Tpi_php_TN/front/intro.md

Tok i go pas long Buk bilong Filipai

Hap 1: Ol Bikpela Hap Tok I Go Pas

Ol het tok long Buk bilong Filipai

1. Amamas tok, tok tenkyu na prea (1:1-11)
2. Ripot bilong Pol long wok misin bilong em (1:12-26)
3. Ol Stia Tok 

• Long sanap strong (1:27-30)

• Long bung wantaim (2:2-2)

• Long daun pasin (2:3-11)

• Long wok painim aut pasin God i wokim insait long yumi long kisim bek yumi (2:12-13)

• I nogat asua na lait (2:14-18)

1. Timoti na Epafroditas  (2:19-30)

2. Tok lukaut long giaman skul tok  (3:1-4:1)

3. Stia tok bilong wanpela man (4:2-5)

4. Stap wantaim amamas na noken tingting planti (4:4-6)

5. Laspela hap bilong pinisim tok

• Ol pasin i gutpela (4:8-9)
• Amamas long wanem yu gat  (4:10-20)
• Laspela amamas tok  (4:21-23)

Husait i raitim Buk bilong Filipai?

Pol i raitim Buk bilong Filipai. Pol i bilong biktaun Tasus. Ol i save kolim em Sol long bipo laip bilong em. Bipo long em bai i kamap kristen, Pol em wanpela Farisi. Em i save kilim ol kristen. Bihain long em i bin kamap kristen, em i bin raun sampela taim insait long Kingdom bilong Rom na tokim ol manmeri long Jisas. 

Pol i bin raitim dispela pas taim em i stap kalabus insait long Rom.

Buk bilong Filipai i toktok long wanem samting?

Pol i raitim dispela pas i go long ol bilip manmeri bilong Filipai, wanpela biktaun insait long Masedonia. Em i rait long tok tenkyu long ol Filipai long ol samting ol i salim long em. Em i laik tru long tokim ol long stap bilong em long kalabus na long givim gutpela tok long mekim ol i amamas, maski taim ol i bungim bikpela hevi. Na tu em i rait na tokim ol long wanpela man nem bilong em Epafroditas. Em dispela man husait i bin karim ol presen i go long Pol. Taim Epafroditas i go long visitim Pol, em i bin sik. Olsem na, Pol i laik salim em i kam bek long Filipai. Pol i mekim gutpela tok long ol bilip manmeri bilong Filipai long kisim em na mekim gut long Epafroditas taim em i kam bek.

Bai ol trensletim taitel bilong dispela buk olsem wanem?

Ol lain bilong tanim Buk Baibel (Trensleta) i ken bihainim olpela nem bilong dispela buk olsem "Filipai". O nogat, ol i ken makim kain taitel olsem, "Pas Pol I Raitim I Go Long Sios Bilong Filipai".  (Lukim: rc://en/ta/man/translate/translate-names)

Hap 2: Bikpela Lotu Pasin na Kastom Tingting (Pasin)

Biktaun bilong Filipai i luk olsem wanem?

Filip, papa bilong bikman i gat pawa ol i kolim Alexander, i kamapim Filipai long ples Masedonia. Dispela i minim olsem ol asples man bilong Filipai i kamap asples man bilong Rom tu. Tasol Pol i tokim ol bilip manmeri olsem yupela i asples lain bilong heven (3:20).

Hap 3: Ol Bikpela Toktok Insait long Trenslesen

Wanpela na Planti "yu'

Insait long dispela buk, dispela tok "Mi" i toktok long Pol. Dispela tok "yu" olgeta taim i save toktok long planti na i toktok long ol bilip manmeri bilong Filipai. Tok orait bilong dispela i stap long Sapta 4:3. (Lukim: rc://en/ta/man/translate/figs-exclusive na rc://en/ta/man/translate/figs-you)

Husat em ol ''birua bilong diwai kros bilong Krais'' (3:18) insait long dispela pas?

Ol ''birua bilong diwai kros bilong Krais'' i mas ol manmeri husait i kolim ol yet bilip lain, tasol ol i no bihainim ol lo bilong God. Ol i ting olsem long stap fri insait long Krais i mas minim olsem ol i ken mekim wanem ol i laik na God bai i no inap givim ol bikpela hevi (3:19).

Bilong wanem na dispela tok ''amamas'' na ''amamas tru'' ol i yusim planti taim insait long dispela pas?

Pol i stap long kalabus taim em i raitim dispela pas (1:7). Maski taim em i bungim bikpela hevi, Pol i toktok planti taim olsem em i pulap wantaim amamas, long wanem God i bin mekim gutpela pasin tru long em long pasin bilong pas wantaim Jisas Krais. Em i laik helpim ol lain i ritim dispela pas long i gat wankain bilip insait long Jisas Krais. (Lukim: rc://en/ta/man/translate/figs-irony)

Pol i minim wanem, taim em i mekim dispela tok ''insait long Krais,'' ''insait long Bikpela,'' na moa yet?

Dispela kain toktok i kamap insait long  1:1, 8, 13, 14, 26, 27; 2:1, 5, 19, 24, 29; 3:1, 3, 9, 14; 4:1, 2, 4, 7, 10, 13, 19, 21. Pol i minim dispela pasin na tingting bilong stap klostu insait wantaim Krais na ol bilip manmeri. Lukim dispela tok i go pas long Buk bilong Rom long save moa long dispela toktok.

Wanem ol dispela bikpela tok i stap insait long Buk bilong Filipai?

• Sampela ol buk i gat ''I Tru''(Amen) i stap long arere na pinis bilong pas (4:23). ULB,UDB na ol arapela  nupela ol buk i no gat dispela. Sapos ''I Tru''(Amen) i stap insait, em i mas stap insait long bokis o banis ([]) long soim olsem em i no bin stap long buk bilong Filipai. (Lukim: rc://en/ta/man/translate/translate-textvariants )