lmv-x-levuka_reg/43-LUK.usfm

\id LUK
\ide UTF-8
\h Luke
\toc1 Luke
\toc2 Luke
\toc3 luk
\mt Luke
\c 1
\cl Wase 1
\p
\v 1 Ni ra sa lewe levu era sa boletakia me ra varaitakia nai tukutuku ni veika sa vadinatia deivaki sara vi ita,
\v 2 Me vaka na ka era sa tukunia vi ita, ko ira era sa raicia ena matadra ka sa qaravia na vosa, mai nai vatekivu;
\v 3 Sa vinaka voki lia vi au, niu a vatarotarogia matua sara na ka kece lia mai nai vatekivu, meu vivaduitakia ena vola vi ita, Ceofilo na turaga dina.
\v 4 Mo kila kinia na kena dina ni veika ko sa vatavulici kinia.
\p
\v 5 Ena gauna sa tui Jutia kinia ko Eroti, sa dua na bete ko Sakaraia na yacana, ena matabete i Epaia, a sa watina e dua vi ira na luvei Eroni, ko Ilisapeci na yacana.
\v 6 A rau sa dodonu sara lia ena mata ni Kalou, e rau sa muria kece sara lia na vunau ki nai varo ni Turaga, ka yali ni cala.
\v 7 Sa yali na luvedrau, yali ni rawa ni valuveni ko Ilisapeci, a rau sa qase ruarua sara lia.
\p
\v 8 A sa yaco, ni sa caka tiko lia na cakacaka vabete ena mata ni Kalou, ena vuku ni nodra matabete.
\v 9 Me vaka sara lia nai valavala ni cakacaka vabete, sa nona itavi voki lia me vakama na ka boi vinaka, ni sa curu sara lia ki na valenisoro ni Turaga.
\v 10 Ia ko ita na tamata era lewe levu, era sa tu lia e tuba ka masu ni sa kama tiko lia na ka boi vinaka.
\v 11 A sa rairai voki lia vi koya e dua na agilosi ni Turaga, sa tu lia ena yasana i matau ni cabocabo ni ka boi vinaka.
\v 12 Ia ni sa raicia ko Sakaraia, sa kidroa, a sa kani koya voki lia na rere.
\v 13 Sa tukunia vi koya na agilosi, kakua ni rere, Sakaraia, sa rogocia na Kalou na nomuni masu; ka na vakasucumia e dua na luvemunu tagane ko Ilisapeci na watimunu, ia ko na vayacania koya ko Joni.
\v 14 Ia ko na reki ka marau kinia, ena lewe levu voki lia era na reki ena vuku ni nona sucu.
\v 15 Ni na levu ko koya ena mata ni Turaga, ka na yali ni somi waini se yaqona; ena vakasinaiti voki lia ena Yalo Tabu, mai na kete i tinana.
\v 16 Ia ka lewe levu na luvei Isireli ena saumakia mai ko koya ki na Turaga na nodra Kalou.
\v 17 Ia ena liutakia na yaloi Ilaijia kei na kena kaukauwa, me saumakia na lomadra na qase vata kei ira na gone, vata kei ira voki lia era talaidredre kei na nodra vuku era yalododonu; me varautakia na tamata me ra qai nona voki lia na Turaga.
\p
\v 18 A sa tukunia voki lia vua na agilosi ko Sakaraia, A cava meu kila kinia na ka koya? Niu sa qase, a sa qase voki lia na watiqu.
\p
\v 19 A sa vosa lia na agilosi, ka tukunia kinia, koi au ko Keperueli, au sa dautu voki lia ena mata ni Kalou; ia kau sa talai voki lia mai meu vosa vi ikodou ka tukunia vi kodou nai tukutuku vinaka koya.
\v 20 Ka raicia, ko na galu lia, ko na yali ni vosa rawa, me yaco mada voki lia na siga ena vayacori kinia na veika koya, ni ko sa yali ni vadinadinatakia na noqu tukutuku, ko koya lia ena vayacoria lia ena kena gauna.
\p
\v 21 A ra sa waraki Sakaraia voki lia na tamata, a ra sa kidacala voki lia ni sa dede ko koya ena vale ni soro.
\v 22 Ia ni sa curu mai ko koya, sa yali ni tukutuku rawa vi ira: a ra sa qai kila kinia ni sa raicia ko koya e dua na raivotu ena valenisoro, ia sa vatabataba voki lia vi ira ko koya, ka sa galu tiko lia.
\p
\v 23 Ka ni sa oti lia na nona gauna ni cakacaka, sa qai sara voki yani ki nona vale.
\p
\v 24 A sa oti na visiga koya, sa qai kunekune voki lia na watina ko Ilisapeci, a sa vunitakia ko koya ka vula lima, ka tukunia.
\v 25 Sa cakacaka vakoya vi au na Turaga ena siga sa nakitia ko koya, meu dainia tani na ka kau sa rogorogo ca kinia vi ira na tamata.
\p
\v 26 Ia ena ka ono ni vula sa talai mai kinia na agilosi ko Keperueli mai vua na Kalou; ki na dua lia na koro mai Kalili, a yacana ko Nasareci.
\v 27 Vua e dua voki lia na goneyalewa sa vimusuki voki lia vua e dua na gone tagane na yacana ko Josefa, e na mataqali i Tevita, ia na yacana lia na goneyalewa koya ko Meri.
\v 28 A sa qai vi koya na agilosi, ka tukunia, sa loloma, ko iko sa daulomani! Sa tiko vi iko na Turaga, ko sa kalougata lia valevu vi ira na yalewa tani.
\v 29 Ia ko koya, sa kidroatakia nona vosa, a sa vananumia e lomana se vaevei nai valavala ni vikidavaki va koya.
\v 30 A sa tukunia voki lia vi koya na agilosi, kakua ni rere, Meri, ni ko sa raicia na loloma mai vua na Kalou.
\v 31 Ka raicia, ni ko na kunekunetakia ka vasucumia e dua na gone tagane; ia mo vayacani koya ko Jisu.
\v 32 Ena levu ko koya, ka na vatokai lia na luvei koya sa cecere sara, ia na Turaga na Kalou ena solia voki lia vi koya nai tikotiko vaturga ni tamana ko Tevita.
\v 33 Ia na lewa voki lia ko koya na mataqali i Jekope ka yali ni mudu; ena yali ni oti lia nona matanitu.
\p
\v 34 Sa qai tukunia voki lia vi koya na agilosi ko Meri, ena yaco vabeka lia evei na ka koya, niu se yali ni viyacovi vata ki na dua na tagane?
\v 35 A sa tukunia na agilosi vua, ena qai sobu mai vi iko na Yalo Tabu, ena varurugi iko voki lia na kaukauwa i koya sa cecere sara, ia ena sucu mai vi iko ka na vatokai kinia me ka tabu na luve ni Kalou.
\v 36 Ka raicia na dauvemu ko Ilisapeci, sa kunekunetakia e dua na gone tagane, ni sa matua, ia koya sa kenai ka ono lia ni nona vula, ko koya lia ka vatokai e yava.
\v 37 Ni sa yali ni mama vua na Kalou e dua na ka.
\p
\v 38 Sa qai tukunia voki lia ko Meri, raicia na vada ni Turaga; me yaco vakinia vi au na nomuni tukutuku. A sa qai tani na agilosi mai vi koya.
\p
\v 39 A sa qai ko Meri ena gauna koya, ka qai vatotolo sara lia yani ki colo, ki na dua voki lia na koro ni Jutia.
\v 40 A sa curu ki na vale i Sakaraia, a sa vikidavaki voki lia ki Ilisapeci.
\v 41 Ia ni sa rogocia ko Ilisapeci na tukutuku ni vikidavaki nei Meri, sa rika e ketena na gone, a sa vasinaiti voki lia ko Ilisapeci ena Yalo Tabu.
\v 42 A sa tabalakia i colo na domona, ko koya, ka tukunia, ko sa kalougata valevu vi ira na yalewa tani, sa kalougata na vua ni ketemunu.
\v 43 A sa vaevei na ka koya, ni sa qai mai vi au na tinana na noqu Turaga?
\v 44 Ka raicia, ni sa rorogo e daligaqu na vosa ni nomunu vikidavaki, sa rika ena reki na gone ena ketequ.
\v 45 A sa kalougata ko koya sa vadinatia; ni na vayacoria na ka sa tukunia vua mai vi koya na Turaga.
\p
\v 46 A sa tukunia voki lia ko Meri, sa vamalua voki lia na Turaga na yaloqu.
\q
\v 47 A sa reki voki lia na yaloqu vua na Kalou na noqui Vabula.
\q
\v 48 Ni sa lomania voki lia na nona vada ni sa dravudravua: ka raicia, mai na gauna koya ena tukunia nai tabatamata kece lia niu sa kalougata voki lia.
\q
\v 49 Ni sa caka na ka levu eso vi iko ko koya sa qaqa; ia sa dokai voki lia na yacana.
\q
\v 50 A sa tu voki lia na nona loloma vi ira sa rerevaki koya, ka yacovia nai tabatamata kece lia.
\q
\v 51 Sa kaukauwa voki lia na cakacaka ni ligana; sa dui vasesei ira voki lia na viavialevu ko koya ena vuku ni nanumia ni yalodra.
\q
\v 52 Sa vasivoi ira va voki lia kinia na kaukauwa mai na nodrai tikotiko, a sa vaceceretaki ira voki lia era tamata lalai.
\q
\v 53 Sa vamamautaki ira voki lia sa via kana ena ka vinaka; A sa vatalai ira voki lia ira era vutuniyau.
\q
\v 54 Sa vukei ira voki lia na nona tamata na Isireli, ni sa vananumia lia na nona loloma.
\v 55 (Me vaka lia na na nodra vosa vi ira na noda matua) vi Eparama vata ki na nona kawa voki lia ka yali ni mudu.
\p
\v 56 A sa tiko vata voki lia ko Meri ka vula tolu beka, a sa lesu voki lia ki nona vale.
\p
\v 57 A sa yacovia na siga i Ilisapeci me vasucu kinia, a sa vasucumia e dua na gonetagane.
\v 58 A ra sa rogocia ko ira era tiko voleka vua vata kei ira voki lia na dauvena, ni sa lomani koya valevu kinia na Turaga, a ra sa reki vata voki lia kei koya.
\v 59 Ia enai kawalu ni siga era sa qai mai kinia me ra cilivia na gone, a ra sa vayacani koya ko Sakaraia, me rau viyacani lia ki tamana.
\v 60 Ia sa qai tukunia o tinana, me kakua, me yacana lia ko Joni.
\v 61 A ra sa tukunia vi koya, sa yali dua na wekamu sa vayacani ena yaca koya.
\v 62 A ra sa vatabataba voki lia vi tamana, se cava e vinakatia ko koya me yacana.
\v 63 A sa kerea me yadi mai dua na papa ni volavola, a sa vola, “Me yacana lia ko Joni.” A ra sa kurabuitakia kece lia.
\v 64 A sa sereki voki lia kinia na gusuna ki na yamena, a sa vosa ko koya, ka varokorokotakia na Kalou.
\v 65 A ra sa rere kece lia o ira sa tiko vavolivolitia. A sa kai naki yani na vosa kece lia koya ki na colo taucoko vaka ki Jutia.
\v 66 A ra sa tugania e lomadra ko ira kece lia era rogocia, a ra sa tukunia voki lia. Ena vabekaevei nai valavala ni gone koya? A sa tiko vata lia kei koya na liga ni Turaga.
\v 67 A sa vasinaiti voki lia ena Yalo Tabu ko Sakaraia na tamana, a sa parofisai mai, ka tukunia,
\v 68 “Me varokorokotaki voki lia na Turaga na Kalou ni Isireli; ni sa qai mai me mai vabulai ira voki lia na nona tamata.
\q
\v 69 A sa vatuburia vi ita e dua na vivabulai sa vaka lia na kaukamea, ena mataqali i Tevita na nona tamata.
\q
\v 70 (Me vaka na ka sa tukunia ko koya ena gusudra lia na nona parofita tabu, mai nai vatekivu ki vuravura.
\q
\v 71 Na vivabulai voki lia mai na noda meca, mai na ligadra kece voki lia era sa cati ita.
\q
\v 72 Me vayacoria na yalololoma vi ira voki lia na noda qase, Me nanumia voki lia na nona viyalayalati tabu.
\q
\v 73 Na bubului sa bubului kinia ko koya vi Eparama na tamada.
\q
\v 74 Me solia vi ita, me da vabulai mai na ligadra lia na noda meca, ka qaravi koya voki lia ka yali ni rere.
\q
\v 75 Ena yalosavasava ki na cakacaka dodonu e matana, ena visiga kece lia ni noda bula.
\p
\v 76 Ia ko iko na gone, ko sa vatokai lia na parofita i koya sa cecere sara. Ni ko sa liu vua na Turaga me caramakia na nona sala.
\q
\v 77 Me vatakila vi ita na nona tamata na ka me ra bula kinia, ni sa bokocia na nodra ivalavala ca,
\v 78 Ena vuku lia ni nona loloma levu na noda Kalou, sa kida mai kinia vi ita na rarama mai colo.
\q
\v 79 Me vararamataki lia vi ira era sa tiko ena butobuto ki na yaloyalo ni mate. Ka me tuberia voki lia na yavada ki na sala ni vivinakati.
\p
\v 80 A sa tubu cake na gone, a sa yalomatua sara, a sa tiko voki lia e loma ni veikau me yacovia voki lia na nona siga me varaitaki koya kinia vi ira na Isireli.
\c 2
\cl Wase 2
\p
\v 1 E a vatulewatakia na Tui (Sisa) o Akusito ena gauna gona me vayacoria e dua na wili leweni vanua ena matanitu va-Roma.
\v 2 Nai matai ni wili lewenivanua gona a vayacori ena gauna e Kovana tiko kinia mai Siria o Kirinio.
\v 3 Era a dui qai voki na tamata kina nodra koro me ra volai kinia.
\v 4 A qai voki lia i colo o Josefa mai na koro o Nasareci e Kalili ki na koro o Pecileema e Jutia, na koro sara lia ni sucu ni Tevta na Tui, ka sa tubu mai vua
\v 5 sa volai voki lia ko Meri baletia ni sa musu vua me watina ka ni sa bukete tiko.
\v 6 Ia ni rau sa tiko kinia, sa yaco na siga ni vasucu.
\v 7 Sa vasucumia na nona ulumatua na gone tagane, viviraki vi koya nai sulu ni gone, ka mai dainia tu ena nodra tikinia na manumanu, ni sa yali na tiki ni bure me nodratou.
\p
\v 8 A so nai Vatawa ni sipi ena vanua gona, era a tiko ena vanua vi co, a ra vivuke me vatawa na sipi ena raiyavi.
\v 9 Ka raicia, sa dua na agilose ni Turaga, sa rairai vi ira, a sa cila lia vavolivoliti ira nai ukuuku ni Turaga, a ra sa rere valevu.
\v 10 A sa tukunia vi ira na agilose, Dou kakua ni rere: raicia au sa yadia mai vi ikonu e dua lia nai tukutuku vinaka, mo dou reki valevu ki ira voki lia na tamata kece lia.
\v 11 Ni sa sucu vi ikonu ena siga koya ena koro i Tevita nai vabula, ko koya lia na Karisito na Turaga.
\v 12 Ia koya lia koya na kenai vatakilakila vi ikonu: Dou na kunea lia na gone sa viviraki vua nai sulu ni gone, ka sa davo tiko lia ena nodra tikinia na manumanu.
\p
\v 13 A ra sa lewe levu voki lia na kai lomalagi a ra sa tiko vasauri vata kaya na Agilose, a ra sa vavinavinakatakia na Kalou ka cavutia,
\v 14 Sa nona lia na Kalou na varokoroko ena viyasana e colo sara! A sa vivinakati rawa kinia ko ira e vuravura: sa lomani lia ko ira na tamata.
\p
\v 15 Ia ni ra sa lesu voki na Agilose ki lomalagi, a ra sa vivosakitakia vakai ira na i Vatawa ni sipi, me datou qai ki Pecileema me raicia na ka sa qai yaco, ka a mai varaitakia na Turaga
\v 16 A ra sa qai lia yani vatotolo ka raici Meri ki Josefa, vata ki koya voki lia na gone, sa davo ena nodra tikinia na manumanu.
\v 17 Ia, ni ra sa raicia, era sa tukunia na vosa sa tukunia vi ita ena vuku ni gone koya.
\v 18 A ra sa kurabuitakia kece lia ni ra rogocia na veika sa cavutia vi ira nai Vatawa ni Sipi.
\v 19 A sa ciqomia lia na vosa kece koya ko Meri ka sa vananumia kinia e lomana
\v 20 Ia, ko ira nai Vatawa ni sipi era sa lesu voki, ka vavinavinakatakia ka doka na Kalou ena vuku kece lia ni ka era sa rogocia ka raicia, me vaka sa tukunia oti vi ira.
\p
\v 21 Ni sa oti lia e bogi walu, sa cilivi kinia na gone sa vatokai me yacana ko Jisu, me vaka lia ka vatoka na Agilose ni se bera kinia ni kunekunetaki.
\p
\v 22 Ia ni sa oti lia na visiga ni vasavasavataki i tinana me vaka nai vunau i Mosese, erau a yadi koya ki Jerusalemi, me vacabori kinia vua na Turaga
\v 23 (me vaka lia sa volai ena vunau ni turaga, a gone tagane kece lia sa ulumatua ena vatokai me tabu me nei Jiova)
\v 24 me rau vacaboria voki lia nai soro me vaka na ka sa tukunia nai vunau ni Turaga, Me rua na soqe ka rua voki lia na luve ni ruve.
\p
\v 25 Ka raicia, sa dua na tamata mai Jerusalemi, na yacana ko Simioni, a sa yalododonu ka daulotu na tamata koya, a sa warakia na nodra vacegu na Isireli, a sa tiko voki lia vi koya na Yalo Tabu.
\v 26 A sa vatakila oti vua na Yalo Tabu, ni na yali mada ni mate, ena raicia lia e liu na Karisito ni Turaga.
\v 27 Sa vavunia lia na Yalo Tabu na nona qai ki na valenisoro, ia, ni rau sa yadia mai na gone ko Jisu koi rau na nona qase, me vayacoria lia vua me vaka nai valavala ni Vunau,
\v 28 sa qai roqotia i colo ko koya, ka vavinavinakatakia lia na Kalou ka tukunia,
\v 29 Ikonu na Turaga, mo ni dainia na nomuni tamata me qai ena vacegu me vaka lia na nomuni vosa.
\q1
\v 30 Ni sa qai raicia na mataqu na vunibula mai vi ikonu.
\q1
\v 31 Io, o koya lia koya ko ni sa varautakia ena matadra na tamata kece lia;
\v 32 A rarama me vararamatakia na vimatanitu tani, Me nodrai ukuuku voki lia na nomuni tamata na Isireli.
\p
\v 33 A rau sa kurabuitakia ko Josefa vata kei Meri na tinana ena vuku ni veika sa tukunia ena vukudra.
\v 34 A sa vosavakalougatataki rau lia ko Simioni, a sa tukunia vi Meri na tinana, Raicia, ko koya koya sa viritoka me bale sobu kinia, se tucake kinia e lewe levu vi ira na Isireli, ka me vatakilakila ena vosavacacataki lia.
\v 35 Me varaitakia kinia na nanumia ni yalodra era lewe levu, ia ena laubasikatia lia na yalomu voki lia nai seleiwau.
\p
\v 36 A sa dua na parofita yalewa, ko Ana, a luvei Fanueli ena mataqali lia i Aseri (sa levu sara lia na nona yabaki, sa goneyalewa ni sa vawati, a rau sa bula vata ki na watina ka yabaki vitu:
\v 37 sa qai yada voki ni sa yabaki walusagavulukava) a sa yali ni qai tani e valenisoro, a sa daulotu, lolo ka masu voki lia ena siga ki na bogi.
\v 38 A sa qai mai ko koya ena tikini siga gona ka vavinavinakatakia voki lia na Turaga, a sa vosataki ira kece lia era tiko mai Jerusalemi ena warakia nai Vabula.
\p
\v 39 Ia, ni ratou sa caka oti kece lia na vunau ni Turaga, eratou sa lesu voki ki Kalili, ki na nodratou koro lia ko Nasareci.
\v 40 A sa tubu cake ka yalomatua lia mai na gone, sa sinai lia ena vuku, a sa tu vi koya na loloma ni Kalou.
\p
\v 41 A rau sa dau qai na nona qase ena viyabaki ki Jerusalemi ena kana vata ni qai sivia.
\v 42 Ia, ni sa yabaki tinikarua na nona yabaki, eratou sa qai ki Jerusalemi, me vaka lia na kenai valavala ni kana vata;
\v 43 Ia ni ratou sa vaotia lia na visiga, ka rau sa lesu voki, sa tiko lia ko Jisu mai Jerusalemi, a rau yali ni kila ko Josefa vata kei tinana.
\v 44 A rau sa nanumia sa tiko ko koya vi ira sa qai tu, a rau sa qai lia ena dua na siga ka bogi voki: a rau sa vaqarai koya vi ira na kai nodra, kei ira voki lia na nodrau vi kilai.
\v 45 Ia, ni rau sa yali ni raicia, erau sa lesu voki ki Jerusalemi, ka vaqarai koya voki.
\v 46 Sa oti lia e bogi tolu, erau sa qai raici koya ena vale ni soro, ni sa tiko lia ena kedra maliwa nai vavuvuli, ka rogoci ira tiko ka taro voki lia vi ira.
\v 47 A ra sa kurabuitakia ko ira kece era rogocia, ena nona vuku ki na vosa voki lia.
\v 48 Ia, ni rau sa raicia, erau sa kurabuitakia, a sa tukunia vua na tinana, Na luvequ, ko sai valavala va koya vi kirau ena vuku ni cava? Raicia, kirau vata kei tamamu sa vaqarai iko ka sa rarawa tiko.
\v 49 A sa tukunia vi rau ko koya, a cava drau sa vaqarai au kinia? A yali beka ni kila ni sa kilikili kei au meu tiko lia ena vale ni tamaqu?
\v 50 A rau sa yali ni kila nai balebale ni vosa sa tukunia vi rau ko koya.
\v 51 A sa qai sobu vata kirau ko koya ka yaco ki Nasareci, a sa talairawarawa lia vi rau: a sa maroroya lia ko tinana na vosa kece lia koya e lomana.
\p
\v 52 A sa tubu cake ko Jisu ena vuku ki na yagona voki lia, a sa vinakati koya valevu cake tiko lia na Kalou kei ira voki lia na tamata.
\c 3
\cl Wase 3
\p
\v 1 Ena i ka jinikalima ni yabaki sa Tui jiko kinia o Tiperiu Sisa ena gauna e viliutaki jiko kinia o Ponitio Pailato, ka turaga mai Kalili o Eroti, ka i liuliu ki na vanua o Tirakoniti o Filipi na tacina, ka i liuliu mai Apilini o Lisania;
\v 2 donumakia ni rau sa Bete Levu o Anasa ki Kaiafa, sa qai yaco na Vosa ni Kalou vi Joni na luvei Sakaraia e loma ni vanua.
\v 3 Sa qai o koya ki na vivanua kece lia ka ra jiko volekatia na Joriritani, ka vunautakia yani me ra papitaisotaki o ira era vivutuni me rawa ni bokoci na nodrai valavala ca.
\v 4 Me vaka ni sa volai tu ena i vola ni Aisea na parofita, “Na domona e dua sa kacikaci voli ina loma ni vanua, 'Nu caramakia na sala i Jiova, caka me dodonu na nona sala.
\q1
\v 5 Ena buluti me cecere cake na buca kece, ka na talaraki sobu na viulunivanua kece vata na videlana, ka na vadodonutakia na veika sa veve, ka na valogaloga vinakatakia na sala sukusukura,
\v 6 Era na raicia voki lia na tamata na nona vivabulai na Kalou.”
\p
\v 7 Sa qai vosa mai o Joni vi ira nai lala, ka ra qai yani me ra papitaisotaki vua, “Oi ikodou na kawa ni gata, o cei sa vasalataki ikodou mo dou tuba tani na cudru sa bera jiko mai.
\v 8 Nu varaitakia ni ko sa tamata vabulai dina, ena nomu cakacaka ka mo ni kakua ni tekivu mo ni vitukuniyakia vi ikonu, 'Ni sa tamamu o Eparama.' Niu sa tukunia vi ikodou ni sa rawarawa vua na Kalou me vukici ira na vivatu koya mera luvei Eparama
\v 9 Sa tu sara tu lia koya na matau ena vunikau, me tatalakia sobu kinia na kau kece ka yali ni vuatakia na vua vinaka, mera dai yani ki na bukawaqa.
\p
\v 10 Era sa qai tarogi koya na lewe levu, ka tukunia, “Se cava mera caka?”
\p
\v 11 Sa qai saumia ka tukunia vi ira o Jisu, “Kevaka e dua sa rua jiko na nona sote me solia vi koya e yali dua tu na nona sote, ki koya e tu vua na kakana me caka voki lia va gona.”
\p
\v 12 Era qai voki lia vua na daukumunia nai vacavacava mera papitaisotaki, ka tukunia vua, “Vavuvuli na cava me kimamu caka?”
\p
\v 13 Sa tukunia vi ira o koya, “Ni kakua ni kumunia vasivia nai lavo mai na kena ka dodonu mo dou kumunia.”
\p
\v 14 O ira voki lia na sotia era sa tarogi koya, “ka tukunia na cava me kimamu caka?” Sa qai tukunia ira o koya, “Ni kakua ni tauria vakaukauwa nai lavo mai vua e dua na tamata se beitaki koya vailasui. Ni kakua ni didivakia na ikonu i sau.”
\v 15 Sa tekivu me tubu cake na nodra vanuinui na tamata, sa tekivu voki lia mera vatarogia e lomadra de sa Karisito beka ko Joni se yali;
\v 16 Sa qai vosa mai o Joni ka tukunia vi ira, “Au sa papitaisotaki ikonu ena wai, ia, e dua ena muri au mai, e levu cake vikirau, ka yali rawa vi au serekia na wa ni nona i vava. Ena papitaisotaki ikodou ena Yalo Tabu ki na bukawaqa.
\v 17 Sa luku tu e ligana o koya na nona sivi ni sila me vasavasavatakia o koya na sila ina nona rara ni qaqi sila, ka binia vata mai na sila ki na nona lololo. Ka na qai visa na beteni sila ena buka sa yali ni boko rawa.”
\p
\v 18 Sa vivauqeti oti ko Joni ena nona vunautakia vi ira na tamata nai tukutuku vinaka.
\v 19 Ia ko Eroti nai liuliu o koya ka vunaucia ko Joni ena vukui Erotiasa na wati Filipi na tacina ena vuku ni veika ca kece lia a caka oti o koya.
