\v 5 Deuxu loosòna rininire “txuijaramy”, kia bedeluru tahe “ruumy” rininire. Kia ruu ixawire, 50 kia ta ihewomy biurasò nade. Ka heka komy txuu ròhònyre.
\v 7 Kia tahe kawesemy tuu rutỹỹnyre. Deuxu bero riwirareare inatximy: kia bero wiribi iraru weribi rihitxinyre, ijõ bero ta ibòò weribi rihitxinyre.
\v 8 Ka bero wiribi rihitxinyre tahe Deuxu “biuwetyymy” rininire, Kia ruu ixawire, kia ta ihewomy biurasò nade. Ka heka inatxi txuu ròhònyre.
\v 9 Tai Deuxu rarybere: —Kia bero, biuwetyy rawoki roireri rexibutunykre bede sohojikihyy1e, kia tai sutere ròhònykremy. Kia tahe kawesemy tuu rotỹỹnyre.
\v 10 Deuxu, bede raterenyre “sumy” rininire, kia bee widee rexibutunyre tahe “bero nihikỹmy” rininire. Deuxu tuu robire, kia aõnaõna riwinyreki tai awimy rahare.
\v 11 Kia tahe heka rarybere: —Kia suu bederade òtaòta-di sõemy rexiokynykre, kia alòbrònaty ijõdikre, kia bederade raratynymyhỹkre. Kia tahe kawesemy tuu rotỹỹnyre
\v 12 Suu sõemy bederade òtaòta-di rasõere. Alòbròna alòbrònaty-di riwahinymyhỹre, bederade raratynymyhỹre. Deuxu tuu robire, kia awimy tai rahãre,
\v 13 Ruu ixãwire, kia ta ihewomy biurasò nade. Ka heka inataõ txuu ròhònyre.
\v 14 Taita Deuxu rarybere: —Kia biuwetyy loosòna relekre, kia biurasò txu bedeluru-wana wiribi rihitxinykremy, kia txuu idi rariamy rarekremy, wyra bededỹỹnana, beòra, behetxi.
\v 15 Kia loosòna heka biuwetyyki rarỹsỹnymy rarekre, kia suu ritoosònymy rarekremy. Kia tahe 50 kawesemy tuu rotỹỹnyre.
\v 17 Deuxu heka biuwetyy-ò loosòna ritidire suu ritoosònymy rarekremy,
\v 18 kia txuijara bedeluru wana ridinodunymy rarekremy, kia loosòna, bedeluru ribi rihitxinykremy. Deuxu tuu robire, kia tai awimy rahãre aõnaõna 50 riwinyreki.
\v 19 Ruu ixãwire, kia ta ihewomy biurasò nade. Ka heka inaubiòwa txuu ròhònyre.
\v 28 kia tahe tarybe wihikỹ myỹ tamyreny riwahinyre: —Kia sõemy sõetyhymy rariòrenyrenykre; kia ibutumy su my roberarenykre kia rimyrenykre. Kia tahe ibedeeryreny ijõdirenykre, utura bero nihikỹmy rỹimyhỹrenyre ribi, kia nawii biu my ruòmy rỹimyhỹrenyre ribi, kia iròdu iròdu sumy ratiranymy rỹimyhỹrenyre ribi.
\v 30 Kia ibutumy iròdu iròdu debure-ò, kia ibutumy nawii nawii-ò, kia ibutumy iròdu su my ratiranymyhỹrenyre-ò, kia asi ariwahinykre bederade lỹre ariwahinykre irỹsỹnarenymy. Kawesemy tahe tuu rotỹỹnyre.
\v 31 Deuxu tuu robire ibutumy aõnaõna riwinyremy, kia tai awimy rahãre. Ruu ixawire, kiata ihewomy biurasò nade. Ka heka debò sohoji txuu ròhònyre.
\c 2
\p
\v 1 Kawesemy tahe biuwetyy suu wana relemy rexihure, kia ibutumy aõnaõna tuu rỹimyhỹre relemy rexihulere
\v 9 Deuxu heka tai bederade òtaòta ibutumy riumydỹỹnyre, kia awimy raratynymyhỹre iny ritokremy. Kia òworu tyaki bederadeõ rỹimyhỹ, kia iny dee bedewihikỹ riwahinymyhỹre, kia bederadeõ taile rỹimyhỹ, kia iny dee aõnaõna binabina aõnaõna wiwi my iny rierynanymyhỹre wahe.
\v 10 Kia Éden ribi bee ròhònymy raremyhỹ, òworu rituunymyhỹre, kia Éden ribi ròhònymy rexiwirareamyhỹre, kia inaubiòwamy bero my relemyhỹre.
\v 11 Komy heka Pisom bero rare, kia Havilá bede riyrawonymyhỹre, tai manarỹsỹhỹkỹ rahonymyhỹre bedeki.
\v 12 Kia manarỹsỹhỹkỹ ihãwa ludu heka manarỹsỹtyhyhykỹ rare, kia aderòna tule tai isirare, kia manarỹsỹ òtaòta tule.
\v 13 Kia inatxina bero tahe Giom inire; kia ibutumy Cuche bede-di riyrawonymyhỹre.
\v 14 Kia inataõna bero tahe Tigre inire, kia heka Assíri iraru bede txi ròhònymyhỹre. Kia inaubiòwana bero tahe Eufratesi inire.
\v 15 Taita Deuxu, hãbu Éden oworu ki rihãwadỹỹnyre, kia idi tarukimy rarekremy, kia tai aõwi ribrònykremy.
\v 16 Deuxu hãbu dee myỹ tarybetòedỹỹna riwahinyre: —Kai aõwaxina bederaty aõtxile oworu my rỹimyhỹre birỹsỹkre,
\v 17 kia bederaderaty iny dee aõnaõnawiwi aõnaõnabinabina erydỹỹnana riwahinymyhỹre sohojile ta uritre irỹsỹõmykre. Uritre kia bederaty rỹsỹõmykre; kia birỹsỹkre txuu kai inatyhymy burukre.
\v 5 Deuxu kia my adeereny rarybere kiemy dori rieryre, txibo kai boho ibederaty birỹsỹbenykreu, kia aruerereny ruarenykre, kia tahe kai boho Deuxu wesemy belebenykre, kia aõnaonawiwi n aõnaõnabinabina bierybenykre.
\v 6 Kia hãwyy bederademy robire, kiata tai iruxeramy rahãre, kia iraty awityhyre iny rirỹsỹkemy. Kiata tii rõhõtinyre timybo awimy aõbo aõnaõna rierykemy. Taita bederaderaty ritòhemy rirỹsỹre.
\v 7 Kia iutyhyle iny inatxi ruereny rararenyre, kia tahe tii boho rexieryrenyre tademy ratxirenyrerimy. Taita figueira rade winy riretyretyrenyre, kia rueere wesemy riuherenykremy.
\v 8 Kia itxuule yhy txioromy rayhynymyhỹ, kiata hãbu hãwyy wana Deuxu rybe-ò roholarenyre, kia oworu bedemy rariamy ratximyhỹ. Taita ilau rexiwòrenyre, bederade ykyki.
\v 9 Ka Deuxu tahe hãbu-ò ryrymy ritỹỹraxinyre: —Tikibo kai atxiteri?
\v 14 Taita Deuxu Tyhyhykỹ rarybere hemylala-ò: —Kai tuu tewinyte òraruki mararytxykre. Kia ibutumy iròdu iròdu ribi, kai sohojile kaa aõhỹỹhỹỹ bimykre kawiji bede rỹire ribi, kai mariamy mabekre bexirurehemy su-di, kia birỹsỹmy mabekre sunode.
\v 15 —Diarỹ ariwinykre, kai kia hãwyy wana wimy maòludubenykre, kia wesemy tahe tule ariòreriòrereny raòludurenykre kia iriòreriòreny wana. Kia arati risurunyrenykre, kia kaita iriòreriòrereny wararooki buruakre.
\v 16 Hãwyy dee Deuxu rarybere: —Arinihikỹdỹỹnykre aaõhỹỹhỹỹ abytòna-ò, kia sõemy mamytxitxikre ariòre boho ruakremy. Kia iribita, kai awimy tai mahãkre ahãbu wana mabekremy, kia tii tahe aramymy adi rarekre.
\v 17 Kia hãbu taDeuxu rarybere myỹ: —Kai tewinyte aõmybo ahãwyy rarybere kia terỹsỹte bederade raty kia-diarỹ retòenyre rarỹsỹkelau. Kai tewinyte òraruki, suu ibinamy rarekre. Kai maõmysỹdỹỹnykre inatyhyhykỹmy bede iyhyõmy, kia suu rỹsỹna-di rỹikremy awimy adee.
\v 18 —Tii adee riwahinykre bederahy kia bedeledelede, kai birỹsỹkre bederade syraromy rỹimyhỹre.
\v 19 —Kia maõmysỹdỹỹnykre iutxiemy, kia maybytònykre suu aõwidi rỹikremy rỹsỹna riòreõ-di, kia heka kai su-ò boosekre, kiemy dori kai iribi telete. Kai heka su ribi telete kia ixybyle sumy bexirahorekre.
\v 20 Adaõ tahãwyy rininire Eva my, kia tii ibutumy iny mahãdurenyse my rarekremy.
\v 21 —Kia Deuxu Tyhyhykỹ iròdu sityy tyy my riwinyre Adaõ-ò kia ihãwyy idi rexityynyrenykremy.
\s Adaõ kia Eva wana oworu ribi rateòdỹỹrenyre
\v 22 Taita Deuxu Tyhyhykỹ rarybere myỹ : Ka tahe wiji hãbu relera iny weserenymy, kia rieryra aõwiwi kia aõbinabina. Tii ixyby bederade raty bedewihi kỹ irỹsỹõna kia ikiemy rarekremy.
\v 23 Iurenana Deuxu Tyhyhykỹ riteònyre hãbu, Eden oworu ribi kia riwinyre kia tii robrokremy su-ò kia iribi relere wahe.
\v 24 —Deuxu riteònyre hãbu kia oworu ibràra weribi-ò (querubins) ritidire, kia heòty tõnori ibutumy riyrawonyre. Deuxu tuu riwinyre kia inyõ bederade raty bire-ò rehemynykelau.
\c 4
\s Kaĩ (Caim) kia Abeli (Abel)
\p
\v 1 Adaõ òtaòta Eva wana riwinyre tahãwyy wana kia tii rabytònyre. Eva uladu iribi reare kia rarybere: —Deuxu Tyhyhykỹ wikòhenadỹkỹna wana, waritxòre hãbu ijõdire. Kia tii tariòre rininire Kaĩ my.
\v 2 Irahudi ixyby rariòrenyre, Abeli inire, Kaĩ seriòre. Abeli heka budoeni-dinodumy raremyhỹ, kia Kaĩ tahe oworudumy raremyhỹ.
\v 3 Bede irehemy rỹimy raremyhỹ. Txu sohojiu Kaĩ su aõnaaõnaõ rimyre kia Deuxu Tyhyhykỹ-ò idi robenyre.
\v 4 Abeli tahe, komy budoeni riòre ruare rimyre, kia rirubunyre kia Deuxu Tyhyhykỹ-ò awityhytyhy-di raubenyre. Deuxu Tyhyhykỹ rabedesare Abeli ki kia ixiwena-di,
\v 5 Ka Kaĩ rihitxinyre kia ixiwena. Kaĩ reburere kia taòsỹna riteburedỹỹnyre.
\v 7 Txibo kai biwinybe wana aõ òbitimy, kia butxuenymy atxiberi; kia kai tahe ibinamy texiywinyke, kia iurenana heka òraruna ijòtybònaki ratxireri araraò my. Tii aramykemyreri, kia kai tahe tuu mahãỹnanyke.
\v 8 Tai Kaĩ rarybere Abeli-ò, iseriòre: rykake syraro-ò. Kia iny inatxi boho syraroki ratximyhỹrenyu, Kaĩ rihetenyre Abelii, taseriòre, kia rirubunyre.
\v 14 Wiji kai tiwateònyteri ka su ribi. Kia arariamy ararekre bede bedemy ikiemy arexiwòmy kia ako ribi arexiwòmy. Kia aõtxile inyõ watxi reakre kia warubudỹỹmy reakre.
\v 15 Ka Deuxu Tyhyhykỹ rirawyònyre: —Kia tuu butỹỹnyõkre. Kia txibo inyõ ararubunykreki kia rururenykre debò inatxi sõemy iny mahãdu sỹreny, òwyna wesemy. Kia ilemyta Deuxu Tyhyhykỹ deòsinaõ ritidire Kaĩ-ò kia inyõ itxi reakre wana irubudỹỹõkremy.
\v 16 Taita Kaĩ ròhònyre Deuxu Tyhyhykỹ bire ribi kia rare Node bede-ò, kia Eden ibràra weribi-ò.
\s Kaĩ riòreriòre
\v 17 Kaĩ kia tahãwyy wana rariòrenyre kia rininire Elaõ (Enoque). Irahudita Kaĩ hãwã riwinyre kia rime Elaõ, tariòrem-di.
\v 25 Adaõ tahãwyy wana ixyby rariòrenyrenyre. Tii rarybere: —Deuxu wadeke riwahinyre ixyby kuladuno Abeli deròwymy rarekremy, kia Kaĩ rirubunyre. Kia rininire Sete my.
\v 26 Sete sohoji uladu tybymy runyre kia rininire Enos. Kia ka bedeu heka kia nii Deuxu Tyhyhykỹ, riòrarunyre kia rauhemy rarekremy Deuxu my derina rỹimyhỹre bedeu.
\c 5
\s Adaõ riòreriòre
\p
\v 1 Ka heka Adaõ riòreriòre ritina rare. Kia iu iny mahãdureny riwinyrenyreu, Deuxu riwinyrenyre ixiwesemy.
\v 2 —Deuxu riwinyrenyre hãbu kia hãwyy kia tarybewihikỹ tamyreny riwahinyre kia rininirenyre Iny (humanidade).
\v 3 Kia 130-my wyra rimydi, Adaõ, uladu mahãdu tybymy runyre kia heka iwesena rare; kia rininire Sete my.
\v 32 Kia 500mywyra rimyre rahudi, Noe runyre inataõ uladu tybymy: Sem, Cam kia Jafe.
\c 6
\p
\v 1 Kia iny mahãdu roberarenyreu su my kia iriòrerenyre ijõdirenyre,
\v 2 kia Deuxu riòrereny robirenyre kaa hãwyy mahãdurenymy sõemy iruxerareny. Taita ritarenyre kia tii boho ixideewimy tii boho wana rexilidirenyre.
\v 3 Tai Deuxu Tyhyhykỹ rarybere: —Tiu wawahidỹỹõna iny mahãdureny ikiemy ratxirenykremy kia heka rurumy roirekre. Ka wiji bede ribi tahe tii boho tiu irumy ratxirenyõtyhy 120-my wyra ratyreny.
\v 4 Kia iny ninihikỹ ijõdimy rỹiramyhỹ ibederenyu kia isỹtybyrenymy tule, kia Deuxu riòre boho òtaòta riwinyrenyreu hãbu mahãdu riòre boho wana kia rariòrenyrenyre. Kia ibederenyu heka hãbu ninihikỹ mahãdu ityhymy riòlònyrenyre juhu bedeu, hãbu mahãdu nidehedehehekỹmy.
\v 5 Kia DeuxuTyhyhykỹ robireu kia iny mahãdu sõemy ibinatyhyrenyre kia ikiemy aõnaõna òbitimy aõkõ riwinyrenykremy rõhõtinymyhỹrenyre,
\v 6 kia sõemy bede riryrymy ratximyhỹ kia iny mahãdu riwinyreki. Deuxu Tyhyhykỹ bede riryrymy ratximyhỹ kia tawo-di iutxiemy
\v 7 kia rarybere: —Kia ariwinykre su ribi ariõnodỹỹnykre kaa iny mahãdu rewinyrenyre, kia tule ibutumy iròdu iròdu, kia iròdu mahãdu su my rexirurehemy rỹimyhỹre kia nawii mahãdu, kiemy dori wabederyrymy watxireri-diarỹ rewinyrenyreki.
\v 8 Ka Deuxu Tyhyhykỹ rierymyhỹre òbitimy aõ Noe riwinymyhỹreki.
\v 9-10 Ka heka Noe ijyy rare. Tii heka inataõ uladu tybymy runyre: Sem, Cam kia Jafe. Noe heka hãbu òbitimy nodu rare kia ikiemy Deuxu rityhynymyhỹre Kia hãbu mahãdu tii boho wana roiremyhỹ bedeu, Noe raremyhỹ Deuxu wana butumy.
\v 11 Deuxu dee ibutumy iny witxira mahãdu kia ibinareny roire, ka aõnaõnaleiny roiremyhỹ ibutumy bede bedemy.
\v 12 Deuxu retehere su hãwã bedetxi kia robire sõemy òraruna roimyhỹmy. kiemy dori ibutumy iny mahãdu aõnaõna bina sohoji riwinymy rỹiramyhỹ.
\v 13 Deuxu rarybere Noe-ò: —Rexiywinyra ibutumy iny mahãdu arihukremy.-diarỹ arihurenykre ibutumy kia arihulekre suu, kiemy dori rỹximy aõbinabina-di rỹireri.
\v 14 Bimykre òwòru wiwi kia biwinykre ixidee bera heòty nihikỹ. Kia biwinykre biwirareamy tai kia bitybònykre ibutumy irurerure (piche), kia iwo ribi kia ahãna ribi.
\v 15 Kia iurihina mykre: 133 metro-my iwerehe, kia 22-metro-my iwebese, kia 13 metro-my irarie.
\v 16 Kia biwinykre bera heòty hety kia birikre iweere metro my iyhymy iribi ihety ribi. Biwinykre inataõ my iwo rarie sõe, kia bilidikre ijòtòbòna iweweribi weribi.
\v 17 Kia ariteònykre beòrahãkỹ suu idi aritỹmynykremy kia ibutumy arihukremy aõ tai irumy rỹimyhỹre; ibutumy aõ sumy rỹimyhỹre rurukremy.
