\v 4 Mba okoéba bosaali maondi ma mokoéséléka owe,
\v 5 nyanya ya Herode, Mokota wa Yudéa Moto omo wakonda Mokonga, lina ndéï Zakaria, mokota ya Abia, mokali, omo wa mophindi Aaroni, lina ndé Elizabete.
\v 16 Wokoisaï bana ba Isalaële, ba buwa baka mokolo, Mokonga;
\v 17 Wokaëndai boso na Mokonga na mosombo na mekuwa ya Eliya, mokoïsa météma ya baisè kowa baka na baana, belèngi mo baeoei ba liti, mo koéndjekéya Mokolo bato basaali.
\v 21 Mo aowo bato boose baikangai na koendeya we bondia koilela kandé molumba ya lisomboli.
\v 22 Mokoomoka kandé, utaëmanga kaé bondi ango omo, eke bo nakoeba mbe wasanganakei na bondi omo nkati ya lumba ya masomboli, waena na bo na maako bika, wasiangai kaluma.
\v 35 Mosombo mosaali na koebesa we mbe, mekuwa ya kotoka kio yoseleleaï owe na tchekamba cha owa. Uka kio, yo kobotesai owe. Mo boobo, maana wa nena okobotekaï éké waeteka Máná Mokonga.
\v 1 Mo n'nyanga si Kaisala Augusite na ko le mbe mo metanga yoose ba kpalowe maina ma bato mo toani
\v 2 ko kpaloa ka oso ka telekangai mo n'nyanga ya kilinyus mo kota ya Sulia.
\v 3 Bato boose bayangai ko sia maina mabo, moto na moto n'kati ya motanga yande ya ema.
\v 4 Yosefu kae na kia Galileya, ko motanga ya ema ya Betelehem, bondia waikangai mo lumba ya Davidi,
\v 5 Bayangai asima amo na Malia, bembe ande mbe uka na leemé, kia ko kpalowa maina mabo.
\v 6 Mo koika kabo kooko, nyanga ya Malia ya kobota na koengama,
\v 7 Kewe na kobota maanande wa osō, we naolindeka we na ntulu, na kolamesa we nkati ya bolameo ya nyama, bondia lumba angó asima yabo kolama itaikanga ande.
\v 15 A bowa bakitomo ba ekananga na bo mo ko sumboka kowa kio, batchungi ba n'nyama na ko enesana n'nkati yabo: tiei bana Betheleheme, ke temonei eya akomake kooko, mo isina ya eya Mokolo wa ebesa ke basé.
\v 16 Bo na kia moka beo-beo, ke bo na komona Malia na Yosefu, ke na maana manuke welame nkati ya bolameo ya n'yama.
\v 17 Maili yabo ko mona, bo na ko saowa mo isina ya eya ya ebeselekanga bo mo isina ya maana manuke siono.
\v 18 Bato boose siba ba an'gbanga na ko sangala na eya aenanga batchungi ba n'nyama.
\v 19 Malia na ko iseka maondi siomo moose, ke we na ko enyela enyela n'nkati ya motema yande.
\v 20 Ke batchungi ba n'nyama na ko sumboka, bo na ko lombesa Mokonga, mo isina ya yoose eengbe bo na komona, a engameselekangai na eya yoose eeneke bo.
\v 21 Maili ya n'su chenana awo maana waengamanga na kobukeka tchoo, na koengama, bo na koesawe lina Mbali, liina si eya yaembesanga mokitomo waebesanga nina boso ya kombia leeme yande.
\v 25 Ke monai, amoome omo linandei Simeona waikangai mo Yelusalema. Amoome si waikangai chaa ke nakolombesa Mokonga, wa endeangai bii wa Isalaele, ke Mosombo Mosaali aikangai nande.
\v 26 Waebesekangai na Mosombo Mosaali mbe utokpaande alinga amona Klisto wa Mokolo.
\v 27 Mosombo nakon'ngesawe molumba ya masomboli. Ke baboti nakula na maana Mbali mokoengamesa boa aikanga baangili,
\v 34 Simeona nakolipheya bo, ke nakoena na Maliya, nina: mona, maana si ono ukai bondia kokea ke koyayoka ka bato babuwa mo Isalaele, ke okoikai n'nembe emo yakolumesa bua koon'gbesana,
\v 36 Aikai na Molondoi amnokali, Anna, moseka ya Fanwele molibota ya Asele. Waikangai mokolomoto iboka, ke waikai na momeande bemo mochomoendi booso ya koeba baome.
\v 37 Kosiya chetike, ke bemo n'kamachenana na ina, yaikangai n; su na n'su molumba ya masomboli, eembe oteleya Mokonga botu na looba n'kati ya koiya moleli na n'kati ya masomboli.
\v 38 We kae nakula mo n'nyanga sieyo, nakolombesa Mokonga, ke we nakoena bondia Mbali na bato boose si baa baendeanga koondeseleka ka Elusaleme.
\v 39 Aabowa aengamesanga bo baangile ba Mokolo, Yosefu na Maliya na kosuka mo Galilaya, na Nazaleta, motanga yabo.
\p
\v 40 Maana nakowa ke nakobeya. Nakoiya na weeli, ke na n'ngbengbele n'kati yande.
\p
\v 41 Baa baboti ba Mbali bayangai chemo na chemo mo Yelusaleme, moikeka ya Pasika.
\v 42 Aabowa aengamesanga we bemo ikomi na ibe, ba angai kooko kondesana na asili ya ikeka.
\v 43 Ke, aabowa aetanga n'su mokosumboka kabo, Mbali maana nakosiya mo Yelusaleme. Ise na nina bitaebangaande.
\v 44 Koengalea m'mba uka na binakande ba ondo, mokoenda looba itondo, ke bo nakophana we komophindi na ba baebesananga nabo.
\v 45 N'ndi bitamonangaande we, bo na kosumboka mo Elusaleme bondia kophana we.
\v 46 Maili na n'su isato, bo nakiya komona we n'kati ya lumba ya masomboli, mbe uka ase n'kati ya baebesi, koum'ngba we ke nakophipheya we.
\v 47 Bato boose si baa ban'ngbanga we ke nakoena na maenyeli mande kenakosumbola kande maoki.
\v 48 N'nyanga sieya emone ise na nina we, bo na ko sangala, ke nina na ko ena ande wataki base boobo mochei? Mona so na nane, tophana owe na kaeli iboka.
\v 49 We nakoena nabo: mochei kophana noo? Biteli mbele efowei neimanee mekambo ya Tata?
\v 50 Kebo bitaebangaande isina ya bondi siowa weenanga nabo.
\v 51 Ke we nakiya nabo mo Nazarete, mokolitosa bo. Nina na koiseka moose ko motema yande.
\p
\v 52 Ke Mbali na kokowa na boeli, na bombele, ke na n'ngbengbele, booso wa Mokonga na booso wa bato.
\v 1 Motchemo tcha ikomi-na-itano, mo n'nyanga ya bokota ya Kaisala Tiberyo, Ponse Pilato Guvernele wa ba Yuda ena Herodi mokota ya Galilea, na Filipo mana nina mokota ya tchese tcha Iturea ena mo Trakoniti, ena Lisania mokota mo Abilene,
\v 2 ena n'nyanga ya kaomoli ba maphaephi Anna na Kaifa, ombe bika bakumi bapheme, looki ya Mokonga yaselelea Yowani mana Zakaria, mo okonda ya iseseko.
\v 3 Eke we na kiya mo bese boose beya bika mo nkonge ya iyaba ya Yordania, ko ebesa bato mbe konnyeka ka ko kalanganya na ko ekeleka ko beya.
\v 5 Melinga ya mekondi yoose yo ko lindamai, mekondi yoose, na tomekoni tango-lango yo koselelai; Eya elingame lingama yo ko imanai, ena mboka ya mawe yo ko engamai.
\v 7 Wa enangai na baa boose ba ikanga na kula metuka kowa kande ko n'nyeka nande, "Bane iboti ya ndjoka nani wa ebesake bane, mbe beelee obeyo kasomei kowa kokula?
\v 8 Mo esai touma tosaali ta ko kalanganya keno, buwai ko ena - ena bane mine: "Tikai na Ise ango ko mano mawe, Mokonga wengame na ko omola baana na koesa abalayama.
\v 14 Bato ba benenge bo kae na ko phiphea we: "Base tete boni?"
\s Eke wa ena na ko ena nabo: "Buwai ko bakaya moto tchesima tchande, buwa kokesa moto na beeya kande, na lenengeyai na eya yo ko eseleka bane mba kolipeka kine."
\v 16 Yowani na ko ena nabo: "Noo no konnyai bane ko maale, n'ndi owa okula maili nane, wika na tchekamba ko longeya noo, ena nteengame ango kambu mo ko sowa meeli ya bilato bande, okabotisai bane na mekuwa ya mosombo osaali.
\v 22 eke mosombo osaali na ko selela m'mba ndjiwa ya okonda ko motchwe yande. Eke looki yatoka kio: "Ukai mana ane owa neeme we iboka, nete ko ema kane kio nande."
\v 9 Satana na kiya nande ena mo Yerusaleme, wata we kiyo na lumba ya masomboli ke wa ena nande: "aika m'mba wikai mana Mokonga, tinga kose, bondia eandikelekai.
\v 10 We kaesai isosa o bakitomo bande bondia abe, ombele watangane nabe;
\v 11 ke: "Bekabiyai owe ko maako, bondia mbe kao kabe kite kukangi mo iwe."
\v 16 We na kiya mo Nazaleti, kowa ke kowe we ko ondesana beikaneli babo, wa n'ngeya mo lumba ya makumbe.
\v 17 Ke ba esa we buku wa molondoi Isaka. We na ko kandowa wasoma abowa:
\v 18 Mosombo a Mokolo ika kio nane, bondia na iselekangai makuta moko ebesa mesao n'saali mo touwe watomangai noo mo ko ondesa baa bika na obaba ko motema;
\v 19 Mo ko ebesa bakandeki, ko ekeleka. Na baa bepke maiso mbe bamone; Mo ko sumbola baa bika n'nkati ya kaka, mo ko balanganesa tchemo tcha ome ya Mokolo.
\v 20 Maili, we na ko kanda buku, we na ko esa mo moto wa mokambo, ke waika ase. Bato boose baa ba ikanga n'nkati ya lumba ya makumbe, boo na ko moesana nande;
\v 21 Ke we na ko ena nabo: "enekeke, looki si oono osaali, ono batokake na ko n'ngba ya engamake."
\v 23 Mbali na ko ena nabo: "bo ko enesei noo mo mbila si oono: Monganga, ondesa owe, omune; ke bekaenai nane: Taa abono, n'nkati ya motanga yabe, eeya yoose taa m'ngbangi mbe waikangai, mokota yo mo Kapernaum.
\v 24 Ke, wa ena ephe: "Molondoi ango omo uto lombeselekanga bande ko motanga ande."
