1.6 KiB
O daga, saanmo nga abbongan ti darak
Agsasao ni Job iti “daga” uray no saanna a mangngeg isuna, tapno mangnayon ti panangiyunay-unay iti salaysayna. Ti lubong ket nagbalin a tao a kasla nakasagana aa pangkalub iti darana kalpasan ti ipapatayna. Mabalin nga ipatarus daytoy a kas: “Tarigagayak a saan a maipasagepsep ti darak iti daga ngem agtalinaed daytoy iti rabaw iti daga kas pammanaknek iti pannakatayko” (Kitaen: Apostrophe and Personification)
O daga, saanmo nga abbongan ti darak
Sarsaritaen ni Job ti matmatay a bagina a kasla napapatay isuna. Ditoy, ti “dara” ket metonym a ti dakdakamatenna ket ti ipapatayna. Mabalin nga ipatarus daytoy a kas: “O daga, inton matayak, saanmo nga ilemmeng ti saan a nainkalintegan nga ipapatayko” wenno “Saan koma a mailemmeng ti saan a nainkalintegan nga ipapatayko” (Kitaen: Metonymy)
awan koma ti disso a paginanaan ti asugko
Sarsaritaen ni Job a kayatna a maammoan ti tunggal maysa ti napasamak kenkuana a kasla maysa a tao ti “sangitna” a saan nga agsarsardeng nga agpanpaneknek iti napasamak kenkuana ken saan a pulos nga aginana. Mabalin nga ipatarus daytoy a kas: “Mangngeg koma ti tunggal maysa ti napasamak kaniak” (Kitaen: Personification)
adtoy
Us-usaren ni Job daytoy a sao tapno imdenganna ti sumaruno nga ibagana. Mabalin nga ipatarus daytoy a kas: “dumngegka” (Kitaen: Idiom)
ti saksik ket adda iti langit
Agtaltalek ni Job nga adda ti tumakder nga agsao para kenkuana iti Dios.
mangikalintegan
“agpaneknek”
adda iti ngato
Mabalin nga ipatarus daytoy a kas: “iti langit” wenno “iti nangato a langit” (Kitaen: Idiom)