Tue Mar 19 2024 08:41:48 GMT+0800 (Singapore Standard Time)

16/01.txt

@@ -0,0 +1 @@
+\v 1 "Pakasaan nyaai, nyai kumong lila wia nikau rior nikau raai kaleeleran. \v 2 Nisea se mure nikau tu sinagoge, wo mangemai nendona ka setou se mawuwunu nikau, se mikir nisea se mabakti wia si Empung.

16/03.txt

@@ -0,0 +1 @@
+\v 3 Wo nyaai waya, siwon nea ka nisea se raai kumenal si Bapa kaapa nyaku. \v 4 Taan pakasaan nyaai, nyai kumong lila wia nikau, rior saitu mangemai nendona. Genangen niu, ka nyaai, nyai kumong lila wia nikau, wo nyaai waya ndaai nyai ku lila katare-tare wia nikau ka nyaku, mawali-wali pe nikau.

16/05.txt

@@ -0,0 +1,2 @@
+Paayangen Ni Roh Kudus 
+\v 5 Taan tarekan ku mangemong wana nisia si rimehomei nyaku, wo ndaai wana si esa tou wia nikou, moi nyaku, "Wisa nakoang ku?" \v 6 Taan ka nyai kumong lila wia nikau, kasusaan minuta nate niu. \v 7 Wo nyaku lumilaame wia nikau witu kaulitan, geleosou wia nikau sa nyaku mange, ka sa aku raai mange, si menawang tiin si raai mai wia nikau, taan sa aku mange, nisia si rehokumei mai wia nikau.

16/08.txt

@@ -0,0 +1 @@
+\v 8 Sasia wiamong si menawang tiin, nisia si sumadar kaoatan witu ndosa, kaulitan wo paakiman, \v 9 kumura ndosa ka nisea se raai maeman wia nyaku, \v 10 kumura kaulitan, ka nyaku mange na si Bapa, wo nikau, kauraai mong lumoho nyaku kahai, \v 11 wo kumura paakiman, kase makuasa kaoatan yaai, se niakim mong.

16/12.txt

@@ -0,0 +1 @@
+\v 12 Lakere palililaaku wia nikau, taan nikau raai tumanggong tarekan. \v 13 Taan sa sia si Roh kaulitan, mangemai, nisia si mali nikau witu gorem kaulitan, ka nisia si raai maila witu kapaaranate taan pakasaan lininga namei, niitu lilaana wia nikau, wo nisia lumila wia nikau sapa-sapa mamuali. \v 14 Nisia si mamulia nyaku ka nisia si tumerima tanu tinerimaku wo nako lilaana wia nikau.

16/15.txt

@@ -0,0 +1,4 @@
+\v 15 Sapate niitu taintu ni Bapa, niitu taintuku. Niitumong nyaku lumila kasi Roh kaulitan si mehe nahabar wia nikau sasapa tinerima namei wia nyaku.
+
+Kasusaan Mamuali Kasenangan
+\v 16 Moki-oki mokanei nikau raai mong lumoho nyaku, saup kume, ndaai mong ure nikau meloho-loho nyaku.

16/17.txt

@@ -0,0 +1 @@
+\v 17 Se woo pira murid-ena ma wo-woyan, sapa patoroan pailana wia nikita, "Moki-oki mo kanei, nikau raai mong lumoho nyaku kahai, ndaai mong ure wo kau raai mong lumoho nyaku, saupeeme ndaai mong ure nikau meloho-loho nyaku? Ka nyaku mangemong na si Bapa? \v 18 Niitumong nisea moi, sapa patoroan, ndai mong ure? Ndaai kailekanta pailaana tiin.

16/19.txt

@@ -0,0 +1 @@
+\v 19 Kailekan ni Yesus, semurid-ena mawowoi wia nisia, wo sia lumila wia nisea sapa kau ma wo-woyan witu nantara niu sasapa patoroan nyai ku lila: ndaai mong ure wo nikau raamong lumoho nyaku saupe eme ndaai mong ure nikau meloho-loho nyaku? \v 20 Kasa ulit lila kume wia nikau, nikau, kau mame, wo masusa, taan si kaoatan si mapaa-paar, nikau masusa, taan kasusaan niu sawelanei mapela-pela. \v 21 Sa si wewene katouanei oki, sia si mendam rumapa ka nendona katouan mbitu mong, taan sasia kinatouanomei oki, kaliuran na pi nendam namei rumara, karengan, ka pela'ana ka si oki nyai na tou mei si limohomong kaoatan.

