Fri Feb 04 2022 00:16:12 GMT-1100 (GMT-11:00)

01/01.txt

@@ -0,0 +1 @@
+\v 1 من عند بولس الرسول تاع يسوع المسيح كيما حب الله, و من عند تيموتاوس الاخ, للكنيسية اللي في كورنتوس, لجميع القديسين اللي في اخائية الكل: \v 2 ليكم نعمة و سلام من عند الله بابانا و الرب يسوع المسيح. الله تاع كل التعزية

01/03.txt

@@ -0,0 +1 @@
+\v 3 يتبارك الله الاب تاع ربنا يسوع المسيح, الاب الرحيم و اله كل عزاء, \v 4 اللي يشجعنا في وسط الصعوبات اللي نعديو بيها الكل, باه نكونوا حتى احنا قادرين نشجعوا الناس اللي يكونوا في محنة, كيما عزانا الله نعزيوهم.

01/05.txt

@@ -0,0 +1 @@
+\v 5 على خاطر على قد ما تكثر لوجاع تاع المسيح فينا, تكثر فينا ثاني التعزيات تاعو. \v 6 اذا كنا احنا في المحنة باه تتشجعوا انتم و تخلصوا, و اذا كان تعزينا على خاطر انتم تشجعتوا و ربحتوا الخلاص. \v 7 يبقى دايما الرجاء تاعنا من حيهتكم ثابت. عارفين باللي كيما كنتوا شركاء تاع المسيح في لوجاع تاعو, هكا راح تكونوا شركاء في التعزية ثاني.

01/08.txt

@@ -0,0 +1 @@
+\v 8 ما نحبوش نخبِيو عليكم يا الخاوة المشاكل اللي صرات لنا كي كنا في اسيا, و كيفاه كانت صعيبة علينا ياسر اكثر من اللي نقدروا نستحملوا, حتى يأسنا من لحياة, \v 9 و كنا حاطين ارواحنا راح نموتوا, باه ما نتكلوش على ارواحنا بالصح نكونوا متوكلين على الله اللي يحيي الموتى, \v 10 اللي منعنا من هذا الموت و مازال يزيد يمنعنا. نعم عندنا فيه رجاء انو مازال يزيد يمنعنا.

01/11.txt

@@ -0,0 +1 @@
+\v 11 و انتم ثاني من جيهتكم تعاونوا فينا بالصلاة, و كي يباركنا الله باستجابة صلاة ناس ياسر, راح يكونوا ناس ياسر اللي يشكروا الله على جالنا. بولس يبدل الخطط تاعو

01/12.txt

@@ -0,0 +1 @@
+\v 12 بهاذا احنا نعتزوا: الضمير تاعنا يشهد لنا باللي سلوكنا في هاذي الدنيا كان  في البساطة و التقوى حساب النعمة تاع الله, مش بالحكمة تاع البشر, بالخصوص من جيهتكم انتم. \v 13 و احنا ما نكتبوا لكم غير الشيء اللي كي تقراوه تفهموه. و نتمنى تفهموا مليح حتى للخر, \v 14 كيما فهمتونا شوية احنا ثاني, احنا نعتزوا بيكم و انتم ثاني تعتزوا بينا في نهار الرب يسوع.

01/15.txt

@@ -0,0 +1 @@
+\v 15 اول حاجة حبيت نجيكم بهاذي الثقة, و ثاني باه تزيد تكون لكم نعمة اخرى. \v 16 كي نعدي عليكم في طريقي لمكدونية, و ثاني حتى كي نرجع من مكدونية, باه نشبع منكم و من لثم تسافر لليهودية.

01/17.txt

@@ -0,0 +1 @@
+\v 17 بلاك نكون متسرع كي حبيت ندير هاذا الشيء؟ و الا بلاك نخمم تخمام تاع بشر؟ و نكون بين هيه و لا لا في وقت واحد؟ \v 18 بالصح الله شاهد باللي كلامنا ماهوش بين البينين.

01/19.txt

@@ -0,0 +1 @@
+\v 19 على خاطر يسوع المسيح ابن الله, اللي بشرنا بيه في وسطكم, انا و سلوانس و تيموتاوس. ما كانش نعم و لالا, بالصح كان كله نعم. \v 20 على خاطر مهما كانت الوعود تاع الله هو دايما فيه "النعم" و "الامين", للمجد تاع الله.

01/21.txt

@@ -0,0 +1 @@
+\v 21 بالصح الله هو اللي يثبتنا احنا و اياكم في المسيح, و هو اللي اعطانا المسحة \v 22 و هو اللي ختم علينا ثاني, و اعطالنا عربون الروح في قلوبنا.

01/23.txt

@@ -0,0 +1 @@
+\v 23 بالصح الله شاهد عليا, باللي ما جيتش لكورنتوس على خاطر شفقت عليكم, \v 24 ما نحبوش نكونوا مسيطرين على الايمان تاعكم, بالصح نخدموا معاكم باه تكونوا فرحانين. راكم ثابتين في الايمان.

02/01.txt

@@ -0,0 +1 @@
+\v 1 بالصح عزمت ما نزيدش نجيكم باه ما تحزنوش مرة اخرى. \v 2 على خاطر كان سببت لكم الحزن, شكون راح يفرحني انا غير اللي سببت لهم الحزن؟

02/03.txt

@@ -0,0 +1 @@
+\v 3 و كتبت لكم هاذا الشيء بالذات باه كي نجي ما نحزنش على الناس اللي كان لازم نفرح بيهم, متيقن فيكم الكل باللي الفرحة تاعي هي الفرحة تاعكم الكل. \v 4 على خاطر كتبت لكم و قلبي مليان بالحزن و عينيا بالدموع, باه ما تحزنوش, بالصح باه تعرفوا لمحبة اللي عندي بالخصوص من جيهتكم. المذنب سامحوه

02/05.txt

@@ -0,0 +1 @@
+\v 5 و اللي كان سبب في الحزن, ما سببش الحزن غير ليا انا وحدي, بالصح سبب الحزن ليكم الكل حتى و لو قليل. \v 6 واحد كيما هاذا يكفيه العقاب اللي نالوا من عند الاغلبية, \v 7 و من الافضل ضرك تسامحوه و تشجعوه, باه ما تقضيش عليه كثرة الحزن.

