2.0 KiB
Makugitkayo koma kenni Yahweh ken ikkatenyo dagiti akin-rabaw a kudil dagiti pusoyo
Iladladawan ni Yahweh ti kinapasnek dagiti tattao kenkuana no maipapan iti napisikalan a pagilasinan iti katulagan. Mabalin a maipatarus daytoy a kas iti: “Idatonyo a naan-anay dagiti bagbagiyo kenni Yahweh” (Kitaen Metaphor)
Makugitkayo…. ikkatenyo dagiti akin-rabaw a kudil kadagiti pusoyo
Agpada ti kayat a sawen dagitoy a dua a ragup ti sasao. Agkakadua dagitoy a mangiyunay-unay iti bilin. (Kitaen:Parallelism)
gumil-ayabto a kasla apuy ti rungsotko ken manguram nga awan ti uray siasino a makaiddep iti daytoy
Ibagbaga ni Yahweh a kasla apuy ti napalalo a pungtotna. Mabalin a maipatarus daytoy a kas iti: “manguram iti pungtotko a kasla apuy ket awan uray maysa a makabael a manglapped kaniak” (Kitaen: Simile)
rungsot
“nakaro a pungtot”
Ipakaammoyo idiay Juda ken ipangngegyo iti Jerusalem
Agpada ti kayat a sawen dagitoy a rarup ti sasao. Agkadua dagitoy a mangiyunay-unay iti bilin. ( Kitaen: Parallelism)
ipangngegyo iti Jerusalem
Mabalin a maipatarus daytoy a kas iti: “ipangngegyo kadagiti tattao ti Jerusalem” (Kitaen: Active wenno Passive)
Pagunienyo ti tangguyob iti daga
Maaramat ti tangguyob a mangballaag kadagiti tattao a rarautenen ida dagiti kabusorda.
Mapantayo kadagiti nasarikedkedan a siudad
Masapul a mapanda kadagiti napalagda a siudad tapno masalaknibanda kadagiti kabusorda.
didigra…dakkel a pannakarebba
Agpada ti kaipapanan dagitoy a ragup ti sasao. Ti ragup ti sasao a “kasta unay a pannakarebba” ket ilawlawagna no ania ti “didigra” a mapasamakto. (Kitaen: Doublet)
ta mangiyegak ti didigra manipud amianan ken dakkel a pannakarebba
Ibagbagi daytoy ti Dios a mangibaon iti armada nga aggapu iti amianan a mangdidigra ken mangdadael iti Juda. Mabalin a maipatarus daytoy a kas iti: ”ta mangpataudakto iti armada nga aggapu iti amianan nga umay mangdadael kadakayo” (Kitaen:Metaphor)
manipud amianan
Ibagbagi daytoy ti kabusor nga armada nga umay nga aggapu iti amianan. (Kitaen: Metonyny)