\v 17 Kiek ebenwek tugul taman ak ang'wan kong'etee Daudi agoi kamutet ne kigimut biko koba Babulon, ak kiek ebenwek taman ak ang'wan, kong'ete ng'emut koba Babulon agoi Kristo.
\v 18 Sigetab Jesio Kristo ko kibiit eng oret ne u ni. Kingo kagochamyechi Josep Kotungei ak Maria kametab Jesio, ko kingo tomo kotuiyo, kotook kele managat inendet eng' Tamirmiriet Ne Tilil.
\v 19 Ako kimoche Josep, sandenyi, kole kobagakta eng' ung'ot amu kima cham kotewer inendet eng' taitab biko, amu ki chi ne bo imanda inendet.
\v 20 Ago kingoto kobwati tuguchuto, komongji inendet malaikaiyatab Kiptaiyat eng' karuotitoet, kole, "Josep weritab Daudi ameiywei imutyigei Maria chepyoseng'ung' amu managat inendet eng' Tamirmiriet Ne Tilil.
\v 8 Kiyokto koba Betlehem ak kileji, oba ocheng' komie lekwet ne mining. Ng'o kaonyoru inendet obka omwowo si anyo agane akutungji inendet."
\p
\v 9 Ak kingo kagogas ng'alegab laitoriat, koba bandangwai, ak ogeer anyun kiindoji icheket kogeliet ne kiga koroo eng' kong'asis kot koit ak kotonon eng' baragutab ole kimi lekwet ne mining.
\v 10 Ago kingogeer kogeliet noto koboiboitu eng' boiboiyet ne neo mising.
\v 11 Ak kiba got orit, ak kigeer lekwet ne mining koboto kamennyi Maria. Ak kibutyi ng'weny ak kogutungji inendet. Kitiach konoraikwai che bo komonutiet ne kindet kogochi inendet, kagochinoikab tahabu, tuguk che nyamdut ak tuguuk che u igomoik.
\v 12 Kiiteechi Jehovah icheget eng' koruotitoet koleji, amoweekyige ole mi Herod, ak konaam anyun oret age koba emengwai.
\p
\v 13 Ak kingo kagoba icheket, komongji malaikaiyatab Kiptaiyat Josep eng' karuotitoet koleji, "Ngeet, imut lekwet ne mining ak kamennyi, ak omwechi Misiri. Otebee oloto agoi tun amwoun, amu chengei Herod kobar lekwet ne mining."
\v 14 King'eet anyun kembout noto Joseph komut lekwet ne mining ak kamet koba Misiri.
\v 15 Ak kitebee oloto agoi kome Herod. Kisulda anyun nito ng'olyot ne kimwa Kiptaiyat kobun maotiot kole, "Kiaguur werinnyu komong eng' Misiri".
\v 16 Kingogeer Herod, anyun kole kiken inendet biko che ng'omen, konerech mising. Ak kiiyokto kebar leguk tugul che ng'etik che ki mi Betlehem ak eng' tabanwekyi tugul kong'etee chebo kenyisiek aeng ak korek ng'weny, kosubge ak kasarta ne kigamwa biko che ngomen.
\v 22 Ago ye kingogas kole bou Arkelau Judea eng' bounatet ne kibo kwandanyi Herod, koiywei kwo oloto. Ak kingoteechi Jehovah eng karuotitoet kowechigee komostab Galili
\v 23 ak kiwo kotebe ng'anaset ne kiguure Nasaret. Ak kosulda nito ne ki kamwa maotik, kole kiguure inendet Nasaretintet.
\v 7 Ago ye kingogeer che chang che bo Parisaik ak Sadukaik kobwanjini kabatisanenyi, koleji icheket," Legochu bo erenok che ng'wonen, ng'o ne keteiywok oyestae nerekek che bwonii?
\v 11 Abatisonok iman eng' beko ne bo sigunet. Ago tinyei kimnatet kosiiro inendet ne rubwo, ma nyolunot mbo aipchii kweonikyi. Ibatisonok inendet eng' Tamirmiriet Ne Tilil ak eng mat.
\v 12 Tinye eng' eunyi keibenyi ak kotilili komie kieng'ut ak koumji nganuk chokennyi. Ak kobelei metetek eng mat ne ma ki muchi kebar."
\v 16 Ak kingo kagebatisan, komong anyun Jesio kolong' eng' beko, ak ogeero, kiyaatagis kipsengwetisiek. Ak kigeer Tamirmirietab Jehovah kowolu ko uu cheptuget ak kotonoon eng barakunyi.
\v 17 Ogeer anyun, kimong' tuget kobun kipsengwet, ne kimwa kole, "Ni ko werinnyu ne achame. Abaibai mising agobo inendet."
\v 2 Ak ye kingo kagorugutgei betusiek artam ak kemousiek artam, koam inendet rubet.
\v 3 Ak kinyo tiemindet ak koleji inendet, "Ngot ko ii weritab Jehovah, ing'at koichu koek makatinik."
\v 4 Ago kiwolji Jeiso kole, "Sirat kole, 'masobei chito eng' makatiat inege, ago eng' ng'olyot age tugul ne mong'une kutitab Jehovah."'
\v 5 Yeityo komut Chesawilyet inendet kwo nganaset ne tilil ak komut kolany ole toror mising nebo kotab hekalut,
\v 6 ak koleji inendet, "Ngot ko ii weritab Jehovah, iwirjigei ng'weny, amu sirat kole, "Ng'ate inendet malaikaisiekyi asi koribin inye,' Ak ko kalapten eng' eunekwai, si matui koita keldang'ung."'
\v 16 Biko che kitebee tuindo ko kakogeer lapkeiyet ne o, ak che mito ngnaset ak che kitebsot eng' koreet nebo urwetab meet, ko kichoorchigei lapkeiyet."
\v 18 Ak ngo wendote tabandab araraita ne bo Galili, kogeer biko aeng che tupcho, Simion ne kiguure Petero ak Andrea wering'wai, kowirjinoti regereiywot (borowonik) ne kinome njirenik eng araraita, amu ki ramikab njirenik.
\v 19 Ak koleji, "Obwa, orubwa anee si ayaak oegu ramikab biko."
\v 20 Ak kibagakta ngunoto regereiywekwai ak korub inendet.
\v 23 Ak kiwendot Jeiso eng' Galili komugul, konetisioti eng' sinagogisiekwai, ak koamdaati logoiywek che tililen che bo bounated, ak kosoobi che tinye korotwek alak tugul ak mianwek alak tugul eng' kwenutab biko.
\v 24 Ak kimanda ngalek agobo inendet eng' Syria komugul, ak kigimutyi inendet biko tugul che miandos che kinam korotwek ak ng'woninwek che terotin, ak che kitinye oik, ak che kitanuitos, ak che ki meiyotin borwek, ak kisoob icheket tugul.
\v 25 Ak kirub inendet tuiyosiek che eechen che kibunu Galili, ak Dekapoli, ak Jerusalem ak Judea ak bitetabJordan.
\v 11 "Oboiboitu ye churok biko ak ye usausok ak komwaitaenak yaityo age tugul, ak kotamak agobo ane.
\v 12 Oboibaitu ak ogasgei mising amu oo melektang'wong' eng' kipsengwet. Amu kigiusaus ko u noto maotik che kimi eng tai.
\p
\v 13 "Oi munyekab ng'weny. Ago ngot ko kakobet anyinyindo munyek, keanyinyindoi ano kogeny? Ago ma kobo kiy, kobate ketarta koba sang ak kotiegat biko.
\v 14 Oii lapkeiyetab ng'weny. Ago magimuchi keuny nganaset ne mi tulwet barak.
\v 15 Ak mainoomi biko tait, ak kondeno kitonget orit, ago indenoi kito ne tonone ak kokwenji biko tugul che mito eng got.