\v 20 Sa qai kenai kuri ni ca a caka ena nona daini Joni i valenivivesu.
\v 21 Ni ra sa papitaisotaki oti na tamata, sa qai papitaisotaki voki lia ko Jisu, ia ni sa masu tiko ko koya sa tawase rua na lomalagi.
\v 22 Ka sa qai sobu mai vua na Yalo Tabu me vaka na ruve, ka sa rogo mai e dua na domo mai lomalagi, ka tukunia mai, “Sai iko na noqu Gone ni toko.”
\v 23 A tekivutakia na nona cakacaka ni vavuvuli o Jisu ni se qai yabaki tolusagavulu, ka tukunia, ni o koya e luvei Josefa na luvei Ili,
\v 24 ko koya na luvei Macati, ko koya na luvei Livai, ko koya na luvei Meliki, ko koya na luvei Jani, ko koya na luvei Josefa,
\v 25 ko koya na luvei Matacei, ko koya na luvei Emosi, ko koya na luvei Neumi, ko koya na luvei Esili, ko koya na luvei Nake,
\v 26 ko koya na luvei Maaci, ko koya na luvei Mataceia, ko koya na luvei Semei, ko koya na luvei Josefa, ko koya na luvei Juta
\v 27 ko koya na luvei Joanani, ko koya na luvei Risa, ko koya na luvei Serupepeli, ko koya na luvei Salacieli, ko koya na luvei Niri,
\v 28 ko koya na luvei Meliki, ko koya na luvei Ati, ko koya na luvei Kosami, ko koya na luvei Eliotama, na luvei Eri,
\v 29 ko koya na luvei Josua, ko koya na luvei Iliesa, ko koya na luvei Jorima, ko koya na luvei Macati, ko koya na luvei Livai
\v 30 ko koya na luvei Simione, ko koya na luvei Juta, ko koya na luvei Josefa, ko koya na luvei Jonani, ko koya na luvei Elaiakimi,
\v 31 ko koya na luvei Melea, ko koya na luvei Menani, ko koya na luvei Mataca, ko koya na luvei Necani, ko koya na luvei Tevita,
\v 32 ko koya na luvei Jese, ko koya na luvei Opeti, ko koya na luvei Poasa, ko koya na luvei Salomini, ko koya na luvei Nasoni
\v 33 ko koya na luvei Amenatave, ko koya na luvei Atamini, ko koya na luvei Erami, ko koya na luvei Eseroma, ko koya na luvei Veresi, ko koya na luvei Juta,
\v 34 ko koya na luvei Jekope, ko koya luvei Aisake, ko koya na luvei Eparama, ko koya na luvei Tera, ko koya na luvei Neori,
\v 35 ko koya na luvei Seruki, ko koya na luvei Rekau, ko koya na luvei Peleki, ko koya na luvei Eperi, ko koya na luvei Sela,
\v 36 ko koya na luvei Keinana, ko koya na luvei Arivakisati, ko koya na luvei Semi, ko koya na luvei Noa, ko koya na luvei Lemeki,
\v 37 ko koya na luvei Mecuisela, ko koya na luvei Inoki, ko koya na luvei Jereti, ko koya na luvei Maleli, ko koya na luvei Kenana,
\v 38 ko koya na luvei Inosi, ko koya na luvei Seci, ko koya na Atama, ko koya na luvei ni Kalou.
\c 4
\cl Wase 4
\p
\v 1 A sa vasinaiti ko Jisu ena Yalo Tabu, ni sa lesu voki mai na uci wai ko Joritani mai yadi koya sara ki na loma ni vikau.
\v 2 Sa temaki koya na tevoro na loma ni vasagavulu na siga, ka sa yali lia ni kania e dua na ka ena loma ni visiga koya, ni oti gona sa qai viakana.
\v 3 Sa qai tukunia vua na tevoro, kevaka ko sa luve ni Kalou, Mo varotia na vatu koya me vuki me madrai.
\p
\v 4 A saumia vua ko Jisu, Ni sa volai. A yali ni bula na tamata ena madrai dua loa lia, sa bula lia ena vosa kece lia ni Kalou.
\p
\v 5 A sa yadi Jisu ki colo, ka varaitakia vua na vimatanitu kece lia i vuravura ena dua vata lia na gauna.
\v 6 A sa tukunia vua na tevoro, “Au na solia vi iko na vimatanitu kece lia vata ki na i ukuuku voki lia ni sa soli vi au ka rawa me'u solia vi koya au sa vinakatia me soli vua.
\v 7 Ia kevaka ko na cuva ka qaravi au ena qai nomu kece lia.
\p
\v 8 Ia sa qai vosa ko Jisu ka tukunia vua, ni sa volai “Mo qaravi Jiova na nomu Kalou ka qaravi koya dua loa lia.
\p
\v 9 A sa liutaki Jisu na tevoro i Jerusalemi ka daini koya ki na viyasana cecere ni vale ni soro, ia ni sa qai tukunia vua, kevaka ko sa luve ni Kalou “Mo rika sobu gona.
\v 10 Ni sa volai, ni na solia nai varo vi ira na Agilosi ena vukumu me maroroi iko.
\v 11 Ia, era sa laveti iko ena ligadra me kakua ni tavutu na yavamu ki na vatu.
\p
\v 12 Sa saumia ko Jisu, ka tukunia, Mo kakua ni vatovolei Jiova na nomu Kalou.
\p
\v 13 Na gauna sa vatovolei Jisu oti kinia na tevoro, sa qai tani vua ka me yacovia voki na gauna.
\p
\v 14 Ia, ko Jisu sa qai voli e Kalili ena kaukauwa ni Yalo Tabu sa rogovaki nai tukutuku baleti koya sa robotia na viyasana kece lia.
\v 15 Ia, sa qai vatekivu me vatavuvuli ena nodra vivalenilotu, ka sa dokai kece lia.
\p
\v 16 Sa qai mai ki Nasereci i na vanua e susu kinia na kena i tovo, ka curumia na valenilotu ena siga ni Vacecegu ka tucake me wili vola.
\v 17 A soli vua na i vola vivigi nei Aisea na Parofita, ka dolavia ka raicia na tikinia sa volai kinia.
\q1
\v 18 “Sa tu vi au na Yalo i Jiova, ni sa lumuti au meu vunautakia nai tukutuku vinaka vi ira na dravudravua. Sa talai au mai meu vunautakia na visereki vi ira na bobula kei na rai rawa vi ira na mataboko ka meu na vagalalataki ira na dau raici sobu.
\q1
\v 19 Meu vunautakia na yabaki vinaka i Jiova.”
\p
\v 20 Ia, sa vivigia voki nai vola vivigi ka solia voki vua nai vatawa, ka mani dabe sobu.
\v 21 Sa qai tekivu me vosa vi ira, ni sa qai vataucokotaki na i Vola Tabu mo dou rogocia e daligamudou.
\p
\v 22 Era sa qai cavutia na vosa vinaka me baleti koya ka ra kurabuitakia na vivosa vinaka sa cavutia mai na gusuna, ia era sa tarogia “Sa yali li ni luvei Josefa ko koya gona?”
\p
\v 23 Sa qai tukunia vi ira ko koya, “Io, o ni na cavutia kinia vi au nai vosavosa koya, Vuniwai, mo vabulai iko mada.
\v 24 Sa tukunia voki lia ko koya, Au sa tukunia vaidina vi ikodou, sa yali ni dua na parofita sa vinakati ena nona vanua
\v 25 Ia na ka dina meu tukunia vi ikodou, sa lewe levu na yada i Isireli na gauna i Ilaija, sa tasogo na lomalagi me tolu na yabaki ka vula ono. A sa yaco na dausiga levu sa robotia na vanua taucoko.
\v 26 Ia ko Ilaija ka yali ni qai vei ira ka talai lia vua e dua na dawai mai Serepita ena yasayasa va Saitoni.
\v 27 A ra sa lewe levu na tauvi vukavuka i Isireli ena gauna i Ilaisa na Parofita, ia e yali ni dua vi ira e vabulai me vataki Neumaia lia na kai Siria
\v 28 O ira kece na tamata ka tiko ena loma ni valenilotu era sa cudru valevu ni ra sa raicia na veika kece ko ya.
\v 29 Sa ra qai tucake, biliraki koya tani kina i bili ni koro, sa ra yadi koya kina ulunivanua sa tara kinia na koro mera biligi koya sobu kinia bara-ni-savu.
\v 30 Ia sa curu yani ena kedra maliwa, ka qai tani yani.
\p
\v 31 A sa qai sobu ki Kapanaumi, a koro levu mai Kalili, a sa tekivu vatavuvuli ena siga ni vacecegu.
\v 32 Era kurabui e nona i vavuvuli baletia ni sa vosa e na nona kaukauwa lia.
\v 33 Ena gauna vata gona, sa tiko voli ena loma ni valenilotu e dua na tamata ka curumi tevoro, ka sa qoqolou ena domoilevu,
\v 34 ka tukunia, Ulei! A cava vi ita, i Jisu na kai Nasareci? Ko sa qai beka mai me rawai kitou? Au sa kilai iko, na nona Le Dua Yalosavasava na Kalou.
\p
\v 35 A sa vunauci koya ko Jisu, ka tukunia, Mo galu lia, ka qai tani mai vua. Ia ni sa bitabitalaki koya mada na tevoro ena kedra maliwa, sa qai tani mai vua, a sa yali ni vamavoatakia.
\p
\v 36 A ra sa kurabui kece lia, ka vivosaki vakai ira, ka tukunia, A cava beka na vosa ko ya! Ni sa vosa vaturaga ka vamana ko koya vi ira na yalo velavela, a ra sa qai tani sara.
\v 37 A sa kuruvaki yani na kenai rogorogo ki na viyasana kece lia ni vanua sa vavolivolitia.
\p
\v 38 A sa qai tani mai valenilotu ko koya, ka curu ki na vale i Saimoni. A sa tauvi koya na tina ni wati i Saimoni e dua na katakata levu; a ra sa masuti koya ena vukuna.
\v 39 A sa tu ena tikinia ko koya, ka vunaucia na katakata: a sa takali vua; a sa tucake sara ko koya, ka qaravi iratou.
\p
\v 40 Ni sa dromu sobu tiko na siga, era sa qai yani vi Jisu na tamata ka yadi ira yani na dui wekadra ka tauvi ira tu na vimataqali mate eso; a sa tabaki ira yadudua ena ligana o koya ka vabulai ira kece sara.
\v 41 Era sa qai tani voki lia na tevoro mai vi ira e lewe levu, era sa qoqolou ka tukunia, “Sa ikonu na Karisito na Luve ni Kalou!” A sa qai varoti ira na tevoro o Jisu, ka yali ni vatara me ra vosa, baletia ni ra sa kila ni sai koya na Mesaia.
\p
\v 42 Ia ni sa kida na savulaci, sa qai ko koya ki na dua na vanua lala. Era sa qai vaqarai koya ko ira na tamata, ka ra mani yaco sara vua, ka via tarovi koya me kakua ni daini ira.
\v 43 Ia sa mani tukunia vi ira o koya, “E dodonu me'u vunautakia voki lia na i tukutuku vinaka ni matanitu ni Kalou ena vikoro voki eso, ni sai koya ko ya na i naki ni noqu talai mai.”
\v 44 A sa vunau voli o koya ena vivalenilotu e Jutia.
\c 5
\cl Wase 5
\p
\v 1 Ena dua na gauna ni sa tucake sara tu lia o Jisu ena yasa ni drano ko Kenisareti, era visugusugu yani na tamata mera rogocia na Vosa ni Kalou.
\v 2 A sa raicia e rua na waqa, sa vesu tu ena yasa ni drano, ia eratou yali ni tu kinia na kena i taukei.
\v 3 A sa vodokia e dua na waqa a nei Saimoni, a sa tukunia, me tosoi yani valailai ki wai. A sa tiko sobu o koya i waqa, ka vavulici ira na lelevu era muri koya voli.
\v 4 Ia ni sa vaotia na nona vosa, sa tukunia vi Saimoni, “Toso yani ki wai titobu, ka dou viritakia sobu na nomudou lawa me rawa ni levu na ika e rawa mai kinia.
\p
\v 5 A sa saumia ka tukunia ko Saimoni, “Vavuvuli kitou a qoli tiko ena bogi taucoko ka yali ni rawa e dua na ka, ia na vuku lia ni nomuni vosa kitou sa na balatia voki na lawa.”
\v 6 Ia na gauna eratou sa caka oti kinia na ka ka tukunia viratou o Jisu, sa levu sara na ika eratou sa rawa mai, ka voleka voki ni bote na nodratou lawa.
\v 7 Eratou sa kacivi iratou na nodratou i tokani eratou jiko ena waqa ka dua, me ratou mai vivuke vi iratou. Eratou sa qai mai ka vatawana na waqa ruarua ka voleka ni dromu.
\v 8 Ia ni sa raicia ko Saimoni Pita, sa cuva sobu ki na yava i Jisu, ka tukunia, munu qai tani vi au na Turaga, niu sa tamata i valavala ca.
\v 9 Ia ni sa kurabui o koya kei ira kece ka ra tu vata kaya ena vuku ni levu ni ika sa qai rawa.
\v 10 Sa vakinia o Jemesa vata kei Joni, na luvei Sepete, ka rau i tokani kei Saimoni. A sa tukunia o Jisu vi Saimoni, “Mo kakua ni rere, baletia me tekivu ni kua ka qai yani o na dau qolivi ira na tamata.
\v 11 Ia ni ratou sa yadia ruarua na waqa ki vanua, eratou sa daini sara tu na kece, ka muri koya.
\p
\v 12 Ia ni sa tiko ena dua na koro ko koya, sa tiko kinia e dua na tamata sa roboti koya na vukavuka. Ia ni sa raici Jisu, a sa cuva vatoboicu ka vamasuti koya, ka tukunia, “Turaga, kevaka sa rawa mo ni vasavasavataki au.”
\p
\v 13 A sa dodo yani na ligana ka tarai koya, ka tukunia, “Au sa vinakatia sara lia mo savasava mai.” A sa vabulai sara mai na nona vukavuka.
\v 14 A sa varotia vua me kakua ni tukunia vua e dua, ia, mo qai lia ka varaitaki iko vua na bete ka caboria na nomu i soro mo vasavasavatakia kinia, me vaka na vosa nei Mosese me vadinadina vi ira.
\v 15 Ia, na kena i rogorogo sa rogovaki vayawa sara, a sa lewe levu sara era sa soqoni vata mai mera mai rogoci koya, ka ra vabulai voki lia mai nai vauni mate.
\v 16 A sa qai sara yani o koya ki na vanua lala ka masu
\v 17 Ia ni sa vatatavuvuli tiko ko koya ena dua na siga, ka ra sa tu voleka vakinia eso na Farisi vata ki na Vunivola ni lawa, o ira koya era qai mai na koro ko Kalili vaka voki lia kinia mai Jiutia mai Jerusalemi. A sa tu vua na kaukauwa ni Turaga me vabulai ira.
\v 18 Ia na gauna koya sa ra colati koya tiko ena i mocemoce e dua na tamata tauvi paralasi, ka vaqara e dua na sala me ratou curumaki koya kinia i loma ni vale ka ratou daini koya ena mata i Jisu.
\v 19 Eratou sa mani kabatakia cake e dela ni vale ka vatukutukutakia sobu ki na mata i Jisu, ena kedra maliwa na tamata.
\v 20 Ni sa raicia o Jisu na nodratou vabautia, sa qai tukunia vua, “Sa bokoci na nomu i valavala.”
\p
\v 21 A ra sa tekivu vaqaqa i lomadra o ira na vunivola vata kei ira na Farisi, ka ra tukunia, “O cei koya sa mai vosa vacacatakia na Kalou, e yali voki ni dua e rawa ni bokocia rawa na Kalou dua loa lia?”
\p
\v 22 Ia ni sa qai kila o Jisu na nodra vanananu, sa saumia ka tukunia vi ira, “Na cava dou sa vaqaqa tiko kinia e lomamudou na ka koya.
\v 23 Na cava e rawarawa cake, me tukuni, 'Sa bokoci na nomu i valavala ca' se me tukuni, Tucake ka qai'?
\v 24 Me rawa ni dou kila kinia ni sa tu na kaukauwa vua na Luve ni Tamata e vuravura me bokocia na i valavala ca,” -sa qai tukunia vua tamata tauvi paralasi-“Au sa tukunia vi iko, mo tucake, tauria na nomui mocemoce ka qai i nomu vale.”
\v 25 A sa tucake sara o koya e matadra, ka tauria cake na nomu i mocemoce o davo tu kinia. Ia, sa qai sara yani kina nona vale, vacecerea na Kalou.
\p
\v 26 Era sa kidacala kece lia, ka varokorokotakia na Kalou; ka sa yacovi ira voki lia na rere, ka ra sa tukunia, “Sa vivakurabuitaki dina na veika eda sa raicia ni kua.”
\p
\v 27 Ni sa oti na ka kece koya, sa toso sara o Jisu ka sota vata kei na dua na dau kumunia nai vacavacava na yacana o Livai. A dabe toka o koya ena vanua ni kumuni vacavacava, ka sa tukunia o Jisu, “Muri mai.”
\v 28 Sa qai dainia tu na ka kece sara lia ka muri koya.
\p
\v 29 Sa qai varautakia e dua na magiti levu o Livai ena nona vale me baleti Jisu. Ka ra sa lewe levu na dau kumunia nai vacavacava era sa tiko kinia ki na so voki lia na tamata me ra dabe ena teveli me ra kana.
\v 30 Ia era sa qai vosa kudrukudru ko ira na Farisi kei ira voki lia na vunivola vi iratou na tisaipeli, ka tukunia, “A cava eratou sa kana ka gunu vata kinia kei ira na dau kumunia nai vacavacava kei ira na tamata i valavala ca.”
\p
\v 31 Sa qai saumia o Jisu, “O ira na tamata bula vinaka sa yali ni yaga vi ira na vuniwai; vi ira lia na tauvimate.
\v 32 Au sa yali ni qai mai meu kacivi ira na i valavala dodonu, ia ko ira lia nai valavala ca mera vivutuni.”
\p
\v 33 Era sa tukunia vua, “O ira na tisaipeli nei Joni era sa dau lolo ka masu, kei ira na nodra tisaipeli na Farisi era caka vakakinia. Ia, o iratou na nomu tisaipeli era sa kana ka somi.”
\p
\v 34 Sa tukunia o Jisu, “E rawa beka me ra lolo na weka ni tagane vou ena gauna e tiko kinia vata kei ira na tagane vou?
\v 35 Ia ena yaco mai na siga ena yadi tani kinia mai vi ira na tagane vou, gona sara lia na gauna ira na qai lolo kinia.”
\p
\v 36 Ia sa qai tukunia voki lia vi ira e dua na vosa vatautauvata, E yali ni dua na tamata me cula vata na tiki ni sulu vou ki na tiki ni sulu madra baletia ena qai dresukia na tiki ni sulu vou, na tiki ni sulu madra.
\v 37 Ena yali voki lia na tamata me talocia na waini vou kina tavaya kulini manumanu madra, de na qai vacabotetakia na tavaya na waini vou ka ka tasova yani, ni sa ca voki lia na tavaya.
\v 38 Ia e vinaka lia me talocia na waini vou ki na tavaya vou, baletia me maroroi vinaka kinia.
\p
\v 39 Sa yali ni dua na tamata me somia oti na waini makawa me qai vinakatia na waini vou. A sa tukunia o koya, sa vinaka na waini makawa.”
\c 6
\cl Wase 6
\p
\v 1 Ia ena dua na siga ni vacecegu, sa tu o koya e loma ni viwere ni sila; sa ra dolokia na visola ni sila na tisaipeli, sa ra qilirakia e ligadra ka ra kania.
\v 2 Eso vi ira na farisi sa ra tukunia vi ira, a cava dou sa caka e na siga ni vacecegu.
\p
\v 3 Sa qai vosa ko Jisu ka tukunia vi ira, dou sa yali beka ni wilikia na ka koya, na ka caka o Tevita ni sa via kana o koya ki ira sa tu vata.
\v 4 Ni sa curu o koya i na vale ni Kalou, sa tauria cake na madrai dauraici, ka wasea voki lia vi ira era tiko; ko gona sa yali ni tauria mera kania na tani ka tauria dua loa lia vi ira na bete.
\v 5 Sa tukunia vi ira o koya, sa Turaga voki lia ni siga ni vacecegu na luve ni tamata.
\p
\v 6 Ia sa dua voki na siga ni vacecegu, sa curu o koya i valenilotu ka vatavuvuli: ni sa tiko voki lia kinia e dua na tamata sa malai na ligana i matau.
\v 7 Sa ra raici ko ira na Farisi ke sa caka na vivabulai ena siga ni vacecegu se yali, me ra vadinadinataki na ka era beitaki koya kinia.
\v 8 Ni sa kila na nodra vakasama ko koya, sa tukunia sara vua na tamata sa malai na ligana, mo duri mai ka tu ena kedra maliwa. Sa qai duri tu e na kedra maliwa.
\v 9 Sa qai tukunia vi ira ko Jisu, au na tarogi ikonu e dua na ka: sa rawa beka ni caka na ka vinaka na siga ni vacecegu, se ka ca? Me caka kinia na vivabulai, se vivamatei.
\v 10 Sa qai rai wavokiti ira kece lia o Koya, sa qai vosa vua na tamata me dodokia mai na ligana, sa caka vakinia: A sa vabulai na ligana, sa va voki lia kinia na ligana kadua.
\v 11 Sa qai kuri lia ni nodra cudru: Era sa qai vivosakitakia vakai ira, se cava mada mera caka vi Jisu.
\p
\v 12 Ena siga gona, sa qai, ko koya i na ulunivanua me masu, ni sa masu tiko vua na Kalou ena bogi ka lai siga mai.
\v 13 Ia ni sa siga mai, sa kacivi ira na nona tisaipeli, sa qai digitakia e lewe tinikarua ka vatokai ira mei apositolo.
\v 14 O Saimoni ko koya sa vayacania voki lia ko koya me Pita vata kei Adriu na tacina, o Jemesa vata kei Joni, o Filipi vata kei Pacolomiu.
\v 15 O Maciu vata kei Tomasi, o Jemesa na luvei Alifio vata kei Saimoni sa vatokai na gumatua.
\v 16 O Jutasa na taci Jemesa vata kei Jiutasa Isikarioti, o koya ka soli koya yani.
\p
\v 17 A sa qai sobu vata kei ira o koya, ni sa tu e na buca, ni sa lewe levu sara na nona tisaipeli, vata na tamata ka ra sa levu sara mai Jutia taucoko ki Jeruisalemi, kei na baravi kei Taia vata kei Saitoni, ni sa ra qai mai me rogoci koya, ka me ra vabulai voki lia mai na nodra mate.
\v 18 Kei ira voki lia sa vacacani mai na yalo velavela eso; ni sa ra vabulai.
\v 19 Ni ra sa saga kece lia o ira na tamata me ra tarai koya: ni sa vu mai vua na kaukauwa mana, ni sa qai ra vabulai kece lia.
\v 20 Sa qai soqoni ira na nona tisaipeli ka tukunia, dou sa kalougata na dravudravua; ni sa nomudou na matanitu ni Kalou.
\v 21 Dou sa qai kalougata o ikodou sa via kana ni kua: ni dou na vamamautaki. Dou sa kalougata, koi ikodou sa tagi ni kua, ni dou na dredre.
\p
\v 22 Dou sa kalougata ni ra sa cati ikodou ko ira na tamata, ni ra sa vatabui ikodou, ka vasesewani ikodou, ka varogocatakia na yacamudou, ena vuku lia ni luve ni tamata.
\v 23 Dou maraua ena siga gona, ka rika ena marau: raicia, sa levu na kenai sau vi ikodou mai lomalagi: era sa caka vakinia ko ira nodra matua vi ira na parofita.
\p
\v 24 Ia dou na ca, koi ikodou sa vutuniyau! Ni dou sa qai rawatia lia na nomudou vacegu.
\v 25 Dou na ca, koi ikodou sa mamau! Ni dou na viakana. Dou na ca, koi ikodou sa dredre ni kua! Ni dou na rarawa ka tagi.
\v 26 Dou na ca, ni sa vavinavinakatakia ikodou o ira kece lia na tamata! Ni ra sa caka voki lia kinia o ira na matua qase vi ira na parofita vailasu.
\p
\v 27 Ni'u sa tukunia vi ikodou sa rogocia, lomani ira nomudou meca, ka caka vinaka vi ira sa cati ikodou.
\v 28 Me vinaka na nomudou vosa vi ira ka rulaki ikodou, ka qai masulaki ira sa valialia ikodou.
\v 29 Kevaka e dua sa sa sabicia na balumu e dua, solia voki vua na balumu ka dua: ka mo kua sara ni bureitakia na nomui curucuru vi koya sa yadia tani nomu kote.
\v 30 Ia mo solia vi ira kece lia ka mai kerekere vi iko; ka mo kakua sara ni tarogia voki na nomu yau vi koya sa yadia tani.
\v 31 Ia me vaka dou sa vinakatia mera caka vi ikodou na tamata, dou caka voki lia kinia vi ira.
\p
\v 32 Ia kevaka dou lomani ira sa lomani ikodou. O cei me vavinavinaka vi ikodou? Ia o ira na tamata i valavala ca era sa lomani ira sa loloma vi ira.
\v 33 Ke dou sa caka vinaka vi ira lia sa caka vinaka vi ikodou, o cei me vavinavinaka vi ikodou? Ni sa cakacaka va kinia o ira sa tamatai valavala ca.
\v 34 Ia kevaka dou sa solia me tara mada lia vi ira ni dou sa vanuinui rawatia voki lia mai kinia, o cei me vavinavinaka vi ikodou? Ni sa solia voki lia ko ira na tamata ca vi ira voki na tamata ca, me ra rawatia voki lia na ka tautauvata.
\v 35 Ia mo dou lomani ira na nomudou meca, ka caka vinaka, ka soli-me-tauri ni dou sa yali nakitia me rawatia voki e dua na ka; ena levu kina na kenai sau vi ikodou, ia dou na luve i Koya sa cecere sara: ni sa lomasoli ko koya vi ira era sa yali vavinavinaka ka valavala ca.
\v 36 O koya mo dou qai yalololoma, me vaka sa yalololoma na Tamamudou.
\p
\v 37 Ia dou kakua ni daulelewa, dou na qai yali lewa: Dou kakua ni vi beitakia ni dou na qai yali beitaki: Dou kakua ni cudruvia na tamata, ni dou na qai yali cudruvi.
\v 38 Mo dou solia, ka na qai soli vi ikodou; nai varau vinaka, ka tabakia sobu, ka qai kureitakia vata, ka vuable, era sa solia na tamata i na lomaseremudou. Ia nai varau dou sa varautakia, ena qai varautaki voki vi ikodou.