16/22.txt

@@ -0,0 +1 @@
+\v 22 Taintukan kahai nikau, kau mendam kasusaan tarekan, taan nyaku ku sumero nikau kahai, wo nate niu memela-mela, wo ndaai wana si esa tou mindo kasenangan niu. \v 23 Tu nendo niitu nikau, kau raai moi sapa-sapa wia nyaku. Kasa ulit lila kume wia nikau, sapate ki wehen niu wani si Bapa-Eku witu gorem ngaran-eku, Nisia si mehemei wia nikau. \v 24 Akar tarekan nikau raaipe mina kiwehe-kiwehe sapa-sapa witu gorem ngaran-eku. Kiwehen nong wo kau makaindo, rior kapaaran niu mamuali wuta

16/25.txt

@@ -0,0 +1,2 @@
+Minuntung Wia Kaoatan 
+\v 25 Nyaku kulimilaamong pakasaan nyaai wia nikou, kaampit naandean nendona mangemong mai wo nyaku ndaaimong maila o nikau kaampit naandean, taan mai sumirita o nikau tu kaulitan kumura Bapa.

16/26.txt

@@ -0,0 +1 @@
+\v 26 Tu nendo niitu nikau, kau kumiwehe witu gorem ngaran-eku wo nyaku ndaai lumila wia nikau ka nyaku simombayangako witu si Bapa ka nikau. \v 27 Ka si Bapa te si maupus nikau, ka nikau maupus nyaku, wo maeman, ka nyaku wana si Bapa o mai. \v 28 Nyaku wana si Bapa o mai, wo minai wia kaoatan, tarekan, ku tumelaaumong kaoatan yaai mareng wana si Bapa.

16/29.txt

@@ -0,0 +1 @@
+\v 29 Semurid-ena lumila: "Tarekan nikou mailaamong karengan wo raai mong maaindomei naandean kahai. \v 30 Tarekan kailekanai ka nikou makailek pakasaan, wo ndaai mong tumowaamei tou moi wia nikou. Niitumong nikai maeman ka nikou wana si Empung wo mai." \v 31 Yesus mingkot nisea: "Sapa nikau maeman, tarekan?

16/32.txt

@@ -0,0 +1 @@
+\v 32 Lohone! Nendona mbiamong wo minaimong wia nikau, kau ure nea, wo nikau esa wo sia mareng witu tampa ni ai yan niu katare wo ku telau niu mako nyakute maesa-esa. Taan ku raai te maesa-esa ka si Bapa mawali-wali nyaku. \v 33 Nyaai waya lila kume wia nikau rior wia gorem eku, nikou makaindo kaleosan wo kasenangan. Wia kaoatan, nikau kau mendam pawantian, taan enteen nate niu! Nyaku ku kimalamong kaoatan!"

16/title.txt

@@ -0,0 +1 @@
+Pasal 16

17/01.txt

@@ -0,0 +1,2 @@
+Yesus Sumombayang Se Murid-Murid Ena
+\v 1 Niitumong pengila-ngila ni Yesus, wo sia sumarume langit wo lumila, "Bapa, ndona biamong, mulia nomei si oki'mu rior si oki'mu kahai toro mamulia nikou. \v 2 Masuat tanu nikou minehemong wia nisia kuasa tu pakasa setou, rior witu pakasaan nyai nu wehe wia nisia, Sia toro mehe katotouan ndaai si raakaran.

17/03.txt

@@ -0,0 +1 @@
+\v 3 Nyaaimong katotouan ndaai si kaakaran tiin, niitu ka nisea kumenal nikou esa te Empung si ulit, wo kumenal si Kristus Yesus si nyai nu renomei. \v 4 Nyaku, ku minuliamong nikou wia kaoatan wo limekepako paayangen nyai nu wehemei wia nyaku paayangen. \v 5 Wo tarekan, ya Bapa, mulianomei nyaku mawali-wali nikou, kaampit pengasa-ngasaran wia nyaku kaampit nikou, ndaai pe wia kaoatan.

