei akohaka.
\p
\v 20 Kaikwase, la moto ongo, la ookani e okulu enge ekokelaka otomo ndondo esu, aengi okeli ngbii oyeti sambo kpaa enge tokoongoko, te enge ekotodjeleke iso la mamungo.
\v 21 Otwa edje la inde la mboka e losambo mpe la mboka e Yesu Kilisito; la loyi e mawota kpaa libela la libela! Amen!
\v 8 Eho lenge aasa: ango otelali inde likolo akpalali wahelami, ahali makao enge edjei wato.
\p
\v 9 Kaikwase eyinyei nde: atelali, inga te nda ate ayadjimbaliyo la wibete wisese kpaa oyeteli la mbume?
\v 10 Moto ongo oyadjimbali edjei pe ndji ongo otelali lihele oyeti likolo kpaa laate aenge otumi la sambo kpaa.
\v 11 Mpe ahekeli wadji wadje watutiani, wadji watiesakoli wadji wasombesi mboli ndamu, wadji wabanye wa mpata la wamwalimo,
\v 12 la onanolesami e wasantu, la loyi e otomo egamesake, laate wenge e Kilisito eyamale,
\v 13 Tee ango iso kpaa tokouma la liboliani e ogemei mpe e oyewi wo meemene e mana o Mwengei, la ndenge e moto ongo obeki pendja la ebekeli kpaa e kilisito.
\v 14 Laate totidjee kine alidji wana wakeke, wango wokogulanaka nda mbonge pe okpalani iyati la iyati la ehoho kpaa e matiesakoli la mboka e ekosako e wato, la mboka e mamungwene mbe enge ewotake liwunga;
\v 15 ase ango ekoasaka iso meemene, todje la libalano e sambo kpaa la ookani la oholo moto ongo odjei moto, Kilisito.
\v 16 Tee ongo la inde wenge kpaa, nda eyabolei eho ebete kikima la ookani womeemene mpe ewongelami la okeli mongindji la mboka e wisuki kpaa winge wikohaka kpaa djinge iengi, la otuteyi otomo e esuki esi esi ndenge eengi la wisuki waho laate eyamaye eho amene ndondo e libalano.
\p
\v 17 Denda enge ekoasaka mbai pe ototoli eho ndondo e Likumu, ate otidjaakeni ndji osombi aladji ndenge miki mikosombaka la mamungwene mawu madjangi kole.
\v 18 Ango edjei iwo la mamungwene mbe pe wadjei wadjidji lihele e mokalo mo Mwengei, la odjangi lokenge wowu, la loyi e mitema mitetelake mawu.
\v 19 Nda ewusisali iwo wikaleli kpaa ndamu djau, wayahekeli la wisombeli wa ndundu, la okeli osoto la ndenge kpaa e litema.
\p
\v 20 Ase ino otitiesanalini ate Kilisito adjei ndjongo;
\v 21 Inga meemene, omookalini inde pe otiesamalini la mboka ende, ndji nda ndenge meemene edjei la Yesu,
\v 22 ate ewongi la ino olongosi ekaleli e gala enge e ookani la wisombeli wanu e liwoso pe enge ekoholoko la otutei waposa waho wa moleho.
\v 23 Ate ewongi la ino oyawumesi oholi la elimo ndondo e mamungwene manu,
\v 24 laate ewongi la ino okpali womoto wo holi enge ekelamali la ookani la mwano wo Mwengei la sambo ndamu pe la osembo wo meemene.
\p
\v 25 Eho lenge, sikalandjo nda elongosini ino moleho, oasakeni meemene mwesi la mwesi la miino onde; laate todjei wisuki winge mwesi la mwesi eho edjei maanango e odji.
\v 26 Inga ino woyabatani la limemu, wotikeleni lisumu. Wuse wotilangale ndji ino odjeiniyo ndji la likewe,
\v 27 pe otimodheeleni etota ebete.
\v 28 Iwa atiyiwe kine; kasi akele otomo, akele la mawo mande otomo wungo wodjei olamu, laate adje la ema ekawelake moto ongo odjei la otundake.
\v 29 Liloba liholoke etipumbe la monoko monu, kasi nde liloba kpaa enge edjei olamu la omai la engele enge ehoha edjei, laate ehekele waoki, ema ndamu.
\v 30 Aleeti otiokesakeni elimo santu e Mwengei magba te, enge la mboka eho obatesamini elembo la lisio liesi e okalesani la mboka eho.
\v 31 Sambo kpaa edjiake enge ekohekeleke pasi mpe limemu la likewe pe opami pe sambo dja wiliko, elongwe lihele lanu, la sambo mbe kpaa.
