DCS-Mirror
/
cor_2020_cua_clt_rev_book
mirror of https://git.door43.org/cor_2020/cua_clt_rev_book
2
0
Fork 0
Files Issues Releases Wiki Activity See in Reader
cor_2020_cua_clt_rev_book/rev/6.json

20 lines
3.6 KiB
JSON
Raw Normal View History

Commit before upload
2020-12-29 06:31:51 +00:00
{
Auto saving at wordAlignment chapter_6 rev 6:2
2023-07-28 09:08:46 +00:00
"1": "Yôôych gô anhinq 'yo tuôôy Trưưu Koot luh muuyq đom pơh dơuq kal kwat, ji gô tek muuyq đom poot poop ôôq đnooy đaji apok hnưưm kơy jaruu, đaneq: \"Dayh truh!\"",
Auto saving at wordAlignment chapter_6 rev 6:3
2023-07-29 02:27:50 +00:00
"2": "Nưq laa gô 'yo ji hơơq, muuyq poop ôôq ahleh koo! Manih achoo tol ôôq ahleh nưq e muuyq poop nook, ji muuyq đoat tađnah jah kahniq ka ni, yôôch adro nưq hooy vlôh tahmot jaay xôq jah jaay. \n\\ts\\*\n\\p",
Auto saving at wordAlignment chapter_6 rev 6:4
2023-07-29 01:48:02 +00:00
"3": "Tuôôy Trưưu Koot luh dơuq kal kwat thưq vaar, gô tameen koot ôôq thưq vaar dach: \"Dayh truh!\"",
Auto saving at wordAlignment chapter_6 rev 6:5
2023-07-29 02:31:58 +00:00
"4": "Nưq laa muuyq poop ôôq ahleh kadrơơy ramaa truh, phôôm dôôp đaji ôôlh. Đôôiq dii manih achoo tol ôôq ahleh neq yôôych heq jah kahniq ka ni qwuyen xok hlơơp varơuq taguu klơlh vari, xôq oot hno păk kaxêêt mamuuyq, ji muuyq poop xieh thier kôt heq jah kahniq ka adro nưq.\n\n\\ts\\*\n\\p",
Auto saving at wordAlignment chapter_6 rev 6:1
2023-07-29 02:21:33 +00:00
"5": "Tuôôy Trưưu Koot luh dơuq kal kwat thưq pee, gô tameen koot ôôq thưq pee đnooy: \"Dayh truh!\" Nưq laa gô 'yo ji hơơq, muuyq poop ôôq ahleh juu, ji adro achoo tol ôôq ahleh neq e muuyq poop kâân tol ti ni.",
Auto saving at wordAlignment chapter_6 rev 6:7
2023-07-29 03:34:56 +00:00
"6": "Yôôch gô tameen đaji e xarooy măn đom katuul poot poop ôôq, đaneq: \"muuyq lonq vaa jaaq muuyq đơ-ni-êê; pee lonq vaa aqwaay jaaq muuyq đơ-ni-êê. Ji te dơơp hlơơp hliên jơu ji lok.\"\n\n\\ts\\*\n\\p",
Auto saving at wordAlignment chapter_6 rev 6:8
2023-07-29 03:35:50 +00:00
"7": "Tuôôy Trưưu Koot luh dơuq kal kwat thưq poot, gô tameen apok ku koot ôôq thưq poot đnooy: \"Dayh truh!\"",
Commit before upload
2023-07-29 04:07:18 +00:00
"8": "Nưq laa gô 'yo ji hơơq, muuyq poop ôôq ahleh paar adriilh. Adro achoo tol ôôq ahleq neq, anưng ni laa Varơuq Kaxêêt, ji âm phuh kung hooy tyauq atêq ni. E qwuyen tol muuyq phoon poot raak vari heq jah kahniq ka oot, xôq păk kaxêêt bơơn xieh jaoq, pangoot hraah, jiq jiêh, ji bơơn kaluh ôôq gôk tol vari.\n\n\\ts\\*\n\\p",
