Tue Mar 19 2024 08:47:24 GMT+0800 (Singapore Standard Time)
This commit is contained in:
commit
43ce411f2b
|
@ -0,0 +1 @@
|
|||
\c 19 \v 1 Wo si Pilatus makomei si Yesus wo mehemako prentah, wantian si Yesus. \v 2 Se prajurit sumiwo mako makota niindo neamei witu saang tutuekan tu pake neamako witu rookos ni Yesus, sia lambungan nea mako juba abu-abu, wia nisia. \v 3 Sea tumawimei nisia wo lumila "Sighi, ei Raja tou Yahudi!" Wo sea sumepe gio-Na.
|
|
@ -0,0 +1 @@
|
|||
\v 4 Pilatus mondolei kahai lumila wia nisea: "Lohone, nyaku ku malimei si Yesus wia nikau, rior kailekan niu, nyaku ku raai limoho kasumelokan sapa-sapa wia nisia." \v 5 Wo Yesus mondolei si pinakeanea makota tutuekan wo lambung juba abu-abu, Pilatus lumila wia nisea, "Lohonei sia!" \v 6 Kalolohome ne imam-imam kapala wo se perwira, sea rumekeime, "Salipen sia, salipen sia!" Taan si Pilatus lumila wia nisea "Alinong sia, wo ako salipen sandiri, ka nyaku ku raai minakaindo kasumelokan sapa-sapa wia nisia."
|
|
@ -0,0 +1 @@
|
|||
\v 7 Setou-tou Yahudi mingkot tu si Pilatus, "Nikai, kai wewehan nukum wo makiit nukum tiin, sia si kapaar nai mate, ka nisia si maila nawak-Ena oki ni Empung." \v 8 Kalilingate niitu si Pilatus si maindeemong, \v 9 wo sia muntep sumaup tu pangadilan tiin, wo moi tu si Yesus, "Wisa ko mai?" Taan si Yesus tia mingkot.
|
|
@ -0,0 +1 @@
|
|||
\v 10 Pilatus lumila wia nisia: "Nikou, kou tia lumila o nyaku? Sapa raai kailekan nu, ka nyaku, ku wewehan kuasa mabebebas nikou, wo wewehan kuasa masasaup nikou?" \v 11 Yesus mingkot: "Nikou kou raai wana si kuasa sapa-sapa wia nawak-Eku kacuali kuasa tiin nyaai wehemei wia nikou, tu natas. Niitumong setou seminalimei nyaku wia nikou kasa sela dosa nea."
|
|
@ -0,0 +1 @@
|
|||
\v 12 Kalilingate niitu, Pilatus maulit mabebebas si Yesus, taan setou-tou Yahudi rumekei mei, "Sa sia bebasenu si tou yaai, nikou, kou raai kaampit ni kaisar sei si tou maanggap nawakena raja, nisia si masaru si kaisar." \v 13 Kalilinga niitu si Pilatus, mali mei si Yesus tu luar, wo rumuhumun witu ruruhumunan pangadilan tu tampa makangaran Litostrotos, bahasana Ibrani pailaan gabata.
|
|
@ -0,0 +1 @@
|
|||
\v 14 Nendo niitu mauntep Paskah, woo witu jam kaenem. Pilatus lumila witu setou-tou Yahudi, "Yaaimong si Raja niu!" \v 15 Wo sea rumekeimei, "Rooumako sia, Rooumako sia, Salipen sia!" Pilatus lumila wia nisea, "Torokan nyaku sumalip si Raja niu?" Se imam-imam kapala mingkot, "Nikai kai raai wana si raja lumaengako si Kaisar!" \v 16 Kamurian, si Pilatus sumerakanako si Yesus wia nisea ako salipen.
|
|
@ -0,0 +1 @@
|
|||
Yesus Sinalip \v 17 Mondolei si Yesus kaampit minuleng salip-Ena sandiri mako witu tampa ngaran "Tampa Tarauka", pailaan ne Ibrani "Golgota". \v 18 Witu niitu sia salipen mawali-wali se rua tou walina, sinalip si esa witu leleos, si esa witu kawihi, Yesus si witu nuner nea.
|
|
@ -0,0 +1 @@
|
|||
\v 19 Pilatus kahai si minatikako nesa tu wehe nea mako witu natas kayu salip tanu nyaai, "Yesus Tou Nasaret Raja Tou Yahudi". \v 20 Laker setou Yahudi timembomako nyai patik tiin, ka tampa sinalipan si Yesus tiin witu ntawi kota, wo nyai patik tiin minake bahasa Ibrani, Latin, wo Yunani.
