gey_reg/51-PHP.usfm

\id PHP
\ide UTF-8
\h Ba-Filipo
\toc1 Ba-Filipo
\toc2 Ba-Filipo
\toc3 php
\mt Ba-Filipo
\c 1
\cl Botuku ya ema 1
\p
\v 1 Polo na Timote, bato ba nkasi ba Mbali Klisto, obafeneni boose n'nkati ya Mbali Klisto bika omotanga ya filipe, obekongona baimanei mekambo ya etanda.
\v 2 Eka ngmbengmbele na bii ya eseleke bane kotoka ka Mokonga Ise wito na mokolo Mbali Klisto!
\p
\v 3 Nasumbolake kelekele ka Mokonga wa ne mo yoose eeya nikanayo ndia iho,
\v 4 Nteekeane, mo masomboli mane moose kosombola mondia bane boose,
\v 5 Mo koesa omeyane moisina ya eya bebundesa yo omesansaali, kolinga botu ya boso bena eneeke.
\v 6 Nika na ome mbe owa wekondje nino mokambo siowo ya fowa wekatai yo kofoa mobotu ya Mbali Klisto.
\v 7 Ikai liti mbe nokoengelea bobo mo bane boose, mondia nebie bane o motema yane, mba mo m'mboka yane, mba n'nkati ya komoeseleka ka mesao n'saali, bane booe siba bi ka na n'ngmbengmbele emo m'mba noo.
\v 8 Bondia Mokonga uki temu wane mbe ne eme bane boose na ome ya Mbali Klisto.
\p
\v 9 M'mba naomba, n'nkati ya masomboli mane, mbe koemesana kino yauloke kambu na kambu nka ya koeba na maenyeli ma bua.
\v 10 Mondia kofofoa maondi ma foa, mbe beike na kofenena na kotanga koeneka mo botu ya Klisto,
\v 11 Koiya na kauma ka tchaa kika n'nkati na kolombeseleka ka Mokonga.
\p
\v 12 Neem'mbe beebe, binakane, eya euleenoo yoi ye unee koendeseleka ka mesao n'saali.
\v 13 Na boobo, n'nkati ya beikaneo boose, ango omo uteibeande mbe ne n'ngei omoololo bondia Klisto.
\v 14 Ke bina kane bafe n'nkati ya mokolo, baika na otendela moko kandeka kane, beiki na tchekamba bua bowa ya koena looki.
\p
\v 15 Bamo, ikai liti, boonangola Mokonga na maenyeli na kobotesana; ndi, bafe baonagola na boyaeli si owa eengame.
\v 16 Bano bota na koemesana, ebai mbe nikai n'ndia kounea mesao n'nsaali,
\v 17 n'ndi baabo, bo koendeseleka na mosombo ya kobotesana, boonangola Klisto, mo m'mboka sieya ite engame na maengeli ma koeta noo mobaba mo ko kandeka kane.
\v 18 ango bata? Oma enyeli noose, ango moko mona, ango molili Klisto we nangoleke asima yoose: "Noolengea, neka lengai efe.
\p
\v 19 Mondia neli mbe yo yootimbaki mokoondeseleka kane koondesana na masamboli mino asima amo na kosomboa ya Mbali Klisto,
\v 20 Na kokande kane motema na ko endea nane yoi na bua na nsoni, n'ndi yoi, moeneeke m'mba nsu yoose, Klisto olombeselekai o mobe yane mo tchekamba tchoose m'mba mokoika kane, ao mo kopka kane;
\p
\v 21 Mondia Klisto ukai koikakane, ko kopka buande naisona koakane.
\v 22 M'mba yaika naisina moikasi yane mokoika omobe, n'to koeba ane koena oya nengame na koena.
\v 23 Nika mokaobe beo moboyaeli ive: "Nika na tcheema tchakia na koika na na Klisto, eya ye bue moko foa.
\v 24 N'ndi mosiina ino ye foeimbele neike n'nkati ya mabe.
\v 25 Ko nikai na ome, eneli mbele ne kaikai ke ne ke naikai nino a neboo se, mondi ya koendeselek kino ke naomeina n'nkati ya koakoa,
\v 26 Mondiya mbele, mo kosumboka kane koakino, boike n'nkati yane baa bakoselaka okuku n'nkati ya Mbali Klisto.