\v 16 Ingkokweng'ta lapkaiyeng'wong' ko u noto eng' taitab biko si komuch kogeer boisionikwok che kororon ak kotoror kwandang'wong' nemi kipsengwet.
\p
\v 17 "Amat obwat ole ki anyo ang'em ng'atutiet anan ko che bo maotik. Ki manyo abut ago asulda.
\v 18 Amu amwowok iman ale agoi kosiirto kipsengwet ak ing'weny, ago masirtoi mbo tisiet anan kiy ne tigin eng' ng'atutiet, agoi tun kosulda tuguk tugul.
\v 19 Noto anyun, chi age tugul ne butei ng'atutiet mbo agenge ne kitigin eng' ng'tutichu, ak konet biko ko u noto, keguure inendet ne tigin eng' tugul eng' bounatetab kipsengwet. Ago chi tugul ne yaei ak koneti choto keguure inendet ne o eng' bounatetab kipsengwet.
\v 20 Amu amwowok ale ngot ko masiir imandang'wong' imanda ne bo Sirik ak Parisaik, ko moite bounatetab kipsengwet matiny.
\p
\v 21 "Kiogas ole kigileji icheket che bo keny 'merumisiei,' ak 'age tugul ne rumisie ko kagorikyi kiruoget.'
\v 22 Ago amwowok ale, age tugul ne nerkchini ne tupcho ko kagorikyi kiruoget; ak age tugul ne lejini ne tupcho, 'ii chi buch!' ko kagorikyi kapkiruoget; ak age tugul ne mwoe kole, "solwoni!" ko kagorikyi Gehenna oldab mat.
\v 23 Noto anyun ye imache igoite kagochinen'ung' eng' kaptisisiet, ak inan eng' oloto ile, ting'enen ne otupche ng'olyo,
\v 24 ibagakte eng' oloto kagochineng'ung' eng' taitab kaptisisio ak iwe anyun ochamnyege si ichoni igoitei kagochineng'ung'.
\v 31 Kigimwa kogeny kele, 'Age tugul ne onei chepyosenyi kogochi anyun siret nebo besiet.'
\v 32 Ago amwowok ale age tugul ne one chepyosenyi ama eng' sokset, ko kayai inendet koek chebaigeiyat. Ago age tugul ne ituni chepyosonata ne kigeon, kogayai ibetabge.
\v 38 "Kiogas kele, kigimwa kele 'konda eng' konda ak keldet eng' keldet.'
\v 39 Ago amwawok ale, amogerte chito ne ya. Ago age tugul ne irobochin togilgilietab tai komatirabach togilgilietab tai, ako iweekyi korabach komosta niin age.
\v 40 Ak ngomache komutyin chi age tugul kapkiruok komoche kosarenin sumbeng'ung', igooji ko ib ngorieng'ung' kora.
\v 44 Ago amwowok ale, ocham bunikwok ak osochi icheket che inyolilok,
\v 45 asi oegu werikab kwandang'wong' ne mi kipsengwet. Amu igochini asistanyi kotilji che yaachen ak che kororon, ak iyokchini ropta che bo imanda ak che mo bo imanda.
\v 46 Amu ngot ko ochome icheket che chomok ko nee melekto ne otinye? Tos mayoe ko u noto mbo taagikab aisurut?
\v 47 Ak ngot ko ogatii che otupche kityo, ko koyai nee ne siirei alak? Tos mayae ko u noto bororiosiek?
\v 48 Noto anyun oegu akweget che igesunotinge ko u ye igesunotge Kwandang'wong' ne bo kipsengwet.
\v 1 "Oripge si moyai imandang'wong' eng' taitab biko si kogeerok icheket, ngoyai ko u noto ko monyoru melekto eng' Kwandang'wong' ne mi kipsengwet.
\v 2 Noto anyun ye kegoite kagochinoiguk che bo rirenetab ge, ko matibaraste eng' tain'gung', ko u ye yoei chombilik eng' sunagogisiek ak eng ortinwek si kobbiit konyor kalasunet kobun biko. Amwowok iman ale kagonyor icheket melektong'wai.
\v 3 Ago ngigoite kagochinoik, ko matanai eung'ung' nebo kataam kito ne yoei eung'ung' ne bo tai.
\v 4 Si kobiit kobunji ung'ot konunoiguk. tiseiywekuk. Ak kokonin melekto Kwandang'ung ne keerei eng ung'ot.
\v 5 Ak ye osoei ko mouitu chombilik amu chomei icheket kosae kotonondos eng' sunagogisiek ak ormarichok si kobiit kogeer biko icheket. Amwowok iman ale kagonyor icheket melektong'wai.
\v 6 Ago inye ye imache isa, iwe gongung orit, ak ye kaiger kurget, isa Kwandang'ung, ne keerin en ung'ot.
\v 7 Ak ngosaei ko matotes ngalegab buch ko u yo yae bororiosiek; amu leen kigosyini icheket amu chang'indab ng'alekwai.
\v 8 Noto anyun amokergeituge ak icheket, amu ingen Kwandang'wong tuguk che omakchinige agot kotomo osom inendet.
\v 9 Noto anyun osa ko u ni: Kwandanyo ne mi kipsengwet ing'otililit kaineng'ung'.
\v 16 "Kogeny ng'orugutgei ko mokergeitugei ak chombilik, eng' togochik chebo cholatet; amu wale togochikwai, si kogeer biko kole koirugutge. Amwowok iman ale kagonyor ichek melektang'wai.
\v 17 Ago ye irugutge inye, iil meting'ung' ak iun togeng'ung'
\v 18 si mageer biko kole irugutigei ago si kogeer Kwandang'ung' ne mi eng' ung'ot; ak kokonin melekto Kwandang'ung' ne kerei eng ung'ot.
\v 25 Amwowok anyun ale, mogerer met agobo sobeng'wong' eng' che oame, nda che oee nda agobo borwekwok, tuguuk che oloochi. Tos ma sire sobondo amitwogik, ak masire borto ngoroik?
\v 26 Otopen taritik che bo barak. Kagolse ama kesisie ama iumjini choge, ago baei icheket Kwandang'wong' ne bo kipsengwet. Tos ma ogeigeen akwee mising' kosiir icheket?
\v 27 Ak imuchi ng'o eng' akwee ne eng kereretab met komuchi kotesyi sobenyi koindab agenge ne bo eut?
\v 28 Ak amunee anyun si ogerer met agobo ng'oroik? obwat taptok che bo kertit ole bititoi. Maboisie ago maleti ngoriet.
\v 29 Ago amwowok ale, mbo Solomon eng' talbistonyi tugul ko kimailagat ko u agenge eng' chu.
\v 30 Ngot kologchini Jehovah ko u noto suswek chebo kertit che mi rani ak karoon kewirji mat ko tos mayaiwok ko u noto kosiir, eeh akwee che otinye kayanet ne kitigin?
\v 31 Noto anyun amogerer met ak ole, 'Ngo si keam nee?' anan 'Ngo si kee nee?' anan 'Kiloochi nee koek ngoroik?'
\v 32 Amu cheng'e tuguchu tugul bororiosiek, amu inget Kwandang'wong' ne bo kipsengwet kole, omache tuguchuto.
\v 11 Ngot onget anyun akwee che o yachen ogochi legukwok kogochinoik che kororon ko tos siire mising ne tia kwandang'wong' ne mi kipseng'wet? Tos maigochini che some inendet tuguk che kororon?
\v 21 Ma tugul che kuro kole 'Kiptayandani, Kiptaiyandani,' che tun kochute bounatetab kipsengwet, ago icheget ichegee che yae magetab Kwanda ne mi kipsengwet.
\v 22 Eng betunoto komwae che chang' kole, 'Kiptaiyandani, Kiptaiyandani, tos kima kiyai maoinatet eng' kaineng'ung', ak kigion oik eng' kaineng'ung' ak kigiae eng' kaineng'ung' boisionik che chang' che bo kimnatet?'
