See in Reader
1.6 KiB
Kinatibuk-ang Kasayoran:
Ang manunulat nagpadayon sa paghisgot sa mga tawo nga nagtuo nga makaluwas kanila ang ilang mga bahandi.
Sama sa karnero
Ang manunulat nagtandi sa mga tawo nga mamatay nga daw mga karnero. Sama nga ang karnero dili makaikyas sa dihang ang matadero modesisyon nga ihawon na sila, busa ang mga tawo usab dili makaikyas kung takna na sa ilang kamatayon.
gitagana sila
Ang ubang paagi sa paghubad: "Gipili sila sa Dios"
ang kamatayon mao ang ilang magbalantay
Gihimo dinhi sa manunulat ang "kamatayon" nga daw usa ka tawo nga mahimong "magbalantay" sa mga tawo nga mamatay. Ang ubang paagi sa paghubad: "Ang kamatayon modala kanila sama nga dad-on sa magbalantay sa karnero ang mga karnero aron ihawon."
sa kabuntagon
Ang pulong dinhi nga "kabuntagon" usa ka sambingay nga naghisgot sa takna nga hingpiton sa Dios ang matarong nga mga tawo ug luwason sila gikan sa mga daotang mga tawo.
ang ilang kalawasan lamuyon didto sa Sheol
Naghisgot dinhi ang manunulat sa "Sheol", ang lugar sa mga patay, nga daw kini usa ka tawo o hayop nga makahimo sa paglamoy. Ang paglamoy sa Sheol nagpasabot sa pagkadunot sa lawas. Ang ubang paagi sa paghubad: "ang ilang kalawasan madunot sa lubnganan"
ang Dios magtubos sa akong kinabuhi gikan sa gahom sa Sheol
Ang manunulat naghisgot sa Sheol nga daw kini usa ka tawo nga adunay gahom niadtong mangamatay. Sa dagan sa balak, klaro nga ang gahom nga ginahisgotan dinhi mao ang paglamoy sa lawas sa mga patay.
ang Dios magtubos sa akong kinabuhi
Dinhi ang pulong nga "kinabuhi" nagtumong sa kinatibuk-an sa usa ka tawo. Ang ubang paagi sa paghubad: "Ang Dios maglukat kanako"