kvb_reg/61-1PE.usfm

\id 1PE
\ide UTF-8
\h 1 Petrus
\toc1 1 Petrus
\toc2 1 Petrus
\toc3 1pe
\mt 1 Petrus
\c 1

\s (Salam deri Petrus)
\p
\v 1 Deri Petrus, seurang rasol Yesus Kristus, kepodo urang-urang nyo tinggal sebagoi urang aseng, nyo tesebar de segelo wilayah Pontus, Galatia, Kapadokia, Asia ngan Bitinia; nyo depileh
\v 2 sejak tekalohe uleh Allah Bepa melalui pengudoson uleh Roh untok depot hidop delom ketaaton kepodo Kristus Yesus ngan memperuleh perecekon deroh-Nye: Kironye anugrah ngan damai sejahtera melimpah pocokme!
\s (Pengharapon nyo Hidop)
\p
\v 3 Terpujilah Allah ngan Bepa deri Tuhan kite Yesus Kristus, nyo sesuoi ngan anugrah-Nye nyo sajo godong, lah melaherko kite belek ke delom pengharopon nyo hidop melalui kebangketon Kristus Yesus deri antaro urang mati,
\v 4 ngan untok mewaresi reto pesako nyo hopi pacok benaso, hopi pacok rosak, ngan hopi pacok layu; nyo tesimpan de surga untok kowe,
\v 5 nyoiye kowe nyo delindongi uleh kuaso Allah melalui iman keselamaton nyo siap denyatoko podo akher zaman.
\v 6 Delom nielah kowe sajo besukacita, sekalipon untok sementaro waktu, munye depereluko, kowe haros menderita berbagoi macam pencobaan
\v 7 sehinggo imanme nyo lobeh berega deripodo emas nyo fana, sekalipon lah teruji uleh apo, tebukti murni ngan menghaselko pujion, kemuliaon, ngan kehormaton podo saat penyataon Yesus Kristus.
\v 8 Kowe bolom perenah mengola enye, cuma kowe mengasehe-Nye, ngan meskipon kinie kowe hopi menoleh-Nye, cuma kowe pecayo kepodo-Nye. Kowe begembira ngan sukacita nyo hopi teboekoh ngan nyo deponohi kemuliaon,
\v 9 ulehnyo akher deri tujuon imanme sedang tecapai, nyoiye keselamaton jiwome.
\p
\v 10 Tentang keselamaton nie, para nabi nyo menubuatko anugrah nyo nak menjedi melekme iye lah menyeledeki ngan mempelajorinye ngan sajo teliti.
\v 11 Mike delok tahu tentang siape ngan kapankah waktu nyo demaksud uleh Roh Kristus nyo ado delom diri mike tekalo Ye menebuatko penderitaon Kristus ngan kemuliaon nyo nak detong sesodahnye.
\v 12 Kepodo para nabi iye denyatoko behwa mike bukon melayani diri mike dewek, cuma melayani kowe delom hal-hal nyo kinie lah desampoiko kepodome melalui urang-urang nyo mengabarko Injil kepodome ngan Roh Kudus nyo deutus deri sorga; hal-hal iyelah nyo sajo endok desaksiko uleh para malaikat.
\s (Panggilon untok Hidop Kudus)
\p
\v 13 Ulehnyo iye, siapkolah akal budime ngan waspadalah, potekolah pengharoponme seponohnye podo anugrah nyo nak deboriko kepodome saat Kristus Yesus denyatokoh.
\v 14 Sebagoi anak-anak nyo taat, jengonlah tondok kepodo nafsu jahatme upa tekalo kowe lagi hidop delom kebodohon me,
\v 15 cuma kuduslah delom segelo tingkoh lakume, upa Allah nyo memantolime adolah kudus.
\v 16 Sabab ado tetoles, “Kuduslah kowe ulehnyo ake kudus.”
