nle-ug-nyala_reg/67-REV.usfm

\id REV
\ide UTF-8
\h Okuswekuurwa
\toc1 Okuswekuurwa
\toc2 Okuswekuurwa
\toc3 rev
\mt Okuswekuurwa
\c 1
\cl Esuura 1
\p
\v 1 Okwolesebwa kwa Yesu Kristo OKanca kwe yamuwaire okulanga abairu baamwe ebiteekwa amangu, ate ye nabyakalya mu malayika wamwe nga akumutuma edi omuweereza owamweOYokaana.
\v 2 Eyategezere ekigambo kya Kanca nokutegeeza kwa oYesu Kristo, byoona byoona byeyaboine.
\v 3 Alina omukisa oyo asoma, nabo abawuura ebigambo bya bulangi bunu, era nakwatanga ebyawandikiibwe mu bwo. Kkubaga ekiseera kiri ampi.
\p
\v 4 OYokaana edi ekanisa omusanju eziri omu Asiya: Ekisa kibege nanywe ne mirembe ebizwa eji oyo aliwo era eyaaliwo era okwiza okubaawo, era ebizwa edi emwoyo omusanju ebisagibwa omu maiso ga ntebbe yamwe,
\v 5 era ebizwa edi OYesu Kristo, omujuurwa omwesigwa, omuberyeberye wa baffu, era afuga abakabaka omu nsi. Atwendya, era yatusindabwire omu bibi byaiswe olwa musaayi gwamwe,
\v 6 natufuula obukama, nabakabona edi oKanca oitamwe; ekitinisya n'obuyinza bibege edi oyo emirembe ne mirembe Amiina.
\p
\v 7 Bona, akwizira mu bicu, era buli riiso lirimubona, abamusumutire; ne bika byoona byoona ebya mu nsi birimukubira ebiwoobe, Nimwo kiri. Amiina.
\v 8 "Ninje Alufa ninje Omega, asooka era asembayo" nimwo asiimola omukama oKanca, "aliwo era yaliwo era alibaawo, afuga ebintu byoona byoona."
\p
\v 9 Ninje, Yokaana, omuganda wanywe era Ali ekimwe omu kuboonaboona no mu bukama no mu kuguminkiriza ebita mu Yesu, nabaire kukizinga ekyetebwa patumo, olwa kigambo kya Kanca era no kutegeeza okwa Yesu.
\v 10 Naali mu mwoyo oku lunaku lwa Mukama waiswe, ne mpuura emabega wage eiraka erikooto, nka erya kagombe,
\v 11 nga kakusimoola nti "kyokubona wandiika omu kitabo, okiweereze ekanisa omusanju, eji Efeso, nedi Sumuna, nedi Perugumo, nedi Suwatira, nedi Saadi, nedi Firaderufiya, nedi Lawodikiya.
\v 12 Ninkyuuka okubona eiraka eryasimoire nanje. Ninakyukire, nembona e ttaala musanju eza zaabu,
\v 13 naakati wa ttaala ni mbona akwiisana omwana wa muntu, nga azwaire okwika oku maggulu, era nga bamusibire omu kifuba olukoba lwa zaabu.
\v 14 Nomutwe gwamwe neisoke lyamwe byali byeeru nka ebyoya bya ntaama era nga bikweera nko muzira, namaiso gamwe nka endumi za muuro,
\v 15 na magulu gamwe nga gakwiisana ekikomo kye bazigwiire, nke kirongoseibwe omu muuro; eiraka lyamwe nga likwiisana nka eiraka lya Miazi againgi.
\v 16 Era yaali akwaite omu mukono gwamwe ogulyo enyenyenzi musanju, no mu munwa gwali mukuzamu empirima esala eya bwogi obubiri, nobusyo bwamwe nga buli oti eisana nga newelyaka omu maani galyo.
\v 17 Ni namubweine, ningwa oku magulu nemba nka afiire. Nataaku omukono gwamwe ogulyo, nasimoola nti, "Totiina, ninje owaluberyeberye era te owa nkomerero,
\v 18 erate omwoomi, ate nail fire, ate, bona, ndi mwoomi emirembe ne mirembe, era te Indian ebisumulizo ebya kufa ne bya magombe.
\v 19 Ati buni wandiika byobweine, ebiriwo, ne bikwaaba okubaawo oluzwanyuma lwe byo.
\v 20 Ekyama kya nyenyenzi omusanju zobweine omu mukono gwage ogulyo ne ttaala omusanju eza zaabu. Enyenyenzi omusanju nibo abamalayika ba kanisa omusaju. Me ttaala nizo ekanisa omusanju."
\c 2
\cl Esuura 2
\p
\v 1 Eji ontumwa owa Iramyo eya Efeso wandikiika; nti nimwo asimoola oyo akwata obunyenyenzi omusanju omu mukono gwaamwe ogulyo, atambuura akaati wa ttaala omusanju eza zaabu,
\v 2 nti, mmaite ebikolwa byaamu, n'okufuba kwamu n'okuguminkiriza kwaamu, era nga toyinza kuguminkirza babbi, era wa boyeirwe abeeyeta abakweda ate nga tinibo, era wababoine nga babeyegi;
\v 3 Mmaite nga oli muguminkiriza, era wagumire olwa ibara ryange, notakerwa
\v 4 Baitu nnyina ensoga okuwe, kubanga walekere okwedya kwamu okwekeereire.
\v 5 Ale izukira jiwagwiriire, oyendeka omwoyo, okole ebikolwa bye wakolanga okwekeera, notolikola otyo, ndiiza gyoli, ninyiyawo ekikondo kya ttaala yaamu omu kifo kyayo, okutolaku nga oyendekere omwoyo.
\v 6 Baitu kinu nikyo ky'olina, onugwa ebikolwa byAbanikolayiiti, nanje nibyo nnugwa.
\v 7 Alina okutwi awuure omwoyo kyakukoba eiramyo, oyo awangula ndimuwa okulya oku musaale ogwa bwoomi, oguli akaati omu lusuuku lwa Kanca.
\p
\v 8 Era eji ontumwa owa Iramyo ya mu ssumuna wandiika oti; Ati nimwo asimoola owa kwekeera era owa nkomerero, eyaali afiire ate nabba mwoomi
\v 9 nti mmaite okuwaralya kwamu n'obwooro bwaamu, baitu kooli muggaigai, n'okutyoboola kwaabo abeeyeta Abayudaaya ate nga tinibo, baitu ikumbaniro rya sitaani.
\v 10 Totiina byokwaaba okuwaralibwa, bona, sitaani ali ampi okunaga abamwe omu nnywe omu nkomyo, mukemebwe, era muliwaralibwa ebiro Ikumi, banga mwesigwa okwiika okufa, ale nkwiza kukuweerya obwoomi.
\v 11 Ayina okutwi, awuure omwoyo kyakukoba eiramyo, awangula talirumwa nakadooli okufa kwa kabiri
\v 12 Era eji, otumwa owa Iramyo erya mu perugamo wandiika oti; ati nimwo asimoola oyo alina okyogi ekisala nobwogi obubiri.
\v 13 Nti mmaite joikala awali entenbe eya bukama eya sitaani, era okwaata eibara ryange, ate tiweegananga kwiikiriza kwange, n'omu biro bya Antipa, omujjuurwa wange omusaiza wange omwesigwa, ayaittiirwe ewaanywe, eyo o'sitaani nijo aba.
\v 14 Baitu ndina ensoga jidooli okuwe, eyo olinayo abantu abasengeerya okwegesya kwa Balamu, eyayegeserye o'Balaki okuteeka enkoge omu maiso g'abaana ba Isiraeri, nabaliisirye ebyaweweibwe eji ebiisani n'okusiyana
\v 15 era olinayo nabakwata okwegesya kwa Banikolayiti.
\v 16 Ale wendeka omwoyo, naye notalyedeka mwoyo, ndiiza gyooli mangu, ni ndwana nabo n'ekyogi ekya mu kanwa kange.
\v 17 Ayina okutwi awuure omwoyo kyakukoba eiramyo. Aliwangula ndimuwa oku maanu eyakwekeibwe, era ndimuwa eibbaale eryeru eriwandiikiibweku eibara eriyaaka, eritamaitiibwe muntu wundi yeena wabula oyo aliweebwa."
\p
\v 18 "Era eji ontumwa owa Iramyo erya mu suwatira oti; ati nimwo asimoola omwana wa Kanca, alina amaiso agali nkedumi za muuro, namagulu gaamwe biisana nkekikomo ekizigule;
\v 19 nti maaite ebikolwa byamwe n'okwedya n, okwiikiriza nobuweereza n'okuguminkiriza kwaamu, nebikolwa byaamu ebya luzwanyuma nga bingi okukira ebya kwekeera.
\v 20 Baitu nina esonga okuwe, kubaga oleka omukali Yezeberi, eyeeyetere omulagi, akyamya abaweereza bange omu busiyani n'okulyaga ebiweweibweyo eji ebiisani.
\v 21 Namuwaire eibbaga okuwendeka omwoyo, nk'abaana okuwendekera obusiyanni bwanywe.
\v 22 Bona ndi muta okukitanda ni mulwalisya, era muwaralibwe aamwe ne beyasiyananga nabo, okutoolaku nga bendekereire ebikolwa byabwe.
\v 23 Era nabaana baa ndibaitta olumbe, olwo eiramyo goona galyoke geeteje nga ninje akebera emyoyo n'emyoyo, era nga ndisasula buli muntu nka ebikolwa byamwe ni biri;
\v 24 Naye nywe nkubakoba, abasigairewo aba mu suwatira, boona abatalina okwegesya kunu, abatamaite bya munda sitaani, nka ni basimoola, tinkubataaku nnywe mugugu gundi.
\v 25 Wabula kye mulina mukikwatenge, okwiica lwe ndiiza.
\v 26 Oyo wangula nakwatanga ebikolwa byage okwiica oku mwiiso ndimuwa obukama oku maanga,
\v 27 era ali galiisya n'omwiigo gwa kyooma, nagaatyatya nk'ebibya ebibumbe ni byatikayatika, nanje nka ni naweweibwe oitage.
\v 28 Era ndimuwa akanyenyezi aka mmambya.
\v 29 Alina okutwi awuure omwoyo kya kukoba eiramyo.
\c 3
\cl Esuura 3
\p
\v 1 Erate eji ntumwa owa kanisa eya saadi wandiika nti, ati nimwo akusimoola oyo alina emyoyo omusanju eja Kanca, nobunyenyezi omusanju, nti mmaite ebikolwa byamu, ng'alina eibara eryakubba omwomi, ate oli mufu.
\v 2 Bonia, onyweze ebisigaireyo ebikyaali, kufa, kubbanga nkyali kubona omu bikolwa byamu ebiikirire omu maiso nga Kanca wage.
\v 3 Ale izukira bye waweweibwe ne bye wawuliire, obikwaate, era oyendeke omwoyo. Ale notabonie, ndiiza nko omwibbi erate tolimanya ssaawa jendiiziramu jooli
\v 4 baitu olina amabara gadooli agabantu omu saadi abakyalikusiisa ngoye zaabwe, balitambula nanje, omungoye ezeru kubbanga basaaniire.
\v 5 Atyo awagula alizwalikisibwa engoye ezeeru, erate tindiyamu nakadooli ibara lyamwe omu kitabo kya bwoomi.
