Wed Apr 07 2021 17:23:37 GMT-0400 (Eastern Daylight Time)

01/01.txt

@@ -0,0 +1 @@
+\v 1 Бу – Исо Масиҳнинг ваҳийсидир. Тез кунларда содир бўладиган нарсаларни Ўз қулларига кўрсатиш учун Худо буни Унга берди ва Ўз фариштаси орқали юбориб, Ўз қули Юҳаннога кўрсатди. \v 2 Юҳанно эса Худонинг сўзи, Исо Масиҳнинг гувоҳлиги ва кўрган нарсалари ҳақида гувоҳлик берди. \v 3 Бу башорат сўзларини ўқийдиган ва эшитадиган ҳамда унда ёзилганларига риоя қиладиган одам бахтлидир, чунки вақт яқин.

01/04.txt

@@ -0,0 +1 @@
+\v 4 Юҳанно Асиядаги еттита Жамоатга: “Сизларга ҳозир Бор, азалдан бор Бўлган ва Келаётгандан, ҳамда Унинг тахти олдида турган еттита руҳдан, \v 5 шунингдек, содиқ Гувоҳ, ўликлар ичидан Тўнғич, ердаги подшоҳларнинг Ҳукмдори Исо Масиҳдан – иноят ва тинчлик бўлсин!” Бизни севган, Ўз қони билан бизнинг гуноҳларимизни ювган, \v 6 бизни Ўз Отаси ва Худойимизга подшоҳлару руҳонийлар қилиб қўйган Исо Масиҳга абадулабад шараф ва ҳукмронлик бўлсин! Омин.

01/07.txt

@@ -0,0 +1 @@
+\v 7 Мана, У булутлар билан келмоқда! Уни ҳар бир кўз кўради, Унинг танасини тешганлар ҳам кўрадилар. Ернинг барча қабилалари Унинг олдида йиғлаб юборадилар. Ҳа, омин! \v 8 “Мен Алфа ва Омега, Бошланиш ва Тугашдирман,- дейди Раббий,- ҳозир Бор, азалдан бор Бўлган ва Келаётган Қодир Худоман”.

01/09.txt

@@ -0,0 +1 @@
+\v 9 Мен – Исо Масиҳдаги азоб, салтанат ҳамда бардошга шерик бўлган биродарингиз Юҳанно – Худонинг сўзи ҳамда Исо Масиҳнинг гувоҳлиги учун Патмос номли оролда эдим. \v 10 Раббийнинг кунида мен Руҳда эдим, ортимда карнай садосига ўхшаш кучли овоз эшитдим. У дер эди: \v 11 “Кўраётганларингни китобга ёзиб, Асиядаги еттита Жамоатга – Эфес, Смирна, Пергам, Тиатир, Сардис, Филаделфия ва Лаодикияга юбор”.

01/12.txt

@@ -0,0 +1 @@
+\v 12 Мен билан гаплашган овоз кимники эканлигини билиш учун ўгирилдим. Ўгирилиб эса, еттита олтин шамдонни кўрдим. \v 13 Еттита шамдоннинг ўртасида эса тўпиғигача тушган ридо кийган ва кўксига олтин камар боғлаган Инсон Ўғлига ўхшаш бир Кимсани кўрдим.

01/14.txt

@@ -0,0 +1 @@
+\v 14 Унинг боши ҳамда сочлари оқ жундек ва қордек оппоқ эди. Унинг кўзлари алангали оловдек эди. \v 15 Унинг оёқлари қиздирилган ярқироқ мисдек эди. Унинг овози кўплаб сувларнинг шовқинидек эди. \v 16 У ўнг қўлида еттита юлдузни тутиб турар, Унинг оғзидан дудама қилич чиқар эди. Унинг юзи эса ўз кучида порлаётган қуёшдек эди.

01/17.txt

@@ -0,0 +1 @@
+\v 17 Мен Уни кўрганимда, Унинг оёқларига мурдадек йиқилдим. У менга ўнг қўлини қўйиб, деди: “Қўрқма, Мен Биринчи ва Охиргидирман, \v 18 Тирикман. Мен ўлган эдим ва, мана, абадулабад тирикман. Мен дўзах ва ўлимнинг калитларига эгаман.

01/19.txt

@@ -0,0 +1 @@
+\v 19 Энди, сен кўрган нарсалар, бор нарсалар ва бундан кейин келадиган нарсаларни ёзгин. \v 20 Сен Менинг ўнг қўлимда кўрган еттита юлдуз ва еттита олтин шамдоннинг сири шудир: Еттита юлдуз – бу еттита Жамоатнинг фаришталаридир, сен кўрган еттита шамдон эса – бу еттита Жамоатдир”.

02/01.txt

@@ -0,0 +1 @@
+\v 1 Эфесдаги Жамоатнинг фариштасига ёзгин: “Ўнг қўлида еттита юлдузни тутиб Турадиган, еттита олтин  шамдоннинг ўртасида Юрадиган шундай дейди: \v 2 Сенинг ишларинг, меҳнатинг, бардошинг, шунингдек, ёвузларга бардош бера олмаслигингни биламан. Аслида ҳаворий бўлмаса-да, ўзларини ҳаворий, деб атайдиганларни синаганинг ва уларни ёлғончи, деб топганингни биламан.

02/03.txt

@@ -0,0 +1 @@
+\v 3 Сен бардош бердинг ва сабр-тоқатга эгасан. Менинг номим ҳақи кўп меҳнат қилиб, толиқмадинг. \v 4 Лекин сенга қарши бир нарсам борки – сен илк муҳаббатингни тарк этдинг. \v 5 Энди, қаердан қулаганингни ёдга олиб, тавба қилгин ва илгариги ишларингни қилиб юргин. Акс ҳолда, тавба қилмасанг, Мен сенинг олдингга тезда келиб, сенинг чироғингни ўз жойидан қўзғатаман.

02/06.txt

@@ -0,0 +1 @@
+\v 6 Аммо сенда яхши бўлгани шуки – Мен нафратланадиган николайчиларнинг ишларидан сен ҳам нафратланасан. \v 7 Руҳ Жамоатларга нима деяётганини қулоғи бор эшитсин: “Ғолиб келадиганга Худонинг жаннати ўртасидаги ҳаёт дарахтидан ейишни ато қиламан”!