|
|
@ -0,0 +1 @@
|
|||
\v 21 Wo se imam-imam kapala wo setou Yahudi lumila tu si Pilatus, "Tia pa patik, Raja Tou Yahudi, taan nyaai patikako, tou yaai maila nyakumong si Raja tou Yahudi." \v 22 Wingkoten ni Pilatus, "Sapamong nyai ku patik, niitu nyai patik!"
|
|
@ -0,0 +1 @@
|
|||
\v 23 Se prajurit, kasasalip nea mako si Yesus, sea mindomei lambungena tu pawetengen nea mako epat, se tina-esaan se prajurit tiin taintukan kahai juba na, juba tiin rendai te, ndaai wana si wiwilitan. \v 24 Wo se prajurit tiin lumila nisea wo nisea, "Tiamong niitu parere seen maimong tu undin tamong sei si makaindo niitu." Nyai mamuali rior malekep nyai patik tum buk suci: "Nisea se memete-meteng lambungeku, tu nantara nea wo witu jubaku undin nea." Taintumong se prajurit tiin sumiwo nyaai.
|
|
@ -0,0 +1 @@
|
|||
\v 25 Wo niitu, si mama ni Yesus, patuarina wewene, Maria kaawu ni Klopas, wo si Maria Magdalena, timoor tun tawi salip-Ena. \v 26 Kalolohote ni Yesus tu si mamana wo se murid se kaupus ena timoor witu wo sia lumila tu si mamana, "Wewene, lohonei, yaai oki imu" \v 27 Wo, Yesus lumila witu si muritena se kaupus-Ena tiin: "Si yaai mong si mama niu, tumuur niitu se murid tiin tumerima si mama ni Yesus mena tum bale na.
|
|
@ -0,0 +1 @@
|
|||
Kapapate Ni Yesus \v 28 Tumondong niitu, Yesus si makailek ka pakasaan minamualimong, malelekep buk suci, o sia lumila, "Nyaku mareo!" \v 29 Witu niitu wewehan kure minawura nanggor esem. Niitumong nisea masekako teteger wo tu tawi nea mako witu suma ni Yesus. \v 30 Pea nan na mako nanggor esem tiin, wo Yesus lumila: "Lekepou, wo sia tumuutukako rookosena wo sumerakane nawak-Ena.
|
|
@ -0,0 +1 @@
|
|||
\v 31 Ka nendo niitu nendo persiapan, wo rior se minate tiin se raai mena witu kayu salip tu endo Sabat, ka Sabat tiin niitu nendo sela, setou-tou Yahudi kumiwehe tu si Pilatus, nae-nae ne tou sinalip tiin repuun, wo se minate tiin tumpamei witu kayu salip. \v 32 Wo sea mai se prajurit, mai rumepu nae ne minate katare, wo se minate walina, sinalip mawali-wali si Yesus. \v 33 Taan, kaayo mako sea tu si Yesus wo lumoho mako sia si minatemong sea raai rimepu nae-na.
|
|
@ -0,0 +1 @@
|
|||
\v 34 Taan si mataasaane witu se prajurit tiin, tu muekako tumbakena witu tian ni Yesus, wo tu kumeresotei ndaha. \v 35 Setou mineren siniwo tiin, seamong se minehe kasaksian, tiin wo kasaksian nea nulit wo kailekana sia si maila nulit, rior nikau mapercaya.
|
|
@ -0,0 +1 @@
|
|||
\v 36 Ka pakasaan nyaai, minamuali rior lekepou nyai patik witu buk suci, "Ndaai wana si esa witu nduhina rinepu nea." \v 37 Wo kahai, witu wewetengan walina buk suci limila, "Nisea se lumoho nisia, si rinundek nea."
|
|
@ -0,0 +1 @@
|
|||
Yesus Si Kinubur \v 38 Tumondongako niitu, Yusuf witu Arimatea, sia si murit ni Yesus, sia mai masinde-sindek ka si mainde setou-tou Yahudi, kumiwehe tu si Pilatus satoro sia mindomei wo mali si mayat Yesus, wo kiniitan ni Pilatus. Wo si Yusuf tu Arimatea tiin mindomei wo mali si Yesus minatemong. \v 39 Nicodemus, si riorako minahilekan si Yesus tumbengi si minai mahali-ali lana mur wo gaharu sinembor, kawuterana woo lima ngapulu kilo.