\v 6 Alina okutwi awuure omwoyo kyakukoba ekkanisa
\v 7 Erate eji malaika owa kkanisa eyamu Firaderutiya wandiika nti, nimwo akusimoola oyo omwiikiiri, owamazima, ayina ekisumuluzo kya Daudi, aigulawo
\v 8 nti mmaite ebikolwa byaamu (bona, nature omu maiso gaamu olwiggi olwiigule, omuntu yeena yeena lwatayinza kwiigala) kubbanga olina amaani gadooli, nokwaata ekigambo kyange, noteegana ibara ryage.
\v 9 Bona, nga aba mwikkumbaniro lya setaani abeeyeta Abayudaaya, ate nga tinibo, baitu babbeyegi; bona, ndibaleeta okwiiza okusinza omu maiso ga magulu gaamu.
\p
\v 10 Kubbanga wekuuma ekigambo ekyakugumiikiriza kwange, erate, nanje ndikukuuma obutaingira omu kiseera ekya kukemebwa, ekikwaaba okwiiza omu nsi zoona; okukema abo abaikala oku nsi
\v 11 nkwiiza mangu, nyweza kyolina, omuntu yeena aleme kutwaala ngule yaamu.
\v 12 Awaguula ndi mufuula, empagi omuyeekalu ya Kanca wage, erate taliwuluka nzai, nanje ndi wandiika okuye eibara lya Kanca wange. Neibara lya kibuga kya Kanca wange, oY erusaalemi ekiyaaka, ekigwa okuzwa omwiguru e wa Kanca wange; neibara lyange eriyaaka.
\v 13 Alina okutwi awuure omwoyo kyakukoba ekkanisa.
\p
\v 14 Era eji ntumwa owa kkanisa eya mu Lawadikirye wandiika nti, ati niwmo okusimoola oyo Amiina, omujuurwa omwesigwa era owamazima, oluberyeberye lya kutonda kwa Kanca,
\v 15 nti mmaite ebikolwa byaamu, nga ofuka ate toyokya, akiri obe nga okuffuka oba okwokya.
\v 16 Baitu, kubanga ottagatta, nga tofuka ate toyokya, ndikucwanta okuzwa omu kanwa kangi.
\v 17 Kubbanga osimoola oti, ndi muguuda, era ngguduwaire, ate tinduku kye nkyayendya, ate tomaite nga oli munaku we, era asaasirwa omwooro, era omwiigali wa maiso era ali obukunya.
\v 18 Nkukuwa amagezi okugula jendi ezaabu eyasayirwe omu muuro, olyoke ogguuduwale, nengoye enzeru olyoke ozwaale, era ensoni za bukunya bwaamu zireme okuboneka, era onguleku omubazzi ogwakusiiga oku maiso gaamu, olyoke obone.
\v 19 Nje benyendya mbanenya, era mbalamba ale nyiikira wenenye.
\v 20 Bona, nyemereire oku lwiiggi, nkukonkona, omuntu yeena nawuura eiraka lyage, naiggulawo olwiggi, naingira jaali era naliira amwe naye, yeena naje.
\v 21 Awangula, ndimuwa okwiikala amwe naje oku ntebe yange, eya bukama, era nga nanje ni nawangwire, ninnyikala amwe n'oitange oku ntebe yamwe eya bukama
\v 22 alina okutwi awuure omwoyo kyakuba ekkanisa.
\c 4
\cl Esuura 4
\p
\v 1 Oluzwannyuma lw'ebyo ne mbona, era, bona, oligge olwiggwiirwewo omwiigguru, ni mpuura eiraka nk'eryamagwaara lye naali nsookere okuwuura, a nga likubaza nti, "Niina oikke ani, nangye nnaakulanga ebiteekwa okubbaawo oluzwannyuma lwa binu
\v 2 amangu ago nga ndi omu mwoyo, ne bona entebe eya bukama eyaali eteekeirwe omwiiguru, era nga waliwo eyali aikkaire oku ntebbe eyo!
\v 3 Bbaitu eyaali aikalire yaali akwiisana nk'eibbara erya Yasepi n'erya sadiyo okunyeleketta nga zumaliidi.
\v 4 Entebbe eya bukama yaali yetoolweire entebe ezindi eza bwabukama abiri nainai nga zikalilweku abakaire abiri na bonai (24), nga bazwaire engoye ezeru, era nga batikirwe engule eza zaabu oku mitwe gyabwe.
\v 5 Ne omu ntebe waloowo ettaala ezikwaaka musanju eza muuro, nga nijo mwoyo omusagyu egya Kanca.
\v 6 No mu maaiso ga ntebe walowo ekikwiisana ennyanja eyandabirwamu, nga ekwiisana nka okulusitalo. Na akati ewa ntebe nokwetooloola entered walowo ebyoomi binai, ebiizwire amaiso omu bwenyi nemabega.
\v 7 Ekyoomi ekikusooka kyaali kikwiisana nkontale, ekya kabiri nga kikwiisana nk'enyana, ekya kasatu kyalina amaiso nk'aga muntu nekyoomi ekya kanai kyaali kikwiisana nkokagoma ekubuuluka.
\v 8 Buli kimwe oku byoomi binu ebinai, nga kirina ebipapa mukaaga, ebiizwire amaiso woona woona no munda, era emisana nobwiire awatali okuwumula bibbaza nti, "Omwiikiriiri, omwiikiriiri, omwiikiriiri, omukama oKanca omuyinza owa bintu byoona, eyabairewo era abaawo era aizza okubbaawo."
\p
\v 9 Era ebyomi ni birimuwa ekitiinisya neitendo nokwebalya oyo aikaire oku ntebe, omwomi emirembe n'emirembe,
\v 10 abakaire abiri na banai (24) ne baffukamira omu maaiso g'oyo aikaire oku ntebe, era ne basinza omwomi emirembe n'emirembe, era ne banaga engule zaabwe omu maaiso g'entebe, nga bakubbaza nti,
\v 11 osaanire wee, omukama waiswe, oKanca waiswe, okuweebwaga ekitiinisya n'eittendo nobuyiza; olwakuba niiwe wabitondere byoona, era byabairewo lwa kusiima kwaamu, era byatondeibwe."
\c 5
\cl Esuura 5
\p
\v 1 Nimbona omu mukono ogulyo ogwoyo eyaali akaire ku ntebe ekitabo nga kiwadikiibwe omunda no kuruguru, ate nga guwebweibwe muno obumanyisyo musanju.
\v 2 Ni mbona otumwa owamaani nga akubuulira omwiraka erikooto nti naani asaanire okwanzulula ekitabo nokwonola obumanyisyo bwakyo omusanju?
\v 3 Ni wataabbe ngonze omwei omwigguru ngonze oku nsi, ngonze ansi wa nsi asobola okwanzulula kitabo, gonze okiloleera,
\v 4 nanje nikunga muno amaliga, olwakubba tewabonekerewo eyasaanire okwanzulula kitabo, ngonze okukiloleera
\v 5 ale omwe oku bakaire nakoba ati otakunga bona, ontale owa mukika kya Yuda, ekitina kya Daudi, yawangwire, okwanzulula ekitabo obumanyisyo bwakyo musanju.
\v 6 Ni mbona akati wa ntebe nebyomi ebinai, nakati w'abakaire, omwana gwataama nga gwemereire nga akwiisana nka oddi eyaitiibwe, nga alina amembe musanju, namaiso musanju, nigyo myoyo omusanju ejja Kanca ejitumibwa omu nsi zoona zoona.
\v 7 Naiza nakiiya omu mukono ogulyo ogwoddi eyaikaire oku ntebe.
\v 8 Ni yakwaite omuzigo, ebyomi ebinai nabakaire abiri mubanai (24), ni bavunama omu maiso ga mwaana wa'ntaama, buli muntu ng'ali nenanga. Ne bibya eby'azaabu ebiizwire obubaani ni kwo kuramya okw'abaikiiri.
\v 9 Ni bayemba olwembo oluyaaka, nga ba kwemba nti "niwe asaaniire okutoolawo ekitabo nokwonolo obumanyisyo bwakyo, olwakubba waittiibwe noguura oKanca olwa isagama lyamu omu buli kika no lulimi, nabantu, neiyanga;
\v 10 nobafuula eji oKanca waiswe o bukama era bakabona, erate bafugga oku nsi."
\p
\v 11 Ale ni ndoola, erate ni mpuura eiraka lya bamalaika bainji bakaire nabakaire, nkumi na nkumi nga berugulirye entebbe ne byomi nabakaire
\v 12 nga ba kusimora omwiraka erikooto bati "abasaanire omwana gwa ntaama eyaitiibwe, okuwebwa obuyinza, no buguudda na magezi, na maani, ne ttendo, ne kitinisya no mukisa."
\p
\v 13 Ale nisobola okuwuura buli kitonde ekiri Omw'igguru no ku nsi nansi wa nsi no mu nyanja nabwonai ebibbamu nga bikukoba "eddi ebikaire ku entebbe neddi omwana, gwa ntaama omukisa neittedo ekitinisya namaani byaabwe emirembe ne mirembe"
\v 14 nebyomi ebinai ne bisimoola biti "Amiina" nabakaire ne bavvunama nibaramya.
\c 6
\cl Esuura 6
\p
\v 1 Awo ni mbona omwana gwa ntaama nga okubembula oku obumanyisyo omusanju ako akamwe, ni mpuura ekimwe oku byomi ebinai nga ki kusimoola neiraka eryakubwatuka nti "Iza"
\v 2 ni mbona, era te, bona embalasi ejeru, noyo ajjikaireku nga ali no mutego, naweebwa engule, nayaba nka akuwagula, era nawangula.
\v 3 Ni yabembwire akamanyisyo akakabiri, ni mpuura ekyoomi ekyakabiri nga kikisomoola nti "izza"
\v 4 ne zwayo embalasi eyendi eya lukunyu, era eyo eyaali ajiikaireku n'aweebwa ekitara ekikooto nobuyiza okutoolawo emirembe okunsi, iabantu baitegaine boika na bonka.
\v 5 Bweyabambwire envumbo ya kasantu ni mpura ekyoomi ekyakasantu nga kisimora nti "izza" ni mbona, era boona embalasi enjiragazu, ne yaali agikaireku nga okugulu omumukono gwamwe.
\v 6 Ni mpura eiraka akaati we byomi ebiinai nga bikusimoora nti "ekiiyi kyangano kya ddinali, nkoka amajita no mwege otabisisa."
\v 7 Bwe yabambuire envumbo eya kainai ni mpuura eiraka eyelye kyoomi ekyakanai nga ki kusimoora nti "izza."
\v 8 Ni bonna era bonna embalasi eya kyevvu neyaali ajjikaireku, eibara ryamwe niye kufa, no magombe nayaba naye, mbaweebwa obuyiza okituddu ekyakanai, ekyansi; okwita ne kitalane'nzala nolumbe ni bisolo byansi.
\p
\v 9 Bye yabembuire envumbo eya taano ni boona ansi wakyooto emyoyo gyabo abaitibye olya kigambo kya kanca, nolwobujuura bwe baalinaabo.
\v 10 Ni basomorera iguru neiraka eriikoto nga basimora nti "olikyai, omukama, omwikiiri era wamazima, obutasala, musago butawalana iwanga olwa isigama lyaiswe okwaabo abaikara kunsi."