\v 25 No ko ena nino mo liti aikangai na betike babuwa mo Isalaele mo n'nyanga ya Eliya, abowa alindamanga mo bemo bisato na meeli motoba, m'mbe n'ndjaa ya ema ya n'ngeyake mo tchese,
\v 26 Mo n'nyanga si eya Elia uta tomekanga ande ango ka omo wabo, m'mba buwa ka m'ma omo etike, kowa salapata, n'nkati ya motanga ya Sidona.
\v 27 Aikanga kai bato ba buwa ba n'so ya suli mo Isaleli mo n'nyanga ya molondoi Elisa ango omo wabo, uta ondanga bande, kosakolo Naaman wa Syria.
\v 28 Ke boose baika na bosongo iboka mo lumba ya makumbe, makumbe maili ya ko m'ngba maondi si maamo.
\v 29 Bo na ko imana, ba benga we ko andja ya motanga, baaya nande kio na mokondi kowa ka endjekelekanga motanga, mbe ba m'mbole we kose.
\v 30 Ke Mbali waeta n'nkati n'nkati yabo ke we nakiya.
\v 35 Mbali na kosulea we, bibana: "Omoka ka moto si oyo!" Ke Mosombo na ko m'mbola we n'nkati ya tchebamba, ke waomoka ka moto si, buwa kota we tchesima ango tchemo.
\v 38 Mo ko omoka kande mo lumba ya makumbe, ke we na kiya mo lumba ya Simona. Moko wa Simona wa ikangai na tcheeta tcha ema, ke ba ena nande mo koondesa.
\v 39 Na ko imana boso yande, wasuleya tcheeta, ena tcheeta si na kotoka. Mo n'nyanga si, we na ko imana ke wa tumikia bo.
\v 40 Na n'nyanga ya iyo, baa boose ba ikanga na n'so, balulea we nabo. We na kotelea bo maako ko metchwe ke boose na koonda.
\v 41 Mesombo na koomoka kae n'nkati ya bato ba buwa, ambeleea bo ko akaya akaya na ko ena: "Wikai mana Mokonga n'ndi, we na kosuleya bo eke wa ekeya bo mbe biteenangi, bondia ba ebangai mbe ukai Klisto.
\v 42 Mokotcha ka botu, we na ko omoka eke waya mo obandjala ya iseseke. N'nguma ya bato na kophanesana nande eke bo na ko songana nande, mbe waike nabo.
\v 43 N'ndi wa ena na bo mbe: "Yeengame nane neebese baphe mesao esaali ya bokota ya Mokonga; bondia mo isina si eyo n'ndi netomeke."
\p
\v 44 Ke wa nangolangai mo malumba ma makumbe kowa Galileya.
\v 12 Mbali na koika ko motanga omo, moto wa oso ya suli, nakomona we, na kolubanésa chondi chandé asé, nakokombowa nandé boono: "Mokolo, aikamba waena, wééngame na kophenenesa noo.
\v 13 Mbali na ko andjéya we kaako, na ko kukana nandé, we a ko ena: "Néeme, phenesa." Aowo-aowo suli na kotoka ko mobé yandé.
\p
\v 14 We na ko ekesa mbe wabuwa ko ena na moto. N'ndi ko moésa mobé ko batondoli, na omo ba lifaéfi mo isina ya koonda kabé m'mba bowa Mose weene ambe sike lilésana.
\v 17 Botu omo, Mbali na konangola bato, ba Farisayo na babuku ba maondi bachumanangi moo, bétokei ko métanga ya Galilaya, Yuda na Yélusaleme, chékamba cha mokolo cha monekangai mo koondésa nso.
\v 19 Bowa itakokolanga bo bondiya métuka ya bato, bo na kolinya mo okate ya lumba, na koselela we na itanda bochka n'kati ya ibamba si éyo bato na Mbali.
\v 21 Baandiki na ba Farisayo na koenyéléa-ényéléa bé na koena: "Nani ono, wéengame bena kotokowa Mokonga?" Nani wéengame na komesela kobeya ka moto, sakolo Mokonga omune lika?
\v 22 Mbali na koeba maényéli mabo, na kobunda looki na koena nabo: "Nani maényéli mika nino akati ya météma ino?"
\v 23 Chéi chepholée-pholée mo koena: "Kobeya kabe ka kameselekake owe, ango koena mbe imama, na enda?"
\v 24 Mo bane koeba mbe Mana Moto uka na chekamba mo chese oka ko mesela kobeya: "Naakoleake owe, we nakoena na oyo moto wa oso, imana, biya kolaméo yabe, sumboka kowa-kowa."
\v 27 Maili na ééyo, Mbali na ko omoka, na ko mona molipési wa manjanja, wa étékanga Lewi ambe uka asima yandé ya mokambo. We na koena nandé: "Onda noo."
\v 37 Béna buandé na moto si owa oota malu maphia mo tobolé boso, bondiya malu si maamo mo koatai tobolé si tééto, malu mokoitékai ase na kobalanganésa;
\v 4 bowa an'ngéanga-we mo lumba ya Mokonga, mabiya mékati we na ko anga, na koesa baa ba ikanga nandé, ambe éékéléke ko bato batondoli ba étanda koanga yo?
\v 6 Na ko ika ophe botu ya ko omona, Mbali na ko n'ngey mo lumba ya Mokonga, we na ko nangola. N'nkati ya lumba si, aikangi a moto omo wa ikanga na oso mo kaako ka lome me.
\v 7 Baandiki na ba Farisayo baikangi na ko moesana na Mbali, mo ko mona m'mba wo ko oondésai moto botu ya ko omona: ééyo aikangai mo. Ko phana bondi omo ya katchongeya we.
\v 8 N'ndi wa ébangai maenyeli mabo, we na ko ena na moto si oyo wa oso ya kaako: Imana, na ika akati-kati wa ba." We na ko imana,
\v 12 Mo nyanga si ééyo, Mbali nkiya ko mokondi mo kosombola, we nakota botu otondo mbe oosombofa Mokonga.
\v 13 Abowa échè botu, we nakoesa baéki bandé, na kosona ikomi na babe n'kati wabo, na koébésa bo liina ya baeki (batoméki):
\v 14 "Simona, na koétéka Petèle, Andél, mana nina; Yakobo; yoani; Filipi; Balatélémi",
\v 15 Matayo, Tomasi; Yakobo mana Alféo, Simona, wéétéke Zelote;
\v 16 Jide, mana yakobo, n Yuda isikariti owa wéke moolési.
\v 17 We na koselela asima-amo nabo, na kosikama mo chékalongo, mbe métiika ya baéki bandé na baphe bato babuwa iboka ba kotoka Yudéa na Yélusame, na ba-ba n'konge ya Tiro na Sidoni. Balangai mo kom'ngba we, na kophana chéondesa cha nso yabo.
\v 34 Mba bosombesangai baphe na maenyeli makobakeya bo besima, uka na eni liphoti eya koeseleka bane? Bati kobeya kae bosombesangai batikobeya, na maenyeli ma kobakeya bo besima.
\v 35 Ndi bane emai basekani bino, tai kophoa, ndi sombesai na bua koengelea. Na bobo kolipheleka kino yokoikai ka ema, ndi bokoikai baana ba owa uka kiyo, mondi ya we efoe mo bato ba olanga na bato ba beya.
\v 42 Wengame na koena na munakabe mbele tchei, munakane ekambe netoese otchafu si owa ika mo liiso yabe, ndi owe utomona otchafu si uka mo liiso yabe? Mokesi! Toesa asa boso botchafu si owa ika moliso yabe ke maili wa mona kotio botchafu si owa ika moliso ya munakabe.
\v 45 Moto a foa owa okomola maondi ma foa ma matokake o motema yande, ndi bato ba beya bokoomola maondi ma beya maa matokake kati ya metema yabo ya beya, mondi ya iki mamo maiye kati ya metema yabo yokoika na koeneka.
\v 48 Ukai mba moto si owa oimetche lumba, ke waphua melinga ya eyaeya, ke wata yo kiyo na iwe, inyanga ya iaba koenda, mabooboo moose koiteka mo lumba si eyo mondi a yaimetchelekei bosali.
\v 49 Ndi owa okoungba looki yane ke wakanga kota yo o mekambo, uka imba moto si owa imetchake lumba mo n' nseke si eya itelike, mabooboo malubeya lumba si eyo na mala omo ke yakeya, na koseyama kaikangai ka ema.
\v 9 Abowa Mbali weun'ngbe maoki mande, we kotchokoleya mokota, ke, watimbokeya iki ibamba baa ban'ngbanga we, we nakoena: Naenake nino ango mo Isalaele nite mone ango koakoa kaema.
\v 11 Botu siowa yeonde, Mbali na kiya o motanga eteke Naina; baeki na ibamba omo baendangai asima amo nande.
\v 12 Abowa ekome baka nakoingeya o motanga, mona, bo nakobileya we mo n'seke tcheliyo, maana omo lika omesolo ya nina, nina owa ikanga tchetike, ke waikangai na bato ba buwa o motanga si oyo.
\v 13 Mokolo na komona boo we nakoiya na tchombo bondia amokali sioyo, we nakoena nande: buwa koeya.
\v 24 Baa betomeke na Yoani kosumboka, Mbali nakoena na ibamba bondia Yoani: Biyei komona tchei mo okonda ya tolungulungu? Bebebi beya beumboke na mophopho?
\v 31 Noo sambesai iboti sieno na nani, ke nani otuanyanye bo?
\v 32 Betuanyanyei baana si baa, bokoikanga mobeikaneo si beeya, beiye na bato, ke, baa koenesana bano, nabaphe, bo mbele: base takolake nino n'saka, mokoemba na tolumbete, ndi bite sambowe bino; taembeyaki bane na chombo ke, biteeye bino.
\v 33 N'ndi Yoani mon'nyi ulei, aabowa itaangangawe moleli kenakoma, malu, ke baenanande mbele: uka na mosombo ya beya.
\v 36 Mofalisayo omo na kombowa Mbali mbele baange asimaamo. Ke Mbali nakon'ngeya molumba ya Mofalisayo, ke baikaiki momesa.
\v 37 Ke bamonaiki maana omo amokali waikanga, aowo omotanga siowo, wailemba, we nakula kon'ngeya molumba ya Mofalisayo sioyo, ke waika nabo, momesa momaako mande waikangi na kabole kamakuta sima, maiyanga na iyesi,
\v 38 wenakoeta maili ya Mbali kowa momao, ke waika bii. Ke waeya; iteilelangi, wakondjaiki koisela wemaisoli momao mande, maili ke waiyowaiki we maisoli na m'ngbeyande, ke wabesiya we, ke waiselawe makuta maiyesi.
\v 39 Ba fasayo si baa, beetewe, bo na ko mona eeyo, ke ba kondja ko enesana bemine: aika m'mba moto si ono wa ikange molondoi, mbele wa ebakei mbele o, eeno iki mo boyaeli sio ho, ka amokali siono wa matake we, ke wa eba mbele amoka si no uki moto wa beya.
\v 41 Mosombesi omo, waikangi nabasombi babe, omo na kosomba n'falanga, miyaitano, ke owaophe na kosomba n'kamaitano.
\v 42 M'mba bowa bitaikanga nachesima cha kosumboleya mokolo wa n'falanga, ke mokolo wa meseleya bo n'falanga si, n'kati yabobabe basombi, nani okeemeleka ka mokolo wan'falanga iboka?
