bbm_reg/45-ACT.usfm

\id ACT
\ide UTF-8
\h Tomu
\toc1 Tomu
\toc2 Tomu
\toc3 act
\mt Tomu
\c 1
\cl Esuki esungu 1
\p
\v 1 Teofile, iyasi, ndondo ebuku e mbayi e liwoso, la enge kpa Yesu abanda okeli la oteyi tée la ebandeli.
\v 2 Tée lisiyo enge etelali inde a likolo, mbuse e inde ohi mitiho, la molimo santu, la wayekoli wango owawonali.
\v 3 Mbuse onyokwami, awawumelali la bomoi, awao hio ilembo ngbi, ayenenia la iwo masiyo tuku ineyi la owaaseli sambo djinge edendi bokonzi e Mwengei.
\p
\v 4 Nda ndenge edjali inde la iwo, awa tekesiya wa tilongwe a yelusaleme, kasi walambelé enge wawaawunali, enge iyo waselali, awaaselia.
\v 5 Yowana adjali obatisi la malia, kasi ino, la masiyo makeeke, oko batisamani la molimo satu.
\p
\v 6 Kasi wayekoli waboliania wamo huelia; likumu, ndi la ehele tango nde okobata bokonzi e Mwengei?
\v 7 Awa wongoselia: etiyo ndendé ni ino la oyewi tango la masiyo mango wawa abati la likumu landé amene.
\v 8 Kasi akototani okulu, molimo satu ekodja likolo e ino, okodjani wa ndjeneneke wa mbai laye lusalemu, la yudeya kpa, la samaliya, tée la gboo emoki.
\v 9 Mbuse la owasi ndjongo, atombwama likolo ndi wakomondenda, lipata limodhihia la maiso ma iwo;
\p
\v 10 La ndenge edjaki iwo mayiso mandendi likolo ndi inde akokeke, denda, wato waale wakpali isindje bubake waa wamelia, waaselia; wato wagalile woni owamalini odendi likolo?
\v 11 oko dja la ndenge omwenisi ino oteli likolo.
\p
\v 12 Wa wongoiya la yelusalama, la mokoli mungo mowelami e oliva, enge edjei pene e yelusalema, la lihele e mboka eesi e sabato.
\v 13 Tango ewumiya iyo, wateliya la Mwenge elikolo ongo ehehamali iwo odji, wadjali Petelo, Yowana, Yakobo, Andele, Filipo, Toma, Batelemi, Matiya, Yakobo mana o Alofé, Simoni moya Zelota, la Yuda mana o yakobo.
\v 14 Iwo kpa ehelo kikima waabatia la wali, la malia, nango Yesu, la wa manango Yesu
\p
\v 15 Mango masiyo, Petelo a amaliya liwoso la wa manango, iwo kpa wadjali kama esi la iwale.
\v 16 Wa maanima, engemana lite ekokisame engé molemo satu, ndondo emadhingami aasali liwoso, la monoko modandi, la loyi e Yuda ongo odjali motiasakali la wango wa mohelali Yesu.
\v 17 Adjali la iso, adjali la elelo la otomo e minisitele.
\p
\v 18 Oholo moto, ototali elanga la lifuti e logo, akwali, abukiali la odja e wenge, solo djande kpa eyaandia.
\v 19 Ehele lohi eyeweni la wato kpa yelusalemea té enge elanga ewelami la monoko mowu akaladama, enge einyei, elanga e mokila
\p
\v 20 Kasi, edhingami la ndondo ebuku e olembi: molako mondé mowume esobe, moto tweti atiabate! aleeti: wzti moto atote mokpali monde!
\p
\v 21 Ekoki, la wango wasombali laiso masiyo kpa tango edjali likumu Yesu la iso,
\v 22 Lisiyo ebaisimo eyowana tée lisiyo enge etelali indé likolo liwoso laiso, ekoki la mwesi aboleane la iso nda ndjeneke e obasi e Yesu.
\p
\v 23 Wahia wato waale: Yezefu ongo owelami balasabasa, wa masingei yusitusi, la Matiasia
\v 24 Wakelia ehele ongoli: likumu, owe nde oyewi mitema ma iwo kpa, inya iwo waale omooni ndai,
\v 25 Aate atote elelo eminisitele la otutiani, enge yua adhe laate ake la ebeet endé.
\v 26 Wa bingia djegé, djege emokwelia Matiasia, oboliani la watutiani lomi la esi.
\c 2
\cl Esuki esungu 2
\p
\v 1 Ango lisio la patekote epotali oumi; wadjali iwo kpaa ebete kikima.
\v 2 Mbala kikima moli akumbali nda ohoho enge edjei la lihohela as etumali l; a monguta ongo wayabatali.
\v 3 Enge edjali iwo owasi misa etilisali atie iwo pe elingelia atie mwesi la mwesi eyabatali likolo la moto la moto.
\v 4 Iwokpaa watumali lamolimo santu pe wabandali owasi la kota eti ndi nda elimo edjali oyekeli iwo mboka la owasi.
\p
\v 5 Kaikwase, wa yuda weeti, wale wango wadjaali owongi wadjaali oyabati a yelusalema wadji a mikii kpaa enge edjei a la sese.
\v 6 Ndjongo ango atle lahoo epumbali, ebiba e wango wato wayaboleali pe wakamwali ngbii, te pamba moto la moto aodjaali oyoki iwo wakohasaka monoko mondee mo saa.
\v 7 Iwo kpaa watumali la okamwi pe ophasi ate: dengayo, wango kpaa wakohasaka wato wa Galileya?
\v 8 Nda ndenge tokoyokaka moto la moto ndondo eesu owasi koto onde enge mokii mondee.
\v 9 Watutiani la bamede l; a baelame; la wato wango wakoyabataka a mesopotami, ewo yuda, ewakapadosi, poti a mokii Adjia.
\v 10 la filigia la pofilia o Egipito la suki e Libi enge edjei ngambo e Sirene wango wadjei alidji wango wadjaalili a Roma wa yuda la wa Pozelite.
\v 11 Wa krete la Walabe, oyoki iwo wadjei ohasi sambo sungu e Mwengei a monoko mosu.
\v 12 Iwo kpaa watumali la okamwi pe ohasi nde ekohetaka, wadjali ohasi iwola iwo ehele eko asaka nde?
\v 13 Kaikwase weeti wasekwali pe ahasi: watumia la mana maleleke.
\p
\v 14 Ase petelo, ahamalia la watutiani liomo la esi wabandia ohasi la mooli mosungu pe ahasali a wango wato ndjo: pele djaa yuda pe ini kpaa wato wawa oyabati a yelusalemi, yawani wuu likama.
\v 15 Wato wango wati langwali nda wikomungolaka laate edjei ngonga e libwa eboo.
\v 16 Ase ehele edjei sambo enge ehasani a mboka e motiesakaoli yojele ate:
\p
\v 17 A masio ma gboo, Mwengei ahasia, ekoswela wato kpaa ndambo elimo e mbai pe wana djaa pele la wana wanu wawali wakotiesakala pe wana wanu wakoene la wilembo pe mbange wanu wakoene la sakii.
\v 18 Te mituke wa mbai djaa pele pe mituke djaa mbai wangowawali ikowaswela ndondo elimo o mbai a mango masio, e wakotiesa.
\v 19 Ase ikohekele makamwesi la ohinyei sambo enge ekodjaa ongo likolo pe wilembo wa mbume a la sese, makila pe misa la ligite e milungu;
\v 20 Wuse ekobongwana, likolope ndebo ekouma makila liwoso oumi liwoso e Mwengei ate lisio mosungu wa kembo.
\v 21 Ase moto kpaa ango akowela nkombo e Mwengei akokala.
\p
\v 22 Wato wa yisalayele, okoni ndji loyi! Yesu Anazalete oho lomoto Mwengei aasali liwoso la ino la makamwesi, la sambo dja boo, la ilembo djinge a mokelali liwoso laino, nda ndenge eyewino amene,
\v 23 Owolo moto, akawanali ondendi ndenge ekawanali aleeti la oyewi sambo lihoso inge edjei Mwenge leho, omobakali la ekulusu omolesali ni amawo la wa; ngo wako bukaka mibeko.
\v 24 Mwengei amobasi, la omolongwesi la ehelani e logo, laate etidjaali olamu té ohelame a logo
\p
\v 25 La ndjongo Dawidi aasi la loye la inde: ikoyeneke tango kpa likumu liwoso la mbai, aloyi adjei a ewo embai epele, laate itibandé té makeke.
\v 26 La ndjngo motema mo mbai modjei la mwemu, lolemu lo mbai etume la iyelo, aaleti wenge wa mbai ekohoma la liwuna,
\v 27 Laate otitik; e otiha moto otwa omemene ahole,
\v 28 Okili te iyewe mboka ewokali, okotumisa mbai la mwemu la mwemu la elongi oowe.
\p
\v 29 Wa manima, ehani la mbai oyowasele té la owangi, loyi enge emodendi taata osu Davidi, ongo ogwali, wamokundali aleiti mbila eyindé edjei iso.
\v 30 Ndenge edjali inde moyewi, aleeti oyewali té Mwengei amowumali la olapi ata okomobatisa mwesi la litoto lande likolo engbelengo e inde:
\v 31 Edjei obasi o klisto ayawali liwoso aleeti adjali owaseli liwoso, la owasakate atimotika a mbulu aleeti wenge wande etiholo.
\p
\v 32 Edjei Yesu nde Mwengei amobatisali, to djei iso kpa wa ndjeneneke.
\v 33 Atelia a ewo elilome e Mwenge, atotia etie wawa molimo satu enge amowunali, aswia, nda ndinge eyeni ino la ndenge eyoki ino.
\v 34 Laate Davidi ati tele a likolo, kasi aasi inde amene: likumu aasi la likumu o mbai: Abata a ewo elelome embai,
\v 35 Tée ekoke la wayini wa owe ebateli emakolo ma owe,
\p
\v 36 Molako kpa mo isalayele moyewe la meemene té Mwenge akeli likumu aleeti klisto olo Yesu ongo omobakani ino a ekolusu.
\p
\v 37 Mbuse eyoki eyiwo ehele eyaseli, mitema mowu mibandamia peendja, a leeti waasia la Petelo la weeti watutiani: wa mangbasu tokele woni?
\p
\v 38 Petelo awaaselia: tobelani, a leeti mwesi la mwesi abatisame la kombo e Yesu klisto, la odjui olimisi emasumu manu, aleeti okototani likowo e molimo satu.
\v 39 Laate liwuna djei etehi eino, la wana wa ino te la wango wa djei lihele, la wango kpa likumu Mwengei eiso akowawela.
\v 40 Aleeti, eyaseli ngbi, la owasi: kalani la eheli liwota liwengami.
\p
\v 41 Wango wa ndimali malowi ma inde wa batisamali, la, nge lisiyo, motango mo wayekoli; motelali milimo mbuka isato.
\v 42 Wadjali owahi la mateya wa tutiani, ndondo ewoboliani ewouma, la ema woongi Mwengei
\p
\v 43 Booedjali okelami ilembo lamakamwesi la watutiani.
\v 44 Wango wa ndimali wadjali ebete kikoma.
\v 45 Wadjali otambi iho wawa la oguma wawu, aleeti wadjali waambele waho la nde ndenge moto la moto adjei adjai la ewongeli.
\v 46 Wadjali masiyo kpa obolani a Tepelo, wadjali olaki okoke ewu ndondo e milako, aleeti wadjali ototi ilaka wawu la Mwenge aleeti la waahohisi mitema.
\v 47 La mokumisi Mwenge, aleeti la eweneni logo a maiso ma wato kpa. Aleeti likumu adjali olingesi masikpa a losambo wango wadjali okali
\c 3
\cl Esuki Esungu 3
\p
\v 1 Petelo la Yoane wateli mongindi, la mwengele e oyatati: edjali mwengele e libwa.
\v 2 Edjali la molome mwesi libata liwotamaké, wadjali omokpali abati masio kpàa la moluhe mo tepelo linge leweliwo la bele olamu, late aongoke osikana la ongo okolingela la tepelo.
\p
\v 3 Moto oho, amweni petelo la Yoani wokeke alingeli, awaongia osikana.
\v 4 Piele, nda Yoani alumbi ehoi ya inde ase wasate: todenda iso.
\v 5 Ase awadengi la elikya kpà, mla odendeli ate akotota ema te esi yaiwo.
\v 6 Sikandjo Piele asi la inde: iti la wambele té, wolote; te ndjongodinge idjéi mbai adjaho okoha la owe: la kombo e Yesu Kilisito e Nazalete, yamala ase somba.
\v 7 Ase amodjambi la ewo elilome, amoyamalesi, ndi la enge Mwengele, mangbanda mande la mouli mande matetisami;
\v 8 Ahumbweya mbala esi ayamali, ase abandjia osombi, ilingeli mongindi la iwo ndondo etepelo, osombi ohumboi la omoguméi Engali.
\p
\v 9 Wato kpàa wa mweni la osombi la omogumei Engali.
\v 10 Wa mwewali ate edjali inde ongo odjali oyabati la ekuke lilamu la tepelo la wongi wambele wa osikana, ase watumali la oyahueli la loi owaumeli gbamwa.
\v 11 Nda etiwadeli inde Piele la Yoani, wato kpàa wayahuelya wadi obangu ya iwo, la moluhe mo salomona.
\p
\v 12 Piele, eni ndjo, asi la wato ate: Mpele dja Isalayele, lande ekoyahuelakani ino la who loi ndjo? lande ekotodendakani ino, nda edjéi la otetelaki esu amene te inga la oembo osu nde ekeli ata tomosombese oholo moto?
\v 13 E ngali e Abalayama, la Isaka, la Yakobo, Mwengéi e watata wasu, amogumesi motuke monde Yesu, ongo omokawali ino ase omohungani ni liwoso la Pilato, ongo olukali omokalesi.
\v 14 Ohungani moto mosatu moto eosembo, ase ongini ate waoheni ngolu emo oli.
\v 15 Omoolini Likumu la bomoi, ongo omobasesi Mwengéi la wagwi; iso todjéi watatoli.
\v 16 La ogemei la kombo ende ase kombo ende etetesi linge likweneke ino la wewi; la ogei dja inde ongo ohi la oholo moto mpele mokalo kpàa, liwoo lanu kpàa.
\p
\v 17 Ase sikandjo, wamanima wa mpele yewi ate okelini ndondo e odjangi wewi, la makumu manu.
\v 18 Ase Engali aengesi ungo ounali inde atie wasakoli wande, ate Kilisito onde akwene odidi.
\v 19 La ndjongo yakukolani la oyapetoli late obé onu elimane.
\v 20 Ndi ate gboo e limbile ongo oyakawi la songo e mokeli ongo oyaoni yaiso, Yesu Kilisito.
\v 21 Dè ate ongo likolo e mobanye te ango ekoesama sambo kpàa, aungo oumwei Engali wasi la monoko mo wasembwi wasakoli wande.
\v 22 Mose asi: Mwengéi Engali onu akoumiselani mosakoli ndondo ewamangbanu akodja nda mbai, mookani la ungo okwasa inde kpàa djaino.
\v 23 Ongo otibala omooki mosakoli akodja mogwi syoo ndondo ewato.
\v 24 Wa sakoli kpàa wango wasi la olindaké, obandi la Samuele, aselali obandi linge lisyo.
\v 25 Odjéini wana dja wasakoli mongindi la Mwengéi ahuhi lundo la sangbasu, la wasi la Abalayama: malye kpàa ala sese wakodja la mapamboli la lolenge ou.
\v 26 Ewongi laino liwoso ya Engali, amobasesi motuke monde, amotoni late aopamboleni la okukoli moto la moto yaino la lolenge onde.
\c 4
\cl Esuki Esungu 4
\p
\v 1 La ate Piele la Yoani wahuhi luundo ya wato wakengeli wa Senzeli wahi mibeko la tepelo la wasaduseyo.
\v 2 La omeme nda einyaki iwo wato, la ogbomeli la wato wa Yesu la obasi o logo.
\v 3 Walumbi ewo likolo lau, ase wa walingesi la boloko, ango ndi limbele likikaa.
\v 4 Ndi ango osungu owaato wango waokali luundo lihumbaké, la etutaki ewato wayamali inga mili tuku itano.
\p
\v 5 Hune wusé, makumu wapaka la wadindi, wa gbotoni la Yelusalema.
\v 6 La Anna, motuke mosungu, Kaifa, Yoani Alexandele, la wango kpàa wadjali makumu sungusungu.
\v 7 Wayabatali ango edjaki Piele la Yoani ase wa wahueli: la nda okulu inga la nda kombo ongo okeli ndjongo?
\p
\v 8 Ase Piele atumisami la molimo mosatu, asi la iwo: Likumu la wato, la paka ewa Isalayele.
\v 9 Late todjéi la oyahueli keke la olumu ogemyani la moto mwesi o ekoni, la mbuse towaseleni nda ekalali ongo moto.
\v 10 Ewani kpàa, late wato kpàa wa Isalayele waewe! edjéi la kombo e Yesu Kilisito o Nazalete, ongo o mobaki ino, ase Engale amosesi la logo, la tina ende nde ekwenene ongo moto la hoho la wenge tetelaké liwoso lanu.
\p
\v 11 Yesu adjéi libukeli linge lilumbami la ino wabatesi, la nde oumika moto o gboo.
\v 12 Mokale eti la oeti moto; late ala sese eti la eti kombo ungo ohami ndondo ewato; la tina ende ekodjua iso mokalo.
\p
\v 13 Ango eni iwo oyahi Piele la Yoani, ndjongo waya huelali, ewani ate edjéi wato wa etutaki odjangi odianggi odingesi; wakwewa late wadjaki la Yesu.
\v 14 Te ndjongo ango emweni iwo ongo ahue yaiwo moto ongo omokalesali inde wausali lolenge logbomaké.
\p
\v 15 Ase awaluhueli mboka olongwéi la Sanedirine, ase waya longosi yaiwo, la wasi ate: Nda ema ekeli iso wa wato?
\v 16 Nda eiyei iwo wato kpàa wa Yelusalem wikamwa si easali ind engesami yainde, linge likokiti iso omohungani.
\v 17 Kasi la owangesi ate etiasane atie weti wato, waanolani la ndjangi gbomaké ate inga te ndai atihuhe luundo la engé kombo.
\v 18 Ase awawelali, la owaanoli la logo la ogbomi la oinyéi la kombo e Yesu.
\p
\v 19 Piele la Yoani wa wongwsi ndjo: sambesa inga adjéi la osembo, liwoso la Engali late towokeni liwoso la omoki Engali.
\v 20 Ngonga eti tokokiti ogbomi ungo weni iso la ungo wooki iso.
\p
\v 21 Ase wawabandi aleti la ndjangi, ase wawakalesi, waewiti lolenge okoki iwo owahi etumbu, a loi owato, la loi ate wato kpàa wa mogumye Engali a ungo oumali.
\v 22 Ngonga eti oholo moto adjaki la elembo la okalesami eyahuelaké oeti mibu tuku inéi.
\p
\v 23 Mbuse ewu okawani wakeli ya iwo, ase wabandjia owongweli sambo kpàa dinge easali makumu la wapaka.
\v 24 Ango ewokali iwo walongosi moli wasi la Engali la ohuhi lundo mongindi, wasi ate Mwengéi owe ongo okeli likolo, la mbume, ewale la dinge ikweneneke.
\v 25 Edjéi owe nde wasi la molimo mosatu, la monoko mao sangbasu, eowe motuke Dawidi: lande omemeli liwoso la wato, la odiaké eho ekokpandaka dja wato?
\q
\v 26 Makumu ma mbume ma mbume waeneni wiloko wa gbotoni omowamaleli Engali la omowamaleli la sambo djande.
\p
\v 27 La mbuse, monguna la molimo motuke Yesu, ongo omomunoli owe, Elode la poso Pilato wagbotoni la moki moki mosungu iwo kpàa la wato wa Isalayela.
\v 28 La tina eokeli kpàa emawo maowe la toli ewe etimye.
\p
\v 29 Ase sikandjo, Mwengéi, ene ndjangi djau, ndjongo waha wasakoli wau la waseli luundo eowe la otumisamu eumwaké.
\v 30 La olambeli ewoo eowe, late elimese mokalo, la wikamwa eyahuelaké la tina e kombo e mosatu motuke eowe Yesu?
\p
\v 31 Edjaki iwo oyatati, ango la enge ebete eyakokiaki iwo watumi la owangi; iwo kpàa watumisami la molimo mosatu, ase wabondi osakoli la luundo o Engali la molende.
\p
\v 32 La wango wadjaki ohumbi pui waumi loho kikima la okulu moikima. moto toeti ema ende atiasa ate edjéieu mongindi.
\v 33 Watutyani watumisamali la okulu la wilembo dja o Yesu ase osungu e okulu eyabatesi yainde kpàa.
\v 34 Ase ango yaiwo moto aidjali la odjangi kpàa wango wadjaki la wilanga la milako etambemi, okpali motuya a dinge itambi iwo.
