See in Reader
1140 lines
90 KiB
Plaintext
1140 lines
90 KiB
Plaintext
\id JHN
|
||
\ide UTF-8
|
||
\h Yohana
|
||
\toc1 Yohana
|
||
\toc2 Yohana
|
||
\toc3 jhn
|
||
\mt Yohana
|
||
\c 1
|
||
\cl Chunda 1
|
||
\p
|
||
\v 1 Mo ntangiro abhesenga nti kinwa, n'e kinwa chabhesanga hima na Ongo, n'e kinwa chabhesanga nti Ongo.
|
||
\v 2 Chabhesang'eraroso hima na Ongo.
|
||
\v 3 E bhikai bhiti byaronjiwanga nacho, na kusira mo byakierwanga hasira cho.
|
||
\v 4 Mu 'cho ngi mwabhesang'e bhuingo, n'e bhuingo bwabhesa chaka ch'e bhea.
|
||
\v 5 E chaka chasaka mo mwerimya, n'emwerimya nt' wakocha cho.
|
||
\p
|
||
\v 6 Kwabhesanga kuri wabhume uma ntumwa ya Ongo: e rina rae ngi Yohana.
|
||
\v 7 Wiyanga bhuri kariho, mw'ibhereresha e chaaka kongo bhati bhasimira kuriwe.
|
||
\v 8 Nti wabhesanga nge chaaka, iina wiyanga mw'ibhesa kariho k'e chaaka.
|
||
\v 9 Kino chaaka chabhesanga nge chaaka che riira, mu riya racho mu chuo chashea chaaka kuri kinsi mwea.
|
||
\p
|
||
\v 10 Chabhesanga kiri mu chuo, ne chuo charonjiwanga nae, ne chuo nti chamusibhanga.
|
||
\v 11 Chianga kuri bhana rwae, na bhana rwae nti bharisimira cho.
|
||
\v 12 Ina kuri e bhati mbi bharimurisia, imbi bharesimira e rina rae waninka bho bhunkangwe bw'ibhese bhana bha Ongo nti 'mbi bhabhutwa.
|
||
\v 13 Nti mu nchama, nti'mbi bha bhutwa mw'isase ra mubhi nt'isase ra mwea, ina ra Ongo.
|
||
\p
|
||
\v 14 E kinwa charonjiwanga mubhi, charika munkati n'itu, charisa nchumo ne riira; twasisirisa e bw'ime bwae, e bw'ime bhuri bwe ngomo ya Ongo bwatuka kwa tita.
|
||
\p
|
||
\v 15 Yohana wabhesa kariho kae, wakuwa: ng'webhanga 'ni ingu usiya kuruma nani wanisondorenga bhushwe wabhesanga wansondore.
|
||
\v 16 Na twamusheenga mo r'erisana rae mu nchumo ne nchumo.
|
||
\v 17 Bhuushe myomba yaninkanwanga na Musa e nchumo ne reiira bhiya na Yesu Kirisito.
|
||
\v 18 Anga mwea warisunga Ongo echa ngomo urikire mubhukubha bwa Tita, na iwe ng'war'emusibhisha.
|
||
\p
|
||
\v 19 Kae b'webhanga Yohana, e tambi e bhayahudi bharekiya bh'eya itukire ku Yerusalema, e bhashe bhakungu bhe mpero na Bharawi mwimushisha ongo ngi nye?
|
||
\v 20 Webha na ntwatina, webha nti ngi Kirisitu.
|
||
\v 21 Bhamushisha: mbe inki? ongo Eriya? nae webha: nti ani iwe, ongo mutahwa? webha mbu anga.
|
||
\v 22 Bhamuere: ongo ngi nye? kongo twasubhiye mumbi bhakututuma bhuni webha ongo?
|
||
\v 23 Webha, ani murenge ukuwange mo bweeru: ronja ense ya Tita e webhanga Isaya e mutahwa.
|
||
\p
|
||
\v 24 E bhatumwanga bhabhesanga nti bhafarisayo.
|
||
\v 25 Bhamushisha tu: bhushanki ongo rubhikange, kubha nti ongo Kirisitu ari Eria ari mutahwa?
|
||
\v 26 Yohana wasubhie bho: ani nirubhikange mo mecha, ina munkati niinu, hari uma nti bhanu mumosi, wiiya kuruma nani.
|
||
\v 27 Nta mukoch' iyobhora e muri we bhirato byae.
|
||
\p
|
||
\v 28 E bhinwa mbi byetanga ku Bhetania itaya na Kuyorodani, himpo habhesanga harubhikenga Yohana.
|
||
\p
|
||
\v 29 Minekakoma, wasunga Yesu wiiya kuriwe, webha: kae chana che mburi cha Ongo, e ki tunjange e bhibhi bw'e chuo.
|
||
\v 30 Iwe ngi webhanga ani: kuruma nani kwiya mwea ewanisondorenga, bhushe wabhesanga kubhusondori nani.
|
||
\v 31 Nabhesanga nti nimusi, iina wishea ku israeli bhushe niyanga karubhika mo mecha.
|
||
\p
|
||
\v 32 Yohana watura e mwasi ho: nakusunga e mutima wasika, bhuri kampite wasike kuriwe.
|
||
\v 33 Nabhesanga nti nimusi, iina iwe ng' wantumanga irubhika mo mecha, iwe wanishisha: ing' usesungayo ongo e Mutima wasika ku riwe, ngurubhikange mo Mutima mushasha.
|
||
\v 34 Nanasunganga, ungu wabhesanga webhange ani iwe ngi musike wa Ongo.
|
||
\p
|
||
\v 35 Minekakoma Yohana wabhesanga nturi hompo na ntumwa sae sibhi;
|
||
\v 36 Na, warekia wama sindera Yesu nt'wetange, webha: kae e chana che mburi cha Ongo.
|
||
\v 37 E santumwa sibhi serukira e bhinwa mbyo, bh'emisa Yesu.
|
||
\v 38 Yesu wakae kuruma, wasunga nti bhamubhungurange, washishabho: bhanu musondang'inye? bhamusubhiye: Rabi (nge rieba muhani), kuni kurikanga ongo?
|
||
\v 39 Mwie, washisha bho, mukai. Bhenda, na bhiiya harikanga we; na bharika kumushi nae e rotundo. Sabhesanga bhuri byunda bya ntamb'ikumi.
|
||
\p
|
||
\v 40 Nderea, musike abho Simoni, wabhesanga uri mo bhabh'imbi e bhorukirang' e kinwa cha Yohana, e bhabhunguranga Yesu.
|
||
\v 41 Abhesanga iwe wa kumananga wa roso musike abho Simoni, wamwire: twakusunga rukombora (nge ri ebha Kirisito).
|
||
\v 42 Na wariabho kuri Yesu, wamukae webah: ongo ngi Simoni musike wa Yona ukubhikirwayo Kefa (ng'iebha mbu okanga).
|
||
\p
|
||
\v 43 Mukakoma, Yesu wahuni ienda ku Ngariraya, wakumana Firipo. wamushisha: nimise.
|
||
\v 44 Firipo wabhesanga nti wa ku Betsaida, nti werubhungu rwa Nderea na Petero.
|
||
\v 45 Firipo wakumana Natanaeri, wamushisha: twakusunga ingu e watiranyiwanga na Musa mu myomba ne bhutahwa bwe bwanga, Yesu wa Kunazareti, musike wa Yosefu.
|
||
\v 46 Natanaeri wa mwire: Kunazareti kwa mutuka cha konda? Firipo wamusako: iiya, w'esungiri.
|
||
\v 47 Yesu, wakia wasunga Natanaeri wiiyange, webha kuri we: sunga e mwisraeri ingu kumunda nae kusira bhubhisha.
|
||
\v 48 Ongo 'nisi? wamushisha Natanaeri. Yesu wamushisha kubhusondori, Firipo wakubhikire, nti Ongo uri kumunda ne muti, na kukusunganga.
|
||
\v 49 Natanaeri wasubie, wamushishae, muhani, ongo musike wa Ongo, ongo mubhake webhaisraeli.
|
||
\v 50 Yesu wamw; ire, bhushe na kukusunganga hasikw' emuti, usimira ukusunga bhishiraro byarenga mbi.
|
||
\v 51 Wamushisha: moreira, ukusunga e bhutu nti bwamoboka n'esangashani sa Ongo nti bhatayange na bhahitange kuri e mwana we mwea.
|
||
\c 2
|
||
\cl Chunda 2
|
||
\p
|
||
\v 1 Matu ashatu eta, kwabha bhuheruki ku Kanani kaku Gariraya. Nina wa Yesu wabhengampo.
|
||
\v 2 Na Yesu wabhikirwanga hima ne santumwa sae mpo.
|
||
\v 3 E nsande yarikia yamasira, Nina wa yesu wamwire: bhasira tu nsande.
|
||
\v 4 Yesu wamusako: e momina, hari inki ani nabhe? E ntambi y'ani neki nti arumira.
|
||
\v 5 Nina washisha e bhakori; muronjanga e bhisebwere.
|
||
\v 6 Himpo, habhesanga marea mutubha a mecha, mwishua e bhisando ne sambaso se bhayahudi, na kinsi ireya rabhesenga na ndengo sibhi ari ishatu.
|
||
\v 7 Yesu were bho: murisiye e mareya mo mecha. Na bharisiyao nguru.
|
||
\v 8 Werebho: mutuku ke, na murishii unguwasimanire e bhiyo.
|
||
\v 9 E wasimanire bhiyo warekia wamarora mu mecha abhunduka nsande nt'wasibhanga kuni kwakusaa e nsande, ina e bhakori e bhatukonga e mecha ntibhasi e kwakusairenga e nsande, wabhikira she bhuheruki,
|
||
\v 10 Wamwire: kinsi mweya ubhuchanga ininkana nsande yakoma, ne yema kuruma e ntambi twamatamira. Ongo ukubhikanga e yakoma iya mo ntambi ino?
|
||
\v 11 Nge bhumbo, e bwabhesenga ku Kanani kaku Gariraya, Inchi nge kishisharo cha roso e chakoranga Yesu washea e bhuhime bwae, ne Santumwa sae samusimira.
|
||
\p
|
||
\v 12 Itukampo, wahita ku Kapernaumu, na nina, bhanachabho ne santumwa sae bharika hoko matu makeke.
|
||
\p
|
||
\v 13 E rotu rukiri rw'e Pasaka y'e bhayahudi nti ruri kwihi, Yesu wataya ku Yerusalemu.
|
||
\v 14 Wakumana mor' irameso e bhachuyi be sankambu bhe samburi na tumpite, ne bhabhunduranyi bhe bhehe nti bharik' e kwansi.
|
||
\v 15 W'ota muri n'itunganya kashushu, wahensa bho mor' irameso, wansansabhanya e samburi n'e sakambu, n'e bhehe byabho kwansi na wabhundura e matanda abho.
|
||
\v 16 Were e bhachuyi bhe tumpite: mutunje mbi hano, angikia e numba ya Tita mwisoko.
|
||
\v 17 E satumwa sae s'esubhukia e mitiro: e muho w'e numba ya Tita uri nani.
|
||
\p
|
||
\v 18 E bhayahudi, nabho bhebha: bhini bhishisharo e bhisondange itushea ongo mwitukore bhuno?
|
||
\v 19 Yesu washisha bho: mukakur'e numba ino, na mu matu ashatu nti n'umba tuyo.
|
||
\v 20 E bhayahudi bhamwire: ramukochekana bhuni e numba ino tumbangayo mu myaka makumi anye na mutubha, ongo webha, umumbayo mu matu ashatu!
|
||
\v 21 Ina wabhesenga webhange bhushwa n'e mubhi wae.
|
||
\v 22 Ngi chasingwa, e ntambi wafukanga mo bhakwi e santumwa sae sasubhukia mbw'e bhang'e kinwa, bhasimira e mitiro na mo kinwa chebhanga Yesu.
|
||
\p
|
||
\v 23 Yesu warekiya uri ku Yerusalemu, m' otu rukiri rw'e Pasaka, bheya bhingi bhamusimira, muresunga e bhishisharo bhikorange we.
|
||
\v 24 Ina Yesu wa bhesenga nti ntiuri nabho bhushwa wabhesenga usi bho e bhati.
|
||
\v 25 Na bhushwa wabhesanga utangasonda mbu bhamuronjii kariho ka mwea uti uti, bhushwa wabhesenga usi e bhuri kumunda n'e mwea.
|
||
\c 3
|
||
\cl Chunda 3
|
||
\p
|
||
\v 1 Kwa rikanga mwea uma mu bha farisayo, e rina rae Nikodemu, uma mo bhakakare bhe bhayahudi.
|
||
\v 2 W'iyere Yesu mutu, wamwere: E muhani, tosi mbu ongo muhani mukiri, na uritumwa na Ongo bhusha kusira mweya wamukore bhishisharo bhikoranga ongo kuti nt'uri hima na Ongo.
|
||
\v 3 Yesu wamusubhie: mo riira, nikushishange, e mweya wamafundw'ibhutwa re meta abhi, watakoche isunga e bhubhake bwa Ongo.
|
||
\v 4 Nikodemu wamushisha: bhuni wamakiya mweya wabhutwa tu na wamakunguha? wamakuruke tu mo bhura bwa nina n'ibhutwa?
|
||
\v 5 Yesu wasubya: muriira nikushishange, e mweya wamafund'ibhutwa mo mecha na mo mutima watakoch'ikime mo bhubhake bwa Ongo.
|
||
\v 6 Inchi chabhutwa mo mubhi nti mubhi nanchi chabhutwa mo mutima nti Mutima.
|
||
\v 7 Ang'ishishara bhush'ekinwa chakushisha 'ni, ukomenwa ibhutwa re met'abhi.
|
||
\v 8 Eriyuhu rifufenga nku kwashimaro na nt'worukira ho e bhurunga, iina utusibhi nku kusaange ro na nku kwendange ro, Ngi bhuri kinsi mweya ngu wamabhutwa mo mutima.
|
||
\v 9 Nikodemu wamushisha: bhuni wamabhundukabyo?
|
||
\v 10 Yesu wamusubhie: ongo muhani mo Israel, n'e bhinwa mbi nt'ong'osi byo?
|
||
\v 11 Mor'eira, nikushishange, twebhange mbi byosi bhate, na tuturange mwasi mu mbi bhisungange bhate, mutungasimira e mwasi witu.
|
||
\v 12 Mumafundwa esimira na nibhushishange bhikai bya kino chuo, bhuni bworukirayo bhanu naakiyayo nibhushishange bhikai by'e kwiyo?
|
||
\v 13 Kusira mweya wamatayanga kwiyo, uma hongu wahitanga isaire e kwiyo, mwana we mweya ingu uri e kwiyo.
|
||
\v 14 Nambu bwahanikanga Musa e nsoka mu bweru, ng'wahanikwayo e mwana we mweya.
|
||
\v 15 kongo kinsi mweya ngu wamusimira, washei e bhuingo w'ematuati.
|
||
\p
|
||
\v 16 Bhushwa Ongo warishima e chuo nguru, wasibhura e ngomo kongo kinsi ngu wamusimira watakwingi, iina washei ee bhuingo we matu ati.
|
||
\v 17 Ongo nt'warituma musike we mo chuo bhushwa er' obhansa mo chuo, iina bhushwa woshukaye e chuo.
|
||
\v 18 Ingu wamusimira usira obhansa, iina ingu ntwamusimira iye uri n'obhansa, bhushwa watin'erisimira e ngomo ya Ongo.
|
||
\v 19 Nerubhansa ndo ngi runo: e chaka cheyanga mu chuo, e bheya bhashim'emwirimya irenga e chaka bhusha e mikorere yabho yanyara.
|
||
\v 20 Bhushwa kinsi ng'ukorenge bhubhi wanyarirw'echaka na watakoch'isaa kuri 'echaka e mikorere yae yamenda kasungwa.
|
||
\v 21 Iina ing'ukorange mu r'iira ukimengi muchaka bhushwa e mikorere yae isungwange, bhushwa yam'eswa kumunda na Ongo.
|
||
\p
|
||
\v 22 Kuruma naha, Yesu, hima n'esa ntumwa sae bhenda mo chuo cha ku Yudea, warika ko nanko abhesenga urubhikange bhea.
|
||
\p
|
||
\v 23 Yohana nae nti urubhikanga bhea ku Ainoni, kwihi na ku Salimu, bhushwa abhesenga kuri eribha nti 'ngi kurubhikwange e bheya.
|
||
\v 24 Bhushwa Yohana ntinti neki waminwa.
|
||
\v 25 Kwa saa obhangu munkati e ntumwa sa Yohana na muyunani uma, nt'wamaturana mu kinwa ch'er'ishuururwa.
|
||
\v 26 Bhenda kuri Yohana bhamushisha: E muhani, ingu wabhesanga uri nabhe mo rumpe oharo rwa Yorodani, umutata nakubha, rinotu urubhikange, n'ebhea bhati ngiye bhamwemisange.
|
||
\v 27 Yohana wasubhie: kusira ngu wamushee nki nti kaninkwa we nangu we kwiyo.
|
||
\v 28 Bhaanu mosi bhanu bhesine, nakubhushishanga: nti ani nge Kirisitu, iina ani ntumwa yae.
|
||
\v 29 Shemine 'momina ngi moke, iina mira we abhume uri na ngoa singi mor' iyorukira ekikoe chae: E ngoa sa ngi siri nani, ngoa sashuururwa.
|
||
\v 30 Rakomenwa iwe wataye nani nihite.
|
||
\p
|
||
\v 31 Ingu usaange e kwiyo uri habhasirwa ne bhati, ing'uri e kwansi wa kwansi, na webhange bhuri mweya wa kwansi, Ing'usaange e kwiyo uri ho habhasirwa e bhati,
|
||
\v 32 W'ebhange mumbi byasunganga we nambi byorukiranga we, na kusira ingu wasimira e bhinwa byae.