\p
\v 17 Ngan, munye kowe memantou-Nye sebagoi Bepa, nyoiye Nye nyo menghakemi setiap urang sesuoi perbuaton mike tanpa membeda-bedako, hidoplah delom raso takot selamo kowe lage tinggal sebagoi urang aseng;
\v 18 ngan mengetahui behwa kowe sodah detobos deri caro hidop nyo sio-sio, nyo kowe warasi deri nenek puyangme, bukon ngan barang nyo fana upa emas apo perak,
\v 19 meloenko ngan dero Kristus nyo mulia, dero Anak Domba nyo hopi becacat ngan nyo sempurna.
\v 20 Sabab, Kristus sodah depileh sebolum dunia deciptako, cuma Ye baru denyatoko podo zaman akher nie demi kowe.
\v 21 Melalui Nye, kowe menjedi pecayo kepodo Allah; iyelah Allah nyo membangketko-Nye deri antaro urang mati ngan Allah nyo memboriko kemuliaon kepodo-Nye, empoknyo iman ngan pengharoponme adolah de delom Allah.
\p
\v 22 Ulehnyo kowe sodah mnjerenehko jiwome delom ketaaton kepodo kebonoron sehinggo memeleki kaseh pesaudaraon nyo tulus, mengka ayoklah saleng mengasehi ngan sungguh-sungguh deri hati nyo murni,
\v 23 sabab kowe lah delaherko buik, bukon deri beneh nyo depot mati, meloenko deri beneh nyo hopi depot mati, nyoiye melalui firman Allah nyo hidop ngan tinggal tetap.
\v 24 Kitab Suci bekehato, “Segelo nyo hidop adolah upa rumput, ngan segelo kemuliaonnye upa bunga rumput; Rumput layu ngan bunganye gugur,
\q
\v 25 cuma, firman Tuhan tetap selamo-lamonye.” Ngan, Firman iye adolah Injil nyo deberitako kepodome.
\c 2

\s (Betu nyo Hidop ngan Bengeso nyo Kudus)
\p
\v 1 Ulehnyo iye, campoklah segelo kebencion, segel tipu dayo, segelo kemunafikon, segelo iri hati, ngan segelo macam fitnah.
\v 2 Upa bai nyo beheru laher, hendoklah kowe mengendoko susu rohani nyo jereneh empoknyo kowe betomboh delom keselamatonme,
\v 3 munye kowe sodah bonor-bonor merasoko behwa Tuhan beik.
\p
\v 4 Saat kowe detong kepodo Kristus, Betu Hidop nyo detolak uleh mendesio, cuma nyo depileh uleh Allah ngan deanggap sajo berega bage-Nye,
\v 5 kowe jugo upa betu-betu hidop, nyo debengun menjedi suatu ruma rohani, imamat nyo kudus untok mempersembahkoh kurban-kurban rohani nyo bekenan kepodo Allah melalui Yesus Kristus.
\v 6 Ulehnyo Kitab Suci bekehato, “Kolelah, Ake motekoh sebuah betu de Sion, sebuah betu penjuru nyo tepileh ngan nyo mulia, ngan siape pon pecayo kepodo-Nye hopi nak depermalukoh.”
\p
\v 7 Jedi, betu iye mulia bage kowe nyo pecayo, cuma bage nyo hopi pecayo, “Betu nyo detolak uleh tukang-tukang bengunon, lah menjedi betu penjuru,”
\p
\v 8 ngan menjedi, “Seikok betu pantokon, ngan karang nyo mbuat urang titek.”
\p
\v 9 Hambok, kowe adolah bengeso nyo tepileh, imamat nyo rajani, bengeso nyo kudus, umat kepunyaon Allah dewek empoknyo kowe pacok memberitako kebeikan-kebeikan-Nye, nyo lah memantou kowe keluor deri kekolomon menuju kepodo tarang-Nye nyo ajaib.