02/08.txt

@@ -0,0 +1 @@
+\v 8 نوصيكم تزيدوا تحبوه. \v 9 كتبت لكم هاذا الشيء باه نشوف تطيعوني في كل شيء و الا لا؟

02/10.txt

@@ -0,0 +1 @@
+\v 10 اللي تسامحوه انتم انا ثاني نسامحو, على خاطر كان غفرت في حاجة تستاهل يكون على جالكم في حضرة المسيح, \v 11 باه واحد ما يطمع فيه الشيطان, على خاطر ما تخفاش علينا مقاصدو. الفوز في المسيح

02/12.txt

@@ -0,0 +1 @@
+\v 12 بالصح كي جيت لترواس, على جال التبشير بالمسيح, و كي فتح لي ربي الباب لثم, \v 13 ما كنتش مرتاح, على خاطر ما لقيتش خويا تيطس. و ليت بقيتهم على خير و خرجت رحت لمكدونية.

02/14.txt

@@ -0,0 +1 @@
+\v 14 بالصح نشكر الله اللي دايما يقودنا في المحفل تاع الانتصار في المسيح يسوع, و ينشر بينا ريحة المعرفة تاعو في كل مكان. \v 15 على خاطر احنا الريحة الطيبة تاع المسيح لله, في الناس اللي يمنعوا و في الناس اللي يهلكوا.

02/16.txt

@@ -0,0 +1 @@
+\v 16 لهاذوك ريحة موت توصل للموت, لهاذوك ريحة حياة توصل للحياة. شكون قادر يدير هاذي الامور؟ \v 17 احنا ما نتاجروش بكلام الله كيما ناس ياسر, بالصح نتكلم كلام ناس صادقين, كلام الرسل تاع الله قدام الله.

03/01.txt

@@ -0,0 +1 @@
+\v 1 بدينا نشكروا في ارواحنا؟ و الا نحتاجوا كيما واحد الناس تتوسطولنا ببريات من عندكم و الا ليكم؟ \v 2 انتم همّا لبرية تاعنا, المكتوبة في قلوبنا, معروفة و مقرية عند الناس الكل. \v 3 باينين باللي انتم لبرية تاع المسيح, مخدومة بينا احنا, مكتوبة بروح الله مش بالحبر, في لقلوب تاع اللحم مش في اللوحة تاع الحجر.

03/04.txt

@@ -0,0 +1 @@
+\v 4 هاذي ثقتنا في المسيح عند الله. \v 5 مش على خاطر حاسبين ارواحنا عندنا القدرة, بالصح القدرة تاعنا جات من عند الله, \v 6 و هو اللي جعلنا قادرين نكونوا الخدّام تاع العاهد الجديد. العاهد تاع الروح مش تاع الحرف. على خاطر الحرف يقتل اما الروح يحيي. المجد تاع العاهد الجديد

03/07.txt

@@ -0,0 +1 @@
+\v 7 اذا كانت الخدمة  تاع الموت اللي حروفها منقوشة في الواح من لحجار, مغطية بالمجد, حتى انو بني اسرائيل ما قدروش يخزروا في وجه موسى بسبة المجد الفاني, \v 8 كيفاه مالا يكون المجد تاع خدمة الروح؟

03/09.txt

@@ -0,0 +1 @@
+\v 9 اذا كانت الخدمة اللي تدين البشر مجد, مالا الخدمة اللي تبرر البشر تعداها في المجد! \v 10 الحاجة اللي كانت من قبل عندها مجد كبير يزول المجد تاعها كي تجي اللي اكثر منها في المجد. \v 11 على خاطر اذا كان الفاني عندو مجد, كيفاه مالا يكون المجد تاع الدايم!

03/12.txt

@@ -0,0 +1 @@
+\v 12 على خاطر عندنا رجاء كيما هاذا احنا نسلكوا بجرأة كبيرة. \v 13 مش كيما موسى اللي كان يغطي وجهو بقناع باه بني اسرائيل ما يشوفوش لاخرة تاع الفاني.

03/14.txt

@@ -0,0 +1 @@
+\v 14 اما همّا زادت عمات البصيرة تاعهم, على خاطر حتى لليوم مازال هاذاك الحجاب ماهوش مكشوف كي يقراو العاهد لقديم, اللي ما ينحيه غير المسيح. \v 15 بالصح حتى اليوم, ما زال هاذا الحجاب على قلوبهم وقت اللي يقراو شريعة موسى. \v 16 و ما ينحي هاذا الحجاب غير الاهتداء للرب.

03/17.txt

@@ -0,0 +1 @@
+\v 17 اما الرب هو الروح, و وين يكون الروح تاع الرب تكون الحرية. \v 18 و احنا الكل نعكسو تصويرة المجد تاع الرب بوجه مكشوف, كي شغل في لمراية, نتبدلو لهاذيك التصويرة بالذات, و هي تزيد مجد على مجد,  من فضل الرب اللي هو الروح.

04/01.txt

@@ -0,0 +1 @@
+\v 1 على جال هاذا الشيء الله مدلنا هاذي الخدمة ـبالرحمة تاعوـ مالا ما نفشلوش, \v 2 بالعكس رفضنا كل تصرف مخبي و يحّشم, و ما مشيناش بالحيلة, و ما حرفناش كلمة الله, بالصح ظهّرنا الحق, و علِّينا قدرنا في ضمير الناس الكل قدام الله.