|
||
\v 33 Ingw'areriya e mwasi wae, osi shushu mbu Ongo w'eira.
|
||
\v 34 Bhusha ingu warebhekwa na Ongo w'ebhanga e bhinwa bya Ongo, bhusha Ongo 'tamuninkanga e mutima wae na ngerero.
|
||
\v 35 Tita washima musike we, na waremuninka e bhikai bhiti.
|
||
\v 36 Ingu wasimira musike wa Ongo uri na bhuingo we matu ati, ingu nt'wamusimira watasungiyo e bhuingo iina e bhusubhuke wa Ongo warika habhasirwa naye.
|
||
\c 4
|
||
\cl Chunda 4
|
||
\p
|
||
\v 1 Nyerekuritu wasibha mbw'e bhafarisayo bhorukiranga mbwabhesanga ukorange n'irubhika bhemisa bhingi irenga Yohana.
|
||
\v 2 Ina Yesu wabhesenga utangarubika wesine, ina e santumwa sae.
|
||
\v 3 Watuka ku Yudea n' ikuruka ku Gariraya.
|
||
\v 4 Rakomenwanga nti wetiri ku Samaria;
|
||
\v 5 Wiya m'obhungo rwa ku Samaria, rwabhikirwa mbu Sikari, kwihi n'erishwa raninkwanga Yosefu na Yakobo ishe.
|
||
\v 6 Hiha abhesenga hari e tukuriro ra Yakobo. Yesu waruha munkati ne ruwendo rwae warik' e kwansi ku mushi ne r'etukuriro. Abhesanga nti ntambi mutubha.
|
||
\v 7 Mumina uma wa Kusamaria wamukumana mpo ntusondang' ituko mecha. Yesu wamw'ire, nininke mecha iyomo.
|
||
\v 8 Bhushwa e santumwa sae nti samenda mo rubhungu rukiri mwienda kachura bhio.
|
||
\v 9 E mumina musamaria wamushisha; bhuni ng'wamukiya oongo muyahudi unihema mecha iomo na ntiani musamaria? nty'ongo 'si mbu bhanu bhayahudi na bhaate bhasamaria tutanunsananga?
|
||
\v 10 Yesu wa musako: umusibange e muhango wa Ongo n'esibha inye ng'ukuhemange 'mecha er'iyomo, umuninkwange, umunihemange mpe mecha iyomo, bhumbo umuninkwange mecha a bhuingo.
|
||
\v 11 E Nyerekuritu washisha e mumina ngo, mbu oongo sira irea ritukure mo mecha n'ekiribhu ehareha nguru; kuni nge ngi kutukurengi oongo e mecha e karamo?
|
||
\v 12 Mbe oongo mukakare kuri tita witu Yakobo watuninkanga e riribha rino, nawe wesine womore nga muro ne bhana bhae ne sankambu sae.
|
||
\v 13 Yesu wamushisha: Uti uti e womo mumecha ano wasebhesa yo tu na mbusha.
|
||
\v 14 Ina ungu eusomoyo mu mecha ea mamunink'ani ingu watorukiriyo tu mbusha, nango mecha amuninka ani amuronjie nchoko ye matu ati.
|
||
\v 15 Emumina wamwire: e Nyerekuritu, mpesi mo mecha ngo kongo ntabhi yotu na mbusha na nteyiyo tu katuko mecha hano
|
||
\p
|
||
\v 16 Yesu wa mwire enda kanibhikire moke wabhe iyan' ehano
|
||
\v 17 Emomina wamusubie: nsira wabhume. Yesu wamushisha iira rabhe ndo muiebha mbu ongosira wabhume.
|
||
\v 18 Bhushwa ubhesenga na bhabhume bhasanu ne uri nabhe mwino ntambi nti wabhe.
|
||
\p
|
||
\v 19 E mumina were Yesu: nakae nti ongo mutahwa.
|
||
\v 20 Bhatita bhahere nga murou runo na bhanu mwebange; mbu h'er'ihere nti ku Yerusalemu.
|
||
\v 21 Yesu wamw'ire: Nisimire, e santambi siya, ritabhesiyotu mor'ou runo ari ku Yerusaremu e kusehereyo bhanu.
|
||
\v 22 Bhanu muherengi entibhisi bhanu, eina bhate tuherange ekisi bhate bhushwa e nchukaro yatuka ekubhayahudi.
|
||
\v 23 Ina esantambi samiya, na seyange e bhahemi bhakonda bhasondange Tita mo mutima na mor' eira bhushwa imbo ng'e bhahemi me Miriam mutabheri mu Fiona.
|
||
\v 24 Ongo Mutima bhasondange Ongo. rakomenwa e bhamuherengi, bhamuhereri mo Mutima n'eira.
|
||
\v 25 Emumina wamwire: Nyerekuritu, wasiya, eutukurwanga mbu Kirisitu; entambi wiyayo watutureyo Kinsi kikayi.
|
||
\v 26 Yesu wamwire: mbwani ngi ungo; ani ngi Na kwere.
|
||
\p
|
||
\v 27 Kuruma nampo, e bhemisa bhae bhatingirwa Na koha mumbi byabhesanga byebhange we n'e mumina. Harukan'uma wimwere inki ngi chebhange ongo.
|
||
\p
|
||
\v 28 Himpo, e mumina wasia e rirea rae wenda morungu washisha e bhea.
|
||
\v 29 Mwie kasunga e mweya wakunture e bhiti byar'ikora ani, ntinge Kirisitu?
|
||
\v 30 Bhatuka murobhungu bhamwehie.
|
||
\p
|
||
\v 31 Muntambi njo esantumwa se nti bhari na by'erisa bhebha e muhani: risa.
|
||
\v 32 Iina wasako bho: niri na bhio nti byosi bhanu.
|
||
\v 33 E santumwa sashishana kuti bhamamurishie bhiyo?
|
||
\v 34 Yesu w'ire bho: e bhiyo byaani ikora erisasa rangu wantumanga irengecha e mikorere yae,
|
||
\v 35 mbe mutungebha mbu kwasiya myeri inye nti tweya mo mata? Mukai nibhushishange na mukandu e meso bhushwa e mirime yamako murikao.
|
||
\v 36 Ing'ukaongi unikwanga ohembo n'ituma e byuma bhushe ne bhuingo bwe matu ati kongo 'ngu mwekange nang'ukaongi bhashei ngoa hima.
|
||
\v 37 Bhushwa inchi chebwange ch'iira: e wekange umpe, n'eukaongi umpe.
|
||
\v 38 Nabhutumanga ikao imbi nti byakoranga bhanu, bhampe ngi bharikora na bhanu mukimenga mo murimo wabho.
|
||
\p
|
||
\v 39 Bhasamaria bhingi mo rubhungu ndo bhasimira Yesu bhushwa e bhinwa bye mumine: wakunshishanga e bhiti mbi bya koranga ani.
|
||
\v 40 E bhasamaria bhatuma tu bhea kamusunga bha hema warike nabho. Warika nabho matuabhi.
|
||
\v 41 Bhingi nguru bhamusimira bhushwa bhamiyorukire ne kinwa.
|
||
\v 42 Bhashishanga e mumina nti bhushwa mbi byakweba ongo ngy'asingwa twasimira, bhushwa bhamirukire bhisine na bhasimira iwe Mukota.
|
||
\p
|
||
\v 43 Kuruma na matua bhi Yesu watukampo, wenda ku Ngariraya.
|
||
\v 44 Bhushwa wabhesanga wamebha wisine mbu e mutahwa watatundwanga mu chuo chae.
|
||
\v 45 Wakia wameya ku Ngariraya bhisa ku Ngariraya, imbi bhasunganga byakorangae ku Yerusaremu e rotu rukiri bhamukoke na chuuka.
|
||
\v 46 Wakuruke tu kuKanaani ka ku Ngariraya inku kwabhindurengae e mecha abhe nsande. Ku Kaperenaumu abhesenga kuri mwana wa muhanga uma nti mukoni.
|
||
\v 47 Wakiya wamorukira mbu Yesu usairengi ku Yudea murihite ku Ngariraya wenda kamukumana wamuhema wendi karamya musike we na nti uri hansanga na reke.
|
||
\v 48 Yesu wamushisha mumafund'wisunga bhishisharo na tushingishiro mutukoche isimira.
|
||
\v 49 Shebhiraya we mubhake webha: Mukota enda tete na musik'ani ntinti neki bhutanga kwa musiky'ani.
|
||
\v 50 Yesu wamushisha oongo enda, musike wabhe wamarama. Ne wabhume ngo wasimira e kinwa cha muere Yesu, wenda nakubha.
|
||
\v 51 Muntambi yendangewe, e bhafuku bhae bheya kamuture mwasi: musike wabhe wamarama.
|
||
\v 52 Washisha kubha wakuramanga munye ntambi; na bhamusubhie e kabhurura kakukukanga muntambi sirinda.
|
||
\v 53 Ishe wateerera mbu ngy' atuka e santambi sakumushishanga Yesu: musike wabhe wamarama. Itukire hiha wasimira iwe ne ruanda rwae ruti.
|
||
\p
|
||
\v 54 Yesu wakora bhishisharo bhino bye metabhi erotu rwatukanga bho ku Yudea nti wendange ku Ngariraya.
|
||
\c 5
|
||
\cl Chunda 5
|
||
\p
|
||
\v 1 Kuruma nampo, bhabhese n'otu rukiri rwa bhayahudi, Yesu wataya ku Yerusalemu.
|
||
\v 2 Nanko ku Yerusalemu, kwihi ne rubhi rw'e samburi, nti hari eribha ribikirwange mo. Kiebhurania Betesata ra ndubhi isanu.
|
||
\v 3 Kumunda na kinsi rubhi nti kuri nkumo nkiri ya bhakoni, munkati nabho bhihumihumi, nkata na bhakoni bha rumbosa bharindirengi er'ihue re mecha.
|
||
\v 4 Bhushwa e ngashani, ntumwa ya Ongo, ntu hitanga mund'iriba ni sarucharo. Ewitaa muro waroso kuruma er'isaruka re mecha, nt'warama e makoni ari nae.
|
||
\v 5 Himpo nti hari wabume uma warisamba miaka makumi ashatu na munane.
|
||
\v 6 Yesu murimusunga wikinde, nambu bukoni bwa matu mare wamwire: Ushima irama?
|
||
\v 7 E mukoni wa musubie: nsira mwea wamunitaa kumunda neririba entambi yasaruka ro ne ntambi nsondange ikime umpe munkangwe ntwakime, Waroso indenga.
|
||
\v 8 Yesu wamwire: simana, tinge endaro yabe enda.
|
||
\v 9 Nampo, emukoni ngo warama niria endaro yae. E rotu rwa Sabato.
|
||
\v 10 Rwabhesenga otu rw'einga, e bhayahudi bhebha ne mwea ngo waramiwanga, runotu rwiinga, ntirakomenwa iria endaro yabe.
|
||
\v 11 Werebho: Ewamaniramya ngi wamebha, tinge endaro yabhe enda.
|
||
\v 12 Bamushisha: Inye wabumengo, wakukwire tinge endaro yabe enda?
|
||
\v 13 Ina ewaramanga ntitiwosi Yesu bushwe nti wamariribana mo kikembe che bea.
|
||
\p
|
||
\v 14 Kuruma nampo, Yesu wamukumana murirameso weba: mukai, ukurama, angi kora tu bubi, bushwe chasuma charenga mpo chamukwehie.
|
||
\v 15 Ewabume ngo wenda usonsomorange mo Bayuda mbu Yesu ngi wakumuramya.
|
||
\v 16 Chasingwa e bayahudi bahia Yesu bushwe ukorange bishisharo eroti rwe riinga.
|
||
\v 17 Ina Yesu wasubie bo: Tita usubyange nani nikorange bishisharo.
|
||
\v 18 bushwe nancho, bayahudi bashee inse yeri mushura bushwe nti ukorange otu rwiinga, n'obikirange Ongo witu ishe, mbu iwe musike we.
|
||
\p
|
||
\v 19 Yesu wasonsomora, webha: muriira, nibwirengi, e mwana watakoche ikora wesine, ukorange ebyasungangae kuri ishe ne bhiti bhikoranga ishe, nae ntwakora byo.
|
||
\v 20 Bhushwe tita washima musiky'ae n'imuhana ebhikorangae, hima nampo wakora bhishisharo bhikiri irenga kongo mushishara.
|
||
\v 21 Bhuri tita ufurange e bhakwanga, musikewe uninkange e karamo mo bhashima we.
|
||
\v 22 Tita utangakera mansa, ina waninka musike we ikera esamansa.
|
||
\v 23 kongo ebhati bhaninka e mwana otunda eraninkabho ishe; ewatin' etunda e Mwana, nt'watina etunda n'ishe.
|
||
\v 24 Muriira, nabwere ungu worukira e kinwa chani na wasimira ungu warintuma, uri n'e karamo ke matu ati nanti uritu mo rubhansa ina wameta etuka muroku ni kime mu karamo.
|
||
\p
|
||
\v 25 Muriira, nibw'irengi cho, etambi yamiya, na yamokind' iya, imbo bharekwa bhorukira e murenge wa musike wa Ongo, n'ebhasorukirao bhaserama.
|
||
\v 26 Bhushwa, Tita e bhuriwe ne Karamo, nangebhumbo waninka ko e mwana we.
|
||
\v 27 Na wamuninka bhunkangwe bw'ikera mansa, bhushwa iwe mwana wa mwea.
|
||
\v 28 Kiro mwisarima mu'ncho, bhushwa e ntambi Yeya, mu bhati e bhari mo masinda bhorukirayo e mrenge, na nti bhafuka.
|
||
\v 29 E bhakoranga byakonda bhafukayo nininkwa e karamo ke matuati, n'ebhakorang'ebhubhi bhafukeyo mw'ikererwa obhansa.
|
||
\v 30 Ntamukora kinwa kiti ani 'sine: narindire e rubhansa rwani rweira, bhushwa ntangasonda e risasa rani, ina e risasa rewantuma.
|
||
\p
|
||
\v 31 Kubha ani ngi narisha bhususe bwani, e bhususe bwani ntiti bwa hunda.
|
||
\v 32 Hari umpe ngi userushayo e bhususe bwani, na nisi mbwe bhususe bhurushunge we kuri ani bwe ira.
|
||
\v 33 Mutumanga mwea kuri Yohana, na warusha bhususe bwe ira.
|
||
\v 34 Kuri ani, nti mwea ngwa mpese e bhususe bwani, ina nebha kino, bhushwe muninkwe karamo.
|
||
\v 35 Yohana wabhesanga chaka, na mubhesanga mushima irika ntambi nima muncho chaka.
|
||
\v 36 Ani nikwengi bhususe bhukiri irenga bwa Yohana, bhushwa e mikorere ya Tita yampesenga ibhereresha, e mikorere ikorange ani, yashea nti Tita ngwarentuma.
|
||
\v 37 Na Tita ngwarentuma washea e mikorere Yani, mutungerukiranga e murenge wae, ne mbaso yae mutungasungangayo.
|
||
\v 38 E Kinwa chae nti kiri kumunda ninu, bhushwe nti musimira Ongo.
|
||
\v 39 Bhanu murorotange e mitiro bhushwe bhanu mwanikira nge ishee kuriyo e Karamo; nambyo ngi byarusha e bhususe bwani.
|
||
\v 40 Mutungasonda iya Kuri ani mushei Karamo.
|
||
\p
|
||
\v 41 Ntanga huna itatwa ne bhea.
|
||
\v 42 Ina nisi mbu bhanu musira e nchimi ya Ongo.
|
||
\v 43 Nariya morina ra Tita na nti murenikoke; nompe wamiya murina rae, nti mumukoke.
|
||
\v 44 Bhuni bwamusimira bhanu, na bhanu muraa mwitatwa, na mutungasonda itatwa na Ongo?
|
||
\p
|
||
\v 45 Kiro mwanikira mbu naabhusangereyo mo makako a Tita, ina e wabusongerenga ngi Musa, bushe ngi kwarianga, bhanu e mwenyihiro.
|
||
\v 46 Bhushwe murisimira Musa, nani munsimire, bhushwe watiranyanga murina nani.
|
||
\v 47 Kuti nti musimira e bhinwa bwae; bhuni ngi bwa musimira bhanu e byani?
|
||
\c 6
|
||
\cl Chunda 6
|
||
\p
|
||
\v 1 Kuruma nampo Yesu wasoka mungo mwiiri we nyansa ya ku Ngariraya ngi Tiberia.
|
||
\v 2 Kikembe kikiri cha bea chamubungura, bushwa nti basungange bishisharo mbi bikorange we mo bakoni.
|
||
\v 3 Yesu wataya mu rou, warika ko ne bafuku bae.
|
||
\v 4 N'er' otu rwe pasaka y'e bhayahudi nti ruri kwihi.
|
||
\v 5 Ntwamakae e kwiyo n'osungange kikembe kikiri cha bea ch'iyange kuri we, Yesu washisha Firipo, kuni kwachure baate biyo e bea mbi barise?
|
||
\v 6 wamushincho mw'imwereka, ina ntosi nchi chakora we.
|
||
\v 7 Firipo wasako: e tumbonsa ntu turi hano tutamurisha e bhea bhatimbi bhatutimba hano.
|
||
\v 8 Andere, muna chabho Simon Petero uma mu bhafuku bha Yesu webha:
|
||
\v 9 kuri musike uma uri na tumboonsa tusano na bhikwa bhibhi, ina tutamukia kikai mo bhea bhati bhano.
|
||
\v 10 Yesu webha: murikeche bhea. Ntihari bhisu bhingi mo bwari mbo. Bharika, bhuna bhea bhihumbi bhisanu.
|
||
\v 11 Yesu watinge e tumbonsa, watata Ongo n'ibhanyie mbi bharika e kwansi; waninka bho ne bhikwa kinsi mwea mo murao wae.