\v 18 Ka awana tahe-diarỹ bede ariywinykre. Kiaremyta, malokre bera heòtyro-ò kia bidykre ixihemy ahãwyy, ariòre boho kia ariòreriòrese boho.
\v 19-20 Tule bidykre heòtyro-ò sohoji nawii hãbú kia sohoji nawii hãwyy kia ibutumy nawii òtaòta, kia ibutumy iròdu òtaòta kia ibutumy iròdu su my rexirurehemy rariamyhỹre, kia irurenymy rexijuarenykremy.
\v 21 Bibutunymy kia ibutumy rỹsỹna òtaòta biwykre kia iròdu mahãdu wana aõ birỹsỹbenykremy.
\v 22 Kia Noe riwinyre ibutumy tuu Deuxu tamy rarybere mynamy.
\c 7
\p
\v 1 Irahudita Deuxu Tyhyhykỹ rarybere Noe-ò: —Maloke bera heòtyro-ò, kai kia ibutumy ariòre boho wana, kiemy dori-diarỹ umy rabire kai sohoji iny ki aõ òbitimy tewinymyhỹte.
\v 11 Kia kabedeu Noe 600-my iwyra. Kia 17-my txuu inatxi ahãdu bedeu kia ròaròare ibutumy bera nihikỹ òlòna, kiata biuwetyy ijaniela rarayrenyre,
\v 12 kia biulòra rejujumyhỹ sutyre 40 txumy 40 rumy.
\v 13 Kia ka txuutyhyle Noe kia tahãwyy wana rirònyrenyre bera heòtyro-ò tariòre boho wana ibutumy Sem, Cam kia Jafe kia ihãwyyreny tule.
\v 14 Iki wana iròdu mahãdu òtaòta rirònyrenyre: iròdu heto my rỹimyhỹre kia iròdu bederahymy rỹimyhỹre, kia iròdu su my rexirehemy rỹimyhỹre kia nawii mahãdu.
\v 15 Ibutumy iròdu mahãdu rirònyrenyre Noe wana bera heòtyro-ò, inatxi inatximy.
\v 16 Rirònyrenyre hãbu kia hãwyy sohoji iròdu òtaòta, kia Deuxu tarybe riwahinyre mynamy Noe riwnykremy. Tai Deuxu Tyhyhykỹ ritybònyre bera heòty ijotobona.
\v 17 Biulòra-di bede rỹire 40 txumy. Kia bee raòwònyre kia bera heòty làmamy rỹire, kia tii rawetòrubumyhỹ.
\v 18 Kia bee raòwònymy rare, kia bera heòty rawetòrubuhyymy rare.
\v 19 Kia bee sõemy raòwònyre kia ibutumy su my hãwãlò rariehekỹ rỹimyhỹre ritỹmynyre.
\v 20 Kia irahudi ixyby debò inatxi metros my raòwònyre.
\v 21 Rururenyre ibutumy iròdu mahãdu irumy rỹimyhỹrenyre su my, kia heka, nawii mahãdu, iròdu mahãdu heto my rỹimyhỹrenyre, iròdu mahãdu bederahymy rỹimyhỹrenyre, iròdu mahãdu su my rexirurehemy rỹimyhỹrenyre kia iny mahãdu.
\v 22 Rurure ibutumy su my aõ rỹimyhỹrenyre, ibutumy irumy raelewesenanymyhỹrenyre.
\v 23 Noe sohojile kia iki wana bera heòtyro ki ratximyhỹrenyle irumy ratxirenyre. Iuhe mahãdu tahe rexihurenyre, kia heka, iny mahãdu, iròdu mahãdu heto my rỹimyhỹrenyre, iròdu mahãdu bederahymy rỹimyhỹrenyre kia iròdu mahádu su my rexirurehemy rỹimyhỹrenyre kia nawii mahãdu.
\v 24 Kia 150 txumy bede rỹire sỹtybymy kia bee ruỹmy rare.
\c 8
\p
\v 1 Taita Deuxu tõhõti reare Noe txi kia ibutumy iròdu mahãdu txi kia bera heòtyro ki ratximyhỹreny. Deuxu riwinyre kia yhy ritebonyre su tyre, kia bee ruỹmy rare.
\v 2 Kia bera nihikỹ òlònareny kia biuwetyy ijaniela rexiratybònyrenyre. Kia biulòra ixawire,
\v 4 Kia 17-my txuu debò inatxina ahãdu bedeu bera heòty ruhure Ararate hãwãlò bede ki.
\v 5 Kia bee ruỹmy rare, kia sohoji txuu debòituena ahãdu bedeu hãwãlò ratòò jurà ryyrenyre.
\v 6 Kia 40-my txu konanau, Noe ijaniela riraynyre kia bera heòty ki riwinyre
\v 7 kia rituòsòdỹỹnyre nawii (corvo), kia ruòmy ratximyhỹ bede bede witxiramy, kia riraòmy suu rarubukemy.
\v 8 Irahudi Noe rituòsòdỹỹnyre bytòeni kia robikremy txibo suu raruburamy;
\v 9 ka bytòeni tahe bedetxi reaõhyyre tamy runykemy kiemy dori suu be-di rahetynymy roimyhỹ. Tai Noe tadebò riterenyre, kia rimyre bytòeni kia risỹnyre bera heòtyro-ò.
\v 10 Noe ixyby riraore debò inatxi txumy kia ixybyle bytòeni rituòsòdỹỹnyre.
\v 11 Tii doosede txiorotyhymy, kia-diwyde txuhute ki bederade (oliveira) irulỹre. Kawesemy tahe Noe bede rieryre bee ruỹremy.
\v 12 Kia tii ixyby inatxi txumy riraòre kia ixybyle bytòeni rituòsòdỹỹnyre, kia tahe tii ixyby dòòseõhyyde.
\v 13 Kia Noe 600-my iwyra, kia bee su tyre ki roimyhỹ ribi rarubure. Kia sohoji txuu 1° ahãdu bedeu, Noe ritare bera heòty hety kia robire suu rarubumy raremy.
\v 14 Kia 27-my txuu inatxi ahãdu bedeu, kia suu rarubutyhymy roimyhỹ.
\v 15 Tai Deuxu rarybere Noe-ò:
\v 16 —Bòhònyke bera heòtyro ribi ahãwyy wana butumy, ariòre boho wana, ariòreriòrese boho wana,
\v 17 Kia biòlòdỹỹnylekre ibutumy iròdu mahãdu kia awana rỹirenyreri, kia heka, nawii mahãdu, iròdu mahãdu heto my rỹimyhỹrenyre, iròdu mahãdu bederahymy rỹimyhỹrenyre kia iròdu mahãdu su my rexirurehemy rỹimyhỹrenyre. Kia tii boho rexiubỹtỹnyrenykre ibutumy bede bedemy kia sõemy ijõdirenykre iriòreriòrereny kia suu ritỹxinyrenykremy.
\v 18 Kawesemy Noe kia tahãwyy wana ròhònyrenyre bera heòtyro ribi, ibutumy tariòre boho wana kia tariòreriòrese boho wana.
\v 19 —Tule ròhònyrenyre ibutumy iròdu mahãdu kia nawii mahãdu, kia wii ributunymy, kia taijoireny mynamynamy.
\v 20 Noe bede ratòò riwinyre tamy xiwena-di raubenykremy Deuxu Tyhyhykỹ dee. Tii rimyre nawii mahãdu kia iròdu mahãdu wiwi, sohoji sohojimy iòtaòta, kia tahe risõrenyre xiwena wesemy bede ratòò-ò.
\v 21 —Kia xiwena lỹnyre Deuxu Tyhyhykỹ tai awimy rahãre, kia tii rõhõtinyre myỹ : Tiu ixyby suu aritxuhòõtyhy iny mahãduraruki, kiemy dori-diarỹ reeryre kia tatỹmyratxihyyle iny mahãdu aõnaõna binabinahyylemy rõhõtinymyhỹrenyre.
\v 22 —Kia tule tiu ixyby wahudurenyõna ibutumy iròdu mahãdu irumy rỹimyhỹrenyre, kia timybo kawesemy rewinyremy. Kia bede rỹimy rarekre wana wana, kia ikiemy rỹimy rarekre alòbrònaty kia rahemy, bedejutàtà wyra kia bedetòtee beòra , txuu kia ruu.
\c 9
\s Deuxu bede riywinyre Noe wana
\p
\v 1 Deuxu tarybe riwahinyre Noe-ò kia iriòre boho-ò myỹ raryemy: —Sõemy ariòre boho ijõdirenykre, kia arioreriorereny rexiuberanyrenykre ibutumy su my.
\v 2 Ibutumy iròdu mahãdu debure; ibutumy nawii mahãdu, ibutumy iròdu mahãdu kia su my rexirurehemy rỹimyhỹrenyre kia ibutumy utura mahãdu ruberumy rỹirenykre alaureny. Ibutumy tii boho bimymy idireny boibekre.
\v 3 Kai boho aõwaxina birỹsỹmy boibekre iròdu mahãdu kia tule bederade alòbrònamy rỹimyhỹre rade;-diarỹ ariwahinykre adeereny rỹsỹna wesemy.
\v 4 Ka aõma tahe uritre kai boho irỹsỹrenyõmykre iròdude, hãlubu-di, kiemy dori hãlubu ki bededỹỹnana roimyhỹre.
\v 5 -diarỹ iny sohoji sohoji wana wii arierykre tiwesebo rodewera kia iròdu sohoji sohoji wana inyõ irubunykre wana.
\v 6 Iny heka rawidỹỹre Deuxu wesemy, kia iurenana heka mobo iny rirubunykre kia rurulekre iny witxiraõ irubudỹỹdykre.
\v 7 —Sõemy ariòrereny ijõdikre, kia arioreriorereny rexiubỹtỹnyrenykre ibutumy su my.
\v 8 Deuxu tule rarybere Noe-ò kia iriòre boho-ò:
\v 9 —Ka tahe wiji bede ariywinykre awana kia arioreriorereny boho wana
\v 10 kia ibutumy iròdu mahãdu ròhònyrenyre bera heòty ribi kia awana ratxirenyreri, kia heka, nawii mahãdu, iròdu mahãdu heto my rỹimyhỹrenyre kia iròdu mahãdu bederahymy rỹimyhỹrenyre, kohe, ibutumy iròdu mahãdu bede bede rỹiniyhỹrenyre.
\v 11 -diarỹ ariwinykre myỹ bede reywinyre awanareny: rarybereri tiu ixyby aõ irumy rỹimyhỹrenyre iixihudurenyõna biulòra nihikỹ-di. Kia tiu ixyby ijõ biulòra nihikỹ ròaõtyhy suu rahukemy.
\v 12 Timybo deòsinamy kaa bede reywinyreri kia rewinyreri ikiemy awanareny kia ibutumy irodu mahãdu dee,
\v 14 Kia-diarỹ arihetynykreu biu wetyyura, kia uajina ratỹnykre,
\v 15 taita-diarỹ ixitxi wanohõti reakre bede reywinyretxi kia rewinyre awanareny kia ibutumy iròdu mahãdu wana. Kawesemy tahe biulòra nihikỹ ixyby ihoõkre kia ibutumy iròdu mahãdu rahukemy.
\v 16 Kia uajina ratỹnymyhỹkreu biu wetyyura ki,-diarỹ arobikre kia ixitxi wanohõti reakre bede reywinyretxi kia rewinyre ikiemy ibutumy iròdu mahãdu bede bede my hãwã hãwã my rỹimyhỹrenyre wana.
\v 17 Uajina heka bedeywidỹỹna deòsina rare kia rewinyreri ibutumy iròdu mahãdu su my rỹimyhỹrenyre wana.
\s Noe kia iriòre boho
\v 18 Noe riòre boho, kia riòlònyrenyre bera heòty ribi iki wana, ka boho Sem, Cam kia Jafe. (Cam heka Kanaã tyby rare.)
\v 19 —Ka boho inataõ heka Noe riòre roire, kia iriòreriòrereny heka bede bede my rexiubỹtỹnyrenyre.
\v 20 Noe heka oworudumy raremyhỹ; tii heka komy iny ki uva ribrònyre.
\v 21 Txu sohojiu Noe sõemy mona besò vinho riõre, kia iòde rawàrinyre kia rexilidire tademy tahetowo ki.
\v 22 Cam, Kanaã tyby, kia robire tybymy kia tademy ratximyhỹmy kia ròhònyre taseriòre boho ko relyykremy.
\v 23 Taita Sem kia Jafe rimyrenyre tyyrahãna, kia rilidirenyre taaxiòtityrereny, kia ròirenyre ririranymy tabròmy kia tyyrahãna-di tyby rihetynyrenyre, kia tademy roimyhỹ ki. Kia tyby my robiórenykremy kawesemy riwinyrenyre wideereny reteherenymy.
\v 24 Kia Noe rexixareu riómyhỹ sỹtybymy, kia rieryre Cam iriòre tỹmyra riwinyremy.
\v 25 Tai Noe rarybere myỹ: —Kanaã binahãkỹ! Tii taseriòre boho wetxumy rarekre, wetxu sohoji binabinahãkỹmy.
\v 26 Kia Noe ixyby rarybere: —“Awityhyre Deuxu Tyhyhykỹ, Sem Deuxu, kia Kanaã awetxumy rarekre.
\v 27 “Deuxu riwinyre kia Jafe ijõdikre sõemy suu rimykremy, kia iriòreriòrereny mahãdu rasỹnyrenykre Sem sỹrenyki. Kia Kanaã, Jafe wetxumy rarekre.”
\v 28 Biulòra nihikỹ sỹtybymy Noe bede riere 350-my ratyremy
\v 29 kia rurure 950-my wyra rimyre bedeu.
\c 10
\p
\v 1 Ka boho heka Sem, Cam kia Jafe riòreriòrereny roire, Noe riòre boho wahe. Kia inataõ ruarenyre iriòrereny biulòra nihikỹ sỹtybymy.
\v 9 Deuxu Tyhyhykỹ wiòhenadỹỹna wana wiòhemy tii riudu nidehedehehekỹmy runyre, kia iurenana heka kia myỹ rarybere: Kia Ninrode wesemy, kia Deuxu Tyhyhykỹ wiòhenadỹỹna wana wiòhemy riudu nihikỹmy runyre.
\v 10 Kia kodelemy taIòlò hãwã Babilonia bededỹỹnana riwinymy raremyhỹ, Ereque kia Acade, ibutumy inataõ Sinar hãwã ki.
\v 11 Kua bede ribi Ninrode rare Assiria hãwã -ò kia tai hãwã riwinyre, Ninive, Reobote Ir, Cala
\v 12 kia Resem kia rỹimy raremyhỹ Ninive kia Cala Hãwã nihikỹ tyaki.
\v 29 Ofir tyby rare, Hayila tyby rare kia Jobabe tyby rare. Kia ibutumy Joctã riòre boho roire.
\v 30 Tii boho rahãwanymyhỹrenyre kia suu ramyhỹre Mesa, Sefar-ò, kia hãwãlò ibràra bedeki.
\v 31 Ka boho Sem riòreriòrereny boho rare, iny mahãdu sohoji sohojireny tasurenymy taryberenymy rarybemyhỹrenyre.
\v 32 Ka boho heka Noe seriòre sỹ mahãdu roire, hãwãdu hãwãdumy, kia tariòreriòrereny rierymy. Kia beòrahãkỹ sỹtybymy hãwãdu mahãdureny Noe ribi ralabie òrarunyrenyre.
\c 11
\s Babel Tò
\p
\v 1 Kia juhu bedeu rybe sojihyylemy iny mahãdu rarybemy rỹiramyhỹ.
\v 2 Kia ijõ renyõ Oriente ribi rexitarenyre kia rehemynyrenyre Sinar bede-ò, tai rahãwanyiny rỹiramyhỹ.
\v 3 Txu sohojiu wideereny raryberenyre: —Rykoirenyke! Adobo rasõmyhỹre rikiwinyrenykre! Kawesemy tahe tii boho adobo ijõdirenyre riwinyrenykremy, kia mana ribi, kia tybòtere wesena riuhemyhỹreny, kia mana nodenode ribi.
\v 4 Tai raryberenyre: —Ka tahe wiji hãwã rikiwinyrenykre kia tò nihikỹ ijõdimy biurawetyyòhòkỹle rỹikre. Kawesemy tahe inynidehedeherenymy rykoirenyrekre kia bede bedemy rykoberarenyõtyhy.
\v 9 Kia hãwã Babel my raninire, kiemy dori tai Deuxu ribinabinanyre rybemy rarybemyhỹrenyre, kia ibutumy su my hãwãdu mahãdu kia iribi tahe bede bedemy roberarenyre.
\s Sem Riòreriòrereny Boho
\v 10 Ka boho heka Sem riòreriòrereny roire. Inatxi wyramy beòrahãkỹ sỹtybymy, kia iu Sem 100-my iwyra, kia iriòre Arpaxe ruare.
\v 11 Irahudita Sem bede riere 500-my wyra ratyremy kia ixyby uladu mahãdu tybymy runyre.
\v 12 Kia 35 wyramy bede riereu Arpaxe uladu tybymy runyre, Sela iriòrenire.
\v 26 Kia 70-my wyra rimyre sỹtybymy Tera inataõmy uladu tybymy runyre: Abraõ, Naor kia Harã.
\s Tera riòreriòrereny boho
\v 27 Ka boho heka Tera riòreriòrereny boho roire, kia heka Abraõ tyby rare, Naor tyby kia Hãra tyby. Harã heka Lòòtyby rare.
\v 28 Tera heka irumy raremyhỹ iu iriòre Hãra rurure bedeu Babilôniaki. Ur hãwãki, tai ruare bedeki.
\v 29 Abraõ rexilidire Sarai wana, kia Naor rexilidire Milca wana. Milca kia Isca boho heka Harã riòre roire.
\v 30 Sarai heka iriòre ihoõre kiemy dori ityrabinare.