\v 23 Ak amwochini anyun icheket eng' yoto ale, 'Mangenok kong'ete agoi! Oistoenoge akwee che oyae yaityo!'
\v 3 Ak kiiyogoito Jeiso eunnyi ak kotiiny inendet, kolen, "Atinye maget. Tililitu" Ak kitililit chichoto eng' sainata eng' mogondoisik.
\v 4 Ak kimwochi Jeiso chichoto koleji, "ripge amat imwochi chi age tugul. Ago ui ak iborjige tisiindet, yeitio igoite tiseiwot ne king'at Musa, si koek barnatet eng' icheget."
\v 8 Ak kiwolji, kiptayandanoto bo bogol kole, "Kiptaiyandani, manyolunot inyoo gonnyu. Ago mwa ng'olyo kityo ak kosobe otwogindennyu.
\v 9 Amu aii chi mbo ane ne kiboiwo, ak atinye asarik che abou, ak ngomwochi ni, alenji ui kwo; ak ngomwochi age aleji nyo, kocho ak ngomwochi otwoginendennyu aleji yai ni koyae."
\v 10 Ago kingogas Jeiso nito kokwong' ak koleji icheket che kirube inendet, "Amwowok, iman ale tomo anyoru chi ne tinye kayanet ne tee ni eng' Israel.
\v 11 Ak amwowok ale, bwonii che chang' eng' kong'asis ak cherongo kobwa kotebi ak Abraham, ak Isak, ak Jakob eng' bounatetab Kipsengwet.
\v 12 Ago kitoorjini werik che bo bounatet tuindo ne bo sang; ole mito rirek ak nyeetab kelek.
\v 13 Kileji anyun Jeiso kiptaiyandanoto, "Ui gong'ung'! Ingeyaun ko u ye kaiyan." Ak kisob eng' sainata otwogindennyi.
\v 28 Ak ye kingoit Jeiso bitoniin emetab Gadarenik, kotuiyo inendet ak biko aeng' che kitinyei oik. Ak kibunu oldab kererisiek ago ki koromen mising, koto kime muchi chi kosiirto oranato.
\v 29 Ak ogeer anyun, kiwaakcho, kole, "Kiting'egee nee ak inye Weritab Jehova? Kecho yu inyalilech kotomo koit betut?"
\v 30 Ak ki kimi akwet nebo torook che chang che kiageti eng' ole loo.
\v 3 Ak ogeer, anyun kimwa alak che bo sirik eng' mugulelwekwai kole, "Mwoei chichi ng'alek che yaachen agobo Jehovah."
\v 4 Ak kinai Jeiso kabwotutikwai ak koleji, "Kaine si obwat yaitiet eng' mugulelwekwok?
\v 5 Amu nee ne nyumnyum, kemwa kele kagenyoun kaat tengekwogiguk; nda kemwa kele 'ng'eet ak iwe?'
\v 6 Ago si onai ole tinye kimnatet weritab chi eng' ng'weny konyochi kaat biko tengekwogik" koleji anyun ne meat borto, "Ngeet ib kitogung'ung' ak iwe kang'ung.'"
\v 15 Ak kileji Jeiso, "Tos imuchi icheket che kogiguurji katunisiet konyolilyo koto komi ak sandet? Ago bwonii betusiek che tun kiistoe sandet icheket, ak korugutge anyun.
\v 16 Maimuchi chi konapchi akwot ne leel ngoriet ne os, amu kereri akwot ne leel ngoriet ne os, ak koyait kosiir ole ko kererat.
\v 17 Ama indenoi biko divaik che leelach lolotinwek che osen. Amu kereri lolotinwek ak kotartagee divaik ak kobek lolotinwek, ako kindeni divaik lolotinewek che leelach, ak koribogis tuwai."
\v 18 Ye kingo takomwochini icheket ng'alechu, ogeero, kicho bounindo ak kong'urukyi inendet ak kole "Kagome cheptanyu raa, ago nyo igonoor inendet eung'ung si kosob inendet."
\v 19 Ak king'eet Jeiso korub inendet, ak kiirub alamalyennyi agichek.
\v 20 Ogeero, chepyoset ne kimondoe korotik eng' kenyisiek taman ak aeng', kiirubu Jeiso eng' let, ak kotiiny tabandab ngorienyi.
\v 35 Ak kitoi Jeiso kowendot eng nganasok tugul che eechen ak che mengeechen, Konetisioti eng' sunagogisiekwai, ak koamdaati logoiywek che tililen chebo bounatet, ak kosobooti che miandos eng' koroito age tugul ak eng' nyalulanet age tugul.
\v 36 Ago kingogeer tuiyosiek koriree icheket amu ki nyorotin ak koiyestootin, ko u kechirek che matinyei mestewot.
\v 37 Kileji anyun, alamalyennyi, "O kesisiet iman, ago ng'ering kiboitinik.
\v 38 Noto anyun osa kiptaiyat ne bo kesisiet, si kobiit koyokyi kiboitinik kesisienyi."
\v 1 Ak kiguur Jeiso alamalyennyi taman ak aeng' kobwonji inendet, ak kogochi kimnatet si koon tamirmiroik che muruonen, ak kosoob che miandos eng' koroito age tugul ak eng' nyalulnatet age tugul.
\v 2 Chu ko kainaik che bo che kiyoktoi taman ak aeng' nebo tai ko Simion, ne kiguure Petero, ak Andrea, wering'wai, Jacobo weritab Zebedi, ak Johana wering'wai;
\v 5 Kiiyokto Jeiso chuto taman ak aeng' ak kong'at icheket koleji. "Amobe oret age tugul ne bo Bororiosiek, amobe nganaset age tugul nebo bikab Samaria.
\v 25 Ago yamei kotebi ne keneti kou konetindennyi, ak kotebi otwogindet ko u kiptaiyandennyi. Ak ngot ko kiguure icheket Beelsebul chitab kobo kaita, kotam nee ichekeket che bo gonnyi!
\v 26 Moiywei icheket anyun amu noto, amu mami kiy ne tugot ne matun king'onyei ama mi kiy ne ung'at ne matun nayoksei.
\v 27 Ne amwowok eng' tuindo, ongalale eng' lapkeiyet, ak kito ne okase eng' itit, omwaite eng' korik barak.
\v 28 Amoiywei icheket che borei borto, ago ma imuchi kobar sobondo; ago kaigai oiywei inendet ne imuchi kobar sobondo koboto borto eng' oretab mat (Gehenna).
\v 40 "Inendet ne toochok ko kataacha ak inendet ne toocho ko kataach ne kiyokwo.
\v 41 Inendet ne tooche maotiot eng' kainetab maotio konyoru melektab maotio, ak inendet ne tooche chi ne bo iman eng' kainetab chito ne bo imanda konyoru melektab chito ne bo imanda.
\v 42 Ak age tugul ne igochini agenge eng' chu tiginen kikombet ne bo beko che kaititen kityo eng' kainetab alamalyet amwowok iman ale mabetyini melektanyi ne matiny."
\v 4 Ak kiwolji Jeiso koleji, "Oba bandang'wong' ak omwochi Johana tukuk che ogose ak che ogeere.
\v 5 Kertoi che koriotin, ak kobendoti che solomonik, kitilili che tinyei mogondosaik ak kastoi che ming'iotin ak king'eeti che kikomeiyo, ak keamjini kibananok logoiywek che tililen.
\v 11 Amwowok iman ale tomo kobiit ne siirei Johana kabatisanindet eng' che kisich kwonyik. Ago inendet ne mining mising eng' bounatetab kipsegwet ko o kosiir inendet.
\v 12 Ak kong'ete betusiek che bo Johana kabatisanindet agoi raa koruechini biko bounatetab kipsengwet, ak namei biko che koromen eng' kimnatet.