|
|
@ -0,0 +1 @@
|
|||
\v 40 Wo indoneamei si mayat Yesus, sia saputen nea o roko linen, kaampit winehan nea wewehe kumiit kana ramen pakuburen ne tou Yahudi. \v 41 Witu ntawi sinalipan si Yesus, wehan taman wo witu goremena wewehan kiniaran kubur weru, ndaai pe pinumpunan tou minate witu. \v 42 Ka nendo niitu, nendo pasiapan wia setou Yahudi, wo tampa pakuburan ndaai roow, wo sea meta mako mayat ni Yesus witu niitu.
|
|
@ -0,0 +1 @@
|
|||
Pasal 19
|
|
@ -0,0 +1 @@
|
|||
\c 20 Nahabar Si Yesus Timooromei \v 1 Tu nendo kataro duminggu tiin, si Maria Magdalena mako witu kubur ni Yesus tu momoondope karengan, nendo niitu rimbune, wo sia lumoho mbatu nyai penet kubur nyainong kaesong, witu kubur tiin. \v 2 Wo sia lumenteng mange sumero si Simon Petrus wo se murit walina se kaupus ni Yesus, wo lumila wia nisea, "Niindo neamong si Empung witu kubur niitu, wo ndaaimong kailekan nai sawisa winehan nea nisia."
|
|
@ -0,0 +1 @@
|
|||
\v 3 O sea mange, Petrus wo se murit walina mako witu kubur niitu. \v 4 Seandua se lumenteng mawali-wali, taan se murid walina, serepet lumenteng makar nisea se rior nyai kaayo witu kuburan tiin. \v 5 Sia tumembo wo lumoho mako witu gorem, kalohoan nea mako roko lenen nyai saput si Yesus nyai kaweta witu, taan nisia si raai minuntep tunggorem.
|
|
@ -0,0 +1 @@
|
|||
\v 6 Kaayomei si Simon Petrus, wo sia kumiitako nisia, muntep witu kuburan wo lumoho rokok lenen sasaput nyai kaweta witu. \v 7 Wo roko nyai saput nggio ni Yesus ndaai nyai kaweta o roko sasaput tiin, taan ginulungou witu tampa walina.
|
|
@ -0,0 +1,2 @@
|
|||
\v 8 Wo si murid walina tiin, si rior nyai kaayo witu kuburan, kahai siminuntep. Sia lumoho sandiri makar nisia mapercaya. \v 9 Ka, ndaaipe minamuali nyaai, sea se raaipe pangartian nea buk suci, ka si Yesus si timoorei sumaup witu patean.
|
||||
Yesus Mapaloho Nawak Tu Si Maria Magdalena \v 10 Niitumong, se rua murit tiin mareng witu mbale.
|
|
@ -0,0 +1 @@
|
|||
\v 11 Taan si Maria, si timoorete witu luar kuburan tiin, si mahame. Si mahame epe wo sia tumembo mako witu gorem kubur tiin, \v 12 wo kolohoanamako se rua malaikat pinakean puti, rimuhumun witu tampa winetaan mayat ni Yesus nyai tekel katare. Si esa rimuhumun witu winetaan rookos, wo si esa rimuhumun witu winetaan nae. \v 13 Se rua malaikat tiin, moi witu si Maria, "Ei wewene, kaakou mahame?" Maria mingkotako tu se malaikat tiin, "Nisea se minindomong mayat ni Empungeku, wo ndaaimong kailekangku sawisa winetaan nea nisia."
|
|
@ -0,0 +1 @@
|
|||
\v 14 Kalilila te mako ni Maria niitu, wo sia mutarei nawak lohonamako tumuri si Yesus timoor witu, taan ndaai kailekana sa sia tiin si Yesus. \v 15 Yesus moi wia nisia, "Wewene, kaakou mahame, sei si peneronu? Ka kailekana sia si mayahaga wona taman tiin, Maria lumila wia nisia, "Tuan, sa si Tuan mineramako nisia, lilaamei wia nyaku sawisa nieraan niu nisia, nyaku kumaindomei nisia."
