soz_reg/47-1CO.usfm

\id 1CO
\ide UTF-8
\h 1 Wakorintho
\toc1 1 Wakorintho
\toc2 1 Wakorintho
\toc3 1co
\mt 1 Wakorintho
\c 1
\cl Mlyangu 1
\p
\v 1 Paulo, abugerwe ni Kristo Yesu oba mtomwa kwa konda lya Mugwe, na Sosthene mondogo weto,
\v 2 kwa Kanisa lya Mugwe lile kwa korintho, kwa bulya bagharerigwe katika Yesu Kristo, bulya babugerwe oba bantu basere, tubandekelate nabo balya bonse balibugere ebina lya njagh'amba weto Yesu Kristo katika hantu honse. Mwegeri woboo na weto.
\p
\v 3 Bujaregu na sayo nibe nenyie eboka kwa Mugwe Baba weto na Mwegeri weto Yesu Kristo.
\p
\v 4 Nkya jionse hanana Mugwe wawa bobulya yenyu, kwabulya bujaregu bwa Mugwe ambao Kristo Yesu atuhere.
\v 5 Abaghaigwa msabi katika kilya kondo, katika ebugana, na hamwe nemanya lyonse.
\v 6 Abaghaigwa musabi, ebuga bwejibe egera Kristo amanye ebuga nsaba gate yenyu.
\v 7 Kwa lilyo atiandipungukiwa karama jya nkolo, kama bulya mule na hamu yebeta bufunuo bwa Mwegeri weto Yesu Kristo.
\v 8 Nakebagharereriga enyiesei hadi mwisho, ebuga muhabe elaumiwan nkya Mwewgeri weto Yesu Kristo.
\v 9 Mugwe ni mwemelu kwekola na babugere enyie katika erasherania lia Mwana wake Yesu Kristo Mwegeri weto.
\p
\v 10 Riolo nisasamate baa data na keribiari jiawa, kweletiya ebina lya Mwegeri weto Yesu Kristo, bulya bonse alekelai, na muhabe kolwa na ngununu kolo nane jienye. Ni kwehelati ebuga mudabane hamwe katika Nkolo na katika ekalaga limwe.
\v 11 Ebuga bantu baa ya Kloe babambiela ebuga hale ekarana jukolatwe nenyie.
\v 12 Deena maana eno; Kila omwe wenyu abugaga, “Alee wa Paulo,” anga “Niee dee wa Apolo”, anga “Niee ndee wa Kefa” anga “Niee ndee wa Kristo.”
\v 13 Ale! Kristo nagabanikire? Ale! Paulo asurubiwerwe klwa ajili Yenyu? Ale! Ale! Mwabadizirwe kwa ebina lya Paulo?
\v 14 Babaa biyele M hahana kwekola tyandibatizaa wonse ti bulya Krispo na Gayo.
\v 15 Eno lile ebuga kwamba hati woonse akebuga mwa mubatizire kwebina liawa.
\v 16 (Sei Nabatizire baa Nyumba ya Stephania. Eboka lelyo ntije akala abatyizire monto onge woonse).
\v 17 Kwekola, Kristo atyandi toma abatiza alee atomire egamba injili. Atyandi etoma egammba kwa makalaga jobo jya bantu, ebuga nguru jya Msalaba jwa Kristo juhabeegherigwa.
\p
\v 18 Kwekola ekalaga lya Mugwe ni upuuzi kwa balya bale bakirate. Alele kwekola balya Mugwe abarasharatie, ni nguru jya Mugwe.
\v 19 Kwekola yandekirwe, “Nike gfharagharya kidemi ya balya bale nsoni. Nikehariba emanya lya balya bale bughara.”
\p
\v 20 Ale koho monto olya ale nsoni? Ale koho monto olya ale baju yehe ya mtwe? Ale koho mkalegere mroseri wa seeno? Ale, Mugwe atiandi ehondole kidemi ya seeno ekola buragano?
\v 21 Eboka nsee ikolwe mbosoboso yehe ityandi emanya Mugwe kiyaghamerie Mugwe kwa baraghanu boo bo bwe egamba bulya ehonokya balya bedekela.
\v 22 Kwa bayahudi baa boriree Eng'asa na Mwujiza na kwa Bayunani basoraga nsoni.
\v 23 Alee tugambiryate Kristo olya asurubisherye, ale gekwazo kwa Bayahudi na ni buraghanu Bayunani.
\v 24 Alele kwa balya babugerwe na Mugwe, Bayahudi na Bayunani, tugambiriate Kristo kwa nguru na nsoni jya Mugwe.
\v 25 Kwekola bureganu bwaa Mugwe bule nsoni kola jya bantu, alee nwa lya Mugwe lile nguru muno jya Bantu.
\p
\v 26 Raberyai ebugelewa wa Mugwe egolo jienyu, keribyari jiawa na badata bawa. Tii baneni benyu mwale na nsoni jiga jya bantu. Ti baneni benyu mwale na nguru. Ti baneni benyu mwale ebiarwa katika bukolo. Alele Mugwe na hore binto biraghanu bya nseeno ebuga bisokee bilya bile nsoni.
\v 27 Mugwe ahore kilya kiti nguru kwa nseeno ebuga asokee kilya kile nguru.
\v 28 Mugwe ahore klya kya nse lyonse na kilya kitikietalelwa katika nseeno. Ahore ejagha bbilya bitiki tolelwa obaa gantu, Kwa ghaya ti kinto binto bilya na bitareregwe.
\v 29 Aghairye obyo ebuga habekolwa jeghre bushone bwehe.
\v 30 Kwa bulya kikya aghaire, riolo mle ndane ya Kristo Yesu, olya abaghaigwa nsoni kwa ajili yeto eboka Kwa Mugwe. Ale sayo yeto, bujaregu bwa Muhonokya.
\v 31 Kwekola Matokeo, kwekola morwa jabugate, “Olya aghorate, neghorate katika Mwegeri.”
\c 2
\cl Mlyangu 2
\p
\v 1 Najire kwenyu badata na keribyari jiawa, tyandija kwa makalaga jebasaba na nsoni bulya jigambirirwe na saba na itimuna ebisa egra Mugwe.
\v 2 Na mwere elege manya kiokionse nale nenyie hamwe elege ekola Yesu Kristo na nene atararewe.
\v 3 Nale nenyie katika elemwa, na katika eriyala na katika ebudana mno.
\v 4 Na ujumbe bwawa na eghamba lyawa hatyiandi kolwa na makalaga jabusabisabi na ja nsoni. Anamuna yehe, jale ja Nkolo na nguru,
\v 5 ilya Bulya Edekerya lyenyu ihabekolwa na nsoni jya bantu, ale kwekola jwa Mugwe.
\p
\v 6 Riolo tukalegelate nsoni hamwe mna bantu bakolage lale ti nsoni jya see no, naga bwekorani bwa kyajiiji kwekola bahetate.
\v 7 Anamuna Yehe, twakalagela nsoni jya Mugwe katika saba bwehumirie, nsoni jihumirie olya Mugwe alobore kabila nkya jya butukufu bweto.
\v 8 Hati woonse wa bwekorani bya nkya jiiji aje nsoni jiiji, kala baje katika nkya jilya batiale basubu Jaghamba bwa butukufu.
\v 9 Alele kola bulya bwandekirwe, “Makalaga olya hati riiso ryabande, hati kusikelo kuorire, mawazo jitifikirie, makalaga bobulya Mugwe najandaire kwa ajili ya balya bale mkonde wee.”
\p
\v 10 Jaja ni makalaga olya Mugwe ajahingola kweto kweletia Nkolo, kwa bulya Nkolo jidogharaga kila konto, ejagha makalaga jya ndane ya Mugwe.
\v 11 Kwa bulya niino nemanyire mawazo jyaa manto, itibulya Nkolo ya monto ndane yehe? Kwa byoo, hati amanyire makalaga ndane jaa Mugwe, isipokuwa Nkolo jya Mugwe.
\v 12 Alele tutiandi epokea nkolo ya nseeno, Alele Nkolo olya abokire kwa Mugwe, bulya tumanye kwa buhuru makalaga twaherwe na Mugwe.
\v 13 Tubugate makalaga jaja kwa makalaga olya nsonin jya monto n jitimune ehikya emanyerya, alele olya Nkolo ni mumanyeragiya.
\v 14 Monto ati wakola atimune edaba makalaga jya Nkolo ya Mugwe kwekola jajio ni upuuzi kwehe. Atimuneja manya kwekola njamanyagwa jale jankolo.
\v 15 Kwa olya wa Nkolo ahukumiaga makalaga jonse. Alele jahukumiagwa bange.
\v 16 “Niino akehikya emanye mawazo jya Jaghamba bulya nakehikya jamanyererya woo?” Alele tule Mawazo jaa Kristo.
\c 3
\cl Mlyangu 3
\p
\v 1 Naniee, data na karibiari jiawa, tiandi ebuga nenyie kama bantu baa kola, alele kama bantu baghieera katika Kristo.
\v 2 Nabagusheriye mariba na tii nyama, kwekola batile tayari eliya nyama. Na hadi riolo bati tayari.
\v 3 Kwekola enyie bado ni ba mubele. Kwekola lweru na meghora njabanekanate yobo ale mtitore ebokana na mbele, ale, mtikuhaga kama kawaida ya bantu?
\v 4 Kwekola omwe abugaga, “Natubogera Paulo,” onge abugaga, “Natubogera Apolo,” mtitore boo bantu?