\v 10 “Tekalohe, kowe bukonlah umat Allah, cuma kinie kowe adolah umat Allah. Tekalohe, kowe hopi menerimo belas kasehan, cuma kinie kowe lah menerimo belas kasehan Allah.”
\s (Menjelonko Hidop nyo Beik untok Kemuliaon Allah)
\p
\v 11 Dolor-dolor nyo kukasehi, ake endok menasehati kowe sebagoi pendetong ngan urang aseng de dunia nie untok menjauhkoh dirime deri keendokon hawo nafsu duniawi nyo beperang melawon jiwome.
\v 12 Jegolah tingka lakume nyo beik de antaro urang-urang nyo bolom pecayo empoknyo apobila mike memfitnameh sebagoi pelaku kejahaton, mike pacok ngoleh perbuatonme nyo beik, ngan nak memuliakoh Allah podo hari pelawaton.
\s (Patohilah Kepodo Penguaso)
\p
\v 13 Demi namo Tuhan, tundoklah kepodo setiap lembaga pemerintahon nyo detetapkoh uleh mendesio, beik kepodo rajo sebagoi penguaso tertinggi,
\v 14 apo kepodo para gubernur nyo deutus uleh rajo untok mehokom para pelaku kejahaton ngan membori pujion kepado urang-urang nyo bebuat beik.
\v 15 Sabab, upaiyelah kehendok Allah: ngan bebuat beol, kowe membungkam kehopitahuon urang-urang bodoh.
\v 16 Hidoplah sebagoi urang-urang nyo merdeka, cuma jengon pergunako kemerdekaonme iye sebagoi kedok bage kejahaton. sebeleknya, hidoplah sebagoi hamba-hamba Allah.
\v 17 Hormatilah segelo urang, kasehilah dolor-dolor seiman, takotlah akan Allah, ngan hormatilah rajo.
\s (Penderitaon Kristus sebagoi Teladan Hidop)
\p
\v 18 Hamba-hamba, tundoklah kepodo tuanme ngan segelo hormat. Bukon anyo kepodo mike nyo beik ngan lemah lombot, cuma jugo kepodo mike nyo hopi adel.
\v 19 Sabab merupako suatu kaseh karunia, munye demi kesadaronnye nak Allah, seseurang endok betahan delom penderitaon ulehnyo kehopiadelon.
\v 20 Sabab, apokah upame munye ngan taba kowe nerimo pukolon ulehnyo perbuatonme nyo bedoso? Cuma, munye kowe menderita ulehnyo bebuat beik ngan kowe menerimonye ngan tabah, tindakonme iye bekenan de hadopon Allah.
\v 21 Sabab, untok iyelah kowe depentou, ulehnyo Kristus jugo lah menderita bage kowe ngan meninggalko teladan bageme empoknyo kowe mehilui tijak-Nye.
\v 22 Ye hopi bebuat doso, ngan tipu dayo hopi ado de molot-Nye.
\q1
\v 23 Tekalo Ye dehima, Ye hopi membelos ngan himaon; tekalo Ye menderita, Ye hopi mengancam, cuma menyerahko diri-Nye kepodo Allah nyo nak mehakemi ngan adel.
\q1
\v 24 Ye dewek lah menanggong doso kite podo badan-Nye de kayu salib empoknyo kite mati terhadop doso, ngan hidop untok kebonoron. Uleh luka-luka-Nye, kowe desembuhkoh.
\v 25 Tekalohe, kowe upa domba-domba nyo teros-meneros tesosot, cuma kinie kowe lah belek kepodo Sang Gembala ngan Pelindong jiwamu.
\c 3

\s (Sikap Para Bini ngan Para Laki)
\p
\v 1 Upa iyelah jugo kowe, hai bini-bini, tondokla kepodo lakime. Sabab, apobila de antaro mike ado nyo hopi taat kepodo Firman, mike pacok demenangko uleh tingka laku binime tanpa kato-kato,
\v 2 sabab mike ngoleh betapo murni ngan tehormatnye tingka lakume.