Auto saving at wordAlignment chapter_6 rev 6:10
2022-11-02 07:31:17 +00:00
"9": "Tuôôy Trưưu Koot luh dơuq kal jưư thưq dăăp, gô hloq 'lăălq paraa hơu phool hiel ku khơl adro heq biq păk kaxêêt vii apok ku Kơy Plêêk ji vii apok xanưk đơu oot jưư.",
Auto saving at wordAlignment chapter_6 rev 6:10
2022-11-03 00:51:42 +00:00
"10": "Oot rapaa tok apok taayh kôt, đaneq: \"Kuh Kơy dưk xakaq kaluh prooh, hlăng vah ji dong dik, măn truh dong leq đnoyq adroyq katuôôy Kadraq xưh xadrah koot manih tol vari ji blaa dook ka vahaap ku 'wot koot?\"",
Auto saving at wordAlignment chapter_6 rev 6:12
2022-11-03 01:05:56 +00:00
"11": "Yôôych tôôy dro đom oot jah kahniq ăm muuyq auu yơơt koo, ji oot jah patăk đaneq oot pheq takôô leh xiik đnooy dong truh tuôôy đuh sôôq 'wơyq achung varơuq ji oh ay ku oot jeq biq păk kaxêêt, dang đaji oot heq biq păk kaxêêt.\n\n\\ts\\*\n\\p",
Auto saving at wordAlignment chapter_6 rev 6:13
2022-11-03 01:43:35 +00:00
"12": "Tuôôy Trưưu Koot tơq dơuq kal jưư thưq drơơu, gô 'yo ji e muuyq đơơt ahrưưng vari kôt. Mot hngơy jêêk vlôh kamưưng jaluk đaji tôômq vayh valiit bơơn hlôôk, măn xiêk troon yôôych vlôh jêêk dang đaji vahaap.",
Auto saving at wordAlignment chapter_6 rev 6:14
2022-11-03 01:50:53 +00:00
"13": "Kaluh xlok tol plêêk kađnih pôôt vari, dang đaji ưưk pok puut rôôh plaay katah tuôôy biq khiel kôt klôôp anhưưh.",
Auto saving at wordAlignment chapter_6 rev 6:14
2022-11-04 00:13:05 +00:00
"14": "Rawaah plêêk puch hlơơp đaji muuyq ahnoom jơyq biq ahnoom hlê. Kaluh ngok đoot ji ngok katuul tahlii kung biq tatơơk klơlh aduq ku oot.\n\n\\ts\\*",
Auto saving at wordAlignment chapter_6 rev 6:16
2022-11-04 01:07:03 +00:00
"15": "Yôôych khơl vuua tol vari kung khơl padrok, khơl dưk xanưk kuun, manih karoh e, adro e qwuyen lưk, ji khơl kadrơơy đnoyq, hloay khơl xapok long rayơơh rayơơy, raay xadăk duu đom troop long đom kaluh talaat phơu tol kaluh ngok đoot.",
Auto saving at wordAlignment chapter_6 rev 6:17
2022-11-04 01:38:32 +00:00
"16": "Oot đnooy dii đoot ji phơu: \"Dayh hrưưp pôôt tol 'wot dơơyh! dayh glôôp đơơ 'wot klơlh mot ku Kơy 'ngôôy tol ngaai ji klơlh đơơt tôq jaraq ku Trưưu Koot.",
Auto saving at wordAlignment chapter_7 rev 7:1
2022-11-04 01:53:56 +00:00
"17": "Vii hngơy kôt bơyh đơơt tôq jaraq ku khơl Kơy nưq heq truh, akơyq hnoq ik chiuq nôôiq?\"\n\n\\ts\\*"
Auto saving at wordAlignment chapter_1 rev 1:1
2021-09-23 03:46:35 +00:00
}