\v 35 Wakatiki sese emakolo ewasakoli; ase akawi la moto kpàa oengemeni la posa e moto.
\p
\v 36 Yozefu, aonomi la wasakoli BAranabasi, eluki wasi ate mana molendesaké, lewito, ya inde la chipele.
\v 37 Atambi mobele mwesi edjaki inde alaho, akpali wambele okatiki la makolo ma wasakoli.
\c 5
\cl Esuki Esungu 5
\p
\v 1 Kasi moto onoweli iwo ananiasi la Safi la malinango onde, atambi opeto wesi.
\v 2 Ase aisi ndambo emotuya, moli onde agemei ndjongo; ase aki la dinge itikali, la okabati la makolo na wasakoli.
\p
\v 3 Piele asi la inde Ananiya lande etumi etota la loho eowe, late ohengele okulu satu la oisi motuya mo elanga lande?
\v 4 Inga eitambemali, oikokaké odei? la mbuse e otambi enge mortuya etikokaké odjéi eowe? lande la loho eowe ogemei okeli ndjo? eti la tina ewato nde ehengi owe, kasi la Engali.
\v 5 Ananiya ango eoki inde luundo ndjo, akpi, la owameli ogwi owangi ewatumeli iwo kpàa makumu.
\v 6 Wapalanga, wayamalali, wamolingi, laomokpali opumbi la inde la hoho ase wa mogya.
\p
\v 7 Ango inga mwengele tee isatu, nda elingeli moli onde, odjangi weewi ungo oumali.
\v 8 Piele awaselali osembo loi: Ndiaselani, ndi la ehele motuya nde etambi owe mobele? e ndjongo, amowongweseli, ndi la enge motuya.
\v 9 Ase Piele asila inde: lande egemei owe la tina eomeki okulu o likumu? denga wango wa moombi molome eowe wadjéi la moluhe, ndjongo wakokpàlela.
\v 10 Ndi mwengele eho, akwi ndi la makolo ma mosakoli, la ohokwani, wa mokpalali, la omombi kekele molome onde.
\p
\v 11 Owangi etumisami ango edjaki itutakila wato kpàa waokali ungo loi.
\p
\v 12 Wikamwa ngbi widjali okelami liwoso la wato la mawo ma wasakoli. Wadjaki la boyokani mongindi liwoso la Salomo.
\v 13 Weti wato watidjali la mohandja eyabolyaké la iwo mongindi; kasi wato wa waguméi ngbi.
\v 14 Motuya e wango wa mogemei Mwengéi, molome inga moli, waguméi weti mopaka.
\v 15 Ndjongo iwo wango wawakpàli wato wa ekoni la mboka wawabati la litoko la epée, late, ango ekokpanda Piele elima ende eyahelele te la mwesi yaiwo.
\v 16 Etutaki ewato la meki misungu la Yelusalema wakadi la wakoni la windjengi wa milimo mibée, ase iwo kpàa wakali.
\p
\v 17 Ndjongo wakumu la wango kpàa wadjaki la inde mongindi, wewi wisuki dja wa saduseyo, wayamali, watumi la zuwa.
\v 18 Wawaheli watoma wa lingelali soloko enge esungu.
\v 19 Kasi ahumbwa mwesu o Engali, aluholoali moluhe mo boloko a mwengele elikolo ndjongo wapumbali, ase wasi la inde.
\v 20 Keke, yabatani la tepelo, kawaeni la wato luundo kpàa ma womoi.
\v 21 Ango eoki iwo ndjo, walingelali boo la tepelo, ase wabandi owa tei. Wakumi wango wadjaki la iwo mongindi waumi ango edjaki iwa ase wandongbanesi wato wa sanediline la wana wa Isalayele, ase wawatomi okawalukani wa toma ongo la boloko.
\v 22 Ango eumi wapulusi ongo, watiwagbote kine la boloko, ndjongo wa wongwali, la okasumbi mboli.
\v 23 Wasumbi mboli: iso togboti ndi boloko eyalili olamu, walambyani wango wadjaki la molehe, kasi mbuse e oluholi, toti mogbote moto ndondo.
\v 24 Ango eoki iwo luundo ndjo, likumu omiseko la makumu sungusungu e monguta wabandali oyahueli wu loi ewatoma inga ekweta nda ndenge.
\p
\v 25 Ase moto moiki adji odja waseli: denga, wato walingesi ino la boloko wadjéi ongo la tepelo, wakowateyaka wato.
\v 26 Ase likumi aki la wapulusi mongindi, ase awakamvbi kasi té la okulu, late wadjaki owangi wato late watiwabinge.
\p
\v 27 La mbuse waumali la iwo liwoso la wa Sanedrine, Likumu mosungu awahueli poopio la luundo ehu.
\v 28 Totiotekesalini osakoli la enge kombo ndjongo? ase denga, owatumisini Yeluzame la mateya ma ino, emakila ma oholo moto!
\v 29 Piele la watoma wa wongwesi ndjo: edjéi olamu omotosi Engali la ebete e wato.
\v 30 Engali ewasangbasu amobasesi Yesu ongo omolali ino, omokandiani la moté.
\v 31 Engali amoyamalesi oengemeni la balakala nda mokalesi, la owahi wa Isalayele otatoli la olimbesi la obe.
\v 32 Todjéi watatoli lau loi, oengemeni té la molimo esatu, linge lihi Engali la ongo omogenéi.
\v 33 Eoki iwo luundo ndjo wamemeli, wa paaki owaoli.
\p
\v 34 Mofalizeyo mwesi kombo ende Gmaliele, monganga mo mibeko, ahi moseko djawato, wayamali la Sanedilina, ase ahi mobeko la opumbi mbala kikima watoma.
\v 35 Ase asi la iwo: wato wa Isalayele, djani la okengi la ungo obali ino okeli la maiso ma wa wato.
\v 36 Late ekeliti masio tenda apumbali la wasi ate inde moto mosungu motuya mo mpele wayalingi la inde inga wato kama inéi ase wa moli ase iwo kpàa wango wa motutiaki wayamisi nda wibebe.
\v 37 La mbuse ende, Yuda mo Galileyo, la mobu mondingsaké, ayalukeli la moki enge ende wato inde agwi ae kpàa wango wa motutyaki wayandi.
\v 38 Ase sikandjo, yasi la ino, otiyaheni la wa wato, wadeni wake. u otomùu la diidi sambo ndjo elongweéi dja wato, wakodibitisa.
\v 39 Kasi inga alogoi ya Engali, otikokani o motesi. Okakebeni odjasanani la Mwengéi.
\v 40 Wa mogemei ango ewaweli iwo watoma, wawabingesi, ase wawakangoli.
\p
\v 41 Watoma wayalongosi liwoso la wa Sanedrina, mwemu late wa tolemi wa wongi la soni la etumbu la tina e kombo e Yesu.
\v 42 Ase masio kpà, la tepelo la ongo la molako, olamu la mateya, la waseli sambo dinge pooli dja Yesu Kilisito.
\c 6
\cl Esuki Esungu 6
\p
\v 1 La enge mwengele, motuya mo wasakoli motalyami wa Yuda wakpomakpomi la wa ebele, late yaiwo wango wagbeli pele wakowadjebeleke le likawo linge likokela maka masio kpàa.
\p
\v 2 Ndjongo walyomu la iwale wandogbanesi watutiani, la wasi ate eti olamu tode osakoli ase tobateleni wilaka.
\v 3 Leho, wa manima mononi ndondo enu wato sambo, wango watumi la molimo mosatu la akili, late towakpalese uu otomu.
\v 4 Ase iso toyahe kpàa la oyatati la otomu omemene luundo.
\p
\v 5 Lingé luundo o edjéi la etuluku kpàa wa mooni Setefano, moto ongo otumi la ogemei la molimo esatu, Pilipo, la Polokolo, Nikanola, Timona, la Palamena, Nikola, mobongwi moyatiokia.
\v 6 Wa wanei la watoma ndai, mbuse e oyatati wa watambeli ewo.
\p
\v 7 Lungo o Engali ebeki weti, motuya mo wa tutyano mobekali ngbi la Yelusalema ase wato ngbi e makumu watumi la ogemei.
\p
\v 8 Esitefano, atumi la ngolu la okulu, akelali wikamwa dinge sungusungu ndondo e wato.
\v 9 Ndambo e wato la Sinagoga wakwasaka la wasikolami la wakulene, wa Alezadalia wa Yuda, la wa Aziya wabandi okokiani la iwo.
\v 10 Kasi watikokake oyamali la akili ou la molimo ango ekwasaka lao.
\p
\v 11 Ndjongo wagemei ate wato wase tomokika la luundo e omotuki Mose la Engali.
\v 12 Wayabatesi wato, wiloko la wadingi, la olumbi dja uinde, wamoheli oki la inde Senedilina.
\v 13 Wayamalesi watatoli wa moleho, la wasi ate oholo moto akwaselaka obee la luundo eyamalelaké ebete esatu la kokya la mobeko.
\v 14 Ango emooki iso akwasaka la omotoli Yesu, o Nazalete, abitesi moki, ase akukoli okoko ungo etohi Mose.
\p
\v 15 Wango kpàa wayabatali ango la moki mo samedilina wa lumbi iwo kpàa maiso mau ango edjaki Esitefano, waeni mbanda ende nda e ahumbwa.
\c 7
\cl Esuki esungu 7
\p
\v 1 Likumu oyakawi aasi: enge ema edjei la lolenge lokelelake?
\p
\v 2 Etiene awongwesi ate: wato wa manima mpe la wa wawa, ndjokani! Engali ongo omagba ayaini aatie sagbasu Abalayama, ango edjaaki inde la Mezopotamiya, liwoso ate awongwela Chalani; mpe aasi lainde:
\v 3 Longwa la moki mowe mpe la olye, mpe keké la moki mungo mokooinya mbai.
\p
\v 4 Apumbia la moki mo Chalideya, mpe awongwei la Charani. ongo, mbuse e logo e mboli, aeangali awa kpandesi la moki mokwabataka iwo
\v 5 Awahiti o peto tweti la mungo moki, odjangi ohomisi tee mangbanda, kaasi awauneli la owahekeli ebete, mpe la oyabati mbuse eende, watiwotaali tee mana.
\v 6 Engali aasi lolenge lokelake: ayabateli eewu ekosombesama la mungo moki mowadidi; wa kowakokolo la owa wangesi mpe la owadjebeli tee ekoenga mibu kama inei.
\v 7 Kasi itutaki te ndjongo wahekelamaali, mbainde okowambesa, Engali nde waasi mbuse eeho, wakopundja, mpe wa kodjua la muu moki.
\v 8 Leho Engali amohi Abalayama boyokani linge liklelaki; mpe edjei la lolenge lokelelake, Abalayama, amowoti isika, la boyakani lisio la mwambi; Isaka amowoti la ondimi Yakobo, mpe Yakobo likumu la wa liomu la iwale.
\p
\v 9 Likumu, wanguna wa Yozefu, wamokawi Yozefu la mawo ma wato wa Ezipito.
\v 10 Kaasi Engali amobangaali, mpe amokasi la ogeno kpaa; amohii mwemu mpe inde aeni ngolu eho liwoso la Falawo, likumu la Ezipito, ongo oyabatesi likumu la Ezipito mpe la milako mande kpaa.
\p
\v 11 Akobanyaka malye kpaa ma moki mo Ezipito, mpe la wango wa kanana mwemu edjaali lisungu, mpe sangbasu atieneeli ema ekoki inde olaki.
\v 12 Yakobo adjaali la mmongono la Ezipito mpe amotomi sangbasu moto opoo mbala ewoso.
\v 13 mpe la mbala enge mbuse, Yozefu aewanaali la wamaanango, mpe Falawo ayabati la olye ungo odjaaki inde.
\v 14 Eho Yozefu akamolikani sango eede Yakobo, mpe la olye onde kpaa, wato tukusambo la itano.
\v 15 Yakobo aumi la Ezipito, ebete egbii inde, la sangbasa mpe;
\v 16 mpe wakokaki akpali la siseme mpe omotiki la mbila linge lisombaali abalayama, watoti wambele, dja wana wa emolo, sango siseme.
\p
\v 17 La mwengele mogeeli ango eko lukaaka Engali ongesi mawuna linge likelaali inde la Abalayama, mpe wato waemelya mpe wagimya la Ezipito,
\v 18 Tee mwaengele enge eonooli iwo eeti likumu, ongo otimwewaali Yozefu.
\v 19 Ongo likumu, adjaaki la mbilya la uuma osu, akomodjebele wa sangbasu a loyi ungo okawake wande wana ate wagbaakane.
\p
\v 20 La mwengele eeho wa mowotaali mose, ongo odjaali mana molamu la masio ma mwengei. wa mowokoli sandja isatu ndondo e molako ma sango
\v 21 Ango emobataali inde keekele emalya, mana moli o Falawo amototaali ase amobekesia nda mana oonde amene bii.
\v 22 Ndjongo Mose aewaali sam, bo kpaa wae Ezipito wadjaali waawi, ase aumaali la otetelake la ogbomi mpe la mosala.
\p
\v 23 Ango emali Mose la loho eende lookii okawadendi wamaanango ongola isalayele.
\v 24 Inde aeneeli mo Ezipito akomokelaaka mwsi mo isalayele obee, inde amwanolaale maanango ongo odjaali weeni odidi, la loi owongwesake obeeho, Mose amoolaaki mo Ezipito.
\v 25 Inde adjaali omungoli, wanango wa isayele wakweewaka ate Engali awahiikaa mokalo mou la mawo mande kaasi watiewaali.
\v 26 Yaasi, Mose awatotaali wa isalayele waale wango wadjaali osani inde abalaali owatekisi, aasi la iwo ate wiino wa mbai ino odjemi wamanima, laande ekokelaaka ino obee, mwesi aatie ongo weeti?
\v 27 Kaasi ongo omokelaali miino onde obee amondongbaali Mose, ase aasi la inde ate ndai ongo oobataali likumu mpe kumu liwoso lasuu?
\v 28 Okolukaaka ate ondjole mbai nda emoolaali owe mo Ezipito kookolo aka?
\v 29 Ango eoki Mose luundo ndjo, inde atilaali mpe akya la moki mo midiana. ongo ewotoali inde wana wapele waale.
\p
\v 30 Mbuse e miba tuku inei ndondo e esobe keekele emokoli ma sinai, ahumbala likumu ampumbi aatie Mose ndondo e misa minge milolaki la mite mikeke mikeke.
\v 31 Mose ayahuelali ngbii la weeni kembo eele. ango epaaki inde odei odendi, inde aokaali moolimo likumu ongo odjaaki ogbomiate:
\v 32 Idjei Engali ewatata wawe, Engali e Abalayama: Mose abandaali ogulumi la owangi mpe atikokaali odengi ongo.
\v 33 Ndjongo likumu aasi la inde: tuba gondola la mongbanda maowe, la loi ate ango eyamali owe edjei mbume ma peto.
\v 34 Yeenikaa odidi la wato wa mbai ongo la moki moo Ezipito, yookigaa oyatati wou, ase yaadimbikaa late iwakalese. Djaka sikandjo, ibali ate yootome ongo la Ezipito!
\p
\v 35 Mose ongo omotonaali wa isalayele, ongo waasali iwo la inde ate: ndai ongo oobatati likumu mpe lekumu likolo lasu? inde nde Engali amotomaali likumu mpe mokalesi la lisungi la ahumbwa ongo opumbaali awodja la mite.
\v 36 Edjaali Mose nde owaumisaali waisalayele la mokimo Ezipito, okeli ikamwiseli la ilembo olongoi la moki tee la malya matanake mpe ongo la esobe la mibu tuku inei.
\v 37 Inde Mose waasali la waisalayele: Engali akootomelani eeti, mbai, inde akodjaa moto la olye wonu
\v 38 Inde nde odjaali motomi moisalayele ongo owunganaali ndondo la Esobe. inde adjaali la watata wasu mpe la ahumbwa ongo odjaaki ogbomi la inde likolo la mokoli sinai. inde atoti luundo la Engali linge litumi la bomoi, mpo la weetesi aatie iso.
\p
\v 39 Kaasi watata wasu watibalaali omotosi, wadjaali omotoni mpe wabalaki ate wawongwe la Ezipito.
\v 40 Waasi la Alona: watula weeti wa Mwengei late iso toyandongbe liwoso, aloi ate tuewiti inga nda loi ango omogboti Mose ongo otokpali la moki mo Ezipito!
\v 41 Ndjongo wa tulaali mana ongombe, waoli nama aatie ekeko eho, waemeli la mosola muho mokeli iwo.
\v 42 Kaasi Engali akukoli, awadeeti wasambele mindjoto ma likolo, nda edingami loho la madingo ma wasakoli: opaalisini mbai makabo la mbeka dja nama ongo la esobe, te ino wa isalayele?
\v 43 Kaasi okpalaalini wema la Engali moleke la nyota la Engali eenu Refanay wikeko djinge ikelaali ino la waatoti la eho. la loi ate ikokpalani lihele weeti Babilona.
\p
\v 44 Ndondo eesobe, watata wasu wadjaali la wema linge lidjaali iwo obati mabu keli la mobeko ndondo eeho. ekelami nda ehaali Engali mobeko aatie Mose, ase aasali la Mose ate otikele wema eeho nda ungo weeneli owe.
\v 45 Watata wasu wango wayadimbi mbuse eewu, ango euni Yosuwa likumu lau, mpe watotaali moki mo wapagano linge eumbali Engali liwoso lau. wema linge lidjaali ongo tee mwengele e Dawidi.
\v 46 Dawidi adjaali olamu la maiso ma Engali mpe aongooli omay molako alikambo la Engali e Yakobo.
\v 47 Kaasi Salomo omaoli molako la loi o Engali.
\p
\v 48 Kaasi Mwengei o likolo kpaa atiyabataka la milako minge mikelami la mawo ma wate te. nda easelali lewi:
\q
\v 49 Likolo edjei ngbelengo e okumu ombai, likumu aasi, moki edjei ebete ebatake mangbanda ma mbai. molako nda ndenge ekomaa ino la loi o mbai? mpe ebete embai o homi ekodjaa eni?
\v 50 Te mbai moto okelaali wiiwiho kpaa?
\p
\v 51 Ino wato mito mangbongi, loho la miokeli wanu widikami la oweli o Mwengei, okosanaakani mwenge kpaa la molimo mosatu. odjeini nda watata wanu.
\v 52 Mwasi mowasakoli ndai ongo oonu tata watimo djebeleeli? wawaolaali wango wasakolaali la osembo, mpe sikandjo moto oho nde omokawi ino mpe omoolyani.
\v 53 Ino wato matotaali mobeko mo Engali la monoko mo Waahumbwa, otigemyeni!
\p
\v 54 Ango eoki iwo wuu luundo ma setefano, watumi la omemeli la loho eewu, wabandi olaki maino la omemeleke la setefano.
\p
\v 55 Kaasi inde, atumi la molimo mo satu, ndjongo adengi likolo aeni okulu o Mwengei la Yesu ayamali la lilome la Engali.
\v 56 Setefano aasi: ndjokani! yeeni likolo lidukwani mpe mana o moto a yabati la lilome la Engali.
\p
\v 57 Ndongo wato wa toli wahumbi pwi la otetelakee, wadiki wiokeli wau mpe watili obangu la loho mwesi wkpi likolo lande.
\v 58 Wa moumesi la hoho la moki mosunga ase wabandi omolumbeli mobukeli laate wa moole. watemwe walingeli keekele e makolo ma mwenga mwesi opele kombo eende Saulo.
\v 59 Ndi la mwengele emobingaali iwo setefano la mabukeli, inde ayatataali ndjo: likumu Yesu, banya molimo ma mbai!
\p
\v 60 Mbuse inde akpii la mauli, ahumbi pwi la otetelake: likumu, otiwabate la ngwanga te la loi la liilisumu! mbuse ewaasi ndjo, inde agwaali. mpe saulo adjaali ogemei logo o setefano.
\c 8
\cl Esuki Esungu 8
\p
\v 1 Saulo agemyali logo e Esetefano. Lisio laho, odidi ewaumalali osambo e Yeluzaleme; iwo kpàa wayamisi la meki mowa Yuda mla wa sanalya, olongosi nde watoma.
\v 2 Wato wa osambo wa moombi Esitefano, ase wakomolelaka la ohumbi pui.
\v 3 Saulo, sango ende wadjebeli lingomba, alingeli la molako ase awaguli mpele la wali ase awalumbi la boloko.
\p
\v 4 Wango wayadjali wibete la ibete osakoli mboli ndamu.
\v 5 Filipo aumali la moki mosungu mo samalya awategali KIlisito.
\v 6 Osungu o wato kpàa wango wadjaki ango wayabatali logo la omoki Filipo, ango ekoyatataka inde wakweneke ikamwa nda ekokelaka inde.
\v 7 Ango milimo mibe mikopumbaka la ngbi ma witota, la ohumbi mpwi, ngbi wango wimbosono la walumbeli wakodjuaka mokalo.
\v 8 Wadjali la mwemu ngbi la ungo osungu omoki.