\v 31 Tera ròhònyre Ur hãwã ribi, Babilonia ribi kia Kanaã suòhòkỹle rakremy, kiaridyre ixihemy tariòre Abraõ, kia tariòreriòre Lòò, kia heka Harã riòre rare, kia tariòreriòrese Sarai ridyre, kia heka Abraõ hãwyy rare. Tii boho Harãòhòkỹle ritehemynyrenyre kia tai rahãwanyrenyre.
\v 32 Kia Tera rurure Harãki 205-my wyra rimydi.
\c 12
\s Deuxu Ryryre Abraõ-ò
\p
\v 1 Txu sohoji òbiti bedeu Deuxu Tyhyhykỹ rarybere Abraõ-ò: —Bòhònyke asu ribi, asỹreny mahãdu tya ribi kia bu heto ribi kia makre suõ-ò kia-diarỹ adee ariteòsinykre.
\v 2 Kia ariòreriòrereny boho heka sohoji hãwãdu nihikỹmy relekre.-diarỹ warybewihikỹ tamyreny ariwahinykre, kia ani dehedehemy inabekre, kia kai heka aõwiwihikỹmy mabekre iny witxira dee.
\v 7 Tai Deuxu Tyhyhykỹ rexitỹnynyre Abraõ-ò kia rarybere: —Diarỹ adee ariwahinykre kaa suu ariòreriòrereny boho-ò. Kua bedeki Abraõ bede ratòòõ riwinyre Deuxu Tyhyhykỹ dee ibedeki tamy rexitỹnynyreki.
\v 8 Irahudita Abraõ rare bede hãwãlò bede-ò, kia Betel ibràra weribiki roimyhỹre kia ibedeki tabreò riòre ridere, kia Ai hãwã beàra weribiki roimyhỹre. Kia tule ibedeki Abraõ bede ratòòõ riwinylere kia Deuxu Tyhyhykỹmy rerinanyre.
\v 3 Tii bede bede-di rariamy rare, kiata Betel hãwã -ò rehemynyre; kia ribita rare Betel Ai wana roimyhỹre bedeki, ibedeki komy tabreò riòre riwinyreki.
\v 4 Abraõ bede ratòò-ò rehemynyre, kia tii riwinyre wahe, kiata tai Deuxumy rerinanyre.
\v 5 Lòò Abraõ wana ramyhỹre, kia tabudoeni, tabudoeni hãwyy, tabroreni, tadeòdu mahãdu, tariòre boho ridylemyhỹrenyre.
\v 6 Kia asi ihoõre, kia wiwana iny inatximy ratxirenyke ibinare, kiemy dori tii boho sõemy iiròdureny ijõdirenyre.
\v 7 Iurenana heka hãbu mahãdureny Abraõ iròdu-di taruki ratximyhỹrenyre, widee reburemyhỹrenyre, Lò rỹsỹ iròdu-di taniki ratximyhỹrenyre boho wana. Kia bedeu heka Cananeus mahãdu, Perizeus mahãdu tai rahãwanymy roiremyhỹ.
\v 8 Tiu txu bedeu Abraõ, Lòò-rỹsỹ rarybere: —Iny boho heka sỹtyhy roire, kia heka awi aõkõ rare, iny wiwana reburereri, kia wadeòdu adeòdu wana wideereny reburerenyreri, kia heka awi aõkõ rare.
\v 9 Iny wiribi rikexihitxinykre. Ixidee bimyke: Kia suu roire ibutumy. Txibo kai hywe weribi-ò makre wana,-diarỹ ruru weribi-ò arakre; txibo kai ruru weribi-ò makre wana,-diarỹ hywe weribi-ò arakre.
\v 10 Lòò retehere bede bedetxi, kiata Jordaõ vale-my robire, kia Zoar hãwãòhòkỹle rehemynyre, kia sõemy tai bee ijõdire. Kia heka Deuxu oworu wesehekỹre ada Egito su wesehekỹre. heka myre juhuu Deuxu Sodoma hãwã , Komora hãwã rihukõreu.
\v 1 Kia bedeu heka Anrafel, Sinar IòIò my raremyhỹ, Arioque, Elasar Iòlò my raremyhỹ, Quedorlaomer, Elaõ IòIò my raremyhỹ, kia Tidal, Goim Iòlò my raremyhỹ.
\v 2 Kaa Iòlò inaubiòwa boho heka rawounyrenyre iwitxira Iòlò mahãdureny òludumy: Bera Sodoma ludu; kia Birsa Komora ludu; Sinabe, Adma ludu; Someber, Zeboim ludu; kia Iòlò Bela òludumy, kia hãwã Zoar my raninimy raremyhỹ tule.
\v 5 Waòinaubiòwa wyrau Quedorlaomer taijoi mahãdureny wana rihurenyre refains mahãdureny, Asterote Camaim ki, Zuzins mahãdu Hã ki, emins mahãdu Save-Quiriataim ki,
\v 6 horeus mahãdu Edom hãwãlòki, kia iheworenymy roire El Parãòhòkỹle, ibedeki bederahy ròrarunymyhỹre bede ki.
\v 7 Irahudita ròòserenyre Gades bedeòhòkỹle, kia juhu bedeu raninimy raremyhỹ En Mispate my. Tii boho amalequitas su rihãtehãterenyre, kia amorreus rihurenyre, kia Hazazaõ Tamara ki rahãwanymy roiremyhỹu wahe.
\v 9 EIaõ Iòlò, Goim Iòlò, Sinar Iòlò kia Elasar Iòlò òludumy resurenykremy. kia inaubiòwa Iòlò sõe, kia iruyre Iòlò òludu sõemy.
\v 10 Kiaremy heka Sidi vale bedeki sõemy hãluu ijõdire kia (piche) tuu rahonymyhỹre; kia wou ribi rexiwòrenykremy ixidi risỹiìyrenyreu, Iòlò Sodoma kia Iòlò Komora rariòwyrenyre kaa hãluurorenytxi. Kia ijõ mahãdu Iòlò tahe rexiwòrenyre hãwãlò-ò.
\v 11 Kia Inaubiòwa Iòlò ibutumy rimyrenyre rỹsỹna kia aõnaõnawiwihikỹ kia Sodomamy rỹimyhỹre kia Gomorramy rỹimyhỹre.
\v 12 Kia Lòò, Abraõ exi riòre Sodomaki raremyhỹ kia iurenana radylere brejudu wesemy. Kia riwylerenyre aõbo ihõrõre.
\v 13 Kia hãbuõ tahe rahenyre kia rare ibutumy Abraõ-ò relyykremy, kia hebreu rahãwanymy raremyhỹ bederade brebunaki kia Manre bede rare, amorreu bede rare. Manre kia iseriòre boho Escol kia Aner ka boho heka Abraõ biòwareny roire.
\v 14 Kia Abraõ bede rieryreu kia iexi riòre radyremy brejudu wesemy, kia ributunyre tabiòwa hãbu mahãdureny raeryanymy rỹimyhỹrenyre woudumy, kia ibutumy tii boho ihetokile ruarenyre. Kia 318 my butumy sõereny. Abraõ iherenymy ralere, kia inaubiòwa IòIò hewomy ròirenyre Dã hãwãòhòkỹle.
\v 15 Ibedeki Abraõ taijoi riwirareare inatxi ijoimy, kia rumy taòludumy rihetenyrenyre kia rahurenyre. Tii ixybyle ramyhỹre iheworenymy Hoba hãwãòhòkỹle, kia Damasy ibràki roimyhỹre,
\v 16 kia ibutumy ixybyle-diwyde aõbo iòludu mahãdu riwyrenyre, kia taexi riòre Lòò-didyledenyde, kia ibutumy aõbo iaõnaaõna kia ihãwyyreny tule kia isỹreny uhereny.
\v 17 Kia Quedorlaomer kia ijõ lòlò mahãdu rihurenyre sỹtybymy, Abraõ ròòsemy rare taheto-ò kia iu Iòlò Sodoma rare iki wana witxi reakremy Save vale ki, tule raninilemyhỹre Iòlò vale my.
\v 18 Kia heka Sale lòlò rare kia Deuxu rarie nihikỹ deòdu heka rare, kia tamy paõ kia mona besò (vinho)-diwyde.
\v 9 Deuxu Tyhyhykỹ rirawyònyre: —Wadee bididyke abroreni hãwyy, abudoeni hãwyy, awatxi hãwyy, kia ibutumy inataõ my iwyrareny rỹireri, kia bytòerurà, bytòeni bididylekre.
\v 10 Abraõ kia iròdu iròdu ridyre Deuxu Tyhyhykỹ-ò, kia iwetya txi riyròre, kia iwetyayre rilidire wiko wikomy, kia inatximy riteòtenyre; kia nawii tahe riyròõlere.
\v 11 Kia tahe rara mahãdu rejujumy rỹimyhỹreny iròdu iròdu rubureny-ò, kia Abraõ tai urile iribireny rihimyhỹreny.
\v 12 Kia bede rurunymy rareu, Abraõ sõetyhymy rõrõre. kia isitere ribile brebu ityywomy ralore, kia brebu tuu rahãỹnanyre,
\v 5 Ka wiji bede rỹire ribi ani Abraaõ iny maninikre, Abraõ my aõkõ, kia heka-diarỹ tuu ariwinykre kai ibutumy hãwã hãwã tybymy bunykre.
\v 6 Ariwinykre ariòreriòrereny boho sõerenykremy, kia ijõrenyõ tahe Iòlò my roruurenykre.
\v 7 Kia warybe rewinyreri ikiemy awana, kia ariòreriòrereny boho wana kia myỹ:-diarỹ ikiemy aDeuxumy ariòreriòrereny Deuxumy ararekre.
\v 8 Adee ariwahinykre, tamyreny, kia suu tai kai tasỹnyteri iwitxira hãwãdu hãwãdu wesemy. Kia ibutumy Kanaã su, kia ikiemy ariòreriòrereny sumykre, kia-diarỹ tahe iDeuxurenykre.
\v 9 Deuxu tarybe ritõranyre: —Kai Abraaõ, warybe adee rewahinyre-di bityhynymy mabekre, kai ariòreriòrereny boho wana ikiemy.
\v 10 Kia warybe rewinyreri awana, ariòreriòrereny boho wana, kia ibutumy hãbu mahãdureny kai boho, kia ibutumy anoratirenysityyreny biyròbenykre.
\v 11 Noratisityy eresyna heka deòsina awi rare,-diarỹ kai boho wana tuu bede reywinyre.
\v 12 Wiji bede ribi heka kai boho ibutumy weryry wijityhy jura binoratisityy yròbenykre, kia debò inataõ txu rimymyhỹre sỹtybymy, kia wetxu mahãdu ahetoworenyki ruamyhỹre tule, kia iwitxira bede ribi raõbramyhỹrenyre tule.
\v 13 Kia wiyrybutyhyle ranoratisityy yròrenykre, ijõ rarirarimy aõkõ. ka heka deòsinamy aumyrenyki rỹikre, kia warybe rewahinyre deòsinamy awanareny, kia ikiemy.
\v 14 Kia mobo ranoratisityy yròõkre wana, kia aykyrenyki rahãwanyõkre, kiemy dori warybe wahidỹỹna rityhynyõkreki.
\v 15 Irahudi Deuxu Abraaõ-ò rarybere: —Ka wiji rỹire bede ribi uritre ahãwyy Sarai my taniy rybeõmykre, kia Sara myta tamy marybekre.
\v 16 -diarỹ warybewihikỹ adee ariwahinykre, kiata uladuõ adee ariwahinykre, kia iribi uladumy ruakre. Kohe,-diarỹ warybewihikỹ taniy ariwahinykre, kia tii bede bede, hãwã hãwã se my rarekre; kiata Iòlòõ ijõdikre ariòreriòrereny yky ribi.
\v 17 Abraaõ tatiòhumy resere, kia taòsỹny su-ò ritidire, kiata rutxuenyre myỹ rõhõtinyre: Kia aõbo hãbuõ 100-my iwyra aõwaxina uladu tyby runyke? Kia aõbo Sara 90-my wyra-di rariòrenykre aõbo?
\v 19 Kia Deuxu rirawyònyre: —Kia-diarỹ adee rarybera, ahãwyy Sara rariòrenykre weryrymy. kai ta Isaque my bininikre.-diarỹ warybe wahidỹỹna arirarenyre iki wana, kia iriòreriòrereny boho wana ikiemy.
\v 19 —Wanyrỹ kai heka wadee bedewihikỹ tewinyta, kia wadi taruxetòeta, wabededỹỹnana tehedỹỹnyta. Kia hãwãlò ka ribi irehemy roireri, kia cidade hãwã huduna heka idiwamykre, tamy arehemynyõdile.
\v 32 Manake kakò, iny monabesò (vinho) iny tybykò rikiwahinykre, kiata ikòde rawàrinykre. Taita iny iki wana herimy ròkòikre, tai tahe rakaritxòrenykre iritxòre-di.
\v 33 Kia iruutyhyle tii boho monabesò (vinho) tybyreny-ò riwahinyre, kia iriòre adela iki wana òtaòta riwinyre. Kia tii heka iòde rawàrinytyhyre, kia bede rieryõhyyre.
\v 34 —Ijõ bede txuu iriòre adela taesòru-ò rarybere: —Dikarỹ kakurukumy waha wana rarõre. Ixybyle monabesòmy (vinho) rikimonykre wiji rukumy, kiata kai iki wana morõkre. Tai iny iritxòre ijõdikre iki wana, kiata iritxokorereny rikikywikywinykre.
\v 35 Kia wiji ixybyle rumy monabesòmy (vinho) tyby rimonyrenyre, kia iriòre tỹmyra tii wana òtaòta riwinyre. Kia ixybyle tii iòde rawàrinytyhyre, kia aõ rieryõhyyre.
\v 1 Abraaõ Manre ribi ròhònyre, kia rare Kanaã iraru weribi-ò, kiata tai rahãwanymy raremyhỹ Cades kia Sur bedeki. Irahudita taederehemy kia Gerar ki rahãwanymy raremyhỹu,
\v 2 Abraaõ rarybemy raremyhỹ Sara iseriòre raremy. Taita Abimeleque Gerar Iòlò teòdu riteònyre Sara tamy ididykremy iki wana roikremy.
\v 3 Irahudita, rumy rasimy Deuxu Abimeleque-ò rexitỹnynyre, kia tamy rarybere: —Kai heka mararytxykre rubunadi, kiemy dori hãwyy-ò tarariòwyta heka ihãbu-di rare.
\v 4 Abimeleque Sara tyy-ò reseõhyylere, iurenana myỹ rarybere: —Inynyrỹ,-diarỹ bede reeryõmy watxireri! Kia aöbo biwarubunykre, waijoi aõbo birubunykre?
\v 7 —Kata wiji hãwyy ixybyle biwahinykre kai buruõkremy. Ka txibo hãwyy biwahinyõkre wana,-diarỹ arateòarinyreri òbitimy burukre, kai kia ibutumy aõnaõna wanareny.
\v 8 Ijõ txumy Abimeleque rudihikỹ rỹire, kia ibutumy teòdu mahãdureny-ò rarariòwyre, kia ikoreny relyyre aõhebo rutỹỹnyremy. Kia tii boho sõemy ruberurenyre.
\v 9 —IuIe Abimeleque Abraaõ-ò rarariòwyre tamy rarybere: —Beteheini aõbo kai tewinyta? Kia aõnaõnabina-diarỹ adee rewinyra, kia kai tewinyta watyrehekỹle reseke rare, kia wahãwahãkỹrenytyretxi, kia òraruna nihikỹ? Aõbo kai tewinyta, kia iny tuu riwinyõmyhỹre.
\v 10 —Aõmybo kai tahõtinymy atxiniyhỹ, tuu wadee tewinyte?
\v 11 Abraaõ rirarwyònyre: —Diarỹ rahõtinyre kaki inyõ Deuxu rityhynyõmyhỹremy, kia wahãwyy òraruki riwarubunykelau.
\v 12 –Kia ribita Sara uriki waseriòre rare, kia waha weribi-ò. Tai kawesemy-diarỹ aõwaxina iki wana raire.
\v 13 Kia Deuxu waha hetowo ribi riwatare bedeu, kia riwariradỹỹnyre hãwã witxirawitxiramy,-diarỹ Sara-ò rarybere: Kia ibutumy bede bedeniy iny roimyhỹreu, txioini wadee biwinykre, kia marybekre-diarỹ aseriòre raremy.
\v 15 Kia rarybere: —Beteheini Abraaõ, kia wasu roire. Ixideewimy tibedekibo masỹnykre.
\v 16 Kia Abimeleque, Sara-ò rarybere: —Diarỹ aseriòre dee 11-my quilo weeremy manarỹsỹòtaòta rewahinyreri, kia akireny ratxirenyreri rieryrenykremy, kia kai bedeeryõ tatemy. Kawesemy tahe ibutumy rieryrenykre, kia kai aõ ibinamy tewinyõhyytemy.
\v 17-18 Kia Sara tuu rutỹỹnyre òraruki, Abraaõ hãwyy, Deuxu Tyhyhykỹ riwinyre, kia tiu hãwyy mahãdu Abimeleque Palácio ki rỹimyhỹrenyre rariòrenyõrenykremy. Tai Abraaõ rexitòenyre Deuxu-ò, Abimeleque dee tòemy, kiata Deuxu riteytenyre. Kia ihãwyy riteytenylere, teòdu hãwyy, kia wesemy tahe ixybyle rariòrenyrenyre.
\v 9 Txu òbiti bedeu Ismael Abraaõ riòre, Egípcia Haari (Agar) wana iriòre, kia risinymyhỹ Isaque wana, Sara riòre.
\v 10 Kia Sara tuu robire bedeu, Abraaõ-ò rarybere: —Kia adekòdu bitekònyke ka ribi rakemy taritxòre wana, kia adekòdu ritxòre wahetoku wokuludumy ratxikõkre butumy waritxòre Isaque wana.
\v 11 Abraaõ sõemy tai rõhõtiyrere, kiemy dori Ismael iriòreõle rare.