02/08.txt

@@ -0,0 +1 @@
+\v 8 Смирнадаги Жамоатнинг фариштасига ёзгин: “Биринчи ва Охирги, ўлик Бўлган, энди эса Тирик шундай дейди: \v 9 Сенинг қайғуларинг ва қашшоқлигингни (аслида сен бойсан) биламан. Ўзларини яҳудий ҳисоблайдиган, аслида бундай бўлмаган, аксинча, шайтоннинг синагогаси бўлганларнинг ҳақоратларини ҳам биламан.

02/10.txt

@@ -0,0 +1 @@
+\v 10 Бошингдан кечиришинг керак бўлган ҳеч нарсадан қўрқма. Мана, шайтон сизларни васвасага солиш учун ораларингиздан баъзиларни қамоққа ташлайди, ва ўн кунларча азоб чекасизлар. Ўлгунингча содиқ бўлгин ва сенга ҳаёт тожини бераман. \v 11 Руҳ Жамоатларга нима деяётганини қулоғи бор эшитсин: “Ғолиб келадиган иккинчи ўлимдан зиён кўрмайди”.

02/12.txt

@@ -0,0 +1 @@
+\v 12 Пергамдаги Жамоатнинг фариштасига ёзгин: “Ўткир дудама қиличга Эга бўлган шундай дейди: \v 13 Шайтоннинг тахти бўлган жойда сенинг яшашинг, Менинг номимни маҳкам тутишингни биламан. Шайтон яшайдиган жойларингизда Менинг содиқ гувоҳим Антипа ўлдирилганида ҳам, Менинг имонимдан воз кечмаганингни биламан.

02/14.txt

@@ -0,0 +1 @@
+\v 14 Лекин сенга қарши озроқ бир нарсам бор, чунки орангизда Балъамнинг таълимотини тутганлар бор. Балъам Балакка Исроил ўғилларини васвасага солишни ўргатган эди, токи улар зино қилсинлар ва бутларга бағишланган нарсаларни ейсинлар. \v 15 Шунингдек, сенинг орангда николайчиларнинг таълимотини тутганлар ҳам бор.

02/16.txt

@@ -0,0 +1 @@
+\v 16 Тавба қилгин, акс ҳолда, тезда келиб, улар билан оғзимдаги қилич билан курашаман”. \v 17 Руҳ Жамоатларга нима деяётганини қулоғи бор эшитсин: “Ғолиб келадиганга яширин маннани ейишни ато қиламан ва унга оқ тош бераман. Бу тошда янги исм ёзилганки, уни олган одамдан бошқа ҳеч ким билмайди”.

02/18.txt

@@ -0,0 +1 @@
+\v 18 Тиатирдаги Жамоатнинг фариштасига ёзгин: “Кўзлари алангали олов, оёқлари эса ярқироқ мисга ўхшаш бўлган Худонинг Ўғли шундай дейди: \v 19 Сенинг ишларинг, муҳаббатинг, хизматинг, имонинг, бардошингни биламан. Охирги ишларинг аввалгисидан кўпроқ эканини ҳам биламан.

02/20.txt

@@ -0,0 +1 @@
+\v 20 Лекин сенга қарши озроқ бир нарсам бор, чунки сен ўзини “пайғамбар”, деб атайдиган Йезебел исмли бир аёлга йўл қўймоқдасан. У Менинг қулларимга зино қилишни ва бутларга бағишланган нарсаларни ейишни ўргатиб, уларни янглиштирмоқда. \v 21 Тавба қилиши учун Мен унга вақт бердим, бироқ у ўз зинокорлигидан тавба қилишни хоҳлаймади.

02/22.txt

@@ -0,0 +1 @@
+\v 22 Мана, Мен уни хасталик тўшагига ётқизаман. Борди-ю, қилмишларидан тавба қилмасалар, у билан бирга зино қилганларни ҳам буюк кулфатга дучор қиламан. \v 23 Унинг болаларини ҳам ўлим билан қириб ташлайман, шунда барча Жамоатлар Мен юракларни ва одамларнинг ичини Синовчи эканимни билиб оладилар. Сизларнинг ҳар бирингизни қилган ўз ишларингизга яраша тақдирлайман.

02/24.txt

@@ -0,0 +1 @@
+\v 24 Бу таълимотни тутмаган, “шайтоннинг тубликлари”, деб аталадиган нарсаларни билмайдиган сизларга, Тиатирда бўлганларга айтаман: Сизларга бошқа оғирлик юкламайман, \v 25 фақат Мен келгунимча, сизлар эга бўлган нарсани маҳкам тутинглар.

02/26.txt

@@ -0,0 +1 @@
+\v 26 Ғолиб келадиган, Менинг сўзларимга охиригача риоя қиладиганга мажусийлар устидан ҳокимият бераман. \v 27 Худди Мен Отамдан ҳокимиятни олганимдек, у ҳам уларга темир таёқ билан чўпонлик қилади, улар эса сопол идишлардек парчаланадилар. \v 28 Мен унга тонгги юлдузни ҳам бераман. \v 29 Руҳ Жамоатларга нима деяётганини қулоғи бор эшитсин”.

03/01.txt

@@ -0,0 +1 @@
+\v 1 Сардисдаги Жамоатнинг фариштасига ёзгин: “Худонинг еттита руҳига ва еттита юлдузга эга Бўлган шундай дейди: Сенинг ишларингни биламан – сен «тирик» деган номга эгасан, аслида ўликсан. \v 2 Бедор бўлгин ва ўладиган бошқа нарсаларни тасдиқлагин, чунки сенинг ишларинг Худойимнинг олдида мукаммал эканини топмадим.

03/03.txt

@@ -0,0 +1 @@
+\v 3 Қабул қилган ва эшитган нарсангни ёдга олгин. Буни асрагин ва тавба қилгин. Агар бедор бўлмасанг, Мен ўғридек бостириб келаман ва қайси соатда устингга келишимни билмай қоласан. \v 4 Бироқ сенинг Сардисда ўз кийимларини булғамаган бир неча одаминг бор. Улар Мен билан бирга оқ кийимларда юрадилар, чунки улар бунга лойиқдирлар.

03/05.txt

@@ -0,0 +1 @@
+\v 5 Ғолиб келадиган оқ кийимларга бурканади, унинг исмини ҳаёт китобидан ўчирмайман. Мен унинг исмини Отам ва Унинг фаришталари олдида эътироф этаман. \v 6 Руҳ Жамоатларга нима деяётганини қулоғи бор эшитсин”.