\p
\v 5 Apolo noo? Na paulo noo? Batomwa baa olya mwedekerya, Kwa balya Mwegeri amuhere bweghaya.
\v 6 Niee nakonde, Apolo agitere Mai, alele Mugwe akakoriya.
\v 7 Kwa bobyo, tii olya ahirere nanga agitere mai nale kioonse. Alele ni Mugwe aghareragya.
\v 8 Riolo ahurala na gitele mai boonse ni sawa, Na kila omwe nakelibwa milemo yehee ebokana na milemo yehe.
\v 9 Kwekola eshe tule baghaya milemo baa Mugwe, nenyie mule bustani ya Mugwe, Nyumba Ya mugwe.
\p
\v 10 Ebokana na bujaregu bwa Mugwe naherwe boo mghaya mkolo, nagitere msingi, na onge bookatie egolo liehe. Alele monto akelwe makini bulya abokatee egolo liehe.
\v 11 Kwekola hati onge akehikya obooka msingi junge muno jya jojo juobokirwe, olya Ni Yesu Kristo.
\v 12 Riolo kala omwe wenyu obookate egolo liehe dhahabu, robiya na mabwe jaa jaregagu, mite, jeragu, anga manyeka,
\v 13 Milemo yehe nike hingolwa, kwebana msenya nukehabelwa. Kwekola ehabelwa na moki. Oki juke raberia milemo ya kila omwe kilya aghairye.
\v 14 Boo kioonse monto aghairye kiketigala, woo na bana kituje.
\v 15 Alele akala milemo yta monto nikelebwa moki, akabana Hasara. Alele woo mwene nakehonokigwa, kwekola nakeepuka katika moki.
\p
\v 16 Mtije ebuga enyie mle nyumba ya Mugwe na bulya Nkolo wa Mugwe ele ndane yenyu?
\v 17 Boo monto ake hariba nyumba ya Mugwe, Mugwe nene akehariba monto oyo. Kwekola nyumba ya mugwe ni takatifu, na jijyo na nenyie.
\p
\v 18 Montro nahabe esasaba mwene, akala woonse kate yenyu amanyate nale katika nkya jiiji, nobe aga “Agare” ndiyoo akekolwa na nsoni.
\v 19 Kwekola nsoni jya seeno niburaganu bushone bwa Mugwe, kwekola yandekirwe, “Budabaga balya bale nsoni kwa hila jioboo”
\v 20 Na lenge “Mwegeri amanyate mawazo jya balya balee nsoni ni mumaleghi.”
\p
\v 21 Kwa bibyo monto anabe eghora monto! Kwekola binto bionse byenyu.
\v 22 Bo Paulo, anga Apalo, anga Kefa, anga nseeno, anga madiko, anga lokyoo, anga binto bilehoo, anga bilya bekolwa. Bioonse byenyu,
\v 23 Na nenyie mle ba kristo na Kristo ni wa Mugwe.
\c 4
\cl Mlyangu 4
\p
\v 1 Obyoo byoo monto aketutala eshe, kama batomwa baa Kristo na Mawakili baa Siri jya saba jya Mugwe.
\v 2 Katika lele kilya kikondanate kwa Buwakili bwa bulya baabe beetumiwa.
\v 3 Alele kwawa niee kindo kiriri muno ekola nisidagigatwe nenyie nanga kebi ya kibantu. Kwewkola tisidagirigwe egora niye niyeka.
\v 4 Tiesidagatye niye mwene, eno iti maana ebuga ninde wa haki. Ni Mwegeri asidagatye.
\v 5 Kwa lilyo, mhabe ekonda esidagya egolo lya kioonse kabila ya nkya, kabila yeja Mwegeri. Akejaleta haseri makalaga jyabisirwe klirimamu nane nejabiyola makusudi jya nkolo. Ndiyoo kila omwe akebana sifa jiehe eboka Kwa Mugwe.
\p
\v 6 Riolo. Badata na bakaribiari jiawa, niee mwene na Apolo baatumia kanuni jiiji kwa ajili yenyu. Ili eboka jieto mwemanyerie maana yae ebuga, “Habeegara muno ya bulya bwandekirwe.” Eno ni bulya hati omwe wenyu eghorate egolo ya unge.
\v 7 Maana no raberia Tofauti kate yenyu na unge? Nino ale na kya ahebagwa bure? Akala musubire epokea bure, shii ninji nubegaghoraga akala mutyandi eghaya byoo?
\p
\v 8 Ayari mle nabyoo bioonse bulya mwakondaga tayari mwakolwa na busabi! Mwanze bwegerelya- na bulya biubabahikera muno yeto eshe! Nsaba, bakondelate bibahikere b ujaregu ebuga bulya bituhikele hamwe nenyie.
\v 9 Kwa bibyo nimanyate Mugwe natugitere eshe batomwa boo etubania mwisho katika msururio jwa matubogerana na bo bantu basidagirigwe ebulagwa. Tuboba bo tamasha kwa bulimwengu, Kwa Malaika kwa bantu.
\v 10 Eshe tule baraganagu kwa ajili ya Kristo, Alele nenyie mle nsoni katika Kristo tule banyonge, ale enye mle nguru. Msokirwe, alele eshe tutisokirwe.
\v 11 Ejagha gero eno tule jalo na ghaba, tuti ngobi, tule miguba, na lenge tuti kiebeka.
\v 12 Tughayatie milemo kwa bidii kwa miboko jieto eshe bene. Bulya twemendwe, twabariki. Gero tutesatwe, tuebiberia.
\v 13 Tuarumwa, twajokya kwa karero. Tuboba, na tutyandi etalelwa akala tubalegwa ni nseeno na takataka kwa makalaga jonse.
\p
\v 14 Andekate makalaga jaja kwebasokye enyie, Alele kwe bajoka enyie bo bana bawa bakonde.
\v 15 Ejagha boo mle na Bamanyerya ekomi elfu katika Kristo, hati mabaa baane. Kwekola boba ese yenyu katika Yesu Kristo eletia Injili.
\v 16 Kwa bibyoo babielate mtubogere niee.
\v 17 Nakyoo na tumere kwenyu Timotheo, mkondwa wawa na mwana mujaregu katika Mwegeri. Nale batereri nkondo jiawa katika Kristo, bo bulya nabamanyerirye kila hantu na kila Kanisa.
\p
\v 18 Riolo bariri benyu beghorate, baaghayate kana kwamba timneeja kwenyu.
\v 19 Alele nikeja kwenyu hadinko, boo Mwegeri akondandia. Ndiyoo kemanya ti makalaga jiobo joka beghorate, alele nikebana nguru jiobo.
\v 20 Kwekola bwegeri bwa Mugwe buti katika nguru.
\v 21 Mkondate njii? Jije kwenyu na msengi nanga ukonda na katika nkolo ya Kerero?
\c 5
\cl Mlyangu 5
\p
\v 1 Tubojiya masikelo ebuga jile zinaa kate yenyu, Aina ya zinaa olya hati katekate ya bantu baamataifa. Tule masikelo kwamba omwe wenyu alalaga na wabaka wa esee yehe.
\v 2 Nenyie Mweghora! Bulya mlege ehusinika? Olya aghaire bobyo aketakiwa ekerigwe kate yenyu.
\v 3 Ingawaa tii hamwe nenyie kimbele alele naleho nenyie Kikolo, ni subire esidagya olya aghaire obyo, akala bulya naleho.
\v 4 Mwakolana hamwe katika ebina lya Mwegeri weto Yesu, na nkolo yawa ile ayo hale nguru jya Mwegeri weto Yesu Kristo, nesubire esidagya monto oyoo.
\v 5 Nesubire ehaa monto oyoo kwa kirioka ili kwamba mbele juewehe juharibiwe, ili nkoloo yehe isheke honokigwa katika kya Mwegeri.
\p
\v 6 Meghora jienyu ti kinto kijaregu. Mtije kindo kiriri kihariba kindo kioonse?
\v 7 Esabiye enyie bene chachu ya kala, ebuga mwobe donge liambya, ili kwamba mwome mkate jutikeegitelwa bulo. Kwewkola mwana nkondo weto wa Paasaka nasubire esenjwa.
\v 8 Kwa lilyo, Tusherekee karamu tii kwa chachu ya kala, chachu ya tabiya mbeju na buhobya, Anamuna yehe, tusherekee mkate jutigitelagwa elala juwe sasamela na saba.
\p
\v 9 Nandekire katika Barua yawa ebuga mhabe egirana na Basari.
\v 10 Ti na maana ya basari baa nseeno, nanga balya bale na tamaa anga balya betwelaga nanga balya baghujelagha baaguwe klwe niti halehu na boo, rioo mwatakiyagwa mweleere nseeno.
\v 11 Alele riolo bandedekelate egrana na woonse ebugelagwa data naga keribiari katika Kristo, Alele atore na busari nanga akorwe na kondaga, nanga monto etujelaga, nanga egujelagha bagwe, nanga mbogiti. Mhaberageraniya monto anga obyo.
\v 12 Kwa lilyo keebaniya boo ebasidagiya balya bale kane kaa Kanisa? Anamuna yehe, enyie mtyandi ebasidagiya bale ndane ya Kanisa?
\v 13 Alele Mugwe abasidagya balya bale kane. “Bekereyi monto mdandamu kate yenyu”
\c 6
\cl Mlyangu 6
\p
\v 1 Omwe wenyu akolwa na tatizo na mulugu wehe, na agere kwa mahakama ya Bantu balya bati nsaba kuliko bushone balya baa bahonokiree?