\v 16 Ago agergeite nee ebeni? kerge ak leguk che tebsot eng' orisiekab aldaisiet ak koguure alak,
\v 17 ak kole 'kigeguutwak kurerut ak ki ma ourerenie; kigiteiye ak kima oririe.'
\v 18 Amu kicho Johana ak kima amis nda koee divaik ak ki omwa ole "tinyei oindet.'
\v 19 Kicho weritab chi koamis ak koeiso ak komwa biko kole, 'otopen chito ne chemoetyo ak eeindetab divaik choruetab togikab aisurut ak kipteng'eginik!' Ak naat ng'omnotet kele bo iman eng' boisionikyi."
\v 20 Kitoi anyun koger kong' nganasok che kigiyoe boisionik che bo kamuktaet che chang' kosiir, amu kimosik.
\v 21 "Bwo eng inye we Korasin! Bwo eng inye we Betsaida! Amu nda kiga kiyai eng' Tyre ak Sidon boisionik che bo kamuktaet che kigiyai eng' akwee nda kiga kosik keny kolaach kuniok ak koiilege aronik.
\v 22 Ago amwowok ale, kaigaitu tun Tyre ak Sidon eng' betutab kiruoget kosiirok.
\v 23 Ak inye, Kapenaum, ko tos kitororin agoi kipsengwet? Olo, ichortoige agoi oldab che kigobek. Amu nda kiga kiyai eng' Sodom boisionik che bo kamuktaet che kigiyai eng' inye ko nda mito agoi rani.
\v 24 Ago amwowok ale tun kaigaitu emetab Sodom eng' betutab kiruoget kosiirin."
\v 25 Eng' betusiechoto komwa Jeiso kole, "Alosun inye, we Kwanda, Kiptaiyatab kipsengwet ak ng'weny amu kiiung'e tuguchu che ng'omen ak che iguitos, ak kiing'onji icheket legoi che mengechen.
\v 26 Ee Kwanda, amu kicham inye eng' kereng'ung'.
\v 27 Kigogono tukuk tugul Kwanda ama mi ne inget Werit, kobate kwanda, ama mi ne inget kwanda kabate Werit, ak chi age tugul ne chamei Werit kong'ongjini.
\v 28 Obwonjo akwee tugul che oiimige ak che ogeseni tuguk che nyigisen, si agonok kamuung'et.
\v 29 Olaach kaat choginnyu ak onetenage, amu atalaa ak atinye kamining'itetabge eng' mukuleldo, asi onyoru kamung'eet eng' sobonwekwok.
\v 3 Ago kileji icheket, "Tomo osoman kito ne kiyai Daudi ye ki ngoame rubet, ak che ki mito ak inendet?
\v 4 Kiwo gotab Jehovah ak koam makatinikab kabartaet, che ki ma chamdaat eng' ng'atutik koam inendet koboto che kimito ak inendet, kobate tisiik ichege.
\v 5 Tomo osoman eng' ng'atutik, kele ing'waniti tisiik Sabato eng' hekalut, ama kiityini icheket tengekto?
\v 9 Ak kiwo eng' oloto, agoi sunagoging'wai orit.
\v 10 Ogeer anyun, kimi chi ne meat eut. Ak kiteebe Parisaik Jeiso koleji, "Tos chamdaat eng' ng'atutik kesoob chi eng' betutab sabato?" si kobiit komwaitae tengekto.
\v 25 Ak kingonai Jeiso kabwatutikwai, koleji icheket "Bororiet age tugul ne pcheegei ko ma tononi, ak nganaset nda ko got age tugul ne pcheegei ko matononi.
\v 26 Ak ngot ko ng'et Chesawil ko on chesawil, ko kapcheigee inegei. Tonondoi ano anyun baunatenyi?
\v 27 Ak ngot ko aone oik eng' Beelsebul, koone eng' ng'o werikwok? Eng nito anyun ko egu icheket che tun iruokwok.
\v 28 Ago ngaone oik eng' Tamirmirietab Jehovah ko kagoitwak anyun bounatetab Jehovah.
\v 31 Noto anyun amwowok ale kinyochini kaat biko tengekto age tugul, ak ng'olyot age tugul ne ya, ago ne mwaei ng'olyo ne ya agobo Tamirmiriet ko makinyochin kaat.
\v 32 Ak age tugul ne mwoitoe yaitio weritab chi kenyochini kaat; ago age tugul ne mwoitoe yaitio Tamimiriet, ko ma kinyochini kaat eng' ng'wenyuni kimi anan ko eng' ne nyoni.
\v 33 Oyai ketit kogararanit ak logoekyi koek che kororon, nda oyai ketit koyait anan logoekyi, amu kinae ketit logoekyi.
\v 34 Akwee legukab erenok amu oi cholwokik, omuktei ano akwee che oyachen, omwa tuguk che kororon? Amu ng'ololi kutit che nyiitat muguleldo.
\v 35 Chi ne kararan korong'u tugul che kororon che bunu konoruennyi ne bo mugulelndannyi, ak rang'u chito ne ya tuguk che yaachen kobun konoruennyi ne bo muguleldo ne ya.
\v 39 Ago kiwolji Jeiso koleji,"Eeh akwee ebendo ne ya ne cheng'e kaborunet ak magigochin kaboruno age tugul, kobate koborunetab maotiot Jona.
\v 40 Amu ko u ye kimito Jona betusiek somok ak kemousiek somok moetab njiriot ne o mising; ko u noto tun tebe Weritab chi betusiek somok eng' muguleldab ng'weny.
\v 41 Tun tonondos murenik chebo Ninebe koboto ebeni eng' kiruoget ak kogikyi amu kisik eng' mwaitaet nebo Jona; ak oroo, mi ne o kosiir Jona eng yu.
\v 42 Ng'eete tun laitoriat chepyoset ne bo murot ne bo tai koboto ebeni eng' kiruoget, ak kogikyi icheket. Amu kibun tabanwekab ng'weny chepyosoni si kogas ng'omnatetab Solomon, ak ogeer anyun mi yu ne o kosiir Solomon.
\v 43 Ago ngo kakomong'une chi tamirmiriet ne muruon, kwo kobunot ole yaamat, kocheng'oti ole imung'e amanyoru.
\v 44 Noityo komwa kole 'Awektige gonnyu ole kiamong'une; ak ngoit konyor ko mami kiy-- ak ko ibugot ak ko chobot.
\v 45 Kwo anyun komut tamirmirik alak tisab che yacheen kosiir inendet ak kochut ak komeny oloto, ak eng' let koyaitu atebtab chichoto kosiir ne kibo tai. Egu ko u noto eng' ebeni ya."
\v 14 Ak isuldaat eng' ichek maoinatetab Isaia, ne len 'Eng' kaset ogase ago moguitosi mbo ngatigin, ak eng' keeret, ogeere ago mobestosi mbo ngatigin.
\v 17 Amu amwowok iman, ale kimache maotik che chang' che bo imanda koroo tuguk che ogeere, ago kima keer, ak kimach kogas ng'alek che ogase ago kima kas.
\v 19 Ye kasei chi age tugul ng'olyotab bounatet ama iguiyo, ko chi anyun inendet, kochoni ne ya ak kosaree ne kiga kigolchi muguleldonyi. Nito ko kesuwot ne kigilechi tabantab oret.
\v 21 Ago matinyei tigitik inendet, ago tebche ne matia; ak ngojo nyalilda nda usisiet agobo ng'olyot kobut ngunoto.
\v 22 Ak inendet ne kigigolji ole mi katok ko inendet ne kose ng'olyot ak kogiich ng'olyot kererwekab met che bo ng'weny ak kaberberisietab magomatet si mai logoek.
\v 23 Ak inendet ne kigilechi nyung'unyek che kororon ko i inendet ne kase ng'olyot ak koguiyo; ne iyie logoek iman, alak bogol, alak tamanwogik lo, alak sosom."
