See in Reader
2.0 KiB
Hinaot nga mapanalanginan ang imong tuboran
Ang asawa sa tawong nagtuon gitandi sa tuboran. Posible nga mga ipasabot 1) nga ang iyang asawa kanunay mohatag kaniya ug kalipay 2) nga ang iyang asawa mohatag kaniya ug himsog nga mga anak. (Tan-awa: rc://*/ta/man/translate/figs-metaphor)
sa asawa sa imong pagkabatan-on
Ang ubang paagi sa paghubad: "ang babaye nga imong giminyoan sa dihang batan-on ka pa" (UDB) o "ang imong una ug nag-inusarang asawa"
mahigugmaong usa ug bayeng usa nga malumo
Kining duha ka pundok sa mga pulong nagpasabot sa managsamang butang ug gibalikbalik aron paghatag ug gibug-aton. Ang asawa sa tawong nagtuon gitandi sa usa ka maanyag ug buotan nga matang sa mananap ingon nga pagdayeg. (Tan-awa: rc://*/ta/man/translate/figs-doublet)
malumo
Kini nga pulong wala nagpasabot sa "puno sa himaya" apan nagpasabot kini nga "maanyag tan-awon samtang galihok" o "mahinhin."
Tugoti nga ang iyang mga dughan mopuno kanimo sa kalipay
Posible nga mga hinungdan sa paghisgot sa iyang mga dughan ang 1) ang pagkakita sa iyang mga dughan hinungdan sa lawasnong kailibgon, o 2) sama sa mga dughan nga nagahatag ug gatas aron pagpasuso sa gagmay nga mga bata, busa kini makahatag kanimo sa kalipay. Kung hubaron nimo kini sumala sa naunang rason, pagpili ug parte sa lawas sa babaye nga hinungdan sa lawasnong kailibgon sa inyong kultura. Kung hubaron nimo kini sumala sa ikaduhang rason, hubara kini sa ingon niani nga pamaagi: "Tugoti nga ang iyang mga dughan mopuno kanimo sa kalipay sama sa mga dughan sa inahan nga nagapasuso sa iyang gagmay nga bata."
pagpaulipon kanunay sa iyang gugma
Ang ubang paagi sa paghubad: "pagpabihag kanunay sa iyang gugma" o "hinaot nga kanunay kang mahigugma kaniya"
sa iyang gugma
Posible nga mga ipasabot 1) "sa imong gugma alang kaniya" o 2) "sa iyang gugma alang kanimo." Ang ubang paagi sa paghubad: "tungod kay gihigugma nimo siya pag-ayo" o "tungod kay nahigugma siya kanimo"
gugma
Naghisgot kini sa romantikong gugma tali sa usa ka lalaki ug usa ka babaye.