# العبور

![OBS Image](https://cdn.door43.org/obs/jpg/360px/obs-en-11-01.jpg)

الله رسل موسى وهاورن عشان يقولوا  لفرعون  يخلى الاسرائيليين  يمشوا . هم انذروه  لو ما خلى الاسرائيليين يمشوا ، الله بيقتل كل  ذكر بكر من  المصريين و الحيوانات . لمن فرعون سمع ده رفض يؤمن يطيع الله .

![OBS Image](https://cdn.door43.org/obs/jpg/360px/obs-en-11-02.jpg)

الله عمل طريقة عشان ينقذ الولد بكر لاى زول بيؤمن بيه . واى اسرة لازم تختار حمل بدون عيب و يقتله .

![OBS Image](https://cdn.door43.org/obs/jpg/360px/obs-en-11-03.jpg)

الله كلم الاسرائيليين عشان يختوا دم الحمل ده حول ابواب بيوتهم  ولازم  يشوا  اللحم . بعد داك لازم  ياكلوا بسرعة و برغيف بدون خميرة . هو برضو كلمهم  يكونوا جاهزين عشان  يخلوا  مصر بعدما ياكلوا الاكل ده طوالى .

![OBS Image](https://cdn.door43.org/obs/jpg/360px/obs-en-11-04.jpg)

الاسرائيليين عملوا كل حاجة زى ما الله امرهم يعملوا .  فى نص الليل ، الله عبر فى كل مكان فى مصر و قتل اى ولد بكر من المصريين  .

![OBS Image](https://cdn.door43.org/obs/jpg/360px/obs-en-11-05.jpg)

كل بيوت الاسرائيليين الكان عليها دم فى الابواب ،  الله عبرها  و اى زول كان جواها  بقى فى امان . وبقوا فى امان عشان دم الحمل .

![OBS Image](https://cdn.door43.org/obs/jpg/360px/obs-en-11-06.jpg)

لكن المصريين ما امنوا  بالله وما طاعوا اوامره .  عشان كدا الله ما عبر  بيوتهم . بعد داك الله قتل كل واحد من  اولاد المصريين البكور .

![OBS Image](https://cdn.door43.org/obs/jpg/360px/obs-en-11-07.jpg)

اى ولد بكر مصرى مات ، من بكر السجين لبكر فرعون ، ناس كتيرين فى مصر كانوا بيبكوا و بصرخوا عشان حزنهم  الشديد .

![OBS Image](https://cdn.door43.org/obs/jpg/360px/obs-en-11-08.jpg)

فى نفس الليلة ، فرعون نادى موسى و هارون وقال ليهم ، "شيلوا الاسرائيليين وخلو مصر طوالى!" المصريين طلبوا من  الاسرائيليين عشان يمشوا فى الحال .

_القصة من الكتاب المقدس ماخوذة من سفر الخروج الاصحاح ١١: ١  -  ١٢ : ٣٢ ._