\v 33 Kimwochi kalewenet age koleji. "Kergei bounatetab kipsengwet ak mermerek (biteek) che kinam chepyoso ak kongolta busiek che bo kitongok somok, agoi kogut tugul."
\v 44 Kergei bounatetab kipsengwet ak tugukab kamanut che ung'otin eng' mbaret. Ne kinyor chito ak kouny. Eng boiboiyet kwo kogosotegei ak koalda tuguk che kitinyei tugul ak koale mbaranoto.
\v 52 Ak kileji Jeiso ichek, "Amu noto anyun sirindet age tugul ne kikoek alamalyet ak kongen komie ng'alegab bounatetab kipsengwet, ko kergei ak chito ne bo kot, ne inget ole konore tugukyi che bo kamanuut."
\v 19 Ak king'at tuiyosiek kotebi ng'weny eng' suswek. Ak kinam makatinichoto muut, ak njirenik aeng'. Ak kinyal kipsengwet, koberur ak kobutul ak kogochi alamalyennyi makatinik ak kogochi kasubik tuiyosiek, makatinik.
\v 20 Ak kiamis tugul kobiong'io. Ak kiium katuganik che kinyi kitongesiek taman ak aeng'.
\v 5 Ago amwoe ale, 'Age tugul ne leljini kwandannyi nda ko kamet kito age tugul ak kolejini, "Kito age tugul ne kata nyolu atoretenen ko koagochi Jehovah."
\v 6 Ko mateeche inendet kwanda ak kamet; kaowal anyun ng'olyotab Jehovah koek buch amu bitonwekwok.
\v 30 Ak kibwonji inendet tuiyosiek che eechen, komutu solomonik, ak che koriotin, che nomotin kut, che bo mugungon, ak alak che chang' ak kondeno ole bo kelyekyi ak kisoob ichek.
\v 31 Ak kikwong' tuiyet kingoroo kong'alalsot che ki nomotin kut, ko kagosobcho, che ki bo mugungon kobendoti, solomonik kobune kelyekwai, ak kotabentoi che ki koriotin. Ak kiilos Jehovah ne bo Israel.
\v 2 Ago kiwolji koleji "Yo kagoek koskoleny, omwoe ole, 'moeni mutai' amu birir barak.'
\v 3 Ak eng kariron, omwoe ole, 'Usei rani, amu birir ak kotong'unot barak.' Onget obesie ole teptoi togetab barak, ago momuchi obesie kaborunoikab betusiek.
\v 4 Cheng'e kaborunet ebendo ne ya ne bo ibetabge, ago magiborjini kaborunet kobate kaborunetab Jona." Ak kibagaka ichek ak kwo.
\v 17 Ak kiwolji Jeiso koleji, "Iberurot inye Simion weritab Jona, amu ma ng'ang'un borto nda ko korotik, ago Kwandanyu ne mi kipsengwet.
\v 18 Ak amwoun agane ale, ii Petero, ak ateeche kanisennyu eng' koita nito. Ak maneneti kimnatosiekab oldab che kigobek.
\v 19 Agonin yateiywek che bo bounatetab kipsengwet. Ak kiy age tugul ne irate eng' ng'weny kerote eng' kipsengwe, t ak kiy tugul ne itiachi eng' ng'weny kitiochi eng' kipsengwet."
\v 20 King'at mising anyun alamalyet kole ama mwachi chi age tugul kole inendet ko Kristo.
\v 23 Ago kiwechgei, Jeiso ak koleji Petero, "Wui let eng' ane, Chesawilyeni! Keegu kanagutiet eng' ane, amu maibwoti inye tukugab Jehovah ago tuguk che bo biko."
\v 11 Ak kiwol Jeiso kole Oman indou Elijah, ak koweech tuguk tugul.
\v 12 Ago amwowok ale kigocho Elijah ak kima nai iche inendet, ago kiechi inendet kiy age tugul ne kimochei mbo ko u nyoto tun nyalili weritab chi agine eng' eunekwai.
\v 20 Ak kileji, "Amu kayaneng'wong' ne tigin. Amu amwowok iman ale ngot otinye kayanet ne te kesuwotab mogoiwet ko nda ngomwochi tulwoni oleji inakte ui olin konoktoi, ak mami kiy ne maimugakse eng' akwe.
\v 21 Ago mamondoi ne u ni kobate eng' saet ak karugutetabge.
\v 24 Ak kingo kagoit Kapernaum, kobwonji Petero ichek che kitoochei drachma aeng che bo aisurut, ak kole, "Magonu konetindeng'wong' drachmaisiek aeng che bo aisurut?"
\v 25 Komwa kole, "Eeh". Ak kingwo Petero got orit, kong'ololji Jeiso inendet ak koleji, "Ibwati nee inye Simion? Llaitorinik che bo ng'weny konyorune ng'o aisurut? Eng' werikwai nda eng' che bo biko alak?"
\v 27 Ago, si ma kinach icheket, iwe araraita ak iwirji kipkomondet, ak njiriot ne kamong' eng' tai, inam; ak ngi yaat kutinyi inyoru sekeliat. Nam noto, ak igoite aisurut agobo ane ak inyendet."
\v 8 Ak ngonachin eung'ung' nda keldong'ung' itil ak ak iwirte. Amu keigei eng' inye imongji sobondo i bo mugung' nda i bo kelok kosiir itinye eunek aeng' anan ko kelyek aeng ak kewirjin mat ne bo koigeny.
\v 9 Ak ngonachin kondang'ung' i bolu ak iwirte. Amu keigei eng' inye imongji sobondo ibo kong'ak kosiir itinye konyek aeng' ak kewirjin Gehenna oldab mat.
\v 10 Orib si mosas age tugul eng' chuto tiginen. Amu amwowok ale, eng' kipsengwet ko mito malaikaisiekwai kotugul togetab Kwandanyu.
\v 11 Amu kicho weritab Chi kosor ne kiga kobet.
\v 12 Olin nee akwek? ngo tinye chi kechirek bogol, ak kwo age kobetot, kotos mabogoktoi chun tomonwogik sogol ak sogol, ak kwo tulondok ak kocheng'at ne betot?
\v 28 "28 Ago kimanda otwogindenoto ak konyor age ne kiboisie tuwai ne kibesen inendet denarisiek bogol; ak kinam inendet kaatit ak kole, 'Yookwo che kiibeseneno'.
\v 8 Komwochi ichek koleji, "Kichomwok Musa oon chepyosokwok amu uuindab mugulelwekwok, ago kima ko u noto kong'ete taunet.
\v 9 Ak amwowok ale, chi age tugul ne onei osotiondennyi ama eng ng'olyotab sokset ak kotun age, ko kabaige; ak inendet ne ituni ne kigeon ko kabaige."
\v 11 Ago kileji icheket, "Ma imuchi biko tugul kotaach mwaoni, kobate ichek che kigochini.
\v 12 Amu mito sirorinik che kigisich ko u noto kong'etee motinwekab kametisyekwai ak mito biko che kigimoch, ak mito biko che kiimochge agobo bounatetab kipsengwet. Inendet ne imuch ko ingotaach ni, kotaach."
\v 28 Ak kileji Jeiso icheket, "Amwowok iman ale akwe che korubwa, ko tun eng' yaet ne leel ye tun tebee weritab chi ng'echeretab torornatennyi otebe ak akwee ng'echerok taman ak aeng' che bo laitornatet oruokyini ortinwek taman ak aeng' che bo Israel.
\v 29 Ak age tugul ne kikobagakta gorik, werikwai, tibikwai, kwanda, kamet, leguk anan mbaret agobo kainennyu kotooche konyil bogol ak kobor eng' sobondab koigeny.
\v 8 Ak kingoek koskoleny, komwochi chitab kobo mbaretab sabibuk kiboitondenyi ne o koleji, 'Kuur meek ak igochi melekwekwai, itaune ne bo let agoi ne bo tai'.