03/07.txt

@@ -0,0 +1 @@
+\v 7 Филаделфиядаги Жамоатнинг фариштасига ёзгин: “Муқаддас, Ҳаққоний, Довуднинг калитига эга (очса, ҳеч ким бекита олмайдиган; бекитса, ҳеч ким оча олмайдиган) Шахс шундай дейди: \v 8 Сенинг ишларингни биламан. Мана, Мен сенинг олдингда эшикни очдим (ва ҳеч ким уни ёпа олмайди), чунки сен кам кучга эгасан ва Менинг сўзимни асраб, Менинг номимдан воз кечмадинг.

03/09.txt

@@ -0,0 +1 @@
+\v 9 Мана, ўзларини яҳудий, деб атайдиган, аслида эса бундай бўлмаган, ёлғон сўзлаётган шайтоннинг синагогасини Мен шундай қиламанки, улар келиб, сенинг оёғингга йиқиладилар ва Мен сени севганимни билиб оладилар. \v 10 Сен Менинг бардош сўзимни сақлаганинг учун Мен ҳам сени ер юзида яшаётганларни синаш учун бутун оламга келадиган васвасалар давридан сақлайман. \v 11 Мана, тезда келаман. Нимага эга бўлсанг, шуни маҳкам тутгин, токи ҳеч ким сенинг тожингни тортиб олмасин.

03/12.txt

@@ -0,0 +1 @@
+\v 12 Ғолиб келадиганни Худойимнинг маъбадида устун қиламан, у ташқарига чиқиб кетмайди. Унинг пешонасига Худойимнинг номини, шунингдек, Худойимнинг юзидан, осмондан тушиб келаётган, Худойимнинг шаҳри – янги Йерусалимнинг номини ҳамда Менинг янги номимни ёзаман. \v 13 Руҳ Жамоатларга нима деяётганини қулоғи бор эшитсин”.

03/14.txt

@@ -0,0 +1 @@
+\v 14 Лаодикиядаги Жамоатнинг фариштасига ёзгин: “Омин, содиқ ва ҳақиқий Гувоҳ, Худонинг ижодининг Бошланғичи шундай дейди: \v 15 Сенинг ишларингни биламан. Сен на совуқ, на қайноқсан. О, қани эди, сен ё совуқ, ё қайноқ бўлсанг! \v 16 Аммо сен қайноқ ҳам, совуқ ҳам эмас, балки илиқ бўлганинг учун, мен сени оғзимдан тупуриб ташлайман,

03/17.txt

@@ -0,0 +1 @@
+\v 17 чунки сен: “Мен бойман, бойиб кетдим, ҳеч нарсага муҳтож эмасман”,- дейсан. Аслида сен бахтсиз, бечора, қашшоқ, кўр ва яланғоч эканингни билмайсан. \v 18 Бойишинг учун Мендан оловда тозаланган олтин ва яланғочлигинг шармандалиги кўринмаслиги учун кийинишга оқ кийим сотиб олишни маслаҳат бераман. Энди, кўришинг учун кўзингга кўз мойини суртгин.

03/19.txt

@@ -0,0 +1 @@
+\v 19 Кимни севсам, ўшани фош қиламан ва интизомга ўргатаман. Шунинг учун рашкли бўлгин ва тавба қилгин. \v 20 Мана, эшик олдида туриб, тақиллатяпман. Ким Менинг овозимни эшитиб, эшикни очса, унинг олдига кираман. Шунда Мен у билан, у Мен билан кечки овқатни баҳам кўрамиз.

03/21.txt

@@ -0,0 +1 @@
+\v 21 Ғолиб келадиганга Ўзим билан бирга тахтимда ўтиришни ато қиламан, чунки Мен ғолиб келиб, Отам билан Унинг тахтида ўтирдим. \v 22 Руҳ Жамоатларга нима деяётганини қулоғи бор эшитсин”.

04/01.txt

@@ -0,0 +1 @@
+\v 1 Шундан сўнг мен бир қараган эдим, мана, осмонда эшик очиқ эди. Мен илгари эшитган гўё карнай садосига ўхшаш овоз менга сўзлаб деди: “Бу ерга чиққин. Мен бундан кейин содир бўлиши керак бўлган нарсаларни сенга кўрсатаман”. \v 2 Шу лаҳзада мен Руҳда бўлдим. Мана, осмонда бир тахт турар эди, тахтда эса Ўтирган бор эди. \v 3 Мана, шу Ўтирганнинг кўриниши яшма ва сардис тошига ўхшар эди. Тахтнинг теварагида эса зумрадга ўхшаган камалак бор эди.

04/04.txt

@@ -0,0 +1 @@
+\v 4 Тахтнинг атрофида йигирма тўртта тахт бор эди. Мен тахтларда  ўтирган йигирма тўртта қарияни кўрдим. Улар оқ кийимга бурканган, бошларида олтин тож бор эди. \v 5 Тахтдан чақмоқ, момақалдироқ ва овозлар чиқар эди. Тахтнинг олдида еттита оловли чироқ ёнар эди, булар аслида Худонинг еттита руҳидир.

04/06.txt

@@ -0,0 +1 @@
+\v 6 Тахтнинг олдида биллурга ўхшаш шиша денгиз бор эди. Тахтнинг ўртасида ва атрофида тўртта жонивор турар эди. Улар олдидан ҳам, ортидан ҳам кўзларга тўла эди.

04/07.txt

@@ -0,0 +1 @@
+\v 7 Биринчи жонивор шерга ўхшар ва иккинчи жонивор ҳўкизга ўхшар эди. Учинчи жонивор эса одамникидек юзга эга эди. Тўртинчи жонивор учадиган бургутга ўхшар эди. \v 8 Тўрт жониворнинг ҳар бири ўз атрофларида олтитадан қанотга эга бўлиб, ичида ва ташқарисида эса кўзларга тўла эди. Улар туну кун тиним билмасдан: “Азалдан бор Бўлган, ҳозир Бор ва Келаётган Раббий Қодир Худо муқаддас, муқаддас, муқаддасдир!”- дер эдилар.

04/09.txt

@@ -0,0 +1 @@
+\v 9 Жониворлар тахтда Ўтирган, абадулабад Яшайдиганга шон-шарафу ҳурмат ва миннатдорчилик изҳор қилганларида, \v 10 йигирма тўртта қария тахтга Ўтирганнинг олдида юз тубан йиқилар эдилар. Улар абадулабад Яшайдиганга сажда қилиб, ўз тожларини Унинг тахти қаршисига қўйиб, дер эдилар: \v 11 “Сен, ё, Раббий, шон-шарафу ҳурмат ва куч-қудратни қабул қилишга муносибсан. Чунки Сен ҳамма нарсани яратгансан, ҳамма нарса Сенинг иродангга кўра мавжуд ва яратилгандир”.