\v 3 Jengonlah kebelagaonme beasal deri hiason luor, misalnye besentagen rambot, mukoi hiason emas, apo mukoi perebot mahal-mahal.
\v 4 Sebeleknye, hendokla kebelagaonme berasal deri delom batenme, iyelah kebelagaon nyo hopi pacok layu, nyo beasal deri roh nyo lemah lombot ngan tenang. Iyelah nyo behargo de mato Allah.
\v 5 Sabab, demikionla betina-betina kudus podo zaman tekalohe, nyo moteko harapon mike kepodo Allah, membelaguko diri mike; iyelah ngan tondok kepodo laki mike.
\v 6 Upaiyelah Sara taat kepodo lakinye, Abraham, ngan mantounye ‘tuan’. Kowe adolah anak-anak Sara munye kowe bebuat beik ngan hopi dekuasoi uleh raso takot ketiko melakukonye.
\p
\v 7 Demikion jugo kowe, hai laki-laki, hidoplah besamo binime ngan ponoh pengertion ulehnyo mike kaum nyo lobeh lemah. Hormatila mike sebagoi sesamo ahli wares delom anugrah hidop empoknyo doa-doame hopi tehalang.
\s (Menderita ulehnyo Bebuat Bonor)
\p
\v 8 Akhernye, hendakla kowe segelo melek kesatuon pekeron, belas kaseh, kaseh bedoloron, hati nyo lemah lombot, ngan kerendahon hati.
\v 9 Jengonla membelos kejahaton ngan kejahaton, apo mukion ngan mukion. Sebeleknye, hendokla kowe depantou, iyelah empoknyo kowe mewaresi berkat.
\v 10 Sabab Kitab Suci bekehato, “Barangsiape mencintai hidop, ngan nak ngoleh ari-ari nyo beik, nye haros menjago lidanye deri kejahaton, ngan bebernye deri ngucapko tipu muslihat.
\q
\v 11 Nye jugo haros menjouko diri deri nyo jahat ngan melakuko nyo beik. Hendokla nye delok kedamaion, ngan beusaha mengejarnye.
\q
\v 12 Sabab, mato Tuhan memperhatiko urang-urang bonor, ngan telinga-Nye dongorko doa-doa mike. Hambok, moka-Nye menantang urang-urang nyo melakuko kejahaton.”
\p
\v 13 Siapokah nyo nak mencelakoime munye kowe rajen melakuko hal nyo beik?
\v 14 Hambok, seandainye kowe haros menderita demi kebonoron, maka kowe nak deberkati. “Jengon takot ngan jengon gentar tehadop mike nyo membuatme menderito.”
\v 15 Cuma hambok, kuduskola Kristus sebagoi Tuhan de delom hatime! Siap sediola untok membori jawapon kepodo siapapon nyo menontotme mengenai pengharopon nyo kowe meleki,
\v 16 cuma lakukola iye ngan lemah lombot ngan hormat, serta melekila hati nurani nyo jerneh empoknye ketiko kowe depitna, urang nyo caci caro hidopme nyo beik de delom Kristus nak menjedi malu.
\v 17 Sabab, lobeh beik menderita ulehnyo bebuat beik, munye memang iye kehendok Allah, deripodo menderita ulehnyo bebuat jahat.
\v 18 Ulehnyo jugo Kristus lah menderita ulehnyo doso-doso, sekali untok segelo urang, nyo bonor mati untok nyo hopi bonor, sehinggo Nye pacok ngundu kite kepodo Allah. Debuno secaro jasmani, cuma dehidopko de delom Roh.
\v 19 Delom Roh, Nye jugo lari ngan melakuko pemberitaon kepodo roh-roh de penjarah,
\v 20 iyelah mike nyo tekoleh hopi taat ketiko Allah ngan sabar menanti mike podo zaman Nuh, sementaro Nuh bengun bahteranye. Melalui bahtera iye, anyo dikit, iyelah delapan urang bae, nyo deselamatko uleh aek bah.
