See in Reader
1.4 KiB
Kinatibuk-an nga Kasayoran:
Ang pares nga mga linya sa mga pulong, nga kanunay ginagamit sa Hebreo nga mga balak.
Alang sa pangulong musikero
"Kini alang sa pangulong manunugtog aron gamiton sa pagdayeg."
Ang salmo sa mga anak nga lalaki ni Kora
"Kini ang salmo nga gisulat sa mga anak nga lalaki ni Kora"
sa tono nga Alamot
Kini naghisgot sa laing paagi o istilo sa musika.
Ang Dios mao ang atong dalangpanan ug ang atong kusog
Ang manunulat naghisgot sa Dios ingon nga usa ka dapit nga ang mga tawo mahimong moadto aron mapanalipdan. Ang ubang paagi sa paghubad: "Ang Dios manalipod kanato ug maghatag ug kusog"
ang mga kabukiran mauyog man ngadto sa kasingkasing sa kadagatan
Ang manunulat naghisgot mahitungod sa kinailalumang bahin sa dagat ingon nga kini kasingkasing sa dagat. Dinhi gihulagway niya ang linog nga makahimo sa pag-uyog sa bukid ug matumpag ngadto sa dagat. Ang ubang paagi sa paghubad: "ang mga bukid mangauyog sa hilabihan hinungdan nga sila malumpag ngadto sa kinailawman sa dagat"
bisan ang mga tubig magngulob ug mahimong bangis
"ang mga tubig sa dagat magngulob ug mahimong bangis." Ang pulong nga "magngulob" ug "bangis" naghulagway sa kusog nga balod sa dagat panahon sa kusog nga bagyo.
mangatay-ug man ang mga kabukiran sa paglapaw niini
Ang mga pulong nga "paglapaw" naghisgot sa mga tubig sa dagat nga motaas ug mohasmag batok sa bukid. Ang ubang paagi sa paghubad: "ang kakusog sa mga tubig makapatarog sa mga bukid"