\v 11 Mbawebwa buli muntu ekyokuzwara ekyeru, mbakobwa okubba nga bakuwumula, okwicya baweerezege bairabye na bagande webakukanya, abakwaba okwitiibwa nga boona bwebaitibwe.
\p
\v 12 Bwe yabambuire envubo ya mukaga, bawayo, ekikaano ekikoto onjura neirugara ko lugoye olya byoya, no kwezi konna nkuba anka eisagama;
\v 13 enyenyenzi eomwigulu nzigwa okunsi, ka omutiini bwe kukumula ebibara bwa gbwo, nga kutegatya empewo enzijji,
\v 14 neiguru ndi torwaawo, nka omuzigu ogwa kitabo bwe guzingibwa; nabuli olusozi ne kiziga mbiitolwawo omubifo byonna.
\v 15 Nabakama ba nkusi, nabalangira, nabagabe, nabagudda nabamaani, nabuli mwiiru, no waddembe mbe mbiisa omu mpuuku omubbaale ago kunsozi.
\v 16 Mbakoba ensozi namabbaale nti "mutugweku, mutubise mu maiso goyo akaire okutebbe, no mubusujju bwo mwaana gwa ntaama
\v 17 okubba olunaku olukulu olwo busujju bwabwe lwikkire, era naani akusobola okulugumira?"
\c 7
\cl Esuura 7
\p
\v 1 Oluzwanyuma ni boona abamalayika banai, nga bayemerwe ku sonda einai eza nsi nga bakwaite empungo eina eza nsi, omulombe gona guleke okukunta okunsi niwankubaire oku nyajja, niwakubaire okumusaale gwoona.
\v 2 Ni boona omalaika owundi t okuzwa ebuluwuka isiana nga alina akamanyiso aka kanca omwomi nasimoora inguru neiraka erikooto ng'akoba abamalaika bainai abaweibwe okusisa ensi ne nyajja,
\v 3 nga akusimora nti, "mutasiisa nsi" niwankubaire enyajja, ni wankubaire emisaale okwica lwetulimara okuta envumbo okubyenyi byabaweereza, aba kanca waiswe"
\v 4 Ni mpuura omuwedo gwaabwe, abatekeibweku envumbo, nga bali emitwalo ikumi nainai omu nkumi inai. (144000) okuzwa omubuli kiika ky'abaana ba israel.
\v 5 Abamukika kya oyuda abaatekeibweku envubo omutwalo gumwei amwenkumi ibiri (12000), aamukika kya lewubeni omutwalo gumwei mwenkumibiri (12000), aba'mukika kya gaadi, omutwalo gumwei mwekumi ibiri (12000)
\v 6 aba mukika kya aseri omutwalo gumwei mwenkumi ibiri (12000), abo mukika kya nafutali omutwalo gumwei omwekumin ibiiri, (12000), abo mukika kya manasse omutwalo gumwei mwekumi ibiri (12000).
\v 7 Abo mu kika kya simioni omutwalo gumwei mwekumi ibirin (12000), abo mukika kya levi omutwalo gumwei omwekumi ibiri, abo mukika kya iksakaali omutwalo gumwei mwekumi ibiiri(12000),
\v 8 abo mukika kya zebbulooni omutwalo gumwei mwekumi ibiri (12000), abo kika oyusufu omutwalo gumwei omwenkumi ibiri (12000), abo mukika kya benyamini, abateekeibwaku envumbo omutwalo gumwei omwekumi ibiri (12000).
\p
\v 9 Oluvanyuma lweebyo, nimbona, era bona ekibbura ekikooto omuntu yeena kubona, nga bazwa omubiri gwanje, omu maiso no'mumaiso g'omwana gwantaama, nga bazwire ebyabalo ebyeeru, namataaga agenkindu omumikono gyaabwe,
\v 10 Nibasimora iguru n'eiraka erikooto nga bakusimoora nti "obucunguri obwa kanca waiswe aikaire okuntebbe no mwanna gwa ntaama"
\v 11 Ni bamalaika bona bona bali bayemereerwe nga beetooloire entebbe yabakaire ne byomi ebinai ne bavunama omaiso gabwe omumaiso ga ntebbe ni balamya okanca
\v 12 nga ba kusimoora nti "amina" omukisa ne kitinisya namagenzi, no kwebalya, neitedo no buyinza namaani bibenge, amina.
\p
\v 13 Omwe okubakaire nairamu nabulya nti banani abazwaire ebizwaro ebyo ebyeru ni bobanani era bakuzwai?
\v 14 Nibamukoba nti "mukama waiswe niwe omaite "nakoba nti banani abazwire omukubonabona kudi okwigi ni booza ebizwalo byaabwe ni byeera omu mwisagama lya mwana gwa ntaama
\v 15 Ni kye bazwire babba omumaiso ga ntebbe ya kanca ni gamuwereezanga, emisana no bwire omwikaro yamwe noyo akaire okuntebbe alitimba ewemma kunibbo.
\v 16 Tibalilumwa zaara nate, so tibalilumwa nyonta nate so omusanaa tiguliboca, niwakubaire okoca konna konna
\v 17 kubaga omwana gwantaama ata akaati wa ntebbe yabalisyanga, erate aribareta eddi enzizi za maizzi agabomi, erate okaca alisangula buli liga omu maiso gabwe.
\c 8
\cl Esuura 8
\p
\v 1 Owaana wa ntaama yaswekwire envumbo eyamusanju, niwabaawo okusiriiikirira mwiguru okumala nka ekitundu ekya saawa.
\v 2 Nimbona abamalayika musanju nga beemereire omumaiso ga kanca ni baweebwa empeetu musanju.
\v 3 Nomalayika owundi naiza nga alina ekyooterezo ekya zaabu nayemeera okweeliraana ekyooto, naweebwa obubaani bwingi leke abute omukuramya kwa baikiriiri boona boona okukyooto ekya zaabu ekya baire omu maiso g'antebe.
\v 4 Nomwiika ogwa bubaani ni guniina amwe nokuramya kwabaikiriiri nga gukuzwa omu mukono gwa bamalayika omu maiso ga Kanca.
\v 5 OMalaika natwaala ekyooterezo, nakiizulya omuuro ogwa mu kyooto nakinaga oku nsi ni wabaawo okubwaatuka namaraka nokumyansa nokutengeetebwa
\v 6 awo nabamalayika omusanju ababaire nobugombe omusanju ni beeteekateeka okufuuwa
\v 7 oMalaika asooka nafuuwa, ni wabaawo oikendi wamabbaale n'omuuro ebyali bitabule ne'isaggama binabibwa oku nsi. N'ekitundu eya kasatu ekya nsi ni kiya, na buli issubi eribisi niriya.
\v 8 OMalaika owa kabiri nafuuwa, nkolusozi olukooto olukwaka omuuro nelunagibwa omu nyanja, nekitundu ekyakasatu ekya nyanjja nekifuuka musaayi.
\v 9 Ne buffs ekitundu ekya kasatu ekya bitonde ebya mu nyanja, ebyoomi, nekitundu ekya kasatu ekya maato ni kisaanawo
\v 10 OMalaika owa kasaku, onyenyeezi omukooto nazwa omwigguru nagwa nga akwaaka nkolumole nagwa oku kituundu ekya kasatu ekya miiga, no kumazuba aga maizi.
\v 11 Neibara lya nyenyeezi lyetebwa Abusinso, nekitundu ekya kasatu ekya maizi ni gafuuka Abusinso, nabantu bainji nibaffa olwa maizi, kubanga gasaliirwe.
\v 12 OMalaika owa kanai n'afuuwa, nekitundu ekya kasatu ekya isana ne kikubibwa, nekitundu ekya kasatu ekya kwezi, nekitundu ekya nyenyezi, ekitundu ekya kasatu kiryoke kisaanyizibwewo, n'eisana leke ryake nekitundu kyamwe ekya kasatu, nekiro kityo.
\p
\v 13 Nembona, nembuura ekikagoma nkeguluka akati wa igguru nka kusimoola neiraka erikooto nti, "zibajirye, zibajirye, zibajirye abaikala oku nsi, olwamaraka agasigaireyo agakagombe akabamalaika abasatu abakwaba okufuuwa."
\c 9
\cl Esuura 9
\p
\v 1 OMalaika ow'akataanu nafuuwa, ne mbona onyeyeezi nga akuzwa omwiiguru nga akugwa oku nsi, naweebwa ekisumuluzo ekyabwiina obutakanga.
\v 2 Nasindabula obwiina obutakoma, nomwiika niguzwa omubwiina niguniina nkogwa kikoomi ekikooto, neisana neibbanga nebibuna ekirikiirya olwa mwiika ogwazwiire omubwiina.
\v 3 Omwiika nimuzwaamu onzige akwiiza oku nsi, neziweebwa obuyinza, nga enjaba eza busagwa eza mu nsi nga zirina obuyinza.
\v 4 Nizikobebwa obutasiisa issubi eryansi, wadde ekintu kyoona ekibisi wadde omusaale gwoona, wabula abantu bonkai abataaluku kamanyisyo ka Kanca oku byeenyi byaabwe.
\v 5 Ni ziweebwa obutabaita nzibaleetera obulumi emyeezi etaano okunena kwaazo kwaali nka okunena kwanjaba eyabusagwa nka neenena omuntu.
\v 6 Omu naku ezo abantu baliswaaga okufa, baitu tibalikubona nakadooli, era balyegomba okufa nga kwiirukire.
\v 7 Enzige zinu omukuboneka ziisana nke mbalaasi, ezeetegekeire olutabaalo, nokumitwe zaagyo nga kulinga ngetiikibwe engule ya zaabu ne byeenyi byaazo bilinga oti bya bantu.
\v 8 Obwooya bwaazo nga buli nka eisoke lya bakazi namaino gaazo gali nka gampologoma.
\v 9 Zaali zi sweekeibweeku ebya mukifuba nga bingai byooma namaloboozi ga bi papa byaazo olyooti edoboozi lya namiziga owamagaali gambalaasi ezingi nga zikufubutuka okwingira mu lutalo.
\v 10 Era zirina emikira ziisana enjaba ezabusagwa nga eruku obuyindu nemikira gyaazo nga mulimu obuyinza obwa kunena abantu emyeezi etaano
\v 11 zirina okabaka waazo malayika wa bwiina obutakoma, eibara lwebbulaniya Abadoni no mu Luyonaani nga Apolwoni.
\p
\v 12 Obubbi obumwei bwakaire, bona, bobbi obubiri ate bukwiiza oluzwanyuma.
\p
\v 13 OMalaika owa mukaagga nafuuwa, ni mpuura eiraka eryazwiire omu nsonda einai eza kyooto ekya zaabbu ekiri mu maiso ga Kanca.
\v 14 Nga likoba omalaika owa mukaaga eyalina akagoombe nti sindabula abamalaika abanai abasibibwe oku mwiigga ogukooto Fulaati.
\v 15 Abamalaika abanai ne basindabulwa abaali bategekeibwe essaawa, olunaku, omwezi, omwaka, okwiita ekitundu ekya kasatu ekya bantu.