\p
\v 9 Liwoso la mungo moki wadjali la moto omoweli iwo Simoni, ongo, odjaki oyahi la wasi sambo dja litomba, sambo ungusungu linge likoyahuelaka ngbi mokimo wasamalya.
\v 10 Kpàa obandi la wana wakeke tee la wiloko wamokali la logo kpàa, ase la wasiate: oholo moto adjéi la okulu o Engali, tee ongo omoweli iwo eloko.
\v 11 Wamokali la logo kpàa, la ate tee liwoso wadjakali oyahueli la winge wikamwa mihumbolake.
\v 12 Kasi, ango emeli iwo mla Filipo, ongo awaselali mboli ndamu e okumu o Engali mpe la kombo e Yesu Kilisito, mpele la wali wa gemyali libatisa.
\v 13 Simona inde amene ahumbi, ase, mbuse e libatisa, watibale ate Filipo atilongwe, late weni la oyahueli wikamwa la sambo sungusungu likelami.
\p
\v 14 Wasakoli, wango wadjaki la Yelusaleme ango eoki iwo ate wasamaliya waoki luundo o Engali, wamotomi Piele la Yoani.
\v 15 Ango eumi iwo atie wa Samaliya, wayatati la tina eu, late okulu esqatu edje dja iwo.
\v 16 Ase ango etimogbote iwo moto temoikima wabandi ndi owalulei wato la kombo e Mwengéi Yesu.
\v 17 Ndjongo Piele la Yoani watambi mawo la oweli okulu esatu.
\p
\v 18 Ango eoki eni Simona ate oku esatu ehekelani la mboka e mawo ma watoma, wa wahii libondja la wadjenge.
\v 19 La wasiate hani mbai mpe enge okuli, late inga nda ongo okomotamba mbai ewo atoté okulu esatu.
\p
\v 20 Kasi Piele amwaseli ate: Dee ate wambele ebitame la owe amene, late omungoli likawo la Mwengéi ekodja nde la mboka e wambele djo owe!
\v 21 Oti la loi, oti la libula lau loi, late loho eowe eti sembo la maiso ma Mwengéi.
\v 23 Ndjo yakukola la obe wo owe, ase yatata la Mwengéi late obee ungo okeli owe olimbisame, inga okaengesa.
\p
\v 24 Simona awongwesi: Yatata la Engali owe amene la tina e mbai, late loi te lokikima eindjumele la djinge yasi owe la mbai.
\p
\v 25 Mbuse eowongwesi litoli la luundo la Engali, ase mbuse ende owatei, Piele la Yoani wa wongwei la Yelusalema, la osumbi mboli pole la meki ngbii ewa Samalia.
\p
\v 26 Ahumwa mwesi o Mwengéi, amoumeli Filipo, amwaseli: Yamala, ase keke la sango limbile, la Magalasano enge eyadimbi la Yelusalema la Gaza, edjéi mboka e lisobe.
\v 27 Ndjongo ayamali, ase aki ase denge, mo Ethopiya, moto mosungu, Likumu la kandase, moto moli Likumu la Ethopiya, inde adjakali odendeli ligumake la inde adi la Yelusalema ogumé.
\v 28 Awongwéi djainde ayabati la likalo, ase abandi waseli mosakoli Isaya.
\p
\v 29 Elimo easi la Filipo: keke, yandogba ahue la likolo lande.
\p
\v 30 Filipo akii obangu, ndi aokiga moEthiopi dja akwasaka la mosakoli Ezai asi la inde: wewi loi ungo okotangaka owe?
\p
\v 31 Awongwesi: ikoki okeli woni, inga iti la mosombesi? ase amoweli Filipo akii ase ayabati la inde.
\p
\v 32 La mboka e madingo etonyéi ate djéi oholo ndjo: nda meme, eyakpalali la ebete ligwake, aleti nda mana meme ongo otilelaka liwoso la moteni kundja djande, odjangi oluholi monoko monde.
\q
\v 33 La umoionde, okumu onde otitimali okali onde ndai okwasa? late bomoi onde olongwesami ala la mbume.
\p
\v 34 Likumu asi la Filipo: yatati la owe la ndai ekwaselaka mosakoli aleti? edjéi la tina ende amene, inga la ndai weti moto?
\v 35 Ase Filipo, aluholi monoko aleti abati osombi, abandi osumbi mboli poli e Yesu.
\p
\v 36 Nda ebandi indeee otutéi mboka ende abandi omungoli malia. Aleti Likumu asi: Denga maliande ema etekesi ate itibatisame?
\v 37 Filipo asi: inga ogeméi laho eowe kpàa, ango ekodja olamu Likumu awogwesi: igeméi ate Yesu Kilisito adjéi mana o Mwengéi.
\v 38 Ndjongo akandali likalo; Filipo la Likumu wyadimbi iwo wale kpàa la malia, ase Filipo amobatesi Likumu.
\v 39 A ngo epumbi iwo la malia, okulu esatu e likumu emosalamatesi Filipô, ase LIkumu atimweneli ndi atuminga la mwemu ango eyadjimbi inde mboka.
\p
\v 40 Filipe ayaumi la Azote, ndjongo okii te la Sezalya, la osakoli meki misungu kpàa e sombi inde.
\c 9
\cl Esuki Esungu 9
\p
\v 1 Ndjongo Saulo, akali aleti la ouni ate akawaola wa yekoli wa Likumu, akeli atie Likumu mosungu.
\v 2 Ase inde akaongi engbata ewasi nagoga la tina e wa Damasi, late, inga wagboto wango wadjéi ango la sambo mpoli, moto mpele inga moli wakoke la iwo la Yelusalema.
\p
\v 3 Ndjongo nda edjaki iwo la mboka, aleti waumi ahue la Damasi, kpàa waeni la mbala kikima hoho elongoi likolo ngbai ango edjaki iwo.
\v 4 Wakpii la mbume, aleti waoki moli mwesi molongwéi likolo ewaseli ndjo: Saulo, saulo lande ekodjebeleke owe mbai?
\v 5 Awongwesi: owe ndai, Yesu? aleti Likumu awongwesi: Edjéi mbai Yesu ongo omobeteli owe.
\v 6 Kako ase, yamala mpe lingela la moki wako wasela ungo okoki owe okoli.
\v 7 Wato wango watingi la inde wayabati ango logo, waokali, memene moli mwesi ndjo, kasi watimweneli motoho.
\v 8 Saulo ayamali la mbume la magba ate maiso maluho, aeniti ema; wa moheli ewo oki la inde la Damasi.
\v 9 Ayabatali masio masatu odjangi weni té olaki, okpali wisindjè té.
\p
\v 10 Kaiko ase, adjaki la Damasi moyekoli mwesi la kombo e Ananiasi. Likumu asi la mboka e saki: Ananiasi! awongwesi: «Mbai indolo wawa!»
\v 11 Likumu asi lainde ndjongo: «Yamala, keke la balabala ewelani alima aleti, la molako mo wa Yuda mohuela moto omoweli ino Saulo ongo o atalasi adjaki oyatati.
\v 12 Aleti aeni la saki moto omoweti iwo Ananiasi alingeli aleti bati ewo likolo lande late adje la wolmoi.»
\p
\v 13 Ananiya awongwesi: Likumu, mbai idjui ngbi obe kpàa ekeli ongo moto nda ekeli inde la osatu eowela Yelusalema.
\v 14 Aleti ala atumi la okulu, la songo e wakondji la wanganga ndjambe, la oheli dinge kpàa iwelami la owe.»
\p
\v 15 Kasi Likumu asi: keke, inga ongo moto adjéi ema enge eoni mbai okeli wewesi kombo e mbai té wa Yuda, té wakondji aleti waisalayele.
\v 16 Ikomoinya kˆpàa dinge ikwene inde odidi la tina e mbai.»
\p
\v 17 Ananiya aki. La mbala kikima a lingeli la molako, atambi ewo likolo la Saulo la wasi: Saulo manima, Likumu, Yesu ongo opumbelali la mboka la eho nda ei owe, atomi mbai late owe odjue bomoi aleti otumisame la okulu esatu»
\v 18 Diango mine, ema esi ekpi la maiso mau nda poso dja nsu, aleeti eyalihila boi, ayamali, aleeti abatisami.
\v 19 Aleeti mbuse e olaki, oteteli ewongwei la wenge Saulo atikali masio makeke mongindi la wayekoli wango wadjaaki la Damasi.
\p
\v 20 Ase inde abandi ohi mateya la Sinagoga ate Yesu adjéi mana o Mwengéi.
\v 21 Wango kpàa wamolambelaki wadjaaki la oyahueli, aleeti waasi: inde alo omobeteli iwo waweliti nkombo e Yelusalema te, adikaa ala saa la owaheli iwo mpe okii la iwa atie wa nganga te?
\v 22 Ase, Saulo abeki la nguya, aleeti aenesi la hoho ate Yesu ongo odjéi Kilisito, ndjongo wa Yuda wango wayabati la Damaseke watikoke owongwesi eyano.
\p
\v 23 Mbuse emasio weeti, wa Yuda walingeli likita late wa moole.
\v 24 Mayele mau masombisami la Saulo. Walambyani la molihe use la likolo, late wa mookese soni la bomoi.
\v 25 Kaasi ango la likolo lyesi, tutyani wamoyatateli, aleeti wa molingesi la motete ongo la moki.
\p
\v 26 Ango ewongwei inde la Yelusalema, Saulo wayakokéi la wayekoli, kaasio iwo kpàa wawangi, watii la weewi ate adjéi moyekoli.
\v 27 Aseko Balanabasi amototi okii la inde tee aatie watoma, ase abondi owasumbeli mboli nda esombi inde la mboka andongbani la Likumu nda emwaseli inde ate la moki mo Damas ahimateya osembo la kombo e Yesu.
\v 28 Watingi mongindi la inde okii la Yelusalema, ase la okpomi sambo kpàa la kombo e Yesu.
\p
\v 29 Wakokpomaaka koto la kokya la monoko kpàa te la liela, ase wadjaki olukani omooli.
\v 30 Wamanima, eewi iwo ndjo, wamokpali okii la inde aatie Kaisalo, ase waomotomi la Talaziya.
\p
\v 31 Masambo waumi la logo la meki kpàa mo Yuda, la wagalileyo, aleeti la wasamaliya, walendisami mpe wasombi laomowangi nkolo mpe la lisungi la okulu esato.
\p
\v 32 Petelo abengéi la meki kpàa, akei aleeti ongo edjéi wabulami la moki mo Luda.
\v 33 Amogboti moto omoweli iwo Eneya alangali la epee mbula tuku mwambi, aleeti atisambaka.
\v 34 Petelo aasi la inde: Eneya, Yesu Kilisito a kookalesa. Yamala, aleeti wangele epee eowe la waasi ayamali.
\v 35 Wato kpàa wa LUda la wango wa Salomo wamwni, ase wayalingi la nkolo.
\p
\v 36 Edjaali la Yafo, ndondo e wayekoli, moli mwesi omoweli iwo Tabita, eluki waasi ate Doloka akelaali sambo ndamu ngbii, aleti ohi makebo e magba.
\v 37 Akpi la ekoni la enge mwengele, aleeti agwi mbuse eomokpoli, wa motiki la suki emolako enge elikolo.
\p
\v 38 Nda Luda elambyani la Yafo, ndjongo eoki wayekoli ndjo ate Petelo adjéi la Luda, wamotomeli wato waale la omwaaseli ate atiumwe ango edjéi inde akee ya iwo.
\v 39 Petelo ayamali, aleeti akii la iwo mongindi ango eumi inde ongo, wamokambi ndondo e esuki e molako enge elikolo, wali wagbeeli mpele kpàa wayamali la inde mongindi la wilelo, la omodendesi mikoto, la kasaka, la wisindje kpàa wikelaali Doloka ango edjaaki iwo la inde.
\v 40 Petelo apumbi moto kpàa wa mai magindi, la oyatati; aleeti oyalingi la wenge, waasi: Tabita, yamala ase aluholi maiso, mpe amweni Petelo, ayabati.
\v 41 Ndjongo amohi ewoo, mpe amoyamalesi awaweli wabulami la wali wagbeeli mpele, mpe awahi moli obomoi.
\v 42 Wuu loi weewani la moki mo Yafo kpàa, ase wato ngbii wamogeméi nkolo.
\v 43 Petelo aumwei la moki mo Yafo masio ngbii la molako mo Simona mokandi mo ekombaka enama.
\c 10
\cl Esuki Esungu 10
\p
\v 1 Edjaali la mo Kaisala moto o moweli iwo Koloneli, adjaaki Likumu wa Soda la wa Italye.
\v 2 Inde adjaaki oyatati la omowangi Engali, aleeti la enguta eende kpàa, adjaaki ohi likabo ngbii la wato, mpe oyatati la Mwengéi la mohadja.
\p
\v 3 Edjaaki la mwengeli e libwa e use, aeni ngbai la saki ahumbwa mwesi o Mwengéi akolingelaaka yainde, aleeti aasi la inde: Koloneli!
\p
\v 4 Maiso emodendi ngbii ndi inde, mpe amodendi la owangi, amowongweseli: Nkolo edjé woni? aleeti ahumbwa amwaseli: oyatati eowe la likabo la owe eteli liwoso la Engali, nda ekaniseli.
\v 5 Sikandjo watoma wato ongo la Yafo, ase wadi la Simona, moto omoweli iwo Petelo.
\v 6 Inde adjéi mopaya aatie Simona, weeti mokandi mo ekombaka mo nama, la enguta eende elambyani la malya.
\v 7 Ndiango easi ahumbwa la inde wakii, Koloneli awaweli wasali waale wa monguta, aleeti Soda mwesi mosambeli ongo odjaaki oyahi ndondo e mongindi.
\v 8 Mbuse e owabolei ebete eikima, wa watomi la Yafo.
\p
\v 9 La uneue, nda edjaaki iwo la mboka, ango eumi iwo ahue la egbala, Petelo ateli likolo la enguta, ango obili mwengele e motoba, la oyatati.
\v 10 Aoki ndjala, ase alukani olaki ndi wakomowongele ema ndakaké, akwi la ehéi.
\v 11 Aeni likolo liluhuani, ema eyadimbi nda esindje sungu ekandami songo kpàa inéi, eyadimbi oyabati la mbume.
\v 12 Ndondo eeho nama ndenge kpàa emakolo manei, nama dinge ikosombaka la mbume la mbulu dja motulu.
\v 13 Ase mooli mwesi easi la inde: yamala, Petelo, wola mpe laka.
\p
\v 14 Kaaasi Petelo aasi: Tendjongo nkolo, late la mbala kikima mbai ilakiti ema epamba ema eosoto te.
\p
\v 15 Mooli mookani aleeti mbala ewale ate la tina e wilaka wipetoli Mwengéi, ewa ate eti wiho wa pamba te.
\v 16 Ekelami ndjongo mbala isato mpe la mbuse enge esindje ewongwei likolo.
\p
\v 17 Ango Petelo adjaaki la oyahueli inga ungo weeni inde edjéi la nda tina, mpele wango ewatomi Koloneli ango ndi wahuelikaa enguta e simona, ase wayamali la moluhe mo enguta.
\v 18 Wahueli poopo inga Simona ongo omoweli iwo Petelo adjaaki oyabati ango.
\p
\v 19 Ango edjaaki Petelo oyahueli tina e wieneli, molimo easi la inde ate, mpele isatu wakoolukanaaka.
\v 20 Yamala mpe yadimba, kekee la iwo mongindi odjangi kokya, late mbai iwatomikaa, late mbai nde owatomi.
\p
\v 21 Petelo ndjongo ayadimbi, aleeti aasi la ongo moto: dega, edjéi mbai ongo okomolukaaka ino, odi onu edjéi nde?
\p
\v 22 Waasi ate: Koloneli Likumu moto o sembo aleeti mowangi Engali, moto ongo odjéi la otwa la olye o wa Yuda kpàa, inde ainyami la ahumbwa mosato aowele yainde late aokelundo wowe.
\v 23 La ndjongo Petelo awalingesi mpe awabanéi mbuse e masio apumbi, aleeti akii la iwo mboka kikima. Djeeti wato wa Falo, wakii mpe la inde.
\p
\v 24 Mbuse emasio waumi aatie Kaisalo, Koloneli awabondi olye onde la wiino wande wango wayabati ahue djainde.
\v 25 Ango eumi Petelo, Koloneli andongbani la inde ase akwi la makolo mande mpe amogumei.
\v 26 Petelo nd omoyalesi la luundo ate, yamala! mbai mpe idjéi ndi moto.
\p
\v 27 Edjaaki inde okpomi la inde, alingeli ango agboti wato ngbii wayakokéi.
\v 28 Aasi mpe la iwo ate, ino weewini ate ewongiti la moto mpele mo Yuda oyakokéi la weeti olye. Engali, nde o ndenesi mbai ate itiwele weeti moto modidi te, te inga moto e osoto te.
\v 29 Leho ango embelamikaa mbai, idiiti la kokya. Ndjongo ikohuelaaka ate, owelini mbai lan da loi?
\p
\v 30 Koloneli awongwesi ate: ekelikaa masio manei, ango edjaki mbai oyatati ndondo e enguta e mbai la mwengele e liwa, mpe denga, moto mpele ayumali liwoso la mbai la wisindje wibubake.
\v 31 Aasi ate, Koloneli! oyatati eowe la makabo eow e magba emungolamika la maiso ma Engali.
\v 32 La ndjongo toma wato la Yafo wamowele Simona omoweli iwo Petelo. Inde adjéi okeni la enguta e Simona ongo weeti mokandi mo ekombaka mo nama, la etima mo malya.
\v 33 La ndjongo iwatomi wato yaowe, okeli olamu ango eumikaa owe ndjongo sikasikandjo iso kpàa todjéi la maiso ma Engali la tina e wooki sambo kpàa mauni Engali yaowe.
\p
\v 34 Petelo adjaali waasi ate, meemene yeeni ate Engali atikawa wato te.
\v 35 Kaasi ndondo e malye kpàa, ongo okomowanga la ongo okokela oyengebeni ayambami la inde.
\v 36 Inde atomi liloba ya wato wa Isalayele, aleeti asakoli logo ndondo e Yesu Kilisito inde ongo meemene sambo kpàa.
\v 37 Ino weewini mboli enge eeti ndondo e Yuda kpàa, longwa la Galilayo mbuse e libatisa linge lisakolami la Yowani.
\v 38 Aleeti Engali amotumesi Yesu enasaleta la okulu esatu mpe la nguya. Inde mpe asombi songo la songo okeli sambo ndamu la owakalesi wango kpàa wahelami la Satana, late Mwengéi adjaaki la inde mongindi.
\p
\v 39 Iso mpe todjéi watatoli la sambo kpàa winge wikeli inde la moki mo wa Yuda mpe la Yelusalema. Wa mooli wamobaki la moto.
\v 40 Engali moto omobasesi mbuse emasio wasatu, mpe amodendesi hoho.
\v 41 Ase etii la moto kpàa, kaasi la watatoli wango waonomi la Mwengéi liwoso. Iso wango watatoli, tolakaali_ mpe tokengali mongindi la inde mbuse e obasi wonde ndondo e wagwi.
\v 42 Atoinei osakoli la wato la otatoli ate inde ongo odjéi moonani mo Engali nda mosambisi mo wato wa bomoi mpe la wagwi.
\v 43 Wasakoli kpàa wakohuha luundo la tina eende ate wagemei wande kpàa wakodjwa olimbisi e obee la kombo eende.
\p
\v 44 Ndiango edjaaki Petelo waasi diidi sambo, okulu esatu akwi lokolo lou kpàa wango wadjaaki wooki liloba.
\v 45 Wagemei wango wadii la Petelo mongindi, iwo wato watenami ngenga, wayahueli ate likabo la okulu esatu ewasueli wapakano.
\v 46 Late wa wooki la okpomisani la lokota owadidi, mpe omogumei Engali la enge mwengele Petelo awongoli la waasi ate.
\v 47 Moto aewi otoni malya la tina eobatesami wango waddjui okulu esatu nda iso?
\v 48 Awauni ate wabatesame la kombo e yesu Kilisito. Wamopambi ate waumwe la inde masio ngbii.
\c 11
\cl Esuki esungu 11
\p
\v 1 Watutiani la wa maanango wango wadjali a yudeyu wa wokia te wato wamasumu wope ya ndemi loyi e Mwenge.
\v 2 aleeti tango Petelo atelali la yelusalema, wandimi wango watenani kombeni wabandali obatani la inde kookia,
\v 3 Wadjali owasi: olengeli Etshée wango wati tenane kombeni, aleeti olaki la iwo.
\p
\v 4 Petelo aabatali owaseli obiliani la enge etali.
\v 5 Aasia; adjali a moki mozope, aleeti, tango edjali mbai obondeli, la okwi aleeti iyeneli saki: ema esi, lengameni la lini esunguehelani la isuki waho ineii, edjali owandjimbi likolo aleeti edjali odjei etehie mbai.