\v 2 Mtije ebuga baaba bahonokirebaketendekerya nseeno? Akala baketudekelya nseeno, mtumune ehikya eamua makalaga jalya jyati umuhimu?
\v 3 Mtije abuga mleetedekeriya Malaika? Kwa hariri kee lionse, tukehikya eamua makalaga ja maisha jaja?
\v 4 Akala tukehikya etedekeriya makalaga jaa maisha jaja, shininje mwa hiraga esidaganiya bushopne bwa baliya bati emire Kanisani?
\v 5 Bugate jaja kwa nsoni jienyu. Hati ale busara kate yenyu ahikire egitele makalaga bujaregu kate ya mondogo na mondogo?
\v 6 Alele akala buliya lile riolo, mwedekerya omwe ageraga Mahakamani ehira mulugu wehe, na masitaka jajyo jagitelwo bushone bwa Hakimu olya atiedekerye!
\p
\v 7 Saba nde kwamba hale matatizo katekate ya Bakristo jaletere tayari usumbufu kwenyu. Sheniji mwalega eteseka kwa jabeju? Sheniji mwedekela asasabwa?
\v 8 Alee oleliya aghayagiya jabeju nesasaba bange na babyo baa data na keribiari jienyu!
\p
\v 9 Alee oleliya aghagya jabeju nesasaba bange na babyo baa data na na keribiari jenyu! Mtije ebuga balya bati nsaba batimune ebana bwegeri bwa Mugwe? Muhabe edekela bwerehi naga busari, eghujela bagwe, balya bahejagu bafiraji na balawiti,
\v 10 Bebi, baayokagu baabogite, balya batujelaga, balya barumanaga hati kate yobo bakebane bwegeri bwa Mugwe.
\v 11 Na babyo bale balugu bobo enyiee. Alele busubire etakaswa, alee msubire esabigwa aleemsubire elobolwa kwa Mugwe, alele mwaghaigwa baa hake bushone bwa Mugwe kwebina lya Mwegeri lya Mwegeri Yesu Kristo nab kwa Nkolo ya Mugwe weto.
\p
\v 12 “Binto byoonse nde bujaregu kwawa,” alee tii kila kinto kele faida. “Binto byoonse ni bujaregu kwawa,” alee timunetawaliwa kimwe kyabyoo.
\v 13 “Bilya kwa ajili kiburi na kiburi kwa ajili ya bilya,” alee Mugwe na kebitowashi byoonse. Mubele jutiadieghaigwa kwa busari, anamuna yehe, mubele nikwa ajili ya Mwegeri, na Mwegeri nakehudumela mubele.
\v 14 Mugwe aryokire mwegeri neshe naketuriyokya kwa nguru jiehe.
\p
\v 15 Mtije ebuga mibele yenyu ile mwegerane na Kristo? Mkehikya boo ehumya imusaabya Kristo ne bihira ebiegiraniya nabyoi makahaba? Bitimunewezekana!
\v 16 Mtije ebuga mibele yenyuaegirane na kahaba abakolwa mubele jumwe nane? Bo jandekwa bulya jabugate, “Babele bakaba mubele Jumwe.”
\v 17 Alele oliya egiranete na Mwegeri akoba nkolo omwe hamwe nene.
\p
\v 18 Rohai zinaa! “Kila ng'adaba aghayate monto ni kane na mubele juhe weka. Alee zinaa, monto akoeghaya ng'adaba ya mubele juhe weka.
\v 19 Mtije ebuga mibele yenyu ni Nyumba ya Nkolo mseri atore ndane yenyu, olya mwaherwe eboka kwa Mugwe? Mtije ebuga tii enyie bene?
\v 20 Ebuga mwagorwe kwa Thamani. Kwa bibyo ghujelai Mugwe kwa Mibele yenyu.
\c 7
\cl Mlyangu 7
\p
\v 1 Ehusu makalaga jalya mwandekire: “Hale gero olya ni njaregu wabalome ahabelala mkehee.”
\v 2 Alee kwekola majaribu janeni jaa zinaa kila wabalome nakolwe na mkehe na kilawabaka nakolwe na mlome wehe.
\v 3 Wabalome atakiyatwe haba mkehee haki yehee ya bukwa na kwabyo wabaka kwa mlome.
\v 4 Tii wabaka ale bwegeri kwa mubele juehee, ni wabalome. Na ilya ilya, wabalome nene atii bwegeri kwa mubele juhee, ale nabo mkehe.
\v 5 Mhjabeegiraniya mlalate hamwe, aleedekeraniya kwa ngero eyo. Ghayani obyo ebuga mbane ngero ehela. Ahika mkeehikya ejekelana lenge hamwe, ili ebuga Kiryoka ahabeje bajariba kwebola kiasi.
\p
\v 6 Alee bugate makalaga jaja kwa hiyari tii kwa ndazima.
\v 7 Batamaniya kila omwe obee bulya elee niee. Alee kila omwe alekarama yehee eboka kwa Mugwe. Oyo ale karama enoo na oyoo ale karama eyoo.
\p
\v 8 Kwa bala batikwerwe na masimiani bugate ebuga, bujaregu kwobo akala bakenitya ekwerwa, bulya jiga.
\v 9 Alee akala batimunehikya ebibieriya, bakuebwe. Kwekola nafuu kwobo ekwebwa kuliko ebasha ekoda.
\p
\v 10 Riolo kwa balya bakuerwe nabaha Amri tinieni Mwegeri. “Wabaka nahabe ehana na mlome wehe.”
\v 11 Alee akala nabekarana na mlome eboka mwehee natigwa obyoo bila ekuebwa naga edekelane na mlome. Na “Mlome alege koda mkehee.”
\p
\v 12 Alee kwa balya batigirwa, bugate niee, ti Mwegeri-ebuga akala mondogo wowonse nale wabaka atiyokokire na nakoda atola nene, namhabe.
\v 13 Akala wabaka nale wabalome atiedekire na nakode tola nene na mhabe.
\v 14 Akala kwa mlome atiedekere na takasatwe kwa bulya lyedekelya lya mkehe. Na wabaka atiedekere atakasatwe kwa bulya mlome edekire akala tibyo bana benyu batyale bakolwa baseri, alee kwa saba babasabigwa.
\p
\v 15 Ale mulugu atiedekire agenda na gende kwa maana eyoo, Mtaana na mwanabaka atibohirwa neshima lelyo. Mugwe atubugerere tutole kwa sayo.
\v 16 Ukemanya boo akala wabaka, nakehonoki mlome? Anga ukemanya boo akala wabalome, nake honokiya mkehee?
\p
\v 17 Kila omwe natole madiko jalya Mwegeri amgabere, kiloa omwe bulya Mugwe ababugere boo. Boobo bumaneriya bwawa bwa Makanisa jonsee.
\v 18 Hale alee amradirwe bulya abugerwe edekela? Atiandi ebariba ekeriya ghooro ya honoka lihee. Ngale woonse abugerwe katika edekerya atimradirwe? Atikonde emradwa.
\v 19 Kwa lele nekola na mradirwe naga atimradirwe Hati matatizo. Kilya kile matatizo na soka amri jya Mugwe.
\v 20 Kila omwe natigwe katika ebugelwa bulya ale abugerwe Mugwe kwedekela.
\v 21 Wale mtomwa ngero elya Mugwe akubugere bulya bakubugere? Haberiyala kuhusu bibyo. Alee akala nukehikya oba huru, ghaya byoo.
\v 22 Kwa omwe abugerwe Mwegeri aga Mtomwa ni monto huru katika Mwegeri. Kwekola bulya, omwe ale huru bulya abugerwe kwedekela mtomwa wa Kristo.
\v 23 Mwasuba egolwa kwa thamani, eyo muhabe kolwa batomwa babantu.
\v 24 Badata na karibiari bawa, katika nmadiko jonse kila omwe weto bulya twabugerwe kwedekela, twatigirwe byoo.
\p
\v 25 Riolo, balya bonse abatikweree tii amri eboka klwa Mwegeri, Alee bahejate maoni jyawa bulya bule. Kwa marero jya Mwegeri, jilya jendekerwe.
\v 26 Kwa byoo, teratye byo kwa bulya usumbufu, ni bujaregu wabalome atigwe bulya alee.
\v 27 Nubohirwa kwa wabaka na eshema lya kighoba? Habekoda uhuru ebokwa kwa lelyo. Ule uhuru eboka kwa wabaka utikwerwe? Habesora wabaka.
\v 28 Alee akala mubakwa, utighiyire ng'adaba. Na wakolo wabaka atikurwe akuebwa, atighire ng'adaba. Bado babyo babanate babana esubuka mnoi lya aina dehuyu nanie kodete bekeranie na jajyo.
\p
\v 29 Alee bugate byoo, badata na karibiari bawa ngero ni diko. Eboka riolo na enda bushone balya bale na baka batole kama bati.
\v 30 Boonse bale na huzuni beghaye kama batile husuni, na bonse balya baghamelate, kama batiya ghamelaga, nba bonse bagolaga kindo kionsee kama batiyamiliki kioonse.
\v 31 Na boonse balya bahagaigate na nseeno, babe kama batihagaigate neyo. Kwekola mitindo ya nseeno ni hikelate mwisho juhe.