\p
\v 39 Ni sa tarogi ira ko koya e na dua na vosa vatautauvata: E rawa beka vua na mataboko me tuberia voki e dua na mataboko? Ni rau na yali beka ni lutu ruarua i nai keli?
\v 40 Sa yali ni dua na tisaipeli me uasivi vua na nona vavuvuli: ia o koya yadua ka sa yaco me vinaka sara, e rau na qai tautauvata ki na nona vavuvuli
\v 41 Ia ka vaevei ni ko sa raicia na malamala ena matai wekamu, ka ko sa guilecavia na kau sa tu e matamu?
\v 42 Se ko na tukunia vacava vua na wekamu, i na wekaqu, dainia meu leutia tani mada na malamala sa tu e matamu, ia o sa yali raicia na kau sa tu e matamu. O na qai raicia vinaka ka leutia na malamala sa tu ena matai wekamu.
\p
\v 43 Ni sa yali dua na kau vinaka me vuataki na kau ca; se na kau ca me vuatakia na vua vinaka.
\v 44 Ni sa kilai na kau kece lia ena vuana. Sa yali ni veti na lolo mai na wa-vavotona, se veti na vua-ni-vaini mai na wa-gadrogadro.
\v 45 A tamata vinaka sa yadia mai na ka vinaka mai na lololo vinaka ni lomana: ki na tamata ca sa yadia mai na ka ca mai na lololo ca ni lomana. Ni sa vosatakia na gusuda na ka sa oso valevu kinia na lomada.
\p
\v 46 Ia ka vaevei ni dou sa kacivi au, “Turaga, Turaga,” ka yali ni caka na ka au sa tukunia?
\v 47 O koya yadua sa qai mai vi au, ka rogocia na noqu vosa, ka muria, au na vatakila vi ikodou na tamata e rau sa tautauvata kaya.
\v 48 E rau sa tautauvata ki na tamata sa tara e dua na nona vale, ni sa kelia va titobu, ka tauyavutakia ena dela ni vatu: ia ni sa yaco na waluvu, sa coka vakaukauwa na vale gona na dobui, a sa yali ni yavalati rawa: ni sa tauyavutaki ena dela ni vatu.
\v 49 Ia ko koya sa rogocia ka yali caka na ka au tukunia, sa tautauvata na tamata sa tara e dua na vale e na dela ni soso, ka yali ni dua na kena yavu; a sa coka vakaukauwa na dobui, a sa lutu sara kinia; ia na ka levu na kena rusa na vale gona.
\c 7
\cl Wase 7
\p
\v 1 Ia ni sa vaojia na nona vosa kece lia o Jisu ni ra sa varorogo jiko e lelevu, sa qai curu ki Kapenaumi.
\v 2 Sa dua na turaganivalu sa tauvimate e dua na nona tamata cakacaka ka dau lomania, ia ka sa voleka sara ni mate.
\v 3 Na gauna e rogocia kinia nai tukutuku ki Jisu na turaganivalu, sa tala sara ko koya e dua na matua ni Jutia, me vamasuti koya me mai vabula lia na nona tamata.
\v 4 Na gauna lia ira yaco vi Jisu, ira sa vamasuti koya valevu, a tukunia sara ni yaga o koya, mo ni caka kinia na ka koya.
\v 5 Ni sa lomania na nona matanitu, a sa tara o koya na nimamu valenilotu.
\p
\v 6 Sa mani qai vata kei ira ko Jisu. Ia ni voleka i vale ko koya, sa tala eso na wekana na turaganivalu, mera tukunia vua, Ikonu na Turaga, ni kakua ni vaceguocataki ikonu, niu sa yali yaga mo ni curu ki na noqu vale.
\v 7 Au sa yali voki lia ni nanumia au, niu yaga meu qai vi iko: Ia mo ni tukunia lia na vosa ena bula kinia na noqu tamata.
\v 8 Niu sa turaga lailai oi au, au sa lewa na sotia au sa tukunia vua, Mo qai yani, a sa qai yani; vi koya e dua tani, Mo qai mai, a sa qai mai, vi koya na noqu tamata, mo caka koya, a sa caka
\v 9 Ia ni sa rogocia na ka kece lia o Jisu, sa kurabuitaki koya; sa vuki vi ira na lewe levu sa muri koya. A tukunia, Au sa tukunia vi ikodou, Au sa yali raicia vi ira na Isireli e dua na vabautia vakoya.
\v 10 Ia ni sa lesu voki i vale, o ira sa talai, ira sa raicia na tamata a tauvimate ni qai bulabula vinaka
\v 11 Ena raiyavi, sa qai o koya ki na dua na koro na yacana o Neini, a ra sa levu na nona tisaipeli ira sa qai vata kei ira voki lia na lewe levu.
\v 12 Ia ni sa toro voleka ki na matamata ni koro, raicia sa dua sa colati ki nai bili, a luvei tinana e dua bau lia, a sa yada o koya, a ra sa lewe levu na lewe ni koro era qai vata kaya.
\v 13 Ia ni raici koya na turaga, sa lomania, a tukunia vua, Kakua ni tagi.
\v 14 A sa qai ko koya ka tara na vatavata, a ra sa tu vadua o ira na cola, A sa tukunia ko koya, Ko iko na cauravou, au sa tukunia vi iko, Tucake.
\v 15 A sa duri cake na mate ka vatekivu me vosa. A sa solia ko koya vi tinana
\v 16 A ra sa rere ko ira kece lia a ra sa varokorokotakia na Kalou, a tukunia, Sa qai tubu cake vi ita e dua na parofita levu; a sa qai mai na Kalou kivei ira na nona tamata.
\v 17 Ia na kena i rogorogo sa kuruseti Jutia kece lia ki na yasana kece lia sa wavolitia.
\p
\v 18 A sa vatakila vi Joni na ka kece lia ko ya ko ira na nona tisaipeli.
\v 19 A sa kacivi rau na lewe rua na nona tisapeli, o Joni, ka talai rau vi Jisu me tukunia, Oi ikonu beka o koya e qai mai, se da warakia e duatani voki?
\p
\v 20 Ia ni rau sa yaco vua, e rau sa tukunia, sa talai kirau mai vi ikonu o Joni na dau vipapitaisotaki me tukunia, Oi ikonu beka o koya a qai mai se da warakia voki e duatani?
\p
\v 21 Ia ena tiki ni siga koya era sa lewe levu sa vabulai o koya mai na mate kei na rarawa, ka mai vi ira na yalo ca; a ra sa lewe levu sa mataboko sa lewa o koya mera rai rawa.
\v 22 Sa qai vosa ko Jisu ka tukunia vi rau, Drau qai, ka tukunia vi Joni na veika drau sa raicia ka rogocia, ni ra sa rai na mataboko, na vukavuka, sa roro na didivara, sa vaturi cake voki na mate, sa vunautakia nai tukutuku vinaka vi ira na dravudravu.
\v 23 A sa kalougata ko koya ena yali ni tacaqe ena vukuqu.
\p
\v 24 Ia ni rau sa qai voki ko irau ka tala o Joni, sa tukunia o koya vi ra na lelevu ena vuku i Joni. A cava dou a qai via ki veikau mo dou raicia? Na gasau lia sa yavala ena cagi.
\v 25 Ia ka cava mo dou a qaivia mo dou raicia na tamata sa vaisulu vaiukuuku, ka dau kana vinaka era sa tiko ena vivale vaturaga.
\v 26 Ia ka cava mo dou a qai via mo dou raicia? A parofita? Io au sa tukunia vi ikodou, e dua sa uasivia na parofita.
\v 27 Sa i koya ka volai vaka ko ya: Raicia, au sa tala yani na noqui talatala me liutaki iko. Ena caramakia ko koya na nomu sala e matamu.
\p
\v 28 Niu sa tukunia vi ikodou, vi ira sa sucu mai na yalewa sa yali na parofita sa uasivi cake vi Joni na daunivipapitaisotaki: ia o koya sa lailai sara ena matanitu ni Kalou sa uasivi vi koya.
\p
\v 29 Ia ko ira kece lia na tamata ena rogocia, kei ira na daukumunia na i vacavacava, era sa vadinadina vua na Kalou, ka ni ra sa papitaisotakia ena papitaiso ni Joni.
\v 30 Ia o ira na Farisi vata kei ira voki lia na vu-ni-vunau, era sa catia na ka sa nakitia na Kalou ena vukudra, a ra sa yali ni papitaisotaki vua.
\p
\v 31 A sa tukunia na Turaga, A cava meu vatautauvatataki ira kinia na tamata ena i taba tamata koya? Se ra tautauvata beka kei na cava?
\v 32 Era sa tautauvata kei ira na gone ira sa tiko ena rara ni vivoli, ka vikaciyakia, ka tukunia, dou a yali ni meke: kitou a tagi vi kodou, ka dou a yali ni tagi yaso.
\v 33 Sa qai mai ko Joni na daunivipapitaisotaki, ka yali ni daukana madrai, dausomi waini, ia dou sa tukunia. Sa tiko vua e dua na tevoro.
\v 34 Sa qai mai na luve ni tamata, a sa kana ka somi, ia dou sa tukunia, Raicia, a tamata dau kana ka dau somi waini, a nodra itau era kumunia nai vacavacava kei na tamata i valavala ca.
\v 35 Ia sa vadonuya na vuku ko ira kece lia na luvena.
\p
\v 36 A sa kerei koya e dua na Farisi me kana vata kei koya. A sa curu kina vale ni Farisi o koya ka tiko sobu me kana.
\v 37 Ka raicia sa dua na yalewa ena koro, o koya sa yalewa i valavala ca, ni sa kila sa tiko o koya ena vale ni Farisi me kana, sa yadi tani mai e dua na tavaya alapasita sa tawa ena i lumu.
\v 38 A sa tu mai dakuna i yavana, a tagi, a sa quarakia ena drau ni uluna, a sa regucia na yavana ka lumutia ena i lumu.
\v 39 Ia ni sa raicia na Farisi a sureti koya, sa nanumia lia i lomana, a vaka, Kevaka sa parofita o koya koya, sa kila na yalewa ke sa tarai koya, kei na nona i valavala voki lia; ni sa yalewa i valavala ca.
\p
\v 40 A sa vosa o Jisu ka tukunia vua, I Saimoni, sa dua na ka au sa via tarogia vi iko. A sa tukunia o koya, vavuvuli, mo tukunia lia mai.
\v 41 Sa dua na turaga, sa lewe rua na tamata erau sa dinau vua, e dua, sa lima na drau na pene na nona dinau, e dua voki sa limasagavulu.
\v 42 Ia ni sa yali na nodratou ka me rau saumia kinia, sa serekia loa lia vi rau ruarua. Mo tukunia mada mai se ko cei vi rau ena lomani koya valevu.
\p
\v 43 Sa saumia ko Saimoni ka tukunia, “Au sa vakasama, o koya sa levu cake na ka sa serekia vua. A sa tukunia vua ko koya, “Ko sa lewa vadododnu.”
\v 44 A sa vuki vaka vua na yalewa o koya, ka tukunia vi Saimoni. Ko sa raicia na yalewa koya? Au sa curu ki na nomu vale ka yali na wai ko solia me vui kinia na yavaqu: ia sa vuya na yavaqu ko koya ena wai ni matana, a sa quwarakia ena drau ni uluna.
\v 45 Ko sa yali ni reguci au; ia ko koya gona sa yali ni cegu ni regucia na yavaqu niu tiko gona.
\v 46 Ko sa yali ni lumutia na uluqu ena waiwai; ia ko koya gona sa lumutia na yavaqu ena i lumu.
\v 47 Ko koya koya kau sa tukunia kinia vi iko, A nona i valavala ca sa levu sa boko sara lia, a sa loloma valevu kinia ko koya, ia ko koya sa lailai lia na nona ka sa bokocia sa loloma valailai
\v 48 Sa qai tukunia vua na yalewa o koya, Sa bokoci na nomu i valavala ca.
\p
\v 49 Ia o ira era sa tiko vata kaya me kana era sa tukunia vakai ira, O cei koya sa bokocia voki lia nai valavala ca.
\p
\v 50 A sa tukunia o koya vua na yalewa, Sa vabulai iko na nomu vabauta, mo qai ena vacegu.
\c 8
\cl Wase 8
\p
\v 1 Sa oti sa qai voki e muri o koya ena vikoro kece lia ki na vi koro lalai kece lia, ka vunau ka tukunia na i tukutuku vinaka ni matanitu ni Kalou kei ira vata kaya na lewe tinikarua,
\v 2 kei na yalewa eso, sa vabulai oti mai na yaloca eso ka curumi ira ki na malumalumu, ko Meri sa vatokai na yalewa ni Makitala, sa qai tani oti vua e vitu na tevoro,
\v 3 kei Joana na wati Kusa na matanivanua nei Eroti vata kei Susana, ka lewe levu voki era sa qaravi koya e na nodra i yau.
\p
\v 4 Ia ni sa lewe levu sara era soqoni vata, sa qai mai vi koya mai na vi koro, sa vosatakia na vosa vatautauvata;
\v 5 Sa dua na dau teitei sa kaburakia na nona sore ni sila; ia ni sa kaburakia tiko, sa lutu eso ena tutu ni sala, sa butubutukia sobu, a ra sa mai kania na manumanu vuka.
\v 6 A sa lutu eso ki na vatu; sa tubu cake, qai raqosa sara, ni sa yali ni suasua.
\v 7 A sa lutu eso ena loma ni vi wa-vavotona; a sa tubu cake kaya na vi wa-vavotona, ka varugutia.
\v 8 A sa lutu eso ena vanua vinaka, a sa tubu cake ka vuatakia e drau na vuana. Ni sa vosatakia oti ko koya na veika koya, sa kacivakia, Ko koya sa va daligana me rogocia me mani rogocia sara.
\p
\v 9 A sa vatarogi koya ko ira na nona tisaipeli ka tukunia, A cava beka nai balebale ni vosa va tautauvata koya?
\v 10 A sa tukunia o koya, sa soli vi ikodou mo dou kila na veika vuni ni matanitu ni Kalou; ia sa nodra na tani na vosa va tautauvata lia; me ra raicia, ka yali ni raicia, ka raicia ka yali ni kila.
\p
\v 11 Ia na vosa vatautauvata sa vaka koya, na sila, na vosa ni Kalou.
\v 12 Ia ko ira ka vaka na tutu ni sala, ko ira sa rogocia; sa qai mai na tevoro, sa yadia tani na vosa mai na yalodra, de ra vadinatia ka bula kinia.
\v 13 Ia ko ira sa vaka na vatu, sa ira sa rogocia, ka vabautia na vosa ena reki; ia sa yali na wakadra, a ra sa vadinatia vadede valailai lia, ia ni sa yaco na gauna ni dau veretaki, era sa bale voki.
\v 14 Ia o koya sa lutu i na vi wa-vavotona, sa ira sa rogoca, era sa qai yani, era varuguti ena loma ocaoca vata ki nai yau vata ki na marau ni na bula koya, ki na vuadra sa yali kinia na matua dina
\v 15 Ia ko koya ena vanua vinaka sa vakai ira sa yalodina ka vinaka, a ra sa rogocia na vosa, ka tauria dei ka vavuana tiko lia.
\p
\v 16 Sa yali na tamata sa tutuvakia na cina, ka qai ubia ena ruku se dainia e ruku ni mocemoce; a sa dainia lia ena kena i tutu, me ra raicia na kena rarama ko ira sa curu mai.
\v 17 Ni sa yali e dua na ka sa vuni, me yali ni varairaitakia; se tabogo, me yali ni kilai se vavotui mai.
\v 18 Koya mo dou qarauni ikodou, ena nomudou rogocia ni sa dua na ka sa tu vua e dua na tamata, ena qai soli vua; ia na tamata sa yali ni tu vua e dua na ka ena qai yadi tani mai vua na ka sa nanumia sa tu vua
\v 19 Sa qai mai vua na tinana kei iratou na tacina, eratou sa yali ni toro rawa mai vua ena vukudra na lewe levu.
\v 20 A sa tukunia ko iratou eso, ka tukunia, sa tu e tuba na tinamu vata kei ratou na tacimu, eratou sa via raici iko.
\p
\v 21 A sa vosa ko koya ka tukunia vi ira, A tinaqu kei na taciqu ko ira koya, a ra sa rogocia na vosa ni Kalou ka caka.
\p
\v 22 Ia sa dua na siga koya, sa vodokia ko koya e dua na waqa vata kei ira voki lia na nona tisepeli; a sa tukunia vi ira ko koya, tou qai ki tai kadua ni drano. A ra sa qai yani.
\v 23 Ia ni ra soko, sa moce ko koya; sa qai sobu mai na cava ena drano; era sa luvu tiko ka voleka ni mate.
\p
\v 24 A ra sa qai mai ka vayadrati koya, ka tukunia, ikonu na turaga, ikonu na turaga, edatou sa na mate. Sa qai tucake ko koya, ka vunaucia na cagi kei na wai cudrucudru; ka rau sa cegu kinia, a sa maravu sara.
\p
\v 25 A sa tukunia vi ira ko koya, sai vi na nomudou vabautia? A ra sa rere ka kurabui ka vitukuniyakia vaka ira, Ko cei beka koya; sa varotia na cagi kei na wai, a rau talairawarawa vua?
\p
\v 26 A ra sa yaco na nodra vanua na kai Katara, sa donui Kalili.
\v 27 Ia ni sa sobu ki vanua ko koya, sa sota vata e dua na tamata mai nakoro, sa tiko va dede vua eso na tevoro, sa dau yali ni vaisulu, se tiko i vale, i nai bulubulu lia.
\p
\v 28 Ia ni sa raici Jisu, sa kaikaila cake, ka cuva sobu vua, ka tukunia e na domo i levu, a cava vi kidaru, I Jisu na luve ni Kalou cecere sara? Au sa vamasuti ikonu mo kakua ni vararawataki au.
\v 29 Ni sa tukunia oti ko koya vua na tamata yalo velavela me qai tani vua na tamata; ni sa tauvi koya valevu; a sa vesu tiko ko koya ena sinucodo kei na i vesu me tauri kinia; a sa musulakia na i vesu, sa tovoci koya na tevoro ki veikau.
\p
\v 30 A sa tarogi koya ko Jisu, ka tukunia, Ko cei na yacamu, A sa tukunia ko koya; ko Vavakoso; ni ra sa lewe levu na tevoro sa curumia taudua,
\v 31 a ra sa vamasuti koya me kakua ni tukunia vi ira me ra qai yani ki bulu.
\v 32 Sa dua na qele ni vuaka ena ulunivanua ka ra sa masuti koya me daini ira me ra curumi ira. A sa daini ira ko koya.
\v 33 A ra sa qai tani mai vua na tamata na tevoro, a ra sa curumi ira na vuaka, a ra sa cicivia sobu kece sara lia na baba na qele ni vuaka ki na drano ka ra luvu kinia.
\p
\v 34 Ia ko ira sa vakania, ni ra sa raicia na ka sa yaco, era sa tuba, ka qai tukunia ena koro kei na viyasana ki vanua.
\v 35 A ra sa qai yani me ra raicia na ka sa caka, a ra sa yaco vi Jisu, ka raicia na tamata, sa qai tani vua ko ira na tevoro, ni sa tiko e na yava i Jisu, ka sa vaisulutaki, ka yalomatua; a ra sa rere.
\v 36 Ko ira voki lia era raicia, era sa tukunia vi ira na ka sa bula kinia ko koya ka curumia lia ko ira na tevoro.
\v 37 Sa ra qai masuti koya o ira kece lia na lewe ni yasana o Katara me qai tani vi ira: ni sa kani ira na rere levu: a sa vodokia na waqa ko koya ka lesu voki yani.
\v 38 Na tamata ka qai tani vua na tevoro sa masuti koya me dani koya me rau tiko vata kaya:
\v 39 mo lesu voki ki na nomu vale, ka tukunia na kena levu ni veika sa caka vi iko na Kalou. A sa qai ko koya, ka tukunia ki na koro koya na kena levu ni veika sa caka vua o Jisu.
\p
\v 40 Ia ni sa lesu voki ko Jisu, era sa vacegui koya ko ira na tamata: ni ra sa waraki koya ko ira kece lia.
\v 41 Ka raicia sa dua na tamata ko Jairo na yacana, e dua na turaga ni valenilotu, sa qai mai ka cuva sobu ki na yavai Jisu, ka vamasutia me qai ki na nona vale,
\v 42 ni sa dua loa lia na luvena yalewa, e tinikarua na nona yabaki, a sa voleka ni mate. Ia ni sa qai ko koya era sa drigiti koya na lewe levu.
\v 43 Ka dua na yalewa sa turivi dra balavu ka yabaki tinikarua, sa vaotia vi ira na vuniwai na ka kece lia sa tu vua me bula kinia, a sa yali ni bula vua e dua.
\v 44 Sa qai mai dakuna, tara na nona tutu ni sulu: sa mudu vasauri kinia nai davedave ni nona dra.
\v 45 Sa tukunia ko Jisu ko cei sa tarai au? Ia ni ra sa qai tukunia kece lia, ni ra sa yali ni kila, sa tukunia o Pita kei ira sa tiko vata kei iratou ikonu na Turaga, sa vaososoi ikonu na lewe levu era sa vidrigidrigiti, ia ko ni sa tarogia, o cei sa tarai au?
\p
\v 46 A sa tukunia ko Jisu sa dua sa tarai au: niu sa kila sa qai tani vi au na kaukauwa.
\v 47 Ia ni sa kila na yalewa sa yali ni vuni, sa qai mai ka sautaninini, ka cuva sobu vua, ka tukunia e matadra kece lia na lewe levu na ka sa tarai koya kinia, ki na nona bula vasauri kinia.
\v 48 A sa tukunia vua ko koya, na luvequ yalewa, mo vacegu: sa vabulai iko na nomu vabautai: mo qai ena vacegu.
\p
\v 49 Ni sa vosa tiko ko koya, sa qai mai e dua mai na vale ni turaga ni valenilotu, ka tukunia, sa mate na luvemu yalewa: kakua ni vaocatakia na i vavuvuli.
\p
\v 50 Ia ni sa rogocia ko Jisu, sa vosa vua, ka tukunia, kakua ni yalolailai: vadinatia lia ena qai vabulai lia o koya
\v 51 Ia ni sa curu i vale o koya, sa yali ni vatara e dua me curu kinia, ko iratou lia o Pita vata kei Jemesa vata kei Joni vata ki na tama ni goneyalewa vata kei na tinana.
\v 52 A ra sa tagi kece lia, ka tagicakia: a sa tukunia o koya, kakua ni tagi; sa yali ni ciba ko koya, sa moce lia.
\v 53 A ra sa dredrevaki koya ni ra sa kila sa ciba ko koya.
\v 54 Sa tovoci ira kece lia i tuba, tara na ligana, ka kaci, ka tukunia, ko iko na gone duri cake.
\v 55 A sa lesu voki mai na yalona, a sa duri cake sara: a sa tukunia me soli vua e dua na kena.
\v 56 A rau sa kurabui sara na nona matua: a sa varotia vi rau ko koya me rau kakua ni tukunia vua e dua na ka sa caka.
\c 9
\cl Wase 9
\p
\v 1 Sa qai kacivi ira mai na nona Tisaipeli e lewe Tinikarua me ra soqoni vata, A sa solia vi ira na lewa ki na kaukauwa vi ira kece lia na Tevoro, me ra vabula voki lia na mate.
\v 2 Ia sa talai ira ko koya me ra vunau takia na vosa ni Kalou, ka vabulai ira na tauvi mate.
\v 3 A sa tukunia vi ira ko koya, kakua ni yadia e dua na ka ena nomudou i qaiqai, me kua nai titoko, se na taga ni vaqa, se na madrai, se nai lavo se me yarua na nomudou kote.
\v 4 Ia na vale kece lia dou curu kinia, Dou tiko lia kinia ka cavu tu yani mai kinia.
\v 5 Ia ko ira kece lia era yali ni vacegui ikodou, ni dou sa qai tani ena koro koya, kureitakia sara na kuvu ni soso mai na yavamudou, mei vatakilakila vi ira.
\v 6 A ra sa qai yani, ka qai kina vikoro lalai, ka vunautakia nai tukutuku vinaka, ka caka na vivabulai ena viyasana kece lia.
\p
\v 7 A sa rogocia ko Eroti na Turaga na ka kece lia sa caka, A sa kidroa kinia, ni sa tukunia eso, sa tucake voki mai na mate ko Joni.
\v 8 Sa rairai mai ko Ilaijia, ka so voki, sa tucake voki e dua vi ira na Parofita e liu.
\v 9 A sa tukunia ko Eroti, “Au sa tamusukia oti na ului Joni, ko cei beka koya kau sa rogocia kinia na veika ko ya?” A sa via raici koya ko koya.
\p
\v 10 Ia ko ira na Apositolo, ni ra sa lesu voki mai, era sa tukunia vua na ka kece lia era sa caka. A sa yadi ira ko koya, ka qai vatikitiki ki na yasana ko Pecisaita.
\v 11 Ia ko ira na lewe levu, ni ra kila, era sa muri koya. A sa vacegui ira o koya, a sa vosatakia vi ira na ka ni matanitu ni Kalou, a sa vabulai ira era sa yali ni bula vinaka.
\p
\v 12 Ia ni sa kala na siga, sa qai mai ko ira na lewe tinikarua, ka tukunia vua, vatalai ira tani na lewe levu me ra qai kinia vi koro lalai kei na viyasana sa vavolivoliti ita, me ra moce, ka qara na kedra, ni da sa tiko koya ena vanua vagalala.
\p
\v 13 A sa tukunia vi ira ko koya, dou solia vi ira me ra kana, sa yali na ka vi kitou, e lima lia nai buli madrai kei na rua na ika, ka vavo kevaka me kitou qai voli kakana me kedra kece lia na lewe levu ko ya.
\p
\v 14 Ni ra sa lewe lima beka na udolu na tagane, ka sa tukunia vi ira na nona tisaipeli o koya, dou raici ira me ra dabe sobu me rautia ni tauya limasagavulu ena vi wasewase yadua.
\v 15 A ra sa caka vakinia, ka ra vatikori ira sobu kece lia.
\v 16 Sa qai tauria o koya nai buli madrai e lima kei na ika e rua, a sa tacake ki lomalagi, ka lotutakia, ka dovia, ka solia vi ira na tisapeli me ra taucia vi ira na lewe levu.
\v 17 A ra sa kana, ka sa mamau kece lia. A sa tomitomikia vata na vo ni kedra, a sa tinikarua nai su.
\p
\v 18 A sa tiko dua loa lia ko Jisu, ka masu, ka tiko vata kaya kei ira na tisaipeli. A sa tarogi ira o koya, ka tukunia, era sa tukunia ko ira na tamata se ko cei koi au.