\v 44 Maili na aowo, watimboka kowa kaamokali, ke waena na Simona mbele: wamonake amokali sionoi? Nan'ngeyakei n'kati ya lumba yabe, ke uteeseabe noo maale mokosoola mao mane; n'ndi we wasoolakei mao mane, na maisolimande, ke waiyoaki mao mane nam'ngbe yande.
\v 1 Maili na moo, Mbali na kiya ko metanga n'kitaka na n'kitaka ya chesongo, ke na metanga n'kitaka na n'kitaka ya abotekeya, na konangola, ke na saowa mesao n'saali ya bokota ya Mokonga.
\v 2 Baeki ikomi na ibe baikangi asimaamo na Mbali, ke na obaa ya bamokali si baa baondeselekanga, mo n'so ya mesombo ya beya ke naephe n'so: Maliya, nakoena na Mangandala, mbele cheni chesima chatowesake, mesombo sieno ya beya,
\v 4 Ibamba na koika asimaamo, ke na baphe bato si baa, betoke mo ephe n'kita na kobakameya we Mbali, ke wateleya bo mombila sioo,
\v 5 moleki omo na koomoka mo kiya koleka touma tande. Mba boa wa lekanga waleka, ke obaaomo ya touma nakokeya mo m'mboka: ke yakpoteka na matindi, ke tooni ta obowa taanga touma si,
\v 7 Touma tephe na kokeya n'kati ya meke: ke meke sieyo ya tokelekele, na kolingalinga touma, ke taseyama.
\v 8 Ke tephe na kokeya mon'seke ya fowa: aabowa emene, tamena na koyayoka, ke nakobota n'nguma na n'nguma ya touma. Maili nande koena, Mbali na koena na looki ya kiyo: m'mbele owa uka na matu makon'ngba wan'ngbe!
\v 11 Monai isina ya mombila siowo, atelekake: touma ta koleka si teeto, iki looki ya Mokonga.
\v 12 Touma si teya te keye mom'mboka, ke takpoteka, ke tooni taaya nato, iki bato si baa, bokom'ngbanga looki ya Mokonga; maili na kom'ngba, ke satana waala, ke watoesa looki, n'kati ya metema ya bo, mobowa ya koeneka mbele, m'mbe baa kowakowa mokiya koonda.
\v 13 Touma si teya te keye kiyo na mawe, etuwanyanye bato si baa, bo kom'ngba looki ya Mokonga, ke babunda yo naome; n'ndi ango kobunda looki si na ome, bebuwabo na kosimbeya, biki bato ba kowakowa mo n'nembe emo kakolokolo, kosondjeka kaala, ke bemine ba keya.
\v 14 Touma si teya te keye mo tokelekele, te tuanyanye bato si baa, bokom'ngba looki, maili na kom'ngba looki siowo am'ngbake bo, yatoka n'kati yabo, ke basiya chande boobo, mo kobeya na koengeleya, engeleya, moisina ya besima ba chese, ke na cheema chachese, ke bitoobotaabo touma ta kotabo bato.
\v 15 Touma siteya tekeye, mon'seke ya fowa, etuanyanye bato si baa bokom'ngba looki na motema omo, ke na motema ya fowa, babunda yo, ke babota touma asimaamo nakoeya motema.
\p
\v 16 Moto ango omo, maili ya kowakanesa n'tala uteengameande mo koiseka yo, n'kati ya kabole, amakotayo kose na itanda; n'ndi ootan'ndi yo kiyo na asima ya bomoeseo, moisina mbele baa bokon'ngeya ba mone liangangi.
\v 17 Bondia mbele, ebuande na bondi siowa aisake, ke yakamba koomoka omtanga, ke ebuande na kaisama si kaa katelekake, ke kakamba koebekana, ke kaandjeka moobandja.
\v 25 Kewenakoena nabo mbele: kowakowa kino kikai yani? Bo nakoiya nakotekateka ke nakosangala, ke bemine nakophiphesana mbele, oni okitaka ya moto ono, owa okoena naiyaba na mophopho mbele ya libane ke yalibana ya litosa we?
\p
\v 26 Bo nakoma mo chese cha Bagelesa, owa emoesane na Galilaya.
\v 27 Aabowa Mbali oselele mo n'seke, wamona boso ande amoome omo wa motanga, waikanga na mesombo ya beya. N'nyanga ya buwa utabataande n'tulu, ke utaikangaande n'kati ya lumba, n'ndi ukangai n'kati ya mabuyako.
\v 28 We naomona Mbali ke waakaya na looki omo, wakeya mo mao mande, ke waena na looki omo, na okeya o mao mande, ke nakoena na looki ya kosaanga: chei chika n'kati ya noo na be, Mbali maana Mokonga ya kiyo? Na bondjabondjake owe bua kotimbesatimbesa noo.
\v 29 Bondia Mbali waengai na mosombo ya beya mbe waomoke n'kati ya amoome sioyo, bondia waikangai n'kati n'su yabuwa; bachungai we mbele okandeke na meelolo bena bima mo mao, n'ndi wamunangai yo, ke waendeseka na mosombo ya beya kowa mo obandja ya iseeseke.
\p
\v 30 Mbali na kophipheya we: lina yabei nani? Te buwe bondia mesombo ya beya ya buwa yaikangi n'kati yande.
\v 31 Ke bandjabondja Mbali iboka m'mbele obuwa koisa bo mo molinga.
\v 32 Aikangi aowo, n'kati ya mokondi, itunda emo ya n'nyama ya n'sombo mbele yokowanga. Ke mesombo ya beya ya kobonjabonja Mbali mbele ban'ngeye n'kati ya n'sombo. We wakoleyangi bo.
\v 33 Mesombo ya beya nakoomoka koa ka amoome si, ya n'ngeya n'kati ya n'sombo, ke yaaya ka beobeo kochubeya mo iyaba na yoose kokpa.
\v 34 Baa balanganga n'nyama komona eya euleye bo, baya obeyo, ke batambesa mosao n'kati ya motanga bana n'kati ya metanga ya angowa ngowa.
\v 35 Bato baya komona eya ya buanyake ba bakama na Mbali, ke basangela amoome siowa oomoke mesombo ya beya, ase mo mao ma Mbali, mbe obate n'tulu, na boyaeli ya fowa; ke baika na bowa.
\v 36 Baa bemone eya eteleke ke basaowa boni eonde moto wa mesombo ya beya.
\v 37 Bato boose ba motanga ya Bagelesa ba bondjabondja Mbali mbele waphange nabo, bondia baikangi na bowa ya ema, Mbali wa kimeya n'kati ya waato ke wasumboka.
\p
\v 38 Amoome si owa mesombo ya beya eomoke nande waomba loosa ya koika nande. N'ndi Mbali nakotoma we, nakoena:
\v 39 sumboka molumba yabe, ke saowa eya yoose Mokonga wateleake owe. Mokosumboka kande, we nakoebesa o motanga itondo eya yateleyake MBALI weteleye we.
\p
\v 40 Mokosumboka kande Mbali wapokeleka na ibamba bondia boose baendeyangi we.
\v 41 Ke monai amoome omo liinande Yailo, waikangi mokota ya bosonganeo. Wakeya mo mao mande, ke wabondjabondja we mon'ngeya molumba yande,
\v 42 bondia waikangi na maana amokali omo waokuweya wa bemo ikomi na ibe we wakpangai. N'nyanga iye we Mbali, wakombeka na ibamba ya bato.
\p
\v 43 Aikangi amokali omo wakooka mokiya bemo ikomi na ibe, ke wamana bisima bande boose mo menganga, buwa ango koonda.
\v 44 We nakula obalu ya maili, ke wabunda n'tungeya ya n'tulu ya Mbali. Mo asima siowo mokiya kooka ke yatunga.
\v 45 Ke Mbali na koena: nani wabundake noo? Mba boa atonanga bato boose, Petele naba baikanga nande na koena nande: moendeli ibamba ya bato bekombe owe ke babunda owe, ke okoeni mbele nani wabundake noo?
\p
\v 46 N'ndi Mbali na koena: moto omo wabundaki noo, bondia neli mbele chekamba chemo chaomokakei n'kati yane.
\v 47 Amokali komona mbele waebekanake, wala botondo yande na kotekateka kokeya boso wa mao mande, ke nakoena booso ya bato boose bondia isina seya ebunde we Mbali, ke boni we onde mo kabeobeo.
\v 10 Baeki, mo kosumboka kabo, ke basaolea Mbali eya yoose ete bo. We na kobunda bo, ke wabota bo kaowa, obalu ya motanga omo eeteke mbe Betesaida.
\v 11 Ibamba yo na koeba ke yaonda we. Mbali na kolengea nabo, ke waena nabo bondi ya bokota ya Mokonga; waondesa kae baa baikanga na n'kasa koonda.
\v 12 Aboa ephane looba koselela, bo ikomi na babe ba bakamea we, ke baena nande mbe: sumbola ibamba mbe yaye mo metanga na mo malumba sima mika aiyeiye, ambe baike na kophana moleli; mondia tika ano mo asima ya obandjala.
\v 13 Mbali na koena nabo mbe: bane mine esai bo moleli. Ke basumbolea we mbe: tika lika na toomoma totano na nfe ibe, alinga kae taaya base mine koowa meleli mondia bato sibano boose.
\v 14 Nayo aikangi na baome koondoonda elefu itano. Mbali na koena na baeki bande mbe: tai bo ase mo molobo ya bato n`kama itanoitano.
\v 15 Bata kae boobo, ke bata boose ase.
\v 16 Mbali na komunda toomoma totano na nfe ibe, ke, wamona na kiyo kowa mo obowa, ke wa liphea yo. Maili ke waekanesa yo, ke waesa baeki mbele baa baanyeye ibamba.
\v 17 Boose beangei ke baikota, ke baiyesa meo ikomi na ibe na maulu si maa mesie.
\v 22 Waena ephe mbele efowei mbele Mana Moto opata ii obaba iboka, waabeke ko bekongo, ke bena mekota ya bekongo kena bakpaloi, waabeke mo kokpa, ke waimoke maili ya n'su isato.
\v 23 Maili ke waena na boose: aikam'mba moto omo waika na n'kasa ya kula maili yane, eka mbele waeke maondi mande moose, ke wabiye liyeka yande n'su yoose, ke waonde noo.
\v 24 Bondia owa weeme koondesa koika kande o limesi yo, n'ndi owa siowa olimesi yo bondia noo, okondesai yo.
\v 25 Isina ya chei ka moto mokopata choose, aikam'mba waseya koika kande ao kolimesa koika kande?
\v 26 Bondia owa okoika na n'soni nane bena maoki mane, mana moto okoikai na n'soni nande, n'nyanga sieya okalawe n'kati ya bokota yande, na owa ya ise na bakitomo baphenena.
\v 27 No koena nino mo liti, bamo si baa bika abono bito okpa ande mbele bitinamoni bokota ya Mokonga.
\p
\v 28 Mo n'su mba chenana maili na we koena maoki si mano, Mbali naobunda Petele, Yoani na Yakobo, ke walinya o mokondi bondia kosombola.