\p
\v 32 Nakondate kolwa huru kwa masumbufu joonsewabalome atikwere ejihusishatie na binto bihikerere Mwegeri, namna ye maghameri woo.
\v 33 Alee wabalome akwere nehusishagya na makalaga ja nseeno, namna ye ghameriya mkehee,
\v 34 Nagabanikiree. Mwana wehe atikwerwe anga atiadilalaga na wabalome ejihusishagia na binto bya Mwegeri, namna yahee yeghererya mubele na nkolo. Alee wabaka akwerwe ejihusishagya na bintoi bya nseeno, namana yeghamerya mlome wehe.
\v 35 Bugate ebyo kwa faida yenyu bene, na tigitelate mtegu kwenyu. Bugate obyo kwa bulya ni nsaba, ebuga kwamba mkehikya egitela wakfu kwa Mwegeri bila kikwa kionsee.
\p
\v 36 Alele kama monto no demeratye atimunehya eghariya kwa nsoni mwanabaka wehe kwekola ejojya lihee jile nguru mno habahaba akuejane bulya akondate tii ng'adaba.
\v 37 Alee akala naghaire maamuzi elege kwa nahatihasa elazimisha na akala akuhikya ebiberya ghaba yehee na keghaya bujaregu. Akala atimune mkwa.
\v 38 Oyoo, akwejate mwanabaka wehe naghaya bujaregu na woonse aholate egaekwa nakeghaya bujaregu mno.
\p
\v 39 Wabaka nabohirwe mlome ngero aleseriee alee akala mlome nakire nale huru ekwebwa noliya amkondeale nkatika Mwegeri weka.
\v 40 Bado katika emwaliwa nan kekolwa, na eghamela mno akala naketola bulya ale na terate ebuga na niyee nide Nkolo ya Mugwe.
\c 8
\cl Mlyangu 8
\p
\v 1 Riolo ehusu bilya bihumirigwe sadaka kwa bagwe: tuijebuge bobulya eshe shonse tuje emanya. Emanya ekola tweghoraga, ale lukondo diobokaga.
\v 2 Wako monto woonse agerate naje ekalaga fulani monto oyoo bado atyandi emanya bujaregu.
\v 3 Alee wakola omwe akoda Mugwe, monto oyo amanyeka nene.
\p
\v 4 Basi ngo ehusu neliya bilya bihumirigwe sadaka kwa bagwe: twamanya ebuga bagwe tii kinto nseeno nekola hati Mugwe mno nomwe weka.
\v 5 Kwekola hale baneni babugerwe bagwe ekola kogela anga nseeno, akala byoo “bagwe na begeri baneni.”
\v 6 Kwelo kweto hale Mugwe omwe weka kwekola Baba, binto byonse bibokire kwehe neshe tutore mwehee na Mwegeri omwe Yesu Kristo, Kwekola Kwehe binto byoonse biyaleho, na kwawo neshe tuleho.
\p
\v 7 Rari bobyo, emanya lele litiho ndane ya kila omwe anamuna yehe bange bashirikire ghorou ya bagwe ayo kala na hata riolo balejaga bilya bibi kana kwamba ni kinto kihumirigwe sadaka nkwa bagwe dhamiri jyobo jyobirigwe kwelo jiti nguru.
\v 8 Alee bieliya kimune tuhikereriya eshe kwa Mugwe ehse tutibabeju akala tumuneliya, naga bujaregu mno akalatukeliya.
\v 9 Alee kulwai makini kwekola bubura benyu buhaoba sababuekolo nuwameniya oliyatihikiriye katika edekelya.
\v 10 Teriya ebuga monto na kubana wee oliya uje ulejate bieliya katika nyumba ya bagwe. Dhamiri ya monto oyo imene gharasa hata woo nene olya binto bihumirigwe sadaka kwa bagwe?
\v 11 Kwa byo kwekola nuje wee sabaa ya bagwe data na keribiari yayo olya atihikatiye olya Kristo akire kwa ajili yehee nabulagatwe.
\v 12 Kwekola, ughayatie ng'adaba wee data anga keribyari yayo olya atihikatye bobulya Kristo akire kwa ajili yehee nabulagatwe. Kwekola ughayatye ng'adaba ng'adaba wee data na keribyari jiyoo nejeruhi jyoboo jilya jimunehikya mghayatie ng'adaba kwa Kristo.
\v 13 Kwekola, bilya bighayate ngoberiye data anga keribyari yawa timuneliya nyama ebuga beeghaya data anga keribyari yawa ahabegwa.
\c 9
\cl Mlyangu 9
\p
\v 1 Nie tii huru? Niee tii mtomwa? Niee tyandiebana Yesu Mwegeri weto? Enyee tii matunda jaa milemo yawa katika Mwegeri?
\v 2 Wakala niee tii mtomwa kwa bange, angalau de mtomwa kwenyu enyie. Kwekola enyie ni usibitisho bwa butomwa bwawa katika Mwegeri.
\p
\v 3 Bobo boo butetezi bwawa kwa balya badabereragya niee.
\v 4 Alee tuti nsaba eliya nenywa?
\v 5 Tuti nsaba etola wabaka olya edekelie bulya bagitaga batomwa bange, na ndogo nyiya Mwegeri, na Kefa?
\v 6 Anga niyeenika na Barinaba olya tukepaswa eghaya milemo eno?
\v 7 No akeghaya milemo bo sigari kwa gharama jihee mwene? No ahurelaga msabibu alege eliya matunda jehee? Naga no esamage alege nywa mariba jehee?
\p
\v 8 Alee abugate jaja nkwa bwegeri jya bantu? Sheri neyo itibugate jaja?
\v 9 Kwekolop bianalekirwe katika Sheriya ya Musa “Hobiribya ng'ombe buromo alejate nafaka,” kwe bulya Mugwe najaliyate ng'ombe?
\v 10 Naga atibugate kwa ajili yeto? Jadekirwe kwa ajili yeto, kwekola woo atemate nafaka akondenate ateme kwekolwa na matumaini na ebuna ikodekanate abune kwekolwa na matarajio jesheriki katika ebuna.
\v 11 Akala tuwakonde binto bya nkolo nane kate yenyu. Ale, nekalaga lineni kweto tuwabude binto bya mubele nane eboka kwenyu?
\v 12 Akala bange babande nsaba eno eboka kwenyu, Ale, eshee tii mno? Ejagha byo, tutidiedai nsaba heno anamuina yehe tuwabude makalaga jonsee badala yekolwa kikwazo kya injili ya Kristo.
\v 13 Mtije ebuga boonse baghayagya milemo Nyumba ya Mugwe babanaga bilya Nyumba nane yene?
\v 14 Kwa jinsi eyo eyo, Mwegeri abugere ebuga bonsee batangazate injili ni Shariti babane etola ebokana na injili eyoo.
\p
\v 15 Alee tyandi ebaranya milemo jyoonse jiiji na sadikyate jaja ebuga ekalaga liolionse lihabeghayeka kwekola niye. Aghashi nuje kyee kuliko monto wowonse webadilisha kono kwe ehora lyawa.
\v 16 Maana kwekola gubiriyate injili, tii sababu eghora, kwekola ndazima ghaye obyo. Na niole wawa ngabe ehubiri injili!
\v 17 Kwa maana naghaya obyo kwa hiari yawa, dena milemo jalya neherwe ekolwa wakili.
\v 18 Basi ngo Thawabu yawa ninjii? Ekolwa nahubiri, nehunmya bila gharama na elege etumya kwa butimilifu bwa nsaba yawa elya deneyo katika injili.
\p
\v 19 Maana japo nibakolwa huru kwa boonsee, naghairigwe mtomwa wa boonse ebuga ngikie ebana baneni mno.
\v 20 Kwa Bayahudi nale bo Muyahudi, ebuga bane Bayahudi. Kwa balya bale nsee ya sheriya, nale bulya omwe wobo ale nsee ya sheriya ebuga bane balya bale nsee ya sheriya. Naghaire byo alee niee tile nsee ya sheriya.
\v 21 Kw abalya bale kane kaa sheriya nale kama omwe wobo kane kaa sheriya, nale kama omwe wobo kane kaa sheriya, ingawa nieenieka tiyale kane kaa sheriya ya Mugwe, ale ni nsee ya sheriya ya Kristo. Naghairie obyo ebuga bane balya bale kane kaa sheriya.
\v 22 Kwa baliya banyonge nale mnyonge, ebuga babane banyonge. Nale wahali jionse kwa bantu boonse, ebuga kwa nkondo jyoonse bane ehono kya bariri.
\v 23 Nanie ghayatie makalaaga jonse kwa ajili ya injili ebuga bana eshiriki katika Baraka.
\p
\v 24 Mtije ebuga katika lurohoo boonse bashindanaga esega lurohoo alee olya abnaga tuzo nomwe? Kwa byo seegai lurohoo ebuga mbane tuzo.
\v 25 Monto anosaga egragya katika byoonse akala ale katika manosi babyo baghayagya ebyo ebuga abane taji elya iharibekaga. Alee shee turohate tubane tuii elya itiharibikaga.
\v 26 Kwa lilyo niyee tirohate bila sababu naga elwakadi kama elwa na muyaga.
\v 27 Alee tesate mubele juawa na jughaya boo mtomwa ebuga kwamba na suba ehubiri bange naniye nieka ngabe kolwa wetawaliwa.
\c 10
\cl Mlyangu 10
\p
\v 1 Nakondate enyie mumanye badata na bakaribyari bawa ebuga baa Baba beto bale nsee ye egolo na bonse baleterie katika diba.