|
||
\v 12 Bhakia bhamasukuta, washisha e santumwa se: musombu e byombo anga kwarimina na chunda kima, e byombo byarisia mitundu ikumi na ibhi.
|
||
\v 13 E bhea bhakia bhamasunga imbi bhikorange we, bhebha:
|
||
\p
|
||
\v 14 uno nge mutahwa wakomemwa iya mo chuo.
|
||
\v 15 Yesu wasibha e myanikiri yaabho y'isond imusimika mubhake we chuo ncho, wishika murou ndo.
|
||
\p
|
||
\v 16 Mo murisisi, e bhafuku bhae bhahita wendende ne nyasa.
|
||
\v 17 Bhataya mu kitange, bhateana e nyansa nti bhendange ku Kapernaumu ne bhutu nti bwamasira ina Yesu nt'utanga kumana nesi bho.
|
||
\v 18 Na mu mecha nti kwetange eyuhu rikiri.
|
||
\v 19 Kuruma n'ienja e kitange mu byati makumi abhi ari bhuna amakumi ashatu, bhasunga Yesu ntweyange kuri bho hiyo ne mecha n'isheere kuri e kitange. Bhatingirwa na koha.
|
||
\v 20 Ina Yesu washisha bho, anga musubhaha, ani uno.
|
||
\v 21 Bhasond'imukoke mu kitange, nampo bhasoka mo chuo chabhesanga ch'endange mu'bho.
|
||
\p
|
||
\v 22 E bhea mbi bhasianga mumpe mwiri, bhasibha mbu e haribho hasira kimpe kitange, ne bhafuku bha Yesu bhakusoka bhisine, Yesu nti nt'urinabho.
|
||
\v 23 Mukakomayo, bhimpe bhitange byeya, ituka ku Tiberia n'isimana kumushi na harirengabho e tumbonsa ntu twakasanyienga Mukota.
|
||
\v 24 E bea basonda Yesu ne bafuku bae baruka bo, nabo bataya mu bitange mbyo n'ienda kamusonda ku Kapernaumu.
|
||
\p
|
||
\v 25 Basoka n'imukumana mo mwiri n'enyasa, bamushisha: emuhani witu, ukwiya kuno ini ntambi?
|
||
\v 26 Yesu wasako bho: nibwirengi mureira, mutungansonda bhushwa mukusunga bhishisharo ina bhushwa mukura tumbonsa mumiyoro na mukusukuta.
|
||
\v 27 Anga mukore e bhiyo mbi bhibhihange bya kino chuo ina mukore bhushwa e bhiyo mbi bhirishange bhuingo bwe matu ati. Imbi bisekuninka musike wa Ongo, ingu Ongo warimutereka mo nsimiko.
|
||
\p
|
||
\v 28 Bamushisha: tukore nki kongo twakore mirimo ya Ongo?
|
||
\v 29 Yesu wasako bo, emurimo wa Ongo nty'esimira e ntumwa yae.
|
||
\v 30 Bamushisha: bini bishisharo bikorange oongo kongo twasimire byabe?
|
||
\v 31 Batitanku barisanga mana mo bweeru, itukana nambwatiranyiwa byo: waninka bo kambonsa ka kokwiyo.
|
||
\p
|
||
\v 32 Yesu wasako bo: Musa ntwabuninkanga e tumbonsa twa ko kwiyo, ina tita ngwaninkanga bo.
|
||
\v 33 Bushwa e kamboonsa ka kokwiyo, katukange kokwiyo nirisha buingo mo chuo.
|
||
\p
|
||
\v 34 Bamushisha: eMukota, utunikanga mo kamboonsa nko matuati.
|
||
\v 35 Yesu werebho: Ani nge kamboonsa ke bhuingo. E weya ku kwani utorukiriyo rwaka ne wansimira utorukiriyo mbusha.
|
||
\v 36 Ina, nabhushisha cho, mukunsunga na nti mukunsimira.
|
||
\v 37 E Bati mbi bandishie tita, basiya kuri ani na ntarikitiyo ebeya kuri ani.
|
||
\v 38 Bhushwa narihita ituka ko kwiyo, nti morisasa raani, ina mo rangu warentuma.
|
||
\v 39 N'erisasa rangwarentuma, ntangariminya kikai mu mbi byanininkanga we, ina iranga bho iya er'otu rwahende.
|
||
\v 40 Isasa ra tita, mbu ingu wasunga musikewe na wa musimira wabhe na karamo ke matu ati, na naamufurayo mo r'otu rwa hende.
|
||
\p
|
||
\v 41 E bayahudi babubura mumbyo, bushe webanga: ani kambosa katuka ekwiyo.
|
||
\v 42 Beba: nti Yesu, musike wa Yosefu, ingu tosi ishe na nina? Buni bwebae mbu natuka ko kwiyo?
|
||
\v 43 Yesu wasubhukiya bo, kiro mubhubhura mukati ninu.
|
||
\v 44 Kusira wamweya kuri ani kuba nti Tita ingu wanitumanga ngwakumurisha, na namufurayo mor'otu rwa hende.
|
||
\v 45 Byatiranyiwa mo batahwa, basehanwayo bati na Ongo. Mwieba ingu warorukira tita waninkwa ihano rae ntweya kuri ani.
|
||
\v 46 Nti kinsi waresunga Tita, ina ingu warituka kuri Tita, ungo waresunga Tita.
|
||
\v 47 Mo r'iera, nabushisha ewanisimira uri na karamo ke matuati.
|
||
\v 48 Ani kambosa ka karamo.
|
||
\v 49 Baso barisanga tumbosa mo bweru, na bakwanga.
|
||
\v 50 Hano ngi kambosa katuka kokwiyo, bushe ingu warisako utamukoch'ikwa.
|
||
\v 51 Ani kambosa kariho katuka ko kwiyo, kuba mwea warisa mo kambosa, warikayo ematuati, n'ekambosa kaninkana ani, mubi wani ngi useninkanayo ani mo buingo bwe chuo.
|
||
\p
|
||
\v 52 Hiha, ebhayahudi bhabhesanga nti bhebhanange bhuni bwamutuninka we emubhi wae mbu turiseo.
|
||
\v 53 Yesu werebo, mureira, kuba ntimurisi emubi we mwana we mwea, na kuba ntimomo enchama, banu musira karamo kumunda ninu.
|
||
\v 54 Ingu warisa emubi wani ni omo enchamani uri na karamo ke matuati, na namufura mor'otu rwa hende.
|
||
\v 55 Bushe mubi wani biyo, ne nchama yani chiomo.
|
||
\v 56 Ingu warisa emubi waani niomo enchama warika kumunda nani, nani kumunda nae.
|
||
\v 57 Buri tita euriho warenituma, na narika kuri tita, nangu wanirisa warikayo kuri ani.
|
||
\v 58 Hano nge kambosa katuke kwiyo ntibiri buri baso barisanga tumbosa na bakwa: kinsi warisa ekambosa, warikayo matuati.
|
||
\v 59 Yesu weba ebinwa bino nturi mo sinangoki nti uhanange ku Kapernaumu.
|
||
\p
|
||
\v 60 Ntumya ningi, kuruma n'imwerukire ekinwanchi chasuma inye ngi wamerukiracho.
|
||
\v 61 Yesu wasiba mbu esantumwa sibuburange washisha bo ekinwanchi cha busubucha?
|
||
\v 62 Mbeti musunga emwana we mwea wataya ekwatukangawe?
|
||
\v 63 E mutima urubikange, emubi ntwaraisha. Ebinwa byabwirenga ani ibyo mutima na karamo.
|
||
\v 64 Kuri munkati ninu bea bima nti basimira. Bushe Yesu wabesanga usi montangiro banye ntingi basimiranga, nantinye ngwamusiburi.
|
||
\p
|
||
\v 65 N'iwebange tu, chakusingwa nabushisha, mwea utamukochiya kuri ani kuba ntiwasiburwa na Tita.
|
||
\p
|
||
\v 66 Itukire entambi njo, bhingi musantumwa sae bhakuruka kuruma, nti bhendatu nae.
|
||
\v 67 Yesu weba n'er'ikumi n'ebabi: na bhanu mutunga huni ienda?
|
||
\v 68 Simoni Petero wasubya: mwami, twendi tu kwanye? ongo nguri ne bhinwa bye karamo ke matu ati.
|
||
\v 69 Na bhate twasimira, na twa masibha mbu ongo ngi kirisitu, e washuururwa wa Ongo.
|
||
\v 70 Yesu werebo: nti ani ngi naburondoranga? banu ikumi na babi? na uma mu banu mushumbu.
|
||
\v 71 Wabesanga webanga bushwa bwa Yuda Isikarioti, mwana wa Simoni bushwa iwe ngi wamusiburanga, iwe, uma mo rekumi ne babi.
|
||
\c 7
|
||
\cl Chunda 7
|
||
\p
|
||
\v 1 Kuruma, Yesu watamba ku Gariraya, bhushe wabhesanga ntwashima erika ku Yudea bhushwa e bhayahudi ntibhamusondange mbu bhamuye.
|
||
\v 2 N'er'otu rukiri rw'ebhayahudi rw'ebhimbo ntiye ruri kwihi.
|
||
\v 3 Bhasike bhabho bhamushisha: tuka hano, enda kuYudea, kongo e bh'emisa bhasunga e tushingishiro tukorange ongo.
|
||
\v 4 Kusira ukoranga ra nama wamabesa usondange esungwa. Kuti ongo sondang' ibhesa mbo, ishee mo chuo ong' wesine, kubha ukora bhikai wisheye.
|
||
\v 5 Bhushwa bhasike bhabho n'abho babesanga nti nti bari n'esimira ekuri we.
|
||
\v 6 Yesu washisha bo: entambi y'ani neki ntyarumira. E sa ntambi sinu siri kinsi otu.
|
||
\v 7 E Chuo kitamukutina, ani chantina bushe nisheange e mikorere yacho yema.
|
||
\v 8 Banu mutaye mor'otu rukiri, ani ntendi bushe ntambi yani neki nti yeya.
|
||
\v 9 Kuruma, erishishabo, wasiya ku Gariraya.
|
||
\p
|
||
\v 10 Barekiya bamenda, nae wataya buri mu nama nti rakwishea.
|
||
\v 11 Ebayahudi bamusond' er' otu rukiri nti bebange: uri kuni?
|
||
\v 12 Habesanga hari tumensimensi ko kuri Yesu. Bima nti bebange mbu mweya hunda. Bampe mbu anga uriminyang'e bea.
|
||
\v 13 Nti kusira webange ra nguru, mor'isubaha ebayuda.
|
||
\p
|
||
\v 14 Yesu w'ishaisha munkati er'otu rukiri wakime mor'irameso; wabhuch' ihano bho.
|
||
\v 15 Ebayahudi bashishara, esunga buni ng' wasiba we emitiro na nt' warihanwa byo?
|
||
\v 16 Yesu wasako bo: Emwenjo uri mwani nti wani, eina wa'ngu ewantumanga.
|
||
\v 17 Ewasond' ikora er'isasa rae, ntwaasiba kuti emwenjo wani watuka kuri Ongo ari n' ebange byani.
|
||
\v 18 Ingu webange mw'isasa rae nt'usondange er' itatwa rae, eina ing' usondang' eritatwa rang' wamutumanga, ingo nti w'eira nt'usira oneno kumunda nae.
|
||
\v 19 Musa nt'wabuninkang' e myomba na kusira mu bhanu ing'wemisa yo. Banu musondang'inishure nki?
|
||
\p
|
||
\v 20 Enkumanano basako: Ongo'ri mo kifasi. Inye ng' uhunang' ikushura?
|
||
\v 21 Nakuronja, bhanu bati mushishara.
|
||
\v 22 Musa wabuninkanga er'otende, naro ntiratukana nae ina ratukana na b'eshiku, na banu muronjange otende otu rweinga.
|
||
\v 23 Kuti mweya wakierwa otende er'otu rw'er'einga nti bush'irangana n'emyomba ya Musa. Inki ngi kusibhukengi bhanu bhushe naramya mweya otu rw'einga?
|
||
\v 24 Angi kera binwa mw'ika e mweya, eina mukere bhinwa mw'eira.
|
||
\p
|
||
\v 25 Bhima mo bhisa ku-Yerusaremu bh'ebha: nt'ingu ng'usondange rero eshura bo?
|
||
\v 26 Sunga w'ieberengi nabhatanga mushisha kikai. Ebhakakare bhasi hombu iwe ngi Kirisitu?
|
||
\v 27 Euno tusi mbeti wakuni. Eina Kirisitu usekiayo weya kusira ewasibi kuti wa kuni.
|
||
\p
|
||
\v 28 Yesu wabesa nt'uhanange morirameso; Banu munisi na banu musi kuni kwasaire ani. Nti narikwerisha, eina ing'wantumanga w'eira na nti banu mumusi.
|
||
\v 29 Ani ni musi, bushwa natuka kuri we, nae ng'warintuma.
|
||
\p
|
||
\v 30 Basondi 'mutinge ina kusira wakochang'imutinge, bushe entambi yae yabesanga neki nti yeya.
|
||
\v 31 Bhingi bhamusimira mo nkumanano nti bh'ebhange: Kirisitu usekiyayo weya, waseronjayo tushingishiro irenga etukiyange uno?
|
||
\v 32 Ebafarisayo borukira bwomumange 'nkumanano, ebashebakungu batum'ebakori b'abo kamutinge.
|
||
\p
|
||
\v 33 Yesu w'eba: nikiri n'inu mu ntambi nkeke, kuruma nsekweire kuri ngu ewantumanga.
|
||
\v 34 Mukunsondekanya na mutunchei; na mutumukoch' iya ekusebesayo ani.
|
||
\v 35 Mu'ncho ebayahudi b'eba besine na besine: kuni ngi kusenda we na tutamusungi? Usenda mo barinsansabana eku bayunani, n'ihan'ebayunani?
|
||
\v 36 Kinwa nki nchi echebange we; mukunsonda na mutunchei ma mutumweya ekusenda 'ni?
|
||
\p
|
||
\v 37 Er'otu rw'ehende n'er'otu 'kiri, Yesu wasimana weba mu murenge mukiri: kuti mweya uri na mbusha, wiye 'kury' ani womu.
|
||
\v 38 Ing'wanisimira, ngesi sa mecha a karamo sisetiya kumunda nae imbu bw'eba emitiro.
|
||
\v 39 W'ebanga ncho bushe n'e Mutima Mushasha ingu wakomenwa eninkwa ebasemusimira; bushwa e Mutima wabesanga neki nti weya, bushwa Yesu nti ntineki watatwa.
|
||
\p
|
||
\v 40 Mo nkumanano beya babuch'ieba: euno eira mutahwa.
|
||
\v 41 Bampe b'eba: ngi Kirisitu. Na bampe b'eba: Mbeti ku Ngariraya ngi kwakomenwa itukire Kirisitu?
|
||
\v 42 E mitiro nti yatiko mo mbuto ya Daudi, na mor'obungu rwa ku Beterehemu, himpo habesanga Daudi ngi haasaireyo we?
|
||
\v 43 Bushe nae, enkumanano y'ibanya.
|
||
\v 44 Bima mubo bashima bamutingi, ina ntiba mutinge mo.
|
||
\p
|
||
\v 45 Ebhafuku bhakuruka kuri ebakungu be bisinso ne bafarisayo. Ebakungu bashisha bo: nti mumurisha bushwanki?
|
||
\v 46 Ebhafuku bhasubhie bho; tutangasunganga wabume webange buri ngu.
|
||
\v 47 Ebafarisayo basubiebo: Na bamu mukuhusiwa?
|
||
\v 48 Mukusunga uma mo bakakare ari mubafarisayo ewakumusimira?
|
||
\v 49 Ina ekikembe enti kisi emyomba, chaherawa cha herawa.
|
||
\p
|
||
\v 50 Nikodemu, ewiyanga mutu kuri Yesu, uma mubo werebo:
|
||
\v 51 Emomba witu, uminanga mweya ntu makindi mwerukira n'isibha byakukorangae we?
|
||
\v 52 Bamusubie: nongo muGariraya? sisirisa n'ukusunga ku Ngariraya kutangatukanga mutahwa.
|
||
\p
|
||
\v 53 Na kira mwea wakuruke mumwae.
|
||
\c 8
|
||
\cl Chunda 8
|
||
\p
|
||
\v 1 Yesu wenda mor'ou rw'e Miseituni.
|
||
\v 2 Iina itukire mu mukomakoma, wenda tu mo numba ya Ongo, ne beya bati kuriwe, wa'hana bo na nti warika.
|
||
\v 3 ngi hakiya ebandiki n'ebafarisayo bamurishie mumina watingirwa nt'usingiranange.
|
||
\v 4 Bamutereka munkati ne beya, bashisha Yesu: eMuhani, e mumina uno wakumanwa nt'usingiranange.
|
||
\v 5 Musa, itukana ne myomba, watusiburenga ishura mumina wa buno na makoi: n'oongo weba buni?
|
||
\v 6 Bebanga e kinwa 'ncho nti bamutea kinwa, bamushei mo nsomombo eina bamusongere. Iina Yesu wakiya wamarika mushuni, w'echa rwandiko ne murimba mu 'roto.
|
||
\v 7 Busha esanga ukiri ushishirishange bo, wasimana n'iere bo: ingu usira bubi munkati ni'nu wabesi mubere murirekera e rikoi.
|
||
\v 8 Wakia wamarika tu mushuni, w'echa tu e rwandiko habasirwa neroto.
|
||
\v 9 Bakia bamorukira byebae, b'esiba mo mutima babuch'ihonoka uma uma, ibuchie mo bakakare iya mo bakekebakeke, Yesu wasiya wisine ne mumima wabesanga munkati nabo.
|
||
\v 10 Wakiya wama simana, wasunga e mumina wamasiya wisine, Yesu wamushisha: ongo momina, e basongeri babe bari kuni? kusira ngu wa kukuker' ubansa?