\v 6 Maiso ma mbai maamalali likolo lenge lini, ibatali okenge, aleeti iyeneli ikelamu dja matambe dja mbume, wandjo, aleeti mbulu dja likolo.
\v 7 Aleeti iyokali moli mwesi edjali owaseli mbai: Amala, Petelo, ola aleeti laka.
\p
\v 8 Kasi iyaali: té lisiyo likumu, aloyi telisiyo ema enge e osato laenge etihi lingelala la monoko mo mbai;
\p
\v 9 Mbala ewale enge moli mookanoli likolo; enge Mwengei olamu o tshi dende té edjei la osato.
\v 10 Enge eyokaneli mbala esato: Mbuse ewongwali likolo
\p
\v 11 Aleeti denda, lenge ngonga walome wa sato wato mumeli a sezalia ngambo embai wa wumali liwoso emodihe mo molako mungo modjali mbai.
\v 12 Molimo mwaselia te la iwo itshi toné walome motoba ikiya la iwo, aleeti tolingelia molako mo koloneye.
\v 13 oholo moto otowaselia ndenge ayenalia la amowumelali aleeti aasia: toma a zope, aleeti wa mowele Simona, ongo owelemi Pilato.
\v 14 Akowasela sambo engé ekokalesa, owa la molako moowe kpa.
\v 15 Tango adjali mbai owasi, molimo satu mowaadjimbelali, nda ndenge etowadjimbelali la ebendali:
\v 16 Aleti ebunelali la loyi likumu: yowana abatisali a malia, kasi ino, okobatisamani la molimo satu.
\v 17 Ndjokande, laate Mwengei a wahi likawo nda enge esu iso wango tomondimali likumu Yesu klisto, ikoki, mbai, owamaleli Mwenge?
\p
\v 18 Mbuse oyoki ndjongo, wadakali, aleeti wamokumesali Mwengei ahi okukoli motema te la wato wa masumu, te ewope wato te mokalo.
\p
\v 19 Wango waadjali la olami enge edjali la etiyene wakiya tée la Fenicia, la esii e sipele la enge e sinete, wa iwo wadjali la Atiyasia.
\v 20 wa sololali npe la wa Gelese, aleeti waahali loyi oholi e likumu Yesu.
\v 21 Ewo e likumu edjali la iwo, aleeti wato nbgi wanbali aleeti waakukolali ngambo e likumu.
\p
\v 22 Ndungundungu ewokumali la matoyi ma wango walingomba e yelusalema, wa motomali Balanabasa tée ongo a Atiyosia.
\v 23 Tango ewumali inde, aleeti ayeneli likawo e Mwengei, aemelali, aleeti awangia iwo kpa watikule motema moyikima ohelani la likumu.
\v 24 Laate adjali moto molamu, atumi la molimo satu aleeti la oyambi. Aleeti liwoke e wato ma ngbi wa djali etshie likumu.
\p
\v 25 Balanabasa awongwali la Talase, laate a moluke Sawulo;
\v 26 Aleete amobgotoli, adjali la inde la Atiyosia, aleeti wateyali wato ngbi. Edjali la Atiyosia, mbala e liwoso te.
\p
\v 27 La enge tango waasi sambo edjake waadji mbali la yelusalema ongo la Atiyosia.
\v 28 Mwesi la iwo, kolbo ende Agabusu, aamalali, ateyali la molimo te ndjala esungu ekodja la mbumé mobimba. Eele ndjali ekwali la tango e Colode.
\v 29 Wayekoli watotali mokano, moto la moto eyengemeni la enge adjali la eho, la owato mi wa ma ngbawu wango waa batali a Yudeya.
\v 30 Waato melali wikolo la ma Balanababasila Saulo.
\c 12
\cl Esuki esungu 12
\p
\v 1 Ndi lenge tango, likumu londe adjali onyokoli weeti wato wa lingomba,
\v 2 A molesali la kpoka Yakobo, manango e Yowani.
\v 3 Ayeneli te edjali olamu la maiso ma wa Yuda, omohelesali aleeti Petelo. Edjali lisiyo e okoke edjangi maana.
\v 4 Mbuse e omoheli la omolimbisi a Pilizo, abatelamali la miduhe maneyi, moduhé la moduhé modjali la wasoda wanei, laate wamo pumbesi liwoso la wato mbuse epasika.
\p
\v 5 Petelo iyisamali ndondo e Pilizo, lingomba watshidhili oyinyei la loyi loinde ma wongi etshie Mwengei.
\v 6 Likolo linge libiliyali usé, enge Elode alukali omoyinyei, Petelo, ahelami la mikolo mihale; alangalali la wasoda waale; aleeti wa sindili e moduhé wadjali okengeli Pilizo.
\v 7 Denda, Anzelu e Mwengei adjali, Mwinda mololiya ndondo e Pilizo, Anzelu amosusoliya Petelo, la omobingi amo pandji, aleeti la owasi: Amqli galagala! mikulu mikwali la mawo mande:
\v 8 Aleeti Anzelu amowaselia: hela mokaba moowe la mapapa maowe, ndjongo. Anzelu amowaselia aleeti: kpala mokoto moowe, aleeti bilia mbai.
\v 9 Petelo apumbia, aleeti amobilia te la oyewi enge edjali okelami la anzelu edjali meemene aleeti inga adjali oweni saki.
\v 10 Tango wakpandali moduhé moliwoso, aleeti lowale, wawumoli a moduhé mofelo enge ekiamoki, aleeti edukwani eho mene liwoso ewu, wa pumbali, aleeti wakeli a mboka, ndi la enge tango anzelu amodhili Petelo
\v 11 Awawongolia inde amene, Petelo aasia: iyeni sikandjo la ndende emeemene likumu andombi anzelu ende, aleeti akalisi mbai a maho ma Elode aleeti lenge wa Yuda wadjali olambeli.
\p
\v 12 Bbuse e omungoli, akiya la molako mo malia, nango Yowana, owolani molako, ongo wato wabolianaki aleeti wa djali ohongi.
\v 13 Abingia moduhé mo molako, aleeti motuke mwesi momoli, kombo nde lohode, adjia ooki.
\v 14 Ayewali moli mo Petelo, aleeti, la mwemu, laate a duhole, atilia awasi te Petelo adjei liwoso e moduhé.
\v 15 Wa mwaselia: odjuboli. Kasi andjimia te lingo loyi edjei ndjongo.
\v 16 Aleeti wamowaselia: edjei anzelu onde: kasi Petelo adjali obingi moduhe, wa dukolia, mbuse wakamwali la omweni
\v 17 Petelo, atombolia ewo te waabate logo, awaaselia ndengé likumu amolongosali la Pilizo, Aleeti aasia: aselia ni Yakobo la wa mangbasu. mbuse apumbia, aleete akiya a leeti eholo.
\p
\v 18 Tango ewumia boo, wa soola wadjali la owangi, la oyewi ndenge Petelo awumali.
\v 19 Elode, abatali la o molako aleeti ati moyeneli, awawelia wa ndjili, aleeti ahali mobeko wake la iwo la Sipilise mbuse oho ndjimbali a Yuda, a la Sezale, akiaya owabati ongo.
\p
\v 20 Elode adjali la mamungo obe la wa tulia aleeti la wa Sidoniya. kasi wadjali oluki ookani la inde, mbuse e olongi balasete, monguma monde, wa ongali logo, la loyi te moki mowu modjali ototi ilaki ongo etshie likumu Elode.
\v 21 Eetshi lisiyo, Elode, akpalali wisindje makumu, aleete aobateli a ngbelengo endé elekumu, owaaseli la ohola.
\v 22 Wato wa dumbia: moli mo Mwengei, aleeti eti emoto!
\v 23 Ndi la enge tango, anzelu olikumu amobingali, aloyi atshi hali lokumu la Mwenge. Aleeti agwali, kusu emolingelia mbala kikima.
\p
\v 24 Ndi la enge tango loyi e Mwengei eyandjali liyele, aleeti mondjo mo wayekoli modjali oteli:
\p
\v 25 Balanabasa la Saulo, mbuse osilisi tomo djawu, wa wangwali la Yelusalema, wa djali la Yowana, ongo wa moweli molako
\c 13
\cl Esuki Esungu 13
\p
\v 1 Ndondo e lingomba linge la antiokia wasakoli wadjaaki, la walakisi. Iwo waawa: Balanaba, Simeona, Nigele, la luki moyakulene la manayene ongo omowokoli iwo mongindi la Likumu Elode, la Saulo.
\v 2 Ango edjaaki iwo oyatati la Mwengéi la wikila, okulu esatu aasi ate, batani mbai Balanaba la Saulo la tina eeho.
\v 3 La mbuse wakili wilaka mpe wayatati oluti wawatambeli ewoo. ase wawatomi.
\p
\v 4 La ndongo ango etomami iwo la molimo mosatu, wa longwi okii la Selukia, olongoi ango wasombi la masuwa tee la Kupulu.
\v 5 Edjaaki iwo la Salamini, wasakoli liloba la Mwengéi ndondo wiyanganelo e wa Yuda, Yowani adjaaki la iwo nda mosungi.
\p
\v 6 Waeti ndondo e esii kpàa tee la Pafa, ase wamogboti moto mpele mwesi ango, adjéi lilando, moyuda mosakoli mo moleho, kombo eende Balayesu.
\v 7 Adjaaki ebete eikima la meemene esi, selengi Paulo, inde moto oakili inde ongo omoweli Balanaba la Saulo aatie inde, mpe adjaki la posa ewooki liloba la Mwengéi.
\v 8 ASe lilando elima (tina ekombo eende edjéi ndjongo) awamaleli mpe ameki o wapengwisi lisio la lisanga ligemyake.
\v 9 Ase Saulo (inde Paulo) atumaali la okulu esatu, amodengi lilando,
\v 10 Ase aasi ate, ee otumi la moleho kpàa mpe la mayele mpe kpàa owe mana o satana, owe moini mo wayengebene kpàa, otidee obitesi mboka sembo la nkolo te?
\v 11 Skandjo denga, ewoo e Mwengéi edjéi likolo la owe, mpe maiso ma owe makogba, mpe ekokela maiso otiene use te. Ndiango ligele la likolo emokpeeli, ase aataeti olukani wato la omoheli ewoo.
\v 12 Ango eeni esii ungo loi, agemei late ayahueli la mateya ma Mwengéi.
\p
\v 13 Wa Paulo walongwaali la Pafa, mpe waumi la Pelege la moki mo Pamfulia. Yowani awadei mpe awongoi la Yelusalema.
\v 14 Iwo nde walongoi ango la Pelege mpe waumi la Antiokia la moki mo Pisidia. Walingeli la eyanganelo la lisio la Sabata mpe wayabati.
\v 15 Mbuse eotangi mibeko, la wasakoli la masio ma eyanganelo awatomeli ndendi ate, wamanima, inga odjéini la loi likoki osungi wato, asani.
\p
\v 16 Paulo ayamali, awapepeli ewoo, ase akpomi ate wato wa Yisalayele, mpe wato wamowangi Engali, okani.
\v 17 Engali e wato wango Isalayele aonoli watata wasu mpe abekesi olye osu ango edjaki iwo oyabati la Ezipeti, mpe awapumbisi ango la ewoo tetelake.
\v 18 Mpe awalakesi la lisobe inga wilanga tuku inei.
\v 19 Eseseli inde owahi moki muho nda libula, inga wilanga kama inei la tuku itano.
\v 20 La mbuse la sambo ewahii inde iwo wakimi tee la Samwele mosakoli.
\v 21 La mbuse wa molombi Likumu. Engali mpe awahi la Saulo mana o kisi, molome e olye la Benyamina, wilanga tuku inei.
\v 22 Eseseli inde omolongosi, awamaliseli Dawidi odjéi Likumu. Atatoli la tina eende ate, imototi Dawidi mana o Yisai, molome molamu la motma mo mbai amene ongo okokela mikano ma mbai kpàa.
\p
\v 23 La olye ungo owadjeselika Yisalayele mokalesi, nda edjaki elaka ende inde Yesu.
\v 24 Liwoso la inde odii Yowani awasakweli wato wa Isalayele kpàa libatisa likolake motema.
\v 25 Edjaki Yowani oseseli mboka eende aasi ate, omungolini ate mbai ndai? mbai iti inde, kasi inde akodja mbuse e mbai aleeti mbai itikoka otokoli moliki mo gondola e wihoteli djande te.
\p
\v 26 Wamanima, wato wa olye o Aballayama, mpe wato wa owangi Engali ndondo eenu, mboli likalake etodjeeli iso.
\v 27 Late iwo wayabati la Yelusalema, la masio mau, wati mwewali te, watiewali mooli mo wasakoli wango wadjaki otolomi Sabato la sabato te; ndjongo waengesi la omokwesi.
\v 28 Ango etidjue iwo loi lo logo te, wayatati la Pilato ate amoole.
\v 29 Ango eseseli iwo oengsi sambo kpàa mango madingami la tina eende, wamodimbi la mote, ase walingesi la mbila.
\v 30 Ae Engali amobasesi la ndondo e wagwi.
\v 31 Inde aeneni masio ngbii la iwo wango walongoi la Galileya oteli la Yelusalema ma inde mongindi. Iwo wango wadjéi sikasikandjo wasakoli wa wato.
\v 32 Iso mpe tokosumbelakani mboli ndamu la mauna ehami la watata,
\v 33 Late Engali atokokeselikaa, wana wau mauna maho, ango eseselika inde omobasesi Yesu, nda odingamikaa uho la lembo ewale ate, owe mana o mbai, mbai yowotikaa keke.'
\p
\v 34 Latina ate amobasesi ndondo wagwi ate atiwongwa kine ndondo eoholi te, asi ate, ikooha mapamboli lisato la Dawidi, eho la selo.
\v 35 Aseko aasi eeti ebete ate, otimodee mobulami e owe te weeni oholi mpe te.
\v 36 Late Dawidi akeleli olye onde amene la mokano mo Engali. la mbuse alangali mpe aombami ndondo ewatata wande, ase aholi.
\v 37 Ase ongo omobasesi Engali inde aholiti te.
\p
\v 38 La ndjongo dee eewane yaino, wamanima, ate la tina eende nde olimbisami e masumu esakolami dja ino.
\v 39 Ndi la tina eende moto kpàa ongo ogemei alongesami la sambo kpàa, linge litikokake ino olongi la mibeko ma Mose te.
\v 40 La ndjongo okakebeni ate ungo waasemi la wasakoli etidje yaino te, ate,
\q
\v 41 Dengani, ino watioli, yahuelani mpe salamatani! late mbai ikokelaka otomu mwesi la masio manu lotumu undo otigemyani ino te inga moto akoolumbwelani la hoho.
\p
\v 42 Edjaki iwo opumbi, wato wayakuki la iwo la okpomani la iwo sambo dinge djau dja Sabato e mbuse.
\v 43 Ango eyaandi wayangani, wato ngbii ewa Yuda, la wasambeli wango wakwami wa Yuda, wo motutei Paulo la Balanaba wango wakpomisani la iwo uumwei la ngolu e Mwengéi.
\p
\v 44 La Sabato e mbuse, eumi ahue wato kpàa wamoki wayabolei wooki liloba la Mwengéi.
\v 45 Ango eeni wa Yuda wato ngbii, watumi la zuwa mpe wawungani monoko mo Paulo, wabandi otuki.
\v 46 Nde Paulo la Balanaba waasi la mohandja ate, edjaki olamu okpomi liloba la Engali la ino liwoso, nda etoni ino laho, mpe emungoli ino ate ino pendja owongini la bomoi eseko te, ndi sikandjo tokokukwana aatie wapagano.
\v 47 Late nkolo atouneli ndjongo ate yobatika la tina e use e wapagano ate odjeeni la tina e lobiko tee gboo e moki.
\p
\v 48 Ango eoki wapagano ndjongo waemeli mpe wa gumei liloba la nkolo. Wango kpàa wasilikaa oonomi la tina e bomoi eseko wagemei.
\v 49 Luundo o Mwengéi eyaandi la moki kpàa.
\p
\v 50 Wa Yuda nde wawamemelisi wali wa otwa, wasambeli wa Mwengéi la masio ma moki mpe waumesi la monyoko la Paulo la Balanaba, mpe wa wapumbisi la moki mou.
\v 51 Wa Paulo nde wa wapuluseli miitu la wihoteli djau iwo mpe wakii la moki mo ikoni.
\v 52 Ase wayekoli watumi la mwemu mpe la okulu esatu.
\c 14
\cl Esuki esungu 14
\p
\v 1 La icone, polo wo barnabas wa lingelia wo kpaa la losambo wa yudasi mpe wa kokuasaka ndenge kpaa, ebele ewa yudasi mpe la grequi waho wumba mpui.
\v 2 Late wa yudasi wa wumbiti mpuiste wakuabalaka la esengola pagonos la wa manglaus.
\v 3 Wabatia la mbume dja mokimo icone, wakogbumaka la eyaisi la makambo ma watutiene, wabatiaka ilembo la maloba manguya mpe ewohekelia mboka la owaseli wato la okele makamuesi.
\p
\v 4 Wato wa mungo moki wabandea waliabua: wango weti wa djei wa yudasi, mpe weti wadja wato wa wayekoli.
\v 5 Mpe nda wa paganos wa yuda, wa batia, la mokonzi wau.
\v 6 Polo mpe barnabas wa djea la momungo, wakia nda tuke la moki mo Lycaonie mpe Lystre mpe Derbe, mpene mpene.
\v 7 Wabandia ateyi?
\p
\v 8 A Lystre, abatia la mbume moto olokumua makolo, akatengulaka, mpe asombitiaka.
\v 9 Awokia nda ekongbomaka polo, abatia odengi ati ende, polo enia ate adjei la andimi
\v 10 Asia la mongongo mompamake, omala mpe abandia osombi.
\p
\v 11 La maiso ma polo, wato wamalia likolo la mingongo mimpamake, wasia la monoko mou Lycaonienne: wa nzambe walukuta wadimbai atiesu.
\v 12 Amowelia barnabas jupiter mpe polo mercure, inde opklaliaka.
\v 13 Wa mumpe wa jupiter, ndako emowengei edjakali mpene mpene
\p
\v 14 Wa tutiani wa Barnabas mpe polo, wa okia djongo wa salakalia isinde wau wakia obangu otie wato.
\v 15 La owumbimpui: owe moto andekakelaka owe djongo? isompe, todjei wato kpaa ndenge kiluma nda owe, ata mboli ndamu eliloba la Engali iso tompundei ongo la wasidjinge sambo mbe mpote to wongue ati Engali ongo adjei ongo okeli likolo, mpe mbume ebale mpe iho kpaa inge idjei.
\v 16 Mowengei, la maiso maeti, la odeiwato wa like la ndenge ehu amene la mbaka enge ebali iwo amene.
\v 17 Te nda odei owo ohekeli ndakisa nda ndenge enge edjei la okeli olamu, nda weti mbume, mpe likolo la tango enge, eiwongo ikohekeleke mbume vitamine la mpe ohekeli ilaka ebele, la mpeohekeli motema monu isengo
\v 18 La sika djoo, la mango maloba, matekesi ebele ewoto la ohekeli ema elitomba.
\p
\v 19 Late wato wango wa Antioche mpe wango wa Icone la wa yudasi wango wanzui wango wato, la mbuseamoteni polo kingo, wa mobatia mpembeni emoki, la okanisi ate la ungo wuse weti tango enguyaka inde.
\v 20 Late, watutiani walingia mungomoki wamalia mpe wa lingelia. la weti huse a Lystre la Icone mpe Antioche.
\v 21 Tango ewahekelieka wa mateya ma Engali mungo moki mumesia ndamboe watutiani, wa nongo ya la Lystre, Icone, Antioche.
\v 22 Wa wahekelia watutiane nguya, waumia wabati la andimi la wasi la makambo ebele mango ma to lingesi la akonzi omoengei.
\v 23 Waumia wakumu wa losambo tango enge ekiliaka iwo, wa waselia wa kumu, ndenge ekamisiaka iwo?
\p
\v 24 Wakpandia Pisidie, wakia la Pamphylie.
\v 25 La wasi malola ma Perge wa ndimbia la Italie
\v 26 Lango, wa kiaya la Antioche ongo owa weliaka iwo la nguyae Engali la likabo lilamu linge likeliaka iwo
\v 27 Tango eumeaka iwo wa welia masambo kpaa, mpe wawaselia ndenge kpaa ewakeliaka Engali la iwo kpaa, mpe ndondenge eluhaliaka wato kpaa moluhe mondemake
\v 28 Mpe wabatia ngonga ndai la watutiani.
\c 15
\cl Esuki Esungu 15
\p
\v 1 Wato weeti walongoi la Yuda mpe wadi owainyei wamanango ate, inga okotenamani ngenga la motindo mo mosete, otikokani okalesami te.
\v 2 Likaka, la kokya ngbi eumi ndondo e wato waho la Paulo la Balanaba. Ndjongo waoni ate Paulo la Balanaba, la ma weeti wato ndondo eewu, watele la Yelusalema aatie watoma mpe la wiloko wa lingomba la tina ekokya ele.