\v 2 Boonse babatizirwe bobe Baa Musa ndane ya kughundu na ndane ya diba.
\v 3 Na bonsee barere bieliya bilya bya nkolo.
\v 4 Boonse banyuree kinywaji kilya kya nkolo. Maana banyure eboka katika mwaba jwa nkolo julya jwa batubegere, na mwaba jojyo juale Kristo.
\v 5 Alee Mugwe atyandi eghamerigwa neneha liboona mahunduku jobo jalya jaraganigwe bwelo egolo.
\p
\v 6 Basi makalaga jaja joonse jale mfano jueto, ebuga eshe tuhabe kolwa bantu bekonda jabejagu kama naboo balya bale baghairye.
\v 7 Mhaboba mghajelaga bagwe, kama bulya bange bobo bale lele kama bulya biayandekirwe, “Bantu banitire nsee balagelate nenywa, na bakaboka enesa kwa ekonda bumale.”
\v 8 Tuhabe eghaya bumale bobage bulya baghairie. Bakaghaya nkya kimwe bantu milonge ebele na edatu kwa sababu byo.
\v 9 Wala tuhabe ejariba Kristo, bulya baneni bo bobaghaire na baharibura kwa tyanyi.
\v 10 Na muhabe egaba gaba, bulya baneni bobo bagamba gabire bakaharibwa Malaika wa mahuduku.
\p
\v 11 Basi makalaga jajyo jaghaekire kama nmfano kweto jakandekwa ebuga jatuonye eshe-balya tuhikerwe miisho ya kala.
\v 12 Kwekola kilya olya ebone nemire noba mwemelu ahajeegwa.
\v 13 Hati jaribu lilya babande enye liyilya kawaida ya bantu. Ila Mugwe mugwanu atimune bahaba miaribwe eheta ehiki lienyu. Hamwe na jaribu woo nakehaba mlyangu juwe humeriya, ebuga mhikie stahimili.
\p
\v 14 Kwa bobyo, bakondwa bawa, rohai ghorou ya Bagwe.
\v 15 Gabate nenyie boo bantu bale bughara, ebuga mwamwe kwa lele bugate.
\v 16 Kikombe kya baraka tubarioho, tii ushiorika bwa daghami ya Kristo? Mkate julya tumegate, tijwa ushirika bwa mubele jwa Kristo?
\v 17 Kwekola Mkate jumqwe, eshe tule baneni tule mubele jumwe. Eshe shoonse tyulepokee mkate jumwe nkwa jumwe.
\p
\v 18 Raberyai bantu ba Israeli: Ale! Balya boonse bale jate dhabihu tii bashiriki katika madhabahu?
\v 19 Bugate njii? Ekola bagwe kindo? Naga bilya bihumirigwe kwa bagwe ni kindo?
\v 20 Alee bugate ebuga binto bilya bihumigagwa sadaka bantu babapagani baa Matongo, ekola bahumagya binto bibi kwa bisele bya nsee na tii kwa Mugwe. Nanie tiikonde nenyie mshiriki biselo bya nsee!
\v 21 Mtimune ehikya enyela kikombe kya Mwegeri na kikombe kya binto bya kiselo kya nsee. Mtii ekolwa bushirika na meza ya Mugwe na Mwegeri katika Meza ya biselo bya nsee.
\v 22 Anga tuwagetela Mwqegeri Wivu? Tule nguru jineni mno yehe?
\p
\v 23 “Binto byonse ni ngalali,” Lee tiibyonse bijaregu. “Binto byoonse ngalali,” alele ti byonse byobokaga bantu.
\v 24 Hati rari omwe aleosora jajaregu jehe weka. Anamuna yehe kila omwe abale asora ja mulugu wehee.
\v 25 Mkehikya elya kinto kitejatwe sogoni bila ehabeoboroborya kwa ajili ya dhamiri.
\v 26 “Maana nseeno ni mali jya Mwegeri na bioonse biojorie.”
\v 27 Na monto atiedekele abalika lilya, na mkondate, egenda, liya kilya mhejatwe na mhabe boriya maswali jaa dhamiri.
\v 28 Alee monto ababiela, “Biliya bibi bibokane na sadaka ya bapagani,” mhabeliya. Eno kwa ajili yehee olya ababiere, na kwekola dhamiri.
\v 29 Nanie tiimani shatie dhamiri jienyu, bali dhamiri ya oliya onge. Maana kwaji buhuru bwawa buhukumiwe na dhamiri ya monto ungee?
\v 30 Wakolwa niee tumiate bieliya kwa hanana, kwajidumwe kwa kinto bulya bugire hahana. Kwa kyo?
\p
\v 31 Kwa bobyo, kiokionse mlejate b naga enywa, naga kionsee mghayatie, ghaya bioonse kwa ajili ya buseri bwa Mugwe.
\v 32 Mhabe eboreriya Bayahudi naga bayunani, naga kanisa lya Mugwe.
\v 33 Jaribai baniye bulya bajaribate eghameriya bantu boonse kwa makalaga jonsee. Tisorate faida yawa mwene, bali ya baneni. Naniye ghayate obyo ebuga behonokigwe.
\c 11
\cl Mlyangu 11
\p
\v 1 Tubegerai Niee, kama ne niee bulya mtubegeraga Kristo.
\p
\v 2 Riolo nimbagorate kwa bulya ya bulya mterergia katika makalaga jonse. Nibaghorate kwa bulya mujerigire mwanayighire kama bulya najaletire kwenyu.
\v 3 Basi kondate mumanye ya ebuga Kristo nimtwe jua kila wabalome, nene wa balome ni mtwe juaa wabaka, na ya eba Mugwe ni mutwe juaa Kristo.
\v 4 Kila wabalome ehelate anga ahumatie buerangu ale ariekirwe mtwe anakiabisha mtwe juehe.
\v 5 Alele kila wabaka ehelate anga ehumia buerago hali mtwe juehe jule hobiji akisokatiye mtwe juehe. Kwa bulya ni sawa sawa na kama amwerwe.
\v 6 Ikiwa kila wabaka atubuneesubukerya, mtwe juehe, na ekebwe jiele jiehe jiba jindinko. Bulya ikaba ni nsoni wabaka ekeba jiele jiehe anga emwebwa, basi nasubukerye mtwe juehe.
\v 7 Kwa itiumuhikire wabalome esubukerya mtwe juehe, kwa bulya woo ni mdfano na buseri bwa Mugwe. Alee wabaka ni buseri bwa wabalome.
\v 8 Maana wabalome atandiebokana na wabaka. Bali wabaka abokire na wabalome.
\v 9 Wala wabalome atanti ebwa kwa ajili ya wabaka. Ale wabaka aumbirwe kwa ajili ya wabalome.
\v 10 Eno nioo bulya wabaka ahikirwe eba na eng'asa ya bwegeri egolo ya mtwe juehe, kwa bulya ya Malaika.
\p
\v 11 Ejagha bobyo, Kama Mwegeri, wabaka atiho weka hati wabalome, anga wabalome hati wabaka,
\v 12 Maana kama bobyo wabaka abokire kwa wabalome, na bobyo wabalome abokire kwa wabaka. Na binto byonse bibokaga kwa Mugwe.
\v 13 Esidagie weka: Ale! Ni saba wabaka omwe helate Mugwe hali mtwe juehe kile bio?
\v 14 Ale ejagha yeng'onye yoka yehe itubune ebabania ya bulya wabalome ale na jiele jilehangu ni ni nsoni kwehe?
\v 15 Ale, yengh'onye itubune babanisha ya bulya wabaka ale na jiele jilehu ni buseri kwehe? Maana aherwe jilia jiele jilehu kama ngobi liehe.
\v 16 Alee ikaba monto wowonse akondate eshindana egolo ya lele, eshe tutinamna inge, wala ghorowane ya Mugwe.
\p
\v 17 Katika butomwa jatubegerate, nie tibaghorate. Mamna mumogonate, tii kwa faida bali kwa hasara.
\v 18 Mamna mbele, nojagia ya eba mjaghanate ghorowane, hale madikedieka kate yenyu, na kwa hantu nijendekere.
\v 19 Kwa mamna nindazima ikolwe ekirirania kate yenyu, ebuga bulya balya bendekerwe mbamanyekande kwenyu.
\v 20 Kwa mamna mumogonate, kilya mlejate tii bielya bya Mwegeri.
\v 21 Mwalagela, kila omwe alejaga biehe womwene mbele bange batandilagela Ejagha onyo ale jalo, na oyo nabogitire.
\v 22 Ale, mtii Nyumba jiue lagela na enyuela? Ale, mulimenate Kanisa lya Mugwe na ebafedhehesha balia bati na kantu? Buge ni njii kwenyu? Mbagore? Ngabe ebaghora katika lee!
\p
\v 23 Mamna mbaherwe eboka kwa Mwegeri kilya olya nimbahaba enyie ye eba Mwegeri Yesu, budiko bulya ale alegirwe, atorire mkate.
\v 24 Amamna ya hanana, abunde na ebuga, “Jojo juoo mubele juawa, jule kwa ajili yenyu. Ghayai bobyo kwa eterya niee.”
\v 25 Na bobyo bobyo akatola kikombe amamna ya bielya, na akebuga, “Kikombe keke ni agano lya mbya katika daghami yawa. Ghayai bobyo mara jineni kila minywejate, kwe terya niee.”