\p
\v 27 Iki mbele, endeselekai mo boyaeli ya fowa ya mesaansali ya Klisto, mondia mbele aika mo kula kane ko mona bane na kokamba kula, nengbe koena kino mbele beike tchaa n'nkati ya mosombo omo, baesi ba mosombo omo moko wakaa kamesao n'sali.
\v 28 Bua koeka bane moinyanga kokoloko mokotina baesesi, eyaika, n'ndi koakino iki koondeseleka.
\v 29 Ke eyo iki m'mboka ya Mokonga, mondi ya teleki bane m'ngbemgbele, moieina ya Klisto, buande lika mo koakoa wee, mondia ko moneka maoobi mondia yande,
\v 30 Mo kuonea motato owa naa nauneanga, eya baebake bane mbe nokounea.
\c 2
\cl Botuku ya ema 2
\p
\v 1 Aika m'mba ika kambu ka bondja bondja ka Klisto, aika m'mba ika kambu ka ko phophesa motema n'nkati ya moboto, aika m'mba ika kambu nsanga nsanga ya Mosombo, aika m'mba ika na kambu ka tchombo,
\v 2 iyesai om yane, koika na ko n'ngbesana komo, na moboto omo, mosombo omo, maenyeli namo.
\v 3 Buwai kota tchesima mo ko phiphana kolongeya ophe ao mo okuku a okonga isina, n'ndi koselela ka moese bane mbele binakino bikai kio nino bane mine.
\v 4 Ekai mbe omo na omo wino, asima ya ko mona faida wande womune, wamone kae eya ya ophe.
\p
\v 5 Ikai n'nkati yino na maenyeli si maa maikanga ka Klisto;
\q
\v 6 koika na otitaka na otitataka ya Mokonga, utamonanga bande ko engamesana kande na Mokonga m'mba tchesima tcha kobaka.
\q
\v 7 N'ndi weseleli womune, koika na boyaeli ya moto wa mokambo, mo ko engamesana na bato; wemonekei m'mba moto mosaali.
\q
\v 8 Weselei womune, walitosa bena mo ko kpa mo ko kpa, bena mo ko kpa ka liyeka.
\q1
\v 9 Nayoi Mokonga weyayowe, ke weakesei we lina si eya ika kio na maina moose,
\q
\v 10 mbele mo lina ya Mbali maangulu moose matulame n'nkati ya obowa, kio na nseke bena kose na nseke,
\q
\v 11 Ke mbe tcheyami tchoose tchalondowe mbele Mbali Klisto ukai Mokolo, mo okuku ya Tata Mokonga.
\p
\v 12 Moyo, baemesani bane, m'mba bowa bo olitosanga nsu yoose, tai kowa kowa kino ko mokambo na bowa na kotekateka, buwa m'mba mo koika kane, n'ndi iboka ephe enekeke mbe no buwa;
\v 13 isina ikai mbele Mokonga wokotanga kao kino ko ema na kota, ko opesana na nkasa yande nsaali.
\p
\v 14 Tai maondi moose buwa ko sumama ango ko endjaendja.
\v 15 Ambe bite ikangi na m'mbela ke bephenenei, bana ba Mokonga ba kokamba m'mbela n'nkati n'nkati ya tchese tcha koseyama na kanyaka, n'nkati ya eya yo kosana m'mba n'kenikeni n'nkati ya tchese,
\v 16 ko bunda looki ya koika, ke neengamei ko mombeseleka, no botu ya Klisto, mbe n'teiye bane obeo biyaya ango kota be-taa-taa.
\p
\v 17 Ke ango aika m'mba na ite ya mokiya bondia liphaephi bena bondia mokambo ya kowakowa kino, netengeseleke, ke nelengeye nino bane boose.
\v 18 Bane kae, lengeyai boobo-boobo, ke lengeyai asimamo ane.
\p
\v 19 Nika na ka engeleo n'nkati ya Mokolo Mbali ko tomeya bane enekeke Timote, mbele ne-kobee-kobee mobe mo ko n'ngbaeya yo kota bane.
\v 20 Na buane kokono na moto si owa to obaanya nande maenyeli, mo ko bunda liti liti bondi yino ko motema.