\p
\v 3 Wato wa lingomba wa wadei la mboka, la mbuse waeti ndondo e Foinike, la Samalia, olumboli hoho la okukuani o wapakano, mpe owaokesi wato kpàa mwemu sungu.
\v 4 Ango eumi iwo la Yelusalema, lingomba, la watoma, la wiloko wa wayangeli, watei sambo kpàa wikeli Engali eu mongindi.
\p
\v 5 Ase wa mwesi wa lingomba la wa Falisayo, wango wagemeikaa, wayamali waasi ate, eengi owatenesi ngenga mpe owalaki ate watose mobeko ma Mose.
\p
\v 6 Watoma, la wiloko wa lingomba, wayakokei omungoli tina e loi uho.
\v 7 Ango eumi la kokya ngbi, Petelo aasi la iwo ate, wamanima, ino weewini ate Engali aoni mbai ndondo eenu gala late wapakano waoke liloba la mboli lilamu la monoko mo mbai mpe wegemye.
\v 8 Mwengéi mwewi loho dja wato awatatwelaali, late awahi okulu esatu ndenge kikima ehi inde la iso.
\v 9 Akawoliti mpe iso la iwo te late akpoli mitema mau la tina e ogemei.
\v 10 La ndjongo, lande edjéi ino sikandjo omomeki Mwengéi la owatambeli wayekoli kangata la mooli, waawa watata wasu, la iso mpe todjaaki la otetelake lokpalake te?
\v 11 Kaasi togemei ate tokokala la naano e meemene Yesu la motindo kikima la iwo.
\p
\v 12 Wato ngbii wayabataali logo omooki Balanaba la Paulo okpomi wilembo la wikamwiseli kpàa wikelaali Mwengéi ndondo e wapakano la mawo mau.
\p
\v 13 Eseseli iwo okpomi, Yakobo awongwesi luundo ate, wamanima, okani mbai!
\v 14 Simeona aseseli olumboli nda edi Engali awadendi wapakano liwo ate awatote wato la tina e kombo eende ndondo eeu.
\v 15 Luundo ewasakoli egemyani mpe la loi ungo odingamikaa ate;
\q
\v 16 Mbuse e sambo ikowongwa, mpe ikoma aleeti enguta mo Dawidi linge likwikaa ikoma aleeti obitani uho, mpe ikomalsa aleeti.
\v 17 La tina ate kpàa weeti wamolukane nkolo, edjéi ndi wapakano kpàa wango kombo e mbai ewelamikaa likolo lau.
\v 18 Nkolo mwewisi la diidi sambo te laagala aasi ndjongo.
\p
\v 19 Ndjongo mbai iteni ate towatungese wango wakukeli aatie Engali ndondo e wapakano te;
\v 20 Kaasi towatomele engbat ate watone mbindo e wikeko, la ekobo, la wanama lipotami la makila.
\v 21 Larte la masio maeti Mose adjéi la iwo wango wakosakolaaka moki la moki mpe la Sabata la Sabata wakotolo sambo djande ndondo e wuyanganelo.
\p
\v 22 La mwengele eeho eeni olami la watoma, mpe la wiloko, mongindi la lingomba kpàa owaoni mpele ndondo eeu owatomi la Atiokia mboka kikima la Paulo la Balanaba. Ndjongo wamooni Yuda, ongo omoweli iwo Balasaba, la Sila, iwo mpele dja liwoso awodja la wandeko.
\v 23 WAtomi engbata la ewoo ate, watoma mpe la iwloko, wamaangbanu, aatie wandeko wango walongoi ya wapakano ongo la Antiokia, la Sulia, la Kilikiya, mobale!
\v 24 Tookikaa ate wa mwesi la wango wapumbi la iso, wadii obeteli ino la sambo djau, obandi mitema manu, iso toti wainyei ndjongo te.
\v 25 Ndjongo eeneni olamu la iso kpàa la motema mokikima owaoni mpele djeeti owatomi la inomboka kikima la wabalani wasu Balanaba la Paulo.
\v 26 Wango wabatikaa bomoi ou la kombo e nkolo ongo oosu Yesu Kilisito.
\v 27 La ndjongo tomotomi Yuda la Sila, ase iwo wakolumbola la ino ndi sambo didi la monoko.
\v 28 Late eeneni olamu la okulu esatu mpe la iso obateli ino mikpali meeti te, ndi sambo dinge iwongi.
\q1
\v 29 Late otoneni wilaka wihekelami wikeko, la mindimi, la wanama wipotami, la ekobo. Inga okoyabanyani la dii sambo, okokelani olamu tikalani olamu.
\p
\v 30 La ndjongo ango etomami iwo, waumi la Antiokia, wakokei lingomba, mpe wawahi ngbata eeho.
\v 31 Eseseli iwo o dengi engbata eho, waemeli olendesi a laho.
\v 32 YUda la Sila wadjaaki wasakoli iwo bii, ase wawalendisi wandeko la luundo ngbii, mpe watalei okulu ou.
\p
\v 33 Waumoi ango mamwengele keke, la mbai se wakawani la wandeko owongoi la logo ongo ya wango wawatomi.
\v 34 Ase eeneni olamu la Sila oumoi ango.
\v 35 Paulo la Balanaba waumoi la Antiokia, iwo la weeti wato ngbii, mpe wadjaki omei la osakoli liloba la nkolo.
\p
\v 36 Mbuse emasio Paulo aasi la Balanaba ate, towongweyo la moki kpàa mosakoli iso luundo o Mwengéi odengi inga wandeko wadjéi ndandenge.
\v 37 Balanaba abalaki okii la Yowani, la oholo owelami malako.
\v 38 Ase Paulo atibalaali omototi te, ongo owadei la Pamfulia mpe akii la iwo mboka kikima ongo la otoma te.
\v 39 Kokya ngbii eumi, ndjongo wakawani, mpe Balanaba amototi malako mpe akei la masua ongo la Kupulu.
\v 40 Ase Paulo amooni Sila, mpe ango emobati iwo ndondo nano e nkolo, alongoi ango.
\v 41 Aeti ndondo e Suliya, la Kilikiya olendesi mangumba.
\c 16
\cl Esuki esungu 16
\p
\v 1 Ase ndjongo, aumali la derbe asaleti a lisha ase denda, moyekoli mweli andjakoli ongo kombo ende timote, moli mwesi mana onde ongo andjakali mondimi aseko sango andjakali mo greki.
\v 2 wamana ongo wa lisha la ikonium wa ndjakali owasi olamu a likambo lande.
\v 3 polo abalali ate moto atinge inde, ase a motatoli ase amoteneli ngunga alikimbo la wa yuda wango wandaali wingebele, alikambo ate iwo kpaa waewali ate sango adje mo greki.
\p
\v 4 Aseko ongo adjakalio oeti la miki, wadjakali aekeli wango wadjakali a minge miki indjango mitindo mitotali wa toma la wiloko wango wadjaka ongo a yelusaleme wabobali a likambo ale watosa
\p
\v 5 Aseko, masambo madjaaki otetisi loilo Engali, la ndjongo wato wadjaaki abakisami masia kpaa.
\p
\v 6 Abeti, wakpandali frigia aleti moki mogolalia ali kambo ale elimu saulo awa tekesali ale wafiase loi telokikima ongo a moki mo azia
\v 7 Aleti, ango eumali iwo a masia wakelali makasi lolingeli ongo bitimia, aseko elimo e Yesu etu wahali mboka
\v 8 Ndjongo waetoti ahuwe la masia asewadimbia la troase.
\v 9 Aseko alikolo, polo aeneli eneneli eeli: moto mwesi o mose domia amalali ase adjakali wolingi la polo ase akwasaka lande ate: etaongo la masedoma oto salese ingo.
\v 10 Buse esaki e polo, to wongo ya la vile e machedoine la molongo.
\p
\v 11 Eokia la moki motrees, tolingelia libela la samatheace, mbuse ewuse tokia la neafolis.
\v 12 Ongo tokia la filipi, ongo la moki mopoo mo macedoin la mamungo makani sake ate likumu a kotuasela medindamu.
\p
\v 13 Wuse o sabata tobatia mbase emoluhe, mpembeni emalea la ma mengo makanisake ate edjee ewolo esambelake, toabatia mpe toluosaka la wali wano.
\v 14 Moesi owu, la kombo ate Lydie akosombaka mpene mpene moki Thyatire, nde ongo omotosoka Engali, likumu amodukaleli motema la woki makambo ma mango makasaka polo.
\v 15 Eango esua inde batisimoda libota lande, atowela likambo: ongo wasaniate mbai edjei sembo la lekumu, alingele la ndako embai a teye sambondanou.
\p
\v 16 Nda obeke iso osambeli mole muesi adjakali la dimo e Python, aumia la linge lekabo laho.
\v 17 Abondia otobili mbuse, polo la iso la wambia mpai olo moto adjee likumu la Engali olekolo, akotuaselaka mbolindama.
\p
\v 18 Akela zinge sambo banda masio ebele polo alembia mpe awongo ya, mpe asia la elimo: mpe apundia nditango eho.
\v 19 Wa molimo wa mosali, wa longosia ondimi ou! nandia sampo dja polo la silasi, denge abatiaka la eholo epolele liyoso la wa misambesi
\v 20 Awa ineya la wato wa niongo la wasi wa wato wa kobebisa moki;
\v 21 Edjei wa yuda yakuasa okoko obe totakoke osaleli makambo mau, la iso wango wadjei wa romais.
\v 22 Ebele ewato wasia laide, wabeki watotia a isidje wau, wa ndimi owabingi
\v 23 mbuse owabingi, wawa helia makasi mpeza
\v 24 Geolier wazua mibeko, waw bongia la boloko mpe wa wabatia laceps qux pieds
\p
\v 25 La minui malikolo, polo la silasi wasambelia la mpe olembi lembo dja mongali, mpe wahelami wakohokaka.
\v 26 Tango esi mbume indingania, ndako eboloko ate ya, wato kpaa wa tilia.
\v 27 Geolier wa malia wania miluhema boloko mikondua naka.
\v 28 Polo asia la mongongo makasi we keleni obelaiho, iso kpaa tozei ala.
\v 29 Wa Geolier waongia moinda, walingelia mbangu mbangu la makolo ma polo.
\v 30 A waumesia mpe asia, nde ekoki mbai okeli late ikale?
\v 31 Polo la silasi, wa hongoli: ndima la kombo e Yesu okokala.
\p
\v 32 Mpe awaselia liloba la moengei.
\v 33 Asambeli laiho la lingeli kolo, mpe wazua batisimo.
\v 34 Akia la iwo ati ende, mpe awahekelia ilaka, mpe wa ndimia liloba la moengei
\p
\v 35 Tango etania wasu, wabeki wa watomia la mabota mau ati e Engali.
\p
\v 36 Geolier wasia makambo la polo mpundia, mpe keke laide?
\p
\v 37 Mpe polo asia la watangi wabeki wasi ate iwadee.
\v 38 Watangi wasia ndi mangoma loba la owangi ate wa djei wa Romais.
\v 39 Wabatia la liberte la wabati la moki.
\v 40 Tango ompundia iho la boloko, wa lingelia atie Lydie la mbuse owaome wa ngbasu waeti.
\c 17
\cl Esuki esungu 17
\p
\v 1 Polo la Silasi walekia la afipolisi la Apolonia ase waumia la Tesaloni, ango ondjakali la sinagoga e waguda.
\v 2 Polo alingelia, nda emeseni inde la woumoi wo sabato isato akpomesania la iwo, la likambo la Madingo.
\v 3 Akolimbolaka, la wenesi wilembo, ate ewongi Kilisito aeni wodidi ase asuswe la wato wagwake.
\v 4 Wadi watro katikati ewu waumia wandimi, ase wa awanesia la Polo la Silasi, la wagreki ebele wango wandjakali oyakongi la Mwengéi, la wali ebele wango waewanake.
\p
\v 5 Kasi Wayuda, waokia ndjuwa iwo la wato wabe, waumesia ewondje ase wakelia mobulu mosolo mo gbata. Wakandjia la moguta mo Yairo, ase wamolukia Polo la Silasi alikambo ate wawaumese aatie wato.
\v 6 Nda etiwagbotoli iwo, wamototia Yasoni la wama nango liwoso la wandjondji wa gbata, wahumbia pui ate: waka wa wato, wabitesi moki, wandji ahala, ase yasoni awabatia ala.
\v 7 Waokelaka sambo la obitesi pui ndja leta, ate endjéi Likumu moikima ndi yesu
\v 8 La sambo ndjinge iwabitelali wato la wandjondji.
\v 9 Ango wemeli iwo ate Yasoni atikale wango wadi wato wa wadee wakee.
\p
\v 10 Ndiango wamangbau wakia la likolo Polo la Silasi ongo la Beloya. Ango ekaumia iwo, walingelia la sinagoga e Wayuda.
\v 11 Kaikonde Wayuda wango wandjakali la mamungwene malamu owaleki watesaloniki; alikambo ate wandimali sambo la ehoha esungu weti wandjakali odendeli madingo wolamu wolamu masio kpàa; la woeni ndjinge sambo iwaseli iwo indjéi ndjoongo.
\v 12 Wato ebele la katikati ewau wa ndimelia, la wali wagreki wango waewanake la wato ebele.
\p
\v 13 Kasi ango woewia Wayuda wa watesaloniki ate Polo asakolakali ongo la Beroya sambo ndja Mwengéi, wakandjia ongo owamemeleli wato la owatindiki.
\v 14 Ndiango wamango wamotomali Polo akee ongo la ebale esungu; Silasi la Timote watikali la Beroya.
\v 15 Wango watingali la Polo wakia lainde tee la Atene, mbuse wakawongoya, mbuse eototi mamungwene, Silasi la Timote waka wougwa obangu.
\p
\v 16 Nda ewalambelakali Polo la Atene, andjaokia ndondo elimo ende eokia nkanda, ango weneli inde ate gbata eho etumi la wikeko.
\v 17 Apotali wasani la Wayuda la Sinagoga la wato wango wamowangi Mwengéi, la ebete e wohola masio kpàa la wango wandjakali ogbotononi.
\p
\v 18 Kasi wato wadi Wafilondjofe, waepikire la waesetoa wapotia okpomesani la inde: wasin ate: Nda sambo ndjinge ikoasaka inde wadi, wamokia akoasa ate Yesu andjéi lisekwa, wasia ate: eneni nda akoasaka sambo ndja wa Mwengéi wadi.
\p
\v 19 Ase wamokelia, wamotomia la Aeropage, wasia ate: Tokoki wewi linge litio liholi likoasaka owe lindjéi nde?
\v 20 Alikambo okoasaka la iso ema e wato wadi iso tobali toewe inga endjéi nde.
\v 21 Kaiko nde wato kpàa wa Atene la wandjakali ongo la Atene, wandjakali obekesi engele la woasi ate oki sambo.
\p
\v 22 Polo, amalia likolo awondja wo Aeropage: aasia ate: wato wa Atene: mbai yo ogboti ino kpàa ondjéi wato wa wondimi.
\v 23 La ate, ango olekaki mbai la gbata eenu la weni wiho wanu wa waakongi, yeneli etumbeli esi ongo likolo wakomi: La Mwengéi ongo wewaniti ongo okomwene ino te omwewi, endjéi nde la inde nde ekowaselakani mbai.
\p
\v 24 Mwengéi ongo okeli mokili la winge kpàa windjéi, andjéi Likumu la likolo mla mbume, atoabataka la wibete winge wikelani la mawo ma wato.
\v 25 Atokelaka wotomu nda wo mawo ma wato, inga andjéi la mposa ende te edi, inde nde okowaka mpokala ohatiani la wiho kpàa.
\p
\v 26 Akelali ate wato kpàa, waumi la makila makima la wabate la etando embume, ase abatia engele enge ewangi, la gboo ewuakali.
\v 27 Abalali ate wamoluke Likumu, wa moluke wiati la wiati alikambo ate wamwoene, wolamu ate ati liehele la moto toeti oosu.
\v 28 La likambo lande nde ndjéi iso la mokalo, asombesi wo sambo, la okali enge nde easi wadi wato la sambo ndjadi, la inde tondjéi ekolo ende.
\p
\v 29 La ndjoongo, nda ondjéi iso ekolo e Mwengéi, tokokiti omungoi ate Mwengéi andjéi nda wolo, nda wambele te nda libanga, nda ema enge ekeli iwo la lomungo, la mamungwene ma moto.
\v 30 Mwengéi nangi maiso la engele enge e wondjangi woewi, aasisikala la wato kpàa la wibete kpàa wahengese mitema.
\v 31 Alikambo ate abati wuse woesi wungo wokosambesa inde mokili la timilalo la ndenge emoto ongo omweni inde awahi wato kpàa loi nda esui inde la wato wagwake.
\p
\v 32 Ango okia iwo aasia likambo la osusoi la watio wagwake, wato wadi wamosekia, ase wadi waasia ate, totiwoke owe la loi wungo alidi.
\v 33 Ndjoongo Polo alongoya ango la wondja wou.
\v 34 Wato wadi waaboleya la inde waumia wandimi Deonisiusi moto o Aropage, la moli mwesi omoweli iwo Damali la wadi wato la inde mongindi.
\c 18
\cl Esuki Esungu 18
\p
\v 1 Abuse eho Polo akia la Atene, ase akawongoya la Corito.
\v 2 Amogbotia Moyuda mwesi nkombo ende akwila, moto o poti ongo olongwali la itali la moli onde Pisila, olikambo ate Elode asali la Wayuda kpàa walongwe la Roma. Inde akia la iwo.
\v 3 Ase nda ekelakali iwo wotomu woikima, abatia atie wu wapotia okeli, wandjakali osoni hema.
\v 4 Polo andjakali wasi la owatii la Sinagoga sabato ndjièsi, ase andjakali owamesi Wayuda la Wagreke.
\p
\v 5 Kasi ango oumia Silasi la Timote la Makedonia, aahia kpàa la Wayuda ate Yesu andjakali Kilisito.
\v 6 Wayuda wakelia mobulu la owatangakoli, Polo apupia wisindjè wande, ase awaselia ate: Makila manu makolela la mito manu, mbai indjéi Peto. la sikahala, ikokee atie wapagano.
\v 7 Ase apumbia ango, alingele atie moto mwèsi nkombo e nde Yusutusi, moto omowangi Mwengéi, ongo andjali la monguta monde mwabandi la sinagoga.
\v 8 La engele eho Krisipusi, Likumu la sinagoga, amondimeli likumu la wolie wande kpàa. A wakorito ebele wa ndjakali omokili Polo, wandimelia kolo, ase wabatesania.
\p
\v 9 Likumu amoumelia Polo a likolo amwaselia ate: otiwange te; asa, ase otidikake monoko.
\v 10 Ndindjoongo mbai idjéi la owe, ase moto twèti atohela ewo la okeli wobe; asa, alikambo ate mbai indjéi la wato ebele la ehele gbata.
\v 11 Aabatiango elanga esi la ndebo motoba, owapundesi wadi wakorito sambo ndja Mwengéi.
\p
\v 12 Kaiko nde ango andjakali Galio Prokosili o Akaya, Wayuda kpàa wamomemelelia Polo, wakia lainde la Ndjondji,
\v 13 Waasia ate: oholo moto akowandimesaka wato waakonge la Mwengéindenge enge eokaniti la pui.
\p
\v 14 Ango okaduholia Polo monoko, kaikonde Galio a waselia Wayuda ate: Inga endjaki ekpeli esi te la loi wesi wobe, ikelaki ate inange motema la owokelini engele elai, ee Wayuda.
\v 15 Kasi, inga endjéi kokia la sambo, la nkombo la pui djanu, enge eodendi ino ibaliti ondjéi masambesi mondjinge sambo.
\v 16 Ase aumbia la iwo la masambi.
\v 17 Ango iwo kpàa wamohelia Saritene, mokambi mosinagoga, wamobingia liwoso wasambisi, kasi Galio te waahueli te wokeke la sambo ndjaho.
\p
\v 18 Polo atikalia masio ma sungu la Korito. Mbuse eho ayambia la wino wande, ase alingelia la masua, akia la Siri, iwo la Pisile la Akwila, mbuse eomondjengi sue la Kekrea, alikambo ate andjakali la elako.
\v 19 Waumia la Efeso, ase Polo awatikia wino wande. Alingelia la sinagoga, apotia okpomesani la Wayuda.
\v 20 Wamwongia ate aabate la iwo masio masungu.
\v 21 Kasi atindimali te, ase awadeya, aasiate: Ewongi wolamu ikele eyenga egeleli la Yerusaleme. Ikookawongwa atie nu inga Mwengéi abala, ase akia la Efeso.
\p
\v 22 Ango wandjimbia inde la Kaizaria, atelia la Yerusaleme, ase mbuse eoyaambi la lingomba, aandjimbia la Atiokia.
\p
\v 23 La ango olekesali engele esungu la atiokia, Polo ahelia mboka, akia wobangu wosolo la Galatia ase la Frizia, andjakali owalendisi watutiani gbaa.