17/06.txt

@@ -0,0 +1 @@
+\v 6 Nyaku ku nyimatamong ngaran-emu witu setou-tou nyai nu wehemei wia nyaku, wia kaoatan yaai sea yaai se taintumu. Wo nyainumong wehemei nisea wia nyaku, wo sea kahai se kimiitou firman-Emu. \v 7 Tarekan, kailekaneamong ka pakasaan nyai nu wehemei, wana nikou o mai. \v 8 Ka nyaku, ku minehemong wia nisea firman nyai nu wehemei wia nyaku, wo tinerima neamong kaampit makailek karengan, ka nyaku wana nikou wo mai, wo nisea maeman karengan wia nikou si rimehomei nyaku.

17/09.txt

@@ -0,0 +1 @@
+\v 9 Nyaku, ku masombayang nisea, Nyaku ku raai masombayang kaoatan taan wiate nisea se nyai nu wehemei wia nyaku, ka nisea se taintu mu. \v 10 Pakasaan wia nyaku niitu taintumu, wo pakasaan taintumu, taintukukan kahai wo nyaku ku paasa-asaren wia nyaai waya. \v 11 Nyaku ku raaimong wia kaoatan, taan nisea se wiape kaoatan yaai, wo nyaku mai wia nikou, Bapa kou Kudus, yahaganei sea witu gorem ngaran-Emu, ngaran nyai nu wehemei wia nyaku, makar nisea mamuali esa tanu nikita.

17/12.txt

@@ -0,0 +1 @@
+\v 12 Kaurean nyaku mawali-wali nisea, ku yimahagamong nisea witu gorem ngaran-Emu nyai nu mong wehemei wia nyaku. Nyaku yimahagamong nisea wo ndaai wana si esa wia nisea nyai kaliong tampasako si oki kapatean rior buk suci lekepen. \v 13 Taan tarekan, nyaku mai wia nikou wo pakasaan nyaai lila kume wia kaoatan yaai rior nisea makaindo kapaaranku ma wuta witu gorem nate nea. \v 14 Nyaku ku minehemong firman-Emu wia nisea, wo kaoatan maseso nisea ka nisea se raai wia kaoatan yaai o mai, tanu nyaku ku raai wia kaoatan o mai.

17/15.txt

@@ -0,0 +1 @@
+\v 15 Nyaku ku raai makiwehe nikou, makaindo nisea wia kaoatan yaai, taan kelu-kelungan temei sea wia si lewo. \v 16 Nisea se raai wia kaoatan wo mai, tanu nyaku, ku raai wia kaoatan wo mai. \v 17 Suci nako sea witu kaulitan firman-Emu niitumong kaulitan.

17/18.txt

@@ -0,0 +1 @@
+\v 18 Tanu nikou rumeho momei nyaku mai wia kaoatan, taintukan kahai nyaku rumeho nisea mako witu gorem kaoatan. \v 19 Ka nisea, wo nyaku sumuci nawak-Eku, rior kahai nisea sesucin tu gorem kaulitan.

17/20.txt

@@ -0,0 +1 @@
+\v 20 Nyaku ku raaite masombayang nisea, taan kahai witu setou-tou semaeman wia nyaku witu pahabar nea. \v 21 Rior nisea waya mamuali esa, masuat tanu nikou, ya Bapa, witu gorem-Eku wo nyaku kuwitu gorem-Emu rior nisea kahai mamuali esa wia gorem-eta makar kaoatan maeman ka nikou te si rimehomei nyaku.

17/22.txt

@@ -0,0 +1 @@
+\v 22 Pangasa-ngasaran nyai nu wehemei wia nyaku, nyai ku mong wehe nisea rior sea mamuali esa, tanu nikou wo nyaku minamuali esa. \v 23 Nyaku ku witu gorem nea, wo nikou kouwiagorem-Eku, rior nisea mamuali esa karengan, wo mako taintu, kaoatan mako makailek ka nikoute si rimehomei nyaku, wo nikau maupus nisea tanu nikou maupus nyaku.

17/24.txt

@@ -0,0 +1 @@
+\v 24 Ya Bapa, kapaareku nisea, senyai nu wehemei wia nyaku, sea kahai mawali-wali nyaku wisa te nakoangku, makar nisea toro lumoho kamuliaan-Emu, nyai nu wehemei wia nyaku, ka nikou maupus nyaku, tumuur ndaaipe wia kaoatan.