\p
\v 19 A ratou sa saumia, ka tukunia, ko Joni na dauvipapitaisotaki, ia ka so era tukunia ni ko Ilaijia, ia ka so voki era tukunia ni sa tucake voki mai na mate e dua vi ira na Parofita e liu.
\p
\v 20 Sa qai tukunia vi ira o koya, “Ia na cava dou sa tukunia ikodou se ko cei koi au? Sa vosa ko Pita, ka tukunia, NA MESAIA NI KALOU.
\p
\v 21 Sa vadretia ka varotia me ra kua ni tukunia na ka koya vua e dua.
\v 22 Ka sa tukunia, Sa kilikili kaya na luve ni tamata me vosotia na ka e levu, me ra daini koya voki lia ko ira na qase kei ira na Bete Levu, kei ira na vunivola, ka me vamatei o koya ka vaturi cake voki enai ka tolu ni siga.
\p
\v 23 A sa tukunia vi ira kece lia, kevaka e dua sa via muri au, me kakua ni muria na lomana, ia me colatia lia na nona kauveilatai e visiga, ka muri au.
\v 24 Ia o koya yadua sa via maroroya na nona bula, ena vayalia, ia o koya ena vayalia na nona bula ena vukuqu ena maroroya.
\v 25 Ia ka cava na kena yaga vua na tamata, kevaka e rawati vuravura kece, ka vayali na nona bula?
\v 26 Ia ko koya yadua ena maduataki au vata kei na noqu vosa, ena maduataki koya na luve ni tamata, ni sa qai mai ena nona i ukuuku vata kei nai ukuuku nei tamana vata kei na nodra ukuuku na Agilose yalo savasava.
\v 27 Ia kau sa tukunia vaidina vi ikodou, sa tu lia koya eso ena via yali mada ni mate, era na raicia e liu na matanitu ni Kalou.
\p
\v 28 Sa oti na vosa koya ka bogi walu beka, sa qai yadi Pita vata kei Joni vata kei Jemesa o koya, ka qai colo ki na uluni vanua me masu.
\v 29 Ia ni sa masu tiko o koya, sa matalia na matana a sa vulavula ka lumilumisa na nona i sulu.
\v 30 Ka raicia, e lewe rua na tamata sa vivosaki vata kei rau ko Mosese vata kei Ilaija.
\v 31 E rau sa rairai mai ena i ukuuku, ka rau vosatakia na nona ciba ena vayacoria ko koya mai Jerusalemi.
\v 32 A sa biti Pita vata kei rau ka tiko kaya na via moce, ia ni ratou sa yadra sara, eratou sa raicia nai ukuuku, kirau na tamata eratou sa tu vata kaya.
\v 33 Ia ni rau sa qai tani tiko vua, sa tukunia vi Jisu ko Pita, “Ikonu na Turaga sa vinaka na nodatou tiko koya voki lia koya. Ia me kitou tara e tolu na vale vaka cevaceva, e dua me nomuni, ka dua me nei Mosese ka dua me nei Ilaija.” (Sa yali ni kila na ka sa tukunia.)
\v 34 Ni sa vosa tiko va koya, sa dua na ko sa qai mai, ka varurugi iratou, ka ratou sa rere ni ratou sa curu ki na o.
\p
\v 35 A sa rogo e dua na vosa mai na o, ka tukunia, oqo na luvequ, na noqu gone ni toko, dou rogoci koya.
\v 36 Ia ni sa oti na vosa, sa kune dua loa lia ko Jisu. A ratou sa vunia lia, ka yali ni tukunia vua e dua ena gauna koya e dua na ka eratou raicia.
\p
\v 37 Ia ena savulaci, ni ratou sa qai sobu mai na ulunivanua, era lewe levu sara sa vitavaki kaya.
\v 38 Ka raicia, sa dua vi ira na lewe levu sa kaci cake, ka tukunia, Vavuvuli au masuti ikonu, mo ni mai raicia na luvequ tagane, ni sa luvequ e dua loa lia.
\v 39 Ka raicia, sa dua na yalo sa tauri koya a sa qoqolou vasauri kinia: a sa bitabita laki koya, ka sa qai vuso na gusuna, a sa vamavoatakia ka dredre ni qai tani vua.
\v 40 Kau a masuti ira na tisaipeli me ra tovoci koya tani, ia era sa yali ni rawatia.
\p
\v 41 A sa vosa ko Jisu ka tukunia, Ai tabatamata sa yali vabautia ka yalo vatani, a cava na kena dede meu tiko ki ikodou, ka vosotia voli ki ikodou? Yadia mai gona na luvemu.
\v 42 Ia ni sa qai tiko mai o koya, sa vabalea na Tevoro, ka bitabitalaka. A sa vunaucia na yalo velavela ko Jisu, a sa vabula na gone ka solia voki vi tamana.
\v 43 A ra sa kurabui kece lia ena kaukauwa ni Kalou, ia ni ra sa kurabui kece lia ena vuku ni ka kece lia sa caka ko Jisu, sa tukunia vi ira na nona tisaipeli o koya.
\v 44 Me kasa sara ki daligamudou na vosa koya. Ni sa soli yani na luve ni tamata ki na ligadra na tamata.
\v 45 Ia era sa yali ni kila na vosa koya, sa vuni vi ira, ka ra sa guilecavia, ka ra sa rere ni tarogi koya ena vosa ko ya.
\p
\v 46 Sa qai tubu vi ira na vileti, se ko cei vi ira sa uasivi cake.
\v 47 Ia ni sa raicia ko Jisu na nanumia ni yalodra, sa yadia e dua na gone lailai, ka vatura e tikinia.
\v 48 A sa tukunia vi ira, o koya yadua sa vinakatia na gone lailai koya ena vuku ni yacaqu sa vinakati au, sa vinakati koya sa talai au mai. Ni sa uasivi cake o koya sa lailai sara vi ikodou kece lia.
\p
\v 49 Sa qai vosa ko Joni, ka tukunia, ikonu na Turaga, kitou sa raicia e dua sa vatala tani na tevoro eso ena yacamuni, ka kitou sa tarovia ni sa yali ni muri ita.
\p
\v 50 A sa tukunia vua ko Jisu, kakua ni tarovi koya, baletia ni ko koya sa yali visaqasaqa ki ikodou sa noda i to.
\p
\v 51 Ia ni sa yaco dina na gauna me yadi cake kinia o koya, sa vaqara matua na matana me qai ki Jerusalemi.
\v 52 A sa tala eso na tamata me ra liu e matana, a ra sa qai ka curu kina dua na koro lailai na kai Samaria, me ra varautakia na kena.
\v 53 Ia era sa yali ni ciqomi koya, baletia ena vuku ni nona sa vanamata tiko lia me qai ki Jerusalemi.
\v 54 Ia ni sa raicia koi rau na nona tisaipeli ko Jemesa vata ki Joni erau sa tukunia, na Turaga, ko ni sa vinakatia me kirau tukunia me lutu sobu mai lomalagi na bukawaqa me vakamai ira.
\v 55 A sa vuki o koya, ka vunauci rau, ka tukunia, kodrau sa yali ni kila nai valavala ni yalomudrau.
\v 56 Ni sa yali ni qai mai na luve ni tamata me vamatei ira na tamata, me vabulai ira lia. A ra sa qai ki na dua voki na koro lailai.
\p
\v 57 Ia ni ra sa qai tu ena sala, sa dua e tukunia vi koya, Ikonu na turaga, au na muri ikonu ki na viyasana kece lia ko ni na qai kinia.
\p
\v 58 Sa qai tukunia vua ko Jisu, sa vaqara na fokisi, ka sa vairoro na manumanu vuka, ia na luve ni tamata sa yali na tikinia me vadavoria kinia na uluna.
\v 59 A sa tukunia o koya vua e dua voki, muri au, a sa tukunia o koya, Ikonu na Turaga, daini au meu qai mada ka buluti tamaqu.
\p
\v 60 A sa tukunia vua ko Jisu, dainia na mate me ra bulutia na nodra mate, ia ko iko mo qai vunautakia na matanitu ni Kalou.
\p
\v 61 A sa tukunia e dua voki, ikonu na turaga, au na muri ikonu, ia mo nu daini au lia meu qai mada meu vitatau vi ira mai nitou.
\p
\v 62 A sa tukunia vua ko Jisu, e yali ni dua na tamata sa tauria nai siviyara ka qai rai ki muri, me yaga ena matanitu ni Kalou.
\c 10
\cl Wase 10
\p
\v 1 Sa qai oti na veika koya, sa qai lesia na Turaga e vitusagavulu voki, ka talai ira me ra qai yayarua ka liu vua kinia vikoro kece lia ki na vitikina sa via qai kinia ko koya.
\v 2 A sa tukunia vi ira sa matua tu na were ka sa levu na me tamusukia, ia sa lewe lailai lia ko ira me ra mai tamusukia. O koya mo dou qai masuti koya nai taukei me tala voki mai eso me ra mai vivuke ena tatamusuki.
\v 3 Dou qai, raicia au sa talai ikodou yani me vaka na sipi ena kedra maliwa na wolifa.
\v 4 Kakua ni yadia na taga i lavo se na taga kakana se nai vava, ka kakua ni valusi gauna ena veikidavaki e gaunisala.
\v 5 Dou vosa vakalougatatakia na vivale yadua dou curu kinia, ka tukunia mada eliu, me yaco na vacegu kina vale koya.
\v 6 Ia kevaka sa tiko kinia na tamata sa yaga me vacegui ena toka lia vi koya na nomudrau vivacegui, ia kevaka sa yali ena voki vi ikidou.
\v 7 Ia na vale dou sa tiko kinia, dou kania ka gunuvia na veika era sa solia, ni sa doudou me soli vua na tamata dau cakacaka na kenai sau. Dou kakua ni vitokiyaki ki na vivale.
\v 8 Ia ena koro kece dou sa curu kinia, a ra sa vacegui ikodou, dou vayagatakia na ka sa tu e matamudou.
\v 9 Ka vabulai ira na tauvimate era tiko kinia, ka tukunia vi ira sa voleka na matanitu ni Kalou.
\v 10 Ia kevaka era sa yali ni vacegui ikodou ena vi koro dou sa curumia, dou qai kina kena visala va koya,
\v 11 A kuvu ni soso ni nomudou vikoro sa kabitia na yavai kimamu, kimamu na quarakia voki vi ikodou. Dou nanumia sa voleka mai na matanitu ni Kalou.
\v 12 Au sa tukunia vi ikodou ena ca valailai ko Sotoma ena siga ni lewa ena ca valevu na koro koya.
\p
\v 13 Ena ca vi iko Koresini, ena ca vi iko Peciseita, ia kevaka sa caka mai Taia vata ki Saitoni na cakacaka mana ka caka vi kodrau, ke rau sa vivutuni makawa, ka daramakia nai sulu taga ka boro dravusa.
\v 14 Ia ena ca valailai ko Taia vata ki Saitoni ena vilewai, koi kodrau, drau na ca valevu.
\v 15 Ko iko voki lia Kapenanumi, ko sa laveti cake i lomalagi? Ko na dai sobu ki etesi.
\p
\v 16 Ko koya sa rogoci ikodou, sa rogoci au, ia, ko koya sa beci ikodou, sa beci au, ia ko koya sa beci au, sa beci koya sa talai au mai.
\p
\v 17 Era sa lesu voki mai na lewe vitusagavulu ena marau, ka tukunia, Ikonu na Turaga, era sa druka vi kimamu na tevoro ena vuku ni yacamuni.
\v 18 A sa tukunia vi ira ko Jisu, au sa raici Setani, ni sa lutu sobu mai lomalagi me vaka na livaliva.
\v 19 Au sa solia vi ikodou na kaukauwa mo dou rawa voki lia na kaukauwa vi ira na meca, ia na yali sara ni dua na ka me vacacani ikodou.
\v 20 Ia dou kakua ni rekitakia na ka gona ni sa guca vi ikodou na yalo, ko ya gona na ka mo dou rekitakia ni sa volai mai lomalagi na yacamudou.
\p
\v 21 Ena siga ko ya, sa reki sara kinia ko Jisu ena yalona, ka tukunia, Au sa vavinavinaka vi ikonu na Tamaqu, na Turaga ni lomalagi kei vuravura, baletia ni ko sa vunitakia na veika gona vi ira na vuku, kei na yalo matua, ikonu sa vakatakila lia vi ira na gone lailai va gona. Io, Tamaqu, ni sa vinaka ena matamuni.
\v 22 “Sa solia mai au ko Tamaqu na ka kece lia, sa yali ni dua voki e kila na luvena, ka vavo lia o Tamaqu, ka sa yali ni dua e kilai Tamana ka vavo na luvena ka vatakilai koya na luvena vi ira sa digitakia.”
\p
\v 23 A sa vuki vi ira na tisaipeli, ka tukunia lo, “Sa kalougata na mata sa raicia na veika dou sa raicia.
\v 24 Au sa tukunia vi ikodou, e levu na parofita kei ira na tui era sa via raicia na veika dou sa raicia, ia era se yali ni raicia, me rogocia voki lia na veika dou sa rogocia, a ra se yali ni rogocia.”
\p
\v 25 Raicia, e dua na vu-ni-vunau, sa tucake ka via vatovolei koya, ka tukunia, “Vavuvuli, a cava na ka meu caka meu rawatia kinia na bula yali ni mudu.
\p
\v 26 Sa tukunia vua ko Jisu, “Na cava sa volai ena vunau? Ko sa wilikia vacava?”
\p
\v 27 Ka sa saumia ka tukunia, “Mo lomani Jiova na nomuni Kalou ena lomamu taucoko, kei na yalomu taucoko, ki na nomu kaukauwa taucoko, kei na nomu nanumia kece lia; kei na kai nomu me vataki iko
\v 28 A sa tukunia vua ko Jisu, Ko sa vosa vadodonu; caka ko ya, ko na bula kinia.
\p
\v 29 Ia ko koya sa dau vadonui koya, sa tukunia vi Jisu, “O cei na kai noqu?”
\p
\v 30 Sa qai saumia vua ko Jisu ka tukunia, Sa dua na tamata sa qai sobu mai Jerusalemi ki Jeriko. Ena loma ni nona i qaiqai, era sikabotei koya eso na dau butako. Ka ra sa luvatia na nona i sulu, ka vamavoatakia, ka qai tani, a ra dainia ka sa voleka sara ni mate.
\v 31 A sa qai sobu loa lia mai ena sala ko ya e dua na bete; ka raicia, sa qai vatikitiki tani.
\v 32 Sa vavoki lia e dua na Livai, ni sa yacovia na tikinia gona, ka raicia na tamata, a sa qai sara ena yasana kadua.
\v 33 Ia sa dua na kai Samaria, ni sa qai voli mai ena yasa ni gaunisala ka davo tu kinia na tamata ko ya. Ena gauna sa raici koya kinia, sa tubu na nona loloma.
\v 34 Sa qai vavoleka vua ka vesukia ka dainia eso na waiwai kei na waini ena nona mavoa, ka vavodovodokia ki na nona asa, ka yadi koya ki na bure ni vulagi, ka ra sa qaravi koya.
\v 35 Ena savulaci sa tauria e rua na tiki ni siliva ka soli vua nai taukei ni bure, ka tukunia, 'Mo qaravi koya, ka'u na saumia vi iko na veika ko sa vayagatakia vua na tamata koya.'
\v 36 Ko cei vi iratou na lewe tolu ko ya sa kai nona o koya ka sikabotea na daubutako?”
\p
\v 37 Sa tukunia ko koya, “ko koya sa lomani koya.” Sa tukunia vua ko Jisu, “Qai ka caka voki vakinia.”
\p
\v 38 Ena gauna era sa qai jiko kinia, sa curu ko koya ki na dua na koro volekati Jerusalemi. A sa sureti koya e dua na marama, ka yacana ko Marica me qai mai kinia nona vale.
\v 39 A sa jiko vata ki koya na tacina yalewa ka gone, ko Meri na yacana, ka sa tiko voki ena yava i Jisu, ka rogocia na nona vosa.
\v 40 Ia ko Marica sa lomaocaocatakia ena nona varautakia na kakana. Sa qai vi Jisu ka tukunia, “Turaga, ikonu sa yali kauwaitakia ni sa daini au na taciqu meu varautakia na ka kece? Kerekere mo tukunia vi koya me mai vukei au mada!”
\p
\v 41 Ia sa saumia na Turaga ka tukunia vua, “Maca, Maca, ko sa lomaocaoca ena vuku ni cava.
\v 42 Ia sa dua loa lia na ka e yaga. A sa digitakia ko Meri nai votavota vinaka, o koya ena yali ni yadi tani mai vua.”
\c 11
\cl Wase 11
\p
\v 1 Ena gauna sara lia ka masu tiko kinia ena dua na yasana ko Jisu, qai dua vi iratou na tisaipeli sa tukunia vua, ikonu na Turaga ni vavulici kimamu me vaka sara lia nona vavulici ira kinia na nona tisaipeli o Joni.
\p
\v 2 A sa tukunia vi ira, ko koya, ni dou sa masu dou tukunia, “Tamai kimamu mai lomalagi me varokorokotaki na yacamuni, me yaco na nomuni lewa, me vaka sa caka na lomamuni e vuravura me vaka sa caka voki lia mai lomalagi.
\v 3 Mo ni solia mai vi kimamu ena siga yadua na kakana me rauti kimamu.
\v 4 Ia mo ni kakua ni cudruvi kimamu ena vuku ni nimamu i valavala ca, ni kimamu sa yali cudruvi ira era sai valavala ca vi kimamu. Ia mo ni kakua ni yadi kimamu kina vere, ka mo ni vabulai kimamu mai na ca.
\p
\v 5 A sa tarogi iratou ko koya, o cei vi ikodou sa dua na wekana sa qai vua ena lomaloma ni bogi ka tukunia vua, na wekaqu au kerekere mo solia mai vi au e tolu nai buli madrai.
\v 6 Ni sa dua na wekaqu sa mai vacegu vi au ena nona qai tu, sa yali na ka vi au meu taucia vua.
\p
\v 7 Ena qai tukunia ko koya mai vale, kakua ni vaocai au, na darava voki lia e se sogo tu ka kitou se davo iratou na luvequ ena mocemoce, au yali rawa ni solia.
\v 8 Au sa tukunia voki lia vi ikodou, kevaka e bese ni tucake ka solia vua ni sa wekana, ia ni sa cikevia tiko ko koya ena tucake ka solia na ka ena rauti koya.
\v 9 Au sa via tukunia vi ikodou, dou kerekere ka na soli vi ikodou, dou vaqara ka dou na raicia, dou tukituki ka na dola vi ikodou.
\v 10 Ni sa soli vi koya yadua sa kerekere ka sa raicia ko koya sa vaqara, ia ena dolavi vua sa tukituki.
\v 11 E dua li vi ikodou na tama ni gone, kevaka sa mai kere madrai vi iko na luvemu, ko na solia beka vua e dua na vatu?
\v 12 Ia kevaka sa kere ika ena solia beka vua e dua na gata mei sosomi ni ika?
\v 13 Ia kevaka e kere yaloka, ena solia beka vua e dua na batibasaga? Ia kevaka dou kilai ikodou sa tamata ca mo dou solia na ka vinaka vi ira na luvemudou, sa qai dina valevu cake, ni solia na Yalo Tabu ko koya na tamamudou valomalagi vi ira sa kerekere vua.
\p
\v 14 A sa tovocia tani tiko e dua na tevoro ko koya, a sa galu. Ia ni sa qai tani na tevoro sa vosa na galu ka kurabui ko ira na lewe levu.
\v 15 Sa tukunia eso vi ira, sa tovocia tani na tevoro ko koya ena kaukauwa nei Pielisipupi na nodra turaga na tevoro.
\v 16 Ia ka so voki era sa vatovolei koya, ka raicia e dua nai vatakilakila mai lomalagi.
\p
\v 17 Ia sa kila vinaka o Jisu na ka era sa vinanuyakia ka tukunia vi ira, na matanitu era yali ni duavata na lewena era na rusa lia, ka vaka voki lia na vuvale era yali ni duavata era na bale.
\v 18 Kevaka voki lia e yali ni duavata na matanitu nei Setani era na tudei vaevei? Me vaka ni dou tukunia ni dou sa tovoci ira na tevoro ena kaukauwai Pielisipupi.
\v 19 Ia kevaka kau sa tovoci ira na tevoro ena kaukauwa nei Pielisipupi, ena tovoci na kaukauwa nei cei ko ira na nomudou? O koya ena lewai ikodou kinia ko ira koya.
\v 20 Ia kevaka au sa tovocia tani na tevoro ena dua lia nai qaqalo ni Kalou, sa kenai balebale na matanitu Kalou sa tu vi ikodou.
\p
\v 21 Ni sa vaiyaragi vinaka tu e dua na qaqa ka yadravia tu na nona vale, sa na tu vinaka tu lia na nonai yaya.
\v 22 Ia ni sa qai mai vua e dua e qaqa cake vua sa vamalumalutakia ka kalirakia na nonai yaragi ka dau vararavi tu kinia ka vivotayakia na nonai yau.
\v 23 O koya sa yali ni to vata ki au sa noqu meca, kei koya e yali ni kumunia vata ki au sa vidaiyakia.
\p
\v 24 Ni sa dainia e dua na tamata na yalo velavela, sa na viqaiyaki voli ena vanua talasiga me vaqara e dua na vanua me vacegu kinia. Ia kevaka sa yali ni raicia, ena tukunia, “au na qai voki ki na noqu vale kau a qai mai kinia.”
\v 25 Ni sa yaco kinia, a sa raicia ni sa samaki vinaka tu ka tuvani vamatau.
\v 26 Sa qai ko koya ka yadia vata mai e vitu voki na tevoro eratou ca valevu cake mai vua. E ratou sa curu ka tiko kinia, ka sa yaco e muri me ca valevu cake sara na tamata koya mai na nona bula eliu.
\p
\v 27 NI sa cavutia tiko na veika koya ko Jisu, sa qai rogo cake mai na domona e dua na yalewa mai vi ira na lewe levu ka tukunia vua, “sa kalougata na kete ko ni sa sucu mai kinia ki na matanisucu ko ni a sucumia.
\v 28 Ia sa qai saumia o Jisu ka tukunia, “era sa kalougata cake ko ira era rogocia na vosa ni Kalou ka muria.”
\p
\v 29 Ni ra sa soqoni vata tiko vi Jisu na lewe levu, sa qai tukunia, “koya sa dua nai tabatamata ca; e varaicia e dua nai vatakilakila, ia e yali ni soli kinia e dua nai vatakilakila, vavo lia nai vatakilakila ki Jona na parofita.
\v 30 Me vaka ni a yaco o Jona mei vatakilakila vi ira na kai Ninive, ena vavoki lia kinia na Luve ni tamata vi na tabatamata koya.
\v 31 Ena siga ni lewa, ena tucake mai na Radini Sipa, ka beitaki ira na tabatamata koya ena nodra cala baletia ni qai via mai o koya na sala balavu mai na yalayala ki vuravura me mai rogocia nai vavuvuli vuku i Solomoni, ia au sa tukunia vi ikonu ni sa tu koya e dua e uasivi cake sara mai vi Solomoni.
\v 32 Era na tucake na kai Ninive ena siga ni lewa koya ka ra na beitaki ikonu kinia ni ra a vivutuni ena vunau i Jona, ia sa tu koya e dua e levu cake vi Jona.
\p
\v 33 “E yali ni na tamata ni sa tutuvakia oti na cina, me qai dainia ena dua na tikina vuni se ena rukuni varau ni sila, ia e dainia lia e na kenai tutu ka me raicia rawa na kena rarama o ira era curu mai.
\v 34 A cina ni yago na mata. Ni sa vinaka tu na matamu, sa rarama kinia na yagomunu taucoko, ia ni sa ca tu na matamuni, sa butobuto kinia na yagomuni taucoko.
\v 35 O koya mo qai qaraunia de na qai butobuto na rarama ka tu vi iko.
\v 36 Kevaka sa sinai na yagomuni taucoko ena rarama, ka yali ni dua na tikina e butobuto, ena rarama taucoko sara, me vaka lia ni sa cinavi iko na cina e na kenai serau.
\p
\v 37 Ia ni sa vosa tiko ko Jisu, sa qai sureti koya sara e dua na Farisi me rau qai kana vata. A sa curu ki loma ko koya ka dabe sobu me kana.
\v 38 E a kurabui ko ira na Farisi ni raicia ni yali ni vuluvulu ko koya ni bera ni kana.
\v 39 Sa qai tukunia vua na Turaga, “oi ikodou na Farisi ko ni dau vasavasavatakia lia na taudaku ni bilo ki na veleti, ia na lomamuni sa sinai tu ena kocokoco ki na valavala ca.”
\v 40 Ko ni sa rui yalowai! E yali li ni caka voki lia na tikinia e loma o koya ka caka na tikinia e taudaku?
\v 41 Ia ni sa solia me kani loloma vi ira na dravudravua na veika sa tu vi ikodou, ka raicia sa na savasava vi ikodou na ka kece lia.
\p
\v 42 Ia ni ko ni na kalouca na Farisi! Ni ko ni sa dau solia nai katini ni vimataqali kau lalai sara, nai vaboi ni kakana, ia ko ni sa dainia vatikitiki tani toka lia na lewa dodonu ki na loloma ni Kalou. E dodonu mo ni vayacoria na veika koya, ka kakua voki lia ni guilecavi ira na kena vo.
\v 43 “O ni kalouca na Farisi! Ni ko ni dau domonia lia nai tikotiko cecere ena vivalenilotu, ki na vikidavaki ena vanua ni vivoli eso.
\v 44 O ni kalouca! Ni ko ni sa vaka nai bulubulu ka yali tu na kena vatakilakila, era qai vaka ka vaka e delana na tamata ka ra yali ni kila.”
\p
\v 45 Sa qai saumia lesu vua e dua na daunilawa, ka tukunia, “nai vavuvuli, ena nomuni tukunia na ka koya, o ni sa vosa vacacataki kimamu voki lia kinia.”
\p
\v 46 A sa saumia ko Jisu ka tukunia, “o ni na kalouca voki lia na daunilawa! Ni o ni vataqara vi ira na tamata nai colacola bibi me ra cola ka yali mada lia ni bau yavalatia e dua nai qaqalo ni ligamunu mo ni bau vukei ira kinia.
\v 47 Ko ni sa kalouca! Ni ko ni sa tara na nodrai bulubulu na parofita, ia ko ira na nomuni qase era a vamatei ira.
\v 48 O ni sa vadinadinatakia va koya na nomuni a tokonia na veika era a vayacoria na nomuni qase, koya na nodra a vamatei ira ka tara na kedrai bulubulu
\v 49 Ena vuku ni ka koya sa tukunia na vuku ni Kalou, “Au na tala eso na parofita ki na apositolo, ka ra na vamatea ka vacacania so vi ira koya.
