bbm_reg/50-EPH.usfm

\id EPH
\ide UTF-8
\h Waefeso
\toc1 Waefeso
\toc2 Waefeso
\toc3 eph
\mt Waefeso
\c 1
\cl Esuki esungu 1
\p
\v 1 Paulo, motutiani e Yesu kilisito la posa e Mwengei, la watu wango wadjei a Efeso alidji la wango wandimeli Yesu kilisito.
\v 2 Magba la logoo e owumeleni la olongwi etie Mwengei wawa osu alidji likumu Yesu kilisito!
\p
\v 3 Kumesama Mwengei, wawa likumu osu Yesu kilisito, ongo atopambolia la mapamboli kpaa e molimo ango ibete e likolo la kilisito!
\v 4 La inde Mwengei atowoni lihoso la okelami e miki, laate todje wasatu alidji wango wati la owungi lihoso la nde.
\v 5 Iso towononi ndondo e libalano e ndé odjei wana wande wango watotoni la Yesu kilisito, ndenge e mwemu ndamu la obali onde.
\v 6 La okumisi la kembo la magba monde atohi la libalano elamu endé.
\p
\v 7 Lainde, towongisami la midimi mande, la olimbii masumu, la ogumake e magba mandé,
\v 8 La Mwengei aswi ngbi likolo lasu oyewi kpaa alidji la mayele,
\v 9 Iso lo oyewi minisitele la obali ondé, eho eyokani la sambo mango ayemelali okeli la olandi mokano mondé.
\v 10 Aate obat eho la okelami tango ndonda ekokoka, ohu eho kpaa la kilisito, engé widjei likolo la djinge widjei a mbume.
\v 11 Lainde iso mpe towimi watikaleli likondja, la ndengé wakanali la oyokani la ongo okeli iho kpa la odhedeli toli e mokano mondé.
\v 12 Laate todjei la tina la osangoli la omohi kembo, iso wango todjei wato wali waso wango wa modhdeli kilisito.
\v 13 Lainde ino mpe, mbuse eyoki loyi la méemene, mboli ndamu e mokolomonu, la inde otimalini alidji ototali molimo satu enge ewowunelali ino.
\v 14 Ehele edjei mango e otikaleli e kondja esu, la asikolami la wango Mwengei o watoti, la lokumu e kembo ende.
\p
\v 15 La ndjongo mbai mpe, iyokali oyambi oowe a likumu Yesu la libalano la oowe la wa satu kpa,
\v 16 Iti dheeke oowongeseli matondi, la oobati la mabondeli ma mbai.
\v 17 Laate Mwengei olikumu esu Yesu kilisito, wawa o kembo, a ohi molimo e lomungo la oyewi ende.
\v 18 Alidji akodukolaka maiso e motema ma owe, laate oyeweni nde edjei elikia enge ehelani la owelani onde, nde edjei alidji e kmbo e otikaleli likondja engé eliseli inde wa satu.
\v 19 Alidji osungu e okulu la inde eeneni la okolu la oyewi e okolu la inde.
\v 20 Atomali la kilisito, la omosekwisi e logo, alidji la omwabatisi la ewo ende epele la iho elikolo,
\v 21 Likolo e olindisi kpa, e likumu kpa, la okulu kpa, la otosi kpa, alidji la kombo kpa enge ekoki ohani, te ndi la ehele eleko sikandjo, kasi la ileko ikodja.
\v 22 Abati kpa sesé e makolo mande, alidji amohi nda likumu olikalo e lingomba.
\v 23 Enge wange ende, la otumani la ongo okotumisaka kpa la wato kpa.
\c 2
\cl Esuki esungu 2
\p
\v 1 Te ndenge wogbaali la mabunga manu mpe la masumu manu.
\v 2 Eele gala wodjaali osombi laeho, otutyei sambo e mokii, eele la otutielikumu la okulu enge ehoho, olimo enge edjei sikalandjo okeli otomo ndondo e wawa enge odjaali otosi.
\v 3 Ndondo iwo kpaa; todjaali oyasambesi gala la otutie waposa ewenge djasu, todjaali okeli sambo enge wenge mpe mamungo, edjaali obali mpe todjaali wana walimemu, nda wato weeti.