05/01.txt

@@ -0,0 +1 @@
+\v 1 Мен тахтда Ўтирганнинг ўнг қўлида – ичида ҳам, ташқарисида ҳам ёзилган, еттита муҳр билан муҳрланган китобни кўрдим. \v 2 Кучли бир фаришта баланд овози билан: “Ким бу китобни очишга ва унинг муҳрини ечишга муносиб?”- деб эълон қилаётганини кўрдим.

05/03.txt

@@ -0,0 +1 @@
+\v 3 Лекин осмонда ҳам, ерда ҳам, ер остида ҳам ҳеч ким бу китобни оча олмади ва унинг ичига қарай олмади. \v 4 Бу китобни очиб ўқиш ва унинг ичига қарашга лойиқ бирор кимса топилмаганидан мен кўп йиғладим. \v 5 Қариялардан бири менга: “Йиғлама! Мана, Яҳудо қабиласининг Шери, Довуднинг Илдизи ғолиб келди. У бу китобни очиб, унинг еттита муҳрини ечишга қодир”,- деди.

05/06.txt

@@ -0,0 +1 @@
+\v 6 Мана, тўртта жонивор ва тахтнинг ўртасида, ҳамда қариялар орасида сўйилган каби бир Қўзи турганини кўрдим. Унинг еттита шохи ва еттита кўзи бор эди, булар эса Худонинг бутун ер юзига юборган еттита руҳидир. \v 7 У келиб, тахтга Ўтирганнинг ўнг қўлидан китобни олди.

05/08.txt

@@ -0,0 +1 @@
+\v 8 У китобни олганида, тўртта жонивор ва йигирма тўртта қария Қўзининг олдида юз тубан йиқилдилар. Ҳар бирининг қўлида бир кифара ва хушбўй тутатқиларга тўла олтин коса бор эди. Хушбўй тутатқилар эса – муқаддасларнинг ибодатлари эди.

05/09.txt

@@ -0,0 +1 @@
+\v 9 Улар янги қўшиқ куйлаб, айтишар эди: “Сен китобни олиб, Унинг муҳрини ечишга лойиқсан, чунки Сен сўйилган эдинг, Ўз қонинг билан бизни ҳар бир қабиладан, тилдан, халқдан ва миллатдан Худога сотиб олиб, \v 10 Худойимизга подшоҳлару руҳонийлар қилдинг. Биз ер юзида ҳукмронлик қиламиз”.

05/11.txt

@@ -0,0 +1 @@
+\v 11 Сўнгра мен бир қарадим – мана, тахт ва жониворлар ҳамда қарияларнинг атрофида кўплаб фаришталарнинг овозини эшитдим. Уларнинг сони ўн минглаб, минг минглаб эди. \v 12 Улар кучли овоз билан айтар эдилар: “Сўйилган Қўзи куч-қудрат, бойлик, донолик, қувват, шараф, шуҳрат ҳамда дуони қабул қилишга лойиқдир!”

05/13.txt

@@ -0,0 +1 @@
+\v 13 Шунда смонда ва ерда, ер остида ва денгизда бўлган ҳар бир мавжудот, хуллас, уларда бўлган ҳамма нарса: “Тахтга Ўтирганга ва Қўзига абадулабад дуо, шон-шараф, шуҳрат ва салтанат бўлсин”,- деб сўзлаётганларини эшитдим. \v 14 Тўртта жонивор эса: “Омин”,- дедилар. Йигирма тўртта қария юз тубан йиқилиб, абадулабад Яшайдиганга сажда қилдилар.

06/01.txt

@@ -0,0 +1 @@
+\v 1 Мен Қўзининг еттита муҳрдан бирини ечганини кўрдим. Тўртта жонивордан бирининг гўёки момақалдироқ гулдурлашидек овоз билан: “Келгин”,- деганини эшитдим. \v 2 Мен бир қарадим – мана, оқ от чиқди, унинг устида камон ёйига эга чавандоз бор эди. Унга тож берилган эди. У ғалаба қозониш учун ғолибдек чиқди.

06/03.txt

@@ -0,0 +1 @@
+\v 3 Қўзи иккинчи муҳрни ечганида, мен иккинчи жониворнинг: “Келгин”,- деганини эшитдим. \v 4 Шунда бошқа бир жийрон от чиқди. Унинг устида ўтирганга ердан тинчликни олиш ҳокимияти берилган эди, токи одамлар бир бирларини ўлдирсинлар. Унга катта қилич ҳам берилди.

06/05.txt

@@ -0,0 +1 @@
+\v 5 Қўзи учинчи муҳрни ечганида, мен учинчи жониворнинг: “Келгин”,- деганини эшитдим. Мен бир қарадим – мана, қора от чиқди, унинг устида ўз қўлида тарозига эга бўлган чавандоз бор эди. \v 6 Шунда мен тўртта жониворнинг орасида: “Бир хойникс буғдой бир динорга, уч хойникс арпа бир динорга бўлсин; мой ва шаробга эса зиён етказма”,- деб айтаётган овозни эшитдим.

06/07.txt

@@ -0,0 +1 @@
+\v 7 У тўртинчи муҳрни ечганида эса, мен тўртинчи жониворнинг: “Келгин”,- деганини эшитдим. \v 8 Мен бир қарадим – мана, рангпар от чиқди, унинг устида исми “ўлим” бўлган чавандоз бор эди. Унинг ортидан тамуғ эргашар эди. Унга қилич, очлик, ўлат ва ер ҳайвонлари билан ўлдириш учун ернинг тўртинчи қисми устидан ҳокимият берилди.

06/09.txt

@@ -0,0 +1 @@
+\v 9 У бешинчи муҳрни ечганида, мен қурбонгоҳ остида Худонинг сўзи ва берган гувоҳликлари учун ўлдирилганларнинг жонларини кўрдим. \v 10 Улар баланд овоз билан фарёд қилиб: “Ё, Муқаддас ва Ҳаққоний Ҳукмдор, қачонгача ер юзида яшайдиганларни бизнинг қонимиз учун ҳукм қилиб, қасос олмайсан?”- дедилар. \v 11 Уларнинг ҳар бирига оқ кийим берилди. Ўзлари каби ўлдириладиган ҳамкор ва биродарлари сони тўлмагунга қадар, уларга яна озроқ вақтгача тинчланишлари айтилди.