\v 50 Ka me ra tarogi kinia nai tabatamata koya ena vuku ni nodra dra na parofita kece lia ka vadavei mai nai vakatekivu kei vuravura,
\v 51 Mai na dra i Epeli, ki na drai Sakaraia, o koya ka vakamatei ena tadrua ni cabocabo ni soro ki na tikinia tabu. Io au sa tukunia vi ikonu, ena tarogi kinia nai tabatamata koya.
\v 52 “Dou sa kalouca na daunilawa! Dou sa maroroya tiko lia nai dola ki na katuba ni kila ka, dou na yali ni curu kinia oi ikodou, ka dou sa tarovi ira era sa via curu kinia!”
\p
\v 53 Ia ni sa qai tani mai ko Jisu, era sa tekivu me ra valewai koya vaca sara na daunilawa ki ira na Farisi, ka vaqaqai koya matua ena veika kece.
\v 54 Ka ra tovolea me ra lawakitakia ka coritia ena vosa ka lutu mai na gusuna.
\c 12
\cl Wase 12
\p
\v 1 Ena gauna koya ni ra sa vasoqoni vata mai e udolu na tamata ka ra sa soqoni vata mai, a ra sa vibutuqaqia lia, sa qai tukunia mada e liu vi ira na nona tisaipeli ko koya. Dou qarauni ikodou mai na nodra leveni na Farisi, koya na dauvivakaisini.
\v 2 Ia sa yali na ka sa vuni, me kakua ni varaitakia, se tabogo, me kakua ni kilai.
\v 3 Ia na ka dou sa tukunia ena butobuto ena rogo votu, ia na ka dou sa tukunia e daligadra ena vi tikinia vuni, ena kacivaki mai na na dela ni vale.
\p
\v 4 Ia ka'u sa tukunia vi ikodou, na wekaqu, Dou kakua ni rerevaki ira era sa vamatea lia na yago, ia e muri sa yali voki na ka era caka rawa.
\v 5 Ia ka'u sa tukunia vi ikodou se ko cei mo dou rerevakia: dou rerevaki koya lia sa rawatia me vamatea, ka oti sa rawatia voki lia me dainia ki eli, io, au sa tukunia vi ikodou, Dou rerevaki koya.
\v 6 Sa yali li ni volitakia na separo e lima ena facigi e rua? Ia ka yali e dua vi ikodou sa guilecavia ena mata ni Kalou.
\v 7 Ia sa wili kece lia na drau ni ulumudou. O koya koya mo dou kakua ni rerevakia, dou sa uasivi cake vi ira na separo e levu.
\p
\v 8 Au sa tukunia voki lia vi ikodou, O koya yadua ena vatusai au ena matadra na tamata, ena vatusai koya voki lia na Luve ni tamata ena matadra na agilose ni Kalou:
\v 9 ia ko koya ena cakitaki au lia ena matadra na tamata, ena cakitakia ena matadra na agilose ni Kalou.
\v 10 Ia ko koya yadua ena vosavakacacatakia na Luve ni tamata, ena rawa me kakua ni cudruvi kinia; ia ko koya ena vosavakacacatakia na Yalo Tabu, ena yali sara ni rawatia me kakua ni cudruvi.
\v 11 Ia ni dou sa yadi ki na vivale ni lotu, vi ira na dauvilewai ki ira na turaga, dou kakua ni lomaocaocatakia, se vaevei mo dou tukunia, se cava mo dou tukunia.
\v 12 Ni na vavulici ikodou na Yalo Tabu ena tiki-ni-siga ko ya ena ka e dodonu mo dou tukunia.
\p
\v 13 A sa dua lia vi ira na lewe levu sa vosa mai vi koya, Vavuvuli, tukunia mada vua na tuakaqu me soli vi au na noqui votavota enai yau nei koya na tama i kirau.
\p
\v 14 A sa tukunia vua ko koya, Ko iko, ko cei sa lesi au me'u turaga ni lewa se dauvivota vi ikodou?
\v 15 Sa tukunia voki lia vi ira ko koya, Dou raici ikodou vinaka, ka tarovi ikodou mai na daukocokoco, ni sa yali ni kalougata na tamata ena vuku ni sa levu na ka sa tu vua
\v 16 A sa tukunia ko koya e dua na vosa vatautauvata vi ira, ka tukunia, Sa dua na tamata vutuniyau sa valewe vinaka sara na nona vanua:
\v 17 a sa qai vananumia e lomana ka tukunia, A cava me'u caka ni sa yali na noqu lololo me'u binia kinia na noqu lewe ni viwere?
\v 18 Sa qai tukunia, Okoya lia na ka ka'u na caka; au na basukia na noqu lololo, ka tara voki na ka levu, au na qai binia kece lia kinia na noqu lewe ni viwere ki na noqui yau:
\v 19 au na qai tukunia ki na yaloqu, Yaloqu, sa levu na nomui yau sa bini tu ena rautia na yabaki e levu, mo vacegu mada, mo kana, mo somi, mo marau tiko.
\p
\v 20 Ia sa tukunia vi koya na Kalou, Ko iko na lialia? Ena bogi lia koya ena tarogi voki vi iko na yalomu: ena qai nei cei na veika ko sa varautakia?
\p
\v 21 Sa vakinia ko koya sa daubinia nai yau me nona, a sa yali ni vutuniyau, ena ka ni Kalou.
\p
\v 22 Sa qai tukunia o koya vi ira na nona tisaipeli, O koya lia koya ka'u sa tukunia kinia vi ikodou. Mo dou kakua ni lomaocaocatakia ena vuku ni nomudou bula, ena ka mo dou kania, se na vuku ni yagomudou, ena ka mo dou vaisulu kinia.
\v 23 Sa ka levu na bula, a ka lailai na kakana, ia sa ka levu lia na yago, ka lailai nai sulu.
\v 24 Dou vakananumia na reveni: era sa yali ni kabukaburakia, se tatamusuki; sa yali na nodra vale ni yau se nodra lololo, ia sa vakani ira lia na Kalou: sa dina dou sa yaga valevu cake vi ira na manumanu!
\v 25 Ia ko cei vi ikodou kevaka sa lomaocaoca sa rawatia me vakuria valailai lia na siga ni nona bula?
\v 26 Ia kevaka dou sa yali ni caka rawa na ka lailai lia koya, dou sa lomaocaoca ena ka sa vo ena vuku ni cava?
\v 27 Dou vananumia na viavia, era sa tubu vaevei: era sa yani ni daucakacaka, se dautalitali; ia kau sa tukunia vi ikodou, Ko Solomoni ena nonai ukuuku kece lia sa yali ni vaisulu me vaka e dua vi ira koya.
\v 28 Ia kevaka sa vasulumia vaka koya na Kalou na co sa tu ni kua ena viwere, a sa biu ki na lovo ena savulaci caca: ena yali li ni vinakatia valevu cake me vasulumi ikodou koi ikodou sa lailai na nomudou vabautia.
\v 29 Ia dou kakua lia ni dau vaqara na ka mo dou kania, se ka mo dou somia: me kakua voki lia ni veidreyakia na lomamudou.
\v 30 Ni ra sa dauvaqara lia na ka kece lia koya ko ira na lewe ni vivanua kece lia e vuravura: ka sa kila na Tamamudou ni sa yaga vi ikodou na veika koya.
\v 31 Ia mo dou vaqara lia na nona matanitu: ia ena soli me kenai kuri vi ikodou na ka kece lia koya.
\p
\v 32 Kakua ni rerevakia, na qele-ni-sipi lailai; ni sa vinakatia sara na Tamamudou me solia vi ikodou na matanitu.
\v 33 Dou volitakia na ka sa tu vi ikodou, ka solia nai loloma; varautakia vi ikodou na taga-ni-lavo ena yali ni madra, ai yau mai lomalagi ena yali ni oti rawa, sa yali na daubutako sa torovia, se na sarasara sa kania.
\v 34 Ni na tiko na yalomudou ena yasana sa tiko kinia na nomudoui yau.
\p
\v 35 Me vauci tikolia na tolomudou; me caudre voki lia na nomudou cina;
\v 36 ia mo dou vaka na tamata era warakia na nodra turaga, me na qai voki mai na magiti ni vakawati; me ra dolavi koya vakatotolo sara, ni ra qai mai ka tukituki ko koya.
\v 37 Sa kalougata ko ira na tamata koya, ena raici ira na turaga ni ra sa vatawa tiko, ni sa qai mai ko koya; au sa tukunia vaidina vi ikodou, ena vaucia na nonai sulu, ka tukunia me ra tiko sobu, ka na qai mai o koya ka qaravi ira lia.
\v 38 Ia kevaka ena qai mai ko koya enai ka rua ni wase-ni-bogi, se qai mai enai katolu, ka raici ira ni ra sa yadra tiko, era sa kalougata lia na tamata koya.
\v 39 Ia dou kila lia koya, kevaka e kila nai taukei ni vale na tiki-ni-bogi e qai mai kinia na daubutako, sa vatawa lia, ka yali ni dainia na nona vale me ravabasukia.
\v 40 Ia dou varau tu vakinia koi ikodou voki lia: ni sa qai mai na Luve ni tamata na tiki-ni-siga dou sa yali ni nanumia kinia.
\p
\v 41 Sa qai tukunia vua ko Pita, Ikonu na Turaga, ko ni sa tukunia beka na vosa vatautauvata koya vi kitou lia, se veira kece lia?
\p
\v 42 Sa tukunia vua na Turaga, Ko cei beka na tamata yalododonu ka vuku, ena lesia na turaga me lewai ira na nona lewe-ni-vale, me solia na kedrai votavota ena gauna dodonu?
\v 43 Sa kalougata lia na tamata koya, ko koya ena raicia na nona turaga ni sa caka vakinia, sa qai mai ko koya.
\v 44 Au sa tukunia vaidina vi ikodou, Ena lesi koya me lewa na nona ka kece lia.
\v 45 Ia kevaka ena tukunia e lomana na tamata ko ya, Sa vaberaberatakia na nona qai voki mai na noqu turaga: a sa vatekivu kinia me yaviti ira lia na lewe-ni-vale na tagane ki na vada, me daukana voki lia ka dausomi, ka daumateni;
\v 46 ena qai mai na turaga ni tamata koya ena siga sa yali ni nanumia kinia ki na tiki-ni-siga e yali ni kinia; ena qai varomusukia rua, ka lesi koya me votai vata ki ira sa yali ni vabautia.
\v 47 Ia na tamata ko ya, sa kila na loma ni nona turaga, ka yali ni varau kinia, se caka me vaka na lomana, ena yaviti lia valevu.
\v 48 Ia ko koya sa yali ni kila, ka caka na ka e dodonu me yaviti kinia, ena yaviti valailai lia. Ni na tarogi valevu mai vua sa soli valevu vua; ia ena taroga valevu ko ira na tamata mai vua era sa solia valevu vua.
\p
\v 49 Au sa qai mai me'u dainia na buka waqa ki vuravura; ia ka cava voki me'u gadrevia, kevaka sa waqa tu?
\v 50 Ia sa dua na noqu papitaiso me'u papitaisotaki kinia; a sa rarawa valevu na lomaqu me oti mada koya!
\v 51 Dou sa vakasamatakia beka ni'u sa qai mai me'u vayacora lia na vivinakati ki vuravura? Au sa tukunia vi ikodou, E yali, a visei lia:
\v 52 sa tekivu ena gauna koya me; lewe lima ena dua na vale eratou na vimecaki, na lewe tolu ki rau na lewe rua, na lewe rua voki lia ki iratou na lewe tolu.
\v 53 Era na vimecaki na vitamani-tagane; ki na vitinani-yalewa; ki na vivugoni yalewa.
\p
\v 54 Sa tukunia voki lia vi ira na lewe levu, Ni dou sa raicia sa tubu mai ra na o, do sa tukunia sara, Sa dua na uca sa qai mai; a sa vakinia.
\v 55 Ia ni sa liwa na ceva, dou sa tukunia, Ena dua na katakata levu: a sa yaco lia.
\v 56 Na dau vivakaisini! Dou sa kila rawa na mata i vuravura ki lomalagi: ia ka vaevei ni dou sa yali ni kila na gauna koya?
\p
\v 57 Ia ka vaevei ni dou sa yali ni lewa va ikodou na ka e dodonu?
\v 58 Ni drau sa qai vata ki koya sa bitaki iko ki na turaga-ni-lewa, mo gumatua e gau-ni-sala me oti mada na nona bitaki iko, de yadi iko lia vua na turaga-ni-lewa, ka soli iko na turaga-ni-lewa vua na ovisa, ka daini iko na ovisa kina vale ni vivesu.
\v 59 Au sa tukunia vi iko, Ko na yali sara ni sereki mai kinia, ko na saumia kece mada nai lavo.
\c 13
\cl Wase 13
\p
\v 1 Era a tiko eso na tamata ena gauna vata ko ya ka ra tukunia vi Jisu na ka e baleti ira na kai Kalili ka a vamatea o Pailato ena gauna era vacaboisoro tiko kinia vua na Kalou.
\v 2 Qai tukunia vi ira ko Jisu, “Ko ni nanumia beka ni ra sai valavala ca valevu cake o ira sa mate va gona mai vi ira na vo ni kai Kalili?
\v 3 E yali sara! Ka'u sa tukunia koya vi ikodou ni kevaka ko ni sa yali ni vivutuni mai na nomuni i valavala ca, o ni na rusa kece lia me vataki ira.
\v 4 Sa evei ko iratou na lewe tinikawalu ka mate ni a lutuki ira na doka ni vale cecere mai Sailoama, ko ni sa nanumia ni ra sai valavala ca valevu mai vi ira na tamata mai Jerusalemi?
\v 5 Sa tukunia ko Jisu, e yali sara lia, ia kevaka ko ni sa vivutuni, ko ni na mate voki lia kinia.
\p
\v 6 Sa qai tukunia ko Jisu na vosa vatautauvata koya, “E dua na tamata sa teya e dua na vunilolo ena loma ni nona loganivaini, ni sa qai mai me mai vaqara na vuana, sa yali ni raicia e dua,
\v 7 'Sa qai tukunia vua nai vatawa ni vaini, raicia sa tolu na yabaki na noqu dau qai mai meu mai vaqara na vua ni vunilolo ka yali niu se bau raicia kinia e dua na vuana. Musukia dai, na cava e mai vamaumautakia kinia na qele?'
\p
\v 8 A saumia na dauteitei ka tukunia, “Dainia saka me dua voki na yabaki, meu na qai cukirakia vavolivolita ka dainia kinia nai vabulabula ni qele.
\v 9 Kevaka e vua ena yabaki vou ka vinaka, ia kevaka e yali ni vua, musukia ki ra.
\p
\v 10 A vavuvuli tiko ko Jisu ena dua na valenilotu ena siga ni vacecegu.
\v 11 Ka raicia e dua na goneyalewa ka curumia tu na nona bula na yalo velavela me tinikawalu na yabaki, sa vakalairoro ka yali ni duri cake rawa.
\v 12 Ni sa raicia ko Jisu, sa kacivia ka tukunia vua, “Yalewa ko sa sereki mai na nomu tauvimate.”
\v 13 Sa qai tauria na ligana ko Jisu, ka vasauri na nona tu vadodonu ka varokorokotakia na Kalou.
\p
\v 14 A sa cudru na i liuliu ni valenilotu ni sa ia ko Jisu na vivabulai ena siga ni vacecegu. A saumia ka tukunia vi ira na tamata, “E ono na siga mo cakacaka kinia. Qai mai mo vabulai, ia, me kakua lia ena siga ni vacecegu.”
\p
\v 15 A sa saumia vi koya na Turaga, ka tukunia, “Dou tamata dauvivakaisini, dou sa yali li ni dui serekia na nona pulumakau ki asa mai na vanua e vesu tu kinia ka yadia me qai ki somi ena siga ni Vacecegu?
\v 16 Io vi na goneyalewa koya, na luvei Eparama, ka vesukia tu o setani me tinikawalu na yabaki, raicia, sa yali beka ni dodonu sereki mai nai vesu koya ena siga ni Vacecegu?
\v 17 Ena nona sa tukunia na veika kece lia, o ira kece lia era saqati koya era sa madua, ia na tamata kece lia sa reki ena vuku ni veika lagilagi sa caka o koya.
\p
\v 18 Sa qai tukunia o Jisu, “Na cava nai rairai na Matanitu ni Kalou ki na cava e rawa ni vatautauavatatakia kinia?
\v 19 Sa tautauvata ki na dua na sore ni mosita, sa tauria e dua na tamata ka teya ena nona i teitei, sa tubu ka yacovia me dua na vunikau levu kara caka sova kinia na manumanu vuka ena vitabana”
\v 20 A sa tukunia voki ko Jisu, meu vatautauvatatakia ki na cava na matanitu ni Kalou?
\v 21 Sa tautauvata ki na vatubu sa tauria e dua na yalewa me viwakitakia ki na tolu nai varau madrai droka, ka yacovia ni sa tubu vinaka.”
\p
\v 22 Sa viqaiyaki voli ko Jisu ena vikoro lelevu vata ki na vikoro lalai ka vatavuvuli tiko, ka qai tiko ki Jerusalemi.
\v 23 Sa qai tukunia vi koya e dua, Ikonu na Turaga, era lewe lailai era na bula?
\v 24 “Dou gumatua sara mo dou curumia na matamata ni koro qiqo niu sa tukunia vi ikodou, era lewe levu era vatovolea me ra curumia, ia era na yali ni rawatia.
\v 25 Na gauna sa tucake kinia nai taukei ni vale me sogotia na darava, ia dou sa tu e tautuba ka tukituki ki na darava, ka tukunia, 'Turaga, Turaga, nu vacurumi kimamu.' “Sa qai saumia mai ka tukunia, 'au sa yali kilai ikodou se dou sa qai mai vei.'
\p
\v 26 Ia dou na qai tukunia, kimamu a dau kana ka somi vata ena matamuni ka dau vatavuvuli voli ena nimamu vi tolo ni sala.'
\p
\v 27 Ia ena qai saumia, ka tukunia vi ikodou, Au sa yali ni kila na vanua ikodou qai mai kinia. Qai tani mai vi au, koi ikonu na tamata i valavala ca!'
\v 28 Ia ena yaco na vitagicaki ka vasequruquru bati ena gauna dou raici Eparama, Aisake, Jekope vata ki ira kece lia na profita ena matanitu ni Kalou, ia koi ikodou na tovoci kinia i tuba.
\v 29 Era na qai mai ko ira mai natokalau, mai na ra voki lia, mai na vualiku voki lia vata ki na ceva, ka ra vadaberi ena dua na teveli sa varautakia na matanitu ni Kalou.
\v 30 Ka raicia, eso era sa tu e muri era na qai ki liu, ka so era tu e liu era na qai ki muri.”
\p
\v 31 Ena siga koya sa qai mai eso na Farisi, ka tukunia vua, “Mo qai tani ka dainia na vanua koya baletia ni sa via vamatei ko Eroti.”
\p
\v 32 Sa tukunia ko Jisu, “Qai ka qai ki tukunia vua na fokisi koya, “Raicia, Au na vatalai ira tani na tevoro ka caka na vivabulai ena siga koya ki na savulaci kau na qai vaotia na noqu cakacaka ena i ka tolu ni siga.
\v 33 Ena vuku ni veika koya, e yaga vi au meu tomania na siga koya, savulaci vata ki na siga vitaravi, ni sa yali ni dodonu me mate e dua na parofita ena taudaku ki Jerusalemi.
\p
\v 34 Isa Jerusalemi, Isa Jerusalemi! O iko a vamatei ira na parofita ka virilakia na vatu vi ira na i talatala ka talai yani vi iko. E levu na siga au na via vasoqoni ira kinia na luvemu me vaka sa soqonia na luvena na toa yalewa ena ruku ni tabana, ia dou sa yali ni vinakatia.
\v 35 Raicia, sa lala tu na nomudou vale. Au sa tukunia vi ikodou, dou na yali raici au me yacovia na gauna dou sa tukunia kinia, 'Sa kalougata ko koya sa qai mai ena yaca ni Turaga.”
\c 14
\cl Wase 14
\p
\v 1 E a mani yaco ena dua na siga ni vacecegu, ena nona a qai ki na nona na vale e dua vi ira nai liuliu ni Farisi me qai ki kana madrai, era varaici koya
\v 2 ka raicia, sa tu e matana e dua sa tauvi koya tu na buketevatu
\v 3 A sa vosa ko Jisu vi ira vuni vunau ki ira voki lia na Farisi, “e tara me caka na vivabulai ena siga ni vacecegu se yali?
\v 4 A ra sa galu kece lia. A sa tauri koya, ka vabula, ka vatala yani
\v 5 A sa vosa vi ira ka tukunia, ko cei vi ikodou e lutu ena davuke na nona Asa se Bulumakau ena yali ni yavia cake vatotolo ena siga ni vacecegu?
\v 6 “A ra ni yali ni vosa rawa voki vua ena ka koya.
\p
\v 7 A sa tukunia e dua na vosa vatautauvata vi ira era sa sureti, ni sa raici ira ni ra sa digitakia nai tikotiko vaturaga, a sa varaitakia ko koya vi ira
\v 8 ni sa sureti iko e dua kina maginiti ni vawati, kakua ni tiko sobu enai tikotiko vaturaga, de sa uasivi cake vi iko e dua voki sa sureti mai
\v 9 Ka qai mai ko koya sa sureti kodrau, ka varaitakia vi iko, solia na tikinia koya vi koya, ko na qai madua ni ko qai kina tikinia ki ra sara.
\v 10 Ia ni ko sa sureti, qai ki na tikina ki ra sara, me varaitakia vi iko koya sa sureti iko ni sa qai mai na wekaqu, qai mada ki cake ko na qai dokai ena matadra era sa tiko vata ki iko me kana.
\v 11 Ia ko koya yadua sa valevulevui koya ena vamalumalumutakia, “ia ko koya yadua ena vamalumalutaki koya ena valevulevui.”
\p
\v 12 Sa varaitakia voki lia ko koya vua sa sureti koya, ni ko sa varautakia na maginiti ni vasigalevu se varaiyavi, kakua ni sureti ira na wekamu, se na tuakamu se tacimu, se na kai nomu se nomu lewe ni koro e vutuniyau, “de ra na sureti iko ko na qai saumia
\v 13 Ia ni ko sa varautakia na magiti, sureti ira lia na dravuadravua, na lokiloki, na gera, na mataboko.
\v 14 Ko na qai kalouagata kinia ni ra sa yali ni saumia rawa vi iko, ia ko na saumi ni ra na tucake voki mai na mate ko ira na yalododonu,
\v 15 Ia ni sa rogocia na veika koya e dua vi ira sa tiko kaya me kana, sa varaitakia vua, sa kalougata ko koya ena kana madrai ena matanitu ni Kalou.
\p
\v 16 Sa qai varaitakia vua ko koya, sa dua na tamata sa varautakia e dua na magiti levu ni varaiyavi, a sa sureti ira na lewe levu.
\v 17 Ia ni sa yaco na gauna me kinia nai varaiyavi, sa tala na nona tamata me varautakia vi ira era sureti, dou qai mai sa varau tu na ka kece lia.
\p
\v 18 Ia ko ira yadua era lomavata me ra dui vadredreti ira kinia meu kakua ni qai, sa varaitakia vua e dua, au sa volia e dua na tiki ni vanua ka sa dodonu meu qai ka raicia.
\p
\v 19 Au sa masuti iko kinia meu kakua ni qai voki yani.
\p
\v 20 A sa tukunia e dua tani, au volia e tini na pulumakau, ia kau sa qai vatovolei ira, au masuti iko kinia meu kakua ni qai voki yani
\v 21 Sa qai mai na tamata koya, ka varaitakia vua na nona turaga na veika koya. Sa qai cudru nai taukei, a sa tukunia vua na nona tamata, qai sara ki tuba ki na vi salatu ki na vi saqata ni koro ka yadi ira mai dravudravua vata ki na gera vata ki na lokiloki vata ki na mataboko.
\p
\v 22 Sa mani tukunia na tamata dauviqaravi, Ikonu na Turaga, sa caka lia me vaka na nomuni vosa, ia sa vo lia na vale.
\p
\v 23 A sa tukunia na turaga vua na tamata, Qai kinia visalatu vata ki visala viribaiti, ka cikevia mera qai mai, me oso na noqu vale.
\v 24 Niu sa tukunia vi ikodou, sa yali ni dua na tamata sa sureti ena tovolea na noqui varaiyavi.”
\p
\v 25 A ra sa lewe levu sara sa qai vata kaya, a sa vuki ko koya ka tukunia vi ira,
\v 26 kevaka e dua sa qai mai vi au ka yali ni catia na tamana, vata ki na tinana, vata ki na watina, vata ki ira na luvena, vata ki ira na tuakana, vata ki na tacina, vata ki ira na ganena, vata ki na nona bula voki lia ena yali ni rawa me noqu tisaipeli,
\v 27 Ia ko koya voki lia ena yali ni rawa ni colatia nona kauveilatai ka muri au sa yali voki lia ni rawa ni noqu tisaipeli.
\v 28 Ia ko cei vi ikodou kevaka sa via tara vale ena yali ni tiko sobu mada e liu me wilikia na kena i voli se tu vua nai yau me vaotia se yali?
\v 29 De viritakia lia ko koya na kena yavu ka qai yali ni rawatia me vaotia, era na qai valialiai koya ko ira kece lia era sa raicia.
\v 30 A tamata koya sa vatekivu me tara vale, ia ka yali ni rawatia me vaotia
\v 31 Se ko cei na tui, sa qai tu me rau vivala kaya e dua voki na tui, ka yali ni tiko sobu mada e liu ka vananumia se sa rawatia me vivala kaya sa lewe ruasagavulu na udolu ni koya meca, ni sa lewe tini lia na udolu na nona se yali.
\v 32 Se ni sa yawa sara ko koya koya sa tala ko koya na mata me rau visorosorovi
\v 33 Sa vaka voki lia kinia, ko koya yadua vi ikodou sa yali ni dainia na nona ka kece lia sa yali ni rawa ni noqu tisaipeli.
\p
\v 34 A ka vinaka na masima, ia kevaka sa seavu yani na kena tutuina ena qai vatuituinataki voki ena cava?
\v 35 Sa qai yali ni yaga ki na were se ki na binibini deni manumanu, se biu lia ki tautuba. O koya sa vadaligana me rogocia, ka mani rogocia sara.
\c 15
\cl Wase 15
\p
\v 1 Sa qai toro voleka mai vi koya ko ira kece lia na kumunia nai vacavacava, ki ira voki lia a tamata i valavala ca, me ra rogoci koya.