\v 16 No muwendo gwa bajwaaka abantambuliire oku mbalaasi zaali obukaire buubiri (2000000), ne mpuura omuwendo gwaabwe
\v 17 era ninaboine ntyo embaalasi mukubonekerwa kunu, naabo abaali bazikairweku nga bazwaire ebya mu kifubba nka ebya muuro e byakazigizigi ne bya kibiriiti, ne mitwe eza mbaalasi zaali nke emitwe eza mpologoma, neminwa zaazo ne muswamu omuuro no mwiika, ne kibiriiti
\v 18 Omukubonabona okwa mirundi esatu, nikwo okukoba nti, omuuro no mwiika ne kibiriiti ebwazwiire mumunwa zaazo, ne mufiira ekituddu ekya kasatu ekya bantu.
\v 19 Kubanga obuyinza bwa mbalaasi buli mu munwa gwazo: olwakuba emikira zaazo ziisana nke njoka, nga zirina emitwe; era nga zinenesya.
\v 20 Nabantu abasigairewo, abataitiibwe mubibonerezo ebyo, tibeenenyeze mu bikolwa bya mikono gyabwe, obutasinza mbadwa, nebifananyi ebya zaabu, ne bya feeza ne bya bikomo ebya mabbaale, ne bya misaale, bitayinza kubona wadde oku wuura, wade okutambula
\v 21 ni batenenya omu bwiiti bwabwe, wade omu bulogo bwabwe, mu bwenzi bwabwe, wade omu bwibbi bwabwe.
\c 10
\cl Esuura 10
\p
\v 1 Nimbona omalaika owundi owaamaani akuninuka okuzwa mwiguru, ngazwaire ekire, nomusoke ngali ku mutwe gwamwe namaiso gamwe nga galiga enjuba namagulu gamwe ngalinga empagi za muuro gali nka eisana,
\v 2 yabbaire nomuzigo oguddyooli mu mukono gwamwe nga agwazulire nata okugulu kwamwe okuliyo mu nnyaja nokugulu kwamwe okumoso kulukalu,
\v 3 Nasimoora aiguru namaraka gakooto nkompologoma nawuluguma ni yasimoleire aiguru ne bibwatuka omusaju ni bisimoola namaraka gabyo,
\v 4 ebibwatuka omusaju ni byamaare okusimoola amaraka gaabyo, nnali natera okuwadiika, ni mpuura eiraka erikuzwa omwiguru, nga likusimoola nti "taaku akamanyisyo kwebyo ebibwatuka omusaju bye bisimoire, naye tobiwandiika.
\v 5 OMalaika gwe naboine nga ayemereire oku nnyaja nokulukalu nayemera, omukono gwamwe ogulyo edi aigguru,
\v 6 nalayira odi abba omwoomi emirembe nemirembe, eyatondere eiguru nebirumu, nensi nebirumu, n'ennyaja nebirumu, ati, tewalibba kiseera te.
\v 7 Naye omunaku eza iraka rya malaika owa musanju, nalibba nga akwaaba okufuuwa, ekyama kya Kanca nekiryoka kikiira, nke njiri neri gye yabuulire abairu bamwe abalangi.
\p
\v 8 Neiraka lye nawuliire nga likuzwa omwiguru, ni ndiwuura ate nga likusimola nanje ne likoba nti, "yaba, otwale ekitabo ekisweekwire omu mukono gwa malaika ayemereire okunyanjja noku nsi"
\v 9 Ninyaba edi omalayika, nimukoba okumpeerya akatabu. Nankoba nti, "Tesla, okamire, era kaoisaarya omukidda kyamu, naye omu munwa gwaamu muliba mukunuliirya nkobwoki.
\v 10 Nitwala akatabo ni katoola omu mukono gwa malaika, ni nakamira, ni kabba mu munwa gwange kakunuliirya no omubiri gwa bwoki, ninakaliire, omu kidda kyange nimululuwa.
\v 11 Ni bankoba nti, "kikusaanire okubuulira buni abantu baigi n'amawaga nendumi n'abakama.
\c 11
\cl Esuura 11
\p
\v 1 Ni mpeebwa olumole olukwiisana nka omwigo, omalaika nakoba ati, imuka opime eiramyo rya Kanca, ne kyoto nabisinzizaamu.
\v 2 Baitu olubuga oluli enzai wa iramyo oluleke enzai, ate otalupima, olwakuba lwaweeweibwe abanamawanga, ne kibuga ekikiriiri balikininiira okumala emyezi anai nai biri.
\v 3 Njeena ndi baawa abbajuurwa bange babiri, era balilaguura ennaku lukumi na bibiri munkaaga(1,260), NBA bazwaire obutengu.
\v 4 Abo nizo emizaituuni ebiri ne ttaala ibiri ezemeera omu maiso ga Mukama wa nsi.
\v 5 Era omuntu yeena yeena n'ayendya okubakola ekubi, omuuro gwuzwa omumunwa gwabwe, ni gwookya abazigu baabwe: era omuntu yeena yeena nayendya okubakola okubi, kityo kigwanira omwenyenere okwiitibwa.
\v 6 Abo abalina n'obuyinza okusiba eiguru oikendi agaane okutonya omunaku eza okuwanyisya kwabwe: era abalina n'obuyinza oku maizzi agakyusa omusaayi, era n'okubonyabonya ensi n'ebibonerezo byoona, emirundi zingi nka nibakwendya.
\v 7 Era ni baliba nga bamaare okumanyisa kwabwe, ekisoro nikizwa omubwiina obutakoma kirilwana nabo, era kiribawangula, era kiri baitta.
\v 8 Nomulambo gwabwe guli mu luguuddo olwa kibuga ekikooto, ekyeetebwa omu mwoyo Sodomu ne Misiri, era omukama wabwe mwe yakomereirwe.
\v 9 Era okumala enaku esatu n'ekitundu emirambo gyabwe gyiribwonebwa abantu ne bika na amawanga omunguuddo eza kibuga, era nibataikiriza mirambo zabwe okuziikibwa omu magombe.
\v 10 Naabo abaikala oku nsi balisemeererwa oku lwabwe, ni bajaguza; era baliweerezangana ebirabo; olwakuba abalangi abo ababiri babonereize abaikaire oku nsi.
\v 11 Oluzwanyuma olwa naku zidi eisatu n'ekitundu, omwoyo gwa bwoomi oguzwa ewa Kanca negwingira omwaabo, ni bemeera oku magulu gaabwe, okutiina okwingi nikugwa okwaabo abababweine.
\v 12 Ni bawuura eroboozi erikooto erikuzwa omwiguru nga likukoba nti muniine okwiika anu, nibaniina omw'iguru omu kile n'abalabe babwe ni bababoona. Naabo abaikala oku nsi balisemeererwa oku lwabwe, ni bajaguza; era baliweerezangana ebirabo; olwakuba abalangi abo ababiri babonereize abaikaire oku nsi. Oluzwanyuma olwa naku zidi eisatu n'ekitundu, omwoyo gwa bwoomi oguzwa ewa Kanca negwingira omwaabo, ni bemeera oku magulu gaabwe, okutiina okwingi nikugwa okwaabo abababweine. Ni bawuura eroboozi erikooto erikuzwa omwiguru nga likukoba nti muniine okwiika anu, nibaniina omw'iguru omu kile n'abalabe babwe ni bababoona.
\v 13 N'omusaawa edi ni wabaawo okukankana kukooto, ne kitundu ekyaikumi ekya kibuga ni kigwa: ni baittibwa abantu kasanju (7,000) omusisi, naabo abawonerewo ni battiina, ni baweerya Kanca owa mwi'igguru ekitiibwa.
\p
\v 14 Ekibonerezo ekyaabiri kyakaire: bona, ekibonerezo ekyakasatu bukwiiza mangu.
\p
\v 15 Ontumwa owa musanju n'afuuwa; ni wabaawo amaloboozi agakooto mw'igguru, nga bakusimoola nti, obukama bwansi bufuukire bwa Mukama waiswe, era bwa Kristo waamwe: era yafuganga emirembe ne emirembe.
\v 16 N'abakaire abiri nabainai (24), abaikala omu maiso ga Kanca ku ntebe zaabwe eza obukama, ni bakuba amajwi omu maiso gaabwe, nibasinza o'Kanca.
\v 17 Nga bakusimoola nti tukwebalya, we o'Mukama Kanca, asobola ebintu byoona byoona, abaawo era eyabairewo; olwakuba atwaire amaani gaamu againgi, n'ofuga.
\q1
\v 18 Amawanga ni gasunguwala, n'obusungu bwaamu ni bwiizza, n'empikiro eza kusarwamu omusango ogw'abafu, ne zza kuwerwamu empeera zaabwe abairu baamu abarangi, nabaikiriiri, na batiina eibbara ryamu, abato n'abakulu; nezakusisiramu abasiissa ensi.
\p
\v 19 N'eiramyo lya Kanca eya mwiguru neswekulwa; ni waboneka omu kanisa kyamwe esanduuki eya endagaano yaamwe; ni wabbaawo okumesya namaloboozi n'okubwatuka n'omusisi n'oyikendi owa mabbale mwingi.
\c 12
\cl Esuura 12
\p
\v 1 Nakamanyiso akakooto ni kaboneka omwiguru omukali nka azwaire eisana, n'okwezi nga kuli ansi wa magulu gaabwe, no ku mutwe gwamwe nka kuluku engule eya nyenyenzi eikumi neibiri;
\v 2 era te nga ali nda nakunga nka akulumwa erate nga akubalagalwa okubyala.
\v 3 Ni waboneka akamanyisyo akandi omwiguru, erate; bona ompiri omutukuliki omukooto ogwa mitwe omusanju namayembe eikumi noku mitwe jaago engule musanju.
\v 4 N'omukira gwago nigukola ekicweka ekya kasatu ekya nyenyenzi eza mwiguru ni zigunaga oku nsi. Ompiri na yemeera omu maiso ga mukali, eyali akwaba okubyala, nalibyala, leke amuliire kyarumwe omwana wamwe.
\v 5 Omukali na byala omwana wa bwojo, akwaba okufuga amaanga goona goona n'omwigo ogwa kyoma, n'omwana wamwe nakolwaku natwalibwa eji o'Kanca neji entebe yamwe eya bukama.
\v 6 N'omukali nairuka omwirungu, gye yaali n'ekifo ekyateeketeekeibwe o'Kanca balyoke bamulisiryenga eyo enaku lukumi mu abiri na mukaaga. (1,260)
\v 7 Niwabawo olutalo omwiguru, Mikairi nabantumwa baamwe ni balwaanagana nompiri ni gulwaana na bantuwa baagwo;
\v 8 ni batasobola, ate ne wataboneka te kifo kyaabwe omwiiguru.
\v 9 Nompiri omukooto nanagibwa, ompiri owairai ayetebwa omulyolyoomi era oseetaani, omubeyegi wansi zoona zoona: ni gunagibwa oku nsi, na bantumwa baagwo ni banagibwa nagwo.
\v 10 Ni mpuura eiraka erikooto omwiguru nka likusimoola nti, ati buni obucungurwa namaani, nobukama bwa kanca waiswe, nobuyinza bwa kristo ni bwiizire: kubanga oloopa abagande baiswe edi oKanca waiswe emisana nobwiire anagibwe ansi.
\q1
\v 11 Bwoona bamuwangwiire olwo isagama wa mwaana ogwa ntaama, n'olwakigambo ekya bujuurwa bwaabwe, ni bataka obwoomi bwaabwe okwiica okufa.