\v 29 N'nyanga si eya asombolanga we, chondi chande chatimbokangai, ke n'tulu yande ya ngala mbele yephuphoke.
\v 30 Ke bona ao, baome babe basaowa nande: aikangi Mose na Eliya,
\v 32 Petele na bina kande ba yemba-yembangai na too; n'ndi, mo bo ko kobesa maiso, bo na ko mona okuku ya Mbali na baome babe ba ikanga na nde.
\v 33 Abowa baome si baekananga na Mbali, Petele na ko ena na Mbali: "Molombia, ephoei mbe teikei abono; teimetchei malumba masato emo mondiya abe, emo mondiya Mose, emo bondia Eliya. Uta ebanga ande tchei tchenanga we."
\v 34 Abowa aenanga boobo, obonge na kula kolindeka bo; ke baeki na kotina mo ko mona bo ko n'ngeya n'nkati ya obonge.
\v 35 Ke mo obonge looki na ko omokoka, na ko ena: "Oono ukai manane waikenya m'ngbai we!"
\v 36 N'nyanga aangbekana looki, Mbali na ko moneka wemune. Baeki na ko libana, ke bita ebesanga ande moto; mo nyanga si eyo, maondi si maa ba monangi.
\v 39 Mosombo na ko n'ngelea we, ke kabeo bewe na koa kaya kaya; ke mosombo na ko tekesa tekesa we, mpuwe na ko omoka nande mo kana ke mo nkanka tamo ko ekana nande, maili ya ko muna muna we.
\v 41 Mbali na ko sombolea bo: "Bane liboti ya metchwe ya talala, bena eni n'nyanga no koikai nino? Waa na mosombe abe abono."
\v 42 Mo ko susa kande, mosombo na ko kelesa we mo nseke, ke na ko tekesa tekesa we. N'ndi Mbali na ko sulea mosombo ya bea si oyo, ko ondesa maana, ke wa esangai we ka ise.
\v 48 Ke na ko ena nabo; owa o koa-koa mo lina yane maana manuke si ono wa akoake noo mune; ke owa wa akowake noo wa akoake owa we tome noo. Bondia owa uka manuke iboka n'nkati ino boose, ooyoi weeme.
\v 49 Yoani no ko sumbola looki, na ko ena: "Molombia, ta monakei amo ome omo mbe o obenga mesombo ya bea bea na lina yabe; ke taekesa kei we, bondiya wa uwande nito asima amo."
\v 58 Mbali na ko timbolelya we: "Makikiliki ma okonda mika na melondo eya bo ko lamanga ko, ena tooni ta kiyo tika na malumba mabo, n'ndi noo mana moto, no buwa bande na asima (boikaneyo) owa yengame nane kota motchwe yane.
\v 62 Mbali na ko timboleya we," moto woose owa watake kaako mo shaleti, eke wa m'mbola kabei maili, obuwa bande owa we engame na ko n'ngeya mo bokota ya kiyo ya Mokonga."
\v 1 Maili ya maondi si mano, Mokolo na naosona baphe baeki nkama motcomoendi, ke we na ko toma bo babe babe boso ande n'kati ya metanga ya ema ema yoose ke n'nkati ya ba paali boose kowa aenymanga we nande omune kia.
\v 2 We na ko ena na bo: "Touma tabua ta teake n'ndi bakonyoi beango we." Sombulai mbe Molombiya Mokolo wa iba wa tome ba nkasi ko konyolea we touma.
\v 4 Ba uwa ko biya tchesima, bua saki, bua bilato, ke ba uwa kosalima moto mo mboka.
\v 5 N'nkati ya lumba sieya yo ko n'ngeya bane enai boso: "Ekai bii waike kio na lumba sieno!
\v 6 Ke aika mbe aowo maana omo wabii uka, bii wino osele leyai we; m'mba iteike boobo, yo sumbokea bane.
\v 7 Ilelayi mo lumba sieyo lika, ke angai na koma eya yoose bo ko esa bane; bondia moto wa nkasi we engamei na ko lipeka, ba uwa n'ngeya n'ngeya ko malumba
\v 8 Nkati ya motanga ya ema siowa yo kon'ngeya bane, ke aabowa opokea bane, angai yoose sieya bokoesa bane;
\v 10 N'ndi n'nkati ya metanga si eya yo ko n'ngeya ane abowa bito pokeya bane, yaaii mo m'mboka si, ke beenei:
\v 11 "Ta tchitcheyake bane ibunge ya motanga ino sieya ika kose ya matindi mito; ebai, mbele bokota ya Mokonga ya alake kowa kino!
\v 12 Na enake nino mo botu siowo lisoni ya Sodomo koangowai engamesana na motanga siono.
\v 13 Tchombo kowa kabe, koladji! Tchomo koakabe, Bethesaida bondia aikenge ba maondi ma kosangalesa simaa meteleke n'nkati ino matelekange n'nkati ya tula ke na n'nkati ya Sidona, nyanga sieno boose ba timbolangai mitema yabo, na ko biya saki ke na moto ya kaya.
\v 14 Mo boobo, mo butu ya lisomi tula na Sidona ko beya kobo ko koangoa ko etea bane.
\v 15 Ke owe Kapalanaume, owe siowa wa bilekanga bena kio, oselelai kose bena asima ya ba kpi.
\v 18 Mbali na ko ena na bo: "Ne monei setani kokea kowa kio m'mba nkoki.
\v 19 Monai, naesake bane bokota ya koenda kio na n'ndjoka ke na n'koto, ke kio na tchekamba tchose tcha m'poki; ke tchesima ango tchemo tchito ko n'ngesa ande ane obaba.
\v 20 Mo boobo ba uwa ko lengeya bondia mesombo kolitosa bane n'ndi lengeyayi mo isina ya maina mino koandikeleke kowa kio."
\v 21 Moo nyanga sieyo emo, Mbali na ko iya na ome na mosombo mosaali, ke na ko ena: "Na lombesake owe, Tata, Mokolo wa kio ke na nseke, bondia ko iseka maondi si mano ko bato ba boeli ke ko bato ba akili, ke na boobo wa komoesa phololo maondi ko baana. Boobo, Tata, na lombesake owe mo ko ema kabe mbe aike boobo."
\v 22 Besima boose ba eselekake noo na Tata, ke ango omo uteliande owa uka maana, alinga omune Tata, ango owa uka Tata ango owa wa uwa maana ke owa lika maana weeme ko moesa we pholo.
\v 23 Ke, wa timbokea baeki, na ko ena na bo lika: "Ome ko maiso si maamo o mona maa mona bane!
\v 24 Bondia no ko ena nino nguma ya balondoi ke na mekota ba emangai komono eya yo mona bane, ke bite mone abo, yo ko n'ngba eya yo ko n'ngba bane, ke bite n'ngba ande."
\v 27 We no kosumbola: "Ko ema Mokolo, Mokonga na motema yabe yoose, na mosombo yabe yoose, na mekuwa yabe yoose, ke na toengeleo tabe toose, ke munakabe m'mba owe omune."
\v 30 Mbali na ko sumbola ophe looki, na ko ena: "Amo ome omo wa selelangi mo Yelusaleme mokia Yeliko. We na ko mwesana na bato ba mesombi, bo na ko toesa we ntulu yoose, bo na ko utchesana nande, ke bo nakia, na koekawe aiye-iye na ko kpa."
\v 31 Maobi wa mafaefi, na koeta kae mo mboka si eyo, na ko mona amo ome sioyo, na ko eta kaowa.
\v 33 N'ndi mosamalia omo, wa ikanga mo ondo na kula aowo, na koiya na tchombo abowa amonanga we.
\v 34 We na ko bakameya we, ke ko kanda kanda mpota yande, na koitea makuta ke na vino; ke we na ko biya we kio na mpunda yande, na kia nande mo lumba ya bato n'so, ke we na kolinda we.
\v 35 Na mpendu, we na ko omola beeya, na koesa motchungi wa lumba, ke na ko ena: "Linda we, ke aika mbe wamana beeya bephe binga, no osumboleyai owe beeya si mo ko sumboka kane aabono."
\v 36 N'nkati ya bano basato nani uka munakande ka owa wa mwesananga na bato ba mesombi?
\v 38 Abowa Mbali wa ikanga mo mboka na baeki bande, bo na kon'ngeya n'nkati ya ka Motanga kamo ke amokali omo, wa etekanga Malata, na ko pokeya bo n'nkati ya lumba yande.
\v 39 Wa ikangai na mana nina amokali, waetekangai Maliya, owa waikanga ase ko mao ma Mokolo, ko n'ngba looki yande.
\v 40 Malata, wa ikangai na mekambo yabua ya lumba na kula ko ena: "Mokolo, uto mona mbele mana omokali we ekeake noo mekambo yoose? Ena nande wale ko sunga noo."
\v 1 Mbali wa sombolangai bôtu ômo asima omo. Abôwa emanéne we, omo wa baeki na koena nande: Mokota, ebesa base kosombola, mba boa Yoani waebesanga baeki bande.
\v 2 We nakoena nabo: "Aika mba bosombola, enai:" Tata! Lüna yabe yalombeseleke; bokota yabe yale.
\q
\v 3 Akesa base kaomona kito ka atchanga tchanga;
\v 4 Meselea base kobea kito, m'mba boa toomeselanga ko basi bo okoseanga base; ka oemangi base kosondjeka mo litchanélo.
\p
\v 5 We na koena nabo ephè: "Aika mba omo wino uka na isawu yande, na waelea komona we mo n'kati ya botu mo koena nandé: Isawu, sombesa-noo mekati isato,
\v 6 bondia omo wa isau yane walaki mo'ondo koikanoo, na nebuane na tchesima tcha koesa we,
\v 7 na aika mo n'kati ya lumba yande; isau yande sieyo na osumbolea we: buwa koesa noo botulungi, molango yakandekake seno, banabane na ane tika mo Itanda, nitengame ane mokoimana mokoesa owe mekati.
\v 8 Naenaki nino, ango boobo uteengame na koimana mokoesa we, mondia ikai isau yande, w'okoimanai moisina ya botulungi ande na koesa we tchose uka na tcho na nkasa.
\v 9 Na noo, naenaki nino: Ombai, na bokoesibane, baphana, na bo opatai; lbeya na boo kandolea bane.
\v 10 Bondia owa okomba okoeselekai na bookandowai ka owa olubeya.
\v 11 Nani n'kati ino ba Ise okoesai we iwe ka manande, aika mba waomba we Mokati? Oa m'mba waomba we mokati, ke waesa we N'djoka asima yo koesa n'fe?
\v 12 Mba, waomaba Iye emo, we okoesi iwe n'koto ee?
\v 13 Aika m'mba, kobea m'mba boa bika baika, beli koesa besaali ko baana bino, milainga isina yaema Ise wito wa n'su yoose okoesai Mosombo ya phenena moba bo koeyaeya nande.
\p
\v 14 Mbali na kobenga Mosombo yaikanga ya kaluma. Na aaboa Mosombo yaomokanga, kaluma na koena, na Ibamba bo na komwaala.
