See in Reader
87 lines
7.3 KiB
Plaintext
87 lines
7.3 KiB
Plaintext
\id 2PE
|
|
\ide UTF-8
|
|
\h 2 Petelo
|
|
\toc1 2 Petelo
|
|
\toc2 2 Petelo
|
|
\toc3 2pe
|
|
\mt 2 Petelo
|
|
\c 1
|
|
\cl Esuki esungu 1
|
|
\p
|
|
\v 1 Simoni Petelo, moleli mo Mwengei ase motutiani mo Yesu klisto, la wango wandjwi okowi Mwenge etalonda enge esu, a méemene e Mwenge esu la mokalisi Yesu klisto:
|
|
\v 2 Eteernele la logo adjei aino la oyewi e Mwengei la Yesu likumu la su!
|
|
\p
|
|
\v 3 Nda Mwenge inde a wokulu etohekel kpa a wanga wa kotusungaka la otoni la osombi, a mboka e oyewi la moto moto ongo a toweli a mwemu ende la okpaliesame,
|
|
\v 4 Winge wasu dja sungu ndaka ndamu, ate inde woume wadjei wa solo e wa mwengei, otili sambo mbe edjei a moki la moloba,
|
|
\p
|
|
\v 5 Ate enge, helekpa wotetelake la oumi la ondimi wa owe ekpalesake, la okpalqamia a wokengi,
|
|
\v 6 A wokenge otelake, a woteli olambeli, la maho.
|
|
\v 7 La osombi e libalano e manima, a libalano e manima la otua,
|
|
\v 8 Ango wihoo edjei ino, ase edjei masungu, okotikela té obateli te ekomba a oyewi a likumu esu Yesu klisto.
|
|
\v 9 Qse ongo moto wingi wiho widjeiti la ogwi maiso, aeniti lihele, ase awoonia ptuli masumu mango magala.
|
|
\v 10 Ndi ndjongo, wa manima, kolalani ino mbala sungu oyalihi a likao djowe ase owonami, ango, okoli, ndjongo, wa kobitana te.
|
|
\v 11 Ndjngo, ango, olingeli, a wokumulindo e likumu la su ase mokalesi Yesu klisto ekohelamani kpa.
|
|
\p
|
|
\v 12 Denga nda ndenge iwoti awolamu la omungoli wingoe wioho, olamu ndenge eyewi inoase djani la oholami ndondo e méemene esika ndjao.
|
|
\v 13 Ase indengi nda sambo esi ehekelami, oumwi idjei ndondo enge kola, oyahelila aawangatali,
|
|
\v 14 Qngo iywi ate ilongwi a logo, la likumu lasu Yesu klisto a inisia mbai.
|
|
\v 15 Ase ikodja la posa mbuse e ewongo e mbai, okoki ni omungoli winge wihoo.
|
|
\p
|
|
\v 16 Edjei ti, ndja, la otutiania masekpa djayewanake ekolemia, ndenge to okelia oinisia wokulu la oteli likolo e likumu la su Yesu klisto, nda edjei ate aeni osungu la maiso ndamu.
|
|
\v 17 Qngo wadjxi Mwengei wawa etelia la mwemu, engele mxemu ndamu e likolo e ma osali, a inde ibatia libalano la mbai kpa.
|
|
\v 18 Ase tokia molimohoelongwea likol, ango to djei la inde a mokoli mosatu.
|
|
\v 19 Ase to ikia e wango weti oeti maloba ma moaseli, linge wokelia keba, nda mwendi enge eloli ndondo e likol, te hisio lidjia oenni ae motono ma esoswi ndondo e mote ma mosu,
|
|
\v 20 Yewa ya te ino amene la ema téeti esami a madingo ekoki ti odjei eho dja kukalake nda ndenge eti,
|
|
\v 21 Ango edjei ti okelami moto inde amene la osani ekpalami te; ase edjei asesi a molimo mosatu a wato wasi a nambo e Mwenge.
|
|
\c 2
|
|
\cl Esuki esungu 2
|
|
\p
|
|
\v 1 Edjéi atye wato la watyasakoli mbée, ekodjàa ndengé kikima atié ino wahasi obé, wakolingeselani ino sambo ekokpalaka la logo watoma te likumu, ongo okowalongweseke iwo la mituke.
|
|
\v 2 Wato ebelé wakotutia sambo djau, wakotona mboka osembo la ntina ewu.
|
|
\v 3 Nda okotumani alitema ewambele, obandini okosi ino até wato te wiho wanu. kasi Mwengéi atilangalaka.
|
|
\p
|
|
\v 4 Te wahumbwa wango wakelate masumu Mwengéi atiyokela iwo magba. pe- akowahekele etumbu.
|
|
\v 5 Ndengé kikima ilindisalimokii mo liwoso la malia, inga akalisali Nowa, indé moto mwambe la wateyi dja sambo, ango édjali a moki mwèsi wa motomelali etumbu.
|
|
\v 6 Atumbali mokii mwèsi Sodomo la Gomola awahekeli nda owahinye la witumbu owadjélu.
|
|
\v 7 Inga akalisi lota la osembo, la sambo édjàli oyatungesi la ogeno la okali engé wato wakokelaka ndondo e molimo.
|
|
\v 8 Ingo ekoki, ebatali moto olamu ndondo ewu, ayokia pe aenia misala ndamu masio la masio la molimo sembo.
|
|
\v 9 Mokondi akalisi la wango wayaheleliaka la indé pe ohelia wango watisambali olamu laate awahekele witumu lisio la gboo.