\v 26 Kwa kila ngende mlejate mkate jojo na ekinyela kikombe, muitangazate lukyo lwa Mwegeri mbaka liliaakejoka.
\p
\v 27 Kwa bulya, kila ajunyejate mkate anga ekinywela kikombe kekyo kya Mwegeributihikere, akeba abeha buhombya bwa mubele na ndaghami ya Mwegeri.
\v 28 Monto aborye woo mbele, na bobyo nalie mkate, na ekinywela kikombe.
\v 29 Mamna nalejale na enywa bila ejushindanela mubele, alejate na enywa esidagigwa weka mwene.
\v 30 Eno nioo bulya bantu baneni kate yenyu ni mbarware na batiguru, na bariri yenyu mbakire.
\v 31 Alee twewreberya bene tutubune esidagiwa.
\v 32 Ila tusidagatwe na Mwegeri, tujokelatwe, ebuga tuhabeje tukazidagigwa hamwe na Dunia.
\p
\v 33 Kwa bulya, data na keribyari yawa, tumogonate tubane elagela, tubetanei.
\v 34 Monto ale na jalo, na nalagela nyumba nane, mwehe, ebuga bulya mujaghanate hamwe ihabe eba na basidagia. Na ehusu makalaga jange mwandekire, Nikebakalagia liliakeja.
\c 12
\cl Mlyangu 12
\p
\v 1 Ehusu karama jya nkolo nane, data na keribyari bawa ntikonde muhombie emanya.
\v 2 Muje ya ebuga mwale bapagani mwaheterwe etubegera Bagwe jilijitigambate, kwa nkondo jionse mwaheterwe najo.
\v 3 Kwa bobyo, kondate mumanye bulya hati wowonse akalagate kwa nkolo ya Mugwe abugate, “Amelaaniwa.” Hati wowonse olya akebuga, “Yesu ni Mwegeri” isipokuwa katika Nkolo Mseri.
\p
\v 4 Basi ngo hale karama tofauti tofauti, alee nkolo ni woo olya.
\v 5 Na hale huduma tofauti tofauti, alee Mwegeri ni woo olya.
\v 6 Na hale aina jineni jya milemo, alee Mugwe ni woo olya ajighayagia milemo jionse katika bonse.
\p
\v 7 Basi ngo kila omwe ahejagwa bufunuo wa nkolo kwa faida ya bonse.
\v 8 Mamna monto omwe aherwe na Nkolo ekalaga lya Hekima, na bange ekalaga lya bughara kwa Nkolo elya elya.
\v 9 Kwa onge ahejagwa edekelya kwa Nkolo elya elya, Na kwa onge karama ya ehorya kwa Nkolo emwe.
\v 10 Kwa onge matendo ya Nguru, na onge Mubani. Na Kwa onge buwezo bwa emyanya nkolo, onge aina jineni jya lugha, na kwa onge erigola jya lugha.
\v 11 Alee Nkolo ni olya olya aghayatie milemo jiiji jonse, emuha kila monto karama kwa buwezo bwa bulobolwa bwehe mwene.
\p
\v 12 Kwa mamna kama bulya mubele ni omwe najuo jule bingengo bineni, na ngengo jionse ni jya mubele julya julya, booo bio na Kristo.
\v 13 Kwa mamna katika Nkolo omwe eshie eshionse twabatisirwe kwa mubele omwe, bulya gioka Bayahudi anga Bayunani, bulya gioka batomwa anga huru, na bonse twagushirigwe Nkolo omwe.
\p
\v 14 Kwa mamna mubele tii ngengo kimwe, ale ni bineni.
\v 15 Ikeba Kugolo gukebuga, kwa bulya niee tii kuboko, niee tii sehemu ya mubele bobio etighaetie elege ekolwa sehemu ya mubele.
\v 16 Na ikeba kusikelo kukebuga, kwa bulya niee tii riso, niee tii sehemu ya mubele, bobyo itighaekaga elege ekolwa sehemu ya mubele.
\v 17 Kama mubele juonse jukekolwa riso, kukekolwa koo ojia? Kama mubele juonse jule gusikelo, kwale kwekolwa kusikelo, kwale kwekolwa koo enyoka?
\v 18 Alee mugwe aghaghare kila ngengo kya mubele hantu hene kama bulya apangire mwene.
\v 19 Na kama bionse biale biakolwa ngengo emwe, mubele juale juekolwa koo?
\v 20 Bioo riolo ngengo ni jineni, ale mubele ni jumwe.
\v 21 Riso litubune ehikya ejubiela kuboko, “Tiina haja nawe.” Wala mtwe jutiihiketie ejubiela magolo, “Tii haja nenye.”
\v 22 Alee ngengo jya mubele bibanekanaga ebana na nsoni jiriri jikondegana jineni.
\v 23 Na biungo bya mubele tugeraga bile nsoni jiriri, twabiha nsoni nmno, na biungo bieto bitii naenyukana bile bujaregu mno.
\v 24 Na riolo biungo bieto bile na enyukana biti haja ya ehebwa nsoni, kwabulya tayari bile nsoni. Alee M abindabandie ngengo jionse hamwe, na abihere soni mno bilya bitibintisokirwe.
\v 25 Aghairie bobyo ebuga hahabeghayia ekekebieka katika mubele, bali ngengo jionse birashanie kwa lukondulwa omwe.
\v 26 Na ngero ngengo emwe yalwala, ngengo jionse bialwala kwa limwe, anga gende ngengo emwekiyasokwa, ngengo jionse biaghamela kwa hamwe.
\p
\v 27 Riolo enyie ni mubele jwa Kristo na ngengo kila omwe woo weka.
\v 28 Na mugwe aghaghare katika Kanisa bushone batomwa, kabele mubani, kadato bamanyererya, halafu balia bonse baghayagia maghayagya jikolo, halafu karama za uponyaji, wale barasheragia, balya baghayagia milemo ya bwekorani, na bonse bale na aina jineni jya kigambo.
\v 29 Ale, eshie eshonse tule batomwa? Eshie shonse ni berango? Eshie eshonse tule bamanyererya? Ale, eshie eshonse tughayagia bighori bya Miujiza?
\v 30 Ale, eshie eshonse tyule karama ya ehorya? Eshie eshionse tugambate kwa kigambo? Eshie eshionse turigiotaga kigambo?
\v 31 Sorai mno karama jiliya jikolage. Nanie nikebabania kondo elya njaregu mno.
\c 13
\cl Mlyangu 13
\p
\v 1 Twabuga ebuga nagamba kwa lugha jya bantu na jya malaika. Ale kola ati lukondo mboba mugonda jule anga juti belya.
\v 2 Na ebuga ninde karama ya bunabii na emanya lya nsaba jilya jibisirwe na Maarifa na ebuga ninde ndekela lya esamiya ngita. Ale yobantii lukondo niyee ntii nkinto.
\v 3 Natubuge ebuga nikehumiya milki yawa yonse na ebaragerya maskini na ebuga najuhumya kane mubele jwawa ebuga jaghwe moki. Ale kola ntii lukondo itighwasheratye kinto.
\p
\v 4 Lukondo n ne vumilia na huhifadhili. Lukondo utiegorete ana egajia. Luti kiburi
\v 5 anga ukorofi. Utisorete makalaga jehe utibanete bughatari haraka, anga utitalete jabeju.
\v 6 Utighamelate udhalimu anamuna yehe ughamele katika nsaba.
\v 7 Lukondo buvumiliaga makalaga jonse; Ule bughomi katika nmakalaga jonse, na umitagyia makalaga jonse.
\p
\v 8 Lukondo lutikomanga yoba hale bunabii bwonse bukeheta. Yoba hale lugha jikoma yoba ahe maarifa yakeheta.
\v 9 Kwa ebbu tuje kwa hantu na tughayagia unabii kwa hantu.
\v 10 Ale yoba ile bobyo ile kamili, ilya itii kamili ikiheta.
\v 11 Lilya nale mwana, nabugire kama mwana, nakafikiri kama mwana, na kaamua kama mwana bulya mbakore koba monto mukolo kagitela kulehu naniye makalaga ja kibana.
\v 12 Kwe oba rilyo tukebanana kama kwa kioo kama sura kirimamu nane. Ale ngere ilya tukebanana busho kwa busho rilyo ninjije kwa hantu ale ngeire ikemanya muno kola nanye mbulya manyekande muno.
\v 13 Ale rilyo makalaga jaja jadato yakemitya. Edekela tumaini lijate kikolo zaidi ya jaja ni lukondo.
\c 14
\cl Mlyangu 14
\p
\v 1 Sorai lukondo na ererera muno karama jya nkolo nane, zaidi muno uhikie ehumiyia unabii.
\v 2 Anamuna wo ulya agambaga kwa lugha atii bugaga na bantu bali abugaga na Mugwe. Anamuna tutibaelewa kwa bulya agambate makalaga jalya jabisirwe katika nkolo.
\v 3 Ale wo ahumatye unabii akebuga na monto na eboka, ebagitela nkolo nane, na ebasasama.
\v 4 Wo ulya agambaga kwa lugha ejobokelaga mwene ale ulya ahumatye bunabii ejobokelaga Ghorowane.
\p
\v 5 Rilyo nkondate ebuga enye nyonse mugambe kwa lugha ate zaiodin ya jajyo, nkondate ebuga muhumiye bunabii ulya akehumiya bunabii ni mukolo kuliko ulya ulya agambate kwa lugha (labuna akolwee wetafasiri), ebuga ghorou libanee eobokwa.