\v 15 Ndi baphe na koene mbele: Ikai ka Balasabula, mokolo wa mesombo yabea, ya we kobenga mesombo.
\v 16 Na baphe, mo kosondja we, na koomba we litchwanyelo emo ya kotoka mo obowa.
\p
\v 17 M'mba boa Mbali weebeleye maenyeli mabo, we nakoena nabo: Bokota yoose yebaanyeke mo yemine ye seameke, na lumba emo kokelea kiyo na lumba ephe.
\v 22 Ndi aika omo wa koetea we mekuwa waomokea we na koetea we mekuwa, we nakobakea we bekenge boose bande wateleanga toengeleo tande bena kobaanya yoose sieya obakeye we besiyasiya.
\v 23 Owa si owa obuwa koika noo uteane ande noo, na oowa uto osanganesa asima amo nane obalanganesai:
\v 24 Nyanga mosombo ya beya ya omokake ka moto, yo nakiya asima ya kokamena, mo ko phana asima ya boomoneyo. Bua kopata ke yaena: No osumboka ii mo lumba yane koa ke omoke noo;
\v 25 na, aboa yo osumboka yo, we na kosangela ya ayelekake na kophenena.
\v 26 Bena boobo yo nakiya, na kobundesa ephe mesombo mo tchomondi ya koetea o na mekuwa; bo na kon'ngea n'kati ya lumba, bo na ko tchumana, na boyaeli ya maili ya moto sioyo yeka beyaii koetea boyaeli ya booso.
\v 27 Nyanga Mbali waenangaiki, amokali omo, na koimoa looki n'kati ya ibamba, koena nande: "ome mo'mbelé ya bilekanga owe! Ome ko mabee manyokeselekanga owe!
\v 28 Nande kosumboleya we looki: ome ndi moba bokongba looki ya Mokonga, na kolitosa yo!
\p
\v 29 Na boa bato baikanga ba buwa, we nako'imowa looki na koena: "Liboti sieno ikai liboti ya bolengi; bo ko omba litchwanelo ya monekeebo; ito koeselekakaé boo ephè litchwanelo komona yo koeteya bemone ya Yona.
\v 31 Amokali wabila lito okaimanai, mo botu ya kophilphéléka, na baome ba liboti sieno bena ko kandékésabo, mondia kotokea kandé mo n'tungéo ya tchesé mo koongba iyano ya Salomona; na monai, ika owa wika kiyo na koetea Salomona.
\v 32 Baome ba Niniva beka imanai, mo botu siwo ya lisomi, bena liboti sieno na bekakandékai, bondia bekalanganyei mo kolondowa kandé Yona; na mona, ika abono owa weeteye Yona.
\v 33 Moto uto'koakanesaande n'tala mokota asima ya kaisama ango kosé ya katini, ndi otai kiyo mo kate kandé, mondia mba bato ban'ngéa bamone masaneyo.
\v 34 Liiso yabe ikain'tala ya okoba yabe. Aika mba liiso yabe ika bosaali, mobe yabe yoose yoosanai; ndi aika mba liiso yabe yaika mo kobeya mobé yabe yoose yokoikai n'kati ya iphue.
\v 35 Ika ii na keba mondiya kosana kabe kebua otimboka iphue.
\v 36 Na aika mba mobe yabe yoose eakane, ko kamba ango emo koika mo iphuè, yo koikai yoose mbe éyakane, mba boa n'tala yo koakanesai owe masaneyo mandé.
\v 37 Nyanga yaenanga Mbali, Mofalisayo omo na koeta we mokiya koanga koakandé. We na kon'ngeya, na koika ko mesa.
\v 38 Mofalisalisayo omoni na limwalesi mowe kokamba kosoola maakoko boso ya koanga.
\v 39 Ndi mokota na koena nandé: bane, ba Falisayo, bane boophènénésangi koandja ya ophata na tcheaso'o, ndi n'kati ino bikai na toengeleyo ta maibi na bo yaeli ya lola ya bolengi.
\v 42 N'ndi tchombo kowa kino bafalisayo mondia bokomolangai mbiso yaikomi motchicha, ya touma, na okitaka yoose ya toani, ndi bitelitose bino angile boa salia na koema Mokonga: Eeyoi yeengame mbele beteyo, koeka maphe ebeyei.
\v 43 Tchombo koakino, ba Falisayo! Mondia beemei tokalanga ta komoneka boso momakumbe ma iyano, na koeseleka itéma asima ya mabongo.
\v 44 Tchombo koakino! Mondia bikai boyaeli mba malundu mito omonékanga, na kiyo namo bokoendea bua koeba tcheatcheka.
\v 45 Omo mophème wa maényeli ma salia na kobundesa looki, we na koena nande: moekesi, mokoéna boyaéli sioyo, ikakai nsénda sieyo o'osenda basei.
\v 46 Nande Mbali kotimbolea we: Tchombo benino kaé, baphème ba salia! Bondia bane bobilésa bato bakumbo balitowa mo kobileka, na bena ango bane mine n'kati ino, bito okokola ango yo na bino monyweino angomo yakaako.
\v 50 Mondia ya ko ombékelekai mo libotéléli siéno mokiya ya batomeki boose yaokanga koandjéa ko makondjékeo ma tchésé,
\v 51 kotokea ko mokiya abeli bena ko mokiya ya Zakalia, okpéléye kiyo moiyango na lumba siéyo; ikai boobo, naénaki nino, yeka ombekai tokenéne si mo libota siéno.
\v 53 Nyanga yeomoke we ao, baandiki na ba Falisayo baimaneyei na koandja kosindékesana nandé na masongo, na koénésa we kiyo ka maondi na okitaka ma okitaka,
\v 54 kotéléa we toteyo, mo kobundésa we na maoki ma koomoka mo kana kande.
\v 1 A abowa asongananga motuka ya bato ba elefu na ba elefu, bena ko sokosesana, Mabli nakoena ko ema na baeki bande: "Moose, efoei kotoka na kotina bolanga ya ba Falisayo, yoi tosendja ta kaisama ta ba Falisayo."
\v 2 Abuwande na bondi ya kaisama, ya kasa koebekana maili.
\v 3 Bondiya moose sieya bokoena mo moiphuwe, mo ko n'ngbekanai ka masani; bena ma n'nkati, mo osaolekai kiyo na motondo ya lumba.
\v 4 Be nino masau nane: Na enake nino: "Betinangi baa bo ko iya mobe ambe bito o kokola kota tchephe maili si."
\v 5 N'ndi noo moesi bane owa bo otina we: "Tinai owa maili wa koiya moto, uka na tchekamba tcha ko m'mbola mo itumbo ya kaya." Na enake nino na liti, tina ooyo.
\v 10 Na kila moto si owa wo ko ena looki bondi ya beya mo isina ya Mana moto, wo omeselekai, n'ndi owa wo osenda Mosombo ya Phenena, wito omeseleka ande.
\v 11 Bekaisai bane boso ya malumba ma makumbe na boso wa bakolo bato na babaa bika na tchekamba, bephanangi mbe bo ko enai boboni ama ko mani maondi, bo ko enai tchei.
\v 15 Wa ena na bato: "Tangeyai n'kasa yoose ya kobulesa beeya, mo isina mbe, ango moto waika na metuka ya beeya yabuwa, koika kande kito otondana ande bondiya kobuwa ka beeya bika nande."
\v 16 Wa ena nabo mombila si oono: "Aikangai na moto omo iphoka, iba yande ya iyangai na meleli ya buwa."
\v 17 Wa enyeleyangai boono ko motema yande: "Nete boboni, bondiya na buwane na asima ya kota meleli yane!"
\v 22 Maili si, Mbali na ko ena na baeki bande: "Mo isina si na enake nino: "Ba buwa kophana kowaza mo isina ya koika kino, bo kowai tchei, ama mo isina ya mebe ino, boobatai tchei."
\v 28 Ke aika m'mba Mokonga woobatesa matunda si maa mika mo iba moono botu, na kom'mboleka mo itumbo ya kaya na m'pendu si, n'ndi wootakai iboka malainga kowakino bane, bato ba kowakowa kaangowa!
\v 29 N'ndi bane bephanangi bo kowai tchei, ama boomai tchei, bena betuwa-tuwangi mbe.
\v 30 Mano moose bapakano ba tchese si tcheetcheno bo ophana kae mo; n'ndi Ise wino weli maa meeme bane;
\v 33 Olesai beya bika nabo, abai mo touwe, ondeyai mateke ma beeya si maa mito osema, m'mbiso si eya ito omaneka ande kiyo: "Kooko moibi wito obakama ande ka, ango nsengi yito oseya ande."
\v 37 Ome ko bakobe si baa mokota woosangela bo ambe bika buwa kolama too, nyanga ya kula kande. Na enake nino liti: "Wookandi mooli mo m'pondjo yande wo opokeyai bo mo bobeleyo, wo koetai boso na bo ambe wooteleya bo mokambo.
\v 42 Wa ena: "Nani ike owa mo imanei mosaali na owa wa weli wotelekake na mokolo wande boso wa binakande, wabaanyeye bo ngano mo n'nyanga si eya yeengamei?"
\v 45 N'ndi m'mba mokobe si ooyo wa ena ko motema yande, Mokota yande wailelake mo kosumboka, bena waikake mo kolubeya binakande na baa ba bamokali, na ko anga na kokoma mo kolewa,
\v 46 Mokota ya mokobe si ooyo wasumboka botu si oowa iteendeye yo na n'nyanga iteli we, wootai we kpaaya na koteleya we bowa yeengame na ko teleka na baa babuwa tchaa asima amo.
\v 47 Mokobe si owa, weli koika kosaali ka mokota yande, n'ndi witekokole kota tchoose moongo moongo, ama witete bowa aakolekanga we, oono woolubekai tonyowa-nyowa tabuwa.
\v 48 N'ndi m'mba owa witeli kophowa ka mokota yande, m'mba wata beteleli ba ko engama na ko lubeka, woolubekai kambu lika kila moto si owa weeseleke iboka, kowakande yo ko ombeki metuka (iboka), nande si owa wa imetchelekanga ko maondi mabuwa, kowa kande yo ko ombekai mabuwa iboka.
\v 58 Mo isina si m'mba waaya ka mokolo moto na munakabe wa bondi, mo m'mboka ta tchekamba wekokola komana bondi na koekeleka nande, bondiya wa buwa ko pholota owe boso wa mokobe wa lumba ya kobuka maondi. Wite m'mbolangi owe mo lumba ya iphuwe.
\v 59 Na enake nabe, utokoomoka abe kooko, alinga wa ombola beeya.
\v 1 Mo n'nyanga si eyo, ke bato bamo boono ba luleyangi Mbali, ba saoleya we mosao ya ba ba Galilaya si abo, baa Pilato wa phfuleyanga mekiya yabo na mafaefi mabo.
\v 2 Mbali wa sumbokeya bo looki: "Beisei m'mba ba Galilaya si babano-i ba ikanga bato ba beya ko longeya baphfe ba Galilaye boosei, bondiya mbe bamusangi iboka-i?