|
||
\v 11 Wasubhie: kusira, e Mukota, na Yesu wamw'ire: nani hotu nti nakuker'ubansa: enda, ang'ikora tu bibi.
|
||
\p
|
||
\v 12 Yesu w'ire tubo: ani nge chaka che chuo, ing' wantucha watabesi tuyo mu mwirimya, iina waabese na chaka che karamo.
|
||
\v 13 Habusondori, e bafarisayo bamw'ire: ongwieberengi ongwesine, e binwa byabe nti eira.
|
||
\v 14 Yesu wasubie bo: nakiro nebo bushwa ani sine e binwa by'ani eira, bushwa nos'inku kwasairenga ani nanku kwendange ani, eina banu, nti banu mosi nku kusaange ani nanku kwendange ani.
|
||
\v 15 Banu mukerang'ubansa rwa mubi, ani ntangakere mwey'ubansa.
|
||
\v 16 Na namakere myey'ubansa, erubansa rwani rw'eira, bushwa nti niri an'isine, eina tita ngu wantumanga uri hima n'ani.
|
||
\v 17 Chatiranyiwa mu myomba yiinu mbu ekinwa cham'ebwa na bea babi nti eira,
|
||
\v 18 N'ebange bushwa an'isine, na Tita ngu wantumanga w'ebange bushwa ani.
|
||
\p
|
||
\v 19 Bamushisha: Iso uri kuni? Yesu wasoka: nti banu munisi ari na tita mumunsibange, mumusibange na Tita.
|
||
\v 20 Yesu wabesanga webange e binwa bino na nt'uhanange mo numba ya Ongo, nt'warika mpi harikang'enku, na anga nangu wamutinge bushwa e ntambi yae nti nesi yeya.
|
||
\p
|
||
\v 21 Yesu w'ere tubo: n'enda rani, muunsondayo na muukwireyo mo bibi binu, mutukoch'iyo iya nku kwendange ani.
|
||
\v 22 Mu'cha bayahudi beba: wi'shura yo, bushwa weba mbu mutukoche iya 'nku kwendange ani?
|
||
\v 23 Na w'erebo: banu ba hano ha'nsi, ani we kwiyo, baanu beya be chuo kino, ani nti we chuo kino.
|
||
\v 24 Ngy'asingwa nabw'ere mbu muukwireyo mu bibi binu, bushwa mumafundw'isimira mbi birimo ani, muukwireyo mu bibi binu.
|
||
\p
|
||
\v 25 Ongo ngi nye? nti bamushishange. Yesu wasako bo nakubu'ere cho mu ntangiro.
|
||
\v 26 Niri na binwa biingi by'ibuere na by'ubansa kuri banu, iina ingu wantumanga w'eira, nanchi chorukiranga 'ni kuriwe, n'ebange cho mo chuo.
|
||
\p
|
||
\v 27 nti borukira mbu w'ebange bushwa n'Ishe.
|
||
\v 28 Yesu w'ere kebo: mubeyo mumakukuma e Mwan' e mweya, ngi haakiyayo musiba mbu ani nginye, na ntangakiya kikayi bushwa n'ani 'sine eina n'ebange itukana nambi byanihananga tita.
|
||
\v 29 Ingu wan'tumanga uri hima n'ani, nt'warensiya an'isine, bushwa nikorange kinsi otu e byashimawe.
|
||
\v 30 Mor' ieba r'ae'mbo, bea bingi bamusimira
|
||
\p
|
||
\v 31 W'ere ebayahudi imbi babesa bamamusimira: mumarika mu binwa byani, nti ba'nu ntumwa s'ani mu ri'ira.
|
||
\v 32 Muusiba yo eri'ira, n'eriira ra buruhuchi.
|
||
\v 33 Bamusako: bate ubuto rwa Aburahanu, na tutangabenga bakobe ba mweya, buni wamatushisha ongo mbu twaaruhuchiwayo?
|
||
\v 34 Mor'eira, n'ibw'irengi, kinsi ngu ukorange e bubi, mukobe we bubi.
|
||
\v 35 Ne mufuku watarikanga kir'otu mu numba, eina e mwana urikanga kir'otu mo numba.
|
||
\v 36 Kuba musike wa Ongo wamaburuhucha, muuruhuchiwayo rer'iira.
|
||
\v 37 N'osi mbu banu uanda rwa Aburahamu, eina banu musondange inchura, bushwa e binwa bhitangakime kumunda n'inu.
|
||
\v 38 Nibw'erengi mbi bya sunganga 'ni kwa Tita, banu mukorange mbi byorukira bhanu kwa iso winu.
|
||
\p
|
||
\v 39 Bamusako: Tita wi'tu ngi Aburahamu. Yesu w; ere bo mumabengi bana ba Aburahamu, mumasungwangemo mikorere ya Aburahamu.
|
||
\v 40 Iina banu musondange inshura, ani ngu nibw'erengi eri'ira rorukirenga 'ni kuri Ongo Icha, Aburahamu nt'wakoranga cho.
|
||
\v 41 Banu mukorange mikorere ya 'so bamusako: nti bate bana ba kihanga, turi na Tita uma, ngi Ongo.
|
||
\v 42 Yesu w'erebo: Ongo wamabesengi iso, mumanchimange bushwa kwa Ongo ngi kwa sairenga 'ni na ngi kwendange ani, nti nariya mu rwa'ni an'isine, iwe ngw'antumanga.
|
||
\v 43 Bushwa nki mutungandukire? bushwa mutukochi iyorukira e kinwa ch'ani.
|
||
\v 44 Iso winu mushumbu, na banu musondange ibereresha ekarawa ka iso. Iwe muyeri wa beya itukire mu ntangiro, na watarikanga mor'eira, bushwa kumunda nawe kusira eira. wamabe uhusange, ntu'ebange mu bya kumunda nae, bushwa iwe mushukishuki, na iwe ngwabuta e bhushukishuki.
|
||
\v 45 Na ani, bushwa n'ebang'eira, mutungansimira.
|
||
\v 46 Inye ngw'ansingayo bushwa n'ebubi? Nam'eba eira, bushwa nki mufundw'insimira?
|
||
\v 47 Ingu wa Ongo, urukiranga e binwa bya Ongo, mutungorukira bhushwa nti bhanu bhea bha Ongo.
|
||
\p
|
||
\v 48 Bayahudi bamusako: tutamu simirwa muri eba mbu Ongo musamaria n'oongo uri n'ishumbu?
|
||
\v 49 Yesu wasubya: n'sir'ishumbu, eina n'itundange Tita, na banu munendekanyange.
|
||
\v 50 Ntangasonda wi'me, kuri uma ng'usondange bo nang'uri ne rubansa.
|
||
\v 51 Mor' eira, nibushishange, ingu waranga e kinwa, watakwiyo.
|
||
\p
|
||
\v 52 E bayahudi bamw'ere: hano twamasiba mbu ong'ori n'ishumbu, Iburahimu wakwire, n'ebatahwa nabo hotu, noong'webange: e mweya wamaramang'ekinwa chani watakwiyo.
|
||
\v 53 mbe ongo mukakare irenga tita Aburahamu, ngu wakwire? e batahwa nabo bakwire, ongo ngi nye ketu?
|
||
\v 54 Yesu wasako: namitata ani'sine e wime wani ntinti kikayi, Tita ngu ntatanga, ing'utikongi banumbu ngi Ongo winu. na nti banu mumusi, kuri ani, nimusi, na.
|
||
\v 55 nam'ebambu nti n'imusi, nti nenda kabususa, nti nabe mushukishuki. eina nimusi na naranga n'ekinwa chae.
|
||
\v 56 Iso, Aburahamu, waminanga n'esa ngoa muri'rukira mbu waasunga e rotu rwani, na wasunganga, wamoa.
|
||
\p
|
||
\v 57 Bayahudi bamwere: utungarumisha neki myaka makumi asanu, usunganga Abrahamu kuni?
|
||
\v 58 Yesu w'erebo: muriira, muriira, nibw'erengi, Abrahamu ntinti nensi wabutwa ani nti niriko.
|
||
\v 59 kubusondori naha, basombo makoi bamurekere, eina Yesu w'ebisa, n'isaa mo numba ya Ongo.
|
||
\c 9
|
||
\cl Chunda 9
|
||
\p
|
||
\v 1 Murieta Yesu wasunga abhume uma kihumihumi itukire eribhutwa rae.
|
||
\v 2 E santumwa se sa mushisha: e Mukota, inye ng'wakoranga bhubhi mo musike ngu mbe bhabhuti bhae wabhesi kihumihumi.
|
||
\v 3 Yesu wasakobho: nti bhushwa wakoranga bhubhi nakiro e bhabhuti bhae, iina bhusha ne murimo wa Ongo usungwe kuri we.
|
||
\v 4 Rakomenwa nikor'e morimo wangu wantumanga, bhukiri bwach' ebhutu; mutu mweyange nti kusira tu mweya wa mukochi 'kora.
|
||
\v 5 Bhuri ani mu chuo, ani nge chaka che chuo.
|
||
\p
|
||
\v 6 Ikind'iebha mbo, wature mu roto nʼitunganya keto nʼerote. Kuruma watira keto mo meso e kihumihumi.
|
||
\v 7 Wamushisha: enda, eshue mo kiisi cha Siroamu (rina rebambu Rebeka), wenda nko wʼeshua nʼikuruka ukaengi shu.
|
||
\v 8 Bhanachabho nae, nambi bhamusi morikongakonga bhebha: ntingi uno urikanga ekwansi nikongakonga? Bhima bh'ebha: iwe.
|
||
\v 9 Bhampe bhebha: nti we iina wamususa. Wʼesiine webha: ani uno.
|
||
\v 10 Bhamushisha: bhuningi bwakobhok'e meso abhe.
|
||
\v 11 Wasubya: abhume ubhikirwange mbu Yesu wakuronjanga keto, wantira cho mo meso wanchisha mbu n'endi k'eshua ku Siroamu nʼenda ko, neshua na nakando e meso.
|
||
\v 12 Bhamushisha: hurikuni e wabhume ngo? Wasubhie: nti nʼosi.
|
||
\p
|
||
\v 13 Bhamutindikia kuri e bafarisayo,
|
||
\v 14 Na nti abhesenga otu rwiinga ngi rwakiyanga Yesu wasonya e keto nʼimukando e meso.
|
||
\v 15 Ebafarisayo nabho bhamushisha tu bhuni ngi bwakukandurwa e meso. Na wasubhie bho: wakuntiranga keto mo meso ani; nenda k'eshua nʼikae.
|
||
\v 16 Bhima mo bafarisayo bhebha: E mwea ngu nti watuka kwa Ongo, bhusha nt'usi otu rweinga. Bhampe bheebha: Bhuni mweya mubi wamukia bhishisharo?
|
||
\v 17 Bhibhanya mo mianikiri. Bhashisha tu e kihumihumi: Nʼoongo webha bhuni kuri we, muumbu bwakuKukandoe e meso? Wasubhia: iwe mutahwa.
|
||
\p
|
||
\v 18 Bayahudi nti bhasimiranga mbu wabhesanga kihumihumi na wakukandurwe meso; mu'ncho, bhabhikira e bhabhuti bhae.
|
||
\v 19 Bhashisha e bhabhuti bhae: uno musikʼinu ng'wabheseng'e kihumihumi. Bhuni ngi bwamakae we: runotu?
|
||
\v 20 E Bhabhuti bhae bhasako: twasimira iwe mwanʼitu; na wabutwanga ho nti kihumihu;
|
||
\v 21 Eina ebwakukae we, nangu wakumukando e meso ngi nti bisi bhate. Mu mushishe iwe wesine wamasengeha; webhe mu' bya wesine.
|
||
\v 22 E bhabhutɨ bhae bhebha mbo mwisubhaha e bayahudi bhushwa e bayahudi bhabhesenga nti bhamasimirana mbu; mwea uti wasibha Yesu bhuri Kirisitu waahensiwa mo sinangoki.
|
||
\v 23 Ngiasingwa e bhabhuti bh'ebhe mbu wamasenge ha bhumushishe wesine.
|
||
\p
|
||
\v 24 E bayahudi bhabhikira ture metabhi ungu wa bhesenga kihumihumi nʼemushisha: tata Ongo; tusi mbue mwea ngo mubi.
|
||
\v 25 Wasako: kubha mubi; ntinosi; ho kikai kima, nabhesenga kihumihumi na ngie nikaengi.
|
||
\v 26 Bhamushisa: kiinki ngi chakukukore we? bhuni ngi bwakuku kando we e meso?
|
||
\v 27 wasubhie bho: nakubwirenga, nti mukorukira; bhushwa nki mushima tu iyorukira? na bhanu mushima ibhese ntumwa sae?
|
||
\v 28 Wamurekera ekinwa yema ne were mbo, bhanu bhafuku bhae, ina bhate bhafuku ba Moize.
|
||
\v 29 Twasibha ingu Ongo webhanga na Moize ina ti nti tinosi kuri bhampe.
|
||
\v 30 E musike wasako bho: Ishishara kubha nti bhanu musi kwatukire we, eina wakunirundo e meso.
|
||
\v 31 Tusi mbu Ongo utasakonga e bhabhi; eina e wamamusubhaha nʼironja erisasa rae, uo ng'usakurwanga.
|
||
\v 32 Anga nʼotu rwamorukiranga bhaate mbʉ mwea wakurindo meso a kihumihumi etuka wabhutwa.
|
||
\v 33 E mwea ngʉ wamubhesengi nti watuka kwa Ongo; utamukochange kikai.
|
||
\v 34 Bhamusako: ubhutwanga munkati ne bhubhi; nʼongo usondi ituhana. Bhamurikita.
|
||
\p
|
||
\v 35 Yesu wasibha mbu bhakumurikita; wakumanana nʼimushisha: Usimira musike wa Ongo.
|
||
\v 36 Wasubhia: nginye; Mukota, nani nimusimere?
|
||
\v 37 Umamusunga; bwamushisha Yesu, nʼangu webhange nabhe, ngi we.
|
||
\v 38 Nae webha: nasimira e Mukota. Wakome maru mo makako nae.
|
||
\p
|
||
\v 39 Kuruma Yesu webha: neyanga mo chʉo kino mw'iker'obhansa, mumbi bhatangakae bhakai; ne bhakaengi bhabhesi bhihumihumi.
|
||
\v 40 Bhima mo bafarisayo mbi bhabhesenga na Yesu; iyorukira e bhinwa byae bhamushisha: nabhate bhihumihumi?
|
||
\v 41 Yesu wasubhie bho: mumubhesange bhihumihumi; mutumubhesengi na bhubhi. Ina mwebha: tukaengi: ngyasingwa e bhubhi bwinu bwabhesa.
|
||
\c 10
|
||
\cl Chunda 10
|
||
\p
|
||
\v 1 Mureira, nabw'ire cho, kinsi mweya uti ngu ntwakimire mo rurubi rw'ekisumba ina wetere kumpe, iwe nti mwibi na mubandi.
|
||
\v 2 Ina e wakime mo rubi nge murangi w'e samburi.
|
||
\v 3 E murangi w'er'orubi woboranga ro, n'e samburi nti sorukira e murenge wae, ubikirange to mo mina insi e sae, n'isumba to e kubutara.
|
||
\v 4 Wamasaisha e samburi sae, ntweta kubusondori nato nti murenge wa nyere kurwabo.
|
||
\v 5 Sitamwemisa mweni, ina nti samubheke kore, bushwa nti sosi e samwemisa bushwa sisi emurenge wae.
|
||
\p
|
||
\v 6 Yesu werebo e mushumo uno, ina nti borukira e byebange we.
|
||
\v 7 Yesu were tubo: mureira, nibwerengi, aninge rubi rwe samburi.
|
||
\v 8 E bati betanga kubusondori nani bibi na babandi, ina e samburi nti sarorikire bo.
|
||
\v 9 Ani nge rubi, E mwea wametere kuri ani, iwe nti warama, ntwakime na ntwasaa, ntwashee okero.
|
||
\v 10 E mwibi wiyanga ho bushwa washume, iniya n'ebishabisha, ani, nariya bushwa e samburi sishei karamo, na basheiko mu bwingi.
|
||
\p
|
||
\v 11 Ani nge murangi wakonda, E murangi wa konda uninkananga e bhuingo bwae bhushwa n'esamburi.
|
||
\v 12 Ina enkimiriya, e nti murangi, na nti ngimeneto, wamasunga ntare, nt'wasia e samburi, nt'wabeka, ne ntare ntyanyaka n'insansabany'e samburi.
|
||
\v 13 E nkimiriya nti wabeka, bushwa iwe nkimiriya, n'otamwiya mw'enube e samburi. Ani nge murangi wakonda.
|
||
\v 14 Nisi e samburi sani, nato sinisi.
|
||
\v 15 Ne bunisi Tita, nani e bumusi ani, na naninka e samburi e bhuingo bwani.
|
||
\v 16 niri na simpe mburi, nti siri mo kisumba, nanso risondange nirishe to mo kisumba, na sorukire e murenge wani, na ntihabese eimba rima, na murangi uma.
|
||
\v 17 Tita wanchima, bushwa naninkana e buingo bwani, nishee tubo kuruma.
|
||
\v 18 Kusira e wamuninyakabo, ina na ninkanabo ani sine, niri ne bunkangwe bwe rininkanabo, na niri tu ne bunkangwe bwe ritinge bo: etukana n'emyomba ya ninkwangani na Tita.
|
||
\p
|
||
\v 19 Itukana ne binwa mbyo, habesa tu ibanyana mo bayahudi.
|
||
\v 20 Munkati nabo bima beba: uri n'eshumbu, mushire, bushwa nki mwerikire?
|
||
\v 21 Bampe beba: nti binwa bya mushire, e mushire wamwobora meso a bihumihumi?
|
||
\p
|
||
\v 22 Babesenga notu'kiri rwe ninkana bisabo ku Yerusalemu: Na nti matu a keme.
