cor_2020_cua_clt_rom_book/rom/9.json

{
  "1": "Gô đnooy varơuq dik đom Lôôk Wơơt Dêh. Gô leh đnooy pa ôôh - xuum klaak gô dơơp xanưk ka gô đom Lôôk Phool Hiel,",
  "2": "aneq đôôiq dii gô, e varơuq hlu rơu kôtq ji varơuq jiq areh leh hlơơp đom xuum gô.",
  "3": "Bơơyh gô 'miêh trôôch kajoq kadih gô biq kroay axaap, aklah vlôh klơlh Lôôk Wơơt Dêh vii kơq oh ay gô,ji khơl adro takuul takiel kua gô tyauq phoon xaak;",
  "4": "kadih oot ji tamooi I-sơơ-raa-êên, đơơu kaluh varơuq thuôk kua oot ji  yal taayh koot vach, tađnah tađnaak, kaluh apok tavek, varơuq kahniq ăm ka ganuun, varơuq ayuuôt laat, ji kaluh apok tavek;",
  "5": "oot vlôh xing khơl mo kơy, ji Lôôk Wơơt Dêh vlôh xing oot - ( nưq ji tyauq phoon xaak ) - Kadraq ji Kơy galơh iaq dêq hloay, Kơy Plêêk đanq ik vnê ayuuôt dong truh đơơi đơơi. A-meen.",
  "6": "Bơh leh e ka varơuq apok kua Kơy Plêêk heq hlơơp paq ik duh. Vii leh aalq dêq hloay khơl leq vlôh xing I-sơơ-raa-êên, nưq ji manih I-sơơ-raa-êên.",
  "7": "Kung leh aalq dêq hloay koot xaau ji adrơơk kua Aap-ra-haam. Bơh ji, \" Bơơyh I-saak, adrơơk kua koot hnoq ik taayh ơnơng.\"",
  "8": "Iq ji koot xaau tyauq xăk xamơk, khơl adro nưq leh aalq ji khơl koot kua Kơy Plêêk. Wih hlê, koot xaau kua apok tavek thii ik 'yo đaji koot xaau.",
  "9": "Vii neq ji apok tavek:\" Muut kawach neq, Gô hnoq truh, ji hnoq e muuyq koot kanâu jeng ka Sa-ra.\"",
  "10": "Bơh leh vơơ đanưq, đơơu Rêê-bêê-kaa kung anưq tuôôy e bơnq bơơyh muuyq dro, ji I-saak, mo kơy kua haay - ",
  "11": "vii đom tuôôy koot koq ik paiir vlôh, kung koq dơơp varơuq kaxaay long varơuq xơk leq, xôq ka iq đinq kua Kơy Plêêk tyauq varơuq rơơlh xok kua Kadraq hno ik jưư kajưk,",
  "12": "Leh aalq bơơyh varơuq dơơp, bơh ji bơơyh Kơy taayh tawooy - varơuq heq ik ăm mo jah xet, nưq ji: \" Adro kôtq hnoq dơơp xapok ka dro de,\"",
  "13": "Dang đaji varơuq heq ik vlơk: \" Gô xiaq Jaa-kôôp, bơh Gô 'yarơ Ê-Saau.\"",
  "14": "Anưq, haay hnoq đnooy luleq? Be aleq e varơuq leh hyioh jăk aduq Kơy Plêêk? Varơuq nưq leh xlih vlôh ik.",
  "15": "Vii Kadraq đnooy dii Môôi-see aneq: \"Gô hnoq kahnoq xuum biit angauq dii paq kê kơyq đơơu Gô trôôch kahnoq xuum biit angauq, ji Gô hnoq biit angauq paq kê kơyq đơơu Gô xung biit angauq.\" ",
  "16": "Lunưq leh aalq bơơyh adro leq biit trôôch, kung leh aalq kơq dro leq charơơk đneng charơơk kahơ, bơh ji jo xing Kơy Plêêk, Kơy kahnoq xuum biit angauq.",
  "17": "Vii Rahlăp Vah đnooy truh Phaa-raa-ôôn aneq: \" Vii jơq iq đinq neq Gô heq panưk xăk tok, xôq gamưh xăk Gô hno ik ăm hloq daa uuh kua Gô, ji xôq dơơp aleq ka yal Gô hno ik padooh pahêêl lơch tol vari.\"",
