cor_2020_cua_clt_rom_book/rom/4.json

{
  "1": "Nưq, haay hnoq đnooy Ap-ra-haam, mo kơy ku haay tyauq xak xơmơơk, nhonq jah kajoq?",
  "2": "Vii atoh Ap-ra-haam jah xưng hyioh jăk gơmưh varơuq dơơp, kơy hnoq e kơq xôq akwoe, bơh kangưưr Kơy Plêêk be aalq đanưq.",
  "3": "Vii rahlaap Kơy Plêêk đnooy kajoq?\" Ap-ra-haam tuuôq Kơy Plêêk, di varơuq nưq jah ‘yo ji hyioh jăk ka kơy.\"",
  "4": "Đôôiq dii akơyq dơơp varơuq, yôôych varơuq oot nhonq jah leh 'yo ji vanong, đơu ji thiuuq lôôk.",
  "5": "Măn akơyq leh dơơp varơuq, đơu vơơ tuuôq aduq Plêêk xưưng adro leh tuuôq ji hyioh jăk, yôôych xuum tuuôq ku manih nưq jah ‘yo ji hyioh jăk.",
  "6": "Đa-vik kung đnooy vlôh vanong ku kơy jah Kơy Plêêk ‘yo ji hyioh jăk be aalq varơuq dơơp,",
  "7": "đaneq:\" Vanong ka manih jah ka’lăk kaluh varơuq Kadrôp maroh ni, jah <strong>kadook hlơơp kadrôp maroh ni</strong>!",
  "8": "Vanong ka manih Lôôk leh 'yo ji e kadrôp.\"",
  "9": "Nưq yôôych vanoong neq vơơ jah kahnoq vlôôh ka khơl heq goch kađuh heq, long kung ka khơl koq luup goch kađuh đnoyq? Vii haay đnooy:\" Xuum tuuôq jah 'yo ji hyioh jăk ka Ap-ra-haam.\"",
  "10": "Bơh ja ‘yo đaleq? Tuôôy Ap-ra-haam chiuq goch kađuh yôôych, long ji tuôôy Ap-ra-haam koq lưưp chiuq goch kađuh? ‘ngưq leh aalq atêq ka tuôôy Ap-ra-haam chiuq goch kađuh, bơh ji adrooyq.",
  "11": "Nưq, Ap-ra-haam heq nhonq xok hlêêl goch kađuh, đa ji hlêêl ku varơuq hyioh jăk đơu Ap-ra-haam heq jah nhơơ xuum tuuôq, tuôôy koq lưưp chiuq goch kađuh; ji xôq dơơp Vaq dêq hloay ku khơl adro tuuôq đơu be chiuq goch kađuh, xôq oot jah xưng ji hyioh jăk,",
  "12": "ji kung dơơp Vaq ku khơl chiuq goch kađuh, nưq kung ji Vaq ku khơl chiuq goch kađuh hloh ‘leq, yôôych kung ‘yo dơơp tyauq hlêêl xuum tuuôq đơu Ap-ra-haam, mo kơy haay, heq e adroyq ka tuuôy koq lưưp chiuq goch kađuh nưq,",
  "13": "Nưq, be aalq nhơơ gơnuun đơu e apok taveek ji Ap-ra-haam long roong nooy Kơy xok vari dêh dơơp koot xauu, bơh ji nhơơ varơuq hyioh jăk ku xuum tuuôq.",
  "14": "atoh, nhơơ gơnuun đơu jah <strong>hưởng gia nghiệp</strong>, nưq xuum tuuôq vlôh be e ich, apok taveek kung ka’lăk yôôych,",
  "15": "ji gơnuun hnoq vlôh varơuq tôq jaraq; yôôych kaleq be e gơnuun, aduq nưq kung be e varơuq kadrôp gơnuun.",
  "16": "đa nưq, nhơơ xuum tuuôq đơu khơl drơy jêêk adro xa garuh ađnôôp, xôq ka varơuq nưq jah nhơơ ân điển, ji xôq apok taveek jah kajưk ăm dêq ka adrơơk Ap-ra-haam, be aalq ăm ka adrơơk pa’lălq qwuyên gơnuun, đơu kung ăm ka adrơơk e xuum tuuôq ku Ap-ra-haam, ji mo kơy ku haay.",
  "17": "đa ji apok vlơk đa neq: Gô heq panưk Koot dơơp vaq ku kaluh tamooi, dik Ap-ra-haam ji vaq haay ka ngưưr mot Kơy Plêêk, ‘ngưq ji Plêêk Ap-ra-haam heq tuuôq, ji Plêêk kahniq ăm varơuq riilh ka adro kaxêêt, tayh kaluh varơuq be e đa ji e yôôych.",
  "18": "Ap-ra-haam <strong>cậy trông</strong> tuôôy be e <strong>lẽ trông cậy, </strong>kưq tuuôq, ji jêêk vlôh va ku ngưưnq tamooi, tyauq apok heq đnooy ka Ap-ra-haam đa neq: adrơơk Koot hnoq vlôh đanưq.",
  "19": "Ap-ra-haam hloq xak xơmơk ni heq karaq, ji heq jeq truh muuyq hreek xanưm, hloq Sa-ra be ik pa iir đnoyq, bơh xuum tuuôq kaalh paraat.",
  "20": "Ap-ra-haam jưư kajưưk xuum tuuôq be hôôk biit bơơyq ka apok taveek ku Kơy Plêêk, bơh măn kaalh paraat đom xuum tuuôq, ji ayuôt Kơy Plêêk.",
  "21": "ji tuuôq kajưưk đa neq varơuq ka joq Kơy Plêêk heq taveek, KaDraq kung e qwuyên dơơp jêêk ik,",
  "22": "đa nưq xuum tuuôq ku Ap-ra-haam jah ‘yo ji hyioh jăk.",
  "23": "nưq, ‘ngưq be aalq ji muuyq dro Ap-ra-haam đơu e vlơk đa neq xuum tuuôq koot jah ‘yo ji hyioh jăk.",
  "24": "bơh kung ji haay đnoyq, xuum tuuôq hnoq jah ‘yo ji hyioh jăk ka haay, ji adro tuuôq Plêêk heq dơơp ka Kơy Jê-xu, Lôôk ku haay, riilh hlê xing aduq kaxêêt,",
  "25": "KaDraq heq biq noop ji kadrôp maroh ku di haay, ji riilh hlê ji varơuq xưưng hyioh jăk ku haay. "
}