|
||
\v 23 Yesu ntutambange mo numba ya Ongo, mo rubi rukiri rwa Soromono.
|
||
\v 24 Ebayahudi nti bamutimba, bamwere: iya runi otu ukwendi ongo tutimbyange e bwenge? kuti Ongo ngi Kirisito, tweri er'eira.
|
||
\v 25 Yesu wasakobo: Naribwere, na mutusimiranga. e mikorere ikorange ani morina ra Tita yebange bushwa ani.
|
||
\v 26 Ina mutungerikira, bushwa nti banu mburi sani.
|
||
\v 27 E samburi sani sorukiranga e murenge wani, Nisi to, na sinemisanga.
|
||
\v 28 Na naninka to e karamo ke matuati, batariminiyo, na kusira e wa seninyakayo to mo mine' ani.
|
||
\v 29 Tita ngi wampanga bo, iwe mukiri irenga e bati, na kusira e wamuninyaka mo mine ya Tita.
|
||
\v 30 Ani na Tita turi mwea uma.
|
||
\p
|
||
\v 31 E bayahudi basombo makoi mbu bamushure.
|
||
\v 32 Yesu werebo: namabushea mikorere mingi ya konda itukange kuri Tita: Bushwe mbyo muniye?
|
||
\v 33 E bayahudi bamusako: Tutangakurekera makoi, bushw'emikorere yakonda, ina bushwa ne rikamba ekinwa cha Ongo, n'erikwekiya Ongo na tusi mbu ongo mweya.
|
||
\v 34 Yesu werebo: Ntiratiranyiwa mu myomba yinu: nebanga: mbu banu ba Ongo?
|
||
\v 35 Imbu bwa kuninkae rina ra ba Ongo imbi bareturirwa e kinwa cha Tita Ongo, bushwe rwandiko rutamukochi iriribanyiwa.
|
||
\v 36 Ungu washururwa na Tita na watumwa mo chuo mumwere: ukamb' e kinwa cha Ongo nacha bushwa na kubwere: Ani musike wa Ongo.
|
||
\v 37 Namafundwa ikora e mirimo ya Tita angi' insimira.
|
||
\v 38 Ina kuti nikorangebyo, mutungansimira, musimire e mikorere y'ae, kongo musiba niteerera mbu Tita uri nani, nani niri kumunda nae.
|
||
\p
|
||
\v 39 Nampo, basonda tu imutinge, ina weshunura mo mine abo.
|
||
\p
|
||
\v 40 Yesu wenda tu, wetunda kore na Yorodani, kwihi nampo habesanga harubikengi Yohana warika ho.
|
||
\v 41 Bhea bingi bamwemisa mpo, na werebo: Yohana nt'wakianga kashingishiro katikati, ina e bhiti byebanga Yohana kuri e mweya ngo eira.
|
||
\v 42 Na harikanga bo, bea bingi bamusimira.
|
||
\c 11
|
||
\cl Chunda 11
|
||
\p
|
||
\v 1 Kwabesanga abume uma mukoni, Rasaro wa ku Betania wa mo rubungu rwa Mariamu na Marita mubitwabo.
|
||
\v 2 E Mariango ngwatiranga Mukota e rungo n'ikono ro nebuteo bwe muntwe wae na musiky'abho Rasaro ngi wasambanga.
|
||
\v 3 E babitu barera mwea kuri Yesu: mukota, e washima oongo wasamba.
|
||
\v 4 Warikia worukira mbo weba: e bukoni mbo nti bwikwa ina wirisha itatwa ra Ongo bushwa musike wa Ongo watatwe mu bo.
|
||
\v 5 Yesu wabesanga washima Marita, mubitwa Rasaro.
|
||
\v 6 Wakianga wamorukira mbu Rasaro wasamba, warika tu matu abi inko kwabesanga we.
|
||
\p
|
||
\v 7 Kuruma nampo weba ne bafuku bae mbu: tukuruke ku Yudea.
|
||
\v 8 E bafuku bae beba: e muhani witu, e bayahudi akosa bakuya na twakuruka tu ku Yudea.
|
||
\v 9 Yesu wasubie bo: kurikire ntambi ikumi nasibi mor'otu? e mwea wamenda mumwishi utakoch'isitara bushwa uri na chaka cha kino chuo.
|
||
\v 10 Ina e mwea wamenda mutu, nt'wasitara bushwa usira chaaka.
|
||
\p
|
||
\v 11 Kuruma ne binwa mbyo, washisha bo: Rasaro, m'iriitu urere, nenda kamusimo.
|
||
\v 12 E bafuku bae bamweere: kuti erere, userama.
|
||
\v 13 Yesu webanga bushwa n'er'ikwa rae, ina bahaka mbu webange bushwa toro twambiru.
|
||
\v 14 Yesu w'ire bo shu mbu Rasaro wamakwa.
|
||
\v 15 Na bushwa banu, kongo musimira, namoa bushwa atuka nsira ko. Ina twendi kuribo.
|
||
\v 16 Tomasi, Didime, washisha. e bampe bafuku: twendi nabate tukwe nae.
|
||
\p
|
||
\v 17 Yesu moriya rae, wakumana Rasaro ntwamakia matu anye mor'esinda.
|
||
\v 18 Nambwakianga Betania yarika kumushi na kuYerusaremu, buna byati binye.
|
||
\v 19 Bayahudi biingi beyanga kuri Marita na Mariamu mwibongabonga bo mu kikwiri cha musiky'abho.
|
||
\v 20 Marita worukira mbu Yesu weya, wasaa n'ienda kubusondori nae, ina Mariamu wasia warika mo numba.
|
||
\v 21 Marita weba na Yesu: e Mukota, umabindukengi hano, mubitwani utamukwange.
|
||
\v 22 Ina, enompena, n'osi mbu kinsi kinwa chamukonga oongo kuri Ongo nt'wakuninka cho.
|
||
\v 23 Yesu wamusako: mubitw'abe wafuka.
|
||
\v 24 Marita wasako: n'osi mbu wafukayo e rotu rwahende.
|
||
\v 25 Yesu wamwire: ani ngi naasimoyo e bakwire n'ani nge karamo. E wansimira utangakwi na kiro wakwa.
|
||
\v 26 Ne mwea utiuti ngu uriho, na wansimira utangakwi. Usimira cha?
|
||
\v 27 Wamw'ire: bumbo, Mukota, nasimira mbu ongo ngi Kirisitu, musike wa Ongo, e wamwiyange mo chuo.
|
||
\p
|
||
\v 28 Ikind'ieba mbo, wenda. Kwesina, wabikira Maria, mwisi abo, n'emwire, e muhani uri hano na ukushishange.
|
||
\v 29 Maria wakia worukira e mwasi, wasimana tete n'ikanyire ko.
|
||
\v 30 Yesu nt'utangakime neki emunumba ina wabesanga mpo hamukumananga Marita.
|
||
\v 31 E bayahudi mbi abesanga bamurishange mu numba, bakianga bamusunga wasaa tete, nabo bamubungura nti bahakange mbu wend'a ekwesinda rae.
|
||
\p
|
||
\v 32 E ntambi Mariamu weyanga hari Yesu witaa mo bisando byae n'ieba: e Mukota, umabindukengi hano, mubitu wani utamukwange.
|
||
\v 33 Yesu murimusunga ureengi nambi bamutimba, warukira bwae mo mutima na washishara.
|
||
\v 34 Weba: mukumuria hani? bamusako: e Mukota, iye ununkange.
|
||
\v 35 Yesu ware.
|
||
\v 36 E bayahudi beba: kae bwabesanga bwamushima we.
|
||
\v 37 Na bima mubo beba: iwengu wakukando e meso e bihumihumi, kinki chamusingwa utahangisi e mwea ngu, utakwingi?
|
||
\p
|
||
\v 38 Kuruma n'eriyorukira e bwae bwemeta abi, Yesu wenda e kwesinda. Barianga ikoi habasirwa n'er'esinda.
|
||
\v 39 Yesu weba: mukutu e rikoi. Marita, mubitu wang'wakukwa weba: e Mukota, ngie ununkange bushwa iye matu anye uri kumunda.
|
||
\v 40 Yesu wamushisha: ntinakukushisha mbu umasimira, ukusunga bishisharo bya Ongo?
|
||
\p
|
||
\v 41 Bahimira er'ikoi Yesu wakae e kwiyo n'ieba: Tita nakutata bushwa ongo ndukirenga.
|
||
\v 42 Ani n'osi mbu ongo ndukirenga; ina neba bushwa ne bantimba hano basibe mbe ongo ng'untumanga.
|
||
\v 43 Ikind'ieba mbo, wakua na murenge mukiri: Rasaro saa!
|
||
\v 44 N'ewakukwa wasaa, e bisando ne mine byaminwa ne mbaso hotu. Yesu washisha bho: mumobhore n'imureke wendi rae.
|
||
\p
|
||
\v 45 Bingi mu bayahudi beyanga kuri Mariamu, basunga chakora Yesu, bamusimira.
|
||
\v 46 Bima mubo benda kasunga e bafarisayo, n'iture bo mwasi we byamakora Yesu.
|
||
\v 47 Nampo, e bakungu bakiri ne bafarisayo bakumanya erushu n'ieba: tukie buni? bushwa e mweao ukorange bishisharo bingi?
|
||
\v 48 Twamamusia wakore, bea bingi basemusimira, na baroma basiya katunyaka e rubungu rwitu ne bwami bwitu.
|
||
\p
|
||
\v 49 Uma mubo ngi Kayafa nti ngi mukungu mukiri mo mwaka ngo washisha bo: murindire nki?
|
||
\v 50 Mutungaanikira mbu rakomenwa mwea uma wakwiri e bea bati ne chuo kiti?
|
||
\v 51 Na ntwebange mbo wesine bushwa ntiwe ngi mukungu mukiri mo mwaka ngo, nampo warora mbu Yesu wamukwange bushwa ne chuo kiti.
|
||
\v 52 Na nti bushwa e chuo kima, ina bushwa ikumanya e bana ba Ongo babe mubi uma.
|
||
\v 53 Itukire e rotu ndo, batinge rwanko rw'imuya.
|
||
\p
|
||
\v 54 Ngyasigwa Yesu ntwisheanga tu chaanana kuri e bayahudi, wishika mo sa mbungu sa kumushi mo bweeru, m'obungu ruma rubikirwange Efuraimu; nanko warika ko ne bafuku bae.
|
||
\p
|
||
\v 55 E rotu rukiri rwe pasaka rwe bayahudi rweya, na bea bingi bataya ku Yerusaremu murikweshurura.
|
||
\v 56 Basonda Yesu na nti bashishanange mo r'irameso: kuri inki, mbe utei mo rotu rukiri?
|
||
\v 57 Na nti e bakungu bakiri ne bafarisayo bamaninkana mwomba, wimusonda ni mumina kutikuti nku kwasesungwayo we.
|
||
\c 12
|
||
\cl Chunda 12
|
||
\p
|
||
\v 1 Matu mutuba busondori ne rotu rukiri rwe Pasaka, Yesu wiya ku Betaniya, kwabesanga kuri Rasaro, e wafukanga mo bakwi.
|
||
\v 2 Himpo, bamuninka orengero; Marita wabese nti mubanyi, na Rasaro nti uma mubo mbi ebari ha mesa himanae.
|
||
\v 3 Mariamu watinge rungo n'ichura marashi a behe biingi wasingo e bisando bya Yesu na wakono byo nebuteo bwae ne nyumba yae yabucha inunka e rungo.
|
||
\p
|
||
\v 4 Uma we santumwa se, Yuda Isikariote musike wa Simoni ingo ngwabesanga wahun'imusimbura weba:
|
||
\v 5 Bhushwa nki ufundwa ichuya e rungo manashatu a behe n'eninka byo ebasene?
|
||
\v 6 Webanga mbo nti bushwa n'ishima we e basene ina bushwa wabesenga mwibi na ntwatinge enku, mwitinge abesenga e bininkwangebo.
|
||
\v 7 Ina Yesu weba: mureki warange emarashingi mu rotu rw'erikwa rani.
|
||
\v 8 Banu muri ne basene hima niinu, ina muturikanga nani kir'otu.
|
||
\p
|
||
\v 9 Kikembe kikiri cha bayahudi barukira e mwasi mbu Yesu atuka uri ku Betania, benda ko nti bushwa iwe iina mwisunga Rasaro e wafukanga mo bakwire.
|
||
\v 10 Ebakakare be Bayahudi baronja nama y'ishura Rasaro nae tu.
|
||
\v 11 Bushwe bayahudi bingi babesanga b'etunjange mo byabo, itukana nae n'isimira Yesu.
|
||
\p
|
||
\v 12 Mukakoma, kikembe kingi cha bea chia m'otu rukiri mbu Yesu wendange ku Yerusaremu. Bhatinge mikuru ya mabira n'ienda kubusondori nae murimukoke na nti.
|
||
\v 13 basimbange: hosana, hosana iwe ngi mukasanirwa na mubake wa ku-Isiraeri.
|
||
\v 14 Na Yesu wabesanga wamataya mu chaana cha mpunda, buri mbu abesanga bwamaandikwanga byo.
|
||
\q
|
||
\v 15 Kiro usubaha e kikumi cha kusayuni, e mubake wabe wiya habhasir'e mpunda.
|
||
\p
|
||
\v 16 E santumwa sae nti satereranga e binwa mbyo, ina entambi yatatwanga Yesu basubukia emwasi watiranyiwanga bushe na Yesu, na byamabererera mo meso abo.
|
||
\p
|
||
\v 17 ebati babesenga hima na Yesu, muribikira Rasaro morituka mo risinda, wamufura, babereresha e mwasi ngo.
|
||
\v 18 Ne nkumanano yarika busondori nae, bushwa borukiranga emwasi we bishisharo bya Yesu.
|
||
\v 19 Ebafarisayo beshishirisha musunga, mutunga shee inki, e chuo kiri kuruma nae.
|
||
\p
|
||
\v 20 Himpo nti hari bayunani bingi, mu'mbo beyang' e kwotu rukiri.
|
||
\v 21 Bendere Firipo, wa ku Betesaida, bamuhema beba: Nyerekuritu tusondange isunga Yesu.
|
||
\v 22 Firipo wenda kashisha Andere. Andere hima na Firipo bashisha Yesu.
|
||
\v 23 Yesu wasubiebo: esantambi sa miya se ritata emwana we mwea.
|
||
\v 24 Muriira, niwirengi kuti e mbuto Yamabe yakire mo roto nti yakwa, ntyabese ho bumbobumbo yesine ina yamakwa nt'yabhuto byuma bhingi.
|
||
\v 25 E washima e buingo bwae uriminyangako, ne wabaa e buingo bwae mukino chuo, nt'waranga bo ematu ati n'eati eingendero.
|
||
\v 26 E mwea wamanikore wan'emise, nampo hari ani, nae nti ngyari we, kuti mwea unkorengi, tita nt'wamutunda.
|
||
\p
|
||
\v 27 E ntambi no, e mutima wani usira bhuhoro, nebhe bhuni, tita niramye ne ntambi ino? bhushwa na 'ncho ngyasingwanga n'eya iy'entambi mo.
|
||
\v 28 Tita, ritatwe e rina rabhe. murenge watuk'ekwiyo, w'ebha mbu: namakindi mutata namutatayo tu.
|
||
\v 29 Ekikembe, chabhesenga kiri ho chorukira, ch'ebha: kwa mabhe karingiri kakiri, ne bhampe bhebha mbu ngashani ng'wamebha nae.
|
||
\v 30 Yesu webha; nti bhushwe n'ani ngi chasingwa e murenge warukirwa, Ina bushwe banu.
|
||
\v 31 Entambi ino erubansa rwe chuo kino ruriko. ina e mubake we chuo kino wasetawa, habutara.
|
||
\v 32 Nani, nsekiya namende kwiyo, bea bingi baanemisa yo.
|
||
\v 33 Mwi eba bumbo, nt'usheange ebususe bwe rikwa rae.
|
||
\p
|
||
\v 34 Ina e bea bamusubie. bate twarukiranga mo myomba mbu Yesu wabesayo ho ematu ati n'eati, buni webange ongo, mbu emwana we mwea waakukumwayo? Emwan'emweya ngi 'nye?
|
||
\v 35 Yesu werebo: echaka kiri hima ninu mu kashangi kakeke. Mwendi bukiri banu mo chaka, emwerimya wamubwehie. Bushwa ewendange mo mwerimya utakonchi isiba kwendangewe.
|
||
\v 36 Entambi banu murine chaka, musimire cho kongo mubese bana ba chaka. Yesu weba ebinwa mbyo, wenda, webisa kore nabo.
|
||
\v 37 Nakiro ebishisharo, byakorangae munkati nabo, ina nti bamusimiranga.
|
||
\v 38 Kongo ebutahwa bwa Isaya bwabererera. Weba; enyerekuritu inye ngwakusimira e mahano itu? na 'nye ng'warisheiwa e mwine wa Ongo.
|
||
\v 39 Mutukochi isimira, bushwa mbu Isaya w'eba tu.
|
||
\v 40 Wahumyabo emeso, n'esumy'emitima 'bo, bamukae mo meso abo, batorukiringi mo mitima 'bo n'ebinduka naramya bo.
|
||
\p
|
||
\v 41 Isaya webha ebhinwa'mbi, mor'isunga we ebwime bwae, nt'webhange bhushe we.
|
||
\p
|
||
\v 42 Nakiro munkati ebhahanga, bhingi bamusimira, ina bushwe bafarisayo, nti batangishea, mu bhabho bweritunjiwa mo sinangoki.
|
||
\v 43 Bhushwa bhashima eritatwa ne bhea, irenga er'itatwa na Ongo.
|
||
\p
|
||
\v 44 Na Yesu wakuwa nguru, webha: ing'wansimira, nti wanisimira ani, ina wasimira ewanitumanga.
|
||
\v 45 Ne wanisunga, nti usungange, ewanitumanga.