17/25.txt

@@ -0,0 +1 @@
+\v 25 Oh Bapa kou rendai, maan kaoatan raai kumenal nikou, taan nyaku ku kumenal nikou, wo sea se makailek ka nikou si rimehomei nyaku. \v 26 Nyaku ku lumila mome ngaran-Emu wia nisea, wo pemehe-mehe nea maila niitu, rior kaleosan kaampit niitu nikou maupus nyaku, mbitute gorem nea, wo nyaku ku witu gorem nea."

17/title.txt

@@ -0,0 +1 @@
+Pasal 17

18/01.txt

@@ -0,0 +1,2 @@
+Katitimboi Si Yesus
+\v 1 Kalililaate ni Yesus nyaai waya, wo sia mange kaampit semurid-ena witu sangaweka salu kidron, witu wewehan taman, wo Yesus muntep tunggoremena kaampit semurid-ena. \v 2 Yudas, si mataasaane tu tu semurid-ena si lime wo si Yesus kahai si makailek taman tiin ka si Yesus o se murid-murid ena makalaker mako witu. \v 3 Yudas makaindo temei sia pasukan wo sehamba-hamba witu seimam-imam kapala kaampit se tou Farisi, se minai witu taman tiin mahali-ali lantera, nobor kaampit lulutam.

18/04.txt

@@ -0,0 +1 @@
+\v 4 Yesus si makai lekou pakasaan yaai, wo mamuali wia nisia, sia mako tumoor witu rior, moi wia nisea, "Sei si peneron niu?" \v 5 Wingkoten neamei: "Yesus tou Nasaret." Yesus lumila wia nisea: "Nyakumong ku Yesus." Wo kahai witu si Yudas si limewo nisia, timoor mawali-wali nisea.

18/06.txt

@@ -0,0 +1 @@
+\v 6 Kalililaate ni Yesus: "Nyakumong ku Yesus," setou-tou tiin nyai kaundur wo sea kanawu witu ntana. \v 7 Wo Yesus moi kahai wia nisea: "Sei si peneron niu?" Wingkoten neamei: "Yesus tu Nasaret."

18/08.txt

@@ -0,0 +1 @@
+\v 8 Mingkot si Yesus: "Nyaikumong lilaame wia nikau, nyakumong si Yesus. Ka nikau maser nyaku waya mome semurid-murid ena yaai mareng. \v 9 Nyaai minamuali rior kasampet sapa nyai lila ni Yesus: "Witu pakasaan nyai niu wehemei wia nyaku, ku raai kalilingan maan esa."

18/10.txt

@@ -0,0 +1 @@
+\v 10 Simon Petrus si mahali-ali sambel, wuuwutenamei sambel tiin wo itu parasname witu si pelayan ni Imam Sela, tu maketor luntungena leleos ni pelayan tiin, ngaran ni pelayan tiin malkhus. \v 11 Wo Yesus lumila tu si Petrus: "Untepako sambel-Emu tiin witu sarongena gelas nyai wehemei ni Bapa wia nyaku, ndaai reen niitu noonotengku?"

18/12.txt

@@ -0,0 +1,2 @@
+Yesus Si Niali Tu Sinaru Ni Hanas 
+\v 12 Wo se prajurit-prajurit Romawi kaampit se perwira nea, wo se pelayan tou Yahudi tumimboi si Yesus o sia waakesen nea. \v 13 Wo katare si Yesus niali nea witu si Hanas, si manohang ni Kayafas nisia si Imam Sela tiin taon niitu. \v 14 Wo si Kayafasou tiin si minehemako tuturu witu setou-tou Yahudi ka kaaraan karengan sa si esa tou mate ka magenang se rakyat.

18/15.txt

@@ -0,0 +1,2 @@
+Petrus Si Tia Makaasar Si Yesus 
+\v 15 Taan si Simon Petrus wo si esa murid-ena walina, kumiit si Yesus. Si murid-ena walina tiin si raai kenalen ne Imam Sela, wo sia muntep mawali-wali si Yesus, makar witu raraaran istana ni Imam Sela. \v 16 Taan si Petrus timoorete witu luar tawi pepenet. Wo si murid walina tiin, kumenal si Imam Sela, muta rei sumaup sia mako witu luar, mahilekan sia wo sumirita osi wewene mayahaga pepenet, wo malimei si Petrus muntep.

