cor_2020_cua_clt_rom_book/rom/10.json

{
  "1": "Wơơy oh ay, varơuq biit trôôch đom xuum gô ji apok apôôy vôôt kua gô dii Kơy Plêêk thêq ka oot ji xôq varơuq wơơt xok.",
  "2": "Vii gô dơơp xanưk truh oot aneq oot e xuum talăng jăk đôôiq dii Kơy Plêêk, bơh leh tyauq varơuq hlolh xet troq jơq.",
  "3": "Kơq leh nhonq xet varơuq hyioh jăk kua Kơy Plêêk, ji ranq praat xôq dơơp vlôh varơuq hyioh jăk kua đêh oot.  Oot heq leh chiuq tamăn 'laalq varơuq hyioh jăk kua Kơy Plêêk.\n\n",
  "4": "Vii Lôôk Wơơt Dêh ji varơuq dơơp xleep iq đinq kua ganuun xôq jarooy truh varơuq hyioh jăk ka dêq dro e xuum tuuôq.",
  "5": "Vii Môôi-see vlơk truh varơuq hyioh jăk vlôh xing ganuun, aneq: \"Adro leq heq dơơp tyauq kaluh varơuq neq, adro nưq gamưh đnư hnoq riirh.\"\n\n\\ts\\*",
  "6": "Bơh varơuq hyioh jăk bơơyh xuum tuôq đnooy đaneq: \"Te đnooy đom xuum haay: ' Kơyq hnoq tok truh plêêk?' (iq ji, xôq awaay Lôôk Wơơt Dêh pôôt).",
  "7": "Long: ' Kơyq hnoq pôôt truh bưk jaruq?\"' ( iq ji, xôq tawaay Lôôk Wơơt Dêh tok xing aduq kaxêêt.)",
  "8": "Wiit hlê, varơuq nưq đnooy luleq?“Apok măn jeq koot, đom huuy koot ji đom xuum koot.” Nưq ji apok xuum tuôq đơơu 'wot đnooy avlôh.",
  "9": "Vii atoh oh ay xưng nhonq Jê-xu ji Lôôk bơơn veel huuy oh ay, ji oh ay đom xuum oh ay aneq Kơy Plêêk heq khienq Kadraq riirh hlê xing aduq kaxêêt, oh ay hnoq ik wơơt.",
  "10": "Vii kơyq bơơyh xuum tuuôq gamưh thii  jarooy truh varơuq hyioh jăk, măn kơyq bơơyh huuy xưng nhonq thii jarooy truh varơuq wơơt xok.\n",
  "11": "Vii Rahlăp Vah đnooy: \" Dêq dro tuuôq aduq Kadraq hnoq leh biq kamưưl.\"",
  "12": "Bơơyh leh e varơuq kahraa vlôh đom manih Jo Thaaiq ji manih Hi Laap; vii kung muuyq Kơy ji Lôôk kua dêq hloay, kroh vanong đôôiq dii dêq hloay khơl leq apôôy taayh Kadraq.",
  "13": "Vii \" tôôy dro, paq kêê kơyq heq apôôy taayh yal Lôôk, hnoq jah wơơt.\"\n",
  "14": "Anưq thii, bơơn trôôk leq oot hno ik apôôy taayh truh Kơy đơơu oot koq tuuôq? Yôôch dơơp aleq oot hno ik tuuôq Kơy đơơu oot koq tamăn? Đơơu dơơp đaleq oot hno ik tamăn tuôôy leh e manih pahlêêl taboon?",
  "15": "Bơh khơl dro nưq pahlêêl taboon luleq atoh oot leh jah patăk hooy? Đaji apok heq ik vlơk, aneq: \" PLaa jôôk kua khơl adro padooh pahêêl hêêl kaxaay tamaq kaxaay xet ji taleq!\"\n",
  "16": "Lunưq, leh aalq dêq hloay heq tamăn tyauq Hêêl Kaxaay. Vi Ê-saai tơơl: \" Kuh Lôôk, kơyq heq tuuôq apok đnooy padooh kua 'wot?\"",
  "17": "Đanưq, xuum tuuôq truh xing varơuq tamăn, đơơu varơuq tamăn nưq hlulh hlê apok kua Lôôk Wơơt Dêh.\n",
  "18": "Bơh, ăm gô vôôch: “Chăng le ji oot heq leh tamăn ik?” Ji dong dik thii,  “Xarooy kua khơl adro nưq heq ahnaq vlôh truh lơch  vari, ji apok kua oot truh kaluh aduq lôôch dik kua dêh araak.”\n\n\\ts\\*\n\\m",
  "19": "Long anưq, ăm gô vôôch:\"Be aleq ji  manih I-sơơ-raa-êên heq leh nhonq vlôh?\" Drooyq dik, Môôi-se đnooy:  “ Jơq Gô hnoq dơơp ka êêp 'yarơ jaraq bơơyh khơl adro leh aalq ji muuyq manih karôôp.  Gô hnoq tachee ka êêp tôq jaraq bơơn muuyq tamooi le e varơuq hlolh xet.\"\n",
  "20": "Yôôch Ê-saai xok dơơp kaalh xuum, ji kơy đnooy:  “Gô heq jah tavơh bơơyh khơl adro leh axek akhiim Gô, Gô heq duh kahnoq vlôh ka khơl adro lưp apôôy vôôch Gô.”\n",
  "21": "Măn dii manih I-sơơ-raa-êên, Kadraq đnooy: “Tuôtq ka hngơy, Gô tơk tii gô vlôh awiih xuq muuyq tamooi leh tamăn tyauq ji tachơơl hlê.”\n\n"
}