|
||
\v 46 Nariya bhuri chaka, mukino chuo, kinsi wanisimira, utarikingi mo mwerimya.
|
||
\p
|
||
\v 47 E mweya wamanirukire, na nt'wabhik'e bhinwa by'aninty' ani ngi namukere 'robhansa, bhushe nti nareya kakere 'chuo obhansa ina bhushe n'ioshukaya cho.
|
||
\v 48 Emwea wamanitina, ni tina ebhinwa byani, uri n'ewamukereyo er'obhansa nty'ekinwa chorukiranga we.
|
||
\v 49 Bhushwe ntangebha mwanisine, ina tita ngu ewantumanga uncheange ebyeriebha 'ni.
|
||
\v 50 Na nisi mbu emombae ng'ekaramo k'ematu ati n'eati. Ngy'asingwa ebyebhangy'ani, nebhange byo imbu bwarenire tita byo.
|
||
\c 13
|
||
\cl Chunda 13
|
||
\p
|
||
\v 1 Bhusondori e r'otu rukiri rw'e Pasaka, Yesu wasibha mbwe ntambi yae yamiya ye rituka mo chuo niyenda kw'ishe, washimanga bhanarwae mu chuo, iwe washima bho.
|
||
\v 2 Ne ntanbi se bhiyo bya murisisi na mushumba nt'wamarisia Yuda Isikariote, musike wa Simoni mutima wi mushura.
|
||
\v 3 Yesu webhesanga usi mbwishe waremuninka bhiti mo mine y'ae watukirenga kwa Ongo, n'ikurika tu kwa Ongo.
|
||
\v 4 Watuka mu bhutanda, wakuto e sanchangi sae, n'itinge kikonorero n'emina cho mu mangati.
|
||
\v 5 Kuruma warita micha mutengi, wabhucha ishuwa e mindi ye bhemisa bae, n'ikono ne kikonorero e minkonsi ye santumwa sae.
|
||
\p
|
||
\v 6 Himpo wiya hari Simoni, Petero, na Petero wa mushisha; Ongo Nyerekuritu, unishuwa e mindi ani!
|
||
\v 7 Yesu wasubya: e kikorangy' ani, utumusibha neki cho, e ntamb' ino, ina ukusibha cho kuruma.
|
||
\v 8 Petero wamushisha: inga, ongo utumunshua e mindi. Yesu wamusako: kubha nti nakushuwa e mindi nti ongo sira bhunakima nani.
|
||
\v 9 Simoni Petero wamushisha: e Nyerekuritu nti e mindi ho, ina ne mabhoko, ne muntwe.
|
||
\v 10 Yesu wamusako: ingu wamakindi kwishuwa uri ho na murao w'ishua e bhisando kongo wakond'emubhi uti na bhanu mumashuurukara ina nti bhanu bhati.
|
||
\v 11 Bhushwa wabhesanga usi ing'waamusibhura, chasingwa weba: nti bhanu bhati mushuurukara.
|
||
\p
|
||
\v 12 Wakia wamakind' ishuwa e bhisando nimbara esangombe sae, warika tu mo bhutanda, washishabho: mbeti mu masibha e byamabhukore ani?
|
||
\v 13 Bhanu munibhikirange, muhanisi, na Nyerekuritu, bhanu mwebhange ishu bhushwa' ani ng' iwe.
|
||
\v 14 Kubha nakubhushuwa e mindi ani Nyerekurinu, muhanisi, na bhanu rakomenwa ishuana e mindi bhanu mu bhanu.
|
||
\v 15 Bhushwa namabhuninka mushinga e buri ani mukore na bhanu bhubhobhubho.
|
||
\v 16 Mor'eira, nibhushishange, e mweya we murimo nti mukiri irenge Nyerekurwabho.
|
||
\v 17 Kuti mumasiba bhino bhinwa, mukubhesa na ngoa mumakora byo.
|
||
\v 18 Nti nebha mubanu bati, nisi ebharondora ani, ina emitiro ikoche ibhererera. Eurirengi hima nani wanibhunduke.
|
||
\p
|
||
\v 19 E ntambi ino, ni bhushishange ebhinwa bhisae ibhere kinwa kisae, kongo entambi bya saa mubhesi n'esibhirira mbw'ani nge ungo.
|
||
\v 20 Muriira, ni bhushishange, ing'wakoke ewakuntumanga, nti wamanikoke nangu wanikoke, nt'wamakoke ing'wantumanga.
|
||
\p
|
||
\v 21 Na wakiya wamakindi iyebha mbyo, Yesu watingirwa na koha mo mutima wae n'iyebha: nibhushishange mor'eira uma mu bhanu wanisibura.
|
||
\v 22 Ebhemisa bae bhakayane. Bhatingirwa na bhobha inye ngi utukurwange.
|
||
\v 23 Nahabhesanga uma mo bhemisa bhae ingo abhesanga washimwa nae, wabhesanga w'iseke mo bhukubha.
|
||
\v 24 Simoni Petero wamusime, wamushishe kubha inye ngi utukurwange.
|
||
\v 25 Wabhesanga w'iseke mo bhukubha bwa Yesu wamushisha mbeni inye?
|
||
\v 26 Yesu wasubya: ingo waninka cho ekitore. Watinge e kitore wanikacho Yuda Isikariote musike wa Simoni.
|
||
\v 27 Kuruma e kitore, mushumbu wakime kuri Yuda. Yesu wamushisha: e bhikorange ongo, korabyo tete.
|
||
\v 28 Ina anga n'uma munkati ne bhabhesenga bharisange wasibhanga e chasingwa Yesu wamw'ire mbo.
|
||
\v 29 Bhushwa bhima mubho bhahaka mbu kuti bhushwa Yuda ng'uri ne nku, Yesu usondange imushisha: wachure e byashima bho mu rotu tukiri ari wasonde e bhasene.
|
||
\v 30 Yuda, wakia wamatinge 'kitore watairire isaa bhushwa ntiye mutu.
|
||
\p
|
||
\v 31 Yuda warekia wamasaa, Yesu webha: entambi ino emwana w'emweya wamatatwa na Ongo wamatatwa kuri we.
|
||
\v 32 Kuti Ongo watatwa ekuri we, Ongo hotu nt'watatwa ekuri we wesine na nt'wamutata tu kuruma.
|
||
\p
|
||
\v 33 E bhana bhani, nasiya na matu makeke ninu. Munisondayo bhuri bwakushishanga ʼni, ebayahudi mutukochʼiya ekwenda ani. nabhushisha hotu entambi ino.
|
||
\v 34 Nibhuninkange mwomba mushasha mushimane, bhuri ewabhushima ani, nabhanu mushimane bhubho bhubho.
|
||
\v 35 Bhumbo ebhati bhaasibha mbu bhanu bhemisa bhani, kubha bhanu muri na nchimi bhanu bhisine na bhisine.
|
||
\p
|
||
\v 36 Simoni Petero wamushisha: e Nyerekuritu, weenda kuni? Yesu wasubya: utukochi nemisa entambi ino ekwendangyani, ukunemisa kuruma.
|
||
\v 37 Petero wamwire: mwami, bhushwanki ntamukwemisa entambi ino? E bhuingo bwani naasibhura bho.
|
||
\v 38 Yesu wamusako: ukusibhura ebhuingo bwabhe bhushwʼani! nikushishange, nikwirengi, enchongore itabikiri ntumanituna mo meta 'shatu.
|
||
\c 14
|
||
\cl Chunda 14
|
||
\p
|
||
\v 1 E mitima y'inu kiro y'eshishirisha. Musimira Ongo munisimire n'ani.
|
||
\v 2 Kuri ndikaro ningi kwa Tita, bhibya bhitamubhesanga, namubhushishange. nenda kabhusonde ndikaro, bwari.
|
||
\v 3 Nakubha nabhesa nti namenda nanti namabhusonde ndikaro, nsekurukayo na nabhuringayo hima nani, himpo hariana na bhanu mubhesi ho.
|
||
\v 4 Bhanu musi e kwendangyʼani, na bhanu musi ense.
|
||
\p
|
||
\v 5 Tomasi wamushisha, e nyerekuritu, nti tosi e kwendange ongo, bhuni bwamusibha bhate ense?
|
||
\v 6 Yesu wamusubhie, ani nge nse, reira n'ekaramo, kusira wamwiya kwa Tita kuba ntwakunetire mo.
|
||
\v 7 Kubha mumunsibange, mumunsibhange Tita, n'itukire e ntambi ino bhanu mumusi na murimusunga.
|
||
\p
|
||
\v 8 Filipo wamushisha, e Nyerekuritu, tushee Tita nancho charengeka.
|
||
\v 9 Yesu wamwire, iyo matu niri ninu nti urinisibha, Filipo ingu warenisunga nt'wamasunga Tita. Bhuni bwebha ongo, tushee Tita?
|
||
\v 10 Nti ongo si mbu niri kumunda naTita, na Tita kumunda nani? ebhinwa byabwire ani, ntangebha byo ani sine na Tita ngu uri kumunda n'ani, iwe ngi ukorange.
|
||
\v 11 Munisimire, niri kumunda na Tita na Tita kumunda nani, simira bhushwa bwe mikorere yae.
|
||
\v 12 Mureira, nabwire, ingu wanisimira wakiyayo mikorere ikorangy' ani, na wakii na bhikiri, bhushwa nenda kuri Tita.
|
||
\v 13 Ne bhiti bhisekongayo bhanu mo rina rani, nakiyayo byo, kongo Tita watatwa kumunda na musikewe.
|
||
\v 14 Kubha muhema kikai murina rani, nakiyayocho.
|
||
\p
|
||
\v 15 Kubha munishima, mwemise emyomba ni.
|
||
\v 16 Nani, nsehema Tita na usebuninka umpe w'er'ibhusake, kongo warika hima ninu ematu ati.
|
||
\v 17 Mutima we ira, echuo kitamuninkwao, bhushe bhatangasungangao na nti bhasi o, ina bhanu musi o.
|
||
\v 18 Ntabhusiiyo bhuri nkubhi Tita, nsiyayo kuri bhanu.
|
||
\v 19 Ntambi nkeke tu, echuo kitanisungi, ina bhanu, mukuni sunga, bhushe niri ho, na bhanu mubhesa ho.
|
||
\v 20 Mo matungo, mukusibhayo mbu niri kuri Tita, bhanu muri kuriani, nani niri kumunda ninu.
|
||
\v 21 Ing' ukwengi e myomba'ni, na'ngu waranjayo, ngi wanishima, nangu wanishima washimayo na Tita, namushimayo nansekwisibishayo kuriwe.
|
||
\p
|
||
\v 22 Yuda, nti Isikariote, wamwire: Bhuni bw'ebhange ongo, ukwesibirisha kuri bhate nti kuri e chuo?
|
||
\v 23 Yesu wamusubhie: ingu wanishima, warangayo ekinwa chani, na tita usemushimayo, tusiyayo kuriwe na twakiyayo ndikaro kuri we.
|
||
\v 24 Enti wanchima utamuranga ebhinwa byani. n'ekinwa cherukirange bhanu nti chani ina cha Tita ewantumanga.
|
||
\v 25 Narebhushisha ebhikai'mbi mo matu akurika 'ni hima n'inu.
|
||
\v 26 Ina emubhongi-bhongi mutima mushasa ingu usebhurebheka Tita morina raani, wabuhanayo kinsi kikai, na usebhusubhukiayo ebhiti bya bhushishangani.
|
||
\v 27 Nabhusiere bhuhoro, nabhuninka bhuhoro, nti nabuninka bhuri mbu ebhuninkananga echuo. emitima inu kiro y'eshishirisha, na kiro mure.
|
||
\p
|
||
\v 28 Mumorukira mbu bwamabwire 'ani, neire na nsebwiyere. Mumunchimange, mu mumoange mbu nenda kuri tita, bhushe Tita mukiri kuri ani.
|
||
\v 29 Enompena namabwire ebhikai mbi kubhusonderi bhisae kuriani, na mo ntambi yasaa byo mubhesi n'esimira.
|
||
\v 30 Ntebhiyotu ninu, bhushi emubhake we chuo wiya, usirakiti kuriani.
|
||
\v 31 Ina kongo echuo kisibhe mbu nashima tita, na nikiange bhurimbu bwanininkangu tita wanininka, musimane tutuke hano.
|
||
\c 15
|
||
\cl Chunda 15
|
||
\p
|
||
\v 1 Ani nge musabhibhu weriira, na Tita nge muhingi. Kinsi utabhi ruri kumunda naani rwamafundwa ibhuta byuma nt'wakeraro na.
|
||
\v 2 Kinsi utabhi ndu rubhutange byuma, ushekerengi ro kongo rwabhuta tu nguru.
|
||
\v 3 Mumakind'ishuururwa, bhushwa ne kinwa charebw' ire' ani.
|
||
\v 4 Murike kumunda nani, nani kumunda n'iinu, Erutabhi rutakochibhuta byuma rwesine rwamafund'irika kumunda ne musabhibhu. Nge bhumbo na bhanu mutukoche ibhuta mumafund'irika kumunda nani.
|
||
\p
|
||
\v 5 Ani nge musabhibhu, bhanu ntabhi Ing'warika kumunda nani naani naserika kumunda nae uuwo uri na byuma bhiingi, bhushwa utukoch'ikora kitikiti hasir'ani.
|
||
\v 6 E mwea wamafund'irika kumunda nani, ntwatawa hambuka, bhuri ntabhi na ntwakama na ntyasomborwa entabhi njo, n'itawa mo kasha na yatinda.
|
||
\v 7 Mumarika kumunda nani, ne bhinwa byani bhiri kumunda ninu, muhema e byashima bhanu, nambyo muuninkwa byo.
|
||
\v 8 Kuti muba na byuma bhingi, na nge bhumbo Tita ntwatatwa, na ntimuba ntumwa sani.
|
||
\p
|
||
\v 9 Itukana ne bwanshima Tita, nani naribhushima na murike n'enchimi yani.
|
||
\v 10 Kubha mubhika e myomba yani, murika mo nchimi yani, na bhumbo e bwabhika ani e myomba ya Tita ne bwarik'ani munchimi yae.
|
||
\v 11 Naribwere e bhinwa mbi bhushwa e rimoa rani ribhe ninu, nerimoa rinu rikomenwe.
|
||
\v 12 Ngi himpo e myomba yani: mushimane, e bwabhushimanga ani.
|
||
\v 13 Hasira nchimi nkiri bhuri ininkana e bhuingo bwabhe mo bhira bhabhe.
|
||
\v 14 Bhanu bhira bhani, kuti mukora e bhibhuhemange ani.
|
||
\v 15 Ntabhubhikiri yo tu mbu bhanu bhakobhe, bhushwa e mukobhe nt'osi e bhikiange e muhani wae: Ina naribhubhikira mbu bhaanu bhira bhaani, bhushwa naribhuhana e bhiti bya hanisiwang'ani na Tita.
|
||
\v 16 Nti bhanu ngi munirondoranga; ina ani, ngi nabhurondoranga na nabhutereka, bhushwa mwendi na mubhute byuma, ne byuma bhinu bhisungwe e matuati, ne bhisehema bhanu kuri Tita murina rani nti wabhuninka byo.
|
||
\v 17 Echabhuhema 'ni ani, nty'eshimana bhaanu bhisine na bhisine.
|
||
\p
|
||
\v 18 E chuo chabhubhaa, musibhiriranga mbu chakumbaanga kubhusondori ninu.
|
||
\v 19 Mumubhesange bhe chuo, e chuo chamubhushimange inchi kiri kumunda nae, bhushwe nti mubhesanga bhe chuo na nabhurondoranga munkati ne chuo, bhushwe nancho e chuo chabhubhaa.
|
||
\v 20 Mwesubhukianga ne kinwa e chabw'irenga 'ni: e mukobhe nti mukiri irenga e muhani wae. E bwaninubya bho, bhaabhunubya na bhanu, bhamabhe nti bhareranga e bhinwa byani bharangayo ne bhinu.
|
||
\v 21 Ina bhasebukoreyo e bhiti mbi, bhushwa bwe rina rani, bhushwa nti bhasingu warentuma.
|
||
\v 22 Ntamweyange na ntamwebhange nabho. Bhatamubhesengi na bhubhi: ina bhasira nsomombo bhushe bwe bhubhi bwabho.
|
||
\v 23 Ung'wantina, watina na Tita.
|
||
\v 24 Kubha ntamukorange bhishisharo munkati nabho, hasira umpe wamukorabyo, bhatamubhange na, bhubhi, ina bharisunga byo, na bhantina ani na Tita.
|
||
\v 25 Inambyo byeya bhushwa e kinwa cha Ongo kibherereshwe; e chatiranyiwa mo myomba yabho; bharentinire bhusa.
|
||
\p
|
||
\v 26 E rotu rweyayo e mubhonganyi, e usebhurebhekayo ani ituka kwa Tita, e mutima we reira, usebhesayo kariho kani.
|
||
\v 27 Na bhanu nabho, hotu mukubhesayo kariho bhushwa mukubhesanga na 'ni itukire mo ntangiro.
|
||
\c 16
|
||
\cl Chunda 16
|
||
\p
|
||
\v 1 Namabwire e bhinwa mbi, bhushwa kiro byabhese kuri bhanu ntangiro ya kweshina.
|
||
\v 2 Bhasebhuhensayo mo masinangoki; ne ntabi yeya Nampo bhea bhingi bhasebhushura, nti bhanikirange mbu bhakorengi Ongo.
|
||
\v 3 Na bhasekora mbyo, Bhushwa nti bhasi Tita na nti bhanisi.
|
||
\v 4 Namabwire e bhinwa mbi, kongo e ntambi isekiya yeya, mubhesi n'esubhukiya, mbu na bwerenga byo. Nti nabwerenga byo itikure mu ntangiro bhushe nti nikiri hima n' inu.
|
||
\p
|
||
\v 5 Ani nakuruka e kwa sairenga'ni, na anga n'uma wa nchisha: Kuni kwendange ongo?
