\v 1 Polo na Timote, bato ba nkasi ba Mbali Klisto, obafeneni boose n'nkati ya Mbali Klisto bika omotanga ya filipe, obekongona baimanei mekambo ya etanda.
\v 3 Nasumbolake kelekele ka Mokonga wa ne mo yoose eeya nikanayo ndia iho,
\v 4 Nteekeane, mo masomboli mane moose kosombola mondia bane boose,
\v 5 Mo koesa omeyane moisina ya eya bebundesa yo omesansaali, kolinga botu ya boso bena eneeke.
\v 6 Nika na ome mbe owa wekondje nino mokambo siowo ya fowa wekatai yo kofoa mobotu ya Mbali Klisto.
\v 7 Ikai liti mbe nokoengelea bobo mo bane boose, mondia nebie bane o motema yane, mba mo m'mboka yane, mba n'nkati ya komoeseleka ka mesao n'saali, bane booe siba bi ka na n'ngmbengmbele emo m'mba noo.
\v 8 Bondia Mokonga uki temu wane mbe ne eme bane boose na ome ya Mbali Klisto.
\v 9 M'mba naomba, n'nkati ya masomboli mane, mbe koemesana kino yauloke kambu na kambu nka ya koeba na maenyeli ma bua.
\v 10 Mondia kofofoa maondi ma foa, mbe beike na kofenena na kotanga koeneka mo botu ya Klisto,
\v 11 Koiya na kauma ka tchaa kika n'nkati na kolombeseleka ka Mokonga.
\v 12 Neem'mbe beebe, binakane, eya euleenoo yoi ye unee koendeseleka ka mesao n'saali.
\v 13 Na boobo, n'nkati ya beikaneo boose, ango omo uteibeande mbe ne n'ngei omoololo bondia Klisto.
\v 14 Ke bina kane bafe n'nkati ya mokolo, baika na otendela moko kandeka kane, beiki na tchekamba bua bowa ya koena looki.
\v 15 Bamo, ikai liti, boonangola Mokonga na maenyeli na kobotesana; ndi, bafe baonagola na boyaeli si owa eengame.
\v 16 Bano bota na koemesana, ebai mbe nikai n'ndia kounea mesao n'nsaali,
\v 17 n'ndi baabo, bo koendeseleka na mosombo ya kobotesana, boonangola Klisto, mo m'mboka sieya ite engame na maengeli ma koeta noo mobaba mo ko kandeka kane.
\v 19 Mondia neli mbe yo yootimbaki mokoondeseleka kane koondesana na masamboli mino asima amo na kosomboa ya Mbali Klisto,
\v 20 Na kokande kane motema na ko endea nane yoi na bua na nsoni, n'ndi yoi, moeneeke m'mba nsu yoose, Klisto olombeselekai o mobe yane mo tchekamba tchoose m'mba mokoika kane, ao mo kopka kane;
\v 23 Nika mokaobe beo moboyaeli ive: "Nika na tcheema tchakia na koika na na Klisto, eya ye bue moko foa.
\v 24 N'ndi mosiina ino ye foeimbele neike n'nkati ya mabe.
\v 25 Ko nikai na ome, eneli mbele ne kaikai ke ne ke naikai nino a neboo se, mondi ya koendeselek kino ke naomeina n'nkati ya koakoa,
\v 26 Mondiya mbele, mo kosumboka kane koakino, boike n'nkati yane baa bakoselaka okuku n'nkati ya Mbali Klisto.
\v 27 Iki mbele, endeselekai mo boyaeli ya fowa ya mesaansali ya Klisto, mondia mbele aika mo kula kane ko mona bane na kokamba kula, nengbe koena kino mbele beike tchaa n'nkati ya mosombo omo, baesi ba mosombo omo moko wakaa kamesao n'sali.
\v 29 Ke eyo iki m'mboka ya Mokonga, mondi ya teleki bane m'ngbemgbele, moieina ya Klisto, buande lika mo koakoa wee, mondia ko moneka maoobi mondia yande,
\v 1 Aika m'mba ika kambu ka bondja bondja ka Klisto, aika m'mba ika kambu ka ko phophesa motema n'nkati ya moboto, aika m'mba ika kambu nsanga nsanga ya Mosombo, aika m'mba ika na kambu ka tchombo,
\v 2 iyesai om yane, koika na ko n'ngbesana komo, na moboto omo, mosombo omo, maenyeli namo.
\v 3 Buwai kota tchesima mo ko phiphana kolongeya ophe ao mo okuku a okonga isina, n'ndi koselela ka moese bane mbele binakino bikai kio nino bane mine.
\v 4 Ekai mbe omo na omo wino, asima ya ko mona faida wande womune, wamone kae eya ya ophe.
\v 5 Ikai n'nkati yino na maenyeli si maa maikanga ka Klisto;
\v 6 koika na otitaka na otitataka ya Mokonga, utamonanga bande ko engamesana kande na Mokonga m'mba tchesima tcha kobaka.
\v 12 Moyo, baemesani bane, m'mba bowa bo olitosanga nsu yoose, tai kowa kowa kino ko mokambo na bowa na kotekateka, buwa m'mba mo koika kane, n'ndi iboka ephe enekeke mbe no buwa;
\v 13 isina ikai mbele Mokonga wokotanga kao kino ko ema na kota, ko opesana na nkasa yande nsaali.
\v 14 Tai maondi moose buwa ko sumama ango ko endjaendja.