\p
\v 4 Ase Mwengei; ongo otomi mpedja amotema ma magbaa la libalano lande mosungu enge abalali iso.
\v 5 Ango todjaliyo wangwi ndondo e sambo mbee awongolali isi la mokii ebete kikima la kilisito la libalano mosungu wokalisania;
\v 6 Mpe atosusolali iso ebete kikima mpe atobali iso ebete kkima la wibete e likolo, la omoko ebete kikimi la Yesu kilisit.
\v 7 Laate la sabo la widjengele enge ekodja ogumake enge libalano esungu eende enge eeti kpaa ekoke oyahinyei la ndondoe motema olamu eende atie iso la libalano ebete kikima la Yesu kilisito.
\p
\v 8 La libalano mosungu enge nde wokalesania a mboka e obali mpe okali ehoo eedi atie inote, likawo edi etie Mwengei.
\v 9 Editi a otomo te laate moto te mwesi aitote lokumu oyatelesi.
\v 10 Laate iso todjei pukapuka eotomo eende mpe todjalisamali ebete kikima la libalano e Yesu kilisito ndamu; enge Mwengei awongeleli liwoso laate iso tosombe la ehoo.
\p
\v 11 La ndjongo, otiwosaneni ate gala wodjaali wato e moini, wowelamali wato wango wawateni opele la wango wawateni opele enge ekelamia la mawo la ndondo e moini.
\v 12 Laate la wihengeli enge wotidjaali la kilisito te wotisombali lihele la mokii la yisalael mpe wodjaali wadidi la libalani e liwuna mpe wotodjaali la elikia te mpe wotidjaali la Mwengei te la mokii.
\v 13 Ase sikalandjo ebete kikima la Yesu kilisito ino wawato wodjaali gala lihelee, waumia ahue la okalisani makila ma kilisito.
\p
\v 14 Ango inde adjei logo la iso inde moto okelali ate witukuluwinge ewale eume liesi, mpe abukali etutu enge ndondo enge edjaali okaboli ehoo.
\v 15 La okalesani e wenge endee e moini elongwesali likewe wingbundu enge edjaali oyekelani, laate ekoke oyabatesi kota ehoo iwale laate eume moto mwesi e moli ebete kikima la inde; mpe ekoke obati logo.
\v 16 Laate pedja obalisani mikii kpaa ango iwale eume wenge ndi mwesi, a mwengei la mboka e moto e odidi, laate owolali likewe la okalisani lande mene.
\v 17 Adjali mpe atiesakolali mboli poli djaa logo atie ino wato wango wodjaali lihele mpe logo atie wango wadjali ahue;
\v 18 La okalisani lande iso mikii maho myale todwi mbaka e owamali la wawa la elimo ndi mwesi.
\p
\v 19 La ehoo, memene wotini kine wapaya te mpe wato wango wayabati wapaya ase wodjeini nde wana wa mokii ebete kikima la wasantu mpe wodjei watvo a monguta e Mwengei.
\v 20 Mpe womanali llkolo la mokolo dja watutiani mpe watiesakoli, kaikwase Yesu kilisito inde mene adjei libukeli mpe likule la monguta.
\v 21 La libalano ebete kikima la inde, monguta ehoo mobimba nda ebolesania liwoke liesi la obalani pedj a edjei oteli laate eume la tepelo masantu ndondo e likumu.
\v 22 La libalano ebete kikima la inde ino mpe wokotongomoko ndenge kikima laate woume ebete enge Mwengei akoki oyabati la elimo.
\c 3
\cl Esuki esungu 3
\p
\v 1 A likambo lahoo, mbai Polo moto la bolokola kilisito la tina lanu wato mokii.
\v 2 Inga woyoki mboli edengi otomo enge wayekoli mbai e kapita e libalano mosungu e Mwengei la tina lanu.
\v 3 Laate a mboka e saki djesi wayewisali mbai wibombamo mosatu sa ndenge idingali ehoo liwoso la okwee.
\v 4 La likambo ango wokotangani ehoo, wokoeneni ate iyeni pedja wibombama mosatu dja kilisito.