\v 12 Kia Deuxu tamy rarybere: —Abraaõ, uritre nohõtiweryweryõmykre, kia eòdumy tule nohõtiyreõmykre. Ibutumy biwinyke aõmybo Sara rarybekre, kiemy dori kai ariòreriòre ijõdikre Isaque yhyra ribi.
\v 23 Ka tahe wiji wadee inatyhymy manarybekre Deuxu dee, kia uritre wadee roimy rybeõmykre, wariòre-ò tule roiõmykre, kia wariòreriòre boho tule; kia suu biuhekre tai tahãwanymyhỹteki, kia aõnaõna adee rewahinyre-di.
\v 24 Abraaõ rirawyònyre: —Awire inatyhy.
\v 25 Abraaõ Abimeleque-ò rarybere: —behãluu òraruki, kiemy dori teòdu be hãluu bemy riõre taruruhukỹlemy.
\v 26 Abimeleque rirawyònyre: —kia reeryõre; kia tuu wako relyyõhyyrenyre. kia wijile reeryreri.
\v 27 Abraaõ budoeni broreni wana rimymy Abimeleque-ò riwahinyre; kia widee wooxina riwinyrenyre.
\v 11 —Aõkõhyyre, wanyrỹ. Boholake:-diarỹ adee suu ariwahinykre urile ahõrõmy, kia mana raworawohỹkỹ tuu rỹimyhỹre tule. Kia wasỹreny waijoireny heka itxeredurenyreri, kia-diarỹ adee rewahinyrerimy suu ahõrõmy, kia tamy kai ahãwyy bituunykremy.
\v 12 Ka Abraaõ ixybyle rexiworabunyre heteus mahãdureny koki
\v 13 kia rarybere Efrom-ò, kia inatyhymy ibutumy iny mahãdu roholarenykremy: —Boholake, txioini aõkerỹbo.-diarỹ ariõbranykemyreri suu. Manarybeke tiwesebo iòwy, kia-diarỹ ariòwynykre. Kia irahudita wahãwyy kuaki arituunykre.
\v 14 Efrom rirawyònyre:
\v 15 —Boholake, wanyrỹ. Suu 400 utxie weeremy (prata) iòwy. Kia tahe aõbo rare iny inatxireny dee? Make bituunyke kuaki ahãwyy
\v 17 Kawesemy tahe Abraaõ rexisỹnyre Efrom suwedumy Macpela ki, Manre ibràraki roimyhỹre, kia heka suu mana raworawohỹkỹ, kia ibutumy bederade, kia ihõrõreny wirareanaòhòkỹle.
\v 19 Irahudi tahe Abraaõ rituunyre Sara tahãwyy, Macpela su mana raworawohỹkỹki, Manre ibràra weribiki, kia bede tule raerylemyhỹre Hebrom my, kia Kanaã suki roimyhỹre.
\v 20 Kawesemy tahe suu heteu mahãdu hõrõmy raremyhỹ, kia tule mana raworawohỹkỹ kuaki rỹimyhỹre, kia Abraaõ hõrõmy relere, kia tamy wabede wesemy ròtuudỹỹmy roirenyrekremy.
\v 2 Tiu txuu tii rarariowyre tadeòdu ehetxina dee, kia ibutumy iaõnaõnadi tarukimy ratximyhỹre, kia rarybere: —Bidilidike ebò waruti rawo-ò, kia inatyhymy marybekre tuu biwinykremy.
\v 3 Inatyhymy marv bekre Deuxu Tyhyhykỹ biu ludu su ludu dee, kia kai iwahidỹỹõmykre wariòre Isaque roikemy Kanaã hãwãhãkỹ hãwyyõ wana, tai rahãwanyreriki.
\v 4 Make wasuòhòkỹle kia wasỹreny yky ribi bitakre hãwyyõ Isaque dee.
\v 5 Iaõmysỹdỹỹdu ritỹỹraxinyre: —Kia aõbo tahe-diarỹ ariwinykre txibo ijadòòma wahemy kanaõkre wana? Ixybyle aridykre ariòre ixyby tai su ribi kai tanate ribi?
\v 21 Kia iwana wana hãbu aõmy rarybemy aõkõ, retehemyhỹ riòtudunymy ijadòòma-di, kia rierykremy txibo Deuxu Tyhyhykỹ tarybewihikỹ tany riwahinyre ada tamy aõbo tarybewihikỹ riwahinyõre aõbo nariamy nade-ò.
\v 22 Kia camelos mahãdu tabemomoreny rahurenyreu, hãbu rimyre manarỹsỹ nohõtisana kia debò sohojimy grama my rautxienymyhỹre, kia teasỹ-ò ritidire. Kia tule tamy riwahinylere inatximy manarỹsỹ deorutà, kia cem grama ratyremy rautxienymyhỹre.
\v 23 Kia ilemy ritỹỹraxinyre: —Txioini aõkerỹbo, manarybeke mobo buremy. Kia aõbo iheto bedeki bede aõbo ihoõre kia waijoi mahãdu, kia-diarỹ boho tai arõrõrenykemy?
\v 30 kia robire nohõtisanamy taseriòre terỹ deasỹki, kia deorutà iaxiòki, kia roholare relyymyhỹ-ò, kia aõmybo hãbu raryberemy tamy. Labaõ ròhònyre raijaranymy kia rare Abraaõ aõmysỹdỹỹdu-òrysymy, kia lamamy rỹimyhỹ-ò, camelos mahãdu weribiki, kia be hãluu bireki.
\v 31 Labaõ rarybere: —Manake wa wana, hãbu, Deuxu Tyhyhykỹ tarybewihikỹ adee riwahinyre. Aõherekibo kai kiaki atxiteri ahãnaki? Kia reywinyra heto kia tule bedeõ camelos mahãdu deereny.
\v 32 Taita hãbu ralore heto-ò. Labaõ ritare camelos itxyyreny kia tamyreny horeru asi riwahinyre. Irahudita bee-diwyde kia Abraaõ aõmysỹdỹỹdu kia taijoireny boho wana tawareny rihòrenykremy.
\v 33 Kia rỹsỹna-diwydenydeu, kia hãbu rarybere: —Diarỹ ariroxiõkre kia manarybebedenyõkre wana aõmybo ararybekemyrerimy. Manarybeke:—rarybere Labaõ,
\v 52 Kia Abraaõ aõmysỹdỹỹdu ka rybe-ò roholareu, tatiòhumy resere, taòsỹny su-ò ritidire, kia rerinanyre Deuxu Tyhyhykỹ my.
\v 53 —Kia ilemyta ritare sõemy aõnaõna mana rỹsỹhỹkỹ, mana rỹsỹ-òtaòta, uòhi, kia riwahinyre Rebeka-ò. Kia tule riwahinylere aõnaõna-òwyhykỹ iseriòre ihi-ò, ise-ò.
\v 54 —Taita tii taijoi mahãdu wana riroxirenyre kia riõrenymy kuaki rõrõrenyre. Ijõ biurasou, kia ritamanyrenyreu, Abraaõ aõmysỹdỹỹdu rarybere: —Bidiwahinybenyke kia-diarỹ aroosekremy wadinodu heto-ò.
\v 55 Ka Rebeka seriòre ihi, kia ise raryberenyre: —Kia heka awityhyke kia tiki ratxikre wawanareny aõutxumy, aõhe wana debò itue txumy, kia irahudi aõwaxina rakre.
\v 56 Ka Abraaõ aõmysỹdỹỹdu rirawyònyre: —Uritre kaki aratxikemy wadi wisỹdyỹrenyõmyke. Deuxu Tyhyhykỹ riwinyre kia wanonana-òbitimy ròhònykremy; biwawahinybenyke kia-diarỹ aroosekemy wadinodu heto-ò.
\v 57 Taita tii boho raryberenyre: —Rebeka-ò rakaryberenyke kia idi reketeherenykremy timybo tiki kanarybekremy.
\v 65 kia ryyraxire Abraaõ aõmysỹdỹỹdu-ò: —Mobo kua hãbu rareri raritxamy bederaku-di iny mynarenymy? —Kia wadinodu. rirawyonyre tii. Tai tiki rimyre tyyre kia taòsỹmy rihetynyre.
\v 66 Abraaõ aõmysỹdỹỹdu relyyre Isaque ko ibutumy aõbo releremy.
\v 67 Taita Isaque ridyre Rebeka, Heto riòre-ò tai Sara ise rahãwanymy raremyhỹ sỹtybyki, kia tiki ihãwyy my runyre. Isaque rerinanyre Rebeka my kia wesemy tahe rõhõti tybore tadi rubu sỹtybymy.
\c 25
\s Ijõ Abraaõ riòreriòre bohoreny
\p
\v 1 Ahraaõ roire iwitxira hãwyy wana, kia Quetura inire,
\v 2 kia tiki tamy uladu mahãdu riwahinyre ka boho: Zinrã, Jocsã, Medã, Midiã, lsboque kia Sua.
\v 3 Jocsã, Seba kia Dedã tybymy runyre. Kia Dedã riòreriòre boho assureus, letuseus kia lumeus.
\v 4 Kia Midiã riòreboho Efa, Efe, Elaõ (Enoque), Abida kia Elda. Ibutumy ka boho Quetura riòreriòre bohoreny roire.
\v 6 kia riwahinyre ihõrõrenymy tawedena riòre boho deereny. Kia rurukre kotyre, rihitxinyre Isaque ribi kia riteònyre rakremy hãwãmy Oriente su-ò.
\s Abraaõ rurure
\v 7 Abraaõ bede riere 175-my wyramy.
\v 8 Tii rurure matuari tyhymy, kia rare tahãỹna mahãdureny wana wii ributunykremy rubu bedeki.
\v 9 Kia iriòre boho Isaque kia Ismael rituunyrenyre Maepela mana raworawohỹkỹki, Manre ibràra weribi roimyhỹre, Efrom bederoki, kia heka Zoar, hetu wana riòre rare.
\v 10 Kaa heka bedero Abraaõ riõbranyre rare heteu mahãdureny ribi; Abraaõ kia Sara tai ratuudỹỹrenyre.
\v 12 Ismael, Abraaõ riòre, Haari (Agar) wana iriòre, Sara wetxu egípcia mahãdu, kia uladu boho tybymy runyre,
\v 13 kia wimynamy ruarenyre; Nebaiote iriòre adela rare, kia ihewomy Quedar, Abdeel, Mibsaõ,
\v 14 Misma, Dumá, Massá,
\v 15 Hadade, Tema, Jetur, Nafis kia Quedemá.
\v 16 Ka boho 12-my sõereny Ismael riòre boho sõe; kia isureny kia ihãwareny inirenymy ròhònyre. Iny sohoji sohojimy taijoi mahãdureny-òbiti wedumy roruurenyre.
\v 17 Ismael 137 wyra rimydi rurure, kia rare kawesemy rexibutunykremy tahãỹna mahãdureny wana rubu bedeki.
\v 18 Ismael riòreriòre boho roiremyhỹ Havila kia Sur bedeki, Egito ibràra weribiki, kia ryrehehekỹ Asiria-ò ramyhỹre ki. Tii boho hitximy roirenyremyhỹ ijõ Abraaõ riòreriòre bohoreny ribi.
\s Esau Ijaò ruarenyre
\v 19 Kaa heka Isaque ijyy rare, Abraaõ riòre.
\v 20 Isaque 40-my iwyra iu Rebeka wana rexilidire, Betuel riòre kia Labaõ lerỹ. Tii boho heka arameus mahãdu roire kia rahãwanymy roiremyhỹ Mesopotamia ki.
\v 21 Rebeka rariòrenykeihoõre, kia iurenana Isaque rexitòenyre Deuxu dee, Rebeka dee tòemy. Deuxu Tyhyhykỹ roholare iixitòedỹỹna-ò, kia Rebeka rabytònyre.
\v 22 Kia heka wihiju roire, kia tii boho resumyhỹrenyre wi wana iwewoki. Tiki rõhõtinyre myỹ: —Anoherekibo kawesemy nadutỹkỹnymyhỹde? Taita rare lỹỹraximy Deuxu Tyhyhykỹ dee,
\v 23 kia tii rirawyònyre: Awewoki inatximy hãwã hãwã sóe ijõdire; kai inatximy iny mahãdu-òludumy ruarenykre. Sohoji heka wiratyre ityhykre wiribi, kia adela heka mynynamy reakre, ihelỹỹna tahe tuhỹỹnadukre.
\v 10 Tai Abimeleque rarybere: —Aõherekibo kai wadeereny tuu tewinyta?-diarỹ bohoõ irutaõtyhylemy tiki wana herina-ò aròirenyke, kia kai tewinyte-diarỹ boho tuu arejujurenykremy.
\v 2 —Bexiywinyke, kiata makre Mosopotâmia-ò. Kia alabie Betuel hetoki matxikre, kiata alana Labaõ riòreõ wana hãwyy my boikre.
\v 3 —Kia Deuxu tabedeery nihikỹ-di tarybewihikỹ riwahinyke, kia adee sõemy ariòreriòrereny riwahinykre, kia kai aribi hãwã hãwã bede bede ròhònykremy.
\v 4 —Kia Abraaõ-ò tarybewihikỹ riwahinyre wesemy, kia suu ridinodunykremy, kia kai tai tahãwanymy ahãte wahe iwitxira hãwã ludu wesemy, kia Deuxu heka suu Abraaõ-ò riwahinyre.
\v 5 Kawesemy heka Isaque riteònyre Ijaò Mesopotamia-ò hãwãmy rakremy, Labaõ heto-ò, kia heka Betuel riòre, Arameu, kia Rebeka seriòre rare, Esau, Ijaò wana isereny rare.
\v 6 Esau bede rieryre Isaque tarybewihikỹ Ijaò-ò riwahinyremy, kia Mesopotamia-ò riteònyre ibedekile hãwyymy roikremy. Kia rierylere iu tyby tarybewihikỹ tamy riwahinyreu, kia tamy rarybere uritre Kanaã hãwã ludu hãwyy wana heriõkreniy.
\v 7 —Kia rierylere tyby tadi wana rybereny rityhynyremy, kia Ijaò raremy Mesopotamia-ò.
\v 11 —Txiorotyhymy tii bede brebutyhyna-ò rehemynyre, kia tai rõrõre. Kia ibedeki manaõ rimyre tamy rarahynanykremy, kia taihyyle rexilidire rõrõkremy.
\v 12 —Taita Ijaò rarasinyre. Tii robire-òwònamy kia su ribi biuòhòkỹle raonananyre, kia Deuxu Anjo boho idi raòwònymy idi rubehemy rỹimyhỹ.
\v 13 —Deuxu Tyhyhykỹ ibireki rỹimyhỹ, kia rarybere: —Diarỹ Deuxu Tyhybykỹ rare, alabie Abraaõ, buu Isaque wana iDeuxureny heka-diarỹ rare. Adee ariwahinykre, ariòreriòrereny-ò ka suu roire, tai kai herimy taiteriki.
\v 14 —Kia ariòreriòrereny heka su node wesemy rasõerenykre. Tii boho roberarenykre txu-òlòna ribi, txu ròtena ribi, ibrà ribi, beàra ribi, kia ibutumy hãwã hãwã mahãdureny-ò warybewihikỹ ariwahinykre. Kia kaa su-ò bydoosekremy adi arisỹnykre.
\v 28 —Ijaò tai awimy rahãre, kia ihãwyymy herinana ixena ixawireu, Labaõ tariòre Rakeli riwahinyre ihãwyymy.
\v 29 —Labaõ tadeòdu Bila riwahinyre Rakeli-ò teòdumy rarekremy.
\v 30 —Ijaò-òtaòta Rakeli wana riwinylere; kia tii sõemy Rakeli my rerinanymyhỹre. Léia ribi. Kia ixyby raaõniysỹdỹỹnymy raremyhỹ debò inatxi wyramy.
\v 31 Kia Deuxu Tyhyhykỹ robireu Ijaò Léia deramy reamyhỹremy, kia tii rariòrenykremy tuu riwinyre, kia Rakeli iriòre ihoõkremy tuu riwinyre.
\v 32 —Léia rabytònymy uladu iribi reare weryrymy; kia tamy ini ritidire Ruben my. Tii myỹ riòbitinyre: —Deuxu wamy robire wabederyrymy watximyhỹmy, ka tahe wiji wahãbu wamy rerinanykre.
\v 33 Léia ixybyle rabỹtònyre, kia ixyby rariòrenyre, kia rininire Simeaõ my. Kia rarybere: —Deuxu Tyhyhykỹ rohokujare, kia-dikarỹ ixideraderanamy reakaremy, ikurenana ixyby kaa kuladu wadeke riwahinyreri.
\v 34 Léia ihãremy ixyby rabytònyre, kia ixyby rariòrenyre, kia rininire Leví my, kia rarybere myỹ : —Ka tahe wiji wahãbu wawana butumy ratxikre, kia dokuri tamy inatano my ritxòre rewahinyra.
\v 35 Léia rabytònyre ixybytyhyle, kia ijõmy rariòrenyre. Tamy kadee Juda my rininire, kia rarybere: —Ka wiji tahe Deuxu my karerinanykre. Irahudita tahe ixyby rariòrenyõhyyre.
\c 30
\p
\v 1 Kia Rakeli (Raquel) rexieryreu iriòre ihoõkremy, kia taseriòre Léia dee rexiwobinanyre, kia rarybere tahãbu-ò: —Kuladu wadeke bidiwahinyke; kia urikõku ribi-dikarỹ karuruheny!
\v 2 Ijaò reburere Rakeli dee rarybere: —Kai aõbo-diarỹ Deuxumy wadi tahõtinyteri? Kia tii heka uladu ihoõkremy anatòenymyhỹde.
\v 3 Taita Rakeli rarybere: —Kaa wadekòdu Bila runyre; iki wana kòtakòta biwinyke. Kia txibo tiki raritxòrenykreku, kia waritxòre wesemykre. Kawesemy dikarỹ kuladusemy kratxikre ibrò- ribi.