\v 21 Aek bah iye melambangko bapteson nyo kinie menyelamatkome. Baptesan bukon untok mereseko kototan deri badan, cuma merupako permohonon kepodo Allah untok sebua hati nyo murni melalui kebangketon Yesus Kristus,
\v 22 iyelah Nye nyo kinie lah noek ke surga ngan berada de sebela kanon Allah; setela segelo malaikat, para pemerentah, ngan para penguaso detundoko kepodo-Nye.
\c 4

\s (Hidop nyo Beheru Melalui Roh)
\p
\v 1 Jedi, ulehnyo Kristus lah menderita secaro jasmani, hendokla kowe mempersenjatoi dirime ngan pekeron nyo samo, sabab urang nyo lah mengalamo penderitaon jasmani, lah berenti bebuat doso
\v 2 sehinggo delom menjeloni sisa hidop de dunia nie, nye hopi lage mengikoti keendok mendesio, meloenko kehendok Allah.
\v 3 Sabab cokopla waktu podo masa lalume untok melakuko kebiasaon urang-urang nyo hopi mengenal Allah; hidop delom hawo nafsu, kemabokon, pesta pora, minom-minom, ngan penyemba patong nyo ponoh kekejion.
\v 4 Kinie, mike sajo heran ketiko mendepoti behwa kowe hopi lage ikot delom kebejaton liar nyo mike lakuko. Ulehnyo iye, mike mempitna kowe.
\v 5 Cuma hambok, mike nak membori pertanggongjawabon kepodo Nye nyo nak menghakemi urang nyo hidop ngan nyo mati.
\v 6 Untok alason niela, Injil deberitako kepodo urang-urang nyo kinie sodah mati sehinggo meskipon mike sodah dehakemi de dunia nie sesuoi ngan setandar mendesio, cuma mike hidop secaro menorot ukoron Allah.
\s (Gunakola Karuniame untok Melayani)
\p
\v 7 Akher deri segelo sesuatu lah parok. Ulehnyo iye, waspadala ngan bejago-jagola empoknyo pacok bedoa.
\v 8 De atas segelo iye, terosla saleng mengasehi ngan bonor-bonor sabab kaseh menotopi sajo neman doso.
\v 9 Tonjokola keramahon sikok ngan nyo loen tanpa mengeluh.
\v 10 Ulehnyo setiap urang la nerimo karunia, pergunakola iye untok melayani sikok ngan loennye sebagoi pelayan nyo beik atas berbagoi karunia deri Allah:
\v 11 siape nyo buek, beikla nye buek sebagoi urang nyo menyampaiko firman Allah; ngan siape nyo melayani, beiklah nye melayani ngan kekuaton nyo Allah boriko sehinggo delom segelo hal, Allah demuliako melalui Yesus Kristus. Bage Nyelah kemuliaon ngan kuaso sampoi selamo-lamonye. Amin.
\s (Menderita sebagoi Pengikot Kristus)
\p
\v 12 Dolor-dolor nyo kukasehi, jengonla tekejot ngan api pencobaon nyo detong untok menguji kowe, seola-ola sesuatu nyo aneh terjedo atas kowe.
\v 13 Hambok, besukacitala ulehnyo kowe mehilu bageon delom penderitaon Kristus sehinggo kowe jugo pacok besukacito ngan begembira podo saat kemuliaon-Nye denyatoko.
\v 14 Berbahagiala munye kowe dehino ulehnyo namo Kristus, sabab Roh kemuliaon ngan Roh Allah diom de delom kowe.
\v 15 Cuma hambok, jengon ado de antaro kowe nyo menderita sebagoi pembuno, pemuleng, pelaku kejahaton, apo sebagoi urang nyo endok mencampori urusan urang laen.
