ceb_tn/psa/051/007.md

Putlia ako... mahinlo ako... hugasi ako... mahimo akong mas puti pa sa niyebe

Ang pagdawat sa Dios sa usa ka tawo ginatawag nga hinlo o puti. Ginahimo sa Dios ang usa ka tawo nga takos sa iyang pagdawat pinaagi sa pagpasaylo sa iyang mga sala.

Putlia ako gamit ang hisopo

Ang manunulat naghisgot sa Dios ingon nga ang Dios usa ka pari nga magwisikwisik ug tubig kaniya aron nga mahimong takos sa pagdawat sa Dios. Ang ubang paagi sa paghubad: "Himoa ako nga takos pinaagi sa pagwisik ug hisopo kanako" o "Pasayloa ako sa akong mga sala aron nga mahimo akong takos sa imong pagdawat"

hisopo

usa kini ka tanom nga ginagamit sa mga pari aron sa pagwisikwisik sa tubig o dugo aron mahimo kining hinlo sa seremonyas, o aron mahimong takos nga dawaton sa Dios.

mas puti pa kaysa sa niyebe

Ang pagkawalay sala gitawag dinhi ingon nga puti. Ang ubang paagi sa paghubad: "puti gayod kaayo"

kalipay ug pagsadya

Kining duha ka pulong managsama lamang ang ipasabot ug nagpaklaro sa iyang tinguha nga makadungog ug makapalipay nga mga butang.

aron nga magmaya ang kabukogan nga imong gidugmok

Ang hilabihan nga pagkaguol gihulagway dinhi ingon nga nadugmok nga mga bukog. Ang ubang paagi sa paghubad: "Tungod kay ikaw ang hinungdan sa hilabihan nga kaguol sa akong kinasuloran. Tugoti ako nga maglipay pag-usab!"

Itago ang imong nawong gikan sa akong mga sala

Kini nga pulong nagpasabot nga dili paghunahuna o paghinumdom sa mga sala. Gihulagway kini nga daw usa ka butang nga mahimong malikayan o dili tan-awon. Ang ubang paagi sa paghubad: "Ayaw tan-awa ang akong mga sala" o "ayaw na hinumdomi ang akong mga sala" o "taboni ang imong mata aron dili nimo makita ang akong mga sala"

papaa ang akong kasal-anan

Ang pagpasaylo sa mga sala mahimong naghisgot nga: 1) papason kini o 2) pagpapas sa nahisulat diha sa listahan sa mga sala. Ang ubang paagi sa paghubad: "pasayloa ang akong sala sama sa tawo nga nagtrapo." o "kalimti ang sala sama sa usa ka tawo nga nagapapas sa listahanan sa mga sala.