\v 4 Kawesemy tahe Rakeli riwahinyre Ijaò-ò tadeòdu tuu reramy rarekremy, kia tii iki wana-òtaòta riwinyre.
\v 14 Sohoji txu bedeu kia iu maixõmoni rahemyhỹre bedeu, Ruben bedero-ò rare. Ibedeu (mandrágoras) txi rahãre, kiata Léia-ò riwyre, tadi-ò. Kia Rakeli tuu robireu, rarybere Léia-ò: —Txikolàhàikuni, mandragora no wadeke bidiwahinyke, kia aritxòre-diwydeno.
\v 15 Léia rirawyònyre: —Kia anobo kai wahãbu waribi tedyte anobo urihimykolere anobo? Ka tahe wiji mandrágora waribi biwykemy atxiteri, waritxòre wadeke riwahinyre? Tai Rakeli rarybere: —Anoma wii rikiwikurònykre: Kai mandrágora wadeke bidiwahinykre, kia-dikarỹ kariwahinykre kai wiji rukumy Ijaò wana morõkre.
\v 16 Txiorotyhymy, Ijaò bederahy ribi dehemynydeu, kia Léia iki wana witxi reakremy rare, kia tamy rarybere: —Wiji rukumy kai wawana morõkre, kiemy dokuri-dikarỹ rekòwynyra mandrágora-di, kia waritxòre itxi rahãre-di. Kia irumy Ijaò iki wana-òtaòta riwinyre.
\v 17 —Deuxu roholare Léia ixitòedỹỹna-ò, kia tii rabytònyre, kia Ijaò-ò iruyremy uladu riwahinyre.
\v 18 —Taita Léia rarybere: —Kaa wekyry Issacar inikre, kiemy dokuri Deuxu riwawokuwinyra, kia wadekòdu wahãbu kò rewahinyreki.
\v 29 Taita Ijaò arybere: —Wylana kai teeryte timybo adee raõmysỹdỹỹnyre, kia timybo airòdudi warukimy raremyhỹmy.
\v 30 —Kia juhuu-diarỹ rehemynyrekoki, kai urihimyòle airòdu iròdu ijõdire, kia irahudi tahe ibutumy sõemy rexijuajuare. Kia Deuxu Tyhyhykỹ tarybewihikỹ adee riwahinyre, kia ibutumy bede bedeniy tikibo-diarỹ rariamyhỹreki. Ka tahe wiji wariòre boho-di, wahãwyy boho-di aròrenykremy resỹnyreri.
\v 31 —Tiwesebo kai bòtakemyreri,-diarỹ araòwynykre? —Labaõ rõhõtiõmy rarybemyhỹ. Ijaò rirawyònyre: —Nierumy aròtaõkre.-diarỹ abudoenidile warukimy ararekre, txibo kai tai awimy mahãkre wana bede ariywinykreki.
\v 32 —Wiji ibutumy abudoeni mahãdudi aretehemy arariakre, kia ixidee aritakremy ibutumy budoeni riòre lyby, kia ibutumy cabritos isirisirimy iyriyrimy rỹimyhỹre. Kia sohojile heka-diarỹ aritakemyreri waòwydỹỹna wesemy.
\v 33 —Kia tai tahe tiu bedeu irutaõkre, kia kai biwaerykre-diarỹ-òbitimy raremy. Kia iywidỹỹmy raarikreu waòwydỹỹna, kia txibo wabudoeni yky ki ilybyõmy, kia cabritos iyriyriõmy, isirisiriõmy ratxikre wana wabudoeni yky ki, tai kai biwaerykre-diarỹ rewasinyramy.
\v 37 Taita Ijaò bederade lỹre rimyre (choupo) matyni, kia (plátano) rityyrahãre, kia iuramy relekremy.
\v 38 —Tii kaa-òwòrururubò iròdu iròdu ko ritidimyhỹre, ibemomonareny-ò tai bemy riõmyhỹrenyre-ò. Tii tuu riwinyre kiemy dori iròdu mahãdu tai wimy reramyhỹrenyre, kia bemomomy ròimyhỹrenyreu.
\v 2 Ijaò tule Labaõ-di riòtanymy retehere, kia tabiòwamy tamy rexideòsinyõhyymyhỹre juhu raremyhỹ wesemy.
\v 3 Taita Deuxu Tibyhykỹ rarybere Ijaò-ò: —Bòòseke bu boho su-ò. tai asỹreny rỹimyhỹenyre.-diarỹ awanahyy ararekre.
\v 4 Tai Ijaò Rakeli (Raquel)-ò rarariòwyre Léia wana, kia bedero-ò ròirenykremy, tai tii tabudoeni-di tacabra-di ratxireri ki.
\v 5 Kia ritehemynyrenyreu, tii rarybere: —Kia reerymy bureny-di watxireri, kia tabiòwaniy rexideòsinyõhyymy ratxireri, kia iwese juhu raremyhỹ wesemy; ka waha Deuxu tahe wawanahyy ratxireri.
\v 12 —Taita tii tarybe ritõranyre: Bedeteheke:ibutumy bodes wimy rerarenyreri, kia iyriyrimy, isirisirimy, iysaysamy rỹirenyre.-diarỹ tuu adee rewinyreri tuu ròhònykremy, kiemy dori umy rabire, kia Labaõ adee riwinyrerimy.
\v 13 —Diarỹ heka Deuxu rare adee rexitỹnynyre Betel ki, tai kai wadee mana tetamadỹỹnyte, kia azeite ityre tetxiwimy, kia tai kai wadee biwinykremy tarybete. Ka tahe wiji bexiyinykre, ka suu ribi bòhònyke, kia tikibo uladumy teate su-ò makre,
\v 14 Taita Rakeli Léia wana rirawyònyrenyre: —Kia ano rakuhenykõhykyre waha Ianona-di kyratxirenykemy.
\v 36 Tai Ijaò reburere Tiitarybere Labaõ-ò: —Aõbo heka-diarỹ ibinamy rewinyre? Tibo abededỹỹnana-diarỹ reyròre adee, kia wahewomy tateri eburetyhymy?
\v 37 —Ka tahe wiji ibutumy waaõnaõnamy teriterita, kia aõbo aaõnatxi teata ahõrõki? Kia aõnaõna biditikre kaki, wasỹrenyruki asỹrenyrurenyki, kia tii boho iny rieryrenykremy tibo iny inatxi-òbitimy ratxirerimy.
\v 38 —Kia wawi-ò wyramy adee raaõmysỹdỹỹnyre, kia abudoeni-di acabra-di, kia tiu ijõ bytò binamy reseõhyyre, kia-diarỹ budoeni riòreõ reròõhyyre anohõ.
\v 39 —Kia tiu iròdu iròdu, iròdu debure riròmy adee rewyõhyymyhỹre, kia-diarỹle heka aõnaõna binabina reòwynymyhỹre. Kai aõtxile wadee teijemyhỹte iròdu txumy rumy wasinamy reake.
\v 40 —Wabededỹỹnana heka myre: txumy heka bedetòtee riwaàhỹtỹnymyhỹre, kia rumy tahe-diarỹ bedejutàtà riwarubunymyhỹre. Kia tiwese aõkõ rumy-diarỹ tỹhiõmy bede reijere!
\v 41 —Kia wawi-ò wyramy aheto bedeki reijere. Kia 14 wyramy adee raaõmysỹdỹỹnyre, kia ariòre inatxi ixidee arimykremy, kia debò inatxi wyramy raaõmysỹdỹỹnyre airòdureny ixidee arimykremy. Kia ihãremy iratyre kai waòwydỹỹna debòitue sõemy tewiurònyte.
\v 42 —Txibo wahỹỹnareny Deuxu Abraaõ Isaque wana iDeuxu wawana ratxiõkeki, kai wadebò yhymy biwateònybe. Ka Deuxu tahe wamy robire waõhỹỹmydỹỹnanamy, kia waõmysỹdỹỹnamy, kia kau rumy tii bede riywinyre.
\v 43 Labaõ rirawyònyre Ijaò-ò myỹ : —Ka boho heka wariòre roire, wariòreriòre roire, kaa wairòdureny roire, kia ibutumy kai tuu tabiteri wahõrõ rare, Ka tahe timybo tahe aõ ariwinyõkemyreri, kia wariòre boho ihõrõreny ijõdirenyre ribi,
\v 44 —diarỹ rexihumy rare widee bede rikiywinykremy. Kaki mana rikiydònykre, tai iny nohõti reakremy iny widee bede riywinyretxi.
\v 45 Taita Ijaò mana sohoji rimyre, kia lamamy ridere, kia owo wesemy
\v 46 —Irahudita tasỹreny mahãdu-ò rarybere rexibutunyrenykremy, kia mana ributunyrenykremy. Tii boho sõemy mana ributunyrenyre, irahudita ibireki riroxirenyre.
\v 47 —Labaõ rininire kua bede Jegar Saaduta my, kia Ijaò ta rininire Galeede my.
\v 48 lrahudita Labaõ rarybere: —Kaa mana ratòò iny deereny rỹikre, iny inatxi itxi iny nohõti reakremy. Kia iurenana heka kua bede raninire Galeede my.
\v 49 —Kia Mispa my raninilere, kiemy dori Labaõ rarybere: —Kia Deuxu Tyhyhykỹ iny-di tarukikre, kia wiribi rikexirareakreu.
\v 50 —Txibo kai aõhỹỹhỹỹmy wariòre boho bisỹnykre wana ada txibo kai iwitxira hãwyyõ wana boikre wana, kia-diarỹ arieryõreri hãrele aõhebo tatỹỹnyteri, kia õhõti reakre Deuxu iny-di retehererimy.
\v 51 —Kaa manaydò owo wana rỹire, kia inydee retidire.
\v 52 —Kia manaydò owo wana, kia itxi iny nohõti reakremy iny widee bede riywinyre.-diarỹ tiu wanoõna owo weribi-ò aõbina widỹỹmy.
\v 6 Kia rybe-di ijaradu mahãdu ròòserenyre, kia raryberenyre: —Kia Esau, aseriòre wana witxi rekoarenyre. Tii rareri, kia awana witxi reakremy. Kia 400 my hãbu sõe-di rareri.
\v 7 Kia Ijaò kamy roholareu, kia sõemy ruberure, kia iximy rõhõtiyrere. Taita inatximy riwirareare, kia iny mahãdu iki wana ratximyhỹreny, kia budoeni, cabras, broreni, camelos riwirarealere.
\v 8 —Tii myỹ rõhõtinyre, kia Esau kanakeki, kia sohoji ijoi mahãdu rihuke, kia ijõ ijoi mahãdu tahe rihenyrenyke.
\v 9 Irahudita Ijaò kaa ixitòedỹỹna riwinyre: —Wadee bydoholake, walabie Abraaõ, Isaque waha wana iDeuxureny! Kai tadiwateònyte wasu-ò adoosekremy, kia wasỹreny mahãdureny-ò, kia wadee tarybete ibutumy awihyylemy wadee bede rarekremy.
\v 10 —Diarỹ adee aõmysỹdỹỹdu, kia ibutumy aõnaõnawiwi wadee releõkemy watximyhỹre, kia inatyhymy-òbitimy wadi atximyhỹte. Kia Jordaõ bero-di rahorereu,-diarỹ budoeni-dinodu hoju sohoji-di watximyhỹ, ka tahe ròòsereri kaa inatximy hãbu ijoi-di, iròdu iròdu sõe-di.
\v 12 —Õhõti reakre wadee tarybete txi, kia ibutumy awihyylemy aratxikremy, kia wariòreriòrereny ỹnyra ruxõmo wesemy, kia sõerenykre, kia tiu inyõ isõereny-di irirarenyõna.
\v 13 Kia iruu Ijaò kuaki rõrõre. Irahudita tii tairòdurenyõ ritare, kia riwahinykremy Esau nohõmy.
\v 14 —Kia ritare 200 my cabras sõe, kia wawiò my bodes sõe, 200 my budoeni sõe, kia wawiò my carneiros sõe,
\v 15 —30 my camelos sõe iriòrereny wana, kia ihãreiny rahuỹtònymyhỹreny, 40 my broreni hãwyy sõe, kia debòituemy aròti sõe, wawiò my jumentas sõe, kia debòituemy jumentos sóe.
\v 16 —Ijaò kaa iròdu iròdu riwirareare ributunymy, kia tadeòdu idi itxeredumy risỹnyre, sõerenydi sohoji sohoji-di. Kia myỹ tarybe riwahinyre: —Kai boho komy bòibenykre, kia iyhyniy ryy biribenykre sohoji sohoji ijoireny rymy.
\v 17 Ijaò rarybere kodeleniy teòdu-ò: —Kia txibo waseriòre Esau atxireny reakre wana, tii aratỹỹraxinykre: Mowe adinodurenyre? Tiobo kai makre? Kia mo iròdu iròdubo kai tedyteri?
\v 19 Kia ihewoludureny-ò, kia ityanareny-ò, kia ibutumy ijõ mahãdureny iròdu iròdu ijoi-di tarukimy rỹimyhỹreny deereny, Ijaò rarybere: —Txibo kai boho Esau txi bekoabenykre wana, kia iyrybule marybebenykre.
\v 20 —Kia uritre nohõti Jusarenyõmykre myy ribi: Kia Jjaò nohõ, kia waheworenymy rareri. Kiemy dori Ijaò myy rõhõtinymy ratximyhỹ:-diarỹ arinohõtilusanykre Esau, kia wanohõ wakomy rakre-di. Kia tii wana witxi areakreu, aõhe wana tii riwaruxetòenykre.
\v 21 —Kawesemy heka Ijaò riteònyre tanohõ ixikomy, kia iruu bede tabreò ki riere.
\s Jaò Resure Painel Ki
\v 22 Kia iruule Ijaò rexilamadỹỹnymy, kia Jaboque berowetyadi rohorere, kia ixihemy ridymy tahãwyy inatxi, tawedena inatxi, kia tariòre boho 11-my sõereny.
\v 19 —Kia 100 moeda de prata-di Hamor riòre boho ribi, Siquém tyby ribi suu riõbaranyre, kia tai tahe tabre-ò riòre ridere.
\v 20 —Tai tii bede ratòò riwinyre, kiata rininire El my, Israel Deuxu.
\c 34
\s -dina Aõhỹỹmy Rutỹỹnyre
\p
\v 1 Kia-dina rexiywinyre, Ijaò riòre Léia wana iriòre, kia rare itxeremy, kia ijadòòma mahãdu hãwãludu-di itxeremy.
\v 2 —Hamor, Hev eu wana kua hãwã ridinodunymy roiremyhỹ, kia iriòre ijõdire Siquém inire. Tii-dina my robire, kia rimyre tarurumy-òtaòta iki wana riwinykemy.
\v 3 —Kia tii tai awimy rahãre tuu rõhõtinyre, kia riemy raremyhỹ tuu rerinanykemy.
\v 4 —Irahudita rarybere tyby-ò: —Kia ijadòòma wana aroikemy rexitòenyreri.
\v 5 Ijaò bede rieryre, kia Siquém ibinamy iriòre-dina risỹnyremy. Kiaremyta iriòre boho bederoki ratximyhỹreny broreni-di, kia aõmy rarybeõhyyre, kia tii boho taheto-ò ròòserenyre.
\v 6 —Iwana wana Hamor, Siquém tyby rare Ijaò-ò rybemy.
\v 7 —Kia Ijaò riòre boho ritehemynyrenyreu bedero ribi, kia bede rieryrenyre terỹreny bededỹỹnanamy, sõemy reburerenyre, kia Siquém Israel ki hãwãdu mahãdu ibinatyhymy terỹreny risỹnyrenyreki, aõhỹỹmy Ijaò riòre risỹnyreki. Kia tuu riwinyrenyke aõkõ heka roire.
\v 12 —Bexitòenybenyke aõnaõna adeereny rawahirenykremy, kia manarybedenyke tiwesebo-diarỹ ijadòòma ariòwynykremy, kiata wadee biwahinybenykre tiki wana aroikremy.
\v 13 Kia Siquém ibinamy terỹreny risỹnyreki, Ijaò riòre boho aõkõmy rirayònyrenyre tamy, kia tyby Hamor-ò tule.
\v 14 —Tii boho raryberenyre myy: —Ariwahinyrenyõkre waseriòrereny hãhu tõsityykresynaõ wana hãbu my roiõkre, kia heka wadeereny ixỹruna rare.
\v 15 —Kia tamy areòbyrenyrenykre myxiery: kai boho waweserenymy atxibenykre, kia heka myre, kia ibutumy hãbu mahãdu tõsityyreny rayrokre.
\v 16 —Tai tahe awire, kai boho wariòrereny wana hãwyy my boibenykre, kia-diarỹ boho tahe ariòrereny wana hãwyy my araydònyrenykre.-diarỹ boho aykyrenyki arahãwanymy aroirenyrekre, kia tahe hãwã mahãdureny sohojilemy rakatxirenykre.
\v 17 —Ka, txibo kai boho wabededỹỹnanareny-ò beòbybenyõkreki, kia waseriòrereny aridyrenykre.
\v 18 Hamor, kia tariòre wana ibededỹỹnanareny-ò tamy reòbyrenyre.
\v 19 —Kia timy raroorehenydi aõkõ, kia weryrybò rõsityyorore, kiemy dori Ijaò riòre-di rõhõtinymy ratximyhỹ. Kia Siquém heka ratyhydỹỹmy ratximyhỹre tyby boho sỹ mahãdurenyki.
\v 20 Irahudi Hamor, kia tariòre Siquém wana ròirenyre, hãwã ròtena-ò, tai bededỹỹnana relemyhỹreki, kia raryberenyre hãwãki hãwãdu mahãdureny-ò:
\v 21 —Kaa iny mahãdu roirenyre heka iny biòwareny roire. Iny boho rikiwahinyrenykre, kia tii kaki rasỹnyrenykremy, kia bede rikiywinyrenykre kaki, kia suu tamyreny rehemynymy rakre. Iny boho hãwyy my rokoirenykre iriòrereny boho wana, kia tii boho tahe iny riòrereny wana raydònyrenykre.