\q1
\v 12 Ale munsanyuke, eiguru nabaikaaramu. Zaajirye ensi nenyanja; kubanga omulyolyoomi aikire gye muli nga alina obusungu bwingi, nka amaite nka alina akaseera kadooli.
\p
\v 13 Ompiri ni yaboine nka anagibwe oku nsi, ni guyiganya omukali eyabyaalibwe omwana wa bwoojo.
\v 14 Omukali naweebwa ebipapa bibiri ebikooto nka ebya kagoma omukooto, alyooke aguluke okwiika omwiirungu omukifo kyaamwe, gyanaliisibwa ekiseera ne biseera ne kicweeka kya kiseera.
\v 15 Nompiri na cwanta okuzwa omukanwa kaamwe emabega wa mukali amaizi ga mwiiga, gulyooke gumutwaale omwiiga.
\v 16 Ensi nejuna omukali, ensi ne yasamya akanwa kaayo, nenywa omwiiga ompiri gwe gwa cwantire okuzwa omukanwa kaamwe.
\v 17 Ompiri na gongeera omukali, na yaba okulwaana nabomulubyaalo kwamwe abasigairewo abakwaata ebiragiro bya Kanca, era abalina okutegeeza kwa Yesu Kristo:
\v 18 Ale ekisolo nikyemeera omu nnyanja okumpi n'olukalu.
\c 13
\cl Esuura 13
\p
\v 1 Na yemeera ku musaayi gwa nyanja ni mbona ekisolo nga kikuliga omunyaja, nga kiriku amayembe ikumi nemitwe musanju, no kumayembe gaakyo nga kuliku engule ikumi, okumutwe gwakyo amabara agatyoboola.
\v 2 Nekisolo ekyo kye naboine kyali kiyanana nka ogwei, namagulu gaakyo nka ga kigangala, nomunwa gwakyo nka ogwa mpologoma: nompiri niye yamuwaire amaani gaamwe, n'entebbe njakyo eya bukama, nobuyinza obwingi.
\v 3 Nabwonei omutwe gumwei okumitwe nka gusumitiibwe okuffa; nekirwaire ekya kufa nekiwona: nensi zoona ne zisegeerya ekisolo ekyo nga zikwewuunya;
\v 4 Ni basinza ogujoka, olwakuba gwawaire ekisolo obuyinza bwangwo, ne kisolo ni bakisinza, nga basimoola nti naani aiyanana ekisolo? Era naani asobola kulwaana nakyo?
\v 5 Awo ekisolo kyawereibwe omunwa ogusimoola ebikulu nokunyoomoola; nekiweebwa obuyinza okumala emyezi anai naibiri (42).
\v 6 Kyasamirye omunwa gwakyo okunyoomoola oKanca, okunyoomoola eibara lyamwe, ne weema yaamwe, nabakaila omwiiguru.
\v 7 Kyaweweibwe okulwaana nabaikiiriiri, nokubawangula: nebakiwa obuyinza okufuga ebika nabantu nolulimi neiyanga.
\v 8 Abo abaikaire omu nsi abatawandikiibwe mabara gaabwe omu kitabo kya bwoomi, ne kya mwaana wa ntaama eyaitiibwe okuzwa okutondebwa kwa nsi.
\v 9 Omuntu yeena alina okutwi, awuure.
\v 10 Omuntu yeena nayendya okunyaga, anyagibwa: omuntu teena Bautista ekyoogi, awo niwo Walid okuguminkiriza kwa baikiriri, nokwikiriza kwa bantu.
\p
\v 11 Nibona ekisolo ekindi nka kikuzwa omwitakali, nga kyamayembe abiri agayanana ko mwana wa ntaama nga kikusimola nko omusota.
\v 12 Kyakozesere obuyinza bwingi budi obwakisolo kidi ekyekereire omumaiso gakyo, nikisingisya ensi nabaikairemu ekisolo ekyekereiremu ekyabaire nekiwooya ekyakufa ekyawonere.
\v 13 Kyakoore obubonero bukooto, nikisindika omuro okuliga omwiguru nigwika okunsi abantu nga bakubona.
\v 14 Kyabeegere abaikaire okunsi olwabubonero obwekyawereibwa okola omumaiso gakisolo, nikikoba abakaire okunsi, okola ekifanaanyi ekyakisolo kidi ekyasamutibwe ne mpirima era nikitaffe.
\v 15 Ekisolo ekyo kyawerereibwe okufuwa omwika, omukifananyi ekyakisolo ekibazibwako, era kitinirye abagaana okwkiriza ekifananyi kyakisolo.
\v 16 Kyasalirize abato nabakulu, abagaiga mabooro, abaidembe mabairu okuteebwaku akabonero okumukono gwabwe ogulyo oba okubusyo bwabwe;
\v 17 Olwo omuntu agaane okugula oba okutuda okwiyaka nga amare okuteebwako akabonero, niryo ibara lyakisolo kidi oba etendo yaibana lyakyo.
\v 18 Kini kitaka amagezi. Ali nokumanya abaliire obwiigi (amateddo) gakisolo; lwakuba migo namatendo ga muntu, netendo lya gwo gawo guli lukaaga mu kaaga mumukaaga. (666).
\c 14
\cl Esuura 14
\p
\v 1 Nimbona, era, bona, omwaana gwantaama nga gweemereire okulusozi sayuuni, nga ali nabantu emitwaalo ikumi na naina nge eibara lyaamwe neibara lyoitaamwe nga gawandiikibwe oku byeenyi byaibwe.
\v 2 Nimpuura eiraka erikuzwa omwiiguru, nka lita nka eiraka lya maizi amaingi, era nka eiraka lyakubwaatura, okwamaani neiraka lye nawuliire ni liika erya bakubi bananga nga bakuba ennanga zaibwe,
\v 3 Ni bemba olwembo oluyaaka omumaiso gentebbe yabwakabaka, nu mumaiso mu byoomi ebinai nabakaire, ale tiwabaire muntu eyasoboire okweega olwembo olwo wabula abo emitwaalo ikumi nainai (144,000) abanunulibwe okuzwa omunsi.
\v 4 Abo nibo bataasisire edi abakali nibakuuma. Abo nibasengeerya amwaana. Wantamire buli ni wayombanga. Abo banunuliibwe omubantu okuba ebibara ebyasookere edi okanca nedi omwaana wantaama.
\v 5 Ti babazanga byabubeeyegi nga ti baluku bya kunenyezebwa.
\p
\v 6 Nimbona omalaika owondi nga akuguluka omwiibanga eryo mwiguru nga liwa enjiri eyamirembe na mirembe okuba nga aikaara okunsi nabuli gwanga nekika kya bantu nolulimi,
\v 7 Mbairya neiraka erikooto nti, mwiite okanca, mumuweerye ekitiinisya, kuba ebiro bya musango gwaanywe kiikire, mumarumywnge eyakoore eiguru nensi nenyanja, namazuba.
\v 8 Nomulangi owondi owakabiri nga akusengeerya nakoba nti, kigwiire babulooni ekikooto ekyanywiisirye amawanga goona okumwenge gwa busungu bwandekuza kweekyo.
\v 9 Nomalayika owakasatu nabasengeerya nga akubaza neiraka erikooto oti, omuntu yeena nalamirya ekisolo. Akamanyisyo kaakyo omukyeenyi kyaakyo oba omu mukono gwaanywe.
\v 10 Oyo yeena alinywa oku mwenge gwa busungu bwa kanca, ogusukibweemu amaizi omu kikopo eya busungu bwaamwe, era alibonezebwa omumuuro, nekibiriiti omumaiso ga bamalayika abaikariire omumaiso ga mwaana gwantaama.
\v 11 Nomwiika ogwa kubonerezanga kwaabwe kukyuuka emirembe nemirembe, ale tibata nakuwumula emisana nobwiireabaramya ekisolo nekifaananyi kyaakyo, nabuli aikiriza akamanyisyo, neibara lyaakyo,
\v 12 Kini kikubiriza abaikiriiri abakwaata ebiragiro bya kanca, ni baikiriza oYesu okuba abagumiikiriza.
\v 13 Ni mpuura eiraka erikuzwa omwiiguru nga likusimoola oti, wandiika oti baweeweibwe omukisa abantu abatiina omukama waiswe okugwa ate." Ni mwasimoola omumwooyo, leka babonebone omu kuboonaboona kwaabwe kuba ebikolwa byaabwe byabaire nabo."
\p
\v 14 Nimbona, era, bona, ekiiguru ekyeeru no kukiiguru nimbona aikariireku yali nga akulisya nko mwaana wa muntu nga alina oku mutwe gwaamwe engule eya zaabu, no mu mukono gwaamwe ekiwamyo ekyoogi.
\v 15 Nomalayika owondi nazwa omu yeekalu, nabazira aiguru neiraka erikooto, nkukoba oyo aikariire okukiguru ate, taaku ekiwabyo kyaamu, okungule, kuba ebiro ebya kukunguraamu biikire, kuba ebikungulwa bya nsi byengere.
\v 16 N'oyo aikariire okukiguru nanaga ekiwabyo oku nsi nensi n'ekungulibwa.
\v 17 N'omalaika owondi nazwa omu yekaalu eya mwiiguru, yeena ngalina ekiwabyo ekyabwooji.
\v 18 N'omalaika owondi nazwa oku kyooto, niye yalina obuyinza okumuuro nabazira aiguru neiraka erikooto nga akoba, oyo alina ekiwabyo ekyabwooji, anokole ebirimba ebya muzabbibu gwa nsi kuba ezabibbu zaagwo zengera muno.
\v 19 N'o malaika nanaga ekiwabyo kyaamwe oku nsi, nanokola omuzabibu gwa nsi, nagunaga omwiikunyiro erikooto eryabusungu bwa kanca.
\v 20 Nigukunyira enzai wa kibuga, nomusaayi niguzwa omikunyiro, obutumbei bwaagwo nga bukwiika okukoba za mbalaasi, nobugazi ekikopom kyamabanga lukumi mu lukaaga. (1600).
\c 15
\cl Esuura 15
\p
\v 1 Nimbona akabonero akandi omwiiguru akakooto aka kitalo, abamalaki musanju nga bali ne bibonerezo musanju ebya nkomerero, kubba omu ebyo obusungu bwa Kanca nimwo bwikiriiri.
\p
\v 2 Nimbona nk'ennyaja ya ndabirwamu etabwirwemu omuuro, abazwa eji okisolo nekifaananyi kyokyo n'obwingi bwa ibara lyoyo nga bawangwire, nga bemereire okunnyaja ya ndabirwamu, nga bali ne nanga za kanca.
\v 3 Ni bemba olwembo lwa Musa omwiru wa Kanca, n'olwembo lwa mwana wa ntaama, nga babaza nti, "Bikulu era bya kitalo ebikolwa byaamu, mukama Kanca, akuura ebintu byoona; ga bwikiriiri era ga mazima amazira gaamu, niwe mukama emirembe seregenyi.
\q1
\v 4 Naani atalitiina Kanca, n'ataliwa kitnisya ibara lyaaamu? Kubba niiwe wenkai niwe mwikiiriri; kubba amawanga goona goona galiza era gali ramya omu maiso gaamu, kubba ebikolwa byamu ebya bwiikiriri bibonekere.