06/12.txt

@@ -0,0 +1 @@
+\v 12 У олтинчи муҳрни ечганида, мен қарадим – мана, буюк зилзила бўлди. Қуёш жун кийимдек қоп қора бўлди, ой қондек бўлди. \v 13 Шунда кучли шамол тебратаётганида анжир ўзининг хом анжирларини тўкканидек, осмон юлдузлари ерга тўкилди. \v 14 Осмон гўёки ўрам ўралганидек йўқолиб кетди. Ҳар бир тоғ ҳамда орол ўринларидан кўчди.

06/15.txt

@@ -0,0 +1 @@
+\v 15 Ернинг подшоҳлару амалдорлари, бойлару мингбошилари, кучлилари, ҳар бир қул ва озод одам тоғнинг қоялари ораси ва ғорларига яшириндилар. \v 16 Улар тоғлару қояларга дедилар: “Устимизга қуланглар, бизни тахтда Ўтирганнинг юзидан ва Қўзининг қаҳридан тўсинглар. \v 17 Чунки Унинг буюк қаҳри куни келди ва ким бунга бардош бера олади?”

07/01.txt

@@ -0,0 +1 @@
+\v 1 Шундан кейин мен ернинг тўрт бурчагида турган тўртта фариштани кўрдим. Улар ерга ҳам, денгизга ҳам ҳеч қайси дарахтга ҳам шамол эсмаслиги учун ернинг тўрт шамолини тутиб турар эдилар. \v 2 Сўнгра барҳаёт Худонинг муҳрига эга бўлган, қуёш чиққан томондан кўтарилаётган бошқа фариштани кўрдим. У ер ва денгизга зиён етказиш учун ҳокимият берилган тўртта фариштага кучли овоз билан ҳайқириб деди: \v 3 “Худойимиз қулларининг пешаналарига муҳр қўймагунимизча, ерга ҳам, денгизга ҳам, дарахтларга ҳам зиён етказманглар”.

07/04.txt

@@ -0,0 +1 @@
+\v 4 Мен муҳрланганларнинг сонини эшитдим: муҳрланганлар Исроилнинг ўғилларининг барча қабилаларидан бир юз қирқ тўрт мингта эди. \v 5 Яҳудо қабиласидан ўн икки мингтаси муҳрланган эди. Рубен қабиласидан ўн икки мингтаси муҳрланган эди. Гад қабиласидан ўн икки мингтаси муҳрланган эди. \v 6 Ашер қабиласидан ўн икки мингтаси муҳрланган эди. Нафтали қабиласидан ўн икки мингтаси муҳрланган эди. Манашеҳ қабиласидан ўн икки мингтаси муҳрланган эди.

07/07.txt

@@ -0,0 +1 @@
+\v 7 Шимўн қабиласидан ўн икки мингтаси муҳрланган эди. Леви қабиласидан ўн икки мингтаси муҳрланган эди. Иссохор қабиласидан ўн икки мингтаси муҳрланган эди. \v 8 Забулун қабиласидан ўн икки мингтаси муҳрланган эди. Юсуф қабиласидан ўн икки мингтаси муҳрланган эди. Бенямин қабиласидан ўн икки мингтаси муҳрланган эди.

07/09.txt

@@ -0,0 +1 @@
+\v 9 Шундан сўнг мен бир қарадим – мана, турли миллату қабиладан, халқлару тиллардан бўлган, ҳеч ким санай олмаган кўп сонли одамлар тахт олдида ва Қўзи ҳузурида туришар эди. Улар оқ ридо кийиб, қўлларида палма шохлари тутиб, \v 10 баланд овоз билан: “Тахтда ўтирган бизнинг Худойимизга ва Қўзига нажот бўлсин!”- деб хитоб қилишар эди.

07/11.txt

@@ -0,0 +1 @@
+\v 11 Тахт, қариялар ва тўртта жониворнинг атрофида турган барча фаришталар тахтнинг олдида юз тубан йиқилиб, Худога сажда қилиб, шундай дейишар эди: \v 12 “Омин! Бизнинг Худойимизга ҳамду сано, шон-шуҳрат, донолик, миннатдорчилик, шон-шараф, куч-қудрат ва салтанат абадулабад бўлсин! Омин!”

07/13.txt

@@ -0,0 +1 @@
+\v 13 Қариялардан бири гап бошлаб, мендан сўради: “Оқ ридо кийган бу одамлар ким? Улар қаердан келдилар?” \v 14 Мен унга: “Сиз биласиз, ҳазратим”,- дедим. У эса менга: “Булар – буюк азобдан келганлар. Улар кийимларини Қўзининг Қони билан ювиб оқартирдилар,- деди,-

07/15.txt

@@ -0,0 +1 @@
+\v 15 Шунинг учун улар энди Худонинг тахти олдида турадилар ва Унинг маъбадида туну кун Унга хизмат қиладилар. Тахтда Ўтирадиган эса чодирини уларнинг устида қуради. \v 16 Улар бошқа оч қолмайдилар, чанқамайдилар. Энди қуёш ёки бирон-бир жазирама уларни куйдирмайди. \v 17 Чунки тахт ўртасидаги Қўзи уларга чўпонлик қилиб, уларни тирик сув булоқларига олиб боради. Худо уларнинг кўзларидан барча кўз ёшларини артиб олади”.

08/01.txt

@@ -0,0 +1 @@
+\v 1 У еттинчи муҳрни ечганида, осмонда ярим соатча сукут чўкди. \v 2 Мен Худонинг ҳузурида турган еттита фариштани кўрдим. Уларга еттита карнай берилди.

08/03.txt

@@ -0,0 +1 @@
+\v 3 Бошқа фаришта келиб, қурбонгоҳнинг қаршисида турди. Унинг қўлида хушбўй тутатқилар тутатишга мосланган олтин идиш бор эди. Тахтнинг олдидаги олтин қурбонгоҳ устига барча муқаддасларнинг ибодатлари билан бирга солиш учун унга кўп хушбўй тутатқи берилди. \v 4 Шунда муқаддасларнинг ибодати билан хушбўй тутатқи фариштанинг қўлидан Худонинг ҳузурига кўтарилди. \v 5 Фаришта эса тутатқи тутатиладиган идишни олиб, уни қурбонгоҳдаги олов билан тўлдириб, буни ер юзига тўкди. Ўшанда шовқинлар, момақалдироқлар, чақмоқ ва зилзилалар содир бўлди.

08/06.txt

@@ -0,0 +1 @@
+\v 6 Еттита карнайга эга бўлган еттита фаришта карнай чалишга тайёрланди. \v 7 Биринчи фаришта карнай чалди, мана – қон билан аралашган дўл ва олов ерга ёғдирилди. Шунда ернинг учдан бир қисми ёниб кетди, дарахтларнинг учдан бир қисми ёниб кетди, бор яшил ўт ҳам ёниб кетди.