\v 30 —Taita Ijaò rarybere Simeaõ, Lev i-ò: —Kai boho bede sirasirahãkỹ-ò tiwaliditenyta. Ka tahe cananeus mahãdu, perizeus mahãdu, kia kasu ki hãwãdu mahãdu wamy radònyrenykre.-diarỹ hãbu waki sõeõre. Txibo tii boho rexibutunyrenykre wana, kia riwahurenykre, kia ibutumy wasỹreny mahãdu rururenykre.
\v 31 Kia tii boho rirawyònyrenyre: —Diarỹ boho waseriòrereny ariwahinyrenyõkre, kia wedena wesemy idi ratxirenykemy.
\c 35
\s Rybewiwihikỹ rawahtre Betel ki
\p
\v 1 Deuxu rarybere Ijaò-ò: —Bexiywinyke, make Betel-ò, kia tai masỹnymy mabeke. Kia Betel ki bede wadee biratòònykre, kiata wadee tuu maubenykre, kia Deuru adee rexitỹnynyre, kia kai aseriòre Esau ribi texiwoteu.
\v 2 Taita Ijaò rarybere tahãwyy boho-ò, kia ibutumy iki wana ratximyhỹrenyre-ò: —Idi behubenyke ibutumy deuse suritxoo-di iwitxira hãwãludureny-di, kia kai boho idi atxitenyteri-di. Bexisuhòbenyke, kia tyylyra-di bexityynybenyke.
\v 3 —Bexiywinybenyke, kia dori rykòirenykre Betel-ò. Tai bede ratòò ariwinykre Deuxu-ò tamy tuu araubenykre, kia dori tii riwawiòhenanyre, aõhỹỹhỹỹmy ratỹỹnyre ribi, kia wa wana ratximyhỹ, kia ibutumy tibedeki rariamy raremyhỹu.
\v 4 Tii boho iwitxira hãwãludu deuse suritxoo riwahinyrenyre, kia idi ratximyhỹreny, kia nohõtisana riuhemyhỹrenyre riwahinyrenylere. Kia Ijaò rituunyre ibutumy, kia Siquém hãwã tyy ki.
\v 14 —Taita Ijaò mana sohojiõ rimyre, kiata ridere owo wesemy, kia tai Deuxu rarybemyhỹ sỹtybyki tamy. Tii Deuxu dee rihitxinyre, kia mona besò(v inho) azeite wana ityre ritxiwire.
\v 15 —Kia kua bede rininire Betel my.
\s Rakeli (Raquel) rurure
\v 16 Ijaò tahãwyy boho wana ròhònyrenyre Betel ribi; kia Efrata hãwã -ò tehemysỹ iòhò-di Rakeli tamytxitxi riòrarunyre. Kia ibytòmy ijarana isirare.
\v 27 Ijaò rare Isaque wana rahãwanykremy tyby wahe, Manre ki, kia hãwã Arba inilere, kia Hebrom tyyki roimyhỹre, kia tai Abraaõ, Isaque boho wana rahãwanymy raremyhỹki.
\v 28 —Kia 180 yramy,
\v 29 —kia matuarityhy-di, Isaque rurure, kia tahỹỹna bohoreny wana wii ributunyrenykremy rubu bedeki. Kia iriòre boho Esau, Ijaò rituunyrenyre.
\v 2 —Esau inatxi hãwyy wana hãwyymy roire, Kanaã hãwãhãkỹ bedeki, kia heka Ada, Elom riòre, heteu wana, kia Oolibana, Ana riòre, Zibeaõ riòreriòre heka rare, hev eu wana.
\v 20 —Bydòike, wiji rikirubunyrenykre. Irahudita irubu-di rykehurenykre be hãluu rubu txi, kia rykaryberenykre iròdu debureõ riròramy. Kawesemy tahe idi ryketeherenykre, aõbo irasiki ròhònykremy.
\v 21 Kia Ruben tuu roholareu, kia taseriòre boho ribi rihedỹỹnykremy, kia rarybere: —Aõkõre iny boho rikirubunyrenyõkre.
\v 22 —Ihãlubu rikitxiwirenyõkre. Kai boho aõwaxina kaa behãhiu txi idi behubenykre, ka bederahyki, kia uritreta iwotõmodỹỹrenyõmykre. Ruben kawesemy rarybere kiemy dori taseriòre rihedỹỹnykremy bede riywinyre, kia tyby-ò riòesedỹỹnykremy.
\v 23 —Kia Jyje rehemynyreu, tai iseriòre boho ratxirenyTeri-ò, kia tii boho iyhy itxena derarehehekỹ iribi risiherenyre, kia idi rexityymymy ratximyhỹ wahe.
\v 27 Rikirubunyrenyõkre, urile idi kaa Ismaelitas mahãdureny-ò idi rykohonyrenykre. Kiemy dori tii iny seriòrereny rare, iny hãlubureny. Kia iseriòre boho tai awimy rahãrenyre.
\v 4 —Tii ixybyle rabytònyre, kia ijõmy rariòrenyre, kia tii rininire Onã.
\v 5 —Irahudita tii ixyby sohoji rariònyre, kia tii rininire Selá. Judá Quezibe ki ratximyhỹu, kia kaa weryry ruare.
\v 6 Judá tariòre adela Er hãwyymy ritidire, kia hãwyy Tamara inire.
\v 7 —Deuxu Tyhyhykỹ bede binabinahãkỹ my reòariõmy ratximyhỹre, kia Er tuu riwinymy raremyhỹ, iurenana kia rirubunyre.
\v 8 —Taita Judá rarybere Onã-ò: Make kia aseriòre wytese wana-òtaòta biwinykre. Kawesemy kai-òbitimy biwinykre tuu riòre labri riwinymyhỹremy, kia aseriòre aribi iriòreriòrereny ijõdikremy.
\v 9 Kia Onã heka rieryre iriòre ruakeki tiu iriòremy raniniõtyhy. Iurenana taseriòre wytese wana-òtaòta riwinymyhỹreu, kia tii tanosy sutxile ritxiwimyhỹre, kia iseriòre ihe ribi iriòreriòrereny ihòõkremy.
\v 10 —Deuxu Tjhyhykỹ awimy aõkõ idi ratximyhỹ, kia Onã tuu riwinymyhỹki, kia rirubunylere.
\v 11 —Taita Juda rarybere tariòreriòrese dee Tamara-ò: —Bòòseke buheto-ò, kia wytesehyymy inabekre, ihyyta wariòre Sela raumynykre. Tii kawesemy rarybere kiemy dori ruberure Sela ruruketxi, kia iwese iseriòre boho tuu rutỹỹnyrenyreki. Kawesemyta Tamara rare tyby heto-ò sỹmy.
\v 12 Kia bede irehemy rỹiramyhỹ bedeu Juda hãwyy rurure. Kia tyy lyby-di rexityynymy raremyhỹ rahudi, Juda rare Timnate-ò, tai tabudoeni sityy riyròmyhỹki. Kia ibiòwa Hira, Adulã ludu rare iki wana.
\v 13 —Inyõ Tamara ko relyyre iriòre labei rakremy ratxirerimy Timnate-ò, kia tabudoeni sityy riyrokremy.
\v 14 —Taita Tamara tatyy riwiurònyre, kia tawytese tyy ixi ribi ritamy, kia taòsỹny tyyre-di rihetynymy rexiwitxiranyre. Kia iribi rare kia rexisỹnyie Enaim hãwã ròtenaki, kia Tininate ry-ò nonanaki roimyhỹre wahe. Kia tii tuu riwinyre kiemy dori rierytyhyre Sela hãbu my raremy, ka Juda tahe riteònyõre tii tiki wana roikremy.
\v 15 Kia Juda tuu robireu idi rõhõtinyre wedenaõ raremy, kia tiki taòsỹny rihetynymy ratximyhỹ.
\v 16 —Tii tamy rare iki wana ryweijàtiki widee rarybekremy, kia rieryõmy tariòreriòresemy. Tii rarybere: —Kai aõbo wawana herina-ò manaõkre aõbõ? Tiki rirawyònyre: —Tiwesebota kai bidiwakòwynykre?
\v 22 Hira roosere, kia rarybere Judá-ò: —Hãwyy txi reaõhyyre. Kia hãbu mahãdureny wadee raryberenyre, kuaki tiu wedenaõ ratxiõhyymyhỹre.
\v 23 Taita Judá rarybere: —Kia tii heka waaõna-di ratxireri. kawesemy tahe tiu inyõ iny-di risinyõtyhy.-diarỹ budoeni riòre reteònyre, ka kai tahe itxi teaõhyyte.
\v 24 Kia inataõ ahãdumy bede rimyre bedeu, Judá-ò rybeiny ròirenyre: —Kia ariòreriòrese wedena wesemy rexiwitxiranyre, Ka tahe wiji bytòmy ratxireri. Tai Judárarybere: —Bididydenyke kia hãwyy ahãna-ò, kia rookremy!
\v 25 Kia taheto ribi ritamyhỹu, tiki tariòre labie-ò tarybe riwahinyre: Mobo riwabytòdỹkỹnyre kaa anonanona wedu riwabytòdỹkỹnyre. Biebenyke, kia idi betehebenyke mohõrõbo kaa debòrỹsỹ, nohõ lòkỹ ludu wana, kia budoeni-dinodu hojurehe ijõmy.
\v 26 —Judá taaõna rieryre kia rarybere: —Tii heka waratyre-òbitityhymy ratxireri; kia dori wariòre Sela wana arilidikremy tamy rarybere, ka warybemy rarybere tahe tuu rewinyõhyyre.
\v 27 Kia Tamara ribi uladu reakremy rỹimyhỹu, kia rieryrenyre iriòre wihijumy reakremy.
\v 29 Ka tii tebò ritusinyre, kia iseriòre wihiju komy reare. Taita bytò ijaradỹỹdu mahãdu rarybere. —Timywe kai ryy terakynyta! Kia rininirenyre Peres.
\v 30 Irahudita ijõ reare, kia tyyresò-di tebò rataare wahe, kia Zera inimy ritidirenyre.
\c 39
\s Jyje, Potifar hetoki
\p
\v 1 Jyje Egito-ò ridyrenyre, tai Ismaelitas mahãdu idi rohonyrenyre Egípcio-ò Potifar inire, kia sodadu wedu palácio ki ratximyhỹre.
\v 10 Kia txuu iyhyõmy tii tamy rõhõtiõmy rarybemyhỹre iki wana herina-ò rakemy, ka Jyje tahe tamy reòbyõhyymyhỹre, kia ityykiratxikelau rexitòenymyhỹre.
\v 11 —Ka tiu txuu, tuu riwinymyhỹremy, tii hetowo-ò ralore raaõmysỹdỹỹnykremy, kia teòdurenyõ tai ratxióhymyhỹ.
\v 12 —Taita tii rimyre ityyki kia rarybere: —Manake, herinakò rykake. Ka tii iribi rexitamy ahãna-ò ròhònyre, kia tatyy tebòkile ririmy,
\v 13 —Kia rieryreu rexiwokremy, kia tii tatyy tebòki ririremy,
\v 14 —kia hãwyy ryryre heto ki aõmysỹdỹỹdu mahãdureny-ò, kia rarybere; —Betehebeny ikuni! Kaa hebreu, wahãbu-didyde wahetokukò, kia anonanonamy riwasỹnyreri. Tiki waherinakò ralòmy, kia wa wana kòtakòta riwinykemy wadi risỹnyre, ka-dikarỹ tahe rerakujukare katxiterehekỹmy.
\v 13 Kia txu inataõ rimykreu Iòiò rarybekre araòlòdỹỹnykremy. Kai aõmysyỹdỹỹna-ò boosekre, kia mona besò (vinho) Iòlò dee biwahinymy mabekre, tuu juhu tewinymy tatemyhỹ wesemy.
\v 14 Kiaremyta, tiu kai awimy kuaki mabekreu, watxi õhõti reakre kia aõkerỹbo awimy wamy marybemy mabekre Iòlò dee, biwawiòhenanymy kawesemy brejuna ribi aròhònykremy.
\v 15 Inatyhymy ruruterehekỹ riwatarenyre hebreusu ribi, kia Egito-ò-diwadydenyde; iwese tahe kaki Egito ki aõ rewinyõhyyre, ka-ò brejuna heto-ò anakemy.
\v 16 Kia paõ-di aõmysỹdỹỹdu wedu irasi-òbitidỹỹna-ò awimy roholareu, kia rarybere: —Diarỹ rarasinylere. Rarasinyre inataõ paõ weriri-di waratiki rewymyhỹmy.
\v 17 Kia weriri biu luduki rỹsỹna hetòtò ibutumy ijõdire, kia paõ-di aõmysỹdỹỹdu mahãdu riwinymyhỹre Iòlò-ò. Kiata nawii-dirahude, kia kaa rỹsỹna rirỹsỹmyhỹreny.
\v 26 —Kia debò inatxi my broreni hãwyy sõe, kia heka debò inatxi wyra rare, kia debò inatxi my maixõmoni lòy wiwi kia heka debò inatxi wyrale rare. Kia inatxi tarasinyta heka wiwesewesele rỹirenyre.
\v 27 Kia debò inatxi sóe broreni hãwyy deõdeõ binabiana, kia bero ribi ròhònyrenyre, kia iruxera sỹtybymy, kia tule debò inatxi sõe my maixõmoni lòy moemoe rubu, kia bederahy yhy tòtee risõre, kia heka debò inatxi wyramy rỹsỹna rasiranykre.
\v 28 Kia inatyhymy timybo-diarỹ rarybere: Deuxu adee riteòsinyre, kia tii tuu riwinykremy.
\v 29 Kia debò inatxi wyramy bede rỹsỹna-di ibutumy Egito bede kì rỹikre.
\v 30 Irahudita debò inatxi wyramy rama reakre.
\v 31 Kia ramasa inihikỹmy reakre, kia inyõ itxi tõhõti reaõhyykre rỹsỹnadi sõemy Egito ki rỹire txi.
\v 33 Kia Jyje tarybe ritõranyre: —Kiaremyta, awimy kai Iòlò, bitakre hãbuõ ibedeeryhykỹõ, kiata bisỹnykre hãwãhãkỹ-di raaõmysỹdỹỹnykremy.
\v 34 IòIò, kia hãbu mahãdu bitalekre, kia ibutumy hãwã hãwãmy reareakremy, alòbrònaraty ibutumy iweeremy ributunykremy, kia debò inatxi wyramy tuu awimy rỹirenykre.
\v 35 Kia wyra wihikỹ bedeu, kia tamy bede rehemynyreri, kaa hãbu mahãdu ributunykre ibutumy maixõmoni ratysõmy, aõhe aõkõ tiwesebo, kiata rỹsỹ-di ijohona hetoki rirarenyrenykre hãwãki, kia ibutumy kai biywiywinykre.
\v 36 Kawesemy tahe rỹsỹna ibutumy rawahiwahikre, kia hãwãhãkỹ idi riroxirenykremy, kia debò inatxi wyramy ramasa-di egito ki bede rỹikreu. Kawesemy tahe iny mahãdureny ramasamy rururenyõkre.
\s Jyje, Egito wedu wesemy
\v 37 Kia Jyje dohodỹỹna Iòlò awimy tai rahãre, kia iaõmysỹdỹỹdu mahãdureny tai awimy rahãrenylere.
\v 38 Kia Iòlò rarybere: —Kia tiu inyõwi txi rykekoarenyõtyhy, kia hãwãhãkỹ-di raaõmysỹdỹỹnykemy Jyje raryberemy, kia hãbu ki Deuxu tyytybyõ ratxireri.
\v 15 Kia heka òbitimy kai tuu tarybetenyteri kamy; kia aseriòrereny itỹmyra kanaõkre wana ka-ò, kai boho ka ribi bòhònybeõkre. Ka heka-diarỹ inatyhy rarybererimy rarybereri Iòlò bededỹỹnanamy:
\v 16 kai bohoõ iòrysymy bòibenykre, ka ijõ mahãdu tahe brejumy rarirenykre, kia inatyhymy aõbo tarybetenyteri ada-òbitimy aõkõ aõbo tarybetenyteri. Txibo aõkõkre wana, kia heka kai boho wasimy itxeredu toite. Inatyhymy rarybereri Iòlò bededỹỹnanamy!
\v 17 Kia aralidirenykre brejuna-ò inataõ txumy bede biebenykre.
\v 18 Kia inataõ txu rimyreu Jyje rarybere tamyreny: —Diarỹ heka iny Deuxu lau raherumyhỹre rare. Kia arawahinyrenykre kai boho arumy boibekremy, warybe-ò beòbybenymy.
\v 19 Txibo inatyhymy kai boho iny-òbitityhymy toite ana, kia kai bohoõ kaki brejunaki rarikre, kia ijõ mahãdu tahe ahetoreny-ò ròòserenykre, rỹsỹna riwyrenymy tasỹreny mahãdu riramahydỹỹnyrenykremy.
\v 20 Irahudita ka-ò aseriòrereny itỹmyra bididydenykre. Kaa heka araòbitinyrenykre, txibo kai boho inatyhymy ijõdire wana kai boho burubenyõkre. Tii boho tamy reòbyrenyre
\v 32 -diarỹ boho butumy 12-my wasõereny, waha riòrerenyhyyle. Ka waseriòrerenyõ tahe riõmy ratximyhỹre, kia warooreny tahe wiji waha ki ratxireri Kanaã ki.
\v 33 Egito hãwã wedu rirawyònyre:-diarỹ atxireny areake ijõdire txibo kai boho iny-òbitityhy toitemy. Kai bohoõ kaki waki rarikre, ijõ mahãdu tahe ròòserenykre, rỹsỹna ibutemy riwyrenykre tasỹreny mahãdu-ò, kia rama rahurenyreri-ò.