\p
\v 6 Ale rilyo bamukolwa babalome na babaka naja kwenye nkagamba kwa lugha nkebarasherya njii enyie? Ntihiketye, yalageekolwa bugate enye kama nkondo ya ufunuo, anga kwa kondo ya maarifa, anga bunabii, anga kwa nkondo ya fundisho.
\v 7 Yakolwa binto biti serye kama filimbi anga kinubi vitihumagiya ero jile utofauti, ikemanyekana boo ni kyombo kee kikenoswa?
\v 8 Anamuna yakolya baragumu ikehumiya ero itimanyekanate jinsi keemunto atetambua ya kuwa gara yebanererya kwa bita.
\v 9 Bobyo bobyo nnyie mwehumiya kwa luleme ekalaga liti lyasaba, ni jinsi ke monto akemanya kilya kibugatwe ukoba mugambate, na hati akelewa bojya.
\v 10 Hati sha ebuga hale lugha jineni jya kulehu kulehu nseno na hatiriri emwe iti anamuna.
\v 11 Ale yakolwa ntije amamuna ya lugha, nikeoba nigeeni kwehe wo ale, nene ale akeoba mgeenin kwawa.
\v 12 Bobyo bobyo na nenye. Kweoba mkondate muno buthihilisho bwa nkolo, kondai ebuga muhikye muno ehinga ghou.
\p
\v 13 Rilyo ulya agambate kwa lugha na ulya ehelate ahebwe kutafsiri.
\v 14 Kwabulya nehela kwa lugha, nkolo yawa yehela, ale bughara bwawa, butindetele.
\v 15 NKeghajiya njii kwa nkolo yawa, ale ebega nikehela kwa bughara bwawa, nikeghuja kwa nkolo yawa nani nikeghuja kwa bughara bwawa.
\v 16 Bulya bule bagamerya Mugwe kwa nkolo wo ulya ale mgeeni akedeka bo “AMINA” uhumatye hanana, akolwa atije jalya ubugate?
\v 17 Anamuna niya nsaba we bahumerye hanana bujaregu ale ulya unge atioboketwe.
\v 18 Hanana Mugwe kweoba ngambate kwa lugha jineni yenye nyonse.
\v 19 Ale katika ghorowane ni heri ngambe makalaga eshano kwa bufahamubwawa ebuga bane ebamanyeryua bange, baneni na egamba makalaga janeni kwa Lugha.
\p
\v 20 Mukolwa wa balome na wabaka muhabeoba bana katika efikiri lyenyu. Anamuna yehe ehusiana na bibugu bibejagu, yobe kwama bana baghera. Ale katika efikiri kwenye mwobe bantu makolo.
\v 21 Yandekirwe katika kioloterye, “Bantu ba lugha neni na kwa buromo bwa baneni bakebuga na bantu baba. Wala angatiboboo batimune njojia.” Abughate Njaghamba.
\p
\v 22 Eno niyo ishara, tikwabalya baamiinire, Bali kwabalya batiamiinire. Ale ehumi bunabii ii ishara kwa balya batiamiinire, bali kwa ajili ya bulya bamiinire.
\v 23 Hajya, mwoba Ghorou yonse mubahikelana hamwe na bonse balya bagambate kwa lugha bange na balya batiaminiate babashala, ale batihiketye ebuga mule wazimu?
\v 24 Ale yakolwa bonsed muhumatye bunabii na ulya atiaminiate anga mgeeni akashala, akesabasabwa na yonse jalya mugatye. Atebohwa na jonse jagambagwa.
\v 25 Siri ya mkolo yehe jibale jihingolwa, matokeo jehe aleagwa kisuha akamhere Mugwe. Aleabugu ebuga Mugwe alekate yenyu.
\p
\v 26 Ninji kibisatwe basi, mukolwa wabaka na wabalome? Mwakolana hamwe, kila umwe ale Zaburi, Mafundisho, Mafunuo, lugha anga tafsiri. Ebekai kija kinto ebuga mwoboke Ghorou.
\v 27 Kama ulya wonse agambate kwa lugha akolwe babele na nbandatu na kila omwe katika zamu na monto lazima atatafasiri kilya kibugirwe.
\v 28 Ale kola hati monto wetafasiri basi kila omwe bobamitye ndane ya Ghorou. Basi kila omwe agambe we ka na kwa Mugwe.
\p
\v 29 Na Nabii babele anga badatu bagambe, na bange bategerye kwa kupambanua kilya kibugirye.
\v 30 Ale ulya amitirye akahingolwa kinto katika milemo, ulya abagambaga asise.
\v 31 Kwe kolwa kila omwe wenyu ahikyehumia unabii omwe anamuya unge ebuga kila omwe ahikye emanyerya na bonse bahikye egitelwa nkolo.
\v 32 Kwe kolwa nkolo jya manabii jile nsee ya buraberi bwa manabii.
\v 33 Kwe kolwa Mugwe ti Mugwe wa machafuko, bali nwo sayo. Kama bulya ile Ghorou ne jonse jya Baumini,
\v 34 imewapasa wabaka bamitye asise Ghorou. Kwe kolwa batiruhusiatwe egamba. Anamuna yehe matakiatwe bakolya katika busasamanu, kama kioroteryo bulya kibugate.
\v 35 Kola hale kinto ukondate emanyerya, baba borye balome bobo kwa kaya kwekolwa ni nsoni wabaka egamba katika Ghorou.
\v 36 Ale nekalaga lya mugwe libokire kwenyu? Ale libahikere enye nyeka?
\v 37 Kola monto anban ekola ni nabii anga wa Nkolo nane imukondate ajamanye makalaga jalya jaandekatwew ye buga ni makalageri ja Njaghamba.
\v 38 Ale egemanya jaja bahabei bahabe manyekana.
\p
\v 39 Bobyo ngo, bamukolwa balome na wabaka, kondai muno bunabii na muhabe mugilya ninto ulya wonse egamba kwa lugha.
\v 40 Ale makalaga jonse jaghajyei kwa bujaregu na kwa butaratibu.
\c 15
\cl Mlyangu 15
\p
\v 1 Rilyo nimbatereratye, bamukolwa balome na bamukolwa ba baka, egolo lya injili ilya ihubiriatwe, bwe bulya mwaherwe mkema nayo.
\v 2 Ni katika injili eno mubaokolewa, kama mwalidaba imara ekalaga nilya bahubiriire enye yalage kolwa ngitegolo bure.
\p
\v 3 Kama bushone bulya namiherwe kwe umuhimu namireterwe kwenye kama bobyo: Ebuga ebokana na maandiko Kristo akire kwa ajili ya ghadaba jito,
\v 4 ebokana na maandiko aryekirwe, na ebuga naryokire nkya ya kadatu.
\v 5 Na ebuga amuhumirye Kefa kisha kwa balya ekomi na babele.
\v 6 Kisha akabahumela kwa ngeree emwe bamukolwa babalome na babaka zaidi ya ekomi na eshano baneni bobo bado bale serye ale bariri bobno barare.
\v 7 Kisha akamuhumela Yakobo, kisha Bamtomwa boonse.
\v 8 Suha ya jonse ang'umere niyee kama bulya kwa mwana abirwe katika gara iti sahihi.
\v 9 Kwe kolwa niyee nde muriri kate ya bamtomwa. Tighasete etyelwa mtomwa kwa bulya natiririre Ghorou ya Mugwe.
\v 10 Nale kwa bujaregu bwa Mugwe nde kama nde, na bujaregu bwehe kwawa butire bwa bure. Anamuna yehe, naghairye bidii kuliko bonse. Lakini haikuwa mimi, bali neema ya Mungu iliyo ndane yangu.
\v 11 Ale kwa rilyo kola niyee, nanga boo tukehubiri bobyo na tunaamini bobyo.
\p
\v 12 Rilyo kama Kristo ahubirierwe kola afikire kwa bakire, yobebo bariri benyu mubuge hati eryoka na bakire?
\v 13 Ale kola hati eryoka bwa bakire, basi ejagha Kristo atibandi riyoka.
\v 14 Na kola Kristo atandiryoka, arilyo mahubiri jenyu ni bure na edekela lyenyu ni bure.
\v 15 Na tubabunekana oba bashindi ba berehi ehusu Mugwe ebuga kwa mshuhudire kisuha, ebuga aryokirye Kristo anga atibandiryokya.
\v 16 Kolo mwobakire mutimuneryokigwa Yesu pia atibandi ryokigwa.
\v 17 Na kola Kristo naryokire, edekela, lyenyu ni bure na bado mule mule kwenye ghadaba jienyu.
\v 18 Rilyo njigha balya bakire Katika Kristo mbaagamiire.
\v 19 Yoba kwa madiko jaja ya wo woka tule ujasiri kwa ngara kwa ijate ndane ya Kristo, bantu bonse, eshe bererlwa muno ya bantu boonse.
\p
\v 20 Ale riolo Kristo nabaryoka eboka, kwa bakire, ndetele jya mbelee jya bulya bakire.
\v 21 Ebuga lukyo lwajire kwa bulya ya Bantu, pia eheta kwa bantu eryokigwa lwa bakire.
\v 22 Kweoba kama Adamu bonse bakikya bobyo katika Kristo bonse bakegitelwa serye.
\v 23 Ale kila omwe katika mpango juhe: Kristo, ndetele ji bushone nakisha balya bale ba Kristo bakeghaigwa nkya yeju kwehe.