04/03.txt

@@ -0,0 +1 @@
+\v 3 بالصح اذا كان الانجيل تاعنا مكتوم, يكون مكتوم برك عند الهالكين, \v 4 عند غير المومنين اللي الاله تاع هاذا الزمان عمى البصيرة تاعهم, باه ما يشوفوش النور اللي يضوي, النور تاع انجيل مجد المسيح, اللي هو تصويرة الله بالذات.

04/05.txt

@@ -0,0 +1 @@
+\v 5 احنا ماناش قاعدين نبشروا بأرواحنا احنا نبشروا بالمسيح يسوع رب, و رانا غير الخدامين تاعكم على جال يسوع. \v 6 على خاطر الله اللي قال: "من الظلمة يخرج النور", هو اللي ضوى في قلوبنا, باه تشرق معرفة مجد الله اللي في وجه يسوع المسيح.

04/07.txt

@@ -0,0 +1 @@
+\v 7 بالصح عندنا هاذا الكنز في ماعون فخّار, باه تكون القوة اللي فينا من فضل الله مش منا احنا. \v 8 تضياق علينا من الجوانب الكل, بالصح ما نتدمروش. نحيروا في  امورنا واش نديروا, بالصح ما نيأسوش. \v 9 الناس يضطهدونا, بالصح الله ما يخليناش. نطيحوا في لرض, بالصح ما نموتوش. \v 10 في كل وقت هازين الموت تاع المسيح في اجسامنا, باه تظهر فينا ثاني حياة المسيح في اجسامنا.

04/11.txt

@@ -0,0 +1 @@
+\v 11 و مادام مازلنا في هاذي لحياة, دايما نتسلموا للموت على جال المسيح, باه تظهر حياة المسيح في اجسادنا الفانية حتى هي. \v 12 مالا الموت يخدم فينا احنا, و لحياة تخدم فيكم انتوما.

04/13.txt

@@ -0,0 +1 @@
+\v 13 و على خاطر عندنا روح الايمان بالذات, على حساب واش مكتوب: "امنت على هاذيك تكلمت", حتى احنا نامنوا على هاذيك نهدروا ثاني. \v 14 عارفين اللي حيّا الرب يسوع من بين الموتى راح بحببنا احنا ثاني بيسوع, و يجعلنا احنا و اياكم بين ايديه. \v 15 على خاطر هاذي لحوايج الكل هي على جالكم, باه على قد ما تكثر النعمة يكثروا الشاكرين للمجد تاع الله.

04/16.txt

@@ -0,0 +1 @@
+\v 16 مالا ما نفشلوش, حتى وان كان الانسان اللي ظاهر من لبرى يفنى و يموت, بالصح من الداخل يتجدد يوم ورى يوم. \v 17 و هاذي الشدة الوقتية اللي نقاسِيو فيها راح تعدي و تفوت بالصح توجدلنا مجد دايم ما يفناش. \v 18 ما نسناوش في لحوايج اللي تتشاف ضرك, بالصح نسناو لحوايج اللي ما تتشافش. على خاطر اللي نشوفوها وقتية برك, اما اللي ما نشوفوهاش هاذيك هي الدايمة.

05/01.txt

@@ -0,0 +1 @@
+\v 1 رانا عارفين باللي نهار اللي تتهدم فيه خيمتنا اللي احنا ساكنين فيها في لرض, راح تكون لنا في السماوات سكنة, دار دايمة ماهيش مخدومة باليدين. \v 2 و احنا ضرك مشتاقين نستناو غير وقتاه نلبسوا فوقها دارنا اللي من السماء. \v 3 على خاطر كي نلبوسوها ما نبقاوش عرايا.

05/04.txt

@@ -0,0 +1 @@
+\v 4 و مادام احنا في وسط الخيمة تاع لرض مازلنا نتوجعوا تحت احمالنا الثقيلة, على خاطر ما نحبوش ننحيوها نحبوا نلبسوا فوق منها, حتى تبلع الحياة الفاني اللي فينا. \v 5 بالصح الله هو اللي دارنا لهاذا الشيء, و زاد اعطالنا العربون تاع الروح.

05/06.txt

@@ -0,0 +1 @@
+\v 6 رانا متاكدين و عارفين باللي  واحنا مستوطنين في الجسد, نسماو متغربين على الرب. \v 7 و على خاطر نمشِيو بالايمان مش بالشيء اللي نشوفوه بالعين. \v 8 و عندنا ثقة و ما دابينا نتغربوا على هاذا الجسد باه نسكنوا عند الرب.

05/09.txt

@@ -0,0 +1 @@
+\v 9 و سواء كنا مستوطنين و الا متغربين نحرصوا دايما ـباه ننالوا رضاية الرب ـ \v 10 على خاطر لابد لينا الكل نوقفوا قدام عرش المسيح باه كل واحد ينال الجزاء تاعو حساب واش دار كي كان في الجسد خير و الا شر. خدمة المصالحة

05/11.txt

@@ -0,0 +1 @@
+\v 11 و على خاطر نعرفوا مخافة الرب نقنعوا الناس. اما الله يعرفنا مليح, و نتمنى انتم ثاني تعرفونا مليح في الضماير تاعكم. \v 12 و احنا مش القصد تاعنا ننفخوا ارواحنا قدامكم, بالصح نحبوا نزيدوا نمدوا لكم سبة باه تفتخروا بينا, و باه يكون عندكم جواب على الناس اللي يفخروا بالمظاهر مش بالشيء اللي في القلب.

05/13.txt

@@ -0,0 +1 @@
+\v 13 اذا كنّا مهابل هاذا على جال لله, و اذا كنا بعقولنا هاذا على جالكم. \v 14 على خاطر محبة المسيح تحصرنا. بعدما ما فهمنا باللي اذا كان واحد مات على جال الناس الكل, معناه الناس الكل ماتوا. \v 15 و هو مات على جال الناس الكل باه منّا و جاي الحيين ما يعيشوش لارواحهم همّا, بالصح يعيشوا للي مات و قام من بين الموتى على جالهم.

