ziw_reg/66-JUD.usfm

\id JUD
\ide UTF-8
\h Yuda
\toc1 Yuda
\toc2 Yuda
\toc3 jud
\mt Yuda
\c 1
\cl Sula 1
\p
\v 1 Paolo msigilwa ywa Yesu Kulisito, na mlukolo ywakwa Yakobo mwa wadya wasagulwe, wakungwa mwa Chohile Tate, na waikigwe mwa Yesu Kulisito.
\v 2 Wedi na utondowazi na ungi vyongezekele mwenyu.
\p
\v 3 Wambuya aho nendile hadamanya kila dikudahika kuwawandikila nyuwe kulanga uhonyi wetu wose. Vinunga niwawandikile mwe viya chiwagambile vye chindedi utondowazi udya chinkigwe lumwe du mwa wasagulwa.
\v 4 Kwaviya wantu wasiku wengiza kwa chinyele mgati mwenyu wantu wadya wavengelwe kwa chausa che kanto wantu heweguwagila wadya wakuhitula wedi wa Chohile ywetu kutenda ubunyanyi, na kumlemela Zumbe ywetu uyodu na Zumbe Yesu Kulisito.
\p
\v 5 Haluse naunga kuwakumbusa nyuwe hata hegu chipindi chiya mnanyize ukuchinta kwa Zumbe awakombole wantu kulaila isi ya Misili, mna nyumani niyo awabalanga wadya hewezumile.
\v 6 Naho wandima wadya wa kwe mbingu wadya hewamile wikazi wawo wenye mna waleka wikazi wawo wa chila zuwa Chohile kawika mwe ngole ya kale na kale, kwa chausa che nkato ye dizuwa kulu.
\v 7 Sa viya Sodoma na Gomola no mzi uzunguluke idya ingome idya ingile yenye mo ubanasi niyo watimila tama zawe za kale. Walagiswe saviya miligano ya wadya wenkagwa kanto dya moto wa kale na kale.
\v 8 Naho se ivvyo kwaviya isiya idya idya walotaga sozi waleta kudamanya mazavu mwe imili yawo, na kulemela udahinaho walonga lulimi kujinka ukulu.
\p
\v 9 Mna uyo Mikaeli mndima mkulu viya eze adedelesane na yudya mwavu kwa chausa cho umwili wa Musa, hajezize kudamanya kanto dya lulimi lwakwe mna kagamba, “Zumbe akukwahile!”
\v 10 Mna wantu wana waleta lulimi kujinka chochose hewekimanyize. Chiya chikuleka wanyama hewene fanyanyi wamanya kwa kwiva yano nayo yawabalange.
\p
\v 11 Nawaluwone! Wantu awo wakutongelasila idya ya Kaini, kwa chausa cha wavu wa Baalamu. Wabalangwa mo uwavu wa Kola.
\v 12 Wano ni mayuwe mwe chinyemi chenyu cho mbwedo, ni miti ihugutuke heine matunda ibanike nkanana mbili yusigwe amaizi.
\v 13 Ni mawimbi ya bahali yenye ulwasu heyene soni, ni ntondo zikujenda jenda zia iziga chidimile kwa chausa chawo mazuwa yose.
\p
\v 14 Enoki ywa mfungate mwe cheleko cha Adamu. Nakalavya uwoni kuwagambila awo, akagamba, “Kaula Zumbe ezana maelufu kwa maelufu ya wakuka wakwe,
\v 15 chani adamanye kanto mwa chila mntu, na kuwajela mwe majezo wose hewekumzumilaChohile mwe izintendwa zawo zose wajike kudamanya mwe sila heziwagile, na kwa milosi yose ya kufuzuma idya hwewezumile walanga mwakwe.”
\v 16 Wano ni wadya wakung'ung'ula wafuzuma wakajesa tama zawo ze mili wakeduvya mno, wadya wakuhokela vywawe wawadanta watuhu.
\p
\v 17 Mna nyuwe, wambuya, kumbukani mbuli ziya zilongigwe kale ni wasigilwa wa Zumbe Yesu Kulisito.
\v 18 “Walonga kwenyu, wakagamba chipindi mazuwa nakutende na wantu hawekutunya wakutimila tama zawo hezine wedi.”
\v 19 Wantu wano wasentana, walongozwa na tama zawo za kolwa, na hewene muye.
\p
\v 20 Mna nyuwe wambuya saviya mkwezenga mo utondowazi mwenyu ukukile na saviya mkulombeza muye ukukile,
\v 21 Kwedimeni mo uungi wa Chohile, na mkagoja wedi wa Zumbe ywetu Yesu Kulisito yadya yakuwenka ujima wa kale na kale.
\p
\v 22 Lagisani wedi kwa wadya wata nkama.
\v 23 Wambuleni watuhu kwa kuwenula kulila mo moto. Kwa watuhu lagisani mbazi kwa nkama, mkehiwa hata dijeligwe twentwe na mwili.
\p
\v 24 Elo kwa yudya akuda kuwadimamsekuhitukila, nakuwatenda mchimale kulongozikwa yakukile hemine lema naho kwa chinywmi chikulu.
\v 25 Kwakwe Chohile echedu mwambizi kijinkila Yesu Kulisito Zumbe ywetu, ukukise utende kwenyu, ukulu, udahi na nguvu kujinka chipindi chose na haluse na kale na kale. Taile.