\v 34 Kia bididydenykre aseriòrereny itỹmyra. Kawesemy tahe-diarỹ araeryrenykre wasimy itxeredu aõkõ toitemy, ada hãbu-òbitityhy toitemy. Tai ariwahinykre aseriòrereny, kia kai boho tahe aõwaxina kaki ryhe biwinybenykre.
\v 35 Kia tuu rutỹỹnyrenyre, kia rỹsỹna ritxiwirenyreu, kia iny sohoji sohoji tasauroki, sauriòre txi rekoarenyre nieru txi. Kia tii boho kia tyby boho wana nierumy robirenyreu, kia ruberurenyre.
\v 36 Taita Ijaò rarybere: —Kai boho aõbo ibutuniy wariòre-diarỹ ariõnodỹỹnykemy tesỹnytenyteri? Jyje inykireny aõkõ ratxireri, kia Simeaõ tule inykireny aõkõ ratxireri, Ka tahe wiji Benjami bidybenykemyreri, kia mobo tai aõhỹỹmy rutỹỹnymyhỹre, kia heka-diarỹ sohojile ibutumy aõhỹỹmy ratỹỹnymyhỹre.
\v 6 Ijaò rarybere: —Aõherekibo kai boho watyre aõbinahỹkỹ teatytenyteri? Aõher€kibo tarybetenyta hãbu-ò kia aseriòrerenyõ ijõdiremy?
\v 7 Tii boho rirawyònyrenyre: —Kua hãbu heka sõemy riwatỹỹraxinyrenyre, kia wasỹrenymy tule. Tii rỹỹraxire: Bureny aõbo irulemy ratximyhỹre? Kai boho aõbo ixyby aseriòrereny aõbo ijõdire?-diarỹ boho heka rerawyònyrenyre itỹỹraxidỹỹna. Kia timy tuu rahõtinyrenyõre, kia tii, waseriòre aridyrenykremy?
\v 8 Tai Juda rarybere tyby-ò: —Biwahinyke weryrybò-diarỹ idi warukikremy.-diarỹ boho wijityhyle aròirenykre, kia wesemy tahe tiu inyõ irubuõna:-diarỹ boho, kai tule, kia wariòre boho xõmo tule.
\v 9 -diarỹ idi warukimy arakre Benjami-di txibo-diarỹ adidyõkre wana, kia kai aõwaxina-òraruna watyre bilidikre. Kia-òrarunamy ararekre akoki, kia ikiemy wabededỹỹnana uhe wana,
\v 10 Kia araroorehenyõrenyra wana, kia adòòsedenyderi ini inatximy ixyby.
\v 11 Taita tyby rarybere: —Kia iwitxiramy ijõ timy ihoõre, myỹ biwinybenykre: Sau-ò aõnaõna bihynybenykre tamy biwahinybenykremy kua hãhu dee. Kia su ribi aõnaõna wiwihikỹ ròhònymyhỹre biwybenyke: deròna buteõ, bidi buteõ, kia matyni buteõ, Kia aõhe wana urile rexibònyrenyre.
\v 12 Kia biwybenylekre nieru ixyby iratyremy, kiemy dori kai boho ixybyle biwahinybenykre nieru ki san ijòki tekoatenyte. Kia awhe wana irile rexibònyrenyre.
\v 13 Bididyke aseriòrereny, kia wylemy bòike ixyby kua hãbu wana witxi bekoabenykremy.
\v 14 Kia Deuxu Ibutumy Tanidehehekỹ-di riwinykre, kia tii adireny rexiwobrunykremy, kia riwahinykre aseriòreõ, Benjarmim wana ydòòsedenykremy waheto-ò. Kia waki, txibo wariòre boho riõrenykreki, aõbo tahe-diarỹ ariwinykre?
\v 15 Kawesemyta Ijaò riòre boho aõnaõna riwahinyrenykremy rimyrenyre, kia nieru ixyby riwyrenyre, kia Egito-ò roirenyre, Benjami ridyrenyre. Kia ritehemynyrenyreu, kia ròirenyre Jyje dee rybemy.
\v 16 Kia Jyje robireu Benjami my iki boho wana ratxirenyrerimy, kia rarybere taheto-di aõmysỹdỹỹdu à: —Bidybenyke kaa hãbu boho waheto-ò. Kia iròduõ birubunykre, kia ibutumy biywiywinykre, kia dori tii boho wa wana wiji ratxutyebyrenyrenykre, txutyeu.
\v 17 Kia iheto-di aõmysỹdỹỹdu tuu riwinyre irybe mynamy, kia ridyrenyre Jyje seriòre boho Jyje heto-ò,
\v 18 Kia tamy ritehemymyrenyreu, tii boho ruberurenyre, kia widee wideereny raryberenyre: —Iny boho ka-ò ridyrenyreri nieru-òraruki, kia juhuu sau ijò ki ixyby riòdònyre hewa. Kia inatyhymy tii boho iny rirubunyrenykre, kia iny ribireny iny jumentoreny-di rahãỹnanyrenykre, kia iny boho riteranyrenykre iòwyõ my rakaõmysỹdỹỹnyrenykremy.
\v 20 —Txiokre ini, Inynyrỹ! Ka-ò nadòidenyde tiubo rỹsỹna ariõbranyrenykremy.
\v 21 Kiaremyta, rumy retehemynyrenyre tamy arõrõrenykre bede-ò, kia reraynyrenyre rỹsỹna sau ijò reraynyrenyreki, iny sohoji sohoji tanieru ki rahãre aõ rasiranymy aõkõ. Kia ixybyle nieru rewyrenyreri.
\v 22 Kia ixyby nieru rewyrenylerenyreri, kia rỹsỹna ariõbranyrenykremy.-diarỹ boho reeryrenyõre mobo nieru sauro-ò rihynyremy.
\v 23 Tai aõmysỹdỹỹdu rirawyònyre: —Kia awimy ywimy atxibenyke, uritre breburenyõmy. Kia aDeuxureny, bu Deuxu aõhe wana nieru sauro-ò ritidire adeereny, kia dori-diarỹ remyre nieru teòwynytenyte. Rỹsỹna-di aõmysỹdỹỹdu-didyde Simeaõ, kia tai ratximyhỹreny-ò.
\v 24 Irahudita ridyrenyre hetowo-ò, kia tamyreny bee riwahinyre tawareny idi rihòrenykremy, kia riwahinyrelere jumentos aõ rirỹsỹkremy.
\v 25 Kia iseriòrereny riywiywinyrenyre aõnaõna riwahinyrenykremy Jyje-ò, kia tii txutyemy kanakreu, kia dori rieryrenyre tai ratxutyebyrenyrenykremy.
\v 26 Kia Jyje taheto-ò rehemynyreu, kia tii boho riwahinyrenyre aõnaõna-diwydenyde, kia ikoki tatiòhumy reserenyre, kia taòsỹny su-ò ritidirenyre.
\v 34 Kia rihynyrenyre rỹsỹ Jyje-ò rihynyre wesele Benjami-ò rihynyrenyre, iruyremy ixihetyre rỹsỹna ijõ mahãdureny ribi. Kia tii boho riõmyhỹreny Jyje wana ihyyta rabedesarenyre.
\c 44
\p
\v 1 Irahudi Jyje riwahinyre tahetoki aõmysỹdỹỹdu-ò myỹ tarybe:—Bitỹinyke rỹsỹnadi sau kia hãbu mahãdureny-diwydenyde, kia timybo idi retyyrenykremy, kia bilidikre sau ijò-ò nieru iny sohoji sohoji sauro-ò.
\v 2 Kia iseriòrereny tỹmyra sau ijò-ò tahe wabede-ò rỹsỹhỹkỹ bilidikre, kia nieru wana butumy kia tii riòwynyre rỹsỹna-di. Kia ihetoki aõmysỹdỹỹdu ibutumy riwinyre tuu Jyje rarybere mynamy.
\v 4 Kia tii boho hãwã hãwã ribi ròhònyrenyreu, kia irehemy aõkõ, Jyje rarybere taaõmysỹdỹỹdu-ò: —Make wylemy kua hãbu mahãdu heworenymy, kia tamyreny behemynykreu, myỹ marybekre: Aõherekibo kai boho aõnawiwi teòwynytenyte aõnabinabina-di?
\v 5 Aõherekibo wadinodu bede-ò rỹsỹhỹkỹ tewòtenyta? Tii heka riuhemyhỹre idi riõkremy bemy, kia idi aõ-ò raurerarukremy. Kai boho heka rubudỹỹ my tekoatenyta.
\v 6 Kia iheto-di aõmysỹdỹỹdu tamyreny rehemyreu, kia rarybere tuu Jyje tamy rarybere mynamy,
\v 7 tii boho rirawyònyrenyre: —Aõherekibo kai kawesemy mabedeery tarybeteri?-diarỹ boho heka waryyreny ihoõre kia wesena ariwinyrenykemy!
\v 8 -diarỹ boho ixybyle nadiwydenyde Kanaã hãwãhãkỹ ribi nieru txi rekoarenyre sau ijò ki,-diarỹ boho sohoji sohoji. Taita aõherekibo tahe adinodu manarỹsỹ, ada mana rỹsỹ-òtaòta ariwasinyrenyke?
\v 10 Jyje aõmysỹdỹỹdu rarybere: —Awimy akireny rahãra, kia mobo bedeò-di ratxikrele wadeòdumykre; kia ijõ mahãdureny tahe aõwaxina ròirenykre.
\v 11 Taita tii boho wylemy rỹsỹna sau su-ò riderenyre, kia iny sohoji sohoji tarỹsỹna sau riraynyre.
\v 12 Jyje aõmysỹdỹỹdu sau sau my riere, kia adela sau ribi riòrarunyre, kia irooreny sauòhòkỹle; kia bedeò ki rahãre Benjami (Benjamim) rỹsỹna sau ijò ki.
\v 13 Taita iseriòre boho tatyy ritxuatxuarenyre bederyry my, kia ixybyle taaõnareny Jumentos tyre ritidirenyre, kia cidade hãwã -ò ròòserenyre.
\v 14 Kia juda kia iseriòre boho Jyje heto-ò ritehemynyrenyreu; kia tii taile ratximyhỹ. Tii boho tatiòhumy ikoki reserenyre, kia taòsỹnyreny su-ò ritidirenyre.
\v 15 Tai Jyje rỹỹraxire: —Aõherekibo kai boho tuu wadee tewinytenyta? Kai boho aõbo teerytenyõte, kia hãbuõ wawesemy aõmy raurerarumyhỹremy?
\v 16 Juda rirawyònyre: —Wanyrỹ, aõmybo tahe araryberenykre ada ararawyònyrenykre? Timybo tahe inatyhymy araryherenykre,-diarỹ boho bede reeryrenyõmy roirenyremy? Deuxu heka watxireny reare waòrarureny txi. Kaki watxirenyreri, kia-diarỹ boho ibutumy adeòdumy roire,-diarỹ boho heka kia wadireny bede-ò rewyrenyre roire.
\v 17 Jyje rarybere: —Aõkõhyyre!-diarỹ tiu kawesena ariwinyõtyhy Kia mobo bedeò-di ratximyhỹrele, kia wadeòdumykre. Kia ijõ mahãdu aõwaxina ròòserenykre ywityhymy tyby heto-ò. Juda rexitònyre Benjami dee tòemy
\v 18 Taita Juda rehemynyre Jyje tyy-ò, kia rarybere: —Wanyrỹ, txioini boholake adee-òbitityhymy ararybekremy. Uritre waki woxibruõmykre, kia dori kai Iòlò wesena tate.
\v 19 —Wanarỹkai tỹỹraxite: Kai boho aãbo byreny ijõdire ada aseriòrerenyõ?
\v 20 -diarỹ boho kohe myỹ ararawyònyrenyre: Ijãdirenyre waha, kia ramatuarinyre, kia sohoji waseriòrereny tỹmyra, kia ruare waha ramatuarinyreu. Kia weryry yja seriòre rurure. Ka tahe wiji tii tadi riòre sohojityhy rare, kia irumy ihỹre, kia tyby sõemy tuu rerinanymyhỹre.
\v 21 Tai kai wadeereny tarybete weryrybò yja adidydenykremy, kiemy dori tuu bobikremy tarybeteki,
\v 26 -diarỹ rerawyònyrenyre: —Aròirenyõkre; kia tiu kua hãbu awimy waitxeserenyõna, kia waseriòrereny tỹmyra waherenymy raõkreki.-diarỹ boho aròirenykre, kia waseriòrereny tỹmyra waherenymy rakexiery.
\v 27 Taita wahareny rarybere: Kai boho teerytenyte kia wahãwyy Rakeli wadee inatxi riwahinyre.
\v 28 Ijõrenyõ riwarimy ratximyhỹre;-diarỹ tiu tuu arobiõtyhy. Kia aõhe wana iròdu debure ritõdetõdonyre.
\v 29 Kia txibo kaa kai boho waribi bitabenykemyreri, kia aõbinahãkỹ rutỹỹtynykeki, kia kai boho birubunybenykre kaa matuari bederyryhyylemy.
\v 30-31 —Ka tahe wiji, Wanarỹtarybe ritõranyre Juda txibo-diarỹ aroosekreki waheto-ò weryry wana aõkõ, kia aõtama aõkõ waha rierykre, kia rurukre iutyhyle. Kia ibededỹỹnana heka weyrybò bededỹỹnana-di roimyhỹre, kia-diarỹ hoho tuu areserenykre, kia waòrarurenyki bederyrymy wahãreny rurukre, kia ramatuarinymy ratximyhỹre.
\v 32 Kia ixyhy ijõdire:-diarỹ rarybetyhyre waha dee, kia weryrybò-di warukikremy.-diarỹ rarybere myỹ : Txibo-diarỹ adidyõkre wana weryrybò ixyby, kia waòraruki tuu rutỹỹnyra, kia akoki ararekre ibutumy wabededỹỹnana uhe wana.
\v 33 Iurenana wiji-diarỹ rexitòenyreri adee, kia kaki ararikremy eòdu wesemy irynana tybyki. Kia biwahinykre tii roosekremy taseriòre boho wana.
\v 34 Timybo tahe aroosekre heto-ò, kia weryrybò wahemy raõkreki?-diarỹ heka aõbinahãkỹmy arobiõkemyreri, waha tyre resekemy.
\s Jyje Relyyre Mobo Raremy
\c 45
\p
\v 1 Jyje ixyby reximyõhyyre tawoki, taaõmysỹdỹỹdu mahãdu koki, kia rarybere: —Bòhònybenyke ibutumy ka ribi! Jurenana iaõmysỹdỹỹdurenyõ ratxiõhyymyhỹ kuaki, kia Jyje relyyreu taseriòre boho-ò tii mobo raremy.
\v 2 Tii tahi riòrarunyre katxiterehekỹmy, kia egípcios mahãdu roholarenyre, kia tu rybenareny Iòlò aõmysỹdỹỹna hetoòhòkỹle rehemynyre.
\v 3 Jyje rarybere taseriòre boho-ò: —Diarỹ Jyje rare. Waha aõbo irulemy ihỹre? Kia iseriòre boho tamy roholarenyreu, kia inihikỹmy ruberurenyre kia timy rirawyònyrenyõhyyrenyre.
\v 4 Kia Jyje rarybere: —Bedexiheji bedenyke watyytyhy-ò aõkerỹbo. Tii boho ritehemynyrenyre, kia tii tarybe ritõranyre: —Diarỹ aseriòre Jyje rare, kia kai boho idi tahonytenyte, Egito-ò kanakremy.
\v 5 Ka tahe wiji bederyrymy watxiõhyyreri, kia wawoxi roburobuke aõkõre, kia wadi tahonytenyteki, kia ka-ò anakremy. Kia iny arihedỹỹnykremy Deuxu-diwateònyde akorenymy.
\v 6 Kia inatxi wyramy ramasa-di bede rỹire, kia ixyby iruyre wyramy ramasa reakre, kia inoõ suu riywinyõhyykre. kia rihekremy.
\v 7 Deuxu-diwateònyde akorenymy, kia tii inatyhymy inywihikỹtyhymy ratximyhỹreki, kia abedeỹỹnanareny arihedỹỹnykremy kaki hãwãhãkỹki kia raryhelere ariòreriòrereny ijõdilekremy.
\v 8 Kiaremyta, kai boho aõkõ ka-ò tadiwateònytenyte, kia heka Deuxu-diwateònyde. Tii riwasỹnyre Iòlò ministro ratyremy.-diarỹ iaõmysỹdỹỹna heto-di warukimy watximyhỹre, kia-diarỹ heka ibutumy Egito hãwã -dinodu rare.
\v 8 Israelitas mahãdu Egito-ò ròirenyre, kia heka Ijaò tariòreriòre boho wana, ka boho: Ruben heka Ijaò riòre adela rare,
\v 9 kia Ruben riòre boho: Elaõ (Enoque), Palu, Hezrom kia Carmi.
\v 10 Simeaõ kia iriòre boho Jemuel, Jamim, Oade, Jaquim, Zoar kia Saul, ka boho Kanaã hãwyy riòre roire.
\v 11 Levi kia iriòre boho Gerson, Coate kia Mirari.
\v 12 Juda kia iriòre boho Sela, Peres kia Zera, (iwitxira iriòre boho inatxi, Er kia Onã, kia Kanaã ki rururenyre). Kia Peres riòre boho Hezrom kia Hamuel.
\v 13 Issacar kia iriòre boho Tola, Pua, Jasube kia Sinrom.
\v 14 Zebulom kia iriòre boho Serede, Elom kia Jaleel.
\v 15 Ka boho heka Leia riòre bohorenyre Ijaò-ò riwahinyre Mesopotamia ki, kia ihãremy tariòre-dina ribi. Ijaò riòreriòrereny Leia wana, kia 33-my sõereny.
\v 16 Gade kia iriòre boho Zifiaõ, Hagui, Suni, Esbom, Eri, Arodi, kia Areli.
\v 17 Asser kia iriòre boho Imna, Isv a, Isv i kia Berias, kia iseriòre ihirenyta Sera inire. Beria riòre boho Heber kia Malquiel.