\v 16 Cuma hambok, siape pon nyo menderita sebagoi urang Kristen, jengonlah nye malu, sebeleknye hendakla nye memuji Allah ulehnyo menanggong soboton iye.
\v 17 Lah saatnyo penghakemon demulai deri keluarga Allah. Ngan, munye penghakemon Allah deri kite, upamonekah nasep urang-urang nyo hopi taat kepodo Injil Allah?
\v 18 Munye urang saleh bae solet untok deselamatko, upamone ngan urang jahat ngan urang bedoso?
\p
\v 19 Ulehnyo iye, biarla mike nyo menderita ulahnyo kehendok Allah, mempecayoko jiwanye kepodo Sang Pencipta nyo setia, sambel teros melakuko apo nyo beik.
\c 5

\s (Gembalakola Domba-Domba Allah)
\p
\v 1 Ulehnyo iye, sebagoi sesamo penatua ngan saksi mato penderitaon Kristus, ngan jugo sebagoi urang nyo nak mehilu ambek bageon delom kemuliaon nyo nak denyatoko, ake mendorog para penatua nyo ado de antoro kowe:
\v 2 Gembalakola domba-domba Allah nyo ado podome! Jengon ulehnyo paksaon, cuma ngan rela, upa nyo Allah kehendaki; jengon melakukonye untok mendepotko keontongon nyo hino, cuma ulehnyo kesediaonme.
\v 3 Jengon pula betindak sebagoi penguaso tehadop mike nyo depecayoko ke delom tanggong jawabme, cuma jedila teladan bage kunti me.
\v 4 Ngan demikion, ketiko todo Sang Gembala Agong detong, kowe nak nerimo mahkota kemuliaon nyo hopi nak layu.
\p
\v 5 Demikion jugo kowe, nyo lobeh muda, tondokla kepodo tua-tuame; ngan hendokla kowe segelo memeleki kerendahon hati, nyo seurang kepodo nyo loen ulehnyo: Allah menantang urang nyo sombong, cuma Nye membori anugrah kepodo urang nyo rendah hati.
\p
\v 6 Sabab iye, rendahkola dirime de bowo tangon Allah nyo ponoh kuaso. Mangko, Nye nak meninggiko kowe podo waktunyo.
\v 7 Serahkola segelo kekuateronme kepodo Allah ulehnyo Nye memeliharo kowe.
\p
\v 8 Waspada ngan bejago-jagolah! Musuhme, si Iblis, bejelon monda-munder upa singa nyo ngaum, delok pemukon nak nyo tolon.
\v 9 Lawola Iblis! Togoklah togoh delom imanme ulehnyo kowe tahuko behwa de segelo dunia, dolor-dolor seimanme jugo menanggong penderitaon nyo kowe alami.
\v 10 Ngan, setela kowe menderita untok sementaro waktu, Allah sumber segelo anugrah nyo lah memanggelme untok mehilu bageon delom kemuliaon-Nye nyo kekal de delom Kristus nak memulihko, menogohko, menguatko, ngan membengun kowe.
\v 11 Bage Nyelah, kuaso untok selamo-lamonye. Amin!
\s (Salam Penotop)
\p
\v 12 Ake noles surat singkot nie kepodome melalui Silwanus, nyo kukenal sebagoi dolor seiman nyo setia. Ake endok membori semangot ngan kesaksion kepodome, behwa nie adolah anugrah nyo sejati deri Allah. Togokla togoh de delom anugrah iye.
\p
\v 13 Jemaat nyo ado de Babilonia, nyo jugo umat pilehon Allah, menyampaiko salam untokme. Markus, anakke delom Kristus, jugo menyampaiko salam untokme.
\v 14 Borila salam sikok ngan nyo loen ngan ciomon kaseh. Damai sejahtera bage segelo nyo ado delom Kristus. Amin.