\p
\v 5 Nga ebyo bibbairewo ni mbona, eyeekaalu eya lutimbe eya bujulirwa omu iguru nga eigwirweewo,
\v 6 Ni muzwa omu yekaalu abamalayika omusaju abalina ebibonerezo omusanju nga bazwaire amabbale, agaloogoki, agamiriminya, era nga gasibibwawo omu biffubba, enkobba za zaabu.
\v 7 Ekimwe ekya ku byoomi ebinai ni kiwa abamalayika omusaju ebitaabu musanju ebya zaabu omwomi emirembe seregenyi.
\v 8 Ne yekaalu neizula omwiika oguzwa omukitinisya kya kanca no'mumaani gaamwe, era tiwabbaire muntu asobola gwingira mu yekaalu, okwikya ebibonerezo omusanju ebya bamalaika omusnju ni byaikiriire.
\c 16
\cl Esuura 16
\p
\v 1 Ni mpuura eiraka erikooto nga likuzwa omu yekaalu, nga likukoba aba malaika omusanju nti, mwaabe, musuke ebibya omusanju ebyakiniga oku nsi.
\v 2 Eyekereire nayaba, nasuka ekibya kyamwe oku nsi, ebiwooya ebizubu mbiiza oku bantu abali nenkozu ya kisolo, era abaramya ekifananyi kyayo.
\v 3 Owa kabiri nasuka ekibya kyaamwe omu nyaja; wabbairo omusaayi nka ogwa mufu, era buli mwoyo ogwoomi ni guffa nebyo ebiri omu nyaja ni bifa.
\v 4 Owa kasatu nasuka ekibya kyamwe omu miiga nomunsulo zamaizi, ni wabaawo omusaayi.
\v 5 Ni mpuura omalaika wamaizi nga akusimoola ati, "niiwe mwikiriiri, niiwe abbaawo era eyabairewo, niiwe mweruki, olwakubba wasaare omusago otyo.
\v 6 Olwakubba basukire omusaayi gwa beeruki nogwa banabbi, ogwo nigwo musaayi gwa bawaire oku nywa, ekyo kibasaanire,
\v 7 Ni mpuura ekyooto nga kikusimoola, nti. "Nimwo, oMukama oKanca omusoboli wa bintu byoona byoona, engeri josalamu emisango za mazima yakyenkanyi.
\v 8 Owa kanai nasuka ekibya kyamwei okwiisana: neweebwa okwookya abantu nomuuro
\v 9 abantu nibokyebwa okwokya okukooto: nibazuma eibara lya kanca ali nobusobozi okubiboonoboono ebyo, mbagaana okumenyeka omwooyo okumuwa ekitiinisya.
\p
\v 10 Owa kataano nasuka ekibya kyaamwe oku ntebe ya bukama obwa kisolo, obukama bwakyo nibulikiribwa, abantu nibeenena endumi zaabwe olwa bulimi.
\v 11 Ni bazuuma oKanca owa mwiguru olwa bulumi bwaabwe no lwa biwooya byaabwe, ate ti bamenyekere mwoyo olwebyo bye bakoore.
\v 12 Owa mukaaga nasuka ekibya kyamwe oku mwiiga ogukooto gwe beeta Fulaati, namaizi gaagwo ni gakala, enzira ya bakama abazwiire ebugwa isana esobole okutegebwa
\v 13 ni mbona nga zikuzwa omu kanwa ka njoka, nomukanwa la okisolo, nomukannwa ka nnabbi owa bubbeyegi, emizimu ejibbi esatu nga zikwisana nka ebikere,
\v 14 olwa kubba ezo nizo mwooyo, ezidaimoni ezikola obubonero, ezikwaba edi abakama ba nsi zoona zoona, okubakubbanyia okola olutalo oku lunaku olukulu olwa Kanca, omusobozi wa bintu byoona byoona.
\v 15 (Bona, nkwiiza nk'omwibbi. Aweweibwe omukisa akubonia, nakuuma ebizwalo byamwe, aleke okwaaba nga ali bwerere, leke baleke okubona ensoni zaamwe)
\v 16 ni zibakumbanirya omu kifo kyebeeta omu Lwebbulaniya, "kalu-magedoni."
\p
\v 17 Owa musanju nasuka ekibya kyamwe omu ibbaga, eiraka erikooto nirizwa omu yekaalu, omu ntebe ya bukama, nga likusimoola nti, kikoleibwe:
\v 18 Ni wabbaawo okumesya namaraka nokubbwatuka, ni wabbaawo ekikankano ekikooto, nga to kibbangawo okuzwa abantu ni batandikire okubba oku nsi, ekikankano ekikooto, ekikulu kityo.
\v 19 Ne kibuga ekikooto ni kyeyawulamu ebitundu bisatu, nebibuga bya mawanga agabiri ngeru nibiggwa; ne Babbulonni ekikooto nikizukirwa omu maiso ga Kanca, leke kisobole okuweebwa okunywa ekikompe kya bwandi bwa kiniga kyamwe.
\v 20 Buli kizinga ni kiiruka, gonze ne nsozi ti zabonekereku.
\v 21 Amabbaale aga ikendi agakooto migagara okuzwa omwigulu, nga buli mpeeke yamuzira obuzito bwayo "ttalata" nigukubba abantu, abantu nibanyomoola oKanca olwebibonobono bibafunire olwamabbaale gaikedi, olwakuba ekibonobono kyagwo kikooto muno.
\c 17
\cl Esuura 17
\p
\v 1 Ni waiza omwei oku bamalayika omusanju abalina ebibya omusanju, naiza nasimoola nanje nakoba nti riza ani, njeena nkwiiza kulanga omusango gwa mukulu aikala oku maizi againgi.
\v 2 Abakama ba nsi gwe bayenderye naye, naabo abaikaala oku nsi ni batamiira omwenge gwa bwenzi bwaabwe.
\p
\v 3 Nantwaala omwirungu omu mwooyo: ni mbona omukali, nga aikaire oku kisolo ekitukuliki nga kizwiire amabara agatyoobola nga erina emitwe musanju nemembe ikumi(10)
\v 4 Omukali nga azwaire olugoye olwafulungu nolutukuliki, nayonjebwa no zaabu namabaale aga muwendo ogwingi nolulu nga alina omugalo zaamwe ekikompe kya zaabu ekizwiire emizizo, nibyo bibbi bya bwenzi bwaamwe.
\v 5 Omu busyo bwaamwe mwaali muwandiikiibweemu eibara riti "EKYAAMA, OBABULOONI EKIKOOTO ONYINA WABENZI ERA WAMIZIZO GYENSI."
\v 6 Ni mbona omukali oyo nga atamiire omusaayi gwa bikiriiri, nomusaayi gwa bajuurwa ba Yesu. Ninamuboine; neewunyire muno, okwewuunya okukooto.
\p
\v 7 Omalaika nankoba nti," kiki ekikwewunyisya? Nje nakobeire ekyaama kya mukali nekisolo ekimugingire, ekita namabeere musanju n'amembe ikumi
\v 8 Ekisolo kye waboine kyaluwo era nga ti kikyaalowo era kikwaaba okuzwa mubwiina obutakanga nokwaaba mukubula naabo abantu abaali oku nsi amabara gaabwe nga ti gawandiikibwe mu kitabo kya boomi okuzwa ensi niyatandikibweewo balyewunya ni babona ekisolo nga kyalowo, kyonkai nikitabaawo, era ni kiira te.
\v 9 Kini kyendya omuntu alina amagezi okutegeera emitwe omusanju eza bisolo omusanju, omukali zaikaireku.
\v 10 Era nibo abakama omusanju; abataanu bagwiire, omwei alowo, owundi akyaali okwiiza era naliiza, kimugwanire okumalawo akaire kadooli
\v 11 Ekisibo ekyalowo nga ati tikikyalowo, ekyo ni kyo kya munaanai, kiri nka zidi omusanju kyoona kya kubula.
\v 12 Nna mmembe eikui ge waboine nibo abakabaka eikumi abakyaali kuweebwa bukama, naye baweweibwe obuyinza nka abakama, amwe nekisolo okumala essaawa emwei.
\v 13 Abo abateesanga bumwei, nibaweerya ekisolo amaani gaabwe nobuyinza
\v 14 Abo balirwaana no mwaana wa ntaama, omwaana wa ntaama aliba aiguru, olwakuba niye mukama wa baami era niye mukama wa bakama; era naabo abamulubu, abateebwa, abalonde, abeesigika"
\v 15 nankoba nti, amaizi ge wabweine, omulenzi waikeire nibo bantu ne bibiina, namawanga nendumi
\v 16 Nammembe eikumi ge waboine, nekisolo, bani balikyaawa omulenzi, bali mulumba ni bamulwanisya ni bamuleka nga ali bwerere, balirya omubiri gwamwei era bali mwocerya kyarumwei omuuro.
\v 17 OLwakubba yateire omu myoyo gyaabwe okukola kye yateesere, no kuteesa nga bali amwei, no kuweerya ekisolo obukama bwabwe, okwiikya ebigambo bya Kanca ni birikiriira.
\v 18 N'omukali gwe wa bweine niye kibuga ekikooto, ekirina obukama oku bakama boona aba ku nsi.
\c 18
\cl Esuura 18
\p
\v 1 Ebyo nga bimaare okubaawo ni mbona ontumwa owundi ng'akuniinuka okuzwa omu mwiguru, ng'alina obuyinza obwingi, n'ensi nemesyamesya olwa kitiinisya kyamwe.
\v 2 Nasimoora aiguru neiraka erya maani, ng'akusimoola nti, kigwiire, kigwiire oBabbuloni ekikooto, ni kifuuka ekisulo ky'ambandwa ne ikomera erya buli misambwa, n'e ikomera rya buli nnyonyi egyibi ekyawibwa.
\v 3 Kubanga olw'amwenge ogw'abusungu obwa bwenzi bwa mawanga goona goona gagwiire; na bakama ba nsi ni bayenda naye na batungi ba nsi ni baguuduwala olwa maani ga bukaba bwamwe"
\v 4 Ni mpuura eiraka elindi okuzwa omwiguru, nga likusimoola nti, "mukiwulukemu, abantu bange, muleke okubba kimwe nebbi byamwe era muleke kuweebwa ku bibonyoobonyo byamwe.
\v 5 Kubanga ebibi byamwe biikire omwiguru era oKanca aizukiire ebisiisi bwamwe.
\p
\v 6 Era mumusasule oyo nka ye nasasula, era mumwongereku emiruundi ibiri nka ebikolwa byamwe ni byaali; omu kikompe kye yatabwire mumutabuure emirundi ibiri.
\v 7 Nka ni yegulumilye n'akabawala, omunywe okubonabona n'okunakuwala? Kubanga akusimola omu mwoyo gwamwe nti, n'akadooli.
\v 8 Nimwo kilizwa biiza omu lunaku olumwe ebibonyoobonyo bwamwe, okufa, n'enaku, n'enzala; era alyocebwa kakyarumwe omuuro, olwakubba oMukama oKanca w'amaani amusaliire omusango"
\v 9 Era abakama ba ensi, abenzi ni bakabawala naye, balikunga nibakuba oluwuungu oku lwamwe, ni balibona omwiika ogwa kwocebwa kwamwe,
\v 10 Nga bemeereire alai olwa ntiisa eya kuboonaboona kwamwe, nga bakusimoola nti, zikyajirye, zikyajirye, ekibuga ekikooto Babbulooni, ekibuga ekya maani, kubanga omu ssaawa emwe omusango gwaamu gwiikire"
\v 11 N'abatundi aba mu nsi; bakukunga bakunakuwala ku lwamwe kubanga ndoowo akugula byaitungo byabwe.