\v 2 A sa vosakudrukudru ko ira kece lia na Farisi ki ira voki lia na vunivola, ka tukunia, ko koya sa vilasamaki vata ki ira na tamata ca, ka kana vata voki lia ki ira.
\p
\v 3 A sa tukunia vi ira ko koya na vosa vatautauvata, ka vaka,
\v 4 Ko cei vi ikonu na tamata, sa dua na drau na nona sipi, kevaka sa vayalia e dua vi ira ena yali beka ni dainia tu na ciwasagavulu ka ciwa ena vico, ka vaqarai koya sa yali me kunea mada?
\v 5 Ia ni sa raicia, sa viribale ki domona, ka reki.
\v 6 Ia ni sa lesu voki ki na nona vale, sa kacivi ira vata na wekana ki ira voki lia na ni koro, ka tukunia vi ira. Tou mai reki vata, niu sa raicia na noqu sipi ka yali.
\v 7 Au sa tukunia vi ikonu, ni sa levu vakinia na reki mai lomalagi ena vuku ni tamata i valavala ca e lewe dua loa lia sa qai vivutuni, ia ka lailai lia ena vukudra na tamata yalododonu e lewe ciwasagavulu ka ciwa, sa yali ni yaga vi ira na vivutuni.
\p
\v 8 Se ko cei voki na yalewa sa tini na nona tiki ni siliva, kevaka sa vayalia e dua na tikinia, sa yali beka ni tutuvakia na cina ka tavirakia na vale, ka vaqara matua me raicia mada?
\v 9 Ia ni sa raicia, sa kacivi ira vata na wekana ki ira voki lia na lewe ni koro, ka tukunia, Tou mai reki vata, niu sa raicia na tikinia kau a vayalia.
\v 10 Au sa tukunia vi ikodou, sa vakinia na reki ena matadra na agilosi ni Kalou, ena vuku voki lia ni tamata i valavala ca e dua loa lia sa qai vivutuni.
\p
\v 11 Sa tukunia voki ko koya, E dua lia na tamata sa lewe rua na luvena tagane:
\v 12 Ka sa tukunia vi tamana koya sa gone virau, I Tamaqu, solia mai vi au nai votavota ni yau sa vota me noqu. A sa vota vi rau na i yau.
\v 13 A sa bogi vica lia, sa qai kumunia vata na ka kece lia na gone, ka qai tani ki na dua na vanua vayawa, ka sa vayalia kinia na nona i yau ena i valavala vamarau ca.
\v 14 Ia ni sa vaotia kece, sa qai tubu na dausiga levu ena vanua gona, a sa qai dravudravua sara lia ko koya.
\v 15 A sa qai tiko voki lia ki na dua na lewe ni koro gona; a sa talai koya kinia nona viwere me vakani ira na vuaka.
\v 16 A sa garovia na qana era dau kania na vuaka, me mamau kinia na ketena; a sa yali ni dua sa vakani koya.
\v 17 Ia ni sa kilai yalona voki, sa tukunia, sa lewe levu na tamata nei tamaqu sa voli na nodra cakacaka, era sa mamau ena madrai ka vo voki tu yani, ia koi au sa mate ena viakana.
\v 18 Au na ia, ka qai vi tamaqu, kau na tukunia vua, Tamaqu au sai valavala ca ki lomalagi, vi ikonu voki lia.
\v 19 Kau sa yali kinia ni yaga meu vatokai voki me luvemu: lesi au meu vatakia e dua na nomuni tamata sa voli na nona cakacaka.
\v 20 A sa tucake, ka lesu voki lia vi tamana. Ia ni sa yawa sara, sa raici koya ko tamana, a sa lomania, ka cicivia, ka mokotia, ka regucia.
\v 21 A sa tukunia na luvena kivei koya, I Tamaqu au sai valavala ca ki lomalagi, vi ikonu voki lia, kau sa yali kinia ni yaga meu vatokai voki meu luvemuni.
\p
\v 22 A sa tukunia na tamana vi ira na nona tamata, Dou yadia mai na i sulu vinaka sara, ka vaicurucuru taki koya; daramakia voki lia edua na mama ki ligana, ki na i vava ki na yavana.
\v 23 Ia dou yadia mai na luve ni pulumakau sa uro, ka vamatea; ka me datou kana, ka marau;
\v 24 ni sa mate na luvequ koya, ka sa qai bula voki; sa yali ka sa qai kune voki. A ra vatekivu me ra marau.
\p
\v 25 A sa tiko mai na were na luvena ka qase vi rau; ia ni sa lesu voki mai ka toro volekatia na vale, sa rogocia na bitu ni vatagi ki na meke voki lia.
\v 26 A sa kacivia e dua vi ira na tamata, ka tarogia nai kena ibalebale ni soqo sa caka tiko.
\v 27 A sa tukunia vua ko koya, sa lesu voki mai na tacimu; ka sa motukia ko tamamu na luveni pulumakau sa uro, ena vuku lia ni sa lesu voki mai ka sa bula vinaka.
\p
\v 28 A sa cudru ko koya, ka sa yali ni via curu i vale sa qai mai ki tuba ko tamana ka vamasuti koya.
\v 29 Sa qai vosa ko koya, ka tukunia vi tamana, Raicia, e levu na yabaki koya kau sa qaravi iko kinia, ia kau sa yali sara lia ni talaidredre ki na nomuni vosa: ia ko sa yali sara lia ni solia vi au e dua lowa lia na luve ni me, me kitou marau vata kinia ki ira na wekaqu:
\v 30 ia ni sa lesu voki mai na luvemu koya, ko koya sa vaotia na nomui yau vi ira na yalewa dautagane, ko sa vamatea me kena na luveni pulumakau uro.
\p
\v 31 A sa tukunia vua ko koya, Na luvequ e daru sa tiko vata lia vadua, ia na ka kece lia sa tu vi au sa nomu.
\v 32 Ia sa dodonu lia meda reki, ka marau voki lia, ni sa mate na tacimu koya, ka sa qai bula voki; sa yali, ka sa qai virai voki.
\c 16
\cl Wase 16
\p
\v 1 Sa qai tukunia voki lia ko Jisu vi iratou na tisapeli. Sa bitakia voki lia e dua na dauniyau ni sa vasabusabutakia tiko na nona i yau e dua na tamata vutuniyau.
\v 2 E a qai kacivia na dauniyau na tamata vutuniyau ka tarogia vua. E dua voki lia na ka au sa rogocia tiko? Mo na tukunia kece mai na nomu i tukutuku va-dauniyau
\v 3 Sa qai vakasamatakia na dauniyau na cava me na caka me na kua ni yadi tani kinia vua na nona cakacaka va-dauniyau.
\v 4 Sa qai nanumia voki lia o koya e dua na ka me caka me rawa ni ra vinakati koya voki tiko kinia na tamata.
\v 5 Sa qai vatekivu voki lia na nona kacivi ira kece na tamata ka ra dinau tu vua na nona i liuliu.
\p
\v 6 Sa qai tarogia vi koya nai matai ni tamata ka dinau tu vi koya na nona i liuliu. E vica na nomu dinau? E saumia na taro ko koya ka tukunia ni dua na drau na varau waiwai olive. Sa qai tukunia vi koya me tauria lesu voki na nonai vola ni vidinadinati, dabe sobu voki lia ka vola lia vatotolo me limasagavulu.
\p
\v 7 E qai tarogia voki lia vua e dua, O iko, E vica na nomu sa dinautakia, qai saumia ni dua na drau na witi. Qai tukunia vua me tauria na nona i vola ni vidinadinati, dabe sobu ka vola voki vatotolo ni walusagavulu.
\v 8 E yali ni dodonu voki lai na ka e caka ko dauniyau ia e vacerecerei koya voki lia o nona i liuliu. Era sa qaseqase cake voki lia na luvei vuravura mai vi ira voki lia na luveni rarama.
\v 9 Au tukunia voki vi ikodou, “Dou vayagatakia nai yau yali ni dodonu me so voki kinia na nomudou i tokani, ni gauna ena yali yaga voki lia kinia na i yau, era na ciqomi ikodou voki lia ena i tikotiko e tu dei.
\v 10 O koya voki lia e dina ena ka lailai, ena dina voki lia ena ka levu ia o koya e yali ni dina ena ka lailai ena yali voki ni dina ena ka levu.
\v 11 Ke dou yali gona ni dina voki lia ena i yau yali ni dodonu, dou na qai niutakia vacava mo dou dina voki lia enai yau e yali ni dodonu?
\v 12 Ke dou yali voki lia ni dina ena nona i yau e dua, “O cei ena qai solia voki lia vi ikodou na ka me nomudou?
\v 13 E yali ni dua na dauniviqaravi me na qaravia rawa e rua na turaga, baletia ni na catia e dua ka lomania na kena i karua, se kabitia voki lia e dua ka beci voki lia na kena i karua. Dou na yali ni rawatia mo dou qaravia voki lia na Kalou ki na nomudou i yau.
\p
\v 14 Era rogocia voki lia tu na Farisi ni ra tamata matamata i lavo voki lia. Sa dua voki lia na ka na nodra sevaki Jisu.
\v 15 A sa mani tukunia voki lia vi ira ko Jisu, “Ko ikodou koya ko ni vadonui ikodou voki lia ena mata ni tamata. Ia e kila voki lia na Kalou na lomamudou. “Na ka e vabibitakia voki lia na tamata e ka vasisila voki lia e mata ni Kalou.
\p
\v 16 E mai yala voki lia e na gauna i Joni na lawa ki na i vola ni Parofita. Me tekivu voki lia me vunautakia na vosa ni Kalou ka ra sa yali voki lia na tamata kece lia me ra lewenia.
\v 17 E rawarawa voki lia me na takali voki ko lomalagi ki vuravura. Ka dredre voki lia me na yali ni vayacoria e dua voki lia na tiki ni lawa.
\p
\v 18 Na tagane e dainia na watina qai vawati voki lia, esa vibutokoci. Na tagane voki lia e vawatitakia na yalewa sa sere mai, e vi butokoci voki lia.
\p
\v 19 E dua voki na tagane vutuniyau e dau vaisulu lokaloka ki na lineni voki lia. E marautakia na bula vutuniyau na visiga.
\v 20 E dua voki na dau kerekere ka dau toka voki lia i na nona matamata, ka yacana voki lia o Lasarusa. E robotia kece lia na yagona na vidikoso.
\v 21 E dau via kania voki lia na tikitiki ni kakana ka lutu voki lia mai e na teveli ni kana ni tamata vutuniyau. Ka ra dau dramicia voki lia na koli na nona vidikoso.
\v 22 Sa qai mate voki lia na tamata dau kerekere ka yadi koya na agilosi me lai dabe voki lia e na yasai Eparama. Ka mate voki lia na tagane vutuniyau ka lai bulu voki lia.
\v 23 NI sa tu voki lia e nai bulubulu sa qai tucake voki ena nona vararawataki. Qai raici Eparama vata ki Lasarusa voki lia vayawa ni dabe toka e yasana.
\v 24 Mani kacivakia yani, “Tamaqu Eparama, Ni lomani au mai. Talai Lasarusa voki lia mai me mai tonia voki lia na mua ni qaqalo e na wai, me mai vabatabata voki lia na yamequ, Ni sa tarai au voki lia vabibi na katakata ni buka
\v 25 Ia e tukunia ko Eparaama, “Luvequ, nanumia voki lia na ka vinaka kece lia ko sotavia ena nomu bula, ia a sotavia voki lia ko Lasarusa mai vuravura na ka ca. Ia na guna koya, sa na vacegu voki lia o koya, ko sa rarawa voki lia
\v 26 Ka kuria voki lia, Ni sa mai wasea ita voki e dua na i keli vaitamera. Yali ni rawa vi ira i vanua koya me ra dewa voki lia yani vi iko, ka yali voki lia ni na dua e dewa mai vi kimamu.
\p
\v 27 E qai tukunia voki lia ke sa va koya voki lia tamaqu mo ni qai talai koya voki lia kina vale nei noqu qase,
\v 28 ni lewe lima voki lia na taciqu, me qai ki vamacalatakia vavinaka vi iratou me ratou na kakua ni mai tini voki lia ena vanua ni vivararawataki au sa mai tu kinia koya.
\p
\v 29 Qai saumia ko Eparaama, me ratou na qai varorogo voki lia vi Mosese vata ki ira na parofita.
\p
\v 30 Sa qai saumia mai na tamta vutuniyau, “Yali Tamaqu Eparaama. E ratou na qai vivutuni ni ratou raicia ni dua na tamata sa bula mai na mate voki me vunau vi iratou.
\p
\v 31 Qai tukunia ko Eparaama, “Kevaka voki lia eratou yali ni rogocia mai vi Mosese ki ira na Parofita, eratou yali lia ni kauwai ke dua e vaturi voki lia mai na mate.
\c 17
\cl Wase 17
\p
\v 1 E qai tukunia voki lia vei iratou nona tisaipeli ena dredre me yali yaco eso na ka ni vivatarabetaki.
\v 2 Ena vinaka voki lia me valiligia e domona e dua na vatuqaqi me qai kolotaki voki i wasawasa, me kua voki lia ni vatarabetakia e dua vi ira na lalai koya.
\v 3 Mo qaraunia iko, ke sa valavala ca voki lia na tacimu, vunaucia, ia kevaka sa vivutuni voki lia vosotia.
\v 4 Ke valavala ca voki lia vakavitu vei ikonu ena dua voki lia na siga qai lesuvia mai vavitu, e dodonu mo vosotia.
\p
\v 5 E ratou mani tukunia voki lia na Turaga na apositolo: ni valevutakia mada na nitou vabautia.
\p
\v 6 E qai tukunia voki lia na Turaga kevaka voki lia na levu ni sore ni mosita na nomudou vabauta, dou rawa ni tukunia voki lia ina vunikau levu koya, mo cavutia me lai tei voki lia i wasawasa ena talairawarawa vi iko.
\p
\v 7 O cei vei ikodou ena tukunia vi ira nona tamata cakacaka e dau siviyara se vatawa manumanu ni lesu voki lia mai na teitei, “qai voki mai na teveli mo mai kana.”
\v 8 Ena yali ni tukunia lia vua, varautakia e dua na ka me kana mada, daramakia mai na nomu beliti ena nomunu isulu ni varau kakana mo qaravia voki lia, oti voki lia noqu kana voki lia o iko, mo somi voki lia,
\v 9 Ena yali vavinavinaka voki lia vua na tamata cakacaka ya ni caka na ka lia e lesi me caka, se vacava?
\v 10 O iko voki lia, ni dou sa caka na ka kece e lesi voki vi iko, mo dou qai tukunia: kimamu dau viqaravi sa yali ni yaga voki lia, Kimamu sa caka eda dodonu voki lia me kitou caka.
\p
\v 11 Ena gaunisala ki Jeruisalemi ena qai via na kidrau maliwa o Samaria ki Kalili.
\v 12 A qai curumia mai edua lia na koro, ka qai sotavia kinia e tini na tauvi vukavuka.
\v 13 A ratou a tiko mai vayawa, ka ratou qai kailavaki mai ena domo i levu “Jisu, noqu Turaga ni lomani kimamu mai.”
\p
\v 14 Ni sa raici iratou ka tukunia vi iratou, “qai ka varaitaki ikodou vua.” Ena nodratou qai ratou sa savasava,
\v 15 ka dua vi iratou, ni sa raicia ni sa vabulai, e vanadaku, vavinavinakatakia na Kalou ena domoilevu.
\v 16 Ka lutu sobu ena yavai Jisu ena matana, ka vavinavinaka tu lia.
\v 17 Ka saumia ko Jisu, “E yali beka ni dou lewe tini sa yali mai na lewe ciwa na vukavuka.”
\v 18 Sa yali niu raicia e dua me lesu voki mai me mai varokorokotakia na Kalou, ko koya voki lia na kai tani koya.
\v 19 Sa qai tukunia voki lia vua ko Jisu “mo tucake ka qai lia, sa vabulai iko voki lia na nomu vabautia.”
\p
\v 20 Ia ni ra tarogia na Farisi na gauna ena yaco mai kinia na matanitu, e saumia voki lia vei ira. “Ena yali voki lia ni laurai levu sara na yaco voki mai ni matanitu ni Kalou.
\v 21 Era na yali ni tukunia voki lia, “raicia mai vakoya! Se raicia gona! Ni sa tiko maliwai ikodou voki lia na matanitu ni Kalou.
\p
\v 22 Era qai tukunia vi iratou na tisaipeli ena yaco voki lia na gauna dou na via raicia kina e dua voki na siga ni luveni tamata, ia dou na yali ni raicia.
\v 23 Era na tukunia, raicia i na vanua gona se raicia koya, dou kua ni qai se cici muri ira voki.
\v 24 Ni na vavoki lia na tibi ni liva e laurai era dua na yasai lomalagi na dua voki, ena vaka voki lia na luveni tamata ena nona siga.
\v 25 Eda na sotavia mada iliu e levu voki lia na ka rarawa ena cati koya voki lia na taba tamata koya.
\v 26 Kenai kuri voki lia, na nona siga na luve ni tamata na va voki lia na siga ki Noa.
\v 27 Era na kana voki lia, era somi, era vawati voki lia na tagane vata ki na yalewa me yacovia na siga e vodo kina na waqa o Noa e yaco voki lia mai na waluvu e qai varusai ira kece lia.
\v 28 E vaka voki lia na ka e yaco ena siga i Loti, era na kana voki lia, era somi voki lia, era na volivoli, era na volivolitaki voki lia, era na teitei voki lia, era na tara vale voki lia.
\v 29 Ia na siga ka qai tani kinia ko Loti ki Sotoma sa qai tau mai lomalagi na bukawaqa vat ki na sulufure ka qai vamatei ira kece.
\v 30 Ena vaka voki lia kinia ena siga na rairai kinia na luve ni tamata.
\v 31 Ena siga voki lia koya sa tiko ena delani vale ka sa tu voki lia ena lomanivale na nonai yau me kakua ni qai sobu mai me yadia voki tani ko koya sa tiko mai na were me kakua ni lesu voki.
\v 32 Dou nanumia na wati Loti.
\v 33 Koya yadua sa yali ni maroroya na nona bula ena vayalia, ia ko koya yadua e vayalia ena maroroya.
\v 34 Au sa tukunia vi ikodou ena bogi koya erau na lewe rua voki lia ena dua nai mocemoce, ena kau tani voki lia e dua, ka dai tu e dua.
\v 35 Ena lewe rua voki lia na yalewa erau na vivuke me qaqi sila, ena yadi tani e dua ka dai tu e dua.
\v 36 Ena lewe rua voki lia na tagane me rau na tiko ena were ena yadi tani e dua ka dai tu e dua.
\p
\v 37 A ra sa vosa, ka tukunia vua, Evei, Turaga? A sa tukunia vi ira ko koya, ena yasana kece sa dai kinia na yago, ena soqoni vata voki lia kinia na ikeli.
\c 18
\cl Wase 18
\p
\v 1 Ia sa qai tukunia vi ira e dua na vosa vatautauvata me baletia na bibi ni nodra masu tiko lia me ra kua ni soro koso.
\v 2 Ka tukunia: “E tiko ena dua na koro e dua na turaga ni lewa e yali ni rerevakia na Kalou, e yali voki lia ni doka na tamata.
\v 3 E tiko voki lia ena koro koya e dua na yada e dau lai tukunia tiko vua, 'Au vinakatia me vadodonutakia na lewa vei koya e via vilewaitaki au tiko.'
\p
\v 4 Dua toka na gauna nona yali ni via kauwai ena turaga ni lewa, e muri sa qai tukunia e lomana, 'Au yali ni rerevakia na Kalou, au yali voki lia ni doka e dua na tamata,
\v 5 ni sa rui visosataki au na yada koya au na raicia me tauvua na lewa dodonu, de qaiqai au na ciba voki lia ena levu ni nona vasosataki.
\v 6 Ia qai tukunia na Turaga: 'E yali ni turaga yalododonu na turaga ni lewa, ia rogocia na ka e tukunia!
\v 7 Me na qai yali vacava ni raicia na Kalou me caka na lewa dodonu vi ira nona sa digitakia, era tagi vua ena siga ki na bogi?
\v 8 Au tukunia vi ikonu, ena raicia me tau vatotolo vei ira na lewa dodonu. Ia ni yaco mai na luveni tamata, ena raicia e vuravura na vabauta koya?
\p
\v 9 Sa qai cavutia voki lia na vosa vatautauvata koya vi ira eso era nanumia ni ra yalododonu; ra beci ira na vo ni lewe ni vanua.
\v 10 “E rau qai cake ena valenisoro e rua na tagane me rau lai masu, e dua na Farisi ki na dua na dau kumunia na i vacavacava.
\v 11 E tucake na Farisi qai masu lo ni tukunia, “Ikonu na Kalou vavinavinaka vi ikonu niu yali ni vataki ira na so, era dau kocokoco, era yali ni yalododonu, era dau vibutakoci, seu vataki koya na dau kumunia na i vacavacava koya.
\v 12 Au lolo va rua ena dua na macawa, au solia nai katini ni ka kece au rawatia
\v 13 E duri tu mai na dau kumunia na vacavacava, e yali mada lia ni tacake i lomalagi. E tavia tiko lia na sarena, e tukunia, Ikonu na Kalou, ni lomani au, niu tamata i valavala ca.
\v 14 Au tukunia vi ikodou, e vadonui na tagane koya ni qai sobu i nona vale, e yali ni vadonuya na Farisi. Ni o koya e vacerecerei koya ena valolovirataki, o koya e vamalumalumutaki koya ena vacerecerei.
\p
\v 15 Era yadia ira voki lia yani na gone dramidrami vua me tarai ira, ia ni ratou raicia koya na tisapeli, ratou qai cudruvi ira mai.
\v 16 Ia e tukunia lia o Jisu mera na yadia yani vua na gone dramidrami, e tukunia: “Daini ira na gonelailai, me ra qai mai vi au dou kua ni tarovi ira, ni ko ira koya e nodra na matanitu ni Kalou.
\v 17 Au tukunia vadodonu vi ikodou, o koya e yali ni ciqomia na matanitu ni Kalou me vaka edua na gone lailai, ena yali sara ni curu kinia.”
\p
\v 18 E qai tarogi koya e dua na Turaga, ka tukunia, “Vavuvuli vinaka, na cava meu caka meu rawatia kinia na bula e yali ni mudu?”
\p
\v 19 Tukunia vua o Jisu: “Na cava o sa tukunia kinia niu vinaka? Yali ni dua e vinaka na Kalou lia.
\p
\v 20 O kila vinaka nai vunau, “Mo kua ni vibutakoci, kua ni laba, kua ni butako, kua ni bubului lasu, mo rokovi tamamu vata ki tinamu.”
\p
\v 21 E qai tukunia: “Na ka kece koya au se caka makawa mai niu se gone.”
\p
\v 22 Ni rogocia o JIsu, e qai tukunia vua: “E dua na ka ko yali ni caka: Qai lai volitakia na ka kece sa tu vi iko, solia na kena i lavo vi ira na dravudravua, ko na qai va i yau mai lomalagi, qai mai ka muri au.”
\v 23 Ni rogocia, e dua na ka nona rarawa ni rui vutuniyau.
\v 24 E raicia o Jisu qai tukunia: “Ena dredre sara vi ira na vailavo mera curu ki na Matanitu ni Kalou!
\v 25 Ena rawarawa cake vua na kameli me curumia na matanicula, ena dredre vua na vutuniyau me curu ki na matanitu ni Kalou.”
\p
\v 26 Era tukunia na rogocia na vosa koya: “Ko cei ena bula rawa?”
\p
\v 27 Sa qai saumia ko Jisu: “Na ka e dredre vua na tamata e rawarawa vua na Kalou.”
\p
\v 28 Sa tukunia o Pita: “Raicia! Kitou sa dania na ka e nitou me kitou muri ikonu.”
\p
\v 29 Ia sa qai tukunia vi ira ko Jisu: “Au tukunia vadodonu vi ikodou, e yali ni dua e dainia na vale se watina, se tacina, se nona i tubutubu, se luvena ena vu ni Matanitu ni Kalou.
\v 30 Me na yali ni valevutakia voki lia vua ena gauna koya, ena bula yali ni mudu voki lia ena gauna se bera mai.”
\p
\v 31 E yadi ratou vatikitiki na lewe tinikarua qai tukunia vi ratou: 'Tou sa qai cake tiko koya i Jerusalemi me na lai vayacori kinia na ka kece era a vola na parofita me baletia na luve ni tamata.
\v 32 Kena i varaitaki, ena soli o koya vi ira na kai vimatanitu, era na valialiai koya, era na beci qai kasuvia.
\v 33 Ni ra kuitaki koya oti, era na qai vamatei koya, ia ena tucake voki lia ena i ka tolu ni siga.
\v 34 Ia eratou yali ni tauria rawa na i balebale ni ka kece lia koya, e vunitakia vi iratou, eratou yali kinia ni tauria na ka e cavuti.
\p
\v 35 Ni volekati Jeriko yani o Jisu, e dabe toka e batinisala e dua na daukerekere ka mataboko.
\v 36 Ni rogocia nodra mawe na lewenivanua, e mani vaqaqa se cava ya.
\p
\v 37 Era qai tukunia vua: “Sa qai ya o Jisu na kai Nasereci!”
\p
\v 38 Ni rogocia, sa qai kaci yan: “Jisu, na Luvei Tevita, ni lomai au!”
\v 39 Era karaci koya na liu tiko me tikolo, ia sa qai rogolevu ga na domona: “Luvei Tevita, ni lomani au.”
\p
\v 40 E tu va dua o Jisu ka varotia me ra yadi koya yani vua. Ni sa voleka yani na tamata mataboko, sa qai tarogia o Jisu:
\v 41 “Na cava ko vinakatia meu caka vi iko?” E saumia: “Turaga, au gadrevia meu rai rawa mada lia.
\p
\v 42 Sa qai tukunia vua o Jisu mo rai sa vabulai iko na nomu vabauta.”
\v 43 E rai ena gauna vata lia koya ka mani muri Jisu sara yani, ka valagilagia na Kalou. Ni ra raicia na lewenivanua, era vacaucautakia voki lia na Kalou.
\c 19
\cl Wase 19
\p
\v 1 A sa curu voki lia ki Jeriko ko Jisu ka sa qai sara yani.
\v 2 Raicia, e dua na tamata na yacana o Sakiusa. E nodai liuliu na dau kumuni vacavacava ka sa vutuniyau voki lia.
\v 3 Sa tovolea me raicia se o cei o Jisu, ia sa yali ni raicia rawa ni sa lewe levu na tamata baletia ni sa lekaleka voki lia.
\v 4 Ia sa cici sara ki liu vi ira na lewe levu ka kabatia cake e dua na vunilolo me raici Jisu, baletia o Jisu sa varau qai sivitia na sala koya.