\v 9 "Ak kingobwa ichek che kiga kiguur ko legit sait taman ak agenge konyor chi tugul denarit agenge.
\v 23 Koleji ichek, "Oee iman kikombennyu. Ago ketebe eunnyu nebo tai ak eunnyu ne bo katam ko ma ane ne igoitoi, ago bo icheket che kikochopchi Kwandanyu."
\v 6 Ak kiba alamalyet ak koyai ko u yo kiiarojin Jeiso icheket.
\v 7 Ak Kikweri sigiriet ak moitanyi, ak koiitochi ngoroikwai, ak kotebee inendet barak.
\v 8 Ak kiito che chang chebo tuiyet ngoroikwai eng' oret, ak kotil alak temenikab ketik, ak koiito eng' oret.
\v 9 Ak kimwaoti eng' kutit ne o tuiyosiek che kiindoe inendet ak che kirube koleen, "Hosana weritab Daudi, iberurot Inendet ne choni eng' kainetab Kiptaiyat! Hosanna eng' ole toror mising!"
\v 12 Ak kichut Jeiso hekalut. Ak kioon tugul che kioldoisie ak che kiolisie eng' goyoto ak komilda mesosiek che bo walikab chepkondok, ak ng'echerokab che kioldoi cheptugenik.
\v 13 Ak koleji icheket, "Sirat kele, 'Kiguure gonnyu gotab saet, ago kaowal koek kebenetab chorik."
\v 15 Ago ye kingoroo tisiik che eechen ak sirik tuguk che kiae che bo kowong'et ak kingogas leguk che komwoei eng' kutit ne o eng' hekalut kole, "Hosanna Weritab Daudi" konerekcho mising.
\v 16 Ak koleji, "Igose tuguk che mwaei?" Kole Jeiso icheket, "Ee! Ago tomo osoman kele, 'kiiyai inye kalosunet kosulda eng' kutuswekab leguk ak che mengechen?"
\v 18 Ak karon ye kingowechege kowendi nganaset koam rubet.
\v 19 Ak kingoroo eng' tabandab oret mogoiywet kwo ole mi ko manyorji kiy kobate sogek kityo. Ak kileji ketoto, "Kong'etee rani ko ma iiye logoek agoi koigeny," ak kitoi kores mogoywonoto.
\v 21 Kiwolji Jeiso koleji, "Amwowok iman ale ngo tinye kayanet amosage, ko moyae kityo ne kagoyaak eng mogoiywondoni, ago ngomwochi mbo tulwoni oleji, 'Ngetutin ak kewirjin araraita,' koyaakse.
\v 22 Ak tuguk alak tugul che osome eng' saet oyani otoche."
\v 23 Ak kingoit Jeiso hekalut orit, ko kita konetisie kobwonji inendet tisiik che eechen ak boisiek che bo bichoto, ak koleji, "Nee kimnatet ne iyae tuguchu, ak kigonin ng'o kimnatoni?"
\v 30 Ng'oityo kwo ole mito ne bo aeng' ak komwochi ko u noto. Ak kiwol kole, 'Awendi,' ago mawo.
\v 31 Ng'o eng' choto aeng' ne kiyai magetab kwandangwai? Komwa kole, "Ne bo tai." Komwochi Jeiso ichek koleji, "Amwowok iman ale sib kondoenok koitei bounatetab Jehovah taagikab aisurut ak chepkugonik.
\v 32 Amu kichonjok Johana eng' oretab imanda, ago ma oyan inendet. Ago kiiyan inendet taagikab aisurut ak chepkugonik ago akwe ko king'oroo ko ma osigu si kobiit oyan inendet.
\v 33 "Ogas kalewenet age. Kimi chito age ne kitinye got ak kiminji sabibuk mbaret ak kong'ot ak kobal kebenet ole kikurung'e logoek ak kotech go ne koi, ak komanakyi meek ak kwo emet age.
\v 34 Ak ye kingo kagorik ruratetab logoek koyokto otwogikyi koba ole mi meek, si koib logoekyi.
\v 41 Kolenji, "Barei chichoto bo mbaret bichoto yaachen eng' mbaret ne ya, ak komanakyi mbaretab sabibuk, meek alak che igochini inendet logoek eng' ruratengwai."
\v 42 Kileji Jesiso ichek, "Tomo osoman sirutik kele, 'Koita ne kitoiyo teegik ko kigeyai noto koek koita ne bo luita. Kibunu nito Kiptaiyat ak kiek kwong'utiet eng' konyekyo'?
\v 1 Ak kingo'lolji Jeiso ichek kogeny eng' kalewenaik, koleji,
\v 2 Kigergeitege bounatab kipsengwet ak laitoriat agenge ne kiyochi werinnyi igortab katunisiet.
\v 3 Ak kii yokto otwogikyi koguur icheket che kiga kemwochi agobo igortab katunisiet ak kima cham kobwa.
\v 4 Kiiyokto kogeny otwogik alak kole, 'omwochi ichek che kiga kemwochi, "Oleji kaachob amitwogikyu. Kageeny eikyu ak alak che akwaen, ak chobotin tuguk tugul. Obwa igortab katunisiet."
\v 5 Ago mamake kiy anan kokas iit ng'alekyi, ak kiba ortinwekwai kwo age mbarennyi, kwo age boisiennyi ne bo mung'aret.
\v 6 Kong'et alak, konam otwogikyi ak konyalil ak kobar.
\v 7 Ago kineerech laitoriat, ak kiiyokto lugosikyi kobar rumichoto, ak kobeel nganasengwai.
\v 8 Kimwochi anyuun otwokyi kolenji, 'Chobot katunisiet, ago ma muchini che kigaa ketaach.
\v 9 Ara anyun oba ole besiechini ortinwek ak oguurji igorta ne bo katunisiet tugul che konyoru.
\v 10 Kiba anyun otwogichoto ortinwek, ak koyum tugul che kinyor, che yaachen ak che kororon. Ak kinyi toek gotab katunisiet.
\v 11 Ago ko kingo mong' laitoriat kogeer toek, kogeer chito ne kima ilaach ngoroikab katunisiet.
\v 12 Ak kileji, 'Choruani, kejonde ano oli ametinye ngoroikab katunisiet? Ak kinamak kut mang'alal.
\v 13 Ak king'et laitoriat kole kiboitinikyi, 'Orat chichi kelyek ak eunek, ak owirji sang ole mito tuindo, ole mito rirek ak nyeetab kelek'
\v 14 Amu chang biko che kigiguur, ago ng'ering che kikilewen'
\p
\v 15 Kiba anyun Parisaik koruoch ole namdoi inendet eng' ng'alekyi.
\v 16 Ak kiiyokyi kasubikwai koba ole mi inendet, koboto Herodik. Koleji Jeiso, "Konetindoni kingen kele i bo iman, ak ineti oretab Jehovah eng' iman. Ameiwei chi age tugul, ak mechile togochikab biko, ametinye kalotunet.
\v 17 Mwowech anyun, tos ilen nee inyee? Tos chamdaat eng' ng'atutik kegochi kodi kaisari nda ololo?"
\p
\v 18 Ago kinai Jeiso yaitengwai ak kole, "Amu nee si otiema akwe chombilichu?
\v 19 Oboruo chepkondet ne bo kodi." Ak kiipchi inendet denarit.
\v 20 Ak kileji Jeiso "Bo ng'o itondo ak kainet ne siret?"
\p
\v 21 Koleji inendet, "Bo Kaisari." Koleji Jeiso anyun, "Ogochi Kaisari tuguk che bo Kaisari, ak ogochi Jehovah tuguk che bo Jehovah".
\v 22 Ak ko kingogas, kokwong'io. Ak kibagakta inendet koba oreng'wai.
\p
\v 23 Kibwonji inenedet betunoto Sadukai, che mwoe kole, momi ng'eetyetab che kigobek. Ak kiteebe inendet,
\v 24 Kole, "Konetindoni, kimwa Musa kole, 'Ngo me chi, ama tinyei leguk, kondi wring'wai chepyosonata si kololji mat wering'wai'.