\p
\v 24 Moyuda mwèsi nkombe ee nde apolo mana omoki mo Alekisadri, mwasi sambo ndamu, la madingo akeli la Efeso.
\v 25 Andjakali opundesi la wasiwo Likumu, la ololi wo elimo, andjakali wasi la owatii la molende ndjinge imodengi Yesu; ndjinge ndaamu idengi batisimo e Yoani.
\v 26 Abandia woasi la mpiko la sinagoga, akwila la Pisila, waokia, wamotia la inde mongindi, wa mwenesia wohola solo mboka e Mwengéi la ndenge ndamu oleki.
\p
\v 27 Ango obandali inde oleki la Akaya, wino wande wamopamboya, ase wawadingelia watutiani wamoemele wolamu. ango okaumia inde, akia la wopambuami wo Mwengéi, la titomba lisungi la wango wandimeli.
\v 28 Ango andjakali woasi la Wayuda ate wawusi mboka, la hoho, wenesi la madingo ate Ysu andjéi Kilisito.
\c 19
\cl Esuki Esungu 19
\p
\v 1 Ndi Apolo adjéi l kolinti, Paulo aeti la mboka e mokoli ndondo e moki, mp aumi la Efese, atoti weeti wayekoli ango.
\v 2 Mpe aasi la iwo ate, ango egemei ino odjwini okulu esatu? waasi la inde ate, tookitini okulu esatu inga adjéi.
\p
\v 3 Inde aasi ate, la ndjongo odjwini nda libatisa? waasi ate libatisa la Yowani
\p
\v 4 Paulo aasi ate, Yowani akeli libatisa likukolaké motema, mpe aasi la wato ate womogemye ongo ageeli mbuse eende, inde ongo Yesu.
\v 5 Eoki iwo ndjongo, wabatisami la kombo e nkolo oosu Yesu.
\v 6 Eseeseli Paulo owatambeli mawoo, okulu esatu adii likolo lau, wakpomi la mweti monoko mpe wasakoli.
\v 7 Iwo kpàa mpele ingo lyomu la iwale.
\p
\v 8 Alingeli la eyanganelo, mpe la sandja e isatu abati mogalya osakoli mpe omeki ogemyesi wato loi e okondi o Mwengéi.
\v 9 Ase weeti wadjaaki la otoni ogemei, mpe wamayi mboka eeho la maiso la ebele e wato. Ndjongo Paulo awadei, mpe awaumisi wayekoli ainei la molako mo kalasi la tulana la lisio la lisio.
\v 10 Edjaaki ndjongo mbula iwale, ndjongo wato kpàa wayabati la Aziya waoki loi o meemene, la wa Yuda la Baela ndenge kikima.
\p
\v 11 Engali mpe akeli otomu la nguya la mawoo ma Paulo la ndenge enge otikelamaka te.
\v 12 La ndjongo wa mokpaleli wato wa ekoni masume la matambala malongoi la wenge e Paulo, mpe wakali la wikoni djau, milimo mibee mipumbi.
\p
\v 13 Wa Yuda weeti wadjaaki waumbi milimo mibe, iwo wasombi moki la moki; wameki otoli kombo e meemene Yesu likolo la wango wadjaaki la milimo mibe, waasi ate ikotoloko owe la kombo e Yesu ongo okomosakolaka Paulo!
\v 14 Mpele sambo, wana wa lilando lisungu la wa Yuda, kombo eende sekewa, wadjaaki okeli ndjoongo.
\p
\v 15 Molimo libee awongwesi waasi ate, imwewi Yesu, mpe imo sosoli Paulo, ase la tina eenu, odjéini wa ndai?
\v 16 Moto ongo odjaaki la milimo mibee awahumbwesi iwo kpàa, awadimbi, mpe awaeti la okulu otetelake, ndjongo watili la enguta eeho lingbenbgele mpe la okondjokoni.
\v 17 Wau loi weewani atie wa Yuda, mpe la Baela, wango kpàa wayabati la Efese, ase kombo e nkolo Yesu egumyami.
\p
\v 18 Ngbii yaiwo wagemeikaa wadii oyamboli mpe waasi sambo djau.
\v 19 Ngbii la wango wakeli sambo la sisa wobolei wingbata djau ase wadilongwesi la miso liwoso mo winbata djaho mpe maengi Palata nkoto tuku itano.
\p
\v 20 Nda odjéi uho ndjo liloba la nkolo libeki mpe lilendisami la nguya.
\p
\v 21 Esili dii sambo ndjo, Paulo agemei la motema monde ate akoeta ndondo e magedoniya, la akaya, okii la Yelusalema, inde mpe aasi ate, la mbuse eeho ewongi la mbai weeni Loma.
\v 22 Mpe eseseli inde otomi mpele la wasungi wande, Timoteyo la Elasata, ongo la makedoniya inde ma aumoi la Aziya.
\p
\v 23 Late la enge mwengele yikiyiki mosungu epumbi la tina la eheele mboka.
\v 24 Late moto mokikima adjaali kombo eende Demeteli, motuli mo Palata, mosala mond okeli ma wisambelo la alatemi la Palato otomu uho odjui litomba ngbii la tina e wa sali.
\p
\v 25 Ndjongo awabolyanesi la weeti tuke la misala ndja enge ndnge, mpe aasi ate, wato mpele, weewini ate likondja lasulilongo la wuu otomu.
\v 26 Ino odengini wookini ate ndi ala la Efese te, kaasi otikli okeke la Aziya kpàa, Paulo ongo ogemesi mpe opengwisi osungu owato. Akwasa ate Engali ongo okelami la mawoo ma wato watii Mwengéi te.
\v 27 Ase boo e uuloi edjéi ndi ate otomu osu otidjaa pamba te, mpe ate wakomolongosa otwa wonde, inde ongo wakwatata la inde sikasikandjo la Aziya kpàa mpe la meki kpàa.
\p
\v 28 Ango eoki iwo ndjo, wamemeli ngbii, mpe wahumbi ate, mosungu Alatemi la ba Efese!
\v 29 Moki kpàa motumi la yikiyiki, mpe wasombi obangu la motema moikima ndondo e esanelo. Waguli wau Gayo la Alizitalaka, wato waale la makedoniya wango wadjaaki la mobembo la Paulo.
\v 30 Paulo abalaki olingeli ndondo e Ebele nda ebaliti wayekolui omohimboka te.
\v 31 Wa mwesi wiloko wa Aziya, wango wadjaaki wiino wande, wamotomeli luundo waasi ate atilingele la esanelo te.
\p
\v 32 La ndjongo wadjaaki ohumbi wato weeti la djeeti sambo, ndenge kikima la wango weeti late oyakokei edjaaki la kilikili, aleeti weeti wato watiewake inga wayakei la nda sambo.
\v 33 Wato weeti gbii wamogemei Alexandala, wango wa Yuda wamondongbi liwoso inde Alexandala ahahi ewoo late adjaki la posa lihumbolake loi onde liwoso la wato ngbii.
\v 34 Ase waewesi ate inde mo Yuda, mpe pui mwesi epumbi ya iwo kpàa, wahumbi inga mwengele iwale ate, mosungu alatemi la wa Efese!
\p
\v 35 Modingi mo moki awabandi, la waasi ate, wa Efese ndai ndondo e wato ongo odjangi weewi ate moki mo wa Efese edjéi mobateli mo esambelo la alatemi ongo mosungu, mpe la ekeko linge likwi la lola?
\v 36 Landjongo, nda etii moto mwesi la kokia te, ewongi la ino otitimesi mitema mpe odjangi okeli loi la ewedje.
\v 37 Late owatiesakolini dii mpele ala wati wabitesi wa sambo te, te omotuki Engali te.
\v 38 La ndjongo inga Demeteli, la tuke djande mongindi, masio kpomake sambo midjéi, mpe wakumu wadjéi; ndjongo dee wapundane.
\v 39 Ase inga okolukakani loi ungo oetii ango ekopumba ndondo e oyakokei oengemeni la mobeko.
\v 40 Late etikali mokeke wakofunda iso la omemeli la tina ediidi sambo dja keke, seele koleti late toyalongese la eheele yikiyiki ndjo.
\v 41 Eseseli waasi ndjo, alumbi ewedje la likita.
\c 20
\cl Esuki Esungu 20
\p
\v 1 L a mbuse ango etimei iwo ewedje, Paulo awatomi wato okaweli wayekoli, mpe awalendesi, ndsjongo akawani la iwo, mpe alongoi okii onde la Maketoniya.
\v 2 Aeti ndondo e moki muho mpe awahi toli la sambo ngbii la mbuse aumi Ela.
\v 3 Mpe aumi ango sanza isato, moluhe mo wa Yuda edjaaki tina eende ango elukaki inde olingeli la masuwa okii la Suliya, ndjongo abati motema ndi ate akowongwa la Makendoniya.
\v 4 Wato wakii la inde, Sopatele mana o Pulus, moya Beloya; Alisitalaka la Sekundu, wato wa Tesaloniki; la Gayo, moya Delebe, la Timoteyo, la Tukiko, la Tolofimi, wato wa Aziya.
\v 5 Wango waki liwoso mpe watolambeli la Tolowa.
\v 6 Ase iso tolingeli la masuwa la Filipi la mbuse e masio okoke osili, mpe mbuse e masio matano tondngbani la iwo la tolowa toumoi ango masio sambo.
\p
\v 7 La lisio la yenga toyakokei olaki okoke, ase Paulo wahii mateya. Alukaki okii mbuse emidi, kaasi aguli moteya teeee elangali liusa use.
\v 8 Minda midjaaki ngbii la enguta enge elikolo, oyo eyakei iso.
\v 9 Mana ompele mwesi, kombo eende Yutuku, ayabati aatie lininisa, mpe ahelami la ilongbii. Edjaaki Paulo owalakesi eengele ndai, ongo mana alangali wiloo, mpe akwi sese olongoi la esuki esatu enge elikolo e monguta, mpe wamodjambi ndi agwikaa.
\v 10 Paulo ayadimbi, akwi likolo lande, mpe a molingi la mawoo, mpe aasi ate, otiwangeni, late mokalo monde modjéi djainde.
\v 11 Ateli aleeti, abuki okoke mpe alaki agbomi engele ndai, tee otani use, ase alongoi.
\v 12 Wakii la palanga la bomoi, aleeti wayabondesi ngbii.
\p
\v 13 Iso nde toyadimbi la masuwa liwoso, mpe osombi tee la Aso, ongo epaaki iso omolumbesi Paulo la masuwa late abali ate ekee inde amene la mboka e Kondolo.
\v 14 Andongbali la iso la Aso, mpe tomolingesi la masuwa ase tokaumi la Mitulene.
\v 15 Toyamali ango, mpe la Uneuse tomodengi Kikyo; aleeti mbuse e masio tokpandi siwili aatie Samo, aleeti Uneuse toyamali la Milete.
\v 16 Paulo atibalake oyamali la Efese te ate atietese mwengele ndai la Aziya te, late adjaaki la posa e odjéi la Yelusalema la masio tuku itano, inga ekweenga la inde.
\p
\v 17 La Milete nde omotomi inde ongo la Efese akawawela wiloko wa lingomba.
\p
\v 18 Ango eumi iwo la inde, aasi la iwo ate, ino weewini motindo mo mbai yaino engele kpàa, obandi lisio la poo esawei mbai ala la Aziya.
\v 19 Imokelelaki Mwengéi la mohandja kpàa la motema, la pisoli, mpe la omekani windjumelaki mbai l tina e myango e wa Yuda.
\v 20 Itiwangake te oosakwelini ino sambo dinge ikoki okalesi ino, mpe oinei ino ndondo e oyakokei mpe enguta la enguta.
\v 21 Italoli ya wa Yuda mpe la Baela, loi lokukolake mitema aatie Mwengéi, mpe la omogemyeli meemene oosu Yesu.
\p
\v 22 Sikasikandjo mbai, mohelami la molimo, ikii ombai ongo la Yelusalema; yeewiti inga nda sambo ikokpeele mbai ongo.
\v 23 Ndi ate okulu esato akondjaselaaka moki la moki ate wiheleli, la odidi wikotutiaka mbai.
\v 24 Kasi la maiso ma mbai bomoi o mbai otii mosungu te, ndi inga iseselaka mboka e mbai mpe lotomu lodjui mbai aatie nkolo Yesu, late itatole la tina e mboli ndamue Mwengéi.
\v 25 Sikasikandjo mbai yeewi ate ino kpàa, wango eeti mbai dja iwo osakoli okumu, itieneni mbanda e mbai aleeti te.
\v 26 Alaho enge ikotabaka la ino keke eheele ate idjéipeto la mindimi ma ino kpàa;
\v 27 Itidjangake osawelini sambo kpàa te.
\v 28 Okakebeni la tina e ino mpe la tina e mongindi kpàa late okulu esatu aobatikaani wakekengeli djaho; djaani wabanei wa linguta e Mwengéi linge lisombi inde la mindimi mande amene.
\v 29 Mbai yeewi ate mbuse e olongoi ombai wa pange dja ogeno wakolingela ndondo eenu, mpe watibala odei etonga te.
\v 30 Ndondo eenu mpele wa koyamala osakoli moteya ma moleho late wagule wayekoli mbuse eeu.
\v 31 Ase ndjongo, banyani, mpe mungolakani ate mbula isatu likola la use idjaaki owaaselini mwesi la mwesi la poo te.
\p
\v 32 Sikasikandjo ikoodeeni la mawoo ma nkolo mpe la luundo e magba mande inde akoki obekesi ino mpe oohekelini libula ndondo e wabulami wande kpàa.
\p
\v 33 Imopwesiti moto wolo te inga palata te inga molato te.
\v 34 Ino weewini ate mawo ma mbai maama seseli osenga o mbai.
\v 35 La sambo kpàa yoohi wilakiseli ate eengi la ino okeli ndjongo la tina e osungi wato wa mageni, mungolakani mpe luundo ma nkolo Yesu ate, mwemu mokawake moeti mo totake.
\p
\v 36 Eseseli inde waasi ndjongo, amai mauli mande mpe ayatati la iwo mongindi.
\v 37 Iwo kpàa waleli ngbii, mpe wakwi la kingo e Paulo omohuhi.
\v 38 Wadjaaki la magba maeti mosungu la tina eeho, eseseli inde waasi ate watiene mbanda eende aleeti te. Ndjongo wakii okamotiki la masuwa.
\c 21
\cl Esuki Esungu 21
\p
\v 1 Ango ekawani iso la iwo, tosekolami mpe tosombi olamu tee lako, mbuse e masio toumi la lodo, mpe olongoi tee la Patala.
\v 2 Togboti masuwa ango malukaki oki la Foenike, ndjongo tokii a laho, mpe tosekolami.
\v 3 Ango eeni iso Kupulu mpe odei esii eho aliali, tosombi tee la Ulia mpe toyamali la Tula, late masuwa madjaki la wiho wisawolake ango.
\p
\v 4 Towaluki wayekoli, ango endongbani iso la iwo, toumoi ango masio sambo. Iwo waasi la Paulo, alikita la molimo, ate atitele la Yelusalema te.
\v 5 Ango eseseli iso weengesi masio masu, tokii osu, iwo kpàa, la wali la wana, wadji saa la moki ototiki, mpe tokwi la mauli ango la etima o yatati, mpe tokawani.
\v 6 Iso tolingeli la masuwa ase iwo wa wongoya la enguta.
\p
\v 7 Iso tolongoi la tula mpe toumi la potolemai otimei mobembo mo malya. Toti mobale la wandeko mpe toumoi la iwo lisio lysi.
\v 8 Laliio la mbuse tolongoi ango oumi la Kaisala, mpe tolingeli la molako mo Filipo moinei mo mboli ndamu, ongo odjaaki mwesi o wa sambo. Mpe toumoi la inde.
\v 9 Inde adjaaki la wana wali wanei, waseka wasakoli.
\p
\v 10 Edjaaki iso uumoi masio ngbii, mosakoli mwesi, kombo eende Agaba, ayadimbi la Yuda.
\v 11 Adii e wasu, atoti moliki mo Paulo, ayakandi makolo la mawoo, mpe aasi ate, molimo esatu aasi ndjo ate, ndi ndjongo wa Yuda la Yelusaleme wakohela oholo molome ongo odjéi la nkamba ndjo, mpe wako moha la mawoo ma wapagano.
\p
\v 12 eoki iso diidi sambo, iso la iwo la ebete eho tomoyatateli ate atele la Yelusalema te.
\p
\v 13 Paulo nde owongwesi luundo waasi ate okokelaakani nde ango edjéi ino la oleli mpe obuki motema mo mbai? la ate yaamali ndi ohelami la Yelusalema te kaasi ikogwa ango latina e kombo e Yesu.
\p
\v 14 Etibalake inde ogemei te, todei, mpe toasi ate, mokano mo nkolo ekelame.
\p
\v 15 La mbuse e masio maho toheli wiho djasu mpe toteli la Yelusalema.
\v 16 Wayekoli djeeti la Kaisala wakii la iso mongindi, mpe watotiesakoli la enguta e manasono, inde moya Kupulu, moyekoli mo gala, ongo obalaki iso olangali la enguta eende.
\p
\v 17 Ango eumi iso la Yelusalema, wandeko watoyangeli la mwemu.
\v 18 La lisio la mbuse Paulo akii owadengi Yakobon la iso mongindi, mpe masio kpàa wakodjaaka ndi ndjongo.
\v 19 Paulo awahi mobale mpe alumboli sambo kpàa mwesi la mwesi makeli engali ndondo e wapagano a tina e lotomu onde.
\v 20 Eoki iwo ndjo wa mogumei Engali, mpa waasi la inde ate, weeni, ndeko, ate ndondo eewu wage meikaani, wa Yuda wadjéi nkoto ngbii ndjo, mpe iwo kpàa wadjéi la mitema ma moto latina e mibeko.
\v 21 Waokiga mboli la tina e owe ate okowainya wa Yuda kpàa wayabati ndondo e wapagano ate wamotone Mose, mpe otosi mitindo mau.
\v 22 La ndjongo woni? wakooka meeemene ate odika.
\v 23 La ndjongo kela nda ekotiesakola iso owe. Mpele wanei wadjéi la iso ala, wango wadjéi la ndai eeu.
\v 24 Yabolya la iwo opetoli la iwo mongindi, mpe puta sambo djau ate wakoke ogololi mitomau, ndjongo wato kpàa wakwewa ate sambo yooki iwo la tina eowe amene okotosa mibeko.
\v 25 Ase la tina e wapagano wango wagemeikaa, iso towaaseli eteneli eesu ate watone wilaka wikelami wikeko, la mindimi, la wa nama wipotami, la ekobo.
\v 26 La mbuse Paulo ayabolei la mpela ndao, mpe la lisio. La mbuse ayapetoli la iwo mongindi, alingeli la tepelo, mpe aaseli wato elaka la gboo e masio ikopetwa la iwo, ango ekohekelama mbeka la tina e moto la moto oou.
\p
\v 27 Ango opaaki masio maho sambo weengi, wa Yuda weeti wango wa longoi la Aziya wamweni ndondo e tepelo, mpe wangalesi wato ngbii, mpe wamotambeli inde mawoo mau.
\v 28 Mpe wa humbi ate, mpe dja Isalayele, tosungani iso! moto oholo ala akoinyaka wato kpàa la wibete kpàa ate ate watiole olye osu, la mibeko, la eheele ebete. Aleeti awalingesi wa baela ndjeeti la teplo mpe abitesiga eheele esatu.
\v 29 Late wa mweniga Tolofimi, mpe wamungoliate Paulo amolingesi la tepelo.
\v 30 Moki kpàa momemeli mpe ebele ewato wa sombi obangu omoheli Paulo, mpe wamoguli saa la libanda la tepelo, mpe walihi moluhe mo tepelo logaa.
\p
\v 31 Edjaaki iwo olukani mboka la omooli Paulo, mboli eumi la oyakei e wasoda inga nkoto ate Yelusalama kpàa watomboki.
\v 32 Inde awatoti wasoda weeti logaa, la wakondji wau, mpe akii obangu ndondo e etuluku. Ango eeni iwo wasoda la lisio lau, wadei omobingi Paulo.
\p
\v 33 Lisio la wasoda adii mpe amoheli Paulo, mpe ahii mobeko ate wamohele la minyololo iwale. Ahueli inga inde nda, mpe inga akeli nde.
\v 34 Ase weeti la wango wadi ngii wa humbi loi weesi, mpe weeti la eeti loi. Ndjongo ango eengi lisio odjangi wewi tinate, alikita la yikiyiki, ahi mobeko ate wakee la Paulo ongo la monguta mo wasoda.
\v 35 Ango eumi inde la eteleli, wasoda wamokpali Paulo la ongali o wato ngbii.
\v 36 Late wato ngbii wadjaaki otutei la ohumbi ate moolani!
\p
\v 37 Wapaaki omolingesi Paulo la molako mo wasoda, ndjongo aasi la monoko mou ate, ikodjua mboka la waasi loi weesi? inde waasi ate, weewi monoko mo liela?