05/16.txt

@@ -0,0 +1 @@
+\v 16 مالا احنا من اليوم ما نعرفوا حتى واحد على حساب الجسد. و اذا كان عرفنا المسيح على حساب الجسد, احنا من ضرك ما نعرفوهش كيما هكذاك. \v 17 على خاطر اذا كان واحد في المسيح هو مخلوق جديد: لحوايج لقديمة راحت, و كل شيء ولّى جديد.

05/18.txt

@@ -0,0 +1 @@
+\v 18 و هاذا الكل من عند الله, اللي صالحنا مع ذاتو بيسوع المسيح, و اعطانا احنا الخدمة تاع هاذي المصالحة, \v 19 يعني الله صالح العالم مع ذاتو في المسيح , و ما حاسبهمش على ذنوبهم, و مد لنا احنا باه نوصلوا خبر هاذي المصالحة.

05/20.txt

@@ -0,0 +1 @@
+\v 20 احنا كيما سفراء تاع المسيح, تقول الله ذاتو يهدر على فوامنا. نطلبوا منكم باسم المسيح: تصالحوا مع الله. \v 21 على خاطر هاذاك اللي بلا معصية جعلو معصية على جالنا, باه نولِيوْ احنا البر تاع الله فيه.

06/01.txt

@@ -0,0 +1 @@
+\v 1 و هكا في الخدمة تاعنا مع الله نطلبوا منكم باه ما يكونش القبول تاعكم لنعمة الله بلا فايدة. \v 2 على خاطر يقول: "في وقت الرضى سمعتك, و في يوم السلاك عاونتك". هاو هاذا وقت مقبول. و هاذا اليوم يوم سلاك. الضيقات تاع بولس \v 3 ما نحبوش نكونوا عائق في طريق حتى واحد باه ما تتلامش الخدمة.

06/04.txt

@@ -0,0 +1 @@
+\v 4 بالصح في كل شيء نبينوا باللي احنا الخدام تاع الله, بالصبر تاعنا: في الصعوبات, في الاحتياج, في الضيق, \v 5 في الضرب, في لحبس,  في الاهوال, في التعب, في السهر, في الصوم, \v 6 في الصفاء, في العلم, في وسع البال, في اللطف, في الروح القدس, في لمحبة بلا نفاق, \v 7 في كلام الحق, في قدرة الله بالسلاح تاع الحق في الهجوم و في الدفاع.

06/08.txt

@@ -0,0 +1 @@
+\v 8 بالجاه و بالمذلة, بالسمعة لخايبة و لمليحة, الناس يحسبونا كذّابين و احنا صادقين, \v 9 يحسبونا بلا اصل واحنا معروفين, ميتين و احنا حيين, متعذبين و احنا ماناش مقتولين, \v 10 حازنين و احنا دايما فرحانين, فقراء بالصح نجعلوا ناس ياسر اغنياء, تقول ما عندنا حتى شيء و احنا نملكوا كل شيء.

06/11.txt

@@ -0,0 +1 @@
+\v 11 هدرنا معاكم بكل صراحة يا ناس كورنتوس, و فتحنا لكم قلبنا لكبير. \v 12 ما تضَيقوش علينا احنا بالصح الضيق راه في قلوبكم انتوما, \v 13 نهدر معاكم كيما نهدر مع اولادي: ديروا معانا كيما درنا معاكم, افتحوا لنا قلوبكم انتم ثاني! ما تكونوش تحت نير واحد مع اللي ماهمش مومنين

06/14.txt

@@ -0,0 +1 @@
+\v 14 ما تكونوش تحت نير واحد مع اللي ماهمش مومنين, على خاطر واش من خلطة كاينة بين الخير و الشر؟ و واش من علاقة بين النور و الظلمة؟ \v 15 واش من مفاهمة  بين ابليس و المسيح؟ واش من شركة بين المومن و اللي مش مومن؟ \v 16 واش من توافق للهيكل تاع الله مع الاوثان؟ راكم انتوما همّا الهيكل تاع الله الحي, كيما قال الله: "راح نسكن فيهم و نمشي في وسطهم, و نكون ليهم اله, و همّا يكونوا ليّا شعب.

06/17.txt

@@ -0,0 +1 @@
+\v 17 على هاذيك اخرجوا من وسطهم اعزلوا ارواحكم, يقول الرب. ما تمسوا حتى حاجة منجوسة باه نقبلكم, \v 18 و نكون ليكم اب, و انتوما تكونوا ليّا بنات  و اولاد, يقول الرب, اللي على كل شيء قدير".

07/01.txt

@@ -0,0 +1 @@
+\v 1 كي عادت عندنا هاذي الوعود الكل يا لحباب مالا نطهروا ارواحنا من كل ما ينجس الجسد و الروح, و نكملوا القداسة في مخافة الله. الفرحة تاع بولس

07/02.txt

@@ -0,0 +1 @@
+\v 2 اعطونا مكان في قلوبكم. ما ظلمنا حتى واحد, و ما ضرينا حتى واحد, و ما طمعنا في حتى واحد. \v 3 ما نقولش هاذا لكلام باه نحاسبكم, على خاطر قلت لكم من قبل باللي راكم في قلوبنا, نعيشوا مع بعضانا و الا نموتوا مع بعضانا. \v 4 عندي ثقة كبيرة فيكم و فخر كبير بيكم. رغم كل الصعوبات اللي نعدِيو بيها قلبي فايض بالفرحة و متعزي بيكم ياسر.