\v 25 Kimi kwenunnyo murenik tisabu che tupcho ak kiitunis ne bo tai, ak kime. Amu kima sich lekwa, kondi chepyosennyi wering'wai.
\v 26 Kiai ko u noto ne bo aeng' agine ak ne bo somok agoi ne bo tisab.
\v 7 ak kagatosiek eng' oldinwekab aldaisiet ak keguure icheket biko 'Rabbi'.
\v 8 Ago moto geguurenok 'Rabbi,' amu otinye konetindeng'wong agenge kityo, ak otupche akwee tugul.
\v 9 Ak amoguure chi eng' ng'weng kwanda amu agenge Kwandang'wong', inendet ne mi kipsengwet.
\v 10 Amocham keguurenok 'kanetindet', amu agenge kanetindeng'wong, noto ko Kristo.
\v 11 Ago inendet ne o eng kwenung'wong koegu kiboitiondeng'wong'.
\v 12 Ak age tugul ne itororigee kemining'iti, ak age tugul ne imining'itige ketorori.
\p
\v 13 Ago bwo eng akwe, sirik ak Parisaik, chombilik! Ogere bounatetab kipsengwet si machut biko. Amu moite akweget oloto, ak amochamjini che machei koit oloto, koba.
\v 14 Bwo eng akwe sirik ak Parisaik chombilik! Amu oame gorikab mosogik ak osae sautik che koen eng' kenengwong'
\p
\v 15 Bwo akwe, sirik ak Parisaik, chombilik! Amu oaitosi araraita ak emet owal chito kobunjok, ak ngo kagobunjok, oyai inendet koek lekwetab oretab mat (Gehenna) konyil aeng' kosiirok.
\p
\v 16 "Bwo eng akwe, kandoik che o koriotin, che omwoe ole, 'Age tugul ne murtoe hekalut ko ma kiy. Ago age tugul ne murtoe tahabu che bo hekalut kotinye besendo'.
\v 17 Akwe salonik che koriotin! Anono ne o, tahabu nda hekalut ne kitilile tahabu?
\v 18 Ak, 'Age tugul ne murtoe kaptisisiet ko ma kiy. Ago age tugul ne murtoe kagochinet ne mito kaptisisiet, ko besenindet inendet.'
\v 19 Akwe bichu koriotin! Anono ne o, kagochinet nda kaptisisiet ni itilili kagochinet?
\v 20 Noto anyun, inendet ne murtoe kaptisisiet, komurtoe kaptisisionoto ak tuguk tugul che mito yoto.
\v 21 Ak inendet ne murtoe hekalut komurtoe oloto tilil, ak inendet ne menye oloto.
\v 23 "Bwo eng akwe, sirik ak Parisaik, chombilik! Amu ogoitei kebebertab taman ne bo Heduosmn ak Bisalik ak kamon, ago kigomete amoae ng'alek che eechen che bo ng'atutik---choto ko imanda ak rirenetabge, ak oegu che kiyoni. Ago kanyoljinok oyae chuto, amobagach chun alak.
\v 24 Ee akwe kandoik che koriotin, ogeneni tingwichet ago olugui tambesiet!
\v 27 "Bwo eng akwe, sirik ak Parisaik, chombilik! Amu o kerge ak kererisiek che kigesal koleelagitu che kororon iman barak eng' keeret, ago nyiitotin orit kowoik che bo biko che kigomeiyo, ak muruonindo tugul.
\v 28 Ko u noto, akwe otoogu ko u bikab imanda eng' taitab biko ago nyiitat oring'wong' chombilisiet ak ngogisto.
\v 29 "Bwo eng akwe, sirik ak Parisaik, chombilik! Amu oteeche kererisiek che bo maotik ak olelesanjini kererisiekab che bo imanda.
\v 30 Ak omwoe ole, 'Nda kikimite eng kenyisiekab kwanisiekcho, kita ma kitortoi koboto icheget korotikab maotik.'
\v 31 Noto obaorionjinige ole oi werikab icheket che kibar maotik.
\v 32 Onyiit anyun kerutiet ne bo kwanisiekwok.
\v 33 Akwe erenok, ee legukab erenok che ng'wonen Ochilildoi ano eng' kiruogetab Gehenna?
\v 34 Noto anyun otopen ayokwok maotik, ak biko che ng'omen ak sirik. Obore alak eng' icheket ak ogortoti alak, ak obire kipcharitit alak eng' icheket eng' sunagogisiekwok, ak ousoti kong'eete nganaset age agoi nganaset age.
\v 35 Si kobiit kobwanjok korotik tugul che bo imanda che kigetarta eng' ng'weny kongete korotikab Abel ne ki bo iman agoi korotikab Sakaria weritab Barakia, ne kiobar eng' kwenutab hekalut ak kaptisisiet.
\v 36 Amwowok iman ale, bwonjini ebeni tuguchu tugul.
\v 37 "Ee Jerusalem, Jerusalem ne barei maotik, ak kowire koik icheket che kigiyokun! Kiamach konyil ata aum legukuk ko u yo iumi ngogiet warekchi eng' kebebaikyi ago mocham!
\v 3 Ak ko kingotebche ng'weny eng' tulwetab Emitik, kobwanji inendet alamalyennyi eng ung'ot, ak kole, "Mwaiwech, egu au tuguchu? Ak tun ko nee kaborunetab chonuneng'ung ak bekunetab ng'weny?
\v 14 Ak keamdooti logoiywechu kororon bo bounatet eng' ngweny komugul koek baornatet eng' bororiosiek tugul. Ak koit anyun kagesunet.
\p
\v 15 "Ak ngogeer anyun kito ne kisase ne bo ng'emisiet, ne kimwa maotiot Daniel, kotonone ole tilil "(ingoguiyo inendet ne somoni),
\v 16 "Ngorwechi tulondok anyun icheket che mi Judea,
\v 17 ak inendet ne mi got barak ko mo wol kole si konem tuguk che mi gonnyi,
\v 18 ama weechge let inendet ne mi mbar si koib ngoriennyi.
\v 19 Ago bwo eng' ichek che managotin ak ch tinye leguk che mengechen eng' betusiechoto!
\v 20 Osa anyun si mabiit mweeng'wong' eng' betusiekab kaititindo nda eng' betutab sabato.
\v 21 Amu egu anyun nyalilda ne kindet, ne kitomo kobiitu kong'ete taunetab ng'weny agoi raa, ama ma kobiitu kogeng.
\v 22 Ngot ko ki ma kitil konwogitu betusiek choto, nda magisoru chi. Ago kikitil betusiechoto agobo che lewenotin.
\p
\v 23 Ngo mwowok chi age tugul eng' betunoto kole, 'Oroo mi oli Kristo' nda 'mi oloo, ko ma toyan.
\v 24 Amu ng'eetos Krisoisiek che bo lembech ak maotik che bo lembech, ak kobortoi kaborunoik ak kwong'utik che kindon, si ngomugak kobeet mbo che lewenotin.
\v 25 Ogeer anyun, kaasib amwowok kotomo sait.
\v 26 Noto anyun, ngemwowok kele, 'Ogeer, mito inendet surkweni ko mat obe. Anan, 'Oroo mito inendet got ne bo orit' ko mat oyan.
\v 27 Amu u yo mong'u kalyelet eng' kong'asis, ak kotok agoi cherongo, ko u noto chonunetab Weritab Chi.
\v 29 "Ak ne matiana ko kagogesge nyalinda ne bo betusiechoto, kotuitu asista, ama kokwengtoi arawet, ak kororok kokelik eng' kipsengwet, ak ketumtum kimnatosiek che bo kipsengwet.