|
|
@ -0,0 +1 @@
|
|||
\v 16 Yesus lumila wia nisia, "Maria." Wo Maria lumenge mako wo lumila tu nisia minake bahasa Ibrani, "Rabuni" nartina "Guru." \v 17 Wo Yesus lumila wia nisia, "Tia" nikou matitimboi nyaku, ka nyaku ku raaipe minange na si Bapa. Taan nikou mangemong na patuari-patuariku wo lilamako tu nisea, "Nyaku ku mange na si Bapa-Eku wo Bapa-emu, witu si Empung-Eku wo Empung-emu. \v 18 Maria Magdalena mehete minange, mange lumila se murid-murid, "Nyaku, ku limohomong si Empung," wo si Yesus sandiri si limilaamei nyaai, wia nisia.
|
|
@ -0,0 +1 @@
|
|||
Yesus Mapaloho Nawak-Ena Tu Se Murid-Murid Ena \v 19 Kambengimong, nendo katare duminggu tiin, wo pepenet-pepenet paharuran ne murid-murid kinusiane, ka nisea se mainde setou-tou Yahudi, wo si Yesus mai, tumoor tu nuner nea, wo lumila, "Damai wo sejahtera wia nikau!" \v 20 Kalililaate niitu, Yesus mapaturu lawasena wo pootena wia nisea. Wo se murid-ena se mapaa-paar karengan, limoho si Empung.
|
|
@ -0,0 +1 @@
|
|||
\v 21 Wo Yesus lumila kahai wia nisea, "Damai sejahtera wia nikau. Tanu si Bapa si Rimehomei nyaku, taintukan kahai tarekan nyaku rumeho nikau." \v 22 Wo kalililaate niitu, Yesus sumengo mako nisea wo lumila, "Terimanene Roh Kuduh!" \v 23 Sa nikau mampungako ndosa, ni esa tou, niitukan ndosana nampungan. Sa wewehan si tou, ndosana ndaai ampungan niu, ndosa ni tou tiin ndaai kaampungan.
|
|
@ -0,0 +1 @@
|
|||
Yesus Mapaloho Nawak-Ena Witu Si Tomas \v 24 Tomas tiin si esa tu se maplo rua murid si pailaan Didimus, si raai witu ka kai ni Yesus. \v 25 Wo se murid-murid walina mako lumila tu nisia, "Nikai limohomong si Empung." Taan si Tomas lumila wia nisea, "Saaku limohomong sandiri bekasena mpaku tu lawas-ena wo ku muntepako tutunduuku witu bekas paku tiin, wo muntepako lawaseku tunggorem poot-ena, nyaku ku raaipe mapercaya."
|
|
@ -0,0 +1 @@
|
|||
\v 26 Ka uwalu ngaendo mangemai, se murid-murid ena merur kahai tum bale tiin, wo si Tomas, si mawali-wali nisea maane pepenet-pepenet kinusiane. Taan kasengeemei si Yesus timoorou witu nuner nea wo lumila, "Damai sejahtera wia nikau!" \v 27 Wo sia lumila tu si Tomas, "Wehemei tutundu'umu wiay, wo lohonu lawas-eku, wo wo wehemei lawasemu wiay, wo untepako witu pooteku, tia kou raai mapercaya, taan tare kou mercaya."
|
|
@ -0,0 +1 @@
|
|||
\v 28 Tomas mingkot si Yesus, "En Empungku wo kou Empungeku" \v 29 Yesus lumila wia nisia, "Sapa kou tarekan mapercayamong ka kou limohomong nyaku? Kamangenei wia nisea se raai limoho, taan se mapercaya.
|
|
@ -0,0 +1 @@
|
|||
Patoroan Ni Yohanes Minatik Buk Yaai \v 30 Lakere karengan makaerangen walina siniwo ni Yesus tu sinaru ne murid-murid ena, ndaaimong nyai patik wia nyaai. \v 31 Taan pakasaan nyaai, nyainong patik rior nikau mapercaya ka si Yesus ow tiin si Kristus oki ni Empung, rior witu kapercayaaniu tiin, nikau makaindo katotouan tunggorem ngaran-Ena.