\v 6 Wa ena mombila si oono: "Moto omo wa ikangi na kate, kalekelekangi mo iba yande ya touma tosaali; we na kula kophfana touma ta kate si, ke utasangelanga ande ango kamo.
\v 7 We na koena na moleki wa iba: "Mona-e: Kolinga bemo bisato naalake kophfana touma ta kate si kano, eke n'temone-ane. Buka ko: "Mo tchei (kate si kano) ko omona tchekamba tcha n'seke?
\v 10 Bosu ya koomona ka Mokonga, Mbali wa ikangi ambe woofundisa n'nkati ya luma ya bosonganeo omo,
\v 11 aowo aikangai na amokali omo owa mosombo ya beya yatanga iwe na tchelema kolinga bemo ikomi na tchenana; weikangai ambe weondame, buwa ko kokola konanoka ango kambu.
\v 12 Mbali wa monangai we, waeta we, wa ena nande: "Owe amokali, wa toeselekake tchilema tchabe."
\v 13 Wateleya we maako mande, we na konanoka moo, we na ko lombesa Mokonga.
\v 14 Eke mokolo moto wa lumba ya bosonganeo wa mona kobeya, bondiya Mbali waondesakei we bosu ya koomona, we na koena na bato si baa basongananga: "Ika na n'nsu motoba ya kota mekambo, n'ndi waai baondese bane n'su sieyo, buwa bosu ya ko omona."
\v 18 Maili Mbali wa ena: "Bokota ya Mokonga yetuanyanyi na tchei? Noo tuanyanyesai yo na tchei?
\v 19 Yetuanyanyei na kauma ka Haradali: "Moto wa tombang ko, waleka ko n'nkati ya iba yande kakonda, bena koika kate ka ema; toyoni ta kiyo taesa ma lumba ko metabe yande."
\v 20 Wa ena ephfe: "Bokota ya Mokonga yetuanyanyei na tchei?
\v 21 Yetuanyanyei na mote ya kouwesa n'keke ya mekati: Amokali wotomba to, wata to n'nkati ya tolenge-lenge tosato ta n'keke bena bowa to kouwesa n'keke."
\v 22 Mbali na ko bulesa n'ndo yande kiya Yelusaleme, wa eta mo n'nkita na tometanga tango tango na ko fundisa bato.
\v 23 Moto omo wa phfiphfeya we: "Mokolo, bato baa bekabowa bo bikai kakolokoloi?" Mbali na ko sumboleya bo:
\v 24 "Tai tchekamba mo ko n'ngeya n'ndi bito okokola ande."
\v 25 Mokolo wa lumba ambe wa imokake seno na kokanda molango, bale bo ko imanai koanja, boolinganai na kokonga molango na ko ena: "Eee Mokolo, lindoleya base! N'ndi we wo osumboleyai bane: N'teli bane batokaki koni.
\v 27 Nande wo ko enai nino ephfe: "N'teliane bane batokaki na koni, yaai kpaaa nane, bane boose batanga mabeya.
\v 28 Kooko ko koikai koeya maisoli na kofunga man'nyo, mo ko mona kino Abalayama na Isaka na Yakobo, na batondoli boose, ko bokota ya Mokonga, nino bane mine ba m'mbolekake koandja.
\v 29 Na baphfe bato bokulai kotoka motchwela na moela, na mokanda na lito, na koika ko mesa ko bokota ya Mokonga.
\v 30 Na monai: "Bika na babaa ba n'tungeo bekaikai ba boso, na babaa ba boso bekaikai ba n'tungeo."
\v 32 Yaai beeni nande bokulai: "Monai, moono bosu na m'pendu na bengeleke ba Satana, na koondesa bato na bosu ya isato na maneke mekambo yane.
\v 33 N'ndi eengami nane koendeleya n'ndo moono bosu na mpendu na n'su ya maili, bondiya iteengame ande motondoli baiye we kaowo na Yelusaleme.
\v 34 Eee, Yelisaleme owe wo koiya batondoli, na ko lubeya mawe baa betomeke kowa kabe! Mala inga naemanga kosonganesa bana babe m'mba nina n'koko wo songanesa bana bande kose wa maphfaphfu mande, n'ndi beekei.
\v 35 Monai, lumba ino yo otchitchanekai kowa kino buwa bato, noo naenake nino: "Bito omona kae noo ephfe, bena n'nyanga yala bekaenai: "Wa liphfeleke owa wokula mo bina ya Mokolo."
\v 1 Koika bosu omo ya ko omona, Mbali wa n'ngeyangi mo lumba ya mokolo moto omo wa ba Falisayo, waange moleli, ba ba ikangi na koamba we iboka.
\v 2 Ambe moto omo wa oso ya mesolo koiya na maale waikangi boso nande.
\v 3 Mbali na kosusa bakama na babuki ba maondi na ba Falisayo, waena nabo: "Eee, ika na kowakoleka mo koonda moto bosu ya ko omona, ama iyani?"
\v 4 Bo na ko ibana. Ke Mbali wa bunda oyo moto, wa ondesa we, waeka we mbe waye twhande.
\v 5 Maili si wa ena nanbo: "Nani akati wino, m'mba mana ande ama n'ngombe yande ya tchubeyake mo kasowe ke wa kamba ko ondesa we ango mbe ika bosu ya ko omona-i?
\v 12 Eke Mbali na ko ena na owa weete we: "Aika mbe wata tchembe tcha looba ama tcha iyo, buwa koeta ango masau mabe, ango bana ba n'tchoko, ango tchebanda tchabe, ango baa bika bakama nabe maphfoka, bondiya mbe bo kae beengame na koeta kae owe boobo, iki mbe bo sumboleakai owe.
\v 13 Mba wata tcheombe, eta touwe, bato ba bilema, baa bekpe mao, baa bekpe maiso;
\v 14 bena owe wo koikai na ome, bondiya mbe bo, ba buwande na tchesima tcha ko sumboleya owe; mo isina mbe wo o sumbolekelekai bosu ya ko imoleka ka bato baa baikanga na tchembo na bato."
\v 15 Omo n'nkati ya baa baikanga na Mbali ko mesa, aabowa wa m'ngbanga we maamo, wa enangi nande: "Ome moto si owa wekaanga moleli mo bokota ya Mokonga."
\v 18 N'ndi boose mao kota moongo-moongo, kila omo waombe limeseli. Wa boso boso. Wa ena nande: "Naowaki iba, eengami mbe niye ko mona yo; na ombake owe limeseli."
\v 21 Mokobe si ono, wa sumboka na ko ebesa mokota yande maondi si amo. Eke oyo mokolo wa lumba wa ika na lisomi ya buwa, wa ena na mokobe wande: "Omoka kabeyo-beyo, wiye mo m'banja na m'mboka ya motanga, wiye ko n'ngesa baa bika touwe, bato ba n'so na bakpi ba maiso na bakpi ba mao.
\v 23 Oyo Mokolo na ko ena na mokobe si ooyo: "Omoka, wiye mo ba balabala na ko mophoko ya ma lumba, wiye ko kobesa bato ba 'ngeye lumba yane ya engame na koiya."
\v 24 Bondiya na enake nino: "Ango omo wa abo bato baetekanga, wito osonja ande tcheombe tchane."
\v 25 Bosu omo metuka ya bato babuwa ba ikangai na ko onda we, Mbali wa timbokeya bo, wa ena nabo:
\v 26 "Moto waba kowakane, ambe wite eme noo ko longeya ko ema ise na nina, na mokala ande na baana, na bana ba nina baom na bamokali, na ango mobe yande omune, uto koika ande moeki wane.
\v 27 Moto woose si owa utebiye liyeka yande omune na koonda noo, uto koika ande moeki wane.
\v 28 Mo isina mbe nani akati wino, wa ema koesa lumba, ambe utinaike kasa mo komona oketi ya beya m'mba yo o kokolai komana mokambo.
\v 29 Iteikangi mbe wakombeyaki komana koesa, m'mba wa linga koesa maango, na boose baa boomona boobo baanja ko lengeya we mo boseke,
\v 30 ambe bo ko ena: "Moto si ono welingei koesa, wa kombeya komana."
\v 31 Ama oni mokota ya ema kiya koesa bita na mokota ophfe, wakanga owa wooluleya we na ba sola elefu n'nkama ibe?
\v 32 Wite kokole, n'nyanga si eyo ambe wika kpaaya, wootomai mekendi na ko omba ko m'ngbesana na bii.
\v 33 Boobo kae m'mba kila omo wino, owa wito ko ekea boose si eya uka nabo, uto koika ande moeki wane.
\v 34 Moo ikai tchesima tchesaali; n'ndi moo emine m'mba ya seama, yo ko m'ngbanai na tchei?
\v 35 Ya buande na isina, ango mo iba, ango mo ileya, bato bo ko m'mbolangai yo koanja. Owa uka na matu ma ko m'ngba, wa m'ngbe.
\v 4 "Oni moto akati wino, m'mba waika na mekoko miya," "walimesa omo, buandé okoekai éno-ephe n'kama abowa na abowa mo chékpakonda, mo kiya kophanésana na owa omo aliménanga, mbe walingaseno komona yo i?
\v 5 Akosumboka kandé ooyo, wootai yo na ome mo bétuli bandé,
\v 6 mo kosumboka kandé mo lumba okoétai masau na bénakandi ba boikanéo, na koena nabo: "lengeyai asima-amo nane, bondiya namonekei mokoko si owa ane yalimenanga."
\v 7 Naenake nino, mo boobo kaye, ékaikai na omé kowa kiyo mo isina ya moti wa kobeya omo owa wakalanganyake, kuliko mo isina ya bapheneni n'kama abowa na abowa si baa babuwa na n'kasa ya kokalanganya.
\v 22 N'ndi Ise na koena na bato bandé ba mokambo" "Waai kabéo-béo na n'kanjo ya fowa iboka, batésai we yo, batésai we kambete ko monyewe, na bibato ko mao."
\v 28 We nakoika na obaba ya éma, na koeka kon'ngéya mo lumba. Ise na koomoka, na kobonja-bonja we ambe wan'ngeye.
\v 29 N'ndi we na koena na Ise: "Mona iboka ya bemo si béya natéléake mono owe mékambo", buwa komuna ba angile babe, witéése ango noo kana ka m'mboli ambe nelengee na bina kane.
\v 30 N'ndi mo kosumboka ka manabe owa wemane beeya babe mo koenda-enda na méonja, waiyéléake we maana wa n'ngombe wa konona.
\v 1 Mbali na koena éphe na békibandé: "Moto omo waikang na béya ba buwa we nakoika na mobundi wa bééya sibéibo, mobundi wa bééya na koabéléka kobéya mbele wooséyanga bééya mo chititi."
\v 8 Mokota yandé na kolombesa mobundi wa bééya ango bowa witaenjekanga mékambo a bééya ango bowa witaenjekanga mékambo bosaali, bondiya baana ba bé mo si béno bikai na wéli ya buwa kolongéya baana ba boso.
\v 9 Eke noo, naenake nabe: "Ikai Ta masu na maphoka ma chichiti, mba n'nyanga si éya ékamanéka bésima ke bachumanésa bane mo boikanéo ya bii wa kokamba ntungéa."