\v 30 Ak kotook anyun eng' kipsengwet kaborunetab Weritab Chi, ak koteiyo anyun bororiosiek tugul che bo ng'weny ak koroo konyonii Weritab Chi eng' baragutab bolik chebo kipsengwet eng kimnotet ak torornated ne o.
\v 31 Ak koyoktoi malaikaisekyi eng cheet ne o ne bo iriaget, ak koum lewenikyi kobunu usonaik ang'wan, kong'ete tabandab kipsengwet agoi tabandab age.
\v 21 Kileji, kiptaiyandennyi kiiyai ne kararan otwogindeni kararan ago ne kiyoni! Koiegu ne kiyoni eng' tuguk che ng'ering' kandenin anyun ibou tuguk che chang'. Mongji anyun boiboiyetab kiptaiyandeng'ung.'
\v 23 Kilenji kiptaiyandennyi, 'Kiiyai ne kararan otwogindoni kararan ago ne kiyoni, koiegu ne bo iman eng' tuguk che ng'ering' kandenin ibou tuguk che chang'. 'Mongji anyun boiboiyetab kiptaiyandeng'ung.'
\v 24 Ak kicho agine ne kiga taach talentait agenge ak kole, 'Kiptaiyandani, kiangetin ale ii chi ne korom, igese eng' ole ma igolji kiy ak ium eng' ole ma ilechi.
\v 25 Ak kiaiywei, ak kiawe auny talentaing'ung eng' ng'weny. Angni anyun, ee naam king'ung.'
\v 34 Yeityo komwochi laitoriat ichek che mi eunnyi ne bo tai koleji, 'obwa, akwe che oberurotin che bo Kwanda, onam bounatet ne kigechobwok kong'ete ko kagilumda ng'weny.
\v 35 Amu kiama rubet, ak kiogono aam, kiama melel ak kiogono aee; ki aii too ak kiotaacha;
\v 36 Ki amite aach ngor, ak kiolaksewo, ki amiani ak kiobwa otopeno; kiomi korgoret ak kiobwonjo.'
\v 6 Ak kingo mito Jeiso Betania, eng gotab Simion ne kiamei mogondosik,
\v 7 konyo ole mi inendet chebyoset ne kitinyei chubait ne mi mwaita ne nyamdut ne bichii mising' alyennyi ak korong'ji metitab Jeiso ko kita koamisie.
\v 8 Ago kingoroo alamalyet konerekcho kole, "Bo nee kaseroni?
\v 9 Amu kota kialdoi mwai eng alyet ne o, ak kigochi kibananok."
\v 12 Amu kingo rong'ji mwaita bortonyu, ko kachopcho tubennyu.
\v 13 Amwowok, iman, ale eng' oldo tugul ole tun kiamdaate logoiywechu kororon eng' ng'weny komugul kemwoei agine ne kagoyai chebyosonita koek ne kinondoe inendet."
\v 17 Ak kibwonji alamalyet Jeiso eng' betutab tai ne bo betusiekab makatinik che ma kindeno mermerek, ak koleji, "Imoche kechobun ano ole iome *Paska?"
\v 39 Ak kiwo tai ng'atigin, ak kobutyi ng'weny ak kosa, kole, "Ee Kwanda, ngomugoksei kosiirtoeno kikombani ago, ma ko u ye amoche ane, ago ko ye imache inye."
\v 40 Ak kicho ole mi alamalyet ak konyor ichek koruitos ak koleji Petero, "Nee momuchi mbo oripse koboto sait agenge?
\v 41 Oripse, ak osae si mochut tiemutiet. Chamei tamirminet iman, ago nyalulilat borto."
\v 47 Ak kingoto kong'ololi, koit Judas, agenge eng' taman ak aeng,' koboto biko che chang' che tinyei rotonikab chok ak kurungusiek kobunu oldab tisiik che eechen ak boisekab biko.
\v 48 Ak kiiborji ichek kaborunet, inendet ne king'wektoi Jeiso kole, "Inendet ne ang'ututu ko inendet noto. Onam."
\v 49 Ak kichonji Jeiso eng' yoto, ak kole, "Chamge, Rabbi!" ak kong'utut inendet.
\v 50 Ak kileji Jeiso, "Choruani, yai kito ne kechonjini." Ak kibwa anyun bichuto, ak koyogoito eunekwai konam Jeiso.
\v 51 Ak ogeer anyun, kiiyogoito eunyi age eng' ichek che kimi koboto Jeiso ak kong'us rorwenyi bo chok ak kotil otwogindetab tisindet ne O, kong'eti itinnyi.
\v 52 Koleji Jeiso anyun, "Wekyi rotweng'ung ole kami' amu begu eng' rotonikab chok tugul che namei rotonikab chok.
\v 53 Nda ileen ma muchi asoom Kwandanyu, ak koyokwo malaikaisiek che siirei lugosiek taman ak aeng?'
\v 54 Ago isuldoitoi ano anyun sirutik che leen egu ko u nito ne matiny?"
\v 55 Kileji Jeiso tuiyosiek eng' sainoto, "Komong'u obwa onama, ko u yo osetyini inendet ne rebindet? Cham kemite tugul ak anetisiei eng hekalut ama onama
\v 56 Ago kayaagis chu tugul si kobiit kosulda sirutik che bo maotik." Ak kibagakta inendet anyun alamalyet tugul ak komweiyo.
\v 64 Koleji Jeiso, "Kaimwa inyendet. Ago amwowok ale, kong'ete rani ak tun ogere Weritab Chi kotebchei eng' eutab tai ne bo kamuktaet ak kochoni eng' barakutab bolik che bo kipsengwet".
\v 71 Ak kingo kagomanda kwo Chepketer, koroo chepto age inendet ak koleji ichek che kimito oloto kimito, "Chichi agine ko komito koboto Jeiso Nasaretindet."
\v 11 Ak kitonon Jeiso anyun eng' taitab bounindet, ak koteebe bounindet inendet koleji, "Tos ii inye Laitoriatab Yahudik? Ak kileji Jeiso, "Kaimwa ko u noto."
\v 24 Noto anyun ko kingoroo Pilato mata komuch kiy, ago kitesak bolotet konam beko ak koun eunekyi eng' taitab tuiyet ak kole, "Matinye tengek eng' korotigab chichi bo iman. Ogeer akwege."
\v 29 Ak kichob kutwet ne bo katok ak kondeno metinnyi, kondeno kiroktab tegat eunnyi ne bo tai. Ak kigutingio eng' tainnyi ak kochot kole, "Kigatin Laitoriatab Yahudik!"
\v 30 Ak kisingilji inendet ak konam tegat ak kokwerakweri metinnyi.
\v 46 Ak ye kingoit olo bo sait sogol koguurso Jeiso eng' kutit ne o kole "Eli, Eli lama sabaktani?" noto ko, "Jehovah nenyu, Jehovah nenyu kaine si ibagakta?"
\v 54 Ye kingo keree kiptaiyatab bogol ak icheget che kimi koboto inendet kogeere Jeiso kogeer botanetab ng'weny ak tuguk che kiyoogis koiywei mising' kole, "Iman Weritab Jehovah chichi."
\v 62 Eng betut ne bo aeng,' noto betut ne kiirube chobet, koumjige Pilato tisiik che eechen ak Parisak.
\v 63 Ak koleji, "Kiptaiyandani, kinoni, kele kimwa kenindenoto koto kosobe, kole, 'Ngo bata betusiek somongu ang'eet kogeny.'
\v 64 Ng'at anyun kerib kererit kemoi ago betut nebo somok si mabwa alamalyennyi kochor inendet koib, ak komwochi biko koleji, 'Kagong'eet inendet eng' che kigomeiyo,' si mayait kenisiet ne bo let kosir nebo tai."
\v 7 Ak obe ochakte omwochi alamalyennyi oleji kagong'eet eng che kigobek. Ak ogeero kagondoenak inendet kwo Galili. Ogere inendet eng' oloto. Ogas, kaamwowok."