08/08.txt

@@ -0,0 +1 @@
+\v 8 Иккинчи фаришта карнай чалди, мана – ловуллаб ёнаётган гўёки катта тоғ денгизга қулади. Шунда денгизнинг уч қисми қонга айланди, \v 9 денгизда яшайдиган тирик жонзодларнинг учдан бир қисми ўлди, кемаларнинг ҳам учдан бир қисми нобуд бўлди.

08/10.txt

@@ -0,0 +1 @@
+\v 10 Учинчи фаришта карнай чалди, мана – осмондан ёнаётган чироққа ўхшаш катта юлдуз қулаб, дарёларнинг учдан бир қисмига ва сув булоқларига тушди. \v 11 Шу юлдузнинг исми “Эрман” эди. Сувларнинг учдан бир қисми эрманга айланди. Кўп одамлар сувдан ҳалок бўлдилар, чунки сув аччиқ бўлди.

08/12.txt

@@ -0,0 +1 @@
+\v 12 Тўртинчи фаришта карнай чалди, мана – қуёшнинг учдан бир қисми, ойнинг учдан бир қисми ҳамда юлдузларнинг учдан бир қисми шикастланди. Шунда уларнинг учдан бир қисми қоронғилашди, куннинг учдан бир қисми эса тундек қоронғи бўлди.

08/13.txt

@@ -0,0 +1 @@
+\v 13 Сўнгра мен осмоннинг ўртасида учаётган ва кучли овоз билан сўзлаётган бир бургутни кўриб, унинг: “Карнай чаладиган бошқа учта фариштанинг карнайи садосидан ер юзида яшаётганларнинг ҳолига вой, ҳолига вой, ҳолига вой!”- деганини эшитдим.

09/01.txt

@@ -0,0 +1 @@
+\v 1 Бешинчи фаришта карнай чалди, мана – осмондан ерга тушган юлдузни кўрдим. Унга тубсизлик қаърининг калити берилган эди. \v 2 У тубсизлик қаърини очди, шунда гўё катта ўчоқдан тутун чиққанидек, ўша тубсизликдан тутун чиқди. Тубсизликдан чиққан тутундан қуёш ва ҳаво қоронғилашди.

09/03.txt

@@ -0,0 +1 @@
+\v 3 Тутундан ерга чигирткалар чиқди. Уларга ер юзидаги чаёнлар эга бўлган ҳокимият берилган эди. \v 4 Чигирткаларга ернинг ўтига ҳам, бирор кўкатига ҳам, бирор дарахтига ҳам зиён етказманглар, фақатгина пешаналарида Худонинг муҳрига эга бўлмаган одамларга зарар етказинглар, деб дейилган.

09/05.txt

@@ -0,0 +1 @@
+\v 5 Чигирткаларга одамларни ўлдириш эмас, фақат уларга беш ой қийнаш берилган эди. Уларнинг азоблаши – чаён одамни чаққанидаги азобдек эди. \v 6 Ўша кунларда одамлар ўлимни излайдилар, аммо уни топа олмайдилар; ўлишни истайдилар, аммо ўлим улардан қочади.

09/07.txt

@@ -0,0 +1 @@
+\v 7 Чигирткаларнинг кўриниши эса жангга тайёрланган отларга ўхшар эди. Уларнинг бошларида гўёки олтинга ўхшаган тожлар бор эди, уларнинг юзлари эса одамларнинг юзларига ўхшаган эди. \v 8 Уларнинг сочлари аёлларнинг сочларидек, уларнинг тишлари эса шернинг тишларидек эди. \v 9 Уларнинг гўёки темир зирҳдек совути бор эди, қанотларининг шовқини эса – жангга югураётган кўплаб отлару жанг араванинг шовқинидек эди.

09/10.txt

@@ -0,0 +1 @@
+\v 10 Уларнинг чаёнларникидек думлари ва нишлари бор эди. Ўша думларида эса одамларга беш ой зарар етказиш учун ҳокимият бор эди. \v 11 Уларнинг устидан тубсизликнинг фариштаси подшоҳлик қилади. Унинг исми иброний тилида Абаддон, юнон тилида эса Аполлион эди. \v 12 Бир кулфат ўтди, мана, унинг ортидан яна иккита кулфат келмоқда.

09/13.txt

@@ -0,0 +1 @@
+\v 13 Олтинчи фаришта карнай чалди, мана – Худонинг ҳузурида турган олтин қурбонгоҳнинг тўртта шохидан кўтарилган бир овозни эшитдим. \v 14 У карнайга эга бўлган олтинчи фариштага: “Буюк Фрот дарёси бўйида боғланган тўртта фариштани ечиб юборгин”,- деди. \v 15 Шунда одамларнинг учдан бир қисмини ўлдириш учун маълум соат, кун, ой ва йилга тайёрланган тўртта фаришта ечиб юборилди.

09/16.txt

@@ -0,0 +1 @@
+\v 16 Отлиқ қўшинларнинг сони икки юз миллион эди ва мен уларнинг сонини эшитдим. \v 17 Шундай қилиб, мен ваҳий кўринишида отларни ва уларнинг устида ўтирган, оташин ва ложувард ва олтингугуртли совут кийган чавандозларни кўрдим. Отларнинг бошлари шерларнинг бошларига ўхшар эди. Уларнинг оғизларидан эса олов, тутун ҳамда олтингугурт чиқар эди.

09/18.txt

@@ -0,0 +1 @@
+\v 18 Мана, шу учта ярадан – отларнинг оғизларидан чиқаётган олов, тутун ва олтингугуртдан одамларнинг учдан бир қисми ўлиб кетди. \v 19 Зеро отларнинг кучи оғзида ҳам, думларида ҳам эди. Уларнинг думлари эса бошга эга бўлиб, илонга ўхшар эди. Улар шу бошлари билан зиён етказар эдилар.

09/20.txt

@@ -0,0 +1 @@
+\v 20 Бу яралардан ўлмаган бошқа одамлар ўз қўлларининг ишларидан тавба қилмадилар ва кўра олмайдиган, эшита олмайдиган, юра олмайдиган олтин, кумуш, мис, тош, тахта бутларга ҳамда ёвуз руҳларга сажда қилишдан воз кечмадилар. \v 21 Ўзларининг қотиллик, сеҳргарлик, зинокорлик ва ўғирликларидан ҳам тавба қилмадилар.