\v 12 Obuguli obwa zaabu, ne ffeeza, n'amabaale aga muwendo ne luulu, ne bafuta egisai, n'olugoye, olutukuliki; na buli musaale ogwa musutai, nabuli kintu kya issanga, na buli kintu kya musaala ogwa mwendo ogwingi omuno n'ekya kikomo, ne kya kyooma, ne kya ibbaale erisai.
\v 13 N'ekya kaloosa, n'ebinzaali, n'obubaane, n'amagitta gwa musutai n'envumbo, n'omwenge n'amafuta, n'obwiitta obusai, n'ezzaano, n'ente n'entaama; n'obuguli bwa mbalaasi n'amagaali n'abairu; n'emyoyo za bantu.
\v 14 "Nebibala omwoyo gwamwu bye gwegomba bikuzwiireku, n'ebintu byamu ebinuliirya n'ebisai bikuzwiireku, nekyo tibakyabibona te"
\v 15 Abatundi beebyo, be yaguuduwairye, balyemeera alai olwa kitinisya ekyakubonabona kwamwe, nga bakuunga nga bakunakuwala;
\v 16 "Nga bakusimoola nti zikyajirye, zikyajirye, ekibuga ekikooto, ekyazwalikisiibwe ebafuta ezisai n'olugoye olw'affulungu n'olutukuliki, era ni kiyonjebwa ne zaabu n'amabaale ag' muwemdo ne luulu.
\v 17 Olwakubba omu ssaawa emwe obugayiga obwibgi nka buweirewo" na buli atambuura woonna woona omu lyato na bategi naboonaboona abakola emirumu eza mu nyanja, ni bemeera alai,
\v 18 Ni basoora aiguru ni babweine omwiika ogwa kwokyebwa kamwe, nga bakusimoola nti, "kirayi ekiisana nk'ekibuga ekikooto?"
\v 19 Ni basuka ocuucu oku mitwe zabwe, ni basimoora aiguru nga bakunga nga bakunawala, nga bakusimoola nti, zikyajirye, zikyajirye, ekibuga ekikooto, boona kye baguuduwaliremu abata ekinaala omu nyanja olwa muwendo gwamwe ogwingi. Kubanga omu ssaawa emwe gwaweirewo.
\p
\v 20 Mumusanyukire, eigguru naanywe abakiriiri nnanywe abatume nnanywe na banabbi;
\v 21 Ontumwa owa maani n'aimula eibaale elikooto nk'emmeengo l ejikooto, n'alinaga omu nnyanja, ng'akusimoola nti, Babbulooni, ekibugga ekikooto, ni kirinagibwa nimwo kityo n'okutandigirwa okukooto, ate nikiboneka era.
\v 22 Gonze eiraka ly'abakubi b'abannanga n'abanta ne bivuga ni bafuuwa emirere ni bafuuwa amakondere tikiriwuurwa era omu we; gonze omugezi w'amirimo zoona taliboneka era omu we; gonze eyiraka ly'amengo tiririwulwa era omu we;
\v 23 Gonze okutangaala kwa ttaala, tekulitangaala era mu we, gonze eiraka ly'abandula omugole n'erya mugole tiririwuurwa era mu we; kubanga abatundi baamu baali bakulangira ba nsi, kubanga omu obulogo bwamu amawanga goona gabeyegeibwe.
\v 24 Era nomusaayi gwa banabbi n'abaikiriiri n'ogwa boona boona abaittiibwe oku nsi gwa bonekere mu niye."
\c 19
\cl Esuura 19
\p
\v 1 Oluzwanyuma lw'ebyo ni mpuura eiraka erikooto erya kibbuura ekikooto omwiguru nga bakusimoola nti Aleluuya abacunguri n'ekitinisya, n'obuyinza nibyo bya Kanca waiswe.
\q1
\v 2 Kubanga ensala yaanywe eya misango yabwenkanya era yamazima, kubanga asaniire omusango omwenzi omukulayo, eyasisire ensi n'obwenzi bwamwe.
\v 3 Era ni basimoola nti; Aleluuya n'omwiika gwamwe gunyonka emirembe seregenyi.
\q1
\v 4 Nabakaire amakumi abiri banai ni bafukamira ni basaba o'Kanca aikala oku ntebe, nga basimoola bati; Aleluuya Amiina.
\v 5 Eiraka nirizwa omu ntebe nga likusimoola liti; mutendereze o'Kanca waiswe, nywe nyweena abairu baamwe, abamutiina, abato n'abakulu.
\v 6 Ni mpuura nga eiraka erya kibbuura ekikooto era nk'eiraka erya maizi againgi era nk'eiraka erya kubbwatuka okwa maani, nga likusimoola liti; Aleluuya kubanga o'Kanca waiswe omuyinza wa bintu byoona byoona afuga.
\q1
\v 7 Tusanyuke, tujaguze, tumuwe ekitinisya, kubanga obugole obwa mwana wa ntaama bwiikire, n'omukali waamwe yeteekereteekere.
\q1
\v 8 Na weebwa okuzwala ebafuta ekweera ejisai; kubanga ebafuta enu nibyo bikolwa bya bwiikiiri obwa baikiiri.
\p
\v 9 Nakoba ati; wandiika oti baweweibwe omukisa abo abeetebwa oku mbaga eya bugole obwa mwana gwa ntaama, nankoba nti, ebyo nibyo bigambo eby'amazima ebya Kanca.
\v 10 Ninkutama omu maiso ga magulu gaamwe okumuramya. Nankoba ati, bona, tokola otyo: ndi mwiru mwiraawo era owa mu baganda baamu abalina okutegeeza okwa Yesu: ramya Kanca. Kubanga okutegeeza okwa Yesu nigwo mwoyo gwa bulangi.
\p
\v 11 Ni mbona eiguru nga liswekukire: era, bona, ombalaasi omweru, ne yaali ajikaiku, ayetebwa mwesigwa era wa mazima nomu bwikiiri asala omusango era alwana.
\v 12 Era amaiso gaamwe nigwo omuuroc ogwaaka, n'okumutwe engule zingi, era nga alina eibara eriwandikiibwe, omuntu yeena lyatamaite wabula niye yenkai.
\v 13 Era nga azwaire ekyambalo ekimansirweku eisagama: neibara ryamwe niryetebwa kigambo kya Kanca.
\v 14 Ne iye erya mwiguru ni limusengerya oku mbalaasi ejeeru, nga bazwaire ebafuta ejeeru ejisai.
\v 15 N'omumunwa gwamwe muzwaamu empirima eya bwogi atema amaanga nayo; era alibafuga n'omwigo ogwa kyoma; era aniina essogolero erya mwenge n'obusungu n'obwandi obwa Kanca omuyinza wa byoona.
\v 16 Era alina oku kyambalo kyamwe n'oku kisambi kyamwe eibara eriwandikiibwe nti; "MUKAMA WA BAKAMA, ERA MUKAMA WA BAAMI."
\p
\v 17 Ni mbona ontumwa nga ayemereire omwiisana; nasimoora aiguru neiraka erikooto, na kukoba ebinyonyi byona ebiguluka omwiibbanga nti, "Mwiize tukumbaane okumbaga ejikulu eya Kanca;
\v 18 mulyoke mulye enyama ya bakama, nenyama eya bagabe, nenyama eya namaani, n'enyama eya mbalaasi ne yaabo abajikalaku, n'enyama eya boona aba eidembe era nabairu, abato n'abakulu."
\v 19 Ni mbona ekisolo, n'abakama aba nsi, neiye ryabwe nga bakumbaine okulwana n'oyo eyaali aikaire okumbalaasi neiye ryamwe.
\v 20 Ekisolo ni kikwatibwa amwe n'oyo omulangi wa bubeyegi eyakoore obubonero omu maiso gaayo ni yabeyegeserye abo abaikiriza akamanyisyo aka kisolo, naabo abasinza ekiisani kyayo: bakali-babiri nibanagibwa nga boomi omunyanja eya muuro eyaka n'ekibiriiti:
\v 21 n'abasigairewo ni baitibwa n'empirima yoyo eyaali aikaire oku mbalaasi', ekizwa omukanwa kaamwe: n'ebinyonyi byoona ni biikutira oku nyama yaabwe.
\c 20
\cl Esuura 20
\p
\v 1 Ni mbona ontumwa nga akwiika okuzwa omwiguru nga alina ekisumuluzo ekya bwiina obutakoma n'olujegere olutakoma omu mukono gwamwe.
\v 2 Nakwata ompiri, ompiri owairai niye omukemi ate sitaani, nagusibira emyaka lukumi(1000),
\v 3 nagunaga omubwiina obutakoma naigalawo nataaku envubo, gugaanenge okubeyega amaanga era, okwica emyaka lukumi(1000) niziriwaaku; oluzwanyuma lwajo kigugwanira okusindabulwa emyaaka jidooli
\v 4 Nimbona etebe eya bukama, nga kuliku abaikaireku, ni baweebwa okusala emisango, ne mwoyo zaabwe abatemerweku emitwe olwa kujuurwa Yesu, no law kigambo kya Kanca, naabo abataweereize kisolo gonze ekifananyi kyaakyo ate tibaikiriize akabonero kaakyo okubuusyo bwabwe nokumikono zaabwe; ni babba boomi, nebafugaanga amwe no Kristo okumala emyaaka lukumi (1000).
\v 5 Abafu abandi ti babbaire boomi okwiica emyaaka olukumi (1000) nga ziweireku. Kunu nikwo kuyibooka okukwekeera.
\v 6 Aweereibwe omukisa, era niye omwikiriiri alina omugabo omu kuyimbooka okusooka: kubanga okufa okwakabiri tikulina buyinza oku bo, naye babbanga bakabona ba Kanca ate ba Kristo, era bafuganga amwe naye, okumala emyaaka lukuumi (1000).
\p
\v 7 Aawo, emyaaka ezo olukumi (1000) niziriwaku, osetaani nasobola okusaadabulwa omwiikomera ryamwe.
\v 8 Era alyaaba obeyega amawaanga aga musonda einai eza nsi, googi ne magoogi, okubaakumbania oku lutalo; abwinji bwaabwe nga omukyanga ogwaku nyanja.
\v 9 Ni baniina ku Buhari bwa nsi, ni bazingiza olusiisira olwa abaikiriiri nekibuga ekyaigairwe: omuuro niguuzwa omwiguru, negubookya.
\v 10 No setaani eyababeganga nanagibwa omu nyanja eya muuro nekibiriiti, era omuli ekisolo no nnabbi owa bubeyegi era baboonabonanga imusana nobwire emirembe nemirembe.
\p
\v 11 Ni mbona entebe eya bukama egikooto ejeeru, noyo eyali ajikaireku, eigguru ne nsi ni biiruuka omu maiso gaamwe; era tebyaazulibwe na kifo.