|
||
\v 6 Ina bhushwa narekind' ebwire, e mitima inu yarisa bhonso.
|
||
\v 7 Na bwere e riira hano, rarengekana nendi bhushwe kubha nti nenda, e mubhongibhongi nt'uteyi e kuri bhanu, ina namenda, nti nabhurebheka e.
|
||
\v 8 Wasekiya wameya, waahim'echuo mo by'ebhubhi, mor'eira n'er'ikera mansa.
|
||
\v 9 Mo byakae bhubhi, bhushwa nti bharinsimira;
|
||
\v 10 E riira, bhushwa nenda kwa Tita, na mutunsungi tu.
|
||
\v 11 Erikera e mansa, bushwa e mubhake wa kino chuo wamakindi 'kererwa obansa.
|
||
\p
|
||
\v 12 Nikiri na bhinwa bingi by'ebwire, ina neki mutumuria byo mukano kashangi.
|
||
\v 13 E Mubhonganyi wakii wamiya, e mutima wereira usebwenjayo muriira e riti, bhushwa utebhiyo mwiwe wesine, ina usebhayo e bhiti biserukirayowe, wasebhutureyo e bhisiya.
|
||
\v 14 Use nitatayo, hbushwa usetingeyo e bhiri kuriani, na wabhutureyo byo.
|
||
\v 15 E bhiti bhiri na Tita, byani ngi chasingwa watinge e bhiri kumunda nani, na wabhutureyo byo.
|
||
\p
|
||
\v 16 Ntambi nkeke, mutunsungi, na ntambi nkeke tu mukunsunga, bhushwa nenda kuri Tita.
|
||
\v 17 Himpo bhima musantumwa, bhashishana: inchi chebha bhuni e kitushisange we: mukantambi kakeke, mukunsunga na muka ntambi kakeke mutunsungi bhushwa nendange kuri Tita?
|
||
\v 18 Bhebha bhuno: webhange nki 'ngu: kampe kantambi nti tusi e byebhange we.
|
||
\p
|
||
\v 19 Yesu wateerera mbu bhasondange imushisha, na weerebho: bhanu mweshishirishange ebyam'ebha'ni kashangi kakeke mutunsungi, kashangi kakeke tu mukunsunga.
|
||
\v 20 Muriira, nibwerengi, mukureyo na mukweshishirisha, ne chuo nti kimoange: mukurikayo mu bhonso, ina e bhonso bwinu bwabhunduke ngoa.
|
||
\v 21 E momina, e ntambi yeritangirwae ntwa tingirwa na bhonso, bhushwa e ntambi yae yiya ye roku, ina e ntambi yabhuta we, nt'utanikiri tu e bwae bhushwa bw'esangoa s'erubhuta mwana mo chuo.
|
||
\v 22 Na bhanu enompena, murisere bhonso, na nsebhukuruke ne mitima y'inu yaarisa ngoa, na kusira wabhunyakayo e sangoa sinu.
|
||
\v 23 Er'otu ndo, mutushishirishiyo tu. muriira, nibwerengi, ekisehemayo bhanu kuri Tita wabuninkayo cho murina rani.
|
||
\v 24 Iya mo kashangi kano, mutungahemanga kikai murina rani. Muheme na mukuninkwa, kongo e ngoa sinu sakomenwa.
|
||
\p
|
||
\v 25 Nakubwerenga e bhinwa mbi mu mishumo. E ntambi iseya, ntabweriyo tu mu mishimo, ina nabw'ireyo shushu bhushwa na Tita.
|
||
\v 26 Er'otu ndo, mukuhemayo mo rina rani na ntangabwere mbu naahemayo tita bhushwa n'inu.
|
||
\v 27 Bhushwe Tita wesine wabhushima, bhushwa murinishima, na muresimira mbu natukanga kuri Ongo.
|
||
\v 28 Natukanga kuri tita, na neyanga mo chuo, natuka mo chuo, nenda kwa Tita.
|
||
\p
|
||
\v 29 E santumwa sae sa mushisha: hano rero webhashu, na utungebha mu mishumo.
|
||
\v 30 Twasibha kwe mbu ongosi e bhinwa bhiti na nturaa mu mweya wakushishe. Chasingwa twasimira mbu usairenga kwa Tita ongo.
|
||
\p
|
||
\v 31 Yesu wasubhie bho: musimira kwe.
|
||
\v 32 Sunga e santambi siya, na samakindi iya mukusansabhanayo kinsi mwea wendi rwae, na mukunsiayo wisine, ina nti niri ani sine, bhushwa Tita uri hima nani.
|
||
\v 33 Nakubwire e bhinwa bhino, bhushwa kongo mubhesa na bhuhoro kuri ani. mukurungutanyiwa mo chuo; eina mubhesi na muho, namahima echuo.
|
||
\c 17
|
||
\cl Chunda 17
|
||
\p
|
||
\v 1 Warekiya wamakind' iyebha, Yesu wasimany'e meso e kwiyo, webha: tita e ntambi yameya tata musike wabhe, na musike wabhe wakutate,
|
||
\v 2 E bwamuninkanga ongo e maa mu kinsi mweya bhushwe waninkane e bhuingo bwe matuati mu bhea bhati e bhamuninkanga ongo.
|
||
\v 3 N'e bhuingo bwe matuati, bhushwa bhamakusibha ong'wesine Ongo, ne ntumwa yabhe, Yesu Kirisitu.
|
||
\v 4 Namakutata mo chuo, namakinda e murimo e wanininkanga ongo.
|
||
\v 5 Ne ntambi ino, Tita nitate kumunda nabhe e ritata e rabhesenga nani mu makako abhe kubhusundori e chuo kibhe ho.
|
||
\p
|
||
\v 6 Namashea e rina rabhe mo bhea bhaninkanga oongo mo chuo. bhabhesanga nti bhabhe, n'unininka bho, na bhamabhika e bhinwa byabhe.
|
||
\v 7 Bhumbo bhamateerera mbu e bhiti byanininkanga ongo byatuka kuri ongo.
|
||
\v 8 Bhusha naninka bho e bhinwa byampesanga ongo na bhamashee, na byo n'iteerera mbu narituka kuri ongo, na bhamasimira mbu urintuma.
|
||
\v 9 Bhushwe na'bho ngi chasingwa nahema. Ni hemange nti bhushwa bwe chuo, ina, mumbi e bhanininkanga ongo, bhushwa ibho bh'abhe.
|
||
\v 10 Ne bhiti byani byabhe, n'ebyabhe byani, na natatwa kuribho.
|
||
\v 11 Nti niri tu mukino chuo, ibho bhari mo chuo na nenda ko kwabhe. Tita ng'washuururwa, ranga mu rina rabhe, ebhanininkanga ongo, kongo bhabhesi mwea uma bhuri bhate.
|
||
\v 12 Nakukiya nikiri nabho mo chuo naranga bho mu rina rabhe. Na rebhika e byampesenga oongo, na kusira anga numa e warerimina ina ho e mwana we ririmina, bhushwe e kinwa chabhe kibherereshwe.
|
||
\p
|
||
\v 13 Nenda kuri ongo, na namebha e bhinwa bhino mo chuo, kongo bhabhesa na ngoa kuri ani.
|
||
\v 14 Nareninka bho e kinwa chabe, ne chuo chatina bho, bhushwa ibho nti bhe chuo, e bhuri ani nti we chuo.
|
||
\v 15 Ntanga kuhema mbu kuto bho mo chuo ina ranga bho n'ebhubhi.
|
||
\v 16 Ibho nti bhe chuo, ebhuri ani nti we chuo.
|
||
\v 17 Shuurura bho mo riira rabhe: e kinwa chabh' eira.
|
||
\v 18 E bwantumanga ongo mo chuo, nani natuma bho mo chuo.
|
||
\v 19 Na neshuurura ani sine bhushwa nabho, kongo nabho bhashuururwa mu riira.
|
||
\p
|
||
\v 20 Nti bhushwe rabho ngi chasiungwa nahema, ina tu mumbi nabho ebhasensimira itukana ne bhinwa byabho.
|
||
\v 21 Kongo e bhati bhabhesi uma, e bhuri ongo, tita, Ongo uri kumunda nani, ne bhuri ani kumunda nabe, bhushwe nabho bhabhese kumunda nitu bhushwa e chuo kisimire mbu urinituma.
|
||
\v 22 Nareninka bho e bhushime ebwampesanga ongo bhushwa bhabhese mweya uma bhuri bhate.
|
||
\v 23 Ani kuribho na Ongo kuri ani kongo bhakomenwa ishu, ne chuo kisibhe mbu ongo ng'untumanga na urishima bho ebwanchima oongo.
|
||
\p
|
||
\v 24 Tita, nashima impo haserika ani, nambo e bhampesanga Ongo bha bhesi ho, kongo bhasunga e ritatwa rani, e ritatwa e rantatanga ongo, bhushwa unchimanga kubusondori ne chuo.
|
||
\p
|
||
\v 25 Tita w'eira, e chuo nti chakuteereranga, ina ani na rekusibha, na bhimbo bhamasibha mbu ongo ngi urinituma.
|
||
\v 26 narekindi ishea bho e rina rabhe, na nseshea bho, kongo e nchimi eyanchima Ongo yabhesa kuri bho, n'ani nabhesa kuri bho.
|
||
\c 18
|
||
\cl Chunda 18
|
||
\p
|
||
\v 1 Warekiya wam'ebhanga e bhinwa'mbi, Yesu wenda n'e bhemisa bhae mu rump'uharo rwe rusi kiduroni mundo uharo nti kuri ishwa rikeke wenda ho iwe ne bhemisa bhae.
|
||
\p
|
||
\v 2 Yuda e wamushianga nti abhesanga usi e rishwa ndo, bhushwa Yesu wabhesanga ukierenga ho nkumananano n'e bhemisa bhae.
|
||
\v 3 Nampo Yuda hima na kikembe kikiri cha bhashirikani nti batinge nkeko, tusuku na manduki.
|
||
\v 4 Yesu bhushwa abhesanga usi ebhisemwehie w'ishea ni shishabho: bhanu musondang'inye?
|
||
\v 5 Bhamusubhie, Yesu waku Nazareti, Yesu werebho: Ngi ani. Yuda ungo e wamushianga nturi nabho hima.
|
||
\v 6 Wakia werebho mbu ani, bhakuruka kuruma, bh'enduk' e kwansi.
|
||
\v 7 Kuruma nampo, washisha tu bho: bhanu musondange inye: bhasubya tu, Yesu wa ku Nazareti.
|
||
\v 8 Yesu wasubhie: Namabhushisha mbu ngi ani. Na kuti bhanu munsondange mureki e bhampe mbi.
|
||
\v 9 W'ebhanga ncho kongo wabhereresha, ch'ebhanga we; Nti nareriminya n'uma mumbi bhambesenga ongo.
|
||
\p
|
||
\v 10 Nampo Simoni Petero nti uri na mwere, watomora o mo hara wakera e kote kwa kwabume kwa ntumwa n'ima ye mukungu. E ntumwa njo erina rae abhesanga ngi Mariko.
|
||
\v 11 Yesu w'ere Petero; kurucha e mwere wabhe mu hara. E rosara rwambese tita mbeti ntinahwi omo ro?
|
||
\p
|
||
\v 12 Kuruma nampo, e bhashirikani ne mukwakare wabho hima ne ntumwa se bhayahudi, bhatinge Yesu, bamumina.
|
||
\v 13 bhenda nae raroso kwa Ana bhushwe iwe abhesenga eshibhe wa Kayafa, ungo ntingi mukungu mukiri e mwaka ngo.
|
||
\v 14 Nae kayafa ng'wahananga e bhayahudi mbu rakomenwa mwea uma wakwe bhushwa n'ebhampe.
|
||
\p
|
||
\v 15 Bhemisa Yesu, Petero n'ompe ntumwa bhemisa Yesu. n'eumpe ngo iwe nti usibhirwe ne mukungu mukiri, bhakime hima na Yesu mu bhutara bwe mukungu mukiri.
|
||
\v 16 Ina Petero wasia ha bhutara kwihi n'e rubhi e umpe ng'wabhesanga abhesenga usibhirwe ne mukungu murisaa were e murangi w'e rubi, wakimisha Petero ku munda.
|
||
\v 17 Ina e mufuku murangi werubhi, washisha Petero; nti ongo uma mo bhemisa bhe mwea ngu? Iwe wasubya, mbu anga.
|
||
\v 18 E bhakori ne santumwa bhabhesanga bhasimana mpo, bhakoya kasha kingi bhushwe nti kuri keme, Petero nae nt'worukirange mo kasha.
|
||
\p
|
||
\v 19 E mukungu mukiri wa shisha Yesu bhushwa n'ebhemisa bae ne mahano ae.
|
||
\v 20 Yesu wa musubhie: N'ebhanga bhunsansara mo bhea bhati e matu ati ni tondesange mo masinangoki na mo marameso munkati ne bhayahudi bati, nti narebha kinwa kiti kiti mu nama.
|
||
\v 21 Bhushwanki inishisha ani? shisha mbi bhahananga ani mu'mbi byebhanga 'ni n'abho, bhosi mbi byebhanga ani.
|
||
\v 22 Mor'isubya mbo, mukori uma wabhesenga uri kumushi na mpo wamukaso kihi, ni ebha, Ongo subhiengi mbo bhashe bhakungu?
|
||
\v 23 Yesu wamusubhie, kuti namebha bhubhi, nkane e kibi mumbi byebha ani na kubha namebha shushu. Bhushwanki unikaso kihi?
|
||
\v 24 Nampo, Ana wamuria, nti waminwa kwa Kayafa, e mukungu mukiri.
|
||
\p
|
||
\v 25 Simoni Petero nt'uri mpo na nt'wonyukarange mo kasha. Bhamushisha, n'ongo, nti ongo uma mu bemisa bae? Iwe watuna, webha, ntiani.
|
||
\v 26 Mukori uma we mukungu mukiri, nae nti ng'wabhuta ewakerwanga e kote na Petero, webha: nakukusunga mo rishwa hima nae?
|
||
\v 27 Petero wa tina tu, mo ntambi njo e nkoko yabhikira.
|
||
\p
|
||
\v 28 Mo mukomakoma, bhamukuto kwa Kayafa, n'imurisha ha Kerebho er'ubhansa bhesine nti bhakimenga ha rushu rw'erubhansa bhamwerisia mikonsi mor' er'isa e Pasaka e Pasaka.
|
||
\v 29 Pilato wasaa habhutara, webha, kibhi 'nki chasingwa murisha e mwea uno?
|
||
\v 30 Bhamusubie: utamubhange mubhi kongo nti twamurisha kuri ongo.
|
||
\v 31 Pirato werebho, mwendi nae mwikeri e rubansa bhanu bhesine imbu w'ebha e myomba y'inu. E bhayahudi bhamusubie bhate tusira kara kishura mwea.
|
||
\v 32 Abhesenga ibhereresha e kinwa chebhanga Yesu mw'ishea oku 'nki rusekwae.
|
||
\p
|
||
\v 33 Pirato wakime tu e rikere e rubhansa, wabhikira Yesu, wamushisha ongo nge mubhake we bhayahudi?
|
||
\v 34 Yesu wamusubhiye, ongo webha mbo etukana nabhe ong'wesine ari bhampe ngi bhakukuture e mwasi wani?
|
||
\v 35 Pirato wasubhie: mbe ani muyahudi? e chuo chabhe ne bhakakare bhe bhakungu ngi bhakukurisha kuri ani. ukukora'nki? Yesu wasubya, ebhubhake bwani nti bwa kino chuo. e bhubahke bwani bwa mubhesengi bwa kino chuo.
|
||
\v 36 Yesu wasubya, e bhubhake bwani nti bwa kino chuo. e bwami bwani bwa mubhesengi bwa kino chuo, e bhemisa ne bhakori bhani bhamunikwanengi kongo ntatingirwi ni rierwa ne bhayahudi. ina e bwami bwani nti bwahano hansi.
|
||
\v 37 Pirato wamwere, ongo mubhake? Yesu wamusubhie, ongo ngiwebha, mbu ani bhubhake. Nabhutwanga na niyanga mo chuo kongo natura e kari ho kinsi ngu uri muriira worukirange e kikohe chani.
|
||
\v 38 Pirato wamwire, er'eira ngenki? kuruma n'eriebha ncho wasaa, wenda kurie bhayahudi w; erebho: nti nasunga bhubhi bhuti kuriwe.
|
||
\v 39 Ina kokw'inu kuri ntungo y'iobhora mubhi uma eroti rwe Pasaka, mbeti mushima n'ibhobhori e mubhake winu we bhayahudi?
|
||
\v 40 Bharita tu changa kingi; nti ngo, iina Baraba, na Baraba nti muyeri wa bhea.
|
||
\c 19
|
||
\cl Chunda 19
|
||
\p
|
||
\v 1 Nampo Pirato wasibhura Yesu bhamuhumba tushushu.
|
||
\v 2 E bhashirikani bhamuruke kembo ka menke n'imumbaricha ko mo muntwe, na bhamumbarich'ikoti rabhusi bwasuma; na bhiya kiri we.
|
||
\v 3 bhebha: twakukea, mwami we bhayahudi! N'imurasa bhihi.
|
||
\p
|
||
\v 4 Pirato wasaa tu n'iere e bayahudi: nge ungu nabhushaishie we habhutara, kongo musibha mbu ntinasunga bhubhi bhuti kumunda nae.
|
||
\v 5 Yesu wasaa nt'wambara kembo ka menke na nganju ya bhusi bwasuma. Pirato washisha bho: ngeungo.
|
||
\p
|
||
\v 6 Bhashe bhakungu n'ebhea bh'emurimo bharekiya bhamusunga, bhakua: wakwe! wakwe! Pirato washisha bho: mumutingi bhanu bhesine. Na mumuye bhushwa ani ntinamusunga na bhubhi.