\v 24 Ndiyoo ukeoba wa suha, halya Kristo akokolwa akesegera Bwegeri kwa Mugwe Baba.
\v 25 Eno ni halya akeng'ore ekomisha utawala bwonse na Mamlaka jonse na nguru. Kwekolwa lazima utawale mpaka halya ukegitela maadui jehe jonse nsee ya mangolo jehe.
\v 26 Adui ba suha bakegharagharigwa ni lukyo.
\v 27 Kweoba “bagitere kila kinto nsee ya magolo jehe.” Ale ebugate, “mugitere kila kinto,” ni hashe ebuga eno itihusishete balya bagitere kila kinto nsee yehe weka.
\v 28 Ngara binto byonse bigiterwe nse yehe, Mwana weka akegitelwa nse yehe kwehe ulya abigiterew vinto byonse nse yehe eno nikehumela ebuga Mugwe Baba obe jonse katika byonse.
\p
\v 29 Anga mughayatye njii balya badisire kwa ajili ya bakire? Kama bakire barikire lyonse, kwa nji lenge babadizatwe kwa ajili yobo?
\v 30 Na kwabulya bo tule katika hatari kila gara?
\v 31 Bamukolwa babalome na babaka, eheta eghora kwawa katika enye, ambayo ni nde katika Kristo Yesu Jaghamba yeto, natangaza bobyo: nakya kila nkya.
\v 32 Ifaidishatye njii, katika mtazamu jwa monto, kola narwere na banyama baghomi kokyo kwa Efeso, kola bakire baryokere? “Haba ngo tulye na njala kwekolwa labu tukekya.”
\v 33 Muhabesasabwa: “Majyo jabeju jaharibaga tabia njaregu.”
\v 34 Mwobe na kiasi! Mtole katika haki muhabejokela eghajya ghadaba. Kwe kolwa bariri benyu hati maarifa ja Mugwe. Bugate bobyo kwa nsoni jyienyu.
\p
\v 35 Ale monto unge akabuga, “Ni jinsi ke bakire baryokire? Nabo bakeja na aina keya mubele?”
\v 36 We ule muraganu muno! Kilya ubahurere kitihiketye eanze ekola yalagekolwa kikire.
\v 37 Nakilya uhurelati tii mubele amba juke oba, bali ni mbegu iliya ibashirye. Ile uwezo bweoba ngano nanga kinto kinge.
\v 38 Ale Mugwe akeiha mubele kama bulaakekonda na katika kila mbegu mubele jwehe weka.
\v 39 Mibele jionse jitiegane. Yalage kolwa, hale mubele jumwe jwa Bantu, na mubele junge jwa banyama, na mubele junge jwa nyonye, na junge kwa ajili jwa samaki.
\v 40 Pia hale mibele jwa bingu na mibele jwa nse. Ale ndiagha ya mubele jwa mbingu ni aina emwe na ndiagha ya nse ninge.
\v 41 Hale ndiagha emwe yaghari na ndiagha inge ya Mweri na ndiagha inge ya njoto kwekolwa njoto emwe iletofauti na inge na mweri na ndiagha inge ya njoto inge katika ndiagha.
\p
\v 42 Bobyo byo unga ale eryoka lya bakire. Kihurelagwa kiharibekaga kilya kimelaga kitiharibekaga.
\v 43 Kihurerwe katika matumizi ya kawaida kihuregwa katika ndiagha kihurerwe katika udfhaifu kihurerwe katika nguru.
\v 44 Kihurerwe katika mubele jwa ong'onyi, kibahurelwa katika mubele jwa nkolo. Kola hale jwa ong'onyi, hale na jwa nkolo pia.
\p
\v 45 Bobyo pia yandekirwe, “Monto wabele Adamuaghaekire nkolo itolaga.” Adamu wa suha ahikire nkolo ihumagia serye.
\v 46 Ale wa nkolo atibandi eja bushone bali wa ong'onye, na kisha wa nkolo nane.
\v 47 Monto wa mbele ni wa nse yagharerigwe na bughu monto wa kabele abokire kwegolo.
\v 48 Kola bulya oyyo agharerigwe kwa bughu rilyo enjagha babyo agharerigwe kwa bughu kola bulya monto wa kwegolo ale bobyo ngo balya ba kwegolo.
\v 49 Kola bulya tuebare mfano jwa monto wa bughu, tukeebula npia mfano jwa monto wa kwegolo.
\p
\v 50 Riolo nababniela, bamukolya babalome na babaka, ebuga mibele jwa adamu jutihiketye eurithi bwegeri bwa Mugwe. Anga atieharibeka kurithi bwelege ateharibeka.
\v 51 Raberyai! Nimbabelate enye siri ya nsaba tutimune ekya bonse tukebadilisha.
\v 52 Tukebadilisha katika ngara, katika ehigwa ne hingola kwa riso, katika tarumbeta ya suha. Kwekolwa tarumbeta ikejura, na bakire bakeryokigwa na hali yelege haribika na elege badilisha.
\v 53 Kwani jojo jwa jweharibika lazima webeke jwelege hati haribeka na jojo jwekya lazima ujuebeke na elege ati ekya.
\v 54 Ale ngara eno jwe haribeka wa bekwe na jwelege haribeka na jojo jwekya webeka jwelegeekya ndiyo jukeju musemo julya jwandekirye, “Luikyo kimerye katika ushindi.
\q1
\v 55 Lukyo, Ushindi bwajyo buleha? Lukyo, buleha bulolo bwajyo?”
\p
\v 56 Bulolo bwa lukyo ni ghadaba, na nguru bwa ghadaba ni Kioloteryo.
\v 57 Ale hanana hya Mugwe, atuhejaga eshe ushindi eheta Jaghamba weto Yesu Kristo!
\p
\v 58 Kwa bobyo bakondwa bamukolwa babalome na babaka, obai imara muhabe sukusuka. Daima ghajia milemo ya Njaghamba. Kwa bulya muje ebuga milemo yenyu katika Njaghambna tii bure.
\c 16
\cl Mlyangu 16
\p
\v 1 Ngara egerenania ya waumini kwa ajili ya waumini, kama bulya na banererye Magharou ja Galatia, rilyo rilyo mkondatwe eghojya.
\v 2 Katika nkya ya kwanza y a wiki, kila umwe wenyu agitele kinto fulani kulehuna ekidaghara, kola bulya muhiokatye ghajia bobyo ebuga kuhabeoba na michango ngara nkeja.
\v 3 Nahika ulya wonse akemtola akemutoma hamwe na mborwa ehumia Sedani kokyo kwa Yerusalemu.
\v 4 Na kola ni sahihi kwa niye pia bakegera hamwe nanye.
\p
\v 5 Ale nikeja kwenyu, ngara ngetatu Makedonia. Kwe oba nikeheta Makedonia.
\v 6 Anga nikehikya mitya nenye ejagha eshluba majira jya muyaga, ebuga muhikye endasherya katika safari yawa, halya honse.
\v 7 Kwe kolya nitarajiate ebabagara na agende ndinko kwani mule tumaini emitya nenye kwa ngara inge kola njaghamba ikeniruhusu.
\v 8 Ale nikemitya Efeso mpaka Pentekoste,
\v 9 Kwekolwa mulya juneni juhighorwe kwaq ajili yawa na hale maadui baneni bandegate.
\p
\v 10 Bilyo ngata Timotheo aja, mubanei ebuga ale nenye hati eryala, eghaji milemo ya Njaghamba, kama bulya ghayatiye.
\v 11 Monto ulya wonse nahabe emutharau. Murusheryei katika nkondo yehe ya sayo ebuga ahikye eja kwawa kwekolwa mukondo aje hamwe na ndogo.
\p
\v 12 Rilyo agerani na ndogo yeto Apolo. Namugitere nkolo muno ebagerela enye hamwe na ndogo. Ale wakondaga elege eja kwa rolyo ejagha ngara ana nafasi.
\p
\v 13 Mwobe meso, emai imara, mughaje kama balome mwobe na nguru.
\v 14 Bajo jonse jalya mughayatye mughaeke katika lukondo.
\p
\v 15 Muije kaya ya bStefana. Muje ebuga bale na rilyo ni basasamute bamukolya babalome na babaka kukyo Akayaxxxxxxxxxxxxxxxxxxxx.
\v 16 Obai basasmanu kwa bantu kama babyo na kwa kila monto katika milemo ghairye milemo hamwe neshe.
\v 17 Nighamelate kwa ujio wa Stefana, Fotunato, Na Akiko. Bemire hantu ambapo enye mukondatye mwobe.
\v 18 Kwe kolya mwagamerigwa nkolo yawa na yenyu kwa rilyo bamanyei bantu kama baba.
\p
\v 19 Na Ghorou ya Asia babatoma salamu kwenyu. Akila na Priska bakebagasha katika Njaghamba, hamwe na Ghorou lilya ile nyumbani kwobo.
\v 20 Bamukolya babalome na babaka bonse mubaghayatye gashanai kwa busu takatifu.
\p
\v 21 Niye, Paulo, aandeka bobyo kwa mukolo jwawa.
\v 22 Kola ulya wonse atimukonde Njaghamba, ngo nghadaba yobe egolo yehe. Njaghamba weto, enjoo!
\v 23 Edekela ya Njaghamba Yesu yobe nenye.
\v 24 Lukondo lyawa lyobe hamwe nenye katika Kristo Yesu.