\v 10 Moto si owa uka na koenjéka bosaali mo tosima tabgo-tango, okoika-kai mo bésima bepheme na owa uka na chichiti mo tosima tabgo-tango, ookamba kai koonganya bésima babuwa.
\v 11 Aikambe witaébanga koongonya mo koimanéa bééya ba chititi, oni ophe wéka akoléa owe mo bésima bandé ba liti?
\v 12 Eké m'mba utaébanga koimanéa bésima ba binakabe, nani iki wkaésa owe béya babe owe omune?
\v 13 Mokobe omo witééngame andé kobunda ko mékota ibé. Bondiya woosékai omo ke waèma owa ophe, ama wooliama Wootangani na omo kochichana owa ophe. Witokoenga ma abe na kotéléa Mokonga asimamo na ome.
\v 4 Aikambe watéléya owé kobéya, ango mala mochoméndi mo botu omo, éké mala kowa kabe mila mochoéndi na koena: "Nakalanganyaké, wééngamei na komeseleya we."
\v 6 Mbali na koena: "Béikanga na koakoa m'mba kouma ka mutarde, ambe bééngame koema na kati si kano mbe kutoka, na kochubéya mo iyaba; ambe kinalitési bane.
\v 7 Nani akati wino, waika na mokobe owa woophuanga n'séké ama mochumngi wan'nyama, éké wééngame na koena nandé aùbe watokake ko maba: "waa aabono kabéo-béo, chumana mo boléléyo?
\v 20 Ba Falisayo na kophiphéya ka Mbali éni n'nyanga ékala bokota ya Mokonga. We na oena nabo: "bokota ya Mokonga itokula-andé mo boyaéli ya komoneka phololo.
\v 27 Bato baikangi na kowa, baikangi na koma, basongangai na kosongeleka, na kosongesangi bana babo, be na botu i owa eingeye naa waato (masua); n'njoo na kula, yo na komana boose (kosengesa chiise).
\v 29 N'ndi botu si owa loti weomoke mo Sodoma, m'mbuwa ya kaya na mophopho nakotoka kiyo, na koseya choose.
\v 30 Ekaika-kai boobo mo botu si owa ékabuanya Mana Moto.
\v 31 Mo botu si oowa kiyo na lumba, eke ambe besima bandé bika nkati ya lumba, witooselela andé mo kotomba bo, an owa wekaika mo iba witoosumbokanya-andé na maili éphe.
\v 37 Baéki na koena nandé: "Ani asima ékaiko yo mokolo." We na ko ena: "Asima ika chéliyo, aowo kai oosongamandjo tayoni topheme ta chékamba, toobiyangi nayma bé na bato."
\v 11 Mofarisayo, koimana, koanja kosombola mo omune: "Oo Mokonga, na sumboléake owa kelékélé bondia na buwane m'mba baphe bato, bikai babakei, bato ba bokambe ya liti, bato ba malemba, sawa m'mba molipési wa manjanja si oono;
\v 13 Molipési wa manjana, na koimanésana gbaaya, buwa ango koena koyayowa maiso mo obowa; n'ndi we na kolubeya-lubeya m'mbele, na koena: "Oo Mokonga, m'ngbeya noo chombo, nikai moti wa kobeya."
\v 29 Na Mbali na koena nabo: "Naenake na liti nino abuwandé na moto si owa, wéchechane mo isina ya bokota ya Mokonga, lumba yandé, ama mokala andé, ama bandé ba nina bqome, ama baboti bandé, ama bana-bane,
\v 31 Mbali na kota baeki ikomi na babé bakama nandé, na koena nabo: "Monai, toolingai mo kiya Yelusame, na maa moose maandikélékangai na baéki ba boso mo isina ya Mana moto mokoiyanai.
\v 5 Abowa Mbali wa komanga mo asima si we na ko imowa maiso kiyo ke na ko ena nande: "Zakayo, selela ka beyo beyo; bondi ya eengami nane koika moono botu mo lumba yabe."
\v 8 N'ndi Zakayo, na ko imana boso wa Mokolo, na ko ena nande: "Mona, Mokolo, na ko aba mo touwe botuku omo ya besima, ke aika m'mba na ko seangi moto mo isina ya tchesima tchemo, noosumboleyai we mala ina.
\v 14 N'ndi binakande ba sekangai we ke bo na ko toma moenei wa bo omo kowakande mo ko ena nande: "Titeme bito ambele moto si oono wa imane mokota kiyo nito.
\v 15 Abowa esumboke we, maili ya ko moeseleka ka bokota yande, we na ko eta baka nande bato bande ba mokambo baa weabee bo beeya, mo, isina ya ko eba boni kila omo wabo weyongese.
\v 17 We na ko ena nande: "Bosaali motumiki wa phowa; bondiya wa ikangai tchaa moto wa besima tango-tango, tomba looka ya ko endesa metanga inyango ikomi."
\v 22 We na ko ena nande: "Noobukai bondi yabe mo ko ondesana na maoki mabe, moto wa mokambo wa beya: Kotombe eyaitesiye noo, na ko konyowa eyaiteleke noo.
\v 29 Aabowa akomanga we bakabaka na Betafange na Betania, mo mokondi ya bilaya, Mbali na kotoma babe ba baeki.
\v 30 Na ko ena mbe: "Yaai mo ka motanga kango si kaa kika boso, aabowa yo ko n'ngeya bane moyo mo osangeli mokali ya m'mponda yekandeke, kiyo na owa moto ango omo uti na linyei moande yo: "Kandowa yo belulei noo na yo.
\v 31 Aika m'mba moto omo wa phipheya bane bondi ya tchei yo o kandowa bane yo?" ba sumboleya we: "Mokolo uka na n'kasa na yo."
\v 32 Baa betomeke na kiya, bo na kosangelo maondi bowa Mbali weene na bo.
\v 37 Ke aabowa ya bakameyanga bo Yelusaleme, mo kosela ka mokondi ya Bilaya, nguma yoose ya baeki, na koiya na ome, na koandja kolombesa Mokonga na looki ya kiyo mo bephango boose si beya bemone bo.
\v 44 Booseyai owe, owe na bana babe n'nkati yabe, ke bito osiya abo n'nkati yabe iwe kiyo na iwe, bondiya uta ebanga abe nyanga si eya bile ko mona owe.
\v 9 Waika mokoena na bato mombila siono: Moto omo wa leka touma ke waesa ba tangani, waya n'nyanga ya eya kpaaya.
\v 10 N'nyanga ya okonyowa, watoma moto omo wa mokambo kobatangani, mbe baese we kambu ka touma. Ba tangani na kolubea we, ke basumbola we bua tchesima.
\v 21 Munakato baphipheyangase we: molombiya, telimbe okoena na komoesa bato liti, utoomona abe boyaeli ya bo, n'ndi oomoesa bo m'mboka ya Mokonga mo liti.
\v 46 Tinai! Buai otamba, bakpaloi ba baangile, beemi koenda na n'tulu ya emaema, bemi kolitoseleka asima yoose. Boosona asima ya boso n'kati ya etanda, mo koanga kae boose.
\v 7 Bephipheyei we: "Moalimo, eni n'nyangai eeyo ekata, ke na eni n'nembe eka ebekana mbele maondi si maamo mekalai?"
\v 8 Mbali wa sumbola: "Tanganai mble bite keselekangi isina mbe ba buwa bekalai na lina yane, ko ena: "iki noo, ke n'nyanga yo osusa." Buwai ko onda bo.
\v 9 N'nyanga ekan'ngba bane ko ena bondia bita na kotomboka, buwai ko tina, bondia eengamei mbe maondi si mano male boso boso. N'ndi iteka iki bande n'tungeya.
\v 11 Ekaikai ko n'yengenya ka ema ka nseke, ke, mo beikaneo ba buwa, nso bena ndja; ekaikai na maondi mabeya iboka, bena n'nembe ya emema ya obowa.
\v 12 N'ndi, boso na eeyo yoose, bekaiyai bane, bekamoesai bane maobi; bekaabai bane mo beikaneo ba lisomi, beka mbolai bane mo lumba ya moololo, bekaisai bane boso ya mekota na boso ya bakolo bato ba metanga, mo isina ya lina yane.
\v 21 Na boobo, ekaimbe baa bekaika mo Yuda baye m'mbeyo ko mekondi, ekai mbe ba bekaika n'nkati n'nkati ya Yelusaleme ba omoke, ke baa bekaika ko maba biten'ngeyangi n'nkati ya motanga.
\v 22 Bondia ekaikai nsu ya kasomeya, mo ko iyanesa eya yoose eandekeleke.
\v 23 Tchombo ko bamokali si baa bekaika na maeme bena baa bekanyokesa mo nsu si eeyo! Isina mbe ekaikai obaba ya ema mo tchese, bena kasomea ko bato.
\v 24 Bekakpai kose ya kabusu kaotchwa, bekabilekai bakobe mo bese boose, ke Yelusaleme we kakpotekai ko mao ma bese, bena aboa n'nyanga ya bese yekaengama.
\v 25 Ekaikai na n'nembe n'nkati looba, n'nkati ya meeli bena n'nkati ya n'keni n'keni. Ke kio na nske, ekaikai na omusi mo bese bea bite ka eba bate tchei, mo lokendi ya iyaba na n'ngumba,
\v 34 Tanganai bane mine, ko tina mbele metema yino yiteseamangi na bondolo ya koanga bena ya koma, na toengeleo ta tchese, ke mbe botu si oowo italangi ko tchokosa owe;
\v 35 bondia ekaikai m'mba osaka kio na baa boose betchumane mo tchese.
\v 36 Tanganai ikei ke sombolai n'nyanga yoose, mbele beiki na tchekamba tcha kolongeya ko maondi moose si maa mekala, ke beimanesanei boso wa Mana Mokonga.
\v 37 N'nyanga ya looba, Mbali wa fundisangai n'nkati ya lumba ya bosonganeo, ke wa yangai ko etesa botu ko mokondi si owa ya etekanga mokondi ya ba Olive.
\v 38 Ke bato boose, na m'pendu yoose, bayangai koa kande n'nkati ya lumba ya bosoganeo mo ko n'ngba we.
\v 7 Ke, we nakon'ngba mbele waikangai mo n'tuka ya Elode, bika kae kowa Yelusaleme mo n'su seya.
\p
\v 8 Aabowa Elode wemone Mbali, waikangai na ome ya ema; bondia waikango na n'kasa ya komona we, moisina ya eeya ya n'ngbanga we koena mo isina yande, ke waika na kayeli mokomona we kata bephfe bephfembe.
\v 9 Waphfiphfeya we iboka; n'ndi Mbali utesumboleande.
\v 10 Bakolo baa baabi ba mafaefi baikangi aayo, ke baeneya we baondi iboka.
\v 11 Elode, asimaamo na batangani bande, bateleya we maondi na kophfenda ke, maili nande kophfendeka kowa kande ke nakobotesana n'tulu ya koketi, wasumbola we ka Pilato.
\v 12 Otu si owo omo, Pilato na Elode baika isau, baikangai n'poki boso.