\v 18 Ka boho 16 my sõereny Ijaò riòreriòre boho Zilpa wana, kia wetxu Labaõ riwahinyre tariòre Leia dee.
\v 20 Jyje riòre boho Asenate wana, Manasses e Efraĩ, kia Egito ki uladumy ruarenyre. Asenate heka Potifera riòre rare, kia rybe-di ijohodu Heliopolis cidade hãwãki.
\v 21 Kia Benjami riòre boho Bela, Bequer, Asbel, Gera, Naamy (Naamã), Ei, Rôs, Mupim e Arde.
\v 22 Ka boho 14-my Ijaò riòreriòrereny Rakeli wana.
\v 23 Dã kia iriòre Husim.
\v 24 Natali kia iriòre boho Jazeel, Guni, Jazer e Silem.
\v 25 Ka boho 7-my Ijaò riòreriòrereny Bila wana, kia wetxu Labaõ riwahinyre tariòre Rakeli-ò.
\v 26 Kia ibutumy Egito-ò ròirenyre 66-my Jaò riòreriòrerenytyhy, kia tariòre boho hãwyky-di rariaõmy.
\v 27 Kia inatxi my Jyje riòre boho uladumy Egito-ki ruarenyre. Kawesemy tahe 70-my butumy sõereny, Jaò riòreriòreny boho, kia ròiremyre Egito-ò.
\s Egito-ò rehemynyrenyre
\v 28 Ijaò rarybere kia Juda komy rakremy, kia Jyje dee rexitòenykremy, kia kanakremy Gosem ki witxi rekoarenykremy. Kia tii boho ritehemynyrenyreu,
\v 29 Jyje rarybere taityti heòty riywiywinykremy, kia rare Gosem-ò tyby wana witxi reakremy. Kia witxi rekoarenyre, Jyje riaxiòtinyre kia rahinyre riaxiòtinymy iki wana irehemy.
\v 31 Irahudita Jyje rarybere taseriòre boho-ò, kia tyby sỹ mahãdureny-ò: —Diarỹ ararybekre Iòlò-ò, kia iko arelyykre, kia waseriòre boho, waha sỹ mahãdu Kanaã ki rasỹnymy roiremyhỹ. ròirenyreri wawana rasmyrenykremy.
\v 32 Kia ararybekre Iòlò-ò, kia kai budoeni, cabras umydỹydu toite, kia broreni-di tarukimyhỹtenytemy. Ararybekre kia tedytenyterimy budoeni, broreni ibutumy aaõnaõnaremy ijõdire.
\v 33 Kia Iòlò aratỹỹraxinyrenykre wana. aõbo aaõmysỹdỹỹnarenyre
\v 34 kia marybebenykre bede iyhyõmy kai boho budoeni teumỹdỹỹnymyhỹtenytemy, kia ahãỹna mahãdureny wesemy. Kawesemy tahe kai boho masỹnybenykre Gosem bede-di, kia heka egípcio mahãdu radònymyhỹrenyre budoeni-di aõmysỹdỹỹdu mahãdurenymy.
\c 47
\p
\v 1 Taita Jyje rare rybewahidỹỹmy Iòlò-ò. Tii rarybere:—Waha kia waseriòre boho ròirenyreri Kanaã su ribi, kia ratxirenyreri Gosem bede ki tabudoenireny-di, tacabrareny-di, tabrorenireny-di, kia ibutumy taaõnaõnareny ijõdirenyre-di.
\v 2 Irahudita ridyre iruyremy taseriòre, kia Iòlò-ò tureny rarybere.
\v 4 Ròirenyreri hãwãmy ka hãwãhãkỹ-ò, kiemy dori Kanaã su ki asi bederade ihoõre iròdu mahãdureny-ò, kia ramasa kuaki inihikỹryhyreri. Txioini aõkerỹbo, wadeereny biwahinyke Gosem bede-di arahãwanyrenykemy.
\v 6 —Egito su ibrysirenymy roire. Biwahinyke tamyreny Gosem bede, kia heka hãwãhãkỹ ki awityhy rare, kia tai rasynymy roirekre. Kia araykyki ijõreny hãbu mahãdu yky ribi ibedeery ijõdikeki, bisỹnyke wedu wesemy kia wabroreni-di tarukikremy.
\v 7 Irahudita Jyje ridyre Ijaò tyby, kia Iòlò dee tuu rarybere. Ijaò tarybewihikỹ riwahinyre Iòlò-ò,
\v 8 kia ritỹỹraxinyre: —Tiwesebo awyra?
\v 9 Ijaò rirayònyre: —Kia 130-wyramy rare, kia ikiemy rariamy watximyhỹre tiribi tiribile. Wabededỹỹnana heka aõtamaõkõ rariamy rahenyre. kia tiwese wyra wyramy isiratyhymy. Kia-diarỹ ywimy aratxikemy reaõhyyre, kia wahãỹna mahãdureny wesemy, isiramy roireniyhỹ kia iwesemy-diarỹ rarmyhỹ wesemv.
\v 10 Ijaò tarybewihikỹ riwahinyre Iòlò-ò, kia rare.
\v 11 Kia Jyje riwahinyre tyby dee, kia taseriòre boho dee suu awihikỹ Egito bede ki roimyhỹre, Ramanasses cidade hãwã bireki roimyhỹre, kia tuu Iòlò raryberemy. Kaa suu ihõrõrenymy relere, kia tii boho tai rasỹnymy roiremyhỹ.
\v 12 Jyje riwahinymyhỹre rỹsỹna tyby dee, taseriòre boho dee, kia tyby sỹ mahãdureny-ò, kia rỹsỹnamy rekoamyhỹrenyre mynamynamy.
\s Jyje Egito Wedu Wesemy
\v 13 Kia rỹsỹ ihoõre bede bede hãwã hãwãmy, kia ramasa ire reamyhỹre ixihetyretyrele. Egito ki, Kanaã ki, hãwãdu mahãdureny ideõdeõmy relerenyre ramasa tuu risỹnyrenyre.
\v 14 Iny mahãdu rỹsỹna riõbranymyhỹrenyre, kia Jyje tahe ibutumy nieru ributunymy, kia Iòlò aõmysỹdỹỹna heto-ò riwymyhỹre.
\v 17 Kia egípcios mahãdu riwyrenyre Jyje-ò awaru, budoeni, cabras, broreni e jumentos, kia ritròanymy tii tamyreny rỹsỹna riwahinyre kia wyra wyramy.
\v 18 Kia wyra rexihure, kia ijõ wyra bedeu ròirenyre Jyje-ò rybemy:
\v 19 —Inynyrỹ, aõ alau wawòterenyõna inatyhymy, kia wamemreny rexihura, kia wairòdureny wiji ahõrõ rare. Aõ wakireny ixyby ihoõre adee ariwahinyrenykemy, aõhebo tahe waumyreny, kia wasureny. Uritre rubu-ò wawahidỹỹrenyõmykre. Biwaóbranybenyke, kia wasureny bitròanyke rỹsỹna-di. Kia Iòlò wetxu my aròirenyrekre, kia tii tahe wasureny-dinodumykre, Wadeereny rỹsỹna bidiwahinyke kia warumy aratxirenykremy, kia tule alòbrònaty bidiwahinyleke aròbròrenykremy, kia wesemy tahe suu bederahymy ròòseòtyhy.
\v 20 Taita Jyje ibutumy Egito suu rõbranyre Iòlò-ò. Ibutumy egípcios mahãdu tasureny-di rohonyrenyre, kia heka ramasa inihikỹmy reare. Kawesemy tahe suu Iòlò my rỹire,
\v 3 Tai rarybere Jyje-ò: —Deuxu ibutumy Tanidehehekỹ-di wadee rexitỹnynyre Luz hãwãki, kua Kanaã su ki, kia tarybehikỹ wadee riwahinyre.
\v 4 Tii wadee rarybere:-diarỹ arawinykre sõemy mariòrenykre, kia ariòreriòrereny hãwãdu hãwãdumy rexiwinyrenykre.-diarỹ ariwahinykre kaa suu ariòreridòrereny dee, kia ihõrõrenykremy ikiemy.
\v 5 Kia Ijaò tarybe ritõranyre myỹ rarybemy Jyje-ò: —Ka tahe wiji, ariòre boho Efraĩ e Manasses boho kaki Egito ki ruarenyre, kia-diarỹ ka-ò anakrekotyremy, kia ka boho wahõrõ roire. Efraĩ e Manasses boho wahõrò roíre, kia Ruben e Simeaõ boho weserenyle.
\v 6 Txibo kai ijõ ariòrereny ijõdijkre wana, tii boho ahõrõrenymykre, kia Efraĩ e Manasses boho seriòrerenymykre, kia ihõrõrenylemykre.
\v 7 Kawesemy rewinyreri Rakeli-òraruki, adi wahe. Iny boho Mesopotamia ribi dòòsedenydeu, kia iu wabederyrynau, tiki rurure Kanaã hãwãhãkỹki, kia urihimyòmy Efrata koki ritehemynyrenymy.-diarỹ retuunyre kuaki, ryweijàtiki. (Efrata heka wiji BeIém wesemy raerymyhỹre.)
\v 13 Ilemyta Efraĩ rimyre tebò ruru weribi-di, kia Manasses rimyre tebò hywe weribi-di, kiata Ijaò tyyki ritamanymyhỹreny. Kawesemy tahe Efraĩ rỹire Ijaò hyweweribiki, kia Manasses tahe rỹire Ijaò ruru weribiki.
\v 14 Ijaò taaxiò riterenymy kia wibàmy riijaranyre, kia ritidiniy tebò ruruweribi ludu Efraĩ ratiki, kia werurubò tỹmyra rareki, kia tebò hyweweribi ludu Manasses ati tyre ritidire, kia heka adela rare.
\v 16 Kia arybewihikỹ biwahinyke Anjo-ò, kia riwahedỹỹnyre ibutumy bede-òhãru-òhãru ribi Kia wani txi nohõti reamy rarekre iyhyrareny ribi, kia waha bohorenyni txi tule Abraaõ e Isaque. Kia tii boho sõemy iriòrereny ijõdikre, kia sõemy iriòreriòrereny ka hãwã hãwãhãkỹki.
\v 17 Jyje tai awimy rahãõre kia tyby my robireu, tebò ruruweribi ludu ritidireu Efraĩ rati tyre; iurenana tebò rimyre, kia ratakremy Efraĩ rati ribi, kia Manasses rati tyre ritidire.
\v 18 Kia riòbitinyre: —Kõre waha; kaweseke aõkõre. Kaa heka wariòre adela rare; bilidike ebò ruruweribi ludu irati tyre.
\v 19 Ka Ijaò tahe teramy reare kia rarybere: —Diarỹ reeryre, wariòre,-diarỹ reeryre. Manasses riòreriòrereny iny mahãdureny nihikỹmy relerenylekre. La iseriòre tỹỹbò tahe ixyby aònityhymy iratyrekre, kia iriòreriòrereny relerenykre sõemy hãwã hãwãhãkỹmy.
\v 3 Ruben, kai heka wariòre adela tate. Kai heka waruru tate, Komy bederary wabededỹỹnana, Rexityhytyhyny my, kia aruruteretyhymy wariòre boho ribi
\v 4 Kai heka eburere bero esetere wesemy, kiaremyta ixyby atyhydỹỹnana ihoõkre, kia dori tarõte wawedena wana, ibinatyhy kawesemy tewinyte buherinaki.
\v 5 Simeaõ kia Lev i seriòre roire; tebònareny-di aõbinabinamy rexierynanymyhỹre
\v 6 Kia tii boho wana aratxiõkre tiu bededỹỹnana riwinyrenykreu, kia irybereny butuna-di arahỹỹnanyõkre, kia dori teburereny-di takyarareny-di hãbu mahãdureny rirubunyrenyre, kia alisimy aròti ritiòròrenyre.
\v 7 Kia ibinare teburereny iyarareny, kia heka teburetyhyrenyre; kia ibinarenyre iyarareny, kia dori ibinatyhyre.-diarỹ ariwirareanykre Israel su ki,-diarỹ ariubỹtỹnykre iijoireny isỹreny ykyrenymy.
\v 8 Juda, aseriòre boho umy rerinanyrenykre kia rexiyrawonyrenykre akoki. Kai bimybenykre aòludureny tòtikile.
\v 9 Wakriòre Juda heka Leaõ riòre wesena rare, kia teery rirubunymyhỹreu; tii rexibedenymy rexilidimyhỹre, kia Leaõ riòre rere, hirari wesemy. Mobo tahe tamy rexiuarekre tamy rerikemy?
\v 10 Juda rimykre Iòlò hojurehe, kia iriòreriòrereny ikiemy riwedunyrenykre. Kia hãwã hãwã mahãdureny aõnaõna adee idiwydenykre, kia iny mahãdureny aratyhmyrenykre.
\v 15 Kia robireu hãwãhãkỹ my awiremy kia awityhymy tai rexielehynykremy, tii rexibedenyre taitxyy tabrò-ò rilidikremy, kia aõmy rexiraõhyymy raaõmysỹdỹỹnyre wetxu wesemy.
\v 16 Dã tasỹreny-òbitile riwedunyrenykre; kia iwitxira hãwã ludu weserenymykre Israel ki.
\v 17 Dã, hemylala wesemykre ryweijàtiki, kia huumari wesemy ryki, kia awaru waubeki ruruakre, kia ixihewo-ò riatykre ityreki rỹdu.
\v 18 Deuxu Tyhyhykỹ, araraokre biwahedỹỹnykremy!
\v 19 Gade-òhòte tai rỹikre, kia wasidu mahãdu sõereny riherenykre, kia irahudita tii iheworenymy rakre.
\v 20 Asser suu sõemy rỹsỹna-di rexijuakre, kia rỹsỹna riwahinykre, kia Iòlò-ò sohojile rawahikre.
\v 22 Jyje heka alòbròna wesena rare, kia beijarana bireki rỹimyhỹre; tii heka sõemy raratynymyhỹre, kia irurureny heto weijàtimy aòwònymyhỹrenyre.
\v 23 Kia aòludu mahãdureny arahetenyrenyke teburereny-di, kia iheworenymy bekoabenykre awaxiahãtereny-di aryhyreny-di.
\v 24 Kiareny awaxiahãtereny awityhymy relere, kia aaxiòreny rurureny-di ixiyrybule atxitenyte, budoeni-di aõmysỹdỹỹduni my, kia Israel manatere uramy.
\v 25 Bu Deuxu arawiòhenanykre Jyje, ibutumy tanideheekỹmy adee riwahinykre tarybewihikỹ Tarybewihikỹ biu rarie ribi, bee rybewihikỹ su rawoki roimyhỹre, kia sõemy iròdu iròdu rybewiwihikỹ, kia sõemy iriòrereny,
\v 26 alòbròna aõwi rybewihikỹ, kia noiròsò tule, kia hãwãlò ehetxina rybewihikỹ, aõnaõna wityhy Deuxu Tyhyhykỹ hãwãlò ludu. Kia ibutumy kaa rybewiwihikỹ rỹikre Jyje ratityremy, kia iòru tyremy kia iseriòre boho yky ribi ratare.
\v 27 Benjami obràra debure wesena rare; kia rudi teery rirokre, kia txioromy tahe riwirareakre iuhe.
\v 28 Ka boho heka 12 my iijoireny hãwã sõereny Israel ludu, kia heka ka rybe tybyreny rarybere tariòre boho-ò, kia tarybewiwihikỹ riwahinyreu; kia iny sohoji sohoji-ò riwahinyre tarybewihikỹ rityhynymy.
\s Ijaò Rurure Kia Ratuudỹỹre
\v 29 Taita Ijaò riwahinyre tariòre boho-ò myỹ rybe: —Diarỹ arurukremy rare, kia arebutunykre waijoi wasỹreny mahãdureny wana rubu bede ki. Biwatuunybenykre kai wahãỹna mahãdureny ratuurenyre bede ki, kia mana raworawo Efrom, Heteu su ki roimyhỹre wahe,
\v 30 —Macpela ki, Manre ibràraki roimyhỹre Kanaã hãwãhãkỹ ki. Abraaõ heka riõbranyre isỹreny Efrom ribi, kaa mana raworawohỹkỹ, kia suu tai roimyhỹre isỹreny mahãdureny tuunamy.
\v 31 —Kuaki ratuumy roimyhỹrenyre Abraaõ, Sara ihãwyy; Isaque, tahãwyy Rebeka wana; kia kuaki-diarỹ Leia retuunyre.
\v 32 —Kia suu mana raworawohỹkỹ Heteus ribi riõbranyrenyre.
\v 33 Kia rexihureu kaa tarybe riwahinyreu tariòre boho dee, Ijaò rexilidire ixybyle taherina-ò kia rurure, rare rexibutunykremy kawesemy taijoi tasỹreny mahãdu wana rubu bede ki.
\v 7 Kia kawesemy tahe Jyje rare tyby rituunykremy. Iki wana ròirenyre aõmysỹdỹỹdu wedu, Iòlò ijoireny, Egito Iudu.
\v 8 Kia ule ròirenylere Jyje hãwyy tariòre boho wana, kia iseriòre boho, kia Ijaò sỹ mahãdu ibutumy. Kia Gosem suki uladuxõmole ririrenyre, budoeni, cabra kia broreni.
\v 9 Kia tule hãbu mahãdu ròirenylere awaru-di kia carreta-di, inatyhymy sõemy inihikỹmy ròirenv re.
\v 10 Kia ritehemynyrenyreu Atade-ò, kia Jordaõ ibràra weribi roimyhỹre-ò, ka hãluudỹỹna-di ixena riwinyrenyre, kia suu tai maixõmoni ratyyrahãmyhỹreki. Kuaki rahinyrenyre katxiterehekỹmy debò inatxi txu sõemy.
\v 11 Kia Kanaã ki hãwãdu mahãdu robirenyreu, iny sõemy rasỹbinarenyremy, kia raryberenyre; Timywe iòtarenyre kaa egípcio mahãdu sỹbinareny! Iurenana kua bede rininirenyre Abeli Misraim.