cor_2020_cua_clt_rev_book/rev/13.json

{
  "1": "Atêq nưq, gô hloq muuyq poop ôôq hooy tok klơlh tahlii, e kưl akê ji pơh akoq, ji tol kaluh akê ku ni laa kưl đoat tađnah, đơu tol kaluh akoq ku ni laa muuyq yal katơk dalơh.   \\f + \\ft Some manuscripts include, \\fqa Then he stood on the sand of the seashore.  \\fqa* at the beginning of this verse, but the best manuscripts include it as 12:18. \\f*",
  "2": "Poop ôôq đơu gô hloq yôôych dang đaji ôôq beeo. plaa jôôk ku ni dang đaji ku ôôq xagơu, măn huuy ni yôôch dang huuy ôôq vomq, ji ôôq vayaa pahnap paraat kalh ni ka ni, kung dii ngaai ni ji da uuh qwuyen thier kôt.\n\n\\ts\\*",
  "3": "Muuyq đom kaluh akoq ku ni dang đaji heq hmưưq biq hmot kaxêêt truh kaxêêt, đơu hlêêl plee xưưl ku ni heq jah payơơh. Dêq dêh araak raay dơơp akêh đơu hooy tyauq ni.",
  "4": "ji oot kuh kuul ôôq vayaa vii ni heq kahniq da uuh qwuyen ka ôôq, oot kungh kuh kuul ôôq, đaneq: \"Akơyq dang đaji ôôq, ji akơyq hno ik tahmot tachơơl hlê ni ik?\"\n\n\\ts\\*",
  "5": "Muuyq poop huuy đnooy apok kôt xơơk lar ji katơk dalơh jah kahniq ka ôôq, da uuh qwuyen kungh jah kahniq ka ni xôq dưk dơơp đom poot kưl vaar xiêk.",
  "6": "Nưq laa ni luh huuy ni đnooy kaluh apok katơk dalơh tachơơl hlê Kơy Plêêk, đnooy ra ơơh yal Kadraq ji raap đơơ ku Kadraq - khơl manih măn tol plêêk.\n\\ts\\*",
  "7": "Ni ik pheep tagaay tahmot dii khơl vah ji jaay iaq oot, da uuh qwuyen kungh jah kahniq ka ni tol tôôy adrơơk, tamooi, apok athêêk ji daak dêh.",
  "8": "Khơl manih riilh tol vari hno kuh kuul ni, laa dêq akơyq đơu ơnơng ku adro nưq heq leh jah vlơk đom Rahlap Varơuq Riilh ku Trưưu Koot, Kơy heq biq păk kaxêêt, xing tuôôy panưk pajêêk dêh araak.\n\n\\ts\\*",
  "9": "Kơyq e tôôr dayh tamen nee.\n\\q",
  "10": "Kơyq jah đinq pheq biq rôôp dơơp tuu kuun,\\q2 \nyôôych oot hnoq biq rôôp dơơp tuu kun.\n\\q\nKơyq biq đinq pheq kaxêêt bơyh xieh jaoq, \n\\q2 \nyôôych adro nưq pheq kaxêêt bơyh xieh jaoq.\n\\p\n'Ngeq laa varơuq chiuq atuq xuum ji xuum tuuôq ku khơl vah.\n\n\\ts\\*\n\\p",
  "11": "Yôôych gô hloq muut poop ôôq kadrơơy xing 'lăălq vari tok. Ni e vaar akê dang đaji trưưu koot, đơu xathêêk đaji ôôq vayaa.",
  "12": "Ni xok dơơp kaluh da uuh qwuyen ku ôôq thưq yưk kangưưl ôôq nưq, ji ni băt vari kung kaluh koot manih tol vari kuh kwaay ôôq thưq yưk - 'ngưq laa ôôq e plee xưưl xung kaxêêt heq jah yơơh.\n\n\\ts\\*",
  "13": "Ni dưk dơơp kaluh akêh kôt lơyq, pheq đnooy ni kung ik khienq ôôlh xing plêêk klêh pôôt vari kangưưl khơl drơơy.",
  "14": "Ji bơơn kaluh akêh đơu ni jah ik dưk dơơp kangưưl ôôq, ni pa ôôh aluut koot manih tol vari. Ni dăt koot manih tol vari dơơp muuyq vangưưl ôôq heq biq xieh dơơp xưưl xôôh, bơh măn riilh jaa hơq.\n\n\\ts\\*",
  "15": "Ni ik pheep kahniq hơơy riilh ka vangưưl ôôq, xôq vangưưl ôôq nưq hnoq ik đnooy ik, ji khienq khơl adro leq leh chiuq kuh kwaay vangưưl ôôq pheq biq păk kaxêêt.",
  "16": "Ni kung băt tôôy dro, de kung đaji kôt, karoh kung đaji adrah, dêq khơl rayơơh rayơơy  hloay xapok, pheq nhonq muuyq dơuq hlêêl tol plaa tii akoh long tol ngưưr oot.",
  "17": "Anưq laa be ekơyq root tek kajoq ik atoh leh e dơuq hlêêl nưq - 'ngưq laa ơnơng ku ôôq, long sôôq ku ơnơng ni.\n\\ts\\*",
  "18": "'Ngeq laa varơuq khôôt xet: Kơyq e varơuq hlolh xet, adro nưq daayh jauq sôôq ku ôôq. Vii ni laa sôôq ku muuyq dro, ji sôôq ku ni laa 666.\n\n\\ts\\*"
}