\v 21 Boose, mo yo, bo ophiphana faida wabo bemine, ke buwa eya ya Mbali Klisto.
\v 22 Beli mbele wa ikangai ko mokambo, mo ko esa motondo yande bondia Masao asimamo nane, aisa m'mba maana na Ise.
\v 23 Neengeleye ko tomeya bane we a abowa no omona ntungeya ya bayaeli si ono nika;
\v 24 ke nika na kowakowa si kooko n'nkati ya Mokolo mble no omune kkae no kiyai enekeke.
\p
\v 25 Neengeleyei mbele ikai bosaali netomeye bane munakane Epapholodite, munakane wa mokalbo na bita, owa betomeye noo mo ko engamesa mo n'kasa yane.
\v 26 Bondia wa ikangai na nkasa ya ko mona bane boose, ke wa ikangai na tchombo mo bowa aebanga bane tcheeta tchande.
\v 27 Weikei na tcheeta, na yo, bena aiyeiye na ko kpa; n'ndi Mokonga we n'ngbeleyei we tchombo, ke buwa nande lika, n'ndi nane kae, mbele na uwa koika na obaba kiyo na obaba.
\v 28 Netomei we tchaatcha, mbele belengeyei mo ko mona we ephe, ke mbele motema yane ya phophe kambu.
\v 29 Pokeyai ikei we n'nkati ya Mokolo na ome yoose, ke litesai bato otitaka si yabo.
\v 30 Isina mbe iki bondia mokambo ya Klisto eike we baka na ko kpa, weyabi mobe yande mo kouneya a abowa ya kambanga bane ko mokambo si owa ba engamanga koteleya noo.
\c 3
\cl Botuku ya ema 3
\p
\v 1 Mo boose, binakane, lengeyali nkati ya mokolo. n'ntokoena bande mokoebesa bane maondisi mamolika, omo eeyo ikai cheondesa.
\p
\v 2 Tinaii mgba, tinaii bato ba mekambo ya beya, tinaii ba angule.
\v 3 Bondia batende, ndibase, baa bokolombesa Mokonga koakoa kito mo mosombo a Mokonga owa wokolombesa base mo Mbali Kristo, eke tito kota maengeli mito mo nkoba.
\v 4 Noo kae moyo, nika na bondi ya kota tche ema tchane ko mobe, aika m'mba ophe wa ema kota kowakowa kande ko mobe, noo neeteye we na liti.
\p
\v 5 Noo ne bukeki tchoo mo botu yane ya tchenana, mo okoba ya Isalaele mo tchebanda tcha Benyamina, mo Ebele Weboteke na ba ebele; mo ba angile niki mo Falisayo.
\v 6 Bondi ya omuli, momoesi wa étanda maobi; moaki, obalu ya liti ya bikela.
\p
\v 7 ndi besima si beya baikanga kowakane mba iyota, namonake bo mba kobeya molina Kristo.
\v 8 Ango mba namona bo mba babeya, bondia kofoa na kobea Mbali Kristo, Moondesi, moisina yande, nalingowake boose, eke namonake bo mba betefu, mbe nokoonda ka Kristo.
\v 9 Mba nokomo neka kowa kande, buwa moliti wane, ndi moliti wakotoka kowa ka Mokonga mo koa-koa,
\v 10 mba mokoeba Kristo, na chekamba cha koomoka mo bagbi, na kosangana ka obaba yande, mokoika, mokokoma,
\v 11 mba naengama, mokoomoka nkati ya bagbi.
\p
\v 12 Buande mba nalongeyaka, mba nakomake mo bosaali, ndi nokeya obeyo, mokoma mokoika mba we, bondia noo kae, naa akolekangai na Mbali Kristo.
\v 13 Binakane, nto akowe bande mba neengamei, ndi nokota chesima chemo, m'okoibeya beya ba maili, mo kiya na boso, mo beya bika boosa nane.
\v 14 Nokoonda isina ya bondi, mo kolongeya malongane, moisina ya bokota ya kiyo ka Mokonga mo lia ya Mbali kristo.
\v 15 Base boose si baa beengame, keikei na maenyeli si,
\v 16 aika mba waika na maphe maenyeli Mokonga okomoesai owe mo bondi si, mo isina si aika mba naebake, teendei bosaali.
