ceb_tn/2sa/17/11.md

nga kinahanglan nga managtigom ang tibuok Israel kanimo

Ang tibuok kasundalohan sa Israel kay gitawag dinhi nga "tibuok Israel." Ang ubang paagi sa paghubad: "nga kinahanglan managtigom ang tibuok kasundalahon sa Israel"

gikan sa Dan hangtod sa Beerseba

Kini nga pulong nagpasabot nga gikan sa amihanan nga utlanan sa Israel hangtod sa habagatang utlanan. Ang ubang paagi sa paghubad: "gikan sa tibuok nasod sa Israel"

sama kadaghan sa mga balas nga anaa daplin sa dagat

Usa kini ka pagpanghinobra sa pulong diin ang tanang balas sa dagat kay gitandi sa gidaghanon sa kasundalohang Israel. Ang ubang paagi sa paghubad: "hilabihan ka daghan nga dili na sila maihap"

ug nga moadto ka mismo sa panggubatan

Ang pulong nga "mismo" nagpasabot nga moadto gayod siya mismo sa iyang kaugalingon ug dili hinuon magsugo ug ubang tawo. Ang ubang paagi sa paghubad: "unya pangulohi mismo sila sa gubat"

moadto kita kaniya

Nagpasabot kini sa pagtuyo ug adto aron sa pag-ataki.

tabonan nato siya sama sa pagkahulog sa yamog sa yuta

Dinhi, gihulagway ang kasundalohan ni Absalom nga daw gitabonan nila ang kasundalohan ni David sama sa yamog nga nagatabon sa yuta matag buntag. Ang ubang paagi sa paghubad: "atong hadlokon ug pildihon sa hingpit ang kasundalohan ni David"

yamog

Yamog o gabon nga mokanaog sa yuta matag gabii, nga nagatabon sa yuta mao nga basa kini sa kabuntagon.

Dili kita magbilin ug bisan usa nga buhi sa iyang mga kasundalohan

Ang ubang paagi sa paghubad: "patyon nato ang matag usa sa iyang kalalakin-an"

bisan siya

Ang ubang paagi sa paghubad: "si David mismo"