10/01.txt

@@ -0,0 +1 @@
+\v 1 Мен осмондан тушиб келаётган, булутларга бурканган бошқа кучли фариштани кўрдим. Унинг боши устида камалак бор эди. Унинг юзи қуёшдек бўлиб, оёқлари оташин устундек эди. \v 2 Унинг қўлида очиқ китобча бор эди. У ўзининг ўнг оёғини денгизга, чапини эса ерга қўйиб,

10/03.txt

@@ -0,0 +1 @@
+\v 3 шер бўкирганидек кучли овоз билан ҳайқирди. У ҳайқирганида, еттита момақалдироқ ўз овози билан сўзлади. \v 4 Еттита момақалдироқ ўз овози билан сўзлаганида, мен ёзмоқчи бўлдим. Аммо осмондан менга: “Еттита момақалдироқ сўзлаган нарсани муҳрлаб, буларни ёзмагин”,- деган садони эшитдим.

10/05.txt

@@ -0,0 +1 @@
+\v 5 Мен кўрган, денгиз ва ерда турган фаришта қўлини осмонга кўтарди. \v 6 У осмон ва ундаги ҳамма нарсани, ер ва ундаги ҳамма нарсани, денгиз ва ундаги ҳамма нарсани яратган, абадулабад барҳаёт Бўлган билан қасам ичиб: “Бошқа вақт бўлмайди,- деб айтар эди,- \v 7 Аммо еттинчи фаришта овоз берадиган кунларда, у карнай чалганида, Худо пайғамбарларига башорат қилганидек, Унинг сири амалга ошади”.

10/08.txt

@@ -0,0 +1 @@
+\v 8 Мен осмондан эшитган овоз яна мен билан суҳбатлашиб: “Бориб, денгизда ва ерда турган фариштадан очиқ китобчани олгин”,- деди. \v 9 Мен фариштанинг олдига бориб, унга: “Менга китобчани бергин”,- дедим. У менга: “Олиб, уни егин. У сенинг қорнингда аччиқ бўлади, аммо оғзингда асалдек ширин бўлади”,- деди.

10/10.txt

@@ -0,0 +1 @@
+\v 10 Мен китобчани фариштанинг қўлидан олиб, уни едим. У менинг оғзимда асалдек ширин эди. Уни еганимдан кейин эса қорнимда аччиқ бўлди. \v 11 У менга: “Сен яна кўп халқлар, қабилалар, миллатлару подшоҳлар ҳақида башорат қилишинг керак”,- деди.

11/01.txt

@@ -0,0 +1 @@
+\v 1 Менга ҳассага ўхшаш бир қамиш берилиб, дейилди: “Туриб, Худонинг маъбадини, қурбонгоҳни ва маъбадда сажда қилаётганларни ўлчаб чиққин. \v 2 Маъбаднинг ташқи ҳовлисини эса ажратиб қўйиб, уни ўлчамагин, чунки у мажусийларга берилган. Улар муқаддас шаҳарни қирқ икки ой топтайдилар.

11/03.txt

@@ -0,0 +1 @@
+\v 3 Менинг икки гувоҳимга ҳокимият бераман. Улар қанор кийиб, бир минг икки юз олтмиш кун башорат қиладилар. \v 4 Булар аслида бутун замин Худосининг олдида турадиган иккита чироқ ва иккита зайтун дарахтидир. \v 5 Агар бирор киши уларни хафа қилмоқчи бўлса, уларнинг оғзидан олов чиқади ва душманини еб битиради. Бирор киши уларни хафа қилмоқчи бўлса, у шу йўсинда ўлдирилиши керак.

11/06.txt

@@ -0,0 +1 @@
+\v 6 Улар башорат қилиш кунларида, ерга ёмғир ёғмаслиги учун самони ёпиш ҳокимиятига эгадирлар. Улар сувларни қонга айлантириш ва истаган вақтида ерни турли яра билан шикастлаш ҳокимиятига эгадирлар. \v 7 Улар гувоҳликларини тугатгач, тубсизликдан чиқадиган ҳайвон улар билан курашади ва уларни енгиб, уларни ўлдиради.

11/08.txt

@@ -0,0 +1 @@
+\v 8 Уларнинг мурдасини эса буюк шаҳарнинг кўчасига ташлаб кетади. Ўша шаҳар —  “Садўм” ва “Миср”, руҳий деб аталади; бизнинг Раббимиз ҳам у ерда хочга михланган эди. \v 9 Халқлару қабилалардан, тиллару авлодлардан бўлган кўпчилик уч ярим кун уларнинг мурдаларига қарайдилар ва уларнинг мурдаларини қабрга қўйишга рухсат бермайдилар.

11/10.txt

@@ -0,0 +1 @@
+\v 10 Шунда ер юзида яшайдиганлар бундан шодланиб, қувонадилар ва бир-бирларига совғалар юборадилар, чунки бу икки пайғамбар ер юзида яшайдиганларни азоблар эдилар. \v 11 Аммо уч ярим кундан сўнг уларга Худодан ҳаёт Руҳи кирди ва улар оёққа турди. Уларни кўриб турганларни эса буюк даҳшат қамради. \v 12 Уларга осмондан: “Бу ерга чиқинглар”,- деган кучли овозни эшитдилар. Улар осмонга булутда кўтарилдилар, душманлари эса уларга қараб турар эди.

11/13.txt

@@ -0,0 +1 @@
+\v 13 Айнан ўша соатда буюк зилзила содир бўлди. Шаҳарнинг ўндан бир қисми қулади. Зилзилада етти минг инсоннинг исми ҳалок бўлди. Бошқалар эса даҳшатда қолиб, осмондаги Худони шарафладилар. \v 14 Иккинчи кулфат ўтди. Мана, учинчи кулфат тез келмоқда.

11/15.txt

@@ -0,0 +1 @@
+\v 15 Еттинчи фаришта карнай чалди, ўшанда осмонда: “Дунёнинг шоҳлиги Раббимиз ва Унинг Масиҳининг шоҳлиги бўлди. У абадулабад шоҳлик қилади”,- деб айтаётган кучли овозлар жаранглади.

11/16.txt

@@ -0,0 +1 @@
+\v 16 Худонинг олдидаги ўз тахтларида ўтирган йигирма тўртта қария юз тубан йиқилдилар ва Худога сажда қилиб, \v 17 дедилар: “Эй, ҳозир бор, азалда бор бўлган ва келаётган Раббий Қодир Худо! Сен буюк кучингни қабул қилиб, шоҳ ўрнини эгаллаганинг учун Сендан миннатдормиз.