\p
\v 13 Pilato, wasonganesa bakolobato baa baabi bamafaefi, babuki bamaondi, ke na ibamba, waena nabo mbele:
\v 14 Bauleyake no na moto sieno m'mba owa oosokowa bato kota iyeya. Ke mona, naphfiphfeyaka we boso nino, ke nite mone aango kobeya ango komo mo eeya yoose baeneyake we:
\v 15 Ango Elode, moyoi yetomeye base we, ke mona, moto sieno uteteande aangoomo siowa enga, e nade mokokpa.
\v 20 Pilato waena nabo ephfe, mon'kasa ya koekeleka ka Mbali.
\v 21 Ke baakaya: Iya We iya we mokota! Wakpe mo liyeka!
\v 22 Pilato waena nabo mala isato mbele: Koni kobeya katake We? Nitemone angoane angoomo kowakande ya kpoka. Nakoekai we maili nande kolubeka kanyowanyowa
\v 23 N'ndi ba basowa kakololo, mbele wakpe ikiande mokota. Ke lokendi eteya iki we:
\v 24 Pilato wana mbele eya yokenabo yotelekai
\v 25 Waeka owa mokandeki wamololo, noseyi, ke moiyi, ke baomba mbele; ke yaaba Mbali mo kokpa mo tsheema tshabo.
\p
\v 26 M'mba boza baayanga nande, keba babundesa moto omo Simona wa Kirene, watokanga tchande moiba, ke babilesa we liyeka, mbele wa wauneye l Mbali mo kobiya liyeka.
\p
\v 27 Ibamba yaondesanangai nande, naba m'ma si ba balubananga mo n'seke koeya bondiya ande.
\v 28 Mbali nakom'mbola kabei maili koba m'ma siabo, ke waena mbele: Meseka buwai koeya no; n'ndi eyai bondia ino na bana bino.
\v 29 Bondiya mona, mon'su ya maili bekaenai mbele: Ome kaowe moomba, ome momeso sieya itebote, ke namabe siowa itenyokese!
\q
\v 30 Na bobo bekaenai na mekondi mbele: keleya base! Na mekondi tangotango: lindeka base!
\v 31 Bondia, aikam'mba batange mo kate ka m'mbesi, yokoiki boni mokate ka kokakasa?
\p
\v 32 Baendesangai n'nyanga sieyo emo bato babe babeya, baa baengamanga mo kokpa na Mbali asimaamo.
\p
\v 33 Aabowa akomangabo mo asima siowa eeteke mbele asima ya mekuwa ya moshwe, bata we moliyeka aayo, na bato si baabo babeya, omo mo kali, ephfe mo ilome.
\v 35 Bato baikangai aowo, mo omona. Babuki ba maondi bamonangai we bule, bana mbele: waondesangi baphfe; waondese wemune, aikam'mba uki Kilisito, mosoneki wa Mokonga!
\p
\v 36 Basola kae batawe boketcha; ba bakama ke bamoesa we maalu ma kolola,
\v 38 Yaikangi kiyo nande kokpaloka omo mbele: oono uki mokota ya Bayuda.
\p
\v 39 Moti wa kobeya omo sioya waikanga mo lieka na kosenda we, nakoena mbele: buwa oyei uka Kilisisito? Ondesa a owe mune, ke nito kae!
\p
\v 40 N'ndi owa ophfe na koena nande mbele: Utotina Mokonga, owe siowa uka na bekpeli mokoika kabe?
\v 41 Bondia base, motcha, bondia topata eeya yeengamanga nito mo kolisesa bato: n'ndi oono utete ango bondi ango omo ya beya.
\v 42 Ke waena Mbali mbele: wakalanganya ango noo, aabowa wekala mon'kuku yabe ya bokota yabe.
\p
\v 43 Mbali na koena nande mbele: naenake nabe liti, moonobotu tikanabe o motanga ya Paladiso.
\p
\v 44 Yaikangi iki n'nyanga ya motoba, ke iphfuwe yan'ngeyaiki mo cheese tchetondo, bena mo n'nyanga ya abowa.
\v 45 Looba yaika iki iphfuwe, ke n'tulu ya lumba ya Mokonga na yaasoka iki n'kati na n'kati.
\v 46 Mbali na kowakaya na looki ya sanga mbele: Tata, na sumbolake mosombo wane ko maako mabe. Ke, ke nakoena maoki si maamo, wabukaiki motema.
\p
\v 47 Batangani na komona eeya yalake, balombesaiki Mokonga, ke baena mbele: liti menemene, moto siono o waikangi moto wa tchaa.
\v 48 Ke baa boose bauneya ibamba mo bondi si, maili yakomona eeyo yalanga, bo nakosumboka mbele bolubeya m'mbele.
\v 49 Baa boose baebangai Mbali, ke na bamokali siba baondesananga nande kolinga Galilaya, baimanangai mo kpaaya ke bamonangai eeya yaetanga.
\p
\v 50 Yaikangi na moesi wa iyano omo, nali ande Yosefa, moto mosaali ke wa tchaa,
\v 51 Utaikangaande asimaamo mo maondi mabundanga bo, ke mobeteleli naba baphfe; waikangi moto wa Alimatai, motanga ya Bayuda, ke waendeyangai bokota ya Mokonga.
\v 52 Moto sioyo wayaki ka Pilato, ke waomba mobe ya Mbali.
\v 53 Waselelesa we mo lieka, wakomba we na molekani, ke waya koleka we mo buyako omo endjekeleke na mawe, kowa aikanga mbele moto angoomo unateleki kooko.
\v 54 Yaikangi osu ya konyeka, ke na sabato mbele wome kokondja.
\v 55 Bamokali si baa biye mo Galilaya asimaamo na Mbali baaya na Yosefa, mo kiya komona buyako ke koeba oni boyaeli mobe ya Mbali yalekelekanga.
\v 56 Ke, basumboka, ke baendjeka mekomba ya iyesi. Ke bo na komona n'su ya sabato, koondesana nangile.
\v 12 N'ndi Petele waimanangai, ke waololoka mo buyako. Watomenya, n'ndi wemonei lika melekani na n'tulu, wasumboka mokoengeleya n'kati yande eeya yebuwanye.
\p
\v 13 Mo osusiowo mene, babe babo bakpatolangai kiya ko motanga ophfe kpaaya na Yelusaleme m'mena n'kama motoba, lina motangasi aetekangai Emausi,
\v 14 Baenesanangai moisina ya maondisi momaamo moose mebuanye.
\v 15 Aabowa aenesanangabo ke baphfiphfesana, Mbali omune mene wena kobakameyabo ke wakpatolanabo m'mboka emo;
\v 16 N'ndi maiso mabo makeselekangai koeba we.
\v 17 Waenangai nabo mbele, bokoenesana mani maondi ano ookpatola bane ondo? Basikamangai mobendi ba tchombo.
\p
\v 18 N'ndi omo n'kati yabo, linandei Keleopa, weenei nande mbele, n'ndi mbele owe munei uka moeni omotanga siono ya Yelusaleme, mo maondisi mano maomokake mokokamba koeba?
\p
\v 19 We nakoena nabo mbele, mani maondi? Bo nakosumboleyawe mbele, mo maondi memone Mbali wa Nasaleta, owa waikanga motondoli wa maondi ma tchekamba na mekambo ke maoki boso na Mokonga ke boso na bato boose.
\v 20 Meekeli ya emeema na mekota ito belinyese we moliyeka mokokelesa we mokokpa, ndi moliekai belinyesewe.
\v 21 Basei taikanga na toweli mbele wei okula koondesa Isalaele. N'ndi kae kiyo na mano moose, moono botu ikai botu ya isatu mayili ya maondi si mano.
\v 22 N'ndi baphfe bamokali n'kati ito basangalelesake base. Beyei kowa mo buyako na m'pendu yoose mene,
\v 23 N'di bitamonangaabo tcheliyo tchande, mokosumboka kabo ke basaowa iki, komona kamonakebo, bakitomo baebesabo m'mbele Mbali uka nakoika.
\v 24 Bamo ba bato bito biye kai moliyeka basangela kaye m'mba bowa eene bamokali, n'ndi bondi ya Mbali, bitemoneandewe,
\v 32 Baenesana mbe, aabowa okoenesanangase nito mom'mboka ke kokandoleyabase maandiko, metema ito yabuwasekae na tchekamba?
\v 33 Taimanaiki mon'nyanga sieyo mene, ke tasumbokaiki mo Yelusaleme, ke tasangelaiki bayeki ikomi na omo mbele bika asimaamo na baa baikanga nabo asimaamo.
\v 34 Baenangi mbele, Mokolo waimokake liti ke wamoesanakei na Simona.
\v 35 Bo kae baebesa maondi meomokeye bo mo m'mboka, mba bowa baenesanake na Mbali moisina ya mokati.
\p
\v 36 Aabowa aenesanangabo maondisi, Mbali we omune waomokeyaiki bo, kewaenaiki nabo mbele, bii waiki n'kati wino!
\v 37 Ban'ngbaiki bowa, ke batinaiki iboka, na maenyeli mbele bamonake ikiyo.
\v 39 Monai makasa mane ke mao mane mbebeebi mbele noo ono mene. Bundai noo, ke mona, bondiya mosombo yobuwande na menuku ke mekuwa, m'mba bowa bamonake mbele ika kowakane,
\v 40 Aabowa etungesewe koena boobo, wamoesa bo makasa na mao mande,
\v 41 Baikangai na ome n'ndi na meyango, ke nakosangala, ndi waenangai nabo mbele, bebuwa na tchesima tcha kowanga aabono?
\v 42 Bo nakoesa we n'phfe yakoekeleka mo kaya,
\v 43 Ke wabunda yo, waangayo boso nabo.
\p
\v 44 Waenangai nabo mbele, eeno ikai maondi naenesananga nino, mbele nekaikai nino asimaamo, mbele eengamei na maondi moose meandekeleke mobangile ba Mose, naba tondoli na n'ngembo, mosina yane maiyane.
\v 45 Maili ke wakandowaiki metema yabo mbele bafofowe matina ma maandiko,
\v 46 N'ndi waenangai nabo mbele, yaandekelekakemoo mbele Kilisito omonai obaba, ke okoimokai kobakpi maili ya n'su isatu,
\v 47 Kembele kotimbola metema na komeseleka kobeya, ya londolekangai bondiyande ke lina yande momephfindi yoose, kolinga mo Yelusaleme.
\v 48 Bane bikai baphfololesi bamaondi si mano.
\v 49 Ke monai, noo nootomeyai bane eeya Tata weene mbele okoesi bane yo; n'ndi bane ikai omotanga benaabowa okoiyeseleka bane na tchekamba si tcheya tchootokakiyo.
\p
\v 50 Ke Waendesangaibo bena Betaniya, ke wayayowa maako mande na kiyo, ke waliphfeya bo.
\v 51 Aabowa weliphfeye bo, ke waekana na bo, walinyaiki kiyo.
\v 52 Besumbokei mo Yelusaleme naome yaema,
\v 53 Baikangai n'kati ya lumba ya Lisemoli, n'su yoose mbele bo bolombesa Mokonga.