\v 5 A mabota meeti mibombamo djaho etiyasanali atine wana la wato ndenge eyenenisakalandjo atie watutiani la wasatu mpe la watiesakoli a okalasani la kilisito.
\v 6 Epoti owasi ate wato wa mokii, wakoki odjei wagumake la libula ndenge kikima la iso mpe wisuki la wenge ndenge kikima la iso mpe ango wato wakoki ototi libula ndenge kikima la iso mpe ndondo e libalano ebete kikima la kilisito Yesu a mboka e mboli poli.
\v 7 Iumali mokeleli lahoo iko dengelaka likolo la pamba elibalano mosungu e Mwengei enge eyeneleli atie mbaila obalani a ndenge enge okulu enge ekokelaka.
\p
\v 8 Atie mbai, moto mokeke oyeti moto ongo oyeti mokeke ndondo la wasatu kpaa, obalani mosungu ango ayeneneli, laate itiesakoli a mikii mboli poli enge edengi ogumake e kilisito enge e kokiti amekami.
\v 9 Mpe iwahinie wato ndenge wibombamo mosatu ehoo tee wiyenyele dja galagala pedja eyisamaka ndondo e Mwengei ongo okelate wihoo kpaa.
\v 10 Edjaali ndongo laate silalandjola mboka e ogbotoni bwanya e Mwengei eele edjei ndenge a ndenge, eyewane a mikii mpe la wibete e likolo.
\v 11 La otutiye loi la gboo enge waangaleli a sambo enge edengi kilisito Yesu likumu lasu.
\v 12 Oholo la okalesi onde tokokwaselakani la hohoo mpe la o sem, bo mpe tokoyandongbaka pene odjangi owongi a likambo tomondimi inde.
\v 13 Eho! linge iko ongoko la ino ate ohilenbeni, alikambo la odidi enge ikoheneke a likambo lanu: laate eho edjei olamuatie ino.
\p
\v 14 Eho lenge; ikoimbaka mahuli liwoso la wawa,
\v 15 Likambo lande ma wota kpaa likolo mpe la mbume etoti kombo.
\v 16 La mbume ahohekelini ogumake enge ehisilaka akohekeleni ino libaku la oumi la oteteli o moto lanu e ndondo ebete kikima la okulu mpe okalesi dja elimo ende.
\v 17 Laate a mboka e obali lanu. batisani kilisito la mitema lanu la libalano, laate ino wolaheni mindili mpe woamaleni la oteteli la mokolo.
\v 18 Awobalini ino woyeweni mamungo ebete kikima la wasatu kpaa osungu, mpe oyingi oluani mpe olindi.
\v 19 Mpe oyewi libalani e kilisit, enge eeti oyewi laate wotumeni la hiwo kpaa enge e Mwengei.
\p
\v 20 Kaikwase, la moto ongo la oyokanila okulu enge ekokelaka; otomo la ndondo esu, akoki okeli mingi ohheti sambo kpaa enge tokohonoko te enge ekotodjeleke iso a mamungo.
\v 21 Wemeli edjei atye inde a mboka masambo mpe la mboka e Yesu kilisito; likambo a ma wato kpaa libela la libela! Amen!
\c 4
\cl Esuki esungu 4
\p
\v 1 Ikoyakomboko mbai; wahelami ndondo Nkolo, sombakani la ndenge enge owongi la owelani enge waowelini.
\v 2 La elimo enge oyadimbesi mpe odengeli la moto a sambo djeeti la libalano.
\v 3 Kalani la okulu laate woyahisele wodje wato wesi dja elimo la ohelaneli dja ekoboliaka.
\v 4 Wenge edjei ndi mwesi mpe elimo edjei ndi mwesi ndenge wowelanali la elikia ndi wesi enge wowelanali la ehoo;
\v 5 Mokalesi ndi mwesi; ondimi woikima opati ndi mwesi.
\v 6 Mwengei ndi woikima sagbasu kpaa ongo odjei likolo djasu kpaa, mpe akokelaka la mboka kpaa mpe ndondo sambo kpaa.