\v 38 La ndjongo owe moezipeto oho la masio meeti awamemelisi mpele la mipanga nkoto inei mpe aumisi iwo la lisobe te?
\p
\v 39 Paulo aasi ate, mbai mo Yuda, moto mo talasia la kilikia, ati moto mo moki modjangi kole te; yoongi la owe ate ohe mbai mboka la waasi la mongindi.
\v 40 Eseseli inde ohii mboka, Paulo ayamali la eteleli, mpe awahaheli wato eoo ende ango eyabati iwo kpàa logo, aasi la iwo la monoko mo liebele ate.
\c 22
\cl Esuki Esungu 22
\p
\v 1 Wamaangbasu wa mpele, la wa wawa, okani ewongweseli ekowongwsa mbai la ino sikasikandjo.
\v 2 Eoki iwo ate akwasaka la monoko mo liebele, wayabati logo inde mpe aai ate,
\v 3 Mbai mo Yuda, iwotami la talasiya la kilikia, ase iwokolami lamuu moki. Yeewi sambo kpàa ndondo e mibeko ma watata la makolo ma Gamaliele indjaakli mpe moto omposa la loi o Mwengéi pela eesi ndenge kikima ino kpàa nda edjéi ino keke.
\v 4 Ibeteli eheele mboka tee logo. Iwaheli, mpele la wali mpe iwalingesi la boloko.
\v 5 Nda lilando lisungu, la masio ma moki kpàa wakotatola la tina e mbai. Itoti engbata eu latina e wandeko wa damaseke, mpe ikii o mbai ate iwakambe wango wadjaaki ango la minyololo la Yelusaleme ate odjueni etumbu.
\p
\v 6 Idjaaki okii ndjongo, mpe yaandongbi ahue la Damaseke ango midi epotya weengi, ndiango ongengeke gbii ongo likolo engengeli mbai.
\v 7 Likwi la mbume, mpe yooki mooli waasi la mbai ate Saulo, Saulo, okonyokolooko mbai lande?
\p
\v 8 Mbai iwongwesi ate, owe ndai, nkolo? aasi la mbai ate, mbai Yesu, monaselete, ongo owe okomobeteleeke.
\p
\v 9 Iwo wadjaaki la mbai mongindi waeni ongengeke uho, ase waokiti mooli ungo easi la mbai te.
\v 10 Yaasi mpe ate, nkolo, ikele nde? nkolo aasi la mbai ate, yamala, mpe kekee la owe ongo la Damaseke, mpe wa woowesa ango tina dja sambo kpàa mango maonomi la tina dja sambo kpàa mango maonomi la tina eowe okeli.
\v 11 Itidjaake weeni te la tina e kembo ngengeke eho; ase wango wadjaaki la mbai wa heli mbai ewoo, ndjo toumi la Damaseke.
\v 12 Mpe molome la kombo ananiya, ongo osambeli la motindo mo mibeko mpe adjaaki la matatoli lilamu la wa Yuda kpàa wango wayabati ango.
\v 13 Adii oyamali dja mbai mpe aasi ate, ndeko Sauilo, ene aleeti! mbai mpe yeeni aleeti ndi la enge mwengele.
\v 14 Mpe aasi ate, Engali o watata wasu awooniga ate weewe mokano monde mpe weene oyengebene mpe wooke mooli monde.
\v 15 Late okodjaa motatoli monde la wato kpàa la tina dja sambo mikelami mpe maeni owe.
\v 16 Ndisikandjo okolambelaaka nde? yamala obatisami mpe okpoli masumu ma owe, la oweli kombo eende.
\p
\v 17 Ase mbuse ikowongwa o mbai la Yelusalema, idjaaki ndondo e tepelo oyatati mpe isengwi.
\v 18 Mpe yeeni inde waasi la mbai ate, pumba sikandjo olongoi obangu la Yelusalema, late watiyamba matatoli ma owe la tina e mbai te.
\v 19 Mpe yaasi ate, nkolo, iwo waewi ate mbai idjaaki oheli wandimi wa owe la boloko mpe owabingi pimbo la wiyanganelo kpàa;
\v 20 Mpe ango eswani mindimi ma Setefano motatoli mo owe, mbai pendja yaamali ango, mpe igemimei loi uho, mpe isenzeli wisindje wau eoli iwo inde.
\v 21 Aasi la mbai ate, keke, late mbai ikootoma la wapagano lihele.
\p
\v 22 Emooki iwo inde la wuu loi ndjo, asa wadjambi mooli waasi ate, longoso motindo la ohoolo moto la moki! ewoti omodei la bomoi te!
\p
\v 23 Edjaaki iwo ohumbi, olumbi wisindje wau, mpe odisweli miutu.
\v 24 Lisio la wasoda ahuhi luundo waasi ate, wamolingese la enguta e wasoda, mpe wamohuele la pimbo ate aewe inga wakomohumbelaaka ndjongo la nda tina.
\p
\v 25 Eseseli iwo omokandi la moliki, Paulo aasi la Likumu la wasoda oyamali ango ate inga wasambesa asani ate omobingi pimbo eengi?
\p
\v 26 Eoki Likumu ndjongo, akii omwaseli eloko eeu ate, okokela nde? late oholo moto adjéi moloma.
\p
\v 27 Eloko e wasoda adii waasi la wa Paulo ate, asa la mbai, owe moloma? agemei.
\p
\v 28 Eloko awongwesi ate, mbai isombi wuu osomi la wambele ngbii Paulo nde waasi ate, mbai iwotami nsomi.
\v 29 La ndjongo wango wapaaki omobingi pimbo wangoi la inde, mpe lisio la wasoda awangi late aewesi ate inde moloma mpe amoheli gaa.
\p
\v 30 La lisio la mbuse abalaki weewi meemene inga wa Yuda wadjaaki omohelesi Paulo landa loi, ndjongo amokangoli, mpe alumbi mobeko owakokei wanganga la likita lisungu. Ndjongo amodimbi Paulo ase amoamelesi la amoamelesi la awodja eeu.
\c 23
\cl Esuki Esungu 23
\p
\v 1 Paulo adengi oyakokyake, mpe aasi ate, wamaangbasu wa mpele, mbai isombi la lisosoli lilamu kpàa liwoso la Engali tee te laakeke.
\v 2 Ananiya, nganga mosungu, aasi la wango wayamali ango aatie inde omobingi la monoko.
\p
\v 3 La mbuse Paulo aasi la inde ate, owe etutu eumi la obubi! etikali mokeke Engali akoobinga! owe oyabati ndjongo osambesi mbai nda mibeko, mpe okoswaka mibeko la ohi luundo ate wabinge mbai?
\p
\v 4 Iwo wamali ango waasi ate, okomotongaaka nganga mosungu mo Engali?
\p
\v 5 Paulo nde waasi ate, ityewake te, wandeke, ate inde nganga mosungu, late edingamigaa ate, otyase obe la eloko e wato wanu te.
\p
\v 6 Paulo aewaki ate ndondo eeu wato weeti wasadukai mpe weeti wafalisai, ndjongo ahumbi pwi ndondo e oyakokei ate, wamaangbasu wa mpele, mbai mo Falisai, mana owa Falisai! ikosambi samaaga la tina elikya la libasi la wagwi!
\v 7 Easi inde ndjo, likaka eumi ndondo ewa Falisai la Wasadukai, mpe mongindi mokawani.
\v 8 Late Wasadukai wakwasaka ate lisekwa litii, mpe ahumbwa te, mpe molimo te, ase wa Falisai wagemya djaho kpàa.
\p
\v 9 Ndjongo ewendje ngbii epumbi, mpe wamwesi ewa paka wayamali ndondo e wa Falisai, mpe waasi la otetelake ate, toeni loi weesi libee ndondo e moto ongo te. Inga molimo inga ahumbwa aasigaa la inde?
\v 10 Ase ango eumi likaka mosungu ndondo eeu, eloko e wasoda awangi ate wakomwata Paulo wisuki, ndjongo alumbi mobeko dja wasoda ate wayadimbi omolongoi ndondo eeu la otetelake, mpe wamolingese la molako mou.
\p
\v 11 La likolo mbuse nkolo adji lainde waasi ate, yika mpiko! late nda eseeliga owe odengi la tina e mbai la yelusalema, ndjongo ekwenga la owe otatoli ongo la Loma.
\p
\v 12 Ango otani use, wa Yuda wadjui mokano, mpe wateni ndai ate watilaka te mpe watikenga te tee ekomoola iwo Paulo.
\v 13 Iwo wateni ndai eho waeti wato tuku inei.
\v 14 Wakii aatie wanganga la wiloko wa moki, mpe waasi ate, totenigaa ndai ate olaki inga okengi te tee ekomoola iso Paulo.
\v 15 La ndjongo ndi sikandjo ino la oyakokei gemyesani lisio la wasoda la hoho ate amodimbe ala la awodja e ino, nda inga okobalani olukani tina e sambo ndjande olamu. Iso nde wagudjéli la omooli ndi aumakiyo tee ahuete.
\p
\v 16 Mana omanango o Paulo omoli oki la tina e mitambo mau, mpe adii olingeli l enguta e wasoda mpe amwewisi Paulo.
\v 17 Paulo ase amoweli mwesi e wakondi, mpe aasi ate, motiesakola oholo mana opele ongo la lisio la wasoda, la ate adjéi la loi limwaselake.
\v 18 La ndjongo akii la inde okamotiki la lisio e wasoda, mpe aasi ate, mohelami Paulo ambeli mbi oyatati ate imotiesakole oholo mana opele aatie owe. Adjéi loi liwaasalaka.
\v 19 Lisio la wasoda amoheli ewoo mpe akii dja iwo meemene, mpe amohueli ate, odjéi landa loi londjewesake mbai?
\v 20 Aasi ate, wa Yuda wagemyani la oyatati la owe ate omodimbe Paulo ongo la eyanganelo ekundu, inga wakodala ohueli sambo odjande olamu meemene.
\v 21 La ndjongo owe otiwagemyele, pamba te mpele djau waeti tuku inei wamolambeli. Iowo wateni ndai ate watilaka te, watikenga te, tee ekomoola iwo, ndi nda euni iwo owongeli elaka e owe.
\v 22 La ndjongo lisio la wasoda amohi ongo mana mboka, mpe amokebesi ate, otimwese moto toeti ate ondjasli mbai.
\p
\v 23 Awaweli wakondi waale, mpe aasi ate, tomani wasoda nkama iwale ate wakee la kaisalia la mwengele e isatu e likolo, la wato wa bambalata tuku sambo, la wato wa makonga kama iwale.
\v 24 Wongeleni mpe wa bambalata la omotelesi Paulo, omoumesi la wenge tetelake aatie feliki meemene o moki.
\v 25 Adingi mpe engbata la motindo ate,
\v 26 Mbai Klaudio lusia aatie owe Feliki memene o moki moto o lokumu ngbii, mobale.
\v 27 Wa Yuda wamoheli oholo moto mpele, ango elukaki iwo omooli, idii la wasoda omokalesi, late yooki ate inde moloma.
\v 28 Ilukaki mpe weewi tina inga la sambo e mofundi iwo inde, ndjongo imolingesi ndondo e oyangani ou.
\v 29 Mpe yeeni ate afundami la tina e kokya e mibeko mau, kaasi ate afundami la loi weesi te ungo owongi la logo inga te la boloko.
\v 30 Wandjewesi mbai ate mwango edjéi la tina e oholo moto mpele, ndjongo imotomi inde la owe logaa, mpe ihii luundo la wafundi wande ate adjaasa liwoso la owe.
\p
\v 31 La ndjongo, nda edjui wasoda luundo, wa mototi Paulo, mpe wa motiesakoli la likolo ongo la Antipatali.
\v 32 La mbuse e masio wadei wato la mbalata wadei wato la mbalata okii la inde, mpe iwo wawongoi la molako mo wasoda.
\v 33 Wato wa mbalata waumi la Kaisalia, mpe wahii engbata la meemene moki, ndjongo wadii la Paulo liwoso lande.
\p
\v 34 Meemene o moki adengi engbata mpe amohueli Paulo inga alongoi la nda moki. Ango eewi inde ate alongoi la kilikia.
\p
\v 35 Aasi ate, inga wahelesi djowe wadikaa, ikooka loi e owe. Ahi mobeko ate, wakee la inde la enguta e Eloda.
\c 24
\cl Esuki esungu 24
\p
\v 1 La mbuse e masio matano anania, nganga mosungu, ayadimbi la Kaisalia la weeti wato la wiloko wa moki, la moto mwesi teletulu, inde moto owongi luundo. Iwo wango waumisi loi o Paulo liwoso la meemene moki.
\v 2 Wamoweli Paulo, mpe teletulu abandi omohelesi ate, e Feliki moto oyakwi ngbii, todjéi la mwemu la odai ngbi la tina e owe; misala ndamu.
\v 4 Kaasi ibaliti wohelesi engele ndai te, ndjongo yaatati la owe ate, la boboto e owe otooke la ma wa sambo keke.
\v 5 Late todjui molome e ogeno, ongo okowatombokese wato la moki mo wa Yuda kpàa wango wayabati la meki kpàa; inde moto o liwoso la lingomba la wanasaleta.
\v 6 Ameki mpe obitesi tepelo ndi emoheli iso, mpe todjaaki la posa osambesi inde la mibeko masu.
\v 7 Ase Lusia eloko e wasoda adii omolongosi la mawoo masu la otetelake.
\v 8 Ase ahii modeko atie wafundi wande odii yaowe. owe amene okoka omohueli tina e sambo didindjo kpàa la tina e weewi sambo ekofundaaka iso tomo funda inde.
\v 9 Wa Yuda mpe wagemei, mpe waasi ate sambo djaao djéi ndi ndjongo.
\p
\v 10 Meemene moki ahii ewoo la Paulo ate aase, ase awongwe ate yeewi ate owe odjéi mosambisi eu olye mibu ngbii, ndjongo yeeneli owengwesi luundo la tina dja sambo e mbai.
\v 11 Okoki weewi meemene ate obandi lisio liteli mbai la Yelusaleme oyatati, masio lyomi la waali mietiti te.
\v 12 Wagboti mbai la kokya la moto mwesi inga omemelesi ngbii ndondo e tepelo te, inga ndondo e wiyanganelo te, inga la moki te.
\v 13 Wakoki olendesi la owe loi weesi la sambo idjéi iwo adjao sikandjo otihelese mbai te.
\v 14 Ase ikoyambola la owe ndjo ate ikomokelela Engali o wa tata wasu la motindo la mboka enge ekowelaka opengwi. Igemei sambo kpàa masili odingami ndondo e mibeko mpe la wasakoli.
\v 15 Idjéi la elikya e Mwengéi, la ungo wango wato wagemei eho, ate obasi ekodjaa la wato wa osembo mpe la wango wadjangi osembo.
\v 16 Mbai ikobata motema mo mbai la loi ungo ate engele kpàa idje la weewi osembo la tina e Mwengéi mpe la tina e wato.
\v 17 La mbuse e mibu ngbii iwongwaali ndondo e olye o mbai okawi makabo e magba mpe ohii mbeka.
\v 18 Watoti mbai mopetwi ndondo e tepelo la didi sambo ndjo, la obeki owato te, mpe la kilikili te ase wa Yuda djeti wango walongoi la Aziya wadjaki.
\v 19 Ewongoki la iwo odjéi ala liwoso lowe mpe ohelesi mbai, inga wadjéi la loi weesi dja mbai.
\v 20 Inga te ndjongo te, dee waawandjo wakpome la iwo inga waeni mbai la nda ekweli ango eyamali mbai liwoso laoyakokei.
\v 21 Inga djéi la tina e loi uho mwesi linge liwaweli mbai te ate, mbai isambesamaka la ino keke la kole e libasi la logo.
\p
\v 22 Ase Feliki, ongo woewaali kole olamu la sambo dja mboka eeho, awandi, ase aasi ndjo, ango ekouma Lusia eloko e wasoda, la mokondji ate amobanye Paulo, ase te la wiheleli te, aleeti awatekese wato wande watidje osungi te.
\v 23 Ahi mobeko la mokondji ate amobanye Paulo, ase te la wiheleli te, aleeti awatekese wato wande watidje osungi te.
\p
\v 24 La mbuse masio meeti Feliki adji la moli oonde Dulusila, inde mo Yuda, mpe amotomi moto okamoweli Paulo; amoki inde la tina e ogemei Kilisito Yesu.
\v 25 Ase ango einei inde sambo dja oyengebene, la oyatekesi, la esambiselo ungo ogeeli, inde Fekliki aoki boo, mpe awongwesi luundo ate kekeyo laowe, ase ekotota mbai ebete, ikomotoma moto aowele.
\v 26 Adjaaki mpe la elikia ate Paulo alkomoha waambele, ase ndjongo mbala la mbala omotomi moto okamoweli agbome la inde.
\p
\v 27 Ase la mbuse e mbula iwale poloki Fesete ayadjimbi la ebete e Feliki ase Feliki adjaa la posa e weemelisi wa Yuda, ndjongo amotiki Paulo la boloko.
\c 25
\cl Esuki Esungu 25
\p
\v 1 Masiop masato mbuse eolingeli Nafesetulu a okumu onde alongoiya akaisalia aleti atelia la Yelusaleme.
\v 2 Wa ma Kumu wango wasungu, la iloko wa Yuda, wapumbisia loi o Paulo liwoso lande, aleti wayatatia la inde.
\v 3 Oyatati ate atina eboboto, awatomia wato omoweli Paulo la Yelusaleme; late wawengeli mwango ate wamoole la mboka.
\v 4 Landjongo Fesete awongosia lundu oasiate Paulo andjéi la boloko ekaisalia, late inde amene obali oki ango aloga,
\v 5 Aleti asia ate landjongo wato wa oyakwi ango yaino waya ndjimbe ango, aleti inga loi la lofundo ondjia atie moto oho wa mohelese.
\p
\v 6 Ango omwia inde laiwo masio waeti mwambi inga liomute aya ndjimbia la Kaisalia, la mbuse emasio ayabatua ndondo e wasambisi.
\v 7 Wa yuda wango wayandjimbika la Yelusaleme waya malia ango omolengi inde, aleti wapumbesia sambo ngbii sungu la tina ende, ase watie wali owongelite.
\p
\v 8 Paulo awongosia lundu ate, ikeliti obete amibekoma wa Yuda te, inga la tina etepelo inga latina e Kaisala te.
\p
\v 9 Efesete ase ondjiaki la posa oemelisi wayida, ndjongo owongosia londu atie Paulo ate ogemei oteli la Yelusaleme latina eosambisami liwoso la mabai atina endjii sambo ndjo?
\p
\v 10 Paulo ase asioa ate, ikoyamalaka liwoso langbelengo emosombi mo Kaisala, engi la mbai osambisami ndjiala. Ikeliti obe atie wa Yuda te, nda ekoewesaka owe olamu.
\v 11 La ndjongo inga indjéi moto mobo, inga ikela loi lungo lokoki la logo, itoniti logo te. Aseko inga sambo ndjinge ikohelesaka iwo mbai idjanga kole moto te moikima akokiti okawi mbai amawua wawu. Ibali oki a Kaisala.
\p
\v 12 Ndjongo Fesete agbomani lawato wande, aleti awongosia lundu ate, engo oke a Kaisala, okoke wowe ongo a Kaisala. Likumu akalipa aumia la Kaisala.
\p
\v 13 Ambuse emasio lukumu akalipa mongindi la Belenike waumia la Kaisalia omohi mobale.
\v 14 Edjaki iwo oetesi masio ngbii ango, Fesete amosumbelia Likumu mboli e Paulo ate molome mwesi, adjéi ongo omotiki Feliki a boloko.
\v 15 Ango edjaki mbai la Yelusaleme, mokumu masungu la iloko wato wango wawa Yuda waumesia sambo atina eende, aleti waongia la mbai ate imokwese.
\v 16 Iwa wongo selia ate edjéi ndenge ewa Roma omohekeli moto la mahuo ma weti wodji inga mohekeli aotambaka eodendi wahelesi wande laototi ebete e owongosi lundu la tina eloi londe.
\v 18 Ahango eyamalia wango wa mohelesi, wapumbesiti loi te lueti lasambo mbe imingolaki mbai atina eende.
\v 19 Aseko wamobatelia loi lokokia la tina eoyatati ouatie Yesu ongo oguate, aseko Paulo aasia ate adjéi la bomoi.
\v 20 Mbai iyatungesaali la oluki tina edjii sambo ndjo, aleti imohuelali inga ako gemia oki la Yelusaleme osambesami tina eone sambo.
\v 21 Kaseko Paulo aongia ate wamobanyie aeteli e Likumu linge lisungu, ndjongo ihekeli mobeko omobanyie te eo motoma mbai atie kaisala.
\v 22 Akalipa aasia la Fesete ate, ibamli ate imooke motoho mbai amene aasia ate, lekundu ako mooka.
\p
\v 23 La ndjongo mbuse emasio a Kalipa la belenike wadjia la kembo ngbii la olingeli la sambiseli, ebete kikima la iloko la wasoda, la iloko pele wamoki. Fesete ahekelia monoko aseko Paulo wamohelesia.