\v 15 Ambe bite ikangi na m'mbela ke bephenenei, bana ba Mokonga ba kokamba m'mbela n'nkati n'nkati ya tchese tcha koseyama na kanyaka, n'nkati ya eya yo kosana m'mba n'kenikeni n'nkati ya tchese,
\v 16 ko bunda looki ya koika, ke neengamei ko mombeseleka, no botu ya Klisto, mbe n'teiye bane obeo biyaya ango kota be-taa-taa.
\v 17 Ke ango aika m'mba na ite ya mokiya bondia liphaephi bena bondia mokambo ya kowakowa kino, netengeseleke, ke nelengeye nino bane boose.
\v 18 Bane kae, lengeyai boobo-boobo, ke lengeyai asimamo ane.
\v 19 Nika na ka engeleo n'nkati ya Mokolo Mbali ko tomeya bane enekeke Timote, mbele ne-kobee-kobee mobe mo ko n'ngbaeya yo kota bane.
\v 20 Na buane kokono na moto si owa to obaanya nande maenyeli, mo ko bunda liti liti bondi yino ko motema.
\v 21 Boose, mo yo, bo ophiphana faida wabo bemine, ke buwa eya ya Mbali Klisto.
\v 22 Beli mbele wa ikangai ko mokambo, mo ko esa motondo yande bondia Masao asimamo nane, aisa m'mba maana na Ise.
\v 23 Neengeleye ko tomeya bane we a abowa no omona ntungeya ya bayaeli si ono nika;
\v 24 ke nika na kowakowa si kooko n'nkati ya Mokolo mble no omune kkae no kiyai enekeke.
\v 25 Neengeleyei mbele ikai bosaali netomeye bane munakane Epapholodite, munakane wa mokalbo na bita, owa betomeye noo mo ko engamesa mo n'kasa yane.
\v 26 Bondia wa ikangai na nkasa ya ko mona bane boose, ke wa ikangai na tchombo mo bowa aebanga bane tcheeta tchande.
\v 27 Weikei na tcheeta, na yo, bena aiyeiye na ko kpa; n'ndi Mokonga we n'ngbeleyei we tchombo, ke buwa nande lika, n'ndi nane kae, mbele na uwa koika na obaba kiyo na obaba.
\v 28 Netomei we tchaatcha, mbele belengeyei mo ko mona we ephe, ke mbele motema yane ya phophe kambu.
\v 29 Pokeyai ikei we n'nkati ya Mokolo na ome yoose, ke litesai bato otitaka si yabo.
\v 30 Isina mbe iki bondia mokambo ya Klisto eike we baka na ko kpa, weyabi mobe yande mo kouneya a abowa ya kambanga bane ko mokambo si owa ba engamanga koteleya noo.
\v 2 Tinaii mgba, tinaii bato ba mekambo ya beya, tinaii ba angule.
\v 3 Bondia batende, ndibase, baa bokolombesa Mokonga koakoa kito mo mosombo a Mokonga owa wokolombesa base mo Mbali Kristo, eke tito kota maengeli mito mo nkoba.
\v 4 Noo kae moyo, nika na bondi ya kota tche ema tchane ko mobe, aika m'mba ophe wa ema kota kowakowa kande ko mobe, noo neeteye we na liti.
\v 5 Noo ne bukeki tchoo mo botu yane ya tchenana, mo okoba ya Isalaele mo tchebanda tcha Benyamina, mo Ebele Weboteke na ba ebele; mo ba angile niki mo Falisayo.
\v 6 Bondi ya omuli, momoesi wa étanda maobi; moaki, obalu ya liti ya bikela.
\v 8 Ango mba namona bo mba babeya, bondia kofoa na kobea Mbali Kristo, Moondesi, moisina yande, nalingowake boose, eke namonake bo mba betefu, mbe nokoonda ka Kristo.
\v 9 Mba nokomo neka kowa kande, buwa moliti wane, ndi moliti wakotoka kowa ka Mokonga mo koa-koa,
\v 10 mba mokoeba Kristo, na chekamba cha koomoka mo bagbi, na kosangana ka obaba yande, mokoika, mokokoma,
\v 11 mba naengama, mokoomoka nkati ya bagbi.
\v 12 Buande mba nalongeyaka, mba nakomake mo bosaali, ndi nokeya obeyo, mokoma mokoika mba we, bondia noo kae, naa akolekangai na Mbali Kristo.
\v 13 Binakane, nto akowe bande mba neengamei, ndi nokota chesima chemo, m'okoibeya beya ba maili, mo kiya na boso, mo beya bika boosa nane.
\v 14 Nokoonda isina ya bondi, mo kolongeya malongane, moisina ya bokota ya kiyo ka Mokonga mo lia ya Mbali kristo.
\v 15 Base boose si baa beengame, keikei na maenyeli si,
\v 16 aika mba waika na maphe maenyeli Mokonga okomoesai owe mo bondi si, mo isina si aika mba naebake, teendei bosaali.
\v 8 Mosina si, binakane, choose che saali, choose ya isina, cheya ekefoe, chea cha phenena, chea cha koemeleka, chea cha koengama, cha koakoleka, chee cha isina, cha liti, cheengama na kolombeseka, chike bondia ya maenyeli mino.
\v 10 Naikangai na ome aema nkati ya mokolo, mo moose maengamanga bane kota mo koema koema kino kowa kane, batangei bosaali, ndi nyanga itaikanga bande nino.
\v 11 Buande mokolengesa noo ii naenake nino boobo, boondia naebangai koika na omee mo boyaeli aikanga noo.