\p
\v 7 Kaikwase atie mwesi la mwesi lasu libalanomosungu eheneseneli nenge denge kilisito akawali likoo ehoodja pamba.
\v 8 Eho lenge ahasali: ango otelali a likolo akpalali wahelami mpe akelali makawani makao atie wato.
\p
\v 9 Kaikwase ehenia nde: mooli etelali inga te nda edimbali mpe la wibete wa sese kpaa epoti pwasi a mbume?
\v 10 Moto ongo ondimbali edjei ndi ongo otelali lihele oweti lokolo kpaa late apoti otumi a sambo kpaa.
\v 11 Mpe ayekeli weeti nda watutiani weeti nda watiesakoli weeti nda wasambelisi la mboli poli, weeti nda wabanye wa mpata la makumu.
\v 12 La oyamalisani dja o santu la otomo enge osungi oyamalesi wengi e kilisito,
\v 13 Tee ango isokpaa tokouma la oyakani mpe la obali mpe la oyewi meemene la mana o Mwengei, a ndenge ango moto oyewi gaa, la obeki dja sambo la kilisito.
\v 14 Laate toidjee kine wawa wakeke, enge wokoguakana nda ehoho wibete kpaa la otyesakolini mboka okosini dja wato la mboka sambo mbe laate wobitane.
\v 15 Ase ango toko asaka sembo todjei la libalano la sambo kpaa la ongo odjei likumu, kilisito.
\v 16 Obandi lande wenge kpaa nda eyabolei ebete kikima la oyokani meemene mpe ewongelami la okeli liese la mboka wisuki enge eko ekeleke enge ekoki la totyei otomo dja esuki liesi liesi a motindo enge ekoko ekosungaka wisuki laate eye laate ebete kikima la libalano.
\p
\v 17 Denda enge ikowasakala la enge ikowongoko atye Yesu laate wokokitini osombi nda wapangano mawu.
\v 18 Ango wadjei mayele mbee wadjei wadidi mpe lihelela bomoyi e Mwengei la odjangiokenge mowu a mitema makasi mowu.
\v 19 Nda wausesala widjaleli ndaùu djau wayaekeli la wisambeli wa soni, la okeli osotoa ndenge kpaa elitema.
\p
\v 20 Ase ino woti tyesanali ate kilisito adjei.
\v 21 Inga meemene woyokali inde mpe wotyesamalila mboka ende ndi nda ndenge edjei meemene a Yesu.
\v 22 Laate wokokini olongoisi wikaleli wa gala. enge eykeli la wisombeli wanu dja liwoso enge ekoholoko mpe otutie waposa enge emoleho.
\v 23 Laate wokokini ahu mesemi owongweli ndondomakanisi manu,
\v 24 Wokokini ohumini wato wa poli enge ekolamali la mokano e Mwengei la momo ndamu la osembo meemene.
\p
\v 25 La ndjongo; sikalandjo nda wolongosini moleho, woko asaka osembo mwesi la mwesi atie mino onde; ango mwesi la mwesi lanu wadjei ebete kikima mpe wodjei wamanima la wango weeti.
\v 26 Inga ino woyabatini la limemu te ndjongo wotikelate lisumu; wuse eti langale.
\v 27 Ango waihekeleni etoea ebete.
\v 28 Iwa ayiiwe kine; ase akele otomo, akela la mawo mande enge edjei olamu, laate adjei la enge okoki ohekeli ongo odjei la posa eho.
\v 29 Liloba liholoke etipumbe la monoko monu, kasi asakani likolo lilamu la omalesi angonga enge posa edjei laate wahekele wango wakoyoyokaka ema ndamu.
\v 30 Aleeti wotiyokesakeni elimo santu e Mwengei magba te, la mboka eho wobatesami wilembo a lisio okalesani la mbo, ka eho.
\v 31 Sambo kpaa enge ekowekeleke pasi mpe limemu la otungesi mpe limemu, edjei sambo dja wiliko, elongwe lihele lanu la sambo mbe kpaa.
\v 32 Wodjakeni la libalano ino la ino; yokelelakani magba atye ino limbisanakani a mitema mwesi ndenda Mwengei la mboka e kilisito aholimbisini.