\v 24 Fesete aasia, ate, Likumu a Kalipa, la pele kpàa wango wadjéi laiso aha omwenini oholo moto ahala iwokpaa wa Yuda wadjamohelesia atie mbai ongo la Yelualeme, la ahala koto, ohumbi ate ekokiti lainde ate adje abomoi.
\v 25 Mbai yeni ate akeliti loi lungo lokoki inde lalogo. Inde amene nde mobali okii la likumu linge lisungu, ndjongo iteni ate iko motoma.
\v 26 Iti la loi lomondinge lake Likumu atina eende. Eholenge emopumbesi mbai amaiso manu kpàa, kasi owo yo poo, Likumu akalipa, aseko la mbuse iko mohuela idje la loi lo dingake.
\v 27 Laate iyewi ate omotomi mohelami odjangi oasi obe onde edjéi loi la ekete.
\c 26
\cl Esuki esungu 26
\p
\v 1 Agilipa aasia la Polo ate iwoyekelia mboka owaseli alikambo lowe amene. ndjongo Polo a sembolaki ewoo lande ase abandalioasi alikambo la osambi ate.
\v 2 Alikambo la sambo kpa enge ba Yada wakambia mbai la enge likumu Agilipa adjei oyatngi moto, o esengo ndandenge edjei liwoso o lowi isengeli osambi la masiyo ma keké.
\v 3 Amene a likambo eowewi olamu omeseni kpaa ase watembe kpaa ndondo e wa yuda ango djongo oibondeli owe ate mbai la mitema molamu amene.
\p
\v 4 Obandia omoyi hene mbai ndenga eewani la wa Yuda kpaa a likambo eetake la Yelusaleme ndondo e moki.
\v 5 Wa yewaki gala inga wabali oasi ate idjaki mo falisayi ndondo enge e mangomba masu.
\p
\v 6 Sika ndjo iko sambisamaka a likambo ikokesi elanga e Mwengei.
\v 7 Wisuki wamoki wasu liomu la waale, wango wakomokelelaka Mwengei likolo la moyi a likambo lahoo, ehoo wambayi la wayuda?
\v 8 Denda alikambo ehoo onia ate edjei minga esekwisi waguake?
\p
\v 9 Alikambo la mbai iheni nda ikoki monga la kombo e Yesu Nazalete.
\v 10 Ehoo ase ikokelaka a Yeluzeleme. imobati la boliko wasantu wasungu, wango watotaki otomo e makumu e mongoba, ango woko watesaka a logo, ikokawaka minyoko wa mbai la weeti.
\v 11 idjaaki o wanyokoli la sinagoga, iwa etsi la minyoko la kanda enge oeti, oolei wato saa emoki.
\p
\v 12 Alikambo ehoo ase umaki a Damaseki, la otomo e makumu e mangoba.
\v 13 Ndondo e masiyo, hoo likumu ieni amboka ogboti mbai la wato todjali laiwo use oandjimbia lisowo lasu, oeti moyi.
\v 14 Tokwali iso kpaa la mbume, oikali mongongo esi ekohasaka la mbai a lokota la wa Hebre: Polo ndendenge okonyokoloko mbai? ekodjaa minga alikambo la olongosi pasi la maiso.
\p
\v 15 Iwongosi: odjei inday, likumu? ase likumu oasia: idjei yesu ongo okomonyokoloko.
\v 16 Amala, ikoohelaka a matambe: ase ango iwoingneiya odjee temoe la enge sambo elongwi oeheti.
\v 17 Iyohonia liwoso la wato la wapangano, ongo ayotomi.
\v 18 Alikambo owaduhuele maiso, alikambo walongwe la likolo waume la hohoo liwoso la okulu e Satana liwoso la Mwengei, alikambo watote, ondimi wo mbai, olimbisi wo masumiu.
\p
\v 19 Loi lungo lihumiga, likumu Agilipa, itikoke okeli tembe la huse wo likolo:
\v 20 enge e damasi, ase la enge e Yelusalema, wa yuda kia atiye wapagano, iteyaki owongoli mitema la wolimbisi atiye moyengeli, la okeli misala wa olamu, ase olimbesi.
\p
\v 21 edjee a loi lungo inangani la wa Yuda la Tepelo, ndandenge wakolukaka ondjoli.
\v 22 Kaikonde, ndandenge idjui lisaleli e longwi atie Mwengei idjei okobi te la liwoso la keké oekeli litatoli atie wato wa keke la wato wasungu, kasi itiyasaka loi teeti ndi enge waaseli wa Mase waasaki ate esengeli okelani,
\v 23 Ate kilisito asengeli onyokoli, ase nda moto olowoso osekwi longwa la wagwi, asengelaki osakoli pole la wato wa wikolo weeti.
\p
\v 24 Kaiko nde ango adjaaki oasi djinge sambo lande, Fetitusi aasaki lamoli mosungu: ohumia libgoma, Polo oyekolia mingi aohiya ligboma!
\v 25 Kasi Polo aasaki ate: idjuiti libgoma, Fesitusi moto olokumu, idjei olongosi sambo djaa osembo la makanesi ndamu,
\v 26 Likumu ongo idjei aasi liwoso lande, la eyaseli wonde wo pete ayewi sambo djaho kpaa, alikambo mbai indimi amemene ate likambo teeti etidj inde oyewi, alikambo loi lungu lokelanaki la pete e hoho.
\v 27 Likumu Agilipa akowandimaka wasakoli? iyewi ate okowandimaka.
\v 28 Ase Agilipa aasaki la Polo ate: mbuse e ngonga keke okondimesa mbai eume e kilisito.
\p
\v 29 Aseko Polo aaseki ate edjei la mangongo keke la mbuse e ngonga e loi, ikosepelaka amene liwoso la Mwengei ate etidjee saa owe amene alikambo e wato waume ndenge mbai idjei, la enge saa minge minyololo.
\v 30 Ase likumu aamalak, ndi ndandenge hamalaki likumu e Belenisi ase wato wango waabataki ebete esi laiwo.
\v 31 Kasi ango wadjaaki oumi wadjki ohasi iwo la iwo: ate moto holo akeliti loi te wongo wokokiti la logo la boloko.
\p
\v 32 Alidi, Agilipa aasia la Fesitisi ate wakokia o modeiyi moto ongo ati ongoko oki osambi atie Kaisala.
\c 27
\cl Esuki Esungu 27
\p
\v 1 Ango emungwakali iwo ate tokee la molela, alikambo la okii la Itali, wamobatia Polo la wato wa woyogo wadi la wawo ma kapiteni o Wasoda, nkombo ende Yulio, Kapiteni e batayo e Roma enge weli iwo Batayo e Kaisala.
\v 2 Tolingelali la molela mo Adramotiona, mungo molukakali okii atie wibete winge wikoamalaka milela la moki mo Azia, ase tokia Aristaruko, moto o Makedonia la moki mo Tesaloniki, akia la iso mongindi.
\v 3 Ekundu eho toumia la Sidona té mpamba té Ylio adjakali la motema mo wouma atie Polo. Inde amohali Polo mboka e okawa denge wino wande la okatoti ema enge edjakali inde la poa eho.
\v 4 Mbuse elongoi ongo, tolekia kelekele e esanga e Kupulio, alikambo ate ehoho edjakali otokeli wobe.
\v 5 Tokpandesania siwili e malia ma mokpa ahue la Kilikia la Palmifilia, toumia la Mila, moki mo Lukia.
\v 6 Ongo kapitene agbotia molela la Alekzadiria, mungo modjakali okii la Itali, ase inde atolingesia iso ndondo eho.
\v 7 Ndondo e masio masungu tosombakali petèe, la monga ngbii tolekia liwso la moki mo Kinide, nda etotekesali ehoho ate totikee lihiele la mboka eho, tolekia atie Salemono alikamùbo ate toume kelekele e esanga Kulete.
\v 8 La monga mosungu, toumia osombi kelekele e esanga ase toumia ebete esi eweli iwo ate Mabongo Kitoko ahuela moki mo Lasea.
\p
\v 9 Tolekesali engele esungu la otutéi okii ndondo e ebale eumali wobe alikambo ate wuse wo okili olaki woleki ga.
\v 10 La ndjongo Polo awaselali ndjo: Wa wawa, yeni ate wokendo wuhuwu wokodjaa wobe ngbii, la molela la wiho winge widjéi ndondo wikobitana. Te iso mene tokouma ahue e owungesi wenge wasu.
\v 11 Ksi, Likumu la wa Soda wa Roma adjakali ondimi ngbii sambo dja Likumu la mobela oleki sambo dja Polo.
\v 12 Likitikolo laho litidjali wolamu té alikambo la wabati ongo engele e mpio. La ndjongo, wato ngbii wango wadjakali ndondo e molela waonoli olongoi ango walukali oumi la Foinike, inga engi laho lidjali likitikolo lisi la ndondo e Sudi la Nordi, toengali wabati ongo enge endebo dja mpio.
\v 13 Nda epotali ohohi, wamungwakali ate wokendo wou wokodja wolamu waumesali ebende ndondo e malia ase wasombia ahue mene kelekele e Kirete.
\v 14 Kasi mbuse ehoho esungu enge eweli iwo ate Eulakele eadjimbia olongoi likolo la mokoli mo esanga.
\v 15 Ebingia molela, ase totikokali okii liwoso té alikambo la ehoho eho todeya oluki ase ehoho epotia otowongosi iso mbuse.
\v 16 Tolekali la Sudi la esanga ekeke enge eweli iwo ate Kanda, enge etobani ali iso ma wokeke alikambo la ehoho ndi ndjongo la monga mosungu tonangia molela mungo mokeke la omoguli likolo.
\v 17 Wa motelesia la mungo mosungu Mbuse eho ase wanangakolia la ndiki la molela mungo mosungu alikambo la omobanei nda ewangakali iwo ate molela mosungu mokowalumba likolo la mokoli mungo moweli iwo ate Kenze, kelekele e Liba, walongoseli wisidje likolo la molela, ase wadeya ehoho ewasombese.
\v 18 Ehoho etiwadeli owaninganesi té ewahohelali makasi la ndjongo wapotali oumesi likondja lingo lidjakali ndondo e molela olumbakoli la malia.
\v 19 Ase mbuse wuse woho walumbali wiho la molela la mawo mau mene ndondo e malia.
\v 20 La maiso masungu toti engali weni té moi té, te minoto té la ehoho esungu etideli ohohi ndjongo lomungo wosu wo okali wosilali.
\p
\v 21 La engele esungu ndondo e molela wato watikali ema teeti té, ndi ndjongo Polo amalia ongo liwoso lau ase aasia la iwo ate Wawa ewongoki ate ondjokeni mbai inga totilongwake la Kulete té inga okelakalini ndjongo nda totieneli wungo wodidi té ase nda totiwungesali likondja la su ndjongo.
\v 22 Kasi iwongini ino odjéi la motema mo egalala, alikambo ate okali wo moto tweti wototila té molela mwesi mo malia nde mokobitana.
\v 23 Kéké a lokolo, Mwengéi ongo odjéi mbai likondja la nde la ongo okomokelelaka mbai amotomali ahumbwa onde ahue la mbai.
\v 24 Ase ahumbwa asali la mbai ate Polo, otiwange té ewongi oume liwoso la likumu Kaisala alikambo la wouma wo Mwengéi atie owe inde aohekeliga owe mokalo mo wato kpàa wango wadjéi la owe mongindi la ndondo e molela.
\v 25 La ndjongo wawawa djaani la motema mo egalala alikambo ate imondimeli Mwengéi, sambo kpàa ikokelana nda endjaselali inde mbai.
\v 26 Kasi malia makolumbani ino kelekele e esanga esi.
\p
\v 27 Edjakali likolo la liomu la inéi tee ndinda epotali ehoho esungu otombsi iso makasi likolo la malia Meditelane la midi ma likolo, wato wa molela wamungwakali ate toumi ga la moki mwesi ndjongo.
\v 28 Wanangia ebende elitake ongo gboo la moliki moesi ase walumbia la malia Waengeya ase waenia ate malia malindi metele tuku isato la sambo wakia ma lihiele walumbia alidi moliki moko ase waenia ate malia malindi ango metele tuku iwale la mwambi.
\v 29 Alikambo ate wadjakali owangi ate, ehoho etikee owalumbi la ebete emabanga, walumbia wibende winéi mbuse e molela la opoti wa malesi moho wadjakali olambeli wuse otani la motema likolo.
\v 30 Wato wa otomu la molela wadjakali oluki ate watile, wadjimbia molela mokeke ndondo e malia la okosi ate wapotia olumbi ebende edi liwoso la molela.
\v 31 Kasi Polo asia la Kapiteni o waloma la wasoda: Inga wahawa wato watiabate ndondo e molela té watokala té.
\v 32 Ndi ndjongo wasoda watenia moliki mungo moheli molela mokeke la wadeya mokée.
\p
\v 33 La engele ekek liwoso ate wuse wotane, Polo awaselia ate walake wilaka asiate Dnda kéké edjéi masio liomu la manéi okolambelakani la olaki tiakani ema téeti té.
\v 34 Ndjongo sikahala iwo ngini olakeni wilaka alikambo ate odjéini la wongoni woho alikambo la mokalo monu Moto onu tweti atotilesa sue dja moto monde.
\v 35 Mbuse ewasi djihinge sambo Polo atotia wokoke a mwongia Mwengéi liwoso la wukpàa abukia wokoke ase alakia.
\v 36 Ase wato kpàa wadjeya la motema mo egalala ase walakia.
\v 37 Likolo la molela iso kpàa todjaali wato kama iwale la tuku sambo la motoba.
\v 38 Ango odeli iwo olaki walumbia ndongo la malia alikambo la okokoli woliti wo molela.
\p
\v 39 Ango etanali wuse wato wa otomu la molela watie wali moki moho té kasi waeneli ebete e kendje ase wangoya wamalesi molela ahue la eho inga ewongi.
\v 40 Watokolali moliki la ewonda ase wa deya eho ndondo e malia watokolali moliki alidi la lienda, mbuse eho wabatia esindjè ongo liwoso la molela alikambo ate ehoho ewatindik, ase wapotia okii la kendje.
\v 41 Kasi waumia la mokoli mo kendje ebete egbotononi mboka iwale dja malia molela monanganali ndondo e kendje, ase etikokali opumbi té kasi esuki enge mbuse ebukiali alikambo ate malia maebingali makaasi.
\p
\v 42 Wasodo wapotali ate wa waole wato wa wayogo wesi kpàa, owangi ate wango wadi wako alumba la malia watilé.
\v 43 Kasi Kapiteni o waloma ongo opotali omokalesi Polo, awatekesali okeli loi sa la mamunguene mau mene inde ahumbali pui ate wato wango waewi osabeli malia wahumbwe wakwe la malia wasawe kondolo.
\v 44 Wango wadi wakowatutia mbuse la woaheleli la mite wango wadi woaheleli la wiuki wisuki wa molela ndindjongo iwo kpàa wakaumali kondolo, iwo kpàa wakalali.
\c 28
\cl Esuki esungu 28
\p
\v 1 Mbuse e okali wosu, tookoli ate kombo e esii eho edaali malita.
\v 2 Wato wa moki muho watoyambaali la mwzmu ngbii, ango ndi ewongo ekolo oko mpe ango mpio ekokelaaka aboolo, walolyali misa misungu, watobataali iso kpaa ongo la lionge.
\v 3 Paulo andukaali kula ate alumbe la misa. ndjoo mwesi apundaali la dinge kula otili misa mpe ayahelelali la ewo e Paulo.
\v 4 Ango eeni wato wadjaaki ango la esii ndjoo eyahelelila ewo e Paulo, waasi iwolaiwo: oholo moto meemene adjaali mooli mowato, a loi ate te inde akalaali la malya, Engali atenikaa loi wonde.
\v 5 Kaasi Paulo andingesi ewo ende mpe ndjoo ekpii la misa, ndjongo Paulo aokiti te weembi.
\v 6 Weeti wadjaali omolambeli inga wakweene ewo emokunde te ogbii mbala kikima kaasi mbuse e olambeli mwengele ndai, odjangai weeni loi te kikima emoumeliti, wa kukoli mamungo, la waasi ate Paulo adjaali Engali mwesi.
\p
\v 7 Mbume emmemene esii edjaali keekele e ebete eho. likumu laho kombo eende edjaali publio.
\v 8 Sango publio aembaali ekoni e misa la osolo mpe la mindimi ma menge. Paulo akii okamodengi, ayatataali, abatali nauli likolo lande, mpe amokalesi.
\v 9 Mbuse e wuu loi, wato wango wadjaali la ikoni kpaa la enge esii wadjaali, mpe wadjaali mokalo.
\v 10 Watotosaali ngbii, mpe ango elingeli iso la masuwa, watohi ilaka kpaa dinge yeengi la mobembo mosu.
\p
\v 11 lagboo e sandja isatu, tolongwaali ongo osombi la monguta ma legizadre, wawelaki masuwa eho ate banzambe mopasa ehele masuwa edjaali olambeli ongo la loi o wasandja dja piyo.
\v 12 Tuumaali la moki mosanga la surakusa, ongo tolangli masio mosatu.
\v 13 Tolongaali ongo mpe tobilaali keekele e malya masunga mpo la oumi la Rezio. la ate leekundu, ehoho la sudi ebandaali ohohi mpe mbuse emasio waale, toumaali la puteoli.
\v 14 Towagbotaale wamaangbasu la moki msunga muho, watoongoli ate toyabate la iwo ango poso eesi ndjongo toumaali la Loma.
\p
\v 15 ango eokaali wato wa Loma mboli eesu wadjaali tee la liho la Apio ebete elangalake edjaali ndi milako isato, la ate wa ndongbane la iso. ango Paulo nda ewaeni inde, amogumei Engali mpe atoti loho eegalelya.
\v 16 Ango eumi iso la Loma wa mohi Paulo mboka la olangali keekele, la soda ongo odjaali alambiani la inde.
\p
\v 17 Mbuse e masio ma satu Paulo a waweli wiloko la wawuda wayabate la Loma ebete edjaaki inde. Ango ewabolianesi inde aasia la iwo: wa manima, denda ndenge etikele mbai obe teliikima te ono la moki mosu to la tina eokali ewa tata wasu, wa heelali mbai la Yelusalema mpe wahi mbai aatie wa Loma.
\v 18 Wa Loma wahuele mbai mpe wapaaki ondjumisi mbai a loyi ate watigbotooli mbai la loyi teti, linge la logo.
\v 19 Kaasi wayuda watonali la loyi ate yoongolaali oumi liwoso la likmu Kaisala, kaasi tina eeho edjei la odjangi obitesi otomu o mbai.
\v 20 Denga, ndi aluho, yoongoli weeni ino mpe osololi la ino o wato wamu monyololo la loyi o wato wa Isalayele wadjei la ekikya ende.
\p
\v 21 Waasi la inde: tidjuakiiyo madingo teeti ungo o longoyi la Yudaya la tina e owe moto teeti ndondo e wamagbasu ongo olongoyika ongo la otwaseli loyi obe la kombo e owe.
\v 22 Kaasi tobali ndi wooki owe otwaseli ungo okomungolaaka owe, a loyi ate tweti ibete kpaa wato wako, tonaaka lisanga ling lidjei owe ndondo eeho.
\p
\v 23 Iloko waho ebete eikima la Paulo waonoli liwusawusa liesi la liwusawusa uho waum: ali wato ngbii wamogbotoli Paulo ango edjaakiinde olangali. obandi boo tee la mpkwa Paulo adjaaki owa inei osololi la iwo la loyi eokumu o Engali, la olukani mbaka egulake loho ewu la ogemei Yesu, owa inei mobako mo Mose mpe la mandingo ma walawi.
\v 24 Weeti wagemyani luundo ungo adjaaki inde waasi, kaasi weeti watonali ogemei.
\v 25 Nda etidjaali ya iwo, Paulo aasali la iwo ndjo: molimo mosatu aasali olamu ango edjaali waasi la watata wasu la lewi Isaya!
\q
\v 26 Inde aasali ndjo: keke aatie motomi mpe asa la inde: okookani olamu kaasi otwewani kole.
\v 27 Laate molimo la muu motoma eumigaa la olindi: wadikiika wiokeli wau, wadikikaa maiso mau la loyi ete maiso mau matiene, mau, mpe wiokeli mau etyoke, ate milimo mau matiewe, late iwakalese, Engali aasi.
\p
\v 28 Paulo aasali a leeti: ewani eheele, luundo la okalesami la Mwengei etomani aatie wango wati Wayuda iwo wakooka.
\v 29 Ango easi Paulo ndjongo, Wayuda wakeeli la kojya iwo la iwo.
\p
\v 30 Paulo auni mauna mbula iwale ndondo e molako moputaali inde, mpe adjali owayambi wato kpaa wango wadjakali oki omodendi ongo.
\v 31 Inde adjaali oinei moli e likumu Yesu kilisito tela owangi, moto tweti aimo teka e mosali.