07/05.txt

@@ -0,0 +1 @@
+\v 5 على خاطر ملي وصلنا لمكدونية ما ذقناش الراحة كانت الصعوبات تجينا من كل جيهة: من لبرى الخصومات, و من الداخل الخوف, \v 6 بالصح الله اللي يعزي المتواضعين عزّانا كي جا لنا تيطس. \v 7 و ما فرحناش برك كي جاء بالصح فرحنا ثاني بالتشجيع اللي انتوما كنتوا سبة فيه, و كي قال لنا كيفاه توحشتوني و كيفاه حزنتوا و غاظكم الحال عليّا, و هاذا الشيء اللي زاد من الفرحة تاعي اكثر.

07/08.txt

@@ -0,0 +1 @@
+\v 8 حتى اذا كان سببت لكم الحزن بالبرّية اللي بعثتها, ما ندمتش, بالصح ندمت في لول كي شفتكم حزنتوا. \v 9 ضرك انا فرحان, مش على جال الحزن تاعكم, بالصح على خاطر الحزن وصلكم للتوبة. و الحزن تاعكم كان من عند الله باه ما تنالوا منا حتى خسارة. \v 10 على خاطر الحزن اللي يجي من عند الله يوصل للتوبة اللي فيها الخلاص و ما عليها حتى ندامة. اما الحزن تاع هاذي الدنيا يوصل للموت.

07/11.txt

@@ -0,0 +1 @@
+\v 11 الحزن تاعكم هاذا بالذات هو من عند الله, شوفوا قداه خلق فيكم من اهتمام, و من اعتذار, و من ندم, و من خوف, ومن شوق, و من غيرة, و من عقاب. في كل شيء بينتوا باللي انتوما ابرياء في الامر اللي صرى. \v 12 مالا انا ما كتبتش لكم على جال الظالم و لا على جال المظلوم, بالصح كتبت لكم باه يبان قدام الله التعب تاعنا على جالكم.

07/13.txt

@@ -0,0 +1 @@
+\v 13 و احنا تشجعنا كي انتم تشجعتوا. بالصح زدنا فرحنا اكثر بالفرحة  تاع تيطس, على خاطر لقى فيكم الكل الشيء اللي ريّح بالو. \v 14 و اذا كان فخرت ليه بحاجة من جيهتكم ما حشمتونيش, و كيما هدرنا معاكم انتوما بكل صراحة, ثاني حتى كان فخرنا بيكم قدام تيطس كنّا صادقين.

07/15.txt

@@ -0,0 +1 @@
+\v 15 و تزيد لمحبة تاعكم في قلبو, كي يزيد يتفكر الطاعة تاعكم الكل, و كيفاه قبلتوه بخوف و رعدة. \v 16 انا فرحان كي حطيت ثيقتي فيكم في كل شيء.

08/01.txt

@@ -0,0 +1 @@
+\v 1 و نحب نخبركم يا خاوتي بالشيء اللي داراتو النعمة تاع الله في مكدونية, \v 2 همّا و رغم كثرة الصعوبات لكبيرة فاضت الفرحة تاعهم و الفقر الشديد تاعهم ولى غنى بسبة الكرم تاعهم,

08/03.txt

@@ -0,0 +1 @@
+\v 3 على خاطر مدوا على قد جهدهم, و فوق من جهدهم, و انا شاهد عليهم, من ارواحهم, \v 4 و يحاولوا فينا, ياسر, باه نقبلوا النعمة و المشاركة في الخدمة للقديسين. \v 5 مش كيما توقعنا, مدوا رواحهم قبل للرب, و لينا احنا, بالمشيئة تاع الله.

08/06.txt

@@ -0,0 +1 @@
+\v 6 و طلبنا من تيطس انو يتمم عندكم هاذي النعمة كيما بداها قبل. \v 7 باه تتباركوا في كل شيء: في الايمان و لكلام و العلم و كل اجتهاد و في محبتكم لينا, يا ريتكم تزيدوا تتباركوا في هاذي النعمة ثاني.

08/08.txt

@@ -0,0 +1 @@
+\v 8 ما نقولش هاذا لكلام باه نأمركم, بالصح باه نشوف اذا انتوما مخلصين ثاني في لمحبة تاعكم كيما الحماس تاع لخرين و الا لا. \v 9 راكم تعرفوا النعمة تاع ربنا يسوع المسيح, اللي فقر روحو على جالكم و هو الغني, باه تستغناو انتوما بالفقر تاعو.

08/10.txt

@@ -0,0 +1 @@
+\v 10 هاذا رايي انا في الامر, و هو ينفعكم انتم لولين اللي بديتوا تديروا فيه من العام اللي فات, و زيد اول من حب يديروا. \v 11 كملوا اليوم في هاذي الخدمة, باه يكون قد النية قد لعمل \v 12 على خاطر كي يظهر النشاط في الخدمة, يكون الرضى تاع الله على الانسان على حساب الشيء اللي عندو مش على حساب واش ما عندوش.

08/13.txt

@@ -0,0 +1 @@
+\v 13 ما نقصدش باه تكونوا انتم محتاجين و غيركم يكون مرتاح, \v 14 نقصد تكونوا متساويين, الزايد عليكم يغطي احتياجهم, و الزايد عليهم هما يغطي احتياجكم. \v 15 كيما مكتوب: "اللي يلم ياسر ما يفضال عليه حتى شيء, و اللي يلم قليل ما ينقصو حتى شيء". الخدمة تاع تيطس في كورنتوس

08/16.txt

@@ -0,0 +1 @@
+\v 16 بالصح الحمد لله اللي جعل هاذا الاهتمام على جالكم انتم بالذات في قلب تيطس, \v 17 اللي مش غير قبل واش طلبنا منو. بالصح من اهتمامو ياسر بيكم جاء عندكم وحدو بلا ما واحد يطلب منو.