\v 5 Ena gauna sa yacovia kinia o Jisu na vanua koya, sa rai cake ka tukunia vua, “Sakiusa, vatotolo, mo siro sobu mai, au na tiko i na nomu vale ena siga ni kua.”
\v 6 Ia sa qai sobu mai vatotolo ka kidavaki koya ena marau.
\v 7 Na gauna e raicia kinia na lewe levu, era sa vosa kudrukudru, ka tukunia, “Sa qai ko koya ka sikovia e dua na tamata i valavala ca.”
\p
\v 8 Sa qai tucake o Sakiusa ka tukunia vua na Turaga, Raicia, Ikonu na Turaga, au na wasea vimama na noqu yau vi ira na dravudravua, ia kevaka au sa lawakitakia e dua na tamata ena dua na ka, au na vaisosomitakia vava.”
\p
\v 9 Sa qai tukunia o Jisu vua, “Sa yaco na bula ki na vale koya ena siga koya baletia ni sa luvei Eparama o koya koya.
\v 10 Ni sa qai na Luveni tamata me vaqara ka vabula na tamata sa yali.”
\p
\v 11 Ena gauna era rogocia kinia na veika koya, sa tomania na nona vosa ka tukunia e dua na vosa vatautauvata, baletia ni sa voleka ki Jerusalemi, ka ra nanumia ni sa voleka basika vasauri na matanitu ni Kalou.
\v 12 Ko ya na vuna sa tukunia voki lia, e dua na tamata sa qai ki na dua na vanua yawa me qai buli me tui, ka me qai lesu voki mai.
\v 13 Sa qai kacivi iratou na nona tamata ka soli vi iratou e ya tini na paodi, ka tukunia vi ira, “Dou caka volivoli tiko ka yacovia na noqu qai voki mai.'
\p
\v 14 “Ia era sa cati koya ka ra tala e dua na mata me muri koya, ka tukunia vua,” Kitou sa yali ni vinakatia me lewai kitou tiko ko koya koya.'
\v 15 Ia ni sa lesu voki mai ko koya, sa vakaroti ira na nona tamata cakacaka ka solia vi ira na paodi me ra qai mai vua, ka me tarogia vi ira e vica na tubu era sa rawatia mai ena nodra vivoli.
\p
\v 16 Sa qai qai mai ko koya sa liu, ka tukunia, Ikonu na Turaga, sa tini voki na paodi au sa rawatia mai.'
\p
\v 17 “Sa qai tukunia vua ko koya, Vinaka valevu na cakacaka, ka tamata dau cakacaka; ia ko sa dina ena ka e lailai sara, mo lewa na koro e tini.'
\p
\v 18 “Sa qai mai na kena i karua, ka tukunia, “Ikonu na Turaga, sa lima voki lia na paodi au sa rawatia mai.
\p
\v 19 “Sa tukunia vua na Turaga, 'Mo lewa voki e lima na koro.'
\p
\v 20 “Sa qai voki mai e dua, ka tukunia, “Ikonu na Turaga, raicia na nomuni paodi koya au sa maroroya, niu sa maroroya ena dua nai tavoi:
\v 21 ni'u sa rerevaki ikonu baletia ikonu sa tamata dredre: ko sa tauria cake na ko sa yali ni dainia sobu, ka tamusukia na ka ko ni sa kaburakia.'
\p
\v 22 “Sa tukunia na Turaga vua, 'Au na lewai iko ena nomu vosa ko sa vosatakia. Ko sa kila niu sa tamata dredre, baletia au na tauria na ka e yali noqu ka tamusukia na ka au sa yali ni kaburakia.
\v 23 Ia na cava ko sa yali ni dainia kinia na noqu i lavo ki na baqe, me'u mai tauria voki ki na kena tubu na gauna au lesu mai kinia?'
\v 24 Sa tukunia na Turaga vi ira na lewe levu. 'Yadia tani mai vua nai paodi, ka solia vua na tamata sa rawatia e tini na paodi.'
\p
\v 25 A ra vosa kudrukudru na lewe levu, 'Ikonu na Turaga, sa levu na nona i lavo!'
\p
\v 26 “Au sa tukunia vi ikodou, o koya yadua sa tu vua na ka, ena soli valevu vua, ia ko koya sa yali ni tu vua e dua na ka, ena yadi tani mai vua.
\v 27 Ia ko ira na noqu meca, era yali ni vinakatia meu lewai ira, yadi ira mai ka vamatei ira e mataqu.”
\p
\v 28 Na gauna sa tukunia oti kinia na veika kece lia, sa qai sara i liu, ka qai cake ki Jerusalemi.
\v 29 Ena gauna era sa voleka kinia ki na koro ko Pecifaki vata ki Pecani, ka voleka voki lia ki na ulunivanua ni violive, sa tala e rua na nona tisaipeli,
\v 30 ka tukunia, “Drau qai ki na koro ka taravia. Ia ni drau curu kinia, drau raicia e dua na luve ni asa sa vesu ka sa yali tu ni vodoki. Serekia ka yadia mai vi au.
\v 31 Ia kevaka e dua sa tarogi iko, 'A cava drau sa serekia kinia luve ni asa?' drau tukunia vaka ko ya, Ni sa yaga vua na Turaga.
\v 32 Ia rau sa qai na tisaipeli e rua ki na koro ka raicia na asa, me vaka sa tukunia vi rau ko Jisu.
\p
\v 33 Ena gauna rau sa tekivu serekia kinia na asa, sa tarogi rau nai kenai taukei, “Na cava drau sa serekia kinia na nitou asa?”
\p
\v 34 A rau saumia, “Sa yaga vua na Turaga.”
\v 35 Ia rau sa yadia sara mai na asa vi Jisu, ka tevukia na nodrau i sulu ena dela ni asa, ka vavodoki Jisu kinia.
\v 36 Ia ni sa qai tu ko koya, era sa tevukia na nodrai sulu ena sala levu.
\p
\v 37 Ia ni sa qai volekatia na ulunivanua ni violive, sa vatekivu na tisaipeli kece lia era lewe levu me ra reki, ka varokorokotakia na Kalou ena domo i levu ena vuku ni cakacaka mana era sa raicia oti ni sa caka o Jisu.
\v 38 Ka tukunia, “Sa kalougata o koya na Tui sa qai mai ena yaca ni Turaga! Ka tu mai lomalagi na vivinakati vata ki na varokoroko e na viyasana e cake sara!”
\p
\v 39 Eso vi ira na Farisi vi ira na lewe levu era sa tukunia vua, “Vavuvuli, vunauci ira na nomu tisaipeli me ra kakua ni tukunia tiko na veika ko ya.”
\p
\v 40 Ia sa qai saumia ka tukunia ko Jisu, “Kevaka era sa galu na tamata koya, era na vosa na vivatu ko ya.”
\p
\v 41 Ia ni sa toro voleka yani ki na koro ko Jerusalemi ko Jisu,
\v 42 sa tukunia, “Kevaka ko a kila na siga ni kua, ia ko iko lia, na veika ena yadia mai vi iko na vacegu! Ia ka sa vuni lia mai na matamu.
\v 43 Ni na yaco mai na siga, ena viribaiti iko voki lia kinia ko ira na nomu meca, ka buku na druadrua, ka kaba na koro mai na viyasana kece lia.
\v 44 Era na basukia na bai ni koro ka vacacania na kece lia, ka na vamatei iko vata ki ira na luvemu. Era na yali ni vo vi iko na vivatu vitaqataqai; Sa yaco na ka koya baletia ni dou sa yali kila rawa na gauna ena qai mai kinia na Kalou me vabulai iko.
\p
\v 45 Sa qai curumia na valenisoro ko Jisu ka vatekivu me vatalai ira na vivoli tu kinia,
\v 46 sa tukunia vi ira, “Ni sa volai, 'Na noqu vale na vale ni masu,' ia ko ni sa vukicia me nodra qara na daubutako.”
\p
\v 47 Sa qai vatavuvuli ena visiga ko Jisu ena valenisoro. Era sa vaqara eso na sala ko ira na bete levu, ko ira voki lia na vunivola ki ira eso na nodra i liuliu na kai Jiutia me ra vamatei kinia.
\v 48 Ia era sa yali ni raicia rawa e dua na kena sala baletia era varorogo matua vi koya o ira na tamata.
\c 20
\cl Wase 20
\p
\v 1 A sa yaco na siga koya, ni sa vavulici ira tiko na tamata ko koya ena valenisoro, ka vunitakia na i tukutuku vinaka, era sa qai mai na bete levu vata ki na vunivola vata ki na qase,
\v 2 a ra sa tarogi koya, tukunia mai vi kitou, se ko sa lesi mai vi mo caka na veika ko ya? Se ko cei sa solia vi iko na i lesilesi ko ya?
\p
\v 3 A sa vosa ko koya, ka tukunia vi ira, Au na tarogi iko voki lia ena dua na ka; ia dou tukunia mai vi au;
\v 4 Na vipapitaisotaki nei Joni, sa vu mai Lomalgi, se vu mai na tamata?
\p
\v 5 A ra sa vivosakitakia vataki ira, ka tukunia, “Kevaka eda na tukunia, 'Ni sa mai lomalagi,' Ia na cava dou sa yali ni vabauti au kinia?'
\p
\v 6 Ia kevaka eda sa tukunia, 'Mai vua na tamata,' era sa na vaviriki ita na vatu ko ira kece lia na tamata; ni ra sa vadinatia ni sa parofita ko Joni.
\v 7 Era sa saumia ni ra sa yali kila na vanua se sa qai mai vi.
\p
\v 8 Sa qai tukunia vi ira ko Jisu, “Au yali voki lia ni varaitakia vi ikonu se kaukauwa cava au sa caka kinia na veika kece lia.”
\p
\v 9 Sa qa tukunia ko koya na vosa vatautauvata ko ya vi ira na tamta: sa dua na tamata sa teivakia e dua na were ni vaini, la lisitakia vi ira eso nai vatawa ni were, ka qai sara vayawa kina dua tani ka tiko vadede kinia.
\v 10 Ia ni sa yaco na kena sa tala ko koya e dua na nona tamata vi ira nai vatawa me ra solia vua eso vua ni vaini, Ia era sa yaviti koya nai vatawa ni were, ka vatalai koya tani ka yali na e yadia.
\v 11 Sa qai tala voki ko koya e dua na nona tamata ka ra sa yaviti koya voki lia, ka vamaduatakia, ka vatalai koya tani ka yali ni yadia e dua na ka.
\v 12 Sa qai tala voki lia nai katolu ni nona tamata ka ra sa vamavoatakia, ka ra vatala tani.
\v 13 Sa qai tukunia na turaga nai taukei ni were ni vaini, 'A cava me'u caka? Au na tala na luvequ lomani. Ena rawa ni ra dokai koya.'
\p
\v 14 “Ia ni ra sa raicia nai vatawa ni were, era sa vivosaki vaka ira, ka tukunia, 'Ko koya ko ya nai taukei ni were mai muri. Tou vamatei koya ka me nodatou na vanua.'
\v 15 Era sa vatalai koya tani ki na i bili ni were ka vamatei koya. Se cava ena caka nai taukei ni were ni vaini vi ira?
\v 16 Ena qai qai mai ka varusai ira nai vatawa ni were, ka solia na were ni vivaini ki na so voki nai vatawa ni were.” Ena gauna era sa rogocia kinia nai tukutuku, era sa tukunia, “Me yali ni yaco vaka kinia!”
\p
\v 17 Ia sa raici ira ko Jisu, ka tarogia, “Na cava nai balebale ni ka sa volai: 'Na vatu ka besetakia na matai ni vale sa yaco me vadei ni tutu ni vale'?
\p
\v 18 Ko ira voki lia era lutu ni dela ni vatu koya, ena dasila kinia, ia ko koya ena lutukia, ena vurumemea.”
\p
\v 19 Era sa qai via tauri koya na bete levu ki ira vunivola ena gauna ko ya, ni ra sa kila ni sa cavutia tiko na vosa vatautauvata baleti ira. Ia era sa rerevaki ira na lewe levu.
\v 20 A ra sa varaici koya vamatua, ka ra tala eso na tamata me nodra yamata vuni me ra veretakia, a ra sa rairai me vatakia tamata yalododonu, ka ra varogocia na nona vosa nei Jisu, de rogocia kinia eso nai tukutuku ni vivacalai me rawa ni ra beitaki koya kinia, era sa vinakatia me ra soli koya vua na Kovana ni vanua ya.
\v 21 A ra sa tukunia vua, “Vavuvuli, kimamu sa kila ni Ikonu sa tukunia ka vatavuvukitakia na ka dodonu, Ikonu sa yali vinakatia vailoa lia e dua na tamata, ia ko sa vulicia na ka dina me baletia na nona sala na Kalou.
\v 22 Sa tara na soli vacavacava vi Sisa, se yali?”
\p
\v 23 Ia sa kila vinaka ko Jisu na nodrai lawaki, ka tukunia vi ira,
\v 24 Varaiatakia mai vi au e dua na tiki ni siliva ni Roma. Nai vatakarakara ki na yaca i cei sa tu kinia?” A sa tukunia, “Sisa.”
\p
\v 25 Sa qai tukunia vi ira ko koya: Mo dou solia lia vi Sisa na ka sa nei Sisa, ka solia lia vua na Kalou sa ka sa nona Kalou.”
\v 26 A ra sa yali ni raicia rawa e dua na ka ca ena nona vosa e matadra na tamata, ia a ra kurabui kece lia ena nona saumia na nodra vatataro, ka ra sa galu.
\p
\v 27 Era qai qai mai vua nai tokani i Setoki, ko ira sa tukunia ni sa yali na dua na tucake voki mai na mate,
\v 28 a ra sa tarogi koya, ka tukunia, “Vavuvuli, o Mosese sa vola oti vi kimamu na kai Jiutia, kevaka sa mate e dua na tagane sa vawati ka yali na luvena, sa dodonu me tauiri na wati tuakana me watina e dua na tacina ka vakawa me nei tacina sa mate.
\v 29 Eratou lewe vitu na vitacini tagane ka sa vawati ko na ulumatua, ka sa yali ni dua na nona kawa.
\v 30 Ka yali voki vakawa kinia na kena i karua.
\v 31 A sa vamautakia na yalewa na kena i ka katolu, ka ratou sa mate vadua kece lia na lewe vitu ka yali ni valuveni.
\v 32 Sa qai mate voki lia emuri na yalewa.
\v 33 Ia kevaka sa dina ni na bula voki ko ira na tamata sa mate, ko cei vi iratou na vitacini sa na watina na yalewa ko ya? Ni sa vawati ko koya vi iratou kece lia na vitacini e vitu.”
\p
\v 34 A sa tukunia ko Jisu vi ira, “Ena vuravura ko ya, sa ia na vimusumusuki me ra vawati.
\v 35 Ia ko ira era ganiti ira me ra rawatia na bula ena vuravura vou, ki na tucake voki mai, era na yali ni vawati se vimusumusuki me ra vawati.
\v 36 Ni ra sa yali voki ni mate. Era sa tautauvata ki na agilosi. Era sa luve ni Kalou, ni ra tucake voki mai na mate.
\v 37 Ia ni ra vakaturi cake voki ko ira na mate, sa varaitakia ko Mosese mai na vunikau sa kama, a sa vatoka kinia na Turaga ko Mosese me ko koya na Kalou Eparaama, na Kalou i Aisake, ki na Kalou Jekope.
\v 38 Ni sa yali ni nodra Kalou na mate ko koya, baletia era sa bula kece lia vua na Kalou.”
\p
\v 39 Sa qai saumia eso na vunivola, “Vavuvuli, ikonu sa vosa vinaka.”
\v 40 Era sa yali ni doudou me ra tarogia vua e dua voki na ka.
\p
\v 41 Sa tukunia vi ira ko Jisu, “Era tukunia vacava ni sa luvei Tevita na Karisito?
\v 42 Sa tukunia ko Tevita ena i Vola ni Same, Sa tukunia na Turaga vua na noqu Turaga, Mai dabe ena yasaqu i matau,
\v 43 me yacovia ni'u sa vamalumalutaki ira na nomu meca me ra i tutu ni yavamu.'
\p
\v 44 Ia sa vatokai koya ko Tevita me 'Turaga,' me qai luvei Tevita vacava na Mesaia?”
\p
\v 45 Ia ni sa varorogo tiko na lewe levu, sa qai tukunia vi iratou na nona tisaipeli,
\v 46 “Dou qarauni ikodou mai vi ira na daunilawa, ka ni ra sa dau vinakatia na qai voli ena sulu balavu, ka ra vinakatia na vikidavaki ena rara ni vivoli, ki na i dabedabe e cake ena vivalenilotu ki na vitikotiko vaturaga ena gauna ni kana magiti.
\v 47 Era sa dau kovea vailawaki na vivale na yada dravudravua, ka ra vivakaisini voki lia ena nodra masu balavu. Na ka ko ya ena bibi valevu sara kinia na kedrai totogi.”
\c 21
\cl Wase 21
\p
\v 1 A sa raici ira na vutuniyau ni dainia na nodra soli ena kena kato.
\v 2 A sa raicia voki lia e dua na yada dravudravua ni dainia e rua nai lavo lailai.
\v 3 A sa tukunia ko koya, au sa tukunia vaidina vi ikodou, Na yada dravudravua koya sa dainia valevu, mai vi ira kece lia.
\v 4 Era sa soli mai na ka e vuabale vi ira. Ia na yada gona, mai na nona dravudravua, sa dainia kece sara lia nai yau me bula kinia.
\p
\v 5 Ia ni sa tukunia na vale ni soro ko ira eso, ni sa vaiukuukutaki ena vivatu vinaka vata ki nai solisoli, sa tukunia ko koya.
\v 6 Na veika koya, dou sa raicia, ena yaco na siga ena yali ni vo voki e dua na vatu vitaqataqai, ena talarakia sobu kece lia.
\p
\v 7 A ra sa tarogi koya, ka tukunia, “Vavuvuli, ena yaco ni naica na veika koya? Ia ka cava na kenai vatakilakila ni sa voleka lia ni na yaco mai kinia na ka koya?
\p
\v 8 A sa tukunia ko koya, dou qarauni ikodou vinaka de dou na vacalai: ni ra na lewe levu era vacacavutaki au, ka tukunia, koi au lia. Ko koya, a sa qai toro voleka na kena gauna: mo ni kua ni muri ira voki.
\v 9 Ia ni dou sa rogocia nai tukutuku ni valu, se na visei, kakua ni kidroa: ni sa dodonu me yaco mada e liu na veika koya: ia sa yali ni voleka sara nai vataotioti
\v 10 Sa qai tukunia vi ira koya, ena vibolebolei na vanua eso vata ki na matanitu eso:
\v 11 Ia na tavuki valevu na vivanua eso, ena tubu voki lia na dausiga vata ki na mate ca; ia ena rairai eso na ka dauvivarerei ka so nai vatakilakila levu mai lomalagi.
\v 12 Ia ni se bera ni yaco na ka kece lia koya era na tauri ikodou, ka vacacani ikodou, ka soli ikodou kinia vivalenilotu vata ki na vale ni vivesu, ia dou na yadi ki na matadra na tui vata ki na kovana ena vuku ni yacaqu.
\v 13 Ia na ka ena yaco me nomudou i vaidinadina.
\v 14 O koya mo dou qai vataudeitakia na lomamudou, mo dou kakua ni vananumia mada e liu na ka mo dou tukunia.
\v 15 Niu na solia vi ikodou na gusu vata ki na vuku, ena yali kinia na nomudou meca ena viletitakia rawa, se voratia.
\v 16 Ia era na soli ikodou yani na nomudou qase vata ki tamamudou vata ki ira na kai nomudou vata ki na wekamudou a ra na vavunia na mate eso vei ikonu.
\v 17 Ia ena cati ikonu na tamata kece lia, ena vuku ni yacaqu.
\v 18 Ia ena yali ni rusa e dua na drau ni ulumudou.
\v 19 Dou na maroroya na yalomudou ni dou na vosotia.
\p
\v 20 Ia ni dou sa raicia ni sa buki na druadrua mai Jeruisalemi mai vi ira na mataivalu eso, dou kila kinia ni sa qai voleka na kena ca sara.
\v 21 Me qai tuba voki i ulunivanua ko ira era tiko e Jutia, ia ko ira sa tiko e loma me ra qai tani; me kakua voki lia ni curu mai kinia ko ira sa tiko ena viyasana ki vanua.
\v 22 Ni sa gauna ni visausaumi koya, me vayacori kece kinia na ka sa volai.
\v 23 Ka na ca vi ira na bukete vata ki ira era vasucumia na gone ena gauna koya! Ni na ca valevu sara na vanua, a ra na cudruvi valevu na tamata koya.
\v 24 A ra na vamatei enai selewau, a ra na yadi vabobula ki na vivanua: a ra na butuki Jeruisalemi sobu ko ira na vimatanitu, me yacovia nai vataotioti ni nodra gauna ni vimatanitu.
\p
\v 25 Ena qai tu nai vatakilakila eso e na mata ni siga vata ki na vula vata ki na vikalokalo, a ra na ca e vuravura, ni ra na kidroa ena kena vadugu na wasaliwa ki na biau.
\v 26 Ena kania voki na yatedra na tamata na rere, ni ra warakia na veika sa voleka ni yaco e vuravura: ni na vitosoyaki ki na veika kaukauwa ni lomalagi.
\v 27 Ia era sa qai raicia na luve ni tamata ni sa qai mai ena o ena kaukauwa vata ki nai ukuuku levu.
\v 28 Ia ni sa vatekivu me yaco na veika koya, dou tucake ka vosa vagalegalei ikodou ni sa voleka ni vabulai.
\p
\v 29 A sa vosatakia vi ira e dua na vosa vatautauvata: raicia na lolo, ki na vikau kece lia;
\v 30 Ni ra sa tubu, dou sa raicia ka kila kinia vakai ikonu ni sa voleka na vulai katakata.
\v 31 Sa vavoki lia kinia koi ikonu, ni dou sa raicia na kena yaco na veika koya, dou na kila kinia ni sa voleka na matanitu ni Kalou.
\v 32 Au sa tukunia vamatata vi ikonu, ena yaco mada e liu na ka kece lia, ena yali ni takali na tabatamata koya: E
\v 33 na takali ko lomalagivata ki vuravura, ia na noqu vosa ena yali ni takali.
\p
\v 34 Ia dou qarauni ikodou vavinaka, de dua na siga sa bibi kinia na yalomudou ena kakana, vata ki na daumateni, vata ki na lomaocaoca ena veika ni bula koya, ka yaco vakidacala kinia vi ikodou na siga koya.
\v 35 Ni sa va nai cori ni yaco vi ira kece lia era sa tiko e delai vuravura taucoko.
\v 36 O koya mo dou qai vatawa, ka masu tiko lia, mo dou vabau kinia mo yaga me bula mai na ka kece lia koya ena yaco mai, ka tu e mata ni luve ni tamata.
\p
\v 37 A sa vatavuvuli tiko ko koya ena vale ni soro ni sa siga, ia ni sa bogi sa qai yani ka moce e ulu ni vanua sa vayacani kinia na violive.
\v 38 A ra sa qai mai vua na lewe levu ki na valenisoro ni sa savulaci caca, me ra rogoci koya.
\c 22
\cl Wase 22
\p
\v 1 A sa voleka na gauna ni Solevu ni Madrai Yali ni Vatubu, ka sa vatokai na kana vata ni qai-sivia.
\v 2 A ra sa vinanuyakia ko ira na bete levu vata ki na vunivola e dua na sala me ra vamatei koya kinia, ni ra rerevaki ira na tamata
\v 3 Sa qai curu ko Setani ki na loma i Jutasa, o koya sa yacana voki lia ko Isakarioti, a sa dua vi ira na lewe tinikarua na tisaipeli.
\v 4 A sa qai ko Jutasa ka vivosaki vata ki ira na bete levu vata ki ira na i liuliu ni valenisoro se me na vatakilai Jisu vacava vi ira.
\v 5 A ra sa reki ka ra yalatakia me soli vua nai lavo.
\v 6 A sa vadonuya ko koya, ka sa qai warakia e dua na gauna vinaka me solia koya kinia vi ira, ni ra se tu tani na lewe levu.
\p
\v 7 Sa qai yaco mai na siga ni madrai yali ni valeveni, ka dodonu me vamatei voki lia na lami ni kana vata ni qai-sivia.
\v 8 Io ko Jisu sa talai Pita vata ki Joni, ka tukunia, “Mo drau qai ka varautakia na kakana ni qai sivia me da kana.”
\p
\v 9 A ra sa tukunia vi Jisu, “Evei na vanua ikodou sa vinakatia me kirau varau kinia?”
\p
\v 10 A sa saumia vi ira, “Raicia, ni drau sa curu ki na koro drau na sota kaya e dua na tamata sa cola tu e dua na saqa wai, muri koya ki na vale sa curu kinia ko koya.
\v 11 Ka tukunia vua nai taukei ni vale, Nai Vavuvuli sa tukunia vi iko, “I vei na nodra tikinia na vulagi, na vanua au kana vata kinia vata ki iratou na tisaipeli?”
\v 12 Ena qai vatakila vi kodrau e dua na vanua e lala levu tu ena taba vale i cake ia ka sa vaiyaya vinaka tu. Drau varau kinia.”
\v 13 Io e rau sa qai, ka raica na veika kece lia sa tukunia vi rau ko Jisu. Ia rau sa varautakia na kakana ni kana vata ni qai-sivia.
\p
\v 14 Ni sa yaco mai na gauna ni kana vata ni qai-sivia, sa qai mai ko JIsu ka dabe vata ki iratou na tisaipeli.
\v 15 Ia sa qai tukunia vi iratou, “Au sa vinakatia valevu me'u kana vata ki ikodou ena qai-sivia ko ya ni bera niu mate.
\v 16 Au sa tukunia vi ikodou, au na yali ni kana voki me yacovia ni sa vataucokotaki na matanitu ni Kalou.”
\v 17 Ia ko Jisu sa tauria e dua na bilo, ni sa vavinavinaka oti, ka tukunia, “Dou tauria ko ya, ka viwaseitakia vi ikodou.
\v 18 Niu sa tukunia vi ikodou, Au na yali voki ni gunuvia na vua ni vaini me yacovia ni sa qai mai na matanitu ni Kalou.”
\v 19 Ia sa qai tauria na madrai, ka vavinavinakatakia, ka dovia, solia vi iratou na tisaipeli, ka tukunia, ko ya na yagoqu, ka sa soli vi ikodou. Dou caka ka dau vananumi au kinia.”
\v 20 A sa qai tauria voki lia na bilo ni sa oti na i varaiyavi, ka tukunia, “Ko ya na bilo vou ni noqu viyalayalati ni noqu dra, sa livirakia vi ikodou.