\v 32 Kasi odjakeni la libalano ino la ino; ookelanakani magba ino la ino, limbisanakani la motema mwesi, ndenge nda Mwengei pe la mboka e Kilisito aolimbisalini ino la motema mwesi.
\v 1 Eho lenge, umani wingbangeli wa Mwengei, nda wana wa libalano;
\v 2 pe sombani ndondo e libalano, nda Kilisito pe awobalalini ino pe ayakawali likolo lonu nda likao mpe mbeka atie Mwengei nda malasi enge lumba ndamu.
\v 3 Pite la osoto e ndenge kpaa inga te litema etiasane te oasani atie ino; ndji nda ndenge ewongi la wasantu.
\v 4 Te pe esombeli e ndundu, masolo matidje e wikete, iyoka e ndundu te, sambo djaho iwongiti, kasi hekelekeni nde dombwa.
\v 5 Laate oyewini lu loyi, ogemeini eho ino amene, ate moto tueti o pite te ongo o osoto te ongo o litema, enge eyinyei odjei moyakongi e wilima, adjei la lisango e wokumu wo Kilisito mpe wo Mwengei.
\v 6 Moto atiokoseni la sambo dja mpamba; la ebili ate edjei la loyi e dji sambo eyasani ahala nde limemu la Mwengei ekodjeleke wana wango wadjangi etemeya.
\p
\v 7 La eho, otiyawaneseni la iwo.
\v 8 Laate wodjalini gala la molili, sikalandjo odjeini la hoho la ookani la Likumu. Potani osombi nda wana wa hoho,
\v 9 Laate pukapuka e hoho ekalani la ndenge kpaa e olamu pe e sambo ndamu pe e omeemene,
\v 17 Eho lenge, dheeni owumi wikete, kasi yewani inga mamungo ma Likumu madjei nda ndenge.
\p
\v 18 Otilangwakeni bino, laate ekaleli e osoto edjei ongo ndondo eho, kasi tumisanani la elimo,
\v 19 Ango okodjaakani osololi ino la ino la lembo pe la mogano la loyi e Mwengei pe la lembo e elimo, lembani la ndundu la mitema manu kpaa la loyi e Mwengei.
\v 20 La kombo e Likumu lasu Yesu Kilisito, hekeleni Mwengei pe sangbasu dombwa engele kpaa la sambo kpaa.
\v 21 Yadjimbesani moto la moto liwoso la odji, ndondo e owangi Mwengei.
\v 26 laate aenge osatisi eho, olangesi eho pe okpoli eho la malia la mboka e liloba,
\v 27 laate aenge owumesi mangumba atie inde amene la owongi woho, te la litono, te la onalili, te la oimbani inga te la ema teeti e ndenge eho, ase edje nde mosatu pe edjange obe.
\v 28 La enge ndenge nde pele waengi obali wali wau nda wenge wau amene. Moto ongo okomobala moli onde akoyabalaka inde amene.
\v 29 Laate moto tweti akotonaka wenge wande amene; kasi akolakisaka eho mpe akowongeleke eho, nda Kilisito akokelaka pe la kole e mangumba,
\v 30 la ebili ate todjei wisuki wa wenge wande.
\v 31 Eho lenge molome akodhee sango la nango mpe akohelana la moli onde, iwo waale wakouma mweni mwesi.
\p
\v 32 Liiseli mosatu enge edjei esungu. Ikoasaka ndjongo la kole e Kilisito mpe la mangumba.
\v 33 Te ndjongo, mwesi la mwesi la ino abale moli onde ndjongo nda ekoyabalaka inde amene; pe moli ewongi la inde amotemeye molome onde.
\v 5 Ino watuke djaakani la etemeya atie makumu manu ma moini, la owangi mpe la modjadjo la omeemene la mitema manu, nda atie Kilisito.
\v 6 Oidjakeni nda waemelesi wato wango wakokelaka otomo ndji ango wakowadhendaka, kasi nda watuke wa Kilisito, ango ekokelakani ino mwano mo Likumu la motema kpaa.
\v 7 Wakelelani la mamungwene malamu, nda okomokelelakani nde Likumu te wato,
\v 8 la ebili ate, oyewini olamu kpaa enge moto la moto akokela, akotota eho alidji atie Likumu, adje te motuke inga te moto o lipanda.
\v 9 Alidji, ino wiloko, djaakani owakeleli ndinge sambo, dheeni owabandji, laate oyewini ate Likumu lawu pe onu adjei ongo likolo, pe inde ationoko mbanda.
See in Reader