08/18.txt

@@ -0,0 +1 @@
+\v 18 و بعثنا معاه الاخ اللي الكنائس الكل تشكر فيه على خدمتو للانجيل. \v 19 مش هاذا برك الكنايس خايراتو باه يرافقنا في السفر, مع هاذي النعمة اللي نديروا فيها على جال المجد تاع الرب الواحد بالذات, و على جالكم اتنوما.

08/20.txt

@@ -0,0 +1 @@
+\v 20 و نحرصوا باه واحد ما يلومنا على كيفاه نديروا مع هاذي الهبة لكبيرة. \v 21 على خاطر الهدف تاعنا نديروا الصلاح, مش قدام الله برك بالصح حتى قدام الناس.

08/22.txt

@@ -0,0 +1 @@
+\v 22 و بعثنا معاهم خونا, اللي جربناه في امور ياسر قداه من مرة و لقيناه خدّام. و ضرك زاد ولى متحمس اكثر على الثقة الكبيرة اللي درتوها فيه. \v 23 اما من جيهة تيطس هو شريك ليّا و خدّام معايا على جالكم. اما خاوتنا لخرين في زوز همّا الرسل تاع الكنايس, و بيهم يبان المجد تاع المسيح. \v 24 ورولهم و للكنايس الدليل على محبتكم, و بينوا ياللي كي شكرناكم كنّا صادقين.

09/01.txt

@@ -0,0 +1 @@
+\v 1 من جيهة مساعدة الخاوة, يسمى فضول من جيهتي كي نكتب لكم على هاذا الموضوع. \v 2 على خاطر نعرف كيفاه راكم متحمسين و انا نشكر فيكم لناس مكدونية, باللي اخائية واجدة من العام اللي فات. و الحماس تاعكم شجع ناس ياسر.

09/03.txt

@@ -0,0 +1 @@
+\v 3 بالصح بعثت الخاوة باه ما يكونش الشكر تاعنا ليكم باطل من هاذي الجيهة, باه تكونوا واجدين كيما قلت. \v 4 باه كي يجيو معايا ناس مكدونية و لقاوكم مازال مش واجدين ما تحشموناش احنا ـ باه ما نقولش انتم ـ كي شكرناكم ياسر. \v 5 على هاذا شفت باللي ضروري يسبقونا الخاوة عندكم, و يوجدوا البراكة اللي قلتوا عليها من قبل. باه تكون ساجية من عند ناس كرماء مش بخلاء.

09/06.txt

@@ -0,0 +1 @@
+\v 6 و تفكروا هاذا اللي يزرع قليل يحصد لقليل, و اللي يزرع الخير و البراكة يحصد الخير و البراكة. \v 7 كل واحد واش نوى في قلبو, مش تاع بالسيف و يندم على واش مد. على خاطر اللي يمد و هو فرحان يحبو الله.

09/08.txt

@@ -0,0 +1 @@
+\v 8 و الله قادر يزيدكم من كل نعمة, باه تكونوا مكفيين دايما في كل شيء, و تزيدوا اكثر في كل صلاح. \v 9 كيما مكتوب: "فرق على الفقراء و كان كريم. الجود تاعو بيقى للدوام".

09/10.txt

@@ -0,0 +1 @@
+\v 10 و الله اللي يمد الزريعة للفلاح و الخبز للجيعان, يبارك لكم في زرعكم و يكثروا و يزيد ثمار الجود تاعكم. \v 11 و يغنيكم في كل شيء كل كرم منكم يخلق فينا الشكر لله.

09/12.txt

@@ -0,0 +1 @@
+\v 12 على خاطر كي تديروا هاذي الخدمة مش تسدوا احتياج القديسين برك, \v 13 بالصح يزيد يفيض الحمد و الشكر لله, و زيد برهان على ايمانكم, و يمجدوا الله على الطاعة تاعكم واعترافكم بانجيل المسيح, و على الكرم تاعكم ليهم و للناس الكل. \v 14 و يدعيو لكم  بالخير, و يتوحشوكم على جال النعمة تاع الله الظاهرة فيكم, \v 15 الحمد لله على المعطى تاعو اللي ما نقدروش نوصفوه.

10/01.txt

@@ -0,0 +1 @@
+\v 1 نطلب منكم بالوداعة و الصبر تاع المسيح, انا الذليل كي نكون حاضر معاكم, بالصح جريء كي نكون بعيد عليكم. \v 2 نتمنى باه كي نكون  في وسطكم ما تخلونيش نحكي معاكم بهاذيك الجرأة اللي نشوفها مناسبة للناس اللي يحسبوا فينا نمشيو بالجسد.

10/03.txt

@@ -0,0 +1 @@
+\v 3 حتى اذا كنا نعيشوا بالجسد, بالصح ما نحاربوش بالجسد. \v 4 على خاطر السلاح تاعنا في الحرب ما هوش جسدي, بالصح يطيح الحصون بالقدرة تاع الله.

10/05.txt

@@ -0,0 +1 @@
+\v 5 نهدم كل شكوك و كل عقبة تعلى على حساب معرفة الله, و نأسروا كل تخمام لطاعة المسيح, \v 6 واجدين باه نعاقبوا كل معصية, وقت اللي تكون فيه الطاعة تاعكم كاملة.

10/07.txt

@@ -0,0 +1 @@
+\v 7 تواجهوا الامور بالحقيقة؟ اللي واثق من روحو انو للمسيح, بينو و بين روحو يدير في حسابو: كيما هو راه في المسيح, احنا ثاني رانا في المسيح! \v 8 ما نحشمش اذا كان زدت شوية و فخرت بالسلطان اللي مد هو لنا الرب, مش باه نهدموكم بالصح باه نبنِيوكم.

10/09.txt

@@ -0,0 +1 @@
+\v 9 باه ما نبانش كي شغل راني نخوف فيكم بالبريات تاعي. \v 10 على خاطر كاين اللي يقول: "في البريات كلامو عنيف و قاسي, اما كي يكون حاضر هنا ضعيف, و كلامو تافه".