\v 21 Ia dou raicia, sa tu vata ki au ena teveli na liga i koya sa soli au yani.
\v 22 Ia sa qai na luve ni tamata me vaka sa lesi, ia ka ca vua na tamata gona sa soli koya yani!”
\p
\v 23 Era sa qai vitarogitakia vakai ira se ko cei beka vi ira ena caka na ka koya.
\p
\v 24 Ia era a vileti voki lia e liu se ko cei vi ira ena cavuti me uasivi cake.
\p
\v 25 A sa tukunia vi ira ko koya, Era sa lewai ira na vimatanitu ko ira na nodra tui; ia ko ira sa vitalia vi ira, era sa vatokai me daucaka vinaka.'
\v 26 Ia dou kakua ni vakinia ko ikodou. Io, ko koya vi ikodou sa levu cake, me sa vaka lia na gone, ia ko koya sa turaga me vataki koya sa dauviqaravi.
\v 27 Ko cei vi rau sa uasivi cake, ko koya sa tiko me kana se ko koya sa dauviqaravi? E yali ni ko koya sa dabe ena teveli? Ia au sa maliwai ikodou na dauviqaravi.
\p
\v 28 Ia ko ikodou lia dou sa dau tiko vata ki au ena noqu vosotia na dau vivatovolei.
\v 29 Au sa solia vi ikodou e dua nai varau, me vaka sa solia vi au ko tamaqu,
\v 30 ka rawa ni ko kana ka gunu ena teveli ena noqu matanitu vata ki koya sa dabe ni viliutaki ka vatulewatakia na yavusa Isireli.
\p
\v 31 “I Saimoni, I Saimoni, qaraunia, sa kerei iko oti ko Setani me vatovolei iko me vaka na witi.
\v 32 Ia ka'u sa masulaki iko, me kakua ni malumalu na nomu vabauta: ia ni ko sa saumaki voki, mo vataudeitaki ira na wekamu.”
\p
\v 33 Sa qai tukunia vua ko Pita, Turaga, au sa varau me'u qai vata ki ikodou ki na valenivesu vata ki na mate voki lia.
\p
\v 34 A sa saumia ko Jisu, “Au sa tukunia vi iko, Pita, ni sa bera ni tagi na savulaci na toa, ko na cakataki mada vatolu na nomu kilai au.
\p
\v 35 A sa tukunia ko Jisu vi ira, Ni’u a talai ikodou lowa ka yali na nomudou taga ni lavo, se na taga ni vaqa, se nai vava, dou a dravudravua li e na dua na ka? A ra sa tukunia, E yali.
\p
\v 36 Sa qai tukunia ko koya vi ira, Ia ni kua, ko koya sa tu vua na taga i lavo, me yadia, me va vokia kinia na taga kakana: ia ko koya sa yali vua nai seleiwau, me volitakia na nonai sulu, ka volia kinia e dua.
\v 37 Ni'u sa tukunia vi ikodou, e dodonu me vayacori vi au na ka sa volai vaka ko ya, sa wili vata ki ra na tamata ca.' Ni sa vayacori sara me oti na veika kece lia ena vukuqu.
\p
\v 38 Ia ra mani tukunia, Turaga, raicia, e rua lia nai seleiwau ko ya.” A sa qai saumia vi ira, “Sa rautia”
\v 39 A sa qai ki tautuba, qai me vaka na nonai valavala, ki na ulunivanua ni violive, as muri koya ko ira na nona tisaipeli.
\v 40 Ia ni ra sa yaco ki na yasana gona, sa tukunia vi ira ko Jisu, “Dou vatawa ka masu me kakua ni warai ikodou na meca.”
\v 41 A sa qai tani vayawa mai vi ira me vaka ni viritakia e dua na vatu, sa tekiduru sobu ka masu.
\v 42 Ka tukunia, Tamaqu, kevaka ikonu sa vinakatia, ni yadi tani vi au na bilo gona: ia me yaco lia na nomuni lewa.
\v 43 Ia sa rairai mai vi koya e dua na agilosi mai lomalagi, a sa mai vakaukauwataki koya. Ia ni sa yaluma sara, sa masu vagumatua cake kinia:
\v 44 ia na nona buno sa vaka na titiri ni dra ni sa lutu ki na qele.
\v 45 Ia ni sa tu cake voki mai na masu, sa qai vi ira na tisaipeli ka raicia ni ra sa moce baletia ni sa rarawa na lomadratou
\v 46 ka tarogi ira ko koya, dou sa moce ena vuku ni cava? Dou tu cake ka masu, me kakua ni rawai ikodou na vere.”
\p
\v 47 Ni sa vosa tiko ko Jisu, raicia, e dua nai lawalawa era sa basika vata mai ki Jiutasa, e dua vi iratou na lewe tinikarua, ka liutaki ira. Sa qai volekati Jisu ka regucia,
\v 48 sa tukunia vua ko Jisu, I Jiutasa, ko sa varaitakia na Luve ni Tamata ena dua nai regu?”
\p
\v 49 Ko ira era sa tiko vavolivoliti Jisu sa raicia na ka gona, era sa tukunia, “Turaga, me kimamu tatalaki ira ena i seleiwau?”
\v 50 Ka sa dua vi ira sa yavitia na nona tamata na bete levu, ka takia tani na daligana i matau.
\p
\v 51 Sa tukunia ko Jisu, “Sa rautia!” Ka tara na daligana na tamata ko ya ka vabula.
\v 52 Sa qai tukunia ko Jisu vi ira na bete levu, vi ira turaga ni valu ni valenisoro vata ki ira na qase era sa qai mai vakaukauwa vua, “Au kurabui ni dou sa qai mai vi au vata nai seleiwau ki nai wau mo dou mai vesuki au, me vaka na daubutako?
\v 53 Au dau tiko vata ki ikodou ena valenisoro ena visiga, dou sa yali ni tovolea mo dou vesuki au! Ia ena gauna ko ya dou caka na ka sa yaga vi ikodou. Ia na nomudou gauna koya vata ki na kaukauwa ni butobuto.”
\p
\v 54 A ra tauria vakaukauwa, ka yadi koya tani ki na nodra vale na bete levu. Ia sa muri vayawa mai ko Pita.
\v 55 Ia ni sa waqacia na buka ena rara ni mata ni vale, ka ra sa tiko sobu vata ki Pita.
\v 56 Ia e dua na vada sa raici koya ni sa dau tiko voleka ki na buka, a sa varaici koya matua, ka tukunia, Ko koya voki lia koya ka dau tiko kaya.
\p
\v 57 A sa cakitakia ko Pita, ka tukunia, Yalewa, au sa yali ni kilai koya.
\p
\v 58 A sa dede valailai lia sa dua tani voki sa raici koya, ka tukunia, “Ko iko voki lia e dua vi ira. A sa tukunia ko Pita, Ko iko, e yali ni koi au.
\p
\v 59 Sa oti voki e dua na yauwa sa mai tarogia vamatua ka tukunia. “Sa dina lia sa tiko kaya ko koya koya, ni sa kai Kalili.”
\p
\v 60 Ia ko Pita sa tukunia, “Ko iko, au sa yali ni kila na ka ko sa tukunia.” Ia ni sa vosa tiko ko koya, sa tagi sara na toa.
\p
\v 61 A sa vuki na Turaga, ka varaici Pita. A sa nanumia ko Pita na vosa ni Turaga, ni sa tukunia vua, Ni a bera ni tagi na toa, ko na cakitaki au mada vatolu.
\v 62 A sa qai ki tautuba ko Pita ka tagi valevu sara.
\p
\v 63 Ia ko ira na tamata era sa tauri Jisu, era sa valialiai koya ka vacukia.
\v 64 Ia ni ra sa tabonakia na matana, ka tarogia, ka tukunia, Tukunia mai se ko cei sa sabici iko.
\v 65 Ia ka levu voki na ka era sa tukunia ni ra sa vosavacacatakia.
\p
\v 66 Ia ni sa yaco me siga na vanua, era sa soqoni vata ko ira na nodra qase na tamata vata ki ira na bete levu vata ki ira na vunivola, era sa yadi koya ki na vale ni vilewai,
\v 67 ka tarogia, O iko na Karisito, se yali tukunia mai vi kimamu,” Ia sa tukunia vi ira, “Kevaka au na tukunia vi ikodou, ikodou na yali ni vabautia,
\v 68 ia kevaka au na tarogia vi ikodou, ikodou na yali ni saumia.
\v 69 Ia na gauna ko ya, na Luve ni Tamata ena dabe ena liga i matau ni Kalou kaukauwa”
\v 70 Era sa tukunia kece, “Kevaka ko sa Luve ni Kalou?” Sa tukunia vi ira ko Jisu, Dou sa tukunia dina, sai au lia.
\v 71 Era sa qai tukunia, “Sa yaga vacava me dua nai vadinadina? Ni da sa rogocia lia koi ita mai na gusuna dina.
\c 23
\cl Wase 23
\p
\v 1 A sa cavutu ko ira kece lia na lewe levu, ka yadi koya vi Pailato.
\v 2 A sa vatekivu me ra bitakia, a ra sa tukunia, “Kitou sa raici koya sara lia, ni sa vukici ira vatani na lewe ni vanua, sa vatabuya na soli vaicavacava vi Sisa, sa tukunia ni Karisito na Tui ko koya.”
\p
\v 3 A sa tarogi koya ko Pailato, ka tukunia. Ko iko na nodra Tui na kai Jutia se yali? A sa vosa o koya ka tukunia vua, ko sa tukunia dina mai.
\p
\v 4 Sa qai tukunia ko Pailato vi ira na bete levu vata ki ira na lewe levu, Au sa yali raicia e dua na ka ca vua na tamata koya.
\p
\v 5 Era sa qai gumatua valevu mai, ka tukunia, sa vayavalati ira na tamata e Jutia taucoko ko koya ena nona i vavuvuli, sa vatekivu mai Kalili ka yaco ki na yasana koya.
\p
\v 6 Ia ni sa rogocia ko Pailato, sa tarogia, se sa kai Kalili ko koya se yali.
\v 7 Ia ni sa kila sa dau tiko ko koya ena yasana sa lewa kinia ko Eroti, sa talai koya vi Eroti, ko koya voki lia sa tiko mai Jerusalemi ena gauna gona.
\v 8 Ia ni sa raici Jisu ko Eroti, sa reki sara ni sa gadrevia me raicia, ni sa rogocia vua, ni sa nuitakia me raici koya ni caka e dua na cakacaka mana.
\v 9 A sa levu na ka sa tarogia vua, sa yali na ka sa tukunia ko koya.
\v 10 A ra sa tu kinia na bete levu vata ki ira na Vunivola, a ra sa bitakia valevu sara.
\v 11 Ia ko Eroti vata ki ira na nona sotia, era sa vasewasewania, ka valialia, a ra sa vaicurucurutakia ena dua nai sulu lumilumisa, a ra sa tala voki yani vi Pailato.
\v 12 A rau sa vivinakati voki ena siga koya ko Eroti ki Pailato, ni rau vicati tu e liu.
\p
\v 13 Ia ko Pailato ni sa vasoqoni ira vata na bete levu vata ki ira na turaga vata ki ira kece lia na tamata,
\v 14 sa tukunia vi ira, Dou sa yadia mai vi au na tamata koya, me vaka e dua na vukici ira vatani na tamata, ia raicia au sa tarogia ena matamudou, ia kau sa yali raicia vua na tamata koya e dua na ca dou sa bitakia vua.
\v 15 Ko Eroti voki lia, e yali, niu a talai ikodou vua, raicia sa yali na ka e raicia vua o Eroti me mate kinia.
\v 16 O koya, au na vakanakuitatakia ka serekia.
\v 17 Ni sa dodonu me sereki vei ira e dua na tamata ena solevu koya.
\p
\v 18 A ra sa sosoraki vata kece lia, ka tukunia, Me yadi tani vi kimamu o koya me sereki lia o Parapa.
\v 19 Ko koya ka dai tu i vale ni vivesu, ni sa vatubu vivala ena koro ka ni ma laba voki lia.
\v 20 Ia ni sa via sereki Jisu ko Pailato, sa vosa voki vi ira.
\p
\v 21 A ra sa kacivakia, ka tukunia, “Vakotia lia ki na kauveilatai, vakotia lia ki na kauveilatai.”
\v 22 A sa tukunia vatolu vi ira ko koya. A cava na ka ca sa caka o koya? Au sa yali ni raicia vua e dua na ka caka cala. Sa yali ni dodonu voki lia me mate, au sa na vakanakuitatakia lia ka serekia.
\v 23 Era sa qai gumatua ni tabalakia na kaci, ni ra sa kerea me vakoti lia ena kauveilatai. Era sa rawa na lomadra.
\v 24 A sa lewa ko Pailato me yaco na nodra cikecike.
\v 25 A sa serekia ko koya mai ko era sa kerea ko koya ka bala i vale ni veivesu, ena vuku ni visei kei na laba. Ia sa soli Jisu me vaka na nodra gagadre.
\p
\v 26 Ia ni ra sa yadia koya yani, a ra sa tauria e dua na kai Kirini, ko Saimoni, o koya sa qai mai vanua, a ra sa tauri koya ka ra dainia vua na kauveilatai, me cola ka muri Jisu.
\v 27 A ra sa lewe levu sara era sa muri koya, vata ki ira voki lia na yalewa, a ra sa tagi ka tagicakia.
\v 28 A sa vuki vi ira ko Jisu, ka tukunia, o ikodou na yalewa ni Jerusalemi, Dou kakua ni tagicaki au ia dou tagicaki ikodou ki ira na luvemudou.
\v 29 Raicia, sa voleka ni yaco na siga, ena tukuni kinia. Sa kalougata na yava vata ki na kete sa yali ni sucu mai kinia na gone.
\v 30 Era na qai tukunia ki na viulunivanua, “Lutuki kimamu mai,” ki na vi vanua cecere “Ubi kimamu mai.”
\v 31 Ia kevaka era caka ni veika koya ni sa drokadroka na kau, a cava ena caka ni sa madu.
\p
\v 32 A rau sa lewe rua tani voki lia, na tamata caka ca, eratou sa yadi vata kaya me ratou vamatei.
\v 33 Ia ni ra sa yaco kina yasana, a yacana ko Kalivari (A vanua ni qavokavoka) a ra sa vakotia ena kauveilatai.
\v 34 Sa qai tukunia ko Jisu, “I Tamaqu, kakua ni cudruvi ira, ni ra sa yali ni kila na ka era sa caka jiko.” A ra sa vota na nona i sulu, ka ia na vawiri madigi.
\v 35 A ra sa tu na lewe levu me ra varaicia. Ko ira voki lia na turaga era sa valialia, ka tukunia, o koya “Sa dauvabulai ira na tani, me na vabulai koya mada, kevaka sa Karisito ko koya, na digitaki ni Kalou.”
\p
\v 36 Ko ira voki lia na sotia era sa valialiai koya, era sa qai mai ka solia vua na wai wiwi
\v 37 a ra sa tukunia vua, kevaka ko sa nodra Tui na kai Jutia, vabulai iko mada.
\v 38 A sa dua nai vola sa toka i colo vua, sa volai ena vosa va-Kirisi ki na vosa vaka Roma vata ki na vosa va-Iperiu, O KOYA KOYA NA NODRA TUI NA KAI JUTIA.
\p
\v 39 A sa vosa vacacataki koya e dua virau na tamata caka ca, ka tukunia, “Kevaka sa Karisito ko iko, vabulai iko vaka voki lia o kirau.”
\p
\v 40 A sa tukunia na kena i karua, ka vunauci koya, “Ko sa yali ni rerevakia beka na Kalou ni ko sa lewai mo mate vaidina?
\v 41 Ia sa dodonu vi kitaru me saumia vi kodrau me vaka na nodar i valavala; ia na tamata koya sa yali ena ca e caka.”
\v 42 A sa tukunia vi Jisu ko koya, “ikonu na Turaga nanumi au ni ikonu sa qai mai nomuni matanitu.”
\p
\v 43 A sa tukunia vua ko Jisu, “au sa tukunia vaidina vi iko ena siga lia ni kua e daru na jiko vata lia mai parataisi.”
\p
\v 44 Ia sa i ka ono ni auwa, a sa butobuto na vanua taucoko ka yacovia nai ka ciwa ni auwa.
\v 45 A sa vabutobutotaki na matani siga; a sa kasei rua nai lati ni valenisoro.
\v 46 Ia ni sa kaci ena domo levu o Jisu, ka tukunia, “I Tamaqu au sa solia na yaloqu ki na ligamunu,” ia ni sa vosa oji sa qai ciba.
\p
\v 47 Ia ni sa raicia na Turaga ni valu na ka sa yaco, sa varokorokotakia na Kalou, ka tukunia, “e dina lia sa tamata dodonu na tamata ko ya.”
\v 48 Ia ko ira kece lia na tamata era sa qai mai me raicia na ka koya, ni ra sa raicia na ka sa yaco, era sa tavia na lomaseredra, ka lesu voki yani.
\v 49 O ira voki lia na wekana vata ki ira na yalewa era muri koya mai Kalili, era sa tu vayawa ka raicia na veika sa yaco.
\p
\v 50 Ka sa dua na tamata sa yacana ko Josefa, sa dua vi ira na matavilewai; a tamata vinaka ka dodonu.
\v 51 (A sa yali ni loma vata se cakacaka vata ki ira) A kai Arimacea e dua na nodra koro na kai Jutia, a sa warakia voki lia na matanitu ni Kalou.
\v 52 Sa qai ko koya vi Pailato, ka kerea lia na yago i Jisu.
\v 53 A sa dainia sobu mai, ka solegia ena dua nai sole lineni, ka vadavoria ena dua nai bulubulu sa ta ena vatu, sa yali ni dua e davo kinia.
\v 54 Ia sa siga Varau, a sa roro mai na siga ni vacecegu.
\v 55 Ia ko iratou voki lia na yalewa, eratou a qai vata kaya mai Kalili, eratou sa muri yani, a ratou sa raicia nai bulubulu, vata ki nai valavala ni kena koto na yagona.
\v 56 A ratou sa lesu voki, ka varautakia eso na ka boivinaka vata ki nai lumu: a ratou sa vacegu ena siga ni vacecegu me vaka na vunau.
\c 24
\cl Wase 24
\p
\v 1 Ia ena matai ni siga ni wiki, ena savulaci caca, e ratou sa qai mai kinai bulubulu, e ratou sa yadia vata ki iratou eso na ka boi vinaka eratou sa varautakia tu.
\v 2 E ratou raicia ni sa vaqiqici tani na vatu mai nai bulubulu.
\v 3 E ratou sa curu e loma ka yali kunea na yagoi Jisu.
\v 4 A sa yaco ni ratou sa kurabuitakia na ka sa yaco, ka vasauri, sa tu voleka e yasadratou e rua na tamata enai suli lumilumisa.
\v 5 E ratou sa rere ka cuva sobu ena qele, rau sa tukunia vi iratou, “cava dou sa mai vaqarai koya sa bula ena kedra maliwa na mate?
\v 6 “Sa yali gona o koya, sa tucake voki. Nanumia na nona vosa vi ikodou, nona sa tiko vata ki ikodou mai Kalili,
\v 7 ni sa tukunia, ena soli yani na luve ni tamata ena ligadra na tamata ca, ka na lauvako ki na kauveilatai ka na tucake voki ena i ka tolu ni siga.
\v 8 A ratou sa qai nanumia na nona vosa,
\v 9 ka suka tani mai enai bulubulu, ka tukunia na ka kece lia koya vi ira na lewe tini kadua, vi ira kece lia na kena vo.
\v 10 Sa yaco ko Meri na yalewa ni Makitala, Joana, Meri na tinai Jemesa vata ki ira na yalewa era tiko vata ki iratou e ratou sa mai tukunia na veika koya vi iratou na apositolo.
\v 11 A sa vaka nai tukutuku lowa vi ira na nodratou vosa, a ra sa yali ni vadinatia.
\v 12 Sa qai cavutu ko Pita, ka cici kinai bulubulu, ia ni sa cuva sobu, ka raicia nai sole lineli ni sa no lowa, a sa qai tani a sa kurabui e lomana ena vuku ni ka sa yaco.
\p
\v 13 Ka raicia sa lewe rua vi ira sa qai ena siga dina koya ki na dua na koro lailai ko Emeo na yacana, e vitu beka na maile mai Jeruisalemi.
\v 14 A rau sa vitalanoatakia na veika kece lia sa qai yaco
\v 15 Ia ni rau sa vitalanoatakia ka viwaseitakia, sa toro voleka ko Jisu, ka qai vata kirau.
\v 16 A sa vamatabuwawatakia na matadrau me rau kakua kilai Koya.
\v 17 A sa tukunia vi rau ko koya, “ai tukutuku cava koya drau sa vivosakitakia ni drau sa qai tu?” A rau sa tu vadua ka vavevekumata.
\p
\v 18 A sa dua vi rau, na yacana ko Kaliopasa, sa vosa vua ka tukunia o iko dua loa beka na vulagi mai Jeruisalemi ka yali ni kila na veika sa qai yaco ena gauna koya?”
\p
\v 19 A sa tarogi rau ko koya, “a ka cava?” a rau sa tukunia vua, na ka sa baleti Jisu nai kai Nasareci, a parofita sa levu ena cakacaka ki na vosa ena mata ni Kalou ki na matadra kece lia na tamata.
\v 20 A sa soli koya ko ira na bete levu vata ki ira na nimamu Turaga me lewai me mate, a ra sa vakotia ki na kauveilatai
\v 21 Ia kimamu a nuitakia ni sai koya lia koya ena vabulai ira na Isireli. Ia koya voki lia na kenai ka tolu ni siga ni kua ni sa caka oti na ka koya.
\v 22 Ia ka so voki lia na nimamu yalewa, e ratou sa vamatalautaki kimamu, ni ratou a qai kinai bulubulu e savulaci caca.
\v 23 Ia ni ratou sa yali kunea na yagona, e ratou sa lesu voki mai ka tukunia, ni ratou a raicia eso na agilosi sa rairai vi iratou, ka tukunia sa bula ko koya.
\v 24 O iratou voki lia eso eratou sa dau tiko vata ki kimamu, eratou sa qai ki nai bulubulu, a ratou sa raicia ni sa vaka na ka eratou a tukunia na yalewa. Ia eratou sa yali ni raici koya.
\p
\v 25 A sa tukunia vi rau ko koya, drau sa sesewa, ka yali ni vabautia na ka kece lia sa tukunia ko ira na parofita.
\v 26 E yali beka ni kilikili ki koya na Karisito mo vosotia mada na veika koya me qai curu ki na nona i ukuuku.
\v 27 Ka sa vatekivu enai vola i Mosese ka yacovi ira kece lia na parofita, ka serekia vi rau nai Vola Tabu kece lia na vosa ka tukunia ko koya.
\p
\v 28 A ratou sa torovia na koro lailai e rau sa qai kinia. A sa qai ko koya me vaka sa via qai ki liu.
\v 29 A rau sa cikevia matua, ka tukunia, ni tiko lia ki kirau, ni sa qai raiyavi, a sa kala na siga, a sa curu ko koya me tiko vata kirau
\v 30 Ia ni ratou sa tiko sobu me ratou kana, sa tauria na madrai ko koya, ka lotutakia, ka dovia, ka solia vi rau.
\v 31 A sa lau na matadrau, a rau sa kilai koya. A sa takali ko koya mai na matadrau.
\v 32 A rau sa vitukuniyakia vairau, sa yali li ni katakata sara na lomadaru ni datou sa vivosaki kaya ena gaunisala, ni sa vamacalatakia vi kidaru nai Vola Tavu ko koya?
\v 33 A rau sa cavutu ena tiki ni raiyavi koya, ka lesu voki ki Jeruisalemi, a rau sa raici ira na lewe tinikadua ni ra soqoni vata mai ki ira era dau tiko vata ki ira.
\p
\v 34 A ra sa tukunia, sa dina sa tucake voki na Turaga, ka sa rairai vi Saimoni.
\v 35 A rau sa tukunia voki lia na veika sa caka e gaunisala, ka ni rau sa kilai koya voki lia ni sa dovia tiko na madrai.
\p
\v 36 Ia ni ra sa vosa tiko va koya, sa tu sara ena kedra maliwa ko JIsu, ka tukunia vi ira, dou vacegu lia.
\v 37 A ra sa kidroa ka rere sara, a ra sa nanumia ni ra sa raicia e dua na yalo.
\v 38 A sa tukunia vi ira ko koya, dou sa kidroa ena vuku ni cava? Ka sa tubu na vanananu ena lomamunu ena vuku ni cava?
\v 39 Tarai au, ka raicia na ligaqu vata ki na yavaqu ni sai au dina lia, ka raicia, ni sa yali ni valewena se vasuina na yalo me vaka dou sa raicia vi au.
\v 40 Ia ni sa vosa oti ko koya sa varaitakia vi ira na ligana vata ki na yavana.
\v 41 Era se yali tiko lia ni vabautia ena levu ni reki vata ki na marau, sa tukunia vi ira, “Sa tu e dua na kakana vi ikodou, se yali?”
\v 42 A ra sa solia vua e dua na tiki ni ika tavu.
\v 43 A sa tauria ko koya, ka kana e matadra.
\p
\v 44 A sa tukunia vi ira ko koya, koya na vosa kau a dau tukunia vi ikodou ena gauna au a dau tiko kinia vata ki ikodou, ni veika kece lia e volai enai Vunau i Mosese vata ki na nodrai vola na parofita vata ki na Same me na vavotukana.
\v 45 Sa qai vararamatakia ko koya na nodra vasama me ra kila nai Vola Tabu.
\v 46 A sa tukunia vi ira, “Io, ni sa volai ena dua na gauna makawa, ni na vasaurarataki na Mesaia, ka mate, ka qai tucake voki enai katolu ni siga.”
\v 47 Me vunautakia voki lia na vivutuni, vata ki na vabokoci ni valavala ca, ena vuku ni yacana vi ira na lewe ni vivanua kece lia me tekivu mai Jeruisalemi.
\v 48 Ia koi ikodou nai vadinadina ni veika kece koya.
\v 49 Ka raicia au sa tala yani na ka sa yalatakia tu ko Tamaqu vi ikodou. Ka mo dou tiko lia ena koro me yacovia ni sa vaisulutaki ikodou ena kaukauwa mai colo.
\p
\v 50 A sa yadi ira yani i Pecani, ka lavetia cake na ligana ka vosa vakalougatataki ira.
\v 51 A sa yaco, ni sa vosavakalougatataki ira tiko, sa yadi tani vi ira, a sa yadi cake ki lomalagi.
\v 52 A ra sa qaravi koya ka lesu voki ki Jeruisalemi ena reki.
\v 53 Era jiko lia ena vale ni lotu ka vacaucautakia na Kalou.