See in Reader
24 lines
3.7 KiB
JSON
24 lines
3.7 KiB
JSON
{
|
|
"1": "Wơơy oh ay, xuum trôôch kajoq đom xuum gô ji apok apôôy vôôch ku gô dii Kơy Plêêk thêq ka oot laa xôq oot e varơuq wơơt blaa.",
|
|
"2": "Vii gô dơơp xanưk truh oot đaneq oot e xuum talăng jăk đôôiq dii Kơy Plêêk, bơh leh tyauq varơuq hlolh xet troq jơq.",
|
|
"3": "Kơq be 'yo xet varơuq hyioh jăk ku Kơy Plêêk, ji granq praat xôq dơơp vlôh varơuq hyioh jăk ku đêh oot. Lunưq oot heq leh chiuq tameen 'lăălq varơuq hyioh jăk ku Kơy Plêêk.\n\n\\ts\\*",
|
|
"4": "Vii Lôôk Wơt Dêh laa varơuq dơơp xleep iq đinq ku ganuun xôq jarooy truh varơuq hyioh jăk ka tôôy dro e xuum tuuôq.",
|
|
"5": "Vii Môôi-see vlơk truh varơuq hyioh jăk vlôh xing ganuun, đaneq: \"Adro leq heq dơơp tyauq kaluh varơuq neq, yôôych adro nưq gamưh đnư hnoq riilh.\"\n\n\\ts\\*",
|
|
"6": "Bơh varơuq hyioh jăk gamưh xuum tuuôq đnooy luneq: \"Te đnooy đom xuum haay đaneq: ' Kơyq hnoq tok truh plêêk?' (iq laa, xôq tawaay Lôôk Wơt Dêh pôôt).",
|
|
"7": "Long: ' Akơyq hnoq pôôt truh bưk jaruq?\"' ( iq laa, xôq tawaay Lôôk Wơt Dêh tok xing aduq kaxêêt.)\n\n\\ts\\*",
|
|
"8": "Wiit hlê, varơuq nưq đnooy luleq? \\q “Apok măn jeq koot, đom huuy koot ji đom xuum koot.”\\p Nưq laa apok xuum tuuôq đơu 'wot đnooy avlôh.",
|
|
"9": "Vii atoh oh ay xưng nhonq Jê-xu laa Lôôk bơơn huuy veel oh ay, ji oh ay tuuôq đom xuum oh ay đaneq Kơy Plêêk heq khienq Kadraq riilh hlê xing aduq kaxêêt, yôôych oh ay hnoq jah wơơt.",
|
|
"10": "Vii kơyq gamưh xuum tuuôq gamưh yôôych jarooy truh varơuq hyioh jăk, măn kơyq gamưh huuy xưng nhonq yôôych jarooy truh varơuq wơơt blaa.\n\\ts\\*",
|
|
"11": "Vii Rahlăăp Vah đnooy: \" Tôôy dro tuuôq aduq Kadraq hnoq leh biq kamưưl.\"",
|
|
"12": "Bơyh be e varơuq kahraa vlôh katuul manih Jo Thaiq ji manih Hi Laap; vii kung muuyq Kơyq laa Lôôk ku dêq hloay, kroh vanong đôôiq dii dêq hloay khơl leq apôôy tayh Kadraq.",
|
|
"13": "Vii \" tôôy dro, nưq laa paq kêê kơyq heq apôôy tayh yal Lôôk, hnoq jah wơơt.\"\n\\ts\\*",
|
|
"14": "Anưq yôôych, bơơn trôôk leq oot hnoq ik apôôy tayh truh Kơy đơu oot koq tuuôq? Yôôych dơơp aleq oot hnoq ik tuuôq Kơy đơu oot koq tameen? Đơu dơơp đaleq oot hnoq ik tameen tuôôy leh e manih padooh taboon?",
|
|
"15": "Bơh khơl dro nưq padooh taboon luleq atoh oot leh jah patăk dăt? Đaji apok heq jah vlơk, đaneq: \" PLaa jôôk ku khơl adro padooh pahêêl hêêl kaxaay tamaq kaxaay xet dong leq!\"\n\\ts\\*\n\\p",
|
|
"16": "Lunưq, leh aalq dêq hloay heq tameen tyauq Hêêl Kaxaay. Vi Ê-saai tơơl: \" Kuh Lôôk, kơyq heq tuuôq apok padooh pato ku 'wot?\"",
|
|
"17": "Đanưq, xuum tuuôq truh xing varơuq tameen, đơu varơuq tameen nưq dalơh hlê apok ku Lôôk Wơt Dêh.\n\\ts\\*",
|
|
"18": "Bơh, ăm gô vôôch: “Dang aleq laa oot heq leh tameen ik?” Ji dong dik yôôych, \\q “Apok ku khơl adro nưq heq ahnaa vlôh truh loch tol vari, \\q ji apok ku oot truh kaluh aduq lôôch dik ku dêh araak.”\n\n\\ts\\*\n\\m",
|
|
"19": "Long anưq, ăm gô vôôch:\" Dang aleq laa manih I-sơ-ra-êl heq leh nhonq vlôh?\" Droyq dik, Môôi-se đnooy: \\q “ Jơq Gô hnoq dơơp ka êêp 'yarơ jaraq xing khơl adro be aalq laa muuyq tamooi. \\q Gô hnoq tachee ka êêp tôq jaraq bơơn muuyq tamooi be e varơuq hlolh xet.\"\n\\ts\\*\n\\m",
|
|
"20": "Yôôych Ê-saai kung kaalh xuum, ji kơy đnooy: \\q “Gô heq jah tavơh xing khơl adro be axek akhiim Gô, \n\\q\nGô heq duh kahnoq vlôh ka khơl adro be apôôy vôôch Gô.”\n\\m",
|
|
"21": "Măn dii tamooi I-sơ-ra-êl, Kadraq xanoh: “Tuuôt ka hngơy, Gô tơk tii gô vlôh awiih xuq muuyq tamooi leh chiuq tameen ji tachơơl hlê.”\n\n\\ts\\*"
|
|
}
|