|
|
\v 10 Pe ndjongo lantina iwo wakotutiaka mamungo ma wengé la posa djà isokisoki mpe wakotonaka witekiseli. wadjéi wato wa mito otetelake, wato oyakumisi wakogulumaka ango édjéi iwo otangi sambo dja ohemeli.
|
|
\v 11 Ango waahumbwa, wiloko la otetelake la ekulu wati tangaka ango ekodjà iwo liwoso la mokalesi la tina watubi iwo.
|
|
\v 12 Kasi iwo nda wa nama wati laokenge wawotami saa até wahelamake. pe wagweke wakolukaka makambo mayewiti iwo tina te, wakowa lifuti ndondo e obitani iwu.
|
|
\v 13 Wakotota lifuti okeseni. wamungoli até owemeli olaki la litema la hengeli liwusawuse. wodjéi la matono pe wakohemeleke okosi owu ango édjéi iwo alaki ebété kikima la ino.
|
|
\v 14 Maiso mawu etumi la pite. watadée okeli masumu wakolongweseke wato wango wati la piko; wadjéi la mitema mimesania la wilula, wadjéi wana wa mbumakolo!
|
|
\v 15 Wadjéi owusi mboka elamu, wapengwi pe watutia mboka e Balame, mana e Beolo, ongo okobalaka lifuti la okeseni.
|
|
\v 16 Kasi atotali mopamopo moto tetelake wonde punda emokpalia ahasali moolilamisa, atekisi Balame watoma.
|
|
\p
|
|
\v 17 Wodjéi wiliwa witii la maliya, pe elolo ekosombasomba la hehoko oyindake la likolo ehisameli iwo.
|
|
\v 18 Ango édjéi iwo opumbeselani iwo sambo pamba la posa mbé djà wengé. pe sambo la mobulu wakolongwese iwo wadjéi otitli sikaladjo ndondo é wato wadjéi widjaleli moleho.
|
|
\v 19 Wakohekeleke iwo liwuna la ndamu, te ndengé édjéi iwo mituke dja obitani. laate moto la moto adjéi motuke la engé inde mène akelia.
|
|
\v 20 Laaté, te watiliga la sambo dja osotoe mokii la moyewi mokondi pe mokalesi Yesu kilisito bayabatisi aleeti ndondo eho, sambo dja gbo djau eeti eho e liwoso la hobe.
|
|
\v 21 laaté inga wayewali mboka dja oyengebene nda eeti olamu la iwo kasi eeti obé laate wayewali eho pe wawongwi mbuse odei likao e bulée ehekeleni la iwo.
|
|
\v 22 Ekweli iwo mbala esi la lisekwe la sembo ehasi ndjoo, mbwa awongwei olaki ilaka wingé witokolika indé; aleeti ngulu akpolia a malia aleeti akalangalia wisoki.
|
|
\c 3
|
|
\cl Esuki esungu 3
|
|
\p
|
|
\v 1 Ndenga manima olibalana mokonda mowale mungo mokomeliaka mbai, ndondo muesi mpe wale ikowaselaka ate osusuela okebisi likambo.
|
|
\v 2 Late wakanei iwasela mbala poo miwoso la mosakoli, la oweli galagala Yesu mokalesi.
|
|
\p
|
|
\v 3 Djinge iwo lakesaka tuke dja engali, ewa ate liwoso la wuse inga bo, akodja oseki.
|
|
\v 4 Mpe asia eni odjei elaka la sambo owe, late banda logo o wawa kunda kpaa banda ebandeli e mokii.
|
|
\v 5 Wa bandakali owosani ate likolo lidja aleti la maloba ma engali, ndenge kikima ate mbume ilongwi ma malia mpe ikelani dji la malia.
|
|
\v 6 Aleeti wiho mokili mo molongoliaka, la malia
|
|
\v 7 Laate maloba mùa likolo ango mbume djinge sila ibateliaka, mpe isamiaka la misa, laate wose ongo osambake, okodja logo owoto wabe.
|
|
\v 8 Laate edjei esi ebalani, we wosanakeni, ata ata liwoso la wakum, wuse wesi akodja akodja nda mbula koto, mpe mbula koto ikuma nda wise.
|
|
\v 9 Likumu aolambelaka la ilaka wande, nda okokanisaka moto, ango odjei la molobe mosu.
|
|
\v 10 Use e Mwenge likodja nda moto iwa, a use uho likololikoheta lingae ikodja ikobongwan nda molia, ma mbume la misala mande.
|
|
\p
|
|
\v 11 Laate wiwo ka ikobongwana malia, idje te la osatu mpe isombeli wowe pete.
|
|
\v 12 La tango ekoki owe mpe galagala la makambo ma masio ma engali, matame mako ndukuana iho ikobongana nda malia.
|
|
\v 13 Iso tokolambelaka ilaka wande, likolo liholi mpe mabele maholi ango akodja makumbo solo.
|
|
\p
|
|
\v 14 Laate mobalano ombai okolabelakaiho abanda iyahekele lainde laate adjei olamu.
|
|
\v 15 Ewaka ate laho wohe olokumu, odjei la elembo wohe, nda libalano loho monga Polo akomiaka, la makanisi mande ma okoko mango mahekele iho.
|
|
\v 16 Nda okomiaka iwo la mikanda ma Matai la wewi, wato wa ongeno mpe obe.
|
|
\v 17 Mpe owe libalano la mbai okebisaka mbai, abata la ndenge dja osatu.
|
|
\v 18 Helanani la ngolu la okenge e likumu laasu mokalesu mosu Yesu klisto ainde kembo sikadjo mpe seko la seko.
|