18/17.txt

@@ -0,0 +1 @@
+\v 17 Wo si wewene mayahaga pepenet tiin moi tu si Petrus: "Ndaai reen nikou kahai kou murid ni tou tiin?" Mingkot si Petrus: "Ndaai!" \v 18 Ka si si wo nea waha, se pelayan wo se perwira mako tumoor witu, ka mbengi niitu nemel karengan, wo sea meniri-nirita. Petrus kahai mawali-wali witu o nisea timoor wo masirita.

18/19.txt

@@ -0,0 +1,2 @@
+Imam Sela Moi Wia Si Yesus
+\v 19 Wo si Imam Sela tiin moi wia si Yesus, sakumura semurid-murid ena wo kumura najaran na. \v 20 Yesus mingkot nisia: "Nyaku ku lumilaame wia kaoatan. Nyaku ku mahajar witu sinagoge-sinagoge wo mbale ni Empung, penampaan ne tou Yahudi maharur. Nyaku ku raai maila masinde-sindek. \v 21 Kaa kou mawoi wia nyaku? woi nong witu nisea se liminga sa sapa pailaaku wia nisea, kailekanea sapa paila aku."

18/22.txt

@@ -0,0 +1 @@
+\v 22 Kalililaate ni Yesus taintu, si esa tou majaga timoor witu sumepe giona wo lumila: "Taintu pahangean nu, mawingkot si Imam Sela?" \v 23 Yesus mingkot nisia: "Sa wewehan pailaaku simelok, turuumei kasumelokangku; taan saitu pailaaku nulit, kaa kou sumepe nyaku?" \v 24 Wo si Hanas malime si Yesus taan si winaakes witu si Imam Sela Kayafas.

18/25.txt

@@ -0,0 +1,2 @@
+Petrus Kahai Si Tia Makaasar Si Yesus
+\v 25 Niitu si Simon Petrus si timoore witu. Wo sea moi wia nisia: "Ndaai reen, nikou kahai kou esa murid ni tou tiin?" Petrus simangkal-ete wo mingkotako: "Ndaai." \v 26 Si esa pelayan ni Imam Sela, si patuari ni tou kine torana lunteng, lumila: "Ndaai reen nyaku limoho nikou mawali-wali nisia witu taman tiin?" v 27 Makasape kahai si Petrus mingkotako: Ndaai, kasenyeemei kumukukei si kooko.

18/28.txt

@@ -0,0 +1 @@
+\v 28 Tumondong niitu sea mali kahai si Yesus witu tampa ni Kayafas mako witu pangadilan, niitu momoondope karengan, wo nisea sandiri se raai minuntep witu gorem pangadilan tiin, rior nisea raai manajis, wo sea toro kuman paskah. \v 29 Wo mondolei si Pilatus mako mahilekan, o nisea wo sia moi: "Sapa patudu niu wia si tou yaai?" \v 30 Sea mingkotei wo lumila wia nisia: "Sa si tou yaai si raai tou lewo, sia si raai niali nai mei wia nikou."

18/31.txt

@@ -0,0 +1 @@
+\v 31 Pilatus lumila wia nisea: "Alinei sia wo hakimen kiit nukum niu." Setou-tou Yahudi mingkot: "Niitu kai raai makiit nukum sa kai mehe nukuman mate wia sitou." \v 32 Nyaai minamuali, ka malelekep nyai lila ni Yesus si timuru patean tanu sapa sa sia mate.

18/33.txt

@@ -0,0 +1 @@
+\v 33 Wo sia si Pilatus muntep sumaup tung gorem pangadilan wo tumowaamei si Yesus, wo moi wia nisia: "Sapa kou Raja ne tou Yahudi?" \v 34 Yesus mingkot: "Sapa pawoyen nu tiin minondolei witu nawakemu sandiri kaapa wewehanong tou lumila wia nikou, sa kumura nyaku?" \v 35 Pilatus lumila: "Sapa nyaku tou Yahudi? Bangsa wo se imam-imam kapala mu sandiri se simerakan nikou wia nyaku. Sapa siniwo mu?"