\v 12 Ni mbona abafu, abakulu n’abato, nga bemereire omu maiso ga ntebe, ebitabo nebiswekulwa, nekitabo ekiidi nikiswekulwa, nikyo ekya boomi, abafu ni basaarwa omusango okusinziira okweebyo ebyawandikiibwe omu kitabo, nka ebikolwa byaabwe ni byaali.
\v 13 Nenyanja nereeta abafu abalimu, nokufa namagombe byoona nebireeta abafu abalimu: nibasaarwa omusango buli muntu nka okweyakalya kwaamwe ni kwaali.
\v 14 Okufa namagombe nebinagibwa omu njanja eya muuro kunu nikwo kufa okwakabiri, okwa munyanja eya muuro nikwo kufa.
\v 15 Era muntu yeena yeena eyasangibwe nga eibara ryamwe nga telya wandikiibwe mu kitabo ekya bwoomi, nanagibwa munyanja eya muuro.
\c 21
\cl Esuura 21
\p
\v 1 Awo ni mbona eigguru erikwiiza n'ensi egiyaaka kubbanga eigguru eryo luberyeberye n'ensi eyaluberyeberye nga bigeizere nka ennyanja tekyaliwo.
\v 2 Ne mbona ekibuga ekikiiri, Yerusaalemi ekiyaaka, nga kigwa okuzwa omwigguru ewa Kanca, nga kitegekeibwe nka omugole oyonjereibwe oibaamwe.
\v 3 Ni mpuura eiraka erikooto erikuzwa omu ntebe nga eikubbaza nti bona, olusisira lwa Kanca amwe nabantu, era yaikalanga amwe nabo, boona baiza kubanga bantu bamwe, yeena oKanca omwenyenere aiza kubanga amwe nabo, Kanca waabwe.
\v 4 Yeena alisangula buli irigga omu maiso gaabwe, era okufa tekulibaawo te, wadde ennaku, wadde okubonaboona gonze okulumwa; kubbanga ebyo byona ebyaliwo nga biwereiwo
\v 5 N'oyo aikaara oku ntebe nabaza nti, "bona, byoona mbirye buyaaka." N'abaza nti wandiika; kubbanga ebigambo ebyo bya bwesigwa era bya mananu.
\v 6 N'ankoba nti, "biikiriire! Ninje Alufa ne Omega, okubaanza n'enkomeero. Ndimuwa mbe oyo alina eiloho (ennyonta) okunywa omwiizuba erya maizzi aga bwoomi bwereere.
\v 7 Aliwangula alisikira ebyo, nanje nyizzakubanga Kanca wamwe, yeena aizza kubanga mwaana wange.
\v 8 Naye abatiini, n'abataikiriza n'abagwagwa, n'abaiti, na benzi, n'abalogo, nabasinza ebiisani, n'ababeyenge boona, omugabo gwabwe guliba mu nyanja ekwaaka nomuuro ne nekibiriiti, okwo nikwo kuffa okwakabiri.
\p
\v 9 Ni waiza omwe owa kubamalaika omusanju abalina obicuba omusanju ebyalimu ebibonerezo omusanju ebyenkomeero; naiza n'abazza nanje, nga akukoba ati, "izza nkwoleke omugole, omukali owa mwaana gwa ntaama."
\p
\v 10 N'antwala omu mwoyo okulusozi olukooto olwikiiri, n'andanga ekibbuga ekikiiri Yerusaalemi nga kigwa okuzwa omwigguru ewa Kanca.
\v 11 Nga kilina ekitinisya kya Kanca: okumirimiinya kwakyo kukwiisana okwaibbaale eryo muwendo ogwingi omuno, erya yasepi, erikutangalija.
\v 12 Nga ekirina obbuggwe omukooto omulai; nga kilina emiryango ikkumi nebiri (12) no kumiryango nga kuliku abamalaika ikkumi na babiri (12), namabara agawandikiibweku, nigo aga bika eikkumi nebibiri (12) ebya baana ba Isiraeri.
\v 13 Oku ludda lwa buwuluka kwaliku emiryango isatu: no ku ludda olwa gumoso nikubaaku emiryango isatu: no kuludda lwa gulyo nikubbaku emiryango isatuera ohugwa isana kuliku emiryango isatu.
\v 14 Ne mabega wa kibuga yaliyo emisingi ikumi na ibiri (12), nga kuwandiikibwaku amabara ikumi nabiri (12) aga batume eikumi na babiri aba mwaana wa ntaama.
\p
\v 15 Yeena eyabazire nanje yali no mwigo ogwa zaabu ogwa kupimisya ekibuga, n'emiryango zaakyo, n'emabega waakyo.
\v 16 Ne kibuga kyali kyenkanankana enjuyi zoona zoona, nobulai bwaakyo nga bwenkanankana n'obugazi bwaakyo, napima ekibuga n'omwigo, ekipimo kya mabanga mutwalo gumwei ne nkumi ibiri (12000), obulai nobugazi nobuguluumiiri bwakyo nga byenkanankana.
\v 17 Ate na pima emabega waakyo, emikono kikumi anai nainai (144), nga ekipimo kya muntu, nikyo nkakya malayika.
\p
\v 18 Nokwombokebwa kwa bbuggwe waakyo kwa Yasepi; nekibuga kya zaabu misan, nke ndabirwaamu ejisai.
\v 19 Emisingi za mabega wa kibuga zayonjeibwe na buli ibaale erya muwendo ogwingi. Omusingi ogusooka Yasepi, ogwa kabiri gwa safiro, ogwa kasatu gwa kalukedoni, ogwa kanai gwa nnawandagala,
\v 20 Ogwa kataanu gwa sadonukisi, ogwa mukaaga gwa sadiyo, ogwa musanju gwa kerusoliso, ogwa munaanai gwa berulo, ogwa mwendai gwa topazi, ogwa ikumi gwa kerusoperaso, ogwa ikumi no gumwe gwa kuwakinso no ogwe ikumi ne ibiri gwa mesusito
\v 21 N'emiryango eikumi ne ibiri, nga zakoleibwe mu luuku ikumi na ibiri, nga buli gumwe oku miryango gwali luulu emwe n'oluguudo olwa kibuga lwa zaabu egisai eyakayakana nka endabirwamu.
\p
\v 22 Tinabwoinemu yeekalu omu kyo, olwakubba omukama oKanca afuga omufuzi wa bintu byoona byoona, n'omwaana wa ntaama, niyo yeekalu yaakyo.
\v 23 Era ekibuga nga tikyatagisa isana gonze okweezi, oku kyaakira, olwakubba ekitiibwa kya Kanca kya kimulikirye, era nettaala yaakyo nga niye omwaana wa ntaama.
\v 24 N'amawanga gataambuuranga mwiisana ryakyo: na bakama ba nsi balireeta ekitinisya kyabwe omu kyo.
\v 25 Nemiryango gyakyo tizaigalwenge nankadooli emisana (era eyo ti wabengeyo bwiire)
\v 26 era balireeta ekitinisya neittendo ebyamawanga omu kyo.
\v 27 Ate temulingiramu nakadooli kintu kyoona kyoona ekitali kirongooki, wadde oyo akola ekya muzizo no bubeyegi, wabula abo bonkai abawandikiibwe omu kitabo ekya bwoomi ekya mwana wa ntaama.
\c 22
\cl Esuura 22
\p
\v 1 Awo omutumwa nananga omugera gwa maizi aga bwoomi, ogukupirikita nka endabirwamu, nga guzwa omu ntebe ya Kanca no mwana wa ntaama.
\v 2 Nka gakulula akati wa nzira ya kibuga era okubuli ludda lwa mugera kwaliku omusaale gwa bwoomi, nga buli gumwei gukubala ebibala ikumi na bibiri ebyengeri ezidi buli mwezi, nebikoola bya musaale nga bikuwonya amaanga.
\v 3 Omu kibuga ekyo ti walibaayo mukyeno enteba ya Kanca no mwana wa ntaama yabanga omwo, abairu bamwei bamuwerezanga.
\v 4 Era bamubonanga namaiso gamwei; era neibara lyamwei ryabanga mu byenyi byabwe.
\v 5 Ate tiwabengawo bwiire te, nka ti bakwendya kumulika kwa itaala nakasana kaisana, kubbanga omukama OKanca yabanga eisana lyamwe, era bafuganga emirembe ne mirembe.
\p
\v 6 Nakoba nti, ebigambo bini bya bwesigwa era bya mananu era omukama OKanca owa myoyo gya balangi, atumire ontumwa wamwei okulanga abaru bamwei ebikwiza okubawo amangu.
\v 7 Era, bona, nkwiiza mangu ago, awerebwe omukisa akwate ebigambo bya bantumwa obwa kitabo kinu.
\p
\v 8 Njeena OYokaana, ninje nawuliire ni mbona bini. Ninawuliire nimbona, ningwa ansi okumagulu ga bantumwa oyo niye yabindangire okumuramya.
\v 9 Nankoba nti, "Bona tokola otyo; ndi mwiiru nka we era owa mu baganda baamu abalangi; naabo abakwaata ebigambo ebya kitabo kini: ramya Kanca."
\v 10 Awo nankoba nti "Toteeka kamanyisyo ku bigambo bya bulangi obwa kitabo kinu, kubbanga obwiire buli ampi.
\v 11 Akusiisa abe nga akusiisa, era omugwagwa abe nga akyaali mugwagwa, era nomwikiriiri, abe nka akyakola ebya bwikiriiri, era no mwikiiri abe nga akyaali mwikiiri."
\p
\v 12 "Bona, nkwiiza mangu; nempeera yange eri nanje, okusasula buli muntu nka omulimu gwamwe niguli."
\v 13 Nje Alufa no Omega, akusooka era akusembayo, okwekeera nenkomerero.
\v 14 Baweweibwe omukisa abo abayozere ebizwalo byabwe, balyoke babe nobukama oku musale ogwa bwoomi, era balyoke baingire omu kibuga nga bakwakala omu miryango.
\v 15 Enzai eriyo embwene, nabalogo, nabenzi, nabaiti, na baramya ebiisani, buli akwendya nakola ebyabubeyegi.
\p
\v 16 "Nje OYesu ntumire ontumwa wange okubakoba nywe ebyo olwa iramyo. Nje ndi kikolo era omwizukulu wa Dawudi, akanyenyenzi akakwaaka emambya."
\p
\v 17 Era omwoyo nomugole basimoole nti "Iza." Yeena awuura abaze nti, "Iza." Nabuli alina enkalamata aize, akwendya atwale amaizi aga bwoomi bwereere.
\p
\v 18 Nkukoba buli muntu akuwuura ebigambo bya bunnabbi oburangi obwa kitabo kinu nti omuntu yeena yeena nasimoolangaku okwe ebyo, OKanca alyongeraku oku ye ebibonerezo ebiwandikiibwe omu kitabo kinu.
\v 19 Era omuntu yeena yeena natolangamu omu bigambo ebya kitabo ekya bulangi bunu, OKanca alimutoolaku omugabo gwamwe oku musaale gwa bwoomi, no mu kibuga ekikiiri, ebyawandikiibwe omu kitabo kinu.
\p
\v 20 Oyo akutegeeza bini asimoole nti, "Niwo awo: nkwiiza mangu." Amiina: Iza, omukama waswe OYesu.
\p
\v 21 Ekisa kya mukama waiswe OYesu kibenga nabaikiiri. Amiina.