1.3 KiB
Mainayon a Palawag ken Pakaammo:
Itultuloy ni Yahweh nga it-ited kenni Jeremias ti mensahena kadagiti tattao ti Juda.
Sapasap a Pakaammo:
Kadagitoy a bersikulo, dagiti sao a "kadakuada" ken "isuda" ket dakdakamatenna dagiti tattao iti Juda.
Kuna ni Yahweh a Mannakabalin amin
Masansan nga usaren ni Jeremias dagitoy a sasao tapno ipakaammo ti maysa a napateg a mensahe a naggapu kenni Yahweh. Kitaen no kasanoyo nga impatarus daytoy idiay Jeremias 6:6.
Inayonyo dagiti datonyo a maipuor amin kadagiti sagutyo ken ti karne manipud kadagitoy
Nausar dagitoy a sasao a mangiyunay-unay nga awan kadagiti datonda ti makaay-ayo kenni Yahweh. Mabalin a maipatarus daytoy a kas iti: "Mapankayo ket kanenyo dagiti daton a maipuor amin kasta met dagiti sagutyo ken ti karne manipud kadagitoy" (Kitaen: Irony)
Dumngegkayo iti timekko
Ditoy, ti dumngeg iti timek ni Yahweh ket kayatna a sawen a denggen dagiti sasaona ken tungpalen dagiti ibagana. Mabalin a maipatarus daytoy a kas iti: "Denggen ken tungpalenyo ti ibagak" (Kitaen: Metonymy)
magnakayo iti amin a wagas nga ibilbilinko kadakayo
Sarsaritaen ni Yahweh ti panangtungtungpal kadagiti bilinna a kasla ti maysa ket magmagna kadagitoy, kas iti tao a mabalin a magna iti igid ti kalsada. Mabalin a maipatarus daytoy a kas iti: "aramidenyo amin dagiti ibilbilinko kadakayo" (Kitaen: Metaphor)