|
|
@ -0,0 +1 @@
|
|||
Pasal 20
|
|
@ -0,0 +1 @@
|
|||
\c 21 Yesus Mapaturu Nawak Witu Se Pitu Murid-Ena \v 1 Tumondong niitu Yesus mapaturu nawak-Ena kahai witu se murid-murid ena witu tawi lour liberias. Nisia mapaturu nawak-ena tanu nyaai \v 2 Si Simon Petrus wo si Tomas patowaan Didimus, Natanael tu kana Galilea, oki-oki ni Zebedeus wo se rua murid walina se minerur. \v 3 Simon Petrus lumila wia nisea, "Nyaku kumaako masesero sera" Wo sea lumila wia nisia, "Nikai, kai paar mako mawali nikou. Wo sea makowaya sumeret londei, taan mbengi tiin se raai minakaindo sapa-sapa.
|
|
@ -0,0 +1 @@
|
|||
\v 4 Ndaaimong ure maowatou, Yesus tumoor tu liilik lour, taan ndaai kailekan ne murid-ena sa sia Yesus \v 5 Sia lumilaame wia nisea, "Oki-oki sapa kau wewehan sera?" Mingkotei sea, "Ndaai wana" \v 6 Sia lumilaame wia nisea, "Lahawame lolombo niu witu leleos londei wo kau makaindo." Wo sea lumawahame lolombo nea, taan nisea se raaimong ka kehorei lolombo nea, witu londei, ka minawutamong se sera witu lolombo.
|
|
@ -0,0 +1 @@
|
|||
\v 7 Niitumong se murid se kaupus karengan ni Yesus lumila tu si Petrus, "Nisia si Empung!" Kalilingate ni Petrus, nisia si Empung, o sia lumambung ka si mineta lambung sa mapaayang sia rumenteke witu lour. \v 8 Se murid walina se minai kaampit londei, wo kumehor lolombo minawuta sera ka nisea se raai roou o ng katanaan, woote rua ngaatus hasta. \v 9 Kaayo mako sea witu susuaan, sea lumoho, mbara mbaha, wewehan sera witu natasena kaampit roti.
|
|
@ -0,0 +1 @@
|
|||
\v 10 Yesus lumila, "Alinei se sera werupe tinimboyan niumei maan pirate." \v 11 Simon Petrus sumeretako tu londei, sia kumehorei lolombok minawuta sera lolombo na ndaai minakese.
|
|
@ -0,0 +1 @@
|
|||
\v 12 Wo Yesus lumila wia nisea, "Mai wo kumanong." Ndaai wana si esa murid-ena moi wia nisia, "Sei kou?" Ka kailekan nea sia tiin si Empung. \v 13 Yesus mai wo mindomei roti tiin, wehenamako witu nisea. Taintukan kahai siniwona o se sera tiin. \v 14 Nyaai katelu na Yesus mapaloho nawak-ena witu se murid-murid ena katotoornamei witu nantara ne tou minate.
|
|
@ -0,0 +1 @@
|
|||
Yesus Makiwehe Si Petrus Gumembale Se Domba-Domba Na \v 15 Maka kan nako sea, si Yesus lumila si Simon Petrus, "Simon, oki ni Yohanes, sapa nikou maupus nyaku lumembe mako pakasaan yaai? Petrus mingkot, "Nulit Empung, kailekanu ka nyaku maupus nikou." Wo Yesus lumila wia nisia, "Gembalanako se domba-dombaku!" \v 16 Yesus kahai lumila ka rua namong wia nisia, "Simon, oki ni Yohanes, sapa nikou maupus nyaku?" Petrus mingkot, "Nulit Empung, kailekan nu ka nyaku maupus nikou." Yesus lumila wia nisia, "Gembala nako se domba-dombaku!"
|
|
@ -0,0 +1 @@
|
|||
\v 17 Yesus lumila wia nisia katelunamong, "Simon, oki ni Yohanes, sapa nikou maupus nyaku?" Nate ni Petrus, si masusamong, ka si Yesus makatelumong moi wia nisia, "Sapa kou maupus nyaku?" Wo si Petrus lumila wia nisia, "Empung, nikou makailek pakasaan kailekan nu ka nyaku maupus nikou!" Yesus lumila wia nisia, "Gembala nako se domba-dombaku!" \v 18 Nyaku maila ulit karengan wia nikou, nikou taretumou pe nikou sandiri minaakes penar-emu, wo makelang wisate paaremu.
|
|
@ -0,0 +1 @@
|
|||
\v 19 Yesus maila nyaai ka si matuturu mako kaampit patean kumura wo si Petrus makaasar si Empung. Wo makalila mako niitu sia lumila tu si Petrus, "Kumiitei Nyaku".