18/36.txt

@@ -0,0 +1 @@
+\v 36 Yesus lumila: "Karajaangku ndaai wia kaoatan yaai. Saitu karajaangku wia kaoatan yaai, se memaayang wia nyaku se sumaru, rior nyaku raai seraka nea witu setou-tou Yahudi. Taan karajaangku ndaai wia kaoatan yaai." \v 37 Pilatus lumila: "Wo nikou, kou raja?" Yesus mingkot: "Nikou kou maila ka nyaku, ku raja. Niitumong nyaku ku nyai tou mei, wo niitumong nyaku mai wia kaoatan yaai, ku masaksi me kumura kaulitan. Sei te si tou si minai witu kaulitan, nisia si luminga paila aku.

18/38.txt

@@ -0,0 +1 @@
+\v 38 Pilatus lumila wia nisia: "Sapa reen kaulitan tiin?" Wo makalila mako niitu, Pilatus mondolei mako mahilekan o setou-tou Yahudi, wo lumila wia nisea: "Nyaku ku raai minakaindo kasumelokan sapa-sapa wia nisia. \v 39 Taan nikau, kau wewehan kanaramen sa nyaku ku mebasako sitou patahangen tu nari paskah. Niitumong sapa, sapa kau paar, ku mebasako si Raja Tou Yahudi tiin?" \v 40 Sea mingkotei marekei: "Tia pabebebasen sitou yaai, si Barabas sou!" Barabas tiin sitou marampok.

18/title.txt

@@ -0,0 +1 @@
+Pasal 18

LICENSE.md

@@ -1,4 +1,5 @@
 
+<<<<<<< HEAD
 ## Creative Commons Attribution-ShareAlike 4.0 International
 
 ### Human-Readable Summary 
@@ -36,4 +37,32 @@ http://creativecommons.org/licenses/by-sa/4.0/.
 
   
 
-This PDF was generated using Prince (https://www.princexml.com/).
+This PDF was generated using Prince (https://www.princexml.com/).
+=======
+# License
+## Creative Commons Attribution-ShareAlike 4.0 International (CC BY-SA 4.0)
+
+This is a human-readable summary of (and not a substitute for) the [license](http://creativecommons.org/licenses/by-sa/4.0/).
+
+### You are free to:
+
+  * **Share** — copy and redistribute the material in any medium or format
+  * **Adapt** — remix, transform, and build upon the material 
+
+for any purpose, even commercially.
+
+The licensor cannot revoke these freedoms as long as you follow the license terms.
+
+### Under the following conditions:
+
+  * **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
+  * **ShareAlike** — If you remix, transform, or build upon the material, you must distribute your contributions under the same license as the original.
+
+**No additional restrictions** — You may not apply legal terms or technological measures that legally restrict others from doing anything the license permits.
+
+### Notices:
+
+You do not have to comply with the license for elements of the material in the public domain or where your use is permitted by an applicable exception or limitation.
+
+No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
+>>>>>>> 2293d431cf248fa300adf33e36d2004223f6e37d

manifest.json

@@ -32,6 +32,52 @@
 		}
 	],
 	"parent_draft": {},
-	"translators": [],
-	"finished_chunks": []
+	"translators": [
+		"Lidia"
+	],
+	"finished_chunks": [
+		"16-title",
+		"16-01",
+		"16-03",
+		"16-05",
+		"16-08",
+		"16-12",
+		"16-15",
+		"16-17",
+		"16-19",
+		"16-22",
+		"16-25",
+		"16-26",
+		"16-29",
+		"16-32",
+		"17-title",
+		"17-01",
+		"17-03",
+		"17-06",
+		"17-09",
+		"17-12",
+		"17-15",
+		"17-18",
+		"17-20",
+		"17-22",
+		"17-24",
+		"17-25",
+		"18-title",
+		"18-01",
+		"18-06",
+		"18-04",
+		"18-08",
+		"18-10",
+		"18-12",
+		"18-15",
+		"18-17",
+		"18-19",
+		"18-22",
+		"18-25",
+		"18-28",
+		"18-31",
+		"18-33",
+		"18-36",
+		"18-38"
+	]
 }