11/18.txt

@@ -0,0 +1 @@
+\v 18 Мажусийлар қутурдилар, Сенинг ҳам қаҳринг келди. Энди ўликларни ҳукм қилишнинг ҳамда қуллару пайғамбарларингни, муқаддасларингни, Сенинг номингдан қўрқадиган каттаю кичикларни тақдирлашнинг ва ерни хароб қилувчиларни хароб қилишнинг вақти келди”.

11/19.txt

@@ -0,0 +1 @@
+\v 19 Мана, осмонда Худонинг маъбади очилди. Унинг маъбадида Унинг амрининг киботи кўринди. Шунда чақмоқлар, шовқинлар, момақалдироқ, зилзила ва буюк дўл содир бўлди.

12/01.txt

@@ -0,0 +1 @@
+\v 1 Осмонда буюк аломат содир бўлди: қуёшга бурканган аёл пайдо бўлди, унинг оёқлари остида ой, унинг бошида эса ўн иккита юлдуздан иборат тож бор эди. \v 2 У ҳомиладор бўлиб, тўлғоқ азобларидан ҳамда оғриқдан қичқирар эди.

12/03.txt

@@ -0,0 +1 @@
+\v 3 Осмонда яна бошқа аломат содир бўлди – мана, етти бошли, ўн шохли катта қизил аждар пайдо бўлди, унинг бошларида эса еттита тож бор эди. \v 4 Унинг думи осмондан юлдузларнинг учдан бир қисмини тортиб кетди ва уларни ерга улоқтирди. Шу аждар туғиши керак бўлган хотиннинг ёнида турди, токи туққанидан кейин унинг боласини ютиб юборсин.

12/05.txt

@@ -0,0 +1 @@
+\v 5 Аёл эса барча халқларга темир ҳасса билан чўпонлик қилиши керак бўлган ўғилни туғди, ва унинг боласи Худога, Унинг тахти олдига олиб чиқиб кетилди. \v 6 Аёл эса саҳрога қочиб кетди. У ерда Худодан унга жой тайёрланган эди, токи у бир минг икки юз олтмиш кун у ерда озиқлансин.

12/07.txt

@@ -0,0 +1 @@
+\v 7 Осмонда уруш бўлди – Микаэл ва унинг фаришталари аждарга қарши жанг қилдилар. Аждар ва унинг фаришталари эса уларга қарши жанг қилдилар, \v 8 аммо дармонсиз бўлиб қолдилар ва уларга осмонда бошқа жой топилмади. \v 9 Шунда бутун дунёни алдаб йўлдан оздираётган, шайтон ва иблис, деб аталадиган улуғ аждар, қадимги илон ағдарилди. У ўз фаришталари билан бирга ерга ағдарилди.

12/10.txt

@@ -0,0 +1 @@
+\v 10 Мен осмонда сўзлаётган кучли овозни эшитдим: “Энди Худойимизнинг нажоти, қудрати, шоҳлиги ҳамда Масиҳнинг ҳокимияти амалга ошди, чунки биродарларимизнинг айбловчиси, туну кун Худонинг олдида уларни айбловчи ерга ағдарилди.

12/11.txt

@@ -0,0 +1 @@
+\v 11 Улар эса Қўзининг қони ва ўзларининг гувоҳлик сўзи билан уни енгдилар. Улар ўз ҳаётларини то ўлгунча севмаган эдилар. \v 12 Шунинг учун, эй, самолар ва унда яшовчилар, қувонинглар! Ерда ва денгизда яшовчиларнинг ҳолига вой! Чунки иблис вақт оз қолганини билиб, сизнинг олдингизга ўта ғазаб билан тушди”.

12/13.txt

@@ -0,0 +1 @@
+\v 13 Аждар ўзининг ер юзига ағдарилганини кўриб, ўғил туққан аёлни қува бошлади. \v 14 Аёлга эса улкан бургутнинг икки қаноти берилди, токи у илоннинг юзидан саҳрога, ўзининг жойига учсин ва ўша жойда маълум вақт, муддат ҳамда ярим вақт озиқлансин.

12/15.txt

@@ -0,0 +1 @@
+\v 15 Илон аёлни тошқинда оқизиш учун унинг ортидан оғзидан тошқиндек сув чиқарди. \v 16 Аммо ер аёлга ёрдам берди, ер ўз оғзини очиб, аждар оғзидан чиқарган тошқинни ютиб юборди. \v 17 Шунда аждар аёлдан қаттиқ ғазабланди. У аёлнинг уруғининг қолдиғи, яъни Худонинг амрини сақлаётган ҳамда Исо Масиҳнинг гувоҳлигига эга бўлганлар билан жанг қилгани чиқди.

13/01.txt

@@ -0,0 +1 @@
+\v 1 Мана, денгиздан чиқиб келаётган етти бошли, ўн шохли йиртқич ҳайвонни кўрдим. Унинг шохларида ўнта тож бор эди. Бошларида эса куфрона номлар ёзилган эди. \v 2 Мен кўрган йиртқич ҳайвон қоплонга ўхшар эди. Унинг оёқлари айиқнинг оёқларидек, унинг оғзи эса шернинг оғзидек эди. Аждар унга ўзининг қудрати, тахти ва буюк ҳокимиятни берди.

13/03.txt

@@ -0,0 +1 @@
+\v 3 Мана, мен кўрдимки, унинг бошларидан бири гўёки сўйилган эди, аммо бу ҳалокатли яра шифоланди. Бутун ер эса йиртқич ҳайвонни кузатиб, ҳайратланди ва йиртқич ҳайвонга ҳокимият берган аждарга сажда қилди. \v 4 Шунингдек: “Ким бу йиртқич ҳайвонга ўхшаш? Ким у билан жанг қила олади?”- дея ҳайвонга сажда қилди.

13/05.txt

@@ -0,0 +1 @@
+\v 5 Йиртқич  ҳайвонга мағрур ва куфрона сўзлайдиган оғиз берилди. Унга қирқ икки ой фаолият юритиш ҳокимияти ҳам берилди. \v 6 У Худонинг номи, Унинг қароргоҳи ва осмонда яшайдиганларни куфрлаш мақсадида Худога куфр келтириш учун оғзини очди.

13/07.txt

@@ -0,0 +1 @@
+\v 7 Унга муқаддаслар билан уришиш ва уларни енгиш учун изн берилди. Шунингдек, ҳар бир қабила, халқ, миллат ва элатнинг устидан ҳокимият берилди. \v 8 Дунё яратилишиданоқ сўйилган Қўзининг ҳаёт китобида исмлари ёзилмаган, ер юзида яшаётганларнинг барчаси унга сажда қилишади.