See in Reader
2.6 KiB
العبور
الله رسل موسى وهاورن عشان يقولوا لفرعون يخلى الاسرائيليين يمشوا . هم انذروه لو ما خلى الاسرائيليين يمشوا ، الله بيقتل كل ذكر بكر من المصريين و الحيوانات . لمن فرعون سمع ده رفض يؤمن يطيع الله .
الله عمل طريقة عشان ينقذ الولد بكر لاى زول بيؤمن بيه . واى اسرة لازم تختار حمل بدون عيب و يقتله .
الله كلم الاسرائيليين عشان يختوا دم الحمل ده حول ابواب بيوتهم ولازم يشوا اللحم . بعد داك لازم ياكلوا بسرعة و برغيف بدون خميرة . هو برضو كلمهم يكونوا جاهزين عشان يخلوا مصر بعدما ياكلوا الاكل ده طوالى .
الاسرائيليين عملوا كل حاجة زى ما الله امرهم يعملوا . فى نص الليل ، الله عبر فى كل مكان فى مصر و قتل اى ولد بكر من المصريين .
كل بيوت الاسرائيليين الكان عليها دم فى الابواب ، الله عبرها و اى زول كان جواها بقى فى امان . وبقوا فى امان عشان دم الحمل .
لكن المصريين ما امنوا بالله وما طاعوا اوامره . عشان كدا الله ما عبر بيوتهم . بعد داك الله قتل كل واحد من اولاد المصريين البكور .
اى ولد بكر مصرى مات ، من بكر السجين لبكر فرعون ، ناس كتيرين فى مصر كانوا بيبكوا و بصرخوا عشان حزنهم الشديد .
فى نفس الليلة ، فرعون نادى موسى و هارون وقال ليهم ، "شيلوا الاسرائيليين وخلو مصر طوالى!" المصريين طلبوا من الاسرائيليين عشان يمشوا فى الحال .
القصة من الكتاب المقدس ماخوذة من سفر الخروج الاصحاح ١١: ١ - ١٢ : ٣٢ .