\p
\v 17 Ondeyai noo, binakane. moesanai na bana, bokoenda mba base.
\v 18 bondia babuwa bokoenda mba baini, baa musalaba ya Kristo, naenake mono nino ke naenake kae nino ephe na maisoli ko maiso.
\v 19 Bokotungeyai mo kogba bikai na Mokonga wabo ndi mesolo, bete kolombelesa kabo mo maondi ma nsoni, bokoenyeleangai mo besima ba chese.
\v 20 ndi motanga ito ikai obowa, kowa tokoendeyai moondesi, mokolo Mbali Kristo.
\v 21 Owa okotimbolai mobeya nsoni, okachobo kesai mo okuku, mo chekamba chea chande kiyo na besima boose.
\c 4
\cl Botuku ya ema 4
\p
\v 1 Moisina si, baemeleki bane enabinakane, bane bika ome ane okuku, ikai bosali nkati ya mokolo, bane boose!
\p
\v 2 Naebesaka Evidie, naebesake Syntyche mo koika mokonda isina emo nkati ya mokolo.
\v 3 Eko owe kae, isau yane, liti naombake owe osenge boo, ba beese bita mo koendesa mesao esaali nane, na kelemana baphe binakane ba mekambo ba maina mabo mika mokaanika ilonga.
\p
\v 4 Lengeyai nkati ya mokolo, naenake nino ephe lengeyai.
\v 5 Koika kino kosaali ka ebekane na bato boose, mokolo weeme kula.
\v 6 Buwai koeya-eya; ndi mo choose, ebesai cheema chino kowa ka Mokonga na masomboli na koeya-eya kino na beteli besaali.
\v 7 Ena bii ya Mokonga, owa elongee akili okika na metema eno na maengeli nkati ya Mbali kristo.
\p
\v 8 Mosina si, binakane, choose che saali, choose ya isina, cheya ekefoe, chea cha phenena, chea cha koemeleka, chea cha koengama, cha koakoleka, chee cha isina, cha liti, cheengama na kolombeseka, chike bondia ya maenyeli mino.
\v 9 beya beebeleseke mino, beya bepate bane, beya bengbe bane kowa kane, na beya bemone bane, taii bo Mokonga owa bii waike mino.
\p
\v 10 Naikangai na ome aema nkati ya mokolo, mo moose maengamanga bane kota mo koema koema kino kowa kane, batangei bosaali, ndi nyanga itaikanga bande nino.
\v 11 Buande mokolengesa noo ii naenake nino boobo, boondia naebangai koika na omee mo boyaeli aikanga noo.
\v 12 Neli koika mo nsomi, neli koeka mo iyota ya buwa. Moose na asima yose, neebesekei. Koikota na koika na njaa, nakoika na babuwa, na koika mo bokambe.
\v 14 Mo boobo, beteyi bosaali mo kobaanya nane obaba yane.
\p
\v 15 beli bane mine, ba Filipo, boso ya mesao nsaali, abowa ayanga noo emo ita akowanga ande noo mokoesa na kotomba.
\v 16 Baikanga bane lika, ba kote, batongeii mo tesalonika, mala ibe eya yaengemanga na cheema chame.
\v 17 Buande mbe beese noo iyota ino ndi nokophane ndi to una tosaali bondi ino.
\p
\v 18 neeselekei boose, nika nkati ya babuwa, naeseleka boose mokotomba ka Epaprodite beya betomeye noo mba malasi mo oppho osaali, iyota eya eakoleke na Mokonga eya ephoe mo maiso mande.
\v 19 Eke Mokonga isse wito wokosumbolea bane bowaika cheema chino, ukai phoka ya ilanga taa, mo okuku ya Mbali Kristo.
\v 20 Kowa ka Mokonga, Isse wito, okuku yande yenhe bemo! ne bemo! boobo!
\p
\v 21 Lengeyai na basaali boose ba Mbali Kristo binakane baa bika nane ano, batomeke bane ome abo.
\v 22 baphenani boose bika nino na ome asa asa baa ba lumba ya Kaisala.
\p
\v 23 Ome ya Mokolo Mbali Kristo aika na mesombo mo.