10/11.txt

@@ -0,0 +1 @@
+\v 11 واحد كيما هاذا يدير في بالو: احنا في لكلام تاعنا بالبريات و احنا غايبين, كيما لكلام تاعنا بالفم و احنا حاضرين. \v 12 ما نحطوش ارواحنا مع الناس اللي يشكروا في ارواحهم, و ما نقارنوش ارواحنا بيهم. على خاطر همّا يقيسوا في ارواحهم على ارواحهم, و يقارنوا في ارواحهم مع ارواحهم, ناس ما يفهموش.

10/13.txt

@@ -0,0 +1 @@
+\v 13 و احنا ما نفخروش بالشيء اللي يعدي حدود خدمتنا, بالصح على قد القانون اللي قسمهولنا الله, على قد الشيء اللي وصلنا لو معاكم ثاني. \v 14 احنا ما نقولوش الشيء اللي ما صراش تقول ما وصلناش عندكم. على خاطر وصلنا عندكم صح و معانا انجيل المسيح.

10/15.txt

@@ -0,0 +1 @@
+\v 15 و ما نتعداوش هاذيك الحدود و نفخروا بالخدمة تاع غيرنا, بالصح متمنيين ـ يزيد الايمان تاعكم ـ و تزيد تتوسع خدمتنا في وسطكم في الحدود تاعنا, \v 16 و نزيدوا نروحوا حتى لأبعد من بلادكم. باه ما نفخروش بالخدمة اللي دارها غيرنا في الحدود تاع خدمتهم.

10/17.txt

@@ -0,0 +1 @@
+\v 17 بالصح: "اللي يحب يفخر يفخر بالرب". \v 18 على خاطر اللي يشكرو الله هو اللي يكون مقبول عند الله مش اللي يشكر روحو.

11/01.txt

@@ -0,0 +1 @@
+\v 1 يا ريت تستحملوني حتى كان بينت شوية غباء! نعم استحملوني. \v 2 انا نغير عليكم كيما يغير عليكم الله, على خاطر خطبتكم لراجل واحد و هو المسيح, باه نقدمكم ليه عذراء عفيفة.

11/03.txt

@@ -0,0 +1 @@
+\v 3 بالصح نخاف تبعد البصيرة تاعكم على الحق و الولاء للمسيح, كيما خدعت الحية بالمكر تاعها حواء. \v 4 على خاطر كان جاكم واحد و هو يبشر بمسيح واحد اخر مش اللي بشرناكم بيه احنا, و الا يعرض عليكم روح واحد اخر غير الروح اللي ديتوه, و الا انجيل اخر مش كيما اللي قبلتوه. كنتوا تستحملوه مليح!

11/05.txt

@@ -0,0 +1 @@
+\v 5 و انا ما يخصني حتى شيء على الرسل العظماء. \v 6 و اذا كان خصتني الفصاحة في لكلام ما يخصنيش العلم, و هاذا اللي ظاهر علينا في كل شيء عند الناس الكل.

11/07.txt

@@ -0,0 +1 @@
+\v 7 و الا غلطت غلطة كي طيحت من روحي باه نعليكم, على خاطر جبت لكم لبشارة تاع الانجيل بلاش؟ \v 8 حرمت كنايس اخرين و اديت من عندهم اجرة باه نخدمكم انتوما,  و كي كنت عندكم و كنت محتاج ما ثقلت على حتى واحد. \v 9 على خاطر الخاوة اللي جاو من مكدونية عاونوني في الاحتياج تاعي. و في كل شيء صنت روحي باه ما نكونش ثقيل عليكم, و مازال نصونها.

11/10.txt

@@ -0,0 +1 @@
+\v 10 و بحق المسيح اللي فيّا. واحد ما يسلب مني هاذا الافتخار في بلاد اخائية. \v 11 قولولي علاه؟ على خاطر ما نحبكمش؟ الله يعلم قداه نحبكم.

11/12.txt

@@ -0,0 +1 @@
+\v 12 و الشيء اللي نعمل فيه عملتو باه نقص الدعاية تاع الناس اللي قاعدين يفخروا و يقولوا باللي راهم يديروا كيما نديروا احنا. \v 13 على خاطر ناس كيما هاذوك همّا رسل مزورين, خدّامين خدّاعين, يبدلوا في زيّهم باه يتشبهوا بالرسل تاع المسيح.

11/14.txt

@@ -0,0 +1 @@
+\v 14 و ما تجيكمش عجب. على خاطر الشيطان في ذاتو بدّل زيّو ولى يشابه للملاك تاع النور! \v 15 و ماهيش حاجة كبيرة كي الخدّام تاعو ثاني يبدلوا زيّهم و يولِيو كيما الخدّام تاع البر. اللي اخرتهم راح تكون على حساب اعمالهم. بولس يفخر بالصعوبات اللي يعاني فيها

11/16.txt

@@ -0,0 +1 @@
+\v 16 نزيد نقول لكم: واحد ما يظن باللي راني جاهل. و الا اقبلوني كي واحد جاهل, باه نفخر انا ثاني شوية. \v 17 الشيء اللي نقول فيه هنا ما نقولوش حساب الرب, بالصح نقول فيه كلام تاع واحد جاهل تجرأ و بدى يزوخ. \v 18 مادام كاين ياسر اللي يفخروا بالامور تاع البشر. مالا حتى انا ثاني نفخر.

11/19.txt

@@ -0,0 +1 @@
+\v 19 انتوما تستحملوا الناس الجهلاء بقلب واسع, على خاطر انتم بعقولكم! \v 20 انتم تستحملوا: كان واحد حقركم! كان واحد كلالكم حقكم! كان واحد نهبكم! كان واحد تكبر عليكم! كان واحد ضربكم على وجوهكم! \v 21 حشومة: كيفاه كنّا ضعفاء! بالصح الشيء اللي يقدر يزوخ بيه اي واحد, نقول كيما واحد جاهل: حتى انا نقدر نزوخ بيه.