  "18": "Lunưq, Kadraq kahnoq xuum biit angauq đôôiq dii dro leq Kadraq trôôch, bơh Kadraq dơơp găk xuum dro leq Kadraq trôôch.",
  "19": "Anưq thii oh ay hnoq dach gô:\" Anưq, aleq Kadraq măn rôôp kadrôp? Vii kơyq tachơơl hlê iq kua Kadraq ik?\"",
  "20": "Nee dro hơq, bơh dong dik thii ay ji kơyq đơơu hôôk tơơl tagêh hlê Kơy Plêêk? Be aleq kua ik vlêêt vlôh hnoq đnooy dii dro heq vlêêt vlôh ni:\" Aleq kơy heq dơơp vlôh gô tyauq luneq\" ?",
  "21": "Long ji manih thơq dơơp hu vari leh e qwuyen tol vari dik, xôq dơơp vlôh muuyq vlong đôô xing kung muuyq đum vari, tabơh ưng neq jeng ka varơuq kôtq lơyq, bơh ưng hơq jeng ka varơuq leh kôtq lơyq?",
  "22": "Măn atoh Kơy Plêêk, vii trôôch ăm hloq đơơt tôq dayh kua Kadraq ji kahnoq vlôh taay yaak kua Kadraq, heq chiuq unq đom varơuq atuq xuum thier kôtq đôôiq dii kaluh vlong đôô jeng ka đơơt tôq dayh, heq ik ralauq  'miêh ka varơuq kaxêêt hlơơp;",
  "23": "ji xôq Kadraq hno ik kahnoq vlôh varơuq karoh e kua tađnah tađnaak Kadraq tol kaluh vlong đôô jeng ka varơuq biit angauq đơơu Kadraq heq ralauq 'miêh ka varơuq tađnah tađnaak - ",
  "24": "hloay ka haay ji khơl adro đơơu Kadraq heq taayh tawooy, leh vơq xing manih Joo Thaaiq, đơơu măn xing kaluh tamooi daak kadrưy,?",
  "25": "Đaji Kadraq kung đnooy đom rahlăp Ô-Sê,: \" Gô hnoq taayh xăk leh aalq tamooi Gô, 'tamooi Gô', ji adro leh jah xiaq ' adro xung xiaq'.",
  "26": "Ji ka varơuq hnoq e ka aduq đơơu apok heq jah đnooy ka oot,: ' Êêp leh aalq tamooi Gô' ,  jơq aduq nưq, oot hnoq ik taayh ji ' khơl koot kanâu kua Kơy Plêêk hloay riirh.\"'",
  "27": "Bơh Ê-saai priau tok truh tamooi I-sơơ-raa-êên,: \"Long sôôq koot xaau ku tamooi I-sơơ-raa-êên hno ik ji đa choah tahli,  vơq muuyq phoon măn soot hlê hnoq ik wơơt,",
  "28": "Vii Lôôk hnoq dưk dơơp apok Kadraq tol vari, payôôch ji dayh talăng.\"",
  "29": "Ji đaji Ê-saai heq đnooy adrooyq:\" Atoh Lôôk kua khơl waan kuun heq leh xôq hlê ka haay muuyq koot xaau, thii haay heq biq vlôh jêêk đa theng Sô-đôm, ji chăk ji heq biq dơơp ăm dang đaji theng Gôô-môô-rơơ.\"",
  "30": "Anưq, haay hnoq đnooy luleq? Nưq ji khơl tamooi daak kadrưy, nưq ji  khơl adro leh hooy tyauq varơuq hyioh jăk, thii heq jah ik varơuq hyioh jăk, bơh varơuq hyioh jăk nưq xing xuum tuuôq.",
  "31": "Măn manih I-sơ-ra-êl, tuôy hooy tyauq ganuun kua varơuq hyioh jăk, thii heq leh vrơyh truh ganuun nưq.",
  "32": "Vii kakơq kajoq? Nưq ji vii leh gamưh xuum tuuôq, bơh đaji gamưh varơuq dơơp. Oot heq xatơlh jôôk muut kuk phơu kua varơuq klơl jưư,",
  "33": "đaji heq ik vlơk: \" Dayh 'yo nee, Gô xôq aduq Si-ôn muuyq kuk phơu kua varơuq klơl jưư ji talaat phơu kua varơuq gưlh lôôp, dro leq tuuôq aduq phơu nưq hnoq leh biq kamưưl.\""
}