\c 5
\cl Esuki esungu 5
\p
\v 1 Laeho umani wakeli wa Mwengei, nda wana wa libolani;
\v 2 Sambani la libalano, nda kilisito abalali iso ayakawali likolo losu likao mpe mbeka atie ùwengei nda malasi enge lumba ndamu.
\v 3 Pite la osoto dja ndenge kpa la litema eti asame te asani atie ino; ndi nda ewongi la wasantu.
\v 4 Esombeli ndamu masolo eti dja wikete, yoka esoni te sambo dinge ewongiti, kasi ekelekeni matondi.
\v 5 Laate woyewini ndi sambo wobalini ino mene ate moto mwesi te ongo osoto te ongo litema, ongo eyinyei odjei mohongi e wikelo, edjei libula la likumu e kilisito mpe e Mwengei.
\v 6 Moto atiokoseni sambo dja mpamba; mpambate, ango dinge sambo nde limemku dja Mwengei ekodjeleke wana wango wati la oyandimbsi.
\p
\v 7 Laeho watiyambole la iwo.
\v 8 Laate wodjalini gala a molili, sikalandjo wodjeini la hoho la oyokani la Yesu, bandani osombi a hoho!
\v 9 Laate pukapuka e hoho ekalania la ndenge e olamu la oyengebane meemene.
\v 10 Yaekeleni oluki oywi olamu meemene ema enge ekoki ondimami atie Yesu;
\v 11 Deeni oyabati la tomo dinge djau enge edjangia owoti pukapuka; enge edjei e likolo ase pamelakaninde pameli.
\v 12 Laate edjei soni owasi sambo enge e isania;
\v 13 Kaikwase sambo kpaa ekokelanaka la hoho ekopumbaka la hoho.
\v 14 Eho dinge ahasia ate: owe suswa owe ongo okolangalaka mpe amala longwa atie wagbake ndjongo kilisito.
\p
\v 15 Eho anatalani, laate esombeli wonu eidje wato wa okengi;
\v 16 Yasombelani engele, enge ewongi laate masino ebiti gaa.
\v 17 Eho lenge deeni ohumini wikete, ase yewani ate mamungo ma Mwengei edjei nda ndenge.
\p
\v 18 Oikengakeni winyo te: laate bomoi dja osoto; edjei ongo ndondo, eho bandakani otumisani la elimo santu.
\v 19 Ango bandani oyewi ino la ino lawalembo mpe la omelembeli mpe lalembo ebuku enge etumisani la misa, lemba mpe mokumesa lamotema mowe la wa lembo la Mwengei;
\v 20 Wongwesakani matondi masio kpaa la sambo kpaa atie Mwengei sagbasu, la kombo o eloko wasu Yesu kilisito,
\v 21 Yadimbesani la moto liwoso la weeti la owongi kilisito.
\p
\v 22 Wali, woyadimbeseni liwoso dja pele wanu, nda atie Yesu kilisito;
\v 23 Laate molome adjei likumu atie moli, nda kilisito adjei likumu la mangumba, edjei wenge wonde mpe odjei mokalesi.
\v 24 Meemene sa nda mangumba ekoyadimbesaka atie kilisito; wali mpe wakoki oyadimbesi atie walome wau la sambo kpaa.
\p
\v 25 Pele balani wali wanu nda kilisito akobalaka mangumba akagwiya likolo laho,
\v 26 Gbo akokesia eho sa la ohasi, mbuse akokesi lamboka la patesi a malia,
\v 27 Laate akoke ohumesi mangumba atie inde mene, la olamu laho tee litono, te o inani te ma ema dja enge ndenge, ase edjei nde emolimo zdjzi la obe.
\v 28 La enge ndenge ase pele ekobala wali wahu nda wenge djau mene; moto ongo okomobala moli onde akoyabalaka indemene.
\v 29 Laate moto tweti akotonaka wenge wande mene; ase akolakisa eho mpe akowongeleke laho, nda kilisito akokelaka la tina e mangumba.
\v 30 A tina ate todjei wisuki la wenge ende.