11/22.txt

@@ -0,0 +1 @@
+\v 22 هما عبرانيين؟ انا ثاني. هما من بني اسرائيل؟ انا ثاني. هما من سلالة ابراهيم؟ انا ثاني. \v 23 همّا الخدام تاع المسيح؟ كي المهبول نقول, انا خير منهم: كان في التعب تعبت اكثر منهم, كان في الضرب تضربت اكثر منهم, كان في لحباس تحبست اكثر منهم, و كان في الموت وصلت للموت قداه من مرة.

11/24.txt

@@ -0,0 +1 @@
+\v 24 على يد ليهود سوطوني على ظهري خمسة مرات ربعين جلدة غير مرة واحدة تسعة وثلاثين ضربة. \v 25 ضربوني ثلاثة مرات بالعصى, مرة رجموني, تكسر بيّا البابور ثلاثة مرات, ليلة و نهار و انا في قلب لبحر. \v 26 في كل مرة نسافر, هاذا خطر الويدان, و هاذا خطر السراقين, وتهديد من اهلي لحمي و دمي, تهديد من البرانية, خطر في لمدينة, و خطر في البر, و خطر في لبحر, و خطر من اللي حاسبين ارواحهم خاوة بالكذب.

11/27.txt

@@ -0,0 +1 @@
+\v 27 في التعب و في لمقاسية, نبات قاعد مرّات و مرّات, في الجوع و العطش, في الصيام دايما, في البرد و العرى. \v 28 زيد على هاذا الكل: الشيء اللي نقاسي فيه كل يوم متوله بالكنايس الكل. \v 29 شكون اللي يضعف و انا ما نكونش معاه؟ و شكون اللي يطيح و انا ما يحرقنيش عليه قلبي؟

11/30.txt

@@ -0,0 +1 @@
+\v 30 اذا كان لازم نفخر, راح نفخر بالضعف تاعي. \v 31 الله بو ربنا يسوع المسيح, يتبارك على الدوام, هو اللي عالم بيّا اني ما نكذبش.

11/32.txt

@@ -0,0 +1 @@
+\v 32 في  دمشق, و الوالي الحارث اللي كان ملك على دمشق عطى امر باه يحطو العسة في لمدينة و يحكموني, \v 33 بالصح هربت هبطوني في زنبيل من الطاقة في السور تاع لمدينة, و منعت من شرو.

12/01.txt

@@ -0,0 +1 @@
+\v 1 ما يليقش بيّا نفخر. نهدر ضرك على لمنامات اللي عطاهالي الرب و الاعلانات تاعو. \v 2 نعرف واحد الراجل مومن بالمسيح قبل ربعطاش ن سنة. طلع للسماء الثالثة. كان بالبدن؟ ما نعرف, كان من غير بدن؟ ما نعرف. الله هو اللي يعلم.

12/03.txt

@@ -0,0 +1 @@
+\v 3 و نعرف هاذا الراجل ـ كان في لبدن و الا خرج من لبدن تاعو؟ ما نعرف. الله هو اللي يعلم ـ \v 4 انو الله طلعو للفردوس, و سمع كلام ما يقدر حتى بشر ينطق بيه, و ما يجوزش لحتى واحد يتكلم بيه. \v 5 من هاذي الجيهة نفخر. بالصح من جيهة نفسي ما نفخر غير بالضعفات تاعي.

12/06.txt

@@ -0,0 +1 @@
+\v 6 حتى كان حبيت نفخر ما نكونش جاهل, على خاطر نقول في الحق. بالصح ما نحبش نهدر عليه باه واحد ما يظن فيّا حاجة اكثر من الشيء اللي يشوفو و يسمعو مني. \v 7 و حتى باه ما نتنفخش و نتكبر من الجاه تاع الشيء اللي شفتو, صابتني شوكة في البدن تاعي, تقول عليها رسول من عند الشيطان يضربني باه ما نتكبرش.

12/08.txt

@@ -0,0 +1 @@
+\v 8 و صليت لله ثلاثة مرات باه يرفعها عليّا. \v 9 قالي: "نعمتي تكفيك, في ضعفك تظهر قوتي كاملة فيك". مالا انا نفخر راضي فرحان بالضعف تاعي, حتى تضللني القوة تاع المسيح. \v 10 على هاذيك انا نفرح بالضعفات و الاهانات و الضيقات و الاضطهادات و الصعوبات على جال المسيح. على خاطر في الوقت اللي نكون فيه ضعيف انا قاوي. العلامات تاع الرسول

12/11.txt

@@ -0,0 +1 @@
+\v 11 وليت كي الجاهل, و انتوما اللي حتمتوا عليّا! كان من المفروض انتوما اللي تشكروني, على خاطر ما ينقصني حتى شيء على الرسل لخرين, رغم اللي ما نسوى شيء. \v 12 العلامات تاع الرسول بينتها في وسطكم بالصبر, و بالايات و العجايب و المعجزات. \v 13 وش الحاجة اللي خصتكم على بقية الكنايس, كي ما ثقلتش عليكم؟ سامحوني هنا ظلمتكم!

12/14.txt

@@ -0,0 +1 @@
+\v 14 انا مستعد باه نزيد نجي عندكم هاذي ثالث مرة و ما نثقلش عليكم. على خاطر انا نحوس عليكم انتم ما نحوسش على مالكم. مش لولاد اللي يخبيو لوالديهم, بالصح الوالدين هما اللي يذخروا لولادهم. \v 15 اما انا نمد لكم كل اللي عندي و انا راضي فرحان, تجي منها على قد ما تكثر محبتي ليكم تنقص محبتكم انتوما لياّ!