|
|
@ -0,0 +1 @@
|
|||
Sapa Mamuali Witu Si Murid, Si Kaupusena Karengan \v 20 Petrus lumenge wo lumohome si murid si kaupus karengan ni Yesus, Makiitei nisea, nisia si murid rimuhumun, tawi karengan ombeewer ni Yesus, witu parjamuan mbengi wo moi, Empung sei sia si tou si mahianat nikou tiin? \v 21 Kalolohona nisia, Petrus moi si Yesus, "Empung, kumura sia?"
|
|
@ -0,0 +1 @@
|
|||
\v 22 Yesus mingkot, "Saaku paar nisia menou-noute, makar nyaku mai sumaup, sapa nurusan nu? Nikou, mai kumiit nyaku!" \v 23 Wo pakasaan paila ni Yesus tiin, kinalingaan tu nantara ne patuari-patuari tiin, ka si murid tiin si raai mate, padahal si Yesus si raai maila ka nisia si raai mate, taan si limila, "Saaku paar nisia si matou-toute makar nyaku mai sumaup, sapa nurusan nu?"
|
|
@ -0,0 +1 @@
|
|||
\v 24 Siamong si murid si simaksi pakasaan nyaai, wo si minatikou pakasaan nyaai, wo kailekanta ka kasaksiana tiin nulit. \v 25 Lakere karengan kahai siniwo ni Yesus, wo saitu patikako pataesaan, papendamengku pakasaan kaoatan yaai ndaai kaawesan papumpunan pakasaan buk pinatikan tiin.
|
|
@ -0,0 +1 @@
|
|||
Pasal 21
|
|
@ -1,5 +1,8 @@
|
|||
|
||||
<<<<<<< HEAD
|
||||
<<<<<<< HEAD
|
||||
=======
|
||||
>>>>>>> 30cb1d9e12b06468295e0274c15a91921b177526
|
||||
## Creative Commons Attribution-ShareAlike 4.0 International
|
||||
|
||||
### Human-Readable Summary
|
||||
|
@ -37,6 +40,7 @@ http://creativecommons.org/licenses/by-sa/4.0/.
|
|||
|
||||
|
||||
|
||||
<<<<<<< HEAD
|
||||
This PDF was generated using Prince (https://www.princexml.com/).
|
||||
=======
|
||||
# License
|
||||
|
@ -66,3 +70,6 @@ You do not have to comply with the license for elements of the material in the p
|
|||
|
||||
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
|
||||
>>>>>>> 2293d431cf248fa300adf33e36d2004223f6e37d
|
||||
=======
|
||||
This PDF was generated using Prince (https://www.princexml.com/).
|
||||
>>>>>>> 30cb1d9e12b06468295e0274c15a91921b177526
|
||||
|
|
|
@ -33,7 +33,8 @@
|
|||
],
|
||||
"parent_draft": {},
|
||||
"translators": [
|
||||
"Lidia"
|
||||
"Lidia",
|
||||
"Aurel"
|
||||
],
|
||||
"finished_chunks": [
|
||||
"16-title",
|
||||
|
@ -78,6 +79,46 @@
|
|||
"18-31",
|
||||
"18-33",
|
||||
"18-36",
|
||||
"18-38"
|
||||
"18-38",
|
||||
"19-title",
|
||||
"19-01",
|
||||
"19-04",
|
||||
"19-07",
|
||||
"19-12",
|
||||
"19-14",
|
||||
"19-17",
|
||||
"19-19",
|
||||
"19-21",
|
||||
"19-23",
|
||||
"19-25",
|
||||
"19-28",
|
||||
"19-31",
|
||||
"19-34",
|
||||
"19-36",
|
||||
"19-38",
|
||||
"19-40",
|
||||
"20-title",
|
||||
"20-01",
|
||||
"20-03",
|
||||
"20-06",
|
||||
"20-08",
|
||||
"20-14",
|
||||
"20-16",
|
||||
"20-19",
|
||||
"20-21",
|
||||
"20-24",
|
||||
"20-26",
|
||||
"20-30",
|
||||
"21-01",
|
||||
"21-04",
|
||||
"21-07",
|
||||
"21-10",
|
||||
"21-12",
|
||||
"21-15",
|
||||
"21-17",
|
||||
"21-19",
|
||||
"21-20",
|
||||
"21-22",
|
||||
"21-24"
|
||||
]
|
||||
}
|
Loading…
Reference in New Issue