\v 31 Eho lenge molome akodee sango la nango mpe akohelama la moli onde, iwo waale wakouma ehele edjei mosungu; iko asaka ndjongo l, a tina kilisito mpe la mangumba.
\v 33 Te ndjongo, mwesi mwesi atie ino akobalaka moli ndjongo nda ndenge akoyabalaka inde mene, mpe moli akoki pdjei la otosi mosungu atie molome onde.
\c 6
\cl Esuki esungu 6
\p
\v 1 Wawa, djaani la otosi atie waboti wanu, la oyokani la nkolo Yesu, laate eho edjei osembo.
\v 2 Baalaka sangwa la ngwa eho edjei egbundu e poo dja liwuma.
\p
\v 3 Laate sambo dja owe osombe olamu mpe ohumwe mikolo milaia mokii.
\p
\v 4 La ino, wa wawa, woi memelesakeni wana wanu ase tiesakalakani owayinye sambo la Mwengei.
\p
\v 5 Ino watuke djaakani la otosi atie wiloko, wanu la moini, la owangi mpe la ogulumi la oyandimbesi la motema mowe, nda atie kilisito.
\v 6 Oidjakeni nda oemelesi wato wango wakokelaka otomondi tango wakowadengaka, kasi nda wakeli wa kilisit, ango okokelakani ekokisali e Mwengei te nda wato.
\v 7 Kelani mamungo milamu, nda okokelaka Mwengei te.
\v 8 Yewani moto la moto, olamu akokelaka kpaa akotota atie Mwengei edjei motuke te ongo gumi, ndi ongo okelali olamu.
\p
\v 9 Aleeti, ino wiloko, wongwela owakeleli ndinge sambo, dheeni owabandi, yewakani ate eloko wonde la enge owe adjei ongo likolo, laate inde aihonoko wilongi.
\p
\v 10 Kela ndenge kpaa atie Yesu, la tina okulu laande mosungu.
\v 11 Kpalani wisindje djaa witaa kpaa atie Mwengei; okulu enge edjei owe eodihe okokeni oyamali liwoso la etota.
\v 12 Laate tokosanaka kindu la moini mpe la makila, ase la mikii, la makumu la wango wakohamalelaka mikii e likolo, la witota wahendjeke la wibete wa likolo.
\v 13 La ndjongo, tota wisaneli kpaa wa Mwengei, la mbuse okulu liomalese la masio mibe, mbuse okeli sambo kpaa olamu olamu amalani ngbii.
\p
\v 14 Eho amalani ngbii: ango libele lanu nangani meemene; kpaalani wisindje enge enangi mokpoto monu wonangikanila ediheli nge oyengebeni;
\v 15 Matindi manu ekpolika wikoto wa mboli poli e logo;
\v 16 Ema edjei alitomba totani esaneli mosungu la obali, ango eho okokokani o wali moto djaa obe nge ekololaka la moto mobe;
\v 17 Aleeti totani ekoti la mokalo; la ewini enge etota, ehasi ate likolola Mwengei.
\v 18 Kelaka oyakombi hengele kpaa la witota la motindo kpaa mpe ongo wokongoko la olambeli la oyabanye, ango la sambo edendi okeli oyahongi la tina osantu.
\v 19 Oyakombeni atie mbai, laate likoki la oyasi ehekeleki mbai, inga ikodukolaka monoko la ohasi la mpe meemene sambo la mboli poli.
\v 20 A tina eho idjei Toma a minyololo, laate ihaseli eho la mogalia ndenge ikoki ohasi.
\p
\v 21 Kaikwase ino oyowini sambo edendi mbai enge ikokelaka, ndenge idjei Tishila wa manima wa libalano mpe wakeli ndondo e Yesu kilisito, ako haselakani ino sambo ino sambo kplaa.
\v 22 Ikotomelaka ino inde, la tina ate woyewi sambo djasu, laate awongele motema monu.
\p
\v 23 Logo la libalano la ondimi enge edi atie Mwengei wawa la nkolo Yesu kilisito edjeila ino wa manima.
\v 24 Dhee wolamu edjei la wango kpaa wakobalaka nkolo osu Yesu kilisito a ndenge ekokiti o bitani!