|
||
\v 7 E bayahudi bhamusako: turi na momba; na mu momba witu wakomen'ikwa, bhushwa wekiya musike wa Ongo.
|
||
\p
|
||
\v 8 Pirato warekiya worukira e kinwa ncho, watingirwa na mushiki mukiri.
|
||
\v 9 Wakuruke tu mo numba y'er'ikere samansa. Washisha Yesu: utuka kuni? Ina Yesu ntwamusakonga.
|
||
\v 10 Pirato wamwere: n'ebhange nabhe n'utunganisako? Ntong'osi mbu niri na bhunkangwe bweri kuya. ne bweri kuramya?
|
||
\q
|
||
\v 11 Yesu wasako: utumubhese na bhunkangwe kuri ani, kubha nt'uninkwanga bho itukir'ekwiyo. Ngechasingwa e wansibhura kuri ongo wakia bhubhi bwasuma.
|
||
\p
|
||
\v 12 Itukire muntambi njo, Pirato wasonda imurekerere. Ina e bhayahudi bhakua: umamurekerere nti ntyʼongo mira wa kaisari. Kinsi ngu wekiya mbu we mwami, ntwirengecha na Kaisari.
|
||
\p
|
||
\v 13 Pirato murirukira e bhinwa mbyo, wasaisha Yesu habhutara, nʼirika mo kitumbi che kibhu, e habhikirwa hʼikoi na mo kiebrania Gabate.
|
||
\p
|
||
\v 14 Bhabhesanga nti bharangange Pasaka, bhuri ntambi mutubha. Pirato were e bhayahudi: e mubhake winu nge ungu.
|
||
\p
|
||
\v 15 Ina bhakua: mutunje, mutunje washurwe! Pirato were bho: nishure mubhake winu? E bhashe bhakungu bhasubhie: turi na mubhake uma ho nti kaisari.
|
||
\p
|
||
\v 16 Nampo wamusibhura kongo bhamushura. Bhatinge Yesu bhenda nae.
|
||
\p
|
||
\v 17 Yesu, waria e riango rae, wiya hambasiro erou hantondori, nti habhikirwa Gorigota mo kiebrania.
|
||
\v 18 Himpo ngi hamuyerenga bho, iwe na bhea bhabhi, uma mukira uharo na Yesu munkati.
|
||
\p
|
||
\v 19 Pirato watira mitiro warandisha yo hambasiro eriango, nt'yatiranyiwa: Yesu wa ku Nasareti e Mubhake w'e Bhayuda.
|
||
\v 20 Bhingi mo bhayahudi basoma e rwandiko ndo, bhushwa mbu mpi hamushurenga bho, habhesanga kwihi nʼerubhungu rukiri; rwabhesanga rwatiranyiwa mu kiebrania, mu kigriki namukiratini.
|
||
\p
|
||
\v 21 E bhashe bhakungu bhe bhayahudi bhashisha Pirato: kiro kiya rwandiko mpo mbwʼiwe mubhake we bhayahudi. Ina tira ho ebwebhanga we: Ani nge mubhake we bhayahudi.
|
||
\p
|
||
\v 22 Pirato wasubya: ebyamatiranya 'ni namatiranya byo.
|
||
\p
|
||
\v 23 E bhashirikani, kuruma nʼerishura Yesu, bhatinge e sa nchangi sae, bhabhanya to meta anye kinsi mushirikani kebhe kima. Ne nganju yae, ngombe nji e nti yarandwanga itukire ha nkoto iya na mutunsinsiro. Na Bhashishana:
|
||
\v 24 Kiro twabhenga yo, ina tukub e mbai kuba yeenda kuri nye. Incho cheya kongo e kinwa chʼemitiro kibherereshwe: bhabhanyana e sanchangi sani na b akub a mbai mo nganchu yani. Bhimbyo ngibyaronjanga e bhashirikani.
|
||
\p
|
||
\v 25 Nina warikanga kumushi neriango ra Yesu na mwisi 'abho Maria mukari wa Kreopa na Maria mwisa ku Magidara.
|
||
\v 26 Yesu, wasunga nina, na kumushi nae ntihari mwemisa uungʼushimangae webha na nina: mumina, kaenga musikyʼabhe.
|
||
\q
|
||
\v 27 Ituka mpo were e ntumwa: kae nsonko. na mu ntambi nanjo e ntumwa yamuria kukwae.
|
||
\p
|
||
\v 28 Kuruma naha, Yesu, wasibhanga mbwebhiti byamasira, webha: nakwa mbusha, kongo e mitiro ibherereshwe.
|
||
\v 29 Habhesanga mpo kambiri karisa kabhi; e bhashirikani, bhatubhika e rosara nʼitarisharo mu muronge, bhashea ro mo bhunu bw'ae.
|
||
\v 30 Ikindʼiyomo e kabhi Yesu weba: E bhiti byabhererera. Waombya e rikoti, wakera e mutima.
|
||
\p
|
||
\v 31 Murisubhaha e kinda kirike mo riango, mo rotu rwereinga, bhushwa nti bharindirengi e rotu rukiri rwe Pasaka, e bhayahudi bhakonga kuri Pirato, bhanowe e mindi ye bhakwi nʼitunja bho.
|
||
\v 32 E bhashirikani bhiya, bhanoa e mindi ye waroso ne ye umpe e washurwanga hima nae.
|
||
\v 33 Morisheere kuri Yesu, ntwamakwa rero, bhatamunoi tu e mindi.
|
||
\v 34 Ina uma mubhashirikani wamukura e ritumo mosankanga, ne nchama yasaa hima na mecha.
|
||
\v 35 E Wamusunganga, wabhesa e kariho, n'ekariho kae nti k'eira wasibha nt'webha eira kongo na bhaanu musimira.
|
||
\p
|
||
\v 36 E bhiti mbi byasungwa kongo e mitiro ibherereshwe; anga n'ikuwa risenowayo.
|
||
\v 37 Na kumpe tu e mitiro yebha: bhaasungi ngu wakasonga bho.
|
||
\p
|
||
\v 38 Kuruma nampo, Yosefu wa Ku Arimateya, na iwe nti ntumwa ya Yesu, ina ntwebhisange murisubhaha e bhayahudi, wakonga Pirato e mubi wa Yesu.
|
||
\v 39 Nikodemu ing'uendanga kasungana na Yesu mutu; nae wiya na marashi na mwaka byasonyiwa byamwiya mu bhutea iyana.
|
||
\v 40 Bhenda ne mubhi wa Yesu, bhabhumbe o nchangi n'itirao marashi itukana ne ntungo ye bhayahudi.
|
||
\v 41 Nampo nti hari k'ishwa hakianga bhashure Yesu, na munkati n'erishamba nti muri esinda rishasha ritanga kimenga mo mwea n'er'ishwa.
|
||
\v 42 Himpo ngi harianga bho e mubhi wa Yesu, bhushe n'er' itunganyie 'rotu rukiri bhush' eresinda nti ririkire kwihi.
|
||
\c 20
|
||
\cl Chunda 20
|
||
\p
|
||
\v 1 Otu rwa roso rwe kasembe, Maria mwisa ku Magidara wenda mo murangaranga e ku nsinda, wasunga nti e rikoi rakutunjiwa h'esinda.
|
||
\v 2 Wakanyahe kuri Simoni ngi Petero n'umpe mwemisa ng'ushimanga Yesu washisha bho: bakutunj' erikoi h'esinda ra mukota, na nti tosi kuni kwakumuria bho.
|
||
\p
|
||
\v 3 Petero ne bhemisa bhampe bhasaa n'ienda h'esinda.
|
||
\v 4 E bhabhi bhakanyaha. Ina uma mubho wakanyaha tete irenga Petero, n'iiya wa roso h'esinda;
|
||
\v 5 Mwikumbakumba, wasunga esanchangi e kwansi, nt'wakime.
|
||
\p
|
||
\v 6 Simoni ngi Petero, wabhesanga uri kuruma nae, weya n'ikime kumunda, wasunga e sa nchangi e kwansi,
|
||
\v 7 ne cheeri charierwanga ha muntwe wa Yesu; mushi n'esanchangi, eina yakunyiwa mu uharo rumpe.
|
||
\v 8 Himpo e mwemisa ngu weyanga raroso h'esinda nae wakime n'isunga, wasimira.
|
||
\v 9 Bhushe nti bhasibhanga neki mbu Yesu wakomenwa ifuka mumbi bhakwanga.
|
||
\p
|
||
\v 10 Ne bhemisa bhakuruke ku kwabho.
|
||
\v 11 Himpo, Maria nt'iuri kumushi n'er'esinda nti urengi. Mor'ire rae wa windama mwikae kumunda ner' esinda;
|
||
\v 12 Wasunga ngashani sibi, uma hamuntwe ne umpe e ku mindi.
|
||
\p
|
||
\v 13 Bhamwire: momina; ongo rirengi nki? wasubhie bho: bhushwa bha kukuto mukota wani, nti n'osi kuni kwakumuria bho.
|
||
\v 14 Mwiebha mbo, wikebhera, wasunga Yesu wasimana; iina nti wasibhanga mbu ngi Yesu.
|
||
\q
|
||
\v 15 Yesu wamushisha: mumina; oongo rirengi nki? oongo usondang'inye? wahaka mbu muhingi wando ishwa, wamusubhie: mukota; kubha ongo ng'ukumuria, nishee kuni kwakumuria ongo, na nendi nae.
|
||
\p
|
||
\v 16 Yesu wamushisha: Maria! wakae kuruma n'imushisha mu kiebrania: Rabhuni, nge riebha mbu; muhani.
|
||
\q
|
||
\v 17 Yesu wamushisha; ang'intinge mo bhushwa mbu ntinenki nataya kwa tita. Iina, enda kuri bhanachani n'iire bho nataya kuri tita na tita wiinu, kwa Ongo wani na winu.
|
||
\q
|
||
\v 18 Maria wa ku Magidarena wenda kature ebhemisa mbu wamasunga mukota, n'ebyamamw'ire we.
|
||
\p
|
||
\v 19 Mo murisisi we rotu ndo, rwa roso rwe kasembe; e sa ndubi sa'mpi habhesenga e bhemisa nti sarindikwa, muisubhaha e bhayahudi, Yesu weya, wishea munkati naabo n'ishisha bho: mubhesi na bhuhoro.
|
||
\v 20 N'ekinda iebha mbo, washea bho e makasa ae n'er'okanga rwae. E bhemisa bhabhese na ngowa murisunga Mukato.
|
||
\p
|
||
\v 21 Yesu washisha tu bho: mubhesi na bhuhoro! bwakianga tita wantuma, nani hotu nabhutuma.
|
||
\v 22 Kuruma ne bhinwa mbyo, wabhuhe bho muka n'ishisha bho: mushei Mutima mushasha.
|
||
\v 23 Bhimbi bhasasiri bhanu e bhubhi, bhaa sasirwa yo; naambi bhaansirwi n'inu e bhubhi, bhaansirwayo bho.
|
||
\p
|
||
\v 24 Toma, wabhikirwa mbu Iyasa, uma morikumi n'ebhabhi ntwabhesenga ho murisungwa ra Yesu.
|
||
\v 25 Bhampe bhemisa bhamushisha: twamasunga mukota. Iina washisha: kuti ntinasunga nkoru ye mishoma mu makasa ae n'iiriya e murimba mu nkoru yamor'okanga rwae, ntakoch'isimira.
|
||
\p
|
||
\v 26 Matu munani eta, e bhemisa bha Yesu nti bhari tu kumunda na nyumba, na Toma nt'urinabho. Yesu weya, ne sandubhi ntisarindikwa, wishea munkati nabho, w'ebha: mubhesi na bhuhoro.
|
||
\q
|
||
\v 27 Weba na Toma: risha e murimba wabhe na sisirisa emakasa ani; risha ne rikasa rabhe n'urie ro morukanga rwani, nangibhese mwea nti wasimira, eina usimire.
|
||
\q
|
||
\v 28 Toma wamusubya: mukota wani na Ongo wani! Yesu wamwire:
|
||
\q
|
||
\v 29 Usimira bhushwa umansunga. Bhakasanirwe imbi nti bha kusunga na bhasimira!
|
||
\p
|
||
\v 30 Yesu waronjanga tu bhishisharo bhiingi ne bhemisa bhae nti urinabho, bhimpe bhishisharo bhiingi nti byatiranyiwanga mo karisi kano.
|
||
\v 31 Iina e bhiti mbi byatiranyiwa bhushwa musimire mbu Yesu nge Kirisitu, musike wa Ongo, na murimusimira mubhesi na karamo mo rina rae. Amina.
|
||
\c 21
|
||
\cl Chunda 21
|
||
\p
|
||
\v 1 Kuruma nampo Yesu w'ishea tu, mo bhemisa bae bwendende ne nyansa ya ku Tiberia. Wisheanga bhuno:
|
||
\v 2 Simoni Petero, Tomasi ungwa wabhikirwa Iyasa, Natanaeri ungu waku Kana ku Galilaya, bhasike ba Sebedayo, na bhampe bhemisa bha Yesu nti bhari hima.
|
||
\v 3 Simoni Petero wirebho nenda Karoba. Bhamw'ire: twendi nabhe. Bhasaa bhakambe mu kitange mo mutuho mumo bh'ena.
|
||
\p
|
||
\v 4 Murangaranga Yesu wasungwa uri mo kirindo che nyasa, eina e santumwa sae nti bhamuteerera.
|
||
\q
|
||
\v 5 Yesu werebho ebhana, bhanu musira kikai ch'irisa? bhamusako: kusira.
|
||
\q
|
||
\v 6 W'irebho: murekere kakira mo ruharo rw'e kwabhume rwe kitange mukushura. Bharekere, nabhatakochi ikurura ekakira bhishwambu karisanga bhikwa.
|
||
\v 7 Ngeerikia e mwimisa abhesenga washimwa na Yesu webha: kai Mukota Simoni Petero wakia wamorukira mbu kai Yesu, wambara nchangi ne mukobha, bhushwa wabesanga uri mukanga, w'itaa munyasa.
|
||
\v 8 E bhemisa bhampe bhamwemisa ne kitange nanti bhakururange kakira, nanko nti karisa bhikuro, bhushwa abhesanga hari bhore bwa nkaramika manaabhi nti bheya mo kirindo ch'enyansa.
|
||
\v 9 Wakiya bhamiya mo mwiri bhasunga kasha k'ominange habhasirwa ne kasha nti hari bhikwa na tumbonsa.
|
||
\p
|
||
\v 10 Yesu w'erebho: mundishii ebhikuro mbi byamashura bhanu.
|
||
\v 11 Simoni Petero wakambe mo kitange wakurure kakira karisere bhikwa bhikiribhikiri iyana na makumi asanu na bhishatu, nakiro abhesenga karisere nguru ekakira nti kabherekanga.
|
||
\p
|
||
\v 12 Yesu w'erebho mweye murise, kusira nangu wamushishanga: ongo ngi nye? abhesenga bhosi mbu ngi Yesu.
|
||
\v 13 Yesu w'eya kwihi watinge kambonsa waningabho na wakia tu mbo mobhikwa.
|
||
\v 14 Abhesanga ngie remet' ashatu Yesu w'ishea kuri ebhemisa bhae itukire wafuka.
|
||
\p
|
||
\v 15 Kuruma n'eririsa, Yesu washisha Simoni Petero musike wa Yona, mbe unshima irenga e bhati bhano? wamusako: nanki, Mukota ongo'si mbu nakushima Yesu wamwere: hinja e samburi sani.
|
||
\p
|
||
\v 16 Wamushisha remet'abhi: Simoni musike wa Yona, mbe unshima? Petero wamusubie: nanki, Mukota ong'osi mbu nakushima. Yesu wamwere: rang'esamburi sani.
|
||
\p
|
||
\v 17 Wamushisha remet'ashatu: Simon, musike wa Yona, mbe unshima? Petero wabhesa na bhonso mu'nchi chamushishanga Yesu remet'ashatu: mbe unshima? Nae wamusubhie: Mukota, ong'osi ebhikai bhiti n'oong'osi mbu nakushima. Yesu wamwere: hinjanga e sa mburi sani.
|
||
\p
|
||
\v 18 Muriira, nikwirengi nty' ongo kiri mwanunke abhesanga ong'wiambichange e mukoba ong'wesine na nty'ong'wendange inku kwasasa nty'oongo, ina umakunguha, ubheyo nty'ongo hanikange e min'ekwiyo n'umpe mwea ntingi ukumbarichange e mukobha n'ikuria inku nti kwashima oongo.
|
||
\v 19 Webhambo mwishea runi oku rusekwayo mo Petero. Ikind'iebha mbo, wamushisha: ntuche.
|
||
\p
|
||
\v 20 Petero murikwisiba rae, wasunga kuruma nabho e mwemisa ng'wabhesanga wisekengi mo bhukubha bwa Yesu mo ntambi y'erirengera webha: Mukota inye ng'wakusibhura?
|
||
\v 21 Wakia wamusunga, Petero washisha Yesu: E Mukota, nauno nae, kinki ngi chamwiyere yo?
|
||
\p
|
||
\v 22 Yesu wa musako: namusasa mbu wabhe ho iya mor'otu rwa kuruki ani chakubhihe munki? Ongo ntuche.
|
||
\v 23 Habhusondori e tumensimensi twatamba mbʉ e mwemisa watakwiʼyoʼ, na Yesu nti washishanga Petero imbu e mwemisango watakwiyo; ina w'ebhanga mbu na masasa warike iya erotu rwakuruki ani kinki ngi chakubhihe.
|
||
\p
|
||
\v 24 E mwemisao ngʼuturange e myasi nang' watiranya byo. Na nt'usi mbu e myasi iturange we eira.
|
||
\p
|
||
\v 25 Yesu wakoranga hotu bhimpe bhishisharo bhingi; bhamutiranyange e bhiti mu rwandiko, e chuo kitamashee ngi heribhika e turisi ntu twamutiranyiwange.
|